194 lines
20 KiB
Plaintext
194 lines
20 KiB
Plaintext
\id PHP
|
|
\ide UTF-8
|
|
\h Pilipos
|
|
\toc1 Pilipos
|
|
\toc2 Pilipos
|
|
\toc3 php
|
|
\mt Pilipos
|
|
|
|
\s5
|
|
\c 1
|
|
\p
|
|
\v 1 Siak, a ni Pablo, isursuratko daytoy kadagiti patpatgek a padak a namati nga agnanaed iti siudad ti Filipos. Dakami, a ni Pablo ken ni Timoteo, ipatulodmi daytoy a surat kadakayo amin dita Filipos, dakayo nga inlasin ti Dios nga agserbi kenkuana, dakayo a naitipon kenni Cristo Jesus. Ipatulodmi met daytoy a surat kadagiti pangulo ti iglesia ken kadagiti diakono nga agserserbi dita.
|
|
\v 2 Kararagmi a ti Dios nga Amatayo kenni Jesu-Cristo nga Apotayo ket agbalin a naimbag kadakayo ken ikkannakayo iti kappia.
|
|
|
|
\s5
|
|
\v 3 Agyamyamanak iti Diosko iti panagkarkararagakko kenkuana, tunggal malaglagipkayo.
|
|
\v 4 Kankanayonkayo nga ikarkararagan.
|
|
\v 5 ken pagyamyamanak ti Dios gapu ta makipagtrabtrabahokayo kadakami ken ni Timoteo ken kadagiti dadduma a mangiwarwaragawag iti naimbag a damag manipud iti umuna nga aldaw a panamatiyo agingga ita.
|
|
\v 6 Ammok nga agar-aramid ti Dios iti naimbag unay a banag kadakayo. Naan-anay a sitatalgedak nga ileppasnanto dagidiay a banbanag inton tiempo nga agsubli ni Jesu-Cristo.
|
|
|
|
\s5
|
|
\v 7 Rumbeng a makariknaak iti kastoy gapu ta ay-ayatenkayo unay. Nakadkaduakayo iti panangipatungpal kadagiti trabaho a siiimbag nga inted ti Dios kaniak nga aramiden, uray ita nga addaak iti pagbaludan, wenno no agsaoak iti kaaduan maipanggep kadagiti naimbag a damag ken ipakitak kadagiti tattao a daytoy ket pudno.
|
|
\v 8 Makita ti Dios no kasano ti kasta unay a panagtarigagayko a makikaadda kadakayo, kas iti kasta unay a panagayatko kadakayo amin, kas iti kasta unay a panagayat ni Cristo Jesus kadatayo amin.
|
|
|
|
\s5
|
|
\v 9 Ikarkararagankayo, nga ad-adda koma nga agiinnayatkayo, ken maammoanyo ken maawatanyo no apay a kayat ti Dios nga aramidenyo dayta.
|
|
\v 10 Ikarkararagko pay nga ikkannakayo ti Dios iti kabaelan a mangammo no ania ti rumbeng a patien ken dagiti kasasayaatan a wagas a rumbeng nga aramidenyo. Ikarkararagakko daytoy, tapno agbalinkayo a napudno ken awan pakapilawan inton tiempo nga agsubli ni Cristo.
|
|
\v 11 Ikarkararagko pay a kanayonyo nga aramiden dagiti banag a mabalinyo nga aramiden gapu ta imbilangnakayo ti Dios a nasayaat iti imatangna gapu kenni Jesu-Cristo. Ket makita dagiti dadduma a tattao no kasano ti panangpadayawyo iti Dios.
|
|
|
|
\s5
|
|
\v 12 Padak a namati, kayatko a maammoanyo a dagiti narigat a banag a sinagabak ket saan a nagbalin a lapped iti panangiwaragawagko iti naimbag a damag kadagiti tattao. Ngem ketdi, nagbalin a wagas dagiti panagrigrigatko tapno ad-adda a mangngeg dagiti tattao ti naimbag a damag maipanggep kenni Cristo.
|
|
\v 13 Ket ti maysa a nagbanaganna, ammo aminen dagiti guardia a soldado ditoy Roma ken dadduma a tattao iti daytoy a siudad a nagbalinak a balud gapu iti panangiwaragawagko iti naimbag a damag maipanggep kenni Cristo.
