tl_udb/17-EST.usfm

\id EST
\ide UTF-8
\h Ester
\toc1 Ester
\toc2 Ester
\toc3 est
\mt Ester

\s5
\c 1
\p
\v 1 Namuno si Haring Assuero ng isang napakalaking imperyo na may 127 na lalawigan. Ito ay umabot mula India sa silangan patungong Ethiopia sa kanluran.
\p
\v 2 Namahala siya sa imperyo habang naninirahan sa pinakamalakas na pinagtibay na bahagi ng siyudad ng Susa.

\s5
\p
\v 3 Sa ikatlong taon, pagkatapos niyang naging hari, inimbitahan niya ang lahat ng kanyang tagapangasiwa at ibang mga opisyal sa isang pista. Inimbitahan niya ang mga sundalo ng Persia at Media na pumunta sa pista. Inimbitahan niya rin ang mga gobernador at iba pang mga pinuno sa lahat ng mga lalawigan.
\p
\v 4 Ang pagdiriwang ay umabot ng 180 araw. Sa panahon na iyon ipinakita ng hari sa kanyang mga bisita ang lahat ng kanyang kayamanan at ibang mga bagay na nagbigay kadakilaan sa kanyang kaharian.

\s5
\p
\v 5 Sa katapusan ng pista, inimbitahan ng hari ang mga tao sa iba pang pagdiriwang. Inimbitahan niya sa pista ang lahat ng mga lalaking naglilingkod sa palasyo, kabilang ang mga kapwa gumagawa ng mahalagang tungkulin at iyong gumagawa ng kakaunting halagang tungkulin. Ang pagdiriwang na ito ay tumagal ng pitong araw. Ito ay ginanap sa bulwagan na bahagi ng hardin ng palasyo.
\p
\v 6 Ang hardin ng bulwagan ay napalamutian ng mga kurtina na puting bulak at kulay-ube, na may tali ng pinong lino at kulay-ube, nakasabit sa sabitang pilak na nakabitin mula sa mga haliging marmol. Mayroong mga upuan na gawa sa ginto at pilak na nakaayos sa ibabaw ng bangketang mosaik na yari mula sa porfido, marmol, kapis, at kinulayang batong pansahig.

\s5
\q1
\v 7 Ang mga bisita ay uminom ng alak mula sa mga gintong tasa. May ibang disenyo ang bawat tasa. Ang hari ay mapagbigay ng alak, at nagkaroon sila ng maraming maiinom.
\p
\v 8 Napakarami ng alak, sapagkat gusto ng hari na uminom ng marami ang mga bisita hangganga’t sa gusto nila, ngunit ang patakaran ay, "Walang sinuman ang pipiliting uminom."

\s5
\p
\v 9 Si Reyna Vashti ay inalok ang mga kababaihan na magpista sa ibang lugar ng palasyo.
\p
\v 10 Sa ikapitong araw ng mga bangkete, nang si Haring Assuero ay nasa kaunting kalasingan mula sa pag-inom ng alak, nakipag-usap siya kay Memucan, Biztha, Harbona, Bigtha, Abagtha, Zethar at Carcas (ito ang pitong mga lingkod na pumupuno sa kanyang sariling pangangailangan at mga kahilingan).
\p
\v 11 Sinabi niya sa kanila na dalhin si Reyna Vashti sa kanya, suot ang kanyang maharlikang korona. Gusto niyang ipakita sa kanyang mga panauhin kung gaano siya kaganda.

\s5
\q1
\v 12 Ngunit tumanggi si Reynang Vashti na pumunta sa hari. Tumanggi siyang sundin ang utos na dinala sa kanya ng mga lingkod mula sa hari. Ito ay lubos na ikinagalit ng hari.

\s5
\q1
\v 13 Kaya kinausap ng hari ang mga lalaki na kilalang matalino, na nakakaunawa sa mga bagay na nangyayari sa kanilang buhay at mga batas tungkol sa mga bagay na ito.
\p
\v 14 Ngayon ang mga pinakamalapit sa kanya ay sina Carshena, Shethar, Admatha, Tarshish, Meres, Marsena, at Memucan, pitong prinsipe ng Persia at Media. Sila ay may pinakamataas na katungkulan sa kanyang kaharian at binibigyang pansin sila ng hari kapag sila ay nagsasalita.
\p
\v 15 Sinabi ng hari sa kanila, "Si Reynang Vashti ay tumangging sumunod sa akin nang ipinadala ko ang aking mga lingkod na sabihan siyang pumunta dito. Ano ba ang sinasabi ng ating mga batas na dapat nating gawin sa isang taong ganyan ang ginagawa?"

\s5
\p
\v 16 Habang naroon ang ibang mga opisyal, sinabihan ni Memucan ang hari, "Kamahalan, nilait ka ni Reynang Vashti at nilait niya ang lahat ng mga opisyal at lahat ng tao ng mga lalawigan ng iyong Kamahalan.
\p
\v 17 Malalaman ng lahat ng mga babae sa buong imperyo kung ano ang kanyang ginawa, at sasabihin nila, 'Nag utos ang hari na pupunta si Reynang Vashti sa kanya, at siya ay tumanggi.' Kaya hindi nila susundin ang kanilang mga asawa, at ipapakita nila ang kawalang-galang.
\p
\v 18 Bago pa matapos ang araw na ito, ang mga asawa ng lahat ng mga opisyal sa Persia at Media ay makakarinig kung ano ang ginawa ng reyna, at sasabihin nila sa lahat ng mga opisyal ng iyong Kamahalan kung ano ang sinabi ng reyna. Magkakaroon sila ng paghamak at galit sa lahat ng mga lalaki.

\s5
\p
\v 19 Kaya kung ito'y inyong mamarapatin, Kamahalan, kailangan mong sumulat ng isang batas, tulad ng lahat ng batas ng Persia at Media, na magiging batas na walang sinumang makapagbabago. Ang batas na ito ay dapat magsabi na si Reynang Vasthi ay hindi na muling pahihintulutang makita kang muli at ikaw ay pipili ng ibang babae na magiging Reyna, isang babae, na karapat-dapat na maging Reyna higit pa sa kanyang nagawa.
\p
\v 20 Kapag marinig ng bawat isa sa inyong emperyo kung ano ang inyong iniutos, ang lahat ng mga asawa, maging dakila at hamak, ay gagalangin ang kanilang mga asawang lalaki."

