ilo_udb/59-HEB.usfm

\id HEB
\ide UTF-8
\h Hebreo
\toc1 Hebreo
\toc2 Hebreo
\toc3 heb
\mt Hebreo

\s5
\c 1
\p
\v 1 Iti napalabas, kankanayon a nakisasao ti Dios kadagiti kapuonantayo iti nadumaduma a wagas babaen ti imbaga ken insurat dagiti profeta.
\v 2 Ngem ita ta mangrugrugin daytoy a pagleppasan iti tiempo, nakisao kadatayo ti Dios babaen iti bukodna nga Anak. Pinili isuna iti Dios nga agtagikua iti amin a banbanag. Pinarsua met ti Dios ti sangalubongan babaen kenkuana.
\v 3 Ti Anak ti Dios ti silaw ti mannakabalin unay a raniag ti Dios. Naan-anay iti panangipakitana iti pudno a kinasiasino iti Dios. Pagtaginayonenna amin a banbanag a napaadda babaen iti panangitedna iti mannakabalin unay a bilbilinna. Kalpasan a nagun-odna a masapul a mapakawan amin a basolna, nagpangato sadiay langit ket nagtugaw iti kangangatoan a lugar ti pammadayaw iti makannawan ti Dios Ama, tapno makipagturay kenkuana.

\s5
\v 4 Inaramid ti Dios ti Anakna a natantan-ok ngem dagiti anghel, a kas ti naganna ken turayna ket natantan-ok ngem kadakuada.
\v 5 Iti Nasantoan a Surat, awan iti uray maysa a nangibaga nga imbaga ti Dios iti siasinoman nga anghel ti imbagana iti Anakna: "Sika ti Anakko! Ita nga aldaw, ipablaakko iti amin a Siak ti Amam!" Ken kinunana iti sabali a paset iti Nasantoan a Surat, "Siakto ti Amana ken isunto ti Anakko."

\s5
\v 6 Idi inyeg ti Dios ti madaydayaw nga Anakna, ti kakaisuna nga Anakna ditoy lubong, imbilinna: "Masapul nga agrukbab amin dagiti anghelko kenkuana."
\v 7 Naisurat ti maipanggep kadagiti anghel iti Nasantoan a Surat: "Inaramid ti Dios nga espiritu dagiti anghelna nga agserbi kenkuana nga addaan pannakabalin a kasla gil-ayab ti apuy."

\s5
\v 8 Ngem iti Nasantoan a Surat, naisurat met ti maipanggep iti Anak ti Dios: "Sika a Dios ket agturayto iti agnanayon ken sililintegkanto nga agari iti pagariam.
\v 9 Inayatmo dagiti nalinteg nga aramid dagiti tattao ken ginuram dagiti managbasol nga aramid dagiti tattao. Isu nga ti Dios, a pagrukbabam ket pagrag-oennaka ngem iti siasinoman."

\s5
\v 10 Ammotayo met a nangatngato ti Anakna ngem kadagiti anghel gapu ta naisurat iti Nasantoan a Surat ti maipapan iti Anak iti Dios, "Apo, sika iti nangparsua iti daga idi un-unana. Inaramidmo met dagiti dadduma pay iti lubong, dagiti bituen ken amin a banbanag iti tangatang.
\v 11 Mapukawto dagitoy a banbanag ngem agtultuloykanto nga agbibiag iti agnanayon. Marunotdanto a kas iti kawes a marunot.
\v 12 Lukutemto ida a kas kadagiti daan a kawes. Ket pabaroemto amin nga adda iti sangalubongan, a kasla iti maysa a mangikabkabil kadagiti baro a kawes. Ngem saanka nga agbalbaliw ken agbiagka ti agnanayon!"

\s5
\v 13 Awan a pulos iti nangibagaan ti Dios kadagiti anghel ti imbagana iti Anakna: "Agtugawka iti kangrunaan a lugar iti abayko ken makipagturayka kaniak kabayatan iti panangparmekko iti amin a kabusormo tapno iturayam ida!"
\v 14 Espiritu laeng dagiti anghel nga imbaon ti Dios tapno agserbi ken mangaywan kadagiti namati nga isalakanto iti Dios a naan-anay a kas ingkarina nga aramiden kadakuada.

\s5
\c 2
\p
\v 1 Ngarud, agsipud ta pudno dayta, masapul ngarud nga ikkantayo iti pateg ti nangngegantayo maipanggep iti Anak ti Dios, tapno saantayo nga in-inut nga agsardeng a mamati iti daytoy.

\s5
\v 2 Idi insao dagiti anghel ti linteg ti Dios kadagiti tattao ti Israel, pudno dagiti imbagada. Dinusa ti Dios ti amin a nagsukir kenkuana ken dagiti naglabsing iti paglinteganna.
\v 3 Yantangay ta pudno daytoy, awan duadua a saantayo a malibasan ti Dios; awan duadua nga ukomennatayo ti Dios no saantayo nga ikankano ti naimbag a damag maipanggep iti panangisalakanna kadatayo. Ni Apo Jesus ti immuna a nangibaga kadatayo maipanggep iti daytoy, ket pinatalgedan met dagiti adalan a nakangngeg kenkuana a pudno nga inaramidna daytoy.
\v 4 Pinaneknekan met ti Dios kadatayo a pudno daytoy a mensahe babaen iti panangtedna iti panakabalin kadagiti namati nga agaramid kadagiti agkakabileg nga aramid a mangpaneknek a pudno dagitoy a banbanag. Ket mangmangted met ti Espiritu Santo iti adu a sagsagut kadagiti namati, segun iti kayatna a panangibunong kadagitoy.

\s5
\v 5 Saan a dinutokan ti Dios dagiti anghel a mangituray iti baro a lubong nga aramidenna, ngem ketdi, ni Cristo ti pagturturayenna iti daytoy.
\v 6 Adda iti sipapasnek a nangibaga iti Dios iti maipanggep iti daytoy iti maysa a paset ti Nasantoan a Sursurat a kunkunana, "Awan ti tao a maikari tapno panunotem! Awan ti tao a maikari tapno ipategmo!

\s5
\v 7 Pinarsuam dagiti tattao a nababbaba bassit ngem dagiti anghel, ngem kasta unay iti panangitan-okmo kadakuada, kas iti panangitan-ok dagiti tattao kadagiti ari. (Innayon dagiti dadduma a manuscript ti: "ket pinaiturayam kenkuana dagiti banbanag nga inaramidmo.")
\v 8 Inkabilmo ti amin a banag iti tengngelda." Inkeddengen ti Dios nga iturayan ti tao ti amin a banag. Kayat a sawen dayta nga awan uray maysa a saanna nga iturayan. Ngem ita, iti daytoy agdama a tiempo, saantayo a makita nga iturturayan ti tao ti amin a banbanag.

\s5
\v 9 No pay kasta, ammotayo ti maipanggep kenni Jesus, nga immay iti daytoy a biag, a nababbaba bassit ngem dagiti anghel. Gapu ta nagsagaba ken natay isuna, inted ti Dios kenkuana ti kapapatgan a saad. Pinagbalinna ni Jesus nga ari iti amin a banag, gapu ta natay ni Jesus para kadagiti amin a tattao. Napasamak daytoy gapu ta naimbag unay ti Dios kadatayo.
\v 10 Rumbeng laeng a pagbalinen ti Dios ni Jesus a naan-anay iti amin a banag babaen iti panagsagsagabana ken pannakatayna para kadatayo. Ti Dios ti nangparsua iti amin a banbanag, ket isuna ti makagapu nga agbibiag amin a banbanag. Ken ni Jesus ti mamagbalin iti Dios nga isalakanna dagiti tattao.

\s5
\v 11 Ni Jesus, ti mangilaslasin kadagiti tattaona para iti Dios, ken dagiti met laeng tattao nga imbilang ti Dios a nasayaat iti imatangna, ket nagtaudda amin iti Dios mismo. Isu a saan a mabain ni Jesus a mangiwaragawag a bukodna ida a kakabsat a lallaki ken babbai.
\v 12 Insurat ti Salmista nga imbaga ni Cristo iti Dios, "Iwaragawagko kadagiti kakabsatko ti kinakaskasdaawmo. Agkantaak iti pammadayaw kenka iti nagtetengngaan ti taripnong dagiti namati!"

\s5
\v 13 Ket insurat ti maysa a profeta iti maysa pay a paset iti Nasantoan a Surat ti imbaga ni Cristo maipanggep iti Dios: "Agtalekak kenkuana." Ket iti maysa pay a paset iti Nasantoan a Surat, kinuna ni Cristo maipanggep kadagiti kasla annakna, "Addaak ditoy ken dagiti annak nga inted ti Dios kaniak."
\v 14 Ngarud, agsipud ta tao amin dagiti aw-awagan ti Dios nga annakna, nagbalin met ni Jesus a tao a kas kadakuada. Addaan ti pannakabalin ti diablo a mangbuteng kadagiti tattao a matay, ngem nagbalin a tao ni Cristo tapno babaen iti pannakatayna ken panangparmekna iti patay ket pagbalinenna nga awanan bileg ti diablo.
\v 15 Inaramid ni Jesus daytoy tapno wayawayaannatayo, datayo nga iti unos iti panagbiagtayo ket saantayo a nabaelan a wayawayaan dagiti bagbagitayo manipud iti panagbuteng iti ipapatay.

\s5
\v 16 Gapu ta nagbalin ni Jesus a tao, saan a dagiti anghel ti immayna tulongan. Saan, no di ket datayo nga agtaltalek iti Dios a kas iti panamati ni Abraham ti kayatna a tulongan.
\v 17 Isu nga inaramid ti Dios ni Jesus a kas kadatayo met laeng, kas kadagiti tattao a "kakabsatna." Nagbalin isuna a kangatoan a padi nga agtigtignay a siaasi kadagiti amin a tattao ken agtigtignay a sipupudno iti Dios tapno matay para iti basol dagiti tattao ken agaramid iti wagas tapno pakawanen ida ti Dios.
\v 18 Kabaelan ni Jesus a tulongan dagiti mapadas nga agbasol ta isuna mismo ket nagsagaba ken napadas nga agbasol, a kas met iti pannakapadastayo nga agbasol.

\s5
\c 3
\p
\v 1 Padak a namati, inlasin ken pinilinakayo iti Dios a maipaay kenkuana. Ibilangyo ngarud ni Jesus. Isuna ket apostol ti Dios ken isu met ti kangatoan a padi a kunatayo a patientayo amin.
\v 2 Sipupudno a nagserbi iti Dios, a nangdutok kenkuana, a kas ti sipupudno a panagserbi ni Moises kadagiti amin a tattao iti Dios, nga awagantayo a balay iti Dios.
\v 3-4 Ita, kas tunggal balay ket inaramid iti maysa a tao, inaramid iti Dios ti amin a banbanag. Isu nga imbilang ti Dios a maikari iti nangatngato a pammadayaw ni Jesus ngem ti pammadayawda kenni Moises, kas iti maysa a nangbangon iti balay ket maikari iti nangatngato a pammadayaw manipud kadagiti tattao ngem iti pammadayawda iti mismo a balay.

\s5
\v 5 Sipupudno unay a nagserbi ni Moises iti Dios kas tinulonganna dagiti tattao iti Dios, a kas adipen a sipupudno nga agserserbi iti amona. Pinaneknekan ngarud ni Moises dagiti isaonto ni Jesus.
\v 6 Ngem ni Cristo ti Anak nga agturay kadagiti tattao iti Dios, ket datayo dagiti tattao nga iturayanna no agtultuloy a situturedtayo a mamati kenni Cristo ken sitatalektayo a mangnamnama nga aramidento iti Dios dagiti amin nga inkarina nga aramidenna para kadatayo.

