ilo_udb/23-ISA.usfm

\id ISA
\ide UTF-8
\h Isaias
\toc1 Isaias
\toc2 Isaias
\toc3 isa
\mt Isaias

\s5
\c 1
\p
\v 1 Ti Sirmata ni Isaias nga anak ni Amos, nga impakita ni Yahweh kenkuana maipapan iti Juda ken Jerusalem. Impakitana kabayatan ti panagturay da Uzzias, Jotam, Ahaz ken Hezekias iti Juda.

\s5
\v 2 Denggenyo a langlangit, kasta met a denggem a daga, gapu ta kastoy ti kuna ni Yahweh: "Nangpadakelak kadagiti tattao manipud pay idi naipasngayda, ngem sinukirdak.
\v 3 Ammo dagiti baka ti makin-kukua kadakuada, ken ammo dagiti asno no siasino ti mangpakpakan kadakuada, ngem saan nga ammo ti Israel; saan a maaw-awatan ti Israel."

\s5
\v 4 Maysa a managbasol a nasion, tattao a kasla nakabaklay iti nadagsen gapu iti basolda, annak dagiti tattao nga agar-aramid iti dakes, annak a saan a nalinteg. Pinanawanda ni Yahweh, ti Nasantoan ti Israel. Tinalikudanda isuna.

\s5
\v 5 Apay nga agar-aramidkayo kadagiti banbanag a pangdusaan ni Yahweh kadakayo? Apay nga agsuksukirkayo latta kenkuana? Kasla kayla tay tao a masakit ti ulo ken pusona.
\v 6 Masakit ti dapan agingga iti tuktok ti ulona. Adda sugsugat a saan pay a nadalusan wenno nabedbedan, ken awan nangikabil iti lana kadagitoy tapno umimbagda.

\s5
\v 7 Dinadael dagiti kabusor ti pagilianyo; pinuoranda dagiti iliyo, ket awan ti natda uray maysa. Naimatanganyo ti panangtakaw dagiti ganggannaet kadagiti mula kadagiti talonyo; daddadaelenda amin a makitada.
\v 8 Bimmassit ti siudad ti Jerusalem a kas iti kalapaw ti maysa nga agpaspastor. Kas iti paglinungan idiay kaubasan; kas iti kalapaw ti agbanbantay iti talon a namulaan kadagiti sandia. Napalawlawan ti Jerusalem kadagiti kabusorna nga agur-uray a mangraut kenkuana.

\s5
\v 9 No saan nga impalubos ni Yahweh a Mannakabalin-amin a makalasat ti sumagmamano kadagiti tattaona, nadadaeltayo koma aminen, kas kadagiti siudad a Sodoma ken Gomora a nadadael idi.

\s5
\v 10 Denggenyo ti ibaga ni Yahweh kadakayo, dakayo a papangulo iti Sodoma! Denggenyo ti linteg ti Diostayo, dakayo a tattao iti Gomora!
\v 11 "Adda aya met pategna kaniak dagiti adu a datonyo?" kuna ni Yahweh; "Naumaakon kadagiti kalakian a karnero, wenno taba dagiti bulog a baka a datonyo kaniak. Saannak a maparagsak ti dara dagiti bulog a baka, urbon a karnero, wenno kalding.

\s5
\v 12 Iti panagkunayo kadi ket kaykayatko ti umayyo panagbasakbasak iti paraangan ti templok a kunayo nga umaykayo agdayaw kaniak?
\v 13 Sumardengkayon a mangiyeyeg kaniak kadagidiay a daton, gapu ta awan ti kaes-eskanda kaniak; marurodak iti insenso a pupuoran dagiti padi! Ken dagiti fiesta a panangrambakyo iti baro a bulan iti binulan ken dagiti Aldaw a Panaginanayo ken dagiti dadduma pay a fiestayo- kagurak dagidiay gapu kadagiti dakes nga ar-aramidenyo!

\s5
\v 14 Kagurgurak dagiti amin a panagramrambakyo iti baro a bulan ken dagiti dadduma pay a fiesta a ramrambakanyo. Kaslada la dadagsen a diakon kaya a baklayen pay.
\v 15 Isu a no ingatngatoyo dagiti imayo no agkararagkayo kaniak ket saanak a kumita kadakayo. Uray no masansankayo nga agkararag kaniak, saankayo a denggen, gapu ta dagiti imayo ket kasla nalapunos iti dara dagiti tattao a pinapatayyo.

\s5
\v 16 Isardengyon dagiti dakes nga ar-aramidenyo a kasla buggoanyo dagiti pusoyo ket agbalinkayo a nadalus! Ikkatenyo dagiti dakes a kababalinyo!
\v 17 Sursuroenyo ti agaramid kadagiti naimbag ken pagaramidenyo iti nalinteg dagiti tattao. Tulonganyo dagiti maparparigat ken salaknibanyo dagiti ulila ken dagiti balo no adda mangidarum kadakuada."

\s5
\v 18 Kuna ni Yahweh, "Masapul a panunotenyo ti ar-aramidenyo. Uray no dagiti basolyo ket kasta unay ti kinalabbagana, pumudawdanto a kas iti niebe; uray no kasla kalabbaga ti karmesi dagiti basolyo, pumudawdanto a kas iti dutdot dagiti karnero.

\s5
\v 19 No naayatkayo nga agtulnog kaniak, kanenyonto dagiti nasasayaat a taraon iti daga.
\v 20 Ngem no tallikudandak ken sukirendak, papatayendakayto dagiti kabusoryo." Mapasamak dayta gapu ta isu ti imbaga ni Yahweh.

\s5
\v 21 Iti naminsan, dakayo a tattao ket ni Yahweh laeng ti sipupudno nga idaydayawyo, ngem itan ket nagbalinkayo a kas kadagiti balangkantis a saan a napudno kadagiti asawada. Dagiti tattao dita ket saan a mangidumduma ken nalinteg, ngem ita ket napnoanen ti siudadyo kadagiti mammapatay.
\v 22 Saanen a puro dagiti pirakyo, ken nalaokanen iti danum dagiti arakyo.

\s5
\v 23 Dagiti panguloyo ket rebelde; gayyem ida dagiti agtatakaw. Kaykayatda amin ti mangala iti kuarta ken agpasagut kadagiti dadduma a tao tapno paboranda dagitoy no mangngeddengda maipapan kadagiti kaso dagitoy idiay pagukoman. Saanda a salsalakniban dagiti ulila iti pagukoman, ken saanda a tultulongan dagiti balo a mangala iti rumbeng koma nga awatenda.

\s5
\v 24 Isu a kuna ni Yahweh a Mannakabalin-amin, a mannakabalin a Dios ti Israel, "Balsekto dagiti bumusbusor kaniak, ken balsek dagiti kabusorko.
\v 25 Pagrigatenkayo, ken dusaenkayo iti nakaro, a kaskayla pirak a masapul nga ipapudotko iti kasta unay tapno marunawkayo ket maikkat dagiti kinarugityo.

\s5
\v 26 Kalpasan a mapasamak dayta, ikkankayonto kadagiti nasasayaat nga uk-okom a kas iti napalabas. Maddaankayonto kadagiti nasirib a mammagbaga a kas iti adda kadakayo idi punganay. Ket awaganto dagiti tattao a ti siudadyo ket maysa a siudad a dagiti tattaona ket agtigtignay a sililinteg, a ti siudadyo ket maysa a napudno a siudad."

\s5
\v 27 Gapu ta aramidento dagiti tattao ti Jerusalem no ania ti umno, isublinto ni Yahweh ti siudadda, ken isalakannanto dagiti agbabawi gapu iti kinalintegda.
\v 28 Ngem dadaelenna dagiti rebelde ken managbasol, ket mapukawto dagiti saan a mangikankano kenkuana.

\s5
\v 29 "Agbainkayonto gapu ta nagrukrukbabkayo kadagiti didiosen iti sirok dagiti kayo a lugo nga impagpagarupyo a nasagradoan, ket maibabainkayo gapu ta nagrukbabkayo kadagiti didiosen kadagiti minuyongan nga ay-ayatenyo unay.
\v 30 Kaslakayto dakkel a kayo a nagango dagiti bulongna, kas iti minuyongan a natikagan gapu ta awan danumna.

\s5
\v 31 Dagiti napipigsa kadakayo ket agbalinto a kas iti nagango a kayo, ken ti ar-aramidenda ket kaslanto ressak ti apuy. Kaduadanto a mapuoran dagiti dakes nga ar-aramidenda, ket awan ti siasinoman a makaiddep iti apuy."

\s5
\c 2
\p
\v 1 Daytoy ket mensahe nga inted ni Yahweh kenni Isaias, nga anak ni Amos, babaen iti maysa a sirmata maipapan iti Juda ken Jerusalem.
\v 2 Iti masakbayan, ti turod a nakaibangonan ti templo ni Yahweh ket isunto ti kapapatgan a lugar iti rabaw ti daga. Kaslanto daytoy ti kangangatoan a bantay, a kasla naibangon daytoy iti ngatoen dagiti amin a dadduma a turturod, ket mapanto sadiay dagiti tattao manipud iti entero a lubong.

\s5
\v 3 Dagiti tattao manipud kadagiti adu a bunggoy dagiti tattao ket kunaendanto iti tunggal maysa nga, "Intayo, sumang-attayo idiay turod nga ayan ti templo ni Yahweh, tapno intayo agdaydayaw iti Dios a nagrukrukbaban ni Jacob. Isuronatayo sadiay kadagiti kayatna a maammoantayo, tapno maay-ayo isuna gapu kadagiti kagagaladtayo." Isuroandatayo idiay Jerusalem; maammoantayo sadiay dagiti kayat ni Yahweh nga ibaga kadatayo.

\s5
\v 4 Dumngegto ni Yahweh kadagiti riri iti nagbabaetan dagiti nasion ket urnosennanto dagiti saanda a pagkikinnaawatan. Kalpasanna, imbes nga agrarangetda, pitpitendanto dagiti kampilanda ket aramidenda nga arado, ken pitpitendanto dagiti gayangda ket aramidenda a kumpay. Saanton nga agraranget dagiti armada dagiti nasion, ket saandanto payen nga isuroan a makiranget dagiti lallaki.

\s5
\v 5 Dakayo a kaputotan ni Jacob, agtignaytayo iti wagas a rumbeng nga aramidentayo gapu ta adda ni Yahweh kadatayo!
\v 6 O Yahweh, binaybay-annakami, dakami a tattaom a kaputotan ni Jacob, gapu ta iti sadinoman ket ar-aramiden dagiti tattaom dagiti kaugalian dagiti tattao nga agnanaed iti daya ti Israel. Agar-aramidda pay kadagiti ritual tapno maammoanda ti mapasamak iti masakbayan, kas iti ar-aramiden dagiti tattao ti Filistia. Makitultulagda kadagiti ganggannaet a saan a makam-ammo kenni Yahweh.

\s5
\v 7 Ti Israel ket napnoan iti pirak ken balitok; adu dagiti kinabaknang ditoy. Napnoan daytoy kadagiti pakigubat a kabalio ken karwahe.
\v 8 Ngem napnoan met daytoy kadagiti didiosen; agdaydayaw dagiti tattao kadagiti banbanag nga inaramidda babaen kadagiti bukodda nga ima.

\s5
\v 9 Isu a maipababadan; ibabain ida ni Yahweh. O Yahweh, saanmo koma ida a pakawanen!
\v 10 Masapul nga aglemmengkayo amin a tattao kadagiti rukib kadagiti rangkis a batbato! Masapul nga aglemmengkayo kadagiti abut iti uneg ti daga gapu ta mabutengkayonto kenni Yahweh ken mabutengkayonto iti nadayag ken iti kasta unay a pannakabalinna.
\v 11 Dakayo a tattao, ibabanakayonto ni Yahweh ken pasardengennakayonto iti kinapasindayagyo. Iti daytanto nga aldaw, ni Yahweh laeng ti dayawen ken itan-ok dagiti tattao.

\s5
\v 12 Ni Yahweh, a Mannakabalin-amin, ket nangikeddeng iti aldaw a panangukomna kadagiti napasindayag, ipababana ti tunggal maysa kadakuada.
\v 13 Pukawennanto dagiti amin a mangpanpanunot a masapul a dayawen ida dagiti dadduma, a kas kadagiti natayag a kaykayo a sedro idiay Lebanon, ken kas kadagiti dadakkel a kaykayo a lugo idiay Basan.

\s5
\v 14 Pukawennanto amin dagidiay mangipagpagarup a nangatoda a kas kadagiti nangangato a turturod, a nangatoda a kas kadagiti nangangato a banbantay.
\v 15 Pukawenna dagiti amin a mangipagpagarup a kaslada nangangato a torre ken nangangato a nalagda a pader a no sadino ket natalged dagiti adda iti unegna.
\v 16 Dadaelenna dagiti amin a nabaknang gapu ta kukuada dagiti dadakkel a barbarko nga agiyap-apan kadagiti banbanag iti sabali a pagilian ken kukuada pay dagiti dadduma a napipintas a barko.

\s5
\v 17 Pagbalinenna a napakumbaba dagiti tattao, ken pagsardengenna ida ti kinapasindayawda. Iti daytanto nga aldaw, ni Yahweh laeng ti daydayawen ken itantan-ok dagiti tattao.
\v 18 Ket agpukawton dagiti amin a didiosen.
\v 19 Inton umay butbutngen ni Yahweh dagiti tattao iti rabaw ti daga, agtataraydanto nga aglemmeng kadagiti rangkis a batbato ken kadagiti abut iti uneg ti daga, gapu ta mabutengda kenni Yahweh ken iti naindaklan ken nakakaskasdaaw a pannakabalinna.

\s5
\v 20 Iti daytanto nga aldaw, ibellengto dagiti tattao dagiti amin a balitok ken pirak a didiosenda nga inaramidda a pagdaydayawanda, ket ipurruakdanto dagitoy kadagiti paniki ken kadagiti utot.
\v 21 Kalpasanna, agkaradapdanto kadagiti rukib ken aglemmengda kadagiti abut iti rangkis. Padasendanto ti aglibas kenni Yahweh nga umay mangdusa kadakuada; agbutengdanto iti aramidenna gapu ta naindaklan ken nakakaskasdaaw isuna, inton umay isuna a mangbutbuteng kadagiti tattao iti rabaw ti daga.
\v 22 Saankayo ngarud nga agtalek nga isalakannakayonto dagiti tattao, gapu ta awan bilegda a kas iti anges ti tao. Saannakayo a matulongan dagiti tattao.

\s5
\c 3
\p
\v 1 Ni Yahweh a Mannakabalin-amin, ket ikkatennan manipud Jerusalem ken iti dadduma a luglugar iti Juda dagiti amin a pagnamnamaanyo- amin a taraon ken danum.
\v 2 Ikkatennanto amin a banuar ken dagiti dadduma a soldado, dagiti uk-ukom ken dagiti profeta, dagiti tattao nga agar-aramid kadagiti ritual tapno maamoanda ti mapasamak iti masakbayan ken dagiti panglakayen,
\v 3 dagiti opisial ti armada ken dadduma a napateg a tattao, dagiti mammagbaga, dagiti nalaing nga agaramid kadagiti banbanag babaen kadagiti bukodda nga im-ima, ken kadagiti agar-aramid iti ritual ti panagsalamangka.

\s5
\v 4 Kuna ni Yahweh, "Mangdutokak kadagiti lallaki nga agbalin a pangulo; agturayto dagiti ubbing. Naranggasto dagiti tattao iti tunggal:
\v 5 agaapanto dagiti agkakaarruba. Laisento dagiti ubbing dagiti nataengan, ken uyawento dagiti awan sursurona a tattao dagiti tattao a kadawyan a raraemenda idi.

\s5
\v 6 Iti dayta a tiempo, addanto manggammat iti kabsatna iti balay ti amana sana ibagana kenkuana nga, 'Adda pay laeng kagaymo; ket raraemendaka dagiti tattao gapu iti dayta. Sika ngarud ti agbalin a pangulomi! Iturayam daytoy a siudad, nga ita ket gabsuon laengen dagiti nadadael.'
\v 7 Ngem sumungbatto ti kabsatna, 'Saan, saankayo a matulongan, gapu ta awananak iti umdas a taraon ken kawes iti daytoy a balay. Isu a saandak a pagbalinen a panguloyo!"

\s5
\v 8 Madadaelto ti Jerusalem ken dagiti dadduma nga ili iti Juda, gapu ta amin nga ar-aramiden ken ibagbaga dagiti tattao sadiay ket maikontra kenni Yahweh, a mannakabalin ken nadayag, ken saanda nga agtultulnog kenkuana. Suksukirenda isuna.
\v 9 Ipakpakitada pay kadagiti rupada a supsupringenda ni Yahweh. Ipaspasindayagda pay dagiti basbasolda, kas kadagiti tattao ti Sodoma idi un-unana; saanda nga ilemmeng dagiti basbasolda, pagsasaritaanda ketdi ti maipapan kadagitoy. Gapu kadagiti basbasolda, nakabutbutengto ti mapasamak kadakuada; isuda ti pakaigapuan dagiti didigra kadagiti bagbagida.

\s5
\v 10 Dakayo a tattao, masapul nga ibagayo kadagiti nalinteg a tattao a nasayaatto ti mapasamak kadakuada; ragragsakendanto dagiti bendision a maawatda gapu kadagiti naimbag nga aramidda.
\v 11 Ngem nakabutbutengto ti mapasamak kadagiti nadangkes a tattao; supapakanto ida ni Yahweh gapu kadagiti dakes nga inar-aramidda.
\v 12 Dagiti tattaok ket ranggasanto dagiti agtutubo a nagbalin a pangulo, ken iturayanto ida dagiti babbai. Tattaok, iyaw-awandakayo dagiti panguloyo; pagar-aramidendakayo kadagiti amin a kita ti kinadakes.

\s5
\v 13 Daytoy ket kasla ni Yahweh ti mismo nga ukom ket nakasaganan a mangukom kadagiti tattaona.
\v 14 Tumakderto isuna a mangipakaammo no apay a masapul nga agsagaba dagiti panglakayen ken dagiti mangiturturay kadagiti tattaona; kunana, "Dagiti tattao ti Israel ket kasla maysa a kaubasan a minulaak, ngem dinadaelyo, dakayo a papangulo! Napno dagiti balbalayyo kadagiti banbanag a tinakawyo manipud kadagiti nakurapay a tattao.
\v 15 Masapul nga isardengyon a tumtumeken dagiti tattaok! Kasla idumdumudomyo dagiti rupa dagiti tattaok iti rugit!" Kasta ti kuna ni Yahweh a Mannakabalin-amin.

\s5
\v 16 Kastoy ti kuna ni Yahweh: "Natangsit dagiti babbai ti Jerusalem; magnada a nakangato dagiti timidda, ken gargarienda dagiti lallaki babaen kadagiti matada. Magnada a babassit dagiti addangda nga agkalkalangiking dagiti pulseras kadagiti lipaylipayda."
\v 17 Isu a paggadilen ti Apo dagiti uloda, ken pagkalboenna dagiti napipintas a babbai ti Jerusalem.

\s5
\v 18 Iti tiempo nga aramiden dayta ti Apo, ikkatennanto amin nga us-usaren dagiti babbai ti Jerusalem a pagpapintas kadagiti bagbagida- dagiti arkos kadagiti lipaylipayda ken dagiti ibarbaredbedda iti uloda, dagiti kwintasda,
\v 19 dagiti aritos, pulseras ken beloda,
\v 20 dagiti kagay, pulseras dagiti lipaylipay, ken dagiti barikesda, dagiti bangbanglo ken an-anibda.

\s5
\v 21 Ikkatennanto dagiti singsing kadagiti ramay ken dagiti aritosda iti agongda,
\v 22 dagiti napintas a kagay, kapa, belo ken dagiti pitakada,
\v 23 dagiti sarming ken napintas a kawes a lino, dagiti arkus dagiti uloda ken dagiti kagayda.

\s5
\v 24 Imbes a nabanglo ti angotda gapu iti bangbanglo, nabangsitdanto; imbes a napipintas a barikes, agbarikesdanto kadagiti tali. Imbes nga addaan kadagiti napipintas a buok, agbalindanto a kalbo. Imbes a napintas a kawes, agkawesdanto iti nakirsang a lupot. Imbes a pintas, pasigto a piglat.
\v 25 Matayto dagiti lallaki a tattaom babaen kadagiti kampilan dagiti kabusorda, ken matayto dagiti soldadoyo iti gubat.
\v 26 Agladingit ken agsangitto dagiti tattao kadagidiay ruangan ti siudad. Ti siudad ket kaslanto maysa a babai nga agtugaw iti daga gapu ta pinanawan isuna dagiti amin a gagayyemna.

\s5
\c 4
\p
\v 1 Inton mapasamak dayta, sumagmamanonto laeng dagiti lallaki nga awan asawana. Isu a pito a babbai nga awan ti asawana ti mangguyod iti maysa a lalaki ket kunada, "Asawaennakami! Dakaminto ti mangipaay iti bukodmi a taraon ken kawes. Ti laeng kayatmi ket saan kamin a maibabain gapu ta awan asawami."
\v 2 Ngem dumtengto ti aldaw nga agbalin ti Israel a nakapinpintas ken naindaklan. Dagiti tattao iti Israel nga addanto pay laeng sadiay ket ipasindayagdanto dagiti nagiimas a bungbunga dagiti mula nga agtubtubo iti dagada.

\s5
\v 3 Aminto dagiti tattao nga agtalinaed iti Jerusalem, a saan a natay idi dinadael dagiti kabusor ti Jerusalem, ket kukuanto ti Apo- dagiti amin a nakalista ti naganna nga agnanaed sadiay.
\v 4 Mapasamakto dayta inton ugasan ti Apo ti biddut dagiti babbai ti Jerusalem, ken inton pasardengenna ti kinaranggas kadagiti dalan ti Jerusalem babaen iti panangdusana kadagiti tattao ti Jerusalem. Inton ar-aramidennan dayta, maiyarigto dayta iti apuy a manguram iti amin a narugit a banbanag.

\s5
\v 5 Ket mangiyegto ni Yahweh iti ulep iti aldaw ken gumilgil-ayab nga apuy iti rabii a mangkalub iti Jerusalem ken kadagiti amin nga agtitipon sadiay; daytoy ket kaslanto maysa a nadayag nga abbong ti entero a siudad.
\v 6 Paglinonganto daytoy dagiti tattao manipud iti init iti aldaw ken pagkamangandanto no adda bagyo ken tudo.

\s5
\c 5
\p
\v 1 Ita, agkantaak iti maysa a kanta a maipapan kenni Yahweh nga ay-ayatek a gayyem, ken maipanggep iti kaubasanna. Ti kaubasan ket adda iti nadam-eg unay a daga iti igid ti turod.
\v 2 Ti daga ket inarado ti gayyemko sana inikkat dagiti batbato. Kalpasanna ket minulaanna iti kapipintasan nga ubas dayta a daga. Nangipatakder isuna iti pagwanawanan iti tengnga ti kaubasan sa nangkali iti pagpespesan. Kalpasanna, tinawen a nagur-uray nga agapit kadagiti napipintas a bunga, ngem naalsem laeng dagiti imbunga dagiti ubasna.

\s5
\v 3 Ita, kastoy ti ibagbaga ni Yahweh a gayyemko: "Dakayo a tattao ti Jerusalem ken iti dadduma a lugar ti Juda, maiyarigkayo a kaubasak; isu a dakayo ti mangikeddeng no siasino kadatayo ti nagaramid iti umno.
\v 4 Ania pay kadi ti rumbeng nga aramidek kadakayo a saanko pay a naaramid? Namnamaek nga agaramidkayo kadagiti naimbag, isu a makapasuron a dagiti laeng dinadakes ti inar-aramidyo a kas kadagiti ubas a nagbunga laeng kadagiti naalsem!

\s5
\v 5 Isu nga ibagak ita no ania ti aramidek iti Juda, ti lugar a maiyarig a kaubasak. Pukanekto dagiti mula a pinakaaladna ket agbalinto ti kaubasak a maysa a pagaraban. Rebbaekto dagiti pader dagiti siudad ket palubosak dagiti atap nga ayup a mangbadde-baddek iti daga.
\v 6 Pagbalinekto daytoy a maysa a langalang a saanto a maikkatan iti sangana ken saanto a maruk-itan ti dagana. Pagtuboanto dagiti ruot ken sisiit daytoy a lugar. Ken ibilinko a saanto a matudoan daytoy.

\s5
\v 7 Ti nasion ti Israel ket kas iti kaubasan ni Yahweh a Mannakabalin-amin. Dagiti tattao ti Juda ket kas kadagiti minuyongan a makaay-ayo kenkuana. Namnamaenna nga aramidenda dagiti nalinteg, ngem ketdi, nakitana nga agpipinnatay dagiti tattao. Namnamaenna nga agaramidda kadagiti nalinteg, ngem ketdi, nangngegna dagiti sangsangit dagiti tattao a nararaut idi.

\s5
\v 8 Nakabutbutengto ti mapasamak kadagiti agtultuloy a mangsamsam kadagiti balbalay ken taltalon dagiti dadduma. Pappapanawenyo dagiti pamilia kadagiti balbalayda agingga a dakayo laengen ti nabatbati nga agbibiag iti dayta a daga.
\v 9 Ngem nangngegko ni Yahweh a Mannakabalin-amin, a kunana: "Addanto aldaw nga awan agian kadagidiay dadakkel a balbalay, awanto ti agnaed kadagidiay a napipintas a mansion.
\v 10 Dagiti ubas iti sangapulo nga ektaria a daga ket saanto a makapagbunga iti umanay a pangaramid iti 22 a litro nga arak, ken ti sangapulo a basket ti bin-i a trigo ket agbunga laeng iti maysa basket."

\s5
\v 11 Nakabutbutengto ti mapasamak kadagiti masapsapa a bumangbangon iti binigat tapno agbartek, ken dagiti agpuypuyat agingga iti tengga ti rabii nga umin-inom iti ad-adu pay nga arak agingga a mabartek iti kasta unay.
\v 12 Agpadayada ken agipaayda iti adu nga arak. Kadagiti panagpadayada, adda dagiti tattao nga agtugtugtog iti arpa, lira, tamborin ken plauta, ngem pulos a saanda a pinanunot dagiti ar-aramiden ni Yahweh wenno saanda a binigbig man laeng koma dagiti pinarsuana.

\s5
\v 13 Isu a maipanawto dagiti tattaok gapu ta saanda nga ammo ti maipanggep kaniak. Agbisinto dagiti mabigbigbig ken dagiti mararaem a tattao ita, ken matayto iti pannakawaw dagiti dadduma a tattao.
\v 14 Kasla ti lugar nga ayan dagiti natay ket agtartarigagay iti ad-adu pay nga Israelita, a kasla nakanganga ti ngiwatna a mangkaan kadakuada, ket nakaad-adunto a tattao ti maipuruak iti dayta a disso, a pakairamanan dagiti panguloda ken dagiti adu a nakaar-ariwawa a tattao a nakaragragsak nga agbibiag idiay Jerusalem.

\s5
\v 15 Pabainanto ni Yahweh ti amin a tao, ken pagpakumbabaennanto dagiti tattao a napalangguad.
\v 16 Ngem mapadayawanto ni Yahweh a Mannakabalin-amin, ti Nasantoan a Dios, gapu iti kinasantona ken gapu ta nagtignay isuna a sililinteg. Ipakitanto ti Dios a nasantoan isuna babaen kadagiti aramidna.
\v 17 Kalpasanna, makabirukto dagiti karnero ken dagiti urbon a karnero iti nalangto a ruruot nga arabenda, uray kadagiti nadadael a balay dagiti nababaknang a tattao.

\s5
\v 18 Pagrigrigatan dagiti dadduma a tattao ti agaramid iti basol, pagrigrigatanda unay a kasla guyguyodenda dagiti biddut ken awan serserbina a banag nga ar-aramidenda. Nakabutbutengto dagiti pagbanaganda!
\v 19 Pagang-angawanda ti Dios, a kunkunada kenkuana, "Pardasam ta dusaennakamin! Kayatmi a makita no ania ti aramidem. Sika a Nasantoan a Dios ti Israel, aramidem ti panggepmo gapu ta kayatmi a makita no ania dayta."

\s5
\v 20 Nakabutbutengto ti mapasamak kadagiti mangibagbaga a ti dakes ket nasayaat ken ti nasayaat ket dakes, kadagiti mangibagbaga a ti sipnget ket lawag ken ti lawag ket sipnget, kadagiti mangibagbaga a ti napait ket nasam-it ken ti nasam-it ket napait.
\v 21 Nakabutbutengto ti mapasamak kadagiti mangipagpagarup a nasiribda ken nalalaingda unay.

\s5
\v 22 Nakabutbutengto ti mapasamak kadagiti mangipagpagarup a banuarda gapu ta kabaelanda ti uminom iti adu nga arak, ken dagiti mangiparparammag a kabaelanda ti mangaramid kadagiti naiimas nga arak.
\v 23 Kasta met kadagiti paspasuksokan dagiti tattao tapno saanda palubosan a madusa dagiti nadangkes a tattao. Awatenda dagiti pasuksok ket dusaenda dagiti awan basolda.

\s5
\v 24 Ngarud, kas iti pananguram ti apuy iti mula ken kas iti nagango a ruot a nalaka a maitayab ken mabiit a mapuoran, agbalinto a kasla dagidiay a tattao ket addaan iti ramot a malungsot ken addaan iti sabong a malaylay. Mapasamakto dayta gapu ta linaksidda dagiti linteg ni Yahweh a Mannakabalin-amin; linaisda dagiti sasao ti Nasantoan a Dios ti Israel.

\s5
\v 25 Dayta ti gapuna no apay a kapungtot unay ni Yahweh dagiti tattaona; a kasla nakalayat ti imana ket nakasagana a mangkabil kadakuada. Tunggal aramidenna dayta, agkintayeg dagiti banbantay, ken kaslanto rugit nga agkaiwara dagiti bangkay dagiti tattao kadagiti kalsada. Ngem uray no mapasamak dayta, nakarunto latta ti unget ni Yahweh; nakasagananto latta isuna a mangdusa manen kadagiti tattaona.

\s5
\v 26 Mangipatulodto ni Yahweh iti pagilasinan a mangayab kadagiti armada dagiti adayo a nasion; a kasla paswitannanto dagiti soldado iti nakaad-adayo a lugar iti rabaw ti daga. Umaydanto a dagus iti Jerusalem.

\s5
\v 27 Saandanto a mabannog wenno maitibkol. Saandanto a sumardeng tapno aginana wenno maturog. Awanto ti lumukay a barikesda wenno mapugsat a tali ti sandaliasda, isu a sisasaganada amin a makiranget kadagiti paggugubatan.
\v 28 Natademto dagiti panada ken nakabiatto dagiti baida iti paggugubatan. Gapu ta napardas ti panangguyguyod dagiti kabalioda kadagiti karwaheda, agparsiakto ti ressak manipud kadagiti kuko ti kabalioda, ken agtayyekto dagiti pilid dagiti karwaheda a kas iti alipugpog.

\s5
\v 29 Kasladanto kadagiti nauuyong a leon nga agngernger sada darupen dagiti ayup a kayatda a patayen; itarayda dagitoy, ket awan ti siasinoman a makaisalakan kadagitoy.
\v 30 Kasta met a dagiti kabusoryo ket agriaw iti kas iti daranudor ti baybay no darupenda dagiti tattao a kayatda a patayen. Iti dayta nga aldaw, no addanto kumita iti daga, dagitinto laeng tattao nga adda iti kasipngetan ken dagiti marirriribukan ti makitana, a kaslanto uray ti lawag ti init ket nalengdan dagiti nangisit nga ulep.

\s5
\c 6
\p
\v 1 Iti tawen a natay ni ari Uzzias, nangipakita ni Yahweh iti sirmata kaniak. Iti dayta a sirmata, nakitak ni Yahweh a nakatugaw iti trono nga adda iti ngatoen ti amin. Nakakagay isuna iti nakaat-atiddog a nangabbong iti suelo ti templo.
\v 2 Iti ngatoenna ket adda sumagmamano a parsua nga agtayabtayab. Adda innem a payyak ti tumunggal maysa kadakuada. Kinaluban ti dua a payyakda dagiti rupada, kinaluban met ti dua kadagiti payyakda dagiti sakada, ket agtaytayabda babaen iti dua pay a payyakda.

\s5
\v 3 Aw-awaganda ti tunggal maysa, a kunkunada, "Ni Yawheh a Mannakabalin-amin ket Nasantoan; awan pagkuranganna! Napnoan iti dayagna ti entero a daga."

\s5
\v 4 Idi agsasaoda, pinaggunggon daytoy dagiti adigi ti ruangan ti templo, ket napno iti asuk ti templo.
\v 5 Ket kunak, "Nakabutbutengto dagiti banbanag a mapasamak kaniak gapu ta amin nga ibagbagak ket dakes, ken agbibiagak a kadua dagiti tattao nga agtultuloy nga agsasao iti dakes. Madadaelak gapu ta nakitak ni Yahweh a Mannakabalin-amin!"

\s5
\v 6 Kalpasanna, ti maysa kadagiti parsua nga adda payyakna ket nangala iti napudot a beggang manipud iti altar. Timmayab nga immasideg kaniak
\v 7 ket insagidna ti beggang kadagiti bibigko. Ket kinunana, "Addaytan, nasagiden daytoy a beggang dagiti bibigmo. Nagleppasen ti basolmo ken napakawanen dagiti basolmo."

\s5
\v 8 Ket nangngegko ni Yahweh a nagsaludsod, "Siasino ti ibaonko nga agbalin a mensahero kadagiti tattao? Siasino ti ibaonko nga agsao para kadakami?" Insungbatko, "Adtoyak Apo, ibaonnak!"
\v 9 Ket kinunana, "Mapanmo ibaga kadagiti tattao ti Israel, 'Denggenyo a naimbag ti ibagak, ngem saanyo a maawatan. Kitaenyo a naimbag ngem saanyo a maawatan.'

\s5
\v 10 Gapu iti ibagam, agsukirto dagitoy a tattao; daytoy ti gapuna a saanda a makakita ken makangngeg. Kas pagbanaganna, saandanto a makita dagiti kayatko a makitada ken saandanto a mangngeg dagiti kayatko a mangngeganda, ket saandanto nga umay kaniak tapno maisalakanko ida ket saanko ida a dusaen."

\s5
\v 11 Kalpasanna, kinunak, "Kasano kapaut ti kayatmo a panangaramidko iti dayta?" Simmungbat isuna, "Aramidem dayta agingga a dagiti siudadda ket madadael dagiti kabusorda, agingga nga awanen ti agnanaed iti pagtaenganda, aramidem dayta agingga a matakawto amin dagiti apit kadagiti talonda ken madadael dagiti amin a talonda.
\v 12 Aramidem dayta agingga a papanawen ni Yahweh dagiti amin a tattao, ken agingga nga agbalin ti entero nga Israel a nabaybay-an.

\s5
\v 13 Uray pay no mabati sadiay ti apagkapullo dagiti Israelita, sakupento manen dagiti kabusorda ti daga ken puorandanto ti amin. Ngem kaslanto iti panangpukanda iti kayo a lugo a mabati ti puonna, ken panagsaringitto ti baro a sanga manipud iti dayta, dagitinto tattao a nabati iti daytoy a daga ti agbalinto a bunggoy a mailasin para kaniak."

\s5
\c 7
\p
\v 1 Ni Ahaz ket anak ni Jotam ken apoko ni Uzzias. Idi tiempo a ni Ahaz ti ari ti Juda, nagmartsa da Ari Rezin iti Aram ken Ari Peka iti Israel agraman dagiti armadada tapno rautenda ti Jerusalem. Ngem saanda a nabaelan a sinakup daytoy.
\v 2 Sakbay a rimmautda, nangngeg ti dagiti tattao iti palasio ti Jerusalem ti damag a nagkadduan ti Israel ken Aram. Isu a kasta unay ti buteng ni Ari Ahaz ken dagiti tattao nga iturturayanna; agpigpigergerda a kas iti kayo a gunggunggonen ti bagyo.

\s5
\v 3 Ket kinuna ni Yahweh kaniak, "Itugotmo ti anakmo a ni Sear Jasub ket mapanmo katungtongen ni Ari Ahaz. Adda isuna iti pungto ti kanal a pagayusan ti danum a mapan iti akingngato a pagurnongan ti danum nga asideg iti paglalabaan dagiti babbai kadagiti kawes.
\v 4 Ibagam kenni Ahaz a saan isuna nga agdanag. Ibagam kenkuana a saan a rumbeng nga agbuteng isuna kadagiti dua nga ari a da Rezin ken ni Peka. Kasta unay ti pungtotda iti Juda, ngem saanda pulos a madangran ti pagillianna iti nalablabes pay ngem iti panangdangran kenkuana ti maysa a nasebsebanen a beggang.

\s5
\v 5 Wen, agpangpanggepda iti maibusor kenkuana ken ibagbagada a,
\v 6 'Rautentayo ket sakupentayo ti Juda. Ket isaadtayo ti anak ni Tabeel a kas ari ti Juda.'

\s5
\v 7 Ngem kastoy ti kuna ni Yahweh nga Apo: 'Saan a mapasamak dayta; saanda a maparmek ti Jerusalem!
\v 8 Ti sentro ti Aram ket Damasco, ngem ti Damasco ket iturturayan laeng ti maysa a saan a napateg nga ari a ni Rezin. Maipapan met iti Israel, iti las-ud iti 65 a tawen, maparmekto daytoy ken madadael a naan-anay.
\v 9 Ti Samaria ti sentro ti Israel, ket iturturayan laeng ti maysa nga awan serserbina nga ari a ni Ari Peka. Isu a saanka a rumbeng nga agbuteng kadagitoy a dua a pagillian! Ngem nasken nga agtalekka kaniak, gapu ta no saanka nga agtalek kaniak a sipupudno, maabakkanto.'"

\s5
\v 10 Kalpasanna, inikkannak manen ni Yahweh iti maysa pay a mensahe nga ibagak kenni Ari Ahaz.
\v 11 Kinunana nga ibagak kenkuana, "Kiddawem kaniak, a ni Yahweh a Diosmo, a mangaramidak iti maysa a banag a mangpaneknek kenka a tulonganka. Ti kiddawem ket mabalin nga adda iti ngato a kas iti kangato ti tangatang wenno adda iti baba a kas iti kababa ti ayan dagiti tattao a natay."
\v 12 Ngem idi imbagak dayta iti ari, nagkedked isuna. Kinunana, "Saan, diak kiddawen kenni Yahweh a mangaramid isuna iti pammaneknek a tulongannakami."

\s5
\v 13 Ket kinunak kenkuana, "Dumngegkayo, dakayo a tattao a kaputotan ni Ari David! Ib-ibusenyo ti anusko. Pagsardengenyo kadi met ti Diosko iti kinaanusna kadakayo?
\v 14 Agaramid ni Yahweh iti aniaman a banag a pangpaneknekna a tulongannakayo. Denggenyo daytoy: Agsikogto ti maysa a balasang ket agipasngay iti maysa a lalaki. Immanuel ti ipanaganna kenkuana, a ti kayat na a sawen ket 'Adda kadatayo ti Dios.'
\v 15 Inton tiempo a tumataeng ti ubing a kabaelannan ti mangan iti keso ken diro, kabaelannanton a laksiden ti kinadakes ken pillien ti kinaimbag.

\s5
\v 16 Sakbay a mataengan ti ubing a mangaramid iti dayta, nagbalinton a langalang dagiti daga dagiti dua nga ari a pagbutbutnganyo unay.
\v 17 Ngem ipalubosto ni Yahweh a mapadasamto ken ti pamiliam ken ti entero a pagiliam, dagiti nakabutbuteng a didigra. Nakarkaro dagidiay a didigra ngem iti aniaman a didigra a napasamak manipud idi simmina ti Israel iti Juda. Kasla ni Yahweh ti mangparaut iti armada ti ari ti Asiria kadakayo!"

\s5
\v 18 Iti dayta a tiempo, kaslanto paswitan ni Yahweh ti armada manipud iti abagatan ti Egipto ken kasta met ti armada ti Asiria. Umayda ket palawlawanda ti pagillianyo a kas iti ngilaw wenno alimbubuyog.
\v 19 Umayda ket agkampoda amin iti sadinoman— kadagiti nalawa a tay-ak ken kadagiti kueba, kadagiti karangkisan, kadagiti daga a namulaan iti sisiit, ken kasta met iti nadam-eg a daga.

\s5
\v 20 Iti dayta a tiempo, tangdananto ni Yahweh ti ari ti Asiria tapno umay a kaduana ti armadana manipud iti daya ti Karayan Eufrates. Pukawendanto ti amin a banag iti dagam— dagiti mula ken dagiti tattao. Dadaelenda iti kasta unay ti amin; kaslanto iti panagkuskos ti parapukis iti maysa a tao a saan laeng a ti buokna ti pukisanna, no diket, karaman ti barbasna ken ti dutdot dagiti luppona.
\v 21 Inton mapasamak dayta, kabaelanto ti maysa a mannalon ti agbiag nga addaan laeng iti maysa nga urbon a baka ken dua a kalding.
\v 22 Nupay kasta, mangted dagitoy nga ayup iti nawadwad a gatas, ket addanto kanen ti mannalon. Ket gapu ta manmanonto ti mabati iti daga, adunto ti keso ken diro dagiti amin a tao nga agtaltalinaed sadiay.

\s5
\v 23 Adu dagiti disso nga addaan kadagiti kaubasan nga aggatad iti sangaribu a pirak, ngem iti daytanto a tiempo, sisiitto laeng ti adda kadagitoy a taltalon.
\v 24 Siitan a mulmula ken atap nga ay-ayup ti addanto laeng iti dayta a daga. Ket alaento dagiti lallaki dagiti panada ket mapanda aganup ken mangpatay kadagiti ayup iti dayta a lugar.
\v 25 Awanto ti mapan kadagiti lugar a sigud nga addaan idi iti minuyongan kadagiti nadam-eg nga igid dagiti turod, gapu ta makayumotanto iti sisiit dagitoy nga igid ti turod. Addanto dagiti disso a bassit laeng dagiti baka ken karnero ken kalding nga agwalang-walang nga agsapul kadagiti arabenda.

\s5
\c 8
\p
\v 1 Kalpasanna, kinuna ni Yahweh kaniak, "Mangaramidka iti dakkel a pagsuratan. Ket isuratmo a nalawag ditoy ti 'Maher Salal Has Baz' a ti kayatna a sawen ket 'partakanyo nga alaen ti amin'."
\v 2 Isu a kiniddawko kenni Urias a nangato a padi, ken ni Zacarias nga anak ni Jerebekias, ken dagiti lallaki nga agpada a napudno a saksi, a buyaendak bayat nga ar-aramidek dayta.

\s5
\v 3 Kalpasanna, kinaiddak ti asawak a maysa a profeta, ket nagsikog isuna ken nangipasngay iti maysa a lalaki. Kalpasanna, kinuna ni Yahweh kaniak, "Panaganam isuna iti Maher Salal Has Baz,
\v 4 gapu ta sakbay a mabalikasna dagiti sasao a 'ama' ken 'ina,' umayto ti Ari ti Asiria ken ti armadana ket alaenda dagiti amin a napapateg a banbanag idiay Damasco ken idiay Samaria."

\s5
\v 5 Nagsao manen kaniak ni Yahweh ket kinunana, "Ibagam kadagiti tattao ti Juda:
\v 6 Inaywanankayo a tattao, ngem linaksidyo dayta, impagarupyo a bassit unay ti maitulongko a kas iti aripit a pagay-ayusan ti danum manipud iti ubbog ti Gihon a mapan iti Jerusalem. Rinagragsakyo ketdi ti dimmawat iti tulong kenni Ari Rezin ken Ari Peka.
\v 7 Ngarud, siak nga Apo ti mangigapu nga iti saan nga agbayag, ti ari ti Asiria ket kaslanto napigsa a layus manipud iti Karayan Eufrates a mangraut kadagiti tattao ti Juda. Agwarasto dagiti soldadoda iti amin a paset ti pagilliam a kas iti maysa a karayan nga aglupyas ti danumna kadagiti amin a pantarna.

\s5
\v 8 Mapanto dagidiay a soldado iti entero a Juda a kas iti karayan nga immadalem a panggat-tengnged ti maysa a tao. Dagusto nga agwaras dagiti soldadona iti entero a daga, a kas iti maysa nga agila, ket saknapandanto ti entero a dagam! Ngem Siak a Diosyo ket addanto kadakayo!”

\s5
\v 9 Dumngegkayo, dakayo a tattao kadagiti dadduma a pagpagilian! Uray no agsaganakayo a mangraut iti Juda. Uray no agsaganakayo a makigubat, ken uray no agpukkawkayo iti irarautyo, maparmek latta dagiti armadayo!
\v 10 Uray no planoenyo ti panangrautyo iti Juda, awanto ti serserbi dagiti planoyo! Saankayo nga agballigi gapu ta kaduami ti Dios!

\s5
\v 11 Kasta unay ti panangballaag kaniak ni Yahweh a diak ar-aramiden ti inar-aramid idi dagiti dadduma a tattao iti Juda. Kinunana kaniak,
\v 12 "Saanmo a kunaen nga amin nga ar-aramiden dagiti tattao ket maisalungasing iti gobierno, a kas iti ibagbaga dagiti dadduma a tattao, ken saanmo nga pagbutngan dagiti banbanag a pagbutbutngan dagiti dadduma tattao.
\v 13 Siak a ni Yahweh a Mannakabalin-amin ti rumbeng nga bigbigem a nasantoan. Siak ti rumbeng a pagbutngam, rumbeng laeng a siak.

\s5
\v 14 Salaknibannakayo ni Yahweh. Ngem no maipapan kadagiti tattao ti Israel ken Juda, agbalinto ni Yahweh a kasla bato a pakaitibkolan dagiti tattao, kasla dakkel a bato a mangpaitublak kadakuada. Ket no maipapan kadagiti tattao ti Jerusalem, agbalinto ni Yahweh a kasla silo wenno palab-og.
\v 15 Adunto a tattao ti maitibkol ken maitublak, ken pulos a saandanton a makabangon pay. Mapadasdanto dagiti nakaro a riribuk; matiliwto ida dagiti kabusorda."

\s5
\v 16 Isu nga ibagbagak kadakayo nga adalak, a selyoanyo daytoy a nalukot a nangisuratak kadagiti mensahe ti Dios nga intedna kaniak, ket ibingayyo dagiti pagannurotanna kadagiti dadduma a nangkaddua kaniak.
\v 17 Urayek no ania ti aramiden ni Yahweh. Inlaksidna dagiti kaputotan ni Jacob, ngem sinanamaak a tulongannak.
\v 18 Siak ken dagiti annak nga inted kaniak ni Yahweh ket kasla pagilasinan a mangballaag kadagiti tattao ti Israel; dakami ket ballaag a naggapu kenni Yahweh a Mannakabalin-amin nga agnanaed iti templona idiay Bantay Sion idiay Jerusalem.

\s5
\v 19 Mabalin nga adda dagiti mangallukoy kadakayo a makiumankayo kadagiti makikatkatungtong kadagiti espiritu dagiti natay wenno kadagiti agkunkuna a makaaw-awatda kadagiti mensahe manipud kadagidiay nga espiritu. Iyar-arasaas ken italtalamitimda dagiti aramidentayo iti masakbayan. Ngem ti Dios ti rumbeng a kiddawentayo a mangiwanwan kadatayo! Nakakatkatawa a datayo a sibibiag ket kiddawentayo kadagiti espiritu dagiti natay ti rumbeng nga aramidentayo.
\v 20 Tungpalentayo dagiti pagannurotan ken panursuro ti Dios! No dagiti ibagbaga dagiti tattao ket saan a maiyannurot kadagiti isursuro ti Dios kadatayo, saan narud a napateg dagiti ibagbagada. Kasla la nga adda iti kasipngetan dagidiay a tattao.

\s5
\v 21 Agalla-alladanto iti entero a daga a marirriribukan ken mabisbisinan. Ket inton agbisinda iti kasta unay, makaungetdanto met iti kasta unay. Tumangaddanto iti langit ket ilunoddanto ti Dios ken ilunoddanto pay ti arida.
\v 22 Kumitadanto iti aglawlaw ti daga, ngem tinto laeng makitada ket riribuk, kinasipnget ken dagiti mangiyaw-awan laeng kadakuada. Ket maitappuakdanto iti kasipngetan.

