ilo_udb/18-JOB.usfm

\id JOB
\ide UTF-8
\h Job
\toc1 Job
\toc2 Job
\toc3 job
\mt Job

\s5
\c 1
\p
\v 1 Idiay daga a managan ti Huz, adda ti maysa a lalaki nga agnagan ti Job. Nagtulnog isuna iti Dios ken kankanayonna a likliklikan ti panagaramid kadagiti dakes a banbanag.
\v 2 Addaan isuna iti pito a putot a lallaki ken tallo a putot a babbai.
\v 3 Addaan isuna iti pito a ribu a karnero, tallo a ribu a kamelio, sangaribu a kalakian a baka, ken lima gasut nga asno. Addaan pay isuna iti adu nga adipen. Isuna ti kabaknangan a tao iti amin a paset ti daya ti Karayan Jordan.

\s5
\v 4 Masansan nga agpadaya dagiti putot a lallaki ni Job kadagiti babbalayda. Tunggal agpadaya ti maysa, awisenna amin dagiti kakabsatna a lallaki ken babbai nga umay ken agkakadduada a mangan.
\v 5 Kalpasan ti tunggal panagrambak, paayaban ni Job ida ket dawatenna kenni Yahweh a dalusanna ida manipud kadagiti aniaman a basol wenno kadagiti nagkuranganda. Nasapa isuna a bumangon iti bigat, mangpatay kadagiti ayup, ken puoranna dagitoy iti rabaw ti altar a kas daton, maysa para iti tunggal maysa kadagiti putotna. Ta kankanayon nga ibagbaga ni Job, "Nalabit a nakabasol dagiti putotko ken nakaibagada iti dakes a banag maipanggep iti Dios kadagiti pusoda."

\s5
\v 6 Maysa nga aldaw, napan dagiti anghel ket naggu-ummongda iti sangoanan ni Yahweh, ket immay met ni Satanas.
\v 7 Sinaludsod ni Yahweh ni Satanas, "Sadino ti naggapuam?" Insungbat ni Satanas, "Naggapuak idiay daga, a nagdaldaliasatak iti agsubli-subli tapno makitak ti mapaspasamak."
\v 8 Kinuna ni Yahweh kenni Satanas, "Nadlawmo kadi ni Job, nga agrukrukbab kaniak? Awan ti uray maysa iti rabaw ti daga ti agdaydayaw kaniak ken agbibiag iti kasta nga umno a wagas a kas iti ar-aamidenna. Kankanayon isuna nga agkedked nga agaramid iti aniaman a kinadakes."

\s5
\v 9 Simmungbat ni Satanas kenni Yahweh, "Pudno ti imbagam, ngem daydayawennaka laeng ni Job gapu iti inaramidmo kenkuana.
\v 10 Kankanayonmo a salsalakniban isuna, ti pamiliana, ken dagiti amin a sanikuana. Pinagballigim isuna iti aniaman a trabaho nga aramidenna, ken addaan isuna iti nakaad-adu unay a taraken iti entero a dagana.
\v 11 Ngem no rautem dagiti kukuana ken alaem dagitoy, ilunodnakanto iti sangoanan ti tunggal maysa."
\v 12 Simmungbat ni Yahweh kenni Satanas, "Ket daytoy ti kayatmo nga aramidek! Ala wen, palubosanka a mangala kadagiti amin nga adda kenkuana. Ngem saanmo a dangran ti bagina." Immanamong ni Satanas ket pinanawanna ni Yahweh tapno pagpanunotanna no kasanona a darupen ni Job.

\s5
\v 13 Maysa nga aldaw kalpasan dayta, mangmangan ken umin-inom iti arak dagiti putot ni Job a lallaki ken babbai iti balay ti inauna a kabsatda a lalaki.
\v 14 Kabayatan nga ar-aramidenda dayta, dimteng ti maysa nga adipen iti balay ni Job ket kinunana kenkuana, "Kabayatan nga agar-arado dagiti bakam kadagiti taltalon ken agar-arab dagiti asno iti asideg,
\v 15 maysa a bunggoy iti lallaki manipud iti bunggoy ti Seba ti immay ket dinarupdakami. Pinatayda dagiti amin nga adipenmo nga agtrabtrabaho kadagiti taltalon ken innalada dagiti amin a baka ken asno! Siak laeng ti nakalibas nga umay mangibaga kenka iti napasamak."

\s5
\v 16 Kabayatan a kasarsaritana pay laeng ni Job, simmangpet ti maysa pay nga adipen. Kinunana kenni Job, "Nagkimat ti tangatang ket nadangran ken napapatay dagiti amin a karnero ken amin a lallaki a mangay-aywan kadagitoy! Siak laeng ti nakalibas nga umay mangibaga kenka iti napasamak."
\v 17 Kabayatan a kasarsaritana pay laeng ni Job, simmangpet ti maikatlo nga adipen. Kinunana kenni Job, "Immay ti tallo a bunggoy dagiti agtatakaw manipud iti rehion ti Kaldea ket dinarupdakami. Tinakawda dagiti amin a kamelio ken pinatayda dagiti amin a lallaki a mangay-aywan kadagitoy. Siak laeng ti nakalibas nga umay mangibaga kenka iti napasamak."

\s5
\v 18 Kabayatan a kasarsaritana pay laeng ni Job, simmangpet ti maikapat nga adipen. Kinunana kenni Job: "Agrarambak dagiti putotmo a lallaki ken babbai idiay balay ti inauna a kabsatda a lalaki.
\v 19 Ket kellaat nga adda immay a nakapigpigsa nga angin manipud iti let-ang ket dinadaelna ti balay. Narba ti balay ket naitupak kadagiti putotmo a lallaki ken babbai ket natayda amin! Siak laeng ti nakalibas nga umay mangibaga kenka iti napasamak."

\s5
\v 20 Kalpasanna, timmakder ni Job ket rinay-abna ti kagayna ken kinuskusanna ti ulona gapu ta kasta unay ti ladingitna. Kalpasanna, nagpakleb isuna iti daga tapno agdayaw iti Dios.
\v 21 Kinunana, "Idi naipasngayak, awan ti pagan-anayko. Inton matayak, saanakto a mangitugot ti aniaman a pagan-anay. Inted kaniak ni Yahweh dagiti amin a banag a kukuak, ket ita innalana amin dagitoy. Ngem kanayontayo koma a dayawen ni Yahweh!"
\v 22 Ngarud iti laksid iti amin a napasamak kenni Job, saan isuna a nagsao a kasla iti maag a tao-- saan isuna a nagbasol babaen iti panangibagana a saan a nasayaat ti inaramid ti Dios.*

\s5
\c 2
\p
\v 1 Iti sabali nga aldaw, immay manen dagiti anghel ket nagu-ummongda a sangsangkamaysa iti sangoanan ni Yahweh; ket immay manen ni Satanas.
\v 2 Sinaludsod ni Yahweh ni Satanas, "Sadino iti naggapuam iti daytoy a tiempo?" Simmungbat ni Satanas, "Naggapuak idiay daga, a pagsubli-subliak a pagdaldaliasatan tapno kitaek ti mapaspasamak."

\s5
\v 3 Sinaludsod ni Yahweh ni Satanas, "Sika, nadlawmo kadi ni Job nga adipenko, nga agrukrukbab kaniak? Agtultuloy isuna nga agdaydayaw kaniak; naidumduma isuna, ta agbibiag isuna iti wagas a nalinlinteg ngem iti siasinoman iti rabaw ti daga. Ar-aramidenna daytoy uray no ginuyugoynak a darupek isuna nga awan ti gapgapuna."

\s5
\v 4 Simmungbat ni Satanas kenni Yahweh, Agdaydayaw laeng isuna kenka gapu ta tinulongam isuna. Ited dagiti tattao ti amin a banag nga adda kadakuada tapno isalakanda ti bukodda a biag.
\v 5 Ngem no dangram ti bagina, awan duadua nga ilunodnakanto iti sangoanan ti tungal maysa!"
\v 6 Simmungbat ni Yahweh kenni Satanas, "Ala wen, mabalinmo nga aramiden kenkuana ti aniaman a kayatmo, ngem saanmo a patpatayen isuna."

\s5
\v 7 Pimmanaw ngarud ni Satanas, ket pinagsagabana ni Job babaen kadagiti naut-ot unay a letteg, manipud iti tuktok ti ulona aginggana iti dapanna.
\v 8 Nangala ni Job ti pidaso ti nabuong a banga ket kinarusna dagiti letteg iti kudilna, ken nagtugaw isuna kadagiti dapo tapno agladingit ken agdung-aw.

\s5
\v 9 Kinuna ti asawana kenkuana, "Padpadasem pay laeng kadi ti agbalin a napudno iti Dios? Ilunodmo koma ti Dios, ket ala mataykan."
\v 10 Ngem simmungbat ni Job, "Agsasaoka a kasla kadagiti tattao a saan a makaam-ammo iti Dios. Saantayo laeng koma nga awaten dagiti nasayaat a banbanag nga ar-aramiden ti Dios kadatayo. Awatentayo met koma dagiti dakes a banbanag." Isu nga iti laksid kadagitoy amin a banbanag a napasamak kenni Job, saanna a napagura ti Dios babaen iti panangibagana iti aniaman a banag a maibusor kenkuana.

\s5
\v 11 Maibilang kadagiti gagayyem ni Job ket da Elifaz manipud iti ili ti Teman, ni Bildad manipud iti daga ti Sua, ken ni Zofar manipud iti daga ti Naama. Idi nangngeganda ti maipanggep kadagiti amin a nakabutbuteng a banbanag a napasamak kenni Job, pinanawanda dagiti pagtaenganda ket nagkukuyogda a napan kenni Job tapno makipagladingit kenkuana ken tapno liwliwaenda isuna.

\s5
\v 12 Ngem idi nakitada ni Job iti adayu, dandani saanda a nabigbig isuna. Nagdung-awda iti napigsa, rinay-abda dagiti kagayda, ken nangipuruakda iti tapok iti angin a nagdisso kadagiti uloda. Inaramidda daytoy tapno maipakitada ti panakipagriknada kenkuana.
\v 13 Kalpasanna, nagtugawda iti daga a kadua ni Job iti pito nga aldaw. Awan kadakuada ti nangibaga iti aniaman a banag kenkuana, gapu ta nakitada a nakaro ti panagsagabana, ken saanda a pinanunot a ti aniaman a banag nga ibagada ket makakissay iti ut-ot a marikriknana.

\s5
\c 3
\p
\v 1 Kamaudiananna, nagsao ni Job, ket inlunodna ti aldaw a naiyanak isuna.
\v 2 Kinunana,
\v 3 "Mapukaw koma ti aldaw a naiyanakak, ti rabii a naiyanakak.

\s5
\v 4 Nasipnget koma ti aldaw a naiyanakak. Malipatan koma ti Dios nga adda idiay langit ti maipanggep iti dayta nga aldaw, ken saan koma a nagraniag ti init iti daytoy.
\v 5 Pinunno koma iti naan-anay a kinasipnget dayta nga aldaw, ken sinallakuban koma daytoy ti nangisit nga ulep ken pinukawna ti amin a lawag, a nakaigapuan ti panagbuteng dagiti tattao.

\s5
\v 6 Mapunas koma ti rabii a naiyanakak manipud iti kalendario, tapno saanen a pulos nga agparang a kas maysa a rabii iti aniaman a bulan, ken saanen a mairaman iti aniaman a kalendario.
\v 7 Awanen koma ti ubing a maiyanak manen iti dayta a petsa, ken awan koman ti agraksak manen iti dayta nga aldaw.

\s5
\v 8 Dagiti tattao a makabael a mangriing iti dakkel a parsua ti baybay---kayatko nga ilunodda ti aldaw a naiyanakak.
\v 9 Saan koma manen nga agraniag dagiti bituen a nagraniag iti agsapa iti aldaw a naiyanakak. No laeng koma dagidiay a bituen ket nagtarigagay nga awan serserbina iti lawag nga agraniag; ket saanda koma a nagraniag iti dayta nga aldaw.
\v 10 Dakes dayta nga aldaw gapu ta saan a nagserra ti aanakan ti inak; ngem ketdi, naiyanakak, ket ita napadasak amin dagitoy a nakabutbuteng a banag.

\s5
\v 11 Natayak la koman idi naiyanakak; napukawak la koman idi rimmuarak manipud iti aanakan ti inak.
\v 12 Saannak la koman a pinasangbay ti inak. Saannak la koman a pinaspasuso.

\s5
\v 13 No natayak la koma iti tiempo a naiyanakak, nakaturogak koma itan, agin-inana a sitatalna.
\v 14 Agin-inanaak koman a kadua dagiti ari a nangaramid kadagiti napintas a pagitabonan a madaddadaelen ita, ken agin-inanaak koman a kadua dagiti opisyalda a natay metten.

\s5
\v 15 Agin-inanaak koma a kaddua dagiti prinsipe a nababaknang, a dagiti palasyoda ket napno iti balitok ken pirak.
\v 16 Naitanemak la koman a kasla ubing a natay iti aanakan ni inana ken saanen a nagbiag tapno makitana ti lawag.

\s5
\v 17 Kalpasan a matay dagiti nadangkes a tattao, saandan nga agparnuay iti aniaman a riribuk; dagiti napalalo ti bannogna ita ket aginanan.
\v 18 Dagiti adda iti pagbaludan ket aginanan a sitatalna kalpasan a matayda; awanen dagiti agmanmando kadakuada a mangilunod kadakuada.
\v 19 Agpada dagiti nabaknang ken nakurapay a tattao kalpasan a matayda, ken dagiti tagabu idi ket saanen nga agtulnog kadagiti amoda.

\s5
\v 20 Apay nga ipalpalubos ti Dios nga agtultuloy nga agtalinaed a sibibiag dagiti agsagsagaba iti napalalo a kas kaniak? Apay nga ipalpalubosna nga agbiagda, dagiti nakakaasi unay?
\v 21 Kalikagumanda ti matay, ngem saanda a matay. Ad-adda a tarigagayanda ti matay ngem kadagiti tattao nga agtarigagay a makasarak ti nakalemmeng a gameng.
\v 22 Inton matay ken maipunpondan, kasta unay ti ragsakda.

\s5
\v 23 Saanko a maawatan no apay a pagtaltalinaeden ti Dios nga agbiag ti siasinoman a laplappedanna nga agragsak, ti siasinoman a pilpilitenna nga agbiag a nakakaasi.
\v 24 Agsangitak ti kasta unay; kas nagbanaganna, saanak a makapangan; umasugak a kas kalaka iti karayan nga agay-ayus.

\s5
\v 25 Amangan no mapasamak kaniak dagiti banbanag a kankanayonko a pagdandanagan----napasamak kaniak dagitoy a banbanag; dagiti banbanag a kankanayon a pagbutbutngak ket dimteng kaniak.
\v 26 Ita awan ti talna ditoy pusok; awan ti kinatalnak; saanak a makainana; ngem ketdi, addaanak laeng kadagiti pakariribukan."

\s5
\c 4
\p
\v 1 Ket simmungbat ni Elifaz kenni Job. Kinunana,
\v 2 "Pangngaasim ta palubosannak nga agsao kenka? Saankon a kabaelan ti agulimek.
\v 3 Iti napalabas, sinurwam dagiti adu a tattao, ken pinabilegmo dagiti marigatan nga agtalek iti Dios.

\s5
\v 4 Iti napalabas, idi nagsaoka kadagiti dadduma nga agsagsagaba, tinulongam ida; nabaelanda manen ti agrag-o gapu ti Dios.
\v 5 Ngem ita, no sikan a mismo ti agsagsagaba manipud kadagiti didigra, maup-upayka. Dinangrannaka dagiti didigra, ket nakla-atka.
\v 6 Ibagbagam a daydayawem ti Dios; isu nga agtaltalekka koma kenkuana, tapno saanna a palubosan nga agsagabaka. No pudno a saanka a nagbasol, natalgedka koma a saan nga ipalubos ti Dios a mapasamak kenka dagitoy a didigra!

\s5
\v 7 Panunotem daytoy: Awan ti tattao nga awan ti basolna ti matay no ubingda pay laeng! Saan a pulos a patayen ti Dios dagiti awan basolna a tattao!
\v 8 Nakitak dagitoy a napasamak: no agmula dagiti mannalon kadagiti saan a nasayaat a bukel, saan a nasayaat ti apitenda; siasinoman a mangirugi iti riribuk iti sabali iti kamaudiananna ket mangted ti riribuk iti bagina.
\v 9 Matay dagitoy a tattao no ibilin ti Dios a matayda, gapu ta makaunget unay isuna kadakuada.

\s5
\v 10 Uray no mannakabalin unay dagiti nadangkes a tattao a kasla kadagiti urbon a leon, dadaelen ida ti Dios.
\v 11 Mataydanto a kasla kadagiti nataengan a leon a matay ti bisin no awan ti mabati nga ayup a kanenda. Dagiti annakda ket maiwarawara manipud iti tunggal maysa a kasla kadagiti urbon a leon a nagsisina tapno agsapul iti taraon.

\s5
\v 12 Nakangngegak iti mensahe nga immay ti maysa a tao ken inyarasaasna kaniak.
\v 13 Nagsao isuna kaniak iti rabii idi agtagtagitnepak iti dakes a nangburibor kaniak.

\s5
\v 14 Pinagbuteng ken pinagpigergernak daytoy; pinagkintayegna dagiti amin a tulangko.
\v 15 Napartak a limmabas ti maysa nga al-alia iti sangoanak ket simgar dagiti buok nga adda iti teltelko.

\s5
\v 16 Nagsardeng daytoy, ngem saanko a makita ti pudno a langana. Ngem ammok nga adda ti parsua iti sangoanak, ket imbagana daytoy iti nakapsut a timek,
\v 17 'Awan ti tao a nalinlinteg ngem iti Dios. Awan ti tao a nasaysayaat ngem ti Dios, a nangaramid kenkuana.

\s5
\v 18 Saan a maipanamnama ti Dios a kankanayon nga agaramid iti nasayaat dagiti bukodna nga anghel; ipabpablaakna a nakaaramid ti dakes ti sumagmamano kadakuada.
\v 19 Isu nga awan duadua a saana a pagtalkan dagiti tattao nga inaramidna manipud iti tapuk ken pitak, dagiti tattao, a nalaka a dadaelen ti didigra kas ti panangdadaelmo iti akot-akot!

\s5
\v 20 Nasayaat ti salun-at dagiti tattao no dadduma iti agsapa, ngem iti rabii mataydan. Napukawdan iti agnanayon ken awan pay uray maysa a mangikaskaso.
\v 21 Maiyarigda kadagiti tolda a dagus a matuang no guyudem dagiti pasukda; matayda a dagus a saanda nga ammoan no apay."'

\s5
\c 5
\p
\v 1 "Job, awan ti manglapped kenka manipud iti panangayabmo iti siasinoman a tumulong kenka, ngem siguradoak nga awan ti anghel nga umay kenka!
\v 2 Matay dagiti nakuneng a tattao gapu ta napnoanda ti gura; tattao a nalaka a maallilaw dagiti dadduma---matay dagitoy a tattao gapu ta apalanda dagiti dadduma.
\v 3 Nakakitaak kadagiti nakuneng a tattao a kasla naballigi, ngem kellaat a nakapadasda iti didigra gapu ta inlunodko ti pagtaenganda.

\s5
\v 4 Pulos a saan a natalged dagiti annakda a lallaki; kankanayon a maab-abakda kadagiti kabusorda iti pangukoman, gapu ta awan iti siasinoman a mangikanawa kadakuada.
\v 5 Taktakawen dagiti mabisin a tattao dagiti mula nga apiten dagiti nakuneng a tattao; takawenda pay uray dagiti mula nga agtubo kadagiti kasiitan, ken alaen dagiti naagum a tattao ti kinabaknang dagiti nakuneng a tattao.

\s5
\v 6 Ngem saan a gapu iti pagtaltalonan a daga a mapasamak dagiti dakes a banbanag; saan nga agtubo dagiti pakariribukan manipud iti daga a kasla kadagiti mula.
\v 7 Dagiti tattao a mismo ti mangaramid iti pakariribukan kadagiti bagida manipud iti tiempo a naiyanakda; pudno daytoy a kas iti kinapudno nga agpangato ti gilap iti apuy.

\s5
\v 8 No agsagsagabaak a kas kenka, agpatulongak iti Dios ken ibagak kenkuana ti idaydayengdengko.
\v 9 Agar-aramid isuna kadagiti naindaklan a banbanag, banbanag a saantayo a maawatan; saantayo pay a kabaelan a mabilang dagiti nakakaskasdaaw a banbanag nga ar-aramidenna.
\v 10 Pagtudtuduenna iti daga; pagtudduenna kadagiti taltalontayo.

\s5
\v 11 Ikanawana dagiti napakumbaba, ken ikabilna dagiti agladladingit kadagiti disso a natalgedda.
\v 12 Lapdanna dagiti nasikap a tattao a mangaramid iti panggepda nga aramiden, nga agbanag nga awan ti magun-odda.
\v 13 Dagiti tattao nga agpanpanunot a nasiribda---matiliwda iti bukodda a silo; ti pagbanaganna ket saanda nga agballigi.

\s5
\v 14 Dagitoy ket kasla uray ti aldaw ket agbibiagda iti sipnget ken agar-arikapda iti aglawlaw a mangsapsapul ti dalan iti katengngaan ti aldaw a kasla iti ar-aramiden dagiti tattao iti rabii.
\v 15 Ngem isalakan ti Dios dagiti awan gawgawayna a tattao manipud kadagiti nadangkes a mangibagbaga kadagiti dakes a banbanag kadakuada; isalakanna dagiti nakurapay a tattao manipud iti panangdangran dagiti nabileg a tattao kadakuada.
\v 16 Isu a sitatalged a mangnamnama dagiti nakurapay a tattao a nasayaat a banbanag ti mapasamakto kadakuada; ngem pasardengen ti Dios dagiti nadangkes a tattao manipud iti panangibagada kadagiti dakes a banbanag.

\s5
\v 17 Ngem nagasat dagiti tubtubngaren ti Dios; isu a dimo guraen no tubngarennaka ti Dios, a makabael a mangaramid kadagiti amin a banag.
\v 18 Sugatenna dagiti tattao, ngem bedbedanna dagitoy a sugat; saktanna dagiti tattao, ngem agasanna met laeng ida.
\v 19 Ispalennakanto ti mamin-adu a daras manipud kadagiti pakariribukam, nga iti pagbanaganna ket awanto ti dakes a mapasamak kenka.

\s5
\v 20 No adda iti bassit a taraon a makan, saannanto nga itulok a matayka, ken inton adda iti gubat, saandakanto a patayen dagiti kabusormo.
\v 21 Salaknibannakanto ti Dios inton agsao ti palso, dakes a banbanag dagiti tattao maipanggep kenka; saankanto nga agbuteng inton mapukaw dagiti adu a banbanag iti aglawlawmo.
\v 22 Mabalinmonto ti agkatawa inton mapasamak dayta ken inton awanen ti makan, ken saankanto nga agbuteng kadagiti narungsot nga ayup.

\s5
\v 23 Saankanto nga agdanag maipanggep kadagiti dadakkel a bato kadagiti taltalonmo a mangparigat iti panagarado, ken saankanto nga agdanag a darupendaka dagiti narungsot nga ayup.
\v 24 Ammomto a dagiti banbanag ket agtultuloy a nasayaat kenka ken ti pagtaengam; inton bilangem dagiti tarakenmo, makitamto nga addada amin sadiay.
\v 25 Siguradokanto a maaddaanka kadagiti adu a kaputotan, a kas kaadu dagiti bulong ti ruot.

\s5
\v 26 Lumakaykanto iti kasta unay sakbay a matayka, kasla dawa iti bukel nga agtultuloy a dumakkel aginggana iti tiempo ti panagaapit ken panagirik kadagitoy.
\v 27 Naannad a pinanpanunotko ken dagiti gagayyemko ti maipanggep kadagitoy a banag, ket ammomi a pudno dagitoy, isu nga ipangagmo dagiti imbagak!"

\s5
\c 6
\p
\v 1 Ket nagsao manen ni Job kenni Elifas:
\v 2 No maikabil iti timbangan ket maitimbang dagiti amin a riribuk ken kinakakaasik,
\v 3 nadagdagsenda ngem kadagiti amin a darat iti igid ti baybay. Dayta ti makagapu a nagubsang ti panagsasaok maipanggep ti aldaw iti pannakaiyanakko.

\s5
\v 4 Kasla pinananak ti Dios a Mannakabalin amin. Kasla adda sabidong dagiti tirad dagidiay a pana, ket napan iti espirituk dayta a sabidong. Dagiti banbanag nga inaramid ti Dios kaniak ket kasla kadagiti soldado a naglilinya a mangdarup kaniak.
\v 5 Kas iti maysa nga atap nga asno a saan nga agreklamo babaen iti panagugana no adda adu a ruot a kanenna, ken saan nga agreklamo ti baka babaen iti panagemmak no adda ti taraon a kanenna, saanak nga agreklamo no pudno a tultulongandak.
\v 6 Agreklamo dagiti tattao no manganda ti taraon nga awan asinna wenno nagalis a taraon ken awan ramramanna; kasta ti pakaidiligan dagiti sasaom, Elifas.

