ilo_udb/33-MIC.usfm

\id MIC
\ide UTF-8
\h Mikias
\toc1 Mikias
\toc2 Mikias
\toc3 mic
\mt Mikias

\s5
\c 1
\p
\v 1 Inted ni Yahweh kenni Mikias a taga-Moreset idiay Juda, dagitoy a mensahe babaen iti parmata maipapan iti Samaria ken Jerusalem idi da Jotam, Ahas, ken Hezekias dagiti ari idiay Juda.

\s5
\v 2 Dakayo a tattao iti sadinoman a paset ti lubong, ipangagyo daytoy. Ak-akusarannakayo ni Yahweh a Diostayo manipud iti nasantoan a templona idiay langit.
\v 3 Bumabanto isuna manipud langit ket dadaelenna a naan-anay dagiti pagdaydayawanyo kadagiti didiosen.
\v 4 Kaslanto malunag dagiti bantay iti sakaananna a kas iti pannakalunag ti allid iti apuy, ken kasla danum nga agpukaw inton agayus nga agturong iti tanap.

\s5
\v 5 Mapasamakto dagitoy a banbanag gapu kadagiti nadagsen a basbasol nga inaramid dagiti tattao ti Israel, dagiti kaputotan ni Jacob. Ngem dagiti tattao iti siudad ti Samaria ti nangisungsong kadagiti amin a tattao ti Israel nga agbasol. Ken gapu ta nagaramid dagiti tattao ti Jerusalem kadagiti altar a pagdayawanda kadagiti diosda nga impararup dagiti dadduma a tattao iti Juda a nasken nga agdayawda met kadagiti didiosen.

\s5
\v 6 Kastoy ti kuna ni Yahweh; "Pagbalinekto ti Samaria a gabsuon ti nagrebbaan; daga nga ubas laeng ti mabalin nga imula. Ipaitulidkonto dagiti bato dagiti pasdek daytoy kadagiti tanap. Dadaelekto dagiti pasdek agingga kadagiti pundasion dagitoy.
\v 7 Ipaburakkonto dagiti didiosen idiay Samaria. Mapuoranto dagiti sagut a naited kadagiti balangkantis idiay templo dagiti didiosenda. Gapu ta binayadan dagiti tattao dagiti balangkantis sadiay, alaento dagiti kabusorda dagitoy a didiosen ket ilakoda a pagbayadda kadagiti balangkantis kadagiti sabali a pagilian.

\s5
\v 8 Gapu ta madadaelto ti Samaria, agsangit ken agdung-awak. Agpagnapagnaakto a sakasaka ken lamolamo. Agtaguobak a kas iti atap nga aso ken agdung-awak a kas iti kullaaw.
\v 9 Agdung-awak gapu ta madadaelto a naan-anay ti Samaria; awanto ti maka-ispal iti dayta a siudad. Ngem kastanto met ti mapasamak iti Juda. Kasla la nakadanonen dagiti armada dagiti kabusor kadagiti ruangan iti siudad ti Jerusalem, ti kangrunaan a siudad a pagnanaedan dagiti tattaok.
\v 10 Saanyo nga ibaga dayta kadagiti kabusortayo iti siudad ti Gat idiay Filistia! Saankayo nga agsangit, tapno saan a maamoan dagiti tattao sadiay ti mapaspasamak. Ngem ketdi, agtulidtulidkayo laengen iti daga ti Bet-Afra.

\s5
\v 11 Dakayo a tattao nga agnanaed iti Safir, maipankayonto iti sabali a pagillian a lamolamo ken nakababain. Rumbeng nga agladingitkayo, dakayo a tattao ti Bet-ezel, gapu ta awan ti rummuar iti Zanaan a tumulong kadakayo.
\v 12 Sigagagar nga agur-uray dagiti tattao ti Marot kadagiti nasayaat a banbanag a mapasamak kadakuada. Ngem pagbalinek a didigra dagiti banbanag a mapasamak kadakuada ket mabiiten a mapasamak dagitoy kadagiti ruangan ti Jerusalem."

