tl_udb/61-1PE.usfm

\id 1PE
\ide UTF-8
\h 1 Pedro
\toc1 1 Pedro
\toc2 1 Pedro
\toc3 1pe
\mt 1 Pedro

\s5
\c 1
\p
\v 1 Ako, si Pedro, na ginawang apostol ni Jesu-Cristo, ang sumusulat sa liham na ito para sa inyo na nanampalataya sa kaniya, kayo na mga pinili ng Diyos na mapabilang sa kaniya. Sumusulat ako sa inyo na naninirahan sa lalawigan ng Ponto, Galacia, Capadocia, Asia, at Bitinia, na malayo sa tunay ninyong tahanan sa langit.
\p
\v 2 Pinili kayo ng Diyos na ating Ama gaya ng napagpasyahan niya sa kaniyang sarili bago pa man, at ibinukod kayo ng kaniyang Espiritu para masunod ninyo si Jesu-Cristo, at sa gayon ang kaniyang dugo ay gawin kayong katanggap-tanggap sa Diyos. Nawa ay maging lubos ang kabutihan ng Diyos sa inyo at bigyan kayo ng labis na kapayapaan.

\s5
\p
\v 3 Purihin ang Diyos, na siyang Ama ng ating Panginoong Jesu-Cristo! Ito ay dahil naging mabuti siya sa atin na binuhay niya tayong muli. Dahil siya ang muling bumuhay kay Jesu-Cristo pagkatapos niyang mamatay, alam natin na gagawin niya para sa atin ang kaniyang ipinangako.
\p
\v 4 Binigyan niya tayo ng kakayahan na umasang tatanggapin ang mga bagay na iningatan niya para sa atin sa langit, mga bagay na mananatili magpakailanpaman.
\p
\v 5 Ang Diyos, sa pamamagitan ng kaniyang walang kapantay na kapangyarihan, ay binabantayan kayo habang nagtitiwala kayo kay Jesus. Binabantayan niya kayo nang sa gayon, sa huling panahon kung saan tayo ngayon ay nabubuhay, ganap niya kayong iligtas mula sa kapangyarihan ni Satanas.

\s5
\p
\v 6 Nagagalak kayo dahil sa mangyayari sa panahong darating, pero sa ngayon ay nagdadalamhati kayo sa maikling panahon habang nagdurusa kayo sa maraming ibat-ibang paghihirap. Pinahihintulutan ng Diyos na subukin kayo, gaya ng mga mahahalagang metal na sinusubok para makita kung puro ang mga ito. Ang mga pagsubok na inyong nararanasan ay kinakailangan.
\q1
\v 7 Nangyayari ang mga paghihirap na ito para mapatunayan na talagang nagtitiwala kayo kay Jesus. Mas makabuluhan ito sa Diyos kaysa sa lahat ng ginto sa mundo na kayang tupukin ng apoy. Dahil nagtitiwala kayo kay Jesus, lubos kayong pararangalan ng Diyos kapag muling bumalik si Jesu-Cristo.

\s5
\p
\v 8 Mahal ninyo si Jesus, bagaman hindi ninyo siya nakita. Bagaman hindi ninyo siya nakikita ngayon, lubos kayong nagagalak;
\p
\v 9 dahil nagtitiwala kayo sa kaniya, inililigtas kayo ng Diyos mula sa inyong mga kasalanan.
\p
\v 10 Nagsalita ang mga propeta noon ng mga mensaheng ipinakita ng Diyos sa kanila tungkol sa kung paano niya kayo ililigtas sa darating na panahon. Maingat nilang siniyasat ang mga bagay na ito.

\s5
\p
\v 11 Gusto nilang malaman kung ano ang tinutukoy ng Espiritu ni Cristo na nasa kanila. Gusto rin nilang malaman kung kailan ang sinasabi niya. Ito ay dahil sa sinasabi ng Espiritu sa kanila noong una pa lang na ang Cristo ay magdurusa at mamamatay, at maluwalhating mga bagay ang mangyayari sa kaniya pagkatapos.
\q1
\v 12 Sinabi ng Diyos sa kanila na hindi ito para sa sariling nilang kapakanan na inihahayag ang mga bagay na ito sa kanila, kundi para sa kapakanan ninyo. Ipinahayag nila ang mga bagay na iyon sa inyo dahil ang Banal na Espiritu na isinugo ng Diyos mula sa langit ay nagbigay ng kakayahan sa kanila na gawin iyon. At maging ang mga anghel ay gusto malaman pa ang mga katotohanang ito tungkol sa kung paano tayo inililigtas ng Diyos.