\s5
\v 7 Saanko a kayat ti mangan iti taraon a kasla iti dayta, gapu ta makarimon kaniak daytoy, ken saanko a magustuan ti imbagayo kaniak.
\v 8 Tarigagayak nga aramiden koma ti Dios kaniak ti dawdawatek kenkuana:
\v 9 tarigagayak a dadaelennak ken palubosannak a matay. Tarigagayak nga igaw-atna ti imana ket alaenna ti biagko.

\s5
\v 10 No aramidenna dayta, maliwliwaak gapu ta ammok nga iti laksid iti nakaro nga ut-ot a sinagabak, kankanayon a tinungpalko ti imbilin ti Dios, ti Nasantoan.
\v 11 Ngem ita awan ti naan-anay a pigsak a mangibtur kadagitoy a banbanag. Ken agsipud ta awanen ti namnamaek iti masakbayan, narigat para kaniak ita ti agbalin a naanus.

\s5
\v 12 Saanak a napigsa a kas kadagiti bato, ken saan a naaramid iti bronse ti bagik.
\v 13 Isu a saanko a kabaelan a tulongan ti bagik; saanak a naan-anay a nasirib para iti dayta.

\s5
\v 14 No adda iti adu a pakariribukan ti maysa a tao, naimbag koma kenkuana dagiti gagayyemna, uray no isardengnan ti mangidaydayaw iti Dios a Mannakabalin amin.
\v 15 Ngem saankayo a mapagtalkan, dakayo a gagayyemko. Kaslakayo waig idiay let-ang: Aglupiasda iti igidda iti panawen ti panagtutubo,
\v 16 no paglupiasen dagiti marunrunaw a yelo ken niebe dagitoy,
\v 17 ngem no dumteng ti panawen ti igaaw, awan ti danum nga agayus kadagitoy a waig, ket mamagaan dagiti pagayusan.

\s5
\v 18 Aglikko dagiti bunggoy dagiti agdaldaliasat nga agtagtagilako kadagiti dalanda nga agbirok iti danum, ngem awan ti danum kadagiti pagayusan ti waig, isu a matay dagiti agtagtagilako idiay disierto.
\v 19 Nagbirok iti danum dagiti lallaki kadagidiay a bunggoy dagiti agdaldaliasat gapu ta masiguradoda a makabirokda.
\v 20 Ngem saanda a nakabirok iti uray ania, isu a naupayda iti kasta unay.

\s5
\v 21 Kasta met, dakayo a gagayyemko ket saandak a pulos a tinulungan! Nakitayo a napasamak kaniak dagiti nakabutbuteng a banbanag, ket mabutengkayo ta amangan no aramiden met ti Dios kadakayo ti isu met laeng a banag.
\v 22 Kalpasan a napukawko dagiti amin a kinabaknangko, saanak a dimmawat iti kuarta iti siasinoman kadakayo. Saanak a nagpakpakaasi iti siasinoman kadakayo a busbusenyo ti sumagmamano a kuartayo a mangtulong kaniak.
\v 23 Saanko a pulos kiniddaw iti siasinoman kadakayo nga ispalendak manipud kadagiti kabusorko, ken saanko a dinawat kadakayo nga isalakandak manipud kadagiti nangidadanes kaniak.

\s5
\v 24 Sungbatandak ita, ket agulimekakton, ibagayo kaniak no ania ti inaramidko a saan a nasayaat!
\v 25 No agsao dagiti tattao iti pudno, saan a mapasakitan dayta a kinapudno ti tao a makangkangngeg iti daytoy, ngem saan a pudno dagiti dinillawyo nga inaramidko, isu nga awan iti napaneknekanyo idi ibagbagayo dagidiay a banbanag.

\s5
\v 26 Siak ti tao nga awanen ti namnamaenna, ngem padpadasendak a tubngaren, ket impagarupyo nga awan iti serserbi dagiti ibagbagak a kas iti angin!
\v 27 Saankayo a makipagrikrikna kaniak kadagiti amin a banbanag a sagsagabaek. Aramidenyo ti aniaman a banag tapno makagun-odkayo iti maysa a banag para kadagiti bagbagiyo! Makiay-ayamka pay tapno maammoanyo no siasino iti makaala iti ubing nga awan nagannakna a kas gun-gona!

\s5
\v 28 Pangngaasiyo ta kitaendak! Saanak nga agulbod kabayatan a makitutungtungak kadakayo.
\v 29 Isardengyo ti mangibagbaga a nagbasolak, ket isardengyo ti saan a patas a panangdildilawyo kaniak! Maamirisyo a saanak a nagaramid kadagiti dakes a banbanag.
\v 30 Panpanunotenyo kadi nga agul-ulbodak? Saan, saanak nga agul-ulbod, gapu ta ammok ti nasayaat nga ibagak ken ti dakes."

\s5
\c 7
\p
\v 1 Masapul nga agtrabaho ti kasta unay dagiti tattao iti daytoy a daga a kas iti ar-aramiden dagiti soldado; kabayatan dagiti amin a tiempo a sibibiagtayo, masapul nga agtrabahotayo a kas kagaget iti nabayadan a trabahador.
\v 2 Kaslatayo tagabu nga agtultuloy nga agtartarigagay iti kinalammiis ti rabii, ken kaslatayo trabahador nga agtultuloy nga agur-uray a matangdanan.
\v 3 Inikkannak ti Dios iti adu a bulan a pagpanpanunotak nga awan serserbina ti agtalinaed a sibibiag; intudingna kaniak ti adu a rabii a marikriknak a kakaasiak.

\s5
\v 4 No agiddaak iti rabii kunak, 'Kasano pay kabayag agingga a bumangonak?' Ngem atiddog dagiti rabii, ket bumanalikidak iti pagiddaak agingga iti parbangon.
\v 5 Nalapunos ti bagik kadagiti igges ken keggang; agnannana dagiti saan pay naimbag sugatko.

\s5
\v 6 Aglabas dagiti al-aldawko a kas kapartak ti barkilia iti umaabel; inton agleppas ti maysa nga aldaw, saanko a pulos a namnamaen a sumaysayaat dagiti banbanag iti sumaruno nga aldaw.
\v 7 O Dios, saanmo a liplipatan a ti biagko ket kas kaababa ti maymaysa nga anges; panpanunotek a saankonton a pulos a mapadasan ti agragsak.

\s5
\v 8 O Dios, makitkitanak ita, ngem iti maysa nga aldaw, saannakton a makita. Birukennakto, ngem awanakton gapu ta natayakon.
\v 9 Kas iti panaglabas ken panagpukaw ti ulep, matay ti tao ket bumaba iti lugar nga ayan dagiti natay a tattao, ket saandanton nga agsubli;
\v 10 saandanton pulos nga agsubli kadagiti babbalayda, ken saanton a malagip ida dagiti tattao a sibibiag pay.

\s5
\v 11 Isu a saanak nga agulimek, kabayatan nga agsagsagabaak, agsaoak; agreklamoak iti Dios maipanggep iti napasamak kaniak gapu ta makapungtotak unay.
\v 12 O Dios, apay a siiinget a buybuyaem ti ar-aramidek? Ipagarupmo kadi a maysaak a nakaam-ammak a parsua iti baybay?

\s5
\v 13 No agiddaak iti rabii, kunak iti bagik, 'Maturogak ket agsardeng ti panagsagsagabak; makissayanto ti ut-ot a sagsagabaek kabayatan a matmaturogak.'
\v 14 Ngem ik-ikkannak kadagiti tagtagainep a mangbutbuteng kaniak; ik-ikkannak kadagiti sirmata a mangbutbuteng kaniak;
\v 15 pagtarigagayennak dagitoy a banbanag nga adda koma ti mangbekkel kaniak agingga a matayak, ngem ti agtultuloy nga agbiag idinto a tulangak laengen.

\s5
\v 16 Kagurak ti agtultuloy nga agbibiag; saankon a kayat ti agbiag iti ad-adu pay a tawen. Palubosannak nga agmaymaysa, gapu ta agbiagak iti ababa laengen a tiempo.
\v 17 Saankami unay a napateg a tattao; isu nga apay a kitkitaendakami iti kasta unay?
\v 18 Binigat a kitkitaennakami tapno kitaem ti ar-aramidenmi, ken suksukimatennakami iti tunggal kanito tapno kitaem no ar-aramidenmi ti umno.

\s5
\v 19 Kaanoka a sumardeng a mangkitkita kaniak ken panawannak nga agmaymaysa iti ababa a tiempo, a makaanayen a tilmunek ti bukodko a tupra?
\v 20 Apay a kankanayon a buybuyaennak? No agbasolak, awan duadua a saannaka a dangran dayta! Apay nga insaadnak a kasla punteria a tirwen? Ibilangnak kadi a maysa a dadagsen a mapilpilitanka a mangawit?

\s5
\v 21 No nagbasolak, saannak kadi a mapakawan kadagiti dakes a banbanag a naaramidko? Iti saan nga agbayag agiddaakon iti tanemko; birukennakto, ngem saannakton a mabirukan gapu ta natay ken awanakon.”

\s5
\c 8
\p
\v 1 Ket nagsao ni Bildad, a naggapu iti lugar ti Sua, kenni Job. Kinunana,
\v 2 "Job, kasano pay kabayag nga agsaoka iti kastoy? Dagiti ibagbagam ket awan serserbina a kas iti napigsa nga angin.
\v 3 Awan duadua a saanto a pulos nga agaramid ti Dios a Mannakabalin amin iti aniaman a banag a saan a patas. Kankanayon nga ar-aramidenna ti nalinteg.

\s5
\v 4 Nagbasol dagiti annakmo kenkuana, nalawag daytoy gapu ta dinusana ida kadagidiay a dakes a banbanag.
\v 5 Ngem ita, no laeng sipapasnekka nga agkiddaw iti Dios a Mannakabalin amin a tulongannaka!

\s5
\v 6 No laeng nasin-aw ken napudnoka! Ket awan duadua nga agaramid isuna iti nasayaat a banag para kenka ken gun-gonaannaka babaen iti panangisublina iti pamiliam kenka ken panangparang-ayna kenka.
\v 7 Uray no saanka unay a narang-ay idi, iti maud-udi a paset ti biagmo, agbalinkanto a nakabakbaknang.

\s5
\v 8 Kiddawek kenka a panunotem ti maipanggep iti napasamak iti nabayagen a tiempo, ket panunotem ti naduktalan dagiti kapuonantayo.
\v 9 Uray no kasla naiyanaktayo laeng idi kalman, ket bassit laeng ti ammotayo; apagbiit laeng ti tiempotayo ditoy daga, kasla anniniwan nga adda ditoy ket kalpasanna mapukaw.
\v 10 Isu nga apay a saanmo a palubosan dagiti kapuonam a suroandaka iti aniaman a banag? Palubosam nga ibagada kenka ti naadalda!

\s5
\v 11 Awan duadua a saan a dumakkel ti badobadok iti adayo ti lubnak; awan duadua nga saan a dumakkel ti runo iti lugar nga awan iti danumna.
\v 12 No mamagaan ti danum kabayatan nga agsabsabongda, naparpartak a malaylay dagitoy ngem kadagiti sabali a mula.

\s5
\v 13 Dagiti saan a mangipangpangag iti ibagbaga ti Dios ket kasla kadagiti runo; agsardeng dagiti tattao nga awan ti diosna a sitatalek a mangnamnama a mapasamak dagiti nasayaat a banbanag kadakuada.
\v 14 Saan a mapasamak dagiti banbanag a sitatalek a namnamaenda a mapasamak; dagiti banbanag a namnamaenda a mangtulong kadakuada ket kas karukop ti saput ti lawalawa.
\v 15 No agsadagda iti balay, maigabor daytoy kadakuada; no kumpetda kadagiti banbanag tapno natalgedda, saan nga agtalinaed nga natibker dagidiay a banbanag.

\s5
\v 16 Dagiti tattao nga awan ti diosna ket maiyarig kadagiti mula a nasibugan sakbay a sumingising ti init: agwaras dagiti saringitda iti entero a minuyongan.
\v 17 Agkawikaw dagiti ramut dagitoy a mulmula kadagiti gabsuon dagiti bato ken siiirut a kumpet dagitoy kadagiti batbato.
\v 18 Ngem no paruten ti agmumula dagitoy a mula, kasla ibagbaga ti lugar a nakaimulaanda a, 'Saanda a pulos nga adda ditoy!' Kasta ti mapasamak kadagiti nadadangkes a tao a saan a mangipangpangag kadagiti ibagbaga ti Dios.

\s5
\v 19 Pudno, daytoy amin ti rag-o nga adda kadagiti dakes a tattao: umay lattan ti sabali a tao ket alaenda dagiti lugarda.
\v 20 Isu, nga ibagak kenka, Job, saannaka nga ilaksid ti Dios no raemem isuna, ngem saanna a tulongan dagiti dakes a tattao.

\s5
\v 21 Kankanayon a pagkatawaen ken pagpukkawennaka a sirarag-o.
\v 22 Ngem mababainto iti kasta unay dagiti manggurgura kenka, ken mapukawto dagiti pagtaengan dagiti nadangkes a tattao."

\s5
\c 9
\p
\v 1 Ket simmungbat ni Job,
\v 2 "Wen, wen, ammok. Ngem kasano nga ibaga ti siasinoman iti Dios, 'Awan basolko'?
\v 3 No kayat ti maysa a tao ti makisinnupiat iti Dios maipanggep iti dayta, mabalin nga agdamag ti Dios kenkuana iti sangaribo a salsaludsod ket saan a a masungbatan dayta a tao ti aniaman kadagitoy!

\s5
\v 4 Nasirib unay ken mannakabalin ti Dios; awan a pulos ti nagballigi kadagiti nangpadas a nakisinnupiat kenkuana.
\v 5 Maiyakarna uray dagiti bantay iti gingined nga awan ti pangibagbagaanna sakbay a mapasamak. No makapungtot isuna, baliktadenna dagiti bantay.
\v 6 Mangibaon isuna kadagiti gingined a manggungun iti daga; paggun-gonenna dagiti pundasion ti daga.

\s5
\v 7 Adda dagiti aldaw a kasaritana ti init, ket saan nga agsingising daytoy, ken adda dagiti rabii a lappedanna dagiti bituen nga agraniag.
\v 8 Isuna laeng ti nangbinnat [mangbinbinnat] iti tangatang; isuna laeng ti makaisawsaw ti sakana kadagiti dalluyon ket mangpasardeng iti kinadawelda.
\v 9 Insaadna dagiti bunggoy dagiti bituin kadagiti luglugarda- ti Oso, Orion, ti Pleiades, ken dagiti bunggoy dagiti bituen iti akin abagatan a tangatang.

\s5
\v 10 Agar-aramid isuna kadagiti naindaklan a banbanag a saantayo a maawatan; agar-aramid isuna kadagiti ad-adu pay a nakakaskasdaaw a banbanag ngem iti kabaelantayo a bilangen.
\v 11 Lumabas isuna iti ayanko, ngem saanko isuna a makita, magmagna isuna nga umadayo, ngem saanko isuna a makita a mapmapan.
\v 12 No kayatna a rabsuten ti maysa a tao nga iyadayo, awan ti makalapped kenkuana, awan ti makaitured nga agsaludsod kenkuana, "Apay nga ar-aramiden dayta?"

\s5
\v 13 Saan a nalaka nga agsardeng ti panagpungtot ti Dios; pinarmekna dagiti adipen ni Rahab, ti dakkel a mangbutbuteng iti baybay.
\v 14 No ipannak ti Dios iti pangukoman, ania ti maibagak tapno masungbatak isuna?
\v 15 Uray no awan ti basolko, saankonto a masungbatan isuna. Ti laeng mabalinko nga aramiden ket agkiddaw iti Dios, ti ukomko, nga agtignay isuna a siaasi kaniak.

\s5
\v 16 No paayabak isuna nga umay iti pangukoman ket kunana nga umay isuna, saanak a mamati nga ipangagna dagiti ibagak.
\v 17 Mangibaon isuna kadagiti bagyo a mangba-ot kaniak, ken sinugatnak iti namin-adu a daras nga awan iti aniaman a gapgapuna.
\v 18 Kasla saannak a palubosan nga aganges gapu ta pagsagsagabaennak iti amin a tiempo.

\s5
\v 19 No padasek ti makigabbo kenkuana, awan pulos ti wagas a maabakko isuna, gapu ta napigpigsa isuna ngem siak. No ayabak isuna nga agparang iti pangukoman, awan ti siasinoman a makapilit kenkuana a mapan sadiay.
\v 20 Uray no awan ti basolko, aniaman nga ibagak ket panggapuanna a mangdusa kaniak; uray no awan ti naaramidko nga aniaman a dakes, paneknekanna latta a nagbasolak.

\s5
\v 21 Awan ti inaramidko nga aniaman a dakes, ngem saanen a napateg dayta gapu ta awanen bibiangko no ania ti mapasamak kaniak. Kagurgurak ti agbibiag.
\v 22 Awanen ti napateg kaniak gapu ta pukawennatayo amin ti Dios, dagiti awan basolna ken dagiti nadangkes.
\v 23 Inton makapadas dagiti tattao ti didigra ket isu ti dagus a pakatayanda, katawaan ti Dios daytoy, uray no awan ti basolda.
\v 24 Impalubos ti Dios nga iturayan dagiti nadangkes a tattao dagiti paspasamak iti lubong. Kasla binulsekna dagiti ukom, saandan a makaukom iti patas. No saan a ti Dios ti nangaramid iti dayta, siasino ngarud ti nangaramid iti daytoy?

\s5
\v 25 Nagpartak unay nga aglabas dagiti al-aldawko, a kas iti napartak a tumataray a manglaslas iti sabali, kasla tumartaray nga umadayo dagiti aldaw, ket awanen ti nasayaat a mapaspasamak kaniak.
\v 26 Napartak unay nga aglabas ti biagko, a kas kapartak ti panaglayag ti maysa a bangka a naaramid manipud kadagiti runo wenno kas ti panangsippayot ti agila a mangtiliw iti maysa nga ayup.

\s5
\v 27 No umisemak ket ibagak iti Dios, 'Lipatekon ti maipanggep iti irekreklamok; isardengkon ti agladingit ket padasek ti agbalin a naragsak,'
\v 28 ket mabutengak gapu kadagiti amin a sagsagabaek gapu ta ammok nga saan nga ibilang ti Dios nga awan ti basolko.
\v 29 Ukomennakto met laeng, isu nga apay pay laeng a padpadasek nga awan mamaaayna nga ikanawa ti bagik?

\s5
\v 30 No buguak ti bagik iti niebe wenno dalusak dagiti imak iti arak tapno maikkat ti basolko,
\v 31 ipuruaknakto latta iti nakarugrugit nga abot; kas pagbanaganna, kaslanto uray dagiti kawesko ket karimondak.

\s5
\v 32 Saan a tao ti Dios, a kas kaniak, isu nga awan pulos iti wagas a masungbatak isuna tapno paneknekak nga awan ti basolko no mapankami a dua iti pangukoman.
\v 33 Awan ti mangibaet, awan ti siasinoman nga addaan iti turay kadakami.

\s5
\v 34 Tarigagayak nga adda koma ti mangpasardeng iti Dios iti panangpasagabana kaniak ket saannan nga ituloy iti mangbutbuteng kaniak.
\v 35 No inaramidna dayta, saanak nga agamak kenkuana a mangipaduyakyak nga awan ti basolko gapu ta ammok iti bagik nga awan ti naaramidko a dakes a kas iti pannanunoten ti Dios nga inaramidko.

\s5
\c 10
\p
\v 1 Kagurakon ti agbiag pay. Saanak nga agsardeng a mangibagbaga no apay nga agrirririak. Agsipud ta nalidayak unay, agsaoak.
\v 2 Ibagak iti Dios, 'Saanmo laeng nga ibaga a rumbeng a dusaennak; maysa pay, ibagam kaniak ti dakes a nakitam nga inaramidko.
\v 3 Makaay-ayo kadi kenka nga idadanesnak, a baybay-annak, a pinarsuam, ken kasta met a tulongam dagiti nadangkes a tattao a mangaramid kadagiti banbanag a pangpanggependa nga aramiden?

\s5
\v 4 Maawatam kadi dagiti banbanag a kas iti panangawatmi a tattao?
\v 5 Agbiagka kadi laeng iti sumagmamano a tawtawen, a kas kadakami?
\v 6 Isu nga apay nga itultuloymo a sapulen dagiti nagbiddutak ken anupem dagiti basbasolko?
\v 7 Ammom nga awan basolko, ken awan ti uray maysa a makaispal kaniak manipud iti pannakabalinmo.

\s5
\v 8 Pinarsuanak babaen kadagiti imam ken binukelmo ti bagik, ngem ita ikedkeddengmo a saanmo koma nga inaramid dayta, ken daddadaelennak ketdi.
\v 9 Saanmo a liplipatan nga inaramidnak manipud iti maysa a pidaso ti pitak; pagbalinennak kadi manen a daga?

\s5
\v 10 Pudno a binukelnak idi naisikogak, ket pinagkakamangnak iti uneg ti tiyan ti inak.
\v 11 Pinagkakamangmo dagiti tulangko agraman dagiti pempennet, ket binungonmo dagitoy iti lasag iti uneg ti kudilko.

\s5
\v 12 Pinagbiagnak; sipupudno nga inayatnak, ken siaannad nga inaywanannak.
\v 13 Ngem inlimedmo ti pangpanggepem nga aramiden kaniak; masiguradok a pangpanggepem nga aramiden kaniak dagitoy a banbanag.
\v 14 Agbuybuyaka tapno makitam no agbasolak, tapno no agbasolak, agkedkedka a mangpakawan kaniak.

\s5
\v 15 No nadangkesak a tao, namnamaek a nakabutbuteng koma a banbanag ti mapasamak kaniak. Ngem uray no nalintegak, masapul nga idumogko latta ti ulok ken agbainak gapu ta naibabainak unay ken mariknak a nakakaasiak.
\v 16 Ket no natangsitak, anupennak a kas iti pananganup ti leon kadagiti ayup tapno patayenna, ket agtigtignayka a sipipigsa a mangdangran kaniak.

\s5
\v 17 Agbirbirukka a kanayon iti ad-adu a saksi a mangpaneknek a nakaaramidak iti dakes, ken agtultuloyka a makaung-unget kaniak. Kasla kankanayonka a mangiy-iyeg kadagiti baro a buyot a mangdarup kaniak.

\s5
\v 18 O Dios, apay nga impalubusmo a maiyanakak? Natayak la koman idi naipasngayak, ket awan pulos ti nakakita kaniak.
\v 19 Panagkunak ket nasaysayaat no nailayonak a naiyapan iti tanem manipud iti tiyan ti inak ngem iti agbiagak.

\s5
\v 20 Panpanunotek nga adda laengen ti sumagmamano nga aldaw nga agtalinaedak a sibibiag; isu a palubosannak nga agmaymaysa, tapno maaddaanak iti bassit a kapia
\v 21 sakbay a mapanak iti lugar a saanakton pulos nga agsubli, lugar a kankanayon a naliday ken nasipnget unay,
\v 22 maysa a lugar iti kinasipnget ken nasipnget nga aniniwan nga amin a banag ket matikaw ken uray pay ti bassit a lawag sadiay ket kasla kinasipnget."'

\s5
\c 11
\p
\v 1 Ket ni Zofar, ti gayyem a manipud iti rehion ti Naamah ket imbagana daytoy kenni Job:
\v 2 "Rumbeng kadi nga awan ti uray maysa a mangsungbat kadagiti amin nga imbagam? Gapu laeng ta adu ti insaom, saan a rumbeng a dayta a kinaagpayso ti mangallukoy kadakami a mangiwaragawag nga awan basolmo.
\v 3 Job, pagulimekennakami kadi dagiti ubbaw a sasaom? No pagaangawam ti panpanunotenmi, awan duadua a masapul nga adda ti mangtubngar kenka ken pabainannaka!

\s5
\v 4 Ibagam, 'Pudno ti ibagak; ammo ti Dios nga awan basolko.'
\v 5 Ngem tarigagayak nga agsao koma ti Dios ket mangibaga iti maysa a banag a mangsungbat kenka!
\v 6 Ammo ti Dios amin maipapan iti amin a banag, isu a tarigagayak nga ibagana koma kenka dagiti palimed nga ammona gapu ta nasirib isuna. Nasayaat no naamirismo a dusdusaennaka ti Dios iti nalaglag-an ngem iti rumbeng koma a pannakadusam!

\s5
\v 7 Ibagam kaniak, matakwataam kadi dagiti banbanag maipapan iti Dios a narigat unay a maawatan? Matakwatam kadi dagiti amin a mabalin a maammoan maipapan iti Mannakabalin amin a Dios?
\v 8 Ti maammoan maipapan iti Dios ket dakdakkel ngem iti kaadayo ti daga manipud iti langit; isu nga awan ti wagas a maawatam amin daytoy. Nalawlawa daytoy ngem ti kaadayo manipud ditoy agingga iti lugar dagiti natay; isu a saan a nakapapati a maammoam amin daytoy.
\v 9 Ti mabalin a maammoan maipapan iti Dios ket nalawlawa ngem iti daga ken nalawlawa ngem iti taaw.

\s5
\v 10 No umay ti Dios kenka ket ibaludnaka ken ukomennaka, siasino ti makalapped kenkuana?
\v 11 Ammona no siasino dagiti tattao nga awan pategna; ket no makakita isuna iti tattao nga agar-aramid iti nadangkes a banbanag, awan duadua a saanna ida a palabsen.
\v 12 Mangrugi a sumirib dagiti nakuneng a tattao a kas kenka no aganak dagiti atap nga asno iti tattao.

