ilo_udb/50-EPH.usfm

\id EPH
\ide UTF-8
\h Taga- Efeso
\toc1 Taga- Efeso
\toc2 Taga- Efeso
\toc3 eph
\mt Taga- Efeso

\s5
\c 1
\p
\v 1 Siak ni Pablo, daytoy a surat ket para kadagiti ay-ayatek a padak a namati nga inlasin ti Dios para iti bagina, ken napudno kenni Cristo Jesus--agsursuratak kadagiti pada a namati nga agnanaed iti siudad ti Efeso. Siak ni Pablo, a pinili ti Dios ken imbaon ti Dios kadakayo a kas maysa nga apostol ni Cristo Jesus.
\v 2 Ikarkararagko nga ited kadakayo ti Dios nga Amatayo ken ni Jesu Cristo ti kinaimbagna ken kapia.

\s5
\v 3 Madaydayaw ti Dios, ti Ama iti Apotayo a ni Jesu-Cristo! Pinagrag-otanayo iti kasta unay babaen kadagiti amin a kita iti nainlangitan, naespirituan a bendision nga inted ni Cristo kadatayo.
\v 4 Sakbay a pinarsua iti Dios ti lubong pinilinatayo nga agbalin a tattaona babaen kenni Cristo, a nangilasin kadatayo para iti Dios nga agbiag nga awan pakapilawan iti imatangna.

\s5
\v 5 Gapu ta ay-ayatennatayo, nabayagen a panawen a pinanggep ti Dios nga akuennatayo a kas bukodna nga annak gapu iti inaramid ni Jesu-Cristo. Pinanggepna nga akuennatayo gapu ta makaay-ayo kenkuana ti panagbalintayo nga annakna, isu nga inaramidna iti kayatna nga aramiden.
\v 6 Gapu iti daytoy, daydayawentayo ita ti Dios gapu iti nakaskasdaaw a kinaimbagna nga intedna kadatayo ti Anakna a dungdungoenna, kinaimbag a saantayo a pakaikarian.

\s5
\v 7 Winayawayaannatayon ni Jesus a kasla ginatangnatayo manipud iti pagtagilakoan iti tagabu. Winayawayaannatayo babaen iti pannakatayna; dayta ket, pinakawannatayo ti Dios kadagiti basbasoltayo, gapu ta nagimbag unay isuna kadatayo.
\v 8 Nagimbag unay isuna kadatayo, ken intedna kadatayo dagiti amin a kita iti kinasirib.

\s5
\v 9 Inlawlawagen ita iti Dios ti palimed iti panggepna, kas naay-ayo isuna a mangipakaammo kenni Cristo.
\v 10 Pinanggep ti Dios nga iti tiempo nga intudingna ket pagmaymaysaennanto dagiti amin a banbanag idiay langit ken dagiti amin a banbanag ditoy daga, ken ninto Cristo ti mangituray kadagitoy.

\s5
\v 11 Idi nabayagen a panawen, pinilinatayo ti Dios a makipagmaymaysa kenni Cristo, a kas iti pinanggepna--ken kankanayonna nga ar-aramiden ti kayatna nga aramiden.
\v 12 Inaramidna dagidiay tapno dagiti Judio, a sitatalek a nangnamnama nga umay ti Mesias ken isalakanna ida sakbay a maamoan dagiti saan a Judio iti aniaman a banag maipanggep ken Cristo, ket idaydayawda isuna gapu iti kinaimbagna.

\s5
\v 13 Ita, nangegyo a taga-Efeso ken dadduma a saan a Judio ti pudno a mensahe, ti naimbag a damag nga isalakan ni Jesus ti tunggal maysa a mamati kenkuana. Ket namatikayo kenni Cristo, isu a kasla minarkaannakayo iti Espiritu ti Dios kadagiti mugingyo tapno maipakita a kukuanakayo ti Dios.
\v 14 Pammaneknek ti Espiritu Santo a maawattayonto amin nga inkari ti Dios. Naindaklan amin dagitoy a rason tapno dayawen isuna!

\s5
\v 15 Gapu ta nagadun ti naaramidan ti Dios kadakayo, ken gapu ta nangngegko ti panagtalekyo kenni Apo Jesus ken ti panangayatyo kadagiti amin a pinili ti Dios para iti bagina,
\v 16 saanak a nagsardeng nga agyamyaman iti Dios para kadakayo ken masansan nga ikarkararagkayo.

\s5
\v 17 Ikararagko a ti Dios, nga Ama ni Apotayo a ni Jesu-Cristo, ti Ama nga agnanaed iti agranranniag a silaw, ket tulongannakayo koma nga agpanunot a sisisirib ken mangawat kadagiti amin a banag maipanggep iti ipakaammona kadakayo.
\v 18 Ikarkararagko a suroannakayo koma ti Dios maipapan iti kayatna nga aramiden para kadatayo, ken no apay nga ammotayo nga ibagbagana ti kinapudno. Ikarkararagko a maamoantayo koma ti kinaindaklan dagiti banbanag nga inkarina nga ited kadatayo ken kadagiti siasinoman a pilienna a maitipon kenkuana.

