297 lines
23 KiB
Plaintext
297 lines
23 KiB
Plaintext
\id SNG
|
|
\ide UTF-8
|
|
\h Kanta ni Solomon
|
|
\toc1 Kanta ni Solomon
|
|
\toc2 Kanta ni Solomon
|
|
\toc3 sng
|
|
\mt Kanta ni Solomon
|
|
|
|
\s5
|
|
\c 1
|
|
\p
|
|
\v 1 Daytoy ti kapipintasan a kanta ni Ari Solomon. Kasarsarita ti balasang ti mangay-ayat kenkuana,
|
|
\v 2 "Agkannak kadagiti bibigko ta ad-adda a makaay-ayo kaniak ti ayatmo ngem ti arak.
|
|
\v 3 Ti angot ti bangbanglo iti kudilmo ket kasta unay a makaay-ayo. Ken agdindinamag ken agwarwaras ti dayawmo, kasla iti ayamuom ti naisangsangayan a lana nga inyaprusmo iti kudilmo. Dayta ti gapuna no apay magustoandaka dagiti dadduma a babbalasang.
|
|
\v 4 Alaennak a dagus; iyawidnakon idiay balaymo." Kasarsarita ti babai ti bagina, "Ari ti arigna kaniak, impannak iti siledna." Kasarsarita ti babai ti mangay-ayat kenkuana, "Maragsakanak unay kenka; ti ayatko kenka ket nasaysayaat ngem ti arak. Saan a nakakasdaaw no kayawannaka dagiti dadduma a babbalasang." Kasarsarita ti babai dagiti dadduma a babbai.
|
|
|
|
\s5
|
|
\v 5 Dakayo a babbai ti Jerusalem, nangisitak ngem nagpintasak; ti nangisit a kudilko ket kasla kadagiti tolda idiay Kedar, wenno kasla kadagiti napipintas a kurtina iti palasio ni Solomon.
|
|
\v 6 Ngem saanak a matmatan gapu ta pinangisit ti init iti kudilko. Makaunget kaniak dagiti kakabsatko a lallaki isu a pinilitdak nga agtrabaho iti kapudotan idiay kaubasan, isu a saanko a naaywanan ti bagik. Kasarsarita ti babai ti mangay-ayat kenkuana
|
|
|
|
\s5
|
|
\v 7 Sika nga ay-ayatek, sadino ti pangipastoram ti arbanmo a karkarnero ita nga aldaw? Sadino ti pangipa-inanaam kadakuada iti tengnga ti aldaw? Kayatko a maammoan gapu ta saan a rumbeng nga agalla-allaak a kasla iti balangkantis a mangbirbiruk kenka kadagiti arban a kukua dagiti gagayyemmo. Sumungsungbat kenkuana ti lalaki a mangay-ayat kenkuana
|
|
|
|
\s5
|
|
\v 8 Sika a kapipintasan kadagiti amin a babbai, no birukennak ken saanmo nga ammo no sadino ti pangiyapanak ti karnerok, surotem dagiti tugot ti karnerok. Ket palubosam dagiti urbon a kaldingmo nga agarab iti asideg dagiti tolda dagiti agpaspastor.
|
|
|
|
\s5
|
|
\v 9 Nagpintaska dungngo, maiyarig iti maysa nga urbon a kabaian a kabalio a mangguyguyod kadagiti karwahe a kukua iti ari ti Egipto.
|
|
\v 10 Dagiti pingpingmo ket naarkosan kadagiti alahas, ken addaan kadagiti kuentas a naipalikmot iti tengngedmo.
|
|
\v 11 Iyaramidankanto kadagiti sumagmamano a balitok nga ar-aritos a naarkosan iti pirak. Kasarsarita ti babai ti bagina
|
|
|
|
\s5
|
|
\v 12 Kabayatan nga adda ti ari iti pagtugawanna, agwaras ti angot ti bangbanglok iti aglawlaw ti siled.
|
|
\v 13 Ti lalaki nga agay-ayat kaniak ket agtaltalinaed iti nagbabaetan dagiti susok iti agpatnag kasla iti supot ti bangbanglo a naisiglot iti tengngedko.
