ilo_udb/48-2CO.usfm

\id 2CO
\ide UTF-8
\h 2 Corinto
\toc1 2 Corinto
\toc2 2 Corinto
\toc3 2co
\mt 2 Corinto

\s5
\c 1
\p
\v 1 Siak, ni Pablo, kaduak ti Kristiano a kabsattayo a ni Timoteo, isuratmi daytoy para kadakayo. Imbaonnak ni Cristo Jesus nga agserbi kenkuana ken agtulnog iti pagayatan ti Dios. Ipatpatulodmi daytoy a surat kadagiti aguummong a kas tattao ti Dios idiay siudad ti Corinto: ipatpatulodmi pay dagitoy kadagiti amin a Kristiano nga agnanaed iti rehion ti Acaya--tattao nga inlasin ti Dios para iti bagina.
\v 2 Ited koma ti Dios kadakayo ti awan bayadna a sagut ti ayat ken kapiana--naggapu dagitoy a banbanag iti Dios nga Amatayo ken iti Apotayo a Jesu-Cristo.

\s5
\v 3 Dayawentayo koma a kankanayon ti Dios ken Ama ni Apotayo a Jesu-Cristo--isuna ti agar-aramid kadagiti kinaimbag kadatayo ken isuna ti kanayon a mangliwliwa kadatayo.
\v 4 Liwliwaennatayo ti Dios no aglasattayo iti aniaman a nasaem a pannubok. Agasan ti liwliwana ti biagtayo tapno maitedtayo ti isu met laeng a liwliwa kadagiti sabali a tattao nga agsagsagaba.

\s5
\v 5 Kas mapadpadasanmi dagiti panagsagaba ni Cristo a saan a marukod, mapadasanmi met ti saan a marukod a liwliwa babaen kenni Cristo.
\v 6 Isu a no agsagabakami, daytoy ket tapno maliwliwanakayo ti Dios ken maispalnakayo manipud iti peggad. Tunggal liwliwaennakami ti Dios, daytoy ket tapno ad-adda pay a maliwliwakayo, tapno maisuronakayo nga aguray iti Dios, no agsagabakayo a kas met laeng iti panagsagabami.
\v 7 Nalawag kadakami no ania ti mapasamak kadakayo; gapu ta agsagabakayo a kas iti panagsagabami, liwliwaennakayonto met ti Dios kas iti ar-aramidenna kadakami.

\s5
\v 8 Kakabsat kenni Cristo, kayatmi a maammoanyo ti maipapan iti parikut a napadasanmi idi addakami idiay probinsia ti Asia. Dayta a parikut ti nangted kadakami iti saem a saanmi a maibturan. Ipagarupmi idin a mataykamin.
\v 9 Impatawda kadakami ti pannakatay; agur-uraykamin a mapapatay. Insuro dayta a sentensia ti pannakatay a saankami nga agtalek iti bukodmi a pigsa no di ket iti Dios, a mangpapaungar kadagiti natay ken mangbiag manen kadakuada.
\v 10 Ngem inispalnakami ti Dios manipud kadagidiay a nakabutbuteng a peggad ken inkarina nga ispalennakaminto pay iti masakbayan.

\s5
\v 11 Aramidenna daytoy kabayatan a tultulungandakami babaen iti panangikarkararagyo kadakami. Ita adu dagiti agyaman iti Dios gapu ta naimbag unay isuna kadakami, agsipud ta adu ti nagkararag maipaay kadakami.

\s5
\v 12 Maibagami a siraragsak a nakipagbiagkami kadagiti amin a tattao iti napudno ken napasnek a wagas. Nagbiagkami iti lubong a kas tattao ti Dios ken nagtalekkami unay iti Dios, sagut dayta manipud kenkuana. Saankami nga agbiag iti aniaman a wagas nga ipatpateg ti lubong. Saankami a dudumngeg iti sirib ti lubong no pilienmi ti aramidenmi. Ngem ketdi, inaramidnakami ti Dios a napudno ken nasantoan iti panagbiagmi.
\v 13 Nabasayo dagiti suratko. Insuratko dagitoy tapno maawatanyo.
\v 14 Addan bassit nga ammoyo maipapan kadakami, ngem iti aldaw nga agsubli ni Apo Jesus, namnamaek ipagpannakkeldakaminto iti imatangna, ken ipagpannakkeldakayonto met.

\s5
\v 15 Awan duadua a daytoy a banag ti makagapu a kayatko ti umay nga umuna kadakayo, tapno maminduakayo a masarungkaran.
\v 16 Pinanggepko a sarungkarankayo no mapanak idiay Macedonia, ken kalpasanna inton agsubliak manipud sadiay, tapno matulongandak iti dalanko a mapan idiay Judea.

\s5
\v 17 Inkeddeng ti panunotko a daytoy ti panggep. Saanko nga ibagbaga kadakayo a "Wen" kalpasanna ibagak kadakayo a "Saan". Saanak nga agpangpanggep a kas iti masansan a panagpangpanggep dagiti saan a namati.
\v 18 Ngem napudno ti Dios iti panangiwanwanna kadakami, ken saandakayo met a riribuken. Ar-aramidenmi dagiti panggepmi ken saanmi ida a balbaliwan.

\s5
\v 19 Naggapu ti "Wenmi" iti Anak ti Dios, ni Jesu-Cristo--ti inwaragawagmi kadakayo; ken awan pulos ti aniaman a pakariribukan kenkuana--awan ti "Wen" ket kalpasanna "Saan" kenkuana. Ngem ketdi, kanayon a "Wen" kenkuana.
\v 20 Ta dagiti karkari ti Dios ket "Wen" gapu ta naggapuda kenkuana. Ken inayonmi ti pammatalgedmi iti "Wenna". Ken ibagami maipapan iti kinatan-ok ti Dios: "Pudno daytoy! Wen!"

\s5
\v 21 Palpalagdaen ti Dios ti panagkakaduatayo a Kristiano gapu ta agpapadatayo a naitipon kenni Cristo, ken isuna ti mangibabaon kadakami a mangibaga kadagiti tattao ti naimbag a damag.
\v 22 Inkabilna ti seliona kadakami tapno maammuan dagiti tattao nga anamungannakami. Ken intedna kadakami ti Espirituna nga agnanaed iti kaungganmi, a kas nalagda a kari nga agaramidto pay isuna kadagiti ad-adu a banbanag maipaay kadakami.

\s5
\v 23 Sapay koma ta patalgedan ti Dios ti rason ti saanko nga iyu-umay kadakayo a Kristiano dita Corinto: daytoy ket tapno saanen a masapul a sangoendak a mangbagbaga kadakayo.
\v 24 Saankami a kas kadagiti amo a mangmangted kadakayo iti bilin maipapan iti rumbeng a panagtalekkayo iti Dios. Nupay kasta, kayatmi ti makipagtrabaho kadakayo, tapno masursuroyo ti agtalek iti Dios uray aniaman ti mapasamak ken maaddaankayo iti rag-o iti panagtaltalekyo kenkuana.

\s5
\c 2
\p
\v 1 Iti naudi a panangsarungkarko dita Corinto, ammok a napasakitankayo iti kasta unay gapu iti imbagak kadakayo. Inkeddengko ita a saanakon nga agaramid iti sabali pay a nasaem a panangsarungkar kadakayo.
\v 2 Napasaktankayo unay iti naudi a panagsarungkarko, ket dagiti tattao a mabalin a mangparagsak kaniak ket dagiti tattao met laeng a napasakitak idi addaak dita.

\s5
\v 3 Insuratko dayta a surat kadakayo tapno inton umayak kadakayo, saandakto a paglidayen manen--dakayo, a rumbeng a mangparag-o koma kaniak! Awan duaduak nga adda amin kadatayo dagiti rason tapno agrag-otayo.
\v 4 Nagsuratak idi kadakayo gapu ta adu pay laeng ti sakit ken ut-ot ditoy pusok--nagsangitak maipaay kadakayo, ken saankayon kayat a pasakitan. Kayatko a maammoanyo no kasano ti panagayatko kadakayo amin.

\s5
\v 5 Daytoy a tao a nakabasol--saannak laeng a pinagliday babaen iti inaramidna; pinalidaynakayo amin ti basolna.
\v 6 Immanamongtayo amin no ania ti rumbeng nga aramidentayo iti daytoy a tao ken iti basolna. Nadusa isuna itan ken rumbeng ti pannakadusana.
\v 7 Isu a daytoy ti ayantayo ita, nagsagaba isuna babaen iti pannakadusana, ngem ita, panawenen a pakawanen isuna iti inaramidna ken ayaten isuna tapno saan isuna a maupay babaen iti pannakariknana iti nalaus a liday.

\s5
\v 8 Iti sangoanan dagiti amin a namati, ibagayo kenkuana no kasano ti panagayatyo kenkuana.
\v 9 Nagsuratak kadakayo tapno makitak no agtulnogkayo iti Dios ken urnusenyo daytoy a parikut.

\s5
\v 10 Isu a ti tao a pinakawanyo--pakawanek met. Aniaman a pinakawanko--uray dagiti kababassitan a banbanag--pinakawanko gapu iti ayatko kadakayo ken mamakawanak a kasla agtaktakder ni Cristo iti sangoanak.
\v 11 Babaen iti panangpakawan iti daytoy a tao, inaramidtayo daytoy tapno saannatayo a maallilaw ni Satanas nga agaramid iti nadakdakes pay a banag. Ammotayo aminen ti maipapan kadagiti panangallilaw ken kina-ulbodna.