\s5
\v 7 Impalubos iti Espiritu Santo nga isurat ti Salmista dagitoy a sasao iti Nasantoan a Surat a maipaay kadagiti Israelita: "Ita, no mangngegyo nga agsao ti Dios kadakayo,
\v 8 saan a sitatangken ti uloyo nga aglabsing kenkuana, kas iti inaramid dagiti kapuonanyo idi nagrebeldeda a maibusor kenkuana idiay let-ang.

\s5
\v 9 Inulit-ulitdak a sinuot dagiti kapuonanyo, tapno kitaenda no naanusak kadakuada, uray pay nakitada dagiti nakaskasdaaw a banbanag nga inaramidko iti las-ud iti uppat a pulo a tawen.
\v 10 Isu a narurodak kadagitoy a tattao, ket imbagak ti maipapan kadakuada, 'Pulos a saanda a napudno kaniak, ken saanda a naawatan no kasano iti tarigagayko a mangiturong ti biagda.'
\v 11 Nakaungetak kadakuada ket sipapasnek nga impakdaarko, 'Saanda a makastrek iti daga iti Canaan a sadiay ti impalubosko a paginanaanda!"'

\s5
\v 12 Ngarud padak a namati, agannadkayo tapno awan kadakayo ti agsardeng nga agtalek kenni Cristo gapu iti dakes nga adda iti pusoyo, nga isu ti makagapu iti panangumsiyo ti kakaisuna a Dios a sibibiag. Ngem ketdi, agpipinnabilegkayo iti inaldaw,
\v 13 kabayatan nga adda pay laeng iti gundawayyo. No natangken ti uloyo, allilawennakayo iti dadduma ket iturongdakayo iti basol.

\s5
\v 14 Naikamangtayon kenni Cristo no ituloytayo ti agtalek a sipapasnek ken sitatalged kenkuana, manipud ti tiempo a nagtalektayo kenkuana agingga iti tiempo nga ipupusaytayo.
\v 15 Insurat iti Salmista iti Nasantoan a Surat nga imbaga iti Dios, "Ita, no mangngegdak nga agsasao kadakayo, saan a natangken ti uloyo nga aglabsing kaniak kas iti inaramid dagiti kapuonanyo idi nagrebeldeda a maibusor kaniak."

\s5
\v 16 Laglagipenyo no siasino ti nagrebelde a maibusor iti Dios, uray pay nangngeganda isuna a nagsao kadakuada. Isuda amin dagiti tattao iti Dios nga indalan ni Moises manipud idiay Egipto.
\v 17 Ken laglagipenyo no siasino ti nakarurodan iti Dios iti uppat a pulo a tawen. Isuda dagiti tattao iti Dios a nagbasol, ket naiwalang dagiti bangkayda idiay let-ang.
\v 18 Ken laglagipenyo no siasino iti sipapasnek a nangipakdaaran ti Dios, "Saandanto a makastrek iti daga nga impalubosko a paginanaanda." Dagiti Israelita a nagsukir iti Dios.
\v 19 Isu a, manipud iti dayta a pagulidanan ammotayo a gapu daytoy ti saanda a panagtultuloy a panagtaltalek iti Dios ket saanda a makastrek iti daga nga impalubos ti Dios a paginanaanda.

\s5
\c 4
\p
\v 1 Ingkari ti Dios a masapul nga aginanatayo, ngem masapul nga agannadtayo, gapu ta mabalin a mapukawtayo iti disso ti inana iti Dios.
\v 2 Nangngegtayo ti naimbag a damag maipanggep ti panangited ni Jesus kadatayo ti inana iti Dios, kas pannakangngeg dagiti Israelita ti kari iti Dios nga aginanada sadiay Canaan. Ngem kas saan a nakatulong dayta a mensahe kadagiti adu nga Israelita gapu ta saanda a nagtalek iti Dios kas inaramidda Josue ken ni Caleb, saannatayo a matulongan ti naimbag a damag maipanggep kenni Cristo no saantayo nga agtalek iti Dios.

\s5
\v 3 Datayo a namati kenni Cristo ket makastrek iti disso ti inana gapu ta kinuna ti Dios, "Gapu ta nakaungetak kadagiti tattao ti Israel, sipapasnekak a mangipakaammo, 'Saandanto a makastrek ti daga nga imbagak a paginanaanda.' "Imbaga daytoy iti Dios uray pay nalpasen iti panggepna sipud pay ti tiempo a pinarsuana ti lubong.
\v 4 Ti naisurat ti Nasantoan a Surat maipapan ti maika-pito nga aldaw kalpasan iti panangusarna ti innem nga aldaw a panangiparsuana ti lubong, ipakpakitana a pudno daytoy: "Ket iti maikapito nga aldaw, naginana ti Dios manipud iti trabahona a panangparsua ti amin a banag.
\v 5 Ngem panunotenyo manen ti imbaga ti Dios maipapan kadagiti Israelita idiay sarita nga inaonko idi immuna: "Saandanto a makastrek ti daga nga imbagak a paginanaanda.

\s5
\v 6 Mabalin latta a sumrek dagiti sumagmamano a tattao iti paginanaan iti Dios. Ngem dagiti Israelita nga immuna a nakangngeg iti kari ti Dios a masapul nga aginanada —saanda a makastrek iti dayta a disso ti paginanaan, gapu ta nagkedkedda a mamati iti Dios.
\v 7 Ngem nangisagana manen iti Dios iti sabali a tiempo inton mabalintayon iti sumrek iti dayta a disso ti paginanaan. Dayta a tiempo ket itan! Ammotayo a pudno dayta gapu ta immun-una pay ngem idi nagsukir dagiti Israelita iti Dios idiay let -ang, pinagsuratna ni Ari David iti inadawkon, Itan, no maawatanyo iti ibagbaga iti Dios kadakayo, saan koma a natangken dagiti uloyo nga agsukir kenkuana."

\s5
\v 8 No indauloan ni Josue dagiti Israelita tapno sumrekda iti disso ti paginanaan, saan koman ngarud a nagsao iti Dios kalpasanna iti maipanggep iti sabali a tiempo a panaginanatayo. Isu nga ammotayo nga agsasao iti Dios iti maipanggep iti sabali a tiempo no simrek dagiti sumagmamano a tattao iti dayta a lugar ti panaginana iti awan inggana.
\v 9 Isu nga, kas iti panaginana iti Dios ti maika-pito nga aldaw kalpasan iti panangparsuana ti amin a banag, nagtalinaed sadiay iti tiempo nga aginananto ti agnanayon dagiti tattao iti Dios.
\v 10 Siasinoman a sumrek iti disso ti panaginana iti Dios ket sumardeng manipud iti panagtrabahona, kas panangileppas iti Dios iti trabahona ti panangparsuana iti amin a banag.
\v 11 Isu a sigagagartayo koma a sumrek ti uneg ti panaginanaan ti Dios babaen iti panangsurottayo kenni Cristo, tapno ti ehemplo dagitoy a nagsukir ket saandanto nga akaran ken saandatayo met a pirdien.

\s5
\v 12 Sibibiag ken sibibileg dagiti sasao iti Dios a mangsukisok kadagiti panunottayo ken bingay-bingayenna dagiti mangaramid kadatayo nga agbiag manipud ti pasettayo a mangdanon iti Dios. Kasla daytoy ti kampilan a mangputed-puted kadagiti nagsusuopantayo manipud ti kaunggan dagiti tultulangtayo. Iparangarang iti sao ti Dios ti adda kadagiti puspusotayo, no ania iti rumbeng ken no ania iti biddut kadagiti panagpanpanunottayo ken kadagiti panggeptayo.
\v 13 Ammo ti Dios dagiti amin a banag maipapan iti tunggal maysa. Awan iti mailemmeng kenkuana. Naan-anay ti pannakaipalgaak ti amin a banag kenkuana ken kenkuana laeng nga italektayo no kasanotayo a nagbiag.

\s5
\v 14 Isu nga addaantayo iti nangato a padi a nagpangato kadagiti langlangit idi nagsubli ti imatang iti Dios. Isuna ni Jesus, nga Anak iti Dios. Isu nga situturedtayo a mangibaga nga agtalektayo kenni Jesu- Cristo.
\v 15 Awan dua dua a naasi ti nangato a padi kadatayo ken papigsaennatayo, datayo a nalaka a makabasbasol, gapu ta sinulisog met ni Satanas isuna nga agbasol iti tunggal banag a panangsulisogna kadatayo nga agbasol -- ngem saan a nagbasol isuna.
\v 16 Isu nga umasidegtayo a situtured kenni Cristo, a mangiturturay manipud langit ken ar-aramidenna para kadatayo dagiti banbanag a saantayo a pakaikarian, tapno siaasi a tulongannatayo ken addaan asi kadatayo no masapultayo nga aramidenna daytoy.

\s5
\c 5
\p
\v 1 No mangpili ti Dios iti kangatoan a padi, mangpili isuna ti lalaki manipud kadagiti tattao. Masapul a pagserbian daytoy a lalaki ti Dios a maipaay kadagiti tattao; masapul a sagutanna ti Dios ken mangidaton kenkuana kadagiti ayup para kadagiti basbasol dagiti tattao.
\v 2 Naalumamay ti kangatoan a padi kadagiti bassit laeng ti ammona maipanggep iti Dios ken kadagiti agbasbasol kenkuana. Daytoy ket agsipud ta adda met pagkapuyanna ti kangatoan a padi.
\v 3 Kas pagbanaganna, masapul met a mangidaton isuna kadagiti ayup, gapu ta agbasbasol isuna a kas kadagiti tattao.

\s5
\v 4 Ngem awan ti makaitan-ok iti bagina iti panagbalinna a kangatoan a padi. Ngem ketdi, pinili ti Dios ti tunggal tao nga agbalin a kangatoan a padi, kas iti panangpilina kenni Aaron nga agbalin a kauunaan a kangatoan a padi.
\v 5 Kasta met, saan nga intan-ok ti Dios ti bagina iti panagbalinna a kangatoan a padi. Ngem ketdi, dinutokan ti Dios Ama isuna babaen iti panangibagana kenkuana iti insurat iti Salmista iti Nasantoan a Sursurat: "Sika ti Anakko! Ita nga aldaw, impablaakkon a Siak ti amam!"

\s5
\v 6 Ken imbagana pay kenni Cristo ti insurat iti salmista iti sabali a paset iti Nasantoan a Surat: "Padika nga agnanayon a kas iti kinapadi ni Melkizedec."

\s5
\v 7 Idi nagnaed ni Cristo ditoy rabaw ti daga, nagkararag isuna iti Dios ken nagsangsangit nga immawag kenkuana. Nagdawat isuna iti Dios, a makaisalakan kenkuana iti pannakatay. Ket impangag ti Dios isuna, agsipud ta rinaem ni Cristo ken nagtulnog isuna kenkuana.
\v 8 No man pay anak ti Dios ni Cristo, nasursurona ti agtulnog iti Dios babaen iti panagsagaba ken pannakatayna.

\s5
\v 9 Babaen iti panangleppas iti amin a kayat ti Dios nga aramidenna, naan-anayen itan a makaisalakan nga agnanayon kadagiti amin nga agtulnog kenkuana.
\v 10 Insaad ti Dios isuna nga agbalin a kangatoan a paditayo iti wagas iti panagbalin ni Melkizedec a kangatoan a padi.
\v 11 No man pay adu ti kayatko nga ibaga kadakayo maipanggep iti pakaiyarigan ni Cristo kenni Melkizedec, saan a nalaka nga ipalawagko daytoy kadakayo gapu ta narigatkayo a makaaw-awat.

