482 lines
47 KiB
Plaintext
482 lines
47 KiB
Plaintext
\id ECC
|
|
\ide UTF-8
|
|
\h Eclesiastes
|
|
\toc1 Eclesiastes
|
|
\toc2 Eclesiastes
|
|
\toc3 ecc
|
|
\mt Eclesiastes
|
|
|
|
\s5
|
|
\c 1
|
|
\p
|
|
\v 1 Dagitoy dagiti sasao ken pammagbaga ti kaputotan ni Ari David, nga ari idiay Jerusalem. Aw-awagandak dagiti tattao a "Ti Manursuro."
|
|
\v 2 Kuna ti Manursuro, "Awan ti aniaman nga agtalinaed nga agnanayon. Maiyarig amin iti angep iti bigbigat wenno iti angin; mapan ken umay daytoy, ngem iti ania a rason?
|
|
\v 3 Ania ti maganab dagiti tattao manipud kadagiti amin a trabaho nga ar-aramidenda ditoy daga?
|
|
|
|
\s5
|
|
\v 4 Tunggal tawen, matay dagiti nataengan a tattao ken maiyanak dagiti maladaga, ngem saan pulos nga agbaliw ti lubong.
|
|
\v 5 Binigat nga agsingsingising ti init, ken rinabii a lumlumnek daytoy, ket kalpasanna dagdagus nga agrikus nga agsubli iti nagrugianna.
|
|
\v 6 Agpul-oy ti angin nga agpaabagatan ken kalpasanna agrikus daytoy tapno mangrugi nga agpul-oy iti amianan. Aglikawlikaw daytoy.
|
|
|
|
\s5
|
|
\v 7 Agay-ayus iti baybay dagiti amin a karayan, ngem saan pulos a mapunno ti baybay. Agsubli ti danum iti uneg ti daga ken agpangato manen a mapan kadagiti karayan; ket agayus manen daytoy iti baybay.
|
|
\v 8 Amin a banbanag ket saan a makapnek a saantayo pay kayat a pagsasaritaan iti maipapan iti daytoy. Agpapada a banbanag ti makitkitatayo, ket masikurantayo kadagitoy. Agpapada a banbanag ti mangmangngegtayo, ngem kayatayo pay ti makangngeg ti ad-adu.
|
|
|
|
\s5
|
|
\v 9 Agtultuloy nga agpapada dagiti amin a banbanag a kas iti kasisigudna. Dagiti banbanag a mapaspasamak ket napasamaken idi, ket mapasamakdanto manen. Aniaman ti naaramid idin ket maaramidto manen. Awan ti aniaman a pudno a barbaro iti daytoy a lubong.
|
|
\v 10 No dadduma kuna dagiti tattao, "Kitaenyo daytoy! Barbaro daytoy!" Ngem addan daytoy idi. Addan daytoy sakbay a naiyanaktayo.
|
|
\v 11 Saanen a malagip dagiti tattao dagiti banbanag a napasamak idi nabayagen a tiempo ken iti masakbayan, saanto a malagip dagiti tattao dagiti ar-aramidentayo ita.
|
|
|
|
\s5
|
|
\v 12 Siak, ti Manursuro, ket nagbalin nga ari ti Israel iti adu a tawen, nagturayak iti Jerusalem.
|
|
\v 13 Babaen iti panangus-usarko iti siribko, impampamaysak ti panunotko iti panang-awat kadagiti amin a banbanag a maar-aramid iti rabaw ti daga. Maysa a trabaho daytoy a nangbannog kaniak, a kas iti siasinoman a mangpadas iti daytoy.
|
|
\v 14 Kasla awan ti aniaman a mapaspasamak ditoy daga a pudno a mamagbalin kadatayo a makaaramid iti aniaman nga adda serbina. Daytoy ket kasla panangpadpadas a mangtengngel iti angin.
|
|
\v 15 Saan a mailinteg dagiti adu a banbanag a killo. Saantayo a mabilang dagiti banbanag a saantayo a makita.
|
|
|
|
\s5
|
|
\v 16 Kinunak iti bagik, "Nasirsiribak ngem iti siasinoman kadagidiay nga immuna kaniak a nagturay iti Jerusalem. Nasirsiribak ken ad-addu ti ammok ngem iti siasinoman kadakuada!
|
|
\v 17 Isu nga inkeddengko nga agadal iti ad-adu pay maipapan iti panagbalin a nasirib ken iti agadal maipapan iti panagaramid kadagiti kinukuneng ken minamaag a banbanag. Ngem naduktalak a ti panangpadpadas a mangawat kadagidiay a banbanag ket awan met laeng ti serserbina, kasla iti panangpadpadas a mangtengngel iti angin.
|
|
\v 18 Ti siasinoman nga agbalin a nasirib unay ket mapaay met iti kasta unay. No ad-adu ti ammo ti maysa a tao, ad-adda met nga agliday isuna.
|
|
|
|
\s5
|
|
\c 2
|
|
\p
|
|
\v 1 Ket kinunak iti bagik, "Padasek man nga aramiden dagiti amin a banbanag a pakaragsakak. Ammoek man no ti panangaramid kadagiti banbanag a pakaragsakak ket pudno a pagbalinennak a naragsak.” Ngem naduktalak a ti panangaramid iti dayta ket awan met laeng ti serserbina.
|
|
\v 2 Isu a kinunak iti bagik, "Kinamaag ti agkatawa iti amin a tiempo ken ti panangitultuloy a mangaramid kadagiti makaparagsak kaniak ket saan a mangiyeg iti agnanayon a pagimbagan."
|
|
|
|
\s5
|
|
\v 3 Isu a kalpasan ti panangut-utobko iti daytoy, inkeddengko a liwliwaen ti bagik babaen iti panaginomko iti adu nga arak. Kabayatan a padpadasek pay laeng ti agbalin a masirib, nagtignayak a simamaag. Pinadasko nga adalen ti mabalin nga aramiden dagiti tattao tapno agbalinda a naragsak kabayatan ti ababa a tiempo a panagbiagda ditoy rabaw ti daga.
|
|
|
|
\s5
|
|
\v 4 Nagaramidak kadagiti naindaklan a banbanag. Nangipatakderak kadagiti balbalay para iti bagik ken nagmulaak kadagiti ubas.
|
|
\v 5 Nagaramidak kadagiti minuyungan ken parke. Kalpasanna, minulaak dagiti minuyungan kadagiti adu a kita ti kaykayo nga agbunga kadagiti prutas.
|
|
\v 6 Nagkaliak iti pagurnongan iti danum a mangsibog kadagiti kaykayo nga agbunga kadagiti prutas.
|
|
|
|
\s5
|
|
\v 7 Gimmatangak kadagiti lallaki ken babbai a tagabu. Naiyanak iti palasiok dagiti maladaga a saan a nagbayag ket nagbalin a tagabok. Naaddaanak pay iti ad-adu a taraken ngem iti siasinoman kadagiti napalabas nga ari iti Jerusalem.
|
|
\v 8 Nakaurnongak pay iti adu a pirak ken balitok a nagun-odko manipud kadagiti gameng dagiti ar-ari ken mangiturturay kadagiti probinsia. Addaanak kadagiti lallaki ken babbai nga agkankanta para kaniak ken addaanak ti adu nga assawa ken kakabbalayko, a pakaragsakan dagiti amin a lallaki iti lubong ti maaddaan kadagitoy.
|
|
|
|
\s5
|
|
\v 9 Isu a nakagun-odak iti ad-adu a kinabileg ken kinabaknang ngem ti siasinoman nga ari a nagturay iti Jerusalem nga immun-una ngem siak, ken impalubosko a ti kinasiribko ti agtultuloy a mangidalan kaniak.
|
|
\v 10 Naalak amin a nakitak ken tinarigagayak. Inaramidko amin dagiti banbanag a ti pagarupko ket makaparagsak kaniak. Dagiti amin a banbanag a pakaragsakak ket kasla gunggona para kadagiti amin nga inaramidko.
|
|
|
|
\s5
|
|
\v 11 Ngem napanunotko ti maipapan kadagiti amin a narigat a trabaho nga inaramidko tapno magun-odko amin dagitoy a banbanag. Nakitak nga awan kadagiti trabahok ti nakaiyeg kaniak ti agnanayon a pagimbagan. Amin dagitoy ket kasla la panangpadas a mangtengngel iti angin.
