ilo_udb/45-ACT.usfm

\id ACT
\ide UTF-8
\h Dagiti Aramid
\toc1 Dagiti Aramid
\toc2 Dagiti Aramid
\toc3 act
\mt Dagiti Aramid

\s5
\c 1
\p
\v 1 Patpatgek a Teofilo, iti immuna a libro nga insuratko para kenka, dinakamatko ti maipanggep iti adu a banbanag nga inaramid ken insuro ni Jesus
\v 2 agingga iti aldaw nga innala isuna ti Dios idiay langit. Sakbay a napan isuna idiay langit, imbagana kadagiti apostol dagiti banbanag a kayatna a maamoanda, babaen iti bileg ti Espiritu Santo.
\v 3 Kalpasan a nagsagaba ken natay isuna iti krus, nagbiag manen isuna. Iti panagparangna kadakuada iti simmaruno nga uppat a pulo nga al-aldaw, nakita isuna dagiti apostol iti adu a daras. Pinaneknekanna kadakuada iti adu a wagas nga isuna ket sibibiag manen. Nakisao isuna kadakuada maipanggep iti panangiturayto ti Dios kadagiti biag dagiti tattao iti pagarianna.

\s5
\v 4 Maysa a tiempo kabayatan iti kaaddana kadakuada, kinunana kadakuada, "Saanyo a panawan ti Jerusalem. Ngem ketdi, aguraykayo ditoy aginggana nga ibaon ti Amak ti Espirituna kadakayo, kas inkarina nga aramiden. Nangngeganyon iti panagsaok kadakayo maipanggep iti dayta.
\v 5 Binautisaran ni Juan dagiti tattao iti danum, ngem kalpasan iti sumagmamano nga al-aldaw bautisarannakayto ti Dios iti Espiritu Santo.

\s5
\v 6 Iti maysa nga aldaw, idi naummong da Jesus ken dagiti apostol, sinaludsodda kenkuana, "Apo, agbalinka kadin nga ari ti Israel?"
\v 7 Insungbatna kadakuada, "Saan a masapul a maammoanyo dagiti panawen ken al-aldaw a panakapasamakto dayta. Ti Amak laeng ti nangikeddeng no kaanonto a mapasamak dayta.
\v 8 Ngem papigsaennakayto ti Espiritu Santon inton umay kadakayo. Ket ibagayonto kadagiti tattao ti maipanggep kaniak idiay Jerusalem ken kadagiti rehion ti Judea, Samaria, ken iti entero a lubong."

\s5
\v 9 Kalpasan a naibaganan dayta, nagpangato isuna sadi langit, ket linengdan isuna ti ulep isu a saandan a nakita.
\v 10 Kabayatan a kumitkita pay laeng iti tangatang dagiti apostol bayat nga agpangpangato isuna, kellaat nga adda nakatakder iti abayda a dua a lallaki a nakakawes iti puraw. Isuda ket anghel.
\v 11 Maysa kadakuada iti nagkuna, "Dakayo a lallaki a nagtaud idiay Galilea, saanen a masapul nga agtakder kayo ditoy iti nabayag, a tumangtangad iti tangatang! Maysanto nga aldaw, daytoy met laeng a Jesus, nga innala ti Dios kadakayo nga impangatona idiay langit ket agsublinto ditoy daga. Agsublinto isuna iti isu met laeng a wagas a kas iti nakitayo idi nagpangato isuna sadi langit."

\s5
\v 12 Ket idi nakapanawen dagiti dua nga anghel, nagsubli dagiti apostoles idiay Jerusalem manipud idiay Bantay Olibo, nga asideg iti Jerusalem.
\v 13 Kalpasan a simrekda iti siudad, napanda iti akinngato a siled ti balay a pagnanaedanda. Dagiti ada sadiay ket pakairamanan da Pedro, Juan, Santiago, Andres, Felipe, Tomas, Bartolome, Mateo, maysa pay a Santiago nga anak ni Alfeo, Simon a Patriota, ken ni Judas nga anak ti maysa pay a Santiago.
\v 14 Amin dagitoy nga apostol ket nangrugi nga agkararag a sangsangkamaysa iti amin a tiempo. Dagiti dadduma a nakipagkararag kadakuada ket pakairamanan dagiti babbai a nakadkadua ni Jesus, ni Maria nga ina ni Jesus, ken dagiti adingenna a kakabsat a lallaki.

\s5
\v 15 Kadagidiay nga al-aldaw nagtakder ni Pedro iti sangwanan dagiti kakaduana a namati. Adda bunggoy nga agarup sangagasut ket dua pulo a pasurot ni Jesus iti dayta a lugar. Kinuna ni Pedro,
\v 16 "Kakabsatko, adda dagiti sasao maipanggep kenni Judas nga insurat ni Ari David iti nabayagen a panawen. Dagitoy a sasao ket pumayso, ket napasamak dagitoy, agsipud ta imbaga ti Espiritu Santo kenni David no ania ti isuratna.

\s5
\v 17 Nupay nagbalin met ni Judas nga apostol a kas kadakami, indauloanna dagiti tattao a nangtiliw kenni Jesus a nangpapatay kenkuana."
\v 18 Ita, daytoy a lalaki ket nakaurnong iti kuarta babaen iti panangaramidna iti daytoy a kinadakes. Babaen iti daytoy a kuarta ket nakagatang iti taltalon. Kalpasanna, natinn, nagudua a naglukat ti bagina, ket rimuar amin a bagisna.
\v 19 Nangngegan dagiti amin a tattao nga agnanaed idiay Jerusalem ti maipapan iti dayta, isu nga inawaganda dayta a kataltalunan iti Akeldama, segun iti pagsasaoda nga Aramaic, a ti kayatna a sawen ket "Taltalon iti Dara," gapu ta sadiay ket adda natay.

\s5
\v 20 Kinuna pay ni Pedro, "Makitak nga iti napasamak kenni Judas ket kas iti ibagbaga ti Salmo: 'Matay koma ti pamiliana; awan koma a pulos ti mabati kadakuada.' ' Ken kas kadagitoy dadduma a sasao nga insurat ni David ket maipapan met kenni Judas: 'Alaen koma iti sabali ti trabahona kas mangidadaulo.'"

\s5
\v 21 Isu a kasapulan a datayo nga apostoles ket mangpilitayo iti lalaki a mangsukat kenni Judas. Masapul nga isuna ket maysa nga adda kadatayo iti amin a tiempo a kaadda kadatayo ni Apo Jesus.
\v 22 Dayta ket manipud idi tiempo ti panangbautisar ni Juan a Mammuniag kenni Jesus agingga iti aldaw a pinanawannatayo ni Jesus a nagpangato sadi langit. Ti lalaki a mangsukat kenni Judas ket masapul a maysa kadagiti nakakita kenni Jesus a nagbiag manen kalpasan a natay isuna."
\v 23 Isu nga insingasing dagiti apostol ken dadduma kadagiti namati ti nagan iti dua a lallaki. Ti maysa a lalaki ket ni Jose Barsabas, nga agnagan met laeng iti Justo. Ti sabali a lalaki ket ni Matias.

\s5
\v 24-25 Kalpasanna, nagkararagda: "Apo Jesus, nagsardeng iti kina-apostol ni Judas. Nagbasol isuna ken napan iti lugar nga isu iti nakaikarianna. Ammom no ania ti adda iti puso ti tunggal tao, isu a pangngaasim ta ipakitam kadakami no siasino kadagitoy a dua a lallaki ti napilim a mangsublat iti akem ni Judas."
\v 26 Ket iti panangpilida, nagbibinnunotanda no siasino kadagiti dua, ket nabunotda ni Matias, ket isuna ti nagbalin nga apostol a naitipon kadagiti sangapulo ket maysa nga apostol.

\s5
\c 2
\p
\v 1 Iti aldaw a panangrambak dagiti Judio iti Fiesta ti Pentecostes, nagkakadua dagiti amin a namati iti maysa a lugar idiay Jerusalem.
\v 2 Sadiay, kellaat a nakangngegda iti daranudor nga um-umay manipud iti tangatang a kas iti uni iti napigsa nga angin. Nangngeg ti tunggal maysa kadakuada nga agtugtugaw iti uneg ti balay, ti daranudor.
\v 3 Kalpasanna, adda nakitada a kasla gil-ayab iti apuy. Nagsisina dagitoy a kasla gil-ayab ti apuy, ket maysa ken maysa kadagitoy ket bimmaba kadagiti ulo iti tunggal namati.
\v 4 Ket napnoan iti Espiritu Santo dagiti amin a namati ken nangrugida nga agsao iti nadumaduma a pagsasao, iti wagas nga inted ti Espiritu a kabaelan ti maysa ken maysa.

\s5
\v 5 Iti dayta a tiempo, adu kadagiti Judio ti nagtalinaed idiay Jerusalem tapno rambakanda ti fiesta ti Pentecostes. Isuda ket Judio a kankanayon nga agdaydayaw iti Dios. Naggapuda iti nadumaduma a pagilian.
\v 6 Idi nangngeganda ti napigsa a daranudor a kasla angin, adu kadakuada ti naummong iti lugar nga ayan dagiti namati. Nagsiddaaw dagitoy nga adu a tattao gapu ta nangngegan iti tunggal maysa kadakuada dagiti namati nga agsasao kadagiti bukodda a pagsasao.
\v 7 Kasta unay iti panagsiddaawda, ket kinunada iti maysa ken maysa, "Amin dagitoy a lallaki nga agsasao ket nagtaudda amin idiay Galilea, kasano ngarud nga ammoda dagiti pagsasaotayo.

\s5
\v 8 Ngem mangmangngegtayo amin ida nga agsasao iti bukodtayo a pagsasao a naadaltayo manipud naiyanaktayo!
\v 9 Dadduma kadatayo ket naggapu iti rehion ti Parthia ken Media ken Elam, ken dagiti dadduma kadatayo ket naggapu iti rehion ti Mesopotamia, Judea, Capadocia, Pontus ken Asia.
\v 10 Adda dagiti dadduma a tattao idiay a taga-Frigia ken Pamfillia, Egipto, ken dagiti rehion iti Libya nga asideg iti siudad ti Cirene. Adda dadduma kadatayo ditoy a bumisbisita ditoy Jerusalem manipud Roma.
\v 11 Pakairamanan dagiti pudno a Judio kasta met dagiti saan a Judio a mamati iti patpatientayo a Judio. Ken dadduma kadatayo ket naggapu idiay Isla iti Creta ken kadagiti rehion iti Arabia. Isu a kasano nga agsasao dagitoy a tattao kadagiti pagsasaotayo iti maipanggep kadagiti naindaklan a banbanag nga inaramid ti Dios?"

\s5
\v 12 Nagsiddaaw dagiti tattao ken saanda nga ammo no ania iti panunotenda maipanggep iti mapaspasamak. Isu a sinaludsodda iti tunggal maysa, "Ania ti kayat a sawen daytoy?"
\v 13 Ngem dadduma kadakuada ket pinagkakatawaanda ti nakitada. Kinunada, "Agsasao dagitoy a tattao iti kas iti daytoy gapu ta adu ti nainumda a baro nga arak!"

\s5
\v 14 Isu a timmakder ni Pedro a kadduana dagiti dadduma a sangapulo ket maysa nga apostol ket nagsao iti napigsa kadagiti tattao; kinunana, "Dakayo a lallaki iti Judea ken dakayo a dadduma nga agigian iti Jerusalem, dumngegkayo kaniak, aminkayo, ket ilawlawagko kadakayo no ania iti mapaspasamak!
\v 15 Pagarupen ti dadduma kadakayo a nabartekkami, ngem saankami a nabartek. Alas nuebe pay laeng iti bigat, ket saan a pulos nga agbartek dagiti tattao ditoy iti kastoy nga oras iti aldaw!

\s5
\v 16 16Ngem ketdi, dagiti napasamak kadatayo ket ti nakaskasdaaw a banag nga insurat ni profeta Joel iti nabayagen a panawen. Insuratna: Kinuna ti Dios,
\v 17 17'Kadagiti maud-udi nga al-aldaw, itedkonto ti Espiritu Santok iti amin a tattao, ket ipakaammonto dagiti annakyo a lallaki ken babbai ti mensahek kadagiti tattao, ket pagsirmataekto dagiti agtutubo a lallaki ken pagtagtagainepekto dagiti panglakayenyo.

\s5
\v 18 Kadagidiayto nga al-aldaw, itedkonto ti Espiritu Santok kadagiti adipenko, tapno ibagadanto kadagiti tattao dagiti mensahe manipud kaniak.
\v 19 Mangaramidakto kadagiti nakaskasdaaw a banbanag iti tangatang, ken mangaramidakto kadagiti milagro iti daga a mangipakita a mapasamakto dagiti napapateg ken nakakaskasdaaw a banbanag. Ditoy daga, addanto dara, apuy, ken asuk iti sadinnoman.

\s5
\v 20 Idiay tangatang, agparangto a nasipnget ti init kadagiti tattao ken agparangto ti bulan a nalabaga kadakuada. Mapasamakto dagitoy a banbanag sakbay a Siak, a Dios nga Apo, ket umayak a mangukom iti tunggal maysa.
\v 21 Ket isalakankonto amin dagiti umawag kaniak a tulongak ida.'"

\s5
\v 22 Intuloy ni Pedro ti panagsaona, "Kakaduak nga Israelita, dumngegkayo kaniak! Idi nakipagnaed kadakayo ni Jesus a nagtaud idiay Nasaret, pinaneknekan ti Dios kadakayo nga imbaonna isuna babaen iti panangtedna kenkuana iti kabaelan a mangaramid iti adu a nakaskasdaaw a milagro a mangipakita nga isuna ket nagtaud iti Dios. Dakayo a mismo, ammoyo a daytoy ket pudno.
\v 23 Uray pay ammoyon daydiay, inyawatyo daytoy a tao, a ni Jesus, kadagiti mangkonkontra kenkuana. Nupay kasta, naplanon ti Dios ti maipanggep iti dayta, ken ammona amin a maipanggep iti dayta. Ket inallukoyyo dagiti lallaki a saan nga agtungtungpal iti linteg ti Dios a mangpatay kenni Jesus. Inaramidda dayta babaen iti panangilansada kenkuana iti krus.
\v 24 Natay isuna, ngem pinagungar isuna iti Dios, gapu ta saan a mabalin nga agtalinaed isuna a natay. Pinagbiag manen ti Dios ni Jesus."

\s5
\v 25 Idi un-unana a panawen, insurat ni Ari David no ania ti kinuna ti Mesias, “Ammok a sika, Apo a Dios, denggennakto a kankanayon. Addaka a kankanayon iti sibayko, isu a saanakto nga agbuteng iti siasinoman nga agtarigagay a mangdangran kaniak.
\v 26 Gapu iti dayta, nagrag-o ti pusok ken nagragsakak; nupay matayakto inton dumteng ti aldaw, ammok a tulungannakto a kankanayon.

\s5
\v 27 Saanmonto nga ipalubos nga agtalinaedak iti lugar dagiti natay. Saanmonto nga itulok nga agrupsa ti bagik, gapu ta napasnekak kenka ken agtultulnogak kenka a kankanayon.
\v 28 Impakitam kaniak no kasano ti agbiag manen. Nakaragragsakakto gapu ta addaka kaniak iti agnanayon."

\s5
\v 29 Intuloy ni Pedro, "Kakaduak a Judio, awan duaduak a ti ammaentayo, a ni Ari David, ket natay, ken inkali isuna dagiti tattao. Ken ti lugar a nangikalianda iti bagina ket adda pay laeng agingga ita.
\v 30 Ni Ari David ket maysa a profeta ken ammona nga inkari ti Dios kenkuana a maysanto kadagiti kaputotanna ket agbalin nga ari.
\v 31 Idi un-unana a panawen, ammon ni David no anianto ti aramiden ti Dios, isu nga imbagana a pagbiagento manen ti Dios ni Jesus a Mesias kalpasan iti pannakatayna. Kinunana a saanto a pagtalinaeden ti Dios iti lugar dagiti natay ni Jesus a Mesias, wenno itulok nga agrupsa ti bagina."

\s5
\v 32 "Kalpasan a natay daytoy a tao, a ni Jesus, pinagbiag manen isuna ti Dios. Amin tayo, a pasurotna, ammotayo daytoy gapu ta nakitatayo isuna.
\v 33 Pinadayawan ti Dios ni Jesus iti kasta unay babaen iti panangikabilna kenkuana iti makannawan nga imana tapno agturay a kaduana, isuna nga Amana. Intedna kadatayo ti Espiritu Santo, ket dayta ti makitkitayo ken mangmangngegyo ita ditoy.

\s5
\v 34 Ammotayo a ni David ket saan nga agsasao maipanggep iti bagina, gapu ta ni David ket saan a napan idiay langit, saan a kas kenni Jesus. Malaksid iti dayta, mismo a ni David ket imbagana daytoy maipanggep kenni Jesus a Mesias: Kinuna ti Apo a Dios iti Apok a Mesias, 'Agturayka ditoy makannawan nga imak,
\v 35 kabayatan iti naan-anay a panangabakko kadagiti kabusormo.'"
\v 36 Inleppas ni Pedro ti ibagbagana a kunana, "Isu a kayatko a dakayo ken dagiti amin a dadduma pay nga Israelita ket maammoanyo a pinagbalin ti Dios nga Apo ken Mesis ni Jesus, daytoy met laeng a Jesus ti inlansayo iti krus ken pinatayyo."

\s5
\v 37 Idi nangngegan dagiti tattao ti imbaga ni Pedro ken dagiti dadduma nga apostol, naamirisda a nakabasolda. Kinuna dagiti tattao kadakuada, "Ania ti rumbeng nga aramidenmi?"
\v 38 Insungbat ni Pedro kadakuada, "Tunggal maysa kadakayo ket masapul a tallikudanna ti dakes a kagagaladna. No addaankayon iti pammati kenni Jesus, mabalindakayo a bautisaran. Pakawanento ti Dios dagiti basbasolyo, ket itednanto kadakayo ti Espiritu Santona.
\v 39 Inkari ti Dios nga aramidenna daytoy para kadakayo ken kadagiti an-anakyo, ken kadagiti dadduma pay a namati kenni Jesus, uray pay kadagiti agnanaed iti adayo manipud ditoy. Ti Apo a Dios tayo ket itednanto ti Espiritu Santona iti tunggal maysa nga ayabanna nga agbalin a tattaona.

\s5
\v 40 Adu pay ti imbaga ni Pedro ken nagsao a sibibileg kadakuada. Kinunana kadakuada, "Dawatenyo iti Dios nga isalakannakayo, tapno saannakayo a dusaen inton dusaenna dagitoy a managdakdakes a tattao a nangumsi kenni Jesus!"
\v 41 Isu a dagiti tattao a namati iti mensahe ni Pedro ket nabautisaran. Agarup tallo a ribo dagiti nainayon iti bunggoy dagiti namati iti dayta nga aldaw.
\v 42 Intultuloyda a dinengngeg dagiti insuro dagiti apostol. Adu a gundaway a naguummongda, ken nangan ken nagkarkararagda a sangsangkamaysa iti tunggal aldaw.

\s5
\v 43 Ket amin dagiti tattao nga adda idiay Jerusalem, rinaem ken indaydayawda ti Dios iti kasta unay gapu ta nagar-aramid iti adu a kita iti nakaskasdaaw a banbanag dagiti apostol.
\v 44 Amin dagiti namati kenni Jesus ket namati iti isu met laeng a banbanag ket kanayonda nga aguummong. Intultuloyda met a nagririnnanudan ti amin nga adda kadakuada.
\v 45 Adda tiempo nga agilako ti dadduma kadakuada iti daga ken dadduma a banbanag a kukuada ket itedda ti dadduma a naglakoanda kadagiti dadduma a kakaduada, segun iti kasapulanda.

\s5
\v 46 Inaldaw nga itultuloyda ti panaguummongda iti paraangan ti templo. Kanayonda nga agsasango a mangan kadagiti balbalayda, ket iti kasta nga ar-aramidenda, naragsakda ken pagraranudanda ti aniaman nga adda kadakuada.
\v 47 Ket iti panangaramidda kadagitoy, intultuloyda a nagdaydayaw iti Dios, ket rinaem ida dagiti amin a tattao idiay Jerusalem. Kabayatan a mapaspasamak dagidiay a banbanag, inaldaw a naynayunan ni Apo Jesus ti bilang dagiti tattao a naisalakan manipud iti pannakadusada gapu kadagiti basbasolda.

\s5
\c 3
\p
\v 1 Maysa nga aldaw, nagturong da Pedro ken Juan iti paraangan ti Templo. Alas tres iti malem idi, dayta ti oras a panagkararag dagiti tattao sadiay.
\v 2 Adda maysa a lalaki sadiay a saan a makapagna manipud iti tiempo ti pannakaiyanakna. Agtugtugaw isuna iti asideg ti ruangan a maawagan iti Napintas a Ruangan, iti pagserrekan nga agturong iti Templo. Ibagbagkat isuna dagiti tattao ken inaldawda nga ipan isuna sadiay tapno dumawat isuna iti kuarta kadagiti sumsumrek iti paraangan ti Templo.
\v 3 Idi sumrek koman da Pedro ken Juan iti paraangan ti Templo, nangrugi isuna nga agkiddaw iti kuarta kadakuada.

\s5
\v 4 Kabayatan a matmatmatan da Pedro ken Juan isuna, kinuna ni Pedro kenkuana, "Kitaennakami!"
\v 5 Isu a kimmita isuna kadakuada, a mangnamnama a makaawat isuna iti kuarta manipud kadakuada.
\v 6 Ket kinuna ni Pedro kenkuana, "Awan kuartak, ngem ti mabalinko nga aramiden, aramidek para kenka. Iti nagan ni Jesu-Cristo ti Nasaret, naimbagankan. Tumakderka ket magnaka!"

\s5
\v 7 Ket iniggaman ni Pedro ti kannawan nga ima ti lalaki ket tinulonganna a tumakder. Iti dayta a kanito, pimmigsa ti saka ken lipay-lipayna.
\v 8 Limmagto isuna a timmakder ket nangrugi a magna! Kalpasan ket simrek isuna iti ayan ti Templo a kaduana da Pedro ken Juan, magmagna ken aglaglagto nga agdaydayaw ti Dios!

\s5
\v 9 Ket amin dagiti tattao nga adda idiay Templo, nakitada a magmagna isuna ken idaydayawna ti Dios.
\v 10 Nabigbigda nga isuna daydi lalaki nga agtugtugaw idiay Napintas a Ruangan idiay paraangan ti Templo ken dumawdawat kadagiti tattao iti kuarta! Isu a kasta unay ti siddaaw dagiti amin a tattao sadiay iti napasamak kenkuana.

\s5
\v 11 Bayat a kumkumpet ti lalaki kada Pedro ken Juan, kasta unay ti panagsiddaaw dagiti amin a tattao sadiay ket saanda nga ammo no ania iti panunotenda! Isu a nagtarayda a napan kadakuada iti paraangan ti Templo a naawagan iti Pasilio ni Solomon.
\v 12 Idi nakita ni Pedro dagiti tattao, kinunana kadakuada, "Padak nga Israelita, saan a rumbeng nga agsiddaawkayo maipanggep iti napasamak iti daytoy a tao! Apay a kumitakayo kadakami a kasla addaankami iti bukodmi a pannakabalin a mangpapagna iti daytoy a tao?

\s5
\v 13 Isu nga ibagak kadakayo no ania ti pudno a mapaspasamak. Dagiti kapuonantayo, agraman ni Abraham, ni Isaac, kenni Jacob, nagdaydayawda iti Dios. Ket ita, pinadayawan ti Dios iti kasta unay ni Jesus. Impan dagiti mangidadauloyo ni Jesus iti gobernador a ni Pilato, tapno papatayen isuna dagiti soldadona. Dakayo dagiti nangumsi kenni Jesus iti imatang ni Pilato, kalpasan ti panangikeddengna a rumbeng a wayawayaanna ni Jesus.
\v 14 Uray no ni Jesus ti Mesias ti Dios iti Israel, isuna a Nalinteg, kiniddawyo a maysa a mammapatay ti mawayawayaan a saan ket a ni Jesus!

\s5
\v 15 Ibilbilang ti Dios a pinatayyo ni Jesus a mangmangted kadagiti tattao iti biag nga agnanayon. Ngem pinagbiag manen isuna ti Dios. Nakitami ni Jesus iti adu a daras kalpasan iti panagungarna.
\v 16 Ket gapu ta agtaltalek kenni Jesus daytoy a lalaki, isu a napapigsa manen isuna ken makapagna iti sangoananyo amin.

\s5
\v 17 Ita, kakaillian, ammok a dakayo ken dagiti mangidadauloyo ket pinatayyo ni Jesus gapu ta saanyo ammo nga isuna ti Mesias.
\v 18 Nupay kasta, pinaipadto ti Dios idi un-unana a panawen a patayento dagiti tattao ni Jesus. Imbaga ti Dios kadagiti amin a profeta nga isuratda no ania ti aramidento dagiti tattao iti Mesias. Insuratda a ti Mesias, nga ibaonto ti Dios, ket agsagabanto ken matay.

\s5
\v 19 Isu nga isardengyon ti panagbasolyo ken dawatenyo iti Dios a tulongannakayo a mangaramid kadagiti makaay-ayo kenkuana, tapno naan-anay koma a pakawanennakayo kadagiti basbasolyo, ken tapno papigsaennakayo.
\v 20 No aramidenyo dayta, addanto dagiti tiempo a mariknayo a tultulongannakayo ni Apo Dios. Ket dumtengto ti aldaw nga ibaonna manen ti Mesias ditoy lubong, nga isu iti intedna kadakayo. Dayta ket ni Jesus.

\s5
\v 21 Pudno nga agtalinaed ni Jesus idiay langit agingga iti tiempo a pabarwen ti Dios dagiti amin a pinarsuana. Idi un-unana a tiempo, inkari ti Dios nga aramidenna dayta, ket pinilina dagiti nasantoan a profeta a mangibaga iti dayta kadagiti tattao.
\v 22 Kas iti daytoy, imbaga ni profeta Moises daytoy maipanggep iti Mesias: 'Mangibaonto ti Apo a Diosyo iti profeta a kas kaniak manipud kadakayo. Masapul a dumngegkayo iti tunggal banag nga ibagana kadakayo.
\v 23 Dagiti saan a dumngeg ken agtulnog iti dayta a profeta ket saanto a maibilang a tattao ti Dios, ken dadaelento ida ti Dios.'"

\s5
\v 24 Intuloy ni Pedro, "Amin dagiti profeta ket imbagada no anianto ti mapasamak kabayatan dagitoy nga al-aldaw. Mairaman kadagita a profeta ni Samuel ken amin a dadduma pay a profeta a simmaruno, a nagsao met maipanggep kadagitoy a paspasamak sakbay a napasamak dagitoy.
\v 25 Idi pinasingkedan ti Dios ti karina a bendisionanna dagiti kapuonantayo, awan duadua met nga inkarina a bendisionannakayo. Imbagana kenni Abraham daytoy maipapan iti Mesias, 'Bendisionakto dagiti amin a bunggoy dagiti tattao iti lubong kas pagbanagan iti aramidento ti maysa a kaputotam.'"
\v 26 Lineppas ni Pedro ti ibagbagana babaen iti panangibagana iti daytoy, "Isu nga idi imbaon ti Dios ni Jesus iti lubong nga agserbi kenkuana a kas Mesias, imbaonna nga umuna kadakayo nga Israelita tapno bendisionannakayo, babaen iti panangpasardengna kadakayo iti panangaramidyo iti dakes.

\s5
\c 4
\p
\v 1 Kabayatanna, adda sumagmamano a papadi idiay paraangan ti templo. Adda met sadiay ti opisial dagiti guardia idiay templo, ken dadduma a kameng ti bunggoy iti Saduceo. Napan amin dagitoy a lallaki kada Pedro ken Juan kabayatan nga agsasaoda kadagiti tattao.
\v 2 Nakaro ti pungtot dagitoy a lallaki gapu ta mangisursuro dagiti dua nga apostol kadagiti tattao maipanggep kenni Jesus. Ti ibagbagada kadakuada ket pinagungar ti Dios ni Jesus kalpasan iti pannakapapatayna.
\v 3 Isu a tiniliw dagitoy a lallaki da Pedro ken Juan ket imbaludda ida iti pagbaludan. Dagiti Judio a mammagbaga ket masapul nga aguray pay agingga iti sumaruno nga aldaw tapno palutputenda da Pedro ken Juan, gapu ta rabiin.
\v 4 Nupay kasta, adu kadagiti tattao a nakangngeg iti imbaga ni Pedro ti namati kenni Jesus. Ti bilang dagiti lallaki a namati kenni Jesus ket nanayunan iti agarup lima ribu.

\s5
\v 5 Iti simmaruno nga aldaw, inayaban ti kangatoan a padi dagiti dadduma a panguloen a papadi, dagiti manursuro iti linteg dagiti Judio, ken dagiti dadduma a kamkameng ti Konseho dagiti Judio, ket naummongda iti maysa a lugar idiay Jerusalem.
\v 6 Adda sadiay ni Anas, a sigud a kangatoan a padi. Kasta met nga adda sadiay ni Caifas, ti baro a kangatoan a padi, ni Juan kenni Alejandro, ken dadduma a lallaki a kabagian ti kangatoan a padi.
\v 7 Nangbilinda kadagiti guardia a mangiyeg kada Pedro ken Juan iti uneg ti siled, kalpasanna, sinaludsodda kada Pedro ken Juan, "Siasino ti nangted kadakayo iti pannakabalin a mangpaimbag iti lalaki a saan a makapagna?"

\s5
\v 8 Iti panangted ti Espiritu Santo kenni Pedro iti bileg, kinuna ni Pedro kadakuada, "Dakayo a pada nga Israelita a mangiturturay kadakami, ken dakayo a dadduma pay a panglakayen, dumgegkayo kaniak!
\v 9 Ita nga aldaw, palalutputendakami maipanggep iti naimbag nga aramid nga inaramidmi para iti tao a saan a makapagna, ken damdamagenyo kadakami no kasano isuna a naimbagan. Ngarud ibagak kadakayo ken kadagiti amin a dadduma pay nga Israelita daytoy:
\v 10 Daytoy ket babaen iti nagan ni Jesu-Cristo ti Nasaret a daytoy a tao ket naimbagan, isu a makatakderen iti sangoananyo. Dakayo ti nangilansa kenni Jesus iti krus ken nangpapatay kenkuana, ngem pinagungar isuna ti Dios.

\s5
\v 11 Ni Jesu-Cristo ti Nasaret ti dakdakamaten ti Nasantoan a Surat iti: "Ti bato nga imbelleng dagiti agpatpatakder ket isu ti nagbalin a kangrunaan a bato iti patakder."
\v 12 Ni Jesus laeng ti makaisalakan kadatayo, ta awanen sabali pay a tao iti lubong nga inted ti Dios kadatayo a makaisalakan kadatayo manipud iti nainkalintegan a pannakadusatayo koma gapu kadagiti basbasoltayo!"

\s5
\v 13 Naamiris dagiti mangidadaulo a Judio a saan a mabuteng da Pedro ken Juan kadakuada. Naamoanda pay a dagitoy a dua a lallaki ket gagangay laeng a tattao ken saanda a nakaadal iti pagadalan. Isu a nagsiddaaw dagiti mangidadaulo. Ammoda a nakikadkadua dagitoy a lallaki kenni Jesus.
\v 14 Nakitada pay ti lalaki a napaimbag nga agtaktakder sadiay a kadua da Pedro ken Juan, isu a saanda a makapagsao iti aniaman a banag a maibusor kadakuada.

\s5
\v 15 15Imbilin dagiti mangidadaulo a Judio kadagiti guardia nga ipanda ni Pedro, ni Juan, ken ti napaimbag a lalaki iti ruar ti siled a nakaummonganda. Kalpasan iti panangaramidda iti dayta, nagsasaritaan dagiti mangidadaulo ti maipanggep kada Pedro ken Juan.
\v 16 16Kinunada, "Saantayo a mabalin a dusaen dagitoy a dua a lallaki! Ammo aminen dagiti agnanaed iti Jerusalem a nangaramidda iti nakaskasdaaw a milagro, isu a saantayo a mabalin nga ibaga kadagiti tattao a saan a napasamak daytoy!
\v 17 17Nupay kasta, masapul a saantayo nga ipalubos a mangngegan pay dagiti dadduma a tattao ti isursuroda maipanggep iti daytoy a Jesus. Isu a masapul nga ibagatayo kadagitoy a lallaki a dusaentayo ida no itultuloyda nga ibaga kadagiti dadduma a tattao ti maipanggep iti ibagbagada a nangted kadakuada iti bileg a mangpaimbag iti daytoy a lalaki."
\v 18 18Imbaga ngarud dagiti mangidadaulo a Judio kadagiti guardia nga ipanda manen dagiti dua nga apostol iti uneg ti siled. Kalpasan nga inaramid daytoy dagiti guardia, imbagada kadakuada a dua a nasken a saandan nga agsao wenno mangisuro pay iti maipanggep kenni Jesus iti siasinoman.

\s5
\v 19 Ngem kinuna da Pedro ken Juan, "Panunoten kadi ti Dios a rumbeng laeng a dakayo ti pagtulnoganmi a saan ket nga isuna? Palubusandakayo a mangngeddeng no aniaman ti ipagarupyo a rumbeng.
\v 20 Ngem para dakami, saan a rumbeng nga agtulnogkami kadakayo. Saankaminto nga agsardeng a mangibaga kadagiti tattao iti maipanggep kadagiti banbanag a nakitami nga inaramid ni Jesus ken dagiti nangenganmi nga insurona."

\s5
\v 21 Kalpasanna, imbaga manen dagiti mangidadaulo a Judio kada Pedro ken Juan a masapul nga agtulnogda kadakuada, ngem inkeddengda a saanda ida a dusaen, gapu ta amin a tattao idiay Jerusalem ket indaydayawda ti Dios maipanggep iti napasamak iti tao a saan a makapagna.
\v 22 Nasurok uppat a pulo ti tawenna, ket saan a nakapagna manipud pay iti aldaw a pannakaipasngayna.

\s5
\v 23 Kalpasan a pinanawan da Pedro ken Juan ti Konseho dagiti Judio, napanda kadagiti dadduma a namati ket imbagada kadakuada ti tunggal banag nga imbaga dagiti panguloen a papadi ken panglakayen a Judio.
\v 24 Idi nangngegan dagiti namati daytoy, nagkaykaysada amin iti panagkararagda iti Dios, "O Apo! Pinarsuam ti tangatang, ti daga ken dagiti taaw, ken amin nga adda kadakuada.
\v 25 Nagtignay ti Espiritu Santo iti kapuonanmi, a ni Ari David, a nagserbi kenka, tapno isurat dagitoy a sasao: 'Apay a nakaunget dagiti bunggoy ti tattao iti lubong ken dagiti tattao nga Israelita ket agpangpanggep iti awan serserbina a maibusor iti Dios?

\s5
\v 26 Nagsagana dagiti ar-ari ti lubong tapno gubatenda ti Mangiturturay ti Dios, ket timmipon kadakuada dagiti mangiturturay tapno suppiatenda ti Apo a Dios ken ti napilina nga agbalin a Mesias.'

\s5
\v 27 Daytoy ket pudno! Da Herod ken Poncio Pilato, kadduada dagiti saan a Judio ken dagiti Israelita, immayda iti daytoy a siudad a maibusor kenni Jesus, a pinilim nga agserbi kenka kas Mesias.
\v 28 Intulokmo nga aramidenda daytoy gapu ta daytoy ti inkeddengmo idi un-unana pay laeng a mapasamak."

\s5
\v 29 "Ita ngarud, Apo, denggem dagiti ibagbagada a maipanggep iti wagasdanto a mangdusa kadakami! Tulongannakami, dakami nga agserserbi kenka, a mangisao iti maipapan kenni Jesus iti amin a tattao!
\v 30 Usarem ti pannakabalinmo a mangaramid kadagiti nakaskasdaaw a milagro ti panangpaimbag, pagilasinan ken dagiti nakaskasdaaw, iti nagan ti nasantoan nga adipenmo a ni Jesus!"
\v 31 Idi nalpasen a nagkararag dagiti namati, nagungon ti lugar a nakaummonganda. Inikkan ida amin ti Espiritu Santo iti kabaelan nga agsao a situtured kadagiti sasao nga imbaga ti Dios kadakuada nga ibagada, ket daytoy ti inaramidda.

\s5
\v 32 Sangsangkamaysa ti bunggoy dagiti tattao a namati kenni Jesus iti aniaman nga adda iti panunotda ken kayatda. Awan ti uray maysa kadakuada a nangibaga nga isuna laeng ti makinkukua iti uray ania a banag. Ngem ketdi, imbingayda iti maysa ken maysa ti tunggal banag nga adda kadakuada.
\v 33 Intultuloy dagiti apostol nga impaganetget kadagiti dadduma, a pinagungar ti Dios ni Apo Jesus. Ket naisangsangayan ti panangtultulong ti Dios kadagiti amin a namati.

\s5
\v 34-35 Dadduma kadagiti namati nga addaan iti daga wenno balbalay ti nangilako kadagiti sanikuada. Kalpasanna, mapanda ited kadagiti apostol dagiti kuarta a naglakoanda. Ket ited met dagiti apostol ti kuarta iti siasinnoman a namati nga agkasapulan iti daytoy. Amin ngarud dagiti namati ket addaan iti aniaman a kasapulanda nga agbiag.

