ilo_udb/38-ZEC.usfm

\id ZEC
\ide UTF-8
\h Zacarias
\toc1 Zacarias
\toc2 Zacarias
\toc3 zec
\mt Zacarias

\s5
\c 1
\p
\v 1 Idi ni Dario ti emperador ti Persia iti las-ud ti dua a tawen, iti maikawalo a bulan iti panagturayna, imbaga ni Yahweh daytoy a mensahe kenni profeta Zacarias, a putot ni Barakias ken apoko ni profeta Iddo:
\v 2 "Nakapungtotak unay kadagiti kapuonanyo.
\v 3 Isu a kastoy ti ibagayo kadagiti tattao: Kastoy ti kuna ni Yahweh a Mannakabalin-amin: 'Agsublikayo kaniak, ket no aramidenyo dayta, tulongankayonto manen.

\s5
\v 4 Saanyo koma a tuladen dagiti kapuonanyo. Agtultuloy idi nga inwaragawag dagiti profeta a natay itan kadagiti kapuonanyo a masapul nga isardengdan ti agar-aramid kadagiti dakes a banbanag a kankanayon nga ar-aramidenda. Ngem saanda nga impangag ti imbagak.
\v 5 Natayen dagiti kapuonanyo ket addada itan kadagiti tanemda. Uray dagiti profeta ket saan met a nagbiag iti agnanayon.
\v 6 Ngem saan a nagtulnog dagiti kapuonanyo kadagiti bilin ken alagaden nga insurok kadagiti adipenko a profeta nga ibagada kadakuada, isu a dinusak ida. Isu a nagbabawida ket kinunada a Siak, a ni Yahweh a Mannakabalin-amin ket inaramidko ti maiparbeng kadakuada gapu kadagiti dakes a kababalinda, kas iti imbagak nga aramidek."

\s5
\v 7 Iti maika-duapulo ket uppat nga aldaw ti maikasangapulo ket maysa a bulan, imbaga kaniak ni Yahweh ti maysa pay a mensahe.
\v 8 Kabayatan iti rabii, adda iti nasirmatak. Iti sirmata, nakakitaak iti maysa nga anghel a nakasakay iti nalabaga a kabalio. Adda isuna iti maysa nga akikid a tanap iti ayan dagiti babassit a kayo nga addaan kadagiti napipintas a sabsabong. Adda iti likudanna dagiti anghel a nakasakay kadagiti sabali a kabalio-nalabaga, alazan, ken puraw a kabalio.
\v 9 Sinaludsodko ti anghel a makisarsarita kaniak, “Maestro, siasino dagidiay nga anghel a nakakabalio?" Insungbatna, "Ipakitak kenka no siasinoda."

\s5
\v 10 Ket impalawag ti anghel a nagsardeng kadagiti sirok dagiti babassit a kayo nga addaan kadagiti napipintas a sabsabong. Kinunana, "Isuda dagiti anghel nga imbaon ni Yahweh a mangsursor iti entero a lubong."
\v 11 Kalpasanna, impadamag dagidiay nga anghel iti anghel ni Yahweh nga adda iti sirok dagiti babassit a kayo nga addaan kadagiti napipintas a sabsabong, "Nasursormin ti entero a lubong, ket naduktalanmi a pinarmek ti armada ti emperador dagiti nasion iti entero a lubong, ket ita, awanen ti maaramidanda ken awan gawayda."

\s5
\v 12 Ket sinaludsod ti anghel, "O Yahweh a Mannakabalin-amin, kaanom a kaasian dagiti tattao ti Jerusalem ken dagiti tattao kadagiti dadduma nga ili ti Juda? Nakapungtotka kadakuada iti las-ud iti pito-pulo a tawen!"
\v 13 Isu a nagsao ni Yahweh iti naalumanay iti anghel a nakisarita kaniak, kadagiti banbanag a nakaliwliwa kenkuana.

\s5
\v 14 Ket kinuna kaniak ti anghel a makisarsarita kaniak, "Ipakaammom daytoy kadagiti tattao ti Jerusalem: Kuna ni Yahweh a Mannakabalin-min, a maseknan unay isuna kadagiti tattao nga agnanaed idiay Bantay Sion ken kadagiti dadduma a paset ti Jerusalem.
\v 15 Ket nakapungtot unay isuna kadagiti nasion a natangsit ken agkunkuna a natalgedda. Saan unay isuna a nakaunget kadagiti tattao ti Juda, ngem kinarkaro dagitoy a nasion ti pinagsagaba dagiti tattao ti Juda.

\s5
\v 16 Ngarud, kunana nga agsublinto isuna iti Jerusalem ket tulunganna dagiti tattao. Kasla isuna a mismo ti nangsursor ken nangrukod iti entero a daga ti siudad.
\v 17 Kinuna pay ni Yawheh a Mannakabalin-amin nga ibagak kadagiti tattao ti siudadna idiay Juda nga iti mabiit ket rumang-aydanto manen iti kasta unay. Pabilgennanto manen dagiti tattao ti Jerusalem, ken piliennanto manen ti Jerusalem a kas naisangsangayan a siudadna."

\s5
\v 18 Kalpasanna, timmangadak ket nakakitaak iti uppat a sara ti ayup iti sangoanak.
\v 19 Sinaludsodko ti anghel a makisarsarita kaniak, "Ania dagidiay a sara?" Insungbatna, "Ibagbagi dagidiay a sara dagiti nasion a nangpilit kadagiti tattao ti Jerusalem ken kadagiti dadduma a disso ti Juda ken Israel a mapan kadagiti sabali a pagilian."

\s5
\v 20 Ket impakita ni Yahweh kaniak ti uppat a mammanday.
\v 21 Sinaludsodko, "Ania ti umay aramiden dagitoy a lallaki?" Insungbatna, "Ibagbagi dagidiay a sara dagiti nasion a nangiwarawara kadagiti tattao ti Juda, isu a nagsagabada iti kasta unay. Ngem umay dagitoy a mammanday tapno butbutngen ken dadaelen dagidiay a nasion ken mangitinnag kadagiti sarada, ti bilegda—dagiti amin a nasion a nangraut iti daga ti Juda."

\s5
\c 2
\p
\v 1 Kalpasanna, timmangadak ket nakitak ti maysa a tao nga addaan iti tali a pagrukod.
\v 2 Sinaludsodko isuna, "Sadino ti papanam?" Insungbatna, "Mapanko rukoden ti Jerusalem, tapno maammoak ti kalawa ken kaatiddogna."

\s5
\v 3 Ket idi pumanawen ti anghel a nakisarsarita kaniak, ket maysa pay nga anghel ti immasideg kenkuana.
\v 4 Kinuna kenkuana ti maikadua nga anghel a nagparang, "Agtarayka a mapan iti dayta nga agtutubo nga addaan iti tali a pagrukod ket ibagam kenkuana: addanto aldaw nga umadu iti kasta unay dagiti tattao ken dingwen idiay Jerusalem, isu a saandanto amin a makapagnaed iti uneg ti pader ti siudad; adunto ti agnaed iti ruar ti pader idiay away.
\v 5 Kuna ni Yahweh nga agbalinto a mismo isuna a kasla apuy a pader iti aglawlaw ti siudad, ken makipagnaedto isuna kadagiti tattao iti dayagna."

\s5
\v 6 Ipakpakaammo ni Yahweh kadagiti tattao nga intalaw dagiti taga-Babilonia a kas tagabu: "Tumaraykayo! Tumaraykayo! Aglibaskayo iti Babilonia, ket agtalawkayo kadagiti lugar a nangiwarawaraak kadakayo kadagiti uppat a direksion ti angin!"
\v 7 Tumaraykayo! Dakayo nga agnanaed ita iti Babilonia, agsublikayo ditoy Jerusalem!"