\s5
\v 12 Uray no nanglukat ti Apo iti adu a wagas para kadatayo tapno maibingay ti naimbag a damag idiay siudad ti Troas,
\v 13 madaganak maipapan iti kabsattayo a ni Tito gapu ta saanko a nasarakan isuna sadiay. Isu a pinanawak dagiti namati idiay Troas ket nagsubliak idiay Macedonia tapno birukek isuna.

\s5
\v 14 Agyamankami iti Dios ta naitiponkami kenni Cristo, ken kanayon nga idadauloannakami iti panagmartsa a kasla nangabakkami iti gubat! Babaen iti biag ken mensahemi, sadinoman a papananmi, kasla kami nabanglo nga insenso a kaykayat nga ang-angoten dagiti tattao ken naggapu dayta a banglo iti pannangam-ammo kenni Cristo.
\v 15 Maang-angot met laeng ti Dios daytoy a banglo ket maipalpalagip kenkuana ni Cristo. Ken dagiti is-ispalen ti Dios ket maangotda met laeng daytoy banglo kadakami. Uray dagiti tattao a saan nga ispalen ti Dios ket maangotda ti ayamuom a mangipalagip kadakuada iti maipapan kenni Cristo.

\s5
\v 16 Kadagiti tattao a saan nga ispalen ti Dios, dayta nga ayamuom ni Cristo ket kasla angot ti natay a tao a matmatay manen. Ngem kadagidiay nga is-ispalen ti Dios--maangotda ni Cristo, a sibibiag, nga um-umay a mangpabiag met kadakuada. Pudno unay, awan ti siasinoman a makaiwaras iti daytoy nga ayamuom.
\v 17 Ammoyo nga adu a tattao ti mapmapan kadagiti nadumaduma a siudad nga aglaklako iti sao ti Dios maipaay iti kuarta. Ngem saankami a kasla kadakuada. Agtrabahokami iti kasta unay tapno maay-ayo ti Dios ken ar-aramidenmi ti kayatna. Ken agsaokami maipapan kenni Cristo gapu ta ammomi a makitkita ti Dios dagiti amin a banbanag nga ar-aramidenmi ken iwaragawagmi ni Cristo gapu ta naitiponkami kenkuana.

\s5
\c 3
\p
\v 1 Am-ammodakami unay, ket masapul nga agtalekkayo kadakami. Mabalin a kasapulan ti maysa a ganganaet ti maysa nga am-ammoyo nga agsurat kadakayo tapno iyam-ammona isuna kadakayo, ngem am-ammodakami unayen.
\v 2 Dakayo a mismo ket kasla surat a mangiyam-ammo kadakami kadagiti sabali a tattao, gapu ta amin a makaam-ammo kadakayo ket makitada no kasano ti panagtalekyo kadakami.
\v 3 Ti wagas ti panagbiagyo ket kasla surat nga insurat ni Cristo ken inyegmi kadakayo. Wen a, saan a surat a naisurat babaen iti tinta wenno iti tapi ti bato. Saan, surat daytoy nga insurat ti Espiritu ti pudno a Dios kadagiti puspusoyo.

\s5
\v 4 Kastoy ti panagtalekmi iti Dios gapu ta naitiponkami kenni Cristo.
\v 5 Saanmi a mabaelan ti agaramid iti aniaman a banag maipaay iti Dios babaen iti bukodmi a pigsa, isu a saanmi a mabalin nga akuen a kabaelanmi. Ngem ketdi, ti Dios ti mangmangted iti amin a kasapulanmi tapno agserbikami kenkuana.
\v 6 Inted ti Dios dagiti kasapulanmi tapno agbalinkami nga adipen ti baro a tulag. Saan a naggapu ti pigsa daytoy a tulag iti aniaman a naisurat, naggapu daytoy iti Espiritu ti Dios, a mangaramid kadakami nga agbiag a naitipon kenni Cristo. Awan ti maaramidan dagiti naisurat a bilbilin ngem mangiyeg daytoy iti ipapatay kadagiti tattao.

\s5
\v 7 Ti linteg ti Dios a mangpapatay kadagiti tattao, nga insuratna kadagiti tapi ti bato ket immay kenni Moises nga addaan iti naraniag a silaw a kanayon nga agranraniag iti ayan ti Dios. Nagraniag ti rupa ni Moises babaen iti dayta a silaw, kasta unay ti raniagna isu a saan a makita dagiti Israelita ti rupana. Nupay kasta, in-inut a kumuskusnaw dayta a naraniag a silaw iti rupana.
\v 8 Isu a ti ar-aramiden ti Espiritu Santo ket masapul nga addaan iti naranraniag pay a silaw.

\s5
\v 9 Uray no nagraniag ti linteg babaen iti silaw ti Dios. Ngem dayta a linteg ket papatayennanto met laeng dagiti tattao. Isu a no palintegennatayo ti Dios iti bagina, daytoy nga aramidna ket ad-adda pay a nakakaskasdaaw.
\v 10 Kas pagbanaganna, no maidilig ti linteg kadagiti trabaho ti Dios a mangpalpalinteg kadatayo, kasla saanen a pulos nakakaskasdaaw ti linteg-- kasla ti bulan no umasideg iti init.
\v 11 Isu a makitam a ti linteg, a mapukpukawen ket nakakaskasdaaw, ngem makitam met a ti banag a mangsuksukat iti daytoy ket ad-adda pay a nakakaskasdaaw, gapu ta agpaut daytoy iti agnanayon.

\s5
\v 12 Agsipud ta agtalektayo nga apostoles iti Dios para iti masakbayan, addaantayo iti dakkel a tured.
\v 13 Saantayo a kas kenni Moises, a nangikabil iti belo iti rupana tapno saan a makita dagiti annak ti Israel ti mapukpukawen a silaw manipud iti Dios.

\s5
\v 14 Iti nabayagen a panawen, nagkedked dagiti annak ti Israel a mamati iti mensahe ti Dios. Uray ita, no mabasa ti daan a linteg, nakakawes pay laeng kadakuada ti isu met laeng a belo. Ikkaten laeng ti Dios ti belotayo no naitipontayo kenni Cristo,
\v 15 Wen, uray ita, tunggal basaenda ti linteg ni Moises, kasla adda belo kadagiti panpanunotda.
\v 16 Ngem ikkaten ti Dios ti belo no agsubli ti tao iti Dios.

\s5
\v 17 Ita, ti kayat a sawen ti "Apo" ditoy ket "ti Espiritu." Sadinoman nga ayan ti Espiritu ti Apo, mawayawayaan dagiti tattao.
\v 18 Ngem kadatayo amin a mamati, makitatayo ti Apo nga agranraniag ti silawna manipud iti Dios, ken kumitatayo kenkuana nga awan ti belo iti rupana. Balbaliwannatayo ti Dios tapno agbalintayo nga ad-adda a nakakaskasdaaw a kas kenkuana. Daytoy ti ar-aramiden ti Apo, isuna nga Espiritu.

\s5
\c 4
\p
\v 1 Inted ti Dios kadakami daytoy a pagrebbengan a mangipatungpal ken kinaasiannakami met. Isu a saankami a maupay.
\v 2 Naannadkami a saan nga agaramid iti aniaman a banag a nakababain nga aramiden, ken awan ilemmengmi iti siasinoman. Saankami nga agikarkari iti maysa a banag a saan nga ited ti Dios, ken saanmi a balbaliwan ti mensahe ti Dios tapno ibagana ti kayatmi nga ibaga. Iwaragawagmi laeng ti kinapudno. Iti daytoy a wagas, idatagmi ti bagbagimi kadakayo tapno ukomendakami kas addakami iti sangoanan ti Dios.

\s5
\v 3 No nailemmeng ti naimbag a damag babaen iti belo, nailemmeng daytoy kadagiti matmatay nga awan ti Dios kadakuada.
\v 4 Para kadakuada, inaramid ida ti dios daytoy a lubong a bulsek iti kinapudno gapu ta saanda a nagtalek iti naimbag a damag maipapan iti nakakaskasdaaw a kinatan-ok ni Cristo--ta ni Cristo ti mangipakpakita kadatayo iti kinasiasino ti Dios.

\s5
\v 5 Saanmi nga iwaragawag dagiti bagbagimi kadakayo a kas tattao a makaisalakan kadakayo manipud iti aniaman kinadakes. Ngem ketdi, iwaragawagmi ni Cristo Jesus a kas Amomi, ken dakami dagiti adipenyo gapu ta naitiponkami kenni Jesus.
\v 6 Ta ti Dios ti nangibaga, "Agraniag ti silaw manipud iti kasipngetan." Pinagraniagna ti silawna kadagiti puspusomi tapno inton agtalekkami kenni Jesu-Cristo, maammoanminto ti kinakaskasdaaw ti Dios.