|
|
\v 12 Ket inrugik a pinanunot ti maipapan iti panagbalin a masirib ken kasta met ti maipapan iti panagbalin a maag. Kinunak iti bagik, “Iti panagkunak ket awan ti sabali pay a makaaramid iti aniaman a banag a nasaysayaat pay ngem ti kabaelak.”
|
|
|
|
\s5
|
|
\v 13 Ket napanunotko, "Pudno, nasaysayaat ti agbalin a masirib ngem ti agbalin a maag, kas iti lawag a nasaysayaat ngem iti kinasipnget,
|
|
\v 14 gapu ta magna dagiti masirib a tattao iti lawag ti aldaw ken makitada no sadino ti papananda, ngem magna dagiti maag a tattao iti kasipngetan ket saanda a makita ti papananda. Ngem naamirisko met nga agpadanto met laeng a matay dagiti masirib ken maag a tattao.
|
|
|
|
\s5
|
|
\v 15 Isu a kinunak iti bagik, "Kasta unay ti kinasiribko, ngem matayakto iti pagpatinggaan ti biagko a kasla iti maag a tao. Isu a kasano a tinulungannak ti panagbalin a nasirib? Saanko a maawatan no apay nga ibilbilang dagiti tattao a napateg ti agbalin a nasirib.
|
|
\v 16 Matay amin dagiti nasisirib ken maag a tattao. Ken kalpasan a mataytayo, ket malipatandatayo met laeng amin."
|
|
|
|
\s5
|
|
\v 17 Isu a kinagurak ti agbiag, gapu ta amin a trabaho nga ar-aramidentayo ditoy lubong ket makapabannog kaniak. Kasla awan met serserbi ti amin, kasla panangpadpadas a mangtengngel iti angin.
|
|
\v 18 Nangrugi pay a kinagurak dagiti amin a naririgat a trabaho nga inaramidko ditoy rabaw ti daga, gapu ta inton matayak, amin a banag a nagun-odko ket kukuanto ti sumaruno kaniak a mangtawid iti daytoy.
|
|
|
|
\s5
|
|
\v 19 Ken siasino ti makaammo no dayta a tao ket nasiribto wenno maag? Ngem uray no maag isuna, matagikuananto dagiti amin a banbanag a nagbannogak iti kasta unay ken nangusarak iti kinasiribko tapno maalak.
|
|
\v 20 Pinanunotko ti maipapan kadagiti amin a trabaho nga inaramidko iti daytoy a lubong. Kasla awan serserbina, ket nalidayanak ti kasta unay.
|
|
|
|
\s5
|
|
\v 21 Adda dagiti tattao nga agtrabtrabaho a sisisirib ken silalaing, us-usarenda dagiti banbanag a naadalda. Ngem inton matayda, ibatida met laeng amin a banbanag, ket tagikuaento ti maysa a tao a saan a nagbannog para kadagidiay a banbanag. Dayta a kinapudno ket kasla awan kaes-eskanna ket nakaigapuan ti pannakaupayko.
|
|
\v 22 Isu nga awan gayam serserbi ti panagtrabtrabaho dagiti tattao.
|
|
\v 23 Inaldaw a dagiti trabaho nga ar-aramidenda ket isu ti pakaigapuan nga aglak-amda iti sakit ken panagdanag. Ken iti rabii, saan a makainana dagiti panunotda. Ipakpakita pay dayta no kasano nga amin a banag ket saan nga agpaut.
|
|
|
|
\s5
|
|
\v 24 Isu a napanunotko a ti kasasayaatan a banag nga aramidentayo ket ti mangragsak kadagiti kankanen ken in-inumentayo, ken ti mangragsak pay kadagiti trabahotayo. Ket naimirisko a dagidiay a banbanag ti tarigagay ti Dios para kadatayo.
|
|
\v 25 Pudno nga awan ti siasinoman a makabael a mangragsak kadagidiay a banbanag no saan nga ited ti Dios kenkuana dagidiay a banbanag.
|
|
|
|
\s5
|
|
\v 26 Ik-ikkan ti Dios ti kabaelan nga agbalin a nasirib dagidiay makaay-ayo kenkuana, a maammoanda dagiti adu a banbanag ken ragsakenda dagiti adu a banbanag. Ngem no agtrabaho iti kasta unay dagiti managbasol a tattao ket bumaknangda, kabaelan ti Dios nga alaen kadakuada dagiti kuartada ket itedna daytoy kadagidiay makaay-ayo kenkuana. Nupay kasta, ti rason para iti dayta ket maysa pay a banag a narigatko a maawatan. Kasla awan serserbi ti panagtrabahoda iti kasta unay; kasla panangpadas daytoy a mangtengngel iti angin.
|
|
|
|
\s5
|
|
\c 3
|
|
\p
|
|
\v 1 Adda ti umno a tiempo para iti tunggal banag, tiempo para iti tunggal banag nga ar-aramidentayo iti daytoy a lubong.
|
|
\v 2 Adda umno a tiempo para iti pannakaiyanak iti siasinoman, ken adda ti umno a tiempo para iti pannakatayna. Adda ti umno a tiempo nga agmula ken adda ti umno a tiempo nga agapit kadagiti mulmula.
|
|
\v 3 Adda ti umno a tiempo iti panangpatay kadagiti tattao ken adda ti umno a tiempo iti panangpaimbag kadagiti tattao. Adda ti umno a tiempo iti panangdadael kadagiti banbanag ken adda ti umno a tiempo iti panangipatakder kadagiti banbanag.
|
|
|
|
\s5
|
|
\v 4 Adda ti umno a tiempo iti panagsangit, ken adda ti umno a tiempo iti panagkatawa. Adda ti umno a tiempo iti panagladingit ken adda umno a tiempo iti panagsala a sirarag-o.
|
|
\v 5 Adda ti umno a tiempo ti panangipurwak kadagiti batbato manipud iti talon, ken adda umno a tiempo nga agurnong kadagiti batbato tapno agipatakder kadagiti pader. Adda umno a tiempo iti panangarakup kadagiti tattao ken adda umno a tiempo a lumiklik manipud iti panangarakup kadakuada.
|
|
|
|
\s5
|
|
\v 6 Adda ti umno a tiempo iti panangbirok kadagiti banbanag, ken adda ti umno a tiempo iti panangisardeng iti panangbirok kadagiti banbanag. Adda ti umno a tiempo iti panangidulin kadagiti banbanag, ken adda umno a tiempo iti panangibelleng kadagiti banbanag.
|
|
\v 7 Adda ti umno a tiempo iti panangpigis kadagiti pagan-anaytayo gapu ta agladladingittayo, ken adda ti umno a tiempo iti panangiyurnostayo kadagiti pagan-anaytayo. Adda ti umno a tiempo iti panagulimektayo, ken adda ti umno a tiempo iti panagsao.
|
|
|
|
\s5
|
|
\v 8 Adda ti umno a tiempo a rumbeng nga ayatentayo dagiti banbanag nga ar-aramiden dagiti tattao, ken adda ti umno a tiempo a rumbeng a guraentayo dagiti banbanag nga ar-aramiden dagiti tattao. Adda ti umno a tiempo para iti gubat, ken adda ti umno a tiempo para iti kappia.
|
|
\v 9 Ania ti maganab dagiti tattao manipud kadagiti amin a trabaho nga ar-aramidenda?
|
|
\v 10 Nakitakon dagiti trabaho nga inted ti Dios kadagiti tattao nga aramidenda.
|
|
|
|
\s5
|
|
\v 11 Nangituding ti Dios iti umno a tiempo para iti pannakapasamak iti tunggal banag. Impaamirisna pay kadagiti tattao nga adda dagiti banbanag nga agtalinaedto iti agnanayon. Ngem uray no kasta, awan ti siasinoman a makaawat a naan-anay kadagiti tunggal banag nga inaramid ti Dios, manipud iti tiempo nga irugina nga aramiden dagiti banbanag agingga a malpasna dagitoy.
|
|
|
|
\s5
|
|
\v 12 Ammok a ti kasasayaatan nga aramidentayo a tattao ket ti agrag-o ken ti agaramid kadagiti nasasayaat a banbanag kabayatan iti tiempo a sibibiagtayo.
|
|
\v 13 Ken ammok pay a rumbeng a ragsaken ti tunggal maysa dagiti kankanen ken in-inumenda, ken agragsakda iti trabaho nga ar-aramidenda. Sagut dagidiay nga it-ited ti Dios kadatayo.
|
|
|
|
\s5
|
|
\v 14 Ammok pay nga agtalinaed nga agnanayon ti ar-aramiden ti Dios. Awan ti makanayon iti ar-aramiden ti Dios ken awan ti mabalin a mangala kadagiti banbanag nga ar-aramidenna. Ar-aramiden ti Dios dagidiay a banbanag tapno dayawen isuna dagiti tattao.