\s5
\v 36 Ita adda maysa a lalaki a managan Jose, a kameng ti tribu ni Levi, ken naggapu iti isla ti Cyprus. Inawagan isuna dagiti apostol iti Barnabas; iti pagsasao dagiti Judio, ti kaipapanan dayta a nagan ket tao a kankanayon a mangpabpabileg kadagiti dadduma.
\v 37 Nangilako isuna iti taltalon ket inyegna ti kuarta a naglakoanna kadagiti apostol tapno itedda met kadagiti dadduma a namati.

\s5
\c 5
\p
\v 1 Ita, adda met maysa kadagiti namati a managan Ananias, ken ti asawana ket agnagan iti Safira. Adda met inlakona a daga.
\v 2 Nangidulin isuna iti paset ti kuarta a naglakoanna iti daga, ket ammo ti asawana nga inaramidna dayta. Kalpasanna, inyegna ti nabati a kuarta ket intedna kadagiti apostol.

\s5
\v 3 Ket kinuna ni Pedro, "Ananias, intulokmo a tenglennaka ni Satanas, isu a pinadasmo nga allilawen ti Espiritu Santo. Apay a naaramidmo dayta a nakabutbuteng a banag? Nangidulinka iti paset ti kuarta a naawatmo iti panangilakom iti daga. Saanmo nga inted amin kadakami.
\v 4 Sakbay nga inlakom dayta a daga, pudno a sika ti makinkukua. Ket kalpasan nga inlakom, kukuam pay laeng ti kuarta. Isu nga apay a pinanunotmo nga aramiden daytoy a dakes a banag? Saan laeng a dakami iti pinadasmo nga allilawen! Saan, pinadasmo met nga allilawen ti Dios!
\v 5 Idi nangngeg ni Ananias dagitoy a sasao, dagus a natwang a natay. Ket amin a nakangngeg iti maipapan iti ipapatay ni Ananias ket nagbutengda iti kasta unay.
\v 6 Adda sumagmamano nga agtutubo a lallaki nga immay iti sangoanan, binungonda ti bagina iti ules, ken binagkatda nga inruar ket intanemda.

\s5
\v 7 Kalpasan iti agarup tallo nga oras, simrek ni Safira, ngem dina ammo no ania iti napasamak.
\v 8 Kalpasanna, imparang kenkuana ni Pedro ti kuarta nga inyeg ni Ananias ket nagsaludsod kenkuana, "Ibagam kaniak, daytoy kadi ti dagup ti kuarta a naawatyo a dua iti panangilakoyo iti daga?" Kinuna ti babai, "Wen, dayta laeng ti naawatmi."

\s5
\v 9 Isu a kinuna ni Pedro kenkuana, "Nagaramidkayo iti nakabutbuteng a banag! Immanamongkayo a dua a padasenyo nga allilawen ti Espiritu ti Apo! Mangmangngegmo kadi dagiti arimpadek dagiti lallaki a nangitanem iti asawam? Addada iti ruar ket bagkatendaka met nga iruar!"
\v 10 Dagus a natumba ni Safira a natay iti sakaanan ni Pedro. Kalpasanna, simrek dagiti agtutubo a lallaki. Idi nakitada nga isuna ket natay met, binagkatda ti bagina nga inruar ket intanemda iti abay ti bagi ti asawana.
\v 11 Amin a namati idiay Jerusalem ket napabutngan iti kasta unay gapu iti inaramid ti Dios kada Ananias ken Safira. Ket nagbuteng ti tunggal maysa a nakangngeg iti maipanggep kadagitoy a banbanag.

\s5
\v 12 Inikkan ti Dios dagiti apostol iti kabaelan a mangaramid iti adu a nakaskasdaaw a milagro a nangipakita iti kinapudno ti ikaskasabada kadagiti tattao. Masansan nga aguummong dagiti namati idiay paraangan ti templo, iti disso a maawagan iti Pasilio ni Solomon.
\v 13 Amin dagiti dadduma a tattao a saan a namati kenni Jesus ket mabuteng a makikadua kadagiti namati. Nupay kasta, intultuloy dagidiay a tattao a raemen iti kasta unay dagiti namati.

\s5
\v 14 Adu pay a lallaki ken babbai ti nangrugi a mamati kenni Apo Jesus, ken naitiponda iti bunggoy dagiti namati.
\v 15 Kas nagbanaganna, inyeg dagiti tattao dagiti masaksakit iti igid ti kalsada ket nakaiddada kadagiti papag ken ikamen, tapno inton lumabas ni Pedro ket mabalin nga uray ti aniniwanna laeng koma ti manglabas kadakuada ket mapaimbagda.
\v 16 Adu met a tattao ti im-immay kadagiti apostol manipud kadagiti ili nga asideg iti Jerusalem. Inyegda dagiti masakit ken dagiti linuganan iti dakes nga espiritu, ket pinaimbag ida amin ti Dios.

\s5
\v 17 Ket ti kangatoan a padi ken amin a kakaduana-- aminda ket kamkameng iti bunggoy dagiti Saduseo-- kasta unay ti apalda kadagiti apostol.
\v 18 Isu a binilinda dagiti guardia iti Templo a tiliwenda dagiti apostol ken ibaludda ida iti pangpubliko a pagbaludan.

\s5
\v 19 Ngem iti rabii, inlukat ti anghel a nagtaud kenni Apo Dios ti ridaw ti pagbaludan ken inruarna dagiti apostol! Kinuna ti anghel
\v 20 kadagiti apostol, "Inkayo iti paraangan ti Templo, agtakderkayo sadiay, ket ibagayo kadagiti tattao amin daytoy a mensahe ti biag nga awan patinggana!"
\v 21 Kalpasan a nangngeganda daytoy, simrek dagiti apostol iti paraangan ti Templo idi umadanin ti bigat ket nangrugida ti nangisuro kadagiti tattao iti maipanggep kenni Jesus. Iti dayta met laeng a kanito, pinaayaban ti kangatoan a padi ken dagiti kakaduana dagiti dadduma a kameng ti Konseho dagiti Judio. Aminda a naummong ket mangidadaulo iti Israel. Idi naummongdan, nangibaonda kadagiti guardia iti pagbaludan a mangiyeg kadagiti apostol.

\s5
\v 22 Ngem idi simmangpet dagiti guardia iti pagbaludan, naduktalanda nga awan sadiay dagiti apostol. Isu a nagsublida iti Konseho ket impadamagda,
\v 23 "Nakitami a ti ridaw ti pagbaludan ket naikandado a nasayaat, ken nakatakder dagiti guardia kadagiti ridaw. Ngem idi lukatanmi dagiti ridaw tapno sumrekkami a mangala kadagidiay a lallaki, awan kadakuada ti adda iti uneg ti pagbaludan!"

\s5
\v 24 Idi nangngeg ti kapitan dagiti guardia ti templo ken dagiti panguloen a papadi dayta, nakaro iti pannakariribukda, ket pinanpanunotda no anianto ti pagturongan amin dagitoy a pasamak.
\v 25 Ket adda maysa a tao nga immay ken nangipadamag kadakuada, "Denggenyo daytoy! Ita met laeng, dagiti lallaki nga impanyo iti pagbaludan ket agtaktakderda iti paraangan ti templo, ken mangisursuroda kadagiti tattao.

\s5
\v 26 Isu a napan ti kapitan dagiti guardia ti templo iti paraangan ti templo a kaduana dagiti opisial, ket inkuyogda dagiti apostol a nagsubli iti siled ti Konseho. Ngem saanda a dinangran dagiti apostol, gapu ta mabutengda nga amangan no papatayen ida dagiti tattao babaen iti pananguborda kadakuada.
\v 27 Kalpasan nga impan ti kapitan ken dagiti opisialna dagiti apostol iti siled ti Konseho, binilinda ida nga agtakder iti sangoanan dagiti kameng ti Konseho, ket pinalutpot ida ti kangatoan a padi.
\v 28 Kinunana kadakuada, "Imbilinmi kadakayo a saanyo nga isuro kadagiti tattao ti maipanggep iti dayta a lalaki a ni Jesus! Ngem sinukir dakami, ket insuroyo kadagiti tattao iti entero a Jerusalem ti maipanggep kenkuana! Ken maysa pay, pagparparangenyo a dakami ti makinbasol iti ipapatay dayta a tao!"

\s5
\v 29 Ngem ni Pedro, iti panangikalinteganna iti bagina ken iti maysa pay nga apostol, simmungbat a kinunana, "Masapul a tungpalenmi ti ibilin ti Dios nga aramidenmi, saan a ti ibagayo, a tattao, nga aramidenmi!
\v 30 Dakayo ti nangpapatay kenni Jesus babaen iti panangilansayo kenkuana iti krus! Ngem ti Dios, nga indaydayaw dagiti kapuonantayo, pinagungarna ni Jesus kalpasan a natay.
\v 31 Pinadayawan ti Dios ni Jesus a nalablabes pay ngem iti siasinoman. Pinagbalinna nga isuna ti mangisalakan ken mangituray kadatayo. Pinalubosannatayo nga Israelita nga agsardeng nga agbasol, iti kasta ket mapakawannatayo kadagiti basbasoltayo.
\v 32 Ibagbagami kadagiti tattao dagitoy a banbanag nga ammomi a napasamak kenni Jesus. Ti Espiritu Santo, nga imbaon ti Dios kadakami nga agtultulnog kenkuana, ket patpatalgedenna met a dagitoy a banbanag ket pudno."

\s5
\v 33 Idi nangngegan daytoy dagiti kameng ti Konseho, kasta unay iti pungtotda kadagiti apostol, ket kayatda ida a papatayen.
\v 34 Ngem adda kameng ti Konseho a managan Gamaliel. Isuna ket kameng iti bunggoy dagiti Pariseo. Insurona kadagiti tattao ti linteg dagiti Judio, ken amin dagiti tattao a Judio ket raraemenda isuna. Nagtakder isuna iti Konseho ket imbagana kadagiti guardia nga iruarda pay laeng manipud iti siled dagiti apostol.

\s5
\v 35 Kalpasan nga inruar dagiti guardia dagiti apostol, kinunana kadagiti dadduma a kameng ti Konseho, "Padak nga Israelita, masapul a panunotenyo a naimbag ti kayatyo nga aramiden kadagitoy a lallaki.
\v 36 Sumagmamano a tawen iti napalabas, adda maysa a lalaki a managan Teudas a simmuppiat iti gobierno. Imbagana kadagiti tattao nga isuna ket maysa a napateg a tao ket agarup uppat a gasut a lallaki ti nakikaddua kenkuana. Ngem napapatay isuna, ken amin dagiti nagsisina dagiti nakikadkadua kenkuana. Isu a saanda a nabaelan nga inaramid ti aniaman a pinanggepda nga aramiden.
\v 37 Kalpasan dayta, kabayatan nga isursuratda dagiti nagnagan dagiti tattao tapno singirenda ida iti buisda, maysa a lalaki a managan Judas manipud iti rehion ti Galilea ti simmukir ken nangallukoy kadagiti sumagmamano a tattao a sumurot kenkuana. Ngem napapatay met laeng isuna, ken amin dagidiay nakikaddua kenkuana ket pimmanaw ken naiwarasda iti nadumaduma a disso.

\s5
\v 38 Isu nga ibagak daytoy kadakayo: Diyo dangran dagitoy a lallaki! Wayawayaanyo ida! Ibagbagak daytoy gapu ta no dagiti banbanag a mapaspasamak ita ket banbanag laeng a pinanggep ti tattao, addanto mangpasardeng kadakuada. Mapaaydanto.
\v 39 Ngem no ti Dios ti nangibilin kadakuada nga aramidenda dagitoy a banbanag, diyo ida kabaelan a pasardengen, gapu ta maduktalanyonto nga iti ar-aramidenyo ket maibusor iti Dios!" Inawat dagiti dadduma a kameng iti Konseho dagiti imbaga ni Gamaliel.

\s5
\v 40 Imbagada kadagiti guardia iti templo nga iyegda dagiti apostol ket saplitanda ida. Inyeg ngarud ida dagiti guardia iti siled ti Konseho ket sinaplitanda ida. Ket imbilin kadakuada dagiti kameng ti Konseho a dida pulos agsao iti maipanggep kenni Jesus, kalpasanna, winayawayaanda dagiti apostol.
\v 41 Rimmuar ngarud dagiti apostol manipud iti Konseho. Nagragsakda gapu ta ammoda a pinadayawan ida ti Dios babaen iti panangipalubosna a pabainan ida dagiti tattao gapu ta sumursurotda kenni Jesus.
\v 42 Iti tunggal aldaw kalpasan dayta, mapan dagiti apostol iti templo ken kadagiti nadumaduma a balbalay dagiti tattao, ket intultuloyda ti nangisursuro kadagiti tattao ken imbagbagada kadakuada a ni Jesus ti Cristo.

\s5
\c 6
\p
\v 1 Bayat iti dayta a tiempo, ad-adu pay a tattao ti namati. Nangrugi a nagriri dagiti Judio a Griego maipanggep kadagiti Israelita a naiyanak iti bukodda a pagilian, gapu ta dagiti balo kadakuada ket saanda a maaw-awat ti rumbeng a bingayda a taraon iti inaldaw.

\s5
\v 2 Isu nga idi nangngegan dagiti sangapulo ket dua nga apostol dagiti imbagbagada, pinaayabanda dagiti dadduma a namati iti Jerusalem tapno aguummongda. Ket kinuna dagiti apostol kadakuada, "Saan a nasayaat nga isardengmi ti mangikasaba ken mangisuro iti maipanggep iti mensahe ti Dios tapno agiwaraskami iti taraon kadagiti tattao!
\v 3 Ngarud, dakayo a kakabsat a namati, mangpilikayo a nasayaat iti pito a lallaki manipud met laeng kadakayo, lallaki nga ammoyo nga idaldalan ti Espiritu ti Dios ken mammasirib. Ket isurotayo ida a mangaramid iti daytoy a trabaho.
\v 4 Ta dakami, usarenmi ti tiempomi tapno agkararag ken ikasabami ken isuromi ti mensahe maipanggep kenni Jesus."

\s5
\v 5 Naay-ayo dagiti dadduma a namati iti insingasing dagiti apostol. Isu a pinilida ni Esteban, maysa a lalaki nga addaan iti napigsa a pammati iti Dios ken tinengngel a naan-anay ti Espiritu Santo. Pinilida met da Felipe, Procoro, Nicanor, Timon, Parmenas, ken Nicolas a naggapu iti ili ti Antiokia. Inawat ni Nicolas ti relihion ti Judio sakbay a namati isuna kenni Jesus. Inyeg dagiti namati dagiti pito a lallaki kadagiti apostol.
\v 6 Kalpasanna, inkararagan dagiti apostol dagitoy a lallaki ken impatayda dagiti imada kadagiti ulo iti tunggal maysa kadakuada tapno maaramidda dayta a trabaho.

\s5
\v 7 Intultuloy ngarud dagiti namati nga iwaragawag kadagiti adu a tattao ti mensahe ti Dios. Umad-adu nga umad-adu ti bilang dagiti tattao a namati kenni Jesus idiay Jerusalem. Adu met kadagitoy a namati ket dagiti Judio a papadi a mangsursurot iti mensahe a rumbeng nga agtalekda kenni Jesus.

\s5
\v 8 Inikkan ti Dios ni Esteban iti pannakabael a mangaramid kadagiti nakaskasdaaw a milagro iti imatang dagiti tattao, a mangipakita a pudno ti mensahe maipanggep kenni Jesus.
\v 9 Nupay kasta, tinubngar dagiti sumagmamano a tattao ni Esteban. Isuda dagiti Judio manipud iti bunggoy dagiti inaldaw nga agkakadua iti sinagoga, a maawagan iti Sinagoga dagiti Nawaya-wayaan a tattao, ken kasta met dagiti tattao a naggapu iti siudad ti Cirene ken Alejandria ken manipud iti probinsia ti Cilicia ken Asia. Inrugida amin a sinuppiat ni Esteban.

\s5
\v 10 Ngem saanda a kabaelan a paneknekan a saan a pudno ti ibagbagana, gapu ta inikkan isuna ti Espiritu ti Dios iti pannakabael nga agsao iti nainsiriban.
\v 11 Isu a limed a nangallukoyda kadagiti lallaki a mangakusar kenni Esteban iti inuulbod. Kinuna dagidiay a lallaki, "Nangngeganmi isuna nga agsasao kadagiti dakes a banbanag maipanggep kenni Moises ken iti Dios."

\s5
\v 12 Isu a gapu kadakuada, nakaunget dagiti dadduma a Judio kenni Esteban, pakairamanan dagiti panglakayen ken dagiti manursuro iti linteg dagiti Judio. Tiniliwda ni Esteban ket impanda isuna iti Konseho dagiti Judio.
\v 13 Nangidatagda pay kadagiti lallaki a siuulbod a nangakusar kenkuana. Kinuna dagitoy a lallaki, "Kanayon nga agibagbaga daytoy a lalaki kadagiti banbanag a saan a nasayaat maipanggep iti daytoy a nasantoan a templo ken maipanggep kadagiti linteg a naawat ni Moises manipud iti Dios.
\v 14 Ti kayatmi a sawen ket nangngeganmi a kinunana, a daytoy a Jesus a naggapu iti ili ti Nasaret, dadaelennanto ti templo ken ibagananto kadatayo nga agtungpaltayo iti kaugalian a maisupadi iti insuro ni Moises kadagiti kapuonantayo.
\v 15 "Minatmatan dagiti amin a tattao nga adda iti siled ti Konseho ni Esteban ket nakitada a kasla rupa iti anghel ti rupana.

\s5
\c 7
\p
\v 1 Ket sinaludsod ti kangatoan a padi kenni Esteban, "Pudno kadi dagiti banbanag nga ibagbaga dagitoy a tattao maipanggep kenka?"
\v 2 Simmungbat ni Esteban, "Dakayo a padak a Judio ken mararaem a mangidadaulo, pangngaasiyo ta dumngegkayo kaniak! Ti nadayag a Dios nga isu iti daydayawentayo ket nagparang iti kapuonantayo a ni Abraham kabayatan nga agnanaed pay laeng isuna iti rehion ti Mesopotamia, sakbay a napan isuna iti siudad ti Haran.
\v 3 Kinuna ti Dios kenkuana, "Panawam daytoy a daga a pagnanaedanyo kadagiti kabagiam, ket mapanka iti daga a panangipanak kenka.'

\s5
\v 4 Isu a pimmanaw ni Abraham iti dayta a daga, a naawagan met iti Caldea, ket immay isuna idiay Haran ket nagnaed sadiay. Kalpasan a natay ni tatangna, imbaga ti Dios nga umakar isuna iti daytoy a daga nga isu iti pagnanaedantayo ita.
\v 5 Iti dayta a tiempo, saan nga inikkan ti Dios iti uray ania a daga a tagikuaenna ditoy ni Abraham, uray sangkapaset laeng koma iti daytoy a daga. Ngem inkari ti Dios nga itednanto daytoy a daga kenkuana ken kadagiti kaputotanna, ken kanayonto a kukuada daytoy. Nupay kadagidiay a tiempo ket awanan pay ni Abraham kadagiti annak a mangtawid iti daytoy.

\s5
\v 6 6Iti saan a nabayag, imbaga ti Dios kenni Abraham, "Mapanto agnaed dagiti kaputotam iti sabali a pagilian. Agnaeddanto sadiay iti uppat a gasut a tawtawen, ket bayat iti dayta a tiempo, saanto a nasayaat iti panangtrato dagiti mangidadauloda kadagiti kaputotam ken pilitendanto ida nga agtrabaho a kas tagabu.
\v 7 7'Ngem dusaekto dagiti tattao a mangtagabu kadakuada. Kalpasan dayta, pumanawato dagiti kaputotam iti dayta a daga, ket umaydanto iti daytoy a daga ken agdayawdanto kaniak ditoy.'
\v 8 8Ket imbilin ti Dios a tunggal lalaki iti sangkabalayan ni Abraham ken amin dagiti lallaki a kaputotanna ket masapul a makugit kas panangipakita a kukua amin ida ti Dios. Iti saan a nabayag, naipasngay ti putot ni Abraham, a ni Isaac, ket idi walo nga aldawen ni Isaac, kinugit isuna ni Abraham. Iti saan a nabayag, naipasngay ti putot ni Isaac, isu ni Jacob. Ni Jacob ti ama dagiti duapulo a lallaki nga aw-awagan dagiti Judio a nalalatak a kapuonan iti puli, nga isu dagiti ammatayo.

\s5
\v 9 Ammoyo nga immapal dagiti inauna nga annak ni Jacob gapu ta impangpangruna ni tatangda ti ub-ubing a kabsatda a ni Jose. Isu nga inlakoda isuna kadagiti agtagtagilako, a nangipan kenkuana idiay Egipto, no sadinno ket nagbalin isuna a tagabu. Ngem tinulongan ti Dios ni Jose;
\v 10 Salsalakniban isuna ti Dios no kasta nga adda mamagsagaba kenkuana. Pinagbalinna a masirib ni Jose, ket impagapuna ti pannakaay-ayo ni Faraon, nga ari iti Egipto, kenni Jose. Dinutokan ngarud isuna ni Faraon a mangituray iti entero nga Egipto ken mangimaton iti amin a sanikua ni Faraon.

\s5
\v 11 Bayat nga ar-aramiden ni Jose dayta a trabaho, adda idi ti tiempo a bassit ti taraon idiay Egipto ken kasta met idiay Canaan. Nagsagsagaba dagiti tattao. Iti dayta a tiempo, saan met a makasapul ni Jacob ken dagiti annakna iti umanay a taraon idiay Canaan.
\v 12 Idi nangngeg ni Jacob kadagiti tattao ti damag nga adda trigo a mabalin a gatangen dagiti tattao idiay Egipto, imbaonna dagiti inauna a kakabsat ni Jose tapno mapanda gumatang iti taraon sadiay. Napanda ket gimmatangda iti trigo manipud kenni Jose, ngem saanda a nabigbig isuna. Ket nagawidda iti pagtaenganda.
\v 13 Iti maikadua a tiempo a napan dagiti kakabsat ni Jose idiay Egipto, gimmatangda manen iti trigo kenni Jose. Ngem iti daytoy a tiempo, imbagana kadakuada ti kinasiasinona. Ket naammoan ngarud ni Faraon a Hebreo dagiti tattao a nagtaudan ni Jose ken dagidiay a lallaki nga immay manipud Canaan ket kakabsatna.

\s5
\v 14 Ket kalpasan nga imbaon ni Jose nga agawid dagiti kakabsatna, imbagada iti amada a ni Jacob, a kayat ni Jose a mapan isuna ken ti sibubukel a pamiliana idiay Egipto. Iti dayta a tiempo, pito pulo ket lima a tattao iti pakabuklan ti pamilia ni Jacob.
\v 15 Isu nga idi nangngeg ni Jacob dayta, napan isuna ken ti pamiliana idiay Egipto tapno agnaed sadiay. Kalpasanna, natay ni Jacob sadiay, ken dagiti dadduma a kapuonantayo, a dagiti annakna, ket natay met sadiay.
\v 16 Naisubli dagiti bangkayda iti dagatayo ken naipunponda iti tanem a ginatang ni Abraham manipud kadagiti annak ni Hamor iti siudad ti Sikem.

\s5
\v 17 Immadu iti kasta unay dagiti kapuonantayo idi umadanin ti tiempo a panangisalakan ti Dios kadakuada idiay Egipto, kas inkarina kenni Abraham nga aramidenna.
\v 18 Maysa manen nga ari iti nagturay idiay Egipto. Saanna nga ammo a nagdakkel ti naitulong ni Jose kadagiti tattao ti Egipto, adu a panawenen ti napalabas sakbay iti tiempona.
\v 19 Pinadas dayta nga ari a pukawen dagiti kapuonantayo iti naulpit a wagas. Pinarparigatna ida ken pinagsagabana ida iti kasta unay. Imbilinna pay kadakuada nga ibellengda dagiti kaipaspasngay a maladaga iti ruar dagiti pagtaenganda tapno matayda.

\s5
\v 20 Bayat iti dayta a tiempo, naipasngay ni Moises ket nakita ti Dios nga isuna ket nakaim-imnas nga ubing. Nalimed ngarud nga inaywanan isuna dagiti nagannakna iti pagtaenganda iti las-ud iti tallo a bulan.
\v 21 Kalpasanna, kinasapulanda nga irruar isuna manipud iti pagtaenganda, ngem nasarakan isuna ti anak a babai ni Faraon ket inaywananna isuna a kas bukodna nga anak.

\s5
\v 22 Naisuro kenni Moises dagiti amin nga adal nga ammo dagiti tattao iti Egipto, ket idi dimakkel isuna, sibibileg isuna a nagsao ken nangaramid kadagiti banbanag.
\v 23 Maysa nga aldaw, idi agarup uppat a pulon ti tawen ni Moises, inkeddengna a mapanna sarungkaran dagiti kabagianna a dagiti Israelita. Nakakita isuna iti maysa nga Egipcio a mangparparigat iti maysa kadagiti Israelita.
\v 24 Isu a napan tapno tulonganna ti lalaki nga Israelita, ket imbalesanna ti Israelita babaen iti panangpapatayna iti Egipcio.
\v 25 Impagarup ni Moises a maawatan dagiti kakaduana nga Israelita nga imbaon isuna ti Dios tapno wayawayaanna ida manipud iti panagbalinda a tagabu. Ngem saanda a naawatan.

\s5
\v 26 Iti simmaruno nga aldaw, nakakita ni Moises iti dua nga Israelita nga agap-apa. Pinadasna ida nga anawaen babaen iti panangibagana kadakuada, 'Lallaki, agpadakayo nga Israelita! Apay nga agdinnangrankayo?'
\v 27 Ngem induron ti lalaki a mangkabkabil iti sabali ni Moises ket kinunana kenkuana, 'Awan iti nangdutok kenka a mangidaulo ken mangukom kadakami!
\v 28 Kayatnak met kadi a papatayen a kas iti panangpapatay mo iti Egipcio idi kalman?'

\s5
\v 29 Idi nangngeg ni Moises dayta, pimmanaw isuna idiay Egipto ket napan idiay daga ti Midian. Nagnaed isuna sadiay iti sumagmamano a tawen. Nangasawa isuna, ket naaddaanda iti asawana iti dua nga annak a lallaki.
\v 30 Maysa nga aldaw, kalpasan iti uppat a pulo a tawen, nagparang ti Dios a kas anghel kenni Moises. Nagparang isuna iti gil-ayab iti bassit a kayo a sumsumged iti disierto nga asideg iti Bantay Sinai.

\s5
\v 31 Idi nakita ni Moises daytoy, nagsiddaaw isuna, gapu ta saan a mapupuuran ti bassit a kayo. Iti yaasidegna tapno kitaenna a naimbag, nangngegna ni Apo Dios a kunana kenkuana,
\v 32 'Siak ti Dios a nagdaydayawan dagiti kapuonam. Siak ti Dios a nagrukbaban ni Abraham, ni Isaac ken ni Jacob.' Kasta unay ti buteng ni Moises ket uray la nagpigerger. Mabuteng isunan a kumita iti bassit a kayo.

\s5
\v 33 Ket kinuna ti Apo a Dios kenkuana, 'Ikkatem dagita sandaliasmo a mangipakita iti panagraemmo kaniak. Gapu ta addaak ditoy, ti lugar a pagtaktakderam ket naisangsangayan a kukuak.
\v 34 Pudno a nakitak no kasano a pagsagsagabaen dagiti tattao iti Egipto dagiti tattaok. Nangngegko ti panagasug dagiti tattaok gapu iti daytoy. Isu a bimmabaak a mangisalakan kadakuada manipud iti Egipto. Ita agsaganaka, gapu ta ibaonka nga agsubli idiay Egipto.'

\s5
\v 35 Daytoy a Moises ket isu ti nangpadas a mangtulong kadagiti padatayo nga Israelita, ngem inumsida isuna iti panangibagada iti, 'Awan iti nangdutok kenka nga agbalin a mangituray ken ukom!' Ni Moises ti imbaon ti Dios a mangituray kadakuada ken mangwayawaya kadakuada manipud iti pannakatagabuda. Isuna ti binilin ti anghel a mangaramid iti dayta.
\v 36 Ni Moises ti nangidaulo kadagiti kapuonantayo a pumanaw idiay Egipto. Nangaramid isuna kadagiti adu a kita iti milagro idiay Egipto tapno ipakitana a kaduana ti Dios, idiay baybay dagiti Runo, ken bayat iti uppat a pulo a tawen a nagnaed dagiti Israelita idiay let-ang.
\v 37 Daytoy ti Moises a nangibaga kadagiti tattao nga Israelita iti, 'Mangpataudto ti Dios para kadakayo iti maysa pay a lalaki manipud kadakayo nga agbalin a profeta a kas kaniak.'

\s5
\v 38 Isu daytoy ni Moises, nga adda kadagiti Israelita idi idiay let-ang; kaduana ti anghel a nagsao kenkuana iti Bantay Sinai. Ni Moises ti nangtedan ti anghel kadagiti linlintegtayo a pinaited ti Dios kenkuana idiay Bantay Sinai, ken isuna ti nangibaga kadagiti kapuonantayo no ania iti imbaga ti anghel. Isuna ti nangawat manipud iti Dios kadagiti sasao a mangibagbaga kadatayo no kasanotayo nga agbiag iti agnanayon, ket intedna dagitoy kadatayo.
\v 39 Nupay kasta, saan a kinayat dagiti kapuonantayo nga agtulnog kenni Moises. Ngem ketdi, inumsida isuna kas mangidadauloda ket kinayatda nga agsubli iti Egipto.
\v 40 Isu nga imbagada iti natataengan a kabsatna a ni Aaron, 'Iyaramidannakami iti dios a mangidaulo kadakami. No maipanggep iti dayta a Moises a nangidaulo kadatayo a rimmuar iti Egipto, saanmi nga ammo no ania iti napasamak kenkuana!'

\s5
\v 41 Isu a nangaramidda iti kalanglanga iti urbon a baka. Ket nangipaayda kadagiti daton kas panangdayaw iti didiosen, ket nagkantada ken nagsalada gapu iti inaramidda.
\v 42 Isu nga insardeng ti Dios ti panangiwanwanna kadakuada. Binaybay-anna ida nga agdayaw iti init, bulan ken kadagiti bituen iti tangatang. Umanamong daytoy kadagiti sasao nga insurat ti maysa kadagiti profeta: Kinuna ti Dios, 'Dakayo nga Israelita, idi namin-anu a nangpapataykayo kadagiti ayup ken impaayyo ida a kas daton kabayatan iti uppat a pulo a tawen a kaaddayo idiay let-ang, indatonyo kadi dagidiay kaniak?

\s5
\v 43 Iti sabali a bangir, intugotyo iti tunggal lugar ti tolda a naglaon iti didiosen a mangibagbagi iti dios a ni Molech a daydayawenyo. Intugtugotyo met ti ladawan ti bituen a naawagan iti Refan. Dagidiay ket didiosen nga inaramidyo, ket dinayawyo dagitoy a saan ketdin a siak. Isu a paiyadayokayto manipud kadagiti pagtaenganyo, ket maipankayto kadagiti pagilian nga ad-adayo pay ngem iti Babilonia.'

\s5
\v 44 "Kabayatan nga adda dagiti kapuonantayo idiay disierto, nagdaydayawda iti Dios, iti ayan ti Nasantoan a Tolda a nangipakita nga adda isuna kadakuada sadiay. Inyaramidda ti tolda a kas iti imbilin ti Dios kenni Moises nga aramidenna. Naaramid daytoy a kas iti pagtuladan a nakita ni Moises idi adda isuna iti tapaw ti bantay.
\v 45 Iti saan unay a nabayag, binunag dagiti dadduma a kapuonantayo dayta a tolda idi indaulloan ida ni Josue nga umay iti daytoy a daga. Dayta ket bayat iti tiempo a tinagikuada daytoy a daga, idi pinapanaw ti Dios dagiti immun-una a nagnaed ditoy. Nabalinan ngarud dagiti Israelita a tagikuaen daytoy a daga. Nagtalinaed ti tolda iti daytoy a daga ken adda pay laeng daytoy ditoy idi nagturay ni Ari David.
\v 46 Naay-ayo ti Dios kenni David, ket dinawatna iti Dios a palubosanna koma isuna a mangipatakder iti balay a pangidaydayawanna ken dagiti amin nga Israelita iti Dios.

\s5
\v 47 Ngem ketdi, imbaga ti Dios iti anak ni David a ni Solomon, a mangipatakder ni Solomon iti balay a pagdaydayawan dagiti tattao iti Dios."
\v 48 "Nupay kasta, ammotayo a dakdakkel ti Dios ngem iti amin a banag, ken saan nga agnanaed kadagiti balay nga inaramid ti tao. Daytoy ket kas iti insurat ti profeta a ni Isaias:
\v 49-50 kinuna ti Dios, "Ti langit, isu ti tronok ket ti daga, isu ti pagbatayan ti sakak. Siak a mismo ti nangaramid kadagiti amin a banbanag nga adda iti langit ken iti rabaw ti daga. Isu a dakayo a tattao, saankayo a makaaramid iti disso nga umanay a pagnaedak!"

\s5
\v 51 "Dakayo a tattao, saankayo nga agtultulnog kenkuana! Kasla kayo met laeng kadagiti kapuoanyo! Kanayonyo a suksukiren ti Espiritu Santo, kas met iti inaramidda!
\v 52 Pinagsagaba dagiti kapuonanyo ti tunggal profeta. Pinatayda pay dagiti nangipakdaar idi un-unana a panawen nga umayto ti Cristo, ti kanayon a mangar-aramid iti makaay-ayo iti Dios. Ket immayen ti Cristo! Isuna ti impaimayo kadagiti kabusorna ken impapilityo a papatayenda, iti nabiit pay!
\v 53 Dakayo dagiti tattao nga immawat kadagiti linteg ti Dios. Dagidiay a linteg ket pinaited ti Dios kadagiti kapuonantayo babaen kadagiti anghelna. Nupay kasta, saanyo a tinungpal dagitoy!"

\s5
\v 54 Idi nangngeg dagiti kameng ti Konseho dagiti Judio ken dagiti dadduma nga adda idiay dagiti amin nga imbaga ni Esteban, nakaungetda iti kasta unay. Uray la nagngaretnget dagiti ngipenda gapu iti nakaro nga ungetda kenkuana!
\v 55 Ngem indalan ti Espiritu Santo ni Esteban. Timmangad isuna sadi langit ket nakakita iti makasisirap a silaw manipud iti Dios, ket nakitana ni Jesus a sitatakder iti makannawan ti Dios.
\v 56 "Kitaenyo," kinunana, "Makitak a naglukat ti langit, ken makitak ti Anak ti Tao a sitatakder iti makannawan ti Dios!"

\s5
\v 57 Idin nangngeg dagiti kameng ti Konseho dagiti Judio ken dagiti dadduma dayta, impigsada iti nagpukkaw. Inapputda dagiti lapayagda tapno saanda a mangngeg isuna, ket sangsangkamaysada a dimmarup kenkuana.
\v 58 Ingguyodda isuna nga inruar iti siudad ti Jerusalem ket inrugida a binato isuna. Inussob dagiti tattao a nangpabpabasol kenkuana dagiti makinruar a kawesda tapno nalaklakada isuna a batuen, ket inkabilda dagiti pagan-anayda iti daga nga asideg iti agtutubo a lalaki a managan Saulo, tapno bantayanna.

\s5
\v 59 Kabayatan iti panangbatbatoda kenni Esteban, nagkararag isuna, "Apo Jesus, awatem ti espirituk!"
\v 60 Ket nagparintumeng ni Esteban ken impukkawna, "Apo, saanmo ida a dusaen gapu iti daytoy a basol!" Kalpasan nga imbagana daytoy, natay isuna.

\s5
\c 8
\p
\v 1-2 Kalpasanna, intanem dagiti sumagmamano a lallaki nga addaan panagraem iti Dios ni Esteban iti maysa a pagitantaneman, ket nagladingitda iti kasta unay ken dinung-awanda isuna iti napigsa. Iti dayta met laeng nga aldaw, inrugi dagiti tattao ti nakaro a panangidadanes kadagiti namati nga agnanaed idiay Jerusalem. Isu a kaaduan kadagiti namati ti kimmamang kadagiti luglugar iti amin a probinsia ti Judea ken Samaria. Kadagiti amin a namati, dagiti laeng apostol ti nagtalinaed idiay Jerusalem.
\v 3 Kabayatan a pappapatayenda ni Esteban, adda ni Saulo sadiay nga uman-anamong a rumbeng a papatayenda ni Esteban. Isu nga inrugi metten ni Saulo a dadaelen ti bunggoy dagiti namati. Sinaggaysana a sinerrek dagiti balbalay, ingguyodna dagiti lallaki ken babbai a namati kenni Jesus, ket impanna ida iti pagbaludan.

\s5
\v 4 Dagiti namati a pimmanaw iti Jerusalem ket napan kadagiti nadumaduma a luglugar, a no sadino ket intuloyda nga inkaskasaba ti mensahe maipanggep kenni Jesus.
\v 5 Maysa kadagidiay a namati nga agnagan iti Felipe ket simmalog iti maysa a siudad iti distrito ti Samaria manipud Jerusalem. Sadiay, imbagbagana kadagiti tattao a ni Jesus ket isu ti Cristo.

\s5
\v 6 Adu a tattao sadiay ti nakangngeg iti panagsao ni Felipe ken nakitada dagiti nakaskasdaaw a banbanag nga inaramidna. Isu a dimngegda a naimbag kadagiti sasaona.
\v 7 Kas koma iti daytoy: Binilin ni Felipe dagiti dakes nga espiritu a rumuar kadagiti adu a tattao a linugananda, ket rimmuarda nga agik-ikkis. Maysa pay, adu a tattao a paralisado ken adu pay a pilay ti naimbagan.
\v 8 Isu nga adu a tattao iti dayta a siudad ti nagrag-o iti kasta unay.

