ilo_udb/54-2TH.usfm

\id 2TH
\ide UTF-8
\h 2 Taga-Tesalonica
\toc1 2 Taga-Tesalonica
\toc2 2 Taga-Tesalonica
\toc3 2th
\mt 2 Taga-Tesalonica

\s5
\c 1
\p
\v 1 Siak ni Pablo, ni Silvano, ken ni Timoteo ket agsursuratkami kadakayo iti siudad ti Tesalonica, kadagiti bunggoy iti namati a naikamang iti Dios nga Amatayo ken ni Jesu-Cristo nga Apotayo.
\v 2 Kararagmi nga iti Dios nga Amatayo, ken ni Jesu-Cristo nga Apotayo ket agtultuloy nga agtignay a siaanus kadakayo ken agtultuloy a mangted kadakayo iti kapia.

\s5
\v 3 Padami a namati, kankanayon nga agyamyamankami iti Dios, ket rumbeng nga aramidenmi daytoy, gapu ta ad-adda pay ti panagtaltalekyo kenni Apo Jesus, ken gapu ta ad-adda pay iti panangay-ayatyo iti tunggal maysa.
\v 4 Kas nagbanaganna, sipapannakkelmi a sarsaritaen iti maipapan kadakayo kadagiti dadduma a bunggoy iti namati a kukua iti Dios. Ibagami kadakuada no kasano ti kinaanusyo ken no kasano iti panagtultuloyyo nga agtaltalek kenni Apo Jesus, uray no pagsagsagabaendakayo iti napalalo dagiti dadduma a tattao.
\v 5 Gapu ta ib-ibturanyo amin a pannakaidadanes, nalawag nga ammomi a nalinteg iti panangukom iti Dios kadagiti tattao. Iti kasasaadyo, ipaduyakyakna iti amin a maikarikayo para kenkuana nga agturay iti agnanayon, gapu ta inawatyo iti agsagaba bayat iti panagtalekyo kenkuana.

\s5
\v 6 Parigatento iti Dios dagitoy a tattao a mangparparigat kadakayo, gapu ta umno para kenkuana nga aramidenna.
\v 7 Ibilangna met nga umno a rumbeng a gungonaannakayo babaen iti panangilasatna kadakayo iti kinarigat. Aramidenna dayta kadatayo inton agparang ni Jesus nga Apotayo iti tunggal maysa inton agsublin isuna manipud langit a kaduana dagiti mannakabalin nga anghelna.
\v 8 Ket dusaenanto babaen iti gumilgil-ayab nga apuy dagitoy a tattao a saan a nagtalinaed a sipupudno kenkuana, dagiti agkegked nga umawat iti naimbag a damag maipapan kenni Apotayo a Jesus.

\s5
\v 9 Paadayoento ida ni Apotayo a Jesus manipud kenkuana, tapno dadaelenna isuda iti agnanayon, iti adayo manipud iti pagturayanna nga addaan naindaklan a pannakabalin.
\v 10 Aramidento daytoy ni Apo Jesus inton agsubli isuna manipud iti langit iti tiempo nga ingkeddeng iti Dios. Kas nagbanaganna, datayo a tattaona ket agdayaw ken agsiddaaw kenkuana. Ket adddakayonto met sadiay, gapu ta pinatiyo iti sipapasnek nga imbagami kadakayo.

\s5
\v 11 Tapno mabalinyo a dayawen ni Jesus iti kastoy, kankanayondakayo met nga ikarkararagan. Kararagmi nga ibilangnakayo iti Dios a maikari nga agbiag iti baro a wagas a nakaayabanyo nga agbiag. Kararagmi met nga ikkannakayo iti kabaelan nga agaramid ti nasayaat iti amin a gundaway a tartarigagayanyo, ken gapu ta mannakabalin isuna, ikkanakayo met iti kabaelan nga agaramid iti amin a kita iti nasayaat gapu ta agtalekkayo kenkuana.
\v 12 Kararagmi daytoy gapu ta kayatmi nga agdayawkayo kenni Jesus nga Apotayo, ken kayatmi a padayawannakayo. Mapasamak daytoy gapu ta iti Dios, a daydayawentayo ken ni Jesu-Cristo nga Apotayo ket agtultuloy iti asina kadatayo.

\s5
\c 2
\p
\v 1 Ita, kayatko iti agsurat kadakayo maipapan iti tiempo nga agsubli ni Jesu-Cristo nga Apotayo ken inton ummongennatayo ti Dios a makikadua kenni Jesus. Padak a namati, guyugoyenkayo nga
\v 2 agpanunot iti natalna maipapan iti mensahe a maawatyonto. Awan aniamanna no daytoy ket mensahe nga ibagbaga iti maysa a tao a naiparang iti Espiritu iti Dios kenkuana, wenno no daytoy ket naggapu iti maysa a tao, wenno no daytoy ket maysa a surat nga ibagbaga iti maysa a tao nga insuratko: Saanko kayat a patienyo a nakasublin ditoy daga ni Apotayo a Jesus.