\s5
\q1
\v 13 Kaya nga, ihanda ninyo ang inyong mga kaisipan para sundin ang Diyos. Ang ibig kong sabihin ay dapat ninyong disiplinahin ang inyong mga isipan. Magtiwala kayo na tatanggapin ninyo ang mga mabubuting bagay na gagawin ng Diyos para sa inyo kapag bumalik na si Jesu-Cristo mula sa langit.
\p
\v 14 At dahil dapat kayong sumunod sa inyong Ama na nasa langit, gaya ng mga anak na dapat sumunod sa kanilang mga ama dito sa lupa, huwag kayong gumawa ng masasamang gawain na ninais ninyong gawin dati noong hindi pa ninyo nalalaman ang katotohanan tungkol sa Diyos.

\s5
\p
\v 15 Sa halip, katulad ng ang Diyos, ang pumili sa inyo na mapabilang sa kaniya, ay banal, dapat din kayong maging banal sa lahat ng bagay na inyong ginagawa.
\p
\v 16 Magpakabanal kayo, dahil nasusulat sa Kasulatan na sinabi ng Diyos, "Dapat kayong maging banal dahil ako ay banal."
\p
\v 17 Ang Diyos ang siyang hahatol sa ginagawa ng bawat isa, at ginagawa niya ito nang walang kinikilingan. Yamang tinatawag ninyo siyang 'Ama,' mamuhay kayo sa tamang paraan habang naninirahan kayo dito sa mundo. Katulad kayo ng mga taong pinaalis sa kanilang mga tahanan, dahil naninirahan kayo ng malayo sa langit, ang tunay ninyong tahanan.

\s5
\p
\v 18 Mamuhay kayo ng may takot dahil nalalaman ninyong hindi sa mga bagay na tulad ng ginto at pilak—mga bagay na hindi mananatili magpakailanman—na tinubos kayo ng Diyos, para tumigil na kayo sa inyong kamangmangan gaya ng natutunan ninyo mula sa inyong mga ninuno.
\p
\v 19 Sa halip, tinubos kayo ng Diyos sa pamamagitan ng natatanging dugo ni Cristo na umagos mula sa kaniyang katawan nang siya ay mamatay. Si Cristo ay tulad ng mga tupa na inalay ng mga paring Judio: ganap, walang kapintasan o karumihan.

\s5
\p
\v 20 Pinili siya ng Diyos na gawin ito bago niya likhain ang mundo. Pero ngayon lang, kung kailan malapit nang magtapos ang mundo, ipinahayag siya ng Diyos sa inyo.
\p
\v 21 Dahil sa ginawa ni Cristo, nagtitiwala kayo sa Diyos na siyang naging dahilan para muling siyang mabuhay pagkatapos niyang mamatay, at siyang labis na nagparangal sa kaniya. Bunga nito, ang Diyos ang inyong pinagkakatiwalaan at inaasahan na gagawa ng mga dakilang bagay para sa inyo.

\s5
\p
\v 22 Dahil sinunod ninyo ang katotohanan tungkol sa Diyos at pinahintulutan ninyo siyang gawin kayong dalisay at para mahalin ang ating kapwa mananampalataya, patuloy ninyong mahalin ang isa't isa ng maalab at taos-puso.
\q
\v 23 Hinihiling ko na gawin ninyo ito, dahil namumuhay kayo ngayon sa panibagong buhay. Hindi ninyo tinanggap ang bagong buhay na ito sa pamamagitan ng isang bagay na nawawala. Sa halip, ito ay sa pamamagitan ng isang bagay na mananatili magpakailanman; iyon ay sa pamamagitan ng pananampalataya sa sinabi ng Diyos.

\s5
\p
\v 24 Nalalaman natin na totoo ito dahil gaya ng naisulat ni propeta Isaias, "Mamamatay ang lahat ng tao tulad ng damong namamatay. At lahat ng katanyagan na mayroon ang mga tao ay hindi mananatili magpakailanman, tulad ng bulaklak sa damo na hindi nagtatagal. Natutuyot ang damo at namamatay ang mga bulaklak,
\q
\v 25 pero ang mensahe ng Diyos ay nananatili magpakailanman." Ang mensaheng ito na nananatili ay ang mensahe tungkol kay Cristo na aming ipinahayag sa inyo.