\s5
\v 8 Pinadayawannak ni Yahweh a Mannakabalin-amin babaen iti panangibagana kaniak a mapanak kadagiti nasion a nangsamsam kadagiti amin a kukuayo, ta siasinoman a mangdangran kadakayo ket dangranna ti kapapatgan unay kenni Yahweh! Kalpasanna nga inaramid dayta, imbagana daytoy kaniak:
\v 9 "Ibagam kadakuada a Siak, a ni Yahweh ti mangraut kadakuada. Subliento dagiti tagabuda dagiti sanikuada kadagiti tattao dagiti nasion a nagsamsam kadakuada nga immun-una." Inton mapasamak dayta, maammoanyonto, dakayo a Judio a ni Yahweh a Mannakabalin-amin, ti nangibaon kaniak, a ni Zacarias a kas maysa a profeta.

\s5
\v 10 Kuna ni Yahweh, "Dakayo a tattao ti Jerusalem, agpukkaw ken agragsakkayo, gapu ta umayak kadakayo ket makipagnaedak kadakayo!"
\v 11 Iti dayta a tiempo, makitiponto kenni Yahweh dagiti tattao ti adu a nasion ket agbalinda a tattaona. Makipagnaedto isuna kadakayo amin; ket maammoanyonto a ni Yahweh a Mannakabalin-amin, ti nangibaon kaniak kadakayo a kas maysa a profeta.

\s5
\v 12 Agbalinto manen dagiti tattao ti Juda a naisangsangayan unay a paset ti dagana, ken agbalinto manen ti Jerusalem a siudad a pinilina.
\v 13 Agulimekkayo iti presensia ni Yahweh, dakayo amin a tattao iti sadinoman a disso, gapu ta bumaba manen isuna manipud iti langit a pagnanaedanna tapno agaramid kadagiti naindaklan a banbanag para kadatayo.

\s5
\c 3
\p
\v 1 Kalpasanna, impakita kaniak ni Yahweh ni Josue a nangato a padi, a nakatakder idi iti sangoanan ti anghel nga imbaon ni Yahweh. Ket agtakatakder idi ni Satanas iti makannawan ni Josue, a nakasagana a mangpabasol kenkuana.
\v 2 Ngem kinuna ti anghel ni Yahweh kenni Satanas, "Satanas, tubngarennaka koma ni Yahweh! Pinilina ti Jerusalem nga agbalin a naisangsangayan a siudadna, ket tubngarennaka koma! Daytoy a tao, a ni Josue ket naisubli manipud Babilonia; maiyarig isuna iti maysa a sungrod a rinabsut ti maysa a tao iti apuy."
\v 3 Ita, bayat a nakatakder ni Josue iti sangoanan ti anghel, nakakawes isuna iti nakarugrugit a pagan-anay.

\s5
\v 4 Kinuna ngarud ti anghel kadagiti dadduma nga anghel a nakatakder iti sangoananna, "Ussobenyo dagiti nakakawes kenkuana!" Kalpasanda nga inaramid dayta, kinuna ti anghel kenni Josue, "Kitaem! Inikkatkon dagiti basolmo, ken kawesankan iti napintas a pagan-anay."
\v 5 Ket kinuna ti anghel kadakuada, "Baredbedanyo iti nadalus a lupot ti ulona!" Isu a binaredbedanda iti nadalus a lupot ti ulona ken kinawesanda isuna iti baro a pagan-anay, bayat a nakatakder sadiay ti anghel ni Yahweh a kumitkita.

\s5
\v 6 Ket imbaga ti isu met laeng nga anghel kenni Josue:
\v 7 "Kuna ni Yahweh a Mannakabalin-amin, a no aramidem ti kayatko nga aramidem ken tungpalem dagiti pagannurotak, sikanto ti mangimaton iti templok ken dagiti paraanganna. Ket palubosankanto nga agbalin a paset daytoy a bunggoy dagiti anghel a kankanayon nga agtaktakder iti sibayko ken mabalin a makisarita kaniak iti uray ania a tiempo.

\s5
\v 8 Josue, sika ti nangato a padi, ket agtugtugaw iti sangoanam dagiti kakaduam. Ti kayat a sawen ti kaaddada ditoy nga iyegkonto ti naisangsangayan nga adipenko, maysa a tao nga awagak a, ti Sanga."
\v 9 Kalpasanna, nangikabil ti anghel ni Yahweh iti maysa a bato iti sangoanan ni Josue ket kinunana kenkuana ken kadagiti dadduma a lallaki a kaduana: "Kitaenyo ti bato nga inkabilko iti sangoanan ni Josue. Adda pito a sikigan ti bato. Mangikitikitakto iti mensahe iti dayta a bato, ket iti maysa nga aldaw, ikkatekto ti basol dagiti amin a tattao iti daytoy a pagilian.

\s5
\v 10 Iti dayta a tiempo, awisennanto ti tunggal maysa kadakayo dagiti gagayyemna nga umay ken agtugaw iti sirok ti puon ti ubas ken iti sirok ti puon ti igos a mulana. Dayta ket pakaammo ni Yahweh a Mannakabalin-amin."

\s5
\c 4
\p
\v 1 Kalpasanna, nagsubli ti anghel a nakisarsarita kaniak, ket inayabannak bayat nga agpanpanunotak iti nauneg, a kaslaak la nakaturog.
\v 2 Sinaludsodnak, "Ania ti makitkitam?" Insungbatko, "Makitkitak ti maysa a kandelero a pasig a balitok. Adda maysa a bassit a mallukong iti rabawna a pagikkan iti lana ti olibo, ken adda pito a babassit a pagsilawan iti aglawlaw ti mallukong, ken pagsaadan kadagiti pito a pabelo iti tunggal pagsilawan.
\v 3 Makitkitak pay ti dua a puon ti kayo nga olibo, maysa iti makannawan a sikigan ti kandelero, ken maysa iti makannigid."

\s5
\v 4 Sinaludsodko ti anghel a nakisarsarita kaniak, "Maestro, ania ti kaipapanan dagitoy a banbanag?"
\v 5 Insungbatna, "Sigurado nga ammom ti kaipapananda." Insungbatko, "Saan, saanko nga ammo."

\s5
\v 6 Ket kinuna ti anghel kaniak, "Kastoy ti mensahe ni Yahweh kenka, Zerubbabel, a gobernador ti Juda: 'Aramidemto ti kayatko nga aramidem, ngem saanto a babaen iti bukodmo a pigsa wenno pannakabalin. Maaramidto daytoy babaen iti pannakabalin ti Espirituk,' kuna ni Yahweh a Mannakabalin-amin."
\v 7 Intultuloy ti anghel ti nagsao kaniak: "Zerubbabel, nagadu ti sangoem a naririgat a banbanag. Maiyarigda kadagiti nangato a banbantay. Ngem kasla agbalindanto a patad a daga. Ket ikabilmonto iti baro a templo ti kangrunaan a bato, ti kangangatoan a bato a mangleppas iti daytoy. Inton maisaadmo daytoy, ulit-ulitento nga ipukkaw dagiti amin a tattao, "Napintas daytoy! Bendisionan koma daytoy ti Dios!"

\s5
\v 8 Ket inikkannak ni Yahweh iti maysa pay a mensahe.
\v 9 Kinunana, "Ni Zerubbabel a mismo ti nangipasdek kadagiti dadduma a bato iti pundasion ti templo, ket ikabilnanto dagiti dadduma a bato kadagiti pakaikabilanda." Ket kinunak kadagiti dadduma a lallaki a kaduana, "Inton mapasamak dayta, maammoanto dagiti tattao a ni Yahweh a Mannakabalin-amin ti nangibaon kaniak kadakayo.
\v 10 Dagiti tattao a manglalais iti nabuntog a panangipatpatakderda manen iti templo—dagitoyto met laeng a tattao ti agrasak inton makitada ni Zerubbebel a nakaiggem iti pangrukod iti kalinteg ti pasdek. Ibagbagi dagiti pito a pagsilawan dagiti mata ni Yahweh, a kumitkita kadagiti amin a mapaspasamak iti entero a daga."
\v 11 Ket sinaludsodko ti anghel, "Ania ti kaipapanan dagiti dua a kayo nga olibo, iti agsumbangir a sikigan ti kandelero?

\s5
\v 12 Ken ania ti kaipapanan dagiti dua a sanga ti olibo iti abay dagiti balitok a tubo a pagay-ayusan ti lana ti olibo a mapan kadagiti pagsilawan?"
\v 13 Insungbatna, "Sigurado nga ammon ti kaipapanan ti dua a sanga." Insungbatko, "Saan, maestro, saanko nga ammo."