\s5
\v 13 Job, agbabawika ket ipakumbabam ti pusom; itag-aymo dagiti imam iti Dios ket agpakaasika kenkuana.
\v 14 No nakaaramidka kadagiti dakes a banbanag, isardengmo ti panangar-aramidmo kadagitoy; ken saanmo nga itulok nga agaramid dagiti siasinoman a tattao iti balaymo kadagiti nadangkes nga ar-aramid.

\s5
\v 15 No aramidem dayta, awan duadua a kabaelam nga itangad ti ulom, gapu ta saankanto nga agbain; napigsakanto ken saan a mabuteng iti aniaman a banag.
\v 16 Malipatamto amin a pakariribukam; kasladanto kadagiti danum a nagayos amin ket namagaan.
\v 17 Agpatingganto dagiti pakariribukam, kas iti panagleppas ti kinasipnget iti parbangon; kasla agranranniagto ti init kenka, kas iti panagranniagna iti katengngaan ti aldaw.

\s5
\v 18 Natalgedkanto, gapu ta sitatalekkanto a nasayaat a banbanag ti mapasamak kenka; salaknibannakanto ti Dios ket ituloknaka nga aginana a sitatalged iti tunggal rabii.
\v 19 Agiddaka a maturog, ket awanto ti pagbutngam. Ket umayto dagiti adu a tattao ket dawatenda kenka maassianka kadakuada.

\s5
\v 20 Ngem saan a maawatan dagiti nadangkes a tattao no apay a mapaspasamak kadakuada dagiti dakes a banbanag; awanto ti aniaman a wagas a makalibasda manipud kadagiti pakariribukanda. Ti laeng kayatda nga aramiden ket ti matay."

\s5
\c 12
\p
\v 1 Ket kinuna ni Job kadagiti tallo a gagayemna,
\v 2 "Awan duadua a dakayo dagiti tattao a rumbeng a denggen dagiti tattao, ket inton mataykayo, awanton ti nasisirib a tattao a sibibiag.
\v 3 Ngem adaanak iti nasayaat a panunot a kas kadakayo; saanak a nakunkuneng ngem dakayo. Awan duadua nga ammo ti amin dagiti imbagayo.

\s5
\v 4 Katkatawaandak ita dagiti amin a gagayyemko. Kankanayon idi a dawdawatek iti Dios a tulongannak, ket kankanayon a sungbatannak. Nalintegak, ken padpadayawak ti Dios, ngem katkatawaandak itan dagiti amin a tattao.
\v 5 Nalaka para kadagiti tattao a kas kadakayo, nga awanan iti pakariribukan, a katawaan dagiti tattao a kas kaniak; ad-adda a rirriribukendakami a siguden nga agsagsagaba.
\v 6 Ita a tiempo, sikakapia nga agbibiag dagiti bandido, ket awan ti mangpangpangta kadagiti mangpapaunget iti Dios; ti dios a daydayawenda ket ti bukodda a pigsa.

\s5
\v 7 Ngem saludsodem dagiti atap nga ayup no ania ti ammoda maipanggep iti Dios; no makasaoda, suroandaka. No mabalinmo a saludsoden dagiti billit, ibagada kenka.
\v 8 No mabalinmo a saludsoden dagiti parsua nga agkarkarayam iti rabaw ti daga, wenno ti lames iti baybay, ibagada kenka ti maipanggep iti Dios.

\s5
\v 9 Awan duadua nga ammoda amin a ni Yahweh ti nangaramid kadakuada babaen kadagiti imana.
\v 10 Idaldalanna dagiti biag dagiti amin a sibibiag a parsua; ik-ikkannatayo amin a tattao iti anges tapno agbiagtayo.

\s5
\v 11 No mangngegmi ti ibaga dagiti tattao a kas kadakayo, panunotenmi a naimbag ti maipanggep iti ibagada tapno ammoenmi ti nasayaat ken ti dakes, a kas iti panangramanmi iti makan tapno maammoanmi ti naimas ken namadi.
\v 12 Gagangay a nasisirib unay dagiti nataengan a tattao; gapu ta nagbiagda iti nabayag a tiempo, makaawatda unay.

\s5
\v 13 Ken nasirib ken mannakabalin unay ti Dios; addaan isuna iti nasayaat a pannakaawat ken maawatanna amin a banag.
\v 14 No rebbaenna ti maysa a banag, awan ti makaibangon manen iti daytoy; no ibaludna ti maysa a tao, awan ti makailukat iti ruangan tapno palubosanna dayta a tao a makalibas.
\v 15 No lapdanna ti panagtinnag ti tudo, matianan amin a banag. No pagtudoenna iti napigsa, ti banagna ket adda ti layus.

\s5
\v 16 Isuna ti pudno a napigsa ken nasirib, iturturayanna dagiti mangal-allilaw iti sabali ken dagiti al-allilawenda.
\v 17 Ik-ikatenna no maminsan dagiti kinasirib dagiti opisial ti ari ken agladingit gapu iti daytoy ken pagbalbalinenna a maag dagiti ukom.
\v 18 Alaenna manipud kadagiti ari dagiti arkos nga isusuotda ket ikkanna ti nakersang a lupot dagiti siketda, a mamagbalin kadakuada a tagabu.

\s5
\v 19 Pagladingitenna pay dagiti papadi, ken ik-ikkatenna ti pannakabalin manipud kadagiti mangidadaulo kadagiti sabali.
\v 20 Ar-aramidenna pay no maminsan a saan a makasao dagiti pagtaltaltalkan dagiti sabali, ket aramidenna a saan a makaawat a naimbag dagiti nataengan a tattao.
\v 21 Ar-aramidenna a laisen dagiti tattao dagiti mangiturturay, ket pakapsutenna dagiti mannakabalin.

\s5
\v 22 Ipakpakitana kadatayo dagiti nailimed a banbanag, uray pay dagiti banbanag nga adda iti lubong dagiti natay.
\v 23 Ar-aramidenna a nabileg dagiti sumagmamano a nasion, ket kalpasanna dadaelennanto dagitoy; palpalawaenna dagiti masakupan dagiti sumagmamano a nasion, ket kalpasanna iyegnanto dagiti sabali tapno parmekenda ida ket alaenda ida nga agbalin a balud.

\s5
\v 24 Pagbalbalinenna a maag dagiti sumagmamano a mangiturturay, ket pagalla-allaenna ida, a mapukpukaw, a kasla addada iti let-ang nga awan ti pagruaranda.
\v 25 Kasla agar-arikapda iti kasipngetan, nga awan ti aniaman a silawda; kaslada la nabartek, a saanda nga ammo ti rumbeng nga aramidenda."

\s5
\c 13
\p
\v 1 "Nakitak aminen a nakitayo, ken nangngegko ken naawatak amin nga imbagayo.
\v 2 Ti ammoyo, ammok met; saan a nababbaba ti ammok ngem dakayo.

\s5
\v 3 Ngem kayatko ti makisarita iti Mannakabalin amin a Dios, saan a kadakayo; kayatko ti makisuppiat kenkuana ken ipakitak kenkuana nga awan basolko.
\v 4 Maipapan kadakayo, mangibagbagakayo kadagiti inuulbod ken saanyo a palubosan dagiti tattao a mangammo kadagiti saan a nasayaat a kinapudno, kas iti maysa a tao a mangabbong iti naalas a rabaw ti diding babaen iti puraw a pangabbong. Kaslakayo amin mangngagas nga aglaklako iti awan serbina nga agas kadagiti tattao.
\v 5 Tarigagayak nga agulimekkayo koma; nasirsirib dayta ngem iti aniaman a banag nga imbagayo kaniak.

\s5
\v 6 Dumngegkayo iti ibagak kadakayo ita; dumngegkayo kabayatan nga ibagbagak ti pudno maipanggep iti bagik.
\v 7 Mangibagbagakayo kadagiti inuulbod a mangtulong iti Dios; ibagbagayo ti inuulbod tapno tulonganyo isuna!
\v 8 Pudno a kayatyo a nasingpetkayo kenkuana babaen iti panangikanawayo iti inaramidna, saan kadi? Kasla padpadasenyo a paneknekan iti pangukoman nga awan basolna!

\s5
\v 9 Ngem no isuna, nga agtugtugaw a kas ukom, kitaennakayo a naimbag, maduktalanna a dakes ti ar-aramidenyo kenkuana! Inallilawyo dagiti sabali a tattao, ngem saanyo a panunoten a mabalinkayo nga agulbod maipanggep kenkuana iti pangukoman ket ibagayo nga ikankanawayo isuna!
\v 10 No mangibagakayo kadagiti nasikap a banbanag a mangallukoy iti Dios tapno annamungannakayo, awan duadua a tubngarennakayo.

\s5
\v 11 Awan duadua nga iyegna ti amin a pigsa ti pannakabalinna a maibusor kadakayo; mabutengkayonto kenkuana iti kasta unay.
\v 12 Ti imbagayo—dagiti banbanag nga ipagarupyo a nakasirsirib—ket awan serserbina a kasla dapo; ti imbagayo a panangikanawayo iti panagpanpanunotyo ket saan a nasaysayaat ngem iti pitak a nabiit a maregreg.

\s5
\v 13 Isu nga agulimekkayo ket palubosandak nga agsao; kalpasan dayta, awan aniamanna no ania ti mapasamak kaniak.
\v 14 Nakasaganaak a mangipusta iti biagko; nakasaganaak pay a mangipusta a papatayennak ti Dios gapu iti ibagak.
\v 15 No papatayennak, ket awanen ti siasinoman a sitatalged a namnamaek a mangtulong kaniak, ngem ikanawak latta ti kababalinko iti presensiana.

\s5
\v 16 Awan ti nadangkes a tao a situtured a tumakder iti presensia ti Dios, ngem gapu ta ibagbagak nga awan ti naaramidko a dakes a banbanag, nalabit, a no mapaneknekak dayta iti Dios, iwaragawagnanto nga awan basolko."
\v 17 "O Dios, dumngegka a naimbag iti ibagak; ipangagnak.

\s5
\v 18 Nakasaganaak a makisuppiat nga awan basolko, ket ammok nga iwaragawagmonto met nga awan basolko.
\v 19 Saanko a panunoten nga ibagam wenno ti siasinoman a palso ti ibagak; no inaramidmo ti kasta, ket saanakon nga agsao, ket matayakon.

\s5
\v 20 Dawdawatek kenka nga agaramidka iti dua a banag para kaniak; no aramidem dagitoy, saankon a padasen ti aglemmeng manipud kenka.
\v 21 Ti umuna a dawatek ket isardengmo ti panangdusdusam kaniak, ken ti maikadua a dawatek ket isardengmo ti mangbutbuteng kaniak.
\v 22 Agsaoka nga umuna, ket sumungbatak; wenno ipalubosmo nga agsaoak nga umuna, ket sumungbatka.

\s5
\v 23 Ania ti inaramidko a dakes? Ania dagiti nagbasolak? Ipakitam kaniak no kasano a sinukirka.
\v 24 Apay nga agkedkedka a makigayyem kaniak? Apay nga agtigtignayka a kasla kabusornak?
\v 25 Saanak a napateg a kasla ti bulong nga itayab ti angin. Apay a butbutngennak? Apay a pagsagsagabaennak? Kalpasan iti amin, awan serserbik a kas iti bassit a namagaan a taep!

\s5
\v 26 Kasla mangisursuratka kadagiti banbanag a mangakusar kaniak a nagbasolak, ken isursuratmo uray dagiti dakes a banbanag nga inaramidko idi ubingak.
\v 27 Kasla kinawaram dagiti sakak ket buybuyaennak iti sadinoman a pagnaak; kasla sursurotem dagiti tugotko tapno kitaem no sadino ti napanak.
\v 28 Gapu iti daytoy, marebrebba ti bagik a kasla narupok a kayo, kasla pidaso ti lupot a kankanen dagiti igges dagiti buot.

\s5
\c 14
\p
\v 1 Nakapuytayo unay a tattao. Naipasngaytayo, ket agbiagtayo laeng ti ababa a tiempo; makapadastayo kadagiti adu a riribuk.
\v 2 Dagustayo nga agpukaw, kas iti dagus a panagtubo dagiti sabong iti daga, ket malaylay ken matay. Kaslatayo aniniwan nga agpukaw inton agsardeng nga agranraniag ti init.
\v 3 O Yahweh, apay a kankanayon a buybuyaennak tapno makitam no agar-aramidak iti dakes? Kayatnak kadi nga ipan iti pangukoman tapno ukomennak?

\s5
\v 4 Awan ti makaipan ti maysa a banag a makaay-ayo iti Dios manipud iti maysa a banag a saan a makaay-ayo kenkuana.
\v 5 Inkeddengmo ti kaatiddug ti panagbiagmi. Inkeddengmo ti kaadu dagiti bulbulan a panagbiagmi, ken saankami nga agbiag a napapaut ngem ti tiempo nga inkeddengmo.
\v 6 Isu a pangngaasim ta isardengmo ti panagsuksukimat kadakami, ken palubosannakami nga agmaymaysa tapno maragragsakmi ti kinarigat ti biagmi, no maaramid ti natangdanan nga agtrabtrabaho ti kasta.

\s5
\v 7 No pukanentayo ti kayo, namnamaentayo no maminsan nga agrusing manen daytoy ken agtubo dagiti baro a sangsangana.
\v 8 Mabalin a nataengan unayen dagiti ramutna iti daga, ket marunot ti puonna,
\v 9 ngem no masibugan ti bassit a danum daytoy, agsaringit ken aguggot a kas iti ubing a mula.

\s5
\v 10 Ngem no datayo a tattao ket mapukawtayo amin a pigsatayo ket mataytayo, agsardengtayo nga agang-anges, ket kalpasanna agpukawtayonton iti agnanayon.
\v 11 Kas iti panagpukaw ti danum manipud iti dan-aw wenno kas iti panagmaga ti karayan,
\v 12 agidda dagiti tattao ket matay ken saanen a bumangon manen. Agingga nga awanen dagiti langit, saanen nga agriing dagiti natay a tattao, ken awan ti makariing kadakuada.

\s5
\v 13 O Yahweh, tarigagayak nga ikabilnak a sitatalged iti lugar dagiti natay ken lipatennak, tapno saanakon nga agsagaba agingga a saankan a makaunget kaniak. Tarigagayak nga ikeddengmo ti kaatiddug ti tiempo nga agnaedak sadiay, ket kalpasanna, lagipem nga addaak sadiay.
\v 14 No mataykami a tattao, awan dua-dua a saankami nga agbiag manen. No naammoak nga agbiagkaminto manen, siaanusakto nga aguray a wayawayaannak kadagiti panagsagsagabak.

\s5
\v 15 Awagannakto, ket sumungbatak. Aggagarkanto a mangkita kaniak, maysa kadagiti parsua nga inaramidmo.
\v 16 Kitaemto a naimbag ti napanak, ket saanmo a kalikaguman a kitaen no nagbasolak wenno saan.
\v 17 Maidulinto dagiti listaan dagiti basbasolko iti bassit a supot, ket kallubamto dagitoy.

\s5
\v 18 Ngem kas ti panagreggaay dagiti banbantay ken panagtinnag dagiti batbato manipud iti rangkis,
\v 19 ken kas ti nainayad a panangiyanod ti danum kadagiti batbato, ken kasla ti panangiyanod dagiti layus iti daga, pudno a dadaelennakami; saannakami a palubosan a mangnamnama nga agtultuloykami nga agbibiag.

\s5
\v 20 Kankanayonnakami a parparmeken, ket mataykami. Paalasem dagiti ruprupami kalpasan a mataykami, ket papanawennakami.
\v 21 Inton mataykami, saanmi nga ammo no dumakkel dagiti annakmi a lallaki, ken agaramid kadagiti banbanag tapno raemen ida dagiti dadduma a tattao. Wenno mapabainanda, saanmi met laeng nga ammo dayta.
\v 22 Mariknaminto ti ut-otmi; awanto ti sabali a mariknami; maasiankaminto kadagiti bagbagimi, saan a kadagiti dadduma."

\s5
\c 15
\p
\v 1 Ket simmungbat ni Elifaz kenni Job:
\v 2 "No pudno a masiribka, saanka koma a simmungbat kadakami nga ibagbagam nga adu ti ammom; ti ibagbagam ket kas iti kaadu laeng ti napudot nga angin.
\v 3 Saanka koma nga agibagbaga kadagiti banbanag a saan a makaited iti pagimbagan iti siasinoman; saanka koma nga agibagbagaka kadagiti banbanag nga awan ti maitedna a pagsayaatan ti siasinoman.

\s5
\v 4 Sursuroam dagiti dadduma a saan nga agraem iti Dios, ken laplapdam ida nga agdaydayaw kenkuana.
\v 5 Nadangkeska, ket isu't gapuna nga ibagbagam ti ar-aramidem; agsasaoka a kas ti panagsasao dagiti manangallilaw a tattao.
\v 6 Ipakpakita ti amin a banag nga ibagbagam a rumbeng a dusaennaka ti Dios; saan a masapul a paneknekak dayta.

\s5
\v 7 Ibagam kaniak, apay a panpanunotem nga adu unay ti ammom? Saanmo a panpanunoten a sika ti umuna a tao a naiyanak, panpanunotem kadi? Saanmo a panpanunoten a naiyanakka sakbay a pinarsua ti Dios dagiti banbantay, panpanunotem kadi?
\v 8 Dumdumngegka kadi idi agplanplano ti Dios? Ipagarupmo kadi a sika laeng ti tao a masirib?
\v 9 Ania ti ammom a saanmi nga ammo? Saanmo a maawatan ti aniaman a banag a saan met a nalawag kadakami.

\s5
\v 10 Masiribak met ken dagiti gagayyemko; nakagun-odkami iti kinasirib kadagiti lallakay nga ubanan a tattao, kadagiti tatttao a naiyanak sakbay ti amam.
\v 11 Kayatnaka a liwliwaen ti Dios ken agsao a siaalumamay kenka; umdasen koma kenka dayta, ngem saan nga umdas, saan kadi?

\s5
\v 12 Apay nga ipalubosmo a paggagarennaka ti marikriknam? Apay nga agkusilap dagiti matam iti pungtot?
\v 13 Makaung-ungetka iti Dios, ket isu nga agibagbagaka kadagiti nagubsang a banbanag a maibusor kenkuana.
\v 14 Kasano koma a ti siasinoman, uray sika, ket awan ti basolna? Kasano a naan-anay a nalinteg iti siasinoman nga adda iti rabaw ti daga?

\s5
\v 15 Saan nga agtalek ti Dios uray kadagiti anghelna; saanna nga ibilang a naan-anay a nadalus dagiti langit.
\v 16 Isu nga awan dua-dua a saan isuna nga agtalek kadagiti makarimon a tattao, kadagiti masansan nga agar-aramid iti kinadakes a kas ti panaginomda ti danum.

\s5
\v 17 Job, dumngegka iti ibagak kenka. Ipablaakkonto kenka ti ammok,
\v 18 dagiti banbanag nga imbaga dagiti masirib a lallaki kaniak, dagiti kinapudno a saan nga inlemmeng dagiti kapuonanda.

\s5
\v 19 (Inted ti Dios daytoy a daga kadagiti kapuonan a pudno a masirib; awan ti immay manipud kadagiti sabali a pagilian ken sidadakes a pagpanunotenna ida maipanggep iti Dios.)
\v 20 Agsagaba iti nakaro nga ut-ot dagiti nadangkes a tattao iti amin a tiempo a sibibiagda; kasta ti mapasamak kadagiti mangidaddadanes kadagiti dadduma.
\v 21 Kankanayon a makangngegda kadagiti uni a mangbutbuteng kadakuada; bayat a rumangrang-ayda, darupen ida dagiti mannanakaw.

\s5
\v 22 Saan a pudno a panpanunoten dagiti nadangkes a tattao a makalibasda manipud iti kinasipnget; natalgedda nga adda ti agur-uray a mangpapatay kadakuada babaen iti kampilan.
\v 23 Agalla-allada iti aglawlaw nga agbirbiruk iti taraon, a kunkunada 'Pakasarakak ngata iti sangkabassit?' Ammoda a makapadasdanto kadagiti didigra.
\v 24 Gapu ta mabutengda kadagitoy a banbanag a mapaspasamak kadakuada, agdanagda a darupen ida dagitoy a banbanag a kas ti panagur-uray ti armada ti ari a mangdarup kadagiti kabusorna ken pagsagabaenna ida.

\s5
\v 25 Mapasamak dagitoy a banbanag kadakuada gapu ta ginungonda dagiti gemgemda maibusor iti Mannakabalin amin a Dios ken ipagarupda a napigsadan a mangparmek kenkuana.
\v 26 Sisusukirda nga agdardaras a mangdarup iti Dios nga ipagpagarupda a salakniban ida ti natibker a kalasag.

\s5
\v 27 Ngem kasta unay ti lukmegda a saanda a kabaelan ti makiranget.
\v 28 Nagnaedda kadagiti siudad a nabaybay-an, dagiti siudad nga impablaak iti Dios nga agbalin a gabsuon dagiti nadadael.

\s5
\v 29 Ngem saanda nga agtalinaed a nabaknang iti nabayad; Alaento dagiti dadduma dagiti amin a banbanag a kukuada, ken agpukawto pay uray dagiti aniniwanda manipud iti daga.
\v 30 Saandanto a makalibas manipud iti kinasipnget ti patay; maiyarigdanto kadagiti kayo a mapuoran dagiti sangsangana, ken dagiti sabsabongna a maitayab iti angin.

\s5
\v 31 No maagda unay, nga agbanagto nga agtalekda kadagiti banbanag a pudno nga awan serserbina, ket dagiti banbanag nga awan serserbina ket isunto laeng dagiti maalada.
\v 32 Bayat nga ubingda pay laeng, agpukawdanto; maiyarigdanto kadagiti sangsanga a malaylay ken saanen a pulos a lumangto pay.
\v 33 Maiyarigdanto kadagiti lanut a maregreg dagiti ubasna sakbay a maluom dagitoy, kas iti kayo ti olibo nga agregreg dagiti sabsabongna sakbay nga agbungada.

\s5
\v 34 Saanto a maaddaan dagiti bunggoy dagiti nadangkes a tattao kadagiti aniaman a kaputotan, ken mapuoranto a naan-anay dagiti babbalay dagiti nangala ti kuarta manipud kadagiti pasuksok.
\v 35 Agpanggepda a mangpataud ti riribuk ken agaramid kadagiti dakes a banbanag, ken kankanayon nga agsagsaganada kadagiti pusoda a mangallilaw kadagiti tattao."

\s5
\c 16
\p
\v 1 Simmungbat ni Job kenni Elifaz ken kadagiti dadduma,
\v 2 "Nakangngegak idin kadagiti banbanag a kas iti dayta; aminkayo, imbes a tultulongandak, ad-adda laeng a palpalidayendak.
\v 3 Saanto kadi a pulos nga aggibus dagiti angin laeng a sasaom? O Elifaz, ania ti mangrirriribuk kenka a manggargari nga agtultuloyka a mangsungsungbat iti kastoy kaniak?

\s5
\v 4 No dakayo a tallo ken saan a siak ti agsagsagaba, kabaelak nga ibaga, iti saadyo, dagiti banbanag nga ibagbagayo. Kabaelak iti agaramid kadagiti napipintas a panagsasao a manguyaw kadakayo, ken agwingiwingak a manglais kadakayo.
\v 5 Ket makitayo no napabilegnakayo dagiti sasaok wenno saan; makitayo no mapabang-aran dagiti ut-otyo.

\s5
\v 6 Ngem ita, no agsaoak, saan a maksayan ti ut-otko, ken no agulimekak, saan latta a mapukaw ti ut-otko.
\v 7 O Dios, innalamon ita ti amin a pigsak; dinadaelmo amin a pamiliak.
\v 8 Pinagkuretketnak, ken pagarupen dagiti tattao nga iparparangnak a maysa a managbasol. Makitkitada a kudil ken tultulangak laengen, ken pagarupenda dayta a pammaneknek a nakabasolak.

\s5
\v 9 Gapu ta kasta unay ti unget ti Dios kaniak ken kagurguranak, kasla maysa isuna nga atap nga ayup a nangpirsa-pirsay kaniak babaen ti ngipenna gapu ta kabusorko isuna.
\v 10 Guyguyabandak dagiti tattao a mangumsi kaniak; tinungpadak tapno laisendak, ken palpalawlawandak tapno butbutngendak.

\s5
\v 11 Kasla inyawatnak ti Dios kadagiti tattao nga agkedkedked nga agraem kenkuana ken ikabilnak iti pannakabalin dagiti nadangkes.
\v 12 Agbibiagak idi a sitatalna, ngem rinumeknak; a kasla ginammatanna ti tengngedko ken rinumek-rumeknak; kasla insaadnak a maysa a pagpuntaan.

\s5
\v 13 Kaslaak la maysa a pagpuntaan, ken palpalawlawandak dagiti tattao ken panpanaendak. Tinudok dagiti pana ti Dios dagiti bekkelko ken naibukbok ti aprok iti rabaw ti daga manipud iti dalemko; Saan a pulos a maassian ti Dios kaniak.
\v 14 Kasla maysaak a diding a burburakenna iti tunggal oras; agdardaras nga umay kaniak a kasla maysa a soldado a mangdardarup kadagiti kabusorna.

