ilo_udb/36-ZEP.usfm

\id ZEP
\ide UTF-8
\h Sofonias
\toc1 Sofonias
\toc2 Sofonias
\toc3 zep
\mt Sofonias

\s5
\c 1
\p
\v 1 Dimteng ti mensahe ni Yahweh kenni Sofonias a putot ni Cusi, nga apoko ni Gedalias ken apoko ti tumeng ni Amarias, a ti amana ket ni Ari Hesekias. Inted ni Yahweh daytoy a mensahe kabayatan ti tiempo a ni Josias a putot ni Ari Amon ti ari ti Juda.
\v 2 Kinuna ni Yahweh, "Pukawekto amin nga adda iti rabaw ti daga.
\v 3 Pukawekto dagiti tattao ken dagiti ayup. Pukawekto dagiti billit ken dagiti lames. Pukawekto dagiti nadangkes a tattao; tapno awanton dagiti nadangkes a tattao iti rabaw ti daga."

\s5
\v 4 Dagitoy dagiti dadduma a banbanag nga aramidekto: Dusaekto dagiti tattao nga agnanaed idiay Jerusalem ken kadagiti dadduma a lugar ti Juda, ken dadaelekto dagiti amin a banbanag a naaramat iti panagdaydayaw kenni Baal ken saankonton nga ipalagip kadagiti tattao dagiti nagan dagiti pagano a padi wenno dagiti dadduma a papadi a timmalikod kaniak.
\v 5 Pukawekto dagiti mapan kadagiti atep ti balbalayda ken agdayawda iti init, iti bulan ken kadagiti bituen ken dagiti mangibagbaga nga agdaydayawda kaniak ngem agdaydayawda pay iti diosda a ni Milcom.
\v 6 Kamaudiananna, pukawekto dagiti amin a nagdaydayaw kaniak idi ngem saanen nga agdaydayaw ita; dagiti saanen nga agpatpatulong kaniak wenno agkiddaw kaniak tapno ibagak kadakuada ti rumbeng nga aramidenda."

\s5
\v 7 Agulimekkayo iti sangoanan ni Yahweh nga Apo, gapu ta asidegen ti tiempo nga ukomen ken dusaen ni Yahweh dagiti tattao. Nagsagana ni Yahweh a mangpukaw kadagiti tattao ti Juda; maiyarigdanto kadagiti ayup a nailasin a maparti a maidaton, ket pinilina dagiti kabusorda tapno isuda ti mangpukaw kadakuada.
\v 8 Kuna ni Yahweh, "Iti dayta nga aldaw, inton pukawek dagiti tattao ti Juda, dusaekto dagiti opisialda ken dagiti putot dagiti ari ken amin dagiti agdaydayaw kadagiti ganggannaet a didiosen—
\v 9 agraman dagiti mangipakita a daydayawenda ti diosda a ni Dagan babaen iti panangliklikda a bumaddek iti ruangan ti templona, ken kadagiti agar-aramid ti kinaranggas ken agul-ulbod kadagiti templo dagiti diosda."

\s5
\v 10 Kuna pay ni Yahweh, "Iti dayta nga aldaw, agsangitto dagiti tattao iti Ruangan ti Lames idiay Jerusalem. Agdung-awto dagiti tattao iti Maikaddua a Distrito iti siudad, ket mangngegto dagiti tattao ti napigsa a daranudor ti pannakarebba dagiti pasdek kadagiti turod.
\v 11 Rumbeng nga agdung-awkayo, dakayo amin a tattao nga agnanaed iti disso a pagtagilakoan ti Jerusalem, gapu ta mapapatayto dagiti amin nga aglaklako ken agtimtimbang iti pirak.

\s5
\v 12 Kasla manggangatakto iti pagsilawan tapno agbirokak iti kasipngetan idiay Jerusalem kadagiti napnek unay kadagiti kababalinda ken natalged maipanggep kadagiti basolda. Ipagarupda a siak a ni Yahweh, ket awan ti aramidek a naimbag wenno dakes a banbanag, a kasla awanak!
\v 13 Isu nga inkeddengko nga umayto dagiti armada ken alaenda dagiti napapateg a sanikuada, kalpasan iti panangdadael kadagiti balbalayda. Mangipatakderto dagiti tattao iti baro a pagtaengan, ngem saandanto nga agnaed kadagitoy; mulaandanto manen dagiti kaubasan, ngem saandanto a pulos nga uminom kadagiti aniaman nga arak a naaramid manipud iti ubas nga immulada."