|
|
\v 14 Kasla isuna iti sangaraay a sabsabong manipud kadagiti kaubasan idiay Engedi. Kasarsarita isuna ti lalaki a mangay-ayat kenkuana
|
|
|
|
\s5
|
|
\v 15 Sika nga ay-ayatek, nagpintaska; nakapinpintaska la unay! Makaay-ayo dagiti matam a kasla kadagiti kalapati. Kasarsarita ti babai ti mangay-ayat kenkuana
|
|
|
|
\s5
|
|
\v 16 Sika a mangay-ayat kaniak, nagtaerka la unay, nakaskasdaawka! Dagiti nalangto a karuotan idiay away ti agbalinto a kasla pagtugawan a mabalinta a pagiddaan.
|
|
\v 17 Dagiti sangsanga dagiti kayo a sedro ti manglinongto kadata; dagiti sanga ti aruo iti ngatoen iti ulota ti kasla atepta.
|
|
|
|
\s5
|
|
\c 2
|
|
\p
|
|
\v 1 Kayarigak ti maysa nga atap a sabong nga adda iti patad, kas iti atap a lirio a dumakdakkel iti tanap. Kasarsarita ti lalaki ti babai
|
|
\v 2 Kadagiti amin a babbalasang, sika nga ay-ayatek ket kasla lirio nga agtubtubo kadagiti sisiit! Kasarsarita ti babai ti bagina
|
|
|
|
\s5
|
|
\v 3 Kadagiti amin a lallaki, daytoy ti lalaki a mangay-ayat kaniak; kayariganna ti kayo a dumakdakkel iti kabakiran. Saanak a madangran ti init iti linongna. No asideg isuna kaniak, kayariganna daytoy ti pannangan iti nasam-it a bunga ti kayo.
|
|
\v 4 Inturongnak iti siled nga isu ti nagrambakak iti ayatna, iti lugar a nakikaiddaanna kaniak, a kasla ab-abbungannak babaen iti ayatna. Kasarsarita ti babai ti mangay-ayat kenkuana
|
|
|
|
\s5
|
|
\v 5 Pasarantaen ken papigsaennak babaen iti pannakikaiddam kaniak. Arigna daytoy ti pannangan kadagiti pasas ken sabali a bunga ti kayo, gapu ta kayatko nga ad-adda pay nga ayatennak. Kasarsarita ti babai ti bagina
|
|
\v 6 Namnamaek nga iyapungolna ti kannigid a takkiagna iti tenngedko ken arakupennak babaen iti kannawan a takkiagna. Kasarsarita ti babai dagiti dadduma a babbai
|
|
|
|
\s5
|
|
\v 7 Dakayo a babbalasang ti Jerusalem, kayatko nga agkarikayo kabayatan nga agdengdengngeg dagiti ugsa ken korso, a saandakami a singsingaen iti panagkakaiddami agingga a nakasaganakamin nga agsardeng. Kasarsarita ti babai ti bagina
|
|
|
|
\s5
|
|
\v 8 Mangngegko ti timek ti lalaki a mangay-ayat kaniak. A kaslana la laylayawen dagiti banbantay ken kaslana la laglagtoen dagiti turturod
|
|
\v 9 a kasla iti ugsa wenno iti korso. Agtaktakderen isuna iti likod iti pader ti balaymi, agtantannawag iti tawa, ken agsirsirip iti rehas.
|
|
|
|
\s5
|
|
\v 10 Nagsao isuna kaniak ket kinunana, "Sika nga ay-ayatek, tumakderka; imnasko, sumurotka kaniak!
|
|
\v 11 Kitaem, naglippasen ti lammiis; nagsardengen ti tudo.
|
|
|
|
\s5
|
|
\v 12 Aguk-ukraden dagiti sabsabong iti entero a pagilian. Tiempo itan ti panagkakanta; mangngegtayon ti uni dagiti kalapati.
|
|
\v 13 Addan kadagiti naata a bunga dagiti puon ti igos, ken addan dagiti sabsabong kadagiti puon ti ubas ken umayamuomda iti aglawlaw. Sika nga ay-ayatek, tumakderka; imnasko, sumurotka kaniak!
|
|
|
|
\s5
|
|
\v 14 Kayarigam ti kalapati nga aglemlemmeng iti rengngat iti kabatoan. Ipakitam kaniak ti rupam, ken palubosam a mangegko ti timekmo, gapu ta makaay-ayo ti timekmo, ken naglibnos ti rupam." Kasarsarita ti babai ti bagina
|
|
|
|
\s5
|
|
\v 15 Adda dagiti dadduma a lallaki a mangdadael kadagiti babbai a kasla iti panangdadael iti atap nga aso iti kaubasan; saanmo a palubosan a darupendak dagidiay a lallaki.
