ilo_udb/62-2PE.usfm

\id 2PE
\ide UTF-8
\h Maikadda Pedro
\toc1 Maikadda Pedro
\toc2 Maikadda Pedro
\toc3 2pe
\mt Maikadda Pedro

\s5
\c 1
\p
\v 1 Siak ni Simon Pedro, isursuratko daytoy a surat kadakayo. Agserserbiak kenni Jesu-Cristo, ken maysaak nga apostol a dinutokanna. Ipatulodko daytoy a surat kadakayo nga inaramid ti Dios a mamati kenni Cristo a kasla iti panangaramidna kadakami nga apostol a mamati kenni Cristo. Dakayo ken dakami ket addaan iti agpadpada a dayaw iti panamati kenni Jesu-Cristo. Isuna ket Dios, naan-anay isuna a nalinteg, isuna ti pagrukrukbabantayo, ken isuna ti Manangisalakantayo.
\v 2 Ikararagko nga agtultuloy ti Dios nga agtignay a sisasayaat unay kadakayo ken ikkannakayo iti naan-anay a kapia, gapu ta pudno nga am-ammoyo ti Dios ken ni Jesus, nga Apotayo.

\s5
\v 3 Inted ti Dios dagiti amin a kasapulantayo tapno makapagbiagtayo iti agnanayon ken dayawen isuna. Ar-aramidenna daytoy babaen iti pannkabalinna a kas Dios ken ar-aramidenna daytoy gapu ta am-ammotayo isuna. Intedna met daytoy kadatayo kas pagbanagan iti pannakaam-ammotayo kenkuana. Isuna ti nangpili kadatayo nga agbalin a tattaona gapu ta mannakabalin ken naimbag isuna.
\v 4 Gapu ta kastoy isuna, inkarina kadatayo nga agaramidto isuna kadagiiti naindaklan unay ken awan bayadna a banbanag maipaay kadatayo. Imbagana pay kadakayo a kabayatan a mamatmatikayo iti inkarina, mabaelanyonto ti agtignay iti umno a wagas, a kasla iti panagtignay ti Dios iti umno a wagas, ket awankayonton iti dalan iti pannakapukaw gapu iti panagtarigagayyo nga agaramid kadagiti dakes a banbanag, a kas kadagiti saan a namati.

\s5
\v 5 Gapu ta inaramid amin ti Dios dayta, aramidenyo ti kabaelanyo a saan laeng a mamati kenni Cristo, ngem agbibiagkayo pay iti nasayaat. Ken siguraduenyo a saankayo laeng nga agbibiag iti nasayaat, ngem agadalkayo koma nga agadal ti maipanggep iti Dios.
\v 6 Kas nayunna, aramidenyo ti kabaelanyo, a saan laeng nga iti panangammoyo iti ad-adu pay maipanggep iti Dios, ngem tapno matengngelyo pay dagiti bagbagiyo iti aramiden ken isaoyo. Ken siguraduenyo a saanyo laeng a tengngelen dagiti aramiden ken isaoyo, ngem napudnokayo pay kenkuana. Ken siguraduenyo a saankayo laeng a napudno kenkuana, ngem padayawanyo pay isuna.
\v 7 Ken siguraduenyo a saanyo laeng a padayawan isuna, ngem adda pay koma panangisakityo kadagiti padayo a namati, kas iti rumbeng nga adda kadagiti agkakabsat a lallaki ken babbai para iti tunggal maysa. Ken siguraduenyo a saanyo laeng nga isakit dagiti padayo a namati, ngem ayatenyo pay koma dagiti dadduma.