\s5
\v 14 Umadanin ti aldaw a dusaento ni Yahweh dagiti tattao. Addanto a dagus ditoy. Daytoyto ti tiempo nga uray dagiti natured a soldado ket agsangit iti napigsa.
\v 15 Daytoyto ti tiempo nga ipakita ti Dios a makapungtot unay isuna, tiempo a makapadas dagiti tattao iti kasta unay a rigat ken riribuk. Daytoyto ti tiempo a marakrak ken madadael dagiti adu a banbanag ken pumanaw dagiti amin a tattao. Daytoyto ti tiempo a kasta unay ti lulem ken sipnget, inton kasta unay ti ngisit dagiti ulep.
\v 16 Daytoyto ti tiempo a puyutan dagiti soldado dagiti trumpeta a pangawag kadagiti dadduma a soldado a makigubat. Rebbaento dagiti kabusoryo dagiti pader iti aglawlaw ti siudadyo ken dagiti torre a pagwanawanan kadagiti suli dagiti pader.

\s5
\v 17 Gapu ta nagbasolkayo kenni Yahweh, ipalak-amnanto kadakayo iti kasta unay a rigat; magnakayonto nga agar-arikap a kas iti aramiden dagiti bulsek a tattao. Agayusto ti darayo manipud kadagiti bagiyo a kasla agtintinnag a daga, ket maidasay ken agrupsanto dagiti bangkayyo iti daga.
\v 18 Iti tiempo nga ipakpakita ni Yahweh a makaunget unay kadakayo, saanyonto a kabaelan nga isalakan dagiti bagbagiyo babaen ti panangitedyo ti pirak wenno balitok kadagiti kabusoryo. Gapu ta naimon unay ni Yahweh, mangipatulodto isuna iti apuy a manguram iti entero a lubong, ken mamimpinsanto a pukawenna, babaen iti nakabutbuteng a wagas, pukawennanto dagiti amin a nadangkes a tattao nga agnanaed iti daga.

\s5
\c 2
\p
\v 1 Dakayo a tattao ti Juda a rumbeng koma nga agbain, agtitiponkayo ket agkaykaysakayo nga agkiddaw iti Dios tapno maasian kadakayo.
\v 2 Kasta unay ti pungtot ni Yahweh kadakayo, isu nga agtitiponkayo itan, sakbay a dusaennakayo—sakbay a dusaennakayo a kas iti pannakaiyangin ti taep.
\v 3 Dakayo amin a tattao iti Juda a napakumbaba, dayawenyo ni Yahweh ken agtulnogkayo iti imbilinna. Agaramidkayo iti naimbag ken agpakumbabakayo. No aramidenyo dayta, mabalin a salaknibannakayo ni Yahweh inton dusaenna dagiti tattao.

\s5
\v 4 Inton dusaen ni Yahweh ti Filistia, mapukawto dagiti amin nga agnanaed kadagiti siudad ti Gaza ken Askelon. Marautto ti Asdod ken mapapanawto dagiti tattao iti katengngaan ti aldaw kabayatan nga agin-innanada. Mapapanawto met dagiti tattao iti siudad ti Ekron.
\v 5 Ken nakabutbuteng a banbanag ti mapasamakto kadakayo a tattao ti Filistia nga agnanaed iti asideg ti baybay, gapu ta kinuna ni Yahweh a dusaennakayonto met. Dadaelennakayonto amin; awanto ti uray maysa a makalasat kadakayo!

\s5
\v 6 Agbalinto a pagaraban ti daga ti Filistia nga asideg iti baybay, lugar para kadagiti agpaspastor ken pagapunan dagiti karneroda.
\v 7 Tagikuaento dagiti nakalasat a tattao ti Juda dayta a daga. Iti rabii, maturogda kadagiti nabaybay-an a balbalay idiay Askelon. Aywananto ida ni Yahweh; parang-ayennanto manen ida.

\s5
\v 8 Kastoy ti kuna ni Yahweh a Mannakabalin-amin a Dios dagiti Israelita: "Nangngegko a lalaisen dagiti tattao ti Moab ken Ammon dagiti tattaok ken panggepda a sakupen ti pagilian dagiti tattaok.
\v 9 Isu nga ita, iti Naganko nga adda iti agnanayon, dadaelekto ti Moab ken Ammon a kas iti panangdadaelko iti Sodoma ken Gomorra. Agbalinto a lugar dagiti kamiring ken pagaramidan ti asin ti dagada; agnanayonto daytoy a nadadael nga awanto kadagiti tattaoda ti agnaed sadiay! Alaento dagiti makalasat a tattaok dagiti amin a napapateg a sanikuada ken pagnaedandanto dagiti dagada."