\s5
\c 9
\p
\v 1 Nupay kasta, saanen nga agsagaba dagiti agladladingit idi idiay Juda. Iti napalabas, impababa ni Yahweh dagiti tattao iti daga a nagnaedan dagiti tribu ti Zabulun ken Neftali. Ngem iti masakbayan, padayawannanto dagiti tattao nga agnanaed iti region ti Galilea, nga agnanaed iti igid ti dalan iti nagbaetan ti Karayan Jordan ken Baybay Mediteranean, a pagnanaedan ti adu a ganggannaet.
\v 2 Addanto aldaw iti masakbayan, a dagiti tattao a nagbibiag idi iti kasipngetan ket kasla makakitadanto iti naraniag a lawag. Wen, addanto naraniag a silaw nga agraniag kadagiti tattao nga agnanaed iti daga a paglaklak-amanda iti kasta unay a kinarigat ita.

\s5
\v 3 O Yahweh, pagragsakennakaminto nga Israelita; agragsakkaminto iti kasta unay. Agragsakkaminto gapu iti inaramidmo a kas iti panagragsak dagiti tattao no agapitda kadagiti mulada, wenno kas iti panagragsak dagiti soldado no pagbibingayanda dagiti banbanag a nasamsamda iti pinarmekda a lugar.

\s5
\v 4 Saannamonton nga itulok nga agbalinkami a tagabu dagiti mangparmek kadakami; a kasla ikkatemto dagiti dadagsen manipud kadagiti abagami. Kaslanto a dinadaelmo dagiti igam dagiti nangparparigat kadakami, a kas iti inaramidmo idi pinarmekmo ti armada dagiti tattao a taga-Midia.
\v 5 Dagiti botas nga insuot dagiti soldado ken dagiti pagan-anayda a dara-dara ket mapuoranto amin; maisungroddanto iti dakkel nga apuy.

\s5
\v 6 Ti maysa pay a makagapu nga agrag-okami ket addanto maysa a naisangsangayan nga ubing a maipasngay kadakami, addanto babai nga agipasngay iti maysa nga ubing a lalaki, ket isunanto ti mangituray kadakami. Ket mapanagananto isuna ti 'Nakakaskasdaaw a Mammagbaga,' 'Mannakabalin a Dios,' 'Agannayon nga Ama,' ken 'Ari a Mangipaay iti Talna.'
\v 7 Saanto nga agpatingga ti panagturayna kasta met ti iyegna a talna. Agturayto isuna a sipupudno ken sililinteg a kas iti inaramid ni Ari David a kapuonanna. Mapasamakto daytoy gapu ta kayat unay ni Yahweh a Mannakabalin-amin, a mapasamak daytoy.

\s5
\v 8 Binallaagan ti Apo dagiti kaputotan ni Jacob; imbagana a dusaennanto ti Israel.
\v 9-10 Ket maammoanto dayta dagiti amin a tattao iti Samaria ken dagiti dadduma a luglugar idiay Israel, ngem kasta unay ti kinapalangguad ken kinatangsitda ita. Kunada, "Nadadaelen ti siudadmi ngem ikkatenminto dagiti nadadael a ladrilyo ket sukatanminto iti batbato a napintas ti pannakatikapna. Pinukan dagiti kabusormi dagiti kayomi a sikamoro, ngem agmulakaminto kadagiti kaykayo a sedro a kasukatda."

\s5
\v 11 Ngem mangipaumayto ni Yahweh iti armada ti Asiria, mangbilinto isuna kadagiti kabusor ni Ari Rezin iti Aram, nga umay mangraut iti Israel ken mangawis kadagiti dadduma a pagillian a mangraut iti Israel.
\v 12 Umayto ti armada ti Aram manipud iti daya, ket aggapunto iti laud ti armada ti Filistia, ket dadaelendanto ti Israel a kas iti panangrangrangkay ti maysa nga ayup iti sabali nga ayup sana kanen. Ngem uray no mapasamak dayta, kapungotto latta isuda ni Yahweh. A kasla nakalayatto latta ti gemgemna a mangkabil manen kadakuada.

\s5
\v 13 Ngem uray no kastanto ti panangdusa ni Yahweh kadagiti tattaona, saandanto latta nga agsubli ken agdayaw kenkuana. Saandanto latta a kiddawen kenni Yahweh a Mannakabalin-amin a tulonganna ida.
\v 14 Ngarud, addanto aldaw a pukawento ni Yahweh dagiti tattao a kasla pannaka-ulo ti Israel kasta met dagiti tattao a kasla pannakaipusna; dagiti tattao a kas kadagiti tuktok ti kayo a palma ken dagiti tattao a kasla adda iti makinbaba.
\v 15 Dagiti mangiturturay iti Israel ti kasla pannaka-ulo, ken dagiti profeta nga agibagbaga iti inuulbod ti kasla pannakaipus.

\s5
\v 16 Inyaw-awan dagiti papangulo dagiti tattao; tinikawda dagiti iturturayanda.
\v 17 Dayta ti gapuna a saan a naay-ayo ni Yahweh kadagiti agtutubo ti Israel, ket saanna pay a kinaasian dagiti balo ken dagiti ulila, gapu ta saanda a nadiosan ken nadangkesda amin, ken aminda ket agibagbaga kadagiti minamaag a banbanag. Ngem kapungtotto latta ni Yahweh ida; kasla nakalayatto latta dagiti gemgemna a mangkabil manen kadakuada.

\s5
\v 18 No agaramid dagiti tattao iti dakes, daytoy ket kasla puor iti kabakiran a napartak nga agkayamkam. Saan laeng a dagiti siitan a ruot ti uramenna; makaparnuay pay iti dakkel a puor kadagiti kabakiran a pangtaudan ti nakapuspuskol nga ulep nga agpangato.
\v 19 Kaslanto nakset ti daga gapu ta ni Yahweh a Mannakabalin-amin ket makapungpungtot unay kadagiti Israelita. Agbalindanto a kasla sungrod iti dayta a dakkel a puor, ket awanto ti makaitured a mangispal iti uray bukodna a kabsat manipud iti dayta a puor.

\s5
\v 20 Rautento dagiti Israelita dagiti kaarrubada nga agnanaed kadagiti balbalay iti makannawanda tapno mangalada iti taraon kadagitoy, ngem agbisindanto latta. Patayen ken kanendanto dagiti lasag dagiti agnanaed kadagiti balbalay iti kannigidda, ngem saanto latta a mapnek dagiti buksitda.
\v 21 Agririnnautto dagiti Israelita a kameng iti tribu ti Efraim ken Manases, sadanto rauten dagiti tattao ti Juda. Ngem uray no mapasamak dayta, kapungtotto latta unay ni Yahweh ida; a kasla nakalayatto latta ti gemgemna a mangkabil manen kadakuada.

\s5
\c 10
\p
\v 1 Nakabutbutengto dagiti mapasamak kadakayo nga ukom a saan a nalinteg ken agar-aramid kadagiti saan a nainkalintegan.
\v 2 Agkedkedkedkayo a tumulong kadagiti nakurapay a tattao, ken saanyo ida a palpalubosan a mangala kadagiti banbanag a rumbeng koma a maalada. Palpalubosanyo dagiti tattao a mangtakaw kadagiti banbanag a kukua dagiti balo ken palpallubosanyo ida nga agaramid kadagiti saan a nainkalintegan kadagiti ubbing nga awan ammana.

\s5
\v 3 No dusaenkayo babaen iti panangibaonko kadagiti tattao manipud iti adayo a daga a mangdidigra kadakayo. siasinonto ngay ti pagpaarayatanyo? Awanto ti natalged a mabalin a pangilemmenganyo kadagiti napapateg a sanikuayo.
\v 4 Awanto ti maaramidanyo inton ipanawdakayo dagiti kabusoryo a kaduayo dagiti dadduma a balud, ta no saan ket amangan no dagiti bangkayyonto ket maidasay iti daga a kadua dagiti dadduma a napapatay. Ngem uray no malpas a mapasamak dayta, kapungtotnakayonto latta ni Yahweh. A kasla nakasagananto latta isuna a mangkabil manen kadakayo.

\s5
\v 5 Kuna ni Yahweh, "Nakabutbutengto ti mapasamak iti Asiria. Pudno a ti armadada ket maiyarig iti pang-or a pangdusdusak kadagiti dadduma a nasion gapu ta kasta unay ti pungtotko kadagidiay a nasion.
\v 6 No maminsan, bilbilinek dagiti taga-Asiria a mangraut iti nasion nga awan diosna, bilbilinek ida a mangraut kadagiti dadduma a tattao a nangpapungtot kaniak. Bilbilinek ida a mangtiliw kadagiti tattao, mangsamsam ken mangala kadagiti sanikuada, ken mangbaddebaddek kadakuada a kas iti panangbaddek dagiti tattao iti pitak kadagiti kalsada.

\s5
\v 7 Ngem saan a maaw-awatan ti ari ti Asiria; saanna a naamiris nga isuna ket kasla laeng maysa nga armas iti imak. Kayatna laeng a dadaelen dagiti tattao ken patalawen dagiti adu a nasion.
\v 8 Kunana, 'Amin dagiti komandante ti armadak ket agbalinto nga ari kadagitoy a nasion a naparmekko!
\v 9 Dinadaelmi ti siudad ti Calno a kas iti panangdadaelmi iti siudad ti Carkemis. Dinadaelmi ti siudad ti Hamat a kas iti panangdadaelmi iti siudad ti Arpad; dinadaelmi ti Samaria a kas iti panangdadaelmi iti Damasco.

\s5
\v 10 Nadadaelmi dagidiay a pagarian a napnoan kadagiti imahen dagiti diosda, dagidiay a pagarian a dagiti diosna ket napigpigsa ngem kadagiti dios iti Jerusalem ken Samaria.
\v 11 Isu a parmekenminto ti Jerusalem ken dadaelenminto dagiti imahe dagiti dios nga adda sadiay, a kas iti panangdadaelmi iti Samaria ken dagiti imahen nga adda sadiay!'

\s5
\v 12 Ngem siak ti Apo, ket kalpasan nga inaramatko ti Asiria a mangleppas iti kayatko nga aramiden a panangdusa kadagiti tattao iti Jerusalem, dusaekto ti ari ti Asiria gapu ta nagbalin isuna a natangsit ken napalangguad unay.
\v 13 Kunkunana, 'Babaen iti bukodko a bileg, naaramidko dagitoy a banbanag. Naaramidko dagidiay gapu ta nasirib ken nalaingak unay. Inikkat ti armadak dagiti bangen iti nagbeddengan dagiti nasion sada innala amin dagiti napapateg a banbanag sadiay. Pinasag ti armadak dagiti arida a kas iti panangpasag iti kalakian a baka.

\s5
\v 14 Ti panangalami kadagiti kinabaknang dagiti dadduma a pagilian ket kas iti pananggaw-at ti maysa a tao iti umok ti billit tapno alaenna dagiti itlog. Dagiti tattao ket saan a kas kadagiti billit a mangipayakpak kadagiti payyakda wenno aguni iti napigsa a makisupiat maipapan iti natakaw nga itlogda; saan a pulos a nagriri dagiti tattao iti pannakatakaw dagiti amin a kinabaknangda.'

\s5
\v 15 Ngem siak ni Yahweh, ket ibagak a pudno a saan a mabalin nga ipalangguad ti wasay a napigpigsa daytoy ngem iti tao a mangus-usar iti daytoy, ken saan a napatpateg ti ragadi ngem iti tao a mangus-usar iti daytoy. Saan a matengngel ti sarukod ti tao a mangig-iggem iti daytoy, ken ti kayo a pamang-or ket saanna a maingato ti maysa a tao. Isu a saan a rumbeng nga ipalangguad ti ari ti Asiria nga inaramidna dagitoy a banbanag babaen iti bukodna a sirib ken pigsa.
\v 16 Siak ti Apo a ni Yahweh, a Mannakabalin-amin, a mangipaay iti didigra kadagiti kalalaingan a soldado ti Asiria; daytoyto ket kasla apuy a mangpatayto kadakuada ken mangpukaw iti dayagda.

\s5
\v 17 Ni Yahweh ket maiyarig iti silaw kadagiti tattao ti Israel, kasla apuy; ti Nasantoan a mangiturturay iti Israel ket kas iti gil-ayab ti apuy. Dagiti soldado ti Asiria ket maiyarig kadagiti sisiit ken siitan a mula, ket puoranto ida ni Yahweh iti maysa nga aldaw.
\v 18 Adda dagiti nangayed a kabakiran ken nadam-eg a dagdaga idiay Asiria, ngem naan-anay a dadaelento ni Yahweh dagidiay; maiyarigdanto iti maysa a tao nga agsakit iti kasta unay sa matay.
\v 19 Sumagmamanonto laeng dagiti kayo a mabati kadagidiay a kabakiran; nga uray pay ubing ket kabaelanna a bilangen dagitoy."

\s5
\v 20 Iti masakbayan, addanto laeng sumagmamano a tattao a mabati iti Israel; bassitto laeng kadagiti kaputotan ni Jacob ti agtalinaed a sibibiag. Ngem saandanton nga agtalek iti ari ti Asiria, ti ari ti nasion a nangdadael kadakuada. Ngem ketdi, sipupudnodanto nga agtalek kenni Yahweh, ti Nasantoan a mangiturturay iti Israel.
\v 21 Agsublinto dagidiay nga Israelita iti mannakabalin a Diosda.

\s5
\v 22 Ita, adu unay dagiti tattao ti Israel a kas iti kaadu dagiti darat iti igid ti baybay, ngem sumagmamanonto laeng kadakuada ti agsubli manipud kadagiti pagilian a pakaipananda. Inkeddeng ni Yahweh a dadaelenna ti kaaduan kadagiti Israelita, ket dayta ti rumbeng nga aramidenna gapu ta pudno a nalinteg isuna.
\v 23 Wen, ti Apo a ni Yahweh, a Mannakabalin-amin, ket inkeddengnan a dadaelenna ti entero a daga ti Israel.

\s5
\v 24 Kastoy ti kuna ti Apo a ni Yahweh, a Mannakabalin-amin: "Dakayo a tattaok iti Jerusalem, saankayo nga agbuteng iti armada ti Asiria inton pang-orendakayo, a kas iti inaramid dagiti lallaki iti Egipto kadagiti kapuonanyo.
\v 25 Iti mabiit, saankayonton a kapungtot, ket kapungtotkonton dagiti tattao ti Asiria ket dadaelek ida!"

\s5
\v 26 Bautento ida ni Yahweh a Mannakabalin amin. Aramidennanto kadakuada ti kas iti inaramidna idi pinarmekna ti armada taga-Midian, ken kas iti inaramidna idi inlemmesna ti armada ti Egipto iti Nalabbaga a Baybay.
\v 27 Iti maysanto nga aldaw iti masakbayan, pasardengento ni Yahweh ti armada ti Asiria iti panangparparigatda kadakayo a dagiti tattaona; pasardengennanton ti panagsagsagabayo ken ti panagbalinyo a tagabu kadagiti tattao ti Asiria; ikkatennanto ti dadagsen nga aw-awitenyo a tattao ti Juda, ket pagbalinennanto a nasayaat dagiti amin a banag para kadakayo.

\s5
\v 28 Addanto maysa nga aldaw iti masakbayan a kastoyto ti situasion: Nakastreken ti armada ti Asiria iti akin-amianan ti Juda iti asideg ti Aiyat; linabsanda ti Migron ken indulinda dagiti gargaretda idiay Mikmas nga amianan ti Jerusalem.
\v 29 Binallasiwda ti bessang ket impatakderda dagiti toldada idiay Geba. Agtigerger dagiti tattao idiay Rama gapu ta mabutengda. Dagiti tattao iti Gabaa, a nakaiyanakan ni Ari Saul, ket nagtataray amin.

\s5
\v 30 Agpaarayatkayto, dakayo a tattao iti Galim! Pukkawandanto dagiti tattao ti siudad ti Laisa nga asideg iti Jerusalem tapno ballaaganda ida! Agsagabanto iti kasta unay dagiti tattao ti Anatot.
\v 31 Agliblibas dagiti tattao iti Madmena, nga amianan ti Jerusalem, ken padpadasen dagiti tattao ti Gebim nga asideg iti Jerusalem ti aglemmeng.
\v 32 Dagiti soldado ti Asiria ket agsardengto iti siudad ti Nob iti ruar ti Jerusalem. Ilayatdanto dagiti gemgemda kas pangbutbutengda kadagiti tattao iti Bantay Sion idiay Jerusalem.

\s5
\v 33 Ngem denggenyo daytoy! Babaen iti naindaklan a pannakabalin ni Yahweh, a Mannakabalin-amin, ket dadaelennanto ti nabileg nga armada ti Asiria. Kasladanto maysa a dakkel a kayo a pukanenna.
\v 34 Dadaelennanto dagiti soldado ti Asiria a kas iti panangpukan dagiti lallaki kadagiti natatayag a kaykayo kadagiti kabakiran ti Lebanon babaen kadagiti dadakkel a wasay.

\s5
\c 11
\p
\v 1 Addanto kaputotan ni Ari David nga agbalin a baro nga ari, a maiyarig iti maysa a baro a sanga a dumakkel manipud iti pungdol ti kayo.
\v 2 Addanto a kankanayon kenkuana ti Espiritu ni Yahweh. Pasiribento isuna ti Espiritu ken ipakaawatto ti Espiritu kenkuana ti adu a banbanag; Ikkanto isuna ti Espiritu iti kabaelan a mangngeddeng no ania ti nasayaat nga aramiden ken ikkannanto isuna iti naindaklan a pannakabalin. Ikkanto isuna ti Espiritu iti kabaelan a mangammo kenni Yahweh a mangdayaw kenkuana.

\s5
\v 3 Ragragsakennanto ti agtulnog kenni Yahweh. Saanto isuna a mangngeddeng no nalinteg ti maysa a tao wenno saan babaen laeng iti panangkitana iti langa dayta a tao, wenno babaen iti panagdengngegna iti ibagbaga dagiti dadduma a tattao maipapan iti dayta a tao.
\v 4 Nainkalinteganto ti panangukomna kadagiti kaso dagiti agkasapulan a tattao; ken nalintegto ti aramidenna kadagiti nakurapay a tattao. Dusaennanto dagiti dakes a tattao a kas pagbanagan ti pangngeddengna; pukawennanto dagiti nadadangkes a tattao gapu kadagiti dakes a banbanag nga inaramidda.
\v 5 Nalintegto a kanayon dagiti aramidenna; dagiti nasayaat a banbanag nga ar-aramidenna ket maiyarigto iti barikes iti siketna. Kanayonto a ti kinapudno ti ibagana; dagiti pudno a sasao nga ibagbagana ket maiyarigto iti barikes iti siketna.

\s5
\v 6 Inton agbalin isuna nga ari, agkakapianto dagiti lobo ken dagiti karnero; dagiti leopardo nga imbes a mangpapatay kadagiti urbon a kalding ket makiabayto a makikaidda kadagitoy. Kasta met dagiti nalukmeg, ken nasalun-at nga urbon a baka ken dagiti leon ket agkakaduadanto a mangan; ket maysanto nga ubing ti mangaywan kadakuada.
\v 7 Agkakaduanto a mangan dagiti baka ken dagiti oso; agkakaabayto nga agidda dagiti urbon nga oso ken baka. Saanto a kanen dagiti leon dagiti dadduma nga ayup; ngem ketdi, mangandanto iti garami a kas iti kankanen dagiti baka.

\s5
\v 8 Agay-ayamto a sitatalged dagiti ubbing iti asideg dagiti abut a pagnanaedan dagiti uleg a cobra; ikabilto pay dagiti babassit nga ubbing dagiti imada iti pagitlogan dagiti nagita nga uleg, ket saanto ida a dangran dagiti uleg.
\v 9 Awanto ti parsua a mangdangran wenno mangpatay kadagiti dadduma a parsua iti Bantay Sion, ti nasantoan a turodko; ken ti daga ket mapunnonto iti tattao a makaam-ammo kaniak, a kas kadagiti baybay a napno iti danum.

\s5
\v 10 Iti dayta a tiempo, addanto bandera nga ingato ti maysa a kaputotan ni David. Pagilasinanto dayta dagiti tattao kadagiti amin a puli ti tattao a masapul nga aguummongda iti aglawlawna; umaydanto kenkuana tapno ammoenda ti pammagbagana, ket agbalinto a naindaklan ti lugar a pagtaltalinaedanna.
\v 11 Iti dayta a tiempo, iyunnatto ni Yahweh ti imana a kas iti inaramidna idi nabayagen a panawen; pagsubliennanto kadagiti pagtaenganda dagiti napapanaw iti Israel, manipud iti Asiria, manipud iti amianan ti Egipto, manipud iti abagatan ti Egipto, manipud iti Etiopia, manipud iti Elam, manipud iti Babilonia, manipud iti Hamat, ken manipud iti amin nga adayo a pagilian nga asideg iti baybay.

\s5
\v 12 Kaslanto nga ingato ni Yahweh ti banderana kadagiti amin a bunggoy ti tattao, ket urnongennanto dagiti Israelita a napapanaw idi. Urnongennanto dagiti tattao ti Juda manipud kadagiti lugar a nangiwarasanna kadakuada iti entero a daga
\v 13 Ket saanton nga agi-innapal dagiti Israelita ken dagiti tattao ti Juda, ken saandanton nga agbibinnusor.

\s5
\v 14 Agmaymaysanto dagiti armadada a mangraut kadagiti Filisteo iti laud. Ken agkaykaysadanto a mangraut kadagiti nasion iti daya; parmekendanto dagidiay a nasion ket alaendanto dagiti amin a napapateg a sanikua dagitoy. Sakupendanto ti Edom ken Moab, ken iturayandanto dagiti Amonita.
\v 15 Agaramidto ni Yahweh iti namaga a kalsada iti baybay nga asideg iti Egipto. Kasla ipayapaynanto ti imana iti Karayan Eufrates sa mangibaon iti napigsa nga angin a mangbingay iti daytoy iti pito a karayan, tapno makapagnanto dagiti tattao kadagidiay a karayan.

\s5
\v 16 Gapu ta agaramidto ni Yahweh iti nalawa a kalsada para kadagiti tattaona nga agnanaed iti Asiria, makasublidanto iti bukodda a daga, kas met laeng idi, nangaramid isuna iti dalan para kadagiti tattao ti Israel tapno maballasiwda ti danum idi pimmanawda idiay Egipto.

\s5
\c 12
\p
\v 1 Iti dayta a tiempo dakayo a tattao ti Israel ket kantaenyonto daytoy: "Idaydayaw daka O Yahweh! Iti napalabas, kaungetnakami, ngem saannakamin a kaunget ket liniwliwanakami.
\v 2 Nakakaskasdaaw nga immaynakami insalakan, isu nga agtalekkami kenka ken saankami nga agbuteng. O Yahweh a Diosmi, pinapigsanakami; sika laeng ti kantaanmi; inispalnakami manipud kadagiti kabusormi."

\s5
\v 3 Agrag-okayonto iti kasta unay, dakayo a tattaona, gapu ta inispalnakayo, a kas iti panangragragsakyo nga umin-inum iti danum manipud iti burayok.
\v 4 Ibagayonto iti dayta a tiempo, "Rumbeng nga agyamantayo kenni Yahweh! Rumbeng a dayawentayo isuna! Rumbeng nga ibagatayo kadagiti tattao iti amin a bunggoy ti tattao no ania ti inaramidna; masapul nga ipakaammotayo kadakuada a naindaklan unay isuna!

\s5
\v 5 Masapul a kantaantayo ni Yahweh, gapu ta nagaramid isuna kadagiti nakakaskasdaaw a banbanag. Rumbeng nga ipakaammotayo daytoy iti amin a tattao iti lubong.
\v 6 Dakayo a tattao ti Jerusalem, ipukkawyo ti naragsak a panagdayawyo kenni Yahweh, gapu ta isuna ti naindaklan a Nasantoan a pagdaydayawantayo nga Israelita, ken agnanaed isuna kadatayo."

\s5
\c 13
\p
\v 1 Siak, a ni Isaias, a putot ni Amos, naawatko daytoy a mensahe a naggapu kenni Yahweh maipapan iti siudad ti Babilonia:
\v 2 Mangingatokayo iti bandera iti tuktok ti turod nga awan ti mulmulana, a pagilasinan nga adda umay nga armada a mangraut iti Babilonia. Pukkawanyo ida ken ipayapayyo ti imayo a mangipasimudaag kadakuada a masapul nga agmartsada kadagiti ruangan dagiti palasio dagiti natatangsit a mangiturturay ti Babilonia!
\v 3 Kuna ni Yahweh, “Binilinko dagiti nailasin tapno aramidenda daytoy a trabaho para kaniak—Pinaayabak dagiti mannakigubat a pinilik a mangdusa kadagiti tattao iti Babilonia gapu ta makapungtotak unay kadakuada, ket ipasindayagdakto unay dagidiay a soldado inton maaramidda dayta.”

\s5
\v 4 Denggenyo ti arimbangaw kadagiti kabanbantayan, ariwawa ti adu a soldado nga agmarmartsa! Ariwawa daytoy dagiti tattao manipud kadagiti adu a bunggoy ti tattao nga agpukpukkaw. Ni Yahweh, a Mannakabalin-amin, ti nangayab iti daytoy nga armada tapno aguummongda.
\v 5 Naggapuda kadagiti adayo a pagilian, manipud kadagiti kaadayoan a luglugar iti rabaw ti daga. Maiyarigda kadagiti armas nga aramaten ni Yahweh a pangdusa kadagiti tattao a kapungtotna unay, ken aramatenna a mangdadael iti entero a pagilian ti Babilonia.

\s5
\v 6 Agikkiskayonto a tattao iti Babilonia gapu iti butengyo, gapu ta daytoyto ti tiempo nga inkeddeng ni Yahweh, ti tiempo a panangdadael ti Mannakabalin-amin a Dios iti siudadyo.
\v 7 Gapu ta mapasamakto dayta, agbutengto amin dagiti tattaoyo ket saandanto payen a kabaelan nga ingato uray dagiti takiagda.
\v 8 Agbutengkayonto amin. Makariknakayonto iti ut-ot a kas iti ut-ot a marikna ti maysa a babai nga agpaspasngay. Agmiminnulagatkayto lattan, ket makitanto kadagiti rupayo a mabutbutengkayo unay.

\s5
\v 9 Denggenyo daytoy, dakayo a taga-Babilonia: Asidegen ti aldaw a pinili ni Yahweh a panangitungpalna, ti aldaw a dusaennakayo iti nakaro gapu ta kapungtotnakayo unay. Pagbalinennanto a langalang ti dagayo a Babilonia ken dadaelennanto amin dagiti managbasol nga agnanaed iti daytoy.
\v 10 Inton mapasamak dayta, awanto ti agraniag a bituen. Inton agsingising ti init, nasipngetto, ken awanto ti lawag ti bulan iti rabii.

\s5
\v 11 Kuna ni Yahweh, “Dusaekto ti amin nga agnanaed iti lubong gapu kadagiti dakes nga ar-aramidenda; dusaekto dagiti nadangkes a tattao gapu kadagiti basol nga inar-aramidda. Pasardengekto ti kinapalangguad dagiti tattao. Pasardengekto ti kinaulpit dagiti tattao.
\v 12 Ken gapu ta patayek ti kaaduan kadagiti tattao, narigrigatto ti mangbiruk kadagiti tattao ngem iti mangbirok iti balitok, narigrigatda a biruken ngem iti napino a balitok manipud iti Ofir idiay Arabia.

\s5
\v 13 Gunggonekto ti tangatang, ket maiyalisto ti daga manipud iti nakaikabilanna. Mapasamakto dayta inton Siak, a ni Yahweh a Mannakabalin-amin, ket dusaek dagiti nadangkes a tattao, inton ipakitak kadakuada a kasta unay ti pungtotko kadakuada.
\v 14 Agtatarayto dagiti amin a ganggannaet idiay Babilonia a kasla ugsa a maan-anup, a kasla karnero nga awan agipaspastor. Padasendanto ti agsapul iti dadduma a tattao kadagiti pagilianda, kalpasanna ket aglibasda manipud Babilonia sada agsubli kadagiti bukodda a pagilian.

\s5
\v 15 Siasinoman a matiliw idiay Babilonia ket mapapatayto babaen kadagiti kampilan dagiti kabusorda.
\v 16 Dagiti babassit nga ubbingda ket marumekrumekto kadagiti batbato bayat ti panangbuybuya dagiti nagannakda; takawento dagiti kabusorda dagiti amin a napapateg a banbanag iti balbalayda ken pilitendanto dagiti babbai nga assawada a makikaidda kadakuada.

\s5
\v 17 Kitaenyo! Sugsogak dagiti tattao ti Media a mangraut iti Babilonia. Rautento ti armada ti Media ti Babilonia, uray no sagutanda ida iti pirak wenno balitok no ikarida a saanda a rauten daytoy.
\v 18 Babaen kadagiti panada, panaento dagiti soldado ti Media dagiti bumarito iti Babilonia; saandanto pay a kaasian dagiti maladaga wenno ubbing!"

\s5
\v 19 Nakapinpintas a siudad ti Babilonia; amin dagiti tattao iti Babilonia ket ipanpannakkelda ti Babilonia, a kabiserada; ngem dadaelento ti Dios ti Babilonia, kas iti panangdadaelna iti Sodoma ken Gomora.
\v 20 Awanto ti siasinoman nga agnaed manen idiay Babilonia. Agnanayonto a langalang dayta a lugar. Agkedkedto dagiti Nomad nga agpatakder kadagiti toldada sadiay; saanto a mapan paginanaen sadiay dagiti agpaspastor dagiti arbanda.

\s5
\v 21 Addanto sadiay dagiti ayup nga agnanaed iti let-ang; agnaedto dagiti atap nga aso kadagiti nadadael a balbalay. Agnaedto dagiti kullaaw kadagiti nadadael, ket aglagtolagtonto dagiti abestrus ken agtatarayto dagiti atap a kalding iti aglawlaw daytoy.
\v 22 Agtaguobto dagiti hyena kadagiti nadadael a torre, ken agaramidto dagiti atap nga aso iti paglemlemmenganda iti nadadael a palasio a sigud a nakapinpintas. Asidegen ti tiempo a madadael ti Babilonia; saan nga agbayag ket agpukawton ti Babilonia.

\s5
\c 14
\p
\v 1 Ngem kaasiannto ni Yahweh dagiti Israelita; piliennanto nga agbalin manen a tattaona dagiti Israelita, ken ipalubosnanto nga agsublida ditoy ken agnaed manen kadagiti bukodda a daga. Ket umayto ditoy dagiti tattao manipud kadagiti dadduma a pagilian ket makipagkaykaysada kadagiti Israelita.
\v 2 Tulonganto ida dagiti tattao iti dadduma a nasion nga agsubli iti bukodda a daga, ken agtrabahonto para kadagiti Israel dagiti tattao a naggapu kadagiti dadduma a pagilian. Dagidiay nangibalud kadagiti Israelita ket ibaludto dagiti soldado ti Israel, ken iturayanto dagiti Israelita dagiti tattao a nangparparigat kadakuada idi.

\s5
\v 3 Addanto aldaw a wayawayaannakayo ni Yahweh, dakayo nga Israelita, manipud iti panagsagsagaba ken pannakariribukyo ken manipud iti panagbutengyo, ken manipud iti panangul-ulpitda kadakayo a kas tagabu.
\v 4 Inton mapasamak dayta, katkatawaanyonto ti ari ti Babilonia babaen iti panangkantayo iti maysa a kanta a kasla kastoy: “Inul-ulpitannakami, ngem nagpatinggan dayta! Inumsim dagiti dadduma ken pinagsagabam ida, ngem saanmon a maaramid ti kasta!

\s5
\v 5 Sika a dakes a turay, dinadaelen ni Yahweh ti bilegmo, ket saanmon a maparigat dagiti tattao!
\v 6 Adu a daras a rinarautmo dagiti tattao gapu ta kapungtotmo unay ida, ken sinakupmo dagiti dadduma a nasion babaen iti saan nga agsardday a panagpasagabam kadakuada.

\s5
\v 7 Ngem iti mabiit, agulimekto ti amin a banag ken addanto talna iti rabaw ti daga.
\v 8 Agkantanto manen ti tunggal maysa! Kaslanto nga uray dagiti kayo kadagiti kabakiran ket nakaragragsakto a mangkanta iti daytoy a kanta, kantaento daytoy dagiti kayo a cyprus ken dagiti kayo a sedar idiay Libano: ‘Napasagkan, ket awanen ti umay a mangpukan kadakami.’
\v 9 Magagaranen dagiti natay a tattao a mangur-uray kenka a mapan iti lugar nga ayanda. Maragsakanto a mangpasangbay kenka dagiti espiritu dagiti papangulo iti lubong; tumakderto a mangpasangbay kenka dagiti nagbalin idi nga ari kadagiti adu a nasion.

\s5
\v 10 Agmaymaysada amin a mangidir-i iti, ‘Nakapuykan ita a kas kadakami!’
\v 11 Natangsit ken nabilegka unay idi, ngem nagpatinggan amin dagita idi natayka, karaman dagiti uni dagiti arpa a matuktokar idiay palasiom. Iti tanemmo, addanto dagiti igges iti sirokmo a kasla ikamenmo ken balkotendakanto dagitoy a kasla iulesmo ida.’

\s5
\v 12 Nagpukawka iti daga a kas iti maysa a bituen a natinnag manipud iti tangatang; nalatakka unay idi, kas iti bituen iti agsapa a makitkita ti amin a tattao, dindaelmo dagiti adu a nasion ngem ita ket nadadaelkan.
\v 13 Sitatangsit a kinunam iti bagim, ‘Umuliakto idiay langit, iti tronok nga adda iti ngatoen dagiti bituen ti Dios. Agturayak iti bantay a paguumongan dagiti didiosen, agingga iti amianan.
\v 14 Umuliak iti ngatoen dagiti ulep ket agbalinak a kas iti Dios a mismo!'

\s5
\v 15 Ngem saanmo a naaramid dayta; ngem ketdi, naipanka iti tanemmo, ken napanka iti ayan dagiti natayen a tattao.
\v 16 Mingmingmingandaka dagiti dadduma a natayen a tattao nga adda sadiay; masmasdaawda no ania ti napasamak kenka. Kunada, ‘Daytoy kadi daydiay tao a nangpakintayeg iti daga ken nangpatigerger kadagiti tattao iti adu a pagarian?
\v 17 Daytoy kadi ti tao a namagbalin a langalang ti lubong, ti nangsakup kadagiti siudad iti lubong ken saan a nangipalubos nga agsubli kadagiti pagtaenganda dagiti tattao a tiniliwna?'

\s5
\v 18 Napadayawan iti kasta unay dagiti amin a natay nga ari iti daga idi naitabonda,
\v 19 ngem saanto a maitabon ti bangkaymo; maibellengto daytoy a kas iti awan serserbina a sanga ti kayo. Ti bangkaymonto ket magaburanto kadagiti dadduma a bangkay dagiti soldado a napapatay babaen kadagiti kampilan dagiti kabusorda, ken saan a naitabon dagiti bangkayda; maikaduakanto kadagidiay a napapatay babaen kadagiti kampilan dagiti kabusorda, kadagidiay naipuroak iti kabatbatoan a paset ti lubong dagiti natay.
\v 20 Saanto a maitabon ti bangkaymo gapu ta dinadaelmo ti nasionmo ken sika ti nakaigapuan ti ipapatay dagiti tattaom. Saanto a mapadayawan manen dagiti kaputotan ti nadadangkes a tattao a kas kenka."

\s5
\v 21 Kunaento dagiti tattao, "Papatayenyo dagiti annak daytoy a tao gapu kadagiti basbasol nga inaramid dagiti kapuonanda! Saanyo nga ipalubos nga agbalinda a turay, ken saanyo nga ipalubos a sakupenda ti amin a nasion iti lubong, ken saanyo nga itulok a punnoenda ti lubong kadagiti siudad nga iturayanda!"
\v 22 Kastoy ti kuna ni Yahweh a Mannakabalin-amin: "Siakto a mismo ti mangpaparmek iti Babilonia. Dadaelekto ti Babilonia ken dagiti tattaona ken dagiti kaputotanda.
\v 23 Pagbalinekto a lugar a pagbalayan dagiti kullaaw ti Babilonia, pagbalinekto a kalubnakan; dadaelekto daytoy iti kasta unay, a kasla walwalisek daytoy. Kasta ti kunak, siak a ni Yahweh a Mannakabalin amin."

\s5
\v 24 Ni Yahweh, a Mannakabalin-amin, ket nangsapata pay iti kastoy: "Sigurado a mapasamakto dagiti banbanag a pinanggepko.
\v 25 Inton addan ti armada ti Asiria iti dagak nga Israel, irigisrigiskonto ida. Kaslanto a pinayatpayatak ida idiay tapaw ti bantayko. Dagiti tattaok ket saanton a tagabu dagiti tattao ti Asiria. Kaslanto nga inikkatko dagiti dadagsen a naipabaklay kadakuada.

\s5
\v 26 Adda plano para iti tunggal maysa nga adda iti rabaw ti daga, maysa a plano a mangipakita iti pannakabalin ni Yahweh a mangdusa kadagiti amin a nasion.
\v 27 Ni Yahweh, a Mannakabalin-amin, ket nagsao ken awan ti siasinoman a mangbaliw iti panunotna. No ilayat ni Yahweh ti gemgemna tapno dusaenna ti Asiria, awanto ti makalapped kenkuana."

\s5
\v 28 Naawatko daytoy a mensahe manipud kenni Yahweh idi tawen a natay ni Ahaz:
\v 29 Dakayo a Filisteo, saankayo nga agragsak a ti armada ti kabusor a nangraut kadakayo ket naabaken ken natayen ti arida. Napeggad isuna a kas iti maysa nga uleg, ngem addanto maysa nga ari, a napegpeggad ngem iti karasaen; maiyarigto isuna iti maysa a nagita a karasaen a napartak nga aggunay.
\v 30 Aywananto dagiti tattaok a nakurapay dagiti arban ti karneroda, ken natalgedto nga agidda dagiti agkasapulan a tattao, ngem patayekto gapu iti bisin dagiti Filisteo a sibibiag pay.

\s5
\v 31 Isu a, dakayo a Filisteo, agdung-awkayo kadagiti ruangan dagiti siudadyo! Rumbeng nga agbutengkayo iti kasta unay, gapu ta addanto nabileg nga armada nga umay mangraut kadakayo; kiburento dagiti karwaheda ti tapok a kas iti umal-alipugpog nga asuk. Tunggal maysa kadagiti soldadoda ket nakasagana a makiranget.
\v 32 No adda umay kadatayo nga Israelita, a mensahero ti Filistia, daytoy ti rumbeng nga ibagatayo kadakuada: "Pinarsua ni Yahweh ti Jerusalem, saan a ti Filistia, ket dagiti tattaona a naparparigat ket natalgedto iti uneg dagiti pader ti Jerusalem."

\s5
\c 15
\p
\v 1 Naawat ni Isaias daytoy a mensahe manipud kenni Yahweh maipanggep kadagiti Moabita: Iti maysa a rabii, madadaelto ti dua a kangrunaan a siudad iti Moab, ti Ar ken Kir.
\v 2 Dagiti tattao ti Dibon a kabisera ti siudad, ket mapanto agdung-aw kadagiti temploda; mapandanto agsangit kadagiti disso a pagdaydayawanda kadagiti tapaw ti turod. Agdung-awdanto gapu iti napasamak iti Nebo ken Medeba iti abagatan; kalboendanto amin dagiti uloda, ken ahitento dagiti lallaki dagiti barbasda tapno ipakitada nga agladladingitda.

\s5
\v 3 Kadagiti kalsada, agkawesto iti nakersang a lupot dagiti tattao, kadagiti atep dagiti babbalayda ken iti plasa ti siudad, agdung-awto dagiti amin a tattao ket agarubosto dagiti luluada.
\v 4 Agsangitto dagiti tattao iti siudad ti Hesbon ken dagiti ili ti Eleale iti laud ti Moab; mangngegto dagiti tattao agingga iti abagatan ti ili ti Jaaz nga agdungdung-awda. Ngarud, agpigerger ken agsangitto dagiti soldado ti Moab ket agbutengdanto iti kasta unay.

\s5
\v 5 Maasian unay ni Yahweh kadagiti tattao ti Moab; agkamangdanto kadagiti ili ti Zoar ken Eglat Selisia nga adda iti abagatan. Agsangitdanto bayat ti isasang-atda iti ili ti Luhit. Iti dalan nga agturong iti ili ti Horanaim, agladingitto dagiti tattao gapu ta nadadaelen ti pagilianda.
\v 6 Mamagaanto ti danum iti Tanap ti Nimrim. Malaylayto dagiti ruruot sadiay; mapukawto dagiti amin a nalangto a mulmula ket awanto ti mabati a nalangto.
\v 7 Alaento dagiti tattao dagiti sanikuada ket awitenda dagitoy nga iballasiw iti waig ti Karawawe.

\s5
\v 8 Iti entero a pagilian ti Moab, agsasangitto dagiti tattao; mangngegto dagiti tattao agingga iti Eglaim iti abagatan ken Beerelim iti laud nga agdungdung-awda.
\v 9 Ti karayan iti asideg ti Dibon ket agbalinto a nalabbaga gapu iti dara dagiti tattao a napapatay, ngem ipalak-amkonto ti nakarkaro pay a riribuk kadagiti tattao ti Moab: darupento dagiti leon dagiti aggandat nga aglibas manipud iti Moab ken darupendanto met dagiti tattao nga agtalinaed iti dayta a pagillian.

\s5
\c 16
\p
\v 1 Kunaento dagiti mangiturturay ti Moab iti tunggal maysa, "Masapul a mangipatulodtayo kadagiti urbon a karnero manipud iti siudad ti Sela kas sagut iti mangiturturay ti Juda tapno maallukoytayo isuna a saannan a palubosan a rautendatayo dagiti armadana. Masapul nga ibaontayo ida iti disierto a mapan iti ari ti Jerusalem."
\v 2 Mabatinto nga is-isuda dagiti babbai iti Moab iti igid ti Karayan Arnon, kasladanto bilbillit a nabugaw manipud kadagiti umokda.

\s5
\v 3 Umawagdanto a kunada, "Tulungandakami! Ibagayo ti rumbeng nga aramidenmi! Salaknibandakami, dakami nga agliblibas manipud kadagiti kabusormi ken saandakami a liputan.
\v 4 Palubosanyo koma a makipagnaed kadakayo dagiti aglilibas a kakadduami a naggapu iti Moab; ilemmengdakami manipud kadagiti kabusormi a mangayat a mangdadael kadakami! Dumtengto ti aldaw nga awanen ti tao a mangidadanes kadakami ken isardengton dagiti kabusormi ti mangdaddadael iti dagami."

\s5
\v 5 Ket addanto dutokan ni Yahweh nga agbalin nga ari, a maysanto a kaputotan ni Ari David. Bayat ti panagturay daytoy a tao, agbalinto isuna a manangngaasi ken napudno. Aramidennanto a kanayon no ania ti patas ken dagusto nga aramidenna no ania ti nalinteg.

\s5
\v 6 Nangngegmi a tattao ti Juda ti maipanggep kadagiti tattao ti Moab. Nangngegmi a napalangguad ken natangsitda unay. Awan panagraemda, ngem saan a pudno ti ibagbagada maipanggep kadakuada.
\v 7 Dumtengto ti aldaw nga agsangit dagiti amin a tattao ti Moab. Agladingitdanto amin gapu ta awanton ti tinapay a naaramid iti pasas idiay siudad ti Kir Heres.

\s5
\v 8 Malaylayto dagiti mula kadagiti taltalon ti Hesbon ken malalayto met dagiti kaubasan ti Sibma. Dadaelento dagiti armada dagiti dadduma a nasion ti Moab, a kasla maysa a napintas a lanut ti ubas a dagiti sangana ket nagwaras a nagpaamianan iti Jazer ken nagpadaya iti disierto. Nagwaras dagiti sangana a nagpalaud agingga iti laud ti Natay a Baybay.

\s5
\v 9 Isu nga agladingitakto para iti Jazer ken para kadagiti lanut ti ubas ti Sibma. Sangitankayto amin. Agsangitakto gapu ta saanton nga agdir-i dagiti tattao, a kasla iti masansan nga ar-aramidenda no agpurosda iti bunga a maluom iti panawen ti kalgaw ken kadagiti dadduma a mulmula.
\v 10 Saanton a naragsak dagiti tattao iti tiempo ti panagaapit. Awanton ti agkankanta iti kaubasan; awanton ti tao nga agpukkaw a sirarag-o. Awanton ti agpespes iti ubas tapno alaenna ti tubbog daytoy a maaramid nga arak. Awanton ti mkagapu nga agragsak pay.

\s5
\v 11 Agsangitak para iti Moab; ti panagas-asugko ket kas iti naliday a kanta a matuktukar iti arpa. Nalidayak para iti Kir Heres.
\v 12 Mapan agkararag dagiti tattao ti Moab iti nasantoan a disso a pagdaydayawanda, ngem saan a makatulong dayta kadakuada. Umawagdanto kadagiti diosda nga adda kadagiti temploda ngem awanto ti makaispal kadakuada.

\s5
\v 13 Naisaon ni Yahweh dagidiay a banbanag maipapan iti Moab.
\v 14 Ngem ita, ibagbagana nga iti maikatlo a tawen manipud ita, dadaelennanto dagiti amin a banbanag a pagpanpannakel dagiti tattao ti Moab. Uray no adu ita ti tattao idiay Moab, manmanonto laeng a tao ti agtalinaed a sibibiag ken nakapuydanto.

\s5
\c 17
\p
\v 1 Naawat ni Isaias daytoy a mensahe manipud kenni Yahweh maipanggep iti Damasco, a kabisera ti Aram. "Dumngegkayo a naimbag! Saanton a maysa a siudad ti Damasco; agbalinto laengen a gabsuon dagiti nadadael!
\v 2 Mabaybay-anton dagiti il-ili nga asideg iti siudad ti Aroer. Manganto iti ruot dagiti arban ti karnero kadagiti kalsada sada agidda sadiay, ket awanto ti mangbugaw kadakuada.
\v 3 Awanton ti pader iti aglawlaw dagiti siudad ti Israel a mangsalaknib kadakuada. Agpatingganton ti bileg ti pagarian ti Damasco ken maibabainto dagiti manmano a tattao nga agtalinaedto idiay Aram a kas kadagiti Israelita a naibabain." Kasta ti kuna ni Yahweh a Mannakabalin-amin.

\s5
\v 4 Iti dayta a tiempo, agbalinton a nakapuy ti Israel. Agbalinto daytoy a kasla nalukmeg a tao a nagbalin a nakuttong.
\v 5 Ti entero a daga ket agbalinto a kasla taltalon a naggapasan dagiti tattao iti trigo; awanto ti mabati, kas kadagiti taltalon iti Tanap ti Refaim kalpasan a naani dagiti amin a naimula.

\s5
\v 6 Manmanonto laeng kadagiti Israelita ti mabati, a kas kadagiti manmano a nabati a bunga dagiti kayo nga olibo kalpasan a winagwag amin dagiti nagburas. Addanto laeng dua wenno tallo nga olibo iti akintuktok a sangsanga wenno uppat wenno lima kadagiti dadduma a sangsanga." Kasta ti kuna ni Yahweh a Mannakabalin-amin.
\v 7 Ket iti dayta a tiempo, dakayo a tattao ti Israel ket agtalekkayonto iti Dios, a Nasantoan a Dios ti Israel, a nangparsua kadakayo,

\s5
\v 8 Saankayonton nga agpatulong kadagiti didiosenyo wenno agdayaw kadagiti didiosen nga inaramidyo. Saankayonton a pulos nga agrukbab iti sangoanan ti imahen a pangdaydayawanyo kenni Asera a diosa. Saankayonton a pulos nga agdayaw iti disso nga inaramidyo a pagpupuoran iti insenso.
\v 9 Mabaybay-anto dagiti kadadakkelan a siudad ti Israel, a kas iti daga a nabaybay-an dagiti Heveo ken Amorreo idi rinaut ida dagiti Israelita iti nabayagen a tiempo. Awanto ti tattao nga agnaed sadiay.

