ilo_udb/67-REV.usfm

\id REV
\ide UTF-8
\h Paltiing
\toc1 Paltiing
\toc2 Paltiing
\toc3 rev
\mt Paltiing

\s5
\c 1
\p
\v 1 Linaon daytoy a libro dagiti banbanag nga impakita ni Jesu-Cristo kaniak, a ni Juan. Impakita ti Dios dagitoy a banbanag kenni Jesus tapno ipakaammo kadagiti adipenna. Dagitoy a banbanag ket mapasamakto iti mabiit. Imbaga ni Jesus dagitoy a banbanag kaniak babaen iti panangibaonna iti anghelna kaniak nga adipenna.
\v 2 Kas saksi, siak a ni Juan, impadamagko ti tunggal banag a nakitak ken nangngegak maipanggep iti sao ti Dios, ken dagiti pudno nga istoria a naited maipanggep kenni Jesu-Cristo.
\v 3 Agaramid ti Dios iti nasayaat iti siasinoman a mangbasa kadagitoy a sasao ken iti siasinoman a dumngeg kadagitoy kabayatan a maibasbasa dagitoy iti napigsa. Agaramidto isuna iti nasayaat kadagiti dumngeg a naimbag kadagitoy ken mangtungpal kadagitoy, ta ti tiempo a pannakapasamak dagitoy a banbanag ket umadanin.

\s5
\v 4 Siak, a ni Juan, isursuratko daytoy a surat para kadagiti pito a bunggoy dagiti namati iti probinsia ti Asia. Maasi koma ti Dios kadakayo ken ikkannakayo koma iti talna, ta isuna ti kanayon nga adda, nga adda ita, ket kanayonto nga adda iti masakbayan. Sapay koma ta dagiti pito nga espiritu nga agtugtugaw iti sangoanan ti tronona ket aramidenda dagitoy a banbanag a maipaay met kadakayo.
\v 5 Sapay koma ta ni Jesu-Cristo-a saan a nagkurang a nangibaga kadatayo iti kinapudno maipanggep iti Dios-- ket maasi kadakayo ken ikkannakayo iti talna. Ta isu ti kauunaan a pinagungar ti Dios manipud kadagiti natay, ken isu ti mangiturturay kadagiti ari ditoy daga. Isu ti nangayat kadatayo, ken nangwayawaya kadatayo manipud kadagiti basbasoltayo babaen iti darana, idi natay isuna iti krus.
\v 6 Isuna ti nangirugi a mangituray iti pagarianna; inlasinnatayo nga agbalin a padi nga umasideg iti Dios ken agdayaw iti Amana kas imbilinna. Ni Jesus ti rumbeng nga itan-oktayo ken dayawentayo iti agnanayon. Daytoy ti kinapudno.

\s5
\v 7 Agsiput! Umayto ni Cristo kadagiti ulep. Tunggal maysa ket makitadanto isuna, pakairamanan dagiti nangpapatay kenkuana babaen iti panangilansada kenkuana iti krus. Tunggal tribu, tunggal kita iti tao ditoy daga, ket agleddaang ken agladingitto inton makitada isuna nga um-umay. Dayta ti kinapudno!
\v 8 Inwaragawag ni Apo Dios, "Siak ti nangirugi iti isu amin a banbanag, siak ti Alpha, ken siak ti mamagpatingga iti amin a banbanag, siak ti Omega. Siak ti adda idi, ken kanayon nga adda ken kanayonto nga adda. Siak ti mangiturturay iti amin a banbanag ken iti amin a tattao."

\s5
\v 9 Siak ni Juan, padayo a namati, agsagsagaba a kas kadakayo gapu ta agturturay ni Jesus kadatayo. Agpapadatayo nga aglak-am iti panagsagaba gapu iti pammatitayo. Pasettayo iti panagturayna ken mangituray iti amin a banbanag, ket siaanustayo nga agiturtured iti tunggal suot ken pannakapadas nga umay. Naibalodak ken naibaonak idiay isla ti Patmos gapu ta intultuloyko iti panangibagbagak kadagiti tattao maipanggep iti mensahe ti Dios ken ti kinapudno maipanggep kenni Jesus.
\v 10 Iti maysa nga aldaw nga agdaydayawkami iti Apo a kaduami dagiti sabali a namati, indalannak ti Espiritu ti Dios. Ket nangngegko nga adda iti agsasao iti likudak. Ti timekna ket kasla trumpeta a mapapauni.
\v 11 Kinunana kaniak, "Isuratmo dagiti nakitam iti nalukot a pagbasaan, ket ipatulodmo kadagiti pito a bunggoy dagiti namati. Ipatulodmo daytoy kadagiti namati kadagiti siudad iti Efeso, Esmirna, Pergamo, Tiatira, Sardis, Filadelfia, ken Laodicea."

\s5
\v 12 Idi nangngegko dagitoy a sasao, timmalyawak a mangkita no siasino iti agsasao. Ket nakitaak iti pito a balitok a pagsilawan.
\v 13 Iti nagbabaetan dagiti pito a balitok a pagsilawan adda sadiay iti kasla aglanglanga a tao (a no dadduma ket maaw-awagan iti anak ti tao). Nakakagay isuna iti atiddug a nakadanun iti sakana ken adda iti balitok a barikes a nakapulipol iti barukongna.

\s5
\v 14 Dagiti buok iti ulona ket kasla kapudaw iti kapas wenno iti katintinnagna a niebe. Dagiti matana ket kasla nasileng nga apuy.
\v 15 Ken dagiti sakana ket kasla tanso a karuruar iti urno, agan-andap iti nalabbaga. Idi nagsao isuna, ti uni ti timekna ket kasla daranudor iti dakkel ken nauneg a karayan.
\v 16 Ig-igganan ti kannawan nga imana dagiti pito a bituen. Adda rumrummuar s ksmpilsn nga agsinnumbangir iti tademna iti ngiwatna. Nagraniag ti rupana a kas karaniag iti init iti tengnga ti aldaw.

\s5
\v 17 Idi nakitak isuna, nagpaklebak iti sakaananna a kaslaak natay. Ngem impatayna ti makannawan nga imana kaniak ket kinunana kaniak, "Saanka nga agbuteng! Siak ti nangirugi kadagiti amin a banbanag ken ti manggibus iti amin a banbanag.
\v 18 Sibibiagak, uray no natayak iti naminsan, iti kinaagpaysuananna, ket sibibiagak iti agnanayon! Addaanak iti pannakabalin a nangatngato ngem ni patay ken tengngelko ti lugar dagiti natay.

\s5
\v 19 Isuratmo ngarud no ania dagiti nakitam. Ken isuratmo no ania dagiti mapaspasamak ita. Ken isuratmo no ania dagiti mapasamakto iti masakbayan.
\v 20 Ti kaipapanan dagiti pito a bituen a nakitam iti makannawanko ken dagiti pito a balitok a pagsilawan ket daytoy: Dagiti pito a bituen ket ibagbagida dagiti anghel a mangbanbantay kadagiti pito a bunggoy dagiti namati idiay Asia, ken dagiti met pito a pagsilawan ket ibagbagida dagiti pito a bunggoy nga adda idiay."

\s5
\c 2
\p
\v 1 Isuratmo daytoy a mensahe iti anghel ti bunggoy dagiti namati idiay siudad ti Efeso: Ibagbaga daytoy ti mangig-iggem kadagiti pito a bituen iti makannawan nga imana, ken ti agpagnapagna kadagiti nagbabaetan dagiti pito a pagsilawan a balitok:
\v 2 'Ammok amin nga inaramidmo. Ammok a nagtrabahoka a nasayaat para kaniak. Ammok a naganuska idi naglabaska kadagiti narigat a tiempo. Ammok met a saanmo a maanusan dagiti managdakdakes a tattao, ken palpalutpotem dagiti tattao maipanggep iti pammatida, ken ammom dagiti mangibagbaga nga isuda ket apostol, ngem saan met.

\s5
\v 3 Ammok met a nagibturka a siaanus idi nagsagabaka gapu ta namatika kaniak ken nagtultuloyka a nagserbi a sipupudno. Uray idi pinagsagabadaka dagiti tattao gapu ta simmurotka kaniak. Nagtultuloyka a nagserbi ken sinalimetmetam dagiti sasaok uray pay no narigat. Saanka a nagsanod wenno nagsardeng, uray pay narigat para kenka.
\v 4 Numan pay kasta, nakaaramidka iti maysa a banag a saan a nasayaat: Saanyon nga ay-ayaten ti tumunggal maysa kasta met a saandakon nga ay-ayaten a saan a kas iti inaramidyo idi damo a nagtalekkayo. Awanen ita ti sigud a panagayatyo kaniak nga adda kadakayo idi damo.
\v 5 Isu nga ibagak kenka a lagipem no kasanonak nga inayat idi. Ayatennak manen a kas iti inaramidmo idi damo. Wenno, no saanmo a kayat, umayakto kenka ket ikkatek ti lawag dagiti agdaydayaw a taripnong, ti bunggoy dagiti namati, ket ikkatekto dayta manipud kenka.

\s5
\v 6 Ngem adda maysa a banag nga ar-aramidem a nasayaat unay: Dagidiay a Nicolaita, dagiti tattao a mangibagbaga a mabalinmo iti agdayaw kadagiti didiosen ken agaramid iti dinederrep--- kaguram dagiti ar-aramidenda, kas iti pananggurak iti daytoy.
\v 7 Tumunggal maysa a kayatna a maawatan ti mensahek ket masapul a dumngeg a siaannad iti mensahe nga ibagbaga ti Espiritu ti Dios kadagiti bunggoy ti namati a nagtataripnong. Ti kari ket naikari ti balligi kadakayo a sumursurot kaniak. Ket mapalubosanto dagidiay agballigi a mangan iti bunga ti kayo a mangted iti biag nga agnanayon, ti kayo nga adda iti minuyongan ti Dios.""

\s5
\v 8 "Isuratmo daytoy a mensahe iti anghel ti bunggoy dagiti namati idiay siudad ti Esmirna: 'Ibagbagak dagitoy a banbanag kadakayo. Siak ti immuna, ti nangirugi iti amin a banbanag ken siak ti maudi, ti mangipagapu nga agpatingga ti amin a banbanag. Siak diay natay ken nagbiag manen.
\v 9 Ammok no kasanoka a nagsagaba. Ammok no kasanoka kakurapay ken adu a banbanag ti pagkasapulam (ngem sika ket pudpudno a nabaknang kadagiti banbanag nga awan patinggana ket saan pulos a maala kenka.) Ammom no kasano ti maaddaan iti tattao a mangilunod kenka ken mangibaga iti dakes a banbanag maipanggep kenka gapu ta sinurotmo ni Cristo. Dagidiay a Judio (a saan a pudpudno a Judio) a mangilunlunod kenka ken mangibagbaga iti dakes a banbanag a maipanggep kenka, isuda ket kamkameng dagiti aguurnong kenni Satanas, ken saan a dagiti agguurnong a tattao ti Dios.

\s5
\v 10 Saanka nga agbuteng iti aniaman kadigiti banbanag a dandanin nga inkasagabaen. Ti kinapudnona ket adda kadakayo ti ikabil ti diablo iti pagbaludan, tapno ikabilnakayo iti narigat a lugar a pakasuotanyo tapno makita no ania a kita ti pammati ti adda kadakayo. Agsabakayonto iti ababa a tiempo. Agtuloykayo nga agtalek kaniak, uray no patayen dakayo gapu iti panagtalekyo kaniak. Ket mangikabilak iti balangat iti uloyo nga isu ti pagilasinan nga addaankayo iti biag nga agnanayon ken nagballigikayo.
\v 11 Dumngeg a nasayaat iti mensahe nga ibagbaga ti Espiritu ti Dios kadagiti bunggoy ti namati a nagtataripnong. Amin nga agballigi ket saanton a matay iti maikaddua a daras.'"

\s5
\v 12 "Isuratmo daytoy iti Anghel ti bunggoy dagiti namati idiay siudad ti Pergamo: 'Ibagbagak dagitoy a banbanag kenka. Siak ti addaan iti dua ti tademna a kampilan.
\v 13 Ammok nga agnanaedka iti disso a no sadino ket nabileg ti pannakabalin ni Satanas ken ti impluwensiyana ket adda iti amin a disso. Ammok a sititibkerka a namati, ken ar-aramidem ti kayatko ken ti napateg kaniak. Uray idi pinatayda ti napudno a tagabok a ni Antipas, nga isu a nagtultuloy a nangibagbaga kadagiti tattao no siasinoak ken no ania ti naaramidko para kadakuada.

\s5
\v 14 Ngem, uray kasta, makitak nga adda dagiti banbanag a mangdaddadael iti pammaneknekmo ken mangpakpakapuy iti kinatulnogmo. Palpalubusam dagiti dadduma kadagiti kamengmo a mangisuro kadagiti banbanag a kas iti insuro ni Balaam idi. Sinuroanna ni Balak a mangan ti taraon a naidaton kadagiti didiosen ken iti dinederrep ket naipalubos kadagiti tattao ti Dios.
\v 15 Iti dayta a wagas, palpalubusam met iti sumagmamano a kamengmo a mangaramid iti insuro dagiti Nicolaita, a maipalubos ti kinaderrep, ngem daytoy ket saan a rumbeng a maipalubos.

\s5
\v 16 Isardengmo nga aramiden daytoy ken baliwam ti turongem, ta no saan, saanakto nga aguray ngem umayakto a kellaat kenka ket makigubatakto kadakuada babaen iti sao ti Dios a rummuar iti ngiwatko.
\v 17 Dengngem a naimbag iti mensahe a sarsaritaen ti Espiritu ti Dios kadagiti bunggoy dagiti namati. Kenkuana nga agballigi, itedkonto ti nailemmeng a manna, a mangtaraon ken mangpapigsa kenka. Ikkakto pay isuna iti puraw a bato, a pangikitikitak iti baro a naganna, nagan nga isuna ken siak laeng iti makaammo.'""

\s5
\v 18 "Isuratmo daytoy a mensahe iti anghel ti bunggoy dagiti namati a nagtataripnong idiay siudad ti Tiatira: 'Siak, ti Anak ti Dios, a dagiti matana ket agranraniag a kasla gumilgil-ayab nga apuy ken dagiti sakana agranraniag a kas napasileng a gambang, ibagak dagitoy a banbanag kenka.
\v 19 Ammok amin a nasayaat a banbanag nga inaramidmo. Ammok nga ay-ayatennak, ken agtaltalekka kaniak. Ammok a pagserserbiam dagiti dadduma ken sititibkerka nga agib-ibtur iti adu a kinarigat. Ammok nga ar-aramidem dagitoy a banbanag nga ad-adda pay tatta ngem iti inaramid mo iti napalabas.

\s5
\v 20 Nupay kasta, nakaaramidka iti banag a saan a nasayaat: Binaybay-am dayta a babai kadagiti tattaom a kasla iti dakes a Reyna a ni Jezebel a nagbiag idi un-unana. Kunana nga isuna ket profeta. Nupay kasta, babaen kadagiti isursurona, al-allilawenna dagiti adipenko. Al-allukoyenna ida a mangaramid iti dinederrep ken mangan iti taraon nga indatonda kadagiti didiosen.
\v 21 Uray pay inikkak isuna iti panawen a tumallikud manipud iti kinaderrepna ken pinapagano nga aramid, saanna a kayat ti agsardeng.

\s5
\v 22 Kas nagbanaganna, pagsakitekto iti nakaru. Pagsagabaekto met iti nakaro dagidiay agar-aramid iti dinederrep a kas kenkuana, no saanda nga isardeng nga aramiden dagiti ar-aramidenna.
\v 23 Nagbalin dagiti dadduma a kas kadagiti annakna babaen iti panangawatda kadagiti isursurona, ket sigurado a papatayek ida. Ket amin dagiti bunggoy dagiti namati ket maammoanda nga ammok ti panpanunoten ken tarigagay ti tumunggal maysa. Gungunaak ti tumunggal maysa kadakayo segun iti naaramidanyo.

\s5
\v 24 Ngem adda nasayaat a banag nga ibagak maipanggep kadagiti dadduma kadakayo a namati nga adda dita siudad ti Tiatira. Nasayaat ta saanyo nga inawat dagitoy saan a nasayaat a banbanag. Nasayaat ta inlaksidyo ti aw-awagan dagidiay a manursuro a 'nalimed a sursuro' nga insuro ni Satanas kadakuada. Saankayo a padagsenan iti uray ania a sabali a bilbilin.
\v 25 Agtultuloykayo laeng a sititibker a mamati kaniak ken agtulnogkayo kaniak inggana nga umayak.

