ilo_udb/19-PSA.usfm

\id PSA
\ide UTF-8
\h Dagiti Salmo
\toc1 Dagiti Salmo
\toc2 Dagiti Salmo
\toc3 psa
\mt Dagiti Salmo

\s5
\c 1
\p
\v 1 Anian a naggasat dagiti saan a mangaramid iti ibalbalakad dagiti nadangkes a tattao kadakuada, dagiti saan a mangtulad iti galad dagiti managbasol a tattao, ken dagiti saan a makikadua kadagiti tattao a manguy-uyaw iti Dios.
\v 2 Ngem ketdi, dagidiay pakaay-ayoan ni Yahweh ket dagiti agragsak iti pannakaawat kadagiti isursurona kadatayo. Inaldaw ken rinabii a basbasaen ken panpanunotenda ti maipanggep iti isursuro ni Yahweh.

\s5
\v 3 Kanayonda nga ar-aramiden dagiti banbanag a makaay-ayo iti Dios, a kasla kadagiti agbunga a kaykayo a naimula kadagiti igid ti waig nga agbunga iti umno a tiempo iti tunggal tawen. Kasla kadagiti kaykayo a saan a pulos a malaylay, agballigida iti amin nga aramidenda.

\s5
\v 4 Ngem saan a kasta dagiti nadangkes a tattao! Awan serserbi dagiti nadangkes a tattao a kas iti taep nga itayab ti angin.
\v 5 Ngarud, inton ukomen ti Dios dagiti amin a tattao, dusaennanto dagiti nadangkes. Maysa pay, awanto dagiti nadangkes inton ummongen ni Yahweh dagiti amin a nalinteg a tattao.

\s5
\v 6 Ta idaldalan ken salsalakniban ni Yahweh dagiti nalinteg a tattao, ngem ti dalan a pagpagnaan dagiti nadangkes, iturongna ida iti lugar a pangdadaelan ti Dios kadakuada iti agnanayon.

\s5
\c 2
\p
\v 1 Apay a makapungtot kenni Yahweh dagiti mangidadaulo kadagiti nasion? Apay a panggepen dagiti tattao ti agsukir kenkuana, uray no awan seserbina daytoy?
\v 2 Agsagana dagiti ari kadagiti nasion iti daga nga agalsa; agkaykaysa dagiti mangiturturay nga agpanggep a makiranget kenni Yahweh ken iti pinilina.
\v 3 Ipukkawda, "Masapul a wayawayaantayo dagiti bagbagitayo manipud iti panangtengngelda; masapul a saantayon a pulos nga ipalubos nga iturayandatayo!"

\s5
\v 4 Ngem ti nakatugaw iti tronona idiay langit, katkatawaanna ida; uy-uyawen ni Yahweh dagidiay a mangiturturay.
\v 5 Ket gapu ta makaunget isuna kadakuada, babalawenna ida. Pagbutngenna ida inton maamirisda a dusaennanto ida iti nakaro.

\s5
\v 6 Kuna ni Yahweh, "Insaadko ti arik iti trono idiay Sion, ti nasagradoan a turodko idiay Jerusalem.
\v 7 Kuna ti arina, "Iwaragawagko ti imbilin ni Yahweh." Kinunana kaniak, 'Sika ti anakko; ita, nagbalinak nga amam.

\s5
\v 8 Kiddawem kaniak nga itedko kenka dagiti nasion tapno agnanayon a kukuam dagitoy, ket itedkonto dagitoy kenka. Uray dagiti kaadaywan a nasion ket kukuamto.
\v 9 Parmekemto ida a naan-anay; dadaelemto ida a kasla adda iti mangburak iti banga babaen iti landok a sarukod.'"

\s5
\v 10 Ngarud, dakayo nga ari ken dadduma a mangiturturay iti daga, agmasiribkayo! Denggenyo ti ibalballaag ni Yahweh kadakayo!
\v 11 Dayawenyo ni Yahweh; raemenyo isuna a sipapasnek. Agrag-okayo kadagiti banbanag nga inaramidna, ngem agbutengkayo iti sangoananna!

\s5
\v 12 Agrukbabkayo a sipapakumbaba iti sangoanan ti anakna! No saanyo nga aramiden dayta, makaunget isuna, ket patayennakayo a dagus. Saanyo a liplipatan a kabaelanna nga ipakita a makaunget unay isuna iti apagbiit! Ngem anian a naggasat dagiti amin nga agkiddaw a salaknibanna ida.

\s5
\c 3
\p
\v 1 O Yahweh, adu dagiti kabusorko! Adu dagiti tattao a sumupsuppiat kaniak.
\v 2 Adu a tattao ti mangibagbaga maipanggep kaniak, "Awan duadua a saan a tulongan ni Yahweh isuna."

\s5
\v 3 Ngem Yahweh, maiyarigka iti maysa a kalasag a mangsalsalaknib kaniak. Padpadayawannak unay, ken pabpabilegennak.
\v 4 Umawagak kenka, O Yahweh, ket sungbatannak manipud Sion, ti nasagradoan a turodmo.

\s5
\v 5 Iti rabii, agiddaak ket naturogak, ken nagriingak iti agsapa gapu ta inaywanannak iti agpatpatnag O Yahweh.
\v 6 Mabalin a rinibu dagiti kabusorko a soldado a manglawlawlaw kaniak, ngem saanak a mabuteng.

\s5
\v 7 O Yahweh, agtignayka! Diosko, umayka ket ispalennak manen! Laisemto dagiti kabusorko babaen iti panangtungpam kadakuada; inton kabilem ida, dadaelemto ti pannakabalinda, nga agbanag nga awan ti madangranda.
\v 8 O Yahweh, sika ti mangisalsalakan kadagiti tattaom manipud kadagiti kabusorda. O Yahweh, bendisionam dagiti tattaom!

\s5
\c 4
\p
\v 1 O Dios, sungsungbatannak no agkararagak kenka. Sika ti mangipakpakita kadagiti tattao a saanak a nagbiddut nga agtalek kenka. Inispalnak idi mariribukanak unay. Maasika kaniak ken denggennak kabayatan nga agkarkararagak.

\s5
\v 2 Dakayo a tattao, aginggana kaano nga ibabaindak imbes a raemendak? Dakayo a tattao, pagaayatdak a pabpabasolen a siuulbod.
\v 3 Dagiti amin nga agdaydayaw kenni Yahweh - pinilina ida a kukuana. Denggennakto ni Yahweh inton agkararagak kenkuana.

\s5
\v 4 Nasken nga agbutengkayo kenni Yahweh, ngem saanyo nga itulok a makabasolkayo gapu iti panagbutengyo. Kabayatan ti panagiddayo, siuulimekyo a sukimaten ti panpanunotenyo iti kaungganyo.
\v 5 Kasta met, idatonyo kenni Yahweh dagiti umno a daton ken ituloyyo ti agtalek kenkuana.

\s5
\v 6 Agsalsaludsod dagiti dadduma a tattao, "Adda ngata mangiyeg kadakami kadagiti nasayaat a banbanag?" Ngem kunak, "O Yahweh, ituloymo ti kinaimbagmo kadakami.
\v 7 Pinaragsaknak iti kasta unay; naragragsakak ngem kadagiti tattao a nakaapit iti adu unay a trigo ken ubas.
\v 8 Gapu iti talna ken talged nga agiddaak iti rabii ken maturog iti nasimbeng agsipud ta ammok a sika laeng, O Yahweh, ti mangpatalgedto kaniak."

\s5
\c 5
\p
\v 1 O Yahweh, denggennak kabayatan nga agkarkararagak! Ipangagnak no umas-asugak gapu ta agsagsagabaak iti kasta unay.
\v 2 Sika ti Arik ken Diosko. No umawagak kenka tapno kiddawek a tulongannak, denggennak gapu ta sika ti pagkarkararagak.
\v 3 Denggennak no agkararagak kenka iti tunggal agsapa, ket urayek ti sungbatmo.

\s5
\v 4 Saanka a dios a maay-ayo kadagiti nadangkes a tattao; saanmo a pulos nga awaten dagiti agar-aramid iti dakes.
\v 5 Saanmo nga ipalubos nga umay agdayaw kenka dagiti napalangguad. Kagurguram dagiti amin nga agar-aramid kadagiti dakes a banbanag.
\v 6 Pappapanawem dagiti ulbod, ken um-umsiem dagiti mangpappapatay ken mangal-allilaw kadagiti dadduma.

\s5
\v 7 O Yahweh, gapu ta naindaklan ken napudno ti panagayatmo kaniak, sumrekak iti templom. Naindaklan ti panagraemko kenka ket agrukbabak a mangidaydayaw kenka iti nasagradoan a templom.
\v 8 O Yahweh, gapu ta nagtignayka a sililinteg kaniak, ipakitam kaniak ti umno nga aramidek. Gapu ta nagadu dagiti kabusorko, ipakitam kaniak a silalawag no kasano ti agbiag iti umno a wagas.

\s5
\v 9 Saan a pulos nga ibaga dagiti kabusorko ti pudno; iti kaungganda, kayatda a dadaelen dagiti dadduma. Agsaoda kadagiti pangta iti kinaranggas ken patay. Usarenda dagiti dilada nga agsao kadagiti naimbag a banbanag tapno maay-ayo dagiti tattao.
\v 10 O Dios, ibilangmo a nagbiddutda ket dusaem ida. Ipasagrapmo kadakuada ti isu met laeng a didigra a pangpanggependa a mapasamak kadagiti dadduma. Papanawem ida gapu ta nakaaramidda kadagiti adu a basbasol, ken nagsukirda kenka.

\s5
\v 11 Ngem pagrag-oem dagiti amin a mapan kenka nga agpasalaknib; pagkantaem ida a sirarag-o kenka iti agnanayon. Salaknibam dagiti mangay-ayat kenka; pudno a naragsakda gapu iti ar-aramidem para kadakuada.
\v 12 O Yahweh, kanayon a benbendisionam dagiti agtigtignay a sililinteg; salsalaknibam ida a kas iti panangsalaknib iti maysa a soldado iti bagina babaen iti kalasagna.

\s5
\c 6
\p
\v 1 O Yahweh, saannak a tubtubngaren no makaung-ungetka kaniak, saannak a dusdusaen no marurodka.
\v 2 O Yahweh, maasika kaniak ken agasannak gapu ta kimmapsutak. Agtigtigerger ti bagik gapu ta agladladingitak iti kasta unay.

\s5
\v 3 O Yahweh, mariribukan ti kaunggak iti kasta unay. Aginggana kaano nga ibturak daytoy?
\v 4 O Yahweh, pangngaasim ta umayka ket ispalennak. Isalakannak gapu ta kanayonmo a tungtungpalen dagiti kari iti katulagam.
\v 5 Saankanton a mabalin nga idaydayaw kalpasan a matayak; awan ti agdayaw kenka idiay lugar nga ayan dagiti natay.

\s5
\v 6 Nabannugak iti kasta unay gapu iti ut-otko. Agpatpatnag nga agsangsangitak isu a nabasbasa ti pagiddaak ken punganko kadagiti luluak.
\v 7 Gapu ta kasta unay ti panagsangitko, saanak a makakita a nasayaat. Kimmapsut dagiti matak gapu ta kanayonak nga agsangit gapu iti butengko kadagiti kabusorko.

\s5
\v 8 Dakayo a tattao nga agar-aramid kadagiti dakes a banbanag, umadayokayo kaniak, gapu ta nangngegnak ni Yahweh idi agsangsangitak!
\v 9 Nangngegnak ni Yahweh idi immawagak kenkuana a tulongannak, ket sungbatannanto ti kararagko.
\v 10 Inton mapasamak dayta, mabainanto amin a kabusorko; isudanto ti agbuteng. Tallikudandakto ken dagus a panawandak gapu ta maibabaindanto.

\s5
\c 7
\p
\v 1 O Yahweh a Diosko, umayak kenka tapno salaknibannak. Ispalennak, isalakannak manipud kadagiti amin a mangkamkamat kaniak tapno dangrandak.
\v 2 No saanmo nga aramiden dayta, pirsapirsayendakto a kasla iti ar-aramiden iti maysa a leon no darupenna dagiti ayup a kayatna a patayen; awan ti mangisalakan kaniak manipud kadakuada.

\s5
\v 3 O Yahweh a Diosko, kaspangarigan ta nagbiddutak,
\v 4 wenno nakaaramidak iti dakes iti maysa a gayyem, wenno awan iti gapgapuna a dinangrak dagiti kabusorko.

\s5
\v 5 Ipalubosmo ngarud a kamaten ken tiliwendak dagiti kabusorko. Ipalubosmo nga ipayatpayatdak iti daga ken panawandak a nakadasay a natay iti katapukan.

\s5
\v 6 O Yahweh, gapu ta kasta unay ti ungetmo kadagiti mangkamkamat kaniak, bumangonka ket rautem dagiti mangraraut kaniak! Aramidem kadakuada ti kinunam a maiparbeng!
\v 7 Agguummong iti aglawlawmo dagiti tattao iti amin a nasion tapno rautendaka, ngem iturayamto ida manipud iti ayanmo idiay langit.

\s5
\v 8 O Yahweh, ukomem dagiti tattao iti amin a nasion! O Yahweh, ipakitam nga awan ti inaramidko a biddut.
\v 9 O Dios, ammom ti panpanunoten iti tunggal tao iti kaungganna ket gapu ta nalintegka, kanayonmo nga ar-aramiden ti maiparbeng. Isu nga ita, pasardengem dagiti dakes a tattao iti panagaramidda kadagiti kinadangkes, ket ikanawanakami amin a nalinteg!

\s5
\v 10 O Dios, salsalaknibannak a kas iti panangsalaknib ti kalasag kadagiti soldado; is-ispalem dagiti amin a nalinteg iti kaungganda.
\v 11 Uk-ukomem iti umno a wagas ti tunggal maysa, ken inaldaw a dusdusaem dagiti nadangkes a tattao a manglalais iti lintegmo.

\s5
\v 12 No saan nga agbabawi dagiti kabusormo, kasla as-asaem ti kampilanmo ken isagsaganam ti panam a mangpatay kadakuada.
\v 13 Isagsaganam dagiti armasmo tapno patayem dagiti puntaam; gumilgil-ayab dagiti murdong dagiti pana nga ipanamto.

\s5
\v 14 Pangpanggepen dagiti nadangkes a tattao dagiti inuulbodda ken dakes a banbanag, agpanggepda ken agragsakda kadagiti kapanunotanda a kasla iti maysa a masikog a babai a panpanunotenna ti panagpasngayna.
\v 15 Ngem inton agkalida iti nauneg a palab-og tapno palab-oganda dagiti dadduma, isudanto a mismo ti matnag iti daytoy.
\v 16 Sagrapendanto ti riribuk a kayatda a mapasamak kadagiti dadduma; dangrandanto dagiti bagbagida babaen kadagiti naranggas a banbanag a kayatda nga aramiden kadagiti dadduma.

\s5
\v 17 Idaydayawko ni Yahweh gapu ta kanayon isuna nga agtigtignay a sililinteg; agkantaak nga agdayaw kenni Yahweh, ti ad-adda a naindaklan ngem iti siasinoman a dios.

\s5
\c 8
\p
\v 1 O Yahweh nga Apomi, ammo dagiti tattao iti entero a lubong a naindaklanka unay! Makitkitami ti kinatan-okmo tunggal tumangadkami iti langit!
\v 2 Sinuroam dagiti ubbing ken dagiti maladaga nga agdayaw kenka; paul-ulimekenda dagiti kabusormo ken dagiti mangbales kenka.

\s5
\v 3 Tumangadak iti tangatang iti rabii ket makitak dagiti banbanag nga inaramidmo - ti bulan ken dagiti bituen nga insimpam.
\v 4 Nakakaskasdaaw para kaniak ta panpanunotem dagiti tattao, ta maseknanka kadakami a tattao!
\v 5 Pinagbalinmo dagiti anghel idiay langit a napatpateg laeng bassit ngem kadakami; pinagbalinnakami a kasla kadagiti ar-ari!

\s5
\v 6 Impaituraymo kadakami amin a banbanag nga inaramidmo; intedmo kadakami ti turay kadagiti amin a banbanag - 
\v 7 dagiti karnero ken baka, ken uray dagiti atap nga ayup,
\v 8 dagiti billit, dagiti lames ken amin nga aglanglanguy kadagiti baybay.

\s5
\v 9 O Yahweh nga Apomi, ammo dagiti tattao iti entero a lubong a naindaklanka unay!

\s5
\c 9
\p
\v 1 O Yahweh, daydayawenka iti amin a pusok. Ibagak kadagiti dadduma a tattao dagiti amin a nakakaskasdaaw a banbanag nga inaramidmo.
\v 2 Agkantaak a mangrambak kadagiti inaramidmo, sika a natantan-ok ngem kadagiti amin a dios.

\s5
\v 3 No maamiris dagiti kabusorko a mannakabalinka unay, mapasagda kalpasanna ket matayda.
\v 4 Agtugtugawka iti tronom a mangukom kadagiti tattao, ken awan panangidumduma iti panangukommo maipapan kaniak.

\s5
\v 5 Tinubngarmo dagiti tattao kadagiti sabali a nasion, ken inikkatmo dagiti nadangkes a tattao; pinunasmo dagiti nagnaganda iti agnanayon.
\v 6 Nagpukaw dagiti kabusormi; dinadaelmo dagiti siudadda, ket pulos a saanen ida a malagip dagiti tattao.

\s5
\v 7 Ngem agturturay ni Yahweh iti agnanayon. Uk-ukomenna dagiti tattao kabayatan nga agtugtugaw isuna iti tronona.
\v 8 Ukomennanto a sililinteg dagiti amin a tattao iti lubong; ukomennanto dagiti tattao iti amin a nasion nga awan panangidumdumana.

\s5
\v 9 Agbalinto ni Yahweh a pagkamangan dagiti maidaddadanes; maiyarigto isuna iti maysa a salinong a para kadakuada inton mariribukanda.
\v 10 Agtalek kenni Yahweh dagiti makaam-ammo kenkuana; saanna a pulos a baybay-an dagiti umay agpatulong kenkuana.

\s5
\v 11 Agturturay ni Yahweh idiay Bantay Sion, idaydayaw ken kantaanyo isuna. Ibagayo kadagiti tattao iti amin a nasion dagiti nakakaskasdaaw a banbanag nga inaramidna.
\v 12 Saanna a liplipaten ti mangdusa kadagiti pimmatay kadagiti dadduma; dusaennanto ida, ken ipangagnanto dagiti tattao nga agsangsangit agsipud ta agsagsagabada.

\s5
\v 13 O Yahweh, maasika kaniak! Kitaem ti panangdangran dagiti kabusorko kaniak. Saanmo nga ipalubos a matayak gapu kadagitoy a dunorko.
\v 14 Kayatko ti agbiag tapno maidaydayawka kadagiti ruangan ti Jerusalem ken agrag-oak gapu ta inispalnak.

\s5
\v 15 Kasla nagkali iti abut a pakatnagak dagiti nadangkes a tattao iti adu a nasion, ngem isu met laeng dayta nga abut ti nakatnaganda. Daytoy ket kasla nangipakatda iti iket a pangtiliw kaniak, ngem dagiti sakada ti nasiloan iti isu met laeng nga iket.
\v 16 Gapu iti inaramidmo, ammo dagiti tattao nga ipatpatungpalmo ti hustisia; ipalubosmo a masiloan dagiti nadangkes a tattao kadagiti isu met laeng a dakes a banbanag nga aramidda.

\s5
\v 17 Matayto dagiti amin a nadangkes a tattao ken maitabonto kadagiti tanemda; makikaduanto dagiti espirituda kadagiti amin a nanglipat maipanggep kenka.
\v 18 Ngem saanmonto a malipatan dagiti agkasapulan; addanto kapaypay-anna ti sitatalek a panagnamnamada.

\s5
\v 19 O Yahweh, bumangonka ket ukomem dagiti nadangkes a tattao kadagiti nasion; saanmo nga ipalubos a panunotenda a saanda a pulos a madusa gapu ta napigsada.
\v 20 O Yahweh, isurom kadakuada a masapul nga agbutengda kenka ken raemendaka. Ipakaammom kadakuada a tattaoda laeng.

\s5
\c 10
\p
\v 1 O Yahweh, apay nga umad-adayoka kadakami? Apay a saannakami nga imdengan no adda pakariribukanmi?
\v 2 Sigagagar a pagsagsagabaen dagiti napalangguad a tattao dagiti napanglaw. Isu nga aramidem a mapasamak kadakuada ti ar-aramidenda kadagiti sabali, a kasla kadagiti palab-og a mangtiliw kadagiti tattao nga insaganada kadagiti sabali!
\v 3 Ipasindayagda dagiti dakes a banbanag a kayatda nga aramiden. Padpadayawanda dagiti tattao a mangal-ala kadagiti banbanag a saanda a kukua, ken ilunoddaka, O Yahweh.

\s5
\v 4 Napannakkel unay dagiti nadangkes a tattao, Isu a saanda a dumawdawat iti tulong ti Dios; saanda pay a panpanunoten isuna.
\v 5 Ngem kasla agbalballigida kadagiti amin a banag nga ar-aramidenda. Narigatna unay a maawatan dagiti banbanag nga imbilinmo; lalaisenda dagiti kabusorda.

\s5
\v 6 Pagpagarupenda kadagiti panunotda, "Awanto ti dakes a mapasamak kadakami! Saankaminto a pulos a maaddaan iti riribuk!"
\v 7 No agsaoda, kankanayonda a mangilunlunod, agul-ulbod, ken agipangpangtada a mangdangran kadagiti dadduma. Kankanayon nga agibagada iti agkakadakes a banbanag a mangipakita a sisasaganada nga agaramid kadagiti dakes a banbanag.

\s5
\v 8 Aglemlemmengda kadagiti purpurok, a nakasagana a mangdarup kadagiti tattao nga awan basolna. Agtultuloy nga agbirbirukda kadagiti tattao nga awan gawgawayna kadakuada.
\v 9 Maiyarigda kadagiti leon nga agarudok ken aglemmeng, agur-uray a mangtukma kadagiti ayup. Maiyarigda kadagiti mangnganup a mangtiliw kadagiti awan gawayna a tattao a kasla kadagiti ayup babaen iti silo, kalpasanna iguyodda ida nga iyadayo.
\v 10 Kasla kadagiti awan gawayna nga ayup a narumek, matay dagiti tattao a saanda a kabaelan nga ikanawa dagiti bagbagida gapu ta parmeken ida dagiti nadangkes a tatttao.

\s5
\v 11 Kunaen dagiti dakes a tattao, "Saanto nga ipangag ti Dios iti aniaman nga aramidentayo. Nakaluban dagiti matana, ket awan pulos makitana."
\v 12 O Yahweh, bumangonka! O Dios, tulongannakami babaen iti pannakabalinmo! Saanmo a lipaten dagiti agsagsagaba!

\s5
\v 13 Kankanayon a lalaisendaka dagiti nadangkes a tattao. Pagpagarupenda, "Pulos a saannakami a dusaen ti Dios!"
\v 14 Ngem makitkitam ti panangriribuk ken ti panangparparigat nga ar-aramidenda. Namnamaen dagiti agsagsagaba a tattao a tulongam ida, ken tulongam pay dagiti ulila.

\s5
\v 15 Dadaelem ti pannakabalin dagiti nadangkes ken managdakdakes a tattao! Itultuloymo a kamaten ken dusaen ida gapu kadagiti dakes a banbanag nga ar-aramidenda agingga nga isardengda nga aramiden dagidiay a banbanag.
\v 16 O Yahweh, sika ti arimi iti agnanayon, ket papanawemto dagiti ganggannaet a tattao manipud iti dagana.

\s5
\v 17 Nangngegmo dagiti agsagsagaba a tattao idi immawagda kenka. Mangmangngegmo ida no agkararagda, ken pabpabilgem ida.
\v 18 Ikankanawam dagiti ulila ken dagiti maidaddadanes a tattao manipud kadagiti napigsa a tattao nga agtartarigagay a mangdangran kadakuada tapno awanton ti agdanag wenno agbuteng.

\s5
\c 11
\p
\v 1 Agtalekak a salaknibannak ni Yahweh. Isu a saanak a tumayab nga agturong kadagiti banbantay a kasla iti ar-aramiden dagiti billit.
\v 2 Pudno a naglemmeng dagiti nadangkes a tattao iti kasipngetan, nga imbiatda dagiti bai dagiti panada ken inturongda iti ayan dagiti tattao nga agdaydayaw kenni Yahweh.

\s5
\v 3 No saan nga agsagaba dagiti nadangkes a tattao iti saanda a panagtulnog kadagiti linteg, anianto ti maaramidan dagiti nalinteg a tattao?
\v 4 Ngem agtugtugaw ni Yahweh iti tronona iti nasagradoan a templona idiay langit, ken makitkitana amin a banbanag nga ar-aramiden dagiti tattao.

\s5
\v 5 Suksukimaten ni Yahweh ti ar-aramiden dagiti nalinteg ken dagiti nadangkes a tattao, ken kagurgurana dagiti mangay-ayat a mangdangran kadagiti dadduma.
\v 6 Mangitinnagto isuna manipud langit iti dumardarang a beggang ken sumsumged nga asufre kadagiti nadangkes; mangiyegto isuna iti makasinit nga angin a mangdusa kadakuada.
\v 7 Inaramid ni Yahweh dagiti amin a banbanag a nalinteg, ken ay-ayatenna dagiti agar-aramid iti nalinteg; umayto dagiti kasta a tattao iti imatangna.

\s5
\c 12
\p
\v 1 O Yahweh, tulongannakami! Kasla awanen dagiti tattao nga agdaydayaw kenka, nagpukaw aminen dagiti napudno kenka.

\s5
\v 2 Agul-ulbod ti tunggal maysa kadagiti dadduma a tattao; al-allilawenda dagiti dadduma babaen iti panangpaspasablog kadakuada, ngem agu-ulbodda.
\v 3 O Yahweh, putdem koma dagiti dilada tapno saanda a makapagtultuloy nga agpasindayaw.
\v 4 Kunaenda, "Babaen iti panagul-ulbodmi, maalami ti kayatmi; matengngelmi ti ibagami, isu nga awan ti siasinoman a makaibaga kadakami ti rumbeng nga aramidenmi!"

\s5
\v 5 Ngem isungbat ni Yahweh, "Nakitak dagiti naranggas a banbanag nga inaramidda kadagiti awan gawayna a tattao; nangngegko dagidiay umas-asug a tattao, isu a tumakderak ket ispalek dagiti tattao a mangayat a tulongak ida."

\s5
\v 6 O Yahweh, kanayon nga ar-aramidem ti inkarim nga aramiden, dagiti inkarim ket kas kapateg ken kadalus iti pirak a naminpito a naipadalan iti horno tapno madalusan.
\v 7 O Yahweh, ammomi a dakami nga agdaydayaw kenka ket salaknibam manipud kadagiti nadangkes a tattao,
\v 8 dagiti agpalpalastog, kabayatan a daydayawen ida dagiti tattao gapu iti panagar-aramidda iti dakes.

\s5
\c 13
\p
\v 1 O Yahweh, kasano kabayag ti agtultuloy a panangliplipatmo kaniak? Agnanayon kadi nga ilemlemmengannak?
\v 2 Kasano kabayag nga ibturak ti ladingit iti kaunggak? Nakakaasiak latta kadin iti inaldaw? Kasano kabayag ti agtultuloy a panangparparmek kaniak dagiti kabusorko?

\s5
\v 3 O Yahweh a Diosko, kumitaka kaniak ken sungbatannak. Papigsaennak, ta no saan ket matayak.
\v 4 Saanmo nga ipalubos nga agpasindayaw dagiti kabusorko ket kunaenda, "Pinarmekmi isuna! Saanmo nga ipalubos a parmekendak, nga agbanag a pagragsakanda daytoy!

\s5
\v 5 Ngem agtalekak nga ayatennak a sipupudno; Agrag-oak inton ispalennak.
\v 6 O Yahweh, adu dagiti nasayaat a banbanag nga inaramidmo kaniak, isu nga agkantaak kenka.

\s5
\c 14
\p
\v 1 Dagiti laeng maag a tattao ti agkuna kadagiti bagbagida, "Awan ti Dios!" Dagiti tattao a mangibaga kadagitoy a banbanag ket dagiti laeng makaaramid iti kinadakes; awan ti uray maysa kadakuada ti agar-aramid iti nasayaat.

\s5
\v 2 Manipud langit, tantannawagan ni Yahweh ti amin; tumantannawag isuna tapno kitaenna no adda ti siasinoman nasirib unay, nasirib unay nga agtarigagay a mangammo kenkuana.
\v 3 Ngem dakesda amin; awan ti uray maysa nga agar-aramid iti nasayaat.

\s5
\v 4 Pulos aya a saan a maammoan dagiti dakes a tattao ti aramidento ti Dios tapno dusaen ida? Agtignayda a siraranggas kadagiti tattao ni Yahweh ken kayatda nga ibusen ida a kasla iti pannangan ti maysa a tao iti taraon ket ibusenna daytoy, ken saanda a pulos nga agkarkararag kenni Yahweh.

\s5
\v 5 Ngem dumteng ti aldaw nga agbutengdanto iti kasta unay gapu ta tultulongan ti Dios dagiti agar-aramid iti nalinteg ken dusaennanto dagiti manglaklaksid kenkuana.
\v 6 Mabaelan dagiti agar-aramid iti dakes a lappedan dagiti awanan gaway a tattao iti panangaramidda iti panggepda nga aramiden, ngem salsalakniban ida ni Yahweh.

\s5
\v 7 Adda kadi ti siasinoman nga ibaon ni Yahweh a mangtulong kadagiti Israelita iti biang ni Yahweh? O Yahweh, dakami amin nga Israelita, a kaputotan ni Jacob ket agrag-onto inton bendisionam manen dagiti tattaom.

\s5
\c 15
\p
\v 1 O Yahweh, siasino ti mapalubosan a sumrek iti nasagradoan a toldam? Siasino ti mapalubosan nga agnaed iti nasagradoan a bantaymo?
\v 2 Dagiti laeng kanayon nga agar-aramid iti nalinteg ken saan nga agbasbasol ti mabalin nga agaramid iti dayta, dagiti kanayon nga agsasao iti kinapudno.

\s5
\v 3 Saanda a padpadaksen dagiti dadduma. Saanda nga ar-aramiden kadagiti dadduma dagiti dakes a banbanag, ken saanda nga agsasao iti saan a nasayaat maipapan iti siasinoman.

\s5
\v 4 Kagurgura dagiti tattao nga agdaydayaw iti Dios dagiti linaksidna, ngem raraemenda dagiti agraraem nga addaan panagbuteng kenni Yahweh. Ar-aramidenda ti inkarida nga aramiden uray no isu ti pakaisagmakanda a mangaramid iti dayta.
\v 5 Saanda a paanakan ti kuarta nga ipabulodda iti sabali, ken saanda a pulos nga umawat kadagiti pasuksok tapno agulbodda maipapan kadagiti tattao a saan a nagbiddut. Dagiti agar-aramid kadagidiay a banbanag ket kanayonto nga agbiag iti kinatalged.

\s5
\c 16
\p
\v 1 O Dios, salaknibannak gapu ta umayak kenka tapno patalgedennak!
\v 2 Kinunak kenni Yahweh, "Sika ti Apok; nagtaud kenka dagiti amin a nasayaat a banbanag nga adda kaniak."
\v 3 Makaay-ayo dagiti tattao a mangpadas nga agbalin a nasantoan nga agnanaed iti daytoy a daga; pakaragsakak ti makikadua kadakuada.

\s5
\v 4 Dagidiay a mangpili nga agrukbab kadagiti sabali a dios ket maaddaanto iti adu a banbanag a mangpaliday kadakuada. Saanakto a makitipon kadakuada no agidatonda kadagiti diosda; saanakto pay a makitipon kadakuada iti panangisasaoda kadagiti nagnagan dagiti diosda.

\s5
\v 5 O Yahweh, sika ti pinilik, ken ik-ikkannak iti adu a bendision. Salsalaknibannak ken tengtengngelem ti mapaspasamak kaniak.
\v 6 Inikkannak ni Yahweh iti nakasaysayaat a lugar a pagnaedak; maragsakanak kadagiti amin a banbanag nga intedna kaniak.

\s5
\v 7 Idaydayawko ni Yahweh a mangisursuro kaniak; uray iti rabii ibagbagana iti pusok ti umno nga aramidek.
\v 8 Ammok a kankanayon nga adda ni Yahweh kaniak. Awan ti makaala kaniak manipud iti sibayna.

\s5
\v 9 Ngarud, maragsakanak; mapadayawanak a mangidaydayaw kenkuana, ken makainanaak a sitatalged
\v 10 gapu ta sika, O Yahweh, saanmo nga ipalubos nga agtalinaedak iti lugar nga ayan dagiti natay a tattao, ken saannmonto nga ipalubos a siak a a napudno iti tulag ket agtalinaed sadiay.

\s5
\v 11 Ipakitam kaniak ti dalan nga agturong iti pangawatak iti biag nga agnanayon, ken pagrag-oennak no addaak kenka. Agnanayonto a naragsakak no addaak iti makannawan nga imam.

\s5
\c 17
\p
\v 1 O Yahweh, denggennak kabayatan nga agpakaasiak kenka nga agtignayka a sililinteg kaniak. Dengngennak kabayatan nga umaw-awagak kenka a tulongannak. Ipangagmo ti ibagbagak kabayatan nga agkarkararagak gapu ta agsasaoak a sipupudno.
\v 2 Sika ti makaipablaak nga awan basolko; pangngaasim ta umanamongka a mangaramid iti umno para kaniak.

\s5
\v 3 No umayka kaniak iti rabii tapno ammoem ti panpanunotek, no makitam ti panpanunotek iti pusok, maammoamto a nareggetak a saanak a pulos nga agul-ulbod; masarakamto a saanak nga agpanpanunot kadagiti agkakadakes a banbanag.

\s5
\v 4 Saanak a nagtignay a kasla kadagiti saan nga agdaydayaw kenka; kankanayon a nagtinayak iti pannakabalin nga insurom kaniak; saanak a nagtignay a kasla kadagiti awan ammona maipapan iti lintegmo.
\v 5 Inaramidko a kankanayon dagiti imbagam nga aramidek; saanak a pulos a napaay a nangaramid kadagidiay a banbanag.

\s5
\v 6 O Dios, agkarkararagak kenka gapu ta sungsungbatannak; pangngaasim ta denggem ti ibagbagak.
\v 7 Itultuloymo nga ipakita kaniak ti ayatmo kas inkarim nga aramiden. Salaknibam babaen iti naindaklan a pannakabalinmo dagiti amin nga agtalek kenka; salaknibam ida manipud kadagiti kabusorda.

\s5
\v 8 Salaknibannak a kas iti pannagannad dagiti tattao kadagiti bukodda a mata; salaknibannak a kas iti panangsalaknib dagiti billit kadagiti annakda iti sirok dagiti payakda.
\v 9 Saanmo nga ipalubos a darupendak dagiti nadangkes tattao, dagiti kabusorko a manglawlawlaw, a kayatdak a papatayen.
\v 10 Napasindayagda kadagiti kinabaknang ken balligida, ngem awan asida iti siasinoman.

\s5
\v 11 Binirokdak ket nasapulandak. Pinalawlawandak, nga agbirbirukda iti gundaway a mangitumba kaniak iti daga ket papatayendak.
\v 12 Maiyarigda kadagiti leon a nakasagana a mangrangrangkay kadagiti ayup a matiliwda; maiyarigda kadagiti urbon a leon nga aglemlemmeng, nga agur-uray a mangtukma iti ayup a kanenda.

\s5
\v 13 O Yahweh, bumangonka, darupem dagiti kabusorko, ken parmekem ida! Isalakannak babaen iti kampilanmo manipud kadagiti nadangkes a tattao!
\v 14 O Yahweh, ispalennak babaen iti pannakabalinmo manipud kadagiti tattao a ti kalkalikagumanda laeng ket dagiti banbanag ditoy lubong. Ngem ipaaymo ti adu a taraon kadagiti ay-ayatem unay; maaddaan pay dagiti annakda iti adu a banbanag a tawidento dagiti appokoda.

\s5
\v 15 O Yahweh, gapu ta agtigtignayak iti nalinteg a wagas, makikaduaakto kenka no dumteng ti aldaw. No makariingak kalpasan a matayak, makitakanto iti rupan-rupa, ket maragsakanakto.

\s5
\c 18
\p
\v 1 Yahweh, ay-ayatenka, ti mangpappapigsa kaniak.

\s5
\v 2 Ni Yahweh ket kasla maysa a dakkel a bato; no addaak iti rabaw daytoy, saandak a magaw-at dagiti kabusorko. Maiyarig isuna iti natibker a sarikedked; agkamangak iti daytoy tapno natalgedak. Salsalaknibannak a kasla maysa a kalasag a mangsalsalaknib iti maysa a soldado; isuna ti pagtalkak tapno natalgedak; ikankanawanak babaen iti naindaklan a pannakabalinna!
\v 3 Immawagak kenni Yahweh, a maikari a padayawak, ket inispalnak kadagiti kabusorko.

\s5
\v 4 Napeggad ti kasasaad ti aglawlawko a mabalin a pakatayak; a kasla adda dadakkel a dalluyon a dandani mangdadael ken mangpapatay kaniak.
\v 5 Kasla adda dagiti naiputipot a tali kaniak iti lugar nga ayan dagiti natay a tattao, wenno kasla adda palab-og a mangtiliw ken mangpatay kaniak.

\s5
\v 6 Ngem idi mariribukannak unay, immawagak kenni Yahweh, ket ti adayo a templona, nanggegnak. Dimngeg isuna kaniak idi nagpatulongak.

\s5
\v 7 Kalpasanna, nakapungtot ni Yahweh ket nagginggined ti daga, ken nagungon ti puon dagiti banbantay!
\v 8 Kasta unay ti ungetna a kasla adda asuk a rimmuar kadagiti agongna, a kasla dumardarang a beggang ti rimuar iti ngiwatna!

\s5
\v 9 Linukatanna ti tangatang ket bimmaba nga adda nangisit nga ulep iti sakaananna.
\v 10 Timmayab isuna a nakasakay iti likudan ti maysa nga anghel, napaspas nga agdaldaliasat a puypuyotan ti angin.

\s5
\v 11 Naibungon kenkuana ti kinasipnget a kasla ules; dagiti nangisit nga ulep a napnoan iti danum a nangakkub kenkuana.
\v 12 Dagiti nagbukel nga uraro ken mayur-urit a kimat ti adda iti aglawlawna; uraro ken dumardarang a beggang ti nagtinnag manipud iti tangatang.

\s5
\v 13 Kalpasanna, nagpukkaw a sipipigsa ni Yahweh manipud iti tangatang, ken kadagiti kabusorna, kasla gurruod ti unina.
\v 14 Imbiatna ti panana kadakuada ket nawarawarada; dagiti urit ti kimatna ti nangtikaw unay kadakuada.

\s5
\v 15 Nagparang ti kaunggan a paset ti baybay ket nagpakita dagiti puon ti daga idi tinubngar ni Yahweh dagiti kabusorna babaen iti anges ti pungtotna!

\s5
\v 16 Kasla gimmaw-at isuna iti baba manipud langit ken ginammatannak ket inyaonnak iti nauneg a baybay.
\v 17 Inispalnak manipud kadagiti napigsa a kabusorko a nanggurgura kaniak; napipigsada unay, ken saanko a kabaelan nga abaken ida a sisiak laeng.

\s5
\v 18 Idi mariribukannak, dinarupdak, ngem inkanawanak ni Yahweh.
\v 19 Naan-anay a pinatalgednak; inispalnak gapu ta naay-ayo isuna kaniak.

\s5
\v 20 Ginungonaannak ni Yahweh gapu ta ar-aramidek ti umno; binendisionannak gapu ta awan basolko.
\v 21 Tinungpalko dagiti linteg ni Yahweh; Saanko a pinanawan isuna.

\s5
\v 22 Sinurotko dagiti bilbilinna; saanak a nagsardeng nga agtultulnog kadagitoy.
\v 23 Ammona a saanak a nagbiddut ken immadayoak iti panagbasol.
\v 24 Isu a gungonaannak gapu ta ar-aramidek ti umno; ammona a saanak a nagbasol.

\s5
\v 25 Yahweh, napudnoka kadagiti sipupudno nga agtungpal iti tulagmo; kankanayon nga ar-aramidem ti naimbag kadagiti saan nga agar-aramid iti dakes.
\v 26 Naasika kadagiti saan nga agul-ulbod kadagiti dadduma, ngem agtigtignayka a sisisirib kadagiti agtigtignay iti inuulbod.

\s5
\v 27 Isalsalakanmo dagiti napakumbaba, ngem pabainam dagiti napannakkel.
\v 28 Pinagtalinaednak a sibibiag, ken itultuloymo nga aramiden.
\v 29 Pinapigsanak, tapno mabalinko a darupen ken abaken dagiti soldado ti kabusor; babaen iti tulongmo, kabaelak a kalay-aten dagiti pader a nakapalawlaw iti siudad dagiti kabusorko.

\s5
\v 30 Naan-anay amin a banag nga ar-aramiden ni Yahweh a Diosko. Mabalin nga agtalekkami kenkuana nga aramidenna dagiti karkarina. Maiyarig isuna iti maysa a kalasag a mangsalaknib kadagiti amin a mapan kenkuana tapno agbalin a natalged.
\v 31 Ni Yahweh laeng ti maymaysa a Dios; isuna laeng ti maiyarig iti dakkel a bato a natalgedtayo iti rabawna.
\v 32 Ti Dios ti mangpappapigsa ken mangpatpatalged kaniak kadagiti dalan a pagnaak.

\s5
\v 33 Papartakenna ti pannagnak a saanak a maitibkol a kas iti maysa nga ugsa a magmagna iti kabanbantayan.
\v 34 Isursurona kaniak no kasano nga usaren ti natibker a pana tapno mausarko daytoy a makigubat.

\s5
\v 35 Yahweh, salakniban ken insalakannak babaen iti kalasagmo; napigsaka ken pinagtalinaednak ngarud a natalged. Pimmigsaak gapu ta tinulongannak.
\v 36 Nangaramidka iti natalged a dalan para kaniak, isu a saanak a maikaglis ita.

\s5
\v 37 Kamatek dagiti kabusorko ket tiliwek ida; Saanak nga agsardeng agingga nga abakek ida amin.
\v 38 No mapasagko ida, saandan a kabaelan ti tumakder manen; agiddada iti daga, a naabak.
\v 39 Pinapigsanak tapno kabaelak ti makigubat ken abakek dagiti kabusorko.

\s5
\v 40 Inyawatmo kaniak dagiti kabusorko, tapno ngurongorek ida. Pinatayko amin dagiti gimmura kaniak.
\v 41 Immawagda iti mangtulong kadakuada, ngem awan ti uray maysa a nangisalakan kadakuada. Immawagda kenni Yahweh, ngem saanna a tinulongan ida.
\v 42 Rinumekko ida, ket nagbalinda a kasla tapok nga intayab iti angin; inbellengko ida a kasla iti panangibelleng dagiti tattao iti rugit kadagiti pagnaan.

\s5
\v 43 Inikkannak iti kabaelan a mang-parmek kadagiti nakilaban kaniak ken dinutokannak a mangituray kadagiti adu a nasion; dagiti tattao a saanko nga am-ammo idi ket tagabo itan iti pagariak.
\v 44 No mangngeg dagiti gangannaet ti maipapan kaniak, agdumogda ken agtulnogda kaniak.
\v 45 Saandan a natured, ken manipud kadagiti abut a paglemlemmenganda ket umayda kaniak nga agtigtigerger.

\s5
\v 46 Sibibiag ni Yahweh! Dayawen ti kasla maysa a dakkel a bato a natalgedak iti rabawna! Mapadayawan ti Dios a mangisalsalakan kaniak!
\v 47 Inikkannak iti kabaelan a makabales kadagiti kabusorko; isuna ti makagapu a maabakko dagiti nasion ken iturayak ida,

\s5
\v 48 ken inispalnak kadagiti kabusorko. Inpangatonak tapno saandak a magaw-at ken madangran dagiti naranggas a tattao.
\v 49 Isu nga idaydayawko isuna, ken ibagak kadagiti nasion dagiti naindaklan a banbanag nga inaramidna.

\s5
\v 50 Inikkannak iti kabaelan, nga arina, tapno sibibileg a parmekek dagiti kabusorko; ay-ayatennak a sipupudno kas inkarina iti tulagna. Ay-ayatennak, ni David, ti pinilina nga agbalin nga ari, ken ayatenna a sipupudno dagiti kaputotak iti agnanayon.

\s5
\c 19
\p
\v 1 No kitaen dagiti tattao dagiti amin a banbanag nga insaad ti Dios kadagiti tangatang, makitada a naidaklan unay isuna; makitada dagiti naindaklan a banbanag a pinarsuana.
\v 2 Inaldaw-aldaw a kasla ipadpaduyakyak ti init ti dayag ti Dios, ken rinabii a kasla ibagbaga ti bulan ken dagiti bitbituen nga ammoda nga inaramid ida ti Dios.
\v 3 Ti kinapudno ket saanda makasao, saanda a makaibaga iti aniaman a sasao. Awan ti uni manipud kadakuada a dengen ti siasinoman.

\s5
\v 4 Ngem ti ipakaammoda maipapan iti Dios ket dumanun iti entero a lubong, ken uray pay dagiti tattao nga agnaed iti kaadaywan a lugar iti daga ket maamoanda daytoy. Ti init ket adda iti tangatang a nangisaadan ti Dios iti daytoy;
\v 5 sumingising daytoy iti kada agsapa a kasla iti nobio a naragsak a rumuar iti siledna kalpasan iti kasarna. Maiyarig daytoy iti maysa a napigsa nga atleta a nagagar unay a mangrugi a tumaray iti maysa a salisal.
\v 6 Sumungising ti init iti maysa a bangir ti tangatang ket bumallasiw a mapan ken agsaad iti sabali a bangir ti tangatang, awan iti makalemmeng manipud iti pudotna.

\s5
\v 7 Dagiti panursuro ni Yahweh maipapan iti kababalin nga intedna kadatayo ket naan-anay; pagbiagennatayo. Masiguradotayo a dagiti banbanag nga imbaga ni Yahweh kadatayo ket saanto pulos nga agbaliw, ken babaen iti panangadal kadagitoy dagiti tattao a saan pay a naisuro idi napalabas ket agbalin a masirib.
\v 8 Awan ti idumdumana dagiti linlinteg ni Yahweh, no tungpalen tayo dagitoy agbalintayo a narag-o. Nalawag dagiti bilbilin ni Yahweh, ken babaen iti panangbasa kadagitoy mangrugi a maawatantayo no kasano ti kayat ti Dios a kababalintayo.

\s5
\v 9 Nagsayaat kadagiti tattao a raemenda ni Yahweh, maysa a banag daytoy nga aramidenda iti agnanayon. Nainkalintegan dagiti imbilin ni Yahweh, ken kankanayon a pudno dagitoy.
\v 10 Dagiti banbanag nga inkeddeng ti Dios ket ad-adda a napatpateg ngem iti balitok, uray pay ti kasasayaatan a balitok. Nasamsam-itda ngem iti diro nga agtedtedted manipud kadagiti balay ti ayukan.

\s5
\v 11 Maysa pay, babaen iti panangbasa kadagitoy masursurok no ania dagiti banbanag a naimbag nga aramiden ken banbanag a dakes, ket nangikari dagitoy iti dakkel a gunguna kadatayo nga agtulnog kadagitoy.
\v 12 Ngem awan ti siasinoman a makaammo kadagiti amin a naglabsinganna; ngarud Yahweh, pakawanennak kadagitoy a banbanag a naaramidak a saanko a naamiris a biddut.

\s5
\v 13 Iyadayunak manipud iti panagaramid kadagiti banbanag nga ammok a biddut; saanmo nga ipalubos nga itultuloyko nga aramiden dagiti dakes a banbanag a kayatko nga aramiden. No aramidem dayta, saanakton a makabasol a makaaramid iti kakasta a basbasol, ket saanakto a makaaramid iti dakkel a basol a mangsupiat kenka iti nakaru.
\v 14 O Yahweh, maiyarigka iti dakkel a bato iti tapaw a mabalin a pakatalgedak; sika ti mangsalsalaknib kaniak. Namnamaek a dagiti banbanag a sawek ken panunotek ket kankanayonto a makaay-ayo kenka.

\s5
\c 20
\p
\v 1 Tartarigagayanmi a tulongannaka koma ni Yahweh inton umawagka kenkuana no addaanka kadagiti pakariribukan! Tartarigagayanmi a ti Dios, a dinaydayaw ti kapuonantayo a ni Jacob, ket salaknibannaka koma manipud kadagiti kabusormo.
\v 2 Tartarigagayanmi nga umay koma isuna kenka manipud iti nasagradoan a templona ket tulongan ken saranayennaka manipud iti pagnanaedanna idiay Bantay Sion.

\s5
\v 3 Tartarigagayanmi nga awatenna koma dagiti amin a daton nga itedmo kenkuana tapno maipuor iti rabaw iti altar ken dagiti amin a sabali pay a datonmo.
\v 4 Tartarigagayanmi nga itedna koma kenka ti tartarigagayam dita pusom, ken mabaelam koma a leppasen dagiti amin a tarigagayam nga aramiden.

\s5
\v 5 Inton abakem dagiti kabusormo, agpukkawkaminto a sirarag-o. Ipangatominto ti bandera a mangiwarwaragawag a ti Dios ti nangtulong kenka. Tartarigagayak nga aramiden koma ni Yahweh kenka dagiti amin a kidkiddawem kenkuana nga aramidenna.
\v 6 Ammok itan nga is-ispalennak ni Yahweh, ti pinilina nga agbalin nga ari. Manipud iti nasantoan a lugarna idiay langit sungbatannakto, ken babaen iti naindaklan a pannakablinna isalakannakto.

\s5
\v 7 Agtalek dagiti dadduma nga ari gapu ta addaanda kadagiti karwahe a mabaelanda a parmeken dagiti kabusorda, ken dagiti dadduma agtalekda a dagiti kabalioda ti mamagbael kadakuada a mangparmek kadagiti kabusorda, ngem agtalektayo iti pannakabalin ni Yahweh a Diostayo.
\v 8 Maitublakda ken matuangdanto dagiti dadduma, ngem napigsatayonto ken saan a magaraw.

\s5
\v 9 O Yahweh, tulongam ti ari a maparmekna dagiti kabusormi! Sungbatannakami no umawagkami kenka a tulongannakami!

\s5
\c 21
\p
\v 1 O Yahweh, siak, a pinagbalinmo nga ari, maragsakanak gapu ta pinapigsanak. Agrag-oak gapu ta sika iti namagbael kaniak nga abakek dagiti kabusorko.
\v 2 Intedmo dagiti amin a banbanag a tinarigagayak unay, ket saanmo a nagkedkedan nga inaramid dagiti kiniddawko kenka nga aramidem.

\s5
\v 3 Nangaramidka kadagiti adu a nakakaskasdaaw a banbanag a para kaniak. Kinoronaam iti balitok ti ulok.
\v 4 Dinawatko kenka a pagbiagennak koma iti atiddug a tiempo, ket pinagbiagnak iti atiddug a tiempo.

\s5
\v 5 Ti pannakabalinko a kas ari ket nabileg unay gapu ta impalubosmo a pagballigiak dagiti kabusorko.
\v 6 Bendisionannakto iti agnanayon, ken pinagragsaknak dita sangoanam.

\s5
\v 7 O Yahweh, sika ti Dios a Mannakabalin amin, ken siak nga ari, agtalekak kenka. Agsipud ta ay-ayatennak a sipupudno, awan a pulos iti didigra a mapasamakto kaniak.
\v 8 Sikanto iti mamagbael kaniak tapno patayek dagiti amin a kabusorko, dagiti amin a gumurgura kaniak.

\s5
\v 9 Inton agparangka, ipuruakmonto ida iti gumilgil-ayab nga orno. Gapu ta makapungtotka kadakuada, alun-unemto ida; uramento ti apuy ida.
\v 10 Ikkatemto dagiti annakda manipud iti daytoy a daga; mapukawto amin dagiti kaputotanda.

\s5
\v 11 Kayatdaka a dangran, ngem saanto pulos nga agballigi dagiti panggepda.
\v 12 Pagtarayemto ida babaen iti panangpanam kadakuada.

\s5
\v 13 O Yahweh, ipakitam kadakami a napigsaka unay! No aramidem dayta, agkantakaminto ken idaydayawdaka gapu ta mannakabalinka unay.

\s5
\c 22
\p
\v 1 Diosko, Diosko, apay a binaybay-annak? Apay nga immadayuka unay kaniak, ken apay a saanka a dumngeg kaniak? Apay a saannak a mangngeg no agsagsagaba ken umas-asugak?
\v 2 Diosko, inaldaw nga aw-awaganka iti aldaw ngem saannak a sungsungbatan. Aw-awaganka iti rabii; saanak a pulos nga agulimek.

\s5
\v 3 Ngem nasantoanka. Agtugawka iti tronom a kas ari, ken dakami a tattao iti Israel ket idaydayawdaka.
\v 4 Nagtalek kenka dagiti kapuonanmi. Gapu ta nagtalekda kenka, inispalmo ida.
\v 5 Idi immawagda kenka iti tulong, insalakanmo ida. Nagtalekda kenka, ken saanda a napaay.

\s5
\v 6 Ngem saannak nga inispal! Inumsidak dagiti tattao ken saan a tao ti nangibilanganda kaniak, panpanunotenda a maysaak nga igges! Tungggal maysa ket lalaisen ken um-umsiendak.
\v 7 Tunggal maysa a makakita kaniak ket pagang-angawandak. Liblibiandak ken ibabaindak babaen iti panangiwingiwengda ti uloda kaniak a kaslaak dakes a tao. Kunada,
\v 8 "Agtaltalek isuna kenni Yahweh, isu nga isalakan koma ngarud ni Yahweh isuna! Ibagbagana a maay-ayo unay ni Yahweh kenkuana; no kasta ngarud, ni Yahweh ngarud ti mangispal kenkuana!"

\s5
\v 9 Apay a saannak a salakniban ita a kas iti inaramidmo idi naiyanakak? Inallukoynak nga agtalek kenka uray idi agsussusoak pay laeng iti inak.
\v 10 Dagus a kasla imbilangnak a kas pudno nga anakmo idi naiyanakak. Sikan ti Diosko manipud pay idi naiyanakak.

\s5
\v 11 Saanka ngarud nga umadayo kaniak ita gapu ta asidegda dagiti kabusor a mangriribuk unay kaniak, ken awan iti sabali a makatulong kaniak.
\v 12 Lawlawlawendak dagiti kabusorko a kasla arban dagiti narungsot a bulog a baka. Dagiti narurungsot a tattao, kasla kadagidiay napipigsa a bulog a bakbaka nga agar-arab idiay turod ti region ti Bashan, lawlawlawendak.
\v 13 Kaslada kadagiti ngumerngernger a leon a dumardarup kadagiti ayup a kayatda a kanen; sidadarasda nga umay kaniak tapno papatayendak; kaslada kadagiti leon a nakanganga, a sisasaganan a mangpirsapirsay a mangngalngal kadagiti biktimada.

\s5
\v 14 Napakapsutanak unay, ken nasuksukto amin dagiti tultulangko kadagiti nagsusuopanda. Saankon a namnamaen nga isalakannak ti Dios; kasta unay ti pannakaupayko.
\v 15 Naibusen ti amin a pigsak a kasla iti napamagaan iti init a damili a naburak. Mawawak unay ket dumket ti dilak iti ngangawko. O Dios, pagarupek a sipapaluboskan a matayak ken agbalin a tapuk!

\s5
\v 16 Dagiti kabusorko ket kasla kadagiti narungsot nga aso a manglawlawlaw kaniak. Linikmutdak dagiti bunggoy dagiti dakes a tattao, sisasagana a mangdarup kaniak. Tinudokda dagiti imak ken dagiti sakak.
\v 17 Nakapsutak unay ken nakuttongak a mabalinko a bilangen amin dagiti tultulangko. Mulmulagatandak dagiti kabusorko ken pakaragsakanda ti napasamak kaniak.

\s5
\v 18 Kimmitada iti us-usarek a kawes ken nagpipinnustada tapno maammoan no siasino iti makaala kadagitoy.
\v 19 O Yahweh, maseknanka koma kaniak! Sika a pagtataudan iti pigsak, darasem ti umay ket tulungannak!

\s5
\v 20 Ispalennak manipud kadagidiay kayatna iti mangpatay kaniak babaen kadagiti kampilanda. Isalakanmo ti biagko manipud iti pannakabalin dagiti kasla atap nga as-aso.
\v 21 Rabsutennak nga iyadayu manipud kadagiti kabusorko a kasla kadagiti leon a nakanganga ti pangalda ket nakasagana a mangngalngal kaniak! Gammatannak manipud kadagidiay a tattao a kasla narungsot a baka a mangdarup kadagiti sabali nga ayup babaen kadagiti sarada!

\s5
\v 22 No isalakannak manipud kadakuada, ipakaammokto kadagiti padak nga Israelitas a naindaklanka. Daydayawenkanto kadagiti bunggoy dagiti tattaom a maurnong tapno idaydayawdaka.
\v 23 Dakayo a tattao nga addaan makapasiddaw a panagraem kenni Yahweh, idaydayawyo isuna! Dakayo amin a nagtaud iti kaputotan ni Jacob, dayawenyo ni Yahweh! Dakayo amin nga Israelita, raemenyo isuna!

\s5
\v 24 Saanna nga umsien wenno baybay-an dagiti agsagsagaba; saanna nga ilemmeng ti rupana kadakuada. Dimngeg isuna idi nagpatulongda kenkuana.
\v 25 O Yahweh, iti dakkel a panaguommong dagiti tattaom, idaydayawkanto gapu iti naaramidam. Iti imatang dagidiay addaan iti makapasiddaaw a panagraem kenka, idatonkonto dagiti inkarik nga idatonko.

