ilo_udb/29-JOL.usfm

\id JOL
\ide UTF-8
\h Joel
\toc1 Joel
\toc2 Joel
\toc3 jol
\mt Joel

\s5
\c 1
\p
\v 1 Siak ni Joel a putot ni Petuel. Daytoy ti mensahe nga imbaga kaniak ni Yahweh.
\v 2 Dakayo a pangulo ti Israel ken amin nga agnanaed iti daytoy a pagilian, denggenyo daytoy a mensahe! Awan pay ti kastoy a napasamak kabayatan iti panagbibiagtayo wenno kabayatan iti panagbibiag dagiti kapuonantayo.
\v 3 Ibagayo daytoy kadagiti annakyo ken ibagayo kadagiti annakyo nga ibagada daytoy kadagiti annakda, ken ibagayo kadagiti appokoyo nga ibagada daytoy kadagiti annakda.

\s5
\v 4 Ti ibagbagak ket ti maipanggep kadagiti dudon a nangan kadagiti mulmulatayo. Immay ti umuna a pangen dagiti dudon ket dinadaelda dagiti adu a bulong dagiti mula; kalpasanna, immay ti sabali a pangen ket kinnanda dagiti amin a nabati a bulong, kalpasanna, immay ti sabali a pangen nga aglagto-lagto, ket kamaudiananna, immay ti sabali pay a pangen ket dinadaelda amin.

\s5
\v 5 Agriingkayo dakayo a nabartek! Agriingkayo ket aganug-ogkayo iti napigsa gapu ta nadadaelen dagiti amin nga ubas, ket awanton ti baro nga arak!
\v 6 Dakkel a pangen dagiti dudon ti simrek iti pagiliantayo. Kaslada la nabileg nga armada nga addaan kadagiti adu a soldado; awan ti makabilang kadakuada. Addaan dagiti dudon kadagiti ngipen a kas katadem dagiti ngipen dagiti leon!
\v 7 Dinadaelda dagiti ubastayo ken dagiti kayotayo nga igos babaen iti panangkibkibda ken pannangkaanda kadagiti amin nga ukis, a ti nagbanaganna, pimmuraw ken naukisan dagiti sanga.

\s5
\v 8 Agsangit ken aganug-ogkayo a kas iti inaramid ti maysa a balasang idi natay ti pakayasawaanna a baro.
\v 9 Awanen ti arina wenno arak nga idatontayo a kas sagut iti templo, isu nga agladladingit dagiti padi nga agserserbi kenni Yahweh.
\v 10 Nadadael dagiti mula kadagiti taltalon; a kasla agladladingit ti mismo a daga. Nadadael ti bukel, awanen ti ubas a maaramid nga arak, ken awanen ti lana ti olibo.

\s5
\v 11 Agladingitkayo, dakayo a mannalon! Dakayo a mangay-aywan kadagiti kaubasan, aganug-ogkayo gapu ta nadadaelen dagiti bukel; awanen ti agtubtubo a trigo wenno sebada.
\v 12 Nalaylay dagiti ubas ken dagiti kayo nga igos, ken nagango met dagiti kayo a granada, kayo a palma ken dagiti kayo nga apricot. Saanen a naragsak dagiti tattao.

\s5
\v 13 Dakayo a papadi, agkaweskayo kadagiti nakersang a lupot ket aganug-ogkayo. Dakayo nga agserserbi iti Dios babaen iti panagidaton kadagiti sagsagut iti altar, ikaweskayo dagidiay a nakersang a lupot iti agpatpatnag a mangipakita nga agladladingitkayo, gapu ta awanen ti arina wenno arak a maidaton iti templo ti Diosyo.
\v 14 Mangilasinkayo iti maysa nga aldaw a panagayunar dagiti tattao. Ibagayo kadagiti pangulo ken kadagiti dadduma a tattao nga aguummongda iti templo ket umasugda kenni Yahweh sadiay.

