128 lines
13 KiB
Plaintext
128 lines
13 KiB
Plaintext
\id HAB
|
|
\ide UTF-8
|
|
\h Habakkuk
|
|
\toc1 Habakkuk
|
|
\toc2 Habakkuk
|
|
\toc3 hab
|
|
\mt Habakkuk
|
|
|
|
\s5
|
|
\c 1
|
|
\p
|
|
\v 1 Daytoy ket ti panagtungtong da Habakkuk a profeta ken ni Yahweh.
|
|
\v 2 Kinunak, "O Yahweh, kasano kapaut ti panagkiddawko kenka iti tulong sakbay a sumungbatka? Immasugak, "Agtigtignay a siraranggas dagiti tattao!" ngem saannak nga inispal!
|
|
|
|
\s5
|
|
\v 3 Apay nga ipakpakitam kaniak dagiti tattao nga agar-aramid iti dakes, ngem awan ti ar-aramidem? Makitkitak dagiti tattao a mangdaddadael kadagiti banbanag ken agtigtignay a siraranggas; agraranget ken agaapada iti sadinoman.
|
|
\v 4 Awan a pulos ti nagtulnog iti linteg ni Moises, ken awan a pulos ti nagtignay iti nasayaat iti napaut. Kanayon a maparmek dagiti nadangkes a tattao dagiti nalinteg a tattao kadagiti pagukoman, gapu ta saan a pulos a nainkalintegan ti panangikeddeng dagiti ukom."
|
|
|
|
\s5
|
|
\v 5 Simmungbat ni Yahweh kaniak, "Daytoy ti mapaspasamak, ngem kumitaka iti aglawlaw no ania ti mapaspasamak iti dadduma a nasion. No kumitaka, maklaat ken masdaawka, agsipud ta mangar-aramidak iti maysa a banag kabayatan daytoy a tiempo a saanmo a pulos a patien a mapasamak, uray no adda mangibaga kenka maipapan iti daytoy.
|
|
\v 6 Iti kabiitan a panawen, iyegkonto dagiti soldado ti Babilonia a naulpit ken napartak. Agmartsada iti entero a daga ken sakupenda ti adu a pagilian.
|
|
\v 7 Isuda dagiti tattao a kabuteng unay dagiti dadduma, ket aramidenda ti aniaman a kayatda nga aramiden, gapu ta patienda a nabilegda unay ken gapu ta addaanda iti karbengan a mangukom iti siasinoman.
|
|
|
|
\s5
|
|
\v 8 Naparpartak nga agtaray dagiti kabalio a mangguyguyod kadagiti karuaheda ngem kadagiti leopardo, ken narungrungsotda ngem kadagiti lobo iti rabii. Napardas nga agtaray dagiti kabalio a pagsaksakayan dagiti soldado; dagiti soldado a nakasakay kadagitoy ket naggapu kadagiti adayo a lugar. Kaslada la agila nga umay mangsippayot iti kanenda.
|
|
\v 9 Iti panagdaliasatda, inkeddengda ti agtignay a siraranggas. Magagaranda a dumarup, a kas iti kinapardas ti angin iti disierto, ket agummongda iti nakaad-adu a balud a kas iti kaadu dagiti darat!
|
|
|
|
\s5
|
|
\v 10 Pagkakatawaanda dagiti ari ken prinsipe kadagiti dadduma a pagilian, ken uy-uyawenda amin a siudad nga addaan iti nangangato a pader iti aglawlaw dagitoy. Mangigabsuonda iti daga iti aglawlaw dagidiay a siudad tapno masakup dagitoy.
|
|
\v 11 Agdardarasda a lumabas a kas iti angin, ket kalpasanna rumautda kadagiti dadduma a siudad. Ngem nadagsen unay ti basolda, ta pagarupenda a ti bukodda a pigsa ti diosda!"
|
|
|
|
\s5
|
|
\v 12 Ket kinunak, "O Yahweh, saan kadi a sika ti awan patinggana a Dios? Sika ti Diosko a Nasantoan, isu a saankaminto a matay. Isu nga apay nga imbaonmo dagidiay a lallaki manipud Babilonia tapno mangukom ken mangpapatay kadakami? Kayarigam ti dakkel unay a Batomi, a mabalinmi a paglemmengan ti rabawna, apay ngarud nga imbaonmo ida tapno dusaendakami?
|
|
|
|
\s5
|
|
\v 13 Nasin-awka, ket saanmo a maibturan a kitkitaen ti kinadakes, apay ngarud a saanmo nga ikaskaso dagiti lallaki a mangliliput? Apay nga awan ti ar-aramidem tapno dusaen dagidiay a lallaki manipud iti Babilonia, a mangdaddadael kadagiti tattao a nalinlinteg kadakuada?
