ilo_udb/53-1TH.usfm

\id 1TH
\ide UTF-8
\h 1 Taga-Tesalonica
\toc1 1 Taga-Tesalonica
\toc2 1 Taga-Tesalonica
\toc3 1th
\mt 1 Taga-Tesalonica

\s5
\c 1
\p
\v 1 Siak, ni Pablo, isursuratko daytoy a surat. Kaduak da Silas ken Timoteo. Impatpatulodmi daytoy a surat kadakayo a bunggoy dagiti namati iti siudad ti Tesalonica a nakitipon iti Dios Ama ken ni Apo Jesu-Cristo. Kaasiannakayo koma ti Dios ken ikkannakayo iti kapia.

\s5
\v 2 Kankanayonkami nga agyamyaman iti Dios para kadakayo amin no dakamatendakayo bayat iti panagkararagmi.
\v 3 Itultuloymi iti pananglaglagipmi nga agtrabahokayo para iti Dios gapu ta agtalekkayo kenkuana ken sipapasnekkayo a tumulong kadagiti tattao gapu ta ay-ayatenyo isuda. Ibturanyo met daytoy no pagsagabaendakayo dagiti tattao. Ibturanyo daytoy gapu ta natalged iti namnamayo nga umadanin nga agsubli ni Apotayo a Jesu-Cristo manipud langit a mangispal kadakayo!

\s5
\v 4 Padak a namati nga ay-ayaten iti Dios, pagyamananmi met isuna gapu ta ammomi a pinilinakayo nga agbalin a tattaona.
\v 5 Ammomi a pinilinakayo gapu ta idi imbagami iti naimbag a damag kadakayo, nalablabes pay ngem iti sasao laeng. Sibibileg a nagtrabaho ti Espiritu Santo kadakayo, ken pinatalgedannakami a pudno ti mensahemi kadakayo. Iti isu met laeng a wagas, ammoyo no kasano iti panagsaomi ken no kasano nga impakitami iti kinasiasinomi idi addakami kadakayo, tapno matulongandakayo.

\s5
\v 6 Nangngegmin ita a naibturanyo dagiti riribok idi pinagsagabadakayo dagiti tattao gapu ta namatikayo kenni Cristo. Nagibturkayo a kas iti panagibtur ni Apotayo a Jesu-Cristo, ken kas iti inaramidmi met. Iti dayta a tiempo, pinarag-onakayo unay iti Espiritu Santo.
\v 7 Gapu ta naibturanyo dagiti panagsagsagabayo, amin dagiti namati nga agnanaed kadagiti probinsia iti Macedonia ken Acaya ket naadalda no kasano met nga agtalekda iti Dios kabayatan iti panagib-ibturda kadagiti sagsagabaenda.

\s5
\v 8 Nangngeg dagiti dadduma a tattao iti panangibagbagayo iti mensahe a naggapu ken ni Apo Jesus. Ket impablaakda met iti naimbag a damag kadagiti tattao nga agnanaed iti entero a Macedonia ken Acaya. Saan laeng a dayta, ngem nangngeg dagiti tattao nga agnanaed kadagiti adayo a luglugar nga agtalekkayo iti Dios. Is a, saanen a masapul nga ibagami pay kadagiti tattao ti naaramidan iti Dios kadagiti bibiagyo.
\v 9 Dagiti tattao nga agnanaed iti adayo manipud kadakayo ket ibagbagada kadagiti dadduma no kasano iti kabara iti panangawatyo kadakami idi immaykami kadakayo. Impadamagda pay nga insardengyon ti agdaydayaw kadagiti didiosen ken ita, daydayawenyon iti Dios nga isu iti makaaramid iti aniaman a banag ken isu ti pudno a Dios. Nagbalinkayo a namati gapu kenkuana!
\v 10 Imbagada pay kadakami a sinanamakayo ita nga agur-uray iti panagsubli ti Anakna ditoy daga manipud langit. Mamatikayo a pagungaren isuna iti Dios kalpasan a natay isuna. Mamatikayo met nga ispalennatayto amin ni Jesus, nga agtalek kenkuana, inton dusaen ti Dios dagiti amin nga tattao iti entero a lubong.

\s5
\c 2
\p
\v 1 Padak a namati, ammoyo a napateg unay ti tiempo a kaaddami kadakayo.
\v 2 Uray no saandakami a trinato iti nasayaat ken pinabainandakami dagiti tattao iti siudad iti Filipos kas pagaammoyo, pinaturednakami ti Dios. Kas nagbanaganna, imbagami kadakayo ti naimbag a damag nga isu't nangibaonan ti Dios kadakami nga ibagami kadakayo, uray no sinuppiatdakami iti kasta unay ti sumagmamano kadagiti tattao dita siudadyo.