\s5
\c 2
\p
\v 1 Kaya nga, huwag kayong kumilos ng may masamang hangarin sa anumang paraan o manlinlang ng iba. Huwag kayong maging mapagkunwari, at huwag kayong mainggit sa iba. Huwag kayong magsasalita kailanman nang hindi totoo tungkol kaninuman.
\p
\v 2 Gaya ng paghahangad ng mga bagong silang na sanggol sa purong gatas ng kanilang mga ina, dapat naisin ninyong matutunan ang mga makatotohanang bagay mula sa Diyos, para sa pamamagitan ng pagkatuto rito ay maging tulad kayo ng mga matatanda sa pagtitiwala sa kaniya. Dapat gawin ninyo ito hanggang sa panahon na ganap kayong palayain ng Diyos mula sa lahat ng kasamaan sa mundong ito.
\q
\v 3 Gayundin, dapat ninyong gawin ito dahil naranasan ninyo na ang Panginoon ay naging napakabuti sa inyo.

\s5
\p
\v 4 Lumapit kayo sa Panginoong Jesus. Katulad siya ng pinakamahalagang bato sa pundasyon ng isang gusali, pero siya ay nabubuhay, hindi tulad ng isang bato na walang buhay. Maraming tao ang nagtakwil sa kaniya, pero pinili siya ng Diyos at itinuring siyang pinakamahalaga.
\p
\v 5 At tulad ng mga kalalakihan na nagtatayo ng bahay na gawa sa mga bato, pinagsasama-sama kayo ng Diyos tulad ng gusali kung saan naninirahan ang kaniyang Espiritu. Ginagawa niya ito para kayo—tulad ng mga pari na nag-aalay ng mga handog sa altar, ay makagawa ng mga bagay na nakalulugod sa Diyos dahil namatay si Jesu-Cristo para sa inyo.

\s5
\p
\v 6 Ipinapakita sa atin ng sinasabi ng Kasulatan na ito ay totoo: "Maglalagay ako sa Jerusalem ng isang tao tulad ng isang napakamahalagang bato, ang pinakaimportanteng bato sa gusali, at silang mga magtitiwala sa kaniya ay hindi kailanman mahihiya."

\s5
\q
\v 7 Kaya nga, pararangalan ng Diyos kayong mga nananampalataya kay Jesus. Pero silang mga tumatangging manampalataya sa kaniya ay tulad ng mga nagtatayo na tinutukoy ng Kasulatan: "Ang batong itinakwil ng mga tagapagtayo ang naging pinakaimportanteng bato sa gusali."
\p
\v 8 Nasusulat din sa Kasulatan: "Magiging katulad siya ng isang bato na nagiging sanhi para matisod ang mga tao, at tulad ng malaking bato na ikadarapa ng mga tao. Gaya ng mga taong nasaktan kapag nadapa sila sa isang malaking bato, sinasaktan ng mga taong sumusuway sa mensahe ng Diyos ang kanilang mga sarili; iyan ang tiniyak ng Diyos na mangyayari sa kanila."

\s5
\q
\v 9 Pero kayo ay mga taong pinili ng Diyos na maging kabilang sa kaniya. Kayo ay pangkat na sumasamba sa Diyos tulad ng mga pari, at namumuno kayo kasama ang Diyos tulad ng mga hari. Kayo ay pangkat ng mga tao na nabibilang sa Diyos, para maipahayag ninyo ang mga kamangha-manghang bagay na kaniyang ginawa. Tinawag niya kayo mula sa dati ninyong mga pamumuhay, noong wala pa kayong alam sa kaniyang katotohanan, at ipinaunawa niya sa inyo ang mga totoong, kahanga-hangang bagay tungkol sa kaniya.
\p
\v 10 Totoo ang sinasabi ng Kasulatan tungkol sa inyo: "Dati, hindi kayo naging bayan ng Diyos, pero ngayon kayo ay bayan na ng Diyos. May pagkakataon na hindi kumilos ang Diyos sa inyo ng may kahabagan, pero ngayon ay kumilos siya ng may kahabagan sa inyo."

\s5
\p
\v 11 Kayong mga tao na minamahal ko, ipinakikiusap ko sa inyo na pag-isipan ninyo ang tungkol dito: katulad kayo ng mga dayuhan na nasa langit ang tunay na tahanan. Kaya hindi ninyo dapat ginagawa ang mga makasalanang bagay na dati ay ninanais ninyong gawina, dahil kapag ginawa ninyo iyon, hindi kayo makakapamuhay ng maayos kasama ang Diyos.
\p
\v 12 Ipagpatuloy ninyo ang pamumuhay sa mabuting paraan sa mga taong hindi nakakilala sa Diyos. Kung gagawin ninyo iyon, kahit na sabihin nilang masama ang inyong ginagawa, makikita nila na gumagawa kayo ng mga mabubuting bagay, at sa panahon na darating ang Diyos para hatulan ang bawat isa, siya ay pararangalan nila.