\s5
\v 14 Isu a kinunana, "Ibagbagi dagitoy dagiti dua a lallaki a dinutokan ti Apo a mangiturturay iti entero a daga."

\s5
\c 5
\p
\v 1 Timmangadak manen, ket nakitak ti maysa a nalukot a pagbasaan nga itaytayab ti angin.
\v 2 Sinaludsod ti anghel kaniak, "Ania ti makitkitam?” Insungbatko, "Makitkitak ti maysa a dakkel nga agtaytayab a nalukot a pagbasaan, siam a metro ti kaatiddogna ken uppat ket kagudua a metro ti kaakabana."

\s5
\v 3 Ket kinunana kaniak, "Iti daytoy a nalukot a pagbasaan, insurat ni Yahweh dagiti sasao nga ibagbagana a mangilunod iti entero a daga ti Juda. Naisurat iti maysa a bangir ti nalukot a pagbasaan a mapapanawto ti tunggal agtatakaw. Naisurat met iti sabali a bangir ti nalukot a pagbasaan a maipanaw iti pagilian ti siasinoman nga agulbod no umawag isuna kenni Yahweh tapno agsaksi nga agibagbaga isuna iti pudno.
\v 4 Kuna ti Mannakabalin-amin, 'Iyegkonto daytoy a nalukot a pagbasaan kadagiti pagnanaedan dagiti agtatakaw ken kadagiti balay dagiti mangus-usar ti naganko no umawagda kaniak tapno agsaksiak nga agibagbagada iti pudno. Agtalinaedto daytoy a nalukot a pagbasaan kadagiti balayda agingga a madadael dagiti amin a kayo ken bato dagiti balayda.'"

\s5
\v 5 Kalpasanna, immasideg kaniak ti anghel a nakisarsarita kaniak ket kinunana, "Tumangadka ket kitaem ti sumungsungad!"
\v 6 Sinaludsodko isuna, "Ania daytoy?" Insungbatna, "Maysa daytoy a dakkel a basket a maus-usar a pagrukod iti bukel. Ngem naglaon daytoy iti listaan dagiti basol nga inaramid dagiti amin a tattao iti daytoy a nasion."
\v 7 Ket inngato ti anghel ti buli a kalub ti basket. Adda maysa a babai a nakatugaw iti uneg ti basket!

\s5
\v 8 Kinuna ti anghel, "Ibagbagi ti babai dagiti nadangkes a banbanag nga ar-aramiden dagiti tattao." Ket intalmegna ti babai iti uneg ti basket sana manen inserra ti nadagsen a kalubna.
\v 9 Kalpasanna, timmangadak ket nakitak ti dua a babbai iti sangoanak. Tumaytayabda nga umas-asideg kadakami, a nakaukrad dagiti payakda iti angin. Dadakkel dagiti payakda, a kasla kadagiti payak dagiti kannaway. Intayabda ti basket iti tangatang.

\s5
\v 10 Sinaludsodko ti anghel a nakisarsarita kaniak, "Sadino ti pangipananda iti dayta a basket?"
\v 11 Insungbatna, "Ipanda daytoy idiay Babilonia tapno ipatakderanda daytoy iti templo. Inton malpasen ti templo, ikabilda ti basket sadiay iti maysa a pagbatayan tapno dayawen daytoy dagiti tattao."

\s5
\c 6
\p
\v 1 Timmangadak manen ket nakitak ti uppat a karuahe nga umas-asideg kaniak. Aggapgapuda iti nagbaetan dagiti dua a bronse a bantay.
\v 2 Guyguyoden dagiti nalabaga a kabalio ti umuna a karuahe, guyguyoden dagiti nangisit a kabalio ti maikadua a karuahe,
\v 3 guyguyoden dagiti puraw a kabalio ti maikatlo a karuahe, ken guyguyoden dagiti labang a maris dapo a kabalio ti maikapat a karuahe.
\v 4 Sinaludsodko ti anghel a nakisarsarita kaniak, "Apo, ania ti kaipapanan dagidiay a karuahe?"

\s5
\v 5 Insungbat ti anghel, "Ibagbagi dagitoy a karuahe ken dagiti mangguyguyod a kabalio dagiti uppat nga angin a rumrummuar manipud iti langit; kagapgapuda iti presensia ti Apo a mangtengtengngel iti entero a daga. Aglasatda iti tangatang iti uppat a suli ti daga.
\v 6 Agpa-amianan ti karuahe a guyguyoden dagiti nangisit a kabalio, agpa-laud ti guyguyoden dagiti puraw a kabalio, ken agpa-abagatan ti karuahe a guyguyoden dagiti labang a maris dapo a kabalio."

\s5
\v 7 Idi nakaruar dagiti napipigsa a kabalio, magagaranda a mangwanawan iti entero a lubong. Bayat a pumanpanawda, kinuna ti anghel kadakuada, "Wanawananyo ti entero a lubong ket kitaenyo no ania ti mapaspasamak!" Isu napanda.
\v 8 Kalpasanna, impukkaw ti anghel kaniak, "Kitaem, pabaawento dagiti karuahe a napan iti amianan ti pungtot ti Espiritu ni Yahweh babaen iti panangdusada kadagiti tattao iti dayta a rehion."

\s5
\v 9 Kalpasanna, inikkannak ni Yahweh iti maysa pay a mensahe.
\v 10 Kinunana, "Ita nga aldaw, mangiyegto da Heldai, Tobijas, ken Jedaias kadagiti pirak ken balitok manipud kadagiti tattao a napagtalaw a kas balud idiay Babilonia. Apaman a makasangpetda, mapanka iti balay ni Josias a putot ni Sofonias.
\v 11 Mangalaka kadakuada kadagiti pirak ken balitok ket mangaramidka iti maysa a korona. Ket ikoronam daytoy kenni Josue a nangato a padi, a putot ni Josadac.

\s5
\v 12 Ibagam kenkuana a Siak a Mannakabalin-amin ti nagkuna nga umayto ti lalaki a maawagan a "Ti Sanga." Panawannanto ti lugar nga ayanna ita, ket imatonannanto dagiti mangipatakder iti templok.
\v 13 Isunanto ti mangibaga no ania ti aramiden dagiti mangipatakder iti templok. Agkawesto isuna iti naarian a pagan-anay ken agtugawto isuna iti tronona ket agturay sadiay. Agbalinto pay isuna a maysa a padi nga agtugtugaw iti tronona, ket addanto kappia iti nagbaetan ti dua nga akem.

\s5
\v 14 Masapul a mangikabilkayo iti korona idiay templok a mangipalagip kadagiti tattao maipapan iti inaramid kadakuada da Heldai, Tobijas, Jedaias ken Josias a putot ni Sofonias."
\v 15 Umayto dagiti tattao nga agnanaed iti adayo ket tumulongda a mangipatakder iti templo ni Yahweh. Inton mapasamak dayta, maammoanyonto dakayo a tatta a ni Yahweh a Mannakabalin-amin ti nangibaon kaniak kadakayo. Mapasamakto dayta no agtulnogkayo a sipupudno kenni Yahweh, a Diosyo.

\s5
\c 7
\p
\v 1 Idi agarup uppat a tawen a panagturay ni Dario a kas emperador, iti maikapat nga aldaw ti Kislev (nga isu ti maikasiam a bulan iti kalendarioda), inikikkannak ni Yahweh iti maysa pay a mensahe.
\v 2 Nangibaon dagiti tattao ti Betel iti dua a lallaki, da Sarezer ken Regemmelek, agraman dagiti dadduma a tattao, a mapan iti templo ni Yahweh a Mannakabalin-amin tapno kiddawenda a kaasian ida ni Yahweh.
\v 3 Sinaludsodda pay daytoy kadagiti papadi ken profeta nga adda iti templo ni Yahweh: "Iti adu a tawtawen, bayat iti maikalima ken bayat iti maikapito a bulan iti kada tawen, nagladingit ken nagayunar kami. Rumbeng kadi nga itultuloymi nga aramiden dayta?"