\s5
\v 3 Saanyo nga ipalubos nga adda mangallukoy kadakayo a mamati iti kasta a mensahe. Saan a dagus nga umay iti Apo. Agrebelde nga umuna iti adu a tattao a maibusor iti Dios. Awaten ken agtulnogda iti maysa a tao nga agbasol iti kasta unay a maibusor iti Dios, ti mangdadaelto iti amin nga inaramid iti Dios.
\v 4 Kangatoanto isuna a kabusor iti Dios. Sipapangasto isuna nga agtrabaho maibusor iti amin nga imbilang dagiti tattao a Dios ken amin a pagdaydayawan dagiti tattao. Agbanag a sumrekto pay isuna iti templo ti Dios ken agtugaw idiay nga agturay! Ket iwaragawagnanto iti kaaduan nga isuna ket Dios!

\s5
\v 5 Masiguradok a malagipyo a kankanayon nga ibagbagak kadakayo dagitoy a banbanag kabayatan nga addaak kadakayo idiay Tesalonica.
\v 6 Ammoyo met nga adda ita iti maysa a banag a manglaplapped iti daytoy a tao a mangiparang iti bagina iti kaaduan. Saanna a maiparang ti bagina agingga iti tiempo nga ipalubos iti Dios kenkuana.
\v 7 Uray pay sililimed a parparnuayen ni Satanas dagiti tattao nga agkedked iti linteg iti Dios, ti manglaplapped iti daytoy a tao a maiparangarang ita ket agtultuloy a manglapped kenkuana agingga nga ikkaten ti Dios isuna.

\s5
\v 8 Ket palubosanto iti Dios daytoy a tao, a naan-anay a nagkedked iti linteg iti Dios, a mangiparang ti bagina iti tunggal maysa iti lubong. Ket agsaonto ni Apo Jesus iti maysa a bilin a mangdadaelto kenkuana. Iti panangiparangna iti bagina iti amin inton agsubli isuna, naan-anayto nga ikkaten ti Dios iti bileg dayta a tao.
\v 9 Ngem sakbay a dadaelen ni Jesus isuna, ikkanto ni Satanas dayta a tao iti kasta unay a pannakabalin. Agbanagto nga aramidenna iti amin a kita iti naisangsangayan a milagro ken nakakaskasdaaw nga aramid ken patiento iti adu a tattao a ti Dios iti nangted kenkuana iti kabaelan nga aramiden dagitoy a banbanag.
\v 10 Ken babaen iti panagar-aramidna iti dakes, naan-anayto nga allilawen dayta a tao dagiti madusa iti pannakapukaw. Maallilawnanto ida gapu ta saanda nga immanamong nga ayaten ti pudno a mensahe maipapan no kasano ida nga isalakan ni Jesus.

\s5
\v 11 Ikkan ti Dios iti kabaelan daytoy a tao tapno nalaka a mangallilaw kadakuada, tapno patienda iti kinaulbod nga ibagbaga daytoy a tao.
\v 12 Agbanagto nga ukomen iti Dios ken ikeddengna amin dagiti nagkedked a mamati ti kinapudno maipapan kenni Cristo, dagiti tattao a rinagragsakda ketdi iti nagar-aramid iti kinadakes.

\s5
\v 13 Padak a namati, dakayo nga ay-ayaten iti Dios, rumbeng a kankanayon nga agyamankami iti Dios gapu kadakayo. Rumbeng nga aramidenmi daytoy gapu ta pinilinakayo manipud kadagiti immuna a tattao a namati iti kinapudno maipapan kenni Jesus, kadagiti immuna a tattao nga isalakanto iti Dios ken isinanakayo para kenkuana babaen iti Espirituna.
\v 14 Agyamankami iti Apo a pinilinakayo nga agbanagto iti panangiwaragawagmi ti mensahe kadakayo maipapan kenni Cristo, tapno padayawannakayo iti Dios iti isu met laeng a wagas a panangpadayawna kenni Apotayo a Jesu-Cristo.
\v 15 Padak a namati, itultuloyyo ngarud iti sititibker a mamati kenni Cristo. Itultuloyyo a patien dagiti pudno a banbanag nga insuromi kadakayo idi nagsao ken nagsuratkami kadakayo.

\s5
\v 16 Ikararagmi nga iti Apotayo a Jesus mismo ken Dios nga Amatayo —a mangay-ayat kadatayo ken mangpabileg kadatayo iti agnanayon ken siaanus a mangpanamnama kadatayo nga umawat kadagiti nasasayaat a banbanag manipud kenkuana— pabilgennakayo koma ti Dios ken ni Jesu-Cristo!
\v 17 ken pagbalinendatayo a napigsa nga agtultuloy nga agar-aramid ken agibagbaga dagiti nasayaat a banbanag.