\s5
\v 10 Mapasamakto dayta gapu ta insardengyo ti agdayaw iti Dios, a maiyarig a dakkel a bato a mabalinyo a pagkamangan. Nalipatanyo nga isuna ti makailemmeng kadakayo. Isu nga ita, agmulakayo iti nagpinpintas nga ubas ken uray pay dagiti tattao a naidumduma a naggapu kadagiti sabali a pagilian.
\v 11 Ngem uray no agrusingda iti aldaw nga inmulam dagitoy, ken uray pay no agsabongda iti dayta met laeng nga agsapa, iti tiempo ti panagapit, awanto ti maburasyo nga ubas. Ti maalayonto laeng ket kasta unay a saem ken panagsagaba.

\s5
\v 12 Dumngegkayo! Umarimbangaw dagiti armada dagiti adu a nasion a kas iti daranudor ti baybay. Kaslanto uni ti napigsa a dalluyon.
\v 13 Ngem uray pay no ti napigsa nga arimbangawda ket kasla uni ti napigsa a dalluyon, agtataraydanto inton tubngaren ida ni Yahweh. Agtataraydanto a kas iti maitayab a taep a naiwarawara kadagiti turod no agpul-oy ti angin, kas iti naiwara a ruot no agalipugpog.
\v 14 Ngem uray no mapabutngankayonto nga Israelita, awanton dagiti kabusoryo iti kabigatanna. Dayta ti mapasamak kadagiti mangsakup kadagiti dagatayo ken mangtakaw kadagiti sanikuatayo.

\s5
\c 18
\p
\v 1 Nakaam-amakto ti mapasamak kadakayo a tattao iti Etiopia! Iti dagayo, addanto adu a bangka iti akinsurong a paset ti Karayan Nilo.
\v 2 Mangibaonto kadakayo dagiti mangiturturay kadagiti mensahero a napardas nga aglaylayag iti karayan babaen iti bangka a naaramid iti karwawe. Dakayo a mensahero iti Etiopia, pardasanyo ti mapan! Agpasurongkayo a mapan kadagiti tattao a natatayag ken nakikinis ti kudilda. Pagbutbutngan dagiti tattao iti sadinoman dagidiay a tattao gapu ta agparmek ken agdadaelda kadagiti dadduma a nasion; isuda dagiti tattao nga agnanaed iti daga a nabingay kadagiti sangsanga ti dakkel a karayan.

\s5
\v 3 Dakayo a mensahero, masapul nga ibagayo kadagiti tattao iti lubong, kadagiti amin a tattao iti sadinoman, "Kitaenyo no maitag-ay ti bandera ti gubat iti tapaw ti bantay ken denggenyo no mapuyotan ti tangguyob a mangipakdaar a mangrugin ti gubat."

\s5
\v 4 Dumngegkayo gapu ta kastoy ti imbaga ni Yahweh kaniak: "Agbuyaakto a siuulimek manipud iti pagnanaedak. Agbuyaakto a kas kaulimek ti pudot a dumardarang iti agmatuon iti panawen ti kalgaw, kas kaulimek ti panagbukel ti linnaaw iti daga iti tiempo ti panagaapit."
\v 5 Ngem uray pay no saan pay a rumaut ti armada ti Etiopia, bayat a dagiti planoda ket in-inut a mabukbukel a kas iti ubas a maluluomen, papanawento ida a dagus ni Yahweh a kas iti maysa a mannalon a mangputed babaen ti kumpayna kadagiti katubtubona a saringit dagiti ubas, a mangikkat kadagiti sanga nga immatiddog.

\s5
\v 6 Mapapatayto dagiti amin a soldado ti Etiopia, ket maiwalangto dagiti bangkayda tapno kanen dagiti buwitre ti lasagda iti tiempo ti kalgaw. Ket ngatingatento dagiti atap nga ayup dagiti tulangda iti tiempo iti lam-ek.
\v 7 Iti dayta a tiempo, mangipanto dagiti tattao iti dayta a daga a nabingay babaen kadagiti sangasanga ti maysa a dakkel a karayan iti sagut kenni Yahweh idiay Jerusalem. Dagiti natatayag a tattao nga addaan kadagiti nalammuyot a kudil, a pagbutbutngan dagiti tattao iti sadinoman, gapu ta pinarmek ken dinadaelda ti adu a pagillian ket mangipanto kadagiti sagut idiay Jerusalem, ti siudad a pagnanaedan ni Yahweh a Mannakabalin-amin.

\s5
\c 19
\p
\v 1 Inawat ni Isaias daytoy a mensahe manipud kenni Yahweh maipanggep iti Egipto: Denggenyo daytoy! Siak a ni Yahweh, ket mapan idiay Egipto a nakasakay iti napartak nga ulep. Agtigergerto dagiti didiosen ti Egipto inton agparangak, ken agbutengto iti kasta unay dagiti tattao ti Egipto.
\v 2 Pagrarangetekto dagiti Egipcio: agaapanto dagiti agkakabsat, agaapanto dagiti agkakaarruba, agririnnangetto dagiti siudad, agririnnangetto dagiti probinsia.

\s5
\v 3 Maupayto iti kasta unay dagiti taga-Egipto, ket saankonto a pagballigien dagiti planoda. Agpakaasidanto kadagiti didiosen ken kadagiti managan-anito ken kadagiti makium-uman kadagiti espiritu dagiti natay a tattao tapno ibagada kadakuada ti rumbeng nga aramidenda.
\v 4 Ket ipaluboskonto ti maysa a tao a mangranggasto kadakuada nga agbalinto nga arida. Dayta ti kunak, Siak a ni Yahweh, a Mannakabalin-amin.

\s5
\v 5 Addanto aldaw nga agmaganto ti danum iti Karayan Nilo, ken agmaganto iti kasta unay ti pantarna.
\v 6 Agmaganto amin dagiti sang-sanga ti karayan. Bumangsitto dagiti pagayusan ti karayan gapu kadagiti aglaylaylay ken aglunglungtot a runruno ken tantanubong

\s5
\v 7 Dagiti amin a mulmula iti igid ti karayan ken dagiti amin a mulmula iti asideg ti karayan ket magangunto sada maitayab ken agpukaw.
\v 8 Iwayatto dagiti mangngalap dagiti banniit ken iketda ket agasug ken maupaydanto iti kasta unay; agladingitdanto gapu ta awanton ti lames iti karayan.

\s5
\v 9 Saanton nga ammo dagiti agab-abel iti lupot a lino ti ar-aramidenda gapu ta awanton ti sinulid nga abelenda.
\v 10 Lumdaangdanto amin ken maupaydanto iti kasta unay.

\s5
\v 11 Maag dagiti opisial iti siudad ti Zoan idiay amianan ti Egipto. Ti imbalakadda iti ari ket awan mamaayna. Apay nga itultuloyda nga ibagbaga iti ari a masisiribda, nga isuda dagiti kaputotan dagiti masirib nga ar-ari a nagbiag iti nabayagen a tiempo?
\v 12 Sadinon ngay ti ayan itan dagiti nasisirib a mammagbagam nga ari? No addaanka kadagiti nasisirib a mammagbaga, maibagada koma kenka ti plano ni Yahweh, a Mannakabalin-amin, nga aramidenna iti Egipto.

\s5
\v 13 Wen, nagbalin a maag dagiti opisial ti Zoan, ken dagiti panguloen iti siudad ti Memfis nga adda iti amianan ti Egipto ket inallilawda dagiti bagbagida. Insungsong dagiti amin a panguloen dagiti tattao, dagiti tattaoda nga agaramid kadagiti dakes a banbanag.
\v 14 Pinagbalin ni Yahweh ida a maag, a ti nagbanaganna ket iti amin nga aramidenda, kasla agdiwerdiwer dagiti tattao ti Egipto a kas iti nabartek a tao nga agdiwerdiwer ken maikagkaglis iti bukodna a sarwa.
\v 15 Awan ti tao iti Egipto, nabaknang man wenno nakurapay, natan-ok man wenno nanumo, ti makabaelto a tumulong kadakuada.

\s5
\v 16 Iti dayta a tiempo, awanto ti maaramidan dagiti tattao ti Egipto a kas kadagiti babbai. Agtigergerdanto, agbutbutengda gapu ta ammoda a dusaen ida ni Yahweh a kasla inlayat kadakuada ni Yahweh a Mannakabalin-amin ti gemgemna.
\v 17 Agbutengto dagiti tattao ti Egipto kadagiti tattao ti Juda ken ti siasinoman kadakuada a mangdakamat iti Juda ket pagtigergerennanto iti buteng, gapu ta daytanto ti mangipalagip kadakuada iti pangpanggepen ni Yahweh a Mannakabalin-amin nga aramiden kadakuada.

\s5
\v 18 Iti dayta a tiempo, sipapasnekto nga ipakaammo dagiti tattao iti lima a siudad ti Egipto nga agserbidanto kenni Yahweh. Sursuroendanto ti agsao iti pagsasao a Hebreo. Maysa kadagidiay a siudad ket maawaganto a, "Siudad ti Init."

\s5
\v 19 Iti dayta a tiempo, addanto maysa nga altar a maipaay a pangdaydayawan kenni Yahweh idiay tengnga ti daga ti Egipto. Addanto maysa nga adigi a mangpadayaw kenni Yahweh iti beddeng ti nagbaetan ti Egipto ken Israel.
\v 20 Agserbinto dayta a pagilasinan a mangipasimudaag a maidaydayaw ni Yahweh, a Mannakabalin-amin iti daga ti Egipto. Ket inton umawag dagiti tattao kenni Yahweh tapno agpatulongda, gapu ta idaddadanes ida dagiti dadduma, mangibaonto isuna iti maysa a mangikanawa ken mangispal kadakuada.

\s5
\v 21 Ipakaammonto ni Yahweh ti kinasiasinona kadagiti tattao ti Egipto. Iti dayta a tiempo, addanto ti nasinged a relasionda kenkuana ket agdaydayaw ken mangiyegdanto kenkuana kadagiti sagut a bukbukel ken dadduma a datdaton. Agkaridanto a sipapasnek nga aramidenda dagiti banbanag a para kenni Yahweh ket tungpalenda ti inkarida.
\v 22 Kalpasan ti panangdusa ni Yahweh iti Egipto pagpatinggaennanton dagiti panagsagabada. Agsublinto kenni Yahweh dagiti Egipcio ket ipangagnanto ida no agdawatda kenkuana iti tulong ken pagsardengennanton dagiti parikutda.

\s5
\v 23 Iti dayta a tiempo, addanto dakkel a kalsada iti nagbaetan ti Egipto ken Asiria. Gapu iti dayta, nalaklakanton a makapan dagiti Egipcio idiay Asiria ken dagiti tattao ti Asiria ket nalaklakanton a makapan idiay Egipto. Agmaymaysanto dagiti tattao kadagitoy a pagilian iti panagdaydayawda kenni Yahweh.

\s5
\v 24 Makikaduanto ti Israel kadakuada. Aggagayyemto dagiti tallo a nasion ket agbalinto a bendision dagiti tattao ti Israel kadagiti tattao iti entero a lubong.
\v 25 Bendisionanto ida ni Yahweh a Mannakabalin-amin; kunananto, "Dakayo a tattao ti Egipto ket tattaokon. Dakayo a tattao ti Asiria, impasdekko ti pagilianyo. Dakayo nga Israelita ket dakayo dagiti tattao a pinilik."

\s5
\c 20
\p
\v 1 Iti maysa a tawen, imbaon ni Ari Sargon ti Asiria ti panguloen nga opisial ti armadana nga idauloanna dagiti soldadona tapno sakupenda ti siudad ti Asdod idiay Filistia. Iti dayta a tiempo,
\v 2 imbaga ni Yahweh kenni Isaias, "Ussobem ti nakersang a lupot a nakakawes kenka ken ikkatem dagiti sandaliasmo." Inaramid ngarud ni Isaias dayta, ket nagna isuna a lamolamo ken sakasaka iti las-ud ti tallo a tawen.

\s5
\v 3 Ket imbaga ni Yahweh daytoy kadagiti tattao ti Juda: "Nagnagna a lamolamo ken sakasaka ti adipenko a ni Isaias iti napalabas a tallo a tawen. Dayta ti mangipakita ti nakabutbuteng a riribuk nga ipalak-amkonto kadagiti tattao ti Egipto ken Etiopia.
\v 4 Ti mapasamakto ket sakupen ti armada ti Ari ti Asiria dagidiay a pagilian ket tiliwenda ti adu kadagiti tattao ket italawda ida a kas baludda. Pilitendanto amin ida, agraman dagiti ubbing ken nataengan tapno magnada a lamolamo ken sakasaka. Pilitendanto pay ida a saandan nga agisuot kadagiti sapin, a pagbabainanto dagiti tattao ti Egipto.

\s5
\v 5 Ket dagiti tattao kadagiti dadduma a pagilian a nagtalek a matulongan ida dagiti armada ti Egipto ken Etiopia ket maupay ken agbutengto iti kasta unay.
\v 6 Kunaendanto, 'Ipagarupmi a tulongan ken salaknibandakami dagiti armada ti Egipto ken Etiopia, ngem nadadaeldan, isu nga awan ti pamuspusan a makalibaskami manipud iti pannakadadaelmi babaen iti armada ti Ari ti Asiria!'"

\s5
\c 21
\p
\v 1 Inted ni Yahweh daytoy a mensahe maipanggep iti daga nga iti mabiit ket agabalinto a disierto: Iti mabiit ket addanto umay nga armada manipud iti abagatan a let-ang ti Juda a mangsakup iti dayta a daga; dagitoy ket armada a mangbutbuteng kadagiti kabusorda. Maysa nga armada nga umayto a lumasat iti let-ang manipud iti nakabutbuteng a daga.
\v 2 Adda impakita kaniak ni Yahweh a nakabutbuteng a sirmata: Iti sirmata, nakitak ti maysa nga armada a mangliputto kadagiti tattao ken mangtakawto kadagiti sanikuada kalpasan a maparmekda ida. Kinuna ni Yahweh, "Dakayo nga armada a naggapu iti Elam ken Media, lakubenyo ti Babilonia, ket agsaganakayo a mangraut iti daytoy! Pasardengekto ti panagas-asug ken panagsagsagaba nga impaay ti Babilonia!"

\s5
\v 3 Gapu iti dayta, napnoan iti ut-ot ti bagik; ti ut-ot a marikriknak ket kasla iti ut-ot a laklak-amen dagiti babbai nga agpaspasikal. Naklaatak idi nangngegko ken nakitak ti pangpanggepen ti Dios nga aramiden.
\v 4 Saanak a makapagpanunot a naimbag, ken agtigtigergerak. Segseggaak ti idadateng ti rabii, ngem itan ta rabiin, mabutbutengak.

\s5
\v 5 Iti sirmata, nakitak nga agsagsagana dagiti pangulo ti Babilonia iti dakkel a padaya. Nangiyaplagda kadagiti alfombra a pagtugawan dagiti tattao; agpapangan ken aggiinumda. Ngem dakayo a prinsipe ti Babilonia, tumakderkayo ken isaganayo dagiti kalasagyo, gapu ta rautendakayon!

\s5
\v 6 Ket kinuna ni Yahweh kaniak, "Mangisaadkayo iti guardia iti pader ti Jerusalem ket ibagam kenkuana nga ipukkawna no ania ti makitana.
\v 7 Ibagam kenkuana a siputanna dagiti karwahe a guyguyoden ti sagdudua a kabalio ken dagiti lallaki a nakasakay kadagiti kamelio ken kadagiti asno nga aggappu iti Babilonia. Ibagam iti guardia nga agsiput ken dumngeg a naimbag!"

\s5
\v 8 Isu nga inaramidko dayta, ket iti maysa nga aldaw nagpukkaw ti guardia, “Inaldaw nga agtaktakderak iti daytoy a pagwanawanan ket nagsipsiputak iti aldaw ken iti rabii."
\v 9 Adda maysa a tao nga um-umay a nakasakay iti karwahe a guy-guyoden ti dua a kabalio. Pinukkawak isuna ket simmungbat, 'Nadadaelen ti Babilonia! Naburak iti daga dagiti amin a didiosen ti Babilonia!"'

\s5
\v 10 Dagiti tattaok iti Juda, pinagsagabanakayo iti kasta unay ti armada ti Babilonia a kaskayo la iti trigo a nairik ken nataepan. Ngem ita imbagakon kadakayo ti imbaga kaniak ni Yahweh a Mannakabalin-amin, a daydayawentayo nga Israelita maipanggep iti Babilonia.

\s5
\v 11 Inted ni Yahweh daytoy a mensahe maipanggep iti Edom: Adda maysa a tao a naggapu iti Edom nga umaw-awag kaniak a kunkunana, "Guardia, atiddog pay kadi ti rabii?"
\v 12 Insungbat ti guardia, "Dandanin a bumigat ngem kalpasan dayta, rumabiinto manen. No kayatmo ti agsaludsod manen maipanggep iti mapasamakto iti pagilianmi, agsublika ket agsaludsodka manen."

\s5
\v 13 Inted ni Yahweh daytoy a mensahe maipanggep iti Arabia: Itedmo daytoy a mensahe kadagiti tattao nga agdaldaliasat a nabunggo-bunggoy a naggapu iti ili ti Dedan idiay amianan a laud ti Arabia, dagiti agdaldaliasat a nagkampo iti kasamekan sadiay. Ibagam kadakuada a mangitugotda iti danum para kadagiti mawaw.
\v 14 Ken kadakayo a tattao nga agnanaed iti siudad ti Tema iti amianan a laud ti Arabia, ket masapul a mangitugotkayo iti taraon para kadagiti tattao nga itartarayanda dagiti kabusorda.
\v 15 Agtatarayda tapno saanda a mapapatay babaen kadagiti kampilan dagiti kabusorda ken tapno saanda a mapuntaan kadagiti pana iti gubat.

\s5
\v 16 Kinuna ni Yahweh kaniak, "Iti apag-isu a maysa a tawen manipud ita, agpatingganto ti amin a kinabileg ti rehion ti Kedar idiay Arabia.
\v 17 Manmanonto laeng kadagiti soldadoda a pumapana ti mabatinto a sibibiag. Awan dua-dua a mapasamakto dayta gapu ta Siak a ni Yahweh, ti nangibaga iti daytoy."

\s5
\c 22
\p
\v 1 Inted ni Yahweh daytoy a mensahe maipanggep iti Jerusalem, maipanggep iti tanap a nangipakitaan ni Yahweh kaniak iti daytoy a sirmata. Apay a kasla maag nga agtataray ti amin kadagiti tuktok dagiti balbalayda?
\v 2 Kasla agpukpukkaw ti tunggal maysa nga adda iti siudad. Nagadu ti bangkay iti siudad, ngem saanda a napapatay babaen kadagiti kampilan dagiti kabusorda. Saanda a natay iti gubat; ngem ketdi, natayda gapu kadagiti saksakit ken bisin.

\s5
\v 3 Nagtataray amin dagiti panguloen ti siudad. Ngem natiliwda met laeng gapu ta awananda kadagiti bai ken pana a pangsalaknibda kadagiti bagbagida. Pinadas dagiti soldadom ti tumaray kabayatan nga adayo pay laeng ti kabusor nga armada, ngem natiliwda met laeng.
\v 4 Isu a kinunak, "Bay-andak nga agsangit nga agmaymaysa; saandak a padasen a liwliwaen maipapan kadagiti tattaok a napapatay."

\s5
\v 5 Nangpili ni Yahweh a Mannakabalin-amin iti tiempo nga addanto iti kasta unay a pannakariribuk, agmarmartsa a soldado, ken tattao a mabutbuteng iti tanap a nakaawatak iti daytoy a sirmata. Daytoyto ti tiempo a marebba dagiti pader ti siudadtayo ken mangngeg kadagiti banbantay dagiti ikkis dagiti tattao nga agpatulong.
\v 6 Rumautto dagiti armada manipud iti Elam ken Kir ti Media, iturturongda dagiti karwahe ken nakakalasagda.
\v 7 Mapunnonto dagiti nagpipintas a tantanaptayo kadagiti karwahe dagiti kabusor, ket agtakderto iti ruar dagiti ruangan ti siudadtayo dagiti lallaki a kumakabalio.

\s5
\v 8 Rebbaento ti Dios dagiti pader a mangsarsarekedked kadagiti siudad ti Juda. Tumaraykayto dakayo a tattao ti Jerusalem a mangala kadagiti armas a naipenpen iti pasdek a maaw-awagan iti "ti Balay iti Kabakiran."
\v 9 Makitayonto nga adu ti birri kadagiti pader ti Jerusalem. Agurnongkayto iti danum iti akin-baba a pagurnongan iti danum iti siudad.

\s5
\v 10 Sukimatenyonto dagiti balbalay iti Jerusalem, ket rebbaenyonto dagiti sumagmamano kadagitoy tapno usarenyo dagiti batoda a pangtarimaan iti pader ti siudad.
\v 11 Mangipatakderkayonto iti pagurnongan iti danum iti nagbaetan ti dua a pader iti siudad tapno pangurnonganyo iti danum manipud iti daan a pagurnongan. Ngem saankayonto a pulos nga agkiddaw iti tulong iti nangaramid iti siudad; saankayo pulos a nagtalek kenni Yahweh, a nangplano iti daytoy a siudad iti nabayagen a panawen.

\s5
\v 12 Imbaga kadakayo ni Yahweh a Mannakabalin -amin nga agsangit ken agladingitkayo; imbagana kadakayo a kuskosanyo dagiti uloyo ken agkaweskayo iti nakersang a lupot tapno maipakita nga agbabbabawikayo kadagiti basbasol a naaramidyo.
\v 13 Ngem imbes a kasta ti aramidenyo, nagraragsak ken nagrarambakkayo; nagparpartikayo kadagiti baka ken karnero tapno lutoenyo dagiti karne dagitoy ken kanenyo ken uminomkayo iti arak. Kinunayo, "Kanen ken inumentayo dagiti amin a kayattayo, gapu ta mabalin a mataytayton inton bigat!"
\v 14 Isu nga impakaammo daytoy kaniak ni Yahweh a Mannakabalin-amin: "Saankonto pulos a mapakawan dagiti tattaok iti kastoy a panagbasolda!"

\s5
\v 15 Kinuna daytoy kaniak ni Yahweh a Mannakabalin-amin: "Mapanka kenni Sebna, nga opisial a mangimatmaton kadagiti trabahador iti palasio, ket ibagam kenkuana daytoy a mensahe:
\v 16 'Siasinoka iti ammom? Siasino ti nangted kenka iti turay a mangaramid iti napintas a tanem a pakaitabunamto, kitkitikitam ti nabato a rangkis iti ngatoen daytoy a tanap?"'

\s5
\v 17 Ipagarupmo a nabilegka a tao, ngem umadanin iti panangipurwak ni Yahweh kenka iti adayo. Kaslanakanto ginammatan,
\v 18 pinagbukelnaka a kasla bola ket impurruaknaka iti dakkel ken adayo a daga. Matay ken maitabonkanto sadiay, ket agtalinaedto sadiay dagiti napipintas a karwahem kadagiti ima dagiti kabusormo. Ket gapu iti mapasamak kenka, mababainto iti kasta unay ti apom nga ari.
\v 19 Kuna ni Yahweh, "Pilitenkanto a sumardeng nga agtrabaho iti palasio; mapilitankanto nga umikkat iti napateg a saadmo.

\s5
\v 20 Ket paayabakto ni Eliakim nga anak ni Hilkias, a nagserbi kaniak a nasayaat, a mangsukat kenka.
\v 21 Ipaisuotkonto kenkuana ti kagaymo ken ipaibarikeskonto kenkuana ti barikesmo, ket itedkonto kenkuana ti turay nga adda kenka. Agbalinto isuna a kasla ama kadagiti tattao ti Jerusalem ken kadagiti dadduma nga il-ili ti Juda.
\v 22 Itedkonto kenkuana ti turay a mangituray kadagiti aniaman a mapasamak iti palasio a nagnaedan ni Ari David; no mangngeddengto isuna iti maysa a banag, awanto ti siasinoman a makasalungasing iti daytoy; no agkedkedto isuna a mangaramid iti maysa a banag, awanto ti makapilit kenkuana a mangaramid iti daytoy.

\s5
\v 23 Pagbalinekto ti pamiliana a mararaem iti kasta unay, gapu ta ikabilkonto isuna a sititibker iti saadna a kas mangimatmaton kadagiti trabahador iti palasio, a kasla iti maysa a lansa a naipalok a sititibker iti diding.
\v 24 Ikkanto isuna dagiti dadduma a tattao iti adu a pagrebbengan, isu a dagiti amin a kamkameng iti pamiliana, uray pay dagiti saan unay a napateg, ket maraemto.

\s5
\v 25 Kuna pay ni Yahweh a Mannakabalin-amin, "Ni Sebna ket kasla maysa a pasok a sititibker a naipalok iti diding. Ngem addanto iti tiempo nga inton ikkatek isuna iti saadna; mapukawnanto ti bilegna, ket amin a banbanag nga inngatona ket matnagto." Awan duadua a mapasamakto dayta gapu ta imbaga ni Yahweh daytoy.

\s5
\c 23
\p
\v 1 Siak ni Isaias, naawatko daytoy a mensahe manipud kenni Yahweh maipapan iti siudad ti Tiro: Agsangitkayo, dakayo nga aglaylayag kadagiti barko manipud iti Tarsis, gapu ta nadadaelen ti pantalan ti Tiro ken dagiti amin a balbalay iti siudad. Pudno dagiti damag a nangngeganyo idiay isla ti Cyprus maipapan iti Tiro.
\v 2 Agladingitkayo a siuulimek dakayo a tattao nga agnanaed kadagiti igid ti baybay iti asideg ti Tiro, ken dakayo nga agtagtagilako iti siudad ti Sidon. Nagballasiw dagiti aglaylayagyo kadagiti taaw a nagturong kadagiti nadumaduma a lugar a kasla iti Tiro.
\v 3 Naglayagda kadagiti adalem a taaw a mapan gumatang kadagiti trigo idiay Egipto ken kadagiti dadduma nga apit a maimulmula kadagiti igid ti Karayan Nilo. Nagbalin ti Tiro a siudad a paggatangan ken paglakoan dagiti tattao manipud kadagiti amin a nasion kadagiti kasapulan.

\s5
\v 4 Ngem ita, rumbeng nga agbainkayo koma dakayo a tattao ti Sidon gapu ta nagtalekkayo iti Tiro, a nagbalin a natibker a sarikedked iti maysa nga isla iti taaw. Ti Tiro ket kasla iti maysa a babai a mangibagbaga, "Ita, kasla saanak a naganak, wenno nangpadakkel kadagiti annak a lallaki wenno annak a babbai."
\v 5 Inton mangngeg dagiti tattao idiay Egipto ti napasamak iti Tiro, agladingitdanto iti kasta unay.

\s5
\v 6 Aglayagkayo a mapan idiay Tarsis ket ibagayo kadakuada ti napasamak; agsangitkayo, dakayo a tattao nga agnanaed iti igid ti baybay.
\v 7 Nakaragragsak idi dagiti tattao idiay daan unay a siudad ti Tiro. Nangibangon dagiti agtagtagilako manipud iti Tiro kadagiti masaksakupanda kadagiti adu nga adayo a nasion.

\s5
\v 8 Nangdutok dagiti tattao manipud iti Tiro kadagiti ar-ari a mangituray kadagiti luglugar; nabaknang dagiti agtagtagilakoda; nabileg ken nabaknangda a kas kadagiti ar-ari. Siasino ti nangpapadas kadagiti tattao ti Tiro iti daytoy a didigra?
\v 9 Ni Yahweh a Mannakabalin-amin ti nangaramid iti daytoy; inaramidna daytoy tapno saankayon a natangsit dakayo a tattao ti Tiro, tapno pabainannakayo dakayo a tattao a mararaem iti entero a lubong.

\s5
\v 10 Dakayo a tattao ti Tarsis masapul nga agmulakayo kadagiti maapit iti dagayo, imbes nga agtagilakokayo; palawaenyo ti dagayo a kasla iti panagsaknap ti Karayan Nilo iti daga ti Egipto no aglayos, gapu ta awanen ti pantalan idiay Tiro para kadagiti barkoyo ita.
\v 11 Daytoy ket kasla inyunnat ni Yahweh ti imana iti taaw ken ginungonna dagiti pagarian iti daga. Imbilinna nga idiay Fenecia ket masapul a madadael amin dagiti sarikedkedna.
\v 12 Kinunana kadagiti tattao ti Sidon, "Saankayton a pulos nga agragsak manen, gapu ta maipayat-payatkayonto; uray no agtaraykayo iti isla ti Cyprus, saanyonton a mailibasan dagiti riribuk; awanto ti talnayo."

\s5
\v 13 Panunotenyo ti napasamak idiay Babilonia: nagpukaw dagiti tattao nga adda iti dayta a daga. Pinagbalin dagiti armada ti Asiria dayta a daga a lugar a pagyanan dagiti atap nga ayup manipud iti disierto. Nangbunto-buntonda kadagiti daga agingga kadagiti rabaw dagiti pader ti siudad ti Babilonia; kalpasanna, simrekda iti siudad ket rinebbada dagiti palasio ket inaramidda ti siudad a gabsuon ti ladrilio.
\v 14 Isu nga aganug-ogkayo, dakayo nga aglaylayag kadagiti barko iti Tarsis, gapu ta nadadael ti pantalan idiay Tiro a pagsarsardengan dagiti barkoyo!

\s5
\v 15 Iti pito pulo a tawen, a kas iti kaatiddog iti kadawyan a panagbiag dagiti ar-ari, malipatanto dagiti tattao ti maipapan iti Tiro. Ngem, maibangonto met laeng daytoy. Ti mapasamakto sadiay ket kasla iti napasamak iti maysa a balangkantis iti daytoy a kanta:
\v 16 Sika balangkantis, a nalipatanen dagiti tattao, tukarem a nasayaat ti arpam, ken agkantaka kadagiti adu a kankanta, tapno malagipdakanto manen dagiti tattao.

\s5
\v 17 Pudno a kalpasan iti pito pulo a tawen, bangonento manen ni Yahweh ti Tiro. Makateggedto manen dagiti agtagtagilakoda iti adu a kuarta babaen iti panaggatang ken panaglakoda kadagiti banbanag kadagiti nadumaduma a nasion.
\v 18 Ngem maited kenni Yahweh dagiti ganansiada. Saanto nga idulin dagiti agtagtagilako dagiti kuartada; ngem ketdi, iteddanto daytoy kadagiti tattao ni Yahweh, ta agnaeddanto iti presensiana, tapno makagatangda iti taraon ken napintas a kawes.

\s5
\c 24
\p
\v 1 Addanto aldaw a dadaelen ni Yahweh ti daga. Dadaelennanto daytoy ket pagbalinennanto a disierto, ken wara-waraennanto dagiti tattaona.
\v 2 Wara-waraennanto ti tunggal maysa: dagiti papadi ken dagiti kadawyan a tattao, dagiti adipen ken dagiti amongda, dagiti adipen a babbai ken dagiti amongda a babbai, dagiti gumatgatang ken dagiti aglaklako, dagiti agpapautang ken dagiti umut-utang, dagiti bumulbulod iti kuarta ken dagiti agpabpabulod iti kuarta.

\s5
\v 3 Awanto ti aniaman a napateg a mabati iti rabaw ti daga; amin a napateg ket madadaelto. Awan duadua a mapasamakto dayta gapu ta imbaga daytoy ni Yahweh.
\v 4 Mamagaan ken matayto amin nga adda iti rabaw ti daga; agkapsutto ken agbalinto nga awan kaes-eskanna dagiti napapateg a tattao ditoy daga.
\v 5 Ti daga ket nagbalin a saan a maikari kenni Yahweh gapu ta sinalungasing dagiti tattao nga agbibiag iti rabaw ti daga dagiti linteg ni Yahweh; linaksidda ti tulag a pinanggepna nga agtalinaed iti agnanayon.

\s5
\v 6 Ngarud, ilunodto ni Yahweh ti daga; rumbeng a madusa dagiti tattao nga agnanaed iti daytoy gapu kadagiti basol nga inaramidda. Madadaeldanto babaen iti apuy, ket manmanonto laeng a tattao ti mabati a sibibiag.
\v 7 Magangonto dagiti lanot ti ubas, ket awanton ti ubas a maaramid nga arak. Agasug ken agladingitto dagiti amin a tattao a naragsak idi.

\s5
\v 8 Saanton nga agtukar dagiti tattao kadagiti nararagsak a kankanta babaen iti panangusarda kadagiti pandereta, saanton nga agtukar a siraragsak dagiti tattao kadagiti arpada, ken saanton nga agariwawa dagiti tattao kabayatan kadagiti panagramrambakda.
\v 9 Saanton nga agkanta dagiti tattao kabayatan iti panagin-inumda iti arak, ket agbalinton a napait ti raman dagiti amin nga arak nga in-inumenda.

\s5
\v 10 Madadaelto dagiti ili-ili ken dagiti siudad; maikandadonto ti tunggal balay tapno malapdan dagiti agtatakaw a sumrek, ta awanto pulos ti agnaed kadagitoy.
\v 11 Aguummongto kadagiti kalsada dagiti naranggas a tattao, a mangayat iti arak; awanton ti siasinoman a naragsak iti rabaw ti daga.

\s5
\v 12 Madadaelto dagiti siudad, ket marebbanto dagiti amin a ruanganda.
\v 13 Kastanto ti pagbanagan ti entero a daga: manmanonto laeng dagiti tattao nga agtalinaed a sibibiag, a kasla iti mapaspasamak no gunggonen dagiti trabahador dagiti amin a kayo ti olibo ket adda laeng ti sumagmamano a mabati, wenno no apitenda dagiti ubas, ket adda laeng ti sumagmamano a mabati kadagiti sanga.

\s5
\v 14 Agkantanto nga addaan iti nalaus a ragsak dagidiay adda iti laud; iwaragawagdanto a naindaklan unay ni Yahweh.
\v 15 Dayawento met dagidiay adda iti daya ti Israel ni Yahweh; dayawento met dagidiay adda kadagiti igid ti baybay ni Yahweh, a Dios a daydayawen dagiti tattao ti Israel.

\s5
\v 16 Mangngegtayto dagiti tattao kadagiti kaadayoan a lugar iti rabaw ti daga nga agkankanta iti pagdaydayaw kenni Yahweh, a pudno a nalinteg. Ngem ita, malidayanak unay. Sangitandak, gapu ta kimmuttong ken kimmapsutakon. Nakabutbuteng a banbanag ti mapaspasamak! Lipliputan latta dagiti mangliliput dagiti dadduma a tattao iti sadinoman.

\s5
\v 17 Dakayo amin a tattao iti entero a daga, agbutengkayto, ket matnagkayto kadagiti nauuneg nga abut ken kadagiti palab-og.
\v 18 Matnagto kadagiti nauuneg nga abut dagiti mangpadas nga aglibas gapu ta mabutbutengda, ken matiliwto kadagiti palab-og dagiti umuli manipud kadagiti abut. Aglukatto ti tangatang ken agtinnagto ti bumayakabak a tudo; aggunggonto dagiti pundasion ti daga.

\s5
\v 19 Agguduanto ti daga ket mawarawaranto; aggunggonto daytoy iti kasta unay.
\v 20 Agdiwerdiwerto ti daga a kasla iti nabartek; agpallapallayogto daytoy a kasla indayon iti napigsa nga angin. Marbanto daytoy ket saanton a makatakder pay, gapu ta kasta unay ti kinadagsen ti basol dagiti tattao a nagrebelde kenni Yahweh.

\s5
\v 21 Iti dayta a tiempo, dusaento ni Yahweh dagiti nadangkes a mannakabalin a parsua kadagiti tangatang ken dagiti nadangkes nga ar-ari iti rabaw ti daga.
\v 22 Maurnongdanto amin ket maipuruakdanto iti nauneg nga abut a pagpupokan. Maserraandanto iti dayta a pagpupokan iti uneg ti daga, ket iti saan nga agbayag, madusadanto.
\v 23 Iti dayta a tiempo, kumudrepto ti lawag ti bulan ken ti init; kaslanto mababainda iti presensia ni Yahweh, gapu ta isuna ni Yahweh a Mannakabalin-amin, ket agturayto a sidadayag idiay Bantay Sion, iti presensia dagiti amin a mangidadaulo kadagiti tattaona.

\s5
\c 25
\p
\v 1 O Yahweh, sika ti Diosko; itan-ok ken idayawdaka. Agar-aramidka kadagiti nakaskasdaaw a banbanag; imbagam idi nabayagen a panawen nga aramidem dagidiay a banbanag, ket ita, inaramidmo dagitoy a kas iti kinunam nga aramidem.
\v 2 Adda dagiti gundaway a pinagbalinmo dagiti siudad a gabsuon ti ladrilio, dagiti siudad a napalikmutan kadagiti natibker a pader. Dinadaelmo dagiti palasio dagiti sabali a pagilian.; saanton a pulos a maibangon dagitoy.
\v 3 Ngarud, ipakaammonto dagiti tattao kadagiti nabibileg a nasion a naindaklanka unay, ken raemendakanto dagiti tattao kadagiti nasion a dagiti panguloda ket awan asina iti siasinoman.

\s5
\v 4 O Yahweh, kaslaka maysa a natibker a tore a mabalin a pagkamangan dagiti napanglaw, maysa a disso a mabalin a papanan dagiti marigrigat no agtutuokda. Kaslaka maysa a disso a mabalin a pagkamangan dagiti tattao no dumteng ti bagyo ken mabalinda a paglinongan manipud iti napudot a darang ti init. Idaddadanesdakami dagiti tattao ket saanda a maasi kadakami; kaslada bagyo a mangdungdungpar iti pader,
\v 5 ken kaslada iti kasta unay a pudot iti disierto. Ngem pinagsardengmo ti panagaariwawa dagiti tattao kadagiti dadduma a nasion. Kas iti panaglamiis ti angin no dumteng ti ulep iti ngatoen, pagsardengem nga agkanta dagiti tattao nga awan ti asina manipud iti panagkantada kadagiti kankanta maipapan iti kinabilegda.

\s5
\v 6 Ditoy Jerusalem, mangisagananto ni Yahweh a Mannakabalin-amin iti maysa a naisangsangayan a padaya para kadagiti amin a tattao ditoy lubong. Maysanto a padaya a pakaidasaran ti adu nga agkakaimas a karne ken agkakaimas a nabayagen a nailabben nga arak.
\v 7 Naliday dagiti tattao ditoy; nalidayda unay a kas iti nangisit nga ulep nga adda iti ngatoenda, a kasla iti mapadpadasanda no adda matay. Ngem pasardengento ni Yahweh ti panagladingitda.
\v 8 Pukawennanto ti patay iti agnanayon! Pagsardengento ni Yahweh a Diostayo ti panagladingit dagiti tattao no adda ti matay. Ken pagsardengennanto ti panangpabpabain ken panangkatkatawa dagiti tattao iti dagana ken kadatayo a tattaona. Awan duadua a mapasamakto dayta gapu ta imbaga daytoy ni Yahweh.

\s5
\v 9 Iti dayta a tiempo, ipakaammonto dagiti tattao, "Ni Yahweh ti Diosmi! Nagtalekkami kenkuana, ket inispalnakami! Ni Yahweh a nagtalkanmi, ti nangaramid iti daytoy; rumbeng nga agragsakkami gapu ta insalakannakami!"
\v 10 Salakniban ken bendisionan ni Yahweh ti Jerusalem. Ngem iridisnanto dagiti tattao iti daga ti Moab; kasladanto garami a naipayatpayat iti takki ket mabaybay-an a malungtot.

\s5
\v 11 Ipababanto ni Yahweh dagiti tattao ti Moab; kasladanto iti lumalangoy a mangigawid iti danum kadagiti imana; guyudendanto dagiti imada manipud iti takki ngem saandandanto a maikkat pay daytoy. Pagsardengennanto ti kinatangsitda, ken ipakitananto nga awan kaes-eskanna dagiti amin a banbanag nga inaramidda.
\v 12 Ipalubosnanto a rebbaen dagiti armada dagiti nangangato a pader iti aglawlaw dagiti siudad ti Moab; maburakburakto dagitoy ket matnag iti tapok.

\s5
\c 26
\p
\v 1 Addanto aldaw nga ikantanto dagiti tattao ti Juda daytoy a kanta: "Nabileg ti siudadtayo a Jerusalem! Salsalakniban ni Yahweh ti siudadtayo; maiyarig isuna iti pader a nakapalawlaw iti daytoy.
\v 2 Luktanyo dagiti ruangan ti siudad para kadagiti nalinteg a tattao; palubosanyo a sumrek iti siudad dagiti tattao a sipupudno nga agtungtungpal kenni Yahweh.

\s5
\v 3 O Yahweh dagiti agtaltalek kenka, ken dagiti nangikeddeng a saanto pulos nga agduadua kenka, pagbalinemto a naan-anay ti kinatalda iti kaungganda.
\v 4 Isu a kanayon nga agtalek kenni Yahweh, gapu ta maiyarig isuna iti dakkel a bato a natalgedtayto iti tapawna iti agnanayon.

\s5
\v 5 Ipababananto dagiti natangsit ken dadaelennanto dagiti siudad a napannakkel dagiti tattaona. Rebbaennanto dagidiay a siudad ket agbalindanto a tapuk.
\v 6 Inton mapasamak dayta, payatpayatanto dagiti napanglaw ken naidadanes dagiti dadael.

\s5
\v 7 Ngem kadagiti nalinteg a tattao, O Yahweh, ar-aramidem ti nalinteg; a kasla patpatadem dagiti dalan a pagnaanda.
\v 8 O Yahweh, babaen iti panagtultulnogmi kadagiti lintegmo, ipakpakitami nga agtaltalekkami kenka a tulongannakami; ket ti tartarigagayanmi iti kaungganmi ket mapadayawanka.
\v 9 Iti rinabii, tartarigagayak a maam-ammoka pay koma a naimbag, ken iti binigat, kayatko a kadkaduaka latta. Inton umayka a mangukom ken mangdusa kadagiti tattao nga agnanaed ditoy daga, masursurodanto ti agaramid iti naimbag.

\s5
\v 10 Uray no kakaasiam dagiti nadangkes a tattao ket saanda latta nga agaramid iti naimbag. Uray kadagiti lugar nga ayan dagiti tattao nga agar-aramid kadagiti naimbag, itultuloy latta dagiti dakes a tattao ti agar-aramid iti dakes, ket saanda a maamiris a sika, O Yahweh, ket naindaklan.

\s5
\v 11 O Yahweh, kasla nakalayat ti gemgemmo a nakasagana a mangkabil kadakuada, ngem saanda a maamiris dayta. Ipakitam kadakuada a kasta unay ti gagarmo a mangtulong kadagiti tattaom. No maamiris dagiti kabusormo dayta, agbaindanto; puoram ida iti apuymo gapu ta kabusormo ida.
\v 12 O Yahweh, tarigagayami nga ipalubosmo a nasayaat ti mapasamak kadakami; amin nga inaramidmi ket impalubosmo a mabalinanmi nga aramiden.

\s5
\v 13 O Yahweh a Diosmi, inturayannakami dagiti dadduma nga apo, ngem siksika laeng ti daydayawenmi.
\v 14 Awanen dagidiay a nangituray kadakami; nataydan; pinanawanen dagiti espirituda daytoy a daga ket saandanton a pulos nga agbiag pay. Dinusam dagidiay a turay ken pinukawmo ida, ket saanen a pulos a malagip ida dagiti tattao.

\s5
\v 15 O Yahweh, pinalawam ti nasionmi, immadokamin a tattao ita, ken addaankamin iti nalawlawa pay a daga, isu nga agyamankami kenka.

\s5
\v 16 O Yahweh, idi nagrigatkami, dinawatmi a tulongannakami; idi dinisiplinaannakami, pinadasmi pay ti nagusar kadagiti gayuma ken an-anib a maibusor iti didigra.
\v 17 Kas kadagiti masikog, agtiritir ken agriawda no aganakda, nagsagabakami met iti kasta unay.

\s5
\v 18 Nakariknakami iti kasta unay nga ut-ot, ngem awan ti naimbag a nagbanagan daytoy. Saankami a nangispal iti siasinoman kadagiti tattao manipud iti pannakaparmekda kadagiti kabusorda, ket saan a napasag iti gubatan dagiti kabusormi ditoy lubong.

\s5
\v 19 Ngem agbiagto manen dagiti natay a tattao ni Yahweh, agbiagto dagiti bangkayda! Dakayo a nakaidda kadagiti tanem, bumangonkayo ket agdir-ikayo! Ti silawna ket kasla linnaaw a matnag kadakayo, dakayo a natay a tattaona, dakayo nga adda ita iti lugar nga ayan dagiti tattao a natay, pagbiagennakayonto manen.

\s5
\v 20 Ngem ita, dakayo a padak nga Israelita, agawidkayo ket iserrayo dagiti ridawyo! Aglemmengkayo iti apagbiit, agingga a bumaaw ti pungtot ni Yahweh.
\v 21 Dumngegkayo iti daytoy: Umay ni Yahweh manipud sadi-langit a mangdusa kadagiti amin a tattao ditoy lubong gapu kadagiti basol nga inaramidda. Makitanto dagiti tattao dagiti dara dagidiay napapatay; iti kamaudiananna, maammoanto ti amin dagiti amin a krimen a panangpapatay a naaramid."

\s5
\c 27
\p
\v 1 Iti dayta a tiempo, dusaento ni Yahweh ti Leviatan, a napardas nga aggaraw a nakaam-amak nga ayup, nga agkunkunikon nga uleg nga agnanaed iti baybay. Papatayento daytoy ni Yahweh babaen iti natadem, dakkel ken nabileg a kampilanna.
\v 2 Iti dayta a tiempo, ibaganto ni Yahweh, "Rumbeng nga agkantakayo, dakayo nga Israelita a maiyarig iti nabunga a kaubasan!
\v 3 Salaknibankayo a kas iti mannalon a sibsibuganna a nasayaat dagiti mulana tapno dumakkel dagitoy a nasayaat. Bantayankayonto iti aldaw ken rabii tapno awan ti mangdangran kadakayo.

\s5
\v 4 Saanakon a makapungtot pay kadagiti tattaok; ket no siasinoman kadagiti kabusoryo ti mangpadas a mangdangran kadakayo a kas iti panangdangran dagiti sisiitan a ruot ken sisiit kadagiti tattao, gubatekto ida; mamimpinsan a pukawekto amin ida,
\v 5 malaksid no dawatenda kaniak a salaknibak ida; sipipingetak a mangawis kadakuada a makikapia kaniak!"

\s5
\v 6 Addanto tiempo a rumang-ay dagiti kaputotan ni Jacob a kas iti mula nga addaan iti nasayaat a ramut. Maiyarigandanto kadagiti kayo nga agrusing, agsabong ken agbunga iti adu; ti aramidenda ket pakabendisionannanto dagiti tattao iti lubong.

\s5
\v 7 Dinusanatayo kadi ni Yahweh, datayo nga Israelita, a kas iti panangdusana kadagiti kabusortayo? Nakarkaro kadi ti panangdusana kadatayo ngem iti panangdusana kadakuada?
\v 8 Saan, saanna nga inaramid dayta, ngem dinusanatayo nga Israelita ken pinapanawnatayo, napapanawtayo iti dagatayo a kasla inyanginnatayo ti bagyo a naggapu iti daya.

\s5
\v 9 Inaramid ni Yahweh dayta tapno dusaennatayo gapu kadagiti basbasoltayo ken punasenna ti basoltayo. Kas nagbanagan ti pannakapapanawtayo, marebbanto amin dagiti altar a maipaay kadagiti didiosen idiay Israel, ken mapakawantayonto kadagiti basbasol nga inaramidtayo. Awanton dagiti adigi a pagdaydayawan kenni Asera a diosa wenno dagiti altar a pangipupuoran iti insenso a maipaay kadagiti didiosen, marebba ken maburakburakto amin dagitoy.

\s5
\v 10 Awanton ti agnaed kadagiti siudad nga addaan iti natitibker a pader iti aglawlawna; kas iti disierto, awanton ti agnaed kadagitoy. Mabaybay-anto dagiti balbalay, ken agbalinto a karuotan dagiti kalsada. Manganto dagiti baka iti ruot sadiay ken aginanadanto sadiay; ngalngalendanto dagiti amin a bulbulong dagiti kayo.
\v 11 Dagiti Israelita ket maiyarig kadagiti nagango a sanga ti kayo; tukkolento dagitoy dagiti babbai ket usarendanto a pagsungrod. Saan a pulos a makarikna dagiti tattaotayo nga Israelita; isu a ni Yahweh a nangparsua kadakuada ket saanto a maasi wenno agbalin a nasayaat kadakuada.

