ilo_udb/60-JAS.usfm

\id JAS
\ide UTF-8
\h Santigao
\toc1 Santigao
\toc2 Santigao
\toc3 jas
\mt Santigao

\s5
\c 1
\p
\v 1 Siak ni Santiago, agserserbi ken adipen ti Dios babaen kenni Apo Jesu-Cristo. Isursuratko daytoy a surat kadagiti sangapulo ket dua a tribu a Judio nga agtaltalek ken ni Cristo ken naiwaras iti entero a lubong. Kablaawankayo amin.
\v 2 Kakaduak a namati, ibilangyo a pagragsakan unay no makapadaskayo kadagiti nadumaduma a kita iti panagrigat.
\v 3 Awatenyo a kas agtalekkayo iti Dios kadagiti panagrigrigatyo, tulongandakayo a makaibtur kadagiti ad-adu pay a panagrigrigat.

\s5
\v 4 Ibturanyo dagiti rigat agingga iti pagpatinggaanda, tapno makasurotkayo kenni Cristo iti amin a wagas. Ket saankayo a maupay nga agaramid iti nasayaat.
\v 5 No kasapulan ti siasinoman kadakayo a maammoan no ania ti aramiden, dumawat koma isuna iti Dios, a sibubuslon a mangmangted ken saan a makaunget iti siasinoman a dumawat.

\s5
\v 6 Ngem no dumawatkayo iti Dios, agtalekkayo a sungbatannakayo. Saankayo nga agduadua a sungbatan ken tulongannakayo a kanayon, gapu ta dagiti tattao a kanayon nga agduadua iti Dios ket saan a makasurot kenkuana, a kasla iti dalluyon iti baybay nga iyalla-alla iti angin ket saan a maymaysa iti pagturonganna.
\v 7 Pudno unay a dagiti tattao nga agduadua ket masapul a saanda a panunoten nga aramiden amin ti Apo a Dios dagiti banbanag a kiddawenda nga aramidenna.
\v 8 Ta isuda dagiti tattao a saan a makapanunot a nalaing no surotenda ni Jesus wenno saan. Saan nga aramiden dagitoy a tattao dagiti ibagbagada nga aramidenda.

\s5
\v 9 Agragsak koma dagiti namati a nakurapay gapu ta intan-ok ida iti Dios.
\v 10 Ken agragsak koma dagiti namati a nabaknang nga impababa ida ti Dios, nga isu ti tumultulong kadakuada nga agtalek ken ni Jesu-Cristo, gapu ta isuda ken dagiti kinabaknangda ket mapukawto, kasla kadagiti balang a sabsabong a malaylay.
\v 11 No sumingising ti init, laylayen ti napudot nga angin dagiti mula ket pakaigapuan a matnag dagiti sabong ken saanen a napintas. Kas kadagiti sabong a matay, matayto dagiti nabaknang a tattao kabayatan nga agur-urnongda iti kuarto.

\s5
\v 12 Itan-ok ti Dios dagiti agibtur kadagiti naririgat pannubok, gapu ta gungunaanto ti Dios ida babaen iti panagbiagda iti agnanayon, a kas inkarina nga aramiden kadagiti amin nga agayat kenkuana.
\v 13 No masulisogtayo nga agbasol, masapul a saantayo a panunoten a ti Dios ti mangsulsulisog kadatayo, gapu ta pulos a saan a kayat ti Dios nga agaramid iti dakes ken saanna a pulos a sulisogen ti siasinoman nga agaramid iti dakes.

\s5
\v 14 Ngem kayat ti tunggal maysa iti agaramid ti dakes ket isu nga aramidenda daytoy, a kaslada matintinnag iti maysa a palab-og.
\v 15 Kalpasan dayta, iturong ida dagiti dakes a kapanunotanda nga agbasol, ket tengngelen ti basol dagiti panunotda agingga a madadaelda. Ket, no napagmaymaysa dagiti dakes a tarigagay, maipasngay ti basol, a ti kayatna a sawen ket agbasol ti tao ken mapakawan laeng babaen kenni Jesus. Ket no napataud ti basol ti maudi a pagbanaganna, umay ti patay, ti ipapatay iti bagi ken iti espiritu, a ti kayatna a sawen ket maisina ti managbasol manipud iti Dios iti agnanayon. Ni Jesus laeng ti makaisalakan kadatayo manipud iti daytoy nga maudi nga ipapatay.
\v 16 Kakaduak a namati nga ay-ayatek, isardengyon nga al-allilawen dagiti bagbagiyo.