\s5
\c 3
\p
\v 1 No maipapan kadagiti dadduma a banbanag, padami a namati, ikararagandakami nga ad-adunto a tattao iti dumngeg iti mensahemi maipapan kenni Jesus nga Apotayo ken idayawda daytoy, a kas iti inaramidyo.
\v 2 Ikararagandakami met nga iyadayonakami ti Dios kadagiti panangdangran dagiti nadangkes ken dakes a tattao kadakami, ta saan nga amin ket namati iti Apo.
\v 3 Nupay kasta, mapagtalkan ni Apo Jesus! Isu a masiguradomi nga itultuloynakayo a papigsaen. Sigurodokami met a salaknibannakayo manipud kenni Satanas, ti managdakdakes.

\s5
\v 4 Gapu ta nakipagmaymaysatayo amin kenni Apotayo a Jesus, natalgedkami nga agtultulnogkayon iti imbilinmi kadakayo, ken agtulnogkayon kadagiti ibilbilinmi kadakayo iti daytoy a surat.
\v 5 Kararagmi nga agtultuloy a tulongannakayo ni Jesus nga Apotayo a mangammo no kasano iti panagayat iti Dios kadakayo ken no kasano iti panagibtur ni Cristo gapu kadakayo.

\s5
\v 6 Padami a namati, bilinendakayo— ken daytoy ket kasla ni Apo Jesu-Cristo mismo iti agibagbaga iti daytoy—nga isardengyo iti makikadkadua iti tunggal pada a namati a sadut ken saanna a kayat iti agtrabaho. Dayta ket tapno ibaga, nga adaywanyo dagiti saan nga agbibiag iti panagbiag nga insuro iti dadduma kadakami, ken insuromi met kadakayo.
\v 7 Ibagami daytoy kadakayo gapu ta ammoyo a rumbeng nga agtignaykayo a kas iti panagtignaymi. Saankami a nagtugtugaw laeng nga awan ar-aramidenna bayat iti panagnanaedmi kadakayo.
\v 8 Dayta ket tapno ibaga, a saankami a nangan iti taraon iti siasinoman no saanmi a binayadan daytoy. Ngem ketdi, nagtrabahokami iti kasta unay tapno matulonganmi iti bagbagimi, iti aldaw ken rabii, tapno saankamin nga agtalek iti siasinoman kadakayo no ania iti kasapulanmi.
\v 9 Adda a kankanayon iti kalinteganmi nga agtalek kadakayo maipapan iti kuarta gapu ta maysaak nga apostol, ngem ketdi, nagtrabahokami iti kasta unay tapno agbalinkami a nasayat a pagulidanan kadakayo, tapno rumbeng nga agtignaykayo a kas iti panagtignaymi.

\s5
\v 10 Laglagipenyo nga idi adda kami dita kadakayo, kankanayonmi nga ibilbilin kadakayo nga no adda iti pada a namati a saanna a kayat iti agtrabaho, rumbeng a saanyo nga ikkan iti kanenna.
\v 11 Ita ibagami manen daytoy kadakayo, gapu ta adda iti nangibaga kadakami nga adda kadakayo dagiti sadot ken saan pulos nga agtrabtrabaho. Saan laeng a dayta, adda kadakayo iti makibibiang iti ar-aramiden dagiti dadduma a tattao.
\v 12 Bilinenmi dagitoy pada a namati a saan nga agtrabtrabaho, ken allukoyen ida, a kas iti Apo mismo iti agsasao, a rumbeng a pakibianganda ti bukodda nga aramid, birokenda iti kasapulanda tapno mabiagda, ken tulonganda iti bagbagida.

\s5
\v 13 Pada a namati! Saankayo a pulos a mabannog iti panagar-aramid iti umno!
\v 14 No adda pada a namati a saan nga agtulnog iti insuratmi iti daytoy a surat, ipakaammoyo dayta a tao iti publiko. Ket saankayo a makipulapol kenkuana, tapno mabainan isuna.
\v 15 Saanyo a panunoten isuna a kas kabusoryo; ngem ketdi, ballaaganyo isuna kas iti panangballaagyo kadagiti dadduma a pada a namati.

\s5
\v 16 Kararagko nga ni Jesus nga Apotayo, a mangmangted iti kapia kadagiti tattaona, ket kankanayonto a mangted iti kapia kadakayo ken iti aniaman a kasasaad. Kararagko a tulongannakayo amin ni Jesus nga Apotayo.
\v 17 Ita, innalakon iti pagsurat manipud iti eskribak, ken Siak, ni Pablo, idanonko daytoy a kablaaw kadakayo a kas insuratko. Ar-aramidek daytoy iti amin a suratko tapno maammoanyo a pudno a Siak iti nangipatulod iti daytoy a surat. Kastoy iti kankanayon a panangleppasko kadagiti sursuratko.
\v 18 Kararagko nga itultuloy ni Jesu-Cristo nga Apotayo iti kinaimbagna kadakayo amin.