|
|
\v 14 Kasta met, kaaduan kadagiti namati ditoy ita ket situturedda ken awanan buteng a mangiwaragawag iti naimbag a damag maipanggep kenni Jesus gapu ta ad-adda a sititibker nga agtaltalekda iti Apo a tulonganna ida. Sitatalged nga agsaoda maipanggep kenni Jesus gapu ta nakitada ti panangtulong ti Apo kaniak iti pagbaludan iti panangibagak iti naimbag a damag.
|
|
|
|
\s5
|
|
\v 15 Iwarwaragawag dagiti dadduma a tattao ti naimbag a damag gapu iti apal ken kayatda nga isuda ti padayawan dagiti namati a saan ket a siak. Ngem iwarwaragawag dagiti dadduma ti naimbag a damag gapu ta ay-ayatenda ni Cristo ken kayatda a mangngegan daytoy dagiti tattao a saan pay a nakangngeg iti naimbag a damag.
|
|
\v 16 Dagidiay nangiwarwaragawag iti naimbag a damag gapu ta ay-ayatenda ni Cristo ket ammoda a dinutokannak ti Dios nga agsao iti kaaduan ken mangilawlawag no apay a pudno ti naimbag a damag.
|
|
\v 17 Ngem dagidiay mangiwarwaragawag iti naimbag a damag maipanggep kenni Cristo gapu iti kinamanagimbubukod ket awan ti nasayaat a makagapu tapno aramiden dayta. Mamatida nga ad-adda a pagsagsagabaendak bayat ti kaaddak ditoy pagbaludan.
|
|
|
|
\s5
|
|
\v 18 Ngem saan a napateg dayta! Iwarwaragawag dagiti tattao ti naimbag a damag maipanggep kenni Cristo, uray no iti nasayaat a makagapu wenno iti dakes a makagapu. Isu a maragsakanak ta iwarwaras dagiti tattao ti mensahe maipanggep kenni Jesu-Cristo! Ken agtultuloyto a maragsakanak iti dayta!
|
|
\v 19 Agragsakakto gapu ta ammok a wayawayaannakto ti Dios manipud iti pagbaludan. Aramidennanto daytoy gapu ta ikarkararagandak ken gapu ta tultulongannak ti Espiritu ni Jesu-Cristo.
|
|
|
|
\s5
|
|
\v 20 Sigagagar ken sitatalgedak a mangnamnama nga agballigiakto mangaramid iti rumbeng nga aramidek. Ngem ketdi, addaanak iti tured ita, a kas iti napalabas. Padayawak ni Cristo babaen iti bagik, uray no agbiagak wenno matayak.
|
|
\v 21 Ta para kaniak, agbiagak tapno padayawak ni Cristo. Ngem no matayak, nasaysayaatto pay daytoy para kaniak.
|
|
|
|
\s5
|
|
\v 22 Ngem no agtultuloyak nga agbiag iti lasag, kabaelakto ti agserbi kenni Cristo ditoy. Isu a saanko nga ammo no ti piliek ket ti agbiag wenno ti matay.
|
|
\v 23 Saanak a makapangngeddeng no ti piliek ket ti agbiag wenno ti matay. Kalikagumak ti matay ken panawan daytoy a lubong ken mapan a tumipon kenni Cristo, gapu ta nasaysayaat para iti siasinoman ti tumipon kenni Cristo.
|
|
\v 24 Ngem ad-adda a napateg no agtalinaedak a sibibiag ditoy daga gapu ta kasapulanyo pay ti tulongko.
|
|
|
|
\s5
|
|
\v 25 Agsipud ta naallukoyak iti daytoy, ammok nga agtalinaedakto a sibibiag a kaduayo amin tapno tulongankayo nga agrag-o ken ad-adda nga agtalek kenni Cristo.
|
|
\v 26 Isu a rumbeng nga agragsakkayo maipanggep kaniak gapu kenni Cristo Jesus inton addaak manen kadakayo.
|
|
\v 27 Kangrunaanna unay, agsingsingpetkayo iti imatang dagiti tattao nga agbibiag iti aglawlawyo kas panangipakitayo iti panagraemyo iti naimbag a damag maipanggep kenni Cristo. Aramidenyo daytoy, tapno iti kasta umayak man a mangkita kadakayo wenno saan ket maragsakanak iti wagas ti panagbiagyo. Ibagada koma kaniak a sangsangkamaysa nga ar-aramidenyo ti kabaelanyo a mamati ken agbiag a maiyannurot iti isursuro kadatayo ti naimbag a damag.