\s5
\v 9 Adda maysa a lalaki iti dayta a siudad nga agnagan iti Simon. Nabayagen nga agsalsalamangka isuna, ket pinagsiddaawna dagiti tattao iti distrito ti Samaria babaen iti panagsalamangkana. Imbagbagana nga isuna ket ni "Simon a Naindaklan!"
\v 10 Amin dagiti tattao sadiay, dagiti kadawyan ken napateg a tattao, dimngegda kenkuana. Kinunkunada, "Daytoy a tao ti Naindaklan a Pannakabalin ti Dios."
\v 11 Intuloyda ti dimngeg a nasayaat kenkuana, agsipud ta iti nabayag ket pinagsidsiddaawna ida babaen iti panagsalsalamangkana.

\s5
\v 12 Ngem kalpasanna, pinatida ti mensahe ni Felipe maipanggep iti naimbag a damag nga ipakita ti Dios iti bagina a kas ari ken maipanggep kenni Jesu-Cristo. Nabautisaran dagiti lallaki ken babbai a namati kenni Jesus.
\v 13 Namati met ni Simon iti mensahe ni Felipe ket nabautisaran. Inrugina a kanayon a kaduaan ni Felipe, ket mapaspasiddaaw latta babaen kadagiti naindaklan a milagro a nakitana nga ar-aramiden ni Felipe, banbanag a nangipakita a pudno dagiti ibagbaga ni Felipe.

\s5
\v 14 Idi nangngeg dagiti apostoles idiay Jerusalem a pinati iti adu a tattao iti entero a Samaria ti mensahe ti Dios, imbaonda da Pedro ken Juan sadiay.
\v 15 Idi simmangpet ni Pedro ken ni Juan idiay Samaria, inkararaganda dagiti kabarbaro a namati tapno awatenda ti Espiritu Santo.
\v 16 Ta nalawag idi nga iti Espiritu Santo ket saan pay nga immay iti uray siasino kadakuada. Nabautisaranda laeng iti nagan ni Apo Jesus.
\v 17 Ket impatay ni Pedro ken ni Juan dagiti im-imada kadakuada, ket inawatda ti Espiritu Santo.

\s5
\v 18 Nakita ni Simon a naited ti Espiritu kadagiti tattao a kas bunga iti panangipatpatay dagiti apostol kadagiti im-imada kadagidiay a tattao. Isu nga indiayana a mangted isun iti kuarta kadagiti apostol,
\v 19 a kunana, "Ikkandakmet iti kabaelak a mangaramid kadagiti ar-aramidenyo, tapno iti tunggal maysa a pangipatayak iti imak ket awatenna met ti Espiritu Santo."

\s5
\v 20 Ngem kinuna ni Pedro kenkuana, "Madadaelka koma ken ti kuartam, agsipud ta pinadasmo nga alaen ti sagut ti Dios babaen iti kuarta!
\v 21 Saanka a mabalin a makipagtrabaho kadakami, agsipud ta ti pusom ket saan a nalinteg iti imatang ti Dios!
\v 22 Isu nga isardengmon ti agpanunot iti dakes a kas iti dayta, ket agpakaasika a ti Apo, no pagayatanna, pakawanennakanto iti dakes a pinanunotmo dita pusom nga aramidem!
\v 23 Tallikudam dagiti dakes nga aramidmo, agsipud ta maawatak nga umapalka unay kadakami, ket adipennaka ti agtultuloy a tarigagaymo nga agaramid iti dakes!"

\s5
\v 24 Ket simmungbat ni Simon, "Ikararagmo iti Apo a saannan koma nga aramiden kaniak ti kaibagbagam laeng!"

\s5
\v 25 Kalpasan nga imbaga ni Pedro ken ni Juan kadagiti tattao no ania ti ammoda maipanggep ken ni Apo Jesus ken inwaragawagda kadakuada ti mensahe ti Apo, nagsublida a dua idiay Jerusalem. Iti dalan, inkasabada ti naimbag a damag maipanggep kenni Jesus kadagiti tattao idiay distrito ti Samaria.

\s5
\v 26 Maysa nga aldaw, maysa nga anghel nga imbaon ti Apo a Dios ti nangbilin kenni Felipe, "Agsaganaka ket mapanka iti abagatan, iti dalan nga agturong idiay Gaza manipud Jerusalem." Dayta ket dalan nga adda iti let-ang a disso.
\v 27 Isu a nagrubwat ni Felipe ket napan iti dayta a dalan. Iti dalan, nakasabat isuna iti lalaki a naggapu iti pagilian ti Etiopia. Isuna ket maysa a napateg nga opisial a makaammo kadagiti amin a pondo para iti reyna ti Etiopia. Iti pagsasaona, Candace ti awag dagiti tattao iti reynada. Daytoy a lalaki ket napan nagdayaw iti Dios idiay Jerusalem,
\v 28 ket agawiden isuna ken nakatugaw iti karwahena. Kabayatan iti panagawidna, basbasaenna a napigsa ti pagbasaan nga insurat ni profeta Isaias.

\s5
\v 29 Imbaga ti Espiritu ti Dios kenni Felipe, "Umasidegka iti dayta a karwahe ket magnaka iti abay daytoy!"
\v 30 Isu a nagtaray ni Felipe nga immasideg iti karwahe ket nangngegna a basbasaen ti opisial ti insurat ni profeta Isaias. Sinaludsodna iti lalaki, "Maawatam kadi ti basbasaem?"
\v 31 Insungbatna kenni Felipe, "Saan! Saanko a maawatan daytoy no awan iti mangipalawag kaniak!" Ket kinuna ti lalaki kenni Felipe, "Pangngaasim lumuganka ket agtugawka ditoy abayko."

\s5
\v 32 Ti paset iti Nasantoan a Sursurat a basbasaen iti opisial ket daytoy: "Naulimek isuna a kasla karnero idi impanaw isuna dagiti tattao tapno patayenda. Kas iti urbon a karnero a naulimek no mapukisan ti buokna, saan isuna nga agsao.
\v 33 Maibabainto isuna ket saanna nga maawat iti hustisya. Awanto iti mabalin a mangibaga maipanggep kadagiti kaputotanna, agsipud ta mapapatayto isuna."

\s5
\v 34 Sinaludsod ti opisial ni Felipe maipapan kadagitoy a sasao a basbasaenna, "Ibagam kaniak, siasino ti dakdakamaten ti profeta? Isursuratna kadi ti maipanggep iti bagina wenno iti sabali?"
\v 35 Isu nga simmungbat ni Felipe kenkuana; inrugina iti dayta a paset iti Nasantoan a Surat, ket imbagana kenkuana ti naimbag a damag maipanggep kenni Jesus.

\s5
\v 36-37 Kabayatan iti panagdalyasatda iti dalan, dimtengda iti maysa a lugar nga adda iti danum. Ket kinuna ti opisial kenni Felipe, "Kitaem, adda danum! Kayatko a bautisarannak, gapu ta awan ti ammok a banag a makalapped para iti pannakabautisarko."
\v 38 Isu nga imbaga ti opisial iti agpatpataray nga isardengna ti karwahe. Ket bimmaba ni Felipe ken ti opisial iti danum, ket binautisaran isuna ni Felipe.

\s5
\v 39 Idi timmakdangdan manipud iti danum, kellaat nga impanaw ti Espiritu ti Dios ni Felipe. Saanen a nakita pay ti opisial ni isuna. Ngem uray saanen a nakita pay ti opisial ni Felipe, siraragsak nga intultuloy ti opisial iti panagdaliasatna.
\v 40 Ket naamiris ni Felipe a milagro nga impan isuna ti Espiritu iti ili ti Azoto. Kabayatan iti panagdaliasatna iti dayta a rehion, intuloyna nga inwarwaragawag ti mensahe maipanggep kenni Jesus iti amin nga ili iti nagbaetan ti siudad ti Azoto ken Cesarea. Ket iwarwaragawagna pay laeng daytoy idi nakagteng isuna idiay Cesarea.

\s5
\c 9
\p
\v 1 Kabayatanna, siuunget nga intuloy ni Saulo ti panangbutbutengna a papatayenna dagiti sumursurot iti Apo. Napan isuna iti kangatoan a padi idiay Jerusalem
\v 2 ket dinawatna a mangaramid daytoy iti surat a mangiyam-ammo kenkuana kadagiti mangidadaulo iti sinagoga dagiti Judio idiay Damasco. Kidkiddawen dagiti surat kadakuada nga ikkanda ni Saulo iti pammalubos a mangtiliw iti lalaki wenno babai a sumursurot kadagiti insursuro ni Jesus, ken ikuyogna ida idiay Jerusalem a kas balud tapno ukomen ken dusaen ida dagiti mangidadaulo a Judio.

\s5
\v 3 Iti panagdaliasat ni Saulo ken dagiti kakaduana nakaasidegdan idiay Damasco.
\v 4 Ket kellaat nga adda lawag a naggapu sadi langit a nanglawag iti aglawlaw ni Saulo. Pagammoan ket natuang isuna iti daga. Kalpasanna, nakangngeg isuna iti timek nga agkunkuna kenkuana, "Saulo, Saulo, apay a padpadasennak a pasakitan?"

\s5
\v 5 Sinaludsod ni Saulo kenkuana, "Apo, siasinoka?" Simmungbat isuna, "Siak ni Jesus, a paspasakitam.
\v 6 Ita, tumakderka ket mapanka iti siudad! Addanto sadiay ti mangibaga kenka iti kayatko nga aramidem."
\v 7 Nagsiddaaw dagiti lallaki a kakadua ni Saulo a nga agdaldaliasat ket uray da la saan a makasao. Nakatakderda lattan idiay. Nangngegda a nagsao ti Apo, ngem awan pulos ti nakitada.

\s5
\v 8 Bimmangon ni Saulo manipud iti daga, ngem idi nagmulagat ket awan makitana. Isu a kinibin isuna dagiti lallaki a kakaduana ket impanda isuna idiay Damasco.
\v 9 Iti simmaruno a tallo nga aldaw, awan pulos makita ni Saulo, ket saan a nangan ken imminom iti uray ania.

\s5
\v 10 Idiay Damasco ket adda maysa a pasurot ni Jesus a managan Ananias. Impakita ni Apo Jesus kenkuana ti maysa a sirmata ket kinunana kenkuana, "Ananias!" Ket insungbatna, "Apo, dumdumngegak."
\v 11 Kinuna ni Apo Jesus kenkuana, "Mapanka iti Kalsada a Nalinteg, iti balay ni Judas. Saludsodem iti siasinoman sadiay no mabalin a makisaritam ti tao a managan Saulo a taga-Tarso, gapu ta madama nga agkarkararag isuna kaniak iti daytoy met laeng a kanito.
\v 12 Nakita ni Saulo iti maysa a sirmata ti tao a managan Ananias a simrek iti balay a pagigiananna ket impatayna kenkuana ti imana tapno makakita manen."

\s5
\v 13 Simmungbat ni Ananias, "Ngem Apo, adu a tattao ti nangibaga kaniak iti maipanggep iti daytoy a tao! Adu ti agkakadakes nga inar-aramidna kadagiti tattao a mamati kenka idiay Jerusalem!
\v 14 Inikkan isuna ti panguloen dagiti papadi iti pammalubos nga umay ditoy tapno tiliwenna dagiti amin a namati kenka!"
\v 15 Ngem kinuna ni Apo Jesus kenni Ananias, "Mapanka kenni Saulo! Aramidem ti imbagak, gapu ta pinilik isuna nga agserbi kaniak tapno agsao isuna iti maipanggep kaniak kadagiti tattao a saan a Judio ken kadagiti ar-arida ken kadagiti Israelita.
\v 16 Ibagakto kenkuana a masapul nga agsagaba isuna iti mamin-adu tapno maibagana kadagiti tattao ti maipanggep kaniak."

\s5
\v 17 Napan ngarud ni Ananias, ket idi nasarakannan ti balay nga ayan ni Saulo, simrek isuna sadiay. Ket apaman a nasarakanna ni Saulo, impatayna ti imana kenkuana ket kinunana, "Kabsat Saulo, binilinnak ni Apo Jesus nga umay kenka. Isuna metlaeng ti nagparang kenka idi agdaldaliasatka iti kalsada nga agturong ditoy Damasco. Imbaonnak kenka tapno makakitaka manen ken tapno naan-anay koma nga idalannaka ti Espiritu Santo."
\v 18 Dagus nga adda kasla siksik ti ikan a natinnag manipud iti mata ni Saulo, ket makakita manen. Timmakder isuna ket nabautisaran.
\v 19 Kalpasan a nangan ni Saulo, pimmigsa manen isuna. Nakipagnaed ngarud ni Saulo kadagiti dadduma a namati idiay Damasco iti sumagmamano nga aldaw.

\s5
\v 20 Dagus a rinugianna a nangasaba iti maipanggep kenni Jesus kadagiti sinagoga dagiti Judio. Imbagana kadakuada a ni Jesus ti Anak ti Dios.
\v 21 Nasdaaw dagiti amin a nakangngeg kenkuana a nangasaba. Dadduma kadakuada ti nagkuna, "Narigattayo a patien a daytoy metlaeng ti tao a nangparparigat kadagiti namati idiay Jerusalem ken isu ti tao nga immay ditoy tapno alaenna ida a kas balud ket ipanna kadagiti panguloen dagiti papadi idiay Jerusalem!"
\v 22 Ngem inikkan ti Dios iti kabaelan ni Saulo a mangasaba iti ad-adda a nakapapati a wagas kadagiti adu a tattao. Pinaneknekanna manipud iti Nasantoan a Sursurat a ni Jesus ket isu ti Cristo. Isu a saan a makapanunot dagiti mangidadaulo kadagiti Judio idiay Damasco no kasanoda a sungaten ti imbagana.

\s5
\v 23 Iti saan a nabayag, pinanggep dagiti mangidadaulo dagiti Judio a papatayen isuna.
\v 24 Iti aldaw ken rabii ket agtultuloy ti panangbanbantay dagiti Judio kadagiti tattao a magmagna iti ruangan ti siudad, tapno inton makitada ni Saulo ket patayenda. Nupay kasta, adda iti nangibaga kenni Saulo iti panggepda nga aramiden.
\v 25 Isu a dadduma kadagiti indalanna a mamati kenni Jesus ti nangala kenkuana iti maysa a rabii ket impanda isuna iti nangato a pader a nanglikmut iti siudad. Nangaramatda iti tali ken maysa a kuribot a nangibaba kenkuana nga impagnada iti maysa nga abut iti pader. Iti daytoy a wagas ket nakalibas isuna manipud Damasco.

\s5
\v 26 Idi dimteng ni Saulo idiay Jerusalem, pinadasna a sinarak dagiti dadduma a namati. Nupay kasta, dandani aminda ket mabuteng latta kenkuana, gapu ta saanda a patien nga isuna ket maysan a namati.
\v 27 Ngem inkuyog isuna ni Barnabas ket impanna isuna kadagiti apostol. Impalawagna kadagiti apostol no kasano nga idi agdaldaliasat ni Saulo idiay kalsada nga agturong idiay Damasco ket nakitana ni Apo Jesus ken no kasano a nakisao ti Apo kenkuana sadiay. Imbagana met laeng kadakuada no kasano a situtured a nangasaba ni Saulo iti maipanggep kenni Jesus kadagiti tattao idiay Damasco.

\s5
\v 28 Rinugian ngarud ni Saulo a makisinnarak kadagiti apostol ken kadagiti namati iti entero nga Jerusalem, ken situtured a nagsao kadagiti tattao iti maipanggep kenni Apo Jesus.
\v 29 Nagsao met laeng ni Saulo iti maipanggep kenni Jesus kadagiti Judio nga agsasao iti Griego, ken nakilinnawag kadakuada. Ngem kankanayonda latta a mangpampanunot iti wagas no kasanoda a patayen isuna.
\v 30 Idi nangngeg dagiti dadduma a namati a pangpanggependa a patayen isuna, sumagmamano kadakuada ti kimmuyog kenni Saulo a napan idiay Cesarea. Saddiay, pinagluganda isuna iti barko a mapan idiay Tarso, nga ilina.

\s5
\v 31 Isu a dagiti bunggoy ti namati iti entero a rehion ti Judea, Galilea, ken Samaria ket nagbiag a natalna agsipud ta awanen ti mangidaddadanes kadakuada. Ti Espiritu Santo ti mangpappapigsa ken mangpabpabileg kadakuada. Intultuloyda a pinadpadayawan ni Apo Jesus, ken babaen iti panagtignay ti Espiritu Santo ket adu pay a tattao ti namati.
\v 32 Kabayatan nga agdaldaliasat ni Pedro kadagidiay a rehion, napan isuna iti naminsan iti sangladan tapno sarungkaranna dagiti namati nga agnanaed iti ili ti Lidda.

\s5
\v 33 Sadiay ket nasarakanna ti maysa a tao a managan iti Eneas. Saan a nakabangon ni Eneas iti walo a tawen gapu ta isuna ket paralitiko.
\v 34 Kinuna ni Pedro kenkuana, "Eneas, pinaimbagnaka ni Jesu-Cristo! Bumangonka ket ikupinmo dayta nagiddaam!" Dagus a timmakder ni Eneas.
\v 35 Kaadduan kadagiti tattao nga agnanaed idiay Lidda ken iti Kapatagan ti Sarona ti nakakita kenni Eneas kalpasan a pinaimbag isuna ti Apo, isu a namatida kenni Apo Jesus.

\s5
\v 36 Iti ili ti Joppa, adda maysa a namati a managan Tabita. Ti naganna iti pagsasao a Griego ket Dorcas. Kanayon isuna nga agar-aramid iti nasayaat kadagiti marigrigat babaen iti panangtedna kadakuada kadagiti banbanag a kasapulanda.
\v 37 Kabayatan ti kaadda ni Pedro idiay Lidda, nagsakit ni Dorcas ket natay. Adda dagiti babbai a nangbuggo iti bagina segun iti kaugalian dagiti Judio. Ket inabbonganda ti bagina sada impan iti akinngato a siled iti balayna.

\s5
\v 38 Ti Lidda ket asideg iti siudad ti Joppa, isu nga idi nangngeg dagiti adalan nga adda pay laeng ni Pedro idiay Lidda, nangibaonda iti dua a lallaki a mapan ken ni Pedro. Idi simmangpetda iti ayan ni Pedro, inallukoyda isuna, "Pangaasim ta makikuyogka kadakami idiay Joppa!"
\v 39 Nagsagana a dagus ni Pedro ket nakikuyog kadakuada. Idi simmangpet isuna iti balay idiay Joppa, impanda isuna iti akin-ngato a siled a nakaipaiddaan iti bagi ni Dorcas. Amin dagiti balo ket nagtakder iti aglawlawna. Agsangsangitda ken impakitada kenni Pedro dagiti kagay ken lupot nga inaramid ni Dorcas idi sibibiag paylaeng.

\s5
\v 40 Ngem pinaruar ida amin ni Pedro iti siled. Nagparintumeng isuna ket nagkararag. Ket iti panangtaliawna iti bagi ni Dorcas, kinunana, "Tabita, tumakderka!" Dagus nga inmulagat ni Tabita dagiti matana ket idi nakitana ni Pedro, nagtugaw isuna.
\v 41 Iniggaman ni Pedro ti maysa nga ima ni Tabita ket tinulonganna a tumakder. Kalpasan nga inayabanna dagiti namati ken kangrunaan dagiti balo nga agsublida iti uneg, impakitana kadakuada a sibibiag manen ni Tabita.
\v 42 Iti apagbiit laeng, naammoan amin dagiti tattao iti Joppa ti maipanggep iti milagro, ket kas nagbanaganna, adu dagiti tattao a namati kenni Apo Jesus.
\v 43 Nagtalinaed ni Pedro iti adu nga aldaw iti balay ti tao a managan Simon nga agar-aramid iti lalat manipud iti kudil dagiti ayup.

\s5
\c 10
\p
\v 1 Adda idi iti maysa a tao a nagnaed idiay siudad ti Cesarea nga agnagan iti Cornelio. Isuna ket maysa nga opisyal a mangidadaulo iti sangagasut a lallaki iti maysa a dakkel a bunggoy dagiti soldado a Romano manipud Italia.
\v 2 Kanayonna nga ikagkagumaan nga aramiden no ania ti makaay-ayo iti Dios; isuna ken ti sangkabalayanna ket saan a Judio a kanayon nga agdaydayaw iti Dios. No dadduma ket mangted isuna iti kuarta kadagiti nakurapay a tattao a Judio, ken kanayon isuna nga agkarkararag iti Dios.

\s5
\v 3 Maysa nga aldaw, idi ngannganin ti alas-tres iti malem, nakakita ni Cornelio iti maysa a sirmata. Nalawag a nakitana ti maysa nga anghel nga imbaon ti Dios. Nakitana ti anghel a sumsumrek iti siledna ken kinunana kenkuana, "Cornelio!"
\v 4 Minatmatan ni Cornelio ti anghel ken kasta unay ti butengna. Ket nagsaludsod a sibubuteng, "Apo, ania ti masapulmo?" Simmungbat kenkuana ti anghel nga imbaon ti Dios, "Naay-ayom ti Dios gapu ta kanayonka nga agkarkararag kenkuana ken masansanka a mangmangted iti kuarta tapno matulongan dagiti marigrigat a Judio. Dagidiay a banbanag ket nagbalin a kasla pakalaglagipan a daton iti Dios.
\v 5 Isu nga ita, mangbilinka kadagiti lallaki a mapan idiay Joppa ken ibagam kadakuada nga iyegda ditoy ti tao a managan Simon a ti sabali a naganna ket Pedro.
\v 6 Agigian isuna iti balay ti maysa a tao a managan met laeng iti Simon, nga agkurkurti iti lalat. Ti balayna ket asideg iti baybay."

\s5
\v 7 Idi pimmanawen ti anghel a nagsao kenni Cornelio, pinaayabanna ti dua kadagiti adipenna iti balayna ken maysa a soldado nga agserserbi kenkuana, maysa nga agdaydayaw met laeng iti Dios.
\v 8 Impalawagna kadakuada ti amin nga imbaga ti anghel. Ket imbagana kadakuada a mapanda iti siudad ti Joppa tapno dawatenda kenni Pedro nga umay idiay Cesarea.

\s5
\v 9 Idi agtengngan ti aldaw iti simmaruno nga aldaw, dagiti tallo a lallaki ket agdaldaliasat iti kalsada ken umas-asidegdan idiay Joppa. Idi makaasidegdan idiay Joppa, nairana met a napan ni Pedro iti patad a tuktok iti balay tapno agkararag.
\v 10 Nabisinan isuna ken kayatna ti mangan. Kabayatan a dagiti dadduma a tattao ket mangisagsagana iti taraon, nakakita ni Pedro iti maysa a sirmata.
\v 11 Nakitana a nlaukatan ti tangatang ken adda kasla dakkel a lupot a naipababa iti daga, a ti uppat a sulina ket naipangato.
\v 12 Iti uneg ti lupot ket dagiti amin a kita ti parsua. Karaman ditoy dagiti ayup ken billit nga imparit ti Linteg ni Moises a kanen dagiti Judio. Dadduma ket addaan iti uppat a saka, dadduma ket agkarkarayam iti daga, ken dadduma ket atap a billit.

\s5
\v 13 Ket nangngegna ti Dios a kunana kenkuana, "Pedro, tumakderka, mangpartika kadagitoy ket kanem!"
\v 14 Ngem simmungbat ni Pedro, "Apo, sigurado a saanmo nga kayat nga aramidek dayta agsipud ta saanak a nangnangan iti aniaman nga imbaga ti lintegmi a Judio a saanmo nga awaten wenno banbanag a masapul a saanmi a kanen!"
\v 15 Ket nangngeg ni Pedro ti Dios a nagsarita kenkuana iti maikadua a gundaway. Kinunana, "Siak ti Dios, isu a no nangaramidak iti banag a mabalin a kanen, saanmo nga ibaga a saan a mabalin a kanen!"
\v 16 Napasamak daytoy iti namitlo a daras. Kalpasan dayta, dagus a naguyod a naisubli iti tangatang ti lupot nga ayan dagiti ayup ken billit.

\s5
\v 17 Kabayatan a padpadasen ni Pedro nga utoben no ania ti kayat a sawen dayta a sirmata, simmangpet dagiti lallaki nga imbaon ni Cornelio. Sinaludsodda kadagiti tattao no kasano ti mapan iti balay ni Simon. Ket nasarakanda ngarud ti balay ni Simon ken nagtakderda iti ruar ti ruangan.
\v 18 Immawagda ken sinaludsodda no ti tao a managan Simon, a ti sabali pay a naganna ket Pedro ket agigian sadiay.

\s5
\v 19 Kabayatan a padpadasen ni Pedro nga utoben no ania ti kayat a sawen ti sirmata, kinuna ti Espiritu ti Dios kenkuana, "Denggem! Adda tallo a lallaki nga immay ket kayatdaka a makita.
\v 20 Isu a bumangonka ket umulogka ken makikuyogka kadakuada! Saanmo a panunoten a saan a rumbeng a makikuyogka kadakuada, gapu ta imbaonko ida ditoy!"
\v 21 Immulog ngarud ni Pedro iti ayan dagiti lallaki ket kinunana kadakuada, "Kablaaw! Siak ti tao a sapsapulenyo. Apay nga immay kayo?"

\s5
\v 22 Simmungbatda, "Ni Cornelio nga opisial iti armada dagiti Romano, ket imbaonnakami ditoy. Isuna ket nasayaat a tao nga agdaydayaw iti Dios, ken amin dagiti tattao a Judio a makaammo iti maipanggep kenkuana ket ibagada nga isuna ket nasayaat unay a tao. Kinuna ti maysa nga anghel kenkuana, 'Mangibaonka kadagiti lallaki a mapan idiay Joppa tapno kitaenda ni Simon Pedro ket iyegda isuna ditoy, tapno mangngegmo ti ibagana."
\v 23 Isu nga inawis ni Pedro isuda iti uneg ti balay ken imbagana kadakuada nga aggianda pay laeng sadiay iti dayta a rabii. Kabigatanna, nagsagana ni Pedro ket kimmuyog kadagiti lallaki. Adda dagiti namati manipud Joppa a kimmuyog met kenkuana.

\s5
\v 24 Iti simmaruno nga aladaw, simmangpetda iti siudad ti Cesarea. Agur-uray met ni Cornelio kadakuada. Inawisna dagiti kakabagianna ken dagiti asideg a gagayyemna nga umay, isu nga addada met laeng iti balayna.

\s5
\v 25 Idi simrek ni Pedro iti balay, sinabat isuna ni Cornelio ket nagdumog iti sangoananna tapno agdayaw kenkuana.
\v 26 Ngem iniggaman ni Pedro ti ima ni Cornelio ket pinatakderna isuna. Kinunana, "Tumakderka! Saannak a padayawan! Siak ket maysa laeng a tao a kas kenka!"

\s5
\v 27 Idi madama a makisarsarita isuna kenni Cornelio, simrek ni Pedro iti balay kasta met dagiti dadduma a kaduana ket nakitada nga adu a tattao ti naummong sadiay.
\v 28 Ket kinuna ni Pedro kadakuada, "Aminkayo ket ammoyo a siasinoman kadakami a Judio ket panunotenna a suksukirenmi ti lintegmi a Judio no makikadua kami iti saan a Judio wenno uray pay no sarungkaranmi laeng. Nupay kasta, impakita ti Dios kaniak iti maysa a sirmata a masapul a saanko nga ibaga a ti siasinoman ket narugit ken saan a nadalus ken saan isuna nga awaten ti Dios.
\v 29 Isu nga idi nangibaonka iti lallaki tapno kiddawenda nga umayak ditoy, immayak a dagus nga awan iti ririk. Isu nga ibagam koma kaniak no apay a kiniddawmo nga umayak ditoy?"

\s5
\v 30 Simmungbat ni Cornelio, "Iti kastoy nga oras, tallo nga aldawen ti napalabas, agkarkararagak iti Dios iti balayko, kas ar-aramidek a kankanayon iti alas tres ti malem. Ket kellaat nga adda maysa a tao a nakakawes iti nakaranraniag ti nagtakder iti sangoanak
\v 31 ken kinunana, 'Cornelio, nangngeg ti Dios ti kararagmo. Nakitana met a masansan a mangmangtedka iti kuarta tapno matulongam dagiti nakurapay a tattao, ket naay-ayo isuna gapu iti dayta.
\v 32 Isu nga ita, mangibaonka kadagiti mensahero a mapan iti siudad ti Joppa tapno dawatenda kenni Simon a ti sabali pay a naganna ket Pedro nga umay ditoy. Agnanaed isuna iti asideg ti baybay, iti balay a kukua ti sabali pay a tao a managan Simon, nga agkurkurti iti lalat.'
\v 33 Isu a dagus a nangibaonak iti lallaki a mangkiddaw kenka nga umayka ditoy, ket agyamanak kenka iti iyuumaymo. Ita ket adda kami amin a naummong ditoy, ammomi nga adda ti Dios kadakami, tapno mangngegmi dagiti amin a banbanag nga imbilin ti Dios kenka nga ibagam. Isu a pangaasim ta agsaoka kadakami."

\s5
\v 34 Isu nga inrugi ni Pedro ti nagsao kadakuada. Kinunana, "Ita, naawatak nga agpayso a saan laeng a pabpaboran ti Dios ti maysa laeng a bunggoy dagiti tattao.
\v 35 Ngem ketdi, manipud iti tunggal bunggoy dagiti tattao ket awatenna ti tunggal maysa a mangpadpadayaw kenkuana ken siasinoman a mangar-aramid iti makaay-ayo kenkuana.

\s5
\v 36 Ammoyo ti mensahe nga inted ti Dios kadakami nga Israelita. Inwaragawagna kadakami ti naimbag a damag a babaen iti panagtignayna ket makikapianto kenkuana dagiti tattao gapu iti inaramid ni Jesu-Cristo. Daytoy a Jesus ket saan laeng nga Apo dagiti Israelita. Isuna met laeng ti Apo a mangiturturay kadagiti amin a tattao.
\v 37 Ammoyo no ania ti inaramidna iti entero a daga ti Judea, mangrugi idiay Galilea. Inrugina ti nangaramid kadagidiay a banbanag kalpasan nga inwarwaragawag ni Juan kadagiti tattao a masapul a tallikudanda dagiti dakes nga aramidda sakbay a binautisaranna ida.
\v 38 Ammoyo nga inted ti Dios ti Espiritu Santona kenni Jesus, ti tao a magtaud iti ili ti Nasaret, ken inikkanna isuna iti pannakabalin a mangaramid kadagiti milagro. Ammoyo met no kasano a napan ni Jesus iti adu a luglugar, kanayon a nangar-aramid iti nasayaat ken nangpapaimbag kadagiti tattao. Pinapaimbagna dagiti tattao a pinagsagsagaba ti diablo. Nabaelan ni Jesus ti nangaramid kadagidiay a banbanag gapu ta ti Dios ket kanayon a tumultulong kenkuana."

\s5
\v 39 "Nakitami amin a banbanag nga inaramid ni Jesus idiay Jerusalem ken iti dadduma pay a paset ti Israel a nagnaedanna. Pinapatay isuna dagiti kabusorna babaen iti panangilansada kenkuana iti kayo a krus.
\v 40 Kalpasanna, pinagungar isuna ti Dios iti maikatlo nga aldaw kalpasan a natay isuna, ken siniguradona a makita isuna ti adu a tattao kalpasan a napagungar. Awan duadua dagiti tattao nga isuna daydiay natay, ket itan nakitada a mismo, ken namatida a nagbiag manen isuna.
\v 41 Iti dayta a tiempo, saan nga intulok ti Dios a makita isuna ti tunggal maysa, dagiti laeng pinilina a makilangen kenkuana ken makipangan kenkuana kadagidiay nga immuna nga aldaw kalpasan a pinagungar isuna ti Dios.

\s5
\v 42 Binilinnakami ti Dios nga ikasabami kadagiti tattao ken ibagami kadakuada a ni Jesus ket isu ti dinutokanna a mangukom iti tunggal maysa inton umay ti aldaw. Ukomennanto dagiti sibibiag pay laeng ken dagiti amin a natayen sakbay a dumteng dayta a tiempo.
\v 43 Amin dagiti profeta a nagsurat iti maipanggep kenkuana idi ket imbagada kadagiti tattao ti maipanggep kenkuana. Insuratda a no dagiti tattao ket mamati kenkuana, pakawanen ida ti Dios kadagiti basbasolda, gapu iti inaramid daytoy a tao, a ni Jesus, para kadakuada."

\s5
\v 44 Kabayatan nga ibagbaga pay laeng ni Pedro dagidiay a sasao, kellaat a bimmaba ti Espiritu Santo kadagiti amin a tattao a naggapu iti sabali a pagilian nga agdengdengngeg iti mensahe.
\v 45 Dagiti namati a Judio a nakikuyog kenni Pedro manipud Joppa ket nagsiddaaw ta sipaparabur met nga inted ti Dios ti Espiritu Santo kadagiti tattao a naggapu iti nadumaduma a pagilian.

\s5
\v 46 Ammo dagiti namati a Judio nga inaramid dayta ti Dios gapu ta mangmangngegda dagidiay a tattao nga agsasao kadagiti pagsasao a saanda nga inadal ken ibagbagada no kasano ti kinatan-ok ti Dios. Ket kinuna ni Pedro
\v 47 kadagiti dadduma a namati a Judio nga adda sadiay, "Inted ti Dios kadakuada ti Espiritu Santo a kas iti panangtedna kenkuana kadatayo a namati a Judio, isu a sigurado nga amin kayo ket umanamong a masapul a bautisarantayo dagitoy a tattao!"
\v 48 Ket imbaga ni Pedro kadagiti tattao a saan a Judio a masapul a mabautisaranda a kas namati kenni Jesu-Cristo. Isu a binautisaranda amin ida. Kalpasan a nabautisaranda, dinawatda kenni Pedro a makipagtalinaed isuna kadakuada iti sumagmamano nga aldaw. Ket kasta ngarud ti inaramid ni Pedro ken dagiti dadduma pay a namati a Judio.

\s5
\c 11
\p
\v 1 Nangngeg dagiti apostol ken dagiti dadduma a namati nga agnanaed kadagiti nadumaduma nga ili iti probinsia ti Judea nga ibagbaga dagiti tattao nga adda sumagmamano kadagiti saan a Judio a namati met iti mensahe ti Dios maipanggep kenni Jesus.
\v 2 Ngem adda dagiti sumagmamano a Judio a namati idiay Jerusalem a mangayat nga amin a sumursurot kenni Cristo ket makugit. Idi nagsubli ni Pedro idiay Jerusalem manipud Cesaria, nakisinnarakda kenkuana ket binabalawda isuna.
\v 3 Kinunada kenkuana, "Saan laeng a dakes ti panangsarungkarmo kadagiti pagtaengan dagiti saan nakugit a saan a Judio, nakipangan ka pay kadakuada!"

\s5
\v 4 Inrugi ngarud ni Pedro nga impalawag no ania ti napasamak.
\v 5 Kinunana, "Agkarkararagak idi nga agmaymaysa idiay siudad ti Joppa, ket babaen iti kasla tagtagainep, nakakitaak iti sirmata. Nakitak ti maysa a banag a kasla dakkel nga ules a naipababa manipud langit babaen kadagiti uppat a sulina, ket bimmaba iti ayanko.
\v 6 Kabayatan a kitkitaek a nasayaat daytoy, nakakitaak iti sumagmamano a naamo nga ayup ken sumagmamano met a naatap nga ayup, dagiti agkarkarayam nga ayup, ken dagiti atap a billit.

\s5
\v 7 Kalpasanna nangngegko ti Dios a bilbilinennak, 'Pedro, tumakderka, mangpartika ket kanem!'
\v 8 Ngem simmungbatak, 'Apo, awan duadua a saanmo a kayat nga aramidek dayta, gapu ta saanak pay a nangan iti aniaman a banag nga ibagbaga dagiti lintegmi a rumbeng a saanmi a kanen!'
\v 9 Nagsao ti Dios kaniak manipud langit iti maikadua a daras, 'Siak ti Dios, ngarud no inaramidko ti maysa a banag a mabalin a kanen, saan ngarud a rumbeng a kunaen a saan a mabalin.'
\v 10 Daytoy a banag ket napasamak iti namindua pay a daras, ket kalpasanna naipangato manen idiay langit ti ules ken dagiti amin nga ayup ken dagiti billit.

\s5
\v 11 Iti dayta a kanito, simangpet ti tallo a lallaki a naibaon manipud Cesaria iti balay a pagnanaedak.
\v 12 Imbaga kaniak ti Espiritu ti Dios a saan a rumbeng nga agduaduaak a sumurot kadakuada uray no isuda ket saan a Judio. Innem a namati a Judio met ti kimmuyog kaniak a napan idiay Cesaria, ket napan kami iti balay ti maysa a saan a Judio a lalaki.
\v 13 Imbagana kadakami a nakakita isuna iti anghel nga agtaktakder iti balayna. Imbaga ti anghel kenkuana, 'Ibagam iti sumagmamano a lallaki a mapanda idiay Joppa ken iyegda ditoy ni Simon nga agnagan iti Pedro.
\v 14 Ibagananto kenka no kasano a maisalakanka ken tunggal maysa iti balaymo.'