|
|
|
|
\s5
|
|
\v 16 Daytoy a lalaki a mangay-ayat kaniak—kukuanak, ket kukuak met isuna. Pakaragsakanna la unay ti mangag-agek iti bibigko, a kasla iti ayat ti karnero nga agar-arab iti karuotan. Kasarsarita ti babai ti mangay-ayat kenkuana
|
|
\v 17 Sika a mangay-ayat kaniak, masapul a pumanawka sakbay nga agparbangon, inton agpukawen ti sipnget. Pumanawka a dagus, a kasla iti korso wenno kasla iti urbon nga ugsa nga agtartaray kadagiti nangangato a turturod.
|
|
|
|
\s5
|
|
\c 3
|
|
\p
|
|
\v 1 Iti agpatnag kabayatan nga agid-iddaak iti pagiddaak, kailiwko a makita ti ay-ayatek iti amin a pusok. Kayatko nga umay isuna, ngem saan met nga immay.
|
|
\v 2 Isu a kinunak iti bagik, "Bumangonakon ket lawlawek ti siudad, dagiti daldalan ken pagpasyaran tapno sapulen ti lalaki nga ay-ayatek." Bimmangonak ngarud ket rimmuarak tapno sapulen isuna, ngem saanko a mabirukan.
|
|
|
|
\s5
|
|
\v 3 Nakitadak dagiti agbabantay iti siudad kabayatan nga agpatpatroliada. Sinaludsodko kadakuada, "Nakitayo kadi ti lalaki nga ay-ayatek?"
|
|
\v 4 Apaman a nalabasak ida, nasarakak ti ay-ayatek iti amin a pusok. Kimmapettak kenkuana ken saanko isuna a pinaluspusan agingga a naiyawidko isuna iti balay ni inak, iti siled a nangipasngayan kaniak ni inak. Kasarsarita ti babai dagiti dadduma a babbai
|
|
|
|
\s5
|
|
\v 5 Dakayo a babbai ti Jerusalem, ikariyo kaniak a sipapasnek, kabayatan nga agdengdengngeg dagiti ugsa ken dagiti korso, a saandakami a singsingaen bayat ti panagkakaiddami agingga a nakasaganakamin nga agsardeng. Kasarsarita ti balasang ti bagina
|
|
|
|
\s5
|
|
\v 6 Ania daytoy a makitkitak a sumungsungad nga aggapu iti let-ang, maysa a banag a mangiyang-angin iti tapuk a kasla adigi ti asuk, kasla mapupuoran a mira ken insenso a naaramid iti rekrekado nga inggapu dagiti agtagtagilako iti sabali a nasion?
|
|
\v 7 Daytoyen ni Solomon a situtugaw iti trono nga awit dagiti adipen ken napalikawkawan iti 60 a guardia a napili manipud kadagiti kapipigsaan a soldado iti Israel.
|
|
|
|
\s5
|
|
\v 8 Addaanda amin kadagiti kampilan ken nalaingda nga agusar kadagitoy. Addaan ti tunggal maysa kadakuada iti kampilan a nakakaluban iti sikiganda ken nakasagana para iti peggad a mabalin a mapasamak bayat ti rabii wenno aldaw.
|
|
\v 9 Binilin ni Ari Solomon dagiti adipenna nga agaramid iti trono nga awitenda nga agpaay kenkuana; naaramid daytoy iti kayo a naggapu idiay Libano.
|
|
|
|
\s5
|
|
\v 10 Ti tolda a nanglinong iti daytoy ket naaramid kadagiti pirak a poste, ken ti likod ti trono nga awiten dagiti adipen ket naburdaan iti balitok. Ti tugaw ket naakkoban iti lila a lupot a niragragsak nga inaramid dagiti babbai ti Jerusalem.
|
|
\v 11 Dakayo a babbai ti Jerusalem, umaykayo ken kitaenyo ni Ari Solomon a nakasuot iti balangat nga inkabil ti inana iti ulona iti aldaw a nagkasar ni Solomon, ti kararagsakan nga aldaw iti biag ti ari.
|
|
|
|
\s5
|
|
\c 4
|
|
\p
|
|
\v 1 O dungngok, nagpintaska, nakapinpintaska la unay! Iti uneg ti belom, naamo dagiti matam a kasla kadagiti kalapati. Ti atiddog a nangisit a buokmo ket agpal-ipal-id kadagiti sikigan kasla iti pangen dagiti nangisit a kalding a sumalsalog iti bakras ti Bantay Galaad.
