ilo_udb/15-EZR.usfm

\id EZR
\ide UTF-8
\h Ezra
\toc1 Ezra
\toc2 Ezra
\toc3 ezr
\mt Ezra

\s5
\c 1
\p
\v 1 Kabayatan ti umuna a tawen ti panagturay ni Cyrus iti imperyo ti Persia, tinungpalna ti maysa a banag nga inpadto ni Jeremias. Tinignay ni Yahweh ni Cyrus tapno isuratna daytoy a mensahe, daytoy ti gapuna nga impaiwaragawag ni Cyrus daytoy a mensahe iti entero nga imperyona:
\v 2 "Siak a ni Ari Cyrus, iturturayak ti Imperyo ti Persia, ket ibagak daytoy: Ni Yahweh a Dios nga adda idiay langit, ti nangisaad kaniak a mangituray kadagiti amin a pagarian ditoy daga. Ket insaadnak tapno siguradoek a mangibangon dagiti tattaona iti templo para kenkuana idiay Jerusalem, iti Juda.

\s5
\v 3 Dakayo amin a tattao ti Dios, mabalinyo ti sumang-at idiay Jerusalem tapno bangonenyo manen daytoy a templo para kenni Yahweh a Dios nga agnanaed idiay Jerusalem, ti Dios ti Israel.
\v 4 Dagiti dadduma a tattao nga agnanaed ita iti ayan dagiti napapanaw nga Israelita, dagiti napapanaw ti kapuonanda ditoy ket masapul a mangtedda iti balitok ken pirak kadagidiay a mapan. Masapul met nga itedda kadagiti Judio dagiti abasto a kasapulanda iti panagdaliasatda a mapan idiay Jerusalem. Masapul met nga ikkanda ida kadagiti sumagmamano nga ayup ken sagsagut a kuarta a makatulong iti panangibangon iti templo ti Dios idiay Jerusalem."

\s5
\v 5 Ket tinignay ti Dios dagiti sumagmamano a papadi ken Levita, ken dagiti sumagmamano a panguloen dagiti tribu a nagtaud kenni Juda ken Benjamin tapno agsublida idiay Jerusalem. Dagidiay tinignay ti Dios ket nagsaganada nga agsubli idiay Jerusalem tapno ibangonda ti templo para kenkuana idiay.
\v 6 Timmulong kadakuada dagiti amin a kaarrubada babaen iti pannangtedda kadagiti pirak ken alikamen a balitok, ken abasto para iti panagdaliasatda, ken ay-ayup. Innikkanda pay ida kadagiti napateg a sagsagut ken kuarta a paggatangda kadagiti banbanag para iti pannakaibangon iti Templo.

\s5
\v 7 Inruar ni Ari Cyrus dagiti napateg a banbanag nga innalla idi dagiti soldado ni Ari Nebucadnesar manipud iti templo ni Yahweh idiay Jerusalem ken inkabilna dagitoy kadagiti templo dagiti didiosenda idiay Babilonia.
\v 8 Binilin ni Cyrus ni Mitredat a tesorero ti Imperyo ti Persia a bilangen amin dagitoy a gamgameng ket kalpasanna itedna dagitoy kenni Sesbasar a panguloen ti bunggoy nga agsubli idiay Juda.

\s5
\v 9 Daytoy ti listaan dagiti banbanag nga inted ni Cyrus: tallopulo a balitok a palanggana, sangaribo a pirak a palanggana, duapulo ket siam a sabali pay a palanggana,
\v 10 tallopulo a balitok a mallukong, 410 nga agpapada a pirak a mallukong ken sangaribo a sabali pay nga alikamen.
\v 11 Agdagup iti 5,400 amin dagiti pirak ken balitok nga alikamen a naited kenni Sesbasar nga itugotna iti panagsublina ken dagiti kakaduana idiay Jerusalem.

\s5
\c 2
\p
\v 1 Adu nga Israelita ti tiniliw dagiti soldado ni Ari Nebucadnesar ket impanda ida idiay Babilonia. Kalpasan iti adu a tawen, nagsubli dagiti dadduma nga Israelita idiay Juda. Nagsubli dagiti dadduma idiay Jerusalem ken nagsubli dagiti dadduma kadagiti dadduma a luglugar iti Juda. Napanda kadagiti il-ili a nagnaedan dagiti kapuonanda. Daytoy ti listaan dagiti bunggoy a nagsubli.
\v 2 Dagiti mangidadaulo kadagiti bunggoy ket isu da Zerubbabel, Jesua, Nehemias, Seraias, Reelaias, Mardokeo, Bilsan, Mispar, Bigvai, Rehum, ken Baana. Dagiti karaman a bunggoy dagiti tattao:

\s5
\v 3 dagiti 2,172 a kaputotan ni Paros, dagiti
\v 4 372 a kaputotan ni Safatias, dagiti
\v 5 775 a kaputotan ni Aras, dagiti
\v 6 2,812 a kaputotan ni Pahat Moab, nagtaud kadagiti pamilya ni Jesua ken Joab