\s5
\v 15 Iti panangrugik nga agsao, dagus a bimmaba ti Espiritu Santo kadakuada, a kas iti immuna nga iyaayna kadatayo kabayatan iti fiesta ti Pentecostes.
\v 16 Ket nalagipko ti imbaga ti Apo: 'Binautisarannakayo ni Juan iti danum, ngem bautisarannakayonto ti Dios iti Espiritu Santo.'

\s5
\v 17 Inted ti Dios kadagidiay a saan a Judio ti isu met laeng nga Espiritu Santo nga intedna kadatayo kalpasan a namatitayo kenni Apo Jesu-Cristo. Saanko ngarud a mabalin nga ibaga iti Dios a nakaaramid isuna iti biddut iti panangtedna kadakuada iti Espiritu Santo!"
\v 18 Kalpasan a nangngegan dagidiay Judio a namati ti kinuna ni Pedro, nagsardengda a nangdillaw kenkuana. Ngem ketdi, dinayawda ti Dios, a kinunkunada, "Nalawag ngarud kadakami nga inawat met ti Dios dagiti saan a Judio tapno maaddaanda iti agnanayon a biag no tallikudanda dagiti dakes a kababalinda."

\s5
\v 19 Kalpasan a natay ni Esteban, adu kadagiti namati ti pimmanaw idiay Jerusalem ket napanda kadagiti dadduma a lugar gapu ta nagsagsagabada idiay Jerusalem. Dadduma kadakuada ti napan idiay Fenicia, dadduma ket napan iti Isla ti Cyprus, ken dadduma ket napan idiay Antiokia, maysa a siudad iti Syria. Kadagidiay a luglugar intultuloyda nga imbagbaga kadagiti tattao ti mensahe a maipanggep kenni Jesus, ngem kadagiti laeng dadduma a Judio ti nangibagaanda.
\v 20 Dadduma kadagiti namati ket lallaki a naggapu iti Isla ti Cyprus ken iti siudad a Cirene iti amianan ti Africa. Napanda idiay Antiokia ken imbagbagada met kadagiti saan a Judio ti maipanggep kenni Apo Jesus.
\v 21 Pinabileg ti Apo a Dios dagidiay a namati tapno agballigida iti panagkasabada. Kas nagbanaganna, nakaad-adu a saan a Judio ti namati iti mensaheda ken nagtalek iti Apo.

\s5
\v 22 Nangngeg ti bunggoy dagiti namati idiay Jerusalem ti ibagbaga dagiti tattao nga adu ti tattao idiay Antiokia a namati kenni Jesus. Isu nga imbaon dagiti panguloen dagiti namati idiay Jerusalem ni Bernabe idiay Antiokia.
\v 23 Idi nakadanun isuna sadiay, naamirisna a naimbag ti Dios kadagiti namati. Isu a naragsakan unay isuna, ken pinabpabilegna dagiti amin a namati nga itultuloyda ti agtalek a naan-anay kenni Apo Jesus.
\v 24 Nasayaat ti kababalin ni Bernabe, idaldalan isuna ti Espiritu Santo ken naan-anay ti panagtalekna iti Dios. Gapu iti inaramid ni Barnabas, adu a tattao sadiay ti namati kenni Apo Jesus.

\s5
\v 25 Kalpasanna, napan ni Bernabe idiay Tarso, maysa a siudad iti Cicilia, a mangbiruk kenni Saulo.
\v 26 Kalpasan a nabirukanna, inkuyog isuna ni Bernabe pasubli idiay Antiokia tapno tumulong a mangisuro kadagiti namati. Isu nga iti las-ud ti makatawen, kanayon a nakium-ummong da Bernabe ken Saulo kadagiti namati sadiay ket dakkel a bilang ti tattao ti sinuroanda maipanggep kenni Jesus. Idiay Antiokia ti kaunaan a naawagan dagiti adalan iti Kristiano.

\s5
\v 27 Kabayatan iti kaadda da Bernabe ken Saulo idiay Antiokia, sumagmamano a namati a profeta ti simmangpet sadiay manipud Jerusalem.
\v 28 Maysa kadakuada, nga agnagan iti Agabo, ket timmakder tapno agsao. Inikkan isuna ti Espiritu Santo iti kabaelan nga agipadto nga iti mabiit ket addanto panagbisin kadagiti adu a pagilian. (Daytoy a panagbisin ket napasamak idi ni Claudio ti emperador idiay Roma.)

\s5
\v 29 Idi nangngeg dagiti namati sadiay ti imbaga ni Agabo, inkeddengda a mangipatulodda iti kuarta tapno makatulongda kadagiti namati nga agnanaed idiay Judea. Tunggal maysa kadakuada ket inkeddengda a mangted iti kuarta segun iti kabaelanda nga ited.
\v 30 Impaw-itda ti kuarta kenni Bernabe ken Saulo tapno itedda kadagiti mangidadaulo kadagiti namati idiay Jerusalem.

\s5
\c 12
\p
\v 1 Kadagidiay met laeng a tiempo, nangibaon ni Herodes Agrippa kadagiti soldado a mangtiliw kadagiti mangidadaulo ti bunggoy dagiti namati idiay Jerusalem. Ket imbalud ida dagiti soldado iti pagbaludan. Inaramidna dayta gapu ta kayatna nga agsagaba dagiti namati.
\v 2 Imbilinna iti maysa a soldado a putdenna ti ulo ni apostol Santiago, ti in-inauna a kabsat ni apostol Juan. Ket inaramid ngarud ti soldado dayta.

\s5
\v 3 Idi nakita ni Herodes a naay-ayona dagiti mangidadaulo a Judio, binilinna dagiti soldado a tiliwenda met ni Pedro. Napasamak daytoy iti fiesta a mangan dagiti Judio iti tinapay nga awan lebadurana.
\v 4 Kalpasan a tiniliwda ni Pedro, impupokda isuna iti pagbaludan. Binilinda ti uppat a bunggoy dagiti soldado a mangbantay kenni Pedro. Tunggal bunggoy ket bukbuklen ti uppat a soldado. Kayat ni Herodes nga irruar ni Pedro iti pagbaludan ken ukomenna iti sangoanan dagiti Judio kalpasan ti Fiesta ti Ilalabas. Pinanggepna ngarud a papatayen ni Pedro.

\s5
\v 5 Isu nga iti sumagmamano nga al-aldaw, nagtalinaed ni Pedro iti pagbaludan. Ngem dagiti dadduma a namati nga adda iti bunggoyda idiay Jerusalem ket sipapasnekda a nagkarkararag iti Dios a tulonganna ni Pedro.
\v 6 Iti rabii sakbay iti pinanggep ni Herodes a panangiruarna kenni Pedro manipud iti pagbaludan tapno ipapatayna isuna iti sangoanan dagiti tattao, matmaturog ni Pedro iti pagbaludan iti nagbaetan ti dua a soldado nga addaan iti dua a kawar a naigalot kenkuana. Dua pay a sabali a soldado ti mangbanbantay kadagiti ridaw ti pagbaludan.

\s5
\v 7 Kellaat nga adda anghel manipud iti Apo a Dios a nagtakder iti abay ni Pedro, ket adda lawag a nangraniag iti seldana. Kinulding ti anghel ti sikigan ni Pedro ket riniingna isuna a kinunana, "Bumangonka a dagus!" Kabayatan a bumangbangon ni Pedro, natinnag dagiti kawar manipud kadagiti pungua-punguanna. Nupay kasta, saan nga ammo dagiti soldado ti mapaspasamak.
\v 8 Kalpasanna, kinuna ti anghel kenkuana, "Igalotmo iti barikesmo ken isuotmo dagiti sandaliasmo!" Inaramid ngarud ni Pedro dayta. Kalpasan ket kinuna ti anghel kenkuana, "Ibalabalmo dayta kagaymo ket surotennak!"

\s5
\v 9 Isu nga inkawes ni Pedro ti kagayna ken ti sandaliasna ket sinurotna ti anghel a rummuar iti selda ti pagbaludan, ngem awan iti kapanunotanna nga amin daytoy ket pudno a mapaspasamak. Impagarupna nga agtagtagainep isuna.
\v 10 Nagna ni Pedro ken ti anghel iti abay dagiti soldado nga agbanbantay kadagiti dua a ridaw, ngem saan ida a nakita dagiti soldado. Kalpasan ket dimtengda iti landok a ruangan nga agturong iti siudad. Naglukat lattan ti ruangan, ket rimmuar ni Pedro ken ti anghel. Ket iti maysa a dalan, kalpasan nga immadayo da bassit, kellaat a nagpukaw ti anghel.

\s5
\v 11 Ket kamaudiananna, naamiris ni Pedro a ti napasamak kenkuana ket saan a sirmata, ngem dayta ket pudno a napasamak. Isu a kinunana iti panunotna, "Ita, pudno nga ammok a ni Apo Dios ket nangibaon iti anghel a mangtulong kaniak. Insalakannak manipud iti pinanggep ni Herodes nga aramiden kaniak ken manipud met kadagiti amin a banbanag a namnamaen dagiti mangidadaulo a Judio a mapasamak."
\v 12 Idi naamiris ni Pedro nga insalakan isuna ti Dios, napan isuna iti balay ni Maria. Isuna ti ina ni Juan a managan met laeng iti Marcos. Adu a namati ti naummong sadiay, ket ikarkararagda a tulungan koma ti Dios ni Pedro.

\s5
\v 13 13Idi nagtuktok ni Pedro iti akin ruar a pagserkan, immay ti maysa nga adipen a babai nga agnagan Rhoda tapno ammoenna no siasino ti adda iti ruar ti ridaw.
\v 14 14Idi simmungbat ni Pedro kenkuana, nabigbigna ti timekna, ngem kasta unay ti ragsak ken gagarna isu a saanna a linukatan ti ruangan! Ngem ketdi, timmaray isuna a nagsubli iti balay. Impakaammona kadagiti dadduma a namati nga agtaktakder ni Pedro iti ruar ti ridaw.
\v 15 15Ngem maysa kadakuada ti nagkuna kenkuana, "Agmauyongka!" Ngem intuloyna nga imbaga a pudno ti imbagana. Impapilitda met a kunada, "Saan, saan a mabalin a ni Pedro. Nalabit nga anghelna dayta."

\s5
\v 16 Ngem intuloy ni Pedro ti nagtuktuktok iti ridaw. Isu nga idi addan iti nangilukat iti ruangan, nakitada a ni Pedro ti adda sadiay, ket kasta unay ti panagsiddaawda!
\v 17 Insenyas ni Pedro ti imana tapno agulimekda. Ket imbagana kadakuada no kasano nga inruar isuna ti Apo iti pagbaludan. Kinunana pay, "Ibagayo kenni Santiago, ti pangulo iti bunggoy tayo, ken kadagiti pada tayo a namati ti napasamak." Kalpasanna, pimmanaw ni Pedro ket napan iti sabali a lugar.

\s5
\v 18 Iti kabigatanna, nakaro ti pannakaupay dagiti soldado nga agbanbantay kenni Pedro gapu ta saanda nga ammo no ania ti napasamak kenkuana.
\v 19 Kalpasanna, nangngegan ni Herodes ti maipanggep iti daytoy. Isu a nangbilin kadagiti soldado a mangbiruk kenni Pedro, ngem saanda a nabirukan isuna. Kalpasanna, pinalutpotna dagiti soldado a nangbanbantay kenni Pedro, ken imbilinna a maipanawda a mapapatay. Kalpasanna, napan ni Herodes idiay Cesarea manipud iti probinsia ti Judea, a nagtalinaedanna iti sumagmamano a tiempo.

\s5
\v 20 Kasta la unay ti unget ni ari Herodes kadagiti tattao nga agnanaed iti siudad ti Tiro ken Sidon. Ket iti maysa nga aldaw, sumagmamano kadagiti lallaki a mangibagi kadakuada ti napan a sangsangkamaysa idiay siudad ti Cesarea tapno makisaritada kenni Herodes. Inallukoyda ni Blasto, a maysa kadagiti napateg nga opisial ni Herodes nga ibagana kenni Herodes a kayat dagiti tattao kadagiti siudadda a makikapia kenkuana. Kayatda ti makapaglako ken makagatang kadagiti tattao nga iturturayan ni Herodes, gapu ta kasapulanda ti gumatang iti makan manipud kadagidiay a rehion.
\v 21 Iti aldaw a pinanggep ni Herodes a panangsango kadakuada, nagkawes isuna iti nangina launay a pagan-anay a mangipakita nga isuna ket ari. Ket nagtugaw isuna iti tronona ken nagsao kadagiti amin a tattao a naummong sadiay.

\s5
\v 22 Inulit-ulit nga impukkaw dagidiay agdengdengngeg kenkuana iti, "Daytoy a tao nga agsasao ket maysa a dios, saan a tao!"
\v 23 Isu a gapu ta pinalubusan ni Herodes nga isu ti dayawen dagiti tattao a saan ketdin a ti Dios, dagus a pinagsakit ti anghel a naggapu iti Apo a Dios ni Herodes iti nakaro a sakit. Adu nga igges ti nangkaan kadagiti bagisna ket nagsagaba iti kasta unay nga ut-ot, ken iti mabiit ket natay.

\s5
\v 24 Intuloy dagiti namati ti nangibagbaga iti mensahe ti Dios kadagiti tattao iti adu a luglugar, ket nagtultuloy a nanayunan ti bilang dagiti namati kenni Jesus.
\v 25 Idi naituloden da Bernabe ken Saulo ti kuarta a makatulong kadagiti namati a Judio idiay probinsia ti Judea, pimmanawda idiay Jerusalem ket nagsublida idiay siudad ti Antiokia, iti probinsia ti Syria. Inkuyogda ni Juan, nga agnagan metlaeng iti Marcos.

\s5
\c 13
\p
\v 1 Iti bunggoy dagiti namati idiay Antiokia iti probinsia ti Syria, adda sumagmamano a profeta ken dagiti agisursuro iti maipanggep kenni Jesus kadagiti tattao. Isuda da Bernabe; ni Simeon, a maaw-awagan met iti Negro; ni Lucio, a naggapo idiay Cirene; ni Manaen, a dimmakkel a kadua ni Herodes Antipas; ken ni Saulo.
\v 2 Kabayatan nga agdaydayawda iti Apo ken agay-ayunarda, kinuna ti Espiritu Santo kadakuada, "Pilienyo ni Bernabe ken ni Saulo nga agserbi kaniak ken mapan mangaramid iti trabaho nga intudingko nga aramidenda!"
\v 3 Isu nga intultuloyda a nagayunar ken nagkarkararag. Kalpasanna, impatayda dagiti imada kada Bernabe ken Saulo ket nagkararagda a tulungan ida ti Dios. Ket imbaonda ida a mapan mangaramid iti imbilin ti Espiritu Santo kadakuada.

\s5
\v 4 Binilin ti Espiritu Santo da Bernabe ken Saulo no sadinno ti papananda. Isu a manipud Antiokia, naglayagda a napan idiay siudad ti Seleucia. Manipud sadiay, nagbarkoda a napan iti siudad ti Salamina a paset ti Isla ti Cyprus.
\v 5 Kabayatan ti kaaddada idiay Salamina, napanda kadagiti pagtitipunan a luglugar dagiti Judio. Sadiay, inwaragawagda ti mensahe ti Dios maipanggep kenni Jesus. Kimmuyog met ni Juan Marcos kadakuada ket tinultulunganna ida.

\s5
\v 6 Nagdaldaliasatda a tallo iti entero nga isla agingga iti siudad ti Pafo. Sadiay, adda nasarakanda a maysa a salamangkero nga agnagan iti Bar Jesus. Maysa isuna a Judio, ket ibagbagana nga isuna ket profeta ngem ti pudno ket saan met.
\v 7 Nakadkadduana idi ti gobernador ti isla a ni Sergio Paulo a maysa a nalaing a lalaki. Nangibaon ti gobernador iti maysa a tao a nangibaga kada Bernabe ken Saulo a mapanda kenkuana gapu ta kayatna a mangngeg ti sao ti Dios.
\v 8 Daydiay laeng ta ti salamangkero nga agnagan Elimas iti pagsasao a Griego, pinadasna a lappedan isuna. Namin-ano a pinadasna nga allukoyen a saan a mamati kenni Jesus ti gobernador.

\s5
\v 9 Ket ni Saulo, a maawaganen ita iti Pablo, a pinabileg ti Espiritu Santo, pinerrengna ti salamangkero ket kinunana,
\v 10 "Pagserserbiam ti diablo, ket padpadasem a pasardengen ti amin a banag a nasayaat! Kankanayonka nga agul-ulbod kadagiti tattao ken agar-aramid iti naduma-duma a kinadakes a banbanag kadakuada. Masapul nga isardengmon nga ibaga a ti kinapudno maipanggep kenni Apo Dios ket palso!

\s5
\v 11 Ita metlaeng, dusaennaka ni Apo Dios! Agbalinka a bulsek ket saanmonto a mabaelan a makita ti init iti mabayag." Dagdagus a nagbulsek isuna, a kasla adda isuna iti nasipnget nga angep, ket nagar-arikap, a nagsapsapol iti mangkibin ken mangiturong kenkuana.
\v 12 Idi nakita ti gobernador ti napasamak kenni Elimas, namati isuna kenni Jesus. Nagsidsiddaaw isuna kadagiti insursuro da Pablo ken Bernabe maipanggep kenni Apo Jesus.

\s5
\v 13 Kalpasan dayta, naglayag da Pablo ken dagiti lallaki a kaduana manipud Pafo agingga idiay siudad ti Perga a paset ti probinsia ti Pamfilia. Idiay Perga, imbati ida ni Juan Marcos ket nagsubli iti pagtaenganna idiay Jerusalem.
\v 14 Ket nagdalyasat da Pablo ken Bernabe manipud Perga ket nakadanonda idiay siudad ti Antiokia iti distrito iti Pisidia a paset ti probinsia ti Galacia. Iti Aldaw a Panaginana, simrekda iti sinagoga ket nagtugawda.
\v 15 Adda nagbasa iti napigsa manipud iti insurat ni Moises kadagiti libro iti linteg. Simmaruno, adda nagbasa manipud iti insurat dagiti profeta. Kalpasanna, pinaibaga dagiti mangidadaulo iti lugar a pagtitipunan dagiti Judio ti maysa a mensahe kada Pablo ken Bernabe: "Kakadua a Judio, no maysa kadakayo ket kayatna ti agsarita kadagiti tattao ditoy tapno papigsaen isuda, agsao kayo koma itan kadakami."

\s5
\v 16 Isu a timmakder ni Pablo ken insenyasna babaen kadagiti imana tapno agdengngeg dagiti tattao kenkuana. Ket kinunana, "Kakadua nga Israelita ken kadakayo a saan a Judio nga agdaydayaw met iti Dios, dumngeg kayo koma kaniak!
\v 17 Ti Dios a daydayawentayo, datayo nga Israelita, pinilina dagiti kapuonantayo nga agbalin a tattaona, ken pinaaduna ida iti kasta unay kabayatan a gangannaetda nga aggigian idiay Egipto. Ket nangaramid ti Dios iti agkakabileg a banbanag tapno ispalenna ida manipud iti pannakaadipen.
\v 18 Uray pay namin-anoda a nagsukir kenkuana, inan-anusanna ida iti las-ud ti uppat a pulo a tawen bayat iti kaaddada idiay let-ang.

\s5
\v 19 Inikkanna dagiti Israelita iti kabaelan a mangparmek kadagiti pito a bunggoy dagiti tattao a nagnanaed idi iti rehion ti Canaan, ken intedna dagiti dagada kadagiti Israelita a tagikuaenda iti agnanayon.
\v 20 Napasamak amin dagitoy a banbanag kalpasan ti agarup 450 a tawtawen a kaadda dagiti kapuonanda idiay Egipto." "Kalpasan dayta, nangpili ti Dios iti tattao nga agserbi kas ukom ken kas mangidadaulo a mangituray kadagiti Israelita. Intultuloy dagidiay a mangidadaulo nga iturayan dagiti tattao tayo, ket ni profeta Samuel ti kauudian nga ukom a nangituray kadakuada.

\s5
\v 21 Ket, kabayatan a ni Samuel pay laeng ti mangidadaulo kadakuada, dinawat dagiti tattao a mangpili isuna iti ari a mangituray kadakuada. Isu a pinili ti Dios ni Saulo, nga anak a lalaki ni Kis, manipud iti tribu ni Benjamin, nga agbalin nga arida. Inturayanna ida iti uppat a pulo a tawtawen.
\v 22 Kalpasan nga inlaksid ti Dios ni Saulo manipud iti kinaarina, pinilina ni David nga agbalin nga arida. Kinuna iti Dios maipanggep kenkuana, 'Nakitak a ni David, nga anak a lalaki ni Jesse, ket ti kita iti lalaki nga agtarigagay iti tarigagayak. Aramidennanto amin a kayatko nga aramidenna.'"

\s5
\v 23 Manipud kadagiti kaputotan ni David, inyeg ti Dios kadatayo a tattao nga Israelita, ti maysa kadakuada, ni Jesus, tapno isalakannatayo, kas inkarina kenni David ken kadagiti dadduma a kapuunantayo nga aramidenna.
\v 24 Sakbay nga inrugi ni Jesus ti trabahona, nagkasaba ni Juan a Mammuniag kadagiti amin a pada tayo nga Israelita nga immay kenkuana. Imbagana kadakuada a masapul a tallikudanda dagiti dakes a kababalinda ken dawatenda iti Dios a pakawanenna ida. Kalpasan ket bautisaranna ida.
\v 25 Idi ngannganin a malpas ni Juan ti trabaho nga inted kenkuana ti Dios nga aramidenna, kinunana, 'Ipagarupyo kadi a siak ti Mesias nga inkari ti Dios nga ibaonna? Saan, saan a siak. Ngem dumngeg kayo! Umayto ti Mesias iti mabiit. Isuna ket natantan-ok nga adayo ngem siak ket saanak a maikari uray ti mangikkat laeng koma iti sandalias kadagiti sakana.' "

\s5
\v 26 Kakadua nga Israelita, dakayo a kaputotan ni Abraham, ken dakayo a saan a Judio nga agdaydayaw met iti Dios, dumngegkayo koma kaniak! Datayo amin ti nangtedan ti Dios iti mensahe maipanggep iti panangisalakanna kadagiti tattao.
\v 27 Saan a naamiris dagiti tattao nga agnanaed idiay Jerusalem ken dagiti mangiturturay kadakuada a daytoy lalaki a ni Jesus ket isu ti imbaon ti Dios a mangisalakan kadakuada. Uray maibasbasa a napigsa dagiti mensahe manipud kadagiti profeta iti tunggal Aldaw a Panaginana, saanda a naawatan dagiti insurat dagiti profeta maipanggep iti Mesias. Isu nga impapatay dagiti mangidadaulo a Judio ni Jesus, a kas metlaeng iti impadto dagiti profeta.

\s5
\v 28 Adu a tattao ti nangpabasol kenni Jesus iti panangaramid iti dinadakes a banbanag, ngem uray pay saanda a mapaneknekan a nagaramid isuna iti aniaman a banag a rumbeng a pakatayanna, dinawatda ken ni Pilato a gobernador a pannakatay ti ipatawna a pannusa kenni Jesus.
\v 29 Inaramidda kenni Jesus ti amin a banbanag nga insurat dagiti profeta iti nabayagen a panawen nga aramidento dagiti tattao kenkuana. Pinatayda ni Jesus babaen iti pannakailansana iti krus. Kalpasanna, naibaba ti bagina manipud iti krus ken naitanem.

\s5
\v 30 Nupay kasta, pinagungar isuna iti Dios manipud iti patay.
\v 31 Iti adu nga al-aldaw, namin-adu a nagparang isuna kadagiti pasurotna a kinadkadduana manipud Galilea agingga idiay Jerusalem. Dagidiay nakakita kenkuana ket ibagbagada kadagiti tattao ti maipanggep kenkuana ita."

\s5
\v 32 Ita nga agdama, iwarwaragawagmi kadakayo daytoy a nasayaat a mensahe. Kayatmi nga ibaga kadakayo a tinungpal ti Dios ti inkarina kadagiti kapuunan tayo a Judio!
\v 33 Ita, inaramidna daytoy para kadatayo a kaputotanda, ken kasta met kadakayo a saan a Judio, babaen iti panangpagungarna kenni Jesus. Dayta ket kas iti insurat ni David iti maikaddua a Salmo, idi ibagbaga ti Dios ti maipanggep iti panangibaonna iti anakna, 'Sika ket anakko, ita nga aldaw, pagbalinenka nga anakko.'
\v 34 Pinagungar ti Dios ti Mesias manipud iti patay ken saananton nga itulok a matay manen isuna. Kinuna ti Dios kadagiti kapuonantayo a Judio, 'Awan duadua a tulungan kayo, kas inkarik kenni David nga aramidek.'

\s5
\v 35 Iti sabali a Salmo ni David, kinunana met maipanggep iti Mesias: 'Saanmonto nga ipalubos nga agrupsa ti bagi ti nasantoam.'
\v 36 Idi sibibiag ni David, inaramidna ti pagayatan ti Dios. Ket idi natayen, naitanem ti bagina, kas met kadagiti bagi dagiti kapuunanna a naitanenm, nagrupsa ti bagina. Isu a saanna a saritaen ti maipanggep iti bagina iti daytoy a Salmo.
\v 37 Ngem ni Jesus ket isu ti pinagungar ti Dios manipud iti patay, ken saan a nagrupsa ti bagina."

\s5
\v 38 Ngarud, kakaduak nga Israelita ken dadduma a gagayyem, napateg a maammoanyo a mapakawannakayo ti Dios kadagiti basbasolyo kas nagbanagan ti inaramid ni Jesus. Pakawanennakayo pay kadagiti banbanag a saan a mapakawan segun iti Linteg nga insurat ni Moises.
\v 39 Amin a tattao a namati kenni Jesus ket saanen a maibilang a nakabasol gapu kadagiti aniaman a banbanag nga inaramidda a saan a makaay-ayo iti Dios.

\s5
\v 40 Isu nga agannad kayo tapno saannakayo nga ukomen ti Dios, kas kinuna dagiti profeta nga aramidento ti Dios!
\v 41 Insurat dagiti profeta a kinuna ti Dios: Dakayo a nanguyaw kaniak, awan duadua nga agsiddaawkayonto inton makitayo ti aramidek, ken kalpasan ket madadaelkayonto. Agsiddaawkayonto gapu ta mangaramidakto iti maysa a banag a nakaam-amak kadakayo kabayatan a sibibiagkayo. Saankayonto a mamati nga aramidek dayta, uray no adda iti nangibaga kadakayo!'"

\s5
\v 42 Kalpasan a nagsao ni Pablo ken pumanawdan, adu kadagiti tattao nga adda idiay iti nangibaga kadakuada nga agsublida iti sumaruno nga Aldaw a Panaginana ket saritaenda manen dagitoy a banbanag kadakuada.
\v 43 Idi nalpasen ti panagtitipon, adu kadakuada iti nangrugi a sumurot kada Pablo ken Bernabe. Dagitoy a tattao ket Judio ken saan a Judio nga agpadpada nga agdaydayaw iti Dios. Nagtultuloy a nagsao da Pablo ken Bernabe kadakuada, ken inal-allukoyda ida nga agtultuloy nga agtalek iti Dios ken siaasi isuna a mangpakawan kadagiti basbasol dagiti tattao gapu iti naaramidan ni Jesus.

\s5
\v 44 Iti simmaruno nga Aldaw a Panaginana, kaadduan kadagiti tattao idiay Antiokia ti immay iti pagtitipunan a lugar dagiti Judio tapno dumngeg iti panagsao da Pablo ken Bernabe iti maipanggep kenni Apo Jesus.
\v 45 Ngem kasta unay ti apal dagiti mangidadaulo dagiti Judio idi makitada dagiti adu a tattao nga umay agdengngeg kada Pablo ken Bernabe. Isu a inrugida a salungasingen dagiti banbanag a sinarita ni Pablo ken kasta met a laisen isuna.

\s5
\v 46 Kalpasanna, situtured a nagsarita da Pablo ken Bernabe a kinunada kadagidiay mangidadaulo kadagiti Judio, "Masapul nga ibagami ti mensahe ti Dios maipanggep kenni Jesus nga umun-una kadakayo a Judio sakbay nga iwaragawagmi dagitoy kadagiti saan a Judio, gapu ta imbilin ti Dios nga aramiden mi dayta. Ngem umsienyo met ti mensahe ti Dios. Babaen iti panangaramidyo iti dayta, impakitayo a saankayo a maikari iti awan patinggana a biag. No kasta ngarud, panawan dakayo ket mapankami kadagiti saan a Judio tapno ibagami kadakuada ti mensahe manipud iti Dios.
\v 47 Ar-aramidenmi met daytoy gapu ta imbilin ti Dios Apo kadakami nga aramidenmi daytoy. Kinunana iti Nasantoan a Sursurat, 'Pinilikayo a mangiparangarang kadagiti banbanag maipanggep kaniak kadagiti saan a Judio nga agserbi a kas silaw kadakuada. Pinili kayo a mangibaga kadagiti tattao iti amin a lugar iti lubong ti mensahe a kayatko ida nga isalakan.'"

\s5
\v 48 Idi nangngegan dagiti saan a Judio dagidiay a sasao, nangrugida a nagragsak, ket nagdayawda iti Dios gapu iti mensahe maipanggep kenni Jesus. Amin dagiti saan a Judio a pinili ti Dios para iti awan patinggana a biag ket namati iti mensahe maipanggep kenni Apo Jesus.
\v 49 Iti dayta a tiempo, adu kadagiti namati ti nagdalyasat iti aglawlaw dayta a rehion, ket impakaammoda ti mensahe maipanggep kenni Apo Jesus iti sadinoman a napananda.

\s5
\v 50 Nupay kasta, nakitungtong ti sumagmamano a mangidadaulo dagiti Judio kadagiti dadduma a napapateg a babbai a kadduada nga agdaydayaw, kasta met dagiti kapapatgan a lallaki iti siudad. Inallukoyda ida a pasardengenda ni Pablo ken ni Bernabe. Isu nga indaulloan dagidiay a saan a Judio ti adu a tattao a bumusor kada Pablo ken Bernabe ket pinatalawda ida iti rehionda.
\v 51 Idi pumanawen dagiti dua nga apostol, pinagpagda dagiti tapok manipud kadagiti sakada kas panangipakita kadagidiay a mangidadaulo nga inlaksiden ida ti Dios ken dusaennanto ida. Kalpasan ket pimmanawda iti siudad ti Antiokia ket napanda idiay siudad ti Iconio.
\v 52 Kabayatanna, nagtultuloy met a naragsak dagiti namati ken napnoanda iti pannakabalin ti Espiritu Santo.

\s5
\c 14
\p
\v 1 Idiay, Iconio, napan da Pablo ken Bernabe kas kadawyan iti pagtitipunan a lugar dagiti Judio ket nagsao da a sibibileg maipanggep kenni Apo Jesus. Kas nagbanaganna, adu a Judio ken saan a Judio iti namati kenni Jesus.
\v 2 Ngem sumagmamano kadagiti Judio ti nagkedked a mamati iti dayta a mensahe. Imbagada kadagiti saan a Judio a saanda a patien daytoy; pinagpungtotda pay dagiti sumagmamano a saan a Judio a maibusor kadagiti namati sadiay.

\s5
\v 3 Isu a nagtalinaed iti nabayag a panawen sadiay da Pablo ken Bernabe ket situtured a nagsasao para ti Apo, ket inikkan ida ni Apo Jesus iti kabaelan a mangaramid iti adu a milagro. Iti daytoy a wagas, impakitana kadagiti tattao ti kinapudno ti mensahe nga uray pay saantayo a maikari iti daytoy, insalakannatayo ti Apo.
\v 4 Dagiti tattao nga agnanaed idiay Iconio ket addaan iti dua nga agduma a kapanunotan. Immanamong dagiti dadduma kadagiti Judio. Immanamong met dagiti dadduma kadagiti apostol.

\s5
\v 5 Kalpasanna, nagtutungtungan dagiti tattao a saan a Judio ken dagiti Judio a nangsuppiat kada Pablo ken Bernabe no kasanoda nga idadanes da Pablo ken Bernabe. Immanamong met ti sumagmamano kadagiti napapateg a lallaki iti siudad a tulunganda ida. Sangsangkamaysada iti pangngeddeng a papatayenda ni Pablo ken ni Bernabe babaen iti pananguborda kadakuada.
\v 6 Ngem naammoan da Pablo ken Bernabe ti panggepda, isu a dagusda a napan iti distrito ti Licaonia. Napanda kadagiti siudad iti Listra ken Derbe iti dayta a distrito ken kadagiti lugar iti aglawlaw dagitoy.
\v 7 Kabayatan iti kaaddada iti dayta a lugar, intultuloyda a nangibagbaga kadagiti tattao iti mensahe maipapan kenni Apo Jesus.

\s5
\v 8 Idiay Listra, adda maysa a lalaki nga agtugtugaw sadiay. Pilay isuna. Idi inyanak isuna ti inana, pilayen dagiti sakana isu a saanna a pulos a kabaelan iti magna.
\v 9 Nagdengdengngeg isuna kabayatan nga agsasao ni Pablo maipanggep kenni Apo Jesus. Pinerreng ni Pablo isuna ket nakitana iti rupa daytoy a lalaki a mamati isuna a kabaelan ni Apo Jesus a paimbagen isuna.
\v 10 Isu a babaen iti napigsa a timek, kinuna ni Pablo kenkuana, "Tumakderka!" Idi nangngegan ti lalaki dayta, dagus isuna a limmagto ken nangrugi a nagpagnapagna.

\s5
\v 11 Idi nakita dagiti adu a tattao ti inaramid ni Pablo, pinanunotda a da Pablo ken Bernabe ket dagiti didiosen a pagdaydayawanda. Isu a sigagagar a nagpukkawda iti bukodda a pagsasao a Licaonian, "Kitaenyo! Nagparang dagiti didiosen iti langa ti tao ket bimmabada manipud iti tangatang tapno tumulong kadatayo!"
\v 12 Inrugida nga imbaga a ni Bernabe ket mabalin nga isu ti panguloen a dios, nga agnagan iti Zeus. Ken inrugida nga imbaga a ni Pablo ket isu ni Hermes, nga agipadpadamag para kadigiti dadduma a didiosen. Napanunotda dayta gapu ta ni Pablo ti kanayon nga agsasao.
\v 13 Iti laeng ruar ti ruangan ti siudad, adda templo sadiay a pagdaydayawan dagiti tattao kenni Zeus. Nangngeg ti padi nga adda sadiay no ania iti inaramid da Pablo ken Bernabe, isu a napan isuna iti ruangan ti siudad, a nakaummongan dagiti adu a tattao. Kas panangdayaw kada Pablo ken Bernabe, nangiyeg isuna iti dua a bulog a baka nga adda sinan-kuwintas a sabsabong iti tengngedda. Kayat ti padi ken dagiti adu a tattao a partien dagiti bulog a baka kas paset ti seremonia a panangdayawda kada Pablo ken Bernabe.

\s5
\v 14 Ngem idi nangngegan dayta dagiti apostol a ni Bernabe ken ni Pablo, kasta unay ti pannakaupayda, isu a pinisangda dagiti bukodda a pagan-anay. Nagdardarasda a napan kadagiti tattao, ket impukkawda,
\v 15 "Lallaki, saanyo a patayen dagita a baka kas panangdayaw kadakami! Saan kami a dios! Dakami ket tao laeng a kas kadakayo! Immaykami a mangibaga kadakayo kadagiti naimbag a damag! Immay kami a mangibaga iti maipanggep iti Dios a mannakabalin amin. Kayatna nga isardengyo koman ti agdayaw kadagiti diosyo, gapu ta saandakayo a matulungan. Isuna ti pudpudno a Dios a nangaramid iti langit, iti daga, dagiti baybay, ken tunggal banag nga adda kadakuada.
\v 16 Kadagiti naglabas a tiempo, aminkayo a saan a Judio a tattao ket nagdayaw iti aniaman a dios a kayatyo a pagdaydayawan. Intulok ti Dios nga agdayawkayo kadakuada, gapu ta saanyo isuna nga am-ammo.

\s5
\v 17 Ngem impakitana kadatayo nga agtigtignay isuna a siimbag kadatayo. Isuna ti mangpatpatudo ken mangpadakkel kadagiti mula. Isuna ti mangmangted kadakayo iti nawadwad a taraon, ken mangpunpuno kadagiti puspusoyo iti rag-o."
\v 18 Nangngegan dagiti tattao ti imbaga ni Pablo, ngem panpanunotenda latta a masapul nga idatonda dagiti bulog a baka kas panagdayawda kada Pablo ken Bernabe. Ngem iti kamaudiananna, inkeddeng dagiti tattao a saanda nga aramiden daytoy.

\s5
\v 19 19Nupay kasta, adda sumagmamano a Judio nga immay manipud Antiokia ken Iconio ket inalllukoyda ti adu a tattao idiay Listra nga iti mensahe ni Pablo nga ibagbagana kadakuada ket saan a pudno. Dagiti tattao a namati kadagiti imbaga dagiti Judio ket nakaunget kenni Pablo. Pinalubusanda dagiti Judio nga uborenda isuna aginggana a natumba a naawanan iti puot. Impagarupda amin a natay isunan, isu nga ingguyodda isuna nga impan iti ruar ti siudad ken pinanawanda a nakadasay sadiay.
\v 20 20Ngem sumagmamano kadagiti namati idiay Listra ti immay ken inaribungbunganda ni Pablo iti nakaidasayanna. Ket nagsubli ti puot ni Pablo! Timmakder isuna ket nagsubli idiay siudad a kaduana dagiti namati. Iti simmaruno nga aldaw, pimmanaw da Pablo ken Bernabe idiay siudad ti Listra ket nagdaliasatda a napan idiay siyudad ti Derbe.