\s5
\v 26 Dagidiay napanglaw a tattao nga inawisko iti panganan ket mangandanto iti kas kaadu ti kayatda. Amin dagiti umay nga agrukbab kenni Yahweh ket dayawendanto isuna. Ikarkaragko a pagbiagennakayo ti Dios iti atiddog ken naragsak a panagbiag!
\v 27 Ikarkaragko a dagiti tattao iti amin a nasion, uray kadagiti nasulinek a luglugar, panunotendanto ti maipapan kenni Yahweh ket agsublida kenkuana, ken dagita a tattao manipud kadagiti amin a pamilia ti lubong ket agruknoydanto iti sangoananna.

\s5
\v 28 Ta ni Yahweh ti ari! Iturayanna amin dagiti nasion.
\v 29 Agrambak ken agruknoyto kenkuana dagiti amin a nababaknang a tattao iti daga. Maysa nga aldaw mataydanto, ta saanda a maliklikan daytoy, ngem ipaklebdanto dagiti bagbagida iti daga iti imatangna.

\s5
\v 30 Agserbinto met kenni Yahweh dagiti tattao iti masakbayan a kaputotan. Ibagadanto kadagiti annakda ti maipapan iti inaramid ni Yahweh.
\v 31 Dagiti tattao a saanpay a naiyanak, nga agbiagto iti masakbayan a tawtawen, maammoandanto no kasano nga inispal ni Yahweh dagiti tattaona. Ibaganto dagiti tattao kadakuada, "Inaramid daytoy ni Yahweh!"

\s5
\c 23
\p
\v 1 O Yahweh, ay-aywanannak a kasla iti agpaspastor a mangay-aywan iti karnerona, isu nga addan kaniak amin a banbanag a masapulko.
\v 2 Paginanaennak iti natalna a kas iti panangidalan ti agpaspastor iti karnerona kadagiti luglugar nga addaan ti adu a nalangto a ruot a kanenda, a kas iti panangipaiddana kadakuada iti abay dagiti waig a no sadino ket nalinaay nga agay-ayus ti danum.

\s5
\v 3 Pabpabaroem ti pigsak. Ipakpakitam kaniak no kasano nga agbiag iti nalinteg a wagas, tapno iti kasta ket maidaydayawka.

\s5
\v 4 Uray no magmagnaak kadagiti napeggad a luglugar a no sadino ket mabalin a matayak, saanakto nga agbuteng iti aniaman gapu ta addaka kaniak. Salsalaknibannak a kasla iti agpaspastor a mangsalsalaknib iti karnerona.

\s5
\v 5 Isaganaannak iti dakkel a padaya iti lugar a makitkitadak dagiti kabusorko. Pinasangbaynak a kas iti maysa a sangaili a padpadayawam. Inikkannak iti adu unay a bendision!

\s5
\v 6 Awan duadua a naimbagkanto kaniak ken aramidem ti kinamanangaasim agingga a sibibiagak; kalpasanna, O Yahweh, agnaedakto iti pagtaengam iti agnanayon.

\s5
\c 24
\p
\v 1 Ti daga ken amin nga adda iti daytoy ket kukua ni Yahweh; kukuana pay amin a tattao nga adda iti lubong;
\v 2 impasdekna ti daga iti rabaw ti danum, iti ngatoen ti danum a naadalem.

\s5
\v 3 Siasino ti mapalubusanto a sumang-at idiay Bantay Sion idiay Jerusalem, tapno agtakder ken agdaydayaw iti nasantoan a templo ni Yahweh?
\v 4 Dagiti laeng nadalus dagiti ar-aramid ken panpanunotna, dagiti saan a nagdaydayaw kadagiti didiosen, ken kadagiti saan nga agul-ulbod idi sisipasnekda a nagkari tapno ibagada ti kinapudno.

\s5
\v 5 Bendisionanto ni Yahweh ida. Inton ukomen ti Dios ida, ispalenanto ida ken ibagana nga awan iti dakes nga inaramidda. Isuda dagiti umas-asideg iti Dios,
\v 6 isuda dagiti mabalin a mangidaydayaw iti Dios, ti daydayawenmi, dakami nga Israelita.

\s5
\v 7 Lukatanyo dagiti ruangan ti templo tapno makastrek ti natan-ok nga aritayo!
\v 8 Ammoyo kadi no siasino ti natan-ok nga ari? Isu ni Yahweh, ti napigsa unay. Isu ni Yahweh, isu a mangparparmek kadagiti amin a kabusorna kadagiti gubat!

\s5
\v 9 Lukatanyo dagiti ruangan ti templo tapno makastrek ti natan-ok nga aritayo!
\v 10 Ammoyo kadi no siasino ti natan-ok nga ari? Isu ni Yahweh, a Mannakabalin amin; isu ti natan-ok nga aritayo!

\s5
\c 25
\p
\v 1 O Yahweh, itedko ti biagko kenka.
\v 2 O Diosko, agtalekak kenka. Dika ipalubos a parmekendak ken pabainandak dagiti kabusorko.
\v 3 Dika ipalubos a parmekendak ken agrag-o kaniak dagiti kabusorko. Dika ipalubos a mababain ti siasinoman kadagiti agtalek kenka. Aramidem a maibabain dagiti manglipliput kadagiti sabali.

\s5
\v 4 O Yahweh, ipakitam kaniak ti rumbeng a wagas iti biagko, isuronak no kasano nga agtignayak iti kababalin a kayatmo.
\v 5 Isuronak nga agbiag babaen iti panagtulnogko iti kinapudnom agsipud ta sika ti Diosko, ti mangisalakan kaniak. Agtalekak kenka iti agmalem.

\s5
\v 6 O Yahweh, dika lipatan no kasano a kinaasianak ken sipupudno nga inayatnak gapu iti tulagmo kaniak; dayta ti wagas a nagtignayka kaniak manipud pay idi.
\v 7 Pakawanennak kadagiti amin a banbanag a nagbasolak ken dagiti wagas a nagsukirak kenka idi ubingak pay; kiddawek dagitoy gapu ta sipupudno nga ay-ayatem dagiti tattaom ken agar-aramidka kadagiti naimbag a banbanag para kadakuada, a kas inkarim iti tulagmo. O Yahweh, saannak a liplipatan!

\s5
\v 8 Ni Yahweh ket naimbag ken awan idumdumana, isu nga ipakpakitana kadagiti managbasol no kasanoda nga agbiag.
\v 9 Ipakpakitana kadagiti napakumbaba a tattao no ania ti umno nga ramidenda ken isursurona kadakuada dagiti kayatna nga aramidenda.

\s5
\v 10 Kankanayon a sipupudno nga ay-ayatennatayo ken tungpalenna ti inkarina kadagiti agtulnog iti tulagna ken kadagiti agaramid kadagiti sapsapulenna.
\v 11 O Yahweh, pakawanennak kadagiti amin a basbasolko, a nakaad-adu, tapno maidaydayawka.

\s5
\v 12 Kadagiti amin nga addaan naindaklan a panagraem kenka, ipakitam kadakuada ti umno a wagas nga agbiagda.
\v 13 Kankanayondanto a narang-ay, ken agtultultloyto dagiti kaputotanda nga agbiag iti daytoy a daga.

\s5
\v 14 Ni Yahweh ket gayyem dagiti addaan naindaklan a panagraem kenkuana, ken isursurona kadakuada ti nakitulaganna kadakuada.
\v 15 Kanayon nga agkidkiddawak kenni Yahweh a tulungannak, ket ispalennak manipud iti peggad.
\v 16 O Yahweh, ipangagnak ken maasika kaniak gapu ta agmaymaysaak, ken kasta unay iti panagrigatko agsipud ta agsagsagabaak.

\s5
\v 17 Adu dagiti pakariribukak a pagbutbutengak; ispalennak manipud kadagitoy.
\v 18 Laglagipem a marigrigatan ken nariribukanak, ken pakawanennak kadagiti amin a basbasolko.
\v 19 Laglagipem nga adu dagiti kabusorko, makitam a kaguradak unay.

\s5
\v 20 Salaknibannak ken ispalennak manipud kadakuada; saanmo nga ipalubos a parmekendak a ti pagbanaganna ket maibabainak; Immayak kenka tapno agkamangak.
\v 21 Salaknibannak gapu ta ar-aramidek ti naimbag ken napudno ken gapu ta agtaltalekak kenka.

\s5
\v 22 O Dios, ispalennakami nga Israelita manipud kadagiti amin a pakariribukanmi!

\s5
\c 26
\p
\v 1 O Yahweh, ipakitam nga awan basolko. Kankanayon nga ar-ramidek ti umno; nagtalekak kenka ken saanak a nagduadua a tulongannak.
\v 2 O Yahweh, usigem dagiti naaramidko ket padasennak; sukimatem a nalaing ti panpanunotek iti kaun-gak.
\v 3 Diak pulos a malipatan a pudnoka iti katulagam ken sipupudno nga ay-ayatennak; agbiagak a maiyannurot iti kinapudnom.

\s5
\v 4 Diak busbusen ti tiempok kadagiti ulbod, ken umadayuak kadagiti managinsisingpet.
\v 5 Saanko a kayat ti makikaddua kadagiti dakes a tattao, ken lisiak dagiti nadangkes a tattao.

\s5
\v 6 O Yahweh, bugguak dagiti imak tapno ipakitak nga awan basolko. Kas tumiponak kadagiti dadduma a mangliklikmut iti altarmo,
\v 7 agkantakami kadagiti kankanta tapno agyaman kenka, ken ibagami kadagiti dadduma dagiti nakakaskasdaaw a banbanag nga inaramidmo.
\v 8 O Yahweh, kaykayatko ti agnaed iti balay a pagnaedam, iti lugar a pagparangan ti dayagmo.

\s5
\v 9 Saannak a pukawen a kasla iti panangpukawmo kadagiti managbasol; saannak a papatayen a kasla iti panangpapataymo kadagiti mammapatay kadagiti tattao,
\v 10 kadagiti tattao a nakasagana nga agaramid kadagiti nadangkes a banbanag ken dagiti kanayon nga umaw-awat iti pasuksok.

\s5
\v 11 Ngem no pra kaniak, kankanayon a padasek nga aramiden ti nalinteg. Isu a maasika kaniak ket ispalennak.
\v 12 Agtakderak kadagiti lugar no sadino a natalgedak, ken inton agtitipon dagiti tattaom, idaydayawka.

\s5
\c 27
\p
\v 1 Ni Yahweh ti mangmangted iti silaw iti biagko ken ti mangisalsalakan kaniak, isu a saanak a nasken nga agbuteng iti siasinoman. Ni Yahweh ti pappapanak a pagkamangan, isu a saanakto a pulos nga agamak.

\s5
\v 2 No umasideg kaniak dagiti managdakdakes tapno dadaelendak, maitibkolda ket mapasagda.
\v 3 Uray no palawlawannak ti maysa nga armada, sannakto nga agbuteng. Uray no rautendak, agtalekakto iti Dios.

\s5
\v 4 Adda maysa a banag a kiniddawko kenni Yahweh; daytoy ti maysa a banag a tartarigagayak: a makapagdayawak koma ti balay ni Yahweh iti inaldaw iti unos ti panagbiagko, a makitak koma ti kinakaskasdaaw ni Yahweh ken masaludsodko koma kenkuana ti kayatna nga aramidek.

\s5
\v 5 Salaknibannakto inton addaanak kadagiti pakariribukan; salaknibannakto iti uneg ti nasagradoan a toldana. Isaadnakto a sitatalged iti rabaw ti nangato a bato.
\v 6 Ket pagballigiakto dagiti kabusorko. Agpukkawakto a sirarag-o kabayatan a mangidatdatonak iti uneg ti nasagradoan a toldana, ket daydayawekto ni Yahweh kas agkantaak.

\s5
\v 7 O Yahweh, denggenak kabayatan nga agkarkaragagak. Agtignayka a siaasi kaniak ken sungbatam ti kararagko.
\v 8 Iti kaunggak, tartarigagayak nga idaydayawka, O Yahweh, umayak iti templom ket agkararagak kenka.

\s5
\v 9 Siak ti adipenmo; saanka nga agunget kaniak wenno saannak a dangran, wenno saannak a tallikodan. Kanayonnak a tinultulongan. Sika ti nangisalakan kaniak, saannak ngarud a panawan ita.
\v 10 Uray no panawannak ti amak ken ti inak, kankanayon nga ay-aywanannak ni Yahweh.

\s5
\v 11 O Yahweh, isuronak a mangaramid iti kayatmo nga aramidek, ket idalannak iti natalged a pagnaan gapu ta adu dagiti kabusorko.
\v 12 Saanmo nga ipalubos nga aramiden dagiti kabusorko ti kayatda kaniak; agsasaoda kadagiti adu nga inuulbod a banbanag maipanggep kaniak ken mangbutbutengda a mangaramid kadagiti naranggas a banbanag kaniak.

\s5
\v 13 Natayak koman no saanak a nagtalek kenka a naimbagka kaniak kabayatan nga agbibiagak.
\v 14 Isu nga agtalekka kenni Yahweh! Pumigsa ken bumilegka, ket agurayka a sinanama kenkuana a tulongannaka!

\s5
\c 28
\p
\v 1 O Yahweh, kenka umawagak. Maiyarigka iti dakkel a bato nga adda iti tapaw a no sadino ket natalgedak. Saanka nga agkedked a sumungbat kaniak gapu ta no naulimekka, dandaniakon a maikadua kadagiti adda kadagiti tanemda.
\v 2 Denggennak inton umawagak kenka a tulongannak, inton ingatok dagiti imak kas sumangoak iti nasantoan unay a lugarmo iti uneg ti nasagradoan a toldam.

\s5
\v 3 Saannak nga iyadayo a kakaduak dagiti nadangkes a tattao, dagiti agar-aramid kadagiti nadangkes, dagiti agpampammarang a makikappia kadagiti dadduma ngem iti kaungganda, kagurgurada ida.
\v 4 Dusaem dagiti tattao iti wagas a maikari kadagiti inaramidda; dusaem ida gapu kadagiti dakes nga ar-aramidda.
\v 5 O Yahweh, saanda nga ikankano dagiti nakakaskasdaaw a banbanag nga inaramidmo ken pinarsuam; isu a pukawem ida iti agnanayon ket saanmon ida a palubosan nga agparang manen!

\s5
\v 6 Idaydayawyo ni Yahweh agsipud ta nangngegnak idi immawag kenkuana a tulongannak!
\v 7 Pappapigsaennak ni Yahweh ken salsalaknibannak a kasla iti maysa a kalasag; agtalekak kenkuana, ket tultulongannak. Isu a naragsakak iti kaunggak, ket idaydayawko isuna manipud iti kaunggak kabayatan nga agkankantaak kenkuana.
\v 8 Pappapigsaennakami ni Yahweh ken salsalaknibannakami; isalsalakannak, ti dinutokanna nga agbalin nga ari.

\s5
\v 9 O Yahweh, isalakanmo dagiti tattaom; bendisionam dagiti kukuam. Aywanam ida kas iti panangaywan ti maysa nga agpaspastor kadagiti karnerona; aywanam ida iti agnanayon.

\s5
\c 29
\p
\v 1 Nabileg a tattao, idaydayawyo ni Yahweh! Idaydayawyo ni Yahweh gapu ta nadayag ken mannakabalin unay isuna.
\v 2 Iwaragawagyo nga isuna ket nadayag; agkaweskayo iti kasasayaatan a kawesyo ket agrukbabkayo kenni Yahweh.

\s5
\v 3 Mangngeg ti timek ni Yahweh iti ngatoen dagiti taaw; aggurruod ti nadayag a Dios. Agparparang isuna iti rabaw dagiti nalawa a taaw.
\v 4 Mannakabalin ken naindaklan ti timekna.
\v 5 Sep-aken ti timek ni Yahweh dagiti dadakkel a kayo a sedro, dagiti sedro nga agtubtubo idiay Libano.

\s5
\v 6 Paggin-ginedenna tapno magun-gon ti rehion ti Libano a kasla aglaglagto nga urbon a baka; paggun-gonenna ti Bantay Hirmano a kasla aglaglagto nga urbon a toro.
\v 7 Patauden ti timek ni Yahweh ti kimat.
\v 8 Paggun-gonen ti timekna ti let-ang; gun-gonenna ti let-ang ti Kades.

\s5
\v 9 Pagpasikalen ti timek ni Yahweh ti ugsa, ken rurusenna dagiti bulong dagiti kaykayo kabayatan nga agpukpukkaw dagiti tattao idiay templo iti, "Madaydayaw ti Dios!"
\v 10 Iturturayan ni Yahweh ti layus a nanglapunos iti daga; isuna ti aritayo nga agturay iti agnanayon.

\s5
\v 11 Pappapigsaen ni Yahweh dagiti tattaona, ken benbendisionanna ida babaen iti panangar-aramidna kadagiti nasasayaat a banbanag a maipaay kadakuada.

\s5
\c 30
\p
\v 1 Idaydayawka O Yahweh gapu ta inispalnak. Saanmo nga impalubos a matayak wenno agragsak dagiti kabusorko gapu iti panagrigrigatko.
\v 2 Yahweh a Diosko, immawagak kenka tapno tulongannak idi nasugatanak ket inagasannak.
\v 3 Insalakannak manipud iti patay. Dandani-ak idin a matay ngem pinasarantanak manen.

\s5
\v 4 Dakayo amin a napudno iti tulag kenni Yahweh, agkantakayo nga agdayaw kenkuana! Lagipenyo dagiti inaramid iti nasantoan a Dios ket agyamankayo kenkuana!
\v 5 No makaunget isuna, apagbiit laeng; ngem naimbag isuna kadatayo iti amin a panagbiagtayo. Mabalin nga agsangsangittayo iti rabii, ngem maragsaktayonto iti kabigatanna.

\s5
\v 6 Ngem no para kaniak, natalnaak idi kinunak iti bagik, "Awan ti makaparmek kaniak!"
\v 7 O Yahweh, gapu ta naimbagka kaniak, sinalaknibannak idi damo a kasla addaak iti rabaw ti maysa a nangato a bantay. Ngem impagarupko idi a pinanawannak, ket nagbutengak.
\v 8 Isu nga immawagak kenka, ket nagpakaasiak a tulongannak.

\s5
\v 9 Kinunak, "O Yahweh, anianto ti magun-odmo no matayak? Iti ania a wagas nga adda imbag a magun-odam no maipanak iti ayan dagiti natay a tattao? Pudno a saan a kabaelan dagiti natay a tattao ti mangidaydayaw kenka, ken saanda a kabaelan nga ibaga kadagiti dadduma a mapagtalkanka!
\v 10 O Yahweh, denggennak, maasika kaniak! O Yahweh, tulongannak!"

\s5
\v 11 Ngem ita inagasannak, ken binalbaliwannak manipud iti kinaliday iti panagsalsala a sirarag-o. Inikkatmo ti kawesko a nangipakita nga agladladingitak unay ket inikkannnak iti kawes a mangipakita a naragsakak unay.
\v 12 Saanak ngarud nga agulimek; pinadayawannak babaen iti panangpalubosmo kaniak nga agkanta ken agdayaw kenka. O Yahweh, sika ti Diosko, ket pagyamananka iti agnanayon.

\s5
\c 31
\p
\v 1 O Yahweh, immayak kenka tapno masalaknibanak; saanmo nga itulok a maparmek ken maibabainak. Agsipud ta kankanayonmo nga aramiden ti maiparbeng, ispalennak!
\v 2 Denggennak, ket isalakannak itan! Agbalinka a kasla dakkel a bato a no sadino ket natalgedak ken maysa a natibker a sarikedked a no sadino ket masalaknibanak.

\s5
\v 3 Wen, kaslaka maysa a dakkel a bato ken sangladak; idalan ken iturongnak gapu ta agdaydayawak kenka.
\v 4 Sika ti mangsalsalaknib kaniak, ilisinak ngarud manipud iti pannakatinnagko kadagiti palab-og nga impakat dagiti kabusorko a para kaniak.

\s5
\v 5 O Yahweh, sika ti Dios a mapagtalkak, isu nga agpaaywanak kenka gapu ta ispalennak.
\v 6 O Yahweh, kagurgurak dagiti agdaydayaw kadagiti awan serserbina a didiosen, ngem agtalekak kenka.
\v 7 Maragsakanakto unay gapu ta sipupudnoka a mangay-ayat kaniak. Makitanak no maparparigatak, ken ammom no adda dagiti pakariribukak.

\s5
\v 8 Saanmo nga impalubos a matiliwdak dagiti kabusorko; ngem inispalnak ketdi manipud iti peggad.
\v 9 Ngem ita, O Yahweh, maasika kaniak agsipud ta marirriribukanak. Gapu ta kasta la unay ti panagsangsangitko, saanak a makakita a nasayaat, ket napakapsuyannak.

\s5
\v 10 Kimmapsutak unay gapu ta nakakaasi-ak unay; umab-ababan ti biagko. Kimmapsutak gapu kadagiti amin a pakariribukak; kumapkapsut uray pay dagiti tulangko.
\v 11 Pagaangawandak dagiti amin a kabusorko, ken lalaisendak pay dagiti kaarrubak. Mabutbuteng kaniak uray pay dagiti gagayyemko gapu ta ipagarupda a dusdusaennak. Agtatarayda no makitadak kadagiti daldalan.

\s5
\v 12 Linipatdak dagiti tattao a kasla iti pananglipatda kadagiti natay a tattao. Panpanunutenda a kasla awan serserbik a kas iti maysa a nabuong a banga.
\v 13 Nangngegko dagiti tattao a mangperperdi kaniak, ken binutbutengdak. Agplanplano dagiti kabusorko tapno patayendak.

\s5
\v 14 Ngem Yahweh, agtalekak kenka. Maibagak a sitatalged a sika ti Dios a daydayawek.
\v 15 Adda kadagiti imam ti biagko; isalakannak manipud kadagiti kabusorko, manipud kadagiti tattao a mangkamkamat kaniak.
\v 16 Maasika kaniak ken isalakannak gapu ta kankanayon a sipupudnoka a mangay-ayat kaniak.

\s5
\v 17 O Yahweh, umawagak kenka, saanmo ngarud nga ipalubos nga ibabaindak dagiti dadduma. Tarigagayak a maibabain koma dagiti nadangkes a tattao; tarigagayak a maiyulogda koma iti lugar a no sadino ket naulimek ken natay dagiti tattao.
\v 18 Tarigagayak a pagbalinem koma nga umel dagiti tattao nga agsasao kadagiti inuulbod. Aramidem dayta kadagiti natangsit a tattao ken agpabpabasol kadagiti dadduma.

\s5
\v 19 Nangisaganaka kadagiti adu a naindaklan ken nasayaat a banbanag nga aramidem kadagiti agraraem unay kenka. Agar-aramidka kadagiti nasayaat a banbanag kadagiti umay agpasalaknib kenka; maktkita iti tunggal maysa nga ar-aramidem dayta.
\v 20 Ilemmengmo dagiti tattao iti presensiam a natalged, ken salaknibam ida manipud kadagiti dadduma a mangpanggep a mangpatay kadakuada. Ilemmengmo ida kadagiti natalged a luglugar a no sadino ket saan a makasao iti dakes dagiti kabusorda kadakuada.

\s5
\v 21 Madaydayaw ni Yahweh! Idi linawlaw dagiti kabusorko ti siudad a pagnanaedak, impakitana kaniak iti nakaskasdaaw a wagas a sipupudno isuna a mangay-ayat kaniak.
\v 22 Nagbutengak ket dinardarasko ti immawag, "Naisinaak manipud kenni Yahweh!" ngem dinengngegnak ket sinungbatam ti awagko a tulongannak.

\s5
\v 23 Dakayo a tattao a kukua ni Yahweh, ayatenyo isuna! Salsalaknibanna dagiti napudno kenkuana, ngem dusaenna dagiti napalangguad; dusaenna ida iti nakaro a kas kaikarianda.
\v 24 Dakayo a sitatalged a mangnamnama nga agaramid ni Yahweh kadagiti naindaklan a banbanag kadakayo, pumigsa ken bumilegkayo!

\s5
\c 32
\p
\v 1 Dagiti pinakawan ti Dios gapu iti panagsukirda ken dagiti linipat ti Dios dagiti basolda, dagitoy dagiti pudpudno a nagasat!
\v 2 Dagiti inikkat ni Yahweh dagiti listaan dagiti basbasolda ken saanen nga agar-aramid kadagiti makaallillaw a banbanag, dagitoy dagiti pudpudno a nagasat!

\s5
\v 3 Idi saanko nga impudno dagiti basbasolko, nakapsut unay ti bagik ken masaksakitak, ket agas-asugak nga agmalmalem.
\v 4 Iti aldaw ken rabii, dinusanak iti nakaro O Yahweh. Nagpukaw ti pigsak a kasla iti danum nga agawaaw iti napudot nga aldaw.

\s5
\v 5 Ket impudnok dagiti basolko kenka; insardengkon nga ilemmeng dagitoy. Kinunak iti bagik, "Ibagak kenni Yahweh dagiti dakes a banbanag nga inaramidko." Idi impudnok dagitoy, pinakawannak, isu nga ita nawayawayaanakon manipud kadagiti basbasolko.
\v 6 Ngarud masapul nga agkararag kenka dagiti tattao nga agraraem kenka inton mariribukanda unay. No aramidenda dayta, saanto nga umay kadakuada dagiti pakarikutan a kasla dakkel a layus.

\s5
\v 7 Maiyarigka iti maysa a lugar a mabalinko a paglemmengan manipud kadagiti kabusorko; salsalaknibannak manipud kadagiti riribuk ket pagpukkawennak a mangidaydayaw kenka gapu iti panangisalakanmo kaniak manipud kadagiti kabusorko.
\v 8 Kuna ni Yahweh kaniak, "Bilinenkanto no kasanoka nga agbiag. Isurokanto ken bantayanka.

\s5
\v 9 Saankayo nga agbalin a nanengneng a kasla kadagiti kabalio ken mulo nga awan ti maawatanna; masapulda iti pakagat tapno maiturongda iti kayatmo a papananda."
\v 10 Adunto dagiti pakariribukan dagiti nadangkes a tattao a mangpaladingit kadakuada, ngem dagiti agtalek kenni Yahweh, mapadasanda ti sipupudno a panagayatna kadakuada iti amin a tiempo.

\s5
\v 11 Isu a dakayo amin a nalinteg a tattao, agrag-okayo maipanggep iti inaramid ni Yahweh kadakayo; dakayo a nadalus ti pusona, agragsak ken agpukkawkayo a sirarag-o!

\s5
\c 33
\p
\v 1 Dakayo a nalinteg a tattao, nasken nga agpukkawkayo a sirarag-o kenni Yahweh gapu ta dayta ti maikari kenkuana.
\v 2 Idaydayawyo ni Yahweh kabayatan nga agtutukarkayo kadagiti kankanta babaen iti arpa. Idaydayawyo isuna kabayatan nga agtuktukarkayo kadagiti arpa nga addaan iti sangapulo a kuerdas.
\v 3 Agkantakayo iti baro a kanta kenkuana; sayaatenyo ti panagtukaryo kadagiti instrumento, ken agpukkawkayo a sirarag-o kabayatan a tuktukarenyo dagitoy.

\s5
\v 4 Kankanayon nga ar-aramiden ni Yahweh ti ibagbagana nga aramidenna; mabalinantayo ti agtalek a dagiti amin nga ar-aramidenna ket umno.
\v 5 Pagay-ayatna dagiti amin nga ar-aramidentayo a nalinteg ken umno. Tultulongan ni Yahweh dagiti amin a tattao ti lubong gapu ta kankanayon nga ay-ayatenna ida amin.
\v 6 Pinarsua ni Yahweh dagiti amin nga adda iti tangatang babaen iti panangibilinna. Pinarsuana dagiti amin a bituen babaen iti panangibilinna.

\s5
\v 7 Inurnongna dagiti amin a danum iti maysa a nalawa a gabsuon a kasla adda ti mangikabkabil iti danum iti pagkargaan.
\v 8 Tunggal maysa nga adda iti daga, nasken nga idaydayawda ni Yahweh; tunggal maysa nga adda iti daga, nasken nga idaydayawda isuna.
\v 9 Pinarsuana ti lubong idi nagsao isuna. Nangrugi nga umadda ti amin a banag idi imbilinna a kasta ti mapasamak.

\s5
\v 10 Paspasardengen ni Yahweh dagiti dadduma a nasion kadagiti kayatda nga aramiden. Laplappedanna ida a mangaramid kadagiti dakes a banbanag a pangpanggependa nga aramiden.
\v 11 Ngem agpaut iti agnanayon ti ikedkeddeng ni Yahwehnga aramiden. Saan a pulos nga agbaliw dagiti panggepna nga aramiden.
\v 12 Benbendisionan ni Yahweh ti nasiontayo, datayo nga agdaydayaw kenkuana; Anian a naggasattayo, ti nasion a kukuana iti agnanayon!

\s5
\v 13 Tumantannawag ni Yahweh manipud langit ket makitkitana amin a tattao.
\v 14 Manipud iti pagturturayanna, tantan-awaganna amin a tattao nga agnanaed iti rabaw ti daga.
\v 15 Bukbuklenna ti kaunggantayo ken makitkitana dagiti amin nga ar-aramidentayo.

\s5
\v 16 Saan a gapu ta adu ti soldado ti maysa nga ari a mangabak isuna kadagiti gubat, ken saan a gapu ta napigsa ti maysa a soldado a maparmekna ti kabusorna.
\v 17 Minamaag a panunoten a gapu ta nakapigpigsa dagiti kabalio, mabaelanda ti mangabak iti gubat ken maisalakanda dagiti agsaksakay kadagitoy.

\s5
\v 18 Saanyo a liplipatan a kitkitaen ni Yahweh dagiti mangitantan-ok kenkuana, dagiti sitatalek a mangnamnama kenkuana a sipupudno nga ayatenna ida.
\v 19 Isalsalakanna ida manipud iti pannakatay sakbay a matayda; ay-aywananna ida no adda ti panagbisin.

\s5
\v 20 Agtalekkami kenni Yahweh a tulongannakami; salsalaknibannakami a kas iti kalasag a mangsalsalaknib iti maysa a soldado.
\v 21 Agrag-okami gapu iti inaramidna para kadakami; agtalekkami kenkuana gapu ta nasantoan isuna.

\s5
\v 22 O Yahweh, ikarkararagmi a kankanayon nga ayatennakami a sipupudno kabayatan a sitatalekkami a mangnamnama a mangaramidka kadagiti naindaklan a banbanag para kadakami.

\s5
\c 34
\p
\v 1 Kankanayon a pagyamanak ni Yahweh; itultuloyko a dayawen isuna.

\s5
\v 2 Idaydayawko ni Yahweh gapu iti inaramidna. Amin dagiti maidaddadanes ket rumbeng a dumngeg kaniak ken agrag-oda.
\v 3 Kadduaandak a mangibaga kadagiti dadduma a naindaklan ni Yahweh! Dakayo ken siak ket rumbeng nga agmaymaysa a mangiwaragawag iti kinadayagna!

\s5
\v 4 Nagkararagak kenni Yahweh, ket sinungbatanna ti kararagko; inispalnak kadagiti amin a nangbutbuteng kaniak.
\v 5 Agrag-onto dagiti agtalek a tulonganna ida; saandanton pulos nga agdumog iti pannakaibabainda.
\v 6 Nakakaasiak, ngem immawagak kenni Yahweh, ket dinengngegnak. Inispalnak kadagiti amin a pakariribukak.

\s5
\v 7 Banbantayan ti anghel ni Yahweh dagiti addaan iti naindaklan a panagraem kenkuana, ket ispalen ida ti anghel.
\v 8 Padasenyo kadagiti bagbagiyo, ket mapadasanyo a ni Yahweh ket naimbag kadakayo! Anian a nagasat dagiti agtalek kenkuana a salaknibanna ida.
\v 9 Aminkayo a kukuana, maaddaankayo koma iti naindaklan a panagraem kenkuana! Dagiti mangaramid iti dayta ket kanayonto a maaddaan kadagiti banbanag a kasapulanda.

\s5
\v 10 Kadawyan a napigsa unay dagiti leon, ngem no dadduma uray dagiti urbon a leon ket mabisinan ken kumapsot. Nupay kasta, dagiti agtalek kenni Yahweh ket maaddaanto kadagiti amin a kasapulanda.
\v 11 Dakayo nga isursuroak, umaykayo ket dumngegkayo kaniak, ket suroankayo no kasano a maaddaan iti naindaklan a panagraem kenni Yahweh.

\s5
\v 12 No adda siasinoman kadakayo a kayatna a ragsaken ti panagbiagna ken maaddaan iti nasayaat nga atiddog a panagbiag,
\v 13 saankayo nga agsao iti dakes! Saankayo a mangibaga kadagiti inuulbod!
\v 14 Agkedkedkayo nga agaramid iti dakes; aramidenyo ketdi ti nasayaat! Kanayon nga ikagumaanyo tapno mabalinan dagiti tattao ti agbiag a sikakappia iti tunggal maysa!

\s5
\v 15 Siaannad a buybuyaen ni Yahweh dagiti agtigtignay a sililinteg; kanayon a sungbatanna ida no umawagda kenkuana iti tulong.
\v 16 Ngem agtrabtrabaho ni Yahweh a maibusor kadagiti agaramid iti dakes. Kalpasan a matayda, naan-anay a malipatan ida dagiti tattao ditoy daga.
\v 17 Dengdenggen ni Yahweh dagiti nalinteg a tattao no umawagda kenkuana; is-ispalenna ida kadagiti amin a pakariribukanda.

\s5
\v 18 Kanayon a nakasagana ni Yahweh a tumulong kadagiti naupay; is-ispalenna dagiti awanan namnama kadagiti aniaman a banag a nasayaat.
\v 19 Mabalin a maaddaan dagiti nalinteg a tattao kadagiti adu a pakariribukan, ngem is-ispalen ni Yahweh ida manipud kadagitoy.
\v 20 Salsalakniban ida ni Yahweh ti pannakadangranda; inton rauten ida dagiti kabusorda, saandanto a matukkol ti aniaman a tulang dagiti nalinteg a tattao.

\s5
\v 21 Papatayento dagiti didigra dagiti nadangkes a tattao, ken dusaento ni Yahweh dagiti mangsuppiat kadagiti nalinteg a tattao.
\v 22 Isalakanto ni Yahweh dagiti agserbi kenkuana. Saannanto a dusaen dagiti agtalek kenkuana.

\s5
\c 35
\p
\v 1 O Yahweh, gubatem dagiti manggubat kaniak! Gubatem dagiti kabusorko no gubatendak!
\v 2 Agbalinka koma a kasla kalasag a mangsalaknib kaniak ket umaynak tulongan!
\v 3 Ingatom ti gayangmo ket ipurruakmo kadagiti mangkamkamat kaniak! Ikarim kaniak nga ikkannak iti kabaelan a mangparmek kadagiti kabusorko.

\s5
\v 4 Ipaibabain ken ipadadaelenmo koma kadagiti dadduma dagiti mangpadpadas a mangpatay kaniak. Pasanudem ken tikawem dagiti agpangpanggep nga agaramid kadagiti dakes a banbanag kaniak.
\v 5 Ibaonmo ti anghelmo a mangkamat kadakuada ket pukawenna ida a kasla iti taep nga itayab ti angin.
\v 6 Pasipngetem ken pagalisem ti dalan a pagtarayanda kabayatan a kamkamaten ti anghelmo ida!

\s5
\v 7 Uray no saanak a nagaramid iti aniaman a biddut kadakuada, nagkalida iti nauneg nga abut a pakatnagak; nangipakatda iti iket a pangtiliwda kaniak.
\v 8 Didigraem ida a dagus! Tiliwem ida babaen kadagiti iketda met laeng. Itinnagmo ida kadagiti abut a kinalida para kaniak, ket bay-am a matayda kadagidiay!

\s5
\v 9 Ket agrag-oakto gapu iti inaramidmo para kaniak, O Yahweh; Maragsakanakto ta inispalnak.
\v 10 Iti amin a kaunggak, ibagak, "Awan ti kas kenni Yahweh! Awan ti uray maysa a makaispal kadagiti awan gawayna a tattao manipud kadagiti nabibileg a tattao. Awan ti uray maysa a makaispal kadagiti nakapuy ken agkasapulan a tattao manipud kadagiti mangayat nga agtakaw kadakuada."

\s5
\v 11 Agtakder dagiti tattao a mangibagbaga kadagiti inuulbod iti pangukoman ket pabasolendak a nangaramidak kadagiti banbanag a saanko nga ammo.
\v 12 Kas subad iti panangaramidko kadagiti nasayaat a banbanag para kadakuada, pagaramidandak kadagiti dakes a banbanag, isu a nariknak nga agmaymaysaak.

\s5
\v 13 Idi masakitda, impakitak a nalidayak. Saanak a nangan iti aniaman a taraon, ket nagdumogak bayat iti panangikararagko kadakuada.
\v 14 Nagsangitak ken nagdumogak kabayatan iti panagkararagko a kasla daytoy ket maysa a gayyem wenno inak a pagladladingitak.

\s5
\v 15 Ngem idi naaddaanak kadagiti pakariribukan, naragsakanda amin iti daytoy. Saan a nanamnama a naguummongda tapno pagkakatawaandak. Saandak a sinardengan a kinabkabil dagiti ganggannaet; saanda nga agsarsardeng.
\v 16 Inuy-uyaw ken pinagtanabutobandak dagiti tattao nga awan ti siasinoman a raraemenda.

\s5
\v 17 O Apo, agingga kaano a buybuyaem laeng ida a mangar-aramid iti daytoy? Ispalennak kadagiti panangdarupda; Isalakannak manipud iti panangpapatay dagitoy a lallaki a mangdardarup kaniak a kas iti panagdarup dagiti leon kadagiti ayup!
\v 18 Ket inton aguummong dagiti adu a tattaom, idaydayawkanto ken agyamanakto kenka iti sangoananda amin.

\s5
\v 19 Saanmo nga ipalubos a parmekendak dagiti kabusorko a mangibagbaga kadagiti inuulbod maipanggep kaniak ket agrag-oda gapu iti daytoy! Saanmo nga ipalubos dagiti manggugura kaniak nga awan gapgapuna a katawaanda ti panagsagabak!
\v 20 Saanda a sikakappia a makisarsarita kadagiti tattao; ngem ketdi, mangbirokda kadagiti wagas tapno agibagada kadagiti inuulbod maipanggep kadagiti tattao iti dagami a saan a mangdangdangran iti siasinoman.

\s5
\v 21 Pukkawandak tapno pabasolendak; kunada, "Nakitami dagiti biddut nga inaramidmo!"
\v 22 O Yahweh, nakitam dagitoy a banbanag, saanka ngarud nga agulemek! Saanka nga umadayo kaniak!
\v 23 Agriingka, O Diosko, ikalintegam ti kasok idiay pangukoman, ket sibaballigi nga ikanawanak!

\s5
\v 24 O Yahweh, a Diosko, gapu ta nalintegka, paneknekam nga awan basolko tapno saan a maragsakan dagiti kabusorko a naikeddeng a nakabasolak.
\v 25 Saanmo nga ipalubos a mabaelanda nga ibaga kadagiti bagbagida, "Wen, nadangranmi isuna a kas iti tinarigagayanmi!"
\v 26 An-anayem a tikawen ken ibabain dagiti agragrag-o maipanggep iti kinaawan gasatko; pagbalinem a maibabain ken saan a maraem dagiti mangipasindayag a natantan-okda ngem siak!

\s5
\v 27 Ngem pagragsakem ken pagpukkawem a sirarag-o dagiti agtarigagay nga ipakaammom nga awan basolko; kankanayon koma nga ibagada, "Naindaklan ni Yahweh!" Pakaragsakanna unay a pasayaaten dagiti banbanag para kadagiti agserserbi kenkuana."
\v 28 Ket iwaragawagkonto nga agtigtignayka iti nalinteg a wagas, ket idaydayawkanto iti amin a tiempo.

\s5
\c 36
\p
\v 1 Ti agtultuloy a panagtarigagay nga agbasol ket adda kadagiti kaunggan dagiti nadangkes a tattao. Ibilangda a saanda a kasapulan a maaddaan iti naindaklan a panagraem iti Dios.
\v 2 Gapu ta kayatda a mamati kadagiti naimbag a banbanag maipanggep kadagiti bagbagida, saanda a pampanunoten nga ammo ken kagurgura ti Dios dagiti basbasolda.

\s5
\v 3 Amin a sasawenda ket makaallilaw ken napnoan kadagiti inuulbod; saandan nga ar-aramiden ti naimbag ken saandan a masirib.
\v 4 Kabayatan nga agid-iddada kadagiti pagiddaanda, agplanoda nga agaramid kadagiti banbanag a mangdangran kadagiti dadduma; nareggetda nga agaramid kadagiti banbanag a saan a nasayaat, ken pulos nga saanda nga agkedked nga agaramid iti dakes.

\s5
\v 5 O Yahweh, dumanon kadagiti langlangit ti napudno a panagayatmo kadakami; dumanon agingga kadagiti ulep ti kinapudnom iti panangaramidmo iti inkarim.
\v 6 Ti nalinteg a kagagaladmo ket kas iti kinatibker dagiti kangangatoan a bantay; agtultuloy ti nalinteg a panagtignaymo agingga nga agtultuloy dagiti kaadalman a baybay. Ay-aywanam dagiti tattao ken dagiti ay-ayup.

\s5
\v 7 O Dios, napateg unay ti napudno a panagayatmo kadakami. Salsalaknibannakami a kas iti panangsalaknib dagiti billit kadagiti sibongda iti salinong dagiti payakda.
\v 8 Ipaayandakami iti nabuslon a taraon manipud iti nawadwad a pagkasapulan nga adda kenka; dagiti naindaklan a sagutmo ket agayus kadakami a kasla karayan.
\v 9 Sika ti pakaigapuan nga agbiag ti isu amin; ti silawmo ti mangmangted kadakami iti kabaelan a maammoan ti kinapudno maipanggep kenka.

\s5
\v 10 Itultuloymo koma nga ayaten a sipupudno dagiti napudno kenka, ken salakniban dagiti agar-aramid iti kinalinteg.
\v 11 Saanmo nga ipalubos a rautendak dagiti napalangguad a tattao, wenno saanmo nga ipalubos a kamatendak dagiti nadangkes a tattao.
\v 12 Kitaem ti nakatuangan dagiti dakes a tattao iti daga, naparmekda; natumbada, ket saandanto a pulos a bumangon manen.

\s5
\c 37
\p
\v 1 Saanka a masikoran kadagiti ar-aramiden dagiti nadangkes a tattao. Saanmo a tarigagayan a maaddaan kadagiti banbanag nga adda kadagiti dakes a tattao
\v 2 gapu ta agpukawdanto iti mabiit a kasla iti ruot a malaylay ket magango gapu iti pudot ti init. Kasla kadagiti dadduma a nalangto a mulmula a nagtubo ngem natay kabayatan iti napudot a tiempo ti tikag, matayto met dagiti dakes a tattao iti mabiit.

\s5
\v 3 Agtalekka kenni Yahweh ket aramidem ti nasayaat; no aramidem dayta, agnaedkanto a sitatalged iti daga nga intedna kenka, ket agbiagkanto a sitatalna.
\v 4 Agragsakka kadagiti amin nga ar-aramiden ni Yahweh para kenka; no aramidem dayta, itednanto kenka dagiti banbanag a tartarigagayam unay.

\s5
\v 5 Ikumitmo kenni Yahweh dagiti banbanag a panggepmo nga aramiden; agtalekka kenkuana, ket aramidennanto ti aniaman a kasapulan a mangtulong kenka.
\v 6 Ipakitananto a kas kalawag ti raniag ti init nga awan basolmo; ipakitananto a kas kalawag ti init iti tengnga ti aldaw a nalinteg dagiti amin a banbanag nga inkeddengmo.

\s5
\v 7 Agulemekka iti presensia ni Yahweh ket urayem a siaanus nga aramidenna dagiti kayatmo nga aramidenna. Saanka a madanagan no agballigi dagiti ar-aramiden dagiti dakes a tattao, no mabaelanda nga aramiden dagiti nadangkes a banbanag a pangpanggependa.

\s5
\v 8 Saanka a makaunget kadagiti ar-aramiden dagiti nadangkes a tattao. Saanmo a kayaten a sika a mismo ti mangdusa kadakuada. Saanmo nga apalan dagiti kakasta a tattao gapu ta dangram laeng ti bagim no aramiden dayta.
\v 9 Maysanto nga aldaw, pagtalawen ni Yahweh dagiti nadangkes a tattao, ngem agnaedto a sitatalged dagiti agtalek kenkuana iti daga nga intedna kadakuada.
\v 10 Agpukawto iti mabiit dagiti nadangkes. Birukemto ida, ngem awandanto.

\s5
\v 11 Ngem agnaedto a sitatalged dagiti napakumbaba iti dagada. Ragragsakendanto ti agbiag a sitatalna ken addaanda kadagiti dadduma a nasayaat a banbanag nga ited ni Yahweh kadakuada.
\v 12 Agpanggep dagiti nadangkes a tattao a dangran dagiti nalinteg a tattao; pinagngarietanda ida a kasla iti panagngariet dagiti atap nga ayup.
\v 13 Ngem katawaan ni Yahweh ida gapu ta ammona a maysanto nga aldaw ket ukomen ken dusaennanto dagiti nadangkes a tattao.

\s5
\v 14 Asuten dagiti nadangkes a tattao dagiti kampilanda ken ibiatda dagiti panada, nakasagana a mangpapatay kadagiti nakurapay a tattao ken mangpapatay kadagiti agbibiag a sililinteg.
\v 15 Ngem mapapataydanto babaen kadagiti bukodda a kampilan, ken matukkolto dagiti baida.

\s5
\v 16 Nasayaat ti agbalin a nalinteg uray no awan ti adu a sanikuam, ngem saan a nasayaat ti agbalin a nadangkes uray no nabaknangka
\v 17 gapu ta naan-anay nga ikkaten ni Yahweh ti pigsa dagiti nadangkes a tattao, ngem taginayonenna dagiti tattao nga agbibiag a sililinteg.

\s5
\v 18 Tunggal aldaw a salsalakniban ni Yahweh dagiti saan a nakaaramid iti aniaman a dakes a banbanag; agpautto iti agnanayon dagiti banbanag nga ited ni Yahweh kadakuada.
\v 19 Makalasatdanto inton umay dagiti didigra; inton adda dagiti panagbisin, adunto latta ti kanenda.

\s5
\v 20 Ngem matayto dagiti nadangkes a tattao; kasla kadagiti napipintas nga atap a sabsabong kadagiti taltalon a matay gapu iti pudot ti init ken agpukawda a kasla asuk, dagdagus a pukawen ni Yahweh dagiti kabusorna.
\v 21 Bumulod dagiti nadangkes a tattao iti kuarta, ngem saanda a mabayadan daytoy; ngem dagiti nalinteg a tattao ket addaan iti umdas a kuarta nga itedda a sibubuslon kadagiti dadduma.

\s5
\v 22 Agnaedto a sitatalged dagiti benindisionan ni Yahweh iti daga nga intedna kadakuada, ngem pagtalawennanto dagiti inlunodna.
\v 23 Salsalakniban ni Yahweh dagiti agaramid iti makaay-ayo kenkuana, ken ikkanna ida iti kabaelan a magna a sitatalged iti sadinoman a papananda;
\v 24 uray no matibkolda, saanda a matuang gapu ta tengtenglen ni Yahweh ti imada.

\s5
\v 25 Ubingak idi, ket ita lakayakon, ngem kadagidiay amin a tawtawen, saanko a pulos a nakita dagiti nalinteg a tattao a binaybay-an ni Yahweh, wenno nakita a kasapulan nga agpalama iti taraon dagiti annakda.
\v 26 Sibubuslon a mangmangted ken siraragsak nga agpabulod dagiti nalinteg a tattao iti kuarta kadagiti dadduma, ken bendision dagiti annakda kadakuada.
\v 27 Adaywam ti agaramid iti dakes, ket aramidem ti nasayaat. No aramidem dayta, sika ken dagiti kaputotam ket agnaedto iti dagayo iti agnanayon.

\s5
\v 28 Mapasamak daytoy gapu ta kayat ni Yahweh a makita dagiti tattao nga agar-aramid iti nalinteg, ken saanna a pulos a baybay-an dagiti nalinteg a tattao. Salaknibanna ida iti agnanayon; ngem pagtalawenna dagiti annak dagiti nadangkes a tattao.
\v 29 Tagikuaento dagiti nalinteg a tattao ti daga nga inkari ni Yahweh nga ited kadakuada, ket agnaeddanto sadiay iti agnanayon.
\v 30 Mangted iti masirib a pammagbaga dagiti nalinteg a tattao kadagiti dadduma, ken pabilegenda dagiti dadduma a tattao nga agbiag a sililinteg.

\s5
\v 31 Punoenda dagiti panunotda kadagiti linteg ti Dios; saanda nga umadayo manipud iti pannagnada iti dalan ti Dios.
\v 32 Padaanan dagiti dakes dagiti nalinteg a tattao tapno papatayenda ida inton lumabasda.
\v 33 Ngem saan a baybay-an ni Yahweh dagiti nalinteg a tattao ken saanna nga ipalubos a papatayen ida dagiti kabusorda. Saanna nga ipalubos a madusa dagiti nalinteg a tattao inton adda tao a mangipan kadakuada iti ukom tapno maukomda.

\s5
\v 34 Aganuska ken agtalekka a tulongannaka ni Yahweh, ken magnaka kadagiti dalanna. No aramidem dayta, padayawannaka babaen iti pannangtedna iti daga nga inkarina, ket inton pagtalawenna dagiti nadangkes, makitamto daytoy a mapasamak.

\s5
\v 35 Nakitak a rumang-ay no maminsan a kasla kadagiti kaykayo a dimmakkel a nasayaat iti nadam-eg a daga dagiti nadangkes a tattao nga agtigtignay a kasla kadagiti naulpit a mangidadaulo,
\v 36 ngem idi kimmitaak iti saan a nagbayag, awandan! Binirukko ida, ngem pinagpukaw ida ni Yahweh.

\s5
\v 37 Paliiwem dagiti tattao a saan a nakaaramid kadagiti dakes a banbanag, dagiti agtigtignay a sililinteg; maaddaan iti talna iti kaungganda dagiti kaputotanda.
\v 38 Ngem pagtalawento ni Yahweh dagiti nadangkes; pagtalawennanto met dagiti kaputotanda.

\s5
\v 39 Ispalen ni Yahweh dagiti nalinteg a tattao; salaknibanna ida kadagiti tiempo ti riribuk.
\v 40 Tultulongan ken isalsalakan ida ni Yahweh; is-ispalenna ida manipud iti panangraut dagiti nadangkes a tattao gapu ta napanda nagpasalaknib kenkuana.

\s5
\c 38
\p
\v 1 O Yahweh, no makaungetka kaniak, saannak a tubngaren ken dusaen!
\v 2 Ita, kasla pinana ken sinugatnak; kasla dinungpar ken tinumbanak.

\s5
\v 3 Gapu ta nakaungetka kaniak, agsagsagabaak iti nakaro nga ut-ot. Gapu iti basolko, agsakit ti entero a bagik.
\v 4 Amin dagiti basolko ket kasla layus a nangabbong iti ulok; kaslada karga a nadagsen unay; saanko a maawit ida.

\s5
\v 5 Gapu ta nakaaramidak kadagiti minamaag a banbanag, addaanak kadagiti sugat a kimmaro ken bimmangsit.
\v 6 No maminsan, nakadumogak, ket no maminsan nakapaklebak; agdungdungawak nga agmalmalem.

\s5
\v 7 Nangato ti gurigorko ken nakaro ti sakitko.
\v 8 Nabannogak unay ken awanen ti pigsak. Agladladingit ti kaunggak ken agasugak gapu iti ut-ot.

\s5
\v 9 O Yahweh, ammom a tarigagayak nga agasannak; mangngegnak kabayatan nga agas-asugak.
\v 10 Napardas nga agpitik ti pusok ken awanen ti pigsak. Saankon a kabaelan ti kumita iti nasayaat.

\s5
\v 11 Inadaywandak dagiti gagayyem ken kaarrubak gapu kadagiti sugatko, uray ti bukodko a pamilia ket immadayoda kaniak.
\v 12 Nagipakat kadagiti palab-og a mangtiliw kaniak dagiti mangkayat a mangpatay kaniak; nagtutungtungan dagiti mayat a mangdangran kaniak dagiti wagas a mangdadael kaniak; Agmalmalem nga agpangpanggepda iti maibusor kaniak.

\s5
\v 13 Ita, agtigtignayak a kasla tuleng a tao ken saan a dumngeg kadagiti ibagada. Agtigtignayak a kasla maysa a tao a saan a makasao, ken awan a pulos ti sungbatko kadakuada.
\v 14 Agtigtignayak a kasla maysa a tao a saan a sumungbat no makisao dagiti tattao kenkuana gapu ta saan a makangngeg iti aniaman.

\s5
\v 15 Ngem O Yahweh, agtalekak kenka. Apo a Diosko, sungbatannak.
\v 16 Kinunak kenka, saannak a papatayen tapno agrag-o dagiti kabusorko! No lapunosennak dagiti riribuk, agaramid kadagiti saan a nasayaat kaniak dagiti kabusorko!

\s5
\v 17 Ibagak dayta gapu ta dandaniakon matumba, ken agtultuloy nga agsaksakitak.
\v 18 Ipudnok dagiti biddut a banbanag nga inaramidko; agbabbabawiak la unay kadagiti basbasol a naaramidko.

\s5
\v 19 Napigsa ken nasalun-at dagiti kabusorko; adu dagiti tattao a manggurgura kaniak nga awan makagapu.
\v 20 Dagiti agar-aramid kadagiti dakes a banbanag a kas subad dagiti nasayaat a banbanag nga ar-aramidek kadakuada ket supiatendak gapu ta padpadasek nga ar-aramiden ti rumbeng.

\s5
\v 21 O Yahweh, saannak a baybay-an! Diosko, saannak nga adaywan.
\v 22 O Apo, sika ti mangisalakan kaniak; darasem ti umay ket tulongannak!

\s5
\c 39
\p
\v 1 Kinunak iti bagik, "Agannadak tapno saanak nga agbasol babaen kadagiti banbanag nga ibagak. Saanak nga agreklamo kenka kabayatan nga asideg dagiti mangdakdakes a tattao kaniak ken mangngegdak.

\s5
\v 2 Isu a nagulimekak, ket saanak pay a nagsao kadagiti banbanag a naimbag; ngem awan serserbina daytoy gapu ta nangrugi nga ad-adda nga agsagabaak.
\v 3 Ad-adda a madanaganak iti akin-uneg a kinataok. Kas napanunotko dagiti pakariribukak, ad-adda a nagdanagak. Ket kamaudiananna, kinunak daytoy:

\s5
\v 4 O Yahweh, ipakitam kaniak no kasano kaatiddog nga agbiagak. Ibagam no kaanoak a matay. Ibagam no manu a tawen nga agbiagak!
\v 5 Kasla inaramidmo nga agbiagak laeng iti ababa a tiempo; kasla awan serserbina kenka ti kapa-ut ti panagbiagko. Ti tiempo ti panagbiagmi a tattao ket kas kaababa ti pul-oy ti angin.

\s5
\v 6 Ket agpukawkami a kasla anniniwan. Kasla awan mamaayna amin nga ar-aramidenmi. No dadduma mangalakami ti adu a kuarta, ngem saanmi pay nga ammo no siasino ti mangala iti daytoy kalpasan a mataykami.
\v 7 Isu nga ita, O Yahweh, namnamaek nga awan maawatko manipud iti siasinoman. Sika laeng ti sitatalged a pangnamnamaak a pakaawatak kadagiti bendision.

\s5
\v 8 Isalakannak iti pannakadusa gapu kadagiti amin a basol a naaramidko. Saanmo nga ipalubos a pagang-awandak dagiti maag a tattao.
\v 9 Saanak a nagsao iti aniaman a banag idi dinusanak gapu ta ammok a sika ti nangpasagaba kaniak.

\s5
\v 10 Ngem ita, pangaasim ta isardengmon ti mangdusdusa kaniak! No saanmo nga aramiden dayta, dandaniakon matay gapu iti inaramidmo a panangpasagaba kaniak.
\v 11 No tubngarem ti maysa a tao ken dusaem isuna gapu iti basol a naaramidna, dadaelem dagiti banbanag a kaykayatna a kasla bu-ot a mangdaddadael iti lupot. Agpukaw ti biagmi a kasla iti pul-oy ti angin.

\s5
\v 12 O Yahweh, denggennak kabayatan nga agkararagak; dumngegka kaniak kabayatan nga umar-ararawak kenka. Tulongannak kabayatan nga agsangsangitak. Addaak ditoy daga iti ababa laeng a tiempo, a kas kadagiti kapuonak.
\v 13 Ita, pangaasim ta palubosannak nga agmaymaysa ken saannakon a dusaen tapno makaisemak ken maragsakanak iti apagbiit sakbay a matayak."

\s5
\c 40
\p
\v 1 Siaanusak a naguray kenni Yahweh a tulongannak, ket dimngeg kaniak idi immawagak kenkuana.
\v 2 Idi adu dagiti pakariribukak, kasla addaak iti nauneg nga abut. Ngem inyaonnak manipud iti pitak dayta nga abut; insaadna dagiti sakak iti nalagda a bato ket nabaelak ti magna a sitatalged.

\s5
\v 3 Inikkannak iti baro a kanta a kantaek, maysa a kanta a pagdayaw kenkuana, a Diostayo. Adunto a tattao ti makaduktal iti inaramidna para kaniak, ket agraem ken agtalekdanto kenkuana.
\v 4 Anian a naggasat dagidiay nga agtalek kenni Yahweh a salaknibanna ida, dagiti saan nga agtalek kadagiti didiosen wenno makitipon kadagiti agrukbab kadagiti palso a dios.

\s5
\v 5 O Yahweh, a Diosko, nagaramidka kadagiti adu a nakaskasdaaw a banbanag! Awan ti siasinoman a makailista kadagiti nakaskasdaaw a banbanag a pinanggepmo para kadakami. No padasek nga ibaga kadagiti sabali dagidiay nakaskasdaaw a banbanag, saanko a mabaelan nga ibaga gapu ta adu unay para kaniak nga ibalikas.
\v 6 Saan laeng a dagiti nadumaduma a kita ti sakripisio ken daton ti makaparagsak kenka. Impakaawatmo a nasayaat kaniak dayta. Saan a dagiti ayup a mapuoran iti altar ken dagiti sabali a datdaton ti sapulem sakbay a pakawanem dagiti basbasol.

