tl_udb/22-SNG.usfm

\id SNG
\ide UTF-8
\h Mga Awit ni Solomon
\toc1 Mga Awit ni Solomon
\toc2 Mga Awit ni Solomon
\toc3 sng
\mt Mga Awit ni Solomon

\s5
\c 1
\p
\v 1 Ito ang pinakamagandang awit ni Haring Solomon. Nagsasalita ang dalaga sa kaniyang mangingibig
\p
\v 2 Halikan mo ako sa aking labi, dahil ang pag-ibig mo sa akin ay mas kasiya-siya kaysa alak.
\p
\v 3 Ang halimuyak ng pabango na nasa balat mo ay napakabango. At ang iyong karangalan ay napaka dakila at lumalaganap, tulad ng halimuyak ng isang natatanging langis na ipinahid mo sa iyong balat. Ito ang dahilan kaya ang mga dalaga ay naakit sa iyo.
\p
\v 4 Kunin mo ako agad; dalhin mo ako sa iyong tahanan. Nagsasalita ang babae sa kanyang sarili. katulad siya ng isang hari sa akin; dinala niya ako sa loob ng kaniyang silid tulugan. Nagsasalita ang babae sa kaniyang kasintahan Sayang-saya ako sa iyo; ang pag-ibig ko sa iyo ay mas mainam kaysa alak. Hindi kataka-taka na hinahangaan ka ng ibang mga dalaga. Nagsasalita ang babae sa ibang mga kababaihan

\s5
\p
\v 5 Kayong mga kababaihan ng Jerusalem, ako ay kayumanggi pero maganda, ang aking kayumangging balat ay tulad ng mga tolda ng Kedar, o tulad ng mga magandang kurtina sa palasyo ni Solomon.
\p
\v 6 Pero huwag ninyo akong titigan dahil ako'y ginawang kayumanggi ng araw. Galit sa akin ang mga kapatid kong lalaki, kaya pinilit nila akong magtrabaho sa mga ubasan sa ilalim ng sikat ng araw, kaya hindi ko napangalagaan nang mabuti ang aking katawan. Nagsasalita ang babae sa kanyang mangingibig

\s5
\q1
\v 7 Ikaw na mahal ko, saan mo dadalhin ang kawan ng iyong tupa sa araw na ito? Saan mo sila hahayaang magpahinga sa katanghalian? Nais kong malaman dahil hindi tama na ako ay magpagala-gala na parang bayarang babaeng naghahanap sa iyo sa kalagitnaan ng mga kawan na pag-aari ng iyong mga kaibigan. Ang kaniyang mangingibig ay sumasagot sa kanya

\s5
\p
\v 8 Ikaw na siyang pinakamaganda sa lahat ng mga kababaihan, kung hinanap mo ako at hindi mo alam kung saan ko dadalhin ang aking mga tupa, sundan mo ang mga bakas ng tupa. Pagkatapos hayaan mong ang iyong mga batang kambing na manginain malapit sa tolda ng mga pastol.

\s5
\p
\v 9 Maganda ka, aking sinta, parang isa sa mga batang babaeng kabayo na humihila ng karwahe na pagmamay-ari ng hari ng Egipto.
\p
\v 10 Ang mga pisngi mo ay napapalamutian ng alahas at may kwintas ka sa iyong leeg.
\p
\v 11 Gagawan kita ng mga hikaw na ginto na napapalamutian ng pilak. Nagsasalita ang babae sa kaniyang sarili

\s5
\q1
\v 12 Habang ang hari ay nasa kaniyang papag, ang samyo ng aking pabango ay kumalat sa palibot ng silid.
\q1
\v 13 Ang lalaki na nagmamahal sa akin ay nananatili sa pagitan ng aking mga dibdib sa gabi tulad ng isang lalagyan ng pabangong nakatali sa aking leeg.
\p
\v 14 Siya ay parang kumpol ng mga bulaklak mula sa mga ubasan sa En-gedi. Ang kaniyang mangingibig ay nagsasalita sa kanya

\s5
\p
\v 15 Ikaw na aking mahal, maganda ka, napakaganda mo! Ang iyong mga mata ay kagiliw-giliw tulad ng mga kalapati. Ang babae ay nagsasalita sa kaniyang mangingibig

\s5
\p
\v 16 Ikaw na nagmamahal sa akin, ikaw ay talagang kagiliw-giliw at kahanga-hanga! Itong berdeng damo sa kabukiran ay magiging parang isang papag kung saan maari tayong humiga.
\p
\v 17 Ang mga sanga ng puno ng sedar ay magtatabing sa atin; ang mga sanga ng pir na nasa itaas ay parang bubong para sa atin.