\s5
\v 26 Kadagidiay met mapagballigianda ni Satanas ken agtultuloy nga agaramid iti bilinko aginggana a matayda, itedko kadakuada ti kinaturayko kadagiti amin a bunggoy ti tattao.
\v 27 Lappedandanto isuda a kasla pangpang-urenda iti sarukod a landok. Dadaelendanto dagiti agaramid iti dinadakes a kas iti panangburak dagiti tattao kadagiti nadamili a banga. Itedkonto kadakuada ti karbengan a mangaramid kadagitoy a banbanag, a kas kenni Amak nga intedna kaniak dayta a karbengan.
\v 28 Iti tumunggal maysa nga agballigi kenni Satanas, itedkonto ti bituen ti agsapa.
\v 29 Iti tumunggal maysa a kayatna a makaawat ket masapul a dumngeg a nasayaat iti mensahe a saritaen ti Espiritu ti Dios kadagiti bunggoy dagiti namati a nagtataripnong.'"

\s5
\c 3
\p
\v 1 "Isuratmo daytoy a mensahe iti anghel iti bunggoy dagiti namati a nagtataripnong idiay siudad ti Sardis. 'Ibagbagak dagitoy a banbanag kenka. Siak daydiay addaan kadagiti pito nga Espiritu ti Dios ken kadagiti pito a bituen. Ammok dagiti amin nga inaramidmo. Agparparangka a sibibiag, ngem natayka.
\v 2 Agriingka manipud iti pannaturogmo! Papigsaem dagiti sumagmamano a banag nga adda pay laeng kenka, dagidiay banbanag a dandanin a matay. Masapul nga aramidem daytoy gapu ta ammok nga ibilang ti Diosko nga awan kadagiti inaramidmo iti makapnek.

\s5
\v 3 Isu nga ita, kankanayonmo a laglagipen ti mensahe ti Dios ken ti kinapudno nga inawatmo idi nangngegam daytoy. Kankanayon a tungpalen daytoy ken tumallikodka manipud iti managbasol a galadmo. No saanmo nga aramiden daytoy, umayakto kenka iti tiempo nga saannak a namnamaen, kas iyuumay iti maysa nga agtatakaw. Saanmonto pulos nga ammo no ania a tiempo iti iyuumayko tapno ukomenka.
\v 4 Nupay kasta, addaan ka iti sumagmamano a namati idiay siudad iti Sardis a saan a nagar-aramid iti biddut. Daytoy ket kasla saanda a rinugitan dagiti pagan-anayda. Kas nagbanaganna, gapu ta maikarida a makipagbiag kaniak, makipagbiagdanto kaniak ken nasin-awda iti amin a wagas, kas kadagiti tattao a nakakawes iti puraw.

\s5
\v 5 Dagiti mapagballigianda ni Satanas ket kawesakto met laeng ida kadagiti puraw a pagan-anay. Diakto pulos ikkaten dagiti naganda manipud iti libro ti biag a naglaon iti nagnagan dagiti tattao nga addaan iti biag nga agnanayon. Ngem ketdi, bigbigekto iti imatang iti Amak ken kadagiti anghelna a naibilangda kaniak.
\v 6 Tunggal maysa a mayat a mangawat ket masapul a dumngeg a nasayaat iti mensahe nga ibagbaga ti Espiritu ti Dios kadagiti bunggoy dagiti namati a nagtataripnong."

\s5
\v 7 "Isuratmo daytoy a mensahe iti anghel ti bunggoy dagiti namati a nagtataripnong idiay siudad iti Filadelfia: 'Ibagbagak dagitoy a banbanag kenka. Siak ti Nasantoan ken ti Napudno. Kas met kenni Ari David nga addaan iti turay a mangpalubos kadagiti tattao a sumrek iti siudad ti Jerusalem idi, addaanak met iti turay a mangpalubos kadagiti tattao a sumrek iti pagariak. Siak ti mangluklukat kadagiti ruangan tapno awan ti makairikep kadagitoy ken ti mangirikep kadagiti ruangan tapno awan ti makalukat kadagitoy.
\v 8 Ammok amin nga inaramidmo. Ammoem nga adda linukatak a ruangan a para kenka nga awan ti makaiserra. Ammok nga uray bassit ti pannakabalinmo, nagtulnogka iti imbagak, ken saanmo nga inlibak a namatika kaniak.

\s5
\v 9 Agannadka! Ammok a dadduma kadagiti tattaom ket makisinsinnarakda kadagiti sumursurot kenni Satanas. Ibagbagada nga Judioda, ngem ammok a saanda a pudno nga Judio. Agul-ulbodda. Paumayekto ida kenka ken pagkurnoekto ida a sipapakumbaba kadagiti sakaanam ken ipaaklonkonto kadakuada nga ay-ayatenka.
\v 10 Gapu ta nagtulnogka idi binilinka nga agibturka iti panagsagaba a siaanus, ilisikanto manipud kadagiti mangpadas a mamagbalin kenka nga agsukir kaniak. Aramidendanto daytoy iti kabiitan a panawen iti tunggal maysa iti entero a lubong.
\v 11 Umayakto iti mabiit. Isu nga ituloymo nga aramiden dagiti imbagak kenka, tapno awan iti uray maysa a pakaigapuan iti pannakapukaw ti gungunam nga insagana ti Dios para kenka.

\s5
\v 12 Pagbalinekto a natalged dagidiay mapagballigianda ni Satanas. Natibkerdanto a kas kadagiti adigi iti templo iti Diosko, ket agtalinaeddanto sadiay iti agnanayon. Markaakto ida iti nagan ti Diosko, a mangiparangarang a naibilangda kenkuana. Markaakto met isuda iti nagan iti siudad ti Diosko, ti Baro a Jerusalem, ti siudad a bumabanto manipud langit manipud iti Diosko. Markaakto met isuda iti baro a naganko, a mangiparangarang a naibilangda kaniak.
\v 13 Tunggal maysa a mayat nga mangawat ket masapul a dumngeg a nasayaat iti mensahe nga ibagbaga ti Espiritu ti Dios kadagiti bungbunggoy dagiti namati a nagtataripnong.'

\s5
\v 14 "Isuratmo daytoy iti anghel ti bunggoy dagiti namati a nagtataripnong idiay siudad ti Laodicea: 'Ibagbagak dagitoy a banbanag kenka. Siak ti mangpatpatalged iti amin a kari ti Dios. Siak ti mangpanpaneknek iti maipapan iti Dios, iti wagas a mapagtalkan ken awan pagkuranganna. Siak ti gapuna a pinarsua ti Dios ti amin a banbanag.
\v 15 Ammok ti amin nga inaramidmo. Saanmo nga iliblibak nga agtaltalekka kaniak, ngem saannak nga ay-ayaten unay. Kasla ka iti danum a saan a nalamiis ngem saan met a napudot. Kalikagumak a nalamiiska koma wenno napudotka.
\v 16 Gapu ta saanka a napudot wenno nalamiis, nganngani kan nga ilaksid, a kas iti panangituprak iti apagpatay ti pudotna a danum manipud iti ngiwatko.

\s5
\v 17 Ibagbagam, 'Nabaknangak ken nakagun-odak iti adu a kinabaknang. Awan iti pagkurangak!' Ngem saanmo a mapanunot nga adu iti pagkurangam iti adu a wagas. Kas ka la tattao nga awan serserbina ken nakakaasi, napanglaw, bulsek, ken lamo-lamo.
\v 18 Bagbagaanka nga alaem manipud kaniak dagiti amin a masapulmo a kasla gumatgatangka kaniak iti puro a balitok tapno agbalinka a pudno a nabaknang. Bay-am a pagbalinenka a nalinteg, a kasla gumatgatangka kaniak iti puraw a pagan-anay tapno makapagkaweska, saan ket a lamu-lamoka ken mababain. Itulokmo a tulunganka a mangawat iti kinapudno, a kasla gumatgatangka kaniak iti sapsapo iti mata nga ikabilmo kadagiti agsakit a mata.

\s5
\v 19 Agsipud ta babbabalawek ken ilinlintegko dagiti amin nga ay-ayatek, tumallikudkayo iti amin a pusoyo manipud iti managbasol a kababalinyo.
\v 20 Masapul nga ammoyo nga aw-awagak ti tunggal maysa kadakayo a sumungbat kaniak a kasla agtaktakder ken agur-urayak iti ruanganyo ken agtuktuktok. Umayakto kadagiti amin a makangngeg iti timekko, lukatam ti ruangan, ket awisennak a sumrek. Sumrekakto ket kadduakto isuda kas ar-aramiden dagititi aggagayyem no manganda a sangsangkamaysa.

\s5
\v 21 Palubusakto a makitugaw kaniak ti tunggal maysa nga agballigi maibusor kenni Satanas idiay tronok, kas met panagballigik maibusor kenni Satanas ket ita nakatugawak ken makipagturturayak iti Amak iti tronona.
\v 22 Amin a mayat a mangawat ket masapul a dumngeg a nasayaat iti mensahe ti Espiritu iti Dios nga ibagbagana kadagiti bunggoy dagiti namati nga agtataripnong."

\s5
\c 4
\p
\v 1 Kalpasan dagitoy a banbanag, siak a ni Juan, nakitak iti sirmata nga adda iti nakalukat a ruangan idiay langit. Imbaga kaniak daydiay napigsa ti timekna a kas kapigsa ti trumpeta ken isu a nagsao kaniak iti napalabas, "Umulika ditoy! Ipakitak kenka dagiti paspasamak a masapul a mapasamakto iti masakbayan."
\v 2 Dagus a nariknak ti Espiritu ti Dios a tengtenglennak iti naisangsangayan a wagas. Adda trono idiay langit, ken idiay trono ket adda ti nakatugaw ken agturturay.
\v 3 Ti langana ket nagraniag a kasla narimat a kristal a haspe nga alahas ken kasla narimat a nalabaga a karnelia nga alahas. Iti aglawlaw ti trono ket adda bullalayaw a nagraniag a kasla narimat a berde nga esmeralda.

\s5
\v 4 Iti aglawlaw ti trono, adda pay duapulo ket uppat a trono. Adda agtugtugaw kadagitoy a trono a duapulo ket uppat a panglakayen. Nakakawesda iti puro a puraw a lupot ken adda balitok a korona kadagiti uloda.
\v 5 Manipud iti trono ket immay ti kimat ken dagiti kanalbuong ken gurruod. Umap-apuy dagiti pito a pagsilawan iti sangoanan ti trono, a mangibagi kadagiti pito nga Espiritu ti Dios.

\s5
\v 6 Iti sangoanan ti trono, adda met iti kasla baybay a naaramid iti sarming. Nalitnaw daytoy, kasla kristal. Iti tunggal maysa kadagiti uppat a sikigan ti trono ket adda sibibiag a parsua. Tunggal maysa ket napunpunno iti mata, iti sangoanan ken iti likudan.

\s5
\v 7-8 Ti immuna a sibibiag a parsua ket kasla leon. Ti maikadua a sibibiag a parsua ket kasla kalakian a baka. Ti maikatlo a sibibiag a parsua ket addaan iti rupa a kasla rupa ti tao. Ti maikapat a sibibiag a parsua ket kasla agtaytayab nga agila. Tunggal maysa kadagiti uppat a sibibiag a parsua ket addaan kadagiti innem a payyak. Napunpunno iti mata ti rabaw ken sirok dagitoy a payyak. Aldaw ken rabii a kankanayonda nga ibaga: "Santo, santo, santo ti Apo a Dios, ti Mannakabalin amin. Isuna ti kankanayon nga adda, nga adda ita, ken kankanayonto nga adda."

\s5
\v 9-10 Itantan-ok, idaydayaw ken pagyamyamanan dagiti sibibiag a parsua ti nakatugaw iti trono, ti sibibiag iti agnanayon. Tunggal aramidenda dayta, agpakleb dagiti duapulo ket uppat a panglakayen iti daga iti sangoanan ti nakatugaw iti trono. Agrukbabda kenkuana, ti sibibiag iti agnanayon ken awan patinggana. Idissoda dagiti koronada iti sangoanan ti trono ken ibagada:
\v 11 "Apo ken Diosmi, maikarika nga itan-ok iti amin a parsua; maikarika a dayawen iti amin a parsua; ken maikarika nga amin a parsua ket bigbigenda a mannakabalinka unay. Gapu ta sika laeng ti nangparsua iti amin a banbanag. Maysa pay, gapu ta inggagaram a masapul a tumaudda, pinarsuam ida; kas nagbanaganna, timmaudda."

\s5
\c 5
\p
\v 1 Nakitak nga adda nalukot a pagbasaan iti makannawan nga ima ti agtugtugaw iti trono. Ti nalukot a pagbasaan ket nasuratan iti agsinnumbangir a pasetna, ken naselioan daytoy iti pito a selio.
\v 2 Adda nakitak a napigsa nga anghel a mangiwarwaragawag iti napigsa a timek, "Ti tao a maikari a mangdadael kadagiti selio ti nalukot a pagbasaan ken manglukat iti daytoy ket masapul nga umay ken aramidenna daytoy!"

\s5
\v 3 Ngem awan kadagiti naparsua nga adda idiay langit, iti rabaw ti daga, wenno iti unegna a makabael a manglukat iti nalukot a pagbasaan ken mangkita no ania ti nakasurat iti daytoy.
\v 4 Insangitko iti napigsa gapu ta awan ti maikari a mangaramid iti dayta.
\v 5 Ngem kinuna ti maysa kadagiti panglakayen kaniak, "Saankan nga agsangit pay! Kitaem, ti naawagan iti Leon manipud iti tribu ti Juda, nga isu ti kaputotan ken tagatawid ni Ari David, ket inabaknan ni Satanas! Kas nagbanaganna, maikari isuna a mangdadael iti pito a selio ti nalukot a pagbasaan ken manglukat iti daytoy!"

\s5
\v 6 Kalpasanna, Nakitak ti Kordero nga agtaktakder iti tengnga dagiti uppat a sibibiag a parsua ken dagiti panglakayen iti aglawlaw ti trono. Uray no sibibiag isuna, addaan isuna iti marka a nangipakita nga adda iti nangpatay kenkuana. Addaan isuna iti pito a sara, ken addaan isuna iti pito a mata nga isu dagiti pito nga Espiritu ti Dios nga imbaon ti Dios iti rabaw ti entero a daga.
\v 7 Immay ti kordero ken innalana ti nalukot a pagbasaan manipud iti makannawan nga ima ti agtugtugaw iti trono.

\s5
\v 8 Idi innalana ti nalukot a pagbasaan, nagpakleb dagiti uppat a sibibiag a parsua ken dagiti duapulo ket uppat a panglakayen iti sangoananna. Addaan iti arpa ti tunggal maysa kadakuada, ken addaanda kadagiti balitok a malukong a napno iti insenso a mangibagbagi kadagiti kararag dagiti tattao ti Dios.

\s5
\v 9 Nagkanta dagiti sibibiag a parsua ken dagiti panglakayen iti baro a kanta. Kinantada: "Maikarika nga umawat iti nalukot a pagbasaan ken manglukat kadagiti seliona gapu ta napapatayka, ken gapu ta sinubbotmo dagiti tattao para iti Dios manipud iti tunggal tribu, pagsasao, tattao, ken bunggoy dagiti tattao babaen iti daram idi natayka.
\v 10 Pinagbalinmo ida a tattao nga iturayan ti Dios ken papadi nga agserbi kenkuana; agturaydanto iti daga."

\s5
\v 11 Kabayatan a kumitkitaak, nangngegko dagiti timek ti adu nga anghel iti aglawlaw ti trono ken iti aglawlaw dagiti sibibiag a parsua ken dagiti panglakayen. Million-million ti bilangda, nakaad-adu da la unay ket awan ti makabilang kadakuada.
\v 12 Agkankantada iti napigsa: "Ti kordero a pinapatayda- ket umno a rumbeng nga idaydayawtayo ti pannakabalinna, kinabaknangna, kinasiribna, ken kinapigsana. Umno a rumbeng a dagiti amin a naparsua a banag ket dayawen ken itan-okda isuna!"