\s5
\v 8 No aramidenyo amin dagitoy a banbanag, ken aramidenyo dagitoy iti ad-adu pay, dayta ti mangipakita a ti pannakaam-ammo kenni Apotayo a Jesu-Cristo ket mangpataud kadagiti naindaklan a pagbanagan kadagiti biagyo.
\v 9 Ngem no saan a pudno dagitoy a banbanag maipanggep kadagiti tattao, kayatna a sawen a saanda nga ammo a napateg dagitoy a banbanag, a kas iti maysa a bulsek a tao a saanna nga ammo ti adda iti aglawlawna. Panpanunotenda laeng ti maipanggep kadagiti naindagaan a banbanag, a kas iti maysa a tao nga asideg iti panagkitana a makitana laeng a silalawag dagiti banbanag nga asideg. Kasla nalipatandan a pinakawan ti Dios ida kadagiti sigud a biagda a managbasol.

\s5
\v 10 Imbes nga agtignay a kas kadagidiay a tattao, agsingsingpetkayo tapno maammoan iti tunggal maysa a pinilinakayo ti Dios nga agbalin a tattaona. No aramidenyo dayta, awan dua-dua a saankayonto a maisina iti Dios,
\v 11 ket naimpusoan a pasangbayen nakayto ti Dios iti lugar a pangiturayan ni Apotayo ken Mannubbottayo a ni Jesu Cristo kadagiti tattaona iti agnanayon.

\s5
\v 12 Kayatko a kankanayonko nga ipalpalagip kadakayo ti maipanggep kadagitoy a banbanag, uray no ammoyon dagitoy ken mamatikayo unay a pudno dagitoy.
\v 13 Ibilangko a nasayaat a tulungankayo nga agtultuloy a mangpanunot iti maipanggepko kadagitoy a banbanag babaen iti panangipalagipko kadakayo maipanggep kadagitoy inggana a sibibiagak pay,
\v 14 gapu ta ammok a matayakton iti mabiit, a kas iti nalawag nga imparangarang kaniak ni Apotayo a ni Jesu-Cristo.
\v 15 Maysa pay, aramidekto ti amin a kabaelak babaen iti panangsuratko kadagitoy a banbanag tapno malagipyo dagitoy iti amin a tiempo kalpasan ti ipapatayko.

\s5
\v 16 Dakami nga apostol ket imbagami kadakayo a mannakabalin ti Apotayo a ni Jesu-Cristo ket agsublinto isuna iti maysa nga aldaw. Saanmi nga ibasbasar ti imbagami kadakayo kadagiti estoria nga inar-aramidmi laeng. Ngem ketdi, imbagami kadakayo no ania ti nakitami kadagiti bukodmi a mata, a ni Apotayo a ni Jesus ket naindaklan unay.
\v 17 Ti Dios, nga Amatayo, ket kasta unay iti panangidayawna kenkuana idi pinalawlawan isuna iti naindaklan a lawag ti Dios, ket kinunana, ‘’Daytoy ti Anakko nga ay-ayatek iti kasta unay, maay-ayoak unay kenkuana.”
\v 18 Nangeganmi a mismo nga imbaga ti Dios dayta manipud idiay langit, idi kadduami ni Cristo iti dayta a nasantoan a bantay.

\s5
\v 19 Iti daytoy a wagas, gapu iti nakitami, ad-adda pay a siguradokami a dagiti insurat dagiti profeta iti nabayagen a panawen maipanggep kenni Cristo ket naan-anay a mapagtalkan. Masapul a kitaenyo a nalaing ti insuratda, gapu ta ipakaammo daytoy kadakayo no ti insuromi kadakayo ket pudno wenno palso, kas iti maysa a silaw nga agranraniag iti nasipnget a disso a tumulong kadagiti tattao a mangkita iti papananda. Masapul nga ipangagyo ti insuratda agingga nga agsubli ni Apotayo a Jesu-Cristo ken ikkannakayo ti kabaelan tapno maam-ammoyo a naan-anay ti Dios. Iti dayta a punto, daytoy ket kaslanto ti aldaw nga agparbangon ken agpangato dagiti bituen ti agsapa, ket makitatayonto daytoy a silalawag.
\v 20 Napateg a maamirisyo nga awan ti profeta a makaipatarus iti bukodna iti kayat a sawen ti insuratda idiay Nasantoan a Surat no awan ti tulong iti Espiritu ti Dios,
\v 21 gapu ta awan ti tao a nangikeddeng a mangaramid kadagita a padto. Iti kasupadina, dagiti nangibaga kadagiti mensahe manipud iti Dios ket naaramidda daytoy gapu ta tinulungan ida ti Espiritu Santo. Ngarud masapul met a tulongannatayo ti Espiritu a mangawat iti kayatda a sawen.