\s5
\c 2
\p
\v 1 Ako ay parang isang hamak na bulaklak sa kapatagan, isang karaniwang liryo na tumutubo sa isang lambak. Ang lalaki ay nagsasalita sa kaniya
\p
\v 2 Sa lahat ng ibang mga kadalagahan, ikaw na mahal ko, ay parang isang liryo na tumutubo sa tinikan! Nagsasalita ang babae sa kanyang sarili

\s5
\q
\v 3 Sa lahat ng ibang mga kalalakihan, ang lalaking ito ang siyang nagmamahal sa akin; tulad siya ng puno na lumalago sa kagubatan. Sa ilalim ng kaniyang anino ako ay ligtas mula sa araw. Kapag siya ay malapit sa akin, ito ay parang kumakain ng matamis na bunga.
\p
\v 4 Inakay niya ako sa silid kung saan ako ay nagpista sa kaniyang pag-ibig, kung saan siya ay nakipagtalik sa akin, parang binabalutan niya ako ng kaniyang pag-ibig. Ang babae ay nagsasalita sa kaniyang mangingibig

\s5
\p
\v 5 Pasiglahin at palakasin mo ako sa pamamagitan ng iyong pakikipagtalik. Para itong kumakain ng pasas at ibang prutas, dahil nais kong mahalin mo pa ako nang higit pa. Ang babae ay nagsasalita sa kaniyang sarili
\p
\v 6 Umaasa ako na ilalagay niya ang kaniyang kaliwang bisig sa ilalim ng aking ulo at yayapusin niya ako ng kaniyang kanang bisig. Nagsasalita ang babae sa ibang mga kababaihan

\s5
\q
\v 7 Kayong mga dalaga ng Jerusalem, nais ko kayong manumpa, habang ang mga babaing usa at mga gasel ay nakikinig, na hindi niyo kami aabalahin habang kami ay nagtatalik hanggang kami ay handa nang matapos. Nagsasalita ang babae sa kaniyang sarili

\s5
\p
\v 8 Naririnig ko ang tinig ng lalaking nagmamahal sa akin. Siya ay parang lumulukso sa ibabaw ng mga bundok at lumalaktaw sa ibabaw ng mga burol
\q
\v 9 tulad ng isang usa o ng isang gasel. Kasalukuyan siyang nakatayo sa labas ng pader ng aming bahay, nakatingin sa bintana, at sumusungaw sa sala-sala.

\s5
\p
\v 10 Kinausap niya ako at sinabi, "Ikaw na aking mahal, bumangon ka, aking magandang sinta, sumama ka sa akin!
\p
\v 11 Masdan mo, ang tag-lamig ay nagwakas na, huminto na ang ulan.

\s5
\p
\v 12 Namumukadkad na ang mga bulaklak sa lahat ng dako ng bansa. Oras na para umawit; Naririning namin ang mga kalapating humuhuni.
\p
\v 13 May mga murang bunga ng igos sa mga puno nito, at may mga namumulaklak sa mga ubasan at pinupuno ng kanilang halimuyak ang hangin. Ikaw na aking mahal, bumangon ka, maganda kong sinta, sumama ka sa akin!

\s5
\p
\v 14 Para kang isang kalapati na nagtatago sa mabatong bangin. Ipakita mo sa akin ang iyong mukha, at hayaan mong marinig ko ang iyong tinig, dahil matamis ang tunog ng tinig mo, at ang iyong mukha ay kaibig-ibig." Nagsasalita ang babae sa kaniyang sarili

\s5
\p
\v 15 May ibang mga kalalakihan na sumisira sa mga kababaihan na gaya ng pagsira ng mga mababangis na mga aso sa mga ubasan; huwag mong hayaan ang mga kalalakihang yun na lusubin ako.