\s5
\v 12 Nupay kasta, addanto tiempo nga ummongento manen ida ni Yahweh; ilasinnanto ida manipud kadagiti tattao a nangsakup kadakuada, kas iti panangilasin dagiti tattao iti trigo manipud iti taep. Saggaysaennanto ida nga isubli idiay Israel, manipud iti daga a nagbaetan iti Karayan Eufrates iti amianan a daya ken iti waig iti beddeng ti Egipto iti abagatan a laud.
\v 13 Iti dayta a tiempo, addanto trumpeta a mapuyotan iti nakapigpigsa. Ket dagidiay naipan a kas balud idiay Asiria ken Egipto a dandani a matay sadiay ket agsublinto idiay Jerusalem, tapno dayawenda ni Yahweh idiay Sion, a nasantoan a turodna.

\s5
\c 28
\p
\v 1 Nakabutbutengto ti mapasamak iti siudad ti Samaria, a kabisera ti Israel! Adda daytoy iti tapaw ti turod iti ngatoen ti nadam-eg a tanap; napalangguad unay dagiti tattao nga agnanaed sadiay, a mabartek gapu iti panaginumda iti adu unay nga arak; napintas ken natan-ok daytoy a siudad, ngem addanto aldaw a mapukaw dayta a kinapintas a kas iti sabong a malaylay ken magango.
\v 2 Dumngegkayo iti daytoy: Iparautto daytoy ni Yahweh iti maysa a dakkel nga armada. Maiyarigto dagiti soldadoda iti nagdadakkel nga uraro ken napigsa nga angin; addadanto iti sadinoman, kas iti danum ti dakkel a layus, ken rebbaendanto iti daga dagiti pasdek idiay Samaria.

\s5
\v 3 Napalangguad dagiti tattao ti Samaria, ngem amin a banag nga ibilbilang dagiti mammartek nga agnanaed sadiay a napintas ket ibaddebaddekto dagiti kabusorda.
\v 4 Wen, napintas ti Samaria, naisaad daytoy iti tapaw ti turod iti ngatoen ti nadam-eg a tanap, ngem dayta a kinapintas ket mapukawto a kas iti sabong a malaylay ken magango. Tunggal makakita ti siasinoman iti napintas a bunga ti igos iti rugi ti tiempo a panagluom dagiti bunga, purusenna a dagus ket kanenna; kasta met nga inton makita dagiti kabusor ti Israel dagiti amin a napipintas a banbanag idiay Samaria, sakupendanto a dagus ti siudad ket samsamenda dagidiay amin a banbanag.

\s5
\v 5 Iti dayta a tiempo, ni Yahweh a Mannakabalin-amin ket maiyarigto iti napintas a korona a sabsabong para kadatayo nga Israelita a sibibiagto paylaeng kalpasan iti pannakaitalawtayo a kas balud.
\v 6 Tignayento ni Yahweh dagiti ukomtayo nga awan ti idumdumada no kasta nga adda ikeddengda a kaso dagiti tattao. Ikkannanto dagiti soldado a nakatakder kadagiti ruangan ti siudad iti kabaelan a mangikaniwa a sititibker iti siudad no rauten daytoy dagiti kabusortayo.

\s5
\v 7 Ngem ita, agdiwerdiwer dagiti mangidadaulotayo gapu ta imminumda iti adu nga arak ken dadduma pay a makabartek a mainum. Ken agdiwerdiwer met dagiti profeta ken papadi gapu iti panaginumda iti adu nga arak ken dadduma pay a makabartek a mainum. Saanda a makapanunot iti nasayaat; makakitada kadagiti sirmata, ngem saanda a maawatan ti kayat a sawen dagitoy; saanda a makaikeddeng iti nalinteg.
\v 8 Naabbongan dagiti amin a lamisaanda iti saruada; agkaiwara ti rugit.

\s5
\v 9 Uy-uyawenda ni Yahweh a kunada, "Siasino ti ipagarupna nga isursuroanna? Apay a makitungtungtong isuna kadatayo iti kastoy? Ipagarupna kadi a kaslatayo babassit nga ubbing a kapuspusot?
\v 10 Kanayonna nga ibagbaga kadatayo, 'Aramidenyo daytoy, aramidenyo dayta;' umuna imbagana ti maysa a pagannurotan, kalpasanna, sabali manen a pagannurotan; saggasaggaysa laeng a linia ti ibagbagana kadatayo."

\s5
\v 11 Isu nga ita, kasapulan a piliten ida ni Yahweh a dumngeg kadagiti taga-Asiria a makisarsarita kadakuada iti pagsasao a saanda a maawatan.
\v 12 Imbaga ni Yahweh kadagiti tattaona idi un-unana a tiempo, "Daytoy ket lugar a mabalinyo a paginanaan; nabannogkayo kadagiti amin a panagdaliasatyo iti disierto, ngem makainanakayto iti daytoy a daga." Ngem saanda nga impangag ti imbagana.

\s5
\v 13 Isu nga itultuloy ni Yahweh nga ibagbaga kadagiti tattao ti Samaria, saggaysa a linia, "Aramidenyo daytoy, aramidenyo dayta," umuna imbagana ti maysa a pagannurotan kalpasanna sabali manen a pagannurotan. Ngem gapu ta saanda a pagan-ano ti ibagbaga ni Yahweh, maraut ken maparmekdanto; masugatan, mapalab-ogan ken matiliwdanto.

\s5
\v 14 Gapu iti mapasamakto iti Samaria, dakayo a mangiturturay iti Jerusalem a manguy-uyaw kaniak; dumngegkayo iti daytoy a mensahe manipud kenni Yahweh:
\v 15 Agpanpannakelkayo a kunayo, "Nakipagkaykaysa kami kadagiti mangidadaulo ti Egipto, isu a saankaminto a mapapatay kadagiti gubat; saankaminto a pulos a mapan iti lugar nga ayan dagiti natay a tattao. Inton rautendakami ti armada ti Asiria, saandakaminto a pulos a maparmek, gapu ta nakitulagkami iti Egipto a salaknibandakami! Ngem adu a kinaulbod ti linaon dayta a katulagan.

\s5
\v 16 Isu a kastoy ti kuna ni Yahweh nga Apotayo, "Dumngegkayo iti daytoy! Mangikabilak idiay Jerusalem iti maysa a tao a kasla bato a pundasion, maiyarigto isuna iti bato a napadasen tapno makita no saan daytoy a maburak. Maiyarigto isuna iti napateg a bato a natalged a pangipatakderan iti balay; ket saanto a maupay ti siasinoman nga agtalek kenkuana.

\s5
\v 17 Padasenkayonto a tattao ti Jerusalem tapno maammoan no agtignaykayonto a sipupudno ken sililinteg a kas iti maysa a tao nga agaramat iti tinnag tapno maammoanna no nalinteg ken patad ti pader. Ngem gapu ta iti tulaganyo iti Egipto a salaknibannakayo ket inaramid dagiti mangidadaulo nga agiinnulbod ken agiinnallilaw, parmeken ken italawnakayonto iti pagilianyo ti armada nga umayto a maibusor kadakayo a kas iti layus.

\s5
\v 18 Waswasekto ti pannakitulagyo iti lugar a papanan dagiti espiritu dagiti natay a tattao. Impagarupyo a gapu iti dayta a katulagan ket saankayto a mapapatay ken saankayto a mapan sadiay. Ngem inton rautennakayo ti dakkel nga armada ti Asiria a kasla layus a mangringbaw kadakayo, ibaddebaddekdakayonto iti daga.
\v 19 Umayto dagiti soldadoda iti bigat, iti tengnga ti aldaw ken iti rabii ket italawdakayonto amin." Ket inton maawatanyo daytoy a mensahe, agbutengkayonto iti kasta unay.

\s5
\v 20 Nangngegyo nga ibagbaga dagiti tattao, "Ababa unay ti pagiddaanyo; saankayonto a makaturog iti daytoy; ababa unay dagiti ulesyo ket saandakayto a maulesan!" Kayat a sawen daytoy a saannakayo a maisalakan ti pannakitulagyo iti Egipto.
\v 21 Umayto ni Yahweh ket ipalubosna a maparmekkayo; aramidennanto kadakayo ti kas iti inaramidna iti armada ti Filistia idiay Bantay Perizim, ken kas iti inaramidna kadagiti Amoreo idiay Tanap ti Gabaon. Ti aramidennanto ket nakaskasdaaw ken saan a gagangay.

\s5
\v 22 Imbaga kaniak ni Yahweh a Mannakabalin-amin a dadaelennanto ti entero a daga. Isu a saanyon a laisen pay ti ibagak, gapu ta no aramidenyo dayta, dusaennakayonto iti nakarkaro pay.

\s5
\v 23 Dumngegkayo iti ibagak, ipangagyo a nasayaat.
\v 24 No kasta nga aradoen ti mannalon ti daga, saan kadi a pulos nga agmula isuna kadagiti bukbukel? Kanayonna kadi lattan nga ar-aradoen daytoy ket saan a pulos nga agmula iti uray ania?

\s5
\v 25 Saan, patadenna a naimbag ti daga, ket mulaanna kadagiti bukbukel - neguillas, kumino, trigo ken sebada. Agmula iti tunggal kita iti bukel iti umno a wagas. Saan nga agimula isuna iti maysa a kita ti bukel iti wagas a saan nga umno iti daytoy.
\v 26 Inaramidna dayta gapu ta insuro ti Dios kenkuana ti nasayaat a wagas a panangaramid iti daytoy.

\s5
\v 27 Kasta met a saan nga iriken ti mannalon ti neguillas babaen iti nadagsen a pasagad; ngem ketdi bautbaotenda daytoy babaen laeng iti ruting. Saan nga iriken ti mannalon ti kumino babaen iti panangipadalan iti karison iti rabaw daytoy; ngem ketdi, bautbaotenda daytoy babaen laeng iti pang-or.
\v 28 Ket ti bukel nga ar-aramidenda a tinapay ket nalaka a mabayo, isu a saan a mabayag a baywen daytoy dagiti mannalon. No maminsan ar-aramatenda dagiti kabalioda a mangguyod iti karison tapno mairik daytoy, ngem ti panangaramid iti daytoy ket saan a marumek ti bukel.

\s5
\v 29 Ik-ikkannatayo ni Yahweh a Mannakabalin-amin iti nakaskasdaaw a balakad, no kasano nga aramiden dagiti banbanag; ik-ikkannatayo iti naisangsangayan a kinasirib. Isu a nainsiriban ti ar-aramiden dagiti mannalon, ngem kinamaag unay ti ar-aramiden dagiti mangidadauloyo.

\s5
\c 29
\p
\v 1 Daytoy ket mensahe a naggapu kenni Yahweh: Nakabutbuteng a banbanag ti mapasamakto iti Jerusalem, a siudad a nagnaedan ni Ari David. Dakayo a tattao, ituloyyo a rambakan dagiti fiestayo iti tinawen.
\v 2 Ngem ipaluboskonto a mapadasanyo ti nakaro a didigra, ket inton mapasamak dayta, agsangit ken agdung-awto iti kasta unay dagiti tattao. Agbalinto kaniak a kasla altar ti siudadyo a pakaipuoran dagiti tattao a kas daton.

\s5
\v 3 Paumayek ken pagkampoekto dagiti kabusoryo iti aglawlaw ti siudadyo; palikmutandanto daytoy babaen iti panangipatakderda kadagiti tore ken panangikabilda kadagiti dadduma a banbanag nga aramatenda a mangraut kadakayo iti umno a disso.
\v 4 Ket agsaokayonto a kasla naikalikayo iti daga; aguninto daytoy a kasla adda agar-arasaas manipud iti uneg ti daga, kas iti al-allia nga agsasao manipud iti tanem.

\s5
\v 5 Ngem dagus a maitayabto dagiti kabusoryo a kas iti tapok; agpukawto dagiti armadada a kas iti taep nga itayab ti angin. Mapasamakto daytoy iti apagdarikmat.
\v 6 Umayto ni Yahweh a Mannakabalin-amin tapno tulungannakayo babaen iti gurruod ken ginggined ken iti nakapigpigsa a daranudor, karaman ti napigsa nga angin ken dakkel a bagyo ken apuy a manguramto iti amin a banag.

\s5
\v 7 Ket dagiti armada ti amin a nasion a mangrautto iti Jerusalem ket dagusto nga agpukaw a kas iti tagtagainep iti rabii. Dagusto nga agpukaw dagiti mangrautto iti Jerusalem.
\v 8 Dagiti tattao a nakaturog ket agtagtagainep a mangmanganda, ngem no makariingda, mabisinda latta. Dagiti tattao a nakaturog ket agtagtagainep nga umin-inumda, ngem no makariingda, mawawda latta. Kastanto no umay dagiti kabusoryo a mangraut iti Bantay Sion; tagtagainipenda ti maipapan iti panangsakupda kadakayo, ngem no makariingda, maamirisda a saanda a nagballigi.

\s5
\v 9 Dakayo a tattao ti Jerusalem, masdaaw ken maklaatkayonto maipapan iti daytoy! Saanyo a patien ti imbagak! Ituloyyo ti panagimbubulsekyo maipapan iti ar-aramiden ni Yahweh. Maagkayo, ngem saan a gapu ta nabartekkayo iti adu nga arak. Agdiwerdiwerkayo, ngem saan a gapu iti panaginumyo kadagiti makabartek a mainum.
\v 10 Gapu ta linapdan ni Yahweh dagiti profeta manipud iti panangawat ken panangibagada kadakayo kadagiti mensahena, a kasla pinaturognakayo a dagus.

\s5
\v 11 Inikkannak ni Yahweh kadagiti sirmata; ngem para kadakayo, dagitoy ket sasao laeng iti maysa a nalukot a pagbasaan a naselioan. No itedmo daytoy kadagiti ammona ti agbasa ken dawatem a basaenda daytoy, ibagada, "Saanmi a mabasa daytoy ta naselioan ti nalukot a pagbasaan."
\v 12 No itedmo daytoy iti dadduma a saanna nga ammo ti agbasa, ibagada, "Saanmi a mabasa daytoy gapu ta saanmi nga ammo ti agbasa."

\s5
\v 13 Isu a kuna ti Apo, "Kuna dagitoy a tattao a kukuak ida. Daydayawendak babaen kadagiti ibagbagada, ngem saanda a mapanunot ti maipapan iti tarigagayko. No agdayawda kaniak, ti laeng ar-aramidenda ket isaoda dagiti inyuloda a pagannurotan nga inaramid dagiti tattao.
\v 14 Ngarud, agaramidak manen iti maysa a banag a mangpasiddaaw kadagitoy a tattao; agaramidak iti adu a milagro. Ket ipakitakto a dagiti tattao nga agibagbaga kadagiti dadduma a masiribda ket saan a pudno a masirib, ken ipakitakto a dagiti tattao nga agibagbaga kadagiti dadduma a nalaingda ket saan a pudno a nalaing.

\s5
\v 15 Nakabutbuteng a banag ti mapasamakto kadagiti mangpadas a mangilemmeng manipud kaniak, a ni Yahweh, kadagiti dakes a pangpanggependa nga aramiden; ar-aramidenda dagidiay a banbanag iti kasipngetan ken panunotenda, ‘Pudno a saannatayo a makitkita ni Yahweh; saanna a maammoan ti ar-aramidentayo!'

\s5
\v 16 Nakamamaagda! Agtigtignayda a kasla isuda ti agdamdamili ket siak ti pitak! Ti maysa a banag a naaramid ket saanna a mabalin nga ibaga iti nangaramid kenkuana a, 'Saannak nga inaramid!' Saan a mabalin nga ibaga ti maysa a burnay, 'Saan nga ammo ti agdamdamili a nangaramid kaniak ti ar-aramidenna!'"

\s5
\v 17 Iti kabiitan a panawen, agbalin a nadam-eg a taltalon dagiti kabakiran ti Libano, ket adu a mula ti agtubonto kadagidiay a taltalon, ket mapasamakto daytoy iti kabiitan a panawen.
\v 18 Iti dayta a tiempo, makangngegto dagiti tuleng; mangngegdanto no adda agbasbasa iti libro; ken makakitanto dagiti bulsek; makitadanto dagiti banbanag uray no nakuyem ken nasipnget.
\v 19 Pagragsakento manen ni Yahweh iti kasta unay dagiti napakumbaba a tattao. Agrag-onto dagiti nakurapay a tattao gapu iti inaramid ti Nasantoan ti Israel.

\s5
\v 20 Awanton ti tattao a manguy-uyaw kadagiti dadduma, ken awanton ti natangsit a tattao. Ket mapapatayto dagiti agpangpanggep iti dakes.
\v 21 Mapukawto dagiti agsaksi iti saan a pudno a mangallukoy kadagiti ukom tapno dusaenda dagiti awan basolna a tattao. Kastanto met ti mapasamak kadagiti agulbod iti pangukoman a mangallukoy kadagiti ukom tapno mangngeddengda iti saan a nainkalintegan.

\s5
\v 22 Isu a ni Yahweh, a nangispal kenni Abraham, kunana maipapan kadagiti Israelita, "Saanton a pulos a mabain dagiti tattaok, saandanton a pulos nga ipakita iti rupada a mabainda.
\v 23 No makitada a binendisionak ida babaen iti panangipaayko kadakuada iti adu nga annak, ken amin dagiti inaramidko para kadakuada, dayawendanto ti nasantoan a nagan ti Nasantoan ti Israel, ken raemendakto, a Dios a makinkukua kadagiti kaputotan ni Jacob.
\v 24 Inton mapasamak dayta, dagiti tattao a saan a makapagpanunot iti nasayaat ket makapagpanunotto iti nasayaat, ket awatento dagiti tattao nga agrirriri gapu iti ar-aramidek ti isursurok kadakuada."

\s5
\c 30
\p
\v 1 Kuna ni Yahweh, "Nakabutbuteng a banbanag ti mapasamakto kadakayo, dakayo a tattaok a bimmusor kaniak. Agpangpanggepkayo, ngem saanko a kayat ti pangpanggepenyo. Nakikaysakayo kadagiti mangiturturay iti Egipto, ngem saankayo a nakiuman iti Espirituk no dayta ti rumbeng nga aramidenyo. Babaen iti panangaramidyo iti dayta, pinaaduyo dagiti basbasolyo.
\v 2 Napankayo idiay Egipto tapno dumawatkayo iti tulong kadagiti mangiturturay sadiay, a saankayo a nakiuman kaniak. Nagtalekkayo iti armada ti ari ti Egipto a masalaknibandakayo; nagtalekkayo kadakuada kas kadagiti tattao a naglinong tapno masalaknibanda dagiti bagbagida manipud iti init.

\s5
\v 3 Ngem ti pagbanagan ti panagtalekyo iti ari ti Egipto ket maupay ken maibabainkayonto; gapu ta agtaltalekkayo kenkuana, mabainankayonto.
\v 4 Napan dagiti opisial ti Juda kadagiti siudad ti Zoan ken Hanes idiay Egipto tapno makitulagda,
\v 5 ngem dagiti amin nga agtaltalek iti ari ti Egipto ket mabainanto, gapu ta saannakayonto a matulongan dayta a nasion; awanto serserbi ti katulagan nga inaramidyo nga agkidkiddaw iti tulong kadakuada; ngem ketdi, ti pagbanaganna ket mabainan ken maibabainkayonto."

\s5
\v 6 Naawat ni Isaias manipud kenni Yahweh daytoy a mensahe maipapan kadagiti ayup iti akin-abagatan a paset ti Juda, ti disierto a paset: Dayta a disso ti pakapadpadasan dagiti tattao kadagiti adu a riribuk ken rigrigat, maysa a disso nga ayan dagiti lallaki ken babbai a leon ken naduma-duma a kita dagiti nagita nga uleg. Agdaliasat dagiti tattao iti dayta a lugar a tugot-tugotda dagiti napapateg a gamengda nga awit dagiti asno ken kamelioda. Ipanda dagitoy idiay Egipto gapu ta namnamaenda a masalakniban ida ti armada ti Egipto, ngem awanto serserbi daytoy.
\v 7 Awan serserbi dagiti inkari ti ari ti Egipto; isu a pinanaganak ti Egipto iti, 'Awan serserbina a Rahab', 'ti narungsot nga ayup iti baybay nga awan maar-aramidanna.'

\s5
\v 8 Imbaga kaniak ni Yahweh nga agisuratak iti mensahe iti nalukot a pagbasaan, tapno agbalin daytoy a pammaneknek para kadagiti tattao ti Juda a makaibtur iti agnanayon.
\v 9 Ipalagip daytoy kadakuada a manangallilawda ken kanayonda nga agsuksukir kenni Yahweh, ken nagkedkedda nga ipangag dagiti ibagbagana kadakuada.

\s5
\v 10 Ibagbagada kadagiti tattao a makakitkita iti sirmata manipud kenni Yahweh, "Isardengyo ti kumita kadagiti sirmata!" Ibagada kadagiti profeta, "Saanyo nga ipakaammo kadakami ti pudno! Ibagayo kadakami dagiti nasasayaat a banbanag; saanyo nga ibagbaga kadakami dagiti sirmata maipapan kadagiti banbanag a pudno!
\v 11 Isardengyo ti ar-aramidenyo; isardengyo nga ibagbaga kadakami ti ibagbaga ti Nasantoan ti Israel kadakami!"

\s5
\v 12 Ngarud, daytoy ti kuna ti Nasantoan ti Israel: "Linaksidyo ti mensahek, ken agtaltalekkayo kadagidiay mangparparigat ken mangal-allilaw kadagiti dadduma.
\v 13 Ngarud, ti pagbanagan ti basolyo a pananglaksid kaniak ket mapadasanyonto a dagus dagiti didigra; ti mapasamakto kadakayo ket kasla nagbirri a pader a dagus nga agtupak kadakayo.

\s5
\v 14 Maburakkayonto a kas iti pannakaburak ti banga a no matinnag ket mawarawara, a ti pagbanaganna ket awanto ti mabati a mabalin a pagadaw iti beggang iti dalikan wenno pagtako iti bassit a danum manipud iti bubon."

\s5
\v 15 Kinuna pay daytoy ni Yahweh a Diostayo, a Nasantoan ti Israel: "Ispalenkayonto kadagiti kabusoryo no la ketdi agbabawi ken agtalekkayo iti aramidekto para kadakayo; pumigsakayonto laeng no isardengyo ti panagdandanagyo ket agtalekkayo kaniak. Ngem saanyo a kayat nga aramiden dayta.
\v 16 Kinunayo, 'Saan, aglibaskami babaen kadagiti kabalio nga itedto kadakami ti armada ti Egipto! Isu a padasenyo ti aglibas. Kinunayo, 'Aglibas kami manipud iti armada ti Asiria babaen iti panagsakaymi kadagiti napapartak a kabalio!' Ngem dagiti mangkamat kadakayo ket napapartakto met laeng.

\s5
\v 17 Kas pagbanaganna, aglibasto ti sangaribo kadakayo no kamkamatennakayo ti maysa laeng kadakuada! No butbutngendakayo ti lima kadagiti soldadoda a patayendakayo, aglibaskayonto amin. Bassitto laeng ti mabati kadakayo, kas iti maymaysa a poste ti bandera iti tapaw ti bantay, wenno kas iti maymaysa a bandera a pagilasinan iti tapaw ti turod."

\s5
\v 18 Ngem kayat ni Yahweh ti agtignay a nasayaat kadakayo; naindaklan isuna gapu ta tartarigagayanna a kaassiannakayo. Saanyo a liplipatan a ni Yahweh ket Dios nga agtigtignay a sililinteg; maay-ayo isuna kadagiti siaanus nga agtalek kenkuana.
\v 19 Dakayo a tattao nga agnanaed idiay Jerusalem, addanto tiempo a saankayonton nga agsangit pay. Nasayaatto ni Yahweh kadakayo no umawagkayo kenkuana iti tulong. Sungbatannakayonto apaman a mangngegnakayo nga umawag.

\s5
\v 20 Uray pay impaay ita ni Yahweh kadakayo ti kinakurapay, isuna, a mannursuroyo, ket saannakayonto nga illemmengan. Isuronanto kadakayo a nalawag dagiti adu a banbanag.
\v 21 Ket mangngegyonto isuna nga agsao kadakayo tapno idalannakayo. Ibagananto iti likudanyo, "Daytoy ti dalan a rumbeng a pagnaanyo; magnakayo iti daytoy a dalan!"

\s5
\v 22 Inton mapasamak dayta, dadaelenyonto dagiti amin a didiosenyo a nakalupkopan iti pirak ken balitok. Ibellengyonto ida a kas iti narugit a nisnis, ket ibagayonto kadakuada, "Saandakayon a kasapulan pay!"

\s5
\v 23 No aramidenyo dayta, bendisionannakayonto ni Yahweh babaen iti panangipaayna kadakayo iti tudo iti tiempo nga agmulakayo. Maaddaankayonto iti nasayaat nga apit ken adu a nalawa a talon nga addaan iti ruot a pagarabanto dagiti bakayo.
\v 24 Kalpasan a maiyangin ti taep, manganto iti nasayaat a trigo dagiti baka ken asno a pagar-aradoyo iti daga.

\s5
\v 25 Iti dayta a tiempo, no mapapatayto dagiti kabusoryo ken marbanto dagiti toreda, agayusto dagiti karayan manipud kadagiti amin a turod ken bantay idiay Juda.
\v 26 Ti raniag ti bulan ket kaslanto iti raniag ti init, ken kaslanto mamimpito a daras ti kinaraniag ti init ngem iti sigud a raniagna. Kastanto ti kaiyariganna inton pasardengento ni Yahweh ti panagsagaba dagiti tattaona; a kaslanto bedbedbedanna dagiti sugatda ken ag-agasanna ida.

\s5
\v 27 Kaslanto makitkitatayo ni Yahweh nga um-umay manipud iti adayo; makapungpungtot unay isuna, ken adda napuskol nga ulep nga asuk iti aglawlawna. Babaen iti ibagbagana, ipakpakitana a makapungpungtot isuna; ti ibagbagana ket kas iti makapuor nga apuy.
\v 28 Ti angesna ket kas iti layus a manglipus kadagiti kabusorna agingga iti tengngedda. Isinananto dagiti nasion tapno dadaelenna ti dadduma kadagitoy; a kasla mangikabil isuna kadakuada kadagiti busal dagiti kabalio ket italawna ida a kas balud.

\s5
\v 29 Ngem agkantanto a siraragsak dagiti tattaona a kas iti panagkantada iti rabii no rambakanda ti nasantoan a fiesta. Naragsakdanto unay kas iti dakkel a bunggoy dagiti tattaona a naragsak no sumang-atda idiay Bantay Sion idiay Jerusalem, kaduada dagiti lallaki nga agtuktukar kadagiti plauta no mapmapanda amin sadiay tapno agdayaw kenni Yahweh. Maiyarig isuna iti dakkel a bato iti tapaw a no sadino ket natalgedkami nga Israelita.

\s5
\v 30 Ken ipalubosto ni Yahweh a mangngegtayo isuna nga agsasao a sibibileg. Ipakitana kadatayo a mannakabalin unay isuna. Makitatayonto isuna a parmekenna dagiti kabusorna. Babaen iti kasta unay a pungtotna, bumabanto isuna nga addaan iti bagyo a kakuyog ti napigsa a tudo, gurruod ken uraro tapno dusaenna ida.

\s5
\v 31 Agbutengto dagiti soldado ti Asiria no mangngegda ti timek ni Yahweh ken no dusaenna ida babaen iti sarukodna.
\v 32 Ket kabayatan a dusdusaen ida ni Yahweh babaen iti sarukodna, agrambakto dagiti tattaona babaen iti panagtukarda kadagiti tamborin ken arpa. Kaslanto ingato ni Yahweh ti mannakabalin nga imana ket maparmek iti gubat ti armada dagiti taga-Asiria.

\s5
\v 33 Naisaganan idi pay laeng ti Tanap ti Tofet iti ruar ti Jerusalem; naisagana daytoy para iti ari ti Asiria; ti gabsuon ti kayo a pangipuoran iti bangkayna ket nalawa ken nangato, ket kaslanto sindian ni Yahweh daytoy babaen iti angesna, a rumuarto a kas iti waig ti umap-apuy nga asufre.

\s5
\c 31
\p
\v 1 Nakabutbuteng a banbanag ti mapasamakto kadagiti agtalek iti Egipto a mangtulong kadakuada, agtaltalekda kadagiti kabalio dagiti soldadoda, kadagiti karwaheda ken kadagiti adu a mangiturturong iti karwaheda, imbes koma a ni Yahweh ti pagtalkanda, ti Nasantoan ti Israel, a tulonganna ida.
\v 2 Nasirib unay ni Yahweh, ngem ipalubosna met a mapadasan dagiti tattao ti didigra! Ket no ikeddengna nga aramiden dayta, saanen nga agbaliw ti panunotna! Dusaenna dagiti nadangkes a tattao ken dagiti mangtultulong kadakuada.

\s5
\v 3 Dagiti soldado a pagtaltalkanyo dakayo a tattao ti Juda ket tattao laeng, saan a Dios! Ket dagiti kabalioda ket kabalio laeng; saan dagitoy nga espiritu a mannakabalin! Isu a no ilayat ni Yahweh ti gemgemna tapno dusaenna dagiti soldado ti Egipto a pagarupenyo a makatulong kadakayo, dusaennakayo met a nangipagarup a matulongankayo, agpapadakayonto a maitublak ken mapasag; mataykayonto amin.

\s5
\v 4 Ngem kastoy ti kinuna ni Yahweh kaniak: "No agtaktakder ken ngerngerngeran ti leon ti pinatayna a karnero, uray no mapan ti dakkel a bunggoy dagiti agpaspastor tapno bugawenda ti leon, uray no agpukkawda iti nakapigpigsa, saanto nga agbuteng wenno pumanaw ti leon. Kastanto met a siak, a ni Yahweh, a Mannakabali-amin ket bumabaakto a mangranget kadagiti kabusorko idiay Bantay Sion, ket awanto ti makalapped kaniak.

\s5
\v 5 Salaknibanto ni Yahweh a Mannakabalin-amin ti Jerusalem, kas iti billit a mangsalsalaknib kadagiti sibong iti umokna. Salakniban ken ispalento ni Yahweh ti siudad manipud kadagiti kabusor daytoy."
\v 6 Dakayo a tattaok, uray no nagsukirkayo iti kasta unay kenni Yahweh, agsublikayo kenkuana.
\v 7 No aramidenyo dayta, ibellengto ti tunggal maysa kadakayo dagiti didiosen nga inaramidyo iti basol, dagiti didiosen a nakalupkopan iti pirak ken balitok.
\v 8 Mapapatayto dagiti soldado dagiti taga-Asiria, ngem saan a babaen kadagiti kampilan nga ar-aramaten dagiti tattao. Madadaeldanto babaen iti kampilan ti Dios; agbuteng ken aglibasto dagiti saan a mapapatay. Matiliw ken mapilitto nga agbalin a tagabu dagiti sumagmamano kadakuada.
\v 9 Uray pay dagiti napipigsa unay a soldadoda ket agbutengto; pukawento dagiti panguloda ti amin a namnamada ket itarayanda ti pannakabalin ni Yahweh! Maiyarig iti apuy ti presensia ni Yahweh idiay Bantay Sion, kas iti urno a gumilgil-ayab idiay Jerusalem. Daytoy ti kinuna ni Yahweh maipapan iti armada dagiti taga-Asiria!

\s5
\c 32
\p
\v 1 Denggenyo daytoy! Dumtengto ti aldaw nga addanto ti nalinteg nga ari, ken tulonganto isuna dagiti opisialna nga agturay a sililinteg.
\v 2 Maiyarigto ti tunggal maysa kadakuada iti salaknib no agangin ken pagkamangan no agbagyo. Maiyarigdanto iti waig iti disierto, kas iti linong ti maysa a dakkel a bato iti nakapudpudot ken natikag a daga.
\v 3 Inton mapasamak dayta, dagidiay a papangulo ket ipakaawatdanto ti kinapudno maipapan iti Dios kadagiti tattao a saan a nakaawat iti daytoy, ken ikkandanto iti kabaelan a dumngeg dagiti saan a nagdenggeg iti kinapudno maipapan iti Dios.

\s5
\v 4 Uray dagiti darasudos ket maaddaandanto iti nasayaat a pannakaawat, ken dagiti saan a makasao a nasayaat ket nalawagto ti panagsaritada.
\v 5 Iti dayta a tiempo, saanen a mapadayawan dagiti tattao a maag, ken saanen a maraem dagiti nasabrak a tattao.
\v 6 Minamaag a banbanag ti ibagbaga dagiti tattao a kuneng, ken agpangpanggepda nga agaramid kadagiti dakes a banbanag. Nakababain dagiti aramidda, ken kinaulbod dagiti ibagbagada maipapan kenni Yahweh. Saanda nga ik-ikkan iti taraon dagiti mabisin, ken saanda nga ik-ikkan iti danum dagiti mawaw.

\s5
\v 7 Dakes a banbanag ti ar-aramiden dagiti dakes a tattao ket dayta ti mangal-allilaw kadagiti tattao; agpangpanggepda nga agaramid kadagiti dakes a banbanag; babaen iti panagulbodda iti pangukoman, riribukenda dagiti marigrigat a tattao, uray no nalinteg ti kidkiddawen dagiti marigrigat a tattao.
\v 8 Ngem dagiti mararaem a tattao ket agpangpanggepda nga agaramid kadagiti naimbag a banbanag, ket ar-aramidenda dagidiay a naimbag a banbanag isu nga agbalballigida.

\s5
\v 9 Dakayo a babbai iti Jerusalem a mangipagpagarup a natalgedkayo unay ken mangipagpagarup a nasayaat amin dagiti banbanag, denggenyo ti ibagak!
\v 10 Kalpasan iti maysa a tawen, agtigergerkayonto, dakayo nga awan ti pakadanaganna gapu ta awanto ti ubas nga apitenyo ken awanto ti dadduma a mula nga apitenyo.

\s5
\v 11 Isu nga agtigergerkayo ita, dakayo a babbai nga awan ti pakadanaganna! Ussubenyo dagiti napipintas a pagan-anayyo ket agbidangkayo iti nakersang a lupot.
\v 12 Agdung-awkayonto gapu ta agladingitkayo maipapan iti mapasamakto kadagiti nadam-eg a talonyo ken kadagiti nabunga nga ubasyo,
\v 13 gapu ta siit ken nasiit a mulmula laeng ti agtubonto iti dagayo. Dagiti balbalayyo a nagramrambakanyo ken ti siudadyo a nagragragsakanyo ket maawanto.

\s5
\v 14 Awanto ti nagian iti palasio ti ari; awanto ti tattao iti siudad nga ita ket naariwawa. Agpagnapagnanto dagiti atap nga asno ken manganto dagiti arban ti karnero kadagiti ruot kadagiti awan nagianna a sarikedked ken pagwanawanan.
\v 15 Kastanto ti mapasamak agingga nga ibukbok ti Dios ti Espirituna kadatayo manipud langit. Inton mapasamak dayta, agbalinto a nadam-eg a taltalon dagiti disierto ket adunto a mulmula ti agtubo kadagidiay a nadam-eg a taltalon.

\s5
\v 16 Agtignayto a sililinteg dagiti tattao kadagidiay a disierto ken kadagidiay a nadam-eg a taltalon.
\v 17 Ti pagbanagan ti nalinteg nga aramidda ket addanto ti talna, natalinaayto ti daga, ken natalgedto dagiti tattao iti agnanayon.
\v 18 Agnaedto dagiti tattao kadagiti balbalayda a sitatalna, sitatalged, ken siuulimek, kadagiti disso a paginanaan.

\s5
\v 19 Uray no tumbaento ti nakapipigsa a tudo ti yelo dagiti kayo iti kabakiran, ken uray no madadaelto dagiti amin a pasdek iti siudad,
\v 20 bendesionannakayonto ni Yahweh; agmulakayonto iti bukbukkel kadagiti talon nga adda iti igid dagiti karayan ken adunto dagiti mulmula. Nalakanto a makabirok dagiti asno ken bakayo iti ruot nga arabenda inton ibulosyo ida iti pagpaspasturan.

\s5
\c 33
\p
\v 1 Nakaam-amak a banbanag ti mapasamakto kadakayo a tattao ti Asiria! Dinadaelyo dagiti dadduma a tattao, ngem saankayo pay a nadadael. Liniputanyo dagiti dadduma a tattao ngem saankayo pay a liniputan. Inton agsardengkayo a mangdaddadael kadagiti dadduma a tattao, dadaelendakayonto dagiti dadduma. Inton agsardengkayo a manglipliput kadagiti dadduma a tattao, liputandakoyonto dagiti dadduma.

\s5
\v 2 O Yahweh, kaasiannakami, gapu ta siaanuskami a naguray a tulongannakami. Papigsaennakami iti inaldaw-aldaw, ken ispalennakami no adda pakarigatanmi.

\s5
\v 3 Agtataray dagiti kabusormi no mangegganda ti timekmo. Inton agtakderka ket ipakitam a sika ket mannakabalin, agtatalaw dagiti tattao kadagiti amin a nasion.
\v 4 Ket kalpasan a maparmek dagiti kabusormi, dakami a tattaom, alaenminto dagiti amin a sanikua dagiti kabusormi, kas iti panangibus dagiti iggis ken dudon iti amin a bulong dagiti mulmula.

\s5
\v 5 Ni Yahweh ti katatan-okan, ken agnanaed isuna sadi langit, ken agturayto isuna a sililinteg idiay Jerusalem.
\v 6 Inton mapasamak dayta, pagnaedennakayonto a sitatalged; salaknibannanto dagiti sanikuayo, ikkannakayonto iti kinasirib ken ipakaammonanto kadakayo dagiti amin a masapul a maammoanyo; ken ti panagraem kenni Yahweh ket kaslanto napateg a gameng kadakayo.

\s5
\v 7 Ngem ita, kitaenyo, agsasangit dagiti mensaherotayo kadagiti kalsada; napan dagiti mangibagbagi kadatayo kadagiti dadduma a pagilian tapno makitulag para iti kappia, ngem agsangitdanto iti nasaem gapu ta saandanto nga agballigi.
\v 8 Awan ti agdaldaliasat kadagiti kalsadatayo. Saan a tinungpal dagiti papangulo ti Asiria ti katulagan a pannakikappia kadatayo; um-umsienda dagiti tattao a nangaramid kadagidiay a katulagan, ken awan ti raraemenda.

\s5
\v 9 Natikag ken awan ti maap-apit iti daga ti Juda. Agganggango ken malunglungtot dagiti kaykayo iti Lebanon. Ti Tanap ti Saron nga adda iti igid ti baybay ket nagbalinen a disierto. Awanen a pulos ti bulong kadagiti kaykayo nga adda idiay Basan ken Carmel.

\s5
\v 10 Kuna ni Yahweh, "Ita, agtakderak ket ipakitak a rumbeng laeng nga idayawdak dagiti amin a tattao.
\v 11 Dakayo a tattao ti Asiria, mangar-aramidkayo kadagiti plano nga awan serserbina a kasla taep ken garami. Agbalinto nga apuy ti angesyo a manguram kadakayo.
\v 12 Mapuoranto dagiti amin a tattaoyo agingga a daponto laeng ti mabati, kas kadagiti nasiit a mula a mapukpukan ket maipupuor.

\s5
\v 13 Dakayo a tattao nga agnanaed iti adayo ken dakayo a tattao nga agnanaed iti asideg, denggenyo ti maipapan iti inaramidko ket amirisenyo a mannakabalinak unay."
\v 14 Agtigergerto dagiti managbasol iti Jerusalem gapu ta mabutengda iti kasta unay; agbutengto dagiti tattao nga awan diosna. Kunada, "Awan kadatayo ti mabati a sibibiag gapu ta pupuoran daytoy nga apuy ti amin a banag; maiyarig daytoy iti apuy iti altar ni Yahweh a gumil-ayabto iti agnanayon!”

\s5
\v 15 Dagiti agtigtignay a sipupudno ken mangibagbaga iti husto, dagiti saan a mangpadpadas nga agbalin a baknang babaen iti panagsamsam iti kuarta manipud kadagiti tattao, dagiti saan a mangpadpadas nga umawat iti pasuksok, dagiti saan a mangikaskaso kadagiti tattao nga agpangpanggep a pumatay iti maysa a tao, dagiti saan a kumuykuyog kadagiti tattao a mangsulsulisog kadakuada nga agaramid iti biddut,
\v 16 isuda dagiti tattao nga agnaedto a natalged; makabirukdanto kadagiti disso a pakatalgedanda kadagiti rukib kadagiti bantay. Maaddaandanto iti nawadwad a taraon ken danum.

\s5
\v 17 Dakayo a tattao ti Juda, makitayonto ti ari a nakakawes iti napintas a kagay, ken makitayonto nga iturturayanna ti maysa a nalawa a daga.
\v 18 Inton makitayo dayta, malagipyonto ti panagbutengyo iti napalabas, ket ibagayonto, "Nagpukaw dagiti opisial ti Asiria a nangbilang kadagiti buis a kapilitan a binayadantayo kadakuada! Awanen dagiti lallaki a nangbilang kadagiti torretayo!
\v 19 Awanen ditoy dagiti napalangguad a tattao nga agsasao iti sao a saantayo a maawatan!"

\s5
\v 20 Iti dayta a tiempo, makitayonto ti Bantay Sion, ti lugar a pagramrambakantayo kadagiti piestatayo; makitayonto a ti Jerusalem ket nagbalin a lugar a natalna ken natalged. Natalgedto daytoy kas iti tolda a saan a mabalin a maiyalis gapu ta nairut dagiti talina ken dagiti padulna ket naipasok a nalaing iti daga.
\v 21 Ni Yahweh ti agbalinto a mannakabalin a Diostayo; maiyarigto isuna iti naapres a karayan a mangsalaknib kadatayo gapu ta saanto a makaballasiw sadiay dagiti kabusortayo; awanto ti makabael nga aggaud sadiay ken awanto ti barko a pakigubat a makabael nga aglayag nga agballasiw sadiay.

\s5
\v 22 Ni Yahweh ti ukomtayo; isuna ti mangmangted kadatayo kadagiti linteg, ken isuna ti aritayo. Ispalennatayonto.

\s5
\v 23 Aglukayto dagiti tali kadagiti bangka dagiti kabusortayo, saanto a maigalut a nalaing dagiti kayo a mangtengtengel iti layag, ket saanto a maukrad dagiti layag dagitoy. Mabingayto kadatayo a tattao ti Dios dagiti gameng a nasamsamda, ken uray dagiti pilay nga adda kadatayo ket makaaladanto iti sumagmamano.
\v 24 Ken saanto nga ibaga dagiti tattao nga adda iti Jerusalem, "Agsaksakitkami," gapu ta pakawanento ni Yahweh dagiti basol nga inaramid dagiti tattao nga agnanaed sadiay.

\s5
\c 34
\p
\v 1 Dakayo a tattao kadagiti amin a nasion, umasidegkayo ket dumngegkayo; denggenyo a nalaing. Kayatko a denggen ti lubong ken amin a linaon daytoy ti ibagak.
\v 2 Makaunget ni Yahweh kadagiti tattao dagiti amin a nasion; makapungtot isuna kadagiti amin nga armadada. Inkeddengna a masapul a madadaelda, ket patayennanto ida.

\s5
\v 3 Saanto a maitabon dagiti bangkayda, ti pagbanaganna, mabuyokto dagiti bagida, ken margaayto dagiti bantay gapu iti darada.
\v 4 Agpukawto ti tangatang kas iti malukot a pagbasaan a nalukot ket naibelleng. Agtinnagto dagiti bituen manipud iti tangatang kas iti panagregreg dagiti nagango a bulong manipud iti ubas wenno kas iti panagregreg dagiti nalungtot nga igos manipud kadagiti kayo ti igos.

\s5
\v 5 Inton malpas a dadaelen ni Yahweh dagiti banbanag iti langit, dusaennanto dagiti tattao ti Edom, ti bunggoy dagiti tattao nga imbagana a masapul a madadael.
\v 6 Kasla addanto ti kampilan ni Yahweh a nakalupkopan iti dara ken taba— ti dara dagiti karnero, kalding ken ti taba ti bekkel dagiti kalakian a karnero a maidaton. Kasla mangidatagto iti daton ni Yahweh idiay Bosra ket patayennanto dagiti adu a tattao kadagiti dadduma a siudad idiay Edom.

\s5
\v 7 Mapapatayto uray dagiti atap a baka, agraman dagiti urbon a baka ken dagiti dadakkel a kalakian a baka. Mabasanto ti daga iti dara, ken malapunosto ti rugit iti taba dagidiay nga ayup.

\s5
\v 8 Daytanto ti tiempo a panangibales ni Yahweh gapu kadagiti inaramid dagidiay a tattao kadagiti tattao ti Juda.
\v 9 Mapunnonto iti sumsumged nga alkitran dagiti karayan ti Edom, malapunosto ti daga iti sumsumged nga asupre ken alkitran.
\v 10 Saanto pulos nga agpatingga ti panangdusa ni Yahweh iti Edom babaen iti apuy; agas-asukto nga agnanayon. Awanto a pulos ti agnaed iti dayta a daga, ken awanto a pulos ti agdaliasat iti daytoy.

\s5
\v 11 Agnaedto sadiay dagiti uwak ken dagiti nadumaduma a klase ti kullaaw ken dagiti babassit nga ayup. Rukodento a nasayaat ni Yahweh dayta a daga; rukedennanto daytoy tapno ikkeddengna no sadino ti pangipananna iti gulo ken pannakadadael.
\v 12 Awanto a pulos dagiti prinsipe; dagiti tattao nga addaan turay ket awanto ti pagarian nga iturayanda; mapukawto dagiti prinsipe.

\s5
\v 13 Mapunnonto kadagiti siit ken nasiit a mula dagiti nabaybay-an a palasio ken dagiti nasarikedkedan a pasdek. Agbalinto a pagnaedan dagiti atap nga aso ken dagiti abestrus dagiti nadadael a disso.
\v 14 Dagiti ayup nga agnanaed iti disierto ken dagiti lobo ket addadanto sadiay, ken aginnawagto dagiti atap a kalding. Addanto pay dagiti parsua nga agpagnapagna iti rabii ket aginananto dagitoy sadiay.
\v 15 Agumokto dagiti kullaaw sadiay ket agitlogdanto kadagiti umok; ket inton agpissa dagiti itlog, abbonganto dagiti ina dagitoy babaen kadagiti payakda. Addanto pay dagiti kali sadiay, tunggal maysa agraman ti asawa daytoy.

\s5
\v 16 No basaenyo ti nakasurat iti libro a nakailanadan dagiti mensahe a manipud kenni Yahweh, maammoanyo ti aramidennanto iti Edom. Addanto sadiay dagiti amin nga ayup ken tumatayab, ken tunggal maysa ket addanto ti kaduana, gapu ta dayta ti inkari ni Yahweh, ken paguummongento ida amin ti espirituna.
\v 17 Inkeddengna no sadino a paset iti daga ti Edom ti pagnaedan ti tunggal maysa, ket dagidiay dagiti disso a pagnaedan ti tunggal tumatayab ken ayup. Tagikuaento dagiti kaputotanda dagidiay a disso iti agnanayon, iti amin a henerasion.

\s5
\c 35
\p
\v 1 Dumtengto ti aldaw a kaslanto naragsak ti disierto ken dagiti dadduma pay a namaga a disso; agragsakto ti disierto ken agukradto dagiti sabsabong. Kas iti rosas,
\v 2 agtubonto iti disierto ti adu a sabsabong; amin a banbanag ket kasladanto agragragsak ken agkankanta! Pumintasto dagiti disierto kas kadagiti kaykayo iti Lebanon, kas kadam-eg dagiti patad ti Saron ken disso ti Carmel. Sadiay makitanto dagiti tattao ti dayag ni Yahweh; makitadanto nga isuna ket natan-ok.

\s5
\v 3 Papigsaenyo ngarud dagiti nabannog ken nakapuy.
\v 4 Ibagayo kadagiti mabutbuteng, "Bumilegkayo ken saankayo nga agbuteng, gapu ta umayto ni Yahweh nga agibales kadagiti kabusorna; balsennanto ida gapu kadagiti inaramidda, ket ispalennakayonto."