|
|
|
|
\s5
|
|
\v 2 Nakapudpudaw dagiti ngipenmo, napudaw a kas iti karnero a kapukpukis dagiti tattao ti dutdotna, napudaw a kas iti karnero a kapadpadigos dagiti tattao iti maysa a waig. Addada amin dagiti ngipenmo iti agsinumbangir; awan kadagitoy iti mapukpukaw.
|
|
|
|
\s5
|
|
\v 3 Kasla iti nalabbaga a laso dagiti bibigmo, ken makaay-ayo ti ngiwatmo. Iti uneg ti belom, nagtimbukel ken nalasbang dagiti pingpingmo a kasla kadagiti gudua ti granada.
|
|
|
|
\s5
|
|
\v 4 Nagpintas ti atiddog a tengngedmo, kasla iti torre ni Ari David a naipatakder babaen iti nagtutuon a batbato. Dagiti arkos iti kuentas iti tengngedmo ket kasla iti sangaribu a kalasag a nakasab-it iti pader ti maysa a torre; tunggal maysa kadagitoy ket kukua ti maysa a mannakigubat.
|
|
\v 5 Nalamuyot dagiti susom a kasla iti dua nga urbon nga ugsa a singin nga agar-arab iti ruot idiay lugar nga adu ti lirio.
|
|
|
|
\s5
|
|
\v 6 Inggana iti parbangon inton bigat, inton agpukawen ti sipnget ti rabii, agiddaak iti asideg dagiti susom gapu ta kasda la dua a turod a nabanglo a rekrekado ti angotna.
|
|
\v 7 O dungngok, naan-anay ti pintasmo; nagsayaat ti pannakasukog ti bagim!
|
|
|
|
\s5
|
|
\v 8 O dungngok, kaslaka la adda idiay Libano a nakaad-adayo, iti maysa a lugar a saanko a madanon. Agsublikan kaniak. Kaslaka la adda iti tuktok ti Bantay Hermon wenno iti tuktok ti asidegna a banbantay, iti lugar a saanak makapan kenka. Umayka manipud kadagiti banbantay, iti lugar nga ayan dagiti rukib dagiti leon ken banbantay a paggigianan dagiti leopardo.
|
|
|
|
\s5
|
|
\v 9 Sika a napateg unay kaniak, no makitaka, pilitennak nga ayatenka no makitak a matmatannak, no matalgiapak ti alahas a nakasuot iti aglawlaw ti tengngedmo.
|
|
|
|
\s5
|
|
\v 10 O nobiak, makaay-ayo ti ayatmo nga agpaay kaniak! Makaay-ayo daytoy ngem iti arak! Ad-adda a makaay-ayo ti ayamuom ti bangbanglom ngem ti aniaman a rekado!
|
|
\v 11 No agkannak, nasaysayat daytoy ngem ti pannanganko iti diro. Nagsam-it dagiti agekmo a kasla gatas a nalaokan iti diro. Ti ayamuom dagiti pagan-anaymo ket kasla iti ayamuom dagiti kaykayo a sedro idiay Libano.
|
|
|
|
\s5
|
|
\v 12 Sika ti kapapatgan kaniak, arigmo iti maysa a hardin a kankanayon nga ikakandado ti akin-kukua tapno saan a mastrek daytoy dagiti dadduma a lallaki; arigmo iti ubbog a naakkoban tapno saan a paginuman daytoy dagiti dadduma.
|
|
\v 13 Maiyaspingka iti minuyongan ti kaykayo a granada a napnoan iti nasasam-it a bungbunga, ken adu a mulmula nga agpataud iti rekrekado nga alkamfor ken nardo,
|
|
\v 14 azafron, kalamos, kanela, ken dadduma pay a kita ti insenso, mira, aloe ken dadduma pay a nasayaat a rekrekado.
|
|
|
|
\s5
|
|
\v 15 Maiyaspingka iti burayok iti hardin, kasla iti ubbog ti nadalus a danum nga agay-ayus manipud iti banbantay ti Libano. Kasarsarita ti balasang ti mangay-ayat kenkuana
|
|
\v 16 Kayatko nga umay ti angin ti amianan ken angin ti abagatan, ken agpul-oy iti hardinko, tapno agwaras iti angin ti ayamuom ti rekado. Kasta met, kayatko met nga umay ti lalaki nga agay-ayat kaniak ket ragragsakenna ti kinaasidegna kaniak a kasla iti maysa a tao nga umuneg iti hardin ket ragragsakenna ti mangmangan iti bunga ti kaykayo a dumakdakkel sadiay.
