ilo_udb/24-JER.usfm

\id JER
\ide UTF-8
\h Jeremias
\toc1 Jeremias
\toc2 Jeremias
\toc3 jer
\mt Jeremias

\s5
\c 1
\p
\v 1 Daytoy ti mensahe ni Jeremias a putot ni Hilkias, a nangisurat iti daytoy. Isuna ket maysa a padi, iti ili ti Anatot iti disso a pagnanaedan ti tribu ti Benjamin.
\v 2 Nangrugi nga ited ni Yahweh kenkuana dagitoy a mensahe idi agarup sangapulo ket tallo a tawen nga agturturay ni Josias idiay Juda.
\v 3 Nagtultuloy a nangted ni Yahweh kenkuana kadagiti mensahe idi ni Jehoyakim a putot ni Josias ti ari, ket intultuloyna nga inaramid dayta agingga a ni Zedekias ti ari ti Juda iti agarup sangapulo ket maysa a tawen. Iti maikalima a bulan iti dayta a tawen a naipanaw a kas balud idiay Babilonia dagiti tattao ti Jerusalem.

\s5
\v 4 Iti maysa nga aldaw, inted ni Yahweh kaniak daytoy a mensahe,
\v 5 "Am-ammoka sakbay a nalpasko ti panangsukogko kenka iti aanakan ti inam. Inlasinka para iti pakaidayawak sakbay a naiyanakka, ken dinutokanka nga agbalin a profetak kadagiti amin a nasion."
\v 6 Insungbatko, "O, Yahweh a Diosko, saanmo kadi a makita a saanko a kabaelan ti agsao para kenka? Ubingak unay!"

\s5
\v 7 Insungbat ni Yahweh, "Saanmo nga ibaga nga ubingka unay, gapu ta masapul a mapanka kadagiti amin a tattao a pangibaonak kenka, ken masapul nga ibagam kadakuada amin a banag nga imbagak nga ibagam.
\v 8 Ken masapul a saanka nga agbuteng kadagiti tattao a pangibagaamto, gapu ta salaknibankanto iti panangdangranda. Awan duadua a mapasamak daytoy, gapu ta Siak, a ni Yahweh, ti nangibaga iti daytoy!"

\s5
\v 9 Kalpasanna, kasla sinagid ni Yahweh ti ngiwatko ket kinunana kaniak, "Dumngegka kaniak!" Inkabilko ti mensahek iti ngiwatmo.
\v 10 Ita nga aldaw, dutokanka a mangballaag kadagiti nasion ken pagarian. Ibagam kadakuada a naan-anay a dadaelekto ken pukawekto ti sumagmamano kadakuada ken ipasdekkonto dagiti dadduma ket parang-ayek ida."

\s5
\v 11 Ket nangipakita ni Yahweh iti maysa a banag kaniak, ket kinunana, "Jeremias, ania ti makitam?" Insungbatko, "Makitak ti maysa a sanga ti almendras a kayo."
\v 12 Kinuna ni Yahweh, "Husto dayta. Ken gapu ta ti sao nga 'almendras' ket agpada ti pannakaibalikasna iti sao a 'sipsiputan', kayatna a sawen a sipsiputak ti mapasamakto, ken siguradoek a mapasamakto ti imbagak kenka maipanggep iti panangdadaelko kadagiti nasion."

\s5
\v 13 Ket nagsao manen ni Yahweh kaniak a kinunana, "Ania ita ti makitam?" Insungbatko, "Makitak ti maysa a kaldero a napno iti agburburek a danum. Adda daytoy iti amianan, nakatingeg a nakasango kaniak."
\v 14 Insungbat ni Yahweh, "Wen! Kayatna a sawen a manipud iti amianan ket agwarasto ti riribuk iti daga, a kas iti agburburek a danum a maibukbukbok manipud iti kaldero."

\s5
\v 15 Dumngegka iti ibagak: Papaayabak dagiti armada dagiti pagarian nga adda iti amianan ti Juda nga umayda iti Jerusalem. Isaadto dagiti arida dagiti tronoda kadagiti ruangan daytoy a siudad tapno ipasimudaagda nga isuda itan dagiti ari ti Juda. Rumautto dagiti armadada ket rebbaenda dagiti pader daytoy a siudad, ket kastanto met ti aramidenda kadagiti amin nga ili idiay Juda.
\v 16 Dusaekto dagiti tattaok gapu iti amin a dakes a banbanag nga inaramidda; pinanawandak ket nangidatonda kadagiti daton ti panagdayaw kadagiti didiosen. Nagdaydayawda kadagiti didiosen nga inaramid dagiti bukodda nga ima!

\s5
\v 17 Isu a tumakderka, isuotmo ta rutapmo tapno nakasaganaka! Kalpasanna, mapanka kadagiti tattao ti Juda ket ibagam kadakuada amin a banag nga imbagak nga ibagam. Saanka nga agbuteng kadakuada, gapu ta no mabutengka kadakuada, dusaenkanto a kas pangngarigan iti mismo a sangoananda!
\v 18 Ngem dumngegka! Papigsaenka, a kas iti siudad nga addaan iti natibker a pader iti aglawlaw daytoy. Napigsakanto a kas iti adigi a landok wenno pader a bronse. Saandakanto a maparmek uray dagiti opisial ti ari wenno dagiti papadi wenno dagiti umili.
\v 19 Busorendakanto, ngem saandakanto a kabaelan a parmeken, gapu ta addaakto kenka ken salaknibanka. Awan duadua a mapasamak dayta, gapu ta Siak, a ni Yahweh, ti nangibaga iti daytoy!"

\s5
\c 2
\p
\v 1 Inikkannak ni Yahweh iti maysa pay a mensahe
\v 2 nga ipakaammok iti amin a tattao idiay Jerusalem. Kunana a nasken nga ibagak kadakuada ti kastoy, "Siak, a ni Yahweh, malaglagipko ti maipapan kadakayo, a sinurotdak ken nagtalekkayo iti katulagantayo idi un-unana a panawen. Inkagumaandak nga ay-ayoen a kas iti nobia a mangay-ayo iti asawana; Inayatdak, ken sinurotdak iti disierto.
\v 3 Iti dayta a tiempo, dakayo nga Israelita ket nailasin para kaniak; naibilangkayo kaniak a kasla iti umuna a paset dagiti apit a kukuak. Inkarik a dusaek dagiti amin a mangdangran kadakayo a tattaok, ken mangibaonakto kadagiti didigra kadakuada. Kastoy a kanayon ti mapasamak, agsipud ta Siak, a ni Yahweh, imbagak a mapasamakto daytoy."

\s5
\v 4 Dumngegkayo iti ibagbaga ni Yahweh, dakayo a kaputotan ni Jacob, dakayo amin a tattao ti Israel. Masapul a dumngegkayo iti ibagbaga ni Yahweh.
\v 5 Kinunana, "Ania ti naaramidko a basol a nangpaadayo kadagiti kapuonanyo kaniak? Nagdaydayawda kadagiti awan serserbina a didiosen, ken isuda a mismo, ket nagbalin nga awan serserbina.
\v 6 Saan a kasapulan nga ibagada, 'Saannatayon a kabaelan a tulongan ni Yahweh, uray isuna ti nangiruar kadatayo a sitatalged idiay Egipto ken nangidalan kadatayo idiay let-ang nga ayan ti adu nga abut. Ni Yahweh ti nangidalan kadatayo iti lugar nga awan ti danumna ken nakabutbuteng unay, iti daga nga awan ti agnanaed wenno agdaliasat man laeng koma. Ngem awan serserbi ni Yahweh kadatayo ita.'

\s5
\v 7 Ngem idi Siak, a ni Yahweh, ket impankayo iti nadam-eg unay a daga, tapno mabalinyo a kanen ti amin a bunga ken lak-amenyo dagiti dadduma a nasasayaat a banbanag a maapityo, ngem inaramidyo tinulawanyo ti daga nga inkarik nga itedko kadakayo ken pinagbalinyo daytoy a nakarimrimon kaniak.
\v 8 Saan met a sinaludsod dagiti papadiyo no addaak pay leng kadakuada. Saan met a napudno kaniak dagiti mismo a mangisursuro kadagiti linteg ti Dios! Ken nagsukir kaniak dagiti mangidadauloyo. Inikkannakayo dagiti profetayo kadagiti mensahe manipud iti didiosenda a ni Baal, ken agdaydayawda kadagiti awan serserbina a didiosen.

\s5
\v 9 Isu a Siak, a ni Yahweh, idarumkayonto iti pangukoman. Kadagiti masangoanan a tawtawen, usigekto met dagiti annak ken dagiti appokoyo! Mapasamakto dayta gapu ta Siak, a ni Yahweh, ti nangibaga a mapasamak daytoy.
\v 10 No agpalaudkayo a mapan iti isla ti Cyprus, wenno no agpadayakayo a mapan iti daga ti Kedar, ken no agdamagkayo kadagiti tattao kadagidiay a lugar, ibagadanto kadakayo nga awan kadagiti tattao a nagtaud kadagiti pagilianda ti nakaaramid kadagiti kakasta a nadangkes a banbanag nga inaramidyo, dakayo a tattao!
\v 11 Awan tattao iti aniaman a nasion ti nangpanaw kadagiti didiosenda a panpanunotenda a natan-ok sada nagdaydayaw kadagiti didiosen a saan a pudpudno a dios, ngem dakayo a tattao ket pinanawandak, a natan-ok a Diosyo, ket nagdaydayawkayo kadagiti didiosen nga awan serserbina.

\s5
\v 12 Arigna a nadismaya amin nga adda iti tangatang maipanggep iti inaramidyo; nagkintayeg ken mabutbutengda iti kasta unay. Siak, a ni Yahweh, ipakita ken ipakaammok daytoy kadakayo.
\v 13 Dakayo a tattaok, ket nakaaramid iti dua a dakes a banag: linaksiddak, Siak a maiyarig a burayok a mabalinyo a pangalaan iti nadalus a danum, ken agdaydayawkayo kadagiti didiosen a maiyarig kadagiti abut iti daga a nagrengngat ken saan a mabalin a kargaan iti danum.

\s5
\v 14 Dakayo nga Israelita, pudno a saankayo a tagabu idi nayanakkayo; isu nga apay a naipanawdakayo dagiti kabusoryo?
\v 15 Dagiti kabusoryo ket kasla leon a ngumerngernger, ken dinadaelda ti dagayo. Ita, napuoran dagiti iliyo, ket awan ti agnanaed kadagitoy.
\v 16 Pinarmekdakayo dagiti soldado a taga-Memfis ken Tafnes, a siudad iti Egipto, ken kinalboandakayo tapno ipakitada a tagabudakayo.
\v 17 Ngem napasamak dagitoy a didigra kadakayo gapu ta tinallikudandak, Siak a Yahweh a Diosyo, idinto ta inturongkayo iti saanyo a pakadangran.

\s5
\v 18 Isu nga apay a kayatyo ti makitulag kadagiti mangiturturay iti Egipto nga agnanaed iti asideg ti Sikor? Apay a kayatyo ti makitulag kadagiti mangiturturay iti Asiria nga agnanaed iti asideg ti Karayan Eufrates?
\v 19 Gapu iti kasta unay a kinadangkesyo isu a dusaenkayo. Gapu ta tinallikudandak isu a dusaenkayo. Inton aramidek dayta, maamirisyonto a mapasamak kadakayo dagiti napait ken dakes a banbanag gapu ta tinallikudandak, Siak a ni Yahweh a Diosyo, ken awanen ti panagraemyo kaniak. Awan duadua a mapasamakto dayta, gapu ta Siak, nga Apo a ni Yahweh, a Mannakabalin-amin, ti nangibaga iti daytoy.

\s5
\v 20 Idi un-unana a panawen, insardengyo ti panagtulnogyo kaniak ken saanyo nga intulok nga idalankayo. Nagkedkedkayo nga agdayaw kaniak, uray insalakankayo iti panagbalinyo a tagabu. Ngem ketdi, nagdaydayawkayo kadagiti didiosen nga adda kadagiti sirok dagiti kayo ken kadagiti tapaw ti amin a turod. Ay-ayaten ken agdaydayawkayo kadagidiay a didiosen imbes a siak ti dayawenyo, a kas iti maysa a tao a saan a napudno, a mangay-ayat iti maysa a balangkantis imbes ketdi a ti asawana ti ayatenna.
\v 21 Maiyarigkayo iti naputed a lanut ti ubas nga immulak manipud iti nasayaat unay a lanut ti ubas. Isu nga ita, nakadurdurmen a nagbalinkayo a kasla nalungsot nga awan serserbina nga ubas.
\v 22 Kasla mantsa iti bado dagiti basolyo, ken saanyo a maikkat dagitoy a mantsa uray no agusarkayo iti napigsa unay a sabon. Pudno daytoy, gapu ta Siak, a ni Yahweh, ti nangibaga iti daytoy.

\s5
\v 23 Ibagbagayo a saankayo a nagbasol. Ibagbagayo a maikarikayo iti Dios ken saankayo a nagdaydayaw kadagiti imahen ni Baal. Ngem panunotenyo dagiti nakarimrimon a banbanag a sigagagar nga ar-aramidenyo idiay Tanap ti Hinom iti ruar ti Jerusalem. Arigyo dagiti makamaymaya unay a kabaian a kamelio, a taray a taray a mangbirbirok kadagiti kalakian a kamelio.
\v 24 Arigyo dagiti atap a kabaian nga asno iti disierto. Umanangotda a mangbirbirok no ayan dagiti kalakian nga asno, ken awan ti makapasardeng kadakuada. Dagiti kalakian nga asno a mangkayat kadakuada ket saan a mabannog a mangbirok kadakuada, gapu ta masarakanda dagitoy a dagus inton agmayada.
\v 25 Taraykayo la a taray a mangbirbirok kadagiti didiosen a dayawenyo, isu a narunot dagiti sandaliasyo, ken namagaan dagiti karabukobyo. Imbagak kadakayo nga isardengyo dayta nga ar-aramidenyo, ngem kinunayo a saanyo a maisardeng, ken kinunayo nga ay-ayatenyo dagidiay a ganggannaet a didiosen ken kasapulan nga agdaydayawkayo kadakuada.

\s5
\v 26 Maibabain ti mannanakaw inton matakuatan a madama nga agtaktakaw isuna. Ken aminkayo, karaman dagiti ariyo, dagiti papadiyo, ken dagiti profetayo, ket agpapada a maibabain.
\v 27 Aw-awaganyo nga 'ama' ti maysa a pidaso ti kayo a nakitikitan tapno agbalin a nasagradoan a didiosen, ken aw-awaganyo nga 'ina' ti maysa a bato nga insaadyo. Linaksiddak ngem tunggal mariribukankayo, aw-awagandak nga ispalenkayo!
\v 28 Apay a saankayo nga umawag kadagiti didiosen nga inaramidyo? Apay a saankayo nga agpakaasi kadakuada nga ispalendakayo no kasta a makasagrapkayo kadagiti didigra? Ta adu dagiti didiosenyo a kas iti kaadu dagiti siudad ken iliyo iti Juda.

\s5
\v 29 Agrirririkayo a nagbiddutak iti saanko a panangispal kadakayo, idinto a nagsukirkayo amin kaniak, Siak a ni Yahweh nga agsasao kadakayo ita a kanito.
\v 30 Dinusak ti dadduma kadakayo, ngem awan ti nasursuroyo iti panangaramidko iti kasta. Ngem ketdi, pinatayyo ti adu kadagiti profeta nga imbaonko kadakayo, a kas iti panangpatay ti naranggas a leon kadagiti dadduma nga ayup.
\v 31 Dakayo a tattao ti Israel, ipangagyo ti ibagak. Pudno a saankayo a pulos a binaybay-an idiay disierto; saankayo a pulos a binaybay-an iti nasipnget unay a lugar. Isu nga apay nga ibagbagayo, dakayo a tattaok a saankayo a tengngel ken saankayon nga agsubli nga agdayaw kaniak?

\s5
\v 32 Saanto a pulos a malipatan ti balasang nga isuot ti alahasna ken ti nobia ti badona a pangkasar, ngem dakayo a tattaok ket nalipatandakon iti adu a tawen.
\v 33 Ammoyo no kasano kalaka a biroken dagiti didiosen manipud kadagiti pagilian a maipategyo. Nalaklaka ti pannakasarakyo kadagitoy ngem iti pannakasarak ti maysa a balangkantis kadagiti lallaki a pakikaiddaanda. Maisuroyo kenkuana ti maipanggep iti panangliput!
\v 34 Uray no adda kadagiti badoyo ti dara dagiti napanglaw a tattao a pinatayyo, dagiti tattao nga inosente! Saanyo ida a natiliwan a taktakawandakayo, ngem piniliyo a tratoen ida a sidadangkes.

\s5
\v 35 Ngem kinunayo, 'Awan ti inaramidko a biddut! Masiguradok a saannak a kaunget ti Dios iti nabayag.' Ngem dusaenkayonto iti nakaro gapu iti panangibagbagayo a saankayo a nagbasol.
\v 36 Iti napalabas ket dinawatyo iti armada ti Asiria a tulongandakayo, ngem saandakayo a nabaelan a tulongan. Ita, dinawatyo iti armada ti Egipto a tulongandakayo, ngem saandakayo met laeng a nabaelan a tulongan.
\v 37 Tiliwendakayonto, ket agbalikayonto a baludda, maipankayonto idiay Egipto a kasta unay ti bainyo nga urayyo la iyapput dagiti imayo iti rupayo. Mapasamakto dayta gapu ta linaksid ni Yahweh dagidiay a nasion a pagtaltalkanyo, ken saandakayonto a pulos a kabaelan a tulongan."

\s5
\c 3
\p
\v 1 Siak, a ni Yahweh, binilinko ni Moises nga isuratna a no isina ti lalaki ti asawana ket makiasawa iti sabali ti babai, saanen a mabalin a sublian isuna ti immuna nga asawana tapno asawaenna manen, gapu ta awan duadua nga isu ti pakaigapuan a saan a makaay-ayo kaniak ti entero a nasion. Ngem ad-adu ti didiosen ngem kadagiti balangkantis nga addaan kadagiti lallaki a pakikakaiddaanda! Isu nga apay koma nga awatenkayo no agsublikayo kaniak?," kuna ni Yahweh.
\v 2 "Tumangadkayo kadagiti turod. Iti tapaw ti tunggal turod ket adda dagiti didiosen a dinaydayawyo. Kasla da la kadagiti kaayan-ayatyo a nakikakaiddaanyo. Kasla kayla iti Arabo a nakatugaw kadagiti igid ti dalan nga agpadpadaan kadagiti lumabas tapno saneben ken takawanna. Gapu iti panagdaydayawyo kadagiti didiosen ken kadagiti dadduma a nadangkes a banbanag nga inaramidyo, inaramidyo a saan a makaay-ayo kaniak ti entero a daga.

\s5
\v 3 Dayta ti makagapu a saanko a pinagtudo kadagiti tiempo iti tawen a kasapulanyo daytoy. Ngem kasla kayla kadagiti balangkantis a saan a mabain kadagiti inaramidda.
\v 4 Ita, tunggal maysa kadakayo ket kunkunana kaniak, 'Sika ti amak! Inayatnak sipud pay idi ubingak!
\v 5 Isu nga awan duadua a saannak a kaunget iti agnanayon!' Ngem saanyo met nga isardeng ti agbasbasol!' "

\s5
\v 6 Iti naminsan a ni Josias ti ari, kinuna ni Yahweh kaniak, "Nakitam kadi ti inaramid dagiti tattao ti Israel? Tinallikudandak, a kas iti babai a nangpanaw iti asawana ket makikakaidda iti agsasabali a lallaki. Napanda iti tunggal turod ken iti sirok ti tunggal dakkel a kayo ket nagdaydayawda kadagiti didiosen sadiay.
\v 7 Impagarupko nga agsublida kaniak, isu a kinunak kadakuada, 'Agsublikayo kaniak!' Ngem nagkedkedda. Buybuyaen dagiti tattao ti Juda amin dagitoy.

\s5
\v 8 Isu a pinagtalawko dagiti tattao ti Israel kadagiti dadduma a nasion, a kas iti maysa a lalaki a mangar-aramid iti kasuratan nga isinsinana ti asawana ket kalpasanna pagtalawenna gapu ta nakikamalala isuna. Nakita dagiti tattao ti Juda ti inaramidko kadakuada, ngem kasla da la kadagiti tattao ti Israel. Saanda a mabuteng iti aramidek kadakuada. Tinallikudandak met ket nagdaydayawda kadagiti didiosen a kasla da la kadagiti babbai a pinanawanda dagiti assawada ket napanda kadagiti sabali a lallaki.
\v 9 Awan bibiangda a ti panagdaydayaw kadagiti didiosen ket makasair kaniak, isu a pinagbalinda a makapadormen ti entero a daga babaen iti panagdaydayawda kadagiti didiosen a kayo ken bato.
\v 10 Nagpammarang nga agsubli kaniak dagiti tattao ti Juda, ngem saan a pudpudno nga inaramidda dayta. Pudno daytoy gapu ta Siak, a ni Yahweh, ti nangibaga iti daytoy."

\s5
\v 11 Ket kinuna ni Yahweh kaniak, Jeremias, "Tinallikudandak dagiti tattao ti Israel, ngem nakarkaro ti inaramid dagiti tattao ti Juda.
\v 12 Isu a mapanmo ibaga daytoy kadagiti tattao ti Israel, 'Ibagbaga ni Yahweh daytoy kadakayo nga Israelita a timmallikud kenkuana: Naasiak. Saankayo a kaunget iti agnanayon. Isu nga agsublikayo kaniak.

\s5
\v 13 Ngem rumbeng a bigbigenyo a nagbasolkayo ken nagsukirkayo kaniak, Siak a ni Yahweh a Diosyo, a nagdaydayawkayo kadagiti didiosen iti sirok dagiti dadakkel a kayo iti sadinoman ket saankayo a nagtulnog kaniak. Tinallikudandak.
\v 14 Ngem kukuakayo, isu nga agsublikayo kaniak, annakko! No aramidenyo dayta, mangpiliak kadakayo, maysa iti tunggal siudad ken dua iti tunggal puli, ket isublikayo idiay Jerusalem.
\v 15 No aramidenyo dayta, mangdutokak kadagiti mangidaulo kadakayo a pakaay-ayoak, a mangidalan kadakayo gapu ta ammo ken maawatanda dagiti makaay-ayo kaniak.

\s5
\v 16 Ket inton umadukayo iti dagayo, saanto a kasapulan a pagsaritaanyo ti maipanggep iti Nasagradoan a Lakasa a naglaon iti Sangapulo a Bilin. Saanyonto a panunoten ti maipanggep iti daytoy, ken saanyonto a kayat ti mangaramid iti barbaro.'

\s5
\v 17 Iti dayta a tiempo, kunaento dagiti tattao a ti tronok ket adda idiay Jerusalem. Umayto sadiay dagiti tattao manipud kadagiti amin a nasion tapno agdayawda kaniak, ken saandan ipapilit nga aramiden dagiti dakes a banbanag a tarigagayda kadagiti kaungganda.
\v 18 Iti dayta a tiempo, dakayo a tattao ti Israel ken Juda ket agsublikayonto manipud iti pannakaitalawyo kadagiti daga iti amianan. Agsublikayonto iti daga nga intedko kadagiti kapuonanyo a kukuada iti agnanayon.

\s5
\v 19 Dakayo a tattao ti Israel, kayatko nga awatenkayo nga agbalin nga annakko. Kayatko nga ited kadakayo daytoy napintas a daga. Daytoy ket daga a napinpintas ngem iti daga iti sadinoman a nasion! Kayatko nga awagandak nga amayo, ken kayatko a saankayon a pulos a tumallikud kaniak.
\v 20 Ngem tinallikudandak a kas kadagiti babbai a nangpanaw kadagiti assawada." Kasta ti imbaga ni Yahweh, ket imbagak daytoy kadagiti tattao ti Israel.

\s5
\v 21 Ket kinuna ti Dios, "Makangngegto dagiti tattao iti ariwawa kadagiti tapaw ti turod. Ariwawanto daytoy dagiti tattao nga agsasangit ken agkidkiddaw iti Dios a maasian isuna kadakuada. Bigbigendanto a nalipatanda ni Yahweh a Diosda, ken sinukirda ti kayat ti Dios a panagtignayda.
\v 22 Dakayo nga Israelita, agsublikayo kaniak! No aramidenyo dayta, saankayonto a palubosan a tumallikud manen kaniak." Isungbatto dagiti tattao, "Agsublikami kenka, gapu ta sika ni Yahweh, a Diosmi.

\s5
\v 23 Awan ti nagun-odmi nga uray ania a tulong kadagiti didiosen a daydayawenmi kadagiti tapaw dagiti turod, awan ti nagun-odmi a tulong iti panagar-ariwawami sadiay. Naamirismi itan a ni Yahweh a Diostayo ti laeng dalan a maisalakan ti Israel!
\v 24 Sipud pay kinaubingmi, ni Baal a nakababain a didiosen ti makagapu a napukaw kadakami dagiti amin a pinagbannogan dagiti kapuonanmi. Innalana dagiti arban ti karneroda ken dagiti arban dagiti bakada, dagiti annakda a lallaki ken babbai.
\v 25 Isu nga ita, rumbeng laeng nga agiddatayo a mababain iti kasta unay, gapu ta datayo ken dagiti kapuonantayo ket nagbasol kenni Yahweh a Diostayo, ken saantayo pulos a nagtulnog kenkuana."

\s5
\c 4
\p
\v 1 Kuna ni Yahweh, “Dakayo nga Israelita, no adda rumbeng a pagsublianyo, nasken a siak ti pagsublianyo. No ikkatenyo dagiti makarimon a didiosenyo, no saankayon a tumallikod kaniak,
\v 2 ken no ipakaammoyo, 'Iti nagan ti sibibibiag a Dios nga adda iti agnanayon, a pudno ken umisu ti ibagbagana, ken isursurona ti nalinteg a panagbiag.' kiddawento ngarud dagiti tattao kadagiti naduma-duma a nasion iti lubong a bendisionak ida a kas panangbendisionko kadakayo, ket umaydanto amin ket raemendak."
\v 3 Kastoy ti ibagbaga ni Yahweh kadagiti tattao ti Jerusalem ken kadagiti dadduma pay a siudad ti Juda, "Isaganayo ti kaungganyo a mangawat iti mensahek a kas iti panangisagana dagiti mannalon iti daga tapno mulaanda iti bukel. Kas kadagiti mannalon a saan a mangsayang kadagiti bukbukel babaen iti panangibellengda kadagitoy iti ayan dagiti nasiit a mulmula, saanko a kayat a masayang ti tiempok iti panangibagak kadakayo kadagiti mensahe a saankayo pay a nakasagana a mangawat kadagitoy.

\s5
\v 4 Ipakitayo a napudno kaniak dagiti kaunggan ken panunotyo. Ta no saanyo nga aramiden dayta, ti pungtotko kadakayo gapu kadagiti basol nga inaramidyo ket kaslanto apuy a saanto a mabalin a sebseban.
\v 5 Ipakaammom daytoy kadagiti tattao ti Jerusalem agraman ti saksakupen ti Juda; pagunienda dagiti trumpeta iti sadinoman a paset ti daga a mangballaag kadagiti tattao. Ibagam kadakuada a masapul nga agkamangda kadagiti siudad nga addaan iti nangangato a pader iti aglawlawda.
\v 6 Ipukkawmo kadagiti tattao ti Jerusalem ket tumaraykayo itan. Saankayo nga agtaktak, gapu ta ngannganikon nga iyeg kadakayo ti nakaam-amak a didigra nga aggapu iti amianan.

\s5
\v 7 Rautennakayto ti armada a nangdadael kadagiti adu a nasion a kas iti leon a rummuar iti rukibna a mangraut kadagiti dadduma pay nga ayup. Madaman nga agdaldaliasat nga agturong iti dagayo dagiti soldado iti dayta nga armada. Dadaelendanto dagiti siudadyo ken panawanda nga awan a pulos ti tattao nga agnaed kadagitoy.
\v 8 Isu nga ikawesyo dagiti nakersang a pagan-anay ken agsangitkayo ken danugenyo dagiti barukongyo a mangipakita a nagbabawikayo kadagiti inaramidyo, gapu ta napalalo pay laeng ti pungtot ni Yahweh kadatayo.

\s5
\v 9 Ipakpakaammo ni Yahweh nga inton tiempo a dusaennakayo ni Yahweh, napalalonto ti buteng ti ari ti Juda ken dagiti amin nga opisialna. Mabutbutengto dagiti padi ken dagiti profeta.
\v 10 Ket insungbatko, "O Yahweh a Diosko, inallilawmon a naan-anay dagiti tattao babaen iti panangibagam kadakuada nga addanto kappia iti Jerusalem, ngem ita, nakasaganan dagiti kabusormi a mangpatay kadakami babaen kadagiti kampilanda!"

\s5
\v 11 Imbaga ni Yahweh kaniak nga inton mapasamak dayta, addanto dagiti dadduma a mangibaganto kadagiti tattao ti Jerusalem, "Addanto dakkel nga armada nga umay mangraut kadakayo. Saandanto a kas iti nakapsut a palayupoy ti angin a mangsina iti taep manipud trigo. Kasladanto napudot unay nga angin nga agpalayupoy manipud iti let-ang.
\v 12 Kasladanto napigsa a panagbittak nga ibaonko. Ita, ipakpakaammok a dusaenkayonto."

\s5
\v 13 Ket kunaento dagiti tattao ti Jerusalem, "Paumayen iti ayantayo dagiti kabusortayo; kasla alipugpog dagiti karwaheda. Naparpartak dagiti kabalioda ngem kadagiti agila. Nakaam-amak daytoy para kadatayo!
\v 14 Dalusanyo dagiti kaungganyo, dakayo a tattao ti Jerusalem, iti kasta ispalennakayo ni Yahweh. Kasano kabayag ti panangitultuloyyo nga agpanggep nga agaramid iti dakes?
\v 15 Ipukpukkaw dagiti mensahero manipud iti siudad ti Dan iti amianan agingga kadagiti katurturodan ti Efraim iti sumagmamano a milya iti amianan ti Jerusalem nga um-umayen dagiti didigra."

\s5
\v 16 Isu a kastoy ti kinunak kadagiti tattao kadagiti dadduma a nasion, ken kasta met nga inwaragawagko daytoy iti Jerusalem, “Kuna ni Yahweh nga adda paumay nga armada idiay Jerusalem nga aggapu iti adayo; ipukkawda ti gubat maibusor kadagiti siudad ti Juda.
\v 17 Agkampoda iti aglawlaw ti Jerusalem a kas iti panangipatakder dagiti tattao iti paglinonganda iti aglawlaw ti talon kabayatan ti panagaapit. Mapasamakto amin dagita gapu ta nagsukir kaniak dagiti tattao ti Juda.
\v 18 Madusakayonto iti nakaro unay; a kas iti kampilan a maiduyok kadagiti puspusoyo. Ngem impalubosyo a mapasamak kadakayo dagitoy a banbanag gapu kadagiti dakes a banbanag nga inaramidyo."

\s5
\v 19 Ket kinunak iti bagik. “Nakaro unay ti panagladingitko; nakaro unay ti saem iti kaunggak. Kasta unay ti panagkibbayo ti barukongko. Ngem saanak a makatalna gapu ta mangmangngegko dagiti kabusortayo a mangpuypuyot kadagiti trumpetada a mangiwarwaragawag a mangrugin ti gubat maibusor iti Juda!
\v 20 Agsasarunonto a rumsua dagiti didigra agingga a madadael ti entero a daga. Madadaelto a maminpinsan dagiti toldatayo; uray dagiti kurtina iti uneg dagiti tolda ket mapisang-pisangto.

\s5
\v 21 Kasano kabayag nga agtultuloy daytoy a gubat? Kasano kabayag nga agtultuloy a makitkitak dagiti bandera ti kabusor a mangubgubat ken kasano pay kabayag a mangngegko ti uni dagiti trumpetada?
\v 22 Kuna ni Yahweh: Maag unay dagiti tattaok! Awan ti nakainaiganda kaniak. Kasla da la ubbing a nengneng nga awan a pulos pannnakaawatna. Nalaingda unay nga agaramid iti dakes, ngem saanda nga ammo ti agaramid iti nasayaat.

\s5
\v 23 Innikannak ti Dios iti sirmata a sadino ket nakitak a nagbalin a langalang ken awan langlangana ti daga. Kimmitaak iti tangatang, ket awan lawag sadiay.
\v 24 Kimmitaak kadagiti kabanbantayan ken katurturodan, ket aggun-gun-gon ken umak-akarda.
\v 25 Kimmitaak ket nakitak nga awanen a pulos ti tattao ken timmayaben dagiti amin a billit.
\v 26 Kimmitaak ket nakitak a dagiti sigud a nadam-eg a talon ket nagbalinen a let-ang. Nadadaelen amin a siudad; dinadaelen amin ida ni Yahweh gapu ta makaunget unay isuna."

\s5
\v 27 Kastoy ti ibagbaga ni Yahweh, madadaelto ti entero a Juda, ngem saankonto a dadaelen a naan-anay.
\v 28 Aramidekto kadagiti tattaok ti kinunak nga aramidek kadakuada, ket saankonto nga ibabawi. Isu nga inton mapasamak dayta, kasla agladingitto ti daga ken agsipnget ti tangatang.
\v 29 Inton mangngeg dagiti tattao ti arimpadek ti kabusorda a kumakabalio ken ti panagmartsa dagiti pumapana, agbutengdanto bayat nga agliblibasda kadagiti siudadda. Makasarakto iti paglemmengan dagiti sumagmamano kadakuada kadagiti lugar nga ayan dagiti babassit a kaykayo, ken tumaray dagiti dadduma kadagiti kabatbattoan tapno makalibasda iti pannakapapatayda kadagiti kabusorda. Pagpapanawandanto amin a siudad ti Juda; awanto a pulos ti uray maysa a tao a mabati kadagitoy.

\s5
\v 30 Isu a dakayo a sigurado a madadaelto, anianto ti aramidenyo? Uray pay agkaweskayo kadagiti napipintas a bado ken alahas ken pintaanyo ti aglawlaw ti matayo, saandakayo a matulongan dagitoy a banbanag, gapu ta dagiti tattao iti sabali a pagilian a pagarupenyo a mangay-ayat kadakayo ket karimondakayonto, ket ikagumaandakayto a papatayen.
\v 31 Arigna a mangmangngegkon nga agsasangit iti nakapigpigsa dagiti tattao ti Jerusalem, a kas iti panagsangit ti maysa a babai nga agpasikal no ipasngayna ti inauna nga anakna; maang-angsan ken agpakpakaasi nga arayatenda isuna, ket ipukpukkawna, 'Adda nakabutbutneg a mapaspasamak kaniak; kayatdak a papatayen!"'

\s5
\c 5
\p
\v 1 Kinuna ni Yahweh kadagiti tattao ti Jerusalem, "Sumang-at ken sumalogkayo iti amin a kalsada. Agsawarkayo kadagiti pagtagilakoan a mangbiruk kadagiti tattao nga agar-aramid iti nalinteg, nga agtartarigagay nga agbalin a napudno kaniak. No makasarakkayo iti uray maysa a tao a kas iti dayta, pakawanekto dagiti tattao ti Jerusalem ken saanko a dadaelen ti siudadda.
\v 2 Ngem idi nagsapata dagiti tattao iti nagan ni Yahweh nga addda iti agnanayon, agul-ulbodda."
\v 3 Isu nga inkararagko, "O Yahweh, pudno nga agsapsapulka kadagiti tattao a napudno kenka. Dinusam dagiti tattaom, ngem saanda a nangipangpangag. Dinusam ida, ngem saanda nga inkankano ti ibagbagam kadakuada nga aramidenda. Napalalo ti kinatangken ti uloda ken saanda a nagsubli kenka."

\s5
\v 4 Ket napanunotko, "Saantayo a manamnama nga agaramid iti kinalinteg dagitoy a tattao, gapu ta nakurapayda; saanda a pulos a makaaw-awat. Saanda nga ammo ti wagas a kayat ni Yahweh a panagbiagda; saanda nga ammo ti kayat ti Dios nga aramidenda.
\v 5 Isu a mapanak ket kasaritak dagiti mangiturturay kadakuada gapu ta sigurado nga ammoda ti kayat ti Dios a panagbiagda. "Ngem nagsardengda met a nagtulnog kenni Yahweh, ken saanda a nagpaidalan kenkuana.
\v 6 Gapu iti dayta, rummuarto dagiti leon manipud kadagiti kabakiran ket papatayenda ida; darupento ida dagiti atap nga aso iti let-ang; rangrangkayento ti leopardo nga agsegsegga iti ruar kadagiti siudadda ti asinoman nga agpagnapagna iti ruar dagiti siudad. Mapasamakto dagitoy gapu ta nagbasol iti nakaro dagiti tattao kenni Yahweh ken namin-adu ti panangtallikudda kenkuana.

\s5
\v 7 Kuna ni Yahweh, "Saanko a mapakawan dagitoy a tattao; uray dagiti annakda ket tinallikudandak. Idi nagsapatada iti maysa a banag, kiniddawda kadagiti didiosenda nga ipakitada a dagiti ibagbagada ket pudno. Intedko ti amin a kasapulan dagiti tattaok, ngem masansan ti ipapanda kadagiti lugar a pagdaydayawanda kadagiti didiosenda ket nakikamalalada sadiay.
\v 8 Arigda dagiti nabsug a kalakian a kabalio nga aggargarraigi a makamanmanada, tunggal lallaki ket tartarigayanna a kaiddaen ti asawa ti kaarrubana.
\v 9 Saan kadi a rumbeng laeng a dusaek ida gapu iti daytoy? Awan duadua a balsekto ti kastoy a nasion nga akin-tattao kadagiti kakasta ti aramidna!

\s5
\v 10 Dagiti tattao ti Juda ken Israel ket kas iti maysa a kaubasan. Mapankayo kadagiti kaubasanda ket dadaelenyo ti kaadduan kadagiti tattao, ngem saanyo a papatayen amin ida. Saanko a kukua dagitoy a tattao, isu a dadaelenyo ida, a kas iti maysa nga agmulmula a mangsalingsing kadagiti sanga ti ubas.
\v 11 Naminpinsan a timmallikud kaniak dagiti tattao ti Israel ken Juda.
\v 12 Inlibakdak ket kinunada, 'Saan a pudpudno isuna! Saannatayonto a dusaen! Saanto isuna a mangiyeg kadagiti didigra kadatayo! Saantayonto a mapadasan dagiti gubat ken panagbisin!
\v 13 Dagiti ibagbaga dagiti profeta ti Dios ket awan serserbina nga arigda laeng ti angin! Awan ti mensaheda a naggapu iti Dios! Ket gapu ta saandak a pinati, mapasamakto amin dagitoy a banbanag kadakuada!'"

\s5
\v 14 Isu a kastoy ti kinuna kaniak ni Yahweh a Mannakabalin-amin, "Gapu ta ibagbaga dagiti tattaok dagitoy a banbanag, ikkanka kenka iti mensahe nga ibagam kadakuada a maiyarig iti apuy, ket dagitoy a tattao, kasladanto kayo a maminpinsanto nga uramen ti apuy!
\v 15 Denggenyo ti pakaammo ni Yahweh, dakayo nga Israelita: Iyegkonto ti armada manipud adayo a nasion tapno rautendakayo. Daytoy a nasion ket nabileg unay a siguden nga adda idi pay laeng. Agsaoda iti pagsasao a saanyo nga ammo, ket saanyonto a maawatan.

\s5
\v 16 Amin dagiti soldadoda ket napipigsada unay, ket adu a lallaki a taga-Juda ti mapapatayda babaen kadagiti pana iti pagkargaanda.
\v 17 Kanendanto dagiti taraon nga inapityo kadagiti talonyo, uray dagiti annakyo koma ti rumbeng a mangan kadagiti tinapayyo. Papatayendanto dagiti arban ti karneroyo ken arban ti bakayo. Kanendanto dagiti ubas ken igosyo. Dadaelendanto pay dagiti siudadyo nga addaan iti nangato a pader a naipapawlaw kadagitoy ken papatayendanto dagiti tattao babaen kadagiti kampilanda.

\s5
\v 18 Ngem uray no kasta a mapasamak dagitoy a banbanag, saankayonto a dadaelen amin.
\v 19 Ket inton damagen dagiti tattao, 'Apay nga ar-aramiden ni Yahweh daytoy kadatayo?' Ibagamto kadakuada, ‘Linaksidyo isuna ken nagrukbabkayo kadagiti ganggannaet a dios iti bukodyo a daga, isu nga ita, agbalinkayonto a tagabu kadagiti ganggannaet iti daga a saanyo a kukua.'"

\s5
\v 20 Binilinnak ni Yahweh a mangiwaragawag iti daytoy a mensahe kadagiti tattao ti Israel ken Juda,
\v 21 "Denggenyo daytoy, dakayo a maag a tattao ken saan a makaaw-awat: Adda matayo, ngem arigna a saankayo makakita; adda lapayagyo, ngem arigna a saankayo a makangngeg.
\v 22 Apay nga awan man laeng ti uray ania a panagraemyo kaniak? Rumbeng laeng nga agtigergerkayo no addakayo iti presensiak! Siak a ni Yahweh, ti nangikabil iti samped iti igid ti baybay tapno saan a makalabes ti danum iti taaw a manglayus iti daga. Agsabbuag ken agdaranudor dagiti dalluyon, ngem saanda a makalabes iti dayta a samped.

\s5
\v 23 Ngem dakayo a tattao, saankayo a kas iti dalluyon nga agtultulnog kaniak. Natangken unay dagiti uloyo ken nasukirkayo, ken saankayo nga agsarsardeng a mangtaltallikud kaniak.
\v 24 Saanyo man laeng a kunaen kadagiti bagbagiyo, 'Adda koma panagraemtayo kenni Yahweh a Diostayo, a mangibabaon iti tudo iti tiempo a kasapulantayo, a mangpalpaluom kadagiti dawa iti tiempo ti panagaapit.'
\v 25 Ta gapu kadagiti dakes nga inaramidyo, a saan a napasamak dagiti nasasayaat a banbanag; Ta gapu kadagiti basol nga inaramidyo nga isu a nanglapped iti panangawatyo kadagita a bendision.

\s5
\v 26 Kadagiti tattaok, ket adda dagiti nadadangkes a tattao nga aglemlemmeng kadagiti dalan a mangsaneb kadagiti tattao a kas kadagiti lallaki nga aganup kadagiti billit ken agipakat iti bateng tapno matiliwda dagitoy.
\v 27 Kas iti maysa a mangnganup nga addaan iti tangkal a napunno kadagiti billit a natiliwna, napno ti pagtaenganda kadagiti banbanag a naalada babaen iti panangallilawda kadagiti dadduma, isu a nagbalinda ita a nabaknang unay ken nabileg.
\v 28 Dadakkel ken nalulukmegda gapu ta mangmanganda kadagiti nasustansia a taraon, ket awan panagpatingga ti panagar-aramidda kadagiti dakes. Iti pangukoman, saanda a tulongan dagiti gagangay a tattao a manggun-od iti hustisia, ken saanda nga ikanawa dagiti ulila. Saanda pay a kayat dumngeg kadakuda iti pangukoman.
\v 29 Isu nga awan duadua a dusaekto ida gapu iti panangaramidda kadagitoy a banbanag. Siak a ni Yahweh, ipakaammok nga awan duadua a balsekto ti nasionda.

\s5
\v 30 Nakaal-alinggaget unay a banbanag ti mapaspasamak iti daytoy a pagillian:
\v 31 Pasig nga inu-ulbod ti ibagbaga dagiti profeta, ken dagiti papadi ket agturayda babaen iti bukodda a turay, ket dakayo gaiti kakasta a kita ti tattao! Ngem inton mapadasanyon dagiti didigra, anianto ti aramidenyo?

\s5
\c 6
\p
\v 1 Dakayo a tattao iti Jerusalem a nagtaud iti tribu ni Benjamin, pumanawkayo iti daytoy a siudad! Pagunienyo dagiti tangguyob idiay siudad ti Tekoa nga abagatan ti Jerusalem! Mangparnuaykayo iti asuk a pagilasinan idiay siudad ti Bet Hakerem a mangballaag kadagiti tattao iti paumayen a peggad! Addanto nabileg nga armada manipud iti amianan nga umay mangraut kadakayo, ket mangparnuaydanto iti nakaro a pannakadadael.
\v 2 Ti Jerusalem ket maiyarig iti maysa a napintas a balasang, ngem madadaelto daytoy iti mabiit.
\v 3 Dagiti kabusor nga ar-ari a mangidadaulo kadagiti ganggangannaet a bunggoy ti tattao, ket umaydanto a kaduada dagiti armadada, ket agkampoda iti aglawlaw ti siudad, ket tunggal ari, mangpilinto iti paset ti siudad a dadaelen dagiti soldadona a kas iti panangbingaybingay dagiti agpaspastor iti pagaaraban dagiti karneroda.

\s5
\v 4 Ibaganto dagiti ari kadagiti buyotda, 'Idatonyo dagiti daton a kasapulan iti panagsaganatayo iti gubat. Nasken a rautentayo ida sakbay iti tengnga ti aldaw, ngem uray no makasangpettayo sadiay iti mumalem,
\v 5 rautentayonto ida iti rabii ket rebbaentayo dagiti sarikedkedda.'"

\s5
\v 6 Kastoy ti kuna ni Yahweh a Mannnakabalin-amin, “Ibilinkonto kadagiti soldado a pukanenda dagiti kayo iti ruar ti Jerusalem ket agaramidda kadagiti pagkalantayanda agingga iti tuktok dagiti pader ti siudad! Masapul a madusa daytoy a siudad gapu ta amin nga adda sadiay ket agtultuloy nga idaddadanesda dagiti sabali.
\v 7 Agar-aramid kadagiti nadangkes dagiti tattao nga agnanaed iti daytoy a siudad, a kas iti bubon nga agtultuloy nga agubbog. Agdinamag iti sadinoman ti aramid dagiti naranggas ken managdadael a tattao. Makakitkitaak paylaeng kadagiti tattao nga agsagsagaba ken nasugatan.
\v 8 Denggenyo ti ibalballaagko kadakayo, dakayo a tattao ti Jerusalem, gapu ta no saankayo a dumngeg, laksidenkayo ken pagbalinek a langalang ti dagayo, maysa a daga nga awan a pulos ti agnanaed."

\s5
\v 9 Kastoy ti kuna ni Yahweh a mannakabalin-amin, “Pagbalinento dagiti kabusoryo ti pagilianyo a langalang a kas iti kaubasan a naapiten dagiti bungana. Alaento dagiti soldadoda dagiti sanikua dagiti nabati idiay Israel kalpasan ti pannakaipanaw dagiti dadduma a kas iti ipapan dagiti mannalon kadagiti kaubasan tapno mapan manen agpuros kadagiti nabatbati nga ubas.
\v 10 No bilinenka, Jeremias, nga agsao kadagiti Israelita a mangballaag kadakuada, siasinonto kadi ti dumngeg kaniak? Arigna naakkuban dagiti lapayagda, ket gapu iti dayta, saanda a makangngeg. Saanda a kayat dagiti mensahek; saanda a pulos a kayat a denggen dagitoy."

\s5
\v 11 Kalpasan a nangngegko daytoy, nakaungetak unay, a kas panagpungtot ni Yahweh, ket saankon a malapdan ti bagik. Isu a kinuna ni Yahweh kaniak. “Ibagam kadagiti ubbing nga adda kadagiti kalsada ken kadagiti agtutubo a lallaki nga aguumong.
\v 12 Ibagam kadagiti lallaki ken kadagiti assawada, kasta met kadagiti nataengan unayen a tattao. Ibagam kadagiti lallaki nga itedkonto dagiti balayda kadagiti kabusorda, ken itedkonto pay dagiti sanikuada ken dagiti assawada kadagiti kabusorda inton dusaek dagiti tattao nga agnanaed iti daytoy a daga!

\s5
\v 13 Ikagkagumaan ti tunggal maysa ti maaddaan iti kuarta babaen iti panangallilawda kadagiti dadduma, manipud kadagiti tattao a nangato ti saadna agingga kadagiti kanunumuan a tattao; uray pay dagiti profeta ken dagiti padi ket allilawenda dagiti tattao tapno maaddaanda iti kuarta.
\v 14 Agtignayda a kasla dagiti basol dagiti tattaok ket kasla bassit laeng a sugat a nalakada nga agasan. Itultuloyda nga ay-aywen dagiti tattao babaen iti panangibagada, 'Sapay koma ta nasayaat ti pagbanagam,' idinto ta dakes dagiti mapaspasamak.
\v 15 Rumbeng koma a mabainda maipanggep kadagiti makarimon a banbanag nga ar-aramidenda, ngem saanda a pulos a mabain. Saanda pay nga ammo ti mabainan. Isu a mairamandanto met kadagiti mapapatay. Madadaeldanto inton dusaek ida."

\s5
\v 16 Kastoy met ti kinuna ni Yahweh kadagiti Israelita, “Agtakderkayo iti nagsasangaan dagiti dalan ket kitaenyo dagiti tattao a lumablabas. Saludsodenyo kadakuada ti nasayaat a kababalin dagiti kapuonanayo iti napalabas a panawen. Ket inton ibagada kadakayo, agtignaykayo iti kasta. No aramidenyo dayta, makasarakayonto iti inana. Ngem kinunayo a saanyo a kayat nga aramiden dayta!
\v 17 Imbaonko dagiti profetak a maiyarig kadagiti agbanbantay. Imbagada kadakayo a dumngegkayo a nasayaat inton mapaguni dagiti trumpeta nga agpaay a ballaag kadakayo a sumungsungaden dagiti kabusoryo, ngem saanyo a kayat ti dumngeg.
\v 18 Ngarud, dakayo a tattao kadagiti sabali a nasion, denggenyo daytoy: Imatanganyo ti mapasamak kadagiti Israelita.
\v 19 Dumngegkayo amin! Mangparnuayakto kadagiti didigra a mapasamak kadagiti Israelita. Kastanto ti mapasamak kadakuada gapu ta nagkedkedda a dumngeg kadagiti imbagak kadakuada. Saanda a kayat a tungpalen dagiti lintegko.

\s5
\v 20 Dakayo nga Israelita, inton puoranyo ti insenso a naggapu idiay Seba, ken inton agidatonkayo kaniak iti pangsapsapo a lana a nabanglo a naggapu iti adayo, saanakto a maay-ayo kadagitoy a sagutyo. Saankonto nga awaten dagiti sagutyo a naan-anay a napuoran iti rabaw ti altar; Saanak a maay-ayo kadagiti aniaman a datonyo.
\v 21 Ngarud, arigna a mangikabilakto kadagiti dalan kadagiti banag pakaitibkulan dagiti tattaok. Maitibkulto kadagitoy dagiti lallaki ken dagiti annakda a lallaki ken dagiti kaarruba dagiti tattao ken dagiti gagayyemda; mataydanto amin."
\v 22 Kastoy pay ti kuna ni Yahweh, "Makitayonto ti dakkel nga armada a magmagna nga agturong kadakayo manipud amianan. Maysa nga armada manipud iti dakkel a nasion iti adayo nga agsagsagana a mangraut kadakayo.