\s5
\v 13 Dakayo a tattao iti siudad ti Lakis, ipakoyo dagiti kabalioyo tapno guyodenda dagiti karuahe nga isu ti paglugananyo nga aglibas kadagiti kabusoryo. Nagrebelde dagiti Israelita kenni Yahweh, ket tinuladyo ida, a nangrugian met iti panagbasol dagiti tattao ti Jerusalem.
\v 14 Dakayo a tattao ti Juda, mangipatulodkayo iti sagut a pammakada kadagiti tattao ti Moreset, gapu ta dadaelen idan dagiti kabusorda. Ngan-nganin maduktalan dagiti ari ti Israel nga upayen ida dagiti tattao iti ili ti Akzib.

\s5
\v 15 Dakayo a tattao ti Maresa, iti mabiit, mangibaon ni Yahweh iti mangsakup iti iliyo. Ket masapul a mapanto aglemmeng dagiti nalalatak a mangidadaulo ti Israel iti kueba nga asideg iti Adullam.
\v 16 Dakayo a tattao ti Juda, kuskosanyo dagiti uloyo ket agleddaangkayo, gapu ta ngannganin maitalaw dagiti ipatpategyo nga annak.

\s5
\c 2
\p
\v 1 Nakaam-amak a banbanag a ti mapasamakto kenka a naka-idda a siririing iti rabii nga agpangpanggep nga agaramid iti dakes. Ket bumangonka iti parbangon, samonto aramiden no laketdi kabaelam nga ipatungpal dagitoy.
\v 2 Kaykayatmo dagiti talon a kukua dagiti sabali a tattao, isu nga agumam dagitoy; alaem pay dagiti babbalayda. Sasaurem dagiti tattao tapno maalam dagiti pagtaenganda, al-alaem dagiti sanikuada a maibilang kadagiti pamiliada.

\s5
\v 3 Ngarud, kastoy ti kuna ni Yahweh: "Ipalak-amkonto kadakayo a tattao ti Israel dagiti didigra, ket saanyonto a malibasan dagitoy. Saankayonton a makapagna-pagna iti aglawlaw a sipapannakkel, gapu ta inton mapasamak dayta, daytoyto ti tiempo iti nakaro a pakariribukanyo.
\v 4 Iti dayta a tiempo, pagkakatawaandakayonto dagiti kabusoryo, dakayo a nababaknang a tattao; uyawendakayonto babaen iti panangkantada iti daytoy a naliday a kanta a maipapan kadakayo: 'Dakami nga Israelita ket naminpinsanen a nadadael; al-alaen ni Yahweh ti dagatayo, sananto ited daytoy kadagiti nangtiliw kadatayo!"'
\v 5 Isu nga inton tiempo a maisubli ti daga kadakayo a tattao a kukua ni Yahweh, awanto ti uray maysa a sibibbiag kadakayo a nababaknang a pamilia nga umawat iti uray ania kadagiti maisubli a daga.

\s5
\v 6 Insungbat dagiti tattao a nakangngeg kaniak, "Saanmo nga ipadto dagiti kasta a banbanag! Saanmo nga ibaga nga ibabainnakami ni Yahweh babaen kadagiti didigra nga ipalak-amna kadakami!"
\v 7 Ngem dakayo a tattao nga agsasao iti kasta! Kunayo a saan pulos nga agunget ni Yahweh, ken saanatayo pulos a dusaen." Wen, kinunak a tulunganna dagiti agbibiag iti nalinteg a wagas.
\v 8 Ngem kuna ni Yahweh, "Iti nabiit pay, nagtignay dagiti tattaok a kas maysa a kabusor. Dakayo a nababaknang a tattao ket saanyo a kayat nga isubli dagiti kagay dagiti nakabulod kadakayo iti kuarta, ti kagay nga intedda kadakayo a kas karida a bayadanda dagiti inutangda. Tagikuaenyo lattan dagiti kagayda, kella-atenyo ida a kas iti soldado nga agsubsubli manipud paggugubatan a makla-at babaen kadagiti mangraut kadakuada imbes a natalgeddan kadagiti pagtaenganda.

\s5
\v 9 Pinatalawyo dagiti babbai kadagiti nasayaat a pagtaenganda, ken tinakawyo kadagiti annakda iti agnanayon a bendision a kayatko nga ipaay kadakuada.
\v 10 Isu a tumakderkayo ket pumanawkayo ditoy! Saan a daytoy ti lugar a paginanaanyo ken pagtalgedan, gapu ta minulitanyo daytoy. Siguraduek a naan-anay a madadaelto daytoy.
\v 11 Dakayo a tattao, kayatyo ti profeta nga agulbod kadakayo, a kunana, Ikasabak a rumbeng nga uminumkayo iti adu nga arak ken dagiti dadduma pay a nasanger a mainum!' Dayta a kita ti profeta ti makaay-ayo kadakayo."