\s5
\v 7 dagiti 1,254 a kaputotan ni Elam,
\v 8 dagiti 945 a kaputotan ni Zattu,
\v 9 dagiti760 a kaputotan ni Zaccai,
\v 10 dagiti 642 a kaputotan ni Bani

\s5
\v 11 dagiti 623 a kaputotan ni Bebai,
\v 12 dagiti 1,222 a kaputotan ni Azgad,
\v 13 dagiti 666 a kaputotan ni Adonikam,
\v 14 dagiti 2,056 a kaputotan ni Bigvai,

\s5
\v 15 dagiti 454 a kaputotan ni Adin,
\v 16 dagiti siam a pulo ket walo a kaputotan ni Ater a nagtaud kenni Hezekias,
\v 17 dagiti 323 a kaputotan ni Bezai,
\v 18 dagiti 112 a kaputotan ni Jora,

\s5
\v 19 dagiti 223 a kaputotan ni Hasum,
\v 20 dagiti siam a pulo ket lima a kaputotan dagiti tattao ti Gibbar. Dagiti kaputotanda ket nagnaed kadagitoy nga il-ili idiay Juda:
\v 21 123 ti naggapu iti Betlehem,
\v 22 limapulo ket innem ti naggapu iti Netofa

\s5
\v 23 128 ti naggapu iti Anatot,
\v 24 uppat a pulo ket dua ti naggapu iti Asmavet,
\v 25 743 ti naggapu iti Kiriat Jearim, Kefira ken Beerot
\v 26 621 ti naggapu iti Rama ken Geba

\s5
\v 27 122 ti naggapu iti Micmas,
\v 28 223 ti naggapu iti Betel ken Ai
\v 29 limapulo ket dua ti naggapu iti Nebo,
\v 30 156 ti naggapu iti Magbis,

\s5
\v 31 1,254 ti naggapu iti Elam
\v 32 320 ti naggapu iti Harim
\v 33 725 ti naggau Lod, Hadid ken Ono,

\s5
\v 34 345 ti naggapu iti Jerico,
\v 35 3,630 ti naggapu iti Senaa,

\s5
\v 36 Dagitoy met dagiti papadi a nagsubli: dagiti 973 a kaputotan ni Jedaias (dagitoy dagiti nagtaud iti kaputotan ni Jesua)
\v 37 dagiti 1,052 a kaputotan ni Immer,
\v 38 dagiti 1,247 a kaputotan ni Pasur,
\v 39 dagiti 1,017 a kaputotan ni Harim,

\s5
\v 40 Dagitoy met dagiti nagtaud iti tribu ni Levi a nagsubli: dagiti pitopulo ket uppat a kaputotan da Jesua ken Kadmiel, a nagtaud iti pamilia ni Hodavias,
\v 41 dagiti 128 a kumakanta a nagtaud iti kaputotan ni Asaf,
\v 42 dagiti 139 a parabantay iti ruangan a nagtaud iti kaputotan dagiti parabantay iti ruangan a da Salum, Ater, Talmon, Akkub, Hatita ken Sobai

\s5
\v 43 Dagitoy dagiti agserserbi iti templo a nagtaud iti kaputotan dagitoy a tattao: Da Siha, Hasufa, Tabaot,
\v 44 Keros, Siaha, Padon,
\v 45 Lebana, Hagaba, Akkub,
\v 46 Hagab, Samlai, Hanan,

\s5
\v 47 Giddel, Gahar, Reayas,
\v 48 Resin, Nekoda, Gazzam,
\v 49 Uzza, Pasea, Besai,
\v 50 Asna, Meunim, Nefisim,

\s5
\v 51 Bakbuk, Hakufa, Harhur,
\v 52 Baslut, Mehida, Harsa,
\v 53 Barkos, Sisera, Tema,
\v 54 Nesias ken Hatifa.

\s5
\v 55 Dagiti sumaganad a kaputotan dagiti adipen ni Solomon a nagsubli iti Jerusalem: Da Sotai, Hasoferet, Peruda,
\v 56 Jaala, Darkon, Giddel,
\v 57 Sefatias, Hattil, Pokeret Hazzebaim ken Ami.
\v 58 Agdagup amin iti 392 a kaputotan nga agtrabtrabaho iti templo ken dagiti adipen ni Solomon a nagsubli.

\s5
\v 59 Adda pay iti sabali a bunggoy a nagsubli idiay Juda a naggapu iti Tel Melah, Tel Harsa, Kerub, Addan ken Immer idiay Babilonia. Ngem saanda a mapaneknekan nga isuda ket pudno nga Israelita.
\v 60 Karaman iti daytoy a bunggoy ti 652 a tattao a kaputotan da Delaias, Tobias ken Nekoda.