\s5
\v 12 Nabayagen a nagbalinkayo a Kristiano. Isu nga isursuroyo koman ti kinapudno ti Dios kadagiti dadduma a tattao. Ngem masapulyo pay latta ti mangisuro kadakayo kadagiti umuna a masapul a sursuroenyo maipanggep iti sasao ti Dios manipud kadagiti Nasantoan a Sursurat. Masapulyo dagiti umuna a masapulyo a sursuroenyo a kinapudno a kas maladaga nga agkasapulan ti gatas. Saankayo pay a nakasagana a mangadal kadagiti narigrigat a banbanag, dagiti banbanag a kas ti natangken a taraon a mabalin laeng a kanen dagiti nataengan a tattao.
\v 13 Laglagipenyo a saan pay a maawatan dagiti mangad-adal pay laeng kadagitoy umuna a masapul a sursuroen a kinapudno nga ibagbaga ti Dios maipanggep iti panagbalin a nalinteg. Saanda pay nga ammo ti nasayaat manipud iti saan. Kasladala kadagiti maladaga nga agkasapulan iti gatas!
\v 14 Ngem iti narigat a naespirituan a kinapudno ket para kadagiti tattao a makaam-ammo unay iti Dios, kas met laeng iti natangken a taraon ket para kadagiti nataengan. Maibagada ti nagdumaan iti naimbag ken dakes, gapu ta nasuroanda babaen iti panangammo iti nasayaat ken dakes.

\s5
\c 6
\p
\v 1-3 Isu a masapul a saantayon nga ituloy a pagsasaritaan ti immuna a nasursurotayo maipanggep kenni Cristo, dagiti banbanag a masapul a suroen nga umuna dagiti amin a namati. Dadduma kadagitoy a banag ket no kasano nga isardeng ti panagbasbasol ken no kasano a rugian ti agtalek iti Dios. Adda met dagiti napapateg a banbanag nga isursurotayo maipanggep iti nadumaduma a kita ti panagbuniag, no apay a masansan nga ipataytayo dagiti imatayo iti tunggal maysa; ken kasta met ti maipanggep iti panangpagungar ti Dios kadatayo manipud iti patay ken ti agnanayon a pannakaukom ti tunggal maysa. Kinapudnona, pagsasaritaantayonto manen dagitoy a banbanag, no ikkannatayo ti Dios iti gundaway a mangaramid iti daytoy. Ngem ita masapul a pagsasaritaantayo dagiti banbanag a narigrigat a maawatan; dagitoy dagiti banbanag a makatulong kadatayo nga agtalek iti Dios iti amin a gundaway aniaman ti mapasamak.

\s5
\v 4 Ilawlawagkonto no apay a napateg nga aramiden daytoy. Naawatan a dagus ti sumagmamano a tattao ti mensahe maipanggep kenni Cristo. Nasursuroda no ania ti kaiyarigan ti panangpakawan ti Dios kadakuada ken ti panagayat ti Dios kadakuada, ken naawatda dagiti sagut manipud iti Espiritu Santo.
\v 5 Natakuatanda a nasayaat ti mensahe ti Dios para kadakuada, ken naadalda no kasano ti sibibileg a panagtrabahonto ti Dios iti masakbayan.
\v 6 Ngem ita, no laksiden dagitoy a tattao ni Cristo, awanto ti makaallukoy kadakuada nga agsardeng nga agbasbasol ken agtalek manen kenkuana! Dayta ket gapu ta kasla inlansa manen dagitoy a tattao ti Anak ti Dios iti krusna! Isuda ti makagapu tapno laisen dagiti tattao ni Cristo iti imatang ti sabali.

\s5
\v 7 Panunotenyo daytoy: Bendisionan ti Dios ti daga a masansan a pagtinnagan ti tudo ken pagtubboan dagiti mula para kadagiti mannalon.
\v 8 Ngem ti mapasamakto kadagiti namati a saan nga agtulnog iti Dios ket maiyarigto iti daga a dagiti nasiit a ruot ken sabong laeng ti agtubo. Awan serserbina dagita a kita ti daga. Ket ilunodto dagiti mannalon daytoy a daga ken mapuoranto dagiti naimula.

\s5
\v 9 Makitayo met a balballaagankayo, patgek a gagayyem, a saanyo a laksiden ni Cristo. Kasta met a masiguradok nga ar-aramidenyo ti nasaysayaat ngem iti dayta. Ar-aramidenyo dagiti banbanag a rumbeng para kadagiti insalakan ti Dios.
\v 10 Agsipud ta kankanayon nga agaramid iti kinalinteg ti Dios, saanna a malipatan amin a naaramidanyo kenkuana; saanna a malipatan no kasanoyo nga inayat ken tinulongan dagiti padayo a namati, ken no kasanoyo latta ida a tultulongan.

\s5
\v 11 Kasta unay ti tarigagaymi nga itultuloy ti tunggal maysa kadakayo ti mangnamnama a mangawat ti ipaay ti Dios para kadakayo, agingga a maawatyo ti amin a banag manipud kenkuana.
\v 12 Saanko a kayat a nasadutkayo. Ngem ketdi, kayatko nga aramidenyo met ti ar-aramiden dagiti dadduma a namati, dagiti umaw-awat ti inkari ti Dios kadakuada, gapu ta nagtalekda kenkuana ken nagan-anusda.

\s5
\v 13 Idi inkari ti Dios nga agaramid iti dakkel a banbanag para kenni Abraham, awan ti nangatngato ngem isuna a mabalin a mangpilit kenkuana tapno maaramidna dagitoy a banbanag. Isu a ti bagina ti nangdawatanna.
\v 14 Ket kinunana kenni Abraham, "Awan duadua a bendisionankanto ken awan duadua a paadduekto ti bilang dagiti kaputotam."
\v 15 Isu a kalpasan ti naanus a panagur-uray ni Abraham nga aramiden ti Dios ti inkarina, inaramid ti Dios kenkuana ti inkarina.

\s5
\v 16 Laglagipenyo a no agkari dagiti tattao iti maysa a banag, kidkiddawenda a dusaen ida ti maysa a kangrunaan a tao no saanda nga aramiden ti inkarida. Kastoy ti masansan a panangurnosda kadagiti panagririri.
\v 17 Isu a no kayat ti Dios nga ipakita kadatayo a silalawag no siasino ti rumbeng nga umawat iti inkarina a saannanto a baliwan ti implanona nga aramiden, kinunana nga ipakaammo a nakabasol isuna no saanna nga aramiden ti inkarina.
\v 18 Inaramidna dayta tapno sititibker a pabilgennatayo, gapu ta inaramidna ti dua a banag a saan nga agbaliw; Inkarina a tulongannatayo, ken imbagana kadatayo a nakabasol isuna no saannatayo a tulongan. Ita, saan a mabalin nga agulbod ti Dios. Dayta ti makagapu no apay a nagtalekkami kenkuana ken ita addan ti makagapu tapno ituloymi nga aramiden dayta.

\s5
\v 19 Wen, namnamaentayo a maawattayo ti inkari ti Dios nga aramidenna para kadatayo. Daytoy ket kasla tayo la maysa a barko, a tengtenglennatayo a sititibker ti angklana iti maymaysa a lugar. Ti namnamaentayo a mangtengngel kadatayo ket ni Jesus, gapu ta adda isunan iti presensia ti Dios. Daytoy ti makagapu no apay a kasla met la isuna iti kangatoan a padi a sumrek iti likudan ti kurtina iti kaunggan a paset ti templo, nga ayan ti presensia ti Dios.
\v 20 Imun-una ni Jesus kadatayo a napan iti presensia ti Dios tapno mapalubosantayo met a sumrek iti dayta a lugar a kaduatayo ti Dios. Nagbalin ni Jesus nga agnanayon a kangatoan a padi, a kas kenni Melkisedec a kangatoan a padi.

\s5
\c 7
\p
\v 1 Ita, ad-adu pay iti ibagak maipapan iti daytoy a tao a ni Melkisedec. Ari isuna iti siudad ti Salem ken kasta met a padi iti Dios nga agturturay iti sangalubongan. Sinabatna ni Abraham ken dagiti tattaona nga agaw-awid manipud iti panangparmekda kadagiti soldado dagiti uppat nga ar-ari. Binendisionan ni Melkisedec ni Abraham.
\v 2 Ket nagited ni Abraham kenkuana iti apagkapullo manipud kadagiti amin a banbanag nga innalana kalpasan iti panangabakda iti gubat. Ita, ti umuna a kaipapanan iti nagan ni Melkisedec ket, "ari nga agturturay a sililinteg," ken, agsipud ta "kapia" ti kaipapanan iti Salem, ti kaipapan met iti naganna ket, "ti ari nga agturturay a sikakapia."
\v 3 Awan ti maipaay ti Nasantoan a Surat kadatayo a pakakitaan maipapan iti ama ni Melkisedec, iti inana, wenno dagiti kapuonanna; wenno awan iti maibaga kadatayo ti Nasantoan a Surat no kaano isuna a naiyanak wenno kaano a natay. Daytoy ket kas agtultuloy isuna a padi ti agnanayon. Iti daytoy a wagas, kasla adda bassit a nagpadaanna iti Anak ti Dios.

\s5
\v 4 Maamirisyo no kasano a natantan-ok ni Melkisedec manipud iti pannangted ni Abraham, a mabigbigbig a kapuonantayo iti apagkapullo kadagiti kasasayaatan kadagiti banbanag nga innalana manipud iti pannakigubatna kadagiti ar-ari.
\v 5 Segun kadagiti linlinteg nga inted ti Dios kenni Moises, masapul nga alaen dagiti papadi a kaputotan ni Levi nga apuko ni Abraham dagiti apagkapullo manipud kadagiti tattao ti Dios a kakabaggianda, uray pay dagitoy a tattao ket kapada met a kaputotan ni Abraham.
\v 6 Ngem daytoy a Melkisedec a saan a kabilang kadagiti kaputotan ni Levi ket immawat iti apagkapullo iti amin a banbanag manipud kenni Abraham. Binendisionanna met ni Abraham, ti tao a nangikarian ti Dios iti adu a kaputotan.

\s5
\v 7 Ammo iti tunggal maysa ita a bendisionan dagiti napatpateg a tattao dagiti saan unay a napateg a tattao, a kas iti panangbendision ni Melkisedec kenni Abraham. Isu nga ammotayo a natantan-ok ni Melkisedec ngem ni Abraham.
\v 8 No maipapan kadagiti papadi a kaputotan ni Levi, tattaoda amin a matayto iti maysa nga aldaw, ngem uray no immawatda iti apagkapullo. No pay kasta, no maipapan kenni Melkisedec nga immawat iti apagkapullo kadagiti amin a banbanag manipud kenni Abraham—daytoy ket kasla pinaneknekan ti Dios nga agtultuloy nga agbibiag ni Melkisedec, agsipud ta saan nga ibagbaga iti Nasantoan a Surat ti maipapan iti ipapatayna.
\v 9 Ken kasla nangted iti apagkapullo kenni Melkisedec uray pay ni Levi a mismo ken amin a papadi a nagtaud kenkuana—dagiti immawat kadagiti apagkapullo manipud kadagiti tattao gapu ta nangted ni Abraham a kapuonanda iti apagkapullo kenkuana. Idi nangted ni Abraham kadagiti apagkapullo kenni Melkisedec, kasla bigbigen ni Levi ken dagiti amin a papadi a nagtaud kenkuana a natantan-ok ni Melkisedec ngem ni Abraham.
\v 10 Pudno daytoy gapu ta maibagatayo nga adda pay laeng ni Levi ken dagiti kaputotanna iti bagi ni Abraham idi sinabat ni Melkisedec ni Abraham.

\s5
\v 11 Inted ti Dios ti linteg kadagiti tattaona iti isu met laeng a tiempo a pannangtedna kadagiti annuroten a maipapan kadagiti papadi. Isu a no nakaipaay dagiti papadi a kaputotan ni Aaron ken ti kapuonanna a Levi iti wagas tapno pakawanen ti Dios dagiti tattao gapu iti panagsukirda kadagitoy a linlinteg, umdasen koma dagitoy a papadi. No kasta ngarud, saanen a kasapulan iti sabali pay a padi a kas kenni Melkisedec.
\v 12 Ngem ammotayo a saan nga umdas dagitoy a papadi gapu ta umay ti maysa a baro a kita iti padi a kas kenni Melkisedec. Ken agsipud ta nangdutok ti Dios iti maysa a baro a kita ti padi, masapul met a baliwanna ti linteg.