\s5
\v 15 Gapu ta agladladingitak, agikagayak kadagiti pidaso ti nakirsang a lupot a dinaitko, ken agtugawak ditoy rugit, a kasta unay ti lidayko.
\v 16 Nalabaga ti rupak gapu ta nagsangitak iti kasta unay, ken adda iti nangisit a nagtimbukel iti aglawlaw dagiti matak.
\v 17 Napasamak amin dagitoy kaniak uray no saanak a nagtignay a siraranggas iti siasinoman, ken uray no kankanayon nga agkararagak a sipupudno iti Dios.

\s5
\v 18 Inton matayak, kayatko nga agtignay iti daga a kasla napapatayak; Kayatko nga agsangit daytoy a maibusor kadagiti nangpapatay kaniak, ken saanko a kayat a pasardengennak ti siasinoman bayat a dawdawatek nga agtignay a sililinteg ti Dios kaniak.
\v 19 Ngem uray ita, ammok nga adda ti maysa a tao iti langit nga agsaksinto kaniak, ket ibagananto a nalinteg ti inaramidko.

\s5
\v 20 Lalaisendak dagiti tallo a gagayyemko, ngem napno dagiti matak kadagiti lulua bayat nga umas-asugak iti Dios.
\v 21 Ikararagko nga umay ti makaammo ti inaramidko tapno agpakaasi iti Dios para kaniak a kas panagpakaasi iti maysa a tao a para iti gayyemna.
\v 22 Ibagak daytoy gapu ta iti sumagmamano a tawtawen ket matayakto; Magnaakto iti dalan nga agturong iti disso a saanakton a pulos nga agsubli."

\s5
\c 17
\p
\v 1 "Dandani aggibusen ti tiempo ti panagbiagko; Awanen ti nabati a pigsak; ur-urayendak dagiti nangkali iti tanemko.
\v 2 Katkatawaandak dagiti adda iti aglawlawko; Masapul a kankanayonko ida a makitkita a manglalais kaniak."
\v 3 "O Dios, kaslaak la adda iti pagbaludan; pangaasim ta bayadam ti kuarta tapno mawayawayaanak, gapa ta awan dua-dua nga awanen ti mangtulong kaniak.

\s5
\v 4 Linapdam dagiti gagayyemko a maawatanda ti pudno maipanggep kaniak, ngem saanmo ida a palubosan nga agballigi kaniak, nga ibagbagada a nakaaramidak kadagiti dakes a banbanag.
\v 5 Kinuna dagiti kapuonantayo, 'Masansan a mapaspasamak a no adda iti manglipot kadagiti gagayyemna tapno makaala kadagiti dadduma a sanikuada, dagiti annak dayta a tao ti madusanto para iti daytoy;' isu a tarigagayko a pumudnonto daytoy kadagiti gagayyemko nga agul-ulbod maipanggep kaniak.

\s5
\v 6 Ngem ita, us-usaren dagiti tattao dayta a sasao dagiti kapuonantayo no agsaoda maipanggep kaniak; agtuprada a manglais kaniak.
\v 7 Kimmudrep dagiti matak gapu ta nalidayak unay, ken dagiti taktakyag ken lupluppok ket kas kakuttong ti aniniwan.
\v 8 Makigtotto dagiti sipupudno a nalinteg a tattao inton makitada iti napasamak kaniak; makaungetdanto kadagiti agkedked nga agdayaw iti Dios.

\s5
\v 9 Agtultuloy nga agaramid iti umno dagiti sipupudno a nalinteg, ken agtultuloy a pumigpigsa dagiti agbibiag a sililinteg.
\v 10 Ngem aminkayo a gagayyemko, awan ti masarakak nga uray maysa kadakayo a masirib.

\s5
\v 11 Dandani aggibusen ti tiempo ti panagbiagko; Saankon a naaramid dagiti banbanag a pinanggepko nga aramiden; Saankon a maleppas iti aniaman a banag a tinartarigagayak.
\v 12 Saan nga ammo dagiti gagayyemko no rabii ken no aldaw; no rabii, ibagbagada nga aldaw; no sumipngeten, ibagbagada nga aglawlawag.

\s5
\v 13 Ammok a ti balayko ket ti lugarto nga ayan dagiti natay a tattao, a pagturugakto iti kinasipnget.
\v 14 Maibagak iti tanem, 'Ti pakaitanemak, agbalinto a kasla ama kaniak dayta a lugar.' Maibagak kadagiti igges, 'Agbalinkayonto a kas iti ina wenno ub-ubing a kabsat a babai kaniak gapu ta daytanto ti kankanayon a paggianak.'
\v 15 Awan dua-dua nga awanen ti namnama a nabati kaniak. Awan ti mangnamnama a maaddaanak pay iti kinaragsak.
\v 16 Kalpasan a bumabaak iti disso nga ayan dagiti natay, awanen iti namnamaek nga aniaman a banag a nasayaat sadiay. Bumabaakto ken dagiti banbanag a namnamaek a mapan iti daga."

\s5
\c 18
\p
\v 1 Ket simmungbat manen ni Bildad:
\v 2 "Pangngaasim ta agsardengka nga agsasao! No agsardengka koma nga agsasao ket dumngegka, makaibagakami iti sumagmamano a banag kenka.

\s5
\v 3 Apay a panpanunotem a nagkunengkami a kas iti baka ken kas saan a nalinteg?
\v 4 Babaen iti kasta unay a panagpungtotmo, saksaktam laeng ti bagim. Ipagarupmo kadi a nasken a pumanaw iti tunggal maysa iti daga tapno paneknekanna a nalintegka, wenno ipagarupmo kadi a nasken nga iyakar ti Dios dagiti bato kadagiti banbantay tapno maay-ayoka?

\s5
\v 5 Ti mapasamakto ket agleppas ti biag dagiti nadangkes a tattao a kas kenka a kas kapartak ti panangiddeptayo iti silaw wenno panangiddep iti gil-ayab ti apuy.
\v 6 No maiddep dagiti pagsilawan iti ngatoen dagiti toldada, awanton ti lawag kadagita a tolda.

\s5
\v 7 Kabayatan a sibibiagda, sitatalgedda a magmagna, ngem iti saan nga agbayag, kasladanto naitublak ken natnag, gapu ta isuda a mismo ket saanda nga ipangpangag ti pammagbaga nga it-itedda kadagiti dadduma.
\v 8 Kasla nagnadanto iti bukodda nga iket wenno natinnagda iti abut nga isuda met laeng ti nangkali.

\s5
\v 9 Kasla rinabsutto ti palab-og dagiti mukodda ken inet-etanda dagitoy,
\v 10 a kasla rimmuar ti murdong ti tali a nailemmeng iti daga ket tiniliwna ida idi nabaddekanda daytoy.
\v 11 Sadinoman a papananda, addanto dagiti banbanag a mangbutbuteng kadakuada; kasla sumursurot dagitoy a banbanag kadakuada ken kagkagaten dagitoy dagiti mukmukodda.

\s5
\v 12 Mabisinandanto, isu nga awanton a pulos ti pigsada. Agtultuloyto a makapadasda kadagiti didigra.
\v 13 Agwarasto dagiti saksakit iti entero a kudilda; parupsaento dagiti saksakit dagiti bagbagida.

\s5
\v 14 Inton matayda, marabsutdanto a maiyadayo manipud kadagiti toldada ket maiyegda iti mangiturturay iti natay.
\v 15 Ket agnaedto dagiti dadduma a tattao kadagiti toldada, ngem inton kalpasan laeng a makaiwarsida iti asupre kadagidiay a tolda tapno mapapanaw ti sakit!

\s5
\v 16 Gapu ta matay ken pumanawdanto nga awanan iti kaputotan, kasladanto kadagiti kayo a nagango dagiti ramutna ken nalaylay dagiti amin a sangana.
\v 17 Awanton ti siasinoman nga adda iti rabaw ti daga ti makalagip kadakuada; awan ti uray siasinoman iti aniaman a dalan ti makalagip kadagiti naganda.

\s5
\v 18 Masapul a panawandanto ti daga, nga adda ti lawagna, ket agdardarasda a mapan iti lugar a nasipnget.
\v 19 Awanandanto kadagiti annak wenno appoko, awanto ti kaputotanda kadagiti sigud a nagnaedanda.
\v 20 Makigtot ken mabutengto dagiti tattao iti daya agingga iti laud a makangngeg maipanggep iti napasamak kadakuada.

\s5
\v 21 Kastoy ti mapasamak kadagiti saan a nalinteg a tattao a kasla kenka, dagiti tattao a saan a makaam-ammo ti Dios.”

\s5
\c 19
\p
\v 1 Ket simmungbat ni Job:
\v 2 "Kasano kabayag ti panagparparigat ken panangup-upayyo kaniak dakayo a tallo babaen iti panangaw-awagyo kaniak iti nadangkes?

\s5
\v 3 Pinabainandak iti namin-adu a daras; saankayo kadi a mabain iti panangibagbagayo kadagitoy a banbanag kaniak?
\v 4 Uray no pudno a nakaaramidak iti saan a nasayaat, saankayo a dinangran!

\s5
\v 5 No pudno a panpanunotenyo a naim-imbagkayo ngem siak, ken no makisinnupiatkayo a nagbasolak gapu ta agsagsagabaak,
\v 6 maamirisyo koma a ti Dios ti nangpasagaba kaniak. Kasla adda iketna ket tiniliwnak babaen iti daytoy.

\s5
\v 7 Nagpukkawak, 'Pappapatayendak dagiti tattao!’, ngem awan ti sumungsungbat kaniak. Nagpukkawak iti napigsa, ngem awan ti uray maysa, awan uray ti Dios, ti agtignay nga awanan iti panangidumduma kaniak.
\v 8 Kasla sinerraan ti Dios ti pagnaak, ket saanak a makaapan iti sadinoman; a kasla pinilitnak a padasek a biruken ti dalan iti kasipngetan.
\v 9 Innikkatna ti naimbag a dayawko; kasla inikkatna ti balangat iti ulok.

\s5
\v 10 Babautennak iti tunggal sikigan, ket matayakton iti mabiit. Saankon a namnamaen nga agaramid pay isuna iti aniaman a naimbag a banag a para kaniak.
\v 11 Dinarupnak gapu ta makaung-unget unay isuna kaniak; ibilbilangnak a kabusorna.
\v 12 Kasla ibabaonna ti armadana a mangdarup kaniak; lawlawlawenda ti toldak ket nakasaganada a mangdarup kaniak.

\s5
\v 13 Ti Dios ti makagapu a pinanawandak dagiti kakabsatko, ken isuna ti nangaramid kadagiti amin a makaam-ammo kaniak nga agtignay a kasla ganggannaet kaniak.
\v 14 Pinanawandak dagiti amin a kakabagiak ken gagayyemko.

\s5
\v 15 Nalipatandakon dagiti tattao a sinangailik iti pagtaengak, ken imbilangdak dagiti adipenko a babbai a ganggannaet a saanda nga am-ammo.
\v 16 No ayabak dagiti adipenko, saanda a sumungbat; No agpakaasiak kadakuada nga umaydak tulongan, saanda nga umay.

\s5
\v 17 Nagbangsit unay iti panagangot ti asawak iti sang-awko isu a panpanawannak ken kaguradak dagiti kakabsatko.
\v 18 Uray dagiti ubbing ket kaguradak; no tumakderak a makisarita kadakuada, katkatawaandak.
\v 19 Kaguradak dagiti ay-ayatek a gagayyemko, ken timmallikod a maibusor kaniak dagiti ay-ayatek iti kasta unay.

\s5
\v 20 Tulang ken kudil laeng ti bagik; dandani saanakon nga agbiag.
\v 21 Agpakaasiak kadakayo, dakayo a tallo a gagayyemko, kaasiandak gapu ta dinusanak ti Dios iti kasta unay.
\v 22 Apay a pagsagsagabaendak met? Ipagarupyo kadi a Dioskayo? Apay a saankayo a pulos a mapnek iti panangpabpabasolyo kaniak nga agar-aramidak iti dakes?

\s5
\v 23 Tarigagayak nga adda koma ti mangala kadagitoy a sasaok ket isuratda iti libro tapno mabasa dagiti tattao dagitoy.
\v 24 Wenno saan, tarigagayak nga adda koma iti maysa a tao a mangikitikit kadagiti sasaok iti bato babaen iti paet tapno agpautto dagitoy iti agnanayon.

\s5
\v 25 Ngem ammok a sibibiag ti mangispal kaniak iti pangukoman, ken iti maysa nga aldaw ket agtakderto isuna ditoy daga ket aramidenna ti maudi a pangngeddeng no maikariak a madusa.
\v 26 Ken uray no kalpasan a dadaelen dagiti saksakit ti bagik, makitakto latta ti Dios iti bagik.
\v 27 Makitakto isuna; makitakto isuna kadagiti bukodko a mata! Punpunoennak ti kaririknak kas panpanunotek iti maipanggep iti dayta!

\s5
\v 28 No ibagayo dakayo a tallo a lallaki, 'Ania pay ti aramidentayo a mangpasagaba kenkuana?' ken no ibagayo, 'Isuna ti nangaramid iti bukodna a pakariribukan,'
\v 29 agbutengkayo koma a dusaennakayonto ti Dios; dusdusaenna dagiti kasla kadakayo a kaungetna; ket no mapasamak dayta, maammoanyonto nga adda iti manguk-ukom kadagiti tattao."

\s5
\c 20
\p
\v 1 Ket simmungbat manen ni Zofar:
\v 2 "Mariribukanak unay maipanggep iti imbagam, isu a kayatko a dagus iti sumungbat.
\v 3 Linaisnak babaen iti panangibagbagam kadagitoy a banbanag, ngem ipakpakita kaniak ti maysa a banag nga ad-adda ngem iti mailawlawagko no kasano a makasungbatak kenka.

\s5
\v 4 Saanmo kadi nga ammo a manipud idi un-unana, manipud idi immuna nga inkabil ti Dios dagiti tattao iti daga,
\v 5 a saanto nga agtultuloy nga agragsak iti mabayag a tiempo ti nadangkes a tao a kas kenka, ken agragsakto laeng iti apagbiit dagiti tattao nga agkedked nga agdaydayaw iti Dios?

\s5
\v 6 Uray no dumanon ti dayawda iti tangatang, ken ngumato dagiti kinalatakda a kas kangato dagiti ulep,
\v 7 mapukawdanto iti agnanayon, a kas iti bukodda nga ibleng, ken saludsodento dagiti makaam-ammo kadakuada, 'Sadino ti napananda?'

\s5
\v 8 Agpukawdanto a kasla iti panagpukaw iti tagtagainep, ket umawandanton. Agpukawdanto a kasla kadagiti tagtagainep dagiti tattao kabayatan iti rabii.
\v 9 Dagiti tattao a makakitkita ita kadagiti nadangkes a tattao ket saandanto pulos a makita manen isuda; uray dagiti tattao a nakipagnaed kadakuada ket saandanton a makita pay ida.

\s5
\v 10 Mapilitto dagiti annakda a mangisubli kadagiti napapateg a banbanag a tinakawda manipud kadagiti nakurapay a tattao.
\v 11 Ubing ken napigsa idi dagiti bagi dagiti nadangkes, ngem matay ken maitabondanto iti daga.

\s5
\v 12 Uray no kasla nasam-it a taraon kadagiti ngiwatda ti panangaramid kadagiti nadangkes a banbanag a kayatda nga itultuloy a ramramanan,
\v 13 ken uray no saanda a kayat nga isardeng nga ar-aramiden dagitoy a banbanag,
\v 14 dumtengto ti aldaw nga agbalin dagidiay a dakes a banbanag a kasla sabidong a tilmonenda, wenno kasla iti sabidong manipud kadagiti uleg.

\s5
\v 15 Agur-urnong dagiti nadangkes a tattao iti kinabaknang para kadagiti bagbagida, ngem saanda a maidulin daytoy iti agnanayon, a kas iti saan a panangidulin dagiti tattao kadagiti taraon nga isaruada. Alaen ti Dios kadakuada ti kinabaknangda.
\v 16 Ti panagar-aramid kadagiti dakes nga ar-aramid ket maiyarig iti panagtilmon iti sabidong ti uleg; ti panagar-aramid iti dakes ti mangpapatayto iti nadangkes a kas iti kagat iti nagita nga uleg a mangpapatay kadagiti tattao.

\s5
\v 17 Saanto nga agtalinaed a sibibiag ti nadangkes a mangkita kadagiti aglaplapusanan a bendision manipud iti Dios, a maiyarig iti waig nga agay-ayus.
\v 18 Mapilitdanto a mangisubli kadagiti banbanag a tinakawda manipud kadagiti nakurapay; saandanto a kabaelan nga ituloy a ragragsaken dagidiay a banbanag. Saandanto nga agtalinaed a naragsak gapu iti naalada kadagiti trabahoda
\v 19 gapu ta indadanesda dagiti nakurapay a tattao ken nagkedkedda a tumulong kadakuada, ken innalada dagiti babbalay dagiti dadduma a tattao babaen iti panangkakkaorda kadakuada.

\s5
\v 20 Kankanayonda a naagum ken saanda pulos a mapmapnek. Isu a no manganda, manganda iti kasta unay nga awan iti aniaman a banag nga indulinda a rinagragsakda.
\v 21 No malpasda a kanen dagiti taraonda, awan pulos iti aniaman a nabati gapu ta siaagum a kinnanda amin dagitoy; ngem ita aggibusen iti kinarang-ayda.
\v 22 Inton kasta unay pay laeng ti kinabaknangda, kellaatto a makapadasda iti riribuk. Dupraken ken rumekento ida iti kinakurapay.

\s5
\v 23 Inton bussogen dagiti nadangkes a tattao dagiti buksitda, ipakitanto ti Dios a nakaro ti pungtotna kadakuada, ket dusaennanto ida; iyegnanto iti panagsagaba kadakuada a kasla tudo a matinnag iti daga.
\v 24 Padasendanto ti aglibas manipud kadagiti tattao nga addaan kadagiti igam a landok a mangdarup kadakuada, ngem duyukento ida dagiti pana nga addaan iti tirad a bronse.
\v 25 Naan-anayto a salputen dagiti pana dagiti bagbagida ken sumalputto ti kayo kadagiti likudanda; addanto iti dara manipud kadakuada nga agaruyot kadagiti nasileng a murdong ti pana, ket agbutengto dagidiay a nadangkes a tattao.

\s5
\v 26 Madadaelto amin dagiti napapateg a sanikuada, ti puor nga inrugi ti Dios, a saan a babaen kadagiti tattao, ti manguramto kadakuada ken mangdadael kadagiti nabatbati a banbanag kadagiti toldada.
\v 27 Ipakitanto dagiti anghel idiay langit dagiti basol a naaramid dagidiay a nadangkes a tattao, ket tumakder ken agpaneknekto dagiti tattao iti daga maibusor kadakuada.

\s5
\v 28 Iti aldaw a dusaen ti Dios dagiti tattao, mapukawto dagiti amin a sanikua iti pagtaengan dagiti nadangkes a tattao, a kasla adda layus nga immay.
\v 29 Daytanto ti mapasamak kadagiti nadangkes a tattao a kasla kenka; dayta ti imbilin ti Dios para kadakuada."

\s5
\c 21
\p
\v 1 Ket simmungbat ni Job iti kastoy a wagas:
\v 2 "Dumngegkayo iti ibagak, amikayo; dayta laeng ti mabalinyo nga aramiden a mangliwliwa kaniak.
\v 3 Anusandak, ken palubosandak nga agsao. Ket, kalpasan ti panagsaok, mabalindak manen a pagkakatawaan.

\s5
\v 4 Pudno a saan a kadagiti tattao iti pagrirririak, ngem iti Dios! Ken awan duadua nga umno para kaniak ti saan a makaanus!
\v 5 Kitaendak! Saankayo kadi a mapakapsutan iti makitkitayo ken saanyo kadi nga apputen dagiti ngiwatyo babaen kadagiti imayo ket awanen ti maibagayo?
\v 6 No panpanunotek ti napasamak kaniak, mabutengak ken agpigpigerger ti entero a bagik.

\s5
\v 7 Ngem palubosandak a mangsaludsod iti daytoy: 'Apay nga agtultuloy nga agbiag dagiti nadangkes a tattao, ken agbalin a narang-ay, ken saanda a matay agingga a lumakayda unay?'
\v 8 Makitkitada dagiti annakda iti aglawlawda, ken buybuyaenda ida bayat iti panagdakkelda ken mangrugida nga agnaed kadagiti bukodda a pagtaengan.
\v 9 Agnanaed dagiti nadangkes a tattao kadagiti bukodda a pagtaengan nga awanan iti panagbuteng, ken saan ida a dusdusaen ti Dios.

\s5
\v 10 Kankanayon a naballigi iti panagmaya dagiti bulog a bakada kadagiti kabaian a bakada, ken kankanayon nga aganak dagiti bakada ket saan a pulos a maalisan.
\v 11 Ibaon dagiti nadangkes a tattao dagiti annakda iti ruar tapno agay-ayam, ken aglaglagto a siraragsak dagiti annakda iti aglawlaw a kasla kadagiti karnero iti pagpastoran.
\v 12 Agkanta dagiti annakda iti uni dagiti pandereta ken arpa, ken maragsakanda a makangngeg kadagiti uni dagiti plauta.

\s5
\v 13 Ragragsaken dagiti nadangkes a tattao ti maaddaan kadagiti nasasayaat a banbanag iti amin a tiempo a sibibiagda, ket matayda a siuulimek ket bumabada iti lugar dagiti natay.
\v 14 Kabayatan a sibibiagda, ibagbagada iti Dios, 'Panawandakami; awan iti bibiangmi maipanggep iti panangtarigagaymo a simpaenmi ti panagbiagmi!
\v 15 Apay a panpanunotem, sika a Mannakabalin amin a Dios a rumbeng nga agserbikami kenka? Ania ti pagimbagan a magun-odmi no agkararagkami kenka?'

\s5
\v 16 Panpanunoten dagiti nadangkes a tattao a rimmang-ayda gapu iti inaramidda, ngem saanko a kayat a pakibiangan dagiti panpanunotda.
\v 17 Mamin-ano a mapaspasamak a matay dagiti nadangkes a tattao, a saan a makapadpadas kadagiti didigra? Dusaen pay kadi ti Dios ida gapu ta makaunget isuna kadakuada?
\v 18 Saanna ida a puyotan a kas iti angin a mangiyang-angin iti garami; saanda a pulos a maisurot iti alipugpug.

\s5
\v 19 Ibagbagayo, 'No nakaaramid dagiti tattao kadagiti basol, agur-uray ti Dios ket dusaenna dagiti annakda gapu kadagitoy a basbasol;' Ibagak a dusaen koma ti Dios dagiti nagbasol, saan a dagiti annakda, tapno maammoanto dagiti managbasol a nadusada gapu kadagiti bukodda a basbasol.
\v 20 Namnamaek nga agbiag koma dagiti nadangkes a tattao tapno mapadasanda ti panangdadael ti Dios kadakuada, a mapadasanda ti panangdusa ti Mannakabalin amin a Dios kadakuada.
\v 21 Kalpasan a matay dagiti nadangkes a tattao, saandan a pakaseknan dagiti pamiliada a sibibiag pay laeng.

\s5
\v 22 Agsipud ta uk-ukomen ti Dios iti tunggal maysa, uray dagiti adda idiay langit, siasino ti mabalin a mangisuro kenkuana iti aniaman a banag?
\v 23 Matay dagiti sumagmamano a tattao kabayatan a nasalut-atda unay, kabayatan a natalnada ken saan a mabutbuteng iti aniaman a banag.
\v 24 Nalukmegda; napigsa dagiti tultulangda.

\s5
\v 25 Dagiti dadduma a tattao ket matay a nakakaasi; saanda pulos a napadasan a mapasamak kadakuada dagiti nasasayaat a banbanag.
\v 26 Natayda ket naitabonda, ken iggesen dagiti bagida. Matay ti tunggal maysa, isu a nalawag nga iti ipapatay ket saan a kankanayon a dusa para iti panagbalin a nadangkes.

\s5
\v 27 Dumngegkayo, ammok dagiti panpanunotenyo dakayo a tallo, ken ammok dagiti dakes a banbanag a pangpanggepenyo nga aramiden kaniak.
\v 28 Ibagbagayo, 'Ania iti napasamak kadagiti tolda a pagnanaedan dagiti nadangkes a tattao? Nadadael dagiti babbabalay dagiti dakes nga agturturay!'

\s5
\v 29 Saanyo kadi a pulos a sinaludsod dagiti tattao a kanayon nga agdaldaliasat? Saanyo kadi a patien dagiti ipadpadamagda maipanggep kadagiti nakitada,
\v 30 a masansan a saan nga agsagaba dagiti nadangkes a tattao iti tiempo nga adda dagiti nakaro a didigra; a no dusaen ti Dios dagiti tattao, adda iti mangisalakan kadagiti nadangkes? A dagiti nadangkes a tattao ti isalsalakan iti maysa a tao no dusdusaen ti Dios dagiti tattao?

\s5
\v 31 Awan ti siasinoman a mangpabpabasol kadagiti nadangkes a tattao, ken awan ti siasinoman a mangsupapak kadakuada kadagiti amin a dakes a banbanag nga inaramidda.
\v 32 Inton maipan kadagiti tanem dagiti bangkay dagiti nadangkes a tattao, maikabil dagiti tattao sadiay a mangbantay kadagitoy a tantanem.
\v 33 Adu a tattao ti mapan iti lugar a pakaitanemanda; mapan ti sumagmamano iti sangoanan ti prusisyon ken mapan iti likodan dagiti dadduma, ket pudno a nasayaat ti rikna dagiti natay a nadangkes a tattao inton mangipurruak dagiti tattao kadagiti bingkol kadagiti tanemda.