\s5
\v 19 Ken ikarkararagko a maamoanyo ti kinabileg ti panagtigtignay ti Dios para kadatayo nga agtaltalek kenni Cristo. Sibibileg isuna nga agtabtrabaho para kadatayo,
\v 20 a kas iti panagtignayna a sibibileg para kenni Cristo idi pinabbiagna manen ni Cristo kalpasan ti pannakatayna, ken impangatona isuna iti lugar ti kangatoan a pakaidaydayawan sadi langit.
\v 21 Iti dayta a lugar, agturturay ni Cristo a kas kangangatoan kadagiti amin a mannakabalin nga espiritu iti tunggal tukad ti turay ken kadagiti amin nga adda a nagan. Nangatngato ni Jesus ngem iti aniaman nga agbibiag, saan laeng nga ita, ngem iti agnanayon.

\s5
\v 22 Inkabil ti Dios dagiti amin nga sibibiag iti turay ni Cristo, a kasla addada amin iti sirok ti sakana. Ken insaad ti Dios ni Cristo a kas mangiturturay kadagiti amin a namati iti sadinoman.
\v 23 Daytoy ket kasla dagiti amin a namati ket bagi ni Cristo. Punpunoenna dagiti amin a namati iti sadinoman babaen ti pannakabalinna, kas iti panangpunnona iti sangalubongan babaen iti pannakabalinna.

\s5
\c 2
\p
\v 1 Sakbay a nagtalekkayo kenni Cristo ket awanankayo iti panakabalin nga agtulnog iti Dios. Awan kabaelanyo a kas iti maysa a natayen a tao.
\v 2 Nagbiagkayo iti naminsan a kas kadagiti kaadduan a tattao iti lubong a sumursurot ita kenni Satanas, ti dakes a mangiturturay kadagiti dakes nga espiritu a saantayo a makitkita. Ni Satanas ti dakes nga espiritu a mangtengtengngel ita kadagiti tattao a saan nga agtungtungpal iti Dios.
\v 3 Iti maysa a tiempo ket maysatayo met kadakuada a saan a nagtungpal iti Dios; inaramidtayo dagiti dakes a banbanag a tinarigagayantayo, banbanag a mangted iti ragsak kadagiti bagbagi ken panpanunottayo. Isu a kasta unay ti unget ti Dios kadatayo, a kasla kadagiti dadduma.

\s5
\v 4 Ngem nagtignay ti Dios a siaasi, ken ay-ayatennatayo iti kasta unay.
\v 5 Maiyarigtayo kadagiti natay a tattao, awanan iti pannakabalin nga agtungpal iti Dios, ngem pinabbiagnatayo manen babaen iti panangitiponna kadatayo kenni Cristo. Insalakannatayo ti Dios gapu ta nagimbag unay isuna kadatayo.
\v 6 Pinagungarnatayo manipud kadagiti kasla natay a tattao, ken innikkannatayo iti tugaw iti dayaw nga agturay a kadua ni Cristo Jesus idiay nainlangitan a luglugar.
\v 7 Inaramidna daytoy tapno maipakitana iti masakbayan a tiempo ti kinaimbagna kadatayo, ta naitipontayo kenni Cristo Jesus.

\s5
\v 8 Ta insalakannakayo ti Dios manipud iti pannakadusa babaen iti napalalo a kinaimbagna gapu ta agtaltalekkayo kenni Jesus. Saantayo nga insalakan dagiti bagbagitayo; daytoy ket sagut manipud iti Dios—
\v 9 maysa a sagut nga awan ti uray maysa a makagun-od, tapno awan ti makapasindayag ken makaibaga nga insalakanna ti bagina.
\v 10 Isu a pinarsuanatayo ti Dios a kas baro a tattao a naitipon kenni Cristo Jesus, tapno makaaramidtayo kadagiti naimbag a banbanag—banbanag a nabayagen a pinanggep ti Dios nga aramidentayo.

\s5
\v 11 Saanyo a liplipatan a dakayo a saan a Judio a namati ket naawagan idi a Hentil gapu ta saankayo a naiyanak a kas Judio. Linaisdakayo dagiti Judio babaen ti panangawagda kadakayo iti "pagano a saan a nakugit." Aw-awaganda dagiti bagbagida a "dagiti nakugit;" kayatda a sawen iti daytoy nga isuda, saan a dakayo, ket tattao iti Dios, uray no ti pannakakugit ket maysa a banag nga ar-aramiden laeng dagiti tao, saan a ti Dios.
\v 12 Iti dayta a tiempo, awan ti pasetyo kenni Cristo ken saankayo a karaman kadagiti tattaona nga Israel. Saanyo nga ammo dagiti kari ken linteg ti Dios. Awan ti talgedyo iti masakbayan nga inkari ti Dios kadakayo, ken kas nagbibiagkayo, saanyo nga am-ammo ti Dios.

\s5
\v 13 Ngem ita, gapu iti inaramid ni Cristo Jesus, nabaelanyon ti agtalek kenkuana gapu ta imanamong ni Cristo a matay iti krus.
\v 14 Inyeg ni Cristo ti kappia ken panagkaykaysa iti nagbabaetan dagiti Judio ken dagiti saan a Judio babaen iti panangdadaelna iti lapped iti nagbabaetantayo, a kasla adda dinadaelna a pader iti gura a namagsisina kadagiti tattaotayo manipud iti tunggal maysa.
\v 15 Inaramidna a saanen a kasapulan nga agtulnogtayo kadagiti amin a linlinteg ken bilbilin dagiti Judio. Pinagbalinna dagiti Judio ken saan a Judio a maymaysa a tattao imbes a dua gapu ta nangiyeg isuna iti kapia iti nagbabaetantayo.
\v 16 Pinagbalin ni Jesus dagiti Judio ken saan a Judio a sangsangkamaysa nga agbalin a gagayyem iti Dios iti maymaysa a baro a bunggoy dagiti namati. Babaen iti ipapatayna iti krus, inaramid ni Jesus a mabalin para kadakuada nga agsardeng nga aggiginnura.