\s5
\v 61 Karaman kadagiti kaputotan dagiti papadi iti daytoy a bunggoy dagiti tattao a nagtaud iti puli da Habaias, Hakkoz ken Barzillai. Nangasawa ni Barzillai iti maysa a babae a nagtaud iti kaputotan ni Barzillai a naggapu iti rehiyon ti Gilead, ket tinawidna ti nagan ti katuganganna a lalaki.
\v 62 Sinukimat dagiti tattao iti dayta a bunggoy dagiti amin a dokumento a nakaisuratan dagiti nagnagan dagiti kapuonan dagiti amin a puli, ngem saanda a nasarakan dagiti nagnagan dagitoy a lallaki. Isu a saanda a napalubosan a mangaramid kadagiti trabaho nga ar-aramiden dagiti papadi.
\v 63 Imbaga ti gobernador kadakuada a kasapulanda ti mangayab iti maysa a padi tapno mangsaludsod kenni Yahweh babaen iti panangaramat iti nasagradoan nga Urim ken Tummim, tapno maammoan no dagidiay a lallaki ket pudno nga Israelita. No napaneknekan babaen kadagiti bato nga Israelita dagidiay a tattao, mapalubosanda a mangan iti bingay dagiti sagsagut a naited kadagiti papadi.

\s5
\v 64 Agdagup iti 42,360 dagiti amin nga Israelita a nagsubli idiay Juda.
\v 65 Adda pay ti 7,337 nga adipen ken dua gasut a tumutukar, dagiti lallaki ken babbai a nagsubli.

\s5
\v 66 Nangitugot dagiti Israelita manipud Babilonia iti 736 a kabalio, 245 a mulo,
\v 67 435 a kamelio ken 6,720 nga asno.

\s5
\v 68 Idi nakadanonda idiay templo ni Yahweh idiay Jerusalem, nangted iti kuarta dagiti dadduma a pangulo iti puli para kadagiti kasapulan iti pannnakaipatakder manen ti templo iti sigud a nakaipatakderanna.
\v 69 Nangteda amin iti kuarta agingga iti kabaelanda nga ited. Amin a naited ket agdagup iti limagasut a kilo ti balitok, agarup 2.9 metro a tonelada ti pirak, ken 100 a pagan-anay para kadagiti padi.

\s5
\v 70 Kalpasanna, rinugian dagiti papadi, dagiti dadduma a kaputotan ni Levi, dagiti paratukar, dagiti agay-aywan kadagiti ruangan ti templo, ken dagiti dadduma pay a tattao ti agnaed kadagiti pagilian ken babbalay iti asideg ti Jerusalem. Dagiti nabatbati a tattao ket napan kadagiti dadduma a lugar idiay Israel a nagnaedan dagiti kapuonanda.

\s5
\c 3
\p
\v 1 Kalpasan ti panagsubli dagiti Israelita idiay Jerusalem, nangrugida a nagnaed kadagiti ilida, idi panawen ti panagreregreg ti bulbulong iti dayta a tawen, naguummongda amin idiay Jerusalem.
\v 2 Ket inrugi da Jesua nga anak ni Josadac, ken dagiti kakaduana a papadi, ken ni Zerubbabel a putot a lalaki ni Salatiel ken dagiti nasinged a gagayyemna a tarimaanen manen ti altar ti Dios ti Israel. Inaramidda dayta tapno makaidatagda ti daton a mapuoran kas maiyannurot iti insurat ni profeta a Moises kadagiti linteg nga inted ti Dios kenkuana.

\s5
\v 3 Uray no mabutbutengda kadagiti tattao nga agnanaeden iti dayta a disso, inpatakderda latta ti altar iti lugar met laeng nga ayan idi ti sigud nga altar. Nangrugida a nangidatag kadagiti daton iti binigat ken minalem.
\v 4 Kalpasan ti sangapulo ket lima nga aldaw manipud idi nangidatagda kadagitoy a datun, rinambakan dagiti tattao ti Fiesta dagiti Abong-abong, kas iti imbilin ni Moises kadakuada nga aramidenda kadagiti bilbilin nga inted ti Dios kenkuana. Inaldaw a mangidatdaton dagiti papadi iti sagsagut a kasapulan iti dayta nga aldaw.
\v 5 Kasta met a nangidatagda kadagiti kadawyan a daton a mapuoran ken ti daton a kasapulan para kadagiti Fiesta ti Baro a Bulan ken dadduma pay a fiesta a ramrambakanda a naisangsangayan a tiempo a panangitan-ok kenni Yahweh iti tinawen. Nangitugotda pay kadagiti dadduma a sagsagut gapu ta kayatda nga iyeg dagitoy, saan laeng a gapu ta kasapulanda iti mangitugot kadagitoy.

