ilo_udb/56-2TI.usfm

\id 2TI
\ide UTF-8
\h Maika-dua a Timoteo
\toc1 Maika-dua a Timoteo
\toc2 Maika-dua a Timoteo
\toc3 2ti
\mt Maika-dua a Timoteo

\s5
\c 1
\p
\v 1 Siak ni Pablo, agsursuratak kenni Timoteo. Imbaonnak ni Cristo Jesus a kas maysa nga apostol a mangibaga iti tunggal maysa a no nakipagkaykaysada kenkuana, ikarkari ti Dios nga agbiagda ita ken iti agnanayon.
\v 2 Timoteo, ay-ayatenka a kas bukodko nga anak: Sapay koma ta ti Dios nga Amatayo ken ni Cristo Jesus nga Apotayo ket agtignay a siiimbag ken siaasi ken sikakapia kenka.

\s5
\v 3 Agyamanak iti Dios ken agserbi-ak kenkuana gapu ta pudno a kayatko nga aramiden dagiti pagayatanna, a kas iti inaramid dagiti kapuonak. Kankanayonka a laglagipen nga ikarkararagan Timoteo, iti rabii ken aldaw.
\v 4 Kayatko la unay a makitaka gapu ta malaglagipko no kasano ti pinagsangitmo gapu kaniak. No makitaka manen, agragsakak iti napalalo.
\v 5 Malaglagipko a pudno a namatika kenni Jesus! Immuna, ni apongmo a Loida, ken ni inangmo nga Eunice, intalekda ti biagda kenni Jesu-Cristo, ken awan duaduak a nagtalekka met kenni Jesu-Cristo a kas iti inaramidda!

\s5
\v 6 Gapu ta agtaltalekka kenni Jesus, ipalagipko kenka nga irugim nga usaren manen ti sagut ti Dios nga intedna idi imparabawko dagiti imak kenka ken inkararaganka.
\v 7 Idi immay ti Espiritu ti Dios kadatayo, saannatayo a pinagbuteng; ngem ketdi, innikannatayo iti kabaelan nga agtulnog iti Dios, nga ayaten isuna ken dagiti dadduma a tattao, ken mangtengngel kadagiti bagbagitayo.

\s5
\v 8 Isu a saanmo a panunoten a pakaibabainam no ibagam iti dadduma ti maipanggep kenni Apotayo a Jesus. Ken saanmo a panunoten a pakaibabainam no gayyemnak, gapu ta addaak iti pagbaludan gapu ta nagtalekak kenni Jesus. Ngem ketdi, situtulokka nga agsaba iti rigat iti panangibagam kadagiti sabali iti maipanggep iti naimbag a damag. Ikkanaka ti Dios tapno mabaelam a malasatan iti amin a kinarigat.
\v 9 Aramidenna daytoy gapu ta insalakannatayo ken inayabannatayo nga agbalin a tattaona. Saannatayo nga insalakan ti Dios gapu kadagiti nasayaat nga aramid nga inaramidtayo; ngem ketdi, insalakannatayo gapu ta pinanggepna nga ited kadatayo daytoy a sagut! Pinalubosan ti Dios ni Jesus a Mesias a maiyallatiw daytoy a sagut kadatayo, uray pay idi sakbay a nangrugi ti lubong.
\v 10 Ita, makita ti tunggal maysa a maisalakan ida ti Dios, gapu ta ti Mangisalakantayo a ti Mesias a ni Jesus ket immay ken dinadaelna ti patay ket impakitana iti tunggal maysa ti Ebanghelio, ti kinapudno nga isuna ti makaigapu a dagiti tattao ket agbiag iti agnanayon.
\v 11 Daytoy ti makagapu nga inkeddeng ti Dios nga ibaonnak tapno agbalin nga apostol, mangaskasaba, ken manursuro.

\s5
\v 12 Kadagitoy a trabaho ket nagsagabaak, ngem saanak a mabain, gapu ta ammok ken nagtalekak kenni Jesu-Cristo, ken awan duaduak a kabaelanna a salakniban ti pammatik kenkuana angingga iti maudi nga aldaw.
\v 13 Ket iti panagtalekmo kenni Jesu-Cristo ken iti panangayatmo kenkuana, surotem ti kaipapanan dagiti pudno a sao, a nangngegam kaniak.
\v 14 Mangnamnama ti Dios kenka, nga ikasabam ti nasayaat a mensahe nga intedna kenka. Salluadam dayta a mensahe babaen ti panagtalekmo iti Espiritu Santo nga agnanaed kadatayo.