\s5
\v 7 Isu a kinunak kenka, "Yahweh, adtoyak, nga agtulnog kadagiti linteg a naisuraten kadagiti nalukot a pagbasaan, dagiti banbanag a kayatmo nga aramidek."
\v 8 O Diosko, ragragsakek nga aramiden dagiti tarigagaymo; kanayon a panpanunotek dagiti lintegmo iti kaunggak.
\v 9 No agu-ummong dagiti amin a tattaom, imbagak kadakuada no kasano nga aramidem ti umno ken no kasano nga ispalennakami. O Yahweh, ammom a saanak a nagkedked a mangibaga iti dayta kadakuada.

\s5
\v 10 Saanko nga inlimed dagiti damag a kankanayon nga agtigtignayka a sililinteg; no adu kadagiti tattaom ti agu-ummong nga agdayaw kenka, imbagak kadakuada a napudnoka kadakami ken isalakannakami. Saanko nga inlemmeng nga ay-ayatennakami a sipupudno ken agtigtignayka a sipupudno kadakami.
\v 11 O Yahweh, saanka nga agsardeng nga agtigtignay a siaasi kaniak. Gapu ta inayatnak a sipupudno ken napudnoka kaniak, salaknibannak a kankanayon.

\s5
\v 12 Adu ti pakariribukak; saanko a mabilang ida. Sagsagabaek ita dagiti banbanag a napasamak gapu ta nagbasolak. Saanakon a makakita gapu kadagiti luak. Dagiti basol a naaramidko ket ad-adu ngem dagiti buok iti ulok. Naupayak unay.
\v 13 O Yahweh, pangaasim ta isalakannak! Darasem ti umay a mangtulong kaniak!

\s5
\v 14 Pagpakumbabaem dagiti agragsak iti pakariribukak, ken ibabainmo ida. Pagtalawem dagiti mangpadpadas a mangpapanaw kaniak.
\v 15 Mangnamnamaak a maibabainto dagidiay a mangkatkatawa kaniak inton abakem ida.

\s5
\v 16 Ngem mangnamnamaak nga agrag-onto iti kasta unay dagiti mapan agdayaw kenka. Mangnamanmaak a dagiti mangay-ayat kenka gapu ta insalakanmo ida ket ipukkawdanto a kankanayon, "Naindaklan ni Yahweh."
\v 17 Kaniak, nakurapay ken agkasapulanak, ngem ammok a saannak a nalipatan ti Apo. O Diosko, sika ti mangisalsalakan ken mangtultulong kaniak, isu a pangaasim, darasem ti umay ket tulongannak!

\s5
\c 41
\p
\v 1 Anian a naggasat dagiti mangted para kadagiti nakurapay; ispalento ni Yahweh dagitoy a tattao inton adda dagiti pakariribukanda.
\v 2 Salaknibanto ni Yahweh ida ken palubosannanto nga agbiagda iti atiddog a tiempo. Paragsakennanto ida iti daga ti Israel ken ispalennanto ida kadagiti kabusorda.
\v 3 No agsaksakitda, papigsaen ken agasanto ni Yahweh ida.

\s5
\v 4 Idi agsaksakitak, kinunak, "O Yahweh, agtignayka a siaasi kaniak ket agasannak; ammok nga agsaksakitak gapu ta nagbasolak kenka."
\v 5 Agibaga dagiti kabusorko iti nasakit a banbanag maipapan kaniak; kunada, "Kaanonto a matay isuna, ket malipatanto ti tunggal maysa ti maipapan kenkuana?"
\v 6 No umasideg dagiti kabusorko kaniak, agpammarangda a maseknanda kaniak. Sigagagarda a denggen ti amin a saan a nasayaat a damag maipapan kaniak. Kalpasanna, pumanawda ket ibagada iti tunggal maysa ti mapaspasamak kaniak.

\s5
\v 7 Pagi-innarasaasandak dagiti amin a manggurgura kaniak, ken mangnamnamada nga adda dakes unay a mapasamak kaniak.
\v 8 Kunada, "Matayto isuna iti mabiit gapu iti panagsaksakitna; saanto a pulos a makabangon isuna iti pagiddaanna sakbay a matay."
\v 9 Uray ti kadekketan unay a gayyemko, a nagtaltalkak unay, a masansan a makipangan kaniak, liniputannak.

\s5
\v 10 Ngem Yahweh, agtignayka a siaasi kaniak, ket pasalun-atennak manen. No aramidem dayta, kabaelakton a balsen dagiti kabusorko.
\v 11 No ipalubosmo a maaramidko dayta, ket gapu iti dayta, saandakton a maabak dagiti kabusorko, maammoakto a maay-ayoka kaniak.
\v 12 Maammoakto a gapu ta nagaramidak iti nasayaat isu a tinulongannak, ken maammoakto nga impalubosmo a makikaddua-ak kenka iti agnanayon.

\s5
\v 13 Madaydayaw ni Yahweh, ti Dios a daydayawenmi nga Israelita; Idaydayawyo isuna iti agnanayon! Amen! tarigagayak a kasta koma! Maikadua a libro

\s5
\c 42
\p
\v 1 O Dios, kasapulanka unay a kas iti ugsa a kasapulan nga uminom iti nalamiis a danum ti waig.
\v 2 Tarigagayak a makikaddua kenka, ti mannakabalin amin a Dios. Kunak iti bagik, "Kaanonto a makasubliak iti templo idiay Israel ken agdayawak manen iti imatangmo?"

\s5
\v 3 Inaldaw ken rinabii nga agsangsangitak; dagiti laeng luak ti pannakadanumko; ket kabayatan nga ar-aramidek dayta, kankanayon a damdamagen dagiti kabusorko kaniak, "Apay a saannaka a tultulongan ti Diosmo?"
\v 4 Agkararagak a sipaspasnek iti Dios kas malagipko idi makikuykuyogak kadagiti adu a tattao iti templo idiay Jerusalem. Indadauloak ida kas magmagnakami; agpukpukkawkami amin a siragragsak ken agkankantakami nga agyaman iti Dios gapu iti inaramidna; dakkelkami a bunggoy nga agramrambak.

\s5
\v 5 Isu nga ita kunak iti bagik, "Apay nga agdandanagak? Sitatalekak a mangnamnama a ti Dios bendisionannak, ket agdayawak manen kenkuana, a Diosko, ti mangisalsalakan kaniak."
\v 6 Ngem ita Yahweh, agdandanagak, isu a panpanunotenka. Addaka idiay Israel a pagay-ayusan ti Karayan Jordan manipud iti puon dagiti tapaw ti Bantay Hermon ken Bantay Mizar.

\s5
\v 7 Ngem ditoy, ti nakaro a ladingit a marikriknak ket kasla danum nga itinnagmo; kasla dissoor ti danum nga agpababa ken manglayus kaniak.
\v 8 Tarigagayak nga ipakita ni Yahweh kaniak iti tunggal aldaw nga ay-ayatennak a sipupudno, tapno iti tunggal rabii, agkanta ken agkararagak koma kenkuana, ti Dios a mangbibiag kaniak.

\s5
\v 9 Kunak iti Dios, a kasla maysa a dakkel a bato a no sadino ket natalgedak iti rabawna, "Apay a nalipatannak? Ammom dagiti rigat nga inyeg dagiti kabusorko kaniak."
\v 10 Kankanayon a pagang-angawandak; kankanayon a damdamagenda, "Apay a saanka a tultulongan ti Diosmo?" No pabainandak a kasla iti dayta, kasla sugat a mangwara kadagiti tulangko.

\s5
\v 11 Ngem kunak iti bagik, "Apay nga agdanagak? Sitatalekak a mangnamnama a ti Dios bendisionannak, ken agdayawak manen kenkuana, a Diosko, ti mangisalsalakan kaniak."

\s5
\c 43
\p
\v 1 O Dios, ipablaakmo nga awan basolko. Ikaluyanak no agsao dagiti tattao iti banbanag a maibusor kaniak--dagiti tattao a saan nga agdayaw kenka! Ispalennak manipud kadagiti tattao a mangallilaw kaniak ken mangibagbaga iti banbanag a saan a pudno maipapan kaniak.
\v 2 Sika ti Dios, ti mangsalsalaknib kaniak; apay a binaybay-annak? Kasla saan a rumbeng a kankanayon a malidayanak gapu ta agtigtignay a siraranggas dagiti kabusorko kaniak.

\s5
\v 3 Agsaoka kadagiti pudno a sasao a mangtulong kaniak nga agbiag. Mangtedka iti bilin a mangpalubos kaniak nga agsubli idiay Sion, a nasagradoan a turodmo idiay Jerusalem, ken iti templom a pagnanaedam.
\v 4 No aramidem dayta, mapanakto iti altarmo nga agdayaw kenka, o Diosko, a mangparparag-o unay kaniak. Sadiay dayawenkanto, ti Dios a pagrukrukbabak, ken tokarekto ti arpak.

\s5
\v 5 Isu nga apay a malidayan ken maupayak? Sitatalekak a mangnamnama a ti Dios bendisionannak ken agdayawak manen kenkuana, o Diosko, ti mangisalsalakan kaniak.

\s5
\c 44
\p
\v 1 O Dios, nangngegmi a mismo ti imbaga kadakami dagiti nagannakmi ken dagiti apongmi. Imbagada kadakami dagiti milagro nga inaramidmo nabayagen a panawen ti napalabas.
\v 2 Imbagada kadakami no kasano a pinatalawmo dagiti saan a nadiosan a tattao ken pinagnaednakami iti dagada. Imbagada kadakami a dinusam dagiti saan a nadiosan a tattao ken pinagtagikuam dagiti bukodmo a tattao iti daga.

\s5
\v 3 Saan a babaen iti panangaramatda kadagiti bukodda a kampilan a naiturayanda dagiti tattao nga agnanaed iti dayta a daga, ken saan a babaen iti bukodda a pannakabalin a nagballigida; babaen laeng iti pannakabalinmo a naaramidda dagiti banbanag; ken siguradoda nga addaka kadakuada, ipakpakitam a maay-ayoka kadakuada.
\v 4 Sika ti Ari ken Diosko; Aramidennakami, dakami a tattaom, a maabakmi dagiti kabusormi.

\s5
\v 5 Babaen iti pannakabalinmo a tinumbami dagiti kabusormi ken ibaddekmi ida.
\v 6 Saanak nga agtalek a maisalakanko ti bagik babaen iti panangaramatko iti bai ken panak ken iti kampilanko.

\s5
\v 7 Saan, sika ti nangispal kadakami manipud kadagiti kabusormi; sika ti nangpabain kadagiti manggurgura kadakami gapu ta naabakda.
\v 8 Kankanayon nga ipasindayawmi ti naaramidan ti Dios kadakami, ket agyamankami kenkuana iti agnanayon.

\s5
\v 9 Ngem ita linaksidnakami ken binaybay-annakami; no mapan makigubat dagiti armadami, saankan a kumuykuyog kadakuada.
\v 10 Pinagbalinmo nga itarayanmi dagiti kabusormi, ket gapu iti dayta, sinamsamda dagiti kukuami.
\v 11 Impalubosmo nga agbalinkami a kasla karnero a nakasagana a maparti; inwarasnakami kadagiti adayo a sabali a nasnasion.

\s5
\v 12 Kasla inlakonakami a tattaom iti nalaka kadagiti kabusormi, uray no awan nagun-gonam iti panangilakom kadakami!
\v 13 Pagang-angawandakami dagiti tattao nga agnanaed kadagiti nasnasion nga asideg kadakami; katkatawaan ken uy-uyawendakami.
\v 14 Pagaangawanda ti nagan ti pagilianmi, agwingiwingda a mangipakita iti panangumsida kadakami.

\s5
\v 15 Agmalmalem a maibabainak; manipud iti panangkitada iti rupak, ammo dagiti tattao a mabainak.
\v 16 Mangngegko ti ibaga dagiti mangkatkatawa ken manguy-uyaw kaniak; mabainak iti sangoanan dagiti kabusorko ken dagidiay mayat a mangdangran kaniak.
\v 17 Napasamak amin dagitoy a banbanag kadakami uray saandaka a nalipatan ken saan a dakami ti nagsukir iti tulag nga inaramidmo kadagiti kapuonanmi.

\s5
\v 18 Saankami a nagsardeng a nagbalin a napudno kenka, ken saankami a nagsardeng nga agar-aramid iti kayatmo nga aramidenmi.
\v 19 Ngem kasla impalubosmo nga agbalinkami nga awan gawayna a kasla kadagiti atap nga ayup ken binaybay-andakami idiay nauneg ken nasipnget a waig.
\v 20 No nalipatanmi a dayawen ti Diosmi, wenno no inyunnatmi dagiti imami nga agdayaw iti gan-gannaet a dios,
\v 21 awan duadua a naammoam dayta gapu ta ammom uray dagiti nalimed a panpanunotmi.
\v 22 Ngem gapu ta kukuanakami isu nga agtultuloy a patpatayennakami dagiti kabusormi. Agtigtignayda kadakami a kaslakami laeng karnero a partienda.

\s5
\v 23 Isu a Tumakderka, O Yahweh! Apay a matmaturogka? Bumangonka! Saannakami nga ilaksid iti agnanayon!
\v 24 Apay a saannakami a kitkitaen? Apay a liplipatem nga agsagsagabakami, a parparigatendakami dagiti kabusormi?

\s5
\v 25 Madandanagankami unay; awan ti maaramidanmi; kasla nataykamin.
\v 26 Agaramidka iti pamusmusan! Umayka ken tulongannakami! Ispalennakami gapu ta ay-ayatennakami kas inkarim nga aramiden.

\s5
\c 45
\p
\v 1 Iti kaunggak, pinaregtanak iti maysa a banag a napintas a maisurat, maysa a kanta a kantaek para iti ari. Dagiti balikas daytoy a kanta ket isuratkonto, maysa a nalaing a mannurat.
\v 2 O Ari, sika ti katataeran a lalaki iti entero a lubong, ken kanayon a nalawag ti panagsasaom! Isu nga ammomi a benendisionannaka ti Dios iti amin a kanito.

\s5
\v 3 Sika a maingel a mannakigubat, ibarekesmo ti kampilam! Nadayag ken nadaegka.
\v 4 Agsakayka kas maysa a naindaklan nga ari tapno ikalintegam ti kinapudno nga ibagbagam ken iti awan panangidumdumana a panangikeddengmo! Gapu ta nakirangetka kadagiti adu a gubat, masursurom ti agiwayat kadagiti aramid a pagbutngan dagiti kabusormo.

\s5
\v 5 Natadem dagiti panam, ken salputen dagitoy ti puso dagiti kabusormo. Abakemto dagiti soldado manipud iti nadumaduma a nasion.
\v 6 Agtalinaedto iti agnanayon ti pagarian nga ited ti Dios kenka. Nalinteg ti panangituraymo kadagiti tattao.
\v 7 Ipatpategmo dagiti nalinteg nga aramid, ken kaguram dagiti dakes. Isu a pinilinaka ti Dios, a Diosmo nga agbalin nga ari ket pinaragsaknaka iti kasta unay ngem kadagiti dadduma nga ari.

\s5
\v 8 Ti bangbanglo a naaramid manipud kadagiti agduduma a rekado ket naipabanglo kadagiti kagaymo. Liwliwaennaka dagiti tumutokar iti uneg dagiti marfil a palasio babaen kadagiti dekuerdas a pagtokaran.
\v 9 Maibilang kadagiti assawam dagiti babbai nga annak dagiti dadduma nga ari. Iti makannawan nga imam ket agtaktakder ti nobiam, ti reyna, a nakasuot kadagiti agkakapintas nga alahas a balitok manipud idiay Ofir.

\s5
\v 10 Ita, ibagak ti maysa a banag iti nobiam: "Denggennak a naimbag! Lipatem dagiti tattao nga agnanaed iti pagiliam, lipatem dagiti kabagiam!
\v 11 Gapu ta kasta unay ti kinapintasmo, tarigagayanto ti ari a makidennakenka. Amom isuna, isu a masapul ngarud nga agtulnogka kenkuana.

\s5
\v 12 Mangiyegto kenka dagiti tattao a naggapu idiay Tiro kadagiti sagut; dagiti nabaknang a tattaoda ket allukoyendakanto tapno paburam ida.
\v 13 Sika, a nobia ti ari, sumrekka iti palasio a nakakawes kadagiti agkakapintas a kagay a naaramid manipud iti balitok a sinulid."

\s5
\v 14 O Ari, bayat a nakakawes isuna iti napintas unay a bado nga adda agduduma a marisna, itulodanto isuna dagiti adipenna a babbai kenka. Addanto pay dadduma a babbalasitang ti kumuyog kenkuana.
\v 15 Kastanto unay ti ragsakda, kabayatan a maitultulodda iti uneg ti palasiom.

\s5
\v 16 Dumtengto ti aldaw a dagiti annakmo ken appokom a lallaki ket agbalinda nga ari, kas kadagiti kapuonam. Pagturayemto isuda kadagiti pagilian.
\v 17 Para kaniak, paglatakek iti amin a henerasion dagiti naimbag nga inaramidmo ket dayawendakanto dagiti tattao iti agnanayon.

\s5
\c 46
\p
\v 1 Ti Dios ti mangsalsalaknib ken mangpappapigsa kadatayo; kanayon a nakasagana a tumulong kadatayo no adda dagiti pakariribukantayo.
\v 2 Isu nga, uray no agkintayeg ti daga, saantayonto nga agbuteng. Uray no margaay dagiti bantay iti tengnga ti baybay,
\v 3 ken no ti danum iti baybay ket agdaranudor ken agburekburek, ken no agkintayeg dagiti katurturudan a siraranggas, saantayonto nga agbuteng!

\s5
\v 4 Dagiti bendision a nagtaud iti Dios ket kas iti karayan a mangparag-o iti amin a tao nga agnanaed iti siudad a pangidaydayawanmi kenkuana. Daytoy ti siudad nga ayan iti templo ti Dios a nataktakneng ngem kadagiti didiosen.
\v 5 Ti Dios ket agnaned iti daytoy a siudad, ket saanto a pulos a madadael daytoy; inaldaw nga umayna tulungan dagiti tattao iti dayta a siudad iti parbangon.

\s5
\v 6 No maminsan, dagiti tattao iti nadumaduma a nasion ket mabutengda; dagiti pagarian ket naparmek; agsasao ti Dios iti napigsa a kas iti gurruod, ket narunaw ti daga.
\v 7 Ngem ni Yahweh a Pangulo dagiti armada dagiti anghel ket adda kadatayo; ti Dios a dinayaw ni Jacob ti kamangtayo.

\s5
\v 8 Umayyo kitaen dagiti inar-aramid ni Yahweh! Umayyo kitaen dagiti dinadaelna iti entero a daga.
\v 9 Pagsardengenna dagiti gubat iti entero a lubong; tukkotukkolenna dagiti bai ken pana; dadaelenna dagiti gayang; puoranna dagiti kalasag.

\s5
\v 10 Kuna ti Dios, "Agulemekkayo ken laglagipenyo a siak ti Dios! Dayawendakto dagiti tattao iti amin a nasion. Dayawendakto dagiti tattao iti entero a daga."
\v 11 Ngarud, saanyo a lipatan a ni Yahweh, Pangulo dagiti armada dagiti anghel ket adda kadatayo; ti Dios a dinayaw ni Jacob ti kamangtayo.

\s5
\c 47
\p
\v 1 Dakayo a tattao iti entero a lubong, agpalakpakkayo! Agpukkawkayo a siraragsak nga agdayaw iti Dios!
\v 2 Ni Yahweh a nabilbileg ngem iti dadduma a dios, ti naindaklan; ari isuna a mangiturturay iti entero a lubong!

\s5
\v 3 Pinagballiginatayo kadagiti armada dagiti tattao nga agnanaed idiay Canaan.
\v 4 Pinilina daytoy a daga para kadatayo a pagnanaedantayo ita; datayo nga Israelita, nga ay-ayatenna, ket maipagpannakkeltayo a kukua tayo daytoy a daga.
\v 5 Nagpangato ti Dios iti templona. Nagririyaw dagiti tattao a siraragsak ken pinuyutanda dagiti trumpeta bayat a nagpangato ti Dios.

\s5
\v 6 Kantaentayo dagiti kanta tapno padayawan ti Diostayo! Agkantatayo tapno padayawan isuna! Agkantatayo para iti Dios nga aritayo!
\v 7 Ti Dios ti mangiturturay iti isu amin nga adda ditoy lubong; Agkantatayo iti salmo para kenkuana!

\s5
\v 8 Situtugaw ti Dios iti nasantaon a tronona bayat nga iturturayanna dagiti tattao iti amin a tribu.
\v 9 Dagiti mangiturturay kadagidiay a tribu ket naummongda iti sangngoanan dagiti tattao ti Dios, dagiti tattao a kaputotan ni Abraham. Nabilbileg ti pannakabalin ti Dios ngem kadagiti armas ti amin nga ari iti rabaw ti daga; naindaklan isuna, ken agdayawto kenkuana amin dagiti tattao iti amin a disso.

\s5
\c 48
\p
\v 1 Naindaklan ni Yahweh, ket maikari unay a mapadayawan iti siudad a pagnanaedanna, a naipatakder idiay Sion, ti nasantaon a turodna.
\v 2 Dayta a siudad nga adda iti tuktok ti turod ket napintas; daytoyti siudad a pagnanaedan ti pudno a Dios, ti naindaklan nga ari, ken agrag-o dagiti tattao iti entero a lubong no makitada daytoy.
\v 3 Adda ti Dios kadagiti natibker a torre sadiay, ken ipakpakitana a salsalaknibanna dagiti tattao iti dayta siudad.

\s5
\v 4 Adu nga ari ti naguummong a kaduada dagiti armadada tapno rautenda ti siudadtayo,
\v 5 ngem idi nakitada daytoy, nasdaawda; nagamakda, ket nagtatarayda nga immadayo.
\v 6 Gapu ta kasta unay iti butengda, nagpegergerda a kasla maysa a babai a dandanin mangipasngay iti maysa nga ubing.

\s5
\v 7 Nagkintayegda a kasla kadagiti barko nga aglaylayag manipud Tarsis nga inyallu-allon ti napigsa nga angin.
\v 8 Nadamagmi a napintas unay daytoy a siudad, ket ita nakitami dayta a kinapintasna. Daytoy ti siudad a pagnanaedan ni Yahweh, ti Pangulo dagiti armada dagiti anghel. Daytoy ti siudad a salimetmetan ti Dios iti agnanayon.

\s5
\v 9 O Dios, ditoy templom panpanunotenmi no kasano ti panagayatmo kadakami kas inkarim nga aramiden.
\v 10 Idaydayawdaka dagiti tattao iti entero a daga gapu ta nabileg ken nainkalintegan ti panagturaymo.

\s5
\v 11 Agragsak koma dagiti tattao nga agnanaed iti Bantay Sion! Agrag-o koma dagiti tattao iti entero a Juda gapu ta patas ti pananguk-ukomo kadagiti tattao.

\s5
\v 12 Dakayo nga Israelita, rumbeng a lawlawenyo ti Bantay Sion ken bilangenyo dagiti torre sadiay;
\v 13 kitaenyo dagiti pader sadiay ken sukimatenyo dagiti katitibkeran a pasetna tapno maibagayonto kadagiti annakyo ti maipapan kadagitoy.

\s5
\v 14 Ibagayo kadagiti annakyo, "Daytoy ti siudad ti Diostayo, ti Dios a sibibiag iti agnanayon; idalannatayo kabayatan ti panagbiagtayo."

\s5
\c 49
\p
\v 1 Dumngegkayo! Dakayo a tattao iti amin a tribu, dakayo a tattao iti entero a lubong,
\v 2 mabigbigbig ken gagangay a tattao, nabaknang ken napanglaw a tattao, dakayo amin, denggenyo ti ibabaggak.

\s5
\v 3 Ta ti panpanunotek ket adda kaipapananna, ken ti ibagak ket mangpasirib kadakayo.
\v 4 Mangpanpanunotak kadagiti agkakalaing a balikas nga ibagak kadakayo, ken bayat iti panagtukarko iti arpak, ilawlawagko ti kayatda a sawen.
\v 5 Saanak nga agdandanag no mariribukannak, no palpalawlawandak dagiti kabusorko.

\s5
\v 6 Dakes dagitoy a tattao nga agpiar kadagiti banag a ninamnamada a kanayon a mangpennek kadakuada gapu ta nabaknangda ket ipalastogda ti kinabaknangda.
\v 7 Agpayso a nabaknangda, ngem awan ti siasinoman a mabalin a mangbayad iti Dios iti kuarta tapno agbiag ti maysa a tao iti agnanayon! Awan ti siasinoman a makabael a mangbayad iti Dios iti naan-anay tapno itulok ti Dios nga agtultuloy nga agbiag isuna
\v 8 gapu ta nangina unay dayta a gatad, saannanto pulos a mabaelan a bayadan

\s5
\v 9 tapno agbiag isuna iti agnanayon ken saan pulos a matay ken maitanem!
\v 10 Makitatayo a dagiti maag ken nengneng a tattao ket matayda, uray dagiti masirib a tattao matayda met; panawanda amin dagiti sanikuada, ket tawidento daytoy dagiti dadduma.

\s5
\v 11 Idi, addaanda kadagiti babbalay iti bukodda a daga, ngem ita dagiti tanemda ti pagtaengandan iti agnanayon, ti lugar a pagnaedanna iti amin a tiempo!

\s5
\v 12 Uray no nadaeg dagiti tattao, saan a dayta ti mangilisi kadakuada iti pannakatay; matay amin a tattao, a kas kadagiti ayup.
\v 13 Dayta ti pagbanagan dagiti maag nga agpiar iti nagun-odda, dagiti tattao a rinagragsakda ti amin a pinundarda.

\s5
\v 14 Naitudingda a matay a kas iti karnero no ti mangipaspastor ket imatunanna ida tapno mapartida. Iti bigat, iturayan ida dagiti nalinteg a tattao ket kalpasanna matay dagiti nababaknang a tattao ken dagus nga agrupsa dagiti bagida iti tanemda; adda danto iti ayan dagiti natay a tattao, adayo kadagiti pagtaenganda.
\v 15 Ngem awan duadua nga ispalennakto ti Dios tapno saanakto a maipan iti lugar dagiti natay; alaennakto iti sidongna.

\s5
\v 16 Isu a saankayo a maupay no bumaknang ti sumagmamano a tao ken no pagarbo a pagarbo dagiti babbalay a pagnanaendanda;
\v 17 ta inton matay isuna, awanto iti maalana; saanna a maitugot ti kinabaknangna.

\s5
\v 18 Bayat a sibibiag ti nabaknang a tao, kabkablaawanna ti bagbagina, ken padpadayawan isuna dagiti tattao gapu iti kinaballigina,
\v 19 ngem matayto isuna ken maitipon kadagiti kapuonanna, a saannanton a pulos makita ti lawag iti uray kaanoman.
\v 20 Uray no nadaeg ti maysa a tao, saan a dayta ti mangilisi kenkuana iti pannakatay; matayto isuna a kas kadagiti ayup.

\s5
\c 50
\p
\v 1 Nagsao ti Dios, ti mannakabalin amin; pinaayabanna amin a tattao, manipud iti daya agingga iti laud.
\v 2 Agranraniag ti dayagna manipud iti Bantay Sion idiay Jerusalem, ti napintas unay a siudad.

\s5
\v 3 Immay kadakami ti Dios, ket saan a nagulemek. Gumilgil-ayab nga apuy iti adda iti sangngoananna, ken agbagbagio iti aglawlawna.
\v 4 Immay isuna tapno ukomenna dagiti tattao. Pinukpukkawanna dagiti anghel idiay langit ken dagiti tattao iti rabaw ti daga.
\v 5 Kunana, "Ayabanyo dagiti napudno nga agdaydayaw kaniak, dagidiay nagtulnog iti katulagak babaen iti panangidatonda iti sacrficio kaniak."

\s5
\v 6 Ipabpablaak dagiti anghel idiay langit, "Nalinteg ti Dios, ken isuna ti kangatoan a manguk-okom."

\s5
\v 7 Kuna ti Dios, "Dumngegkayo! Dakayo a tattaok, dakayo nga Israelita, dumngegkayo, ta Siak, ti Diosyo, mangibagbaga a ti inaramidyo ket saan a husto.
\v 8 Saankayo a tubtubngaren iti panangidatonyo kadagiti sacrificio kaniak, kadagiti daton a kanayonyo a puoran iti rabaw ti altar para kaniak.

\s5
\v 9 Ngem saanko a pudno a kasapulan dagiti indatonyo a kalakian a baka manipud kadagiti kamarinyo ken dagiti kalding manipud kadagiti kulonganyo,
\v 10 gapu ta amin nga ayup nga adda iti kabakiran ket kukuak, ken amin dagiti arban nga adda iti rinibribu a katurturudan ket kukuak met.
\v 11 Ammok ken kukuak amin a tumatayab nga adda kadagiti bantay, ken amin a parsua nga agbibiag kadagiti kataltalunan.

\s5
\v 12 Isu a no mabisinak, saanak nga agibaga kadakayo tapno mangiyegkayo iti taraon gapu ta amin nga adda ditoy lubong ket kukuak!
\v 13 Saanak a mangmangan iti lasag dagiti kalakian a baka nga idat-datonyo, ken saanko nga in-inumen ti dara dagiti kalding nga idatdatagyo kaniak.

\s5
\v 14 Ti daton a pudno a tartarigagayak ket ti panagyamanyo kaniak ken ti panagtungpalyo iti amin nga inkariyo.
\v 15 Agkararagkayo kaniak no mariribukankayo. No aramidenyo dayta, isalakankayonto, ken kalpasanna, dayawendakto.

\s5
\v 16 Ngem ibagak daytoy kadagiti managdakdakes a tattao: Apay ta sasawenyo dagiti bilinko wenno sarsaritaenyo ti maipapan iti katulagan nga inaramidko kadakayo?
\v 17 Idinto ta tinanggianyo ti panangisurok kadakayo, ken linaksidyo ti imbagak kadakayo nga aramidenyo.

\s5
\v 18 Tunggal kanito a makakitakayo iti agtatakaw, gaygayyemenyo ken it- itedyo ti ad-adu a panawenyo a makidanggay kadagiti makikamkamalala.
\v 19 Kanayon a pagsasaritaanyo ti panangaramid kadagiti dakes, ken kanayonyo nga al-allilawen dagiti tattao.
\v 20 Kanayonyo nga ak-akusaran dagiti kameng ti bukodyo a pamilia ken daddadaelenyo ti dayawda.

\s5
\v 21 Inaramidyo amin dagitoy a banbanag, ket awan nangngegyo kaniak, isu nga impagarupyo a managbasolak a kas kadakayo. Ngem ita, ballaagan kayo ken akusarankayo, iti mismo a sangngoananyo.
\v 22 Dakayo ngarud amin a saan a nangikankano kaniak, ipangagyo daytoy, ta no saan, dadaelenkayo, ken awanto ti siasinoman a mangispal kadakayo.

\s5
\v 23 Ti daton a pudno a makaited dayaw kaniak ket iti panagyamanyo kaniak iti naaramidak kadakayo; ket isalakanko dagiti kanayon nga agtungpal kadagiti banag a kayatko nga aramidenda."

\s5
\c 51
\p
\v 1 Kaasiannak O Dios gapu ta inayatnak iti napudno; gapu ta manangngaasika, pukawem ti listaan dagiti panagsukirko kenka!
\v 2 Pasin-awennak manipud kadagiti nagbiddutak; dalusannak manipud iti kinamanagbasolko.

\s5
\v 3 Ibagak dayta gapu ta ammok dagiti panagsukirko kenka; saanko a malipatan dagidiay.
\v 4 Sika, sika laeng ti pudno a nakabasolak, ken nakitam dagiti dakes nga inaramidko. Hustoka idi imbagam a nagbasolak, ken nainkalintegan ti panangibagam a maikariak a madusa inton ukomennak.

\s5
\v 5 Managbasolakon sipud pay iti aldaw a naiyanakak; pudno, nagbalinak a kastan sipud pay innginawnak ti inak.
\v 6 Tarigagaymo iti kaunggak a kalikagumak koma ti kinapudno tapno maisuronak nga agtignay masirib.

\s5
\v 7 Pasin-awennak manipud iti kinamanagbasolko, ket kalpasanna, agbalinto a nadalus ti kaunggak; dalusannak, ket iti kaunggak, agbalinakto a napudpudaw ngem iti niebe.
\v 8 Ipalubosmo nga agragsakak manen; rinumekmo ti espirituk; ngem ita ipalubosmo nga agrag-oak manen.
\v 9 Dimo itultuloy a kitaen dagiti nagbasolak; pukawem ti listaan dagiti dakes nga inaramidko.

\s5
\v 10 O Dios, pasin-awem toy kaunggak. Mangikabilka iti baro ken napudno nga espiritu kaniak.
\v 11 Dinak patalawen gapu iti basolko, ken dimo ikkaten ti Nasantoan nga Espiritum kaniak.

\s5
\v 12 Paragsakennak manen gapu iti panangwayawayam kaniak manipud iti kinamanagbasolko, ken aramidem a siaayat nga agtulnog ti espirituk kenka.
\v 13 No aramidem dayta, maisurokto kadagiti managbasol segun iti kayatmo nga aramidenda, ket agbabawidanto ken rugianda ti agtulnog kenka.

\s5
\v 14 O Dios, sika ti mangisalakan kaniak; pakawanennak ta nagbasolak iti pannakatay iti saanko a kabusor. No aramidem dayta, ikantak a siraragsak ti kinaimbag ken kinalintegmo.
\v 15 O Yahweh, tulongannak nga agsao tapno mapadayawanka.
\v 16 Saanka laeng a maay-ayo kadagiti daton nga iyeg kenka dagiti tattao. No makaanay koma dayta a mangparagsak kenka, mangiyegak kenka kadagiti daton. Saanka laeng a maay-ayo kadagiti daton a maipuor.

\s5
\v 17 Ti daton a pudno a tartarigagayam ket ti panagpakumbaba dagiti tattao ken panagbabawi ti panagbasolda; O Dios, saanmonto a pagkedkedan ti kasta a daton.
\v 18 O Dios, agbalinka koma a naimbag kadagiti tattao nga agnanaed iti Jerusalem; tulongam ida a mangbangon kadagiti bakud ti siudad.
\v 19 Inton mapasamak dayta, iyegdanto kenka dagiti umno a daton, dagiti ayup a maipuor amin, dagiti bumaro a baka a puoranda iti rabaw ti altarmo, ket maay-ayokanto.

\s5
\c 52
\p
\v 1 Sika a napannakkel a tao, ipagarupmo a napigsaka; ipaspasindayawmo ti panangriribukmo iti dadduma, ngem inaldaw a sipupudno a salakniban ti Dios dagiti tattao manipud kenka.
\v 2 Iti inaldaw a panggepem a pukawen dagiti dadduma; makasugat dagiti ibagbagam a kasla banag a natadem ken kanayonmo nga al-allilawen dagiti dadduma.

\s5
\v 3 Pagay-ayatmo ti agar-aramid ti dakes ngem ti agaramid ti naimbag, ken pagay-ayatmo ti agibagbaga ti inuulbod ngem iti agibagbaga ti kinapudno.

\s5
\v 4 Sika ti mangibaga kadagiti banbanag a mangallilaw iti tattao, pagay-ayatmo ti mangibaga kadagiti banbanag a mangpasakit iti tao!
\v 5 Ngem pukawennaka ti Dios iti agnanayon; gammatan ken iparangguyodnaka manipud iti pagtaengam, ket pukawennaka iti daytoy a lubong dagiti tattao a sibibiag.

\s5
\v 6 Inton makita dagiti nalinteg a tattao daytoy, agsiddaawdanto, ket katawaandanto ti napasamak kenka, ket ibagada,
\v 7 "Kitaenyo ti napasamak iti tao a saan nga agkiddaw ti panangsalaknib ti Dios; nagtalek a maisalakan isuna ti adu a kinabaknangna; nagtalek isuna iti kuarta a sidadangkes a naalana iti sabali!"

\s5
\v 8 Ngem natalgedak gapu ta agrukrukbabak iti templo ti Dios; kaslaak la iti nalangto a kayo ti olibo. Agtalekak iti Dios, a sipupudno a mangay-ayat kadatayo iti agnanayon.
\v 9 O Dios, kankanayon nga agyamanak kenka iti panangdaddaelmo kadagiti nadangkes. Iti panagtakderko iti sangoanan dagiti nadiosan a tattao, iwaragawagkonto a naimbagka.

\s5
\c 53
\p
\v 1 Dagiti maag laeng a tattao ti mangibaga iti bagbagida nga, "Awan Dios" Dakes dagiti tattao a mangibaga iti dayta; agar-aramida kadagiti nakabutbuteng a basol; awan uray maysa kadakuada ti agar-aramid iti naimbag.
\v 2 Agtantannawag ti Dios manipud langit ket kitkitaenna dagiti tattao; tumantannawag isuna a mangkita no adda masirib a tao ken mangbirok iti wagas tapno maam-ammona ti Dios.
\v 3 Ngem rinuker amin ti panunot dagiti tattao; awan uray maysa nga agar aramid iti naimbag.

\s5
\v 4 Saanto kadi a pulos a maadal dagiti dakes a tattao ti aramidento ti Dios kadakuada? Naranggasda kadagiti tattao ni Yahweh bayat ti panpannanganda iti taraon nga impaayna, ket saanda a pulos nga agkararag kenni Yahweh.
\v 5 Ngem addanto aldaw nga agbutengto dagidiay a tattao, uray no awan ti nasken a pagbutnganda. Ta papatayento ti Dios dagidiay a dumarup kenka, ket iwarananto dagiti tulangda. Linaksidda ti Dios, isu nga ipaabaknanto ida ket maibabainda iti kasta unay.

\s5
\v 6 Idawdawatko nga umay koma ti Dios ken ispalenna dagiti Israelita! O Dios, inton bendisionam manen dagiti tattaom, agrag-onto dagiti amin nga Israelita ken dagiti amin a kaputotan ni Jacob.

\s5
\c 54
\p
\v 1 O Dios, isalakannak kadagiti kabusorko babaen iti pannakabalinmo, ken ipakitam kadagiti tattao nga awan ti aniaman a biddut nga inaramidko!
\v 2 O Dios, denggem ti kararagko; denggem iti ibagak kenka
\v 3 gapu ta padpadasendak a darupen dagiti natatangsit; kayatdak a patayen dagiti napalanguad a tattao, dagiti tattao nga awan panagraemda kenka.

\s5
\v 4 Ngem ti Dios ti tumulong kaniak; Salsalaknibannak ni Yahweh kadagiti kabusorko.
\v 5 Agballatekto ketdi kadakuada dagiti dakes a banag a kayatda nga aramiden kaniak; gapu ta sipupudno a tungtungpalem dagiti inkarim kaniak, dadaelem ida.

\s5
\v 6 O Yahweh, siraragsakakto a mangidaton kenka gapu ta kayatko, ken pagyamananka, ta naimbagka kaniak;
\v 7 inispalnak kadagitti amin a pakariribukak, ket nakitak a naparmekmon dagiti kabusorko.

\s5
\c 55
\p
\v 1 O Dios, denggem ti kararagko, ken saannak a panawan bayat nga agpakpakaasiak kenka.
\v 2 Denggennak ken sungbatannak gapu ta riningbawannak dagiti amin a pakariribukak.
\v 3 Butbutngendak dagiti kabusorko; parparigatendak dagiti nadangkes a tattao. Rirriribukendak; kapungtot ken kagurguradak.

\s5
\v 4 Mabutbutengak, napalalo ti butengko a matay.
\v 5 Maam-amakak unay ken agtigtigergerak; kasta unay ti butengko.

\s5
\v 6 Kinunak, tarigagayak ti maaddaanak kadagiti payak a kas iti kalapati! No addaanak kadagiti payyak, tumayabak iti adayo ket agbirok iti disso a paginanaak.
\v 7 Tumayabak iti adayo ket agnaedak idiay let-ang.

\s5
\v 8 Agdarasak a bumirok iti disso a saandak a madangran dagiti kabusorko a kas iti napigsa nga angin ken bagio."
\v 9 O Apo, tikawem dagiti kabusorko ken saanmo a pagballigien dagiti panggepda gapu ta makitkitak ida nga agtigtignay a siraranggas ket isuda ti mangparparnuay ti kinaranggas iti siudad a Jerusalem.

\s5
\v 10 Iti aldaw ken rabii magmagnada iti rabaw dagiti bakudna, agar-aramidda kadagiti krimen ken mangparparnuayda iti riribuk.
\v 11 Daddadaelenda dagiti amin a banbanag iti sadinoman. Parparigatenda ken sasaurenda dagiti tattao kadagiti pagtagilakoan.

\s5
\v 12 No koma maysa a kabusor ti mangkatkatawa kaniak, maibturak. No koma daytoy ket maysa a tao a mangurgura kaniak, a manglalais kaniak, mailemmengak isuna.
\v 13 Ngem maysa a tao a kas kaniak met laeng daytoy, ti kaduak, maysa a nagbalin a gayyemko ti mangar-aramid iti kastoy kaniak.
\v 14 Nasinged ti panagkadkadduakami idi; nagkuykuyogkami a nagnagna idiay templo ti Dios.

\s5
\v 15 Tarigagayak a bumaba a sibibiag dagiti kabusorko iti ayan dagiti natay a tattao. Kayatko a mapasamak daytoy gapu ta nakitak nga agar-aramida iti dakes a banbanag kadagiti pagtaenganda.

\s5
\v 16 Ngem dawatek kenni Yahweh, ti Diosko, a tulongannak ken isalakannak.
\v 17 Tunggal agsapa, agmatuon ken rabii, ibagbagak kenkuana ti pakasikorak, umas-asugak ket ipangpangagnak.
\v 18 Adu unay dagiti kabusorko, ngem ispalennak ken isublinak a sitatalged manipud kadagiti gubat a pakirangrangetak.

\s5
\v 19 Ti Dios ti agturay iti amin a banag iti agnanayon, ket denggennakto. Ipaabakna ken ibabainnanto dagiti kabusorko gapu ta saanda a binalbaliwan ti dakes a kababalinda ken gapu ta awan panagraemda iti Dios.

\s5
\v 20 Ti kaduak, a nadakamatko idi, ket liniputanna dagiti gagayyemna ken sinalungasingna ti nagtutulaganda.
\v 21 Nalaka a denggen ti imbagana a kasla mantikilia a nalaka a tilmonen, ngem kagurana dagiti tattao iti kaungganna; makapabang-ar dagiti sasaona a kas iti lana ti olibo, ngem makapasakit dagitoy kadagiti tattao kas iti masugatan ti natadem a kampilan.

\s5
\v 22 Ikamangyo iti Dios dagiti pakariribukanyo, ket aywanannakayto; saanna nga ipalubos a madadael ti didigra dagiti nalinteg a tattao.
\v 23 O Dios, Ipapataymonto dagiti mamapatay ken managulbod sakbay nga agbiagda iti kaguddua ti kaatiddog a kas iti namnamaenda a panagbiagda. Ngem no maipapan kaniak, agtalekak kenka.

\s5
\c 56
\p
\v 1 O Dios, kaasiannak koma gapu ta indadanesdak dagiti tattao; inaldaw a dardarupendak dagiti kabusorko.
\v 2 Agmalmalem nga idaddadanesdak dagiti kabusorko; adu kadakuada ti sipapalangguad a mangdardarup kaniak.

\s5
\v 3 Ngem tunggal mabutengak, agtalekak kenka.
\v 4 O Dios, idaydayawka gapu ta ar-aramidem dagiti inkarim; agtaltalekak kenka, ket saanak a mabuteng. Saandak a madangran dagiti tattao.

\s5
\v 5 Inaldaw nga ibagbaga dagiti kabusorko a nagsaoak kadagiti banag a saanko nga imbaga; agpanpanunotda a kankanayon iti wagas tapno dangrandak.
\v 6 Tapno riribukendak, aglemlemmengda ket sipsiputanda amin nga ar-aramidek, agur-urayda iti gundaway a mangpatay kaniak.

\s5
\v 7 O Dios, dusaem ida gapu kadagiti nadangkes a banbanag nga ar-aramidenda; ipakitam a makaungetka babaen iti panangparmekmo kadagidiay a tattao!
\v 8 Nabilangmo amin a tiempo a nagalla-allaak; a kasla inkabilmo dagiti luluak iti botelia tapno makitam ti panagsangsangitko. Binilangmo dagiti luluak ken inlistam ti bilangda iti librom.

\s5
\v 9 No umawagak kenka, O Diosko, maabakto dagiti kabusorko; ammok a mapasamak dayta gapu ta makirangrangetka para kaniak.
\v 10 Idaydayawka ta ar-aramidem dagiti inkarim; O Yahweh, idaydayawka a kankanayon gapu iti dayta.
\v 11 Agtalekak kenka, ket agbanag a saanakto nga agbuteng. Ammok a saandak a madangran dagiti tattao!

\s5
\v 12 Iyegkonto kenka ti daton nga inkarik; mangyegakto iti daton a pagyamanko kenka
\v 13 gapu ta inispalnak manipud iti pannakapapatay; inlisinak iti pakaitublakak. Agbanag nga agtultuloyak nga agbiag iti prisensiam iti lawag nga agraniag kadagidiay a sibibiag.

\s5
\c 57
\p
\v 1 O Dios, kaasiannak! Kaasiannak gapu ta sika ti pagkamangak. Kiddawek kenka a salaknibannak a kas kadagiti sibong dagiti billit a sallukoban dagiti payak ti inana agingga a malpas ti bagio.

\s5
\v 2 O Dios, sika a natantan-ok ngem kadagiti dadduma a dios, umasugak kenka, sika a mamagbalin kaniak a kas iti tartarigagayam.
\v 3 Sungbatannakto ken ispalennak manipud langit, ngem ipaabakmonto ken maibabain dagiti tattao a mangparparigat kaniak! Kankanayonto nga ay-ayatennak ti Dios kas iti inkarina kaniak.

\s5
\v 4 Napalikmutanak no maminsan dagiti kabusorko a nakasagana a mangpatay kaniak a kas iti leon a nakasagana a mangpatay iti tao; kasla da leon a mangngalngalngal kadagiti ayup a patayenda. Ngem tao dagiti kabusorko, ken addaanda kadagiti gayang ken pana, saan a ngipen. Agibagbagada iti inuulbod maipapan kaniak.
\v 5 O Dios, ipakitam iti langit a natan-okka! Ipakitam ti dayagmo kadagiti tattao iti entero a lubong!

\s5
\v 6 Kasla la nangiwayat dagiti kabusorko iti iket a mangtiliw kaniak, ket nariribukanak unay. Kasla da la nagkali iti nauneg nga abut iti dalan a pagnaak, ngem isuda ti natnag iti daytoy!

\s5
\v 7 O Dios, agtalekak unay kenka. Agkantaakto kenka, ken idaydayawka bayat nga agkankantaak.
\v 8 Pakaidayawan ti agriing ken mangidayaw kenka. Bumangonak sakbay a sumingising ti init ken idaydayawka bayat ti panagtukarko ti dakkel nga arpak ken ti lirak.

\s5
\v 9 O Apo, pagyamananto kadagiti tattao, ken idaydayawka kadagiti amin a bunggoy dagti tattao, kantaanka,
\v 10 gapu ta ti napudno nga ayatmo kadakami ket kas kadakkel iti nagbaetan ti daga ken tangatang, ken gapu iti kinapudnom.
\v 11 O Dios, ipakitam iti langit a iti kinatan-okmo! Ipakitam ti dayagmo kadagiti tattao iti entero a daga.

\s5
\c 58
\p
\v 1 No agsaokayo, dakayo nga agtuturay, saanyo pulos nga ibaga ti umno; dakayo a tattao, saankayo pulos a mangikeddeng iti nalinteg kadagiti saan a pagkikinnaawatan.
\v 2 Saan, panunotenyo laeng iti kaungganyo ti agaramid iti biddut, ket naranggaskayo iti sadinoman ditoy daga iti Israel.

\s5
\v 3 Agaramid iti agkakadakes ken agibaga ti inuulbod dagiti nadangkes a tattao sipud idi naipasngayda.
\v 4 Ti ibagbaga dagiti nadangkes ket makapasakit kadagiti tattao a kas iti gita ti uleg. Saanda a kayat iti dumngeg kadagiti bilin; kasla da la tuleng a kobra.
\v 5 Kas banagna, saanda a dumngeg no tubngaren ida dagiti dadduma, kas iti uleg a saan nga aggaraw no tukaren ti mangkaykayaw ti plauta wenno no adda agkanta iti makapaawis a kankanta.

\s5
\v 6 O Dios, a kas kadagitoy a kabusor a mangayat a mangdarup kaniak a kasla kadagiti urbon a leon, pusiem dagiti ngipen kadagiti ngiwatda!
\v 7 Pukawem ida a kas iti panagpukaw ti danum iti agmaga a daga! Pukawem dagiti tirad dagiti pana nga ibiatda!
\v 8 Pagbalinem ida a kas kadagiti bisukol nga agpukaw iti pitak; pagbalinem ida a kas iti maladaga a natay a naipasngay!

\s5
\v 9 Namnamaek a pukawem ida a kas kapartak ti pannakaitayab dagiti nasiit a ruot kalpasan a maparaspasda.
\v 10 Agrag-onto dagiti tattao nga agar-aramid iti umno inton makitada a dusdusaen ti Dios dagiti nadangkes; buggoandanto dagiti sakada iti dara dagiti nadangkes a tattao.
\v 11 Ket ibaganto dagiti tattao a, "Pudno nga adda gunggona dagiti nalinteg a tattao; ket pudno nga adda Dios a sililinteg a manguk-ukom kadagiti tattao ditoy lubong!"

\s5
\c 59
\p
\v 1 O Dios, isalakannak kadagiti kabusorko! Salaknibannak kadagiti mangayat a mangdarup kaniak!
\v 2 Salaknibannak kadagiti tattao a mangayat nga agaramid iti nadangkes, kadagiti tattao a mammapatay!

\s5
\v 3 Kitaem! Agur-urayda a mangpatay kaniak! Aguummong dagiti naulpit a tattao a manggundaway kaniak. O Yahweh, ar-aramidenda dayta uray no awan inaramidko a biddut!
\v 4 Saan a gapu ta nagbasolak kadakuada nga isu ti gapu a tumaray ken agsagsaganada a dumarup kaniak. Pangaasim ta kitaem ti kasasaadko ken tulongannak.

\s5
\v 5 O Yahweh, a Diosko, Mangidadaulo kadagiti armada dagiti anghel, ti daydayawenmi nga Israelita, bumangonka ket dusaem dagiti tattao iti amin a nasion a saan nga agdaydayaw kenka; saanka a maasi kadagidiay nadangkes a tattao a manglipliput kadakami.

\s5
\v 6 Rinabii nga agsublida, agngerngernger a kalsa narurungsot nga aso bayat ti pananglawlawlawda iti daytoy a siudad.
\v 7 Ipukpukkawda nga ibaga dagiti nakabutbuteng a banbanag; agsaoda kadagiti banbanag a mangdaddadael a kas ti panangdadael dagiti kampilan, gapu ta ibagbagada nga, "Awan ti makangngeg kadatayo."

\s5
\v 8 Ngem katawaam ida O Yahweh. Umsiem dagiti tattao iti pagano a nasion.
\v 9 O Dios, agtalekak kenka gapu ta napalalo ti pigsam; sika ti kamangko.

\s5
\v 10 Gapu ta ay-ayatennak, umaynakto isalakan a kas inkarim; ipalubosmo a buyaek ti panangparmekmo kadagiti kabusorko.
\v 11 Ngem saanmo ida a patayen a dagus; nasayaat a rumbeng a saan a malipatan dagiti tattaok iti panangdusam kadakuada! Ngem O Apo, kaslaka ketdi sarikedked a mangsalsalaknib kadakami, warawaraem ida babaen iti pannakabalinmo, ken parmekem ida.

\s5
\v 12 Gapu ta dakes ti ibagbagada, ipalubosmo a mapalab-oganda gapu iti kinatangsitda. Gapu ta kankanayon nga agilun-lunodda ken agul-ulbodda,
\v 13 gapu ta makaungetka, pukawem ida; naan-anay a dadaelem ida tapno maammoan dagiti tattao nga iturturayannakami, a tattaom, ken iturayam ti entero a lubong.

\s5
\v 14 Rinabii nga agsubli dagiti kabusorko, agngerngerngerda a kas iti narungsot nga aso bayat iti pananglawlawlawda iti daytoy a siudad.
\v 15 Agsawsawarda iti makan, ket no awan ti umdas a mabirukanda, agtaguobda a kasla aso.

\s5
\v 16 Ngem no maipapan kaniak, ikantakto ti pannakabalinmo; binigat a sirarag-o nga ikantak ti sipupudno a panangay-ayatmo kadakami. Ikantak ti panangsalsalaknibmo kaniak no napalalo ti kapsutko.
\v 17 O Dios, sika ti mangpappapigsa kaniak; sika ti kamangko; ay-ayatennak a sipupudno, kas iti inkarim iti tulagmo.

\s5
\c 60
\p
\v 1 Inkararagko, “O Dios, linaksidnakami nga Israelita! Gapu ta nakaungetka kadakami, intulokmo a maparmekdakami dagiti kabusormi. Pangngaasim ta papigsaennakami manen!

\s5
\v 2 Idi naparmekdakami dagiti kabusormi, kasla la pinaggingginedmo ti napigsa ket nagrengngat ti daga. Isu nga ita, kas iti panangpukawmo kadagiti rengngat ti daga, tulongam koma a pumigsa manen dagiti armadami, gapu ta kasla madaddadaelen ti pagilianmi.
\v 3 Pinagsagabanakami a tattaom iti nakaro; a kasla pinilitnakami nga uminom iti naingel nga arak a nangpadiwerdiwer kadakami kalpasan a mabartekkami.

\s5
\v 4 Ngem intag-aymo ti bandera ti gubat a maipaay kadagiti mangraraem kenka tapno makapagu-ummongda iti aglawlawna ket saanda a mapapatay kadagiti pana dagiti kabusor.
\v 5 Sungbatam dagiti kararagmi ket ikkannakami iti kabaelan a mangparmek kadagiti kabusormi babaen iti pannakabalimo, tapno maisalakankami, dakami a tattaom nga ay-ayatem."

\s5
\v 6 Kalpasanna, sinungbatan ti Dios ti kararagko ken nagsarita manipud iti templona, a kunana "Gapu ta naparmekkon dagiti kabusoryo, bingayek ti siudad ti Sikem, ket ibunongko kadagiti tattaok ti daga ti tanap ti Succot.
\v 7 Kukuak ti rehion ti Galaad; kukuak dagiti tattao iti tribu ni Manases; kasla helmetko ti tribu ti Ephraim; kasla setrok ti tribu ti Juda a pagturturayak.

\s5
\v 8 Ti rehion ti Moab ket kasla isu’t pagbuggoak a palanggana; ipuruakko ti sandaliasko iti rehion ti Edom a mangipakita a kukuak daytoy; agpukkawak a sibaballigi gapu ta naparmekko dagiti tattao iti entero a rehion ti Filistia.
\v 9 Gapu ta kayatko a parmeken dagiti tattao iti Edom, siasino ti mangidaulo ti armadak nga agturong iti kangrunaan a siudadda nga addaan iti natibker a pader iti aglawlawna?"

\s5
\v 10 O Dios, kasla binaybay-annakami; kasla saanka a kumuyog kadakami no mapan makiranget dagiti armadami.
\v 11 Kasapulandaka a mangtulong kadakami inton makirangetkami kadagiti kabusormi gapu ta awan serserbi ti maitulong ti tao kadakami.
\v 12 Ngem no sika ti tumulong kadakami, mangabakkami; pangabakennakami kadagiti kabusormi.

\s5
\c 61
\p
\v 1 O Dios, denggennak ken sungbatam ti kararagko.
\v 2 Kabayatan a maup-upayak ken adayoak iti balayko, umaw-awagak kenka. Idalannak iti lugar nga agbalin a kasla nangato a bato nga iti rabawna ket natalgedak.
\v 3 Sika ti nagbalin a kamangko; nagbalinka a kasla natibker a tore isu a saandak a madarup dagiti kabusorko.

\s5
\v 4 Palubosannak nga agnaed iti asideg ti nasagradoan a toldam aginggana a sibibiagak! Palubosannak nga agbalin a natalged kas iti natalged nga an-anak iti billit nga adda iti salukob dagiti payak ti inana.
\v 5 O Dios, nangngegnak idi sipapasnek a nagkariak nga agidatonak kenka; intedmo kaniak dagiti bendision a para kadagidiay addaan iti naisangsangayan a panagraem kenka.

\s5
\v 6 Siak ti ari ti Israel; pangngaasim ta ipalubosmo nga agbiagak ken agturay iti adu a tawen, ken ipalubosmo met nga agturay dagiti kaputotak.
\v 7 Ipalubosmo nga agnanayon nga agturaykami bayat nga im-imatangannakami; bantayannakami bayat a sipupudno nga ay-ayaten ken ar-aramidem kadakami ti inkarim.

\s5
\v 8 No aramidem dayta, kanayonak nga agkanta tapno dayawenka bayat nga agidatonak kenka iti inaldaw kadagiti sakripisio nga inkarik nga ited kenka.

\s5
\c 62
\p
\v 1 Ti Dios laeng ti makaited iti kapia ti kaunggak, ken isuna ti mangisalsalakan kaniak kadagiti kabusorko.
\v 2 Isuna laeng ti kasla dakkel a bato a pakatalgedak; kasla nangato a pagsammakedan a saan a makalay-at dagiti kabusorko.

\s5
\v 3 Kaanokayo nga agsardeng a mangdardarup kaniak, dakayo a kabusorko? Mariknak a kaslaak la karukop iti nakairig a diding wenno narba nga alad a maibusor kenka.
\v 4 Pangpanggepen dagiti kabusorko ti panangpaksiatda kaniag iti napateg a saadko tapno saandakton a pulos a raemen dagiti tattao. Ragragsakenda ti agul-ulbod. Bendisionanda dagiti tattao babaen iti ibagbagada, ngem iti kaungganda, ilunlunodda dagidiay a tattao.