|
|
|
|
\s5
|
|
\c 5
|
|
\p
|
|
\v 1 Sika a kapapatgan kaniak, immayak tapno umabay kenka. Daytoy ket kaslaak la agur-urnong iti mira agraman kadagiti dadduma a rekrekadok, mangmangan iti diro ken ti rara, ken umin-inom iti arak ken ti gatasko. Umayka, ay-ayatek, ragragsakem ti makikakaidda kaniak; ragragsakem ti amin nga aramidem a kaduanak, ay-ayatek. Kasarsarita ti balasang ti bagina
|
|
|
|
\s5
|
|
\v 2 Nakaturogak, ket nagtagtagainepak. Iti tagtagainepko, nangngegko ti ay-ayatek nga agtuktuktok iti ridaw. Kinunana, "Sika a napatpateg kaniak ngem ti kabsatko a babai, dungngok, o napateg a gayyemko, ti awan pagkuranganna nga ay-ayatek, kalapatik, lukatam ti ridaw para kaniak! Nabasa ti buokko gapu iti linnaaw, manipud iti angep a nagtinnag iti rabii."
|
|
|
|
\s5
|
|
\v 3 Ngem naussobkon ti kagayko; saankon a kayat nga ikagay manen daytoy tapno ilukatko ti ridaw. Nabuggoakon dagiti sakak; saanko a kayat a marugitanda manen.
|
|
\v 4 Inyeggem ti lalaki a mangay-ayat kaniak ti imana iti paglukatan ti ridaw, ket nagagaran ti kaunggak nga adda isuna sadiay.
|
|
|
|
\s5
|
|
\v 5 Bimmangonak a manglukat iti ridaw para kenkuana, ngem inikkak pay nga ummuna iti mira dagiti imak. Agtedtedted daytoy manipud kadagiti ramayko kabayatan nga iluklukatko ti ridaw.
|
|
|
|
\s5
|
|
\v 6 Inlukatko ti ridaw para iti lalaki a mangay-ayat kaniak, ngem pimmanaw isuna. Timmalikod isuna ket nakapanawen! Kasta unay ti pannakaupayko. Binirokko isuna ngem saanko isuna a mabirukan; inawagak isuna ngem saan isuna a simmungbat.
|
|
|
|
\s5
|
|
\v 7 Nakitadak dagiti agbabantay iti siudad kabayatan nga agronrondada iti siudad. Kinabil ken sinugatandak gapu ta ipagarupda a maysaak a balangkantis; innala dagiti lallaki nga agbanbantay iti pader ti siudad dagiti kagayko. Kasarsarita ti balasang dagiti babbai iti siudad
|
|
|
|
\s5
|
|
\v 8 Dakayo a babbalasang ti Jerusalem, kayatko nga agkarikayo a no makitayo ti lalaki a mangay-ayat kaniak, ibagayo man kenkuana a kailiwko unay isuna a kaslaak la agsakiten. Kasarsarita dagiti babbai iti siudad ti balasang
|
|
|
|
\s5
|
|
\v 9 Sika a kapipintasan kadagiti babbai, apay nga ipagarupmo a ti lalaki a mangay-ayat kenka ket nasaysayaat ngem kadagiti dadduma a lallaki? Iti ania a wagas a nasaysayaat isuna ngem kadagiti dadduma a lallaki? Apay a kayatmo nga agkarikami nga ibagaminto kenkuana dayta? Kasarsarita ti balasang dagiti dadduma a babbalasang iti siudad
|
|
|
|
\s5
|
|
\v 10 Daytoy ket gapu ta nataer ken nasanlun-at ti lalaki a mangay-ayat kaniak, kangrunaan isuna kadagiti dadduma a lallaki.
|
|
\v 11 Nagpintas ti ulona, a kasla kasudian a balitok; kulot ken nangisit ti buokna a kasla uwak.
|
|
|
|
\s5
|
|
\v 12 Naemma dagiti matana a kasla kadagiti kalapati iti igid dagiti waig; dagiti puraw a paset dagiti matana ket napudaw a kasla gatas, a kalanglanga ti alahas a naisaad kadagitoy.
|
|
|
|
\s5
|
|
\v 13 Dagiti pingpingna ket kasla iti minuyongan a napnoan kadagiti kayo ti rekado nga agparnuay kadagiti makaay-ayo a bangbanglo. Dagiti bibigna ket kasla kadagiti lirio nga agar-aruyot iti mira.