\s5
\v 17 Tunggal napudno a nasayaat ken naan-anay a sagut ket aggap-gapuu iti Dios Ama, nga adda idiay langit. Isuna ti pudno a Dios a mangmangted kadatayo iti lawag. Saan nga agbaliw ti Dios a kasla kadagiti naparsua a banbanag nga agbaliw, kasla kadagiti aniniwan nga agparang ken agpukaw. Saan pulos nga agbaliw ti Dios ken kankanayon Isuna a naimbag!
\v 18 Pinili ti Dios nga ikkannatayo iti naespirituan a biag no agtalektayo iti pudno a mensahena. Isu nga ita, dagiti namati ken ni Jesus ket nagbalin nga umuna a tattao a maaddaan iti pudno a naespirituan a biag, a ni Jesus laeng ti makaited.

\s5
\v 19 Kakaduak a namati nga ay-ayatek, ammoyo a ti tunggal maysa kadakayo ket masapul a nagagar a dumngeg a nalaing iti pudno a mensahe iti Dios. Saankayo koma a napardas a mangisao kadagiti kapanunotanyo, wenno saan a dagus a makaunget,
\v 20 gapu ta no makaungettayo, saantayo a maaramid dagiti nalinteg a banbanag a kayat ti Dios nga aramidentayo.
\v 21 Isu nga isardengyo iti agar-aramid kadagiti amin a kita ti dakes, ken sipapakumbabayo nga awaten ti mensahe nga inmula ti Dios iti kaungganyo, gapu ta maisalakannakayo no awatenyo ti mensahena.

\s5
\v 22 Aramidenyo no ania ti imbilin ti Dios iti mensahena. Saankayo laeng a dumngeg iti daytoy, gapu ta dagiti tattao a dumngeg laeng iti daytoy ken saan nga agtulnog iti daytoy ket agpanpanunot iti saan nga umno nga isalakan ida ti Dios.
\v 23 Adda dagiti tattao a dumngeg iti mensahe iti Dios ngem saanda nga aramiden ti ibagbagana daytoy. Maiyarigda iti maysa a tao a mangkitkita iti rupana iti sarming.
\v 24 Uray no kitkitaenna ti bagina, panawanna ti sarming ket malipatanna a dagus no ania ti langana.
\v 25 Ngem dagiti sabali a tattao ket kitkitaenda a nalaing ti mensahe ti Dios, a naan-anay ken isu ti mangwayawaya kadagiti tattao a siaannugot a mangaramid iti kayat iti Dios nga aramidenda. Ket no itultuloyda a sukimaten ti mensahe iti Dios ken saanda laeng a denggen daytoy ket kalpasanna malipatanda, ngem aramidenda ti ibagbaga ti Dios nga aramidenda, bendisionanto ida ti Dios gapu iti ar-aramidenda.

\s5
\v 26 Ipagarup dagiti dadduma a tattao a daydayawenda ti Dios iti umno, ngem kankanayonda nga agibagbaga iti dakes a sasao. Dagidiay a tattao ket saan nga umno iti panagpanpanunotda a daydayawenda ti Dios iti umno. Ti kinapudnona ket awan serbina ti panagdaydayawda iti Dios.
\v 27 Ti maysa kadagiti banbanag nga imbaga ti Dios kadatayo nga aramidentayo ket ti mangaywan kadagiti ulila ken balo a babbai nga agsagsagaba iti rigat. Dagiti mangaramid ti dayta, ken saan nga agpanunot wenno agtignay iti saan a nalinteg a kasla kadagiti saan nga agtulnog iti Dios, ket pudno nga agdaydayaw iti Dios, nga isu ti Amatayo, ket anamongan ti Dios isuda.

\s5
\c 2
\p
\v 1 Kakabsatko a lallaki ken babbai, gapu ta agtaltalekkayo iti Apotayo a ni Jesu-Cristo, a nain-indaklan ngem ti aniaman a banag, isardengyo ti agraraem kadagiti sumagmano a tattao iti nalablabes ngem kadagiti dadduma.
\v 2 Kas pangarigan, adda ti maysa a tao a nakasingsing iti balitok ken nakakawes iti napintas a sumrek iti pagsasarakanyo a lugar. Ken kas pangarigan adda met ti sumrek a nakurapay a tao a nakakawes iti rutay-rutay a bado.
\v 3 Ket kas pangarigan inasikasoyo ti maysa a tao a nakakawes iti napintas babaen ti panagkunayo, "Pangngaasiyo ta agtugawkayo ditoy napintas a pagtugawan!" ken kunayo iti nakurapay a tao, "Agtakderka idiay wenno agtugawka iti datar!"
\v 4 Inukomyo ngarud ti maysa ken maysa iti saan a nasayaat a rason.