\s5
\p
\v 16 Itong lalaking nagmamahal sa akin- ako ay pag-aari niya, at siya ay pag-aari ko. Siya ay nakakakuha ng labis na kasiyahan sa paghalik ng aking mga labi, parang kasiyahan ng tupa na manginain sa mga pastulan. Nagsasalita ang babae sa kanyang kasintahan
\p
\v 17 Ikaw na nagmamahal sa akin, kailangan mong umalis bago magbukang-liwayway, kapag nawala na ang dilim. Umalis ka agad, tulad ng isang gasel o tulad ng isang batang usa na tumatakbo sa mataas na mga burol.

\s5
\c 3
\p
\v 1 Sa buong gabi habang ako ay nakahiga sa aking kama, ako ay nananabik na makita ang minamahal ko ng buong puso. Nais ko siyang dumating, pero hindi siya nagpunta.
\p
\v 2 Kaya sinabi ko sa aking sarili, "Babangon na ako ngayon at maglalakad sa paligid ng lungsod, sa lahat ng dako ng mga lansangan at plasa, para hanapin ang mahal ko." Kaya ako ay bumangon at lumabas para hanapin siya pero hindi ko siya matagpuan.

\s5
\p
\v 3 Nakita ako ng mga bantay ng lungsod habang sila ay rumoronda sa lungsod. Tinanong ko sila, "Nakita ba ninyo ang aking mahal?
\p
\v 4 Sa sandaling ako ay makalampas sa kanila, natagpuan ko ang minamahal ko ng buong puso. Ako ay kumapit sa kanya at hindi ko siya hinayaang umalis hanggang madala ko siya sa bahay ng aking sinilangan. Nagsasalita ang babae sa ibang kababaihan

\s5
\p
\v 5 Kayong mga kababaihan ng Jerusalem, buong puso ninyong ipangako sa akin, habang nakikinig ang mga babaing usa at gasel, na hindi ninyo kami aabalahin habang kami ay nagtatalik hanggang kami ay handa nang matapos. Nagsasalita ang dalaga sa kaniya sarili

\s5
\p
\v 6 Ano iyong nakikita ko na dumarating mula sa ilang, isang bagay na iniikot pataas ang alikabok gaya ng isang hanay ng usok mula sa nasusunog na mira at kamanyang na gawa mula sa mga sangkap ng pabango na inangkat ng mga mangangalakal.
\p
\v 7 Ito ay ang higaan ni Solomon na buhat-buhat ng kaniyang mga lingkod at pinaliligiran ng animnapung mga bantay pinili mula sa pinakamalalakas na mga sundalo sa bansang Israel.

\s5
\p
\v 8 Lahat sila ay may mga espada at sinanay sa paggamit ng mga ito. Ang bawa't isa ay may nakataling espada sa kaniyang tagiliran at nakahanda sa panganib na maaring mangyari sa gabi o araw.
\p
\v 9 Inutusan ni Haring Solomon ang kaniyang mga lingkod na gumawa ng higaan binubuhat para sa kaniya, ito ay gawa sa mga kahoy mula sa Lebanon.

\s5
\p
\v 10 Ang tabing na nagtakip dito ay itinaas sa pamamagitan ng mga posteng pilak, at ang likuran ng higaan ay binurdahan ng ginto. Ang upuan ay tinakpan ng lilang tela na ginawa ng may pagmamahal ng mga kababaihan ng Jerusalem.
\p
\v 11 Kayong mga kababaihan ng Jerusalem, halikayo at tingnan si Haring Solomon na suot-suot ang korona na inilagay ng kaniyang ina noong araw na siya ay ikinasal, ang pinakamasayang araw ng kaniyang buhay.

\s5
\c 4
\p
\v 1 Aking sinta, kay ganda mo, napakaganda mo! Sa ilalim ng iyong belo, ang mga mata mo ay mapupungay tulad ng mga kalapati. Sumasayaw sa iyong paggalaw ang mahaba mong itim na buhok tulad ng isang kawan ng mga itim na kambing na bumababa sa Bundok ng Galaad.

\s5
\p
\v 2 Ang mga ngipin mo ay napakaputi, kasing puti ng tupa na ang mga balahibo ay kagugupit lamang ng mga tao, kasing puti ng tupa na kahuhugas lamang sa isang batis. Buo ang iyong mga ngipin sa magkabilang mga gilid; wala itong bungi.