\s5
\v 6 Ngem uray no naruggianda ti nangidatag kenni Yahweh kadagiti daton a mapuoran iti panangrugi ti panawen a panagreregreg dagiti bulong, saanda pay a naruggian ti pannakaibangon ti templo.
\v 7 Isu a nangtangdan dagiti Israelita kadagiti mason ken karpintero, ket gimmatangda kadagiti dadakkel a kayo ti sedro manipud kadagiti tattao idiay Tiro ken Sidon. Inikkanda dagidiay a tattao iti taraon, arak, ken lana ti olibo a kas bayad. Manipud kadagiti banbantay ti Lebanon, insalogda dagiti kaykayo agingga iti igid ti baybay Mediteraneo ket impaanodda dagitoy iti taaw nga agturong iti Joppe. Pinalubosan ida ni Ari Cyrus nga aramidenda dayta. Kalpasanna, impagnada iti daga dagiti kaykayo manipud Joppe agingga idiay Jerusalem.

\s5
\v 8 Rinugian dagiti Israelita a bangonen manen ti templo iti tiempo ti panagrurusing, iti maikadua a tawen kalpasan iti panagsublida idiay Jerusalem. Nagtrabaho iti pasdek da Zerubbabel ken Jesua, kaduada dagiti amin a tattao a nagsubli idiay Jerusalem. Dagiti amin a Levita ti nangimaton iti daytoy a trabaho.
\v 9 Timmulong met a nangimaton iti trabaho da Jesua ken dagiti annakna a lallaki, dagiti dadduma a kakabagianna ken ni Kadmiel ken dagiti annakna a lallaki a kaputotan ni Juda. Dagiti tattao a kaputotan ni Henadad, a pasig met laeng a Levita ket nakitipon kadakuada iti panangimaton iti daytoy a trabaho.

\s5
\v 10 Idi naileppasen dagiti mangibangbangon a naikabil ti pundasion ti templo, insuot dagiti papadi dagiti kagayda ket nagtakderda kadagiti naituding a lugarda, pinuyotanda dagiti trumpetada. Kalpasanna, pinaguni met dagiti Levita a nagtaud iti kaputotan ni Asaf dagiti piangpiangda tapno dayawenda ni Yahweh, kas iti imbilin idi ni Ari a David nga aramiden da Asaf ken dagiti dadduma a tumutukar.
\v 11 Dinayawda ni Yahweh ken nagyamanda kenkuana, kinantada daytoy a kanta a maipanggep kenkuana: "Naimbag unay isuna kadatayo! Tinungpalna ti kinapudnona iti tulagna iti Israel, ken ay-ayatennatayo iti agnanayon." Kalpasanna, nagpukkaw iti napigsa dagiti amin a tattao, indaydayawda isuna gapu ta naisaaden ti pundasion ti templona.

\s5
\v 12 Adu kadagiti lallakay a papadi, Levita, ken panguloen ti pamilia ti nakalagip iti langa ti sigud a templo, nagsasangitda iti napigsa idi nakitada a naisaaden ti pundasion daytoy a templo gapu ta ammoda a ti baro a templo ket saanen a kas iti kapintas daydi immuna a templo. Ngem nagpukkaw iti kinarag-o dagiti dadduma a tattao.
\v 13 Dagiti panagpukpukkaw ken panagsangsangit ket kasla maysa a nakapigpigsa nga uni a mangngeg pay dagiti tattao nga adda iti adayo.

\s5
\c 4
\p
\v 1 Naammoan dagiti kabusor dagiti tattao ti tribu ti Juda ken Benjamin a nagsublidan manipud Babilonia ket bangbangonenda manen ti templo ni Yahweh a Dios ti Israel.
\v 2 Isu a napanda kenni Zerubbabel a gobernador ken kadagiti dadduma a Judio a panguloen ket imbagada kadakuada, "Kayatmi ti tumulong kadakayo a mangibangon iti templo, gapu ta ti Dios a daydayawenyo ket isu met laeng ti Dios a daydayawenmi. Nagidatdaton kami kadagiti sagsagut kenkuana manipud pay idi inyegnakami ditoy ni Esarhadon nga ari ti Asiria."

\s5
\v 3 Ngem simmungbat da Zerubbabel, Jesua, ken dagiti dadduma a papanguloen a Judio, "Saandakayo a palubosan a tumulong kadakami a mangibangon iti maysa a templo a maipaay iti Diosmi. Dakami laeng ti mangibangon iti templo a maipaay kenni Yahweh, a kas imbilin ni Cyrus nga ari ti Persia nga isu ti aramidenmi."

\s5
\v 4 Kalpasanna, pinadasan dagiti tattao a sigud nga agnanaed iti dayta a daga sakbay a nagsubli dagiti Israelita nga upayen ken butbutngen dagiti Judio tapno saanda nga ituloy ti panangibangon iti templo.
\v 5 Pinasuksukanda dagiti opisial ti gobierno tapno pasardengenda dagiti Judio iti panangitultuloyda a mangibangon iti templo. Inaramidda amin dagita idi panawen a ni Cyrus ti Ari ti Persia ken uray idi nagbalin nga ari ni Dario.
\v 6 Ket kabayatan ti umuna a tawen ti panagari ni Ahasuero nga anak ni Dario, dagiti kabusor dagiti Judio ket nagsurat iti ari, nga ibagbagada a pangpanggepen dagiti Judio ti agrebelde iti gobierno.