\s5
\v 13 Ket nangngegko ti tunggal parsua idiay langit ken iti rabaw ti daga ken iti uneg ti daga ken iti rabaw ti baybay nga ibagbagada, "Masapul nga agnanayon nga itan-ok, idayaw, ken itedtayo ti dayag iti nakatugaw iti trono ken iti kordero. Agturayda koma iti naan-anay a pannakabalin iti agnanayon!"
\v 14 Kinuna dagiti uppat a sibibiag a parsua, "Maaramid koma!" Ket nagpakleb dagiti panglakayen iti daga ken nagrukbabda iti Dios ken iti Kordero.

\s5
\c 6
\p
\v 1 Nakitak a linukatan ti kordero ti umuna kadagiti pito a selio ti nalukot a pagbasaan. Kalpasanna ket imbaga ti maysa kadagiti uppat a sibibiag a parsua iti napigsa a timek a kas kapigsa iti gurruod, "Umayka!"
\v 2 ket adda nagparang a puraw a kabalio. Adda nangsakay iti daytoy, nga addaan iti pana ken kadagiti bai. Inikkan isuna ti Dios iti korona a maipakita nga isuna ti ari a mangparparmek kadagiti tattao. Rimmuar isuna a mangituloy iti panangparmek dagiti tattao.

\s5
\v 3 Kalpasanna, linuktan daydiay kalanglanga ti kordero ti maikadua a selio, ken nangngegko iti maikadua a sibibiag a parsua nga imbagana, "Umayka!"
\v 4 Idi imbagana dayta, adda nalabaga a kabalio a nagparang. Adda met laeng nangkasakay iti daytoy, ket inikkan ti Dios isuna iti panakabalin a mamagbalin kadagiti tattao a saanen nga agbiag a natalna, ngem ketdi agpipinnatayda. Ta gapu iti daytoy a panggep a nakaawit isuna iti dakkel a kampilan.

\s5
\v 5 Kalpasanna ket linuktan ti kordero ti maikatlo a selio, ket nangngegko ti maikatlo a sibibiag a parsua nga imbagana,"Umayka!" Iti daytoy a tiempo, adda nakitak a nangisit a kabalio a nagparang. Adda iti nangkasakay iti daytoy, ken addaan isuna iti agparis a pagtimbangan kadagiti imana.
\v 6 Kalpasanna ket nakangngegak iti timek nga iti unina ket kasla naggapu kadagiti uppat a sibibiag a parsua. Imbagana iti tao a nakasakay iti kabalio, "Aramidem nga iti maysa a litro iti trigo ket aggatad iti nangina unay ket masapul nga agtrabaho iti maysa a tao iti maysa nga aldaw tapno makaurnong iti umdas a kuarta a panggatangna iti daytoy. Aramidem met nga iti tallo a litro iti sebada ket mailako iti isu met laeng a gatad. Ngem saan a kissayan ti lana nga olibo ken arak.

\s5
\v 7 Kalpasanna linuktan ti kordero ti maikapat a selio, ket nangngegko ti maikapat a sibibiag a parsua a kinunana, "Umayka!"
\v 8 Iti daytoy a tiempo, adda nakitak a nabessag ti marisna a kabalio a nagparang, adda iti nangsakay iti daytoy. Ti naganna ket "Ti mangipagpagapu iti ipapatay dagiti tattao". Ken adda pay iti sumarsaruno kenkuana, ti naganna daytoy ket, "Ti lugar a papanan dagiti tattao a natay". Inikkan ti Dios dagitoy a dua iti panakabalin a mangpapatay iti kakapat dagiti amin a tattao iti entero a lubong. Mabalin a papatayenda isuda babaen kadagiti armas, wenno iti panagbisin, wenno babaen iti sakit, wenno babaen kadagiti atap nga ay-ayup.

\s5
\v 9 Kalpasanna linukatan ti kordero ti maikalima a selio, ken nakitak iti sirok ti altar sadi langit dagiti espiritu dagiti adipen ti Dios, a pinapatay dagiti dadduma, gapu ta dagitoy nga adipen ket namatida iti mensahe ti Dios, ken gapu ta imbagada kadagiti dadduma ti kinapudno maipapan iti daytoy ken ni Jesus.
\v 10 Sipipigsa a sinaludsodda iti Dios, "Kangatoan nga Apo, nasantoanka ken pudno. Kasano pay iti kabayagna sakbay nga ukomem ken dusaem dagiti tattao a nangpapatay kadakami iti rabaw ti daga?"
\v 11 Kalpasanna, inikkan ti Dios ti tunggal maysa iti atiddog a kagay a maris puraw, ket imbagana kadakuada nga aginanada ken aganusda pay iti mabayag bassit. Masapul nga aganusda inggana a patayen dagiti dakes a tattao dagiti amin a a namati a kaduada a nagserbi iti Apo. Dagitoy a namati ket isuda dagiti kayat ti Dios a matay iti wagas a kas iti pannakatay dagiti dadduma.

\s5
\v 12 Kalpasanna ket nakitak a linuktan ti kordero ti maikainnem a selio, ket naggungon a sidadawel ti daga. Ngimmisit ti init a kas iti kangisit ti lupot a naaramid iti buok iti ayup. Limmabbaga ti entero a bulan a kas kalabbaga iti dara.
\v 13 Naregreg dagiti bituen iti daga, a kas kadagiti naganus nga igos a naregreg idi ginungon ti napigsa nga angin ti kayo nga igos.
\v 14 Nagsina a nalukatan ti tangatang ket nalukot kadagiti igidna a kas iti panaglukot iti daan a pagbasaan no mapigis daytoy iti dua. Tunggal bantay ken isla ket nagungon a naiyalis iti lugarna.

\s5
\v 15 Kas nagbanaganna, amin dagiti tattao iti rabaw iti daga a pakairamanan dagiti ar-ari, dagiti tattao a nangangato ti ranggoda, dagiti heneral, dagiti nababaknang a tattao, dagiti nabibileg a tattao, ken dagiti dadduma pay, adipen ken nawaya, ket naglemmengda kadagiti kueba ken kadagiti nagbabaetan dagiti dadakkel a batbato iti bantay.
\v 16 Ket pinukkawanda dagiti banbantay ken dagiti dadakkel a batbato, "Gaburandakami ken ilemmengdakami tapno saannakami a makita ti nakatugaw iti trono ken tapno saannakami a mabalinan a dusaen ti kordero!
\v 17 Daytoy ti nakabutbuteng nga aldaw a panangdusada kadatayo. Awan ti makalasat!"

\s5
\c 7
\p
\v 1 Kalpasan daytoy, adda nakitak nga uppat nga anghel a nakatakder iti daga. Ti maysa ket agtaktakder iti ammianan, ti maysa ket iti daya, ti maysa ket iti abagatan, ken ti maysa ket iti laud. Laplappedanda dagiti angin tapno saan nga agpuyupoy dagitoy ken saan a madadael dagiti banbanag iti rabaw ti daga, iti taaw, wenno iti tunggal kayo.
\v 2 Kalpasanna, adda nakitak a sabali nga anghel nga agpangpangato manipud iti daya. Awit-awitna ti timbre ti Dios. Babaen iti daytoy a timbre, ti Dios a Mannakabalin-amin, markaanna dagiti bukodna a tattao tapno salaknibanna ida. Daytoy nga anghel ket agpukpukkaw iti nakapigpigsa kadagiti uppat nga anghel a binilin ti Dios a mangdangran iti daga, ken iti taaw.
\v 3 Kinunana kadakuada, "Saanyo pay laeng a dangran ti daga wenno ti taaw wenno dagiti kayo agingga a mamarkaanmi dagiti muging dagiti adipen ti Diostayo."

\s5
\v 4 Ket ti anghel ken dagiti kakaduana nga anghel, minarkaanda amin dagiti adipen ti Dios. Nangngegak ti dagup dagiti tattao a minarkaanda. Ti dagupna ket 144,000. Dagitoy a tattao ket nagtaud kadagiti tribu ti Israel.
\v 5 Sagsasangapulo ket dua a ribu ti minarkaan dagiti anghel manipud iti tunggal tribu ti Israel: iti tribu ti Juda, iti tribu ti Ruben, iti tribu ti Gad,
\v 6 iti tribu ti Aser, iti tribu ti Naftali, iti tribu ti Manases,

\s5
\v 7 iti tribu ti Simon, iti tribu ti Levi, iti tribu ti Isacar,
\v 8 iti tribu ti Zabulon, iti tribu ti Jose, ken iti tribu ti Benjamin.

\s5
\v 9 Kalpasan a napasamak dagitoy a banbanag, nakakitaak ti nakaad-adu a tattao. Nakaad-aduda unay ket awan ti uray maysa a tao a makabael a mangbilang kadakuada. Naggapuda kadagiti amin a nasion, iti amin a tribu, iti amin a bunggoy ti tattao, ken iti amin a pagsasao. Agtaktakderda iti sangoanan ti trono ken iti sangoanan ti kordero. Nakakawesda iti puraw ken addaanda iti sanga ti palma nga ipaypayapayda kas panagrambakda.
\v 10 Impukkawda iti nakapigpigsa, "Iti Dios tayo, nga isu iti nakatugaw iti trono, ken iti kordero a nangisalakan kadatayo manipud iti bileg ni Satanas!"

\s5
\v 11 Agtaktakder dagiti amin nga anghel iti aglawlaw ti trono, iti aglawlaw dagiti panglakayen, ken iti aglawlaw dagiti uppat a sibibiag a parsua. Nagpaklebda amin iti sangoanan ti trono ken idaydayawda ti Dios.
\v 12 Kinunada, "Wen, pudno! Itantan-okmi, agyamankami kenka ken raraemendaka, Diosmi, iti agnanayon! Ammomi a sika ket naan-anay a nasirib, mannakabalinka, kabaelam nga aramiden dagiti amin a banbanag iti agnanayon! Pudno dayta!"

\s5
\v 13 Ket nagsaludsod ti maysa kadagiti panglakayen kaniak, "Dagitoy a tattao a nakakawes iti puraw a kagay, ammom kadi no siasinoda ken sadino ti naggapuanda?"
\v 14 Simmungbatak kenkuana, kinunak, "Apo, saanko nga ammo. Sigurado nga ammom no siasinoda!" Kinunana kaniak, "Dagitoy dagiti tattao a pinagsagaba iti kasta unay dagiti dadduma a tattao. Natay ti kordero para kadakuada, ken pinakawan ida ti Dios kadagiti basbasolda. Kasla da la linabaan dagiti kagayda iti darana ket nadalusan dagitoy.

\s5
\v 15 Gapu iti daytoy, addada iti sangoanan ti trono ti Dios, ket daydayawenda isuna iti aldaw ken rabii iti templona. Ti Dios, a nakatugaw iti trono, ket salaknibanna ida.
\v 16 Kas pagbanaganna, saandanton a mabisinan manen. Saandanton a mawaw manen. Saandanton a madarang iti init, wenno masinit iti uray ania a pudot.
\v 17 Gapu ta ti kordero nga adda iti trono ket aywanannanto ida, a kas iti panangaywan ti maysa nga agpaspastor kadagiti karnerona. Idalannanto ida iti paggapuan ti biag nga agnanayon, a kas iti agpaspastor nga idauloanna dagiti karnerona a mapan kadagiti ubbog. Saanton nga ipalubos ti Dios nga aglidayda. Kaslanto la punpunasenna dagiti amin a lulua kadagiti matada."

\s5
\c 8
\p
\v 1 Kalpasanna, linukatan ti kordero ti maikapito a selio, ket nagulimek sadi-langit iti apagbiit a tiempo.
\v 2 Nakitak dagiti pito nga anghel a nakatakder iti sangoanan ti Dios. Inikkanna iti trumpeta ti tunggal maysa kadakuada.

\s5
\v 3 Sabali pay nga anghel iti dimteng ket nagtakder iti ayan ti altar. Addaan isuna iti balitok a malukong a pangpuoran iti insenso. Inikkan isuna iti Dios iti adu nga insenso tapno idatonna daytoy a kaduana dagiti kararag dagiti amin a tattao ti Dios, iti rabaw ti balitok nga altar nga adda iti sangoanan ti trono ti Dios. Kalpasanna, pinuoranna daytoy nga insenso iti altar.
\v 4 Manipud iti malukong nga ig-iggaman ti anghel, nagpangato iti Dios ti asuk ti insenso, kasta met dagiti kararag dagiti tattao ti Dios.
\v 5 Kalpasanna, innala ti anghel ti balitok a malukong ket kinargaanna iti beggang manipud iti altar. Impuruakna amin iti daga. Gimluong ken nagdalagudog iti gurruod, naggilap ti kimat, ken nagungon iti daga.

\s5
\v 6 Kalpasanna, dagiti pito nga anghel a mangig-iggem iti saggaysa kadagiti pito a trumpeta, nagsagana a mangpuyot kadagitoy.
\v 7 Pinuyutan ti umuna nga anghel ti trumpetana, ket nagtudo iti uraro ken apoy a nalaokan iti dara iti daga. Kas nagbanaganna, napuoran ti apagkatlo ti amin nga adda iti rabaw ti daga: napuoran ti apagkatlo dagiti kaykayo, ken napuoran ti apagkatlo dagiti nalangto a ruot.

\s5
\v 8 Kalpasanna, pinuyutan ti maikadua nga anghel ti trumpetana, ket adda maysa a banag a kasla dakkel a bantay a sumsumged a natnag iti baybay. Kas nagbanaganna, limmabaga a kasla dara ti apagkatlo ti baybay,
\v 9 ket natay ti apagkatlo dagiti sibibiag a parsua iti baybay, ken nadadael ti apagkatlo dagiti barko iti baybay.

\s5
\v 10 Kalpasanna, pinuyutan ti maikatlo nga anghel ti trumpetana, ket adda dakkel a bituen a sumsumged a kasla pagsilawan, a natnag manipud iti tangatang iti apagkatlo dagiti karayan ken iti apagkatlo dagiti ubbog.
\v 11 Ti nagan ti bituen ket Kinapait. Kas nagbanaganna, ti apagkatlo dagiti karayan ken dagiti ubbog ket nagbalin a napait. Adu a tattao ti natay idi imminomda iti danum gapu ta nagbalin daytoy a napait.

\s5
\v 12 Kalpasan a pinuyotan ti maikapat nga anghel ti trumpetana, ket dinangran ti Dios ti init, ti bulan ken dagiti bitbituen isu a napukawda ti raniagda iti apagkatlo a paset ti tiempo. Saan a nagraniag ti init kabayatan iti apagkatlo a paset ti aldaw, ket a saan a nagraniag ti bulan ken dagiti bituen kabayatan iti apagkatlo a paset ti rabii.

\s5
\v 13 Kabayatan nga agbuybuyaak, adda nangegko nga agila nga agtaytayab iti nakangatngato idiay tangatang nga ipukpukkawna iti nakapigpigsa, "Nakaal-alinggaget a pagteng ti mapasamakto kadagiti tattao nga agnanaed iti rabaw ti daga inton puyutan dagiti tallo a nabatbati pay nga anghel dagiti trumpetada! Umadanin iti panangpuyotda kadagitoy!"

\s5
\c 9
\p
\v 1 Kalpasanna, pinuyotan ti maikalima nga anghel ti trumpetana, ket adda nakitak a bituen a natnag iti daga manipud iti tangatang. Inted ti Dios iti daytoy ti tulbek iti ruangan a bimmaba iti lubong dagiti natay.
\v 2 Idi linukatanna dayta a ruangan, adda asuk a nagpangato manipud iti daytoy, kasla asuk a naggapu iti sumsumged a dakkel nga urno. Linengdan ti asuk ti lawag ti init ken ti tangatang isu nga awan iti siasinoman makakita iti daytoy.

\s5
\v 3 Adu a dudon ti immay iti daga manipud iti asuk. Inikkan ida ti Dios iti pannakabalin a mangsilud kadagiti tattao a kas iti panangsilud dagiti manggagama kadagiti tattao.
\v 4 Binagaan ti Dios dagiti dudon a masapul a saanda a dangran dagiti ruot iti daga wenno aniaman a mulmula wenno aniaman a kayo. Imbaga ti Dios a dangranda laeng dagiti tattao nga awanan iti marka kadagiti mugingda, a mangipakita a tattao ida ti Dios.

\s5
\v 5 Saan a pinalubosan ti Dios a papatayen dagiti dudon dagidiay a tattao. Ngem ketdi, lima a bulan a saan a nagsardeng dagiti dudon iti panangparparigatda kadagiti tattao. Ti ut-ot a marikna dagidiay a tattao ket kas iti ut-ot a marikna ti maysa a sinilud ti manggagama.
\v 6 Kabayatan ti tiempo a parparigaten dagiti dudon dagiti nasusukir a tattao, ti ut-ot ket nakaronto unay ket mangbirukto dagiti tattao iti wagas tapno mataydan, ngem saandanto a makabiruk iti aniaman a wagas. Tarigagayandanto a matay, ngem saandanto a matay.