\s5
\v 10 Lak-amento dagiti tattao ti Moab ken Ammon ti maiparbeng kadakuada gapu ta nagang-angawanda dagiti tattao ni Yahweh a Mannakabalin-amin.
\v 11 Pagbutngento ida ni Yahweh inton dadaelenna dagiti amin a didiosen dagiti pagilianda. Kalpasanna, agdayawto kenni Yahweh dagiti tattao iti amin a nasion, tunggal maysa iti pagilianna.

\s5
\v 12 Kinuna ni Yahweh a papatayennanto pay dagiti tattao ti Etiopia.
\v 13 Dusaen ken dadaelento ni Yahweh ti Asiria, ti daga iti amianan a daya manipud kadatayo, ket dadaelennanto ken pagbalinenna a langalang ti kabiserana a Nineve, a kas kamaga ti disierto.
\v 14 Agiddanto sadiay dagiti arban ti karnero, dagiti pangen ti baka ken adu a kita dagiti atap nga ayup. Agbatayto dagiti kullaaw ken uwak kadagiti rabaw dagiti adigi dagiti nadadael a pasdek, ket agunida kadagiti taw-tawa. Addanto ti narumrumek a bato kadagiti pagserkan, ket makitanton dagiti napapateg nga adigi a sedar kadagiti atep dagiti pasdek.

\s5
\v 15 Sigud a naragsak ken natangsit dagiti tattao ti Nineve, pagarupenda a natalgedda unay. Kanayon nga ibagbagada, "Ti siudadtayo ti kabibilegan, awanen ti siudad a nabilbileg a kas iti siudadtayo!" Ngem ita, agbalinto a nakaal-alas a lugar, maysa a lugar a nagbalin a rukib dagiti atap nga ayup. Ket tunggal maysa a lumabas sadiay ket agsakuntip, umsien ken ilayatda dagiti gemgemda a mangipakita a karimonda iti kasta unay dayta a siudad.

\s5
\c 3
\p
\v 1 Nakabutbuteng ti mapasamakto iti Jerusalem, dayta a siudad a dagiti tattaona ket nagsukir kenni Yahweh ken nagbalin a saan a makaay-ayo kenkuana gapu kadagiti basbasol nga inaramidda. Kasta unay ti kinaranggasda kadagiti dadduma ken indadanesda dagiti dadduma a tattao.
\v 2 Saan nga ikankano dagiti tattao sadiay dagiti profeta nga imbaon ni Yahweh tapno ibagada kadakuada dagiti dakes a banbanag nga ar-aramidenda ken tapno ilintegda ida. Saan nga agtalek wenno umasideg dagiti tattao ti Jerusalem iti Diosda.

\s5
\v 3 Maiyarig dagiti mangidadaulo kadakuada kadagiti ngumerngernger a leon; kaiyariganda dagiti lobo a dumarup iti rabii ket kanenda ti amin a mapatayda, a ti pagbanaganna, awanen ti natda kadagitoy nga ayup a kanenda iti kabigatanna.
\v 4 Natangsit dagiti profeta idiay Jerusalem, ken mangmangted dagiti padi kadagiti mensahe a saan a rumbeng a patien ti siasinoman. Tultulawanda ti templo babaen iti panagaramidda kadagiti banbanag a maibusor iti linteg ni Moises.

\s5
\v 5 Ngem adda latta ni Yahweh iti siudad, ken saan a pulos nga agar-aramid iti saan nga umno. Inaldaw a tratratoenna a sililinteg dagiti tattao; ngem pulos a saan nga agbain dagiti nadangkes a tattao maipanggep kadagiti dakes nga ar-aramidenda.