\s5
\p
\v 13 Dahil ninais ninyong parangalan ang Panginoong Jesus, sumunod kayo sa bawat isa na nasa pamahalaan. Kabilang dito ang hari, na may pinakadakilang kapangyarihan,
\p
\v 14 at mga gobernador, na kaniyang ipinadala para parusahan ang mga gumagawa ng mali at papurihan ang mga gumagawa ng tama.
\p
\v 15 Ang nais ng Diyos para sa inyo ay gumawa kayo ng kabutihan. Kung gagawin ninyo iyan, kayo ay magdudulot sa mga hangal na hindi nakakikilala sa Diyos na mawalan ng kakayahang magsabi na gumawa kayo ng mali.
\p
\v 16 Mamuhay kayo na tila kayo ay malaya mula sa pagsunod sa sinumang amo, pero huwag ninyong isipin na maaari kayong gumawa ng masama dahil dito. Sa halip, dapat kayong mamuhay bilang lingkod ng Diyos.
\p
\v 17 Kumilos kayo ng may paggalang sa bawat isa. Mahalin ninyo ang lahat ng inyong kapwa mananampalataya. Parangalan ninyo ang Diyos gayundin ang hari.

\s5
\p
\v 18 Kayong mga alipin na mananampalataya, magpasakop kayo sa inyong mga amo at ganap na igalang sila. Magpasakop kayo hindi lang sa mga gumagawa ng kabutihan at kabaitan sa inyo, kundi magpasakop din kayo sa mga gumagawa ng kalupitan sa inyo.
\p
\v 19 Dapat ninyong gawin iyon dahil nalulugod ang Diyos sa kanila na, sa kabila ng nalalaman nila ang mangyayari sa kanila, ay tinitiis ang sakit na kanilang dinaranas dahil trinato sila ng kanilang mga amo nang hindi makatarungan.
\q
\v 20 Tiyak na hindi malulugod ang Diyos sa inyo kung gagawa kayo ng isang bagay na mali at pagkatapos ay sasaktan nila kayo dahil doon. Pero kung gagawin ninyo kung ano ang mabuti at nagdurusa pa rin kayo, nagdurusa kayo sa paggawa ng mabuti. Kung titiisin ninyo iyon, papupurihan kayo ng Diyos.

\s5
\p
\v 21 Isa sa mga dahilan kung bakit pinili kayo ng Diyos ay para makaranas kayo ng pagdurusa. Nang nagdusa si Jesus para sa inyo, naging halimbawa siya sa inyo para tularan ninyo ang kaniyang ginawa.
\p
\v 22 Alalahanin ninyo kung paano mamuhay si Jesus, hindi siya kailanman nagkasala, at hindi siya nagsabi ng anumang bagay para linlangin ang mga tao.
\p
\v 23 Nang hamakin siya ng mga tao, hindi siya nanghamak bilang ganti. Nang magdusa siya dahil sa mga tao, hindi siya nagbantang maghiganti. Sa halip, nagpasya siya na ipaubaya sa Diyos, na laging humahatol ng makatarungan, na patunayan na wala siyang kasalanan.

\s5
\p
\v 24 Siya mismo ay nagtiis ng kaparusahan sa kaniyang katawan para sa ating mga kasalanan nang mamatay siya sa krus, nang sa gayon ay huminto tayo sa pagkakasala at magsimulang mamuhay ng matuwid. Sa pamamagitan ng pagsugat nila sa kaniya na kayo ay pinagaling ng Diyos.
\p
\v 25 Tunay nga na tulad kayo ng mga tupang naligaw, pero ngayon ay bumalik na kayo kay Jesus, na nangangalaga sa inyo gaya ng pag-aalaga ng pastol sa kaniyang tupa.

\s5
\c 3
\p
\v 1 Kayong mga mananampalatayang babae, dapat kayong magpasakop sa inyong mga asawa. Gawin ninyo ito nang sa gayon, sinuman sa kanila ang hindi nananampalataya sa mensahe tungkol kay Cristo ay maaari maging mga mananampalataya nang hindi kayo magsasabi ng kahit anong bagay sa kanila.
\p
\v 2 Mananampalataya sila kay Cristo kapag nakita nilang pinaparangalan ninyo sila at ganap kayong tapat sa kanila.