\s5
\v 7 Ita, aw-awitenmi dagitoy napateg a sagsagut manipud iti Dios kadagiti bagbagimi, a nalaka a maburak a kas kadagiti banga a naaramid iti pitak. Awan ti panagbiddut maipapan iti paggapgapuan iti pigsami: naggapu laeng daytoy iti Dios.
\v 8 Nagsagabakami kadagiti adu a nadumaduma a kita iti pakarikutan, ngem saandakami a nadadael. Mabalin a mariribukankami no ania ti rumbeng nga aramidenmi, ngem saankami pulos a nagsardeng.
\v 9 Pinadasdakami a dangran dagiti sumagmamano a tattao, ngem saankami pulos a nagmaymaysa; kasla pinatuangdakami dagiti sumagmamano a tattao, ngem kanayonkami tumakder.
\v 10 Masansan nga addakami iti peggad iti ipapatay, kas iti pannakatay ni Jesus, ngem agbiagto manen dagiti bagbagimi, gapu ta sibibiag ni Jesus.

\s5
\v 11 Kadatayo a sibibiag, idaldalannatayo a kanayon ti Dios a mangsango iti patay gapu ta naitipontayo kenni Jesus, tapno inton kitaendatayo dagiti tattao, maammuanda a sibibiag ni Jesus.
\v 12 Isu a makitayo nga ar-aramiden ti patay ti trabahona kadatayo, ngem agtrabtrabaho dayta a biag kadakayo.

\s5
\v 13 Agtalekkami iti Dios, kas ibaga ti Nasantoan a Surat: "Agtalekak iti Dios; daytoy ti makagapu nga agsasao-ak." Agtalekkami met iti Dios, ken ibagami met no ania dagiti inaramidna maipaay kadakami.
\v 14 Ammomi a ti Dios a nangpagungar kenni Apo Jesus manipud kadagiti natay, pagungarennakaminto met manipud iti patay a maikuyog kenkuana, ken itugotnakaminto met ni Jesus a kaduadakayo, ken itugotnatayo iti ayan iti Dios.
\v 15 Amin dagiti panagsagabak ket tapno tulongankayo, tapno ad-adu pay a tattao ti makaammo no kasano ti panagayat iti Dios kadakuada a siwaya-waya, ken tapno ad-adda a dayawenda isuna.

\s5
\v 16 Saankami a naupay. No in-inut a matmatay ti akinruar a bagimi iti tunggal aldaw, pabpabaroen ti Dios ti unegmi iti inaldaw.
\v 17 Ta dagitoy nga ababa, nalaka a tiempo ti panagsagaba ket isagsagananatayo para iti aldaw nga aramidennatayo ti Dios a nakakaskasdaaw iti agnanayon, nakakaskasdaaw iti wagas nga awan ti siasinoman a makaipalawag wenno makarukod.
\v 18 Ta saantayo nga agur-uray kadagiti banbanag a makitatayo, ngem kadagiti banbanag a saantayo a makitkita. Dagiti banbanag a makitkitatayo ita ket saan nga agpaut, ngem dagiti banbanag a saantayo a makitkita, dagitoy ti agpa-ut iti agnanayon.

\s5
\c 5
\p
\v 1 Ammomi a dagitoy a bagbagi ket saan nga agpaut a pagtaengan, kasla kadagiti tolda a saan nga agbayag. Ngem ammotayo nga inton mataytayo, ikkannatayo ti Dios iti agnanayon a lugar a pagnaedantayo, maysa a bagi nga agpaut iti agnanayon, maysa a bagi nga inaramid ti Dios.
\v 2 Kabayatan nga agnanaedtayo iti napisikalan a bagbagitayo, agunnoytayo nga addaan iti iliw kadagiti bagitayonto inton makipagnaedtayo iti Dios-
\v 3 gapu ta inton kawesannatayo ti Dios iti baro a bagbagitayo, daytanto ti agbalin a kalubtayo, kasla kawes.

\s5
\v 4 Ta agnanaedtayo kadagitoy a bagbagi a matayto iti maysa nga aldaw, ken tartarigagayantayo ti aldaw inton panawantayo dagitoy a bagbagi. Saan a kasla magagarantayo a matay, ngem magagarantayo a makawesan iti agnanayon a bagbagi, kas kuna iti pagsasao, "Amin a matay ket masukatanto iti baro a biag."
\v 5 Ti Dios mismo iti mangisagsagana iti baro a bagbagi a maipaay kadatayo, ket panpaneknekanna nga awatentayonto ida babaen iti panangitedna iti Espirituna kadatayo.

\s5
\v 6 Masapul ngarud a kankanayon a nalawag kadakayo a kabayatan nga agnanaedkami iti bagimi ditoy daga, adayokami iti Dios nga adda idiay langit
\v 7 (agbibiagkami babaen iti panagtalekmi kenkuana, ken saan a babaen ti panagtalek kadagiti makitkitami).
\v 8 Gapu ta intedmi ti panagtalekmi kenkuana, kaykayatmi pay a panawan ti agdama a bagbagimi tapno makipagtaengkami iti Apo.

\s5
\v 9 Ngarud kalkalikagumanmi nga agtulnog kenkuana, addakami man ditoy wenno idiay langit.
\v 10 Ta agtakdertayonto amin iti sangoanan ni Cristo inton agtugaw isuna a kas ukom iti amin. Ukomennanto dagiti inaramidtayo idi addatayo iti daytoy a biag. Itedto ni Cristo ti maikari kadatayo, ken ikeddengnanto ti naimbag wenno dakes.

\s5
\v 11 Ngarud ammomi ti panagpadayaw iti Apo, isu a siguradoenmi nga ibaga kadagiti tattao ti kinasiasino ti Dios. Ammo ti Dios no aniakami a kita ti tattao; ken namnamaek a maawatanyo met no agar- aramidkami iti naimbag wenno dakes.
\v 12 Saanmi manen a padpadasen a paneknekan a pudnokami nga adipen ti Dios. Kayatmi laeng a maammoanyo no aniakami a kita ti tattao, ken tapno ikkandakayo iti rason a mangipannakkel kadakami. Ar-aramidenmi daytoy tapno masungbatanyo dagidiay mangidaydayaw kadagiti bukodda nga aramid, ngem awan bibiangda no ania ti pudno nga adda iti kaungganda..

\s5
\v 13 No panpanunoten dagiti tattao nga agmaauyongkami, dayta ket gapu ta agserserbikami iti Dios. Ngem no nasayaat dagiti panunotmi, dayta ket tapno matulungandakayo.
\v 14 Ti panagayatmi kenni Cristo ti mangparparegta kadakami. Awan ti panagduaduami iti daytoy: Natay ni Cristo a para iti amin, ngarud nataytayo amin a kaduana.
\v 15 Natay ni Cristo para ti amin, tapno dagiti agbibiag ket masapul a saan nga agbiag para kadagiti bagbagida, ngem agbiagda koma para kenni Cristo, a natay gapu kadagiti basbasolda; ken isuna ti pinagungar ti Dios manipud iti patay.

\s5
\v 16 Agsipud ta saantayon nga agbibiag para kadagiti bagbagitayo, saantayo a mangukom iti siasinoman segun iti panangukom dagiti saan a namati. Inbilangmi pay idi ni Cristo babaen kadagitoy a pagrukudan dagiti tattao. Ngem kas Kristiano, saankamin a mangukom ita iti siasinoman a kas iti daytoy.
\v 17 No naitipon ti siasinonam kenni Cristo ken agtalek kenkuana, agbalin isunan a baro a parsua. Napukawen ti amin a banbanag iti napalabas - Kitaenyo!- Pabarroen ti Dios dagiti amin a banbanag nga adda kenka.

\s5
\v 18 Amin dagitoy a sagsagut ket naggapu iti Dios. Nakikappia isuna kadatayo tapno saannatayon a kabusor ti Dios. Addaantayon ita iti pannakikappia iti Dios babaen iti krus ni Cristo. Ken inted iti Dios kadatayo ti pagrebbengan a mangiwaragawag nga iyas-asidegna dagiti tattao kenkuana.
\v 19 Ti mensahe dayta a mangiyeg iti panagmaymaysa iti Dios ken dagiti tattao, ket no kasano ti pannakikapia ti Dios iti lubong babaen iti inaramid ni Cristo. Saanen nga ibilbilang ti Dios dagiti basbasolda a maibusor kadakuada. Ket ita, inikkat amin ni Cristo dagiti basbasoltayo ken intedna kadatayo ti mensahe a mangiyeg iti kappia ken mangiyeg iti panagkaykaysa iti Dios ken dagiti tattao.

\s5
\v 20 Isu a dinutukannakami ti Dios a mangibagi kenni Cristo. Agpakpakaasi ti Dios kadakayo babaen kadakami. Ken agpakaasi kami met kadakayo iti biang ni Cristo: Babaen kenni Cristo, palubosanyo isuna a makikapia kadakayo ken iyasidegnakayo kenkuana.
\v 21 Inaramid ti Dios ni Cristo a daton para iti basol- isuna a saan pulos a nagbasol- tapno inton agtalektayo kenni Cristo ken mamatitayo kenkuana, palintegannatayo ti Dios.

\s5
\c 6
\p
\v 1 Agkakaduakami nga agtrabtrabaho, ken agpakaasikami kadakayo a saanyo nga awaten ti sagut iti ayat ti Dios iti wagas nga awan maaramidanna kadakayo.
\v 2 Ta kinuna ti Dios, "Iti tiempo nga impakitak ti naayat nga asik, dimngegak kenka, ket idi naturposkon ti trabaho iti panangisalakanko, tinulunganka."Kitaenyo, daytoy ti aldaw a kakaasiannakayo ti Dios; daytoy ti aldaw nga is-ispalennakayo.
\v 3 Awan duadua a saanmi a kayat nga ikkan ti siasinoman iti rason nga agaramid iti dakes, gapu ta saanmi a kayat nga adda ti siasinoman a mangpabasol kadakami iti panangiwaragawagmi iti naimbag a damag tapno mangpabileg iti panagaramid iti dakes.