\s5
\p
\v 21 Nagustahan ng hari at ng ibang opisyal kung ano ang payo ni Memucan, at ito nga ang ginawa ng hari.
\p
\v 22 Pagkatapos, nagpadala siya ng mga sulat sa lahat ng lalawigan, inihayag sa lahat na ang lalaki ay dapat mayroong ganap na kapangyarihan na mamuno sa kanilang mga asawa at kanilang mga anak. Ang liham ay nakasulat sa bawat wika at isinulat niya ito sa kakaibang alpabeto na nakasulat sa bawat lalawigan.

\s5
\c 2
\p
\v 1 Pagkatapos ng ilang sandali, nang humupa ang galit ni Haring Assuero, naalala niya si Vashti. Naisip din niya ang tungkol sa batas na kanyang ginawa dahil sa nagawa ni Vashti.
\p
\v 2 Kaya sinabi ng kanyang personal na mga lingkod, "Inyong Kamahalan, dapat kang magpadala ng ilang mga tauhan para maghanap ng magagandang dalagang birhen para sa hari.

\s5
\q
\v 3 Pagkatapos nilang makahanap ng ilan, maaari mong italaga ang ilang mga opisyal sa bawat lalawigan para dalhin sila sa lugar na kung saan iingatan ang iyong mga asawa dito sa Susa. Sila ay aalagaan sa pamamagitan ni Hegai (ang eunuko ng hari) na siyang nangangalaga at nag-iingat sa mga kababaihan, kaya niyang isaayos ang kanilang mga pampaganda.
\p
\v 4 Pagkatapos ang dalaga na magbibigay ng lugod sa iyo ay maaaring maging reyna sa halip na si Vasht i." Nagustuhan ng hari ang iminungkahi, kaya ginawa niya ito.

\s5
\p
\v 5 Sa panahong iyon may isang Judio na naninirahan sa siyudad ng Susa, na ang pangalan ay Mordecai. Siya ang anak na lalaki ni Jair na anak ni Shimei, ang anak na lalaki ni Kish, at siya ay kabilang sa lahi ni Benjamin.
\p
\v 6 Maraming taon bago iyon, si Nebuchanezzar, na naging hari ng Babilonia, ay kinuha si Mordecai at dinala mula sa Jerusalem papuntang Babilonia. Ito ang parehong panahon na kinuha niya palayo si Haring Jehoiakin mula sa Juda at marami pang iba.

\s5
\q
\v 7 Inaalagaan ni Mordecai ang kanyang pinsan, na ang pangalan sa Hebreo ay Hadassah. Siya ay may magandang mukha at nakakabighaning hugis ng katawan, at tinawag siyang Esther. Matapos mamatay ang kanyang ama at ina, si Mordecai na ang nag-alaga kay Esther na itinuring niya na tila kanyang sariling anak na babae.

\s5
\p
\v 8 Matapos ipinag-utos ng hari na sila ay maghanap ng ilang mga magagandang binibini, dinala ng mga lingkod si Esther at ang iba pang mga binibini sa palasyo ng hari sa Susa, at inilagay sila sa pangangalaga ni Hegai.
\q
\v 9 Nalugod si Hegai kay Esther. Agad-agad niyang isinaayos para sa kanya ang mga pampagandang gusto niya, at inayos niya rin ang espisyal na pagkain na ibibigay sa kanya. Nagtalaga siya ng mga alipin na babae mula sa palasyo ng hari at inihanda para sa kanya na manatili sa pinakamagandang silid sa bahagi ng mga kababaihan sa palasyo.

\s5
\p
\v 10 Hindi sinabi ni Esther sa kahit kanino na siya ay isang Judio, o anumang bagay na tungkol sa kanyang mga kamag-anak, dahil sinabihan siya ni Mordecai na hindi ipagsabi sa kahit kanino.
\p
\v 11 Araw-araw naglalakad si Mordecai malapit sa patyo sa lugar na kung saan nananatili ang mga binibini. Siya ay nakatayo sa patyo at umaasang malaman ang nangyayari kay Esther.

\s5
\p
\v 12 Bago dalhin ang mga binibining ito sa hari, sa loob ng labindalawang buwan nakatanggap sila ng mga pampagandang pampahid, at sa loob ng anim na buwan nilalagyan sila ng langis na olibo na hinaluan ng mira.
\p
\v 13 Nang isa sa mga babae ang pinatawag upang pumunta sa hari, siya ay maaaring humiling ng kahit anong naisin niya na dalhin mula sa tahanan ng binibini, kapag siya ay pumunta sa palasyo ng hari.

\s5
\p
\v 14 Sa gabi, siya ay pupunta sa hari, at sa susunod na araw siya ay muling babalik sa ikalawang tahanan ng mga binibini, at sa pangangalaga ni Saasgaz, ang opisyal ng hari na siyang namamahala ng ibang mga asawa. Hindi na siya makakabalik muli sa hari, maliban na lang kung kailangan siya ng hari at ipatawag ang kanyang pangalan.

\s5
\p
\v 15 Ngayon ng dumating na ang oras ni Esther (ang anak na babae ni Abihail, na siyang tiyo ni Mordecai) upang pumunta sa hari, hindi siya humingi ng kahit ano mula sa tahanan ng mga binibini upang dalhin niya, subalit ang iminungkahi lamang ni Hegai, ang opisyal ng hari na nakatalaga sa mga binibini. Ngayon nabighani ang lahat ng nakakita kay Esther.
\p
\v 16 Dinala si Esther papunta kay Haring Assuero sa maharlikang tahanan sa ikasampung buwan (kung alin ay buwan ng Tabeth), sa ikapitong taon ng kanyang pamumuno.

\s5
\p
\v 17 Mahal ng hari si Esther higit pa sa ibang binibini na dinala nila sa kanya. Kaya isinuot ang korona sa kanya at dineklara na si Esther ang magiging reyna sa halip na si Vasthi.
\p
\v 18 Para ipagdiwang ang kanyang pagiging reyna, nagbigay siya ng malaking pista para sa karangalan nito, na inihanda niya para sa lahat ng kanyang mga opisyal at mga lingkod. Pinayagan niya na magkaroon ng kaginhawaan mula sa pagbabayad ng mga buwis ang lahat ng mga probinsya at namigay ng mamahaling regalo sa lahat na may kagandahang loob, na hari lamang ang makakapagbigay.