\s5
\p
\v 3 Ang mga labi mo ay tulad ng isang napakapulang laso, at kaakit-akit ang bibig mo. Sa ilalim ng iyong belo, ang mga pisngi mo ay bilugan at mamula-mula tulad ng kabiyak ng isang granada.

\s5
\p
\v 4 Kay ganda ng mahaba mong leeg, tulad ng tore ni Haring David na itinayo na gamit ang pinagpatong-patong na bato. Ang mga palamuti sa mga kuwintas na nakapalibot sa leeg mo ay tulad ng isang libong kalasag na nakabitin sa mga pader ng isang tore; ang bawa't isa ay pag-aari ng isang mandirigma.
\p
\v 5 Ang mga dibdib mo ay maselan tulad ng kambal na batang usa na kumakain sa damuhan sa kalagitnaan ng mga liryo.

\s5
\p
\v 6 Hanggang bukas ng umaga na magbubukang-liwayway, kapag naglaho ang mga anino ng gabi, hihimlay ako ng malapit sa mga dibdib mo, dahil tulad sila ng dalawang burol na humahalimuyak tulad ng matamis na mga sangkap ng pabango.
\p
\v 7 Aking sinta, ganap kang maganda; ganap na hinubog ang iyong katawan!

\s5
\p
\v 8 Aking sinta, ikaw ay parang nasa Lebanon na malayo, kung saan hindi kita maabot. Magbalik ka sa akin. Ikaw ay parang nasa itaas ng Bundok ng Hermon o sa mga kalapit na tuktok, kung saan hindi kita mapupuntahan. Lumapit ka mula sa mga bundok, kung saan ang mga leon ay nasa kanilang mga lungga at kung saan ang mga leopardo ay naninirahan sa mga bundok.

\s5
\p
\v 9 Ikaw na pinakamamahal ko, kapag natanaw kita, ako ay nabibihag mo na mahalin ka kapag nakita kong nakatingin ka sa akin, kapag nakita ko ang isang munting hiyas na nakasuot sa palibot ng iyong leeg.

\s5
\p
\v 10 Aking sinta, ang pag-ibig mo sa akin ay kaaya-aya! Mas kasiya-siya ito kaysa sa alak! Mas kalugud-lugod ang halimuyak ng pabango mo kaysa sa anumang mga sangkap ng pabango!
\p
\v 11 Mas mainam ang halik mo kaysa sa pagkain ng pulot. Ang mga halik mo ay kasing tamis ng gatas na may hinalong pulot. Ang samyo ng mga kasuotan mo ay tulad ng samyo ng mga puno ng sedar sa Lebanon.

\s5
\p
\v 12 Ikaw na pinakamamahal ko, tulad ka ng isang hardin na pinapanatiling nakasara ng may-ari para hindi makapasok ang ibang tao dito; tulad ka ng isang batis na may takip para hindi makainom ang iba mula dito.
\p
\v 13 Tulad ka ng isang halamanan ng mga puno ng granada na puno ng masasarap na bunga, at maraming mga halaman na namumunga ng hena at mga sangkap ng nardo,
\p
\v 14 safron, at kalamo at kanela at maraming ibang mga uri ng insenso, mira at mga sabila at maraming ibang mainam na mga sangkap ng pabango.

\s5
\p
\v 15 Tulad ka ng isang bukal sa isang hardin, tulad ng isang batis na may malinaw na tubig na dumadaloy mula sa mga bundok ng Lebanon. Nagsasalita ang dalaga sa kaniyang kasintahan.
\p
\v 16 Nais kong umihip ang hanging hilaga at ang hanging timog sa aking hardin, para lumaganap ang halimuyak ng mga sangkap ng pabango sa pamamagitan ng hangin. Gayon din, nais kong dumating ang siyang nagmamahal sa akin at masiyahan na maging malapit sa akin tulad ng isang taong dumarating sa loob ng isang hardin at nasisiyahang kumakain ng bunga na lumalaki doon.