\s5
\v 4 Namin-adu a napaneknekanmi a dakami dagiti pudno nga adipen ti Dios. Inibturanmi ti nakaro a panagsagaba, situtured a sinangomi dagiti tattao a nangpasakit kadakami, ken nagbiagkami iti tiempo iti rigat.
\v 5 Binaotdakami dagiti tattao iti nakaro; inpupokdakami dagiti dadduma iti pagbaludan; dakami ti nakaigappuan dagiti tattao nga aggugulo; nagtrabahokami kadagiti narigat a napisikalan a trabaho; naglabasanmi ti adu a puypuyat, ken masansan a mapadasanmi a bassit laeng ti kanenmi.
\v 6 Ngem iti amin kadagitoy, nasin-aw dagiti bibiagmi, nauneg ti pannakaammomi, ken mabaelanmi ti aguray inggana leppasen ti Dios ti panagsagabami. Ammomi no kasano ti kinamanangaasi ni Cristo kadakami; napnoankami iti Espiritu Santo, ken ay-ayatenmi dagiti sabsabali.
\v 7 Agbiagkami segun iti pudno a Sao ti Dios, ken adda kadakami ti pannakabalin iti Dios. Babaen kenni Cristo, pinalintegnakami ti Dios kenkuana. Daytoy ti kinapudno nga agtultuloy a patpatienmi; kasla kalasag daytoy nga ikawkawes iti maysa a soldado, ken kasla igam kadagiti dua nga imana.

\s5
\v 8 No dadduma raemendakami dagiti tattao, iti sabali a tiempo, saandakami a raraemen. No dadduma, adu dagiti dakes a banbanag nga ibagbagada maipapan kadakami; iti sabali a tiempo, idaydayawdakami. Pabpabasolendakami nga agul-ulbod urayno ibagbagami ti kinapudno.
\v 9 Agbibiagkami a kasla dagiti tattao nga awan makaam-ammo, ngem am-ammodakami met unay dagiti dadduma a tattao. Padpadasendakami a papatayen dagiti dadduma gapu iti panangiwarwaragawagmi iti mensahe maipapan kenni Cristo, uray pay awan uray maysa ti nangibasar iti linteg tapno madusakami iti patay.
\v 10 Agbibiagkami iti nakaro a panagladingit ngem kankanayon nga agrag-okami. Agbibiagkami a kas kadagiti sumagmamano a kakurapayan a tattao, ngem adda kadakami dagiti gameng iti naimbag a damag a mangpabpabaknang iti kaaduan. Makitayo nga awanankami, ngem ti kinapudnona ket kukuami amin a banag.

\s5
\v 11 Nangngeganyo dagiti pammaneknekmi; imbagami ti isuamin a kinapudno kadakayo, padami a namati a taga Corinto. Linuktanmi dagiti puspusomi kadakayo.
\v 12 Impakitami kadakayo nga ay-ayatendakayo a siwayawaya ngem kasla inrikepyo dagiti puspusoyo kadakami.
\v 13 Agsasaoak kadakayo kas kadagiti annak, a rumbeng met nga ayatendakami koma kas iti panagayatmi kadakayo.

\s5
\v 14 Saankayo nga agtrabaho a kadua dagiti tattao a saan nga agtaltalek ken Cristo iti saan a maiyannurot a wagas. Ania ti nagpadaan dagiti tattao nga agbibiag babaen kadagiti pangrukudan ken annuroten iti Dios kadagidiay a bumusbusor kadagiti linlinteg iti Dios ken agar-aramid iti pagay-ayatda? Saan a mabalin nga agkadua ti sipnget ken lawag.
\v 15 Kasano nga umanamong ni Cristo iti aniaman a wagas iti demonio a ni Beliar? Ania ti nagpadaan iti tao nga agtaltalek ti Dios iti maysa a tao a saan nga agtaltalek iti Dios?
\v 16 Nasayaat kadi no mangiyeg kadagiti didiosen dagiti pagano iti uneg iti templo ti Dios? Ta datayo ti templo iti sibibiag a Dios, kas imbaga ti Dios: "Agnaedakto kadagiti tattaok. Makipagbiagakto kadakuada. Siakto ti agbalin a Diosda ken isudanto dagiti agbalin a tattaok."

\s5
\v 17 Kinuna ngarud iti Nasantoan a Surat, "Umadayokayo kadagiti saan a namati ket ilasinyo dagiti bagbagiyo kadakuada," kinuna iti Apo, "Saanyo a sagiden iti aniaman a banag a mangparugit kadakayo ket mamagbalin kadakayo a saan a makapagdayaw kaniak; iyukradkonto dagiti imak ket awatenkayo.
\v 18 Ket Siakto ti agbalin nga Amayo, ket dakayonto ti agbalin nga annakko." kinuna iti mannakabalin-amin nga Apo.

\s5
\c 7
\p
\v 1 Ay-ayatek a kakabsat, agsipud ta inkari ti Dios nga aramiden dagitoy a banbanag a maipaay kadatayo, isardengtayo koma ti agaramid iti aniaman kadagiti bagbagi ken panpanunttayo a manglaplapped iti panagrukbabtayo iti Dios. Itultuloytayo a padasen a liklikan ti panagbasbasol; itultuloytayo ti panagraem iti Dios ken panagbuteng iti presensiana.

\s5
\v 2 Luktanyo dagiti puspusoyo kadakami! Uray no aniaman dagiti nangngeganyo maipapan kadakami, awan ti siasinoman a nakabasolanmi. Ken awan pulos ti siasinoman a ginundawayanmi.
\v 3 Saankayo nga ungtan tapno ukomenkayo. Ay-ayatendakayo iti amin a pusomi! Agkaykaysatayo iti panggep ken agkakaduatayonto nga agbiag ken matay.
\v 4 Maysa pay, saankayo laeng nga ay-ayaten, idaydayawkayo kadagiti dadduma-ken napno ken aglaplapusanan ti rag-ok gapu kadakayo, uray no aglaslasatkami iti nakaro a panagrigrigat.

\s5
\v 5 Idi immaykami kadakayo idiay Macedonia, kasta unay ti bannogmi. Agsisinnumbangir dagiti pakariribukanmi-narigrigatankami gapu iti aramid dagiti tattao, ken adu a banbang ti nagbutnganmi.
\v 6 Ngem kankanayonnakami a liwliwaen iti Dios no maupaykami, ken liniwliwanakami iti dayta a tiempo babaen iti panangibaunna kenni Tito a kumaddua kadakami.
\v 7 Nagdakkel a pannakaliwliwa ti iyuumay ni Tito, ngem liniwliwayo met isuna idi kaduayo isuna. Idi immay isuna kadakami, imbagana kadakami ti nalaus a panagayatyo kadakami, ken no kasano a nagladingitkayo gapu kadagiti panagsagsagabami. Imbagana pay kadakami ti maipapan iti nalaus a panangilalayo kaniak, isu nga ad-adda pay a nagrag-oak gapu kadakayo.

\s5
\v 8 Ammok a pinalidaynakayo ti suratko kadakayo, ngem masapul nga isuratko daytoy. Nagbabawiak met idi insuratko daytoy, ngem kasapulan ti insuratko kadakayo tapno matulungannakayo a mangurnos kadagiti parikot iti uneg ti iglesia. Ammok nga apagbiit laeng ti panagladingityo.
\v 9 Isu a mabalinakon nga agrag-o ita, saan a gapu ta nalidaykayo idi nabasayo ti suratko, ngem gapu ta pinagbabawinakayo iti panagladingityo manipud kadagiti basolyo a mangpaspasakit unay kadakayo ken binaliwanna ti lidayyo iti ladingit nga inyeg kadakayo iti Dios, ladingit a nangited iti ad-adu kadakayo ngem kadagiti napukawyo.
\v 10 Daytoy a kita ti panagladingit ket iyadayona ti tao manipud iti basol tapno maisalakan isuna ti Dios; ti kamaudiananna, maragsak dagiti tattao a naaddaan iti kastoy a panagladingit. Iti sabali a bangir, ti nainlubongan a panagladingit ket panagliday laeng gapu ta natiliwankayo kadagiti basbasolyo, ket agturong laeng daytoy iti patay.

\s5
\v 11 Ita, panunotenyo no kasano ti panagtarigagayyo nga agaramid ti nasayaat gapu ta adda kadakayo daytoy a ladingit nga inted ti Dios kadakayo: kayatyo nga ipakita kaniak nga inosentekayo. Maseknankayo unay ti maipapan iti dayta a pammabasol, ket madanagankayo unay no kasano a nagbasol dayta a tao. Kayatyo a maaramid iti hustisia. Iti kabuklanna, impakitayo nga inosentekayo.
\v 12 Saan a maipaay kadagiti agar-aramid iti dakes ti insuratko kadakayo ket saan met a naisurat daytoy para iti nagsagaba iti dakes, ngem naisurat daytoy para kadakayo tapno maawatanyo no kasano ti kinapudnoyo kadakami. Ammo ti Dios a napudnokayo kadakami.