\s5
\v 21 21Nagtalinaedda sadiay iti sumagmamano nga al-aldaw, ket imbagbagada kadagiti tattao ti naimbag a damag maipanggep kenni Jesus. Adu kadagiti tattao iti namati. Kalpasan dayta, nagsubli ni Pablo ken ni Bernabe idiay Listra. Ket manipud sadiay, napanda idiay Iconio. Kalpasanna, napanda iti siudad ti Antiokia iti probinsia ti Pisidia.
\v 22 22Iti tunggal lugar, inallukoyda dagiti namati nga itultuloyda ti agtalek kenni Apo Jesus. Imbagada kadagiti namati, "Masapul nga aglak-amtayo iti adu a kinarigat sakbay nga iturayannatayo ti Dios iti agnanayon.

\s5
\v 23 Nangpili da Pablo ken Bernabe iti mangidaulo iti tunggal gimong. Sakbay a pumanaw ni Pablo ken ni Bernabe iti tunggal lugar, ummongenda pay dagiti namati ken inusarda ti orasda a nagkarkararag ken nagay-ayunar. Kalpasanna, intalek da Pablo ken Bernabe dagiti mangidadaulo ken dagiti dadduma a namati kenni Apo Jesus, nga isu iti pinatida, tapno isu iti mangaywan kadakuada.
\v 24 Kalpasan a nagdaliasat da Pablo ken Bernabe iti distrito ti Pisidia, nagpaabagatanda iti distrito ti Pampfilia.
\v 25 Iti dayta a distrito, simmangpetda iti ili ti Perga ket inkasabada ti mensahe ti Dios maipanggep kenni Apo Jesus kadagiti tattao sadiay. Kalpasanna, simmalogda a napan iti igid ti baybay iti ili ti Atalia.
\v 26 Sadiay, limmuganda iti barko ket nagsublida iti siudad ti Antiokia iti probinsia ti Syria. Dayta ti lugar a nakapilian da Pablo ken Bernabe a mapan iti nadumaduma a lugar ken mangasaba, ken sadiay a dinawat dagiti namati a tulungan ti Dios da Pablo ken Bernabe iti trabaho nga ita ket nalpasdan.

\s5
\v 27 Idi nakasangpetdan iti siudad ti Antiokia, inummongda dagiti namati. Ket imbaga da Pablo ken Bernabe amin nga inaramidda babaen iti tulong ti Dios. Kangrunaanna, imbagada no kasano nga inikkan ti Dios iti kabaelan dagiti saan a Judio a mamati kenni Jesus.
\v 28 Ket nagtalinaed da Pablo ken Bernabe idiay Antiokia a kaduada dagiti dadduma a namati, iti nabayag a tiempo.

\s5
\c 15
\p
\v 1 Kalpasanna, bimmaba dagiti sumagmamano a namati a Judio manipud idiay probinsia iti Judea ket napanda idiay Antiokia. Inrugida nga insuro dagiti namati a saan a Judio sadiay, ibagbagada, "Masapul a makugit kayo tapno maipakita a naibilang kayo iti Dios, kas panangibilin ni Moises kadagiti linlinteg a naawatna manipud iti Dios. No saanyo nga aramiden dayta, saankayo a maisalakan."
\v 2 Sititibker a saan nga immanamong da Pablo ken Bernabe kadagidiay a Judio ken inrugida iti nakisinnuppiat kadakuada. Isu a dinutukan dagiti namati idiay Antiokia da Pablo ken ni Bernabe ken sumagmamano kadagiti dadduma a namati, a mapan idiay Jerusalem, tapno mabalin a pagtutungtunganda daytoy a banag a kaduada dagiti apostol ken dadduma a mangidadulo.

\s5
\v 3 Idi naparubwaten dagiti namati idiay Antiokia da Pablo, Bernabe ken dagiti dadduma a namati sadiay, napanda kadagiti probinsia ti Fenicia ken Samaria. Iti panagsardengda kadagiti nadumaduma a luglugar iti dalan, impakaammoda kadagiti namati nga adu a saan a Judio ti namati. Kas nagbanaganna, naragsakan iti kasta unay dagiti amin a namati kadagidiay a luglugar.
\v 4 Idi simmangpet da Pablo, Bernabe, ken dagiti dadduma idiay Jerusalem, pinasangbay ida dagiti apostol, dagiti dadduma a panglakayen, ken dagiti dadduma a kameng ti bunggoy dagiti namati sadiay. Kalpasanna, impadamag da Pablo ken Bernabe dagiti banbanag a naaramidda iti imatang dagiti saan a Judio babaen iti inted ti Dios a kabaelanda.

\s5
\v 5 Ngem sumagmano kadagiti Judio a namati a naibilang iti sekta dagiti Pariseo ti timmakder manipud kadagiti dadduma a namati ken kinunada kadakuada, "Masapul a makugit dagiti saan a Judio a namati kenni Jesus, ken masapul a maibaga kadakuada a tungpalenda dagiti linteg nga inted ti Dios kenni Moises."
\v 6 Kalpasanna, naummong dagiti apostol ken dagiti panglakayen tapno pagtutungtunganda daytoy a banag.

\s5
\v 7 Kalpasan a nagtutungtunganda daytoy iti atiddug nga oras, nagtakder ni Pedro ket nagsao kadakuada. Kinunana, "Kakaduak a namati, ammoyo amin nga idi un-unana pay laeng, pinilinakon ti Dios manipud kadakayo a dadduma nga apostol, tapno iti kasta ket mabalinko nga ibaga kadagiti tattao a saan a Judio ti maipapan iti ayat ti Dios, ken tapno mabalin a mamatida kenkuana.
\v 8 Ammo ti Dios dagiti puspuso dagiti amin a tattao. Impakitana kaniak ken iti dadduma nga inawatna dagiti saan a Judio nga agbalin a tattaona, babaen iti panangtedna iti Espiritu Santo kadakuada, a kas met laeng iti inaramidna kadatayo.
\v 9 Awan ti idumduma ti Dios kadatayo ken kadagiti saan a Judio, gapu ta inaramidna ida a nadalus iti uneg kas nagbanagan laeng iti panamatida kenni Apo Jesus. Dayta ti apag-isu nga inaramidna kas panangpakawanna kadatayo.

\s5
\v 10 Apay a kayatyo a piliten dagiti saan a Judio a namati nga agtungpal kadagiti seremoniatayo a Judio ken kadagiti linlinteg? Ti panangaramid iti dayta ket kasla panangikabil iti nadagsen nga awit kadakuada, gapu ta pilitenna ida nga agtungpal kadagiti linlinteg, nga uray pay dagiti kapuunantayo wenno datayo a Judio ita ket saan tayo a nabaelan a tinungpal! Ngarud, isardengyon ti mangpagapu iti panagunget ti Dios gapu iti panangaramid iti dayta!
\v 11 Ammotayo a datayo a Judio ket isalakan ti Dios manipud kadagiti basoltayo gapu iti inaramid ni Apo Jesus para kadatayo. Isalakannatayo ti Dios, datayo a Judio, kas met laeng iti panangisalakanna kadagidiay saan a Judio a mamati kenni Apo Jesus.

\s5
\v 12 Nagulimek amin dagiti tattao sadiay kalpasan a nagsao ni Pedro. Kalpasan ket nagdengngegda amin kada Bernabe ken Pablo, kabayatan nga ibagbaga dagitoy a dua ti maipapan kadagiti adu a naindaklan a milagro nga inaramidda babaen iti panangted ti Dios kadakuada iti kabaelan a mangaramid kadagitoy kadagiti saan a Judio; adu a milagro a mangipakita nga inawat ti Dios dagiti saan a Judio.

\s5
\v 13 13Idi nalpas a nagsao da Bernabe ken Pablo, ni Santiago a mangidadaulo iti bunggoy dagiti namati idiay Jerusalem, ket nagsao kadakuada. Kinunana, "Kakaduak a namati, dumngeg kayo kaniak.
\v 14 14Imbaga ni Simon Pedro kadakayo no kasano iti panangparabur ti Dios kadagiti saan a Judio. Inaramid dayta ti Dios babaen iti panangpilina manipud kadakuada kadagiti tattao nga agbalin a kukuana.

\s5
\v 15 15Dagiti sasao nga insao ti Dios idi, sasao nga insurat ti maysa kadagiti profeta, ket umanamong iti dayta:
\v 16 16Iti masakbayan, agsubliakto ken mangpiliakto iti ari manipud iti kaputotan ni David. Kaslanto daytoy iti agipatpatakder manen iti balay kalpasan a narba daytoy.
\v 17 17Aramidekto daytoy tapno iti kasta ket amin a tattao ket mabalin a padasenda ti mangam-ammo kaniak, nga Apo a Dios. Pakairamananto daytoy dagiti saan nga Israelita, nga inawagak nga agbalin a tattaok. Makasiguradokayo a mapasamakto daytoy, gapu ta siak nga Apo a Dios ti nangisao kadagitoy a
\v 18 sasao.18Inaramidko dagitoy, ken impakaammok dagitoy kadagiti tattaok idi pay laeng un-unana a panawen.

\s5
\v 19 Intuloy ni Santiago iti nagsarita. Kinunana, “Isu nga iti panagkunak ket nasken nga isardengtayon a burburiburen dagiti tattao a saan a Judio, a mangtaltallikuden kadagiti basbasolda ken umas-asidegen iti Dios. Dayta ket nasken nga isardengtayon a manmandaran ida a tungpalenda amin a linlintegtayo ken dagiti adu a seremoniatayo.
\v 20 Ngem ketdi, nasken nga agsurat tayo kadakuada, ket uppat laeng a banag ti dawatentayo: Masapul a saanda a mangan iti karne nga indaton dagiti tattao kadagiti didiosen, masapul a saanda a makikaidda iti siasinoman a saanda nga asawa, masapul a saanda a mangan iti karne ti ayup a natay gapu iti pannakabekkel, ken masapul a saanda a kanen ti dara dagiti ayup.
\v 21 Iti adu a siudad, nabayagen a panawen nga iwarwaragawag dagiti tattao dagiti linlinteg nga insurat ni Moises, linlinteg a mangiparparit kadagidiay a banbanag. Ken kada Aldaw ti Panaginana, maibasbasa dagidiay a linlinteg kadagiti pagsasarakan a lugar dagiti Judio. Isu a no kayat pay a maammoan dagiti saan a Judio ti maipapan kadagidiay a linlinteg, mabalinda a maammoan daytoy kadagiti pagsasarakantayo a babbalay."

\s5
\v 22 Inawat dagiti apostol ken dagiti dadduma a panglakayen, kaduada dagiti amin a dadduma pay a namati idiay Jerusalem, ti imbaga ni Santiago. Kalpasanna, nangngeddengda a masapul a mangpilida kadagiti lallaki kadakuada met laeng, ken ibaonda ida a kadua da Pablo ken Bernabe idiay Antiokia tapno maipakaammo kadagiti namati sadiay no ania iti nagnunummoan dagiti mangidadaulo idiay Jerusalem. Pinilida ngarud ni Judas, nga agnagan met laeng iti Barsabas, ken ni Silas. Dagitoy ket agpada a mangidadaulo kadagiti namati idiay Jerusalem.
\v 23 Kalpasanna ket insuratda ti sumaganad a surat ket kiniddawda kada Judas ken Silas nga itulodda daytoy kadagiti namati idiay Antiokia. "Dakami nga apostol ken mangidadaulo a padayo a namati ket kablaawandakayo kas isursuratmi daytoy kadakayo a saan a Judio a namati nga agnanaed dita Antiokia ken kadagiti sabali pay a luglugar kadagiti probinsia ti Siria ken Cilicia.

\s5
\v 24 Imbaga dagiti tattao kadakami nga adda sumagmamano a lallaki manipud kadakami a napan kadakayo, numan pay saanmi ida nga imbaon kadakayo. Nangngeganmi a binuribor dakayo gapu kadagiti banbanag nga imbagada a nakatikawanyo.
\v 25 Isu a kalpasan iti panagsasarakmi ditoy, nangngeddeng kami a mangpili iti sumagmamano a lallaki ken dinawatmi kadakuada a mapanda kadakayo, a kaduada ni Bernabe ken ni Pablo, nga ay-ayatenmi iti kasta unay.
\v 26 Nagpeggad ti biag dagitoy a dua gapu iti panagserbida kenni Apotayo a Jesu-Cristo.

\s5
\v 27 Imbaonmi met da Judas ken Silas kadakayo. Ibagadanto ti isu met laeng a banbanag nga isursuratmi.
\v 28 Kasla umno iti Espiritu Santo ken kadakami a saan a masapul nga agtungpalkayo kadagiti adu a makapadagsen a linlinteg dagiti Judio. Ngem ketdi, dawatenmi kadakayo nga agtungpalkayo kadagiti sumaganad a sursuro:
\v 29 Masapul a saankayo a mangan iti taraon nga indaton dagiti tattao kadagiti didiosen. Masapul a saankayo a mangan iti dara dagiti ay-ayup, ken masapul met a saankayo a mangan iti karne dagiti ay-ayup a pinapatay dagiti tattao babaen iti panangbekkel kadagitoy. Kasta met a masapul a saankayo a makikaidda iti saanyo nga asawa. No liklikanyo iti panangaramid kadagitoy a banbanag, ar-aramidenyo no ania iti rumbeng. Agpakadakamin."

\s5
\v 30 Pimmanaw dagiti uppat a lallaki a pinilida idiay Jerusalem, ket simmangpetda idiay Antiokia. Idi naguummongen dagiti amin a namati, intedda ti surat kadakuada.
\v 31 Idi nabasan dagiti namati sadiay ti surat, nagragsakda, gapu ta pinabileg ida ti mensahe daytoy.
\v 32 Kas profeta, adu ti imbaga da Judas ken Silas ken pinabilegda dagiti namati sadiay, ken tinulunganda ida nga ad-adda pay nga agtalek kenni Apo Jesus.

\s5
\v 33 Kalpasan a nagtalinaed idiay da Judas ken Silas iti sumagmamano a tiempo, ken nakasaganadan nga agsubli idiay Jerusalem, binendisionan ida dagiti namati idiay Antiokia, ket kalpasanna pimmanawda.
\v 34 (Inikkat dagiti kauunaan a kopya ti bersikulo 34. Ngem napanunot ni Silas a kasayaatan nga agtalinaed isuna sadiay.)
\v 35 Nupay kasta, intuloy da Pablo ken ni Bernabe a nagtalinaed idiay Antiokia. Bayat nga addada sadiay a kaduada dagiti adu a dadduma pay, insuroda dagiti tattao ken ikaskasabada kadakuada ti mensahe a maipapan kenni Apo Jesus.

\s5
\v 36 Kalpasan iti sumagmamano a panawen kinuna ni Pablo kenni Bernabe, "Agsublita ket sarungkaranta dagiti padata a namati iti tunggal siudad a nangiwaragawaganta idi iti mensahe maipapan kenni Apo Jesus. Iti dayta a wagas, maammoanta no kasano iti sasaadenda a mangitultuloy iti panamatida kenni Apo Jesus.
\v 37 Immanamong ni Bernabe kenni Pablo, ket kinunana a kayatna nga isurot manen ni Juan, nga agnagan met laeng iti Marcos.
\v 38 Nupay kasta, imbaga ni Pablo kenni Bernabe nga iti kapanunutanna ket saan a nasayaat nga isurotda ni Marcos, gapu ta imbati ida ni Marcos idi addada idiay rehion iti Pamfilia, ken saan a nagtuloy a nakipagtrabaho kadakuada.

\s5
\v 39 Saan a kimmanunong da Pablo ken ni Bernabe iti maysa ken maysa maipapan iti daytoy a banag, isu a nagsinada. Insurot ni Bernabe ni Marcos. Limmuganda iti bapor ket napanda idiay isla ti Cypus.
\v 40 Pinili ni Pablo ni Silas, a nagsubli idiay Antiokia, a makipagtrabaho kenkuana. Nagkararag dagiti namati sadiay iti Apo a Dios, dinawatda kenkuana a sipaparabur koma a tulunganna da Pablo ken Silas. Kalpasan ket pimmanaw dagitoy a dua idiay Antiokia.
\v 41 Intuloy ni Pablo ti nagdaliasat a kaduana ni Silas kadagiti probinsia ti Syria ken Cilicia. Kadagidiay a luglugar, tinulunganda dagiti bunggoy dagiti namati, nga agtalek a sititibker kenni Apo Jesus.

\s5
\c 16
\p
\v 1 Napan da Pablo ken Silas kadagiti siudad iti Derbe ken Listra, ket sinarungkaranda dagiti namati sadiay. Adda maysa a namati a managan iti Timoteo nga agnanaed idiay Listra. Ti inana ket maysa a namati a Judio, ngem ti amana ket Griego.
\v 2 Nasayaat ti ibagbaga dagiti namati idiay Listra ken Iconio maipanggep kenni Timoteo,
\v 3 ket ni Pablo, kayatna nga isurot ni Timoteo iti ipapanna kadagiti dadduma a luglugar, isu a kinugitna ni Timoteo. Inaramidna dayta tapno awaten dagiti Judio nga agnanaed kadagidiay a luglugar ni Timoteo, gapu ta ammoda a ti amana a saan a Judio ket saanna a kinugit isuna.

\s5
\v 4 Isu a simmurot ni Timoteo kada Pablo ken Silas, ken nagdaliasatda kadagiti adu a dadduma pay nga il-ili. Iti tunggal ili, imbagada kadagiti namati dagiti pagalagadan a nagnunummoan dagiti apostol ken dagiti panglakayen idiay Jerusalem.
\v 5 Tinulunganda dagiti namati kadagidiay nga il-ili nga ad-adda pay nga agtalek a sititibker kenni Apo Jesus, ket inaldaw nga umad-adu ti bilang dagiti namati.

\s5
\v 6 Ti Espiritu Santo, pinaritanna da Pablo ken dagiti kakaduana a mangikasaba iti sao idiay Asia, isu a napanda kadagiti region iti Frigia ken Galacia.
\v 7 Simmangpetda idiay napatinggaan iti teritoryo ti probinsia ti Misia, ket kayatda nga agpaamianan iti probinsia iti Bitinia, ngem ti Espiritu ni Jesus, linapdanna manen ida a mapan sadiay.
\v 8 Isu a limmabasda iti probinsia ti Misia ket simmangpetda idiay Troas, maysa a siudad nga adda iti igid iti baybay.

\s5
\v 9 Iti dayta a rabii, adda maysa a sirmata nga impakita nga impakita ti Dios kenni Pablo, a no sadino ket adda nakitana a maysa a lalaki a naggapu iti siudad iti Macedonia. Ay-ayabanna ni Pablo, a kunana,"Umayka ditoy Macedonia ket tulungannakami!"
\v 10 Kalpasan a nakitana ti sirmata, pimmanaw kami a nagturong idiay Macedonia, gapu ta mamati kami a ti Dios ket inawagannakami a mangiwaragawag iti naimbag a damag kadagiti tattao sadiay.

\s5
\v 11 11Limmugan kami iti maysa a bangka, ken naglayagkami manipud idiay Troas agingga idiay Samotracia, ken iti simmaruno nga aldaw, napan kami iti siudad iti Neapolis.
\v 12 12Kalpasanna, pimmanaw kami idiay Neapolis ket napan kami idiay Filipos. Daytoy ket napateg unay a siudad idiay Macedonia, a pagnanaedan iti adu a Romano. Nagigian kami idiay Filipos iti adu nga al-aldaw.
\v 13 13Iti Aldaw a Panaginana, rimmuarkami iti ruangan ti siudad ket bimmaba kami iti karayan. Adda nakangngeganmi a maum-ummong kano sadiay dagiti Judio tapno agkararag. Idi simmangpetkamin, adda sumagmamano a babbai a naummong sadiay tapno agkararag, isu a nagtugaw kami ken inrugimi nga imbaga kadakuada ti maipapan kenni Jesus.

\s5
\v 14 Maysa a babai nga agnagan iti Lydia ket maysa kadagiti babbai nga agdengdengngeg kenni Pablo. Nagtaud isuna iti siudad iti Tiatira, aglaklako iti lila a lupot, ken nagdaydayaw iti Dios. Nagtignay ni Apo Dios kenkuana tapno indenganna ti mensahe nga imbaga ni Pablo, ket pinatina daytoy.
\v 15 Kalpasan a binautisaran ni Pablo ken ni Silas ni Lydia, ken dagiti dadduma nga agnanaed iti balayna, kinunana kadakuada, "No mamati kayo a nagbalinak a napudno iti Apo, umaykayo idiay balayko ket aggiankayo sadiay." Kalpasan nga imbagana daytoy, naggiankami idiay balayna.

\s5
\v 16 Iti sabali nga aldaw, kabayatan a mapmapan kami iti lugar a nagtataripnungan dagiti tattao tapno agkararag, nasabat mi iti maysa a balasang nga adipen. Adda dakes nga espiritu and mangmangted kenkuana iti kabaelan a mangibaga iti masakbayan maipanggep kadagiti tattao. Baybayadan dagiti tattao iti kuarta dagiti lallaki nga amongna kas bayad iti panangibagbagana kadagiti tattao iti masakbayanda.
\v 17 Sinursurot nakami daytoy a balasang nga ipukpukkawna, "Agserserbi dagitoy a lallaki iti Dios nga isu iti kaiindaklan kadagiti amin a dios! Ibagbagada kadakayo no kasanonakayo nga isalakan ti Dios."
\v 18 Intuloyna nga aramiden daytoy iti adu nga al-aldaw. Gapu iti dayta, nakaunget ni Pablo, isu a sinangona ti balasang ken pinaksiatna ti dakes nga espiritu nga adda iti balasang. Kinunana, "Iti nagan ni Jesu-Cristo, rumuarka kenkuana!" Dagus a pinanawan isuna ti dakes nga espiritu.

\s5
\v 19 Ket kalpasan dayta, naadal dagiti amongna a saanen a makaurnong isuna iti kuarta para kadakuada, gapu ta saanen isuna a makaipadto ti aniaman a mapasamak kadagiti tattao, isu a nakaungetda. Tiniliwda da Pablo ken Silas ket impanda ida iti pagguummongan dagiti tattao, nga ayan dagiti agtuturay iti siudad.
\v 20 Impan ida dagiti among ti balasang kadagiti agtuturay iti siudad ket kinunada kadakuada, "Dagitoy a lallaki ket Judio, ken kasta unay iti panangburburiburda kadagiti tattao ditoy siudadtayo.
\v 21 Isursuroda a masapul a surutentayo dagiti alagaden nga iparit dagiti lintegtayo a Romano!"

\s5
\v 22 Adu kadagiti tattao iti nakitipon kadagiti mangak-akusar kada Pablo ken Silas, ken inrugida a saplitan ida. Kalpasanna, imbaga dagiti agtuturay a Romano kadagiti soldado a pisangenda dagiti pagan-anay da Pablo ken Silas, ken saplisaplitanda ida.
\v 23 Isu a dagiti soldado, sinaplisaplitanda iti nakaro da Pablo ken Silas. Kalpasan dayta, innalada ida ken impanda ida iti pagbaludan. Imbagada iti guardia a siguraduenda a saanda a makaruar.
\v 24 Gapu ta imbaga dagiti opisyal nga aramidenna dayta, impan ti guardia ni Pablo ken ni Silas ti akin-uneg a siled iti pagbaludan. Sadiay, pinagtugawna ida iti suelo ken inunnatna dagiti sakada. Kalpasanna, inipitna dagiti lipay-lipayda kadagiti abot iti baet iti dua a dadakkel a pidaso iti kayo, tapno saan a maikuti da Pablo ken Silas dagiti gurgurongda.

\s5
\v 25 Idi agtengngan ti rabii, agkarkararag ken agdaydayawda da Pablo ken Silas iti Dios, babaen iti panagkankantada kadagiti kankanta. Dagiti dadduma a balud ket agdengdengngegda kadakuada.
\v 26 Kellaat nga adda iti napigsa a gingined a nanggungon iti pagbaludan. Ti gingined ti nakaigapuan iti panaglukat ti amin a ruangan iti pagbaludan, ken dagiti amin a kawar a naigalut kadagiti balud ket naikkat.

\s5
\v 27 Nakariing ti guardia ket nakitana a nalukatan amin a ruangan iti pagbaludan gapu iti gingined. Impagarupna a pimmanawen iti pagbaludan dagiti balud, isu nga inasutna ti kampilanna tapno patayenna ti bagina, gapu ta ammona a patayen isuna dagiti agtuturay iti siudad no makalibas dagiti balud.
\v 28 Nakita ni Pablo ti guardia ket impukkawna kenkuana," Saanmo a patayen ta bagim! Amin kami a balud ket adda ditoy!"

\s5
\v 29 Nagpukkaw ti guardia nga adda koma mangiyeg iti silaw tapno makitana no siasino dagiti adda pay laeng iti pagbaludan. Agpigpigerger iti butengna, nagkurno isuna iti sangoanan da Pablo ken Silas.
\v 30 Kalpasanna, ket inruarna da Pablo ken Silas iti pagbaludan ken sinaludsodna: "Apo, ania ti masapul nga aramidek tapno maisalakanak?
\v 31 Insungbatda, "Agtalekka kenni Apo Jesus, ket sika, ken ti sangkabalayam ket maisalakan."

\s5
\v 32 Kalpasanna, nagsao da Pablo ken Silas iti maipapan kenni Apo Jesus kenkuana ken iti amin nga adda iti pagtaenganna.
\v 33 Kalpasanna, binuguan iti guardia dagiti sugsugatda, iti dayta met laeng a tiempo, iti tengnga iti rabii. Ket binautisaran da Pablo ken Silas isuna ken dagiti amin nga adda iti pagtaenganna.
\v 34 Kalpasanna, inkuyog ti guardia da Pablo ken Silas iti balayna ken inikkanna ida iti taraon a kanenda. Kasta unay iti ragsakda, isuna ken amin nga adda iti pagtaenganna gapu ta namatida iti Dios.

\s5
\v 35 Iti kabigatanna, imbaga dagiti agtuturay iti siudad kadagiti soldado a mapanda idiay pagbaludan tapno ibagada iti guardia, "Wayawayaamon dagiti dua a balud!
\v 36 Apaman a nangngeg ti guardia daytoy, napanna imbagana kenni Pablo, "Imbaga dagiti agtuturay iti siudad kaniak a wayawayaankayon. Isu a mabalinyon a dua iti pumanaw ditoy pagbaludan ita, ket mapankayo nga addaan talna"

\s5
\v 37 Ngem kinuna ni Pablo iti guardia, "Nangbilin dagiti agtuturay iti siudad kadagiti lallaki a pang-urendakami iti sangoanan dagiti adu a tattao, nupay umilikami iti Roma, ken pinaibaluddakami pay iti pagbaludan. Ket ita kayatdakami a papanawen a sililimed! Saanmi nga awaten dayta! Masapul a dagidiay nga agtuturay iti siudad ti umay mangiruar kadakami, ken wayawayaandakami manipud ditoy pagbaludan."
\v 38 Isu a napan imbaga dagiti soldado kadagiti agtuturay iti siudad ti imbaga ni Pablo. Idi nangngeg dagiti agtuturay iti siudad nga umili gayam iti Roma da Pablo ken Silas, nagbutengda gapu ta nakaaramidda iti saan a maiparbeng a banag.
\v 39 Isu a napan dagiti agtuturay iti siudad, iti ayan da Pablo ken Silas, ken imbagada kadakuada a pagbabawianda ti naaramidanda kadakuada. Inruar ida dagiti agtuturay iti siudad manipud iti pagbaludan, ken kiniddawda kadakuada a pumanawdan iti siudad.

\s5
\v 40 Kalpasan a pimmanaw da Pablo ken Silas iti pagbaludan, napanda idiay balay ni Lydia. Sinarakda isuna sadiay kasat met dagiti dadduma pay a namati. Pinaregtada dagiti namati nga itultuloyda iti panagtalekda kenni Apo Jesus, ket kalpasanna, pimmanaw dagiti dua nga apostol idiay siudad iti Filipos.

\s5
\c 17
\p
\v 1 Nagdaliasatda kadagiti siudad iti Amfipolis ken Apolonia ket dimtengda idiay siudad iti Tesalonica. Adda iti pagtataripnongan a lugar dagiti Judio sadiay.
\v 2 Iti Aldaw a Panaginana, napan ni Pablo iti pagtataripnongan a lugar kas kadawyan nga ar-araamidenna. Iti tallo a lawas, iti tunggal Aldaw a Panaginana, napan ni Pablo sadiay. Nagsao isuna kadagiti tattao maipanggep iti imbaga iti Nasantoan a Sursurat a ni Jesus ket isu ti Cristo.

\s5
\v 3 Impakitana manipud kadagiti Nasantoan a Sursurat nga insurat dagiti profeta a ti Mesias ket masapul a matay ken agbiag manen. Kinunana,"Daytoy a tao a Jesus ket isu ti Cristo. Natay isuna ken nagbiag manen, a kas iti imbaga dagiti profeta nga aramidennanto."
\v 4 Sumagmamano kadagiti Judio sadiay ti namati iti kinuna ni Pablo ken inrugida a nakisinnarak kada Pablo ken Silas. Adda met dagiti saan a Judio a tattao ken napapateg a babbai a nagdaydayaw iti Dios ti namati met iti mensahe maipanggep kenni Jesus, ken nangrugida met a makisarak kada Pablo ken Silas.

\s5
\v 5 Ngem dadduma kadagiti mangidadaulo kadagiti Judio ket nakapungtot gapu ta adu a tattao ti namati iti insuro ni Pablo. Isu a napanda iti paguummongan dagiti tattao ket nangallukoyda kadagiti sumagmamano a dakes a tattao a surotenda isuda. Iti kastoy a wagas, adu a tattao iti inummong dagiti panguloen a Judio ket isuda ti pinatignayda a mangparnuay iti adu a riribuk. Nagtataray dagidiay a Judio ken dadduma pay a napan iti balay ti maysa a lalaki a managan iti Jason, ti makinbalay iti pagigianan da Pablo ken Silas. Kayatda nga iruar da Pablo ken Silas iti ayan dagiti adu a tattao.
\v 6 Naduktalanda nga awan da Pablo ken Silas iti balay, ngem nasarakanda ni Jason ket ginammatanda isuna. Ingguyodda isuna kasta met iti sumagmamano kadagiti dadduma a namati a kakadduana iti ayan dagiti mangiturturay iti siudad. Kinunada, "Dagiti tattao a nanggapuan iti gulo iti sadinoman ditoy lubong ket immay met ditoy,
\v 7 ket daytoy a lalaki a ni Jason ket kiniddawna kadakuada nga aggianda iti balayna. Agtigtignayda a maibusor iti Emperador. Ibagbagada nga adda sabali a tao, a managan iti Jesus ti pudpudno nga ari!"

\s5
\v 8 Idi nangngegan dayta dagiti adu a tattao a naummong ken dagiti mangiturturay iti siudad, nakapungtotda unay ken naggagar.
\v 9 Minulta dagiti mangiturturay iti siudad ni Jason ken ti dadduma kadagiti namati, ket imbagada nga isublida ti kuarta kadakuada no saanen a pulos a mangparnuay iti riribok da Pablo ken Silas. Kalpasanna, pinalubusan dagiti mangiturturay a pumanaw iti siudad ni Jason ken dagiti dadduma a namati.

\s5
\v 10 Isu nga iti dayta met laeng a rabii, manipud Tesalonica, imbaon dagiti namati ni Pablo ken ni Silas idiay ili iti Berea. Idi nakasangpet da Pablo ken Silas sadiay, napanda iti pagtataripnongan a lugar dagiti Judio.
\v 11 Kaaduan kadagidiay Judio idiay Tesalonica ket saan a situtulok nga agdengngeg iti mensahe ti Dios, ngem dagiti Judio nga agnanaed idiay Berea ket situtulok unay nga agdengngeg, isu a nagdengngegda a nasayaat iti mensahe maipanggep kenni Jesus. Inaldawda a basbasaen ti Nasantoan a Sursurat tapno maammoanda no pudno ti imbaga ni Pablo maipanggep kenni Jesus.
\v 12 Gapu iti sursuro ni Pablo, adu kadagiti Judio a tattao iti namati kenni Jesus, ken dagiti dadduma pay a napateg a saan a Judio a babbai ken saan a Judio a lallaki ket namati met kenkuana.

\s5
\v 13 Ngem dagiti Judio idiay Tesalonica ket nangngeganda nga adda ni Pablo idiay Berea a mangikaskasaba iti mensahe manipud iti Dios maipanggep kenni Jesus. Isu a napanda idiay Berea ket impakaammoda dagita a banbanag nga isu iti nanggapuan dagiti tattao a nakapungtot unay kenni Pablo.
\v 14 Sumagmamano kadagiti namati idiay Berea ti nangikuyog kenni Pablo idiay igid iti baybay tapno mapan iti sabali a siudad. Ngem da Silas ken Timoteo ket nagtalinaed idiay Berea.
\v 15 Idi nakasangpeten ni Pablo ken dagiti dadduma a lallaki iti igid ti baybay, nagsakayda iti bangka ket napanda iti siudad ti Atenas. Kalpasanna, imbaga ni Pablo kadagiti lallaki a kimmuyog kenkuana, "Ibagayo kada Silas ken Timoteo nga umayda kaniak ditoy Atenas iti kabiitan a panawen a kabaelanda." Kalpasanna, pimmanaw dagidiay a tattao idiay Atenas ket nagsublida idiay Berea.

\s5
\v 16 Idiay Atenas, inuray ni Pablo da Silas ken Timoteo nga umay. Kabayatanna, nagpagnapagna isuna iti siudad. Nariribukan unay gapu iti kinaadu dagiti didiosen iti siudad.
\v 17 Isu a napan isuna idiay pagtataripnongan a lugar dagiti Judio ken nagsao maipanggep kenni Jesus kadagiti Judio, ken kadagiti Griego nga immawat met no ania iti patpatien dagiti Judio. Inaldaw met isuna a mapmapan iti pagtagilakuan ken makitungtungtong isuna kadagiti tattao a masarsarakanna sadiay.

\s5
\v 18 Nakaam-ammo ni Pablo iti sumagmamano a manursuro a kayatda a pagtutungtungan ti maipanggep kadagiti patpatien dagiti tattao. Dadduma kadakuada ket aw-awagan dagiti tattao iti Epicureo, ken aw-awaganda met dagiti dadduma iti Estoico. Imbagada kenni Pablo no ania iti patpatienda, ken dinamagda kenkuana no ania iti pinatina. Kalpasanna, kinuna dagiti sumagmamano kadakuada iti tunggal maysa, "Agibagbaga isuna iti banbanag maipanggep iti saan nga am-ammo a dios." Kinunada dayta gapu ta ibagbaga ni Pablo kadakuada a ni Jesus ket natay ken nagbiag manen.

\s5
\v 19 Isu nga impanda isuna iti disso a pagsasarakan dagiti mangidadaulo iti siudad. Idi simmangpetda sadiay, kinunada kenni Pablo, "Pangngaasim ta ibagam kadakami, ania daytoy a baro a mensahe nga isursurom kadagiti
\v 20 tattao? Agisursuroka kadagiti banbanag a saanmi a maawatan, isu a kayatmi a maammoan no ania dagiti kayatna a sawen."
\v 21 Pagaayat a pagtutungtungan dagiti tattao idiay Atenas ken kasta met dagiti tattao manipud kadagiti nadumaduma a rehion nga agnanaeden idiay Atenas dagiti banbanag a kabarbaro kadakuada.

\s5
\v 22 Kalpasanna, timmakder ni Pablo iti sangoanan dagiti tattao ket kinunana, "Tattao iti Atenas, nakitak a dakayo ket relihioso unay.
\v 23 Imbagak dayta gapu ta bayat iti panagpagnapagnak, nakitak dagiti banbanag a daydayawenyo, nakitak pay ti altar nga addaan kadagitoy a sasao nga inkitikit iti maysa a tao: DAYTOY KET PAMMADAYAW ITI DIOS A SAANMI NGA AM-AMMO. Isu nga ita, ibagak kadakayo ti maipanggep iti dayta a Dios a pagrukrukbabanyo a saanyo nga am-ammo.

\s5
\v 24 Isuna ti Dios a nangaramid iti lubong ken iti tunggal banag a linaonna. Iturayanna amin a parsua idiay langit ken ditoy daga, ken saan isuna nga agnanaed kadagiti templo nga impasdek iti tattao.
\v 25 Saanna a kasapulan iti aniaman a banag a naaramid para kenkuana babaen kadagiti tattao, gapu ta isuna ti mangmangted iti biag ken anges kadagiti tattao, ken it-itedna kadakuada ti tunggal banag a kasapulanda.

\s5
\v 26 Idi un-unana, pinarsua ti Dios iti maysa nga agasawa, manipud kadakuada, pinataud ti Dios dagiti amin a bunggoy dagiti tattao nga agnanaed ita iti sadinoman a paset iti rabaw ti daga. Inkabilna ti tunggal bunggoy ti tattao kadagiti naituding a pagiananda iti pinilina a panawen.
\v 27 Kayatna a maamiris dagiti tattao a kasapulanda isuna. Ket iti kasta, nalabit a birukenda isuna ket masarakanda. Kayat ti Dios a birukentayo isuna, uray pay isuna ket asideg unay iti tunggal maysa kadatayo.

\s5
\v 28 Isu a gapu iti Dios nga agbibiagtayo, agkutkutitayo, ken addatayo, kas imbaga iti maysa kadakayo, 'Gapu ta datayo ket annakna.'
\v 29 Isu a gapu ta datayo ket annak ti Dios, masapul a saantayo a panunoten a ti Dios ket kas iti balitok, pirak, wenno bato, nga inaramid iti tao.