\s5
\v 12 "Ngem addanto aldaw, dakayo a kaputotan ni Jacob, isublikto manipud iti pannakaitalaw dagiti Israelita a nakalasat. Ummungenkayonto a kasla iti panangummong ti agpaspastor kadagiti karnerona iti koral, ket umadukayonto iti dagayo.
\v 13 Mai-paayan dagiti mangidadaulo kadakayo iti kabaelan a pumanaw kadagiti pagillian a nakaibellenganda; idalannanto ida a rummuar kadagiti ruangan kadagiti siudad dagiti kabusorda, nga agsubli iti bukodyo a pagillian. Ti ariyo ti mangidalanto kadakuada; ket siak a ni Yahweh, ti agbalinto nga arida!"

\s5
\c 3
\p
\v 1 Ket kinunak, "Dakayo a mangidadaulo nga Israelita, dengngenyo ti ibagak! Masapul koma nga ammoyo no ania dagiti naimbag a banbanag a rumbeng nga aramiden ken no ania dagiti dakes a banbanag,
\v 2 ngem gurguraenyo ti kinaimbag ket ay-ayatenyo ti kinadakes. Agtigtignaykayo a kas agparparti, kaslayo laplaplapen dagiti kudil dagiti tattaok ken mangpirgis ti lasagda kadagiti tultulangda.
\v 3 Kasla tadtadenyo ida a kasla karne a mailuto iti banga.

\s5
\v 4 Ket no adda pakariribukanyo, agpakaasikayo kenni Yahweh a tulungannakayo ngem saannakayonto nga ikankano. Iti dayta a tiempo, itallikudnanto ti rupana kadakayo, gapu kadagiti dakes a banbanag nga inaramidyo."

\s5
\v 5 Daytoy ti kuna ni Yahweh maipapan kadagiti sinan- profetayo a mangal-allilaw kadagiti tattao: "No adda mangted kadakuada ti taraon, ibaga ti profeta dagiti banbanag a mangpasayaato kenkuana. Ngem ipablaakda a dusaekto ti siasinoman a saan a mangted kadakuada ti taraon.
\v 6 Isu nga ita ket kasla umay ti rabii kadakayo a profeta; saankayonto a makaawat iti uray aniaman a sirmata. Kasla lumnekto ti init kadakayo; aggibusto ti tiempo a pannakararaemyo.
\v 7 Ket maibabainkayonto a mammadles; abbonganyonto dagiti rupayo gapu ti pannakaibabainyo, gapu ta inton damagenyo kaniak no ania ti mapasamak, ket awanto ti sungbat nga aggapu kaniak."

\s5
\v 8 Ngem no siak, napnapno-ak iti pannakabalin ti Dios, pannakabalin a naggapu iti Espiritu ni Yahweh. Nalinteg ken napigsaak ket iwaragawagko kadagiti tattao nga Israelita a nagbasol ken nagrebeldeda kenni Yahweh.

\s5
\v 9 Dakayo a mangidadaulo kadagiti Israelita, denggenyo daytoy: Kagurayo no nalinteg ti ar-aramiden dagiti tattao, ket no ibaga dagiti tattao ti kinapudno, ibagayo nga ulbodda.
\v 10 Kasla met la nga agipatpatakderkayo kadagiti babbalay iti Jerusalem a dagiti pundasionna ket buklen dagiti pumatpatay a tattao ken agar-aramid iti saan a nasayaat.
\v 11 Umanamong dagiti mangidadaulo kadakayo no maka-awatda iti pasuksuk. Agisuro dagiti padiyo kadagiti tattao no mabayadanda iti nasayaat. Dagiti profetayo a masapul a bayadan dagiti tattao tapno ibagana no ania ti mapasamak kadakuada iti masakbayan. Kuna dagitoy a profeta, "Ibagbaga ni Yahweh kadakami no ania ti ibagbagami, ket ibagami a saantayo a mapadasan iti aniaman a didigra."