\s5
\c 2
\p
\v 1 Iti nabayagen a panawen, nadumaduma a tattao kadagiti Israelita ti nagpammarang a mangted kadagiti pudno a mensahe a naggapu iti Dios, ken isu met laeng ti aramiden dagiti tattao kadakayo. Iti damdamu, saanyonto nga ammo no siasinoda, ken pasardengenda dagiti dadduma nga agtalek kenni Cristo; rugiandanto a panunoten a saan a napateg ti Apo--uray pay isuna ti nangsubbot kadakuada. Ngem iti mabiit, dadaelento ti Dios dagitoy a palso a profeta.
\v 2 Ken adunto kadagiti namati ti mangtulad iti panagbiag dagitoy a profeta. Iti kastoy a wagas, laisendanto ti pudno a maipanggep iti Dios.
\v 3 Agibagadanto kadakayo kadagiti inuulbod iti wagas a mapagkuartaandakayo. Saanto nga aguray ti Dios iti mabayag sakbay a dusaenna ida; mapukawdanto iti mabiit.

\s5
\v 4 Dinadael ti Dios dagiti anghel a nagbasol. Intapuakna ida iti kadaksan a lugar idiay impierno ken impupokna isuda iti kasipngetan tapno pagtalinaedenna ida idiay agingga nga ukomen ken dusaenna ida.
\v 5 Dinadaelna pay dagiti tattao a nagbiag iti lubong iti nabayagen a panawen. Insalakanna laeng ti walo kadakuada, a pakairamanan ni Noe, a maysa a nalinteg a mangaskasaba. Inaramidna daytoy idi dinadaelna babaen iti layus dagiti amin a saan a nadiosan a tattao nga agbibiag idi.
\v 6 Dinusana pay dagiti siudad ti Sodoma ken Gomora ken pinuuranna a naan-anay dagitoy a nagbalin a dapu. Ballaag daytoy kadagiti agbiagto iti wagas a saan a mapadayawan ti Dios.

\s5
\v 7 Ngem inispalna ti kaanakan ni Abraham a ni Lot, a maysa a nalinteg a tao. Kasta unay ti pannakariribuk ni Lot gapu ta dagiti tattao iti Sodoma ket agar-aramid kadagiti dakes unay nga ar-aramid.
\v 8 Marigrigatan dayta a nalinteg a tao gapu ta inaldaw a makitkita ken mangmangngegna dagiti dakes a tattao nga agar-aramid kadagiti banbanag a maibusor iti linteg ti Dios.
\v 9 Ken agsipud ta inispal ti Dios ni Lot, makasiguradokayo nga ammona nga ispalen dagiti tattao a mangpadpadayaw kenkuana, ken no kasanona nga ilasin dagidiay saan a mangpadpadayaw kenkuana a nakasagana para iti tiempo inton dusaenna ida.

\s5
\v 10 Nangnangruna a dusaennanto iti nakaru dagiti agar-aramid kadagiti kayatda nga aramiden, banbanag a mangaramid kadakuada a saan a makaay-ayo iti Dios. Situturedda nga agaramid iti aniaman a tarigagayanda nga aramiden; laisenda pay dagiti mannakabalin nga anghel iti Dios.
\v 11 Saan a kasla kadagidiay a tattao, awan ti linais dagiti anghel ti Dios iti sangoananna, uray pay isuda!