\s5
\v 5 Ti Dios laeng ti mangmangted iti kapia iti kaung-gak, isuna laeng ti namnamaek a sigurado a mangtulong kaniak.
\v 6 Isuna laeng ti kasla dakkel a bato a pakatalgedak; kasla paglinongan; saandak a magaw-at dagiti kabusorko sadiay.

\s5
\v 7 Ti Dios laeng ti mangisalsalkan ken mangitantan-ok kaniak. Kasla dakkel, natibker a bato a mabalinko a paglinungan.
\v 8 Dakayo a tattaok, kanayon nga agtalekkayo kenkuana. Ibagayo kenkuana ti amin a pakariribukanyo gapu ta agkamangtayo.

\s5
\v 9 Dagiti tattao a naibilang a saan a napateg ket kas angin a naiyanges nga awan serbina; pudno nga awan pategna dagiti tattao a naibilang a napateg. No itimbangmo ida amin, nalag-anda a kas iti puyot ti angin.
\v 10 Saankayo nga agtalek iti kuarta a nagun-odyo babaen iti panagkikilyo iti sabali. Saanyo a padasen ti manggun-od iti uray ania babaen iti panangtakaw iti kukua iti sabali. No bumaknangka iti kasta unay, saanka nga agtalek iti kuartam.

\s5
\v 11 Nangngegko ti imbaga ti Dios a saan laeng nga iti naminsan nga isuna laeng ti addaan iti pudno a pannakabalin,
\v 12 ken isuna laeng ti pudno a mangay-ayat kadatayo amin, kas inkarina. Gungonaannatayo amin segun kadagiti ar-aramidentayo.

\s5
\c 63
\p
\v 1 O Dios, sika ti Dios a daydayawek. Kasta unay ti tarigagayko a makikaddua kenka iti napudot a let-ang a kasta unay ti panakawawna iti danum.
\v 2 Nakipagtaltalinaedak kenka idiay templom tapno makitak a managayat ken mannakabalinka.

\s5
\v 3 Kankanayonnak nga ay-ayaten, kas inkarim iti katulagam; napatpateg daytoy ngem iti biagko, kankanayonka ngarud nga idaydayaw.
\v 4 Idaydayawka iti amin a tiempo iti panagbiagko; Ingatok dagiti imak kenka bayat nga agkarkararagak.

\s5
\v 5 Mapmapnekak iti pannakkaammok kenka a nalablabes pay ngem iti makipangan iti dakkel a padaya, isu nga idaydayawka iti panagkankantak kadagiti nararagsak a kankanta.
\v 6 Bayat a nakaiddaak, panpanunotenka. Panpanunotenka iti agpatpatnag.

\s5
\v 7 Ta kanayonnak a tinultulongan, ken agkantaak a siraragsak ta ammok a salsalaknibanak a kas iti panangsalaknib ti billit kadagiti an-anakna iti salinong dagiti payyakna.
\v 8 Sumursurotak kenka, ken salsalaknibannak dagiti imam.

\s5
\v 9 Ngem matayto dagiti mangpadpadas a mangpatay kaniak ket maipandanto iti lugar dagiti natay.
\v 10 Mapapataydanto iti paggugubatan ken lamutento dagiti aso dagiti bangkayda.

\s5
\v 11 Ngem siak, nga ari ti Israel, agragsakakto iti inaramid ti Dios; ken idaydayawto isuna dagiti agdawat a patalgeden ti Dios dagiti saoda, ngem saanna nga ipalubos nga agsao iti aniaman dagiti ulbod.

\s5
\c 64
\p
\v 1 O Dios, denggennak bayat nga ibagbagak kenka dagiti pakariribukak. Mabutengak kadagiti kabusorko; pangngaasim ta isalakannak kadakuada.
\v 2 Salaknibannak kadagiti pangpanggepen nga aramiden kaniak dagiti nadangkes; salaknibannak kadagita a tattao a managdakdakes.

\s5
\v 3 Kasla natatadema kampilan dagiti makapasair nga ibagbagada; kasla kadagiti pana dagiti makapasakit a sasaoda.
\v 4 Awan ti pagbutnganda; agul-ulbodda kadagiti tattao ken perperdianda dagiti awan basolna. Kasladanto iti maysa a tao a kellaat nga aglagto iti paglemlemmenganna sana panaen dagiti kabusorna.

\s5
\v 5 Agiinnallukoyda nga agaramid iti dakes a pangpanggependa; pagtutolaganda no sadino ti pangipakatanda kadagiti palab-og a pangtiliw kadagiti tattao. Kunada, "Awan iti makakita iti ar-aramidentayo
\v 6 gapu ta plinanotayo a nalaing dagiti banbanag nga aramidentayo." Nakaskasdaaw dagiti mapanunot ken maplano dagiti tattao kadagiti kaungganda.

\s5
\v 7 Ngem kasla panaento ida ti Dios, ket dagusdanto a masugatan.
\v 8 Gapu ta ti ibagbagada ti mangpaneknek a nakabasolda, pukawento ida iti Dios. Agwingiwingto a mangumsi dagiti amin a nakakita iti napasamak kadakuada.
\v 9 Kalpasanna, agbutengto ti amin nga agbasol gapu iti mabalin met a mapasamak kadakuada; ibagadanto kadagiti dadduma ti inaramid ti Dios, ken panunotendanto met a nalaing ti maipanggep iti daytoy.

\s5
\v 10 Rumbeng nga agragragsak dagiti nalinteg a tattao gapu iti inaramid ni Yahweh; masapul a mapanda agkamang kenkuana; ken idaydayawto isuna dagiti amin a mangraraem kenkuana.

\s5
\c 65
\p
\v 1 O Dios, rumbeng nga idaydayawdaka idiay Jerusalem ken aramidenmi ti inkarimi kenka
\v 2 gapu ta sungsungbatam dagiti karkararagmi. Umayto kenka dagiti tattao iti sadinoman.
\v 3 Kasla nakaro a pakadadagsenanmi dagiti adu a basbasolmi, ngem pakpakawanennakami.

\s5
\v 4 Anian a naggasat dagiti pinilim a kanayonto nga adda iti paraangan ti templom. Mapnekkaminto kadagiti amin a bendission nga itedmo kadakami gapu ta daydayawendaka iti nasagradoan a templom.

\s5
\v 5 O Dios, no agkararagkami kenka, sungsungbatannakami ken isalsalakannakami babaen kadagiti nakaskasdaaw nga aramidmo; sika ti mangis-ispal kadakami; Agtaltalek kenka dagiti tattao nga agbibiag kadagiti nasulinek unay a lugar iti lubong, ken dagiti adda iti bangir ti taaw.

\s5
\v 6 Sika iti mangipaspasdek kadagiti bantay, a mangipakpakita a mannakabalinka unay.
\v 7 Sika iti mangpatpatalna kadagiti baybay no agdar-daranudorda, ken mangpaspasardeng kadagiti dalluyon iti panagbaut-bautda iti igid ti baybay; pagtaltalnaem met dagiti tattao no mangpataudda iti adu a riribok.

\s5
\v 8 Dagiti tattao nga agnanaed kadagiti nasulinek unay a lugar iti daga ket nagsiddaaw kadagiti nakaskasdaaw nga ar-aramidem; gapu iti ar-aramidem, siraragsak nga agpukpukkaw dagiti tattao nga agnanaed iti adayo agingga iti laud ken iti daya.
\v 9 Tartaripatoem ti daga ken pagtudtudoem, isu a nagtubo dagiti adu a nasasayaat a banbanag; punpunoem dagiti karayan iti danum ken pagtuboem dagiti trigo. Kastoy ti inkeddengmo a mapasamak.

\s5
\v 10 Pinagtudom iti napigsa kadagiti naarado a taltalon, ken sinibugam dagiti ringngat iti danum. Babaen kadagiti arbis, palpaluknengem dagiti bingkol, ken benbendisionam ti daga babaen ti panangpatubom kadagiti kattubo a mulmula.
\v 11 Napintas dagiti maapit iti tiempo iti panagapit gapu ta benbendisionam ti daga; sadinoman a napanam, aglaplapusanan dagiti nasayaat a mulmula.
\v 12 Napunno kadagiti arban ti karnero ken dagiti kalding dagiti pagpaspastoran; a kasla nakaragragsak unay dagiti katurturodan.

\s5
\v 13 Nakayumotan ti pagaraban kadagiti karnero ken kalkalding, ken napno iti mulmula dagiti tantanap; a kasla agkankantada met ken agpukpukkaw a siraragsak.

\s5
\c 66
\p
\v 1 Ibagayo kadagiti amin nga adda iti lubong nga agkantada a siraragsak nga agdaydayaw iti Dios!
\v 2 Agkantada kadagiti kankanta a mangibaga a naindaklan unay ti Dios, ken ipablaakda iti amin a kasta unay ti kinadayagna!

\s5
\v 3 Ibagada iti Dios, "Nakakaskasdaaw dagiti banbanag nga ar-aramidem! Naindaklan unay ti pannakabalinmo, nga urayla kumleb dagiti kabusormo iti sangoanam."
\v 4 Agdaydayaw iti Dios ti entero a lubong, agkantada iti pagdayaw kenkuana, ken daydaydawenda isuna.

\s5
\v 5 Umaykayo ket panunotenyo ti inaramid ti Dios! Panunotenyo dagiti nakakaskasdaaw a banbanag nga inaramidna kadagiti tattao.
\v 6 Pinagmagana ti bassit a paset ti baybay isu a nakalasat dagiti kapuonantayo idiay. Nagrag-otayo sadiay gapu iti inaramidna.
\v 7 Agturturay isuna iti agnanayon babaen iti pannakabalinna, ken kankanyon a banbantayanna dagiti amin a nasion tapno makitana dagiti dakes a banbanag nga ar-aramidenda. Saan a rumbeng nga agpannakkel dagiti nasion a mangayat a bumusor kenkuana.

\s5
\v 8 Dakayo a tattao iti amin a nasion, idaydayawyo ti Diostayo! Ipigsayo ti panangdaydayawyo kenkuana tapno mangngeg dagiti tattao.
\v 9 Pinagtalinaednatayoa sibibiag, ken saanna nga impalubos a maisagmaktayo.

\s5
\v 10 O Dios, sinuotnakami; intulokmo a mapadasanmi dagiti nakaro a pakarigatan tapno agbalin a nasin-aw dagiti panagbiagmi a kas kadagiti landok nga insibba dagiti tattao iti apuy tapno maikkat dagiti rugitna.
\v 11 Kasla intulokmo a matnagkami kadagiti palab-og, ken pinilitnakami a mangibtur kadagiti narigat a banbanag a kasla nadagsen nga awit nga ibaklaymi.
\v 12 Pinalubosam a badde-baddekandakami dagiti kabusormi; nakapadaskami kadagiti pakarigatan a kasla naglasatkami kadagiti apuy ken kadagiti layus, ngem pinagbalinnakami a natalged ita.

\s5
\v 13 Mangiyegak iti templom kadagiti daton a naan-anay a maipuor iti rabaw ti altar; idatagko kenka iti inkarik.
\v 14 Idi napalalo iti rigatko, imbagak a mangidatagak kenka kadagiti daton no ispalennak la ketdi; ket pudno nga inispalnak, isu nga iyegko kenka ti inkarik.
\v 15 Mangiyegak kadagiti karnero a maipuor iti rabaw ti altar, ken mangisagutak pay kadagiti bulog a baka ken kalding; inton mapupuoranda, maay-ayokanto bayat nga agpangpangato ti asok kenka.

\s5
\v 16 Aminkayo a tattao nga addaan iti kasta unay a panagraem iti Dios, umaykayo ken dumngegkayo, ket ibagak kadakayo dagiti naaramidanna kaniak,
\v 17 Immawagak kenkuana tapno tulongannak, ket dinaydayawko isuna bayat a kasarsaritak.
\v 18 No binaybay-ak dagiti basbasol nga inaramidko, pulos a saannak koma nga impangag ti Apo.

\s5
\v 19 Ngem gapu ta inpudnok dagiti basbasolko, dinenggegnak ti Dios ken impangagna dagiti karkararagko.
\v 20 Idaydayawko ti Dios gapu ta impangagna dagiti karkararagko; ay-ayatennak a kas inkarina iti tulagna.

\s5
\c 67
\p
\v 1 O Dios, kaassiannakami ken bendisionannakami; anusannakami.
\v 2 Aramidem daytoy tapno maammoan koma ti tunggal maysa iti lubong ti kayatmo nga aramidenda, ken maammoan koma dagiti tattao iti amin a nasion nga adda iti pannakabalinmo a mangisalakan kadakuada.

\s5
\v 3 O Dios, tartarigagayak nga agdaydayaw koma kenka amin a puli dagiti tattao; kayatko nga agdayawda amin kenka!
\v 4 Tartarigagayak nga agragsak dagiti tattao kadagiti amin a nasion ken agkantada a sirarag-o gapu ta agpada ti panagukommo kadagiti amin a puli dagiti tattao, ken tartarabayem amin dagiti nasion iti lubong.

\s5
\v 5 O Dios, tartarigagayak nga agdayaw koma kenka dagiti puli ti tattao; kayatko nga agdayawda amin kenka!
\v 6 Nagtubo dagiti nasayaat a mulmula kadagiti dagatayo; O Dios, ti Diostayo ti nangbendision kadatayo.

\s5
\v 7 Gapu ta binindesionannatayo ti Dios, tartarigagayak a raemenda koma isuna dagiti amin a tattao iti sadinoman iti daga.

\s5
\c 68
\p
\v 1 O Dios, tumakderka ken warawaraem dagiti kabusormo, ken pagtarayem dagiti gumurgura kenka.
\v 2 Kas iti angin a mangipalayupoy iti asok, papanawem dagiti kabusormo. Kasla iti allid a matunaw no asideg iti apuy, pukawem koma dagiti nadangkes a tattao.
\v 3 Ngem agrag-o koma dagiti nalinteg a tattao; agrag-oda koma no addada iti presensia ti Dios; agragsak ken agrag-oda koma iti kasta unay.

\s5
\v 4 Kantaanyo ti Dios; agkantakayo nga agdaydayaw kenkuana; agkantakayo iti saniweng para kenkuana a magmagna idiay patad iti let-ang; Yahweh ti naganna; agrag-okayo no addakayo iti presensiana.
\v 5 O Dios nga agnanaed iti nasagradoan a templona ket kasla ama kadagiti ulila, ken isuna iti mangsalsalaknib kadagiti balo.
\v 6 Ik-ikkanna iti pamilia dagiti tattao nga agbibiag nga agmaymaysa. Waywayawayaanna dagiti balud ken pagbalballigienna ida, ngem dagiti agsukir kenkuana ket mapilit nga agnaed iti nakapudpudot ken namaga a daga.

\s5
\v 7 O Dios, indauloam dagiti tattaom a rumuar iti Egipto, ket nakipagnaka kadakuada idiay let-ang.
\v 8 Kalpasan nga inaramidmo dayta, naggungon ti daga idiay Bantay Sinai idi nagparangka kadagiti tattaom, ken nagtinnag ti tudo manipud iti tangatang, ket dinaydayawdaka dagiti tattaom.

\s5
\v 9 Pinagtudom iti napigsa idiay let-ang, ken pinagtubom manen dagiti nasayaat a mulmula iti dayta a daga nga intedmo kadakami nga Israelita.
\v 10 Nangipatakder dagiti tattaom kadagiti babbalayda idiay; gapu ta nasayaatka kadakuada, nangipaayka iti taraon para kadagiti nakurapay.

\s5
\v 11 Insao ti Apo daytoy a mensahe, ken impadamag dagiti adu a tattao ti mensahena kadagiti dadduma a lugar.
\v 12-13 Inwaragawagda, "Adu nga ari ken armada ti tumartaray nga umadayo manipud kadagiti armadami!" Idi inyawid dagiti armadami kadagiti babbalayda dagiti banbanag a naalada, biningay-bingay dagiti babbai dagitoy a banbanag para kadakuada ken para kadagiti pamiliada. Nakaalada iti estatua a sinan kalapati a nakalupkopan iti pirak dagiti payakna ken nakalupkopan iti puro a balitok ti dutdotna. Ngem sumagmamano kadagiti tattao ti nagtalinaed kadagiti karnero ken saan a napan nakiranget iti gubatan. Apay a saankayo a napan?

\s5
\v 14 Idi winarawara ti Mannakabalin amin a Dios dagiti kabusor nga ar-ari ken dagiti armadada, impalagip daytoy kaniak ti maysa a bagyo ti niebe idiay Bantay Salmon!
\v 15 Adda ti nangato unay a bantay idiay katurturodan ti Basan, maysa a bantay nga addaan kadagiti adu a tapaw.
\v 16 Ngem rumbeng a saan nga umapal dagiti tattao nga agnanaed iti asideg dayta a bantay kadagiti agnanaed iti asideg ti Bantay Sion, ti bantay a pinili ti Dios a pagnaedanna! Agnaedto ni Yahweh sadiay iti agnanayon!

\s5
\v 17 Kalpasan a naparmekmi dagiti amin a kabusormi, kasla simmalog ti Apo, a napalikmutan kadagiti rinibribu a nabileg a karkarwahe, manipud iti Bantay Sinai ket napan iti nasagradoan a templo idiay Jerusalem.
\v 18 Simmang-at isuna iti nasagradoan a bantay nga ayan ti templona ken inkuyogna dagiti adu a tattao a natiliw kadagiti gubatan; immawat isuna kadagiti sagsagut manipud kadagiti kabusor a pinarmekna. Immawat isuna kadagiti sagsagut uray kadagiti bimmusor kenkuana, ken agnaedto ni Yahweh a Diostayo idiay nasantoan a templona iti agnanayon.

\s5
\v 19 Madaydayaw ti Apo, a tumultulong kadatayo iti inaldaw a mangibaklay kadagiti nadagsen nga awittayo; isuna ti mangisalsalakan kadatayo.
\v 20 Ti Diostayo ket Dios a mangisalsalakan kadatayo; Isuna ni Yahweh, nga Apotayo, ti mangipalpalubos a makalisitayo iti pannakatay kadagiti gubatan.
\v 21 Ngem burakento ti Dios dagiti ulo dagiti kabusorna, dagiti bungo nga atiddog ti buokna nga agtultuloy nga agbasbasol.

\s5
\v 22 Kinuna ti Apo, "Isublikto ditoy dagiti bangkay dagiti kabusorko a napapatay idiay Basan, ken itakdangkonto dagiti limned ken nalmes iti kaadalman a paset ti babay.
\v 23 Aramidekt dayta tapno mabugoanyo dagiti sakayo kadagiti darada, ken madildilan met dagiti asoyo dagiti dara dagiti kabusoryo."

\s5
\v 24 O Dios, adu a tattao iti makakitkita kenka a naballigi a magmagna iti uneg ti nasagradoan a templom, agramrambakda ta naparmekmo dagiti kabusormo. Magmagnaka a kas iti ari ken makipagpagna dagiti adu a tattao kenka.
\v 25 Adda iti sangoanan dagiti kumakanta, ken adda iti malikodan dagiti tattao nga agtuktokar kadagiti nakuerdasan nga instrumento, ken adda met iti nagbaetanda dagiti babbalasang nga agtamtambor kadagiti pandereta.

\s5
\v 26 Agkankantada amin, "Dakayo nga Israelita, idaydayawyo ti Dios no agtitiponkayo; idaydayawyo ni Yahweh, dakayo amin a kaputotan ni Jacob!"
\v 27 Umuna nga umay dagiti tattao manipud iti tribu ni Benjamin, ti kabassitan a tribu, ken sumaruno kadakuada dagiti mangidadaulo iti tribu ni Juda ken ti bunggoyda, ken sumaruno kadakuada dagiti mangidadaulo kadagiti tribu da Zabulon ken Neftali.

\s5
\v 28 Dakayo nga Israelita, kasta unay ti panangpapigsa ti Dios iti tributayo. O Dios, tulongannakami babaen iti pannakabalinmo a kas iti panangtulongmo kadakami iti napalabas.
\v 29 Ipakitam kadakami a nabilegka idiay templom idiay Jerusalem; sagutandaka dagiti ari sadiay.

\s5
\v 30 Agriawkayo bayat iti panangparparmekyo kadagiti kabusormo, a kas kadagidiay taga Egipto, a kasla narurungsot nga ayup nga agnanaed kadagiti karunrunoan. Agriawkayo bayat iti panangparparmekyo kadagiti nabileg a nasion, a kasla arban dagiti baka. Pabainanyo ida; pagdumogenyo ida ken pagisagutenyo ida. Papanawen ken warawaraenyo dagiti tribu dagiti tattao a naayat a mangdarup kadagiti dadduma a nasion.
\v 31 Kalpasanna, sagutandakanto dagiti mangidadaulo iti Egipto. Ket agdardarasto dagiti taga Etiopia a mangingato kadagiti imada tapno agdaydayaw kenka.

\s5
\v 32 Dakayo a tattao nga agnanaed kadagiti amin a pagarian iti entero a lubong, kantaanyo ti Dios!
\v 33 Agkantakayo kadagiti pammadayaw kenni Yahweh! Kantaantayo iti Dios, ti agdaldaliasat iti tangatang, ti tangatang a pinarsuana iti nabayagen a panawen. Dumngegkayo kas agriaw isuna nga addaan iti mannakabalin unay a timek.

\s5
\v 34 Ipablaakyo a mannakabalin unay ti Dios; isuna ti ari nga agturturay iti entero nga Israel, ken ipakpakitana met a mannakabalin isuna kadagiti tangatang.
\v 35 Nakakaskasdaaw ti Dios kas rumuar isuna iti nasagradoan a templona; isuna ti Dios a daydayawentayo nga Israelita. Isuna iti mangmangted iti pannakabalin ken pigsa kadagiti tattaona. Madaydayaw ti Dios!

\s5
\c 69
\p
\v 1 O Dios, isalakannak gapu ta agpeggadak unay. Kasla pagattengngedkon ti danum, ket malmesakon.
\v 2 Lumlumnedak iti nauneg a gayung-gayong, ken awan daga a pagtakderak. Addaak iti nauneg a danum ken agal-alikuno iti ayanko.

\s5
\v 3 Kimmapsutakon iti panagpukpukkawko a dumawat iti tulong; namagmagan ti karabukobko. Gapu ta nagsangsangitak iti kasta unay iti panangur-urayko a tulongannak ti Dios, naapgesen dagiti matak iti kasasangitko.
\v 4 Ad-adu ngem iti bilang dagiti buok iti ulok dagiti manggurgura kaniak nga awan gapgapuna. Nagpipigsa dagiti tattao a mangayat a mangpatay kaniak, ken agul-ulbodda maipanggep kaniak. Ipaspasublida kaniak dagiti banag a saanko a tinakaw!

\s5
\v 5 O Dios, makitam dagiti basol nga inaramidko. Ammom a simamaag a sinukirko dagiti lintegmo.
\v 6 O Yahweh a Dios, Pangulo dagiti armada dagiti anghel, saanmo nga ipalubos a dagiti biddut nga inar-aramidko ti pakaupayan dagiti agtaltalek kenka. O Dios, sika nga idaydayawmi nga Israelita, saanmo kadi nga itulok a siak ti pakaibabainanda.

\s5
\v 7 Inum-umsidak dagiti tattao gapu ta napudnoak kenka.
\v 8 Inrurumendak iti kasta unay. Uray dagiti inauna a kakabsatko ket kasla saandak nga am-ammo; kasla maysa a sangsangaili ti tratoda kaniak.
\v 9 Inum-umsi dagiti dadduma a tattao ti templom; ngem gapu ta pinagtalinaedko a nasantoan ti templom, riniribukdak dagiti tattao. Isu a kasla um-umsiendak met dagidiay a mangum-umsi kenka.

\s5
\v 10 Idi nagpakumbabaak ken nagayunarak tapno ipakitak ti kinalidayko maipanggep kadagiti nakababain a banbanag a naaramidda iti templom, inum-umsidak laeng.
\v 11 Idi nagkawesak iti nakirsang a lupot tapno ipakitak a nalidayak, kinatkatawaandak.
\v 12 Uray dagiti panglakayen iti siudad ket agibagbagada iti agkakadakes a banag a maipanggep kaniak. Agkankanta dagiti mammartek iti siudad iti makapasuron a kankanta maipanggep kaniak.

\s5
\v 13 Ngem O Yahweh, agtultuloyak nga agkararag kenka. Iti tiempo a piliem, sungbatannak ken ispalennak gapu ta pudno nga ay-ayatennak, kas inkarim nga aramidem.
\v 14 Saanmo nga itulok a mailumlomak iti kapitakan. Ispalennak kadagiti manggurgura kaniak! Iyaonnak kadagitoy a nauuneg a dandanum!
\v 15 Saanmo nga ipalubos nga iyalikunonak ti layus; saanmo nga itulok a lipusennak ti gayung-gayong; saluadannak manipud iti pannakatnagko iti yuyeng ni patay.

\s5
\v 16 O Yahweh, sungbatam ti kararagko ken tulongannak gapu ta naimbagka ken pudno nga ay-ayatennak.
\v 17 Saannak nga ilemmengan, sungbatannak a dagus ta nakaro ti pakariribukak.

\s5
\v 18 Asitgannak ket isalakannak, ispalennak kadagiti kabusorko.
\v 19 Ammom a naumsiak, pinabpabainan ken lina-laisdak dagiti tattao; ammom no siasino amin dagiti kabusorko.

\s5
\v 20 Nasakitanak unay kadagiti panangumsida, ken panagriknak ket awan gawayko. Nangsapulak iti maasi kaniak, ngem awan uray maysa a nasapulak. Kayatko koma nga adda mangpabileg kaniak, ngem awan uray maysa.
\v 21 Inikkandak ketdi iti taraon a kasla sabidong ti ramanna, ken idi mawawak, inikkandak iti napait nga arak nga inumek.

\s5
\v 22 Sapay koma ta dagiti bukodda a taraon ti mangpapatay kadakuada; sapay koma ta mapasamak daytoy inton ipagarupda a sigurado a natalgedda.
\v 23 Namnamaek a kumapsot dagiti matada tapno awan makitada ken sapay koma ta kumapoy a kumapoy dagiti bukbukotda.

\s5
\v 24 Ipakitam kadakuada a kaungetmo unay ida! Gapu iti napalalo nga ungetmo, kamatem ida ket tiliwem ida.
\v 25 Pagbalinem a nabaybay-an dagiti dagada, awan koma ti uray maysa nga agnaed kadagiti toldada.

\s5
\v 26 Aramidem daytoy gapu ta parparigatenda dagiti dinusdusam, kitkitaenda iti panagsagsagaba dagiti dinusdusam, ken ibagbagada kadagiti dadduma ti maipanggep iti daytoy.
\v 27 Kanayonmo nga isurat dagiti amin a basolda, saanmo a liwayan ti panangdusa kadakuada gapu kadagiti agkakadakes a banbanag nga inaramidda.

\s5
\v 28 Ikkatem dagiti naganda iti libro a naglaon kadagiti nagnagan dagiti tattao nga addaan iti agnanayon a biag; saanmo ida nga iraman iti listaan dagiti nalilinteg a tattao.
\v 29 No maipapan kaniak, adda an-annayek ken agsagsagabaak. O Dios, subboten ken ispalennak.

\s5
\v 30 Inton ar-aramiden ti Dios dayta, agkantaakto bayat nga idaydayawko isuna, itan-okko isuna babaen iti panagyamanko kenkuana.
\v 31 Ti panangaramidko iti dayta ket ad-adda a mangay-ayo kenni Yahweh ngem iti panangisakrifisio iti urbon a baka wenno ti panangidaton kadagiti nataengan a toro.

\s5
\v 32 Makitanto dagiti naidaddadanes a tattao nga inispalnak ti Dios, ket maragsakandanto. Tarigagayko a mapabileg koma dagiti amin a mangkidkiddaw iti Dios a tulonganna ida.
\v 33 Dumdumngeg ni Yahweh kadagiti agkasapulan, saanna a baybay-an dagiti nagsagaba para kenkuana.

\s5
\v 34 Tarigagayak nga idaydayawto dagiti amin a tattao ti Dios—amin nga adda iti langit ken iti daga ken dagiti amin a parsua nga adda iti baybay.
\v 35 Ispalento ti Dios dagiti tattao iti Jerusalem manipud kadagiti kabusorda, ken bangonenna manen dagiti il-ili nga adda idiay Juda. Agnaedto sadiay dagiti tattaona ket tagikuaenda manen ti daga.
\v 36 Tawidento daytoy dagiti kaputotan dagiti tattaona, agnaedto a sitatalged sadiay dagiti mangay-ayat kenkuana.

\s5
\c 70
\p
\v 1 O Dios, pangngaasim ta isalakannak! O Yahweh, darasem ti umay mangtulong kaniak!
\v 2 Pabainam dagiti naragsak iti pannakariribukko, dagiti mangpadpadas a mangpatay kaniak. Kamatem ida; ipalubosmo a pabainan ida ti amin, ta kayatdak a makitkita nga agsagsagaba.
\v 3 Namnamaek nga upayem ken pabainan ida gapu ta rinagragsakda ti pannakariribukko.

\s5
\v 4 Ngem namnamaek nga agrag-onto koma gapu kenka dagiti amin a kumarkararag kenka. Amin koma a mangur-uray kenka a mangispal kadakuada ket ibagadanto a, "Naindaklan ti Dios!"
\v 5 No maipapan kaniak, nakurapayak ken agkasapulanak; isu nga O Dios, darasem ti umay mangtulong kaniak! O Yahweh, sika ti mangisalakan ken mangtulong kaniak, isu a pangngaasim ta umayka a dagus!

\s5
\c 71
\p
\v 1 O Yahweh, immayak kenka tapno natalgedak; saanmo koma nga ipalubos a maibabainak.
\v 2 Gapu ta kanayon nga ar-aramidem ti umno, tulongan ken ispalennak; denggennak ken isalakannak!
\v 3 Agbalinka koma a kasla dakkel a bato iti ngato a no sadino ket natalgedak; agbalinka koma a natibker a sarikedked tapno agbalinak a natalged. Binilinmo dagiti anghelmo nga umaydak ispalen.

\s5
\v 4 O Dios, ispalennak kadagiti nadadangkes a tattao, manipud iti turay dagiti saan a nalinteg ken dakes a tattao.
\v 5 O Yahweh, nga Apok, sika ti namnamaek a mangtulong kaniak; nagtaltalekak kenka sipud pay idi ubingak.

\s5
\v 6 Sika ti nagnamnamaak iti unos ti panagbiagko; inay-aywanannak manipud idi aldaw a naipasngayak, isu a kanayonka nga idaydayaw.
\v 7 Ti wagas a panangispalmo kaniak ti nagbalin a pagtuladan dagiti adu a tattao gapu ta naamirisda a sikan ti nagbalin a natibker a salaknibko.

\s5
\v 8 Idaydayawka iti agmalmalem, ken iwarwaragawagko a natan-okka.
\v 9 Ket intono lumakayakon, saannak a laksiden; saannak a baybay-an ita ta saanakon a napigsa.

\s5
\v 10 Kuna dagiti kabusorko a kayatdak a patayen; pagsasaritaanda ken planplanoenda no kasanoda nga aramiden dayta.
\v 11 Kunada, "Binaybay-anen isuna ti Dios; isu nga ita, mabalintayon a kamaten ken tiliwen isuna gapu ta awanen ti mangispal kenkuana."

\s5
\v 12 O Dios, saannak nga adaywan; darasem nga umay mangtulong kaniak!
\v 13 Ipalubosmo a maabak ken madadael dagiti mangdarup kaniak. Ipalubosmo a maibabain ken malais dagiti agpanggep a mangdangran kaniak.

\s5
\v 14 Ngem no mapapan kaniak, kanayon latta a sinanamaak nga agaramidka kadagiti agkakabileg a banbanag para kaniak, ket ad-adda pay nga idaydayawka.
\v 15 Ibagak kadagiti tattao nga ar-aramidem ti rumbeng; agmalmalem nga ibagak kadagiti tattao iti panangisalakanmo kaniak, uray no ti inaramidmo ket nalablabes pay ngem iti maawatak.
\v 16 O Yahweh nga Apok, idaydayawka kadagiti nabibileg nga ar-aramidmo; iwaragawagko a sika laeng ti kanayon a nalinteg.

\s5
\v 17 O Dios, insuronak iti adu a banag sipud pay ubingak, ket ibagbagak latta kadagiti tattao ti maipanggep kadagiti naimbag nga ar-aramidmo.
\v 18 Ita, O Dios, inton lumakay ken agubanakon, saannak koma a baybay-an. Kadduaannak bayat nga itultuloyko nga iwaragawag kadagiti annakko ken appokok.

\s5
\v 19 O Dios, adu a nalinteg a banbanag ti ar-aramidem; a kasda la dumanon sadi langit. Nagaramidka kadagiti naindaklan a banbanag; awan ti kas kenka.
\v 20 Pinaglak-amnakami iti adu a riribuk ken pinagsagabanakami iti kasta unay, ngem pinapigsanakami manen. Inton addanto ti tiempo a dandaniak matay, pagtalinaedennakami a sibibiag.

\s5
\v 21 Pagbalinennak a mararaem iti kasta unay, ken pakiridennak manen.
\v 22 Idaydayawka met bayat ti panagtukarko iti arpak; idaydayawka O Diosko, iti sipupudno a panangar-aramidmo iti inkarim nga aramidem. Kanayonto nga agtokarak kadagiti himno a pagdaydayaw kenka, ti nasantoan a Dios a daydayawenmi nga Israelita.

\s5
\v 23 Agpukkawak a siraragsak bayat ti panagkantak, agkantaak iti kaunggak gapu ta inispalnak.
\v 24 Agmalmalemto nga ibagak kadagiti tattao a nalinteg ti aramidmo gapu ta naabak ken nalaiston dagiti nagpanggep a mangdangran kaniak.

\s5
\c 72
\p
\v 1 O Dios, pagturayem a sililinteg ti ari a dinutokam iti Israel. Ipakitam kenkuana no kasano ti patas a panangukom
\v 2 tapno patas ti panangukomna kadagiti tattaom ken tapno iturayanna a sililinteg dagiti naidaddadanes a tattaom.
\v 3 Tarigagayko a ti entero a pagilian—uray kadagiti turturod ken banbantay—ket agbiag a natalna ken nalinteg dagiti tattao.

\s5
\v 4 Tulonganyo ti ariyo a mangikalintegan kadagiti nakurapay ken mangispal kadagiti agkasapulan a tattao ken mangparmek kadagiti mangidaddadanes kadakuada.
\v 5 Tarigagayko nga agbiag koma ti ariyo agingga nga adda init, agingga nga agranraniag ti bulan, iti agnanayon.

\s5
\v 6 Tarigagayko a ragragsaken koma dagiti tattao ti panangiturayna kas iti panagragragsakda gapu ta matudtudoan dagiti mulada, kas iti panagragragsakda iti arbis nga agtinnag iti daga.
\v 7 Agbiag koma a sililinteg dagiti tattao bayat dagiti tawen a panagturayna, ken agbiag koma a natalna ken narang-ay dagiti tattao agingga nga agranraniag ti bulan.

\s5
\v 8 Iturayan koma ti ari ti Israel dagiti tattao iti amin a disso, manipud iti baybay iti laud agingga iti baybay iti daya, ken manipud iti Karayan Eufrates agingga kadagiti sulsuli ti daga.
\v 9 Agrukbab koma kenkuana dagiti agnanaed kadagiti let-ang ken mapasag koma dagiti kabusorna kas isusukoda iti arimi.
\v 10 Agbayad koma iti buis iti ari ti Israel ti ari iti Tarsis ken dagiti ari kadagiti isla. Mangiyumay koma iti sagutna ti ari ti Sheba iti abagatan ken ti ari ti Seba iti abagatan a laud.

\s5
\v 11 Agrukbab koma dagiti dadduma nga ar-ari iti lubong iti ari ti Israel ken agserbi dagiti tattao iti amin a nasion iti arimi.
\v 12 Is-ispalenna dagiti nakurapay a tattao no agpaarayatda kenkuana, ken tultulonganna dagiti agkasapulan ken dagiti tattao nga awan iti mabalin a mangtulong kadakuada.

\s5
\v 13 Kakaassianna dagiti nakapsut ken agkasapulan; isalsalakanna ti biag dagiti tattao.
\v 14 Is-ispalen ti arimi dagiti tattao manipud iti pannakairurumenda ken manipud iti pannakarangranggasda gapu ta napateg ti biagda iti arimi.

\s5
\v 15 Agbiag koma ti arimi iti atiddog a tiempo! Maikkan koma isuna iti balitok manipud idiay Sheba. Kanayon koma nga ikararagan ken idayaw dagiti tattao ti arimi.
\v 16 Mangipaay koma iti adu nga apit dagiti talon iti sadinoman, uray kadagiti tapaw ti turod a pagturturayanna, kas iti bukel a dimmakkel kadagiti turod ti Lebanon. Mapnonto dagiti siudad iti tattao kas iti pannakapunno ti talon iti ruot.

\s5
\v 17 Tarigagayko a saanto koma a malipatan ti nagan ti ari. Lagipento koma dagiti tattao isuna agingga a sumingsingising ti init. Dayawento koma dagiti amin a tattao ni Yahweh, ti Dios ti Israel, kas iti panangbendisionna iti ari ti Israel.

\s5
\v 18 Idaydayawyo ni Yahweh, ti Dios nga idaydayawtayo nga Israelita. Isuna laeng ti agar-aramid kadagiti nakakaskasdaaw a banbanag.
\v 19 Idaydayawyo isuna iti agnanayon! Tarigagayko a mapno koma ti lubong iti dayagna! Amen! Mapasamak koma.
\v 20 Daytoy ti naggibusan ti kararag ni David nga anak ni Jesse.

\s5
\c 73
\p
\v 1 Pudno a naimbag ti Dios kadakami nga Israelita, kadagiti sipupuso a mangaramid kadagiti amin a tarigagayna.
\v 2 No maipapan kaniak, ngan-nganik insardeng ti agtalek iti Dios. Nagistayanak nga agbasol kenkuana iti adu
\v 3 gapu ta nakitak dagiti sipapalangguad a nangibagbaga a saanda a kasapulan ti Dios, ket kinayatko ti agbalin a kas kadakuada. Nakitak a bimmaknangda uray no nadangkesda.

\s5
\v 4 Dagidiay a tattao ket saan nga agsaksakit; kanayonda a napigsa ken nasalun-at.
\v 5 Awananda iti pakariribukan a kas iti pakariribukan dagiti dadduma a tattao. Awan parikutda, saan a kas kadagiti dadduma nga addaan parikut.

\s5
\v 6 Isu a napalangguadda, a kas iti kinapalangguad ti maysa a babai nga adda napintas a kuintasna. Pagpalangguadda dagiti dakes nga aramidda a kas kadagiti dadduma a tattao a mangipalangguad kadagiti napipintas a kagayda.
\v 7 Dakes nga aramid ti agtaud kadagiti kaungganda, ken kankanayonda a panpanunoten ti agaramid kadagiti nadakdakes pay a banbanag.

\s5
\v 8 Uy-uyawenda dagiti dadduma a tattao, ken pagsasaritaanda ti panagaramidda kadakuada iti dakes a banbanag. Napalangguadda tunggal planoenda ti panangidadanes kadagiti dadduma.
\v 9 Padpadaksenda ti Dios, nga adda iti langit, ken ipalpalastogda dagiti banbanag nga inar-aramidda ditoy daga.

\s5
\v 10 Agbanag a sursuroten ida dagiti tattao ken dengdenggen dagitoy ti amin nga ibagada.
\v 11 Kuna dagiti nadangkes a tattao iti bagbagida, "Sigurado a saanto a maammoan ti Dios ti inaramidtayo; kunkuna dagiti tattao nga ad-adda a naindaklan isuna ngem iti siasinoman a dios, ngem saanna a maammoan."
\v 12 Kasta ti kababalin dagiti nadadangkes a tattao; awan pagdandanaganda, ken bumakbaknangda latta.

\s5
\v 13 Isu nga, O Dios, panagkunak ket awan kaes-eskanna a kankanayonko nga ar-aramiden ti amin a kayatmo nga aramidek, ken ti saanko a panagbasbasol.
\v 14 Inaldaw nga adda parikutko, ken binigat a dusdusaennak.
\v 15 Ngem no impablaakko dagitoy a banbanag iti sangoanan dagiti dadduma, nagbasbasolak koman kadagiti tattaom.

\s5
\v 16 Idi pinadasko nga inamiris ti maipanggep kadagitoy a banbanag, saanko unay a maawatan.
\v 17 Ngem idi napanak iti templom, kinasaritanak, ket naawatak ti mapasamakto kadagiti nadadangkes a tattao kalpasan ti ipapatayda.

\s5
\v 18 Ita, ammokon a sigurado nga ikabilmonto ida iti napeggad a disso a pakatinnagan ken pakatayanda.
\v 19 Apagdarikmatto a madadaelda. Matayda iti nakaal-alinggaget a wagas.
\v 20 Agpukawda a dagus a kas iti panagpukaw ti tagtagainep no bumangon ti tao iti agsapa. O Apo, inton bumangonka, pukawem ida.

\s5
\v 21 Idi nagladingitak ken nasakitan ti riknak,
\v 22 arigko ti nakuneng ken awan am-ammona, ken nagtignayak a kasla ayup iti imatangmo.

\s5
\v 23 Ngem kanayonak nga adda iti abaymo, ken kibkibinennak.
\v 24 Tartarabayennak babaen iti panangisursurom kaniak, ken iti ipupusayko, awatennak ken padayawannak.

\s5
\v 25 Addaka iti langit, ket kukuanak. Awan ti aniaman nga adda iti daytoy a lubong a tarigagayko no di ket dayta.
\v 26 Nalabit a kumapuy unay ti bagi ken nakemko, ngem, O Dios, papigsaennak latta. Kukuanak iti agnanayon.

\s5
\v 27 Matayto dagidiay saan nga umasideg kenka. Pukawemto dagiti saan nga agtulnog kenka.
\v 28 Ngem no maipapan kaniak, nagsayaat unay ti adda iti asideg ti Dios ken ti masalakniban ni Yahweh ken ti mangiwaragawag kadagiti dadduma a tattao ti maipanggep iti amin nga naaramidanna kaniak.

\s5
\c 74
\p
\v 1 O Dios, apay a binaybay-annakami? Agnanayon kadi a laklaksidennakami? Apay a kapungtotnakami idinto ta kaslakami karnero iti pagpasturam ken sika ti kasla pastormi?
\v 2 Saanmo a liplipatan dagiti tattaom a pinilim idi pay laeng, dagiti tattao a winayawayaam iti pannakatagabuda idiay Egipto ken pinagbalinmo a tribom. Saanmo a liplipaten ti Jerusalem, a balaymo iti daytoy a daga.

\s5
\v 3 Umaymo kitaen ti amin a banag a nadadaelen; dinadael dagiti kabusormi ti amin a banag iti uneg ti nasagradoan a templo.
\v 4 Nagpukkaw a sibaballigi dagiti kabusormo iti daytoy a nasagradoan a lugar; impatakderda dagiti banderada a mangipakita nga inabakdakami.
\v 5 Rinebbada amin dagiti nakitikitan a banbanag iti templo, a kas iti panangpukan dagiti agpukpukan iti kayo.
\v 6 Ket binalsi-balsigda amin a nakitikitan a kayo babaen kadagiti wasay ken maso.

\s5
\v 7 Kalpasanna, pinuoranda ti templom agingga a dimmapo; pinagbalinda dayta a disso a nakaidaydayawam a saan a maikari a pagdayawan dagiti tattao.
\v 8 Kinunada iti bagbagida, "Dadaelentayo a naan-anay dagiti Israelita," ket pinuoranda pay amin dagiti dadduma a disso a paguummonganmi nga agdaydayaw kenka.

\s5
\v 9 Awanen dagiti amin a nasagradoan a pagilasinanmi; awanen dagiti profeta ita, ken awan ti makaammo iti kapaut iti panagtultuloy daytoy a kasasaad.
\v 10 O Dios, kasano pay kapaut a pagkakatawaandaka dagiti kabusormi? Lalaisendakanto kadi?
\v 11 Apay nga agkedkedka a tumulong kadakami? Apay nga idulinmo ti imam iti uneg ti kagaymo imbes ketdi nga usarem daytoy a mangparmek kadagiti kabusormi.

\s5
\v 12 O Dios, sikan ti arimi sipud pay kadagiti tawen nga iruruarmi idiay Egipto, ket pinagballiginakami kadagiti kabusormi iti daga ti Israel.
\v 13 Babaen iti pannakabalinmo, ginudduam ti baybay; a kasla binurakmo ti ulo dagiti mangirturturay iti Egipto a maiyarig kadagiti dadakkel a dragon iti baybay.

\s5
\v 14 Kaslam la rinumek ti ulo ti ari iti Egipto ken intedmo ti bagina kadagiti ayup nga adda iti let-ang tapno kanenda.
\v 15 Pinagubbogmo ken pinagayusmo ti danum kadagiti waig, ken pinagmagam met dagiti karayan a pulos a saan pay a natianan.

\s5
\v 16 Pinarsuam dagiti aldaw ken dagiti rabii; ken inkabilmo ti init ken bulan kadagiti lugarda.
\v 17 Inkabilmo ti nagpatinggaan dagiti taaw ken dagiti pangrugian ti daga, ken pinarsuam ti napudot ken nalam-ek a panawen.

\s5
\v 18 O Yahweh, saanmo a liplipaten a katkatawaandaka dagiti kabusormo ken maag a tattao ti manguy-uyaw kenka.
\v 19 Saanmo a baybay-an dagiti awan gawayna a tattaom kadagiti ima dagiti naulpit a kabusorda; saanmo a liplipaten dagiti agsagsagaba a tattaom.

\s5
\v 20 Kanayon a panunotem ti tulagmo kadakami; laglagipem a nagsaknapen ti kinaranggas kadagiti nasipnget a lugar iti rabaw ti daga.
\v 21 Saanmo nga ipalubos a maibabain dagiti naidadanes a tattaom; tulongam dagiti nakurapay ken agkasapulan a tattao tapno agdaydayawda manen kenka.

\s5
\v 22 O Dios, tumakderka ket ikalintegam ti bagim babaen iti panangsalaknibmo kadagiti tattaom! Saanmo a liplipatan nga agmalmalem a katkatawaandaka dagiti maag a tattao!
\v 23 Saanmo a liplipatan a bugbugkawandaka dagiti kabusormo; saan a pulos nga agsardeng ti panagririyawda bayat iti panangsuppiatda kenka.

\s5
\c 75
\p
\v 1 Agyamankami kenka O Diosmi, pagyamanandaka. Asidegka kadakami, ket iwarwaragawagmi kadagiti dadduma dagiti nakaskasdaaw a banag nga inaramidmo para kadakami.
\v 2 Kinunam, "Nangitudingak iti tiempo a panangukomko kadagiti tattao, ken ukomekto ti tunggal maysa iti patas.
\v 3 Inton aggingined iti daga ken agkintayeg amin dagiti parsua iti daga, siak ti mangpatalinaed kadagiti pundasionna tapno saan a magun-gon.

\s5
\v 4 Ibagak kadagiti tattao nga agpalpalangguad, 'Isardengyo ti agpalangguad!' ken ibagak kadagiti nadangkes a tattao, 'Saankayo a napasindayag a mangaramid kadagiti banag tapno maipakitayo ti kinalaingyo!'"
\v 5 Saankayo nga agpalangguad, ken saankayo nga agsao a sipapalangguad!
\v 6 Ti manguk-ukom kadagiti tattao ket saan nga aggapu iti daya wenno iti laud, ken saan isuna nga aggapu iti let-ang.

\s5
\v 7 Ti Dios ti manguk-ukom kadagiti tattao; pabainan ken dusdusaenna dagiti dadduma, ken padpadayawanna dagiti dadduma.
\v 8 Kasla la nakaiggem ni Yahweh iti kopa; nakargaan daytoy iti arak a nalaokan kadagiti rekado tapno ad-adda a mabartek dagiti uminom iti daytoy; ket inton ibukbok ni Yahweh daytoy, pilitenna amin dagiti nadangkes a tattao nga uminom iti daytoy; inumenda tunggal tedted daytoy; wen, naan-anay a dusaenna ida.

\s5
\v 9 Ngem no maipapan kaniak, saanakto nga agsardeng a mangibagbaga iti inaramid ti Dios a nagrukbaban ni Jacob; saanakto nga agsardeng nga agkankanta a mangidaydayaw kenkuana.
\v 10 Inkarina daytoy: "Dadaelekto ti bileg dagiti nadangkes a tattao, ngem pabilgekto dagiti nalinteg a tattao."

\s5
\c 76
\p
\v 1 Mabigbigbig ti Dios kadagiti tattao iti Juda; idaydayaw isuna dagiti Israelita.
\v 2 Idiay Jerusalem ti pagnanaedanna; idiay Bantay Sion ti paggigiananna.
\v 3 Tinukkolna sadiay dagiti umap-apuy a pana nga impana dagiti kabusorna, ken binurakna met dagiti kalasag ken tinukkolna dagiti kampilanda ken dadduma pay nga us-usarenda kadagiti gubat.

\s5
\v 4 O Dios, mannakabalinka! Maiyarigka iti natan-ok nga ari iti isusublim manipud kadagiti kabanbantayan a nangparmekam kadagiti kabusormo.
\v 5 Napapatay dagiti natured a soldadoda, ket kalpasanna innala dagiti nangpatay kadakuda ti amin a banag nga adda kadagidiay a soldado. Natay dagidiay a kabusor; kinapudnona, awan kadakuada ti makabaelen a lumaban.

\s5
\v 6 O Dios a nagrukbaban ni Jacob, idi binabalawmo dagiti kabusormo, napasag a natay dagiti kabalio ken dagiti kumakabalioda.
\v 7 Pudno a pinagbutengmo ida amin. Tunggal makaungetka ken dusaem dagiti tattao, awan ti makaibtur iti daytoy.

\s5
\v 8 Manipud iti langit, inwaragawagmo nga ukomem dagiti tattao, ket kalpasanna, nagbuteng amin nga adda iti rabaw ti daga ken saandan a nagsasao,
\v 9 idi timmakderka tapno ipakaammom a dusaem dagiti nadangkes a tattao ken ispalem amin dagiti indadanesda.

\s5
\v 10 Iti panangdusam kadagiti kaungetmo, idaydayawdaka dagiti tattaom, ken kadagiti aldaw iti piestam, idaydayawdakanto dagiti nakalasat a kabusormo.

\s5
\v 11 Isu nga itedyo kenni Yahweh dagiti daton nga inkariyo nga ited kenkuana; rumbeng met a mangiyeg kadagiti sagut dagiti amin a tattao manipud kadagiti asideg a bunggoy, a maipaay kenkuana a nakakaskasdaaw.
\v 12 Pagpakumbabaenna dagiti mangidadaulo, ken pagbutngenna amin dagiti ar-ari.

\s5
\c 77
\p
\v 1 Umasugak iti Dios; Pigsaak ti agsangit kenkuana, ket denggennakto.

\s5
\v 2 Iti tiempo nga adda nakariribukak, nagkararagak iti Apo; nagpatnag nga inngatok ti imak bayat ti panagkararagko, ngem awan ti makaliwliwa kaniak.
\v 3 Idi nalagipko ti Dios, naawananak iti namnama; idi inut-utobko ti maipanggep kenkuana, ad-adda a naupayak.

\s5
\v 4 Saannak a pinaturog iti agpatnag; kasta unay ti panagdanagko a saanko nga ammo ti ibagak.
\v 5 Nalagipko dagiti aldaw a naglabas; nalagipko dagiti napasamak iti napalpalabas a tawtawen.

\s5
\v 6 Binusbosko ti agpatnag a nangpanpanunot kadagiti banbanag; nagam-amirisak, ket daytoy ti sinaludsodko iti bagik:
\v 7 "Kankanayon ngata a laksidennak ti Apo? Saanto ngata a pulos a maay-ayo manen kaniak?

\s5
\v 8 Insardengna kadin ti napudno a panangay-ayatna kaniak? Saanna kadin nga aramiden dagiti inkarina nga aramiden para kaniak?
\v 9 Inkari ti Dios nga agbalin a naasi kaniak; nalipatanna ngatan dayta? Gapu ta kaungetnak, inkeddengna kadin a saanen nga agbalin a naimbag kaniak?"

\s5
\v 10 Kinunak, "Ti mangpalpaliday unay kaniak ket ti kasla saanen a panangaramat ti Dios iti pannakabalinna para kadatayo, isuna a Kangangatoan kadagiti sabali a dios."

\s5
\v 11 Ngem nupay kasta, O Yahweh, malaglagipko dagiti naindaklan nga ar-aramidmo; malagipko dagiti nasasayaat a banag nga inaramidmo iti napalabas.
\v 12 Ut-utobek amin dagiti inaramidmo, ken panpanunotek dagiti naindaklan nga ar-aramidmo.

\s5
\v 13 O Dios, nakakaskasdaaw amin a banag nga ar-aramidem; pudno nga awan dios a naindaklan a kas kenka!
\v 14 Sika ti Dios, ti agar-aramid kadagiti milagro; impakitam kadagiti tattao manipud kadagiti adu a bunggoy a mannakabalinka.
\v 15 Babaen iti pannakabalinmo, inispalmo dagiti tattaom manipud Egipto; insalakanmo dagiti kaputotan ni Jacob ken ti anakna a ni Jose.

\s5
\v 16 Kasla daka la nakita dagiti danum ket kasta unay ti butengda ken nagungon uray ti kaunegan a paset ti danum.
\v 17 Nagtinnag ti tudo manipud kadagiti ulep; naggurruod iti nakapigpigsa, ken naggilap ti kimat iti amin a suli.

\s5
\v 18 Nagallangogan ti gurruod iti alipugpog — ti timekmo! Nagkimat, ket nagungon ti daga iti kasta unay.
\v 19 Ket nagnaka iti baybay iti dana nga inaramidmo iti uneg ti danum, ngem saan a makita dagiti tugotmo.
\v 20 Indauloam dagiti tattaom kas iti panangidaulo ti pastor iti arban ti karnerona bayat a da Moises ken Aaron ti mangidadaulo kadagiti tattaom.

\s5
\c 78
\p
\v 1 Gagayyemko, denggenyo iti innak isuro kadakayo; dumngegkayo a naimbag iti ibagak.
\v 2 Mangtedak kadakayo kadagiti pagsasao nga imbagbaga dagiti nasisirib a tattao. Ibagbagada maipapan kadagiti banag a napasamak iti nabayagen a tiempo, dagiti banbanag a narigat a maawatan.

\s5
\v 3 Dagitoy dagiti banbanag a nangngegan ken naammoantayo idi, banbanag nga imbaga kadatayo dagiti nagannaktayo ken dagiti apongtayo.
\v 4 Ibagatayonto dagitoy a banbanag kadagiti annaktayo, ngem ibagatayonto met kadagiti apokotayo ti maipanggep iti pannakabalin ni Yahweh ken dagiti naindaklan a banbanag nga inaramidna.

\s5
\v 5 Nangted kadagiti linteg ken bilbilin kadagiti Iraelita, kadagidiay a kaputotan ni Jacob, ken imbagana kadagiti kapuonantayo nga isurona dagitoy kadagiti annakda.
\v 6 Imbilinna daytoy tapno maamoanto met dagiti annakda dagitoy ken tapno isurodanto dagitoy kadagiti an-annakda.

\s5
\v 7 Iti kasta a wagas, agtalekdanto met iti Dios ket saandanto a malipatan dagiti banbanag nga inaramidna; agtulnogdanto ketdi kadagiti bilinna.
\v 8 Saandanto a kasla kadagiti kapuonanda, a natangken iti uloda ken agsuksukir iti Dios; saanda a nagtultuloy a sititibker a nagtaltalek iti Dios, ken saan laeng nga isuna ti dinaydayawda.

\s5
\v 9 Dagiti soldado iti tribu ni Efraim ket addaan bai ken pana, ngem nagtatarayda kadagiti kabusorda iti aldaw a nakirangetda.
\v 10 Saanda nga inaramid ti nakitulaganda iti Dios nga aramidenda; nagkedkedda nga agtulnog kadagiti lintegna.
\v 11 Nalipatanda ti inaramidna; Nalipatanda dagiti milagro a nakitada nga inaramidna.

\s5
\v 12 Bayat nga agbuybuya dagiti kapuonantayo nangipakita ti Dios kadagiti milagro iti siudad ti Soan idiay Egipto.
\v 13 Ket ginudduana ti baybay dagiti Runo, pinagpangatona ti danum iti agsinnumbangir a sikigan a kasla pader nga isu ti makagapu a nakapagna dagiti kapuonantayo iti namaga a daga.
\v 14 Indalanna ida babaen iti nalawag nga ulep iti aldaw ken babaen iti naraniag nga apuy iti rabii.

\s5
\v 15 Pinagringngatna ti dakkel a bato iti let-ang ken nangted kadagiti kapuonantayo iti adu a danum manipud iti uneg ti daga.
\v 16 Pinagayusna ti waig manipud iti bato; nagayus ti danum a kasla karayan.

\s5
\v 17 Ngem intultuloy dagiti kapuonantayo ti agbasol iti Dios; nagsukirda idiay let-ang iti nabilbileg ngem iti siasinoman a didiosen.
\v 18 Babaen iti panagdawatda nga ikkan ida ti Dios ti taraon a tinarigagayanda, pinadasda nga ammoen no kanayonna nga aramiden ti dawatenda kenkuana.

\s5
\v 19 Pinabainanda ti Dios iti panangibagada, "Maikkannatayo ngata ti Dios iti taraon ditoy let-ang?
\v 20 Agpayso a pinang-orna ti dakkel a bato, ket pimsuak ti danum, ngem maikkannatayo ngata met ti tinapay ken karne, datayo a tattaona?"

\s5
\v 21 Isu nga idi nangngeg ni Yahweh dayta, nakaunget unay isuna, ket nangiyeg iti apuy a manguram iti sumagmamano kadagiti Israelita.
\v 22 Inaramidna dayta gapu ta saanda nga agtalek kenkuana, ken saanda a patien nga ispalennanto ida.

\s5
\v 23 Ngem nagsao ti Dios iti tangatang ken binilinna a malukatan a kasla ruangan,
\v 24 ket nagtinnag a kasla tudo ti taraon, taraon nga inawaganda ti "mana." Inikkan ida ti Dios ti trigo a naggapu iti langit.
\v 25 Isu a nangan dagiti tattao iti taraon a kankanen dagiti anghel ken inted ti Dios kadakuada iti amin a mana a kayatda.