\s5
\v 23 Addaanda kadagiti pana ken gayang, naulpitda ken saanda a maasian iti uray asino. Iti panagsakayda kadagiti kabalioda, kasla daranudor dagiti dalluyon ti taaw ti danapeg dagiti kabalioda; nakasaganada a mangraut kadakayo a tattao ti Jerusalem."
\v 24 Kuna dagiti tattao ti Jerusalem iti tunggal maysa, "Nangngegmi dagiti damag maipanggep iti kabusor; isu a nagbutengkami unay, isu't gapuna a nagkapsutkami. Mabuteng ken madanagankami unay, a kas kadagiti babbai a dandanin nga agpasngay.

\s5
\v 25 Isu a saankayo a mapan kadagiti taltalon! Saankayo a mapan kadagiti kalsada, gapu ta dagiti kabusor a soldado ket adda iti kampilan ket addada iti aglawlaw; aggapuda iti amin a suli, ket napalalo ti butengtayo."
\v 26 Isu a siak a ni Jeremias, kunak kadakayo, "Patpatgek a tattao, agkaweskayo iti nakersang a lupot ket agtugawkayo kadagiti dapo tapno ipakitayo nga agbabbabawikayo kadagiti basbasolyo. Agladingit ken agsangitkayo iti kasta unay, a kas iti panagsangit ti babai no natay ti kakaisuna nga anakna. Ta asidegen dagiti kabusoryo, ket dadaelenda ti amin a banbanag. Isaganaanyo ti pannakaitanem."

\s5
\v 27 Ket kinuna ni Yahweh kaniak, "Jeremias, Pinagbalinka a kas iti tao a mangipapudot unay iti landok tapno naan-anay a mapuoran dagiti rugit iti daytoy. Sukimatem dagiti kababalin dagiti tattaok.
\v 28 Maduktalamto a natangken unay ti uloda: kanayon a parpardayaenda dagiti dadduma. Natangken dagiti kaungganda a kasla gambang wenno landok; kanayon nga allilawenda dagiti dadduma.
\v 29 Puyotan ti mammanday iti anguyob tapno rumubrob unay ti apuy tapno mapuoran a naan-anay dagiti rugit. Ngem kas iti saan a panangikkat ti apuy kadagiti amin a rugit, saan a mabalin a maisina dagiti tattao kadagiti nadangkes nga ar-aramidda.
\v 30 Siak a ni Yahweh, linaksidkon ida; makunak a kasla da la iti pirak nga awan serserbina.”

\s5
\c 7
\p
\v 1 Inikkannak ni Yahweh iti maysa pay a mensahe. Kinunana kaniak,
\v 2 "Mapanka iti pagserkan ti balayko ket ibagam daytoy a mensahe kadagiti tattao: Dakayo a tattao ti Juda nga agdaydayaw ditoy, denggenyo daytoy a mensahe manipud kenni Yahweh.

\s5
\v 3 Kastoy ti ibagbaga kadakayo ni Yahweh a Mannakabalin-amin: "No nasayaat dagiti wagas ti panagbiagyo ket rugianyo ti agaramid iti nalinteg, palubosankayo nga agnaed iti dagayo.
\v 4 Ngem ulit-uliten nga ibagbaga dagiti dadduma a tattao kadakayo, 'Adda ditoy ti templo ni Yahweh, isu a natalgedtayonto; saannanto nga ipalubos a madadaeltayo ken ti templo.' Ngen saankayo a dumngeg iti ibagada, gapu ta al-allilawendakayo.

\s5
\v 5 Agtignayakto a siaasi kadakayo no baliwanyo ti kababalinyo ken isardengyo ti agar-aramid kadagiti dakes a banbanag, ken no rugianyo ti agtignay iti patas kadagiti sabali,
\v 6 ken no isardengyo ti panangirurumenyo kadagiti ganggannaet nga agnanaed iti pagilianyo, ken dagiti ulila ken balo, ken no isardengyo iti mangpappapatay kadagiti tattao ken agdaydayaw kadagiti ganggannaet a dios.
\v 7 No aramidenyo ti imbagak kadakayo, palubosankayonto nga agtalinaed iti agnanayon iti daytoy a daga nga inkarik idi kadagiti kapuonanyo a kukuada ken kadagiti kaputotanda.

\s5
\v 8 Ulit-uliten nga ibagbaga dagiti tattao kadakayo, 'Adda ditoy ti templo isu a natalgedtayo,' ket agtaltalekkayo a pudno ti ibagbagada. Ngem al-allilawendakayo dagitoy a tattao; awan serserbi ti ibagbagada.
\v 9 Pagarupenyo a mabalinyo ti agtakaw iti banbanag, mangpatay kadagiti tattao, makikamalala, agulbod iti pangukoman, ken agdayaw kenni Baal ken kadagiti amin a dadduma a didiosen a saanyo nga am-ammo iti napalabas.
\v 10 Pagarupenyo pay a mabalinyo ti umay ditoy ket agtakder iti sangoanan daytoy a templo, nga isu ti templok, ket kunaenyo, 'Awanto ti dakes a mapasamak kadatayo!', kabayatan nga itultuloyyo nga ar-aramiden dagiti amin a makarimon a banbanag.
\v 11 Nalabit a saanyo nga ammo nga inaramidyo daytoy a templo, nga isu ti templok, tapno agbalin a kasla rukib a paglemmengan dagiti agtatakaw. Ngem Siak, a ni Yahweh, ibagbagak kadakayo a nakitak amin dagitoy a banbanag!

\s5
\v 12 Idi un-unana a panawen, inkabilko ti nasagradoan a toldak idiay distrito ti Silo, tapno agbalin a disso a pagdaydayawan dagiti tattao kaniak. Panunotenyo no kasano a dinadaelko daytoy gapu ta dagiti tattaok, dagiti Israelita ket nagaramidda iti adu a nadangkes a banbanag sadiay.
\v 13 Ket bayat nga itultuloyyo ti agar-aramid kadagiti nadangkes a banbanag, imbagak kadakayo ti maipapan iti daytoy iti namin-adu a daras, ngem sankakayo a dimngeg. Immawagak kadakayo, ngem saandak a sungsungbatan.
\v 14 Ngarud, kas iti panangdadaelko iti Silo, dadaelek ita daytoy a templo a naibangon para kadagiti tattao a pagdayawanda kaniak, daytoy a templo a pagtaltalkanyo, daytoy a lugar nga intedko kadakayo ken kadagiti kapuonanyo.
\v 15 Ket papanawenkayonto iti daytoy a daga ken ipankayonto iti sabali a pagilian nga adayo kaniak, kas iti inaramidko kadagiti kakabagianyo, dagiti tattao ti Israel."

\s5
\v 16 Kinuna ni Yahweh kaniak, "Jeremias, saankan nga agkararag para dagitoy a tattao. Saankan nga umawag para iti biangda wenno agpakaasi kaniak a tulongak ida, gapu ta saankanto nga ipangag.
\v 17 Makitam kadi dagiti nadangkes a banbanag nga ar-aramidenda kadagiti kalsada ti Jerusalem ken kadagiti sabali nga ili idiay Juda?
\v 18 Agurnong dagiti annak iti kayo a pagsungrod ket pasgedan dagiti ammada dagiti altar a pangpuorda kadagiti daton. Agmasa dagiti babbai iti arina nga ilutoda a tinapay nga idatonda iti diosada nga Asera a naawagan iti Reyna ti Langit. Ket kadagiti altarda, agibukbokda kadagiti arak a daton kadagiti dadduma a didiosenda. Amin dagitoy a banbanag nangpaunget kaniak iti napalalo.

\s5
\v 19 Ngem saan a siak ti paspasaktanda; paspasaktanda ti bagbagida babaen iti panagar-aramidda kadagitoy a banbanag a rumbeng a pakaibabainanda iti kasta unay!"
\v 20 Isu a kastoy ti kuna ni Yahweh nga Apo: "Gapu ta napalalo ti ungetko iti mapaspasamak iti daytoy a lugar, dusaekto iti nakaro dagitoy a tattao; ti ungetko ket kaslanto apuy a saanto a maiddep, ket dadaelekto dagiti tattao, dagiti ayupda, dagiti mulada a kayo nga agbunga, ken dagiti mulmulada."

\s5
\v 21 Kastoy ngarud ti ibagbaga ni Yahweh a Mannakabalin-amin, a Dios ti israel: "Ikkatenyo dagiti sagutyo nga inyegyo tapno naan-anay a mapuoran kadagiti altaryo ken dagiti dadduma a sagutyo; saanyo nga ited dagitoy kaniak; dakayo a mismo iti mangan kadagitoy!
\v 22 Idi indalanko a rummuar dagiti kapuonanyo idiay Egipto, saan a dagiti daton a naan-anay a mapuoran iti altar wenno dadduma a sagsagut ti kayatko kadakuada.
\v 23 Ti imbagak kadakuada ket, 'Agtulnogkayo kaniak; no aramidenyo dayta, Siakto ti Diosyo ket dakayonto dagiti tattaok. No aramidenyo dagiti banbanag a kayatko nga aramidenyo, nasayaatto ti pagbanaganyo.'

\s5
\v 24 Ngem saan a dimngeg dagiti kapuonanyo kaniak. Intultuloyda ti nagaramid kadagiti dakes a banbanag a kinayatda nga aramiden, amin a banag nga ipapilitda a kayatda la unay nga aramiden. Imbes nga umasidegda, immadayoda ketdi kaniak.
\v 25 Manipud iti aldaw a pinanawan dagiti kapuonanyo ti Egipto agingga ita, inulit-ulitko nga imbaon dagiti profetak kadakayo.
\v 26 Ngem dakayo a tattaok, saankayo a dimngeg kaniak wenno saanyo nga impangag ti imbagak; nasukirkayo, ket nakaaramidkayo kadagiti dakdakes a banbanag ngem iti inaramid dagiti kapuonanyo."

\s5
\v 27 Ket kinuna ni Yahweh kaniak, "Inton ibagam amin dagitoy kadagiti tattaok, saandanto a dumngeg kenka. Inton awagam ida, saandanto a sumungbat.
\v 28 Ibagam kadakuada, 'Dakayo a tattao ti Juda, saankayo a nagtulnog kenni Yahweh a Diosyo; saanyo nga inawat daytoy idi pinadasnakayo a palintegen. Awan ti uray maysa kadakayo a napudno; saan a pudno dagiti ibagbagayo; inu-ulbod laeng dagiti ibagbagayo.'

\s5
\v 29 Isu nga ibagam kadakuada a pukisanda ti buokda a mangipakita nga agladladingitda; ibagam kadakuada a sumang-atda kadagiti awan kayona a turturod ken agkantada iti naliday a kanta iti panagdung-aw. Gapu ta naan-anay a linaksidko daytoy a henerasion ti tattao a nangpaunget kaniak."
\v 30 Kastoy ti kuna ni Yahweh: "Dagiti tattao ti Juda ket nakaaramid iti adu a banbanag a makunak a dakes. Inkabilda dagiti makarimon a didiosenda iti templok, a nangparugit iti disso a pagdaydayawan kaniak.

\s5
\v 31 Nangipatakderda kadagiti altar idiay Tofet iti Tanap ti Hinnom iti ruar ti Jerusalem, ket idatonda dagiti annakda a lallaki ken babbai kadagitoy nga altar. Saanko a pulos nga imbilin nga aramidenda dayta; uray simrek man laeng koma iti panunotko!
\v 32 Isu a rumbeng nga agtandaanda! Addanto tiempo a saanton a maawagan dayta a disso iti Tofet wenno iti Tanap ti Hinnom; ngem ketdi, maawaganto daytoy iti Tanap a Nakatayan ti adu a Tattao. Adunto a tattao ti maitabonto sadiay, nga agbanag nga awanto ti disso a pangitabonan iti adu pay a bangkay.

\s5
\v 33 Dagiti bangkay dagiti tattaok a saan a maitabon ken mabati iti daga ket kanento dagiti billit ken atap nga ayup, ken awanto ti siasinoman a mangbugaw kadagitoy.
\v 34 Awanton ti agkakanta ken agkakatawa kadagiti kalsada ti Jerusalem; Awanton dagiti narag-o a timek dagiti nobio ken nobia idiay Juda, gapu ta naan-anayto a madadael ti daga."

\s5
\c 8
\p
\v 1 Kuna ni Yahweh, "Kalpasan ti pannakadadaelyo babaen kadagiti kabusoryo, lukatandanto dagiti tanem dagiti ariyo ken dagiti dadduma nga opisial a nagnaed iti Juda, ken dagiti tanem dagiti papadi ken dagiti profetayo ken dadduma a tattao a nagnaed sadiay.
\v 2 Iruardanto dagiti tulang manipud kadagiti tanemda ken saanda a padayawan ida babaen iti panangiwarada kadagitoy iti daga a main-initan ken masilsilnagan iti bulan ken dagiti bituen-- dagitoy dagiti dios nga inayat, nagserbian ken dinaydayaw dagiti tattaok. Awanto ti siasinoman a mangurnong kadagiti tulangda ken mangitabon manen kadagitoy; agtalinaedto dagitoy a nakawara iti daga a kasla rugit.
\v 3 Ket amin a tattao iti daytoy nadangkes a nasion a sibibiag pay ken pinapanawko a napan kadagiti sabali a pagilian ket kunadanto, 'Mataykami laengen ngem ti agtuloy nga agtalinaed a sibibiag kadagitoy a pagilian.' Pumudnonto dayta gapu ta Siak, a ni Yahweh, ti nangibaga iti daytoy."

\s5
\v 4 Kinuna ni Yahweh kaniak, "Jeremias, ibagam kadagiti tattao a Siak, a ni Yahweh, kastoy ti ibagbagak kadakuada: 'No kasta a maitublak dagiti tattao, saan kadi tumakderda manen? No kasta nga agdaldaliasat dagiti tattao ket maduktalanda a a sabali a dalan ti pagpagnaanda, saan kadi nga agsublida ket birukenda ti umno a dalan?
\v 5 Wen, kasta ti aramidenda, isu nga apay a dagitoy a tattao ti Juda ket itultuloyda ti agtaltalek kadagiti didiosen a nangallilaw kadakuada? Itultuloyda ti mangtaltallikud kaniak ket saanda a tinungpal ti tulagko, uray binallaagak ida maipapan iti mapasamakto.

\s5
\v 6 Dimngegak a nasayaat iti ibagada, ngem saanda ibaga ti rumbeng nga ibagada. Awan ti uray maysa kadakuada ti nagbabawi gapu iti panagbasolda. Awan ti uray maysa nga agkuna, "Nakaaramidak iti kinadangkes." Agbasbasolda ken ar-aramidenda ti kaykayatda; Iyad-addada ti panagbasbasolda, arigda la ti maysa a darasudos a kabalio nga agtaray a mapan iti tengnga ti paggugubatan.
\v 7 Amin dagiti billit nga agtayab nga agpaabagatan gapu iti lamiis ket ammo dagitoy ti tiempo a kasapulan nga agpaabagatandan, ket agsublida amin iti umiso a tiempo iti sumaruno a tawen. Ngem dagiti tattaok ket saan a kas kadagitoy a billit! Saanda nga ammo ti kayatko, Siak, a ni Yahweh nga aramidenda.

\s5
\v 8 Dagiti tattaoyo a nangisuro kadakayo kadagiti linteg nga insurat ni Moises ket ibagbagadan dagiti palso a banbanag maipapan kadagitoy a linteg. Apay ngarud nga itultuloyda nga ibagbaga, "Nasiribkami unay gapu ta adda kadakami dagiti linteg ni Yahweh"?
\v 9 Dagitoy a manursuro, a mangipagpagarup a nasiribda, ket mabainan ken maupaydanto inton maipanda kadagiti sabali a pagilian babaen kadagiti kabusorda gapu ta nagbasolda babaen iti pangilaklaksidda iti imbagak kadakuada. Pudno, saanda a kasta kasirib a mangaramid iti dayta!
\v 10 Isu nga itedkonto dagiti assawada iti sabali a lallaki; itedkonto dagiti talonda kadagiti kabusor a soldado a mangparmek kadakuada. Amin dagiti tattao, karaman dagiti napateg ken saan a napateg ken uray dagiti profeta ken papadik, a mangallilaw kadagiti dadduma tapno maalada laeng dagiti sanikuada.

\s5
\v 11 Agtignayda a kasla awan aniamanna dagiti basol dagiti tattaok, kas kadagiti sugat a saan a kasapulan a dalusan ken baredbedan. Ibagada kadagiti tattao a nasayaatto ti pagbanaganda, ngem saan a pudno dayta; saanto a nasayaat ti pagabanaganda.
\v 12 Rumbeng koma a mabainda no kasta a makaaramidda kadagiti makarimon a banbanag, ngem saanda pay nga ammo no kasano nga ipakita kadagiti rupada a mabainda maipapan kadagiti basbasolda. Isu a mapapataydanto, ket maipaiddanto met dagiti bangkayda kadagiti bangkay dagiti dadduma a pinapatay dagiti kabusorda. Mapapataydanto inton dusaek ida.
\v 13 Palubosakto dagiti kabusorda a mangala kadagiti igos ken ubas nga apiten dagiti tattao kadagiti taltalonda. Manglaylayto amin dagiti kayoda nga agbungbunga. Saandanto a maawat dagiti amin a bendision nga insaganak para kadakuada. Awan duadua a mapasamakto daytoy gapu ta Siak, a ni Yahweh, ti nangibaga iti daytoy.' "

\s5
\v 14 Ket kunaento dagiti tattao, "Apay a rumbeng nga agur-uraytayo ditoy ayan dagiti babassit nga ili? Rumbeng a mapantayo kadagiti siudad nga addaan kadagiti nangato a pader a nanglawlaw kadagitoy, ngem uray no aramidentayo dayta, mapapataytayonto sadiay, gapu ta inkeddengen ni Yahweh a Diostayo a masapul a mapapataytayo; arigna a kasla inikkannatayo iti kopa ti sabidong nga inumentayo, gapu ta nagbasoltayo kenkuana.
\v 15 Nangnamnamatayo a nasayaat ti pagbanagantayo, ngem saan met a nasayaat ti nagbanagantayo. Nangnamnamatayo a makabangon ken agbalintayo manen a nabileg, ngem dagiti laeng banbanag a mangbutbuteng kadatayo ti mapaspasamak kadatayo.

\s5
\v 16 Mangmangngegen dagiti tattao nga adda iti amianan ti Dan a siudad dagiti Israelita ti banang-es dagiti kabalio dagiti agsagsagana a mangraut kadatayo. Kasla aggunggunggon ti entero a daga bayat nga umas-asideg ti armadada; umayda a mangdadael iti dagatayo ken amin a banag nga adda iti daytoy, dagiti tattao ken dagiti siudad."
\v 17 Kuna ni Yahweh, "Ibaonkonto dagiti kabusor a soldado idiay Juda, ket agbalindanto a kasla nagita nga uleg iti ayanyo. Awanto ti siasinoman a makabael a mangpasardeng kadakuada iti panangdarupda kadakayo; darupendakayonto a kas iti ar-aramiden dagiti uleg ket papatayendakayonto."

\s5
\v 18 Riningbawan ti panagladingitko ti aniaman a ragsakko para kadagiti tattao ti Juda. Nakaro ti ladingitko.
\v 19 Iti entero a dagatayo, saludsoden dagiti tattao, "Pinanawan kadin ni Yahweh ti Jerusalem? Isuna nga ari ti siudadtayo ket awan kadin sadiay?" Insungbat ni Yahweh, "No kayatda nga addaak iti Jerusalem, apay nga agdaydayaw dagiti tattao kadagiti didiosen ken ganggannaet a didiosen?"

\s5
\v 20 Kuna dagiti tattao, "Nalpasen ti panawen ti panagapit, nagpatinggan ti panawen ti kalgaw, ngem saannatayo pay laeng nga inispal ni Yahweh manipud kadagiti kabusortayo."
\v 21 Agsangitak gapu ta narumek dagiti tattaok. Agladingitak, ken naan-anay a maupayak.
\v 22 Sinaludsodko, "Sigurado nga adda agas idiay rehion ti Galaad! Sigurado nga adda dagiti mangngagas sadiay!" Ngem nakaro unay ti pannakasugat dagiti tattaok, ket awan ti siasinoman a makaagas kadakuada.

\s5
\c 9
\p
\v 1 "Makapaadda la koma ti ulok iti adu a lua a kas kaadu iti danum ti maysa nga ubbog, ken dagiti matak ket kasla burayok ti lulua, agsipud ta agsangitak iti aldaw ken rabii para kadagiti amin a tattaok a pinapatay dagiti kabusorda.
\v 2 Mabalin la koma a panawak dagiti tattaok ken lipatek ida, ket mapanak agnaed iti maysa a kalapaw idiay let-ang, gapu ta saanda a nagtalinaed a napudno kenni Yahweh; bunggoy ida dagiti tattao a mangal-allilaw kadagiti dadduma.
\v 3 Usarenda dagiti dilada nga agulbod a kas iti panangibiat dagiti tattao kadagiti panada. Saanda a mannakabalin gapu ta napudnoda, ngem awan sardeng ti panangar-aramidda kadagiti nadangkes a banbanag. "Saandak nga am-ammo," kinuna ni Yahweh.

\s5
\v 4 Saankayo nga agtalek kadagiti kaarrubayo ken uray kadagiti kabsatyo! Aminda ket kas iti kinamanangallilaw idi ni Jacob. Agpipinnardaya ken agi-innulbodda iti tunggal maysa.
\v 5 Allilawenda dagiti gagayyemda ken saanda nga ibaga ti pudno. Agtultuloy ti pangul-ulbodda ket gapu iti dayta, nagbalinda a nalaing nga agulbod; irurumenda ti maysa kalpasanna isarunoda ti sabali agingga a mabannogda iti kasta unay a panagbasbasol.
\v 6 Nairuamda nga agulbod ken mangallilaw iti tunggal maysa, ket awan ti siasinoman a mangbigbig a Siak ti Dios.

\s5
\v 7 Kastoy ngarud ti makunak, Siak, a ni Yahweh a Mannakabalin-amin: Denggenyo a nasayaat ti ibagak: Subokekto dagiti tattaok, a kas iti panangikabil ti maysa a mammanday iti landok iti apuy tapno naan-anay a mapuoran ti rugit daytoy. Gapu kadagiti amin a dakes a banbanag a naaramid dagiti tattaok, awanen a pulos ti maaramidak.
\v 8 Makasugat kadagiti tattao ti ibagada a kas iti pana nga adda sabidongna. Kunada kadagiti kaarrubada, 'Sapay koma ta nasayaat ti pagbanaganyo,' idinto ta pangpanggependa a papatayen ida.
\v 9 Saanko kadi a rumbeng a dusaen ida gapu iti panangaramid iti dayta? Wen, awan duadua a rumbeng nga agibalesak kadagiti tattao iti maysa a nasion nga agar-aramid kadagiti banbanag a kas iti dayta!"

\s5
\v 10 Isu nga agsangit ken agdung-awakto para kadagiti tattao nga agnanaed kadagiti kabanbantayan ken kadagiti pagpastoran, gapu ta agbalinto a langalang dagidiay a disso, ket awan ti siasinoman nga agnaedto sadiay. Awanto dagiti baka nga ageemmak sadiay, ken dagiti amin a billit ken dagiti atap nga ayup ket pumanaw a mapan kadagiti sabali a lugar.
\v 11 Kuna pay ni Yahweh, "Pagbalinekto ti Jerusalem a gabsuon dagiti nadadael, ket dagiti laeng atap nga aso ti agnaedto sadiay. Dadaelekto dagiti ili ti Juda, pagpapanawandanto dagitoy; awanto ti tao nga agnaed sadiay"
\v 12 Kinunak, "Dagiti laeng tattao a nasirib unay ti makaawat kadagitoy a banbanag. Dagiti laeng sinuroan ni Yahweh ti makailawlawag kadagitoy a banbanag kadagiti dadduma. Dagiti laeng nasirib a tattao ti makailawlawag no apay a naan-anayto a madadael ti daga nga agbanag a tunggal maysa ket mabutengto nga agdaliasat iti daytoy."

\s5
\v 13 Insungbat ni Yahweh, "Mapasamakto dagitoy a banbanag gapu ta saan a tinungpal dagiti tattaok dagiti lintegko nga intedko kadakuada; saanda a nagtulnog kaniak wenno kadagiti bilinko.
\v 14 Ngem ketdi, impapilitda nga inaramid dagiti banbanag nga adda iti kaunnganda a kayatda nga aramiden. Nagdaydayawda kadagiti didiosen a mangibagbagi kenni Baal, nga isu ti inaramid dagiti kapuonanda.

\s5
\v 15 Isu nga ita, dumngegkayo iti ibagak, Siak, a ni Yahweh a Mannakabalin-amin a Dios dagiti Israellita: Ti aramidekto ket arigna nga ikkakto dagitoy a tattao iti napait a kanenda ken sabidong nga inumenda:
\v 16 Iwarakto ida kadagiti adu a nasion a saanda pay nga ammo uray dagiti kapuonanda; Ikkakto iti kabaelan dagiti kabusorda a mangduyok kadakuada iti kampilan agingga a madadaelko ida."

\s5
\v 17 Kastoy ti kuna ni Yahweh a Mannakabalin-amin: "Panunotenyo ti mapaspasamak, ket paayabanyo dagiti babbai nga agladladingit no kasta nga adda maysa a tao a natay.
\v 18 Ibagayo kadakuada nga umayda a dagus ket rugianda ti agdung-aw, nga agbanag iti dagus a panagarubos dagiti lua kadagiti matayo.

\s5
\v 19 Denggenyo dagiti tattao ti Jerusalem nga umaw-awag a kunada, 'Nadadaeltayon! Napadasantayon dagiti nakaam-amak a didigra! Ita, Naibabaintayo unay, gapu ta dinadael dagiti kabusortayo dagiti balaytayo, ken mapilitantayo a mangpanaw iti dagatayo.'
\v 20 Dakayo a babbai, denggenyo ti kuna ni Yahweh. Ipangagyo dagiti sasaona. Suroanyo dagiti annakyo a babbai nga agdung-aw. Suroanyo ti tunggal maysa nga agkanta kadagiti pangdung-aw a kanta,

\s5
\v 21 gapu ta matayto dagiti tattao kadagiti balay ken palasioyo. Awanto a pulos ti ub-ubbing nga agay-ayam kadagiti kalsada, awanto a pulos ti agtutubo a lallaki nga agu-urnong kadagiti pagpasiaran iti siudad.
\v 22 Addanto dagiti bangkay a maiwara a kasla rugit kadagiti taltalon; maidasayto sadiay dagiti bangkay a kasla bukel nga inwara dagiti agan-ani, ken awanto ti siasinoman a sibibiag pay a mangitabon kadakuada.

\s5
\v 23 Kastoy ti kuna ni Yahweh: "Saan a rumbeng nga ipalangguad dagiti nasirib a lallaki ti maipapan iti kinasiribda, saan a rumbeng nga ipalangguad dagiti nabileg a lallaki ti maipapan iti kinabilegda; ken saan a rumbeng nga ipalangguad dagiti nabaknang a tattao ti maipapan iti kinabaknangda.
\v 24 Ngem ketdi, dagiti kayatna ti agpalangguad ket rumbeng nga ipalangguad ti ammoda maipapan kaniak ken maipapan iti pannakaawatda a Siak ni Yahweh, a naasiak, patas ken nalintegak, a pudpudno nga ay-ayatek dagiti tattao, ken maragsakanak kadagiti tattao nga agtignay iti kasta a wagas.

\s5
\v 25-26 Addanto tiempo a dusaek dagiti amin a tattao a nakugit nga agpayso ngem saan a nabaliwan ti kaungganda: dagiti taga-Egipto, Moab, Edom, ken ti bunggoy dagiti tattao nga Ammon, dagiti amin nga agnanaed iti asideg ti disierto a disso nga adayo iti Juda. Dusaekto uray dagiti tattao ti Israel gapu ta nakugitda laeng iti akin-ruar, ken iti pisikal, ket saan nga iti akin-uneg, iti kaungganda."

\s5
\c 10
\p
\v 1 Dakayo a tattao ti Israel, dumngegkayo iti kuna ni Yahweh:
\v 2 "Saankayo nga agtignay a kas iti panagtignay dagiti tattao iti sabali a nasion, ken saankayo nga agbuteng kadagiti naidumduma a banbanag a makitayo iti tangatang, uray no pagbutngan dagitoy dagiti tattao kadagiti sabali a nasion.

\s5
\v 3 Awan serserbi dagiti kaugalian dagiti tattao kadagiti sabali a nasion. Kas koma iti panangputedda iti maysa a kayo idiay kabakiran. Kalpasanna, mangputed ti maysa a nalaing a kumikitikit iti paset daytoy ket usarenna ti paetna tapno mangkitikit iti didiosen manipud iti dayta a paset ti kayo.
\v 4 Kalpasanna, arkosan dagiti tattao ti didiosen iti pirak ken balitok. Ket lansaanda daytoy tapno saan a matumba.
\v 5 Ket agtakder ti didiosen sadiay a kasla bambanti iti maysa a talon a namulaan kadagiti pipino. Saan a makasao daytoy, ken masapul a bagkaten dagiti tattao gapu ta saan a makapagna daytoy. Saankayo nga agbuteng kadagiti didiosen gapu ta saan a kabaelan dagitoy ti mangdangran, ken saan a makaaramid dagitoy iti aniaman a banag a nasayaat a makatulong iti siasinoman."

\s5
\v 6 O Yahweh, awan ti kas kenka. Naindaklanka, ken mannakabalinka unay.
\v 7 Sika ti ari dagiti amin a nasion! Rumbeng a raemendaka dagiti amin, gapu ta dayta ti maikari kenka. Awan ti kas kenka kadagiti amin a nasirib a tattao iti daga ken kadagiti amin a pagarian a pagnanaedanda.

\s5
\v 8 Nakuneng ken maag dagiti tattao a mangipagpagarup a nasiribda unay. Dagiti didiosen a daydayawenda ket naaramid laeng iti kayo! Awan duadua a saan a masuroan ida dagiti didiosen iti uray ania a banag.
\v 9 Pitpiten dagiti tattao ti pirak manipud Tarsis ken balitok manipud Ufas agingga nga umimpis, ket itedda dagitoy a napitpit a pirak ken balitok kadagiti nalaing a kumikitikit tapno ikalupkopda kadagiti didiosen. Ket kawesanda dagitoy a didiosen kadagiti nangingina a pagan-anay nga inaramid dagiti nalaing a dumadait.
\v 10 Ngem ni Yahweh laeng ti pudpudno a Dios; isuna laeng ti mannakabalin-amin a Dios, ti ari nga agturay iti agnanayon. No kasta a makaunget isuna, aggungon ti amin a daga; ket saan a maibturan dagiti tattao kadagiti nasion ti aramidenna no kasta a makaunget isuna kadakuada.

\s5
\v 11 Dakayo a tattao nga Israelita, ibagayo daytoy kadagitoy a tattao: "Saan nga inaramid dagitoy a didiosen ti langit ken ti daga, ket mapukawdanto iti daga."
\v 12 Ngem pinarsua ni Yahweh ti daga babaen iti pannakabalinna; babaen iti kinasiribna, inaramidna ti natibker a daga tapno pagtakderan ken babaen iti pannakaawatna, inyukradna ti tangatang.
\v 13 No kasta nga agsao isuna iti napigsa, aggurruod iti tangatang; pagpangpangatoenna dagiti ulep iti tunggal paset ti daga. Pagkimatenna no kasta nga agtudtudo ken paganginenna manipud iti pagiduldulinanna iti angin.

\s5
\v 14 Dagiti tattao ket kas iti kanengneng dagiti ayup ken awan a pulos ti ammoda no ania ti tartarigagayan ti Dios! Kankanayon a mabainan dagiti agar-aramid kadagiti didiosen gapu ta awan ti ar-aramiden dagiti didiosenda para kadakuada. Saan a pudno a dios dagiti ladawan nga ar-aramidenda; awan ti biag dagitoy.
\v 15 Awan serserbi dagiti didiosen; banbanagda laeng a manglais iti pudno a Dios; addanto tiempo a madadaeldanto amin.
\v 16 Ngem ti Dios a dayadayawenmi nga Israelita ket saan a kas kadagitoy a didiosen; Isuna ti nangparsua kadagiti amin a banbanag a naadda; dakami, a tribu ti Israel, isuna ti akin-kukua kadakami; isuna ti Mannakabalin-amin.

\s5
\v 17 Kastoy ti kuna ni Yahweh kadagiti tattao ti Jerusalem: "Palpalawlawan ti armada dagiti kabusoryo ti siudadyo, isu nga urnongenyo dagiti sanikuayo ket agsaganakayo a pumanaw iti siudad.
\v 18 Papanawenkayonto iti mabiit iti daytoy a daga ken ipalak-amkonto kadakayo dagiti adu a riribuk tapno malagipdakto manen."

\s5
\v 19 Insungbat dagiti tattao, "Arigna a nasugatankami iti nakaro, ken kasta unay ti ladingitmi; arigna a naaddaankami iti nakaro a sakit, ket masapul nga ibturanmi ti ut-ot.
\v 20 Arigna a nadadael ti dakkel a toldami; napugsat dagiti tali a nangtengngel iti daytoy; pinanawandakami dagiti annakmi ket saandanton nga agsubli; awan a pulos ti tattao a nabati a mangbangon manen iti dakkel a toldami.

\s5
\v 21 Nagbalin a kas kadagiti ayup dagiti mangidadaulomi; saandan a kidkiddawen kenni Yahweh nga idalanna ida, isu a saandanto a rumang-ay, ket mawarawaranto amin dagiti iturayanda.
\v 22 Denggenyo! Ti armada dagiti kabusortayo idiay amianan ket agparparnuay iti naringgor unay nga ariwawa bayat a magmagnada nga agturong iti ayantayo. Madadaelto dagiti ili ti Juda, ket agbalinto dagitoy a disso a pagnaedan dagiti atap nga aso."

\s5
\v 23 O Yahweh, ammok nga awan ti tao a makatengngel iti mapasamakto kenkuana; awan ti makabael a mangiturong kadagiti pasamak a mapadasanna.
\v 24 Isu a palintegennakami, ngem aramidem daytoy a siaalumanay. Saannakami a palintegen inton makaungetka, gapu ta mataykami no aramidem dayta.
\v 25 Dusaem dagiti tattao kadagiti amin a nasion a saan a mangbigbig a sika ket Dios; dusaem dagiti tattao kadagiti amin a nasion a saan nga agdayaw kenka, gapu ta naan-anay a daddadaelendakami a tattao ti Israel ken pagbalbalinenda ti dagami a maysanto laengen a disierto.

\s5
\c 11
\p
\v 1 Kastoy ti maysa pay a mensahe nga imbaga ni Yahweh kaniak:
\v 2 "Dumngegka iti katulagan nga inaramidko kadagiti kapuonan dagiti tattao ti Jerusalem ken kadagiti dadduma a siudad ti Juda. Kalpasanna, ibagam manen kadakuada dayta a katulagan.

\s5
\v 3 Ket ibagam kadakuada, a Siak a ni Yahweh a Dios a daydayawen dagiti Israelita, nga imbagak nga ilunodkonto ti amin a saan nga agtulnog kadagiti naisurat iti dayta a katulagan nga inaramidko kadakuada.
\v 4 Daytoy met laeng ti katulagan nga inaramidko kadagiti kapuonanda idi inruarko ida iti Egipto. Nakaay-ay-ay ti napasamak kadakuada idiay Egipto; kasla da la agnanaed iti napudot nga urno. Idi inruarko ida iti Egipto, imbagak kadakuada nga agtulnogda kaniak, ken aramidenda amin nga imbilinko kadakuada. Imbagak pay kadakuada a no agtungpalda kaniak, agbalindanto a tattaok ket Siakto ti Diosda.
\v 5 Ita, ibagam kadagitoy a tattao a no agtulnogda kaniak, aramidekto ti inkarik nga aramidek para kadagiti kapuonanda. Ipaluboskonto nga agtultuloyda nga agnaed iti daytoy a nadam-eg unay a daga a pagnanaedanda ita." Insungbatko, "O Yahweh, agtalekak kenka a ti imbagam ket mapasamakto."

\s5
\v 6 Kalpasanna, kinuna ni Yahweh kaniak, "Mapanka kadagiti kalsada ti Jerusalem ken kadagiti dadduma a siudad ti Juda. Iwaragawagmo ti mensahek kadagiti tattao. Ibagam kadakuada a dumngegda iti katulagan nga imbagak kadagiti kapuonanda ket tungpalenda daytoy.
\v 7 Idi inruarko dagiti kapuonanda iti Egipto, sipapasnekko a kiniddaw kadakuada iti mamin-adu a daras nga agtulnogda kaniak, ket kidkiddawek pay laeng ita kadakuada.
\v 8 Ngem saanda a nagtulnog kaniak wenno impangagdak man laeng koma. Intultuloyda amin ti nagsukir ken nagaramid kadagiti dakes a banbanag a kayatda nga aramiden. Imbilinko kadakuada nga aramidenda ti naisurat iti katulagan, ngem nagkedkedda. Isu a dinusak ida iti amin a wagas nga inkarik nga aramidek."

\s5
\v 9 Kalpasanna, kinuna ni Yahweh kaniak, "Bumusbusor kaniak dagiti tattao ti Jerusalem ken dagiti dadduma a siudad ti Juda.
\v 10 Saan a nagtungpal dagiti kapuonanda a mangaramid iti imbagak kadakuada nga aramidenda, ket ita, sinublian dagitoy a tattao ti panagar-aramid kadagiti basol nga inaramid dagiti kapuonanda. Nagdaydayawda kadagiti didiosen. Saan a nagtulnog dagiti tattao ti Israel iti katulagan nga inaramidko kadagiti kapuonanda, ket ita, kasta met laeng ti inaramid dagiti tattao ti Juda.

\s5
\v 11 Isu nga ita, Siak a ni Yahweh, balballaagak ida a mangpataudakto kadagiti didigra nga umay kadakuada ket saandanto a makalibas. Ket inton umawagda nga agpatulong kaniak, saankonto ida nga ipangag.
\v 12 Inton mapasamak dayta, mangidatagto dagiti tattao ti Jerusalem ken dagiti dadduma a siudad idiay Juda kadagiti daton ken mapuoran nga insenso kadagiti didiosenda ket agpatulongda kadakuada, ngem saanto ida a kabaelan nga isalakan dagitoy a didiosen inton dumteng kadakuada dagitoy a didigra.
\v 13 Adu itan ti didiosen iti Juda a kas kaadu dagiti ili ti Juda; nangipatakder dagiti tattao ti Jerusalem kadagiti adu nga altar a pagpuoran iti insenso para kadagitoy a didiosen a kas kaadu dagiti kalsada iti Jerusalem.

\s5
\v 14 Jeremias, saanmo nga ikararagan dagitoy a tattao ken saanmo nga ipakaasi kaniak nga ispalek ida. No agpakaasika kaniak, saankonto nga ipangag; ket no umawagda nga agpatulong kaniak inton marigrigatanda, saankonto ida a denggen."
\v 15 Ket kinuna ni Yahweh, "Awanen ti karbengan dagiti ay-ayatek a tattao ti Juda nga umay iti templok, gapu ta agtultuloy ti pangar-aramidda kadagiti adu a dakes a banbanag. Ipagarupda a ti agtultuloy a panangidatonda kaniak iti karne ket sigurado a mangsalaknibto kadakuada manipud kadagiti didigra, ket mabalindanto ti agrag-o.
\v 16 Kinunak idi kadakuada a kasla da la naraboy a kayo nga olibo nga addaan kadagiti nasayaat a bunga, ngem ita, ibaonko dagiti kabusorda a mangdarup kadakuada; a kasla tuktukkolekto dagiti sangada, ket madadaelto ti siudadda babaen iti apuy.

\s5
\v 17 Kasla napintas a kayo nga olibo dagiti tattao ti Juda ken Israel a Siak a ni Yahweh, a Mannakabalin-amin, ti nangimula, ngem ita, pinagpungtotdak unay, gapu iti panagpupuorda iti insenso a maipaay iti diosda a ni Baal. Isu nga ita, inkeddengko a dadaelen ida."

\s5
\v 18 Impakaammo ni Yahweh kaniak a pangpanggependak a patayen dagiti kabusorko.
\v 19 Sakbay nga inaramidna dayta, naiyarigak iti maysa nga urbon a karnero a maiturturong tapno maparti; saanko nga ammo ti pangpanggependa nga aramiden. Saanko nga ammo nga ibagbagada, "Pukanentayo daytoy a kayo ken dadaelentayo dagiti bungana," isu a saanko nga ammo a pinanggepdak a patayen, tapno awan ti makalagip kaniak.
\v 20 Ket inkararagko, "O Yahweh, a Mannakabalin-amin, patas ti panangikeddengmo kadagiti tattao, ken suksukimatem dagiti amin a banag a panpanunotenmi. Ipalubosmo a makitak ti panangbalesmo kadagiti tattao a mangpangpanggep a mangpatay kaniak, gapu ta agtalekak a naimbag ti aramidem kaniak."

\s5
\v 21 Dagiti lallaki iti bukodko nga ili nga Anatot, ti nangpanggep a mangpatay kaniak, ket imbagada kaniak a patayendak no saanko nga isardeng ti panangipadpadtok iti imbaga ni Yahweh kaniak nga ibagak.
\v 22 Isu a kinuna ni Yahweh a Mannakabalin-amin maipanggep kadakuada, "Dusaekto ida. Mapapatayto dagiti agtutuboda a lallaki kadagiti gubat, ken matayto dagiti annakda gapu ta awan ti taraonda.
\v 23 Nangitudingak iti tiempo a panangiyegkonto kadagiti didigra kadagiti tattao ti Anatot, ket inton mapasamak dayta, awanto ti agbati a sibibiag kadakuada."

\s5
\c 12
\p
\v 1 O Yahweh, tunggal ibagak kenka a saanak a naragsak maipanggep iti mapaspasamak kaniak, kankanayonka nga agtigtignay a sililinteg. Isu nga ita, palubosannak nga agsaludsod maipanggep iti maysa pay a banag a saanko a maawatan: Apay a masansan a narang-ay unay dagiti nadangkes a tattao? Apay a nasayaat unay ti pagbanbanagan dagiti ulbod a tattao?
\v 2 Pinalubosam ida a rumang-ay a kasla kadagiti kayo a dumakkel ken agbunga iti adu. Kankanayon a nasayaat dagiti banbanag nga ibagbagada maipanggep kenka, ngem kadagiti kaungganda, pudno nga adayoda kenka.

\s5
\v 3 Ngem Yahweh, no maipapan kaniak, ammom ti adda iti kaunggak. Makitkitam ti aramidko ken kabaelam nga ammoen ti panpanunotek. Isu nga iguyodmo dagitoy a nadangkes a tattao, a kas iti panangiguyod dagiti tattao kadagiti karnero nga ip-ipanda iti pagpartian. Ilasinmo ida a kasla iti karnero a ngan-nganin mapapatay!
\v 4 Agmagmaga unayen daytoy a daga ken uray dagiti ruot ket aglaylaylayen. Natay aminen dagiti atap nga ayup ken dagiti billit gapu ta nadangkes unayen dagiti tattao. Napasamak amin daytoy gapu ta kinuna dagiti tattao, "Saan nga ammo ni Yahweh ti ar-aramidentayo!"

\s5
\v 5 Ket tapno ipakitam kaniak a kasapulan a nakasaganaak a mangibtur uray kadagiti nakarkaro a pakarigatan, kinuna ni Yahweh kaniak, "Kaslaka nabannog iti pannakilumbam kadagiti lallaki, isu a kasanomto a mabaelan ti makilumba kadagiti kabalio? No nakasaganaka laeng a tumaray iti nawaya a daga, anianto ngarud ti mapasamak kenka inton agtartarayka iti kasamekan iti asideg ti Karayan Jordan?
\v 6 Sinuppiatdakan dagiti kakabsatmo ken dagiti dadduma a kameng iti bukodmo a pamilia. Nagpanggepda iti dakes kenka ken agsasaoda kadagiti dakes a banbanag maipanggep kenka. Isu nga uray no agsasaoda iti nasayaat a banbanag maipanggep kenka, saanmo ida a pagtalkan.

\s5
\v 7 Binaybay-akon dagiti tattaok nga Israelita, dagiti tattao a pinilik a kukuak. Pinalubosak dagiti kabusorda a mangparmek kadagiti tattao a patpatgek.
\v 8 Dagiti tattaok ket nagbalindan kaniak a kasla maysa a leon iti kabakiran. Arigna a ngerngerngerandak, isu nga ita, kagurak idan.
\v 9 Dagiti tattao a pinilik ket nagbalindan a kasla burikburikan nga uwak a napalawlawan kadagiti buitre nga agur-uray a mangan kadagiti lasagda inton matayda. Ibagayo kadagiti amin nga atap nga ayup nga umayda ket kanenda ti lasag dagiti bangkayda.

\s5
\v 10 Adu a mangiturturay manipud iti sabali a pagilian ti immay a kakuyogda dagiti armadada ket dinadaelda dagiti tattaok nga inay-aywanak a kas iti panangaywan ti maysa a mannalon iti kaubasanna. Ti napintas a dagak ket pinagbalinda a desierto nga awan ti agnanaed.
\v 11 Pinagbalinda daytoy a naan-anay nga unga-ong; Isu nga ita, kaslaak la agladladingit iti pannakatay ti maysa nga ipatpateg. Langalang ti entero a daga, ket awan ti mangilala iti daytoy.

\s5
\v 12 Nagdaliasat dagiti soldado dagiti kabusormi kadagiti amin a let-ang a tapaw dagiti turod. Ngem, Siak a ni Yahweh, us-usarek dagitoy nga armada a mangdusa iti dagayo manipud iti maysa a pungto agingga iti bangir, ket awanto ti makalibas.
\v 13 Kasla la nagmula dagiti tattaok iti trigo, ngem ita, agap-apitda kadagiti sisiit. Nabannogda unayen gapu iti nagaed unay a panagtrabaho, ngem awan ti nagunggonada kadagita amin a trabaho. Maupaydanto iti napalalo gapu ta bassit unay dagiti apitda, ket mapasamakto dayta, gapu ta Siak a ni Yahweh, napalalo ti pungtotko kadakuada."

\s5
\v 14 Kastoy pay ti kinuna ni Yahweh kaniak: "Dusaekto dagiti kabangibang a dakes a nasion a mangayat a mangsakup iti daga nga intedko kadagiti tattaok nga Israelita. Pagtalawekto ida kadagiti bukodda a daga. Ngem ipurruakkonto met dagiti tattao ti Juda iti ruar dagiti dagada.
\v 15 Ngem iti saan nga agbayag, agtignayakto manen a siaasi kadagitoy a nasion, ket isublikto manen ida kadagiti bukodda a daga. Agsublinto ti tunggal puli iti bukodda a daga.

\s5
\v 16 Ket no dagiti tattao iti sabali a nasion nga akin-armada kadagiti nangraut iti Israel ket masursuroda ti kaugalian dagiti tattaok nga Israelita, ken no masursuroda a dumdumngegak no sipapasnekda nga agkari a mangaramidda iti maysa a banag, a kas iti insuroda kadagiti tattaok a mamatida a dumdumngeg ti diosda a ni Baal no sipapasnekda nga agkari, parang-ayekto ida, ken agbalindanto met a tattaok.
\v 17 Ngem pagtalawekto ti aniaman a nasion nga akin-tattao kadagiti tattao saan nga agtulnog kaniak, ket dadaelekto dayta a nasion ken dagiti tattao daytoy. Siguradonto a mapasamak dayta gapu ta Siak a ni Yahweh, ti nangibaga iti daytoy."

\s5
\c 13
\p
\v 1 Maysa nga aldaw, kinuna ni Yahweh kaniak, "Mapanka gumatang iti akin-uneg a pagan-anay a lino. Isuotmo daytoy, ngem saanmo a lablabaan daytoy.
\v 2 Isu a gimmatangak iti napintas unay nga akin-uneg a pagan-anay, nga imbaga ni Yahweh kaniak nga aramidek, ket insuotko daytoy.
\v 3 Ket iti saan a nagbayag, nangted ni Yahweh kaniak iti sabali pay a mensahe.
\v 4 Kinunana, "Mapanka iti Karayan Eufrates ket ilemmengmo ti akin-uneg a pagan-anaymo iti rengngat dagiti bato."

\s5
\v 5 Isu a napanak iti karayan ket inaramidko ti imbaga ni Yahweh kaniak.
\v 6 Iti saan a nagbayag, kinuna ni Yahweh kaniak, "Agsublika iti karayan ket alaem ti akin-uneg a pagan-anay nga imbagak kenka nga ilemmengmo sadiay."
\v 7 Isu a napanak iti Karayan Eufrates ket kinalik ti akin-uneg a pagan-anay iti rengngat a nangilemmengak iti daytoy. Ngem nadadael daytoy ken awan serserbina.

\s5
\v 8 Ket kastoy ti inted ni Yahweh kaniak a mensahe,
\v 9 "Ti napasamak iti akin-uneg a pagan-anaymo ket iparparangarangna a dadaelekto dagiti banbanag nga ipanpannakkel unay dagiti tattao ti Jerusalem ken dagiti dadduma a lugar idiay Juda.
\v 10 Saan nga impangag dagitoy a nadangkes a tattao ti ibagbagak. Ipapilitda nga aramiden ti tarigagayda nga aramiden; agdaydayawda kadagiti didiosen. Ngarud, agbalindanto a naan-anay nga awan serserbina, a kas iti akin-uneg a pagan-anaymo.
\v 11 Kas iti kairut ti pannakaisuot ti akin-uneg a pagan-anay iti siket ti maysa a lalaki, kayatko a kasta met ti kairut ti panagkapet kaniak dagiti tattao ti Israel ken Juda. Kayatko nga agbalinda a tattaok, tattao a mangidayaw ken mangitan-ok kaniak. Ngem saandak nga impangag.

\s5
\v 12 Isu nga ibagam daytoy kadakuada: 'Kuna ni Yahweh a Dios a daydayawen dagiti Israelita, a nasken a mapunno iti arak ti tunggal lalat a pagkargaan iti arak.' Ket inton ibagam dayta kadakuada, isungbatdanto, 'Wen, ammomi a nasken a mapunno iti arak dagiti amin a lalat a pagkargaan iti arak!'
\v 13 Ket masapul nga ibagam kadakuada, 'Saan, saan a kasta ti kayat a sawen ni Yahweh. Ti kayat a sawen ti kinunana ket punnoennanto daytoy a daga kadagiti tattao a nabartek. A pakairamananyo amin- ti ari nga agtugtugaw iti trono a nagtugawan idi ni Ari David, dagiti padi ken dagiti profeta, ken uray dagiti gagangay a tattao iti Jerusalem.'
\v 14 Ibagbagana, 'Pagaapaenkayonto. Uray dagiti nagannak ket makiapanto kadagiti annakda. Saankayonton a kaasian wenno isakit; ti panangngaasik kadakayo ket saannakto a malapdan iti panangpapatayko kadakayo.' "

\s5
\v 15 Dakayo a tattao ti Juda, dumngegkayo a nalaing. Saankayo nga agpalangguad, gapu ta nakisao ni Yahweh kadakayo.
\v 16 Arigna nakasaganan isuna a mangiyeg iti sipnget kadakayo ken itibkulnakayo ket maitublakkayo bayat a magmagnakayo kadagiti turod inton sumipngeten. Isu a dayawenyo ni Yahweh a Diosyo sakbay a mapasamak dayta. No saanyo nga aramiden dayta, agsapulkayonto iti lawag, ngem kinasipnget ken ladingitto laeng ti makitayo.
\v 17 Ket no saanyo latta nga ipangag ti ibagbagana, pagladingitennakto ti mapasamak kadakayo gapu iti kinapalangguadyo no kasta nga agmaymaysaak. Agarubosto ti lulua kadagiti matak gapu ta dakayo, a tattao ni Yahweh, nga inay-aywananna a kas iti panangaywan ti maysa nga agipaspastor iti arbanna, ket tiliwento amin dagiti kabusoryo ket ipanda a kas balud kadagiti sabali a pagilian.