\s5
\v 5 Dumngegkayo kaniak, kakabsatko a lallaki ken babbai nga ay-ayatek. Pinili ti Dios dagiti nakurapay a tattao a kasla awanen ti pategda, nga agtalek unay kenkuana. Tapno itednanto kadakuada dagiti napateg a banbanag inton iturayanna ti tunggal maysa iti sadinoman. Daytoy ti inkarina nga aramiden para kadagiti amin a mangayat kenkuana.
\v 6 Ngem saanyo a niraem dagiti nakurapay a tattao. Agpanunotkayo! Dagiti nababaknang a tattao, saan a dagiti nakurapay a tattao ti mangparparigat kadakayo! Dagiti nabaknang a tattao ti mangpilpilit a mangipan kadakayo iti pagukoman tapno akusarandakayo iti sango dagiti ukom!
\v 7 Ken isuda dagiti tattao nga agsasao iti dakes maibusor ken ni Apo Jesu-Cristo, ti maikari kadagiti amin a padayawan, a nakaibilanganyo!

\s5
\v 8 Imbilin ni Jesus nga Aritayo iti Nasantoan a Sursurat a masapul nga ayaten ti tunggal maysa kadakayo dagiti dadduma a tattao a kasla iti panangayatyo iti bagbagiyo. No ayatenyo dagiti dadduma, ar-aramidenyo iti umno.
\v 9 Ngem no ad-adda a raraemenyo dagiti sumagmamano a tattao ngem kadagiti dadduma, agar-aramidkayo iti saan nga umno. Ken gapu ta saanyo nga ar-aramiden ti imbilin ti Dios kadakayo, ukomennakayo gapu ta sinukiryo dagiti lintegna.

\s5
\v 10 Dagidiay saan a nagtulnog iti maysa laeng kadagiti linteg ti Dios, uray no nagtulnogda kadagiti amin a dadduma a linteg ti Dios, ibilang ti Dios a nakabasol a kas iti siasinoman a saan a nagtulnog iti amin a lintegna
\v 11 Kas pangarigan, kinuna ti Dios "Saanka a makikamalala," ngem kinunana pay, "Saanmo a patayen ti siasinoman." Isu a no saanka a makikamalala ngem mangpatayka iti maysa a tao, nagbalinka a tao a saan a nagtulnog kadagiti linteg ti Dios.

\s5
\v 12 Kanayonkayo nga agsao ken agtignay kadagiti dadduma a kas rumbeng nga aramiden dagiti tattao nga ukomento ti Dios babaen iti linteg a mangwayawaya kadatayo manipud iti pannakadusa para kadagiti basoltayo.
\v 13 Gapu ta inton ukomennatayo ti Dios, saanto a maassian isuna kadagiti awanan asi kadagiti dadduma. Ngem no naasitayo kadagiti dadduma, saantayonto ngarud nga agbuteng iti Dios inton ukomennatayo.

\s5
\v 14 Kakabsatko a lallaki ken babbai, ibagbaga ti sumagmamano a tattao, "Mamatiak kenni Apo Jesu-Cristo," ngem saanda nga agar-aramid kadagiti nasayaat a banbanag. Awan ti pagsayaatan kadakuada dagiti ibagbagada. No mamatida laeng iti sasao, awan dua-dua a saanto nga isalakan ida ti Dios.
\v 15 Tapno maipalawag, kas pangarigan, adda ti maysa a kabsat a lalaki wenno babai nga agtultuloy nga agkurang iti kawes wenno taraonna iti inaldaw.
\v 16 Ken kas pangarigan, ibaga ti maysa kadakayo, "Saankayo a madanagan, mapankayo, agpabarakayo, ket agsapulkayo ti taraon a kasapulanyo!" Ngem no saanmo nga ited kadakuada dagiti banbanag a kasapulanda para kadagiti bagida, ket awan ngarud serserbina dayta kadakuada!
\v 17 Kasta met, no saankayo nga agaramid kadagiti nasayaat a banbanag tapno matulonganyo dagiti dadduma, ti ibagbagayo maipanggep iti panamati kenni Cristo ket awan serbina a kas iti natay a tao! Saankayo a pudno a namati kenni Cristo.