\s5
\v 12 Dagiti tattao a mangisursuro kadagiti palso a banbanag--a kasla kadagiti ayup a saan a makapanunot a kas kadatayo--agibagada kadagiti dakes a banbanag maipanggep iti Dios, a saanda pay nga am-ammo. Isu a dadaelennanto isuda a kasla iti pananganup ken panangdadaeltayo kadagiti atap nga ayup nga uray iti nakaparsuaan ket awanen ti pakaaramatanna.
\v 13 Dagiti dakes a banbanag nga ar-aramidenda ti mangdadael kadakuada: agrambak ken agbartekda iti aldaw ken rabii. Kasla da la kadagiti mansa ken marka kadagiti bado a sigud a nadalus.
\v 14 Kayatda a kaiddaen ti tunggal babbai a makitada. Saanda a mauma nga agbasol. Allukoyenda dagiti tattao a saan unay a napudno iti Dios a makikaddua kadakuada. Kas kadagiti atleta nga agsanay a maipaay ti ay-ayam, sanayen dagitoy a tattao dagiti bagbagida nga agbalin a naagum. Ngem inlunod ida ti Dios!

\s5
\v 15 Agkedkedda nga agbiag a kas iti kayat ti Dios nga aramidenda. Tinuladda ti inaramid ni profeta a Balaam, ti anak ni Bosor, idi nabayagen a panawen. Impagarupna nga agtignay isuna iti nadangkes a wagas ket magungunaan isuna para iti daytoy.
\v 16 Ngem tinubngar isuna ti Dios iti panagbasbasolna. Ket uray saan a makasao dagiti asno, inaramat ti Dios ti asno ni Balaam nga agsao kenkuana iti nataoan a timek ket pasardengen ti aramidna a kinamauyong.

\s5
\v 17 Dagitoy a tattao a mangisursuro a siuulbod ket kasla kadagiti ubbog nga awan danumna; kasla da la dagiti ulep a napardas a lumabas iti ngatoen ti ulo sakbay a makaitedda iti tudo. Ngarud, insagana ti Dios ti kinasipnget ti impierno para kadagidiay a manursuro.
\v 18 Ipalangguadda dagiti bagbagida, ngem awan kaes-eskanna ti ibagada. Allukoyenda dagiti tattao a nabiit pay a nagbalin a namati ken kasarsardengda nga agaramid kadagiti dakes a banbanag. Allukoyenda ida nga agbasol manen babaen iti panagaramidda ti aniaman a kayat nga aramiden dagiti managbasol a tattao.
\v 19 Ibagada kadakuada a nawayada nga agaramid iti aniaman a kayatda. Ngem isuda a mismo ket tagabu a masapul nga agtulnog iti aniaman nga ibaga dagiti dakes a panunotda nga aramidenda. Pudno a tagabu ti maysa a tao ti aniaman a mangtengtengel kenkuana.

\s5
\v 20 Ngem kaspangarigan a nangrugiyon a maam-ammo ti Apo ken Manangisalakantayo a ni Jesu-Cristo, ket insardengyon ti agaramid kadagiti banbanag a nanglapped iti Dios iti panangawatna kadakayo. Ket kaspangarigan nangrugikayo manen a mangaramid kadagiti isu met laeng a dakes a banbanag, nadakdakeskayo pay ita ngem idi damo.
\v 21 Nasaysayaat pay koma no saandan a pulos a nasursuro ti agbiag iti umno a wagas. Ngem ad-adda pay a dusaen ida ti Dios, agsipud ta linaksidda ti insurona nga aramidenda, ti inyawatmi nga apostol kadakuada.
\v 22 Ti panagtigtignayda manen ket kasla iti proverbio nga ibagbaga dagiti tattao: "Kasla da la dagiti aso nga agsubli a mangan kadagiti bukodda a sarwa;" ken kasla da la "dagiti baboy a napadigusen ngem kalpasanna agtulid manen iti pitak."