\s5
\p
\v 3 Huwag ninyo itong subukang gawin sa pamamagitan ng pagpapaganda sa panlabas ninyong katawan, katulad ng pagkahumaling sa pag-aayos ng buhok, o pagsusuot ng gintong alahas at magagarang damit.
\p
\v 4 Sa halip, pagandahin ninyo inyong panloob na katauhan sa paraan na hindi kukupas. Ibig kong sabihin, magkaroon kayo ng mapagkumbaba at maamong pag-uugali, isang bagay na itinuturing ng Diyos na napakahalaga.

\s5
\p
\v 5 Ang mga babaeng pinarparangalan ang Diyos na nabuhay noon ay pinaganda ang kanilang sarili sa ganitong pamamaraan. Nagtiwala sila sa Diyos at sumunod sa kanilang mga asawa.
\p
\v 6 Si Sara, halimbawa, ay sumunod sa kaniyang asawang si Abraham at tinawag siyang panginoon. Ituturing kayo ng Diyos na kaniyang mga anak na babae kung gagawin ninyo kung ano ang matuwid at hindi matatakot sa gagawin ng inyong mga asawa o ng sinuman dahil kayo ay mga mananampalataya.

\s5
\p
\v 7 Kayong mga lalaki na mananampalataya, tulad ng paggalang sa inyo ng inyong mga asawa, dapat kayong mamuhay sa wastong pamamaraan kasama sila. Pakitunguhan ninyo sila ng may paggalang na nalalaman ninyo na karaniwan silang mas mahina sa inyo. Pero unawain din ninyo na ginawa ng Diyos na mabuhay sila magpakailanman, katulad ninyo. Gawin ninyo ito para walang makahadlang sa inyong pananalangin.

\s5
\p
\v 8 Para tapusin ang bahaging ito ng aking liham, sinasabi ko sa inyong lahat, magka-isa kayo sa inyong iniisip. Magdamayan kayo sa isat-isa. Mahalin ninyo ang isa't isa gaya ng ginagawa ng magkakapamilya. Maging mahabagin kayo sa isa't-isa. Maging mapagpakumbaba kayo.
\p
\v 9 Kung gagawa ng mga masasamang bagay ang mga tao sa inyo o hamakin kayo, huwag ninyong silang paghigantihan sa parehong paraan. Sa halip, hingin ninyo sa Diyos na tulungan sila, dahil ito ang ipinapagawa sa inyo nang piliin kayo ng Diyos, nang sa gayon ay matulungan niya kayo.

\s5
\p
\v 10 Isaalang-alang ninyo kung ano ang isinulat ng Mang-aawit tungkol sa tamang paraan ng pamumuhay: "Para sa mga nagnanais na masiyahan sa buhay at para mabubuting bagay ang mangyari sa kanila, hindi sila dapat magsalita ng masama o ng mga panlilinlang sa iba.
\p
\v 11 Patuloy nilang pigilin ang paggawa ng masama, at sa halip ay gawin kung ano ang mabuti. Dapat nilang sikaping tulungan ang mga tao na kumilos ng payapa sa isa't isa; dapat nilang pagsikapang himukin ang mga tao na kumilos sa payapang paraan,
\p
\v 12 dahil tinatanggap ng Panginoon ang ginagawa ng mga taong matuwid. Pinakikinggan niya ang mga taong matuwid kapag nanalangin sila, at sinasagot niya sila. Pero itinatakwil niya ang mga gumagawa ng masama."

\s5
\p
\v 13 Kung nasasabik kayong gumawa ng mga mabubuting bagay, karamihan sa mga tao ay hindi kayo sasaktan.
\p
\v 14 Pero kahit na nagdurusa kayo dahil sa paggawa ng tama, pagpapalain kayo ng Diyos. Gawin ninyo ang tulad ng isinulat ni Isaias: 'Huwag kayong matakot sa mga taong nagbabanta sa inyo, at huwag kayong mag-alala tungkol sa maaari nilang gawin sa inyo.'

\s5
\q
\v 15 Sa halip, kilalanin ninyo sa inyong panloob na katauhan na si Cristo ang inyong panginoon na inyong minamahal. Lagi kayong maging handa sa pagsagot sa sinumang sapilitang nagtatanong kung ano ang tiyak ninyong inaasahan na gagawin ng Diyos para sa inyo. Pero sagutin ninyo sila ng may pagpapakumbaba at may paggalang,
\p
\v 16 at siguraduhing wala kayong ginagawang mali, para silang mga nagsasalita ng masama tungkol sa inyo ay mapahiya kapag nakita nila na namumuhay kayo ng maayos dahil kayo ay pinag-isa kay Cristo.
\p
\v 17 Maaaring nais ng Diyos na magdusa kayo. Kung ganoon, mas mainam na gumawa kayo ng mabubuting gawa, kahit na magdusa kayo sa paggawa nito, kaysa sa gumawa ng masama.