\s5
\v 6 Daytoy ti kuna ni Yahweh: "adu a nasion ti dinadaelko; Dinadaelko dagiti nalagda a pader dagiti siudadda ken dagiti torreda. Ita, pinagbalinko dagiti kalsada kadagitoy a siudad a naan-anay a nabaybay-an. Nadadael dagitoy a siudad ket awanen ti sibibiag pay sadiay. Natayda aminen.
\v 7 Isu a kinunak iti bagik, 'Gapu iti inaramidko kadagiti dadduma a nasion, sigurado a raemendak itan dagiti tattao ti Jerusalem ken palubosandakon a mangilinteg kadakuada. No aramidenda dayta, saankonto ida a dadaelen; saankonto ida a dusaen a kas iti imbagak nga aramidek.' Ngem iti laksid ti pannakaammoda no kasano a dinusak dagitoy dadduma a nasion, sigagagarda latta nga agriing a nasapa iti tunggal agsapa ket itultuloyda ti agaramid iti kinadakes."

\s5
\v 8 Kastoy ti impakaammo ni Yahweh: "Urayenyo ti aldaw inton agtignayak a mangukom kadakayo! Inkeddengko nga ummongen dagiti tattao kadagiti pagarian ti daga ket ipakaammok a kasta unay ti pungtotko kadakuada. Iti entero a daga, dusaek ken dadaelekto dagiti tattao; Puorakto ida babaen iti pungtotko a kasla iti apuy!

\s5
\v 9 Inton mapasamak dayta, pagbalbaliwekto dagiti amin a tattao ken ti nalinteg laeng ti ipalubosko nga isaoda, tapno idayawdakto dagiti amin a tattao kas maymaysa a tattao.
\v 10 Ket umayto kaniak a mangiyeg kadagiti daton dagiti tattaok a pinilitda a mapan kadagiti sabali a pagilian ken dagiti agnanaed iti igid ti surong a paset ti Karayan Nilo idiay Etiopia.
\v 11 Iti dayta a tiempo, saankayonton a mabain, dakayo a tattao ti Jerusalem maipanggep iti napasamak kadakayo, gapu ta saankayonton nga agsukir kaniak. Ikkatekto dagiti amin a tattao a natatangsit nga adda kadakayo. Awanton ti magna a sipapalangguad iti aglawlaw iti Sion, ti nasantoan a turodko.

\s5
\v 12 Agbalinto a nanumo ken napakumbaba dagiti sibibiag pay laeng iti Israel; agtalekdanto kaniak.
\v 13 Saanto nga agaramid iti kinadakes dagiti tattao a sibibiag pay iti Israel; saandanto nga agulbod wenno mangallilaw iti siasinoman. Mangan ken maturogdanto a sitatalged gapu ta awanto ti pagbutnganda.

\s5
\v 14 Dakayo a tattao nga agnanaed iti Jerusalem ken dadduma a lugar idiay Israel, agkanta ken agpukkaw kayo iti napigsa! Agragsak ken agrag-okayo iti amin a kaungganyo,
\v 15 gapu ta isardengto ni Yahweh ti panangdusana kadakayo, ken iyadayona kadakayo dagiti armada dagiti kabusoryo! Agtaeng a mismo kadakayo ni Yahweh nga ari dagiti Israelita ket pulos a saankayonton nga agbuteng a dangrannakayo dagiti dadduma a tattao.
\v 16 Iti dayta a tiempo, ibaganto dagiti dadduma a tattao kadatayo a taga-Jerusalem, "Dakayo a tattao ti Jerusalem, saankayo nga agbuteng; saankayo a kumapuy wenno maupay."

\s5
\v 17 Agtaengto ni Yahweh a Diosyo kadakayo. Nabileg isuna ket ispalennakayonto. Maragsakanto unay isuna gapu kadakayo; gapu ta ay-ayatennakayo, paginanaennakayo nga awan iti pakadanaganyo. Agkantanto isuna iti napigsa gapu iti ragsakna kadakayo,
\v 18 a kas kadagiti tattao a naragsak iti Fiesta. Kuna ni Yahweh, "Saankayonton a mabain wenno agbuteng nga amangan no dadaelennakayo dagiti kabusoryo.

\s5
\v 19 Pudno, dusaekto iti nakaro dagiti amin a nangparparigat kadakayo. Ispalekto dagiti kakaasi ken dagiti napilit a mapan iti sabali a pagilian. Itedkonto kadakuada ti pammadayaw ken panagraem iti tunggal pagilian a nangitalaw kadakuada a kas balud, kadagiti lugar a nakaibabainanda.
\v 20 Iti dayta a tiempo, ummongenkayonto amin ket isublinakayonto idiay Israel. Pagbalinenkayonto a nadayaw ken maitantan-ok iti kasta unay kadagiti amin a nasion iti daga. Makitayonto inton parang-ayenkayo manen." Kastoy ti impakaammo ni Yahweh!