\s5
\v 3 Idi pinaregtadakayo nga agtulnog iti mensahe ti Dios, saankami a nagsao kadakayo kadagiti banbanag nga inuulbod. Ken saanmi a kayat iti mangala iti banag para kadagiti bagbagimi babaen iti saan a nasayaat a pamuspusan. Saanmi a padasen nga allilawendakayo wenno ti siasinoman.
\v 4 Iti kasupadina, nagtalek ti Dios kadakami nga ibagami kadakayo ti naimbag a damag, gapu ta pinadasnakami ken imbilangnakami a kas umno a tattao a mangaramid iti daytoy a trabaho. Kas panangisuromi kadagiti tattao, saanmi nga ibaga ti kayatda a mangngeg. Ngem ketdi, ibagami iti kayat ti Dios nga ibagami, gapu ta ukomenna iti tunggal banag a panunotenmi.

\s5
\v 5 Ammoyo a saandakayo pulos a dinayaw tapno makaala ti aniaman a banag kadakayo. Ken awan ti aniaman nga imbagami a mangallukoy kadakayo tapno ikkandakami kadagiti banbanag. Ammo ti Dios a pudno daytoy!
\v 6 Wenno saanmi pulos a pinadas iti mangala kadakayo wenno iti siasinoman a padayawandakami, uray mabalinmi koma met ti mangibaga nga ikkandakami kadagiti banbanag gapu ta imbaonnakami ni Kristo kadakayo.

\s5
\v 7 Iti kasupadina, nagbalinkami a naannad idi addakami kadakayo, kas iti maysa nga ina a naannad a mangaywan kadagiti annakna.
\v 8 Ngarud, gapu ta ay-ayatendakayo, maragsakankami a mangibaga kadakayo iti sangon-sango iti nasayaat a mensahe nga inted ti Dios kadakami. Ngem kasta met a maragsakankami a mangaramid kadagiti amin a kabaelanmi nga aramiden tapno tulongandakayo gapu ta nasursurodakayon nga ayaten iti kasta unay.
\v 9 Padak a namati, laglagipenyo a nagtrabahotayo iti napalalo iti aldaw ken uray ti rabii. Kastoy ti panagbirokmi ti kuarta, tapno saankami nga agdawat iti siasinoman kadakayo ti aniaman a kasapulanmi. Inaramidmi dagitoy bayat nga inwaragawagmi kadakayo ti naimbag a damag maipapan iti Dios.

\s5
\v 10 Ammo ti Dios ken dakayo a nakipagbiagkami kadakayo a namati iti nasayaat unay ken iti umno a wagas — iti wagas nga awan ti siasinoman a mangdillaw.
\v 11 Ammoyo met a nagtignaykami a sitatakneng iti tunggal maysa kadakayo kas iti panagtigtignay iti maysa nga ama a mangay-ayat ti nasayaat kadagiti annakna.
\v 12 Nagtultuloykami a sititibker a mangikaskasaba ken mangpabpabileg kadakayo tapno agbiagkayo koma a kas ar-aramiden dagiti tattao ti Dios, gapu ta inayabannakayo nga agbalin a tattaona a pangipakitaanna iti bagina a kas ari nga addaan iti kasta unay a nakakaskasdaaw a pannakabalin.

\s5
\v 13 Daytoy iti gapu no apay a kankanayonmi a pagyamanan ti Dios, gapu ta idi nangngeganyo ti mensahe nga imbagami kadakayo, inawatyo daytoy a kas pudno a mensahe, ti nasayaat a mensahe nga inted ti Dios kadatayo. Saanmi a pinarnuay dagitoy. Pagyamananmi pay ti Dios ta balbaliwanna dagiti bibiagyo gapu ta agtalekkayo iti daytoy a mensahe.