|
|
|
|
\s5
|
|
\v 28 Diyo itulok a butbutngen dakayo dagiti tattao a bumusor kadakayo! No naturedkayo ken malapdanyo ida, daytoy ti mangipakita kadakuada a dadaelento isuda ti Dios ngem isalakannakayonto.
|
|
\v 29 Naimbag kadakayo ti Dios: itultulokna nga agsagabakayo para kenni Cristo, kasta met nga agtalekkayo kenkuana.
|
|
\v 30 Kasapulan a lapdanyo dagiti mangsupsuppiat iti naimbag a damag, kas iti nakitayo a kinasapulak a lapdan dagiti kasta a tattao idiay Filipos, ken kas iti nangngegyo a masapul a lapdak dagiti kakasta a tattao nga adda ditoy ita.
|
|
|
|
\s5
|
|
\c 2
|
|
\p
|
|
\v 1 Agsipud ta pabpabilgennatayo ni Cristo, agsipud ta ay-ayatennatayo, ken liwliwanaennatayo, agsipud ta makikadkaddua ti espiritu ti Dios kadatayo, ken agsipud ta naasi unay ni Cristo kadatayo.
|
|
\v 2 An-anayenyo ti ragsakko babaen iti panangaramidyo kadagiti sumaganad: agtitinnunoskayo, agiinnayatkayo, sangsangkamaysakayo agtignay a kas maysa a tao, ken ikagumaanyo nga aramiden dagiti isu met laeng a banbanag.
|
|
|
|
\s5
|
|
\v 3 Saanyo nga ibilang a nangnangruna dagiti bagbagiyo ngem kadagiti dadduma wenno ipasindayaw ti maipapan kadagiti ar-aramidenyo. Ngem ketdi, agpakumbabakayo, ket ipakitayo daytoy babaen iti panangraemyo kadagiti dadduma nga ad-adda ngem iti panangraemyo kadagiti bagbagiyo.
|
|
\v 4 Tunggal maysa kadakayo ket saan laeng koma a maseknan iti bukodna a pakasapulan. Ngem ketdi, pakaseknan koma iti tunggal maysa kadakayo a tumulong no ania iti pakasapulan dagiti dadduma.
|
|
|
|
\s5
|
|
\v 5 Agpanunotkayo iti isu met laeng a wagas kas kenni Cristo Jesus.
|
|
\v 6 Nupay isuna ket Dios met laeng, saanna a kiniddaw nga ibilangtayo isuna a kas Dios.
|
|
\v 7 Ngem ketdi, insardenga ti panagtignayna a kas Dios. Nagparang kadatayo a kas adipen. Nagbalin a tao, nagparang iti langa ti tao, uray no isuna ket maysa a Dios.
|
|
\v 8 Ket impakumbabana ti bagina ken nagtulnog iti Dios, nga uray no kasapulan a matay, uray matay iti krus a kasla kriminal.
|
|
|
|
\s5
|
|
\v 9 Pinadayawan ngarud unay isuna ti Dios, pinadayawanna isuna a nangnangruna ngem iti asinoman a nagbiag,
|
|
\v 10 tapno siasinoman a makangngeg iti nagan a "Jesus" ket agparintumengda tapno agdayaw kenkuana, tunggal maysa nga adda idiay langit, adda iti daga ken uneg iti daga;
|
|
\v 11 tapno bigbigen ti tunggal maysa a ni Jesu-Cristo ket Apo, ket dayawenda ti Dios Ama gapu kenkuana.
|
|
|
|
\s5
|
|
\v 12 Ay-ayatek a gayyemko, no kasano iti kanayon a panagtulnogyo iti Apo idi addaak pay kadakayo, ad-adda pay koma nga agtulnogkayo kenkuana ita nga adayoak kadakayo. Agkaykaysakayo a mangpadayaw iti Dios, agpakumbabakayo ken aramidenyo amin a kabaelanyo nga agbiag a nasayaat, kas kadagiti isalsalakan ti Dios.
|
|
\v 13 Ta agtigtignay ti Dios kadagiti puspusoyo tapno tarigagayanyo ken aramidenyo dagiti nasayaat a banbanag a pakaragsakanna.