\s5
\v 26 Iti saan a nagbayag, pinagpul-oyna ti angin manipud iti daya, ken nangibaon met iti angin manipud iti abagatan babaen iti pannakabalinna,
\v 27 ket nangiyeg ti angin kadagiti nakaad-adu a tumatayab a kas kaadu iti darat iti igid ti baybay.
\v 28 Pinagtinnag ti Dios dagidiay a tumatayab iti tengnga ti kampoda. Adda dagiti tumatayab iti aglawlaw dagiti toldada.

\s5
\v 29 Isu nga inluto dagiti tattao dagiti tumatayab ken kinnanda dagiti karne dagitoy; nabsogda gapu ta inted kadakuada ti Dios ti kayatda.
\v 30 Ngem saanda pay a nakan ti amin a kayatda.

\s5
\v 31 Iti dayta a gundaway, makaunget latta ti Dios kadakuada, ket pinapatayna dagiti kapipigsaan a lallakida; pinukawna dagiti adu a lallaki nga Israelita.
\v 32 Iti laksid amin daytoy, agbasbasol latta dagiti tattao; iti laksid ti amin a milagro nga inaramid ti Dios, saanda latta a nagtalek nga aywanannanto ida.

\s5
\v 33 Isu a pinagbutengna ida iti panagbiagda; pinapatayna ida uray ubbingda pay.
\v 34 Tunggal adda papatayen ti Dios nga Israelita, agbabawi dagiti dadduma; agbabawida ken sipapasnekda nga umawag iti Dios nga isalakanna ida.

\s5
\v 35 Malagipda a ti Dios ket kasla dakkel a bato a pakatalgedanda, nga isuna a natantan-ok ngem iti aniaman a dios, ti nangsalaknib kadakuada.
\v 36 Ngem pinadasda nga inallilaw ti Dios kadagiti imbagada; kinaulbod amin dagiti ibagbagada.
\v 37 Saanda a napudno kenkuana; saanda nga inkankano ti tulag nga inaramid ti Dios kadakuada.

\s5
\v 38 Ngem kinaasian ti Dios dagiti tattaona. Pinakawanna ida iti nagbasolanda ken saanna ida a pinukaw. Adu a daras a linapdanna ti ungetna kadakuada ken tineppelanna ti bagina a mangdusa kadakuada.

\s5
\v 39 Nalagipna a tattaoda laeng a matay, tattao a dagus a mapukaw a kas iti angin a lumabas ken umawan.
\v 40 Adu a daras a nagsukir dagiti kapuonantayo iti Dios idiay let-ang ken pinagladingitda unay isuna.
\v 41 Adu a daras a nagaramidda kadagiti dakes a banag tapno maammoanda no mabalinda nga aramiden dagidiay a banag a saan ida a dusaen ti Dios. Kanayon a pagpungtotenda ti nasantoan a Dios ti Israel.

\s5
\v 42 Nalipatanda ti naindaklan a pannakabalinna ken linipatda ti tiempo a panangispalna kadakuada kadagiti kabusorda.
\v 43 Nalipatanda ti maipapan kadagiti adu a milagro nga inaramidna iti asideg ti siudad ti Soan idiay Egipto.

\s5
\v 44 Pinaglabagana ti Karayan Nilo a kasla dara tapno awan ti inumen dagiti Egipcio.
\v 45 Nangiyeg kadagiti pangen dagiti ngilaw kadagiti Egipcio a nangkagat kadakuada, ken dagiti tokak a nangan iti amin a banag.
\v 46 Nangiyeg isuna kadagiti dudon a nangan kadagiti mulada ken dagiti dadduma a banag a nagtubo kadagiti talonda.

\s5
\v 47 Pinagtudona iti uraro a nangdadael kadagiti ubas, ken pinagtudona pay iti ad-adu nga uraro a nangdadael kadagiti igos iti kayo a sikamoro.
\v 48 Pinagtudona ti uraro a nangpapatay kadagiti arban ken kimat a nangpapatay kadagiti karnero ken kadagiti bakada.
\v 49 Gapu ta nakaro ti unget ti Dios kadagiti Egipcio, riniribukna unay ida. Kasla bunggoy dagiti anghel ti didigra a nangkabil kadakuada a nangdadael iti amin a banag.

\s5
\v 50 Saan a bimmaaw ti ungetna kadakuada, ken saanna nga inkaluya dagiti biagda; nangiyeg isuna iti didigra a nangpapatay iti adu kadakuada.
\v 51 Iti dayta a didigra, pinapatayna dagiti inauna nga annak a lallaki dagiti Egipcio.

\s5
\v 52 Ket indauloanna dagiti tattaona a rimuar iti Egipto a kasla pastor a mangak-akay kadagiti karnerona ken indalanna ida bayat iti pannagnada idiay let-ang.
\v 53 Indauloanna ida a sitatalged, ken saanda a nagbuteng, ngem nalmes dagiti kabusorda iti baybay.

\s5
\v 54 Kalpasanna, impanna ida idiay Canaan, ti nasantoan a dagana, iti Bantay Sion, ken naparmekda dagiti tattao nga agnanaed sadiay babaen iti pannakabalinna.
\v 55 Pinapanawna dagiti bunggoy dagiti tattao bayat ti iseserrek dagiti tattaona; biningayna ti paset ti daga a tagikuaen ti tunggal tribu, ken intedna dagiti babbalay dagidiay a tattao kadagiti Israelita.

\s5
\v 56 Nupay kasta, nagsukir dagiti Israelita a maibusor iti Dios, a natantan-ok ngem iti aniaman a sabali a Dios, ken nagaramidda iti adu a kinadakes tapno kitaenda no mabalin nga agaramidda kadagidiay a banag a saan ida a dusaen ti Dios; saanda a tinungpal dagiti bilinna.
\v 57 Sinukirda ketdi iti Dios a kas ti inaramid dagiti kapuonanda ken saanda a napudno kenkuana; saanda a mapagnamnamaan a kas iti bai a matukkol no ibiatmo daytoy.

\s5
\v 58 Gapu ta nagdaydayawda kadagiti nakitikitan a ladawan dagiti didiosenda iti tuktok dagiti turturod, pinagpungtotda ti Dios.
\v 59 Nakitana ti ar-aramidenda ket nakapungtot unay isuna, isu a linaksidna dagiti Israelita.

\s5
\v 60 Saanen a pulos a nagparang kadakuada idiay Silo iti nasantoan a tolda a nakipagnaedanna idi kadakuada.
\v 61 Impalubosna a samsamen dagiti kabusorda ti nasantoan a lakasa, a simbolo iti pannakabalin ken dayagna.

\s5
\v 62 Gapu ta nakaunget isuna kadagiti tattaona, intulokna a papatayen ida dagiti kabusorda.
\v 63 Napapatay dagiti agtutubo a lallaki iti gubat, a nagbanag nga awanen iti maasawa dagiti agtutubo a babbai.

\s5
\v 64 Napapatay iti adu a papadi babaen ti kampilan dagiti kabusorda, ken saan nga impalubos dagiti tattao nga agdung-aw dagiti balo nga asawa dagiti padi.
\v 65 Iti saan a nagbayag, kasla nakariing ti Apo iti pannaturogna; maiyarig isuna iti napigsa a lalaki a nakaunget gapu ta nakainum iti adu nga arak.
\v 66 Pinagsanudna dagiti kabusorna ken pinabainanna ida iti nabayag a tiempo gapu ta naabakda.

\s5
\v 67 Ngem saanna nga impatakder ti toldana iti nagnaedan dagiti tattao iti tribu ti Efraim; saanna a pinili ti lugarda a pangaramidanna iti dayta.
\v 68 Pinilina ketdi ti disso a nagnaedan ti tribu ni Juda; pinilina ti Bantay Sion, nga ay-ayatenna.
\v 69 Inkeddengna nga ipatakder ti templona sadiay a nangato, a kasla iti balayna idiay langit; pinatalgedna a kasla iti daga, ken naituding iti templona nga agpaut iti agnanayon.

\s5
\v 70 Pinilina ni David, a sipupudno a nagserbi kenkuana, ken innalana isuna manipud iti pagaraban
\v 71 a pagay-aywanna kadagiti karnero ni amana, ket dinutokanna nga agbalin a mangidadaulo kadagiti Israelita, dagiti tattao a kukua ti Dios.
\v 72 Sipupudno ken naimpusoan nga inaywanan ni David dagiti Israelita ken indalanna ida nga addaan kinalaing.

\s5
\c 79
\p
\v 1 O Dios, sinamsam dagiti dadduma a bunggoy ti tattao ti dagam. Rinugitanda ti templom, ken dinadaelda amin dagiti pasdek idiay Jerusalem.
\v 2 Imbes nga itabonda dagiti bangkay dagiti tattaom a pinatayda, impalubosda a kanen dagiti buwitre dagiti lasag dagidiay a bangkay, ken impalubosda met a kanen dagiti atap nga ayup dagiti bangkay dagiti tattaom.
\v 3 Idi pinatayda dagiti tattaom, kasla danum a nagayus ti dara dagiti tattaom kadagiti dalan ti Jerusalem, ken awanen uray maysa a nabati a mangitabon kadagiti bangkayda.

\s5
\v 4 Um-umsiendakami dagiti bunggoy ti tattao nga agnanaed kadagiti pagilian a nanglawlaw iti dagami; katkatawaan ken lalaisendakami.
\v 5 O Yahweh, kasano pay kapaut ti panagtultuloy daytoy? Agnanayon kadi a makaungetka kadakami? Kasla kadi apuy ti pungtotmo a sumsumged iti kaunggam?

\s5
\v 6 Imbes a kaungetnakami, agungetka kadagiti bunggoy ti tattao a saan a makaammo kenka! Agungetka kadagiti pagarian nga addaan kadagiti tattao a saan nga agkararag kenka
\v 7 gapu ta pinatayda dagiti Israelita ken dinadaelda ti pagiliam.

\s5
\v 8 Saannakami a dusaen gapu iti basol a naaramid dagiti kapuonanmi! Kassiannakami ita gapu ta kasta unay ti pannakaupaymi.
\v 9 O Dios, adun a daras nga insalakannakami, tulongannakami ngarud ita; ispalen ken pakawanennakami iti nagbasolanmi tapno idaydayawdaka dagiti sabali a tattao.

\s5
\v 10 Saan nga umno nga ibaga ti dadduma kadagiti bunggoy ti tattao kadakami, "No mannakabalin unay ti Diosda, apay a saanna ida a tulongan?" Ipakitam kadakami ti panangdusam kadagiti tattao iti dadduma a nasion a panagibales iti pinagayusda a darami ken panangpatayda iti adu kadakami, a tattaom.
\v 11 Denggem dagiti umas-asug a tattaom bayat nga addada iti pagbaludan, ken babaen iti naindaklan a pannakabalinmo, wayawayaam dagidiay nga ibagbaga dagiti kabusormi a sigurado a patayenda.

\s5
\v 12 Kas subad iti kanayon a panang-umumsida kenka, dusaem ida iti kas kaadu iti maminpito a daras!
\v 13 Kalpasan a maaramidmo dayta, dakami nga ay-aywanam a kasla iti panangaywan ti maysa nga agpaspastor kadagiti karnerona, agtultuloy ti panangidaydayawmi kenka; itultuloymi ti panangidaydayaw kenka agingga kadagiti sumaruno a henerasion.

\s5
\c 80
\p
\v 1 O Yahweh, sika a mangidadaulo kadakami a kas ti panangidadaulo ti maysa nga agpaspastor kadagiti arban ti karnerona, sika nga agtugtugaw iti tronom iti Kasasantoan a Lugar iti templo, iti rabaw dagiti nakitikitan a parsua nga adda payyakna, umayka ket agaramidka kadagiti nakakaskasdaaw a banag kadakami nga Israelita.
\v 2 Agpakitaka kadagiti tattao iti tribu ni Efraim, Benjamin ken Manases! Ipakitam kadakami a mannakabalinka ken umayka ket ispalennakami!
\v 3 O Dios, pabilgem ti nasionmi a kasla idi; kaasiannakami tapno maisalakankami manipud kadagiti kabusormi!

\s5
\v 4 O Yahweh, a Pangulo dagiti armada ti anghel, agingga kaano a makaungetka kadakami, a tattaom, no agkararagkami kenka?
\v 5 Kasla maysa a baso a napnoan iti luami ti intedmo laeng kadakami a taraon ken inumenmi!
\v 6 Pinalubosam dagiti bunggoy dagiti tattao iti aglawlawmi nga agsisinnuppiat iti tunggal maysa nga agikeddeng no ania a paset ti dagami iti alaen ti tunggal maysa kadakuada; katkatawaandakami.

\s5
\v 7 O Dios, Panguloen dagiti armada ti anghel, pabilgem ti nasionmi a kasla idi! Kaasiannakami tapno maisalakankami koma!
\v 8 Kasla maysa nga ubas dagiti kapuonanmi nga inruarmo manipud idiay Egipto; pinapanawmo dagiti dadduma a bunggoy ti tattao iti daytoy a daga, ken inkabilmo dagiti Israelita iti dagada.

\s5
\v 9 Kas panangdalus dagiti tattao iti daga a pagmulaan ti ubas, pinaksiatmo dagiti tattao nga agnanaed iti daytoy a daga tapno makapagnaedkami. Kas kadagiti ramut ti ubas nga immuneg ken nagkarayam iti daga, pinarang-aymo dagiti kapuonanmi ken nagnanaedda kadagiti ili iti amin a paset daytoy a daga.
\v 10 Kas iti pananglinong dagiti dakkel a lanut ti ubas kadagiti turod ken kas kadagiti sangada a nataytayag ngem iti dakkel a kayo ti sedar,
\v 11 nagturay dagiti tattaom iti entero a Canaan, manipud iti laud ti Baybay ti Mediterannean agingga iti daya ti Karayan Euphrates.

\s5
\v 12 Isu nga apay a binaybay-annakami ken impalubosmo a rebbaen dagiti kabusormi dagiti padermi? Kaslaka maysa nga agrebrebba kadagiti alad iti kaubasanna, tapno dagiti amin a lumabas a tattao ket mabalinda a matakaw dagiti ubas;
\v 13 payatan dagiti alingo dagiti lanut, ken mabalin met a kanen dagiti atap nga ayup dagiti ubas.

\s5
\v 14 Sika a Panguloen dagiti armada ti anghel, agsublika kadakami! Kumitaka manipud dita langit ket kitaem ti mapaspasamak kadakami! Umayka ken ispalennakami a kasla ubasmo,
\v 15 a kasla iti naganus a lanut ti ubas nga immulam ken pinadakkelmo!
\v 16 Dinadael ken pinuoran dagiti kabusormi amin a banag iti dagami; agpungtotka kadakuada ken pukawem ida!

\s5
\v 17 Ngem papigsaennakami a tattao a pinilim, dakami nga Israelita a pinapigsam iti napalabas.
\v 18 No aramidem dayta, saankaminto a pulos nga umadayo manen kenka; pabilgennakami, ket idaydayawdakanto.

\s5
\v 19 O Yahweh, Panguloen dagiti armada ti anghel, pabilgennakami; kaasiannakami ken isalakannakami kadagiti kabusormi!

\s5
\c 81
\p
\v 1 Agkantakayo iti kankanta a pangidaydayaw iti Dios, a mangpappapigsa kadatayo no makirangettayo kadagiti kabusortayo; agpukkawkayo a siraragsak a maipaay iti Dios a dinaydayawtayo a kaputotan ni Jacob!
\v 2 Rugianyon a tukaren ti musika, ken tipaen dagiti pandereta; tukarenyo ti napintas a musika babaen kadagiti arpa ken lirlira.
\v 3 Puyotanyo dagiti trumpeta bayat ti piesta a mangrambak iti tunggal baro a bulan, tunggal agkabus ken kabayatan dagiti dadduma pay a piestatayo.

\s5
\v 4 Aramidenyo dayta gapu ta dayta ti bilin para kadatayo nga Israelita; bilin dayta nga inaramid ti Dios para kadagiti kaputotan ni Jacob.
\v 5 Intedna daytoy kadagiti Israelita idi dinusana dagiti tattao iti daga ti Egipto. Sadiay a nangngegko ida nga agsasao iti pagsasao a saanko nga ammo.

\s5
\v 6 Ibagbaga ti Dios daytoy: "Kalpasan a dakayo nga Israelita ket pinilit dagiti agtuturay iti Egipto tapno agtrabaho a kas tagabu, inikkatko dagidiay a dadagsen iti bukotyo, ket pinaibabak kadakayo dagidiay a nadagsen a basket dagiti ladrillo nga aw-awitenyo.
\v 7 Idi kasta unay ti lidayyo, immawagkayo kaniak ket inispalkayo; sinungbatankayo manipud iti gurruod nga ulep. Saan a nagbayag, sinuotkayo no agtalekkayo met laeng nga ikkankayo iti danum idi addakayo iti let-ang idiay Meriba.

\s5
\v 8 Dakayo a tattaok, dumngegkayo bayat a balbalaagankayo! Tarigagayak a denggenyo ti ibagbagak kadakayo, dakayo nga Israelita!
\v 9 Masapul nga awan ti aniaman a didiosen iti nagtetengngaanyo; masapul a saankayo a pulos nga agkurno nga agdayaw iti aniaman kadakuada!
\v 10 Siak ni Yahweh a Diosyo; Saan a dagidiay a didiosen ti nangirruar kadakayo idiay Egipto; Siak ti nangaramid iti dayta! Isu a kiddawenyo ti kayatyo nga aramidek kadakayo, ket aramidek daytoy.

\s5
\v 11 Ngem saan a dumngeg kaniak dagiti tattaok; saanda nga agtulnog kaniak.
\v 12 Isu a gapu ta napalalo ti kinasukirda, binaybay-ak ida a mangaramid iti aniaman a kayatda.

\s5
\v 13 Nagsayaat ket koman no dumngeg kaniak dagiti tattaok, nga agsingsingpet koma dagiti Israelita kas iti kayatko nga aramidenda.
\v 14 No aramidenda dayta, dagus a parmekek dagiti kabusorda; papatayek dagiti mangidaddadanes kadakuada.

\s5
\v 15 Ket amin dagiti gumurgura kaniak ket agkurnoda iti sangoanak, ket kalpasanna, dusaek ida iti agnanayon.
\v 16 Ngem ikkankayo, dakayo nga Israelita, iti nasayaat a trigo, ken bussogenkayo iti diro."

\s5
\c 82
\p
\v 1 Sitatakder ti Dios idiay langit, iti taripnong dagiti amin nga espiritu a dinutokanna a mangimaton kadagiti pinarsuana. Ibagbagana kadakuada nga inkeddengna daytoy:
\v 2 "Masapul nga isardengyon ti saan a patas a pananguk-ukomyo kadagiti tattao; masapul a saankayon a mangikeddeng iti mangpabor kadagiti tattao!

\s5
\v 3 Masapul a salaknibanyo dagiti tattao a nakurapay ken dagiti naulila; masapul a patas ti aramidenyo kadagiti agkasapulan ken kadagiti awanan iti kabagian a mangtulong kadakuada.
\v 4 Ispalenyo ida manipud iti pannakabalin dagiti nadangkes a tattao!"

\s5
\v 5 Saan nga ammo dagidiay nga agtuturay wenno maawatan dagiti banbanag! Dakesda la unay, ket kas banag iti kinadakesda, kasla la maigungun-gon ti pundasion iti lubong!

\s5
\v 6 Kinunak kadakuada iti kallabes, "Pagarupenyo a dioskayo! Kasla kay la amin annakko,
\v 7 ngem mataykayonto a kas kadagiti tattao; agpatingga dagiti biagyo kas iti panagpatingga dagiti biag dagiti agtuturay."

\s5
\v 8 O Dios, tumakderka ket ukomem amin nga adda iti daga gapu ta kukuam dagiti amin a bunggoy dagiti tattao!

\s5
\c 83
\p
\v 1 O Dios, saanmo koma nga itultuloy ti agulimek! Saanka nga agulimek nga awan man laeng ti ibagam
\v 2 gapu ta busbusorendakan dagiti kabusormo! agrebrebeldedan dagiti gumurgura kenka!

\s5
\v 3 Sililimed nga agplanplanoda kadagiti banag a pakadangranmi, dakami a tattaom; agtutulagda maibusor kadagiti tattao a salsalaknibam.
\v 4 Kunada, "Umaykayo, nasken a dadaelentayo ti nasionda tapno awanto ti makalagip a naadda ti Israel!"
\v 5 Nagnunumoanda ti aramidenda a mangdadael iti Israel, ken nagnunumoanda ti mangdarup kenka -

\s5
\v 6 dagiti tattao nga agnanaed kadagiti tolda ti Edom — dagiti Ismaelita, dagiti Moabita ken dagiti Agareno, nagtutulagda
\v 7 kadagiti tattao iti Gebal, dagiti Amonita, dagiti Amalekita, dagiti Filisteo ken dagiti tattao iti siudad ti Tiro.

\s5
\v 8 Timmipon kadakuda dagiti tattao idiay Asiria; napigsada a mangtultulong kadagiti Moabita ken kadagiti Amonita, a kaputotan ti kaanakan ni Abraham a ni Lot.

\s5
\v 9 O Dios, aramidem kadagidiay a tattao ti kas iti inaramidmo kadagiti taga-Midia, kas iti inaramidmo kada Sisera ken Jabin idiay Karayan Kison.
\v 10 Dinadaelmo ida idiay ili ti Endor, ket naiwara dagiti bangkayda iti daga ken nagrupsa.

\s5
\v 11 Aramidem kadakuada ti kas iti inaramidmo kadagiti ari ti Oreb ken Zeeb; parmekem dagiti panguloda kas iti panangparmekmo kada Zeba ken Zalmuna,
\v 12 a nagkuna, "Tagikuaentayo ti daga nga ibagbaga dagiti Israelita a kukua ti Dios!"

\s5
\v 13 O Diosko, pagpukawem ida a dagdagus kas iti maial-alipugpog a tapok, kas iti taep a maiyangin!
\v 14 A kas iti naan-anay a panangpuor ti apuy iti kabakiran ken kas iti panangpuor iti gil-ayab kadagiti kabanbantayan,
\v 15 papanawem ida babaen kadagiti bagyo ken butbutngem ida babaen kadagiti napipigsa a bagyo!

\s5
\v 16 Ibabainmo ida iti kasta unay tapno maamirisda a mannakabalinka la unay.
\v 17 Ibabainmo ida iti agnanayon gapu iti pannakaabakda, papatayem ida bayat a maibabbabainda.

\s5
\v 18 Ipakaammom kadakuada a sika, nga agnagan iti Yahweh, ket ti kangangatoan a mangiturturay kadagiti adda iti rabaw ti daga.

\s5
\c 84
\p
\v 1 O Yahweh a Mangiturturay iti armada dagiti anghel, nakapinpintas unay iti templom.
\v 2 Kayatko nga addaak sadiay; O Yahweh, kalikagumak unay dayta. Agkantaak kenka a sirarag-o iti amin a kaunggak, ti Mannakabalin-amin a Dios.

\s5
\v 3 Uray dagiti kulaaw ken sallapingaw ket nangaramid iti pagumokanda iti asideg ti templom; aywananda dagiti sibongda iti asideg dagiti altar a pangidatdatagan dagiti tattao kadagiti datonda kenka, Mangiturturay iti armada dagiti anghel, ti Ari ken Diosko.
\v 4 Anian a naggasat dagiti kankanayon nga adda iti templom, nga agtultuloy nga agkankanta a mangidaydayaw kenka.

\s5
\v 5 Anian a naggasat dagiti pinabilegmo, dagiti agtarigagay unay a mapan iti Bantay Sion.
\v 6 Kabayatan iti panagdaldaliasatda iti namaga a Tanap ti Baca, pinagbalinmo daytoy a lugar nga addaan kadagiti ubbog a no sadino ket punpunnoen ti danum ti tudo dagiti tanap.

\s5
\v 7 Kas nagbanaganna, pimmigsa dagiti nagdaliasat idiay ta ammoda nga agparangdanto iti imatangmo idiay Bantay Sion.
\v 8 O Yahweh, a Mangiturturay iti armada dagiti anghel, denggem ti kararagko; O Dios a daydayawenmi, dakami a kaputotan ni Jacob, denggem ti ibagbagak!
\v 9 O Dios agtignayka a siaanus iti arimi, ti mangsalsalaknib kadakami, ti maysa a pinilim a mangituray kadakami.
\v 10 Nasaysayaat para kaniak ti agnaed iti maysa nga aldaw iti templom ngem iti sangaribu nga aldaw iti sadinoman; ti panagtakder iti pagserkan ti templom a nakasagana nga umuneg ket nasaysayaat ngem iti agnaed kadagiti tolda a pagnanaedan dagiti nadangkes.

\s5
\v 11 Kasla init a manglawag kadatayo ken kasla kalasag a mangsalaknib kadatayo ni Yahweh a Diostayo; naparabur ken padpadayawannatayo. Saan nga agkedked ni Yahweh a mangted iti aniaman a nasayaat a banag kadagiti agar-aramid iti nalinteg.
\v 12 O Yahweh a Mangiturturay iti armada dagiti anghel, Anian a naggasat dagiti agtaltalek kenka.

\s5
\c 85
\p
\v 1 O Yahweh, nagtignayka a siaanus kadakami a tattaom nga agnanaed ditoy a daga; pinarang-aynakami manen nga Israelita.
\v 2 Pinakawannakami a tattaom kadagiti nagbasolanmi; winayawayaannakami kadagiti amin a basbasolmi.

\s5
\v 3 Insardengmo ti panangungetmo kadakami ken imbabawim iti nakaro a panangdusdusam kadakami.
\v 4 Ita, O Dios, ti kakaisuna laeng a makaisalakan kadakami, isardengmo kadin iti ungetmo kadakami ket tulongannakami.
\v 5 Kaungetnakami kadi iti agnanayon?

\s5
\v 6 Pangngaasim ta parang-ayennakami manen tapno dakami a tattaom ket agrag-o maipapan iti naaramidam kadakami.
\v 7 O Yahweh, babaen iti panangis-ispalmo kadakami iti amin a riribuk, ipakitam a pudno nga ay-ayatennakami.

\s5
\v 8 Kayatko ti dumngeg iti ibagbaga ni Yahweh a Diostayo, gapu ta inkarina kadatayo a tattaona nga agbiagtayo nga addaan iti kapia no saantayon nga agsubli kadagiti minamaag a banbanag.
\v 9 Awan dua-dua a sisasagana isuna a mangisalakan kadagiti addaan iti natan-ok a panagraem kenkuana, tapno agtalinaed ti dayagna iti dagatayo.

\s5
\v 10 Inton mapasamak dayta, ayatennatayonto a sipupudno ken aramidennanto a sipupudno dagiti inkarina nga aramidenna kadatayo; agtignaytayonto a sililinteg, ket ikkannatayonto ti kapia a kasla agek nga itedna kadatayo.
\v 11 Ditoy daga, napudnotayonto iti Dios, ket manipud iti langit, sililintegto nga agtignay ti Dios kadatayo.

\s5
\v 12 Wen, agaramidto ni Yahweh kadagiti nasasayaat a banbanag para kadatayo, ket addanto iti nawadwad nga apit iti dagatayo.
\v 13 Kanayon a sililinteg nga agtigtignay ni Yahweh; sililinteg nga agtigtignay isuna iti sadinoman a papananna.

\s5
\c 86
\p
\v 1 O Yahweh, denggem ti ibagak ken sungbatannak gapu ta nakapuy ken agkasapulanak.
\v 2 Saanmo nga ipalubos a matayak ita gapu ta napudnoak kenka; isalakannak gapu ta agserserbiak kenka ken agtaltalekak kenka, O Diosko.

\s5
\v 3 O Apo, agtignayka a siaasi kaniak gapu ta umaw-awagak kenka iti tunggal aldaw.
\v 4 O Apo, paragsakennak, gapu ta agkararagak kenka.

\s5
\v 5 O Apo, naimbagka kadakami, ken pakawanennakami; pudno nga ay-ayatem unay dagiti amin nga agkararag kenka.
\v 6 O Yahweh, denggem ti kararagko; denggennak no umawagak kenka a tulongannak.
\v 7 No addaanak kadagiti pakariribukakan, umawagak kenka gapu ta sungbatannak.

\s5
\v 8 O Apo, kadagiti amin a didiosen a daydayawen dagiti sabali a nasion, awan ti kas kenka; awan ti uray maysa kadakuada ti nakaaramid kadagiti naindaklan a banbanag nga inaramidmo.
\v 9 O Apo, iti maysanto nga aldaw, umay ken agrukbabto iti sangoanam dagiti tattao kadagiti amin a nasion nga impasdekmo, ket idaydayawkanto.

\s5
\v 10 Naindaklanka, ken agar-aramidka kadagiti nakaskasdaaw a banbanag; sika laeng ti Dios.
\v 11 O Yahweh, isurom kaniak ti kayatmo nga aramidek tapno agbiagak a maiyannurot iti ibagam, isu-amin a nalinteg. Pagbalinem a maaddaanak iti kasta unay a panagraem kenka iti amin a kaunggak.
\v 12 O Apo, a Diosko, agyamanak kenka iti amin a kaunggak, ken idaydayawka iti agnanayon.

\s5
\v 13 Sipupudno nga ay-ayatennak unay a kas inkarim; saanmo nga impalubos a matayak ken mapanak iti lugar nga ayan dagiti natay a tattao.
\v 14 Ngem O Dios, padpadasendak a darupen dagiti napasindayag a tattao; maysa a bunggoy dagiti natangsit a tattao ti mangayat a mangpapatay kaniak; tattaoda nga awanan iti panagraem kenka.

\s5
\v 15 Ngem Apo, kankanayon a naasi ken naanuska; saanka a dagus a makaunget; sipupudno nga ay-ayatennakami unay ken kankanayon nga ar-aramidem kadakami dagiti inkarim nga aramiden.
\v 16 Tannawagannak ken kaassiannak; pabilgennak ken isalakannak, ti sipupudno nga agserserbi kenka a kas inaramid ti inak.
\v 17 O Yahweh, agaramidka iti maysa a banag a mangipakita a naimbagka kaniak tapno makita dagidiay manggurgura kaniak a pinapigsa ken tinulongannak; ket gapu iti dayta, maibabaindanto.

\s5
\c 87
\p
\v 1 Ti siudad nga impatakder ni Yahweh ket adda iti rabaw dagiti nasagradoan a turodna.
\v 2 Ad-adda nga ay-ayaten ni Yahweh dayta a siudad ti Jerusalem ngem iti aniaman a sabali a lugar ti Israel.
\v 3 Dakayo a tattao ti Jerusalem, agibagbaga dagiti tattao iti nakakaskasdaaw a banbanag maipapan iti siudadyo.

\s5
\v 4 Dagiti tattao ti Egipto ken Babilonia dagiti sumagmamano a makaam-ammo ti Diostayo, kasta met a dumtengto ti aldaw nga ibaga dagiti amin a tattao ti Filistia ken Tiro ken Etiopia; "Urayno saanak a naipasngay idiay Jerusalem, kaslaak met laeng a naipasngay sadiay gapu ta kukuanak ni Yahweh."

\s5
\v 5 Maipapan iti Jerusalem, ibaganto dagiti tattao a, "Naipasngay sadiay amin dagitoy a tattao, ken pagtalinaedento ti Mannakabalin a Dios a napigsa dayta a siudad."
\v 6 Ilistanto ni Yahweh dagiti nagan dagiti tattao iti nadumaduma a bunggoy a kukuana, ken ibilangnanto a kukuana ida amin nga umili ti Jerusalem.

\s5
\v 7 Agsala ken agkantadanto amin, kunada, "Ti Jerusalem ti pagtaudan dagiti amin a bendissiontayo."

\s5
\c 88
\p
\v 1 O Yahweh a Dios, sika a mangisalsalakan kaniak, iti tunggal aldaw, umawagak kenka a tulongannak, ken umas-asugak pay kenka iti tunggal rabii.
\v 2 Denggem koma ti kararagko bayat ti panagkiddawko kenka iti tulong!

\s5
\v 3 Nakapadasak iti adu a riribuk, ket dandaniakon matay ken mapan iti ayan dagiti natay a tattao.
\v 4 Gapu ta awanen ti pigsak, ibaga dagiti dadduma a tattao a matayakon iti mabiit.

\s5
\v 5 Kaslaak la bangkay a napanawan, kaslaak la dagiti natay a tattao a nakaidda kadagiti tanemda, tattao a naan-anayen a nalipatan gapu ta saanmon ida nga ay-aywanan.
\v 6 Kasla nak la impuruak iti nauneg ken nasipnget nga abut, iti lugar a pangipurpuruakanda kadagiti bangkay.

\s5
\v 7 Kasla ka la makaung-unget unay kaniak, ken kaslanak la rinumek a kasla iti pananglapunos dagiti dalluyon iti taaw kadagiti tattao.

\s5
\v 8 Pinaadayom kaniak dagiti gagayyemko, nagbalinak a makarurod kadakuada. Kaslaak la adda iti pagbaludan ken saanak a makalibas.

\s5
\v 9 Saan a makakita a nasayaat dagiti matak gapu ta agsangsangitak iti kasta unay. O Yahweh, inaldaw nga umaw-awag kenka a tulongannak, ingat-ngatok dagiti imak kenka bayat nga agkarkararagak.
\v 10 Pudno a saanka nga agaramid kadagiti milagro para kadagiti natay a tattao! Saan a bumangon dagiti kararuada nga agdaydayaw kenka!

\s5
\v 11 Awan duadua a saan nga ibaga dagiti bangkay nga adda iti tanem ti maipapan iti sipupudno a panagayatmo kadakami, ken kadagiti lugar a nadadaelen dagiti tattao, awan ti mangibagbaga iti maipapan iti sipupudno nga ar-aramidem kadakami.
\v 12 Pulos nga awan iti siasinoman nga adda iti nauneg, a nasipnget nga abut ti makakita kadagiti milagro nga ar-aramidem, ken awan iti siasinoman nga adda iti lugar nga ayan dagiti tattao a naan-anayen a nalipatan iti mangibagbaga iti maipapan iti kinaimbagmo kadakami.

\s5
\v 13 Ngem no maipapan kaniak, O Yahweh, umasugak kenka a tulongannak; kada bigat nga agkarkararagak kenka.
\v 14 O Yahweh, apay a laklaksidennak? Apay a taltallikudannak?

\s5
\v 15 Iti amin a tiempo, sipud pay idi ubingak, nagsagabaak ket masansan a dandaniakon matay; Awanen ti namnamak gapu iti panagsagsagabak kadagiti nakabutbuteng a banbanag nga inaramidmo kaniak.
\v 16 Nariknak a kasla rinumeknak gapu iti ungetmo kaniak; dandanidakon madadael dagiti nakabutbuteng a banbanag nga ar-aramidem kaniak.

\s5
\v 17 Kasla dak la pinalawlawan a kas iti layus; palpalawlawandak iti amin a suli.
\v 18 Pinaadayom kaniak uray dagiti gagayyemko ken dagiti dadduma nga ay-ayatek, ket kasla ti kakaisuna laeng a gayyemko ket ti kinasipnget.

\s5
\c 89
\p
\v 1 O Yahweh, agnanayon a kantaek ti maipanggep kadagiti wagas ti sipupudno a panagayatmo kaniak; mangngegto dagiti tattao a saan pay a nayanak a sipupudno nga ar-aramidem ti amin nga inkarim.
\v 2 Ibagakto kadagiti tattao a sipupudno nga ay-ayatennakami iti agnanayon, ken saan nga agbaliw a kas tangatang ti kinapudnom iti panangaramidmo iti inkarim.

\s5
\v 3 Kinuna ni Yahweh, "Nakitulagak kenni David, a pinilik nga agserbi kaniak. Inaramidko daytoy napasnek a katulagan kenkuana:
\v 4 'Kanayonto nga adda nadumaduma nga ari nga isaadko manipud kadagiti kaputotam; saanto pulos nga agpatingga ti kaputotan dagiti ari nga agtaud kenka.'"

\s5
\v 5 O Yahweh, tarigagayak nga idaydayawdaka dagiti amin parsua nga adda sadi langit gapu kadagiti nakaskasdaaw a banbanag nga ar-aramidem, ken kantaen dagiti amin a nasantoan nga anghelmo ti maipanggep iti sipupudno a panangaramidmo iti inkarim.
\v 6 Awan ti uray maysa sadi langit ti mabalin a maiyasping kenka, O Yahweh. Awan anghel sadi langit ti maipada kenka.

\s5
\v 7 Inton aguummong dagiti nasantoan nga anghelmo, ipakdaarda a rumbeng a maraemka; ibagada nga ad-adda a naindaklanka ngem kadagiti amin nga anghel a manglawlaw iti tronom!
\v 8 O Yahweh a Dios, a Pangulo dagiti armada ti anghel, awan ti uray maysa a mannakabalin a kas kenka; ti sipupudno a panangaramidmo kadagiti amin nga ikarim ket kasla iti kagay a kanayon a nakakawes kenka.

\s5
\v 9 Iturayam dagiti nadawel a baybay; inton dumakkel dagiti dalluyon, pagkalmaem ida.
\v 10 Sika ti nangrumek ken nangpatay iti nakaam-amak a parsua ti baybay nga agnagan iti Rahab. Pinarmek ken winarawaram dagiti kabusormo babaen iti naindaklan a pannakabalinmo.

\s5
\v 11 Kukuam dagiti langit ken ti daga; kukuam dagiti amin nga adda iti rabaw ti daga gapu ta pinarsuam amin dagitoy.
\v 12 Pinarsuam amin manipud amianan agingga iti abagatan. Sirarag-o nga idayawdaka ti Bantay Tabor ken Bantay Hermon.

\s5
\v 13 Mannakabalinka unay; napigsaka unay.
\v 14 Iturayam dagiti tattao iti patas ken nalinteg; kanayon a sipupudno nga ay-ayatennakami ken ar-aramidem ti inkarim.

\s5
\v 15 O Yahweh, anian a nagasat dagiti agpukkaw a sirarag-o iti panangidayawda kenka kadagiti fiestada, dagiti agbibiag nga ammoda a kanayonmo a banbantayan ida.
\v 16 Tunggal aldaw, agmalmalem nga agrag-oda gapu iti inaramidmo, ken idaydayawdaka gapu iti kinaimbagmo unay kadakuada.

\s5
\v 17 Ipapaayannakami iti naindaklan a pigsam; gapu ta pabpaborannakami, maparmekmi dagiti kabusormi.
\v 18 O Yahweh, intedmo ti mangsalsalaknib kadakami; sika, ti nasantoan a Dios a daydayawenmi nga Israelita, pinilim ti maysa nga ari para kadakami.

\s5
\v 19 Iti maysa a parmata idi un-unana a panawen, nagsaoka iti maysa kadagiti adipenmo, a kinunam, "Binalangatak ti maysa a nalatak a soldado; pinilik isuna manipud kadagiti amin a tattao tapno agbalin nga ari.
\v 20 Dayta a tao ket ni David, ti agserbi kaniak a sipupudno, ken pinulotak isuna nga agbalin nga ari babaen iti nasagradoan a lana ti olibo.
\v 21 Kankanayonto nga adda kenkuana ti pigsak; papigsaekto isuna babaen ti pannakabalinko.
\v 22 Saanto a pulos a makasarak dagiti kabusorna kadagiti wagas a mangallilaw kenkuana, ken saanto a pulos nga abaken isuna dagiti nadangkes a tattao.
\v 23 Rumekekto dagiti kabusorna iti sangoananna ken papanawek dagiti manggurgura kenkuana.

\s5
\v 24 Kankanayonakto a napudno kenkuana ken sipupudno a mangay-ayat kenkuana ken tulongak isuna a mangparmek kadagiti kabusorna.
\v 25 Iramanto ti pagarianna ti amin a daga manipud ti Baybay Mediterranean agingga iti Karayan Euprates.
\v 26 Ibagananto kaniak, ‘Sika ti Amak, a Diosko, ti mangsalsalaknib ken mangisalsalakan kaniak.’

\s5
\v 27 Itedkonto kenkuana dagiti kalintegan a kas inauna nga anakko; isunanto ti katatan-okan nga ari iti rabaw ti daga.
\v 28 Kankanayonakto a napudno kenkuana, ken agpautto iti agnanayon ti tulagko a mangbendision kenkuana.
\v 29 Mangipasdekakto iti maysa a linia dagiti kaputotanna a saanto a pulos nga agpatingga, kankanayonto nga agbalin nga ar-ari dagiti dadduma kadagiti kaputotanna.

\s5
\v 30 Ngem no adda kadagiti kaputotanna ti manglabsing kadagiti lintegko ken saanda nga agsingsingpet kas ibaga dagiti bilbilinko,
\v 31 no saanda nga ikankano dagiti dawdawatek ken saanda nga aramiden dagiti nalinteg a banbanag nga imbagak kadakuada nga aramidenda,
\v 32 dusaekto ida iti nakaro ken pagsagabaekto ida gapu ti panagar-aramidda iti biddut.

\s5
\v 33 Ngem saanakto nga agsardeng a sipupudno a mangay-ayat kenni David, ken kankanayonkonto nga aramiden ti inkarik kenkuana.
\v 34 Saankonto a labsingen ti tulag nga inaramidko kenkuana; Saankonto a baliwan uray maysa a sao nga imbagak kenkuana.

\s5
\v 35 Apaman a napasnek a nagkariak kenni David, ket saanto a pulos nga agbaliw dayta; gapu ta siak ti Dios, saanakto a pulos nga agulbod kenni David.
\v 36 Inkarik a mataginayonto dagiti kaputotan dagiti ar-ari a nagtaud kenkuana; agnanayonto daytoy agingga nga agranraniag ti init.
\v 37 Dayta a kaputotan ket agnanayonto a kas ti bulan a kankanayon a mangbuybuya iti amin a banag ditoy daga.”

\s5
\v 38 Ngem O Yahweh, ita linaksidmo isuna! Makapungtotka unay iti ari a dinutokam.
\v 39 A kasla saanmo a tinungpal ti tulag nga inaramidmo iti adipenmo a ni David; a kasla impurruakmo ti balangatna iti tapok.
\v 40 Rinebbam dagiti pader a mangsalsalaknib iti siudadna ken pinalubosam a madadael dagiti sarikedkedna.

\s5
\v 41 Takawen dagiti amin a lumabas dagiti sanikuana; katkatawaan isuna dagiti kaarrubana.
\v 42 Inikkam dagiti kabusorna iti kabaelan a mangparmek kenkuana; pinagragsakmo amin ida.
\v 43 Pinagbalinmo nga awan serserbi ti kampilanna, ken saanmo isuna a tinulongan kadagiti pannakigubatna.

\s5
\v 44 Pinaggibusmo ti kinadayagna ken intupakmo ti tronona iti daga.
\v 45 Pinalakaymo isuna idi agtutubo pay laeng ken pinabainam iti kasta unay.

\s5
\v 46 O Yahweh, aginggana kaano nga agtultuloy daytoy? Ilemmengannakami kadi iti agnanayon? Kasano kapaut a sumged a kasla iti apuy ti ungetmo kadakami?
\v 47 Laglagipem nga ababa unay ti biag; laglagipem a pinarsuanakami amin tapno matay nga awan serserbina.
\v 48 Awan ti makabael nga agtalinaed a sibibiag ken saan a pulos a matay; awan ti siasinoman a makaisubli iti bagina manipud iti lugar dagiti natay.

\s5
\v 49 O Yahweh, inkarim nga ayatennak iti napudno; apay a saanmo a tungtungpalen dayta? Sipapasnek nga inkarim daytoy kenni David!
\v 50 O Yahweh, laglagipem a lalaisendakami dagiti tattao! Ilunlunoddak dagiti pagano!
\v 51 O Yahweh, lalaisen dagiti kabusormo ti pinilim nga ari! Lalaisenda isuna sadinoman ti papananna.

\s5
\v 52 Maidaydayaw koma ni Yahweh iti agnanayon! Amen! Sapay koma!

\s5
\c 90
\p
\v 1 Apo, kanayon a kaiyarigam iti maysa a pagtaengan kadakami.
\v 2 Sakbay a pinarsuam dagiti banbantay, sakbay a pinarsuam ti daga ken amin a linaonna, sika ti Dios nga awan inggana, ken sikanto ti agnanayon a Dios.

\s5
\v 3 No matay dagiti tattao, pagbalinem manen a daga dagiti bangkayda; pagbalinem dagiti bangkayda a rugit a kasla iti nakaiparsuaan ti umuna a tao.
\v 4 No iyarigmo ti tiempo, ti rinibu a tawtawen ket kasla laeng iti kaababa iti maysa nga aldaw nga aglabas; ibilangmo nga ababada a kas iti sumagmamano nga oras iti rabii.

\s5
\v 5 Kellaat a papatayem dagiti tattao; agbiagda laeng iti apagbiit a tiempo a kas iti panagbayag iti maysa a tagtagainep iti ababa a tiempo.
\v 6 Kasda la ruot a dumakkel. Iti agsapa, nasayaat ti panagtubo ken panagdakkel iti ruot, ngem agmaga daytoy iti rabii ken malaylay a maminpinsan.

\s5
\v 7 Kasta met a, gapu kadagiti basol a naaramidmi, nakaungetka kadakami; butbutngennakami ket dadaelennakami.
\v 8 Kasla ikabilmo dagiti basbasolmi iti sangoanam; iwarawaram uray pay dagiti nalimed a basbasolmi iti disso a pakakitaam kadakuada.

\s5
\v 9 Gapu ta makaungetka kadakami, paggibusem dagiti bibiagmi; napardas nga aglabas dagiti tawen a panagbiagmi a kas iti napardas nga ilalabas ti sennaay.
\v 10 Agbiag laeng dagiti tattao iti pitopulo a tawen; no napigsada, agbiag ti sumagmamano kadakuada iti walo pulo a tawen. Ngem uray pay kadagiti nasayaat a tawtawen nga addaankami iti napalalo a tuok ken rigrigat; agpatenggan ti mabiit dagiti bibiagmi, ket mataykamin.

\s5
\v 11 Awan ti siasinoman ti pudno a nakapadas kadagiti nabibileg a banbanag a mabalinmo nga aramiden no makaungetka kadakuada, ken saan a mabuteng dagiti tattao a dusaemto ida gapu ta makaungetka kadakuada.
\v 12 Isu nga isuronakami a mangamiris nga agbiagkami laeng iti ababa a tiempo tapno usarenmi dagiti tiempomi a sisisirib.
\v 13 O Yahweh, kasano pay kabayag iti panagungetmo kadakami? Kaassiannakami, dakami nga agserserbi kenka.

\s5
\v 14 Kada agsapa, ipakitam kadakami nga umdasen no ayatennakami a sipupudno a kas inkarim nga aramidem. Ipakitam daytoy kadakami tapno agpukkawkami nga addaan iti rag-o ken agragsakkami kabayatan dagiti tawtawen a panagbiagmi.
\v 15 Paragsakennakami ita iti mamin-adu a kas kaadu dagiti tawtawen a pinagsagabanakami ken nagdalankami kadagiti rigrigat.
\v 16 Ipakitam kadakami dagiti naindaklan a banbanag nga ar-aramidem, ken ipakitam met kadagiti kaputotanmi ti dayag ti pannakabalinmo.

\s5
\v 17 O Apo a Diosmi, ipaaymo kadakami dagiti bendisionmo ken pagbaligiennakami; wen, pagbaligiennakami kadagiti amin nga aramidenmi!

\s5
\c 91
\p
\v 1 Dagiti agbiag iti pannakasalaknib ti Dios a Mannakabalin-amin, ket makainananto a nasayaat iti panangaywanna.
\v 2 Ibagak kenni Yahweh, "Salaknibannak; kaska la pagsammakedan a pakatalgedak. Sika ti Diosko a pagtalkak."

\s5
\v 3 Ispalennakanto kadagiti amin a nakalemmeng a palab-og ken isalakannaka kadagiti makapatay a saksakit.
\v 4 Sallukobannakanto kas iti panangsalaknib ti billit kadagiti annakna iti sirok dagiti payakna. Natalgedkanto iti panangaywanna. Iti sipupudno a panangaramidna iti inkarina ket kasla kalasag a mangsalaknib kenka.

\s5
\v 5 Saankanto nga agbuteng kadagiti banbanag a mapasamak iti rabii a mangbutbuteng kenka wenno kadagiti pana nga ibiat dagiti kabusormo kenka iti aldaw.
\v 6 Saankanto a mabuteng kadagiti didigra a parnuayen dagiti demonio no dumarupda kadagiti tattao iti rabii wenno kadagiti dadduma a pigsa ti dakes a mangpapatay kadagiti tattao iti tengnga ti aldaw.
\v 7 Uray pay sangaribo a tattao iti matuang a matay iti sikigam, uray pay sangapulo ribo a tattao iti matmatay iti aglawlawmo, saankanto a madangran.

\s5
\v 8 Imatangam ken kitaem ti pannakadusdusa dagiti nadangkes!
\v 9 Salaknibannak ni Yahweh; agtalekka met iti Dios a Mannakabalin-amin a pagkamangam.

\s5
\v 10 No aramidem, awan ti dakes a mapasamak kenka; awan ti didigra a makaasideg iti balaymo
\v 11 gapu ta bilinen ni Yahweh dagiti anghelesna a mangsalaknib kenka iti aniaman nga aramidem.

\s5
\v 12 Itag-aydaka kadagiti imada tapno saan a madangran ti sakam iti dakkel a bato.
\v 13 Mataginayonto ti kinatalgedmo manipud iti panangdangran kenka dagiti kabusormo; kaslamto la patpatayen iti napigsa a leon ken dagiti nagita nga ul-uleg babaen iti panangbaddekmo kadakuada!

\s5
\v 14 Kinuna ni Yahweh, "Ispalekto dagiti agayat kaniak; salaknibakto ida gapu ta bigbigenda a siak ni Yahweh.
\v 15 Inton umawagda kaniak, sungbatakto ida. Tulungakto ida inton agdalanda iti riribuk; ispalekto ida ken padayawakto ida.
\v 16 Gungonaakto ida babaen iti pannangtedko kadakuada iti napaut a panagbiag, ken isalakankonto ida."

\s5
\c 92
\p
\v 1 O Yahweh, nasayaat nga agyaman kenka dagiti tattao ken iti agkanta iti pagdayawda kenka nga ad-adda a naindaklan ngem iti aniaman a dios.
\v 2 Nasayaat nga iwaragawag iti tunggal agsapa, a pudno nga ay-ayatennakami ken agkanta iti tunggal rabii kadagiti kanta a mangipablaak a kankanayon nga ar-aramidem dagiti inkarim nga aramiden,
\v 3 a danggayan dagiti musikero a mangtuktokar kadagiti arpa nga addaan iti sangapulo a kuerdas ken babaen kadagiti uni ti lira.

\s5
\v 4 O Yahweh, pinaragsaknak; agkantaak a sirarag-o gapu iti inaramidmo.
\v 5 O Yahweh, naindaklan dagiti banbanag nga inaramidmo! Ngem narigat a maawatan dagiti amin a panpanunotem.

\s5
\v 6 Adda dagiti banbanag nga aramidem a saan a maamoan dagiti maag a tattao, banbanag a saan a maawatan dagiti nakuneng a tattao.
\v 7 Saanda a maawatan nga uray umad-adu dagiti nadangkes a tattao a kas iti panagadu dagiti bulong ti ruot ken rumang-ay dagiti agar-aramid iti dakes, naan-anayto ti pannakadadaelda.

\s5
\v 8 Ngem O Yahweh, agbalinkanto nga ari iti agnanayon.
\v 9 O Yahweh, awan dua dua a matayto dagiti kabusormo, ken maabakto dagiti agar-aramid iti kinadakes.

\s5
\v 10 Ngem pinapigsanak a kas iti atap a baka; pinagrag-onak iti kasta unay.
\v 11 Nakitaka a nangparmek kadagiti kabusorko, ket nangngegko ti asug dagiti dakes a lallaki kabayatan a maparpartida.

\s5
\v 12 Ngem rumang-ayto dagiti nalinteg a tattao a kasla kadagiti kaykayo a palma a nasayaat iti panagtuboda, kasla kadagiti kaykayo a sedro nga agtubtubo iti Libano.
\v 13 Kaslada kadagiti kaykayo nga imula dagiti tattao iti templo ni Yahweh idiay Jerusalem, dagiti kaykayo nga asideg iti paraangan ti templo iti Diostayo.

\s5
\v 14 Uray no tumaengen dagiti nalinteg a tattao, agaramidda latta kadagiti adu a banbanag a makaay-ayo iti Dios. Agtalinaedda a napigsa ken napnoan iti kinasiglat a kas kadagiti kaykayo a kanayon a natubbog.
\v 15 Dayta ti mangipakita a nalinteg ni Yahweh; kaiyariganna iti maysa a dakkel a bato a pakatalgedak, ken saanto a pulos nga agaramid iti aniaman a dakes.

\s5
\c 93
\p
\v 1 O Yahweh, sika ti nagbalin nga Ari! Ti kinadaeg ken pannakabalin nga adda kenka ket kasla dagiti kagay nga ikagkagay ti ari. Insaadmo a sititibker ti lubong iti umno a lugarna, ket saanto a pulos a maiyakar iti ayanna.
\v 2 Inrugim ti nagturay a kas ari idi pay punganay; agnanayon nga addaka.

\s5
\v 3 O Yahweh, idi pinarsuam ti lubong, insinam ti danum manipud iti nakusokuso nga urnosna ken pinarsuam dagiti baybay, ken agdardaranudor pay laeng dagiti dalluyon dagiti baybay,
\v 4 ngem napigpigsaka ngem kadagiti daranudor dagidiay a baybay, nabilbilegka ngem dagiti dalluyon ti baybay! Sika ni Yahweh, ti natantan-ok ngem ti aniaman a dios!

\s5
\v 5 O Yahweh, saan a pulos nga agbaliw dagiti lintegmo, ket agnanayon latta a nasantoan ti templom. Pudnonto dayta iti agnanayon.

\s5
\c 94
\p
\v 1 O Yahweh, kabaelam a balsen dagiti kabusormo. Isu nga ipakitam kadakuada a dusaem ida!
\v 2 Sika ti mangukom kadagiti amin a tattao iti rabaw ti daga; isu a tumakderka ket itedmo ti maikari kadakuada.

\s5
\v 3 O Yahweh, kasano pay kabayag iti panagragsak dagidiay nadangkes a tattao? Saan a rumbeng nga itultuloyda iti agragsak!
\v 4 Agaramidda kadagiti dakes a banbanag, ken ipalastogda iti panangaramidda kadagitoy; kasano pay kabayag a mapalubosanda a mangitultuloy iti panangaramidda iti dayta?

\s5
\v 5 O Yahweh, kasla rumrumekendakami dagidiay a nadangkes a tattao; dagiti tattaom; idaddadanesda ti nasion nga inaramidmo ken kukuam laeng.
\v 6 Papatayenda dagiti balo a babbai ken dagiti ulila ken dagiti tattao a naggapu kadagiti sabali a pagilian nga iti ipagarupda ket natalged ti agnaed iti dagami.
\v 7 Ibaga dagiti nadangkes a tattao, "Awan ti makitkita ni Yahweh; saan a makita ti Dios a pagrukrukbaban dagidiay nga Israelita dagiti dakes nga ar-aramidentayo."

\s5
\v 8 Dakayo a dakes a tattao a mangiturturay iti Israel, maag ken nengnengkayo; kaanonto a sumiribkayo?
\v 9 Inaramid ti Dios dagiti lapayagtayo; ti kadi ammoyo ket saanna a mangngeg dagiti ibagbagayo? Inaramidna dagiti matatayo; ti kadi ammoyo ket saanna a makita dagiti dakes a banbanag nga ar-aramidenyo?

\s5
\v 10 Linlintegenna dagiti mangidadaulo kadagiti dadduma a nasion; ti kadi ammoyo ket saannakayo a dusaen? Isuna ti makaammo kadagiti amin a banag; apay a panunotenyo a saanna nga ammo ti ar-aramidenyo?
\v 11 Ammo amin ni Yahweh dagiti panpanunoten dagiti tattao; ammona a dakes ken awan kaes-eskanna dagiti panpanunotenda.

\s5
\v 12 O Yahweh, anian a naggasat dagiti mayat nga agpaisuro kenka, dagidiay mayat nga agpaisuro kenka kadagiti lintegmo.
\v 13 Inton maaddaan dagidiay a tattao kadagiti pakariribukan, pagsardengem dagidiay a riribuk, ket maysa nga aldaw, kaslakanto mangkali kadagiti abut a para kadagiti nadangkes a tattao, ket matnagdanto kadagidiay nga abut ket matayda.

\s5
\v 14 Saan a panawan ni Yahweh dagiti tattaona; saanna a baybay-an dagiti kukuana.
\v 15 Maysanto nga aldaw, mangngeddengto a sililinteg dagiti uk-ukom kadagiti banbanag a para kadagiti tattao, ket maragsakanto dagiti amin a napudno a tattao gapu iti dayta.
\v 16 Ngem idi indadanesdak dagiti nadangkes a tattao, awan ti nangirupir kaniak! Awan ti siasinoman a timmakder nga agpaneknek a maipaay kaniak a maibusor kadagidiay a dakes a tattao.

\s5
\v 17 No saannak a tinulongan ni Yahweh iti dayta a kanito, mabalin a natayak koman; napukaw koman ti biagko ket addaak koman iti disso dagiti natay a tattao.
\v 18 Kinunak, "Matmatnagak kadagiti didigra," ngem, O Yahweh, intag-aynak babaen iti sipupudno a panangay-ayatmo kaniak.
\v 19 No kasta unay iti pannakariribukko, liwliwaennak ken paragsakennak.

\s5
\v 20 Awan ti maaramidam kadagiti nadangkes nga uk-ukom, dagidiay agaramid kadagiti linteg a mangipalubos kadagiti tattao nga agaramid iti saan nga umno.
\v 21 Panggependa a pukawen dagiti nalinteg a tattao, ket iwaragawagda a masapul a mapapatay dagiti tattao nga awan ti basolna.