\s5
\v 15 Ammom a dandani amin dagiti namati idiay Asia ket tinalikodandak, a pakairamanan da Figelo ken Hermogenes.
\v 16 Ngem ikarkararagko a ti Apo ket naasi koma iti pamilia ni Onesiforo. Masansan a tultulongannak, ken saan a mabain nga addaak iti pagbaludan.
\v 17 Kasta met nga idi immay isuna ditoy Roma, saan isuna a nagsardeng a nangbirok kaniak inngana a nabirokannak.
\v 18 Sapay koma ta kaasian ti Apo ni Onesiforo iti maudi nga aldaw. Ammom amin dagiti wagas a panangtulongna kaniak idiay Efeso.

\s5
\c 2
\p
\v 1 Ibilbilangka nga anakko. Isu nga ipagpaganetgetko met kenka nga ipalubosmo a pabiligennaka ti Dios a kas bunga ti kinaimbag ni Jesu-Cristo kenka.
\v 2 Bilinem ken talkm dagiti napudno a lallaki nga isuroda dagiti banbanag a nangngegam manipud kaniak ken manipud kadagiti adu a dadduma pay a nangipaneknek met iti isu met laeng kadagiti dadduma.

\s5
\v 3 Ibturam, a kas kaniak, ti sagsagabaentayo gapu kenni Cristo Jesus, a kas iti nasayaat a suldado nga agib-ibtur iti panagsagsagabana.
\v 4 Ammom a saan a makibibiang dagiti suldado iti aramid dagiti sibilian, tapno maay-ayoda ti kapitanda.
\v 5 Kasta met a dagiti atleta a makisalsalisal ket saan nga agballigi malaksid no agtulnogda kadagiti pagannurotan.

\s5
\v 6 Ken rumbeng a ti nagaget a mannalon ket umuna a mangawat iti bingayna manipud kadagiti apit.
\v 7 Amirisem dagiti kaisursuratko, gapu ta no aramidem dayta, ikkannaka ti Dios iti kabaelan a mangawat iti tunggal banag a kasapulan a maawatam.

\s5
\v 8 Iti panagsagsagabam kadagiti rigrigat, lag-lagipem ni Jesu-Cristo, a kaputotan ni Ari David. Pinagungar isuna ti Dios manipud iti patay, a kas ikaskasabak met iti mensahe ti ebanghelio.
\v 9 Gapu iti daytoy nga ebanghelio nga agsagabaak ket urayakla naibalud a kas maysa a kriminal. Ngem saan a naibalud ti sao ti Dios.
\v 10 Sipapalubosak ngarud a mangibtur iti amin a sagsagabaek gapu kadagiti pinili ti Dios. Ar-aramidek daytoy tapno isalakan met ida ni Cristo Jesus, ket makaduadanto isuna iti agnanayon iti nadayag a disso nga ayanna.

\s5
\v 11 Mapagtalkam dagiti sasao a no dadduma ket ibagbagatayo a: "No nataytayo a kadua ni Jesus, makipagbiagtayto met kenkuana.
\v 12 No agibturtayo, makipagturaytayonto met kenkuana. Ngem no ilibaktayo isuna, ilibaknatayto met.
\v 13 No saantayo a napudno kenni Jesus, agnanayonto latta a napudno isuna kadatayo; ta dina mailibak ti bagina."

\s5
\v 14 Kadagiti dinutokam a mangisuro kadagiti dadduma iti kinapudno maipanggep iti Dios, kanayonmo ida a palagipan maipapan kadagitoy a banbanag a naibagak kenka. Ballaagam ida iti sangoanan ti Dios a saanda nga agaapa maipanggep kadagiti minamaag a sasao, gapu ta awan ti maipaayna nga aniaman a pagsayaatan ket mabalin a perdien dagiti agdengdengngeg.
\v 15 Aramidem iti amin a kabaelam tapno anamongannaka ti Dios a kas mangmangged a saan a masapul a mabain, a mangisursuro ti pudno a Sao ti Dios.

\s5
\v 16 Adaywam dagiti tattao a manglais iti Dios iti panagsasaoda, gapu ta ad-adda a saan a maidayaw ti Dios iti kastoy a kita ti panagsarsarita.
\v 17 Dagitoy a kita ti sasao ket agwaras a kasla sakit a makaakar. Dagiti dua a da Himeneo ken Fileto ket lallaki nga agsasao iti kastoy.
\v 18 Insardengen dagitoy a lallaki ti mamati. Ibagbagada a ti panagungar dagiti natay ket napasamaken. Iti kastoy a wagas, al-allukoyenda dagiti dadduma a Kristiano nga agsardeng nga agtalek kenni Cristo.