\s5
\p
\v 19 Kinalaunan ang lahat ng mga dalagang binibini ay muling tinipong magkakasama. Sa oras ding iyon nakaupo si Mordecai sa tarangkahan ng hari, kung saan ang mga matatanda at mga pinuno ay hahawak ng paghuhukom at ayusin ang mga hindi pagkaka-unawaan ng mga iba sa kaharian.
\v 20 Subalit hindi pa rin sinabi ni Esther kahit kanino ang tungkol sa kanyang pamilya o tungkol sa kanyang mga tao, ang mga Judio. Pinagpatuloy niyang gawin ang sinasabi ni Mordecai; pinagpatuloy niyang ginalang at sinusunod ang mga sinasabi nito.
\p
\v 21 Isang araw nang si Mordecai ay nasa tarangkahan ng hari, dalawa sa opisyal ng hari ang naroon. Bigtana at Teres ang pangalan ng mga ito. Sila ay bantay na nangangalaga sa hari, na nakatayo sa labas ng sariling silid ng hari. Sila ay nagalit sa hari, at nagbalak kung paano siya gagawan ng matinding kapahamakan.

\s5
\p
\v 22 Subalit narinig ni Mordecai ang tungkol sa kanilang pinaplano, at sinabi niya ito kay Reynang Esther. Pagkatapos sinabi niya ito sa hari, at sinabi sa hari na ang impormasyong ito ay galing kay Mordecai, tinatawag siya ayon sa kanyang pangalan.
\p
\v 23 Siniyasat ito ng hari at ito ay napatunayan. Kaya iniutos ng hari na ang dalawang lalaking iyon ay ibitay mula sa bitayan. Nang ito ay natapos, isinulat ng isang opisyal ang isang balita tungkol dito sa aklat na tinatawag na Ang Kasaysayan ng Hari.

\s5
\c 3
\p
\v 1 Matapos nangyari ang mga bagay na ito, itinaas ni Haring Assuero ang katungkulan ni Haman na Agageo na anak ni Hammedatha na mataas sa lahat ng mga opisyal at nilinaw niya ito na si Haman ay nakakataas sa lahat ng mga naglingkod sa kanya.
\p
\v 2 Lahat ng iba pang mga opisyal ay yumukod sa harap ni Haman upang parangalan siya, at siya ay binigyan nila ng dakilang karangalan, gaya ng iniutos ng hari na dapat nilang gawin. Ngunit si Mordecai ay tumangging lumuhod kay Haman o bigyan siya ng ganoong uri ng karangalan.

\s5
\p
\v 3 Nakita ito ng ibang mga opisyal at tinanong nila si Mordecai, "Bakit sinuway mo ang utos ng hari?
\p
\v 4 Araw-araw nila siyang sinasabihan at hindi niya sinusunod ang kanilang sinasabi, o sumagot sa kanila. Kaya isinumbong nila kay Haman upang makita niya kung hahayaan niya lang ba ang mga kilos ni Mordecai, dahil sinabihan sila ni Mordecai na siya ay isang Judio.

\s5
\p
\v 5 Nang malaman ni Haman na si Mordecai ay tumangging lumuhod o dumapa sa kanya, labis siyang nagalit.
\p
\v 6 Siya ay napakayabang para naisin na parusahan lamang si Mordecai. Dahil pinaalam ng lingkod ng hari na si Mordecai ay Judio, gusto ni Haman na patayin ang lahat nga mga Judio. Kaya naging pagkakataon ang bagay na ito upang patayin ang lahat ng mga Judio sa lahat ng dako sa kaharian ni Assuero.

\s5
\p
\v 7 Sa unang buwan (ang buwan ng Nisan), sa ikalabindalawang taon ng pangangasiwa ni Assuero, sila ay nagtapon ng Pur (iyon ay, sila ay nagpalabunutan) sa harapan ni Haman. Gusto nilang pumili ng buwan at araw kung kailan isasagawa ang planong ito. Sila ay nagpalabunutan sa bawat buwan at araw hanggang sila ay makapasya sa ikalabindalawang buwan, ang buwan ng Adar.

\s5
\p
\v 8 Pagkatapos pumunta si Haman sa hari at sinabi sa kanya, "Inyong Kamahalan, may mga pangkat ng mga tao na nanirahan sa maraming lugar ng iyong imperyo na ang mga batas ay iba sa atin. Tumatanggi pa silang sundin ang iyong mga batas. Hindi mo sila dapat hayaang manatili, sa halip paalisin mo sila.
\p
\v 9 Kung masiyahan ka, iutos na silang lahat ay dapat patayin. Kung gagawin mo iyan, magbibigay ako ng 340 metrikong toneladang pilak at ito ay titimbangin at ibibigay ito sa taga ingat-yaman mo."

\s5
\p
\v 10 Nagustuhan ng hari ang sinabi ni Haman, kaya, para patunayan ang kanyang napagpasyahan, binigay niya ang singsing na may sagisag niya mula sa kanyang singsing na pantatak at ibinigay niya ito kay Haman, ang Agageo, ang tanging may poot sa mga Judio.
\p
\v 11 Sinabi ng hari kay Haman, "Ibabalik ko sa iyo ang pera at iyong mga tao. Gamitin mo ito ayon sa nais mong gawin."

\s5
\p
\v 12 Pagkatapos sabay-sabay na tinawag ang lahat ng mga manunulat ng hari sa ikalabintatlo ng unang buwan. Sa araw na iyon, ang lahat ng bagay na iniutos ni Haman ay nakasulat na. Ang kautusan ay ipinadala sa mga panlalawigang gobernador—yaong mga nasa itaas ng lahat ng lalawigan, sa mga gobernador ng iba't-ibang tao na naninirahan sa kaharian, at sa mga opisyal sa lahat ng mga tao. Ang kautusan ay isinulat sa bawat wika at sa pagsulat ng mga wikang iyon upang ito'y kanilang mabasa at maintindihan. Ito ay nakasulat sa pangalan ni Haring Assuero at tinatakan ng kanyang sariling singsing, na kanyang ibinigay kay Haman upang ito'y kanyang magamit.
\p
\v 13 Dinala ito sa bawat lalawigan ng kaharian at kumalat ang kautusan. Ang kautusan ay patayin ang mga Judio, patayin silang lahat at lahat ng mga Judio ay lilipulin, simula sa bata hanggang sa matatanda, mga bata at kababaihan. Ito ay gagawin sa loob ng isang araw—sa ikalabintatlong araw ng ikalabindalawang buwan (ang buwan ng Adar). Kapag patay na ang mga Judio, ang matitirang mga tao ang siyang papahintulutang kunin ang lahat ng kanilang mga ari-arian.

\s5
\p
\v 14 Ginawang batas ang isang kopya ng liham, sa kautusan ng hari, sa bawat lalawigan. Sa bawat lalawigan nalaman ng lahat ng mga tao na kailangan nilang maghanda para sa araw na iyon.
\q
\v 15 Pagkatapos, ayon sa iniutos ng hari, ang mga kalalakihan na nakasakay sa mga kabayo ay dinala kaagad ang liham sa bawat lalawigan ng kaharian. At isa sa mga liham ay binasa ng malakas sa mga tao na naninirahan at nagtatrabaho sa loob ng palasyo sa Susa. Pagkatapos, ang hari at si Haman ay umupo at magkasamang uminom, ngunit ang mga tao sa siyudad ng Susa ay labis na naguluhan.