\s5
\v 17 Immay ni Jesus ken inwaragawagna ti ebanghelio a mangiyeg iti pannakikapia iti Dios; inwaragawagna daytoy kadakayo a saan a Judio, a saan a makaammo iti maipanggep iti Dios, ken kadakami a Judio, a makaam-amo iti maipanggep iti Dios.
\v 18 Babaen kenni Jesus, dagiti Judio ken saan a Judio ket mabalindan ita ti makitungtong iti Ama gapu ta agnanaed ti Espiritu ti Dios kadagiti amin a namati.

\s5
\v 19 Ngarud ita, dakayo a saan a Judio ket saanen a gangannaet ken sangsangaili kadagiti tattao iti Dios, ngem ketdi padadakayo a kamkameng kadagiti inlasin ti Dios para iti bagina, ken naibilangkayo iti pamilia ti Dios, a ti Ama ket ti Dios.
\v 20 Maiyarigkayo kadagiti batbato nga inaramid ti Dios nga agbalin a paset iti pasdekna, ken naipatakder ti pasdek kadagiti insuro dagiti apostol ken dagiti profeta. Ti kapatpatgan a bato, ti pasuli a bato, iti pasdek ket ni Cristo Jesus a mismo.
\v 21 Papaaduen ni Jesus ti pamilia dagiti namati ken pagmaymaysaenna ida a kas iti templo iti bato a nabangon ken maitutop ti tunggal maysa, umad-adu kas itiptipon ti Apo iti bagina dagiti baro a namati.
\v 22 Bangbangonennakayo ni Jesus nga agkakadua, dakayo a Judio ken saan a Judio, iti maysa a pamilia a pagnanaedan iti Dios babaen iti Espirituna.

\s5
\c 3
\p
\v 1 Inaramid amin ti Dios dagitoy para kadakayo a saan a Judio nga isu a, siak, ni Pablo, ket adda ditoy pagbaludan gapu kenni Cristo Jesus.
\v 2 Pagarupek nga ammoyo a pinadayawannak ti Dios babaen iti panangtedna kaniak iti maysa a trabaho nga aramidek para iti pagimbaganyo.

\s5
\v 3 Intedna kaniak daytoy a trabaho gapu iti palimed a kinapudno nga insuratko kadakayo iti ababa;
\v 4 no basaenyo iti insursuratkon iti ababa maipapan iti dayta, maawatanyonto a nalawag a maawatak ti kinapudno maipapan kenni Cristo.
\v 5 Iti sigud, saan a naan-anay nga imparang iti Dios ti naimbag a damag a dumteng iti tunggal maysa. Maysa a banag daytoy nga awan iti nakaawat, ngem ita imparang ti Espirituna ti naimbag a damag kadagiti apostol ken profetana nga inayaban iti Espiritu nga agserbi iti Dios.

\s5
\v 6 Daytoy a naidulin a kinapudno ket dagiti saan a Judio ket makibingbingayen ita kadagiti Judio kadagiti naespirituan a kinabaknang iti Dios, ken maibilangda iti isu met laeng a bunggoy iti tattao iti Dios, ken makibingayda kadagiti amin a banbanag nga inkari iti Dios kadakuada, gapu ta naitiponda kenni Cristo Jesus—daytoy ti ebanghelio.
\v 7 Maysaakon ita nga adipen iti Dios a mangiwaras ti naimbag a damag, maysa a trabaho a saanak a maikari a mangaramid, ngem inted ti Dios nga agtrabtrabaho kaniak babaen iti pannakabalinna.

\s5
\v 8 Uray pay no siak ti kanunumoan kadagiti amin a tattao iti Dios, inikkannak iti Dios iti kabaelan babaen iti kinaimbag ken kinamanangngaasina a mangiwarwaragawag kadagiti saan a Judio iti naimbag a damag maipanggep iti inaramid ni Cristo para kadatayo, a naindaklan unay nga awan iti siasinoman a makailadawan.
\v 9 Ti nakaibaonak ket ti mangipalawag iti tunggal maysa no ania ti panggep iti Dios, maysa a banag nga indulin iti Dios iti nabayag a panawen, manipud idi tiempo a pinarsuana iti amin a banag.

\s5
\v 10 Ti pinanggep ti Dios a sisisirib, impakitana pay kadagiti nabibileg nga anghel idiay langit babaen kadagiti tattaona nga agtaltalek kenni Cristo.
\v 11 Dayta ti kankanayon a panggep ti Dios para iti agnanayon, ken daytoy ti inleppasna babaen iti inaramid ni Cristo Jesus nga Apotayo.