\s5
\v 19 Nupay kasta, ti kinapudno maipapan iti Dios ket adda latta. Maiyarig daytoy iti natibker a pundasion ti maysa a pasdek, a nakaisuratan dagitoy a sasao: "Ammo ti Apo dagiti kukuana," ken "Siasinoman nga agkuna a kukua isuna ti Dios ket masapul nga agsardeng nga agaramid kadagiti dakes nga aramid."
\v 20 Iti balay ti nabaknang a tao, saan laeng nga naaramid iti balitok ken pirak dagiti alikamen, ngem ketdi, adda met dagiti naaramid iti kayo ken pitak. Dagiti balitok ken pirak nga alikamen ket maaramat laeng kadagiti naisangsangayan nga okasion. Ngem ti alikamen a kayo ken pitak ket maaramat iti gagangay a tiempo.
\v 21 Ngarud, dagidiay mangisardeng iti panagaramid iti dakes ket makapagserbida a nasayaat iti Apo. Maiyarigda kadagiti alikamen a nakasagana a maaramat iti amin a kita ti naimbag nga aramid. Maaramat ida a naan-anay ti Apoda a mangaramid iti naisangsangayan a trabaho para kenkuana, iti kinapudnona, tunggal naimbag nga aramid.

\s5
\v 22 Dimo tarigagayan dagiti banbanag a pakabasolan a masansan a tartarigagayan dagiti agtutubo. Ngem ketdi, ikagumaam nga aramiden dagiti umno a banbanag. Ikagumaam ti agtalek iti Dios ken ayatem isuna. Ikagumaam ti agbiag a natalna. Makikaduaka kadagiti tattao a naimpusoan nga agdaydayaw iti Apo.
\v 23 Saanka a makisarita kadagiti maag a pagaayatda ti makirikiar iti maipapan kadagiti banbanag nga awan kaes-eskanna. Dika makisarita kadakuada, gapu ta ammom nga no agsasao dagiti tattao kadagiti minamaag a banbanag, mangrugida nga agaapa.

\s5
\v 24 Ngem dagidiay agserserbi iti Apo, rumbeng a saan a makiapa. Ngem ketdi, naasida koma kadagiti amin a tattao, masapul a kabaelanda ti mangisuro iti nasayaat maipapan iti kinapudno maipanggep iti Dios, ken masapul nga naanusda kadagiti tattao.
\v 25 Dayta ket, masapul a naannadda a mangpatigmaan kadagiti tattao a makisinnungbat a maibusor kadakuada. Nalabit nga ikkan ida ti Dios iti gundaway nga agbabawi ken mangammo iti kinapudno.
\v 26 Iti kasta a wagas, makapagpanunotda iti nasayaat ket agbalinda a kas kadagiti tattao a nakalisi iti palab-og nga impakat ti diablo. Ti diablo ti nangallilaw kadakuada tapno iti kasta aramidenda no ania ti kayatna nga ipaaramid kadakuada.

\s5
\c 3
\p
\v 1 Kayatko a maamoam daytoy: a napeggadto la unay kadagiti maud-udi a tiempo sakbay ti panagsubli ti Apo.
\v 2 Ayatento dagiti tattao dagiti bagbagida iti nalablabes pay ngem iti siasinoman. Ayatendanto ti kuarta. Ipalastogdanto ti maipapan kadagiti bagida. Napannakkeldanto. Laisendanto dagiti dadduma a tao. Saandanto nga agtulnog kadagiti nagannakda. Saandanto nga agyaman iti siasinoman gapu iti aniaman a banag. Saandanto a dayawen ti Dios.
\v 3 Saandanto nga ayaten uray pay ti bukodda a pamilia. Saandanto a kayat ti makikapia iti siasinoman. Padaksandanto dagiti dadduma a tattao. Saandanto a tenglen dagiti bagida. Naranggasdanto kadagiti dadduma a tao. Saandanto nga ayaten no ania ti nasayaat.
\v 4 Liputandanto dagiti tattao a rumbeng a salaknibanda koma. Agaramiddanto kadagiti napepeggad a banbanag a saanda a pinanunot no nasayaat. Napannakkeldanto, ken aramidendanto no ania dagiti makaay-ayo kadakuada imbes ketdi nga ayatenda ti Dios.