\s5
\v 13 Ni Jesus, ti makagapu no apay nga ibagbagak dagitoy a banbanag a saan a kaputotan ni Levi. Ngem ketdi, naggapu isuna iti tribu ni Juda, a saan a pulos a nangipaay iti aniaman a tao tapno agserbi a padi.
\v 14 Nalawag nga ibagbaga ti Nasantoan a Sursurat daytoy. Ken iti kinapudnona, ket saan pulos nga imbaga ni Moises nga agbalin a papadi ti siasinoman kadagiti kaputotan ti Juda.

\s5
\v 15 Maysa pay, ammotayo a saan nga umdas dagiti papadi a kaputotan ni Levi, agsipud ta nalawlawag pay nga adda ti sabali a padi a nagparang a kas kenni Melkisedec.
\v 16 Ni Jesus daytoy a padi, nagbalin isuna a padi, ngem saan a gapu ta tinungpalna ti sapsapulen ti linteg ti Dios maipapan iti panagbalin a kaputotan ni Levi. Ngem ketdi, addaan isuna iti pannakabalin manipud iti biag nga awan pulos iti makadadael.
\v 17 Ammotayo daytoy agsipud ta pinaneknekan daytoy ti Dios iti paset ti Nasantoan a Surat a kinunana iti Anakna, "Padika nga agnanayon, a kas met laeng kenni Melkisedec a padi."

\s5
\v 18 Imbabawi ti Dios ti immuna nga imbilinna maipapan kadagiti papadi gapu ta saan a kabaelan dagitoy a papadi a pasantoen dagiti managbasol a tattao.
\v 19 Awan ti nakabael a nagbalin a naimbag babaen iti panagtulnog kadagiti linlinteg nga inted ti Dios kenni Moises. Iti sabali a bangir, innakannatayo ti Dios iti nasaysayaat a rason tapno maaddantayo iti kinatalged kenkuana, gapu ta mabalintayon ti makaasideg kenkuana.

\s5
\v 20 Kasta pay, idi dinutokan ti Dios ni Cristo a kas padi, sipapasnek nga imbunannagna dayta. Idi nangdutok ti Dios kadagiti nagkauna a papadi, saanna nga inaramid daytoy.
\v 21 Ngem idi dinutokanna ni Cristo nga agbalin a padi, babaen kadagitoy a sasao nga insurat ti "Salmista" iti Nasantoan a Surat, "Sipapasnek nga imbunannag ti Apo — ken saananto a baliwan ti panunotna: 'Padika nga agnanayon!"'

\s5
\v 22 Gapu iti dayta, ipaspasigurado ni Jesus a naim-imbag ti baro a tulag ngem ti daan a tulag.
\v 23 Ken idi, saan a makapagtalinaed nga agserbi dagiti papadi gapu ta mataydanto met laeng. Isu nga adu a papadi a mangsukat kadagiti natay.
\v 24 Ngem gapu ta agnanayon nga agbibiag ni Jesus, agtultuloyto isuna nga agnanayon a kangatoan a padi.

\s5
\v 25 Isu a kabaelan ni Jesus nga isalakan a naan-anay ken agnanayon dagiti umasideg iti Dios, agsipud ta agnanayon nga agbibiag isuna a mangidawdawat iti Dios a mangpakawan kadakuada ken pagtalinaedenna ida a naisalakan.
\v 26 Ni Jesus ti kangatoan a padi a kasapulantayo. Nasantoan isuna, awan ti inaramidna a biddut, ken awan iti basolna. Ita, insina ti Dios isuna manipud iti pannakipagbibiagna kadagiti managbasol, ken impangatonan isuna iti kangangatoan a langit.

\s5
\v 27 Masapul nga inaldaw ken tinawen nga agidaton dagiti kangatoan a papadi dagiti Judio kadagiti ay-ayup. Aramidenda daytoy, umun-una, tapno maabbongan dagiti basbasolda, ken kalpasanna, tapno maabbonganda dagiti basbasol dagiti dadduma a tattao. Ngem gapu ta saan pulos a nagbasol ni Jesus, saannan a kasapulan nga aramiden dayta. Ti panangidatonna laeng iti bukodna a bagi iti maminpinsan ti kasapulan nga aramidenna tapno maisalakanna dagiti tattao, ken dayta ti apag-isu launay nga inaramidna!
\v 28 Kasapulantayo ti kangatoan a padi a kas kenni Jesus, gapu ta nagbasol a kas kadagiti amin a tattao dagiti papadi a nadutokan a kas naibilin iti linteg. Ngem sipapasnek nga imbunannag ti Dios kalpasan iti panangitedna iti linteg kenni Moises a dutokananto ti Anakna nga agbalin a kangatoan a padi. Ita ti Anakna, ni Jesus, a Dios Anak, ket isu laeng ti agnanayon a naan-anay a kangatoan a padi.

\s5
\c 8
\p
\v 1 Ti kapapatgan unay a paset dagiti amin nga insuratko ket addaantayo iti kangatoan a padi a nakatugaw a mangituray iti lugar ti katatan-okan a dayaw idiay langit, iti abay a mismo ti Dios.
\v 2 Agserserbi isuna idiay santuario, nga isu, ti pudno a lugar a pagrukrukbaban idiay langit. Dayta ti pudno a Nasagradoan a Tolda, ta binangon daytoy ti Apo, saan a ni Moises.

\s5
\v 3 Dinutokan ti Dios ti tunggal kangatoan a padi a mangidaton kadagiti sagut ken sakrifisio para kadagiti basol dagiti tattao. Isu a gapu ta nagbalin ni Cristo a kangatoan a padi, kasapulan met ngarud nga adda ti idatonna.
\v 4 Agsipud ta addan dagiti padi a mangidaton kadagiti sagut a kas dawdawaten ti linteg ti Dios, no agbibiag ita ni Cristo ditoy lubong, saanen nga agbalin a kangatoan a padi.
\v 5 Agar-aramid dagiti padi idiay Jerusalem kadagiti ritual a kopia laeng dagiti ar-aramiden ni Cristo idiay langit. Daytoy ket gapu ta idi rugian ni Moises a bangonen ti Nasagradoan a Tolda, kinuna ti Dios kenkuana, "Siguradoem nga aramidem amin a banag segun iti impakitak kenka idiay Bantay Sinai!"

\s5
\v 6 Ngem ita, nasaysayaat ti wagas a panagserbi ni Cristo ngem kadagiti ar-aramiden dagiti padi a Judio. Iti isu met laeng a wagas, nasaysayaat ti insayangkatna a baro a tulag iti nagbaetan ti Dios ken dagiti tattao ngem iti daan. Idi insayangkatna ti baro a tulag, inkarina kadatayo dagiti nasayaat a banbanag ngem dagiti linteg nga inted ti Dios kenni Moises.
\v 7 Kasapulan nga aramiden ti Dios daytoy a baro a tulag, gapu ta awan ti nasayaat a banag nga inaramid ti umuna a tulag.

\s5
\v 8 Gapu ta impakdaar ti Dios a nakabasol dagiti Israelita iti saanda a panagtulnog iti immuna a tulag, kayatna ti baro a tulag. Daytoy ti insurat ti profeta maipanggep iti dayta: "Kinuna ti Apo, 'Dumngegkayo! Addanto ti tiempo nga agaramidak iti baro a tulag kadagiti tattao ti Israel ken kadagiti tattao ti Juda.
\v 9 Dayta a tulag ket saanto a kasla iti tulag nga inaramidko kadagiti kapuonanda idi indalanko ida a rummuar idiay Egipto a kasla iti panangidalan ti ama kadagiti ubbingna. Saanda a nagtultuloy a nagtulnog iti tulagko, isu a binaybay-ak isuda,' kinuna ti Apo.

\s5
\v 10 'Daytoy ti aramidekto a tulag kadagiti Israelita, kalpasan nga agleppas ti immuna a katulagan,' kinuna ti Apo: 'Ipakaawatkonto kadakuada dagiti lintegko, ken ikkakto ida iti kabaelan nga agtulnog a sipupudno kadagitoy manipud kadagiti pusoda. Siakton ti Diosda, ket isudanto dagiti tattaok.

\s5
\v 11 Awanto ti masapul a mangisuro iti padana nga umili wenno mangibaga iti kabagianna, 'Masapul nga ammoem ti Apo,' gapu ta ammodakton dagiti amin a tattaok: tunggal maysa kadagiti tattaok, manipud iti kanunumoan agingga iti katatan-okan, maam-ammodakton.
\v 12 Siaasi-akton a mamakawan kadakuada kadagiti dakes a banbanag a naaramidda. Saankonto a pulos nga ibilang nga adda ti basbasolda."

\s5
\v 13 Agsipud ta kinuna ti Dios nga agar-aramid isuna iti baro a tulag, ammotayo nga imbilangna a saanen a mausar ti immuna a tulag, ken agpukawton daytoy iti mabiit.

\s5
\c 9
\p
\v 1 Ti immuna a tulag, inurnos ti Dios iti rumbeng a panagdaydayaw dagiti tattao ti Israel, ket imbagana kadakuada a mangaramidda iti disso a pagdaydayawanda kenkuana.
\v 2 Ti santuario nga impatakder dagiti Israelita ket ti Nasagradoan a Tolda. Ti akinruar a siledna, adda sadiay ti pangipatakderan iti pagsilawan ken ti lamisaan a pakaiparabawan dagiti tinapay a maidaton ti imatang ti Dios. Dayta a siled ket maawagan ti nasantoan a disso.

\s5
\v 3 Iti likudan ti kurtina iti maysa a sikigan ti nasantoan a disso ket adda iti maysa manen a siled. Maawagan dayta ti nasantoan unay a disso.
\v 4 Addaan iti altar a nakaluban iti balitok para iti mapuoran nga insenso. Addaan met daytoy ti nasagradoan a lakasa. Nakalupkopan iti balitok ti amin a sikiganna. Adda ti unegna ti balitok a banga a naglaon kadagiti pidaso ti taraon a maawagan iti mana. Adda met ti uneg ti lakasa ti sarukod ni Aaron a nagsaringit a mangpaneknek nga isuna iti pudno a padi ti Dios. Ti uneg ti lakasa ket adda met dagiti tapi ti bato a nangisuratan ti Dios kadagiti Sangapulo a Bilin.
\v 5 Iti rabaw ti lakasa ket dagiti nagpayak a parsua a nakitikitan a tanda iti dayag ti Dios. Linlinongan dagiti payakda ti nasagradoan a kalub ti lakasa a nangiwarsian ti kangatoan a padi ti dara tapno masubbot dagiti basbasol dagiti tattao. Saankon a maisurat ita dagiti maipapan kadagitoy a banbanag iti tunggal pasetda.

\s5
\v 6 Kalpasan nga inurnosda dagitoy amin a banbanag iti kastoy a wagas, nakaugalianen dagiti papadi a Judio iti mapmapan ti uneg ti akinruar a siled ti tolda tapno aramidenda dagiti pagrebbenganda.
\v 7 Ngem ti akin-uneg a siled, ti laeng kangatoan a padi iti makastrek iti maminsan iti kada tawen. Kankanayonna nga alaen ti dara dagiti ayup a pinartida. Idatonna iti Dios ti dara para kadagiti basolna ken para kadagiti basbasol a naaramid dagiti dadduma nga Israelita. Mairaman daytoy dagiti basbasol a saanda a napupuotan.