\s5
\v 14 Siguradokami iti maipapan kadagitoy a banbanag, gapu ta nagtignaykayo a kasla iti panagtignay dagiti bunggoy dagiti namati idiay Judea. Nakitiponda met kenni Cristo Jesus, ken, kasla iti panagibturda idi saan a nasayaat ti pinangtrato dagiti kaillianda gapu kenni Cristo, iti kasta met laeng a wagas, inibturanyo idi indadanesdakayo dagiti bukodyo a kaillian.
\v 15 Pinapatay dagitoy a Judio ni Apo Jesus ken adu pay a profeta. Pinilitdakami dagiti dadduma a saan a namati a Judio a pumanaw kadagiti adu nga il-ili. Pudno unay a pinagpungtotda ti Dios; ken nagaramidda kadagiti maikaniwas ti pagsayaatan dagiti amin a tattao!
\v 16 Kas koma iti daytoy, pinadasdakami a pasardengen iti panangiwaragawagmi iti naimbag a damag kadagiti saan nga Judio; saanda a kayat nga isalakan ida iti Dios. Nagbasolda kas impalubos ti Dios a mabalin nga aramidenda sakbay a dusaenna ida iti kamauddianan.

\s5
\v 17 Padak a namati, idi naiyadayokami kadakayo iti apagbiit a tiempo, ti riknami ket kasla kadagiti nagannak a napukaw dagiti annakda. Tarigagayanmi unay ti makikaadda kadakayo.
\v 18 Pudno unay, Siak, ni Pablo, pinadasko iti namin-adu a daras nga agsubli a mangkita kadakayo. Ngem tunggal panagsublimi, lapdannakami ni Satanas.
\v 19 Pudno unay a gapu kadakayo, a namnamaenmi iti panangaramidmi iti nasayaat ti trabaho ti Dios: dakayo iti pagpanpannakkelmi; dakayo iti gapu a mangnamnamakami iti balligi iti panagserbimi iti Dios. Gapu met laeng kadakayo kas kadagiti dadduma a mangnamnamakami a gungonaannakami ni Apo Jesus inton agsubli ditoy daga.
\v 20 Pudno unay, a dakayo iti makagapu nga uray ita ket may-ayokami ken agragrag-okami!

\s5
\c 3
\p
\v 1 Kas nagbanagan dayta, idi saankon a maibturan iti panagdandanagko maipapan kadakayo, inkeddengko nga agbatikami ken ni Silas iti siudad ti Atenas,
\v 2 ket imbaonmi ni Timoteo kadakayo. Ammoyo nga isuna iti nasinged a kaduami ken agtrabaho met a maipaay iti Dios babaen iti panangiwarwaragawag ti naimbag a damag maipanggep kenni Cristo. Siak ken ni Silas ti nangibaon kenkuana tapno guyugoyennakayo iti panangitultuloyyo iti sititibker a panagtalekyo kenni Cristo.
\v 3 Saanmi a kayat a tumallikod nga umadayo ti siasinoman kadakayo kenni Cristo gapu iti buteng kadagiti sagsagabaenyo. Ammoyo nga ammon ti Dios a maltratoendatayo dagiti dadduma gapu kenni Cristo.

\s5
\v 4 Laglagipenyo nga idi addakami kadakayo, kankanayonmi nga ibagbaga a maltratoendakaminto dagiti dadduma. Ket isu daytoy iti napasamak!
\v 5 Daytoy ti makaigapu nga imbaonko ni Timoteo kadakayo: gapu ta saanakon a makauray pay a mangammo no agtaltalinaedkayo nga agtaltalek kenni Cristo. Mabutengak a ni Satanas, a mangsulsulisog kadatayo, ket isu iti makagapu ti panagsardengyo nga agtaltalek kenni Cristo. Mabutengak nga amin nga inaramidmi kadakayo ket agbanag nga awan serserbina.

\s5
\v 6 Ngem nagsublin ita ni Timoteo kadakami kenni Silas a naggapu kadakayo, ket imbagana kadakami iti naimbag a damag nga agtaltalekkayo latta kenni Cristo ken ay-ayatenyo isuna. Imbagana pay kadakami a kankanayonkayo a naragsak a manglaglagip kadakami ken kayatyo unay nga umaykami sumarungkar kadakayo, kas met ti panagayatmi a sumarungkar kadakayo.
\v 7 Padak a namati, uray no agsagsagabatayo iti napalalo gapu iti ar-aramiden dagiti tattao kadakami ditoy, naragsakkami gapu ta impadamag ni Timoteo kadakami nga agtaltalekkayo latta kenni Cristo.

\s5
\v 8 Ita, kasla agbibiagtayo iti baro a wagas, gapu ta kasta launay iti panagtalekyo kenni Apo Jesus.
\v 9 Saan nga umanay iti panagyamanmi iti Dios gapu iti inaramidna kadakayo! Maragsakan kami la unay para kadakayo no agkararagkami iti Diostayo!
\v 10 Kankanayon a sipapasnekmi nga idawdawat iti Dios a masarungkarandakayo, ken tapno matulongandakayo nga agtalek pay a sititibker kenni Cristo!