\s5
\v 13 Napabilegkami unay babaen kadagitoy! Maragsakankami unay kadagiti imbaga ni Tito kadakami, ken naragsakkami pay ta pinaginana ken tinulunganyo isuna.
\v 14 Imbagak kenkuana dagiti nasayaat unay a banbanag maipapan kadakayo, ken kasta unay ti panagpannakkelko kadakayo, ket saandak nga imbabain idi immay isuna kadakayo. Indaydayawdakayo unay kenni Tito, ket pinaneknekanyo nga amin dagitoy ket pudno!

\s5
\v 15 Ita, dimmakkel ti ayatna kadakayo gapu ta nakitana a mismo no kasano ti panangsurotyo iti Dios, ken ammona no kasano ti panangatwatyo kenkuana -inawatyo isuna nga addaan buteng, gapu ta nasantoan ti Dios, ken panagpigerger, gapu ta ammoda a naindaklan ti Dios.
\v 16 Napnoanak iti rag-o gapu ta iti amin a banag, adda panagtalekko kadakayo.

\s5
\c 8
\p
\v 1 Kayatmi a maamoanyo, kakabsat, no kasano a siaanus nga agtrabtrabaho ti Dios iti nakakaskasdaaw a wagas kadagiti iglesia iti probinsia iti Macedonia.
\v 2 Numan pay agsagsagaba iti kasta unay dagiti namati sadiay, agragrag-oda iti napalalo nga uray no nakurapayda laeng, nangitedda iti nawadwad a kuarta a maurnong maipaay kadagiti namati idiay Jerusalem.

\s5
\v 3 Nangtedda iti kas kaadu iti kabaelanda - ken paneknekak nga agpayso daytoy - ken nagsakripisio ti dadduma ken nangtedda iti kasta unay nga uray isuda ket nagkasapulan, ngem nangitedda latta. Kayatda ti mangted,
\v 4 ken nagpakpakaasida kadakami iti mamin-ano a daras ken kiniddawda kadakami a palubosanmi ida a mangted iti daytoy a panagurnong, tapno matulonganda dagiti namati nga inlasin ti Dios a maipaay kenkuana.
\v 5 Saanmi nga impagarup a makaitedda a kas iti dayta. Ngem intedda nga immuna dagiti bagbagida iti Apo ken kalpasanna, intedda dagiti bagbagida kadakami.

\s5
\v 6 Rinugiannakayon nga allukoyen ni Tito a mangted iti kuarta, isu a ginuyugoymi isuna nga idalanna ti panagurnong inggana a malpas daytoy.
\v 7 Kas naim-imbagkayo ngem dagiti dadduma, saan laeng nga iti panagtalekyo iti Dios, iti makapabileg a sasaoyo, iti aniaman a nasursuroyo, iti panangleppas iti aramid, ken iti ayatyo kadakami - siguraduenyo a saysayaatenyo ti panangileppasyo pay iti daytoy a panagurnong.

\s5
\v 8 Saankayo a bilbilinen, ngem kayatko a paneknekanyo ti panagayatyo iti Apo babaen iti panangidilig iti panangtedyo kadagiti dadduma a mangmangted kadagiti tattao nga agkasapulan.
\v 9 Ibagbagak daytoy, gapu ta ammoyo no kasano ti kinaimbag ni Cristo kadakayo. Numan pay kukuana ti isuamin, tinallikudanna amin dagitoy ket nagbalin a napanglaw. Inaramidna daytoy tapno pabaknangennakayo.

\s5
\v 10 Ket iti daytoy, adda ti pangpabileg nga itedko kadakayo: inrugiyo daytoy a ministerio iti panagtulong idi napalabas a tawen, ket idi inrugiyo daytoy, magagarankayo unay a mangaramid iti daytoy.
\v 11 Iti isu met laeng a wagas, masapul nga ileppasyo daytoy a trabaho. Kas magagarankayo a mangirugi iti daytoy a trabaho, masapul a magagarankayo met a mangileppas iti daytoy, ken aramidenyo daytoy a dagus kas kabaelanyo.
\v 12 Awatento ti Dios ti aramidenyo iti daytoy nga aramid, no magagarankayo a mangaramid iti daytoy. Masapul a leppasenyo ti trabaho babaen iti panangitedyo iti kuarta nga adda kadakayo. Saanyo mabalin nga ited ti awan kadakayo.

\s5
\v 13 Saandakayo a pagbaybayaden iti buis gapu ta saanmi a kayat a maaddaan dagiti dadduma tapno matulungan dagiti bagbagida. Ngem rumbeng laeng a tulunganyo ida.
\v 14 Addaankayo iti ad-adu ngem iti kasapulanyo iti daytoy a tiempo; no ania ti teddayo ket umdasen para kadakuada. Iti masakbayan, maaddaandanto iti ad-adu ngem iti kasapulanda, ket nalabit a matulongandakayonto. Rumbeng laeng dayta iti tumunggal maysa.
\v 15 Daytoy ket kasla ti kinuna iti Nasantoan a Surat: "Ti addaan iti adu ket awan iti aniaman a nabatina nga ibingayna; ngem ti addaan laeng iti basbassit ket awan ti aniaman pay a pagkasapulanna."

\s5
\v 16 Pagyamananmi ti Dios gapu ta pinagbalinna ni Tito nga ipategdakayo a kas iti ar-aramidek.
\v 17 Idi kiniddawmi a tulungannakayo, immanamong isuna nga aramidenna daytoy. Magagaran unay isuna a mangtulong kadakayo nga inkeddengna a sarungkararannakayo a mismo.

\s5
\v 18 Imbaonmi ni Tito a kaduana ti maysa pay a kabsat a Kristiano. Daydayawen isuna dagiti amin a namati kadagiti iglesia gapu ta nasayaat unay ti panangikasabana iti naimbag a damag.
\v 19 Kiniddaw dagiti namati kadagiti iglesia kenkuana a kumuyog kadakami a mapan idiay Jerusalem tapno tulungannakami a mangipan kadagiti namati sadiay dagiti it-itedyo ken ti it-ted dagiti dadduma kadakuada. Kayatmi amin a maibingay daytoy a kuarta tapno mapadayawan iti Apo ken tapno maipakita iti amin no kasanotayo nga agtitinnulong a namati.

\s5
\v 20 Ar-aramidenmi ti amin a kabaelanmi tapno awan ti siasinoman nga agsaludsod no apay a kidkiddawenmi daytoy a kuarta nga it-itedyo a sipaparabur.
\v 21 Naannad kami a mangar-aramid iti amin kadagitoy iti silulukat ken napudno a wagas. Kayatmi a maammoan ti tunggal maysa ti panangar-aramidmi iti daytoy, ken ammomi a makitkitanakami met ti Apo.

\s5
\v 22 Ken kadagitoy a kakabsat nga ibaonmi kadakayo, adda pay ti maysa a kabsat nga inayonmi. Nakitami a daytoy a kabsat ket ar-aramidenna ti napateg a trabaho iti napudno unay a wagas. Ita, ad-adda pay a tarigagayanna ti tumulong kadakayo gapu ta agtaltalek unay isuna kadakayo.
\v 23 No maipapan ken ni Tito, kadwak isuna, kakuyogko isuna nga agtrabtrabaho. Kadagiti dadduma a kakabsat - pinili ida dagiti iglesia iti rehiontayo a kumuyog kadakami idiay Jerusalem. Inton makita ida dagiti dadduma a tattao, dayawendanto ni Cristo iti kasta unay gapu kadakuada.
\v 24 Isu nga ipakitayo ti panagayatyo kadagitoy a kakabsat, ipakitayo kadakuada no apay a nasasayaat a banbanag ti ibagbagami maipapan kadakayo ken no apay a saanmi a maisardeng ti panangibagbagami kadagiti amin nga iglesia ti panangipannakkelmi kadakayo.

\s5
\c 9
\p
\v 1 Ita, maipapan iti daytoy a panagurnong iti kuarta para kadagiti namati idiay Jerusalem - dagiti amin a tattao nga inlasin ti Dios a para kenkuana, saanen a masapul nga agsuratak iti aniaman pay kadakayo.
\v 2 Ammokon a kayatyo ti tumulong, ket dinayawkayo para iti daytoy kadagiti namati idiay Macedonia. Ti kinapudnona, imbagak kadakuada a dakayo ken dagiti dadduma a tattao idiay probinsia iti Acaia, ket agsagsagana para iti daytoy a panagurnong nanipud pay idi napalabas a tawen. Ti kinareggetyo ket maysa a pagguadan a nangtignay kadagiti namati iti Macedonia nga aggunay.

\s5
\v 3 Ta ibaonko dagiti kakabsat nga umun-una ngem siak, tapno inton agkikitakayo, makitadanto a saandakayo a pinadayawan nga awan mamaayna; imbaonko met ida nga immun-una kaniak tapno nakasaganakayonton a mangleppas iti trabaho, a kas inkarik kadagiti dadduma nga aramidenyo.
\v 4 Agamakak nga amangan no adda dadduma a taga-Macedonia a kumuyog kaniak inton umayak iti mabiit, ket amangan no maduktalanda a saankayo a nakasagana a mangited kadagiti amin a kayatyo nga ited. No mapasamak dayta, maibabainkaminto a nangibagbaga kadagiti nasasayaat a banbanag maipapan kadakayo - ken mabainankayonto met.
\v 5 Inkeddengko a masapul nga aramidek iti amin a kabaelak a mangibaon kadagiti kakabsat kadakayo, tapno iyurnosda amin a banbanag a kasapulan a mangawat iti kuarta nga inkariyo nga ited. Iti daytoy a wagas, daytoy a kuarta ket maysanto a banag a siwawayayo nga isagut, saan ketdi a buis a pabpabayadanmi kadakayo.