\s5
\c 5
\p
\v 1 Ikaw na pinakamamahal ko, nagpunta ako para tumabi sa iyo. Parang nagtitipon ako ng mira na kasama ang ibang mga sangkap ng pabango ko, kumakain ng pulot at pulot-pukyutan ko, at umiinom ng alak at gatas ko. Halika, aking minamahal, masiyahan ka sa pakikipagtalik sa akin; masiyahan ka sa lahat ng ginagawa mo kasama ako, aking mahal. Nagsasalita ang dalaga sa kaniyang sarili.

\s5
\p
\v 2 Natutulog ako, at nagkaroon ako ng isang panaginip. Dito narinig kong kumakatok sa pintuan ang aking kasintahan. Sabi niya, "Ikaw na mas minamahal ko kaysa sa kapatid kong babae, sinta ko, aking mahal na kaibigan, walang kapintasan, aking kalapati, buksan ang pintuan para sa akin! Basa ang buhok ko mula sa hamog, mula sa ambon ng gabi."

\s5
\q
\v 3 Pero hinubad ko na ang aking balabal; Hindi ko na nais isuot pang muli ito para buksan ang pintuan. hinugasan ko na ang aking mga paa; Ayoko ng marumihan silang muli.
\q
\v 4 Inilagay ng nagmamahal sa akin ang kaniyang kamay sa bukasan ng pintuan, at kinilig ako dahil siya ay naroon.

\s5
\p
\v 5 Bumangon ako para buksan ang pintuan para sa kaniya, pero naglagay muna ako ng maraming mira sa aking mga kamay. Tumutulo ito mula sa mga daliri ko habang binubuksan ko ang kandado.

\s5
\p
\v 6 Binuksan ko ang pintuan para sa lalaking nagmamahal sa akin, pero siya ay umalis. Tumalikod siya at nawala na! Labis akong nadismaya. Hinanap ko siya, pero hindi ko siya natagpuan; Tinawag ko siya, pero hindi siya sumasagot.

\s5
\p
\v 7 Nakita ako ng mga bantay habang naglalakad sila sa paligid ng lungsod. Binugbog at sinugatan nila ako dahil akala nila ako ay isang bayarang babae; Kinuha ang balabal ko ng mga lalaking iyon na nagbabantay sa mga pader ng lungsod. Nagsasalita ang dalaga sa mga kababaihan ng lungsod

\s5
\p
\v 8 Kayong mga dalaga ng Jerusalem, nais kong mangako kayo na kung makikita ninyo ang lalaking nagmamahal sa akin, sasabihin ninyo sa kaniya na labis ang pagnanais ko sa kaniya na pakiramdam ko ako ay may sakit. Nagsasalita ang mga kababaihan ng lungsod sa dalaga

\s5
\p
\v 9 Ikaw na pinakamaganda sa lahat ng mga babae, bakit mo iniisip na ang nagmamahal sa iyo ay mas magaling kaysa ibang lalaki? Sa anong paraan siya magaling kaysa ibang lalaki? Bakit nais mo kaming mangako na sasabihin namin iyon sa kaniya? Nagsasalita ang dalaga sa mga kababaihan ng lungsod

\s5
\p
\v 10 Dahil ang lalaking nagmamahal sa akin ay matipuno at malusog, bukod-tangi sa lahat ng ibang mga kalalakihan.
\p
\v 11 Maganda ang kaniyang ulo, tulad ng purong ginto; kulot ang kaniyang buhok at kasing itim ng isang uwak.

\s5
\p
\v 12 Mapupungay ang kaniyang mga mata tulad ng mga kalapati sa tabi ng mga batis; Ang mga puting bahagi ng kaniyang mga mata ay kasing puti ng gatas, na nahahawig sa mga hiyas na nakadikit sa kanila.

\s5
\p
\v 13 Ang mga pisngi niya ay tulad ng isang hardin na puno ng mga puno ng sangkap ng pabango na nagbibigay ng matamis na samyong pabango. Katulad ng mga liryo ang kaniyang mga labi na may tumutulong mira mula sa mga ito.

\s5
\p
\v 14 Ang kaniyang mga bisig ay tulad ng mga gintong tungkod na may bilugang mga dulo, at napapalamutian ng mga mamahaling bato. Ang katawan niya ay tulad ng garing na pinalamutian na may mga sapiro.