\s5
\v 7 Kalpasanna, idi nagbalin nga Ari ti Persia ni Artaxerxes nga anak ni Ahasuero, nagsurat kenkuana da Bislam, Mitredat, Tabeel ken dagiti kakaduada. Nagsuratda kenkuana babaen iti Arameo a pagsasao ken naipatarus daytoy iti sao dagiti taga-Persia.
\v 8 Nagsurat kenni Artaxerxes da Rehum a gobernador ken ni Simsai a sekretario ti probinsia maipapan iti mapaspasamak idiay Jerusalem.

\s5
\v 9 Imbagada a naggapu ti surat kada Rehum, Simsai ken dagiti kakaduada, dagiti uk-ukom, ken dagiti dadduma nga opisial ti gobierno a naggapu iti Erec, Babilonia ken Susa iti distrito ti Elam.
\v 10 Insuratda pay a mangibagida kadagiti dadduma a bunggoy dagiti tattao a pinapanaw ken imbaon dagiti soldado ti naindaklan ken natan-ok a ni Asurbanipal tapno agnaed iti Samaria ken kadagiti dadduma a siudad iti probinsia ti abagatan ti Karayan Eufrates.

\s5
\v 11 Daytoy ti nailanad iti suratda: "Daytoy a surat ket maipaay kenni Ari Artaxerxes, naggapu kadagiti opisial nga agserserbi kenka nga agnanaed iti probinsia iti abagatan ti Karayan Eufrates.
\v 12 "Natan-ok nga Ari, kayatmi nga ipakaammo kenka a dagiti Judio a nagsubli ditoy manipud kadagiti masakupam a daga ket ibangbangonda manen ti siudad ti Jerusalem. Nadangkes dagitoy a tattao ket kayatda ti agrebelde kenka. Tartarimaanenda ita dagiti pundasion dagiti pader ken bangbangonen dagiti pader ti siudad.

\s5
\v 13 Nasisita a maammoam a no maipatakderda manen ti siudad ken malpasda a bangonen dagiti pader, agsardengdan nga agbayad iti aniaman a buwis. Kas pagbanaganna, bumassit ti kuarta iti pagiduldulinam iti kuarta.

\s5
\v 14 Ita, gapu ta napudno kami kenka, ken gapu ta saanmi a kayat a maibabainka, isu nga ipakpakaammomi kenka daytoy.
\v 15 Ket isingasingmi nga ibaonmo dagiti opisialmo a sukimatenda dagiti nakasurat nga indulin dagiti kapuonam. No aramidem dayta, matakuatam a dagiti tattao iti daytoy a siudad ket kankanayonda a nagrebelde iti gobierno. Matakuatam pay a manipud idi un-unana a panawen, pinagparikutda dagiti ari ken dagiti agturturay kadagiti probinsia. Managrebeldeda a kaanayon kadagiti mangiturturay kadakuada. Dayta ti makagapu a dinadael dagiti soldado ti Babilonia daytoy a siudad.
\v 16 Kayatmi a maammoam a no maipatakderda manen daytoy a siudad ken malpasda dagiti paderna, saanmonton a maiturayan dagiti tattao iti daytoy a probinsia iti laud ti Karayan Eufrates."

\s5
\v 17 Kalpasan a nabasa ti ari daytoy a surat, impatulodna daytoy a sungbatna kadakuada: "Para kenka Rehum a gobernador, ken Simsai a sekretario ti probinsia, ken dagiti kakaduada iti Samaria ken iti dadduma a paset ti probinsia nga adda iti laud ti Karayan Eufrates, kablaawankayo.
\v 18 Naipatarus ken naibasa kaniak ti intedyo a surat.
\v 19 Isu nga imbaon ko dagiti opisialko a mangsukimat kadagiti nakasurat. Natakuatak a pudno a dagiti tattao iti dayta a siudad ket kanayon a nagrebelde kadagiti mangiturturay kadakuada, ken dayta a siudad ket napnoan kadagiti tattao a nagrebelde ken nagparnuay iti riribuk.

\s5
\v 20 Iti napalabas, nagturay dagiti mannakabalin nga ari idiay Jerusalem, ket nagturayda pay iti probinsia ti laud iti Karayan Eufrates. Pinilitda dagiti tattao idiay tapno agbayadda kadakuada kadagiti amin a kita dagiti buwis.
\v 21 Isu a kasapulan nga ipasardengmo ti panagibangonda manen iti siudad. Mapalubosanda a mangituloy no laeng ibagak kadakuada a mabalinda manen nga ipatakder daytoy.
\v 22 Aramidenyo a dagus daytoy gapu ta saanko a kayat a mangaramid dagidiay a tattao iti aniaman a pakadangran dagiti banbanag a pakaseknak."