\s5
\v 6 Kastoy ti kayatko a sawen, siasinoman nga agmula iti sangkabassit a bukel ket agapitto met ti bassit, ngem ti siasinoman nga agmula ti adu a bukel ket agapitto iti adu.
\v 7 Mangngeddengkayo nga umuna dita pusoyo no mano a kuarta ti itedyo, tapno inton itedyo ket saanyonto a pagbabawian nga inaramidyo daytoy. Saanyo koma a marikna a pilpilitendakayo ti siasinoman a mangted, gapu ta ay-ayaten ti Dios ti tao a naragsak a mangted.

\s5
\v 8 Kabaelan ti Dios nga ited kadakayo dagiti amin a kita ti sagut iti ad-adu pay, tapno addanto a kankanayon kadakayo dagiti aniaman a kasapulanyo, ken umdas pay a maaramat kadagiti nasasayaat a banbanag.
\v 9 Kas naisurat iti Nasantoan a Surat: "It-itedna dagiti nasasayaat a banbanag kadagiti tattao iti sadinoman, ken it-itedna ti kasapulan iti napanglaw. Ar-aramidenna dagitoy a banbanag iti agnanayon.

\s5
\v 10 Ik-ikkan ti Dios iti bukel ti agmulmula, ken ik-ikkana iti tinapay ti agar-aramid iti daytoy. Ipaaynanto met ti bukelyo ken paaduenanto ti kabaelanyo nga ited kadagiti sabali.
\v 11 Pabaknangennakayonto ti Dios iti nadumaduma a wagas, tapno agbalinkayo a naparabur. Kas pagbanaganna, adunto pay ti sabali nga agyaman iti Dios gapu iti maawatda babaen iti trabaho nga inaramidmi nga apostol.

\s5
\v 12 Awatenmi daytoy a kuarta, saan laeng a tapno matulongan dagiti kakabsattayo a Kristiano nga agkasapulan; aramidenmi pay daytoy tapno ad-adu pay a namati ti agyamanto iti Dios.
\v 13 Gapu ta rinugianyo daytoy a trabaho, impakitayo no aniakayo a kita iti tattao. Padayawanyo ti Dios babaen iti panagtultulnogyo kenkuana ken panamatiyo iti ibagbagana iti naimbag a damag maipapan kenni Cristo. Padpadayawanyo pay isuna babaen ti naparabur a panangitedyo.
\v 14 Tarigagayandakayonto unay a makita dagiti pangitedanyo; ikararagandakayonto, gapu iti nakakaskasdaaw a wagas a ti Dios ket naimbag kadakayo.
\v 15 Agyamankami iti Dios gapu iti daytoy a sagut a manipud kenkuana - naindaklan unay ti sagutna a saanmi a maiyebkas iti sasao.

\s5
\c 10
\p
\v 1 Ita, siak, ni Pablo, agpakpakaasiak kadakayo- ken napakumbaba ken naanusak kas ar-aramidek daytoy, gapu ta inaramidnak a kasta ni Cristo: mababainak no addaak iti sangoananyo, ngem naturedak no agsursuratak kadakayo manipud iti adayo:
\v 2 Agpakpakaasiak kadakayo nga inton umayak, saankonton a kasapulan ti agbalin a naranggas kadakayo. Nupay kasta, mabutengak a masapul nga agbalinak a kasta tapno makapagsao-ak maibusor kadagiti tattao nga agpanpanunot nga agtrabtrabahokami maibatay kadagiti pangrukodan ti tao.

\s5
\v 3 Ta uray no agbibiagkami, wen a, kadagiti napisikalan a bagbagimi, makirangrangetkami a kas iti pannakirangranget dagiti armada.
\v 4 Daytoy ket kasla makirangrangetkami nga addaan iti ig-igam, ngem sabali dagitoy nga ig-igam kadagiti ar-aramaten dagiti soldado. Ti Dios ti nangited kadakami kadagiti igammi, isu a maaramatmi dagitoy a mangdadael kadagiti sarikedked, daytoy ket, tapno maipakitami a saan nga usto dagiti tattao a manglalais kadakami.

\s5
\v 5 Iti daytoy a wagas mabalin a mapaneknekanmi a saan nga usto ti tunggal maysa a sipapannakkel nga agsasao a maibusor iti Dios tapno saan isuna a maam-ammo dagiti dadduma. Mabalinmi met a baliwan ti panagpanpanunot dagiti tattao, tapno mangrugida nga agtulnog kenni Cristo.
\v 6 Inton makitami nga agtultulnogkayon a naan-anay kenni Cristo, nakasaganakaminto a mangdusa iti siasinoman nga agtalinaed a nasukir kenkuana.

\s5
\v 7 Masapul a kitaenyo dagiti nalawag a kinapudno. No adda ti pammati iti siasinoman a naibilang isuna kenni Cristo, ipalagipyo kenkuana a kas naibilang isuna kenni Cristo, kasta met kadakami!
\v 8 Idi dinayawko ti bagik maipapan iti turaymi a kas apostol, mabalin a nalabes dayta kadakayo. Ngem inted ti Apo dayta a turay kaniak saan a tapno dadaelenkayo, ngem tapno tulungan ken papigsaenkayo. Isu a saanko nga ibain ti turay nga inted kaniak ti Apo.

\s5
\v 9 Uray no agparparang a kasla nabileg dagiti sursuratko no basaenyo dagitoy, saanko kayat nga agbutengkayo no basaenyo ida. Saan a dayta ti gapuna no apay nga insuratko dagita kadakayo.
\v 10 Kuna dagiti sumagmamano a tattao a makaam-ammo kaniak ken mangbasa kadagiti sursuratko, "Masapul a saantayo nga ibareng-bareng dagiti sursuratna gapu ta nabileg a banbanag ti ibagbagada, ngem no adda kadatayo ni Pablo, nakapuy isuna iti napisikalan ken awan mamaayna ti panagdengdengngeg kenkuana."

\s5
\v 11 Bay-anyo a maammoan dagiti mangdildillaw kaniak a dagiti isursuratmi kadakayo ket dagiti met laeng banbanag nga ar-aramidenmi no addakami kadakayo.
\v 12 Saanmi pay a padasen nga idilig dagiti bagbagimi kadagidiay mangpadpadayaw kadagiti bagbagida. No idiligda dagiti bagbagida iti tunggal maysa kadakuada, panpaneknekan laeng daytoy a maagda.

\s5
\v 13 Idayawmi laeng dagiti bagbagimi maipapan iti inted ti Dios kadakami nga aramidenmi. Ken agtrabahokami laeng a kas imbagana nga agtrabahokami, nupay kasta, mairamankayo met.
\v 14 Idi immaykami kadakayo, saankami a limmabes iti impaaramid kadakami ti Dios a trabahoenmi. Indutok ti Dios kadakami ti rehionyo, ken dakami dagiti immuna a nangibaga kadakayo iti Naimbag a Damag maipapan kenni Cristo.

\s5
\v 15 Saanmi nga ipaspasindayaw ti maipapan iti trabaho nga inted ti Dios kadagiti dadduma, a kasla dakami ti nangaramid iti dayta a trabaho. Ngem ketdi, namnamaenmi nga ad-adda pay nga agtalekkayonto iti Dios, ken iti kasta met laeng a wagas, idutokto ti Dios kadakami ti nalawlawa pay a rehion a pagtrabahoanmi.
\v 16 Namnamaenmi daytoy, tapno mabalinmi nga ibingay ti naimbag a damag kadagiti tattao iti labes iti pagnanaedanyo. Saankami a maidayaw kadagiti trabaho nga ar-aramiden dagiti dadduma nga adipen ti Dios, kadagiti bukodda a rehion a pagserserbianda kenkuana.

\s5
\v 17 Kuna ti Nasantoan a Surat, "Bay-anyo a ti maysa a napannakkel ket agpannakkel iti Apo."
\v 18 No idaydayaw iti maysa a tao ti bagina gapu iti naaramidanna, saan isuna a gunggonaan ti Dios iti panangar-aramidna iti dayta. Ngem ketdi, gunggonaanna dagidiay an-anamonganna.

\s5
\c 11
\p
\v 1 Minamaag para iti maysa a tao a padayawanna ti bagina, ngem dayta ti ar-aramidek. Pangngaasiyo ta palubusandak a mangituloy uray bassit.
\v 2 Ta ammok nga adda dagiti ibilbilangyo a kainnagawko ken agimonak kadakayo, imon iti Dios maipaay kadakayo. Maiyarigak iti ama a nangikari kadakayo a maiyasawa iti maymaysa laeng nga asawa a lalaki ken mangayat a mangidatag kadakayo, a kas nasin-aw a birhen a nobia, kenni Cristo.

\s5
\v 3 Ngem kabayatan a panpanunotenkayo, nagbutengak nga adda ti nangsikap kadakayo a kas ti panangsikap ti demonio kenni Eba. Nagbutengak ta amangan no adda ti nangallukoy kadakayo nga isardengyo nga ayaten ni Cristo nga addaan ti napudno a puso.
\v 4 Ibagbagak daytoy gapu ta kasla saanyo nga ikankano no adda ti umay ket ibagana kadakayo dagiti sabsabali a banbanag maipapan kenni Jesus ngem ti inaramidmi, wenno no kayatna nga awatenyo ti sabsabali nga espiritu ngem ti Espiritu ti Dios, wenno sabsabali a kita ti naimbag a damag.