|
|
\v 15 Dagiti banbanag nga addan ita ket addan idi, ken dagiti banbanag a mapasamakto iti masakbayan ket napasamaken iti napalabas; Nakem ti Dios a tarigagayantayo nga awaten dagiti nakakaskasdaaw.
|
|
|
|
\s5
|
|
\v 16 Maysa pay, nakitak nga iti daytoy a daga, uray kadagiti korte a namnamaentayo a mangaramid iti umno a pangngeddeng dagiti ukom maipapan kadagiti inaramid dagiti tattao, nagaramidda kadagiti adu a nadadangkes a banbanag.
|
|
\v 17 Isu a kinunak iti bagik, "Agpadanto nga ukomen ti Dios dagiti nalinteg ken nadangkes a tattao. Awan duadua nga adda tiempo nga aramidenna dayta gapu ta adda tiempo para kenkuana a mangaramid kadagiti amin a banbanag."
|
|
|
|
\s5
|
|
\v 18 Ken maipapan kadagiti tattao, kinunak pay iti bagik, "Susuotennatayo ti Dios, tapno ipakitana kadatayo nga iti maysa a wagas ket awan nagdumaan dagiti tattao ken dagiti ayup."
|
|
|
|
\s5
|
|
\v 19 Ti mapaspasamak kadagiti tattao ket mapaspasamak kadagiti ayup. Matay dagiti ayup, ken matay dagiti tattao. Masapul nga agangestayo amin tapno agtalinaed a sibibiag. Awan ti pangatiwan dagiti tattao kadagiti ayup iti dayta a wagas. Alisto nga agpukaw dagiti amin a banbanag.
|
|
\v 20 Matay dagiti amin a tattao ken ay-ayup ket maitanemda. Naaramidtayo amin iti daga, ket inton mataytayo, agbalin manen a daga dagiti bangkaytayo.
|
|
|
|
\s5
|
|
\v 21 Awan ti makaammo no agpangato dagiti tattao ken bumaba dagiti ayup iti lugar nga ayan dagiti natay.
|
|
\v 22 Isu a panpanunotek a ti kasasayaatan a banag nga aramidentayo a tattao ket ti agragsak kadagiti trabaho nga ar-aramidentayo, gapu ta dayta ti inted ti Dios kadatayo. Ibagak daytoy gapu ta awan ti siasinoman kadatayo ti makaammo no ania ti mapasamak kadatayo kalpasan a mataytayo.
|
|
|
|
\s5
|
|
\c 4
|
|
\p
|
|
\v 1 Ad-adda a pinanunotko ti maipapan kadagiti amin a sagabaen dagiti tattao ditoy rabaw ti daga. Pinanunotko ti maipapan kadagiti lua dagiti tattao a naidadanes ken awan ti siasinoman a mangliwliwa kadakuada. Nabileg dagidiay a mangidaddadanes kadakuada, ken awan ti siasionaman a makaliwliwa kadagiti naidadanes.
|
|
|
|
\s5
|
|
\v 2 Isu a napanunotko a nagasgasat dagiti natayen ngem dagidiay sibibiag pay laeng.
|
|
\v 3 Ken dagiti saan pay a naiyanak ket ad-adda a nagasgasat ngem dagidiay a dua a kita dagiti tattao, gapu ta saan pay nakita dagiti saan pay a naiyanak dagiti amin a dakes a banbanag a maar-aramid iti rabaw ti daga.
|
|
|
|
\s5
|
|
\v 4 Pinanunotko pay ti maipapan kadigiti amin a narigat a trabaho nga ar-aramiden dagiti tattao ken dagiti banbanag a kabaelanda nga aramiden. Ken napanunotko no kasano nga agtrabtrabaho dagiti dadduma iti kasta unay, a no dadduma ket pagimunenna ti kaarubana. Napanunotko a daytoy ket maysa met laeng a banag nga awan ti maitultulongna. Kasla panangpadpadas daytoy a mangtengngel iti angin.
|
|
|
|
\s5
|
|
\v 5 Agkedked nga agtrabaho dagiti maag a tattao. Agtugawda a sisasadut a nakadalikepkep ken saanda nga agtrabtrabaho. Isu a daddadaelenda dagiti bagbagida.
|
|
\v 6 Isu nga ibaga dagiti dadduma, "Nasaysayaat ti mapnek nga agtrabtrabaho a siuulimek para iti bassit a kuarta, ngem ti agtrabaho a sidadanag ken panangpadas a maaddaan iti adu a kuarta, nga awan serserbina a kas iti panangpadpadas a mangtengngel iti angin."
|
|
|
|
\s5
|
|
\v 7 Pinanunotko ti maipapan iti sabali pay a banag a mapaspasamak iti rabaw ti daga a kasla awan serserbina.
|
|
\v 8 Adda dagiti tattao nga agmaymaysa nga agbibiag; awan ti pamiliada wenno uray annak wenno kakabsat a lallaki wenno babbai a makipagnanaed kadakuada. Inaldaw nga agtrabtrabahoda iti kasta unay a saanda nga agsarsardeng; adu a kuarta ti mabirbirukanda; ngem saanda a pulos a mapmapnek kadagiti banbanag a magungun-odda. Damdamagenda iti bagbagida, "Apay nga agtrabtrabahoak ti kasta unay; siasino aya ti tultulongak? Apay a saanko nga ar-aramiden dagiti banbanag a pakaragsakak nga ar-aramiden? Kasla awan met serserbina dagiti ar-aramidek." Saan a nasayaat daytoy.
|
|
|
|
\s5
|
|
\v 9 Ti kaadda iti kaddua nga agtrabaho ket nasaysayaat ngem ti agmaymaysa iti amin a tiempo. No adda gayyemmo, matulungannaka a mangaramid iti trabahom.
|
|
\v 10 No matuangka, matulungannaka a bumangon manen. Ngem no matuangka no kasta nga agmaymaysaka, agpakarigatkanto, gapu ta awan ti tumulong kenka a tumakder.
|
|
\v 11 Kasta met, no agabay nga agidda ti dua a tao, matulunganda ti tunggal maysa nga agtalinaed a nabara. Ngem ti matmaturog nga agmaymaysa ket awan duadua a saanto a bumara.
|
|
|
|
\s5
|
|
\v 12 Ti tao nga agmaymaysa ket nalaka a darupen ken abaken ti sabali a tao, ngem makapagtinnulung ti dua a tao ken malapdanda ti siasinoman a mangdarup kadakuada. Ad-adda pay a nalaklaka a masalakniban ti tallo a tattao ti bagbagida, kas iti tali a naaramid manipud iti tallo a linabag, narigrigat a pugsaten ngem ti tali a naaramid ti dua a linabag.
|
|
|
|
\s5
|
|
\v 13 Ti nakurapay ngem masirib a baro ket nasaysayaat a tao ngem ti maag a nataengan nga ari nga agkedkedked a mangipangag no padpadasen dagiti tattao a bagbagaan isuna iti nasayaat a pammagbaga.
|
|
\v 14 Mabalin para ti kasta a baro ti agballigi ken agbalin nga ari iti maysa nga aldaw, uray no marigrigat dagiti nagannakna ken uray no naibalud isuna iti napalabas.
|
|
|
|
\s5
|
|
\v 15 Ngem uray no kasta, adda ti sabali a baro nga agbalin nga ari, ken tunggal maysa ket dagus a timmulong kenkuana.
|
|
\v 16 Adu a tattao ti aguummong iti aglawlawna. Ngem kalpasan ti sumagmamano a tawen, maumadanto met laeng kenkuana. Isu nga awan amin ti serserbina, kasla la panangpadpadas a mangtengngel iti angin.
|
|
|
|
\s5
|
|
\c 5
|
|
\p
|
|
\v 1 Agannadka no umasidegka iti Dios iti balayna. Dumngegka a nasayaat kenkuana. Nasaysayaat dayta ngem ti agidaton kenkuana ket kalpasanna saan nga agtulnog kenkuana, a maysa a kinamaag.
|
|
|
|
\s5
|
|
\v 2 Agpanunotka a nalaing sakbay nga agsaoka ken saanka a dagus nga agikari iti Dios nga agaramidka iti maysa a banag. Saanmo a liplipatan nga adda ti Dios idiay langit ken kabaelanna nga aramiden ti aniaman a banag, idinto ta sika, iti sabali a bangir, ket adda iti rabaw ti daga. Isu nga agpanunotka a naimbag sakbay nga agsaoka.