\s5
\v 15 Nakaam-amak dagiti mapaspasamak kadatayo! Umadanin ti tiempo a panangdusa kadatayo ni Yahweh a Mannakabalin-amin a Dios, inton ipalak-amna kadatayo dagiti ad-adu pay a didigra.
\v 16 Naibusen dagiti mulatayo, ken awanen ti agragrag-o iti templo ti Diostayo.
\v 17 No agmulatayo kadagiti bukbukel, saanda nga agtubo; malaylayda iti daga, isu nga awanen iti maapit a mula. Awan karga dagiti kamaligtayo; awan bukel a maidulin kadagitoy.

\s5
\v 18 Aguga dagiti baka nga agbirbirok iti karuotan a pagarabanda, ken aguga met dagiti karnero gapu ta agsagsagabada.
\v 19 O Yahweh, umas-asugak kenka, gapu ta nagango dagiti pagpaarabanmi ken dagiti kabakiranmi gapu iti napalalo nga initna.
\v 20 Kasla la nga uray dagiti atap nga ayup ket umas-asug kenka gapu ta natianan dagiti amin a waig. Ti kinapudotna ket kasla apuy a mangur-uram kadagiti pagaraban iti let-ang.

\s5
\c 2
\p
\v 1 Pagunienyo dagiti trumpeta idiay Bantay Sion, ti nasagradoan a turod ti Dios idiay Jerusalem! Ibagayo kadagiti tattao ti Juda a rumbeng nga agbuteng ken agpigergerda, gapu ta asidegen ti tiempo a panangdusa ni Yahweh kadatayo.
\v 2 Nasipnget ken nalidemto unay dayta nga aldaw; nangisitto dagiti ulep ken nasipngetto unay. Kasla nangisit nga ulep ti pangen dagiti dudon a nangsaknap kadagiti bantay. Awan pay ti napasamak idi a kas iti daytoy, ken awanto a pulos ti kas iti daytoy a mapasamak manen.

\s5
\v 3 Kaslada la mangi-iyeg iti gumilgil-ayab nga apuy nga awan ti uray maysa a makalibas. Idi sangpetanda, napintas ti daga a kas iti minoyungan ti Eden, ngem idi panawandan, kasla disierton ti daga, ken awan ti makalasat.

\s5
\v 4 Aglanglanga a kabalio dagiti dudon, ken kas kadagiti nakakabalio a soldado ti panagtarayda.
\v 5 Aglalagtoda kadagiti tuktok ti bantay, kumaradakadda a kas kadagiti karuahe, kas iti nabileg nga armada nga agsagsagana a makigubat, wenno kas iti karasakas iti apuy a mangur-uram iti garami iti talon.

\s5
\v 6 Inton makita dagiti tattao a sumungsungadda, pummusyaw ken agbutengda unay.
\v 7 Kumalkalay-at dagiti dudon kadagiti pader a kas iti ar-aramiden dagiti soldado; agmartsada kadagiti monmon ken saanda a sumina kadagiti linyada.

\s5
\v 8 Sangsangkamaysa ti turong dagiti dudon ket awan ti agdidinnuron. Uray no barbarsaken ida dagiti tattao kadagiti gayang ken pika, saanda latta a sumardeng.
\v 9 Kumalay-at dagiti dudon kadagiti pader ti siudad ket sumrekda kadagiti babbalaytayo; umunegda kadagiti tawatayo a kas iti ar-aramiden dagiti agtatakaw.

\s5
\v 10 Kasla paggunggonenda ti daga ken pagkintayegenda ti langit. Sumipnget ti init ken ti bulan, ken saan nga agraniag dagiti bituen gapu ta nagadu unay dagiti dudon iti tangatang.
\v 11 Bilbilinen ni Yahweh daytoy a saan a mabilang a pangen dagiti dudon, ket agtulnogda kadagiti bilinna. Nakabutbutengto unay daytoy a tiempo a panangukom ken panangdusa ni Yahweh kadatayo, a ti pagbanaganna, kasla awan ti makalasat iti daytoy.

