ilo_udb/63-1JN.usfm

\id 1JN
\ide UTF-8
\h 1 Juan
\toc1 1 Juan
\toc2 1 Juan
\toc3 1jn
\mt 1 Juan

\s5
\c 1
\p
\v 1 Siak, ni Juan, ket agsursurat kadakayo maipanggep iti addan sakbay pay a napaadda ti aniaman a banag! Isuna ti nagdengngeganmi nga apostol idi insuronakami! Nakitami isuna! Nakita ken nasagidmi isuna! Isuna ti nangisuro kadakami iti maipanggep iti agnanayon a biag.
\v 2 (Gapu ta immay isuna ditoy daga ken nakitami isuna, ipakaammomi a nalawag kadakayo a ti nakitami ket isu ti kanayon a sibibiag. Adda isuna idi idiay langit a kaduana ti Amana, ngem immay isuna a nakipagnaed kadatayo.)

\s5
\v 3 Ipakaammomi kadakayo ti mensahe maipanggep kenni Jesus, ti nakita ken nangngegmi, tapno makitipunkayo kadakami. Ti nakitipunanmi ket ti Dios nga Amatayo ken ti Anakna a ni Jesu-Cristo.
\v 4 Isursuratko ti maipanggep kadagitoy a banbanag kadakayo tapno maallukoykayo a pudno dagitoy, ket kas pagbanaganna, naan-anay ti rag-otayo.

\s5
\v 5 Ti mensahe a nangngegmi manipud iti Dios nga isu ti ipakaammomi kadakayo ket isu daytoy: Saan pulos nga agbasoI isuna. Maiyarig isuna iti naraniag a silaw nga awanan pulos iti kinasipnget.
\v 6 No ibagatayo a nakitipuntayo iti Dios, ngem agbibiagtayo iti saan a nadalus a wagas, kaiyariganna dayta ti panagbiag iti kinasipnget. Agul-ulbodtayo. Saantayo nga agbibiag a maiyannurot iti pudno a mensahe ti Dios.
\v 7 Ngem ti agbiag iti nadalus a wagas, a kas iti nadalus a wagas a panagbiag ti Dios, ket kaiyariganna ti panagbiag iti lawag ti Dios. No aramidentayo dayta, mabalin nga agkakaduatayo, ken pakawanen ken awatennatayo ti Dios gapu ta natay ni Jesus para kadatayo.

\s5
\v 8 Dagiti mangibaga a saanda a pulos a nagbasol ket al-allilawenda dagiti bagbagida ken agkedkedda a mamati iti ibagbaga ti Dios maipanggep kadakuada.
\v 9 Ngem kanayon nga aramiden ti Dios dagiti ibagana nga aramidenna, ken dagiti aniaman nga aramidenna ket kanayon nga umno. Isu a no aklunentayo kenkuana a nagbasoltayo, pakawanennatayo kadagiti basbasoltayo ken wayawayaannatayo manipud iti nakabasolantayo iti tunggal banag a biddut nga inaramidtayo. Gapu iti dayta, masapul nga aklunentayo kenkuana a nagbasoltayo.
\v 10 Gapu ta kinuna ti Dios a ti amin ket nagbasol, dagiti mangibaga nga isuda ket saan a pulos a nagbasol ket agsasao a kasla agul-ulbod ti Dios! Linaksidda ti ibagbaga ti Dios maipanggep kadatayo!

\s5
\c 2
\p
\v 1 Kadakayo a napateg kaniak a kas bukodko nga annak, isursuratko daytoy kadakayo tapno mailisikayo manipud iti panagbasol. Ngem no adda ti siasinoman kadakayo a namati a makaaramid iti basol, laglagipenyo a ni Jesu-Cristo, a nalinteg, ket umas-asog iti Ama tapno pakawanennatayo.
\v 2 Situtulok ni Jesu-Cristo a nangidaton iti bukodna a biag para kadatayo, tapno iti kasta ket pakawanennatayo ti Dios kadagiti basbasoltayo. Wen, kabaelan ti Dios a pakawanen dagiti basbasoltayo, ngem saan laeng a dagiti basbasoltayo! Kabaelanna met a pakawanen dagiti basbasol dagiti tattao iti sadinoman!
\v 3 Ibagak kadakayo no kasanotayo a makasigurado nga ammotayo ti Dios. No agtulnogtayo kadagiti ibilinna nga aramidentayo, dayta ti mangipakpakita kadatayo a naitipontayo kenkuana.