\s5
\v 18 Dakayo a tattao ti Juda, ibagayo iti ari ken iti inana, "Umulogkayo kadagiti tronoyo ket sipapakumbabakayo nga agtugaw iti daga, gapu ta ngannganin agawen dagiti kabusoryo kadagiti uloyo dagiti nadayag a koronayo."
\v 19 Lakubento dagiti kabusoryo dagiti ili iti akin-abagatan a let-ang ti Juda, ket awan ti makaasideg kadagiti beddeng dagitoy a mangispal kadagiti tattao kadagitoy nga ili. Dakayo a tattao ti Juda, matiliw ken maiyadayokayonto; maipanawkayonto amin a kas balud iti sabali a pagilian.

\s5
\v 20 Dakayo a mangidadaulo iti Jerusalem, imulagatyo dagiti matayo ket kitaenyo: nakasaganan dagiti armada a sumalog manipud iti amianan. Inton mapasamak dayta, anianto ti mapasamak kadagiti tattao ti Juda a maiyarig iti napintas nga arban ti karnero, dagiti tattao nga intedna kadakayo nga aywananyo?
\v 21 Anianto ti ibagayo no mangdutok ni Yahweh kadagiti tattao manipud iti sabali a pagilian iti mangituray kadakayo, dagiti tattao nga impagarupyo a gagayyemyo? Agsagrapkayonto iti nakaro unay nga ut-ot, a kas iti maysa a babai a ngannganin aganak.

\s5
\v 22 Saludsodenyonto kadagiti bagbagiyo, "Apay a mapaspasamak daytoy kadakami?" Isungbatkonto a daytoy ket gapu kadagiti adu a basolyo. Dayta ti makagapu nga ilukaisto dagiti armada ti palda dagiti babbaiyo ket ramesenda ida.
\v 23 Ti maysa a lalaki manipud iti Etiopia ket pudno a saanna kabaelan a baliwan ti maris ti nangisit a kudilna, ken ti maysa a leopardo ket pudno a saanna a kabaelan a baliwan dagiti labang a marisna. Kasta met, saankayo a makaaramid iti naimbag, gapu ta kankanayon a dakes dagiti ar-aramidenyo.
\v 24 Kuna ni Yahweh, "Iwarawarakayonto a kasla taep nga intayab ti angin a naggapu iti let-ang.

\s5
\v 25 Awan duadua a kastanto ti mapasamak kadakayo, mapasamakto kadakayo dagiti amin a banbanag nga inkeddengko, gapu ta linipatdak, ket agtaltalekkayo kadagiti didiosen.
\v 26 Arigna a Siakto a mismo ti mangilukais kadagiti paldayo agingga kadagiti rupayo ket ibabainkayonto unay gapu ta makitanto ti tunggal maysa dagiti ilemlemmengyo.
\v 27 Nakitak a nagtignaykayo a kas kadagiti lallaki a pagaayatna la unay ti makikaidda iti saanna nga asawa; maiyarigkayo kadagiti kalakian a kabalio nga aggaraigi no kasta a kayatna ti tumakba iti kabaian a kabalio. Nakitak nga agdaydayawkayo kadagiti makarimon a didiosen kadagiti away ken kadagiti turod. Dakayo a tattao ti Jerusalem, mapasamakto kadakayo dagiti nakabutbuteng a banbanag gapu ta saankayo a nagtulnog ken nagbiag iti nasayaat! Kaanonto pay ngata ti panagbalinyo a makaay-ayo manen kaniak?"

\s5
\c 14
\p
\v 1 Kalpasan iti nabayag a tiempo a kinaawan ti tudo iti Juda, inted ni Yahweh kenni Jeremias daytoy a mensahe:
\v 2 Nakaro ti pannakaparigat dagiti tattao ti Juda, agtugtugaw dagiti tattao iti daga ken agladladingitda; iti entero a Jerusalem, agsasangit iti napigsa dagiti amin a tattao.
\v 3 Ibaon dagiti nababaknang dagiti adipenda kadagiti bubon tapno agsakdo, ngem natianan amin a bubon. Agsubli dagiti adipenda nga awan naggian dagiti karambada; abbonganda dagiti rupada gapu ta mabainda la unay.

\s5
\v 4 Nakaro ti pannakatikag ti daga ket nagrengngat gapu iti kinaawan ti tudo. Mabain dagiti mannalon ta saanda a makamula, isu nga abbonganda met dagiti rupada.
\v 5 Uray dagiti babai nga ugsa ket panawanda dagiti kaiyanak nga annakda, gapu ta awan ti ruot kadagiti talon a kanenda.
\v 6 Agtakder dagiti atap nga asno kadagiti unga-ong a turod, agal-al-al a kas kadagiti mawaw nga atap nga aso. Nagbalinda a bulsek gapu ta awan ti ruot nga arabenda.

\s5
\v 7 Kuna dagiti tattao, "O Yahweh, no timmalikud ken nagbasolkami kenka iti mamin-adu a daras, ammomi itan a madusdusakami gapu kadagiti basolmi! Pangngaasim ta tulongannakami tapno makita ti tunggal maysa a naindaklanka unay ken tungtungpalem dagiti karim.
\v 8 Sika ti namnamaenmi nga agaramid kadagiti nasayaat a banbanag para kadakami nga Israelita no adu ti pakariribukanmi. Isu nga apay a saannakami a tulongan? Agtigtignayka a kasla maysa a ganggannaet iti dagami, arigmo ti maysa a tao nga agtalinaed ditoy iti maysa laeng a rabii.
\v 9 Nasdaawka met kadi maipanggep kadagiti nakabutbuteng a banbanag a mapaspasamak kadakami? Apay nga agtigtignayka a kasla saanmo a kabaelan nga isalakan ti siasinoman, uray pay napigsaka a mannakigubat? O Yahweh, addaka kadakami, ken ammo dagiti sabali a tattaonakami, isu a saannakami a baybay-an!"

\s5
\v 10 Ket kastoy ti kuna ni Yahweh kadagitoy a tattao: "Pagaayatyo ti mangtallikud kaniak; agsasabali a didiosen ti pagkamkamanganyo. Isu nga ita, saankayon nga awaten, ket dusaenkayonto gapu kadagiti basolyo."
\v 11 Ket kinuna ni Yahweh kaniak, "Saanmon nga ikararagan pay dagitoy a tattao.
\v 12 Inton agayunarda, saankonto nga ipangag. Inton iyegda kaniak dagiti datonda nga ayup tapno maipuor amin iti rabaw ti altar ken dagiti datonda nga arina, saankonto nga awaten dagitoy. Ngem ketdi, papatayekto ida babaen kadagiti gubat, panagbisin ken saksakit."

\s5
\v 13 Ket insungbatko kenni Yahweh, "O Yahweh a Diosko, ibagbaga dagiti profetada kadagiti tattao a saanda a mapasaran dagiti gubat ken nakaro a panagbisin. Ibagbagada kadagiti tattao nga ipalubosmonto a maaddaankami iti kappia kadagiti dagami iti adu a tawen.
\v 14 "Insungbat ni Yahweh kaniak, "Kuna dagitoy a profeta nga ibagbagada ti imbagak kadakuada nga ibagada, ngem inuulbod ti ibagbagada. Saanko ida nga imbaon, isu a palso ti ibagbagada. Ibagada a nakaawatda kadagiti sirmata manipud kaniak, ken kunada a dagiti ibagbagada ket impaltiingko kadakuada, ngem saan a pudno dayta. Minamaag dagiti banbanag nga ibagbagada nga isuda laeng a mismo iti nangpanunot.

\s5
\v 15 Isu a kastoy ti kunak maipanggep kadagiti profeta a mangipadpadto iti mapasamakto, a mangibagbaga nga imbagak kadakuada dagitoy a banbanag: Ibagbagada a dakami nga Israelita ket saanto a matay gapu kadagiti gubat wenno nakaro a panagbisin, ngem saanko nga imbaon dagitoy a profeta.
\v 16 Ket isuda a mismo, matayto gapu kadagiti gubat wenno gapu iti nakaro a panagbisin. Ket matayto met dagiti tattao a nangipadtoanda kadagitoy a banbanag, isuda ken dagiti assawada a babbai ken dagiti annakda a lallaki ken babbai gapu kadagiti gubat wenno gapu iti nakaro a panagbisin. Maiwalangto dagiti bangkayda kadagiti kalsada ti Jerusalem, ket awanto ti siasinoman a mangitabon kadakuada. Dusaekto ida a kas maiparbeng a dusada.

\s5
\v 17 Isu a Jeremias, kastoy ti ibagam kadakuada maipapan iti bagim: "Aldaw ken rabii nga agarubos dagiti luluak, saanak nga agsarsardeng nga agsangsangit. Sangsangitak dagiti tattaok, a napateg unay kaniak, a kasla da la annakko a babbai. Sangsangitak ida gapu ta nakaro ti pannakasugatda; ken saandanton nga umimbag wenno maagasan manipud iti daytoy a nakaro a sugat.
\v 18 No mapanak kadagiti away, makitak dagiti bangkay dagiti tattao a pinapatay dagiti kabusormi. No magnaak kadagiti kalsada ti siudad, makitak dagiti bangkay dagiti tattao a natay iti bisin. Agdaldaliasat dagiti profeta ken papadi iti daga, nga agkaskasaba kadagiti tattao, ngem saanda nga ammo ti ar-aramidenda.' "

\s5
\v 19 Ket kastoy ti inkararagko, "O Yahweh, linaksidmo kadin a naminpinsan dagiti tattao ti Juda? Pudno kadi awanen serserbi kenka dagiti tattao ti Jerusalem? Apay a dinangrannakami iti nakaro, ket gapu iti dayta, saankaminton a maagasan? Ninamnamami a maaddaankami iti kappia, ngem awan ti kappia. Ninamnamami nga addanto ti tiempo a maagasankami, ngem amin a naawatmi ket banbanag a nagbutnganmi.
\v 20 O Yahweh, aklonenmi a nadangkeskami a tattao, ken nakaaramid met dagiti kapuonanmi iti adu a nadangkes a banbanag. Nagbasolkami amin kenka.

\s5
\v 21 Ngem Yahweh, tapno mapadayawandaka, saannakami a guaraen. Saanmo nga ibabain ti siudad nga ayan ti nagloriaan a tronom. Saannakami koma a lipaten, ken saanmo a dadaelen ti katulagam kadakami.
\v 22 Dagiti didiosen a naggapu kadagiti dadduma a nasion ket sigurado a saan a makaipaay kadakami iti tudo, ken sigurado a saanda a mapagtudo ti tangatang. O Yahweh a Diosmi, Sika laeng ti makaaramid kadagiti banbanag a kas iti dayta. Isu a mangnamnamakami a tulongannakami."

\s5
\c 15
\p
\v 1 Ket kastoy ti kinuna ni Yahweh kaniak: "Uray no bumangon da Moises ken Samuel manipud kadagiti tanemda ken agtakderda iti sangoanak ket agpakaasida kaniak para kadagitoy nga Israelita, saanakto a maasi kadagitoy a tattao. Ibagak kenka a papanawem ida iti sangoanak. Paadaywem ida kaniak!
\v 2 Ket no saludsodenda kenka, 'Sadino ti papananmi?,' ibagam kadakuada, 'Kastoy ti kuna ni Yahweh: Dagiti ibagak a masapul a matay, ket matayto: Dagiti ibagak a masapul a matay kadagiti gubat, matayto kadagiti gubat. Dagiti ibagak a masapul a matay iti bisin, matayto iti bisin. Dagiti ibagak a masapul a matiliw ken maipan kadagiti sabali a pagilian, matiliwto ken maipan kadagiti sabali a pagilian.

\s5
\v 3 Mangibaonakto iti uppat a banag a mangpukaw kadakuada: mangibaonakto kadagiti kabusor a soldado a mangpatay kadakuada babaen iti kampilan. Mangibaonakto kadagiti atap nga aso a mangiyadayo kadagiti bangkayda. Ket mangibaonakto kadagiti dadduma nga atap nga ayup a mangan kadagiti nabatbati kadagiti bangkayda.
\v 4 Gapu kadagiti nadangkes a banbanag nga inaramid ni Ari Manases iti Jerusalem, pagbutengekto dagiti tattao kadagiti amin a pagarian iti daga maipapan iti mapasamakto kadagiti tattaok idiay Juda.

\s5
\v 5 Dakayo a tattao ti Jerusalem, awanto ti maasian kadakayo. Awanto ti agsangit para kadakayo. Awanto ti mangtarigagay a saankayo koma a masakitan.
\v 6 Dakayo a tattao, tinallikudandak; intultuloyyo ti immadayo kaniak. Isu nga usarekto ti pannakabalinko a mangdusa kadakayo; naumaakon a mangngaasi kadakayo.
\v 7 Kadagiti ruangan dagiti siudadyo, iwarakayonto a kas iti panangiwara ti maysa a mannalon iti taep manipud iti trigona babaen iti panangitaepna iti daytoy. Dakayo a tattaok, saanyo a tinallikudan ti dakes a kababalinyo. Isu a pukawenkayonto, ken papatayekto pay dagiti annakyo.

\s5
\v 8 Paaduekto pay dagiti balo iti Juda, ad-aduda pay ngem kadagiti darat iti igid ti baybay. Mangiyegakto kadakayo iti armada ti kabusor a mangdadael kadagiti agtutuboyo a lallaki ken mangpasangit kadagiti innada. Ipalak-amkonto kadakayo ti nakaro a panagsagaba ket napalalonto ti butengyo.
\v 9 Ti babai nga addaan iti pito nga annak ket matalimudawto ken marigatanto nga umanges; ti aldaw para kenkuana ket arigna nga agbalin a kinasipnget, gapu ta kaaduanto kadagiti annakna ket matayto, maibabain ken malalaisto isuna. Ket dagiti annakna a sibibiag pay, ipapataykonto ida kadagiti kabusoryo. Sigurado a mapasamakto dayta gapu ta Siak, a ni Yahweh, ti nangibaga iti daytoy.

\s5
\v 10 Kinunak iti inak, "Nalidayak unay; saannak la koman nga inyanak; supsuppiaten ken ap-apaendak dagiti amin a tattao iti daytoy a daga. Awan ti siasinoman a pinaungetko babaen iti panangpautang wenno panagutang iti kuarta, ket kalpasanna makiapaak maipapan iti daytoy, ngem ilunlunoddak latta met dagiti amin a tattao."
\v 11 Ngem insungbat ni Yahweh kaniak, "Jeremias, aywananka. Ket kadagiti tiempo nga adu ti pakariribukam, umayakto kenka ket salaknibanka manipud iti kabusormo.
\v 12 Ngem dagiti kabusor ti Juda a kas iti katibker ti landok wenno gambang, ket rautendanto ti Juda manipud iti amianan, awanto ti makapasardeng kadakuada.

\s5
\v 13 Itedkonto nga awan bayadna dagiti napapateg a sanikua dagiti tattaom kadagiti kabusorda. Mapukawto kadagiti tattaom dagiti amin a napapateg a banbanag gapu kadagiti basol nga inaramidda iti entero a pagilian.
\v 14 Ibagakto kadagiti kabusorda a pilitenda ida nga agbalin a baludda tapno ipanda ida iti sabali a daga a saanda pay a napanan, ket pilitenda ida nga agbalin a tagabuda. Mapasamakto dayta gapu ta napalalo ti pungtotko kadagiti tattaom; kasla gumilgil-ayab nga apuy ti ungetko."

\s5
\v 15 Ket kinunak, "O Yahweh, ammom ti mapaspasamak kaniak. Pangngaasim ta umaynak tulongan. Dusaem dagiti mangparparigat kaniak. Saanmo koma idan nga an-anusan ken saanmo nga itulok a matayak ita. Ta agsagsagabaak gapu kenka.
\v 16 O Yahweh a Diosko, Sika ti Mannakabalin-amin; idi nakisaoka kaniak, naragsakanak iti mensahem; pinagrag-onak daytoy, ken siraragsakko nga inawat ti imbagam gapu ta kukuanak.

\s5
\v 17 Idi agraragsak dagiti tattao, saanak a pulos a nakitipon kadakuada; nagtugawak nga agmaymaysa gapu ta Sika ti mangidaldalan kaniak iti rumbeng nga aramidek. Kaungetko unay dagidiay a tattao gapu kadagiti basolda.
\v 18 Isu nga apay nga itulokmo nga agtultuloy ti panagsagabak? Arigna a saanen a maagasan dagiti sugatko. No dadduma, tultulongannak, no dadduma, saan. Arigmo ti waig a saan a mapangnamnamaan a manmano laeng nga adda danumna; arigmo ti maysa nga ubbog a natiananen."

\s5
\v 19 Ket kastoy ti insungbat ni Yahweh kaniak, kunana: "No agtalekka manen kaniak, awatenka, tapno maituloymo ti agserbi kaniak. No iwaragawagmo dagiti nasayaat a mensahe a saan ket a dagiti awan serserbina, agtultuloyto a sika ti mangisao iti ibagak kenka nga ibagam. Masapul a ti ibagam ti ipangagto dagiti tattao; masapul a saanto a ti ibagada ti ipangagmo.
\v 20 Busorendakanto, ngem salaknibankanto, a kas kadagiti tattao a nasalakniban kadagiti kabusorda babaen iti pader a bronse. Saandakanto a maparmek, gapu ta addaakto kenka, ket salakniban ken ispalenka.
\v 21 Pudno, pagtalinaedenkanto a natalged manipud kadagidiay a nadangkes a tattao, ispalenkanto inton tiliwendaka dagiti naranggas a tattao. Mapasamakto dayta gapu ta Siak, a ni Yahweh, ti nangibaga iti daytoy."

\s5
\c 16
\p
\v 1 Inikkannak ni Yahweh iti sabali pay a mensahe. Kunana kaniak,
\v 2 "Saanka a makiasawa ken maaddaan iti annak iti daytoy a daga,
\v 3 gapu ta Siak a ni Yahweh, kastoy ti ibagak maipanggep kadagiti ubbing a naiyanak iti daytoy a siudad, ken kadagiti inna ken amma:
\v 4 Adunto kadakuada ti matay gapu kadagiti nakaro a sakit. Ket awanto ti agladingit gapu kadakuada. Awanto pay ti mangipunpon kadagiti bangkayda; maiwalangto dagiti bangkay iti daga, maiwara lattan a kasla rugit. Matayto dagiti dadduma kadagiti gubat wenno gapu iti bisin, ket dagiti bangkayda agbalinto a taraon dagiti buitre ken dagiti narungsot nga ayup."

\s5
\v 5 Kastoy pay ti kinuna ni Yahweh kaniak: "Saanka a mapan kadagiti paglamayan tapno agdung-aw wenno ipakita kadagiti akin-kabagian iti natay a makipagriknaka kadakuada, gapu ta insardengkon ti panangsalsalaknibko kadakuada, ken siak ti nangiyeg kadagiti dakes a banbanag a napasamak kadakuada. Insardengkon ti napudno a panangay-ayat ken panangngaasik kadakuada.
\v 6 Adunto unay a tattao ti matay iti daytoy a daga, pakairamanan dagiti napateg ken saan a napateg. Ket awanto ti agladingit gapu kadakuada wenno uray pay mangipunpon kadagiti bangkayda. Awanto ti mangsugat iti bukodna a bagi wenno mangkuskos iti ulona tapno ipakita a napalalo ti panagladingitna.

\s5
\v 7 Awanto ti mangiyeg iti makan tapno maliwliwa dagiti agladladingit, urayno dagiti nagannakda a mismo ti agladladingit. Awanto ti mangted kadakuada iti sangakopa nga arak a mangliwliwa kadakuada.
\v 8 Ket saanka a mapan kadagiti balay a pagrarambakan dagiti tattao. Saanka a makipangan wenno makiinom kadakuada iti uray ania.
\v 9 Kayatko a kastoy ti aramidenyo gapu ta kastoy ti kunak, Siak, a ni Yahweh a Mannakabalin-amin: ‘Bayat a sibibiagka pay laeng ken makitkitam daytoy a mapaspasamak, gibusakto ti panagkakanta ken panagkakatawa iti daytoy a daga. Awanton ti mangngegan a naragsak a timek dagiti nobio ken nobia.

\s5
\v 10 No ibagam dagitoy a banbanag kadagiti tattao, saludsodendanto, 'Apay met ngay a kastoy ti inkeddeng ni Yahweh a mapasamakto kadatayo dagitoy a nakabutbuteng a banbanag? Ania la unay aya ti naaramidmi ta nasken a madusakami iti kas iti daytoy? Ania la unay aya ti nagbasolanmi kenni Yahweh a Diostayo?'
\v 11 Ket kastoy ti rumbeng nga ibagam a sungbatko kadakuada: 'Daytoy ket gapu iti panangtallikud dagiti kapuonanyo kaniak, Siak a ni Yahweh. Nagdaydayawda kadagiti didiosen ken nagserbida kadakuada. Tinallikudandak ken saanda a tinungpal dagiti bilinko.

\s5
\v 12 Ngem dakayo a sibibiag ita ket ad-adda pay ti kinadangkes nga inaramidyo ngem iti inaramid dagiti kapuonanyo! Tunggal maysa kadakayo ket ipatangkenyo nga ar-aramiden dagiti dakes a banbanag a kayatyo nga aramiden ken saanyo a kayat nga ipangag ti ibagbagak.
\v 13 Isu nga iruarkayonto iti daytoy a daga ket ipankayonto iti daga a saanyo pay a pulos a nangngegan ken saan met a nangngegan dagiti kapuonanyo. Sadiay, aldaw ken rabii nga agdayawkayonto kadagiti didiosen. Ket saanakto a maasian kadakayo.'

\s5
\v 14 Ngem dumtengto ti tiempo inton dagiti tattao a mangisapsapata nga aramidenda ti maysa a banag ket saandanton a kunaen, 'Aramidek daytoy, iti nagan ni Yahweh nga adda iti agnanayon-ti nangiyeg kadagiti Israelita ditoy manipud Egipto.'
\v 15 Ngem ketdi, ibagadanto, 'Aramidekto daytoy, iti nagan ti sibibiag a Dios-a nangisubli kadatayo nga Israelita iti bukodtayo a daga, manipud kadagiti daga iti amianan ken manipud pay kadagiti amin a daga a nangipananna kadatayo a kas balud.' Maibagadanto dayta gapu ta dumtengto ti tiempo nga isublikto dagiti kaputotanyo iti daytoy a daga nga intedko kadagiti kapuonanyo.

\s5
\v 16 Ngem ita, ayabakon dagiti kabusoryo a mangtiliw kadakuada a kas iti panangtiliw ti mangngalap iti lames. Ayabak dagiti mangbirokto kadakuada iti tunggal bantay ken turod, ken iti tunggal rukib, a kas iti pananganup dagiti mangnganup iti ayup a papatayenda.
\v 17 Buybuyaek ida a naimbag. Makitkitak amin a basol nga ar-aramidenda. Saandak a mailemmengan.
\v 18 Gapu kadagiti amin a kinadangkes a banag nga inaramidda, dusaekto ida iti mamindua a daras a kas panangdusak kadagiti dadduma a tattao. Aramidekto dayta gapu ta tinulawanda ti bukodko a daga gapu iti panagdaydayawda kadagiti makarimon nga estatua dagiti didiosen, ken gapu ta pinunnoda pay ti dagak kadagiti dadduma pay a dakes a banbanag nga inaramidda."

\s5
\v 19 Kalpasanna, nagkararagak a kunak, "O Yahweh, sika ti mangpappapigsa ken mangsalsalaknib kaniak; sika ti pagkamkamangak no adda pakarigatak. Dumtengto ti aldaw nga umasideg kenka dagiti tattao iti amin a nasion iti entero a daga ket ibagada, 'Imbatiandakami dagiti kapuonanmi iti banag a saan a pudno; nagdaydayawda kadagiti didiosen nga awan a pulos ti serserbina.
\v 20 Awan ti uray maysa a makaaramid iti bukodda a dios; dagiti dios nga inaramidda ket didiosen laeng; dagitoy ket saan a pudno a dios.' "
\v 21 Kinuna ni Yahweh, "Ita, ipakitak ti pannakabalinko kadagiti tattao ti Juda; ipakitak kadakuada a pudno a manakabalinak unay. Ket iti kamauddiananna, maammoanda a Siak, a ni Yahweh, ti pudpudno a Dios."

\s5
\c 17
\p
\v 1 Kinuna ni Yahweh, "Arigna a naikitikit babaen iti landok a paet ti listaan dagiti basol a naaramid dagiti tattao ti Juda, wenno babaen iti natirad a murdong ti natangken unay a bato, naikitikit dagitoy kadagiti altar a pagdaydayawanda kadagiti didiosen, ket arigna a naikitikit daytoy a listaan kadagiti kaungganda!
\v 2 Uray dagiti annakda ket minamaag a malaglagip idi napanda kadagiti altar nga altar dagiti diosda, kadagiti tekken a mangibagi kenni Asera a didiosen a nagdaydayawan dagiti nagannakda, dagiti pagdaydayawan iti sirok dagiti amin a dakkel a kayo ken iti tuktok dagiti amin a nangangato a turturod.

\s5
\v 3 Malaglagip dagiti annakda dagitoy a lugar kadagiti turturod. Isu a palubosak dagiti kabusoryo a mangsakup iti bantay a pagdaydayawanyo ken iti disso iti aglawlaw daytoy, ket alaenda dagiti amin a kinabaknang ken gamengyo, ket papatayendakayonto. Samsamendanto dagitoy gapu kadagiti basol nga inaramidyo iti entero a dagayo.
\v 4 Ti napintas a daga nga intedko kadakayo ket saanyon a kukua. Ibagakto kadagiti kabusoryo nga ipandakayo iti daga a saanyo pay a napanan, ken agbalinkayonto a tagabuda. Aramidek dayta gapu ta nalaus ti pungtotko kadakayo; ti pungtotko ket kasla maysa nga apuy a sumged iti agnanayon."

\s5
\v 5 Kastoy pay ti kuna ni Yahweh: "Mailunodto dagiti agtalek kadagiti padana a tao a mangtulong kadakuada, dagiti agtalek iti bukodda a pigsa ken dagiti mangtallikud kaniak.
\v 6 Maiyarigda kadagiti nagango a mula iti let-ang, isuda dagiti tattao a saanto nga aglak-am iti aniaman a banbanag a naimbag. Agnaedto dagidiay a tattao iti awan mulana a disierto iti naapgad a disso, nga awan makapagnaed a sitatalged.

\s5
\v 7 Ngem maay-ayo ni Yahweh kadagiti agtalek kenkuana, ken mangnamnama kenkuana a nga aywananna ida.
\v 8 Maiyarig dagidiay a tattao kadagiti agbungbunga a kayo a naimula iti asideg ti pagayusan ti danum, dagiti kayo nga umuneg dagiti ramutna a dumanon iti nabasa a daga nga asideg iti danum. Isuda dagiti kayo nga agtalinaed a nalangto dagiti bulongna no napudot, dagiti kayo nga agtultuloy nga agbunga iti adu a bulan nga uray saan a natutudo.

\s5
\v 9 Kasta unay ti kinadakes ti panunot ti tao ket saantayo a mabaliwan dayta. Pudno a daytoy ket saan a maawatan ti siasinoman.
\v 10 Ngem Siak, a ni Yahweh, sukimatek ti adda iti kaunggan ti tunggal maysa ket sukimatek ti panpanunotenda. Gunggonaak wenno dusaekto dagiti amin a tattao, ti maiparbeng kadagiti naaramidda."
\v 11 Am-ammok dagiti tattao a bimmaknang babaen iti panangar-aramid kadagiti banbanag a saan a nainkalintegan. Maiyarigda kadagiti billit a mangpissa kadagiti itlog a saanda a kukua. Isu a no dagidiay a tattao ket nagbiag laeng iti kagudua ti tawen a namnamaenda a panagbiagda, mapukawdanto. Kalpasanna, maamiristo dagiti dadduma a tattao a nagbalin a maag dagidiay a tattao.

\s5
\v 12 O Yahweh, maiyarig ti templom iti maysa a nadayag a trono nga adda iti tapaw ti nangato a turod sipud pay a naibangon daytoy.
\v 13 Sika ti natalged a namnamaenmi a mangbendision kadakami nga Israelita, ken maibabain amin dagiti timmallikud kenka ken mariknada no ania ti kayarigan ti maisina kenka, gapu ta tinallikudandaka, Sika a maiyarig iti ubbog a saan a matianan a pangalaan dagiti tattao iti nadalus a danum.
\v 14 O Yahweh, pangngaasim ta paimbagennak, gapu ta no paimbagennak, pudno nga umimbagak. No ispalennak, pudno a natalgedak, gapu ta sika laeng ti daydayawek.

\s5
\v 15 Masansan a katkatawaandak dagiti tattao a kunada, "Imbagam a nagtaud kenni Yahweh dagiti mensahe nga imbagam kadakami, ngem apay a saan a napasamak dagiti impadtom?
\v 16 O Yahweh, dinutokannak a mangaywan kadagiti tattaom a kas iti agpaspastor a mangay-aywan iti karnerona; saanko a tinallikudan dayta a trabaho, ken ammom a saanko idi a kinayat a dumteng daytoy a tiempo ti didigra kadagiti tattao a mangkatkatawa kaniak. Ket ammom amin nga imbagak kadagiti tattaom.

\s5
\v 17 Saannak a pagbutngen! Inton dumteng dagiti didigra, sika ti pagkamangak tapno natalgedak.
\v 18 Isu nga ita, ibabain ken butbutngem dagiti mangidaddadanes kaniak, ngem saanmo nga aramiden kaniak dagitoy a banbanag a pakaigapuan ti pannakaibabainko ken pagbutbutngak. Pagbutngem ida! Aramidem kadakuada dagiti adu a banag a mangdadaelto kadakuada iti maminpinsan!

\s5
\v 19 Kastoy ti kinuna ni Yahweh kaniak: "Mapanka kadagiti ruangan ti siudad ti Jerusalem. Mapanka nga umuna iti ruangan a pagserserkan ken pagruruaran dagiti ari ti Juda iti siudad, ket kalpasanna, saggaysaem ti mapan kadagiti dadduma a ruangan.
\v 20 Ibagam kadagiti tattao iti tunggal ruangan, "Dakayo nga ari ti Juda ken tunggal maysa nga agnanaed iti Jerusalem ken dakayo amin a dadduma pay a tattao iti Juda a sumsumrek kadagitoy a ruangan, dumngegkayo iti daytoy a mensahe ni Yahweh!

\s5
\v 21 Kunana, "Dumngegkayo a nasayaat iti daytoy a ballaag no kayatyo ti agbiag! Isardengyo ti agtrabaho kadagiti Aldaw a Panaginana! Saankayon nga agaw-awit iti uray ania a lumabas kadagitoy a ruangan kadagidiay nga aldaw!
\v 22 Saankayo a mangiruar iti uray ania kadagiti balbalayyo wenno agtrabaho iti aniaman kadagiti Aldaw a Panaginana! Ngem ketdi, pagbalinenyo a nasantoan dagiti Aldaw a Panaginana. Binilinko dagiti kapuonanyo nga aramidenda dayta,
\v 23 ngem saanda a dimngeg wenno nagtulnog kaniak. Idi nangaramidak kadagiti banbanag tapno mailintegda, saanda nga impangag ti imbagak wenno saanda nga inawat daytoy.

\s5
\v 24 Ngem ibagak a no agtulnogkayo kaniak, ken saankayon nga agawit iti uray ania no lumabaskayo kadagitoy a ruangan tunggal Aldaw a Panaginana wenno agtrabaho iti uray ania iti Aldaw a Panaginana ken no idatonyo kaniak dagiti Aldaw a Panaginana,
\v 25 agtultuloyto a sumrek ken rummuar dagiti ari ti Juda ken dagiti opisialna kadagitoy a ruangan. Addanto latta a kanayon ti mangituray ditoy Jerusalem, maysa a kaputotan ni Ari David. Sumrek ken rummuarto dagiti ari ken dagiti opisialesda kadagitoy a ruangan, a nakasakay kadagiti karwahe ken kabalio, ken addanto dagiti tattao nga agnaed iti agnanayon iti daytoy a siudad.

\s5
\v 26 Ket mapanto amin dagiti tattao idiayJerusalem tapno mangiyeg kadagiti daton a naan-anay a mapuoran iti rabaw ti altar ken dagiti dadduma a daton. Iyegdanto iti templo dagiti bukel a maidaton, insenso ken dagiti daton a pagyaman kaniak. Dagitoy a daton nga iyeg dagiti tattao ket nagtaud kadagiti ili ti Juda ken kadagiti bario nga asideg iti Jerusalem ken manipud iti daga a pagnanaedan ti tribu ti Benjamin ken manipud iti akin-laud a sakaanan dagiti turod ken manipud iti abagatan a let-ang ti Juda.
\v 27 Ngem no saanyo nga ipangag ti ibagbagak, no saanyo nga idaton kaniak dagiti Aldaw a Panaginana ken no itultuloyyo ti agawit iti uray ania a lumabas kadagitoy a ruangan ti siudad kadagiti Aldaw a Panaginana, puorakto a naan-anay dagitoy a ruangan. Agwarasto ti apuy kadagiti palasio, ket awan ti siasinoman a makaiddep iti dayta nga apuy." ' "

\s5
\c 18
\p
\v 1 Inikkannak ni Yahweh iti maysa pay a mensahe. Kunana,
\v 2 "Mapanka iti puesto ti maysa a lalaki nga agar-aramid kadagiti banga. Ipakaammokto kenka ti maysa a mensahe sadiay."
\v 3 Isu a napanak iti dayta a puesto, ket nakitak ti lalaki nga agar-aramid kadagiti banga. Madama isuna nga agdamdamili.
\v 4 Ngem idi nalpasnan a naaramid ti maysa a banga, saan a napintas a kas iti namnamaenna a pagbalinan daytoy. Isu nga innalana ti pila ket sinukogna daytoy iti sabali pay a banga, sinukogna daytoy sigun iti kayatna.

\s5
\v 5 Kalpasanna, inted ni Yahweh kaniak daytoy a mensahe:
\v 6 "Nalabit a panpanunoten dagiti tattao ti Israel a saanko a maaramid kadakuada ti kas iti ar-aramiden daytoy a tao kadagiti banga a naaramiden. Ngem biddut ti panpanunotenda. Matengngelko ti mapaspasamak kadakuada a kas iti panangtengngel daytoy a tao iti ar-aramidenna iti pila nga adda iti imana.
\v 7 Mabalin nga addanto tiempo nga ipakaammok a pukawek ti maysa a nasion wenno pagarian, a kas iti panangparut ti maysa a tao iti maysa a mula ket rumekek ken dadaelek daytoy.
\v 8 Ngem no agbabawi dagiti tattao iti dayta a nasion kadagiti dakes a banbanag nga ar-aramidenda, saankonton nga iyeg ti didigra a pinanggepko kadakuada."

\s5
\v 9 Ket mabalin a dumtengto ti tiempo nga ipakaammok a mangibangonak iti maysa a nasion wenno pagarian ken papigsaek daytoy.
\v 10 Ngem no rugian dagiti tattao iti dayta a nasion ti agaramid kadagiti dakes a banbanag ken saanda nga agtulnog kaniak, saankonto ngarud ida a bendisionan kas iti imbagak nga aramidek.

\s5
\v 11 Isu a mapanka Jeremias ket ballaagam dagiti amin tattao iti Jerusalem ken iti dadduma pay a luglugar iti Juda. Ibagam kadakuada, 'Kastoy ti kuna ni Yahweh; Panggepko iyeg ti maysa a didigra nga kadakayo. Isu a rumbeng a tallikudan ti tunggal maysa kadakayo ti dakes nga ar-aramidenyo ken irugiyo ti panagaramid iti maiparbeng, tapno umay ketdi dagiti nasayaat a banbanag kadakayo!'
\v 12 Ngem isungbatto dagiti tattao kenka, 'Awan ti maganabmo a mangibagbaga kadagitoy a banbanag kadakami. Itultuloymi ti agsukir ken agtignay a sidadangkes a kas iti kayatmi.'"

\s5
\v 13 Isu a kastoy ti insungbat ni Yahweh: "Saludsodem kadagiti tattao nga agnanaed kadagiti dadduma a nasion no nangngegdan ti kasta a banag. Dagiti tattaok nga Israelita a siguden a nasin-aw a kas kadagiti birhen ket nakaaramid iti nakarimrimon a banag!
\v 14 Pudno a saan a pulos a mapukaw ti niebe kadagiti kabatbatoan a bakras dagiti bantay iti Lebanon. Saan a pulos nga agsardeng ti panagayus ti nalammiis a danum manipud kadagidiay a bantay.

\s5
\v 15 Ngem dagiti tattaok ket saan a kas kadagiti waig a mapangnamnamaan: Tinallikudandak. Agpuorda iti insenso tapno agdayawda kadagiti awan serserbina a didiosen. Kasla da la naitibkul bayat a magmagnada iti mabigbigbig ken mapangnamnamaan a dalan ket ita, magmagnada ketdi kadagiti narugit a dalan.
\v 16 Isu a nagbalin a langalang ti dagada, ket dagiti tattao a makakita iti daytoy ket agsakuntipda iti daytoy manipud ita. Agkintayegto dagiti amin a tattao a lumabas iti daytoy; agwingiwingdanto a mangipakita iti pannakakigtotda.
\v 17 Waraekto dagiti tattao no rauten ida dagiti kabusorda a kasla naiwara a tapok babaen iti angin nga aggapu iti daya. Ket inton mapasaranda amin dagitoy a didigra, tallikudakto ida ket saanko ida a tulongan."

\s5
\v 18 Ket kinuna dagiti tattao, "Umaykayo, nasken a planoentayo ti panangrauttayo kenni Jeremias. Adu met dagiti papadi a mangisursuro kadatayo kadagiti linteg ti Dios, dagiti masirib a lallaki a mangbalakad kadatayo iti nasayaat, ken dagiti profeta a mangibaga kadatayo iti mapasamak. Saantayon a kasapulan ni Jeremias! Isu a padaksentayo ketdi isuna ken saantayo nga ipangag ti aniaman nga ibagana.
\v 19 Ket nagkararagak, "O Yahweh, pangngaasim ta denggennak! Ket denggem ti ibagbaga dagiti kabusorko maipapan kaniak.
\v 20 Nasayaat dagiti ar-aramidek, isu a saan a nainkalintegan a supsupapakandak iti dakes. Arigna a nangkalida iti abut a pakatnagan ket pakatayak. Saanmo a lipaten nga iti naminsan ket nagtakderak iti sangoanam ket nagpakaasiak kenka a tulongam ida, ken inkagumaak a lappedan ti panangdusam kadakuada, uray no kasta unay ti pungtotmo kadakuada.

\s5
\v 21 Isu nga ita, ipalubosmo a matay dagiti annakda gapu iti bisin! Wenno ipapataymo ida babaen kadagiti kampilan dagiti kabusorda! Pagbalinem a balo dagiti assawada a babbai a natayan met laeng kadagiti annak! Ipapataymo dagiti assawada a lallaki iti paggugubatan!
\v 22 Pagpukkawem dagiti tattao kadagiti pagtaenganda no kellaat a sumrek dagiti soldado kadagiti babbalayda! Ipalak-ammo amin dagitoy a banbanag kadakuada gapu ta kayatdak a patayen. Arigna a nangkalida iti abut a pakatnagak, ken nangipakatda kadagiti silo iti pagnaak.
\v 23 O Yahweh, ammom amin dagiti banag a pangpanggependa tapno mapataydak. Saanmo ida a pakawanen kadagiti nagbasolanda wenno saanmo nga ikkaten iti listaan dagiti basolda. Dadaelem ida; dusaem ida gapu iti pungtotmo kadakuada.

\s5
\c 19
\p
\v 1 Kastoy ti sabali pay a mensahe nga inted ni Yahweh kaniak: "Gumatangka iti banga iti maysa a lalaki nga agar-aramid kadagitoy. Ket ikuyogmo dagiti sumagmamano a panglakayen dagiti tattao ken dagiti pangulo dagiti papadi.
\v 2 Mapanka iti pagserkan ti siudad, ti Ruangan dagiti Naburak a Banga, iti lugar a matantannawagan ti pagibellengan iti naburak a banga idiay tanap ti Hinnom. Kalpasanna ibagam kadakuada ti mensahe.
\v 3 Ibagam kadakuada, 'Daytoy a mensahe ket para kadakayo nga ari ti Juda ken kadagiti dadduma a tattao ti Jerusalem. Dumngegkayo iti ibagbaga ni Yahweh! Ibagbaga ni Yahweh a Mannakabalin-amin a Dios ti Israel nga iyegnanto ti nakaam-amak a didigra iti Jerusalem. Makigtotto dagiti makangngeg iti maipapan iti daytoy.

\s5
\v 4 Mapasamakto dayta gapu ta nagsardengkayo nga Israelita nga agdaydayaw kaniak ken pinagbalinyo daytoy a lugar a pagdaydayawanyo kadagiti didiosen. Nangpuorkayo kadagiti daton nga agpaay kadagiti didiosen nga uray dagiti kapuonanyo wenno dagiti ari ti Juda ket saanyo pay a nangngngeg ti maipapan iti daytoy. Ket pinunnoyo daytoy a lugar iti dara dagiti awan basolna a tao a pinatayyo.
\v 5 Nangipatakderkayo kadagiti altar a pagdaydayawanyo iti diosyo a ni Baal, ken kadagidiay nga altar ti nangpatayanyo kadagiti bukodyo nga annak ket indatonyo ida kenni Baal. Saanko a pulos nga imbilin nga aramidenyo dayta, saanko a pulos a sinarita ti maipapan iti panangaramid iti dayta, ken saanko a pulos nga impalubos dayta!

\s5
\v 6 Isu nga agannadkayo gapu ta Siak a ni Yahweh ti mangibagbaga a dumtengto ti tiempo a saanen a maawagan a Tofet wenno Tanap ti Hinnom daytoy a pagibellengan iti rugit; maawaganto daytoy iti Tanap a Nakapapatayan ti Adu a Tattao.
\v 7 Iti daytoy a lugar, dadaelekto dagiti panggep dagiti tattao nga agnanaed iti Jerusalem ken kadagiti dadduma pay a lugar iti Juda. Palubosakto dagiti kabusoryo nga agtartarigagay a mangpatay kadakayo nga adu ti mapapatayda kadakayo babaen kadagiti kampilanda. Ket ipaluboskonto nga agtalinaed dagiti bangkayyo iti daga tapno agpaay a taraon dagiti buitre ken dagiti narungsot nga ayup.
\v 8 Dadaelekto a naan-anay ti Jerusalem ken pagbalinekto a gabsuon ti pannakadadael nga uyawento dagiti tattao. Mabutengto dagiti amin a tattao a lumabas iti daytoy ken makigtotdanto no makitada a nadadaelen dayta a siudad.
\v 9 Palubosakto dagiti kabusoryo nga agtartarigagay a mangpatay kadakayo a manglakub iti siudad iti napaut a tiempo. Ket maibusto dagiti amin a makan, ket nalausto ti bisin dagiti tattaoyo, gapu iti dayta, dakayo a tattao iti siudad ket kanenyonto dagiti bukodyo nga annak ken dagiti annak ti kaarrubayo.'

\s5
\v 10 Kalpasan a maibagam dayta kadakuada, Jeremias bayat a buybuyaendaka dagiti tattao, burakem ti banga nga intugotmo.
\v 11 Ket ibagam kadakuada, "Kastoy ti kuna ni Yahweh a Mannakabalin-amin: Kas iti pannakaburak daytoy a banga a saanen a maisubli iti sigud a langana, Burakekto daytoy a siudad ti Jerusalem ken dagiti dadduma a lugar iti Juda. Ipunponyonto dagiti dadduma a bangkay iti daytoy a pagibellengan, agingga nga awanen a pulos ti lugar a pagipunponan kadagiti bangkay.

\s5
\v 12 Kastanto ti aramidek iti daytoy a siudad ken kadakayo nga agnanaed ditoy. Pagbalinenkayonto a saan a maikari nga agdayaw kaniak, ken agbalinto daytoy a siudad a kas iti nagbanagan ti Tofet.
\v 13 Dagiti balay iti Jerusalem ken dagiti palasio dagiti ari ti Juda ket agbalinto a narugit a kas iti pagbalinan daytoy a lugar. Amin dagiti balay a nangpuoranyo iti insenso dagiti atepna a kas panangdaydayawyo kadagiti bituen, ken nangibukbokanyo iti arak a kas datonyo kadagiti didiosenyo, ket maibilangto a narugit a pagnaedan dagiti agdaydayaw kaniak.

\s5
\v 14 Kalpasanna pimmanawak iti pagibellengan ti rugit a nangibaonan kaniak ni Yahweh tapno ibaga dayta a mensahe, ket nagtaderak iti paraangan ti templo ni Yahweh ket imbagak daytoy kadagiti amin a tattao nga adda sadiay:
\v 15 "Kastoy ti kuna ni Yahweh a Mannakabalin-amin: 'Iyegkonto ti didigra iti daytoy a siudad ken kadagiti bario iti aglawlaw daytoy a kas iti inkarik, gapu ta saanyo nga inpangag ti imbagak kadakayo."'

\s5
\c 20
\p
\v 1 Ni Passur a putot ni Immer ket maysa a padi a panguloen dagiti guardia iti templo. Nangngegna dagiti banbanag nga ipadpadtok.
\v 2 Isu a tiniliwnak. Kalpasanna, imbaonna dagiti guardia a mangsaplit kaniak ken mangikawar iti sakak kadagiti tul-ong nga adda idiay Ruangan ti Benjamin iti Templo ni Yahweh.

\s5
\v 3 Kabigatanna, idi rinuk-atannak ni Passur, kinunak kenkuana, "Passur, ikkannaka ni Yahweh iti baro a nagan. Manipud ita, ti naganmo ket agbalinen a 'Pagbutbutngan iti amin a lugar,'
\v 4 gapu ta kastoy ti kuna ni Yahweh kenka: 'Pagbalinenka ken dagiti ipatpategmo a pagbutbutngan. Mabuyamto ida a mapapatay babaen kadagiti kampilan dagiti kabusormo. Ikkakto iti kabaelan ti armada ti ari ti Babilonia a mangtiliw kadagiti tattao ti Juda. Ipanto dagiti soldado idiay Babilonia dagiti dadduma a tattao ken papatayenda dagiti dadduma babaen kadagiti kampilanda.

\s5
\v 5 Ket ipasamsamkonto kadagiti soldadoda dagiti dadduma a banbanag idiay Jerusalem: Amin a kinabaknangyo ken ti bunga ti nagbannoganyo. Ipandanto idiay Babilonia dagiti amin nga agkakapateg a banbanag a kukua dagiti ariyo.
\v 6 Ket sika, Passur, ipandakanto ken ti amin a pamiliam idiay Babilonia. Sika ken ti pamiliam ken dagiti amin a gagayyemmo a nangipadto kadagiti banbanag nga inuulbod ket matayto ken maipunponto sadiay.'"

\s5
\v 7 Maysa nga aldaw, kastoy ti kinunak kenni Yahweh: "O Yahweh, idi pinilinak tapno agbalin a profeta, inallukoynak a mangaramid iti daytoy ken pinalubosanka a mangallukoy kaniak. Impapilitmo nga agbalinak a profeta gapu ta napigpigsaka ngem siak. Ngem ita, katkatawaandak ti tunggal maysa. Agmalmalem a pagaangawandak.
\v 8 No kasta nga ibagak dagiti mensahem kadagiti tattao, ipukpukkawko nga ibaga, 'Ipalak-amto ni Yahweh kadakayo ti kinaranggas ken pannakadadael!' Isu a gapu ta imbagak kadakuada dagiti mensahem, inaldaw a laisen ken uyawendak.
\v 9 Ngem no ibagak, 'Saankon a dakamaten ni Yahweh wenno dakamaten ti aniaman a banag maipapan kenkuana, 'kasla umap-apuy ti mensahem iti kaunggak; kasla apuy daytoy kadagiti tulangko. No maminsan, padasek ti agulimek ken saanko nga ipakaammo dagiti mensahem, ngem saanko a kabaelan nga aramiden dayta.

\s5
\v 10 Nangngegko a pagiinnarasaasan dagiti adu a tattao ti maipapan kaniak, a kunada, 'Isuna ti tao a mangibagbaga nga addanto dagiti banbanag a pagbutbutngantayo iti sadinoman. Masapul nga ibagatayo kadigiti agturturay ti ibagbagana! Masapul nga ipulongtayo isuna!’ Uray dagiti kasisingedan a gagayyemko ket ur-urayenda a makaibagaak iti biddut. Ibagbagada, 'Bareng no mapagsaotayo isuna iti biddut, ket no maaramidna, mabalintayon a dangran isuna.
\v 11 Ngem sika, O Yahweh, tultulongannak a kas iti maysa a napigsa a mannakigubat, arigna nga isuna ti mangitibkul kadagiti mangidaddadanes kaniak, ket saandak a maparmek. Naan-anaydanto a maibabain gapu ta saanda a nagballigi iti aniaman a pananggundawayda kaniak; ken saanto a pulos malipatan dagiti tattao a naibabainda.

\s5
\v 12 O Yahweh a Mannakabalin-amin, suksukimatem amin dagiti nalinteg; ammom amin dagiti adda iti kaungganda ken dagiti panpanunotenda. Palubosannak a makita ti panangibalesmo kadagiti mangayat a mangdangran kaniak, gapu ta immayak kenka tapno kiddawek ti umno."
\v 13 Kantaantayo ni Yahweh! Dayawentayo ni Yahweh! Is-ispalenna dagiti marigrigat ken dagiti agkasapulan a tattao manipud kadagiti nadangkes.

\s5
\v 14 Ngem mailunodto koma ti aldaw a pannakaiyanakko. Saanko a kayat a rambakan ti siasinoman dayta nga aldaw a panangipasngay kaniak ti inak.
\v 15 Ket kasta met ti tao a nangipadamag iti amak, a nangparagsak unay kenkuana, babaen iti panangibagana "Maysa a lalaki ti impasngay ti asawam," sapay koma ta mailunodto met isuna.

\s5
\v 16 Ipalubosmo a madadael isuna a kas kadagiti siudad a dinadael ni Yahweh idi, a saanmo ida a kinaasian. Ipangngegmo iti dayta a tao ti panaganug-og dagiti tattao iti bigbigat, ken mangngegna ti panagpukpukkaw dagiti kabusor a soldado iti tengnga ti aldaw.
\v 17 Kayatko a mapasamak dayta kenkuana gapu ta saannak a pinapatay idi naiyanakak. Natayakla koman iti aanakan ti inak, ket nagbalin a kasla tanemko ti bagi ti inak.
\v 18 Agtultuloy a mapaspasarak ti nakaro a didigra ken liday, ket naibabainak ita ta dandanin ti pannakatayko; apay a kasapulan a maiyanakak?