\s5
\c 4
\p
\v 1 Nang malaman ni Mordecai ang tungkol sa mga sulat na iyon, siya ay labis na nagdalamhati na pinunit niya ang kaniyang mga damit at sinuot ang mga damit ng pagluluksa—telang magaspang—at siya ay umupo sa mga abo, para ipakita ang kanyang pagkabalisa. Pagkatapos pumunta siya sa siyudad, umiyak ng napakalakas na may kapaitan at kalungkutan.
\p
\v 2 Tumayo siya sa labas ng tarangkahan ng hari, hindi siya pinayagan na makapasok sa palasyo, dahil ipinagbabawal ng batas ang sinumang nakasuot ng telang magaspang na papasukin sa tarangkahan ng hari.
\p
\v 3 Sa bawat lalawigan ng imperyo, nang mabasa ang sulat na mula sa hari sa mga taong Judio, sila ay umiyak at nagluksa. Sila ay nag-ayuno, at humagulgol nang malakas, at napuno ng lungkot. Marami sa kanila ang humiga, nakasuot ng telang magaspang at umupo sa mga abo.

\s5
\p
\v 4 Nang ang mga lingkod na mga babae at mga lingkod na lalaki ni Esther ay pumunta sa kanya at sinabi sa kanya ang tungkol sa kautusan ng hari at ang darating na panganib, siya ay labis na nabalisa. Kaya nagpadala siya kay Mordecai ng ilang magagadang damit para alisin niya ang kanyang telang magaspang, ngunit tumanggi siyang tanggapin ang mga iyon.
\p
\v 5 Pagkatapos pinatawag ni Esther si Hathach, isa sa mga opisyal ng hari, na kanyang inatasan na magsilbi at mangalaga sa kanya. Sinabi niya sa kanya na lumabas at kausapin si Mordecai para alamin kung tungkol saan ang kaguluhan.

\s5
\p
\v 6 Si Hathach ay pumunta kay Mordecai sa loob ng plasa ng siyudad sa harap ng tarangkahan ng palasyo ng hari.
\p
\v 7 Sinabi ni Mordecai sa kanya ang lahat ng nangyari. Sinabi niya sa kanya kung gaano karaming pilak ang pinangako ni Haman para ilagak sa pananalapi ng hari para patayin ang mga Judio.
\p
\v 8 Binigyan din ni Mordecai si Hathach ng kopya ng kautusan na binigay sa Susa, nang sa gayon kanyang maipakita ito kay Esther. Ginusto ni Mordecai na utusan si Esther para kumilos tungkol sa utos mula sa hari at humingi ng pabor mula sa hari. Gusto niya na pumunta siya sa hari at subukang tulungan ang mga taong Judio.

\s5
\p
\v 9 Kaya pumunta si Hathach kay Esther at sinabi sa kanya kung ano ang sinabi ni Mordecai.
\p
\v 10 Pagkatapos inutusan ni Esther si Hathach na bumalik kay Mordecai, at para sabihan siya nito:
\p
\v 11 "Lahat ng mga lingkod ng hari at mga tao sa lalawigan ng hari ay alam na walang isang maaaring makapunta sa hari maliban sa siya ay anyayahan ng hari para pumunta. Mayroon lamang isang bunga ng pagsuway sa batas na ito: ang tao ay papatayin. Maliban lamang kung iunat ng hari ang kanyang gintong setro sa isang taong pumunta sa kanyang harapan, at iyon ang magiging hudyat na pinahihintulutan ng hari ang taong iyon na mabuhay. Tungkol sa sarili kong ugnayan sa hari, hindi pa ako pinatawag para pumunta sa hari sa loob ng tatlumpung araw."
\p
\v 12 Kaya bumalik si Hathach kay Mordecai at sinabi sa kanya kung ano ang sinabi ni Esther.

\s5
\p
\v 13 Sinabihan ni Mordecai si Hathach na sabihin ito kay Esther: "Huwag mong isipin na dahil ikaw ay nakatira diyan sa palasyo, ikaw ay makakaligtas kapag lahat ng ibang Judio ay pinatay.
\p
\v 14 Kapag ikaw ay mananatiling tahimik sa oras na ito, ibang tao ang magliligtas sa mga Judio sa ibang paraan, ngunit ikaw at ang kamag-anak ng iyong ama ay mamamatay. Sino ang nakakaalam, marahil sa kagaya nitong pagkakataon ikaw ay ginawang reyna."

\s5
\p
\v 15 Pagkatapos pinadala ni Esther ang mensahing ito kay Mordecai,
\p
\v 16 "Pumunta ka at tipunin mo ang lahat ng Judio dito sa Susa, at sabihan sila na mag-ayuno para sa akin. Huwag kayong kumain at uminom sa loob ng tatlong araw, alinma'y hindi sa gabi o sa umaga. Ako at ang aking mga batang babae ay mag-aayuno sa parehong paraan. Pagkatapos ako ay pupunta sa hari, kahit na alam ko na ito ay labag sa batas. At kung ako ay mamamatay, mamamatay ako."
\p
\v 17 Pumunta si Mordecai at ginawa lahat ng sinabi ni Esther na gawin.

\s5
\c 5
\p
\v 1 Pagkalipas ng tatlong araw, isinuot ni Esther ang kanyang damit pangreyna. Pagkatapos ay pumunta siya at tumayo sa patyo ng palasyo ng hari, sa tapat ng bahay ng hari. Sa panahong iyon, ang hari ay nakaupo sa kanyang trono sa loob ng kanyang bahay, nakaharap sa pasukan ng bahay.
\p
\v 2 Nang makita ng hari si Esther na reyna na nakatayo sa patyo, natuwa ang hari at binati siya. Ang gintong setro na nasa kamay ng hari ay itinuon kay Esther. Kaya lumapit si Esther sa hari at hinawakan ang dulo ng kanyang setro.

\s5
\q
\v 3 Kaya sinabi sa kanya ng hari "Ano ang iyong nais Reyna Esther? Ano ang iyong kahilingan? Ibibigay ko sa iyo hanggang kahalati ng aking kaharian, kung iyan ang iyong kahilingan."
\q
\v 4 Sumagot si Esther, "Kamahalan, kung iyong mamarapatin, maaari bang ikaw at si Haman ay pumunta sa handaan na aking inihanda para sa inyo?"