\s5
\v 4 Dagiti mangibaga nga, "Ammomi ti Dios," ket saanda met a tungpalen dagiti bilbilin ti Dios, ulbodda. Saanda nga agbibiag a maiyannurot iti pudno a mensahe ti Dios.
\v 5 Ngem dagiti agtulnog kadagiti bilbilin ti Dios nga aramidenda ket dagiti tattao a mangay-ayat iti Dios iti amin a wagas. Daytoy ti pakasiguradoantayo a nakitipontayo iti Dios.
\v 6 No ibagatayo a nakipagmaymaysatayo iti Dios, masapul nga agbiagtayo a kas iti inaramid ni Cristo.

\s5
\v 7 Patpatgek a gagayyem, saanko nga isursurat a masapul nga agaramidkayo iti baro a banag. Ngem ketdi, agsursuratak iti maysa a banag a naammoanyon nga aramiden manipud idi namatikayo kenni Cristo. Daytoy ket paset ti mensahe a kanayonyo a mangmangegan.
\v 8 Ngem adda manen iti ibagak kadakayo iti daytoy met laeng a topiko: Makunak nga ibagbagak kadakayo nga agaramidkayo iti baro a banag. Baro daytoy gapu ta ti inaramid ni Cristo ket baro, ken ti ar-aramidenyo ket baro. Daytoy ket gapu ta agsarsardengkayon nga agaramid iti dakes ken agar-aramidkayon iti ad-adu pay a kinaimbag. Kaiyariganna dayta ti panaglabas ti rabii ken ti isasangbay ti aldaw, ti pudno nga aldaw ni Cristo.

\s5
\v 9 Dagiti mangibaga nga isuda ket kas kadagiti tattao nga agbibiag iti lawag, ngem kagurada ti siasinoman a padada a namati, ket kasla latta tattao nga agbibiag iti kasipngetan.
\v 10 Ngem dagiti mangay-ayat kadagiti padada a namati ket agtigtignay a kas kadagiti tattao nga agbibiag iti lawag; awan ti panggapoananda nga agbasol.
\v 11 Dagiti manggurgura iti siasinoman kadagiti padada a namati ket kapada pay laeng dagiti tattao nga agbibiag iti kasipngetan, saanda nga ammo ti kinapudno maipanggep iti Dios.

\s5
\v 12 Isursuratko daytoy kadakayo nga ay-ayatek a kasla dakayo ket bukodko nga annak. Pinakawanen ti Dios dagiti basbasolyo gapu iti inaramid ni Cristo para kadakayo.
\v 13 Agsursuratak kadakayo a namati a natataengan ngem kadagiti dadduma. Ammoyon ni Cristo, nga agnanayon a sibibiag. Agsursuratak met kadakayo nga agtutubo; naparmekyon ni Satanas a managdakdakes. Ken agsursuratak kadakayo nga ub-ubbing, gapu ta ammoyo ti Dios nga Ama.
\v 14 Ibagak manen: Isursuratko daytoy kadakayo a natataengan gapu ta naam-ammoyon ni Cristo, nga adda iti agnanayon. Ken agsursuratak kadakayo nga agtutubo, gapu ta napigsa ken itultuloyyo ti agtultulnog kadagiti bilbilin ti Dios, ken gapu ta pinarmekyo ni Satanas a managdakdakes.