\s5
\v 8 Babaen kadagitoy a banbanag, ipaspasimudaag ti Espiritu Santo a saan nga impalgak ti Dios ti wagas para kadagiti kadawyan a tattao tapno sumrekda ti akin-uneg a siled, ti nasantoan unay a disso, kabayatan nga adda pay laeng ti akinruar a siled. Iti isu met laeng a wagas, saanna nga impalgak iti wagas para kadagiti kadawyan a tattao tapno sumrekda ti imatang ti Dios kabayatan a nagidaton dagiti Judio kadagiti sakripisio iti kadaanan a wagas.
\v 9 Dagiti naidaton a sagut ken sakripisio ti uneg ti Nasagradoan a Tolda ket saanna a maaramid iti siasinoman a tao a mangammo a kanayon iti rumbeng manipud iti biddut wenno aramidenna iti rumbeng iti wagas a kankanayon a maay-ayona iti Dios.
\v 10 Dagitoy a pagannurotan maipapan iti rumbeng a kanen ken inumen, ken maipanggep no ania iti buggoan— saanen a nasayaat amin dagitoy a pagalagadan gapu ta nangaramid iti Dios iti baro a tulag kadatayo. Daytoy a baro a tulag ket adayo a nasaysayaat a wagas.

\s5
\v 11 Ngem idi dimteng ni Cristo a kas kangatoan a paditayo, inyegna dagiti nasasayaat a banbanag nga adda itan kadatayo. Kalpasanna, napan isuna ti imatang iti Dios sadi langit, a kasla iti Nasagradoan a Tolda, ngem saan a paset ti lubong a pinarsua ti Dios. Nasaysayaat ngem ti tolda a pinatakder ni Moises ditoy lubong gapu ta naan-anay daytoy.
\v 12 No sumrek ti kangatoan a padi ti akin-uneg a siled ti uneg ti tolda iti tunggal tawen, mangala isuna iti dara ti kalding ken dara ti baka tapno idatonna a kas sakripisio. Ngem saan nga inaramid ni Cristo dayta. Simrek isuna iti nasantoan unay a disso iti naminsan laeng, gapu ta intedna iti bukodna a dara sadiay krus, iti naminsan laeng a daras. Babaen iti panangaramidna iti dayta, sinubbotnatayo ti agnanayon, gapu ta nagayos iti darana manipud iti bagina.

\s5
\v 13 Warsian dagiti papadi dagiti tattao iti dara dagiti kalding ken dara dagiti bulog a baka ken ti danum a nasagat babaen kadagiti dapo a naan - anay iti pannakapuorna a nalabaga a bumalasang a baka. Babaen iti panangaramidda iti dayta a ritual, kalpasanna, ibagada ngarud nga awaten itan ti Dios a masapul nga agdaydayaw kenkuana dagiti tattao.
\v 14 No pudno amin dayta, ket agbalin daytoy a napudpudno pay idi saan a pulos a nagbasol ni Cristo, insakripisiona iti bagina iti Dios —inaramidna daytoy babaen iti pannakabalin ti awan inggana nga Espiritu ti Dios. Gapu ta insakripisiona iti bagina, pinakawannatayon ita iti Dios iti panagbasoltayo, ta iti panagaramidtayo kadagiti banbanag a mangpapatay kadatayo ti agnanayon. Ita, kasla saantayon pulos a nagbasol; ita mabalintayon ti agdaydayaw ti pudno a Dios.
\v 15 Babaen iti pannakatayna para kadatayo, nangaramid ni Cristo para iti Dios iti baro a tulag kadatayo. Ikarkarigatantayo nga ay-aywen iti Dios babaen iti wagas ti immuna a tulag, ngem nagtalinaedtayo latta a sibabasol iti kaadda ti basoltayo. Idi natay isuna, winayawayaannatayo manipud ti ipapatay para kadagiti basbasoltayo. Kas nagbanaganna, maawattayto amin nga inawagan ti Dios a mangammo kenkuana ti ingkarina nga itedna kadatayo ti agnanayon.

\s5
\v 16 Ti tulag ket kasla testamento. Iti sasaaden iti testamento, tapno maikkan iti bileg dagiti maitedna, masapul nga adda iti mangpaneknek a natayen iti nangaramid iti daytoy.
\v 17 Maaddaan laeng iti bileg iti testamento no natayen iti nangaramid iti daytoy. Awan iti bilegna daytoy no sibibiag pay laeng iti nangaramid.

\s5
\v 18 Ket isu nga inikkan ti Dios iti bileg ti immuna a tulag babaen laeng iti dara dagiti ayup a nagayus idi indaton ida dagiti papadi.
\v 19 Kalpasan nga inwaragawag ni Moises kadagiti amin nga Israelita dagiti amin nga imbilin ti Dios kadagiti linteg nga inted iti Dios kenkuana, nangala isuna iti dara dagiti baka ken dagiti dara ti kalding a nalaukan iti danum. Insawsawna ti delana a lupot iti daytoy a dara nga inggalutna ti aglawlaw iti ruting iti hisopo. Kalpasanna, winarsianna iti dara ti nalukot a pagbasaan a naglaon kadagiti linteg iti Dios. Ket inwarsina iti ad-adu pay a dara kadagiti amin a tattao.
\v 20 Kinunana kadakuada, "Daytoy ti dara a mangpasingked ti tulag nga imbilin ti Dios a tungpalenyo."

\s5
\v 21 Kasta met nga, inwarsina dayta a dara iti rabaw ti Nasagradoan a Tolda ken iti rabaw iti tunggal banag nga inusarda a nagtrabtrabaho sadiay.
\v 22 Daytoy ket babaen iti panangiwarsida iti dara a nganngani a dinalusanda ti amin a banag. Dayta iti nailanad kadagiti linteg ti Dios. No saan nga agayus iti dara no agidatonda ti ayup, saan a pakawanen iti Dios dagiti basbasol dagitoy a tattao.

\s5
\v 23 Isu a babaen iti panagidatdaton ti ayup, masapul a dalusan dagiti papadi dagiti banbanag a kas tanda ti inaramid ni Cristo sadi langit. Ngem masapul a dalusan iti Dios dagiti banbanag idiay langit babaen ti ad- adu ken nasaysayaat a sakripisio ngem dagitoy.
\v 24 Saan a simrek ni Cristo ti nasantoan unay a disso nga inaramid dagiti tattao, nga ibagbagi laeng ti pudno a nasantoan unay a disso. Ngem ketdi, simrek isuna sadi langit, tapno adda itan ti imatang iti Dios tapno agpakaasi iti Dios para kadatayo.

\s5
\v 25 Sumsumrek ti kangatoan a padi ti nasantoan unay a disso iti maminsan iti tunggal tawen, mangal- ala iti saanna a bukod a dara, tapno idatonna a kas sakripisio. Ngem idi simrek ni Cristo sadi langit, saan a tapno idatonna nga ulit-uliten iti bagina a kas iti dayta.
\v 26 Ta no kasta, masapul a nagsagaba koma isuna ken naulit-ulit a nagsayasay iti darana manipud iti tiempo a pinarsua iti Dios ti lubong. Ngem ketdi, iti daytoy maud-udi nga al-aldaw, nagparang ni Cristo iti naminsan tapno babaen iti panangisakripisiona iti bagina, pakawanento iti Dios amin dagiti basbasoltayo, ken saannatayonton pulos a dusaen gapu ta nagbasoltayo.

\s5
\v 27 Masapul a maminsan laeng a matay dagiti amin a tattao, ket kalpasan dayta, ukomento ida iti Dios gapu kadagiti basbasolda.
\v 28 No pay kasta, idi natay ni Cristo, indaton isuna iti Dios iti naminsan a kas sakripisio, tapno dusaenna isuna imbes a dagiti adu a tattao a nagbasol. Umayto isuna ditoy daga iti kapamindua a daras, saan a tapno isakripisiona iti bagina manen para kadagiti nagbasol, ngem tapno isalakannatayo nga agur-uray kenkuana ken mangnamnama kenkuana nga umay.

\s5
\c 10
\p
\v 1 Saan a naan-anay a maipakita ti linteg dagiti naimbag a banbanag nga itedto kadatayo ti Dios. Ti linted ket kasla iti aniniwan iti maysa a banag. No agdaydayaw dagiti tattao iti Dios babaen iti panangisagutda iti agpapada a kita iti daton iti tinawen, pulos a saanda nga agbalin a naan-anay.
\v 2 No inikkaten ti Dios ti biddut dagiti agidatdaton, saandan a marikna a nagbiddutda. Isu a mabalin nga insardengdan ti agidaton kadagiti sagsagut!
\v 3 Ngem ti kinapudnona, iti panangisagutda kadagiti daton iti tinawen maipalpalagip kadakuada a sibabasolda.
\v 4 Isu nga ammotayo nga uray mangisaguttayo iti Dios kadagiti ayup kas kadagiti baka wenno kadagiti kalding, uray no makitana ti agayus a darada, saannanto a maikkat ti basbasoltayo.

\s5
\v 5 Isu't gapuna, nga idi umayen ni Cristo ditoy lubong, kinunana iti Amana, "Saan a dagiti daton wenno dagiti sagut iti tinarigagayam, ngem insaganaannak iti maysa a bagi tapno maisagut.
\v 6 Saanka a naay-ayo kadagiti napuoran nga ayup nga insagut kenka dagiti tattao, uray pay kadagiti dadduma a daton.
\v 7 Gapu iti daytoy kinunak, 'Diosko, denggem! immayak ditoy tapno tungpalek iti kayatmo nga aramidek para kenka, kas naisuratda ti maipanggep kaniak iti Nasantoan a Surat.' "

\s5
\v 8 Kinuna ni Cristo iti damo, "Saanmo a tinarigagayan dagiti daton wenno dagiti sagut ken dagiti ayup a pinupuoran dagiti papadi ken dagiti dadduma pay a sagut a mangikkat ti basol dagiti managbasol. Saanda a makaay-ayo kenka." Kinunana daytoy uray no naisagut dagitoy a banbanag segun kadagiti linteg nga inted ti Dios kenni Moises!
\v 9 Ket, maipapan iti panagisagutna iti bagina kas daton a mangikkat ti basol dagiti tattao, kinunana, "Denggem! immayak ditoy tapno tungpalen ti kayatmo nga aramidek!" Iti kasta, inikkat ni Cristo ti umuna a wagas a mangikkat ti basol, tapno mairugi ti maikaddua.
\v 10 Gapu ta inaramid ni Jesu-Cristo ti kayat ti Dios nga aramidenna, inyasidegnatayo ti Dios kenkuana. Napasamak daytoy idi naminpinsan nga insagut ni Jesu-Cristo ti bagina a kas daton, ti sagut a dinanto pulos kasapulan nga uliten.

\s5
\v 11 Kas tunggal padi nga inaldaw nga agtaktakder iti sangoanan ti altar, aga-aramid kadagiti ritwal ken mangisagsagut kadagiti isu met laeng a kita ti daton daytoy para kadagiti basbasol ti siasinoman.
\v 12 Ngem nangisagut ni Cristo iti daton nga agpaayto ti agnanayon, ket insagutna daytoy iti naminsan laeng! Kalpasan dayta, nagtugaw isuna nga agturay iti abay ti Dios idiay naraem a kangangatoan a disso.
\v 13 Manipud idi, ur-urayenna ti naan-anay a panangparmek ti Dios iti amin a kabusorna.
\v 14 Gapu iti panagisagutna ti bagina kas daton para iti basol, pinagbalinna a naan-anay iti agnanayon dagiti dinalusan ti Dios.

\s5
\v 15 Pinaneknekan met kadatayo iti Espiritu Santo a pudno daytoy. Umuna kinuna:
\v 16 "Kalpasan ti tiempo iti umuna a tulag nga inaramidko kadagiti tattao, mangaramidak iti baro a tulag. Aramidekto daytoy kadakuada: Ipakaawatkonto dagiti lintegko ken ipatungpalkonto kadakuada."

\s5
\v 17 Ket kinunana pay: "Pakawanekto ida kadagiti basolda, ket ibilangkonto nga inosenteda."
\v 18 No pinakawanen ti Dios ti basol iti maysa a tao, saanen a kasapulan dayta a tao ti mangisagut para iti basolna!

