\id 3JN 3 John


\s5
\c 1
\s పలకరింపులు
\p
\v 1 ప్రియమైన గాయస్ కి, పెద్దనైన నేను (యోహాను) యథార్థమైన ప్రేమతో రాస్తున్నది.
\v 2 ప్రియ సోదరుడా, నీవు ఆధ్యాత్మికంగా వర్ధిల్లుతూ ఉన్నట్టుగానే అన్ని విషయాలలో వర్ధిల్లాలనీ, ఆరోగ్యవంతుడివిగా ఉండాలనీ నేను ప్రార్ధిస్తున్నాను.
\v 3 నీవు సత్యమార్గంలో నడుచుకొంటున్నావని నీ గురించి కొందరు సోదరులు చెప్పగా విని చాలా సంతోషించాను.
\v 4 నా పిల్లలు సత్యమార్గంలో నడుచుకొంటున్నారని తెలుసుకోవడం కన్నా నాకు గొప్ప సంతోషం ఇంకేమీ లేదు.
\s సువార్త పరిచర్య చేసే వారి గురించి

\s5
\p
\v 5 ప్రియ సోదరా, నీవు సోదరుల కోసం, పరుల కోసం చేస్తున్నది నమ్మకంగా చేస్తున్నావు.
\v 6 వాళ్ళు సంఘం ముందు నీ ప్రేమను గూర్చి సాక్షం ఇచ్చారు. దేవునికి తగినట్టుగా వారి ముందున్న ప్రయాణానికి తోడ్పాటు ఇచ్చి పంపించు.
\v 7 వాళ్ళు దేవుని నామం కోసం వెళ్తున్నారు. యూదేతరుల నుండి వాళ్ళు ఏమీ తీసుకోలేదు.
\v 8 మనం సత్యం విషయంలో జత పని వారినిగా వాళ్ళని స్వీకరించాలి.
\s పెత్తనం చెలాయిస్తున్న దెయోత్రెఫే

\s5
\p
\v 9 అక్కడి సంఘానికి నేను రాశాను గాని, వాళ్ళలో గొప్పవాడుగా ఉండాలని కోరుకొనే దియోత్రెఫే మమ్మల్ని అంగీకరించడం లేదు.
\v 10 కాబట్టి, నేను అక్కడికి వచ్చినప్పుడు అతడు చేసిన పనులు, మా విషయంలో మాట్లాడిన చెడ్డ మాటలు గుర్తు చేసుకుంటాను. అంతే కాదు, తాను స్వయంగా సోదరుల్ని ఆహ్వానించడు, ఆహ్వానించిన వారిని అడ్డగించి, సంఘంలోనుండి బహిష్కరిస్తున్నాడు.

\s5
\v 11 ప్రియ సోదరా, చెడుని కాక మంచినే అనుకరించు. మంచి జరిగించేవాడు దేవుని సంబంధి. చెడు జరిగించేవాడు దేవుణ్ణి చూడలేదు.
\s మంచివాడు దేమేత్రి
\p
\v 12 దేమేత్రి గురించి అందరూ మంచి సాక్షం చెప్పారు. సత్యం విషయంలో అతడు మంచి సాక్షం పొందాడు. మేము కూడా మంచి సాక్షం ఇస్తున్నాం. మా సాక్షం సత్యం అని మీకు తెలుసు.

\s5
\v 13 ఇంకా చాలా సంగతులు మీకు రాయాలనుకున్నాను గాని కలంతో, సిరాతో రాయడం నాకు ఇష్టం లేదు.
\v 14 కాని, నేను నిన్ను త్వరలోనే చూడగలనని ఆశిస్తున్నాను. అపుడు మనం ముఖాముఖీ మాట్లాడుకుందాం.
\v 15 నీకు శాంతి కలుగు గాక. స్నేహితులు నీకు అభివందనాలు చెబుతున్నారు. అక్కడి స్నేహితులకు పేరు పేరున మా అభివందనాలు తెలియజెయ్యి.