\s5
\v 12 Gapu ti ar-aramidenyo a mangidadaulo, maaradonto a kas iti talon ti Bantay Sion; agbalinto daytoy a gabsuon dagiti naburburak a batbato. Iti tuktok ti turod, nga ayan ti templo ita, ket maabbongan kadagiti kaykayo.

\s5
\c 4
\p
\v 1 Kuna ni Yahweh a dumtengto ti aldaw nga addanto ti templona iti tapaw ti bantay, ket agbalinto dayta a bantay a kapapatgan iti rabaw ti daga; ket kaslanto dayta ti kangangatoan kadagiti amin a turod, ket mapanto nga agdayaw sadiay ti dakkel a bunggoy dagiti tattao iti sangalubongan.

\s5
\v 2 Kunaento ti tunggal maysa a tattao kadagiti adu a nasion, "Intayo idiay bantay nga ayan ni Yahweh, idiay templo a mabalin a pagdayawantayo iti Dios a daydayawen ni Jacob. Isuronatayonto sadiay ti kayatna a panagbiagtayo, ken aramidentayo ti pagayatanna." Idiay Bantay Sion ti lugar a pagisuroannanto kadagiti tattao; ket rummuarto dagiti tattao iti Jerusalem tapno ibagada kadagiti sabali ti mensahena.
\v 3 Urnosen ni Yahweh dagiti saan a nagkikinnaawatan iti nagbaetan dagiti nadumaduma a tattao ken kadagiti bunggoy nga aggugubat, ket urnosenna met dagiti panagsusuppiat dagiti nabibileg a nasion iti adayo. Ket martilyoen dagiti tattao dagiti kampilanda tapno pagbalinenda a tadem ti arado, ken martilyoenda dagiti gayangda tapno pagbalinenda a kumpay. Saanton a makigubat dagiti armada ti nasion a maibusor kadagiti armada kadagiti sabali a nasion, ket saandanton a suroan dagiti lallaki a makigubat.

\s5
\v 4 Agtugawto a sitatalna ti tunggal maysa iti sirok ti bukodna a kaubasan, ken iti sirok dagiti bukoda a kayo ti olibo; awanto ti mangbutbuteng kadakuada. Sigurado a mapasamakto dayta, gapu ta kinuna daytoy ni Yahweh a Mangidadaulo kadagiti armada dagiti anghel.
\v 5 Agdayawto dagiti adu a tattao iti nadumaduma a nasion kadagiti bukodda a dios, ngem ni Yahweh a Diostayo ti dayawentayo iti agnanayon nga awan patinggana,.

\s5
\v 6 Kuna ni Yahweh, "Addanto tiempo iti mabiit a panangummongko kadagiti tattao a dinusak, a naipanaw a kas balud, dagiti amin a pinagsagabak iti napalalo.
\v 7 Dagiti tattaok a saan a natay kabayatan ti pannakaitalawda a kas balud ket agbalindanto manen a napigsa a nasion. Ket Siak ni Yahweh, ti agbalinto nga arida, ken agturayakto manipud Jerusalem iti agnanayon.
\v 8 Kadakayo a tattao iti Jerusalem, dakayo nga agbanbantay kadagiti amin a tattaok a kasla kadagiti agpaspastor nga agbanbantay iti karnerona manipud pagwanwanawanan, dakayo nga agnanaed iti Bantay Sion ket maaddaankayoto manen iti naindaklan a pannakabalin. Dakayo a tattao nga agnanaed iti Jerusalem ket agturaykayonto manen a kas iti inaramidyo idi un-unana.

\s5
\v 9 Apay ngarud nga agdungdung-awkayo ita? Gapu kadi ta awan ariyo? Natay kadi dagiti amin a mamasirib a tattaoyo? Agsangsangitkayo iti napigsa a kas iti babai nga agpasikal.
\v 10 Ket, dakayo a tattao iti Jerusalem ket rumbeng nga agtiritir ken agasugkayo a kas iti babai nga agpaspasikal, gapu ta masapul a panawanyo itan daytoy a siudad. Kabayatan iti panagdaliasatyo, mangisaadkayo iti tolda kadagiti tay-ak iti rabii; mapankayo agnaed idiay Babilonia. Ngem kabayatan ti kaaddayo sadiay, Siak ni Yahweh, ispalenkayonto; wayawayaankayonto manipud iti pannakabalin dagiti kabusoryo.