\s5
\v 15 Saankayo nga agtignay a kas kadagiti tattao iti lubong a saan nga agdaydayaw iti Dios. Saanyo a tarigagayan dagiti banbanag a kayatda a gun-oden. No adda siasinoman nga agbibiag a kas iti panagbiagda, panpaneknekanda a saanda nga ay-ayaten ti Dios nga Amatayo.
\v 16 Isuratko daytoy, gapu ta amin a biddut a banbanag nga ar-aramiden dagiti tattao, amin dagiti banbanag a kitaen dagiti tattao ken padpadasenda a gun-oden para kadagiti bagbagida, ken amin dagiti banbanag nga ipagpanpannakkelda-amin dagitoy a banbanag ket awan kaes-eskanda iti Amatayo sadi langit. Kukua ida ti lubong.
\v 17 Dagiti tattao iti lubong a saan a mangpadpadayaw iti Dios, ken dagiti amin a banag a tartarigagayanda, ket mapukawto. Ngem dagiti agaramid kadagiti kayat ti Dios nga aramidenda ket agbiagto iti agnanayon!

\s5
\v 18 Dakayo a napateg unay kaniak, asidegen nga agsubli ni Cristo iti daga. Nangngeganyon a ti tao nga agpammarang a Cristo ket umay; kinaagpaysona, adun dagiti kakasta a tattao-ngem aminda ket maibusor kenni Cristo. Gapu iti daytoy, ammotayo nga agsublinto ni Cristo iti mabiit.
\v 19 Dagitoy a tattao ket agkedkedda nga agtalinaed kadagiti gimongtayo, ta iti kinapudnona, saanda a pudpudno a naibilang kadatayo. Idi pinanawandatayo, nalawag a nakitatayo a saanda a pudpudno a naitipon kadatayo.

\s5
\v 20 Ngem maipanggep kadakayo, ni Cristo a nasantoan, ket intedna ti Espirituna kadakayo; ti Espirituna ti mangisursuo kadakayo iti amin a kinapudno.
\v 21 Isursuratko daytoy kadakayo, saan a gapu ta saanyo nga ammo ti kinapudno maipanggep iti Dios, ngem gapu ta ammoyo no ania daytoy. Ammoyo met nga awan ti isursuro ti Dios kadatayo a kinaulbod; ngem ketdi, isursurona laeng kadatayo no ania ti pudno.

\s5
\v 22 Dagiti kadadaksan nga ulbod ket dagiti mangilibak a ni Jesus ti Cristo. Amin a mangaramid iti daytoy ket maibusor kenni Cristo, gapu ta agkedkedda a mamati iti Ama ken iti Anak.
\v 23 Dagiti agkedked a mangbigbig a ni Jesus ket Anak ti Dios ket saan a naitipon iti Ama, ngem dagiti mangbigbig a ni Cristo ket Anak ti Dios ket naitiponda met iti Ama.

\s5
\v 24 Isu a dakayo, masapul nga itultuloyyo ti mamati iti kinapudno maipanggep kenni Jesu-Cristo a damo a nangngegyo, ken agbiagkayo a maiyannurot iti daytoy. No aramidenyo dayta, agtalinaedkayo a naitipon iti Anak ken iti Ama.
\v 25 Ken imbaga ti Dios kadatayo a pagbiagennatayo iti agnanayon!
\v 26 Insuratko daytoy kadakayo tapno ballaagankayo maipanggep kadagiti kayatda ti mangallilaw kadakayo mainaig iti kinapudno a maipanggep kenni Cristo.

\s5
\v 27 Maipanggep kadakayo, ti Espiritu ti Dios, a naawatyo manipud kenni Cristo, ket agtaltalinaed kadakayo. Isu a saanyon a kasapulan pay ti siasinoman a mangisuro kadakayo. Isursuro ti Espiritu ti Dios kadakayo dagiti amin a banag a masapul a maammoanyo. Kanayonna nga isursuro ti kinapudno ket saan a pulos nga agsasao iti aniaman a saan a pudno. Isu nga itultuloyyo ti agbiag iti wagas nga insurona kadakayo, ken agtalinaedkayo a naitipon kenkuana.
\v 28 Ita, dakayo a patpatgek, iyunay-unayko nga agtultuloykayo nga agtalinaed a naitipon kenni Cristo. Masapul nga aramidentayo dayta tapno natalgedtayo nga awatennatayo inton umayto manen. No aramidentayo dayta, saantayonto a mabain inton sumangotayo kenkuana iti iyuumayna.
\v 29 Agsipud ta ammoyo a ni Cristo ket kanayon nga ar-aramidenna iti umno, ammoyo a dagiti amin nga agtultuloy nga agar-aramid iti umno ket isuda dagiti nagbalin nga annak ti Dios.