\s5
\v 5 Aw-awagan dagiti tattao dagidiay a manursuro a "dagiti nalaing unay nga apostol," ngem saanko a panpanunoten a nasirsiribda ngem siak.
\v 6 Mabalin a pudno a saanko a pulos nga inadal ti panangited kadagiti makaay-ayo a sasao, ngem pudno nga adu dagiti banbanag nga ammok maipapan iti Dios a kas naadalyo idi nagsaoak kadakayo.

\s5
\v 7 Nagbiddutak kadi no agserbiak kadakayo a kas napakumbaba a tao iti kasta a wagas a dinayawdakayo dagiti dadduma imbes a siak? Nagbiddutak kadi no ikasabak kadakayo ti naimbag a damag nga awan ti singirek a kuarta?
\v 8 Wen, intulokko dagiti namati kadagiti dadduma nga iglesia nga ikkandak iti kuarta tapno makapagserbiak kadakayo. Mabalin a kunaenyo a taktakawak ida. Ngem awan ti dinawatko kadakayo.
\v 9 Adda idi ti tiempo nga agkasapulannak kadagiti adu a banbanag kabayatan iti kaaddak kadakayo ngem saanak a pulos a dimmawat kadakayo iti kuarta. Ngem ketdi, insabet dagiti kakabsat a naggapu idiay Macedonia dagiti amin a kasapulak. Inaramidko ti amin a kabaelak tapno saankayo nga agrigat gapu kaniak ken itultuloyko nga aramiden daytoy.

\s5
\v 10 Ibagbagak ti naan-anay a kinapudno maipapan kenni Cristo ken no kasano a nagtrabahoak maipaay kenkuana. Isu nga itultuloyko nga ipakaammo kadagiti amin nga adda iti rehion iti Acaya ti maipapan iti daytoy.
\v 11 Saanyo a pudno a panpanunoten a saanko nga inawat dagiti kuartayo gapu ta saankayo nga ay-ayaten, isu kadi? Ngem adayo dayta iti panpanunotenyo! Ammo ti Dios nga ay-ayatenkayo.

\s5
\v 12 Itultuloyko ti agserbi kadakayo iti kastoy met laeng a wagas, tapno pasardengek dagiti mangibagbaga a kapadadakami. Awanton ti maipambarda no kasano ti panagpasindayawda.
\v 13 Adda dagiti tattao a palso nga apostol nga ibagbagada nga imbaon ida ti Dios. Isuda dagiti agtrabtrabaho a kankanayon a mangibagbaga ti inuulbod ken agpampammarangda nga apostol ida ni Cristo.

\s5
\v 14 Saantayo koma a masdaaw kadakuada. Uray ni Satanas ket agpampammarang a kas anghel nga agranraniag iti lawag ti presensia ti Dios.
\v 15 Agpampammarang met laeng dagiti adipenna nga agserserbida iti Dios, agpampammarangda a kas naimbag. Dusaento ida ti Dios kas iti maikari kadakuada.

\s5
\v 16 Awan koma ti mangpanunot a maagak. Ngem no pudno a panpanunotenyo a maagak, ket itultuloyko ngarud a dayawen pay bassit ti bagik.
\v 17 No agsasaoak iti kastoy a wagas, saan a daytoy ti wagas nga agsasao ti Apo kaniak; siak laeng daytoy nga agsasao a kas maag.
\v 18 Adu ti nangipanpannakkel maipapan iti kinasiasinoda iti daytoy a biag. Mabalin met ngarud nga aramidek dayta.

\s5
\v 19 Pudno a maragsakankayo a manganus iti kinamaagko agsipudta nasiribkayo la unay!
\v 20 Ibagbagak daytoy gapu ta intulokyo a tratoendakayo a kas tagabo dagiti mangidadaulo; sinurotyo dagiti namagsisina kadakayo; intulokyo a gundawayandakayo dagiti mangidadauloyo; impalubosyo a panunuten dagiti mangidadauloyo a nasaysayaatda ngem kadagiti dadduma; ken pinalubosanyo ida a tapisendakayo ngem awan ti inaramidyo maipapan iti daytoy. Ken aw-awaganyo dagiti bagbagiyo a nasisirib?
\v 21 Mabainak gapu ta idi addakami kadakayo, mabainkami unay a mangtrato kadakayo iti kasta.

\s5
\v 22 Hebreo kadi dagidiay a tattao? Uray siak. Israelitada kadi? Uray siak. Kaputotan kadi ida ni Abraham? Uray siak.
\v 23 Adipen kadi ida ni Cristo?-Agsasaoak a kas iti maysa a tao nga agmauyong! Nagtrabahoak iti narigrigat ngem ti siasinoman kadakuada; naggapuak iti ad-adu a pagbaludan ngem isuda; ad-adu ti nakaru a babautko ngem kadakuada, ken ad-adu a tiempo a napadasak ti dandani a matay ngem isuda.

\s5
\v 24 Naminlima a daras a dinusadak dagiti Judio iti tallopulo ket siam a baut, sinapsaplitdak agingga a dandanin a matayak.
\v 25 Namintallo a daras a binautdak dagiti nangtiliw kaniak iti pamang-or a kayo. Naminsan a binatudak tapno patayendak. Tallo nga agduduma a barko ti nagluganak a napukaw kadagiti bagyo, ken pinalabasko ti rabii ken aldaw iti tengnga iti taaw a mangnamnama nga adda ti mangarayat kadakami.
\v 26 Napadaskon ti adu a panagdalyasat ken namin-adu a nagpeggadak kadagiti karayan, nagpeggadak manipud kadagiti agtatakaw, peggad kadagiti kalugarak, kadagiti Judio, peggad manipud kadagiti saan a Judio, peggad kadagiti siudad, peggad idiay let-ang, peggad idiay taaw, peggad manipud kadagiti palso a kakabsat a nanglipot kadakami.

\s5
\v 27 Impasnekko ti nagtrabaho ken napadaskun ti kinarigat; masansan nga awan turugko; nabisbisinanak ken nawawak ta awan ti kanek. Nalamlamminanak ken kurang ti pagan-anayko.
\v 28 Mainayon kadagita amin, agdandanagak iti inaldaw maipapan iti kasasaad dagiti iglesia.
\v 29 Awan ti padatayo a namati a nakapuy, nga awanak a kaduana a nakapuy. Awan ti padatayo a namati a nangidaulo ti sabali a tao iti basol, nga awanak a makaunget unay maipapan iti dayta.

\s5
\v 30 No masapul nga agpasindayawak, ipasindayawko laeng dagiti banbanag a kas kadagitoy, banbanag a mangipakita no kasano ti kinakapuyko.
\v 31 Sapay koma ta padayawan ti tunggal maysa ken tunggal banag ti Dios ken Ama iti Apo a ni Jesu-Cristo, ammona a saannak nga agul-ulbod!

\s5
\v 32 Idiay siudad ti Damasco, pinabantayan ti gobernador nga agserserbi kenni ari Arethas ti aglawlaw ti siudad, namnamaenda a matiliwdak.
\v 33 Ngem inkabildak dagiti gagayyemko iti basket ken imbabadak iti ruar ti siudad babaen iti tawa ti pader ket nakalibasak kenkuana.

\s5
\c 12
\p
\v 1 Masapul nga itultuloyko a salakniban ti bagik, isu nga ituloyko babaen iti mangipasindayaw kadagiti sirmata nga inted kaniak ti Dios.
\v 2 Inyapannak ti Dios iti kangatoan a langit, maysa a tao a nakitipon kenni Cristo, sangapulo ket uppat a tawenen ti napalabas- uray no ti Dios laeng ti makaammo no ti espirituk laeng ti inyapanna wenno uray pay ti bagik.

\s5
\v 3 Ken Siak - ti Dios laeng ti makaammo no ti espirituk laeng ti inyapanna wenno uray pay ti bagik - 
\v 4 naipangatoak iti maysa a lugar idiay langit a maaw-awagan a paraiso. Nangngegko sadiay dagiti banbanag a nasantoan unay kaniak a saanko a maibaga kadakayo.
\v 5 Maipasindayawko ti maipapan iti dayta - ngem inaramid ti Dios a mapasamak amin dagita, saan a siak. Ta maysaak a nakapuy a tao, mabalinko laeng nga ipannakkel no kasano nga agtrabtrabaho ti Dios kaniak.

\s5
\v 6 Uray no kankanayonko nga ipaspasindayaw ti maipapan iti bagik, saanakto nga agbalin a maag gapu ta ibagbagak laeng no ania ti pudno. Nupay kasta, saanakon nga agpasindayaw tapno maukomdak laeng babaen kadagiti mangngegyo nga ibagak, wenno babaen kadagiti ammoyon maipapan kaniak.
\v 7 Isu a saankon a saritaen ti maipapan kadagiti nakakaskasdaaw a sirmata nga inted kaniak ti Dios; malaksid no masapul nga ibagak kadakayo nga inikkannak ti Dios iti banag a narigat unay nga anusan, ti pamuspusan ni Satanas, tapno mangparigat kaniak. Inaramid ti Dios daytoy tapno saanak nga agbalin a napasindayaw unay maipapan iti sirmata a nakitak.