\s5
\v 18 Ngem mabalin nga ibaga ti maysa kaniak, "Isalakan ti Dios dagiti sumagmamano laeng a tattao gapu ta agtalekda kenkuana, ken isalakanna dagiti dadduma gapu ta agaramidda kadagiti nasayaat a banbanag para kadagiti tattao." Sungbatak dayta a tao, "Saanmo a mapaneknekan kaniak a pudno nga agtalek dagiti tattao iti Dios no saanda nga agaramid kadagiti nasayaat a banbanag para kadagiti dadduma! Ngem babaen iti panangaramid kadagiti nasayaat a banbanag para kadagiti dadduma, mapaneknekakto kenka a pudno nga agtaltalekak iti Dios!
\v 19 Panunotenyo daytoy! Mamatikayo nga adda laeng ti maysa a pudno a Dios nga agbibiag, ket umno a patienyo dayta. Ngem mamati met laeng dagiti demonio iti dayta, ket agpigergerda gapu ta ammoda met laeng a pudno a sibibiag ti Dios, ket dusaennanto isuda.
\v 20 Kasta met, sika a maag a tao, paneknekak kenka a no kunaen ti maysa a tao, "Agtalekak iti Dios," ngem saan nga agaramid kadagiti nasayaat a banbanag, ti ibagbaga dayta a tao ket saan a makatulong kenkuana iti aniaman a wagas.

\s5
\v 21 Raraementayo amin ni Abraham a kapuonantayo. Inkagumaanna ti nagtulnog iti imbaga ti Dios kenkuana nga aramidenna; pinadas nga ited ti anakna a lalaki a ni Isaac iti rabaw ti altar. Imbilang ti Dios ni Abraham a nalinteg a tao gapu iti panagtulnogna kenkuana.
\v 22 Iti daytoy a wagas, nagtalek ni Abraham iti Dios ken nagtulnog kenkuana. Idi nagtulnog isuna kenkuana, naaramidna ti naitalekna iti Dios.
\v 23 Isu a napasamak a kas naisurat iti Nasantoan a Sursurat, "Gapu ta pudno a nagtalek ni Abraham iti Dios, imbilang ti Dios isuna a kas maysa a nangaramid iti umno a banag." Imbaga pay ti Dios maipanggep ken ni Abraham, "Gayyemko isuna."
\v 24 Manipud iti pagtuladan a naaramid ni Abraham, maamirisyo a gapu iti panagaramid dagiti tattao ti nasayaat nga ibilang ti Dios ida a nalinteg, ken saan laeng a gapu ta agtalekda kenkuana.

\s5
\v 25 Kasta met, nalawag a gapu iti inaramid ni Rahab nga imbilang ti Dios isuna a nasayaat. Maysa idin a balangkantis ni Rahab, ngem inaywananna dagiti mensahero nga immay mangsiim iti daga, ken tinulonganna ida tapno makalibasda babaen iti panangibaonna kadakuada nga agawid iti sabali a dalan manipud iti naggapuanda.
\v 26 Kas iti maysa a tao a saanen nga agang-anges ket natay ken awanen serbi ti bagina, iti isu met laeng a wagas, ti maysa a tao a mangibaga nga agtaltalek isuna iti Dios ngem awan ti nasayaat nga ar-aramidenna ket awan serserbi ti panagtalekna iti Dios.

\s5
\c 3
\p
\v 1 Kakabsatko, saan koma nga adu kadakayo ti agtarigagay nga agbalin a mannursuro ti sao ti Dios, gapu ta ammoyo nga datayo a mannursuro ket ukomento ti Dios iti nakarkaro ngem kadagiti dadduma a tattao.
\v 2 Iti adu a wagas, aramidentayo ti saan a nasayaat. Ngem dagidiay a makatengngel iti isaoda ket agbalinda amin a kas iti kayat ti Dios a pagbalinanda. Mabalinandanto nga salwadan dagiti amin a tigtignayda.

\s5
\v 3 Tapno mailadawan, no ikabiltayo ti bassit a busal iti ngiwat ti kabalyo tapno agtulnog kadatayo ti kabalyo, mabalintayo nga iturong ti dakkel a bagina iti sadinoman a kayat tayo a pangiturongan. Panunotenyo met dagiti barko.
\v 4 Uray no dakkel unay daytoy ken uray no maiyakar babaen iti napigsa nga angin, babaen iti panangpuligos iti bassit laeng a timon ket maiturong ti barko iti kayat dagiti tattao a papananna.