\s5
\c 3
\p
\v 1 Panunotenyo no kasano kadakkel ti panagayat ti Amatayo kadatayo! Impalubosna nga ibagatayo a datayo dagiti annakna! Ket daytoy ti kinapudno! Ngem dagiti tattao a saan a namati ket saanda a maawatan no siasino ti Dios. Isu a saanda a maawatan no siasinotayo, nga annaknatayo ti Dios.
\v 2 Patpatgek a gagayyem, numan pay iti agdama ket annaknatayo ti Dios, saanna pay nga impakita kadatayo ti pagbalinantayo iti masangoanan. Nupay kasta, ammotayo nga inton agsubli manen ni Cristo, agbalintayonto a kas kenkuana, gapu ta makitatayonto isuna iti rupan-rupa.
\v 3 Isu a dagiti amin a mangnamnama a makakita kenni Cristo iti rupan-rupa, iliklikda dagiti bagbagida manipud iti panagbasbasol, a kas kenni Cristo a saan pulos a nagbasol.

\s5
\v 4 Ngem tunggal maysa nga agtultuloy nga agbasol ket agkedkedked nga agtulnog kadagiti linteg ti Dios, gapu ta kasta ti basol, panagkedked nga agtulnog kadagiti linteg ti Dios.
\v 5 Ammoyo nga immay ni Cristo tapno naan-anay a maikkat dagiti basbasoltayo. Ammoyo met a saan pulos isuna a nagbasol.
\v 6 Dagiti agtultuloy nga agar-aramid kadagiti kayat ni Cristo nga aramidenda, saanyo nga itultuloy iti paulit-ulit a panagbasbasolyo. Ngem dagiti paulit-ulit nga agbasol ket saanda a naawatan no siasino ni Cristo, wenno saanda a pudno a naitipon kenkuana.

\s5
\v 7 Isu nga iyunay-unayko kadakayo a napateg unay kaniak, saanyo nga itulok nga allilawennakayo ti siasinnoman babaen iti panangibagbagada kadakayo a mabalin ti agbasol. No itultuloyyo ti agar-aramid iti umno, nalintegkayo, a kas kenni Cristo a nalinteg.
\v 8 Ngem siasinoman nga agtultuloy nga agbasol a paulit-ulit ket kas iti diablo, gapu ta ti diablo ket kanayon nga agbasbasol manipud pay nangrugi ti lubong. Ken ti makagapu no apay a ti Anak ti Dios ket nagbalin a tao ket tapno dadaelenna dagiti inaramid ti diablo.

\s5
\v 9 Saan nga agtultuloy nga agbasbasol a paulit-ulit dagiti tattao no nagbalindan nga annak ti Dios. Saanda a mabalin nga agtultuloy nga agbasol gapu ta pinagbalin ida ti Dios nga annakna, ken inkabilna kadakuada ti kagagaladna.
\v 10 Dagiti annak ti Dios ket nalawag a naidumduma kadagiti annak ti diablo. Ti wagas tapno maammoantayo no siasino dagiti annak ni Satanas ket daytoy: Dagiti saan nga agaramid iti umno ket saan nga annak ti Dios. Ken dagiti saan nga agayat kadagiti padada a namati ket saan nga annak ti Dios.

\s5
\v 11 Ti mensahe a nangngegyo idi namatikayo kenni Cristo ket masapul nga agiinnayattayo.
\v 12 Masapul a saantayo a guraen ti dadduma kas iti inaramid ti anak ni Adan, a ni Cain, a naibilang kenni Satanas, a diablo. Gapu ta kagura ni Cain ti adingna a lalaki, pinatayna isuna. Ibagak kadakayo no apay a pinatayna ti kabsatna. Gapu ta kankanayon a nagtigtignay ni Cain iti dakes a wagas, ken ginurana ni adingna gapu ta nagtigtignay iti umno a wagas.