\s5
\c 21
\p
\v 1 Inikkannak ni Yahweh iti maysa pay a mensahe idi imbaon ni Ari Sedekias iti Juda ti maysa a lalaki nga agnagan iti Pasur a putot ni Malakias ken ti padi nga agnagan iti Sofonias a putot ni Maasias tapno kasaritadak. Nagpakpakaasida kaniak, a kunada,
\v 2 "Rarauten ti armada ni Nebucadnezar nga ari ti Babilonia ti Juda. Pangngaasim ta kasaritam ni Yahweh para kadakami. Saludsodem kenkuana no tulongannakami. Bareng no pilitenna a pumanaw dagiti armada ni Nebucadnezar babaen iti panangaramidna iti milagro kadakami a kas kadagiti milagro nga inaramidna iti napalabas."

\s5
\v 3 Insungbatko kadakuada, "Agsublikayo kenni Ari Sedekias. Ibagayo kenkuana,
\v 4 'Kastoy ti kuna ni Yahweh, ti Dios a daydayawentayo nga Israelita: "Pagbalinek nga awan serserbi dagiti armasyo iti pannakirangrangetyo iti ari ti Babilonia ken iti armadana a mangraraut nga adda iti ruar dagiti pader ti Jerusalem. Palubosakto ida a makastrek iti tengnga daytoy a siudad.
\v 5 Siak a mismo ti makiranget kadagiti armadayo babaen iti naindaklan a pannakabalinko, gapu ta makaungetak unay kadakayo.

\s5
\v 6 Mangiyegakto iti nakabutbuteng unay a didigra ket adunto ti matay kadagiti tattao iti daytoy a siudad ken kadagiti naamo nga ayup."
\v 7 Ket ibagbaga ni Yahweh nga adu dagiti tattao iti daytoy a siudad ti mayat a mangpapatay kadakayo. Isu a pinalubosanna ti armada ni Ari Nebucadnezar ti Babilonia ken dagiti dadduma a tattao iti daytoy a siudad a mangtiliw kadakayo, ni Ari Sedekias ken dagiti opisialyo ken dagiti dadduma a tattao a saan a natay iti didigra. Papatayento ti armadana dagiti soldado; saandakayonto a pulos kaasian.'

\s5
\v 8 Ket kastoy ti ibagam kadagiti amin a tattao: 'Ibagbaga ni Yahweh a masapul nga ikeddengyo no kayatyo ti matay wenno agtalinaed a sibibiag.
\v 9 Amin nga agtalinaed iti Jerusalem ket matayto. Mapapataydanto kadagiti gubat wenno matayda gapu iti bisin wenno saksakit. Ngem dagiti sumuko iti armada ti Babilonia nga adda iti aglawlaw ti siudadyo ket agtalinaed a sibibiag. Malisianda ti pannakatay.
\v 10 Mapasamakto daytoy gapu ta Siak a ni Yahweh ti nangikeddeng a malak-am daytoy a siudad dagiti didigra, saan ket a nasayaat a banag ti malak-amda. Sakupento ti armada ti ari ti Babilonia daytoy a siudad ket naan-anayto a dadaelenna daytoy babaen iti apuy."

\s5
\v 11 Imbaga pay ni Yahweh kaniak a kastoy ti ibagak iti pamilia ti ari ti Juda: "Denggenyo daytoy a mensahe ni Yahweh!
\v 12 Kastoy ti kunana kadagiti kaputotan ni Ari David: 'Inaldaw nga aramidenyo dagiti maiparbeng a panangikeddeng kadagiti tattao nga ukomenyo. Tulonganyo dagiti natakawan. Ispalenyo ida manipud kadagiti agtatakaw ken kadagiti abusado. No saanyo nga aramiden dayta, makapungtotak ket dusaenkayo babaen iti apuy a saan a maiddep, gapu kadagiti amin a basol nga inaramidyo."

\s5
\v 13 Makirangetakto kadakayo a tattao ti Jerusalem, dakayo nga agnanaed iti tapaw ti kabatoan a turod iti ngatoen ti tanap. Makirangetak kadakayo a tattao a napasindayag, nga agkuna, "Awan ti mangdarup kadakami ken makastrek kadagiti sarikedkedmi."
\v 14 Dusaenkayonto gapu kadagiti dakes nga inaramidyo kas iti maiparbeng a pannakadusayo. Arigna a pasgedak dagiti kabakiranyo a mangpuor iti amin a banag iti aglawlawyo.

\s5
\c 22
\p
\v 1 Kastoy ti maysa pay a mensahe nga inted kaniak ni Yahweh: "Sumalogka idiay palasio ti ari ti Juda ket ibagam daytoy kenkuana:
\v 2 Sika ti ari iti Juda. Sika iti mangiturturay, a kas kenni Ari David idi. Masapul a dumngegka ken dagiti opisialmo ken dagiti tattaom
\v 3 iti kuna ni Yahweh: "Aramidenyo no ania ti maiparbeng ken no ania ti nalinteg. Aramidenyo ti umno. Tulonganyo dagiti natakawan. Ispalenyo dagiti tattao manipud kadagiti mangidaddadanes kadakuada. Isardengyo iti panagar-aramid kadagiti dakes. Saanyo a pagaramidan iti dakes dagiti ganggannaet nga immay ditoy manipud kadagiti sabali a pagilian, ken saanyo a pagaramidan iti dakes dagiti ulila ken balo a babbai. Isardengyo ti panangpapatay ditoy Jerusalem.

\s5
\v 4 No tungpalenyo amin dagitoy a bilbilin, addanto a kanayon iti kaputotan ni Ari David ti agturay ditoy Jerusalem. Ti Ari ken dagiti opisialna ken dagiti dadduma a tattao ket rummuar ken umunegto kadagiti ruangan ti siudad a nakaluganto kadagiti karwahe ken kadagiti kabalio.
\v 5 Ngem no saanyo nga ipangag dagitoy a bilbilin, Siak, a ni Yahweh, isapatak, a daytoy a palasio ket agbalinto a gabsuon dagiti naburakburak a batbato."""

\s5
\v 6 Ket kastoy ti kuna ni Yahweh maipanggep iti palasio ti ari: "Kaay-ayok daytoy a palasio, a kas iti pannakaay-ayok iti kabakiran iti rehion ti Galaad ken kadagiti kabanbantayan iti Lebanon. Ngem pagbalinekto a let-ang daytoy a palasio, maysa a lugar nga awan iti tao nga agnanaed.
\v 7 Mangpiliakto kadagiti bunggoy a mangdadael iti daytoy a palasio; aramatento ti tunggal soldado ti igamna a mangrebba iti daytoy a pasdek. Putedputedendanto dagiti napipintas a dadakkel nga awananna a sedro ket ipuorda dagitoy."

\s5
\v 8 Labasanto dagiti tattao a naggapu kadagiti adu a nasion daytoy a nadadael a siudad ket kunaendanto iti maysa ken maysa, "Apay a dinadael ni Yahweh daytoy naindaklan unay a siudad?"
\v 9 Ket isungbatto dagiti dadduma a tattao, "Inaramid daytoy ni Yahweh a Diosda gapu ta insardeng dagiti tattaona a tungpalen ti nakitulaganda kenkuana. Ngem ketdi nagdaydayawda kadagiti didiosen."

\s5
\v 10 Kuna pay ni Yahweh, "Saanyo a dung-awan ni ari Josias; saankayo nga agsangit gapu ta natayen isuna. Ngem ketdi dung-awanyo ni Ari Joahaz, a putotna a lalaki, gapu ta matiliwto isuna ket maipan iti sabali a pagilian, ket saanto isuna a makasubli pay a mangkita iti bukodna a pagilian, a Juda."

\s5
\v 11 Simmukat ni Joahaz a kas ari kalpasan a natay ti amana, a ni Ari Josias, ngem natiliw ni Jehoahaz ket naipan idiay Babilonia. Ket kastoy ti kuna ni Yahweh maipapan kenkuana: "Saanton isuna a makasubli pay iti Juda.
\v 12 Matayto isuna iti dayta a pagilian a nakaipananna a kas balud ket saannanton a makita pay ti bukodna a pagilian."

\s5
\v 13 Ket kinuna ni Yahweh kaniak, "Nakabutbutengto ti mapasamak iti kabsat ni Ari Jehoahaz, a ni Ari Jehoiakim. Saan a nainkalintegan a pinilitna dagiti lallaki a mangipatakder iti palasiona. Dagiti silsiled iti akin-ngato a kadsaaran ket inaaramid dagiti lallaki a napilit nga agtrabaho; pinilitna dagiti kaarrubana a nagtrabaho nga awan ti tangdanda; saanna ida a tinangdanan iti uray ania.
\v 14 Kinunana, "Pilitek dagiti trabahadorko a mangipaktakder iti maysa a dakkel a napintas a palasio nga addaan iti nalalawa a silsiled ken adu a tawtawa. Kalupkupanda dagiti diding iti nasayamusom a tabla a sedro ket pintaanda dagitoy iti naraniag a nalabaga."

\s5
\v 15 Ngem pudno a saan a ti kaadda ti napintas a palasio a sedro ti mamagbalin a natan-ok ti maysa nga ari! Ti ama ni Jehoiakim, a ni Josias, ket addaan met iti adu a makan ken inumen. Ngem kankanayon a nalinteg ken umno ti inaramid ni Josias, isu a benendisionan isuna ti Dios.
\v 16 Nagtignay a sililinteg ni Josias ken tinulonganna dagiti napanglaw ken agkasapulan a tattao, isu a nasayaat ti nagbanaganna. Kuna ni Yahweh, "Kasta ti rumbeng a kababalin ti maysa a tao a makaam-ammo kaniak.

\s5
\v 17 Ngem Jehoiakim, naagumka ken tartarigagayam laeng ti pananggun-odmo kadagiti banbanag babaen iti panagul-ulbodmo. Patpatayem dagiti awan basolna a tattao, idaddadanesmo dagiti napanglaw a tattao, ken rangranggasam dagiti tattao.
\v 18 Isu a kastoy ti kuna ni Yahweh maipapan kenni Jehoiakim a putot ni Ari Josias: "Inton matay isuna, saanto isuna a dung-awan dagiti tattao. Saanto a kunaen ti maysa ken maysa, 'Nakaladladingit unay daytoy; Saanto isuna a dung-awan dagiti tattao nga iturayanna, a kunkunada, 'Maladingitankami ta natayen ti arimi; naladingitkami ta nagpatinggan dagiti nasayaat a banbanag a napasamak bayat nga isuna ti ari.'
\v 19 Inton matay isuna, aramidento dagiti tattao iti bangkayna ti kas iti ar-aramidenda iti natay nga asno; maiparangguyodto a mairuar iti Jerusalem ti bangkayna ket maibelleng iti ruar dagiti ruangan!

\s5
\v 20 Dakayo a tattao ti Juda, mapankayo kadagiti banbantay iti Lebanon ket agsangitkayo, agpukkawkayo kadagiti banbantay iti rehion ti Basan, kadagiti banbantay ti Moab ket iyebkasyo ti ladingityo, gapu ta amin dagiti gagayyemo kadagidiay a disso ket naabaken.
\v 21 Idi narang-aykayo, binallaagankayo, ngem insungbatyo, 'Saanmi nga ipangag ti ibagbagam.' Kastan ti tignayyo manipud pay iti kinaubingyo; saankayo a pulos a nagtungpal kaniak.

\s5
\v 22 Ita ngarud, dusaekto dagiti amin a mangidadaulo kadakayo; arigna a maiyangindanto a maiyadayo. Tiliwento ida dagiti kabusoryo ket maipanda iti sabali a pagilian. Inton mapasamak dayta, pudno a maibabainkayonto la unay gapu iti amin a nadangkes a banbanag nga inaramidyo.
\v 23 Ita, ragragsaken ti ariyo ti panagnanaed kadagiti sedro a siled iti palasiona, ngem iti mabiit madusanto isuna, ket kalpasanna, agasugto isuna a kas iti maysa a babai nga agpasikal nga aganak."

\s5
\v 24 Kastoy ti kuna ni Yahweh; Jeconias a putot ni Ari Jehoiakim iti Juda "Siak a Dios nga adda iti agnanayon isapatak a dusaenka, uray no kayarigam ti singsing nga adda iti ramayko a mangipakita a siak ti ari, lapsutenkanto.
\v 25 Mabutengka kenni Ari Nebucadnesar iti Babilonia ken kadagiti adu a soldadona, gapu ta kayatdaka a papatayen. Ikkakto ida iti kabaelan a mangtiliw kenka.
\v 26 Pagtalawenkanto ken ti inam manipud iti daytoy a daga, ket maipankayonto iti sabali a pagilian. Awan kadakayo ti naiyanak sadiay, ngem mataykayto a dua sadiay.

\s5
\v 27 Saankayton a makasubli pay iti daytoy a daga a tarigagayanyo unay a pagsublian."
\v 28 Adda tao a nagkuna, "Maiyarigto ni Jeconias iti maysa a nabuong a pagkargaan a naumsi ket awan iti mangayat. Isuna ken dagiti annakna ket maipanto a kas balud iti sabali a daga.

\s5
\v 29 Kayatko a dumngeg a nasayaat dagiti tattao iti daytoy a daga iti mensahe a naggapu kenni Yahweh.
\v 30 Kastoy ti kuna ni Yahweh: "Iti paglistaan iti maipapan kadagiti ari ti Juda, isuratyo daytoy a lalaki a ni Jeconias ket kaslanto awan putotna, ken kasla a saan a nagballigi bayat a sibibiag isuna, gapu ta awan kadagiti putotna iti agbalinto nga ari a mangituray kadagiti tattao iti Juda."

\s5
\c 23
\p
\v 1 Ipakpakaammo ni Yahweh, "Nakaal-alinggagetto ti mapasamak kadagiti mangidadaulo kadagiti tattaok--dagidiay kasla mangipaspastor kadagiti tattao a kasla karnerok--gapu ta winarawarada dagiti tattaok ken pinagtalawda ida, ken saanda ida nga inaywanan.
\v 2 Ngarud, Siak a ni Yahweh, a Dios a daydayawen dagiti Israelita, ket kastoy ti ibagak kadagidiay a mangidadaulo: 'Winarawarayo dagiti tattaok, imbes nga aywananyo ken iturongyo ida kadagiti natalged a lugar a kas iti ar-aramiden ti maysa nga agpaspastor kadagiti karnerona. Isu a dusaenkayonto gapu iti dakes nga inar-aramidyo.

\s5
\v 3 Ngem iti saan nga agbayag ummongekto dagiti nabiag pay, manipud kadagiti pagpagilian a nangipanak kadakuada. Isublikto ida iti bukodda a pagilian, a sadiay ket maaddaandanto kadagiti annak ken umadunto ti bilangda.
\v 4 Ket mangdutokakto kadagiti dadduma a mangidadaulo kadagiti tattaok, dagiti mangidaulo a mangaywanto kadakuada. Ket awanto a pulos ti pagbutngan manen dagiti tattaok, ket awanto kadakuadan ti kas iti napukaw a karnero a pinagtalaw ti mangipaspastor kenkuana.'"

\s5
\v 5 Kuna pay ni Yahweh, "Addanto aldaw a mangdutokak para kadakyo iti maysa a nalinteg a tao nga agtaudto iti kaputotan ni Ari David. Agbalinto isuna nga ari a naballigi ken mangyeg iti kinarang-ay. Aramidennanto ti nalinteg ken maiparbeng iti entero a daga.
\v 6 Iti daytanto a tiempo, maisalakanto amin nga Israelita manipud kadagiti kabusorda, ket natalgeddanto. Ket ti nagannanto ket 'Yahweh, a mangaramid iti umisu a maipaay kadatayo.'"

\s5
\v 7 Kuna pay ni Yahweh nga iti daytanto a tiempo, dagiti tattao a mangisapsapata nga agaramidda iti maysa a banag ket saandanton nga ibaga, "Aramidekto daytoy iti nagan ni Yahweh nga adda iti agnanayon, a nangispal kadagiti Israelita manipud Egipto."
\v 8 Ngem ketdi, kunaendanto, "Aramidekto daytoy iti nagan ni Yahweh nga adda iti agnanyon, a nangisubli kadakami nga Israelita iti bukodmi a daga, manipud iti daga nga agturong iti amianan-daya ken manipud kadagiti amin a dadduma pay a pagilian a nangipanna kadakami a kas balud." Ket agnaeddanto manen iti bukodda a daga.

\s5
\v 9 Maladingitanak unay gapu iti nasantoan a mensahe nga imbaga ni Yahweh maipapan kadagiti mapasamak kadagiti palso a profeta; kasla agkutokut amin dagiti tultulangko. Agdewerdewerak a kas iti maysa a nabartek.
\v 10 Ti daga ket napno kadagiti tattao a makikamkamalala; ket inlunod ni Yahweh ti daga. Uray pay dagiti pagpaaraban iti let-ang ket nagango amin, gapu ta agar-aramid dagiti tattao iti kinadakes, ket aramaten dagiti palso a profeta dagiti bilegda nga agaramid kadagiti saan a maiparbeng.

\s5
\v 11 Kuna ni Yahweh, "Uray dagiti papadi ken dagiti profeta ket saandakon a kabuteng; agaramidda kadagiti kinadangkes a banbanag uray iti templona.
\v 12 Isu't gapuna a kaslanto nagalis a dalan ti pagpagnaanda. Arigda ti tao a makamkamat iti kasipngetan, ket matumbadanto sadiay, gapu ta ipalak-amkonto kadakuada dagiti didigra iti a tiempo a duasaek ida. Awan duaduda a mapasamakto dayta gapu ta Siak, a ni Yahweh, ti nangibaga iti daytoy."

\s5
\v 13 Iti napalabas, nakitak dagiti profeta iti Samaria nga agar-aramidda iti saan nga umno; agipadpadtoda, ibagbagada nga inted ni Baal kadakuada dagiti mensahe nga iwarwaragawagda, ket al-allilawenda dagiti tattaok.
\v 14 Ket ita nakitak dagiti profeta iti Jerusalem nga agar-aramidda kadagiti nakaal-alinggaget a banbanag. Makikamkamalalada ken inaldaw nga inuulbod ti ibagbagada. Allukoyenda dagiti dakes a tattao nga itultuloyda ti panagaramid kadagiti dakes a banbanag, isu't gapuna a saan nga agsardeng ti panagbasbasol dagiti tattao. Dagidiay a profeta ket kas iti kinadangkes dagiti tattao iti Sodoma ken Gomora.
\v 15 Isu a kastoy ti kuna ni Yahweh, a Mannakabalin-amin maipapan kadagiti palso a profeta: "Ikkakto dagidiay a profeta kadagiti napait a kanenda ken sabidong nga inumenda, gapu ta isuda ti makagapu a napno daytoy a daga kadagiti tattao nga agar-aramid iti kinadangkes nga aramid."

\s5
\v 16 Kastoy ti kuna ni Yahweh, a Mannakabalin-amin: "Saanyo nga ipangag ti aniaman nga ibaga dagidiay a palso a profeta kadakayo, gapu ta luklukoenda dakayo laeng. Ibagbagada kadakayo dagiti sirmata a nagtaud kadagiti bukodda a kapanunotan, saan a dagiti sirmata nga intedko kadakuada.
\v 17 Kanayonda nga ibaga kadagiti manggurgura kaniak, 'Kuna ni Yahweh a maaddaankayon iti talna.' Ket ibagada kadagiti mangipilt a mangaramid iti kayatda nga aramiden, 'Awanto ti dakes a mapasamak kadakayo gapu kadagitoy nga ar-aramidenyo.'
\v 18 Ngem awan a pulos kadakuada ti nakaapan iti panaguummong idiay langit tapno dumngeg iti mensahe nga aggapu kaniak. Awan a pulos kadakuada ti nangipangag iti aniaman nga imbaga ni Yahweh.

\s5
\v 19 Isu a dusaento ida ni Yahweh; maiyarigto iti napigsa a bagyo; umayto a kasla alipupog, nga agtaytayyek kadagiti ulo dagiti nadangkes a tattao.
\v 20 Saanto nga agsardeng nga agpungtot ni Yahweh agingga a naan-anay a maipatungpalna amin dagiti planona. Maawatanyonto amin dagitoy iti masakbayan."

\s5
\v 21 Kuna pay ni Yahweh, "Saanko a dinutokan dagita a profeta, ngem napanda latta imbagbaga dagiti mensaheda kadagiti tattao. Saanak a nakisao kadakuada, ngem itultuloyda ti agipadpadto.
\v 22 No pudno nga immayda iti taripnong idiay langit, kabaelanda koma nga ibaga dagiti mensahe nga aggapu kaniak, ket mabaw-ingda koma dagiti tattao manipud kadagiti panagaramidda iti dakes."

\s5
\v 23 Kuna pay ni Yahweh, "Diosak kadi laeng nga adda iti asideg? Saan, Diosak met laeng nga adda iti adayo.
\v 24 Isu nga awan ti siasinoman a tao ti mabalin nga aglemmeng iti nalimed a lugar tapno saanko a makita. Addaak iti amin a lugar, idiay langit ken iti daga! Daytoy ti kunak, Siak, a ni Yahweh!

\s5
\v 25 Nangngegko nga agipadpadto dagidiay a profeta iti inuulbod, kunkunada nga ibagbaga kadagiti tattao dagiti mensahe a naggapu kaniak. Kunada, 'Denggenyo ta ibagak kadakayo ti tagtagainepko nga imbaga kaniak ti Dios idi rabii! Pudno a tinagtagtagainepko daytoy!
\v 26 Kaanonto pay ti panangisardengda iti daytoy? Kaanonto pay ti panangisardeng dagidiay nga agul-ulbod a profeta ti panangipadpadtoda kadagiti agtaud laeng kadagiti panunotda?
\v 27 Pagarupenda a gapu kadagiti tagtagainep nga ibagbagada iti tunggal maysa ket malipatandak dagiti tattao a kas iti pananglipat kaniak dagiti kapuonanda idi naagdaydayawda kenni Baal.

\s5
\v 28 Bay-anyo nga ibaga dagidiay a palso a profeta kadagiti tattao dagiti tagtagainepda, ngem dagiti addaan iti mensahe a pudno a naggapu kaniak ket rumbeng nga ipakaammoda a sipupudno dagidiay a mensahe. Siak a ni Yahweh, ti agkuna a kas iti panagduma ti garami ken bukel, dagiti mensahek ken dagiti mensahe manipud kadagiti palso a profeta ket pudno a nagduma unay.
\v 29 Kasla apuy dagiti mensahek a manguram ken kasla martilio a mangburak kadagiti bato inton apektaranna ti puso ti maysa a tao.
\v 30 Isu a Siak, a ni Yahweh, busorek dagiti amin a profeta nga agtitinnakaw kadagiti mensahe ken agibaga a naggapu kaniak dagidiay a mensahe.

\s5
\v 31 Kagurak dagidiay a profeta a mangibagbaga iti bukodda a mensahe ngem ibagada a naggapu kaniak dagidiay a mensahe.
\v 32 Kagurak dagidiay a profeta nga agul-ulbod nga adda imbagak kadakuada a sirmata, ngem inuulbod laeng ti ibagbagada a makagapu iti panagbasol dagiti tattaok. Saanko nga imbaon dagidiay a profeta. Saanko met ida a dinutokan nga agbalin a profeta. Ket awan a pulos ti mensaheda a makaipaay iti pagsayaatan kadagiti tattaok. Kastoy ti pakaammok, Siak a ni Yahweh."

\s5
\v 33 Kinuna ni Yahweh kaniak, "No ti maysa kadagidiay a profeta wenno papadi, wenno sabali a tattao ti mangsaludsod kenka, 'Ania a parikut ti imbaga ni Yahweh ita?,' masapul nga isungbatmo, 'Awan intedna kaniak nga ibagak kadakayo! Ngem ketdi, kuna ni Yahweh a baybay-annakayonto!
\v 34 Ket no adda man profeta wenno padi wenno siasinoman a tao ti agulbod a mangibaga, 'Adda padtok a naggapu kenni Yahweh,' Dusaekto dayta a tao ken ti pamiliana.

\s5
\v 35 Ti rumbeng a kanayon a saludsodenyo iti tunggal maysa ket, 'Idi nakisaokayo kenni Yahweh, ania ti sungbatna? Ania ti ibagbagana kadatayo?
\v 36 Ngem ketdi ti bukodmo a kapanunotan ti pakaseknam ken balbalikogem ti pudno a mensahe a naggapu iti pudno a Dios, a ni Yahweh a Mannakabalin-amin, a daydayawentayo.

\s5
\v 37 Kastoy ti rumbeng a saludsodem iti tunggal profeta: 'Ania ti sungbat ni Yahweh idi nakisaoka kenkuana? Ania ti makunana kadatayo?
\v 38 No isungbatna, 'Ti imbagak kadakayo ket padto a naggapu kenni Yahweh' kalpasanna ipakaammom kenkuana a dusaekto isuna, gapu ta imbagak kadagiti pudno a profetak a saanda a mangted ita iti aniaman a mensahe kadagitoy a tattao.
\v 39 Isu a Siak a ni Yahweh, pukawenkayonto dakayo a palso a profeta. Papanawenkayonto iti imatangko. Ket pukawekto daytoy a siudad nga intedko kadakayo ken kadagiti kapuonanyo.
\v 40 Ipalubosko a pagkakatawaan dakayonto iti agnanayon dagiti tattao. Saanto a pulos a malipatan dagiti tattao a naibabainkayo."

\s5
\c 24
\p
\v 1 Tiniliw ti armada ni Ari Nebucadnesar ni Jeconias nga ari ti Juda, a putot ni Jehoakim, dagiti opisialna, ken amin dagiti nalalaing a trabador ket impanda ida idiay Babilonia. Kalpasan a napasamak dayta, nangted kaniak ni Yahweh iti maysa a sirmata. Iti sirmata, nakitak dagiti dua a basket nga igos a naikabil iti sango ti templo.
\v 2 Ti maysa a basket ket napno kadagiti nasayaat nga igos, kas iti igos a nalaka a maluom. Ti sabali met a basket ket napno iti nalungsot nga igos, a saan a mabalin a kanen.
\v 3 Ket kinuna kaniak ni Yahweh, "Jeremias, ania ti makitam?" Insungbatko, "Makitak dagiti sumagmamano nga igos. Dagiti dadduma ket nasayaat, ngem ti dadduma ket nalungsotda, ket saan a mabalin a kanen dagidiay ti siasinoman."

\s5
\v 4 Ket inted ni Yahweh kaniak daytoy a mensahe:
\v 5 "Kastoy ti ibagak, Siak a ni Yahweh, ti Dios a kunkuna dagiti Israelita a daydayawenda: Dagiti napintas nga igos ket ibagbagina dagiti tattao ti Juda a pinaipanko a kas balud idiay Babilonia. Impanko ida sadiay para iti pagimbagan.
\v 6 Ket saankonto ida a papanawen manen, ngem ketdi isublikto ida iti daytoy a daga ket ipalubosko a mangipatakderda kadagiti balbalay ken ibangonda manen dagiti siudad. Kasladanto kadagiti mulmula a dumakkel ken rumangpaya ket saanen a mapukan.
\v 7 Ikkakto ida iti kabaelan a mangtarigagay nga ammmoen a Siak ni Yahweh. Agbalindanto a tattaok, ket Siakto ti Diosda, gapu ta sipupudnodanto nga agsubli kaniak.

\s5
\v 8 Ngem Siak, a ni Yahweh, kastoy pay ti kunak, ti nalungsot nga igos ket ibagbagina ni Zedekias, nga ari ti Juda, ken dagiti opisialna, ken dagiti amin a tattao a nagtalinaed iti Jerusalem, ken dagidiay napan idiay Egipto. Aramidekto kadakuada ti kas iti ar-aramiden dagiti tattao kadagiti nalungsot nga igos.
\v 9 Ipalak-amkonto kadakuada dagiti didigra, gapu iti dayta agkintayegto dagiti tattao iti tunggal nasion ditoy daga, ken kaguradanto ida gapu ta dakesda a tattao. Iti sadinoman a pangiwaraak kadakuada ket pagang-angawanto ida dagiti tattao, ket ibagada a nakababainda, ken katkatawaandanto ida, ken ilunodanto ida.
\v 10 Ket ipalak-amkonto kadakuada dagiti gubat ken nakaro a panagbisin, ken saksakit, agingga a mapukawda iti Israel, daytoy a daga nga intedko kadakuada ken kadagiti kapuonanda."

\s5
\c 25
\p
\v 1 Kalpasan iti agarup uppat a tawen a panangiturturay ni Jehoyakim iti Juda, inted ni Yahweh kaniak daytoy a mensahe a maipaay kadagiti amin a tattao iti Juda. Bayat iti tawen a nangrugi a nagturay ni Ari Nebucadnezar idiay Babilonia.
\v 2 Imbaga ni Jeremias daytoy a mensahe kadagiti amin a tattao idiay Jerusalem ken iti dadduma a luglugar idiay Juda:

\s5
\v 3 Duapulo ket tallo a tawenen a nakisasao kaniak ni Yahweh. Nangrugi isuna a nakisasao kaniak idi ni Josias a putot ni Amon ti agturturay idiay Juda iti agarup sangapulo ket tallo a tawen. Ket sipupudno nga imbagak kadakayo dagitoy a mensahe, ngem saanyo nga impangag dagitoy.
\v 4 Namin-adu a nangibaon ni Yahweh kadakayo kadagiti profeta a nagserbi kenkuana, ngem saankayo a dimngeg kadakuada wenno nangipangag man laeng koma kadagiti imbagada.

\s5
\v 5 Masansan a kastoy ti mensaheda: 'Tallikudanyo dagiti amin a dakes a kababalinyo, dagiti amin a dakes a banbanag a kankanayon nga ar-aramidenyo. No aramidenyo iti kasta, mabalinyo ti agnaed iti daytoy a daga nga inted ni Yahweh kadakayo ken kadagiti kapuonanyo, a kukuayo iti agnanayon.
\v 6 Saanyo a pagpungtoten ni Yahweh babaen iti panagserbiyo ken panagdaydayawyo kadagiti didiosen nga inaramid dagiti im-imayo. No saanyo a pagpungtoten isuna, saannakayonto a dusaen.'

\s5
\v 7 Ket kuna ni Yahweh, 'Ngem saanyo nga impangag dagiti mensahe nga intedko kadagidiay a profeta. Pinagpungtotdak iti napalalo unay babaen iti panagdaydayawyo kadagiti didiosen nga inaramid dagiti im-imayo. Nga isu ti gapu iti panangdusdusak kadakayo.
\v 8 Isu nga ita, Siak, a ni Yahweh, a Mannakabalin amin, kunaek a gapu ta saanyo nga impangag dagiti imbagak,
\v 9 ummongekto dagiti amin nga armada dagiti nasion nga umay manipud iti amianan a daya. Dinutokak ni Ari Nebucadnezar iti Babilonia a mangidaulo kadakuada. Dinutokak isuna a mangaramid iti trabahok. Iyegkonto dagitoy nga armada a manggubat iti daytoy a daga, kadagiti amin a tattao nga agnanaed iti daytoy, ken uray pay dagiti kabangibang a pagilian. Naan-anay a dadaelekto ida, ket aramidekto ida a lugar a pagbutbutngan dagiti tattao, ken pagkakatawaanto dagiti tattao, luglugar a madadaelto iti agnanayon.

\s5
\v 10 Pagsardengekto ti naragsak a kankanta ken katkatawa iti dagayo. Awanton dagiti nobya ken nobyo a naragsak nga agsasarita. Awanton ti uni dagiti tattao nga aggilgiling. Awanton ti masindian a pagsilawan kadagiti balbalayyo.
\v 11 Agbalinto a disierto amin daytoy a daga nga awanton ti agnaed. Ket maipanawto a maipan idiay Babilonia dagiti tattao ti Israel ken dagiti kabangibang a pagilian ket agtrabahodanto a maipaay iti ari ti Babilonia iti pitopulo a tawen.

\s5
\v 12 Ket, kalpasan iti kaaddada iti Babilonia iti pito pulo a tawen, dusaekto ti ari ti Babilonia ken dagiti tattaona gapu kadagiti basol a naaramidda. Pagbalinekto a langalang ti Babilonia iti agnanayon.
\v 13 Ipalak-amkonto kadakuada dagiti amin a nakabutbuteng a banbanag nga insurat ni Jeremias—mapasamakto amin dagiti pannakadusa nga impadto ni Jeremias kadagitoy amin a nasion.
\v 14 Tagabuento dagiti mangidadaulo iti adu a nasion dagiti tattao ti Babilonia, a kasla iti panangtagabu dagiti taga-Babilonia kadagiti tattaok. Dusaekto ida a kas iti maiparbeng kadakuada gapu iti panangpasagabada kadagiti tattaok."

\s5
\v 15 Ket ni Yahweh, a Dios ti Israel, nangipakita kaniak iti maysa a sirmata. Iti sirmata ket nakaiggem isuna iti maysa a kopa ti arak. Kinunana, "Alaem kaniak daytoy a kopa a napno iti arak a mangibagbagi iti pannakadusa. Painumekto iti arak iti daytoy a kopa dagiti amin a mangidadaulo kadagiti nasion a pangibaonakto kenka.
\v 16 Inton inumenda ti arak, agdiwerdiwerdanto ket agtignayda a kasla kadagiti agmauyong a tattao, gapu ta maamirisdanto a papatayekto dagiti adu kadagiti tattaoda babaen kadagiti kampilan.”

\s5
\v 17 Ngarud, iti sirmata, innalak dayta a kopa a napno iti arak kenni Yahweh, ket inpanko kadagiti amin a nasion a nangibaonanna kaniak, ket pinainumko iti bassit nga arak dagiti mangidadaulo kadagidiay a nasion.
\v 18 Napanak iti Jerusalem, ken iti dadduma nga il-ili ti Juda, ket imminum ti ari ken ti dadduma nga opisial iti arak iti dayta a kopa. Ket nangrugi iti dayta nga aldaw, iti kamaudiananna ket naikkatda amin iti panagturayda, ket nagbalinda a pagkakatawaan dagiti dadduma a tattao, naum-umsi ken nailunlunod.

\s5
\v 19 Iti sirmata, masapul nga uminom ti Egipto iti arak, agraman ti ari ken dagiti opisialna ken adu kadagiti tattaona,
\v 20 ken dagiti gangannaet nga agnanaed sadiay. Iti sirmata, masapul nga uminom iti arak ti daga iti Uz ken dagiti siudad ken dagiti ari iti Askelon, Gaza, Ekron, ken Asdod.
\v 21 Ket iti sirmata, masapul nga uminom iti arak dagiti ari ti Edom, Moab, ken Ammon,

\s5
\v 22 ken dagiti ari kadagiti siudad ti Tiro ken Sidon iti ballasiw ti Baybay Mediterranian.
\v 23 Iti sirmata, masapul nga uminom iti arak dagiti mangidadaulo iti relihion kadagiti siudad ti Dedan, Tema, ken Buz, siudad dagitoy ti Arabia, ken dadduma nga adayo a lugar.

\s5
\v 24 Iti Sirmata, dagiti dadduma a lugar iti Arabia ken dagiti ari dagiti tribu iti disierto
\v 25 ken dagiti ari iti Zimri, Elam, ken dagiti bunggoy dagiti tattao a Media,
\v 26 ken dagiti ari dagiti pagilian iti amianan nga asideg iti Israel ken kadagiti pagilian nga adayo iti Israel, ti maysa kalpasan ti sabali—masapul nga uminom iti arak dagiti amin a pagarian ditoy lubong, ket maudi nga uminom ti arak iti ari ti Babilonia.

\s5
\v 27 Ket iti sirmata, kinuna ni Yahweh kaniak, "Ibagam kadakuada a kastoy ti kuna ni Yahweh a Mannakabalin amin, a Dios ti Israel; 'Uminomkayo iti arak iti daytoy a kopa a mangibagbagi iti pannakadusa nga itedkonto kadakayo. Uminomkayo iti adu agingga a mabartek ken agsaruakayo. Matumbakayonto ket saankayon a makabangon pay, gapu ta papatayenkayonto babaen kadagiti gubat nga iyegkonto kadakayo.
\v 28 No adda agkedked nga uminom kadagiti pangtedam iti daytoy nga arak, ibagam kadakuada a ni Yahweh a Mannakabalin amin ti nangibaga a masapul nga uminomda iti daytoy.
\v 29 Rugrugiakon ti mangiyeg iti didigra kadagiti tattaok. Saandanto a makalisi iti pannakadusa, ta mangiyegak kadagiti gubat iti amin a nasion iti rabaw ti daga. Pudno a mapasamakto dayta gapu ta Siak, a ni Yahweh, a Mannakabalin amin, ti nangibaga iti daytoy.

\s5
\v 30 Ita ibagam kadakuada dagitoy amin a banbanag nga imbagak, ken ibagam pay daytoy kadakuada: 'Pukkawanto ida ni Yahweh manipud iti nasantoan a pagnanaedanna idiay langit ket aguninto a kasla iti ngernger ti leon. Agpukkawto a kasla iti panagpukkaw dagiti tattao a mangbadbaddek kadagiti ubas tapno aramiden nga arak; pukkawannanto ti tunggal maysa iti rabaw ti daga.
\v 31 Uray dagiti tattao iti nasulennek unay a lugar ket mangngegdanto isuna nga agpukpukkaw iti entero a daga, gapu ta ibagananto no apay nga ukomen ken dusaennanto dagiti amin a nasion. Papatayennanto babaen iti kampilan dagiti nadangkes a tattao. Pudno a mapasamakto dayta gapu ta ni Yahweh iti nangibaga iti daytoy.'

\s5
\v 32 Ket ibagam kadakuada a kastoy ti ibagbaga ni Yahweh, a Mannakabalin amin: 'Denggenyo daytoy! Agsasarunonto a mapasamak iti didigra kadagiti nasion. Pataudekto ti pannusa a kasla iti maysa a napigsa a bagio nga aggapu iti kaadaywan a disso iti daga.
\v 33 Inton mapasamak dayta, masaknapanto kadagiti bangkay dagitoy a pinapatayko ti daga manipud iti daya agingga iti laud. Ket awanto iti mangdung-aw kadakuada, ken awanto ti mangurnong kadagiti bangkayda tapno ipunpon ida. Maiwarawaradanto iti daga a kasla iti takki ti ayup.

\s5
\v 34 Agsangit ken agladingitkayo, dakayo a dakes a mangidadaulo! Dakayo a mangipagarup a dakayo iti kapipigsaan kadagiti tattaok, agidda ken agtulidkayo iti tapok. Panawenen a mapapataykayo; matumba ken maiwarawarakayonto a kas iti narasi a baso a marumek inton matinnag iti daga.
\v 35 Saankayonto a makasarak iti aniaman a lugar a paglemmenganyo, awanto ti lugar a mabalinyo a paglibasan.
\v 36 Dagiti mangidadaulo kadakayo ken dagiti mangipagarup a napigsada unay—mangngegto ida dagiti tattao nga agsangsangit inton Siak, a ni Yahweh, dadaelek ti nasionyo.

\s5
\v 37 Agbalinto a langalang ti natalna a pagpapaarabanyo gapu ta dusaento a nakaro ni Yahweh daytoy.
\v 38 Panawanto ni Yahweh ti pagnanaedanna a kasla iti leon a mangpanaw iti rukibna tapno mangdarup kadagiti sabali nga ayup, ket pagbalinennanto a langalang ti dagayo. Kasta unay ti ungetna kadakayo ket ipapataynakayonto kadagiti kabusoryo babaen kadagiti kampilanda.' "

\s5
\c 26
\p
\v 1 Iti saan a nagbayag, kalpasan a nagbalin nga ari iti Juda ni Jehoyakim a putot ni Josias, inted ni Yahweh kaniak daytoy a mensahe:
\v 2 "Siak a ni Yahweh, kastoy ti ibagak kenka: Agtakderka iti paraangan iti sangoanan ti templok, ket kasaritam dagiti tattao a naggapu iti agduduma nga il-ili ti Juda nga um-umay sadiay tapno agdayaw kaniak. Ibagam amin kadakuada ti ibagak kenka; saanmo a kiskissayan.
\v 3 No ibagam amin kadakuada, nalabit nga ipangagdanto, ket agbabawinto ti tunggal maysa kadakuada manipud iti dakes nga aramidda. Ket saankonton nga ituloy ti pangngeddengko, ket saanko nga iyeg kadakuada ti didigra a pangpanggepek nga iyeg kadakuada gapu kadagiti dakes a banbanag a naaramidda.

\s5
\v 4-5 Ibagam kadakuada, "Kastoy ti kuna ni Yahweh: Imbaonko kadakayo dagiti profeta nga agserserbi kaniak, tapno ibagada kadakayo ti rumbeng nga aramidenyo. Adu a daras nga imbaonko ida kadakayo, ngem saanyo nga impangag ti imbagada. No saanyo nga ipangag ti ibagak ken saankayo nga agtulnog iti mensahe nga intedkon kadakayo, ken no saanyo nga ipangag ti ibaga dagiti profeta,
\v 6 dadaelekto daytoy a templo kas iti panangdadaelko iti Silo, ti lugar a nakaisaadan ti tabernakulo. Ket pagbalinekto ti Jerusalem a pangilunod dagiti tattao iti amin a nasion no adda ilunodda.' "

\s5
\v 7 Inaramid ni Jeremias ti imbaga kenkuana ni Yahweh nga aramidenna. Dagiti papadi, dagiti palso a profeta ken adu pay a tattao ti dimngeg kenkuana bayat nga ibagbagana dayta a mensahe iti ruar ti templo.
\v 8 Ngem apaman a naibagana amin kadakuada nga imbilin ni Yahweh kenkuana nga ibagana, tiniliwda isuna ket kinunada, "Masapul a mapapatayka!
\v 9 Apay nga ipadpadtom a madadaelto daytoy a templo a kas iti pannakadadael ti Silo? Apay nga ibagbagam a madadaelto daytoy a siudad, ken awanton ti agnaed ditoy?" Amin dagiti tattao, inaribungbonganda ni Jeremias bayat a nakatakder iti sangoanan ti templo.

\s5
\v 10 Idi nangngeg dagiti opisial ti Juda dagiti amin a mapaspasamak, manipud iti palasio, nagdardarasda a napan nagtugaw iti ruangan ti templo a naawagan iti Baro a Ruangan tapno ikeddengda ti kaso ni Jeremias.
\v 11 Kinuna dagiti papadi ken dagiti profeta kadagiti opisial ken kadagiti dadduma a tattao nga adda sadiay, "Rumbeng a mapapatay daytoy a tao, gapu ta impadtona a madadaelto daytoy a siudad, ket nangngegyo a mismo nga imbagana dayta!"
\v 12 Kalpasanna, simmungbat ni Jeremias kadagiti opisial ken kadagiti dadduma a tattao. Kinunana kadakuada, "Imbaonnak ni Yahweh tapno ipadtok dagiti amin a nangngegyo nga imbagak a mapasamakto iti daytoy a templo ken iti daytoy a siudad.

\s5
\v 13 Ngem no agbalbaliwkayo ken agsardengkayo nga agbasbasol, ken mangrugikayo nga agtulnog kenni Yahweh a Diostayo, saannanto nga ituloy ti panggepna ket saannan nga iyeg kadakayo dagiti didigra nga imbagana nga iyegna.
\v 14 No maipanggep kaniak, saanko a mailapsut ti bagik iti panangtengngelyo kaniak. Isu a mabalinyo nga aramiden kaniak ti aniaman a kayatyo nga aramiden.
\v 15 Ngem nasken a maammoanyo a no papatayendak, maysa a tao nga awan nakabasolanna iti papatayenyo. Ket makabasolkayo, dakayo ken dagiti dadduma pay nga adda iti daytoy a siudad, gapu ta kinapudnona ket ni Yahweh ti nangibaon kaniak a mangibaga iti amin a mensahe a nangngegyon nga imbagak.".

\s5
\v 16 Kalpasanna, kinuna dagiti opisial ken dagiti dadduma a tattao kadagiti papadi ken kadagiti palso a profeta, "Saan a rumbeng a mapapatay daytoy a tao, gapu ta imbagana kadatayo ti mensahe nga inted ni Yahweh kenkuana!"
\v 17 Ket timmakder ti sumagmamano a panglakayen ket nakisaritada kadagiti amin a tattao a naummong sadiay.

\s5
\v 18 Kinunada, "Lagipenyo ti impadto ni Mica a profeta manipud iti Moreset bayat a ni Hezekias ti ari iti Juda. Imbagana daytoy kadagiti tattao iti Juda: 'Kastoy ti kuna ni Yahweh a Mannakabalin-amin: Dumtengto ti aldaw a maaradonto ti Bantay Sion a kas iti pannakaarado dagiti taltalon; agbalinto ti Jerusalem a gabsuon dagiti nadadael. Addanto dadakkel a kaykayo iti rabaw ti turod nga ayan ita ti templo.'
\v 19 Ngem pinatay kadi ni Hezekias wenno sabali a tao nga adda idiay Juda ni Mica iti panangibagana iti dayta? Saan! Ngem ketdi, nagbuteng ni Hezekias kenni Yahweh ket nagpakaasi nga agtignay koma isuna a siaasi kadakuada. Isu a saan nga intuloy ni Yahweh ti pangngeddengna maipapan iti panangiyegna kadakuada iti nakaro a didigra nga imbagana nga iyegna. Ket ita, no patayentayo ni Jeremias, mangiyegtayo iti nakarkaro pay a didigra kadagiti bagbagitayo!"

\s5
\v 20 Iti dayta a tiempo, nagipadpadto met manipud kenni Yahweh ni Urias nga anak ni Semaias manipud iti Kiriat Jearim. Impadpadtona a ti siudad ken ti dadduma pay a paset dayta a daga ket aglak-amto kadagiti kasta met laeng a didigra nga ipadpadto ni Jeremias.
\v 21 Idi nangngeg ni Ari Jehoyakim ken dagiti opisial ti armadana ken dagiti opisial ti ibagbaga ni Urias, nangibaon ti ari iti tao a mangpatay kenni Urias. Ngem nangngeg ni Urias ti maipanggep iti daytoy ket nagbuteng unay isuna, ket naglibas a napan idiay Egipto.

\s5
\v 22 Kalpasanna, imbaon ni Jehoyakim ni Elnatan a putot ni Acbor kaduana ti sumagmamano a lallaki a mapan idiay Egipto.
\v 23 Tiniliwda ni Urias ket insublida idiay Jerusalem ket indatagda kenni Ari Jehoyakim. Nangbilin ngarud ti ari iti maysa a soldado a mangpatay kenni Urias babaen iti kampilan. Kalpasanna, intanemda ti bangkayna iti lugar a pakaitantaneman dagiti nakurapay a tattao.
\v 24 Nupay kasta, insakitnak ni Ahikam nga anak ni Safan, ket inallukoyna dagiti opisial a saanda nga itulok a patayendak dagiti naranggas a tattao.

\s5
\c 27
\p
\v 1 Iti saan a nagbayag kalpasan a nagbalinen nga ari iti Juda ni Jehoyakim a putot ni Josias, adda mensahe nga inted ni Yahweh kaniak.
\v 2 Kastoy ti kinunana kaniak: "Mangaramidka iti sangol ken pagtali ket ikabilmo dagitoy iti tengngedmo.
\v 3 Kalpasanna, mangipatulodka iti mensahe kadagiti ari ti Edom, Moab, Ammon, Tiro ken Sidon babaen iti panangibagam kadagitoy a mensahe kadagiti mangibagbagi iti ari kadagidiay a pagilian nga immay iti Jerusalem tapno makisarita kenni Ari Zedekias.
\v 4 Ibagam kadakuada nga ibagada daytoy a mensahe kadagiti arida: Kastoy ti kuna ni Yahweh a Mannakabalin-amin a daydayawen ti Israel:

\s5
\v 5 'Babaen iti nakaskasdaaw unay a pannakabalinko, pinarsuak ti daga, dagiti tattao ken dagiti ayup nga adda iti rabaw ti daga. Ket mabalinko nga ited dagitoy iti siasinoman a kayatko a pangtedan.
\v 6 Ket ita, ikkak iti kabaelan a mangituray iti pagilianyo ni Ari Nebucadnezar ti Babilonia, a mangar-aramid iti kayatko nga aramidenna. Ikkak isuna iti kabaelan a mangituray iti amin a banag, uray kadagiti atap nga ayup.
\v 7 Agtrabahonto para kenkuana dagiti tattao iti amin a nasion, ket kastanto met iti putotna, ken iti apokona agingga iti tiempo a malpas ti panagturayda. Ket dagiti armada ti adu nga agkakabileg nga ari manipud iti adu a nasion, parmekendanto ti Babilonia.

\s5
\v 8 Ngem ita, ibagak kadakayo a masapul nga aramidenyo ti kayat ti ari ti Babilonia nga aramidenyo, a kas iti nakapon a baka a sisasangol a masapul nga aramidenna ti kayat ti amona nga aramidenna. Dusaekto ti aniaman a nasion nga agkedked a mangaramid iti dayta. Ipaluboskonto nga aglak-am dagiti tattao iti dayta a nasion iti gubat, nakaro a panagbisin ken saksakit agingga a maparmek dagiti armada ti Babilonia dayta a nasion.

\s5
\v 9 Isu a saanyo nga ipangag dagiti palso a profetayo, dagiti palso a mammadto ken dagiti tattao a mangibaga iti mapasamak iti masakbayan babaen iti salamangka, wenno babaen iti pannakiuman kadagiti espiritu dagiti natay a tattao. Ibaga dagidiay a tattao a saanyo a pagserbian ti ari ti Babilonia gapu ta saanna a sakupen ti pagilianyo.
\v 10 Ulbod dagidiay a tattao. No patienyo ti ibagada, agbanag daytoy iti pannakaipanawyo a kas balud manipud iti dagayo. Ipaluboskonto a maipanawkayo iti dagayo, ket mataykayto iti adayo a lugar.
\v 11 Ngem dagiti tattao iti sadinoman a pagilian a mangaramid iti kayat ti ari ti Babilonia nga aramidenda, agtalinaeddanto iti bukodda a pagilian ket mabalindanto nga agmula a kas iti kankanayon nga ar-aramidenda. Sigurado a mapasamakto dayta gapu ta siak a ni Yahweh ti nangibaga iti daytoy."

\s5
\v 12 Kalpasan a naibagak dayta a mensahe kadagiti mangibagbagi iti ari, imbagak met laeng dayta a mensahe kenni Ari Zedekias iti Juda. Kinunak kenkuana, "No kayatmo pay ti agbiag, masapul nga aramidem dagiti kayat ti ari ti Babilonia ken dagiti opisialna.
\v 13 Kinamaag kenka no saanmo nga aramiden dayta, gapu ta ti pagbanaganna ket mataykanto ken dagiti tattaom babaen kadagiti kampilan dagiti kabusoryo, babaen iti nakaro a panagbisin wenno saksakit nga ipalubos ni Yahweh a lak-amen ti aniaman a nasion a saan nga agpaituray iti ari ti Babilonia.

\s5
\v 14 Saanmo nga ipangag dagiti profeta a mangibaga kenka, 'Saanmo a pagtulnogan ti ari ti Babilonia agsipud ta saanna a sakupen ti nasionmo.' Ulbodda.
\v 15 Kastoy ti kuna ni Yahweh: 'Saanko a dinutokan dagidiay a profeta. Ibagbagada nga inikkak ida iti mensahe, ngem agul-ulbodda. Isu a no patiem ida, papanawenka iti daytoy a daga. Ket sika ken dagidiay amin a profeta ket matayto idiay Babilonia!'"