\s5
\v 5 Kasla nga agraraemdanto iti Dios, ngem saandanto a kayat nga awaten ti pannakabalin a kayat ti Dios nga ited kadakuada. Adaywam dagiti tattao a kastoy.
\v 6 Allukoyen dagitoy a lallaki dagiti maag a babbai tapno paserrekenda ida kadagiti babbalayda. Ket allillawenda dagidiay a babbai tapno matengngelda no ania ti panpanunotenda. Kanayon nga agbasbasol dagitoy a babbai, isu a surotenda dagitoy a dakes a lallaki iti panangaramid kadagiti amin a kita ti saan a nasayaat a banbanag a ragragsakenda nga aramiden.
\v 7 Uray no kayat dagitoy a babbai ti kanayon a makaadal kadagiti baro a banbanag, pulos a saanda a maammoan no ania ti pudno.

\s5
\v 8 Iti isu met laeng a wagas a panangpadas da Janes ken Jambres a mangpasardeng kenni Moises, kasta met itatta a padpadasen dagitoy a lallaki a pasardengen dagiti tattao nga agtulnog iti kinapudno. Nadadael ti panagpanpanunot dagitoy a lallaki. Ulbodda no maipapan iti pammati.
\v 9 Nupay kasta, saandanto unay nga agballigi iti ar-aramidenda, gapu ta nalawag a makitanto ti kaadduan a dagitoy a tattao ket awan a pulos ti maawatanda. Daytoy ket kasla iti pannakakita dagiti tattao iti Israel iti kinamaag da Jannes ken ni Jambres.

\s5
\v 10 Timoteo, sinurotmo no ania ti insurok kenka. Nakitam ti panagbiagko. Nakitam no kasano a kayatko ti agserbi iti Dios. Nakitam no kasano iti panagtalekko kenkuana. Nakitam no kasano nga addaanak iti talna uray no agsagsagabaak. Nakitam no kasano ti panagayatko iti Dios ken kadagiti namati. Nakitam no kasano ti panagtultuloyko nga agserbi iti Dios uray iti tiyempo nga narigat unay nga aramiden daytoy.
\v 11 Nakitam no kasano ti panangidadanes dagiti tattao kaniak. Nakitam ti tunggal wagas a panagsagabak idi addaak idiay Antiokia, Iconio, ken Listra. Nagsagabaak iti kasta unay kadagidiay a luglugar, ngem inlapsutnak ti Dios manipud kadagita a panagsagsagaba.
\v 12 Pudno unay, pagsagabaendanto iti tunggal maysa nga agbiag iti wagas a raemenna ni Jesu-Cristo.
\v 13 Nakarkaronto pay a dumakes dagiti ulbod ken dakes a tattao. Iyadayodanto dagiti tattao manipud iti kinapudno, ken palubosandanto dagiti dadduma a mangiyadayo met kadakuada iti kinapudno.

\s5
\v 14 Ngem sika, ituloymo nga aramiden dagiti banbanag nga inadalmo nga aramiden, ken dagiti banbanag a pinatim nga isu ket umno. Laglagipennak, agsipud ta siak ti nangisuro kenka kadagitoy a banbanag.
\v 15 Laglagipem met nga uray idi ubingka pay, inadalmo no ania ti imbaga ti Dios kadagiti Nasantoan a Surat. Isuronaka dagitoy no kasano nga isalakannatayo ni Cristo-Jesus, no agtalektayo kenkuana.

\s5
\v 16 Amin dagiti Nasantoan a Surat ket nagtaud iti Espiritu ti Dios, isu a masapul a basaentayo ida tapno maisurotayo iti kinapudno maipanggep iti Dios. Masapul pay a basaentayo ida tapno maallukoytayo dagiti tattao a mamati iti kinapudno. Ken tapno ilintegtayo dagiti tattao no agbasolda. Kasta met a tapno masuroantayo dagiti tattao no kasano nga aramiden ti umno.
\v 17 Masapul nga aramidentayo dagitoy a banbanag tapno sanayen ti Dios ti tunggal namati ken itedna kenkuana no ania dagiti kasapulanna tapno maaramidna ti amin nga nasayaat a banag.

\s5
\c 4
\p
\v 1 Inton umay ni Cristo Jesus nga agturay, ukomenna dagidiay sibibiag ken dagidiay natayen. Ken ita, isuna ken ti Dios ket buybuyaendak ita a bilbilinenka.
\v 2 nga iwaragawagmo ti mensahe maipanggep ken Cristo. Masapol a nakasaganaka a mangaramid iti daytoy no tiempo a nalaka nga aramiden ken uray iti tiempo a narigat nga aramiden. Allukoyem dagiti tattao maipanggep iti umno nga aramidenda no adda ti nagbiddutanda. Pakdaaram ida a saanda nga agbasol. Pabilgem ida nga sumurot ken Cristo. Aramidem dagitoy a banbanag kabayatan ti panangisurom kadakuada, ket kanayon a situtulokka nga aguray kadakuada nga agaramid iti nasaysayaat.