\s5
\v 13 Masapul a saankayo a masdaaw no guraendakayo dagiti saan a namati.
\v 14 Gapu ta ay-ayatentayo dagiti padatayo a namati, ammotayo nga inaramidnatayo ti Dios nga agbiag iti agnanayon a kaduatayo isuna. Ngem imbilang ti Dios ti siasinoman a saan a mangay-ayat kadakuada a kas natay.
\v 15 Ibilang ti Dios ti siasinoman a manggurgura kadagiti padada a namati a kasla nakaaramidda iti banag a dakes a kas panangpapatay. Ket ammoyo nga awan ti mammapatay nga addaan iti agnanayon a biag.

\s5
\v 16 Ti wagas nga ammotayon no kasano nga ayaten iti napudno dagiti padatayo a namati ket babaen iti pananglaglagip a ni Cristo ket natay para kadatayo iti bukodna a pagayatan. Isu nga iti kasta met laeng a wagas, masapul nga aramidentayo ti amin para kadagiti padatayo a namati, uray pay ti pannakatay para kadakuada.
\v 17 Adu kadatayo ti addaan kadagiti banbanag a kasapulantayo tapno agbiag iti daytoy a lubong. No ammotayo nga agkasapulan ti siasinoman kadagiti padatayo a namati ket agkedkedtayo a mangipaay kadagitoy para kadakuada, nalawag a saantayo nga ay-ayaten ti Dios a kas kunkunatayo nga ar-aramidentayo.
\v 18 Ibagak kadakayo nga ay-ayatek launay, saantayo laeng nga ibaga nga ay-ayatentayo ti tunggal maysa; ayatentayo ti tunggal maysa babaen iti panagtitinnulongtayo!

\s5
\v 19 No pudno nga ay-ayatentayo dagiti padatayo a namati, makasiguradotayo nga agbibiagtayo a maiyannurot iti pudno a mensahe maipanggep kenni Cristo. Kas pagbanaganna, saantayo a makarikna iti pannakapabasol iti imatang ti Dios.
\v 20 Mabalintayo nga agkararag a sitatalged, gapu ta makariknatayo man iti pannakapabasol gapu ta nakaaramidtayo iti biddut, inted ti Dios kadatayo ti karbengan nga agtalek kenkuana. Ammona ti amin a banag a maipanggep kadatayo.
\v 21 Patpatgek a gagayyem, no saannatayo a pabasolen ti nakemtayo iti panagbasoltayo, ket mabalintayo nga agkararag a sitatalged iti Dios.
\v 22 Ket no sitatalgedtayo nga agkararag kenkuana ken agkiddaw iti aniaman manipud kenkuana, awatentayo daytoy gapu ta ar-aramidentayo dagiti ibilbilinna nga aramidentayo, ken ar-aramidentayo dagiti makaay-ayo kenkuana.

\s5
\v 23 Ibagak kadakayo no ania dagiti imbilinna nga aramidentayo: Masapul a mamatitayo a ni Jesu-Cristo ket Anakna. Masapul met nga agiinnayattayo, kas imbilinna nga aramidentayo.
\v 24 Dagidiay mangar-aramid kadagiti imbilin ti Dios, ket isuda dagiti nakitipon iti Dios, ken ti Dios ket nakitipon kadakuada. Ken isu ti gapuna nga addaantayo iti Espirituna, nga intedna kadatayo, tapno makasiguradotayo a nakitipon ti Dios kadatayo.