\s5
\v 16 Kalpasanna, kinasaok dagiti papadi ken dagiti dadduma a tattao, kinunak, "Kastoy ti kuna ni Yahweh: 'Saankayo a mamati kadagiti profetayo a mangibaga kadakayo a dagiti balitok a banbanag manipud iti templok nga innala dagiti soldado a naggapu idiay Babilonia ket maisublinto iti mabiit manipud iti Babilonia, gapu ta inuulbod ti ipadpadtoda.
\v 17 Saanyo nga ipangag ti ibagada. Agpaituraykayo iti ari ti Babilonia. No aramidenyo dayta, agbiagkayo. No saanyo nga aramiden dayta, madadaelto ti entero a siudad.
\v 18 No pudno a profetada a mangibagbaga kadagiti mensahe a nagtaud kaniak, ibagam nga agpakaasida kaniak, siak a ni Yahweh a Mannakabalin-amin a saanko nga ipalubos nga ipanaw dagiti soldado iti Babilonia dagiti agkakapateg a banag nga adda pay laeng iti templo, iti palasio ti ari ken iti dadduma a palasio iti Jerusalem nga ipanda idiay Babilonia.

\s5
\v 19 Naibagak daytoy gapu ta dagiti dadakkel nga adigi nga adda iti sangoanan ti templo, ti dakkel a bronse a pagkargaan iti danum ken ti sangapulo a kasla kariton a nakaiparabawan ti pagkargaan iti danum ken amin dagiti dadduma a banag a mausar iti panagidaton ket adda pay laeng iti daytoy a siudad.
\v 20 Saan nga innala ni Ari Nebucadnezar idiay Babilonia dagidiay a banag nga adda ditoy idi impanawna a kas balud ti ari ti Juda a ni Jehoiachin a putot ni Jehoyakim, kaduada dagiti dadduma pay a mangidadaulo iti Jerusalem ken dagiti mangidadaulo iti dadduma a lugar iti Juda.

\s5
\v 21 Kastoy ti kuna ni Yahweh a Mannakabalin-amin maipanggep kadagiti amin a napapateg a banag nga adda pay laeng iti ruar ti templo ken iti palasio ti ari ti Juda:
\v 22 'Maipanto amin dagitoy idiay Babilonia. Ket agtalinaedto dagitoy sadiay agingga nga ibagak a nasken a maisubli dagitoy iti Jerusalem. Ket maisublinto dagitoy ditoy. Siak a ni Yahweh ti nagkuna iti daytoy.'"

\s5
\c 28
\p
\v 1 Napasamak dagitoy a banbanag idi mangrugi nga agturay ni Zedekias a kas ari ti Juda. Napasamak iti maika-uppat a tawen ken maikalima a bulan a panagturay ni Zedekias, ni Hananias a profeta a nagtaud iti siudad ti Gibeon a putot ni Azur, ket nakisarita kenni Jeremias iti paraangan ti templo bayat a dumdumngeg dagiti papadi ken dagiti dadduma a tattao. Kinunana,
\v 2 "Kastoy ti kuna ni Yahweh a Mannakabalin-amin a daydayawen ti Israel: 'Pasardengekto ti panangituray kadakayo ti ari ti Babilonia.

\s5
\v 3 Iti uneg ti dua a tawen, paisublikto dagiti agkakapateg a banbanag nga innala dagiti soldado ni Ari Nebucadnezar manipud iti templo nga impanda idiay Babilonia.
\v 4 Ket isublikto met iti daytoy a lugar ti Ari ti Juda a ni Jehoiachin a putot ni Jehoyakim, ken amin dagiti dadduma pay a tattao a natiliw ken naipan idiay Babilonia. Pinilitnakayo ti ari ti Babilonia a mangaramid kadagiti kayatna, kas iti panangikabil ti maysa a tao iti sangol iti maysa a kalakian a baka tapno mapilitan daytoy a mangaramid kadagiti kayatna nga aramiden daytoy. Ngem pagpatinggaekto dayta. Mapasamakto dayta gapu ta siak a ni Yahweh ti nangibaga iti daytoy.'"

\s5
\v 5 Simmungbat ni Jeremias kenni Hananias iti sangoanan dagiti papadi ken dagiti dadduma a tattao a nakatakder iti sangoanan ti templo.
\v 6 Kinunana, "Kayatko a pumudno dayta! Tarigagayak a ti impadtom ket mapasamakto a kas iti imbagam! Sapay koma ta paisublinanto kadagiti lallaki manipud Babilonia dagiti agkakapateg a banbanag nga adda iti daytoy a templo, kasta met dagiti amin a tattao a naipan idiay Babilonia.
\v 7 Ngem ita, dumngegka iti ibagak kenka bayat a dumdumngeg amin dagitoy a tattao.

\s5
\v 8 Adu a tawen ti napalabas, nagipadto dagiti profeta nga immun-una kadata kadagiti mensahe maipanggep iti adu a nasion ken agkakabileg a pagarian. Impadtoda nga addanto rumsua a gubgubat, didigra ken ang-angol kadagidiay a nasion.
\v 9 Isu nga ita, sika wenno siasinoman a profeta a mangipadto a nasayaatto ti pagbanagantayo, masapul nga ipakitayo a husto ti mensaheyo. Ti laeng pannakatungpal ti impadtom a mapasamak ti pakaammoanmi a pudno a ni Yahweh ti nangdutok kenka.."

\s5
\v 10 Kalpasanna, inikkat ni Hananias ti sangol nga adda iti tengngedko ket dinadaelna daytoy.
\v 11 Ket kastoy ti kinunana kadagiti tattao nga adda sadiay: "Kastoy ti kuna ni Yahweh: 'Kas iti panangdadael ni Hananias iti daytoy a sangol, iti uneg ti dua a tawen, pasardengekto ti panangpilpilit ni Ari Nebucadnezar iti Babilonia kadagiti tattao a mangaramid kadagiti kayatna nga aramidenda, a naiyarig iti nadagsen a sangol kadagiti tengngedda.'" Kalpasan a naibaga ni Hananias dayta, pimmanaw ni Jeremias iti templo.

\s5
\v 12 Saan a nagbayag kalpasan ti panangdadael ni Hananias iti sangol nga adda iti tengnged ni Jeremias, inted ni Yahweh daytoy a mensahe kenni Jeremias:
\v 13 "Mapanmo ibaga daytoy kenni Hananias: 'Ni Yahweh a Mannakabalin-amin a daydayawen ti Israel kinunana, nupay dinadaelmo ti sangol a kayo, sukatak daytoy iti landok a sangol.
\v 14 Pinilitko dagiti tattao kadagitoy amin a nasion nga agbalin a tagabu ni Ari Nebucadnezar iti Babilonia. Dayta ket maiyarig iti landok a sangol nga adda kadagiti tengngedda. Pinaiturayak amin kenkuana, uray dagiti atap nga ayup."'

\s5
\v 15 Napan ngarud ni Jeremias kenni Hananias ket kinunana kenkuana, "Hananias, dumngegka iti daytoy! Saannaka a dinutokan ni Yahweh; ngem ketdi, nagipadtoka iti inuulbod kadagiti tattao ket pinatida dagiti kinaulbodmo.
\v 16 Ngarud, kastoy ti kuna ni Yahweh: 'Mataykanto iti mabiit. Sakbay a malpas daytoy a tawen, matayka, gapu ta inallukoymo dagiti tattao tapno agtignay iti maibusor kenni Yahweh.'"
\v 17 Natay ni Hananias kalpasan ti dua a bulan.

\s5
\c 29
\p
\v 1-2 Kalpasan a naipanaw ken naipan idiay Babilonia a kas balud ni Ari Jehoiachin, ti inana, dagiti opisial iti palasiona, ken dagiti dadduma nga opisial iti Juda ken Jerusalem, ken amin dagiti agduduma nga agkakalaing a pumapanday, nagsurat ni Jeremias kadagiti panglakayen, kadagiti papadi, kadagiti profeta, ken kadagiti amin a tattao nga impanaw dagiti soldado ni Nebucadnezar manipud Jerusalem nga impanda idiay Babiblonia.
\v 3 Intedna ti surat kenni Elasa a putot ni Safan ken ni Gemarias a putot ni Hilkias, idi dandanidan a mapan idiay Babilonia a kas mangibagi kenni Ari Zedekias kenni Ari Nebucadnezar. Kastoy ti linaon ti surat ni Jeremias:

\s5
\v 4 Kastoy ti kuna ni Yahweh a Mannakabalin-amin, ti Dios a daydayawen ti Israel kadakayo amin a tattao a naipanaw ditoy Jerusalem a naipan dita Babilonia:
\v 5 "Agipatakderkayo dita iti balbalayyo, ket planoenyo ti panagtalinaedyo dita gapu ta agtalinaedkayo dita iti adu a tawen. Agmulakayo ket kanenyo dagiti ibunga dagiti mulayo.

\s5
\v 6 Mangasawakayo ket aganakkayo. Ket inton dumakkel dagiti annakyo, pangasawaenyo dagiti annakyo a lallaki kasta met dagiti annakyo a babbai tapno maaddaanda met iti annak. Babaen iti dayta, umadukayo saan ket a bumassit.
\v 7 Kasta met nga aramidenyo dagiti banag nga ammoyo a makapasayaat kadagiti dadduma a tattao dita siudad a nangipanak kadakayo. Ikararagyo a nasayaat ti pagbanagan dagiti tattao iti dayta a siudad, gapu ta no nasayaat ti pagbanaganda, nasayaat met ti pagbanaganyo."

\s5
\v 8 Kastoy ti kuna ni Yahweh a Mannakabalin-amin, ti Dios a daydaywen ti Israel: "Adda kakaduayo a palso a profeta ken mammadto. Saanyo nga ipalubos nga allilawen dakayo. Saanyo ida nga ipangag no kasta nga agibagada kadakayo kadagiti tagtagainepda,
\v 9 gapu ta inuulbod dagiti ibagbagada kadakayo, ibagbagada nga intedko kadakuada dagiti mensahe nga ibagbagada kadakayo. Ngem saanko ida a dinutokan."

\s5
\v 10 Kastoy pay ti kuna ni Yahweh: "Kalpasan ti pitopulo a tawen a kaaddayo ken dagiti annakyo iti Babilonia, tulongankayto, ken aramidekto dagiti banag nga inkarik, ken pagsublienkayonto ditoy Jerusalem.
\v 11 Siak a ni Yahweh, ammok dagiti plinanok para kadakayo. Planok a nasayaatto ti pagbanaganyo, a saanko nga ipalak-am kadakayo dagiti didigra. Planok nga ikkankayo kadagiti adu a banag a mabalinyo namnamaen iti masakbayan, a makitanto daytoy dagiti kaputotanyo.

\s5
\v 12 Iti dayta a tiempo, inton mapankayo agdaydayaw kaniak ken awaganyo ti naganko babaen iti kararag, denggekto ti kararagyo.
\v 13 No sipupuso a tarigagayanyo a bendisionankayo, makitayonto a sungbatankayo.
\v 14 Tulongankayto. Wayawayaankayto tapno saankayonton nga agbalin a tagabu iti Babilonia. Ummongenkayto manipud iti amin a nasion a nangipanak kadakayo a kas balud, ket isublikayto ditoy bukodyo a daga, manipud iti lugar a nakaipananyo."

\s5
\v 15 Ibaga dagiti dadduma kadakayo a nangdutok ni Yahweh kadagiti profeta para kadatayo dita Babilonia.
\v 16 Ngem kastoy ti kuna ni Yahweh maipapan iti ari nga agturturay ditoy Jerusalem ken kadagiti amin a dadduma a tattao nga agnanaed pay laeng ditoy—dagiti kakabagianyo a saanyo a kadua a naipan dita Babilonia.
\v 17 Kastoy ti kuna ni Yahweh a Mannakabalin-amin: "Ipalak-amkonto kadakuada dagiti gubat, nakaro a panagbisin ken saksakit. Pagbalinekto ida a kas kadagiti nalungsot nga igos nga awan a pulos ti mangan kadagitoy.

\s5
\v 18 Saanak nga agsardeng a mangipalak-am kadakuada kadagiti gubat, nakaro a panagbisin ken kadagiti saksakit. Ket iwarawarakto ida iti entero a lubong. Iti tunggal pagilian a kapilitan a nakaipananda, pagbalinekto ida a tattao a ti naganda ket usarento dagiti dadduma a tattao no agilunodda ken agbalindanto a pagbutbutngan ken maum-umsi.
\v 19 Mapasamakto dayta gapu ta saanda nga impangag dagiti mensahek, dagiti mensahe nga intedko kadagiti profeta nga imbaonko kadakuada. Ket dakayo a naipan a kas balud idiay Babilonia, saankayo man laeng a dimngeg kadakuada." Kasta ti kuna ni Yahweh.

\s5
\v 20 Isu a dakayo a tattao a naipanaw manipud Jerusalem a naipan iti Babilonia a kas balud, dumngegkayo iti daytoy a mensahe a naggapu kenni Yahweh.
\v 21 Kastoy ti kuna ni Yahweh a Mannakabalin-amin, a Dios a daydayawen ti Israel maipapan kenni Ahab a putot ni Kolaiah ken ni Zedekias a putot ni Maaseias nga agululbod kadakayo, kinunada a naggapu kenni Yahweh dagiti mensahe nga ibagbagada: "Matiliwdanto ket maipanda kenni Ari Nebucadnezar, a mangipapatayto kadakuada iti sangoananyo a mismo.

\s5
\v 22 Gapu iti mapasamakto kadakuada, dakayo amin a tattao a naipanaw ditoy Juda a naipan idiay Babilonia kastoyto ti ibagayo no adda ilunodyo, "Sapay koma ta aramidento ni Yahweh kadakayo ti kas iti inaramidna kenni Zedekias ken ni Ahab, nga impapatay ti ari ti Babilonia babaen iti pannakapuor.'
\v 23 Nagaramidda kadagiti nakarimrimon a banbanag kadagiti tattaok nga Isarelita. Nakikamalalada kadagiti babbai nga assawa dagiti kaarrubada, ken inuulbod ti imbagbagada, ibagbagada a dagitoy a mensahe ket nagtaud kaniak. Nangisawangda kadagiti banbanag a saanko nga imbaga nga ibagada. Ket Siak a ni Yahweh, nangngegko nga imbagada dagidiay."

\s5
\v 24 Imbaga ni Yahweh kaniak nga ipatulodko daytoy a mensahe kenni Semaias, a maysa a lalaki manipud Nehelam nga agnanaed idiay Babilonia.
\v 25 "Kastoy ti kuna ni Yahweh a Mannakabalin-amin, ti Dios a daydayawen ti Israel: "Nangaramidka iti surat nga awan ti nangibaga kenka nga isuratmo. Impatulodmo daytoy kenni Zefanias a padi a putot ni Maaseias, ket nangipatulodka kadagiti kopia daytoy kadagiti dadduma a papadi ken kadagiti dadduma a tattao ditoy Jerusalem. Kastoy ti insuratmo kenkuana:
\v 26 'Zefanias, dinutokannaka ni Yahweh a kas a padi a maisukat kenni Jehoiada, tapno kitaen ken idauloam dagiti agtrabtrabaho iti templo. Rumbeng nga ibalud ken kawaram ti siasinoman a kasla bagtit ken agkuna nga isuna ket profeta.

\s5
\v 27 Apay ngarud a saanmo a pinasardeng ni Jeremias a taga-Anatot nga agpampammarang nga isuna ket maysa a profetayo?
\v 28 Nangipatulod isuna iti surat kadakami nga adda ditoy Babilonia, nga agkunkuna nga agbayagkami pay ditoy iti napaut a tiempo. Isu a kinunana a nasken a mangipatakderkami iti balbalay a paggiananmi ditoy, agmulakami ken kanenmi dagiti bunga ti imulami."
\v 29 Ngem idi naawat ni Zefanias a padi ti suratmo, inyegna kaniak ket imbasana daytoy kaniak.

\s5
\v 30 Kalpasanna, inted ni Yahweh kaniak daytoy a mensahe:
\v 31 "Ipatulodmo daytoy a mensahe kadagiti amin a tattao manipud Juda nga adda dita Babilonia: Ibagam a kastoy ti ibagbaga ni Yahweh maipapan kenni Semaias a taga-Nehelam: 'Saanko a dinutokan isuna, ngem inallilawnakayo ken pinamatinakayo kadagiti inuulbod nga impadpadtona.
\v 32 Isu a dusaekto isuna ken ti pamiliana. Inallukoynakayo nga agsukir kaniak. Gapu iti dayta, matayto iti mabiit dagiti amin a kaputotanna. Adunto a banbanag ti aramidek para kadakayo, dakayo a tattaok, ngem isuna ken dagiti kaputotanna, saandanto a makita dagidiay a banbanag, gapu ta mataydanton. Sigurado a mapasamakto dayta, gapu ta Siak a ni Yahweh, ti nangibaga iti daytoy!'"

\s5
\c 30
\p
\v 1 1Nangted ni Yahweh iti maysa pay a mensahe kenni Jeremias. Kinunana,
\v 2 "Siak, a ni Yahweh a Dios ti Israel, ibagak kenka nga isuratmo amin dagiti banag nga imbagak kenka.
\v 3 Kayatko a maamoam a dumtengto ti aldaw a wayawayaak dagiti tattaok, dagiti tattao iti Israel ken Juda, manipud iti pannakatagabuda idiay Babilonia. Isublikto ida iti daytoy a daga nga intedko kadagiti kapuonanda, ket tagikuaendanto manen daytoy a daga. Sigurado a mapasamakto dayta gapu ta siak a ni Yahweh, ti nangibaga iti daytoy."

\s5
\v 4 Inikkannak ni Yahweh iti maysa pay a mensahe maipapan kadagiti tattao iti Israel ken Juda.
\v 5 Kastoy ti kinunana, "Nangngegko dagiti tattao nga agiikkis gapu ta mabutbutengda; awan ti kapia iti daga."

\s5
\v 6 Ngem panunotenyo ti maipanggep iti daytoy: Saan nga agpasngay dagiti lallaki. No kasta ngarud, apay nga agtaktakder sadiay dagiti napipigsa a lallaki, nga urayla pimmuspusyaw dagiti rupada, ket ap-aprusanda dagiti buksitda, a kasla babbai a dandanin aspasngay?
\v 7 Nakabutbuteng a banbanag ti mapasamakto iti mabiit; Nakabutbutengto dayta nga aldaw! Awan pay ti kas iti dayta a tiempo. Daytanto ket tiempo a mapadasan dagiti tattaok nga Israelita iti nakaro a riribuk, ngem maisalakandanto met laeng manipud kadagiti panagsagsagabada."

\s5
\v 8 Kastoy ti kuna ni Yahweh, a Mannakabalin-amin: “Iti daytanto a tiempo, wayawayaakto dagiti tattaok manipud iti pannakatagabuda, a kasla pugsatek dagiti tali a nangreppet kadakuada. Saanto ida a tagaboen pay dagiti tattao kadagiti dadduma a pagilian.
\v 9 Pagserbiandakto manen dagiti tattaok, siak a ni Yahweh a Diosda, ken agserbidanto iti maysa nga ari a kaputotan ni Ari David; ket dutokakto daytoy nga ari para kadakuada.

\s5
\v 10 Isu a dakayo a tattao ti Israel nga agserserbi kaniak, saankayo a maupay ita, gapu ta dumtengto ti aldaw nga isublikayo ditoy manipud kadagiti adayo a lugar. Isublikto kadagiti pagtaenganda dagiti kaputotanyo manipud iti daga a nakaipananda a kas balud. Ket dakayo nga Israelita, agbiag kayonto manen a sikakapia ken sitatalged, ket awanto ti uray ania a nasion a mamagbuteng kadakayo.
\v 11 Kunak, siak a ni Yahweh, makiaddaakto kadakayo ket ispalenkayto; Dadaelekto a naan-anay dagiti nasion a nangiwarawaraak kadakayo. Ngem saankayonto a dadaelen a naan-anay. Dusaenkayonto gapu iti adu a basbasolyo, ngem dusaenkayo laeng iti nakaro kas iti maiparbeng kadakayo: Saan nga umno ti aramidek no saankayo a dusaen."

\s5
\v 12 Kastoy pay ti kuna ni Yahweh: "Nagsagabakayo iti kasta unay, a kasla addaan kayo iti nakaro a sugat a saan nga umimbag.
\v 13 Awan ti siasinoman a mabalin a tumulong kadakayo, awan ti mangbedbed iti sugatyo. Awan agas a makapaimbag kadakayo.

\s5
\v 14 Pinanawandakayo dagiti amin a nakikadwaanyo ken saandakayon a kayat a tulungan. Pudno a dinusakayo iti kasta unay, a kas iti mabalin nga aramiden kadakayo dagiti kabusoryo, gapu ta nakaaramidkayo iti adu a basol ket pudno unay a nakabasolkayo.
\v 15 Gapu ta pudno dayta, apay nga agririkayo maipanggep iti panangdusak kadakayo, a kasla sinugatkayo iti sugat a saan a mapaimbag? Kasapulan a dusaenkayo, gapu ta nakaaramidkayo iti adu a basbasol ket pudno unay a nakabasolkayo.

\s5
\v 16 Ngem dumtengto ti aldaw nga amin dagiti mangpadpadas a mangdadael kadakayo ket madadaelto; amin dagiti kabusoryo ket maipanawto a kas balud kadagiti sabali a nasion. Amin dagiti nangtakaw kadagiti banbanag manipud kadakayo ket matakawto met dagiti napapateg a sanikuada, ken amin dagiti nangraut kadakayo ket marautto met.
\v 17 Ibagbaga dagiti amin tattao a napatalawkayo, ken agnanaedkayo idiay Jerusalem, a maysa a siudad nga awan mangisaksakit." Ngem kuna ni Yahweh, "Paimbagekto dagiti dunoryo ken pasalun-atenkayo manen.”

\s5
\v 18 Kastoy ti kuna ni Yahweh, "Isublikto dagiti tattao ti Israel manipud kadagiti daga a nakaipananda ken ipaluboskonto manen a tagikuaenda dagiti dagada ken dagiti balbalayda. Inton mapasamak dayta, maibangonto manen ti Jerusalem iti rabaw dagiti dadael daytoy, ken maibangonto manen ti palasio ti ari a kas disso a pangukoman.
\v 19 Agkantanto manen a sirarag-o dagiti tattao kas panagyamanda kaniak, ken paaduekto pay dagiti tattao iti Jerusalem, saan ket a kissayan; Pagbalinekto ida a maidaydayaw, saan ket a malalais.

\s5
\v 20 Rumang-ayto dagiti annakda a kas met iti panagrang-ayda idi. Pagbalinekto ida a bunggoy dagiti tattao a mangdaydayaw kaniak, ket dusaekto ti aniaman a nasion a mangidadanes kadakuada.
\v 21 Maysanto kadagiti bukodda a tattao ti agbalin nga arida, ket awisekto isuna nga umasideg kaniak tapno agdayaw kaniak, gapu ta awan ti makaitured nga umasideg kaniak no saanko nga awisen isuna.
\v 22 Dakayo nga Israelita ket agbalinto a tattaok, ket siakto ti Diosyo."

\s5
\v 23 Dusaento ni Yahweh dagiti kabusoryo; maiyarigto daytoy iti maysa a napigsa a bagio, bumabanto daytoy a kasla alipugpog, ket agpusipos iti ulo dagiti nadadangkes a tattao.
\v 24 Saanto nga agsardeng ti panagpungtotna agingga a maipatungpalna a naan-anay amin dagiti pinanggepna. Silalawagto a maawatanyo amin dagitoy iti masakbayan.

\s5
\c 31
\p
\v 1 Imbaga ni Yahweh nga iti dayta a tiempo, isunanto ti Dios a daydayawen dagiti amin a puli ti Israel, ket isudanto dagiti tattaona.
\v 2 Kastoy ti kuna ni Yahweh: "Dagiti tattao a nabati a sibibiag ken saan a napapatay babaen kadagiti kampilan dagiti kabusorda ket binendisionak uray idi addada idiay disyerto; no sadinno ket nakalasatda.
\v 3 Idi un-unana a tiempo, Siak a ni Yahweh, imbagak kadagiti kapuonanyo nga Israelita, 'Inay-ayatkayo ken itultuloykayto nga ayaten iti agnanayon. Gapu iti napudno a panagayatko kadakayo, inyasidegkayo kaniak.'

\s5
\v 4 Ket ita, ibagak kadakayo, dakayo a tattaok nga Israelita nga ibilangkonto a kasla nalinis a babai, a pagbalinenkanto manen a maysa a nasion. Sirarag-okayto nga agsasala bayat a tuktukarenyo dagiti panderetayo.
\v 5 Mulaanyonto manen dagiti kaubasanyo kadagiti katurturodan ti Samaria, ken kanenyonto dagiti ubas nga agtubo sadiay.
\v 6 Addanto tiempo nga ipukkawto dagiti agbanbantay manipud iti katurturodan ti Samaria, 'Umaykayo, sumang-attayo idiay Jerusalem tapno agdayaw kenni Yahweh a Diostayo!'"

\s5
\v 7 Ket kastoy pay ti kuna ni Yahweh: "Sirarag-okayo nga agkanta maipanggep iti inaramidko para kadagiti tattao ti Israel! Ipukkawyo ti maipapan iti nasionyo, a naindaklan a nasion! Agpukkawkayo a sirarag-o, a mangidaydayaw kaniak a kunayo, 'Inispal ni Yahweh dagiti tattaona, dagiti tattao a sibibiag pay laeng!'

\s5
\v 8 Aramidenyo dayta gapu ta isublikto ida manipud iti amianan a daya, manipud kadagiti kaaadayoan a lugar iti daga. Karamanto kadakuada dagiti bulsek ken pilay a tattao, dagiti masikog a babbai ken dagiti agpaspasikal a babbai. Agbalindanto a dakkel a bunggoy dagiti tattao!
\v 9 Agsasangitdanto bayat iti panagsublida, ken agkarkararagdanto kaniak. Iturongkonto ida iti igid ti agay-ayus a danum, iti nasimpa a dalan a saandanto a maitibkol. Aramidekto daytoy gapu ta kayarigak ti maysa nga ama kadagiti Israelita; a kasla inauna nga anakko ti Israel."

\s5
\v 10 Dakayo a tattao kadagiti nasion iti lubong, dumngegkayo iti daytoy a mensahe a naggapu kenni Yaweh. Ket iwaragawagyo daytoy kadagiti tattao nga agnanaed kadagiti ig-igid ti baybay iti adayo. Winarawara ni Yahweh dagiti tattaona, ngem ummongennanto manen ida ken aywanannanto ida a kas iti panangaywan iti maysa nga agpaspastor kadagiti karnerona.
\v 11 Subbutento ni Yahweh dagiti tattaona nga Israelita manipud kadagiti kabusor a nangparmek kadakuada gapu ta napigpigsada nga amang ngem dagiti tattaona.

\s5
\v 12 Agsublinto dagiti tattao ni Yahweh idiay Jerusalem ken sirarag-odanto nga agpukkaw kadagiti bakras ti Turod Sion. Agrag-odanto gapu kadagiti banbanag nga aglaplapusanan nga insagut ni Yahweh kadakuada—dagiti trigo ken barbaro nga arak, lana ti olibo ken urbon a karnero ken baka. Maiyarigdanto a mismo iti maysa a minuyungan a masibsibugan a nasayaat, ket saandanton a makarikna iti bannog.

\s5
\v 13 Sirarag-onto nga agsala dagiti babbalasang, ken dagiti amin a lallaki, agtutubo ken nataengan, ket agsasalanto met a kaduada. Pagrag-oekto ida a saan ket a pagladingiten; Liwliwaekto ida ken pagbalinek ida a naragsak saan ket a naliday.
\v 14 Maaddaanto dagiti papadi iti aglaplapusanan a makan ken mainum, ken mapnekto dagiti tattaok kadagiti nasayaat a banbanag nga itedko kadakuada. Pudno a mapasamakto dayta gapu ta Siak a ni Yahweh ti nangibaga iti daytoy!'’

\s5
\v 15 Kastoy pay ti kuna ni Yahweh: "Agsasangit dagiti babbai idiay Ramah, iti beddeng a nagbaetan ti Israel ken Juda; agladladingit ken agsangsangitda iti nakapigpigsa. Dagiti babbai a kaputotan da Efraim ken Manases, dagiti dua a lallaki nga appoko ni Raquel nga asawa ni Jacob, agsangsangitda gapu kadagiti annakda, ket awan ti siasinoman a makaliwliwa kadakuada gapu ta natay amin dagiti annakda.

\s5
\v 16 Ngem ita, kastoy ti kuna ni Yahweh: 'Saankayon nga agsangit pay, gapu ta gunggunaankayto gapu kadagiti nasasayaat a banbanag nga inaramidyo para kadagiti annakyo. Agsublinto dagiti annakyo manipud iti daga a nangipanan dagiti kabusorda kadakuada.
\v 17 Siak a ni Yahweh ti mangibagbaga kadayo nga addanto dagiti banbanag a mabalinyo a namnamaen a sitatalged nga aramidek kadakayo iti masakbayan. Agsublinto dagiti annakyo iti bukodda a daga.'

\s5
\v 18 Nangngegko dagiti tattao ti Israel nga agladladingit iti kasta unay ket ibagbagada kaniak, 'Dinusanakami iti kasta unay, a kas kadagiti toro a sapsaplitan dagiti akinkukua tapno suruanda dagitoy nga agarado. Isu nga isublinakami koma tapno agtulnogkami manen kenka, gapu ta nakasaganakami nga agsubli kenka, gapu ta sika laeng ti Yahweh a Diosmi.
\v 19 Timmallikodkami kenka, ngem nagbabawikami; kalpasan nga impaamirismo kadakami a nakabasolkami. Dinandanogmi ti barukongmi a mangipakita a mababainkami iti kasta unay gapu kadagiti basbasol nga inaramidmi idi agtutubokami pay laeng.'
\v 20 Ngem kastoy ti kunak, Siak a ni Yahweh: Pudno a dagiti tattao nga Israelita ket dungdungwek latta nga annakko. Kasapulan a masansan nga iballaagko kadakuada a dusaek ida, ngem ipatpategko latta ida. Isu a saanko ida a linipat, ken sigurado a kaasiakto ida.

\s5
\v 21 Dakayo nga Israelita; mangikabilkayo kadagiti pagilasinan iti kalsada, mangipatakderkayo kadagiti poste iti igid dagiti kalsada tapno adda pagilasinan iti kalsada a nagnaanyo idi naipanawkayo idiay Jerusalem.
\v 22 Patpatgek nga Israelita, agsublikayo kadagiti iliyo ditoy. Dakayo a tattao a maiyarig kadagiti annak a babbai a nangpanaw kadagiti nagannakda, kasano pay kabayag ti panangitultuloyyo nga umadayo kaniak? Siak a ni Yahweh, addanto saan a kadawyan a pasamak iti daga nga aramidek: salaknibanto dagiti babbai ti Israel dagiti assawada bayat iti panagdaliasatda nga agsubli ditoy!”

\s5
\v 23 Kastoy ti kuna ni Yahweh a Mannakabalin-amin, ti Dios a daydayawen ti Israel, "Inton isublik ida manipud kadagiti pagilian a nakaipananda a kas balud, kunaento manen dagiti amin a tattao manipud kadagiti ili iti Juda, 'Namnamaek a bendisionan ni Yahweh daytoy a pagtaengak, ti nasantoan a disso a pagnaedanto dagiti nalilinteg a tattao!'
\v 24 Dagiti tattao ti Juda nga agnanaed kadagiti il-ili, agraman dagiti mannalon ken dagiti agpaspastor, agkakaduadanto amin idiay nga agnaed a sikakapia.
\v 25 Pabang-arekto dagiti tattao a nabannog babaen iti panaginumda iti danum, ket papigsaekto manen dagiti tattao a nabannog unay."
\v 26 Ket Siak a ni Jeremias, nakariingak kalpasan a natagtagainepko amin dagitoy a banbanag, ket kimmitaak iti aglawlaw. Nakaturogak gayam iti nasimbeng!

\s5
\v 27 Kalpasanna, kastoy ti kuna ni Yahweh kaniak, "Addanto tiempo inton paaduek iti kasta unay ti bilang dagiti tattao ken dagiti dingwen ditoy Israel ken Juda.
\v 28 Iti kallabes, impalubosko a papanawen dagiti kabusorda dagiti tattao manipud iti dagada ken dadaelenda dagiti dagada ken mangiyegda iti adu a didigra iti daytoy. Ngem iti masakbayan, ikkakto ida iti kabaelan a mangipatakder manen kadagiti balbalay ken agmula manen ditoy Israel. Pudno a mapasamakto dayta gapu ta Siak a ni Yahweh, ti nangibaga iti daytoy.

\s5
\v 29 Iti kallabes, masansan nga ibaga dagiti tattao, 'Nangan dagiti nagannak kadagiti naaalsem nga ubas, ngem ngipen dagiti annakda ti naalino.' Kayatda a sawen a saan a nainkalintegan a madusada gapu kadagiti basbasol dagiti kapuonanda. Ngem inton isublik ida iti dagada, saandanton nga ibaga pay dayta.
\v 30 Ngem ita, matayto dagiti amin tattao gapu kadagiti basbasol nga isuda a mismo ti nangaramid. Maiyarigto daytoy iti 'Ti tao a mangan iti naalsem nga ubas ket ngipenna a mismo ti maalino.'

\s5
\v 31 Kastoy ti kunak, Siak a ni Yahweh: 'Addanto tiempo inton agaramidak iti baro a tulag kadagiti tattao ti Israel ken Juda.
\v 32 Daytoy a baro a tulag ket saan a kas iti tulag nga inaramidko kadagiti kapuonanda idi kinibinko ida ken indauloak ida a rimuar idiay Egipto. Saanda a tinungpal dayta a tulag, urayno inayatko ida a kas iti panagayat dagiti lallaki kadagiti assawada.'

\s5
\v 33 Kastoy ti kunak, Siak a ni Yahweh: "Kastoy ti baro a tulag nga aramidekto kadagiti tattao ti Israel inton madanon ti aldaw: Ikabilkonto dagiti lintegko kadagiti panunotda ken isuratko dagitoy iti kaungganda. Siakto ti Diosda, ken isudanto dagiti tattaok.
\v 34 Ket saandanton a kasapulan a suroan dagiti kaarrubada wenno dagiti kakabagianda a kunaenda, "Masapul a maam-ammoyo ni Yahweh," gapu ta am-ammodakto aminen, agraman dagiti saan a natan-ok ken dagiti natatan-ok a tattao. Ket pakawanekto ida iti nakaro a kinadangkesda, ken saankonton a lagipen pay dagiti basol nga inar-aramidda.'"

\s5
\v 35 Ni Yahweh ti mangpaspasingising iti init tapno mangipaay iti lawag iti aldaw, ken isu ti mangparparaniag iti bulan ken kadagiti bituen tapno aglawagda iti rabii. Kiburenna dagiti baybay, isu nga agdaranudor dagiti dalluyon. Isuna ni Yahweh a Mannakabalin-amin ket kastoy ti kunana:
\v 36 "Agtalinaedto iti agnanayon dagiti tattaok nga Israelita malaksid no pukawekto dagiti linteg a mangtengtengngel iti sangalubongan.

\s5
\v 37 Ket kastoy ti kunak: 'Awan ti siasinoman a makabael a mangrukod iti langit ken awan ti siasinoman a makabael a mangammo no ania iti mangtengtengngel iti daga. Kas met laeng iti daytoy, saankonto a laksiden dagiti kaputotan ni Jacob gapu kadagiti amin a dakes a banbanag nga inaramidda.' Pudno a mapasamak dayta, gapu ta Siak a ni Yaweh ti nangibaga iti daytoy!

\s5
\v 38 Siak a ni Yahweh, ibagbagak pay nga addanto tiempo a maibangonto manen dagiti amin a banag iti Jerusalem para kaniak, manipud iti torre ti Hananel iti suli nga amianan a daya, agpalaud iti ruangan a managan iti Ruangan iti Suli.
\v 39 Rukudento dagiti trabahador ti beddeng iti turod ti Gareb agingga iti abagatan a laud ti Goa.
\v 40 Ket mailasinto para kaniak ti entero a disso, karaman ti lugar a pakaibelbellengan dagiti bangkay ken dagiti dapo idiay Turod Kidron, ken amin dagiti kataltalunan iti daya agingga iti Ruangan ti Kabalio. Ket saanton a maparmek wenno madadael pay ti siudad ti Jerusalem."

\s5
\c 32
\p
\v 1 Kalpasan iti agarup sangapulo a tawen a panagturturay ni Zedekias iti Juda, inikkannak ni Yahweh iti maysa pay a mensahe, kabayatan iti tiempo a panagturturay ni Nebucadnezar idiay Babilonia iti agarup sangapulo ket walo a tawen.
\v 2 Pinalikmutan dagiti armadana ti Jerusalem, ket adda ni Jeremias iti pagbalodan iti paraangan a pagigianan dagiti guardia ti ari.

\s5
\v 3 Inkabilnak sadiay ni Ari Zedekias. Intultuloyko ti nangipadto sadiay maipanggep kadagiti mabalin a mapasamakto. Intultuloyko nga imbaga, "Kinuna ni Yahweh nga umadanin ti panangipalubosna a sakupen ti armada ti ari ti Babilonia daytoy a siudad.
\v 4 Ket awan duadua a tiliwento dagiti soldado ti Babilonia ni Ari Zedekias ket idatagda isuna iti sangoanan ti ari iti Babilonia.
\v 5 Kalpasanna, ipanto dagiti soldadona ni Zedekias idiay Babilonia, ket agtalinaedto isuna sadiay agingga nga ipadusak isuna. Ket no padasenna ti lumaban kadagiti soldado ti Babilonia, saanto isuna nga agballigi." Sinaludsod ni Ari Zedekias kenni Jeremias no apay nga itultuloyna nga ibagbaga ti kasta, ngem naibagan ni Yahweh a kastoy ti mapasamak.

\s5
\v 6 Iti dayta a tiempo, adda pay maysa a mensahe nga impakaammo ni Yahweh kenni Jeremias. Kinunana,
\v 7 "Umayto kenka ti kasinsinmo a ni Hanamel a putot ti ulitegmo a ni Sallum. Ibagananto kenka, "Gatangem ti talonko nga adda idiay Anatot a nakaiyanakam a daga. Gapu ta sika ti kaasitgan a kabagiak, naisurat iti lintegtayo a sika ti adda karbenganna a manggatang iti daytoy sakbay nga ilakok daytoy iti sabali a mangayat a manggatang."'

\s5
\v 8 Ket kas iti impadto ni Yahweh, immaynak ngarud sinarak ti kasinsinko a ni Hanamel iti paraangan ti palasio. Kinunana, "Pangaasim ta gatangem ti talonko idiay Anatot iti disso a pagnanaedan dagiti kaputotan ni Benjamin. Naisurat daytoy kadagiti paglintegantayo a sika ti adda karbenganna a manggatang iti daytoy sakbay nga ilakok daytoy iti sabali a mangayat a manggatang." Idi naibagana dayta, ammokon a ti mensahe a naawatko ket pudno a naggapu kenni Yahweh.
\v 9 Isu a ginatangko ti talon idiay Anatot. Binayadak ni Hanamel iti sangapulo ket pito a pidaso ti pirak para iti daytoy.

\s5
\v 10 Pinirmaak ti papel a nakailanadan ti kasuratan a gatangek ti daga, iti imatang dagiti dadduma a tattao. Kalpasanna, tinimbangko ti pirak ket intedko kenkuana.
\v 11 Ket nangalaak iti dua a kopia ti kasuratan. Naselioan ti maysa ken saan a naselioan ti maysa. Agpada a naisurat kadagitoy ti gatad ken dagiti katulagan iti pananggatang. Innalak ti dua a kopia
\v 12 ket intedko dagitoy kenni Baruk a putot ni Nerias, ken apoko ni Maaseias. Inaramidko daytoy iti imatang ti kasinsinko a ni Hanamel, iti imatang dagiti dadduma a saksi a nagpirma iti kasuratan, ken dagiti dadduma pay a lallaki ti Juda nga adda iti paraangan.

\s5
\v 13 Kalpasanna, bayat a dumdumngegda amin, kinunak kenni Baruk,
\v 14 "Kastoy ti kuna ni Yahweh a Mannakabalin-amin, ti Dios a daydayawen ti Israel: "Alaem dagitoy dua a kopia ti kasuratan ket ikabilmo iti banga tapno agpaut dagitoy.
\v 15 Aramidem dayta gapu ta kastoy ti kunak, Siak a ni Yahweh a Mannakabalin-amin, ti Dios a daydayawen ti Israel: Addanto aldaw a tagikuaento manen dagiti tattao dagiti bukodda a sanikua iti daytoy a daga, ket gumatang ken agilakodanto kadagiti balbalay, kaubasan ken taltalon.'"

\s5
\v 16 Kalpasan nga intedko dagiti kasuratan kenni Baruk, nagkararagak kenni Yahweh a kastoy ti kunak:
\v 17 "O Yahweh, sika ti Apok! Pinarsuam ti langit ken daga babaen iti naindaklan unay a pannakabalinmo. Para kenka, awan iti narigat nga aramiden.
\v 18 Impakitam kadagiti rinibribu a tattao a kanayonkanto latta a napudno iti tulagmo kadakuada, ngem sagabaen dagiti tattao dagiti supapak dagiti basbasol nga inaramid dagiti nagannakda. Sika ti naindaklan ken mannakabalin a Dios. Sika ni Yahweh a Mannakabalin-amin.

\s5
\v 19 Nalinteg amin dagiti panggepmo ken nakaskasdaaw dagiti aramidmo. Makitam no kasano nga agtignay dagiti amin tattao ken ar-aramidem ti maiparbeng kadakuada.
\v 20 Nangaramidka iti adu a milagro idiay Egipto, ket agtultuloy nga agaramidka kadagiti milagro ditoy Israel ken iti dadduma pay a paset ti lubong. Gapu iti dayta, nagbalinka a nalatak unay.
\v 21 Inruarmo idiay Egipto dagiti kapuonanmi nga Israelita babaen iti panangar-aramidmo iti adu a milagro, babaen iti naindaklan unay a pannakabalinmo, a namagbuteng kadagiti kabusormi.

\s5
\v 22 Intedmo kadakami nga Israelita daytoy a nadam-eg a daga a sipapasnekmo nga inkari nga itedmo kadagiti kapuonanmi.
\v 23 Immay ditoy dagiti kapuonanmi ket sinakupda daytoy a daga ken nagnaedda iti daytoy, ngem saanda a nagtulnog kenka wenno saanda nga inaramid ti imbilinmo kadakuada nga aramidenda. Gapu iti dayta, impalak-ammo kadakuada dagitoy amin a didigra.

\s5
\v 24 Ket ita, nangbangon dagiti armada ti Babilonia kadagiti pagbatayan a pagnaan kadagiti pader ti siudadtayo tapno rautenda ti siudad. Gapu kadagiti kampilan dagiti kabusortayo, ken gapu iti nakaro a panagbisin ken kadagiti saksakit, nalakada a sakupen daytoy. Dagiti banbanag a kinunam a mapasamak ket mapaspasamak itan.
\v 25 Ket nalawag nga asidegen ti panangsakop dagiti armada ti Babilonia iti daytoy a siudad. Isu nga ita, saanko a maawatan no apay nga imbagam kaniak a gatangek daytoy a talon babaen iti pirakko, iti imatang dagiti dadduma. Kasla saysayangek laeng ti kuartak iti panangaramidko iti dayta!"

\s5
\v 26 Kalpasanna, impakaammo kaniak ni Yahweh daytoy a mensahe:
\v 27 "Siak ni Yahweh, ti Dios a mangiturturay kadagiti amin nga agbibiag iti lubong. Pudno nga awan ti saanko a kabaelan nga aramiden.
\v 28 Isu a kastoy ti kunak: Pudno nga ikkakto ti armada ti Babilonia ken ni Ari Nebucadnezzar iti kabaelan a mangsakup iti daytoy a siudad.

\s5
\v 29 Dagiti soldado ti Babilonia nga adda ita iti ruar dagiti pader iti aglawlaw ti siudad ket sumrekto iti siudad ket puoranda daytoy. Puorandanto amin dagiti balbalay no sadinno ket nagpuor iti insenso dagiti tattao iti rabaw ti bubong dagitoy a balbalay kas panagdayawda kenni Baal ken nangibukbokda kadagiti datonda nga arak kas panagdayawda kadagiti dadduma a dios nga isu iti nakaigapuan iti nakaro a panagpungtotko.
\v 30 Nagtultuloy a dakes laeng ti inar-aramid dagiti tattao ti Israel ken Juda manipud iti tiempo a nagbalinda a maysa a nasion. Pinagpungtotdak iti kasta unay gapu kadagiti amin a dakes nga ar-aramidda.

\s5
\v 31 Manipud iti tiempo a naibangon daytoy a siudad agingga ita, nagaramid laeng dagiti tattao iti daytoy a siudad kadagiti banbanag a namagpungtot kaniak iti kasta unay. Isu nga ita, dadaelek daytoy.
\v 32 Dagiti tattao ti Israel ken Juda, agraman dagiti arida, dagiti opisialda, dagiti papadi, dagiti palso a profeta ken amin dagiti dadduma a tattao iti Jerusalem ket nakaaramid iti adu a basol a namagpungtot kaniak.

\s5
\v 33 Tinallikudandak dagiti tattaok ket saandan a kayat nga agsubli kaniak. Uray no namin-adu a sinuroak ida kadagiti banbanag, saanda nga impangag dagiti insurok kadakuada, ken saanda a nagtulnog kaniak.
\v 34 Inkabilda dagiti makarimon a didiosenda uray iti mismo a templok ket tinulawanda daytoy.
\v 35 Nangipatakderda kadagiti altar a pangdayawanda kenni Baal idiay tanap ti Ben Hinnom iti ruar ti Jerusalem, ket sadiay ti nangidatonanda kadagiti annakda a lallaki ken babbai iti diosda a ni Molek. Saanko a pulos nga imbilin kadakuada nga aramiden dagiti kasta a makarimon nga aramid. Saanko a pulos nga imbilin nga aramidenda ti kasta kadakes a banag. Ket gapu iti panangaramidda iti daytoy, nakabasol ngarud amin dagiti tattao iti Juda."

\s5
\v 36 Ngem ita, adda pay ti ibagak maipapan iti daytoy a siudad. Dakayo a tattao ti Jerusalem, kinunkunayo, 'Sakupento daytoy ti armada ti ari ti Babilonia, mabalin a babaen kadagiti kampilanda wenno gapu iti nakaro a panagbisin wenno saksakit.' Ngem kastoy ti kunak, Siak a Dios ti Israel:
\v 37 'Isublikto manen ditoy dagiti tattaok, manipud kadagiti pagilian a nangipanak kadakuada kas balud gapu ta kasta unay ti pungtotko kadakuada. Isublikto ida iti daytoy a siudad ket palubosak ida nga agbiag ditoy a sitatalged.

\s5
\v 38 Agbalindanto a tattaok, ket Siakto ti Diosda.
\v 39 Ikkakto ida iti maymaysa a wagas ti panagpanpanunot ken kababalin, tapno agraemda kaniak, para iti pagsayaatanda ken iti pagsayaatan dagiti kaputotanda.
\v 40 Makitulagakto kadakuada iti awan patinggana a tulag: Saanakto nga agsardeng nga agaramid iti nasayaat a banbanag para kadakuada, ket iti kamaudiananna, raemendakto ken saandanto a pulos nga umadayo kaniak.

\s5
\v 41 Maragsakanakto a mangaramid kadagiti nasayaat a banbanag para kadakuada, ken pagsubliekto ida iti daytoy a daga ket agtalinaeddanto ditoy; Aramidekto dayta iti amin a puso ken pigsak.'
\v 42 Ket kastoy pay ti ibagak, Siak a ni Yahweh: 'Impalak-amko kadakuada amin dagitoy a didigra. Kastanto met a dumtengto ti tiempo nga aramidekto kadakuada dagiti amin a nasayaat a banbanag nga inkarik.

\s5
\v 43 Babaen iti pananggatangmo iti daga, Jeremias, impadtom a dumtengto ti aldaw a gumatang ken aglako dagiti tattao kadagiti talon iti daytoy a daga. Daytoy a daga, nga ita ket ibagbagayo, dakayo a tattao ti Jerusalem, "Dinadaelen daytoy dagiti soldado ti Babilonia. Langalang itan daytoy. Maysan a daga nga awanen a pulos ti tao wenno ayup.'"
\v 44 Ngem dumtengto ti aldaw a gumatang ken aglako manen dagiti tattao kadagiti taltalon ditoy. Pirmaanto dagiti tattao dagiti kasuratan maipanggep iti pananggatangda kadagiti taltalon, ken saksianto ti dadduma a tattao ti panangaramidda iti dayta. Mapasamakto dayta iti daga a pagnanaedan dagiti kaputotan ni Benjamin ken kadagiti bario nga asideg iti Jerusalem, kadagiti sabali pay nga ili iti Juda, iti katurturodan a pagilian ken iti sakaanan dagiti turod iti laud, ken iti akin-abagatan a paset ti let-ang ti Juda. Dumtengto ti aldaw a parang-ayekto manen ida. Pudno a mapasamakto dayta gapu ta Siak a ni Yahweh ti nangibaga iti daytoy.'"

\s5
\c 33
\p
\v 1 Bayat a mabanbantayan pay laeng ni Jeremias idiay paraangan iti palasio, inted ni Yahweh kenkuana daytoy a maikadua a mensahe:
\v 2 "Kastoy ti ibagak kadagiti tattao ti Jerusalem, siak a nangaramid iti daga, nangbukel iti daytoy ken nangisaad iti ayanna: 'Yahweh ti naganko.
\v 3 Umawagka kaniak, ket kalpasanna, ibagakto kenka dagiti naindaklan ken nakakaskasdaaw a banbanag a saanmo pay nga ammo.'

\s5
\v 4 Kastoy ti kunak, siak a ni Yahweh a Dios ti Israel: 'Rinakrak dagiti lallaki iti siudad dagiti sumagmamano a balbalayda, ken uray dagiti dadduma a paset ti palasio ti ari, tapno mangala kadagiti banbanag a mausar a pangpatibker kadagiti pader iti aglawlaw ti siudad, tapno saan a marebba dagiti soldado iti Babilonia dagiti pader kalpasan a kalay-atenda dagiti pagkalay-atan nga inaramidda kadagiti pader, ket papatayenda dagiti agnanaed iti siudad babaen kadagiti kampilanda.
\v 5 Namnamaenyo a makirangetkayo a maibusor iti armada a naggapu idiay Babilonia, ngem ti mapasamakto ket mapnunto dagiti balbalay daytoy a siudad kadagiti bangkay dagiti lallaki iti daytoy a siudad nga itulokko a mapapatay gapu ta makaungetak unay kadakuada. Binaybay-ak ida gapu kadagiti amin a nadangkes a banbanag nga inaramidda.

\s5
\v 6 Nupay kasta, addanto ti tiempo a pagbalinek a nasalun-at ken napigsanto manen dagiti tattao iti daytoy a siudad. Tulungakto ida a rumang-ay ken maadaan iti kappia.
\v 7 Isublikto dagiti tattao ti Juda ken ti Israel manipud iti daga a nakaipananda a kas balud. Tulungakto ida a bangonen manen dagiti ilida.
\v 8 Pukawekto dagiti amin a basol nga inaramidda maibusor kaniak, ket pakawanekto ida kadagiti basbasolda a panagsukir kaniak.
\v 9 Inton mapasamak dayta, agragsakto dagiti amin a nasion iti lubong, ket idaydayaw ken itantan-okdakto. Mangngegandanto dagiti amin a naimbag a banbanag nga inaramidko para iti daytoy a siudad, ket gapu iti dayta, raemendakto, ken agpigergerdanto gapu ta inikkak ti kappia ken pinarang-ayko dagiti tattao iti daytoy a siudad.'