\s5
\v 30 Kabayatan dayta a tiempo, idi dagiti tattao ket saanda nga ammo no ania ti kayat ti Dios nga aramidenda, saanna a dinusa ida kadagiti naaramidanda. Ngem ita, binilin ti Dios dagiti amin a tattao iti sadinoman a tallikudanda dagiti dakes nga ar-aramidda.
\v 31 Imbagana kadatayo nga iti maysanto nga aldaw a pinilina, ukomennatayto amin a sililinteg babaen iti tao a pinilina, siniguradona a naawatan tayo daytoy babaen iti panangpagungarna iti daytoy a tao manipud iti patay."

\s5
\v 32 Idi nangngegan dagiti tattao ti imbaga ni Pablo a dayta a tao ket nagbiag manen kalpasan nga isuna ket natay, sumagmamano kadakuada ket kinatawaanda isuna. Ngem kiniddaw dagiti dadduma kenkuana nga agsubli ken ibagana kadakuada ti maipanggep iti dayta iti sabali nga aldaw.
\v 33 Kalpasan nga imbagada dayta, pimmanaw ni Pablo.
\v 34 Nupay kasta, sumagmamano kadagiti tattao iti simmurot kenni Pablo ken namati iti mensahe maipanggep kenni Jesus. Kadagiti amin a namati kenni Jesus ket maysa a lalaki a managan Dionisio. Adda pay maysa a babai a managan Damaris ken dadduma pay kadagiti tattao a kaduada.

\s5
\c 18
\p
\v 1 Kalpasan dayta, pimmanaw ni Pablo iti siudad ti Atenas ket napan iti siudad ti Corinto.
\v 2 Nakaam-ammo isuna sadiay iti maysa a Judio a managan Akila, a nagtaud iti rehion ti Ponto. Iti napalabas, nagnaed iti apagbiit a tiempo ni Akila ken ti asawana a ni Priscila iti siudad ti Roman iti Italia. Pimmanawda idiay Roma gapu ta imbilin ni Claudio nga Emperador dagiti Romano a masapul a pumanaw dagiti amin a Judio idiay Roma.
\v 3 Agar-aramid da Akila ken Priscila kadagiti tolda tapno makaurnongda iti kuarta. Panagaramid met iti tolda ti panggedan ni Pablo isu a nakipagtalinaed isuna kadakuada, ket nagkakaduada a nagtrabaho.

\s5
\v 4 Tunggal Aldaw a Panaginana, mapmapan ni Pablo iti lugar a pagtitiponan dagiti Judio, a pakikatkatungtonganna kadagiti Judio ken saan a Judio. Sinuroanna ida iti maipanggep kenni Jesus.
\v 5 Ket immay da Silas ken Timoteo manipud iti rehion ti Macedonia. Idi nakasangpetdan sadiay, saanen a nangaramid ni Pablo kadagiti tolda. Inusarna amin a panawenna a mangiwaragawag iti maipanggep kenni Jesus kadagiti Judio. Imbagana kadakuada a ni Jesus ket isu ti Cristo.
\v 6 Ngem nangrugi a bimmusor dagiti Judio kenni Pablo ken nagsaoda iti dakes maipanggep kenkuana. Isu a pinagpagna dagiti tapok iti kawesna tapno ipakitana kadakuada a saan a naragsakan ti Dios kadakuada, ken kinunana kadakuada, "No dusaennakayo ti Dios, dayta ket gapu met laeng kadakayo, saan a gapu kaniak! Manipud ita, dagiti laengen tattao a saan a Judio ti pakisaritaak!"

\s5
\v 7 Isu a pinanawan ni Pablo ti lugar a pagtitiponan dagiti Judio ket napan iti balay a sumaruno iti dayta, ket nangasaba sadiay. Ni Ticio Justo a makinbalay ket saan a Judio ngem agdaydayaw iti Dios.
\v 8 Kalpasan dayta, namati kenni Apo Jesus ti mangiturturay iti lugar a pagtitiponanan dagiti Judio a managan Crispo ken amin a kameng iti pamiliana. Nabautisaran ken namati kenni Jesus dagiti adu a tattao idiay Corinto a nagdengngeg kenni Pablo.

\s5
\v 9 Iti maysa a rabii, nasirmata ni Pablo a kinuna ni Jesus kenkuana, "Saanka nga agbuteng kadagiti tattao a mangbusor kenka, ngem ituloymo ti agsao maipanggep kaniak,
\v 10 gapu ta tulonganka ken awan uray maysa a makabael a mangdangran kenka ditoy. Itultuloy mo ti agsao kadakuada iti maipanggep kaniak, gapu ta adu a tattao iti daytoy a siudad ti mamati kaniak."
\v 11 Isu a nagtalinaed ni Pablo idiay Corinto iti maysa ket kagudua a tawen, a mangisursuro kadagiti tattao iti mensahe a nagtaud iti Dios maipanggep kenni Jesus.

\s5
\v 12 Idi nagbalin ni Galion a gobernador dagiti Romano iti probinsia nga Acaya, naguummong dagiti mangidadaulo dagiti Judio ket tiniliwda ni Pablo. Impanda isuna iti sangoanan ti gobernador ken inakusaranda isuna,
\v 13 kinunada, "Isursuro daytoy a lalaki kadagiti tattao nga agdayawda iti Dios iti wagas a maibusor kadagiti lintegmi a Judio."

\s5
\v 14 Idi agsao koman ni Pablo, kinuna ni Galion kadagiti Judio, "No sinalungasing daytoy a lalaki ti lintegmi a Romano, dengngek koma ti kayatyo a Judio nga ibaga kaniak.
\v 15 Nupay kasta, agsarsaritakayo maipanggep iti sasao ken nagnagan, ken bukodyo a linteg, isu a masapul a dakayo ti makisarita kenkuana maipanggep iti daytoy. Saanko nga ukomen dagitoy a banbanag!"

\s5
\v 16 Kalpasan nga imbaga ni Galion dayta, binagaanna dagiti dadduma a soldado a papanawenda dagiti mangidadaulo dagiti Judio manipud iti pangukoman.
\v 17 Ket ingguyod dagiti tattao ni Sostenes a mangidadaulo kadagiti Judio. Kinabkabilda isuna iti mismo a sangoanan ti tugaw dagiti ukom. Ngem awan ti inaramid ni Galion maipanggep iti dayta.

\s5
\v 18 Nakipagtalinaed ni Pablo kadagiti namati idiay Corinto iti adu pay nga al-aldaw. Kalpasanna, limmugan isuna iti barko a kaduana da Priscila ken Akila ket naglayagda a napan iti probinsia ti Siria. Kinalboanna ti ulona idiay Cencrea gapu iti insapatana.
\v 19 Simmangpetda idiay siudad nga Efeso, ket nagtalinaed sadiay da Priscila ken Akila. Simrek ni Pablo iti lugar a pagtitiponan dagiti Judio ket nagsao kadagiti Judio iti maipanggep kenni Jesus.

\s5
\v 20 Kiniddawda kenkuana nga agtalinaed pay isuna iti nabaybayag, ngem nagkedked isuna.
\v 21 Ngem iti ipapanawna, imbagana kadakuada, "Agsubliakto, no kayat ti Dios nga agsubliak." Ket nagsakay isuna iti barko sa naglayag manipud Efeso.

\s5
\v 22 Idi nakasangpet ti barko iti siudad a Cesarea, bimmaba ni Pablo. Simmang-at isuna idiay Jerusalem ket kinablaawanna dagiti namati sadiay. Kalpasanna, napan isuna iti siudad ti Antiokia iti rehion ti Siria.
\v 23 Binusbos ni Pablo ti mano a tiempona kadagiti namati sadiay. Kalpasanna, pimmanaw isuna idiay Antiokia ket nagna a napan kadagiti adu a siudad iti rehion ti Galacia ken Frigia. Ginuyugoyna dagiti namati nga ad-adda pay a mamatida iti mensahe a nagtaud iti Dios a maipanggep kenni Jesus.

\s5
\v 24 Kabayatan a mapmapan ni Pablo idiay Galacia ken Frigia, maysa a Judio a managan Apolos ti immay idiay Efeso. Naggapu isuna idiay siudad ti Alejandria ken nalaing unay isuna nga agsao iti maipanggep iti Nasantoan a Sursurat.
\v 25 Nasuroan dagiti dadduma a namati ni Apolos no kasano ti kayat ni Apo Jesus a panagbiag dagiti tattao, ket insurona dagidiay a banbanag kadagiti tattao. Nupay kasta, saan isuna nga agisursuro iti amin a maipanggep kenni Jesus, gapu ta ti maipanggep iti panangbautisar ni Juan a Mammuniag laeng ti ammona.
\v 26 Napan ni Apolos idiay lugar a pagtitiponan dagiti Judio, ket imbagana kadagiti tattao idiay ti maipanggep kadagiti banag a naadalna. Idi nangngeg da Priscila ken Akila ti insurona, kiniddawda kenkuana a mapan isuna iti pagtaenganda, ket insuroanda isuna iti ad-adu pay a banbanag maipanggep kenni Jesus.

\s5
\v 27 Idi inkeddeng ni Apolos a kayatna ti mapan idiay rehion ti Acaya, imbaga kenkuana dagiti namati idiay Efeso a nasayaat dayta a panggepna Isu a nagsuratda kadagiti namati idiay Acaya a masapul a pasangbayenda ni Apolos. Idi nakasangpeten isuna sadiay, tinulonganna dagiti innikan ti Dios iti pannakabael a mamati kenni Jesus.
\v 28 Sibibileg a nagsasao ni Apolos kadagiti mangidadaulo dagiti Judio kabayatan nga adu a tattao ti dimngeg. Babaen iti panangbasana iti Nasantoan a Sursurat, naipakitana kadakuada a ni Jesus ti Mesias.

\s5
\c 19
\p
\v 1 Kabayatan nga adda ni Apolos idiay Corinto, pimmanaw ni Pablo idiay Frigia ken Galacia ket nagna isuna idiay Asia, kalpasanna, nagsubli idiay Efeso. Naam-ammona ti sumagmamano a tattao a nangibaga nga isuda ket namati.
\v 2 Sinaludsodna kadakuada, "Inawatyo kadi ti Espiritu Santo idi namtikayo iti mensahe ti Dios?" Simmungbatda, "Saan, saanmi nga inawat. Saanmi pay pulos a nangngeg nga adda Espiritu Santo."

\s5
\v 3 Isu a sinaludsod ni Pablo, "Idi nabautisarankayo, ania ngarud iti ammoyo?"
\v 4 Simmungbatda, "Mamati kami kadagiti insuro ni Juan a Mammuniag." Kinuna ni Pablo, "Binautisaran ni Juan dagiti tattao a nangtalikod kadagiti dakes nga aramidda. Imbagana met kadagiti tattao a mamatida iti umay a sumaruno kenkuana, ket dayta a tao ket ni Jesus."

\s5
\v 5 Isu nga idi nangngeg dagiti tattao dayta, nabautisaranda iti nagan ni Apo Jesus.
\v 6 Kalpasan dayta, sinaggaysa ni Pablo nga imparabaw dagiti imana kadagiti uloda, ket immay ti pannakabalin ti Espiritu Santo iti tunggal maysa kadakuada. Inikkan ida ti Espiritu Santo iti kabaelan nga agsao kadagiti pagsasao a saanda met nga inadal, ken imbagada met dagiti mensahe nga imbaga ti Espiritu Santo kadakuada.
\v 7 Adda sangapulo ket dua a lallaki a binautisaran ni Pablo ken immawat iti Espiritu Santo.

\s5
\v 8 Iti las-ud ti tallo a bulan kalpasan dayta, sumsumrek ni Pablo iti lugar a pagtitiponan dagiti Judio idiay Efeso iti tunggal Aldaw a Panaginana ket insuro ken inallukoyna dagiti tattao iti maipanggep kenni Jesus ken no kasano nga ipakitanto ti Dios ti kinasiasinona kas Ari.
\v 9 Ngem dadduma kadagiti Judio ket saan a mamati iti mensahe ken saandan a kayat ti dumgeg iti daytoy. Adu a dakes a banbanag ti imbagada maipanggep kadagiti isursuro ni Pablo. Isu a pinanawan ida ni Pablo ket inkuyogna dagiti namati tapno agsasarakda iti lugar a pagtitiponan a kukua ni Tirano.
\v 10 Nangisuro idiay ni Pablo iti dua a tawen. Iti daytoy a wagas, nangngeg ti kaaduan kadagiti Judio ken dagiti saan a Judio a nagnaed iti rehion ti Asia ti mensahe maipanggep kenni Apo Jesus.

\s5
\v 11 Inikkan met ti Dios ni Pablo iti pannakabael a mangaramid kadagiti milagro.
\v 12 No saan a makapan iti ayan ni Pablo dagiti masaksakit, alaenda dagiti pidaso ti luplupot a sinagid ni Pablo ket ikabilda kadagiti masaksakit a tattao. Ket iti kasta nga ar-aramidenda umimbag dagiti masaksakit a tattao, ken panawan dagiti dakes nga espiritu dagiti linugananda.

\s5
\v 13 Adda met dagiti dadduma a Judio a nagpagnapagna kadagiti il-ili, ket binilinda dagiti dakes nga espiritu kadagidiay a luglugar a pumanawda manipud kadagiti tattao. Imbaga dagiti dadduma a Judio kadagiti dakes nga espiritu a rumuarda kadagiti tattao babaen ti panangibagada iti, "Bilinenkayo a rumuar babaen iti pannakabalin ni Apo Jesus, ti tao nga isursuro ni Pablo!"
\v 14 Adda pito a lallaki a nangar-aramid iti daytoy. Annak ida ti tao a managan Sceva, maysa a Judio, a nangawag iti bagina a panguloen a padi.

\s5
\v 15 Ngem iti maysa nga aldaw nga ar-aramidenda dayta, ti dakes nga espiritu ket saan a rimmuar iti dayta a tao. Ngem ketdi, kinuna ti dakes nga espiritu kadakuada, "Am-ammok ni Jesus, ken am-ammok ni Pablo, ngem awan ti nangted kadakayo iti pannakabalin a mangaramid iti aniaman a banag kaniak!"
\v 16 Kalpasan a nakunana dayta, kellaat a limmagto kadagiti annak ni Sceva ti lalaki nga addaan dakes nga espiritu. Inabakna amin ida ken dinangranna ti tunggal maysa kadakuada. Pinigispigisna dagiti pagan-anayda ken sinugsugatanna ida. Nagbutengda ken nagtarayda a rimmuar iti balay.
\v 17 Nangngeg amin dagiti tattao a Judio ken saan a Judio nga agnanaed idiay Efeso ti napasamak. Nagbutengda gapu ta nakitada a napigsa unay ti lalaki a linuganan iti dakes nga espiritu. Iti dayta met laeng a kanito, indaydayaw dagiti tattao ti nagan ni Apo Jesus.

\s5
\v 18 Iti dayta met laeng a tiempo, kabayatan nga agdengdengngeg dagiti dadduma a namati, adu a namati ti nangibaga iti maipanggep kadagiti dakes a banbanag nga inar-aramidda.
\v 19 Innala dagiti dadduma kadagiti tattao a nagbalin a salamangkero dagiti pagbasaan a mangibagbaga no kasano iti agaramid iti salamangka ket pinuoranda dagitoy iti lugar a mabalin a makita ida ti amin. Idi pinagtitipon dagiti tattao ti gatad dagiti pagbasaan, agarup limapulo ribo a pirak.
\v 20 Iti daytoy a wagas, adu a tattao ti nakangngeg iti mensahe maipanggep kenni Apo Jesus ken namatida kenkuana.

\s5
\v 21 Kalpasan nga inleppas ni Pablo ti trabahona idiay Efeso, inturong ti Espiritu ni Pablo a mangngeddeng a mapan idiay Jerusalem, ngem umuna a pinanggepna ti mapan mangkita kadagiti namati kadagiti rehion ti Macedonia ken Acaya. Kinuna ni Pablo, "Kalpasan ti ipapanko idiay Jerusalem, mapanakto met idiay Roma."
\v 22 Imbaonna idiay Macedonia ti dua kadagiti katulunganna, da Timoteo ken Erasto. Ngem nagtalinaed ni Pablo iti siudad ti Efeso, iti probinsia ti Asia.

\s5
\v 23 Iti saan a nagbayag, nangrugi nga agaramid iti dakkel a riribuk dagiti tattao idiay Efeso gapu kenni Jesus ken ti sursuro maipanggep kenkuana.
\v 24 Adda maysa a tao sadiay a managan Demetrio. Nagaramid isuna kadagiti istatua ti diosa nga aw-awaganda iti Diana manipud iti pirak.
\v 25 Adu ti kuarta a naawat ni Demetrio manipud kadagiti amin a tattao a nangaramid ken nangilako kadagitoy a didiosen. Inayaban ni Demetrio dagiti amin a trabahador a nangaramid kadagiti didiosen ket kinunana kadakuada, "Lallaki, ammoyo nga adu ti makuartatayo iti daytoy a trabahotayo.

\s5
\v 26 Ammoyo nga insuro ni Pablo kadagiti adu a tattao nga agnanaed idiay Efeso a saandan a gumatang kadagiti istatua nga inaramidtayo. Ita ket uray dagiti tattao manipud kadagiti adu nga il-ili iti probinsiatayo ket saandan a kayat ti gumatang kadagiti ar-aramidentayo. Ibagbaga ni Pablo kadagiti tattao a dagiti dios a pagrukrukbabantayo ket a saan a dios ken saan a masapul nga agrukbabtayo kadakuada.
\v 27 No dumngeg dagiti tattao kenkuana, agsardeng met ti pagsapulantayo. Saanton a panunoten dagiti tattao a masapul a mapanda iti templo ni Diana tapno agdayaw kenkuana. Saanton a panunoten dagiti tattao a naindaklan ni Diana. Nupay amin a probinsia ti Asia ken uray iti sangalubungan ket agrukrukbab kenkuana!"

\s5
\v 28 Nakapungtot dagiti amin a lallaki sadiay kenni Pablo idi nangngegda ti imbaga ni Demetrio. Inrugida nga impukkaw, "Naindaklan ni Diana a diosa dagiti Taga-Efeso!"
\v 29 Adu kadagiti tattao iti siudad ti nakaunget kenni Pablo ken nangrugida a nagpukpukkaw. Dadduma kadagiti tattao ti nangtengngel kada Gayo ken Aristarko, dagiti dua a lalaki a naggapu idiay Macedonia a nakipagdaliasat kenni Pablo. Ket nagtataray ti sibubukel a taripnong dagiti tattao, nga ingguyguyodda dagidiay lallaki agingga iti pagbuyaan ti siudad.

\s5
\v 30 Kayat ni Pablo ti mapan idiay pagbuyaan tapno kasaritana dagiti tattao, ngem dagiti dadduma a namati ket saanda isuna a pinalubosan a mapan sadiay.
\v 31 Dadduma kadagiti turay iti siudad a gagayyem ni Pablo ti nakangngeg iti mapaspasamak. Nangibaonda iti mapan mangibaga kenni Pablo a saan a mapmapan idiay pagbuyaan.
\v 32 Dagiti adu a tattao iti pagbuyaan ket saan nga agsardeng nga agpukpukkaw. Dadduma ket nagpukkaw iti maysa a banag, ken dadduma ket nagpukkaw iti sabali pay a banag. Ngem saan nga ammo ti kaaduan kadakuada no apay a nagsasarakda!

\s5
\v 33 Maysa kadagiti Judio idiay ti managan Alejandro. Dadduma kadagiti Judio ti nangiduron kenkuana iti sanguanan dagiti adu a tattao tapno makisarita kadakuada. Inngato ni Alejandro dagiti imana tapno mapasardengna dagiti tattao iti panagpukpukkawda. Kayatna nga ibaga kadakuada a saan a dagiti Judio ti nangirugi iti riribuk.
\v 34 Ngem adu kadagiti saan a Judio ti makaammo a Judio ni Alejandro ken ammoda a saan nga agrukrukbab dagiti Judio iti diosa a ni Diana. Isu nga nagpukpukkaw dagiti saan a Judio iti las-ud ti dua nga oras, "Naindaklan ti diosa dagiti Taga-Efeso a ni Diana!"

\s5
\v 35 Ket maysa kadagiti turay iti siudad ti nangpasardeng kadagiti tattao nga agpukpukkaw. Kinunana kadakuada, "Padak nga umili iti Efeso, ammo ti tunggal maysa iti sangalubongan a ti nasagraduan nga istatua ti diosatayo a Diana ket natinnag manipud langit!
\v 36 Ammo ti amin dayta, ken awan ti makaibaga a dagitoy a banbanag ket saan a pudno. Isu a masapul nga agulimekkayo itan. Saankayo nga agaramid iti aniaman a kinanengneng.
\v 37 Saan koma a rumbeng nga inyegyo ditoy dagitoy dua a lallaki, gapu ta saanda a nakaaramid iti aniaman a dakes. Saanda pay a napnapan kadagti templotayo ken nangala kadagiti banbanag sadiay, ken saanda a nagsasao iti dakes a maibusor iti diosatayo.

\s5
\v 38 Ngarud, no kayat da Demetrio ken dagiti kaduana a trabahador nga akusaran ti siasinoman iti panagaramid iti aniaman a dakes a banag, masapul ngarud nga aramidenda iti umno a wagas. Adda dagiti pangukoman a mabalinda a papanan no kayatda, ket adda dagiti ukom a pinili ti gobierno. Mabalinyo ti agidarum iti siasinoman sadiay.
\v 39 Ngem no kayatyo met iti agdamag maipanggep iti aniaman a banag, masapul a dawatenyo kadagiti mangiturturayyo nga urnusenda daytoy inton agsasarakda.
\v 40 Saan a nasayaat daytoy a panagsasarak! Urnusenyo daytoy a riribuk gapu ta saanmi a kayat a busoren ti gobyerno. No damagen dagiti mangiturturay no apay nga agpukpukkawkayo, saanakto a makaited iti nasayaat a sungbat kadakuada."
\v 41 Dayta iti imbaga ti mangiturturay ti siudad kadagiti adu a tattao. Kalpasanna, imbagana kadakuada amin nga agawidda kadagiti pagtaenganda, ket nagawidda ngarud kadagiti pagtaenganda.

\s5
\c 20
\p
\v 1 Kalpasan a nagsardeng dagiti tattao idiay Efeso iti panagguguloda, inummong ni Pablo dagiti namati. Inallukoyna ida nga ituloyda nga agtalek kenni Apo Jesus. Iti saan unay a nabayag kalpasan dayta, imbagana kadakuada "Agpakadaakon" ket pimmanaw a mapan iti rehion ti Macedonia.
\v 2 Kalpasan a simmangpet sadiay, inallukoyna dagiti namati sadiay nga agtultuloyda nga agtalek kenni Apo Jesus. Kalpasan ket napan isuna idiay Grecia.
\v 3 Nagtalinaed isuna idiay Grecia iti tallo a bulan. Kalpasan ket pinanggepna nga agsubli idiay Syria babaen iti barko, ngem nanggeganna a pangpanggepen dagiti dadduma a Judio sadiay a patayen isuna kabayatan iti panagdaliasatna. Isu nga inkeddengna nga agdaliasat iti daga, ket napan manen a nagna idiay Macedonia.

\s5
\v 4 Dagiti lallaki a kaduana nga agdaliasat a mapan idiay Jerusalem ket ni Sopatro, nga anak ni Pirro, manipud iti ili ti Berea; ni Aristarko kenni Segundu a naggapu iti siudad ti Tesalonica; ni Gayo, a naggapu iti siyudad ti Derbe; ni Timoteo, a naggapu iti region ti Galacia; ken ni Tikico ken Trofimo, a naggapu iti probinsia ti Asia.
\v 5 Immun-una dagidiay a pito a lallaki a napan ngem ni Pablo ken siak, a ni Lukas, babaen iti panaglayagda iti bapor manipud Macedonia, isu a nakadanunda idiay siudad ti Troas sakbay kadakami ket inuraydakami a dua sadiay.
\v 6 Ngem daga ti nagdaliasatanmi kenni Pablo agingga iti siudad ti Filipos. Kalpasan ti Fiesta ti Tinapay nga awan lebadurana dagiti Judio, limmugankami iti maysa a bapor a mapan iti siudad ti Troas. Kalpasan iti lima nga aldaw, nakadanun kami idiay Troas ket nasarakanmi dagiti dadduma a lallaki nga immun-una a nagdaliasat ngem kadakami. Ket nagtalinaed kami amin idiay Troas iti pito nga aldaw.

\s5
\v 7 Iti umuna nga aldaw ti lawas, naummongkami a kaduami dagiti dadduma a namati ket rinambakanmi ti pangrabii iti Apo. Nagsao ni Pablo kadagiti namati agingga iti tengnga ti rabii, gapu ta pangpangngepenna a panawan ti Troas iti sumaruno nga aldaw.
\v 8 Adu a pagsilawan iti rumangrangrang iti akinngato a siled nga isu ti naguummonganmi.

\s5
\v 9 Maysa a baro nga agnagan iti Eutiko ti adda met sadiay. Nakatugaw isuna iti paladpad ti nakalukat a tawa iti maikatlo a kadsaaran ti balay. Kabayatan nga itultuloy ni Pablo nga agsasao iti nabayag a tiempo, makaturturog unay ni Eutiko. Kamaudiananna, nakaturog isuna. Natinnag isuna iti daga manipud iti tawa. Dadduma kadagiti namati ti dagus a bimmaba ken binagkatda isuna. Ngem isuna ket natayen.
\v 10 Bimmaba met ni Pablo. Nagidda ken imparabawna ti bagina ken inarakupna daytoy. Kalpasan ket kinunana kadagiti tattao nga agtaktakder iti aglawlaw, "Saankayo nga agdanag; sibibiag manen isuna!"

\s5
\v 11 Immuli ni Pablo iti akinngato a kadsaaran, nangisagana iti taraon ket nangan. Kalpasan dayta, nakisarita ni Pablo kadagiti namati agingga a ngimmato ti init. Ket pimmanaw isuna.
\v 12 Impan dagiti dadduma a tattao ti baro iti balayna, ket naliwliwada unay gapu ta isuna ket sibibiag manen.

\s5
\v 13 Napankami ngarud idiay barko. Ngem saan a kimmuyog ni Pablo kadakami a limmugan iti barko idiay Troas, gapu ta kayatna a mapan a dagus iti ili ti Assos babaen iti panagdaliasatna iti daga. Amin kami met a nabati, limmugankami iti barko ket naglayag a mapan idiay Assos.
\v 14 Nasarakananmi ni Pablo sadiay. Limmugan isuna iti barko a kaduami, ket naglayagkami a napan iti siudad ti Mitelin.

\s5
\v 15 Iti simmaruno nga aldaw kalpasan a nakadanun kami idiay Mitelin, naglayag kami manipud sadiay ket dimtengkami iti lugar nga asideg iti Isla ti Chio. Iti simmaruno nga aldaw, naglayagkami a napan iti Isla ti Samos. Kabigatanna, pimmanaw kami idiay Samos ket naglayagkami a napan iti siudad ti Mileto.
\v 16 Ti Mileto ket abagatan laeng ti siudad ti Efeso. Saan a kayat ni Pablo ti agsardeng idiay Efeso gapu ta saanna a kayat iti agpalabas iti tiempona idiay Asia. No mabalin koma, kayatna ti dumanon idiay Jerusalem iti tiempo ti fiesta ti Pentecostes, ket umadanin ti tiempo dayta a fiesta.

\s5
\v 17 Ngem idi nakadanunen ti barko idiay Mileto, nangibaon ni Pablo iti mapan idiay Efeso tapno dawatenna kadagiti panglakayen iti bunggoy dagiti namati sadiay nga umayda kasarita isuna.
\v 18 Idi immay dagiti panglakayen kenkuana, kinuna ni Pablo kadakuada, "Manipud iti umuna nga aldaw idi simmangpetak ditoy probinsia ti Asia agingga iti aldaw nga ipapanawko, ammoyo no kasanoak a nagtignay kadakayo iti amin a tiempo a kaaddak kadakayo.
\v 19 Ammoyo no kasano iti panagtultuloyko a nagserserbi kenni Apo Jesus a sipapakumbaba unay ken no kasano a nagsangitak pay iti dadduma a tiempo.
\v 20 Ammoyo pay no kasano a nagsagabaak gapu kadagiti saan a namati a Judio a masansan a mangpadas a mangdangran kaniak.
\v 21 Ammoyo pay nga idi inkasabak ti mensahe ti Dios kadakayo, awan ti linabsanak nga aniaman a banag a makatulong kadakayo. Ammoyo nga insurok kadakayo ti mensahe ti Dios idi adu a tattao iti adda sadiay, kasta met a napanak kadagiti pagtaenganyo ket insursurokayo sadiay. Agpada a nangasabaak kadagiti Judio ken saan a Judio, imbagbagak kadakuada a masapul a tallikudanda dagiti managbasol nga ugalida ken mamatida kenni Jesus nga Apotayo."

\s5
\v 22 Ket ita, mapanak idiay Jerusalem, gapu ta nalawag nga impakita ti Espiritu Santo kaniak a kasapulan a mapanak sadiay, ken masapul nga agtungpalak kenkuana. Saanko nga ammo no anianto ti mapasamak kaniak sadiay.
\v 23 Ngem ammok nga iti tunggal siudad a binisitak, imbaga ti Espiritu Santo kaniak nga ibaluddakto dagiti tattao idiay Jerusalem, ken pagsagabaendakto.
\v 24 Ngem saanko a pakarikutan nga uray pay no patayendak dagiti tattao, no malpasko nga umuna ti trabaho nga imbaga ni Apo Jesus nga aramidek. Inayabannak a mangipakaammo kadagiti tattao iti naimbag a mensahe nga isalakannatayo ti Dios babaen iti panangaramidna para kadatayo iti saantayo a pakaikarian.

\s5
\v 25 Inkaskasabak kadakayo ti mensahe no kasano nga ipakita ti Dios ti bagina a kas ari. Ngem ita, ammok nga ita nga aldaw ket isu ti maudi a tiempo a pannanakitayo kaniak, dakayo a padak a namati.
\v 26 Kayatko ngarud a maawatanyo amin, a no addaman iti nakangngeg iti inkasabak ket natay dayta a tao a saan a nagtalek kenni Jesus, saankon a basol dayta,
\v 27 gapu ta naibagakon ti isu amin a panggep ti Dios para kadatayo.

\s5
\v 28 Dakayo a mangidadaulo ket masapul nga agtultuloykayo a mamati ken agtulnog iti mensahe ti Dios. Masapul a tulonganyo amin dagiti dadduma a namati nga inted ti Espiritu Santo nga aywananyo. Bantayanyo dagiti bagbagiyo ken ti bunggoy dagiti namati a kas iti panangaywan ti agpaspastor kadagiti karnerona. Ginatang ida ti Dios iti dara a nagayus manipud iti bagi ti anakna, idiay krus.
\v 29 Ammok la unay a kalpasan a pumanawak, addanto dagiti tattao nga umay mangisuro kadakayo iti inuulbod ken dangrannanto iti kasta unay dagiti namati. Kasladanto narungsot a lobo a mangpatay kadagiti karnero.
\v 30 Uray iti bukodyo a bunggoy dagiti mangidadaulo, addanto met sumagmamano a mangulbod kadagiti dadduma pay a namati babaen iti panangisuroda kadagiti saan a pudno a banbanag. Isurodanto dagidiay a mensahe, ket patiento ida dagiti dadduma a tattao ken agbalindanto a pasurotda.

\s5
\v 31 Ngarud, agalibtakkayo tapno awan ti agsardeng a mamati iti pudno a mensahe a maipapan iti Apotayo a ni Jesus! Laglagipenyo nga iti las-ud iti tallo a tawen, aldaw ken rabii nga insursurok kadakayo dayta a mensahe ket urayak la aglulua a nangpatigmaankadakayo nga agbalin kayo a matalek iti Apo."
\v 32 "Ita iti panangpanawko kadakayo, kiddawek iti Dios a salaknibannakayo ken pagtalinaedennakayo a mamati iti mensahe nga isalakannatayo babaen iti pangaramidna para kadatayo, iti banag a saantayo a pakaikarian. No Itultuloyyo a mamati iti mensahe nga imbagak kadakayo, agbalin kayonto a nabileg, ken itedto ti Dios dagiti nasayaat a banbanag nga inkarina nga ipaayna kadagiti amin a tattaona, iti agnanayon.

\s5
\v 33 Maipanggep met kaniak, saanko a pulos a kinalikaguman ti kuarta wenno nasayaat a pagan-anay ti siasinoman.
\v 34 Ammoyo a mismo a nagtrabahoak babaen kadagiti im-imak tapno makateggedak iti kuarat a masapulmi kadagiti gagayyemko.
\v 35 Iti amin a banag nga inaramidko, impakitak kadakayo a masapul nga agtrabahokayo a nasayaat tapno maaddaan kayo iti naan-anay a kuarta nga itedyo kadagiti agkasapulan. Laglagipentayo koma a kinuna ti Apotayo mismo a ni Jesus, 'Ad-adda a naragsak ti tao no mangted kadagiti dadduma ngem ti umawat isuna manipud kadakuada."'

\s5
\v 36 Idi nalpas a nagsao ni Pablo, nagparintumeng a kaduana dagiti panglakayen ket nagkararag.
\v 37 Kasta unay ti sangitda amin, ket inarakup ken inagkanda ni Pablo.
\v 38 Kasta unay a ladingitda gapu ta imbagana a saandanton a makita pay isuna. Ket nakipanda amin kenkuana iti ayan ti barko.

\s5
\c 21
\p
\v 1 Kalpasan a nagpakadakami kadagiti panglakayen a naggapu idiay Efeso, naglugankami iti barko ken naglayag kami a napan iti isla ti Cos, a nagsardengan ti barko iti rabii. Iti simmaruno nga aldaw, naglugankami iti barko manipud idiay Cos ket nagturongkami idiay Isla ti Rodas a nagsardengan manen ti barko. Iti simmaruno nga aldaw, napankami iti ili ti Patara a nagsardengan ti barko.
\v 2 Sadiay Patara, pinanawanmi dayta a barko, ket adda nangibaga kadakami nga adda barko a mapan iti rehion ti Fenicia. Isu a naglugankami iti dayta a barko, ket pimmanaw daytoy.

\s5
\v 3 Nagdaliasat kami iti baybay agingga a makitamin ti Isla ti Cyprus. Limmabaskami idiay abagatan ti isla, intultuloymi ti nagdaliasat agingga a nakadanunkami idiay siudad ti Tiro, iti probinsia ti Syria a sakop ti rehion iti Fenicia. Nagtalinaed ti barko sadiay iti sumagmamano nga aldaw gapu ta masapul nga ibaba dagiti trabahador dagiti kargamento.
\v 4 Adda nangibaga kadakami no sadino ti pagnanaedan dagiti namati idiay Tiro, isu a napankami nakipagnaed kadakuada iti pito nga aldaw. Gapu ta impakaammo kadakuada ti Espiritu ti Dios a pagsagabaento dagiti tattao ni Pablo idiay Jerusalem, imbagada kenni Pablo a saan koma a mapan sadiay.

\s5
\v 5 Ngem idi tiempon a pumanaw manen ti barko, nagsaganakami a mangituloy iti ipapan mi idiay Jerusalem. Idi pimmanawkami idiay Tiro, simmurot kadakami dagiti amin a lallaki ken dagiti assawada ken dagiti annakda agingga iti igid ti baybay. Nagparintumengkami amin iti kadaratan sadiay ket nagkararag kami.
\v 6 Kalpasan a nagpakadakami amin, naglugan ni Pablo ken dakami a kaduana iti barko, ket nagsubli dagiti namati sadiay kadagiti bukodda a pagtaengan.

\s5
\v 7 Kalpasan ti ipapanawmi idiay Tiro, intuloymi a nagdaliasat a nagturong iti siudad ti Tolemaida iti dayta a barko. Adda dagiti namati sadiay ket kinablaawanmi ida ken nakipaggiankami kadakuada iti dayta a rabii.
\v 8 Iti simmaruno nga aldaw, pimmanawkami idiay Tolemaida ket nagdaliasatkami a nagturong idiay siudad ti Cesarea, no sadinno ket nakipaggiankami idiay pagtaengan ni Felipe, a napasnek a nangibagbaga kadagiti dadduma no kasano nga agbalin a pasurot ni Jesus. Maysa isuna kadagiti pito a lallaki a pinili dagiti namati idiay Jerusalem a mangaywan kadagiti balo.
\v 9 Addaan isuna iti uppat nga annak a babbai a saanpay a naasawaan. Tunggal maysa kadakuada ket masansan nga agibagbaga kadagiti mensahe nga ibagbaga kadakuada ti Espiritu Santo.

\s5
\v 10 Kalpasan a naggigiankami iti balay ni Felipe iti sumagmamano nga aldaw, adda namati nga agnagan iti Agabo nga immay a naggapu iti lugar ti Judea ken simmangpet idiay Cesarea. Kankanayon isuna nga agibagbaga kadagiti mensahe nga imbaga ti Espiritu Santo kenkuana.
\v 11 Idi nakaasideg isuna iti ayanmi, innalana ti barikes ni Pablo. Ket ginalotanna dagiti bukodna a saksaka ken im-ima ket kinunana, "Kinuna ti Espiritu Santo, 'Igalotto dagiti panguloen ti Judio idiay Jerusalem dagiti im-ima ken saksaka ti makinkuka iti daytoy a barikes, kas iti daytoy, ket ipaimada isuna kadagiti saan a Judio, kas balud.'"