\s5
\v 34 Isu a kasano a maliwliwadak babaen iti panagsasaoyo ti awan kaes-eskanna? Amin a sungbatyo kaniak ket napnoan kadagiti inu-ulbod!"

\s5
\c 22
\p
\v 1 Ket simmungbat ni Elipas, a kunkunana;
\v 2 “Awan ti siasinoman nga adda serbina iti Dios! Mabalin nga adda serbi dagiti nasirib a tattao kadagiti bagbagida, ngem saan nga iti Dios.
\v 3 No nalintegka, saan a makaay-ayo dayta iti Dios a Mannakabalin-amin, makaay-ayo kadi? No nagbiagka ti nalinteg a panagbiag, saan a makatulong dayta kenkuana, makatulong kadi?

\s5
\v 4 Raraemem kadi ti Dios ket dayta kadi ti makagapu a dusdusennaka? Dayta kadi ti rason nga uk-ukomennaka?
\v 5 Saan, amangan no gapu ta nadangkeska unay. Amangan no daytoy ket gapu ta awan ti makabilang kadagiti dakes a banbanag nga inaramidmo!

\s5
\v 6 Nalabit a nagpautangka ti kuarta kadagiti dadduma ket sibibiddut a pinilitmo ida a mangited kenka kadagiti banbanag a mangpatalged a bayadanda kenka dayta a kuarta; nalabit nga innalam amin dagiti pagan-anayda ken pinanawam ida nga awanen ti maikawesda.
\v 7 Nalabit a saanmo nga inikkan ti danum dagiti nawaw, ken nagkedkedka mangted iti taraon kadagiti mabisin.
\v 8 Gapu ta mannakabalinka unay, nalabit nga inagawmo dagiti amin a daga dagiti tattao, ket kalpasanna, nangrugika a nagnaed iti dayta a daga, uray no rinaraemdaka unay dagiti dadduma.

\s5
\v 9 Idi immay agpatulong kenka dagiti balo, nalabit a pinapanawmo ida nga awan ti uray ania a banag nga intedmo kadakuada, ken nalabit nga indadanesmo dagiti ulila.
\v 10 Gapu ta inaramidmo amin dagitoy a banbanag, ita adda dagiti palab-og a mangtiliw kenka; ita agparparang dagiti banbanag a mangbutbuteng kenka ken mangpappapigerger kenka.
\v 11 Kasla simmipnget daytoy iti kasta unay, a nagbanag a saanmo a makita ti uray ania a banag, ken kasla adda layus a nanglipus kenka.

\s5
\v 12 Ngem panunotem daytoy, Job: agnanaed ti Dios iti ngato idiay langit. Manipud sadiay, tumantan-aw isuna kadagiti kangangatoan a bituen.
\v 13 Isu nga apay nga ibagbagam, 'Awan ti ammo ti Dios maipanggep iti ar-aramidentayo'? Ken apay nga ibagbagam, 'Lenglengdan dagiti nangisit nga ulep ti panangkitana kadatayo, isu a saannatayo a maukom'?
\v 14 Ipagarupmo kadi a kabayatan a magmagna isuna iti simboryo a mangak-akkob iti tangatang, nga adda dagiti napuskol nga ulep iti aglawlawna, saanna a makita ti ar-aramidentayo?'

\s5
\v 15 Job, itultuloymo kadi ti agbiag iti daan a wagas a kas ti inaramid dagiti nadangkes a tattao iti adu a tawtawen?
\v 16 Natayda a dagus idi ubingda pay laeng; nagpukawda a kas iti panagpukaw iti amin a banag no adda iti layus.
\v 17 Kankanyonda nga ibagbaga iti Dios, 'Panawannakami,' 'Baybay-annakami,' ken sisusukirda pay nga imbaga, ‘Awan ti maaramidan ti Dios a Mannakabalin-amin a mangdangran kadakami!'

\s5
\v 18 Uray no kasta, ti Dios ti nangpunno kadagiti babbalayda kadagiti nasayaat a banbanag; isu a saanak pulos nga umanamong a sumurot iti panggep dagiti nadangkes.
\v 19 No makita dagiti nalinteg a tattao a dusdusaen ti Dios dagiti nadangkes a tattao, maragragsakanda, ken katkatawaanda dagiti nadangkes a tattao.
\v 20 Kunada, 'Ita, nadadaelen dagiti kabusortayo, ken nauram amin a banag a nabati kadagiti kinabaknangda.'

\s5
\v 21 Isu a Job, makitinnunoska iti Dios ken makikapiaka kenkuana; no aramidem dayta, nasayaat a banbanag ti mapasamak kenka.
\v 22 Ipalubosmo a suruannaka, ken ikabilmo dagiti sasaona dita panunotmo.

\s5
\v 23 No ipakumbabam ti bagim ken agsublika iti Dios, pabaroennakanto; no isardengmo nga aramiden dagiti amin a dakes a banbanag nga inar-aramidmo iti balaymo,
\v 24 ken no ibellengmo ti balitokmo, ti puro a balitok manipud iti namaga a lansad iti waig iti daga ti Ophir,
\v 25 ket napategto kenka ti Dios a Mannakabalin-amin a kas iti kinapateg idi ti balitok ken pirakmo.

\s5
\v 26 Ket naragsakkanto gapu iti Dios, ken makaasidegkanto kenkuana a situtured.
\v 27 Agkararagkanto kenkuana, ket aramidennanto ti kidkiddawem kenkuana nga aramidenna; aramidemto dagiti banbanag nga inkarim kenkuana nga aramidem.
\v 28 Agballiginto amin nga ikeddengmo nga aramiden; kaslanto lawag daytoy nga agranraniag iti dalan iti sangoanam.

\s5
\v 29 Ipababa ti Dios dagiti natangsit, ngem isalakanna dagiti naipababa.
\v 30 Ispalen ti Dios dagiti awan basolna, isu nga ispalennakanto no irugim ti agaramid kadagiti nalinteg a banbanag."

\s5
\c 23
\p
\v 1 Kalpasanna simmungbat ni Job ket daytoy ti kinunana:
\v 2 "Ita nga aldaw, siasasaemak manen nga agdaydayengdeng iti Dios; itultuloyko ti umas-asug, ngem ad-adda nga agsagsagabaak.

\s5
\v 3 Ammok koma ti pakasarakak kenkuana tapno makapanak iti lugar a pagnanaedanna.
\v 4 No maaramidko dayta, ibagakto kenkuana no apay nga ammok nga awan basolko; ibagakto kenkuana dagiti adu a rason para iti dayta.
\v 5 Ket maammoak ken maawatakto ti isungbatna kaniak.

\s5
\v 6 Aramatennanto kadi ti naindaklan a pannakabalinna a makisinnuppiat kaniak? Saan, dumngegto isuna a naimbag kaniak.
\v 7 Napudnoak a tao, isu a mailawlawagkonto kenkuana dagiti banbanag nga awan ti panangidumdumana, ket kalpasanna ibagananto nga awan basolko, ket saannakton a riribuken manen.

\s5
\v 8 Nupay kasta, napanak iti daya, ket awan isuna sadiay; napanak iti laud, ngem saanko a nasarakan isuna sadiay.
\v 9 Napanak ti amianan ken abagatan, ngem saanko a nakita isuna iti sadinoman gapu ta ilemlemmengnak.

\s5
\v 10 Ammona no kasano ti panagbiagko; inton malpas ti panangpadpadasna kaniak, makitananto a nasin-awak a kas iti balitok a napuoran amin dagiti kinarugitna.
\v 11 Sipupudnoak a nagna iti dalan nga impakitana kaniak; saanak a simmiasi manipud iti panagtulnog kenkuana.
\v 12 Kankanayonak a nagtulnog kadagiti imbilinna; indulinko iti kaunggak dagiti sasao nga imbagana.

\s5
\v 13 Saan pulos isuna nga agbalbaliw. Awan ti siasinoman a makalapped kenkuana iti panangaramidna iti tartarigagayanna. Aniaman a kayatna nga aramiden, ar-aramidenna.
\v 14 Leppasenna ti panangaramidna kadagiti banbanag a pinanggepna para kaniak, ket masiguradok a adu a pinanunotna nga aramiden dagiti adu a banbanag para kaniak.

\s5
\v 15 Isu a mabutbutengak no addaak iti sangoananna; no panpanunotek ti kabaelanna nga aramiden, mabutengak iti kasta unay.
\v 16 Pinagbutengnak unay ti Dios a Mannakabalin-amin.
\v 17 Kasla adda laeng ti nakaro a kinasipnget iti sangoanak, ngem ti Dios ti mangdaddadael kaniak, saan a ti kinasipnget."

\s5
\c 24
\p
\v 1 "Apay a saan a mangikeddeng ti Dios a Mannakabalin-amin iti tiempo inton ukomenna dagiti dakes a tattao? Kasla saan pulos a makitkita dagiti tattao nga agtultulnog iti Dios nga uk-ukomenna dagiti dakes a tattao.

\s5
\v 2 Iyak-akar dagiti dadduma a dakes a tattao dagiti muhon ti daga dagiti sabali a tattao, tapno alaenda ti dagada; tiltiliwenda ti karnero dagiti sabali a tattao ket ikabilda iti bukodda a pagpaaraban.
\v 3 Al-alaen dagiti dadduma dagiti asno a kukua dagiti ulila, ken al-alaenda ti kalakian a baka dagiti balo a kas pammatalged a bayadan dagiti balo ti kuarta nga impautangda kadagitoy a balo.
\v 4 Iwalin dagiti dadduma dagiti napanglaw a tattao iti dalan, ken pilpilitenda dagiti napanglaw a tattao nga agbiruk kadagiti lugar a paglemmenganda manipud kadakuada.

\s5
\v 5 Ti pagbanaganna ket masapul nga agbiruk dagiti napanglaw a tattao iti taraon idiay patad a disierto a kasla iti ar-aramiden dagiti atap nga asno.
\v 6 Agtudtod dagiti napanglaw a tattao iti natedda a dawa kadagiti taltalon dagiti sabali a tattao, ken agurnong iti natedda nga ubas kadagiti kaubasan a kukua dagiti nadangkes a tattao.
\v 7 Bayat ti rabii awan ti pagabbongda kadagiti bagbagida, awan ti mangpapudot kadakuada.

\s5
\v 8 No agtudo kadagiti kabanbantayan, mabasada iti kasta unay, isu a sumelselda kadagiti sirok dagiti rukib iti bato a masalakniban dagiti bagbagidaa manipud iti tudo.
\v 9 Rabsuten dagiti dadduma a dakes a tattao ti napanglaw, maipanaw dagiti maladaga nga awanan ama manipud kadagiti innada; kunada 'Isublikto dagiti maladagayo inton mabayadanyo ti kuarta nga impautangko kadakayo.'
\v 10 Ngem agpagna-pagna dagiti napanglaw a tattao nga awanan kadagiti pagan-anay; mabisbisinda kabayatan nga agtrabtrabahoda a mangawit kadagiti rineppet a dawa dagiti sabali a tattao tapno ipanda iti lugar a pakarurosanto dagiti dawada.

\s5
\v 11 Tangdanan dagitoy nadangkes a tattao dagiti napanglaw a tattao nga agaramid iti lana ti olibo para kadakuada; agibadbaddekda kadagiti ubas tapno makaala iti tubbog para iti arak, ngem saanda a mapalubosan nga uminom iti uray ania iti daytoy no mawawda.
\v 12 Kadagiti siudad, dagiti tattao a nasugatan ken matmatay ket umaw-awag iti Dios para iti tulong, ngem saan nga ikankano ti Dios dagiti karkararagda.

\s5
\v 13 Liklikan dagiti dadduma a nadangkes a tattao ti lawag gapu ta agar-aramidda kadagiti dakes a banbanag iti sipnget; saanda a magna kadagiti dalan a masilsilawan.
\v 14 Agtakaw dagiti mammapatay kadagiti banbanag bayat iti rabii, ket kalpasanna bumangonda sakbay a pumarbangon tapno makaruarda manen ket patayenda dagiti napanglaw ken agkasapulan a tattao.

\s5
\v 15 Ur-urayen dagiti mayat a makikamalala a rumabii; kunada, 'Saanko kayat a makitanak ti siasinoman,' isu nga ab-abbonganda latta dagiti rupada.
\v 16 Kabayatan iti rabii a sumsumrek dagiti mannanakaw kadagiti babbalay tapno agtakawda kadagiti banbanag, ngem aglemmengda bayat iti aldaw gapu ta kayatda a liklikan nga adda ti makakita kadakuada iti lawag.
\v 17 Kayat amin dagitoy a tattao nga aramiden dagiti dakes nga aramidda iti rabii, saan nga iti bigat no nalawag, gapu ta saanda a mabuteng kadagiti banbanag a mapaspasamak bayat iti rabii a kabutbuteng dagiti dadduma.

\s5
\v 18 Nupay kasta, agpukawto a dagus dagiti nadangkes a tattao, ken ilunodto ti Dios ti daga a kukuada; awanton ti mapan agtrabaho kadagiti kaubasanda.
\v 19 Kas iti niebe a marunaw no nabara ken awan ti tudo, agpukawto dagiti nagbasol iti ayan dagiti natay a tattao.

\s5
\v 20 Saanto a malagip ida uray dagiti innada; madadaelto dagiti nadangkes a tattao a kasla kadagiti kayo a mapukan, ket kanento dagiti igges dagiti bangkayda.
\v 21 Ilupitlupit ti nadangkes dagiti babbai a saan a nakabael nga agipasngay kadagiti ubbing a dimmakkel koma tapno mangaywan kadakuada; saan a pulos a tulongan ti nadangkes dagiti balo.

\s5
\v 22 Ngem ti Dios, babaen iti pannakabalinna, papanawenna dagiti nabileg a tattao. Papatayenna dagiti nadangkes a tattao.
\v 23 Itultulok ti Dios a panunotenda a natalgedda, ngem palpaliiwenna ida iti amin a tiempo.

\s5
\v 24 Rumang-ayda iti apagbiit, ket kalpasanna kellaatda a mapukaw; patayento ida ti Dios a kasla kadagiti sabali a tattao; kasladanto kadagiti ungkay ti dawa a puteden dagiti mannalon.
\v 25 No saan a pudno daytoy, adda kadi ti siasinoman a mangipakita nga ulbodak ken mangpaneknek a nagbiddutak?"

\s5
\c 25
\p
\v 1 Ket simmungbat met ni Bildad:
\v 2 "Mannakabalin unay ti Dios; masapul a raemen isuna dagiti amin a tao iti kasta unay; ar-aramidenna a natalna dagiti amin a banag iti ngato sadi langit, nga awan pulos ti pannakatikaw.
\v 3 Adda kadi iti makabilang kadagiti anghel nga adda iti armadana sadi langit? Adda kadi ti tao a saan a maranraniagan iti lawagna?

\s5
\v 4 Isu a kasano nga ibilang ti Dios a nalinteg ti siasinoman a tao? Kasanona nga awaten ti siasinoman a tao?
\v 5 Panunotem daytoy: Saanto pay a panunoten ti Dios a ti kabus a bulan ket naraniag, ken saanna pay nga awaten dagiti bituen kadagiti langit a maikari kenkuan.
\v 6 Isu nga ania dagiti tattao? Saanda a napateg a kasla kadagiti igges. Saan a panpanunoten ti Dios a nangatngato ti tao ngem iti panangpanunotna kadagiti igges."

\s5
\c 26
\p
\v 1 Simmungbat ni Job kenni Bildad:
\v 2 "Nakapuyak iti kasta unay ken nakakaasiak a tao; saanmo a pudno a panpannunoten a pulos a tinulongannak, panpanunotem kadi?
\v 3 Awan dua-dua a saanmo a panpanunoten a binalakadannak a nasayaat, panpanunotem kadi? - Siak a saan a pulos a nasirib.
\v 4 Siasino ti timmulong kenka a mangibaga kadagitoy amin a naindaklan a banbanag? Siasino ti nangallukoy kenka nga agsao a kas iti inaramidmo?'"

\s5
\v 5 Simmungbat ni Bildad, "Gapu ta mabuteng dagiti espiritu dagiti natay a tattao, agpigergerda iti kaunggan ti danum iti babaen ti daga.
\v 6 Ammo ti Dios dagiti amin a maipanggep kadagiti adda iti lugar dagiti natay; awan ti aniaman sadiay a makalapped iti Dios iti panangkitana iti adda sadiay.

\s5
\v 7 Binbinnaten ti Dios ti lubong iti rabaw ti nalawa nga awan nagyanna a law-ang ken ibitbitinna ti lubong nga awan ti mangtengtengngel iti daytoy.
\v 8 Punpunoenna dagiti napuskol nga ulep iti danum ken laplappedanna dayta a danum manipud iti panagpusuakna kadagiti ulep.

\s5
\v 9 Lenglengdanna ti bulan babaen kadagiti ulep.
\v 10 Isinsinana ti lawag manipud iti sipnget ken ikabkabilna ti pagbeddengan a mangsinyal iti lugar a pagpatpatinggaan ti rabii ken pagrugian ti aldaw.

\s5
\v 11 No agunget isuna, kasla tinubngarna dagiti adigi a mangtengtengngel iti tangatang. Makigtotda, ket agpigergerda.
\v 12 Pinatalinaayna ti baybay babaen iti pannakabalinna; dinadaelna ti Rahab, ti dakkel a nakabutbuteng a parsua ti baybay, babaen iti kinalaingna.

\s5
\v 13 Pinaraniagna ti tangatang babaen iti angesna; pinatayna babaen iti imana ti dakkel a dragon idiay baybay kabayatan nga agliblibas daytoy kenkuana.
\v 14 Ngem ipakpakita laeng dagitoy a pasamak ti bassit a dagup ti pannakabalinna; kasla makangkangngegtayo laeng iti arasaas manipud iti mannakabalin a timekna. No makangngegtayo ti gurood, kunatayo, 'Siasino ti pudno a makaawat ti kinabileg ti pannakabalinna?'"

\s5
\c 27
\p
\v 1 Simmungbat ni Job kadagiti tallo a gagayyemna babaen iti panangibagana iti daytoy:
\v 2 Nagkedked ti Dios a Mannakabalin-amin a tratoennak iti nalinteg. Pinagsakitna ti nakemko. Ngem kas agbibiag isuna,
\v 3 agingga a pagang-angesennak ti Espiritu ti Dios,

\s5
\v 4 saanakto nga agulbod; saanak a mangibaga iti aniaman a banag a mangallilaw iti siasinoman.
\v 5 Saankonto pulos nga aklonen a pudno ti imbagayo a tallo; agingga iti aldaw a matayak, ipapilitko nga awan iti naaramidko a biddut.

\s5
\v 6 Ibagak nga awan basolko, ket saanakto pulos nga agibaga ti sabali; saannakto nga usigen ti kaunggak bayat a sibibiagak.
\v 7 Kayatko a dusaen ti Dios dagiti kabusorko a kas iti panangdusana kadagiti amin a dakes a tattao; kayatko a dusaenna dagiti mangbabbabalaw kaniak a kas iti panangdusdusana kadagiti amin a tattao a saan a nalinteg.

\s5
\v 8 No tiempon a pukawen ti Dios dagiti awan diosna a tattao ken patayenna ida, awanto a pulos iti nasayaat a banag a namnamaenda a mapasamak kadakuada.
\v 9 No aglak-amda kadagiti riribuk, saanto ida a denggen ti Dios no umawagda kenkuana a dumawat iti tulong, tulunganna kadi ida?
\v 10 Maragsakandanto kadi iti ar-aramiden ti Dios a Mannakabalin-amin? Mangrugida ngata nga agkararag a kanayon kenkuana? Sigurado a saan!

\s5
\v 11 Isurokayo a tallo maipapan iti pannakabalin ti Dios; ipakitak kadakayo ti panpanunotenna.
\v 12 Dakayo a tallo ket nakitayo a mismo dagiti naindaklan a banbanag nga inaramid ti Dios; isu a saanko a maawatan no apay nga agibagbagakayo kaniak iti kakasta nga awan kaes-eskanna.

\s5
\v 13 Ibagak kadakayo ti aramiden ti Mannakabalin Amin a Dios kadagiti dakes a tattao, ti ar-aramidenna kadagiti tattao a saan a nasayaat ti panangtratoda kadagiti dadduma.
\v 14 Uray no adu ti annakda, matayto dagidiay nga annak kadagiti gubat, wenno matayda gapu ta awan ti umdas a taraon a kanenda.

\s5
\v 15 Inton mataydan, dagiti annakda a sibibiag pay ket mataydanto gapu kadagiti sakit ken saanto pay nga agladingit para kadakuada dagiti panawanda nga assawada.
\v 16 No maminsan, agurnong dagiti dakes tattao iti adu a pirak ken agipenpenda iti adu a pagan-anay kas iti panangipenpen dagiti agdamdamili iti pitak,
\v 17 ngem matayto dagiti dakes a tattao, ket ikawesto dagiti nalinteg a tattao dagidiay a pagan-anay ken alaento dagiti napudno a tattao dagiti pirakda ket pagbibingayanda dagitoy.

\s5
\v 18 Dagiti impatakderda a balbalay ket narukop a kas kadagiti sapot ti lawwalawwa; kasda la dagiti narukop a kallapaw a pagnanaendan dagiti agbanbantay kabayatan a banbantayanda dagiti talon dagiti tattao.
\v 19 Nabaknang dagiti dakes a tattao no agiddada iti rabii, ngem inton agriingda iti agsapa, matakwatanda a napukawen dagiti kuartada.

\s5
\v 20 Umay kadakuada dagiti banag a pagbutbutnganda a kas iti layus a saanda a namnamaen; iti rabii, adda alipugpog a mangiyadayo kadakauada.
\v 21 Kasla binagkat ida ti angin a naggapu iti daya ket inyadayona ida manipud iti pagtaenganda, ket nagpukawdan nga agnanayon.

\s5
\v 22 Agdissuor ti angin nga awan as-asina kadakuada bayat nga agtartarayda nga umad-adayo, padpadasenda ti aglibas manipud iti napigsa nga angin.
\v 23 Kasla maysa a tao dayta nga angin nga agtiptipat a manglalais kadakuada, bumanesbes a mangpappapanaw kadakuada."

\s5
\c 28
\p
\v 1 "Pudno nga adda dagiti lugar a pagkalkalian dagiti lallaki tapno pagbirukanda iti pirak, ken adda dagiti lugar a pagguggugoranda iti balitok a nakalida.
\v 2 Kalkalien dagiti tattao ti landok manipud iti daga, ken agrunrunawda pay iti gambang.

\s5
\v 3 Agus-usar dagiti lallaki kadagiti pagsilawan bayat iti panagtrabahoda iti uneg ti daga tapno agbirok iti landok iti uneg ti pagminasan a kasta unay ti sipngetna.
\v 4 Agkalida kadagiti abot kadagiti lugar nga adayo iti pagnanaedan dagiti tattao, kadagiti saan a pappapanan dagiti agdaldaliasat. Agtartrabahoda iti lugar nga adayo kadagiti dadduma a tattao, agpilplillayogda kadagiti tali nga agsublisubli bayat ti iyu-ulogda kadagiti abot.

\s5
\v 5 Agtaud ti taraon iti rabaw ti daga, ngem iti unegna, nga awan iti taraon, agpupuor dagiti agminminas a mangburak kadagiti dadakkel a bato.
\v 6 Dagiti bato a nakalida iti uneg ti daga ket naglaon kadagiti safiro, ken ti pitakna ket naglaon kadagiti maregmeg ti balitok.

\s5
\v 7 Adda dagiti billit nga addaan iti nasipot a mata, ngem uray dagiti kali ket saanda nga ammo ti ayan dagiti pagminasan, ken saan pay a nakita dagiti buitre dagidiay a lugar.
\v 8 Saan pay a pulos a nadanun dagiti leon ken dadduma pay nga atap nga ayup dagidiay a lugar.

\s5
\v 9 Kalkalien dagiti agminminas dagiti nagtatangken unay a bato; a kasla imbaliktadda dagiti bantay tapno maalada dagiti napapateg a bato.
\v 10 Nagaramidda kadagiti pagayusan kadagiti dadakkel a bato, ket nakabirokda kadagiti napapateg a banag.
\v 11 Tamtambakanda dagiti babassit a pagayusan tapno agsardeng ti panagayus ti danum, ken isangsang-atda iti rabaw ti daga dagiti banbanag a nailemmeng iti uneg ti daga ken kadagiti pagayusan.

\s5
\v 12 Ngem ti kinasirib: Sadino ti pakasarakan dagiti tattao iti dayta? Sadino ti pakasarakantayo iti pudno a pannakaawat kadagiti banbanag?
\v 13 Saan nga ammo dagiti tattao ti pudno a kinapateg ti sirib; awan ti siasinoman a makasarak iti daytoy iti lubong a pagnanaedanda.
\v 14 Kasla kinuna ti danum nga adda iti uneg ti daga ken iti baybay, 'Awan kaniak daytoy!'