\s5
\v 19 Ngarud, padak a namati, gapu ta agtalektayo iti inaramid ni Jesus idi nagayus ti bukodna a dara para kadatayo, siwayawayatayo a mapan iti imatang ti Dios nga iladladawanna kas kasasantoan a lugar idiay nasagradoan a tolda.
\v 20 Impalubosna a makaasidegtayo iti imatangna babaen iti panangaramidna iti maysa a wagas a makapagbiagtayo iti agnanayon. Ti baro a dalan ket isu ni Jesus, a natay para kadatayo.
\v 21 Ni Cristo iti naindaklan a padi a mangidaulo kadatayo amin, datayo a tattao ti Dios.
\v 22 Isu nga umasidegtayo ngarud iti Dios iti napudno babaen iti natalged a panagtalek kenni Jesus. Isuna iti nangdalus kadagiti puspusotayo manipud iti kinamanagbasol. Idi inwarsina ti bukodna a dara kadagiti puspusotayo, ken idi dinalusanna dagiti bagitayo iti nalinis a danum.

\s5
\v 23 Masapul a natibkertayo a mangibagbaga iti pammatitayo. Agsipud ta napudno unay ti Dios a mangtungpal amin nga inkarina nga aramiden, masapul a sitatalgedtayo a mangnamnama a tungpalenna dagitoy a banbanag.
\v 24 Ken laglagipentayo no kasano a pabiligen ti tunggal maysa nga agi-innayat ken tapno agaramid kadagiti naimbag.
\v 25 Saantayo koma a liwayan ti aguurnong tapno agdaydayaw iti Apo, kas ar-aramiden iti dadduma a tattao. Ngem ketdi, ad-adda pay koma iti panagpipinnaregtatayo agsipud ta ammotayo nga asidegen ti tiempo nga iyaay ti Apo.

\s5
\v 26 No naawatantayon ket itultuloytayo pay laeng iti agbasbasol kalpasan ti pannakaammotayo iti kinapudno maipapan kenni Cristo, awanen ti uray ania a daton a makatulong kadatayo.
\v 27 Ngem ketdi, namnamaentayo ti nakaam-amak a panangukom ti Dios kadatayo, ket kalpasanna, dusaenanto amin a kabusorna iti gumilgil-ayab nga apuy.

\s5
\v 28 Matay nga awan asi ti siasinoman a manglaksid kadagiti linteg ti Dios nga intedna kenni Moises no adda dua wenno tallo a tattao a mangpaneknek maibusor kenkuana.
\v 29 Maysa dayta a nakaro a pannakadusa. Ngem ni Cristo ket Anak ti Dios, ken isu ket Dios. No adda manglaksid iti linteg nga inaramidna ken mangumsi iti dara a nagayus kenkuana—no laksiden dayta a tao ti dara a kasukat iti pammakawan kenkuana ti Dios—no laksiden dayta a tao iti Espiritu ti Dios, a naimbag kenkuana—ket dusaento isuna ti Dios iti nakaro unay.

\s5
\v 30 Masiguradotayo daytoy, agsipud ta ammotayo a kinuna ti Dios, "Aggapu kaniak ti kalintegan ken pannakabalin a mangted kadagiti tattao ti maiparbeng kadakuada babaen iti panagbasolda. Dusaekto ida kas maiparbeng kadakuada." Ken inusurat ni Moises, "Dusaento ti Apo dagiti tattaona."
\v 31 Nakaam-amakto no ti mannakabalin ken sibibiag a Dios ket isu iti mangkemmeg ken mangdusa kadakayo!

\s5
\v 32 Malagipyo idi un-una a tiempo idi damo a nalawlawagankayo iti kinapudno maipapan kenni Cristo. Nagibturkayo iti napalalo a rigat, ket bayat a nagsagabakayo, intultuloyyo ti nagtalek iti Dios.
\v 33 Idi tiempo a pinabpabainandakayo dagiti tattao iti publiko; uray pay idi tiempo a pinarparigatdakayo. Idi tiempo a nakipagsagsagabakayo kadagiti namati.
\v 34 Saankay laeng a nakipaganus kadagiti naibalud gapu ta namatida ken Cristo, ngem inawatyo daytoy a siraragsak uray idi innalada dagiti sanikuayo. Inawatyo daytoy ta pinatiyo kadagiti bagbagiyo nga adda iti sanikua nga agnanayon, sanikua a naim-imbag ngem kadagiti innalada kadakayo!

\s5
\v 35 Isu a saankayo a maup-upay no parigatendakayo, gapu ta no agtalinaedkayo a nga agtalek iti Dios, gungonaannakayto iti kasta unay.
\v 36 Masapul nga itultuloyyo iti agtalek kenkuana tapno iti kasta, gapu iti panangar-aramidyo kadagiti pagayatan ti Dios, itednanto kadakayo iti inkarina.
\v 37 Insurat iti maysa a profeta iti Nasantoan a Kasuratan ti Dios ti maipapan iti Mesias: "Iti mabiit ti maysa nga inkarik kadakayo ket sigurado nga umayto; saananto nga itantan ti iyaayna.

\s5
\v 38 Ngem dagiti adda kaniak, a nalinteg, ket agtultuloyto nga agbiag nga adda panagtalekna kaniak. No takrotda ket isardengda iti agtalek, saanak a maay-ayo kadakuada.
\v 39 Ngem saantayo a kas kadagiti takrot a tattao a pukawen ti Dios. Ngem ketdi, datayo ti agtaltalek kenkuana, isu't gapuna nga isalakannatayto iti agnanayon.

\s5
\c 11
\p
\v 1 Gapu ta agtalek dagiti tattao iti Dios isu nga awan dua-duada nga awatendanto dagiti banbanag a namnamaenda nga ited ti Dios kadakuada. Natalgedda pay a makitadanto dagitoy a mapasamak, uray no awan pay ti nakakita kadagitoy.
\v 2 Gapu ta nagtalek dagiti kapuonantayo iti Dios, inanamonganna ida.
\v 3 Gapu ta agtaltalektayo iti Dios, maawatantayo a binukel ti Dios iti lubong babaen iti panangbilinna a maadda daytoy. Isu a dagiti banbanag a makitkitayo ket saan a naaramid kadagiti banbanag nga addan.

\s5
\v 4 Gapu ta nagtalek iti Dios ni Abel nga anak ni Adan, indatonna ti nasaysayaat iti Dios ngem iti insagut ti inauna a kabsatna a ni Cain. Isu a nagsayaat ti imbaga ti Dios maipapan iti daton ni Abel, ken impablaakna pay a nalinteg ni Abel. Ken uray pay natayen ni Abel, maadaltayo latta kenkuana ti maipapan iti panagtalek iti Dios.

\s5
\v 5 Gapu ta namati iti Dios ni Enoc, innala isuna ti Dios idiay langit. Saan a natay ni Enoc, ngem awan ti makabiroken kenkuana. Sakbay nga innala isuna ti Dios, pinaneknekan ti Dios a naay-ayo isuna kenni Enoc.
\v 6 Ita, mabalin a paragsaken dagiti tattao iti Dios no laeng agtalekda kenkuana, gapu ta siasinoman a mangayat nga umay iti Dios ket masapul a mamati nga umuna nga adda ti Dios ken gungonnaanna dagiti mangpadas a mangammo kenkuana.

\s5
\v 7 Binallaagan ti Dios ni Noe a mangiyeg iti layus, ket namati ni Noe kenkuana. Pinadayawanna ti Dios babaen iti panangaramidna iti daong tapno isalakanna ti pamiliana. Iti kastoy a wagas, impakitana a maikari a dusaen ti Dios dagiti dadduma a tattao. Isu a nagbalin ni Noe a nalinteg a maipaay iti Dios gapu ta nagtalek ni Noe kenkuana.

\s5
\v 8 Inayaban ti Dios ni Abraham a mapan iti daga nga itedna kadagiti kaputotanna. Gapu ta nagtalek ni Abraham kenkuana, nagtulnog isuna iti Dios ket imbatina ti ilina, uray no saanna nga ammo ti papananna.
\v 9 Gapu ta nagtalek ni Abraham iti Dios, nagbiag isuna a kasla maysa a gangannaet iti daga nga inkari ti Dios kadagiti kaputotanna. Nagnaed ni Abraham kadagiti tolda ken ti anakna a ni Isaac ken ni Jacob nga apokona. Inkari ti Dios nga itedna ti isu met la a banbanag kenni Isaac ken ni Jacob a kas iti inkarina kenni Abraham.
\v 10 Inur-uray ni Abraham iti agnaed iti siudad a mismo a ti Dios ti nangpapintas ken nangpatakder.

\s5
\v 11 Gapu ta nagtalek ni Abraham nga ikkan isuna ti Dios iti pigsa, nabaelanna iti nagka-anak. Uray no limmabesen ti tiempo ti panagsikog ni Sara nga asawana, inkari ti Dios nga ikkanna isuna ti anak a lalaki, ket namati ni Abraham nga aramiden ti Dios dagiti inkarina.
\v 12 Isu nga uray no lakay unayen ni Abraham tapno maaddaan iti anak, manipud iti dayta a maysa a tao a timmaud dagiti tattao a kas iti bibituen iti tangatang ti kaaduna ken saan a mabilang a kas iti darat iti igid ti baybay. Kas iti inkari ti Dios kenkuana.

\s5
\v 13 Kabayatan ti panagtalekda latta iti Dios, natay amin dagitoy a tattao. Uray no saanda pay a naawat dagiti banbanag nga inkari ti Dios nga itedna kadakuada, kasda la nakita dagitoy a banbanag iti adayo, ket nagragsakda. Kasla inaklonda a saanda a taga-ditoy lubong, ngem addada laeng ditoy iti apag-apaman.
\v 14 No maipapan kadagiti tattao a mangibagbaga kadagitoy a banbanag, nalawag nga ipakpakitada a tartarigagayanda ti maysa a lugar nga agbalinto a pudpudno a nakaiyanakanda a daga.

\s5
\v 15 No ti daga a pinanawanda ti panpanunotenda, mabalinda latta koma nga agsubli sadiay.
\v 16 Ngem ketdi, tartarigagayanda ti nasaysayaat a lugar a pagnaedan. Tartarigagayanda iti pagnaedan idiay langit. Isu a nangisagana ti Dios iti siudad para kadakuada tapno makipagnaed ti Dios kadakuada, ken kaay-ayo ti Dios nga ibagada nga isuna ti Diosda.

\s5
\v 17 Gapu ta nagtalek ni Abraham iti Dios, nakasagana isuna a mangidaton iti anakna a ni Isaac idi sinuot isuna ti Dios. Ni Abraham a nangikarian ti Dios a pangtedanna iti anak a lalaki, ket idatonnan ti kakaisuna nga anakna a lalaki nga intedna kenkuana, ti kakaisuna nga anakna nga insikog ti bukodna nga asawa!
\v 18 Maipapan iti daytoy nga anak a lalaki nga imbaga ti Dios, "Manipud laeng kenni Isaac a maitan-okto ti pamiliam."
\v 19 Imbilang ni Abraham a tapno matungpal dayta a kari, biagen manen ti Dios ni Isaac uray no matay isuna kalpasan nga idaton isuna ni Abraham! Inawat ngarud manen ni Abraham kalpasan nga imbaga ti Dios a saanna a dangran ni Isaac, a kas la inawatna manen ni Isaac kalpasan a natay isuna.

\s5
\v 20 Gapu ta nagtalek ni Isaac iti Dios, ingkararagna a bendisionan ti Dios dagiti annakna a ni Jacob ken ni Esau sakbay a matay isuna.
\v 21 Gapu ta nagtalek ni Jacob iti Dios, idi matmatayen isuna, inkararagna a bendisionan ti Dios ti tunggal maysa nga annak a lalaki ti anakna a ni Jose. Nagrukbab isuna iti Dios a kas nakasadag isuna iti bastonna sakbay a natay.
\v 22 Gapu ta nagtalek ni Jose iti Dios, idi umadanin ti ipapatayna idiay Egipto, pinanunotnan uray no mabayag pay nga inton panawan dagiti Israelita ti Egipto, imbilinnan kadagiti tattaona nga alaenda dagiti tulangna inton pumanawda ti Egipto.