\s5
\v 5 Inton aramidenna dayta, ikkannanto ti kabaelan a makakita dagiti bulsek ken makangngeg dagiti tuleng.
\v 6 Aglagtonto dagiti pilay a kas iti ugsa, ken agkantanto a siraragsak dagiti umel. Agpussuakto ti danum manipud kadagiti ubbog iti disierto, ken agayusto dagiti karayan iti disierto.
\v 7 Agbalinto a dan-aw ti nakapudpudot ken namaga a daga, ken mangipaayto iti danum dagiti ubbog kadagiti namaga a daga. Agtubonto dagiti ruot, runo ken tanubong kadagiti disso a nagnaedan dagiti atap nga aso.

\s5
\v 8 Addanto kalsada iti dayta a daga; maawaganto daytoy iti 'Nasantoan a Kalsada." Saanto a magna iti dayta a kalsada dagiti tattao a saan a makaay-ayo iti Dios; daytoy ket para laeng kadagiti agbibiag segun iti pagayatan ti Dios, ken awanto dagiti nadangkes a maag a magna iti dayta a kalsada.
\v 9 Awanto ti uray maysa a leon idiay wenno dadduma pay a narungsot nga ay-ayup iti dayta a kalsada. Dagiti laeng winayawayaan ni Yahweh ti magnanto sadiay.

\s5
\v 10 Agsublinto iti Jerusalem dagiti winayawayaan ni Yahweh; agkantadanto bayat a sumsumrekda iti siudad, ken agrag-odanto iti kasta unay iti agnanayon. Saandanto nga agladingit wenno agdung-aw; agrag-o ken agragsakdanto iti kasta unay.

\s5
\c 36
\p
\v 1 Idi agarup sangapulo ket uppat a tawen nga iturturayan ni Ari Hezekias ti Juda, napan ni Ari Senakerib ti Asiria a kaduana ti armadana a mangraut kadagiti siudad ti Juda a napalawlawan kadagiti pader. Saanda a nasakup ti Jerusalem, ngem nasakupda dagiti amin a dadduma a siudad.
\v 2 Kalpasanna, nangibaon ti ari ti Asiria iti dakkel nga armada a kaduada dagiti sumagmamano nga opisialna manipud iti siudad ti Lakis tapno pasukoenda ni Ari Hezekias. Idi simmangpetda iti Jerusalem, nagtakderda iti igid ti pagay-ayusan ti danum a mapan iti akin-ngato a pagur-urnongan ti danum iti Jerusalem nga asideg iti dalan nga agturong iti tanap a paglablabaan dagiti babbai iti kawes.
\v 3 Dagiti opisial nga Israelita a rimmuar iti siudad tapno makisarita kadakuada ket da Eliakim a putot a lalaki ni Hilkias ken mangay-aywan iti palasio, ni Sebna a sekretario ti ari, ken ni Joas a putot a lalaki ni Asaf ken mangisursurat kadagiti pangngeddeng ti gobierno.

\s5
\v 4 Ket imbaga ti maysa kadagiti opisial ni Senakerib kadakuada nga ipakaammoda kenni Hezekias ti maysa a mensahe a naggapu iti ari ti Asiria, ti natan-ok nga ari. Iti mensahe, kinuna ti ari kadagiti tattao ti Jerusalem, "Ania ti pagtaltalkanyo a mangispal kadakayo?
\v 5 Ibagbagayo nga adaankayo kadagiti armas a manggubat kadakami ken inkari dagiti dadduma a nasion a tulongandakayo, ngem kunkunada laeng dayta. Siasino ti pagarupenyo a mangtulong kadakayo nga agrebelde kadagiti soldadok manipud iti Asiria?

\s5
\v 6 Denggendak! Agtaltalekayo iti armada ti Egipto. Ngem dayta ket maiyarig iti panangpadas ti maysa a tao a magna a nakasarukod iti maysa a naparpar a runo. Ngem lussoken daytoy ti ima ti siasinoman a mangusar iti daytoy! Dayta ti kaiyarigan ti ari ti Egipto iti siasinoman nga agtaltalek kenkuana para iti tulong.
\v 7 Ngem nalabit nga ibagayo kaniak nga agtaltalekkayo kenni Yahweh a Diosyo a tulongannakayo. No kasta ngarud, ibagak a ni Yahweh ti saan a rinaem ni Hezekias babaen iti panangrebbana kadagiti disso a pagdaydayawan ken kadagiti altar ni Yahweh ken babaen iti panangpilitna kadagiti amin nga adda iti Jerusalem ken iti dadduma pay a lugar iti Juda nga agdayaw laeng iti sangoanan ti altar nga adda iti Jerusalem."

\s5
\v 8 Intuloy ti opisial a taga-Asiria ti panagsaona iti sangoanan ti siudad: "Isu nga isingasingko a makitulagkayo iti apok, nga ari ti Asiria. Ikkankayo iti dua a ribu a kabalio, ngem panagkunak ket saankayo a makasarak iti dua a ribu a tattaoyo a makasakay kadagitoy!

\s5
\v 9 Namnamnamaenyo a mangibaon ti ari ti Egipto kadagiti karwahe ken kadagiti kumakabalio a mangtulong kadakayo. Ngem awan duadua a saanda a kabaelan a sarangten ti uray kababaan nga opisial ti armada ti Asiria!
\v 10 Maysa pay, saanyo a pagarupen nga immaykami ditoy a mangraut ken mangdadael iti daytoy a daga nga awan ti bilin ni Yahweh! Ni Yahweh a mismo ti nangibaga kadakami nga umay ditoy a mangraut iti daytoy a daga!"

\s5
\v 11 Kalpasanna, kinuna da Eliakim, Sebna ken Joas iti opisial ti Asiria, "Pangngaasim ta agsaoka kadakami iti sao ti Arameo gapu ta maawatanmi daytoy. Saanka nga agsao iti Hebreo, gapu ta maawatan daytoy dagiti tattao nga agtaktakder iti rabaw ti pader ket agbutengda."
\v 12 Ngem insungbat ti opisial, "Ipagarupyo kadi nga imbaonnak ti apok a mangibaga kadagitoy a banbanag kadakayo laeng, ket saan a kadagiti tattao nga agtaktakder iti rabaw ti pader? No saanyo nga ipangag daytoy a mensahe, iti mabiit, kanento dagiti tattao iti daytoy a siudad ti takkida ken inumenda ti isboda, kas iti aramidenyonto met, gapu ta awanto ti kanenyo."

\s5
\v 13 Kalpasanna, nagtakder ti opisial ket nagpukkaw iti pagsasao a Hebreo kadagiti tattao nga agtugtugaw iti rabaw ti pader. Kinunana, "Denggenyo daytoy a mensahe manipud iti natan-ok nga ari, ti ari ti Asiria!
\v 14 Kunana, 'Saanyo nga ipalubos nga allilawennakayo ni Hezekias! Saannakayonto a maispal!
\v 15 Saanyo nga ipalubos nga awisennakayo nga agtalek kenni Yahweh, ibagbagana nga ispalennakayonto ni Yahweh, ken saan a pulos a masakup ti armada ti ari ti Asiria daytoy a siudad!

\s5
\v 16 Saanyo a denggen ti ibagbaga ni Hezekias! Kastoy ti kuna ti ari ti Asiria: "Rummuarkayo manipud iti siudad ket sumukokayo kaniak. No aramidenyo dayta, ipaluboskonto nga inumen ti tunggal maysa kadakayo ti arak manipud iti bukodyo nga ubas ken mangan kadagiti igos manipud kadagiti bukodyo a kayo ti igos ken uminum manipud kadagiti bukodyo a bubon.
\v 17 Maaramidyonto dayta agingga nga umaykami a mangipan kadakayo iti maysa a daga a kas iti dagayo—maysa a daga nga addaan bukbukel a maaramid a tinapay ken kaubasan para iti panagaramid iti baro nga arak ken daga a pagar-aramidanmi iti adu a tinapay."

\s5
\v 18 Saanyo nga ipalubos a sikapannakayo ni Hezekias babaen iti panangibagana, "Ispalennatayonto ni Yahweh." Saan a pulos nga inispal dagiti dios a daydayawen dagiti tattao ti dadduma a nasion ti uray siasino kadakuada manipud iti pannakabalin ti ari ti Asiria!
\v 19 Apay ngarud a saan a naispal dagiti didiosen ti siudad ti Hamat, Arpad ken dagiti dios ti Sefarvaim ti Samaria manipud iti pannakabalinko?
\v 20 Awan, awan ti dios iti aniaman a nasion a rinaut dagiti armadami ti nakaispal kadagiti tattaoda manipud kaniak. Isu nga apay nga ipagarupyo nga ispalennakayonto ni Yahweh, manipud iti pannakabalinko dakayo a tattao ti Jerusalem?"

\s5
\v 21 Ngem siuulimek dagiti soldado a Hebreo nga agdengdengngeg. Awan ti nagsao, gapu ta imbilin ni Ari Hezekias kadakuada, "Inton makisarita kadakayo ti opisial manipud iti Asiria, saanyo isuna a sungsungbatan."
\v 22 Kalpasanna, nagsubli da Eliakim, Sebna ken Joas kenni Hezekias a naray-ab dagiti kawesda gapu ta mariribukanda unay. Imbagada kenkuana dagiti imbaga ti opisial manipud iti Asiria.

\s5
\c 37
\p
\v 1 Idi nangngeg ni Ari Hezekias ti impadamagda, rinay-abna dagiti kawesna ket nagkawes iti nakersang a lupot gapu ta mariribukan unay isuna. Kalpasanna, napan isuna iti templo ni Yahweh ket nagkararag.
\v 2 Kalpasanna, imbaonna ni Eliakim, ni Sebna, ken dagiti lallakay a papadi, a nakakawes met laeng kadagiti nakersang a lupot, tapno makisarita kenni Isaias a profeta a putot a lalaki ni Amos.

\s5
\v 3 Kinunana kadakuada, "Ibagayo daytoy kenni Isaias: 'Kinuna ni Ari Hezekias a daytoy ket aldaw nga addaantayo iti napalalo a pannakariribuk. Lalaisen ken pabpabainandatayo dagiti dadduma a nasion. Maiyarigtayo iti maysa a babai a dandanin nga agpasngay, ngem awanan isuna iti pigsa a kasapulanna tapno maipasngayna ti anakna.
\v 4 Ngem nalabit a nangngeg ni Yahweh a Diostayo ti imbaga ti opisial manipud iti Asiria. Nalabit nga ammo ti Dios nga imbaon ti ari ti Asiria ti opisialna tapno laisen isuna, ti Dios a mannakabalin amin. Nalabit a dusaento ni Yahweh ti ari ti Asiria gapu iti imbagana. Ket siak, a ni Hezekias, kidkiddawek nga ikararagannakami a sumagmamano a sibibiag pay laeng ditoy Jerusalem.'"

\s5
\v 5 Kalpasan nga inted dagidiay a lallaki kenni Isaias dayta a mensahe,
\v 6 imbagana kadakuada nga ibagada iti ari a kuna ni Yahweh: "Dagidiay a babaonen manipud iti ari ti Asiria ket nagsao kadagiti dakes a banbanag maipapan kaniak. Ngem saanmo nga ipalubos a pagdanagendaka.
\v 7 Denggem daytoy: Ipaluboskonto a makangngeg ni Senakerib iti damag manipud iti pagilianna a mangpadanag unay kenkuana. Isu nga agsublinto isuna sadiay, ket ipapataykonto isuna kadagiti dadduma a lallaki babaen iti kampilanda."

\s5
\v 8 Naammoan ti opisial manipud iti Asiria a pimmanaw ti arina ken ti armada ti Asiria iti siudad ti Lakis ket rarautendan ti Libna a kabangibang a siudad. Isu a pimmanaw ti opisial iti Jerusalem ket napan idiay Libna tapno ipadamag iti ari ti napasamak idiay Jerusalem.
\v 9 Saan a nagbayag kalpasan dayta, nadamag ni Ari Senakerib nga idadauloan ni Ari Tirkaha ti Etiopia ti armadana a mangraut kadakuada. Isu a nangibaon isuna kadagiti mensahero nga addaan iti maysa a surat kenni Hezekias. Kastoy ti linaon ti suratna kenni Hezekias:
\v 10 "Saanmo nga ipalubos nga allilawennaka ti Diosmo a pagtaltalkam babaen iti panangisapatana a saanna nga ipalubos a sakupen ti armadak ti Jerusalem.

\s5
\v 11 Awan duadua a nadamagmo ti inaramid dagiti armada dagiti ari nga immun-una kaniak kadagiti dadduma a pagilian; naan-anay a dinadael ida dagiti armadami. Ipagarupmo kadi a makalibaskanto kaniak?
\v 12 Inispal kadi ida dagiti dios dagidiay a nasion? Inispalda kadi ti rehion ti Gozan, wenno dagiti siudad ti Haran ken Resef idiay akin-amianan nga Aram, wenno dagiti tattao ti rehion ti Eden iti siudad ti Telasar?
\v 13 Ania ti napasamak iti ari ti Hamat ken iti ari ti Arpad? Ania ti napasamak kadagiti ari dagiti siudad ti Sefarvaim, Hena, ken Ivva? Inispal kadi ida dagiti diosda?”

\s5
\v 14 Naawat ni Hezekias ti surat nga inted dagiti mensahero kenkuana, ket binasana daytoy. Ket simmang-at isuna iti templo ket inukradna ti surat iti sangoanan ni Yahweh.
\v 15 Ket kastoy ti inkararag ni Hezekias:
\v 16 "Yahweh a Mannakabalin-amin, ti Diosmi nga Israelita, nakatugawka iti tronom iti ngatoen dagiti istatua dagiti kerubim, nga adda iti ngatoen ti Lakasa ti Tulag. Sika laeng ti pudno a Dios. Iturturayam dagiti amin a pagarian iti daytoy a lubong. Sika ti namarsua kadagiti amin a banag iti rabaw ti daga ken iti tangatang.

\s5
\v 17 Ngarud, Yahweh, pangngaaasim ta denggem ti ibagbagak, ken kitaem ti mapaspasamak! Ken denggem ti imbaga ni Senakerib tapno laisennaka, Dios a mannakabalin amin!
\v 18 O Yahweh, pudno a naan-anay a dinadael dagiti armada dagiti ari ti Asiria ti adu a nasion ken dinadaelda ti dagada.

\s5
\v 19 Ket impurwakda iti apuy dagiti amin a didiosen dagidiay a nasion ket pinuoranda dagitoy. Ngem saan a pudno a dios dagitoy. Didiosenda laeng a naaramid iti kayo ken bato, ket dayta ti gapuna a nadadaelda.
\v 20 Ita ngarud, Yahweh a Diosmi, pangngaaasim ta isalakannakami manipud iti pannakabalin ti ari ti Asiria, tapno maammoan dagiti amin a tattao kadagiti amin a pagarian iti lubong a sika laeng, O Yahweh, ti pudno a Dios."

\s5
\v 21 Kalpasanna, nangipatulod ni Isaias iti mensahe tapno ibaga kenni Hezekias a kastoy ti imbaga kenkuana ni Yahweh a daydayawen dagiti Israelita: "Gapu ta nagkararagka maipapan iti imbaga ni Ari Senakerib ti Asiria,
\v 22 kastoy ti ibagak kenkuana: 'Lalaisendaka dagiti tattao ti Jerusalem ken pagang-angawandaka. Iwingiwingdanto dagiti uloda tapno laisendaka bayat nga agliblibaska ditoy.
\v 23 Siasino ti ipagarupmo a linalais ken inum-umsim? Siasino ti ipagarupmo a pinukpukkawam? Siasino ti ipagarupmo a kinitam a sipapalangguad? Siak daydiay, ti Nasantoan a Dios a daydayawen dagiti Israelita!

\s5
\v 24 Pinagang-angawandak dagiti mensahero nga imbaonmo. Kinunam, "Napanak kadagiti kangatoan a bantay babaen kadagiti adu a karwahek, kadagiti kangatoan a bantay iti Lebanon. Pinukanmi dagiti katayagan a kayo ti sedro ken dagiti kapintasan a kayo a saleng daytoy. Nadanonmi ti kaadayoan a tuktok, ken kadagiti kasamekan a bakir daytoy.
\v 25 Nagkalikami kadagiti bubon iti adu a pagilian ket imminumkami iti danum manipud kadagitoy. Ken babaen iti pannagnami kadagiti karayan ti Egipto, pinatiananmi amin dagitoy!"

\s5
\v 26 Ngem ti sungbatko kenkuana, 'Saanmo kadi pulos a nangngeg a nabayagen nga inkeddengko dagidiay a banbanag; pinanggepko daytoy iti nabayagen a panawen, ket ita, ipatpatungpalko dagitoy. Pinanggepko a dadaelen ti armadam dagiti siudad ken pagbalinen dagitoy a gabsuon dagiti narba.
\v 27 Awanen ti pannakabalin dagiti tattao kadagidiay a siudad, ket isu a nadismaya ken naupayda. Nalupoyda a kas kadagiti ruot ken mulmula iti tay-ak, nalupoyda a kas iti ruot nga agtubtubo iti atep dagiti balay a laylaylayen iti napudot nga angin nga aggapu iti daya.

\s5
\v 28 Ngem ammok ti amin maipapan kenka; ammok no addaka iti uneg ti balaymo ken no rummuarka; ammok pay ti panagpungtotmo kaniak.
\v 29 Isu a gapu ta nagpungtotka kaniak ken gapu ta nangngegko a nagsaoka a sipapalangguad, maiyarigto a kasla mangikabilak iti kawit iti agongmo ken landok a pakagat iti ngiwatmo tapno maiyapanka iti kayatko a pangipanan kenka, ken pilitenkanto nga agsubli iti pagiliam, iti dalan met laeng a nagnaam nga immay ditoy, a saanmo a naparmek ti Jerusalem."

\s5
\v 30 Daytoy ti mangpaneknek kenka Hezekias a siak a ni Yahweh ti mangipatungpal iti daytoy: Ita a tawen, mangankayonto laeng kadagiti mulmula nga agtubtubo lattan, ken iti sumaruno a tawen kastanto met laeng ti mapasamak. Ngem iti maikatlo a tawen agmulakayo ket apitenyonto dagitoy; aywananyo dagiti kaubasanyo ken kanenyonto dagiti ubas.

\s5
\v 31 Dakayo a tattao nga adda pay laeng ditoy Juda, pumigsakayo ken rumang-aykayonto manen.
\v 32 Bassit a bilang dagiti tattaok ti mabatinto a sibibiag, ket agwarasdanto manipud iti Jerusalem.” Imbaga pay ni Isaias, “Mapasamakto dayta gapu ta kayat unay ni Yahweh a Mannakabalin-amin a tungpalen dayta.

\s5
\v 33 Kastoy ti kuna ni Yahweh maipapan iti ari ti Asiria: ‘Saanto a sumrek dagiti armadana iti Jerusalem; saandanto a mangibiat iti uray maysa a pana iti daytoy. Saanto mangiyeg dagiti soldadona iti uray maysa a kalasag iti Jerusalem, ken saandanto a mangaramid iti nangato a bunton ti daga kadagiti pader ti siudad tapno marautda ti siudad.
\v 34 Ngem ketdi, agsublinto ti arida iti bukodna a pagilian babaen iti kalsada met laeng a nagnaanna nga immay ditoy. Saanto isuna a sumrek iti daytoy a siudad! Mapasamakto dayta gapu ta siak a ni Yahweh ti nangibaga iti daytoy!

\s5
\v 35 Gapu iti dayawko ken gapu iti inkarik kenni Ari David, a nagserbi a naimbag kaniak, salaknibak daytoy a siudad ken lapdak a madadael daytoy.’”

\s5
\v 36 Iti dayta a rabii, rimmuar ti maysa nga anghel manipud kenni Yahweh iti disso a nagkampoan ti armada ti Asiria ket pinatayna ti 185,000 kadagiti soldadoda. Idi nagriing dagiti nabati a soldado iti kinabigatanna, nakitada nga agkakaiwara dagiti bangkay.
\v 37 Kalpasanna, pimmanaw ni Ari Senakerib ket nagawid iti Nineve idiay Asiria ket nagnaed sadiay.

\s5
\v 38 Maysa nga aldaw, idi agdaydayaway isuna iti uneg ti templo ti diosna a ni Nisrok, pinatay isuna ti dua nga annakna a ni Adramelek ken Serezer babaen kadagiti kampilanda. Ket naglibasda sada napan iti rehion ti Ararat nga adda iti amianan a laud ti Nineve. Ket maysa kadagiti annak ni Senakerib a ni Esarhadon ti nagbalin nga ari ti Asiria.

\s5
\c 38
\p
\v 1 Iti dayta a tiempo, naaddaan ni Hezekias iti nakaro a sakit ket nganngani matay isuna. Isu a napan sinarungkaran isuna ni Isaias ket intedna daytoy a mensahe kenkuana: "Kastoy ti ibagbaga ni Yahweh: 'Masapul nga ibagamon kadagiti tattao iti palasiom ti kayatmo nga aramidenda inton matayka gapu ta saankan nga ummimbag iti sakitmo. Mataykan'"
\v 2 Simmango ni Hezekias iti pader, ket inkararagna daytoy;
\v 3 "O Yahweh, saanmo koma a liplipatan a sipupudno a nagserserbiak kenka iti amin a kaunggak, ken inaramidko dagiti banbanag a makaay-ayo kenka!" Ket nangrugi a nagsangit iti napigsa ni Hezekias.

\s5
\v 4 Ket inted ni Yahweh daytoy a mensahe kenni Isaias:
\v 5 "Agsublika kenni Hezekias ket ibagam kenkuana a kastoy ti ibagak, ti Dios a nagserserbian ti kapuonam a ni Ari David: 'Nangngegko ti inkararagmo ken nakitak ti panagsangsangitmo. Isu a denggem: Ikkanka iti 15 pay a tawen nga agbiag.
\v 6 Ispalenka ken daytoy a siudad manipud iti pannakabalin iti ari ti Asiria. Salaknibakto daytoy a siudad.

\s5
\v 7 Daytoy ti aramidek a pammaneknek nga aramidekto ti kaikarkarik kenka.
\v 8 Pagsanudekto iti sangapulo a tukad ti aniniwan ti init iti agdan nga impatakder ni Ari Ahaz.'" Isu a ti aniniwan ti init iti agdan ket nagsanod iti sangapulo a tukad.

\s5
\v 9 Idi dandanin nga umimbag ni Ari Hezekias, insuratna daytoy;
\v 10 Kinunak iti bagik, "Masapulko pay kadi ti matay ken mapan iti lugar nga ayan dagiti natayen a tattao kabayatan iti daytoy a tiempo ti biagko idinto a napigsaak pay laeng? Takawen kadi ni Yahweh ti nabatbati pay a tawtawen iti panagbiagko?"
\v 11 Kinunak, "Saankonton a makita ni Yahweh iti daytoy a lubong nga ayan dagiti sibibiag a tattao. Saankonto a makita dagiti gagayyemko, wenno makikuyog kadagiti tattao a sibibiag iti daytoy a lubong.

\s5
\v 12 A kasla ti biagko ket naipanaw a kasla maysa a tolda a binag-ot ti maysa nga agpaspastor dagiti pasok daytoy sana impanaw. Masapul a lukotek ti biagko a kasla iti maysa nga umaabel, kasla iti maysa a pidaso ti lupot a tabtabasen ken luklukoten ti maysa nga umaabel, tinabasan ni Yahweh ti biagko.” Iti nagbaetan ti agsapa ken iti rabii, papatayennak.
\v 13 Nagurayak a siaanus nga agpatpatnag, ngem ti ut-ot a marikriknak ket kasla rangkarangkayendak dagiti leon. Iti nagbaetan ti agsapa ken iti rabii, papatayennak.

\s5
\v 14 Agam-ammangawak; naguniak a kasla iti salapingaw ken naganug-ogak a kasla kalapati. Nabannog dagiti matakon a tumangtangad iti langit tapno dumawat iti tulong. Inyikkisko, 'O Yahweh, tulongannak gapu ta mariribukanak!'
\v 15 Ngem ti kinapudnona, awanen ti mabalinko nga ibaga ken kiddawen kenkuana tapno summungbat isuna kaniak gapu ta ni Yahweh ti nangted iti daytoy a sakit. Isu nga ita, agbiagak a sipapakumbaba kenkuana iti nabatbati a tawtawenko gapu ta napalalo ti ladingit ti kaunggak.

\s5
\v 16 O Yahweh, naimbag ti panagsagaba nga intedmo kaniak, gapu ta ti ar-aramidem ken ti ibagbagam ket mangted ti baro a biag ken salun-at kaniak. Ket inagasannak ken pinalubosam nga agtultuloy ti panagbiagko!
\v 17 Pudno unay a ti panagsagabak ket para iti pagsayaatak; inayatnak ken gapu iti ayatmo, inispalnak manipud iti ipapatay ket pinakawanmo pay dagiti amin a basbasolko.

\s5
\v 18 Saannaka a maidaydayaw dagiti tattao a natay; saanda a makakanta iti panagdayaw kenka. Dagiti nakatanemen ket saan a makapangnamnama a napudnoka a mangaramid kadagiti banbanag para kadakuada.
\v 19 Dagiti laeng tattao a sibibiag, a kasla kaniak, ti makapagdayaw kenka. Ibaga dagiti amma kadagiti annakda ti kinapudnom, ket no agbiagak pay, kastanto met ti aramidek.

\s5
\v 20 Agasannakto a naan-anay ni Yahweh isu nga agkantakami iti pangdaydayaw kenkuana kabayatan a daydayawen isuna dagiti dadduma babaen kadagiti instrumento a pangtukar. Aramidenmi dayta nga inaldaw iti panagbiagmi idiay templo ni Yahweh."

\s5
\v 21 Iti napalabas, naibaga ni Isaias kadagiti adipen ni Hezekias, "Mangisaganakayo iti pangsapsapo manipud iti napespes nga igos, ken iwarasyo daytoy iti lettegna, ket agimbag isuna." Isu a kasta ti inaramidda, ket immimbag ni Hezekias.
\v 22 Sinaludsod ni Hezekias, "Ania ti aramiden ni Yahweh tapno paneknekanna nga agimbagakto ken mabaelak ti mapan iti templona?"

\s5
\c 39
\p
\v 1 Saan a nagbayag kalpasan dayta, ti anak ni Baladan a ni Merodak Baladan nga ari ti Babilonia ket nakangngeg iti damag a naaddaan iti napalalo a sakit ni Hezekias ngem nagimbagen isuna. Isu a nagsurat isuna ket intedna dagitoy kadagiti mensaherona tapno ipanda kenni Hezekias, a napakuyogan iti sagut.
\v 2 Idi nakasangpet dagiti mensahero, siraragsak a pinasangbay ida ni Hezekias. Ket impakitana kadakuada amin nga adda kadagiti balay a pagiduldulinan iti gamengna-ti pirak, ti balitok, dagiti bangbanglo ken dagiti nabanglo a lana ti olibo. Impakitana pay kadakuada ti lugar a pagiduldulinan dagiti soldado kadagiti armasda, ket impakitana kadakuada dagiti dadduma a napapateg a banbanag nga adda kadagiti bodega. Impakita ni Hezekias kadakuada dagiti amin a banag nga adda iti palasio ken kadagiti dadduma a luglugar.

\s5
\v 3 Kalpasanna, napan ni Isaias kenni Ari Hezekias ket kinuna kenkuana, "Sadino ti naggapuan dagidiay a lallaki ken ania ti kayatda?" Insungbatna, "Naggapuda iti adayo a daga ti Babilonia."
\v 4 Sinaludsod ni Isaias kenkuana, "Ania ti nakitada iti palasiom?" Simmungbat ni Hezekias, "Nakitada amin a banbanag. Impakitak kadakuada amin a banag a kukuak-amin dagiti napapateg a banbanag a kukuak."

\s5
\v 5 Ket kinuna ni Isaias kenni Hezekias, "Denggem daytoy a mensahe manipud kenni Yahweh a Mannakabalin-amin:
\v 6 Addanto iti panawen nga amin a banag iti palasiom, amin dagiti napapateg a banbanag nga indulin dagiti kapuonam sadiay agingga iti agdama a tiempo, ket maipanto amin idiay Babilonia. Kuna ni Yahweh nga awanto pulos iti mabati.

\s5
\v 7 Maysa pay, dagiti dadduma kadagiti annakmo a lalaki ket nainkapilitanto a maipan idiay Babilonia. Makapundanto tapno agbalinda nga adipen iti palasio ti ari ti Babilonia."
\v 8 Kalpasanna, insungbat ni Hezekias kenni Isaias, "Ti mensahe nga intedmo kaniak manipud kenni Yahweh ket naimbag." Naibagana dayta gapu ta panpanunotenna, "Uray no mapasamak dayta, addaanto kappia ken kinatalged ditoy kabayatan ti tiempo a sibibiagak."

\s5
\c 40
\p
\v 1 Kuna ti Diostayo, "Pabiligem dagiti tattaok! Pabilegem ida!
\v 2 Siaayatka a makisarita kadagiti tattao ti Jerusalem; ibagam kadakuada a nagpatinggan ti panagsagsagabada, pinakawan idan ni Yahweh gapu iti basbasol nga inaramidda. Naan-anayen a dinusana ida gapu kadagiti basbasolda."

\s5
\v 3 Maysa a tao ti agpukpukaw, "Iti disierto, palintegenyo ti dalanyo tapno umay ni Yahweh kadakayo; patadenyo ti dalan para iti Diostayo.
\v 4 Punnoenyo dagiti tanap; patagenyo ti tunggal turod ken bantay. Patadenyo ti likka-likkaong a daga ken dagiti lasonglasong a luglugar.
\v 5 No aramidenyo dayta, agbalinto a nalatak a nadayag ni Yahweh, ket maamiristo pay dagiti amin a tattao dayta. Dagitoy a banbanag ket awan duadua a mapasamak gapu ta ni Yahweh ti nangibaga iti daytoy."

\s5
\v 6 Adda nangibaga kaniak, "Agpukkawka!" Simmungbatak, "Ania ti ipukkawko?" Simmungbat isuna, "Ipukkawmo nga amin a tattao ket kasla ruot; agpukaw a dagus ti kinapudnoda a kasla kadagiti sabsabong iti tay-ak.
\v 7 Aggango dagiti ruot ken aglaylay dagiti sabsabong no pagpul-oyen ni Yahweh kadakuada ti napudot nga angin manipud iti disierto. Ken amin a tattao ket kasla iti dayta.
\v 8 Aggango dagiti ruot ken aglaylay dagiti sabsabong ngem dagiti kari ti Dios ket agtalinaed nga agnanayon."

\s5
\v 9 Dakayo a tattao ti Jerusalem, addaankayo iti naimbag a damag nga ibagayo kadagiti tattao, isu nga ipukkawyo daytoy manipud iti tapaw ti nangato a bantay! Pigsaam nga ipukkaw daytoy ket saanka nga agbuteng! Ibagam kadagiti tattao kadagiti siudad ti Juda, "Um-umayen ditoy ti Diosmo!"
\v 10 Umayto ni Yahweh a Diosyo nga addaan iti pannakabalin, agturayto isuna a sibibileg. Inton umay isuna, ikuyognanto dagiti tattao a nawayawayaan manipud iti pannakatagabu idiay Babilonia.

\s5
\v 11 Aywanannanto dagiti tattaona a kasla iti panangaywan ti agpaspastor iti karnerona ken bagkatennanto dagiti urbon a karnero kadagiti takkiagna. Bagkatennato ida nga asideg iti barukongna ken idalanna a siaannad dagiti kabaian a karnero nga agpaspasuo kadagiti urbon a karnero nga annakda.

\s5
\v 12 Awanen ti kas kenni Yahweh! Siasino pay ti nangsukat iti danum ti taaw iti dakulapna? Siasino pay kadi ti nangrukod iti tangatang? Siasino pay ti makaammo no kasano kaadu ti daga iti rabaw ti lubong? Siasino pay ti nangtimbang kadagiti banbantay ken turturod babaen iti pagtimbangan?

\s5
\v 13 Ken siasino pay ti mabalin a mangbalakad kenni Yahweh? Siasino ti mabalin a mangisuro kenkuana wenno mangbalakad kenkuana no ania ti rumbeng nga aramidenna?
\v 14 Adda kadin ti nakiumanan ni Yahweh tapno agpabalakad? Kasapulanna kadi ti siasinoman a mangibaga kenkuana no ania ti umno nga aramidenna ken no kasano nga agtignay isuna a sililinteg?

\s5
\v 15 Ibilbilang ni Yahweh dagiti nasion a saan a napateg a kas iti maysa a tedted manipud iti timba a napno iti danum. Saanda a napateg a kas iti tapuk a naikabil iti pagtimbangan. Kabaelanna a timbangen dagiti purpuro a kas awan ti dagsenda ngem iti rugit a tapuk.
\v 16 Awanto ti umanay a pagsungrod manipud kadagiti amin a kaykayo idiay Libano tapno agaramid iti maiyannatop nga apuy para iti panangidaton kenkuana kadagiti ay-ayup, ken awanto ti umanay nga ay-ayup idiay Libano a maidaton kenkuana.
\v 17 Dagiti nasion iti lubong ket naan-anay a saan a napateg kenkuana; ibilbilangna ida nga awan serserbida.

\s5
\v 18 Isu a siasino ti mabalin a pangipadisan iti Dios? Ania a ladawan ti kalanglangana?
\v 19 Mabalinmo kadi nga ipadis isuna iti maysa a didiosen a naaramid iti pangsukog, sa napakalupkopan iti bassit a balitok ken naarkosan iti pirak a kawar?
\v 20 Ti tao a napanglaw ket saan a makabael a makagatang iti pirak wenno balitok para iti didiosenna; isu a mangpili isuna iti maysa a pidaso ti kayo a saan a marunot, sana ited daytoy iti dumidisenio tapno agsukog iti maysa a didiosen a saan a matnag!

\s5
\v 21 Saanyo kadi a nangngegan daytoy? Saanyo kadi a maawatan daytoy? Saanyo kadi a mangngeg ti imbaga ti Dios idi ugma- menmensahe nga intedna sakbay a pinarsuana ti daga?
\v 22 Agtugtugaw ti Dios iti tronona iti ngatoen ti daga, ken dagiti tattao iti rabaw ti daga ket kasla kabassit dagiti dudon. Iyuk-ukradna ti tangatang a kasla kurtina; kasla daytoy iti maysa a tolda a paggigyananna.

\s5
\v 23 Paawanenna ti bileg dagiti ari, paawanenna ti pateg dagiti mangiturturay.
\v 24 Mangrugida nga agturay a kasla basbassit a mulmula nga agrugrugi a dummakkel ken agramramot; ngem pukawenna ida a kasda la nalaylay idi pinuyotanna ida, kasla iti taep nga intaytayab ti angin.

\s5
\v 25 Salsaludsoden ti Nasantoan a Dios, "Siasino ti pangipadisanyo kaniak? Adda kadi ti kas kaniak?"
\v 26 Tumangadka iti tangatang; utobem no siasino ti nangparsua kadagiti bituen. Pinarsua dagitoy ni Yahweh, ken pagparangenna dagitoy iti rabii; aw-awaganna dagitoy babaen iti naganda. Gapu ta mannakabalin unay isuna, amin dagiti bituen ket adda sadiay no awaganna dagitoy babaen iti naganda.

\s5
\v 27 Dakayo a tattao ti Israel, apay nga agreklamokayo a saan a makita ni Yahweh dagiti pakariribukan a mapadpadasanyo? Apay nga ibagayo a saan nga agtigtignay isuna nga umiso kadakayo?
\v 28 Saanyo kadi a nangngegan ken saanyo kadi a pulos a naawatan a ni Yahweh ket agnanayon a Dios; isuna ti nangparsua iti daga, uray kadagiti kaadaywan a lugar iti rabaw ti daga. Saan pulos isuna a kumapsut wenno mabannog, ken awan ti makaduktal no kasano ti pannakaawatna.

\s5
\v 29 Pappapigsaenna dagiti makarikna iti panagkapsut ken pannakabannog.
\v 30 Uray dagiti agtutubo ket aglusdoy ken mabannog, dagiti ubbing a lallaki ket maitumba no mabannogda.
\v 31 Ngem pumigsa manen dagiti agtaltalek kenni Yahweh; a kaslada agpangato a kas iti ar-aramiden dagiti agila. Napautto ti panagtarayda ngem saanda a mabannog; adayunto ti pagnaenda ngem saandanto nga aglusdoy.

\s5
\c 41
\p
\v 1 Kuna ni Yahweh, "Dakayo a tattao nga agnanaed kadagiti purpuro iti taaw, agulimekkayo iti sangoanak kabayatan nga agsalsaludsodak kadakayo! Ket tumuredkayo ken makisaritakayo kaniak. Aggummongtayo ket ikeddengtayo no siasino kadatayo ti husto.
\v 2 Siasino ti nangguyugoy iti daytoy nga ari a taga-daya tapno umay? Siasino ti nangdutok iti daytoy nga ari nga agtrabaho agpaay kenkuana? No siasinoman daytoy, pinagballigina ti armadana tapno maparmekna dagiti adu a nasion ken tapno ibaddekda dagiti ar-arida; tapno tadtadenda dagiti kabusorda babaen kadagiti kampilanda; tapno warawaraenda dagiti kabusorda babaen kadagiti baida, kasla iti panangiwarawara ti angin iti taep.

\s5
\v 3 Uray no agpeggadda, mapanda a sipapartak bayat iti panangkamatda kadagiti kabusorda, ken awan ti makapagpasardeng kadakuada.
\v 4 Siasino ti nangted iti pannakabael kadagiti mangiturturay nga agaramid kadagiti nakaskasdaaw nga ar-aramid a kas iti dayta? Siasino ti nakaaramid iti kasta iti amin a kaputotan? Siak laeng a ni Yahweh! Siak ti immuna a nakaaramid kadagiti banbanag a kas iti dayta ken siak ti maudi nga agaramid kadagidiay.

\s5
\v 5 Dagiti tattao nga agnanaed kadagiti purpuro iti taaw ket mabutbuteng kabayatan nga agbuybuyada. Dagiti tattao nga adda kadagiti adayo a dagdaga ket agpigerger ken agguummongda.
\v 6 Nagpipinnaregtada ket kunada iti tunggal maysa, 'Bumilegka!'
\v 7 Paregtaen dagiti karpintero dagiti alahero, ken paregtaen dagiti lallaki nga agpitpitpit iti landok dagiti mangmarmartilyo kadagitoy iti pasnaan. Kunada amin, 'Nasayaat ti pannakaaramid ti didiosen!' Ket siaannadda nga ilansa ti didiosen tapno saan daytoy a matnag!"

\s5
\v 8 Itultuloy a kuna ni Yahweh, "Dakayo a tattao ti Israel ket ad-adipenko; kaputotannakayo ni Jacob a pinilik; kaputotannakayo ni Abraham nga imbagak a gayyemko.
\v 9 Inayabankayo manipud kadagiti nakaad-adayo a luglugar iti rabaw ti daga, ket kinunak, 'Kayatko nga agserbikayo kaniak.' Pinilikayo ket saankayonto a laksiden.

\s5
\v 10 Saankayo nga agbuteng gapu ta addaak kadakayo. Saankayo a maupay gapu ta siak ti Diosyo. Papigsaenkayo ken tulungankayo; Itag-aykayo babaen iti mannakabalin nga imak nga isunto ti pangispalko kadakayo, ket aramidekto daytoy nga awan duadua!

\s5
\v 11 Awan duadua a maibabainto dagiti makaunget kadakayo a tattao ti Israel. Dagiti mangsuppiat kadakayo ket mapukawto; mataydanto amin.

\s5
\v 12 No birukenyo dagiti nangpadas a mangparmek kadakayo, saanyonto a mabirukan ida gapu ta agpukawdanto amin. Dagiti rimmaut kadakayo ket saanen a pulos nga agparang manen
\v 13 gapu ta kasla itag-aykayonto babaen iti kannawan nga imak. Siak ni Yahweh a Diosyo, ket ibagak kadakayo, 'Saankayo nga agbuteng gapu ta tulungankayo.'

\s5
\v 14 Uray no trinatodakayo a tattao ti Israel a kasla igges dagiti sabsabali, saankayo nga agbuteng kadagiti kabusoryo gapu ta tulungankayo!' Daytoy ti sipapasnek nga ibagbaga ni Yahweh- ti mangis-ispal kadakayo, ti Nasantoan a Dios ti Israel.
\v 15 Itultuloyna nga ibagbaga, "Pagbalinenkayo a kasla iti baro a pagirikan, pagirikan a nakatadtadem ken dua ti tademna. Rumekenyonto dagiti kabusoryo ket agbalinda a kasla iti babassit a taep iti tapaw dagiti banbantay.

\s5
\v 16 Ipallangatokyonto ida, ken itayabto ida a paadayo iti napigsa a pul-oy ti angin. Inton mapasamak dayta, agrag-okayonto gapu iti inaramidko nga agpaay kadakayo; dayawendakto, siak a ni Yahweh, ti Nasantoan a Dios ti Israel.

\s5
\v 17 No agkasapulan iti danum dagiti nakurapay ken agkasapulan a tattao ket awan danumda, ken no dagiti dilada ket namagaanen gapu ta mawawda unayen, Siak a ni Yahweh ket umayto ken tulongak ida. Siak ti Dios nga akinkukua kadakayo a tattao ti Israel, ket saankonto pulos a baybay-an ida.
\v 18 Pagayusekto dagiti karayan nga agpaay kadakuada iti langalang a katurturodan. Ikkakto ida kadagiti burayok kadagiti tanap. Punnuekto ti disierto kadagiti dan-aw ti danum. Agayusto ti danum a nagtaud kadagiti ubbog nga agturong kadagiti karayan, ken agayusto dagiti karayan a bumallasiw nga agturong iti namaga a daga.

\s5
\v 19 Agimulaakto iti sedro, akasia ken arayan iti let-ang-ket agimulaakto iti kaykayo ti olibo iti disierto-kadagiti saleng, aruo ken parwa nga aggaabay.
\v 20 Aramidekto dayta tapno makita daytoy dagiti tattao ken panunotenda ti maipapan iti daytoy, maammoan ken maawatandanto a Siak, ni Yahweh ti nangaramid iti daytoy; Siak a ni Yahweh, ti Nasantoan a Dios ti Israel ti nangaramid iti daytoy.

\s5
\v 21 Siak a ni Yahweh, nga ari ti Israel ket makisarsarita kadakayo a nasnasion; Umaykayo ket ibagayo kaniak ti mabaelan nga aramiden para kadakayo dagiti didiosenyo! Idatagyo ti kasayaatan a panangikalinteganyo kadagitoy.
\v 22 Iyegyo ida ditoy tapno ibagada kadatayo no anianto ti mapasamak! Saludsodenyo kadakuada nga ibagada kadatayo dagiti banbanag a napasamak idi un-unana a panawen tapno mapanunottayo ti maipapan kadagidiay a banbanag ken maadaltayo no pudno a napasamak dagidiay a banbanag nga impadtoda. Wenno saludsodentayo kadakuada ti maipapan iti masakbayan tapno maammoantayo no anianto ti mapasamak.

\s5
\v 23 Wen, masapul nga ibaga dagidiay a didiosen kadatayo no ania ti mapasamak iti masakbayan. No aramidenda dayta, maammoantayo a pudnoda a dios. Ibagayo kadagitoy nga agaramidda iti maysa a banag-naimbag man wenno dakes! Ibagayo kadagitoy nga agaramidda iti maysa a banag a mangpasiddaaw ken mangpabuteng kadatayo!
\v 24 Ngem imposible dayta gapu ta dagiti didiosen ket awan serserbina; awan ti maaramidanda ken kagurgurak dagiti mangikeddeng nga agrukbab kadagiti didiosen."

\s5
\v 25 "Ngem nangpataudak iti mangituray nga umay a kadua dagiti armadana manipud iti ammianan. Pinaayabak isuna manipud iti pagilianna, nga adda iti daya ti Israel ket intedko kenkuana ti turayko. Ikkak ti pannakabael ti armadana a mangparmek kadagiti dadduma a mangiturturay; ibaddekdanto dagidiay a papangulo a kasla iti panangibaddebaddek nga umuna ti maysa a lalaki iti pitak no agaramid kadagiti banga.
\v 26 Siasino ti nangibaga kadakayo idi un-unana a tiempo a mapasamakto daytoy? Siasino ti nangipadto iti daytoy, a maibagatayo a kas nagbanaganna, "Pudno ti impadtona"? Awan ti nakaibaga a mabalin a mapasamak daytoy.

\s5
\v 27 Siak ti immuna a nangibaga kadagiti tattao ti Jerusalem; 'Denggenyo daytoy! Nangdutokak iti mensahero a mangibaga kadakayo iti naimbag a damag!'
\v 28 Awan kadagiti didiosenyo ti nangibaga kadakayo iti dayta. Ket idi nagsaludsodak kadagitoy, awan kadagitoy ti nakasungbat.
\v 29 Amirisenyo daytoy; Dagidiay a didiosen ket awan amin kaes-eskanda, awan serserbida a banbanag. Awan pateg dagitoy a kas iti angin."

\s5
\c 42
\p
\v 1 Kuna ni Yahweh, "Kayatko a maammoanyo a tattao ti maipapan iti adipenko, nga isu ti pabpabilgek. Pinilik isuna ket maay-ayoak kenkuana. Intedko kenkuana ti Espirituk ken siguradoenna nga aramiden dagiti amin a bunggoy dagiti tattao ti umno.
\v 2 Saanna nga ipakita ti pannakabalinna babaen iti panagpukkaw wenno babaen iti panagsao iti nakapigpigsa.

\s5
\v 3 Saanna a pukawen ti siasinoman a nakapuy a kasla iti naparpar a runo, ken saanna a gibusen ti biag ti siasinoman nga agkasapulan iti tulong, kasla iti gasera a dandanin a maeddep. Sipupudno a siguradoenna a sililinteg a mangikeddeng dagiti uk-ukom kadagiti kaso.
\v 4 Saan isuna a mabannog wenno maupay bayat ti tiempo nga ilinlintegna dagiti banbanag iti entero a daga. Uray dagiti tattao nga agnanaed kadagiti purpuro idiay taaw ket sinanamanto nga aguray kenkuana tapno isurona kadakuada dagiti lintegna."

\s5
\v 5 Ni Yahweh a Diostayo ti nangparsua iti tangatang ken nangukrad iti daytoy. Pinarsuana pay ti lubong ken amin nga adda iti daytoy. Isuna ti mangmangted iti anges iti amin a tattao iti rabaw ti daga ken pakaigapuan nga agbiagda. Ken isuna ti mangibagbaga iti naisangsangayan nga adipenna,
\v 6 "Siak a ni Yahweh ti nangpili kenka a mangipakita kadagiti tattao a kankanayon nga agtigtignayak a sililinteg. Iggamakto ti imam ken salaknibanka, ket idatagka kadagiti tattao nga Israelita tapno mangipakat iti tulagko kadakuada. Agbalinkanto a kas lawag kadagiti dadduma a nasion.

\s5
\v 7 Ta ikkam ti kabaelan a makakita dagiti bulag a tattao, wayawayaamto dagiti adda iti pagbaludan ken dagiti adda kadagiti nasipnget a bartolina.

\s5
\v 8 Siak ni Yahweh; dayta ti naganko. Saanko a palubosan ti siasinoman nga umawat iti dayaw a siak laeng ti maikari. Ken saankonto a palubosan dagiti dadduma nga agdaydayaw kadagiti didiosen, ta siak laeng ti rumbeng a dayawenda.
\v 9 Napasamak dagiti amin a banag nga impadtok, ket ibagakon ita ti maipapan kadagiti dadduma a banbanag a mapasamakto. Ibagak kadakayo dagiti banbanag a mapasakto sakbay a mapasamak dagitoy."

\s5
\v 10 Kantaanyo ni Yahweh iti baro a kanta! Agkantakayo a mangidayaw kenkuana iti entero a lubong! Dakayo amin a tattao nga aglaylayag kadagiti taaw, dakayo amin parsua nga agnanaed kadagiti taaw, ken dakayo amin a tattao nga agnanaed kadagiti purpuro nga adda iti adayo, ket agkanta!
\v 11 Dakayo a tattao nga agnanaed kadagii il-ili idiay disierto, pigsaanyo ti agkanta! Dakayo a tattao nga agnanaed kadagiti rehion ti Kedar idiay ammianan ti Arabia, agrag-okayo met! Dakayo a tattao iti siudad ti Sela idiay Edom, rumbeng nga agkantakayo a sirarag-o; rumbeng met nga agpukkawkayo a mangidayaw kenkuana manipud kadagiti tapaw dagiti banbantayyo!