|
|
|
|
\s5
|
|
\v 14 Kasla kadagiti balitok a pang-ur dagiti takkiagna nga adda iti nagtimbukel a murdongna, ken naarkusan kadagiti napapateg a batbato. Kasla iti marfil a naarkusan kadagiti safiro ti bagina.
|
|
|
|
\s5
|
|
\v 15 Kasla kadagiti marmol nga ad-adigi dagiti luppona a naisaad iti pundasion a naaramid iti puro a balitok. Nadaeg isuna, a kas kadagiti banbantay idiay Libano, kas kadagiti makaay-ayo a kaykayo ti sedro.
|
|
|
|
\s5
|
|
\v 16 Dagiti agekna ket nakasamsam-it; naan-anay a mangguyugoy isuna iti rikna. Dakayo a babbalasang ti Jerusalem, daytoy ti gapuna a nasaysayaat ti lalaki a mangay-ayat kaniak ngem dagiti dadduma a lallaki.
|
|
|
|
\s5
|
|
\c 6
|
|
\p
|
|
\v 1 Sika a kapipintasan kadagiti babbai, sadino ti napanan ti lalaki a mangay-ayat kenka? No ibagam kadakami no sadino ti nagturonganna, sumurotkaminto kenka a mangbirok kenkuana. Kasarsarita ti balasang ti bagina
|
|
|
|
\s5
|
|
\v 2 Immayen kaniak ti lalaki a mangay-ayat kaniak, siak a kasla iti minuyonganna. Simmangpet isuna a mangragragsak iti pintasko, a mangragragsak iti nairot nga arakupko ken mangag-agek iti bibigko, a kasla kadagiti lirio.
|
|
\v 3 Kukuanak ti lalaki a mangay-ayat kaniak, ken kukuak ti lalaki a mangay-ayat kaniak. Adda ragsakna a mangngag-agek iti bibigko, a kasla iti karnero a ragragsakenna ti agar-arab. Makisarsarita iti babai ti mangay-ayat kenkuana
|
|
|
|
\s5
|
|
\v 4 O dungngok, nagpintaska, a kasla iti pintas iti Tirsa a kapitolio iti siudad ti Israel ken Jerusalem a kapitolio iti siudad ti Juda; pinagtigergernak, a kaslaak la nakakita iti sumungsungad nga armada.
|
|
|
|
\s5
|
|
\v 5 Agsardengkan a kumitkita kaniak a kasta, gapu ta kayawannak iti kasta unay dagiti matam. Agsala-sala dagiti atiddog a nangisit a buokmo a kasla pangen ti nangisit a kalding a sumalsalog iti derraas ti Bantay Galaad.
|
|
|
|
\s5
|
|
\v 6 Nakapudpudaw dagiti ngipenmo a kasla iti arban ti karnero a kapukpukis ken kataktakdang manipud iti pannakapadigos iti maysa a waig. Kumpleto amin dagiti ngipenmo iti agsinnumbangir; awan kadakuada ti mapukpukaw.
|
|
\v 7 Iti uneg ti belom, dagiti pingpingmo ket kasla kadagiti gudua iti bunga a granada. Makisarsarita iti babai ti mangay-ayat kenkuana
|
|
|
|
\s5
|
|
\v 8 Uray no addaan ti maysa nga ari iti 60 a reyna, 80 nga inkabbalay ken adu a babbalasang a saan a mabilang,
|
|
\v 9 awan kadakuada iti kas iti kalapatik, nga awan pagkuranganna, sika a kakaisuna nga anak a babai ti inam, nga ibilbilang ti inam a kapapatgan. Ibaga dagiti dadduma a babbalasang a makakita kenka a naggasatka, ket bigbigbigen dagiti reyna ken inkabbalay ti ari a nakapinpintaska. Kinuna dagiti reyna ken dagiti inkabbalay ti ari
|
|
|
|
\s5
|
|
\v 10 Siasino daytoy nga aglanglanga a kasla iti parbangon, a nagpintas a matmatan a kasla iti bulan, nga awan patinggana a misterio? Kasarsarita ti mangay-ayat iti babai ti bagina
|
|
|
|
\s5
|
|
\v 11 Simmalogak iti ayan dagiti sumagmamano a kaykayo ti nuekes a mangkita kadagiti karusrusing a mulmula nga agtubtubo idiay tanap. Kayatko a makita no nagrusingen dagiti puon ti ubas ken no agsabsabongen dagiti kaykayo ti granada.