\s5
\v 22 Ngem ni Yahweh iti nagbalin a kasla pagsammakedak; ti Diosko ket kasla dakkel a bato a pakatalgedak.
\v 23 Dusaennanto dagiti dakes a mangidadaulo a kas supapak dagiti banbanag nga inaramidda; pukawennanto ida gapu kadagiti basol a naaramidda; wen, ikisapto ida ni Yahweh a Diostayo.

\s5
\c 95
\p
\v 1 Umaykayo, kantaantayo ni Yahweh; kantaantayo a sirarag-o ti nangsalaknib ken nangisalakan kadatayo!
\v 2 Rumbeng nga agyamantayo kenkuana iti isasangotayo kenkuana ken agkantatayo kadagiti nararagsak a kankanta iti panangidayawtayo kenkuana.
\v 3 Gapu ta naindaklan ni Yahweh a Dios, naindaklan isuna nga ari a mangiturturay kadagiti amin a didiosen.

\s5
\v 4 Iturayanna ti sibubukel a daga manipud kadagiti kaunggan a disso inggana kadagiti kangangatoan a banbantay.
\v 5 Kukuana dagiti taaw gapu ta pinarsuana ida. Isuna ti namarsua iti namaga a daga.

\s5
\v 6 Rumbeng nga umaytayo, agrukbab ken agkurno iti sangoananna. Masapul nga agparintumengtayo iti sangoanan ni Yahweh, ti namarsua kadatayo.
\v 7 Isuna ti Diostayo, ken datayo dagiti tattao a salsalaknibanna, kas dagiti karnero nga ay-aywanan ti agpaspastor. Tarigagayak a mangngegyo ita nga aldaw ti ibagbaga ni Yahweh kadakayo.

\s5
\v 8 Kunana, "Saankayo nga agbalin a nasukir a kas ti inaramid dagiti kapuonanyo idiay Meriba, ken kas iti inaramidda idiay let-ang ti Masa.
\v 9 Sadiay, kayat a makita dagiti kapuonanyo no makaaramidda kadagiti dakes a banbanag a saanko ida a dusaen. Uray no naimatangandakon a nagaramid kadagiti adu a milagro, pinadasda no itultuloyko iti agbalin a naanus kadakuada.

\s5
\v 10 Iti uppat a pulo a tawen, nakaungetak kadagidiay a tattao ket kinunak, 'Saan a mapagtalkan dagidiay a tattao. Saanda a kayat ti agtungpal kadagiti bilbilinko.'
\v 11 Isu a gapu ta nakaungetak unay; insapatak ti maipanggep kadakuada, 'Saandanto pulos a makastrek iti daga ti Canaan nga impalubosko a paginanaanda koma!'"

\s5
\c 96
\p
\v 1 Kantaanyo ni Yahweh iti baro a kanta! Dakayo amin a tattao iti daga, kantaanyo ni Yahweh!
\v 2 Kantaanyo ni Yahweh ken idaydayawyo isuna! Inaldaw nga iwaragawagyo iti dadduma nga insalakannatayo.

\s5
\v 3 Ipakaammoyo ti dayagna kadagiti amin a bunggoy dagiti tattao; ipakaammoyo kadagiti amin a bunggoy dagiti tattao dagiti nakaskasdaaw a banbanag nga inaramidna.
\v 4 Naindaklan ni Yahweh, ken maikari a maidaydayaw iti kasta unay; masapul nga ad-adda a pagrukbaban ngem kadagiti amin a dios.

\s5
\v 5 Didiosen laeng dagiti amin a dios a pagrukrukbaban dagiti bunggoy dagiti dadduma a tatao, ngem pudno a naindaklan ni Yahweh; pinarsuana dagiti tangatang!
\v 6 Dagiti adda iti presensiana, padayawanda isuna, ket makitada a naindaklan isuna nga ari. Makitada iti templona a kasta unay ti kinabileg ken kinapintasna.

\s5
\v 7 Dakayo a tattao kadagiti pagilian iti entero a daga, idaydayawyo ni Yahweh! Idaydayawyo ni Yahweh gapu iti nadayag a pannakabalinna!
\v 8 Idaydayawyo ni Yahweh iti maikari a panangpadayaw kenkuana; mangitugotkayo iti daton ket mapankayo iti templona.

\s5
\v 9 Agrukbabtayo iti sangoanan ni Yahweh inton agparang isuna iti nadayag a templona. Masapul nga agbuteng ti kasta unay iti imatangna ti tunggal maysa nga adda iti daga, gapu ta nasayaat ken mannakabalin isuna, naan-anay ti pannakaidumana kadatayo.
\v 10 Ibagayo kadagiti amin a bunggoy dagiti tattao, "Ni Yahweh ti ari! Insaadna ti lubong ti lugarna, ket awan pulos ti makagungon iti daytoy. Ukomennanto a sililinteg dagiti amin a bunggoy dagiti tattao."

\s5
\v 11 Rumbeng nga agragsak dagiti amin nga adda kadagiti langit, ken rumbeng nga agrag-o dagiti amin a tattao ditoy daga. Masapul nga agdaranudor nga agdayaw kenni Yahweh dagiti baybay ken amin nga adda iti daytoy.
\v 12 Masapul nga agrag-o dagiti taltalon ken dagiti amin nga agtubtubo kadagitoy. No aramidenda dayta, kasla agkankanta a sirarag-o dagiti kaykayo kadagiti kabakiran
\v 13 iti sangoanan ni Yahweh. Mapasamakto dayta inton umayna ukomen ti tunggal maysa ditoy daga. Patas ti panangukomna kadagiti tattao segun iti ammona a pudno.

\s5
\c 97
\p
\v 1 Ni Yahweh ti ari! Kayatko nga agragsak dagiti amin nga adda iti daga ken agrag-o met dagiti tattao nga agnanaed kadagiti isla nga adda iti baybay maipapan iti dayta!
\v 2 Adda ti nakangisngisit nga ulep iti likmutna; naan-anay ti panagturayna, nalinteg ken awan panangidumdumana.

\s5
\v 3 Mangibaon isuna iti apuy iti sangoananna, ken naan-anay a puoranna dagiti amin a kabusorna babaen iti dayta nga apuy.
\v 4 Pinagkimatna iti entero a lubong; makitkita daytoy dagiti amin a tattao iti daga, ket isu’t nangpabuteng ken nangpapigerger kadakuada.
\v 5 Marunaw a kasla iti allid dagiti banbantay iti sangoanan ni Yahweh, iti sangoanan ti Apo, a mangiturturay iti entero a daga.

\s5
\v 6 Iwarwaragawag dagiti anghel iti langit nga agtigtignay isuna a sililinteg, ket makitkita dagiti amin a bunggoy ti tattao ti dayagna.
\v 7 Agbain koma dagiti amin nga agdaydayaw kadagiti didiosen, maamiris koma dagiti amin a mangipanpannakel kadagiti palso a diosda nga awan serserbi dagiti didiosenda. Agparintumeng amin dagidiay a dios nga agdayaw kenni Yahweh.
\v 8 Nangngeg dagiti tattao ti Jerusalem a nalinteg ti Dios ket nagrag-oda; nagrag-o met dagiti tattao idiay dadduma a siudad ti Juda gapu ta ukomen ken dusaen ni Yahweh dagiti managdakdakes a tattao.

\s5
\v 9 Ni Yahweh ti kanganga toan nga Ari iti entero a daga; addaan isuna iti naindaklan unay a pannakabalin, ket awan kadagiti dadduma a dios ti addaan ti aniaman a pannakabalin.
\v 10 Ay-ayaten ni Yahweh dagiti tattao a manggurgura iti dakes nga aramid ti tattao; salsalaknibanna iti biag dagiti tattaona, ken isalsalakanna ida no dangran ida dagiti nadangkes tattao.
\v 11 Pagbiagenna dagiti nalinteg a tattao; pagrag-oenna iti kaungganda.

\s5
\v 12 Dakayo a nalinteg a tattao, agrag-okayo maipapan iti inaramid ni Yahweh, ken agyamankayo kenkuana, ti nasantoan a Diostayo!

\s5
\c 98
\p
\v 1 Kantaanyo ni Yahweh iti baro a kanta gapu ta nagaramid isuna kadagiti nakaskasdaaw a banbanag nga inaramidna! Pinarmekna dagiti kabusorna babaen iti pannakabalinna.
\v 2 Impakaamo ni Yahweh kadagiti tattao a pinarmekna dagiti kabusorna; imparangarangna a dinusana dagiti kabusorna, ket nakita dagiti tattao iti entero a daga nga inaramidna daytoy.

\s5
\v 3 Kas inkarina kadatayo nga Israelita, inayatnatayo a sipupudno ken nagbalin isuna a napudno kadatayo. Dagiti tattao nga agnanaed iti nasulinek a lugar iti entero a daga ket nakitada a pinarmek ti Dios dagiti kabusorna.
\v 4 Dakayo amin a tattao iti sadinoman a lugar ket rumbeng a kantaanyo a sirarag-o ni Yahweh; dayawenyo isuna kabayatan nga agkankantakayo ken agpukpukkawkayo a sirarag-o!

\s5
\v 5 Dayawenyo ni Yahweh kabayatan a tuktukarenyo dagiti arpa, ken dagiti makaparag-o a kanta.
\v 6 Dadduma koma kadakayo ti mangpuyot kadagiti trumpeta, ken dagiti dadduma a tangguyob kabayatan a sirarag-o nga agpukpukaw dagiti dadduma kenni Yahweh nga aritayo.

\s5
\v 7 Agdaranudor koma nga agdayaw kenni Yahweh ti baybay ken dagiti amin a parsua a nilaonna. Agkanta koma amin nga adda iti lubong!
\v 8 Daytoy ket kasla koma agpalpalakpak dagiti karayan nga agdayaw kenni Yahweh ken sangsangkamaysa nga agkankanta dagiti turturod a siraragsak iti sangoanan ni Yahweh
\v 9 gapu ta umayto isuna a mangukom kadagiti amin a tattao iti daga! Sipupudno ken awan panangidumdumana nga ukomennanto dagiti bunggoy ti tattao iti lubong.

\s5
\c 99
\p
\v 1 Ni Yahweh ti kangatoan nga ari, isu a rumbeng nga agpigerger dagiti amin a bunggoy ti tattao iti presensiana! Nakatugaw isuna iti tronona nga adda iti templo iti ngatoen dagiti estatwa nga addaan payakna a parsua, isu a rumbeng nga agingined ti daga!
\v 2 Mannakabalin nga ari ni Yahweh idiay Jerusalem; isuna pay ti kangatoan a mangiturturay kadagiti amin a bunggoy ti tattao.
\v 3 Dayawenda koma isuna gaputa naindaklan unay isuna, nasantoan isuna!

\s5
\v 4 Mannakabalin isuna nga ari a mangay-ayat iti kinalinteg; nagtigtignay isuna a sililinteg ken awan panangidumduma idiay Israel.
\v 5 Dayawenyo ni Yahweh a Diostayo! Dayawenyo isuna iti sangoanan ti pagbatayan ti sakana, ti nasagradoan a lakasa iti templona a pangiturturayanna kadagiti tattao. Nasantoan isuna!

\s5
\v 6 Da Moises ken Aaron ti dua kadagiti papadina; maysa met ni Samuel a nagkararag kenkuana. Immasug dagidiay a tallo kenni Yahweh a tulunganna ida, ket sinungbatanna ida.
\v 7 Kinasaritana da Moises ken Aaron manipud iti ulep a kasla dakkel nga adigi; nagtulnogda kadagiti amin a linteg ken bilbillin nga intedna kadakuada.

\s5
\v 8 Yahweh a Diosmi, sinungbatam dagiti tattaom idi immasugda kenka a tulungam ida; sika ti Dios a nangpakawan kadakuada kadagiti basbasol a naaramidda, uray no dinusam ida gapu kadagiti biddut nga inaramidda.
\v 9 Dayawenyo ni Yahweh a Diostayo, ken agdayawkayo kenkuana iti templo iti nasantoan a turodna; maiparbeng ti panangaramid iti dayta gapu tani Yahweh a Diostayo, ket nasantoan!

\s5
\c 100
\p
\v 1 Amin nga agnanaed iti daga ket rumbeng nga agpukkaw a siraragsak kenni Yahweh!
\v 2 Agdayawtayo kenni Yahweh a siraragsak! Rumbeng nga umaytayo iti sangoananna nga agkankanta kadagiti naragsak a kankanta.

\s5
\v 3 Rumbeng a bigbigentayo a ni Yahweh ket Dios; isuna ti nangparsua kadatayo isu a kukuanatayo. Datayo dagiti tattao nga ay-aywananna; maiyarigtayo iti karnero nga ay-aywanan ti pastorda.

\s5
\v 4 Sumrekkayo kadagiti ruangan ti templona nga agyamyaman kenkuana; umunegkayo iti paraangan ti templo nga agkankanta kadagiti kanta a pangidayaw kenkuana! Agyamankayo kenkuana ken dayawenyo isuna
\v 5 gapu ta kanayon nga agar-aramid ni Yahweh iti naimbag para kadatayo. Ay-ayatennatayo a sipupudno a kas inkarina kadatayo, ken napudno isuna.

\s5
\c 101
\p
\v 1 O Yahweh, kantaanka! Ikantak ti maipapan iti napudno ken ti nalinteg a kinapudnom kadakami.

\s5
\v 2 Ikarik a kabayatan iti panangiturayko kadagiti tattao, agtignayak iti wagas nga awan ti uray maysa a mangbabalaw kaniak. O Yahweh, kaano kadi ti iyaaymo a mangtulong kaniak? Agaramidak kadagiti umno a banbanag.
\v 3 Saanko a palubosan nga umay kaniak dagiti managdakdakkes. Kagurak dagiti aramid dagiti sumina kenka; liklikak a naan-anay dagidiay a tattao.

\s5
\v 4 Saannakto nga agulbod, ken saannakto a mangaramid iti aniaman a dakes.
\v 5 Umadayoak iti siasinoman a sililimed a mangpadpadakes iti sabali, ken saanko nga ipalubos nga umasideg kaniak dagiti natangsit ken napasindayag.
\v 6 Anamongak dagiti tattao a napudno iti Dios iti daytoy a daga ken palubosak ida a makipagnaed kaniak. Palubosakto nga agserbi kaniak dagiti agtigtignay iti wagas nga awan ti siasinoman a mabalin a mangbabalaw kadakuada.

\s5
\v 7 Saanko a palubosan nga agtrabaho iti palasiok ti siasinoman a mangal-allilaw kadagiti dadduma, ken awan ti siasinoman nga agibagbaga iti ulbod ti mapalubosan nga agtultuloy nga agserbi kaniak.
\v 8 Inaldaw nga ikagumaak ti lumiklik kadagiti amin a managdakdakes a tattao iti daytoy a daga; papanawek ida manipud iti daytoy a siudad, ti siudad ni Yahweh.

\s5
\c 102
\p
\v 1 O Yahweh, denggem ti ikarkararagko, denggennak iti panagas-asugko kenka!
\v 2 Saanka a tumallikod! Denngennak, ket sungbatannak a dagus ita nga umaw-awagak kenka!

\s5
\v 3 Agpatpatinggan ti biagko a kas iti asuk nga agpukaw; Agurigorak iti nakaro nga isu’t mangpappapudot iti bagik a kas iti kinapudot ti apuy.
\v 4 Mariknak a kasla marmarsaakak a kas iti ruot a kaparparaspas, ken saanko payen a mapanunot ti mangan iti uray ania a taraon.

\s5
\v 5 Agas-asugak iti napigsa, ken dagiti tulangko ket malasin ti kudilko gapu ta kinmuttongak unayen.
\v 6 Kaslaak maysa a buitre iti let-ang naliday ken mauy-uyaw, kaslaak puwek nga agmaymaysa iti nabaybay-an a dadael ti pasdek.

\s5
\v 7 Siririingak a nakaidda iti rabii; gaputa awan ti mangliwliwa kaniak, kaslaak maysa a naliday a billit a nakatugaw iti tuktok ti balay.
\v 8 Inaldaw a lalaisendak dagiti kabusorko; kunkuna dagidiay mangkatkatawa kaniak ket ibalbalikasda ti nagganko ken mangibalbalikas iti naganko nga, "Agbalinka koma a kasla kenkuana" tunggal mangilunodda kadagiti tattao.

\s5
\v 9-10 Gapu ta makaung-ungetka kaniak, agtugawak iti dapu kabayatan iti nakaro a panagsagsagabak; matnag dagiti dapu iti tinapay a kankanek, ken adu a lua ti nailaok iti in-inumek. Daytoy ket kasla binagkatnak sanak impurwak!

\s5
\v 11 Ti tiempok nga agtalinaed a sibibiag ket ababa a kas iti anniniwan iti rabii a mapukaw a dagus. Malaylaylayak a kasla ruot a malaylay gapu iti kinapudot ti init.
\v 12 Ngem Yahweh, sika ti arimi nga agturay iti agnanayon; lagipendakanto dagiti tattao a saan pay a naipasngay.

\s5
\v 13 Bumangonkanto ket kaasiam dagiti tattao ti Jerusalem; itan ti tiempo ti panangaramidmo iti dayta; itan ti tiempo tapno agbalinka a naimbag.
\v 14 Urayno nadadaelen ti siudad, dakami nga agserserbi kenka ket ay-ayatenmi pay laeng dagiti bato a sigud nga adda kadagiti pader ti siudad; gapu ta itan ket adda ladrilio iti sadinoman, nalidaykami a tattaom tunggal kitaenmi daytoy.
\v 15 Yahweh, addanto ti aldaw a maadaan iti naisangsangayan a panagraem kenka dagiti tattao kadagiti sabali a nasion; makitanto dagiti amin nga ari iti daga a natan-okka unay.
\v 16 Bangonemto manen ti Jerusalem, ken agparangkanto idiay iti dayagmo.

\s5
\v 17 Denggemto dagiti kararag dagiti tattaom nga awanan iti pagtaengan, ken saanmonto ida a baybay-an inton agpakaasida kenka a tulungam ida.
\v 18 Yahweh, kayatko nga isurat dagitoy a sasao tapno maamoan dagiti tattao iti masakbayan a tawtawen no ania dagiti inar-aramidmo, tapno idaydayawdakanto dagiti tattao a saanpay a naipasngay.

\s5
\v 19 Maammoandanto a kimitaka manipud iti bukodmo a lugar iti langit ket nakitam ti mapaspasamak iti daga.
\v 20 Maamoandanto a dengdenggem ti panagasug dagiti balud ken wayawayaamto dagiti nabagaan iti, "Mapapataykayonto."

\s5
\v 21 Kas nagbanaganna, dayawendaka dagiti tattao iti Jerusalem gapu kadagiti inaramidmo.
\v 22 Adu a tattao manipud kadagiti dadduma a bunggoy ti tattao ken dagiti umili kadagiti dadduma pagarian ti agtitipon tapno dayawendaka.

\s5
\v 23 Ngem ita, pinagbalinnak a nakapoy kabayatan nga ubingak pay laeng. Ipagarupko a saanakon nga agbiag iti mabayag.
\v 24 Ibagak kenka, "Diosko, saannak pay laeng nga alaen ita ditoy daga sakbay a saanak pay a lakay! iti sabali a bangir agbiagka iti agnanayon!

\s5
\v 25 Pinarsuam ti lubong iti nabayagen a tiempo, ken pinarsuam dagiti langlangit baban kadagiti imam.
\v 26 Mapukaw ti daga ken dagiti langit, ngem agtalinaedkanto. Marunotdanto a kas iti pannakarunot dagiti pagan-anay. Ikkatemto ida a kas iti panangikkat dagiti tattao kadagiti dimmaan a kawkawes, ket maawandanton.
\v 27 Ngem saanka a kas kadagiti banbanag a pinarsuam gapu ta saanka nga agbalballiw; saanka pulos a matay.

\s5
\v 28 Dumtengto ti aldaw nga agbiag a sitatalged dagiti annakmi iti Jerusalem, ket masalaknibanto dagiti kaputotanda kabayatan ti panagbiagda iti presensiam."

\s5
\c 103
\p
\v 1 Kunak a rumbeng a dayawek ni Yahweh. Dayawek isuna gapu ta nasantoan isuna.
\v 2 Kunak a rumbeng a dayawek ni Yahweh ken saanko a pulos malipatan dagiti amin a naimbag nga inaramidmo kaniak.

\s5
\v 3 Pakpakawanenna dagiti amin a basbasolko, ken ag-agasannak kadagiti amin a saksakitko;
\v 4 iyal-alikakanak manipud iti patay, ken benbendisionannak babaen iti sipupudno a panagayat ken panagtignay a siaasi kaniak a kas iti insapatana nga aramidenna.
\v 5 Ik-ikkannak kadagiti naimbag a banbanag bayat iti panagbiagko. Iparpariknana kaniak nga agtutuboak ken napigsaak a kasla kadagiti agila.

\s5
\v 6 Ukomen ni Yahweh a sililinteg dagiti amin a maidaddadanes.
\v 7 Idi nabayag a panawen, impakaammona kenni Moises ti panggepna nga aramiden; impakitana kadagiti kapuonantayo nga Israelita dagiti naindaklan a banbanag nga inaramidna.
\v 8 Agtigtignay ni Yahweh a siaasi ken siaayat; saan isuna a nalaka nga agunget no makabasoltayo; kanayon nga ipakpakitana kadatayo a sipupudno nga ay-ayatennatayo.

\s5
\v 9 Saannatayo a kankanayon a tubtubngaren, ken saan isuna nga agtultuloy a siuunget iti agnanayon.
\v 10 Saannatayo a dinusa gapu kadagiti basbasoltayo a kas kaikariantayo.

\s5
\v 11 Kasta unay ti kinangato dagiti tangatang iti daga, kasta ti kinaindaklan ti napudno a panagayat ni Yahweh kadagiti agdaydayaw kenkuana.
\v 12 Inikkatna ti supapak dagiti nagbasolantayo ket inkabilna daytoy iti adayotayo a kas iti kaadayo ti daya manipud iti laud.
\v 13 A kas iti panagtignay a siaasi dagiti nagannak kadagiti annakda, naasi ni Yahweh kadagidiay agdaydayaw kenkuana.

\s5
\v 14 Ammona ti langa dagiti bagitayo; malagipna a pinarsuanatayo manipud iti tapok ket nalakatayo ngarud a saan a maaramid dagiti makaay-ayo kenkuana.
\v 15 Datayo a tattao ket saan nga agbiag iti agnanayon; maiyarigtayo iti ruot a malaylay ken matay. Maiyarigtayo kadagiti balang a sabsabong nga agukrad iti apagbiit;
\v 16 ngem no palayupoyan ti napudot nga angin dagitoy, ket agpukawda; awanen ti makakita manen kadakuada.

\s5
\v 17 Ngem sipupudno nga ay-ayaten ni Yahweh iti agnanayon dagiti amin a mangidaydayaw kenkuana, a kas insapatana. Agtignay isuna nga awan panangidumdumana kadagiti annaktayo ken kadagiti annakda;
\v 18 agtignay isuna iti kasta a wagas kadagiti amin nga agtulnog iti katulagan nga inaramidna kadakuada tapno bendisionanna ida no inaramidda ti imbagana kadakuada nga aramidenda, kadagiti amin nga agtulnog iti imbilinna.
\v 19 Nakatugaw ni Yahweh iti tronona kadagiti langit a pagturturayanna a kas ari; iturturayanna amin sadiay.

\s5
\v 20 Dakayo nga anghel ni Yahweh, idaydayawyo isuna! Mannakabalinkayo a parsua a mangar-aramid kadagiti ibagbagana nga aramidenyo; tungtungpalenyo dagiti bilbilinna.
\v 21 Idaydayawyo ni Yahweh, dakayo nga armada dagiti anghel nga agserserbi kenkuana ken mangar-aramid kadagiti pagayatanna.
\v 22 Dakayo amin a pinarsua ni Yahweh, idaydayawyo isuna; idaydayawyo isuna iti tunggal lugar a pagturturayanna, sadinoman! Idaydayako met ni Yahweh!

\s5
\c 104
\p
\v 1 Kunak a masapul a dayawek ni Yahweh. Naindaklanka unay O Yahweh a Diosko! Kas iti ari a sikakagay, addaanka iti dayaw ken daeg iti aglawlawmo!
\v 2 Pinarsuam ti lawag ket naglemmengka iti likodan daytoy. Inukradmo ti entero a tangatang a kasla iti panagipatakder ti maysa a tao iti tolda.
\v 3 Impatakdermo ti palasiom iti rabaw dagiti ul-ulep. Pinagbalinmo dagiti ulep a kasla karwahem a pagluganam.

\s5
\v 4 Pinagbalinmo dagiti angin a kasla isu dagiti mensaherom, ken dagiti gil-ayab ti apuy a kasla isu dagiti adipenmo.
\v 5 Insaadmo a sititibker ti lubong iti pundasionna tapno saan a pulos daytoy a magunggon.

\s5
\v 6 Saan a nagbayag, linapunosmo ti lubong iti layus, a kas iti maysa nga ules; ken linipos ti danum dagiti bantay.
\v 7 Ngem idi tinubngarmo ti danum, immes-es dagiti taaw; nagsaoka ket kasla gurruod ti timekmo, ket pimmanaw dagiti danum.

\s5
\v 8 Limmung-aw dagiti bantay manipud iti danum, ken nagpababa dagiti tanap iti tukad nga intudingmo para kadakuada.
\v 9 Ket nangikabilka ti beddeng kadagiti taaw, beddeng a saanda a maballasiw; saandan a pulos a layusen manen ti entero a daga.

\s5
\v 10 Pinagayusmo dagiti danum dagiti ubbog kadagiti tanap; agayus ti danumda kadagiti nagbabaetan dagiti banbantay.
\v 11 Dagitoy a waig ti mangipaay iti danum nga inumen dagiti amin nga ayup; inumen ti atap nga asno ti danum ket saandan a mawaw.
\v 12 Agaramid dagiti billit iti umokda iti igid dagiti waig, ket agkantada kadagiti sangsanga dagiti kaykayo.

\s5
\v 13 Iy-iyegmo ti tudo kadagiti banbantay manipud iti langit, ken punpunoem ti daga kadagiti adu nga agkakaimbag a banbanag a parsuam.
\v 14 Patpatuboem dagiti ruot tapno kanen dagiti dingwen, ken patpatuboem dagiti mulmula para kadagiti tattao. Iti dayta a wagas, mangala dagiti ayup ken tattao iti taraonda manipud kadagiti agtubtubo iti daga.
\v 15 Agburaskami kadagiti ubas nga aramidenmi nga arak a mainum tapno rumagsakkami; mangalakami kadagiti olibo tapno rumaniag ti rupami, ket agburaskami iti trigo nga aramidenmi a tinapay tapno mangted kadakami iti pigsa.

\s5
\v 16 O Yahweh, mangmangtedka ti aglaplapusanan a tudo tapno masibugan dagiti kaykayom, dagiti kayo ti sedro nga immulam idiay Lebanon.
\v 17 Agumok dagiti billit kadagidiay a kaykayo, ken agumok dagiti kannaway kadagiti kayo ti saleng.
\v 18 Agnanaed dagiti atap a kalding iti tuktok dagiti banbantay, ken dagiti koneho kadagiti kabatbatoan.

\s5
\v 19 Inaramidmo O Yahweh ti bulan a mangibaga ti tiempo dagiti piestami, ken pinarsuam ti init nga ammona iti tiempo ti ilelennekna.
\v 20 Iy-iyegmo iti sipnget, ket no rummabii, tiempo nga agsawar dagiti ayup iti kabakiran nga agbiruk iti taraon.

\s5
\v 21 Iti rabii, agngernger dagiti urbon a leon bayat ti panaganupda, ngem agtalekda kenka a mangted kadakuada iti taraon.
\v 22 Iti parbangon, agsublida kadagiti rukibda ket agiddada.

\s5
\v 23 Iti aldaw, mapan agtrabaho dagiti tattao; agtrabahoda agingga iti rabii.
\v 24 Inaramidmo O Yahweh dagiti nagadu a nadumaduma a kita dagiti banbanag! Nasiribka unay iti panangaramidmo amin kadagitoy. Napunno ti lubong kadagiti parsua nga inaramidmo.

\s5
\v 25 Makitami ti taaw a kasta unay ti lawana! Napnoan daytoy iti adu a kita kadagiti dadakkel ken babassit a parsua.
\v 26 Makitami dagiti barko nga aglaylayag! Makitami ti nakadakdakkel nga ayup nga inaramidmo a mangkibur iti baybay.

\s5
\v 27 Mangnamnama amin dagitoy a parsua kenka a mangted kadakuada iti taraon a masapulda.
\v 28 No ikkam ida iti taraonda a masapulda, urnongenda daytoy. It-itedmo kadakuada no ania ti adda kadagiti imam, kanenda daytoy ket mapnekda.

\s5
\v 29 Ngem no agkedkedka a mangted iti taraonda, kasta unay ti butengda. No pasardengem ti panagangesda, matayda; agrupsa dagiti bagida ket agbalin manen a daga.
\v 30 No irugim a pa-angsen dagiti kaipaspasngay a parsua, mangrugidan nga agbiag; Ik-ikkam iti baro a biag dagiti amin a sibibiag a parsua iti rabaw ti daga.

\s5
\v 31 Agpaut koma iti agnanayon ti dayag ni Yahweh. Maragsakan koma isuna kadagiti amin a banbanag a pinarsuana.
\v 32 Gungonenna ti daga babaen laeng iti panagkitana iti daytoy! Umapuy ken agasuk dagiti banbantay babaen laeng iti panangsagidna kadagitoy!

\s5
\v 33 Agkantaak kenni Yahweh bayat ti panagbiagko. Idaydayawko ti Diosko agingga iti aldaw a matayak.
\v 34 Maay-ayo koma ni Yahweh kadagitoy a banbanag a pinanpanunotko maipapan kenkuana gapu ta agragragsakak maipapan iti pannakaammok kenkuana.

\s5
\v 35 Nupay kasta, mapukaw koma iti rabaw ti daga dagiti managbasol; maibus koman dagiti nadangkes a tattao! Ngem no maipapan kaniak, idaydayawko ni Yahweh! Idaydayawyo isuna!

\s5
\c 105
\p
\v 1 Agyamankayo kenni Yahweh; agrukbab ken agkararagkayo kenkuana. Ibagayo iti amin a tao ti lubong dagiti naaramidanna!
\v 2 Kantaanyo isuna; idaydayawyo isuna bayat a kankantaanyo isuna; ibagayo kadagiti dadduma ti maipanggep kadagiti nakakaskasdaaw a milagrona.
\v 3 Ipannakkelyo ni Yahweh, nga isu laeng ti Dios. Agragsakkayo, dakayo a tattao nga agrukrukbab kenni Yahweh!

\s5
\v 4 Dawatenyo kenni Yahweh a tulungannakayo ken itedna kadakayo iti pigsana, ken kanayonyo a kalikaguman a makikadua kenkuana!
\v 5-6 Dakayo a kaputotan ti adipen ti Dios a ni Abraham, dakayo a kaputotan ni Jacob, tattao a pinili ti Dios, panunotenyo ti maipanggep kadagiti nakaskasdaaw a banbanag nga naaramidanna; nangipakita isuna kadagiti milagro, ken dinusana amin dagiti kabusortayo.

\s5
\v 7 Isuna ni Yahweh a Diostayo. Iturturayan ken uk-ukomenna dagiti tattao iti entero a daga.
\v 8 Saanna a pulos a liplipaten ti pannakitulagna; agpaut iti rinibu a henerasion ti inkarina.

\s5
\v 9 Dayta ti tulagna kenni Abraham, ket inulitna manen dayta a tulag kenni Isaac.
\v 10 Saan a nagbayag, pinasingkedanna manen daytoy kenni Jacob kas tulag nga agpaut iti agnanayon para kadagiti Israelita.
\v 11 Kastoy ti imbagana, "Itedkonto kenka ti rehion ti Canaan; kukuamto daytoy ken dagiti kaputotam iti agnanayon."

\s5
\v 12 Kinunana dayta kadakuada idi manmanoda pay laeng, sangapaset a bunggoy dagiti tattao nga agnanaed iti dayta a daga a kasla gangannaet.
\v 13 Nagtultuloyda a nagakar-akar kadagiti agsasabali a lugar, kadagiti agsasabali a pagarian.

\s5
\v 14 Ngem saanna nga impalubos a parigaten ida iti sabali a tattao. Binallaaganna dagidiay nga ar-ari babaen iti panangibagana kadakuada,
\v 15 "Saanyo a dangran dagiti tattao a pinilik! Saanyo a dangran dagiti propetak!"

\s5
\v 16 Nangiyeg isuna iti panagbisin iti Canaan, ket gapu iti dayta awan ti makan dagiti amin a tattao.
\v 17 Isu a napan dagiti tattaona idiay Egipto, ngem nangibaon nga ummuna isuna iti maysa a tao sadiay. Imbaonna ni Jose, a nailako tapno agbalin a tagabu.

\s5
\v 18 Saan a nagbayag, kabayatan nga adda ni Jose iti pagbaludan idiay Egipto, pinosasanda dagiti sakana a nangdunor kadagitoy, ket inikkanda iti landok a koliar ti tengngedna.
\v 19 Adda ni Jose iti pagbaludan agingga a pimmudno dagiti impadtona a mapasamak ken nangipakita kenkuana a nalinteg isuna.

\s5
\v 20 Nagbilin ti ari ti Egipto kadagiti adipen a wayawayaanda isuna; winayawayaan daytoy a mangiturturay ni Jose manipud iti pagbaludan.
\v 21 Ket dinutokan ti ari ti Egipto ni Jose a mangaywan kadagiti amin a banbanag iti balayna, a mangaywan kadagiti amin a sanikua ti ari.
\v 22 Napalubosan ni Jose a mangibaon kadagiti napapateg nga adipen ti ari a mangaramid kadagiti aniaman a kayatna nga ipaaramid kadakuada, ken uray ti panangibagana kadagiti mammagbaga ti ari kadagiti banbanag a masapul nga aramidenda para kadagiti tattao ti Egipto.
\v 23 Saan a nagbayag, simmangpet ni Jacob, ti ama ni Jose idiay Egipto. Nagnaed isuna a kasla gangannaet iti daga a kukua dagiti kaputotan ni Ham.

\s5
\v 24 Naglabas iti adu a tawtawen, pinaadu ni Yahweh dagiti kaputotan ni Jacob. Kas nagbanaganna, imbilang dagiti kabusor dagiti Israelita a Egipcio a nakapigpigsada.
\v 25 Isu a pinataud ni Yahweh kadagiti mangiturturay idiay Egipto ti gura kadagiti Israelita, ket inrugida ti nangparigat kadagiti tattaona.
\v 26 Ngem imbaon ni Yahweh ti adipenna a ni Moises a kadua ti manungenna a ni Aaron, a pinili ni Yahweh nga agbalin met nga adipenna.
\v 27 Nangaramid dagidiay a dua kadagiti nakakaskasdaaw a milagro kadagiti tattao ti Egipto iti dayta a daga a pagnanaedan dagiti kaputotan ni Ham.

\s5
\v 28 Nangiyeg ni Yahweh iti sipnget tapno saan a makakita iti aniaman dagiti tattao ti Egipto, ngem nagkedked nga agtulnog dagiti mangiturturay ti Egipto idi imbilin ni Moises ken ni Aaron a palubosanda a pumanaw dagiti Israelita idiay Egipto.
\v 29 Isu a pinagbalin ni Yahweh a dara ti amin a danum ti Egipto, ken iti panangaramidna iti dayta, natay amin a lames.
\v 30 Kalpasanna, pinunnona ti daga iti nakaad-adu a tukak; uray dagiti siled ti ari ken dagiti opisialna ket adda tukakna.

\s5
\v 31 Kalpasanna, imbilin ni Yahweh nga umay dagiti ngilaw ket adu kadagitoy ti nagdisso kadagiti tattao ti Egipto, ket nagwaras met dagiti adu a timel iti entero a pagilian.
\v 32 Imbes a mangibaon iti tudo, nangibaon ni Yahweh iti nakabutbuteng nga uraro, ken agkanabsiit a kimat iti entero a daga.
\v 33 Dinadael ti uraro dagiti puon ti ubas ken dagiti puon ti igosda, ken tinuangda amin dagiti dadduma pay a kaykayo.

\s5
\v 34 Binilinna nga umay dagiti dudon, ket riniwriw kadagitoy ti ummay; adu ti ummay ket saan a mabilang ti kaaduda.
\v 35 Kinnan dagiti dudon iti tunggal nalangto a mula iti daga, dinadaelda amin a maapit.
\v 36 Kalpasanna, pinapatay ni Yahweh dagiti inauna nga anak a lalaki iti tunggal balay dagiti tattao ti Egipto.

\s5
\v 37 Kalpasanna, inruarna dagiti Israelita manipud iti Egipto; adda aw-awitda a nadagsen nga al-alahas a naaramid iti pirak ken balitok nga inted dagiti tattao ti Egipto kadakuada. Awan ti uray maysa a nabati idiay Egipto gapu iti sakit.
\v 38 Naragsakan dagiti tattao ti Egipto idi pimmanaw dagiti Israelita gapu ta nagbutengda iti kasta unay kadagiti Israelita.
\v 39 Ket nangiwaras ni Yahweh iti ulep tapno manglinong kadagiti Israelita; ken iti rabii, nagbalin daytoy a dakkel nga apuy iti tangatang tapno manglawag kadakuada.

\s5
\v 40 Saan a nagbayag, nagdawat dagiti Israelita iti karne a makan, ket nangibaon ni Yahweh kadagiti pangen ti pugo kadakuada, ken nangted isuna kadakuda iti adu a manna, taraon manipud iti tangatang, iti tunggal agsapa.
\v 41 Maysa nga aldaw, pinagrengngatna ti bato, ket pimsuak ti danum tapno makainumda; daytoy ket kasla karayan nga agay-ayus iti dayta a let-ang.
\v 42 Inaramidna dayta gapu ta kanayonna a panpanunotenna ti maipapan iti sagrado a karina iti adipenna a ni Abraham.

\s5
\v 43 Isu a nagragsak dagiti tattaona iti panangiruarna kadakuada idiay Egipto; dagitoy a tattao a pinilina ket sirarag-o nga agpukpukaw bayat ti panagdaliasatda.
\v 44 Intedna kadakuada ti daga a kukua dagiti bunggoy dagiti tattao nga agnanaed idiay Canaan, ket innala dagiti Israelita dagiti amin a kinabaknangda.
\v 45 Inaramid amin ni Yahweh dagitoy a banbanag tapno aramiden dagiti tattaona dagiti amin a banbanag nga imbilinna nga aramidenda. Idaydayawyo ni Yahweh!

\s5
\c 106
\p
\v 1 Idaydayawyo ni Yahweh! Idaydayawyo ni Yahweh gapu ta naimbag amin nga ar-aramidna; agnanayon a sipupudno isuna a mangay-ayat kadatayo kas inkarina kadatayo!
\v 2 Gapu ta adu dagiti naindaklan a banbanag nga inaramidna, awan ti makaibaga kadagiti amin a naindaklan a banbanag nga inaramid ni Yahweh, ken awan ti siasinoman a naan-anay a makaidayaw kenkuana.

\s5
\v 3 Anian a naggasat dagidiay awan idumdumana, dagidiay a kankanayon nga agar-aramid iti maiparbeng.
\v 4 Maasika kaniak, O Yahweh inton tulongam dagiti tattaom; tulongannak inton ispalem ida.
\v 5 Ipalubosmo a makitak dagiti tattaom nga agbalin manen a nadur-as ken makitak nga agbalin manen a naragsak dagiti amin a tattao iti nasionmo nga Israel; ipalubosmo a makipagragsak kadakuada! Kayatka nga idaydayaw a kaduak dagiti amin a kukuam.

\s5
\v 6 Dakami ken dagiti kapuonanmi ket nagbasol; nakaaramidkami iti kinadangkes ken kinadakes.
\v 7 Idi adda idiay Egipto dagiti kapuonanmi, saanda nga inkaskaso dagiti nakakaskasdaaw a banbanag nga inaramid ni Yahweh; nalipatanda ti maipanggep iti adu a daras a panangipakitana kadakuada nga inay-ayatna ida a sipupudno. Ngem ketdi, idi addada idiay baybay dagiti Runo, nagrebeldeda iti Dios, a natantan-ok ngem kadagiti aniaman a dios.

\s5
\v 8 Ngem inispalna ida gapu iti bukodna a reputasion tapno maipakitana a mannakabalin unay isuna.
\v 9 Tinubngarna ti baybay dagiti Runo ket nagmaga daytoy, ken bayat iti panangidalanna kadagiti kapuonantayo, nagnada iti daytoy a kasla daytoy ket namaga a kasla let-ang.

\s5
\v 10 Iti dayta a wagas, inispalna ida manipud iti pannakabalin dagiti kabusorda.
\v 11 Ket nalmes dagiti kabusorda iti danum iti baybay dagiti Runo; awan ti uray maysa a nabati kadakuada.
\v 12 Idi napasamak dayta, namati dagiti kapuonantayo nga inaramid ni Yahweh no ania ti inkari kadakuada, ket nagkantada a nangidaydayaw kenkuana.

\s5
\v 13 Ngem nalipatanda a dagus dagiti inaramidna para kadakuada; nagaramidda kadagiti banbanag a saanda nga inuray nga inammo no ania ti kayat ni Yahweh nga aramidenda.
\v 14 Kasta unay ti panagtarigagayda iti taraon a kasla kadagiti kinnanda idi idiay Egipto. Nagaramidda kadagiti dinadakes tapno ammoenda no dusaen ida ti Dios wenno saan.
\v 15 Isu nga intedna kadakuada dagiti kiddawda, ngem pinagsagabana pay ida iti nakabutbuteng a sakit.

\s5
\v 16 Saan a nagbayag, idi adda sumagmamano a lallaki a nagimon kenni Moises ken iti manongenna a ni Aaron, a napili nga agserbi kenni Yahweh a kas padi,
\v 17 nagringngat ti daga ket inalun-onna ni Datan ken intanemna ni Abiram ken ti pamiliana.
\v 18 Nagpatudo ti Dios iti apuy manipud langit a nanguram kadagiti amin a nadangkes a tattao a nangsaranay kadakuada.

\s5
\v 19 Kalpasanna, nangaramid dagiti mangidadaulo nga Israelita iti balitok nga istatwa iti baka idiay Bantay Sinai ket dinaydayawda daytoy.
\v 20 Imbes nga idaydayawda ti nadayag a Dios, inrugida ti nagdaydayaw iti maysa nga istatwa iti baka a mangmangan iti ruot!
\v 21 Linipatda ti maipanggep iti Dios, a nangispal kadakuada babaen kadagiti naindaklan a milagro nga inaramidna idiay Egipto.

\s5
\v 22 Linipatda ti maipanggep kadagiti nakakaskasdaaw a banbanag nga inaramidna para kadakuada idiay Egipto ken dagiti nakakaskasdaaw a banbanag nga inaramidna para kadakuada idiay baybay dagiti Runo.
\v 23 Gapu iti dayta, imbaga ti Dios a pukawenna dagiti Israelita; ngem timmakder ni Moises, a pinili ti Dios nga agserbi kenkuana, tapno allukoyenna ti Dios a saanna nga aramiden dayta. Kas nagbanaganna, saan ida a dinadael ti Dios.

\s5
\v 24 Saan a nagbayag, nagkedked dagiti kapuonantayo a sumrek iti napintas a daga ti Canaan gapu ta saanda a mamati nga aramiden ti Dios a kas inkarina ken ikkanna ida iti kabaelan a mangtagikua ti daga manipud kadagiti tattao nga agnanaed sadiay.
\v 25 Nagtalinaedda kadagiti toldada ken nagtatanabutobda ket saanda nga inkaskaso dagiti imbaga ni Yahweh kadakuda a rumbeng nga aramidenda.

\s5
\v 26 Isu a sipapasnek nga imbagana kadakuada nga itulokna a matayda idiay let-ang,
\v 27 nga iwarawarana dagiti kaputotanda kadagiti tattao kadagiti sabali a nasion ken kadagiti bunggoy a saan a namati kenkuana, ken ipalubosna a matayda kadagidiay a dagdaga.

\s5
\v 28 Saan a nagbayag, inrugi dagiti tattao ti nagrukbab iti didiosen a Baal idiay Bantay Peor, ket kinnanda dagiti karne a naidaton kenni Baal ken kadagiti awan biagna a dios.
\v 29 Nakaunget iti kasta unay ni Yahweh gapu kadagiti inaramidda, isu a nangibaon manen isuna iti nakabutbuteng a sakit kadakuada.

\s5
\v 30 Ngem timmakder ni Finees ket dinusana ti nagbasol iti kasta unay, ket kas nagbanaganna nagsardeng ti didigra.
\v 31 Nalagip dagiti tattao dagiti nalinteg nga aramid ni Finees, ket iti masakbayan malagipto daytoy dagiti tattao.

\s5
\v 32 Kalpasanna idiay ubbog ti Meriba, pinaunget manen dagiti kapuonantayo ni Yahweh, ket gapu iti daytoy nariribukan ni Moises.
\v 33 Pinagpungtotda ni Moises iti kasta unay ket nagibaga isuna kadagiti minamaag a banbanag.
\v 34 Saan a dinadael dagiti kapuonantayo dagiti sabali a bunggoy dagiti tattao kas imbagana nga aramidenda.
\v 35 Ngem ketdi, innala dagiti lallaki dagiti babbai manipud kadagidiay a bunggoy dagiti tattao, ket inrugida ti nagaramid kadagiti dakes a banbanag nga inaramid dagidiay a tattao.
\v 36 Nagrukbab dagiti kapuonantayo kadagiti didiosen dagidiay a tattao, nga isu ti nakadadaelanda.

\s5
\v 37 Sumagmamano kadagiti Israelita ti nangidaton kadagiti annakda kadagiti demonio nga ibagbagi dagidiay a didiosen.
\v 38 Pinapatayda dagiti ubbing a saan a nagbiddut, ket indatonda ida kadagiti didiosen idiay Canaan. Gapu iti daytoy, narugitan ti daga ti Canaan babaen kadagidiay a pammapatay.
\v 39 Isu a gapu kadagiti aramidda, saan ida nga inawat ti Dios; gapu ta saanda a sipupudno a nagrukbab iti maymaysa laeng a Dios, nagbalinda a kasla kadagiti babbai a makikakaidda kadagiti sabali a lallaki imbes nga makikaidda laeng kadagiti assawada a lallaki.

\s5
\v 40 Isu a nakapungtot unay ni Yahweh kadagiti tattaona; narurod isuna kadakuada a naan-anay.
\v 41 Gapu iti daytoy, impalubosna dagiti bunggoy dagiti tattao a saan a namati kenkuana a mangparmek kadakuada, isu a nangrugi nga inturayan ida dagiti nanggura kadagiti kapuonantayo.

\s5
\v 42 Indadanes dagiti kabusorda dagiti kapuonantayo ket naan-anay nga inturayanda ida.
\v 43 Adu a daras nga inispal ni Yahweh dagiti tattaona, ngem intultuloyda ti nagsukir kenkuana, ket nadadaelda a naan-anay gapu kadagiti basbasol nga inaramidda.

\s5
\v 44 Nupay kasta, kanayon a denggen ni Yahweh ida no agasugda kenkuana, ket ipangagna ida no nariribukanda.
\v 45 Para iti pagsayaatanda, pinanunotna ti maipanggep iti tulagna tapno bendisionnanna ida; gapu ta saan isuna a nagsardeng a nangay-ayat kadakuada iti kasta unay, imbabawina ti ad-adda a panangdusana kadakuada.
\v 46 Nagtignay isuna kadagiti nangala kadagiti Israelita idiay Babilonia tapno maasianda kadakuada.

\s5
\v 47 Yahweh a Diosmi, ispalennakami ken isublinakami idiay Israel manipud kadagitoy a bunggoy dagiti tattao tapno makapagyamankami kenka ket sirarag-o a makapagdayawkami kenka.
\v 48 Idaydayawyo ni Yahweh, ti Dios a pagrukrukbabantayo nga Israelita, idaydayawyo isuna ita ken iti agnanayon! Rumbeng nga umanamong dagiti amin a tattao! Idaydayawyo ni Yahweh!

\s5
\c 107
\p
\v 1 Agyamantayo kenni Yahweh gapu ta kankanayon nga agar-aramid isuna kadagiti naimbag a banbanag kadatayo! Agtalinaed iti agnanayon ti napudno nga ayatna kadatayo, kas inkarina kadatayo!
\v 2 Rumbeng nga ibaga dagiti insalakan ni Yahweh kadagiti dadduma nga inispal ida ni Yahweh manipud kadagiti kabusorda.
\v 3 Inummongna, dakayo a naibelleng kadagiti adu a daga; inummongnakayo manipud iti daya ken iti laud, manipud iti amianan ken iti abagatan.

\s5
\v 4 Nagalla-alla idiay let-ang dagiti dadduma a nagsubli manipud kadagidiay a pagillian; naiyaw-awanda ken awan pagtaengan a pagnaedanda.
\v 5 Nabisinan ken nawawda, ken urayda la natalimudaw gapu iti kapsutda.
\v 6 Immawagda iti tulong kenni Yahweh idi mariribukanda, ket inispalna ida iti pakarigatand.
\v 7 Inturongna ida iti nalinteg a dalan a sitatalged a nagnaanda a nagturong kadagiti siudad iti Canaan a mabalin a pagnaedanda.

\s5
\v 8 Masapul nga idaydayawda ni Yahweh gapu ta sipupudno nga ay-ayatenna ida ken gapu kadagiti nakakaskasdaaw a banbanag nga ar-aramidenna kadagiti tattao.
\v 9 Ik-ikkanna iti nawadwad a danum nga inumen dagiti mawaw a tattao, ken nawadwad a taraon a kanen dagiti mabisin a tattao.
\v 10 Dagiti dadduma kadakuada ket adda iti nasipnget a pagbaludan; baludda nga agsagsagaba gapu ta nakakawar dagiti ima ken sakada.

\s5
\v 11 Naibaludda gapu ta nagsukirda iti mensahe ti Dios; addada sadiay gapu ta linaksidda ti balakad nga inted ti Dios kadakuada, a natantan-ok ngem kadagiti amin a sabali a dios.
\v 12 Isu a pinagsagaba ida ti Dios tapno saandan nga agpasindayag; idi addada iti pakariribukanda, awan ti siasinoman a timmulong kadakuada.
\v 13 Idi mariribukanda, immawagda kenni Yahweh ket inispalna ida manipud iti pakarigatanda.

\s5
\v 14 Pinugsatna dagiti kawar dagiti ima ken sakada ken inruarna ida manipud kadagiti nasipnget a pagbaludan.
\v 15-16 Dinadaelna dagiti ruangan ti pagbaludan a naaramid iti bronse; pinutedna dagiti landok a balunek iti pagbaludan. Rumbeng nga idaydayawda ni Yahweh gapu ta sipupudno nga ay-ayatenna ida ken gapu kadagiti nakakaskasdaaw a banbanag nga ar-aramidenna kadagiti tattao.

\s5
\v 17 Simamaag a nagsukirda iti Dios dagiti dadduma kadakuada, isu a nagsagabada gapu kadagiti basbasolda.
\v 18 Saanda a kayat ti mangan iti aniaman a taraon, ket dandanidan a natay.
\v 19 Idi mariribukanda, immawagda kenni Yahweh ket inispalna ida iti pakarigatanda.

\s5
\v 20 Idi imbilinna a maagasanda ket naagasanda; insalakanna ida manipud iti ipapatayda.
\v 21 Rumbeng nga idaydayawda ni Yahweh gapu ta sipupudno nga ay-ayatenna ida ken gapu kadagiti nakakaskasdaaw a banbanag nga ar-aramidenna kadagiti tattao.
\v 22 Rumbeng nga agidatonda kenkuana a mangipakita nga agyamyamanda, ken rumbeng nga agkantada a sirarag-o maipapan kadagiti milagro nga inaramidna.

\s5
\v 23 Naglayag dagiti dadduma kadakuada babaen kadagiti barko; aglaklakoda kadagiti banbanag kadagiti adayo a siudad.
\v 24 Nakitada met dagiti milagro nga inaramid ni Yahweh kabayatan ti panaglaylayagda, dagiti nakakaskasdaaw a banbanag nga inaramidna idi addada kadagiti nakaun-uneg a baybay.

\s5
\v 25 Binilinna dagiti angin, ket pimmigsada ken nangpataudda kadagiti nangato a dalluyon.
\v 26 Naipallangatok iti angin dagiti barko a nagluglugananda, ken limnedda kadagiti nagbabaetan dagiti nangato a dalluyon; ket nabutngan dagiti aglaylayag gapu iti peggad.
\v 27 Napasag ken nagdiwerdiwerda a kasla kadagiti nabartek a lalaki, ken saanda nga ammo no ania ti aramidenda.

\s5
\v 28 Idi mariribukanda, immawagda kenni Yahweh ket inispalna ida iti pakarigatanda.
\v 29 Pinagkalmana ti bagyo ken pinagtalnana dagiti dalluyon.
\v 30 Naragsakanda unay idi nagtalna daytoy; ket inturong ida ni Yahweh a sitatalged iti pagsangladan a tinarigagayanda.

\s5
\v 31 Rumbeng nga idaydayawda ni Yahweh gapu ta sipupudno nga ay-ayatenna ida ken gapu kadagiti nakakaskasdaaw a banbanag nga ar-aramidenna kadagiti tattao.
\v 32 Rumbeng nga idaydayawda isuna a kaduada dagiti Israelita inton agguummongda, ken rumbeng nga idaydayawda isuna iti sangoanan dagiti mangidadaulo ti pagilian.

\s5
\v 33 No dadduma, pagmagaen ni Yahweh dagiti karayan, isu nga agbalin a let-ang ti daga, ken agbalin a namaga a daga dagiti ubbog ti danum.
\v 34 No dadduma, paapgadenna ken aramidenna nga awan serserbina iti nabunga a daga, a ti pagbannaganna ket saanda a makapataud kadagiti mulmula. Ar-aramidenna dayta gapu ta nadangkes unay dagiti tattao nga agnanaed sadiay.
\v 35 Ngem no dadduma, mangpataud isuna ti dan-aw kadagiti disierto, ken mangpataud isuna iti ubbog ti danum kadagiti natikag unay a daga.

\s5
\v 36 Iyap-apanna iti dayta a daga dagiti mabisin a tattao, tapno agnaed ken mangbangonda iti siudad sadiay.
\v 37 Agmulada kadagiti bukel kadagiti taltalonda, ken agmulada kadagiti ubas a mangipaay kadagiti adu nga apit nga ubas.
\v 38 Benbendisionanna dagiti tattao, ken mangipaspasngay dagiti babbai iti adu nga ubbing, ken addaanda iti adu nga arban dagiti ayup.

\s5
\v 39 Idi bimassit ti bilang dagiti tattao ken pinabpabainan ida dagiti kabusorda babaen iti panangidadanes ken panangpaspasagabada kadakuada,
\v 40 ipakpakita ni Yahweh ti pungtotna kadagiti mangidadaulo a nangidadanes kadakuada, ken pagalla-allaenna ida iti let-ang nga awan pulos dalanna.

\s5
\v 41 Ngem is-ispalenna dagiti marigrigat a tattao manipud iti kinakurapayda ken papaaduenna ti bilang dagiti pamiliada a kas kadagiti arban dagiti karnero.
\v 42 Makitkita dagiti tattao a sililinteg nga agbibiag nga aramiden ti Dios dagitoy, ket agrag-oda; mangngeg met laeng dagiti nadangkes a tattao dagitoy ngem awan ti maibagada a kas sungbatda a maibusor kenni Yahweh.
\v 43 Masapul a panunoten a nasayaat dagiti nasisirib ti maipapan kadagitoy a banbanag; masapul nga utubenda dagiti amin a banbanag nga inaramid ni Yahweh a mangipakita a sipupudno nga ay-ayatenna isuda.

\s5
\c 108
\p
\v 1 O Dios, natalgedak unay kenka. Agkantaak a mangidaydayaw kenka. Pakaidayawak ti agriing ken agdayaw kenka.
\v 2 Agriingak sakbay ti isisingising ti init, ken idaydayawka kabayatan a tuktukarek ti arpa ken lirak.

\s5
\v 3 Nagkararagak, "O Yahweh, agyamanak kenka iti sangoanan dagiti amin a bunggoy dagiti tattao; agkantaak a mangidaydayaw kenka iti sangoanan dagiti nasion
\v 4 gapu ta dumanon iti langit iti napudno nga ayatmo kadakami, ken napudnoka iti panangtungpalmo kadagiti karim kas kaadda dagiti ulep iti ngatoen iti daga.

\s5
\v 5 Yahweh, ipakitam sadi langit a naindaklanka unay! Ipakitam ti dayagmo kadagiti tattao iti entero a daga!
\v 6 Sungbatam dagiti kararagmi ken babaen iti pannakabalinmo, tulungannakami a mangparmek kadagiti kabusormi tapno dakami a tattao nga ay-ayatem ket maisalakan koma."

\s5
\v 7 Sinungbatan ni Yahweh dagiti kararagmi ken nagsao manipud iti templona, kunana, "Gapu ta pinarmekko dagiti kabusoryo, sirarag-oak a mangbingay ti siudad ti Sikem, ken ibunongkonto kadagiti tattaok ti daga iti tanap ti Succot.
\v 8 Kukuak ti rehion ti Galaad; kukuak dagiti tattao ti tribu ti Manase; ken kasla setrok ti tribu ti Juda.

\s5
\v 9 Kasla pagbugoak a palanggana ti rehion ti Moab; ipurruakko ti sandaliasko iti rehion ti Edom a mangipakita a kukuak daytoy; agpukkawak a sibaballigi gapu ta naparmekko dagiti tattao iti rehiyon ti Filistia."
\v 10 Gapu ta kayatmi a darupen dagiti tattao ti Edom, siasino ti mangidaulo iti armadak iti sentro ti siudadda a napalawlawan iti nalagda a pader?

\s5
\v 11 O Dios, saanmi a kayat a panawannakami; kayatmi a makikaduaka kadakami tunggal mapan makiranget dagiti armadami kadagiti kabusormi.
\v 12 Kasapulandaka a mangtulong kadakami tunggal makirangetkami kadagiti kabusormi gapu ta awan serserbi ti itulong dagiti tattao kadakami.
\v 13 Ngem ti kaaddam a mangtulong kadakami, mangabakkami; ikkannakami iti kabaelan a mangparmek kadagiti kabusormi.