\s5
\v 10 Ken kastoy pay ti ibagbagak, siak a ni Yahweh: 'Dakayo a tattao, imbagayo a daytoy a daga ket awanen a pulos iti uray maysa a tao wenno ayup. Ngem kadagiti kalsada ti Jerusalem nga awan ita ti matataona, ken kadagiti dadduma nga ili iti Juda,
\v 11 dumtengto ti tiempo nga agragsak ken agkatawanto manen dagiti tattao. Agkantanto manen a sirarag-o dagiti nobia ken nobio. Ken adu a dadduma a tattao ti agkantanto pay a sirarag-o bayat nga iyeyegda dagiti daton tapno pagyamanandak gapu iti inaramidko kadakuada. Kantaendanto daytoy: "Pagyamanandaka, O Yahweh a Mannakabalin-amin, gapu ta naimbagka kadakami. Napudnoka iti tulagmo kadakami iti agnanayon." Kantaendanto dayta gapu ta parang-ayekto manen dagiti tattao iti daytoy a daga a kas idi damo.'

\s5
\v 12 Langalang itan daytoy a daga. Awan iti tattao wenno ay-ayup nga agnanaed ditoy. Ngem kastoy ti kunak, siak a ni Yahweh a Mannakabalin-amin: "Iti daytoy a daga, addanto manen dagiti pagpaaraban a pangipastoranto dagiti agpaspastor iti karneroda.
\v 13 Bilangento manen dagiti agpaspastor dagiti karneroda bayat a magmagna dagitoy iti ruar dagiti il-ili iti katurturodan a pagilian, kadagiti arisadsad dagiti turod iti laud, kadagiti let-ang iti abagatan ti Juda, kadagiti pagnanaedan dagiti kaputotan ni Benjamin, iti aglawlaw ti Jerusalem, ken iti ruar dagiti amin a dadduma nga il-ili itiJuda.' Awan duadua a mapasamakto dagitoy gapu ta siak a ni Yahweh ti nangibaga daytoy.

\s5
\v 14 Dumngegkayo iti daytoy! Siak a ni Yahweh ti mangibagbaga nga addanto ti tiempo inton aramidek kadagiti tattao ti Israel ken Juda dagiti amin a naimbag a banbanag nga inkarik nga aramiden kadakudada.
\v 15 Iti dayta a tiempo, mangdutokakto iti nalinteg a tao a kaputotanto ni Ari David. Aramidenanto no ania ti nalinteg ken umno iti entero a daga.
\v 16 Iti dayta a tiempo, maispalto dagiti tattao ti Juda manipud kadagiti kabusorda, ken agbalinto a natalged dagiti tattao ti Jerusalem. Ket ibaganto dagiti tattao a ti nagan ti siudad ket 'Ni Yahweh ti agar-aramid iti umno para kadatayo.'

\s5
\v 17 Ken kastoy pay ti kunak, siak a ni Yahweh: 'Addanto kaputotan ni Ari David a mangituray iti Israel iti agnanayon.
\v 18 Ken kanayon nga addanto papadi a kaputotan ni Levi nga agtakder iti sangoanak ken mangidaton kadagiti daton a naan-anay a mapuoranto iti altar ken mangpuorto kadagiti daton a taraon ken kadagiti dadduma pay a daton.'"

\s5
\v 19 Ket inted ni Yahweh kenni Jeremias daytoy a mensahe:
\v 20 "Kastoy ti kunak, siak a ni Yahweh: 'Saanyo a mawaswas ti karik a sumaruno ti tiempo ti rabii iti tiempo ti aldaw iti tunggal aldaw.
\v 21 Kasta met a saanyo a mawaswas ti inkarik kenni Ari David, a nagserbi kaniak a nasayaat, a kanayonto nga adda kaputotanna a mangituray iti Juda. Kasta met laeng a pudno ti tulagko kadagiti kaputotan ni Levi a papadi a mangar-aramid ti trabaho para kaniak.
\v 22 Awan ti siasinoman a makabilang kadagiti bituen iti tangatang, ken awan ti makabilang kadagiti darat iti igid ti baybay. Kasta met a paaduekto sadiay dagiti kaputotan ni David ken dagiti kaputotan ni Levi nga agtrabahonto para kaniak."'

\s5
\v 23 Nangted ni Yahweh kaniak iti maysa pay a mensahe. Kinunana,
\v 24 "Awan dua-dua nga ammom nga ibagbaga dagiti dadduma a tattao, 'Nangpili ni Yahweh iti dua a bunggoy, dagiti tattao ti Juda ken dagiti tattao ti Israel, ket saan a nagbayag, binaybay-anna ida.' Dagiti tattao a mangibagbaga iti kastoy ket lalaisenda dagiti tattaok; ibagbagada a ti Israel ket saanen a maikari a maibilang a nasion.

\s5
\v 25 Ngem kastoy ti kunak; 'Saankonto a laksiden dagiti tattaok a kas kalaka ti panangbaliwko kadagiti lintegko a mangtengtengngel iti aldaw ken iti rabii, iti tangatang ken iti daga.
\v 26 Kasta met a saankonto a pulos a baybay-an dagiti kaputotan ni David wenno dagiti dadduma a kaputotan ni Jacob, ken kanayonto nga itulokko nga agturay dagiti kaputotan ni David kadagiti kaputotan ni Abraham, Isaac, ken Jacob. Isublikto ida iti dagada, ken maasiakto kadakuada."'

\s5
\c 34
\p
\v 1 Immay ni Ari Nebucadnesar iti Babilonia a kaduana dagiti armada iti amin a pagarian nga iturturayanna, ket ginubatda ti Jerusalem ken dagiti dadduma nga ili iti Juda. Iti dayta a tiempo, imbaga ni Yahweh kaniak daytoy a mensahe:
\v 2 "Mapanka kenni Zedekias nga Ari ti Juda, ket ibagam kenkuana, 'Kastoy ti kuna ni Yahweh a Dios ti Israel: "Iti mabiit, ikkakto iti kabaelan ti armada ti Babilonia a sakupen daytoy a siudad, ket puorandanto daytoy.
\v 3 Saankanto a makalibas manipud kadakuada; tiliwen ken ipandakanto iti ari ti Babilonia. Sumangokanto kenkuana ken kasaomto isuna iti rupanrupa; kalpasanna, ipandakanto idiay Babilonia."

\s5
\v 4 Ngem denggem ti inkari ni Yahweh, O Ari Zedekias: "Saankanto a mapapatay iti gubat;
\v 5 mataykanto a sikakappia. Inton matayka, mangpuorto dagiti tattao iti insenso a mangpadayaw kenka a kas met laeng iti inaramidda idi kadagiti kapuonam nga ari sakbay a nagbalinka nga ari. Dung-awandakanto, nga ibagbagada, 'Agladladingitkami unay a natayen ti arimi!' Siak, a ni Yahweh, ikarik a mapasamakto dayta.'""

\s5
\v 6 Napanko ngarud imbaga daytoy a mensahe kenni Zedekias.
\v 7 Iti dayta a tiempo, pinalawlawan ti armada ti Babilonia ti Jerusalem, ti Lacis ken ti Azeka. Dagidiay a tallo a siudad dagiti siudad idiay Juda ti addaan laeng kadagiti nangangato a pader kadagiti aglawlaw dagitoy a saan pay a nasakup.

\s5
\v 8 Imbilin ni Ari Zedekias a masapul a wayawayaan dagiti tattao dagiti tagabuda.
\v 9 Imbilinna a masapul a wayawayaan dagiti tattao dagiti tagabuda a Hebreo, dagiti tagabu a lallaki wenno babbai. Awan ti siasinoman a mapalubosan a mangitultuloy a mangtagabu iti padana a Judio.

\s5
\v 10 Nagtulnog dagiti opisial ken dagiti amin a tattao iti imbilin ti ari,
\v 11 ngem saan a nagbayag, nagbaliw ti panunotda. Tinagabuda manen dagiti lallaki ken babbai a winayawayaanda.

\s5
\v 12 Isu nga inted ni Yahweh kaniak daytoy a mensahe tapno ibagak kadakuada:
\v 13 "Siak a ni Yahweh a Dios ti Israel, nakitulagak kadagiti kapuonanyo idi nabayagen a tiempo, idi inispalko ida manipud iti pannakatagabuda idiay Egipto.
\v 14 Imbagak kadakuada a masapul a wayawayaanda amin dagiti tagabuda a Hebreo kalpasan a nagtrabaho kadakuada dagitoy a tagabu iti las-ud ti innem a tawen. Ngem saan nga impangag dagiti kapuonanyo ti imbagak.

\s5
\v 15 Iti nabiit pay, tinungpalyo ti bilinko ket insardengyo ti panagaramid iti saan nga umno ket inaramidyo ti umno. Sipapasnek a nagtutulagkayo idiay templok a wayawayaanyo dagiti tagabuyo, ket kalpasanna, winayawayaanyo ida.
\v 16 Ngem ita, inyaleng-alengyo ti sipapasnek nga inkariyo, ket linabsingyo ti imbagak babaen ti panangbabawiyo kadagiti babbai ken lallaki a winayawayaanyo ken imbagayo a mabalinda nga agnaed iti sadinoman a kayatda. Ita, pinilityo a tagabuen manen ida.

\s5
\v 17 Ngarud, kastoy ti kunak, siak a ni Yahweh: "Gapu ta saandak a tinungpal babaen iti panangwayawayayo kadagiti padayo nga Israelita, wayawayaankayonto a madadael babaen kadagiti kampilan dagiti kabusoryo ken babaen kadagiti panagbisin ken saksakit. Agbutengto dagiti amin a nasion iti daga gapu iti mapaspasamak kadakayo.
\v 18-19 Gapu ta inyaleng-alengyo ti imbagak iti nagtutulagantayo, aramidekto kadakayo ti kas met laeng iti inaramidyo kadagiti baka a ginuduayo a mangipakita a sigurado nga aramidenyo ti sipapasnek nga inkariyo nga aramidenyo. Ikkakto iti kabaelan dagiti kabusoryo a manggudua-gudua kadayo, dakayo nga opisial ti Juda ken dakayo nga opisial ti Jerusalem, dakayo nga opisial idiay palasio, dakayo a papadi ken dakayo amin a tattao. Aramidekto dayta gapu ta inyaleng-alengyo ti sipapasnek nga inkariyo a wayawayaanyo dagiti tagabuyo.

\s5
\v 20 Tulungakto dagiti kabusoryo a tiliwendakayo, ket papatayendakayto. Ket agbalinto a taraon dagiti bagbagiyo para kadagiti buitre ken narurungsot nga ayup.
\v 21 Tulungakto ti armada ti ari ti Babilonia a mangtiliw kenni Ari Zedekias ken kadagiti opisialna. Uray no panawan ti ari ti Babilonia ken ti armadana ti Jerusalem iti apagbiit a tiempo,
\v 22 pagsubliekto manen ida. Iti daytoy a tiempo, gubatendanto daytoy a siudad, sakupen ken puorandanto daytoy. Siguradoekto a madadael amin dagiti ili iti Juda, a ti pagbanaganna ket awanton a pulos ti agnaed sadiay.'"

\s5
\c 35
\p
\v 1 Sakbay pay ti sumagmamano tawen, idi ni Jehoyakim nga anak ni Josias ti ari ti Juda, imbaga ni Yahweh daytoy a mensahe kaniak:
\v 2 "Mapanka iti lugar a pagnanaedan dagiti puli ti Recab. Awisem ida nga umay iti templok. Inton makasangpetda, ipanmo ida iti maysa kadagiti siled nga adda iti uneg ket ikkam ida iti arak."

\s5
\v 3 Isu a napanko kinita ni Jaazanias ken dagiti amin a kakabsatna a lallaki ken dagiti annakna a lallaki a mangibagbagi iti puli ti Recab. Ni Jaazanias ket anak a lalaki iti maysa a sabali a lalaki nga agnagan iti Jeremias ken apuko ni Habazinias.
\v 4 Impanko ida iti templo, ket napankami iti siled a paggigianan dagiti annak a lallaki ti profeta a ni Hanan a putot ni Igdalias. Dayta a siled ket kaabay ti siled a paggigianan dagiti lallaki a mangay-aywan kadagiti pagserkan a mapan iti templo. Daytoy ket adda iti ngatoen ti siled a kukua ni Maaseias nga anak ni Sallum. Ni Maaseias ket isu ti agbanbantay iti ruangan ti templo.

\s5
\v 5 Nangipasangoak kadakuada kadagiti kopa ken kadagiti burnay a naglaon iti arak ket pinilitko ida nga uminom,
\v 6 ngem nagkedkedda. Kinunada, "Saankami nga umin-inom iti arak, gapu ta imbilin kadakami ti kapuonanmi a ni Jonadab a putot ni Recab a kunana, 'Sika ken dagiti kaputotam ket masapul a saankayo nga umin-inom iti arak.
\v 7 Ken masapul a saankayo a mangipatakder kadagiti balay wenno agmula kadagiti ubas wenno dadduma pay a mula. Ngem ketdi, masapul nga agnaedkayo kadagiti tolda. No tungpalenyo dagitoy a bilbilin, agnaedkayonto iti adu a tawen iti daytoy a daga.'

\s5
\v 8 Isu a tinungpalmi isuna maipanggep kadagidiay amin a banbanag. Saankami a pulos nga immin-inom iti arak. Dagiti assawami a babbai ken dagiti annakmi a lallaki ken babbai ket saan met a pulos nga immin-inom iti arak.
\v 9 Saankami a nagpatpatakder kadagiti balay wenno nagmulmula kadagiti ubas wenno dadduma a mulmula wenno nagtaltalon.
\v 10 Nagnaedkami kadagiti tolda. Tinungpalmi amin dagiti imbilin kadakami ni Jonadab a kapuonanmi.
\v 11 Ngem idi rinaut ti armada ni Ari Nebucadnesar daytoy a pagilian, nagnunummoanmi a kinunami, 'Masapul a mapantayo idiay Jerusalem tapno maliklikantayo dagiti armada ti Babilonia ken Aram.' Isu nga immaykami ditoy Jerusalem ket agnanaedkami ita ditoy."

\s5
\v 12 Ket inted ni Yahweh kaniak daytoy a mensahe:
\v 13 "Kastoy ti kunak, Siak a ni Yahweh a Mannakabalin-amin a Dios a daydayawen ti Israel: 'Mapanmo ibaga daytoy kadagiti tattao ti Jerusalem ken kadagiti dadduma a lugar iti Juda: "Apay a saandak nga ipangpangag wenno kayat nga agpaisuro no kasano ti agtulog kaniak?
\v 14 Saan latta nga umin-inom iti arak dagiti puli ti Recab, gapu ta imbaga kadakuada ni Jonadab a kapuonanda a saanda nga ar-aramiden dayta. Sabali met kadakayo, nagsao-ak kadakayo iti namin-adu a daras, ngem saandak nga impangag ken nagkedkedkayo nga agtulnog kaniak.

\s5
\v 15 Namin-adu a daras a nangibaonak kadakayo kadagiti profeta. Imbagada kadakayo, 'Tallikudanyo dagiti dakes nga aramidyo, ket aramidenyo dagiti banbanag a rumbeng. Isardengyo ti panagdaydayawyo kadagiti sabali a dios, tapno makapagnaedkayo a sikakappia iti daytoy a daga nga intedko kadakayo ken kadagiti kapuonanyo.' Ngem saanyo nga impangag ti imbagak wenno saankayo a nagtulnog kaniak.
\v 16 Nagtulnog dagiti kaputotan ni Jonadab iti kapuonanda, ngem saanyo nga impangag ti imbagak kadakayo.

\s5
\v 17 Ngarud, kastoy ti kunak, Siak a ni Yahweh a Dios a daydayawen ti Israel: 'Saankayo a dimngeg kaniak ken saankayo a simmungbat idi immawagak kadakayo. Ngarud, ipalak-amkonto kadagiti tattao iti Jerusalem ken kadagiti dadduma a lugar iti Juda dagiti amin a didigra nga imbagak a mapasamakto.'""

\s5
\v 18 Ket simmango ni Jeremias kadagiti puli ti Recab ket kinunana, "Kastoy ti kuna ni Yahweh a Mannakabalin-amin a Dios a daydayawen ti Israel: 'Tinungpalyo ti imbaga ni Jonadab a kapuonanyo. Tinungpalyo amin dagiti bilbilinna.
\v 19 Kastoy ngarud ti kuna ni Yahweh: "Kanayon nga addanto dagiti kaputotan ni Jonadab nga agtrabahonto para kaniak.'""

\s5
\c 36
\p
\v 1 Idi agarup uppat a tawenen a panagari ni Jehoyakim a putot ni Josias idiay Juda, inted kaniak ni Yahweh daytoy a mensahe:
\v 2 "Mangalaka iti nalukot a pagsuratan, ket isuratmo iti daytoy dagiti mensahe nga imbagak kenka maipapan iti Israel, iti Juda, ken kadagiti dadduma a nasion. Isuratmmo amin dagiti mensahe, mangrugi iti tiempo nga imbagak kenka ti umuna a mensahe, idi a ni Josias ti ari, agingga ita.
\v 3 Inton mangngeg manen dagiti tattao ti Juda dagiti amin a didigra a pangpanggepek nga ipalak-am kadakuada, nalabit nga agbabawi ti tunggal maysa kadakuada. No aramidenda dayta, pakawanekto ida gapu kadagiti saan a nasayaat a banbanag nga inaramidda."

\s5
\v 4 Isu a pinaayaban ni Jeremias ni Baruk a putot ni Neraias. Ket bayat nga idikdiktar kenkuana ni Jeremias dagiti amin a mensahe nga insao ni Yahweh kenkuana, insurat ni Baruk dagitoy iti nalukot a pagsuratan.
\v 5 Ket kinuna ni Jeremias kenkuana, "Saanak a mabalin a pumanaw ditoy ken mapan idiay templo.
\v 6 Isu a mapanka idiay templo iti sumaruno nga aldaw bayat nga agay-ayunar dagiti tattao, ibasam kadakuada dagiti mensahe a naggapu kenni Yahweh nga insuratmo bayat nga idikdiktarko dagitoy kenka. Ibasam dagitoy iti napigsa kadagiti tattao nga adda sadiay, karaman dagiti tattao ti Juda nga immay sadiay manipud kadagiti ilida.

\s5
\v 7 Bareng no tallikudanda dagiti dakes a kababalinda ket kiddawenda kenni Yahweh nga agtignay a siaasi kadakuada. Masapul nga aramidenda dayta, gapu ta kasta unay ti unget ni Yahweh kadakuada ken binallaaganna a dusaenna ida iti napalalo."
\v 8 Inaramid ni Baruk ti imbaga ni Jeremias nga aramidenna. Napan isuna idiay templo ket imbasana kadagiti tattao dagiti amin a mensahe a naggapu kenni Yahweh.

\s5
\v 9 Inaramidna daytoy iti maikasiam a bulan, iti aldaw nga inwaragawag dagiti mangidadauloda nga amin a tattao iti Jerusalem, ken dagiti tattao nga immay ditoy manipud kadagiti dadduma nga ili iti Juda, ket nasken nga agayunar tapno maay-ayo ni Yahweh. Napasamak daytoy idi a ni Jehoyakim ket agturturay a kas ari iti agarup lima a tawen.
\v 10 Imbasa ni Baruk kadagiti amin a tattao dagiti mensahe nga insuratna iti nalukot a pagsuratan. Imbasana dagitoy bayat nga adda isuna idiay templo, iti siled a paggigianan ni Gemarias. Putot isuna ni Safan, nga isu idi iti sekretario ti ari. Dayta a siled ket asideg iti akinngato a paraangan ti templo nga asideg iti pagserkan iti templo a maaw-awagan a Baro a Ruangan.

\s5
\v 11 Idi nangngeg ni Micaias a putot ni Gemarias ken apoko ni Safan dagitoy a mensahe manipud kenni Yahweh,
\v 12 bimmaba isuna a napan iti siled ti sekretario idiay palasio, no sadino ket madama nga adda napateg a pagtutungtongan dagiti opisial ti ari. Adda sadiay ni Elisama a sekretario ti ari. Adda met sadiay ni Delaias a putot ni Semaias, ni Elnatan a putot ni Acbor, ni Gemarias, ni Zedekias a putot ni Hananias, ken amin dagiti dadduma nga opisial ti ari.

\s5
\v 13 Idi imbaga ni Micaias kadakuada dagiti mensahe nga imbasbasa ni Baruk kadagiti tattao,
\v 14 imbaon dagiti opisial ni Jehudi a putot ni Netanias nga apoko ni Selemias nga apoko ni Cusi iti tumeng nga ibagana kenni Baruk nga umay tapno ibasana met dagiti mensahe kadakuada. Isu nga innala ni Baruk ti nalukot a pagbasaan ket napan kadakuada.
\v 15 Kinunada kenkuana, "Agtugawka ket ibasam kadakami daytoy." Isu nga inaramid ni Baruk ti kiddawda.

\s5
\v 16 Kalpasan a nangngegda dagiti amin a mensahe, nagbutengda. Nagkikinnitada ket kalpasanna, kinunada, "Masapul nga ibagatayo dagitoy a mensahe iti ari!"
\v 17 Ket sinaludsodda ni Baruk, "Kasano nga adda kenka dayta a nalukot a pagbasaan? Indiktar kadi kenka ni Jeremias amin dagiti mensahe iti daytoy a nalukot a pagbasaan?"
\v 18 Insungbat ni Baruk, "Wen, indiktar ni Jeremias dagitoy kaniak, ket insuratko dagitoy babaen iti tinta iti daytoy a nalukot a pagsuratan."
\v 19 Ket imbaga dagiti opisial kenni Baruk, "Masapul nga aglemmengkayo kenni Jeremias. Saanmo nga ibagbaga iti siasinoman ti paglemmenganyo!"

\s5
\v 20 Inkabilda ti nalukot a pagbasaan iti siled ni Elisama, a sekretario ti ari. Kalpasanna, napanda iti ayan ti ari, nga adda idiay paraangan ti palasio, ket impakaammoda kenkuana amin dagiti imbasa ni Baruk kadakuada.
\v 21 Ket imbaon ti ari ni Jehudi tapno alaenna ti nalukot a pagbasaan. Innala ni Jehudi daytoy manipud iti siled ni Elisama ket imbasana daytoy iti ari, bayat a nakatkder sadiay dagiti amin nga opisial ti ari.
\v 22 Tiempo idi iti lam-ek, ket adda ti ari iti paset ti palasio a pagtaltalinaedanna no nalam-ek ti tiempo. Nakatugaw isuna iti sango ti apuy nga agin-inudo.

\s5
\v 23 Tunggal malpas a mabasa ni Jehudi ti tallo wenno uppat a binatog, putden ti ari dayta a paset ti nalukot a pagsuratan babaen iti imuko ket ipurwakna daytoy iti apuy. Kasta ti inaramidna, tunggal binatog, inggana a naipuor ti entero a nalukot a pagbasaan.
\v 24 Saan man la nga impakita ti ari wenno dagiti opisialna a mabutengda a dusaen ida ti Dios. Saanda a rinay-ab dagiti pagan-anayda tapno ipakitada nga agbabbabawida gapu kadagiti inaramidda.

\s5
\v 25 Nagpakpakaasi ni Elnatan, Delaias, ken Gemarias iti ari a saanna nga ipuor ti nalukot a pagbasaan, ngem saanna ida nga inkaskaso.
\v 26 Ket binilin ti ari ti anakna a ni Jerameel, ni Seraias a putot ni Azriel, ken ni Selemias a putot ni Abdeel a tiliwendakami kenni Baruk. Ngem saanda a nabaelan nga inaramid dayta gapu ta inlemmengnakami ni Yahweh.

\s5
\v 27 Kalpasan iti panangipuor ti ari iti nalukot a pagbasaan a nakaisuratan dagiti mensahe nga indiktarko kenni Baruk, kastoy ti kuna ni Yahweh kaniak:
\v 28 "Mangalaka iti maysa pay a nalukot a pagsuratan, ket ibagam kenni Baruk nga isuratna manen amin dagiti isu met laeng a mensahe nga insuratna iti nalukot a pagbasaan nga impuor ni Ari Jehoyakim.
\v 29 Kalpasanna, mapanka iti ayan ti ari ket ibagam kenkuana, 'Kastoy ti kuna ni Yahweh: Impuormo ti nalukot a pagbasaan gapu ta saanmo a kayat dagiti naisurat iti daytoy, nga awan duadua nga umay ti ari ti Babilonia a kaduana ti armadana ket dadaelenda daytoy a daga, kalpasanna, pukawenda amin dagiti tattao ken dagiti ayup.

\s5
\v 30 Ita, kastoy ti kuna ni Yahweh maipapan kenka, Jehoyakim: Awan kadagiti kaputotam ti agturayto iti daytoy a pagarian. Maipurwakto ti bangkaymo iti daga ket saan a maitanem; mabilagto iti init bayat iti aldaw, ken malinnaawanto bayat iti rabii.
\v 31 Dusaenkanto ken ti pamiliam ken dagiti opisialmo gapu kadagiti basolyo. Ket ipalak-amkonto kadagiti tattao ti Jerusalem ken kadagiti tattao kadagiti dadduma nga ili iti Juda dagiti amin a didigra nga imbagak, gapu ta dakayo amin ket saanyo nga impangag ti imbagak." ' "

\s5
\v 32 Nangala ngarud ni Jeremias iti maysa pay a nalukot a pagsuratan, ket indiktarna manen kenni Baruk dagiti mensahe. Insuratna amin dagiti naisurat iti immuna a nalukot a pagbasaan, ti impuor ni Ari Jehoyakim. Ngem itan, nanginayon ni Jeremias kadagiti ad-adu pay a mensahe.

\s5
\c 37
\p
\v 1 Kalpasan a natay ni Jehoyakim, tallo bulan laeng a nagbalin nga ari ti putotna a ni Jeconias, kalpasan a ti putot ni Josias a ni Zedekias ti nagbalin nga ari ti Juda. Dinutokan isuna ni Nebucadnesar, ti ari ti Babilonia, nga agbalin a baro nga ari.
\v 2 Ngem saan nga impangag ni Ari Zedekias ken dagiti opisialna iti palasio ken dagiti dadduma a tao iti daga dagiti mensahe nga inted ni Yahweh kaniak.

\s5
\v 3 Nupay kasta, maysa nga aldaw, imbaon ni Ari Zedekias da Jehucal a putot ni Selemias, ken Zofonias a padi a putot ni Maaseyas nga umayda kaniak. Kiniddawda nga agkararagak kenni Yahweh a Diosmi para iti nasionmi.
\v 4 Iti dayta a tiempo saan pay a naibalud ni Jeremias, isu a nawaya isuna a mapan iti sadinoman ken kaanoman a kayatna, nga awan ti manglapped.
\v 5 Iti dayta a tiempo, napan ti armada ni Hofra nga ari ti Egipto iti akin abagatan a paset ti beddeng ti Juda. Idi nadamag dayta iti armada ti Babilonia, insardengda ti pananglakobda iti Jerusalem ket pimmanawda sadiay tapno makirangetda iti armada ti Egipto.

\s5
\v 6 Ket inted ni Yahweh daytoy a mensahe kaniak:
\v 7 "Kastoy ti kunak, Siak a ni Yahweh a Dios ti Israel: Nangibaon ti ari ti Juda kadagiti mensahero a mapan kenka tapno damagenda kaniak iti mapasamak. Ibagam iti ari nga uray umay tumulong kenka ti armada ti ari ti Egipto, dandanidan nga agsubli iti Egipto.
\v 8 Ket agsublinto ditoy ti armada ti Babilonia, sakupenda daytoy a siudad, ken puoranda ti amin nga adda iti daytoy.

\s5
\v 9 Daytoy ngarud ti kinuna ni Jeremias kadakayo nga Israelita: 'Saanyo a rumbeng nga allilawen dagiti bagbagiyo, nga ipagarupyo a pimmanawen ti armada ti Babilonia ket saandanton nga agsubli. Saan a pudno dayta.
\v 10 Ket uray no dandanin maparmek dagiti soldadoyo dagiti amin a soldado a taga-Babilonia a mangraraut kadakayo, ket ipalubosda a dagiti laeng nasugatan ti agtalinaed a sibibiag kadagiti toldada, rummuarto dagitoy a lallaki kadagiti toldada ket puoranda a naan-anay daytoy a siudad.’ ”

\s5
\v 11 Idi pinanawan ti armada ti Babilonia ti Jerusalem gapu ta um-umayen ti armada ti Egipto,
\v 12 rinugian ni Jeremias ti pumanaw iti siudad. Pinanggepna ti mapan iti lugar a pagnanaedan dagiti kaputotan ni Benjamin tapno tagikuaek ti bingayko iti sanikua manipud iti pamiliak.
\v 13 Ngem bayat a rumrumuar isuna iti Ruangan ti Benjamin, ginammatan ti panguloen dagiti agbanbatay ni Jeremias ket kinunana, "Panpanawannakami ket mapanka kadagiti soldado a taga-Babilonia!" Ti lalaki a nanggammat kenkuana ket ni Irijas a putot ni Selemias, ken apoko ni Hananias.

\s5
\v 14 Ngem nagsao ni Jeremias ket kinunana, "Saan a pudno dayta! Saanko a pinanggep nga aramiden dayta!" Ngem saan nga impangag ni Irijas ti imbaga ni Jeremias. Impanna ni Jeremias kadagiti opisial ti ari.
\v 15 Nakapungtotda unay kenkuana. Binilinda dagiti agbanbantay a kabilenda ni Jeremias ket ipanda iti balay a pananaedan ni Jonatan a sekretario ti ari. Binaliwanda ti balay ni Jonatan, pinagbalinda daytoy a pagbaludan.

\s5
\v 16 Impupokda ni Jeremias iti akin uneg a pagbaludan, ket nagtalinaed isuna sadiay iti sumagmamano nga aldaw.
\v 17 Ket sililimed a nangibaon ni ari Zedekias iti maysa nga adipen a mapan kenni Jeremias, a mangiyapan kenkuana iti palasio. Sadiay ket sinalusod isuna ti ari, "Addaanka kadi iti aniaman a mensahe manipud kenni Yahweh?” Simmungbat ni Jeremias, "Wen, ti mensahe ket maiyawatkanto iti ari ti Babilonia.”

\s5
\v 18 Ket sinaludsod ni Jeremias ti ari, "Ania ti nakabasolak kenka wenno kadagiti opisialmo wenno kadagiti Israelita, a nakaigapoan nga imbilinmo a maibaludak?
\v 19 Impadto dagiti profetam a saannakayo a rauten ti armada ti ari ti Babilonia wenno daytoy a daga. Apay a saan a natungpal dagiti mensaheda?
\v 20 Madaydayaw nga ari, agpakpakaasiak a dumngegka kaniak. Saannakon nga isubli iti akin-uneg a pagbaludan iti balay ni Jonatan a sekretariom, gapu ta no aramidem dayta, matayakto sadiay."

\s5
\v 21 Isu nga imbilin ni Ari Zedekias a saandan nga isubli ni Jeremias iti pagbaludan. Ngem ketdi, mapalubusan isuna a bantayan dagiti agbanbantay iti paraangan ti palasio. Imbilin pay ti ari nga inaldaw nga iyeganda isuna iti tinapay, agingga nga awanen ti nabati a tinapay iti siudad. Isu nga inkabilda ni Jeremias iti dayta a paraangan ket nagtalinaed isuna sadiay.

\s5
\c 38
\p
\v 1 Uppat nga opisial ti nakangngeg iti imbagbaga ni Jeremias kadagiti tattao, da Sefatias a putot ni Matan, Gedalias a putot ni Pasur, Jehucal a putot ni Selemias, ken Pasur a putot ni Malkias.
\v 2 Imbagbagana kadakuada nga ibagbaga ni Yahweh, "Matayto amin nga agtalinaed iti Jerusalem. Mapapataydanto babaen kadagiti kampilan dagiti kabusorda wenno babaen iti panagbisin wenno saksakit. Ngem dagidiay sumuko iti armada ti Babilonia ket agbiagto. Makalasatdanto; saandanto a mapapatay.
\v 3 Ibagbaga pay ni Yahweh nga awan duadua a sakupento ti ari ti Babilonia daytoy a siudad."

\s5
\v 4 Isu a napan dagidiay nga opisial iti ari ket kinunada, “Nasken a mapapatay ni Jeremias! Gapu iti ibagbagana, up-upayenna dagiti soldadotayo a nabatbati iti siudad. Up-upayenna pay dagiti tattao. Saan isuna a mangibagbaga kadagiti banbanag a makatulong kadatayo; mangibagbaga isuna kadagiti banbanag a mangipaabak kadatayo.
\v 5 Kinuna ni ari Zedekias, "Ala wen, armidenyo kenkuana ti kayatyo; awan ti turayko a mangatipa kadakayo."

\s5
\v 6 Isu nga innala dagidiay nga opisial ni Jeremias manipud iti pagbaludan ket impababada isuna iti bubon iti paraangan ti palasio babaen iti tali. Ti bubon ket kukua ni Malkias a putot ti ari. Awan ti danum iti bubon, ngem kapitakan daytoy, isu a nailumlum isuna iti kapitakan.

\s5
\v 7 Ngem ni Ebed Melec, maysa nga opisial ti palasio a taga-Etopia, nangngegna nga ibagbaga ti maysa a tao nga adda ni Jeremias iti bubon. Iti dayta a tiempo, mangrisrisot ti ari kadagiti parikot dagiti tattao idiay Ruangan ti Benjamin.
\v 8 Rimmuar ni Ebed Melec iti palasio ket kinunana iti ari,
\v 9 "Madaydayaw nga ari, nagaramid dagidiay a lallaki iti dakes unay a banag. Ingkabilda ni profeta Jeremias iti bubon. Dandanin maibus dagiti amin a taraon iti siudad, isu nga awan ti siasinoman a makaited iti taraon kenkuana, ket agbanag a matayto isuna iti bisin!"

\s5
\v 10 Isu nga imbaga ti ari kenni Ebed Melec, "Mangikuyogka iti tallopulo a lallaki, ket iyaonyo ni Jeremias iti bubon, tapno saan isuna a matay!"
\v 11 Isu nga indauloan ni Ebed Melec dagiti tallopulo a lallaki; napanda iti maysa a siled iti palasio iti sirok ti siled a pagiduldulinan dagiti tattao kadagiti banbanag. Nakasarakda sadiay dagiti daan a ragas ken rutrot a lupot. Innalada dagitoy a banbanag ket napanda iti bubon. Inggalotda dagitoy ket impauyaoyda ti tali kaniak.

\s5
\v 12 Ket inawagannak ni Ebed Melec, "Ikabilmo dagiti ragas a lupot iti kilikilim, tapno saanka a masaktan iti tali!" Inaramid ngarud ni Jeremias dayta.
\v 13 Ket inyaonda isuna manipud iti bubon. Isu a nagtalinaed isuna iti paraangan nga ayan dagiti agbanbantay iti palasio.

\s5
\v 14 Maysa nga aldaw pinaayaban ni Ari Zedekias ni Jeremias, ket naiyeg isuna iti ari, a mangur-uray kenkuana iti pagserkan ti templo. Kinunana kenni Jeremias, "Adda kayatko a damagen kenka. Kayatko a sungbatannak iti pudno, ket saanka nga agilimed.”
\v 15 Simungbat ni Jeremias, "No ibagak kenka ti kinapudno, ibilinmonto a patayendak. Ket no nasayaat ti ibalakadko kenka, saanmo nga ipangag ti ibagak."
\v 16 Ngem sililimed a nagkari ni Ari Zedekias kenkuana, "Ibagam kaniak ti kinapudno! Ket iti nagan ni Yahweh nga adda iti agnanayon, saanka nga ipapatay, ken saanka nga ipaima kadagiti agpangpanggep a mangpapatay kenka."

\s5
\v 17 Isu a kinuna ni Jeremias kenni Zedekias, "Kastoy ti kuna ni Yahweh a mannakabalin-amin, ti Dios a daydayawen ti Israel: 'No sumukoka kadagiti opisial ti ari ti Babilonia, makalasatkanto ken ti pamiliam, ket saanto a mauram daytoy a siudad.
\v 18 Ngem no saanka a sumuko kadakuada, saankanto a makalasat. Ket sakupento ti armada ti Babilonia daytoy a siudad ket naan-anay a puoranda daytoy.' "

\s5
\v 19 Ket simmungbat ti ari, "Ngem mabutengak a sumuko kadagiti soldado ti Babilonia, gapu ta amangan no ipaimadak dagiti opisialda kadagiti tattao ti Juda a nakitiponen kadagiti soldado ti Babilonia, ket parigatendakto dagiti tattao a naggapo iti Juda."

\s5
\v 20 Simmungbat ni Jeremias, "No agtulnogka kenni Yahweh babaen iti panagaramidmo iti imbagak kenka nga aramidem, saandakanto nga ipaima kadagiti tattaotayo. Nasayaatto dagiti banbanag para kenka, ken agtalinaedka a sibibiag.
\v 21 Ngem no saanka a sumuko, kastoy ti impakita ni Yahweh kaniak:

\s5
\v 22 Mairuarto amin dagiti babbai a nabati iti palasiom ket maiteddanto kadagiti opisial ti ari ti Babilonia. Ket ibaganto kenka dagidiay a babbai: 'Adda gagayyemmo nga impagarupmo a mapagtalkam, ngem inallilawdaka ket pinagdesisiondaka iti biddut. Ita, kaslaka nailumlum iti kapitakan, ket binaybay-andaka dagiti gagayyemmo.'
\v 23 Aminto dagiti assawam ken annakmo iti siudad ket mairuarto kadagiti soldado ti Babilonia, ket saankanto met a makalasat. Tiliwendakanto dagiti soldado ti ari ti Babilonia, ket puorandanto daytoy a siudad."

\s5
\v 24 Ket kinuna ni Zedekias kenni Jeremias, "Saanmo nga ibagbaga iti siasionman ti imbagam kaniak; no ibagam, amangan no papatayendaka dagiti opisial ti ari.
\v 25 No maammoan dagiti opisialko a nakitungtongak kenka, nalabit nga umayda kenka ket kunada, 'Ibagam kadakami ti nagtungtonganyo iti ari. No saanmo nga ibaga kadakami, patayendaka.'
\v 26 No mapasamak dayta, ibagam kadakuada a nagpakpakaasika kaniak nga saankan nga isubli iti akin uneg a pagbaludan iti balay ni Jonatan, gapu ta mabutengka nga amangan no matayka no ikabildaka manen sadiay."

\s5
\v 27 Ket dayta ti napasamak. Napan dagiti opisial ti ari kenni Jeremias ket sinaludsodda no apay a pinaayaban isuna ti ari. Ngem imbagana kadakuada ti imbaga ti ari kenkuana nga ibagana kadakuada. Isu a saandan a nagsaludsod pay kenni Jeremias, gapu ta awan ti nakangngeg iti nagtungtongan ti ari ken ni Jeremias.
\v 28 Isu a nagtalinaed ni Jeremias a mabanbantayan idiay paraangan iti palasio, agingga a sinakup ti armada ti Babilonia ti Jerusalem.

\s5
\c 39
\p
\v 1 Kalpasan a nagturay ni Ari Zedekias iti Juda iti agarup siyam a tawen, iti maikasangapulo a bulan iti tawen, immay ni ari Nebucadnesar a kaduana ti armadana, ket linakubda ti Jerusalem.
\v 2 Napalabas ti maysa ket kagudua a tawen, kalpasan a nagturay ni Zedekias iti agarup sangapulo ket maysa a tawen, iti maikapat a bulan ti maikasangapulo ket maysa a tawen, sinerrek dagiti soldado ti Babilonia ti pader ti siudad a nagnada kadagiti rinebbada a paset ti pader. Nagdardarasda amin a simrek ket sinakupda ti siudad.
\v 3 Ket simrek amin dagiti opisial ti ari ket nagtutugawda iti Makintengnga a Ruangan tapno ikeddengda ti armidenda iti siudad. Inramanda ni Nergal-sarezer, ni Samgar Nebo, ni Sarsekim a maysa kadagiti panguloen nga administrador, ni Nergal-salezer, a taga-balakad ti ari, ken dadduma pay nga opisial.

\s5
\v 4 Idi naamiris ni Ari Zedekias ken dagiti amin a soldadona a dinadaelen ti armada ti Babilonia ti siudad, naglibasda. Nagurayda agingga a simmipnget. Kalpasanna, rimmuarda iti siudad a nagnada iti minuyungan ti ari, iti ruangan nga adda iti nagbaetan dagiti dua a pader. Ket nagtatarayda nga agturong iti patad ti Jordan.
\v 5 Ngem kinamat dagiti soldado ti Babilonia ti ari, ket natiliwda isuna iti patad nga asideg iti Jerico. Impanda isuna iti ari ti Babilonia, nga adda idiay Ribla iti masakupan ti Hamat. Sadiay, imbaga ni Nebucadnesar kadagiti soldadona ti rumbeng nga aramidenda a panangdusa kenni Zedekias.

\s5
\v 6 Pinilitda ni Zedekias nga agbuya kabayatan iti panangpatayda kadagiti annakna a lallaki ken kadagiti amin nga opisial manipud Juda.
\v 7 Kalpasanna sinuatda dagiti mata ni Zedekias. Kinawaranda isuna babaen iti kawar a bronse ket impanda isuna idiay Babilonia.

\s5
\v 8 Iti sabali a bangir, pinuoran ti armada ti Babilonia ti palasio ken amin a pasdek iti Jerusalem. Ket rinebbada dagiti pader ti siudad.
\v 9 Ket ni Nebuzaradan a kapitan dagiti agbanbantay iti ari, pinilitna a mapan idiay Babilonia ti kaaduan kadagiti dadduma a tattao a nabati iti siudad ken dagiti Judio a timmipon kadagiti soldado ti Babilonia.
\v 10 Ngem pinalubusanna nga agtalinaed iti Juda, dagiti dadduma a nakurapay unay a tattao, ket inikkanna ida iti kaubasan ken taltalon nga aywananda.

\s5
\v 11 Imbaga idin ni Nebucadnesar iti kapitan dagiti agbanbantay a ni Nebuzaradan a birukenda ni Jeremias. Kinunana,
\v 12 "Siguradoem nga awan ti siasinoman a mangdangran kenkuana. Aywanam isuna, ket ipaaymo kenkuana ti aniaman a kiddawenna nga aramidem."
\v 13 Isu a ni Nebuzaradan ken ni Nebusasban, a maysa kadagiti panguloen nga opisialda, ken ni Nergal-sarezer a tagabalakad ti ari, ken dagiti dadduma nga opisial ti ari ti Babilonia
\v 14 ket nangibaonda iti lallaki a mangiruar kenni Jeremias manipud iti paraangan nga adda iti ruar ti palasio. Impanda isuna kenni Gedalias a putot ni Ahikam ken apoko ni Safan. Ket inkuyog ni Gedalias ni Jeremias iti pagtaenganna ket nagtalinaed isuna iti Juda a kaduana dagiti kailianna a napalubusan nga agtalinaed sadiay.

\s5
\v 15 Ngem idi mabanbantayan pay laeng ni Jeremias iti paraangan ti palasio, inted ni Yahweh kenkuana daytoy a mensahe:
\v 16 “Ibagam daytoy kenni Ebed Melec, nga opisial a taga-Ethiopia: Kastoy ti kuna ni Yahweh a Manakabalin-amin, ti Dios a daydayawen ti Israel: Aramidekto iti daytoy a siudad ti amin a banbanag nga imbagak nga aramidek. Saankonto a parang-ayen dagiti tattao; Ipalak-amkonto kadakuada dagiti didigra. Makitamto ti pannakadadael ti Jerusalem,

\s5
\v 17 ngem ispalenkanto manipud kadagiti tattao a pagbutbutngam. Siak a ni Yahweh, kastoy ti inkarik kenka!
\v 18 Nagtalekka kaniak, isu nga ispalenkanto. Saankanto a mapapatay babaen kadagiti kampilan dagiti kabusortayo; agtalinaedkanto a sibibiag. Awan duadua a mapasamakto dayta gapu ta siak a ni Yahweh, ti nangibaga iti daytoy."'

\s5
\c 40
\p
\v 1 Tiniliw dagiti soldado a taga-Babilonia ni Jeremias ken dagiti dadduma a tattao a taga-Jerusalem ken dadduma a luglugar idiay Juda. Pinanggepda nga ipan ida idiay Babilonia. Isu a kinawaranda dagiti pungngoapungoan dagiti tattao ket impanda ida idiay Rama, nga ili iti amianan ti Jerusalem. Kabayatan nga addada sadiay, winayawayaanda ni Jeremias. Kastoy ti napasamak:
\v 2 Naduktalan ni Nebuzaradan a kapitan dagiti agbanbantay iti ari, nga adda sadiay ni Jeremias. Pinaayabanna ni Jeremias ket kinunana kenkuana, "Imbaga ni Yahweh a Diosmo nga ipalak-amna ti didigra iti daytoy a daga.

\s5
\v 3 Ket ita impatungpalna. Inaramidna ti imbagana nga aramidenna, gapu ta nagbasolkayo a tattao kenni Yahweh ken saankayo a nagtulnog kenkuana.
\v 4 Ngem ita nga aldaw, ikkatek dagiti kawar kadagiti pungngoapungngoam ket wayawayaanka. No kayatmo ti kumuyog kaniak idiay Babilonia, nasayaat. Aywanankanto. Ngem no saanmo a kayat ti sumurot kaniak, saanka nga umay. Agtalinaedka ditoy. Kitaem, nawaya ti entero a pagilian ket mabalinmo ti mapan iti sadinoman a kayatmo a papanan.” Mabalinmo iti mapan iti sadinoman a lugar a mapanunotmo a kasasayaatan." Ket inikkatna dagiti kawar kadagiti pungngoapungoan ni Jeremias.

\s5
\v 5 Kinuna ni Nebuzaradan, "No ikeddengmo nga agtalinaed ditoy, mapanka kenni Gedalias. Dinutokan isuna iti ari ti Babilonia nga agbalin a gobernador ti Juda. Mapalubosankanto nga agtalinaed a kaduam dagiti tattao nga iturturayanna. Ngem mabalinmo nga aramiden ti aniaman a kayatmo nga aramiden." Ket inikkannak ni Nebuzaradan iti taraon ken kuarta, ket pinalubosannak a mapan.
\v 6 Nagsubliak kenni Gedalias idiay Mizpa, ket nagnaedak idiay Juda a kaduak dagiti tattao a nabati iti daga.

\s5
\v 7 Dagiti soldado nga Israelita a saan a simmuko iti armada ti Babilonia ket agalla-allada kadagiti away. Ket nadamag dagiti mangidadaulo kadakuada a dinutokan ti ari ti Babilonia ni Gedalias nga agbalin a gobernador dagiti nakukurapay unay a tattao nga adda pay laeng idiay Juda, a saan a naipan idiay Babilonia.
\v 8 Isu a napanda nakitungtong kenni Gedalias idiay Mizpa. Karaman kadagiti napan ket ni Ismael a putot ni Netanias, ni Johanan ken ni Jonatan nga annak ni Karea, ni Seraias a putot ni Tanhumet, dagiti annak ni Efai a nagtaud iti Netofa, ken ni Jezanias a nagtaud iti Maaca, ken dagiti soldado a kaduada.

\s5
\v 9 Sipapasnek nga inkari ni Gedalias a saan isuda a dangran dagiti soldado ti Babilonia. Kinunana, "Saankayo nga agbuteng nga agaramid kadagiti banbanag para kadakuada. Agtalinaedkayo iti daytoy a daga ket agaramidkayo kadagiti banbanag para iti ari ti Babylonia. No aramidenyo dayta, awanto ti pakaan-anoanyo.
\v 10 Para kaniak, agtalinaedak ditoy Mizpa a kas mangibagbagi kadakayo kadagiti opisial manipud iti Babilonia nga umay a makitungtong kadatayo. Ngem nasken nga agsublikayo kadagiti iliyo, ket kanenyo dagiti banbanag nga apitenyo iti dagayo. Apitenyo dagiti ubas ken dagiti bunga a naluom iti tiempo ti kalgaw ken dagiti olibo, agaramidkayo iti arak ken lana ti olibo, ket ilebbenyo dagitoy."

\s5
\v 11 Ket dagiti Judio a naglibas a napan idiay Moab, Ammon, Edom, ken kadagiti asideg a pagilian, nangngedda ti ibagbaga dagiti tattao a pinalubosan ti ari ti Babilonia dagiti sumagmamano a tattao nga agtalinaed idiay Juda, ket dinutokanna ni Gedalias nga agbalin a gobernadorda.
\v 12 Isu a nagsublida idiay Juda. Dimmagasda idiay Mizpa tapno makitungtongda kenni Gedalias. Kalpasanna, napanda kadagiti nadumaduma a lugar iti Judea, ket adu ti inapitda nga ubas ken bunga iti tiempo ti kalgaw.

\s5
\v 13 Iti saan a nagbayag, napan kenni Gedalias idiay Mizpa ni Johanan ken amin dagiti dadduma a mangidadaulo kadagiti soldado dagiti Israelita a saan a simmuko iti armada ti Babilonia.
\v 14 Kinunada kenkuana, "Ammom kadi nga imbaon ni Baalis, nga ari dagiti tattao ti Ammon ni Ismael nga putot ni Netanias tapno papatayennaka?” Ngem saan a namati ni Gedalias iti imbagada.

\s5
\v 15 Iti saan a nagbayag kinatungtong ni Johanan ni Gedalias iti nalimed. Kinunana, "Palubosannak a mapan mangpapatay kenni Ismael a sililimed. Saan a nasayaat a mapalubosan isuna nga umay mangpapatay kenka! No matayka, anianto ti mapasamak kadagiti amin a Judio a nagsubli iti daytoy a disso? Mawarawaradanto, ken mapapatayto amin dagiti dadduma a tattao a nagtalinaed iti Juda!"
\v 16 Ngem kinuna ni Gedalias kenni Johanan, "Saan, saanka a palubosan a mangaramid iti dayta. Pagarupek nga agul-ulbodka maipapapan kenni Ismael."

\s5
\c 41
\p
\v 1 Ni Ismael a putot ni Netanias ket kameng ti pamilia ti ari. Maysa isuna kadagiti napateg nga opisial ni Ari Zedekias. Iti maika-pito a bulan ti dayta a tawen, napan isuna idiay Mizpa a kaduana dagiti sangapulo a lallaki tapno makitungtong kenni Gedalias. Kabayatan nga agsasangoda a mangmangan,
\v 2 timmakder ni Ismael ken dagiti sangapulo a lallaki, ket babaen kadagiti kampilanda, pinatayda ni Gedalias—ti lalaki a dinutokan ti ari ti Babilonia nga agbalin a gobernadorda!
\v 3 Pinatay pay ni Ismael ken dagiti kakaduana dagiti amin a Judio ken dagiti taga-Babilonia a nasarakan dagiti soldadona a kadua ni Gedalias idiay Mizpa.