\s5
\c 3
\p
\v 1 Daytoy a surat nga isursuratko ita kadakayo a dungdunguek, ket ti maikadua a suratko kadakayo. Insuratko dagitoy a dua a surat kadakayo tapno babaen iti panangipalagipko kadakayo maipanggep kadagiti banbanag nga ammoyon, ket maparegtakayo nga agpanunot a sipupudno maipanggep kadagidiay a banbanag.
\v 2 Kayatko a lagipenyo dagiti sasao a naibaga babaen kadagiti nasantoan a profeta iti nabayagen a panawen, ken kasta met a lagipenyo ti imbilin ti Apo ken Mangisalakantayo, banbanag a dakami, nga apostolyo, ket imbagami kadakayo.

\s5
\v 3 Napateg para kadakayo a maawatanyo nga iti tiempo sakbay nga agsubli ni Cristo, katkatawaanto dagiti tattao ti kapanunotan iti panagsublina. Aramidento dagidiay a tattao dagiti aniaman a dakes a kayatda nga aramiden.
\v 4 Ibagadanto."Uray no naikari nga agsubli ni Cristo, saan isuna a nagsubli. Sipud pay idi natay dagiti mangidadaulo a Kristiano a nagbiag idi nabayagen a tiempo, amin a banbanag ket nagtalinaed nga isu pay laeng. Dagiti banbanag ket saan pay a nagbaliw manipud idi pinarsua iti Dios ti lubong!"

\s5
\v 5 Ibagadanto dayta gapu ta igaggagarada a saan a kitaen ti kinapudno a ti Dios, babaen iti panangibilinna idi nabayagen a panawen a kastoy ti mapasamak, pinaaddana dagiti langit, ket pinataudna ti daga manipud iti danum ken tapno maisina iti danum.
\v 6 Ket ti Dios, babaen iti panangibilinna a kastoy ti mapasamak, iti kamauddiananna ket dinadadaelna ti lubong nga adda iti dayta a tiempo, babaen iti pananglayusna iti daga.
\v 7 Kanayonna pay, ti Dios, babaen iti panangbilinna a kastoy ti mapasamak, pinagsinana dagiti langit ken ti daga nga adda ita ket maay-aywanan agingga iti tiempo nga ukomennanto dagiti saan a nadiosan a tattao. Ket iti dayta a tiempo dadaelennanto dagiti langit ken ti daga babaen iti panangpuorna kadagitoy.

\s5
\v 8 Dungdunguek a gagayyem, kayatko a maawatanyo a nasayaat a siaannugot ti Apo a Dios nga aguray iti nabayag a tiempo tapno ukomenna dagiti tattao ditoy lubong! No kasano kabayag ti tiempo nga aglabas sakbay nga ukomen ni Apo Dios dagiti tattao ditoy lubong ket saan a napateg kenkuana! Ibilbilangna nga iti maysa nga aldaw a lumabas ket saan a naparpartak ngem iti sangaribu a tawen, ket ibilbilangna met a ti sangaribu a tawen nga aglabas, ket kas iti kapartak iti maysa nga aldaw nga aglabas kadatayo!
\v 9 Ngarud, saanyo koma a panunoten a gapu ta saan pay a nagsubli ni Cristo tapno ukomenna dagiti tattao, ket itantantan ni Apo Dios ti inkarina. Panpanunoten dagiti dadduma a tattao nga agpayso daytoy, ken ibagbagada a saanton a pulos nga agsubli ni Cristo. Ngem maawatanyo koma a ti rason no apay a saan pay a nagsubli ni Cristo tapno ukomenna dagiti tattao ket gapu ta ti Dios ket naanus kadakayo, gapu ta saanna a kayat a mapukaw ti siasinoman iti agnanayon. Ngem ketdi, kayatna a tumallikud ti tunggal maysa kadagiti dakes a kababalinda.