\s5
\v 11 Ikararagmi iti Dios, nga Amatayo, ken ni Apotayo a ni Jesus, nga ikkandakaminto iti gundaway a makasubli kadakayo.
\v 12 No maipapan kadakayo, ikararagmi a tulongannakayonto ni Apo Jesus nga ad-adda pay nga agiinnayatkayo iti tunggal maysa, a kas iti panagtultuloymi iti panagayatmi kadakayo iti nakarkaro pay.
\v 13 Ikararagmi kenni Apotayo a Jesus nga ad-adda pay iti panangayatyo iti panangay-ayoyo kenkuana. Ikararagkami nga ikkanakayonto iti pannakabael iti Dios nga Amatayo tapno agbalinkayo pay a kas kenkuana, nga awan iti siasinoman a mangdillaw. Ikararagmi daytoy, tapno no umay ni Jesus nga agsubli ditoy daga ken sumurotto kenkuana dagiti isu amin a kukuana, maragsakanto isuna kadakayo.

\s5
\c 4
\p
\v 1-2 Ita, padak a namati, kayatko ti agsurat iti maipapan kadagiti dadduma a banbanag. Guyugoyenkayo-- ket iti panangguyugoyko kadakayo, kasla met laeng iti panangguyugoy ti Apotayo a ni Jesus kadakayo-- iti panagtignayyo nga agbiagkayo iti panagbiag a makaay-ayo iti Dios. Insuromi kadakayo nga aramidenyo dayta gapu iti imbaga kadakami ni Apo Jesus nga ibagami. Ammomi nga agbibiagkayo iti kasta a wagas, ngem iyunay-unaymi a guyugoyendakayo nga ad-adda pay koma ti panangaramidyo iti dayta.

\s5
\v 3 Kayat ti Dios a saankayo nga agaramid iti basol, agbiagkayo iti wagas a mangipakita a dakayo ket naan-anay a kukuana. Kayatna a liklikanyo ti agaramid ti aniaman a kinaderrep.
\v 4 Dayta ket, kayatna a maammoan ti tunggal maysa no kasanokayo nga agbiag a kaduayo ti asawayo a babai, iti wagas a mapadayawanyo isuna ken saankayo nga agbasol kenkuana.
\v 5 Saanyo nga usaren isuna a mangpennek iti nainlasagan a tarigagayyo (a kas iti ar-aramiden dagiti saan a Judio gapu ta saanda nga am-ammo ti Dios).
\v 6 Kayat ti Dios a lapdan iti tunggal maysa kadakayo ti dinederrep a tarigagayyo, tapno awan kadakayo ti agbasol iti padana a namati ken manggundaway kenkuana babaen iti panangaramid kadagiti banbanag a kas iti dayta. Laglagipenyo a kasta launay iti panangballaagmi kadakayo iti napalabas a dusaento ni Apo Jesus dagiti amin a tattao nga agar-aramid iti dinederrep.

\s5
\v 7 Idi pinilinatayo iti Dios, datayo a namati, saanna a kayat nga agtignatayo a tattao nga agar-aramid iti kinaderrep. Iti kasupadina, kayatna nga agbalintayo a tattao a saan nga agbasol.
\v 8 Isu a ballaagankayo a dagiti saan a mangikaskaso iti daytoy a sursurok ket saan laeng a siak ti dida ikaskaso, a maysa a tao. Iti kasupadina, saanda nga ikaskaso iti Dios, gapu ta imbilin ti Dios daytoy. Laglagipenyo nga imbaon ti Dios ti Espirituna, a saan nga agbasol, tapno agnaed kadakayo!

\s5
\v 9 Kayatko a guyugoyenkayo manen a masapul nga ayatenyo dagiti padayo a namati. Saanen a kasapulan nga adda ti agsurat kadakayo maipanggep iti dayta,
\v 10 gapu ta insuron ti Dios kadakayo no kasano iti panagayatyo ti tunggal maysa, ken gapu ta ipakpakitayo nga ay-ayatenyo dagiti padayo a namati nga agbibiag ti naduma-duma a luglugar iti probinsia ti Macedona. No pay kasta, padak a namati, guyugoyenkayo nga ad-adda pay nga ayatenyo iti tunggal maysa.
\v 11 Guyugoyenkayo pay nga ikarigatanyo nga asikasuen dagiti bukodyo a biag ken saan a makibibiang kadagiti biag dagiti dadduma. Guyguyugoyenkayo pay nga agtrabahokayo ti bukodyo a pagsapulan tapno makaurnongkayo iti kasapulan tapno agbiag. Laglagipenyo a sinuroankayo iti napalabas nga agbiag iti kasta a wagas.
\v 12 No aramidenyo dagitoy a banbanag, bigbigen dagiti saan a namati nga agbibiagkayo a nasayaat, ket saan a masapul nga agsanggirkayo iti dadduma a mangipaay iti kasapulanyo.