\s5
\v 4 Iti sumaruno nga aldaw, sakbay nga adda nakaduktal a napapatay ni Gedalias,
\v 5 80 a lallaki ti immay a naggapu iti Sikem, Silo ken Samaria tapno agdayawda iti templo ni Yahweh idiay Mizpa. Inahitda dagiti barbasda ken rinay-abda dagiti kawesda ken sinugatda dagiti bagbagida a mangipakita nga agladladingitda. Ket nangiyegda kadagiti bukbukel a sagut ken insenso a mapuoran iti altar.

\s5
\v 6 Rimmuar iti siudad ni Ismael a putot ni Netanias tapno sabatenna ida, agsangsangit isuna bayat ti ipapanna. Idi nakadanun isuna iti ayanda, kinunana, "Umaykayo ket kitaenyo ti napasamak kenni Gedalias!"
\v 7 Ngem apaman a nakaunegda amin iti ili, pinapatay ni Ismael ken dagiti tattaona ti kaaduan kadakuada ket impuruakda dagiti bangkayda iti bubon.

\s5
\v 8 Sangapulo laeng kadakuada ti saanda a pinapatay. Saanda a napapatay gapu ta nagkarida kenni Ismael a no saanna ida a papatayen, ituludanda isuna iti adu a trigo, sebada, lana ti olibo ken diro nga inlemengda.
\v 9 Ti bubon a nangipuruakan dagiti tattao ni Ismael kadagiti bangkay dagiti pinapatayda ket ti nauneg a bubon a kinali dagiti tattao ni Ari Asa tapno maaddaanda iti danum iti siudad no lakuben ti armada ni Ari Baasa ti Israel ti siudad. Pinunno dagiti tattao ni Ismael dayta a bubon kadagiti bangkay.

\s5
\v 10 Ket tiniliw ni Ismael ken dagiti tattaona dagiti annak a babbai ti ari ken dagiti dadduma a tattao nga imbati ni Nebuzaradan a pangulo dagiti guardia ti Babilonia idiay Mizpa tapno aywanan ida ni Gedalias. Inkuyog ni Ismael ken dagiti tattaona dagidiay a tattao ket nagsublida iti lugar ti Ammon.

\s5
\v 11 Ngem nadamag ni Johanan a putot ni Karias ken amin dagiti dadduma a mangidadaulo kadagiti soldado nga Israelita a saan a simmuko iti armada ti Babilonia ti inaramid ni Ismael a putot ni Netanias ken dagiti tattaona.
\v 12 Isu a napanda a dagus a kaduada dagiti amin a tattaoda tapno lapdanda ida. Nakamakamda ida iti nalawa a pagdigusan iti asideg ti siudad ti Gabaon.

\s5
\v 13 Idi nakita dagiti amin a tattao a tiniliw ni Ismael ken dagiti tattaona ni Johanan ken dagiti soldado a kaduana, nagpukkawda a siraragsak.
\v 14 Isu a naglibas dagiti amin a natiliw idiay Mizpa, ket rinugianda a tinulongan ni Johanan.

\s5
\v 15 Ngem naglibas ni Ismael a putot ni Netanias ken dagiti walo a kakaduana a lallaki ket napanda iti lugar ti Ammon.
\v 16 Ket inummong ni Johanan a putot ni Karias ken dagiti lallaki a kakaduana dagiti amin a tattao a naispalda idiay Gabaon. Inramanda dagiti soldado, babbai, ubbing ken dagiti sumagmamano nga opisial ti palasio ti ari. Aminda ket tattao a tiniliw ni Ismael ken dagiti tattaona kalpasan a pinapatayda ni Gedalias.

\s5
\v 17 Impanda amin ida idiay Gerut Kimham ti bario nga asideg iti Betlehem. Ket nagsaganada amin a mapan idiay Egipto.
\v 18 Madandanaganda iti mabalin nga aramiden kadakuada dagiti soldado ti Babilonia no maduktalanda a pinapatay ni Ismael ni Gedalias, a dinutokan ti ari ti Babilonia nga agbalin a gobernadorda.

\s5
\c 42
\p
\v 1 Kalpasanna, immay kaniak da Johanan nga anak ni Karea, ni Azarias nga anak ni Hosaias, ken amin dagiti mangidadaulo kadagiti soldado nga Israelita a saan a simmuko iti armada ti Babilonia, ken adu pay a tattao a pakairamanan dagiti napapateg ken saan a napapateg.
\v 2 Kinunada, "Pangaasim ta denggem ti kiddawmi ket ikararagannakami amin kenni Yahweh a Diostayo. Uray no adukami idi a tattao, makitam ita a sumagmamanokami laengen a nakalasat.
\v 3 Ikararagmo nga ipakita kadakami ni Yahweh a Diostayo ti rumbeng nga aramidenmi ken ti rumbeng a papananmi."

\s5
\v 4 Insungbatko, "Ala wen, agkararagak kenni Yahweh a Diostayo kas iti kiniddawyo, ket ibagakto kadakayo ti ibagana. Ibagakto amin kadakayo."
\v 5 Simmungbatda kaniak, "Ammomi a ni Yahweh a Diostayo ket napudnonto a saksi maibusor kadakami no saanmi nga aramiden amin nga ibagana kadakami nga aramidenmi.
\v 6 Kidkiddawenmi kenka a saludsodem kenni Yahweh a Diostayo ti rumbeng nga aramidenmi. Inton sumungbat isuna, agtulnogkaminto kenkuana, kayatmi man wenno saan ti ibagana. Aramidenmi dayta gapu ta ammomi nga awanto ti pakaan-anoanmi no agtulnogkami kenkuana."

\s5
\v 7 Isu a nagkararagak kenni Yahweh, ket kalpasan ti sangapulo nga aldaw, sinungbatanna ti kararagko.
\v 8 Isu a pinaayabak ni Johanan nga anak ni Karea ken dagiti amin a mangidadaulo kadagiti armada a kaduana ken amin dagiti tattao a pakairamanan dagiti napapateg ken dagiti saan a napapateg.
\v 9 Kinunak kadakuada, "Imbagayo kaniak nga ibagak kenni Yahweh a Dios ti Israel ti kidkiddawenyo. Kastoy ti insungbatna:
\v 10 'Masapul nga agtalinaedkayo iti daytoy a daga. No aramidenyo dayta, papigsaekto ti nasionyo ket saanto a kumapsot. Parang-ayenkayto ken saankayton a maipanaw manen. Pasardengekto dagiti didigra nga impalak-amko idi kadakayo.

\s5
\v 11 Ngem saankayon nga agbuteng iti ari ti Babilonia gapu ta addaakto kadakayo. Ispalenkayto iti bilegna.
\v 12 Kaasiankayto babaen iti panangtignayko kenkuana tapno maasinto kadakayo. Isu a kas pagbanaganna, palubosannakayto nga agtalinaed iti daytoy a dagayo.'

\s5
\v 13 Ngem no saankayo nga agtulnog kenni Yahweh a Diostayo, ken no ibagayo 'Saankami nga agtalinaed ditoy;
\v 14 ngem ketdi, mapankami idiay Egipto. Sadiay, awanto ti mapadasanmi a gubat, awanto ti mangngegmi a tangguyob a mangiparparangarang a nasken nga agsagana a makigubat dagiti soldadomi, ken saankaminto a mabisinan,'

\s5
\v 15 dumngegkayo ngarud, dakayo a tattao a nabatbati iti Juda, kuna kadakayo ni Yahweh a Mannakabalin-amin, ti Dios a daydayawen ti Israel: 'No ipilityo ti mapan idiay Egipto, ken no mapankayo agnaed sadiay,
\v 16 mapasaranyonto dagidiay a gubgubat ken panagbisin a pagbutbutnganyo, ket mataykayto amin sadiay.
\v 17 Kastanto ti mapasamak kadakayo amin a mangipapilit a mapan agnaed idiay Egipto. Mapapatayto ti dadduma kadakayo babaen iti kampilan dagiti kabusoryo, ken matayto ti dadduma kadakayo gapu iti panagbisin ken saksakit. Awanto kadakayo ti makalibas kadagiti didigra nga iyegkonto kadakayo.'

\s5
\v 18 Ket kastoy pay ti kuna ni Yahweh a Mannakabalin-amin, ti Dios a daydayawen ti Israel: 'Gapu ta nakapungtotak unay, dinusak iti kasta unay dagiti amin a tattao ti Jerusalem. Aramidekto kadakayo dagiti isu met laeng a banbanag no mapankayo idiay Egipto. Ti pagbanaganna ket ilunoddakayto dagiti tattao. Mabutengdanto maipanggep iti napasamak kadakayo. Pagaangawandakayto, ket saanyonto a pulos a makita manen daytoy a daga.'
\v 19 Dakayo a bassit a bunggoy dagiti tattao ti Juda a sibibiag pay, dumngegkayo kaniak: Imbaga ni Yahweh kadakayo, 'Saankayo a mapan idiay Egipto.' Isu a saanyo a liplipatan ti imballaagko kadakayo ita nga aldaw.

\s5
\v 20 Ammok nga agul-ulbodkayo idi kiniddawyo kaniak nga agkararagak kenni Yahweh a Diostayo ken imbagayo nga umannugotkayo nga agtulnog iti amin nga ibagana.
\v 21 Isu nga ita nga aldaw, imbagakon kadakayo ti imbagana, ngem ammok a saankayo nga agtulnog ita kenni Yahweh a Diostayo a kas iti saanyo a panagtulnog kenkuana idi.
\v 22 Kayatyo ti mapan agnaed idiay Egipto. Ita ngarud, awan duadua a mapasamak kadakayo daytoy: Mataykayto amin sadiay. Mapapatayto ti dadduma kadakayo babaen iti kampilan dagiti kabusoryo ken matayto dagiti dadduma kadakayo gapu iti panagbisin wenno saksakit."

\s5
\c 43
\p
\v 1 Isu a nalpas ti panangibagak kadagiti tattao iti dayta a mensahe a nagapu kenni Yahweh a Diostayo.
\v 2 Ngem kalpasanna, kinuna kaniak da Johanan nga anak ni Karea, ni Azarias nga anak ni Hosaias ken sumagmamano a natatangsit a lallaki, "Agul-ulbodka! Saan nga imbaga kadakami ni Yahweh a Diostayo a rumbeng a saankami a mapan idiay Egipto!
\v 3 Ipagarupmi a dinurogannaka ni Baruc nga anak ni Nerias nga ibagam daytoy, tapno no agtalinaedkami ditoy, tiliwendakaminto dagiti soldado ti Babilonia ket patayendakami wenno ipandakami idiay Babilonia."

\s5
\v 4 Isu a ni Johanan ken dagiti dadduma a mangidadaulo kadagiti soldado a taga-Juda ken adu kadagiti dadduma a tattao nga adda sadiay ket saanda a nagtulnog iti bilin ni Yahweh nga agtalinaedda idiay Juda.
\v 5 Inummong ni Johanan ken amin dagiti mangidadaulo dagiti amin a tattao a nagsubli manipud kadagiti dadduma a pagilian a nakaiwaraanda.
\v 6 Inramanda dagiti lallaki, babbai, ubbing, dagiti annak a babbai ti ari, ken amin dagiti imbati ni Nebuzaradan kenni Gedalias, ket innaladakami met kenni Baruc.
\v 7 Saanda a nagtulnog kenni Yahweh, ket impandakami amin idiay Egipto, agingga iti siudad ti Tafnes.

\s5
\v 8 Kabayatan ti kaaddami idiay Tafnes, inikannak ni Yahweh iti maysa pay a mensahe. Kinunana,
\v 9 "Bayat a buybuyaendaka dagiti tattao ti Juda, mangalaka iti dadakkel a batbato ket ikalim dagitoy iti dalan a naaramid iti brik iti pagserkan ti palasio ti ari idiay Tafnes.
\v 10 Kalpasanna, ibagam kadagiti tattao ti Juda, 'Kastoy ti ibagbaga ni Yahweh a Mannakabalin-amin, ti Dios a daydayawen ti Israel: "Paayabakto ni Nebucadnesar nga ari ti Babilonia, a mangar-aramid iti trabahok, tapno umay isuna idiay Egipto a kaduana ti armadana. Isaadkonto ti tronona iti rabaw dagitoy a batbato nga imbagak kenni Jeremias nga ikalina. Ket isaadto sadiay ni Nebucadnesar ti toldana a mangipakita a nagbalin isuna nga ari ti Egipto.

\s5
\v 11 Inton umay ti armadana, rautendanto ti Egipto. Ket dagiti inkeddengko a masapul a matay ket mapapatayto, dagiti inkeddengko a masapul a maipanaw a kas balud ket maipanawto a kas balud, ken dagiti inkeddengko a masapul a mapapatay babaen kadagiti kampilan ket mapapatayto babaen kadagiti kampilan.
\v 12 Puoranto dagiti soldado ni Nebucadnesar dagiti templo dagiti didiosen ti Egipto ket ipanawda dagiti didiosenda kas pakalaglagipan. Dalusanto ti armada ni Nebucadnesar ti Egipto a kas iti panangikkat ti agpaspastor kadagiti tuma iti kawesna ken pumanaw a saan a nadangran.
\v 13 Ngem sakbay a pumanawda, rebbaendanto dagiti adigi a batbato nga adda iti templo ti didiosen dagiti Egipto nga init ken puorandanto amin dagiti templo dagiti didiosen dagiti Egipcio."'"

\s5
\c 44
\p
\v 1 Kastoy ti mensahe nga inted ni Yahweh kaniak maipapan kadagiti taga-Juda nga agnanaed iti akin-amianan a paset ti Egipto—iti Migdol, Tafnes ken Memfis—ken iti rehion ti Patros iti akin-abagatan a paset ti Egipto:
\v 2 "Kastoy ti kunak, siak a ni Yahweh a Mannakabalin-amin a Dios a daydayawen ti Israel: Nakitayo ti didigra nga impalak-amko kadagiti tattao iti Jerusalem ken kadagiti dadduma nga ili idiay Juda. Nadadael ken langalang ita dagidiay a siudad.
\v 3 Napasamak dayta gapu ta nakapungtotak unay kadakuada gapu iti napalalo a kinadangkesda. Nagpuorda iti insenso kadagiti didiosen ken dinayawda dagitoy. Dagitoy ket didiosen a saanyo a pulos nga am-ammo idi, ken saan met ida nga am-ammo dagiti kapuonanyo.

\s5
\v 4 Namin-adu nga imbaonko dagiti profetak a nagserbi kaniak, tapno ibagada kadakuada, "Saanyo nga aramiden dagidiay a makarimon a banbanag a kagurak!'
\v 5 Ngem saan nga impangag dagiti tattaok ti imbagak kadakuada. Saanda nga insardeng ti nadangkes nga aramidda, wenno saanda nga insardeng ti panagpuorda iti insenso tapno agdayawda kadagiti didiosen.
\v 6 Isu nga indissuorko kadakuada ti supapak ti kasta unay a pungtotko. Naidissuor ti pannusak a kasla apuy kadagiti kalsada ti Jerusalem ken kadagiti dadduma nga ili idiay Juda. Dinadael daytoy dagiti ili ken nagbalin dagitoy a langalang ket kasta pay laeng ti langada agingga ita.

\s5
\v 7 Isu nga ita, siak a ni Yahweh a Mannakabalin-amin a Dios a daydayawen ti Israel, salsaludsodek kadakayo: Apay nga agar-aramidkayo iti pakaigapuan a lak-amenyo dagitoy a didigra? Saanyo kadi a maamiris a gapu kadagiti ar-aramidenyo, awanto a pulos ti mabati kadakayo a lallaki wenno babbai, ubbing wenno maladaga nga immay ditoy Egipto manipud Juda?
\v 8 Apay a pagpungpungtotendak iti kasta unay babaen iti panagpupuoryo iti insenso para kadagiti didiosen nga inaramidyo ditoy Egipto? No itultuloyyo nga aramiden daytoy, dadaelenyonto dagiti bagbagiyo, ken agar-aramidkayo iti pakaigapuan ti panangilunod ken pananglaisto kadakayo dagiti amin a nasion iti daga.

\s5
\v 9 Nalipatanyo kadin no kasano a dinusak dagiti kapuonanyo gapu kadagiti nadangkes a banbanag nga inaramidda, ken no kasano a dinusak dagiti ari ken dagiti reyna ti Juda gapu iti inaramidda, ken dakayo ken dagiti assawayo a babbai gapu kadagiti basbasol nga inaramidyo kadagiti kalsada ti Jerusalem ken kadagiti daduma nga ili iti Juda?
\v 10 Agingga iti daytoy a tiempo, saankayo a nagpakumbaba wenno nagdayaw kaniak. Saanyo a tinungpal dagiti linteg ken alagaden nga intedko kadakayo ken kadagiti kapuonanyo.

\s5
\v 11 Ngarud, kastoy ti kunak, siak a ni Yahweh a Mannakabalin-amin, ti Dios a daydayawen ti Israel: Naikeddengkon nga ipalak-amko kadakayo amin dagiti didigra ken pukawek amin nga adda iti Juda.
\v 12 Dakayo a tattao a nagapu idiay Juda a nakalasat, ipapilityo nga umaykayo agnaed ditoy Egipto. Isu a pukawenkayto amin ditoy Egipto. Mataykayto amin, agraman dagiti napateg ken dagiti saan a napateg. Matayto ti dadduma kadakayo babaen kadagiti kampilan dagiti kabusoryo, matayto ti dadduma kadakayo gapu iti panagbisin. Agbalinkayto a tattao nga aramatento dagiti dadduma no adda ilunodda, pagbutbutngan ken pagaangawandakayto.

\s5
\v 13 Dusaenkayto ditoy Egipto a kas iti panangdusak kadagiti dadduma idiay Jerusalem, dagiti dadduma ket pinatay dagiti kabusorda babaen iti kampilan ken natay ti dadduma gapu iti panagbisin ken saksakit.
\v 14 Dakayo a tattao a saan a natay idiay Juda ket nagkamangkayo nga immay ditoy Egipto tapno agnaedkayo ditoy agingga a dumtengto ti aldaw nga agsublikayo idiay Juda. Ngem bassitto laeng kadakayo ti makalasat ken makalibas. Tartarigagayanyo ti mabiag ken agsubli iti Juda, ngem bassitto laeng kadakayo ti makalibas ken makaaramid iti dayta."

\s5
\v 15 Ket ti dakkel a bunggoy dagiti tattao a nangrugi a nagnaed idiay akin-amianan a paset ti Egipto ken akin-abagatan a paset ti Egipto, agraman dagiti amin a lallaki a makaammo a dagiti assawada ket agpupuor iti insenso kadagiti didiosen, ken dagiti amin a babbai a nakatakder sadiay, kastoy ti kinunada kaniak:
\v 16 "Ibagbagam nga inikkannaka ni Yahweh kadagiti mensahe, ngem saanminto nga ipangag dagiti mensahem!
\v 17 Awan duadua nga aramidenmi amin nga imbagami nga aramidenmi. Agpuorkami iti insenso a pagdayawmi iti diosami a ni Asera, ti Reyna ti Langit, ken mangibukbokkami kenkuana kadagiti daton nga arak, a kas iti kanayon nga ar-aramidenmi, dagiti kapuonanmi ken dagiti arimi ken dagiti opisialda kadagiti kalsada ti Jerusalem ken kadagiti dadduma nga ili iti Juda. Iti dayta a tiempo, nawadwad ti taraonmi, ken narang-aykami ken awan ti aniaman a pakariribukanmi.

\s5
\v 18 Ngem manipud idi insardengmi ti panagpuormi iti insenso iti Reyna ti Langit ken ti panangitedmi kenkuana iti daton nga arak, adu metten dagiti pakariribukanmi, ken pinapatay dagiti kabusormi ti sumagmamano kadagiti tattaomi babaen iti kampilan ken natay ti dadduma gapu iti bisin."
\v 19 Ket kinuna dagiti babbai, "Kasta met a nagipuorkami iti insenso ken nagibukbokkami iti arak a daton iti Reyna ti Langit, ken nagaramidkami pay kadagiti babassit a tinapay a mangibagbagi iti estatuana, tapno idatonmi kenkuana. Ngem pudno nga ammo dagiti assawami ti maipapan iti daytoy ken inanamonganda ti ar-aramidenmi!"

\s5
\v 20 Ket kinunak kadagiti amin a lallaki ken babbai a simmungbat kaniak,
\v 21 "Saanyo a pagarupen a saan nga ammo ni Yahweh a dakayo ken dagiti kapuonanyo, dagiti ariyo, dagiti opisialda ken dagiti amin a tattao idiay Juda ket agpupuor iti insenso tapno agdayawkayo kadagiti didiosen kadagiti kalsada ti Jerusalem ken kadagiti dadduma nga ili idiay Juda! Ammona ti maipapan iti daytoy!

\s5
\v 22 Saanen a maanusan pay ni Yahweh dagiti nadangkes a tignayyo ken dagiti makarimon a banbanag nga ar-aramidenyo isu a pinagbalinna a ti nagan ti dagayo ket usaren dagiti tattao iti panangilunodda, maysa a daga a nadadael ken awan agnanaed iti daytoy. Ket kasta pay laeng ti langa ti dagayo agpapan ita.
\v 23 Gapu ta nagpuorkayo iti insenso tapno agdayawkayo kadagiti didiosen ken nagaramidkayo kadagiti sabali pay a basol maibusor kenni Yahweh isu a napasaranyo amin dagidiay a didigra. Gapu ta saankayo a nagtulnog kenkuana wenno nagtungpal kadagiti linteg, alagaden ken kadagiti bilinna."

\s5
\v 24 Ket kinuna ni Jeremias kadakuada amin, agraman dagiti babbai, "Dakayo amin a tattao ti Juda nga adda ditoy Egipto, denggenyo daytoy a mensahe a nagapu kenni Yahweh.
\v 25 Kastoy ti kuna ni Yahweh a Mannakabalin-amin a Dios a daydayawen ti Israel, kadakayo a tattao: 'Imbagayo ken dagiti assawayo a babbai nga ituloyyo nga aramiden ti inkariyo, nga agpuorkayo iti insenso ken mangibukbokkayo iti arak iti diosa nga aw-awaganyo iti Reyna ti Langit. Ken pinaneknekanyo babaen kadagiti tignayyo a pinanggepyo nga aramiden dayta. Isu nga ituloyyo ti panangaramidyo iti inkariyo nga aramidenyo iti diosayo."

\s5
\v 26 Ngem ita, dakayo amin a tattao manipud Juda nga agnanaed ita ditoy Egipto, dumngegkayo iti daytoy a mensahe a naggapu kenni Yahweh. Kinunana, 'Sipapasnekko nga imbaga, babaen iti natan-ok a naganko, nga iti mabiit ket awan kadakayo a tattao manipud Juda nga adda ditoy Egipto ti mangusarto manen iti naganko. Inton sipapasnek nga agkarikayo nga aramidenyo ti maysa a banag, awanto kadakayo ti agkuna manen, "Aramidek daytoy, iti nagan ni Yahweh nga adda iti agnanayon."
\v 27 Gapu ta siputankayto, saan a tapno itulokko a mapasamak kadakayo dagiti nasayaat a banbanag no di ket ipalubosko a mapasamak kadakayo dagiti banbanag a mangdangran kadakayo. Dandani amin a naggapu idiay Juda nga adda ita ditoy Egipto ket papatayento dagiti kabusorda babaen kadagiti kampilan wenno matayto babaen iti panagbisin agingga a dandani amin kadakayo ket matay.
\v 28 Manmanonto laeng kadakayo ti saan a matay babaen kadagiti kampilan ken agsubli idiay Juda. Inton mapasamak dayta, maammoanto dagiti amin a rimmuar idiay Egipto no siasino ti akin-sao iti pudno, dagiti imbagada wenno ti imbagak.'

\s5
\v 29 Ken kuna pay ni Yahweh, 'Addanto aramidek a mangpaneknek kadakayo a mapasamakto amin nga imbagak, ken dusaenkayto iti daytoy a lugar.
\v 30 Ipaluboskonto a matiliw ni Hopra nga ari ti Egipto babaen kadagiti kabusorna a mangkayat a mangpatay kenkuana, a kas iti panangipalubosko a matiliw dagiti soldado ni Nebucadnesar nga Ari ti Babilonia ni Zedekias nga ari ti Juda."' Ket kasta ti napasamak, sumagmamanon a tawen ti napalabas.

\s5
\c 45
\p
\v 1 Kalpasan ti agarup uppat a tawen a panangituray ni Jehoyakim a putot ni ari Josias iti Juda, insurat amin ni Baruc a putot ni Nerias dagiti amin a mensahe nga imbaga ni profeta Jeremias. Nangted ni Jeremias iti maysa a mensahe a kunana,
\v 2 "Baruc, adda mensahe kenka ni Yahweh a Dios ti Israel.
\v 3 Kinunam, 'Nakabutbuteng a banbanag ti mapaspasamak kaniak! Adun ti naibturak nga ut-ot. Ket ita, paglidlidayennak ni Yahweh, a mainayon pay iti un-unnuyek. Nabannogakon iti panagas-asugko, ken saanak a makainana!'

\s5
\v 4 Ngem kastoy ti ibagbaga ni Yahweh, Baruc: 'Dadaelekto daytoy a nasion nga imbangonko. Daytoy a nasion ket kasla kayo nga inmulak ket parutek itan agraman dagiti ramutna.
\v 5 Isu nga ita, rumbeng kadi pay a tarigagayam nga agaramid dagiti tattao kadagiti banbanag a mangpadayaw kenka iti naisangsangayan a wagas? Saanmo a tarigagayan dayta. Pudno nga ipalak-amkonto ti dakkel a didigra kadagitoy amin a tattao, ngem sadinoman a papanam, salaknibankanto, ket saankanto a mapapatay."'

\s5
\c 46
\p
\v 1 Dagitoy dagiti mensahe nga inted ni Yahweh iti profeta a ni Jeremias maipanggep kadagiti dadduma a nasion.
\v 2 Kalpasan ti agarup uppat a tawen a panangituray ni Jehoyakim a putot ni Ari Josias iti Juda, inted kaniak ni Yahweh daytoy a mensahe maipanggep iti Egipto. Daytoy ket idi pinarmek ti armada ni Nebucadnesar nga Ari ti Babilonia ti armada ni Neco nga Ari ti Egipto idiay Carkemis iti asideg ti Karayan Eufrates. Kastoy ti kuna ni Yahweh: "Ibagbaga dagiti opisial ti armada ti Egipto kadagiti idadaulloanda,
\v 3 'Isaganayo dagiti babassit ken dadakkel a kalasagyo ket mapankayo makigubat!
\v 4 Isaganayo dagiti kabalioyo ket agsakaykayo kadagitoy. Agpuestokayo; aghelmetkayo. Asaenyo dagiti gayangyo ket agkabalkayo!'

\s5
\v 5 Ngem ania ti makitak? Makitak a mabutengto dagiti soldado ti Egipto ket aglibasdanto. Uray ti katuturedan kadagiti soldadoda ket agtarayto, a saan man la a tumaliaw! Siak a ni Yahweh, ibagak a mabutengto dagiti soldadoda iti sadinoman!
\v 6 Uray dagiti kapapartakan a tumaray ket agtarayto, ngem uray ti kamaingelan a mannakigubatda ket saan a makalibas. Iti amianan, iti asideg ti Karayan Eufrates, maitibkol ken matumbadanto.

\s5
\v 7 Ania daytoy a bunggoy a manglapunos iti daga a kas iti pananglapunos ti danum ti Karayan Nilo iti daga no aglayus daytoy ken agallo-allon dagiti danumna?
\v 8 Ti armada ti Egipto ti manglapunosto iti daga a kas iti agallo-allon a layus, ket ipalangguaddanto a lapunosenda ti daga ket dadaelendanto dagiti siudad ken dagiti tattao nga agnanaed kadagitoy.
\v 9 Dakayo a kumakabalio, rumautkayo! Dakayo a mangiturturong kadagiti karuahe, patarayenyo iti napartak dagiti kabalio a kasla kayla agbagtit a tao! Dakayo amin mannakigubat ti Etiopia ken Libya a mangaw-awit kadagiti kalasagyo, dakayo a mannakigubat ti Lydia a pumapana, umaykayo!

\s5
\v 10 Ngem masapul a maammoanyo a daytoy ti aldaw inton Siak a ni Yahweh a Mannakabalin-amin ket balsek dagiti kabusorko. Papatayekto dagiti kabusorko babaen iti kampilanko agingga a mapnekak; ti kampilanko ket kaslanto iti nakabutbuteng nga ayup a mangin-inom iti dara dagiti ayup a patayen daytoy agingga a saanen a mawaw daytoy. Dagiti soldado a kabusor a mapapatayto iti amianan iti igid ti Karayan Eufrates ket maiyarigto a daton para kaniak, ti Apo a ni Yahweh a Mannakabalin-amin.

\s5
\v 11 Dakayo nga awan basolna a tattao ti Egipto, sumang-atkayo iti rehion ti Galaad tapno mangalakayo iti agas; ngem awanto serserbi ti panangalayo amin kadagidiay nga agas; saankayto nga umimbag.
\v 12 Mangngegto dagiti tattao kadagiti dadduma a nasion ti pannakaibabainyo. Mangngegto dagiti amin a tattao iti daga ti panagdungdung-awyo. Agdidinnungparto dagiti maiingel a mannakigubatyo ket matumbadanto a padapada."

\s5
\v 13 Ket inted ni Yahweh kenni Jeremias daytoy a mensahe maipanggep kenni Ari Nebucadnesar idi pinanggepna a rauten ti Egipto a kaduana dagiti armadana:
\v 14 "Ipukkawmo daytoy a mensahe iti entero nga Egipto! Iwaragawagmo daytoy kadagiti siudad ti Migdol, Memfis ken Tafnes! 'Agsaganakayo para iti gubat; Agsaganakayo a mangikanawa kadagiti bagbagiyo, gapu ta mapapatayto amin dagiti adda iti aglawlawyo.'

\s5
\v 15 Apay a matumba dagiti pagtaltalkanyo ti pigsada? Saanda a makabangon, gapu ta tumbaen ida ni Yahweh.
\v 16 Matumbanto dagiti soldado a naggapu kadagiti dadduma a pagilian ket agpipinnandagdanto, ket kunaendanto iti tunggal maysa, "Tumakdertayo ket agsublitayo kadagiti tattaotayo, iti bukodtayo a daga. Adaywantayo dagiti kampilan dagiti kabusortayo!"
\v 17 Kunadanto idiay Egipto, "Napigsa ti panagsao ti ari ti Egipto, ngem idi adda gundaway ti armadatayo a mangparmek kadagiti kabusortayo, saanda a nagballigi."

\s5
\v 18 Siak nga ari a maawagan iti Yahweh a Mannakabalin-amin, kastoy ti kunak: 'Iti naganko nga adda iti agnanayon, um-umay ti armada a mangraut iti armada ti Egipto. Nabilegdanto unay, a kaslada la iti katayag ti Bantay Tabor, wenno a kas iti kangato ti Bantay Carmel nga asideg iti Baybay ti Mediteranean.
\v 19 Dakayo amin a tattao nga agnanaed iti Egipto, isaganayo dagiti sanikuayo ket agsaganakayo para iti pannakaipanawyo a kas balud. Madadaelto ti Memfis; awanto ti mamaay daytoy, ket awanto agnaed a tattao sadiay.

\s5
\v 20 Maiyarig ti Egipto iti nabaked nga urbon a baka, ngem awan duadua nga umayto ti nabileg nga ari a nagapu iti amianan a mangraut iti daytoy a kas iti panangkagat ti dingraw iti baka.
\v 21 Dagiti soldado a tinangdanan ti Egipto ket kasla kadagiti napalukmeg a baka gapu kadagiti kuarta dagiti Egipcio; ngem agsanud ken agtaraydanto met laeng; saandanto nga agtakder sadiay a makiranget, gapu ta daytoyto ti aldaw nga addanto dakkel a didigra iti Egipto, aldaw a madusanto iti kasta unay dagiti tattaoda.
\v 22 Siuulimekto nga agtaray dagiti soldado ti Egipto a kas iti kaulimek ti panaguyas ti uleg. Rumautto ti armada dagiti kabusor; magmagnada a nagtagiwasay a kas kadagiti lallaki nga agputputed kadagiti kayo.

\s5
\v 23 Siak a ni Yahweh, ibagak a patayendanto dagiti soldado ti Egipto a kaslada la agputputed kadagiti adu a kayo, gapu ta adunto dagiti kabusor a soldado a kas kaadu dagiti pangen dagiti dudon.
\v 24 Maibabainto dagiti tattao ti Egipto; parmekento ida dagiti tattao a naggapu iti amianan.'

\s5
\v 25 Kastoy ti kunak, Siak a ni Yahweh a Mannakabalin-amin a Dios a daydayawen ti Israel, 'Dusaekto ni Amon, ti didiosen a daydayawen dagiti tattao iti siudad ti Tebes, ken dagiti amin a didiosen idiay Egipto. Dusaekto ti ari ti Egipto ken dagiti amin nga agtaltalek kenkuana.
\v 26 Ipaluboskonto a matiliw ida dagiti makinkayat a mangpatay kadakuada—ni Nebucadnesar nga ari ti Babilonia, ken amin dagiti opisial ti armadana. Ngem kalpasan iti adu a tawtawen, agnaedto manen idiay Egipto dagiti tattao. Awan duadua a mapasamakto dayta gapu ta Siak a ni Yahweh, ti nangibaga iti dayta.'

\s5
\v 27 Ngem dakayo a tattao ti Israel nga agserserbi kaniak, saankayon a maupay, gapu ta dumtengto ti aldaw nga isublikayo manipud kadagiti adayo a lugar; Ipanawkonto dagiti kaputotanyo manipud iti daga a nakaipananda a kas balud. Ket dakayo nga Israelita, agnaedkayonto manen a sikakapia ken sitatalged, ket awanto ti aniaman a nasion a mangbutbuteng kadakayo.
\v 28 Siak a ni Yahweh, ibagbagak kadakayo a tattao ti Israel nga agserserbi kaniak, 'Saankayo nga agbuteng, gapu ta addaakto kadakayo. Dadaelekto a naan-anay dagiti nasion a nangiwarawaraak kadakayo, ngem saankayonto a naan-anay a pukawen. Dusaenkayonto, ngem dusaenkayonto laeng a kas kakaru ti rumbeng kadakayo: saan a maiparbeng no saankayon a dusaen."'

\s5
\c 47
\p
\v 1 Inikkan ni Yahweh ni profeta Jeremias iti maysa a mensahe maipapan kadagiti tattao ti Filistia. Naited kenkuana ti mensahe sakbay a naparmek dagiti armada ti Egipto ti siudad ti Gaza idiay Filistia.
\v 2 Kastoy ti kuna ni Yahweh: "Umayto ti maysa nga armada a naggapu iti amianan a daya a manglapunosto iti daga a kas iti layus. Dadaelendanto ti daga ken ti amin a banag nga adda iti daytoy; dadaelendanto dagiti tattao ken dagiti siudad. Agikkisto dagiti tattao nga agpatulong; ken tunggal maysa iti daga ket agdung-awto.

\s5
\v 3 Mangngegdanto ti dalagudog dagiti kuko dagiti kabalio dagiti kabusor, ken mangngegdanto ti ranitrit dagiti pilid dagiti karwahe dagiti kabusorda. Agtarayto dagiti lallaki; saandanto nga agsardeng tapno tulonganda dagiti annakda ngem nakapsutdanto unay ken awan maitulongda.
\v 4 Daytoyto ti tiempo a madadael dagiti amin a tattao ti Filistia, ken ti tiempo a mapasardeng dagiti nabatbati a soldado iti panangtulongda kadagiti tattao nga agnanaed kadagiti siudad ti Tiro ken Sidon. Siak, ni Yahweh, dadaelekto dagiti tattao ti Filistia, nga akin kapuonan kadagiti immay a naggapu iti isla ti Creta iti nabayagen a panawen.

\s5
\v 5 Maibabainto dagiti tattao ti Gaza; kuskusandanto dagiti uloda a mangipakita a mabainda. Agulimekto dagiti amin a tattao iti siudad ti Askelon gapu ta agdungdung-awdanto. Dakayo amin a tattao nga agnanaed iti igid ti Baybay ti Mediterannian a sibibiag pay, kasano pay kabayag a sugatenyo dagiti bagbagiyo gapu ta agladladingitkayo?"
\v 6 Kuna dagiti tattao ti Filistia, "O Yahweh, kaanonto nga ibagam kadagiti kabusormi nga isardengda ti panangpapatayda kadakami babaen kadagiti kampilanda? Ibagam kadakuada nga isublida dagitoy kadagiti kalubanda ken pagtalinaedem ida sadiay!"
\v 7 Ngem saan a rumbeng nga agtalinaed dagiti kampilanda sadiay, gapu ta binilin ni Yahweh dagiti kabusorda a mangramid kadagiti ad-adda pay a banbanag; panggep ni Yahweh nga ibaga kadakuada a rautenda dagiti amin a tattao nga agnanaed idiay Askelon ken kadagiti dadduma a siudad iti igid ti bay-bay.

\s5
\c 48
\p
\v 1 Daytoy ti mensahe maipapan iti Moab. Kuna ni Yahweh a Mannakabalin-amin a Dios a daydayawen ti Israel, "Mapasamakto dagiti nakaam-amak a banbanag iti siudad ti Nebo; madadaelto daytoy iti mabiit. Maibabainto ti siudad ti Kiriataim. Naparmeken daytoy! Madadaelto ti nalagda a sarekedked, ket maibabainto dagiti tattao.
\v 2 Awanton ti mangipasindayag manen iti Moab; agpanggepto dagiti kabusor ti Moab a dadaelen ti kabisera, ti Hesbon. Kunaendanto, 'Umaykayo, dadaelentayo ti Moab.' Sika pay, Sika Madman! agulimekkanto met; kamatendakanto dagiti armada ti kabusor tapno patayendaka.

\s5
\v 3 Denggem ti panagikkis dagiti tattao ti Horonaim; agdungdung-awda gapu ta naan-anay a nadadael ti ilida.
\v 4 Madadaelto amin nga adda iti Moab; uray dagiti babassit nga ubbing ket agsangitdanto ti napigsa.
\v 5 Agsangitdanto iti nasaem bayat a sumangsang-atda iti turod ti Luhit. Agdung-awto dagiti dadduma iti dalan a sumalog iti Horonaim. Nalidayda unay gapu ta naan-anay a nadadael ti ilida.

\s5
\v 6 Addanto mangibaga kadakuada, 'Aglibaskayo! Aglemmengkayo idiay disierto!'
\v 7 Ngem nagtalekkayo a natalgedkayonto gapu ta nabaknang ken nabilegkayo; isu a matiliwkayonto. Maitalawto ti diosyo a ni Kemos ken dagiti amin a papadina kadagiti adayo a daga.

\s5
\v 8 Madadaelto dagiti amin nga ili idiay Moab; awanto ti makalibas kadakuada. Madadaelto amin dagiti ili kadagiti tanap ken idiay patad, gapu ta kinuna ni Yahweh a daytanto ti mapasamak.
\v 9 Rumbeng nga adda tumulong kadagiti amin a tattao idiay Moab nga umadayo, tapno agbalinto a langalang ti dagada, tapno awanton ti agnaed iti daytoy."
\v 10 Dusaen koma ni Yahweh ti siasinoman a saan a napinget a mangaramid kadagiti tarigagayna; ilunodna koma ti siasinoman a saan a mangusar iti kampilanna a mangpatay kadagiti tattao idiay Moab.

\s5
\v 11 Kankanayon a makarikna dagiti tattao ti Moab iti kinatalged; saanda pay a pulos a naitalaw a kas balud. Kasla da la arak a saan a nakutkuti iti nakaikabilan daytoy iti adu nga al-aldaw tapno umimas daytoy, isu nga ita nabanglon ti angot daytoy, ken naimasen ti raman daytoy.
\v 12 Ngem kuna ni Yahweh nga addanto ti tiempo a mangibaonto isuna kadagiti kabusor a mangraut kadakuada; dadaelendanto dagiti tattao ti Moab a kasla kadagiti tattao a mangibukbok iti arak iti daga ket kalpasanna burakkenda ti burnay ti arak.

\s5
\v 13 Ket maibabainto dagiti tattao ti Moab gapu iti didiosenda a ni Kemos a nagtalkanda, gapu ta saan a nakatulong daytoy kadakuada, a kasla kadagiti nabainan nga Israelita gapu ta naburak ti imahenda a balitok a sinanbaka idiay Betel.
\v 14 Iti kallabes, kinuna dagiti soldado ti Moab, "Mannakigubatkami; situturedkami a nakiranget kadagiti gubat!"

\s5
\v 15 Ngem ita, kuna ti Arimi, a maaw-awagan iti Yahweh, a Mannakabalin amin, a madadaelto ti pagilian ti Moab ken ti amin nga ili nga adda iti daytoy. Mapapatayto amin dagiti kalalaingan nga agtutuboda a lallaki.
\v 16 Madadaelto ti Moab iti mabaiit. Iti mabiit mapadasandanton ti didigra.
\v 17 Dakayo a tattao nga agnanaed kadagiti nasion nga asideg iti Moab, a makaammo a nalatak unay daytoy, masapul nga agladingitkayo para iti Moab, ken ibagayo, "Naan-anay ti panagpatinggan ti kinabileg daytoy."

\s5
\v 18 Dakayo a tattao iti siudad ti Dibon, agsardengkayo nga agpalangguad gapu iti pannakaidaydayawyo, ket agtugawkayo iti tapok a no sadino ket mawawkayonto, gapu ta dagiti mangdadaelto kadagiti dadduma a lugar iti Moab ket rautendanto ti siudadyo ken dadaelenda dagiti sarikedkedyo.
\v 19 Dakayo a tattao iti siudad ti Aroer, agtakderkayo iti dalan ket agbantaykayo. Ipukkawyonto kadagiti agliblibas a lallaki ken babbai manipud iti Moab, "Ania ti napasamak sadiay?"
\v 20 Isungbatdanto, "Nadadaelen ti Moab ket naibabainkami!" Isu nga agsangit ken agdung-awkayo. Ipakaammoyo iti Amon a nadadaelen ti Moab.

\s5
\v 21 Dusdusaen ni Yahweh dagiti ili ti Moab nga adda iti patad: Ti Holon, Jahas ken Mepaat,
\v 22 ti Dibon, Nebo ken Bet Diblataim,
\v 23 ti Kiriataim, Bet Gamul ken Bet Meon,
\v 24 ti Keriot ken Bosra. Dusdusaenna dagiti siudad a nagiinnasideg ken dagiti ili a nagiinnadayo.
\v 25 Kuna ni Yahweh, "Aggibuston ti kinabileg ti Moab; a kasla natukkolan daytoy iti takkiag

\s5
\v 26 Dakayo a tattao ti Moab, ipagarupyo a nabilegkayo unay a bumusor kaniak, a ni Yahweh; isu nga ita pagdiwerdiwerenkayo amin a kasla nabartek a tattao. Dakayo a tattao ti Moab, agtulidtulidkayonto iti saruayo ken makatkatawaankayonto.
\v 27 Dakayo a tattao ti Moab ket kinatkatawaanyo dagiti tattao ti Israel. Uray no agtatakawda, saanda a pulos a natiliwan. Iwingwingiwingyo ti uloyo iti panangumsi ken kinatkatawaanyo ida.

\s5
\v 28 Dakayo a tattao nga agnanaed idiay Moab, masapul a panawanyo dagiti iliyo ket mapankayo agnaed kadagiti rukib. Tuladenyo dagiti kalapati nga agaramid kadagiti umokda iti wangawangan dagiti rukib."
\v 29 Nangngeggantayo amin a napalangguad unay dagiti tattao ti Moab; napalalo ti kinapalangguad ken kinatangsitda.

\s5
\v 30 Ngem kuna ni Yahweh, "Ammok ti maipapan iti dayta, ngem awan serserbina kadakuada ti agpalangguad gapu ta awan ti maaramidan daytoy.
\v 31 Isu nga ita dung-awak ti Moab; Sangitakto dagiti amin a tattaona a matulonganda koma tapno makalasatda. Umasugakto para kadagiti lallaki ti siudad ti Kir Hareset, ti sigud a kabisera ti Moab.
\v 32 Dakayo a tattao iti siudad ti Sibma, adu dagiti kaubasanyo, ket agladingitakto inton madadaelda. Arigna a dimmanon iti ballasiw iti Natay a Baybay agingga iti siudad ti Jaser dagiti sanga dagiti lanutyo, ngem alaento dagiti kabusor ti Moab dagiti ubas ken arakyo manipud kadakayo!

\s5
\v 33 Ngem awanen ita ti agrag-o wenno agragsak idiay Moab; madadaelto iti mabiit ti bunga ken dagiti ubasyo nga agluom iti kalgaw. Awanton ti tubbog ti ubas nga agayus manipud kadagiti pagpespesan, isu nga awanton ti arak. Saanton nga agpukkaw sirarag-o dagiti tattao bayat nga ipayatpayatda dagiti ubas; agpukkawto dagiti tattao, ngem saandanto nga agpukkaw a sirarag-o.

\s5
\v 34 Ngem ketdi, mangngegto ti dungdung-awda manipud iti siudad ti Hesbon agingga iti ili ti Eleale ken iti bario ti Jahas, manipud iti siudad ti Zoar agingga iti ili ti Horonaim Eglat Selisiya. Uray ti danum idiay waig ti Nimrim ket matiananto.
\v 35 Siak a ni Yahweh, ti nagkuna a dadaelekto dagiti tattao a mangidatag kadagiti daton idiay tapaw dagiti turod, dagidiay agpuor ti insenso kadagiti didiosenda.

\s5
\v 36 Agladingitak gapu kadagiti tattao ti Moab ken Kir Hareset a kasla maysa a tao nga agtuktokar iti pangnatay a kanta babaen iti pluta, gapu ta mapukawto dagiti amin a kinabaknangda.
\v 37 Kuskusanto dagiti lallaki dagiti uloda ken dagiti barbasda a mangipakita nga agladladingitda. Sugatendanto amin dagiti imada ken agbarekesda iti nakersang a lupot.

\s5
\v 38 Iti tunggal pagtaengan ken kadagiti plasa iti ili ti Moab, addanto dagiti tattao nga agdungdung-aw, gapu ta dinadaelko ti Moab a kasla iti panangburak ti maysa a tao iti maysa a daan a burnay nga awanen a pulos ti mangayat.
\v 39 Naan-anayto a mawara-wara ti Moab iti buteng! Ket mangngegyonto dagiti tattao nga agan-anug-og iti napigsa! Maibabaindanto. Agbalinto ti Moab a maysa a nasion nga uy-uyawen dagiti tattao. Agbutengto dagiti tattao kadagiti kabangibang a pagilian gapu iti napasamak sadiay.

\s5
\v 40 Kastoy ti kunak, Siak a ni Yahweh: 'Kitaem! Sippayutento dagiti kabusorda ti Moab a kasla iti panangsippayut ti maysa nga agila iti maysa nga ayup.
\v 41 Masakupto dagiti siudad daytoy, marbanto dagiti sarikedked daytoy. Uray dagiti mannakigubatda ket agbutengto, a kas iti maysa a babai nga agpasikal.

\s5
\v 42 Nagpasidayag ti Moab kaniak a ni Yahweh, isu a madadaelto daytoy.
\v 43 Siak a ni Yahweh, ti nagkuna a dakayo a tattao ti Moab ket agbutengto, ken matnag kadagiti abut ken kadagiti silo.
\v 44 Matnagto kadagiti nauneg nga abut dagiti mabutbuteng ken dagiti mangpadas nga aglibas. Siasinoman a kumalay-at manipud iti abut ket masiloanto, gapu ta dusaekto ida iti dayta a tiempo nga intudingko.'

\s5
\v 45 Aglibasto dagiti tattao agingga iti siudad ti Hesbon, ngem saandanto a makaadayo, gapu ta mapuoranto ti Hesbon, ti siudad a nagnaedan ni Ari Sihon idi un-unana a panawen, ket puoranto daytoy dagiti amin a tattao ti Moab a natagari nga agpalpalangguad iti nakaro.

\s5
\v 46 Dakayo a tattao ti Moab, nakaam-amakto dagiti banbanag a mapasamak kadakayo! Dakayo a tattao nga agdaydayaw iti didiosenyo a ni Kemos, madadaelkayonto. Matiliwto dagiti annakyo a lallaki ken babbai ket maipandanto kadagiti sabali a pagilian.
\v 47 Ngem addanto aldaw nga isublikto dagiti tattao ti Moab iti dagada. Awan duadua a mapasamakto dayta gapu ta Siak a ni Yahweh, ti nagkuna iti daytoy." Dayta ti nagpatinggaan ti impadto ni Jeremias maipapan iti Moab.

\s5
\c 49
\p
\v 1 Daytoy a mensahe ket maipapan kadagiti tattao a simmalog a naggapu iti Ammon. Kastoy ti kuna ni Yahweh: "Adu dagiti nabati nga Israelita a mangtagikua ti daga iti tribu ti Gad. Isu nga apay nga agnanaed dagiti tattao nga agdaydayaw iti didiosen a ni Milkom kadagidiay nga ili?
\v 2 Addanto ti tiempo a paguniek ti ikkis ti gubat tapno rauten dagiti kabusorda ti kabiserada, a Rabba. Ket agbalinto daytoy a gabsuon dagiti dadael, ket mapuoranto dagiti amin a kabangibang nga ili. Ket matagikuanto manen dagiti tattao ti Israel ti daga nga innala kadakuada dagiti tattao ti Amon.

\s5
\v 3 Agdung-awkayo, dakayo a tattao ti siudad ti Hesbon, gapu ta madadaelto ti siudad ti Ai. Agsangitkayo, dakayo a babbai iti siudad ti Rabba, agkaweskayo iti nakersang a lupot a mangipakita nga agladladingitayo; agtaraykayo nga agsublisubli iti pannakatikaw iti uneg dagiti pader ti siudad, gapu ta maitalawto a kas balud ti didiosenyo a ni Milkom a kaduana dagiti papadi ken dagiti opisianalna.
\v 4 Pagtangsityo unay dagiti nadam-eg unay a tanapyo, ngem madadaelto dagitoy iti mabiit. Dakayo a nasukir a tattao, nagtalekkayo iti kinabaknangyo, ket kinunayo, 'Awan duadua nga awanto ti armada a makabael a mangraut kadatayo!'

\s5
\v 5 Ngem dumngegkayo iti daytoy: Siak a ni Yahweh a Mannakabalin-amin, aramidenkanto a managbutbuteng. Mapilitankayonto amin nga agkamang kadagiti sabali a pagilian manipud kadagiti kabusor iti aglawlawyo, ket awanto ti makabael a mangummong manen kadakayo.
\v 6 Ngem addanto aldaw a pagsubliek dagiti Ammonita iti dagada. Awan duadua a mapasamakto dayta, gapu ta Siak a ni Yahweh, ti nagkuna iti daytoy."

\s5
\v 7 Daytoy a mensahe ket maipapan kadagiti tattao ti Edom. Kastoy ti kuna ni Yahweh a Mannakabalin-amin: "Kasla awanen ti nasirib a tattao idiay distrito ti Teman idiay Edom! Awan ti nabati a tattao a mangted ti nasayaat a pammagbaga kadagiti dadduma. Nagpukawen dagiti nasirib a tattao.
\v 8 Dakayo a tattao iti siudad ti Dedan, iti abagatan ti Edom, agsublikayo, aglibas ken aglemmengkayo kadagiti nauuneg a rukib, gapu ta didigraekto dagiti amin a tattao iti Edom, dusaenkayonto!