\s5
\v 5 Iti kasta met laeng, uray no bassit unay dagiti dilatayo, no saantayo a mateppelan dagitoy, mapasaktantayo dagiti tattao babaen iti panagsasaotayo. Panunotenyo pay no kasano a ti bassit nga apuy ket mapuoranna ti nalawa a kabakiran.
\v 6 Kas iti apuy a puoranna ti kabakiran, no agsaotayo kadagiti banbanag a dakes, adu a tattao ti mabalinantayo a madadael. Ipakpakita dagiti isasaotayo nga adda ti adu a kinadakes iti kaunggantayo. Dagiti isaotayo ket akaranna dagiti amin a panunoten ken aramidentayo. Kasla iti gil-ayab iti apuy a nalakana a puoran ti sibubukel nga aglawlaw, ti isaotayo ket aramidenna dagiti annak a lalaki ken babai ken dagiti kaputotanda a kayatenda ti agaramid ti dakes iti amin a panagbiagda. Ti diablo a mismo ti mangaring kadatayo nga agsao iti dakes.

\s5
\v 7 Pudno unay, uray no mapaamo dagiti tattao a dagiti atap nga ayup, billit, agkarkarayam ken pinarsua nga agbibiag iti danum, ket napaamoda,
\v 8 awan ti tao iti bukodna ti makabael a mangtengngel iti isaona. Ket no agsao ti tao a sidadakes, ipakpakitana nga agar-aramidda iti dakes a banbanag nga awanan iti panagteppelda kadagiti bagbagida. Ka iti sabidong ti uleg a makapatay kadagiti tattao, madangrantayo dagiti sabali babaen iti isaotayo.

\s5
\v 9 Us-usarentayo ti dilatayo nga agdayaw iti Dios, nga Apo ken Amatayo, ngem usarentayo met laeng ti dilatayo a dumawat iti Dios a mangaramid iti dakes kadagiti tattao. Dakes unay daytoy, gapu ta inaramid ti Dios dagiti tattao a kas kenkuana.
\v 10 Dayawentayo ti Dios, ngem babaen met laeng kadagiti ngiwattayo ket dawdawatentayo dagiti dakes a banbanag a mapasamak kadagiti sabali. Kakabsatko, saan koma a kastoy!

\s5
\v 11 Pudno a ti napait ken natamnay a danum ket saan a rumuar manipud iti isu met laeng nga ubbog!
\v 12 Kakabsatko, ti igos a kayo ket saan a makaibunga iti olibo. Wenno ti ubas ket saan a makaibunga iti igos. Saan met a makapataud iti naimas a danum ti naapgad nga ubbog. Kasta met, masapul nga isaotayo laeng iti nasayaat, ken saantayo koma nga agsao iti dakes.

\s5
\v 13 No panpanunoten ti siasinoman kadakayo a nasiribkayo ken adu ti ammoyo, masapul a kanayonkayo nga agtignay iti nasayaat a wagas a mangipakita kadagiti tattao a dagiti nasayaat nga aramidyo ket pagbanagan iti pudno a kinasiribyo. Tultulungannatayo ti kinasirib nga agtignay iti naalumamay kadagiti dadduma a tattao.
\v 14 Ngem no naapalkayo unay kadagiti dadduma a tattao, ken agul-ulbodkayo kadakuada ken agaramidkayo kadagiti saan a nasayaat kadakuada, saankayo koma nga aginsisirib. Babaen iti panagpaspasindayagyo iti kasla iti dayta, ibagbagayo a ti pudno ket saan gayam nga agpayso.

\s5
\v 15 Dagiti agpanpanunot iti kas iti daytoy ket saan a nasirib iti wagas a kayat ti Dios a pagbalinanda. Ngem ketdi, agpanpanunot ken agtigtignayda laeng a kasla dagiti tattao a saan a mangraraem iti Dios. Agpanpanunot ken agtigtignayda segun iti bukodda a dakes a tartarigagay. Ar-aramidenda dagiti kayat ti demonio nga aramidenda.
\v 16 Panunotenyo a dagiti tattao nga addaan ti kasta a kagagalad ket saanda a masalwadan ti bagbagida. Mangalada manipud kadagiti dadduma a tattao ket agtignayda a kasla nasayaat ti ar-aramidenda, ngem biddut daytoy, ken aramidenda ti tunggal kita iti kinadakes.
\v 17 Ngem no nasirib dagiti tattao iti wagas a kayat ti Dios a pagbalinanda, saanda a makabasol, nga ibilbilang ti Dios a napateg unay. Tultulonganda pay dagiti dadduma nga agbiag nga addaan iti kapia, endenganda dagiti kasapulan dagiti dadduma a tattao, situtulokda a mangipaay kadagiti tarigagay dagiti dadduma, addaanda iti asi kadagiti dadduma, ken aramidenda amin a kita ti kinaimbag kadagiti dadduma. Ti panangtratoda kadagiti dadduma ket saan a maibasar iti kinapategda, ken agsao ken agtignayda iti napudno a wagas.
\v 18 Dagiti agtignay nga addaan kapia kadagiti dadduma ket pagtignayenda met dagiti dadduma nga addaan kapia, nga addaan ti pagbanagan nga agbiagda amin nga agkakadua nga agtigtignay a sililinteg.