\s5
\v 23 Gapu ta nagtalek ti ama ken ina ni Moises iti Dios, inlemmengda ti anakda iti tallo a bulan kalpasan a naipasngay isuna, gapu ta nakitada a nalibnus ti ubing. Saanda a nagbuteng a nanglabsing iti imbilin ti ari ti Egipto, a masapul a matay amin dagiti ubbing a Judio.
\v 24 Tinaraken ti anak ti ari, nga aw-awaganda iti Faraon ni Moises ngem idi dummakel isunan, gapu ta nagtalek isuna iti Dios, pinagkedkedanna nga awaten ti nadayaw a gundaway a mabalin koma a matagikuana no ibilang isuna dagiti tattao a kas "anak ti babai nga anak ti Faraon."
\v 25 Inkeddengna a nasaysayaat a pagsagabaen isuna ti dadduma iti naunday a panawen a kaduana dagiti tattao ti Dios, ngem ti saan nga agpaut a panagragragsak nga agbibiag nga agbasbasol iti palasio ti ari.
\v 26 Inkeddengna a no agsagaba isuna gapu ken Cristo, daytoy ket ad-adda a maikari iti imatang ti Dios ngem iti mangtagikua iti kinabaknang iti Egipto a mabalin a maalana a kas maysa a paset ti pamilia ti Faraon. Ninamnamana nga addanto ti tiempo nga ited ti Dios kenkuana ti agnanayon a gunggona.

\s5
\v 27 Gapu ta nagtalek isuna iti Dios, imbatina ni Moises ti Egipto. Saan a nagbuteng uray no makaunget ti ari gapu ta pimmanaw isuna. Nagtultuloy isuna gapu ta agtultuloyna a makitkita ti Dios, nga awan ti makakita.
\v 28 Gapu ta mamati ni Moises nga isalakan ti Dios dagiti bukodna a tattao, nagtulnog isuna iti bilbilin ti Dios maipapan iti Ilalabas, a nagbalin a tinawen a piesta. Binilinna dagiti tattao a mangpartida kadagiti kordero sada iwarsi dagiti dara iti hamba ti ruanganda tapno saan a papatayen ti anghel dagiti inauna nga annakda a lallaki agraman dagiti inauna nga annak a lalaki iti tunggal pamilia dagiti taga-Egipto.

\s5
\v 29 Gapu ta nagtalek dagiti Israelita iti Dios idi dinaliasatda ti baybay dagiti Runo, a kasda la magmagna iti namaga a daga! Ngem nalmes dagiti soldado a taga- Egipto idi pinadasda a daliasaten ti baybay gapu ta nagsubli iti kasisigud ti baybay ket nanglimmes kadakuada!
\v 30 Gapu ta nagtalek dagiti tattao iti Dios, narba dagiti pader a nanglawlaw iti siudad ti Jerico kalpasan a nilawlaw dagiti Israelita ti pader iti pito nga aldaw.
\v 31 Maysa a balangkantis ni Rahab ngem gapu ta nagtalek isuna iti Dios, saan isuna a natay a kadua dagiti adda iti uneg ti Jerico a saan a nagtulnog iti Dios. Nangibaon ni Josue kadagiti espiya iti siudad tapno agbirukda iti wagas a panangdadael iti daytoy, ngem insalakan ti Dios ni Rahab gapu ta pinasangbayna a sikakapia dagitoy nga espiya.

\s5
\v 32 Saankon nga ammo ti rumbeng nga inayonko maipapan kadagiti dadduma pay a tattao a nagtalek iti Dios. Masapul iti adu a tiempo tapno ibagak ti maipapan kenni Gideon, Barak, Samson, Jefte, David, Samuel ken dagiti dadduma a profeta
\v 33 Gapu ta nagtalekda iti Dios, sumagmamano kadakuada ti nakaaramid iti naindaklan a banbanag para iti Dios. Sumagmamano kadakuada iti nangparmek iti dagdaga nga iturturayan dagiti mannakabalin a tattao. Sumagmamano kadakuada ti nangituray ti Israel ken nalinteg a nangidaulo kadagiti tattao ken kadagiti nasion. Sumagmamano kadakuada ti immawat kadagiti inkari Dios. Sumagmamano kadakuada ti nakapasardeng iti ngiwat dagiti leon.
\v 34 Sumagmamano kadakuada ti nakalibas manipud iti pannakauram iti apuy. Sumagmamano kadakuada ti nakalibas manipud kadagiti dadduma a tattao a mangpapatay kadakuada babaen iti kampilan. Sumagmamano kadakuada ti naagasan manipud iti sakit. Sumagmamano kadakuada ti nagbalin a maingel idi nakirangetda iti gubat. Sumagmamano kadakuada ti nangpapanaw kadagiti soldado a naggapu iti ganganaet a dagdaga.

\s5
\v 35 Naisubli manen kadagiti sumagmamano a babbai dagiti kakabagianda kalpasan a pinagungar ida ti Dios iti pannakatayda. Ngem naparparigat dagiti dadduma a nagtalek iti Dios agingga a napapatayda. Naparparigatda gapu ta saanda a nakianamong idi ibaga dagiti kabusorda, "Palubosandaka no ilibakmo a namatika iti Dios." Saanda a kinayat nga aramiden dayta, gapu ta kayatda ti makipagnaed iti Dios iti agnanayon, a nasaysayaat ngem ti agtultuloy a panagbiag ditoy lubong.
\v 36 Nalalais dagiti dadduma a nagtalek iti Dios. Sumagmamano kadakuada ti nasapsaplit a nagnganga dagiti sugat iti likodda. Sumagmamano kadakuada ti naikawar ken naibalud.
\v 37 Sumagmamano kadagitoy a namati ti nabatbato agingga a natayda. Napagkadua dagiti dadduma babaen iti ragadi. Napapatay dagiti dadduma babaen kadagiti kampilan. Nagalla-alla iti aglawlaw dagiti dadduma a nagtalek iti Dios a nakakawesda iti bado a naaramid iti kudil ti karnero ken kalding. Awan a pulos ti kuartada. Dakes dagiti tattao Kankanayon a parigaten ken dangran ida dagiti tattao.
\v 38 Dakes dagiti tattao iti lubong a nangpasagaba kadagiti nagtalek iti Dios a sanda a maikari nga agbiag a kadua dagitoy a tattao a kas kadagiti nagtalek iti Dios. Nagalla-alla dagiti sumagmamano kadagiti nagtalek iti Dios kadagiti kueba ken iti sabali a dadakkel nga ab-abut iti daga.

\s5
\v 39 Uray no inanamongan ti Dios amin dagitoy a tattao gapu ta nagtalekda kenkuana, saan nga inted ti Dios kadakuada ti inkarina kadakuada.
\v 40 Ammo ti Dios idi pay laeng ti masapul nga itedna kadatayo ken kadakuada iti kamaudiananna, ket nasaysayaat ngem ti panangitedna a dagus kadagiti inkarina. Ti pangpanggepen ti Dios ket agkakaduatayo a maaddaan amin kadagiti pangpangepenna a maadda kadatayo.

\s5
\c 12
\p
\v 1 Ammotayo ti maipanggep kadagiti adu a tattao a kas kadagitoy a nangpaneknek a nagtalekda iti Dios. Isu a masapul met ngarud nga iwaksitayo dagiti amin a banbanag a manglaplapped kadatayo. Nangnangruna nga isardengtayo ti agaramid kadagiti aniaman a banag a mangpasubli kadatayo, kas iti tumataray a mangikkat kadagiti kawesna. Anusantayo ngarud nga aramiden dagiti amin a banbanag nga ipapaaramid ti Dios kadatayo agingga a maturpostayo ti pagleppasan.
\v 2 Ken itultuloytayo a panunoten ti maipapan kenni Jesus, a kas maysa a tumataray a nakaturong laeng dagiti matana iti pagleppasan. Isuna ti pagtalkantayo gapu ta inibturanna ti nakaro a panagrigrigat idiay krus ken saanna nga inkaskaso dagiti tattao a nangibabain kenkuana. Inaramidna daytoy gapu ta ammona no kasano a maparagsak unay daytoy dagiti dadduma. Agtugtugaw isuna ita idiay lugar iti kangatoan a dayaw iti abay ti trono a pagturturayan ti Dios idiay langit.
\v 3 Siaanus nga inibturan ni Jesus daytoy idi ginura isuna dagiti managbasol a tattao. Papigsaenyo dagiti puso ken pakinakemyo babaen kadagiti pagtuladan nga inaramid ni Jesus tapno saankayo a sumardeng nga agtalek iti Dios wenno maupay.

\s5
\v 4 Kabayatan a nakigubalkayo maibusor iti panangaramid iti basol, saankayo pay a napadaraan ken natay gapu iti panagkedkedyo iti dakes, a kas iti inaramid ni Jesus.
\v 5 Saanyo a liplipatan dagitoy a sasao nga insao ni Solomon iti anakna, nga agpada iti panangpabileg ti Dios kadakayo a kas annakna: "Anakko, agdingngegka no disdisiplinaannaka ti Apo, ken saanka a maupay no dusaennaka ti Apo,
\v 6 gapu ta disdisiplinaan met ti Apo dagiti amin nga ay-ayatenna, ken nainget nga isursurona dagiti amin nga aw-awaganna a kukuana."

\s5
\v 7 Mabalin a disiplinaannakayo ti Dios babaen ti panangibilinna nga ibturanyo dagiti naririgat a banbanag a mapasamak kadakayo. No disdisiplinaannakayo ti Dios, tratratoennakayo a kas iti panangtrato ti ama kadagiti annakna. Disdisiplinaan dagiti amin nga amma dagiti annakda.
\v 8 Isu a no saanyo a napadasan ti panangdisdisiplina ti Dios a kas iti panangdisiplinana kadagiti amin nga annakna, saankayo a pudno nga annak ti Dios. Maiyarigkayo kadagiti bastardo nga annak nga awanan iti ama a mangisuro kadakuada.

\s5
\v 9 Maysa pay, dinisiplinaannatayo dagiti gagangay nga ammatayo idi ubbingtayo, ken rinaemtayo ida iti panangaramidda iti dayta. Isu a pudno a rumbeng a sisasaganatayo a mangawat iti Dios, ti naespirituan nga Amatayo a mangdisdisiplina kadatayo tapno agbiagtayo iti agnanayon!
\v 10 Dinisiplinaanatayo dagiti gagangay nga ammatayo iti apagbiit a tiempo kas imbilangda nga usto, ngem kankanayon a disdisiplinaannatayo ti Dios tapno tulongannatayo a makibingay iti nasantoan a kababalinna.
\v 11 Kabayatan ti tiempo a disdisiplinaannatayo ti Dios, saan daytoy a kasla ti aniaman a banag a mabalin a pagragsakantayo. Ngem ketdi, saktannatayo. Ngem pagbiagennanto a nalinteg dagiti nakasuro iti daytoy, a mangmangted ti kappia kadatayo.

\s5
\v 12 Isu nga imbes nga agtignaykayo a kasla nabannog ti espirituyo, agtalekkayo iti panangdisiplina ti Dios a mangpabaro kadakayo.
\v 13 Ituloyyo ti sumurot kenni Cristo tapno pumigsa dagiti namati a nakapuy ti panagtalekda kenni Cristo babaen kadakayo ken saanda a panawan ti dalan ti Dios. Ngem ketdi, mapabaro ti espirituda a kas maysa a nasaktan ken pumigsa dagiti nabannog a sakada.