\s5
\v 7 Aglanglanga a kasla kabalio a nakasagana a makigubat dagiti dudon. Adda kadagiti uloda ti kasla balitok a korona. Dagiti rupada ket kasla kadagiti rupa dagiti tattao.
\v 8 Addaanda iti buok nga atiddog a kas kaatiddog ti buok dagiti babbai. Dagiti ngipenda ket kas kapigsa dagiti ngipen dagiti leon.
\v 9 Nakasuotda kadagiti kalasag a naaramid iti landok. Idi agtaytayabda, nangparnuay iti uni dagiti payakda a kas iti uni a maparnuay ti adu a kabalio a mangguyguyod kadagiti karwahe kabayatan nga agtatarayda a mapan iti paggugubatan.

\s5
\v 10 Addaanda kadagiti ipus a kas kadagiti manggagama. Siludenda dagiti tattao babaen kadagitoy nga ipus. Adda iti ipusda ti pannakabaelda a mangdangran kadagiti tattao iti las-ud ti lima a bulan.
\v 11 Ti ari a nangituray kadakuada ket ti anghel iti awan patinggana a yuyeng. Ti naganna iti pagsasao a Hebreo ket Abaddon. Iti met pagsasao a Griego ket Apolion. Ti kayat a sawen dagitoy dua a nagan ket "Mangdadael"
\v 12 Dita a nagleppas ti umuna a nakaal-alinggaget a pasamak. Ngem nasken a maammoanyo nga adda pay iti dua a nakaal-alinggaget a pasamak nga umay.

\s5
\v 13 Kalpasanna, pinuyotan iti maikanem nga anghel ti trumpetana, ket nakangngegak iti timek a naggapu kadagiti uppat a suli ti balitok nga altar nga adda iti imatang ti Dios.
\v 14 Ibagbaga ti timek iti maikanem nga anghel a siiiggem iti trumpeta, "Wayawayaam dagiti uppat nga anghel nga inrakedko idiay dakkel a karayan Eufrates."
\v 15 Ket nawayawayaan ngarud dagidiay nga uppat nga anghel, inur-urayda dayta nga oras iti dayta nga aldaw, bulan ken tawen. Nawayawayaanda tapno ikkanda dagiti soldado iti kabaelan a mangpatay iti apagkatlo dagiti tattao.

\s5
\v 16 Ti bilang dagiti soldado a nakasakay kadagiti kabalio ket dua-gasut a miliones. Nangngegko nga adda iti nangibaga no manoda amin.
\v 17 Nakitak iti sirmata no ania ti langa dagiti kabalio ken dagiti soldado a nakasakay kadagitoy. Nakasuot dagiti soldado iti kalasag a kas kalabaga iti apuy, nalidem nga asul a kas iti asuk, ken duyaw a kas iti asufre. Ti ulo dagiti kabalio ket kasla ulo dagiti leon. Rumrumuar manipud kadagiti ngiwatda ti apuy, asuk ken dagiti singaw ti sumsumged nga asufre.

\s5
\v 18 Dagidiay tallo a banag - ti apuy, ti asuk ken ti sumsumged nga asufre manipud kadagiti ngiwat dagiti kabalio- ket isu ti nangpapatay iti apagkatlo dagiti tattao.
\v 19 Ti bileg dagiti kabalio ket adda kadagiti ngiwatda ken kadagiti ipusda. Dagiti ipusda ket addaan kadagiti ulo a kasla kadagiti uleg nga isu ti pinangdangranda kadagiti tattao.

\s5
\v 20 Ngem dagiti nabatbati kadagiti tattao, dagidiay saan a natay gapu kadagiti didigra iti apuy ken asuk ken sumsumged nga asufre, saanda a tinnallikudan dagiti dakes a banbanag nga ar-aramidenda. Saanda nga insardeng ti panagrukrukbabda kadagiti demonio wenno kadagiti didiosen nga isuda mismo ti nangaramid manipud iti balitok, iti pirak, iti tanso, iti bato, ken iti kayo. Saan nga insardeng dagiti tattao iti nagrukrukbab kadagitoy, uray pay isuda dagiti didiosen a saan a makakita, makangngeg wenno makapagna.
\v 21 Saanda a nagsardeng a mangpatpatay kadagiti tattao, wenno agsalamangka, wenno agar-aramid iti kinaderrep, wenno agtaktakaw kadagiti banbanag.

\s5
\c 10
\p
\v 1 Iti sirmata adda nakitak a maysa pay a nabileg nga anghel a bimmaba manipud langit. Napalawlawan isuna iti ulep. Adda bullalayaw iti ngatoen ti ulona. Nagraniag ti rupana a kas iti raniag ti init. Dagiti sakana ket aglanglanga a kasla ad-adigi nga apuy.
\v 2 Iggemna ti bassit a naukrad a pagbasaan. Imbaddekna ti makannawan a sakana iti rabaw ti baybay ken ti makannigid a sakana iti rabaw ti daga.

\s5
\v 3 Adda impukkawna babaen iti napigsa a timek, timek a kasla ngernger ti leon. Idi nagpukkaw isuna, naggurruod iti naminpito a daras; iti gurruod ket adda dagiti sasao a mabalinko a maawatan.
\v 4 Isuratko koma dagiti sasao a nangngegko, ngem kinuna kaniak ti timek a naggapu sadi langit, "Pagtalinaedem a palimed no ania ti kinuna ti gurruod! Saanmo nga isurat daytoy!"

\s5
\v 5 Kalpasanna, ti anghel a nakitak nga agtaktakder iti baybay ken iti daga ket inngatona ti makannawan nga imana nga inturongna idiay langit,
\v 6 ken dinawatna iti sibibiag iti agnanayon - ti nangparsua iti langit ken kadagiti amin a linaonna, a nangparsua iti daga ken kadagiti amin a linaonna, ken nangparsua iti baybay ken kadagiti amin a linaonna – tapno saksian daytoy a ti ibagana ket pudno. Imbaga ti anghel nga awan duadua a saannan nga itantan pay no ania ti pinanggep ti Dios nga aramidenna.
\v 7 Imbagana nga inton dumtengen ti tiempo a puyotan ti maikapito nga anghel ti trumpetana, ti palimed a panggep ti Dios ket matungpalton, a kas kinunana idi kadagiti adipenna, nga isu dagiti profeta.

\s5
\v 8 Ti nangngegko a nagsao manipud langit ket nagsao manen kaniak. Kinunana, "Inka alaen ti naukrad a pagbasaan manipud iti ima ti anghel nga agtaktakder iti rabaw ti baybay ken iti rabaw ti daga."
\v 9 Isu a napanak iti ayan ti anghel ket kiniddawko kenkuana nga itedna kaniak ti bassit a pagbasaan. Kinunana kaniak, "Alaem daytoy ket kanem. Nasam-itto daytoy a kasla diro iti ngiwatmo, ngem napaitto daytoy iti tianmo."

\s5
\v 10 Innalak ti bassit a pagbasaan manipud iti ima ti anghel ket kinnanko daytoy. Nasam-it daytoy a kasla diro iti ngiwatko, ngem napait daytoy iti tianko.
\v 11 Ti nagsao manipud langit ket kinunana kaniak, "Masapul nga isaom manen dagiti mensahe ti Dios maipanggep iti nakaad-adu a pagilian, bunggoy dagiti tattao, tattao a makin-sao kadagiti adu a pagsasao, ken kadagiti adu nga ar-ari."

\s5
\c 11
\p
\v 1 Ket inikkannak ti maysa nga anghel iti maysa a runo a kapadpada ti maysa a pangrukod a kayo. Kinuna ti Dios kaniak, "Mapanka iti templo, rukodem daytoy ken ti altar nga adda iti uneg, ken bilangem dagiti tattao nga agdaydayaw sadiay.
\v 2 Ngem saanmo a rukoden ti paraangan ti mismo a templo gapu ta intedkon daytoy kadagiti bunggoy ti tattao a saan a Judio. Ket ti pagbanaganna, baddebaddekandanto ti siudad ti Jerusalem iti uppat a pulo ket dua a bulan.

\s5
\v 3 Mangibaonakto ti dua a saksi a mangipakaammo iti ipakaammok kadakuada iti las-ud iti 1,260 nga aldaw. Ipakitadanto a maladingitanda maipanggep iti basol dagiti tattao babaen iti panagkawesda kadagiti nakersang a kawes a naaramid manipud iti buok ti kalding."
\v 4 Dagidiay a saksi ket isuda dagiti kaipapanan ti dua a puon ti olibo ken ti dua a pagikabkabilan iti pagsilawan nga adda iti sangoanan ti Apo, a mangiturturay iti daga.
\v 5 No addaman iti mangpadas a mangdangran kadagidiay a saksi, adda apuy a rummuar kadagiti ngiwat dagitoy a saksi ket uramenda dagiti mangpadas a mangdangran kadakuada. No kayat ida a dangran dagiti tattao, awan duadua a papatayen ida dagiti dua a saksi iti isu met laeng a wagas.

\s5
\v 6 Maaddaanto dagidiay a saksi iti turay iti tangatang tapno lappedanda ti tudo kabayatan ti tiempo a panangiwaragawagda iti ipakaammo ti Dios kadakuada. Addaanda met iti turay a pagbalinen ti danum a dara, iti sadinoman; Addanto met turayda a mangibaon iti daga iti amin a kita dagiti didigra. Aramidendanto daytoy tunggal kayatda nga aramiden daytoy.
\v 7 Inton nalpasdan nga inwaragawag kadagiti tattao ti mensahe a naggapu iti Dios, rauten ken parmekento ida ti narungsot nga animal a rumuar manipud iti nauneg a yuyeng, ket patayennanto ida.

\s5
\v 8 Maiwalangto dagiti bagi dagiti dua a saksi iti kalsada ti dakkel a siudad a nakailansaan ti Apoda, ti siudad ket maaw-awagan a Sodoma wenno Egipto gapu ta dagiti tattao nga agnanaed iti daytoy ket nagdakes unay a kas kadagiti tattao a nagbibiag sadiay Sodoma ken Egipto idi.
\v 9 Kitaento ti tunggal tao manipud kadagiti adu a bunggoy ti tattao, kadagiti tribu, kadagiti nadumaduma a pagsasao, ken kadagiti pagilian, dagiti bangkayda iti tallo ket kagudua nga aldaw. Ngem saandanto a palubosan ti siasinoman a mangitabon kadagiti bangkayda.

\s5
\v 10 Inton makita dagiti tattao nga agbibiag iti daga a natayen dagiti saksi, agragsakdanto ken agrambakda. Agririnnegalodanto pay gapu ta dagitoy a dua a profeta ket nangyegda iti didigra a nangparigat kadakuada.
\v 11 Ngem kalpasan iti tallo ket kagudua nga aldaw, pagungarento ida ti Dios. Tumakderdanto, ken agbutengto dagiti tattao a makakita kadakuada.
\v 12 Makangngegto dagiti dua a saksi iti napigsa a timek a naggapu sadi langit a kunana kadakuada: "Umulikayo ditoy!" Ket mapandanto sadi langit babaen iti ulep. Buybuyaento ida dagiti kabusorda iti panagpangatoda.

\s5
\v 13 Iti dayta met laeng a tiempo addanto iti napigsa a ginggined, ket ti pagbanaganna, marebbanto ti apagkapulo dagiti patakder iti siudad, ken matayto iti pito a ribu a tattao. Dagiti nabatbati a tattao ket agbutengdanto ken bigbigendanto a ti Dios a mangiturturay sadi langit ket naindaklan.
\v 14 Daytanto ti maikadua a nakabutbuteng a pasamak. Ammoenyo ta iti maikatlo a nakabutbuteng a pasamak ket mapasamakto iti mabiit.

\s5
\v 15 Ket pinuyutan ti maikapito nga anghel ti trumpetana. Dagiti timek sadi langit ket nagpukkawda iti napigsa, "Ti Apo a Diostayo ken ti Cristo a dinutokanna ket agturayen kadagiti amin a tattao iti lubong, ken itultuloydanto nga iturayan dagidiay a tattao iti agnanayon!"

\s5
\v 16 Nagpakleb dagiti dua pulo ket uppat a panglakayen a nakatugaw kadagiti tronoda iti sangoanan ti Dios ket nagpaklebda ken nagdayawda kenkuana.
\v 17 Kinunada; "Apo Dios, sika ti Mannakabalin! Sika ti sibibiag ita! Sika ti agnanayon nga adda! Agyamankami kenka ta pinarmekmo babaen iti pannakabalinmo ti tunggal maysa a nagsukir kenka, ket sika itan ti mangiturturay kadagiti amin a tattao iti sangalubongan.

\s5
\v 18 Dagiti tattao kadagiti pagilian nga awanan pammati ket makaung-unget unay kenka. Kas nagbanaganna, kasta unay ti pungtotmo kadakuada. Inkeddengmo a daytoyen ti tiempo nga ukomem dagiti amin a natay a tattao. Inkeddengmo pay a daytoyen ti tiempo a gungunaam dagiti amin nga adipenmo, isuda dagiti profeta ken dagiti nabatbati a tattaom a mangpadpadayaw kenka, napateg man wenno nanumo. Tiempom payen a manggunguna kadakuada amin. Inkeddengmo pay a daytoy ti tiempo a panangdadaelmo kadagiti tattao a nangdaddadael kadagiti dadduma iti daga."

\s5
\v 19 Kalpasanna, inlukat ti Dios ti templona sadi langit, ket nakitak iti uneg daytoy ti nasantoan a lakasa. Agkimkimat; aggur-gurruod ken agdardaranudor; nagginggined ti daga, ken nagtudo iti dadakkel a yelo manipud tangatang.

\s5
\c 12
\p
\v 1 Kalpasanna, maysa a banag a nakapatpateg unay ti nagparang iti tangatang. Maysa a babai daytoy a ti kawesna ket ti init. Ti bulan ket adda iti babaen ti sakana. Iti ulona, adda iti balangat ti balligi a naaramid babaen iti sangapulo ket dua a bituen.
\v 2 Dandani isuna nga agpasngay ket agik-ikkis isuna gapu ta agsagsagaba isuna gapu iti ut-ot.

\s5
\v 3 Adda pay sabali a naidumduma a nagparang iti tangatang. Maysa a dakkel a nalabaga a dragon. Addaan daytoy iti pito nga ulo ken sangapulo a sara. Adda korona iti tunggal ulona.
\v 4 Ingguyod ti dragon ti apagkatlo dagiti bituen iti tangatang ken impurwakna iti daga. Napan ti dragon iti sangoanan ti babai a dandani agpasngay tapno mabalinna nga alun-onen a dagus ti anak ti babai apaman a maipasngay daytoy.

\s5
\v 5 Kalpasanna, nagpasngay ti babai iti maladaga a lalaki a naikeddeng a mangituray kadagiti amin a bunggoy ti tattao, nga addaan iti naan-anay a turay a kasla mangus-usar isuna iti landok a sarukod. Innala ti Dios ti maladaga ket inkabilna iti tronona.
\v 6 Ngem nagkamang ti babai idiay let-ang. Adda insagana ti Dios a disso sadiay para kenkuana tapno maaywanan isuna ti Dios iti las-ud ti 1,260 nga aldaw.

\s5
\v 7 Kalpasanna, adda gubat sadi langit. Nakiranget da Miguel ken dagiti anghel nga idadauloanna iti dragon. Nakirinnupak met ti dragon ken dagiti anghelna kada Miguel ken kadagiti anghelna.
\v 8 Ngem saan a nangabak ti dragon iti dayta a gubat; ken saanen a pinalubosan ti Dios nga agian ti dragon ken dagiti anghelna sadi langit.
\v 9 Ngem ketdi, impurwak ti Dios ti dakkel a dragon manipud langit. Ti uleg ket isu daydi nagkauna nga uleg, isu ti maaw-awagan iti Diablo ken Satanas. Isuna ti mangal-allilaw kadagiti tattao iti entero a daga. Naitapuak isuna iti daga karaman dagiti amin nga anghelna.