\s5
\v 8 Namintallo a nagkararagak iti Dios maipapan iti daytoy a banag; tunggal tiempo ket nagpakpakaasiak kenkuana nga ikkatenna koma daytoy kaniak.
\v 9 Ngem kinunana kaniak, "Saan, saanko nga ikkaten daytoy kenka. Ti kasapulam laeng ket ayatenka ken makiaddaak kenka, gapu ta aramidek ti mannakabalin unay a trabahok kenka no nakapuyka." Isu nga ipannakkelko dagiti kinakapuyko, tapno agtrabaho ti pannakabalin ni Cristo ken papigsaennak.
\v 10 Kabaelak a sangoen ti aniaman a banag gapu ta adda kaniak ni Cristo. Mabalin a nakapuyak, wenno saandak a raraemen dagiti dadduma, wenno adda ti kasta unay a pagrigatak, wenno padasendak a papatayen dagiti dadduma. Mabalin nga agtultuloy nga agsagabaak kadagiti nadumaduma a kinarigat. Iti aniaman a pasamak, no awanen ti pigsak, ket addaak iti kapipigsaak.

\s5
\v 11 Daydayawek ti bagik no agsursuratak iti kastoy a wagas. Ngem masapul nga aramidek daytoy, gapu ta adda koma panagtalekyo kaniak. Nalaingak met laeng a kas kadagiti "nalaing unay nga apostol," uray no awan pulos ti serserbik.
\v 12 Intedko kadakayo dagiti pudno a pagilasinan ti pudno nga apostol - dagiti milagro nga inaramidko a siaanus kadakayo: nakakaskasdaaw unay a milagro a nangpaneknek a pudno nga agserserbiak kenni Jesu-Cristo.
\v 13 Pudno a napategkayo a kas kadagiti dadduma nga iglesia! Ti laeng nagdumaanyo ket awan ti naawatko a kuarta manipud kadakayo a kas ti inaramidko kadakuada. Pakawanendak ta saanko a dinawat daytoy kadakayo!

\s5
\v 14 Isu a dumngegkayo iti daytoy! Nakasaganaak itan a mangsarungkar kadakayo iti maikatallo a tiempo, ket iti daytoy a panagdalyasatko, saannakto a dumawat kadakayo iti kuarta a kas kadagiti dadduma. Saanko a kayat dagiti aniaman nga adda kadakayo. Dakayo ti kayatko! Ammoyo ti annuruten a sursurutentayo kadagiti pamiliatayo: saan a rumbeng a bayadan dagiti annak dagiti gastos dagiti nagannakda, ngem agurnong dagiti nagannak tapno bayadanda dagiti gastos dagiti annak.
\v 15 Maragsakannakto unay a mangaramid iti amin a banbanag para kadakayo, uray no isu ti pakatayak. No ti kayat a sawen daytoy ket ay-ayatenkayo iti kasta unay, awan duadua nga ad-adda pay koma nga ayatendak met.

\s5
\v 16 Ket isu a mabalin nga adda ti mangkuna nga inallilawkayo iti panangpalubosyo a bayadak dagiti amin a kasapulak, nupay saanak a dimmawat kadakayo iti kuarta.
\v 17 Saankayo nga inallilaw babaen ti panangusarko iti imbaonko kadakayo, inallilawkayo kadi?
\v 18 Kas pangarigan, imbaonko kadakayo ni Tito ken ti maysa pay a kabsat, ngem saanda a dinawat kadakayo a tulunganyo ida, inaramidda kadi? Saan a pulos a pinabayadan ni Tito dagiti gastosna kadakayo, inaramidna kadi? Trinatonakayo ni Tito ken ti maysa a kabsat a kas met laeng iti inaramidko, saan kadi? Nagbiagkami iti agpada a wagas; saanyo a pulos a kasapulan nga agbayad iti iniaman maipaay kadakami.

\s5
\v 19 Saanyo a pudno a panpanunoten a salsalaknibak ti bagik iti daytoy a surat, panpanunutenyo kadi? Ammo ti Dios a naitiponak kenni Cristo, ken insuratko ti amin tapno mapabilegkayo iti panagtaltalekyo kenkuana.

\s5
\v 20 Ngem inton umayak kadakayo, mabalin a saankayo a masarakan a kas ti tarigagayko. Mabalin a saandak a kayat a dengngen inton umayak. Agamakak ta amangan no adda ti panagsisinuppiat kadakayo, nga agiinnapal dagiti dadduma kadakayo, ken makaunget unay ti dadduma kadakayo iti tunggal maysa. Mabutengak ta amangan no ipangpangruna ti dadduma kadakayo ti bukodna a bagi, nga pagsasaritaanyo ti tunggal maysa, ken managinbubukod unay ti dadduma kadakayo.
\v 21 Inton umayak kadakayo ken no makitakayo, mabutengak ta amangan no ipakumbabanak ti Dios. Malidayannak ken agladingitak ta adu ti saan a nagtulnog iti Dios ken saanda nga insardeng ti panagbasbasolda iti nadumaduma a wagas ti kinaderrep.

\s5
\c 13
\p
\v 1 Daytoy ti maikatallo a tiempo nga umayak kadakayo tapno pagnunumoantayo dagitoy a banbanag. Ti annuruten ti panangannugot kadagitoy a pagsasaritaan ket ti tunggal pammabasol a maibusor iti sabali ket masapul a maibasar iti pammaneknek ti dua wenno tallo a tattao, saan laeng a maymaysa.
\v 2 Idi addaak dita iti maikadua a panangsarungkarko, imbagak kadagiti nagbasol ken kadagiti naakusaran iti sangoanan iti iglesia, ken iti entero nga iglesia, ken ibagak manen: Saanko a palabsen dagitoy a pammabasol.

\s5
\v 3 Ibagak kadakayo daytoy gapu ta agbirbirukkayo iti pammaneknek nga agsasao ti Dios babaen kaniak. Saan isuna a nakapuy a makitulag kadakayo, ngem ketdi agtrabtrabaho isuna kadakayo babaen iti nabileg a pannakabalinna.
\v 4 Agadaltayo manipud kadagiti pagtuladan nga impakita ni Cristo, gapu ta inlansada isuna idi nakapuy isuna, ngem pinabiag manen isuna ti Dios. Ken nakapuykami met kabayatan nga agbibiagkami ken sursurotenmi ti pagtuladan nga impakitana, ngem iti pannakipagmaymaysami kenkuana, papigsaennakami ti Dios kabayatan a pagnunummoantayo ti maipapan kadagiti basbasul nga inaramid iti dadduma kadakayo.

\s5
\v 5 Masapul a sukimaten ti tunggal maysa kadakayo ti panagbiagna; masapul a mangkitakayo iti pammaneknek nga agtaltalekkayo iti panagayat ken iti pananggaasi ti Dios kadakayo. Masapul a padasenyo dagiti bagbagiyo iti daytoy a pannubok: Makitkitayokadi nga agbibiag ni Jesu-Cristo kadakayo? Agnanaed isuna iti tunggal maysa kadakayo, malaksid no saankayo nga agballigi iti daytoy a pannubok.
\v 6 Ket namnamaaek a masarakanyo nga agnanaed met ni Cristo kadakami.

\s5
\v 7 Ita, ikarkaragmi iti Dios a sapay koma ta saankayo a makaaramid iti aniaman a biddut. Ikarkararagmi daytoy, saan a gapu ta kayatmi a kasla nasaysayaatkami ngem kadakayo babaen iti panagballigimi iti dayta a pannubok. Ngem ketdi, kayatmi a maamoanyo ken aramidenyo dagiti umno a banbanag. Kayatmi nga agballigikayo uray no kasla saankami a nagballigi.
\v 8 Tengtenglen ti kinapudno ti ar-aramidenmi; awan ti maaramidanmi maibusor iti kinapudno.

\s5
\v 9 Agrag-okami no nakapuykami ken napigsakayo. Ikarkararagmi a kanayon koma nga agtalekkayo ken naan-anay nga agtulnogkayo iti Dios.
\v 10 Adayoak kadakayo ita kabayatan nga isursuratko daytoy kadakayo. Saanen a masapul a makitungtungak kadakayo iti nainget no umayak kadakayo. Gapu ta inaramidnak ti Dios nga apostoI, pangpangrunak nga allukoyenkayo ken saan ket a pakapuyenkayo.

\s5
\v 11 Ti maudi a banag kakabsat: Agrag-okayo! Agtignaykayo ken agaramidkayo iti nasaysayaat ngem iti sigud a panagtignayyo, ken palubusanyo a pabilegennakayo ti Apo. Annamunganyo ti tunggal maysa ken agkakaduakayo nga agbiag iti kappia. Makikaaddanto kadakayo ti Dios a mangay-ayat ken mangmangted kadakayo iti kapia no aramidenyo dagitoy a banbanag.
\v 12 Pasangbayenyo ti tunggal maysa iti wagas a mangibagbaga iti amin no kasano nga ay-ayatenyo ti tunggal maysa.

\s5
\v 13 Aminkami ditoy nga insina ti Dios a maipaay iti bagina, kabkablaawandakayo.
\v 14 Sapay koma ta agtignay a siiimbag ni Jesu-Cristo kadakayo, ken ayatennakayo koma ti Dios, ken adda koma kadakayo amin ti Espiritu Santo.