\s5
\v 15 Saan a magatang dagiti tattao ti kinasirib babaen iti pirak ken balitok.
\v 16 Nagatgatad nga adayo ti kinasirib ngem iti kasayaatan a balitok manipud iti daga ti Ofir, napatpateg ngem kadagiti kanginginaan a batbato.
\v 17 Napatpateg daytoy ngem iti balitok wenno iti napipintas a kristal, napatpateg ngem kadagiti banga a naaramid manipud iti kasaayatan a balitok.

\s5
\v 18 Ad-adda a napatpateg ti kinasirib ngem iti koral ken kristal; nangatngato ti gatad ti kinasirib ngem iti gatad ti rubi.
\v 19 Nababbaba ti gatad ti topasio iti Etiopia ken ti puro a balitok ngem iti gatad ti kinasirib.

\s5
\v 20 Sadino ngarud ti paggappuan ti kinasirib? Sadino ti pakasarakantayo iti pudno a pannakaawat kadagiti banbanag?
\v 21 Awan ti sibibiag a tao a makakita iti daytoy; ken saan a makita daytoy dagiti billit bayat ti kaaddada iti tangatang.
\v 22 Kasla kinuna dagiti lugar a pappapanan dagiti tattao no matayda, 'Nangngeganmi laeng dagiti sayanggusing maipapan iti pakasarakan ti kinasirib.'

\s5
\v 23 Ti Dios laeng ti makaammo no kasano a masarakan ti kinasirib; ammona ti ayanna daytoy
\v 24 gapu ta makitkitana dagiti banag uray kadagiti kasulinekan a paset ti lubong; makitkitana amin a banag nga adda iti babaen ti tangatang.
\v 25 Inkeddengna ti kapigsa ti panagpul-oy ti angin, ken ti kaaadu ti tudo kadagiti ulep,

\s5
\v 26 Inkeddengna ti pagtinnagan ti tudo, ken ti pagdalanan ti kimat manipud kadagiti ulep nga agdisso iti daga.
\v 27 Iti dayta a tiempo nakitana ti sirib ket inkeddengna a napateg unay daytoy. Inadalna ken inanamonganna daytoy.
\v 28 Ket kinunana kadagiti tattao, 'Denggenyo! No addaankayo iti panagraem kaniak, agbalinkayonto a nasirib; tapno maawantanyo a nalaing ti amin a banag, masapul a tallikudanyo nga umuna iti agaramid ti kinadakes."'

\s5
\c 29
\p
\v 1 Nagsao manen ni Job ket daytoy ti kinunana:
\v 2 "Kayatko koma nga agbalinak a kas kadagiti naglabas a panawen, idi inaywanannak ti Dios.
\v 3 Kadagidiay a tawtawen, kasla nagraniag kaniak ti silaw ti Dios ket sinilawannak kabayatan a magmagnaak iti kasipngetan.

\s5
\v 4 Iti dayta a tiempo kaub-ubingak pay laeng ken napigsaak, ken gapu ta gayyemko idi ti Dios, sinalaknibanna ti nagnaedak.
\v 5 Kaduak ti Dios a Mannakabalin-amin idi panawen nga adda iti dennak dagiti amin nga annakko.
\v 6 Nangipaay kaniak dagiti arbanko ti adu a gatas, ken nagayus iti lana dagiti dadakkel a bato a nagpespesan dagiti adipenko kadagiti olibo.

\s5
\v 7 Tunggal mapanak idi iti lugar a paguummongan dagiti panglakayen idiay ruangan ti siudad, nakitugawak kadakuada,
\v 8 ket idi nakitadak dagiti agtutubo a lallaki, limmisida a siraraem, ken timmakder met a siraraem dagiti lallakay.

\s5
\v 9 Agsardeng idi nga agsasao dagiti panguloen dagiti tattao,
\v 10 ken uray dagiti katataknengan a tattao ket agulimek ken sumardengda nga agsasao tapno mangngegdak nga agsao kadakuada.

\s5
\v 11 No nangngegdan dagiti imbagak kadakuada, nasayaat a banbanag ti ibagada maipapan kaniak. Tunggal makitadak, kanayon a padayawandak
\v 12 gapu ta tinulungak dagiti nakurapay a tattao idi dimmawatda iti tulong, ken gapu ta inispalko dagiti naulila nga awan ti siasinoman a tumulong kadakuada.
\v 13 Rinaemdak dagiti agsagsagaba ken matmatay, ken pinagkantak dagiti balo a sirarag-o gapu ta tinulongak ida.

\s5
\v 14 Kankanayon a nagtignayak a sililinteg; dagiti tignayko ket kasla maysa a kagay nga inkawesko ken kasla maysa a turban a naibedbed iti ulok.
\v 15 Kasla siak ti kimmita para kadagiti bulsek a tattao ken siak ti nagna para kadagiti lugpi a tattao.
\v 16 Nagbalinak a kasla ama kadagiti napanglaw a tattao, ken inkanawak dagiti ganggannaet iti pagukoman.

\s5
\v 17 Inanawak dagiti dakes a tattao a mangidaddadanes kadagiti dadduma; a kasla maysa a tao a nangpusi iti ngipen dagiti atap nga ayup ken pinilitna ida nga itinnagda dagiti kinemmegda manipud kadagiti ngipenda.
\v 18 Iti dayta a tiempo napanunotko, 'Awan duadua nga agbiagakto a natalna agingga a lumakayak, ken matayakto iti pagtaengak a kaduak ti pamiliak.'
\v 19 Kasla ak la kayo a rimmamot iti uneg ti danum ken rinabii a mabasbasa iti linnaaw dagiti sangak.

\s5
\v 20 Kanayon a rinaraemdak dagiti tattao, ken kanayon a napigsaak a kas iti baro a pana.
\v 21 Tunggal agsaoak, agur-uray dagiti tattao a dumngeg iti ibagak; naulimekda agingga a mabalakadak ida iti rumbeng nga aramidenda.
\v 22 Kalpasan iti panagsasaok, awanen pulos ti maibagada; kasla tudo a nagtinnag dagiti sasaok kadagiti lapayagda.

\s5
\v 23 Inuraydak nga agsao a kas iti panagurayda iti tudo; naay-ayoda kadagiti naibagak a kas kadagiti mannalon a maragsakan iti kauddian a tudo iti tiempo ti panagsaringit sakbay iti tikag.
\v 24 Idi nalidayda, inesemak ida tapno mapakiredda; napakiredda idi nakitada ti naragsak a rupak.

\s5
\v 25 Nagbalinak a panguloda, ket inkeddengko dagiti nasayaat a banbanag nga aramidenda; kaduadak a kas iti maysa nga ari a kadua dagiti armadana; nagbalinak a mangliwliwa kadagiti agladladingit."

\s5
\c 30
\p
\v 1 "Ngem ita, pagkakatawaandak dagiti lallaki nga ub-ubing ngem siak - dagiti lallaki a ti ammada ket inum-umsik iti kasta unay- dagiti amada, a saanko pay a pulos a pinalubosan a tumulong kadagiti asok a mangbantay iti karnerok.
\v 2 Isuda dagiti lallaki a lallakayen ken nakapsut; ania koma ti maganabko kadagitoy a lallaki nga agtrabaho kaniak, urayno ipagarupda a napigsada?
\v 3 Kasta unay ti kinakurapayda ken mabisbisinanda, isu nga nginatngatingatda dagiti ramut iti rabii idiay natikag ken awan matagtagitaona a luglugar.

\s5
\v 4 Nagparutda kadagiti mula idiay disierto ket kinnanda dagitoy; pinabarada dagiti bagbagida babaen iti panangpuorda kadagiti ramut dagiti kaykayo a buyboy.
\v 5 Impukkaw dagiti amin a tattao kadakuada, "Sumardengkayo, agtatakaw!" ket pinatalawda ida manipud iti lugarda.
\v 6 Napilitda nga agnaed kadagiti asideg ti karayan, kadagiti rukib iti daga, ken kadagiti rangkis.

\s5
\v 7 Kadagiti narabuy a mulmula, nagtaguobda a kas kadagiti ayup gapu ta mabisinda, ken naglilinnetletda iti sirok dagiti narabuy a mulmula.
\v 8 Isuda dagiti tattao nga awan serserbina, a dagiti nagnaganda ket awan ti makaammo; napatalawda iti daga a nakaiyanakanda.

\s5
\v 9 Ita, agkankanta dagiti annakda kadagiti kankanta tapno pagkakatawaandak. Rabrabakendak.
\v 10 Marurodda kaniak, ken ad-adaywandak, ngem no makitadak, maragsakanda a mangtupra iti rupak.
\v 11 Kasla pinugsat ti Dios ti tali ti panak ket innikatna ti kabaelak a mangikanawa iti bagik; impababanak, ket inaramid dagiti kabusorko ti aniaman a kinayatda.

\s5
\v 12 Dinarupdak ti bunggoy dagitoy a tattao ken pilitendak nga umadayo; nagsaganada a mangdadael kaniak.
\v 13 Linappedandak a makalibas, ket awan ti siasioman a makaanawa kadakuada iti panangdarupda kaniak.

\s5
\v 14 Kasla maysaak a pader iti siudad ket inabutanda daytoy, a kasla immayda a naggiginnabor kaniak.
\v 15 Kasta unay ti butengko; kasla intayab ti angin ti dayawko, ket nagpukaw ti kinarang-ayko a kas iti panagpukaw dagiti ulep.

\s5
\v 16 Ita, matmatayakon; inaldaw nga agsagabaak.
\v 17 Agut-ot dagiti tulangko iti rabii, ket saan pulos nga agsardeng ti ut-ot a mangparparigat kaniak.

\s5
\v 18 Kasla la ginammatan ti Dios ti pagan-anayko ken kuenelionak.
\v 19 Impalladawnak iti kapitakan; awanen pategko a kas iti tapok ken dapu.

\s5
\v 20 Immasugak kenka, O Dios, ngem saannak a sinungbatan; timmakder ken nagkararagak, ngem saanmo nga impangag.
\v 21 Naulpitka unay kaniak; iti amin a pannakbalinmo, pinagsagabanak.

\s5
\v 22 Impalubosmo nga ipangato ket itayabnak ti angin, ken nangyegka iti napigsa a bagio a mangdadael kaniak.
\v 23 Ammok a patayennakto, nga isu ti mapaspasamak iti amin a sibibiag.

\s5
\v 24 No mapadasan dagiti tattao ti didigra, agtugawda iti rabaw dagiti nadadael ken umawagda iti tulong; umasugda a dumawat iti tulong.
\v 25 Nagsangitak para kadagiti tattao a marirriribukan, ken nakipagladingitak kadagiti nakurapay a tattao.
\v 26 Nupay kasta, idi ninamnamak a naimbag a banbanag ti mapasamak kaniak, dakes ti napasamak; idi inurayko ti lawag, dimteng ketdi kaniak ti kinasipnget.

\s5
\v 27 Marigrigatanak iti amin a gundaway; inaldaw nga agsagsagabaak.
\v 28 Kasta unay ti pannakaupayko; tumakderak ken agpakaasiak kadagiti tattao a tulungandak.
\v 29 Ti panagdung-awko ket naliday a kas kadagiti atap nga aso ken kadagiti kullaaw idiay let-ang.

\s5
\v 30 Ngimmisit ti kudilko ken agtuktuklap payen, ken adda gurigorko a kasla mangpupuor iti bagik.
\v 31 Idi napalabas, nararagsak a musiko ti tinuktukarko babaen iti arpak ken plautak, ngem ita dagiti laengen naliday a musiko dagiti agladladingit ti tuktukarek."

\s5
\c 31
\p
\v 1 "Sipapasnekak a nagkari iti bagik a saanak a kumita iti balasang ken agtarigagay a makikaidda kenkuana.
\v 2 No saanko nga inaramid ti inkarik, ania ti ited kaniak ti Dios nga adda iti langit? Awan duadua a saannak nga ikkan ti Dios a Mannakabalin amin iti aniaman a gun-guna!

\s5
\v 3 Idi, ipagarupko a dagiti saan a nalinteg a tattao ti sigurado a makapadas kadagiti kalamidad ken dagiti agar-aramid iti dakes ti makapadas kadagiti didigra.
\v 4 Awan duadua a makitkita ti Dios ti amin a banbanag nga ar-aramidek, isu nga apay a pagsagsagabaennak? Kasla bilbilangenna ti tunggal addangko.

\s5
\v 5 Sipapasnek nga ipakaammok a saanak a pulos a nagtignay a sidadangkes ken saanko pulos a napadasan ti mangallilaw kadagiti tattao.
\v 6 Kidkiddawek laeng nga ukomennak a sililinteg ti Dios; no aramidenna dayta, maammoanna nga awan basolko.

\s5
\v 7 No pudno a simmiasiak manipud iti panpannagnak iti nalinteg a dalan, wenno nakitak dagiti dakes nga aramid ket inaramidko dagitoy wenno namansaan dagiti imak gapu ta nagbasolak,
\v 8 namnamaek ngarud a no agmulaak kadagiti bukel, apitento ti sabali dagiti mula ken kanenda dagitoy ket parutento ti sabali dagiti immulak.

\s5
\v 9 No pudno a naguyugoyak iti asawa ti sabali a lalaki wenno naglemmengak ket nagurayak iti ruar ti ruangan iti balayna,
\v 10 adda koma sabali a lalaki a mangkaidda iti asawak ken makikaidda met ti asawak kenkuana.

\s5
\v 11 Para kaniak, nakaam-amak a basol ti panangaramid iti dayta ken ikeddeng dagiti ukom a rumbeng a madusaak.
\v 12 Ti pannakikamalalak ket mangpataud kaniak iti apuy a kas iti apuy a mangur-uram kadagiti tattao idiay impierno, ken uramennanto dagiti amin a kukuak.

\s5
\v 13 No pudno a nagkedkedak a dumngeg iti maysa kadagiti lalaki wenno babbai nga adipenko no agreklamoda kaniak maipapan iti maysa a banag,
\v 14 tumakder koma ti Dios ket ikeddengna a dusaennak; inton aramidenna dayta, ania ti maaramidak? No saludsodennak iti maipapan iti inaramidko, ania iti isungbatko?
\v 15 Ti Dios a nangparsua kaniak, nga awan duadua a nangparsua met kadagiti adipenko; pudno nga isuna iti nangsukog kadakuada ken nangsukog kaniak iti aanakan dagiti innami, isu a tratoentayo koma amin ti tunggal maysa iti agpada a wagas.

\s5
\v 16-18 Indalanko dagiti ulila manipud idi naiyanakda; inaywanak ida sipud pay idi ubbingda. Isu a no pudno a kinnanko a sisiak ti amin a taraonko ken saanko nga imbingayan iti sumagmamano dagiti ulila, wenno nagkedkedak a mangted kadagiti nakurapay a tattao kadagiti banbanag a kayatda, wenno pinagsagabak dagiti balo,

\s5
\v 19 wenno nakitak dagiti tattao a natay iti lam-ek gapu ta awan pagan-anayda wenno nakitak dagiti nakurapay a tattao nga awan ti pagan-anayda a mangpapudot kadakuada,
\v 20 ken saanda a pumudot iti pagan-anay a naaramid manipud iti buok iti karnerok ken nagyamanda kaniak para iti daytoy,
\v 21 wenno no pudno a binutbutengko a kabilen ti siasinoman nga ulila gapu ta ammok nga annamongandak dagiti panglakayen iti ruangan ti siudad;

\s5
\v 22 no pudno dagidiay a banbanag maipanggep kaniak, masip-ak koma ti abagak ken matukkol koma ti takkiagko manipud iti abagak.
\v 23 Mabutengak nga amangan no ipapadas ti Dios kaniak ti dakkel a didigra no aramidek iti aniaman kadagidiay a dakes a banbanag, ken saanko koma a kinabaelan nga ibturan dagiti nabibileg a banbanag nga aramidenna a mangdusa kaniak.

\s5
\v 24 No pudno a nagtalekak iti balitokko
\v 25 wenno nagrag-oak gapu ta adu dagiti nagun-odko a banbanag ket bimmaknangak iti kasta unay,

\s5
\v 26 wenno kimmitaak iti init idi agranraniag daytoy wenno kinitak ti napintas a bulan
\v 27 ken nasulisogak nga agrukbab kadagitoy babaen iti panangag-agekko iti imak nga agdaydayaw kadakuada,
\v 28 basol met laeng koma dagidiay a banbanag nga ibaga dagiti ukom a masapul a madusaak gapu ta laklaksidek ti Dios babaen iti panagaramidko kadagidiay a banbanag.

\s5
\v 29-30 Saan a pudno a nagbasolak babaen iti panagkiddawko iti Dios nga ilunodna dagiti tattao a nanggura kaniak ken papatayenna ida; wenno nagragsakak idi nadadaelda ken nagrag-oak idi nadidigrada;

\s5
\v 31-32 wenno saanko a pulos a pinasangbay dagiti agdaldaliasat tapno agnaed iti balayko ken saanko a nilukatan dagiti ruanganko kadakuada ngem pinilitko ida a maturog kadagiti kalsada. Awan duadua nga ammo dagiti amin a lallaki nga agtrabtrabaho kaniak a nangtedak iti taraon iti siasinoman nga agkasapulan iti taraon!

\s5
\v 33 Adda dagiti tattao a mangilemmeng kadagiti basbasolda, ngem saanko a pulos nga inaramid dayta;
\v 34 ken saanak a pulos a nagulimek lattan ken nagkedked a rumuar gapu ta mabutengak iti mabalin nga ibaga dagiti tattao maipapan kaniak ken amangan a guraendak.

\s5
\v 35 Adda koma iti dumngeg iti ibagbagak! Sipapasnek nga ipakaammok a pudno amin nga imbagak. Isurat koma dagiti amin a bumusor kaniak iti nalukot a papel dagiti dakes a banbanag nga ibagbagada nga inaramidko.
\v 36 No inaramidda dayta, baklayek dayta a nalukot a papel wenno susuonek tapno makita iti amin daytoy.
\v 37 Ibagak iti Dios ti amin nga inaramidko, ken umasidegak kenkuana a kas iti ar-aramiden ti maysa a mangiturturay, a saan a mabutbuteng.

\s5
\v 38 No pudno a nagtakawak ti daga, tapno agpukkaw a kasla maysa a tao dagiti guritna a mangpabasol kaniak;
\v 39 wenno kinnanko dagiti mula a dimmakkel iti talon ti sabali a saanko a binayadan dagitoy a mula, tapno dagiti mannalon a nangpadakkel kadagitoy ket matayda iti bisin;
\v 40 agtubo koma dagiti sisiit kadagiti taltalonko imbes a trigo, ken agtubo dagiti ruruot imbes a sebada!" Dayta ti nagpatinggaan ti imbaga ni Job kadagiti tallo a gagayyemna.

\s5
\c 32
\p
\v 1 Kalpasanna, nagsardeng dagiti tallo a lallaki a mangsungsungbat kenni Job gapu ta saanda a maallukoy ni Job a nagbasol isuna.
\v 2 Ket nakapungtot iti kasta unay kenni Job ni Elihu nga anak ni Barakel, a kaputotan ni Buz, a nagtaud iti puli ni Ram. Nakapungtot isuna gapu ta intultuloy ni Job ti mangibagbaga nga awan basolna, ken ti Dios ket nagbiddut a nangdusa kenkuana.

\s5
\v 3 Nakapungtot pay isuna kadagiti tallo a gagayyem ni Job gapu ta imbagada a nakaaramid ni Job kadagiti banbanag a dakes, ngem saanda a maallukoy isuna.
\v 4 Ita, ub-ubing ni Elihu ngem kadagiti tallo a lallaki, isu a naguray isuna agingga a nalpasda a nagsao, sakbay a simmungbat isuna kenni Job.
\v 5 Ngem nakapungtot ni Elihu idi madlawna nga awanen ti maibaga dagiti tallo a lallaki kenni Job.

\s5
\v 6 Daytoy ti imbagana: "Ubingak, ken laklakaykayo amin ngem siak. Isu a nagbainak ken mabutengak a mangibaga kadakayo no ania ti panpanunotek.
\v 7 Kinunak iti bagik, 'Rumbeng a dagiti natataengan ti agsao gapu ta kabaelan nga ibaga dagiti natataengan dagiti masisirib a banbanag.'

\s5
\v 8 Nupay kasta, adda ti Espritu ti Mannakabalin a Dios kadagiti tattao, ken isuna ti mangpaspasirib kadakuada.
\v 9 Saan nga amin a tattao ket agbalin a masirib inton nataengandan; saan nga amin a nataengan a tattao ket makaawat iti umno.
\v 10 Isu nga ibagak kadakayo daytoy ita, 'Dumngegkayo kaniak, ket palubosandak a mangibaga iti ammok.'

\s5
\v 11 Inurayko nga agsaokayo amin; kayatko a mangngeg dagiti nainsiriban a banbanag nga ibagayo. Nagur-urayak bayat a panpanunotenyo a naimbag ti rumbeng nga ibagayo.
\v 12 Dimngegak a naimbag, ngem ti nakakasdaaw, awan kadakayo ti makapaneknek a biddut ti imbaga ni Job.

\s5
\v 13 Isu a saanyo nga ibaga kadagiti bagbagiyo, 'Natakuatanmi ti kinasirib!' Ti Dios ti rumbeng mangsungbat kenni Job gapu ta saanyo a naaramid a tallo dayta.
\v 14 Simmungsungbat ni Job kadakayo, saan kaniak, isu a saanak a sumungbat kenkuana babaen iti panangibagak iti imbagbagayo.

\s5
\v 15 Ibagbagak daytoy iti bagik: natikaw dagitoy a tallo a lallaki gapu ta awanen iti maibagada kenni Job; awanen iti maibagada kenkuana.
\v 16 Ngem gapu ta saankayo nga agsasao, saanakon nga aguray pay; nakatakdekayo lattan ken saankayon a sumungsungbat.

\s5
\v 17 Isu nga ita, sumungbatak met kenni Job ket ibagak kenkuana ti ammok.
\v 18 Adu ti kayatko nga ibaga, ken pilpilitennak ti espirituk nga ibagak daytoy.
\v 19 Ti kaunggak ket kasla pagkargaan iti arak a mabinbinnat gapu iti pannakapaingelna, ket dandani bumtaken.

\s5
\v 20 Masapul nga agsaoak tapno mabang-arannak manipud iti panagtepteppelko kadagiti sasaok; masapul a sumungbatak kadakayo amin.
\v 21 Agsaoak iti patas, awan ti kankanunongak kadakayo, ken awan siasinoman a patiray-okak.
\v 22 Saanko nga ammo ti mangpatiray-ok kadagiti tattao; no aramidek dayta, dadaelennakto ti Dios iti mabiit."

\s5
\c 33
\p
\v 1 "Ita Job, dumngegka a naimbag iti amin nga ibagak.
\v 2 Nakasaganaak a mangibaga kenka iti panpanunotek.
\v 3 Iti kaunggak ammok nga agsasaoak a sipupudno ken saanak nga agul-ulbod.

\s5
\v 4 Pinarsuanak ti Mannakabalin a Dios kasta met kenka, ken pinagbiagnak babaen iti angesna.
\v 5 Isu a sungbatam ti ibagak no kabaelam; panunotem a naimbag no ania ti isungbatmo kaniak.

\s5
\v 6 Ibil-bilang ti Dios a sika ken siak ket agpada; dinamilinata manipud iti pitak.
\v 7 Isu a saanka nga agbuteng kaniak; Saanak nga agsao kenka iti ginugubsang.

\s5
\v 8 Nangngegko a nagsaoka, ket daytoy ti imbagam:
\v 9 "Awan ti basolko, ken saanak a nakaaramid iti aniaman a basol; nadalusak, ket awan inaramidko a biddut.

\s5
\v 10 Ngem agbirbirok ti Dios iti rason a mangpabasol kaniak, ken ibilbilangnak a kabusorna.
\v 11 Kasla kawkawaranna dagiti sakak ken sipsiputanna amin nga aramidko.'
\v 12 Nupay kasta, biddut ti imbagam, ket ibagak kenka no ania ti imbagam a biddut. Natantan-ok ti Dios ngem iti siasinoman a tao.

\s5
\v 13 Isu nga apay a makisinsinnupiatka iti Dios? Saan a masapul nga ibagana kadatayo no apay nga ar-aramidenna ti aniaman a banag.
\v 14 Pudno, agsasao ti Dios kadatayo iti nadumaduma a wagas, ngem saantayo nga ipangpangag ti ibagbagana.
\v 15 No dadduma agsasao isuna kadatayo iti rabii babaen kadagiti tagtagainep ken sirmata no agid-iddatayo, a narnekan ti turog.

\s5
\v 16 Ipakpakitana kadatayo dagiti banbanag kadagidiay a tiempo; butbutngennatayo babaen iti panangipakdaarna kadatayo maipanggep kadagiti banbanag.
\v 17 Ibagbagana kadatayo dagidiay a banbanag tapno agsardengtayo nga agar-aramid kadagiti dakes ken tapno malapdantayo iti panagbalin a napasindayag.
\v 18 Saanna kayat a madadaeltayo; kayatnatayo nga ilisi iti ipapatay bayat nga ubingtayo pay laeng.

\s5
\v 19 Ilinlintegnatayo pay ti Dios babaen iti panangpilitna kadatayo nga agidda iti pagiddaantayo, agsagsagaba iti kasta unay nga ut-ot ken gurigor kadagiti tulangtayo.
\v 20 Ti pagbanaganna ket saantayo nga agtarigagagay iti aniaman a taraon, uray pay ti naisangsangayan a taraon.