\s5
\v 11 Nagtitiponen ita dagiti armada dagiti adu a nasion a mangdarup kadakayo. Ket kunkunada, 'Masapul a madadael ti Jerusalem! Kayatmi a makita a madadael daytoy a siudad!'"
\v 12 Kuna ti profeta, saanda nga ammo no ania ti pampanunoten ni Yahweh; ken saanda a maawatan dagiti pangpanggepenna. Ummongen ken dusaennanto ida a kas iti panagirik dagiti mannalon kadagiti dawa iti pagirikan a disso.

\s5
\v 13 Kuna ni Yahweh, "Isu a dakayo a tattao ti Jerusalem, bumangonkayo ket dusaenyo dagiti nasion a mangsuppiat kadakayo. Pagbalinenkayonto a napigsa la unay, a kasla addaankayo ti sara a naaramid ti landok, a kasla addaankayo iti kuko a naaramid iti gambang; ket maparmekyonto dagiti adu a nasion. Ket alaenyo manipud kadagiti kabusoryo dagiti napapateg a banbanag nga innalada kadagiti sabali a pagillian, ket isagutyo dagitoy a banbanag kaniak, ti Apo dagiti amin a tattao iti lubong."

\s5
\c 5
\p
\v 1 Dakayo a tattao ti Jerusalem, ummongenyo dagiti buyotyo. Ta uray adda pader a naipalawlaw iti siudadyo a mangsalaknib iti daytoy, pinalawlawanen dagiti kabusoryo a soldado ti siudad. Iti mabiit ket dangrandanto ti rupa ti mangidadaulo kadakayo babaen iti sarukod.

\s5
\v 2 Ngem dakayo a tattao ti Betlehem iti distrito ti Efrata, uray no ti iliyo iti kababassitan kadagiti amin nga ili ti Juda, addanto ti maiyanak a mangituray ti lsrael iti iliyo. Nalabit a nagtaud isuna iti pamilia idi nabayagen a panawen.
\v 3 Ita, ipalubos ti Dios a parmekennakayo dagiti kabusoryo, dakayo nga Israelita, ngem iti ababa laeng a tiempo, a kas iti panagpasikal dagiti babbai bayat nga agipaspasngayda. Kalpasanna, agsublinto dagiti napatalaw a kaillianyo kadagiti bukodda a pagillian.

\s5
\v 4 Ket tumakderto dayta a tao nga agturay idiay Jerusalem ket idauloanna a nasayaat dagiti tattaona, gapu ta ni Yahweh a Diosna ti mangpapigsa kenkuana ken mapadayawanto iti kasta unay. Ket agbiagto a sitatalged dagiti tattao nga iturturayanna idiay Jerusalem; padayawanto isuna dagiti tattao iti entero a lubong, isu nga awan iti makaitured a mangraut iti Jerusalem.
\v 5 Ket pasayaatennanto dagiti banbanag agraman dagiti tattaona. Inton rauten ti armada ti Assiria ti pagilliantayo ket rebbaenda dagiti sarikedkedtayo, mangdutoktayo iti pito wenno walo a papangulo a mangidaulo iti armadatayo a makiranget kadakuada.

\s5
\v 6 Babaen kadagiti kampilanda, parmekento ti armadatayo dagiti armada ti Asiria, ti kabisera nga impasdek ni Nimrod idi un-unana a tiempo. Ispalennatayonto ti armadatayo manipud iti armada ti Asiria inton rautenda ti pagiliantayo.
\v 7 Dagiti kaputotan ni Jacob a nakalasat ket agbalinto a bendision kadagiti tattao kadagiti dadduma a nasion a kasla linna-aw ken tudo nga inyeg ni Yahweh a mangpalangto iti ruot. Saanda nga agtalek kadagiti tattao a mangtulong kadakuada; ngem ketdi agpannuraydanto kenni Yahweh.

\s5
\v 8 Iti tengnga dagiti kabusor kadagiti adu a bunggoy dagiti tattao, dagiti kaputotan ni Jacob a sibibbiag pay ket kaslanto leon a naitipon kadagiti narurungsot nga ayup iti kabakiran, a kasla ti leon a kabanbannuaganna a mangdarup iti karnero iti arban, ket awanto iti siasinoman a mangispal kadagiti kabusorda.
\v 9 Abakenyonto amin a kabusoryo, dakayo nga Israelita ket naan-anayto iti panangparmekyo kadakuada.