\s5
\v 12 Uray dagiti tattao nga agnanaed kadagiti adayo a purpuro ket rumbeng nga agdayaw kenni Yahweh ken agkanta a mangidayaw kenkuana.
\v 13 A kasla ni Yahweh ket agmarmartsa a kasla maingel a soldado; ipakitananto ti napalalo a pungtotna. Agpukkawto isuna a mangipakdaar iti gubat ket parmekennanto dagiti amin a kabusorna.

\s5
\v 14 Ibagananto, "Nagulimekak iti nabayag a panawen; nilappedak ti bagik iti panagaramid iti masapul nga aramidek. Ngem ita, kasla iti babai nga umadanin nga agipasngay iti ubing, agpukkawak, agangsabak ken agal-alakto.
\v 15 Dadaelekto dagiti turturod ken dagiti banbantay, gangoekto dagiti mulmula ken kaykayo. Pagbalinekto a bassit a waig dagiti karayan, ket addanto dagiti tumaud a bassit a purpuro kadagitoy, ken pagmagaekto dagiti amin a dan-aw.

\s5
\v 16 Dagiti tattaok a naipanaw a kas balud ket kasla kadagiti bulag a tattao, ngem idalankonto ida kadagiti kalsada a saanda pay a nagnaan idi, iti kalsada a saanda pay a pulos a nakita idi. Nariknada idi ti kinaawan ti tulong, a kasda la magmagna iti kinasipnget, ngem ikkatekto dayta a kinasipnget ken pasayaatekto ti kalsada nga adda iti sangoananda. Dagidiay dagiti banbanag nga aramidek agpaay kadakuada; saankonto ida a baybay-an.

\s5
\v 17 Ngem dagiti agtaltalek kadagiti kinitikitan a ladawan, ken dagiti mangibagbaga kadagiti ladawan, 'Dakayo dagiti diosmi,' ket maibabainto a naan-anay."

\s5
\v 18 Dakayo a tattao ti Israel a nagtignay a kasla tuleng a tattao iti imatang ti Dios, denggenyo ti ibagbaga ni Yahweh! "Dakayo a kasla kadagiti bulag a tattao, kitaenyo!
\v 19 Awanen ti tattao a nabulbulag ngem kas kadagiti tattaok, a rumbeng nga agserserbi koman kaniak. Awanen ti tattao a natultuleng a kas kadagiti Israelita, a rumbeng koman a mensaherok. Awanen ti tattao a nabulbulag a kas kadagiti pinilik nga agserbi kaniak babaen iti maysa a katulagan.

\s5
\v 20 Nakita ken naammoanyo dagiti nalinteg a banbanag a rumbeng nga aramidenyo, ngem saanyo nga inaramid dagitoy. Nangngegyo ti imbagak kadakayo ngem saanyo nga impangag."
\v 21 Gapu ta nalinteg ni Yahweh, pinadayawanna dagiti nadayag a linlintegna.

\s5
\v 22 Ngem dinadael dagiti armada ti Jerusalem ket sinamsamda dagiti amin a napapateg a banbanag, tinilawda dagiti tattao ni Yahweh ket impanawda ida sada imbalud ida. Nalakada laeng a natiliw gapu ta awan ti nangsalaknib kadakuada; awan ti uray maysa a nangibaga a mapalubosanda nga agsubli kadagiti pagtaenganda.

\s5
\v 23 Siasino kadakayo ti dumngeg a nalaing kadagitoy a banbanag? Siasino kadakayo ti mangipangag mangrugi ita?
\v 24 Siasino ti nangpalubos a matakaw dagiti napapateg a sanikua dagiti tattao ti Israel? Isu ni Yahweh gapu ta isuna ti nagbasolantayo; saantayo a nagbiag a kas maiyannurot iti pagayatanna ken saantayo a nagtulnog kadagiti lintegna.

\s5
\v 25 Iti kasta, nakaro ti pungtotna kadatayo, impalubosna a madadael dagiti soldado iti paggubatan. A kasla nagsindi isuna iti apuy iti aglawlawtayo, ngem saantayo a naawatan dagiti kayatna nga ibaga kadatayo. Ti pungtotna kadatayo ket kasla iti apuy a manguram kadatayo, ngem saantayo nga impangag.

\s5
\c 43
\p
\v 1 Ngem ita, dakayo nga Israelita, dumngegkayo kenni Yahweh, a nangaramid iti nasionyo. Kastoy ti ibagbaga ti namagbalin kadakayo a nasion: "Saankayo nga agbuteng, gapu ta inispalkayo. Inawagankayo babaen iti naganyo, tapno maibilangkayo kaniak. Ita, kukuakayon.

\s5
\v 2 Inton agpeggadkayo, ken agrigrigatkayo a kas karigat iti panagballasiw kadagiti nauneg a karayan, addaakto kadakayo. Inton agsagsagabakayo iti kasta unay, a kas kasakit iti masinit iti apuy, maibturanyonto dagitoy, ket saandakayonto a madangran,
\v 3 gapu ta siak ni Yahweh, a Diosyo, a Nasantoan a Dios ti Israel, ti mangis-ispal kadakayo. Isakripisiok ti Egipto a kas kasukatyo; ken Etiopia ken Seba idiay Arabia a kasukatyo.

\s5
\v 4 Dagitinto sabali a nasnasion ti ipasakopko imbes a ti pagilianyo; isukatko ida para kadakayo, tapno iti kasta ket saankayonto a mapapatay, gapu ta napategkayo unay kaniak ken gapu ta ay-ayatenkayo.
\v 5 Saankayo nga agbuteng, gapu ta addaak kadakayo. Dumtengto ti aldaw nga ummongekto dagiti kaputotanyo manipud iti daya ken manipud iti laud.

\s5
\v 6 Bilinekto dagiti mangiturturay kadagiti nasion iti ammianan ken iti abagatan, 'Palubusanyo dagiti amin a tattao ti Israel nga agsublida iti pagilianda, manipud iti kakaadaywan a lugar iti rabaw ti daga.
\v 7 Palubusanyo nga agsubli dagiti amin a maibilang kaniak, gapu ta pinagbalinko ida a kas maysa a nasion tapno agdayawda kaniak; siak ti nangaramid iti dayta.'

\s5
\v 8 Ayabanyo dagiti tattao nga adda matana ngem aginbubulag; ayabanyo dagiti adda lapayagna ngem agintutuleng.
\v 9 Ummongenyo dagiti tattao manipud iti amin a nasion, manipud kadagiti amin a tribu dagiti tattao, ket saludsodenyo daytoy kadakuada: 'Adda kadi kadagiti didiosenda ti nakaibaga kadagiti banbanag a mapaspasamak ita? Ken adda kadi kadakuada ti makaibaga iti mapasamakto iti masangoanan?' Iyegyo ngarud dagiti tattao a mangpaneknek ken mangibaga a ‘Nangngegko ida a nagpadto kadagiti banbanag, ket napasamak dagiti impadtoda,' ngem agulboddanto."

\s5
\v 10 Ngem kuna ni Yahweh, "Dakayo nga Israelita dagiti saksik, ken dakayo dagiti agserserbi kaniak. Pinilikayo tapno maam-ammodak, mamatikayo kaniak, ken maawatanyo a siak laeng ti pudno a Dios. Awanen ti sabali a pudno a Dios. Awan ti sabali a pudno a Dios iti napalabas, ken awanton a pulos ti sabali pay a pudno a Dios.
\v 11 Siak laeng, Siak a ni Yahweh, ken awanen ti sabali a makaisalakan kadakayo.

\s5
\v 12 Imbagak nga isalakanko dagiti kapuonanyo, ket insalakanko ngarud isuda, ken imparangarangko nga inaramidko daytoy. Awan ti didiosen a nakaaramid iti dayta! Ken dakayo dagiti saksik a Siak laeng, a ni Yahweh, ti Dios.
\v 13 Siak ti Dios, nga adda iti agnanayon ken adda nga awan patinggana; awan ti makaagaw kadagiti tattao manipud kadagiti imak, ken awan ti makabaliw kadagiti inaramidko."

\s5
\v 14 Ni Yahweh, a Nasantoan a Dios ti Israel, a mangisalsalakan kadakayo, ken kastoy ti ibagbagana: "Para kadakayo, mangibaonakto iti maysa nga armada a mangraut iti Babilonia. Pilitendanto a patarayen dagiti tattao iti siudad manipud iti siudadda, ken agasogda iti kanta imbes nga agragsakda babaen kadagiti kankanta.
\v 15 Siak ni Yahweh, a Nasantoanyo, a nangaramid iti Israel a maysa a nasion, ken ti pudno nga ariyo."

\s5
\v 16 Siak ni Yahweh, ti nangilukat iti pagnaan iti tengnga ti danum, mangar-aramid iti dalan iti tengnga ti baybay dagiti Runo.
\v 17 Ket inayabak ti dakkel nga armada ti Egipto agraman dagiti amin a karwahe ken dagiti kabalioda. Ngem idi pinadasda a kamaten dagiti tattaok, indissuorko kadakuada dagiti dalluyon ket limnedda; naggibus ti biagda a kas iti pannakaiddep ti lawag ti maysa a kandila no adda mangpuyot iti pabilona.

\s5
\v 18 Ngem saanyo laeng a lagipen ti napasamak iti napalabas, iti nabayagen a panawen.
\v 19 Ngem ketdi, ibilangyo a baro a banag dagiti aramidek. Rinugiakon nga inaramid daytoy; makitayo kadi daytoy? Mangaramidak iti dalan iti tengnga ti disierto. Ken mangaramidak kadagiti waig idiay langalang.

\s5
\v 20 Agyamanto kaniak dagiti atap nga aso ken obestros ken dagiti dadduma pay nga atap a parsua gapu ta inikkak ida iti danum idiay disierto. Paaddaekto dagiti waig idiay disierto tapno iti kasta maaddaan iti danum dagiti tattaok a pinilik;
\v 21 Aramidek dayta para kadagiti tattao a pinarsuak ken pinilik a maibilang kaniak, tapno ibagadanto kadagiti dadduma ti maipanggep kadagiti nakaskasdaaw a banbanag nga inaramidko para kadakuada.

\s5
\v 22 Ngem ita, dakayo a kaputotan ni Jacob, nagkedkedkayo a dimmawat iti tulongko. Dakayo nga Israelita nabannogkayo a mangday-dayaw kaniak.
\v 23 Saanyo nga inyeg kaniak dagiti karnero wenno dagiti kalding a maidaton a maipuor iti rabaw ti altar; saandak a dinayaw babaen iti uray ania a sakripisyo, uray no saan a dadagsen kadakayo dagiti sagut a trigo ken insenso a kiniddawko nga iyegyo kaniak.

\s5
\v 24 Saandak nga inggatangan iti uray ania a nabanglo a ruot, ken saanyo nga imbukbukbok iti sangoanak ti nabanglo nga ayamuom ti taba manipud iti uray ania a sakripisio nga ayup. Ngem pinadagsenandak babaen kadagiti amin a basbasol nga inaramidyo, ken binannogdak gapu kadagiti amin a dakes nga aramidyo.

\s5
\v 25 Siak ti makabael a mangpakawan kadagiti amin a basbasolyo; siak laeng ti makaaramid iti dayta, nga agbanag a saankonton a pulos a panunoten ti maipanggep kadagitoy.
\v 26 Ibagayo kaniak dagiti inaramidko a saanyo a kayat. Panagkunayo kadi nga no idatagyo dagiti kasoyo, mapaneknekanyo nga awan basolyo?

\s5
\v 27 Saan, nagbasol kaniak dagiti immuna a kapuonanyo nga Israelita, ket manipud idi, bimmusor kaniak dagiti amin a papanguloyo.
\v 28 Isut gapuna nga ibabainkonto dagiti padiyo; dakayo nga Israelita ipalubosko a dadaelennakayo dagiti sabali, ket itulokkonto a mauy-uyawkayo."

\s5
\c 44
\p
\v 1 Ngem ita, dakayo nga Israelita a pinili ni Yahweh nga agserbi kenkuana, dumngegkayo kaniak.
\v 2 Ni Yahweh, a nangparsua kadakayo, nangbanbantay kadakayo kabayatan a maipaspasngaykayo, ken nangtultulong kadakayo, kastoy ti kunana: "Dakayo nga ipatpategko nga Israelita a pinilik, dakayo nga agserbi kaniak, saankayo nga agbuteng.

\s5
\v 3 Ibukbukkonto ti danum ken pagayusekto dagiti waig iti natikag a dagayo. Ibukbukkonto ti Espirituk kadagiti kaputotanyo ken bendisionak ida iti aglaplapusanan.
\v 4 Agtubodanto a kasla kadagiti ruot nga agtubtubo iti igid ti danum, kasla kadagiti lidda nga agtubtubo a nasayaat iti igid ti karayan.

\s5
\v 5 Kunaento ti dadduma kadakuada, 'Kukuanak ni Yahweh,' ken kunaento dagiti dadduma, ‘Kaputotannakami ni Jacob,' ken isuratto ti dadduma kadakuada kadagiti imada, 'Kukuanakami ni Yahweh,' ken kunaento ti dadduma, 'Israelitakami, ken kukuanakami ni Yahweh.'"

\s5
\v 6 Ni Yahweh, nga Ari ti Israel, a mangisalsalakan kadatayo, Yahweh a Mannakabalin amin, kastoy ti kunana: "Siak ti mangirugrugi iti amin ken mangilepleppas iti amin; awanen ti sabali pay a Dios.

\s5
\v 7 No adda iti kas kaniak, rumbeng nga ipablaakna daytoy! Rumbeng nga agsao ken ibagana kaniak itan! Rumbeng nga ibagana dagiti napasamak manipud idi pinagbalinko a maysa a nasion dagiti tattaok nga Israelita iti nabayagen a tiempo; rumbeng met nga ipalawagna no apay a dagiti pagteng iti napalabas ket napasamak iti wagasda, ken rumbeng nga ipadtona no ania ti mapasamak iti masangoanan.

\s5
\v 8 Tattaok, saankayo nga agbuteng. Imbagak idi kadakayo dagiti mapasamak; ammoyo nga impadtok dagitoy, ken mapaneknekanyo nga inaramidko dayta. Pudno nga awan ti sabali a Dios. Awan ti sabali a Dios a makabael a mangsalaknib kadakayo.'

\s5
\v 9 Maag dagiti amin nga agar-aramid kadagiti didiosen, ken dagiti didiosen a pagarupenda a nangato ket awan serserbina. Ken dagiti tattao nga agdaydayaw kadagiti didiosen--kaslada bulsek, ken maibabaindanto gapu iti panangdaydayawda kadagiti didiosen.
\v 10 Dagiti laeng maag a tattao ti mangaramid kadagiti didiosen a nakitikitan, didiosen a saan a pulos a makatulong kadakuada.

\s5
\v 11 Dagiti agar-aramid kadagiti didiosen ken dagiti agdayaw kadakuada ket maibabainto. Dagiti tattao nga agar-aramid kadagiti didiosen ket tattao laeng, ngem patienda nga agar-aramidda kadagiti dios! Masapul a sumangoda iti Dios iti maysa a pangukoman, ket inton mangngegda dagiti ibagana, agpegergerdanto, ken maibabaindanto amin.

\s5
\v 12 Agtrabaho dagiti mammanday iti sangoanan ti napudot a beggang tapno makaaramid iti didiosen. Pitpitenda daytoy babaen kadagiti martilyo sada sukogen dagitoy. Gapu ta agtrabahoda iti kasta unay, mabisinan ken mabannogda; mawawda iti kasta unay ket mabannogda.

\s5
\v 13 Kalpasanna, mangala ti agkitkitikit iti maysa a dakkel a kayo sana rukoden daytoy; kalpasanna markaanna daytoy tapno makitana ti pangputedanna. Mangar-aramat isuna iti tisa ken dadduma pay a rimienta a pangkitikit iti daytoy tapno masukog a maysa a sinan tao. Pagbalinenna daytoy a maysa a nakapinpintas a didiosen, kalpasanna, isaadna daytoy iti maysa a naisangsangayan a balay a pangdayawanna iti daytoy.

\s5
\v 14 Sakbay nga agkitikit isuna iti didiosen manipud iti paset ti kayo, napukannan ti maysa a kayo ti sedro, wenno napilinan ti maysa a kayo ti lugo wenno maysa a kayo ti parwa ket binay-bay-anna a dimmakkel iti natayag iti kabakiran. Wenno nagmula isuna iti maysa a kayo a saleng, ket sinibugan daytoy ti tudo ken pinadakkelna daytoy.

\s5
\v 15 Kalpasanna nga aramaten ti paset ti kayo nga inaramidna a didiosen, aramatenna dagiti dadduma a paset daytoy a pagsungrod, mabalin a pagalinudoanna wenno pagilutoanna iti tinapay. Ngem ar-aramatenna ti isu met laeng a paset ti kayo nga agaramid iti maysa a didiosen a dayawenna! Mangar-aramid isuna iti maysa a didiosen, ket kalpasanna, agrukbab nga agdayaw iti daytoy.
\v 16 Puoranna dagiti dadduma a paset dayta a kayo a pagtunnoanna iti karnena sana kanen daytoy ket mapnek, ken pagsungrodna dagiti dadduma a paset ti kayo a paginudoanna, ket kunaenna, "Mapappapudotanak kabayatan a buybuyaek ti gilyaab ti apuy."

\s5
\v 17 Kalpasanna, alaenna dagiti nabati a paset ti kayo sana aramiden a didiosen nga agbalin a diosna. Agrukbab isuna iti daytoy sana dayawen daytoy, ken pagkararaganna daytoy ket kunaenna, "Sika ti diosko, isalakannak!"

\s5
\v 18 Dagidiay a tattao ket nakuneng unay ken awan ammoda. kasla bulsekda a saan a makakita, a kasla nakullaapan dagiti panpanunotda ket saan a makapanunot iti nasayaat.

\s5
\v 19 Saanda a pampanunoten dagiti ar-aramidenda, a mangal-alada iti maysa a paset ti kayo sada puoran ti kaguduana daytoy a paginudoanda sada aramaten dagiti nabati a paset ti kayo a pagluto iti tinapay ken pagitunoan iti karne! Saanda a maamiris, "Kinakuneng ti panangala kadagiti nabati a paset ti kayo tapno maaramid a maysa a saan nga umno a didiosen! Awan serserbi ti agrukbab iti maysa a paset ti kayo!"

\s5
\v 20 Mabalin a mapanunotda a kasla pannangan daytoy iti dapo manipud iti napuoran! Agtalekda iti maysa a banag a saan a makaisalakan kadakuada; saanda nga aminen, "Ig-iggamak ti banag a saan a pudno a dios!"

\s5
\v 21 Kuna ni Yahweh, "Dakayo a kaputotan ni Jacob, dakayo nga Israelita a rumbeng nga agdayaw koma kaniak, pinarsuakayo, ken saankayo a lipaten.
\v 22 Inikkatkon dagiti basbasolyo a kasla panangwaknit ti angin iti ulep. Ti panagsukiryo ket kasla angep iti agsapa a pinuyotak. Agsublikayo kaniak gapu ta inispalkayo."

\s5
\v 23 Nasken nga agkanta ti init, bulan ken dagiti bituen iti tangatang, ken uray dagiti espiritu dagiti natay ket nasken nga agpukkaw a siraragsak! Dagiti amin banbantay ken kabakiran ken dakayo amin a kaykayo ket nasken nga agkantakayo a sipipigsa, gapu ta inispal ni Yahweh dagiti kaputotan ni Jacob, ket dayawen isuna dagiti Israelita.

\s5
\v 24 Kastoy ti kuna ni Yahweh, a nangisalakan ken nangparsua kadakayo: "Siak ni Yahweh, ti nangparsua iti amin a banag. Siak laeng ti nangiyukrad iti tangatang. Awan ti kaduak idi pinarsuak ti daga.
\v 25 Ipakitak nga ulbod dagiti palso a profeta, ken ipakitak a maag dagiti mangar-aramid kadagiti ritual a mangipadto iti masangngoanan. Ibagbaga dagiti dadduma a tattao a mangipagpagarup a masiribda nga adu ti ammoda, ngem ipakitak a maagda.

\s5
\v 26 Ngem kanayonko nga ipatpatungpal dagiti padto dagiti profetak. Ibagak kadakuada nga ibagada kadagiti tattao ti Jerusalem, 'Dumtengto ti aldaw nga agnaed manen ditoy dagiti tattao.' Ken ibagak kadakuada nga ibagada kadagiti tattao kadagiti sabali nga ili ti Juda a Siak a ni Yahweh, ibagbagak, 'Maibangonto manen dagiti iliyo; Dagiti laeng disso a nadadael ti ibangonkonto.'
\v 27 Inton ibagak kadagiti karayan, 'Agmagakayo! mamagaandanto.

\s5
\v 28 Idi inbagak ti maipanggep kenni Ari Ciro, 'Aywanannanto dagiti tattaok a kasla iti panangay-wan ti agpaspastor kadagiti karnerona, aramidennanto amin dagiti kayatko nga aramidenna,' ibagananto maipanggep iti Jerusalem, 'Nasken nga ibangontayo manen daytoy! ken ibagananto pay, 'Masapul nga ibangontayo manen ti templo!'"

\s5
\c 45
\p
\v 1 Ni Ciro ti dinutokan ni Yahweh nga agbalin nga emperador ti Persia ken ti pangtedanna iti nabileg a pannakabalin; ikkanto isuna ni Yahweh iti kabaelan a mangparmek kadagiti dadduma a nasion ken mangikkat iti bileg dagiti arida. Ilukatnanto dagiti ruangan dagiti suidad, ket awanto ti makabael a mangrikep kadagitoy.

\s5
\v 2 Kastoy ti kuna ni Yahweh kenkuana: "Ciro, umonaakto kenka ket patagekto dagiti banbantay. Rebbaekto dagiti bronse a ruangan ken tuktukkolekto dagiti landok a balunetda.
\v 3 Itedkonto kenka dagiti gameng nga inlemmeng dagiti tattao kadagiti nasipnget a nalimed a disso. Aramidekto dayta tapno maammoam a Siak ni Yahweh, ti Dios a pakaibilangan dagiti Israelita, ti Dios a mangaw-awag kenka babaen iti naganmo.

\s5
\v 4 Inayabanka, aw-awagak ti naganmo, para iti pagsayaatan dagiti Israelita a pinilik, nga agserbi kaniak. Uray no saannak nga am-ammo, itedkonto kenka ti titulo a pakaidayawam unay.
\v 5 Siak ni Yahweh, ket awanen ti sabali a Dios. Uray no saannak nga am-ammo, itedkonto kenka ti pannakabalin nga agballigi iti gubat
\v 6 tapno iti kasta maammoanto ti tunggal tao iti lubong, manipud daya aginggana laud, nga awanen ti sabali a Dios. Siak ni Yahweh, ket awanen ti sabali a Dios.

\s5
\v 7 Pinarsuak ti lawag ken ti kinasipnget. Ipaayko ti kappia idiay ken idissuorko ti riribuk idiay. Siak, a ni Yahweh, a mangar-aramid kadagitoy amin a banbanag."
\v 8 Kastoy pay ti kuna ni Yahweh, ' Kas iti panagtinnag ti tudo iti rabaw ti daga a mangtulong iti daytoy, tulongak dagiti tattaok ken ispalek ida; taripatoek ida a sililinteg. Siak, a ni Yahweh, a mangibanbanag kadagitoy.

\s5
\v 9 Nakabutbutengto ti pagbanagan dagiti makisinsinnupiat kaniak, ti nangparsua kadakuada. Maiyarigda iti maysa a paso ken Siak ti kasla nangaramid iti daytoy; isu nga awan duadua a saandak a mababalaw. Ti maysa a bingkol ti pila ket pudno a saan a makisupiat iti mangdamdamili iti daytoy a maysa paso, a kunaenna, 'Apay nga ar-aramidennak a kastoy?' Saan nga ibaga ti paso 'Awan ammom; nagalas dagiti ar-aramidem, isu a pagarupen dagiti tattao nga awan imam!'

\s5
\v 10 Ken nakabutbutengto no ti maysa a saanpay a naiyanak a maladaga ket ibagana iti amana, 'Apay nga itulokmo a maiyanakak?' wenno ibagana iti inana, 'Awanto ti serserbina ti panagpasikalmo.'"

\s5
\v 11 Ni Yahweh, a Nasantoan a Dios dagiti Israelita, ti nangparsua iti Israel, kastoy ti kunana kadakuada: "Apay ta saludsodenyo ti maipapan iti ar-aramidek kadakayo, annakko? Apay nga isurodak iti rumbeng nga aramidek?

\s5
\v 12 Siak ti nangparsua iti daga ken nangparsua kadagiti tattao nga agnanaed iti daytoy. Inyukradko ti tangatang babaen kadagiti imak, ken inkabilko dagiti bituen kadagiti nakaisaadanda.

\s5
\v 13 Ken inaramidko a tarigagayan ni Ciro nga aramiden dagita nalinteg a banbanag, ken ikkakto isuna iti kabaelan a mangaramid kadagitoy amin a banbanag a silalaka. Awanto ti makalapped kenkuana. Ibangonto dagiti trabahadorna ti suidadko, ken wayawayaannanto dagiti tattaok a naitalaw a kas balud. Ken aramidennanto daytoy nga uray saanko isuna a gunggunaan!" Kastoy ti kuna ni Yahweh, a Mannakabalin-amin.

\s5
\v 14 Ket kastoy pay ti ibagak kadakayo a tattaok, Siak, a ni Yahweh: "Iturayanyonto dagiti tattao a taga Egipto ken Etiopia, ken agbalindanto a tagabuyo dagiti natatayag a tattao a taga Seba idiay Arabia. Umaydanto iyeg kadakayo dagiti amin a banbanag nga ilaklakoda, ket agbalinto a kukuayo amin dagitoy. Nakakawarto dagiti takyagda kabayatan a sumursurotda kadakayo. Agrukbabdanto iti sangngoananyo ket kunaenda, 'Kaduayo ti Dios ken isuna laeng ti Dios; awanen ti sabali a Dios.'"
\v 15 O Dios, uray no saandaka a makitkita, sika ti pakaibilanganmi nga Israelita, ti mangisalsalakan kadakami.

\s5
\v 16 Mapabainanto dagiti amin nga agar-aramid iti didiosen. Maibabaindanto amin.
\v 17 Ngem sika, Yahweh, ti mangispal kadakami a tattaom nga Israelita, ken mawayawayaankaminto iti agnanayon. Saankaminton a pulos a maipababa ken maibabain iti masangoanan.

\s5
\v 18 Ni Yahweh ket Dios; isuna ti nangparsua iti tangatang ken nangaramid iti daga. Saanna a kayat nga agtalinaed daytoy nga awan ti agnaed iti rabawna; kayatna a pagnaedan daytoy dagiti tattao. Kinunana, "Siak ni Yahweh; Awanen ti sabali a Dios.

\s5
\v 19 Ti imparangarangko, saanak a nagsao a sililimed; saanak a naglibak babaen iti panagsaok iti maysa a nasipnget a disso. Idi nagsaoak kadagiti kaputotan ni Jacob, saanko nga imbaga kadakuada 'Awan serserbina ti panangsapsapulyo kaniak!' Siak, a ni Yahweh ket dagiti laeng pudno ken umno ti ibagbagak.

\s5
\v 20 Dakayo a tattao a nagtalinaed a sibibiag kalpasan a malak-amyo dagiti nakaro a didigra, rumbeng nga umaykayo ken agguummongkayo ket denggenyo daytoy: Maag dagiti tattao a mangaw-awit kadagiti kayo a didiosenda sada agkararag kadagitoy, gapu ta dagitoy a didiosen ket saanda ida a maispal!

\s5
\v 21 Agtutungtungkayo ken panunotenyo no ania ti ibagayo a mangpaneknek a rumbeng nga agkararagkayo kadagiti didiosen. Ket inton aramidenyo dayta, saludsodekto kadakayo, 'Siasino ti nangipadto idi kadagiti mapaspasamak ita? Adda kadi didiosen a nangibaga kadakayo a mapasamak dagidiay a banbanag?' Awan, Siak laeng, a ni Yahweh ti nangibaga kadakayo, gapu ta siak laeng ti Dios; awanen ti sabali a Dios. Siak ti Dios nga agtigtignay a sililinteg ken mangisalsalakan kadagiti tattao; awanen ti sabali a mangar-aramid kadagitoy a banbanag.

\s5
\v 22 Rumbeng a dawaten ti tunggal maysa iti lubong nga isalakanko ida, gapu ta siak laeng ti kakaisuna a Dios a makaaramid iti dayta; awanen ti sabali pay.
\v 23 Sipupudno nga imparangarangko, inaramatko ti bukodko a nagan; Imbagak ti kinapudno, ken saankon nga ibabawi dagiti naibagak: Dumtengto ti aldaw, agrukbabto ti tunggal maysa iti sangoanak, ket sipupudnonto nga ikarida nga agbalinda a napudno kaniak.

\s5
\v 24 Iparangarangdanto, 'Ni Yahweh laeng ti makapagbalin kadakami nga agbiag a sililinteg ken agbalin a napigsa.'" Ken agkamangto kenni Yahweh dagiti amin a gimmura kenni Yahweh, ket mababaindanto ta ginurada isuna.
\v 25 Ni laeng Yahweh ti makaited kadatayo nga Israelita iti kabaelan a mangparmek kadagiti kabusortayo, kalpasanna ipannakkeltayonto dagiti inar-aramidna para kadatayo.

\s5
\c 46
\p
\v 1 Kasla dagiti istatua a didiosen iti Babilonia a da Bel ken Nebo, agrukrukbab kabayatan a maisaksakay kadagiti ayup ket maipanawda! Dagiti istatua ket nadagsen unay ket isu ti pakabannogan dagiti ayup!
\v 2 Nakadumog amin dagiti didiosen ken dagiti ayup; saan a maisalakan dagiti didiosen dagiti bukodda uray dagiti ayup a nakaisakayanda; dagiti didiosen a mismo ket maitalawda!

\s5
\v 3 Kuna ni Yahweh, "Dakayo a kaputotan ni Jacob a naitalaw a kas balud, saanak a kas kadagiti didiosen ti Babilonia a nasken a maawit; ngem ketdi, kasla inay-aywanankayo sipud pay nagbalinkayo a maysa nasion. Inaywanankayo uray idi sakbay pay nga agbalinkayo a maysa a nasion.
\v 4 Siak ti Diosyo, ken aywanankayo iti adu a tawen, agingga a ti nasionyo ket kasla maysa a lakay nga ubanan dagiti buokna. Pinagbalinkayo a nasion, ken isabetko dagiti kasapulanyo ken ispalenkayo.

\s5
\v 5 Pudno nga awan ti pakaidiligak. Awan ti kapadpadak.
\v 6 Isu a kinakuneng nga iburais dagiti dadduma a tattao dagiti balitok ken pirak manipud kadagiti pagkarkargaanda sada ikilo daytoy iti pagkiloan. Kalpasanna, mangtangdanda iti tao a mangar-aramid kadagiti banbanag manipud iti balitok tapno agaramid iti didiosen manipud iti daytoy. Kalpasan a maaramidna ti didiosen, agrukbabda ket dayawenda daytoy!

\s5
\v 7 Ingatoda sada ibaklay daytoy. Ikabilda iti napateg a disso, ket agtalinaed daytoy idiay. Saan a makagaraw daytoy! Ken inton adda maysa nga agkarkararag iti daytoy, saan a sumungbat daytoy. Isu a kaawatan a saan a makaispal daytoy iti siasinoman manipud kadagiti pannakariribukna!

\s5
\v 8 Dakayo a tattao iti Juda, saanyo a liplipatan daytoy; panunotenyo a kanayon daytoy, dakayo a managbasol a tattao!
\v 9 Panunotenyo dagiti banbanag nga inaramidko idi nabayagen a panawen. Siak laeng ti Dios; Siak ti Dios, ken awanen ti kas kaniak.

\s5
\v 10 Siak laeng ti makaibaga kadagiti mapasamak iti masakbayan sakbay a mapasamak daytoy; imbagakon idi sakbay pay a mapasamak daytoy. Lippasek ti amin a pinanggepko a palpasen, ken aramidek amin ti kayatko nga aramiden.
\v 11 Isu nga ayabak ni Ciro manipud iti daya a kasla maysa a napardas ken nabileg nga agila; umay isuna manipud iti adayo a pagilian. Leppasenna ti kayatko nga aramidenna. Isuna ti mangaramid iti imbagak a kayatko nga aramidenna, ti panggepko.

\s5
\v 12 Dakayo a nasukir nga Israelita, dakayo a naan-anay a saan a makaaramid iti nalinteg,
\v 13 ispalenkayo, ket dandanin a mapasamak daytoy. Dandanikon nga aramiden daytoy. Ispalek ti Jerusalem ken ipakitak kadakayo nga Israelita a nadayagak."

\s5
\c 47
\p
\v 1 Kuna pay ni Yahweh, "Dakayo a tattao a taga Babilonia, masapul nga agtugawkayo iti tapok, gapu ta dandanin nga aggibos ti panagturayyo kadagiti sabali a pagilian. Saanto a pulos nga ibaga dagiti tattao a napintas ti Bablilonia a kasla iti maysa a makaay-ayo a balasang.
\v 2 Agbalinkayonto a tagabu, isu nga alaenyo dagiti nadagsen a batbato ket gilingenyo dagiti trigo a kas iti ar-aramiden dagiti tagabu a babbai. Ussobenyo ti napintas a dalungdongyo ken ussobenyo ti kawesyo iti panagsaganayo nga agballasiw iti karayan a pakaibaunanyo.

\s5
\v 3 Lamolamo ken mababainkayonto unay. Balsenkayo ken saanakto a maasian kadakayo."
\v 4 Ti mangwayawaya kadatayo a tattao ti Juda, nga aw-awaganmi a Yahweh, ti Mannakabalin-Amin,' ket ti Nasantoan a Dios ti Israel.
\v 5 Kuna ni Yahweh, "Dakayo a tattao ti Babilonia, agulimekkayo nga agtugaw iti kasipngetan, gapu ta awanen a pulos ti mangibaga a ti siudadyo ket kasla iti maysa a reyna nga agturturay iti adu a pagarian.

\s5
\v 6 Nakaungetak kadagiti tattao a maibilang kaniak, ket dinusak ida. Impalubosko a sakupenyo ida dakayo a tattao a taga Babilonia. Ngem idi naparmekyo ida saankayo a naasian kadakuada. Pinarigatyo uray dagiti lallakay.
\v 7 Kinunayo, 'Iturayantayo dagiti sabali a nasion iti agnanayon; kasla ti siudadtayo ti reyna ti lubong iti agnanayon!' Ngem saanyo a panpanunoten ti maipanggep kadagiti banbanag nga ar-aramidenyo, wenno saanyo a panpanunoten ti pagbanaganna.

\s5
\v 8 Dakayo a tattao a Taga-Babilonia a mangragragsak kadagiti tarigagayyo ken makikakaidda kadagiti tattao nga awan ti panagteppelyo, denggenyo daytoy: Ragragsakenyo ti nanam-ay a panagbiag ken nariknayo ti kinatalgedyo. Kinunayo, 'Kaslatayo dios, ken awanen ti sabali pay a kas kadatayo. Saanto a pulos a mabalo dagiti babbai iti lugartayo, ken saanto a mapapatay dagiti annaktayo kadagiti gubat.'
\v 9 Ngem kellaatto a mapasamak amin dagitoy kadakayo: adunto dagiti mabalo a babbai iti lugaryo ken adunto kadagiti annakyo ti mapapatay, uray pay no ad-adda ti panagan-anitoyo ken adu a kita ti salamangka ti aramidenyo tapno malapdanyo dagiti dakes a mapasamak kadakayo.

\s5
\v 10 Pagarupenyo a natalgedkayo uray no agar-aramidkayo kadagiti nadangkes a banbanag, ken kinunayo, 'Awan ti makakitkita kadagiti ar-aramidentayo!' Pagarupenyo a nasiribkayo unay ken pagarupenyo nga adu ti ammoyo, ken kinunayo, 'Datayo ket dios, ken awanen ti sabali pay a kas kadatayo,' ngem inallilawyo dagiti bagbagiyo.
\v 11 Mapadasanyonto ngarud dagiti nakabutbuteng a banbanag, ket saanyonto a malapdan dagitoy babaen iti panagsalamangkayo. Madidigrakayonto, ket saanyonto a kabaelan ti mangtangdan iti salamangkero a manglapped kadagitoy a mapasamak. Kellaatto a mapasamak ti didigra kadakayo, banag a saanyonto a mapupuotan a dandanin a mapasamak.

\s5
\v 12 Isu nga itultuloyyo ti panagsalamangkayo! Aramidenyo latta dagiti adu a kita ti panagpadles a sigud nga ar-aramidenyo kadagiti naglabas a tawtawen! Bareng no ti panangaramidyo kadagitoy a banbanag ti mangpaballigi kadakayo; bareng no mabutbutengyo dagiti kabusoryo!
\v 13 Ngem ti nagbanagan laeng dagiti amin nga inar-aramidyo nga imbalakad dagiti salamangkero ket nabannogkayo! Dagiti lallaki a mangad-adal kadagiti bituen, dagiti mangipakpakdaar iti tunggal baro a bulan, dagiti mangipadto iti mapasamak ket masapul nga umasideg ket ispalennakayo manipud kadagiti didigra a dandaniyon a lak-amen.

\s5
\v 14 Ngem saanda a maaramid dayta, gapu ta kaslada iti garami a mapupuoran; saanda a maisalakan dagiti bagbagida kabayatan a mapupuoran. Saandakayo a matulongan; kaslada iti naggapasan nga awan serserbina a mapupuoran, ngem ikisap dagitoy ti apuy imbes a ragsakenda ti pudot.
\v 15 Upayennakanto dagiti tattao a nakadkadduayo ken nakatrabahoyo manipud pay agtutubokayo, gapu ta itultuloydanto dagiti minamaag nga ar-aramidenda, ket saandakanyonto nga ikaskaso inton umasogkayo iti tulong."

\s5
\c 48
\p
\v 1 Dagiti kaputotan ni Jacob, a kaputotan met laeng ni Juda ken maawagan ita nga Israelita, dumngegkayo kenni Yahweh! Agkarikayo a napasnek nga usarenyo ti nagan ni Yahweh, ken kiddawenyo a denggennakayo ti Dios ti Israel a pakaibilanganyo, ngem saan a napudno ti panangaramidyo iti daytoy.
\v 2 Ibagayo nga agnanaedkayo iti nasantoan a siudad ti Jerusalem ken sipupudno nga ibagayo nga agtaltalekkayo iti Dios dagiti Israelita a pakaibilanganyo, nga isu ni Yahweh, a Mannakabalin-amin.

\s5
\v 3 "Impadtok idi ti mapasamakto. Ken kalpasanna, kellaat a tinungpalko dagidiay a bambanag.
\v 4 Ammok a nasukirkayo unay a tattao; ammok a kas katangken ti landok wenno bronse ti uloyo.
\v 5 Dayta ti makagapu no apay nga imbagak kadakayo dagidiay a banbanag idi punganay. Nabayagen a naipakaammok dagitoy sakbay pay a mapasamak, tapno saanyo a maibaga inton mapasamak dagitoy nga, 'Inaramid daytoy dagiti didiosentayo; ti estatuatayo a kayo wenno ti didiosentayo a landok ti nangaramid kadagitoy.'

\s5
\v 6 Nangngegyo dagidiay a bambanag nga impadtok, ket ita nakitayon a napasamak amin dagitoy, apay ngarud a saanyo a maaklon dagitoy? Ita ibagak kadakayo dagiti baro a bambanag, bambanag a saanyo pay a naammoan idi damo.
\v 7 Ipatungpalkon dagitoy; saan a dagitoy dagiti bambanag nga inaramidko idi. Isu a saanyo nga ibaga nga, 'Ammomin ti maipapan kadagitoy a bambanag.'

\s5
\v 8 Ibagak kadakayo ti maipapan kadagiti bambanag a saanyo pay a pulos a nangngeg wenno naawatan idi damo. Uray idi ket saandak nga impangag. Ammok a manangallilaw unay ti tignayyo; sinukirdak sipud pay idi nagbalinkayo a nasion.

\s5
\v 9 Ngem gapu iti naganko, tapno maidayawak, saankayonto a dagus a dusaen ken saankayonto a pukawen a naan-anay.
\v 10 Pinasin-awkayo, ngem saan nga iti wagas a pananggugor dagiti tattao iti pirak. Ngem ketdi, pinagrigatkayo iti kasta unay tapno mapukaw dagiti naalas a kababalinyo.
\v 11 Ngem gapu iti naganko, itantankonto pay ti panangdusak kadakayo; itantanko gapu iti naganko, tapno saanto a madadael ti dayawko. Saankonto nga itulok ti siasinoman a tao wenno didiosen a mapadayawan kas iti pannakaidayawko."

\s5
\v 12 "Dakayo a kaputotan ni Jacob, dakayo a tattao ti Israel a pinilik, dumngegkayo kaniak! Siak laeng ti Dios; siak ti mangirugi ken mangileppas kadagiti amin a banag.
\v 13 Siak ti nangipasdek iti pundasion ti daga. Inyukradko ti tangatang babaen iti imak. Ken no ibagak kadagiti bituen nga agparangda, aramidenda amin nga ibagak kadakuada.

\s5
\v 14 Aguummongkayo amin ken dumngegkayo kaniak. Awan kadagiti didiosenyo ti nangibaga kadakayo iti daytoy: Siak, a ni Yahweh, pinilik ni Ciro a tumulong kaniak, ket aramidennanto ti kayatko nga aramidenna iti Babilonia, ket dadaelento ti armadana ti armada ti Babilonia.
\v 15 Naibagakon daytoy; pinaayabakon ni Ciro. Nadutokakon isuna, ken lippasenna amin a banag a pangpanggepenna nga aramiden.

\s5
\v 16 Umasidegkayo kaniak ken dumngegkayo iti ibagak. Nalawag nga imbagbagak idi kadakayo ti mapasamak, ket idi napasamak dagitoy a bambanag, siak ti makagapu a mapaspasamak dagitoy." Ket ita ni Yahweh nga Apo ken ti Espirituna, ti nangibaon kaniak, ti profeta a ni Isaias, tapno mangted kadakayo iti mensahe.

\s5
\v 17 Kastoy ti kuna ni Yahweh, ti nangisalakan kadakayo, ti Nasantoan a Dios kadatayo nga Israelita: "Siak ni Yahweh, a Diosyo; isurok kadakayo ti napateg tapno rumang-aykayo; iturong ken idalankayo tapno aramidenyo dagiti bambanag a rumbeng nga aramidenyo.
\v 18 Sapay koma ta impangagyo dagiti bilbilinko! No inaramidyo dayta, sumayaat koma dagiti banbanag kadakayo a kasla iti natalinaay a panagay-ayus ti karayan; naballigikayo koma a kankanayon, kasla kadagiti um-umay a dalluyon a saan nga agsardeng.

\s5
\v 19 Adu koman dagiti kaputotanyo a kas kaadu dagiti binukel ti darat iti igid ti baybay nga awan ti makabilang. Saanko koman a masapul a dadaelen ida; saan koman a nadadael ti pagilian ti Israel.

\s5
\v 20 Uray no kasta ibagak kadakayo, panawanyo ita ti Babilonia! Panawanyo ti pannakatagabuyo kadagiti tattao ti Babilonia! Iwaragawagyo daytoy a mensahe a sirarag-o; ipatulodyo daytoy kadagiti kaadayoan a lugar ditoy rabaw ti daga: 'Winayawayaan ni Yahweh dagiti Israelita iti pannakatagabuda idiay Egipto.'

\s5
\v 21 Saanda a nawaw idi inturongna ida idiay disierto, gapu ta binittakna nga inungap ti bato ken pinagpussuakna ti danum tapno uminumda.'
\v 22 Ngem saanto a sumayaat dagiti bambanag a kas iti daytoy a para kadagiti nadangkes a tattao," kinuna ni Yahweh.

\s5
\c 49
\p
\v 1 Dakayo amin a tattao nga agnanaed kadagiti isla iti taaw ken kadagiti adayo a disso, ipangagyo ti ibagak! Inayabannak ni Yahweh sakbay a naiyanakak; pinilinak idi addaak pay laeng iti aanakan ti inak.
\v 2 Idi dimmakkelak, pinagbalinna dagiti mensahek a kasla natadem a kampilan. Sinalaknibannak babaen kadagiti imana. Salsalaknibannak a kas iti panangsalaknib ti maysa a tao kadagiti natadem a pana iti pagiduldulinanna.

\s5
\v 3 Kinunana kaniak, "Agserbikanto kadagiti tattaok nga Israelita, ket pagdayawemto dagiti tattao kaniak."
\v 4 Insungbatko, "Awan serserbi ti aramidko; inaramatko amin a pigsak, ngem awan naaramidak a napateg; amin nga inaramidko ket awan mamaayna. Nupay kasta, mabalinnak a padayawan ni Yahweh a kas pakaay-ayoanna; ti Diosko ti manggunggona kaniak a kas maiparbeng kaniak."

\s5
\v 5 Sinukognak ni Yahweh idi addaak pay iti aanakan ti inak tapno makapagserbiak kenkuana; dinutokannak a mangisubli kadagiti Israelita kenkuanna. Pinadayawannak ni Yahweh, ken isuna ti nangpapigsa kaniak.
\v 6 Kinunana kaniak, "Saan nga umdas ti panagserbim kaniak babaen iti panangisublim kadagiti kaputotan ni Jacob tapno pagdaydayawandak manen; kayatko pay nga agbalinka a kasla silaw kadagiti saan nga Israelita; kayatko nga ipanmo ti mensahek maipapan iti pannakaisalakan kadagiti tattao iti entero a lubong."

\s5
\v 7 Ni Yahweh a mangisalsalakan kadatayo, ti Nasantoan a Diostayo nga Israelita, kunana iti maysa a kinagura ken linaksid dagiti tattao iti adu a nasion, iti maysa a tagabu dagiti mangiturturay, "Dumtengto ti maysa nga aldaw a tumakderto dagiti ari tapno agraem kenka no makitadaka, ken agruknoyto kenka dagiti prinsipe gapu ta agserserbika kaniak, a ni Yahweh, ti napudno a mangtungpal iti karik. Siak ti Nasantoan a Dios a nakaibilanganyo nga Israelita, ti nangpili kadakayo."

\s5
\v 8 Kastoy pay ti ibagbaga ni Yahweh, "Iti kanito a maay-ayoak, sungbatakto dagiti kararagmo. Iti aldaw nga ispalenka kadagiti mangparparigat kenka, tulongankanto. Salaknibankanto ken ikkankanto iti kabaelan a makitulag kadagiti sabali a nasion. Ken babaen ti aramidem, ipasdekkonto manen ti nasionmo nga Israel ken ipalubosko nga agnaedka manen iti dagam a nabaybay-an."

\s5
\v 9 Ibagamto kadagiti natiliw ken napagtalaw, "Panawanyo ti Babilonia ken agsublikayo iti bukodyo a pagilian!' Ken ibagamto kadagiti adda kadagiti nasipnget a pagbaludan, 'Rummuarkayo a mapan iti lawag!' Inton mapasamak dayta, kayarigandanto manen iti karnero nga agarab kadagiti nalangto a pagpasturan, kadagiti turod nga awan idi ti nalangto a ruotna.

\s5
\v 10 Saandanton a mabisin wenno mawaw, saandanton a mapudotan manen. Siak, a ni Yahweh, kaasiakto ida ken idalanko ida; iturongkonto ida iti ayan dagiti ubbog ti nalammiis a danum.
\v 11 Ken pagbalinekto dagiti bambantay a kasla kadagiti patad a kalsada, ken mangisaganaakto kadagiti napintas a kangrunaan a dalan a pagdaliasatan dagiti tattaok, nga agsubli iti Jerusalem.

\s5
\v 12 Agsublinto dagiti tattaok manipud iti adayo; aggapunto dagiti dadduma iti amianan ken iti laud, aggapunto dagiti dadduma iti akin-abagatan ti Egipto."
\v 13 Gapu iti inkari ni Yahweh nga aramiden, rumbeng nga agpukkaw a sirarag-o amin a banag---rumbeng nga agkanta ti tangatang ken daga ken dagiti bambantay, gapu ta liwliwaen ni Yahweh dagiti tattaona, ken kaasiannanto dagiti agsagsagaba.