\s5
\v 10 Kalpasanna, adda nangngegko a nagpukkaw iti napigsa sadi langit, "Ita, insalakanen ti Diostayo dagiti tattaona babaen iti pannakabalinna, ken iturturayannan amin a tattao! Ita, ti Cristona, nga isu ti kangatoan a turay a dinutukan ti Dios, ket addaan iti karbengan nga agturay iti sadinnoman gapu ta ti Diostayo ket intapuaknan manipud langit ti mangak-akusar kadagiti padatayo a namati nga agar-aramidda kano iti biddut. Ak-akusaran ida ti dragon iti bigat ken iti rabii, iti sangoanan ti Diostayo.

\s5
\v 11 Napagballigian dagiti padatayo a namati isuna gapu ta ti kordero ket inbukbokna ti darana ken natay para kadakuada ken gapu ta insaoda ti pudno maipanggep kenkuana iti dadduma a tattao. Saanda a sinapul iti panagtalinaedda a sibibiag, ngem sipapalubosda nga uray patayen ida dagiti tattao gapu iti panangibagada iti kinapudno maipanggep kenkuana.
\v 12 Isu nga amin nga adda sadi langit ket rumbeng nga agrag-o. Ngem nakabutbutengto dagiti banbanag a mapasamak kadakayo a tattao nga agnanaed iti daga ken iti baybay gapu ta ti diablo ket immayen kadakayo. Kasta unay ti pungtotna gapu ta ammona a bassit laengen ti tiempona sakbay iti panangukom ken panangdusa kenkuana ti Dios."

\s5
\v 13 Idi naamiris ti dragon a maitapuak isuna iti daga, kinamatna ti babai a nangipasngay iti maladaga a lalaki.
\v 14 Ngem inikkan ti Dios ti babai iti dua a payyak a kasla payyak ti nakadakdakkel nga agila tapno mabaelanna ti tumayab a mapan idiay let-ang a nangisaganaan ti Dios iti disso para kenkuana. Sadiay, inaywanan isuna ti Dios iti tallo ket kagudua a tawen. Saan a nakadanon ti uleg, nga isu ti dragon, iti ayan ti babai.

\s5
\v 15 Ket nangipugso ti uleg iti danum a kasla karayan ti kaaduna, nga agturong iti babai tapno maiyanud daytoy.
\v 16 Ngem tinulongan ti daga ti babai babaen iti panagnganga ti daga ket inalun-onna ti karayan nga impugso ti dragon.
\v 17 Ket kasta unay ti pungtot ti dragon iti babai, isu a pimmanaw isuna tapno rautenna dagiti nabati a kaputotan ti babai. Isuda dagiti tattao nga agtultulnog kadagiti bilbilin ti Dios ken agibagbaga iti kinapudno maipanggep kenni Jesus.
\v 18 Kalpasanna, nagtakder ti dragon iti igid ti baybay.

\s5
\c 13
\p
\v 1 Ket adda nakitak a narungsot nga animal a limmung-aw iti taaw. Addaan daytoy iti sangapulo a sara ken pito nga ulo. Iti tunggal sarana ket adda korona. Iti tunggal ulona ket adda nakasurat a nagan a manglais iti Dios.
\v 2 Daytoy a narungsot nga animal ket kasla leopardo. Ngem dagiti sakana ket kasla saka ti oso, ken ti ngiwatna ket kasla ngiwat ti leon. Pinagbalin ti dragon a nakabilbileg ti narungsot nga animal. Inikkanna isuna iti turay a mangituray kadagiti tattao a kas ari.

\s5
\v 3 Kasla adda nangsugat iti maysa kadagiti ulo ti narungsot nga animal nga isu iti ngannganina nakatayan. Ngem naimbagan ti sugatna. Kas nagbanaganna, nagsiddaaw amin a tattao iti daga ken simmurotda iti narungsot nga animal.
\v 4 Nagrukbabda met iti dragon gapu ta inikkanna ti narungsot nga animal iti turay nga agturay kadakuada. Nagrukbabanda met ti narungsot nga animal a kinunada, "Awan ti umasping iti kinabileg ti narungsot nga animal! Awan ti makabael a makiranget kenkuana!"

\s5
\v 5 Impalubos ti Dios nga agsao a sipalangguad ti narungsot nga animal ken laisenna ti Dios. Impalubos pay ti Dios nga iturayan daytoy dagiti tattao iti uppat a pulo ket dua a bulan.
\v 6 No kasta nga agsao daytoy, laisenna ti Dios, ti nagan ti Dios, ti lugar a pagnanaedan ti Dios, ken dagiti amin nga agnanaed sadi langit.

\s5
\v 7 Pinalubosan pay ti Dios ti narungsot nga animal a makiranget kadagiti tattaona ken mangparmek kadakuada. Addaan daytoy iti turay a mangituray iti tunggal tribu, tunggal pagilian, kadagiti agsasao iti tunggal pagsasao, ken tunggal bunggoy dagiti tattao.
\v 8 Agrukbabto iti daytoy dagiti amin a tattao nga agbibiag iti daga. Isuda dagiti tattao nga awan ti naganda iti libro ti biag a kukua ti kordero a napapatay. Dagitoy dagiti nagnagan dagiti tattao nga insuratna iti libro sakbay a pinarsua ti Dios ti lubong, dagiti nagnagan dagiti kukua ti Dios.

\s5
\v 9 Tunggal maysa a kayatna a makaawat ket masapul a dumngeg a naimbag iti daytoy a mensahe a naggapu iti Dios.
\v 10 No inkeddeng ti Dios a dagiti dadduma a tattao ket tiliwen dagiti kabusorda, matiliwdanto. No inkeddeng ti Dios a dagiti dadduma a tattao ket matay iti gubat, mataydanto iti gubat. Isu a dagiti tattao ti Dios ket masapul nga agibtur iti panagsagaba ken napudnoda koma kenkuana.

\s5
\v 11 Kalpasanna, adda nakitak a maysa pay a narungsot nga animal a rimmuar manipud iti daga. Addaan daytoy iti dua a babassit a sara iti ulona a kas iti karnero. Ngem agsasao daytoy iti nagubsang a kas iti dragon.
\v 12 Iturturayanna dagiti tattao nga addaan bileg tapno maaramidna no ania ti kayat ti immuna a narungsot nga animal. Pilpilitenna dagiti tattao nga agnanaed iti daga nga agrukbab iti immuna a narungsot nga animal, dayta ket, ti narungsot nga animal a dandani a natay nga addaan ti sugat a naimbagan.

\s5
\v 13 Nagaramid met kadagiti nakaskasdaaw a milagro ti maikaddua a narungsot nga animal, nga uray nala pinagtinnag iti apuy iti daga manipud tangatang kabayatan nga agbuybuya dagiti tattao.
\v 14 Inaramidna dagitoy a milagro iti biang ti immuna a narungsot nga animal. Babaen iti panangaramidna iti dayta, inallilawna dagiti tattao iti daga tapno iti kasta ket panunotenda a rumbeng nga agrukbabda iti immuna a narungsot nga animal. Ngem napasamak laeng daytoy gapu ta impalubos ti Dios a mapasamak daytoy. Imbaga ti maikaddua a narungsot nga animal kadagiti tattao nga agbibiag iti daga a mangaramidda iti didiosen a mangibagi iti immuna a narungsot nga animal, isu daytoy daydiay nganngani natay.

\s5
\v 15 Pinalubosan ti Dios ti maikaddua a narungsot nga animal a mangipuyot iti biag iti dayta a didiosen tapno ti didiosen ket makapagsao ken ibilinna pay a siasinoman nga agtukiad nga agrukbab kenkuana ket masapul a mapapatay.
\v 16 Imbilin pay ti maikaddua a narungsot nga animal a masapul nga isurat dagiti tattao ti nagan ti immuna a narungsot nga animal iti makannawan nga imada wenno iti muging ti tunggal maysa, natan-okman wenno nanumo a tattao, nabaknang wenno napanglaw, nawaya wenno tagabu. Tunggal maysa!
\v 17 Imbilinna a kasapulan daytoy tapno saan a makagatang dagiti tattao wenno makapaglako iti aniaman no awan kadakuada ti marka, dayta ket, ti nagan ti narungsot nga animal wenno ti numero a mangibagbagi iti naganna.

\s5
\v 18 Masapul nga agpanunotkayo a nainsiriban tapno maawatanyo ti kayat a sawen ti marka. Siasinnoman nga agpanunot nga addaan kinasirib ket maawatanna a ti numero ket ibagbagina ti sangkataoan. Daytoy ket 666.

\s5
\c 14
\p
\v 1 Ngem nakitak ti kordero iti Bantay ti Sion idiay Jerusalem. Kadduana dagiti 144,000 a tattao. Naisurat ti naganna ken ti nagan ti Amana kadagiti mugmugingda.
\v 2 Nakangngegak iti uni manipud langit, uni a nakapigpigsa a kas iti daranudor ti dissuor ti dakkel a danum wenno nakapigpigsa a gurruod. Kasla met laeng daytoy iti uni ti adu a tattao nga agtuktokar kadagiti arpa.

\s5
\v 3 Dagiti 144,000 a tattao ket agkankantada iti baro a kanta kabayatan a nakatakderda iti sangoanan ti trono, iti sangoanan dagiti uppat a sibibiag a parsua, ken iti sangoanan dagiti panglakayen. Dagiti laeng 144,000 a tattao, dagiti sinubbot ti kordero manipud kadagiti tattao iti daga, ti makabael a makasursuro iti dayta a kanta. Awanen sabali pay a makabael a makasursuro iti dayta a kanta.
\v 4 Dagiti 144,000 ket isuda dagiti tattao a saan a nangmulit kadagiti bagbagida kadagiti babbai; nadalusda. Isuda dagiti sumursurot iti kordero iti sadinnoman a papananna. Dagitoy dagiti sinubbot ti kordero para iti Dios manipud kadagiti tattao iti daga; isuda dagiti immuna nga indaton ti kordero iti Dios ken iti bagina.
\v 5 Saan a pulos a nagulbod dagitoy a tattao iti panagsaoda, ken saanda a pulos a nagaramid iti kinaderrep.

\s5
\v 6 Kalpasanna, adda nakitak a maysa pay nga anghel nga agtaytayab iti nagbaetan ti tangatang ken ti langit. Iyegna ti agnanayon a naimbag a damag ti Dios iti daga tapno maipadamagna daytoy kadagiti amin a tattao nga agnanaed iti rabaw ti daga. Iwaragawagnanto daytoy iti tunggal pagilian, iti tunggal tribu, kadagiti agsasao iti tunggal pagsasao, ken iti tunggal bunggoy dagiti tattao.
\v 7 Kinunana iti napigsa a timek, "Raemenyo ti Dios ken agdayaw kenkuana gapu ta itan ti tiempona a mangukom iti tunggal maysa! Agrukbabkayo kenkuana gapu ta isuna ti nangparsua iti langit, iti daga, iti taaw, ken kadagiti ubbog ti danum."

\s5
\v 8 Simmaruno kenkuana ti maysa pay nga anghel, daytoy ti maikaddua, nga ibagbagana, "Naan-anayen a nadadael ti nakadakdakes a siudad ti Babilonia! Dinusa ti Dios dagiti tattaona gapu ta inallukoyna dagiti tattao iti amin a pagilian nga agtignay a naderrep a kas iti aramidna. Kas nagbanaganna, nakaunget ti Dios kadakuada amin ket dusaennanto ida. Ti ungetna ket kaslanto arak nga ipainumna kadakuada."

\s5
\v 9 Simmaruno kenkuana ti maysa pay nga anghel, ti maikatlo, ibagbagana iti napigsa a timek, "No agdayaw dagiti tattao iti narungsot nga animal ken iti ladawanna wenno ipalubosda a mamarkaan dagiti mugingda wenno dagiti im-imada,
\v 10 makaungetto ti Dios kadakuada ken dusaennanto ida iti nakaro unay. Parigatennanto ida iti sumsumged nga asufre iti imatang dagiti nasantoan nga anghelna ken iti imatang ti kordero.

\s5
\v 11 Ti asuk manipud iti apuy a mangparparigat kadakuada ket agpangatonto nga agnanayon. Saanto nga agsardeng ti panangparigat ti Dios kadakuada iti aldaw ken rabii. Kastoyto ti mapasamak kadagiti tattao nga agrukbab iti narungsot nga animal ken iti ladawanna wenno mangpalubos a maisurat ti naganna kadakuada."
\v 12 Isu a dagiti tattao ti Dios, dagiti agtulnog iti bilbilin ti Dios ken agtalek kenni Jesus ket masapul nga agtultuloy a napudno nga agtultulnog ken agtaltalek kenkuana.

\s5
\v 13 Kalpasanna, nakangngegak iti timek a naggapu idiay langit a mangibagbaga, "Isuratmo daytoy: Anian a nagasat manipud ita, dagiti tattao a matay a nakipagmaymaysa iti Apo." Kuna ti Espiritu ti Dios, "Wen, kalpasan a matayda, saanton a masapul nga agibturda iti panagsagaba. Ngem ketdi, aginanadanto, ken maammoanto ti amin dagiti nasasayaat a banbanag nga inaramidda."

\s5
\v 14 Kalpasanna, adda nakitak a maysa pay a nakaskasdaaw a banag. Daytoy ket puraw nga ulep, ken iti ulep ket adda iti agtugtugaw a kasla kalanglanga ti Anak ti Tao. Nakakorona isuna iti balitok. Nakaiggem iti natadem a kumpay.
\v 15 Adda pay sabali nga anghel a rimmuar iti templo idiay langit. Iti napigsa a timek, kinunana iti agtugtugaw iti ulep, "Dimtengen ti panawen a panangapit iti bukel iti daga, apitem babaen kadagiti kumpaymo ti maapit gapu ta ti maapit ket naluomen."
\v 16 Ket impan ti maysa ti kumpayna iti daga ket inaramidna amin ti trabaho.

\s5
\v 17 Adda pay maysa nga anghel a rimmuar manipud iti nasantoan a disso sadi langit. Adda met iggemna a natadem a kumpay.
\v 18 Adda met rimuar a maysa pay nga anghel manipud iti altar. Isuna ti mangay-aywan iti apuy iti altar. Iti napigsa a timek, kinunana iti anghel a nakaiggem iti kumpay, "Babaen iti kumpaymo, putdem dagiti raay ti ubas iti kaubasan iti daga! Kalpasanna ummongem ti raay ti ubas gapu ta ti ubas ket naluomen!"

\s5
\v 19 Inwasawas ngarud ti anghel ti kumpayna iti daga. Ket impurwakna ti ubas iti dakkel a lugar a siuunget a pangdusaanto ti Dios.
\v 20 Binaddebaddekan ti Dios ti ubas iti pagpespesan iti ruar ti siudad, ket rimmuar ti dara! Kimmarayan ti dara a kas kangato iti renda ti kabalio ket tallo gasut a kilometro ti kaadayo ti nagayusanna.

\s5
\c 15
\p
\v 1 Adda maysa a banag a karkarna unay a nagparang iti tangatang. Adda nakitak a pito nga anghel, a ti pagrebbenganda ket tapno dusaen dagiti nasusukir a tattao babaen iti pito nga agduduma a wagas. Napalalo ti pungtot ti Dios kadagiti nasusukir a tattao ket daytoyen ti maudi a tiempo a dusaenna tapno ikkanna ida iti gundaway a mangtallikod kadagiti dakes a kababalinda.

\s5
\v 2 Nakitak ti kasla maysa a taaw a kasla naaramid manipud iti kristal ken apuy. Nakitak met dagiti tattao a napagballigianda ti narungsot nga animal babaen iti saanda a panangdaydayaw iti daytoy wenno iti ladawanna, ken babaen iti saanda a panangipalubos a markaan ida ti adipenna iti numero a mangiparangarang iti nagan ti narungsot nga animal. Agtaktakderda iti abay ti taaw a kasla naaramid manipud iti kristal. Ig-iggamanda dagiti arpa nga inted ti Dios kadakuada.

\s5
\v 3 Agkankantada iti kanta a kas iti kinanta ti adipen ti Dios a ni Moises idi un-unana. Kinantada daytoy tapno dayawenda ti kordero iti kastoy a wagas: "Apo Dios a Mannakabalin-amin, aniaman nga aramidem ket mannakabalin ken nakakaskasdaaw! Kankanayonka nga agtigtignay a sililinteg ken sipupudno. Sika ket ari iti agnanayon dagiti amin a bunggoy dagiti tattao!
\v 4 O Apo, agbutengto kenka dagiti amin a tattao ken idaydayawdakanto gapu ta sika laeng ti nasantoan. Umayto agrukbab kenka dagiti amin a bunggoy dagiti tattao gapu ta impakitam nga inukommo ti tunggal maysa iti nainkalintegan a wagas."