|
|
|
|
\s5
|
|
\v 14 Aramidenyo amin a banbanag nga awan iti panagririri ken panagsinnuppiat,
|
|
\v 15 tapno saankayo nga agaramid wenno agpanunot iti aniaman a biddut iti panakipagnaedyo kadagiti saan a namati agsipud ta adu kadagitoy ket nadangkes a tattao nga ibilangda a naimbag ti dakes. Kadagitoy a nadangkes a tattao masapul nga agbalinkayo a kas kadagiti bituen iti rabii nga agraniag iti kasipngetan.
|
|
\v 16 Agtalekkayo a kanayon iti mensahe a mamagbalin kadakayo nga agbiag iti agnanayon. No aramidenyo daytoy, agragsakakto iti kanito a panagsubli ni Cristo, gapu ta kamaudiananna maammoakto a saanak a nagtrabaho kadakayo nga awan serserbina.
|
|
|
|
\s5
|
|
\v 17 Ket makipagragsakakto unay kadakayo amin, uray no papatayendak, ken maiparukpok ti darak a kas maysa a banag nga idatonko iti Dios. Nayon daytoy dagiti idatonyo iti Dios a gapu iti panagtalekkayo kenkuana.
|
|
\v 18 Iti isu met laeng a wagas, dakayo met, rumbeng a makipagragsakkayo kaniak!
|
|
|
|
\s5
|
|
\v 19 Agtaltalekak kenni Apo Jesus a mabalinak nga ibaon ni Timoteo kadakayo iti mabiit. Namnamaek nga inton agsubli isuna, maparegtanakto inton ibagana kaniak ti maipapan iti ar-aramiden ti Dios kadagiti bibiagyo.
|
|
\v 20 Awanen ti sabali pay a kas kenni Timoteo a pudpudno a mangipatpateg kadakayo.
|
|
\v 21 Amin dagiti dadduma a mabalinko koma nga ibaon kadakayo ket ti laeng bukodda a pagsayaatan ti napateg kadakuada. Saanda unay nga inbilang a napateg ti inbilang ni Jesu-Cristo a napateg.
|
|
|
|
\s5
|
|
\v 22 Ngem ammoyo a pinaneknekan ni Timoteo nga ay-ayatenna ti Apo, gapuna ta nakipagtrabaho kaniak a nangisuro iti naimbag a damag, kas iti pannakipagtrabaho ti maysa nga anak iti amana.
|
|
\v 23 Natalgedak a mangnamnama nga ibaonko ni Timoteo kadakayo apaman a maammoak no ania ti mapasamakto kaniak.
|
|
\v 24 Ken gapu ta mamatiak a pagayatan daytoy ti Apo a mapasamak, natalgedak a palubosandakto ket umayakto kadakayo.
|
|
|
|
\s5
|
|
\v 25 Mamatiak a masapul nga ibaonko nga agsubli ni Epafrodito kadakayo. Isuna ket pada a namati ken kaduak nga agserserbi, ken soldado ni Cristo, ken mensaheroyo ken adipen nga imbaonyo a nangtulong kaniak iti pakasapulak.
|
|
\v 26 Idi naammoan ni Epafrodito a nangegyo a nagsakit isuna, kasta unay ti danagna, ken tinarigagayanna nga adda koma isuna kadakayo amin dita Filipos.
|
|
\v 27 Pudno unay a nakaro ti sakitna ket uray la dandani natay, ngem saan a natay. Ngem ketdi, naasian unay ti Dios kenkuana ken kasta met kaniak, isu nga awan ti makagapu tapno agladingitak unay.
|
|
|
|
\s5
|
|
\v 28 Isu nga ibaonko isuna nga agsubli kadakayo iti kabiitan a panawen. Aramidek daytoy tapno iti kasta agrag-okayo inton makitayo manen isuna, ket saanak nga agladingit.
|
|
\v 29 Pasangbayenyo a sirarag-o ni Epafrodito gapu ta ay-ayatennatayo ni Apo-Jesus. Raemenyo isuna ken dagiti dadduma pay a namati a kas kenkuana.
|
|
\v 30 Kabayatan iti panagtrabahona para kenni Cristo, dandani isuna a natay. Insibbana ti biagna tapno laeng maipaayna dagiti banbanag a pakasapulak, banbanag a saanyo a maaramid agsipud ta adayokayo unay kaniak."