|
|
\v 14 Tatratoendakami a kas ikan iti baybay, wenno kas kadagiti dadduma a parsua iti baybay, nga awan ti mangiturturay.
|
|
|
|
\s5
|
|
\v 15 Pagarupen dagiti soldado ti Babilonia a dakami ket ikan kadakuada a mabanniitan iti baybay wenno tiliwen babaen kadagiti iketda kabayatan ti panagragragsak ken panagramrambakda.
|
|
\v 16 No matiliwdakami, daydayawendanto dagiti armasda a pinangtiliwda kadakami, mangidatagda kadagiti daton ken mangipuorda iti insenso iti sangoanan dagitoy! Ibagadanto, 'Dagitoy nga armas ti nangpabaknang kadatayo ken makapangantayon iti nangina a taraon.'
|
|
\v 17 Ipalubosmo kadi a parmekenda latta kadagiti tattao iti agnanayon? Ipalubosmo kadi a dadaelenda dagiti tattao kadagiti dadduma a nasion nga awanan a pulos iti asi para iti siasinoman?”
|
|
|
|
\s5
|
|
\c 2
|
|
\p
|
|
\v 1 Kalpasan nga imbagak dayta, kinunak iti bagik, "Umuliakto iti pagbanbantayak, ken agtakderakto iti torre a pagwanwanawanak. Agurayakto sadiay tapno maammoak no ania ti ibaga ni Yahweh, no ania ti isungbatna ken no kasanoak a sumungbat."
|
|
|
|
\s5
|
|
\v 2 Ket simmungbat ni Yahweh kaniak, "Isuratmo a nabatad kadagiti tapi ti bato no ania ti ipakpakaammok kenka iti daytoy a sirmata, ket ibasam daytoy iti maysa a mensahero tapno mabalinna nga itaray nga ibaga kadagiti dadduma pay a tattao.
|
|
\v 3 Iti daytoy a sirmata, saritaekto ti maipapan kadagiti banbanag a mapasamakto iti masakbayan. Saan nga ita a mapasamak dagidiay a banbanag, ngem pudno a mapasamakto dagitoy, ket inton mapasamak dagitoy, mapasamakto dagitoy a dagus, ket saanto a maitantan. Kayatmo a mapasamak dagidiay a banbanag iti mabiit, ngem saan a mapasamak. Ngem siaanuska nga aguray a mapasamak dagitoy!
|
|
|
|
\s5
|
|
\v 4 Panunotenyo dagiti natatangsit a tattao! Pudno a saanda nga ar-aramiden ti nalinteg. Ngem agbiagto dagiti tattao a nalinteg ta sipupudnoda a mangar-aramid kadagiti kayatko nga aramidenda.
|
|
\v 5 No agbiag dagiti tattao iti nalablabes kas iti arak, allilawendanto dagiti bagbagida, ket saan a pulos a makainana dagiti natatangsit a tattao. Ungapen dagiti naagum a tattao dagiti ngiwatda kas iti kalawa ti lugar nga ayan dagiti natay a tattao, ket saandanto a pulos a mapnek kas iti lugar dagiti natay a pulos a saan a mapnek kadagiti natay a tattao. Pinarmek dagiti armada ti Babilonia ti adu a nasion para kadagiti bagbagida, ken tiniliwda amin dagiti tattao dagidiay a nasion.
|
|
|
|
\s5
|
|
\v 6 Ngem iti mabiit, laisento dagiti amin a tiniliwda dagiti soldado manipud iti Babilonia! Pagkatkatawaandanto ida, a kunada, 'Nakabutbutengto ti mapasamak kadakayo a nangtakaw kadagiti banbanag manipud iti dadduma a pagilian! Adu ti innalayo babaen iti panangpilit kadagiti tattao tapno itedda dagitoy kadakayo. Ngem awan duadua a saanyonto a maidulin dagitoy iti mabayag!'
|
|
\v 7 Kellaatto a tumakder dagidiay a pinarparigatyo ket pagtegergerendakayo, ket alaendanto dagiti amin a banbanag a tinakawyo kadakuada.
|
|
\v 8 Tinakawyo dagiti banbanag manipud kadagiti tattao iti adu a nasion. Nangpapataykayo kadagiti tattao iti adu a bunggoy dagiti tattao, ket dinadaelyo ti dagada ken dagiti siudadda. Isu a takawento dagiti sibibiag pay laeng dagiti napapateg a banbanag manipud kadakayo.