\s5
\c 4
\p
\v 1 Patpatgek a gagayyem, adu a tattao nga addaan iti inuulbod a mensahe ti agisursuro iti daytoy kadagiti tattao. Ngem masapul a panunotenyo a nalaing ti maipanggep iti mangngegyo nga isuroda, tapno maammoanyo no isursuroda ti kinapudno a nagtaud iti Dios wenno saan.
\v 2 Ibagak kadakayo no kasano a maammoan no ti maysa ket agisursuro iti kinapudno a nagtaud iti Espiritu ti Dios. Dagidiay mangpaspasingked a ni Jesu-Cristo ket nagtaud iti Dios a nagbalin a tao a kas kadatayo ket agisursuro iti mensahe a nagtaud iti Dios.
\v 3 Ngem dagidiay saan a mangpaspasingked iti dayta a kinapudno maipanggep kenni Jesus ket saan nga agisursuro iti mensahe a nagtaud iti Dios. Isuda ket dagiti mannursuro a mangsupsuppiat kenni Cristo. Nangngeganyo a dagiti tattao a kasta ket aggapu kadatayo. Uray ita ket addadan ditoy!

\s5
\v 4 Maipanggep kadakayo a napateg unay kaniak, kukuanakayo ti Dios, ken nagkedkedkayo a mamati iti isursuro dagidiay a tattao, gapu ta ti Dios, a mangmangted iti kabaelanyo a mangaramid iti kayatna, ket ad-adda a mannakabalin.
\v 5 Maipanggep met kadagidiay agisursuro iti inuulbod, maibilangda kadagiti amin a tattao iti lubong nga agkedked nga agdayaw iti Dios. Isu't gapu na a dagiti ibagbagada ket nagtaud met laeng kadagidiay a tattao, ken dagidiay met laeng a tattao ket dumngeg kadakuada.
\v 6 Ngem datayo, kukuanatayo ti Dios. Siasinoman a makaam-ammo iti Dios ket dumngeg iti isurotayo, ngem siasinoman a saan a kukua ti Dios ket saan a dumngeg iti isurotayo. Daytoy ti pagilasinantayo kadagiti tattao nga agisursuro iti kinapudno maipanggep iti Dios, ken dagidiay mangal-allilaw iti dadduma.

\s5
\v 7 Patpatgek a gagayyem, masapul nga ayatentayo ti tunggal maysa, gapu ta inikkannatayo ti Dios iti kabaelan a mangipateg iti tunggal maysa, ken gapu ta dagiti mangipateg kadagiti padada a namati ket naibilang nga annak ti Dios ken am-ammoda isuna.
\v 8 Ipakpakita ti Dios ti ayatna kadagiti tattao. Isu a dagiti saan a mangipateg kadagiti padada a namati ket saanda nga am-ammo ti Dios.

\s5
\v 9 Ibagak kadakayo no kasano nga impakita ti Dios nga ay-ayatennatayo: Imbaonna ti kakaisuna nga Anakna tapno agnaed ditoy daga tapno maaddaantayo iti biag nga agananayon gapu kenkuana.
\v 10 Ken impakita ti Dios kadatayo ti kayat a sawen ti pudpudno a panagayat iti sabali a tao: Saanna a kayat a sawen nga inayattayo ti Dios, ngem ti Dios ti nangayat kadatayo. Isu nga imbaonna ti Anakna tapno isakripisyona ti bagina, tapno isuna-ti Dios-ket pakawanennatayo no kasta nga agbasoltayo.

\s5
\v 11 Patpatgek a gagayyem, agsipudta ay-ayatennatayo ti Dios iti kasta, rebbengtayo met nga ayaten ti tunggal maysa!
\v 12 Awan ti siasinoman a nakakita iti Dios. Nupay kasta, no ayatentayo ti tunggal maysa, nalawag nga agnanaed ti Dios kadatayo ket ay-ayatentayo ti tunggal maysa a kas iti pagayatanna.
\v 13 Ibagak kadakayo no kasanotayo a makasigurado a nakitipontayo iti Dios ken nakitipon ti Dios kadatayo: Pinagnaedna ti Espirituna kadatayo.
\v 14 Dakami nga apostol, nakitami ti Anak ti Dios, ken sipapasnekmi nga ibagbaga kadagiti dadduma nga imbaon isuna ti Ama tapno isalakanna dagiti tattao iti lubong manipud iti agnanayon a panagsagaba nga awan patinggana gapu kadagiti basbasolda.