\s5
\v 12 Isu nga ita no agkararagtayo, mabalintayo ti umasideg iti Dios a sitatalged ken awanan iti panagbuteng, gapu ta agtaltalektayo kenni Jesus, a nangpatungpal iti panggep iti Dios.
\v 13 Isu a dawatek a saankayo a maup-upay gapu kadagiti sagsagabaek nga adu a banbanag para kadakayo ditoy pagbaludan, nga agbanag a pakaraemanyo.

\s5
\v 14 Gapu ta inaramid amin ti Dios dagitoy para kadakayo, agparintumeng ken agkararagak iti Dios nga Amatayo.
\v 15 Isuna ti kasla ama kadagiti amin a namati nga adda itan idiay langit ken kadagiti adda pay laeng ditoy daga, ken isuna iti Nangparsua kadagiti amin a sibibiag.
\v 16 Ikarkararagko gapu iti naindaklan a pannakabalinna nga ikkannakayo ti Dios iti pannakabalin ken papigsaennakayonto babaen iti Espirituna nga agnanaed kadagiti espirituyo.

\s5
\v 17 Ikarkararagko nga agnaed koma ni Cristo kadagiti pusoyo gapu ta agtaltalekkayo kenkuana, ken agbalinkayo koma a kasla iti natibker a kayo a naiparamut ken pasdek a naipundasyon iti rabaw iti bato,
\v 18 tapno maawatanyo koma a naan-anay, a kaduayo amin a nailasin para iti Dios, ti kinalawa ken kinaatiddug ken kinangato ken kinauneg ti panagayat ni Cristo.
\v 19 Ta daytoy nga ayat ket naindaklan unay a saantayo a maawatan, ngem gapu iti daytoy nga ayat, ikarkararagko a punnoennakayo koma amin iti Dios iti presensiana.

\s5
\v 20 Dakdakkel a banbanag ti kabaelan ti Dios nga aramiden ngem kadagiti dawdawatentayo kenkuana nga aramidenna, wenno uray dagiti panpanunotentayo a kabaelanna nga aramiden, gapu iti pannakabalinna nga agtrabtrabaho kadatayo.
\v 21 Masapul a maidayaw ti Dios iti labes iti amin a banag babaen kadagiti amin a namati a nagtitipon tapno dayawenda isuna ken babaen kenni Cristo Jesus. Amin koma a namati manipud iti amin a henerasion iti pakasaritaan ket dayawenda isuna iti agnanayon ken awan patinggana! Maaramid koma daytoy.

\s5
\c 4
\p
\v 1 Ngarud, manipud iti daytoy a pagbaludan nga ayanko gapu ta iwarwaragawagko ni Apo Jesus, allukoyenkayo a pinili ti Dios nga agbiag iti wagas a maidaydayaw ni Jesus, a nangayab kadakayo.
\v 2 Sipapakumbaba ken sieemma ken siaanuskayo a mangted kadagiti kasapulan ti tunggal maysa gapu ta ay-ayatenyo ti tunggal maysa.
\v 3 Aramidenyo amin a kabaelanyo nga agtalinaed kayo nga agkaykaysa babaen iti panakipagbiagyo a natalna iti tunggal maysa.

\s5
\v 4 Amin a namati ket mangbukel iti maysa a bunggoy, ken adda laeng ti maymaysa nga Espiritu Santo, ken napilikayo a sinanama nga aguray iti Dios a tungpalenna dagiti karina kadakayo.
\v 5 Adda laeng ti maymaysa nga Apo, ni Jesu-Cristo, a pagtaltalkantayo amin. Ken adda laeng ti maymaysa a wagas iti panangbautisar iti siasinoman iti naganna.
\v 6 Adda ti maysa a Dios, ti pudno nga Ama ti amin. Iturturayanna dagiti amin a tattaona ken punpunoenna ti amin a banbanag iti pannakabalinna.

\s5
\v 7 Siaayat nga inikkan ti Dios dagiti tunggal namati iti naespirituan a sagsagut a rinukod ni Cristo a kas kalikagumanna.
\v 8 Kapada daytoy ti imbaga ti Nangisurat iti Salmo maipanggep iti panangawat ti Dios iti kuarta kas panangraem manipud kadagiti pinarmekna. Idi immuli isuna iti siudadna iti tuktok iti bantay, indauloanna dagiti naibalud iti pannakaibalud ket intedna dagiti sagsagut iti panangraem kadagiti tattaona.

\s5
\v 9 Ti sao nga "immuli isuna" ket awan duadua nga ipakaammona kadatayo a bimmaba met idi ni Cristo ditoy daga manipud idiay langit, a kasla bumabbaba manipud iti Jerusalem ti pinulotan ti Dios nga ari tapno makiranget.
\v 10 Ni Cristo, a bimmaba ditoy daga a mangparmek iti dakes, ket isu met laeng ti nailansa iti krus para kadagiti basbasoltayo, nagbiag manen, ket immuli idiay kangatoan a pagsaadan idiay langit, tapno matengngelna dagiti amin a banbanag.