\s5
\p
\v 15 Ang kaniyang mga hita ay tulad ng mga hanay na marmol na nakalagay sa mga patungan na gawa sa purong ginto. Siya ay marilag, tulad ng mga bundok ng Lebanon, tulad ng kasiya-siyang mga puno ng sedar.

\s5
\p
\v 16 Napakatamis ng kaniyang mga halik; ganap siyang kaakit-akit. Kayong mga dalaga ng Jerusalem, ito ang dahilan kung bakit mas higit ang lalaking nagmamahal sa akin kaysa sa ibang mga kalalakihan.

\s5
\c 6
\p
\v 1 Ikaw na pinakamaganda sa mga kababaihan, saan nagpunta ang kaisa-isa mong minamahal? Kung sasabihin mo sa amin saang direksyon siya nagpunta, sasama kami sa iyo para hanapin siya. Nagsasalita ang dalaga sa kaniyang sarili

\s5
\p
\v 2 Lumapit sa akin ang nagmamahal sa akin, Ako, na tulad ng kaniyang hardin, dumating siya para masiyahan sa aking mga alindog, para masiyahang kandung-kandungin na niyayakap ako at hinahalikan ang mga labi ko, na tulad ng mga liryo.
\p
\v 3 Pag-aari ako ng nagmamahal sa akin, at ang nagmamahal sa akin ay pag-aari ko. May kasiyahan siyang hinahalikan ang mga labi ko, tulad ng tupang nasisiyahan na nanginginain sa damuhan. Nagsasalita ang mangingibig ng babae sa kaniya

\s5
\p
\v 4 Aking sinta, kay ganda mo, gaya ng kagandahan ng Tirsa na kabisera ng Israel at Jerusalem na kabisera ng Juda; pinanginginig mo ako, na parang may nakita akong isang malaking hukbo na lumalapit.

\s5
\p
\v 5 Huwag mo akong titigan ng ganyan, dahil labis akong natutuwa sa iyong mga mata. Ang mahaba mong itim na buhok ay tila sumasayaw ng pabaling-baling tulad ng isang kawan ng mga itim na kambing na kumikilos pababa ng Bundok Galaad.

\s5
\p
\v 6 Napakaputi ng mga ngipin mo tulad ng isang kawan ng tupa na kagugupit lamang ang balahibo at umaahon mula sa pagkakahugas sa isang batis. Ang mga ngipin mo ay buo lahat sa magkabilang gilid; walang bungi.
\p
\v 7 Sa ilalim ng belo mo, ang iyong pisngi ay tulad ng kabiyak na isang granada. Nagsasalita ang mangingibig ng babae sa kaniyang sarili

\s5
\p
\v 8 Kahit kung ang isang hari ay may 60 reyna at 80 babaeng kinakasama at mas maraming mga dalaga na hindi kayang bilangin ng sinuman,
\p
\v 9 wala sa kanila ang maaaring maging katulad ng aking kalapati, na walang kapintasan, ikaw na tanging anak lamang na babae ng iyong ina, na itinuturing niyang napakamahal. Sinasabi ng ibang dalagang kababaihan na nakakakita sa iyo na ikaw ay pinagpala at kinikilala ka ng mga reyna at babaeng kinakasam ng hari na napakaganda mo. Ito ang sinabi ng mga reyna at babaeng kinakasama

\s5
\p
\v 10 Sino ito na kamukha tulad ng bukang-liwayway, na kasing gandang tingnan gaya ng buwan, na isang walang katapusang hiwaga? Nagsasalita ang mangingibig ng babae sa kaniyang sarili

\s5
\p
\v 11 Bumaba ako sa ilang mga puno ng pili para tingnan ang mga bagong halaman na lumalago sa lambak. Nais kong makita kung ang mga halaman ng ubas ay sumibol at kung ang mga puno ng granada ay namumulaklak.
\p
\v 12 Ako ay kasing saya na parang sumasakay sa isang karwahe na pag-aari ng isang prinsipe. Nagsasalita ang mangingibig ng babae sa kaniya

\s5
\p
\v 13 Ikaw na siyang walang kapintasan, magbalik ka sa amin, para ikaw ay aking mapagmasdan! Nagsasalita ang dalaga sa kaniyang mangingibig. Bakit nais mo ako pagmasdan, ang siyang walang kapintasan, na sumasayaw sa pagitan ng dalawang hanay ng mga mananayaw?