|
|
\v 12 Nagragsakak a kaslaak la agluglugan iti karwahe a kukua ti maysa a prinsipe. Makisarsarita iti babai ti mangay-ayat kenkuana
|
|
|
|
\s5
|
|
\v 13 Sika nga awan pagkuranganna, agsublika kadakami, tapno makitakan! Kasarsarita ti balasitang ti nobiona Apay a kayatnak a matmatan, siak nga awan pagkuranganna, nga agsalsala iti nagbabaetan dagiti dua a linia dagiti sumasala?
|
|
|
|
\s5
|
|
\c 7
|
|
\p
|
|
\v 1 Sika, nga anak a babai ti prinsipe, ket addaan iti nagpipintas a saka dita sandaliasmo. Maiyasping ti sukog dagiti patongmo iti alahas nga inaramid ti maysa a nalaing a dumidisenio.
|
|
|
|
\s5
|
|
\v 2 Ti pusegmo ket kasla iti nagbukel a malukong a kanayonto koma a mapunno iti arak a nalaokan iti rekrekado. Kasla nareppet a trigo ti siketmo nga addaan kadagiti nagtubo a lirio iti aglawlawna.
|
|
|
|
\s5
|
|
\v 3 Nalamuyot dagita susom a kas ti kinalamuyot iti singin nga urbon nga ugsa.
|
|
\v 4 Ti tengngedmo ket kasla torre a naaramid iti marfil. Pagrimaten dagiti matam dagiti pagurnongan ti danum idiay siudad ti Hesbon, iti asideg iti ruangan ti Bat-Rabbim. Natangos ti agungmo, kas iti torre idiay Libano a sumangsango idiay Damasco.
|
|
|
|
\s5
|
|
\v 5 Nadaeg ti ulom a kasla Bantay Carmelo. Nasileng ken nangisit ti atiddog a buokmo; a kasla siak nga arim ket nakayawan kadagiti sallapid ti buokmo.
|
|
\v 6 Sika nga ay-ayatek, sika nga addaan iti adu a makaay-ayo a langa a mangguyugoy kaniak, nakapinpintaska la unay ken makaay-ayo.
|
|
|
|
\s5
|
|
\v 7 Tangtangadendaka a kas iti kayo ti palma, ken dagiti susom ket kas kadagiti raay ti ubas.
|
|
\v 8 Kinunak iti bagik, "Uliekto dayta a kayo ti palma ken iggamakto dagidiay a raay ti ubas." Kayatko a dagiti susom ket agbalin met a kas kadagiti raay ti ubas a mabalinko a marikna; kayatko a ti sang-awmo ket agbalin a kasla nabanglo nga angot dagiti aprikot.
|
|
|
|
\s5
|
|
\v 9 Kayatko a dagiti agekmo ket agbalin a kas iti kaiimasan nga arak. No agkanka, ti babai a mangay-ayat kaniak, kayatko a daytoy ket kasla arak nga agay-ayus kadagiti ngiwat ken ngipenta. Kasarsarita ti balasang ti mangay-ayat kenkuana
|
|
|
|
\s5
|
|
\v 10 Kukuanak ti lalaki a mangay-ayat kaniak, ken tartarigagayannak.
|
|
\v 11 Sika a mangay-ayat kaniak, mapanta idiay away, ken maturogta iti maysa a barrio sadinoman sadiay.
|
|
|
|
\s5
|
|
\v 12 Ken masapata a mapan idiay kaubasan tapno kitaenta no nagsaringiten dagiti ubas ken no nagukraden dagiti sabsabong, ken kitaenta no agsabsabongen dagiti kaykayo ti granada, ken sadiayto, palubosankanto a makikaidda kaniak.
|
|
|
|
\s5
|
|
\v 13 Mangpatpataud iti nabanglo a sayamusom dagiti mula a mandragoras, ken napalawlawanta kadagiti makaa-ayo a pakaragsakan, kadagiti baro ken daan, pakaragsakan nga inyur-urayko nga ited kenka, ti lalaki a mangay-ayat kaniak.
|
|
|
|
\s5
|
|
\c 8
|
|
\p
|
|
\v 1 Tarigagayak nga ammo iti amin nga ay-ayatenta iti tunggal maysa, a kas iti pannakaammoda nga adda maysa a kabsatko a lalaki, bukodko a kabsat a lalaki, a nagsuso kenni inangko. Ket no masabatka idiay ruar, mabalinka nga agkan, ken awan ti siasinoman a manguyaw kaniak.