\s5
\v 21 Kumuttong ti kasta unay dagiti bagitayo tapno kaslatayo la kalansayen, ken agparang dagiti tulangtayo tapno mabilang ti dadduma dagitoy.
\v 22 Ammotayo a mataytayonto iti mabiit ket mapantayo iti lugar nga ayan dagiti natay.

\s5
\v 23 Ngem no dadduma, mabalin nga umay ti maysa nga anghel iti maysa kadatayo, maysa kadagiti rinibribu nga anghel nga umay mangibaet kadatayo ken iti Dios, a mangibaga kadatayo dagiti umno a banbanag nga aramidentayo.
\v 24 Naasi ti anghel kadatayo ket ibagbagana iti Dios, 'Pangngaasim ta wayawayaam dayta a tao, tapno saan a bumaba iti lugar dagiti natay a tattao! Aramidem dayta gapu ta nakasarakak iti wagas tapno iyadayom isuna iti ipapatay!

\s5
\v 25 Pangngaasim ta papigsaem koma manen ti bagina; pangngaasim ta ipalubosmo a pumigsa isuna a kasla idi kaub-ubinganna!'
\v 26 No mapasamak dayta, agkararagto dayta a tao iti Dios, ket awatento isuna ti Dios; sumrekto isuna iti presensia ti Dios a sirarag-o ket ibagananto kadagiti sabali no kasano nga insalakan isuna ti Dios manipud iti ipapatay.

\s5
\v 27 Agkantanto isuna kabayatan nga ibagbagana iti tunggal maysa, 'Nagbasolak, ken nakaaramidak kadagiti banbanag a saan nga umno, ngem saannak a dinusa ti Dios iti wagas a nakaikariak.
\v 28 Insalakannak iti ipapatay ken iti ipapan iti lugar nga ayan dagiti tattao a natay, ket itultuloyko a ragsaken ti agbalin a sibibiag.'

\s5
\v 29 Ar-aramiden ti Dios amin dagitoy a banbanag kadatayo iti adu a daras;
\v 30 is-ispalennatayo manipud iti ipapatay ken ipapan iti lugar dagiti natay, tapno maitultuloytayo a ragsaken ti agbalin a sibibiag.

\s5
\v 31 Dumngegka ngarud kaniak Job; saankan nga agsao pay; palubosannak lattan nga agsao.
\v 32 Kalpasan ti panagsaok, no adda pay kayatmo nga ibaga kaniak, ibagam, gapu ta kayatko iti makasarak iti wagas a mangibaga nga awan ti basolmo.
\v 33 Nupay kasta, no awanen ti kayatmo pay nga ibaga, dumngegka latta ngaruden kaniak ket isuroka no kasano iti agbalin a nasirib."

\s5
\c 34
\p
\v 1 Ket intuloy ni Elihu nga ibaga daytoy:
\v 2 "Dakayo a tattao a mangipagpagarup a nasiribkayo unay, denggendak; denggenyo dagiti ibagbagak, dakayo a tattao a mangibagbaga nga adu unay ti ammoyo.
\v 3 No dengdenggentayo dagiti tattao nga agsasao, panpanunotentayo a nalaing dagiti ibagbagada tapno maammoantayo no ania ti nasayaat ken dakes, kas iti panagramantayo kadagiti taraon tapno maammoantayo no ania ti nasayaat a kanen.

\s5
\v 4 Ikeddengtayo koma no siasino ti agibagbaga ti umno, ken masapul a sukimatentayo no ania iti nasayaat para kadatayo.
\v 5 Kinuna ni Job, 'Awan ti basolko, ngem nagkedked ti Dios nga ukomennak a sililinteg.
\v 6 Uray no kankanayonko nga ar-aramiden ti umno, agul-ulbod isuna maipanggep kaniak. Uray no awan iti naaramidko a biddut, pinagsagabanak, ken awan duadua a matayakto gapu iti daytoy.'

\s5
\v 7 Adda kadi ti tao a kas kenni Job a mangum-umsi kadagiti dadduma a kas kalaka ti pananginom dagiti tattao iti danum?
\v 8 Makikadkadua isuna a kanayon kadagiti tattao nga agar-aramid iti dakes ken makikuykuyog kadagiti nadangkes a tattao.
\v 9 Pudno nga ar-aramidenna dagitoy a banbanag, gapu ta kinunana, 'Awan serserbina para kadagiti tattao nga ay-ayoenda ti Dios.'

\s5
\v 10 Ngarud, dakayo a tattao a mangibagbaga a maawatanyo amin a banbanag, dumngegkayo kaniak! Saan pulos a mapanunot ti Mannakabalin amin a Dios ti agaramid ti aniaman a banag a nadangkes wenno biddut!
\v 11 Subsubadanna dagiti tattao kadagiti inaramidda; it-itedna ti rumbeng kadakuada a maiyannurot iti panagbiagda.
\v 12 Pudno, saan a pulos nga agar-aramid ti Mannakabalin a Dios iti nadangkes; saanna pulos nga ibilang a nalinteg ti dakes nga aramid.

\s5
\v 13 Awan iti nangted kenkuana iti turay tapno iturayanna amin a banbanag iti rabaw ti daga; awan ti nangisaad kenkuana nga agturay iti entero a lubong. Addan kenkuana a kanayon ti turay.
\v 14 No ti bukodna laeng a bagi ti pinanunotna ket saan ti maipanggep kadatayo, ken no pagsardengennatayon nga agbiag,
\v 15 matay a dagus ti tunggal maysa, ket agbalinto manen a daga dagiti bangkayda.

\s5
\v 16 Ngarud, Job, no ibagbagam a maawatam amin a banag, dumngegka iti ibagbagak.
\v 17 Pudno a saan a pulos a guraen ti Dios ti umno ket iturayanna latta ti lubong. Isu a pudno a saanmo a maumsi ti Dios, a nalinteg ken mannakabalin, ken saanmo a mabalin nga ibaga a biddut dagiti inaramidna, maibagam kadi?

\s5
\v 18 Ibagbagana kadagiti dadduma nga ari nga awan ti serserbida, ken ibagbagana kadagiti dadduma nga opisiales a nadangkesda.
\v 19 Saanna nga ibilbilang a napatpateg dagiti agtuturay ngem kadagiti dadduma; saanna nga ibilbilang a napatpateg dagiti nabaknang ngem kadagiti nakurapay a tattao gapu ta pinarsuana ida amin.
\v 20 Masansan a kellaatda a matay; dangranna ida iti tengnga iti rabii ket matayda; ik-ikkatenna dagiti napapateg a tattao nga awan iti tulong iti siasinoman a tao.

\s5
\v 21 Makitkitana amin nga ar-aramiden dagiti tattao; no magmagnatayo, buybuyaenna amin nga addangtayo.
\v 22 Awan iti kasipngetan a mabalin a paglemmengan dagiti nadangkes a tattao manipud iti Dios.
\v 23 Saan a kasapulan nga isagana ti Dios ti tiempo a tumakdertayo iti sangoananna tapno maukomnatayo. Ammonan ti amin a banag a maipanggep kadatayo.

\s5
\v 24 Daddadaelenna dagiti napapateg a tattao nga awanen iti panangsukimatna iti pudno nga inaramidda, ken dutdutokanna dagiti sabali a tattao a sumukat kadakuada.
\v 25 Gapu ta ammonan ti inaramidda, ik-ikatenna ida iti rabii sana papatayen ida.

\s5
\v 26 Dangdangranna ida gapu kadagiti nadangkes a banbanag a naaramidda; adu a tattao iti makakitkita kenkuana nga ar-aramidenna daytoy.
\v 27 Dangdangranna ida gapu ta timmallikodda kadagiti banbanag a kayatna nga ipaaramid kadakuada ken saanda nga impangag dagiti bilbilinna.
\v 28 Indadanesda dagiti nakurapay a tattao; dimmawat dagiti nakurapay a tattao iti tulong iti Dios, ket nangngegna ida.

\s5
\v 29 Ngem uray no inkeddeng ti Dios a saanna a dusaen dagiti nadangkes a tattao, awan iti makababalaw kenkuana. Iturturayan ti Dios amin a nasion ken amin a tattao.
\v 30 Ar-aramidenna daytoy tapno dagiti mangiturturay kadatayo ket mapadayawanda isuna, tapno saandatayo nga idadanes dagiti mangiturturay kadatayo.

\s5
\v 31 Job, naibagam kadin wenno adda kadin ti nangibaga iti Dios, 'Pudno a nagbasolak, ngem saanakon nga agbasol;
\v 32 isu nga ibagam kaniak dagiti nagbasolak; no nakaaramidak iti aniaman a banag a dakes, saankonton pulos nga aramiden daytoy '?
\v 33 Job, supsuppiatem dagiti inaramid ti Dios kenka, ngem pagarupem kadi nga aramidennanto ti kayatmo nga aramidenna? Sika ti nasken nga agpili no ania ti rumbeng nga ibagam iti Dios, saan a siak; ibagam kaniak ti pampanunotem maipanggep iti daytoy.

\s5
\v 34 Dagiti tattao a makaawat, dagiti masirib ken dagiti dumdumngeg kadagiti ibagbagak, ibagadanto kaniak,
\v 35 'Simamaag nga agsasao ni Job; awan serserbina ti ibagbagana.'

\s5
\v 36 Kadakayo a gagayyem ni Job, ibagbagak daytoy: Ti panagkunak ket masapul a maisaklang ni Job iti pangukoman, gapu ta sungsungbatannatayo, dagiti gagayyemna, kas iti sungbat iti nadangkes a tao.
\v 37 Mainayon kadagiti dadduma a basol nga inaramidna, bumusbusor isuna iti Dios; ipakpakitana kadatayo a saanna a raraemen ti Dios; adu ti ibagbagana a dinusa ti Dios isuna iti saan a sililinteg.

\s5
\c 35
\p
\v 1 Ket kinuna pay ni Elihu daytoy:
\v 2 "Job, pudno aya a panpanunotem nga awan ti naaramidmo a biddut? Ibagbagam nga, 'Ammo ti Dios nga awan basolko,'
\v 3 ken ibagbagam pay, 'Ania ti nasayaat a naawatko iti saan a panagbasbasol? Ania ti pagsayaatan a naawatko a saanko koma a naawat, uray no nagbasolak?'

\s5
\v 4 Sungbatanka ngarud, ken sungbatak pay dagiti tallo a gagayyemmo.
\v 5 Job, tumangadka iti tangatang; kitaem dagiti ulep a nangatngato ngem sika ken amirisem a nangatngato nga adayo ti Dios ngem iti amin a banbanag, saanmo pulos a magaw-at.

\s5
\v 6 No nagbasolka, awan a pulos ti maaramidna dayta iti Dios. Uray no agaramidka kadagiti dakes a banbanag iti mamin-adu a daras, awan duadua a saan isuna a madangran iti dayta.
\v 7 Iti isu met laeng a wagas, no nalintegka, makatulong kadi dayta iti Dios? Saan, awan maitulongmo kenkuana.
\v 8 Dagiti dadduma a tattao ti agsagaba gapu kadagiti kinadangkes a banbanag nga ar-aramidem; Iti isu met laeng a wagas, mabalin a makatulongka kadagiti dadduma no agaramidka kadagiti nasasayaat a banbanag para kadakuada.

\s5
\v 9 Umas-asug dagiti tattao gapu kadagiti adu a banbanag nga ar-aramiden dagiti dadduma tapno parigatenda ida; umawagda iti tulong gapu kadagiti banbanag nga ar-aramiden kadakuada dagiti nabibileg a tattao.
\v 10 Ngem awan iti umaw-awag iti Dios a mangibaga, 'Apay a ti Dios, ti namarsua kaniak, ket saannak a tulongan? Ikkannak koma iti kabaelan nga agkanta kadagiti nararagsak a kankanta, imbes a naladingit unay a kankanta, bayat iti rabii.
\v 11 Ad-adda koma a masuroannatayo a nasayaat ngem kadagiti atap nga ay-ayup; pagbalinennatayo koma a nasirsirib ngem kadagiti amin a tumatayab!'

\s5
\v 12 Umas-asug dagiti tattao iti tulong, ngem saan nga ikaskaso ti Dios ida gapu ta dagiti umay-awag ket napannakkel ken dakes a tattao.
\v 13 Awan serserbi ti panagas-asugda, gapu ta ti Dios, ti Mannakabalin amin, ket saanna nga ikaskaso ti aniaman nga ibagbagada.
\v 14 Isu a no agreklamokayo a saanyo a makita ti Dios, ken ibagayo kenkuana nga ur-urayenyo isuna a mangikeddeng no nagbiddutkayo wenno saan, saan met laeng a dungeg isuna kadakayo!

\s5
\v 15 Maysa pay, ibagayo a gapu ta saanna nga ikaskaso no makabasol dagiti tattao, saan isuna a makaunget ken saanna a dusaen ida.
\v 16 Gagayyemko, nangngegyo nga imbagbaga ni Job dagiti banbanag nga awan a pulos ti kaes-eskanna, nga adu dagiti banbanag nga ibagbagana nga awan iti panangammona no ania dagiti ibagbagana."

\s5
\c 36
\p
\v 1 Lineppas ni Elihu ti ibagbagana babaen iti daytoy:
\v 2 "Job, anusannak pay bassit gapu ta adda pay ti kayatko nga isuro kenka. Adda pay ti ibagak kenka a mangpaneknek a saan nga agar-aramid iti biddut ti Dios.
\v 3 Ibagak kenka ti nasursurok manipud kadagiti adu a pakaammoan, tapno maipakita a nalinteg ti Dios, a namarsua kaniak.

\s5
\v 4 Saanak a mangibaga kenka iti aniaman a palso a banag; Siak, nga ag-taktakder iti sangoanam, ket maysa a makaaw-awat a nalaing kadagiti banbanag.
\v 5 Pudno, mannakabalin unay ti Dios, ken saanna a gurguraen ti siasino man, ken maawatanna ti amin a banbanag.

\s5
\v 6 Saanna nga ipalpalubos nga agtalinaed a sibibiag dagiti nadangkes a tattao--maisupadi iti imbagbagam, ken kankanayon nga agtigtignay isuna a sililinteg kadagiti agsagsagaba.
\v 7 Buybuyaenna a kankanayon dagiti nalinteg; parparang-ayenna ida, a kaslada ari, ken ar-aramidenna a dayawen ida dagiti dadduma iti agnanayon.

\s5
\v 8 Nupay kasta, no matiliw dagiti tattao nga agar-aramid iti krimen, wenno no agsagabada iti pagbaludan gapu iti panangaramidda iti biddut,
\v 9 ket ipakita ti Dios kadakuadda no ania ti inaramidda; ipakitana kadakuada dagiti basol nga inaramidda, ken ipakitana kadakuada a nagbalinda a napannakkel.

\s5
\v 10 Ipangpangngegna kadakuada dagiti ballaagna, ken bilbilinenna ida a tumallikod manipud kadagiti panangar-aramidda iti dakes.
\v 11 No dumngegda kenkuana ken agserbida kenkuana, rumang-aydanto ket agbalinda a naragsak iti amin a tawen ti panagbiagda.
\v 12 Ngem no saanda a dumngeg kenkuana, siraranggasdanto a matay gapu ta awan ti maawatanda maipanggep iti Dios ken iti kayatna nga aramidenda.

\s5
\v 13 Dagiti tattao a saan nga agdayaw iti Dios ket agtultuloy a makaunget ken saanda nga umas-asog iti tulong nga uray dusdusaen ida ti Dios.
\v 14 Matayda kabayatan nga agtutuboda pay laeng, maibabainda gapu kadagiti dakes a kababalinda.

\s5
\v 15 Is-ispalen ti Dios dagiti tattao babaen iti panangpasagabana kadakuada; babaen iti panangparigatna kadakuada, pagdenggenna ida kadagiti ibagbagana kadakuada.
\v 16 Job, panagkunak ket kayatnaka nga irwar ti Dios kadagiti pakarigatam ken palubusannaka nga agbiag nga awan iti pakariribukam; kayatna a mapno ti lamisaanmo iti nasayaat unay a taraon.

\s5
\v 17 Nupay kasta, dusdusaennaka ita ti Dios a kas iti panangdusana kadagiti nadangkes; sililintegnaka nga inukom ti Dios.
\v 18 Agannadka tapno saanka a maallilaw babaen iti panagtarigagay a makagun-odka ti ad-adu pay a kuarta wenno madadaelka babaen iti panagawat iti dakkel a pasuksok ket saanto a nalinteg ti panangtratom kadagiti dadduma.

\s5
\v 19 No mapasamak dayta, awan duadua a saannaka a matulongan ti panagasugmo no marigrigatanka; saannaka a matulongan ti pigsam iti dayta a kasasaad.
\v 20 Saanmo a dawaten a rumabii tapno malaw-anam dagiti dadduma ket agtignayka kadakuada iti saan a nasayaat nga awan iti makaammo iti daytoy; rabii ti tiempo inton madadael ti entero a puli dagiti tattao!
\v 21 Agannnadka a saanka a mangrugi nga agaramid kadagiti dakes, gapu ta pinagrigatnaka ti Dios tapno malappedannaka manipud iti panagaramid iti dakes.

\s5
\v 22 Pudno, day-dayawen dagiti tattao ti Dios gapu ta mannakabalin unay isuna; pudno nga awan iti manursuro a mangisursuro kadagiti isursurona.
\v 23 Awan iti nangmandar kenkuana iti masapul nga aramidenna, ken awan iti nangibaga kenkuana, 'Biddut ti inaramidmo!'
\v 24 Kankanayon a nagkankanta dagiti tattao nga agdayaw kenkuana, isu a saanmo met koma a pulos a liplipatan nga agdayaw kenkuana gapu kadagiti inar-aramidna.

\s5
\v 25 Nakita amin dagiti tattao dagiti inaramidna, ngem bassit laeng iti maawatantayo kadagitoy a banbanag.
\v 26 Anian a kinaindaklan ti Dios! Saantayo a kabaelan nga ammoen no kasano ti kinaindaklanna, ken saantayo nga ammo no mano iti tawenna.

\s5
\v 27 Ipangpangatona dagiti danum manipud iti daga ket ikabkabilna kadagiti ulep sananto pagbalinen a tudo daytoy;
\v 28 agtinnag ti tudo manipud iti tangatang ket agpatudo isuna iti napigsa para iti tunggal maysa.
\v 29 Awan ti makaawat no kasano nga umak-akar ti ulep iti tangatang wenno no kasano nga agurgur-ruod idiay tangatang a pagnanaedan ti Dios.

\s5
\v 30 Pagsilsilawenna dagiti kimat iti likmutna, ngem pagtaltalinaedenna a nasipnget ti taaw.
\v 31 Babaen iti panangpatudona ti aglaplapusanan para iti tunggal maysa, ik-ikanna ida iti nawad-wad a taraon.

\s5
\v 32 Kasla ig-gamanna ti kimat sananto bilinen dagitoy a tiruenda dagiti kayatna a mapuntaan.
\v 33 No mangngegtayo ti gurruod, ammotayo nga addanto iti bagyo, ken ammonto met dagiti ayup daytoy.

\s5
\c 37
\p
\v 1 "Agkibkibbayo ti pusok no mapanpanunotko ti maipanggep iti dayta.
\v 2 Dumngegkayo amin, kadagiti gurruod, a kasla timek ti Dios.
\v 3 Mangibabaon isuna iti gurruod iti entero a tangatang, ken ibabaonna dagiti kimat kadagiti kaaadaywan a lugar iti rabaw ti daga.

\s5
\v 4 Kalpasan nga agkimat, mangegtayo ti gurruod, a kasla daytoy ti mannakabalin a timek ti Dios; no agsao isuna, saanna nga ibabbabawi ti kimat.
\v 5 No agsasao ti Dios, pagbutbutengnatayo daytoy kenkuana ket pagdayawennatayo daytoy kenkuana, a kas ti ar-aramiden ti gurruod; agar-aramid isuna kadagiti nakakaskasdaaw a banbanag a saantayo a maawatan.
\v 6 Bilbilinenna dagiti niebe nga agtinnag iti rabaw ti daga, ken masansan a pagtudtuddoenna iti napigsa.

\s5
\v 7 No ar-aramiden ti Dios dayta, laplappedanna daytoy dagiti tattao nga agtrabaho, tapno maamoan dagiti amin a tattao nga isuna ti mangar-aramid kadagitoy a banbanag.
\v 8 No agtudtudo, sumrek dagiti ayup kadagiti paglemlemmenganda, ket agtalinaedda idiay agingga nga agsardeng ti tudo.
\v 9 Aggapgapu dagiti bagyo manipud iti lugar iti abagatan a pagrugrugianda, ken aggapu ti nalamiis nga angin iti amianan.

\s5
\v 10 Iti panawen iti lammiis, tumangken ti danum no bilinenna daytoy, ket agbalin a yelo ti dan-aw.
\v 11 Karkargaan ti Dios dagiti ulep iti linnaaw, ken agkimatkimat iti sadinoman manipud kadagiti ul-ulep.

\s5
\v 12 Iturturongna dagiti ulep ken pagsubli-sublienna dagitoy tapno maileppasda dagiti amin nga ibilbilinna kadakuada nga aramidenda iti entero a lubong.
\v 13 No dadduma pagtudtudoen ti Dios tapno dusaennatayo, no dadduma tapno sibuganna ti daga nga inaramidna, ken no dadduma ket gapu ta kayatna ti agbalin a naanus unay kadatayo.

\s5
\v 14 Job, denggem daytoy; agsardengka ket panunotem dagiti nakakaskasdaaw a banbanag nga ar-aramiden ti Dios.
\v 15 Ammom kadi no kasano a bilbilinen ti Dios dagiti kimat nga agkimat manipud kadagiti ul-ulepna?

\s5
\v 16 Ti Dios laeng ti naan-anay a makaammo kadagiti amin a banag; ngarud, ammom kadi no kasanona a paggarawen dagiti ulep iti tangatang?
\v 17 Saan, lengleng-etam laeng dagiti kawesmo; naulpit unay no agsardeng nga agpul-oy ti angin a napudot manipud iti abagatan ken agtalna dagiti amin a bulbulong kadagiti kaykayo.

\s5
\v 18 Mabinnatmo kadi dagiti tangatang a kas iti ar-aramiden ti Dios ken maaramidmo kadi dagitoy a natangken kas iti landok a sarming?
\v 19 Job, adu unay ti ammom! Ibagam ngarud kadakami ti rumbeng nga ibagami iti Dios; saanmi nga ammo no kasanomi nga ikalintegan dagiti bagbagimi.
\v 20 Masapulko kadi ti makitungtung iti maysa a tao a mangibaga iti Dios a kayatko iti makisarita kenkuana? Saan, gapu ta no aramidek dayta, mabalin a dadaelennak.

\s5
\v 21 Ammom a saan a maperreng dagiti tattao ti init no agraniag daytoy iti makasisirap iti tangatang kalpasan a puyutan ti angin dagiti ulep; kasta met nga awan duadua a saantayo a kabaelan a kitaen ti kinaranniag ti Dios.
\v 22 Rumrumuar ti Dios iti amianan nga addaan iti lawag nga agranranniag a kasla balitok; pagbutengennatayo ti dayagna.

\s5
\v 23 Addaan ti Mannakabalin a Dios iti naindaklan unay a pannakabalin, ken saantayo nga ammo no kasano ti umasideg kenkuana. Kankanayon nga agtigtignay isuna a sililinteg, ken saannatayo a pulos a trattratoen iti saan a nasayaat.
\v 24 Dayta ti makagapu nga addaantayo iti naindaklan a panagraem kenkuana; saanna nga ipangpangag dagiti sipapalangguad, ngem sibibiddut a mangpangpanunot a nasiribda."

\s5
\c 38
\p
\v 1 Kalpasanna, nagsao ni Yahweh kenni Job manipud iti napigsa a bagio. Kinunana kenkuana,
\v 2 "Siasinoka a mangted iti pannakatikaw iti panggepko nga aramiden? Agsasaoka a saanmo nga ammo ti ibagbagam!
\v 3 Kayatko ti agsaludsod kenka, isu nga agtignayka a kas maysa a lalaki ken agsaganaka a sumungbat kadagiti saludsodko.

\s5
\v 4 Sadino ti ayanmo idi rinugiak a parsuaen ti daga? Agsipud ta adu ti ammom, ibagam kaniak no sadino ti ayanmo iti dayta a tiempo.
\v 5 No saan a siak ti nangikeddeng iti kinadakkel ti daga, siasino ngarud ti nangikeddeng? Ammom kadi no siasino ti nangbinnat iti linia iti aglawlaw ti daga tapno marukod daytoy? Yantangay ta impagarupmo nga adu ti ammom, sigurado nga ammom koma dayta!

\s5
\v 6-7 Ania ti mangsarsarapa kadagiti adigi a nakaipasdekan ti daga? Idi sangsangkamaysa a nagkanta dagiti bituen nga agranraniag iti parbangon, ken adda nangisimpa iti bato a nagpatalinaed iti daga iti lugarna, ken sirarag-o a nagpukkaw dagiti amin nga anghel idi nakitada dayta a napasamak, siasino ti nangikabil iti dayta a pasuli a bato?

\s5
\v 8 Idi nagpussuak ti baybay manipud iti uneg ti daga, siasino ti nanglapped iti panaglayus iti daga?
\v 9 Siak, saan a sika, ti nangpaapan kadagiti ulep iti ngatoen ti baybay ket pinasipngetna daytoy iti kasta unay iti sirok dagitoy nga ulep.