\s5
\c 7
\p
\v 1 Ikaw, na anak na babae ng isang prisipe, ay may kaakit-akit na mga paa sa iyong mga panyapak. Ang hinubog mong mga balakang ay tulad ng mga hiyas na ginawa sa pamamagitan ng isang taong bihasa sa sining.

\s5
\p
\v 2 Ang pusod mo ay tulad ng isang bilugang mangkok na inaasahan kong laging puno ng alak na may hinalong mga sangkap. Ang baywang mo ay tulad ng isang tumpok ng trigo na may mga lumalagong liryo sa paligid nito.

\s5
\p
\v 3 Ang mga dibdib mo ay kasing selan gaya ng dalawang batang kambal na usa.
\p
\v 4 Ang leeg mo ay tulad ng isang tore na gawa sa garing. Ang mga mata mo ay pinagniningning ang mga lawa sa lungsod ng Hesbon, malapit sa Tarangkahan ng Bat Rabim. Matangos ang ilong mo tulad ng tore sa Lebanon na nakaharap sa Damasco.

\s5
\p
\v 5 Ang ulo mo ay marilag tulad ng Bundok Carmel. Ang mahabang buhok mo ay makintab at maitim; ito ay parang ako, na iyong hari, nabihag sa pamamagitan ng iyong mga tirintas.
\p
\v 6 Ikaw na minamahal ko, ikaw na may maraming kahanga-hangang mga katangian na umaakit sa akin, ikaw ay napakaganda at kaaya-aya.

\s5
\p
\v 7 Ikaw ay marangal tulad ng isang puno ng palma, at ang dibdib mo ay tulad ng mga kumpol na ubas.
\p
\v 8 Sinabi ko sa aking sarili, "Aakyatin ko ang puno ng palmang iyon at pipitasin ko ang mga kumpol na bunga ng datiles." Nais ko na maging tulad ng mga kumpol ng ubas ang dibdib mo na maaari kong madama; Nais kong maging tulad ng matamis na halimuyak ng mga aprikot ang hininga mo.

\s5
\p
\v 9 Nais kong maging tulad ng napakalinamnam na alak ang mga halik mo. Kapag hinalikan kita, ang babaeng nagmamahal sa akin, nais ko ito na maging parang alak na dumadaloy sa ating mga bibig at ngipin. Nagsasalita ang dalaga sa kaniyang mangingibig

\s5
\p
\v 10 Pag-aari ako ng lalaking nagmamahal sa akin, at ninanais niya ako.
\p
\v 11 Ikaw na nagmamahal sa akin, magpunta tayo sa kabukiran, at matulog sa isang lugar sa nayon.

\s5
\p
\v 12 At maaga tayong magtungo sa mga ubasan para makita kung ang mga halaman ng ubas ay sumibol at kung may mga bulaklak na namukadkad, at tingnan kung namulaklak ang mga puno ng granada, at duon ipahihintulot kong makipagtalik ka sa akin.

\s5
\p
\v 13 Ang mga halamang mandragora ay nagbibigay ng isang masamyong amoy at napapaligiran tayo ng mga kasiya-siyang kaligayahan, mga bago at luma man, kaligayahan na aking pinakaiingatan para iibigay ko sa iyo, ang lalaking nagmamahal sa akin.

\s5
\c 8
\p
\v 1 Nais kong malaman ng bawat isa na minamahal natin ang isa't-isa, tulad lamang na alam nilang mayroon akong isang kapatid na lalaki, ang sarili kong kapatid na lalaki, na sumuso sa aking ina. Para sa tuwing nakikita kita sa labas, maaari kitang mahalikan, at walang pupuna sa akin.

\s5
\p
\v 2 Walang sinuman ang tututol kung dadalhin kita sa bahay kung saan nakatira ang aking ina, na nagturo sa akin ng napakaraming mga bagay. Nais kitang dalhin sa bahay ng aking ina para maaari akong makipagtalik sa iyo doon. Iyon ay magiging kasing saya tulad ng kinatas mula sa mga granada, gaya ng alak na hinaluan ng may mga sangkap. Nagsasalita ang dalaga sa kaniyang sarili.
\p
\v 3 Oo nga! Ilalagay niya ang kaniyang kaliwang kamay sa ilalim ng ulo ko, at niyayapos niya ako ng kaniyang kanang kamay. Nagsasalita ang babae sa ibang kababaihan.