\s5
\v 11 Dinutokanna dagiti sumagmamano a namati nga agbalin nga apostol, sumagmamano a profeta, sumagmamano a mangaskasaba, ken sumagmamano a mangidaulo ken dagiti dadduma a mangisuro kadagiti bunggoy dagiti namati.
\v 12 Daytoy ket tapno maisagana dagiti tattao ti Dios a mangaramid iti trabaho iti Dios ken tapno agserbi kadagiti dadduma, tapno dagiti amin a tattao a kukua ni Cristo ket mapapigsa iti naespirituan.
\v 13 Kayatna nga amintayo a namati ket agkaykaysa nga agtalek kenkuana ken dumakkel tapno maawatantayo isuna a naan-anay. Kayatna nga agbalintayo a nataengan a namati, sangsangkamaysa, a dumakdakkel nga agbalin a kas kenkuana, nga awan pagkuranganna.

\s5
\v 14 Ket saantayon nga agbalin a kasla awan ammona iti pudno, a kas kadagiti babassit nga ubbing. Saantayon a suroten ti aniaman a baro a sursuro, a kas iti bangka nga iyalla-alla ti angin ken dagiti dalluyon. Saantayo a palubosan dagiti tattao nga agisursuro iti saan a pudno a sikapandatayo ken allilawendatayo.
\v 15 Ngem ketdi, agbiagtayo babaen iti panangayattayo iti Dios ken panagtaltalek kadagiti pudno a sursurona, ket agbalintayo nga ad-adda a kas kenni Cristo iti amin a wagas. Tengtenglenna dagiti tattaona a kas tengtenglen ti ulo ti tao ti bagina.
\v 16 Ik-ikkanna ti kabaelan dagiti amin a namati iti sadinoman a dumakkel a sangsangkamaysa ken kabaelan a mangayat iti tunggal maysa, kas iti bagi ti tao a maitutop iti tunggal maysa ken agtitinnengngel babaen kadagiti susuopan a mangisilsilpo kadagiti paset iti bagi, a mangipalubos iti bagi a dumakkel ken bumileg gapu ta dagiti paset ti bagi ket masapulda ti tunggal maysa.

\s5
\v 17 Babaen iti turay ni Apo Jesus, sibibilegko a pasingkedan a masapul a saankayon nga agbiag a kas iti ar-aramiden dagiti saan a namati a saan a Judio. Ti awan serserbina a wagas ti panagpanunotda ti mangiturturong kadakuada iti panagbiagda.
\v 18 Saanda a kabaelan a panunotem a naimbag ti maipapan iti rumbeng ken saan. Saanda a maawatan ti panagtulnog iti Dios gapu ta agkedkedda a dumngeg iti mensahena, ken isu nga awan kadakuada ti biag nga agnanayon nga inted ni Jesus kadatayo.
\v 19 Pinilida ti agaramid kadagiti nakababain a banbanag a tartarigagayan dagiti bagbagida nga awan pagpatinggaanna. Inaramidda dagiti amin a kita ti dakes nga aramid ken ad-adda pay a tartarigagayanda dagitoy, ken naagumda iti aniaman a banag a tarigagayanda.

\s5
\v 20 Ngem idi naadalyo ti maipanggep kenni Cristo saanyo a naadal ti agbiag a kas iti dayta.
\v 21 Ita, a nangngegyon ti maipanggep kenni Jesus ken insuronakayo, ammoyo a ti wagasna ket isu ti pudno a wagas nga agbiag.
\v 22 Insuro ni Jesus a masapul nga agsardengkayon nga agbiag iti sigud a wagas ti panagbiagyo. Kaslakayo dagiti bangkay nga agruprupsa gapu ta al-allilawenyo dagiti bagbagiyo kadagiti tinarigagayanyo.

\s5
\v 23 Masapul nga itulokyo a baliwan ti Dios dagiti espirituyo ken ti panagpanunotyo.
\v 24 Masapul a rugianyon ti agbiag a kas baro a tao. Pinarsuanakayo ti Dios a kas baro a tao. Nailasinkayo para kenkuana. Pinarsuanakayo nga agbiag iti umno a wagas, nga agbiag babaen ti kinapudno maipanggep kenni Jesus a nasantoan.

\s5
\v 25 Ngarud, isardengyon ti mangul-ulbod iti tunggal maysa. Ngem ketdi, agsaokayo ti sipupudno iti tunggal maysa gapu ta agpapadatayo ita a namati. Pasettayon iti tunggal maysa iti pamilia ti Dios.
\v 26 No makaungetkayo, saanyo nga itulok nga agbalin a basol ti ungetyo. Sakbay nga aggibus ti aldaw, isardengyon ti panagung-ungetyo
\v 27 tapno saanyo a mapalubosan a sulisogennakayo ti diablo.

\s5
\v 28 Dagiti agtaktakaw ket masapul a saanen nga agtakaw. Ngem ketdi, masapul nga agtrabahoda para iti pagbiagda babaen iti bukodda nga aramid, tapno adda maitedda kadagiti agkasapulan.
\v 29 Saankayo nga agaramat kadagiti makapasakit a pagsasao. Ngem ketdi, agibagakayo kadagiti nasasayaat a banbanag a makatulong kadagiti tattao no agkasapulanda, dagiti banbanag a makatulong iti siasinoman a dumngeg.
\v 30 Saanyo a pagladingiten ti Espiritu Santo ti Dios babaen iti panagbibiagyo. Inkarina nga ispalennatayunto ti Dios iti maysa nga aldaw manipud iti daytoy a lubong iti kinadakes.