\s5
\v 5 Kalpasan daytoy ket nakitak a nakalukat ti nasantoan unay a lugar idiay langit, nga ayan ti nasantoan a tolda.
\v 6 Rimmuar idiay nasantoan unay a lugar dagiti pito nga anghel nga addaan kadagiti malukong a naglaon kadagiti pito nga agduduma a kita ti pannusa. Sikakawes dagiti anghel iti nadalus, puraw a pagan-anay a lino; nakasuotda kadagiti balitok a bedbed iti aglawlaw dagiti barukongda.

\s5
\v 7 Maysa kadagiti uppat a sibibiag a parsua iti nangted ti balitok a malukong a napunno iti arak iti tunggal maysa kadagiti pito nga anghel. Imparangarang ti arak a ti Dios, a sibibiag iti agnanayon, ket napalalo ti pungtotna kadagiti tattao a nagsukir maibusor kenkuana ken dusaenna ida.
\v 8 Napnoan ti nasantoan unay a lugar iti asuk a mangipakita iti kaadda ti nadayag ken Mannakabalin-amin a Dios. Awan ti mabalin a makastrek iti nasantoan unay a lugar aginggana a maipalak-am dagiti pito nga anghel ti panangdusada kadagiti tattao iti lubong iti pito nga agduduma a wagas.

\s5
\c 16
\p
\v 1 Iti sirmata, adda nangngegko nga agsasao iti napigsa kadagiti anghel nga addaan kadagiti pito a malukong iti kasasantoan a disso. Kinunana, "Ingkayo ibukbok iti daga ti arak a linaon dagiti pito a malukong. Pagsabaento dagitoy dagiti tattao gapu ta nakapungtot ti Dios kadakuada.

\s5
\v 2 Isu a napan ti umuna nga anghel ken imbukbokna ti arak nga adda iti malukongna iti daga. Kas nagbanaganna, napataud iti nakaam-amak ken naut-ot a sugsugat kadagiti tattao a nangpalubos iti adipen ti narungsot nga animal nga isuratn ti nagan ti narungsot nga animal kadakuada, dagitoy dagiti nagdayaw iti ladawan ti narungsot nga animal.

\s5
\v 3 Kalpasanna, imbukbok ti maikadua nga anghel ti arak nga adda iti malukongna iti taaw. Kas nagbanaganna, immangot ti danum iti taaw a kasla dara ti natay, ket natay iti tunggal parsua iti taaw.

\s5
\v 4 Kalpasanna, imbukbok ti maikatlo nga anghel ti arak nga adda iti malukongna kadagiti karayan ken kadagiti ubbog ti danum. Kas nagbanaganna, nagbalin a dara ti danum kadagiti karayan ken kadagiti ubbog.
\v 5 Nangngegko ti anghel nga adda pannakabalinna kadagiti dandanum a kinunana iti Dios, "O Dios, sika nga adda idi ken sika nga adda iti agnanayon. Sika ti nasantoan. Uk-ukomem a sililinteg dagiti tattao.
\v 6 Dagiti tattao a nagsukir kenka ket pinatayda dagiti nasantoan a tattaom ken dagiti profeta. Isu a nalintegka iti panangdusam kadakuada babaen iti panangitedmo kadakuada iti dara a mainum. Daytoy ti rumbeng a sagabaenda."
\v 7 Ket nangngegko nga adda simmungbat manipud iti altar, "Wen, Apo Dios, mannakabalin ka, rumbeng ken nalinteg ti panangdusam kadagiti tattao."

\s5
\v 8 Ket imbukbok ti maikapat nga anghel ti arak a linaon ti malukongna iti init. Inikkanna ti init iti kabaelan a mangsinit kadagiti tattao babaen iti apuy.
\v 9 Nasinit ngarud iti kasta unay dagiti tattao, ket nangisawangda kadagiti agkakadakes a banbanag maibusor iti Dios gapu ta siuna ti addaan pannakabalin a mamagsagaba kadakuada iti kas kadagitoy a wagas. Ngem nagkedkedda latta a tumallikod manipud iti dakes a kababalinda ken nagkedkedda nga agdayaw kenkuana.

\s5
\v 10 Idi imbukbok ti maikalima nga anghel ti arak nga adda iti malukongna iti trono ti narungsot nga animal, simmipnget ti ayan ti nagturayan ti narungsot nga animal. Isu a ti narungsot nga animal ken dagiti tattao nga inturayan ti narungsot nga animal ket kagkagatenda dagiti dilada gapu ta agsagsagabada iti napalalo nga ut-ot.
\v 11 Linaisda ti Dios nga agturturay iti langit gapu ta naut-ot unay dagiti sugsugatda. Ngem nagtukiadda nga agsardeng nga agaramid kadagiti dakes a banbanag nga ar-aramidenda.

\s5
\v 12 Ket imbukbok ti maikanem nga anghel ti arak nga adda iti malukongna iti Karayan ti Eufrates. Nagmaga ti danum ti karayan tapno makaballasiw dagiti mangiturturay manipud kadagiti daya a pagilian a kaduada dagiti armadada.
\v 13 Ket adda nakitak nga agkakadakes nga espiritu a kasla kadagiti tukak. Maysa ti rimmuar manipud iti ngiwat ti dragon, maysa manipud iti ngiwat ti narungsot nga animal, ken maysa manipud iti ngiwat ti palso a profeta.
\v 14 Dagidiay nga espiritu ket demonio a mabalin a makaaramid kadagiti milagro. Napanda kadagiti mangiturturay ti entero a lubong tapno iti kasta ket ummongenda dagiti armadada. Daytoy ket tapno makigubatdanto iti napateg nga aldaw inton dusaen ti Mannakabalin a Dios dagiti kabusorna.

\s5
\v 15 (Nangngegko a kinuna ni Apo Jesus, "Masapul a dumngegkayo a naimbag kaniak: Umayak a saan a mapakadaan, kas iti mannanakaw. Maragsakanakto ngarud kadagidiay nga agtalinaed a naalibtak ken agbibiag latta iti umno a dalan tapno saandanto a mabain. Kaiyarigandanto ti maysa a tao a sikakawes latta tapno saanto isuna a mabain iti sangoanan dagiti dadduma a tattao.")
\v 16 Ummongento dagiti dakes nga espiritu dagiti mangiturturay iti lugar a maawagan Armageddon iti pagsasao a Hebreo.

\s5
\v 17 Ket imbukbok ti maikapito nga anghel ti arak nga adda iti malukongna iti angin. Kas nagbanaganna, adda nagsao iti napigsa manipud iti trono nga adda iti kasasantoan a disso, "Ti tiempo ti Dios a mangdusa kadagiti nasusukir a tattao ket nalpasen."
\v 18 Idi imbukbok ti anghel ti linaon ti malukongna, naggilap ti kimat, nagdaranudor ken naggurruod, ken naggingined ti lubong. Naggingined iti nakarkaru pay ngem iti panagginginedna sipud pay idi nagbiag dagiti tattao iti lubong.
\v 19 Kas nagbanaganna, nasinasina iti tallo a paset ti kadakkelan unay a siudad. Dinadael pay ti Dios dagiti siudad kadagiti dadduma a nasnasion. Saan a nalipatan ti Dios a nakabasol iti kasta unay dagiti tattao ti Babilonia. Isu a pinainumna ida iti maysa a kopa ti arak a namagsagaba kadakuada gapu ta nakapungtot isuna kadakuada.

\s5
\v 20 Kas nagbanagan pay ti gingined, nagpukaw ti tunggal isla, ken nagbalin a patad dagiti banbantay.
\v 21 Nagtudo iti dadakkel nga uraro, agtimbang ti tunggal maysa iti agarup uppat a pulo a kilo, natnag manipud langit dagiti tattao. Ket linais dagiti tattao ti Dios gapu ta dinusana ida iti daytoy a nakabutbuteng a wagas, ken gapu ta dadakkel unay dagiti uraro.

\s5
\c 17
\p
\v 1 Maysa kadagiti pito nga anghel, nga addaan iti maysa kadagiti pito a malukong, ket immay kaniak ken kinunana, “Kumuyogka kaniak ta ipakitak kenka no kasano a dusaen ti Dios ti balangkantis, ti babai a mangibagbagi iti siudad nga ayan dagiti adu a pagayusan ti danum.
\v 2 Nakikamalala ken nakipagdayaw kenkuana kadagiti didiosen dagiti ari iti daga. Ket nagtignay iti kasta metlaeng a wagas dagiti tattao iti daga. Kaslada la nabartek iti arak nga intedna kadakuada."

\s5
\v 3 Ket tinengngelnak ti Espiritu ti Dios, ken impannak ti anghel iti maysa a di matatao a disso. Sadiay, adda nakitak a babai a nakatugaw iti nalabaga a narungsot nga animal. Adda nakasurat a nagnagan iti amin a paset ti bagi ti narungsot nga animal. Dagidiay ket nagnagan a manglais iti Dios. Ti narungsot nga animal ket addaan kadagiti pito nga ulo ken sangapulo a sara.
\v 4 Nakakawes ti babai iti lila ken nalabaga a pagan-anay. Adda alahasna a balitok, napapateg a bato, ken perlas; ken adda iggemna a balitok a kopa. Ti kopa ket napunno ti maysa a banag a mainom a mangibagi kadagiti makarimon ken narugit a banbanag nga ar-aramidenna no kasta nga agaramid isuna iti kinaderrep.
\v 5 Adda nagan a nakasurat iti mugingna, nagan nga addaan iti nalimed a kaipapanan. Daytoy ket, “Daytoy a babai ket ti Babilonia, ti dakes unay a siudad! Isuna ti ina dagiti amin a balangkantis iti daga. Sursuruanna ida nga agaramid kadagiti amin a narugit, kadagiti dinederrep a banbanag iti lubong.

\s5
\v 6 Nakitak a ti babai ket nabartek gapu ta ininumna ti dara dagiti tattao ti Dios, dagiti nagsagaba gapu iti panangiwaragawagda iti kinapudno maipanggep kenni Jesus. Idi nakitak ti babai, kasta unay iti panagsiddaawko.
\v 7 Kinuna ti anghel kaniak, “Saanka nga agsiddaaw. Ilawlawagko kenka ti nalimed a kaipapanan ti babai ken ti narungsot nga animal a nagsakayanna, ti narungsot nga animal nga addaan kadagiti pito nga ulo ken sangapulo a sara.

\s5
\v 8 Nagbibiag idi ti narungsot nga animal a nakitam. Iti kamaudianan, dadaelento isuna ti Dios, ngem ita natayen isuna. Umadanin iti iruruwarna manipud iti yuyeng. No agparang manen dayta a narungsot nga animal, masdaawto dagiti tattao iti daga. Isuda dagiti tattao a saan a naisurat dagiti naganda iti libro ti biag sakbay a pinarsua ti Dios ti lubong.

\s5
\v 9 Kasapulan nga agpanunot a sisisirib dagiti tattao tapno maawatanda daytoy: Dagiti pito nga ulo ti narungsot nga animal a pagtugtugawan ti babai ket isimsimbolona dagiti pito a turod ti siudad nga ibagbagi ti babai. Isimsimbolona pay dagiti pito a turay.
\v 10 Lima kadagitoy a mangiturturay ket natayen. Ti maysa ket sibibiag pay laeng. Ti maikapito a mangiturturay ket saan pay nga immay. Inton umay, agtalinaed laeng iti apagbiit a tiempo.

\s5
\v 11 Ti narungsot nga animal a nagbiag idi ngem ita natayen ket isunto iti maikawalo a turay. Ti kinapudnona, maysa isuna kadagiti pito a turay, ngem awan duadua a dadaelento isuna ti Dios.

\s5
\v 12 Dagiti sangapulo a sara a nakitam ket ibagbagida dagiti sangapulo a mangituray a saan pay a nagrugi nga agturay. Umawatdanto iti turay tapno iturayanda dagiti tattao a kaduada ti narungsot nga animal, ngem agturaydanto laeng iti apagbiit a tiempo, a kasla maysa laeng nga oras.
\v 13 Dagidiay a mangituray ket Umanamongto amin dagidiay a mangituray iti panangaramid iti daytoy a banag. Kas pagbanaganna, iteddanto ti karbengan ken turay iti narungsot nga animal tapno agturay kadagiti tattao.
\v 14 Gubatento dagiti mangiturturay ken ti narungsot nga animal ti Kordero. Abakento ida ti Kordero gapu ta isu ti Apo a mangiturturay kadagiti amin nga apo ken ti Ari a mangiturturay kadagiti amin nga ari. Dagiti tattao nga adda kenkuana ket dagiti pinili ken inayaban ti Dios, ken sitatalinaed a napudno nga agserserbi kenkuana.”

\s5
\v 15 Kalpasanna, kinuna ti anghel kaniak, “Dagiti danum a nakitam iti siudad a pagtugtugawan ti balangkantis ket ibagbagina dagiti tattao, adu a tattao, bunggoy dagiti tattao, ken dagiti agsasao kadagiti adu a pagsasao.

\s5
\v 16 Dagiti sangapulo a sara a nakitam ket ibagbagina dagiti mangiturturay. Isuda ken ti narungsot nga animal ket guraendanto ti balangkantis. Isu nga alaendanto ti tunggal banag nga adda iti siudad a kasla ibatida daytoy a lamulamo. Dadaelendanto daytoy a kas iti panangkaan iti lasag, ken puorandanto a naan-anay.
\v 17 Aramidendanto dayta gapu ta ti Dios ket nagtignay kadakuada isu nga inkeddengda nga aramiden dagiti kayatna nga aramidenda. Kas pagbanaganna, ipalubosdan nga agturay ti narungsot nga animal agingga a matungpal ti imbaga ti Dios.

\s5
\v 18 Ti balangkantis a nakitam ket ibagbagina ti nadakes unay a siudad. Dagiti mangidadaulo iti daytoy a siudad ket iturturayanda dagiti ari iti daga."

\s5
\c 18
\p
\v 1 Kalpasan daytoy, adda nakitak a sabali pay nga anghel, maysa nga addaan iti dakkel a turay, a bumabbaba manipud langit. Nagbalin a naraniag ti daga gapu ta agranraniag daytoy iti kasta unay.
\v 2 Nagpukkaw isuna iti napigsa unay, "Umadanin ti naan-anay a panangdadael ti Dios iti nadakes unay a siudad ti Babilonia. Kas pagbanaganna, amin a kita dagiti dakes nga espiritu ket agnaedto sadiay, ken amin a kita dagiti narugit ken nakarimrimon a billit ket agnaedto sadiay. Ti Babilonia ket kasla maysa a balangkantis
\v 3 a nakikamalalaan dagiti amin a bunggoy ti tattao. Kasta unay ti unget ti Dios kadakuada. Wen, ken kasdiay met laeng ti inaramid dagiti ar-ari ti daga. Bimmaknang met dagiti agtagtagilako ditoy lubong gapu ta kayatna unay ti agaramid iti kinaderrep.

\s5
\v 4 Nangngegko ni Jesus a nagsao manipud langit. Kinunana, “Tattaok, umadayokayo iti Babilonia iti kasta ket saan kayo nga agbasol a kas inaramid dagita a tattao. No agbasolkayo a kas kadakuada, dusaenkayo babaen kadagidiay a pito a nadumaduma a wagas, a kas met iti panangdusakto kadakuada.
\v 5 Ta kasla nagtutuonen dagiti basolda ket dimmanon agingga sadi langit ken malaglagip ti Dios dagitoy, isu nga ita, dusaenna ida.”
\v 6 Kadagiti anghel a dinutokan ti Dios a mangdusa iti Babilonia, kinuna ni Jesus, “Dusaenyo dagiti tattao iti dayta a siudad a kas metlaeng iti panangdangranda kadagiti dadduma a tattao. Pagsagabaenyo ida iti mamindua a daras ti panangparigatda kadagiti dadduma a tattao.

\s5
\v 7 No kasano nga iti Babilonia, kas maysa a babai, ket pinadayawanna ti bagina ken inaramidna dagiti banbanag a kayatna nga aramiden, iti kasta met laeng a wagas a parigatem ken pagladingitem isuna. Aramidem dayta gapu ta iti kapanunotanna, kinunana, 'Agturturayak a kas reyna! Saanak a balo, ken saanakton a pulos nga agladingit a kas kadagiti balo!
\v 8 Isu nga iti maysa nga aldaw, nakabutbutengto a didigra ti umay kenkuana. Matayto dagiti tattao iti dayta a siudad, ti dadduma ket agladingitto para kadakuada, agbisinto dagiti tattao gapu ta awanton ti makan, ken mapuoranto ti siudad. Gapu ta ti Dios ket isu ti mannakabalin, ket kabaelanna a dusaen daytoy.”

