See in Reader
51 lines
4.9 KiB
Plaintext
51 lines
4.9 KiB
Plaintext
\id OBA
|
|
\ide UTF-8
|
|
\h Obadias.
|
|
\toc1 Obadias.
|
|
\toc2 Obadias.
|
|
\toc3 oba
|
|
\mt Obadias.
|
|
|
|
\s5
|
|
\c 1
|
|
\p
|
|
\v 1 Daytoy ket mensahe nga inted kaniak ni Yahweh a Diostayo, siak a ni Obadias, maipanggep kadagiti bunggoy ti tattao ti Edom. Imbaga kaniak daytoy ni Yahweh a Diostayo maipanggep kadagiti tattao ti Edom: Siak a ni Yahweh, nangibaonak iti mensahero a mapan kadagiti dadduma a nasion, tapno ibagana kadakuada nga agsaganada a mapan mangraut iti Edom."
|
|
\v 2 Ket kastoy ti kinuna ni Yahweh kadagiti tattao ti Edom: "Iti mabiit, pagbalinenkayonto a kakapuyan ken maum-umsi a nasion iti rabaw ti daga.
|
|
|
|
\s5
|
|
\v 3 Ti sentro a siudadyo ket adda iti ngato a kabatuan a derraas, ket napalangguad kayo launay; panpanunotenyo a natalgedkayo gapu ta awan ti armada a makabael a mangraut kadakayo, ngem inallilawyo dagiti bagbagiyo.
|
|
\v 4 Ket ibagak kadakayo nga urayno addaankayo kadagiti payak ken kabaelanyo ti tumayab a nangatngato pay ngem iti panagtayab dagiti agila, ken uray pay no kabaelanyo nga iyaramid dagiti pagtaenganyo iti ayan dagiti bituen, kabaelankayo latta nga iguyod nga ipababa manipud sadiay.
|
|
|
|
\s5
|
|
\v 5 No serreken dagiti agtatakaw ti balay ti maysa a tao iti rabii, sigurado a takawenda laeng dagiti banag a kayatda. Ken kanayon a mangibati iti sumagmamano nga ubas iti puonna dagiti tattao nga agburas kadagiti ubas. Ngem naan-anayto a madadael iti pagilianyo!
|
|
\v 6 Amin a banag a napapateg ket maipanawto. Masarakan ken alaento dagiti kabusoryo dagiti napapateg a banbanag nga inlemmengyo.
|
|
|
|
\s5
|
|
\v 7 Amin a nakikadua kadakayo ket bumusordanto kadakayo, ket pagtalawendakayto iti pagilianyo. Dagiti nakikapiaanyo ita ket sikapan ken parmekendakayto. Dagiti makipangpangan kadakayo ita ket pangpanggependa a palab-ogandakayo, ket kalpasanna, ibagadanto kadakayo, 'Saankayo a nalaing a kas iti panpanunutenyo!'
|
|
\v 8 Siak a ni Yahweh, ipakpakaammok nga iti tiempo a panangdadaelko iti Edom, dusaekto dagiti lallaki nga agnanaed kadagidiay a derraas a mangpanpanunot a masiribda.
|
|
\v 9 Agbutengto iti napalalo dagiti soldado a naggapu iti ili a Teman; mapukawkayonto amin, dakayo amin a kaputotan ni Esau."
|
|
|
|
\s5
|
|
\v 10 "Nagdakes ti inaramidyo kadagiti kakabagianyo a kaputotan ni Jacob, ti kasingin ni Esau a kapuonanyo. Isu nga maibabainkayto, ken madadaelkayonto iti agnanayon.
|
|
\v 11 Simrek dagiti gangannaet kadagiti ruangan ti Jerusalem ket nagbibinnunotda tapno pagbibingayanda dagiti napapateg a banbanag a nasarakanda; ngem nagdakeskayo a kas kadagidiay a gangannaet, gapu ta nagtaktakderkayo laeng idiay ket saanyo a tinulungan dagiti Israelita.
|
|
|
|
\s5
|
|
\v 12 Saankayo koma a naragsakan maipanggep iti didigra a laklak-amen dagiti Israelita. Saankayo koma a naragsakan idi nadadael dagiti ilida. Saanyo koma ida a kinatkatawaan idi agsagsagabada.
|
|
\v 13 Tattaok ida, isu a saankayo koma a simrek kadagiti ruangan ti siudadda idi madama a laklak-amenda dagidiay a didigra ken saanyo koma ida a kinatkatawaan. Ken saanyo koma nga impanaw dagiti napapateg a sanikuada.
|
|
\v 14 Saankayo koma a napan nagtakder kadagiti nagsasangalan ti kalsada tapno tiliwenyo dagiti mangpadpadas nga aglibas. Saanyo koma ida a tiniliw ken inyawat kadagiti kabusorda idi laklak-amenda dagidiay a didigra."
|
|
|
|
\s5
|
|
\v 15 Iti mabiit, addanton ti tiempo a siak a ni Yahweh, ukomek ken dusaekto dagiti amin nasion. Ket dakayo a tattao ti Edom, lak-amenyonto dagiti isu metlaeng a didigra nga impalak-amyo kadagiti dadduma. Mapasamakto met kadakayo dagiti isu metlaeng a dakes a banbanag nga inaramidyo iti sabali a tao.
|
|
\v 16 Kasla kayo imminom iti kopa nga adda linaonna a kasta unay ti paitna a likido iti Sion, a nasantuan a turodko. Ngem dusaekto iti nakaro amin dagiti dadduma a nasion, ket pagpukawekto ida.
|
|
|
|
\s5
|
|
\v 17 Ngem addanto sumagmamano kadagiti tattao iti Jerusalem a makalibas, ket agbalinto ti Jerusalem a nasantoan unay a lugar. Ket dagiti kaputotan ni Jacob, parmeken ken tagikuaendanto manen ti daga a siguden a kukuada.
|
|
\v 18 Dagiti kaputotan ni Jacob ken dagiti kaputotan ni Jose ket maiyarigto iti apuy, ken dagiti tattao iti Edom ket maiyarigto iti garami a maipuor iti dayta nga apuy. Awanto ti uray maysa a tao a mabati a sibibiag. Awan duadua a mapasamakto dayta gapu ta siak a ni Yahweh ti nangibaga."
|
|
|
|
\s5
|
|
\v 19 Dagiti Israelita nga agnanaed iti akin-abagatan a let-ang iti Judea, isudanto ti mangparmek iti Edom. Ket dagiti agnanaed iti akinlaud nga arisadsad dagiti turod, parmekendanto ti rehion ti Fenisia ken dagiti masakupan ti Efraim ken Samaria. Ket parmekento dagiti tattao ti Benjamin ti rehion ti Gilead.
|
|
|
|
\s5
|
|
\v 20 Dagiti naipanaw a naipan idiay Babilonia, agsublidanto iti dagada ket parmekendanto ti rehion iti Fenisia agingga idiay Sarepat iti amianan iti igid ti Baybay Mediterranean. Dagiti tattao iti Jerusalem a natiliw ken naipan idiay Sardis, a sentro a siudad ti rehion ti Lydia, parmekendanto dagiti ili iti akin-abagatan a let-ang iti Judea.
|
|
\v 21 Rautento dagiti armada ti Jerusalem ti Edom ken parmekenda daytoy, ket ni Yahweh ti agbalinto nga arida.
|