|
|
\v 3 No kankanayonka nga agpanpanunot ken agdandanag maipapan kadagiti banbanag, maaddaankanto ti dakes a tagtagainep maipapan kadagitoy ket saanka a makainana a nasayaat. Ken no adu ti ibagbagam, ad-adda a makaibagaka kadagiti minamaag a banbanag.
|
|
|
|
\s5
|
|
\v 4 No sipapasnek a nagikarika iti Dios nga agaramid iti maysa a banag, saanka a simamaag a mangitantan iti panangaramid iti daytoy, gapu ta saan a maay-ayo ti Dios kadagiti maag a tattao. Aramidem amin a banbanag nga inkarim iti Dios nga aramidem.
|
|
\v 5 Nasaysayaat ti saan nga agikari iti aniaman a banag ngem ti agikari nga agaramid iti maysa a banag ket kalpasanna saanmo nga aramiden daytoy.
|
|
|
|
\s5
|
|
\v 6 Saanmo nga ipalubos a dagiti inkarim nga aramiden ti pakaigapuan ti panagbasolmo gapu iti saanmo a panangar-aramid kadagitoy. Ken no nagkarika iti Dios nga agaramidka iti maysa a banag ngem saanmo a tinungpal daytoy, saanmo nga ibaga iti padi ti Dios a biddut para kenka nga agikari a mangaramid iti dayta. No aramidem dayta, mabalin a dadaelen ti Dios dagiti amin a nagbannogam.
|
|
\v 7 Ti panagikarkari iti maysa a banag ken saan a tungpalen daytoy ket kasla iti panagtagtagainep iti awan serserbina. Ngem ketdi, padayawam ti Dios babaen iti panangaramidmo kadagiti inkarim kenkuana nga aramidem.
|
|
|
|
\s5
|
|
\v 8 Saankayo a masdaaw no makakitakayo kadagiti marigrigat a tattao a maidaddadanes. Adda dagiti tattao a makapasardeng kadagiti tattao a mangidaddadanes kadakuada, ngem uray dagitoy a tattao ket adda iti babaen iti pannakabalin ti maysa a tao a nangatngato ngem isuda.
|
|
\v 9 Uray no kukua dagiti tattao dagiti taltalon iti entero a daga, pilpiliten ida ti ari a mangted kenkuana iti sumagmamano a bunga nga inapitda.
|
|
|
|
\s5
|
|
\v 10 Amin a mangpadpadas a manggun-od iti adu a kuarta agingga a kabaelanda ket saandanto pulos a mapanunot nga umdasen ti adda kadakuada. Saandanto pulos a mapnek iti kuarta nga adda kadakuada. Awan met laeng kaipapananna dayta a kinapudno.
|
|
\v 11 No adda ti ad-adu a kuarta dagiti tattao, ad-adda a kayatda a busbusen daytoy. Dagiti tattao nga addaan iti adu a kuarta ket saan nga agnumar kadagitoy, malaksid iti panagkita ken panagdayaw iti daytoy.
|
|
|
|
\s5
|
|
\v 12 Dagiti nagaget nga agtrabtrabaho ket makaturog a sitatalna iti rabii, uray no awan unay mamakanda. Ngem dagiti nababaknang a tattao saanda a makaturturog a nasayaat gapu ta madandanaganda kadagiti kuartada.
|
|
|
|
\s5
|
|
\v 13 Adda pay maysa a nakitak a nakabutbuteng a mapaspasamak ditoy lubong. Ur-urnongen dagiti tattao dagiti amin a kuartada ken agbalinda a nabaknang, ngem marigrigatanda gapu ta indulinda dagiti kuartada.
|
|
\v 14 No adda mapasamak a pakaigapuan a mapukaw dagiti kuartada, ket inton matayda, awanen ti kuarta para kadagiti annakda.
|
|
|
|
\s5
|
|
\v 15 Idi naiyanaktayo, awan ti aniaman a banag a tugottayo, ket inton mataytayo, awan ti maitugottayo manipud kadagiti amin a naurnongtayo babaen iti panagtrabahotayo ti kasta unay.
|
|
\v 16 Dayta ket kasla awan met laeng ti kaes-eskanna. Awan ti intugot dagiti tattao iti lubong idi naiyanakda, kasta met nga awan ti maitugotda no panawanda daytoy a lubong. Nagtrabahoda ti kasta unay, ngem awan naawatda nga agnanayon a pagimbagan.
|
|
\v 17 Maysa pay, dagiti nababaknang a tattao ket kankanayon a marigrigatan, naliday ken maup-upay.
|
|
|
|
\s5
|
|
\v 18 Isu a ti kasasayaatan para kadagiti tattao nga aramiden ditoy rabaw ti daga kabayatan dagiti sumagmamano a tawen nga ipalubos ti Dios kadakuada nga agbiag ket ti mangan, uminom ken agragsak kadagiti trabahoda, gapu ta dagidiay dagiti banbanag nga ipalpalubosna kadakuada nga aramidenda.
|
|
|
|
\s5
|
|
\v 19 No nabaknang dagiti tattao ken addaanda iti adu a sanikua ken kabaelanda ti agragsak kadagiti banbanag nga adda kaduakada ken agragsak kadagiti trabahoda, dagidiay a banbanag ket sagut met laeng manipud iti Dios.
|
|
\v 20 Saan unay a panpanunoten dagidiay a tattao ti maipapan kadagiti amin a napasamak kabayatan ti panagbiagda gapu ta sinigurado ti Dios nga agtrabtrabahoda latta iti pakaragsakanda.
|
|
|
|
\s5
|
|
\c 6
|
|
\p
|
|
\v 1 Nakakitaak pay iti sabali a banag ditoy rabaw ti daga a mangrirriribuk kadagiti tattao.
|
|
\v 2 Ipapaayan ti Dios iti kabaelan dagiti sumagmamano a tattao a makaawat iti adu a kuarta ken kadagiti sanikua ken tapno mapadayawanna. Adda aminen kadakuada dagiti banbanag a kayatda. Ngem no dadduma, saan nga ipalubos ti Dios a ragsakenda dagidiay a banbanag. Alaen dagitoy ti sabali a tao ket ragsakenda dagitoy. Kasla awan serserbina ken saan a nainkalintegan dayta.
|
|
|
|
\s5
|
|
\v 3 Mabalin nga addaan ti maysa a tao iti sangagasut nga annak ken agbiag iti adu a tawen. Ngem no saanna a mabaelan a ragsaken dagiti banbanag a nagun-odna, ken no saan isuna a maitanem a nasayaat kalpasan ti pannakatayna, ibagak a nagasgasat ti maladaga a natay idi naiyanak.
|
|
\v 4 Pudno daytoy, uray pay awan ti kaipapanan ti pannakaiyanak dayta a maladaga a natay - uray awan ti naganna, ken ti ababa a biagna ket agbalin laeng a naliday a pakalaglagipan iti masakbayan.
|
|
|
|
\s5
|
|
\v 5 Saan a nagbiag dayta a maladaga tapno makitana ti init wenno maammoanna ti aniaman a banag. Ngem uray no kasta, ad-adda a makainana daytoy ngem kadagiti nababaknang a tattao a sibibiag.
|
|
\v 6 Uray pay no agbiag dagiti tattao iti dua ribu a tawen, no saanda a ragsaken dagiti banbanag nga impaay ti Dios kadakuada, nasaysayaat pay koma para kadakuada a saandan a naiyanak. Amin a tattao nga agbiag iti napaut a panawen ket sigurado a maymaysa amin ti papananda a lugar - iti tanem.
|
|
|
|
\s5
|
|
\v 7 Agtrabaho dagiti tattao iti kasta unay tapno makaurnongda ti umdas a kuarta a paggatangda iti kanenda, ngem masansan a saanda pulos a mapnek a mangan.
|
|
\v 8 Isu a kasla saan a makaaw-awat dagiti masirib a tattao kadagiti ad-adu nga agtalinaed a pagimbagan ngem kadagiti maag a tattao. Ken kasla awan magunggona dagiti napanglaw a tattao manipud iti pannakaammoda no kasanoda nga agbiag.
|
|
|
|
\s5
|
|
\v 9 Nasaysayaat a ragsaken dagiti banbanag nga addan kadatayo ngem ti kankanayon nga agtarigagay kadagiti ad-adu pay a banbanag. Iti kankanayon a panagtarigagay iti ad-adu pay a banbanag ket awan serserbina, a kasla iti panangpadas a mangtengngel iti angin.