\s5
\v 14 Padasenyo ti makipagbiag a sitatalna kadagiti tattao. Aramidenyo ti kabaelanyo nga agbalin a nasantoan, agsipud ta awan ti makakita iti Apo no saan a nasantoan isuna.
\v 15 Agannadkayo tapno awan ti agsardeng kadakayo nga agtalek iti Dios, a nangaramid kadagiti naimbag a banbanag kadatayo, a saan a maikari kadatayo. Agsaganakayo tapno awan ti siasinoman kadakayo ti agtignay iti dakes a wagas kadagiti dadduma, gapu ta dumakkel dayta a kas iti ramot a dumakkel iti dakkel a mula, a mangiturong iti adu a namati iti basol.
\v 16 Saanyo nga itulok ti siasinoman nga agbalin a dakes wenno aglabsing iti Dios a kas kenni Esau. Insukatna ti karbenganna a kas inauna nga anak iti maysa laeng a pannangan.
\v 17 Kalpasanna, kayat ni Esau a sublien ti karbenganna a kas inauna nga anak ken dagiti amin a maited kenkuana ti bendision ti amana a ni Isaac. Ngem nagkedked ni Isaac nga aramiden ti kiniddaw ni Esau. Isu nga awan ti maaramidan ni Esau tapno masublina ti karbenganna a kas inauna nga anak ken dagiti bendissionna, uray pay no silulua isuna a nangpadas.

\s5
\v 18 Iti iya-asideg iti Dios, saanyo a napadas dagiti banbanag a kas iti napadasan dagiti tattao iti Israel idiay Bantay Sinai. Napanda iti bantay nga imbilin ti Dios kadakuada a saanda a sagiden gapu ta bimmaba isuna iti dayta a bantay. Inasetganda ti gumilgil-ayab nga apuy, ken nakalidlidem ken nakasipsipnget daytoy, nga addaan iti naranggas a bagyo.
\v 19 Nakangngegda iti uni ti tangguyob, ken nangngegda a nagmensahe ti Dios. Nabileg unay daytoy nga uray la nagpakpakaasida kenkuana a saanen isuna nga agsao manen kadakuada iti kasta.
\v 20 Ta binilin ida ti Dios, "No sagiden ti tao wenno uray pay ti ayup daytoy a bantay, masapul a patayenyo isuna." Nagbuteng dagiti tattao.
\v 21 Pudno, gapu ta nagbuteng ni Moises kalpasan a nakitana ti napasamak idiay bantay, kinunana, "Agtigtigergerak gapu ta kasta unay ti butengko!"

\s5
\v 22 Ngem ketdi, immaykayo iti presensya ti Dios a pudno nga agnanaed idiay langit, iti "Baro a Jerusalem." Kas iti inaramid dagiti kapuonanyo idi napanda idiay Bantay Zion ti Israel tapno agrukbabda iti Dios, nga isu ti nakaaramidan ti nainlubongan a Jerusalem. Immaykayo iti ayan dagiti saan a mabilang nga anghel nga agragrag-o a kas aguurnongda.
\v 23 Nakitiponkayo iti pagtitiponan dagiti amin a namati nga addaan iti gundaway a kas inauna nga annak, nga insurat ti Dios dagiti naganda idiay langit. Immaykayo iti Dios, nga isu ti mangukom iti amin. Immaykayo iti ayan dagiti espiritu dagiti tattao ti Dios, dagiti tattao a nagbiag a sililinteg sakbay a natayda, ken inaramid ida ita ti Dios a naan-anay idiay langit.
\v 24 Immaykayo kenni Jesus, a nangurnos iti baro a tulag iti nagbaetantayo ken iti Dios babaen iti dara a nagayus idi natay isuna idiay krus. Pinagbalin ti dara ni Jesus a mabalin a pakawanennatayo ti Dios, ken nasaysayaat ti darana ngem ti dara ni Abel.

\s5
\v 25 Agannadkayo ta saankayo nga agkedked a dumngeg iti Dios nga agsasao kadakayo. Saan a nakalibas dagiti tattao ti Israel idi dusdusaen ida ti Dios idi binallaagan ida ni Moises ditoy daga. Isu nga awan duadua a saantayo a makalibas no dusaennatayo ti Dios no ilaksidtayo isuna no balballaagannatayo manipud langit!
\v 26 Nagunggon ti daga idi nagsao isuna idiay Bantay Sinai. Ngem inkarina ita, "Gunggonekto manen ti daga iti maminsan pay, ken gunggonekto met dagiti langit."

\s5
\v 27 Dagiti sasao a "manen, maminsan pay, ket ipakpakitana nga ikkaten ti Dios dagiti banbanag nga adda iti daga a gunggonenna, dagiti amin a banbanag a pinarsuana. Aramidenna daytoy tapno agtalinaed iti agnanayon dagiti banbanag idiay langit a saan a magunggon.
\v 28 Isu nga agyamantayo iti Dios ta agbalbalintayo a kameng iti pagarian nga awan ti makagunggon. Dayawentayo ti Dios babaen iti kasta unay a panagyaman kenkuana ken babaen iti kasta unay a panagraem iti nabileg a pannakabalin ken ayatna.
\v 29 Laglagipenyo a ti Dios a pagrukrukbabantayo ket kasla apuy a mangrunot ti amin a banbanag a narugit!

\s5
\c 13
\p
\v 1 Ituloyyo nga ayaten dagiti padayo a namati.
\v 2 Saanyo a lipatan iti managsangaili kadagiti agkasapulan nga agdaldaliasat. Babaen ti panangay-aywan kadagiti ganganaet, nangpasangbay dagiti dadduma kadakayo kadagiti anghel a saanda a naam-ammoan.

\s5
\v 3 Lagipenyo a tulongan dagiti adda iti pagbaludan gapu ta namatida, kas addakayo met idiay pagbaludan a kaduada ken agsagsagaba ti pisikal a kas ar-aramidenda.
\v 4 Masapul a raemen dagiti lallaki ken babbai a nagasawa iti tunggal maysa, ken masapul a napudnoda iti tunggal maysa. Dusaento ti Dios dagiti agaramid ti kinaderrep wenno pannakikamalala.

\s5
\v 5 Agbiagkayo nga awan iti panagkalkalikagum iti kuarta, ken mapnekkayo kadagiti banbanag nga adda kadakayo. Lagipenyo iti insurat ni Moises nga imbaga ti Dios: "Saankayto a pulos a panawan; Saanakto pulos nga agsardeng a mangipaspasabet kadakayo."
\v 6 Isu a maibagatayo a sitatalged a kas imbaga iti Salmista, "Agsipud ta ti Apo ti tumulong kaniak, saanakto a mabuteng! Awan ti maaramidan dagiti tattao kaniak a manglapped ti panangtultulong ti Dios kaniak."

\s5
\v 7 Imbaga kadakayo dagiti naespirituan a papanguloyo ti mensahe maipanggep kenni Cristo. Lagipenyo no kasanoda a nagbiag ken tuladen no kasanoda a nagtalek kenni Cristo.
\v 8 Isu met laeng ni Jesu- Cristo ita, isuna met laeng idi ken isunto met laeng iti agnanayon.

\s5
\v 9 Isu a saanyo nga ipalubos nga allukoyendakayo dagiti sabali a tattao a mamati kadagiti dadduma a banbanag maipanggep iti Dios, dagiti karkarna a banbanag a saanyo a naadal kadakami. Kas pangarigan, saanyo nga itulok iti uray ania a pagtulnogennakayo kadagiti agduduma a pagannurotan maipanggep no ania iti kanen ken saan a kanen. Saan a makatulong daytoy a pagannurotan kadatayo.
\v 10 Awan ti karbengan dagiti agserserbi ti nasantoan nga altar a mangan iti nasantoan nga altar a pagdaydayawantayo kenni Cristo.
\v 11 Kalpasan nga ipan ti kangatoan a padi iti dara dagiti ayup idiay nasantoan unay a lugar nga indatonda a maipaay kadagiti basbasol, puoran dagiti dadduma a tattao dagiti bagi dagitoy nga ayup iti ruar ti kampo.

\s5
\v 12 Kasta met, nagsagaba ken natay ni Jesus iti ruar ti ruangan iti Jerusalem tapno pagbalinennatayo, a tattaona, a naisangsangayan para iti Dios. Inaramidna daytoy babaen iti panangidatdatonna iti bukodna a dara kas daton para kadagiti basbasoltayo.
\v 13 Isu a masapul a mapantayo kenni Jesus tapno maisalakan; masapul nga ipalubostayo a laisendatayo dagiti sabali kas ti pananglais dagiti tattao kenkuana.
\v 14 Ditoy rabaw ti daga, awan ti siudadtayo a namati kas iti Jerusalem. Ngem ketdi, ur-urayentayo iti nainlangitan a siudad nga agpaut ti agnanayon.

\s5
\v 15 Gapu ta natay ni Jesus para kadatayo, masapul nga itultuloytayo a dayawen ti Dios aniaman a banag ti mapasamak. Daytanto ti maysa a banag a mabalintayo a maidaton kenkuana imbes nga ay-ayup. Masapul a nakasaganatayo a mangibaga kadagiti sabali nga agtalektayo kenni Cristo.
\v 16 Kankayanon nga agar-aramid kadagiti naimbag nga ar-aramid para kadagiti sabali ken panangibingbingay kadagiti banbanag nga adda kadakayo, ta gapu iti panangar-aramid kadagiti banbanag a kas iti dayta, ket kasla agidatdatonkayo kadagiti datdaton a makaay-ayo iti Dios.
\v 17 Agtulnogkayo kadagiti mangidadaulo kadakayo ken aramidenyo iti ibagada kadakayo, agsipud ta isuda ti mangbanbantay iti pagimbaganyo. Dumtengto ti panawen a tumakderdanto iti sangoanan iti Dios tapno maibagana no anamonganna iti naaramidanda. Agtulnogkayo kadakuada tapno maaramidda dagiti trabaho a panangbanbantay kadakayo a sirarag-o ken saanda nga aramiden a silaladingit, gapu ta no sika ti makagapu nga aramidenda daytoy a silaladingit, saan a pulos a makatulong dayta kenka.

\s5
\v 18 Ikararagandakami. Awan dua-duak nga awan ti uray ania nga inaramidko a saan a makaay-ayo iti Dios. Pinadasko iti agtignay anasayaat iti tunggal wagas kadakayo.
\v 19 Guyugoyenkayo a sipapasnek nga agkararag tapno dagus nga ikkaten ti Dios dagiti banbanag a manglapped iti iyuumayko kadakayo.

\s5
\v 20 Mangipaay ni Jesus para kadatayo, mangsalaknib kadatayo, ken mangidalan kadatayo kas ar-aramiden iti pastor kadagiti karnerona. Ken iti Dios, a mangted iti kapia kadatayo, a nangpagungar ken Apo Jesus manipud iti patay. Babaen iti panangaramidna iti dayta, pinatalgedan ti Dios iti agnanayon a tulagna kadatayo babaen iti dara a nagayus manipud kenni Cristo idi natay isuna idiay krus.
\v 21 Isu a kararagko nga isagananakayo koma iti Dios iti amin a banag a nasayaat tapno maaramidanyo koma iti pagayatanna. Maaramidna koma kadatayo iti makaay-ayo kenkuana, kas buyaennatayo a sumurot ken Jesus, a nangipaay ti bagina para kadatayo. Dayawen koma iti amin a tattao ni Jesu- Cristo iti agnanayon. Amen!

\s5
\v 22 Padak a namati, agsipud ta ababa daytoy a surat nga insuratko kadakayo, dawatek kadakayo a siaanusyo nga ibilang a mangpabileg kadakayo iti insuratko.
\v 23 Kayatko a maammoanyo a nawayawayaanen ti padatayo a namati a ni Timoteo manipud ti pagbaludan. No umay isuna iti mabiit ditoy, kaduaannakto no umaykayo kitaen.

\s5
\v 24 Ibagayo a kablaawak dagiti amin a naespirituan a papanguloyo ken amin dagiti dadduma a padayo a namati a kukua iti Dios iti siudadyo. Kablaawandakayo met dagiti namati iti daytoy a lugar nga immay manipud Italia.
\v 25 Agtultuloy koma ti Dios a mangayat ken mangsalaknib kadakayo babaen iti kinaimbagna.