\s5
\v 23 Intulod dagiti mensahero dayta a surat kada Rehum ken Simsai ken kadagiti kakaduada, ket binasada daytoy kadakuada. Kalpasanna, dagus a napan da Rehum ken dagiti dadduma idiay Jerusalem, ket pinilitda dagiti Judio nga isardeng ti panangipatakderda iti pader ti siudad.
\v 24 Ti nagbanaganna, insardeng dagiti Judio ti panangibangonda manen iti templo. Saandan a nagtrabaho tapno maipatakder manen ti templo agingga iti maikadua a tawen kalpasan a nagbalin nga ari ti Persia ni Dario.

\s5
\c 5
\p
\v 1 Iti dayta a tiempo, dua a profeta ti mangmangted kadagiti mensahe manipud iti Dios para kadagiti Judio idiay Jerusalem ken kadagiti dadduma a siudad idiay Juda. Dagiti profeta ket da Haggeo ken ni Zacarias, a kaputotan ni Iddo. Insaoda dagidiay a mensahe a mangibagbagi iti Dios a daydayawen dagiti Israelita.
\v 2 Ket indauloan da Zerubbabel ken Jesua dagiti adu pay a tattao iti pannakaibangon manen ti templo ti Dios idiay Jerusalem. Kinaduaan ken tinulongan met ida da Haggeo ken Zacarias a profeta ti Dios.

\s5
\v 3 Ngem ni Tatnai a gobernador ti probinsia iti laud ti Karayan Eufrates, ken ni Setar Bozenai a katulonganna, agraman dagiti dadduma nga opisial, ket napanda idiay Jerusalem ken imbagada kadagiti tattao, "Siasino ti nangipalubos kadakayo a mangibangon manen daytoy a templo?"
\v 4 Kiniddawda pay kadagiti Judio nga ibagada dagiti nagan dagiti tattao nga agtrabtrabaho iti templo.
\v 5 Nupay kasta, ay-aywanan ti Dios dagiti panguloen a Judio ket saan ida a napasardeng dagiti kabusorda. Ur-urayenda a mangipaulog ni Ari Dario iti bilin a mangted kadakuada iti pammalubos ken ti panangsalaknibna tapno maileppasda ti trabaho iti templo wenno pasardengenna a naan-anay ti trabahoda.

\s5
\v 6 Isu a nagsurat da Tatnai, Setar Bozenai, agraman dagiti kakaduada iti pakaammo para kenni Dario nga Ari.
\v 7 Kastoy ti insuratda: "Ari Dario, mangnamnama kami a nasayaat ti amin kadakayo.

\s5
\v 8 Kayatmi a maammoam a napan kami idiay Juda a pakaibangbangonan manen ti templo ti Naindaklan a Dios. Ibangbangon daytoy dagiti tattao babaen kadagiti dadakkel unay a batbato, ken mangibabaetda kadagiti kayo a soleras kadagiti didingna. Nagsayaat ti pannakaaramidda ken nagadu ti malmalpasda.
\v 9 Dinamagmi dagiti panguloen a Judio, 'Siasino ti nangipalubos kadakayo a mangibangon manen iti templo?'
\v 10 Kiniddawmi pay kadakuada nga ibagada kadakami dagiti nagnagan dagiti panguloenda tapno maibagami kenka no siasinoda.

\s5
\v 11 Ngem imbes nga ibagada kadakami dagiti nagnagan dagiti panguloenda, kastoy ti insungbatda, 'Agserserbi kami iti Dios a nangparsua iti langit ken iti daga. Adu a tawen ti napalabas, maysa nga ari ti Israel ti nangibaga kadagiti kapuonanmi a bangonenda ti templo ditoy, ket bangbangonenmi manen ita daytoy.

\s5
\v 12 Ngem ti Dios nga agturturay idiay langit ti nangipalubos kadagiti soldado ni Nebucadnesar nga ari ti Babilonia tapno dadaelenda dayta a templo gapu ta nangaramid dagiti kapuonanmi kadagiti banbanag a nangpapungtot iti Dios. Impan dagiti soldado ni Nebucadnesar idiay Babilonia dagiti adu nga Israelita.
\v 13 Nupay kasta, kabayatan ti umuna a tawen ti panagturay ni Cyrus nga ari ti Babilonia, imbilinna a rumbeng a maibangon manen ti templo ti Dios.