\s5
\c 109
\p
\v 1 O Dios, siksika ti idaydyawko, isu a pangngaasim ta sungbatam ti kararagko
\v 2 gapu ta ibabaindak dagiti nadangkes a tattao ken agibagbagada kadagiti inuulbod maipapan kaniak.
\v 3 Kankanayon nga ibagbagada a kagurguradak, ken awan gapgapuna a dangrandak.

\s5
\v 4 Ipakpakitak kadakuada nga ay-ayatek ken ikarkararagak ida, ngem imbes nga agbalinda a nasayaat kaniak, ibagbagada a nagaramidak kadagiti dakes a banbanag.
\v 5 Kas supapak iti kinaimbag ken panangay-ayatko kadakuada, dakes a banbanag ti ar-aramidenda kaniak ken kagurguradak.

\s5
\v 6 Isu a mangdutokka iti nadangkes nga ukom a mangukom iti kabusorko, mangibaonka iti maysa kadagiti kabusorna a mangidarum kenkuana.
\v 7 Inton malpas iti panagusig, itulokmo nga ibaga koma ti ukom a nakabasol isuna ken ibilangmo a basol uray ti pakaasina.

\s5
\v 8 Matay koman isuna; mangiyegka iti tao a mangsublat ti trabahona.
\v 9 Maulila koma iti ama dagiti annakna, mabalo koma ti asawana a babai.
\v 10 Panawan koma dagiti annakna dagiti nadadael a balay a nagnanaedanda ken agalla-allada koma nga agpalpalama iti taraonda.

\s5
\v 11 Samsamen koma dagiti amin a tattao a nakautanganna iti sanikuana; alaen koma dagiti gangannaet dagiti amin a nagun-odna babaen iti panagtrabahona.
\v 12 Siguradoem nga awan ti siasinoman nga agbalin a napudno iti pakalaglagipan kenkuana gapu iti tulagmo; siguradoem nga awan ti siasinoman a maasi kadagiti annakna.
\v 13 Matay koma dagiti amin nga annakna, tapno awanton ti siasinoman a mangituloy iti pulina.

\s5
\v 14 O Yahweh, laglagipem ken saanmo a pakawanen dagiti kapuonanna gapu kadagiti dakes nga inar-aramidda, ken saanmo a pakawanen uray pay dagiti basol nga inaramid ni inana.
\v 15 Kankanayonmo kadi a panunoten ti maipapan kadagiti basolna, ngem naan-anay kadi a malipatan dagiti amin nga agbibiag ti kinasiasinona.
\v 16 Ikarkararagko dagitoy a banbanag gapu ta dayta a tao a kabusorko ket saan pulos a nangipakita iti naimbag nga ibagbaga ti tulagmo iti siasinoman a rumbeng nga aramidenmi; pinarigatna dagiti nakurapay ken agkasapulan a tattao ken pinatayna pay dagiti awan gawgawayna a tattao.

\s5
\v 17 Paggaayatna ti mangilunlunod kadagiti tattao. Maaramid koma ngarud kenkuana dagidiay a nakabutbuteng a banbanag a dinawatna a mapasamak kadagiti dadduma! Saanna a kayat ti mangbendision iti sabali a tattao, isu a siguradoem nga awan iti siasinoman a mangbendision kenkuana!
\v 18 Masansan pay nga ilunodna dagiti dadduma a tattao; mapasamak koma kenkuana dagiti nakabutbuteng a banbanag a paggaayatna a mapasamak kadagti sabali a tattao ken sumrek iti bagina a kas iti iseserrek ti danum, a kas iti lana ti olibo a sumagepsep iti tulang ti tao tunggal maiyapros daytoy iti kudilna.

\s5
\v 19 Pagtalinaedem kadi kenkuana dagitoy a nakabutbuteng a banbanag a kas kadagiti kawesna ken maibedbed koma kenkuana a kas iti barikes nga us-usarenna iti inaldaw.
\v 20 O Yahweh, dusaem koma dagiti amin a kabusorko iti kasta a wagas, dagiti agibagbaga kadagiti dakes a banbanag maipapan kaniak.

\s5
\v 21 Ngem O Yahweh, a Diosko, agramidka kadagiti naimbag a banbanag kaniak tapno idaydayawka; ispalennak manipud kadagiti kabusorko gapu ta sipupudno nga ay-ayatennak a kas inkarim.
\v 22 Kiddawek kenka nga aramidem daytoy gapu ta marigrigat ken agkasapulanak ken napnoan iti ut-ot ti kaunggak.
\v 23 Panpanunotek a kasla iti kaababa ti anniniwan iti rabii nga apagbiit nga agpukaw ti tiempo iti panagtalinaedko nga agbiag. Maiyanginakto iti adayo a kas iti pannakaiyangin iti dudon.

\s5
\v 24 Nakapsut dagiti tumengko gapu ta masansanak nga agayunar, ken kimmuttongak unayen.
\v 25 Katkatawaandak dagiti tattao a mangpabpabasol kaniak; no makitadak, laisendak babaen iti panangwingwingiwingda kaniak.

\s5
\v 26 O Yahweh, a Diosko, tulungannak! Gapu ta sipupudno nga ay-ayatennak, ispalennak!
\v 27 Inton isalakannak, ipakaammom kadagiti kabusorko a sika ti nangramid daytoy!

\s5
\v 28 Mabalindak nga ilunod, ngem dawatek a bendisionannak. Maparmek ken maibabain koma dagiti nangparigat kaniak, ngem pagragsakennak koma!
\v 29 Maibabain koma a naan-anay dagiti mangpabpabasol kaniak; makita koma dagiti dadduma a tattao a naibabainda a kas kalaka ti panangkitada kadagiti bado nga isusuotda!

\s5
\v 30 Ngem agyamanak iti kasta unay kenni Yahweh; Idaydayawkonto isuna iti sangoanan dagiti adu a tattao nga agrukrukbab kenkuana.
\v 31 Aramidek dayta gapu ta ikankanawana dagiti nakurapay a tattao a kas kaniak ken gapu ta isalsalakannakami manipud kadagiti nangibaga a masapul a mataykami.

\s5
\c 110
\p
\v 1 Kinuna ni Yahweh iti apok nga ari, "Agtugawka ditoy abayko, iti kangatoan a saad iti dayaw agingga a maparmekko a naananay dagiti kabusormo ken pagbalinek ida a kasla pagbatayan dagita sakam!"

\s5
\v 2 Paatiddagen ni Yahweh ti panagturaymo a kas ari manipud iti Jerusalem agingga iti sabali a dag-daga; iturayamto dagiti amin a kabusormo.
\v 3 Iti aldaw nga idauloam dagiti armadam a makigubat, adunto kadagiti tattaom ti situtulok a makikadua iti armadam. Agtignayto para kenka ti pigsa iti kinaagtutubom a kas ti linnaaw a mangsibog ti daga iti bigbigat."

\s5
\v 4 Nagkari iti napasnek ni Yahweh ket saannanto pulos isuna nga agbabawi; imbagana iti ari, "Agbalinkanto a padi iti agnanayon a kasla kenni Melkisedek."

\s5
\v 5 Agtakder ti Apo iti makannawanmo; inton makaunget isuna, parmekennanto dagiti adu nga ar-ari.
\v 6 Ukomen ken dusaennanto dagiti tattao kadagiti adu a nasion; adunto ti maidasay a bangkay dagiti napapatay a kabusor a soldado iti daga. Parmekennanto dagiti ar-ari iti amin a daga.

\s5
\v 7 Ngem uminomto ti ari manipud iti waig iti igid ti dalan; mabang-aranto isuna kalpasan ti panangparmekna kadagiti kabusorna.

\s5
\c 111
\p
\v 1 Idaydayawyo ni Yahweh! Agyamanak kenni Yahweh iti amin a kaunggak tunggal agtitipon dagiti agar-aramid iti nasayaat.
\v 2 Nakakaskasdaaw dagiti banbanag nga inaramid ni Yahweh! Dagiti amin a maragragsakan kadagitoy a banbanag ket tartarigagayanda nga adalen dagitoy.
\v 3 Gapu ta naindaklan isuna nga ari ken agar-aramid kadagiti nakakaskasdaaw a banbanag, daydayawen ken raraemen isuna dagiti tattao iti kasta unay; dagiti nalinteg a banbanag nga ar-aramidenna ket agtalinaed iti agnanayon.

\s5
\v 4 Nagaramid isuna kadagiti nakakaskasdaaw a banbanag a kanayon a malaglagip dagiti tattao; naimbag ken manangngaasi a kankanayon ni Yahweh.
\v 5 Mangipapaay isuna iti taraon kadagiti mangraraem unay kenkuana; saanna pulos a malipatan ti katulagan nga inaramidna kadagiti kapuonantayo.
\v 6 Babaen iti panangitedna iti kabaelan kadagiti tattaona a mangtagikua kadagiti dagdaga a kukua dagiti sabali a bunggoy ti tattao, impakitana kadatayo a tattaona, a mannakabalin unay isuna.

\s5
\v 7 Ar-aramidenna amin a banag nga awan panangidumdumana, a kas inkarina kadatayo, ken mabalintayo a kumamang kenkuana tapno tulungannatayo no bilinennatayo nga agaramid kadagiti banbanag.
\v 8 Aniaman nga ibilinna ket masapul a tungpalen iti agnanayon; ken nagtignay isuna iti napudno ken iti nalinteg a wagas idi intedna kadatayo dagitoy a bilbilin.
\v 9 Inispalnatayo a tattaona, manipud iti pannakatagabo idiay Egypto, ken nangaramid isuna iti tulag kadatayo nga agtalinaed iti agnanayon. Nasantoan ken nakaskasdaaw isuna.

\s5
\v 10 Ti kinaadda iti kasta unay a panagraem kenni Yahweh ti wagas tapno agbalin a nasirib. Dagiti amin nga agtultulnog kadagiti bilbilinna ket ammoda no ania ti nasayaat nga aramidenda. Masapul nga idayawdayawtayo isuna iti agnanayon!

\s5
\c 112
\p
\v 1 Idaydayawyo ni Yahweh! Anian a naggasat dagiti addaan iti kasta unay a panagraem kenkuana, a siraragsak nga agtultulnog kadagiti bilbilinna.
\v 2 Rumang-ayto dagiti annakda iti dagada; bendisionanto ti Dios dagiti kaputotanda.

\s5
\v 3 Bumaknangto dagiti pamiliada ken agtalinaed iti agnanayon dagiti nalinteg nga aramidda.
\v 4 Maipapan kadagiti agdaydayaw iti Dios, kasla adda silaw nga agranraniag kadakuada iti kasipngetan, kadagiti manangngaasi, naimbag ken nalinteg.
\v 5 Nasayaatto ti mapasamak kadagiti naparabur nga agpabulod iti kuarta kadagiti dadduma ken kadagiti agtigtignay a sipupudno iti amin nga ar-aramidenda.

\s5
\v 6 Saanto a maupay dagiti nalinteg a tattao gapu kadagiti pannakariribukda; kanayonto nga ipatpateg dagiti dadduma a tattao dagiti pakalaglagipanda kadakuada.
\v 7 Saanda a mabuteng no makaawatda kadagiti dakes a damag; sitatalgedda nga agtaltalek kenni Yahweh.

\s5
\v 8 Natalged ken saanda a mabuteng gapu ta ammoda a makitadanto ti panangparmek ti Dios kadagiti kabusorda.
\v 9 Siaayatda a mangmangted kadagiti marigrigat a tattao; agtalinaed iti agnanayon dagiti kinaimbagda, ket mapadayawan ken mararaemdanto.

\s5
\v 10 Makapungtot dagiti managdakdakes a tattao no makitada dagitoy a banbanag; agngaretnget ti ngipenda a sipupungtot; ngem mapukaw ken matayda. Dagiti dakes a banbanag a kayatda nga aramiden ket saanto pulos a mapasamak.

\s5
\c 113
\p
\v 1 Idaydayawyo ni Yahweh. Dakayo nga agserserbi kenni Yahweh, idaydayawyo isuna! Idaydayawyo isuna!
\v 2 Idaydayaw koma ti tunggal maysa ni Yahweh ita ken iti agnanayon!

\s5
\v 3 Dagiti tattao nga agnanaed iti daya ken dagiti agnanaed iti laud, ti tunggal maysa, rumbeng nga idaydayawda ni Yahweh!
\v 4 Iturturayan ni Yahweh dagiti amin a nasion, ken idiay ngato, idiay langit ipakpakitana a naindaklan unay ti dayag.

\s5
\v 5 Awan ti siasinoman a kas kenni Yahweh, a Diostayo, nga agnanaed iti kangatoan a langit,
\v 6 ken tumantanawag manipud kadagiti langit ket kitkitaenna dagiti tattao ti daga.

\s5
\v 7 Itagtag-ayna dagiti marigrigat a tattao tapno saandan nga agtugaw iti rugit; itagtag-ayna dagiti agkasapulan tapno saandan nga agtugaw kadagiti bunton dagiti dapo
\v 8 ket padayawanna ida babaen ti pannakikattugawda kadagiti mangidadaulo, a mangidadaulo a mangiturturay kadagiti tattaona.

\s5
\v 9 Pagnaedenna met dagiti awan annakna a babbai kadagiti babbalayda a kas karagsak dagiti in-inna nga addaan iti annak. Idaydayawyo ni Yahweh!

\s5
\c 114
\p
\v 1 Idi pinanawan dagiti Israelita ti Egipto, idi pinanawan dagiti kaputotan ni Jacob dagiti tattao nga agsasao iti gangannaet a pagsasao,
\v 2 ti daga ti Judah ti nagbalin a lugar a nagdaydayawan dagiti tattao iti Dios; ken ti daga ti Israel ti inturayanna.

\s5
\v 3 Idi dimtengda iti baybay dagiti Runo, kasla nakita ida ti danum ket timmaray daytoy! Idi dimtengda iti Karayan Jordan, nagsardeng nga agayus ti danum iti karayan tapno makaballasiw dagiti Israelita.
\v 4 Idi dimtengda idiay Bantay Sinai ken nagginggined iti napigsa, kasla naglagto dagiti bantay a kasla kadagiti kalding ken nagkulagtit dagiti turod a kasla kadagiti karnero.

\s5
\v 5 No adda iti agdamag, "Ania ti napasamak idiay baybay dagiti Runo a nakaigapuan a timmaray ti danum? Ania ti napasamak a nakaigapuan ti panagsardeng ti panagayus ti danum ti Karayan Jordan?
\v 6 Ania ti napasamak a nangpalagto kadagiti banbantay a kasla kadagiti kalding ken nagpakulagtit kadagiti turod a kasla kadagiti karnero?"
\v 7 Pudno, agtigerger ti amin ditoy lubong iti sangoanan ti Apo! Agtigerger ti tunggal maysa iti imatang ti Dios a dinaydayaw ni Jacob!

\s5
\v 8 Isuna ti nangpaayus iti danum manipud iti bato tapno makainom dagiti Israelita ken isuna ti nangpaayus iti ubbog manipud iti natangken a bato ti derraas!

\s5
\c 115
\p
\v 1 Yahweh, rumbeng a sika laeng ti dayawen dagiti tattao, masapul a sika ti idaydayawda, saan a dakami, gapu ta ay-ayatennakami a sipupudno ken kankanayonmo nga ar-aramiden dagiti inkarim nga aramidem.
\v 2 Saan a nainkalintegan nga ibaga dagiti dadduma a bunggoy ti tattao dagiti maipapan kadakami, "Ibagbagada a mannakabalin ti Diosda, ngem no pudno dayta, apay a saanna ida a tulungan?"

\s5
\v 3 Adda ti Diostayo sadi langit, ken ar-aramidenna ti aniaman a kayatna nga aramiden!
\v 4 Ngem estatua laeng a naaramid iti pirak ken balitok dagiti didiosenda, banbanag nga inaramid dagiti tattao.

\s5
\v 5 Adda ngiwat dagiti didiosenda, ngem saanda a makasao iti aniaman a banag; adda matada, ngem saanda a makakita iti aniaman a banag.
\v 6 Adda lapayagda ngem saanda a makangngeg iti aniaman a banag; adda agongda, ngem saanda a makaangot iti aniaman a banag.

\s5
\v 7 Adda imada, ngem saanda a makarikna ti aniaman a banag; adda sakada ngem saanda a makapagna, ken awan pay ti aniaman a timek a rummuar kadagiti karabukobda!
\v 8 Dagiti tattao a nangaramid kadagitoy a didiosen ket awanan iti pannakabalin a kas met laeng kadagitoy a didiosen, ken dagiti agtaltalek kadagitoy a didiosen ket awan pulos ti maaramidanda, a kas met laeng kadagiti didiosenda!

\s5
\v 9 Dakayo a padak nga Israelita, agtalekkayo kenni Yahweh! Isuna ti mangtultulong ken mangsalsalaknib kadakayo a kas iti kalasag.
\v 10 Dakayo a papadi a kaputotan ni Aaron, agtalekkayo kenni Yahweh! Isuna ti mangtultulong ken mangsalsalaknib kadakayo a kas iti kalasag.
\v 11 Dakayo amin a mangraraem unay kenni Yahweh, agtalekkayo kenkuana! Isuna ti mangtultulong ken mangsalsalaknib kadakayo a kas iti kalasag.

\s5
\v 12 Saannatayo a nalipatan ni Yahweh; bendisionanatayo nga Israelita! Bendisionanna dagiti papadi,
\v 13 ken bendisionanna dagiti amin a mangraraem unay kenkuana; bendisionanna amin, dagiti napapateg a tattao ken dagiti tattao a maibilang a saan a napateg!
\v 14 Sapay koma ta ikkannakayo ni Yahweh iti adu nga annak, dakayo a padak nga Israelita, ken kadagiti kaputotanyonto.

\s5
\v 15 Sapay koma ta bendisyonannakayo ni Yahweh, ti nangaramid iti langit ken daga!
\v 16 Kukua ni Yahweh dagiti kangatoan a langit, ngem intedna dagiti amin a banag ditoy daga kadatayo a tattao.

\s5
\v 17 Saan a makapagdaydayaw kenni Yahweh dagiti natay; no bimmabadan iti lugar nga ayan dagiti natay, saandan a makasao ken saandan makapagdayaw kenkuana.
\v 18 Ngem agyamantayo kenkuana datayo a sibibiag, ita ken iti agnanayon. Idaydayawyo ni Yahweh!

\s5
\c 116
\p
\v 1 Ay-ayatek ni Yahweh gapu ta dengdenggennak no dumawatak iti tulong kenkuana.
\v 2 Ipangpangagnak, isu nga umawagak kenkuana iti amin a panagbiagko.

\s5
\v 3 Tunggal banag nga adda iti aglawlawko ti pakaigapuan a panunotek a matayakto; kasta unay a butengko nga amangan no matayak ken mapanak iti ayan dagiti natayen a tattao. Kasta unay a pannakariribuk ken panagbutengko.
\v 4 Ngem immawagak kenni Yahweh, kinunak, "O Yahweh, agpakpakaasiak kenka nga isalakannak!"

\s5
\v 5 Naimbag ni Yahweh ken umno ti ar-aramidenna; isuna ti Diostayo, manangngaasi isuna kadatayo.
\v 6 Salsalaknibanna dagiti awan gawgawayna; idi ipagarupko a matayakon, insalakannak.

\s5
\v 7 Masapul a patibkerek ti pakinakemko gapu ta nagaramid ni Yahweh kadagiti nagiimbag a banbanag para kaniak.
\v 8 Insalakannak ni Yahweh manipud iti pannakatay ken inyadayonak kadagiti riribuk a mabalin a mangpasangit kaniak. Inyadayonak manipud iti didigra.

\s5
\v 9 Isu a ditoy lubong nga ayan dagiti sibibiag pay laeng a tattao, agbibiagak, nga ammok nga idaldalannak ni Yahweh.
\v 10 Intultuloyko ti namati kenni Yahweh, uray no imbagak, "Kasta unay ti panagsagabak."
\v 11 Uray idi mariribukanak ket imbagak, "Saanko a mapagtalkan ti siasinoman," intultuloyko ti agtalek kenni Yahweh.

\s5
\v 12 Isu nga ita, ibagak kadakayo ti idatonkonto kenni Yahweh gapu kadagiti naimbag a banbanag nga inaramidna kaniak.
\v 13 Agidatonakto kenkuana iti arak kas panagyamanko kenkuana iti panangisalakanna kaniak.
\v 14 No addaak kadagiti adu a tattao a kukua ni Yahweh, itedkonto kenkuana dagiti daton a sipapasnek nga inkarik nga itedko kenkuana.
\v 15 Maladingitan unay ni Yahweh no matay ti maysa kadagiti tattaona.

\s5
\v 16 Maysaak kadagiti agserserbi kenni Yahweh; agserserbiak kenkuana a kas ti inaramid ti inak. Pinagsardengna dagiti rigrigatko.
\v 17 Isu nga agidatonakto kenkuana iti daton kas panagyamanko kenkuana, ken agkararagak kenkuana.

\s5
\v 18-19 No kaduak dagiti adu a tattao a kukua ni Yahweh iti paraangan ti ruar ti templona idiay Jerusalem, itedkonto kenkuana dagiti daton a sipapasnek nga inkarik nga itedko kenkuana. Idaydayawyo ni Yahweh!

\s5
\c 117
\p
\v 1 Dakayo a tattao iti amin a nasion, idaydayawyo ni Yahweh! Dakayo amin a bunggoy dagiti tattao, idaydayawyo isuna
\v 2 gapu ta sipupudno isuna a mangay-ayat kadatayo a kas inkarina nga aramidenna, ken agnanayonto nga aramidenna para kadatayo dagiti inkarina nga aramidenna. Idaydayawyo ni Yahweh!

\s5
\c 118
\p
\v 1 Iyebkasyo kenni Yahweh ti nalaus a panagyamanyo kenkuana gapu kadagiti naimbag a banbanag nga inaramidna para kadakayo! Ay-ayatennatayo a sipupudno iti agnanayon, datayo a tattaona.
\v 2 Dakayo nga Israelita masapul nga ulit-ulitenyo nga ipukkaw nga, "Ay-ayatennatayo a sipupudno iti agnanayon, datayo a tattaona!"

\s5
\v 3 Dakayo a papadi a kaputotan ni Aaron, rumbeng nga ulit-ulitenyo nga ipukkaw, "Ay-ayatennatayo a sipupudno iti agnanayon, datayo a tattaona!"
\v 4 Dakayo amin mangraraem kenkuana, rumbeng nga ulit-ulitenyo nga ipukkaw nga, "Ay-ayatennatayo a sipupudno iti agnanayon, datayo a tattaona!"

\s5
\v 5 Idi marigrigatanak, immawagak kenni Yahweh, ket sinungbatan ken winayawayaannak manipud kadagiti pakadanagak.
\v 6 Adda ni Yahweh iti sibayko, isu a saanakto a mabuteng iti aniaman a banag. Awan ti makalapped iti Dios iti agnanayon a panangbendisionna kaniak.
\v 7 Wen, adda ni Yahweh iti sibayko, isu a kumitaak a sibaballigi kadagiti kabusorko bayat iti panangparmekna kadakuada.

\s5
\v 8 Nasaysayaat ti agtalek kenni Yahweh ngem ti agtalek kadagiti tattao.
\v 9 Nasaysayaat ti agtalek kenni Yahweh a mangsalaknib kadatayo ngem ti agtalek kadagiti nabibileg a tattao a mangsalaknib kadatayo.

\s5
\v 10 Pinalawlawandatayo dagiti armada dagiti adu a nasion, ngem inikkannatayo ni Yahweh iti kabaelan a mangparmek kadakuada babaen iti pannakabalinna.
\v 11 Pinalawlawandatayo a naan-anay, ngem pinarmektayo amin ida babaen iti pannakabalin ni Yahweh.
\v 12 Inaribungbungandak a kasla kadagiti makaung-unget nga alimbubuyog; kasda la apuy a sumged iti kasiitan, ngem pinarmektayo ida babaen iti pannakabalin ni Yahweh.

\s5
\v 13 Sirurungsot datayo a dinarup dagiti kabusortayo ket dandanidatayo naparmek ngem tinulungannatayo ni Yahweh.
\v 14 Ni Yahweh ti mangpappapigsa kaniak, ken isuna ti kanayon nga ikankantak; insalakannatayo manipud kadagiti kabusorko.

\s5
\v 15 Dumngekayo kadagiti naragsak a kankanta iti panagballigi a maikankanta kadagiti tolda dagiti tattao nga agdaydayaw iti Dios! Ikankantada, "Pinarmek ni Yahweh dagiti kabusortayo babaen iti pannakabalinna;
\v 16 inngatona ti napigsa a kannawan nga imana tapno ipakitana a naragsak isuna iti panangparmekna kadagiti kabusorna. Naan-anay a pinarmek ida ni Yahweh!"

\s5
\v 17 Saanakto a mapapatay iti gubat; agbiagakto tapno iwaragawagko dagiti naindaklan a banbanag nga inaramid ni Yahweh.
\v 18 Dinusanak ni Yahweh iti kasta unay, ngem saanna nga impalubos a matayak.

\s5
\v 19 Dakayo nga agbanbantay kadagiti ruangan, ilukatyo dagiti ruangan ti templo para kaniak tapno makaunegak ken makapagyamanak kenni Yahweh.
\v 20 Dagitoy dagiti ruangan a sumsumrekantayo a mapan iti templo tapno agdayaw kenni Yahweh; umuneg dagiti agdaydayaw iti Dios babaen kadagitoy a ruangan.
\v 21 Yahweh, agyamanak kenka a sinungbatam dagiti kararagko ken insalakannak manipud kadagiti kabusorko.

\s5
\v 22 Ti ari a pinili ni Yahweh ket kasla bato nga imbelleng dagiti agpatpatakder idi agar-aramidda it balay, ngem dayta a bato ti nagbalin a kangrunaan a pasuli a bato.
\v 23 Inaramid daytoy ni Yahweh, ken nakakaskasdaaw daytoy a banag iti panagkitatayo.

\s5
\v 24 Daytoy ti aldaw a panglaglagipantayo a nagtignay a sibibileg ni Yahweh tapno maparmek dagiti kabusortayo; agrag-o ken agragsaktayo tatta nga aldaw.
\v 25 O Yahweh, ipakpakaasimi kenka a kanayonnakami koma nga isalakan manipud kadagiti kabusormi. O Yahweh, pangngaasim, tulongannakami a mangleppas kadagiti kayatmi nga aramiden.

\s5
\v 26 Yahweh, bendisionam ti umay babaen iti pannakabalinmo. Manipud iti templo, iyebkasmi ti panangbendision kadakayo amin.
\v 27 Dios ni Yahweh, ken inyegna ti silawna kadatayo. Umaykayo, mangiyegkayo iti ayup a daton ken igalotyo daytoy kadagiti sara ti altar.
\v 28 O Yahweh, sika ti Dios a pagrukrukbabak, ken idaydayawka! Sika ti Diosko, ken ibagak iti amin a tattao a naindaklanka!

\s5
\v 29 Agyamantayo kenni Yahweh gapu ta agar-aramid isuna kadagiti nasayaat a banbanag kadatayo. Ayatennatayo a sipupudno iti agnanayon a kas inkarina.

\s5
\c 119
\p
\v 1 Anian a naggasat dagiti awan ti maibaga iti siasinoman a nakaaramidda kadagiti banbanag a saan a nasayaat, dagiti kankanayon nga agtultulnog kadagiti linteg ni Yahweh.
\v 2 Anian a naggasat dagiti agtultulnog kadagiti nainget a bilbilinna, dagiti agkidkiddaw kenkuana iti amin a pusoda tapno tulonganna ida a mangaramid iti dayta.

\s5
\v 3 Saanda nga agar-agaramid kadagiti biddut a banbanag; agtigtignayda a kas iti kayat ni Yahweh nga aramidenda.
\v 4 O Yahweh, intedmo kadakami dagiti pagannurotam, ket imbagam nga agtulnogkami a sipupudno kadagitoy.

\s5
\v 5 Kayatko la unay a sipupudno a salimetmetan dagiti amin a banbanag nga ibilbilinmo.
\v 6 No inaramidko dayta, saanakto a maibabain inton panunotek ti maipanggep kadagiti bilbilinmo.

\s5
\v 7 No masursurok amin dagiti nalinteg a bilinmo, idaydayawka nga addaan iti nadalus a puso.
\v 8 Agtulnogak kadagiti amin nga alagadem; saannak a panawan!

\s5
\v 9 Ammok no kasano nga agbiag ti maysa nga agtutubo nga addaan iti nadalus a wagas; daytoy ket babaen ti panagtulnog kadagiti bilbilinmo.
\v 10 Padasek ti agserbi kenka iti amin a pusok; saanmo nga itulok a maiyaw-awanak kadagiti imbilinmo.

\s5
\v 11 Insaulok dagiti bilbilnmo tapno saanak nga agbasol kenka.
\v 12 O Yahweh, idaydayawka; isurom kaniak dagiti alagadem.

\s5
\v 13 Inwaragawagko kadagiti tattao dagiti amin a banbanag nga imbilinmo nga aramidenmi.
\v 14 Pagragsakak ti panagtultulnog kadagiti lintegmo; ad-adda a pagragsakak dayta ngem ti panagbalinko a nakabakbaknang.

\s5
\v 15 Adalek amin dagiti banbanag nga imbilinmo, ken ipangagko ti panangipakitam kaniak nga agbiag.
\v 16 Naragsakakto nga agtulnog kadagiti alagadem, ken saankonto a lipatan dagiti sasaom.

\s5
\v 17 Mangaramidka kadagiti nasayaat a banbanag kaniak, ti agserserbi kenka, tapno agtultuloyak koma nga agbiag ken agtulnog kadagiti sasaom kabayatan ti panagbiagko.
\v 18 Tulongannak a mangawat babaen iti panunotko, a mangammo kadagiti nakakaskasdaaw a banbanag a naisurat kadagiti lintegmo.

\s5
\v 19 Agbibiagak ditoy daga iti ababa laeng a tiempo; saannak nga iyadayo manipud iti pannakaawat.
\v 20 Napalalo ti tarigagay ti kaunggak a mangammo kadagiti bilbilinmo iti amin a tiempo.

\s5
\v 21 Tubtubngarem dagiti natangsit; ilunlunodmo dagiti agsuksukir kadagiti bilbilinmo.
\v 22 Saanmo ida nga itulok nga agtultuloy a mangumsi ken mangibabain kaniak; kiddawek daytoy gapu ta nagtulnogak kadagiti annurotem.

\s5
\v 23 Agguummong dagiti mangiturturay ket mangpangpanggepda kadagiti wagas a mangdangran kaniak, ngem utubek no ania ti inbilinmo.
\v 24 Maragsakanak kadagiti lintegmo; a kasla dagitoy dagiti mammagbaga kaniak.

\s5
\v 25 Dandaniaksan a matay; isalakanmo ti biagko kas inkarim kaniak nga aramidem.
\v 26 Idi imbagak kenka ti maipanggep kadagiti amin a banbanag nga inaramidko, sinungbatannak; isurom kaniak dagiti alagadem.

\s5
\v 27 Tulongannak a mangawat iti kayatmo a panagtignayko, ket utubekto dagiti nakakaskasdaaw a pagannurotam.
\v 28 Nakalidlidayak ket gapu iti daytoy, kimmapsutak; papigsaennak manen kas inkarim nga aramiden kaniak.

\s5
\v 29 Lapdannak nga agibaga kadagiti inuulbod, ken naimbagka kadi kaniak babaen iti panangisurom kaniak kadagiti lintegmo.
\v 30 Inkeddengko a sipupudnoakto nga agtulnog kenka; inkeddengko a suroten dagiti lintegmo.

\s5
\v 31 O Yahweh, ikagumaak a tungpalen a naimbag dagiti annurotem; saannak a panawan wenno saanmo nga itulok a maibabainak.
\v 32 Sigagagarak nga agtulnog kadagiti bilinmo gapu ta tinulungannak a maaw-awatak pay a nasayaat ti kayatmo nga aramidek.

\s5
\v 33 O Yahweh, isurom kaniak ti kayat a sawen dagiti alagadem, ket naan-anayto a tungpalek dagitoy.
\v 34 Ipakaawatmo kaniak dagiti lintegmo tapno agtulnogak kadagitoy iti amin a pusok.

\s5
\v 35 Maragsakanak kadagiti bilbilinmo, isu nga idalannak kadagiti dalan a pinilim para kaniak.
\v 36 Pagtarigagayennak nga aramiden ti bilinmo ket saan ketdi a bumaknang.

\s5
\v 37 Saanmo nga itulok a kumitaak kadagiti banbanag nga awan pategna; ikkannak iti kabaelan nga agbiag sigun iti kayatmo a panagbiagko.
\v 38 Gapu ta maysaak kadagiti agserserbi kenka, aramidem ti inkarim nga aramiden kaniak, nga inkarim met nga aramiden kadagiti amin nga agdaydayaw kenka.

\s5
\v 39 Agbutengak no umsiendak dagiti kabusorko; pasardengem ida! Ngem nalintegka inton dusaem dagiti kabusorko.
\v 40 Tarigagayak unay ti agtulnog kadagiti pagannurotam; gapu ta nalintegka, ipalubosmo nga agtultuloyak nga agbiag.

\s5
\v 41 O Yahweh, ipakitam kaniak a sipupudnonak nga ay-ayaten, ken ispalennak kas inkarim nga aramiden.
\v 42 Kalpasan nga aramidem dayta, kabaelakton a sumungbat kadagiti mangum-umsi kaniak gapu ta agtaltalekak iti saom.

\s5
\v 43 Saannak a pulos a lappedan iti panangibagak iti kinapudnom gapu ta agtaltalekak kadagiti bilbilinmo.
\v 44 Kankanayonak nga agtultulnog kadagiti lintegmo iti agnanayon nga awan patinggana.

\s5
\v 45 Kankanayonakto a natalged gapu ta pinadasko ti nagtulnog kadagiti pagannurotam.
\v 46 Ibagakto kadagiti ar-ari ti kayatmo, ket gapu ta saanda a kabaelan a mapaneknekan a nagbiddutak, saandak a maibabain.

\s5
\v 47 Pagragsakak nga agtulnog kadagiti bilbilinmo, ket ay-ayatek dagitoy.
\v 48 Raraemek dagiti bilbilinmo, ken ay-ayatek dagitoy; utubekto amin a banag a kayatmo nga aramidenmi.

\s5
\v 49 Saanmo a liplipatan ti imbagam nga aramidem kaniak, siak nga agsersebi kenka, gapu ta ti imbagam ti makagapu a sitatalgedak a mangnamnama kadagiti nasasayaat a banbanag kenka.
\v 50 Idi agsagsagabaak, liniwliwanak; inaramidmo ti inkarim kaniak, ket dayta ti nangpatalinaed kaniak nga agbiag.

\s5
\v 51 Kankanayon a paggaangawandak dagiti natatangsit a tattao, ngem saanak a simmiasi iti panagtultulnog kadagiti lintegmo.
\v 52 O Yahweh, no panpanunotek ti maipanggep kadagiti bilbilinmo nga intedmo kadakami iti nabayagen a tiempo, maliwliwaak.

\s5
\v 53 No makakitkitaak kadagiti nadangkes a tattao a saan a mangikaskaso kadagiti lintegmo, makapungtotak unay.
\v 54 Kabayatan nga agnanaedak ditoy daga iti ababa a tiempo, nagsuratak kadagiti kankanta maipanggep kadagiti alagadem.

\s5
\v 55 Iti rabii, O Yahweh ket panpanunotenka, ket isu nga agtulnogak kadagiti lintegmo.
\v 56 Ti agtulnog kadagiti pagannurotam ti kankanayon nga inar-aramidko.

\s5
\v 57 O Yahweh, sika ti pinilik, ket ikarik nga agtulnogak kadagiti sasaom.
\v 58 Iti amin a pusok, agpakpakaasiak kenka nga agbalinka a naimbag kaniak; kaassianak kas inkarim nga aramiden.

\s5
\v 59 Pinanpanunotko ti maipanggep iti tigtignayko, ket inkeddengko nga agsubli iti panagtulnog kadagiti annurotem.
\v 60 Partakak ti agtulnog kadagiti bilbilinmo; saanko a pulos nga itantan.

\s5
\v 61 Kayatdak a tiliwen dagiti nadangkes a tattao a kas iti mangnganup a kayatna a mangsilo iti ayup, ngem saanko a malipatan dagiti lintegmo.
\v 62 Iti tengnga ti rabii, agriingak, ket daydayawenka gapu kadagiti bilbilinmo gapu ta awan idumdumada.

\s5
\v 63 Gayyemdak dagiti amin nga agraraem unay kenka, dagiti agtultulnog kadagiti pagannurotam.
\v 64 O Yahweh, sipupudnom nga ay-ayaten dagiti tattao iti entero a daga; isurom kaniak dagiti alagadem.

\s5
\v 65 O Yahweh, nangaramidka kadagiti nasayaat a banbanag kaniak kas inkarim nga aramiden.
\v 66 Suroannak a panunotek a naimbag sakbay nga ikeddengko ti aramidek, ken isurom kaniak dagiti dadduma a banbanag a masapulko a maammoan gapu ta mamatiak a rumbeng kadakami nga agtulnog kadagiti bilbilinmo.

\s5
\v 67 Sakbay a pinarigatnak, nangaramidak kadagiti biddut a banbanag, ngem ita agtultulnogak kadagiti sasaom.
\v 68 Naimbagka unay, ket naimbag dagiti ar-aramidem; isurom kaniak dagiti alagadem.

\s5
\v 69 Pagsasaoandak iti inuulbod dagiti natangsit a tattao, ngem no siak, agtulnogak kadagiti pagannurotam.
\v 70 Nasukir dagitoy a tattao, ngem no siak, maragsakanak kadagiti lintegmo.

\s5
\v 71 Pagsayaatak a pinarigatannak gapu ta ti nagbanaganna ket nasursurok dagiti alagadem.
\v 72 Napatpateg kaniak dagiti linteg nga intedmo kadakami ngem iti balitok, napatpateg ngem kadagiti rinibribu a pidaso ti balitok ken pirak.

\s5
\v 73 Pinarsuanak ken binukelmo ti bagik; tulongannak nga agbalin a nasirib tapno masursurok dagiti bilbilinmo.
\v 74 Dagiti agrararaem unay kenka ket makitada ti inaramidmo kaniak, ket agragsakda gapu ta makitada a nagtalekak kadagiti sasaom.

\s5
\v 75 O Yahweh, ammok a nalinteg dagiti bilbilinmo ken pinagsagabanak gapu ta ay-ayatennak nga di agsarday.
\v 76 Liwliwaennak babaen iti panangipakitam a sipupudnonak nga ay-ayaten kas imbagam kaniak nga aramidem.

\s5
\v 77 Maasianka kaniak tapno agtultuloyak nga agbiag gapu ta maragsakanak kadagiti lintegmo.
\v 78 Pabainam dagiti natangsit a tattao a mangpabpabasol kaniak iti inuulbod; ngem no siak, itultuloykonto nga ut-utuben dagiti imbilinmo a rumbeng nga aramidek.

\s5
\v 79 Pasubliem kaniak dagiti agraraem unay kenka tapno masursuroda dagiti imbilinmo.
\v 80 Aramidennak a naan-anay nga agtulnog kadagiti alagadem tapno saanak a maibabain gapu iti saanko a panangaramid iti dayta.

\s5
\v 81 Ur-urayenka nga isalakannak manipud kadagiti kabusorko; sitatalgedak a mangnamnama nga ibagam kaniak ti aramidem.
\v 82 Nabannogen dagiti matak a mangur-uray kenka iti nabayag a tiempo nga aramidem ti inkarim, ket salsaludsodek, "Kaanonak a tulongan?"

\s5
\v 83 Nagbalinak nga awan seserbina a kasla lalat a pagkargaan ti arak a nagkarenken iti pannakaisab-it iti nabayag a tiempo iti kaasukan iti uneg ti balay, ngem saanko a nalipatan dagiti alagadem.
\v 84 Kasano kabayag nga agurayak? Kaano a dusaem dagiti mangparparigat kaniak?

\s5
\v 85 Kasla nagkali dagiti natangsit a tattao, dagiti saan nga agtultulnog kadagiti lintegmo, kadagiti nauneg nga abot a pakatnagak.
\v 86 Mapagtalkan amin dagiti bilbilinmo; ngem parparigatendak dagiti tattao babaen iti panangpadpadakesda kaniak, isu nga pangngaasim ta tulungannak.

\s5
\v 87 Ngannganidak a napatay dagitoy a tattao, ngem saanak a nagsardeng a nagtultulnog kadagiti pagannurotam.
\v 88 Gapu ta sipupudnonak nga ay-ayaten, palubosannak nga agtultuloy nga agbiag tapno agtultuloyak nga agtulnog kadagiti pagayatam nga insaom.

\s5
\v 89 O Yahweh, mapataginayon nga awan patinggana ti saom; sititibker a naisaad daytoy sadi langit.
\v 90 Agtuloyka a sipupudno nga agtignay kadagiti tattao a saanpay a naiyanak; insaadmo ti daga iti umno a lugarna, ket nagtalenaed daytoy a sititibker sadiay.

\s5
\v 91 Agingga kadagitoy nga aldaw, nagtalinaed amin a banbanag iti daga gapu ta inkeddengmo nga agtalinaedda; agserbi kenka dagiti amin a banbanag iti daga.
\v 92 No saanak a naragsakan iti panagtultulnogko kadagiti lintegmo, natayak koman gapu iti sagsagabaek.

\s5
\v 93 Saankonto a pulos a malipatan dagiti pagannurotam gapu ta ti panagtultulnogko kadagitoy, pinagtultuloynak nga agbiag.
\v 94 Kukuanak; isalakannak manipud kadagiti kabusorko gapu ta pinadasko nga agtulnog kadagiti pagannurotam.

\s5
\v 95 Agur-uray dagiti nadangkes a tattao a mangpapatay kaniak, ngem panpanunotek dagiti bilbilinmo.
\v 96 Naadalko nga adda pagpatinggaan dagiti amin a banbanag, ngem dagiti bilbilinmo ket awan patinggana.

\s5
\v 97 Ay-ayatek unay dagiti lintegmo. Agmalmalem nga ut-utobek dagitoy.
\v 98 Gapu ta ammok dagiti bilbilinmo ken gapu ta panpanunotek dagitoy iti amin a tiempo, nagbalinak a nasirsirib ngem dagiti kabusorko.

\s5
\v 99 Ad-adda a makaawatak ngem kadagiti manursurok gapu ta ut-utobek no ania ti imbilinmo.
\v 100 Ad-adda a makaawatak ngem kadagiti nataengan gapu ta agtultulnogak kadagiti pagannurotam.

\s5
\v 101 Liniklikak dagiti amin a dakes a galad tapno makapagtulnogak kadagiti sasaom.
\v 102 Saanak a nagkedked nga agtulnog kadagitoy gapu ta insuronak kabayatan nga ad-adalek ida.

\s5
\v 103 No basbasaek dagiti sasaom, kasla la diro dagitoy a kankanek, wen, nasamsam-it pay dagitoy ngem diro.
\v 104 Gapu ta naadalko dagiti pagannurotam, mabaelak a maawatan dagiti adu a banbanag; ngarud, kagurak dagiti amin a dakes a banbanag nga ar-aramiden dagiti dadduma a tattao.

\s5
\v 105 Dagiti sasaom ket silaw a mangidalan kaniak; kasla lawag dagitoy a mangipakita kaniak iti dalan a rumbeng a pagnaak.
\v 106 Sipapasnek nga inkarik, ket sipapasnek manen nga ikarik, a kanayon nga agtulnogak kadagiti alagadem; ta awan idumduma dagitoy.

\s5
\v 107 O Yahweh, kasta unay ti panagsagsagabak, papigsaennak a kas inkarim nga aramiden.
\v 108 O Yahweh, no agyamyamanak kenka kabayatan nga agkarkararagak, kasla daton daytoy kenka, pangnga-asim ta awatem daytoy, ket isurom kaniak dagiti alagadem.

\s5
\v 109 Masansan a kayatdak a papatayen dagiti kabusorko, ngem saanko a malipatan dagiti lintegmo.
\v 110 Kayatdak a tiliwen dagiti nadangkes a tattao a kasla ti mangnganop a mangayat a mangtiliw kadagiti babassit nga ayup babaen iti palab-og, ngem tungtungpalek dagiti pagannurotam.

\s5
\v 111 Agnanayon nga adda kaniak dagiti bilbilinmo, gapu kadagitoy, agragrag-o ti kaunggak.
\v 112 Inkeddengko a kanayon nga agtulnogak kadagiti bilbilinmo, tunggal maysa kadagitoy.

\s5
\v 113 Kagurak dagiti tattao a mangibagbaga laeng nga ay-ayatendaka, ngem ay-ayatek dagiti lintegmo.
\v 114 Kaslaka maysa a lugar a mabalinko a paglemmengan manipud kadagiti kabusorko, ken kaslaka maysa a kalasag a mangsalaknib kaniak manipud kadakuada; agtalekak kadagiti karkarim.

\s5
\v 115 Dakayo a managdakdakes a tattao, adaywandak tapno matungpalko dagiti bilbilin ti Diosko!
\v 116 Papigsaennak a kas inkarim nga aramidem, tapno maitultuloyko ti agbiag. Sitatalgedak a mangnamnama a papigsaennak; saannak nga upayen.

\s5
\v 117 Iggamannak tapno natalgedak ken tapno kankanayon nga ipangagko dagiti bilinmo.
\v 118 Laklaksidem dagiti amin a manglablabsing kadagiti alagadem; awan serserbi dagiti makaallilaw a pangpanggependa nga aramiden.

\s5
\v 119 Pappapanawem dagiti amin a nadangkes a tattao iti daga a kasla iti panagibelleng dagiti kadagiti rugit, ngarud ayatek dagiti bilbilinmo.
\v 120 Agpigergerak gapu ta mabutengak kenka; mabutengak gapu ta dusaem dagiti saan nga agtulnog kadagiti alagadem.

\s5
\v 121 Ngem inaramidko ti maitutop ken patas; saanmo ngarud nga ipalubos nga idadanesdak dagiti tattao.
\v 122 Rebbengmo ti mangaramid kadagiti nasayaat a banbanag kaniak, ken saanmo kadi nga itulok nga idadanesdak dagiti natangsit a tattao.

\s5
\v 123 Nabannugen dagiti matak nga agur-uray kenka nga ispalennak iti naunday a tiempo, nga isalakannak a kas inkarim nga aramiden.
\v 124 Mangaramidka kadi iti maysa a banag kaniak a mangipakita a sipupudno nga ay-ayatennak, ket isurom kaniak dagiti alagadem.

\s5
\v 125 Maysaak kadagiti agserserbi kenka, ipakaawatmo kaniak no ania dagiti kayat mo a maammoak tapno maadalko dagiti annurotem.
\v 126 O Yahweh, itan ti tiempo a dusaem dagiti tattao gapu ta linabsingda dagiti lintegmo.

\s5
\v 127 Pudno, ay-ayatek dagiti bilbilinmo a nalablabes ngem iti panagayatko iti balitok, ay-ayatek ida a nalablabes ngem iti panagayatko iti puro a balitok.
\v 128 Isu nga agbiagak a maiyannatop kadagiti pagannurotam, ket kagurak amin a dakes a banbanag nga ar-aramiden dagiti dadduma a tattao.

\s5
\v 129 Nakaskasdaaw dagiti pagannurotam, agtulnogak ngarud kadagitoy iti amin a kaunggak.
\v 130 No adda mangipalpalawag kadagiti sasaom, kasla sinsindianda ti pagsilawan; dagiti ibagbagada ket paspasiribenna uray pay dagiti saan a makaammo kadagiti lintegmo.

\s5
\v 131 Sigagagarak a mangammo kadagiti bilinmo a kas iti panagal-al ti aso a silulukat ti ngiwatna, a kayatna a mapakan.
\v 132 Ipangagnak kadi ken agtignayka a siaasi kaniak a kas ar-aramidem kadagiti amin a mangay-ayat kenka.

\s5
\v 133 Iturongnak kas inkarim, saanmo nga itulok a tipden dagiti managdakdakes ti ar-aramidek.
\v 134 Ispalennak kadagiti mangidadanes kaniak tapno matungpalko dagiti pagannurotam.

\s5
\v 135 Agtignayka kadi a siaasi kaniak ken isurom kaniak dagiti alagadem.
\v 136 Agsangsangitak iti kasta unay gapu ta adu a tattao ti saan a agtultulnog kadagiti lintegmo.

\s5
\v 137 Nalintegka, O Yahweh, ken nalinteg dagiti alagadem.
\v 138 Pudno dagiti pagannurotam, ken umno la unay ken awan idumdumana.

\s5
\v 139 Agpungpungtotak gapu ta saan nga inkankano dagiti kabusorko dagiti sasaom.
\v 140 Natakwatak a mapagtalkan dagiti karim ket ay-ayatek dagitoy.

\s5
\v 141 Saanak a napateg, ket um-umsiendak dagiti tattao, ngem saanko a malipatan dagiti pagannurotam.
\v 142 Nalintegka ket nalintegkanto iti agnanayon, ken saanto a pulos nga agbalbaliw dagiti bilbilinmo.

\s5
\v 143 Kanayon a mariribukanak ken maburburiburanak, ngem parparagsakennak dagiti bilbilinmo.
\v 144 Kankanayon nga awan idumduma dagiti pagannurotam; tulungannak a mangawat kadagitoy tapno maitultuloyko iti agbiag.

\s5
\v 145 O Yahweh, umawagak kenka iti amin a kaunggak; sungbatannak kadi ket agtulnogakto kadagiti alagadem.
\v 146 Umawagak kenka, "Isalakannak kadi, ket salimetmetakto dagiti bilbilinmo."

\s5
\v 147 Tunggal bigat bumangonak sakbay nga aglawag ket umawagak kenka a tulongannak; sitatalekak a mangnamnama kenka nga aramidem dagiti inkarim.
\v 148 Agpatpatnag a nakariingak ket ut-utubek dagiti bilbilinmo ken dagiti karkarim.

\s5
\v 149 Gapu ta sipupudno nga ay-ayatennak, O Yahweh, denggennak kadi kabayatan nga agkarkararagak; saluadannak gapu ta salsalimetmetak dagiti pagannurotam.
\v 150 Umas-asideg kaniak dagiti managdakdakes a tattao a mangidadanes kaniak; saanda nga ipangpangag dagiti lintegmo.

\s5
\v 151 Ngem asidegka kaniak, O Yahweh, ket ammok a saan a pulos nga agbalbaliw dagiti bilbilinmo.
\v 152 Nabayagen a panawen, natakuatak iti maipanggep kadagiti pagannurotam, ket ammok a pinanggepmo ida nga agpaut iti agnanayon.

\s5
\v 153 Kitaennak kadi, kitaennak nga agsagsagaba iti kasta unay, ket paimbagennak gapu ta saanko a malipatan dagiti lintegmo.
\v 154 Ikanawanak kadi no pabasolendak dagiti dadduma ken ispalennak kadakuada; palubosanak nga agtultuloy nga agbiag a kas inkarim nga aramidem.

\s5
\v 155 Saan a tungtungpalen dagiti nadangkes a tattao dagiti alagadem, isu nga awan duadua a saanmo ida nga isalakan.
\v 156 Naasika, O Yahweh, iti panangtulongmo kaniak iti adu a wagas; palubosannak nga agtultuloy nga agbiag, a kas inaramidmo agingga ita.

\s5
\v 157 Adu a tattao dagiti kabusorko, adu a tattao iti mangparparigat kaniak, ngem saanko a baybay-an dagiti bilbilinmo.
\v 158 Idi kimmitaak kadagiti saan a napudno kenka, narurodak ta saanda a tungtungpalen dagiti pagannurotam.

\s5
\v 159 O Yahweh, kitaem kadi nga ay-ayatek dagiti pagannurotam; gapu ta sipupudno nga ay-ayatennak, palubosannak nga agtultuloy nga agbiag.
\v 160 Agtalekak kadagiti amin nga imbagam; mapataginayon dagiti amin nga annurotem.

\s5
\v 161 Idaddadanesdak dagiti mangiturturaynga awan gap-gapuna, ngem iti kaunggak addaanak iti nakakaskasdaaw a panagraem kadagiti sasaom.
\v 162 Maragsakanak kadagiti sasaom, a kas karagsak ti maysa a tao a nakabirok iti adu a kinabaknang.

\s5
\v 163 Kagurak unay amin a kinaulbod ngem ay-ayatek dagiti lintegmo.
\v 164 Agdaydayawak kenka iti maminpito a daras iti maysa nga aldaw gapu ta amin dagiti bilbilinmo ket awan idumdumana.

\s5
\v 165 Nasayaat iti pagbanagan dagiti mangay-ayat kadagiti lintegmo; awan iti mamagbalin kadakuada a mangpanaw kadagiti lintegmo.
\v 166 Sitatalekak a mangnannama nga ispalennak, O Yahweh, kadagiti pakariribukak, ket agtulnogak kadagiti bilbilinmo.

\s5
\v 167 Agtungpalak no ania dagiti kayatmo nga aramidenmi; ay-ayatek unay ida amin.
\v 168 Agtungpalak kadagiti pagannurotanm, ket makitam amin nga ar-aramidek.

\s5
\v 169 Dumngegka kadi, O Yahweh, kabayatan nga agkarkararagak kenka, a tulongannak; tulongannak a mangawat kadagiti sasaom.
\v 170 Denggennak kadi kabayatan nga agkarkararagak, ket ispalennak kadi a kas imbagam nga aramidem.

\s5
\v 171 Kanayonto nga idaydayawka gapu ta insurom kaniak dagiti pagannurotam.
\v 172 Agkantaakto maipanggep kadagiti sasaom gapu ta nalinteg dagiti bilbilinmo.

\s5
\v 173 Kiddawek kenka a kanayon a sisasaganaka a mangtulong kaniak, gapu ta pinilik nga agtulnog kadagiti pagannurotam.
\v 174 Sigagagarak, O Yahweh, nga agtarigagay iti panangispalmo kaniak kadagiti kabusorko, maragsakanak kadagiti lintegmo.

\s5
\v 175 Ipalubosmo kadi nga agtultuloyak nga agbiag, tapno maitultuloyko nga agdayaw kenka, tapno agtultuloy a tulongannak dagiti pagannurotam.
\v 176 Nagbasolak ken immadayoak kenka, kasla maysa a karnero a pimmanaw iti arbanna; sukimatennak kadi ta saanko a malipatan dagiti bilinmo.

\s5
\c 120
\p
\v 1 Idi marigatanak, immawagak kenni Yahweh ket sinungbatannak.
\v 2 Inkararagko, "Ispalennak, O Yahweh, kadagiti agul-ulbod ken mangayat a mangallilaw kaniak!"

\s5
\v 3 Dakayo a tattao nga agul-ulbod kaniak, ibagak kadakayo ti aramidento ti Dios kadakayo ken ti aramidennanto a panangdusa kadakayo.
\v 4 Panaennakayonto kadagiti natirad a pana a kas iti ar-aramiden dagiti soldado, ken puorannakayonto kadagiti bumegbeggang nga enebro.

\s5
\v 5 Nakabutbuteng para kaniak, ti makipagnanaed kadagiti naranggas a tattao a kasla kadagiti agnanaed kadagiti rehion ti Mesek wenno Kedar.
\v 6 Nabayag a tiempo a nakipagnaedak kadagiti tattao a manggurgura iti makipagbiag iti kappia kadagiti dadduma.
\v 7 Tunggal agsaoak ti maipanggep iti pannakipagnaed a sikakapia, pagsasaritaanda ti panangirugi iti gubat.

\s5
\c 121
\p
\v 1 Idi agdaldaliasatkami nga agturong idiay Jerusalem, timmangadak kadagiti turod ket sinaludsodko iti bagik, "Siasino ti tumulong kaniak?"
\v 2 Ti sungbatko ket ni Yahweh ti tumulong kaniak; isuna ti nangaramid iti langit ken iti daga.

\s5
\v 3 Saanna nga itulok a matnagtayo; saan a matmaturog ti Dios a mangsalsaluad kadatayo.
\v 4 Saan a pulos nga agtuglep wenno matmaturog ti mangsalsaluad kadatayo nga Israelita.

\s5
\v 5 Sikikita ni Yahweh kadatayo; kasla salinong isuna a mangsalsaluad kadatayo iti init.
\v 6 Saanna nga itulok a dangrannatayo ti init kabayatan iti aldaw, ken saanna nga itulok a dangrannatayo ti bulan kabayatan iti rabii.

\s5
\v 7 Saluadannatayonto ni Yahweh iti aniaman a pakadangrantayo; salaknibannatayonto.
\v 8 Saluadannatayonto iti tiempo a panawantayo dagiti pagtaengantayo iti bigat agingga nga agsublitayo iti rabii; saluadannatayo ita ken iti agnanayon.

\s5
\c 122
\p
\v 1 Maragsakanak idi imbaga dagiti tattao kaniak, "Rumbeng a mapantayo iti templo ni Yahweh idiay Jerusalem!"
\v 2 Ita addakamin ditoy, nga agtaktakder iti uneg ti ruangan ti Jerusalem.
\v 3 Ti Jerusalem ket siudad a napintas launay ti pannakaipasdekna.

\s5
\v 4 Datayo a tattao kadagiti tribu ti Israel a kukua ni Yahweh ket mabalinen a sumang-at sadiay a kas imbilin ni Yahweh a masapul nga aramidentayo, ket makapagyamantayonto kenkuana.
\v 5 Sadiay, dagiti ari ti Israel, a kaputotan ni Ari David ket nakatugaw kadagiti tronoda ken nangngedngeddengda nga awan iti panangidumdumana no agsisinnupiat dagiti tattao.

\s5
\v 6 Ikararagtayo nga adda koma iti kappia idiay Jerusalem; tartarigagayak nga agballiginto ti biag dagiti mangayat iti Jerusalem.
\v 7 Namnamaek nga adda koma iti kappia iti uneg dagiti pader ti siudad tapno natalged dagiti tattao nga adda iti uneg dagiti palasio.