\s5
\v 14 Kuna dagiti tattao ti Israel, "Binaybay-annatayo ni Yahweh; nalipatanna ti maipapan kadatayo."
\v 15 Ngem simmungbat ni Yahweh, "Saan a pudno dayta! Malipatan kadi ti babai ti maladaga a paspasusoenna? Isardengna kadi ti kinaimbagna iti anak nga impasngayna? Ngem uray no aramiden dayta ti maysa a babai, saankayonto a malipatan!

\s5
\v 16 Tandaananyo nga insuratko dagiti naganyo kadagiti dakulap dagiti imak; kanayonko a kitkitaen dagiti pader ti siudadyo.
\v 17 Iti saan a mabayag agsublinto sadiay dagiti annakyo, ken pumanawto dagiti amin a nangdadael iti siudadyo.
\v 18 Kumitakayonto iti aglawlawyo ket makitayo nga agsubsubli dagiti amin nga annakyo. Iti naganko nga adda iti agnanayon, kaduamto ida tapno ipakitam kadagiti tattao a kas iti nobia a mangipakpakita kadagiti pangkasar nga alahasna!

\s5
\v 19 Nadadael ti dagam isu a nagbalin a langalang, ngem dumtengto ti maysa nga aldaw ket mapunnonto daytoy iti tattao ket adayonto dagiti nangsakup kenka.
\v 20 Dagiti annakmo a naiyanak kabayatan iti pannakapatalawmo ket agsublinto iti Jerusalem ken kunada, 'Nailet unay daytoy a siudad para kadatayo; Masapultayo pay ti nalawlawa a pagnaedan!'

\s5
\v 21 Ket panpanunotemto, 'Nakaskasdaaw nga adda kadatayo amin dagitoy nga annak! Kaaduan kadagiti annaktayo ket natay, ken napagtalaw dagiti dadduma. Datdatayo laeng ti nabati ditoy; isu a saantayo nga ammo ti naggapuan amin dagitoy nga ubbing! Siasino ti nangpadakkel kadakuada?"'

\s5
\v 22 Kastoy ti kuna ni Yahweh a Diostayo: "Siputam! Daytoy ket kasla ingatok ti imak tapno pagilasinan dagiti saan nga Israelita. Ket ubbaendanto dagiti babassit nga annakyo a lallaki ken sinallabaydanto dagiti annakyo a babbai nga isubli kadakayo.

\s5
\v 23 Agserbinto kenka dagiti ari ket isurodanto dagiti annakmo ken dagitinto reynada ti mangaywanto kadagiti ubbing nga annakmo. Agpaklebdanto iti sangoanam ket dilpatanda ti tapok kadagiti sakam: Inton mapasamak dayta, maammoamto a siak ni Yahweh; ket saanto a pulos a maupay dagiti agtalek kaniak.

\s5
\v 24 Awan ti uray maysa a makaagaw kadagiti napapateg a bambanag a sinamsam dagiti soldado iti gubat; awan ti makapilit iti nauyong a pangulo tapno wayawayaanna dagiti tattao a tiniliwna.
\v 25 Ngem kastoy ti kuna ni Yahweh: "Dumtengto ti maysa nga aldaw, mawayawayaanto dagiti naibalud, ken maisublinto dagiti napapateg a bambanag nga inagaw dagiti nauyong a pangulo kadagiti sabali, gapu ta karangetkonto dagiti mangranget kadakayo, ken ispalekto dagiti annakyo.

\s5
\v 26 Pagpipinnatayekto dagiti kabusoryo imbes a patayenda dagiti sabali. Iton mapasamak dayta, maammoanto iti amin a tao iti lubong a siak, a ni Yahweh, ti mangisalsalakan kadakayo, ti mangis-ispal kadakayo manipud kadagiti kabusoryo; maammoanto dagiti amin a tao a siak ti mannakabalin a Dios a nakaibilanganyo a kaputotan ni Jacob."

\s5
\c 50
\p
\v 1 Kastoy pay ti ibagbaga ni Yahweh; "Dakayo nga Israelita, saanyo a panunoten a pinilitko dagiti nagannakyo a naitalaw iti Babilonia a kasla kadagiti dadduma a lallaki a nangpapanaw kadagiti assawada kalpasan iti panangitedda kadakuada iti papel a nangilanadanda nga isinsinada idan! Nalawag a saankayo a pinukaw a kas iti maysa a lalaki a mangilaklako kadagiti annakna tapno maadaan iti kuarta nga ibayadna kadagiti utangna. Saan, ti makagapu a pinilitkayo a pinatalaw ket tapno dusaenkayo gapu kadagiti basol nga inaramidyo.

\s5
\v 2 Idi immayak tapno ispalenkayo, apay nga awan ti simmungbat idi immawagak kadakayo? Awan kadi ti mangsaka kadakayo sadiay ken mangiyawid kadakayo? Impagarupyo kadi nga awan ti pannakabalinko a mangispal kadakayo? Panunotenyo ti maipapan iti daytoy: Mabalinko a kasao ti taaw ken paattianan daytoy! Mabalinko a pagbalinen a disierto dagiti karayan tapno matay dagiti lames kadagiti karayan gapu iti pannakawaw ket mabuyok.
\v 3 Pagsipngetek ti tangatang, a kasla panagbado daytoy iti nangisit ta agladladingit gapu ta adda natay."

\s5
\v 4 Insuronak ni Yahweh nga agsao para kenkuana, tapno maparegtak dagiti nabannog. Binigat a ririingennak ni Yahweh, tapno mangngegko dagiti isursurona kaniak.

\s5
\v 5 Nagsao kaniak ni Yahweh a Diostayo, ket saanko a linaksid ti imbagana kaniak; inawatko daytoy.
\v 6 Impalubosko a sapliten dagiti tattao ti bukotko ken parutenda dagiti barbasko gapu ta kinaguradak. Saanko ida a tinallikudan idi nagang-angawandak ken tinupraandak.

\s5
\v 7 Ngem gapu ta tultulongannak ti Apo a Yahweh, saanakto pulos a maibabain. Disididoak ngarud a sumango kadagiti pakarigatan, ken ammok nga awan ti makaibabain kaniak.

\s5
\v 8 Asideg ti Dios kaniak; Ipakitananto kadagiti dadduma nga umno ti inaramidko a panagtalek kenkuana, isu a no adda ti siasinoman a tumakder iti sangoanak ket akusarannak iti pangukoman, saananto a kabaelan nga ipakita nga adda inaramidko a biddut.
\v 9 Ikanawanakto ti Apo a Yahweh iti pangukoman, isu nga awanto ti makabael a mangukom kaniak. Amin a mangakusar kaniak ket agpukawto a kasla kadagiti daan a lupot a kinnan dagiti buot.

\s5
\v 10 No padayawanyo ni Yahweh ken aramidenyo ti ibagbaga dagiti adipenna nga aramidenyo, uray no magmagnakayo iti kasipngetan, ken kasla awan ti lawag, agtalekkayo kenni Yahweh a Diosyo a tulongannakayo; agdependarkayo kenkuana.

\s5
\v 11 Ngem dakayo a sumuppiat kaniak babaen iti pananggangatyo iti bukodyo a silaw, ken babaen iti panangawityo kadagiti bukodyo a pagsilawan nga umap-apuy: mapankayo ket agbiagkayo segun iti bukodyo a pannakaammo, ken segun iti ipagarupyo a kasasayaatan. Ibaganto ni Yahweh ti mapasamak kadakayo: papatayennakayonto iti nakaro a rigat!

\s5
\c 51
\p
\v 1 Kuna ni Yahweh, "Dakayo a tattao nga agtarigagay nga agtignay a sililinteg, a mayat a mangaramid iti kayatko nga aramidenyo, dumngegkayo kaniak! Panunotenyo ti maipapan kenni Abraham! Kayariganna ti maysa a dakkel unay a bato a rangkis; ken idi nagbalinkayo a nasion dakayo nga Israelita, kayariganna a tinippingkayo manipud iti kabatbatoan a rangkis.

\s5
\v 2 Panunotenyo ti maipapan kenni Abraham a kapuonanyo ken ni Sara nga asawana, nga akin-kaputotan kadakayo amin. Idi immuna a kinasaok ni Abraham, awan annakna. Ngem kalpasan a binendisionak isuna, naaddaan isuna iti adu a bilang dagiti kaputotan.

\s5
\v 3 Dumtengto ti aldaw a siak, a ni Yahweh, ket paregtaekto manen dagiti kaputotan ni Abraham ken liwliwaekto amin a tattao nga agnaed kadagiti nadadael a disso ti Jerusalem. Agbalinto a kasla Eden dagiti disierto iti dayta a disso; agbalinto daytoy a kasla minuyongan ni Yahweh. Agrag-o ken agragsakto dagiti amin a tattao sadiay; agyamandanto kaniak ken agkantada.

\s5
\v 4 Dakayo a tattaok iti Juda, dumngegkayo a nasayaat kaniak, gapu ta ibilinko kadakayo nga iwaragawagyo dagiti lintegko; dagiti umno a bambanag nga aramidek ket kaslanto silaw nga agpaay kadagiti tattao kadagiti amin a nasion.
\v 5 Ispalenkayonto ken isuda iti mabiit; babaen iti pannakabalinko ket iturayak ken bendisionakto dagiti tattao iti daga. Urayendakto dagiti tattao nga agnanaed iti kaadayoan a disso iti rabaw ti daga tapno tulongak ida.

\s5
\v 6 Kumitakayo iti tangatang, ken kumitakayo iti daga, kitaenyo ti langa dagitoy ita, gapu ta dumtengto ti maysa nga aldaw nga agpukawto ti tangatang a kasla asuk ken marunotto ti daga a kasla kadagiti daan a lupot, ket matayto dagiti tattao iti daga a kasla kadagiti ngilaw. Ngem ispalenkayonto, ket agtalinaedkayonto a nawaya iti agnanayon, ken iturayankayonto a sililinteg iti agnanayon.

\s5
\v 7 Dakayo a tattao a makaammo kadagiti bambanag a naimbag nga aramiden, ken dakayo a makaammo iti kaungganyo iti naisurat kadagiti bilbilinko, dumngegkayo kaniak! Saanyo a pagbutngan dagiti tattao a mangibabain kadakayo; saanyo a pakarikutan no pagsasawandakayo iti agkakadakes dagiti tattao,
\v 8 gapu ta dumtengto ti aldaw a madadaeldanto a kas kadagiti lupot a kinnan dagiti buot, kasla kadagiti lalat a pagana-ay a kinnan dagiti igges. Isalakankonto ida, ket naisalakandanto iti agnanayon."

\s5
\v 9 Yahweh, bumangonka ket mangaramidka iti maysa a banag para kadakami! Ipakitam kadakami a nabilegka! Agaramidka kadagiti naindaklan a bambanag a kas iti inaramidmo idi nabayag a tiempo, idi dinuyok ken rinangrangkaymo ni Rahab, ti narungsot nga ayup ti baybay.
\v 10 Awan duadua a sika ti nangpamaga iti taaw ken nangaramid iti dalan iti dayta nga adalem a danum tapno makaballasiw dagiti tattaom iti daytoy.

\s5
\v 11 Agsublinto met laeng nga agkankanta iti Jerusalem dagiti ispalen ni Yahweh manipud iti pannakaibalud iti Babilonia. Ti kinaragsakda iti agnanayon ket kaslanto maysa a korona kadagiti uloda. Saandanton nga agliday ken agladingit pay; naan-anaydanto a narag-o ken naragsak.

\s5
\v 12 Kuna ni Yahweh, "Siak ti mangparparegta kadakayo. Apay ngarud nga agbutengkayo kadagiti tattao a matay ken agpukawto a kasla ruot?

\s5
\v 13 Saandak koma a linipat, ni Yaweh, ti namarsua iti nasionyo, ti nangiyukrad iti tangatang ken nangisaad kadagiti pundasion ti daga. Rumbeng a saankayo nga agbuteng kadagiti makaunget ken agtarigagay a mangdadael kadakayo. Rumbeng a saankayon nga agbuteng kadakuada, gapu ta nagpukawen dagiti makaunget a tattao!

\s5
\v 14 Iti saan a mabayag, mawayawayaankayonto a tattao a nagbalin a tagabu iti Babilonia! Saankayonto nga agtalinaed iti pagbaludan, ken saankayonto a matay iti bisin,
\v 15 gapu ta siak ni Yahweh, a Diosyo, ti mangkibor iti baybay ken mangpadaranudor kadagiti dalluyon; siak ni Yahweh, a Mannakabalin-amin!

\s5
\v 16 Intedkon kadakayo ti mensahek tapno maiwaragawag, ken sinalaknibankayo babaen iti imak. Inaramidko daytoy tapno maiyukradko ti tangatang ken maisaadko ti pundasion ti daga. Ket inaramidko daytoy tapno maibagak kadakayo nga Israelita, 'Dakayo dagiti tattaok!'"

\s5
\v 17 Dakayo a tattao ti Jerusalem, agriingkayo! Linak-amyon ti nakaro a panangdusdusa ni Yahweh kadakayo. Pinagrigatnakayo ni Yahweh iti kasta unay ken dinidigranakayo, kas panangpilit iti maysa a tao tapno matnag ti padana a tao babaen iti panangpilitna a mangpainum iti tunggal tedted ti arak iti dakkel a malukong.
\v 18 Ita awan ti annak a sibibiag ken makabael a mangkibin ken mangidalan kadakayo. Saanyo a matulongan dagiti bagbagiyo.

\s5
\v 19 Napadasanyo dagiti nadumaduma a didigra: Nagbalin a langalang ti pagilianyo; nadadael dagiti siudadyo; adu a tattao ti natay gapu iti bisin, adu a tattao ti napapatay babaen kadagiti kampilan dagiti kabusoryo. Ita awanen ti makipagsangit ken makipagrikna kadakayo.
\v 20 Natalimudawen dagiti annakyo ket naka-iddadan kadagiti kalsada; kas da la iti ugsa a nasiloan nga awan gawgawayna. Napasamak kadakuada daytoy gapu ta nakaunget unay ni Yahweh kadakuada; nakaro ti panangtubngarna kadakuada.

\s5
\v 21 Isu nga ita, dakayo a tattao a nagsagaba iti kasta unay, agtigtignaykayo a kasla nabartek, ngem saan a gapu daytoy a nakainumkayo iti adu nga arak.
\v 22 Kastoy ti kuna ni Yahweh, nga Apo ken Diosyo, ti nangikalintegan iti kasasaadyo tapno ikanawanakayo: "Kasla innalak dayta a kopa ti napait a likido kadagiti imayo; saanakton a makaunget kadakayo ken saankonton nga ipainum daytoy kadakayo, tapno saankayon agsagaba pay.

\s5
\v 23 Ngem ketdi, pagsagabaekto dagiti nangparigat kadakayo, dusaekto iti kasta unay dagiti nangibaga kadakayo iti, 'Agiddakayo tapno makapagnakami kadagiti rabawyo, agpaklebkayo tapno makapagnakami iti bukotyo a kasla kadagiti kalsada.

\s5
\c 52
\p
\v 1 Dakayo a tattao nga agnanaed iti nasantoan a siudad ti Jerusalem, agriingkayo! Agpapigsakayo manen! Ipakitayo a napintas ken nadayag ti siudadyo; dagiti saan a nakugit a ganggannaet, dagiti saan nga agraraem kenni Yahweh ket saanton a pulos a makastrek manen iti siudadyo tapno rumaut kadakayo.

\s5
\v 2 Dakayo a tattao ti Jerusalem, tumakderkayo manipud iti tapok a pagtugtugawanyo, ket agtugawkayo a nasayaat! Dakayo a tattao a nakasubli manipud iti pannakapatalaw, ikkatenyo dagiti kawar nga inkabil dagiti taga-Babilonia kadagiti tengngedyo,
\v 3 gapu ta kastoy ti kuna ni Yahweh: "Idi naiyapankayo idiay Babilonia a kas balud, awan ti nagbayad tapno mapasamak dayta. Ita ngarud maisublikayo, ket awanto ti kuarta a maibayad iti siasinoman para iti pannakawayawayayo."

\s5
\v 4 Kastoy pay ti kuna ni Yahweh nga Apotayo. "Idi un-unana, napan dagiti tattaok iti Egipto tapno agnaedda sadiay. Iti saan a nagbayag, pinarigat ida dagiti soldado ti Asiria.

\s5
\v 5 Ngem ita panunotenyo ti mapaspasamak: Napilit dagiti tattaok nga agbalin manen a tagabu, iti daytoy a tiempo babaen kadagiti tattao iti Babilonia. Agganug-og ken agdung-aw dagiti mangiturturay kadagiti tattaok, ken umsiendak dagiti dadduma a bunggoy dagiti tattao ti lubong.
\v 6 Ngem kalpasan dayta, ayaten ken raemendakto dagiti tattaok; inton mapasamak dayta, maamoandanto a siak ti nangibaga a mapasamakto daytoy. Siak daytoy, ni Yahweh, ti mangaramidto iti daytoy."

\s5
\v 7 Nagpintas daytoy a banag no umay dagiti mensahero manipud ballasiw dagiti bambantay ken mangiiyeg kadagiti naimbag a damdamag, dagiti damdamag a maipapan iti panangipaay ti Dios iti kappia ken pannakaisalakan kadatayo, dagiti damdamag a ti Diostayo nga Israelita ket ipakpakitanan iti tunggal maysa ti pannakabalinna a kas ari!
\v 8 Agpukkaw ken agkantanto a sirarag-o dagiti agwanwanawan nga agbambantay iti siudad, gapu ta kabayatan nga agwanwanawanda, makitadanto amin nga agsubsubli ni Yahweh iti Jerusalem.

\s5
\v 9 Nadadaelen ti Jerusalem, ngem rumbeng a rugian dagiti tattao nga adda sadiay ti agkanta a sirarag-o, gapu ta paregtaento ni Yahweh dagiti tattaona; wayawayaannanto dagiti tattaona ken isublinanto ida iti Jerusalem.
\v 10 Ipakitanto ni Yahweh kadagiti amin a nasion a nasantoan ken mannakabalin isuna. Maammoanto dagiti amin a tattao kadagiti kasulsolinekan a luglugar nga inispalna dagiti tattaona.

\s5
\v 11 Panawanyo ngarud dagiti lugar a nakaibaludanyo, nga ayan dagiti amin a bambanag a saan a maikari iti Dios. Dakayo a lallaki a mangaw-awit kadagiti alikamen a maus-usar iti templo ni Yahweh, pumanawkayo sadiay ket agsublikayo iti Jerusalem, ket dalusanyo dagiti bagbagiyo tapno maikarikayo nga agrukbab iti Dios.
\v 12 Ngem saan a masapul nga agdardaraskayo a pumanaw, agdandanag iti panaglibas, gapu ta umunanto ni Yahweh kadakayo; ket salaknibannakayonto manipud kadagiti mangdarup iti likudanyo bayat ti panagdaliasatyo.

\s5
\v 13 Dumngegkayo a naimbag! Agtignayto a sisisirib ti adipenko ken aramidenna amin dagiti pagayatan ni Yahweh nga aramidenna ket ad-adanto a maitan-ok isuna ngem iti siasinoman.
\v 14 Ngem adunto a tattao ti agamak inton makitada ti napasamak kenkuana. Gapu ta nasaplit isuna iti kasta unay, agbaliwto ti langana; marigatanto dagiti tattao a lasinen nga isuna ket tao.

\s5
\v 15 Ngem kellaatennanto dagiti tattao iti adu a nasion; uray dagiti ari ket agulimekdanto inton tumakderda iti sangoananna, gapu ta makitadanto ti maysa a tao nga awan pay ti nangibaga kadakuada ti maipapan kenkuana idi, ken maawatandanto dagiti bambanag a saanda pay a nangngegan.

\s5
\c 53
\p
\v 1 Siasinonto ti mamati iti nangngeganmi maipapan iti adipen ti Dios? Siasinonto ti makabigbig iti ar-aramiden ti Dios babaen iti naindaklan a pannakabalinna?
\v 2 Iti imatang ti Dios, dumakkelto a nakapuy ti adipenna a kas iti saan pay a natangkenan a kayo, kas iti nakapuy a katubtubo a mula, maysa a mula nga agtubtubo iti namaga a daga. Awanto ti napintas ken nasayaat kenkuana, awan ti aniaman a makaay-ayo kadakami tapno kumita kenkuana.

\s5
\v 3 Umsien ken ilaksidto isuna dagiti tattao. Ibturannanto ti kasta unay nga ut-ot, ken agsagabanto isuna iti kasta unay. Gapu ta madadaelto ti rupana, saanto a kayat dagiti tattao a kumita kenkuana; saan payen isuna nga aglanglanga a tao; uyawen isuna dagiti tattao ken panunotenda nga awan serserbina.

\s5
\v 4 Ngem madusanto isuna gapu iti basbasoltayo, ibturanna ti kasta unay nga ut-ot para kadatayo. Ngem panunotentayonto a dusdusaen isuna ti Dios, maparparigat gapu iti bukodna a basbasol.

\s5
\v 5 Ngem dusaen ken patayento isuna dagiti tattao, gapu kadagiti dakes a banbanag nga inaramidtayo; sugatendanto isuna gapu kadagiti basbasoltayo. Baotendanto isuna tapno maaddaantayo iti nasayaat a biag; gapu ta saplitenda isuna, mapaimbagtayonto.

\s5
\v 6 Amintayo ket nayaw-awan manipud iti Dios a kas iti karnero a naiyaw-awan kadagiti pastorda. Timmallikudtayo iti panagaramid kadagiti banbanag a kayat ti Dios nga aramidentayo tapno aramidentayo dagiti banbanag a kayattayo nga aramiden. Maikaritayo a madusa, ngem isunanto ti dusaen ni Yahweh a saan ketdi a gapu kadagiti amin a basoltayo.

\s5
\v 7 Maparigat ken agsagabanto isuna, ngem saanto isuna nga agreklamo. Iturongdanto isuna iti pangpatayanda kenkuana, a kas iti panangiturongda iti urbon a karnero iti pakapartianto daytoy. Ken kas iti karnero a naulemek inton pukisan isuna ti pastorna, saanto pulos isuna nga agsao tapno ikalinteganna ti bagina inton mapapatay.

\s5
\v 8 Kalpasan a matiliw ken maukom isuna, alaen ken papatayendanto isuna. Ket awanto iti uray maysa a makalagip kenkuana iti dayta a tiempo. Ta matayto isuna; sagrapennanto dagiti amin a dusa kadagiti lunod a para kadatayo gapu kadagiti nagbasolantayo.
\v 9 Uray no saan pulos isuna a nagbasol wenno nangallilaw iti siasinoman, panggepento dagiti tattao nga itanem ti bangkayna iti nakaitaneman dagiti nadangkes a tattao, ken iti nakaitaneman ti nabaknang a tao.

\s5
\v 10 Ngem pagayatan daytoy ni Yahweh a maparigat ken agsagaba isuna. Ken no ibilangyo ti pannakatayna a kas daton para iti bukodyo a basol, adunto ti maisalakanna, adu a tattao, a kasla da la bukodna nga annak; kalpasan iti ipapatayna ket agungarto manen ket agbiagto isuna iti mabayag, ken aramidenna amin a banbanag a pinanggep ni Yahweh.
\v 11 Inton makitana dagiti aramidenna gapu iti panagsagabana, mapnekto isuna. Ken gapu iti mapasamakto kenkuana, a nalinteg nga adipen ni Yahweh, pukawenanto ti amin a biddut dagiti adu a tattao, gapu ta baklayennanto dagiti basolda.

\s5
\v 12 Isu nga ibingayto ni Yahweh kadagiti adu a tattao ti samsam nga inabakna manipud kadagiti kabusorna. Maiyarigto ti adipenna iti ari a mangibingay kadagiti samsam kadagiti soldadona, gapu ta indatonna ti biagna iti ipapatay ket pudno a natay. Urayno imbilang dagiti tattao a managbasol isuna, innikkatna ti biddut dagiti adu a tattao, ket isuna ti nangibabaet kadagiti nangaramid kadagiti biddut a banbanag.

\s5
\c 54
\p
\v 1 Kuna ni Yahweh, "Dakayo a tattao ti Jerusalem, agkantakayon! Dakayo a kas kadagiti babbai a saan a pulos a nagpasngay, agkantakayo iti napigsa ken agpukkawkayo a sirarag-o, gapu ta dakayo ket kas kadagiti babbai nga awan anakna a binaybay-an dagiti assawada, ket maaddaankayonto iti adu nga annak iti mabiit ngem kadagiti babbai a saan pulos a naaddaan iti annak.

\s5
\v 2 Padakkelenyo dagiti toldayo; ken palawaenyo dagitoy, ken irutanyo dagitoy babaen kadagiti pasok.
\v 3 Masapul a palawaenyo ti siudadyo gapu ta iti mabiiten a tiempo, dakayo ken dagiti kaputotanyo ket agwaraskayonto iti entero a daga. Pilitendanto a papanawen dagiti tattao kadagiti dadduma a nasion kadagiti pagnanaedanda, ket agnaedkayonto manen kadagiti siudad a binaybay-an dagiti tattao iti napalabas.

\s5
\v 4 Saankayo nga agbuteng; ta saankayonto a mabainan. Iti napalabas, naibabainkayo gapu ta pinarmekdakayo dagiti kabusoryo ket pinagbalinda a kas iti balo ti nasionyo, ngem iti mabiit saanyonto payen a malagip dayta.

\s5
\v 5 Siak a ni Yahweh a Mannakabalin-amin, ti Nasantoan ti Israel, a mangiturturay iti sangalubongan, ti nangparsua kadakayo ket agbalinto a kas asawa kadakayo.
\v 6 Ti nasionyo ket kas iti babai a pinanawan ti asawana, ken nakaigapuan ti kasta unay a panaglidayyo; maiyarigkayo iti maysa a balasitang a nakiasawa idi ubing pay laeng, ket kalpasanna binaybay-an isuna ti asawana.

\s5
\v 7 Binaybay-ankayo a tattao ti Jerusalem iti apagbiit, ngem ita ibagbagak, "Alaenkayonto.'
\v 8 Kasta unay ti pungtotko kadakayo iti apagbiit, ken tinallikudankayo. Ngem kaasiankayo ken ayatenkayonto a sipupudno iti agnanayon. Kasta ti ibagak kadakayo, Siak a ni Yahweh a mangis-ispal kadakayo.

\s5
\v 9 Idi panawen ni Noe, sipapasnek nga inkarik a saankonto pulos nga itulok a malayos manen ti daga. Isu nga ita, sipapasnek nga ikarik a saankayonton a kaunget ken tubngaren.
\v 10 Uray agkintayeg ken matuang dagiti bantay ken dagiti turod, saanak nga agsardeng a mangayat kadakayo a sipupudno, ken saanko nga ibabawi ti tulagko tapno maaddaankayo iti nasayaat a biag. Kasta ti ibagak, Siak a ni Yahweh nga agtigtignay a siaasi.

\s5
\v 11 Dakayo a tattao ti Jerusalem, pinarparigat dakayo iti kasta unay dagiti kabusoryo; a kasla dinadael ti napigsa a bagyo ti siudadyo, ket awan ti nangtulong kadakayo. Ngem ita bangonekto ti siudadyo a maaramat dagiti batbato a turkesa, ken aramidekto dagiti pundasion ti siudad babaen kadagiti sapiro.
\v 12 Paiyaramidkonto dagiti tore iti pader ti siudad babaen kadagiti rubi, ken amin a ruangan ken akin ruar a pader iti siudad ket maaramidto kadagiti dadduma a napapateg a bato.

\s5
\v 13 Siakto ti mangisuro kadakayo a tattao ken addanto kadakayo ti kappia.
\v 14 Nabilegto ti gobiernoyo gapu ta agtignayto daytoy a sililinteg; awanto ti mangidadanes kadakayo; saankayonton a mabuteng, gapu ta awanto ti umasideg a mangbutbuteng kadakayo.

\s5
\v 15 No adda mangdarup kadakayo nga armada, saanto nga agballigi gapu ta siak ti nangallukoy kadakuada a mangaramid iti dayta, ket maparmekyonto ti siasinoman a mangdarup kadakayo.
\v 16 Amirisenyo daytoy; Paypayan ti mammanday dagiti uging tapno agbeggang tapno makaaramid kadagiti armas a mausar iti gubat, ngem Siak ti nangparsua kadagiti mammanday! Ken Siak met ti nangparsua kadagiti tattao a mangdaddadael kadagiti dadduma a tattao ken kadagiti siudad.

\s5
\v 17 Saandakayonto a maparmek dagiti soldado babaen kadagiti armas nga inaramidda a mangraut kadakayo, ken no adda ti mangpabasol kadakayo, mapaneknekanyonto a nagbiddutda, ket ukomenyonto ida a madusa. Kasta ti gunggona dagiti tattao nga agserserbi kenni Yahweh. Ikalintegakto ida ken ipakitak kadagiti amin a tattao a saanda a nagbiddut nga agtalek kaniak, kasta ti ikarik, Siak a ni Yahweh."

\s5
\c 55
\p
\v 1 Umaykayo ditoy! Dakayo amin a tattao a napagtalaw, ket dumngegkayo kaniak! No mawawkayo, ita ti umno a tiempo nga umaykayo kaniak ket uminumkayo! Ita, dagiti awan kuartana, mabalinkayo nga umay ket gumatangkayo iti arak ken gatas kaniak, ti kasasam-itan nga arak ken kasasayaatan a gatas! Mabalinyo nga alaen ti kasapulanyo kaniak, ket mabalinyo a gatangen daytoy ita! Mabalinyo a gatangen daytoy uray no awan kuartayo, ken uray no saanyo a kabaelan a gatangen daytoy!

\s5
\v 2 Apay a gastosenyo dagiti kuartayo kadagiti banbanag a saanyo a pudno a kasapulan? Apay nga ikagumaanyo ti agtrabaho tapno maaddaan iti kuarta a panggatangyo kadagiti banbanag a saan a pudno a makapnek kadakayo? Ipangagyo ti ibagak ket gun-odenyo ti pudno a nasayaat! No umaykayo kaniak, pudno a maragsakankayonto.

\s5
\v 3 Denggendak ket umaykayo kaniak; ipangagdak, ket no aramidenyo dayta, maaddaankayonto iti baro a biag. Mangaramidakto kadakayo iti agnanayon a tulag, nga ayatenkayo a sipupudno kas iti panagayatko kenni Ari David.
\v 4 Babaen iti inaramidna, impakitak ti pannakabalinko kadagiti bunggoy dagiti tattao; pinagbalinko isuna a pangulo ken mangidadaulo kadagiti tattao iti adu a nasion.

\s5
\v 5 Ken kasta met, ayabamto dagiti tattao kadagiti sabali a nasion nga umayda kenka, dagiti nasion a saanmo a nangnangngeg, ken saandaka met a nangnangngegan; ket umayda kenka a dagus gapu ta nangngeganda a pinadayawanka, a siak a ni Yahweh a Diosmo, ti Nasantoan ti Israel.

\s5
\v 6 Ikagumaanyo a biroken ni Yahweh ita a nawayakayo pay a mangaramid iti dayta; umawagkayo kenni Yahweh kabayatan nga asideg isuna!
\v 7 Masapul a panawan dagiti nadangkes a tattao ti dakes a kagagaladda, ken masapul nga isardeng dagiti managdakdakes ti panagpanpanunotda iti dakes. Masapul nga agsublida kenni Yahweh, ket no aramidenda dayta, kaasianto ida ni Yahweh; masapul nga agsublida kenni Yahweh, a Diosda, gapu ta pakawanenna ida kadagiti amin a dakes a banbanag nga inaramidda.

\s5
\v 8 Impakaammo ni Yahweh a ti panpanunotenna ket saan a kas iti panpanunotenyo, ken ti ar-aramidenna ket saan a kas iti ar-aramidenyo.
\v 9 Kas kadakayo a tattao iti daga, a saanyo pulos a magaw-at ti tangatang, iti kasta met laeng a wagas, saanyo pulos a maawatan ti ar-aramiden ni Yahweh, uray no maawatanyo dagiti banbanag nga ar-aramidenyo; ken saanyo pulos a maawatan ti panpanunoten ni Yahweh, uray no maawatanyo ti panpanunotenyo.

\s5
\v 10 Ibabaon ni Yahweh ti tudo ken niebe manipud tangatang, ket sibsibuganda ti daga. Inton aglinnaaw ti daga, agrusing ken agtubo dagiti mula, gapu iti daytoy, mangipaay ti daga iti bukel nga imula ti mannalon ken trigo a mangipaay iti arina a maaramid a tinapay a kanen dagiti tattao.
\v 11 Ket iti isu met laeng a wagas, dagiti banbanag nga inkarik nga aramidek, ket kanayonko nga ar-aramiden; kanayon a matungpal dagiti karik. Tungpalenda dagiti banbanag nga imbagak kadakuada.

\s5
\v 12 Daytoy ti gapuna a pumanawkayonto a siraragsak iti Babilonia; maaddaankayonto iti kappia bayat nga idaldalannakayo a rummuar ni Yahweh. Kaslanto agkankanta a sirarag-o dagiti bantay ken turturod, ken agpalpalakpak dagiti kaykayo iti tay-ak.
\v 13 Agtubonto kadagiti dagayo dagiti saleng ken arrayan a saan ket a dagiti sisiitan ken kalkalunay. Ket gapu iti dayta, dayawento dagiti tattao ni Yahweh iti kasta unay; ken ti ar-aramiden ni Yahweh ti mangipalagipto kadagiti tattao iti inkarina, ket dayawendanto isuna.”

\s5
\c 56
\p
\v 1 Kuna ni Yahweh kadagiti amin a tattao ti Juda, "Aramidenyo dagiti banbanag a nalinteg ken maiparbeng, gapu ta umaykayonto ispalen iti mabiit; iti mabiit, ipakitakto iti amin a saankayo a nagbiddut a nagtalek kaniak.
\v 2 Bendisionakto dagiti napudno nga agtulnog kadagiti lintegko maipanggep iti Aldaw a Panaginana. Bendisionakto dagiti mangsalimetmet kadagiti Aldaw a Panaginanak, ken dagiti saan nga agtrabaho kadagidiay nga aldaw, ken dagiti mangliklik nga agaramid iti aniaman a dakes.

\s5
\v 3 Saan koma nga ibaga dagiti ganggannaet a namati kaniak a, ‘Saannakto a palubosan ni Yahweh a maibilang a maysa kadagiti tattaona.' Ken saan koma nga ibaga dagiti eunuko a, 'Gapu ta adda pakapilawak ken saanak a maaddaan iti anak, saanak a maibilang kenni Yahweh; kaslaak kayo a naan-anay a nagango.'

\s5
\v 4 Masapul a saanda nga ibaga dayta, gapu ta, Siak a ni Yahweh, kastoy ti kunak kadagiti eunuko nga agtulnog iti lintegko maipanggep iti Aldaw a Panaginana, ken dagiti mangpili a mangaramid kadagiti banbanag a makaay-ayo kaniak, ken dagiti mangar-aramid kadagiti amin a dadduma pay a linteg iti tulagko nga inaramidko kadagiti Israelita:
\v 5 Paiyaramidko kadagiti tattao ti maysa a pakalaglagipanda iti pader ti templok; gapu iti dayta a pakalaglagipan; ad-addanto a maraemda ngem iti mabalin a pannakaraemda no addaanda kadagiti annak; mararaemdanto iti agnanayon.

\s5
\v 6 Bendisionakto met dagiti saan nga Israelita a makikaykaysa kaniak, nga agserbi, agdayaw ken mang-ayat kaniak, nga agtulnog iti lintegko maipanggep iti Aldaw a Panaginana, ken sipupudno nga agtulnog kadagiti dadduma pay a linteg iti tulag nga inaramidko kadagiti Israelita.
\v 7 Ipankonto ida iti nasagradoan a turodko idiay Jerusalem, ken parag-oekto ida iti kasta unay iti uneg ti templok a pagkarkararagan dagiti tattao kaniak, ken awatekto dagiti sagut a puoranda iti altarko, ken dadduma pay a sagut nga idatonda, gapu ta agbalinto ti templok a pasdek a pagkararagan dagiti tattao iti amin a nasion.

\s5
\v 8 Siak a ni Yahweh, nga Apo, ti mangisublinto kadagiti tattao ti Israel a naipan kadagiti sabali a pagilian, kastoy ti kunak: Mangiyegakto iti ad-adu pay a tattao manipud kadagiti dadduma a pagilian a makikadua kadagidiay nga Israelita nga insublik."

\s5
\v 9 "Dakayo a kabangibang a nasion nga addaan kadagiti armada a kas kadagiti ayup iti bakir; umaykayo ket darupenyo ti Israel!
\v 10 Rumbeng nga agbalin dagiti pangulo ti Israel a kas kadagiti agbabantay nga aso a mangsalaknib kadagiti tattao, ngem kasda la bulsek. Awan ti maawatanda. Kasda la aso a saan a makataul. Agtaul dagiti nasayaat nga aso inton umasideg ti ganggannaet, ngem saan a ballaagan dagiti pangulo nga Israelita dagiti tattao nga um-umayen dagiti kabusorda. Ngem ketdi, kayatda laeng ti agidda, maturog ken agtagtagainep.

\s5
\v 11 Ken kasda la naagum nga aso; saanda a maal-ala dagiti amin a kayatda. Rumbeng nga idauloanda dagiti tattao, a kas kadagiti nasayaat nga agpaspastor a mangiturturong kadagiti arbanda, ngem nengnengda, ken ar-aramidenda ti tunggal maysa kadakuada ti aniaman a kaykayatda.
\v 12 Kunada iti tunggal maysa, 'Umaykayo, mapantayo agala iti dadduma nga arak ken sabali pay a mainum, ket agbartektayo! Ket inton bigat ad-adda pay a ragsakentayo ti agbartek!"'

\s5
\c 57
\p
\v 1 Matay dagiti nalinteg a tattao, ket awan ti mangikaskaso iti daytoy. Matay dagiti nadiosan a tattao, ket awan ti makaawat iti makagapu. Ipanaw ida ti Dios tapno saandan a mapadasan ti adu a didigra,
\v 2 ket addaanda ita iti talna. Nagbiagda a sililinteg, ket agin-inanada ita a sitatalna kadagiti tanemda.

\s5
\v 3 Kuna ni Yahweh, "Ngem dakayo nga agan-anito, umaykayo ditoy! Dakayo nga agdaydayaw kadagiti didiosen, dumngegkayo kaniak!
\v 4 Naamirisyo kadi no siasino ti uy-uyawenyo, ken siasino ti lalaisenyo? Naamirisyo kadi no siasino ti dildilatanyo? Lalaisendak, Siak a ni Yahweh! Kanayonkayo nga agrebrebelde ken kanayonkayo nga agul-ulbod kaniak a kas kadagiti kapuonanyo.

\s5
\v 5 Sigagagarkayo a makikaidda iti sirok ti tunggal natayag a kayo a pagdaydayawanyo kadagiti didiosenyo. Patpatayenyo dagiti annakyo a kas sagut kadagiti didiosenyo kadagiti namaga a karayan, ken idatdatonyo ida a kas sagut kadagiti didiosenyo kadagiti kabatbatoan a rukib.

\s5
\v 6 Mangalakayo kadagiti dakkel a nadalus a bato manipud iti karayan ket dayawenyo dagitoy a kas diosyo. Mangibukbokayo iti arak a kas daton kadagitoy ken mangalakayo iti bukel tapno maipuor a kas daton kadagitoy. Ipagarupyo kadi a maragsakanak kadagidiay amin a banbanag?

\s5
\v 7 Makikakaiddakayo kadagiti balangkantis a didiosenyo iti tunggal turod ken bantay, ken mapankayo sadiay a mangidaton iti sagsagut kadagiti didiosenyo.
\v 8 Nangikabilkayo kadagiti didiosenyo iti abay dagiti ruangan ken ad-adigiyo, ket tinallikudannak. Naglabuskayo ken kimmalay-atkayo iti pagiddaanyo ket nangawiskayo iti ad-adu pay a kaayan-ayatyo a makikaidda kadakayo. Binayadanyo ida a makikaidda kadakayo, ket kinitayo dagiti mabagbagida.

\s5
\v 9 Nangtedkayo iti nabanglo a lana ken adu a bangbanglo kadagiti ari, ken nangibaonkayo kadagiti adipen kadagiti adayo a pagilian tapno agbirok iti dadduma pay a didiosen a pagdayawanyo; nangibaonkayo pay kadagiti mensahero iti lubong dagiti natay tapno agbirok kadagiti baro a didiosen.
\v 10 Nabannogkayo gapu iti panangaramid kadagidiay amin a banbanag, ngem saanyo pulos nga imbaga, 'Awan serserbina dayta tapno aramidentayo.' Nakabirokkayo iti baro a pigsa iti panangidayaw kadagiti didiosen, isu nga intultuloyyo nga inaramid dayta.

\s5
\v 11 Gapu kadi ta nakarkaro ti butengyo kadagidiay a didiosen ngem iti butengyo kaniak isu a nagulbodkayo maipanggep iti ar-aramidenyo, ket saandak pulos a mapanunot? Gapu kadi ta saankayo a dinusa iti attiddog a tiempo isu a saankayo a mabuteng kaniak?
\v 12 Ipagarupyo a nasayaat dagiti banbanag nga inaramidyo, ngem ibagak kadakayo ti pudno: Saannakayonto a matulongan iti panangaramidyo kadagidiay.

\s5
\v 13 Inton agpatulongkayo kadagiti inurnongyo a didiosen, saandakayonto a maispal. Itayabto ida ti angin; itayabto ida amin ti maysa a puyot. Ngem agnaedto dagiti agtalek kaniak iti daga ti Israel, ket agdayawdanto kaniak idiay Sion, ti nasagradoan a turodko."

\s5
\v 14 Kunanto ni Yahweh, "Isaganayo ti bagiyo a mangawat kaniak, a kas iti panangaramid ken panangisagana dagiti tattao iti dalan para iti umay nga ari. Adaywanyo dagiti banbanag a makagapu nga agbasolkayo.
\v 15 Gapu ta kastoy ti ibagak, Siak a ni Yahweh, a nasantoan ken maitantan-ok ngem iti siasinoman, ken agbibiag iti agnanayon: agnanaedak iti kangatoan a langit, nga ayan ti amin a nasantoan, ngem addaak met laeng kadagiti napakumbaba ken kadagiti agbabbabawi kadagiti nagbasolanda. Patibkerek pay dagiti nagbabawi.

\s5
\v 16 Saanko nga usigen dagiti tattao iti agnanayon; saanko ida a kaunget iti agnanayon, gapu ta no aramidek dayta, kumapoy dagiti tattao; amin a tattao a pinarsuak ken pinagbiagko ket matay.
\v 17 Nakaungetak kadagiti tattaok gapu ta nagbasolda babaen iti panangpilitda a panang-ala iti kukua ti dadduma. Gapu ta nakaungetak, dinusak ken binaybay-ak ida, ngem nagtultuloyda a nagbasol.

\s5
\v 18 Nakitak dagiti dakes a banbanag nga itultuloyda nga ar-aramiden, ngem isublik ken idauloak ida. Papigsaekto ida. Kasta met kadagiti agladladingit,
\v 19 pagkantaek ida kadagiti kankanta a mangidayaw kaniak. Isublik amin a tattaok, dagiti agnanaed iti asideg ti Jerusalem ken dagiti agnanaed iti adayo, ken pagbalinek a nasayaat dagiti banbanag para kadakuada.

\s5
\v 20 Awan ti talna iti kaunggan dagiti nadangkes a tattao; maiyarigda iti taaw a kanayon a mangipurpurruak iti pitak,
\v 21 ken Siak a ni Yahweh, ibagak a saanto a pulos a sumayaat dagiti banbanag kadagiti managdakdakes."

\s5
\c 58
\p
\v 1 Kinuna ni Yahweh kaniak, "Agpukkawka iti nakapigpigsa! Agpukkawka a kas iti kapigsa ti uni ti trumpeta! Agpukkawka a mangballaag kadagiti tattaok nga Israelita maipanggep kadagiti basolda!
\v 2 Inaldaw a daydayawendak; umayda iti templok gapu ta kunada a sigagagarda a mangammo no ania ti kayatko nga aramidenda. Agtignayda a kasla maysada a nasion a mangar-aramid kadagiti banbanag a nalinteg, a saan a mangbaybay-an kadagiti bilbilinko, a Diosda. Kiniddawda kaniak nga ukomek a sililinteg dagiti banbanag, ken naragsakda nga umay agdayaw kaniak.

\s5
\v 3 Kunada, "Nagayunarkami tapno maay-ayoka, ngem saanmo a nakita nga ar-aramidenmi dayta. Impakumbabami dagiti bagimi, ngem saanmo nga inkaskaso!' Ibagak kadakayo no apay a saanko nga inkaskaso. Daytoy ket gapu ta inton agayunarkayo, ar-aramidenyo laeng daytoy a mangay-ayo kadagiti bagiyo, ken naranggaskayo kadagiti amin a trabahadoryo.

\s5
\v 4 Agayunarkayo, ngem agaapa ken agdidinnanogkayo. Ti panangaramidyo iti kasta a banbanag bayat iti panagayunaryo ket awan duadua nga isu ti makagapu a saanko a mangngeg dagiti kararagyo iti ayanko, iti langit.
\v 5 Agdumogkayo a kas iti pungto dagiti runo nga agrukob inton maiyangin, ken agkaweskayo iti nakersang a lupot ken ik-ikkanyo ti uloyo kadagiti dapu a kas iti ar-aramiden dagiti tattao no agladladingitda. Kasta ti ar-aramidenyo idi agay-ayunarkayo, ngem napanunotyo kadi a makaay-ayo kaniak dayta?

\s5
\v 6 Saan, saan a kasta ti panagayunar a tartarigagayak. Ngem ketdi, dawatenyo koma ti panakawayawaya dagiti naibalud iti saan a nainkalintegan, ken pabilgen dagiti naparparigat; ken wayawayaan dagiti naidadanes iti aniaman a wagas.
\v 7 Ibingayyo dagiti taraonyo kadagiti mabisin ken palubosanyo dagiti awan balayna nga agtalinaed kadagiti balayyo. Mangtedkayo kadagiti kawes kadagiti awan kawesna, ken saanyo nga ipaidam ti tulongyo kadagiti kabagianyo nga agkasapulan iti tulongyo.

\s5
\v 8 No aramidenyo dagitoy a banbanag, dagiti ar-aramidenyo iti dadduma ket agbalinto a kas iti lawag nga agraniag iti parbangon. Dagiti didigra a bunga dagiti basbasolyo ket dagusto a sumardeng. Maammoanto dagiti dadduma dagiti nalinteg nga aramidyo, ken salaknibannakayonto ti presensia ni Yahweh iti likudanyo a kas iti panangsalaknibko kadagiti Israelita idi pimmanawda idiay Egipto.

\s5
\v 9 Ket umawagkayonto kaniak, ket summungbatakto a dagus ket kunaekto, 'Adtoyak a mangtulong kadakayo.' Isardengyo a mangidaddadanes kadagiti tattao; isardengyo ti mangpabpabasol kadagiti tattao; ken isardengyo ti agibagbaga iti dakes a bananag kadagiti tattao.
\v 10 Mangtedkayo kadagiti taraon kadagiti mabisin, ken itedyo kadagiti tattao nga agsagsagaba dagiti kasapulanda. Ti panangaramidyo iti dayta ket agbalinto a kas lawag nga agraniag iti kasipngetan; imbes nga agaramid iti dakes kadagiti tattao, agbalinto a kas lawag ti init iti aldaw dagiti nasayaat a banbanag nga ar-aramidenyo kadagiti tattao.

\s5
\v 11 Agtultuloy nga idalannakayonto ni Yahweh, ken ikkannakayonto kadagiti nasasayaat a banbanag a mangpennek kadakayo. Pagtalinaedennakayonto a napigsa ken nasalun-at. Agbalinkayonto a kasla iti minuyongan a nasibugan a nasayaat, kas iti ubbog a saan pulos a matianan.

\s5
\v 12 Bangonento manen dagiti tattaoyo dagiti siudad a nadadael iti nabayagen: mangbangondanto kadagiti balbalay iti rabaw dagiti daan a pundasion. Ibaganto dagiti tattao a dakayo ti mangtartarimaan kadagiti abut dagiti pader ti siudad, ken ti mangtartarimaan kadagiti dalan a pagnaedan dagiti tattao.