\s5
\p
\v 5 Sinabi ng hari sa kanyang mga lingkod, "Puntahan ninyo at sabihan si Haman na pumarito agad at gawin kung ano ang sinabi ni Esther!" Kaya pumunta ang hari at si Haman sa handaan na inihanda ni Esther.
\p
\v 6 Sinabi ng hari kay Esther nang ang alak ay inihahain na, "Ano ang iyong kahilingan? Ito ay maipagkakaloob sa iyo. Ano ang iyong pakiusap? Ibibigay ko sa iyo hanggang kalahati ng aking kaharian kung iyan ang iyong pakiusap."

\s5
\p
\v 7 Sumagot si Esther, "Ang aking kahilingan at pakiusap ay ito,
\p
\v 8 kung ikaw ay nasiyahan sa akin, kung kusang gagawin mo ito para sa akin: maaari bang ikaw at si Haman ay pumunta sa isa pang handaan na ihahanda ko para sa inyo bukas. Sa panahong iyon, sasagutin ko ang iyong katanungan."

\s5
\p
\v 9 Nakaramdam ng labis na kasiyahan si Haman nang siya ay lumabas mula sa handaan. Ngunit nakita niya si Mordecai na nakaupo sa tarangkahan ng palasyo at minsan pa si Mordecai ay hindi tumayo o nanginig sa takot sa kanyang harapan. Kaya si Haman ay napuno ng galit kay Mordecai.
\p
\v 10 Gayunman, wala siyang ginawa upang ipakita na siya ay galit. Umuwi siya sa kanyang bahay at tinipon ang kanyang mga kaibigan. Kanya ring ipinatawag ang kanyang asawa na si Zeresh.
\p
\v 11 Sinabi ni Haman sa kanila ang tungkol sa maraming kayamanan na kanyang naipon. Ipinagmalaki niya ang marami niyang mga anak na lalaki at kung ano ang kanyang mga nagawa na higit pa sa ibang mga opisyal at mga lingkod ng hari.

\s5
\p
\v 12 Sinabi pa ni Haman, "Kahit si Reynang Esther ay inanyayahan na kaming dalawa lang, ako at ang hari, sa isang handaan na kanyang inihanda para sa amin ngayon. Kaming dalawa lang ng hari ang inanyayahan niya sa isa pang handaan bukas!"
\p
\v 13 Pagkatapos sinabi ni Haman, "Subalit ang mga ito ay walang kabuluhan sa akin habang nakikita ko si Mordecai na Judio na nakaupo doon sa tarangkahang ng hari!"

\s5
\p
\v 14 Kaya sinabi kay Haman ng kanyang asawa na si Zeresh at ng lahat ng kanyang mga kaibigan, "Bakit hindi ka agad magpagawa ng bitayan? Gawin mong dalawampu't tatlong metro ang taas. Pagkatapos bukas ng umaga kausapin mo ang hari upang kanilang bitayin si Mordecai doon. Pagkatapos niyan, maaari ka ng pumunta sa handaan kasama ang hari at maging masaya." Ang panukalang ito ay nagpasaya kay Haman at siya'y nagpagawa ng bitayan.

\s5
\c 6
\p
\v 1 Nang gabing iyon ang hari ay hindi makatulog, kaya ipinatawag niya ang isang lingkod at sinabihan niya na dalhin ang aklat ng kasaysayan ng lahat ng nangyari sa panahon na siya ay naging hari.
\p
\v 2 Kaya dinala ng lingkod ang mga talaan at binasa nang malakas sa hari. Binasa ng lingkod ang tungkol kay Bigthana at Teres, ang dalawang pinuno na nagbabantay sa pasukan sa mga silid ng hari. Binasa niya ang salaysay noong natuklasan ni Mordecai ang kanilang balak na patayin ang Haring Assuero at sinabihan niya ang hari tungkol dito.
\p
\v 3 Nagtanong ang hari, "Ano ba ang ginawa upang parangalan si Mordecai para sa kanyang nagawa?" Sumagot ang tauhan na naglilingkod sa hari, "Wala pang nagawa para sa kanya."

\s5
\p
\v 4 Sinabi ng hari, "Mayroon bang nasa patyo?" Sa oras na iyon, nakapasok na si Haman sa panlabas na bahagi ng patyo ng palasyo. Gusto niyang makipag-usap sa hari tungkol sa pagbitay kay Mordecai sa bitayan na kanyang ipinagawa.
\p
\v 5 Tumugon ang kanyang mga lingkod, "Si Haman ay nasa patyo." Sinabi ng hari, "Dalhin siya rito sa loob."
\p
\v 6 Nang pumasok na si Haman, tinanong siya ng hari, "Ano ang dapat kong gawin para sa isang taong nais kong parangalan?" Ngayon inisip ni Haman sa kanyang sarili, "Sino ang nais parangalan ng hari na higit pa sa akin?"

\s5
\p
\v 7 Kaya tumugon siya sa hari, "Para sa isang tao na gusto mong parangalan,
\p
\v 8 kailangan mong sabihan ang iyong mga lingkod na ilabas ang ilang mga balabal na ikaw mismo ang nagsuot, at ilabas ang isa sa mga kabayong iyong sinakyan na may dalang maharlikang sagisag ng hari sa kanyang ulo.
\p
\v 9 Pagkatapos sabihin sa isa sa inyong pinakamahalagang pinuno na ilagay ang balabal sa taong iyon, at pangunahan ang kabayo sa lansangan ng mga siyudad. Habang humahayo siya, sisigaw ang ibang mga lingkod, 'Ito ang mangyayari kapag nais parangalan ng hari ang isang tao!"'

\s5
\p
\v 10 Tumugon ang hari kay Haman, "Magmadali, kunin ang mga balabal at ang kabayo, katulad ng iyong sinabi, at gawin ito kay Mordecai na Judio na nakaupo sa tarangkahan ng hari! Huwag kalimutan ang anumang bagay na iyong sinabi!"
\p
\v 11 Kaya kinuha ni Haman ang balabal at ang kabayo. Isinuot niya ang balabal kay Mordecai, at inakay siya ni Haman sa kabayo patungo sa mga lansangan ng siyudad habang ipinapahayag, "Ito ang gagawin sa isang tao kapag nais siyang parangalan ng hari!"