\s5
\v 4 Kalpasanna, inikkanak ni Yahweh a Mannakabalin-amin iti maysa a mensahe.
\v 5 Imbagana kaniak nga ibagak daytoy kadagiti papadi ken, iti kinapudnona, iti tunggal maysa iti entero a daga: "Ibagayo kaniak no siasino ti daydayawenyo idi saankayo a nangan ngem nagliklikmutkayo a narugit dagiti kawesyo. Saan a pudno a daydayawendak, saan kadi?
\v 6 Ket idi nagfiestakayo iti templok, inaramidyo laeng daytoy tapno agragsakkayo; saan a pudno a pinanggepyo ti agdayaw kaniak, saan kadi?
\v 7 Daytoy a mismo ti kanayonko nga ibagbaga kadagiti immun-una a profeta nga iwaragawagda kadagiti tattao, idi adu ken narang-ay pay laeng dagiti tattao iti Jerusalen ken kadagiti kabangibang nga ili, ken idi nagnaed pay laeng dagiti tattao iti abagatan a let-ang iti Juda, ken kadagiti arisadsad ti turod iti laud."

\s5
\v 8 Inikkannak ni Yahweh iti maysa pay a mensahe,
\v 9 "Ibagam kadagiti tattao a kastoy ti kuna ni Yahweh a Mannakabalin-amin: 'Imbagak kadakayo nga aramidenyo no ania ti nalinteg, agiinnanus ken agkikinnaasikayo iti tunggal maysa, tapno padayawanyo ti tulagko kadakayo.
\v 10 Imbagak kadakayo a saanyo a parigaten dagiti balo wenno dagiti ulila wenno dagiti gangganaet wenno dagiti nakurapay a tattao. Imbagak kadakayo a saankayo nga agpanggep nga agaramid iti dakes iti siasinoman.'"

\s5
\v 11 Ngem saan nga impangag dagiti tattao ti imbaga ni Yahweh. Saanda a kayat a makitinnunos kenkuana; saanda a dimngeg iti imbagana.
\v 12 Intedna dagitoy a mensahe tapno uliten ti Espirituna kadagiti profeta idi un-unana a tiempo. Rumbeng nga ibaga dagiti profeta dagitoy a mensahe kadagiti tattao. Ngem nasukir unay dagiti tattao; saanda a dimngeg iti linteg ni Moises wenno iti aniaman a mensahe ti Dios. Isu a nakapungtot unay kadakuada ni Yahweh a Mannakabalin-amin.

\s5
\v 13 Kadagidiay a tiempo, idi immawag ni Yahweh a Mannakabalin -amin kadagiti tattao, saanda a dimngeg. Isu a kinunana, "Iti isu met laeng a wagas, saanakto a dumngeg inton umawagda kaniak.
\v 14 Ket iwarawarakto ida kadagiti adu a nasion, kadagiti nasion a saanda pay a napanan iti napalabas. Iwarawarak ida a kasla iti panangiwarawara ti bagyo kadagiti bulong. Kalpasan a makapanawda, agbalinto a langalang ti dagada, nga awan a pulos ti agnanaed sadiay. Awanto a pulos ti tao nga agdaliasat ken agsubli iti daytoy a daga, gapu ta pinagbalinda a let-ang ti kasasayaatan a dagada."

\s5
\c 8
\p
\v 1 Inikkannak ni Yahweh iti maysa pay a mensahe. Kinunana,
\v 2 "Kastoy ti kunak Siak, a ni Yahweh a Mannakabalin-amin: Ay-ayatek dagiti tattao ti Jerusalem; ay-ayatek unay ida, ket nakapungtotak unay kadagiti kabusorda.
\v 3 Isu a kastoy ti kunak Siak, a ni Yahweh a Mannakabalin-amin: Addanto ti aldaw nga agsubliak iti Bantay Sion ket agnaedakto sadiay. Iti dayta a tiempo, maawaganto ti Jerusalem a Ti Siudad dagiti Napudno a Tattao, ken maawaganto ti Bantay Sion iti Bantay a Kukua ni Yahweh."

\s5
\v 4 Kastoy pay ti kuna ni Yahweh a Mannakabalin-amin: "Addanto ti aldaw nga agtugaw manen dagiti lallakay ken babbaket kadagiti kalsada ti Jerusalem, agsarukoddanto gapu iti kinalakay ken kinabaketda.
\v 5 Ken mapnonto dagiti kalsada ti siudad kadagiti agay-ay-ayam nga ubbing a lallaki ken babbai."

\s5
\v 6 Kastoy pay ti kuna ni Yahweh a Mannakabalin-amin: "Inton mapasamak dagidiay a banbanag, kaslanto nakakaskasdaaw daytoy kadagiti nakalasat a tattao ti Juda, ngem sigurado a saanto daytoy a kasla nakakaskasdaaw kaniak!"
\v 7 Kastoy pay ti kuna ni Yahweh: "Alaekto dagiti tattaok manipud iti daga iti daya—idiay Babilonia—ken manipud iti daga iti laud—idiay Egipto—nga isu ti nasken a papananda.
\v 8 Isublikto ida iti Juda, ket agnaeddanto manen idiay Jerusalem. Agdaydayawdanto manen kaniak a kas tattaok, ket siakto ti Diosda. Napudnoakto kadakuada ken nalintegakto kadakuada."

\s5
\v 9 Kastoy pay ti kuna ni Yahweh a Mannakabalin-amin: "Idi naisaad ti pundasion ti templok, adda dagiti profeta sadiay a nangted kadagiti mensahe a naggapu kaniak. Nangngegan dagiti dadduma kadakayo a tattao dagiti imbaga dagidiay a profeta. Isu pakirdenyo dagiti pakinakemyo bayat iti panangipatakderyo iti templo, tapno malpasyo nga ipatakder daytoy.
\v 10 Sakbayyo a rinugian nga ipatakder manen ti templo, awan ti naapit kadagiti taltalonyo, awan ti nagunggona ti tao wenno ayup a nagtrabtrabaho kadagitoy. Ken mabuteng dagiti tattao a mapan iti sadinoman gapu ta pinagbibinnusorko amin ida.

\s5
\v 11 Ngem ita, sabalin ti pannakilangenlangenko kadakayo a nakalasat a tattao ti Juda, saanen a kas iti inaramidko iti napalabas. Kasta ti kunak Siak, a ni Yahweh a Mannakaalin-amin.
\v 12 Manipud ita, ikkankayo iti talna. Agbunganto dagiti ubasyo, ken adunto ti maapit kadagiti taltalonyo. Addanto tudo nga aggapu iti tangatang. Kanayonkonto nga ipaay amin dagitoy kadakayo a nakalasat a tattao ti Juda.

\s5
\v 13 Dakayo a tattao ti Juda ken Israel, dakayo ti panpanunoten dagiti tattao kadagiti dadduma a nasion no pagsasaritaanda ti kaipapanan ti lunod. Ngem ispalenkayonto, ken ikkankayo kadagiti adu a nasayaat a banbanag. Isu a saankayo nga agbuteng; igaedyo ti agtrabaho tapno malpasyo nga ipatakder ti templo."
\v 14 Kastoy pay ti kuna ni Yahweh a Mannakabalin-amin: "Idi pinagpungtotdak iti kasta unay dagiti kapuonanyo, saanko a binalbaliwan ti panunotko maipapan iti dayta. Ngem ketdi, dinusak ida.
\v 15 Ngem ita agaramidak iti naisangsangayan. Pangpanggepek nga agaramid manen kadagiti nasayaat kadagiti tattao ti Jerusalem ken kadagiti dadduma nga ili iti Juda. Isu a saankayo nga agbuteng.

\s5
\v 16 Dagitoy ti masapul nga aramidenyo: Masapul a kanayonkayo nga agsao iti pudno iti tunggal maysa. Kadagiti pangukoman, masapul a mangngeddeng dagiti ukomyo segun iti pudno ken patas.
\v 17 Saankayo nga agpanggep nga agaramid iti dakes kadagiti dadduma a tattao, ken saankayo nga umanamong iti panagsapata kadagiti saan a pudno a pammabasol kadagiti dadduma a tattao. Kagurak amin dagidiay a banbanag."