|
|
|
|
\s5
|
|
\v 9 Nakabutbutengto ti mapasamak kadakayo a tattao ti Babilonia a mangipatakder kadagiti dadakkel a balbalay babaen iti kuarta nga innalayo babaen iti panangpilityo kadagiti dadduma nga itedda daytoy kadakayo. Natangsitkayo, ken impagarupyo a natalged dagiti balbalayyo gapu ta impatakderyo dagitoy kadagiti lugar a nalakayo a masalakniban dagitoy.
|
|
\v 10 Ngem gapu ta dinadaelyo ti dadduma, nangparnuaykayo iti pakaibabainan ti pamiliayo ken dagiti bagbagiyo!
|
|
\v 11 Nagasug dagiti batbato kadagiti pader dagiti balbalayyo tapno pabasolendakayo, ket isu met laeng ti ibagbaga dagiti soleras dagiti bubongyo!
|
|
|
|
\s5
|
|
\v 12 Nakabutbutengto ti mapasamak kadakayo a tattao ti Babilonia a mangpatpatay kadagiti tattao tapno agibangonkayo kadagiti siudad, dagiti siudad a binangonyo babaen iti panangaramatyo iti kuarta nga innalayo babaen iti panangaramidyo iti dakes.
|
|
\v 13 Ngem impakaammo ni Yahweh a Mannakabalin-amin a madadaelto babaen iti apuy dagiti amin a banag a binangon dagiti tattao a nangaramid kadagiti banag a kas iti dayta; agbannogdanto iti awan serserbina.
|
|
\v 14 Ngem ti naggidiatanda, kas iti pannakapunno dagiti baybay iti danum, mapunnonto met ti daga kadagiti tattao a makaammo a natan-ok unay ni Yahweh!
|
|
|
|
\s5
|
|
\v 15 Nakabutbutengto ti mapasamak kadakayo a tattao ti Babilonia, a nangbartek kadagiti tattao nga agnanaed kadagiti kabangibang a pagilian. Pinilityo ida nga uminom iti adu nga arak agingga a nabartekda ket agliklikawda a magmagna a lamu-lamo ta maragsakankayo no kasta a makitkitayo dayta.
|
|
\v 16 Ngem dakayonto ti maibabain imbes a mapadayawan. Arigna a napilitkayo nga imminom iti adu nga arak agingga nga agdiwerdiwerkayo. Inumenyonto ti arak a pakakitaan a dusaennakayonto ni Yahweh, ket isunanto ti pakaigapuan a saandakayo a raemen dagiti dadduma imbes koma a padayawandakayo.
|
|
|
|
\s5
|
|
\v 17 Nangaramidkayo iti kinaranggas kadagiti tattao iti Lebanon, ken pinatayyo dagiti atap nga ayup sadiay, ngem madusakayonto iti kasta unay gapu iti panangaramidyo iti dayta. Pinapatayyo dagiti adu a tattao ken dinadaelyo dagiti daga ken siudadda.
|
|
|
|
\s5
|
|
\v 18 Dakayo a tattao ti Babilonia, masapul a maammoanyo a pulos nga awan serserbi dagiti didiosenyo, gapu ta dagiti tattao ti nangaramid kadagitoy. Al-allilawen dakayo dagiti estatua a naikitikit wenno nasukog. Dagiti agtaltalek kadagiti didiosen ket agtaltalek kadagiti banbanag nga inaramidda a mismo, dagiti banbanag a saan nga agsao!
|
|
\v 19 Nakabutbutengto ti mapasamak kadakayo a mangibagbaga kadagiti awan biagna a didiosen a naaramid iti kayo, 'Agriingka!' Awan duadua a saan a maibaga dagiti bato a didiosenyo no ania ti masapul nga aramidenyo; napintas ti kitada gapu ta nakalupkopan dagitoy iti pirak ken balitok, ngem saanda a nabiag.
|
|
\v 20 Ngem adda ni Yahweh iti nasantoan a templona; masapul nga agulimek iti presensiana dagiti amin a tao iti daga!"
|
|
|
|
\s5
|
|
\c 3
|
|
\p
|
|
\v 1 Ti kararag ni Habakkuk a profeta.
|
|
\v 2 O Yahweh, nangngegko ti maipapan kenka; ket daydayawenka gapu kadagiti amin a nakaskasdaaw a banbanag nga inaramidmo. Iti panawenmi, aramidem manen dagiti dadduma kadagidiay a banbanag nga inaramidmo iti nabayagen a panawen! Uray no kaungetnakami, agtignayka a siaasi kadakami!
|
|
|
|
\s5
|
|
\v 3 Ti dayagna ket kas iti panagsingising ti init; naggilap dagiti rayus manipud kadagiti imana a pagtaltalinaedan ti pannakabalinna. Nangyeg isuna iti didigra iti sangoananna ken ti dadduma a didigra ket immay iti likudanna.