\s5
\p
\v 12 Pagkatapos, bumalik si Mordecai sa tarangkahan ng hari. Ngunit si Haman ay nagmadali patungo sa kanyang bahay. Siya ay nagluluksa at tinakpan ang kanyang mukha.
\p
\v 13 Sinabi ni Haman kay Zeresh na kanyang asawa at sa lahat ng kanyang mga kaibigan ang tungkol sa lahat ng bagay na nangyari sa kanya. Pagkatapos ang kanyang mga tauhan na kilala sa kanilang karunungan, at Zeres na kanyang asawa, sinabi sa kanya, "Kung si Mordecai ay Judio, at kung ikaw ay napahiya sa harap niya, hindi mo siya matatalo. Tiyak na tatalunin ka niya."
\p
\v 14 Habang nag-uusap pa sila, dumating ang ilan sa mga opisyal ng hari at mabilis na dinala si Haman sa handaan na inihanda ni Esther.

\s5
\c 7
\p
\v 1 Kaya dumating ang hari at si Haman sa pangalawang handaan kasama ni Reyna Esther.
\p
\v 2 Sa ikalawang araw ng handaan, habang nagsisilbi ang mga tagapaglingkod ng alak, sinabi ng hari kay Esther, "Ano ang iyong kahilingan, Reyna Esther? Ibibigay ko anuman ang iyong hingiin. Ano ang iyong gusto? Ibibigay ko sa iyo kahit ang kalahati ng aking kaharian."

\s5
\p
\v 3 Tumugon si Esther, "Kung nalugod ka sa akin, aking hari, at kung pumapayag kang gawin kung ano ang aking hingin, iligtas mo ang aking buhay! At iligtas mo ang buhay ng aking mga lahi.
\p
\v 4 Sapagkat ako at ang aking mga lahi ay nahatulan upang wasakin ng isang kautusan. Ako at ang aking mga lahi, ay ibinigay para lipulin—para patayin, at wasakin. Kung ipinagbili lamang kami para sa pagkaalipin, mananahimik nalang sana ako, dahil ang uri ng gulong iyon ay hindi ganoon kahalaga upang gambalain ka."
\p
\v 5 Pagkatapos sinabi ni haring Assuero kay Reyna Esther, "Sino ang taong gumawa nito? Nasaan ang taong ito na ang kanyang puso ay puno ng ganitong uri ng kasamaan?"

\s5
\p
\v 6 Tumugon si Esther, "Ang tao na siyang aming kaaway ay itong masamang taong si Haman!" Kaya lubhang natakot si Haman sa harap ng hari at reyna.
\p
\v 7 Galit na tumayo ang hari. Iniwan niya ang kanyang alak at pumunta sa labas ng hardin ng palasyo upang magpasya kung ano ang kanyang gagawin. Ngunit nanatili si Haman para makiusap kay Reyna Esther, para mamagitan siya upang maligtas ang kanyang buhay. Alam niya na nagpasya na ang hari na patayin siya.

\s5
\p
\v 8 Pagkatapos bumalik ang hari mula sa hardin ng palasyo at bumalik kung saan sila sinilbihan ng alak. Noon naman kababagsak lang ni Haman sa upuan kung saan nakaupo si Esther. Sinabi ng hari, "Sasalakayin niya ba ang reyna sa aking sariling pamamahay, habang narito ako na nakatayo?" Sa pagkakasabi niya nito, tinakpan ng mga lingkod ang mukha ni Haman ng isang tela.

\s5
\p
\v 9 Pagkatapos sinabi ni Harbona, isa sa mga opisyal ng hari na naglingkod sa kanya, "Sa labas, malapit sa bahay ni Haman, mayroong isang bitayan. Ito ay dalawampu't tatlong metro ang taas. Ginawa ito ni Haman para kay Mordecai, ang isa na nagsalita para ipagtanggol ang hari!" Sinabi ng hari, "Bitayin siya roon."
\p
\v 10 Kaya binitay nila si Haman sa bitayan na hinanda niya para kay Mordecai. Pagkatapos napawi ang galit ng hari.

\s5
\c 8
\p
\v 1 Mayamaya nang araw ding iyon, ibinigay ni Haring Assuero kay Reyna Esther ang lahat ng pag-aari ni Haman, na naging kaaway ng mga Judio. Nanilbihan si Mordecai sa hari dahil sinabi na ni Esther kung ano ang kanyang kaugnayan sa kanya.
\p
\v 2 Nang pumasok si Mordecai, tinanggal ng hari ang singsing na may opisyal niyang selyo, ang singsing na kanyang binawi mula kay Haman, at ibinigay niya ito kay Mordecai. Itinalaga ni Esther si Mordecai bilang tagapamahala ng ari-arian ni Haman.

\s5
\p
\v 3 Nakipag-usap muli si Esther sa hari. Idinapa niya ang kanyang sarili sa kanyang paanan at nagmakaawa sa kanya na may mga luha. Hiniling niya na ihinto ng hari ang masamang balak na binuo ni Haman para patayin ang mga Judio.
\p
\v 4 Itinuon ng hari ang kanyang gintong setro kay Esther, kaya bumangon si Esther at tumayo sa harapan ng hari.

\s5
\p
\v 5 Sinabi niya, "Kamahalan, kung ito ay iyong ikalulugod, at kung nakasumpong ako ng pagpapala sa iyong paningin, gumawa ka ng bagong batas para magpapawalang bisa sa kautusan ni Haman na anak na lalaki ni Hammedatha, na Agageo, na lahat ng mga Judio sa lahat ng mga lalawigan ng iyong imperyo ay dapat patayin.
\p
\v 6 Paano ko makakayanang tingnan ang kapahamakan na darating sa aking mga tao? Paano ko matitiis na tingnan ang pagkalipol ng lahat ng aking mga kamag-anak?"

\s5
\p
\v 7 Tumugon si Haring Assuero kay Reyna Esther at Mordecai na Judio. "Dahil sinubukan ni Haman na lipulin ang mga Judio, ibinigay ko kay Esther ang lahat ng mga bagay na pag-aari ni Haman, at siya ay binitay na nila sa bitayan.
\p
\v 8 Kaya ngayon pinapayagan ko rin kayong sumulat ng isa pang liham na may bagong kautusan sa loob nito, para mailigtas ninyo ang inyong mga tao. Maaari ninyong ilagay ang aking pangalan sa mga liham at gamitin ang aking singsing para selyuhan ang mga ito. Ito ay dahil walang liham na nakalagay ang aking pangalan at naselyohan ng aking singsing ang maaaring ipawalang bisa."

\s5
\p
\v 9 Pagkatapos sa mga oras na iyon ipinatawag ang mga tagasulat ng hari (sa ikatlong buwan, na siyang buwan ng Sivan, sa ikadalawampu't tatlong araw ng buwan). Iniutos ni Mordecai sa kanila ang panibagong kautusan upang ipagtanggol ang mga Judio. Naisulat ito sa mga gobernador ng mga lalawigan, ang mga gobernador at mga opisyal ng mga lalawigan mula India patungong Ethiopia, sa kabuuan, 127 na mga lalawigan. Ang liham ay naisulat para sa mga lalawigan ayon sa pagkasulat ng kanilang wika. Nakasulat din ito sa mga Judio ayon sa kanilang pagkasulat at wika.