\s5
\v 12 Ngem kuna ni Yahweh, "Iti laksid dagitoy a didigra a napadasanyo, mabalinyo nga agsubli kaniak iti amin a pusoyo. Agsangit, agladingit, ken agayunarkayo a mangipakita a nagbabawikayo iti panangtallikudyo kaniak.
\v 13 Saan laeng a dagiti kawesyo ti ray-abenyo a mangipakita nga agbabbabawikayo; napatpateg nga ipakitayo ti sipupuso a panagbabawiyo." Naasi ken naimbag ni Yahweh; saan isuna a nalaka nga agunget; napudno ti panagayatna kadagiti tattao. Saan isuna a nalaka nga agunget; ngem ketdi, ay-ayatennakayo iti napudno unay, ken saannatayo koma a kayat a dusaen.

\s5
\v 14 Awan ti makaammo no baliwan ni Yahweh ti pangngeddengna maipapan iti panangdusana kadakayo, ket amangan no kaasiannakayo. No aramidenna dayta, bendisionannakayo babaen iti panangtedna kadakayo kadagiti adu a bukbukel ken arak tapno adda maidatonyo kenkuana.

\s5
\v 15 Pagunienyo dagiti trumpeta idiay Bantay Sion! Ummongenyo dagiti tattao! Mangikeddengkayo iti tiempo a panagayunaryo, a mangipakita a nagbabawikayo kadagiti basbasolyo.
\v 16 Aramidenyo dagiti seremonia a mamagbalin kadakayo a makaay-ayo kenni Yahweh. Umaykayo ket agmaymaysakayo a kas maysa bunggoy nga addaan iti maysa a panggep- dagiti nataengan ken dagiti ubbing, agraman dagiti maladaga, ken ayabanyo dagiti nobia ken nobio kadagiti siledda.

\s5
\v 17 Ibagayo kadagiti papadi nga agserserbi kenni Yahweh nga agsangitda iti nagbaetan ti altar ken ti pagserkan ti templo ket ikararagda ti kastoy; "O Yahweh, ispalennakami a tattaom; saanmo nga itulok nga umsiendakami dagiti tattao iti sabali a nasion; saanmo nga itulok nga uyawendakami ket ibagada, 'Apay ngayen a binaybay-an ida ti Diosda?'~"

\s5
\v 18 Ngem impakita ni Yahweh nga ipatpategna dagiti tattaona ken kakaasianna ida.
\v 19 Idi nagkararag dagiti tattao, simmungbat ni Yahweh ket kinunana, "Ikkankayo kadagiti adu a bukbukel, arak ken lana ti olibo, ket mapnekkayonto. Saankon nga itulok a laisendakayo dagiti dadduma a nasion.

\s5
\v 20 Umay ti sabali a pangen dagiti dudon nga aggapu iti amianan a mangdarup kadakayo, ngem iturongko ida tapno labsanda ti Jerusalem ket agturongda iti disierto. Agturong dagiti dadduma iti Natay a Baybay iti daya, ken agturong ti dadduma iti Baybay ti Mediteranean iti laud. Mataydanto amin sadiay, ket mabuyokto dagiti bangkayda. Aramidekto dagiti nakakaskasdaaw a banbanag para kadakayo."

\s5
\v 21 Pudno unay nga agar-aramid ni Yahweh kadagiti nakakaskasdaaw a banbanag! Isu nga uray ti daga ket rumbeng nga agrag-o!
\v 22 Ken saan a rumbeng nga agbuteng dagiti atap nga ayup, gapu ta lumangtonto manen dagiti pagaraban; agbunganto iti adu dagiti igos ken dagiti dadduma a kaykayo, ken agbunganto iti adu dagiti ubas.
\v 23 Dakayo a tattao ti Jerusalem, agrag-okayo iti aramidento kadakayo ni Yahweh a Diosyo. Pagtuduennanto iti umno a tiempo- iti tiempo ti panagrurusing ken iti panagreregreg dagiti bulong, kas iti inaramidna iti napalabas.