|
|
\v 10 Napanagananen dagiti amin a banbanag nga adda iti rabaw ti daga. Ammo ti tunggal maysa no ania ti kaiyarigan dagiti tattao, isu nga awan serserbina ti makisinnupiat ti Dios, a nabilbileg ngem kadatayo.
|
|
\v 11 No ad-adu iti panagsaotayo, ad-adda met iti kanayon a panangibagatayo kadagiti banbanag nga awan serserbina, isu nga awan duadua nga awan pagimbaganna kadatayo ti panagsaotayo iti adu.
|
|
\v 12 Awan ti tao a makaammo kadagiti amin a banbanag a nasayaat para iti bagina iti daytoy a biag. Agbiag dagiti tattao iti sumagmamano a kasla awan kaipapananna nga al-aldaw. Napardas nga aglabas ti biag, kas iti aniniwan, ken awan ti makaammo no ania ti dumteng kalpasan a mataytayo. Agbiag tayo laeng iti ababa a tiempo, ket kalpasanna, agpukawtayo a kas iti alingasaw.
|
|
|
|
\s5
|
|
\c 7
|
|
\p
|
|
\v 1 Nasaysayaat nga idayawdatayo dagiti sabali a tattao ngem ti maaddaan iti napintas a bangbanglo. Nasaysayaat ti aldaw a pannakatayyo ngem ti aldaw ti pannakaiyanaktayo.
|
|
\v 2 Nasaysayaat ti mapan iti balay nga agladladingit dagiti tattao maipapan iti pannakatay ti maysa a tao ngem ti mapan iti balay nga agrarambak dagiti tattao, gapu ta matayto ti tunggal maysa iti umay nga aldaw, ken rumbeng a panunoten dagiti tattao ti maipapan iti pannakataydanto.
|
|
|
|
\s5
|
|
\v 3 Nasaysayaat ti agbalin a naliday ngem ti kanayon nga agkatkatawa, gapu ta no nalidaytayo, mapanunottayo a nasaysayaat ti maipapan kadagiti banbanag a mangpasirib ken mangparagsak kadatayo.
|
|
\v 4 Mapan dagiti masisirib a tattao iti ayan dagiti agladladingit tapno liwliwaenda ida, ngem birbiruken laeng dagiti maag a tattao dagidiay agkatkatawa.
|
|
|
|
\s5
|
|
\v 5 Nasaysayaat nga ipangag ti maysa a tao a mangtubtubngar kenka ngem ti dumngeg kadagiti kankanta ti maag a tao.
|
|
\v 6 Babaen iti panagdengdengngeg kadagiti maag a tattao nga agkatkatawa, saantayo a makasursuro ti aniaman ngem agdengdengngegtayo laeng iti panagrissat dagiti sisiit a mapupuoran iti sirok ti banga. Awan serserbina ti panagdengngeg kadagiti maag.
|
|
|
|
\s5
|
|
\v 7 No ibaga dagiti masirib a tattao kadagiti dadduma, "Masapul a bayadannak iti adu a kuarta tapno salaknibanka," dayta ti mangaramid kadagiti masirib a tattao a maag. Dagiti umaw-awat kadagiti pasuksuk ket saanen a makaaramid iti umno.
|
|
|
|
\s5
|
|
\v 8 Nasaysayaat iti makaileppas iti maysa a banag ngem ti mangirugi iti maysa a banag, ken nasaysayaat ti kinaanus ngem ti kinatangsit.
|
|
\v 9 Saankayo a dagus a makaunget, gapu ta dagiti maag a tattao ti makapungtot unay.
|
|
|
|
\s5
|
|
\v 10 Saanmo nga ibaga a, "Nasaysayaat dagiti banbanag idi," gapu ta dagiti laeng maag a tattao ti mangibagbaga iti dayta.
|
|
|
|
\s5
|
|
\v 11 Ti panagbalin a masirib ket kasla mangtawtawid kadagiti napapateg a banbanag. Adda dagiti agpaut a pagimbaganna para ti siasinoman a masirib ditoy daga.
|
|
\v 12 Masalaknibantayo no dadduma ti panagbalin a masirib, kas iti masalsalaknibannatayo no dadduma ti kinaadda ti adu a kuarta. Nupay kasta, nasaysayaat ti agbalin a masirib ngem ti maaddaan iti adu kuarta, gapu ta laplapdannatayo ti panagbalin a masirib nga agaramid kadagiti minamaag a banbanag a mabalin a pakaigapuan ti pannakataytayo.
|
|
|
|
\s5
|
|
\v 13 Panunotem a nalaing ti maipapan iti inaramid ti Dios. Awan duadua nga awan ti siasinoman a makapalinteg iti aniaman nga inaramid ti Dios a killo.
|
|
|
|
\s5
|
|
\v 14 No nasayaat dagiti banbanag para kenka, agragsakka, ken no saan a nasayaat dagiti banbanag para kenka, laglagipem a ti Dios ti mangipalpalubos a mapasamak dagiti nasasayaat a banbanag ken kasta met kadagiti didigra. Ngem saan nga imparang ti Dios iti siasinoman iti apag-isu a mapasamak iti masakbayanna.
|
|
|
|
\s5
|
|
\v 15 Kabayatan dagiti amin a tiempo a sibibiagak, nakitak dagiti adu a banbanag a kasla awan kaipapananna. Nakitak dagiti nalinteg a tattao a matay kabayatan nga ubbingda pay laeng, ken nakitak dagiti nadangkes a tattao nga agtalinaed a sibibiag iti atiddug a tiempo iti laksid iti panangitultuloyda nga agbalin a nadangkes.
|
|
\v 16 Isu a saanmo a panunoten a nalintegka unay, ken saanmo a panunoten a nasiribka unay, gapu ta no panunotem dagidiay a banbanag, dadaelemto ti bagim.
|
|
|
|
\s5
|
|
\v 17 No agaramidka iti dakes wenno kinamaag, mabalin a matayka kabayatan nga ubingka pay laeng.
|
|
\v 18 Itultuloymo a padasen ti agbalin a masirib ken agaramid iti umno. Agpada a masarakan dagita a banbanag iti tao a kanayon a mangraraem iti Dios.
|
|
|
|
\s5
|
|
\v 19 No masiribka, nabilbilegka ngem kadagiti sangapulo a kabibilegan a lallaki iti siudadyo.
|
|
\v 20 Awan ti siasinoman ditoy lubong ti kankanayon nga agar-aramid iti umno, a saan pulos nga agbasbasol.
|
|
|
|
\s5
|
|
\v 21 Saanmo nga ipangag dagiti amin nga ibagbaga dagiti tattao, gapu ta no aramidem dayta, amangan no mangngegmo ti adipenmo a mangilunod kenka.
|
|
\v 22 Kalpasan ti amin, sika a mismo ammom iti bagim nga inlunodmo met dagiti dadduma a tattao.
|
|
|
|
\s5
|
|
\v 23 Kinunak iti bagik nga usarek ti kinasiribko a mangadal kadagiti amin a banbanag nga insuratko, ngem saanko a naaramid daytoy.
|
|
\v 24 Kasla adayo ti kinasirib kaniak. Awan ti siasinoman a pudno a makaawat kadagiti amin a banbanag.
|
|
\v 25 Ngem inkeddengko nga ammoen dagiti banbanag ken padasen nga awaten babaen iti kinasiribko dagiti rason para kadagiti amin a banbanag. Kayatko pay a maawatan no apay nga agtigtignay dagiti tattao a sidadangkes ken no apay nga agtignayda a simamaag.
|
|
|
|
\s5
|
|
\v 26 Ti maysa a banag a naadalko ket ti panangipalpalubos iti babai a mangsulisog kenka ket nadakdakes ngem ti pannakatay. Ti babai a mangpadpadas a mangsulisog kadagiti lallaki ket napeggad a kas iti maysa a palab-og. No ipalubosmo nga arakupennaka ket kasla kawkawarannaka. Matiliw dagiti kakasta a babbai dagiti managdakdakes a lallaki, ngem makalibas dagiti lallaki a makaay-ayo ti Dios manipud kadagiti kakasta a babbai.
|
|
|
|
\s5
|
|
\v 27 Daytoy ti naadal ko. Pinadasko ti agadal ti ad-adu pay maipapan kadagiti banbanag tapno padasek nga ammoen ti rason para kadagiti amin a banbanag,
|
|
\v 28 ken intultuloyko a pinadas a makaadal pay ti ad-adu, ngem saanko a masarakan amin dagiti birbirukek. Ngem ti maysa a banag a naammoak ket kadagiti sangaribo a tattao, adda nasarakak a maysa a nalinteg a lalaki, ngem awan ti nasarakak nga uray maysa a nalinteg a babai.