\s5
\v 10 Kuna ni Yahweh, "Iti dayta a tiempo, parmekek dagiti kabalio dagiti tattao nga Israelita nga ususaren dagiti suldado a makigubat, karaman dagiti karwaheyo. Dakayo nga Israelita, patayekto dagiti kabalioyo nga inaramatyo iti gubat, ken kasta met a dadaelek dagiti karwaheyo.
\v 11 Rebbbaekto dagiti pader ti siudayo ket dadaelekto amin dagiti natitibker a siudadyo.

\s5
\v 12 Papanawekto amin ti siasinoman a managsalamangka ken dagiti mammuyon.
\v 13 Dadaelekto dagiti amin a didiosenyo ken dagiti nasagradoan nga adigiyo a bato, ket pulos a saankayonton nga agrukbab ken agdayaw kadagiti banbanag nga inaramidyo.
\v 14 Pukawekto dagiti statua a mangibagbagi iti diosa nga Assera, ket dadaelekto pay amin a didiosenyo.
\v 15 Gapu ta makapungtotak unay, dusaek met dagiti tattao kadagiti amin a nasion a saan a nagtulnog kaniak."

\s5
\c 6
\p
\v 1 Ipangagmo ti kunaen ni Yahweh: Kuna ni Mikias kenni Yahweh, "Tumakderka iti pangukuman ket idarummo dagiti Israelita. Palubosam a mangngeg dagiti turod ken bantay dagiti ibagam.
\v 2 Rumbeng a dumngeg a nasayaat dagiti bantay iti ibagbaga ni Yahweh maipapan kadagiti tattaona, tapno mabalin nga agsaksi. Pudno, adu a banbanag ti ipabasol ni Yahweh maipanggep kadagiti tattaona iti Israel.

\s5
\v 3 Kastoy ti kunana: "tattaok, ania ti inaramidko a nakaigapuan ti pannakariribukyo? Ania ti inaramidko a pakaigapuan iti panagsagsagabayo? Sungbatandak!
\v 4 Inaramidko dagiti naindaklan a banbanag kadagiti kapuonanyo; inruarko ida manipud Egipto; inispalko ida manipud iti daga a nakatagaboanda. Imbaonko ni Moises a mangidaulo kadakuada, kenni manongna nga Aaron kenni manangna a Miriam.
\v 5 Tattaok, amirisenyo nga idi kiniddaw ni Balak, nga ari ti Moab, kenni Balaam nga anak ni Beor nga ilunodna dagiti kapuonanyo, ket amirisenyo no ania ti insungbat ni Balaam. Lagipenyo no kasano a milagro a nakaballasiw dagiti kapuonanyo iti Karayan Jordan bayat nga agdaldalliastda manipud Acacia agingga idiay Gilgal. Lagipenyo dagidiay a banbanag tapno maammoanyo a Siak a ni Yahweh, ti agar-aramid iti nalinteg.

\s5
\v 6 Dinamag dagiti tattao nga Israelita, "Ania ti mabalin nga idatagtayo a daton kenni Yahweh nga agnanaed sadi langit inton mapantayo kenkuana ken agrukbab iti sangoananna? Masapul kadi a mangidatagtayo iti urbon a baka a natawenan nga isu iti maidaton a mapapatay ket maipuor iti altar?
\v 7 Maay-ayo kadi ni Yahweh no mangidaton tayo kenkuana iti sangaribu a kalakkian a karnero ken sangapulo-ribu nga ubbog iti lana nga olibo? Masapul kadi nga idatontayo dagiti inauna nga annaktayo a kas sakripisio a pangbayad kadagiti basbasol nga inaramidtayo?"
\v 8 Saan, gapu ta impakitana iti tunggal maysa kadatayo no ania iti nasayaat nga aramidentayo: kayatna nga aramidentayo no ania iti nalinteg ken ayatenna ti agtignay a siaasi kadagiti sabali, ken kayatna nga agbiagtayo a sipapakumbaba kabayatan ti panakikadkaduatayo kenkuana, ti Diostayo.