\s5
\v 3 Ibagbagak kenka dagitoy a banbanag, gapu ta dumtengto ti tiempo a saanto a sumurot dagiti tattao iti pudno a sursuro ti Dios. Ngem ketdi, mangbirukdanto kadagiti adu a lallaki a mangisuronto a nasayaat nga aramiden iti aniaman a banag a kayatda nga aramiden. Iti daytoy a wagas, kanayondanto a sapulen ti banag a barbaro ken naidumduma a maadal.
\v 4 Sumardengda a dumngeg iti kinapudno, ket ad-adda a dinggenda dagiti minamaag nga istoria.
\v 5 Ngem sika, Timoteo, tengngelem ti bagim uray ania ti mapasamak. Situtulokka nga agibtur kadagiti narigat a banbanag. Aramidem ti trabaho a mangikasaba iti Ebanghelio. Turposem ti trabaho a masapul nga aramidem iti panagserbim iti Apo.

\s5
\v 6 Ibagbagak kenka dagitoy a banbanag, gapu ta iti mabiit ket matayak ken panawak daytoy a lubong. Maiyarigakto iti maysa a kopa ti arak nga iparukpokda iti altar ken maidaton iti Dios.
\v 7 Maiyarigak iti maysa nga atleta nga inaramidna ti amin a kabaelanna iti salisal. Kaslaak maysa a tumataray a naileppasna ti lumba. Inaramidko ti kabaelak nga agtulnog iti Dios.
\v 8 Ita, agur-uray ti gungonak gapu ta nagbiagak iti nalinteg para iti Dios. Ukomennakto ti Apo iti umno a wagas. Itednanto dayta a gungonak inton umay manen. Ken itednanto met ti gungona iti tunggal maysa a magagaran nga agur-uray kenkuana iti iyuumayna manen.

\s5
\v 9 Timoteo, padasem ti umay kaniak iti mabiit.
\v 10 Pinanawannak ni Demas ket napan idiay Tesalonica, gapu ta kasta unay ti panangipategna iti panagbiyag ditoy a lubong. Napan ni Cresente idiay Galacia, ket ni Tito napan idiay Dalmacia.

\s5
\v 11 Ni laeng Lucas ti nagtalinaed a kaduak. Dagasem ni Marcos ket itugotmo. Aramidem daytoy gapu ta makatulong unay isuna kaniak.
\v 12 Imbaon ko ni Tikico idiay Efeso.
\v 13 Inton umayka, alaemto ti kagay nga imbatik ken ni Carpo idiay Troas. Alaemto pay dagiti pagsuratan, nangnangruna dagidiay naaramid manipud iti lalat dagiti ayup.

\s5
\v 14 Ni Alejandro a mammanday ket pinagaramidannak iti kinadakes. Dusaento ti Apo isuna gapu ti inaramidna.
\v 15 Uray sika ket masapul nga agannad kenkuana, gapu ta inaramidna ti amin tapno mapasardeng iti panagkaskasabatayo.
\v 16 Iti immuna a panagtakderko iti pangukoman ken inlawlawag ko iti trabahok, awan pulos kadagiti namati ti timmakder iti abayko a mangpabileg kaniak. Immadayoda amin kaniak. Sapay koma ta saan nga ipabasol ti Dios daytoy kadakuada.

\s5
\v 17 Ngem nakipagtakder ti Apo kaniak ken tinulongannak. Pinapigsanak, ket naan-anay nga naibagak ti saona ken isu a nagdengngeg amin dagiti Hentil. Iti kastoy a wagas, insalakannak ti Dios manipud iti ipapatay.
\v 18 Ispalennak ti Apo iti tunggal dakes a banag nga aramidenda. Ipannakto a sitatalged sadi langit a pagturturayanna. Amin koma a tattao ket agdaydayawda kenkuana iti agnanayon. Amen.

\s5
\v 19 Kablaawam da Priscila ken ni Akila. Kablaawam dagiti tattao iti pagtaengan ni Onesiforo.
\v 20 Nagnaed ni Erasto idiay siudad ti Corinto. Ni Trofimo met, imbatik idiay siudad ti Mileto, gapu ta masakit isuna.
\v 21 Ikagumaam ti umay sakbay ti lam-ek. Kabkablaawannaka ni Eubulo, kasta met ni Pudente, Lino, Claudia, ken amin dagiti kakabsat.
\v 22 Adda koma ti Apo iti espiritum. Naasi koma isuna kadakayo amin.