\s5
\q
\v 18 Sinasabi ko ito dahil namatay si Cristo para sa kapakanan ng mga taong nagkasala. Siya ay taong matuwid na namatay para sa mga taong makasalanan. Namatay siya para tayo ay madala sa Diyos. Sa panahong mayroon pa siyang pangkaraniwang katawan, pinatay siya, pero binuhay siyang muli ng Espiritu ng Diyos.
\q
\v 19 Tinulungan din siya ng Espiritu nang pumunta siya para ipahayag ang tagumpay ng Diyos sa mga masasamang espiritu na ikinulong ng Diyos.
\p
\v 20 Noong unang panahon, sa panahong ginagawa ni Noe ang isang malaking barko, sinuway ng mga masasamang espiritu ang Diyos nang matiyaga siyang naghintay na makita kung tatalikod ang mga tao mula sa kanilang masasamang pag-uugali. Iilang tao lang ang naligtas sa barkong iyon. Walong tao lang ang iniligtas ng Diyos mula sa baha, habang nalunod na ang lahat.

\s5
\p
\v 21 Kumakatawan ang tubig na iyon kung saan tayo binautismuhan, kung paano tayo inililigtas ng Diyos. Ang tubig na ito, syempre, ay hindi nakaaalis ng karumihan sa ating mga katawan. Sa halip, nagpapakita ito na humihiling tayo sa Diyos na bigyan tayo ng katiyakan na inalis na niya ang ating mga kasalanan—na inalis niya ang ating kasalanan dahil binuhay niya si Jesu-Cristo mula sa pagkamatay.
\p
\v 22 Pumunta si Cristo sa langit at namumuno sa lugar nang may pinakamataas na karangalan kasunod ng Diyos, pagkatapos pasunurin ng Diyos sa kaniya ang lahat ng masasama at makapangyarihang espiritu.

\s5
\c 4
\p
\v 1 Kaya nga, dahil nagdusa si Cristo sa kaniyang katawan, kayo rin ay dapat handang magdusa. Ang nagdurusa sa kanilang mga katawan dahil sila ay kabilang kay Cristo ay tumigil na sa dating paraan ng kanilang pagkakasala.
\p
\v 2 Bunga nito, sa mga natitira nilang panahon dito sa lupa, hindi na nila ginagawa ang mga bagay na ninanais gawin ng mga taong makasalanan, sa halip ay ginagawa nila ang mga bagay na nais ng Diyos na gawin nila.

\s5
\p
\v 3 Sinasabi ko ito sa inyo dahil naglaan na kayo ng maraming panahon dito sa lupa sa paggawa ng mga ginagawa ng mga taong hindi pa nakakakilala sa Diyos. Sa panahong nakalipas, ginawa ninyo ang lahat ng uri ng kalaswaan, nagpakalasing kayo at sumali sa walang tigil na pakikipaglasingan, at sumamba kayo sa mga diyus-diyosan na kasuklam-suklam sa Diyos.
\p
\v 4 Nagtataka ngayon ang mga kaibigan ninyo na hindi na kayo kailanman sumasama sa kanila kapag ginagawa nila ang mga bagay na ito. Dahil dito, nagsasabi sila ng mga masasamang bagay tungkol sa inyo.
\p
\v 5 Pero isang araw, aaminin nila sa Diyos ang lahat ng ginawa nila. Siya ang hahatol sa kanila.
\p
\v 6 Iyan ang dahilan kung bakit nangaral si Jesus ng magandang balita sa mga patay. Ginawa niya iyon nang sa gayon, kahit na hinatulan na sila ng Diyos nang sila ay nabubuhay pa, maaari silang mabuhay magpakailanman sa pamamagitan ng kapangyarihan ng Espiritu.

\s5
\p
\v 7 Darating ang katapusan ng lahat ng bagay dito sa mundo sa lalong madaling panahon. Kaya nga, patuloy kayong mag-isip sa mabuting paraan, at magpigil sa inyong iniisip para makapanalangin kayo ng maayos.
\p
\v 8 Ang pinakamahalaga sa lahat, taos-puso ninyong mahalin ang isa't isa, dahil kapag minamahal natin ang ibang tao, hindi na natin kailangan hanapin ang nagawa nilang mali.
\p
\v 9 Magbigay kayo ng pagkain at lugar na matutulugan ng mga Kristiyanong manlalakbay na dumarating sa inyo, at gawin ito ng walang reklamo.