\s5
\v 31 Saankayo nga agpasugnod kadagiti dadduma. Saankayo a makaunget iti aniaman a wagas wenno mangisawang iti makapasakit kadagiti dadduma. Saankayo pulos a mangdadael iti dayaw dagiti dadduma. Saankayo nga agpanggep iti dakes kadagiti dadduma.
\v 32 Agbalinkayo a nasaayat iti tunggal maysa. Agtignaykayo a siaasi iti tunggal maysa. Pakawanenyo ti tunggal maysa, a kas iti panangpakawan ti Dios kadakayo gapu iti inaramid ni Cristo.

\s5
\c 5
\p
\v 1 Tuladenyo ti Dios gapu ta ay-ayatennatayo, gapu ta annaknakayo.
\v 2 Agbiagkayo babaen ti panangayatyo kadagiti dadduma a kas iti panangayat ni Cristo kadatayo idi intedna ti bagina a nailansa iti krus a kas sagut ken daton iti Dios para kadagiti basbasoltayo, a makaay-ayo unay iti Dios.

\s5
\v 3 Saankayo a mangisingasing iti aniaman a kita iti narugit nga aramid ken saanyo a tarigagayan dagiti kukua dagiti dadduma wenno dagiti dakes a banbanag nga ar-aramiden ti dadduma. Mabalin a dagita a basbasol a ti pakaigapuan nga agibaga dagiti dadduma a tattao iti dakes a banbanag maipanggep kadagiti tattao ti Dios, a nailasin para iti DIos, saan a para iti basol.
\v 4 Saankayo a mangibaga kadagiti naalas nga istoria kadagiti dadduma wenno agibaga iti minamaag a banbanag wenno agangaw maipanggep iti panagaramid iti basol. Saan a ti maipapan kadagita a banbanag ti sarsaritaen dagiti tattao a kukua ti Dios. Ngem ketdi, agyamankayo iti Dios gapu iti ayatna no makikatkatungtongkayo kadagiti dadduma.

\s5
\v 5 Mapagtalkanyo daytoy: Awanto ti narugit wenno nakababain, wenno naagum (ta daytoy ket kasla agdaydayaw metlaeng kadagiti didiosen) kadagiti tattao ti Dios nga iturayan ni Cristo a kas ari.
\v 6 Saanyo a palubosan nga allilawennakayo ti siasinoman babaen kadagiti palso a pagrason. Gapu ta ar-aramidenda dagitoy a dakes a banbanag, makaungetto ti Dios kadagiti tattao nga agsukir kenkuana.
\v 7 Isu a saankayo a makikadua kadagidiay agar-aramid kadagitoy a kita ti basbasol.

\s5
\v 8 Sakbay a namatikayo kenni Apo Jesus, agbibiagkayo iti nasukir a kinamanagbasol, a kasla nakapalawlaw kadakayo ti kinasipnget iti amin a tiempo. Ngem ita, agbiagkayon iti lawag iti Apo.
\v 9 Kas iti lawag a mangted iti nasasayaat a banbanag, kasta met a dagiti agbibiag iti lawag ni Jesus ket ammoda ken ar-aramidenda dagiti nasayaat, nalinteg ken pudno.
\v 10 Padasen ken kitaenyo ti makaay-ayo kenni Apo.
\v 11 Saankayo a makipaset kadagiti agar-aramid iti awan serserbina nga ar-aramidenda iti naespirituan a kinasipnget. Ngem ketdi, ibagayo lattan nga, "Awan pategna dagidiay a dakes nga ar-aramid,"
\v 12 gapu ta dagiti dakes a banbanag nga ar-aramiden dagiti tattao iti limed iti kinasipnget ket nakababain unay nga iladawan iti lawag.

\s5
\v 13 Amin nga iparang ti lawag ket makitan a silalawag ken ad-addan a maawatan
\v 14 gapu ta iparparang iti silaw ti agpayso. Kasta met laeng no ilawlawag ti sao ti Dios dagiti basbasol a mangdaddadael kadagiti tattao ken ni Jesus a mamakawan ken mangpabaro kadagiti tattao. Isu nga ibaga dagiti namati, "Agriing ken agungarkayo manipud iti panagbiag a kasla natay a tattao. Ikkannakayonto ti kabaelan ni Cristo a mangawat iti pammakawanna ken ti baro a biag.

\s5
\v 15 Isu nga agannadkayo iti panagbiagyo. Saankayo nga agtignay a kas kadagiti maag a tattao. Ngem ketdi, agtignakayo a kas kadagiti masirib a tattao.
\v 16 Usarenyo dagiti nabatbati a panawenyo ditoy daga a sisisirib gapu ta dagiti al-aldaw ditoy ket napnoan iti dakes.
\v 17 Isu a saankayo nga agbalin a maag. Ngem ketdi, awatenyo ti kayat ni Apo Jesus nga aramidenyo ken tungpalenyo daytoy!

\s5
\v 18 Saankayo nga agbartek babaen iti panaginum iti arak a mabalin a mangdadael iti biagyo. Ngem ketdi, tenglen koma ti Espiritu ti Dios dagiti aramidenyo iti amin a tiempo.
\v 19 Kantaanyo ti tunggal maysa kadagiti Salmo, ken agkantakayo kadagiti maipanggep kenni Cristo, ken agkantakayo kadagiti kankanta nga inted ti Espiritu ti Dios kadakayo. Kantaenyo dagitoy a Salmo ken dadduma a kankanta manipud kadagiti puspusoyo tapno dayawenyo ni Apo Jesus.
\v 20 Iti amin a tiempo pagyamananyo ti Dios nga Ama gapu iti naaramidan ni Apo Jesu-Cristo para kadakayo.
\v 21 Sipapakumbaba nga agpaituraykayo iti tunggal maysa gapu ta daydayawenyo ni Cristo.