\s5
\v 15 Isu a sitatalinaed a nakitipon ti Dios kadagidiay mangibagbaga iti kinapudno maipanggep kenni Jesus. Kunada, "Isuna ti Anak ti Dios." Ket isu a nagtalinaedda a naitipon iti Dios.
\v 16 Napadasanmi no kasano ti panagayat ti Dios kadakami ken mamatikami nga ay-ayatennatayo. Kas nagbanaganna, ay-ayatenmi dagiti dadduma. Gapu ta ti kababalin ti Dios ket ti mangayat kadagiti tattao, dagiti agtultuloy nga agayat iti sabali ket naitipon iti Dios, ken naitipon met ti Dios kadakuada.

\s5
\v 17 Masapul nga ayatentayo iti naan-anay dagiti dadduma. Ket no aramidentayo dayta, no dumteng ti tiempo nga ukomennatayo ti Dios, natalgedtayo a saannatayo a dusaen. Natalgedtayonto iti dayta gapu ta agbibiagtayo a naitipon iti Dios iti daytoy a lubong, kas iti pannakaitipon ni Cristo iti Dios.
\v 18 Saantayonto a mabuteng iti Dios no pudno nga ay-ayatentayo isuna, gapu ta dagiti naan-anay nga agay-ayat iti Dios ket saan a mabuteng kenkuana. Agbutengtayo laeng no panunotentayo a dusaennatayo. Isu a dagiti mabuteng iti Dios ket saan a naan-anay nga agay-ayat iti Dios.

\s5
\v 19 Ay-ayatentayo ti Dios ken dagiti padatayo a namati gapu ta immuna nga inayatnatayo ti Dios.
\v 20 Isu a dagiti agkunkuna nga "Ay-ayatek ti Dios" ngem kagurada dagiti padana a namati ket agul-ulbod. Dagiti saan a mangay-ayat iti maysa kadagiti padada a namati a nakitada, ket nalawag a saanda met a mabalin nga ayaten ti Dios a saanda a nakita.
\v 21 Laglagipenyo a daytoy ti imbilin ti Dios kadatayo: No ay-ayatentayo isuna, masapul met nga ayatentayo dagiti padatayo a namati.

\s5
\c 5
\p
\v 1 Amin dagiti mamati a ni Jesus ti Cristo ket annak ti Dios, naipasngay manipud iti Dios. Ken siasinoman a mangay-ayat iti Ama, nalawag nga ay-ayatenna met dagiti annak ti Ama, dagiti padatayo a namati.
\v 2 Ti wagas a masiguradotayo a pudno nga ay-ayatentayo dagiti annak ti Dios ket no ayatentayo ti Dios ken aramidentayo dagiti imbilinna nga aramidentayo.
\v 3 Ibagbagak daytoy gapu ta ti kayat a sawen ti panagayat iti Dios ket ti panangaramidtayo kadagiti ibilbilinna. Ken saan a narigat nga aramiden dagiti bilinna.

\s5
\v 4 Amintayo a pinagbalin ti Dios nga annakna ket naikkan iti kabaelan nga agkedked a mangaramid iti kayat dagiti saan a namati nga aramidentayo; napigpigsatayo ngem iti aniaman a banag a maibusor iti Dios. Kabaelantayo ti agkedked nga agaramid iti biddut, gapu ta agtalektayo kenni Cristo.
\v 5 Siasino ti tao a napigpigsa ngem iti amin a banag a maibusor iti Dios? Ti siasinoman a mamati a ni Jesus ket Anak ti Dios.

\s5
\v 6 Panunotenyo ti maipanggep kenni Cristo. Isuna ti immay ditoy daga manipud iti Dios. Impakita ti Dios a pudno nga imbaonna ni Jesus idi binautisaran ni Juan ni Jesus iti danum, ngem uray pay idi nagayus ti dara ni Jesus manipud iti bagina idi isuna ket natay. Ket sipupudno nga inwaragawag ti Espiritu ti Dios a ni Jesu-Cristo ket nagtaud iti Dios.
\v 7 Dagitoy a tallo a banag ket kasla la tallo a tattao a nagbalin a saksi:
\v 8 ti Espiritu ti Dios, ti danum idi binautisaran ni Juan ni Jesus, ken ti dara ni Jesus a nagayus manipud iti bagina idi natay isuna iti krus. Amin dagitoy tallo a banag ket ibagbagada kadatayo ti isu met laeng a banag, a ni Jesus ket nagtaud iti Dios.