\s5
\v 12 Idi nangngeg dagiti dadduma kadakami dayta, dakami ken dagiti dadduma a namati sadiay, dinawat mi kenni Pablo, "Pangngaasim ta saanka a mapan idiay Jerusalem!"
\v 13 Ngem simmungbat ni Pablo, "Pangngaasiyo, isardengyo ti agsangit ken mangpadas a mangupay kaniak iti ipapanko! Apay nga agsangsangit ken padpadasendak nga upayen iti ipapanko? Situtulokak a maibalud iti pagbaludan ken mapapatay idiay Jerusalem gapu ta agserserbiak kenni Apo Jesus."
\v 14 Idi naamirismi a saanen a maigawid isuna a mapan idiay Jerusalem, saanmin a pinadas a lappedan isuna. Kinunami, "Iti pagayatan koma ti Apo ti matungpal!"

\s5
\v 15 Kalpasan dagidiay nga al-aldaw idiay Cesarea, insaganami dagiti alikamenmi ket pimmanawkami tapno mapankami idiay Jerusalem.
\v 16 Kimmuyog met kadakami dagiti dadduma a namati a naggapu idiay Cesarea. Impandakami iti balay ti maysa a lalaki nga agnagan iti Mnason. Isuna ket naggapu iti isla ti Cyprus, ken namati isuna kenni Jesus idi mangrugi pay laeng dagiti tattao nga agdengngeg iti mensahe maipanggep kenkuana.

\s5
\v 17 Idi simmangpet kami idiay Jerusalem, siraragsak a kinablaawandakami ti maysa a bunggoy dagiti namati.
\v 18 Iti simmaruno nga aldaw, napan nakisarita ni Pablo ken dagiti dadduma kadakami kenni Santiago nga isu iti mangidadaulo iti Iglesia sadiay. Adda met sadiay Jerusalem dagiti dadduma a panguloen ti Iglesia.
\v 19 Kinablaawan ida ni Pablo, ket kalpasanna, imbagana kadakuada dagiti amin a banbanag a babaen iti pannakabael nga inted ti Dios ket naaramidanna dagitoy kadagiti saan a Judio.

\s5
\v 20 Idi nangngegda dayta, nagyaman da Santiago ken dagiti dadduma a panglakayen iti Dios. Ket adda maysa kadakuada a nangibaga kenni Pablo, "Kabsat, ammom met nga adda rinibo-ribo kadatayo a Judio ditoy a namati kenni Apo Jesus. Ammom met nga aminkami ket agtultuloy a siaannad nga agtultulnog kadagiti linteg nga inted kadakami ni Moises.
\v 21 Ngem naibaga kadagiti kakaduami a namati a Judio nga idi addaka kadagiti saan a Judio, imbagam kano kadagiti namati a Judio nga agnanaed sadiay nga uray isardengdan ti agtulnog kadagiti linteg ni Moises. Ibagbaga dagiti tattao nga ibagbagam kadagidiay a namati a Judio nga uray saandan a kugiten dagiti annakda, ken uray saandan nga aramiden dagiti dadduma a kaugaliantayo. Saanmi a patien a pudno ti ibagbagada maipanggep kenka.

\s5
\v 22 Ngem mangngeganto dagiti padatayo a namati a Judio nga immayka ket makaungetdanto kenka. Isu a masapul nga agaramidka iti banag a mangipakita kadakuada nga iti nangngeganda maipanggep kenka ket saan a pudno.
\v 23 Isu a pangngaasim ta aramidem ti isingasingmi kenka. Adda uppat a lallaki kadakami ditoy a nagkari iti Dios.
\v 24 Makikuyogka kadagitoy a lallaki a mapan idiay templo, ket aramidem sadiay ti seremonia ti pakaibilangam a nadalus, tapno makapagdayawkayo idiay templo. Ket no nadanunen ti tiempo a panagdatonda, bayadam ti idatonda. Kalpasan iti dayta, mabalindan a kalboen dagiti ul-uloda, a mangipakita a naaramiddan no ania iti imbagada nga aramidenda. No makitadaka dagiti tattao idiay paraangan ti templo a kaduam dagidiay a lallaki, maamoanda a ti naibaga kadakuada maipanggep kenka ket saan a pudno, ngem ketdi maamoanda a tungtungpalem dagiti amin a lintegtayo a Judio.

\s5
\v 25 No maipanggep met kadagiti a saan a Judio a namati, dakami a panglakayen ditoy Jerusalem ket nagsasaritaanmi ti maipanggep kadagiti paglintegantayo a masapul a tungpalenda, ket nagsuratkami kadakuada, tapno ibagami no ania iti nagnunumoanmi. Insuratmi a masapul a saanda a mangan iti karne nga indaton dagiti tattao iti aniaman a didiosen, a rumbeng a saanda a mangan iti dara a naggapu kadagiti ay-ayup, ken rumbeng a saanda a mangan iti karne a naggapu kadagiti ay-ayup a pinapatay dagiti tattao babaen iti panangbekkelda kadagitoy. Imbagami pay kadakuada a masapul a saanda a makikaidda iti tao a saanda a nakiasawaan."
\v 26 Isu nga immanamong ni Pablo nga aramidenna ti dawdawatenda, ket iti simmaruno nga aldaw, inkuyogna dagiti uppat a lallaki, ket nagkakaduada a nangaramid iti seremonia ti pannakadalusda. Kalpasan dayta, napan ni Pablo iti paraangan ti templo ket imbagana kadagiti padi no ania nga aldawda a malpas ti pannakadalusda, ken no kaanoda nga idaton dagiti ayup a kas datdaton para iti tunggal maysa kadakuada.

\s5
\v 27 Idi ngannganin a malpas ti pito nga aldaw a panangdalusda kadagiti bagbagida, nagsubli ni Pablo idiay paraangan ti templo. Adda dagiti Judio a naggapu idiay Asia a nakakita kenkuana sadiay, ket kasta unay ti ungetda kenkuana. Nangayabda iti adu a sabali pay a Judio nga adda idiay paraangan ti templo a mangtulong kadakuada a mangtengngel kenni Pablo.
\v 28 Impukkawda, "Kakaddua nga Israelita, umaykayo ket tulongandakami a mangdusa iti daytoy a tao! Daytoy ti mangisursuro kadagiti tattao iti sadinnoman a pappapananna nga uray umsienda dagiti Judio. Isursurona kadagiti tattao a saandan a masapul a tungpalen dagiti linteg ni Moises, wenno raemen daytoy a nasantoan a templo. Nangiyeg pay kadagiti saan a Judio ditoy paraangan iti templo tayo, ket isu iti nakaigapuanna a daytoy a lugar ket natulawan!"
\v 29 Imbagada daytoy gapu ta nakitada ni Pablo a magmagna idiay Jerusalem a kaduana ni Trofimo a saan a Judio. Saan a palubosan ti lintegda dagiti saan a Judio nga umuneg idiay templo, ket napanunotda a ni Pablo iti nangipan kenni Trofimo idiay uneg ti paraangan ti templo iti dayta nga aldaw.

\s5
\v 30 Nangngeg dagiti tattao iti entero a siudad nga adda riribuk idiay paraangan ti templo, ket nagtatarayda a napan sadiay. Tiniliwda ni Pablo ket ingguyodda nga inruar manipud iti paraangan ti templo. Naiserra dagiti ruangan a mapan iti paraangan ti Templo, tapno saan nga agririri dagiti tattao iti ayan ti templo.
\v 31 Kabayatan a padpadasenda a papatayen ni Pablo, adda maysa a nagtaray idiay kuartel nga asideg iti templo, a napan nangipadamag iti komandante a Romano nga adu kadagiti tattao idiay Jerusalem ti aggugulo idiay templo.

\s5
\v 32 Sipapardas a nangikuyog ti komandante iti sumagmamano nga opisiales ken maysa a dakkel a bunggoy dagiti soldado ket nagtatarayda a napan idiay templo, iti ayan dagiti tattao. Idi makita dagiti adu a tattao nga agpupukkaw ken mangkabkabil kenni Pablo a paumay ti komandante ken dagiti soldado, insardengda ti panangkabkabilda kenkuana.
\v 33 Immay ti komandante iti ayan ni Pablo ket tinengngelna isuna. Binilinna dagiti soldado a kawaranda dagiti ima ni Pablo. Kalpasan ket dinamagna kadagiti adu a tattao, "Siasino daytoy a tao, ken ania ti naaramidna?"

\s5
\v 34 Sumagmamano kadagiti adu a tattao sadiay ket agpukpukkaw iti maysa a banag, ken dagiti dadduma met ket agpukpukkaw iti sabali a banag. Gapu ta intultuloyda iti nagpukpukkaw iti nagpigsa, saan a maawatan ti komandante no ania iti ibagbagada. Isu nga imbilinna a maiyapan ni Pablo idiay kuartel tapno mapalutpotna isuna sadiay.
\v 35 Inturong dagiti soldado ni Pablo idiay agdan ti kuartel, ngem a adu latta iti sumursurot kadakuada, padpadasenda a papatayen ni Pablo. Isu nga imbaga ti komandante kadagiti soldadona a bagkatenda ni Pablo nga ipan idiay kuartel.
\v 36 Impukpukkaw met dagiti adu a tattao a sumarsaruno, "Papatayen isuna!, papatayen isuna!"

\s5
\v 37 Idi dandanin a maiyapan ni Pablo idiay kuartel, nagsao isuna iti Griego iti komandante, "Mabalinka kadi a katungtongen?" Imbaga ti komandante, "Nasiddaawanak a makasao ka iti Griego!
\v 38 Ti ammok ket maysaka kadagiti naggapu idiay Egipto a mangayat a mangbusor iti gobierno iti saan pay unay a nabayag a panawen a naglabas, ken nangikuyog iti uppat a ribo a naranggas a lallaki a kaduana a napan iti disierto, tapno saanmi isuna a matiliw."

\s5
\v 39 Simmungbat ni Pablo, "Saan, saan a siak! Maysaak a Judio. Naiyanakak idiay Tarso, a napateg a siudad iti probinsia ti Cilicia. Dawatek a palubosannak nga agsao kadagiti tattao."
\v 40 Ket pinalubosan ti komandante ni Pablo nga agsao. Isu a nagtakder ni Pablo iti agdan ken insenyasna ti imana kadagiti adu a tattao nga agulimekda. Ket kalpasan a nagulimek dagiti adu a tattao, nagsao ni Pablo kadakuada iti bukodda a pagsasao a Hebreo.

\s5
\c 22
\p
\v 1 Kinuna ni Pablo,"Dakayo a panguloen dagiti Judio ken dakayo a padak a Judio, agdengngegkayo kaniak ita kabayatan nga agsaoak kadagiti mangpabpabasol kaniak!"
\v 2 Idi nangngeg dagiti adu a tattao nga agsasao ni Pablo kadakuada iti bukodda a pagsasao a Hebreo, nagulimek ken dimngegda. Ket kinuna ni Pablo kadakuada,

\s5
\v 3 "Maysaak a Judio, a kas kadakayo amin. Naiyanakak idiay siudad ti Tarso, a sakop iti probinsia ti Cilicia, ngem dimmakkelak ditoy Jerusalem. Idi ubingak, inadalko dagiti linteg nga inted ni Moises kadagiti kapuonantayo. Ni Gamaliel ti maestrok. Tinungpalko dagidiay a linteg gapu ta kayatko nga agtungpal iti Dios, ket siguradoak nga aminkayo ket agtungtungpal met kadagidiay a linteg.
\v 4 Isu a pinadasko a tiliwen dagiti namati iti mensahe ti Dios maipanggep kenni Jesus. Nangbirukak kadagiti wagas tapno maipapatayko ida. Tunggal adda masarakak a lallaki wenno babbai a namati iti mensahe, ipabaludko ida.
\v 5 Ammo ti kangatoan a padi daytoy, ken kasta met dagiti dadduma a lallaki a kameng ti Konsehotayo a Judio. Inikkandak iti sursurat nga iyapanko kadagiti pada a Judio idiay siudad ti Damasco. Dagidiay a sursurat ti nangted kaniak iti bileg a mapan sadiay ken mangtiliw kadagiti tattao a namati kenni Jesus. Ket iyapanko koma ida a kas balud ditoy Jerusalem, tapno iti kasta ket madusada ditoy.

\s5
\v 6 Isu a napanak idiay Damasco. Idi dandani agtengngan ti aldaw, kabayatan nga umas-asidegakon idiay Damasco, kellaat nga adda nagraniag a silaw a naggapu sadi langit a nanglawag iti aglawlawko.
\v 7 Kasta unay iti raniag ti silaw isu a natumbaak iti daga. Kalpasanna, nakangngegak iti timek nga agsasao kaniak manipud langit, a kunana, 'Saulo! Saulo! Apay ta agar-aramidka kadagiti banbanag a mangpasakit kaniak?'
\v 8 Simmungbatak, 'Siasinoka kadi, Apo?' Simmungbat isuna, 'Siak ni Jesus iti Nasaret a paspasakitam.'

\s5
\v 9 Nakita dagiti lallaki a nakipagdaldaliasat kaniak ti naraniag a silaw ngem saanda a naawatan no ania ti imbaga ti timek.
\v 10 Kalpasan ket nagsaludsodak, 'Apo, ania ti kayatmo nga aramidek?' Imbaga ti Apo kaniak, 'Bumangonka ket mapanka idiay Damasco. Maysa a lalaki sadiay ti mangibaga kenka iti amin a pinanggepko nga aramiden para kenka,'
\v 11 Kalpasan dayta, saanakon a makakita, gapu ta ti naraniag a silaw ti nakaigapuan ti panagbulsekko. Isu a kinibindak dagiti lallaki ket inturongdak idiay Damasco.

\s5
\v 12 Ti lalaki a managan iti Ananias ket immaynak kinita. Isuna ket maysa a tao a managdaydayaw iti Dios ken agtultulnog kadagiti linteg dagiti Judio. Amin dagiti Judio nga agnanaed idiay Damasco ket nasayaat iti imbagada maipanggep kenkuana.
\v 13 Immay ket nagtakder isuna iti abayko, ket kinunana kaniak, 'Gayyemko a Saulo, makakita ka manen!' Dagusak a nakakita ket nakitak isuna nga agtaktakder iti abayko.

\s5
\v 14 Kalpasan ket kinunana: 'Ti Dios nga indaydayaw dagiti kapuonantayo, pinilinaka ken ipakitananto kenka no ania iti kayatna nga aramidem. Impakitana kenka ti nalinteg, isu ni Jesus a Mesias, ken nangngegmo a nagsao isuna a mismo kenka.
\v 15 Kayatna nga ibagam kadagiti tattao iti sadinoman no ania ti nakitam ken nangngegam manipud kenkuana.
\v 16 Ita ngarud, saanmon nga itantan! Tumakderka, palubosam a bautisaranka, ket agkararagka kenni Apo Jesus ken dawatem a pakawanennaka ti Dios kadagiti basbasolmo!"

\s5
\v 17 "Iti saan a nabayag kalpasan dayta, nagsubliak ditoy Jerusalem. Iti maysa nga aldaw napanak iti paraangan ti Templo, kabayatan nga agkarkararagak sadiay, nakakitaak iti sirmata.
\v 18 Nagsao ti Apo kaniak, kinunana, 'Saanka nga agtalinaed ditoy! Pumanawka ita ditoy Jerusalem gapu ta dagiti tattao ditoy ket saan a mamati iti ibagbagam maipanggep kaniak!'

\s5
\v 19 Ngem kinunak kenkuana, ' Apo, ammoda a napanak kadagiti adu a sinagogatayo a nangbirbirok kadagiti tattao a mamati kenka. Impabpabaludko dagiti nasarsarakak a namati kenka ket sinapsaplitak pay ida.
\v 20 Malagipda nga idi napapatay ni Esteban gapu iti panangibagana kadagiti tattao iti maipanggep kenka, nakatakderak sadiay a mangbuybuya ken uman-anamong iti ar-aramidenda. Binanbantayak pay dagiti kagay nga impuruak dagiti mangpatpatay kenkuana iti igid!'
\v 21 Ngem kinuna ti Apo kaniak, 'Saan, saanka nga agtalinaed ditoy! Pumanawka ditoy Jerusalem gapu ta ibaonka iti adayo manipud ditoy, kadagiti dadduma a bunggoy ti tattao, a dagiti saan a Judio!'"

\s5
\v 22 Nagdengngeg dagiti tattao iti ibagbaga ni Pablo agingga a dinakamatna ti maipanggep iti panangibaon kenkuana ti Apo kadagiti dadduma a bunggoy ti tattao. Ket inrugida nga impukpukkaw, "Patayenyo isuna! Saanen isuna a maikari nga agbiag pay!"
\v 23 Kabayatan iti panagpukpukkawda, inussobda dagiti kagayda ken nagipurwakda iti tapok iti tangatang, a nangipakita iti pungtotda.
\v 24 Isu nga imbilin ti kapitan a maiyapan ni Pablo idiay pagbaludan. Imbagana kadagiti soldado a masapul a saplitanda ni Pablo tapno iti kasta ket ibagana no ania iti naaramidanna a nakapungtotan dagiti Judio.

\s5
\v 25 Ket inyunnatda dagiti imana ken inggalotda tapno iti kasta masaplitanda ti bukotna. Ngem kinuna ni Pablo iti soldado nga asideg kenkuana, "Saan a nainkalintegan ti aramidem no saplitannak, maysaak nga umili ti Roma a saan nga inusig iti siasinoman, ken saan pay a napatawan iti pannusa!"
\v 26 Idi nanggeg ti opisial dayta, napan isuna iti komandante ket impadamagna daytoy kenkuana. Kinunana iti komandante, "Daytoy a tao ket maysa nga umili iti Roma! Sigurado a saannakami a bilinen tapno saplitanmi isuna!"

\s5
\v 27 Nasdaaw ti komandante idi nangngegna dayta. Napan mismo isuna idiay pagbaludan ket kinunana kenni Pablo, "Ibagam man kaniak, agpayso kadi nga umilika iti Roma?" Simmungbat ni Pablo, "Wen, maysaak nga umili iti Roma."
\v 28 Kalpasanna kinuna ti komandante, "Maysaak met nga umili iti Roma. Nagbayadak iti dakkel a kuarta tapno agbalinak nga umili iti Roma." Kinuna ni Pablo, "Ngem naiyanakak nga umili iti Roma."
\v 29 Sapliten koman dagiti soldado ni Pablo ken palutputenda maipanggep iti naaramidna. Ngem idi nangngegda ti imbaga ni Pablo, pinanawanda isuna. Nagbuteng met ti komandante gapu ta ammona a ni Pablo ket umili iti Roma, ket nasalungasingna ti linteg idi binilinna dagiti soldado a galotanda dagiti ima ni Pablo.

\s5
\v 30 Kayat latta a maamoan ti komandante no apay nga ak-akusaran dagiti Judio ni Pablo. Isu nga iti simmaruno nga aldaw, imbagana kadagiti soldado nga ikkatenda dagiti kawar kenni Pablo. Inayabanna pay dagiti panguloen a papadi ken dagiti dadduma a kameng ti Konseho dagiti Judio tapno agsasarakda. Kalpasanna, impanna ni Pablo iti ayan ti naguummongan ti Konseho ket imbagana kenkuana nga agtakder iti sangoananda.

\s5
\c 23
\p
\v 1 Kimmita ni Pablo kadagiti kamkameng ti konseho dagiti Judio ket kinunana: "Dakayo a padak a Judio, iti unos ti panagbiagko ket nagbiagak nga agraraem iti Diostayo ken awan iti ammok nga aniaman a banag a naaramidko a biddut."
\v 2 Idi nangngeg ti kangatoan a padi a ni Ananias ti kinuna ni Pablo, imbagana kadagiti lallaki nga agtaktakder iti asideg ni Pablo a tibabenda iti ngiwatna.
\v 3 Ket kinuna ni Pablo kenni Ananias, "Dusaennakanto ti Dios iti dayta, sika nga aginsisingpet! Nakatugawka dita ken ukomennak, nga usarem ti linteg nga inted ti Dios kenni Moises. Ngem sika a mismo, sinalungasingmo dagidiay a linteg, gapu ta imbilin mo a kabilendak nga uray saanmo pay a napaneknekan a nakaaramidak iti maysa a banag a biddut!"

\s5
\v 4 Kinuna dagiti lallaki nga agtaktakder iti asideg ni Pablo kenkuana, "Saan a rumbeng nga agsaoka ti dakes iti adipen ti Dios, ti kangatoan a paditayo!"
\v 5 Simmungbat ni Pablo, "Dakayo a padak a Judio, despensarendak no naibagak ti kasta. Diak ammo nga ti tao a nangibaga iti maysa kadakayo a kabilendak ket isu ti kangatoan a padi. No ammok koma dayta, diak koma nakapagsao iti saan a nasayaat maipanggep iti kangatoan a padi tayo, gapu ta ammok a naisurat iti linteg tayo a Judio, 'Saanka nga agsao iti dakes, iti siasinoman kadagiti mangiturturay kenka!"'

\s5
\v 6 Ammo ni Pablo a dadduma kadagiti kamkameng ti Konseho ket Saduceo ken dadduma ket Pariseo. Isu a nagpukkaw iti napigsa iti siled ti Konseho, "Dakayo a padak a Judio, maysaak a Pariseo, a kas metlaeng iti amak. Maus-usigak ditoy gapu ta masiguradok nga addanto aldaw a pagbiagen ti Diosto dagiti natay."
\v 7 Idi naibagana dayta, rinugian dagiti Pariseo ken Saduceo ti agsisinnupiat no agungar wenno saan dagiti tattao a natayen.
\v 8 Mamati dagiti Saduceo a kalpasan a matay ti tattao, saandan nga agbiag manen. Mamatida met nga awan dagiti anghel ken awan ti aniaman a kita ti espiritu. Ngem amin dagitoy a banbanag ket patpatien dagiti Pariseo.

\s5
\v 9 Isu a nabingayda ken inrugida ti nagpipinnukkaw kabayatan iti panagsisinnupiatda. Dadduma kadagiti Pariseo nga agisursuro iti linteg ket nagtakder. Kinuna iti maysa kadakuada, "Iti kapunotanmi ket awan biddut nga inaramid daytoy a tao. Nalabit nga adda anghel wenno sabali nga espiritu a nagsao kenkuana, ken pudno dagiti ibagbagana."
\v 10 Ket nagsusubang dagiti Pariseo ken Saduceo. Isu a nagbuteng ti Komandante nga amangan no rangrangkayenda ni Pablo. Imbagana kadagiti soldado nga adda iti pagbaludan nga umayda ipanaw ni Pablo manipud kadagiti kamkameng ti Konseho ken ipanda isuna idiay kampo dagiti soldado.

\s5
\v 11 Iti dayta a rabii, nakita ni Pablo ti iyaay ni Apo Jesus ken nagtakder iti asidegna. Kinuna ti Apo kenkuana, "Tumuredka! Naipakaammomon kadagiti tattao ditoy Jerusalem ti maipapan kaniak ket masapul nga ipakaammom met kadagiti tattao idiay Roma ti maipapan kaniak."

\s5
\v 12 Kabigatanna, nagsasarak ti sumagmamano kadagiti Judio a manggurgura kenni Pablo ken nagsasaritada no kasanoda a papatayen isuna. Inkarida iti bagbagida a saanda a mangan wenno uminom iti aniaman agingga a matay isuna. Dinawatda iti Dios nga ilunodna ida no saanda nga aramiden ti karida.
\v 13 Adda iti nasurok uppat a pulo a lallaki a kayatda a patayen ni Pablo.

\s5
\v 14 Napanda kadagiti panguloen a padi ken kadagiti panglakayen a Judio ket imbagada kadakuada, "Nanggegannakami ti Dios a nagkari a saankami a mangan wenno uminom iti aniaman agingga a mapataymi ni Pablo.
\v 15 Isu a dawatenmi kenka a mapanka iti komandante ket kiddawem kenkuana, iti biang ti sibubukel a Konseho dagiti Judio, nga ipanda ni Pablo kadakami. Ibagam iti komandante a kayatmo a kasarita a nalaing ni Pablo. Aguraykaminto a mangpatay kenni Pablo kabayatan nga adda isuna iti dalan iti iyaayna ditoy."

\s5
\v 16 Ngem nanggeg ti anak a lalaki ti kabsat a babai ni Pablo ti nagtutulaganda nga aramiden, isu a napan ngarud iti kuartel ket imbagana ken ni Pablo.
\v 17 Idi nanggegan ni Pablo dayta, inayabanna ti maysa kadagiti opisial ket kinunana kenkuana, "Pangaasim ta ipanmo daytoy nga agtutubo a lalaki iti komandante, gapu ta adda banag a kasapulan nga ibagana kenkuana.

\s5
\v 18 Isu nga impan ti opisyal ti agtutubo a lalaki iti komandante. Kinuna ti opisial iti komandante, "Inayabannak ni Pablo a balud ket kinunana, 'Pangngaasim ta ipanmo daytoy nga agtutubo a lalaki iti komandante, gapu ta adda banag a kasapulan nga ibagana kenkuana."
\v 19 Kinibin ti komandante ti agtutubo a lalaki, inyadayona bassit ken sinaludsodna, "Ania ti kasapulan nga ibagam kaniak?"

\s5
\v 20 Kinunana, "Adda sumagmamano a Judio a kayatda a maipan ni Pablo iti saklang ti Konsehoda inton bigat. Ibagadanto a kayatda a palutputen pay isuna. Ngem saan a pudno dayta.
\v 21 Saanmo nga armiden ti kiddawenda nga aramidem, gapu ta adda iti nasurok uppat a pulo a lallaki nga aglemmengto ken aguray a mangpatay kenni Pablo iti ilalabasna a mapan iti Konseho. Nagsapatada pay iti Dios a saanda a mangan wenno uminom iti aniaman agingga a mapatayda ni Pablo. Nakasaganada a mangaramid iti daytoy, ket ita ur-urayenda nga umanamongka iti aniaman a kiddawenda kenka."

\s5
\v 22 Kinuna ti komandante iti agtutubo a lalaki, "Saanmo nga ibagbaga iti siasinoman nga impakammom kaniak ti maipapan ti panggepda. Ket pinagawidna ti agtutubo.
\v 23 Kalpasan ket nangayab ti komandante iti dua kadagiti opisialna ket imbagana kadakuada, "Mangisaganakayo iti dua gasut a soldado a nakasagana nga agdaliasat. Mangikuyogkayo iti pitopulo a soldado a nakakabalio ken dua gasut a soldado nga agtakapika. Masapul a nakasaganakanyo amin a pumanaw iti alas nuebe inton rabii, a mapan iti siudad ti Cesarea.
\v 24 Ket mangitugotkayo kadagiti kabalio a pagsakayan ni Pablo, ket kuyugenyo isuna iti palasio ni Gobernador Felix."

\s5
\v 25 Ket nagsurat ti komander iti surat nga ipatulodna iti gobernador. Daytoy ti insuratna:
\v 26 "Siak ni Claudius Lisias nga agsursurat kenka. Kenka, Apo Felix, a gobernador a raraemenmi, kablaawanka.
\v 27 Impatulodko kenka daytoy a tao, a ni Pablo, gapu ta adda dagiti Judio a nangtiliw kenkuana ken dandanida pay a papatayen. Ngem adda nangibaga kaniak nga isuna ket umili ti Roma, isu a napankami kadagiti soldadok ket insalakanmi isuna.

\s5
\v 28 Kayatko a maammoan no ania daydiay ibagbaga dagiti Judio a biddut a naaramidna, isu nga impanko isuna iti Konsehoda.
\v 29 Dimngegak kabayatan a palpalutputenda daytoy a tao ket simmungbat kadakuada. Dagiti banbanag nga ipabpabasolda kenkuana ket maipapan kadagiti paglinteganda a Judio. Ngem awan iti maysa a sinalungasing ni Pablo kadagiti lintegtayo a Romano. Isu a saan a mabalin a papatayen isuna dagiti opisialtayo wenno uray pay ipupok iti pagbaludan.
\v 30 Adda nangipakaammo kaniak nga adda dagiti Judio a nagtutulag a papatayenda daytoy a tao, isu nga imbaonko kenka tapno maikkam iti patas a pannakausig dita. Imbilin ko met kadagiti Judio a nangidarum kenkuana a mapanda dita Cesarea tapno ibagada kenka no ania iti ipabpabasolda kenkuana. Agpakadaakon."

\s5
\v 31 31Inaramid ngarud dagiti soldado ti imbaga ti komandante kadakuada. Inkuyogda ni Pablo ket intugotda a napan idiay Antipatris iti karabianna.
\v 32 32Iti simmaruno nga aldaw, nagsubli dagiti nagnagna a soldado idiay Jerusalem ket dagiti soldado a nakakabalio ti nagtultuloy a kadua ni Pablo.
\v 33 33Idi nakasangpetdan iti siudad ti Cesarea, intedda ti surat iti gobernador ken indatagda ni Pablo iti sangoananna.

\s5
\v 34 Binasa iti gobernador ti surat ket kinunana kenni Pablo, "Ania a probinsia iti naggapuam?" Simmungbat ni Pablo, "Naggapuak idiay Cilicia."
\v 35 Ket kinuna ti gobernador, "Inton makasangpet dagiti tattao a nangidarum kenka, denggekto iti makuna ti tunggal maysa kadakayo, ket kalpasanna, ikeddengkonto ti kasom. Ket imbilinna a mabantayan ni Pablo idiay palasio nga impatakder ti Natan-ok nga Ari Herodes.

\s5
\c 24
\p
\v 1 Kalpasan ti lima nga aldaw, ti kangatoan a padi a ni Ananias ket napan sadiay manipud idiay Jerusalem, a kaduana dagiti dadduma a panglakayen a Judio ken ti bumibitla nga agnagan iti Tertulo. Sadiay, imbagada iti gobernador no ania iti inaramid ni Pablo nga iti Pakaammoda ket biddut.
\v 2 Imbilin ti gobernador a maiyeg iti uneg ni Pablo. Apaman a simmango ni Pablo, inrugi ni Tertulo iti nangpabasol kenkuana. Imbagana iti gobernador, "Madaydayaw a Gobernador Felix, kabayatan iti adu a tawen a nagturayka kadakami, nasayaat ti panagbiagmi. Gapu iti nainsiriban a panggepmo, napasayaatmo ti adu a banbanag iti daytoy a probinsia.
\v 3 Ngarud, Gobernador Felix, agyamankami a kanayon kenka iti tunggal banag a naaramidam para kadakami amin, sadinoman iti nangaramidam kadagidiay a banbanag.

\s5
\v 4 Ngem, tapno diak maibus ti adu nga orasmo, kiddawek nga anusam a denggen ti innak ibaga.
\v 5 Napaliiwmi a daytoy a lalaki, iti sadinnoman a pappananna ket mangparparnuay iti riribuk kadagiti Judio. Idadaulona pay ti entero a bunggoy nga awagan dagiti tattao a dagiti pasurot ti Nazareno.
\v 6 Pinadasna pay iti nangaramid kadagti banbanag a mangtulaw iti Templo idiay Jerusalem, isu a tiniliwmi.

\s5
\v 7 Naikkat kadagiti kapipintasan ken kauunaan a kopya ti bersikulo 7 (Ngem ni Lisias, ti komandante iti kuartel ti Romano ket immay a kaduana dagiti soldadona ket impanawna isuna kadakami. Imbaga pay ni Lisias kadagiti mangpabpabasol kenni Pablo nga umayda ditoy ket idarumda iti sangoananyo.)
\v 8 No palutputem isuna, mabalin a maamuam a dagitoy a banbanag maipapan iti ipabpabsolmi ket pudno."
\v 9 Ket imbaga dagiti panguloen a Judio sadiay iti gobernador a pudno iti imbaga ni Tertulo.

\s5
\v 10 Ket insenyas ti gobernador ti imana kenni Pablo a masapul nga agsao isuna. Isu a simmungbat ni Pablo ket kinunana, "Gobernador Felix, ammok nga iti adu a tawen, sika iti manguk-ukom iti daytoy a probinsia dagiti Judio. Ngarud, maragsakanak a mangikalintegan iti bagik. Ammok a dumngegka kaniak ken patas iti panangukommo kaniak.
\v 11 Ammom nga awan pay ti nasurok a sangapulo ket dua nga aldaw manipud idi napanak idiay Jerusalem nga agdayaw iti Dios.
\v 12 Awan ti makaibaga a nakitadak a makisinsinnuppiat iti siasinoman iti paraangan ti Templo gapu ta diak inaramid dayta. Awan iti makaibaga a nakitadak a nangparnuay iti ariwawa kadagiti tattao kadagiti sinagoga dagiti Judio wenno nangparnuay iti riribuk iti sadinoman iti Jerusalem, gapu ta diak inaramid dayta.
\v 13 Isu a saanda a mapaneknekan kenka dagiti banbanag maipapan iti ipabpabasolda ita kaniak.

\s5
\v 14 14Ngem umanamongak iti sangoanam a daytoy ket pudno: Agdaydayawak iti Dios a dinaydayaw dagiti kapuonanmi. Pudno a sursurutek ti dalan nga insuro ni Jesus kadakami. Mamatiak met iti amin a banag nga insurat ni Moises, dagiti linteg nga inted ti Dios kenkuana ken tunggal banag nga insurat dagiti profeta kadagiti libroda.
\v 15 15Mamatiak, kas met iti panamati dagitoy a lallaki, nga addanto aldaw a pagungaren ti Dios ti tunggal natay, agpada kadagiti naimbag ken kadagiti dakes.
\v 16 16Agsipud ta mamatiak a dumtengto dayta nga aldaw, isu a kankanayon nga ikarkarigatak nga aramiden ti makaay-ayo iti Dios ken ti ipagarup dagiti dadduma a tattao a rumbeng.

\s5
\v 17 Kalpasan iti sumagmamano a tawen a kaaddak kadagiti dadduma a lugar, nagsubliak idiay Jerusalem a mangipan iti kuarta kadagiti padak a Judio a marigrigat.
\v 18 Sumagmamano a Judio a naggapu idiay Asia iti nakakita kaniak idiay paraangan ti Templo kalpasan a natungpalko a naan-anay ti seremonia a mangpalubos iti maysa a tao nga agdaydayaw iti Dios. Awan ti adu a tattao a kaduak ken saanak a nangparnuay iti riri.
\v 19 Ngem dagidiay ketdi a Judio ti nangparnuay iti panagririri dagiti tattao. Addada koma ditoy sangoanam a mangidarum kaniak, no panpanunotenda a nakaaramidak iti biddut.

\s5
\v 20 Ngem no saanda kayat nga aramiden dayta, masapul nga ibaga dagitoy a Judio a lallaki nga adda ditoy ti ipagarupda a biddut nga inaramidko idi inkalintegak ti bagik idiay Konsehoda.
\v 21 Mabalin nga ibagada nga adda biddut nga inaramidko idi impukkawko, 'Uk-ukomendak ita agsipud ta mamatiak a pagbiagento manen ti Dios amin a tattao a natay.""

\s5
\v 22 Adun ti ammo ni Felix maipapan iti aw-awagan dagiti tattao a dalan ni Jesus. Ngem saanna nga impalubos nga agsao pay ni Pablo wenno dagiti Judio. No di ket imbagana kadakuada, "Inton umay ditoy ni Komander Lisias, ikeddengkonto daytoy a kaso.
\v 23 Kalpasan ket imbagana iti opisial nga agbanbantay kenni Pablo nga isublida ni Pablo idiay pagbaludan ken siguradoenda a mabantayan iti amin nga oras. Ngem imbagana a saan a makawaran ni Pablo ken no umay dagiti gagayyemna a mangsarungkar kenkuana, masapul a palubosan ida ti opisial iti panangtulongda kenni Pablo iti aniaman a wagas a kayatda nga aramiden.

\s5
\v 24 Kalpasan iti sumagmamano nga aldaw, nagsubli ni Felix a kaduana ti Judio nga asawana a ni Drusila, ket inayabanna ni Pablo tapno agsaritada. Dimngeg ni Felix iti kinuna ni Pablo maipapan iti panagtalek kenni Jesu-Cristo.
\v 25 Nagsao ni Pablo kenkuana maipapan iti kayat ti Dios nga aramiden dagiti tattao tapno maay-ayoda isuna. Inlawlawagna met no kasano nga agteppel dagiti tattao iti panaggungunayda, ken addanto tiempo nga ukomen ti Dios dagiti amin a tattao. Nagbuteng ni Felix kalpasan a nangngeganna dagidiay a banbanag, isu nga imbagana kenni Pablo, "Dayta laeng iti kayatko a maamoan ita. No adda orasko, kiddawekto manen nga umayka kaniak.

\s5
\v 26 Ninamnama ni Felix a mangted ni Pablo iti kuarta kenkuana isu a pinaayabanna ni Pablo iti namin-adu a daras. Kinasao ni Pablo ni Felix iti adu a daras, ngem saan isuna a nangted iti kuarta kenni Felix, ken saan nga imbaga ni Felix kadagiti soldadona a wayawayaanda ni Pablo manipud iti pagbaludan.
\v 27 Impalubos ni Felix nga agtalinaed ni Pablo iti pagbaludan agsipud ta kayatna a maay-ayo dagiti panguloen a Judio. Ngem kalpasan iti dua a tawen, nagbalin a gobernador ni Porcio Festus a naisukat kenni Felix.