\s5
\p
\v 10 Sumulat si Mordecai ng kautusan sa pangalan ng Haring Assuero at sinelyuhan ito ng singsing na pangselyo ng hari. Pinadala niya ang mga dokumento sa mga tagapagdala na nakasakay sa mabibilis na mga kabayong ginagamit sa paglilingkod sa hari, pinarami mula sa kuwadra ng hari.
\p
\v 11 Nagbigay ng pahintulot ang hari sa lahat ng mga Judio na naninirahan sa bawat siyudad na magtipun-tipon at lumaban ng sama-sama para ipagtanggol ang kanilang buhay. Pinahintulutan niya silang pumatay ng kahit sinong mga armadong kalalakihan sa alinmang lalawigan, na nabibilang sa alinmang lahi ng mga tao, na maaaring sasalakay sa kanila o sa kanilang pamilya, o maaaring sumubok na kunin ang kanilang mga pag-aari.
\p
\v 12 Ito ay magkakaroon ng bisa sa lahat ng mga lalawigan ni Haring Assuero, sa ikalabintatlong araw ng ikalabindalawang buwan, na siyang buwan ng Adar.

\s5
\p
\v 13 Inutusan sila ng hari na gumawa ng mga kopya sa kautusang ito at ipakita sa kanila sa lahat ng mga lahi. Sa kautusang ito, pinahintulutan niya ang mga Judio na maghanda para maghiganti sa kanilang mga kaaway.
\p
\v 14 Inutusan ng hari ang mga kalalakihan na nagdala ng mga liham na ito sa lahat ng mga lalawigan na magmadaling sumakay sa mga kabayo ng hari. At naihayag din ang mga kopya ng liham at binasa sa lahat ng mga taong nanirahan at nagtrabaho sa palasyo ng Susa.

\s5
\p
\v 15 Umalis si Mordecai sa palasyo, isinuot ang bughaw at puting balabal at isang malaking gintong korona na ibinigay sa kanya ng hari. Isinuot din niya ang balabal ng pinong lilang tela. Nang marinig ng mga tao sa Susa ang bagong batas, sila ay nagsigawan at nagpakasaya.
\p
\v 16 Ang mga Judio ng Susa ay masaya ngayon, sa halip na matakot. Nagalak sila sa halip na matakot, at ang ibang tao ay nagparangal sa kanila.
\p
\v 17 Nang makarating sa bawat siyudad at lalawigan ang bagong kautusan, ang mga Judio doon ay nagdiwang at naghanda ng piging at labis na masaya sila. At sa buong imperyo maraming mga tao ang naging Judio, dahil sa labis na pagkatakot nila sa mga Judio.

\s5
\c 9
\p
\v 1 Iyon ay sa ikalabindalawang buwan, ang buwan ng Adar, sa ikalabintatlong araw, na ang mga kaaway ng mga Judio ay umaasang sila ay lubusan ng mapuksa. Sinusunod sana nila ang kautusan ng hari. Gayunpaman, iba ang kinalabasan nito, dahil tinalo ng mga Judio ang kanilang mga kaaway.
\v 2 Nagtipon-tipon ang mga Judio sa kanilang mga siyudad sa lahat ng mga lalawigan ni Haring Ahasuerus para sugurin ang mga gustong manakit sa kanila. Wala ni isa ang nakipaglaban sa mga Judio, dahil ang lahat ng mga tao sa mga lugar ay takot sa kanila.

\s5
\p
\v 3 Tumulong ang lahat ng mga opisyal ng hari sa lahat ng dako sa mga Judio dahil sila ay natakot kay Mordecai at sa kapangyarihan na ibinigay ng hari sa kanya.
\p
\v 4 Ngayon si Mordecai ay ang napakahalagang opisyal sa palasyo ng hari, at kumalat ang kanyang katanyagan sa lahat ng dako ng mga lalawigan dahil siya ay nagiging labis na makapangyarihan.
\p
\v 5 Kaya nilusob ng mga Judio ang kanilang mga kaaway at pinatay sila. Tinalo nila ang lahat ng namumuhi sa kanila at tuluyan silang nagtagumpay.

\s5
\q
\v 6 Sa Susa lamang, ang pinagtibay na siyudad, pumatay sila ng limang daang kalalakihan.
\p
\v 7 Kabilang sa mga napatay nila ay ang sampung anak na lalaki ni Haman. Ito ang mga naisama sa namatay: si Parshandatha, si Dalphon, si Aspatha,
\p
\v 8 si Poratha, si Adalia, si Aridatha,
\p
\v 9 si Parmashta, si Arisai, si Aridai, at si Vaizatha.
\p
\v 10 At ang sampung apong lalaki ni Hammedatha, ang mga anak na lalaki ni Haman—ang kaaway ng mga Judio. Pinatay sila ng mga Judio ngunit hindi nila kinuha ang kanilang mga ari-arian.

\s5
\p
\v 11 Sa katapusan ng araw na iyon may isang tao na nagulat sa hari ng bilang ng mga tao na pinatay ng mga Judio sa Susa, ang pinagtibay na siyudad.
\p
\v 12 Pagkatapos sinabihan ng hari si Reynang Esther, "Pumatay ang mga Judio ng limandaang tao dito mismo sa Susa, kasama ang sampung mga anak na lalaki ni Haman! Ano pa ang dapat nilang gawin sa natitira kong mga lalawigan? Ngayon ano pa ang hihingin mong gagawin ko para sa iyo? Sabihin mo sa akin. Ano pa ang iyong gusto? At gagawin ko ito."

\s5
\p
\v 13 Tumugon si Esther, "Kung ito ay makakalugod sa iyo, hayaang gawin ulit bukas ng mga Judio dito sa Susa kung ano ang iniutos mo sa kanilang gawin ngayong araw. At iutos din na ang mga katawan ng sampung anak na lalaki ni Haman na bibitayin sa mga bitayan."
\p
\v 14 Kaya iniutos ng hari na pahintulutan ang mga Judio na pumatay pa ng kanilang mga kaaway sa susunod na araw. Pagkatapos niyang maglathala ng isa pang utos sa Susa, binitay ang mga katawan ng mga anak na lalaki ni Haman.