\s5
\v 24 Mapnonto ti daga a pagir-irikanyo kadagiti bukbukel, ken aglippiasto dagiti pagikarkargaanyo kadagiti kapespespes a tubbog ti ubas ken lana ti olibo.
\v 25 Kinuna ni Yahweh, "Isublik kadakayo dagiti amin a dinadael dagiti dakkel a pangen dagiti dudon, dagiti nabibileg nga armada nga imbaonko a mangdarup kadakayo.

\s5
\v 26 Dakayo a tattaok, mangankayo agingga a mabsogkayo. Ket dayawendakto, ni Yahweh a Diosyo, gapu kadagiti nakakaskasdaaw a banbanag nga inaramidko kadakayo. Ket saankon nga itulok nga ibabaindakayo dagiti sabali a tattao.
\v 27 Inton mapasamak dayta, maamirisyonto a kanayon nga addaak kadakayo, a siak ni Yahweh a Diosyo ken awanen ti sabali a Dios. Saankon nga itulok nga ibabaindakayo dagiti sabali a tattao.

\s5
\v 28 "Iti saan a mabayag, itedkonto ti Espirituk kadagiti adu a tattao. Dakayo nga annak a lallaki ken babbai, ipakaammoyonto ti mensahek. Agtagtagainepto dagiti panglakayenyo iti tagtagainep a naggapu kaniak, ken makakitanto dagiti agtutuboyo a lallaki kadagiti parmata nga agtaud kaniak.
\v 29 Iti dayta a tiempo, itedkonto ti Espirituk uray pay kadagiti adipen a lallaki ken babbai.

\s5
\v 30 Agaramidak kadagiti nakakaskasdaaw a banbanag iti daga ken iti langit. Iti daga, adunto ti matay, ken addanto iti dakkel unay nga apuy ken asuk nga aglanglanga a napuskol nga ulep.
\v 31 Iti tangatang, sumipngetto ti init, ken lumabbaganto ti bulan a kas iti dara. Mapasamakto dagidiay a banbanag sakbay iti nakabutbuteng unay nga aldaw, inton siak a ni Yahweh, ket umay a mangukom kadagiti amin a tattao.

\s5
\v 32 Ngem iti dayta a tiempo, isalakankonto dagiti amin nga agdaydayaw kaniak. Ikarik a makalibasto dagiti dadduma a tattao ti Jerusalem kadagidiay a didigra; makalasatto dagiti pinilik.”

\s5
\c 3
\p
\v 1 Kastoy ti kuna ni Yahweh: "Iti dayta a tiempo, isublikto dagiti tattao nga intalaw dagiti kabusorda manipud Jerusalem ken iti dadduma a lugar ti Juda.
\v 2 Ket iti Tanap ni Jehosafat, ummongekto dagiti tattao kadagiti nadumaduma a nasion; ukomen ken dusaekto ida gapu ta inwarawarasda dagiti tattaok nga Israelita ket pinilitda ida a mapan kadagiti sabali a pagilian, ken gapu ta biningay-bingayda ti dagak.
\v 3 Pnagbibinnunotanda dagiti tattaok. Ket inlakoda dagiti dadduma nga Israelita a lallaki ken babbai tapno maaddaanda iti kuarta a pangbayadda kadagiti balangkantis ken arak nga inumenda.

\s5
\v 4 Dakayo a tattao iti siudad ti Tiro ken Sidon, ken dakayo a tattao iti Filistia--kaungetdak, ngem awan ti karbenganyo nga agunget. No kayatdak a balsen, balsenkayonto a dagus.
\v 5 Innalayo ti pirak, balitok ken dadduma pay a napapateg a banbanag iti templok ket inkabilyo dagitoy kadagiti temployo.
\v 6 Impanawyo dagiti tattao ti Jerusalem ken dagiti tattao iti dadduma a lugar ti Juda, ket inyadayo ken inlakoyo ida kadagiti agtagtagilako a Griego.

\s5
\v 7 Ngem awan duadua nga iruarkonto dagiti tattaok manipud kadagiti lugar a nangilakoanyo kadakuada, ket aramidekto kadakayo ti inaramidyo kadakuada.
\v 8 Kalpasanna, ipaluboskonto a mailako dagiti dadduma nga annakyo a lallaki ken babbai kadagiti tattao ti Juda! Ket ilakodanto met ida iti bunggoy dagiti tattao a taga-Saba, nga agnanaed iti adayo. Sigurado a mapasamakto dayta gapu ta siak, ni Yahweh ti nangibaga iti daytoy."