\s5
\c 4
\p
\v 1 Ita ibagak kadakayo no apay nga agriririkayo ken aggaapa iti tunggal maysa. Daytoy ket gapu ta kayat ti tunggal maysa kadakayo nga aramiden dagiti dakes a banbanag a ragragsakenyo nga ar-aramiden, banbanag a saan a makaay-ayo kadagiti padayo a namati.
\v 2 Adda dagiti banbanag a tartarigagayanyo unay a maadda kadakayo, ngem saanyo a maala dagidiay a banbanag, isu a kayatyo a patayen dagiti manglapped kadakayo iti panangalayo kadagitoy. Tarigagayanyo dagiti adda kadagiti sabali a tattao, ngem saanyo a maala ti tartarigagayanyo, isu nga agaapa ken agriririkayo. Saankayo a maaddaan kadagiti tarigagayanyo gapu ta saanyo a dawdawaten daytoy iti Dios.
\v 3 Uray pay no dumawatkayo kenkuana, saanna nga ited ti dawdawatenyo gapu ta dumawdawatkayo a maipaay iti dakes a panggep. Dumawdawatkayo kadagiti banbanag tapno mausaryo dagitoy tapno maparagsakyo laeng dagiti bagbagiyo kadagiti dakes a wagas.

\s5
\v 4 Kasla iti babai a saan a napudno iti asawana, agbalbalinkayo a saan a napudno iti Dios ken saankayon nga agtultulnog kenkuana. Dagiti agtigtignay a kas dakes a tattao ket kukua daytoy a lubong ken kabusor ida ti Dios. Mabalin a saanyo a maamiris dayta.
\v 5 SAwan dua-dua a saanyo a panpanunoten nga awan ti rason nga imbaga ti Dios kadatayo iti Nasantoan a Surat a ti Espiritu nga inkabilna kadakayo ket tarigagayannatayo nga agbiag iti wagas nga makaay-ayo kenkuana.

\s5
\v 6 Ngem mannakabalin ken naimbag ti Dios kadatayo, ken kayatna unay a tulongannatayo nga agsardeng nga agbasbasol. Isu a kuna ti Nasantoan a Surat, "Supiaten ti Dios dagiti napalanguad, ngem tulonganna dagiti napakumbaba."
\v 7 Isu nga agpaituraykayo iti Dios. Supringenyo ti diablo, ket kas pagbanaganna itarayannakayonto.

\s5
\v 8 Umasidegkayo a naespirituan iti Dios. No aramidenyo daytoy, umasideg isuna kadakayo. Dakayo a managbasol, isardengyo nga aramiden ti dakes ket nasayaat laeng ti aramidenyo. Dakayo a saan a makapagkeddeng no italekyo dagiti bagbagiyo iti Dios, isardengyo nga agpanpanunot kadagiti dakes a kapanpanunotan, ket panunotenyo laeng ti kapanunotanna.
\v 9 Agliday ken agsangitkayo gapu kadagiti saan a nasayaat nga inaramidyo. Saankayo nga agkatawa, a ragragsakenyo laeng ti managinbubukod a tarigagayyo. Ngem ketdi, aglidaykayo ta nakabasolkayo.
\v 10 Agpakumbabakayo iti Apo; no aramidenyo daytoy, itan-oknakayo.

\s5
\v 11 Kakabsatko, isardengyo ti agsasao iti dakes a maibusor iti maysa ken maysa, gapu ta dagiti agsasao iti dakes maibusor iti pada a namati ken mangukom iti maysa a kasla kabsatda ket pudno nga agsasao maibusor iti linteg nga inted ti Dios kadatayo a pagtulnogan. No agsaokayo iti maibusor iti lintegna, agpampammarangkayo a kasla ukom nga manguk-ukom iti daytoy.
\v 12 Ngem kinapudnona, adda laeng ti maysa nga addaan iti turay a mangpakawan kadagiti dakes nga aramidtayo ken mangukom kadagiti tattao, ket dayta ti Dios. Isuna laeng iti makaisalakan wenno makadadael kadagiti tattao. Awan duadua nga awan ti kalinteganyo a mangala iti saad ti Dios ken mangukom kadagiti dadduma.