|
|
|
|
\s5
|
|
\v 29 Daytoy laeng ti naadalko: nga idi pinarsua ti Dios dagiti tattao, nalintegda, ngem nakasarakda kadagiti adu a wagas a mangparigat kadagiti bukodda a biag.
|
|
|
|
\s5
|
|
\c 8
|
|
\p
|
|
\v 1 Ibagak kadakayo ti maipapan kadagiti pudno a nasirib, a ti pagbanaganna ket maipalawagda no apay a mapaspasamak dagiti amin a banbanag. Paragsaken ti kinamasirib dagiti tattao ken paisemenna ida.
|
|
|
|
\s5
|
|
\v 2 Sipapasnek nga inkarim iti Dios a tungpalem dagiti bilbilin ti ari, isu nga aramidem dayta.
|
|
\v 3 Saanmo nga aramiden ti aniaman a banag a sipapardas no maipapan iti ari. Ken saanka a kumuyog kadagidiay mangayat nga agrebelde kenkuana, gapu ta aramiden ti ari ti kayatna nga aramiden.
|
|
\v 4 Masapul nga ad-adda nga agtulnogtayo kadagiti ibaga ti ari ngem kadagiti ibagbaga ti siasinoman, ta awan ti makaibaga iti ari, "Apay nga ar-aramidem dayta?"
|
|
|
|
\s5
|
|
\v 5 No tungpalem dagiti ibilbilin ti ari, saannaka a dangran. Isu nga agbalinka a nasirib, ken ammoem ti umno a tiempo iti pangaramidmo kadagiti banbanag ken ti umno a wagas a panangaramidmo kadagitoy.
|
|
\v 6 Nupay makapadpadas dagiti tattao iti adu a riribuk, adda ti umno a wagas ken umno a tiempo iti panangaramid kadagitoy.
|
|
\v 7 Awan ti makaammo no ania ti mapasamak iti masakbayan, isu nga awan ti makaibaga kenkuana no anianto ti mapasamak.
|
|
|
|
\s5
|
|
\v 8 Saantayo a matengngel ti panagangestayo, ken saantayo a matengngel no kaanotayo nga agsardeng nga aganges ken matay. Saan a mapalubosan dagiti soldado nga agawid kabayatan ti gubat, ken saan a maisalakan dagiti dakes a tattao babaen iti panagar-aramidda iti dakes.
|
|
\v 9 Pinanunotko ti maipapan amin kadagidiay a banbanag ken pinanunotko ti maipapan kadagiti amin a dadduma a banbanag a mapaspasamak iti rabaw daytoy a daga. Nakitak a no dadduma kabaelan dagiti tattao a dangran iti kasta unay dagiti sabali a tattao
|
|
|
|
\s5
|
|
\v 10 Nakitak pay a no dadduma kalpasan a matay dagiti dakes a tattao, padpadayawan unay ida iti pannakaipunpunda dagiti tattao kadagiti siudad a nangaramidanda kadagiti dakes. Narigat nga awaten no apay a mapaspasamak dayta.
|
|
\v 11 No saan a madusa a dagus dagiti dakes a tattao, pakaigapuan daytoy a kayat met dagiti sabali a tattao nga agaramid kadagiti dakes a banbanag.
|
|
|
|
\s5
|
|
\v 12 Ngem uray no agaramid dagiti managbasol a tattao iti sangagasut a krimen, ken uray no agbiagda iti atiddug a tiempo, ammok a nasay-sayaatto dagiti banbanag para kadagidiay mangdaydayaw ken mangraraem iti Dios.
|
|
\v 13 Ammok met a saanto a nasayaat dagiti banbanag para kadagiti managdakdakes, gapu ta saanda a daydayawen iti Dios. Saan nga agtalinaed dagiti aniniwan iti atiddog a tiempo. Kasta met a saan nga agbiag dagiti dakes a tattao iti atiddug a tiempo.
|
|
|
|
\s5
|
|
\v 14 Ti sabali pay a banag a mapaspasamak no dadduma ditoy rabaw ti daga ket dakes a banbanag ti mapaspasamak kadagiti nalinteg a tattao, ken nasayaat a banbanag ti mapaspasamak kadagiti dakes a tattao. Narigat a maawatan no apay a mapaspasamak dayta.
|
|
\v 15 Isu nga inkeddengko nga isingasing nga agragsak dagiti tattao kabayatan a sibibiagda, gapu ta ti kasasayaatan nga aramiden dagiti tattao ditoy rabaw ti daga ket ti mangan ken uminom ken agragsak. Ti panagragragsak kadagidiay a banbanag ket makatulong kadagiti tattao kabayatan nga ar-aramidenda dagiti trabahoda, kadagiti amin nga al-aldaw nga inted ti Dios kadakuada nga agtalinaed a sibibiag ditoy rabaw ti daga.
|
|
|
|
\s5
|
|
\v 16 Pinanunotko ti maipapan iti panagbalin a nasirib ken maipapan kadagiti tattao nga agtrabtrabaho ti kasta unay iti rabaw ti daga, agtrabtrabaho iti aldaw ken rabii ken awanen ti panawen a maturog.
|
|
\v 17 Kalpasanna, pinanunotko ti maipapan kadagiti amin nga inaramid ti Dios, ken naamirisko nga awan ti siasinoman a makaawat iti amin a mapaspasamak iti rabaw daytoy a daga. Pudno, saan a naan-anay a maawatan dagiti tattao dagiti amin nga ar-aramiden ti Dios, uray no itedda amin a kabaelanda nga aramiden dayta. Uray no ibaga dagiti nasirib a tattao nga maawatanda amin, saanda a kabaelan.
|
|
|
|
\s5
|
|
\c 9
|
|
\p
|
|
\v 1 Pinanunotko ti maipapan kadagiti amin a banbanag, ket napanunotko a tengtenglen ti Dios dagiti mapaspasamak iti tunggal maysa, uray kadagiti nasisirib ken kadagiti nalilinteg. Awan ti makaammo no ayaten wenno guraen isuda dagiti dadduma.
|
|
|
|
\s5
|
|
\v 2 Ngem ammotayo a mataytayonto amin iti maysa nga aldaw iti masakbayan. Awan aniamanna no agtignaytayo a sililinteg wenno sidadangkes, no nasayaat wenno dakestayo, no maikaritayo nga agdaydayaw iti Dios wenno nagaramidtayo kadagiti banbanag a namagbalin kadatayo a saan a maikari. Awan aniamanna no nagidatontayo iti Dios wenno saan. Awan aniamanna no aramidentayo ti inkaritayo nga aramiden iti Dios wenno saan. Mataytayo amin. Agpada ti mapasamak kadagiti nasayaat a tattao ken kadagiti managbasol a tattao, kadagiti sipapasnek a nagikari nga agaramid kadagiti banbanag para iti Dios ken kadagidiay mabuteng nga agikari ti kaskasta.
|
|
|
|
\s5
|
|
\v 3 Kasla saan a nasayaat nga agpapada ti mapaspasamak iti tunggal maysa ditoy rabaw ti daga. Matay ti tunggal maysa. Kanayonna pay, napno iti kinadakes ti kaunggan dagiti tattao. Agar-aramid dagiti tattao iti minamaag a banbanag kabayatan a sibibiagda, ket kalpasanna makikaduadan kadagiti natay.
|
|
|
|
\s5
|
|
\v 4 Kabayatan a sibibiagtayo, mabalintayo ti mangnamnama a nasasayaat a banbanag ti mapasamak kadatayo. Kaguratayo dagiti aso, ngem nasaysayaat ti agbalin nga aso a sibibiag ngem ti agbalin a natan-ok a leon a natayen.
|
|
\v 5 Datayo a sibibiag ket ammotayo a mataytayonto iti maysa nga aldaw, ngem awanen ti ammo dagiti natay a tattao. Saanen a makaawat ti aniaman a gunggona dagiti natayen a tattao ket iti mabiit malipatanton ida dagiti tattao.
|
|
|
|
\s5
|
|
\v 6 Kabayatan a sibibiagda, inayatda dagiti tattao, kinagurada dagiti tattao, inapalanda dagiti tattao, ngem insardengda nga aramiden ti aniaman kadagita idi natayda. Saandanto manen a pulos nga agbalin a paset iti aniaman a mapaspasamak ditoy daga.