\s5
\p
\v 10 Dapat gamitin ng mga mananampalataya ang lahat ng kaloob na ibinigay sa kanila ng Diyos para paglingkuran ang iba. Dapat nilang pangasiwaan ng maayos ang iba't ibang mga kaloob na ibinigay sa kanila ng Diyos.
\p
\v 11 Ang mga nagsasalita sa kapulungan ng mga mananampalataya ay dapat gawin iyon na parang salita ng Diyos ang kanilang sinasabi. Ang mga gumagawa ng mabuti sa iba ay dapat gawin ito gamit ang kalakasan na ibinigay sa kanila ng Diyos, para maparangalan ninyo ang Diyos katulad ng pinapagawa sa atin ni Jesu-Cristo. Nawa ay papurihan natin ang Diyos dahil nasa kaniya ang kapangyarihan na pamunuan ang lahat magpakailanman. Nawa ay mangyari ito!

\s5
\p
\v 12 Kayo na minamahal ko, huwag kayong magulat tungkol sa masasakit na dinaranas ninyo dahil kayo ay kabilang kay Cristo. Sinusubok kayo ng mga bagay na iyon katulad ng pagsusubok ng mga tao sa metal na inilalagay sa apoy. Huwag ninyong isipin na may kakaibang nangyayari sa inyo.
\p
\v 13 Sa halip, magalak kayo na kayo ay nagdurusa katulad ng mga bagay na pinagtiisan ni Cristo. Magalak kayo kung kayo ay nagdurusa, para labis din ang inyong kasiyahan sa pagbabalik ni Cristo at ipakita sa bawat isa kung gaano siya kaluwalhati.
\p
\v 14 Kung hinahamak kayo ng iba dahil nananampalataya kayo kay Cristo, nalulugod ang Diyos sa inyo dahil ipinapakita nito na ang Espiritu ng Diyos, ang Espirtu na naghahayag kung gaano kadakila ang Diyos, ay nananahan sa inyo.

\s5
\p
\v 15 Kung magdurusa kayo, huwag hayaang dahil nakapatay kayo ng sinuman, o nagnakaw ng anuman o gumawa ng ibang uri ng kasamaan, o dahil nakialam kayo sa pamumuhay ng iba.
\p
\v 16 Pero kung nagdurusa kayo dahil kayo ay isang Kristiyano, huwag ninyo itong ikahiya. Sa halip, purihin ninyo ang Diyos na kayo ay nagdurusa dahil kayo ay kabilang kay Cristo.

\s5
\p
\v 17 Sinasabi ko ito, dahil ngayon na ang panahon para simulan ng Diyos ang paghatol sa mga tao, at una niyang hahatulan ang mga kabilang sa kaniya. Dahil mauuna niyang hahatulan ang mga mananampalataya, isipin ninyo ang mga nakakikilabot na mangyayari sa mga hindi sumusunod sa magandang balita na nagmula sa kaniya!
\p
\v 18 Katulad ito ng nakasulat sa Kasulatan: "Maraming taong matuwid ang magdurusa sa maraming mahihirap na pagsubok bago pumunta sa langit. Kaya ang mga taong hindi maka-diyos at makasalanan ay tiyak na magdurusa ng mas matinding kaparusahan mula sa Diyos!"
\p
\v 19 Kaya nga, ang mga nagdurusa dahil ninais ito ng Diyos ay dapat magtiwala na iingatan sila ng Diyos, ang Diyos, na siyang lumikha sa kanila at siyang laging tumutupad sa kaniyang mga pangako. At dapat silang magpatuloy sa paggawa ng matuwid.