\s5
\v 14 Insubli ni Cyrus kadagiti mangidadaulo kadakami dagiti amin nga alikamen a balitok ken pirak a naala manipud iti templo ken naikabil iti templo ti Babilonia. Dagidiay nga alikamen ket naited iti maysa a lalaki nga agnagan iti Sesbasar a dinutokan ni Ari Cyrus nga agbalin a gobernador ti Juda.
\v 15 Imbilin ti Ari kenkuana nga isublina dagidiay nga alikamen idiay Jerusalem, iti lugar a nangalaanda. Imbilinna pay a bangonenda manen ti templo iti sigud a nakaibangonanna. Ni Cyrus ngarud ti nagdutok kenni Sesbasar tapno agbalin a gobernador idiay Juda. Impatulodna pay kenni Sesbasar dagiti amin nga alikamen a balitok ken pirak tapno ikabilna iti baro a templo.

\s5
\v 16 Inaramid ngarud ni Sesbasar dayta. Immay isuna ditoy Jerusalem ket nangimaton kadagiti lallaki a nangisaad iti pundasion ti templo. Ket manipud iti dayta a tiempo, nagtrabtrabahon dagiti tattao iti templo ngem saan pay a nalpas daytoy'.

\s5
\v 17 Ngarud, Natan-ok nga Ari, pangngaasim ta mangibaonka iti maysa a tao a mangsukimat iti lugar idiay Babilonia a nakaidulinan dagiti napapateg a naisurat tapno maammoan no pudno nga imbilin ni Ari Cyrus a maibangon manen ti templo ti Dios idiay Jerusalem. Ket mabalinmo nga ibaga kadakami ti kayatmo nga aramidenmi maipapan iti daytoy a banag."

\s5
\c 6
\p
\v 1 Nangbilin ngarud ni Ari Darius iti maysa a tao a mangsukimat iti lugar a nakaidulinan dagiti napapateg a nakaisuratan dagiti bilbilin, ngem dagidiay a dokumento ket awan idiay Babilonia.
\v 2 Nasarakanda ti maysa a nalukot a pagbasaan idiay siudad ti Ecbatana idiay Media a naglaon iti pakaammo a kayatda a maammoan. Kastoy ti naisurat iti nalukot a pagbasaan:

\s5
\v 3 "Kabayatan iti umuna a tawen a panagturay ni Ari Cyrus iti imperio, nangipaulog isuna iti maysa a linteg maipapan iti templo ti Dios nga adda idiay Jerusalem. Kinunana a masapul a maipatakder ti baro a templo iti isu met laeng a lugar a pagidatdatonan idi dagiti Israelita kadagiti datdaton, iti sigud a nakaipatakderan ti umuna a templo. Masapul a duapulo ket pito a metro ti kangato ti templo ken duapulo ket pito a metro ti kalawana.
\v 4 Masapul a maipatakder ti templo babaen kadagiti dadakkel a bato. Kalpasan a maiplastar ti tallo a katuon dagiti bato, masapul a maiparabaw ti maysa a katuon ti kayo. Mabayadanto daytoy a trabaho babaen iti kuarta nga aggapu iti pakaiduldulinan iti gameng ti pagarian.
\v 5 Masapul met a maisubli idiay Jerusalem ti balitok ken dagiti alikamen a pirak nga innala ni Ari Nebucadnesar manipud iti templo ti Dios iti Jerusalem nga impanna idiay Babilonia. Masapul a maikabil manen dagitoy iti templo ti Dios."

\s5
\v 6 Kalpasan ti pannakaibasa daytoy, impatulod ni Ari Dario ti kastoy a mensahe kadagiti mangidadaulo kadagiti kabusor dagiti Judio idiay Jerusalem: "Daytoy a mensahe ket para kenni Tatnai, a gobernador ti probinsia iti laud ti Karayan ti Eufrates, ken ti katulonganna a ni Setar Bozenai, ken para kadagiti amin a kakaduayo; Umadayokayo iti dayta a lugar.
\v 7 Saankayo a makibiang iti pannakaaramid iti templo ti Dios. Masapul a maipatakder manen ti templo iti sigud a lugar a nakaipatakderan ti immuna a templo. Ken saanyo a taktaken ti gobernador dagiti Judio wenno dagiti panglakayenda kabayatan nga ar-aramidenda daytoy.

\s5
\v 8 Maysa pay, ibilbilinko kadakayo a tulunganyo dagitoy a mangidadaulo kadagiti Judio bayat ti panangibangonda manen iti daytoy a templo ti Dios. Masapul nga ikkanyo ida iti pondo para iti pannakaibangon ti templo manipud iti pakaiduldulinan ti gamengko nga adda kadakayo.
\v 9 Dagiti padi a Judio idiay Jerusalem ket agkasapulan iti urbon a baka, kalakian a karnero ken urbon a karnero a kas daton a mapuoran para iti Dios ti langit. Masapul nga itedyo kadakuada dagiti ayup a kasapulanda. Kasta met, a masapul a napudnokayo a mangted kadakuada iti trigo, asin, arak, ken lana ti olibo a kasapulanda iti inaldaw para kadagidiay a datdaton.
\v 10 No aramidenyo dayta, mabaelanda nga idaton dagiti sagsagut a makaay-ayo iti Dios nga adda sadi langit, ken ikararagda a bendesionannak ti Dios ken dagiti annakko a lallaki.