\s5
\v 22-23 Nasken nga agpaituray dagiti assawa a babbai iti panangidaulo iti bukodna nga asawa a lalaki a kas iti panagpaiturayda kenni Apo Jesus, gapu ta ti asawa a lalaki ti pangulo iti asawa a babai a kas ni Cristo met iti pangulo iti iglesia dagiti namati. Isuna iti Mannangisalakan a nangisalakan kadagiti amin a namati kenkuana manipud iti pannakaukomda kadagiti basbasolda.
\v 24 Kas agpapaituray dagiti amin a namati iti turay ni Cristo, nasken nga agpaituray dagiti babbai a naan-anay iti turay ti asawada a lalaki.

\s5
\v 25 Kadakayo nga assawa a lallaki, ayatenyo ti asawayo a babae a kas iti panagayat ni Cristo kadagiti amin a namati ken impaayna ti bukodna a biag iti krus para kadatayo,
\v 26 tapno mailasinnatayo para kenkuana. Babaen iti bileg ti saona, dinalusan ni Jesus dagiti namati babaen iti panangikkatna iti dusa dagiti basbasoltayo, a kasla inugasannatayo iti danum.
\v 27 Ita, maiparangen ni Cristo dagiti amin a namati kenkuana a kas naan-anay a nadalus, napakawan, awanan ti pakapiliwan a bunggoy, awanan ti basol.

\s5
\v 28 Nasken nga ayaten ti tunggal lalaki ti asawana a babai a kas iti panagayatna iti bukodna a bagi. No ayaten dagiti lallaki dagiti assawada a babai, daytoy ket kasla ay-ayatenda dagiti bagbagida,
\v 29-30 gapu ta awan ti siasinoman a nanggura iti bukodna a bagi. Ngem ketdi, pakpakanenna ti bukodna a bagi ken aywananna daytoy, kasla ti panangaywan met laeng ni Cristo kadatayo amin a namati iti iglesiana iti sangalubongan. Nagbalintayo a maysa a bunggoy dagiti namati a kukuana.

\s5
\v 31 Kinuna iti Nasantoan a Surat daytoy maipanggep kadagiti tattao a mangasawa, "No agkallaysa ti maysa a lalaki ken babai, nasken a panawandan iti agnanayon dagiti tatang ken nanangda. Nasken nga agtiponda a kas agasawa, ken isuda a dua ket agbalin a kasla maymaysada a tao."
\v 32 Narigat a maawatan ti kayat a sawen dagitoy a banbanag nga impakaammon ti Dios ita, ngem ibagbagak kadakayo ti maipanggep iti panagayat ni Cristo kadagiti amin nga iglesia dagiti namati.
\v 33 Nupay kasta, maipanggep kadakayo, masapul nga ayaten ti tunggal lalaki ti asawana a babai a kas iti panagayatna iti bagina, ken masapul a raemen ti tunggal babai ti asawana.

\s5
\c 6
\p
\v 1 Dakayo nga annak, gapu ta kukuanakayo ni Apo Jesus, agtulnogkayo kadagiti nagannakyo, gapu ta daytoy ti umno nga aramidenyo.
\v 2 Imbilin ti Dios iti Nasantoan a Sursurat, "Raemen unay ti amam ken ti inam." Dayta ti umuna a linteg nga imbilin ti Dios nga inkarina met laeng ti maysa a banag. Inkarina,
\v 3 "No aramidem dayta, rumang-aykanto, ken agbiagkanto iti atiddug a tiempo iti rabaw ti daga."

\s5
\v 4 Dakayo a nagannak, saanyo a tratoen dagiti annakyo iti nakaro unay nga isu ti pagpungtotanda. Ngem ketdi, padakkelenyo isuda a nasayaat babaen ti panangbagbaga kadakuada ken babaen ti panangdisiplina kadakuada iti kababalin a kayat ni Apo Jesus nga aramidenyo.

\s5
\v 5 Dakayo a tagabu, agtulnogkayo no siasino dagiti amoyo ditoy daga. Agtulnogkayo kadakuada a siraraem unay ken sipupudno a kasla iti panagtulnogyo kenni Cristo.
\v 6 Agtulnogkayo kadakuada a saan laeng a no addada nga agbuybuya kadakayo. Ngem ketdi, agtulnogkayo kadakuada a kasla tagabunakayo ni Cristo, saan a tagabu dagiti amoyo. Aramidenyo a sireregta ti kayat ti Dios nga aramidenyo.
\v 7 Siraragsak a pagserbianyo dagiti amoyo, a kas agserserbikayo kenni Apo Jesus, saan a kas iti panagserbiyo kadagiti gagangay a tattao.
\v 8 Aramidenyo daytoy gapu ta ammoyo nga iti maysa nga aldaw ket gungunaanto ni Apo Jesus ti tunggal maysa para kadagiti nasayaat nga inaramid dayta a tao. Awan ti nagdumaanna no dayta a tao ket tagabu wenno nawaya.