|
|
\v 7 Isu nga ibagak, agrag-oka kabayatan a kankanem dagiti taraonmo ken in-inumem ti arakmo, gapu ta dayta ti kayat ti Dios nga aramidem.
|
|
\v 8 Agkawestayo kadagiti napipintas ken papintasem ti rupam.
|
|
|
|
\s5
|
|
\v 9 Ragsakem ti makipagnanaed iti asawam a babai nga ay-ayatem, kabayatan iti amin a tiempo nga inted ti Dios kenka nga agbiag ditoy rabaw ti daga. Uray no narigat a maawatan dagiti adu a banbanag a mapaspasamak, daytoy a biag iti denna ti asawam a babai ket isu ti gunggonam para iti panangar-aramidmo iti trabahom ditoy a daga.
|
|
\v 10 Aniaman a kabaelam nga aramiden, aramidem iti amin a pigsam, gapu ta addanto ti tiempo a matayka, ken iti ayan dagiti natay a papanam, awan ti agtrabtrabaho wenno agpangpanggep nga agaramid iti aniaman a banag wenno makaammo ti aniaman a banag wenno addaan iti aniaman a kinasirib.
|
|
|
|
\s5
|
|
\v 11 Adda pay sabali a nakitak ditoy rabaw ti daga: Saan a kankanayon a mangabak iti lumba ti tao a kapapardasan a tumaray, saan a kankanayon a mangabak iti gubat ti kapipigsaan a soldado, saan a kankanayon a matagikua ti kasisiriban a tao ti taraon, saan a kankanayon nga agbalin a nabaknang ti kalalaingan a tao, ken ti tao a nagadal iti adu ket saan a kankanayon a mapadpadayawan dagiti sabali. Saantayo a kankanayon a matengngel dagiti banbanag a mapasamak kadatayo ken no sadino ti pakapasamakanda.
|
|
\v 12 Awan ti makaammo no kaano isuna a matay. Siraranggas a matiltiliw dagiti lames iti iket ken matiltiliw dagiti billit kadagiti palab-og. Kasta met, mapadasan dagiti tattao dagiti didigra iti tiempo a saanda a namnamaen a mapasamak dagitoy.
|
|
|
|
\s5
|
|
\v 13 Iti maminsan, nakakitaak ditoy rabaw ti daga ti maysa a banag nga inaramid ti maysa a nasirib a tao a nakaawis ti imatangko.
|
|
\v 14 Adda maysa a bassit nga ili, nga adda laeng ti sumagmamano a tattao nga agnanaed. Immay iti dayta nga ili ti armada ti maysa a nabileg nga ari ket pinalawlawanda daytoy. Nangibangonda iti sarikedked kadagiti pader tapno makaulida ken madarupda ti ili.
|
|
\v 15 Iti dayta nga ili, adda ti maysa a nakurapay ngem nasirib unay a tao. Gapu iti insingasing dayta tao, naisalakan ti ili, ngem iti mabiit ket nalipatan dagiti tattao ti maipapan kenkuana.
|
|
|
|
\s5
|
|
\v 16 Isu a naamirisko nga uray no nasaysayaat ti kinasirib ngem ti kinapigsa, no marigrigatka, awan ti makabigbig iti pateg ti aramidmo ken malipatanton dagiti tattao ti imbagam.
|
|
|
|
\s5
|
|
\v 17 Ti maysa a nasirib a tao nga agsasao a siuulimek—ad-adda a mangmangngeg isuna dagiti tattao ngem ti ari nga agpukpukaw kadagiti adu a maag a tattao.
|
|
\v 18 Ad-adu ti pakaaramatan ti kinasirib ngem ti addaan iti adu nga igam; nupay kasta, no agaramid ti maysa a tao ti maysa laeng a minamaag a banag, mabalin a madadaelna dagiti adu a nasasayaat a banbanag nga inaramid dagiti dadduma.
|
|
|
|
\s5
|
|
\c 10
|
|
\p
|
|
\v 1 Pabangsiten ti sumagmamano a tumatayab a natay nga adda iti uneg ti bote ti pabanglo ti sibubukel a pabanglo. Kasta met a ti bassit a panagtignay a simamaag ket addaan ti dakdakkel nga epekto ngem ti panagtignay a sisisirib.
|
|
\v 2 No agpanunot dagiti tattao nga adda kaipapananna, daytoy ti mangiturong kadakuada nga agaramid iti umno; no agpanunotda a simamaag, daytoy ti pakaigapuan nga agaramidda iti saan a nasayaat.
|
|
\v 3 Uray iti pannagna dagiti maag a tattao iti dalan, ipakpakitada nga awan ti nasayaat a pannakaawatda. Ipakpakitada iti tunggal maysa a saanda a nasirib.
|
|
|
|
\s5
|
|
\v 4 Saanka nga umikkat iti trabahom no makaunget kenka ti mangiturturay. No agtalinaedka a natalna, mabalin nga agsardeng isuna nga agunget.
|
|
|
|
\s5
|
|
\v 5 Adda pay sabali a nakitak iti rabaw daytoy a daga, maysa a banag nga ar-aramiden no dadduma dagiti mangiturturay a saan nga umno:
|
|
\v 6 dutokanda dagiti maag a tattao a maaddaan kadagiti napapateg a saad idinto a dutokanda dagiti nababaknang a tattao a maaddaan kadagiti saan a napapateg a saad.
|
|
\v 7 Palubosanda dagiti tagabu nga agsakay kadagiti kabayo a kas ti kadawyan nga ar-aramiden dagiti nababaknang a tattao, ngem pilpilitenda dagiti opisiales a magna a kas iti kadawyan nga ar-aramiden dagiti tagabu.
|
|
|
|
\s5
|
|
\v 8 Mabalin a dagiti agkalkali kadagiti abut ket matnag iti maysa kadagidiay nga abut. Mabalin a ti magrebrebba iti pader ket makagat iti uleg nga adda iti uneg ti pader.
|
|
\v 9 No agtrabahoka iti kabatbatoan, mabalin nga adda bato a matnag kenka ket madangrannaka. Mabalin a dagiti lallaki nga agbalbalsig kadagiti dadakkel a kayo ket madangran babaen iti maysa kadagidiay a dadakkel a kayo.
|
|
|
|
\s5
|
|
\v 10 No namudel ti wasaymo, masapul nga ad-adda ti panagtrabahom a mangputed iti kayo, ngem babaen iti kinasirib, agballigikanto.
|
|
\v 11 No adda kinagat ti uleg sakbay a napaamo daytoy, ket ti kabaelan dayta a tao a mangpaamo kadagiti uleg ket saannan a pagnumaran.
|
|
|
|
\s5
|
|
\v 12 Adda kaipapananna ti ibaga ti nasirib a tao, ket gapu iti dayta idaydayaw ida dagiti tattao, ngem madadael dagiti maag a tattao babaen kadagiti ibagbagada.
|
|
|
|
\s5
|
|
\v 13 No mangrugi nga agsao dagiti maag a tattao, agibagada kadagiti minamaag a banbanag ken agleppasda babaen iti panangibagbagada kadagiti banbanag a dakes ken minamaag.
|
|
\v 14 Adu unay ti ibagbagada. Awan ti makaammo kadatayo no ania ti mapasamak iti masakbayan, wenno ti mapasamak kalpasan a mataytayo.
|
|
|
|
\s5
|
|
\v 15 Mabannog ti kasta unay dagiti maag kadagiti trabaho nga ar-aramidenda, nga addaan ti pagbanagan a saanda payen a mabirukan ti dalan nga agturong iti ilida.
|
|
|
|
\s5
|
|
\v 16 Nakabutbuteng a banbanag ti mapasamak kadagiti tattao iti maysa a nasion a ti mangiturturay ket tao a maag ken ubing pay, a dagiti mangidadaulona ket mangmangan nga agmalmalem iti inaldaw.
|
|
\v 17 Ngem anian a naggasat ti maysa a nasion no nagtaud iti natakneng a pamilia ti mangiturturay iti daytoy, no dagiti mangidadaulona ket agrambak laeng iti umno a tiempo, ken no mangan ken uminomda ket tapno laeng pumigsada, saan a tapno mabartekda.
|
|
|
|
\s5
|
|
\v 18 Nasadut unay dagiti dadduma a lallaki ket saanda nga tarimaanen dagiti balunet dagiti atepda, isu nga agbayukyok ti atep ket marsuod. No saanda a tarimaanen ti atep, agtedted iti uneg ti balay no agtudo.