|
|
|
|
\s5
|
|
\v 2 Awan iti uray maysa nga agkedked no iturongka iti balay ni inangta, iti lugar a pagnanaedan ni inangta, a nangisuro kaniak kadagiti adu a banbanag. Kayatka nga ipan iti balay ni inangta tapno kaiddaenka sadiay. Nakaragragsakto daytoy a kas iti napespes a tubbog dagiti granada, kas iti arak a nalaokan kadagiti rekado. Kasarsarita ti balasang ti bagina
|
|
\v 3 Ay wen! Ikabilnanto ti makannigid nga imana iti baba ti ulok ken arakupennakto ti makannawan nga imana. Kasarsarita ti babai dagiti dadduma a babbai
|
|
|
|
\s5
|
|
\v 4 Kayatko nga agkarikayo kaniak, dakayo a babbai ti Jerusalem, a saandakami a singsingaen kabayatan nga agkakaiddakami inggana a nakasaganakamin nga agsardeng." Agsarsarita dagiti babbai ti Jerusalem
|
|
|
|
\s5
|
|
\v 5 Siasino dayta a babai a sumangsang-at manipud let-ang, ti babai nga agsangsanggir iti lalaki nga agay-ayat kenkuana? Ibagbaga ti balasang iti mangay-ayat kenkuana Riniingka idi matmaturogka iti sirok ti kayo nga aprikot iti lugar a nangsikogan ti inam kenka, iti lugar a nangiyanakanna kenka.
|
|
|
|
\s5
|
|
\v 6 Pagtalinaedennak iti sibaymo, a kas marka dita pusom, wenno kasla purselas iti takkiagmo. Ti ayan-ayatta iti tunggal maysa ket kas iti pannakabalin ti patay; nagbileg daytoy a kasla iti tanem. A kasla ti ayatta iti tunggal maysa ket agkayamkam ken aguram a kasla apuy.
|
|
|
|
\s5
|
|
\v 7 Awan ti makalapped iti panagin-innayatta iti tunggal maysa, uray pay ti layus. No padasen ti lalaki nga armen ti maysa a babai iti panangibagana kenkuana nga itedna amin a banag nga adda iti balayna, agkedked ti babai. Agsasarita dagiti kakabsat a lalaki ti balasang
|
|
|
|
\s5
|
|
\v 8 Adda ub-ubing nga adingmi a babai, ken dagiti susona ket saan pay unay a dakkel. Isu a daytoy ti aramidenmi kenkuana inton aldaw nga isuna ket ikarimi kadagiti babbaro a mangasawa kenkuana:
|
|
|
|
\s5
|
|
\v 9 No patad ti barukongna a kas iti pader, arkusanmi daytoy babaen iti panangikabil iti pirak nga alahas a kasla torre kenkuana. No isuna ket patad a kasla iti ridaw, arkusanmi isuna babaen iti sangkabassit a kayo ti sedro. Kasarsarita ti balasang ti bagina
|
|
|
|
\s5
|
|
\v 10 Patad idi ti barukongko a kasla maysa a pader, ngem ita ti susok ket nagdakkel a kasla torre. Isu a maragsakan la unay ti mangay-ayat kaniak. Kasarsarita ti balasang ti bagina
|
|
|
|
\s5
|
|
\v 11 Adda ti kaubasan ni Ari Solomon idiay Baal-hamon, ken impaabangna daytoy kadagiti tattao tapno talunenda. Dinawatna iti tunggal maysa kadakuada nga agbayadda kenkuana a tinawen iti sangaribu a pidaso a pirak para kadagiti ubas a naapitda.
|
|
\v 12 Ngem ti bagik ket kasla iti bukodko a kaubasan, ken sika, a mangay-ayat kaniak nga aw-awagak iti "Solomon," ipapaaykon daytoy kenka. Saanmon a masapul nga agbayad kaniak iti sangaribu a pidaso ti pirak tapno ragragsakem ti bagik, ngem mangtedakton iti duagasut a pidaso a pirak kadagidiay a tattao a mangtaripato kaniak. Kasarsarita isuna ti mangay-ayat kenkuana
|
|
|
|
\s5
|
|
\v 13 Agtaltalinaedka idiay minuyongan, dengdenggen dagiti gagayyemko ti timekmo; isu a palubosannak met a dumngeg iti daytoy! Kasarsarita ti balasang ti mangay-ayat kenkuana
|
|
|
|
\s5
|
|
\v 14 Sika a mangay-ayat kaniak, umayka a dagus kaniak; agtarayka kaniak a kasla korso wenno urbon nga ugsa, gapu ta makaay-ayoak a kas kadagiti turod dagiti rekado a pambanglo.
|