\s5
\v 10 Isaadko dagiti pagpatingaan ti baybay, ken nangikabilak kadagiti lapped tapno saan a mapan ti danum iti daga.
\v 11 Intudok ti igid ti baybay ket kinunak iti danum, 'Palubosanka a sumang-at agingga ditoy, ngem saanka a palubosan nga umadayo pay. Masapul nga agsardeng ditoy dagiti napipigsa a dalluyonmo!'

\s5
\v 12 Job, nabilinmo kadin ti agsapa tapno mangrugi? Naibagam kadin iti init nga agsingisingen ket mangrugin iti baro nga aldaw?
\v 13 Naibagam kadin iti bannawag a lawaganna ti entero a daga, a ti banagna ket tumaray nga umadayo dagiti nadangkes a tattao manipud iti lawag?

\s5
\v 14 No lumawlawagen kalpasan ti bannawag, lumawag dagiti turod ken dagiti tanap a kasla selio a mangted iti maysa a ladawan iti pitak, wenno kasla kadagiti kupin iti lupot.
\v 15 Inton umaldawen, awanen kadagiti nadangkes ti kinasipnget a kayatda; iti aldaw, saandan a madangran ti siasinoman.

\s5
\v 16 Job, napanka kadin kadagiti ubbog iti lansad ti taaw a paggapgapuan ti danum iti baybay? Sinukimatmo kadin ti kaunegan a lansad dagiti taaw?
\v 17 Adda kadin nangipakita kenka kadagiti ruangan nga agturong iti ayan dagiti natay a tattao, dagiti ruangan nga agturong iti nasipnget unay nga ayan dagiti natay?
\v 18 Ammom kadi ti kadakkel ti daga? Ibagam kaniak, no ammom amin dagitoy a banbanag!

\s5
\v 19 Sadino ti dalan nga agturong iti lugar a pagtataudan ti lawag? Maibagam kadi kaniak ti pagnanaedan ti kinasipnget?
\v 20 Maipanmo kadi ti lawag ken sipnget iti lugar a masapul a pagtrabahoanda iti inaldaw? Ammom kadi ti dalan nga agsubli iti pagtaenganda?
\v 21 Masiguradok nga ammom dagitoy a banbanag gapu ta naiyanakkan sakbay ti tiempo a naparsua dagiti amin a banag; nalabit a nataenganka unayen!

\s5
\v 22 Nakastrekka kadin iti lugar a pangipenpenpenak iti niebe ken iti lugar a pangiduldulinak iti uraro?
\v 23 Ipenpenpenko ti niebe ken dagiti uraro tapno mausarko dagitoy no agraranget dagiti tattao iti daga, iti tiempo nga aggugubatda.
\v 24 Sadino ti dalan nga agturong iti lugar a pagpakimatak? Sadino ti lugar a paggapgapuan ti angin ti daya nga agpul-oy iti entero a daga?

\s5
\v 25 Siasino ti nangparsua iti dalan a pagtinnagan ti tudo manipud iti tangatang? Siasino ti mangar-aramid iti dalan para iti gurruod iti angin?
\v 26 Siasino ti mangpatpatudo idiay disierto, iti lugar nga awan uray maysa nga agbibiag?
\v 27 Siasino ti mangpatpatudo a mangbabasa kadagiti langalang a lugar, kadagiti lugar nga awan nagtubo, tapno mangrugi manen nga agtubo dagiti ruot?

\s5
\v 28 Adda kadi ama ti tudo? Adda kadi met ama ti linnaaw?
\v 29 Siasino ti makin aanakan ti paggapuan ti yelo iti tiempo ti lammiis? Siasino ti mangipasngay iti niebe nga agtinnag manipud iti tangatang?
\v 30 Iti panawen ti lammiis, tumangken ti danum ken agbalin a kas katangken ti bato, ken timmangken ti rabaw dagiti dan-aw.

\s5
\v 31 Job, mairutam kadi dagiti kawar a mangtengtengngel kadagiti bituen iti rimpunok dagiti bituen a Pleiades? Mawarwarmo aya dagiti tali dagiti bituen iti Orion?
\v 32 Maibagam kadi kadagiti bituen ken planeta no kaanoda a rumbeng nga agraniag? Maidalanmo kadi dagiti bituen kadagiti bunggoy iti Dadakkel nga Oso ken Babassit nga Oso?
\v 33 Ammom kadi dagiti linteg a masapul a tungpalen dagiti bituen? Maipakatmo kadi dagitoy a linteg a mangituray iti amin a banag ditoy daga?

\s5
\v 34 Makaipukkawka kadi kadagiti bilin agingga kadagiti ulep ket ibuyatna kenka ti tudo,
\v 35 Mapaggilapmo kadi ti kimat a bumaba ken aggilap iti disso a kayatmo a paggilapanda? Ibagbaga kadi dagitoy a gilap kenka nga, 'Sadino ti kayatmo a paggilapanmi?'

\s5
\v 36 Siasino ti nangted iti kabaelan kadagiti ulep a maammoanda no kaanoda a pagtinnagen ti tudo?
\v 37 Siasino ti nalaing unay a makabilang kadagiti ulep? Siasino ti makaipattog kadagiti pagkargaan ti danum iti tangatang tapno agtudo
\v 38 tapno ti namaga a daga ket tumangken a kas kadagiti bingkol no mabasa ket agdidinnekket?

\s5
\v 39-40 No kumleb dagiti kabaian a leon ken dagiti urbonda, iti rukibda wenno aglemmengda iti kasamekan, nga agur-uray kadagiti ayup a lumabas a mabalinda a patayen, makabirokka kadi kadagiti ayup a patayen dagiti babbai a leon tapno makapangan isuna ken dagiti urbonna iti karne ket saandan a mabisinan pay?

\s5
\v 41 Siasino ti mangipapaay kadagiti natay nga ayup iti uwak, no umas-asug kaniak dagiti annakda a dumawat iti taraon, no agkakapsutdan gapu ta awan taraonda nga agdiwerdiwerdan iti lawlaw ti umokda?

\s5
\c 39
\p
\v 1 "Job, ammom kadi no ania a tiempo iti tawen nga aganak dagiti kabaian a kalding ti banbantay? Nabuyam kadin ti atap nga ugsa kabayatan a maiyan-anak dagiti urbonda?
\v 2 Ammon kadi no mano a bulan ti lumabas sipud panagsikogda agingga a maiyanak dagiti urbonda?

\s5
\v 3 Inton aganakda, agrukobda ket nalpasen ti rigat iti panaganakda.
\v 4 Dumakkel dagiti urbonda kadagiti nalayang a tay-ak ket kalpasanna, panawanda dagiti innada ket saandan nga agsubli pay kadakuada.

\s5
\v 5 Siasino ti nangibulos kadagiti atap nga asno a mapan iti sadinoman a lugar a kayatda nga adayo kadagiti siudad?
\v 6 Siak ti nangwayawaya kadakuada ket inkabilko ida idiay patad a disierto, kadagiti lugar a saan nga agtubo dagiti ruot.

\s5
\v 7 Saanda a kayat ti tagari kadagiti siudad; idiay disierto saandan a kasapulan ti dumngeg kadagiti pukkaw dagiti mangab-abog kadakuada nga agtrabaho.
\v 8 Sumang-atda kadagiti turturod tapno agbirok iti taraon; agsapulda sadiay kadagiti ruot nga arabenda.

\s5
\v 9 Umanamong kadi ti atap a baka nga agtrabaho kenka? Ipalubosna kadi nga ikulongmo isuna iti rabii iti pagpakpakanam kadagiti ayup a tarakenmo?
\v 10 Mataliam kadi daytoy tapno agarado iti talonmo, dagiti talonmo idiay tanap?

\s5
\v 11 Yantangay ta napigsa unay daytoy, iti daytoy a rason manamnamam kadi nga agtrabaho daytoy para kenka? Makapanawka kadi kalpasan ti panangibagam iti daytoy ti rumbeng nga aramidenna ken pagarupem nga aramidenna dayta a trabaho?
\v 12 Manamnamam kadi nga agsubli daytoy manipud iti talonmo a mangipan iti apitmo iti lugar a pagir-irikam?

\s5
\v 13 Panunutem met ti maipapan kadagiti abestrus. Siraragsakda nga ipayakpak dagiti payyakda, ngem awan panagayatda kadagiti piyyekda.
\v 14 Agitlog dagiti abestrus iti rabaw ti daga sada pumanaw, ibatida dagiti itlogda tapno mapapudut iti kadaratan.
\v 15 Saan a pulos a mapanunot ti abestrus a mabalin a mapayatan dagiti atap nga ayup dagiti itlog ket marumek dagitoy.

\s5
\v 16 Naranggas dagiti abestrus kadagiti piyyekda; agtigtignayda a kasla nagtaud iti sabali nga abestrus dagiti piyyekda. Awan aniamanna kadakuada no matay dagiti piyyekda, a kasla awan serserbina ti panagitlogda.
\v 17 Dayta ket gapu ta saanko nga impalubos nga agbalin a masirib dagiti abestrus. Saanko ida a pinagbalin a nalaing.
\v 18 Nupay kasta, no tumakder ken rugianda ti tumaray, katkatawaanda nga um-umsien dagiti kabalio ken dagiti nakasakay kadakuada gapu ta saan a makataray dagiti kabalio iti kas ti kapartak dagiti abestrus!

\s5
\v 19 Kasta met, panunotem dagiti kabalio. Job, sika kadi ti nangpapigsa kadagiti kabalio? Sika kadi ti nangikabil iti agallo-allon a buok iti teltelda?
\v 20 Sika kadi ti mangpalpalagto kadakuada a kasla kadagiti dudon? No agbang-esda, pagbutngenda dagiti tattao.

\s5
\v 21 Kurubenda ti daga, agragrag-oda gapu ta napigsada unay, kas agsagsaganada a dumarup iti paggugubatan.
\v 22 Kasla katkatawaanda ti kapanunotan ti panagbuteng. Awan ti aniaman a kabutengda! Saanda a tumaray no agraranget dagiti soldado babaen kadagiti kampilan.
\v 23 Kumalandiking kadagiti sikigan dagiti kabalio dagiti pagikkan dagiti pana dagiti nakasakay, ken gumilapgilap dagiti gaygayang ken babassit a pika no maisarangda iti init.

\s5
\v 24 Napartak unay a tumaray dagiti kabalio, sipapartakda a mangsaknap iti daga; agdardarasda a mapan iti paggugubatan apaman a mapuyotan ti trumpeta.
\v 25 Aggaraigida a siraragsak no mangngegda nga adda mangpuypuyot iti trumpeta. Maangotda ti maysa a ranget uray no adayoda, ken maawatanda ti kayat a sawen dagiti opisial no ipukkawda dagiti bilinda kadagiti soldadoda.

\s5
\v 26 Panunotem dagiti dadakkel a billit. Sika kadi ti nangpaukkrad kadagiti payyak dagiti kali sada tumayab nga agturong iti abagatan para iti panawen ti lammiis?

\s5
\v 27 Tumaytayab kadi dagiti agila nga agturong kadagiti rangrangkis nga agaramid kadagiti umokda gapu ta binilinmo ida nga aramidenda dayta?
\v 28 Agnaedda kadagiti abut kadagidiay a rangkis. Natalgedda kadagidiay a natitirad a batbato gapu ta awan ti ayup a makaapan kadakuada sadiay.

\s5
\v 29 Bayat iti panagsipsiputda a nalaing manipud sadiay, makitada dagiti ayup iti adayo a mabalinda a papatayen.
\v 30 Kalpasan a makapatay ti agila iti ayup, inumen dagiti piyyekna ti dara dayta nga ayup; arakenda no adda iti natay a tattao a nakaidda iti daga."

\s5
\c 40
\p
\v 1 Ket kinuna ni Yahweh kenni Job,
\v 2 "Kayatmo pay kadi ti makisinnupiat kaniak, ti Mannakabalin-amin? Agsipud ta binabalawnak, masungbatam koma dagiti saludsodko!"

\s5
\v 3 Ket insungbat ni Job kenni Yahweh,
\v 4 "Ita naamiriskon nga awan serserbik. Isu a kasano a masungbatak dagidiay a saludsod? Iyappotko ti imak iti ngiwatko ket saanakon nga agsao.
\v 5 Ad-adun ti naibagak ngem iti rumbeng nga ibagak, isu nga ita awanen ti maibagak."

\s5
\v 6 Ket nagsao manen ni Yahweh kenni Job manipud iti napigsa a bagio. Kinunana,
\v 7 "Kayatko ti agsaludsod kenka, isu nga agtignayka a kas maysa a lalaki ken agsaganaka a mangsungbat kadagiti saludsodko.

\s5
\v 8 Pabasulennak kadi ket ibagam a saanak a nalinteg? Ibagam kadi a biddut ti inaramidko, tapno maibagam a husto ti inaramidmo?
\v 9 Addaanka kadi iti pannakabalin a kas iti pannakabalinko? Mapapigsam kadi ti timekmo a kas iti kapigsa ti gurruod, a kas kaniak?

\s5
\v 10 No maaramidmo dayta, ikawesmo ngarud dagiti kagay a mangipakita a nadayagka ken mararaemka iti kasta unay!
\v 11 Ipakitam a makaung-ungetka unay; ipakitam nga adda karbengam a mangipababa kadagiti napalangguad a tattao!

\s5
\v 12 Ipababam dagiti napalangguad a tattao babaen laeng iti siuunget a panangmatmatmo kadakuada! Partakam a dadaelen dagiti nadangkes a tattao!
\v 13 Itanemmo ida iti daga! Ipanmo ida iti ayan dagiti natay a tattao, iti lugar a saandan a makaruar!
\v 14 No aramidem dayta, kablaawankanto ket ibagak a pudno a maisalakanmo ti bagim babaen iti bukodmo a kabaelan.

\s5
\v 15 Panunotem pay dagiti hipopotamo. Pinarsuaka, ken pinarsuak met ida. Mangmanganda iti ruot, a kas iti baka.
\v 16 Napigsa unay dagiti gurongda ken nabileg unay ti piskel dagiti tianda.

\s5
\v 17 Natibker dagiti ipusda a kas iti sanga ti kayo a sedro. Namnamsek ti piskel dagiti luppoda.
\v 18 Dagiti tulang ti luppoda ket kasla tubo a naaramid iti bronse, ken dagiti tulang dagiti gurongda ket kalsa bareta a naaramid iti landok.

\s5
\v 19 Maysa kadagiti kapigpigsaan nga ayup a pinarasuak dagiti hipopotamo, ken Siak, a nangparsua kadagitoy, siak laeng ti makapatay kadakuada.
\v 20 Agtubtubo kadagiti turod ti taraon a kanenda bayat iti panagay-ayam dagiti dadduma nga atap nga ayup iti asideg.
\v 21 Agid-iddada iti danum iti sirok dagiti mula a lotus; aglemlemmengda kadagiti natatayag a runo nga adda kadagiti ban-aw.

\s5
\v 22 Makasarak dagiti hipopotamo ti linong iti sirok dagiti mula a lotus, ken napalawlawanda kadagiti kayo a karawawe nga agtubtubo kadagiti waig.
\v 23 Saanda a masinga kadagiti nadawel a panaglayus dagiti karayan; saanda a pulos a masinga uray no layusen ida dagiti dagiti karayan a kas iti karayan Jordan.
\v 24 Awan ti makatiliw kadakuada babaen kadagiti kawit wenno babaen iti panangtaldeng kadagiti agongda babaen iti palab-og!

\s5
\c 41
\p
\v 1 "Panunotem met ti maipapan kadagiti buaya. Matiliwmo kadi ida babaen iti banniit wenno magalutam kadi dagiti sungoda babaen iti tali?
\v 2 Mataliam kadi dagiti agongda tapno matengngelmo ida wenno maduyokmo kadi iti sima dagiti pangalda?
\v 3 Agpakaasida kadi kenka tapno agtignayka a siaasi kadakuada wenno agsaoda kadi iti naalumamay tapno saanmo ida a dangran?

\s5
\v 4 Makitulagda kadi kenka nga agtrabahoda para kenka, nga agbalinda a tagabum iti unos ti panagbiagda?
\v 5 Mapagbalinmo kadi ida a taraken kas iti panangtarakenmo kadagiti billit? Mataliam kadi ti tengngedda tapno makaay-ayam ida dagiti adipenmo a babbai?
\v 6 Padasen kadi ida nga ilako dagiti lallaki nga aglaklako iti lames idiay pagtagilakoan? Tadtadenda kadi dagiti buwaya sada ilako ti karnena?

\s5
\v 7 Maduyokmo kadi ti bukot dagiti buwaya babaen iti panangipuruakmo iti pangkalap a pika kadakuada? Maduyokmo kadi ti uloda babaen iti gayang?
\v 8 No gammatam ti maysa kadakuada, lumaban daytoy kenka iti laban a saanmonto a pulos a malipatan, ket saanmonto a pulos a padasen manen nga aramiden dayta!
\v 9 Awan serserbi ti panangnamnama a maparukma dagitoy. Siasinoman a mangpadas a mangparukma iti maysa kadakuada ket matuang iti daga gapu iti buteng.

\s5
\v 10 Awan ti makaitured a mangpaunget iti buwaya. Ngarud, agsipud ta nabilbilegak ngem kadakuada, siasino ti makaitured a mangpapungtot kaniak?
\v 11 Kasta met, amin nga adda iti rabaw ti daga ket kukuak. Ngarud, awan ti makaited kaniak iti aniaman a banag ket dawatenna kaniak a bayadak dayta!
\v 12 Ibagak kenka ti maipapan iti kinapigsa dagiti saka ti buwaya ken no kasano kapigsa ti napintas a pannakaparsua dagiti bagida.

\s5
\v 13 Adda kadi makaikkat kadagiti lalatda? Adda kadi makaduyok iti napuskol a salaknibna?
\v 14 Adda kadi makaungap kadagiti ngiwatda, nga addaan kadagiti nakabutbuteng a ngipen?
\v 15 Addaan dagiti bukotda kadagiti naintar a siksik a kas katangken iti bato.

\s5
\v 16 Nagdedekket unay dagiti siksikda; nga uray ti angin ket saan a makastrek kadagitoy.
\v 17 Nagdidinekket la unay dagiti siksikda iti maysa ken maysa, ket saan a mapagsisina dagitoy.
\v 18 No agbaeng dagiti buwaya, aggilap iti raniag ti init ti bassit a danum a rummuar kadagiti agongda. Dagiti matada ket nalabbaga a kas iti sumingsingising nga init.

\s5
\v 19 Kasla adda rissik ti beggang a rumrumuar kadagiti ngiwatda.
\v 20 Rumrumuar ti asuk kadagiti abut ti agongda a kas iti sumsumngaw iti banga a nakasaang iti narubrob unay nga apuy.
\v 21 Maparangrang ti angesda dagiti beggang ket gumilgil-ayab nga apuy ti maipug-aw kadagiti ngiwatda.

\s5
\v 22 Nakapigpisa dagiti tengngedda; sadinoman a papananda, pagbutngenda iti kasta unay dagiti tattao.
\v 23 Dagiti paspaset iti lasagda ket nagdedekket unay ken kasta unay ti kinatangkenna.
\v 24 Awan ti pagbutnganda gapu ta dagiti akin-uneg a paset ti bagida ket natangken a kas iti bato, kas iti katangken ti akinbaba a bato ti paggilingan a panggilgilingan dagiti tattao iti trigo.

\s5
\v 25 No tumakderda, pagbutngenda uray dagiti natutured a tattao. Ket kas pagbanaganna, agsanud dagiti tattao.
\v 26 Saan ida a madangran dagiti tattao babaen kadagiti kampilan; saan met laeng daytoy a madangran dagiti gayang, pana, wenno dagiti dadduma nga armas a natirad.
\v 27 Pudno a saanda a mabuteng kadagiti armas a naaramid iti garami wenno narukop a kayo, ngem saanda met laeng a mabuteng uray kadagiti armas a naaramid iti landok wenno bronse!

\s5
\v 28 Ti panangpana kadakuada ket saan nga isu ti mangpataray kadakuada. Ti panangpalsiit kadakuada ket maiyarig iti panangipuruak kadakuada iti taep.
\v 29 Saanda a mabuteng kadagiti pang-or, kasta iti saanda a panagbuteng iti panangbarsak kadakuada dagiti lallaki iti garami ken katawaanda no mangngegda nga adda gayang nga agturong kadakuada.
\v 30 Naakkuban dagiti buksitda iti siksik a natadem a kas iti nabuong a pidaso ti banga. No aguyasda iti pitak, aglamma ti paguyasan ti boksitda iti daga a kasla nagnaan ti arado.

\s5
\v 31 Pagluppiasenda ti danum ken kasla pagburekenda daytoy kas aglangoyda iti daytoy.
\v 32 Iti ilalangoyda iti danum, aggilap ti paguyasanda. Ipagarup dagiti tattao a makakita iti daytoy a nagbalin nga uban ti burek ti danum.

\s5
\v 33 Awan ti parsua iti rabaw ti daga a pinarsuak a kas iti karungsot dagiti buaya.
\v 34 Isuda ti katatangsitan iti amin a parsua; kasla isuda dagiti ari kadagiti amin nga atap nga ay-ayup."

\s5
\c 42
\p
\v 1 Kalpasanna, simmungbat ni Job kenni Yahweh. Kinunana,
\v 2 "Ammok a maaramidmo amin a banag ken awan ti makalapped kenka iti panangaramidmo iti kayatmo nga aramiden.
\v 3 Sinaludsodmo kaniak, 'Siasinoka a mangriribuk iti panggepko nga aramiden? Saanmo nga ammo ti ibagbagam!' Pudno a nagsaoak kadagiti banbanag a saanko a maawatan, banbanag a nakakaskasdaaw unay, banbanag a pulos a saanko nga ammo.

\s5
\v 4 Kinunam kaniak, 'Dumngegka bayat a makisarsaritaak kenka. Kayatko ti agdamag kenka iti sumagmamano a saludsod, isu nga isaganam ti bagim a mangsungbat kadagitoy.'
\v 5 Nadamagko ti maipapan kenka iti napalabas babaen iti sayanggusing, ngem ita, kasla ka la nakita babaen kadagiti matak.
\v 6 Isu a mabainak iti imbagak, ket agtugawak iti tapok ken dapdapo a mangipakita nga agbabbabawiak gapu iti imbagak."

\s5
\v 7 Kalpasan nga imbaga ni Yahweh kenni Job dagitoy a banbanag, kinunana kenni Elifaz, "Makapungtotak kenka ken kadagiti dua a gagayyemmo, a da Bildad ken Zofar, gapu ta saanyo nga imbaga ti pudno a banbanag maipapan kaniak, a kas ti inaramid ni Job nga adipenko.
\v 8 Isu nga ita, masapul a mangipankayo kenni Job iti pito nga urbon a baka, pito a kalakian a karnero ket patayen ken puoranyo dagitoy iti altar a kas daton nga agpaay kadakayo. Ket ikararagannakayonto ni Job, ket aramidek ti kiddawenna nga aramidek. Pakawanenkayonto iti biddut nga imbagbagayo maipapan kaniak. Saankayo a dusaen, uray no rumbeng a madusakayo, gapu ta ti imbagayo maipapan kaniak ket saan nga umno."
\v 9 Isu nga inaramid da Elifaz, Bildad, ken ni Zofar ti imbilin ni Yahweh kadakuada nga aramidenda, ket pinatgan ni Yahweh ti kiniddaw ni Job kenkuana nga aramidenna para kadagiti tallo.

\s5
\v 10 Kalpasan nga inkararagan ni Job dagiti tallo a gagayyemna, pinaimbag ni Yahweh isuna ket pinabaknangna manen isuna. Dinoble ni Yahweh ti kaadu dagiti banbanag nga adda kenkuana idi.
\v 11 Ket immay iti balayna dagiti amin a kakabsatna a lallaki ken kakabsatna a babbai ken amin dagiti tattao a makaam-ammo kenkuana idi ket nagrarambakda. Liniwliwada isuna gapu kadagiti riribuk nga impalubos ni Yahweh a mapasamak kenkuana. Tunggal maysa kadakuada ket nangted kenni Job iti maysa a pidaso ti pirak ken maysa a balitok a singsing.

\s5
\v 12 Kalpasaanna, ad-adda pay a binendesionan ni Yahweh ni Job iti maikadua a paset ti panagbiagna ngem iti panangbendisyonna kenkuana iti umuna a paset ti panagbiagna. Addaan isuna itan iti sangapulo ket uppat a ribu a karnero, innem a ribu a kamelio, sangaribu a bakbaka ken sangaribu a kabaian nga asno.
\v 13 Ket naaddaan pay isuna iti pito a lallaki ken tallo a babbai nga annak.
\v 14 Pinanagananna ti umuna a babai nga anakna iti Jemimah, Keziah met ti maikadua ken ti maikatlo a babai ket pinanagananna iti Keren Happuch.

\s5
\v 15 Iti entero a daga ti Uz, awan ti babbalasang a kas iti kapintas dagiti annak ni Job a babbai, ket imbaga ni Job a tawidenda ti dadduma kadagiti sanikuana, kas met iti tawiden dagiti kakabsatda a lallaki.
\v 16 Kalpasan dayta, nagbiag pay ni Job iti sangagasut ket uppat a pulo a tawen. Sakbay a natay isuna, nakitana pay dagiti inyanak dagiti appokona.
\v 17 Lakay unayen ni Job idi natay.