|
|
|
|
\s5
|
|
\c 3
|
|
\p
|
|
\v 1 Kamauddianana, kakabsatko iti pammati, itultuloyyo ti agrag-o gapu ta kukuanakayo ti Apo. Uray isuratko ita kadakayo ti maipanggep kadagidiay nadakamatko a banbanag iti napalabas, saanak a mabannog, ket daytoy ti mangsalaknibto kadakayo manipud kadagiti agpanggep a mangdangran kadakayo.
|
|
\v 2 Agannadkayo kadagiti tattao a napeggad a kas kadagiti atap nga aso. Adda laeng paset iti bagi dagiti lallaki nga iwaenda tapno agbalinda a Judio.
|
|
\v 3 Ngem no maipanggep kadatayo--inikkannatayo ti Espiritu ti Dios iti kabaelan nga agdayaw a sipupudno iti Dios; agrag-otayo gapu ta agtalektayo kenni Cristo Jesus; ken dagiti kaugalian wenno seremonia nga ar-aramiden dagiti tattao ket awan ti kaipapananna kadatayo. Ngarud, datayo a mismo ti pudno a kaipapanan ti pannakakugit.
|
|
|
|
\s5
|
|
\v 4 No adda man bilang ti nakaaramid kadagiti umiso a banbanag a makaay-ayo iti Dios, siak koman daydiay.
|
|
\v 5 Kinugitdak kalpasan ti pito nga aldaw manipud pannakaiyanakko. Naiyanakak a maysa kadagiti tattao ti Israel. Nagtaudak iti tribu ti Benjamin. Awanen ti sabali pay a mabirukanyo a napurpuro a Hebreo ngem siak! Amin dagiti kapuonak ket Hebreo. Ket kas maysa a Pariseo, a nagtulnogak kadagiti amin a linteg ni Moises ken kadagiti insuro dagiti kapuonantayo maipapan kadagitoy.
|
|
|
|
\s5
|
|
\v 6 Nasged unay ti tarigagayko nga agtulnog koma dagiti tattao iti linteg, isu a pinarigatko dagiti namati kenni Cristo. Awan ti makaibaga a saanak a nagtulnog iti linteg.
|
|
\v 7 Ngem amin a banag nga imbilangko a napateg ket ibilangko itan a saan a napateg, gapu ta binalbaliwannak ni Cristo.
|
|
|
|
\s5
|
|
\v 8 Ngem ketdi, ad-adda nga ibilangko ita amin a banag a saan laeng nga awan serserbina, ngem kas iti awan serserbina a rugit a maibelleng, no maidilig iti kinapateg ti pannakaammo kenni Cristo Jesus nga Apok. Inikkatkon iti biagko dagiti banbanag a saan a napateg, tapno maipamaysak ti panunotko kenni Cristo. Naan-anayen a kukuanak ni Cristo.
|
|
\v 9 Ammok nga awan kabaelak a mamagbalin iti bagik a nasayaat iti imatang ti Dios babaen iti panangtungpalko iti linteg. Ngem ketdi, naan-anay nga agtalekak kenni Cristo, isu nga imbilangnak ti Dios a nasayaat iti imatangna.
|
|
\v 10 Idi imbilangnak ti Dios a nasayaat iti imatangna, inaramidna daytoy tapno mairugik nga ammoen ni Cristo; tapno mabalin nga irugi ti Dios ti agtrabaho kaniak iti isu met laeng a pannakabalin a panangpagungarna kenni Cristo manipud iti patay; tapno makipagsagabaak a kas iti sinagaba ni Cristo; ken tapno mapagbalinnak ni Cristo a kas kenkuana idi natay isuna.
|
|
\v 11 Amin dagitoy ket gapu ta naan-anay a namnamaek a pagungarennakto ti Dios, kas inkarina.
|
|
|
|
\s5
|
|
\v 12 Saanko nga ibagbaga nga amin dagitoy a banbanag ket naan-anay a napasamaken kaniak. Ngem ar-aramidek amin a kabaelak a manggun-od kadagitoy a banbanag, gapu ta dagitoy a banbanag ti makagapu a pinagbalinnak ni Cristo Jesus a kukuana.
|
|
\v 13 Kakabsatko iti pammati, pudno a saanko pay laeng nga ibilbilang nga amin dagitoy a banbanag ket naan-anay a napasamaken kaniak. Ngem kaslaak iti maysa a tumataray, gapu ta saanak a tumalyaw iti likudak iti panagtarayko nga agturong iti linya a pagleppasan.