\s5
\v 18 Kinasaonak manen ni Yahweh a Mannakabalin -amin.
\v 19 Kastoy ti kunana: "Kadagiti tiempo a nagayunarkayo, dakayo a tattao ti Juda, bayat iti maikapat, maikalima, maikapito ken maikasangupulo a bulan iti tunggal tawen ket agbalinto a panawen ti naragsak ken narag-o a panagramrambak kadagiti fiestayo. Ngem masapul a tarigagayanyo ti agsao iti kinapudno ken agbalin a natalna."

\s5
\v 20 Kastoy pay ti kuna ni Yahweh a Mannakabalin-amin: "Addanto tiempo nga umay ditoy Jerusalem dagiti tattao manipud kadagiti adu a bunggoy dagiti tattao ken kadagiti ganggannaet a siudad.
\v 21 Mapanto dagiti tattao iti maysa a siudad kadagiti tattao iti sabali a siudad ket kunada, 'Mapantayo idiay Jerusalem tapno agdaydayaw kenni Yahweh ken agkiddaw kenkuana a bendisionannatayo; mapankami met.'
\v 22 Ket mapanto idiay Jerusalem dagiti tattao manipud kadagiti adu a bunggoy dagiti tattao ken manipud kadagiti nabibileg a nasion tapno agdaydayaw kenni Yahweh ken agkiddaw kenkuana a bendisionanna ida."

\s5
\v 23 Kastoy pay ti kuna ni Yahweh a Mannakabalin-amin: "Iti dayta a tiempo, kastoyto ti mapasamak iti sadinoman: Iti tunggal Judio, addanto sangapulo a ganggannaet nga agsao iti sabali a pagsasao, nga umay ket kumpet iti gayadan ti pagan-anayna. Ibagadanto kenkuana, 'Nangngegmi nga ibagbaga dagiti tattao nga adda kenka ti Dios. Isu a palubosannakami a makikuyog kenka a mapan iti Jerusalem tapno agdayaw iti Dios.' Aramidento daytoy dagiti tattao iti amin a nasion ken amin a pagsasao."

\s5
\c 9
\p
\v 1 Maysa pay daytoy a mensahe a naawatko manipud kenni Yahweh maipapan iti rehion ti Hadrac ken iti siudad ti Damasco. Ta kitkitaen a naimbag ni Yahweh dagiti amin nga ar-aramiden ti tunggal maysa, karaman dagiti tattao kadagiti tribu ti Israel.
\v 2 Daytoy a mensahe ket maipapan pay kadagiti tattao ti Hamat nga asideg iti Damasco, ken maipapan kadagiti tattao kadagiti siudad ti Tiro ken Sidon, tattao a mangipagpagarup a nasiribda unay.

\s5
\v 3 Nangipatakder dagiti tattao ti Tiro iti nangato a pader iti aglawlaw iti siudadda. Nagurnongda iti adu a pirak ken balitok a kas iti panagurnong dagiti tattao iti daga no agkalida kadagiti kalsada.
\v 4 Ngem Siak, a ni Yahweh ket pukawekto dagiti amin a sanikuada, agraman dagiti barkoda a pakiranget dagiti tattaoda iti baybay. Mapuoranto ti siudadda agingga a dumapu.

\s5
\v 5 Makitanto dagiti tattao iti siudad ti Askelon a mapasamak dayta, ket agbutengdanto iti kasta unay. Agtigergerto dagiti tattao iti siudad ti Gaza gapu ta mabutengda, ken agtigergerto met dagiti tattao iti siudad ti Ekron, gapu ta saandan a mangnamnama a makalibasda kadagiti kabusor. Matayto ti ari ti Gaza; Awanton ti agnaed iti Askelon.
\v 6 Kuna ni Yahweh, "Agnaedto dagiti ganggannaet iti siudad ti Asdod. Saankonton a palubosan a tumangsit dagiti tattao kadagiti amin a siudad ti Filistia.
\v 7 Saankonton a palubusan ida a mangan iti karne nga addaan pay laeng iti dara, ken paritak ida a mangan kadagiti taraon nga indatonda kadagiti didiosen. Iti dayta a tiempo, agdaydayawto kaniak dagiti tattao iti rehion ti Filistia a nakalasat; agbalindanto a kasla maysa a puli iti Juda. Agbalinto a paset dagiti tattaok dagiti tattao iti siudad ti Ekron, kas iti inaramid dagiti tattao iti siudad ti Jebus idi pinarmek ida dagiti Israelita.

\s5
\v 8 Salaknibakto ti dagak, ket saanko nga ipalubos a makastrek iti daytoy dagiti aniaman a kabusor a soldado. Awanto ti kabusor a mangdangran manen kadagiti tattaok, gapu ta siak a mismo ti mangbantay kadakuada.

\s5
\v 9 Agrag-okayo iti kasta unay, dakayo a tattao ti Jerusalem ken agpukkawkayo a sirarag-o, gapu ta umayen kadakayo ti ariyo. Nalinteg ken naballigi isuna; naemmanto isuna, ken nakasakayto isuna iti maysa nga asno, iti urbon a kabaian nga asno.
\v 10 Dadaelekto dagiti karuahe iti rehion ti Efraim a mausar a pakigubat ken dagiti amin a kabalio iti Jerusalem nga itugtugotda iti gubatan. Tukkolekto dagiti amin a bai nga us-usarenda a pakigubat. Iwaragawagto ti ariyo a pasayaaten ken patalnaennanto dagiti amin a banbanag kadagiti nasion. Iturayannanto ti disso manipud iti Baybay Mediteranean agingga iti Natay a Baybay, ken manipud iti Karayan Eufrates agingga kadagiti kaadayoan a luglugar iti daga.

\s5
\v 11 No maipapan kadakayo a tattaok iti Jerusalem, gapu iti dara a nagayus idi nakitulagak kadakayo, wayawayaakto dagiti tattaoyo nga impanda kadagiti dadduma a pagilian, a kasda la kadagiti balud iti abut nga awan iti danumna.
\v 12 Dakayo a tattao a balud kadagiti pagilian a mamati pay laeng a tulongankayo, agsublikayo iti Juda, ta salaknibankayonto sadiay. Ita nga aldaw, ipakaammok nga ikkankayo iti dua a bendision ti tunggal riribuk a sinagabayo.
\v 13 Pagbalinekto ti Juda a kasla baik, ken pagbalinek ti Israel a kasla panak. Ikkankayo iti kabaelan dakayo nga agtutubo a lallaki ti Jerusalem a makiranget kadagiti soldado ti Grecia; maiyarikayonto iti kampilan ti mannakigubat."

\s5
\v 14 Addanto aldaw nga agparang ni Yahweh iti tangatang iti ngatoen dagiti tattaona, ken kaslato kimat dagiti pana nga ibiatna. Paguniento ni Yahweh nga Apotayo ti trumpetana, ken magnanto isuna a makikuyog kadagiti napigsa a bagio manipud iti daga ti Teman iti abagatan.
\v 15 Salaknibanto ni Yahweh a Mannakabalin-amin dagiti tattaona; rauten ken parmekento dagiti soldado ti Juda dagiti kabusorda a mangraut kadakuada babaen iti panangusarda kadagiti pallatibong ken batbato. Aginum, agrambak, ken agpukkawto dagiti soldado ti Juda a kasla kadagiti tattao a nabartek; mapnodanto iti arak a kas iti mallukong a pakaikargaan kadagiti dara dagiti ayup a patpatayen dagiti padi iti ayan ti altar—ti dara nga iwarwarsi dagiti papadi kadagiti suli ti altar.

\s5
\v 16 Iti dayta nga aldaw, isalakanto ni Yahweh a Diostayo dagiti tattaona a kas iti panangisalakan ti agpaspastor iti arban dagiti karnerona manipud iti peggad. Iti dagatayo, kasladanto kadagiti alahas nga aggilapgilap a naikabil iti korona.
\v 17 Makaparagsak ken napintasdanto. Pumigsanto dagiti agtutubo a lalaki gapu iti pannanganda iti trigo, ken pumigsanto dagiti agtutubo a babai gapu iti panagin-inumda iti baro nga arak.