\s5
\v 9 “Dagiti ari iti daga a kaduana a nagaramid iti kinaderrep ken inaramidda dagiti kayatda kenkuana ket agsangit ken agladingitdanto gapu kenkuana inton makitada ti asuk ti apuy a sumgedto sadiay.
\v 10 Agtakderdanto iti adayo manipud iti Babilonia gapu ta mabutengdanto nga agsagaba a kas iti panagsagabana. Kunaendanto, ‘Anian a nakaal-alinggatet daytoy a napasamak iti Babilonia, a nabileg a siudad! Dusdusaen isuna ti Dios iti nabiit ken saan a mapakadaan!”

\s5
\v 11 Agsangit ken agladingitto dagiti agtagtagilako iti daga gapu kenkuana gapu ta awanton ti uray maysa a gumatang manen kadagiti banbanag nga ilakoda.
\v 12-13 Agtagilakoda kadagiti arkos a naaramid iti balitok, pirak, agkakapateg a bato, ken perlas. Agtagilakoda kadagiti agkakangina a badbado a naaramid iti lupot a lino ken seda, agkakangina a bado a namarisan iti lila ken nalabaga. Agtagilakoda kadagiti amin a kita ti manmano a kayo, amin a kita dagiti banag a naaramid iti marfil, agkakangina a kayo, bronse, landok, ken marmol. Agtagilakoda kadagiti kanela, rekado, pabanglo, insenso, arak, olibo a lana, arina, ken trigo. Agtagilakoda kadagiti baka, karnero, kadagiti kabalio ken karwahe. Agtagilakoda pay uray kadagiti tattao a kas tagabu.

\s5
\v 14 Kunaento dagiti agtagtagilako, ‘Dagiti nasasayaat a banbanag a tinartarigagayanyo a tattao ket napukaw! Amin dagiti nabarayuboy ken dagiti napipintas ti pannakaaramidna a sanikuayo ket napukaw! Mapukawdanton iti agnanayon!’

\s5
\v 15 Agtakderto iti adayo dagiti agtagtagilako kadagitoy a banbanag a bimmaknang gapu ta mabutengda nga agsagaba a kas iti panagsagaba ti siudad. Agsangit ken agdung-awdanto,
\v 16 ken ibagadanto, ‘Nakabutbuteng a banbanag ti napasamak iti dayta a naindaklan a siudad! Kaiyarigan dayta a siudad ti maysa a babai, nakakawes isuna kadagiti kawes a naaramid iti lupot a lino ken agkakangina a kawes a namarisan iti lila ken nalabaga, ken naarkosan iti balitok, napapateg a bato, ken kadagiti perlas.
\v 17 Ngem iti apagbiit ket saan a napakadaan a dinadael ti Dios amin dagitoy nga agkakangina a banbanag.’ Tunggal maysa kadagiti kapitan ti barko, amin a tattao nga aglaylayag babaen iti barko, amin dagiti aglaylayag iti taaw, ken amin dagiti tattao a ti pagbibiaganna ket panaglayag iti taaw ket agtakderto iti adayo manipud iti siudad.

\s5
\v 18 Inton makitada ti asuk ti apuy a sumsumged sadiay, agpukawdanto, ‘Awan sabali a siudad a pumada iti dayta a naindaklan a siudad!’
\v 19 Mangisabuagdanto iti tapok kadagiti uloda a mangipakita a naladingitda, ket agpukkaw, agsangit, ken agdung-awdanto. Kunaendanto, ‘Nakabutbuteng a banbanag ti napasamak iti Babilonia. Ti siudad a gapuanan a bimmaknang dagiti adu a tattao, dagiti tattao nga addaan kadagiti barko nga aglaylayag iti taaw tapno aglako kadagiti agkakangina a banbanag. Iti apagbiit ket saan a napakadaan a dinadael ti Dios dayta a siudad!’”
\v 20 Ket adda maysa a nagsao manipud langit a kinunana, “Dakayo nga agnanaed iti langit, agrag-okayo iti dayta a napasamak iti Babilonia! Dakayo a tattao ti Dios, kasta met kadakayo nga apostol ken profeta, agrag-o. Rumbeng nga agrag-okayo; Ta sililinteg a dinusa ti Dios dagiti tattao sadiay gapu ta nagtignayda iti nakadakdakes unay maibusor kadakayo!”

\s5
\v 21 Kalpasanna, nangpidut ti nabileg nga anghel iti dakkel a bato a kadakdakkel iti paggilingan iti trigo, ken impurwakna iti taaw. Ket kinunana, “Dakayo a tattao iti naindaklan a siudad iti Babilonia, dadaelento ti Dios ti siudadyo tapno agpukawto a kas iti bato a nagpukaw iti taaw! Mapukawto iti agnanayon ti siudadyo!
\v 22 Iti siudadyo, awanton ti uray maysa nga agtukar kadagiti arpa, agkankanta, mangpuyot iti fluta, wenno mangpuyot kadagiti trumpeta. Awanton kadagiti nalalaing a mangar-aramid kadagiti banbanag ti makapartuat. Awanton ti tao nga aggiling iti trigo kadagiti paggilingan.

\s5
\v 23 Awanton ti pagsilawan nga agraniag sadiay. Awanton dagiti nararagsak a timek dagiti nobyo ken dagiti nobya. Dadaelento ti Dios ti siudadyo gapu ta dagiti agtagtagilakoyo ket dagiti napapateg unay a tattao iti lubong. Nagaramatka iti panagsalamangka tapno allilawen dagiti tattao iti amin a bunggoy.
\v 24 Sika pay ti akinrebbeng iti pannakapapatay dagiti profeta ken dagiti dadduma pay a tattao ti Dios. Pudno unay, nakabasolka kadagiti amin a pammapatay a napasamak iti daga!"

\s5
\c 19
\p
\v 1 Kalpasan dagitoy a banbanag adda nangngegko nga uni iti kasla nagadu a tattao sadi langit. Ipukpukkawda dagiti banag a kasla iti "Aleluya!" "Insalakannatayo!" "Isuna ket nadayag ken nabileg!"
\v 2 Agdayawkayo kenkuana gapu ta napudno ken nalinteg ti panangukomna!" "Dinusana ti napnoan kinadakes a siudad a maiyarig iti balangkantis gapu ta inallukoy dagiti tattaona dagiti dadduma a tattao ditoy daga nga agaramid iti immoralidad a kas iti inaramidda." "Agdayawkayo kenkuana gapu ta dinusana ida iti panangpapatayda kadagiti adipenna!"

\s5
\v 3 Nagpukkaw dagiti tattao iti maikadua a daras, ibagbagada, "Aleluya! Agpangato iti agnanayon nga awan inggana ti asuk ti apuy a mangpupuor iti dayta a siudad.
\v 4 Nagpakleb dagiti duapulo ket uppat a panglakayen ken dagiti uppat a sibibiag a parsua ken nagdayawda iti Dios, a nakatugaw iti trono. Kinunada, "Pudno! Aleluya!"

\s5
\v 5 Adda nagsao manipud iti trono a kinunana, "Dakayo amin nga adipenna, dayawenyo ti Diostayo! Dakayo amin a mangpadpadayaw kenkuana, nanumo man wenno saan, agdayawkayo kenkuana! Aminkayo!"

\s5
\v 6 Ket adda nangngegak a maysa a banag a kasla uni iti adu a tattao, kasla uni iti dakkel a danum a nagdissuor ken kasla uni iti napigsa a kanalbuong iti gurruod. Ipukpukkawda: "Aleluya! Ti Apotayo a Dios, ti Mannakabalin ket agturturay kas ari!

\s5
\v 7 Rumbeng nga agrag-otayo, rumbeng nga agragsaktayo unay ken rumbeng nga agdayawtayo kenkuana gapu ta daytoyen ti tiempo a panakipagmaymaysa ti Kordero iti babai nga ikallaysana. Insaganan ti babai ti bagina.
\v 8 Pinalubosan isuna ti Dios a makawesan iti lupot a lino, nasileng ken nadalus. Iti nasileng ken nadalus a lupot a lino ket ipakpakitana dagiti nalinteg nga aramid dagiti tattao ti Dios."

\s5
\v 9 Ket kinuna iti anghel kaniak, "Isuratmo daytoy: Anian a nagasat dagiti tattao nga inawis ti Dios iti padaya inton ikallaysa ti Kordero ti nobia!" Kinunana pay kaniak: Dagitoy a sasao nga ipadpaduyakyak ti Dios ket pudno!"
\v 10 Dagusak a nagpakleb iti sakaananna tapno agrukbab kenkuana. Ngem kinunana kaniak, "Saanka nga agrukbab kaniak! Maysaak laeng a padam nga adipen ken kapada met nga adipen dagiti kapadam a namati, dagiti agsasao iti kinapudno maipapan kenni Jesus. Ti Dios ti rumbeng a pagrukbabam gapu ta ti Espiritu ti Dios ti mangted kadagiti tattao iti pannakabalin nga agsao iti pudno maipapan kenni Jesus!"

\s5
\v 11 Ket nakitak a naluktan ti langit ken nasdaawak a nakakita iti puraw a kabalio. Nakasakay ni Jesus iti kabalio, a maaw-awagan iti Mapagtalkan ken Pudno." Ukomenna dagiti amin a tattao a maiyannurot iti pudno; nalinteg iti pannakirangetna a maibusor kadagiti kabusorna.
\v 12 Agraniag dagiti matana a kasla iti gil-ayab ti apoy. Addaan isuna kadagiti korona ti ari kadagiti ulona. Naisurat iti maysa a nagan kenkuana. Isuna laeng ti makaammo iti kaipapanan dayta a nagan.
\v 13 Ti kagay nga inkawesna ket naisawsaw iti dara. Ti naganna pay ket "Ti Mensahe ti Dios."

\s5
\v 14 Sumursurot kenkuana dagiti armada ti langit. Nakasakayda kadagiti kabalio a puraw. Nakakawesda kadagiti pagan-anay a naaramid iti nadalus ken puraw a lupot a lino.
\v 15 Adda rumrummuar a natadem a kampilan manipud iti ngiwatna; babaen iti daytoy dadaelenna dagiti bunggoy dagiti managsalungasing a tattao. Agturayto a sibibileg kadakuada a kasla addaan isuna iti landok a sarukod. Tumekenna dagiti kabusorna a kas iti tao nga agpespes kadagiti ubas iti pagpespesan. Aramidenna daytoy para iti Dios a Mannakabalin a makapungtot unay kadakuada gapu kadagiti basolda.
\v 16 Adda nagan a naisurat iti gayadan ti kagayna nga asideg iti luppona: "Ari a mangiturturay kadagiti amin nga ari ken Apo a mangiturturay kadagiti amin nga apo."

\s5
\v 17 Ket nakitak iti maysa nga anghel nga agtaktakder iti lawag ti init. Inawaganna iti napigsa dagiti amin a tumatayab a mangmangan iti lasag nga adda iti tangatang, "Umaykayo tumabuno iti dakkel a pannangan nga ipaay ti Dios kadakayo!
\v 18 Umayyo kanen ti lasag dagiti amin a kabusor ti Dios a natay - -ti lasag dagiti ari, dagiti komandante ti armada, dagiti tattao a nabileg a nakiranget, dagiti kabalio ken kadagiti soldado a nagsakay kadagitoy ken ti lasag dagiti dadduma a tattao, uray pay no isuda ket nawaya wenno tagabu, natan-ok wenno saan. Amin a kita!"

\s5
\v 19 Ket nakitak ti narungsot nga animal ken dagiti ari iti daga a kaduada dagiti armadada; naguummongda a makiranget a maibusor iti nakasakay iti kabalio ken kadagiti armadana.
\v 20 Tiniliw ti nakasakay iti kabalio ti narungsot nga animal ken ti palso a profeta. Ti palso a profeta ket isu ti nangipakita kadagiti milagro iti imatang ti narungsot nga animal. Babaen iti panagaramidna iti dayta, inallilawna dagiti tattao nga immawat iti marka ti narungsot nga animal kadagiti mugingda ken nagdayaw iti ladawanna. Ket imbelleng ti Dios ti narungsot nga animal ken ti palso a profeta a sibibiag idiay dan-aw ti umap-apuy nga asufre.

\s5
\v 21 Pinatay ti nakasakay iti kabalio dagiti nabati iti armadada babaen iti kampilanna, daydiay rimmuar manipud iti ngiwatna. Nangan a sirarawet dagiti tumatayab iti lasag dagiti tattao ken dagiti kabalio a pinatayna.

\s5
\c 20
\p
\v 1 Kalpasanna, adda nakitak nga anghel a bumabbaba manipud langit. Adda kenkuana ti tulbek ti nauneg, nasipnget a yuyeng, ken adda ig-iggamanna a dakkel a kawar.
\v 2 Tiniliwna ti dragon. Dayta a dragon ket daydi duduogan nga uleg, ti diablo, nga isu ni Satanas. Binalud isuna ti anghel babaen iti kawar. Dayta a kawar ket saan a mawarwar iti unos ti sangaribu a tawen.
\v 3 Intappuak isuna ti anghel iti nauneg, nasipnget a yuyeng. Inrikepna ti ruangan ti yuyeng, intulbekna ken inikkanna iti selyo tapno saan a lukatan ti siasinnoman. Inaramidna dayta tapno saanen nga allilawen ni Satanas dagiti bunggoy ti tattao agingga a malpas ti sangaribu a tawen. Kalpasan dayta a tiempo, masapul a mawayawayaan ni Satanas iti apagbiit a tiempo tapno maaramidna no ania ti plano ti Dios.

\s5
\v 4 Ket adda nakitak a trono a pagtugtugawan dagiti tattao. Inikkan ida ti Dios iti karbengan a mangukom. Ket nakitak met dagiti kararua dagiti dadduma a tattao a napugutan gapu iti panangisaoda iti kinapudno maipapan kenni Jesus ken panangipaduyakyakda iti mensahe ti Dios. Isuda dagiti tattao a nagkedked nga agdayaw iti narungsot nga animal wenno iti ladawanna, ken dagiti saan a nangipalubos kadagiti adipen iti narungsot nga animal a mangikabil iti marka kadakuada, kadagiti mugingda wenno kadagiti imada. Nagungarda manen, ken nakipagturayda kenni Cristo iti sangaribu a tawen.

\s5
\v 5 Isuda dagiti agbiag manen iti umuna a gundaway a panangpagungar ti Dios kadagiti tattao a natayen. Dagiti dadduma a namati a natay ket saan nga agungar agingga a malpas ti sangaribu a tawen.
\v 6 Maay-ayonto ti Dios kadagiti agungar iti dayta nga umuna a gundaway. Ibilangto ida ti Dios a nasantoanda. Saandanto a matay iti maikadua a daras. Ngem ketdi, agbalindanto a papadi nga agserbi iti Dios ken kenni Cristo, ket makipagturaydanto kenni Cristo kabayatan iti dayta a sangaribu a tawen.

\s5
\v 7 Inton malpasen ti sangaribu a tawen, wayawayaanto ti Dios ni Satanas manipud iti nakaibaludanna.
\v 8 Rummuarto ni Satanas a mangallilaw kadagiti managrebelde a bunggoy ti tattao iti entero a sangalubungan. Dagitoy dagiti pagilian nga inawagan ni profeta Ezekiel iti Gog ken Magog. Ummungento ida ni Satanas a manggubat kadagiti tattao ti Dios. Nakaad-adudanto a manggubat kadagiti tattao ti Dios ket awanto makabael a mangbilang kadakuada, a kas iti kinaawan iti makabael a mangbilang kadagiti darat iti igid ti baybay.

\s5
\v 9 Agmartsadanto iti entero a lubong ken lawlawendanto ti kampo dagiti tattao ti Dios sadiay Jerusalem, ti siudad nga ay-ayaten ti Dios. Ket pagtudoento ti Dios iti apuy manipud langit, ket puurannanto ida.
\v 10 Itappuakto ti Dios ti diablo, a nangallilaw kadagidiay a tatto, iti dan-aw ti umap-apuy nga asufre. Sadiay met laeng iti nangitapuakan ti Dios iti narungsot nga animal ken ti palso a profeta. Iti nagbanaganna, agtultuloy nga agsagabada iti napalalo nga awan patinggana.