|
|
\v 14 Ngem ketdi, itultuloyko ti agtaray nga agturong iti linya a pagleppasan, tapno magun-odko ti gunggona, nga isu ti agbiag nga agnanayon a kadua ti Dios. Daytoy ti nangayaban ti Dios kaniak, a gapu kenni Cristo Jesus mabalin daaytoy a mapasamak.
|
|
|
|
\s5
|
|
\v 15 Isu a datayo amin a nagbalin a natibker iti pammati ket rumbeng nga agpanunot iti kastoy a wagas. Ngem siasinoman kadakayo ti saan nga a agpanunot iti kastoy a wagas, ipakaammonto ti Dios daytoy kadakayo.
|
|
\v 16 Aniaman ti pudno maipapan kadatayo ita, nupay adayo ti nakadanonantayo, ad-adda nga agtalektayo pay koma kenni Cristo iti isu met laeng a wagas nga inaramidtayo agingga ita.
|
|
|
|
\s5
|
|
\v 17 Kakabsatko iti pammati, tumiponkayo kaniak ken tuladendak, ken kitaenyo a naimbag dagiti tattao nga agbibiag a kas kaniak, ket tuladen ti pagwadanmi.
|
|
\v 18 Adu dagiti tattao nga agibagbaga a mamatida kenni Cristo, ngem suppiatenda met ti inaramidna idiay krus para kadatayo. Namin adun nga imbagak kadakayo ti maipanggep kadagidiay a tattao, ket ita nalidayak ken makasangitak pay iti panangibagak manen kadakayo iti maipanggep kadakuada.
|
|
\v 19 Dadaelento ida ti Dios iti kamauddianan, gapu ta ti Diosda ket ti tarigagayda a mangan, ken agbibiagda a nakababain ken ti panpanunotenda ket dagiti banag nga adda ditoy daga.
|
|
|
|
\s5
|
|
\v 20 No maipanggep kadatayo, umilitayo sadi langit. Ket sigagagartayo nga agur-uray iti panagsubli ti Apotayo ken Mangisalakantayo a ni Jesu-Cristo manipud langit.
|
|
\v 21 Sukatannanto dagiti bagi nga adda kadatayo ita, bagbagi a nakapsut ken nanumo, iti bagi a kas iti nadayag a bagina. Aramidennanto daytoy iti isu met laeng a pannakabalin a pangtengtengngelna kadagiti amin a banag.
|
|
|
|
\s5
|
|
\c 4
|
|
\p
|
|
\v 1 Kakabsatko iti pammati, ay-ayaten ken mailiwak kadakayo. Maragsakanak kadakayo; dakayonto ti makagapu a gungonaannak ti Dios. Patgek a gagayyem, ituloyyo ti sititibker a mamati iti Apo, a kas inladawanko kadakayo iti daytoy a surat.
|
|
\v 2 Ipakpakaasik kadakayo Evodia ken Sintike nga agkappiakayo koma manen, gapu ta agpada a nakipagmaymaysakayo kenni Apo Jesus.
|
|
\v 3 Ken ipakpakaasik met kadakayo a napudno a kakaduak, a tulonganyo dagitoy a babbai. Sipupudno nga inwaragawagda dagiti naimbag a damag ken nakipagtrabahoda kaniak, kasta met ni Clemente ken dagiti padak nga agtrabtrabaho a naisurat dagiti naganda iti Libro ti Biag, ti libro a nangisuratan ti Dios kadagiti nagnagan dagiti amin a tattao nga agbiagto iti agnanayon.
|
|
|
|
\s5
|
|
\v 4 Kanayon nga agrag-okayo kenni Apo Jesus! Ibagak manen, agrag-okayo!
|
|
\v 5 Masapul a makita ti amin a tattao a naanuskayo gapu ta asidigen ti ti Apo.
|
|
\v 6 Saanyo a pakadanagan ti aniaman a banag. Ngem ketdi, iti tunggal kasasaad ti panagbiag agkararagkayo iti Dios, ibagayo kenkuana no ania ti kasapulanyo, ken dawatenyo kenkuana a tulongannakayo. Ken pagyamananyo ti Dios kadagiti amin nga ar-aramidenna para kadakayo.
|
|
\v 7 Ket ti kappia ti Dios, a nalablabes ngem iti kabaelantayo a maawatan, maiyarig iti maysa a soldado a mangbanbantay iti marikrikna ken panpanunotenyo, iti pannakaitipontayo kenni Cristo Jesus.