\s5
\v 9 Dakayo nga amo, kas kadagiti tagabuyo a masapul nga agserbida a nasayaat kadakayo, masapul a tratoenyo ida iti nasayaat. Isardengyo ti panangbutbuteng kadakuada. Saanyo a liplipatan a ti Apoda ken Apoyo ket adda idiay langit. Ukomenna no nasayaat ti aramidyo nga awanan iti panangidumdumana.

\s5
\v 10 Kamaudiananna, agtalekkayo a naan-anay kenni Apo Jesus a papigsaennakayo a naespirituan babaen iti nabileg a pannakabalinna.
\v 11 Kas iti suldado nga ikabilna ti amin a kabalna, masapul nga usarenyo ti amin a mabalin a pagpartuatan nga aggapu iti Dios tapno mapagballigianyo a supringen ti diablo inton sikapanna a mangallilaw a maibusor kadakayo.

\s5
\v 12 Saantayo a makidangdangadang maibusor kadagiti sabali a tattao, ngem ketdi makigubgubattayo maibusor kadagiti amin a kita iti sinasairo a mangiturturay ken kadagiti dakes nga espiritu nga agnaed iti kasipngetan.
\v 13 Ngarud, kas iti suldado nga ikabilna ti amin a kabalna, kasta met a masapul nga ikabilyo dagiti amin a kabal ti Dios tapno makatakderkayo maibusor iti kinadakes iti daytoy a tiempo ti kinadakes ditoy daga. Babaen iti kabal ti Dios, mabalinyo ti makidangadang maibusor iti panangdarup dagiti dakes ken agbiagkayo para iti Dios.

\s5
\v 14 Isu a tumakderkayo maibusor iti diablo babaen ti panangkawesyo iti bagiyo iti kinapudno ken kinalinteg ti Dios, a kasla paset dagitoy iti kabal a ar-aramaten iti gubatan.
\v 15 Ken iggamanyo a sititibker ti naimbag a damag, a mangted kadatayo ti kapia iti Dios, kasla iti panangikabil dagiti suldado kadagiti botasda.
\v 16 Kas mainayon, agtalinaedkayo a sititibker nga agtalek iti Apo. Tapno iti kasta mabaelanyo a salakniban ti bagbagiyo manipud ti aniaman a banag nga aggapu kenni Satanas, ti dakes, a mangdangran kadakayo a naespirituan, a kasla kadagiti suldado a nakabaklay kadagiti kalasagda a mangsalaknib kadagiti bagbagida a maibusor kadagiti pana nga addaan ti gumilgil-ayab a murdongna nga igayang dagiti kabusorda kadakuada.

\s5
\v 17 Ken agtalekkayo kenni Cristo, a nangisalakan kadakayo. Daytoy ket kasla ti maysa a suldado a nangikabil iti helmetna tapno salaknibanna ti ulona. Ken patienyo ti ibagbaga iti Dios iti nasantoan a surat; daytoy ket kasla suldado a mangig-iggem iti kampilanna.
\v 18 Kas ar-aramidenyo dayta, agkararagkayo a kankanayon iti Dios iti amin a tiempo, ken dawatenyo kenkuana nga aramidenna amin a banbanag para kadakayo ken kadagiti dadduma; ken bay-anyo nga idalannakayo ti Espiritu ti Dios iti kararagyo. Gapu iti daytoy a panggep, kankanayonkayo a naalibtak a naespirituan nga agkarkararag para kadagiti tattao iti Dios.

\s5
\v 19 Ken kangrunaanna, ikararagandak. Ikararagyo nga ibaga ti Dios kaniak ti nasken nga ibagak no agsao-ak, tapno situturedko a maibaga kadagiti dadduma ti naimbag a damag maipapan kenni Cristo. Saan pay nga ammo dagiti tattao dayta a mensahe idi, ngem impakaammon ti Dios ita kaniak.
\v 20 Siak ti mangibagi kenni Cristo gapu iti dayta, ditoy pagbaludan. Ikararagyo a no ibagak kadagiti dadduma iti maipanggep kenni Cristo, ket makapagsao-ak koma nga awanan ti panagbuteng, gapu ta kasta ti masapul a panagsaok.

\s5
\v 21 Tapno maamoanyo ti mapaspasamak kaniak ken ti ar-aramidek, ibaonko ni Tikico kadakayo a kaduana daytoy a surat. Ibagana kadakayo ti amin a mapaspasamak ditoy. Padatayo isuna a namati nga ay-ayatentayo amin unay, ken agserserbi isuna a sipupudno kenni Apo Jesus.
\v 22 Dayta ti rason nga ibaonko isuna kadakayo; kayatko a maamoanyo ti kasasaadko ken dagiti kakaduak. Kayatko nga liwliwaen ken papigsaennakayo.

\s5
\v 23 Ikararagko a ti Dios nga Amatayo kenni Apo Jesu-Cristo koma ti mangted kadakayo amin a padak a namati iti kapia iti kaungganyo. Itedna koma ti paraburna kadagiti amin a tattao nga agayat kenkuana nga awan patinggana.
\v 24 Ited ti Apo, iti gracia kadagiti tao nga agayat kenni Apo Jesu Cristo nga awan panagbabawi.