|
|
\v 19 Pagkatawaen ken paragsakendatayo ti pannangan kadagiti taraon ken panaginom iti arak. No adda umdas a kuartam, kabaelam a gatangen dagiti amin a kasapulam.
|
|
|
|
\s5
|
|
\v 20 Saanmo a pulos a panunoten ti maipapan iti panangilunod ti ari, wenno ti panangilunod kadagiti nababaknang a tattao, uray no agmaymaysaka iti kuartom. Kankanayon a mabalin a mangngeg dagiti babassit a billit ti ibagbagam ket ibagada kadagiti tattao dagiti ibagbagam maipapan kadakuada.
|
|
|
|
\s5
|
|
\c 11
|
|
\p
|
|
\v 1 Itedmo a siaayat kadagiti dadduma ti sumagmamano a kuartam; no aramidem dayta, ti saan a mabayag ket maalamto ti isu met laeng a gatadna.
|
|
\v 2 Ibingaymo ti sumagmamano nga adda kenka kadagiti pito wenno walo a dadduma pay, ta saanmo nga ammo no kaanokanto a makapadas iti didigra ket kasapulamto ti tulongda.
|
|
\v 3 Agpayso a no napno dagiti ulep iti danum, itinnag dagitoy ti tudo iti rabaw ti daga. Kasta met a no sadinoman a pakatuangan ti kayo, agtalinaed daytoy iti nakatuanganna.
|
|
|
|
\s5
|
|
\v 4 No makita dagiti mannalon ti turongen ti pul-oy ti angin, maammoanda no nasayaat ti agmula iti dayta a tiempo wenno saan. Agpayso pay a no kitaen dagiti mannalon dagiti ulep ken makitada nga agpulpul-oy daytoy iti laud ken mangiyeg iti tudo, saanda nga apiten dagiti mulada iti dayta nga aldaw.
|
|
\v 5 Saantayo nga ammo ti paggapgapuan ti angin wenno ti pagturonganna, ken saantayo nga ammo no kasano a nabukel dagiti paset ti bagi iti aanakan ti maysa a babai. Kasta met, ti Dios ti nangaramid kadagiti tunggal banag, ken saantayo a maawatan a naan-anay dagiti ar-aramidenna.
|
|
|
|
\s5
|
|
\v 6 Irugim nga imula dagiti bukbukelmo iti bigat, ken saanka nga agsardeng nga agmulmula agingga iti rabii, gapu ta saanmo nga ammo no ania ti agtubo a nasaysayaat, dagiti immulam iti bigat wenno dagiti immulam iti malem, wenno agpada nga agtubo a nasayaat dagitoy.
|
|
\v 7 Makaparagsak unay ti agbalin a sibibiag ken makakita iti init nga agsingising iti binigat.
|
|
\v 8 Uray no agbiag dagiti tattao iti adu a tawen, ragsakenda koma amin dagitoy. Ngem saanda koma a liplipatan nga iti maysa nga aldaw ket mataydanto ket kalpasanna saandanton pulos a makakita manen ti aniaman a lawag, ken saanda nga ammo no ania ti mapasamak kadakuada kalpasan a matayda.
|
|
|
|
\s5
|
|
\v 9 Dakayo nga agtutubo, agragsakkayo kabayatan nga ubingkayo pay laeng. Aramidenyo a siraragsak dagiti banbanag a kayatyo nga aramiden. Ngem saanyo a liplipatan nga ukomennakayonto ti Dios iti maysa nga aldaw maipapan kadagiti amin a banbanag nga aramidenyo.
|
|
\v 10 Isu nga no ubingkayo, saankayo nga agdanag ti maipapan ti aniaman a banag, ken saanyo nga ipangag dagiti sagubanit kadagiti bagbagiyo, gapu ta saantayo nga agatalinaed nga agtutubo ken napigsa iti agnanayon.
|
|
|
|
\s5
|
|
\c 12
|
|
\p
|
|
\v 1 Bayat nga ubingka pay, panunotem a kanayon ti maipapan iti Dios a nangiparsua kenka. Aramidem dayta sakbay a lumakayka, ken sakbay a mapadasam dagiti adu a riribok, sakbay kadagiti tawen nga ibagam ti, "Saankon a ragsaken ti agbibiag."
|
|
\v 2 Inton lumakaykan, kasla nasipngeten kenka dagiti lawag ti init ken ti bulan ken dagiti bituen, ket kasla kankanayon a dagus nga agsubli dagiti ulep ti tudo kalpasan ti panagtudo.
|
|
|
|
\s5
|
|
\v 3 Ket kumapsutton dagiti takiagmo nga us-usarem a mangsalaknib iti bagim ken dagiti gurongmo a mangsupsuporta iti bagim. Matnagto ti adu kadagiti ngipenmo nga us-usarem a mangngalngalngal kadagiti kanem, ken dagiti matam nga us-usarem a tuman-aw kadagiti tawa ket saanton a makakita a silalawag.
|
|
|
|
\s5
|
|
\v 4 Saanmonton a mangngeg dagiti ringgor kadagiti kalsada, ken saanmonton a mangngeg a nalaing dagiti uni ti panaggilgiling dagiti tattao iti irik kadagiti paggilingan. Makariingka iti agsapa babaen iti panagdengngegmo kadagiti bilbillit nga agkakanta, ngem saanmon a mangngeg a nalaing dagiti kanta dagiti billit.
|
|
|
|
\s5
|
|
\v 5 Mabutengkanto a mapan kadagiti nangangato a lugar ken mabutengka kadagiti peggad dagiti kalsada a pagpagnaam. Agubanto dagiti buokmo a kasla dagiti sabong dagiti kayo ti almendro. No padasemto ti magna, guyudemto ti bagim a kasla dagiti dudon, ken saankanton a pulos nga agtarigagay iti babai. Ket mataykanto ken mapankan iti agnanayon a pagtaengam, ket addanto kadagiti kalsada dagiti tattao nga agladingit para kenka.
|
|
|
|
\s5
|
|
\v 6 Panunotemon iti kasta unay ti maipapan iti Dios itan, gapu ta aggibuston dagiti bibiagtayo, kasla kadagiti pirak a kawar wenno balitok a mallukong a nalaka a madadael wenno dagiti pagkargaan ti danum a maburak idiay agpuspuswak a danum, wenno kasla iti nadadael a pangguyod idiay bubon.
|
|
\v 7 Ket agrupsanton dagiti bangkay ken agbalinto manen a rugit, ken agsublinton dagiti espiritutayo iti Dios a nangted kadagiti espiritutayo
|
|
|
|
\s5
|
|
\v 8 Isu a siak, ti Manursuro, ket ibagak manen nga apagdama laeng ken awan serserbina dagiti amin a banbanag.
|
|
\v 9 Siak, ti Manursuro, ket naibilang a nasirib unay a tao ken sinuroak dagiti tattao kadagiti adu a banbanag. Inurnos ken insuratko dagiti adu a proverbio, ken pinanunotko a nalaing ti maipapan kadagitoy ken inurnosko dagitoy.
|
|
|
|
\s5
|
|
\v 10 Nagbirukak kadagiti sasao a makaay-ayo a denggen ken mapagtalkan ken pudno dagiti insuratko.
|
|
\v 11 Dagiti banbanag nga ibagbagak ken dagiti dadduma a nasisirib a tattao ket mangisursuro kadagiti tattao iti rumbeng nga aramidenda. Kaslada la dagiti pastortayo.
|
|
|
|
\s5
|
|
\v 12 Isu nga, anakko, utobem a nalaing dagiti insuratko ken piliem a nalaing dagiti basaem nga insurat dagiti dadduma. Awan pagpatinggaan dagiti panagsursurat kadagiti adu a libro. Ken ti panagpadpadas a mangadal kadagitoy ket trabaho nga awan pagpatinggaanna.
|
|
|
|
\s5
|
|
\v 13 Ita, nangngegmon dagiti amin nga imbagak kenka, ket daytoy ti pagleppasanna: Raemem ti Dios ken tungpalem dagiti amin a bilbilinna, gapu ta pakadagupan dagidiay a bilbilin dagiti amin a banag a rumbeng nga aramiden dagiti tattao.
|
|
\v 14 Ken saanmo a liplipatan nga ukomento ti Dios ti tunggal banag nga ar-aramidentayo, dagiti nasasayaat a banbanag ken dagiti dakes a banbanag, uray dagiti banbanag nga ar-aramidentayo a sililimed.
|