\s5
\c 10
\p
\v 1 Dawatenyo kenni Yahweh a pagtudoenna iti panawen iti panagrurusing, gapu ta isuna ti mangpapaadda kadagiti ulep a mangitinnag iti tudo. Isuna ti mangipalubos nga agtinnag ti arbis kadatayo, ken isuna ti mangpadakkel kadagiti mula kadagiti taltalon.
\v 2 Awan kaes-eskanna ti panpanunoten dagiti tattao nga ibagbaga kadakuada dagiti didiosen nga adda kadagiti balayda, ken ulbod ti ibagbaga dagiti tattao nga agkuna a makaipatarusda kadagiti tagtagainep. No mangliwliwada kadagiti tattao, awan serserbina ti ibagada, isu a kasla mapukpukaw a karnero dagiti tattao a makiuman kadakuada; agpeggadda gapu ta awan ti mangsalaknib kadakuada kas iti karnero nga awan iti mangipaspastor.

\s5
\v 3 Kuna ni Yahweh, "Kaungetko dagiti mangidadaulo kadagiti tattaok, ket dusaekto ida. Siak, a ni Yahweh a Mannakabalin-amin, aywanak dagiti tattaok, dagiti tattao ti Juda, kas iti panangaywan ti agpaspastor iti arbanna, ket pagbalinek ida a kasla kabalio a pakigubat.

\s5
\v 4 Agtaudto iti Juda dagiti agturay nga agbalinto a kapapatgan. Agtaudto iti Juda dagiti mangidadaulo a mangummong kadagiti tattao, kas iti pasok a mangipatakder iti tolda. Agtaudto iti Juda dagiti mangidadaulo a mangkuyog kadagiti soldadoda iti gubat, kas iti maysa nga ari a mangig-iggem iti bukodna a bai a pakigubat. Agtaudto kadakuada dagiti amin a mangidadauloda.
\v 5 Agbalindanto amin a kasla kadagiti mamaingel a mannakigubat a mangibaddebaddek kadagiti kabusorda iti pitak bayat iti gubat. Siak, a ni Yahweh, ket addaakto kadakuada, isu a maparmek ken ibabainda dagiti kabusorda a nakasakay kadagiti kabalio.

\s5
\v 6 Papigsaekto dagiti tattao ti Juda, ken ispalekto dagiti tattao ti Israel. Alaekto ida kadagiti pagilian a nakaitalawanda; aramidekto dayta gapu ta maasiak kadakuada. Ket kaslanto saanko ida a binaybay-an gapu ta Siak ni Yahweh a Diosda, ket sungbatakto ida inton agkararagda nga agpatulong.
\v 7 Agbalinto dagiti tattao ti Israel a kasla kadagiti napipigsa a soldado; naragsakdanto a kas kadagiti tattao a nakainum iti adu nga arak. Makitanto dagiti annakda dagiti ammada a naragsak unay, ket agragsakdanto met gapu iti inaramidko para kadakuada.

\s5
\v 8 Pakdaarakto dagiti tattaok nga agsubli manipud iti adayo a lugar, ket ummongekto ida iti pagilianda. Ispalekto ida, ket umadudanto a kas iti sigud a kaaduda.
\v 9 Inwarawarak ida kadagiti adu a bunggoy dagiti tattao, ngem malagipdakto manen manipud kadagidiay nga adayo a pagilian. Agtalinaeddanto a sibibiag agraman dagiti annakda ket agsublida iti Juda.
\v 10 Alaekto ida idiay Egipto ken Asiria; isublikto ida kadagiti rehion ti Galaad ken Libano, ngem awanto iti umdas a lugar a pagnaedanda amin sadiay.

\s5
\v 11 Kuyogen ken tulongakto ida kadagiti panagsagsagabada, a kasla magmagnaak iti baybay, ngem pagtalnaek dagidiay a dalluyon ken gibusak ti panagsagsagabada, a kasla paat-atianak ti Karayan Nilo. Parmekekto dagiti napalangguad a soldado ti Asiria, ket saankonto a pabilgen ti Egipto.
\v 12 Papigsaekto dagiti tattaok, ket agdayaw ken agtulnogdanto kaniak. Sigurado a mapasamakto dayta gapu ta Siak, a ni Yahweh ti nangibaga iti daytoy."

\s5
\c 11
\p
\v 1 Dakayo a tattao ti Libano, masapul a lukatanyo dagiti ruanganyo ket bay-anyo nga uramen ti apuy dagiti kayoyo a sedro!
\v 2 Kaslanto tattao nga agdungdung-aw dagiti kayoyo a saleng, gapu ta pinukan dagiti kabusor dagiti kayo a sedro. Napukawen dagiti amin a nadayag a kaykayo. Kaslanto met tattao nga agdungdung-aw dagiti kayo a lugo iti Basan gapu ta pinukan dagiti kabusor dagiti kayo a lugo iti nasamek a kabakiran.
\v 3 Ket denggenyo dagiti panagsangit dagiti agpaspastor gapu ta nadadaelen dagiti nalangto a pagpaaraban. Denggenyo ti ngernger dagiti leon; agngerngerda gapu ta nadadaelen ti napuskol a bakir a pagnanaedanda iti asideg ti Karayan Jordan.

\s5
\v 4 Kastoy ti kinuna kaniak ni Yahweh a Diosko: "Kayatko a bantayam dagitoy nga arban ti karnero agingga a mapartida.
\v 5 Partiento dagiti gumatang iti karnero dagiti gatangenda a karnero, ket awanto ti mangdusa kadakuada. Ibaganto dagiti aglaklako iti karnero, 'Idaydayawko ni Yahweh gapu ta bummaknangak!' Ket dagiti parapastor a tangtangdanan ti akinkukua ket saandanto a kaasian dagiti karnero.
\v 6 Kasta met, a saanakon a kaasian dagiti tattao iti daytoy a pagilian. Ipalubosko a parigaten ida dagiti kailianda ken ti arida. Dadaelendanto daytoy a pagilian, ket saankonto nga ispalen ti siasinoman kadakuada."

\s5
\v 7 Isu a nagbalinak a parapastor ti arban dagiti karnero a partien dagiti gumatang tapno ilakoda ti karne. Ket innalak dagiti dua a sarukod ti agpaspastor. Pinanaganak ti maysa a sarukod iti 'Kinaimbag' ken ti sabali a sarukod a 'Panagkaykaysa.' Kastoy ti panangirugik iti panangipastor kadagiti karnero.
\v 8 Ngem ginuradak dagiti tallo a parapastor dagiti karnero, ket napukaw met ti anusko kadagiti akinkukua kadagiti karnero a nangtandan kadakami amin. Iti las-ud iti makabulan, pinapanawko dagidiay a parapastor.
\v 9 Isu a kinunak kadagiti agtagtagilako, "Saanakon nga agtrabaho kadakayo a kas parapastor. Bay-ak a matay dagiti matmatay. Bay-ak a mapukaw dagiti mapukpukaw. Ken saanko a lapdan dagiti natda nga agkikinaanda."

\s5
\v 10 Kalpasanna, inalak ti sarukod a pinanaganak iti 'Kinaimbag,' ket tinukkolko daytoy. Inaramidko daytoy gapu ta kinuna kaniak ni Yahweh nga ibabawik ti katulaganna kadagiti amin a tribuna iti Israel.
\v 11 Isu a nagpatenggan dayta a tulag iti dayta met laeng nga aldaw. Ammo dagiti agtagtagilako a mangkitkita kaniak nga ik-ikkak ida iti mensahe a nagtaud kenni Yahweh babaen iti pannakakitada iti ar-aramidek.
\v 12 Kinunak kadakuada, "No ipagarupyo a nasayaat daytoy, tangdanannak iti panagtrabahok. Ngem no ipagarupyo a saan a nasayaat daytoy, saandak a tangdanan." Isu a tinangdanandak laeng iti tallopulo a pidaso a pirak.