\s5
\v 13 Padak a namati, kayatmi met a maawatanyo no anianto ti mapasamak kadagiti padatayo a namati a natayen. Saanyo a tuladen dagiti saan a namati. Sangitanda unay dagiti tattao a matay gapu ta saanda a namnaen nga agbiagda manen kalpasan iti pannakatayda.
\v 14 Ammotayo a namati a natay ken nagungar ni Jesus. Isu nga ammotayo met a pagungarento ti Dios dagiti naitipon kenni Jesus, ket isublinanto ida a kaduada ni Jesus.
\v 15 Insuratko daytoy gapu ta impakaammo ni Apo Jesus kaniak daytoy nga ibagbagak ita kadakayo. Mabalin nga agpanpanunot dagiti dadduma kadakayo a no agsubli ni Apo Jesus, datayo a namati a sibibiag ket umuna a sumabattayonto kenni Jesus ngem kadagiti natayen. Saan a pudno dayta!

\s5
\v 16 Isuratko daytoy, gapu ta bumabanto mismo ni Apo Jesus manipud langit. Inton bumaba isuna, bilinennatayto amin a namati nga agpangato. Agpukkawto iti napigsa a timek ti kangatoan nga anghel, ket mangpuyotto iti trumpeta iti sabali nga anghel para iti Dios. Ket ti umuna a banag a mapasamakto ket agbiag manen dagiti tattao a naitipon kenni Cristo.
\v 17 Kalpasanna dayta, ipangatonto ti Dios iti ayan dagiti ulep datayo amin a namati a sibibiag iti daytoy daga. Alaennatayonto amin ken dagiti dadduma a namati a natayen, tapno sangsangkamaysatayo amin a sumabat kenni Apo Jesus idiay tangatang. Kas nagbanaganna dayta, makipagnaedtayonto amin kenkuana iti agnanayon.
\v 18 Gapu ta pudno amin dagitoy, pabiligenyo iti tunggal maysa babaen iti panangibingayyo iti daytoy a sursuro iti tunggal maysa.

\s5
\c 5
\p
\v 1 Padak a namati, adu pay ti kayatko nga ibaga kadakayo maipanggep iti panawen a panagsublinto ni Apo Hesus. Kinapudnona, saanen a kasapulan nga agsuratak kadakayo maipanggep iti dayta,
\v 2 gapu ta ammoyon iti maipanggep iti daytoy! Ammoyon saanto a mapakpakadaan ti panagsubli ni Apo Jesus. Saanto a namnamaen dagiti tattao isuna, a kas iti saan a panangnamnama iti iyuumay ti agtatakaw iti rabii.
\v 3 Addanto ti tiempo iti masangoanan a kunaen dagiti adu a tattao, "Addaan kapia ti amin ken natalgedtayo!" Pagammoan, umay ti Dios a mangdusa kadakuada iti nakaro! A kas kapadasan iti masikog a babai a saanna mapasardeng iti ut-ot iti panagpasikal, awanto pamuspusanda dagitoy a tattao tapno makalibasda iti Dios.

\s5
\v 4 Ngem dakayo, padak a namati, saankayo a kasla kadagiti tattao nga agbibiag iti kinasipnget, gapu ta ammoyo iti kinapudno maipanggep iti Dios. Isu nga inton agsubli ni Jesus, nakasaganakayonton para kenkuana.
\v 5 Kamkamengnakayo iti lawag iti aldaw. Saankayo a kas kadagiti kamkameng iti kinasipnget, iti rabii.
\v 6 Isu a masapul a sisisiputtayo a namati iti mapaspasamak. Masapul a teppelantayo ti bagbagitayo ken sisasagana iti iyaay ni Jesus.
\v 7 Iti rabii a matmaturog dagiti tattao ket dida ammo iti mapaspasamak, ket iti met rabii a mabartek dagiti tattao.

