See in Reader
33 lines
3.1 KiB
Plaintext
33 lines
3.1 KiB
Plaintext
\id 2JN
|
|
\ide UTF-8
|
|
\h 2 Juan
|
|
\toc1 2 Juan
|
|
\toc2 2 Juan
|
|
\toc3 2jn
|
|
\mt 2 Juan
|
|
|
|
\s5
|
|
\c 1
|
|
\p
|
|
\v 1 Am-ammodak amin kas panguloen a panglakayen. Insuratko daytoy a surat kadakayo a namati, kadakayo a taripnong nga ay-ayatek launay. Pinilinakayo ti Dios, ken ay-ayatenkayo gapu ta ti ammotayo maipanggep kenni Cristo ket pudno! Saan laeng a siak ti mangay-ayat kadakayo, ngem amin dagiti makaammo ken mangawat iti pudno a mensahe nga insuro ni Jesus ket ay-ayatendakayo met!
|
|
\v 2 Daytoy ket gapu ta amintayo ket mamati iti pudno a mensahe ti Dios. Adda dayta iti kaunggantayo ken itultuloytayo a patien dayta iti agnanayon!
|
|
\v 3 Ti Dios Ama ken ni Jesu-Cristo nga Anakna, ket agtultuloy nga agtignay a siiimbag ken siaasi kadatayo gapu ta ay-ayatendatayo. Ikkandatayo iti kabaelan a maaddaan iti kapia gapu ta napudno ti panagayatda kadatayo.
|
|
|
|
\s5
|
|
\v 4 Kasta unay ti ragsakko ta naammoak a dadduma kadakayo ket agbibiag a maiyannurot iti kinapudno nga insuro ti Dios kadatayo. Daytoy ti imbilin ti Ama nga aramidentayo.
|
|
\v 5 Ket ita, patpatgek a taripnong, agpakpakaasiak nga agtulnogkayo iti imbilinna kadatayo. Daytoy ti makagapu nga agsuratak kadakayo. Ti imbilinna--a masapul nga ayatentayo ti tunggal maysa--ket saan a baro; ngem ketdi, idi namatitayo kenni Cristo a nasursurotayo a rumbeng nga ayatentayo ti maysa ken maysa.
|
|
\v 6 Daytoy ti kayat a sawen ti panangipateg iti Dios ken iti tunggal maysa--masapul nga agtulnogtayo kadagiti bilbilin ti Dios nga aramidentayo. Ti imbilinna nga aramidentayo ket ayatentayo isuna ken ti maysa ken maysa.
|
|
|
|
\s5
|
|
\v 7 Adu dagiti manangallilaw a tattao a pimmanaw iti taripnongyo ket ita nagwarasda kadagiti dadduma a tattao iti ayanyo. Isuda dagiti nagkedked a mamati a nagbalin ni Jesu-Cristo a tao. Isuda dagiti mangal-allilaw kadagiti dadduma ken mangsupsupiat kenni Cristo.
|
|
\v 8 Isu nga agannadkayo ken saanyo nga ipalubos nga allilawendakayo dagidiay a manursuro! No palubosanyo ida nga allilawendakayo, mapukawyonto ti gungguna nga adda kadakami kasta met kadakayo, a nagbannuganyo, ket saanyonto a maawat ti naan-anay a gungguna maipapan iti agnanayon a pannakipagkaykaysa iti Dios!
|
|
|
|
\s5
|
|
\v 9 Dagiti mangbaliw iti sursuro ni Cristo ken saan nga agtuloy a mamati iti sursurona ket saan a naitipon iti Dios. Ngem dagiti agtultuloy a mamati iti sursuro ni Cristo ket naitiponda iti Dios nga Amatayo ken kasta met iti Anakna.
|
|
\v 10 Isu a no adda iti umay kadakayo a mangisuro iti naiduma a sursuro manipud iti sursuro ni Cristo, saanyo ida a pasangbayen iti pagtaenganyo! Saanyo nga iparikna a kayatyo a dengggen ti isursurona babaen iti panangkablaawyo kenkuana wenno isao a mabendisionan koma isuna iti aniaman a wagas!
|
|
\v 11 Imbagak dayta gapu ta no tratuenyo dagiti tattao a kas iti panangtratoyo iti padayo a namati, tultulunganyo ida iti dakes nga ar-aramidda.
|
|
|
|
\s5
|
|
\v 12 Uray no adu pay ti kayatko nga ibaga kadakayo, inkeddengko a saanko nga ibaga daytoy iti surat. Ngem ketdi, namnamaek a makaduakayo iti mabiit ken sango-sango a makasaritaakkadakayo. Ket agpapadatayto nga addaan iti naan-anay a ragsak.
|
|
\v 13 Dagiti padayo a namati a kameng iti taripnong ditoy, a pinili met ti Dios, kabkablaawandakayo amin.
|