\s5
\v 13 Ket kinuna kaniak ni Yahweh, "Nakabasbassit dayta a gatad ti kuarta nga intedda a tangdanmo. Isu nga ikabilmo daytoy iti pagiduldulinan iti gameng." Isu nga impanko ti pirak iti templo ni Yahweh, ket indulinko daytoy iti pagiduldulinan iti gameng sadiay.
\v 14 Kalpasanna tinukkolko ti maikadua a sarukodko, ti pinanaganak iti "Panagkaykaysa" Impakita dayta a saanen nga agkadua a kas agkabsat ti Juda ken Israel.

\s5
\v 15 Ket kinuna kaniak ni Yahweh, "Alaem manen dagiti alikamen nga us-usaren ti maag a parapastor,
\v 16 gapu ta mangdutokak iti baro a parapastor kadagiti tattao, maysa a tao a saan a mangaywan kadagiti tattaok. Maagto isuna a parapastor: baybay-annanto dagiti matmatay a karnero ken dagiti mapukpukaw. Ket saannanto a pakanen dagiti nasalun-at a karnero; ngem ketdi, partiennanto ida nga agpaay a taraonna ket lapgisennanto dagiti kukoda.

\s5
\v 17 Ngem nakabutbutengto ti mapasamak iti dayta a maag a parapastor a mangbaybay-a iti arban. Duyukento ti kabusorna ti takkiag ken ti makannawan a matana babaen kadagiti kampilanda. Awanto ti pigsa iti takkiagna, ken naan-anayto nga agbulsek ti makannawan a matana."

\s5
\c 12
\p
\v 1 Daytoy ti mensahe ni Yahweh maipapan iti Israel— ni Yahweh, ti nangaramid iti tangatang, ti nangparsua iti daga, ken ti nangted iti biag iti sangkataoan. Kastoy ti kunana:
\v 2 "Dandanikon a pagbalinen ti Jerusalem a kas maysa a kopa a napno iti naingel unay nga arak, ket agdewerdewerto dagiti tattao kadagiti sabali a nasion nga uminum iti daytoy. Inumento met daytoy dagiti tattao ti Juda, ta agsagabadanto met inton lakuben ti kabusor ti Jerusalem.
\v 3 Iti dayta a tiempo, aguummongto dagiti armada dagiti amin a bunggoy dagiti tattao a mangraut iti Jerusalem, ngem pagbalinekto ti Jerusalem a kasla nadagsen unay a bato, ket madunorto iti nakaro dagiti amin a mangbagkat iti daytoy. Mapasamakto daytoy inton rauten dagiti armada dagiti amin a nasion iti entero a lubong ti Jerusalem.

\s5
\v 4 Iti dayta a tiempo, kigtotekto dagiti kabalio ti tunggal kabusorda ket pagmauyongekto dagiti nakasakay kadagitoy. Salaknibakto dagiti tattao ti Juda, ngem pagbulsekekto dagiti amin a kabalio dagiti kabusorda.
\v 5 Ket ibaganto dagiti pangulo ti Juda kadagiti bagbagida, 'Pabpabilgendakami dagiti tattao ti Jerusalem gapu ta ni Yahweh a Mannakabalin-amin ti daydayawenda.'

\s5
\v 6 Iti dayta a tiempo pagbalinekto dagiti pangulo ti Juda a kas maysa a banga ti apuy nga ikabil ti maysa a tao iti ayan dagiti nasalansan a pagsungrod a kayo; ken kasla maysa nga umap-apuy a pagsilawan idiay talon a nagangon iti dawa. Dadaelento dagiti pangulo ti Juda ken dagiti soldadoda dagiti amin a bunggoy ti tattao iti amin a paset iti aglawlawda. Ngem agtalinaedto a natalged dagiti tattao ti Jerusalem iti bukodda a siudad."

\s5
\v 7 Salaknibanto ni Yahweh dagiti agnanaed iti dadduma a lugar ti Juda sakbay nga ispalenna dagiti tattao ti Jerusalem, tapno saan nga ad-adda a raemen dagiti tattao dagiti kaputotan ni David ken dagiti agnanaed iti Jerusalem ngem kadagiti amin a nabatbati a tattao nga agnanaed iti Juda.
\v 8 Iti dayta a tiempo, salaknibanto ni Yahweh dagiti amin a tattao ti Jerusalem. Bumilegto dagiti kakakapuyan a soldado kadakuada a kas iti kabileg ni David, ken agbalinto a kasla iti Dios dagiti kaputotan ni David; idauloandanto dagiti dadduma a kas iti anghel ni Yahweh.
\v 9 "Iti dayta a tiempo, dadaelekto dagiti armada a mangraut iti Jerusalem."

\s5
\v 10 "Siak, a ni Yahweh ti mamagbalinto kadagiti kaputotan ni David a mannangaasi kadagiti dadduma a tattao, ken agpakaasidanto kaniak a kaasiak ida. Matmatandakto, a dinuyokda." Agsangitdanto iti nasaem, kas iti panagsangit dagiti tattao gapu iti ipapatay ti inauna nga anakda a lalaki, ti kakaisuna nga anakda a lalaki.
\v 11 Iti dayta a tiempo, adunto a tattao ti Jerusalem ti agsangit iti nasaem, kas iti panagsangit dagiti tattao idiay Adadrimon iti tanap ti Megiddo.

\s5
\v 12 Adunto a tattao ti Juda ti agsangit, tunggal puli nga is-isuda. Agladingitto dagiti lallaki a kaputotan ni David nga is-isuda, ken agsangitto met dagiti assawada nga is-isuda; agladingitto dagiti lallaki a kaputotan ni Natan nga is-isuda, ken agladingitto met dagiti assawada nga is-isuda.
\v 13 Agladingitto dagiti lallaki a kaputotan ni Levi nga is-isuda, ken kasta met nga agladingitto dagiti assawada nga is-isuda; agladingitto dagiti lallaki a kaputotan ni Simei nga is-isuda, ken agladingitto met dagiti assawada nga is-isuda.
\v 14 Agladingitto dagiti amin a puli a nasina-sina, dagiti lallaki nga is-isuda ken dagiti assawada a babbai nga is-isuda."

\s5
\c 13
\p
\v 1 Iti dayta a tiempo, kaslanto adda iti ubbog nga agtultuloy nga agay-ayus a mangdalus kadagiti kaputotan ni Ari David ken amin a tattao ti Jerusalem kadagiti nagbasolanda, nangnangruna iti saanda a pannakaay-ayo kenni Yahweh babaen iti panagdaydayawda kadagiti diodiosen.
\v 2 Kuna ni Yahweh a Mannakabalin-amin, "Iti dayta a tiempo, lappedakto dagiti tattao uray pay iti panangibalikasda kadagiti nagan dagiti didiosen iti pagilianda, ket awanton ti mangidayaw kadakuada. Papanawekto met iti daga dagiti amin a tattao nga agul-ulbod nga agkuna a profetada; papanawekto pay ti dakes nga espiritu a mangidaldalan kadakuada a mangibaga kadagiti tattao iti saan a pudno a mensahe manipud kaniak.

\s5
\v 3 No itultuloy ti siasinoman ti agipadto a siuulbod, kunanto dagiti nagannakna kenkuana, urayno bukodda isuna nga anak, 'Nagsaoka iti ulbod a kunam nga inted ni Yahweh dagidiay a mensahe kenka, isu a masapul a matayka.' Kalpasanna, duyoken ken papatayendanto isuna.

\s5
\v 4 Iti dayta a tiempo, mabainto dagiti palso a profeta a mangipakaammo nga adda nasirmatana. Saandanton nga agkawes iti kagay a naaramid babaen kadagiti buok ti ayup a kadawyan nga ikawkawes ti profeta, gapu ta kayatda a panunoten dagiti tattao a saanda a pudno a profeta.
\v 5 Isu nga ibaganto ti tunggal maysa kadakuada, 'Saanak a pudno a profeta; mannalonak, ket mannalonakon iti dagak sipud pay idi agtutuboak!'
\v 6 Ngem makitanto dagiti dadduma dagiti piglat iti bagida ket panunotenda a sinugatda ti bagida tapno maay-ayo dagiti didiosen bayat iti panagdaydayawda kadakuada. Isu a saludsodendanto, 'Apay nga addaankayo kadagita a piglat?' Ket agulboddanto: "Nasugatak gapu iti panagaapa idiay balay ti gayyemko."'