|
|
|
|
\s5
|
|
\v 8 Kamaudiananna, kakabsatko iti pammati, aniaman a pudno, aniaman a maikari a raemen dagiti tattao, aniaman a nalinteg, aniaman nga awan pakapilawanna, aniaman a makaay-ayo, aniaman a mararaem, aniaman a nasayaat, aniaman a maikari a dayawen dagiti tattao: dagitoy dagiti banag a rumbeng a kanayonyo a panpanunoten.
|
|
\v 9 Dagidiay a banbanag nga insurok kadakayo ken naawatyon manipud kaniak, dagidiay a banbanag a nangngeganyo nga imbagak ken nakitayon nga inaramidko, dagidiay dagiti banag a rumbeng a kanayon nga aramidenyo. Ket ti Dios a mangmangted kadatayo iti kappia ket addanto kadakayo.
|
|
|
|
\s5
|
|
\v 10 Kasta la unay ti panagrag-ok ken panagyamanko iti Apo gapu ta ita, kalpasan ti nabayag a tiempo, pinatulodandak iti kuarta ket iti naminsan pay impakitayo nga adda panangisakityo kaniak. Pudno la unay, nga iti amin a tiempo ket isaksakitdak, ngem awan ti gundawayyo a mangipakita iti daytoy.
|
|
\v 11 Saanko nga ibagbaga daytoy gapu ta agkasapulanak iti sumagmamano a banag. Kinapudnona, nasursurok ti mapnek iti aniaman nga adda kaniak.
|
|
\v 12 Kabaelak ti maawanan iti kasapulan wenno maaddaan iti aglaplapusanan. Nasursurokon no kasano ti mapnek iti amin a kasasaad ti panagbiag. Ammok ti palimed no kasano ti agbalin a naragsak iti amin a gundaway.
|
|
\v 13 Nakasaganaak a mangaramid iti tunggal banag gapu kenni Cristo a mangpappapigsa kaniak.
|
|
|
|
\s5
|
|
\v 14 Nupay kasta, inaramidyo ti umno iti pannakipagsagabayo kaniak.
|
|
\v 15 Gagayyemko dita Filipos, ammoyo a kabayatan ti umuna a gundaway nga inwaragawagko ti naimbag a damag kadakayo, idi pimmanawak dita a mapan iti probinsia ti Macedonia, awan ti bunggoy dagiti namati a nangipatulod kaniak iti kuarta wenno timmulong kaniak iti uray ania a wagas malaksid laeng kadakayo!
|
|
\v 16 Uray idi addaak idiay siudad ti Tesalonica, saan laeng a naminsan a pinatulodandak iti kuarta tapno mapaadda no ania ti kasapulak.
|
|
\v 17 Ibagbagak daytoy saan a gapu ta tartarigagayak nga ikkandak iti kuarta ita. Ngem ketdi, kayatko a makita nga agar-aramidkayo iti ad-adu pay a banag a pangpadayawanto ti Dios kadakayo.
|
|
|
|
\s5
|
|
\v 18 Addaanak iti aglaplapusanan a banbanag ita. Addaanak iti adu a banbanag nga impatulodyo kaniak babaen kenni Epafrodito. Dagitoy a banbanag ket maiyarig iti nasayaat nga ayamuom ti ayup a pupuoran dagiti padi kas daton iti Dios.
|
|
\v 19 Ti Dios a pagserserbiak, ipaaynanto ti tunggal banag a kasapulanyo gapu ta kukuanakayo kenni Jesu-Cristo, a makinkukua iti kinangayed ken kinabaknang ti langit.
|
|
\v 20 Isu a rumbeng nga idaydayaw dagiti tattao ti Dios nga Amatayo nga agturay iti agnanayon ken awan patinggana nga addaan iti naraniag unay a lawag! Amen!
|
|
|
|
\s5
|
|
\v 21 Ikablaawandak kadagiti amin a namati. Kukua ida amin ti Dios! Kabkablaawandakayo met dagiti namati a kaduak ditoy.
|
|
\v 22 Amin dagiti tattao ti Dios ditoy ket kabkablaawandakayo. Nangnangruna dagiti kakabsat a namati nga agtrabtrabaho idiay palasio ni Cesar nga emperador ket kabkablaawandakayo met.
|
|
\v 23 Ti tarigagayko ket agtultuloy koma ti siaasi a panagtignay ni Apotayo nga Jesu-Cristo kadakayo amin.
|