\s5
\v 9 Kastoy ti kuna ti Dios: "Siak ni Yahweh, isu a no nasiribkayo, masapul nga itan-okdak. Umaw-awagak kadakayo, O tattao iti Jerusalem tapno ibagak kadakayo daytoy: Sumungsungaden dagiti armada a mangdadael iti siudadyo, isu nga ipangagdak, ti mangipalubos kadakuada a mangdusa kadakayo babaen iti sarukodko.
\v 10 Dakayo a tattao a managdakdakes, pinunnoyo dagiti pagtaenganyo kadagiti agkakapateg a banbanag babaen iti panangsasa-oryo iti sabali. Agar-aramatkayo kadagiti nakusit a timbangan no gumatang ken aglakokayo. Ket kagurak dagidiay a banbanag.

\s5
\v 11 Ipagarupyo ngata nga awan maibagak kadagiti tattao nga agar-aramat kadagiti timbangan a saan a husto ti timbangna, ken dagiti agar-aramat iti pagtimbangan a saan nga apag-isu, saan kadi?
\v 12 Kanayon nga agaramid ti kinaranggas dagiti nababaknang a tattao a naitipon kadakayo tapno makaala ti kuarta manipud kadagiti napanglaw a tattao. Ulbod amin a tattao iti Jerusalem, ken kanayonda nga al-allilawen dagiti tattao.

\s5
\v 13 Ngarud, rinuggiakon ti mangpapanaw kadakayo, ti mangdadael kadakayo gapu kadagiti basol nga inaramidyo.
\v 14 Iti mabiit, mangankayo ti taraon, ngem saan nga umanay a mangpennek kadakayo; mariknanto latta dagiti tianyo a kasla awan ti kargana. Padasenyonto ti agurnong iti kuarta, ngem awan maurnongyo, gapu ta ibaonko dagiti kabusoryo a mangala kadagitoy kadakayo babaen iti gubat.
\v 15 Agmulakayo, ngem awanto a pulos ti maapityo. Agpespeskayo ti olibo, ngem sabali iti agusar iti lana ti olibo, saan a dakayo. Agpespeskayo iti ubas ket agaramidkayo iti arak ngem sabali ti uminum iti arak, saan a dakayo.

\s5
\v 16 Mapasamakto dagitoy a banbanag kadakayo gapu ta dagiti dakes a paglintegan ni Ari Omri ti sursurotenyo, ken dagiti nakaam-amak a banbanag nga imbilin dagiti kaputotan ni Ari Ahab ti ar-aramidenyo. Isu a dadaelekto ti pagillianyo, palubosak dagiti sabali a tattao a manguyaw kadakayo, dakayo a tattao a bukodko.

\s5
\c 7
\p
\v 1 Nakakaasi-ak la unay! Kaslaak la maysa a tao a mabisbisinan, nga agbirbiruk iti prutas a makan a saan a makabirok kadagiti ubas wenno igos a mabalin a kanen gapu ta amin a prutas ket naalan.
\v 2 Nagpukawen ditoy daga dagiti amin nga agdaydayaw iti Dios; ket awan a pulos ti nabati. Dagiti tattao a nabati ket panay-amin mamapatay; a kasla ti tunggal maysa ket magagaran a mangpatay iti kaillianna.

\s5
\v 3 Agaramidda iti dakes iti isu-amin a pigsada. Dumawat ti pasuksok dagiti amin nga opisial ti Gobierno ken dagiti ukom. Ibaga dagiti napapateg a tattao no ania ti kayatda, ket sangsangkamaysada a panggepen no kasano ti panangalada iti dayta.
\v 4 Uray dagiti kasasayaatan a tattao ket awanan-serbi a kas kadagiti kalkalunay; dagiti tattao a pagaruptayo a napudno ket nadakdakesda pay ngem kadagiti nasiit a ruot. Ngem ukomento ida ni Yahweh iti mabiit. Itan ti tiempo a dusaenna dagiti tattao, inton mariribukanda la unay gapu iti daytoy.

\s5
\v 5 Isu a saanka nga agtalek iti asinoman! Dika agtalek uray iti maysa a gayyem; annadam uray pay dagiti isawsawangmo iti asawam nga ay-ayatem.
\v 6 Umsien dagiti lallaki dagiti ammada, kariten dagiti babbai dagiti innada. Kariten dagiti babbai dagiti katuganganda a babai. Dagiti kabusormo ket dagiti agnanaed iti bukodmo a balay.