\s5
\v 7 Kuna ni Yahweh a Mannakabalin-amin, "Masapul nga adda ti mangraut ken mangpapatay iti tao a kasla maysa a parapastor nga agtrabtrabaho kaniak, ti tao a nasinged a kaduak. Sika nga addaan iti kampilan! Inton papatayem ti parapastorko, agtatarayto dagiti tattaok a kas iti karnero. Ket rautekto a mismo dagiti awan kabaelanna a tattaok, dagiti kas iti urbon a karnero."

\s5
\v 8 Kuna pay ni Yahweh, "Matayto ti dua a kakatlo a paset dagiti tattao ti Juda; kakatlo laeng a tattao ti Juda ti agtalinaed a sibibiag.
\v 9 Padasekto dagiti natda a sibibiag babaen iti panangipalak-amko kadakuada kadagiti nakaro a rigat, tapno maammoan no agtultuloyda nga agdayaw kaniak. Pasin-awek ida a kas iti panangdalus ti maysa a tao iti balitok wenno pirak babaen iti panangikabilna iti daytoy iti napudot unay nga apuy. Kalpasanna, agpatulongto kaniak dagiti tattao, ket sungbatakto ida. Ibagakto kadakuada a tattaok ida, ket ibagada a siak a ni Yahweh ti Dios a daydayawen ken pagtultulnoganda.

\s5
\c 14
\p
\v 1 Dumngegkayo! Umadanin ti tiempo nga ukomen ni Yahweh ti tunggal maysa. Iti dayta a tiempo, dakayo a tattao ti Jerusalem, maimatanganyonto a pagbibingayan dagiti kabusoryo dagiti sanikuayo.
\v 2 Wen, kuna ni Yahweh nga ibaonnanto dagiti armada iti adu a nasion a mangraut iti Jerusalem. Sakupendanto ti siudad, alaendanto dagiti amin a napapateg a banbanag kadagiti babbalayyo, ket ramesendanto dagiti babbai. Ipandanto dagiti kagudua dagiti tattao kadagiti sabali a pagilian, ngem pagtalinaedendanto dagiti dadduma a tattao iti siudad.

\s5
\v 3 Uray no kasta, rautento ni Yahweh dagidiay a nasion; makigubatto isuna a kas iti pannakigubatna kadagiti napalabas a tiempo.
\v 4 Iti dayta nga aldaw, agtakderto isuna iti Bantay dagiti Olibo, iti daya ti Jerusalem. Magguduanto ti Bantay dagiti Olibo, ket addanto nalawa a tanap iti nagbaetanda. Agturongto ti kagudua ti bantay iti amianan, ken ti kagudua iti abagatan.

\s5
\v 5 Dakayo a tattao ti Jerusalem, aglibaskayonto iti dayta a tanap nga agturong iti sabali a paset ti bantay, agingga iti bario ti Hasal. Kaslanto daytoy iti panaglibas dagiti tattao idi nagginggined iti tiempo a ni Uzzias ti ari. Kalpasanna, umayto ni Yahweh a Diosko, ket kaduananto dagiti anghelesna.

\s5
\v 6 Iti dayta a tiempo, awanto ti lawag manipud iti init, ngem saanto a nalam-ek wenno awanto ti panagbalay ti danum.
\v 7 Ni Yahweh laeng ti makaammo no kaano a mapasamak daytoy. Awanto ti aldaw wenno rabii, gapu ta nalawagto a kanayon, uray no iti rabii.
\v 8 Iti dayta a tiempo, agayusto ti danum manipud Jerusalem. Agayusto nga agpadaya ti maysa a waig nga agturong iti Natay a Baybay. Agayusto ti maysa pay a waig nga agpslaud nga agturong iti Taaw ti Mediterranean. Saanto nga agpatingga ti panagayus ti danum, uray iti panawen ti tiggaaw wenno iti panawen ti lam-ek.

\s5
\v 9 Kalpasan dayta a tiempo, agturayto nga ari ni Yahweh iti entero a lubong. Maammoanto dagiti amin a tattao a ni Yahweh, ken ni Yahweh laeng, ti pudno a Dios.
\v 10 Iti dayta a tiempo, agbalinto a patad ti amin a daga ti Juda, kas iti tay-ak nga agturong iti Jordan, manipud iti ili ti Gabaa iti amianan agingga iti ili ti Rimon nga agturong iti abagatan ti Jerusalem. Agtalinaedto a nangato ti Jerusalem, a kas iti sigud a kangatona. Dumanonto ti siudad iti amianan manipud iti Ruangan ti Benjamin ken iti Ruangan ti Suli, nga isu ti umuna a ruangan, agingga iti Torre ti Hananel nga agturong kadagiti pagpespesan iti ubas iti abagatan a laud.
\v 11 Adunto a tattao ti agnaed sadiay, ket saanton a dadaelen manen ni Yahweh dayta a siudad. Naan-anayto a natalged daytoy a siudad a pagnaedan.

\s5
\v 12 Ngem mangiyegto ni Yahweh iti nakaro a didigra kadagiti bunggoy dagiti tattao a nangraut iti Jerusalem. Malungsotto dagiti lasagda bayat a sibibiagda pay. Malungsotto dagiti matada kadagiti abutda ken dagiti dilada kadagiti ngiwatda.
\v 13 Iti dayta a tiempo, pagbutngento ida ni Yahweh. Agiginammat ken agkikinabildanto.

\s5
\v 14 Uray dagiti tattao nga agnanaed iti dadduma a lugar iti Juda ket darupendanto ti Jerusalem. Alaendanto a kas samsam dagiti napapateg a banbanag manipud kadagiti aglawlaw nga armada dagiti nasion—adu a balitok, pirak ken kawkawes.
\v 15 Isu met laeng a didigra ti agdissuor kadagiti tattao kadagiti sabali a nasion ti agdissuor kadagiti kabalio, mulo, kamelio, asno ken amin nga ayup kadagiti kampoda.

\s5
\v 16 Dagiti tattao kadagiti sabali a nasion nga immay iti napalabas a nakigubat iti Jerusalem, amin dagiti nabati a sibibiag, ket agsublidanto a tinawen iti Jerusalem tapno agdayaw iti Ari, a ni Yahweh a Mannakabalin-amin, ken tapno rambakanda ti Fiesta dagiti Abong-abong.
\v 17 No adda dagiti tattao kadagidiay a nasion a saan a mapan idiay Jerusalem tapno agdayaw sadiay, saanto nga agtudo kadagiti dagada.
\v 18 No saan a mapan dagiti tattao ti Egipto idiay Jerusalem, saandanto a maaddaan iti tudo. Ken pagsagabaento ida ni Yahweh iti isu met laeng a didigra a nagdissuor kadagiti tattao kadagiti sabali a nasion a saan a nangrambak iti Fiesta dagiti Abong-abong.

\s5
\v 19 Kastanto ti panangdusa ni Yahweh kadagiti tattao ti Egipto ken kadagiti tattao iti sabali a nasion a saan a napan iti Jerusalem a mangrambak iti Fiesta dagiti Abong-abong.

\s5
\v 20 Iti dayta a tiempo, maisuratto kadagiti kampana a naibitin kadagiti kabalio dagiti sasao a "Naidaton kenni Yahweh". Kukuanto ni Yahweh dagiti banga a paglutoan nga adda iti paraangan ti templo, kas kadagiti malukong nga adda iti sangoanan ti altar.
\v 21 Maidatonto kenni Yahweh a Mannakabalin-amin ti tunggal banga nga adda iti Jerusalem ken iti sadinoman a lugar iti Juda. Isu nga amin a mangiyeg iti sakrifisio idiay Jerusalem ket makaaladanto kadagiti karne a naiyeg a datdaton ket ilutoda kadagiti bukodda a banga. Ket iti dayta a tiempo, saanton a gumatang wenno aglako dagiti tattao iti paraangan ti templo ni Yahweh, a Mannakabalin-amin.