\s5
\v 10 Nupay siaanus ti Dios, iti tiempo nga inkeddengna, ni Apo Jesu- Cristo ket awan duadua nga agsublinto tapno ukomenna dagiti tattao. Agsublinto isuna a saan a mapakpakadaan, a kasla iti mannanakaw nga umay a saan a mapakpakadaan. Iti dayta a tiempo addanto iti napigsa a daranudor. Dagiti langit ket mapukawto. Madadaelto dagiti elemento babaen iti apuy, ket ti daga ken ti amin a linaonna nga inaramid ti siasinoman, ket maiparangarangto iti Dios tapno ukomenna.

\s5
\v 11 Gapu ta awan dua dua a dadaelento ti Dios amin dagitoy a banbanag a kas iti imbagak, awan dua dua nga ammoyo no kasano iti rumbeng a panagtigtignayyo. Masapul nga agtinaykayo iti wagas a maidaydayaw ti Dios,
\v 12 kabayatan a sigagagaryo nga ur-urayen nga agsubli ni Cristo iti aldaw nga inkeddeng ti Dios, ken masapul nga ikagumaanyo nga aramiden nga umay dayta nga aldaw iti mabiit. Gapu iti aramidento ti Dios iti dayta nga aldaw, mapukawto dagiti langlangit. Marunaw ken mapuoranto dagiti elemento.
\v 13 Nupay mapasamakto dagidiay a paspasamak, agrag-otayo gaputa agur-uraytayo para kadagiti baro a langit ken baro a daga nga inkari ti Dios. Dagiti laeng tattao nga addanto idiay baro a langlangit ken ditoy baro a daga ket dagiti tattao a nalinteg.

\s5
\v 14 Ngarud, dungdunguek a gagayyem, gapu ta ur-urayenyo a mapasamak dagitoy a banbanag, aramidenyo amin a kabaelanyo nga agbiag iti wagas a mapadayawan iti Dios, tapno makitanto ni Cristo a saankayo nga agbasbasol ken sitatalnakayo a makipagbibiag iti tunggal maysa.
\v 15 Ken panunotenyo ti maipapan iti daytoy: Ni Jesu-Cristo nga Apotayo ket naanus gapu ta kayatna nga isalakan dagiti tattao. Ti dungdungoentayo a kabsat a ni Pablo ket nagsurat met kadagiti nainsiriban a sasao kadakayo maipanggep met laeng kadagitoy a banbanag, gapu ta inikkan isuna ti Dios iti kabaelan a mangawat kadagitoy a paspasamak.
\v 16 Kadagiti sursurat ni Pablo, adda dagiti banbanag a narigat a maawatan dagiti tattao. Dagiti tattao nga awan ammoda maipanggep iti Dios ken dagiti agsasao iti nadumaduma ket ipatarusda dagitoy iti saan nga umno, kas met laeng iti panangipatarusda kadagiti dadduma a paset iti Nasantoan a Surat iti saan nga umno. Ti nagbanaganna ket idalanda ti Dios tapno dusaenna ida.

\s5
\v 17 Ngarud, patpatgek a gagayyem, agsipud ta ammoyon ti maipanggep kadagitoy palso a manursuro, agannadkayo maibusor kadakuada. Saanyo nga ipalubos nga allilawedakayo dagitoy a managdakdakes a tattao babaen iti panangibagada kadakayo kadagiti banbanag a saan nga agpayso. Saanyo a palubosan a maallukoydakayo nga agduadua iti sititiker a patpatienyo ita.
\v 18 Ngem ketdi, agbiagkayo iti wagas nga ad-adda pay a mapadasanyo ti mannubbottayo a ni Jesu- Cristo nga agtigtignay a siaasi kadakayo, ket tapno ad-adda pay a maam-ammoyo isuna. Ikararagko nga ti tunggal maysa ket agdayaw ken ni Jesu-Cristo ita ken iti agnanayon! Pudno koma a mapasamak daytoy!