\s5
\p
\v 4 Nais kong mangako kayo sa akin, kayong mga kababaihan ng Jerusalem, na hindi ninyo kami gagambalain habang kami ay nagtatalik hanggang kami ay matapos." Nagsasalita ang mga kababaihan ng Jerusalem

\s5
\p
\v 5 Sino ang babaeng iyon na dumarating mula sa ilang, ang babaeng sumasandal sa lalaking minamahal niya? Nagsasalita ang dalaga sa kaniyang mangingibig. Ginising kita noong ikaw ay nasa ilalim ng puno ng aprikot sa lugar kung saan ipinagbuntis ka ng iyong ina, ang lugar kung saan ka niya ipinanganak.

\s5
\p
\v 6 Panatilihin mo akong malapit sa yo, tulad ng isang tatak sa puso mo, o tulad ng isang pulseras sa braso mo. Ang pag-ibig natin sa isa't-isa ay makapangyarihan tulad ng kamatayan; ito ay kasing lakas tulad ng libingan. Ang pag-ibig natin sa isa't-isa ay parang sumisiklab na mga apoy at nakakasunog tulad ng isang mainit na apoy.

\s5
\p
\v 7 Walang anuman ang makakapigil sa ating pagmamahalan, kahit ang isang baha man. Kung sinubukan ng isang lalaki na mahalin siya ng isang babae sa pamamagitan ng pagsasabi na ibibigay niya ang lahat ng bagay na nasa kaniyang bahay, ang babae ay tatanggi. Nagsasalita ang mga kapatid na lalaki ng dalaga sa kanilang mga sarili

\s5
\p
\v 8 Mayroon kaming isang nakababatang kapatid na babae, at hindi pa malaki ang kaniyang mga dibdib. Kaya ito ang dapat naming gawin para sa kaniya sa araw na ipinangako namin sa isang binata na siya ay maaari niyang pakasalan.

\s5
\p
\v 9 Kung ang dibdib niya ay kasing patag tulad ng isang pader, palalamutian namin ito sa pamamagitan ng paglalagay ng mga hiyas na pilak na tulad ng mga tore na nasa kaniya. Kung siya ay kasing patag tulad ng isang pintuan, palalamutian namin siya ng mga pirasong tablang sedar. Nagsasalita ang dalaga sa kaniyang sarili

\s5
\p
\v 10 Ang dibdib ko ay dating patag tulad ng isang pader, pero ngayon ito ay tulad na ng mga malalaking tore. Kaya nasisiyahan sa akin ang minamahal ko. Nagsasalita ang dalaga sa kaniyang sarili

\s5
\p
\v 11 Si Haring Solomon ay may isang ubasan sa Baal Hamon, pinaupahan niya ito sa mga tao para taniman nila. Ang bawat isa ay kailangang magbayad sa kaniya ng isang libong pirasong pilak bawat taon para sa mga ubas na aanihin nila.
\p
\v 12 Pero ang katawan ko ay tulad ng sarili kong ubasan, at ikaw, aking mangingibig, na tatawagin kong "Solomon," ibibigay ko ito sa iyo. Hindi mo ako kailangan bayaran ng isang libong pirasong pilak para magpakasaya sa aking katawan, pero magbibigay ako ng dalawang daang pirasong pilak para sa mga mag-aalaga sa akin. Nagsasalita ang mangingibig ng dalaga

\s5
\p
\v 13 Namamalagi ka sa mga hardin, nakikinig ang mga kaibigan ko sa iyong tinig; kaya pahintulutan mo rin na marinig ko ito! Nagsasalita ang dalaga sa kaniyang mangingibig

\s5
\p
\v 14 Ikaw na nagmamahal sa akin, lumapit ka agad sa akin; tumakbo ka sa akin tulad ng isang gasel o batang usa, dahil ako ay kaaya-aya gaya ng mga burol ng mga sangkap ng pabango.