\s5
\v 13 Sumagmamano kadakayo ket sitatangsit nga agibagbaga, "Mapantayo ita wenno inton bigat iti maysa a siudad. Agiantayo idiay iti maysa a tawen ken gumatang ken aglako kadagiti banbanag ken agurnong iti adu a kuarta." Ita, dumngegkayo kaniak!
\v 14 Masapul a saankayo nga agsao a kas iti dayta, gapu ta saanyo nga ammo ti mapasamak inton bigat, ken saanyo nga ammo no kasano kabayag iti panagbiagyo! Apagbiit laeng ti biagyo, kasla iti angep nga agparang iti mabiit ket kalpasanna agpukaw.

\s5
\v 15 Imbes a kasta iti ibagbagayo, masapul nga ibagayo, "No pagayatan ti Apo, agbiagkaminto ken aramidenmi ti kastoy ken kasta."
\v 16 Ngem ti ar-aramidenyo ket panagpaspasindayag kadagiti amin a banbanag a panggepyo nga aramiden. Ti panagpaspasindayagyo a kasta ket dakes.
\v 17 Isu a no ammo ti siasinoman ti umno a masapul nga aramidenna, ngem saanna nga aramiden, agbasbasol isuna.

\s5
\c 5
\p
\v 1 Ita, adda ti ibagak kadagiti nabaknang a saan a mamati kenni Cristo ken mangparparigat kadakayo! Dumngegkayo kaniak, dakayo a nabaknang a tattao! Masapul nga agsangit ken agdung-awkayo iti napigsa gapu ta makapadaskayonto kadagiti nakabutbuteng a pakariribukan!
\v 2 Awan serbina dagiti kinabaknangyo, a kasla dagitoy ket nalungsot. Dagiti napintas a kawesyo ket awan serbina, a kas pinerdi ida dagiti buot.
\v 3 Dagiti balitok ken pirakyo ket awan serbina, a kasla dagitoy ket naglati. No ukomennakayo ti Dios, daytoy a kinabaknangyo nga awan serbina ket mangpaneknek a nakabasolkayo iti kinaagumyo, ken kas dadaelen ti lati ken apuy dagiti banbanag, dusaennakayonto ti Dios iti nakaro. Awan serbina a nagurnongkayo kadagiti kinabaknang iti tiempo nga ukomennakayonto ti Dios.

\s5
\v 4 Panunotenyo dagiti naaramidanyo. Saanyo a inten ti tangdan nga inkariyo kadagiti tattao a nagapit kadagiti talonyo. Ti indulinmo a tangdan ket mangipakita kaniak iti panagbasolmo ken ti saan a nalinteg a panangtratom kadakuada. Umaw-awag dagiti trabahador iti Dios, iti panangtratom kadakuada. Ket ti Dios a mannakabalin amin ket dumdumngeg kadagiti napigsa a sangitda.
\v 5 Ginatangyo ti aniaman a banag a kayatyo tapno makapagbiagkayo a kasla kadagiti ari. Kasla kadagiti urbon nga agpalpalukmeg, a saanda a maamiris a mapartidanto, nagbiagkayo laeng tapno ragsaken dagiti banbanag a saanyo a maamiris a dusaennakayonto ti Dios iti nakaro. Nakitulagkayo kadagiti sabali a tattao tapno ukomenda dagiti awan basolna a tattao.
\v 6 Nakitulagkayo kadagiti sabali a tattao tapno patayenda dagiti tattao, uray no awan ti naaramidan dagiti tattao a saan a nasayaat. Saanda a nasalakniban dagiti bagbagida a maibusor kadakayo. Kakabsatko, dayta ti ibagak kadagiti nabaknang a tattao a mangparigat kadakayo.

\s5
\v 7 Isu nga kakabsatko, uray no pagsagabendakayo dagiti nabaknang a tattao, aganuskayo agingga nga agsubli ni Apo Jesu-Cristo. Lagipenyo a no agmula dagiti mannalon, urayenda nga agtubo dagiti napateg a mulada. Masapul nga siaanusda nga aguray iti tudo nga umay iti panawen iti panagmumula ken iti ad-adu pay a tudo nga umay sakbay iti panaggaapit. Urayenda dagiti mulada a dumakkel ken tumaeng sakbay nga apitenda dagitoy.
\v 8 Kasta met, masapul a siaanuskayo nga aguray ken agtalekkayo a sitatalged ken ni Apo Jesus, gapu ta agsubli isuna iti mabiit ket ukomennanto amin a tattao a padapada.