\s5
\v 9 Masansan a mamatitayo iti ibagbaga dagiti dadduma a tattao kadatayo. Ngem pudno nga ad-adda pay mapagtalkantayo ti ibagbaga ti Dios. Ken nalawag a pinaneknekanna ti maipanggep iti Anakna.
\v 10 Dagiti agtaltalek iti Anak ti Dios ket ammoda iti kaunggan no ania ti kinapudno maipanggep kenkuana. Ngem dagiti saan a mamati iti ibagbaga ti Dios ket pagparparangenda nga ulbod ti Dios, gapu ta nagkedkedda a mamati iti pinaneknekan ti Dios maipanggep iti Anakna.

\s5
\v 11 Daytoy ti kuna ti Dios kadatayo: "Intedko kadakayo ti agnanayon a biag!" Agbiagtayonto iti agnanayon no maitipontayo iti Anakna.
\v 12 Dagiti naitipon iti Anak ti Dios ket agbiagto iti agnanayon a kaduada ti Dios. Dagiti saan a naitipon kenkuana ket saanto nga agbiag iti agnanayon.

\s5
\v 13 Insuratko daytoy a surat kadakayo a mamati a ni Jesus ket isu iti Anak ti Dios, tapno maammoanyo koma nga agbiagkayonto iti agnanayon.
\v 14 Gapu ta naitipontayo kenkuana, natalgedtayo unay a denggennatayo inton dawatentayo kenkuana nga aramidenna ti aniaman a banag nga anamunganna.
\v 15 Ket no ammotayo a denggennatayo- aniaman a dawatentayo-ket mabalintayo a mangnamnama a maawattayonto ti aniaman a dinawattayo kenkuana.

\s5
\v 16 No bilang ta adda makitayo a maysa kadagiti padatayo a namati nga agbasbasol iti wagas a saan nga agbanag iti pannakaisina manipud iti Dios, ket no makitayo nga agbasbasol, masapul nga agdawatkayo iti Dios ken ikararagyo nga ikkanto ti Dios dayta a tao iti biag - dayta ket, iti dayta a tao a saan a nakaaramid iti basol nga agbanag iti pannakaisina manipud iti Dios. Ngem adda dagiti dadduma a tattao nga agbasol iti wagas a pakaigapuan iti pannakaisinada manipud iti Dios iti agnanayon. Saanko nga ibagbaga a masapul nga dawatenyo iti Dios a tulonganna dagiti tattao a nagbasol iti kasta wagas.
\v 17 Tunggal banag a biddut ket basol a maibusor iti Dios, ngem saan nga amin a biddut nga inaramidtayo ket mabalin a mangisina kadatayo iti agnanayon iti Dios.

\s5
\v 18 Ammotayo a no ti maysa a tao ket anak ti Dios, saanna a taginayunen iti agbasol. Ngem ketdi, salakniban isuna ti Anak ti Dios tapno ni Satanas a diablo, ket saanna a dangran isuna.
\v 19 Ammotayo a kukuanatayo ti Dios, ket ammotayo nga iti sangalubongan ket adda iti panangtengngel ti diablo.

\s5
\v 20 Ammotayo met a ti Anak ti Dios ket immay kadatayo ken inikkannatayo iti kabaelan a mangawat iti kinapudno; naitipontayo kenkuana a pudno, ni Jesu-Cristo nga Anak ti Dios. Ni Jesu-Cristo ket pudno a Dios, ken isu ti nangted iti kabaelan kadatayo a maaddaan iti biag nga agnanayon.
\v 21 Ibagak kadakayo a napateg unay kaniak, salaknibanyo dagiti bagbagiyo manipud iti panagdaydayaw kadagiti didiosen nga awanan iti pudno a pannakabalin!