\s5
\v 8 Ngem datayo a namati, kamkamengnatayo iti aldaw, isu a teppelentayo dagiti bagbagitayo. Agbalintayo a kas kadagiti soldado: a kas iti panangsalaknibda iti barukongda babaen iti panagusarda iti kabal, salaknibantayo iti bagbagitayo babaen iti panagtaltalek ken panagay-ayattayo kenni Cristo. A kas iti panagsalaknibda kadagiti uloda babaen iti panagusarda iti helmet, salaknibantayo iti bagbagitayo babaen iti panangnamnamatayo a naan-anay nga ispalennatayo ni Cristo manipud iti kinadakes.
\v 9 Idi pinilinatayo ti Dios, saanna a pinanggep para kadatayo a tattao a dusaennanto. Iti kasupadina, inkeddengna nga isalakannatayo gapu ta agtalektayo iti inaramid ni Apotayo a Jesu-Cristo para kadatayo.
\v 10 Natay ni Jesus tapno bayadanna dagiti basbasoltayo tapno makipagbiagtayo kenkuana, uray no sibibiagtayo wenno natayen inton agsubli isuna ditoy daga.
\v 11 Gapu ta ammoyo a pudno daytoy, itultuloyyo ti agpipinnapigsa iti tunggal maysa, a kas iti agdama nga ar-aramidenyo.

\s5
\v 12 Padak a namati, dawatenmi a bigbigenyo kas mangidadaulo dagiti tattao a sireregta iti panagserbida kadakayo. Ti kayatna a sawen daytoy ket raemenyo dagiti mangidadaulo kadakayo kas padayo a namati a nakitipon kenni Apo Jesus, mangidadaulo a mangbalballaag kadakayo a saanyo nga aramiden iti biddut.
\v 13 Dawatenmi a padayawanyo ida gapu ta ay-ayatenyo ida ken gapu ta agserserbida a sireregta a mangtulong kadakayo. Ipaganetgetmi pay kadakayo a makikapiakayo iti tunggal maysa.
\v 14 Padak a namati, ipaganetgetmi a ballaaganyo dagiti namati nga ti kayatda ket agur-uray lattan iti pagbiagan a maited kadakuada imbes nga agtrabahoda. Papigsaenyo met ti nakem dagiti mabutbuteng a namati, ken tulonganyo dagiti amin a a nakapsot iti aniaman a banag. Ipaganetgetmi pay a naanuskayo koma iti tunggal maysa.

\s5
\v 15 Siguradoenyo nga awan iti agbibinnales kadakayo. Iti kasupadina, masapul a kankanayon a padasenyo iti agaramid iti naimbag iti tunggal maysa.
\v 16 Agrag-okayo iti amin a tiempo,
\v 17 kankanayon nga agkararagkayo,
\v 18 ken pagyamananyo ti Dios iti amin a kasasaadyo. Kayat ti Dios dayta a galadyo gapu iti naaramidan ni Cristo Jesus kadakayo.

\s5
\v 19 Saanyo a lappedan iti panagtrabaho ti Espiritu ti Dios kadakayo.
\v 20 Kas koma iti daytoy, saanyo a laisen iti aniaman nga imbaga ti Espiritu Santo iti siasinoman.
\v 21 Iti kasupadina, sukimatenyo amin dagita a mensahe. Awatenyo dagiti paset a naimbag ken tungpalenyo dagitoy.
\v 22 Saankayo nga agtungpal iti aniaman a kita iti dakes a mensahe.

\s5
\v 23 Sapay koma ta ikkannakayo ti Dios iti kapia ken aramidenna nga awan biddutyo tapno saankayo nga agbasol. Ilisinakayo koma iti aniaman a wagas iti panagbasol agingga iti panagsubli ni Apotayo a Jesu-Cristo ditoy daga.
\v 24 Gapu ta inawagannakayo ti Dios nga agbalin a tattaona, awan dua-dua a mapagtalkanyo isuna nga itultuloyna iti panangtultulongna kadakayo iti kasta a wagas.

\s5
\v 25 Padak a namati, ikararagandak, uray da Silas ken Timoteo.
\v 26 Inton aguurnongkayo a namati, agkikinnaablawkayo a siaayat, a kas agpapada a namati.
\v 27 Siguradoenyo nga ibasayo daytoy a surat kadagiti amin a namati a kadduayo. Idi imbagak kadakayo daytoy, kasla met laeng a ti Apo iti mangibagbaga kadakayo!
\v 28 Agtultuloy koma ti kinaimbag ni Apotayo a Jesu-Cristo kadakayo amin.