\s5
\c 25
\p
\v 1 Nangrugi ni Festo nga agturay a kas gobernador iti probinsia. Kalpasan iti tallo nga aldaw, pinanawanna ti siudad iti Cesarea ken simmang-at idiay Jerusalem.
\v 2 Sadiay, timmakder dagiti panguloen a papadi ken dagiti dadduma a panguloen dagiti Judio iti sangoanan ni Festo ket imbagada a nakaaramid ni Pablo kadagiti saan a nasayaat a banbanag.
\v 3 Ginanatda a dinawat kenni Festo a maiyeg ni Pablo iti pangukoman idiay Jerusalem. Ngem iti kinapudnona ket pangpanggependa a dangran isuna iti dalan ken patayen isuna.

\s5
\v 4 Simmungbat ni Festo, "Naguardiaan ni Pablo idiay Cesarea, palubosanyo nga agtalinaed sadiay. Sumalogakto iti mabiit idiay Cesarea."
\v 5 "Ngarud," kinunana, "masapul a mapankayo sadiay a kaduadak, dakayo a makabael. No adda man iti banag nga ipabasolyo kenni Pablo, mabalinyo nga aramiden sadiay."

\s5
\v 6 Nagtalinaed ni Festo idiay Jerusalem a kaduada dagiti panguloen iti Templo iti walo wenno sangapulo pay nga aldaw. Ket simmalog isuna a nagsubli idiay siudad ti Cesarea. Iti simmaruno nga aldaw, imbilin ni Festo a maiyeg ni Pablo kenkuana, ket nagtugaw isuna iti tugaw iti ukom.
\v 7 Kalpasan a naiyeg ni Pablo iti sangoanan iti tugaw ti ukom, naguummong iti aglawlawna dagiti panguloen dagiti Judio nga immay manipud iti Jerusalem tapno idarumda isuna iti adu a nadagsen a pammabasol, ngem saanda a napaneknekan iti aniaman kadagitoy.
\v 8 Kalpasanna, inkalintegan ni Pablo ti bagina. Kinunana, "Awan ti aniaman a naaramidko a maibusor iti linteg dagiti Judio, wenno maibusor iti Templo, wenno maibusor iti Emperador."

\s5
\v 9 Ngem kayat ni Festo a maay-ayo dagiti mangidadaulo a Judio, isu a dinamagna kenni Pablo, "Situtulokka kadi a sumang-at idiay Jerusalem tapno mabalinka nga ukomen sadiay maipanggep kadagitoy a banbanag?"
\v 10 Simmungbat ni Pablo, "Saan, agtaktakderak ita iti sangoanam, sika a mangibagi iti Emperador. Ditoy ti rumbeng a pakaukomak. Awan ti uray aniaman a dakes a naaramidko kadagiti tattao a Judio, a kas ammoyo a naimbag.

\s5
\v 11 No adda iti aniaman a banag a naaramidko a rumbeng a pakatayak, saanak nga agkedked a matay; ngem awan iti aniaman nga ipabpabasolda kaniak a pakaikariak iti kasta a pannusa. Awan iti siasinoman a mabalin a mangikeddeng kaniak tapno laeng mapnekda. Dinawatko a ni Cesar mismo ket ukomennak."
\v 12 Kalpasan a nakisarita ni Festo kadagiti mammalbalakadna, kinunana, "Dinawatmo a mapanka kenni Cesar, kenni Cesar ngarud iti papanam!"

\s5
\v 13 Kalpasan iti sumagmamano nga aldaw, simmangpet ni Ari Herodes Agripa idiay Cesarea, a kaduana iti kabsatna a babai a ni Bernice. Immay da tapno mangipaay iti panagraemda kenni Festo.
\v 14 Nagtalinaed da Ari Agripa ken Bernice iti adu nga aldaw idiay Cesarea. Kalpasan a naglabas ti sumagmamano a tiempo, imbaga ni Festo kenni Agripa ti maipanggep kenni Pablo. Kinunana, "Adda maysa a lalaki ditoy nga impaibalud ni Felix iti pagbaludan.
\v 15 Idi napanak idiay Jerusalem, immay kaniak dagiti panguloen a papadi ken dagiti panglakayen a Judio ket dinawatda kaniak a patawak isuna iti dusa a pannakatay.
\v 16 Ngem imbagak kadakuada a no adda iti siasinoman a mapabasol iti nadagsen a krimen, saan a kaugalian dagiti Romano ti mangikeddeng a dagus iti tao. No di ket palubosantayo ti naakusaran a sumango kadagiti nangakusar kenkuana ken ikalinteganna ti bagina manipud kadagiti ibagbagada maipanggep kenkuana.

\s5
\v 17 Isu nga idi immay ditoy Caesarea dagidiay a Judio, saanko a pulos nga intantan iti panangusig. Iti aldaw kalpasan a simmangpetda, nagtugawak iti tugaw ti ukom ken imbilinko kadagiti guardia nga iyegda ti balud.
\v 18 Ngem idi imbaga kaniak dagiti panguloen a Judio ti saan a nasayaat nga inaramid ti balud, iti panagkunak ket awan iti nadagsen kadagiti imbagada.
\v 19 No di ket, ti pinagsusuppiatanda ket maipanggep kadagiti banbanag iti bukodda a relihion ken maipanggep iti maysa a tao nga agnagan iti Jesus a natay, ngem imbaga ni Pablo nga isuna ket sibibiag.
\v 20 Saanko a maawatan dagitoy a banbanag, wenno no kasano a masarakan ti kinapudno. Isu a sinaludsodko ni Pablo, 'Situtulokka kadi a mapan idiay Jerusalem, tapno iti kasta mabalinka nga ukomen sadiay maipanggep kadagitoy a banbanag?'

\s5
\v 21 Ngem dinawat ni Pablo kenni Cesar nga ukomenna iti nakaidarumanna, isu nga imbilinko a maguardiaan agingga a mabalinko nga ibaon isuna kenni Cesar."
\v 22 Kalpasan ket kinuna ni Agripa kenni Festo, "Siak a mismo, kayatko a mangngeg no ania ti ibaga daytoy a lalaki." Simmungbat ni Festo, "Iyurnosko ngarud tapno mangngegam isuna inton bigat."

\s5
\v 23 Iti simmaruno nga aldaw, simrek da Agripa ken Bernice iti pangukoman, ket indaydayaw ida dagiti amin a tattao. Kimmuyog kadakuada ti sumagmamano a komandante a Romano ken napapateg a lallaki idiay Cesarea. Kalpasanna, imbilin ni Festo nga iyeg dagiti guardia ni Pablo.
\v 24 Idi simreken ni Pablo, kinuna ni Festo, "Ari Agripa ken kadakayo amin nga adda ditoy, makitayo daytoy a tao! Adu a panguloen dagiti Judio, ditoy ken idiay Jerusalem, ti nangkiddaw kaniak a saanko nga itulok nga agbiag pay isuna.

\s5
\v 25 Ngem awan iti nasarakak a naaramidna a pakaikarianna iti ipapatay. Uray pay no kasta, dinawatna kenni Cesar nga ukomenna iti nakaidarumanna, isu nga inkeddengko nga ibaon isuna idiay Roma.
\v 26 Ngem saanko nga ammo no ania iti rumbeng nga isuratko iti emperador maipanggep kenkuana. Isu nga inyegko isuna ditoy tapno agsao kadakayo amin, ken nangnangruna kenka, Ari Agrippa! Inaramidko daytoy tapno iti kasta ket palutputem isuna. Iti kasta, maamoak no ania ti isuratko iti Emperador.
\v 27 Napanunotko a saan a rumbeng a mangibaonak iti balud iti Emperador idiay Roma a saan nga ibaga no ania iti ibagbaga dagiti tattao a naaramidna a banbanag a saan a nasayaat."

\s5
\c 26
\p
\v 1 Kalpasanna, kinuna ni Agripa kenni Pablo, "Palubosandaka ita a mangikalintegan iti bagim." Kalpasanna, inyunnat ni Pablo ti imana kas panangipakitana nga agsaon isuna. Kinunana,
\v 2 "Ari Agripa, ibilangko ti bagik a nagasat ta ita nga aldaw mabalinko nga ilawlawag kenka no apay a nagbiddut dagiti mangidadaulo a Judio iti panangibagada a nakaaramidak kadagiti dakes a banbanag.
\v 3 Nangnangruna a nagasatak gapu ta ammoyo iti maipanggep kadagiti amin a kaugalianmi a Judio ken dagiti saludsod a pagsusupiatanmi. Isu a dawatek kadakayo a dumngegkayo a siaanus kaniak."

\s5
\v 4 Ammo iti isu amin a padak a Judio no kasanoak a nagbiag manipud iti kinaubingko. Ammoda no kasanoak a nagbiag idiay siudad a nakaiyanakak ken kalpasanna idiay Jerusalem.
\v 5 Am-ammodak sipud pay idi damo, ket no kayatda, maibagada kadakayo a sipud pay idi ubingak ket siaannadko a pinagtulnogan dagiti nainget unay a kaugalian iti relihionmi. Nagbiagak met a kas kadagiti dadduma a Pariseo.

\s5
\v 6 Ita nga aldaw, maus-usigak gapu ta sitatalekak a mangnamnama nga aramidento ti Dios no ania ti inkarina kadagiti kapuonanmi.
\v 7 Sitatalek met nga agur-uray iti Dios dagiti sangapulo ket dua a tributayo a Judio nga aramidenna para kadatayo ti inkarina, kas padayawanda isuna ken agrukbabda kenkuana iti aldaw ken rabii. Madaydayaw nga ari, sitatalekak a mangnamnama nga aramidento ti Dios ti inkarina, ket patienda met dayta! Ngem gapu iti namnamaek nga aramiden ti Dios nga ibagbagada a nakaaramidak iti biddut.
\v 8 O Ari, panpanunotem kadi a saan a mapagungar ti Dios dagiti natay?

\s5
\v 9 Adda idi iti napalabas a tiempo, a siak met, ket awan duaduak a masapul nga aramidek ti amin a kabaelak a manglapped kadagiti tattao manipud iti panamatida kenni Jesus a naggapu iti ili ti Nasaret.
\v 10 Isu a dayta ti inaramidko idi nagnaedak idiay Jerusalem. Pinaibaludko ti adu kadagiti namati idiay pagbaludan, gapu ta inikkandak dagiti panguloen a papadi iti karbengan a mangaramid iti dayta. Ket idi pinapatay dagiti tattaoda dagiti namati, immanamongak iti dayta.
\v 11 Masansan a dusaek dagiti Judio a nagtalek kenni Jesus. Binirbirukko ida iti sadinnoman ken iti tunggal sinagoga. Kasta unay ti ungetko kadakuada gapu ta sinurotda ni Jesus, ket uray ko la ida pinilpilit, iti amin a kabaelak, a manglais iti naganna. Kasta unay ti ungetko kadakuada isu a kayatko a mausigda ken makednganda iti pannakatay idi naisaklangda kadagiti pangukoman dagiti Judio. Kanayon nga umanamongak iti pannakapapatayda. Urayak la napan kadagiti dadduma a pagilian a nangbiruk kadakuada tapno tiliwek ida, ken isublik ida idiay Jerusalem, ken kalpasanna ket madusa da. Kayatko a mapapatayda.

\s5
\v 12 Inikkandak dagiti panguloen a papadi iti karbengan a mangtiliw kadagiti namati idiay Damasco, ket sadiay ti napanak. Ngem kabayatan iti kaaddak iti dalanko,
\v 13 idi agtenggan ti aldaw, nakakitaak idiay dalan iti naraniag a lawag idiay tangatang. Nalawlawag pay daytoy ngem ti init! Linawaganna ti aglawlawko, ken uray pay ti aglawlaw dagiti kaduak nga agdaldaliasat.
\v 14 Natumbakami amin. Ket nakangngegak iti timek nga agsasao kaniak iti bukodko a pagsasao a Hebreo. Kinunana, "Saulo, Saulo, apay a pasaksakitannak? Narigat para kenka no salungasingem ti pagayatak.'

\s5
\v 15 Kalpasanna kinunak, 'Siasinoka, Apo?' Kinunana, ‘Siak ni Jesus, a pasaksakitam.
\v 16 Ngem bumangonka ket tumakderka kadagiti sakam! Nagparangak kenka tapno iti kasta pagbalinenka nga adipen ken saksi iti nakitam no ania iti Pakaammom maipanggep kaniak ita, ken no ania ti ipakitakto kenka iti saan a mabayag.
\v 17 Salaknibankanto manipud kadagiti tattao ken kadagiti saan a Judio a pangibaonak kenka,
\v 18 tapno lukatam dagiti matada, tapno iturongmo ida manipud iti sipnget a mapan iti lawag, ken manipud iti pannakabalin iti kabusor a mapan iti pannakabalin ti Dios. Iti daytoy a wagas, pakawanento ti Dios dagiti basbasolda ken itedna kadakuada dagiti amin a banbanag nga addanto kadagiti tattaok iti agnanayon, dagiti tattao a kukuak babaen iti pammati.

\s5
\v 19 "Ngarud, Ari Agripa, inaramidko ti imbaga ti Dios kaniak iti sirmata, nga aramidek.
\v 20 Umuna, nagsaoak kadagiti Judio idiay Damasco ken kadagiti adda idiay Jerusalem, ken iti isuamin nga adda iti ig-igid ti pagilian ti Judea, ken uray pay kadagiti saan a Judio sadiay. Imbagak kadakuada a masapul nga isardengda ti agbasol ken dumawatda iti Dios iti tulong. Imbagak pay kadakuada a masapul nga aramidenda dagidiay a banbanag a mangipakita nga insardengdan ti panagbasbasol.
\v 21 Gapu iti panangikasabak iti daytoy a mensahe, a tiniliwdak dagiti sumagmamano a Judio idi addak idiay paraangan ti templo ken pinadasdak a patayen.

\s5
\v 22 Nupay kasta, tinultulungannak ti Dios, isu nga intultuloyko nga inwaragawag dagitoy a banbanag agingga iti daytoy nga aldaw. Intultuloyko nga imbaga kadagiti kadawyan a tattao ken kasta met kadagiti napateg a tattao no ania iti imbaga ni Moises ken dagiti profeta a mapasamak.
\v 23 Imbagada nga agsagaba ni Cristo ken matay, nga isuna ti umuna nga agungar manipud iti patay. Imbagada pay nga iwaragawagnanto, kadagiti bukodna a tattao ken kadagiti saan a Judio, a pudno a kabaelan ida ti Dios nga isalakan."

\s5
\v 24 Sakbay nga adda pay ti naisawang ni Pablo, nagpukkaw ni Festo iti napigsa a timek: "Pablo, Agmauyongka! Nasobraam ti nagadal, ket dayta iti nangpamauyong kenka!"
\v 25 Ngem simmungbat ni Pablo, "Madaydayaw a Festo, saanak nga agbagmauyong! Ngem ketdi, pudno ti ibagbagak ken saan nga aguuyong!
\v 26 Ta ammo ni Ari Agripa dagiti banbanag a dakdakamatek, ken siwawayaak nga agsao kenkuana maipanggep kadagitoy. Awan duaduak nga awan kadagitoy a banbanag ti saanna nga ammo, gapu ta awan kadagitoy a banbanag ti napasamak iti nalimed."

\s5
\v 27 "Ari Agripa, mamatika kadi iti insurat dagiti profeta? Ammok a patiem dagidiay a banbanag."
\v 28 Kalpasanna, sinungbatan ni Agripa ni Pablo, "Iti apagbiit a tiempo ket ngannganinak inallukoy nga agbalin a Kristiano!"
\v 29 Simmungbat ni Pablo, "Uray no mabayag wenno mabiit, saan a napateg dayta. Kararagko iti Dios a dakayo ken dagiti dadduma nga agdengdengngeg ita nga aldaw kaniak ket agbalinto met a kas kaniak, malaksid kadagitoy a kawar!"

\s5
\v 30 Kalpasanna, timmakder ti ari. Timmakder met ti gobernador, ni Bernice, ken amin dagiti dadduma
\v 31 ket pimmanawda iti siled. Kalpasan a pimmanawda, kinunada iti tumunggal maysa, "Awan iti naaramid daytoy a tao tapno maikari iti patay wenno pannakakawarna."
\v 32 Kinuna ni Agripa kenni Festo," No saan a dinawat daytoy a tao nga ukomen isuna ti Emperador, nawayawayaan koman isuna."

\s5
\c 27
\p
\v 1 Idi inkeddeng ti gobernador a masapul nga aglayag kami a mapan idiay italia, inkabilna ni Pablo ken dagiti dadduma a balud iti aywan ti maysa a kapitan ti armada, nga agnagan Julio. Isuna ket maysa a senturion ken paset iti rehimiento a maaw-awagan a "dagiti Agostos".
\v 2 Limmugan kami iti barko a naggapu idiay siudad ti Adrumeto idiay Asia. Ngannganin nga aglayag ti barko kadagiti lugar nga adda iti igid ti baybay ti Asia. Iti kastoy a wagas napan kami iti baybay. Ni Aristarco a taga idiay Tesalonica a paset iti Macedonia ket nakikuyog kadakami.

\s5
\v 3 Iti simmaruno nga aldaw, simmangpet kami idiay Sidon. Nasayaat ti panangtrato ni Julio kenni Pablo ket pinalubosanna a mapanna kitaen dagiti gagayemna, a mabalin a mangaywan kenkuana.
\v 4 Kalpasanna, nagrubbuat iti barko manipud sadiay. Naglayag kami iti igid ti Cyprus, iti paset nga awan unay ti angin tapno saankami a maiturong iti sabali a dalan.
\v 5 Kalpasan dayta, bimmallasiw kami iti baybay, iti asideg ti igid ti Cilicia ken Pamfilia. Simmangpet ti barko idiay Mira, a paset ti Licia. Dimsaag kami manipud iti barko.
\v 6 Idiay Mira, nakasarak ni Julio iti barko a naggapu idiay Alejandria nga aglayag iti mabiit nga agturong idiay Italia. Inurnos ngarud ni Julio ti panagluganmi iti barko ket pimmanaw kami.

\s5
\v 7 Naglayagkami a nainayad iti adu nga aldaw ket nakadanunkami iti asideg ti Cnido, ngem narigatan kami a nakadanun sadiay, agsipud ta ti angin ket maisupadi kadakami. Kalpasan dayta, nakapigpigsa ti angin ken saan a makapaglayag a deretso nga agpalaud ti barko. Naglayagkami ngarud iti igid ti Isla ti Creta, no sadino ket saan a napigsa ti panaganginna, ket limmabas kami iti asideg ti Salmon, a maysa a bassit a daga nga adda iti danum.
\v 8 Napigsa latta ti angin, ket linappedanna ti barko nga aglayag a napartak. Isu a nagin-inayad kami a naglayag iti igid ti Creta, ket nakadanunkami iti ili a maawagan Naltaged a Sangladan, nga asideg idiay Lasea.

\s5
\v 9 Adu a tiempo ti naglabas, ket nagbalinen a napeggad ti aglayag, agsipud ta naglabasen ti panawen a panagayunar dagiti Judio ken ti baybay ket nakadawdawelen. Isu a kinuna ni Pablo kadagiti lallaki iti barko,
\v 10 "Dakayo a lallaki, makitak a no aglayagtayo ita, agpeggadtayonto ken adu iti madangran ken mapukaw, saan laeng a ti kargamento ken ti barko, ngem uray pay dagiti biagtayo."
\v 11 Ngem saan a namati ti taga-Roma a kapitan kenni Pablo. Ngem ketdi, pinatina no ania ti imbaga ti abyador ken ti akinkukua iti barko, ket inkeddengna nga aramiden no ania ti imbalakadda.

\s5
\v 12 Ti pantalan ket saan a nasayaat a lugar a pagtalinaedan kabayatan iti kalam-ekna, isu a kaaduan kadagiti aglaylayag ket ibalakadda a mapan iti baybay manipud sadiay. Ninamnamada a makadanunda idiay Fenix ken agianda sadiay kabayatan iti lam-ek. Ti Fenix ket ili a sakop iti Creta. Sadiay, agpada nga agpuyupoy ti angin nga aggapu iti amianan a laud ken abagatan a laud.
\v 13 Gapu ta saan unay a napigsa ti angin nga agpuypuyupoy manipud iti abagatan, napanunot dagiti pahinante a mabalinda ti aglayag a kas iti kayatda. Isu a ginuyodda ti angkla nga impangato manipud iti baybay ket naglayag ti barko iti asideg ti igid ti isla ti Creta.

\s5
\v 14 Nupay kasta, kalpasan ti ababa a tiempo, adda napigsa nga angin a nagpuyupoy manipud iti igid. Nagpuyupoy a paballasiw iti isla manipud iti amianan ket bimmaut iti barko. Dayta nga angin ket maawagan iti Amian, "ti Amianan a Daya nga angin."
\v 15 Nagpuyupoy a napigsa a maisupadi iti pagturungan ti barko, ket saankami a makapaglayag a maisupadi iti angin. Isu a binaybay-an dagiti marino a ti angin ti mangiturong iti barko iti pagturongan ti puyupoy ti angin.
\v 16 Naglayag ngarud ti barko iti igid ti bassit nga isla a maawagan Cauda. Nabalinanmi, ngem narigatan kami a nangigalot iti bangka a sitatalged iti barko.

\s5
\v 17-18 Kalpasan a nangipangato dagiti marino ti bangka iti barko, nangaramatda kadagiti kable tapno mapatibker ti barko. Impagnada dagitoy iti sirok ti barko tapno patibkerenda ti barko. Nagbuteng dagiti marino nga amangan no agtaraykami iti takdang ti kadaratan a maawagan Sirte, isu nga imbabada ti angkla iti baybay ket iti kastoy a wagas, inturong nakami ti angin. Intuloy ti nadawel nga angin ken dagiti dalluyon nga inyallu-allon ti barko, isu nga iti simmaruno nga aldaw, nangrugi dagiti marino nga agibelleng kadagiti banbanag manipud iti barko.

\s5
\v 19 Iti maikatlo nga aldaw ti bagyo, nangitapuak dagiti marino kadagiti banbanag ket kaadduan kadagitoy ket dagiti layag, taltali, ken sibsibbol, tapno lumag-an ti barko. Inaramidda daytoy babaen kadagiti bukodda nga im-ima.
\v 20 Intuloy ti angin iti nagpuyupoy a napigsa iti las-ud ti adu nga aldaw ket napunno ti tangatang iti nalidem nga ul-ulep, iti aldaw ken rabii, isu a saanmi a makita ti init wenno dagiti bitbituen. Napukawmi amin a namnamami a makalasat.

\s5
\v 21 Iti adu nga aldaw, awan kadakami nga adda iti barko ti nangan. Ket iti maysa nga aldaw, nagtakder ni Pablo iti sangngoananmi ket kinunana, "Gagayyem, dimngegkayo koma ngamin kaniak idi imbagak a saantayo nga aglayag manipud Creta.
\v 22 Ngem ita, allukoyenkayo, saankayo nga agbuteng, gapu ta awan matay kadatayo. Dadaelen ti bagyo ti barko ngem saan a datayo.

\s5
\v 23 Ammok daytoy, gapu ta idi rabii, ti Dios, nga isu iti nakaikamengak ken pagserserbiak ket nangibaon iti anghel nga immay ken nagtakder iti abayko.
\v 24 Kinuna ti anghel kaniak, 'Pablo, saanka nga agbuteng! Masapul a mapanka idiay Roma ket dumatagka iti Emperador sadiay tapno ukomennaka. Kayatko a maammoam nga impalubos ti Dios kenka a dagiti amin a kaduam nga aglaylayag iti barko ket makalasat met.'
\v 25 Isu nga agragsakkayo, gagayyemko, gapu ta mamatiak nga aramiden daytoy ti Dios, a kas iti imbaga ti anghel kaniak.
\v 26 No pay kasta, maisadsad ti barko iti maysa nga isla, ket maipaigidtayo sadiay."

\s5
\v 27 Iti maika-sangapulo ket uppat a rabii kalpasan iti panangrugi ti bagyo, maiyang-angin latta ti barko a paballasiw iti baybay Adriatico. Idi agtengngan ti rabii, impagarup dagiti marino nga umas-asidegen ti barko iti daga.
\v 28 Nangibabada iti tali tapno rukodenda no kasano kaadalem ti danum. Idi ginuyodda ti tali nga impangato, rinukodda ket nakitada nga uppat a pulo a metro ti kauneg iti danum. Iti saan a nabayag, rinukodda manen ket nasarakanda a tallopulo a metro ti kaunegna.
\v 29 Nagbutengda a ti barko ket mapan iti kabatbatoan. Isu a nangitapuakda iti uppat nga angkla nga adda iti ubet ti barko. Ket nagkararagda a bumigat koman tapno makitada no sadino iti pagturongan ti barko.

\s5
\v 30 Agpangpanggep dagiti dadduma a marino nga aglibas manipud iti barko, isu nga imbabada ti bangka iti baybay. Tapno awan ti makaammo iti panggepda nga aramiden, nagpammarangda a kayatda nga ibaba ti dadduma nga angkla manipud iti sango ti barko.
\v 31 Kinuna ni Pablo iti kapitan ti soldado ken kadagiti soldado, "No saan nga agtalinaed dagiti marino iti barko, awan namnamayo a makalasat."
\v 32 Isu a pinuted dagiti soldado dagiti tali ket binaybay-anda a matinnag ti bangka iti danum.

\s5
\v 33 Idi bumigaten, inallukoy ni Pablo dagiti amin nga adda iti barko a mangan iti uray bassit laeng a makan. Kinunana, "Iti las-ud iti naglabas a sangapulo ket uppat nga aldaw, nagur-uray ken nagbuybuyakayo, ken saankayo a nangan iti uray ania.
\v 34 Ngarud, allukoyenkayo ita a mangan iti uray bassit laeng a makan. Masapul nga aramidenyo daytoy tapno agbiagkayo. Awan ti uray maysa a buok iti uloyo a mapukaw."
\v 35 Kalpasan a kinuna ni Pablo dayta, iti imatang ti tunggal maysa, nangala iti tinapay ket nagyaman iti Dios. Pinisina ti tinapay ket nangrugi a nangan iti bassit.

\s5
\v 36 Ket naragsakanda amin ken nanganda iti bassit a makan.
\v 37 Dua gasut pito pulo ket innem kami amin nga adda iti barko.
\v 38 Idi nakapangan kami aminen, pinalag-ananda ti barko babaen iti pinangibellengda kadagiti nabatbati a trigo iti baybay.

\s5
\v 39 Idi bumigaten, addan makitamin a daga, ngem saan nga ammo dagiti marino no sadino ti ayanmi, Nupay kasta, makitadan ti igid ti baybay ken ti nalawa a kadaratan iti igid ti danum. Inkeddengda a padasen nga ipaigid ti barko iti kadaratan.
\v 40 Isu nga intinnagda dagiti angkla ket binaybay-anda a matinnag lattan iti baybay. Iti dayta met laeng a kanito, pinalukayanda dagiti tali a nangirut kadagiti timon, ket impangatoda ti makinsango a layag tapno puyotan ti angin. Kalpasanna, inturongda ti barko iti igid.
\v 41 Ngem nagturong ti barko iti nagsasabatan ti dandanum ket napaspas a nagtaray iti kadaratan nga adda iti siruk dagiti dalluyon. Naisadsad ti sanguanan ti barko idiay ket saanen a makagaraw, ken dadakkel a dalluyon iti mangsaplisaplit iti likod ti barko, isu a nangrugi a madadael.

\s5
\v 42 Adda idin iti panunot dagiti soldado a papatayenda amin a balud tapno awan kadakuada iti makalanguy nga umadayo ken makalibas.
\v 43 Ngem kayat ti kapitan nga isalakan ni Pablo, isu a linapdannna dagiti soldado iti panangaramidda iti daytoy. Ngem ketdi, imbilinna a tunggal maysa a makalangoy ket masapul a tumappuak iti danum ken aglangoy a mapan iti igid.
\v 44 Ket imbagana kadagiti dadduma a kumpetda iti tabla wenno kadagiti babassit a pagpatawan nga aggapu iti barko ket mapanda iti igid. Inaramidmi no ania ti imbagana, ket iti kasta a wagas, nakagtengkami amin a sitatalged iti daga.

\s5
\c 28
\p
\v 1 Idi nakasangpetkamin a sitatalged iti igid ti baybay, naamoanmi a daytoy nga isla ket naawagan iti Malta.
\v 2 Sinangaili dakami iti nasaysayaat pay ngem iti gagangay a panangsangaili dagiti tattao nga agnanaed iti dayta a lugar. Nangpasgedda iti apuy ket inawisdakami a mapan aginudo, gapu ta agtudtudo ken nalam-ek.

\s5
\v 3 Idi nakaurnong ni Pablo iti rutruting ken insungrodna dagitoy, maysa a nagita nga uleg ti rimuar iti ayan ti apuy tapno aglibas manipud iti pudot, ket kinagatna ti ima ni Pablo ket nagtalinaed a sibibitin.
\v 4 Nakita dagiti tattao iti dayta nga isla ti parsua a sibibitin iti ima ni Pablo, kinunada iti tunggal maysa, "Siguro nakapatay daytoy a tao. Uray man no nalisianna ti pannakalmes idiay baybay, ti dios ti hustisia ti pakaigapuanto iti ipapatayna."

\s5
\v 5 Ngem inwagsak laeng ni Pablo ti uleg iti apuy, ken awan iti napasamak kenkuana.
\v 6 Namnamaen dagiti tattao a lumteg ti bagi ni Pablo nga adda panagbara wenno kella-at a matumba ket matay. Ngem kalpasan iti atiddug a kanito a panagurayda, nakitada nga awan napasamak kenkuana a saan a nasayaat. Isu a nagbaliw ti panunot dagiti tattao ket kinunada iti tunggal maysa, "Saan a mamapatay daytoy a tao! Isuna ket dios!"

\s5
\v 7 Ita, iti lugar nga asideg iti ayanda, adda dagiti taltalon a kukua ti tao nga agnagan iti Publio. Isuna ti kangatoan nga opisyal iti isla. Inawisnakami nga ummian iti balayna. Inaywananna kami a nasayaat iti las-ud iti tallo nga aldaw.
\v 8 Iti dayta a tiempo, aggurigor ken agsika ti ama ni Publio, ket nakaidda iti kama. Isu a sinarungkaran ken ingkararagan ni Pablo isuna. Kalpasanna, impatay ni Pablo ti imana kenkuana ken pinaimbagna daytoy.
\v 9 Kalpasan a naaramid ni Pablo dayta, napan kenkuana dagiti dadduma a masaksakit iti isla, ket pinaimbagna met ida.
\v 10 Inyegandakami kadagiti sagsagut ken impakitada pay iti sabali a wagas a dakkel ti panagraemda kadakami. Idi nakasaganakamin a pumanaw kalpasan iti tallo a bulan, inyegandakami iti makan ken dadduma a banbanag a kasapulanmi iti barko.

\s5
\v 11 Kalpasan iti tallo a bulan a panagtalinaedmi sadiay, limmugan kami iti barko a naggapu idiay Alejandria ken mapan idiay Italia ket naglayag kami. Iti sango ti barko, adda naikitikit a ladawan dagiti singin a didiosen nga agnagan iti Castor ken Pollux.
\v 12 Idi nakasangpetkami iti siudad ti Sirakusa, nagtalinaed kami sadiay iti tallo nga aldaw.

\s5
\v 13 Ket naglayag kami ken nakasangpetkami iti siudad ti Regio idiay Italia. Iti simmaruno nga aldaw, agpuypuyupoy ti angin manipud abagatan, isu nga iti las-ud laeng ti dua nga aldaw, nakadanunkami iti ili ti Puteoli. Sadiay, pinanawanmi ti barko.
\v 14 Idiay Puteoli, naam-ammomi ti dadduma a kakabsat a namati. Kayatda a makipaggiankami kadakuada iti pito nga aldaw. Kalpasan daytoy, nakasangpet kami met laengen idiay Roma.
\v 15 Idiay Roma, nangngeg dagiti dadduma a kakabsat a namati ti maipanggep kadakami, isu nga immaydakami sinarak. Sinarak dakami dagiti dadduma idiay ili nga maaw-awagan iti Pagtatagtagillakuan ni Appio, ken dadduma ket sinarakdakami idiay ili a maawagan Ti Tres Tabernas. Idi nakita ni Pablo dagiti namati, nagyaman iti Dios ken napabileg.

\s5
\v 16 Idi nakasangpet kamin idiay Roma, napalubosan ni Pablo nga aggian iti maysa a balay a maymaysana. Ngem kanayon nga adda soldado sadiay a mangbanbantay kenkuana.
\v 17 Kalpasan iti tallo nga aldaw a kaadda ni Pablo sadiay, nangipatulod isuna iti mensahe kadigiti mangidadaulo a Judio nga umayda makisarita kenkuana. Idi immayda kenkuana, kinuna ni Pablo kadakuada, "Ay-ayatek a kakabsat, nupay saanak a simmuppiat kadagiti tattaotayo wenno nagsao iti maibusor iti kaugalian dagiti kapuonantayo, tiniliwdak dagiti mangidadaulotayo idiay Jerusalem. Ngem sakbay a mapataydak, inispalnak ti maysa a komandante a Romano ket kalpasanna impatulodnak idiay siudad ti Caesarea tapno ukomendak dagiti turay a Romano.
\v 18 Pinalutputdak dagiti agturay a Romano ken kayatdak a wayawayaan, gapu ta awan ti inaramidko nga aniaman a saan a nasayaat a banag nga isu ti pakatayak.

\s5
\v 19 Ngem idi nagsao dagiti mangidadaulo a Judio sadiay iti maibusor iti tarigagay dagiti Romano a mangwayawaya kaniak, kiniddawko ngarud nga usigennak ti Emperador ditoy Roma. Ngem ti makagapu nga inaramidko dayta ket saan a gapu ta kayatko nga akusaran dagiti mangidadaulo kadatayo maipanggep iti aniaman.
\v 20 Isu a kiniddawko kadakayo nga umaykayo ditoy tapno maibagak kadakayo no apay a naibaludak. Ti makagapu ket mamatiak iti namnamaen dagiti tattao ti Israel nga aramiden ti Dios para kadatayo."

\s5
\v 21 Ket kinuna dagiti mangidadaulo a Judio. "Saankami a nakaawat iti aniaman a surat a nagggapu kadagiti pada a Judio idiay Judea maipanggep kenka. Kasta met nga awan kadagiti padatayo a Judio a simmangpet ditoy a naggapu idiay Judea ti nangibaga iti aniaman a saan a nasayaat maipanggep kenka.
\v 22 Ngem kayatmi a mangngegan no ania ti kapanunotam maipanggep iti daytoy a bunggoy a nakaikamengam, gapu ta ammomi nga iti adu a lugar ket agsasao dagiti tattao iti maibusor iti daytoy."

\s5
\v 23 Isu nga inkeddengda nga agsublida iti sabali nga aldaw tapno denggenda ni Pablo nga agsao kadakuada. Idi dimteng dayta nga aldaw, ad-adu pay a tattao ti immay ngem iti napalabas, idiay pagnanaedan ni Pablo. Imbaga ni Pablo kadakuada no kasano nga iturayan iti Dios ti tunggal maysa; dinakamatna no kasano nga impadto ni Moises ken dagiti profeta ti maipanggep kenni Jesus. Nagsao ni Pablo kadagiti amin nga agdengdengngeg manipud agsapa aginggana rabii.
\v 24 Dadduma kadagidiay a Judio ket naallukoy a mamati a pudno ti imbaga ni Pablo maipanggep kenni Jesus, ngem dagiti dadduma ket saan a namati a dayta ket pudno.

\s5
\v 25 Idi mangrugidan a saan nga umanamong iti tunggal maysa, ken idi pumanawdan, adda pay maysa a banag nga imbaga ni Pablo: "Imbaga ti Espiritu Santo ti kinapudno kadagiti kapuunanyo, idi insaona dagitoy a sasao kenni profeta Isaias:
\v 26 Mapankayo kadagiti tattaoyo ket ibagayo kadakuada: 'Mangngegyo kadagiti lapayagyo, ngem saanyo pulos a maawatan no ania ti ibagbaga ti Dios. Makitayo babaen kadagiti matmatayo ngem pudno a saanyo a pulos a mailasin dagiti banag nga ar-aramiden ti Dios.

\s5
\v 27 Saan a makaaw-awat dagitoy a tattao, gapu ta nagbalin a natangken ti uloda. Dagiti lapayagda ket ngannganin agtuleng; ken inkidemda dagiti matmatada gapu ta saanda a kayat ti kumita. Saanda a kayat a dumngeg dagiti lapayagda wenno makaawat dagiti puspusoda, ta no kasta ket agsublida kaniak ket paimbagek ida.

\s5
\v 28 Ngarud, masapul a maamoanyo nga ididiaya ti Dios nga isalakanna dagiti saan a Judio, ket dumngegdanto."
\v 29 \f + \ft Acts 28:29 - Ti kadaanan ken kasasayaatan a kopya ti libro Dagiti Aramid iti pagsasao a Griego ket saan a nainayon dagiti sasao a masarakan iti Dagiti Aramid 28:29; ket dayta ti makagapu a saan a nairaman a naisurat ditoy. \f*

\s5
\v 30 Iti las-ud iti dua a tawen nagian ni Pablo idiay balay nga inabanganna. Adu dagiti tattao nga immay nangkita kenkuana. Inawatna amin ida a siraragsak ken nakisao isuna kadakuada. Nangasaba ken nangisuro kadagiti tattao maipanggep iti panagparangto ti Dios a kas ari.
\v 31 Insurona kadakuada ti maipanggep kenni Apo Jesu-Cristo. Inaramidna dayta nga addaan iti naindaklan a kinatured, ket awan ti uray maysa a nangpadas a mangpasardeng kenkuana.