\s5
\v 9 Dagiti agburburas kadagiti ubas ket kanayon a mangibatbatida kadagiti bunga ti ubas. Inton mapan dagiti agtatakaw iti rabii, sigurado a takawenda laeng dagiti kayatda.
\v 10 Ngem dadaelekto amin a banag idiay Edom, ket awanto a pulos ti mabati, ket awanto ti disso a mabalin a paglemmengan dagiti tattao. Adunto ti matay kadagiti ubbing, kadagiti kabagianda ken kadagiti kaarubada, ket mapukawton ti Edom.
\v 11 Ibatiyo dagiti ulila gapu ta taripatoekto ida, ken kasta met a pagtalkandakto dagiti balo a babbai a tulungak ida"

\s5
\v 12 Ken kastoy met ti kuna ni Yahweh: No masapul nga agsagaba dagiti saan a maikari nga agsagaba, dakayo a tattao ti Edom masapul a nakarkaro ti panagsagabayo! Saankayonto a makalibas iti pannakadusa.
\v 13 Siak a ni Yahweh, sipapasnek nga inkarik, babaen iti naganko, a ti kangrunaan a siudadyo a Bosra ket agbalinto a disso a pagbutbutngan dagiti tattao. Agbalinto a gabsuon dagiti dadael. Pagkakatawaanto dagiti tattao daytoy ken usarenda ti nagan daytoy inton agilunodda kadagiti tattao. Madadaelto iti agnanayon dagiti amin a kabangibang nga ili ken barbario."

\s5
\v 14 Nangngegko daytoy a mensahe manipud kenni Yahweh: "Nangibaonak ti maysa a mangibagi kadagiti adu a nasion, tapno ibagana kadakuada nga agmaymaysada tapno rautenda ti Edom. Masapul nga agsaganada para iti gubat!"
\v 15 Ket kuna ni Yahweh kadagiti tattao ti Edom, "Pagbalinekto ti nasionyo a kanunumoan kadagiti sabali a nasion. Uyawendanto amin ti pagilianyo.

\s5
\v 16 Pinagbutengyo dagiti tattao kadagiti sabali a nasion, ket nagtangsitkayo unay, ngem inallilawyo dagiti bagbagiyo. Agnanaedkayo kadagiti rukib kadagiti rangkis a bato; ipagarupyo a natalgedkayo sadiay gapu ta agnanaedkayo iti nangato. Ngem uray pay no aramidenyo dagiti pagtaenganyo a kas kangato dagiti umok dagiti agila, rippoogenkayonto.

\s5
\v 17 Agbalinto ti Edom a disso a pagbutbutngan dagiti tattao; agbutengto dagiti lumabas a tattao ken agsennaayda inton makitada ti pannakadadael.
\v 18 Madadaelto ti Edom a kas iti naan-anay a pannakadadael ti Sodoma ken Gomora ken kadagiti kabangibang nga ili a nadadael iti nabayagen a tiempo. Kas pagbanaganna, awan—uray maysa a tao—ti agnaedto sadiay.

\s5
\v 19 Kellaatto a mapanak iti Edom a kas iti iruruar ti maysa a leon iti bakir ket kimmegenna ti karnero a mangmangan iti nalangto a pagaraban. Dardarasekto a kamaten dagiti tattao ti Edom manipud iti dagada. Ket kalpasanna mangdutokakto iti mangidaulo a pinilik a para kadakuada; Maaramidko dayta gapu ta awan ti siasinoman a kas kaniak a mangtubngar iti aramidek. Awan iti mangituray a mabalin a mangtubngar kaniak.

\s5
\v 20 Denggenyo ti panggepko nga aramiden kadagiti tattao ti Teman ken ti nabati iti Edom: uray dagiti babassit nga ubbing ket maitalawto, ket naan-anayto a dadelek dagiti tattao nga agnanaed sadiay.

\s5
\v 21 Inton madadaelen ti Edom, napalalonto unay ti ariwawa, nga agbanag nga agginginedto ti daga, ken mangngegto iti adayo ti panagdung-aw dagiti tattao a kas kaadayo ti baybay dagiti Runo.
\v 22 Kitaem! Sippayutento dagiti bunggoy dagiti kabusor ti Bosra a kasla iti panangiyukrad ti maysa nga agila kadagiti payyakna inton sippayutenna a tiliwen ti maysa nga ayup. Iti dayta nga aldaw, uray dagiti kamamaingelan a mannakigubat ti Edom ket agbutengto a kas iti maysa a babai nga agpasikal."

\s5
\v 23 Daytoy a mensahe ket maipapan iti Damasco. Kastoy ti kuna ni Yahweh: Maibabainto dagiti tattao kadagiti kabangibang a siudad ti Hamat ken Arpad, gapu ta nakangngegda kadagiti saan a nasayaat a damag maipapan iti Damasco. Madanaganda unay ken maringguranda, a kasla baybay iti napigsa a bagyo.
\v 24 Kimmapsut unay dagiti tattao ti Damasco, ken nagdanagda amin ket nagtarayda iti buteng. Agpaspasanaang dagiti tattao ken marigatanda a kas iti mapadpadasan ti maysa a babai nga agpasikal.
\v 25 Dayta a nalatak a siudad, a nakaay-aywak iti napalabas, ket mabaybay-anto.

\s5
\v 26 Maidasayto dagiti agtutubona a lallaki kadagiti kalsada. Mapapatayto dagiti soldado daytoy iti maysa nga aldaw.
\v 27 Ket Siak a ni Yahweh a Mannakabalin-amin, mangpasgedakto iti apuy tapno puorak dagiti pader a nanglikmut iti Damasco, ket mapuoranto dagiti palasio ni Ari Ben Hadad."

\s5
\v 28 Daytoy ti mensahe maipapan kadagiti tattao ti Kedar ken ti pagarian ni Hasor a rarauten ni Nebucadnesar nga ari ti Babilonia. Kastoy ti kuna ni Yahweh: "Mangibaonakto iti armada nga umun-una a mangraut iti Kedar ket dadaelenda dagiti tattao nga agnanaed iti daya ti Juda.
\v 29 Matiliwto dagiti toldada ken dagiti arban dagiti karneroda. Maitalawto dagiti kurtina iti uneg ti toldada ken dagiti kamelioda ken dagiti dadduma a sanikuada. Agpukkawto dagiti tattao iti sadinoman, 'Mabutbutengtayo gapu ta mapaspasamak dagiti nakabutbuteng a banbanag iti aglawlawtayo!'

\s5
\v 30 Isu a kunak, Siak a ni Yahweh, 'Partakanyo ti tumaray! Dakayo a tattao nga agnanaed idiay Hasor, mapankayo aglemmeng kadagiti nauuneg a rukib, gapu ta kayatnakayo a rauten ni Ari Nebucadnesar ti Babilonia a kaduana ti armadana; pangpanggepenna a dadaelennakayo!'
\v 31 Ngem kunak kenni Nebucadnesar, 'Sumang-atka ket rautem dagiti tattao dayta a nasion a mangipagarup a natalgedda; awan iti kakaduada a mangtulongto kadakuada ken awanto dagiti pader nga addaan kadagiti balunet kadagitoy.

\s5
\v 32 Samsamento dagiti bunggoyyo dagiti kamelioda ken dadduma a taraken. Warawaraekto dagiti tattao nga agladladingit iti napalalo. Mangyegakto iti didigra kadakuada manipud iti amin a suli.
\v 33 Agbalinto ti Hasor a lugar a pagnaedan dagiti atap nga aso, ket agbalinto a langalang iti agnanayon. Awanton ti agnaed manen sadiay; awanto ti tao nga agtalinaed sadiay.'"

\s5
\v 34 Naawat ni profeta Jeremias daytoy a mensahe manipud kenni Yahweh idi nangrugi nga agturay ni Ari Zedekias iti Juda.
\v 35 Kastoy ti kuna ni Yahweh a Mannakabalin-amin: "Mabigbigbig a pumapana dagiti lallaki ti Elam; dayta ti makagapu a nabileg unay ti pagilianda. Ngem dadaelekto ida.
\v 36 Ibaonkonto dagiti kabusorda iti tunggal pagturongan ket iwarawaradanto dagiti tattao ti Elam kadagiti amin a pagturongan. Maitalawto a kas balud dagiti tattao ti Elam iti tunggal nasion iti daga.

\s5
\v 37 Gapu ta makapungtotak unay kadagiti tattao ti Elam, palubosakto dagiti kabusorda a mangburak iti Elam; Ipalak-amkonto kadagiti tattao ti Elam ti nakaro unay a didigra. Palubosakto dagiti kabusorda a mangayat a mangpatay kadakuada, tapno kamaten ken patayenda ida babaen kadagiti kampilan agingga a naan-anay a madadaelko amin ida.
\v 38 Siak a ni Yahweh, ukomekto ida sadiay, ket kalpasanna dadaelekto ti arida ken dagiti opisialna.
\v 39 Ngem addanto ti aldaw a palubosakto a makasubli dagiti tattao ti Elam iti dagada. Sigurado a mapasamakto dayta gapu ta Siak a ni Yahweh ti nagkuna iti daytoy."

\s5
\c 50
\p
\v 1 Inted ni Yahweh kenni Jeremias a profeta ti mensahe maipapan iti Babilonia ken kadagiti pagilian iti Babilonia.
\v 2 Kastoy ti kuna ni Yahweh: "Ipakaammon ti mensahe kadagiti nasion; saanmo nga ipaidam iti aniaman kadagitoy; mangikabilka iti pagilasinan a bandera a mangipakaammo a maparmekto ti Babilonia. Naan-anayto a maibabain ti kangrunaan a didiosenna a ni Marduk, a ti sabali a naganna ket Bel, ken maburakto amin dagiti sabali pay a rebulto ken didiosen.

\s5
\v 3 Umayto ti armada ti nasion manipud iti amianan a mangraut iti Babilonia ket naan-anay a dadaelennanto ti siudad, nga agbanag nga awanto manen ti agnaed sadiay. Agtarayto nga umadayo dagiti tattao ken dagiti ayup."
\v 4 Ngem, Siak a ni Yahweh ket ibagak nga iti masakbayan, inton mapasamak dayta, agmaymaysanto dagiti tattao ti Israel ken dagiti tattao ti Juda. Agsasangitdanto ken kayatda ti agdayaw kaniak, a Diosda.
\v 5 Agdamagdanto iti maipapan iti dalan nga agturong idiay Jerusalem, ket mangrugidanto nga agdaliasat iti daytoy. Kunadanto iti tunggal maysa, 'Masapul nga agsublitayo manen kenni Yahweh!' Makitulagdanto kaniak iti awan patinggana a katulagan a saandanto pulos a malipatan.

\s5
\v 6 Naiyarig dagiti tattaok kadagiti napukaw a karnero. Binaybay-an ida dagiti mangidadaulo kadakuada a kasla kadagiti agpaspastor a pinalubosanda a maiyaw-awan dagiti karneroda kadagiti turod ken kadagiti kabanbantayan.' Kasla karnero dagiti tattaok a saanda nga ammo ti dalan nga agsubli iti koralda.
\v 7 Darupen ida dagiti amin a kabusor a makasarak kadakuada. Kunada, 'Saantayo a nagbasol iti panangdaruptayo kadakuada, gapu ta nagbasolda kenni Yahweh; isuna ti mangipapaay iti kasapulanda; isuna ti rumbeng a pagtalinaedanda a napudno; isuna ti natalged a namnamaen dagiti kapuonanda a tumulong kadakuada.'

\s5
\v 8 Ngem ita, ibagak kadagiti mangidadaulo kadagiti tattaok, 'Pumanawkayo iti Babilonia! Panawanyo ti daga ti Babilonia! Agtignaykayo a kasla kadagiti kalakian a kalding a mapan iti sango dagiti dadduma iti arban; Idalanmo dagiti tattaok nga agsubli iti bukodda a daga.
\v 9 Aramidem dayta gapu ta ummungek ti armada dagiti nabileg a nasion iti amianan ti Babilonia. Sangsangkamaysadanto a mangraut iti Babilonia ket sakupendanto daytoy. Kaslanto nalaing a mannakigubat dagiti panada a kankanayon a mapuntaanda ti sirsiringenda.
\v 10 Maparmekto ti Babilonia, ket alaento dagiti nangparmek iti daytoy ti amin a banag a kayatda. Sigurado a mapasamakto dayta gapu ta Siak a ni Yahweh ti nangibaga iti daytoy.'"

\s5
\v 11 Dakayo a tattao ti Babilonia a nangsamsam kadagiti pinilik a tattao, naragsakkayo unay ita. Agrikusrikuskayo a sirarag-o a kasla kadagiti urbon a baka idiay pagaraban, ken naragsak a kasla kadagiti kalakian a kabalio a naragsak no aggarraigida.
\v 12 Ngem iti mabiit maibabainto unay dagiti tattaom a kas banag iti pannakaparmekda. Agbalinto a kanunumoan a nasion ti pagilianyo; agbalinto a langalang daytoy, natikag a daga ken patad a let-ang.
\v 13 Gapu ta Siak a ni Yahweh, ket kapungtotkayo a tattao ti Babilonia, pagbalinekto a naan-anay a langalang ti siudadyo. Mabutengto dagiti amin a lumabas ken agsinnaayda gapu iti pannakadadael sadiay.

\s5
\v 14 Aminkayo a nasion a nanglawlaw iti Babilonia, agsaganakayo a mangraut iti daytoy! Ibagayo kadagiti pumapanayo a panaenda dagiti kabusorda; ibbiatyo amin dagiti panayo kadakuada ket saankayo a mangibati, gapu ta dagiti tattao ti Babilonia ket nagbasol kaniak a ni Yahweh.
\v 15 Ipukkawyo ti ikkis ti balligi ti gubat a maibusor iti Babilonia manipud kadagiti amin a suli ti siudad. Sumukonto dagiti soldado ti Babilonia; Marbanto dagiti tore ken dagiti pader daytoy. Siak a ni Yahweh, ti mangbalesto kadagiti tattao ti Babilonia, ket usarenkayonto a mangbales kadakuada. Aramidenyo kadagiti tattao ti Babilonia ti kas iti inaramidda kadagiti dadduma!

\s5
\v 16 Ikkatenyo idiay Babilonia dagiti agmulmula ken dagidiay agap-apit! Gapu kadagiti kampilan nga awit dagiti mangrautto iti Babilonia, masapul nga agtaray amin dagiti tattao idiay Babilonia a naggapu kadagiti nadumaduma a pagilian; masapul nga agsublida kadagiti bukodda a pagilian."

\s5
\v 17 Kasla karnero a winarawara dagiti leon dagiti Israelita. Pinarmek nga umuna ida ti armada ti ari ti Asiria. Kalpasanna, binurak ida ti armada ni Ari Nebucadnesar ti Babilonia.
\v 18 Isu a kastoy ti kunak, Siak a ni Yahweh a Mannakabalin-amin, a Dios a daydayawen ti Israel: 'Ita dusaekto ti ari ti Babilonia ken dagiti tattao iti dagana, a kasla iti panangdusak iti ari ti Asiria.

\s5
\v 19 Ket isublikto dagiti tattao ti Israel iti bukodda a daga a sadiay ket kanendanto dagiti taraon nga agtubo kadagiti taltalon kadagiti rehion ti Carmel ken Basan, ket addanto amin dagiti kayat a kanen dagiti tattao idiay turod kadagiti paset ti Efraim ken Galaad.
\v 20 Iti dayta a tiempo, awanton kadagiti tattao ti Israel ken Juda ti sibabasol pay laeng, gapu ta pakawanekto ti bassit a bunggoy dagiti tattao a pinalubosak nga agbiag.'"

\s5
\v 21 Isu a Siak a ni Yahweh, ibagak kadagiti kabusor ti Babilonia, 'Rautenyo dagiti tattao nga agnanaed iti rehion ti Merataim ken dagiti tattao iti rehion ti Pekod iti Babilonia. Kamatenyo ida ket papatayenyo ida, ket tunggal maysa kadakuada, dadaelenyo ida a maminpinsan, a kas imbilinko nga aramidenyo.
\v 22 Ipukkawyo ti ikkis ti gubat iti entero a daga; agpukkawkayo inton nakaro iti panangdadaelyo.

\s5
\v 23 Maiyarig iti nabileg a martilio ti armada ti Babilonia iti rabaw ti daga, ngem naan-anayto a maburak daytoy. Maisinanto ti Babilonia kadagiti dadduma a nasion.'
\v 24 Dakayo a tattao ti Babilonia, dumngegkayo, gapu ta nangisaganaak iti silo a para kadakayo a saanyo nga ammo; matiliwkayonto iti dayta a silo, gapu ta binusordak.

\s5
\v 25 Kasla linukatak ti lugar a pangiduldulinak kadagiti igamko, ket inruarko dagiti amin nga igam tapno usarek a maibusor kadagiti tattao a kaungetko. Siak a ni Yahweh a Mannakabalin-amin, ket adu ti trabaho nga aramidek a mangdusa kadagiti tattao ti Babilonia.
\v 26 Isu a dakayo a kabusor ti Babilonia, umaykayo manipud kadagiti adayo a daga ket darupenyo daytoy. Rakrakenyo dagiti lugar a pangiduldulinanda kadagiti bukel, ket igabsuonyo dagiti naburburak a bato a kasla kadagiti gabsuon iti bukel. Naan-anay a dadaelenyo dagiti amin a banag; saankayo a mangibati iti aniaman a banag a saan a nadadael.

\s5
\v 27 Dadaelenyo amin dagiti agtututubo a mannakigubat a kas kapigsa dagiti bulog a baka; ipanyo ida iti pangpatayanyonto kadakuada. Nakaam-amakto daytoy para kadakuada, gapu ta daytoyto ti tiempo a madusada.
\v 28 Dumngegkayo kadagiti tattao a nakataray ken nakalibas manipud idiay Babilonia kabayatan nga ibagbagada idiay Jerusalem no kasano a Siak a ni Yahweh ket nagibales a maibusor kadagiti nangdadael iti templok idiay Jerusalem.

\s5
\v 29 Ayabanyo dagiti pumapana tapno rautenda ti Babilonia; lakubenyo ti siudad tapno awanto ti makalibas. Aramidenyo kadagiti tattao iti Babilonia ti kas iti inaramidda kadagiti sabali, gapu ta binusordak, a Nasantoan dagiti Israelita.
\v 30 Maidasayto dagiti agtutubo a lallaki ti Babilonia kadagiti kalsada; mapapatayto amin dagiti soldadona iti maysa nga aldaw. Mapasamakto daytoy gapu ta Siak a ni Yahweh ti nangipakaammo iti daytoy!

\s5
\v 31 Kastoy ti kunak, Siak a ni Yahweh a Mannakabalin-amin: 'Dakayo a natangsit a tattao, daytoyen ti tiempo; daytoyen ti aldaw a dusaenkayo.
\v 32 Napno kadagiti natangsit a tattao ti dagayo, ngem maitibkol ken matulidkayonto, ket awanto ti mangibagon manen kadakayo. Mangpasgedakto iti apuy kadagiti siudad ti Babilonia a mangpuor iti amin a banag nga adda iti asideg.'

\s5
\v 33 Siak a ni Yahweh a Mannakabalin-amin, ibagak pay daytoy: 'Maidaddadanes dagiti tattao ti Israel ken Juda; banbantayan ida a nasayaat dagiti nakatiliw kadakuada ken saanda ida a palubosan a panawanda ti Babilonia.
\v 34 Ngem nabileg ni Yahweh, ket wayawaya-annanto ida. Ni Yahweh ti Mannakabalin-amin; Ikanawananto dagiti tattaona ken pagsubliennanto ida iti dagada a sadiay ket maaddaanto iti talna, ngem awanto ti talna kadagiti tattao ti Babilonia.

\s5
\v 35 Mangibaonto isuna kadagiti soldado a kabusor a sikakampilan tapno rautenda dagiti tattao ti Babilonia; Rautendanto dagiti opisial ken dagiti nasirib a lallaki ken dagiti dadduma a tattao nga agnanaed idiay Babilonia.
\v 36 Rautendanto babaen kadagiti kampilan dagiti palso a profeta ket agbalindanto a maag. Rautendanto dagiti kapipigsaan a mannakigubat ti Babilonia, ket agbutengdanto amin.
\v 37 Rautendanto dagiti kabalio ken dagiti karuaheda ken dagiti gangannaet a mannakigubat nga adda iti armada ti Babilonia, ket agbalindanto amin a nakapuy a kas kadagiti babbai. Samsamendanto amin dagiti napapateg a banbanag idiay Babilonia ket ipanawda.

\s5
\v 38 Paatiananto ni Yahweh dagiti karayan. Aramidennanto amin dagitoy a banbanag gapu ta ti entero a daga ti Babilonia ket napnoan kadagiti didiosen, ket pinagmauyong dagidiay a nakabutbuteng a didiosen dagiti tattao nga agdaydayaw kadagitoy.
\v 39 Iti mabiit dagitinto laeng atap nga aso ken dagiti dadduma pay nga atap a parsua ti agnaed sadiay; ket agbalinto daytoy a pagnaedan dagiti avestrus. Saanton a pulos a pagnaedan manen dagiti tattao daytoy; agbalinto a saan a mapagnaedan daytoy iti agnanayon.
\v 40 Dadaelento ni Yahweh a Dios ti Babilonia a kas iti panangdadaelna iti Sodoma ken Gomorra ken kadagiti kabangibang nga ili; awanton ti agnaed manen sadiay.

\s5
\v 41 Kitaem! Umayto ti dakkel nga armada manipud iti amianan. Maysa a nabileg a nasion iti adayo ken addaan kadagiti adu nga ar-ari ket agsagsagana a mangraut kadakayo a tattao ti Babilonia.
\v 42 Addaan kadagiti bai, pana ken kadagiti gayang ti armadada; naranggasda unay, ken awan iti asida iti siasinoman. Bayat a nakasakayda kadagiti kabalioda, kasla darunudor dagiti dalluyon ti taaw ti arimpadek dagiti kabalioda; nakasakayda a nakasagana a mangraut kadakayo, dakayo a tattao ti Babilonia.
\v 43 Nangngeg ti ari ti Babilonia ti padamagda, "Umas-asidegen dagiti kabusor." Isu a nagbuteng ken kimmapsut isuna. Kimpet ti buteng ken ut-ot kenkuana, a kas iti babai nga agpaspasikal."

\s5
\v 44 Siak a ni Yahweh, kellaat a mapanakto iti Babilonia a kasla iti leon a rummuar iti kabakiran ket tukmaanna ti karnero a mangmangan iti nalangto a pagaraban. Pardasakto a kamaten dagiti tattao ti Babilonia manipud iti dagada. Ket kalpasanna mangdutokakto iti mangidaulo kadakuada; Aramidek dayta gapu ta awan iti kas kaniak a mangibaga a ti aramidek ket saan a nasayaat. Awan ti mangidadaulo a makasuppiat kaniak.

\s5
\v 45 Dumngegkayo iti panggepko nga aramiden kadagiti tattao iti siudad ti Babilonia ken iti dadduma a paset ti Babilonia: uray dagiti babassit nga ubbing ket maitalawdanto, ket naan-anayto a dadaelek dagiti tattao nga agnanaed sadiay.
\v 46 Inton madadael ti Babilonia, napigsanto unay ti ariwawa, nga agbanag nga aggingined ti daga, ket mangngegto dagiti tattao kadagiti sabali a nasion ti panagasug dagiti tattao.'"

\s5
\c 51
\p
\v 1 Kastoy ti kuna ni Yahweh: "Pabiligekto ti maysa nga armada a mangdadael iti Babilonia a kas iti napigsa nga angin, ken kasta met a mangdadael kadagiti tattao ti Babilonia idiay Leb Kamai.
\v 2 Mangibaonakto iti ganggannaet nga armada a mangdadael iti Babilonia a kas iti napigsa nga angin a mangitayab iti taep. Dumarupdanto iti tunggal suli iti dayta nga aldaw a panagdadael.

\s5
\v 3 Ibagakto kadakuada, 'Saanyo nga ipalubos a maaddaan iti gundaway dagiti pumapana iti Babilonia nga isuotda dagiti kalasagda wenno ibiatda dagiti panada. Patayenyo met dagiti agtutubo a lallaki iti Babilonia. Dadaelenyo a naan-anay ti armadada.'
\v 4 Maidasayto dagiti soldado idiay Babilonia; mataydanto kalpasan a maduyokda kadagiti gayang kadagiti kalsada.

\s5
\v 5 Siak a ni Yahweh, a Mannakabalin-amin, a daydayawen ti Israel, ket saanko a binaybay-an ti Israel ken Juda. Uray no napnoan ti dagada kadagiti tattao a nagbasol kaniak, ti Nasantoan a Dios ti Israel, siak latta ti Diosda.
\v 6 Dakayo a tattao ti Israel ken Juda, talawanyo ti Babilonia! Tumaraykayo nga aglibas! Saankayo nga agtalinaed dita a mapapatay no madusa dagiti tattao ti Babilonia! Daytanto ti tiempo a panangibales ni Yahweh; Aramidennanto ti maiparbeng kadakuada.

\s5
\v 7 Kasla balitok a kopa ti Babilonia iti ima ni Yahweh, maysa a kopa a napunno iti arak a nangbartek kadagiti tattao iti entero a daga nga imminom iti daytoy. Kasla imminom iti arak a naggapu iti Babilonia dagiti mangiturturay kadagiti nasion, ket pinagmauyongna ida.
\v 8 Ngem kellaat a maparmekto ti Babilonia. Dung-awanyo dagiti tattaona! Ikkanyo ida iti agas a para kadagiti sugatda; bareng maagasanda pay."

\s5
\v 9 Padasenmi koma a ganggannaet nga agasan ida, ngem ita, saandan a maagasan. Isu a saanmin a padasen a tulongan ida; panawanminton ida, ket agsublikami kadagiti bukodmi a daga, gapu ta kasla dimmanon kadagiti ulep iti tangatang ti pannusa a maaw-awatda; nakaro unay daytoy, nga awan iti makarukod iti daytoy.
\v 10 Pinaneknekan ni Yahweh ti kinalintegtayo; isu nga iwaragawagtayo idiay Jerusalem ti amin a banag nga inaramid kadatayo ni Yahweh a Diostayo.

\s5
\v 11 Dakayo a kabusor a soldado, asaenyo dagiti panayo! Punoenyo dagiti pagkargaanyo iti pana a panggubat, gapu ta tinignay ni Yahweh dagiti ariyo iti Media ken Persia a magna a kadduada dagiti armadada a mapan idiay Babilonia a mangdadael iti daytoy. Kasta ti panangibales ni Yahweh kadagiti ganggannaet a simrek iti templona idiay Jerusalem ken nangrugit iti daytoy.
\v 12 Ingatoyo ti panggubat a wagayway kadagiti pader ti Babilonia! Papigsaenyo dagiti guardia, ken ibagayo kadagiti agbanbantay nga agtakderda kadagiti puestoda! Agsagannakayo nga agsaneb, gapu ta dandanin nga ipatungpal ni Yahweh dagiti amin a panggepna nga aramiden kadagiti tattao ti Babilonia.

\s5
\v 13 Ti Babilonia ket siudad nga asideg iti nalawa a Karayan Eufrates, maysa a siudad nga adu dagiti nababaknang a tattao, ngem tiempon nga aggibus ti Babilonia; ti tiempo nga agpatingga ti siudad.
\v 14 Napasnek nga inkari ni Yahweh a Mannakabalin-amin, babaen iti naganna, "Mapnonto dagiti siudadmo kadagiti kabusormo; pagbalinekto ida a kasla kadagiti pangen dagiti dudon; ket agpukkawdanto a sibaballigi inton maparmekda ti siudadmo."

\s5
\v 15 Pinarsua ni Yahweh ti lubong babaen iti pannakabalinna; impasdekna daytoy babaen iti kinasiribna, inyukradna ti langit babaen iti pannakaammona.
\v 16 No agsasao isuna iti napigsa, aggurruod iti tangatang; pagulepenna iti tunggal paset ti daga. Paggilapenna ti kimat a buyogan ti tudo ken ibulosna dagiti angin manipud iti pagiduldulinanna.

\s5
\v 17 Nakuneng dagiti tattao a kas iti narungsot nga ayup, ken bassit unay ti ammoda; kankanayon a mapaay dagiti agar-aramid kadagiti didiosen, gapu ta awan ti maaramidan dagiti didiosenda a para kadakuada. Saan a pudno a dios dagiti imahe nga ar-aramidenda; awan ti biagda.
\v 18 Awan serserbi dagiti didiosen; rumbeng laeng a malaisda; addanto ti tiempo a madadaelda amin.
\v 19 Ngem ti Dios ti Israel ket saan a kasla kadagiti didiosen; isuna ti nangparsua kadagiti amin a banag a timmaud; kukuanatayo, datayo a tribu ti Israel; ti naganna ket ni Yahweh a Mannakabalin-amin.

\s5
\v 20 Imbaga ni Yahweh iti maipanggep iti armada ti Babilonia, "Kaslakayo kadagiti igamko ken pang-orko a panggubat; babaen iti bilegyo parmekek dagiti nasion ken dadaelek dagiti adu a pagarian.
\v 21 Babaen iti bilegyo, parmekek dagiti kabusor kadagiti sabali a nasion: Dadaelek dagiti kabalioda ken dagiti mangiturturongda, dagiti karwaheda ken dagiti mangiturturong kadagiti karwaheda.

\s5
\v 22 Babaen iti bilegyo, papatayek dagiti lallaki ken babbai, nataengan ken ub-ubbing, babbaro ken babbalasang.
\v 23 Babaen iti bilegyo, warawaraek dagiti agpaspastor ken dagiti arbanda a karnero, dagiti mannalon ken dagiti bakada, dagiti gobernador ken dagiti opisialda."

\s5
\v 24 Ngem kuna pay ni Yahweh, "Iti mabiit, supapakankayonto, dakayo a tattao ti Babilonia ken dagiti dadduma a taga-Babilonia kadagiti amin a dakes a banbanag nga inaramidyo idiay Jerusalem.

\s5
\v 25 Maiyarig ti Babilonia iti dakkel a bantay a pagsalugan dagiti agtatakaw tapno agsasam kadagiti tattao iti entero a daga. Ngem siak a ni Yahweh, ti kabusoryo, dakayo a tattao ti Babilonia. Ingatokto ti gemgemko a mangkabil kadakayo. Tumbaenkayonto kadagiti rangkis ket pagbalinenkayonto laengen a gabsuon iti napuoran a naburak a bato.
\v 26 Mabaybay-anto ti siudadyo iti agnanayon; uray dagiti bato iti siudadyo ket saanen a pulos a mausar a para kadagiti pasdek. Madadaelto a naan-anay ti siudadyo."

\s5
\v 27 Ibagayo kadagiti nasion nga ingatoda ti panggubat a wagayway! Ibagayo kadakuada a pagunniennda dagiti trumpetada a panggubat! Ummungenyo dagiti amin nga armadada a makiranget iti Babilonia! Isaganayo dagiti nasion a mangraut iti Babilonia. Paayabanyo dagiti armada dagiti pagarian iti amianan ti Babilonia—manipud Ararat, Minni, ken Askenaz. Mangdutokkayo iti mangidaulo kadakuada, ken mangiyegkayo kadagiti adu a bilang dagiti kabalio; nasken nga adu ti bilang dagiti kabalio; dayta a kaadu a bilang ket kaslanto kadagiti pangen dagiti dudon.
\v 28 Isaganayo dagiti armada dagiti sabali a nasion, dagiti armada nga idauloanto dagiti ari ti Media ken Persia, dagiti goberdadorda ken dagiti opisialda.

\s5
\v 29 Inton rautenda ti Babilonia, kaslanto aggengenned ti daga ken agtiritir gapu iti sakit, gapu ta ipatungpalto dagitoy nga armada ti amin a banag a pinanggep ni Yahweh nga aramiden iti Babilonia— a dadaelen daytoy a naan-anay, a ti pagbanaganna ket awanton ti agnaed manen sadiay.

\s5
\v 30 Inton rumaut dagiti armadada, saanton a makiranget dagiti kapipigsaan a mannakigubat idiay Babilonia. Agtalinaeddanto kadagiti kampoda, nga awanan iti pigsa. Agbutengdanto a kas kadagiti babbai. Puoranto dagiti kabusor a soldado dagiti pasdek iti siudad ken tukkotukkolenda dagiti landok a balunet ti rungan ti siudad.
\v 31 Dagus a mapanto dagiti mensahero, agsasarunodanto a mangibaga iti ari a nasakupen ti siudadna.
\v 32 Maserraanto dagiti paset ti karayan a mabalin a pagballasiwan tapno makalibas dagiti tattao manipud iti siudad. Mapuoranto dagiti namaga a runo iti lubnak, ket agbutengto dagiti soldado ti Babilonia.

\s5
\v 33 Kastoy ti kuna ni Yahweh a Mannakabalin-amin, a daydayawen ti Israel; "Maiyarig ti Babilonia iti trigo iti daga nga iriken dagiti ayup bababen iti panangbaddebaddekda iti daytoy. Iti mabiit baddebaddekanto dagiti kabusorda ti siudad ti Babilonia."

\s5
\v 34 Ti armada ni Nebucadnasar, nga ari ti Babilonia, ket rinaut ken rinumeknatayo nga Israelita, ket awanen ti nabati a pigsatayo. Kasla inalun-ondatayo a kas iti nakabutbuteng nga ayup a nangpunno iti tianna kadagiti amin a naraman a pasettayo, kalpasanna, isaruana ti saanna a kayat.
\v 35 Isu a kinuna dagiti tattao ti Jerusalem kenni Yahweh, "Pagsagabaem dagiti tattao ti Babilonia a kas iti panangpasagabada kadakami! Dusaem dagiti tattao ti Babilonia gapu iti panangpapatayda kadagiti tattaomi!"

\s5
\v 36 Ket kastoy ti sungbat ni Yahweh kadagiti tattao ti Jerusalem: "Maiyarigakto iti abogadoyo a mangikalintegan kadakayo, ken ibalsankayonto. Pamagaakto ti karayan idiay Babilonia ken dagiti amin nga ubbog.
\v 37 Agbalinto ti Babilonia a gabsuon dagiti nadadael, lugar a pagnanaedan dagiti atap nga aso. Agbalinto daytoy a lugar a pagbutbutngan ken uy-uyawen dagiti tattao; agbalinto daytoy a lugar nga awan ti agnanaed.

\s5
\v 38 Agngerngerto dagiti amin a taga-Babilonia a kasla kadagiti urbon a leon; agtaguobdanto a kasla kadagiti uken a leon.
\v 39 Ngem bayat a mabisinda iti kasta unay, mangisaganaakto iti agduduma a kita iti padaya a para kadakuada. Painumekto ida iti arak agingga a mabartekda iti kasta unay, a ti pagbanaganna ket makaturogda. Ngem saandanto a pulos a makariing!
\v 40 Ipankonto ida iti lugar a pangpartian kadakuada, a kas iti maysa a tao a mangipan kadagiti urbon wenno kalakian a karnero wenno kalding iti pangpartianna kadagitoy tapno agbalinda a daton.

\s5
\v 41 Raraemen ita dagiti tattao iti entero a daga ti Babilonia; kunada a naindaklan daytoy a siudad. Ngem agbalinto daytoy a lugar a pagbutbutngan dagiti tattao iti amin a nasion.
\v 42 Lapunosento dagiti kabusor ti Babilonia ti siudad a kasla kadagiti dadakkel a dalluyon ti baybay.

\s5
\v 43 Agbalinto a nakabutbuteng dagiti il-ili ti Babilonia, lugar a namaga ken disierto, agbalinto daytoy a daga nga awan iti agnanaed ken awan iti lumablabas.
\v 44 Ken dusaekto ni Bel, ti didiosen a daydayawen dagiti tattao ti Babilonia, ket paisublikto kadagiti tattao ti tinakawda. Saanton nga umay nga agdayaw dagiti tattao kadagiti sabali a nasion kenni Bel. Ken marbanto dagiti pader ti Babilonia."

\s5
\v 45 Kastoy pay ti kuna ni Yahweh, "Tattaok, rummuarkayo iti Babilonia! Aglibaskayo! Agtaraykayo, gapu ta siak a ni Yahweh, napalalo ti pungtotko kadagiti tattao ti Babilonia, ket dadaelekto ida!
\v 46 Saankayo a maupay wenno mabuteng no makangngegkayo kadagiti damag maipanggep iti mapaspasmak idiay Babilonia. Tinawen nga ipadamagto dagiti tattao dagiti kasta a sayangguseng, sayangguseng maipanggep iti naranggas a banbanag a naaramid iti daga, ken sayangguseng maipanggep kadagiti mangidadaulo nga agririnnanget.

\s5
\v 47 Ngem nganganin ti tiempo a panangdadaelko kadagiti nasukog a didiosen idiay Babilonia. Maibabainto dagiti tattao iti entero a daga gapu iti pannakaabakda, ken maidasayto dagiti bangkay dagiti soldadoda kadagiti kalsada.
\v 48 Ket agrag-onto dagiti amin nga anghel idiay langit ken dagiti amin a tattao iti daga, gapu ta umayto dagiti armada a manipud iti amianan a mangdadael iti Babilonia.
\v 49 Kasla iti panangpapatay dagiti soldado ti Babilonia kadagiti tattao ti Israel ken kadagiti dadduma iti entero a daga, nasken met a mapapatay dagiti tattao iti Babilonia.

\s5
\v 50 Dakayo nga Israelita a saan a napapatay, rummuarkayo iti Babilonia! Saankayo nga agtaktak! Uray no addakayo iti daga nga adayo iti Israel, panunotenyo ni Yahweh ken ti Jerusalem!"
\v 51 Kuna dagiti Israelita, "Naibabainkami. Kasta unay ti pannakaibabainmi, gapu ta nakastrek dagiti ganggannaet iti templo ni Yahweh ket rinugitanda daytoy."

\s5
\v 52 Insungbat ni Yahweh, "Pudno dayta, ngem dumtengto ti tiempo a panangdadaelko kadagiti nasukog a didiosen idiay Babilonia, ken agasugto dagiti nasugatan a tattao iti entero a Babilonia.
\v 53 Uray no dumanon iti tangatang dagiti pader iti aglawlaw ti Babilonia, ken uray no nalagda dagiti pader daytoy, mangibaonakto kadagiti armada a mangdadael iti siudad. Sigurado a mapasamak dayta, gapu ta siak a ni Yahweh ti nagkuna iti daytoy."

\s5
\v 54 Denggenyo dagiti tattao ti Babilonia nga agpukpukkaw nga agpapaarayat! Ken denggenyo dagiti arimbangaw dagiti banbanag a madaddadael iti entero a Babilonia!
\v 55 Dadaelento ni Yahweh ti Babilonia. Pagulimekennanto dagiti napipigsa nga arimbangaw iti siudad.
\v 56 Darupento dagiti buyot ti kabusor ti siudad a kasla dakkel a dalluyon. Tiliwendanto dagiti maingel a soldado ti siudad ket dadaelenda dagiti igamda. Mapasamakto dayta gapu ta ni Yahweh ket Dios a sililinteg a mangdusdusa kadagti kabusorna; dusaennanto ida a kas iti maiparbeng kadakuada.

\s5
\v 57 Kuna ni Yahweh a Mannakabalin-amin, "Bartekekto dagiti opisial ti siudad ken dagiti nasisirib a lallaki, dagiti kapitan ti armada ken dagiti soldado. Makaturogdanto, ngem saandanton a pulos a makariing!"
\v 58 Kinuna pay ni Yahweh a Mannakabalin-amin, "Marbanto dagiti napuskol a pader iti aglawlaw ti Babilonia. Mapuoranto dagiti ruangan ti siudad. Igaedto dagiti tattao iti sabali a pagilian ti agtrabaho tapno maisalakan ti siudad, ngem awanto serserbi daytoy, gapu ta dadaelento ti apuy ti amin nga impatakderda."

\s5
\v 59 Ni Saraias nga anak ni Nerias nga apoko ni Masias, isuna ket maysa a kapatgan nga adipen ni Ari Zedekias. Kalpasan iti panagturay ni Zedekias iti Juda iti agarup uppat a tawen, inted ni profeta Jeremias ti mensahe kenkuana. Daytoy ket sakbay a napan ni Saraias idiay Babilonia a kadduana ti ari.
\v 60 Ita, insurat ni Jeremias iti nalukot a pagsuratan ti listaan dagiti amin a didigra nga insuratna, dagiti didigra a mapasamakto iti mabiit idiay Babilonia.

\s5
\v 61 Kinuana ni Jeremias kenni Saraias, "Inton sumangpetka idiay Babilonia, basaem iti napigsa dagiti amin nga insuratko iti nalukot a pagsuratan.
\v 62 Kalpasanna, agkararagka, 'O Yahweh, kinunam a naan-anay a dadaelem ti Babilonia, a ti pagbanaganna ket saanton a makapagnaed dagiti tattao ken dagiti ayup sadiay. Imbagam nga agnanayonto nga agbalin a langalang daytoy.'

\s5
\v 63 Ket inton malpasmo a basaen ti naisurat iti nalukot a pagbasaan, igalutmo daytoy iti nadagsen a bato ket ipuruakmo idiay Karayan Eufrates.
\v 64 Ket kunaem, "Iti isu met laeng a wagas, mapukawto ti Babilonia ken dagiti tattaona ket saanen a tumaud manen, gapu kadagiti didigra nga iyegto ni Yahweh iti daytoy,"' Daytoy ti nagleppasan dagiti mensahe ni Jeremias.

\s5
\c 52
\p
\v 1 Agtawen ni Zedekias iti duapulo ket maysa idi nagbalin isuna nga ari iti Juda. Sangapulo ket maysa a tawen a nagturay isuna idiay Jerusalem. Hamutal ti nagan ti inana, a putot a babai ti lalaki nga agnagan Jeremias a naggapu idiay Libna.
\v 2 Nagaramid ni Zedekias iti adu a banbanag nga imbaga ni Yahweh a dakes, a kas iti inaramid ti amana a ni Jehoyakim.
\v 3 Iladladawan dagiti pagteng ditoy ti napasamak gapu ta nagpungtot ni Yahweh kadagiti tattao ti Jerusalem ken kadagiti dadduma a lugar idiay Juda, ket kamaudiananna, intalawna ida a kas balud ket kinuna a saannan a kayat nga agaramid pay iti aniaman a banag kadakuada. Kalpasanna, immalsa ni Zedekias a maibusor iti ari ti Babilonia.

\s5
\v 4 Isu nga iti maikasangapulo nga aldaw iti maikasangapulo a bulan, idi agturturay ni Zedekias iti agarup siam a tawen, indauloan ni Ari Nebucadnesar ti amin nga armadana a mangraut iti Jerusalem. Pinalawlawanda ti siudad ken nangbuntonda iti daga kadagiti ampir agingga iti tuktok dagiti pader ti siudad tapno mabalinanda a rauten ti siudad.
\v 5 Intuloyda a pinalawlawan ti Jerusalem agingga iti sangapulo ket maysa a tawen a panagturay ni Zedekias.

\s5
\v 6 Idi agturturay ni Zedekias iti agarup sangapulo ket maysa a tawen, iti maikasiam nga aldaw iti maikapat a bulan iti dayta a tawen, kimmaru unay ti panagbisin iti siudad, ket awanen a pulos ti taraon a kanen dagiti tattao.
\v 7 Kalpasanna, binurak dagiti soldado ti Babilonia ti maysa a paset ti pader ti siudad, ket naglibas dagiti amin a soldado nga Israelita. Ngem gapu ta pinalawlawan dagiti soldado a taga-Babilonia ti siudad, inuray ni Zedekias ken dagiti soldado nga Israelita a sumipnget. Ket pinanawanda ti siudad babaen iti ruangan a nagtengngaan iti dua a pader nga asideg iti hardin ti ari. Kalpasanna, timmarayda nga agturong iti tanap ti karayan Jordan.
\v 8 Ngem kinamat dagiti soldado ti Babilonia ni Ari Zedekias, ket tiniliwda ti ari kadagiti tanap nga asideg iti Jerico. Agmaymaysa isuna gapu ta pinanawan isuna dagiti amin a soldadona ken nagwawarada.

\s5
\v 9 Impan isuna dagiti soldado a taga-Babilonia iti ari ti Babilonia nga adda idiay Ribla iti rehion ni Hamat. Idiay nga imbaga ti ari ti Babilonia kadagiti soldadona ti rumbeng nga aramidenda a mangdusa kenni Zedekias.
\v 10 Pinilitda ni Zedekias a mangbuya kabayatan a patpatayenda dagiti amin nga annakna a lallaki ken dagiti amin nga opisialna manipud Juda.
\v 11 Kalpasanna, sinnuatda dagiti mata ni Zedekias. Kinawaranda isuna iti bronse sada impan iti siudad ti Babilonia. Imbaludda ni Zedekias, ket nagtalinaed isuna sadiay agingga iti aldaw a natay isuna.

\s5
\v 12 Iti maikasangapulo nga aldaw iti maikalima a bulan iti dayta a tawen, idi nagturay ni Nebucadnesar iti agarup sangapulo ket siam a tawen, dimteng idiay Jerusalem ni Nebuzaradan a kapitan dagiti guardia ken maysa kadagiti opisial ti ari.
\v 13 Imbilinna kadagiti soldadona a puoranda ti templo ni Yahweh, ti palasio ti ari, ken dagiti amin a balbalay idiay Jerusalem. Dinadaelda pay dagiti amin a napapateg a pasdek ti siudad.
\v 14 Ket inmatonanna dagiti soldado ti Babilonia bayat iti panangrebbada kadagiti pader iti aglawlaw ti Jerusalem.

\s5
\v 15 11Kalpasanna, pinilit ni Nebuzaradan nga impan idiay Babilonia dagiti sumagmamano a kakukurapayan a tattao, dagiti Israelita a nangibaga a tulunganda ti ari ti Babilonia, dagiti dadduma nga agkitkitikit, ken dagiti dadduma a tattao a nagtalinaed idiay Jerusalem.
\v 16 Ngem pinalubusan ni Nebuzaradan dagiti sumagmamano a nakurapay unay a tattao nga agtalinaed idiay Juda tapno aywananda dagiti kaubasan ken kataltalonan.

\s5
\v 17 Binurak dagiti soldado ti Babilonia dagiti dadakkel nga adigi a bronse nga adda iti sangoanan ti templo, ken ti dakkel a bronse a tangke ti danum, ken dagiti sangapulo a kariton a pangikarkargaan iti danum, ket impanda amin a bronse idiay Babilonia.
\v 18 Innalada pay dagiti palanggana a pangikarkargaan iti dapu manipud kadagiti napuoran a daton, dagiti pala a pangikkat kadagti dapu, dagiti maar-aramat a pangiddep kadagiti pagsilawan, dagiti palanggana a pangikarkargaan kadagiti dara dagiti daton nga ayup, dagiti pinggan a para iti insenso, ken amin a bronse nga alikamen nga ar-aramatenda no mangidatonda idiay templo.
\v 19 Imbaga pay ni Nebuzaradan kadagiti soldadona nga alaenda pay dagiti babassit a mallukong, dagiti pinggan a pagpuoran ti insenso, palanggana, banga, pagbatayan ti pagsilawan, mallukong para iti insenso, ken mallukong a maaramat a pangibukbokan kadagiti daton nga arak. Innalada amin dagiti dadduma nga alikamen a naaramid iti puro a balitok wenno pirak.

\s5
\v 20 Ti bronse manipud kadagiti dua nga adigi, ti dakel a tangke ti danum, ken dagiti sangapulo ket dua a rebulto a sinan-baka a nangiparabawanda iti daytoy, ken dagiti kariton a pangikargaan iti danum, ket saan a matimbang dagitoy. Naaramid dagitoy a banbanag a maipaay iti templo bayat iti tiempo a ni Solomon ti ari.
\v 21 27 a kadapan ti katayagna ken 18 a kadapan ti aglawlaw ti tunggal adigi. Naglungog dagitoy, ken 3 a pulgada ti kapuskol iti tunggal sikigan daytoy.

\s5
\v 22 Pito ket kagudua a kadapan ti katayag ti bronse a paratok iti tunggal adigi ken naarkusan iti aglawlaw iti agdedekket a langa ti bronse a mangiladladawan iti sinan-granada.
\v 23 Addaan iti dagup a 100 dagiti langa ti sinan-granada iti tuktok daytoy, 96 ti makitkita manipud iti daga.

\s5
\v 24 Idi nagsubli ni Nebuzaradan idiay Babilonia, intugotna ti balud a ni Seraias a kangatoan a padi, ni Zefanias a katulongan ni Seraias, ken dagiti tallo a lallaki a nangbatay kadagiti pagserkan a mapan idiay templo.
\v 25 Nasarakanna ti dadduma pay a tattao nga aglemlemmeng iti siudad. Isu a manipud kadakuada, nangala isuna iti maysa nga opisial ti armada ti Juda, pito kadagiti mammagbaga iti ari, ti panguloen a sekretario ti pangulo ti armada a mangimatmaton iti panangawis kadagiti soldado a makitipon iti armada, ken innem a pulo pay a soldado.

\s5
\v 26 Impan ida amin ni Nebuzaradan iti ari ti Babilonia nga adda pay laeng idiay Ribla.
\v 27 Idiay siudad ti Ribla, iti rehion ti Hamat, imbilin ti ari ti Babilonia a mapapatayda amin. Adu kadagiti tattao ti Juda ti napilitan a pimmanaw iti bukodda daga.

\s5
\v 28 Ti bilang dagiti tattao a natiliw a naipan idiay Babilonia iti dayta a tiempo, idi agturturay ni Nebucadnesar iti agarup pito a tawen, ket 3,023.
\v 29 Kalpasanna, idi agturturay isuna iti agarup sangapulo ket walo a tawen, impan dagiti soldadona idiay Babilonia dagiti 832 a naggapu iti Jerusalem.
\v 30 Idi agturturay isuna iti agarup duapulo ket tallo a tawen, imbaonna manen idiay Jerusalem ni Nebuzaradan, ket inyawidna idiay Babilonia dagiti 745 nga Israelita. Agdagup dayta iti 4,600 nga Israelita ti naipan idiay Babilonia.

\s5
\v 31 Kalpasan ti tallopulo ket pito a tawen a pannakaibalud ni Ari Jehoyakin iti Juda idiay Babilonia, nagbalin nga ari iti Babilonia ni Evilmerodac. Naimbag isuna kenni Jehoyakin ket imbilinna a mawayawayaan isuna manipud iti pagbaludan. Dayta ket idi maikaduapulo ket lima nga aldaw iti maikasangapulo ket dua a bulan iti tawen a nagbalin nga ari ni Evilmerodac.

\s5
\v 32 Nasayaat a kanayon ti pannakisaritana kenni Jehoyakin ken inikkanna iti saad a natantan-ok ngem kadagiti dadduma nga ar-ari a naipan a kas balud idiay Babilonia.
\v 33 Inikkanna ni Jehoyakin kadagiti baro a pagan-anay, tapno sukatanna dagiti pagan-anay nga us-usarenna iti pagbaludan. Pinalubosanna pay ni Jehoyakin a makipangan kenkuana iti inaldaw, bayat iti amin a panagbiagna.
\v 34 Inaldaw nga ik-ikkan isuna ti ari ti Babilonia iti kuarta a panggatangna kadagiti banbanag a kasapulanna. Nagtultuloy dayta agingga a natay ni Jehoyakin.