\s5
\c 5
\p
\v 1 Sasabihin ko ito ngayon sa inyong mga nakatatanda, kayo na mga namumuno sa kapulungan ng mga mananampalataya: Isa rin akong nakatatanda. Isa ako sa mga nakakita sa pagdurusa ni Cristo, at ibabahagi ko din ang ilan sa mga kaluwalhatian na mayroon si Cristo sa langit.
\p
\v 2 Hinihiling ko sa inyong mga nakatatanda na pangalagaan ninyo ang mga tao sa inyong mga kapulungan. Gawin ninyo ito na parang kayo ang mga pastol na nangangalaga sa kanilang mga kawan ng tupa. Gawin ninyo ito, hindi dahil kailangan ninyo itong gawin, pero sa halip, gawin ito ng maluwag sa kalooban, tulad ng ninanais ng Diyos. Huwag maging sakim na makakuha ng pera sa paggawa nito, pero sa halip, gawin ito ng masigasig.
\q
\v 3 Huwag kayong kumilos tulad ng naghahari-harian sa lahat ng mga tao na itinalaga sa inyo ng Diyos, pero sa halip, maging halimbawa sa kanila sa paraan ng inyong pamumuhay.
\q
\v 4 Kung gagawin ninyo iyon, kapag nagpakita si Jesus, na tulad ng pinuno ng ating pastol, bibigyan niya ang bawat isa sa inyo ng dakilang gantimpala. Ang gantimpalang iyon ay katulad ng korona na ibinibigay sa mga atleta na nananalo sa paligsahan, pero ang inyong gantimpala ay hindi kailanman matutuyot tulad ng mga karaniwang korona.

\s5
\p
\v 5 Sasabihin ko ito ngayon sa inyong mga nakababatang lalaki. Dapat ninyong sundin ang mga nakatatandang lalaki sa kapulungan. Lahat kayong mga mananampalataya ay dapat kumilos nang may kapakumbabaan sa isa't isa, dahil tunay na kinakalaban ng Diyos ang mga mapagmataas, pero mabuti siya sa mga mapagpakumbaba.
\p
\v 6 Kaya nga, ngayon na nalalaman ninyo na ang Diyos ay may dakilang kapangyarihan para parusahan ang taong mapagmataas, magpakumbaba kayo para parangalan niya kayo sa panahon na kaniyang ipinasya.
\p
\v 7 Dahil pinangangalagaan niya kayo, hayaan ninyo siyang mangalaga sa lahat ng mga bagay na inaalala ninyo.

\s5
\p
\v 8 Lagi kayong maging maagap at handa, dahil ang diyablo na inyong kaaway ay umaaligid, naghahanap ng mga taong sisirain. Tulad siya ng isang leon na umaatungal habang gumagala sa paligid, naghahanap ng taong papatayin at sasakmalin.
\p
\v 9 Dapat ninyo siyang iwasan sa pamamagitan ng patuloy na pagpapatibay ng inyong tiwala kay Cristo at sa kaniyang mensahe, habang inaalala na ang inyong mga kapwa mananampalataya sa buong mundo ay nagdurusa rin katulad ng inyong paghihirap.

\s5
\p
\v 10 Ang Diyos lamang ang tutulong sa atin sa bawat pagkakataon, at siya ang pumili sa atin para magbahagi ng kaniyang walang hanggang kaluwalhatian sa langit dahil nakipag-isa tayo kay Cristo. At pagkatapos ninyong magdusa nang panandalian dahil sa mga bagay na ginawa sa inyo ng mga tao para saktan kayo, lilinisin niya ang mga kamalian ninyo, patitibayan niya kayo para mas lalo kayong magtiwala sa kaniya, at tutulungan niya kayo sa bawat paraan.
\p
\v 11 Ipinapanalangin ko na makapangyarihan siyang mamuno magpakailanman. Nawa ay mangyari ito!

\s5
\p
\v 12 Sinulat ni Silas ang liham na ito para sa akin gaya ng idinidikta ko sa kaniya. Itinuturing ko na isa siyang kapwa mananampalataya na mapagkakatiwalaan. Isinulat ko ang maikling liham na ito sa inyo para palakasin ang loob ninyo, at tinitiyak ko sa inyo na ang lahat ng isinulat ko ay totoong mensahe tungkol sa mga kabutihang ginawa ng Diyos para sa atin, mga bagay na hindi nararapat para sa atin. Patuloy kayong magpakatatag sa paniniwala sa mensaheng ito.
\p
\v 13 Sa lungsod na ito na minsan naming tinatawag na 'Babilonia', ang mga mananampalataya na pinili ng Diyos na mapabilang sa kaniya tulad ng pagpili niya sa inyo, ay ipinaparating sa inyo ang kanilang pagbati. Si Marcos na para ko nang anak ay ipinaparating din ang kaniyang pagbati sa inyo.
\p
\v 14 Batiin ninyo ang isa't isa na may kasamang paghalik sa pisngi upang ipakita na mahal ninyo ang isa't isa. Dalangin ko na lahat kayo na pinag-isa kay Cristo ay bigyan ng Diyos ng kapayapaan.