\s5
\p
\v 15 Nagtipon ng magkakasama ang mga Judio sa Susa at pumatay ng mahigit tatlong daang tao. Ngunit, hindi nila kinuha ang kanilang mga ari-arian.
\p
\v 16 Iyon ay nangyari sa ika-14 na araw sa buwan ng Adar. Sa sumunod na araw, Ang mga Judio sa Susa ay nagpahinga at nagdiwang. Sa lahat ng ibang mga lalawigan, ang mga taong Judio ay nagtipon ng magkakasama upang ipagtanggol ang kanilang mga sarili at pumatay sila ng pitumpu't limang libong tao na namumuhi sa kanila, ngunit, wala silang kinuha sa kanilang mga ari-arian.

\s5
\p
\v 17 Sa ikalabintatlong araw ng buwan ng Adar at sa ikalabing-apat na araw, nagpahinga sila at ginawa iyon na isang araw ng pista at pagdiriwang.
\p
\v 18 Ngunit ang mga Judio na nakatira sa Susa ay nagsama-samang dumating sa ikalabintatlong araw at sa ikalabing-apat na araw upang makipaglaban, ngunit sa ikalabinlimang araw nagpahinga sila at ginawa iyon na isang araw ng pista at pagdiriwang.
\v 19 Iyon ang dahilan kung bakit ang mga Judio sa mga kanayunan, ang mga Judio na nakatira sa mga bayang bukirin, ay pinagdiriwang ang ikalabing apat na araw na buwan ng Adar bilang isang araw ng kasayahan at pagdiriwang, kapag nagpapadala sila ng mga regalo ng pagkain sa bawat isa.

\s5
\p
\v 20 Isinulat ni Mordecai ang lahat ng mga bagay na nangyari. Pagkatapos ay nagpadala siya ng mga liham sa mga Judio na nakatira sa buong imperyo ni Haring Assuero.
\p
\v 21 Pinatawag niya sila upang pagmasdan ang ikalabing apat at ikalabinlimang araw ng Adar sa bawat taon,
\p
\v 22 dahil iyon ang mga araw na nakamit ng mga Judio ang tagumpay sa kanilang mga kaaway. Sinabi din niya sa kanila na dapat magdiwang sa mga araw na iyon ng isang pista at pagbibigayan ng mga regalo na pagkain sa bawat isa lalo na sa mga taong mahihirap. Matatandaan nila iyon bilang buwan na binago sila mula sa pagiging malungkot sa pagiging isang panahon ng malaking kasiyahan. Magmula sa kanilang kalungkutan patungo sa pagdiriwang.

\s5
\p
\v 23 Kaya sinang-ayunan ng mga Judio ang ginawang liham ni Mordecai. Sinang-ayunan nila na ipagdiwang ang mga araw na iyon sa bawat taon.
\p
\v 24 Matatandaan nila kung paano si Haman na anak ni Hamedata na Agageo, ay naging isang kaaway ng lahat ng mga Judio. Matatandaan nila kung paano niya ginawa ang isang masamang balak na patayin ang mga Judio at nagpalabunutan upang humanap ng isang araw para durugin at lipulin sila.
\p
\v 25 Matatandaan nila nang sinabi ni Esther sa hari ang tungkol sa balak ni Haman, isinagawa ng hari na bumalik sa sariling ulo ni Haman ang masamang balak na kaniyang ginawa laban sa mga Judio, at siya ang mapatay sa halip na ang mga Judio, at mabitay si Haman pati ang kaniyang mga anak.

\s5
\p
\v 26 Sa gayon tinawag nila itong araw ng Purim, sinunod sa pangalan ni Pur (ang palabunutan na kanilang tinapon). Kaya iyan ang nakasulat sa liham, kung ano ang kanilang nakita, at ano ang nangyari sa kanila.
\q
\v 27 Ang mga Judio sa buong imperyo ay pumayag na magdiwang sa gayung pamamaraan sa dalawang araw na iyon sa bawat taon. Sinabi nila na sasabihin nila sa kanilang mga kaapu-apuhan at sinuman ang magiging Judio na tiyaking magdiwang ng pista na ito bawat taon. Dapat nilang ipagdiwang ayon sa sinabi ni Mordecai sa kanila na gawin ayon sa liham na isinulat niya.
\p
\v 28 Sinabi nila na kailangan nilang tandaan ang pagdiriwang sa dalawang araw na iyon bawat taon, ipagdiriwang sa bawat salinlahi, ng bawat pamilya, sa bawat siyudad at sa bawat kanayunan. Mataimtin nilang inihayag na sila at kanilang mga kaapu-apuhan ay hindi titigil na tandaan at ipagdiwang ang mga araw na tinawag nilang Purim.

\s5
\p
\v 29 Pagkatapos si Mordecai at Reynang Esther, na anak na babae ni Abihail, sumulat ng pangalawang liham tungkol sa pista ng Purim. Ginamit ni Esther ang kanyang kapangyarihan bilang reyna upang patunayan na totoo ang isinulat ni Mordecai sa una niyang liham.

\s5
\p
\v 30 Ang mga liham na pinatunayan ay ipinadala sa lahat ng mga Judio, sa 127 na lalawigan ng kaharian ni Assuero, na may mga salita na may kahilingan ng kaligtasan at katotohanan.
\v 31 Ang mga liham ay nagpapatunay sa araw ng Purim ang piniling panahon, bilang panunumpa ni Mordecai na Judio at Reynang Esther na maubliga ang mga Judio at ang kanilang kaapu-apuhan na ipagdiwang ang Purim, tulad ng pagtanggap nila sa mga katungkulan na mag-ayuno at managhoy sa ibang panahon.
\p
\v 32 Ang utos ni Esther ay nagpapatunay sa alituntunin tungkol sa kaugalian na kanilang ipagdiriwang ang pista ng Purim at lahat ng ito ay nasa aklat.

\s5
\c 10
\p
\v 1 Pinagbayad ng buwis ni Haring Assuero ang mga taong nakatira sa lupa at sa baybaying-dagat.
\p
\v 2 At lahat ng mga dakilang mga bagay na ginawa ni Assuero dahil sa kanyang kapangyarihan ay naisulat sa Aklat ng mga Alaala ng mga Hari ng Media at Persia. Nakasulat din doon ang isang kasaysayan ng mga dakilang bagay na ginawa ni Mordecai, at ng karangalang ibinigay ng hari sa kanya.

\s5
\p
\v 3 Ang Judio na si Mordecai, ay pangalawa sa katungkulan kay Haring Assuero, at lahat ng mga Judio ay itinuring siya bilang isang napakadakilang tao. Ginagalang siya ng kanyang mga kapatid na lalaki at babaeng Judio, dahil sa hinangad niya ang kapakanan ng kanyang lahi at nagsalita siya upang makamtan ang katiwasayan para sa kanilang lahat.