\s5
\v 9 Kakabsatko, saankayo nga agdayumudom a maibusor iti tunggal maysa, tapno saannakayo nga ukomen ken dusaen ni Apo Jesus. Isuna ti mangukomto kadatayo, ken nakasagana isuna nga agparang.
\v 10 Kakabsatko, kas maysa a pagulidanan iti panagbalin a naanus, panunotenyo dagiti profeta nga imbaon ni Apo Dios iti nabayagen a tawtawen tapno ibagada dagiti mensahena. Uray no pinagsagaba ida dagiti tattao, inibturanda daytoy a siaanus.
\v 11 Ammotayo nga itan-ok ken tulongan ti Dios dagidiay nga makaibtur iti panagsagaba a maipaay kenkuana. Nangngeganyo pay ti maipanggep ken ni Job. Ammoyo nga uray no nagsagaba isuna iti kasta unay, pinanggep ni Apo Dios a mangyeg iti nasayaat ken ni Job gapu ta inibturanna dayta a panagsagaba. Ket manipud iti dayta ammotayo a managyayat ken naimbag ti Apo.

\s5
\v 12 Kasta met, kakabsatko, kayatko ti agsao iti maysa a napateg a banag maipanggep iti panagsaoyo. No ibagayo a mangaramidkayo iti maysa a banag, saanyo a kunaen, "No saanko nga aramiden daytoy, dusaennak koma ti Dios nga adda idiay ilangit." Saanyo pay nga ibaga, "No saanko nga aramiden daytoy, dusaennak koma ti maysa a tao ditoy daga." Saankayo nga agsao iti aniaman a banag a kas iti dayta. Ngem ketdi, no kunayo a "wen," aramidenyo ngarud ti imbagayo nga aramidenyo. No kunayo a "saan," ket saanyo nga aramiden daytoy. Ta no saan, ukomennakayo ti Dios.

\s5
\v 13 Ti siasinoman kadakayo a makapadpadas iti riribuk ket masapul nga agkararag iti Dios a tulonganna isuna. Ti siasinoman ta naragsak ket agkanta koma kadagiti pagdayaw iti Dios.
\v 14 Ti siasinoman kadakayo a masakit ket rumbeng nga ayabanna dagiti mangidadaulo iti taripnong a mangikararag kenkuana. Rumbeng a sapsapuanda isuna iti lana iti olibo, nga addaan turay ti Apo, ket agkararagda.
\v 15 No pudno nga agtaltalekda iti Apo no agkararagda, umimbag ti masakit a tao. Paimbagen ti Apo isuna. No dayta a tao ket nagsakit gapu iti panagbasolna, no ipudnona ti inaramidna ket mapakawanto isuna.

\s5
\v 16 Ngarud, gapu ta kabaelan ti Apo a paimbagen dagiti masakit ken mangpakawan kadagiti basol, ibagayo iti tunggal maysa dagiti naaramidyo a basol, ken ikararaganyo ti tunggal maysa tapno umimbagkayo. No sipapasnek ti nalinteg a tao nga agkararag ken dumawat iti Dios a mangaramid iti maysa a banag, agtignay ti Dios nga addaan iti pannakabalin ket awan dua-dua nga aramidenna daytoy.
\v 17 Uray no ni profeta nga Elias ket gagangay laeng a tao a kas kadatayo, sipapasnek isuna a nagkararag tapno saan koma nga agtudo. Ket saan a nagtudo iti las-ud iti tallo ken kagudua a tawen.
\v 18 Ket nagkararag manen isuna, dinawatna iti Dios tapno agtudo ket pinagtudo ti Dios, ket dimmakkel dagiti mula ken nagpataud manen kadagiti apit.

\s5
\v 19 Kakabsatko, no agsardeng ti siasinoman kadakayo nga agtulnog iti pudno a mensahe manipud iti Dios, masapul nga allukoyen ti maysa kadakayo dayta a tao tapno aramidenna manen ti imbaga ti Dios kadatayo nga aramidentayo. No isardengna nga ar-aramiden ti saan a nasayaat,
\v 20 ti nangallukoy kenkuana ket masapul a maamirisna a gapu ta napasardengna dayta a tao nga agaramid iti dakes, isalakan ti Dios dayta a tao manipud iti naespirituan nga ipapatay, ken pakawanenna dagiti adu a basolna.