\s5
\v 9 Iwaragawagyo kadagiti tattao kadagiti amin a nasion, "Agsaganakayo a makigubat! Ummongenyo dagiti soldadoyo; ibagayo kadakuada nga agpuestodan a makibugat.
\v 10 Alaenyo dagiti aradoyo ket aramidenyo dagitoy a kampilan; alaenyo dagiti kumpayyo ket aramidenyo dagitoy a gayang. Uray pay dagiti nakapsut a tattao, masapul met nga ibagada a napipigsada a soldado.

\s5
\v 11 Dakayo amin a tattao manipud kadagiti nasion nga adda iti asideg ti Juda, masapul nga umaykayo a dagus ket aguummongkayo idiay Tanap ni Jehosafat." Ngem inton mapasamak dayta, O Yahweh, ibaonmo ti buyot dagiti anghelmo a mangdarup kadakuada!

\s5
\v 12 Kuna ni Yahweh, "Masapul nga agsagana dagiti tattao kadagiti nasion iti asideg ti Juda ket mapanda idiay Tanap ni Jehosafat. Agtugawakto sadiay a kas ukom, ket dusaekto ida.
\v 13 Kasla da la mula a mabalinen nga apiten; isu a gapasenyo ida a kas iti pananggapas ti mannalon iti trigo. Kaslada la ubas a naipenpen iti abut a pakaipespesanda; gapu ta nadangkesda unay, dusaenyo ida iti kasta unay, kas iti panangpespes ti mannalon kadagiti ubas agingga nga agluppias ti tubbogda kadagiti abut a pagpespespesan."

\s5
\v 14 Addanto iti ariwawa dagiti adu a tattao iti dayta a Tanap a Pangukoman ni Yahweh. Daytanto ti tiempo a dusaen ida ni Yahweh.
\v 15 Iti dayta a tiempo, saanto nga aglawag ti init ken bulan, ken saanton nga agraniag dagiti bituen.

\s5
\v 16 Manipud iti Bantay Sion idiay Jerusalem, agpukkawto ni Yahweh; kaslanto gurruod ti timekna, ket pagkintayegento ti timekna ti langit ken daga. Ngem salaknibanto ni Yahweh dagiti tattaona; kaslanto isuna a nabileg a pader iti likudan, a mangsalaknib kadagiti tattao ti Israel.
\v 17 Kuna ni Yahweh, "Iti dayta a tiempo, mabigbigyonto nga Israelita a siak ni Yahweh a Diosyo. Agnanaedak idiay Sion, ti turod nga inlasinko para kaniak. Agbalinto a naisangsangayan kaniak a siudad ti Jerusalem, ket saanton a maparmek dagiti soldado manipud iti sabali a pagilian ti Jerusalem.

\s5
\v 18 Iti dayta a tiempo, addanto kaubasan a mangsaknap kadagiti turturod, ken mangipaayto iti adu a gatas dagiti baka ken kaldingyo kadagidiay a turod. Saanto pulos a matianan dagiti waig ti Juda, Ket agayusto ti waig manipud iti templok nga agturong iti Tanap ti Acacia iti amianan a daya ti Natay a Baybay.
\v 19 Rinaut dagiti armada ti Egipto ken Edom dagiti tattao ti Juda ken pinapatayda dagiti adu nga inosente a tattao. Isu nga ita, madadaelen dagidiay a pagilian, awanton ti uray maysa nga agnaed sadiay.

\s5
\v 20 Ngem agnanayonto nga adda dagiti tattao nga agnaed iti Jerusalem, ken iti dadduma a lugar ti Juda.
\v 21 Siak a ni Yahweh, agnanaedak iti Bantay Sion idiay Jerusalem. Balsekto dagiti tattao ti Egipto ken Edom a nangpatay kadagiti adu a tattaok."