\s5
\v 11 Kalpasanna, adda nakitak a dakkel a puraw a trono a pagtugtugawan ti Dios. Nakabutbuteng unay isuna, ket uray la nagpukaw ti lubong ken ti tangatang iti imatangna; ket awanen dagitoy.
\v 12 Nakitak a dagiti tattao a natay ken nagbiag manen ket nakatakderda iti sangoanan ti trono. Adda kaduada iti natan-ok ken nanumo! Nalukatan dagiti libro a nangisuratan ti Dios kadagiti aramid dagiti tattao. Maysa pay a libro ti naukrad, isu daytoy ti libro ti biag a nangisuratan ti Dios kadagiti nagan ti tattao nga addaan iti biag nga agnanayon. Inukom ti Dios dagiti tattao a natay ken ita ket sibibiagda manen. Inukomna ida kas maiyannurot kadagiti inaramidda, kas iti insuratna kadagiti libro.

\s5
\v 13 Dagiti tattao a naitanem dagiti bangkayda iti baybay ket napagungar tapno dumatagda iti sangoanan ti trono ti Dios. Tunggal maysa a naitanem iti daga ket napagungar tapno agtakder iti sangoanan ti trono. Inukom ti Dios ti tunggal maysa kadakuada segun iti inaramid ti tunggal maysa.
\v 14 Amin dagiti saan a namati - dagiti adda iti lugar a nagurayanda kalpasan a natayda - ket naitappuak iti umap-apuy a dan-aw. Ti umap-apuy a dan-aw ket isu ti lugar a pakatayan dagiti tattao iti maikadwa a daras.
\v 15 Intapuak met ti Dios iti dan-aw nga apuy dagiti tattao nga awan naganda iti libro, ti libro a nangisuratan ti Dios kadagiti nagan dagiti tatto nga addaan iti biag nga agnanayon.

\s5
\c 21
\p
\v 1 Ket, nakitak ti baro a langit ken ti baro a daga. Ti immuna a langit ken immuna a daga ket napukawen, ken ti baybay ket awanen.
\v 2 Nakitak ti nasantoan a siudad ti Dios, nga isu ti baro a siudad ti Jerusalem. Bumabbaba daytoy iti langit a nagtaud iti Dios. Insagana ti Dios daytoy ken inarkusanna, a kas iti panangarkus dagiti babbai iti nobia a naarkusan a makikallaysa iti maysa a lalaki.

\s5
\v 3 Kalpasanna nangngegko ti maysa a tao iti asideg ti trono ti Dios a nagsao iti napigsa a timek. Kinunana daytoy, "Denggem daytoy! Ita, ti Dios makipagnaedto kadagiti tattao. Agnaedto isuna kadakuada! Agbalindanto a tattaona. Ti Dios mismo ti makikaaddanto kadakuada, ket agbalinto isuna a Diosda.
\v 4 Isunanto ti makagapu a saandanton nga agliday. Pagsardengennanto ida nga agsangit ni kaanoman. Awanto kadakuada ti matay manen wenno agladingit wenno agsangit wenno agsagaba iti ut-ot gapu ta dagiti banbanag a mangpaliday kadakuada ket aglabasto aminen.

\s5
\v 5 Kalpasanna, kinuna ti Dios, a nakatugaw iti trono, "Denggem daytoy! Pagbalinekon ita a baro ti amin a banag!" Kinunana kaniak: Isuratmo amin dagitoy a banbanag nga imbagak kenka gapu ta mabalin nga agtalek a pudno a mapasamakto amin dagitoy babaen kaniak."
\v 6 Imbagana pay kaniak, "Naileppasko amin dagitoy a banbanag! Siak ti nangirugi iti amin a banbanag ken ti mangileppasto iti amin a banbanag. Iti amin a mangtarigagay a maaddaan iti daytoy, libre nga itedko ti danum manipud iti ubbog a mangted iti biag nga agnanayon iti tao.

\s5
\v 7 Itedkonto amin dagitoy kadagiti nagballigi a maibusor kenni Satanas. Siakto ti agbalin a Diosda, ken agbalinto nga annakko.
\v 8 Ngem dagiti takrot, dagiti saan a mamati kaniak, dagiti makarimon a banbanag, dagiti mammapatay, kadagiti agbasol iti pannakinaig, dagiti agsalsalamangka, dagiti agdaydayaw iti didiosen, ken tunggal ulbod ket agsagabanto idiay dan-aw a gumilgil-ayab babaen iti apoy ken asufre. Dayta ti kayat a sawen ti maikadua a pannakatay."

\s5
\v 9 Kalpasanna, maysa kadagiti pito nga anghel nga addaan iti pito a mallukong iti arak - ti arak a pakaigappuan dagiti pito a maudi a wagas ti panagsagaba - immay ket kinunana kaniak, "Kumuyogka kaniak ket ipakitak kenka dagiti tattao nga agnanayon a nakipagmaymaysa iti Kordero a kas iti pannakiasawa ti maysa a babai iti maysa a lalaki!"
\v 10 Kalpasanna, indalannak ti Espiritu ti Dios ti nangtengngel kaniak, ket impannak ti anghel iti nangato unay a bantay. Impakitana kaniak ti nasantoan a siudad ti Dios, ti baro a Jerusalem, a bumabbaba manipud langit, manipud iti Dios.

\s5
\v 11 Aglawlawag daytoy babaen iti naraniag a silaw nga agtaud mismo iti Dios. Aglawlawag ti siudad a kas iti napateg unay a bato a haspe, ken aganinaw a kas iti sarming.
\v 12 Ti aglawlaw ti siudad ket addaan iti nangato unay a pader. Ti pader ket addaan iti sangapulo ket dua a ruangan. Adda anghel iti tunggal ruangan. Nakasurat dagiti nagan ti sangapulo ket dua a tribu ti Israel kadagiti ruangan. Naisurat ti maysa kadagiti nagan ti tribu iti tunggal ruangan.
\v 13 Dagiti tallo a ruangan ket adda iti daya, dagiti tallo a ruangan ket adda iti amianan, dagiti tallo a ruangan ket adda iti abagatan, ken dagiti tallo a ruangan ket adda iti laud.

\s5
\v 14 Ti pader ti siudad ket addaan iti sangapulo ket dua a bato a pundasion. Naisurat iti tunggal pundasion a bato ti nagan ti maysa kadagiti sangapulo ket dua nga apostol a dinutokan ti kordero.
\v 15 Ti anghel nga agsasao kaniak ket adda awitna a balitok a pagrukrukod, daytoy a pangrukod ket inusarna pangrukod iti siudad, dagiti ruanganna kwn ti paderna.

\s5
\v 16 Ti siudad ket kuadrado ti sukogna; daytoy ket atiddog a kas iti kalawana. Kalpasan a rinukod ti anghel ti siudad babaen iti sarukod, impakaammona a dayta ket 2,200 a kilometro ti kaatiddogna, ket ti kaakabana ken katayagna ket agpada a kas iti kaatiddogna.
\v 17 Rinukodna ti tunggal pader ken impakaammona a dayta ket innem a pulo ket innem a metro ti kapuskolna. Inusar ti anghel ti kadawyan a pagrukod nga ar-aramaten dagiti tattao.

\s5
\v 18 Ti pader ti siudad ket naaramid babaen iti maysa a banag a kas iti berde a bato nga aw-awagantayo iti haspe. Ti siudad ket pasig a balitok a kas iti aganinaw a sarming.
\v 19 Dagiti pundasion ti pader ti siudad ket napapintas babaen kadagiti napapateg a batbato. Ti immuna a pundasion a bato ket haspe, ti maikadua a pundasion a bato ket safiro, ti maikatlo a pundasion a bato ket kalsedonia, ti maikauppat a pundasion a bato ket esmeralda,
\v 20 ti maikalima a pundasion a bato ket sardonika, ti maikainnem a pundasion a bato ket karnelia, ti maikapito a pundasion a bato ket krisolito, ti maikawalo a pundasion a bato ket berilo, ti maikasiam a pundasion a bato ket tropasio, ti maikasangapulo a pundasion a bato ket krisoprasio, ti maikasangapulo ket maysa a pundasion a bato ket hasinto, ken ti maika- sangapulo ket dua a pundasion a bato ket amatista.

\s5
\v 21 Dagiti sangapulo ket dua a ruangan ti siudad ket kasla dadakkel a perlas. Tunggal ruangan ket kasla maysa a perlas. Dagiti kalsada ket pasig a balitok a kasla sarming nga aganinaw.
\v 22 Awan templo iti siudad. Ni Apo Dios a Manakabalin-amin ken ti kordero ket adda sadiay, isu a saanen a kasapulan piti templo.

\s5
\v 23 Ti siudad ket saanen nga agkasapulan iti init wenno bulan a manglawag iti siudad gapu ta ti lawag nga agtaud iti Dios ti manglawag iti siudad, ken ti Kordero ket isu met ti lawagna.
\v 24 Agnaedto dagiti bunggoy ti tattao ket ti lawag ti siudad ti agraniagto kadakuada. Iyegto dagiti ari iti daga ti kinabaknangda iti siudad tapno padayawanda ti Dios ken ti kordero.
\v 25 Saanto a maiserra dagiti ruangan ti siudad no kasta a rumabiin gapu ta awanton iti rabii sadiay.

\s5
\v 26 Iyegto dagiti tattao ditoy lubong dagiti kinabaknangda iti siudad.
\v 27 Awan iti saan a nalinteg, awan ti siasinoman a nangaramid iti imbilang ti Dios a makapagura, ken awan ti siasinoman nga agibagbaga iti ulbod a makastrek iti dayta a siudad. Dagiti laeng tattao a naisurat dagiti naganda iti libro a kukua ti kordero, ti libro nga ayan dagiti nagan ti tattao nga addaan iti biag nga agnanayon, ti addanto sadiay.

\s5
\c 22
\p
\v 1 Ket impakita kaniak ti anghel ti karayan a makaited iti biag nga agnanayon kadagiti amin nga uminom iti daytoy. Ti danumna ket agsilsilap ken nalitnaw a kas kristal nga agay-ayus manipud iti trono a pagtugtugawan ti Dios ken ti Kordero, agingga iti tengnga ti kalsada ti siudad.
\v 2 Ti agsumbangir iti daytoy a karyan ket dagiti kayo a mamagbiag iti agnanayon ti siasinoman a mangan iti bungana. Dagitoy a kayo ket agbunga iti sangapulo ket dua a kita; ken binulan nga agbunga. Aramaten dagiti bunggoy dagiti tattao dagiti bulongna kas agas kadagiti sugatda.

\s5
\v 3 Awanto ti uray siasino wenno aniaman a banag nga ilunod ti Dios. Addanto iti siudad ti trono ti Dios ken ti Kordero, ket dayawento isuna dagiti adipenna sadiay.
\v 4 Makitadanto isuna a rupan-rupa, ket maisuratto ti naganna kadagiti mugingda.
\v 5 Awanton ti rabii sadiay. Dagiti adipen ti Dios ket saandanton a kasapulan ti lawag iti pagsilawan wenno lawag iti init gapu ta ni Apo Dios isu ti mangsilnag kadakuada. Agturaydanto iti agnanayon.

\s5
\v 6 Kinuna iti anghel kaniak: "Dagitoy a banbanag nga impakita kenka ti Dios ket pudno, wen, mapasamakto amin dagitoy. Ni Apo Dios a nangpabileg kadagiti profeta, imbaonna ti anghel tapno ipakitana kadagiti adipenna dagiti rumbeng a mapasamak iti mabiit."
\v 7 Kinuna ni Jesus kadagiti tattaona, "Denggenyo daytoy! Umayakto iti mabiit; sibubuslonto a bendisionan ti Dios ti tunggal maysa nga agtulnog iti mensahe a naisurat iti daytoy a libro."

\s5
\v 8 Siak ni Juan a nangisurat kadagitoy a banbanag a nangngegak ken naimatangak babaen iti sirmata. Idi nangngegak ken naimatangak dagitoy, dagus a nagpaklebak iti sangoanan ti anghel tapno dayawek isuna.
\v 9 Ngem kinunana kaniak, "Saannak a dayawen gapu ta maysaak met nga adipen ti Dios a kas kenka! Adipennak met a kas dagiti kakabsatmo a profeta, ken kas kadagiti agtultulnog iti mensahe iti daytoy a libro. Ti Dios laeng ti rumbeng a dayawem!"

\s5
\v 10 Kinunana pay kaniak, saanmo nga ilimed ti mensahe nga imbaga ti Dios iti daytoy a libro gapu ta asidegen iti pannakatungpalna.
\v 11 Ket gapu ta asidegen ti tiempo, no dagidiay nga agar-aramid iti dakes ket itultuloyda ti kasta a wagas, ituloyda ngarud nga agtignay iti kasta a wagas. Supapakanto ida ti Dios iti kasta nga aramidda iti mabiit. Ket no dagiti managbasol ket kayatda nga agtultuloy iti kinamanagbasolda, bay-am nga itultuloyda dayta nga aramidda. Supapakanto ida ti Dios iti kasta nga aramidda. Dagiti agtigtignay a sililinteg ket rumbeng nga agtuloy nga agtignay a sililinlinteg. Dagiti awan pakapilawanna, agtultuloyda koma nga awan pakapilawanda."

\s5
\v 12 Kinuna ni Jesus kadagiti amin a tattao: "Dumngeg kayo! Umayakon iti mabiit! Itedkonto ti supapak wenno gungguna iti tunggal maysa kas maiyannurot iti inaramidna.
\v 13 Siak ti nangirugi iti amin a banbanag ken siak ti pagpatinggan. Addaakon kasakbayan dagiti amin a banbanag ken addaak met iti pagpatenggaan ti amin a banbanag.”

\s5
\v 14 Maay-ayo unay ti Dios kadagiti tattao a nangdalus kadagiti kawesda gapu ta maikkanda iti karbengan a sumrek iti nasantoan a siudad ken mangan iti bunga ti kayo a mangted iti biag nga agnanayon.
\v 15 Iti ruar ket dagiti tattao a saan a nasantoan, dagiti agsalsalamangka, dagiti nagbasol iti kinaderrep, dagiti mammapatay, dagiti agdaydayaw iti didiosen, ken dagiti tattao nga agragragsak iti inuulbod ken agtultuloy nga ulbod. Dagitoy dagiti tattao a dinto pulos makastrek iti siudad."

\s5
\v 16 " Siak ni Jesus a nangibaon iti anghelko tapno ibagana kadagiti bunggoy dagiti namati a pudno amin dagitoy a banbanag. Siak ti umay a kaputotan ni Ari David kas inkari dagiti profeta. Siak ti maiyasping iti naraniag a bituen iti agsapa."

\s5
\v 17 Ti Espiritu ti Dios ken dagiti tattaona a maiyarig iti babai nga ikallaysa ni Cristo, ibagada iti maysa ken maysa a mangtarigagay a mamati, “Umayka!” Siasinoman a makangngeg iti daytoy ket ibagada met koma iti tunggal maysa nga agtarigagay a mamati, "Umayka!" Dagiti tattao a kayatna ti umay ket rumbeng nga umay! Ti tunggal maysa a mangtarigagay iti danum a mangted iti biag nga agnanayon ket alaenna daytoy kas sagut!

\s5
\v 18 Siak a ni Juan, sipapasnekak a mangballaag iti amin a makangngeg iti mensahe a naipadto iti daytoy a libro: No adda man iti manginayon iti aniaman a banag iti daytoy a mensahe, dusaento isuna ti Dios kadagiti wagas a dakdakamaten daytoy a libro.
\v 19 No adda man iti mangikkat iti aniaman kadagiti mensahe maipanggep iti naipadto iti daytoy a libro, ikkatento ti Dios ti kalintegan dayta a tao a mangan iti bunga manipud iti kayo a mangted iti biag nga agnanayon kadagiti tattao. Ikkatennanto pay ti kalintegan dayta a tao a sumrek iti siudad ti Dios. Dagitoy a banbanag ket agpada a nailanad iti daytoy a libro.

\s5
\v 20 Ni Jesus a mangibagbaga a dagitoy a banbanag ket pudno, kinunana, "Wen, pudno nga umayakon iti mabiit!" Siak a ni Juan ket simmungbat a kinunak, "Matungpal koma! Umayka, Apo Jesus!"
\v 21 Ikararagko nga agtultuloy nga agtignay a siaasi ni Apo Jesus kadagiti amin a tattao ti Dios. Amen!