\s5
\v 7 No siak, urayek ni Yahweh a mangtulong kaniak. Sitatalekak a mangnamnama a ti Dios, a Manangisalakanko, ket sungbatanakto inton agkararagak.
\v 8 Dakayo a kabusormi, saanyo a pakaragsakan ti napasamak kadakami, gapu ta uray no nakapadaskami kadagiti didigra, dagita a didigra ket aggibusen, ket rumang-aykami manen. Uray no kaslakami la nakatugaw iti kasipngetan, ni Yahweh ti agbalinto a silawmi.

\s5
\v 9 Masapul nga aganustayo, kabayatan iti panangdusa ni Yahweh kadatayo gapu ta nagbasoltayo a maibusor kenkuana. Ngem iti saan nga agbayag, kasla mapan isuna iti pangukoman a manglaban kadatayo. Siguraduenna nga iti ukom ket agaramid iti apag-isu a pangkeddeng maipapan kadatayo. Ket kaslanto nga ilapsutnatayo nga ipan iti lawag, ket makitatayo nga isalakannatayo.

\s5
\v 10 Makitanto met dagiti kabusortayo, ket mabainandanto gapu ta inuyawdatayo, a kunkunada, "Apay, a saannakayo a tultulungan ni Yahweh a Diosyo?" Ngem makitanto dagiti matatayo a maabakda; makitatayo a maibaddebaddekdanto a kasla pitak kadagiti kalsada.

\s5
\v 11 Dakayo a tattao ti Israel, iti tiempo a maipatakder manen dagiti siudadyo, ket dumakkelto pay iti teritorrioyo.
\v 12 Agsubli dagiti tattaom manipud kadagiti adu a nasion, manipud Assiria, manipud iti asideg iti Karayan Euprates iti daya, ken manipud Egipto iti abagatan, manipud iti Natay a Baybay agingga iti Baybay Mediteraneo, ken manipud kadagiti adu a bantay.
\v 13 Ngem dagiti sabali a pagilian ket agbalinda a langalang gapu kadagiti dakes nga aramid nga inaramid dagiti tattaona.

\s5
\v 14 O Yahweh, salaknibam dagiti tattaom a kas iti pastor a mangsalaknib kadagiti karnerona babaen ti sarukodna. Idalanmo dagiti tattaom a pinilim a maibilang kenka. Uray no ti dadduma kadakuada ket agnanaed iti kabakiran, itedmo kadakuada ti nadam-eg a pagpastoran kadagiti rehion iti Basan ken Galaad, a tinagikuada idi un-unana.
\v 15 Kuna ni Yahweh, "Wen, agaramidak kadagiti milagro a para kadakayo a kas kadagiti milagro nga inaramidko idi insalakanko dagiti kapuonanyo manipud pannakatagabuda idiay Egipto.

\s5
\v 16 Makitanto dagiti tattao kadagiti adu a nasion dagiti inaramid ni Yahweh kadakayo, ket mabainandanto gapu ta awanen ti bilegda. Ket ikabilda dagiti imada kadagiti ngiwatda ken kadagiti lapayagda gapu ta masdaawdanto la unay kadagiti inaramid ni Yahweh. Saanda a makasao iti aniaman wenno makangngeg iti aniaman, gapu ta agkintayegdanto.
\v 17 Gapu ta naibabainda unay, agkarayamdanto iti daga a kas kadagiti uleg. Rummuardanto manipud kadagiti balayda nga agtigtigerger ket tumakderda a mangitan-ok kenni Yahweh a Diostayo. Mabutengdanto la unay kenkuana ket agtigergerdanto iti sangoananna.

\s5
\v 18 Yahweh, awanen ti Dios a kas kenka; pinakawanmo dagiti basol nga inaramid dagiti tattao a nakalasat, dagiti tattao a maibilang kenka. Saanka a makapungtot iti agnanayon; maragsakanka la unay a mangipakita kadakami a pudno nga ay-ayatenakami.

\s5
\v 19 Kaasianakaminto manen. Pukawemto dagiti nalukot a pagbasaan a nakaisuratan dagiti basbasol nga inaramidmi, a kas iti panangbaddekmo babaen dagiti sakam wenno iti ibellengmo idiay taaw.
\v 20 Ipakitamto a matalekka a mangaramid kadagiti inkarim kadakami ken pudno nga ay-ayatenakami, a kas iti siiinget nga inkarim kadagiti kapuonanmi, a ni Abraham ken Jacob.