|
|
|
|
\s5
|
|
\v 4 Ti dayagna ket kas iti panagsingising ti init; naggilap dagiti rayus manipud kadagiti imana a pagtaltalinaedan ti pannakabalinna.
|
|
\v 5 Nangyeg isuna iti didigra iti sangoananna ken ti dadduma a didigra ket immay iti likudanna.
|
|
|
|
\s5
|
|
\v 6 Idi nagsardeng isuna, naggingined ti daga. Idi kinitana dagiti nasion, nagkintayeg dagiti amin a tattao. Nargaay dagiti turod ken bantay nga adda sipud pay idi punganay. Isuna laeng ti adda iti agnanayon!
|
|
|
|
\s5
|
|
\v 7 Iti sirmata, nakitak a mabutbuteng unay dagiti tattao nga agnanaed kadagiti tolda iti rehion ti Cusan, ken agtigtigerger dagiti tattao iti rehion ti Midian.
|
|
\v 8 O Yahweh, gapu kadi ta kaungetmo dagiti karayan ken dagiti waig isu nga sinaplitmo dagitoy? Pinagpungtotdaka kadi dagiti baybay, a ti nagbanaganna ket nagsakayka babaen kadagitoy agraman dagiti kabaliom a mangguyguyod kadagiti karuahe nga inusarmo tapno maiyeg ti balligi gapu kenka?
|
|
|
|
\s5
|
|
\v 9 Arigna a linukaisam ti baim ket insaganam nga ibiat daytoy, ken nangalaka kadagiti pana tapno ikabilmo iti baim. Ket pinagguduam a linukatan ti daga, ket nagpuswak dagiti waig.
|
|
\v 10 Arigna a nakitadaka dagiti bantay a mangar-aramid iti dayta, ket nagtigergerda iti ut-ot. Pimmeges dagiti danum babaen kadagiti layus; arigna a nagdaranudor ti adalena a baybay ket nagdalluyon daytoy iti nagngato.
|
|
|
|
\s5
|
|
\v 11 Nagsardeng nga aggaragaraw iti tangatang ti init ken bulan, kabayatan a naggilap ti kimatmo, a kas iti napardas a pana, ket naggilap ti sumilsileng a gayangmo.
|
|
\v 12 Iti nakaro nga ungetmo, nagdaliasatka iti daga, ket binaddebaddekam dagiti armada dagiti nasion!
|
|
|
|
\s5
|
|
\v 13 Ngem napanka met laeng tapno isalakan dagiti tattaom, ken tapno isalakan ti pinilim. Pinapataymo ti mangidadaulo dagiti nadangkes a tattao ken pinugotam isuna isu a ti laeng puon ti tengngedna ti adda!
|
|
|
|
\s5
|
|
\v 14 Babaen iti mismo a gayangna, pinapataymo ti mangidadaulo kadagidiay a soldado nga agdardaras a kas iti alipugpog a mangraut ken mangiwarawara kadakami, ipagpagarupda a maparmekdakami a kas iti kalaka ti panangabakda kadagiti nakakapuy a tattao a naglemmeng manipud kadakuada.
|
|
\v 15 Nagnaka kadagiti baybay agraman dagiti kabaliom tapno dadaelen dagiti kabusormi, ken pinangatom dagiti dalluyon.
|
|
|
|
\s5
|
|
\v 16 Idi nakitak dayta a sirmata, nagkibbayo ti pusok ken nagpigerger ti bibigko ta nagbutengak. Kimmapuy dagiti luppok ket nagtigergerak, gapu ta napabutnganak. Ngem agurayak a siuulimek para kadagiti tattao ti Babilonia, dagiti nangparmek iti pagilianmi, a manglak-am kadagiti didigra!
|
|
|
|
\s5
|
|
\v 17 Ngarud, uray no awan sabong dagiti kayo nga igos, ken awan bunga dagiti puon ti ubas, ken uray no awan ti dumakkel a bunga ti olibo, ken awan ti mulmula kadagiti taltalon, ken uray no matay dagiti arban ti karnero ken kalding kadagiti taltalon, ken awan ti baka kadagiti pagapunan,
|
|
|
|
\s5
|
|
\v 18 Agrag-oak gapu kenni Yahweh! Agragsakak ta ti Diosko ti nangisalakan kaniak!
|
|
\v 19 Ni Yahweh nga Apo ti mangmangted iti pigsak, ken ik-ikannak iti kabaelan nga umuli a sitatalged kas iti ar-aramiden ti ugsa. (Daytoy a mensahe ket para iti direktor dagiti bunggoy dagiti kumakanta: No maikanta daytoy a kararag, rumbeng a danggayan daytoy dagiti tattao nga agtugtugtog kadagiti instrumento a nakuerdasan.)
|