\s5
\v 13 Saankayo nga agdaliasat iti Aldaw ti Panaginana, ken saanyo nga aramiden dagiti banbanag a pagragsakanyo laeng iti Aldaw a Panaginana. Ragsakenyo dagiti Aldaw a Panaginana, ken ibilangyo dagitoy a makaparagsak. Dagiti aldaw a panaginana ket nasantoan nga aldawko. Dayawendak, Siak a ni Yahweh, iti amin nga aramidenyo kadagiti Aldaw a Panaginana. Saanyo a pagsasaritaan ken aramiden dagiti banbanag a pakaay-ayoanyo. No aramidenyo dagiti amin a banbanag nga imbagak kadakayo ita,

\s5
\v 14 Parag-oenkayonto. Padayawankayonto iti kasta unay; kaslanto a makipagdaldaliasatkayo kaniak kadagiti kangangatoan a banbantay! Itedkonto kadakayo dagiti bendision nga intedko iti kapuonanyo a ni Jacob. Awan duadua a mapasamak dagidiay a banbanag gapu ta Siak a ni Yahweh ti nangibaga iti daytoy."

\s5
\c 59
\p
\v 1 Denggenyo daytoy! Saan a nakapuy ti pannakabalin ni Yahweh tapno ispalennakayo. Saan isuna a nagbalin a tuleng; mangmangngegnakayo latta no umawagkayo kenkuana nga agkiddaw iti tulong.
\v 2 Ngem gapu kadagiti basol nga inaramidyo, insinayo ti bagbagiyo iti Diosyo. Gapu kadagiti basbasolyo, tinallikudannakayo, gapu iti dayta saannan nga ipangpangag dagiti kidkiddawenyo kenkuana nga aramidenna.

\s5
\v 3 Rangranggasanyo dagiti dadduma, ket gapu iti dayta namantsaan dagiti imayo iti dara. Masansan nga agul-ulbodkayo, ken sasawenyo ti agkakadakes maipapan iti dadduma a tao.
\v 4 No pabasolenyo ti maysa a tao iti pangukoman, saan a nainkalintegan ti ibagbagayo ken saan a pudno. Siuulbod a pabpabasolenyo dagiti tattao; itaktakderanyo ti inuulbod nga ibagbagayo. Masansan a panggepenyo ti mangriribuk kadagiti dadduma a tao, ket kalpasanna ar-aramidenyo dagiti dakes a banbanag a ginandatyo.

\s5
\v 5 Ti pananggandatyo a mangdangran kadagiti tattao ket kas kadagiti itlog iti nagita nga uleg, kas iti sapot a pangtiliw ti lawwalawwa kadagiti biktimana. Rummuar dagiti kobra manipud kadagitoy nga itlog, ken mapalab-ogan dagiti insekto iti sapot ti lawwalawwa.
\v 6 Saanyo a mailemmeng dagiti dakes nga inaramidyo. Masansan nga agtigtignaykayo a siraranggas.

\s5
\v 7 Nakaal-alibtakkayo a mapan mangaramid kadagiti dakes nga aramid, ket aggaganatkayo a pumatay kadagiti tattao nga awan basolna. Itultuloyyo a panpanunoten ti panagbasol. Sadinoman a papananyo, daddadaelenyo dagiti banbanag ken parparigatenyo dagiti tattao.
\v 8 Saanyo nga ammo ti agtignay a sikakappia wenno ti mangtrato iti dadduma a tao nga awan panangidumduma. Kanayon a saankayo a napudno, ken dagiti mangtultulad iti ugaliyo ket pulos nga awan iti kappia kadakuada.

\s5
\v 9 Gapu iti dayta, saannakami nga inispal ti Dios manipud kadagiti kabusormi, kasla saan isuna a nagbalin a patas kadakami. Namnamaenmi nga ikkannakami ti Dios iti silaw, ngem pasig a sipnget ti ipapaayna kadakami.
\v 10 Kaslakami la kadagiti bulsek a tattao a mangar-arikap iti pader tapno makapagna nga agturong iti sadinoman. Maitubtublakkami nga agdaldaliasat iti tengnga't aldaw a kaslakami la adda iti sipnget. Kaslakami la natay a tattao a naitipon kadagiti nasalun-at a tattao.

\s5
\v 11 Agngerngerkami a kasla kadagiti mabisin nga oso; ket kinanayonkami nga agas-asug a kasla kadagiti kalapati. Kidkiddawenmi iti Dios nga aramidenna ti nalinteg, ngem awan ti pagbanbanaganna. Tartarigagayanmi nga ispalennakami ti Dios, ngem kasla adayo unay isuna.

\s5
\v 12 Ngem mapaspasamak dagitoy a banbanag gapu ta kasla la nagtutuonen dagiti basolmi iti imatang ti Dios, ket dagitoy ti mangpaneknek maibusor kadakami. Saanmi a mailibak daytoy; ammomi a nakaad-adu dagiti nagkamalianmi.
\v 13 Ammomi a nagrebeldekami kenni Yahweh; immadayokami kenkuana. Idaddadanesmi dagiti tattao babaen kadagiti pammaneknekmi maibusor kadakuada; ipapaidammi kadakuada dagiti karbenganda. Panpanunotenmi ti inuulbod a mabalinmi nga ibaga, kalpasanna, ibagami kadakuada.

\s5
\v 14 Kadagiti pangukomanmi, saan a patas ti panangikeddeng dagiti manguk-ukom kadagiti kaso; awan ti uray maysa nga agtigtignay a sililinteg. Kadagiti plasa a paguummongan dagiti tattao, awan ti uray maysa a mangibagbaga iti kinapudno; kasla saan a maiparbeng kadagiti tattao a mangibaga iti pudno.
\v 15 Awan ti uray maysa a mangibagbaga iti kinapudno, ket daddadaelen dagiti tattao ti kinatao dagiti simmardengen nga agar-aramid iti dakes. Kimmita ni Yahweh iti aglawlaw, ket nakitana nga awan ti uray maysa a mangar-aramid iti nalinteg; kasta unay ti pannakadismayana.

\s5
\v 16 Narurod ni Yahweh idi nakitana nga awan ti uray maysa a timmulong kadagiti naparigat. Isu nga inaramatna ti bukodna a pannakabalin tapno ispalenna ida; inaramidna dayta gapu ta agnanayon a nalinteg isuna.

\s5
\v 17 Maiyarig ni Yahweh iti maysa a soldado, a nangisuot iti kabal ken iti helmetna; ti kinanayon a panangar-aramidna iti nalinteg ket maiyarig iti kabalna, ken ti kabaelanna a mangispal kadagiti tattao ket maiyarig iti helmetna. Ti kasta unay a pungtotna ken ti sisasagana a panangibalesna kadagiti agar-aramid iti dakes ket maiyarig kadagiti kagayna.
\v 18 Balsennanto dagiti kabusorna gapu kadagiti dakes nga inaramidda. Nakaronto ti panangdusana uray kadagiti agnanaed iti adayo ti Jerusalem.

\s5
\v 19 Inton mapasamak dayta, amin dagiti tattao iti sadinoman, manipud daya agingga iti laud, ket agraem ken agdayawto kenni Yahweh, gapu ta umayto isuna a kasla iti napegges a karayan nga idurduron ti napigsa nga angin nga inyeg ni Yahweh.
\v 20 Ket kuna ni Yahweh nga umayto isuna idiay Jerusalem tapno wayawayaanna dagiti tattaona; umynanto ispalen dagiti adda idiay Juda a simmardengen a mangar-aramid kadagiti dakes a banbanag.

\s5
\v 21 Kastoy ti kuna ni Yahweh kadagiti tattaona: "Daytoy ti katulagak kadakayo: Saannakayonto a panawan ti Espirituk, ket kanayonto nga adda kadakayo ti mensahek. Mabalinyonto nga ipablaak daytoy, kasta met dagiti annakyo ken appokoyo iti agnanayon."

\s5
\c 60
\p
\v 1 Dakayo a tattao ti Jerusalem, tumakderkayo! Nangaramid ni Yahweh kadagiti naindaklan a banbanag para kadakayo, ken nagtignay isuna a sibibileg para kadakayo; isu nga ipakitayo kadagiti dadduma a tattao a naindaklan unay isuna!

\s5
\v 2 Ngem binalkot ti espiritu ti kinasipnget amin dagiti dadduma a bunggoy ti tattao iti rabaw ti daga, nakaro a kinasipnget, ngem ipakitanto kadakayo ni Yahweh ti kinabilegna, ket makitanto met daytoy dagiti dadduma a tattao.
\v 3 Maimatanganto dagiti tattao iti amin a bunggoy a naindaklan unay ni Yahweh babaen iti panangbuyada kadagiti inaramidna para kadakayo, ket umay dagiti ari a mangkita kadagiti nakaskasdaaw a banbanag a napasamak kadakayo.

\s5
\v 4 Kuna ni Yahweh, "Kumitakayo iti aglawlawyo, ket maimatanganyo dagiti tattao nga agsubli manipud iti pannakapaipanawda kas balud! Agsublinto dagiti annakyo a lallaki manipud kadagiti adayo a pagilian; ubbaento ti dadduma nga isubli dagiti ubbing nga annakyo a babbai.
\v 5 Inton maimatanganyo daytoy a pasamak, kastanto unay a kinarag-oyo iti kaungganyo, gapu ta mangiyegto kadakayo dagiti tattao kadagiti napapateg a banag a naggapu iti nadumaduma a paset iti entero a lubong. Mangiyegdanto kadagiti napapateg a banbanag manipud kadagiti adu a nasion a maikarga kadagiti barko.

\s5
\v 6 Mangiyegto met dagiti tattao kadakayo kadagiti napapateg a banbanag a naisakay kadagiti arban ti kamelio; dagiti kamelio manipud Midian ken Efa nga akin amianan a paset ti Arabia. Ket umaydanto manipud Seba iti akin abagatan ti Arabia, a mangiyeg iti balitok ken insenso; umaydanto amin tapno agdayawda kaniak, a ni Yahweh.
\v 7 Mangiyegdanto kadagiti arban ti karnero ken kalding manipud Kedar, iti akin amianan a paset ti Arabia ket itedda dagitoy kadakayo. Mangiyegdanto kadagiti kalakian a karnero manipud Nebayot tapno idatonyo iti rabaw dagiti altarko, ket awatekto dagitoy a siraragsak. Iti dayta a tiempo, papintasekto ti templok a maarkusan iti kasta unay.

\s5
\v 8 Ket ania dagidiay a napardas nga aggargaraw a kasla kadagiti ulep? Aglanglangada a kalapati a mapan agapon kadagiti umokda.
\v 9 Ngem barko dagitoy manipud Tarsis a mangisubli kadagiti tattaoyo ditoy. Apaman nga agsubli dagiti tattaoyo, itugotdanto dagiti napapateg a sanikua a naurnongda, ket aramidendanto dayta kas panagraemda kaniak, Siak a ni Yahweh a Diosyo, ti Nasantoan ti Israel, gapu ta kasta unay iti panagraemko kadakayo.

\s5
\v 10 Umayto dagiti ganggannaet ket bangonendanto manen dagiti bakud dagiti siudadyo, ken agserbinto kadakayo dagiti arida. Uray no dinusakayo gapu ta nakaungetak kadakayo, mapasamak ita dagitoy a banbanag agsipud ta naimbagak ket maasiak kadakayo.
\v 11 Silulukatto dagiti ruangan dagiti siudadyo iti aldaw ken uray iti rabii, iti kasta dagiti napapateg a banbanag a naggapu kadagiti nadumaduma a pagilian ket maiyegto dagiti tattao kadagiti siudadyo, a kaduada dagiti arida a mangidaulo iti prosisyon a mapan kadakayo.

\s5
\v 12 Maminpinsanto a madadael dagiti pagarian ken dagiti nasion, a dagiti tattao nga agnanaed kadagitoy ket nagkedked nga agpaituray kadakayo.
\v 13 Maiyegto kadakayo dagiti napapateg a banbanag idiay Libano--dagiti kayo nga aruo, parwa, ken saleng-- a maaramat tapno mapapintas ti templok. Inton mapasamak dayta, naan-anayton ti kinadayag ti templok!

\s5
\v 14 Ti kaputotan dagiti nangidadanes kadakayo ket umaydanto agkurno kadakayo; dagiti nangum-umsi kadakayo ket agpaklebdanto iti sakaananyo. Kunaendanto a ti siudadyo idiay Bantay Sion ti Siudad ni Yahweh, a pagnanaedan ti Nasantoan ti Israel.

\s5
\v 15 Iti napalabas, ginura ken saandakayo nga inkankano dagiti amin a tattao, ngem ita agbalinto a nadaeg ti siudadyo iti agnanayon; Ken pagbalinenkayto a narag-o iti agnanayon.
\v 16 Siraragsakto dagiti tattao iti amin a nasion ken dagiti arida a mangiyeg kadagiti kinabaknangda kadakayo. Inton mapasamak dayta, maamirisyonto a pudno a Siak ni Yahweh, ti mangisalsalakan kadakayo ken mangis-ispal kadakayo manipud kadagiti kabusoryo, ken Siak ti mannakabalin a pakaibilanganyo nga Israelita.

\s5
\v 17 Imbes a landok nga awan iti pategna, kas iti bronse ken landok, iyegkonto kadakayo ti pirak ken balitok. Imbes a kayo ken batbato, iyegkonto kadakayo dagiti bronse ken landok a para kadagiti pasdekyo. Addanto kappia iti pagilianyo, ket aramidento dagiti panguloyo ti nalinteg.
\v 18 Saanton a naranggas dagiti tattao iti pagilianyo, ket saanton a pulos a dadaelen dagiti tattao dagiti dagayo ket saandakayonto a pagtalawenen manipud iti dagayo. Natalgedton dagiti tattao iti siudad, ken agdayawto kaniak amin nga adda sadiay.

\s5
\v 19 Ket saanyonton a kasapulan ti init ken bulan a mangraniag kadakayo, gapu ta Siak a ni Yahweh, ti mangtedto kadakayo iti naranraniag a silaw ngem iti init ken bulan; Siakto ti naindaklan a silawyo iti agnanayon.
\v 20 Kaslanto kanayon nga agranraniag ti init ken bulan, gapu ta Siak a ni Yahweh ti awan patinggana a silawyo. Saankayonton a pulos nga agliday gapu kadagiti banag a mapasamak kadakayo.

\s5
\v 21 Agbalinto a nalinteg dagiti amin a tattaoyo, ket pagnaedandanto ti daga iti agnanayon, gapu ta siak a mismo ti mangisaad kadakayo sadiay a kasla iti panagmula dagiti tattao kadagiti kaykayo tapno maipakitayo iti dadduma a naindaklanak.
\v 22 Iti dayta a tiempo, dagiti babassit a bunggoy ita ket dumakkelto ti pulida, ket dagiti bassit a puli ket agbalinto a dadakkel a nasion. Mapasamakto amin dagitoy gapu ta Siak a ni Yahweh ti mangipatungpal kadagitoy iti umno a tiempo.

\s5
\c 61
\p
\v 1 Ti Espiritu ni Yahweh nga Apotayo ket adda kaniak; dinutokannak a mangiyeg kadagiti naimbag a damag kadagiti naidadanes, a mangliwliwa kadagiti nadismaya, ken tapno mangwayawaya kadagiti amin a kasla naikawar gapu kadagiti biddut nga itultuloyda nga ar-aramiden.

\s5
\v 2 Imbaonnak a mangibaga kadagiti agladladingit a dimtengen ti tiempo a kaasian ni Yahweh dagiti tattaona; dimtengen ti tiempo a balsen ti Diostayo dagiti kabusorda.

\s5
\v 3 Kadagiti amin nga agladladingt idiay Jerusalem, itednanto dagiti agkakapintas a banbanag nga isuotda kadagiti uloda imbes a dapo ti ikabilda kadagiti uloda a mangipakita a nalidayda; pagrag-oennanto ida imbes nga aglidayda; pagragsakennanto ida imbes a madismayada. Maawagandanto iti 'tattao nga agtultuloy nga agar-aramid iti nalinteg, tattao a kas kadagiti kaykayo a lugo nga immula ni Yahweh' tapno maipakita iti dadduma a naindaklan unay isuna.

\s5
\v 4 Dagiti agsubli manipud Babilonia ket bangonendanto dagiti siudad a dinadael dagiti armada ti Babilonia. Uray no nadadael ken nabaybay-anen dagidiay a siudad iti adun a tawen, maisimpanto manen dagitoy.
\v 5 Dagitinto ganggannaet ti mangaywan kadagiti arban ti karnero ken kaldingyo, kasta met nga aradoendanto dagiti talonyo ken aywanandanto dagiti mulmulayo nga ubas.

\s5
\v 6 Ngem dakayonto ti agbalin a papadi nga agserbi kenni Yahweh, nga agtrabaho para iti Dios. Ragragsakenyonto dagiti agkakapateg a banbanag a maiyeg manipud kadagiti dadduma a nasion, ket maragsakankayonto ta agbalinto a kukuayo dagidiay a banbanag.
\v 7 Napabpabainan ken naibabainkayo iti naglabas, ngem ita, maaddaankayo iti adu a bendision; tinagibassitdakayo dagiti kabusoryo iti naglabas, ngem ita, maited kadakayo dagiti naimbag a banbanag; agragsakkayonto gapu ta nakasublikayo manen iti dagayo, ket agrag-okayonto iti agnanayon.

\s5
\v 8 "Siak a ni Yahweh, maragsakanak unay, kadagiti agkedkeddeng a sililinteg; kagurak dagiti mangag-agum kadagiti banbanag manipud iti dadduma a tattao. Awan duadua a supapakakto dagiti tattaok gapu kadagiti sinagabada iti napalabas. Ket ipatungpalkonto kadakuada ti agnanayon a tulag.
\v 9 Padayawanto dagiti tattao ti dadduma a nasion dagiti kaputotanda; padayawanto dagiti amin a nasion dagiti annakda. Maammoanto dagiti amin a tattao a makakita kadakuada nga isuda ti benendisionak a nasion, Siak, a ni Yahweh."

\s5
\v 10 Agrag-rag-oak iti kasta unay gapu iti inaramid ni Yahweh! Naragsakak iti amin a kaunggak gapu ta insalakannak ken imbagana a nalintegak; kasla nagayad a kagay nga inkawesna kaniak dagidiay a bendision. Naragsakak a kas karagsak iti maysa a nobio a nakakawes ti pangkasar a badona, wenno kas iti maysa a nobia a nakasuot kadagiti alahas.
\v 11 Kas kadagiti bukbukel a naipurwak iti minuyongan nga agtubo iti daga ket dumakkelda, palintegento ni Yahweh a Diostayo dagiti tattao iti amin a nasion, ket gapu iti panangaramidna iti dayta dayawendanto isuna.

\s5
\c 62
\p
\v 1 Gapu ta maseknanak unay maipapan kadagiti tattao ti Jerusalem, maysa a banag ti aramidek tapno tulongak ida. Saanak nga agsardeng a mangikararag kadakuada agingga a maispalda manipud kadagiti manangidaddadanes kadakuada, agingga nga agbalin dayta a nalawag iti amin tao a kas iti parbangon kada agsapa, agingga a makita daytoy dagiti tattao a kas kalawag iti agranraniag a pagsilawan a makitkitada iti rabii.
\v 2 Addanto ti aldaw a maammoan dagiti tattao iti nadumaduma a nasion nga inispalnakayo ni Yahweh a tattaona. Makitanto dagiti arida a dakkel unay ti siudadyo. Ket ikkanto ni Yahweh iti baro a nagan ti siudadyo.

\s5
\v 3 Arigna nga intag-aynakayo ni Yahweh, tapno makitadakayo ti amin a tao. Iti panagturayna ket kaslakayonto la korona nga insuot ti ari.
\v 4 Saanton a pulos a maawagan ti siudadyo 'ti langalang a siudad', ken saanton a pulos a maawagan ti pagilianyo 'ti nabaybayan a daga'; maawaganto daytoy 'ti daga a pakaay-aywan ni Yahweh,' ket maawaganto met daytoy a 'naiyasawa kenni Yahweh.' Maawaganto ti siudadyo iti kasta gapu ta maay-ayo ni Yahweh kadakayo, ken kaslanto dakayo ti nobiana.

\s5
\v 5 Dakayo a tattao, agnaedkayonto iti amin a pagilian ti Juda a kas iti pannakidenna ti agtutubo a lalaki iti nobiana. Ket maragsakanto ti Diostayo ta maibilangkayo a tattaona, kas iti nobio a maragsakan ta nagun-odna ti nobiana.

\s5
\v 6 Dakayo a tattao ti Jerusalem, nangisaadak kadagiti agwanwanawan kadagiti bakudyo; sipapasnekdanto nga agkararag kenni Yahweh iti aldaw ken rabii. Dakayo nga agwanawan, masapul a saankayo nga agsardeng nga agkararag ken mangipalagip kenni Yahweh maipapan kadagiti inkarina nga aramidenna.
\v 7 Ken ibagayo kenni Yahweh a masapul a saan isuna nga aginana agingga a mapagbalinna a nalatak ken maidaydayaw a siudad ti Jerusalem iti entero a lubong.

\s5
\v 8 Inngato ni Yahweh ti makannawan nga imana tapno agsapata kadagiti tattao ti Jerusalem: "Aramatek ti pannakabalinko ken saankonton a pulos a palubosan dagiti kabusoryo a mangparmek kadakayo; saanton a pulos nga agsubli dagiti soldado manipud kadagiti nadumaduma a nasion tapno alaen ti trigoyo ken ti arak a nagrigrigatanyo nga inaramid.
\v 9 Dakayo a mismo ti mangpatubo iti trigo, ken dakayonto ti mangidayaw kaniak, Siak a ni Yahweh, bayat a kankanenyo ti tinapay a naaramid iti trigo. Iti uneg dagiti paraangan ti templok, dakayo a mismo ti uminumto iti arak a naaramid manipud iti naapityo nga ubas."

\s5
\v 10 Rummuarkayo kadagiti ruangan ti siudad! Isaganayo ti kangrunaan a dalan a pagdalananto dagiti tattao nga agsubli manipud kadagiti sabali a pagilian! Patadenyo ti dalan; ikkatenyo amin a batbato, mangikabilkayo kadagiti pagilasinan a bandera a makatulong kadagiti bunggoy ti tattao a mangtunton iti dalan nga agturong iti Jerusalem.

\s5
\v 11 Kastoy ti mensahe nga imbaga ni Yahweh kadagiti tattao iti tunggal nasion: "Ibagayo kadagiti tattao ti Israel, 'Umayen ti mangispal kadakayo! Kitaenyo! Iyegnanto kadakayo ti gunggonayo; dagiti insalakanna ket umunanto kenkuana."'
\v 12 Maawagandanto a "tattao ni Yahweh,' 'dagiti inispalna.' Ket mabigbigto ti Jerusalem kas siudad nga ipatpateg ni Yahweh, ti siudad a saanton a pulos a mabaybay-an.

\s5
\c 63
\p
\v 1 Sinaludsodko, "Siasino daytoy nga um-umay manipud iti siudad ti Bosra idiay Edom, a ti pagan-anayna ket namantsaan iti nalabbaga a naggapu iti dara? Siasino daytoy a nakakawes iti napintas a kagay?" Insungbatna, "Siak daytoy, ni Yahweh a mangipakpakaammo a pinarmekko dagiti kabusoryo, ket kabaelankayo nga ispalen!"
\v 2 Sinaludsodko isuna, "Ania dagiti nalabbaga a naimantsa iti pagan-anaymo? Madlaw a nangibaddebaddekka kadagiti ubas tapno agbalin nga arak."

\s5
\v 3 Insungbatna, "Imbaddebaddekko dagiti kabusorko, saan a dagiti ubas. Inaramidko daytoy a maymaysak; awan ti siasinoman a timmulong kaniak. Dinusak ida gapu ta nakapungtotak iti kasta unay kadakuada, ket namantsaan ti pagan-anayko iti darada.
\v 4 Inaramidko dayta gapu ta daytoy ti tiempo ti panagibalesko; daytoy ti tiempo ti panangispalko kadagiti tattaok manipud kadagiti nangidadanes kadakuada.

\s5
\v 5 Nangsapulak iti tao a kaduak koma a tumulong kadagiti tattaok, ngem nasdaawak ta awan ti uray maysa a tumulong kaniak. Isu a pinarmekko dagiti kabusorda iti bukodko a pannakabalin; Naaramidko dayta gapu ta makaungetak unay.
\v 6 Gapu ta makapungtotak la unay, dinusak dagiti nasion; pinagdiwerdiwerko ida a kas kadagiti nabartek a lallaki, ken imbukbokko ti darada iti rabaw ti daga."

\s5
\v 7 Ibagak ti maipapan kadagiti amin nga inaramid ni Yahweh para kadagiti tattaona gapu iti napudno nga ayatna kadakuada, ket dayawek isuna gapu kadagiti amin nga inaramidna. Nagaramid ni Yahweh kadagiti naimbag a banbanag para kadatayo nga Israelita; manangngaasi isuna kadatayo kasta met a di agbalbaliw ken napudno ti panagayatna kadatayo.
\v 8 Kinuna ni Yahweh, "Dagitoy ti tattaok; saandakto nga allilawen"; isu nga inispalnatayo.

\s5
\v 9 Idi adu dagiti pakariribukantayo, nagliday met isuna. Imbaon ni Yahweh ti anghel a nagtaud kenkuana tapno ispalennatayo. Gapu ta inayatnatayo ken kinaasiannatayo, insalakannatayo; kaslana la ginuyod nga impangato dagiti kapuonantayo ket inawitna ida, kadagidi panawen a naidadanesda idiay Egipto.

\s5
\v 10 Ngem nagsukirtayo kenkuana, ken pinaglidaytayo ti Nasantoan nga Espirituna. Isu a nagbalin isuna a kasla kabusor a nakiranget kadatayo.

\s5
\v 11 Ket nalagiptayo ti napasamak idi un-unana a panawen, idi tiempo nga indalan ni Moises dagiti kapuonantayo a rimmuar manipud Egipto. Nagas-asugtayo, "Sadino ti ayan ti nangilasat kadagiti kapuonanmi iti Baybay ti Runruno bayat nga idaldalan ida ni Moises? Sadino ti ayan ti nangibaon iti Nasantoan nga Espirituna a mangkadua kadagiti kapuonanmi?

\s5
\v 12 Sadino ti ayan ti nangipakita iti nadayag a pannakabalinna ken nangbingay iti danum idi inngato ni Moises ti takyagna, ket gapu iti dayta mapadayawan isuna iti agnanayon?
\v 13 Sadino ti ayan ti nangidalan kadagiti kapuonanmi idi nagnada iti tengnga ti baybay? Kaslada la kadagiti aglulumba a kabalio ket saanda a pulos a naitublak.

\s5
\v 14 Maiyarigda kadagiti bakbaka a simmalog nga agturong iti tanap tapno aginana, ket inturong ida ti Espiritu ni Yahweh a mapan iti lugar a mabalinda a paginanaan. Yahweh, indauloam dagiti tattaom, ket napadayawanka."

\s5
\v 15 "Yahweh, kumitaka manipud langit; tannawaganakami manipud iti nasantoan ken nakapinpintas a pagtaengam. Iti napalabas, maseknanka unay kadakami, ken sibibilegka a timmulong kadakami. Ngem ita, kasla awanen a pulos iti asim ken pagilasinam kadakami.
\v 16 Sika ti amami, uray no saan nga ammo ni Abraham ti mapaspasamak kadakami, ken uray saan a maseknan ni Jacob kadakami, ngem Apomi a Yahweh, sika ti amami; inispalnakami idi un-unana a panawen.

\s5
\v 17 Yahweh, apay nga inyaw-awannakami manipud iti kalsadam? Apay a binaybay-am a tumangken ti panagpuspusomi, ket gapu iti dayta saankamin a nagdayaw kenka? Tulongannakami a kas iti inaramidmo idi naglabas, gapu ta dakami dagiti tattao nga agserserbi kenka ken maibilang kenka.

\s5
\v 18 Dakami, a nasantoan a tattaom, ti nangtagikua iti nasagradoan a templom iti apagbiit laeng a panawen, ket ita, dinadael daytoy dagiti kabusormi.
\v 19 Ita, kasla saannakami pulos nga inturayan, kasla saankami pulos a naibilang kenka."

\s5
\c 64
\p
\v 1 "O Yahweh, no laeng bimmabaka manipud iti tangatang; pinaggin-ginedmo koma dagiti bantay nga addaan panagbuteng.
\v 2 Kasla koma daytoy iti apuy a mangur-uram iti nagango a kayo, wenno kasla iti apuy a mangpaburek iti danum. Bumabaka tapno maammoan dagiti kabusormo ti kinasiasinom, ken tapno agpigerger dagiti tattao kadagiti dadduma a nasion iti presensiam.

\s5
\v 3 Nagaramidka kadagiti nakakaskasdaaw a banbanag a saanmi a namnamaen nga aramidem; naggunggon dagiti bantay idi bimmabaka idiay Bantay Sinai.
\v 4 Sipud pay idi un-una a tiempo, awan pay pulos iti nakakita wenno nakangngeg maipanggep iti maysa a Dios a kas kenka; tultulungam dagiti agtaltalek kenka.

\s5
\v 5 Tultulungam dagiti siraragsak nga agaramid kadagiti nalinteg, dagiti agbibiag a kas iti wagas a kayatmo a panagbiagda. Ngem saanmi nga inaramid dayta; nagtultuloykami a nagbasol, ket isu a nakaungetka kadakami. Nagbasbasolkami iti nabayag a tiempo. Isalakannakami no itultuloymi laeng nga aramiden ti kayatmo nga aramidenmi.

\s5
\v 6 Nagbalinkami amin a tattao a saan a maikari nga agdayaw kenka; dagiti amin a nasayaat a banbanag nga inaramidmi ket maiyarig laeng kadagiti nisnis a namantsaan iti dara. Gapu kadagiti basbasolmi, kaslakami amin kadagiti nagango a bulbulong a naiyangin.
\v 7 Awan kadagiti tattaomi ti agdaydayaw kenka, ken awan ti pudno a mangpadpadas a mangallukoy kenka a tumulong kenkuana. Tinallikudannakami. Kasla binaybay-annakamin, tapno agtultuloykami nga agbasbasol ken kumarkaro pay ti panagbasbasolmi.

\s5
\v 8 Ngem uray no kasta, O Yahweh, sika ti amami. Kaslakami iti damili nga us-usaren iti agdamdamili, ket inaramidnakami, a kasla iti agdamdamili nga agar-aramid iti banga.
\v 9 O Yahweh, saanka kadin a makaunget kadakami; saanmon a panunoten ti maipanggep kadagiti basbasolmi iti agnanayon. Saanmo a liplipatan a tattaonakami amin.

\s5
\v 10 Nagbalin a kasla let-ang dagiti amin nga ilim idiay Juda; uray ti Jerusalem ket nadadael.
\v 11 Naan-anay a nauram ti nadayag a templom idiay Bantay Sion, a nagdaydayawan kenka dagiti kapuonanmi. Ken nadadael amin dagiti dadduma a napateg a banbanag nga adda kadakami.
\v 12 O Yahweh, makitkitam dagidiay a banbanag, ngem kasla agkedkedka met a mangaramid iti aniaman a banag tapno tulungannakami. Kasla kayatmon sa metten nga agsagabakami iti nakarkaro pay."

\s5
\c 65
\p
\v 1 Daytoy ti kinuna ni Yahweh, "Sisasaganaak idi a sumungbat kadagiti tattaok, ngem awan ti nagkiddaw kaniak tapno tulungak ida. Sisasaganaak idi a tumulong uray pay kadagiti saan nga immawag kaniak. Kinunak pay, 'Addaak ditoy a tumulong kadakayo!'
\v 2 Daytoy ket kasla intultuloyko nga inyunnat dagiti imak tapno ipakita a sisasaganaak a tumulong kadagiti nagsukir kaniak, ken kadagiti nagtultuloy a nagaramid kadagiti dakes a banbanag a kinaykayatda nga aramiden.

\s5
\v 3 Situturedda nga itultuloy nga aramiden dagiti banbanag a makapaunget kaniak; mangidatdatagda kadagiti daton kadagiti didiosenda kadagiti minuyonganda, ken mangpupuorda kadagiti insenso a maipaay kadagitoy iti rabaw dagiti altar a naaramid manipud kadagiti ladrillo.
\v 4 Siririingda iti rabii kadagiti sementeryo, a makisarsarita kadagiti espiritu dagiti natay a tattao. Mangmanganda kadagiti karne iti babuy, ken napno dagiti bangada iti digu ti karne a saan a maikari para kaniak.

\s5
\v 5 Kalpasanna, kunaenda kadagiti dadduma, 'Umadayoka kaniak; saanka nga umas-asideg kaniak, gapu ta nasantoanak unay, isu a saannak a sagsagiden.' Dagiti kasta a tattao ket kasla asuk iti agungko manipud iti apuy a saan nga agsarsardeng a sumsumged.

\s5
\v 6 Inlistak dagiti amin a dakes a banbanag nga inaramidda. Ket saanak nga agtalinaed nga agulimek maipanggep kadagidiay amin a banbanag; awan duadua a dusaek dagitoy a tattao
\v 7 gapu kadagiti basbasol nga inaramidda ken dagiti kapuonanda. Linalaisdak babaen iti panangpuorda kadagiti insenso iti rabaw dagiti turturod a maipaay kadagiti didiosenda. Isu a dusaekto ida iti maiparbeng kadakuada gapu iti panangar-aramidda kadagidiay a banbanag.”

\s5
\v 8 Daytoy pay ti kinuna ni Yahweh: "No adda iti maysa a raay iti nasayaat nga ubas iti sanga, saan daytoy nga ibelleng dagiti tattao, gapu ta ammoda nga adda iti nasayaat a tubbog a maalada kadagidiay nga ubas. Iti isu met laeng a wagas, gapu ta adda dagiti tattao iti Juda a sipupudno nga agserserbi kaniak, saankonto ida a papatayen amin.

\s5
\v 9 Mangilasinakto iti dadduma kadagiti kaputotan ni Jacob nga agnanaed kadagiti turturod ti Juda. Pinilik ida, ken tagikuaendanto dayta a daga; idaydaydayawdakto ket agnaeddanto sadiay.
\v 10 Ket dagiti amin a daga manipud iti Patad ti Saron nga asideg iti Baybay Mediterannean ken agingga iti tanap ti Akor nga asideg iti Jerico ket agbalinto a pagpastoran, a paginanaanto dagiti baka ken karneroda.

\s5
\v 11 Ngem agbalinto a naidumduma para kadakayo a nangpanaw kaniak, dakayo a saan nga agdayaw kaniak idiay nasagradoan a turodko a Sion, dakayo nga agdaydayaw kenni Gad ken ni Meni a didiosen a kunkunaenyo a mangiyeg kadakayo iti nasayaat a gasat ken nasayaat a pagbanagan.

\s5
\v 12 Siak, saan a ni Meni, ti mangikeddeng iti mapasamak kadakayo; mapapataykayonto amin babaen kadagiti kampilan. Mapasamak dayta gapu ta saankayo a simmungbat idi immawagak kadakayo. Nagsao-ak kadakayo ngem saanyo nga inkaskaso. Inaramidyo ketdi dagiti banbanag nga imbagak a dakes; piniliyo ti agaramid kadagiti banbanag a saanko a pakaay-ayoan.

\s5
\v 13 Siak, ti Apo a ni Yahweh, ikkakto kadagiti banbanag a makan ken mainom dagiti agdaydayaw ken agtultulnog kaniak, ket agragsakdanto; ngem dakayo amin a dakes a tattao ket mabisinan ken mawawto, ken agladingit ken maibabainkayonto.
\v 14 Agkantanto a sirarag-o dagiti agdaydayaw ken agtultulnog kaniak, ngem dakayo a dakes a tattao ket agasugto iti napigsa gapu ta agsagabakayonto iti kaungganyo.

\s5
\v 15 Aramatento dagiti pinilik dagiti nagnaganyo no mangilunodda kadagiti tattao; Siak, ti Apo a ni Yahweh, papatayenkayonto. Ngem ikkakto iti baro a nagan dagiti agdaydayaw ken agtultulnog kaniak.
\v 16 Naaddaan idi iti adu a pakariribukan dagiti tattao iti daytoy a daga, ngem saankon nga itulok a mapasamak pay dagidiay a pakariribukan. Ngarud, dagiti agkidkiddaw kaniak a bendisionak ida ken dagiti sipapasnek nga agkari nga agaramid iti maysa a banag ket rumbeng a saanna a pulos a lipliptan a siak ti Dios, a sipupudno a mangaramid iti ikarkarik nga aramiden.

\s5
\v 17 Laglagipenyo daytoy: Dumtengto ti aldaw a mangaramidak iti baro a langit ken daga. Agbalinto dagitoy a nakakaskasdaaw, nga agbanag a saanmonton a pulos a malagip ti maipanggep kadagiti pakariribukan a napadasanyo iti napalabas.
\v 18 Agragsak ken kanayonkayo nga agrag-o gapu iti aramidekto: Ti Jerusalem ket agbalinto a lugar a no sadino ket agrag-o dagiti tattao; kanayonto a naragsak dagiti tattao nga agnaed sadiay.
\v 19 Agrag-oakto maipanggep iti Jerusalem, ken maragsakanakto kadagiti tattaok. Pulos a saanton nga agasug ken agsangit dagiti tattao gapu iti pannakariribuk.

\s5
\v 20 Awan ti ubing a matay inton maladaga pay laeng isuna; agbiagto amin a tattao agingga a nataenganda unayen. Ibilangto dagiti tattao nga ubing pay ti siasinoman nga agtawen iti sangagasut; ibilangdanto a nailunod ti siasinoman a matay iti naub-ubing ngem iti dayta.
\v 21 Mangipatakderto dagiti tattaok kadagiti balbalay ket pagnaedandanto dagitoy. Agmuladanto kadagiti ubas ket mangandanto kadagiti ubas manipud kadagidiay a kaubasan.

\s5
\v 22 Kadagiti balbalay nga ipatakderda, awanto ti mangagaw kadagidiay a balbalay kadakuada ket pagnaedanda dagitoy. Awanto ti mangagaw iti kaubasan manipud iti akin-kukua iti daytoy. Agbiagto iti atiddug a tiempo dagiti pinilik a tattao, a kasla kadagiti kaykayo, ket ragragsakendanto dagiti banbanag nga inaramidda - dagiti balbalay nga impatakderda ken dagiti mula nga inmulada.
\v 23 Saandanto nga agtrabaho nga awan kapaypay-anna, ken saanto a matay dagiti ubbing manipud kadagiti didigra. Awan duadua a bendisionakto dagiti annakda ken dagiti appokoda.

\s5
\v 24 Sakbay nga umawagda kaniak tapno tulungak ida, sumungbatakto; sungbatakto dagiti kararagda kabayatan nga agkarkararagda pay laeng kaniak a mangaramid iti maysa a banag a maipaay kadakuada.
\v 25 Awanto iti madangran wenno masaktan iti sadinoman idiay nasagradoan a turodko a Sion: sangsangkamaysanto a mangan a sitatalna dagiti lobo ken karnero iti ruot; manganto dagiti leon iti garami a kas kadagiti baka, ket saandanto a dangran dagiti tattao. Awanto iti siasinoman a dangran dagiti uleg; aguyasdanto iti rabaw ti daga ket rugit to laeng ti kanenda. Awan duadua a kastanto ti pagbalinanna gapu ta Siak a ni Yahweh, ti nagkuna iti daytoy."

\s5
\c 66
\p
\v 1 Kinuna pay ni Yahweh daytoy: "Ti entero a langit ket kasla tronok, ken ti entero a daga ket kasla pagbatayan dagiti sakak. Isu a pudno a saankayo a makapatakder iti balay a maitutop kaniak a pagnaedan ken paginanaan!

\s5
\v 2 Pinarsuak amin a banbanag; adda dagiti amin a banbanag gapu ta inaramidko dagitoy. Pudno dayta gapu ta siak a ni Yahweh, kinunak daytoy. Dagiti tattao a pakaay-ayoak unay ket dagiti napakumbaba, a siaanus nga agib-ibtur no agsagabada, ken dagiti agbuteng no mangngegdak a mangtubtubngar kadakuada.

\s5
\v 3 Piniliyo ti mangtultuloy a mangar-aramid kadagiti banbanag a kayatyo nga aramiden: mangpatpatay ti dadduma kadakayo iti baka tapno idatonyo kaniak, ngem agidatdatonkayo met kadagiti tattao a kas sagut kadagiti didiosenyo! Mangidatdatonkayo kaniak kadagiti karnero, ngem mangpatpataykayo kadagiti aso ket idatdatonyo dagitoy kadagiti diosyo. Mangidatdatonkayo iti bukbukel kaniak, ngem mangiyeyegkayo met iti dara ti babuy kadagiti didiosenyo. Mangpupuorkayo iti insenso kaniak, ngem agdaydayawkayo met kadagiti didiosenyo. Maragragsakankayo a mangar-aramid kadagidiay a makarimon a banbanag.

\s5
\v 4 Idi immawagak kadakayo, saankayo a simmungbat. Idi nagsao-ak, saanyo nga inkaskaso. Inaramidyo dagiti banbanag nga imbagak a dakes, ken piniliyo nga aramiden dagiti banbanag a saanko a kayat. Isu nga ita, dusaenkayo babaen iti panangitulokko a mapadasanyo dagiti banbanag nga inaramidyo, dagiti banbanag a pagbutbutnganyo."

\s5
\v 5 Ngem kadakayo a tattao nga agbuteng no mangngegyo ti ibagbaga ni Yahweh, denggenyo ita ti ibagbagana: "Kagkagura ken pagtaltalawendakayo dagiti dadduma kadagiti tattaoyo gapu ta kukuakayo. Pagang-angawandakayo, ket kunada, "Ipakita koma ni Yahweh ti nadayag a pannakabalinna! Kayatmi a makita nga agaramid isuna iti maysa a banag a pudno a mangparagsak kadakayo." Ngem addanto iti aldaw a maibabain unay dagidiay a tattao."

\s5
\v 6 Iti dayta a tiempo, mangngegyonto ti ariwawa ti siudad. Mangngegyonto ti pukkaw iti uneg ti templo. Daytoyto ti uni ti panangibalbales ni Yahweh kadagiti kabusorna.

\s5
\v 7 Awan pay pulos iti nakangngeg iti babai a mangipasngay iti maysa a maladaga no mangrugi pay laeng isuna nga agpasikal.
\v 8 Pudno nga awan pay pulos iti nakangngeg iti kasta a banag a mapasmasamak, ken awan pay pulos iti nakakita iti kasta a napasamak. Kasta met, awan pay pulos iti nakangngeg iti maysa a nasion a naaramid iti apagdarikmat, awan uray maysa nga aldaw laeng koma. Ngem ti Jerusalem ket kasla maysa a babai a mangipasngay kadagiti annak apaman a mangrugi isuna nga agpasikal.

\s5
\v 9 Pudno a saan nga ipalubos dagiti babbai nga ipasngayda dagiti maladaga inton tiempon a maipasngayda ket lappedanna a maipasngayda. Kasta met, aramidento ni Yahweh ti inkarina nga aramiden iti Jerusalem: punoennanto manen ti Jerusalem kadagiti tattao. Mapasamakto dayta gapu ta ni Yahweh ti nagkuna iti daytoy.

\s5
\v 10 Dakayo a tattao iti Jerusalem, agrag-okayo! Ken dakayo amin a tattao a mangay-ayat iti Jerusalem, rumbeng nga agragsakkayo met. Dakayo a tattao a nagladingit gapu iti napasamak iti Jerusalem, rumbeng nga agragsakkayo itan.
\v 11 Dakayo a tattao iti Jerusalem ket maaddaanto kadagiti amin a kasapulanyo, kasla iti maladaga a maalana amin a kasapulanna manipud iti barukong ti inana. Ragsakenyonto dagiti amin nga aglaplapusanan ken nakaskasdaaw a banbanag iti siudad.

\s5
\v 12 Inkari ni Yahweh, "Punoekto ti Jerusalem kadagiti napateg a banbanag nga aggapu kadagiti dadduma a nasion; maibukbokto dagidiay a banbanag iti Jerusalem; kaslanto daytoy iti dakkel a layus. Aywanakto dagiti tattao ti Jerusalem a kasla iti panangaywan dagiti babbai kadagiti maladaga a paspasusoenda.
\v 13 Liwliwaenkayonto a tattao ti Jerusalem a kas iti panangliwliwa dagiti inna kadagiti annakda.

\s5
\v 14 Inton makitayo dagidiay a banbanag a mapasamak, agrag-okayonto. Pumigsanto manen dagiti daan a tulangyo a kasla iti tiempo ti panagrurusing, inton agtubo dagiti ruot. Inton mapasamak dayta, maammoanto ti amin nga addaan ni Yahweh iti pannakabalin a tumulong kadagiti agdayaw ken agtulnog kenkuana, ngem makaunget isuna kadagiti kabusorna.

\s5
\v 15 Bumabanto ni Yahweh nga addaan iti dumardarang nga apuy, ken bumabanto dagiti karwahena a kasla alipugpug; makapungtotto unay isuna, ket dusaenna dagiti kabusorna babaen iti panangpuorna kadakuada.
\v 16 Kasla addaanto ni Yahweh iti dakkel a kampilan, ket dusaen ken papatayenna ti adu a tattao.

\s5
\v 17 Kuna ni Yahweh, "Agsagananto ti dadduma kadakayo a sumrek iti minuyongan dagiti didiosen babaen iti panagbuggo ken naisangsangayan a taraon ken kawes, ket surotenyonto iti dayta a lugar dagiti mangmangan iti karne dagiti babuy ken utot, ken dadduma a banbanag nga imparitko a kanenyo. Ikarik kadakayo, pasardengek ida ken saandan a pulos nga aramiden daytoy!"

\s5
\v 18 Ammok dagiti amin a dakes a banbanag a panpanunoten ken ar-aramidenda amin. Itan ti tiempo nga urnongek dagiti tattao nga agnanaed kadagiti amin a nasion ken agsasao kadagiti amin a pagsasao, ken tapno ipakita kadakuada a naindaklanak unay.
\v 19 Mangaramidak kadakuada iti maysa a banag a mangipakita kadakuada iti kinasiasinoda, ken dagiti winayawayaak ket mapan kadagiti nadumaduma nga adayo a pagilian: iti Tarsis, Put, Lud (lugar dagiti agpanpana), Mesec, Tubal, ken kadagiti adayo nga is-isla. Ibaonkonto ida a mangiwaragawag kadagiti nasion a saan pay a pulos a nakangngeg iti maipanggep kaniak a naindaklanak unay ken nadayagak.

\s5
\v 20 Ket isublidanto ditoy dagiti kabagianyo a napapanaw, kasla kadagiti daton a masansan nga iyeg dagiti tattaok nga Israelita iti husto a wagas iti templo. Agdaliasatdanto nga agturong idiay Jerusalem, nga ayan iti nasantoan a bantayko; umaydanto a nakalugan kadagiti kabalyo, karwahe, karison, mulo ken kamelio.
\v 21 Siiingetko nga ikari a dutokakto dagiti dadduma kadakuada nga agbalin a papadi, ken agtrabahonto iti sabali dagiti dadduma iti templo. Pudno a mapasamak dayta gapu ta siak, a ni Yahweh, kinunak daytoy.

\s5
\v 22 Ikarik pay a kas iti baro a langit ken baro a daga nga agtalinaed iti agnanayon, kanayonkayonto a maaddaan kadagiti kaputotan, ken kanayonkayonto a mararaem.
\v 23 Iti tunggal fiesta a rambakan ti Panaginana iti tunggal lawas, ken iti baru a bulan iti tunggal bulan, tunggal maysa ket umayto ken agdayaw kaniak. Pudno a mapasamakto dayta gapu ta siak, a ni Yahweh ti nagkuna iti daytoy.

\s5
\v 24 Ket rumuardanto iti Jerusalem ket kitaenda dagiti bangkay dagiti nagsukir kaniak. Saanto a pulos a matay dagiti igges nga adda kadagidiay a bangkay, saanto a pulos a maiddep ti apuy a mangpupuor kadakuada, ken marimonto dagiti amin a makakita kadagiti bangkayda.