\s5
\v 8 Gapu kadagiti kakabagiak ken gagayyemko, ibagak, "Tartarigagayak nga agbiagto a sikakappia dagiti tattao iti uneg ti Jerusalem."
\v 9 Gapu ta ay-ayatek ti templo ni Yahweh a Diostayo, ikararagko a nasayaatto ti mapasamak kadagiti tattao nga agnanaed idiay Jerusalem.

\s5
\c 123
\p
\v 1 O Yahweh, tumangadak kenka, dita langit, a pagturturayam.
\v 2 Kas kadagiti adipen a lallaki a dumawat kadagiti amoda a lallaki iti pagkasapulanda ken kadagiti adipen a babbai a dumawat kadagiti amoda a babbai iti pagkasapulanda, dumawatkami kenka, O Yahweh a Diosmi, iti pagkasapulanmi, agingga a siaasika nga agtignay kadakami.

\s5
\v 3 O Yahweh, agtignayka a siaasi unay kadakami gapu ta lalaisendakami unay dagiti kabusormi.
\v 4 Nabayag a tiempo a pagkakatawaandakami dagiti natangsit a tattao, ken indadanesdakami dagiti napalanguad a tattao ken nagtignayda kadakami a kasla awan serserbimi.

\s5
\c 124
\p
\v 1 Dakayo nga Isrelita, sungbatanyo daytoy a saludsod: Ania koman ti napasamak kadatayo no saannatayo a tinultulongan ni Yahweh?
\v 2 Idi dinarupnatayo dagiti kabusortayo, no saan a nakiranget ni Yahweh para kadatayo,
\v 3 napapataytayo koman amin gapu ta nakapungtotda unay kadatayo!

\s5
\v 4 Kasda la koman iti layus a mangiyan-anod kadatayo; a kas iti layus a nanglemmes kadatayo,
\v 5 ket limnedtayo koman amin iti layus.

\s5
\v 6 Ngem idaydayawtayo ni Yahweh gapu ta saanna nga intulok a dadaelendatayo dagiti kabusortayo.
\v 7 Nakalibastayo kadagiti kabusortayo a kas iti billit a nakalibas iti silo nga insagana dagiti mangnganup; a kasla nadadael ti silo nga impakat dagiti kabusortayo ket nakalibastayo iti daytoy!

\s5
\v 8 Ni Yahweh ti tumultulong kadatayo; isuna ti nangaramid iti langit ken daga.

\s5
\c 125
\p
\v 1 Maiyarig iti Bantay Sion dagiti agtaltalek kenni Yahweh, a saan a magunggon wenno maiyakar iti ayanna.
\v 2 Kas kadagiti turod a naipalawlaw iti Jerusalem a mangsalsalaknib iti daytoy, kasta met a salsalaknibannatayo ni Yahweh a tattaona ken salaknibannatayonto iti agnanayon.
\v 3 Saan a rumbeng a mapalubosan nga agturay dagiti nadangkes a tattao iti daga a pagnanaedan dagiti nalinteg a tattao. No aramidenda dayta, amangan no panunoten dagiti nalinteg a tattao nga agaramid iti biddut kadagiti bagbagida.

\s5
\v 4 O Yahweh, agaramidka kadagiti naimbag a banbanag kadagiti agar-aramid kadagiti naimbag a banbanag kadagiti dadduma ken kadagiti sipupuso nga agtultulnog kadagiti bilbilinmo.
\v 5 Ngem no dusaem dagiti Israelita a saanen a pulos nga agtultulnog kenka, dusaemto ida a kas iti panangdusam kadagiti amin a managdakdakes. Sumayaat pay koma ti kasasaad dagiti tattao iti Israel!

\s5
\c 126
\p
\v 1 Idi pinarang-ay manen ni Yahweh ti Jerusalem, nakaskasdaaw daytoy; kasla agtagtagainepkami.

\s5
\v 2 Kasta unay ti ragsakmi, ken nagtultuloykami a nagpukpukkaw iti rag-omi. Ket imbaga dagiti dadduma a bunggoy ti tattao maipanggep kadatayo, "Nagaramid ni Yahweh kadagiti naindaklan a banbanag kadakuada!"
\v 3 Kinunami, "Wen, pudno a nagaramid ni Yahweh kadagiti naindaklan a banbanag kadakami, ket kasta unay ti ragsakmi."

\s5
\v 4 Isublim ti sigud a kinarang-aymi, O Yahweh, a kasla kadagiti tudo a mangpunno kadagiti karayan iti let-ang iti dayaen ti Judea. Parang-ayem manen ti nasionmi a kas iti napalabas.
\v 5 Nagsangitkami idi nagmulakami kadagiti bukel gapu ta narigatankami a nangisagana iti daga a saan a naarado iti adu a tawen; ita, kayatmi nga agpukkaw iti rag-omi gapu ta agurnongkami iti adu nga apit.
\v 6 Dagiti nagsangit a nakaawit kadagiti nakasako a bukel iti taltalon ket agpukkawto a sirarag-o inton tugot-tugotda dagiti mulmulada kadagiti babbalayda iti tiempo ti panagapit.

\s5
\c 127
\p
\v 1 No agpatpatakder dagiti tattao iti balay nga awan ni Yahweh a mangtultulong kadakuada, patpatakderenda daytoy nga awan serserbina. Kasta met, a no saan a salakniban ni Yahweh ti siudad, awan serserbi dagiti agbanbantay a siririing iti rabii.
\v 2 Kasta met nga awan serserbi ti panagriing iti nasapa unay ken pannaturog a naladaw iti rabii tapno igaed iti agtrabaho iti agmalem tapno makaurnong iti kuarta a paggatang iti taraon gapu ta ni Yahweh ti mangmangted iti taraon kadagiti mangay-ayat kenkuana.

\s5
\v 3 Dagiti annak ket sagut kadagiti nagannak a naggapu kenni Yahweh; isuda ket gunggona a naggapu kenkuana.
\v 4 No ti maysa a tao ket addaan kadagiti annak bayat a kabanbanwaganna, inton dumakkelda, kabaelandanton ti tumulong kenkuana a mangikanawa iti pamiliana a kas iti suldado a mangikanawa iti bagina no addaan isuna iti pana ken kadagiti pana iti imana.
\v 5 Anian a naggasat ti tao nga addaan iti adu nga annak; maiyarig isuna iti suldado nga addaan iti adu a pana iti pangikabilan ti panana. No ti maysa a tao nga adu ti napadakkelna nga annakna ket innala dagiti kabusorna iti lugar a pangikedkeddenganda, saanto a kabaelan dagiti kabusorna nga abaken dayta a tao gapu ta tumulongto dagiti annakna a mangikanawa kenkuana.

\s5
\c 128
\p
\v 1 Anian a naggasatka, sika nga addaan iti kasta unay a panagraem kenkuana ken mangaramid kadagiti kayatna nga aramidem.
\v 2 Ragsakemto ti taraon nga ipaaymo para iti bagim; nagasat ken rumang-aykanto.

\s5
\v 3 Maiyarigto ti asawam iti puon ti ubas nga agbunga iti adu; mangipasngayto isuna iti adu nga annak. Dagiti annakmo nga agtugaw iti aglawlaw ti lamisaanmo; maiyarigkanto iti natibker a kayo ti olibo nga adu iti agsaringit nga uggot iti aglawlawna.
\v 4 Kaiyariganna, bendisionanto ni Yahweh ti tunggal tao nga addaan iti kasta unay a panagraem kenkuana.
\v 5 Tulongannaka koma iti kasta unay ti Dios nga adda iti templona iti Bantay Sion, ket tapno makitamto dagiti tattao iti Jerusalem a rumangrang-ay iti inaldaw a panagbiagmo!
\v 6 Agbiagka pay koma iti adu a tawtawen ken tapno maaddaanka pay iti adu nga appoko ket makitam pay ida. Sumayaat pay koma ti kasasaad dagiti tattao iti Israel!

\s5
\c 129
\p
\v 1 Ibagak a pinarigatdak dagiti kabusorko sipud pay kinaagtutubok. Ita, dawatek kadakayo, padak nga Israelita, nga ulitenyo nga ibaga dagiti isu met laeng a sasao:
\v 2 "Pinarigatdatayo dagiti kabusortayo sipud pay nangrugi ti nasiontayo, ngem saandatayo a naabak!
\v 3 Sinaplitdatayo dagiti kabusortayo a nangsugat kadagiti likodantayo a kas iti panagus-usar ti mannalon iti arado a mangbukual kadagiti nauneg a gulis."

\s5
\v 4 Ngem nalinteg ni Yahweh, ken winayawayannatayo iti pannakatagabutayo kadagiti nadangkes a tattao.
\v 5 Maibabainda koma amin gapu ta abakentayonto ida--dagiti amin a kabusor ti Jerusalem.

\s5
\v 6 Namnamaek nga awanto ti pategda, a kas iti ruot a nagtubo kadagiti tuktok dagiti balay, a magango ket saan a dumakkel;
\v 7 awan ti uray maysa a mayat a manggapas ken mangreppet ken mangbagkat iti daytoy.
\v 8 Dagiti tattao a lumabas ken makakita kadagiti tattao nga agap-apit iti bukel ket masansan a kablaawanda ida babaen ti panangibaga kadakuada, "Bendisionannaka koma ni Yahweh!" Ngem saan a mapasamak daytoy kadagiti kabusor ti Israel. Dakami, nga agtigtignay a kas mangibagbagi kenni Yahweh, bendisionandakayo, padami nga Israelita!

\s5
\c 130
\p
\v 1 O Yahweh, addaanak kadagiti nakaro a pakariribukan, isu nga umawagak kenka.
\v 2 O Yahweh, denggennak kabayatan nga umawagak kenka tapno maasika kaniak!

\s5
\v 3 O Yahweh, no nagilistaka kadagiti basol a naaramidmi, malabit nga awan uray maysa kadakami ti makalibas iti pannakaukom ken pannakadusa!
\v 4 Ngem pinakawannakami, a ti nagbanaganna ket addaankami iti kasta unay a panagraem kenka.

\s5
\v 5 Imbaga ni Yahweh a tulongannak; agtalekak iti imbagana, ket magagaranak nga aguray kenkuana nga aramidenna dayta.
\v 6 Ad-adda ti panagurayko kenni Yahweh a tulongannak ngem iti panaguray ti agbanbantay a bumigat; wen, ad-adda a magagaranak nga aguray ngem iti panagurayda!

\s5
\v 7 Dakayo a padak nga Israelita, sitatalekkayo a mangnamnama a bendisionannatayonto ni Yahweh. Bendisionannatayonto gapu ta maasi isuna kadatayo, ken situtulok launay isuna a mangisalakan kadatayo.
\v 8 Isunanto iti mangisalakan kadatayo nga Israelita iti pannakadusatayo gapu kadagiti amin a basbasol a naaramidtayo.

\s5
\c 131
\p
\v 1 O Yahweh, saanak a napalangguad; saanak a maikari nga umawat kadagiti makapangayangay a banbanag iti biag. Saanak a madanagan kadagiti pakarikotan a para kaniak ket narigat unay a masulbar.

\s5
\v 2 Ngem ketdi, natalnaak ken addaan kappia iti kaunggak a kas iti bassit nga ubing a saanen nga ay-aywanan ti inana ngem naragsak nga adda iti sibay ti inana. Iti isu met laeng a wagas, addaan kappia iti kaunggak.
\v 3 Dakayo, padak nga Israelita, sitatalekkayo a mangnamnama nga agaramidto ni Yahweh kadagiti naimbag a banbanag kadakayo ita ken iti agnanayon!

\s5
\c 132
\p
\v 1 O Yahweh, saanmo a liplipatan ni Ari David ken dagiti amin a pakarigatan nga inibturanna!
\v 2 Nagkari iti napudno kenka, a mannakabalin a Dios a dinaydayaw iti kapuonanmi a ni Jacob.

\s5
\v 3 Kinunana, "Saanak nga agawid iti pagtaengak, saanak nga aginana iti pagiddaak,
\v 4 ken saanak a maturog
\v 5 agingga a makaipatakderak iti pagyanan nga agpaay kenni Yahweh, a balay iti mannakabalin a Dios a dinaydayaw ni Jacob."

\s5
\v 6 Idiay Efrata, nadamagmi ti ayan ti nasagradoan a lakasa. Isu a napankami ket nasarakanmi daytoy iti asideg ti siudad ti Kiriat Jearim, ket impanmi daytoy idiay Jerusalem.
\v 7 Kalpasanna, kinunami, "Mapantayo iti nasagradoan a tolda ni Yahweh idiay Jerusalem; agdaydayawtayo sadiay iti sangoanan iti trono a pagtugtugawanna."
\v 8 O Yahweh, umayka iti lugar a pagnaedam iti agnanayon, iti lugar a nakaikabilan ti nasagradoan a lakasa, iti lugar a mangipakpakita a mannakabalinka unay.

\s5
\v 9 Kayatko a ti nalinteg a kagagalad dagiti papadim ket kankanayon a makita, ken kankanayonto nga agpukkaw a sirarag-o dagiti tattaom.
\v 10 Pinilim ni David nga agserbi kenka a kas ari ti Israel; saanmo a laksiden isuna!

\s5
\v 11 O Yahweh, nagkarika iti napudno kenni David, maysa a kari a saanmonto a dadaelen. Kinunam, "Pagturayekto a kas ar-ari dagiti kaputotam a kas kenka.
\v 12 No agtulnogda iti tulagko kadakuada ken agtulnogda kadagiti amin a bilbilin nga intedko kadakuada, saanto nga agpatingga ti linia dagiti ar-ari a tumaod kenka."

\s5
\v 13 Pinili ni Yahweh ti Jerusalem; dita ti kayatna a pagturayan.
\v 14 Kinunana, "Daytoy ti siudad a pagnaedakto iti agnanayon; daytoy ti lugar a kayatko a pagtalinaedan.

\s5
\v 15 Ipaaykonto kadagiti tattao ti Jerusalem amin a kasapulanda; ipaaykonto ti umanay a taraon a mangpennek uray kadagiti nakurapay a tattao sadiay.
\v 16 Pagtulnogekto dagiti papadi iti wagas a maiparbeng iti maysa nga insalakanko; ken agpukkawto a sirarag-o dagiti amin a tattao nga agnanaed sadiay.

\s5
\v 17 Sadiay Jerusalem, pagbalinekto a naindaklan nga ari ti maysa kadagiti kaputotan ni David; isunanto pay ti piliek nga ari, sadiay ti pangituloyak kadagiti linia ti kaputotan ni David.
\v 18 Parmekekto dagiti kabusorna ken ibabainkonto unay ida; ngem kanayonto nga agraniag ti balangat nga isuot ti arik."

\s5
\c 133
\p
\v 1 Nakaim-imbag ken makaay-ayo unay kadagiti tattao ti Dios a sangsangkamaysa nga aguurnong iti panagkakapia.

\s5
\v 2 A kas karagsak daytoy iti napateg a lana nga agar-aruyot manipud iti ulo ti kangatoan a padi a ni Aaron, agingga iti barbasna idi pinulotan isuna ni Moises, a nagaruyot agingga iti kuelio dagiti kagayna.
\v 3 Ti sangsangkamaysa a panaguurnong iti kapia ket kas karagragsak iti linnaaw nga agtintinnag idiay Bantay Hermon ken iti linnaaw nga agtintinnag idiay Bantay Sion. Inkari ni Yahweh a bendissionanna dagiti tattaona sadiay Jerusalem babaen iti panangaramidna iti nasionda nga agpaot iti agnanayon.

\s5
\c 134
\p
\v 1 Dakayo amin a tattao nga agserserbi kenni Yahweh, nga agtaktakder ken agserserbi kenkuana iti templona iti rabii, umaykayo ket idaydayawyo isuna!
\v 2 Ingatoyo dagiti im-imayo nga agkararag kenkuana idiay templo ket idaydayawyo isuna!

\s5
\v 3 Namnamaek a ni Yahweh, a nangparsua iti langit ken iti daga ket bendisionannakayo koma manipud iti pagnanaedanna iti templo idiay Bantay Sion!

\s5
\c 135
\p
\v 1 Idaydayawyo ni Yahweh! Dakayo nga agrukrukbab kenni Yahweh, idaydayawyo isuna!
\v 2 Dakayo nga agtaktakder iti paraangan ti templo ni Yahweh a Diostayo, agsaganakayo nga agserbi kenkuana, idaydayawyo isuna!

\s5
\v 3 Idaydayawyo ni Yahweh gapu ta mangar-aramid isuna kadagiti naiimbag a banbanag kadatayo; kantaanyo isuna gapu ta nakaragragsak nga aramiden ti kasta.
\v 4 Pinilinatayo, datayo a kaputotan ni Jacob; pinilinatayo nga Israelita nga agbalin a kukuana.

\s5
\v 5 Ibagak dagitoy a banbanag gapu ta ammok a naindaklan ni Yahweh; nain-indaklan isuna ngem kadagiti amin a dios.
\v 6 Ar-aramiden ni Yahweh ti aniaman a tarigagayanna nga aramiden sadi langit, ditoy daga, ken iti taaw, agingga iti kaunggan dagiti taaw.

\s5
\v 7 Isuna ti mamagparang kadagiti ulep manipud kadagiti adayu unay a luglugar iti daga; pagpagilapenna dagiti kimat a maikuyog iti tudo, ken iruruarna dagiti angin manipud kadagiti lugar a pangiduldulinanna kadagitoy.

\s5
\v 8 Isuna ti nangpatay kadagiti amin nga inauna nga annak a lallaki idiay Egipto, dagiti inauna nga annak dagiti tattao ken dagiti ayup.
\v 9 Nangaramid isuna sadiay kadagiti adu a kita dagiti milagro a pangdusana iti ari ken kadagiti amin nga opisyalesna.

\s5
\v 10 Dinarupna dagiti adu a nasion ken pinatayna dagiti nabibileg nga ar-ari a nangituray kadakuada:
\v 11 ni Sihon, nga ari ti Amor a bunggoy dagiti tattao, ni Og, nga ari ti Basan, ken dagiti amin a dadduma nga ar-ari idiay daga ti Canaan.

\s5
\v 12 Ket intedna ti dagada kadatayo nga Israelita nga agbalin a kukuatayo iti agnanayon.
\v 13 O Yahweh, ti naganmo ket agnanayon, ken dagiti tattao a saan pay a naipasngay ket malagipdanto dagiti naindaklan nga inaramidmo.

\s5
\v 14 Ibilbilang ni Yahweh a datayo a tattaona ket awan pakababalawantayo, ken naasi isuna kadatayo.
\v 15 Ngem dagiti didiosen a daydayawen dagiti sabali a bunggoy dagiti tattao ket imahe laeng a naaramid manipud iti pirak ken balitok, banbanag nga inaramid dagiti tattao.
\v 16 Dagiti didiosenda ket addaan kadagiti ngiwat, ngem saanda a makasao iti uray ania; ken addaanda kadagiti mata, ngem saanda a makakita iti uray ania.
\v 17 Addaanda kadagiti lapayag, ngem saanda a makangngeg iti uray ania, ken uray aganges ket saanda a kabaelan.
\v 18 Dagiti tattao a mangaramid kadagitoy a didiosen ket awan pannakabalinda a kas kadagitoy a didiosen, ken dagiti nga agtalek kadagitoy a didiosen ket awan pulos maaramidanda a kasla kadagiti didiosenda.

\s5
\v 19 Dakayo a padak nga Israelita, idaydayawyo ni Yahweh! Dakayo a papadi a nagtaud kenni Aaron, idaydayawyo ni Yahweh!
\v 20 Dakayo a lallaki a nagtaud kenni Levi, dakayo a mangtultulong kadagiti papadi, idaydayawyo ni Yahweh! Dakayo amin nga adda panagraemna kenni Yahweh, idaydawyo isuna!
\v 21 Idaydayawyo ni Yahweh idiay templo iti Bantay Sion idiay Jerusalem a pagnanaedanna! Idaydayawyo ni Yahweh!

\s5
\c 136
\p
\v 1 Agyamankayo kenni Yahweh gapu ta agar-aramid isuna iti naiimbag a banbanag kadatayo; ayatennatayo iti agnanayon a kas iti inkarina.
\v 2 Agyamankayo iti Dios, ti nain-indaklan ngem kadagiti amin a dadduma a dios; ayatennatayo iti agnanayon a kas iti inkarina.
\v 3 Agyamankayo iti Apo a nain-indaklan ngem kadagiti amin a dadduma nga ap-apo; ayatennatayo iti agnanayon a kas iti inkarina.

\s5
\v 4 Isuna laeng ti mangar-aramid kadagiti naindaklan a milagro; ayatennatayo iti agnanayon a kas ti inkarina.
\v 5 Isuna ti nangparsua kadagiti langit babaen iti kinasiribna unay; ayatennatayo iti agnanayon a kas iti inkarina.

\s5
\v 6 Isuna ti nangipangato iti daga iti rabaw dagiti adalem a dandanum; ayatennatayo iti agnanayon a kas ti inkarina.
\v 7 Isuna ti nangparsua kadagiti dadakkel a lawag iti tangatang; ayatennatayo iti agnanayon a kas iti inkarina.

\s5
\v 8 Pinarsuana ti init nga agraniag iti aldaw; ayatennatayo iti agnanayon a kas ti inkarina.
\v 9 Pinarsuana ti bulan ken dagiti bituen nga agraniag bayat ti rabii; ayatennatayo iti agnanayon a kas iti inkarina.

\s5
\v 10 Isuna ti nangpatay kadagiti inauna nga annak a lallaki idiay Egipto; ayatennatayo iti agnanayon a kas ti inkarina.
\v 11 Indalanna dagiti Israelita a rummuar manipud iti Egipto; ayatennatayo iti agnanayon a kas ti inkarina.
\v 12 Indalanna ida a rummuar babaen iti mannakabalin nga imana; ayatennatayo iti agnanayon a kas iti inkarina.

\s5
\v 13 Isuna ti nanggudua iti baybay dagiti Runo; ayatennatayo iti agnanayon a kas iti inkarina.
\v 14 Isuna ti namagbalin kadagiti Israelita a lumasat iti namaga a daga iti daytoy; ayatennatayo iti agnanayon a kas iti inkarina.
\v 15 Ngem linemmesna ti ari ti Egipto ken ti armadana iti daytoy; ayatennatayo iti agnanayon a kas iti inkarina.

\s5
\v 16 Isuna ti nangidalan a sitatalged kadagiti tattaona iti let-ang; ayatennatayo iti agnanayon a kas ti inkarina.
\v 17 Pinatayna dagiti nabibileg nga ar-ari; ayatennatayo iti agnanayon a kas ti inkarina.

\s5
\v 18 Pinatayna dagiti mabigbigbig nga ari; ayatennatayo iti agnanayon a kas ti inkarina.
\v 19 Pinatayna ni Sihon, nga ari dagiti tattao ti Amor; ayatennatayo iti agnanayon a kas ti inkarina.
\v 20 Pinatayna ni Og, nga ari iti rehion ti Basan; ayatennatayo iti agnanayon a kas ti inkarina.

\s5
\v 21 Intedna kadatayo a tattaona dagiti dagada, ayatennatayo iti agnanayon a kas iti inkarina.
\v 22 Intedna kadatayo nga Israelita dagitoy a daga, kadatayo nga agserserbi kenkuana; ayatennatayo iti agnanayon a kas iti inkarina.
\v 23 Isuna ti saan a nanglipat kadatayo idi pinarmekdatayo dagiti kabusortayo; ayatennatayo iti agnanayon a kas iti inkarina.

\s5
\v 24 Inispalnatayo kadagiti kabusortayo; ayatennatayo iti agnanayon a kas iti inkarina.
\v 25 Isuna ti mangmangted iti taraon iti amin a sibibiag a parsua; ayatennatayo iti agnanayon a kas iti inkarina.
\v 26 Agyamantayo ngarud iti Dios nga agnanaed sadi langit gapu ta ayatennatayo iti agnanayon a kas iti inkarina!

\s5
\c 137
\p
\v 1 Idi naipantayo idiay Babilonia nga adayo iti Jerusalem, nagtugawtayo sadiay kadagiti ig-igid dagiti karayan, ket nagsangittayo idi pinanpanunottayo ti maipanggep iti templo iti Bantay Sion idiay Jerusalem.
\v 2 Insab-ittayo dagiti arpatayo kadagiti kayo ti karawawe nga adda kadagiti ig-igid dagiti karayan gapu ta saantayon a kayat a tukaren ida ken gapu ta nalidaytayo idi iti kasta unay.

\s5
\v 3 Dagiti soldado a nangtiliw ken nangipan kadatayo idiay Babilonia ket pinilitdatayo a kantaantayo ida; imbagada kadatayo a liwliwaentayo ida; kinunada, "Kantaenyo kadakami ti maysa kadagiti kankantaenyo idi idiay Jerusalem!"
\v 4 Ngem kinunatayo kadagiti bagbagitayo, "Nalidaytayo gapu ta dinusanatayo ni Yahweh ket inyegnatayo iti daytoy a gangannaet a daga; saantayo a makakanta kadagiti kankanta a maipanggep kenni Yahweh bayat nga addatayo ditoy!"

\s5
\v 5 No lipatek ti maipanggep iti Jerusalem, magangonto koma ti makannawan nga imak tapno saankonto a matukar ti arpak!
\v 6 Saanakto koma a makakanta manen no lipatek ti maipanggep iti Jerusalem, no saanko nga ibilang a ti Jerusalem ti ad-adda a mangparparagsak kaniak ngem ti panangparagsak kaniak dagiti dadduma a banbanag.

\s5
\v 7 O Yahweh, dusaem dagiti tattao ti Edom gapu iti inaramidda iti aldaw a panangtiliw dagiti armada ti Babilonia iti Jerusalem. Saanmo a liplipatan a kinunada, "Ribbaenyo amin dagiti pasdek! Dadaelenyo ida amin! Ibatiyo laeng dagiti adigida!"

\s5
\v 8 Dakayo a tattao ti Babilonia, awan dua-duanto a madadaelkayo! Anian a naggasat dagiti mangdusa kadakayo gapu iti inaramidyo kadakami;
\v 9 Anian a naggasat dagiti mangala kadagiti maladagayo ket ibaotda ida a pidapidaso kadagiti dadakkel a bato.

\s5
\c 138
\p
\v 1 O Yahweh, agyamanak kenka iti amin a kaunggak. Agkantaak a mangdayaw kenka iti sangoanan dagiti didiosen a palso a dios a mangumsi kadakuada.
\v 2 No kumitaak iti nasagradoan a templom, agrukobak ken agyamanak kenka gapu ta sipupudnoka a mangay-ayat kadakami ken ar-aramidem dagiti amin nga inkarim. Impakitam a nabilbilegka ngem kadagiti isuamin, ken kankanayon nga ar-aramidem ti inkarim nga aramiden.

\s5
\v 3 Iti aldaw nga immawagak kenka, sinungbatannak; pinapigsa ken pinaturednak.
\v 4 O Yahweh, dumtengto ti aldaw nga amin dagiti ar-ari iti daga ket agdayawto kenka gapu ta mangngegandanto ti imbagam.

\s5
\v 5 Ikantadanto ti maipanggep kadagiti inaramidmo; agkanta ken ibagadanto a naindaklanka unay.
\v 6 O Yahweh, kangatoanka, ngem kailalaam dagiti tattao a maibilang a saan a napateg. Ammom ti ar-aramiden dagiti natangsit a tattao uray no adayoda kenka ken panpanunotennda a saanmo ida a makitkita.

\s5
\v 7 No kasta unay iti pannakariribukko, is-isalsalakannak. Babaen iti imam is-ispelannak kadagiti kabusorko nga agpungpungtot kaniak.
\v 8 O Yahweh, aramiden kaniak ti amin nga inkarim; sipupudno nga ay-ayatennakami iti agnanayon. Leppasem ti inrugim nga aramiden kadakami, dakami a tattaom nga Israelita!

\s5
\c 139
\p
\v 1 O Yahweh, sinukimatmo no ania ti adda iti kaunggak, ken ammom amin ti maipapan kaniak.
\v 2 Ammom inton agtugaw ken agtakderak. Uray adayoka kaniak, ammom ti pampannunotek.

\s5
\v 3 Manipud iti ibabangonko iti agsapa agingga iti panagiddak a maturog iti rabii, ammom amin nga ar-aramidek.
\v 4 O Yahweh, uray sakbay pay nga agsao-ak, ammom ti amin a banag nga innak ibaga!
\v 5 Salsalaknibannak iti aglawlawko; ipatpataymo ti imam a mangsalsalaknib kaniak iti pannakabalinmo.
\v 6 Saanko a kabaelan a maawatan nga ammom amin a banag maipanggep kaniak. Narigat unay kaniak dayta tapno naan-anay a maawatak.

\s5
\v 7 Sadino ti papanak tapno makalibasak iti Espiritum? Sadino koma ti papanak tapno makaadayoak kenka?
\v 8 No agpangatoak iti langit, addakanto sadiay. No agiddaak iti lugar nga ayan dagiti natay a tattao, addakanto sadiay.

\s5
\v 9 No mabalin nga awitennak ti init nga iballasiw iti tangatang, no agtayabak nga agpalaud ken agaramidak iti pagnaedak iti maysa nga isla idiay taaw,
\v 10 addakanto met sadiay a mangkibin a mangidalan kaniak, ket tulungannakto.

\s5
\v 11 Mabalinko a kiddawen iti sipnget nga ilemmengnak, wenno iti lawag iti aglawlawko tapno agbalin a sipnget,
\v 12 ngem uray no mapasamak dayta, ti sipnget ket saanto a kinasipnget kenka! Ta kenka, ti rabii ket kas karaniag iti aldaw, gapu ta kenka, ti aldaw ken ti sipnget ket saan a nagduma.

\s5
\v 13 Pinarsuam dagiti amin a paset ti bagik; pinagmaymaysam dagiti paset ti bagik idi addaak pay laeng iti uneg ti aanakan ti inak.
\v 14 Idaydayawka gapu ta inaramidmo ti bagik a naidumduma ken nakakaskasdaaw unay. Amin a banag nga ar-aramidem ket nakakaskasdaaw! Ammok la unay dayta.

\s5
\v 15 Idi mabukbukel ti bagik, kabayatan a maipampamaysa daytoy a no sadino ket awan ti siasinoman a makakitkita, nakitamon!
\v 16 Nakitanakon sakbay pay a naiyanakak. Insuratmo iti librom ti bilang dagiti nga aldaw nga ingkeddengmo nga agbiagak. Inaramidmo dayta sakbay pay a mangrugi ti maysa kadagita nga aldaw.

\s5
\v 17 O Dios, nagpateg unay ti panpanunotem a maipapan kaniak. Nakaad-adu ti pakadagupan dagiti banbanag a panpanunotem.
\v 18 No mabilangko laeng ida, makitak nga ad-aduda pay ngem kadagiti darat iti igid ti baybay. Inton agriingak, addaak latta iti dennam, ken ammok nga adda pay ti ad-adu a panpanunotem maipapan kaniak.

\s5
\v 19 O Dios, kayatko a patayem koma dagiti nadangkes a tattao! Panawannak koma dagiti naranggas a tattao.
\v 20 Agsasaoda kadagiti dakes a banbanag maipanggep kenka; padpadaksenda ti naganmo.

\s5
\v 21 O Yahweh, pudno la unay a kagurak dagiti manggurgura kenka! Laklaksidek dagiti mangsuksukir kenka.
\v 22 Kagurak ida iti kasta unay, ken ibilbilangko ida a kabusorko.

\s5
\v 23 O Dios, sukimatem ti kaunggak; ammoem no ania ti pampanunotek!
\v 24 Ammoem no adda iti uray ania a dakes iti akin-uneg a kinataok, ket iturongnak iti dalan a mangiturong iti kinataok a kaduam iti agnanayon

\s5
\c 140
\p
\v 1 O Yahweh, ispalennak iti panangdarup kaniak dagiti dakes a tattao; saluadannak pay iti panangdarup kaniak dagiti naranggas a tattao.
\v 2 Kanayonda a mangpangpanggep nga agaramid kadagiti dakes a banbanag, ken kanayonda a mangdurdurog kadagiti tattao a mangirugi iti panaggaapa.
\v 3 Babaen kadagiti ibagbagada, dangdangranda dagiti tattao a kas kadagiti nagita nga uleg.

\s5
\v 4 O Yahweh, salaknibannak iti pannakabalin dagiti nadangkes a tattao. Saluadannak kadagiti naranggas a tattao a mangpangpanggep a mangdangran kaniak.
\v 5 Kasla nangipakat dagiti natangsit a tattao iti pakaipalab-ogak; kasla inwayatda dagiti iketda tapno tiliwendak; kasla inkabilda dagitoy a banbanag iti dalan tapno tiliwendak.

\s5
\v 6 Ibagak kenka, "O Yahweh, sika ti Diosko. Dumngegka kaniak kabayatan nga umus-asugak kenka a tulongannak."
\v 7 O Yahweh nga Apok, sika ti sipipigsa a mangikalkaluya kaniak; sinalaknibannak kabayatan dagiti gubat a kasla kinallugongannak iti kalasag.
\v 8 O Yahweh, saanmo nga ipaay kadagiti nadangkes a tattao dagiti banbanag a tartarigagayanda, ken saanmo nga itulok nga aramidenda dagiti dakes a banbanag a pangpanggependa nga aramiden.

\s5
\v 9 Saanmo nga itulok nga agbalin a natangsit dagiti kabusorko; bay-am koma a mapasamak kadakuada dagiti dakes a banbanag nga imbagada nga aramidenda kaniak. Itinnagmo dagiti beggang kadagiti uloda!
\v 10 Itinnagmo ida kadagiti nauneg nga abut a saanda a makaruar!
\v 11 Saanmo nga itulok nga agballigi dagiti mangpadpadakes kadagiti dadduma; bay-am koma a mapasamak dagiti dakes a banbanag kadagiti naranggas a tattao ken dadaelenna ida!

\s5
\v 12 O Yahweh, ammok nga ikaluyam dagiti mairurrurumen, ken aramidem no ania ti umno.
\v 13 Awan duadua a pagyamandaka dagiti nalinteg a tattao, ket agnaedda iti presensiam.

\s5
\c 141
\p
\v 1 Umasugak kenka, O Yahweh; pangngaasim ta tulongannak a dagus! Denggennak no umaw-awagak kenka.
\v 2 Awatem ti kararagko a kasla daytoy ket insenso a mapupuoran a kas daton kenka. Awatennak kabayatan nga ingatngatok dagiti imak nga agkararag kenka, kas iti panangawatmo kadagiti daton a maidatdaton kenka iti rabii.

\s5
\v 3 O Yahweh, saanmo kadi nga itulok nga agsaoak kadagiti saan a nasayaat a banbanag; bantayam ti ibagak kas iti panangbantay ti guardia iti ridaw.
\v 4 Lapdannak nga agtarigagay nga agaramid iti aniaman a saan a nasayaat ken makidanggay kadagiti nadangkes a tattao no kayatda nga agaramid kadagiti dakes. Kasta met a saanmo kadi nga itulok a makikadduaak kadakuada a mangan kadagiti agkakaimas a taraon!

\s5
\v 5 Awan aniamanna no kabilendak dagiti nalinteg a tattao wenno no tubngarendak gapu ta kayatda nga agbalin a naimbag kaniak tapno suroandak nga agaramid iti umno; no aramidenda dayta, kaslanto nga adda iti nangraem kaniak babaen iti panangpulotna iti ulok iti lana iti olibo; ngem kankanayonko nga ikarkararag a dusaem dagiti nadangkes gapu kadagiti kinanadangkes nga ar-aramidenda.
\v 6 Inton maitapuak dagiti mangidadauloda manipud iti tuktok dagiti nabato a bakras, maamoandanto a nasayaat ti ibagbagak ditoy.
\v 7 Maysa nga aldaw ket maamoandanto a naiwara dagiti bagbagida iti lugar dagiti natay, kas iti panangiwara iti maysa a tao iti daga no agar-arado isuna iti talon.

\s5
\v 8 Ngem Yahweh a Dios, itultuloyko a dawaten a tulongannak. Dawatek kenka a salaknibannak; saanmo nga itulok a matayak ita! Kasla nangipakat dagiti tattao iti pakaipalab-ogak; salaknibannak tapno saanak a matnag kadagitoy a palab-og.
\v 9 Kasla nangiwayatda iti iket a pangtiliwda kaniak; saluadannak tapno saanak a matiliw kadagitoy nga iket.
\v 10 Tartarigagayak a matnag koma dagiti nadangkes a tattao iti palab-og nga insaganada a pangtiliw kaniak kabayatan nga agliblibasak manipud kadakuada.

\s5
\c 142
\p
\v 1 O Yahweh, umasugak kenka; agpakaasiak kenka a tulongannak.
\v 2 Iyegko amin kenka dagiti parikotko; ibagbagak kenka dagiti amin a pakariribukak.

\s5
\v 3 No maup-upayak iti kasta unay, ammom no ania ti rumbeng nga aramidek. Sadinoman a pagnaak, kasla nalimed a nangiwayat dagiti kabusorko iti palab-og a pakatnagak.
\v 4 Kumitaak iti aglawlaw, ngem awan pulos ti makakitkita kaniak, awan ti mangsalaknib kaniak, ken awan ti mangikankano no ania ti mapaspasamak kaniak.
\v 5 Umasugak ngarud kenka, O Yahweh, a tulongannak; sika ti mangsalsalaknib kaniak; sika laeng ti kasapulak kabayatan a sibibiagak.

\s5
\v 6 Dumngegka kaniak bayat nga agpatpatulongak kenka gapu ta maburburiborannak unayen. Ispalennak gapu ta napigsa unay dagiti mangparparigat kaniak; saanak a makalibas kadakuada.
\v 7 Wayawayaannak kadi kadagiti pakariribukak tapno pagyamananka. No aramidem dayta, inton addaak kadagiti tattao nga agbibiag iti nalinteg, dayawenka gapu iti kinaimbagmo unay kaniak.

\s5
\c 143
\p
\v 1 Denggennak kadi, O Yahweh, kabayatan nga agkarkararagak kenka! Gapu ta nalintegka ken gapu ta sipupudno nga ar-aramidem ti inkarim, denggem ti dawdawatek kenka nga aramidem kaniak.
\v 2 Maysaak kadagiti agdaydayaw kenka; saannak nga ukomen gapu ta awan ti siasinoman nga ibilbilangmo a naan-anay nga awan basolna.

\s5
\v 3 Kinamkamatdak dagiti kabusorko; pinarmekdak nga unabis. Kasdak la inkabil iti nasipnget a pagbaludan nga awan pulos ti nasayaat a namnamaek.
\v 4 Isu a naupayak iti kasta unay iti kaunggak; nadismayaak unay.

\s5
\v 5 Malagipko ti napasamak iti napalabas; ut-utobek dagiti amin a banbanag nga inaramidmo; panpanunotek a naimbag amin dagiti naindaklan nga inaramidmo.
\v 6 Ingngatok dagiti imak kenka bayat nga agkarkararagak; kayatko la unay a makikadua kenka a kas iti pannakawawko iti danum iti nalawa unay a let-ang.

\s5
\v 7 O Yahweh, naupayak unay, isu a pangaasim kadi ta sungbatannak itan! Saanka nga umadayo kaniak gapu ta no aramidem dayta, maysaakton kadagiti bumaba iti ayan dagiti natay a tattao.
\v 8 Binigat kadi nga ipalagipmo kaniak a sipupudno nga ay-ayatennak gapu ta agtaltalekak kenka. Agkararagak kenka; ipakitam kaniak dagiti banbanag a rumbeng nga aramidek.

\s5
\v 9 Agkamangak kenka, O Yahweh, tapno salaknibannak, isu nga ispalennak kadagiti kabusorko.
\v 10 Sika ti Diosko; suroannak a mangaramid kadagiti kayatmo nga aramidek. Kayatko nga ipakita kaniak ti nasayaat nga Espiritum dagiti umno a banbanag nga aramidek.

\s5
\v 11 O Yahweh, papigsaennak inton dandaniakon a matay a kas inkarim nga aramidem gapu ta nalintegka!
\v 12 Maysaak kadagiti agserserbi kenka; ket gapu ta sipupudno nga ay-ayatennak a kas inkarim nga armidem, patayem dagiti kabusorko ken guraem amin dagiti mangidaddadanes kaniak.

\s5
\c 144
\p
\v 1 Idaydayawko ni Yahweh, a maiyarig iti dakkel a bato nga isu ti talgedko! Sursuroanna dagiti imak tapno mausarko dagitoy a makiranget iti gubat; sursuroanna dagiti ramayko tapno makaibiatak kadagiti pana iti tiempo ti gubat.
\v 2 Isuna ti mangsalsalaknib kaniak a kas inkarina; maiyarig isuna iti sarikedked nga isu ti talgedko, salsalaknibannak a kas iti panangsalaknib dagiti kalasag kadagiti soldado, ken isuna ti pagkamkamangak. Parparmekenna dagiti dadduma a nasion ken pinagbalinnak a mangituray kadakuada.

\s5
\v 3 O Yahweh, dakami a tattao ket awan pategna! Apay nga ikankanonakami? Nakaskasdaaw kaniak ta ikankanom dagiti tattao.
\v 4 Ababa laeng ti tiempo nga agbiagkami a kas iti pul-oy ti angin; ti tiempo nga agbiagkami ket agpukaw a kas panagpukaw iti aniniwan.

\s5
\v 5 O Yahweh, luktam ti tangatang ket bumabaka! Sagidem dagiti bantay tapno rummuar dagiti asuk kadakuada!
\v 6 Pagkimatem tapno agtaray dagiti kabusormo! Ibiatmo dagiti panam kadakuada ken pagtarayem ida gapu iti butengda.

\s5
\v 7 Dagiti kabusorko ket maiyarig iti layus iti aglawlawko; manipud langit, igaw-atmo ti imam ket ispalennak kadakuada. Isuda ket tattao manipud kadagiti ganggannaet a pagilian
\v 8 a kankanayon a mangibagbaga iti inuulbod. Uray no agsapatada nga ibaga ti kinapudno, inuulbod ti ibagbagada.

\s5
\v 9 O Dios, kantaanka iti baro a kanta, ket tukarek ti sangapulo ti kuerdasna nga arpak kabayatan a kankantaanka.
\v 10 Inikkam iti kabaelan dagiti ar-ari a mangparmek kadagiti kabusorda; is-ispalem dagiti agserserbi kenka kas iti inaramidko.
\v 11 Isu a dawatek kenka nga isalakannak iti panangpatay kaniak dagiti kampilan nga awit dagiti dakes a tattao. Ispalennak kadagiti pannakabalin dagiti tattao manipud kadagiti ganggannaet a pagilian a kankanayon a mangibagbaga kadagiti inuulbod. Uray no agsapatada nga ibaga ti kinapudno, inuulbod ti ibagbagada.

\s5
\v 12 Kayatko a dumakkel koma a nasayaat dagiti amin nga annakmi a lallaki; kayatko a dumakkel koma dagiti annakmi a babbai a kas katayag dagiti adigi a naipasdek kadagiti suli dagiti palasio.
\v 13 Kayatko a mapno koma dagiti kamaligmi kadagiti agduduma nga apit. Kayatko a dagiti karneromi kadagiti talonmi ket aganak koma iti rinibo nga urbon.

\s5
\v 14 Kayatko nga aganak koma dagiti bakami iti adu a saan a maalisan wenno matay no maiyanakda. Kayatko a saan koman a dumteng iti tiempo a dagiti tattao kadagiti kalsadami ket agsangit iti rigat gapu ta sumakop dagiti armada dagiti gagganaet a pagilian.
\v 15 No mapasamak dagiti nasayaat a banbanag a kas iti dayta iti maysa a nasion, nagasatto unay dagiti tattao. Anian a naggasat dagiti agdaydayaw kenni Yahweh a kas Dios!

\s5
\c 145
\p
\v 1 O Diosko ken Arik, iwaragawagko a naindaklanka unay; Idaydayawka ita ken iti agnanayon.
\v 2 Idaydayawka iti inaldaw; Wen, idaydayawka iti agnanayon.
\v 3 O Yahweh, naindaklanka, ken rumbeng laeng a mapadayawanka unay; saanmi a naan-anay a maamiris ti kinatan-okmo.

\s5
\v 4 Ibaganto dagiti nagannak kadagiti annakda dagiti banbanag nga inaramidmo; ibagadanto kadagiti annakda dagiti nabibileg nga aramidmo.
\v 5 Panpanunotek ti kasta unay a kinadayag ken kinatan-okmo, ken utobek dagiti amin a nakakaskasdaaw nga ar-aramidmo.

\s5
\v 6 Ibaganto dagiti tattao ti maipanggep iti kinamannakabalin ken dagiti nakakaskasdaaw nga aramidmo, ken iwaragawagko a naindaklanka unay.
\v 7 Lagipen ken iwaragawagto dagiti tattao a naimbagka unay kadakami, ken ikantadanto a sirarag-o a kankanayonka nga agtigtignay a sililinteg.

\s5
\v 8 O Yahweh, siaayat ken siaasika nga agtigtignay kadakami; saanka a dagus a makapungtot; sipupudno nga ay-ayatennakami unay kas inkarim nga aramiden.
\v 9 O Yahweh, naimbagka iti tunggal maysa, ken agtigtignayka a siaasi iti amin a banag nga inaramidmo.

\s5
\v 10 O Yahweh, agyamanto kenka dagiti amin a parsua nga inaramidmo, ken idaydayawdakanto dagiti amin a tattaom.
\v 11 Ibagadanto kadagiti dadduma nga agturturayka a sidadayag unay kas arimi ken ibagadanto a mannakabalinka unay.
\v 12 Aramidendanto dayta tapno maammoan ti tunggal maysa dagiti mannakabalin nga ar-aramidmo ken agturturayka a sidadayag kadakami.

\s5
\v 13 Saanka nga agsardeng nga agari; agturayka iti amin a henerasion.

\s5
\v 14 O Yahweh, tultulongam dagiti amin a maup-upay, ken itagtag-aymo dagiti amin a napukawan iti namnama.
\v 15 Namnamaen dagiti amin a parsua nga inaramidmo a mangipaayka iti taraon kadakuada, ken ik-ikkam ida iti taraon inton kasapulanda.
\v 16 Naparaborka a mangmangtedka iti taraon kadagiti amin a sibibiag a parsua, ken pinennekmo ida.

\s5
\v 17 Amin a banag nga ar-aramiden ni Yahweh, ar-aramidenna a sililinteg; amin nga ar-aramidenna, ar-aramidenna a siaasi.
\v 18 Umas-asideg ni Yahweh kadagiti amin nga umawag kenkuana, kadagiti sipupudno nga umawag kenkuana.
\v 19 Kadagiti amin nga addaan ti naindaklan a panagraem kenkuana, it-itedna kadakuada dagiti kasapulanda. Dengdenggenna ida inton umasugda kenkuana ken isalsalakanna ida.

\s5
\v 20 Salsalakniban ni Yahweh dagiti amin a mangay-ayat kenkuana, ngem dadaelenna amin dagiti nadangkes a tattao.
\v 21 Kankanayonto nga idaydayawko ni Yahweh; kayatko nga idaydayaw isuna dagiti amin a tattao iti sadinoman iti agnanayon, ta ar-aramidenna amin a banag nga awan pagkuranganna.

\s5
\c 146
\p
\v 1 Idaydayawyo ni Yahweh. Idaydayawko ni Yahweh iti amin a kaunggak.
\v 2 Idaydayawko ni Yahweh agingga a sibibiagak; Agkantaak a mangdayaw iti Diosko bayat iti panagbiagko.

\s5
\v 3 Dakayo a tattao, saankayo nga agtalek kadagiti mangidadaulo kadakayo; saankayo nga agtalek kadagiti tattao, gapu ta saanda a makaisalakan.
\v 4 Inton matayda, agrupsa dagiti bangkayda ken agbalin manen a daga. Kalpasan a matayda, saandan a maaramid dagiti banbanag a pinanggepda nga aramiden.

\s5
\v 5 Ngem anian a naggasat dagiti tultulongan ti Dios, ti Dios nga indaydayaw ni Jacob. Dagitoy dagiti tattao a sitatalek a mangnamnama kenni Yahweh a Diosda a mangtulong kadakuada.
\v 6 Isuna ti nangparsua dagiti langit ken ti daga, dagiti taaw ken amin a parsua nga adda kadagitoy. Kankanayon nga ar-aramidenna ti inkarina nga aramiden.

\s5
\v 7 Nalinteg ti panangiked-keddengna kadagiti saan a patas ti pannakatratona, ken mangipapaay isuna iti taraon kadagiti mabisin. Wayawayaanna dagiti adda iti pagbaludan.
\v 8 Pappaimbagen ni Yahweh dagiti bulsek tapno makakita manen. Bangbangonenna dagiti natumba. Ay-ayatenna dagiti nalinteg a tattao.

\s5
\v 9 Ay-aywanan ni Yahweh dagiti naggapu iti sabali a pagilian nga agnanaed iti dagatayo, ken tultulonganna dagiti balo ken dagiti ulila. Ngem paspasardengenna dagiti nadangkes a tattao iti ar-aramidenda.
\v 10 Agtultuloy nga aritayonto ni Yahweh iti agnanayon; dakayo a tattao iti Israel, agturay ti Diosyo iti agnanayon! Idaydayawyo ni Yahweh!

\s5
\c 147
\p
\v 1 Idaydayawyo ni Yahweh! Nasayaat ti agkanta kadagiti pammadayaw iti Diostayo. Makaay-ayo nga aramiden daytoy a banag ken isu ti umno nga aramiden.

\s5
\v 2 Nadadael ti Jerusalem, ngem ik-ikkannatayo ni Yahweh iti kabaelan a mangbangon manen iti Jerusalem. Isubsublina dagiti tattao a naipan kadagiti sabali a daga.
\v 3 Pabpabilgenna manen dagiti kasta unay ti pannakaupayna; a kasla adda sugsugatda ket binedbedbedanna ida.

\s5
\v 4 Ammonan no mano amin dagiti bituen, ken pinanagananna amin dagitoy.
\v 5 Naindaklan ni Yahweh ken mannakabalin unay, ken awan ti makatukod iti pannakaawatna.

\s5
\v 6 Itagtag-ay ni Yahweh dagiti maidaddadanes, ken ibelbellengna dagiti nadangkes iti daga.
\v 7 Agyamankayo kenni Yahweh kabayatan nga agkankantakayo a mangdayaw kenkuana; agtukarkayo kadagiti arpa nga agdayaw iti Diostayo.

\s5
\v 8 Ab-abbonganna ti tangatang babaen kadagiti ulep, ken mangmangted iti tudo nga agpaay iti daga ken mangpatpatubo kadagiti ruot kadagiti turturod.
\v 9 It-itedna kadagiti ayup ti taraon a kasapulanda; mangmangted isuna iti taraon kadagiti sibong a wak no umarikiakda gapu ta mabisinda.

\s5
\v 10 Saan a maay-ayo isuna kadagiti napigsa a kabalio wenno kadagiti lallaki a napartak a tumaray.
\v 11 Ngem ketdi, ti makaay-ayo kenkuana ket dagiti addaan iti kasta unay a panagraem kenkuana, dagiti sitatalek a mangnamnama kenkuana nga agtultuloy a mangayat kadakuada kas inkarina nga aramiden.

\s5
\v 12 Dakayo a tattao ti Jerusalem, idaydayawyo ni Yahweh! Idaydayawyo ti Diosyo!
\v 13 Banbantayanna ti siudadyo babaen iti panangpalagdana kadagiti ruangan daytoy. Benbendisionanna dagiti tattao nga agnanaed sadiay.
\v 14 Parparang-ayenna dagiti tattaom. Ik-ikkannaka iti nawadwad ken nasayaat unay trigo a kanen.

\s5
\v 15 Bilbilinenna dagiti banbanag a mapasamak iti entero a daga; dagus a dumanon dagiti saona ti disso a pangibaonanna kadagitoy.
\v 16 Mangmangyeg iti niebe a mangabbong iti daga a kasla puraw nga ules a naaramid iti buok ti karnero, ken mangiwarwaras iti yelo iti rabaw ti daga a kasla panangiwaras ti angin iti dapo.

\s5
\v 17 Mangmangyeg iti uraro a kasla babassit a bato; no mapasamak dayta, narigat unay ti agibtur gapu ta lumamiis unay ti angina.
\v 18 Ngem bilbilinenna nga agpul-oy ti angin, ket agpulpul-oy daytoy. Ket marunaw ti uraro ket agayus ti danum kadagiti waig.

\s5
\v 19 It-itedna ti mensahena kadagiti kaputotan ni Jacob; ibagbagana kadagiti tattaona nga Israelita dagiti banbanag nga imbilinna ken ti inkeddengna.
\v 20 Saanna nga inaramid dayta iti dadduma a nasion; saan nga ammo dagiti dadduma a nasion dagiti lintegna. Idaydayawyo ni Yahweh!

\s5
\c 148
\p
\v 1 Idaydayawyo ni Yahweh! Idaydayawyo isuna, dakayo nga anghel nga adda kadagiti langit; idaydayawyo isuna, dakayo nga anghel nga adda iti tangatang!
\v 2 Dakayo nga anghel a kukuana, idaydayawyo isuna! Dakayo nga adda kadagiti armada ni Yahweh, idaydayawyo isuna!

\s5
\v 3 Init ken bulan, rumbeng met nga idaydayawyo isuna! Dakayo a rumimatrimat a bituen, idaydayawyo isuna!
\v 4 Dakayo a kangangatoan a langit, idaydayawyo isuna! Dakayo a dandanum nga adda iti ngatoen ti tangatang, idaydayawyo isuna!

\s5
\v 5 Kayatko ang agdayaw amin dagitoy kenni Yahweh gapu ta imbilinna ket napaaddada, pinarsuana ida.
\v 6 Inkabilna ida iti umno a pakaisaadanda; imbilinna a rumbeng nga addada sadiay iti agnanayon. Saanda a mabalin a labsingen dayta a bilin.

\s5
\v 7 Amin a banag iti rabaw ti daga, idaydayawyo ni Yahweh! Dakayo a dadakkel a parsua ken amin a banag nga adda iti kaadalman iti taaw,
\v 8 apuy ken uraro, niebe ken yelo, ken napigsa nga angin nga agtultulnog iti ibilinna, ibagak kadakayo amin nga idaydayawyo ni Yahweh!

\s5
\v 9 Turturod ken banbantay, dagiti agbungbunga a kayo ken dagiti kayo a cedar,
\v 10 amin a naaatap ken naaamo nga ayup, dagiti ay-ayup nga agnanaed iti danum ken daga ken dadduma a banbanag nga aguyas iti daga, ken amin a tumatayab, ibagak kadakayo amin nga idaydayawyo ni Yahweh!

\s5
\v 11 Dakayo nga ar-ari ditoy rabaw ti daga ken amin a tattao nga iturturayanyo, dakayo a prinsipe ken dadduma a mangiturturay,
\v 12 dakayo nga agtutubo a lallaki ken babbai, dakayo a nataengan ken ubbing, tunggal maysa, idaydayawyo ni Yahweh!

\s5
\v 13 Kayatko nga agdayawda amin kenni Yahweh gapu ta natantan-ok isuna ngem ti siasinoman. Tengtenglen ti pannakabalinna ti amin a banag iti rabaw ti daga ken iti langit.
\v 14 Pinapigsanatayo, datayo a tattaona, tapno datayo nga Israelita a napateg unay kenkuana ket rumbeng nga idaydayawtayo isuna, isu nga idaydayawyo ni Yahweh!

\s5
\c 149
\p
\v 1 Idaydayawyo ni Yahweh! Kantaanyo iti baro a kanta ni Yahweh; idaydayawyo isuna tunggal aguummong dagiti napudno a tattaona!

\s5
\v 2 Agragsakkayo, dakayo nga Israelita gapu iti naaramidan kadakayo ti Dios a nangparsua kadakayo! Agrag-okayo, dakayo a tattao ti Jerusalem gapu iti naaramidan kadakayo ti Dios nga ariyo!
\v 3 Idaydayawyo ni Yahweh kadagiti panagsalsala, kadagiti pandereta, ken iti panangtuktukar kadagiti arpa a mangidaydayaw kenkuana!

\s5
\v 4 Maragragsakan ni Yahweh kadagiti tattaona; padpadayawanna dagiti napakumbaba a tattao babaen iti panangtultulongna kadakuada a mangparmek kadagiti kabusorda.
\v 5 Gapu ta nangabakda kadagiti gubat, rumbeng nga agrag-o dagiti tattao ti Dios ken agkantada a sirarag-o iti agpatpatnag!

\s5
\v 6 Masapul nga agpukkawda a sipipigsa a mangidaydayaw kenni Yahweh; ngem masapul a siiiggemda pay kadagiti natadem a kampilan,
\v 7 a nakasagana dagitoy a mausar a pangparmek kadagiti suldado dagiti nasion a saan nga agdaydayaw iti Dios ken tapno dusaen dagiti tattao dagitoy a nasion.

\s5
\v 8 Rimpongenda kadagiti kawar a landok dagiti ar-arida ken dadduma a papanguloen.
\v 9 Ukomen ken dusaenda dagiti tattao dagitoy a nasion kas insurat ti Dios a masapul a mapasamak. Raemento ti amin dagiti napudno a tattao ti Dios gapu iti panangaramidda iti dayta! Idaydayawyo ni Yahweh!

\s5
\c 150
\p
\v 1 Idaydayawyo ni Yahweh! Idaydayawyo ni Yahweh iti templona! Idaydayawyo isuna nga adda iti pagarianna iti langit!
\v 2 Idaydayawyo isuna gapu kadagiti nabibileg nga ar-aramid nga inaramidna; idaydayawyo isuna gapu ta naindaklan unay isuna!

\s5
\v 3 Idaydayawyo isuna iti napigsa a panangpuyot kadagiti trumpeta; idaydayawyo isuna iti panangtuktukar kadagiti arpa ken babassit a nakuerdasan nga instrumento!
\v 4 Idaydayawyo isuna kadagiti panagtamtambor ken panagsalsala. Idaydayawyo isuna iti panangtuktukar kadagiti nakuerdasan nga instrumento ken iti panangtuktukar kadagiti flauta!
\v 5 Idaydayawyo isuna kadagiti piangpiang; idaydayawyo isuna iti panangpag-paguni kadagiti napigsa unay a piangpiang.

\s5
\v 6 Kayatko nga agdaydayaw kenni Yahweh dagiti amin nga agbibiag a parsua! Idaydayawyo ni Yahweh!