\s5
\v 11 No siasinoman ti mangsalungasing iti daytoy naipaulog a bilin, guyodento dagiti soldadok ti soleras ti balayna. Kalpasanna, ipangatoda dayta a tao ket iti dayta a soleras ti pangiduyokanda kenkuana. Ket maminpinsandanto a dadaelen dayta a balay ti tao agingga a maysa laeng a gabsuon ti rugit ti mabati.
\v 12 Pinili ti Dios dayta a siudad ti Jerusalem a kas lugar a pangdayawan kenkuana dagiti tattao. Tartarigagayak a parmekennanto ti siasinoman nga ari wenno aniaman a nasion a mangpadas a mangbaliw iti daytoy a linteg wenno mangpadas a mangdadael dayta a templo idiay Jerusalem. Siak a ni Dario, ti nangaramid iti daytoy naipaulog a bilin. Masapul a tungpalenyo amin daytoy."

\s5
\v 13 Binasa da Tatnai a gobernador iti probinsia, Setar Bozenai a katulonganna ken dagiti kakaduada ti mensahe ket dagus a tinungpalda ti naipaulog a bilin ni Ari Dario.
\v 14 Isu nga intuloy dagiti mangidadaulo kadagiti Judio ti panangipatakderda manen iti templo. Napabilegda iti kasta unay gapu kadagiti mensahe nga imbaga dagiti profeta a da Hageo ken Zacarias. Intuloy dagiti Israelita ti panangipatakder iti templo, a kas iti imbilin ti Dios nga aramidenda ken kas iti bilin nga impaulog da Ari Cyrus, ken Ari Dario.
\v 15 Naipatakderda ti templo iti maikatlo nga aldaw iti bulan ti Adar, kabayatan ti maikainnem a tawen a panagturay ni Ari Dario.

\s5
\v 16 Kalpasanna, sirarag-o a nangidaton iti templo dagiti padi, dagiti Levita, ken dagiti amin nga Israelita a nagsubli manipud Babilonia.
\v 17 Kabayatan ti seremonia a panangidatonda iti templo, nangidatonda iti sangagasut nga urbon a baka, sangagasut a kalakian a karnero, ken uppat a gasut nga urbon ti karnero. Nangidatonda pay iti sangapulo ket dua a kalakian a kalding a kas daton tapno pakawanen ti Dios dagiti basbasol dagiti sangapulo ket dua a tribu ti Israel.
\v 18 Kalpasanna, binungo-bunggoy dagiti mangidadaulo kadagiti Judio dagiti papadi ken dagiti Levita nga agserbi iti templo. Inaramidda daytoy sigun kadagiti alagaden nga insurat ni Moises kalpasan iti adu a tawen.

\s5
\v 19 Iti maikasangapulo ket uppat nga aldaw iti umuna a bulan, rinambakan dagiti Judio a nagsubli manipud Babylonia ti Fiesta ti Ilalabas.
\v 20 Tapno maikarida para iti panangidaton kadagiti sagut, dinalusan dagiti padi ken Levita dagiti bagbagida babaen iti panangaramidda iti maysa kadagiti seremonia. Kalpasanna, pinartida dagiti urbon karnero para kadagiti amin a tattao a nagsubli manipud Babilonia, para kadagiti dadduma a padi, ken para kadagiti bagbagida.

\s5
\v 21 Dagiti nagsubli manipud Babilonia ken dagiti nangilasin kadagiti bagida manipud iti kinarugit dagiti tattao iti aglawlawda nga addaan iti sabali a kultura, pagsasao ken panagdayaw, ket nabalinandan ti agdayaw kenni Yahweh, a Dios dagiti Israelita, ken mangan iti taraon iti Fiesta ti Ilalabas.
\v 22 Rinambakanda ti Fiesta ti Tinapay nga Awan Lebadurana iti pito nga aldaw. Naragsak dagiti Israelita iti entero a daga gapu ta binaliwan ni Yahweh ti ugali ti ari ti Asiria para kadakuada, ken kas nagbanaganna, tinulongan ida ti ari a mangbangon manen iti templo ti Dios, ti Dios ti Israel.

\s5
\c 7
\p
\v 1 Kalpasan iti adu a tawen, bayat a ni Artaxerxes ti ari ti Persia, napan idiay Jerusalem ni Ezra a naggapu Babilonia. Isuna ti putot a lalaki ni Seraias ken ti apoko ni Azarias, ken ti apoko iti tumeng ni Hilkias.
\v 2 Ni Hilkias ket putot a lalaki ni Sallum, a putot a lalaki ni Zadok, a putot a lalaki ni Ahitub.
\v 3 Ti ama ni Ahitub ket ni Amarias, a putot a lalaki ni Azarias, a puot a lalaki ni Merayot
\v 4 Ni Merayot ket putot a lalaki ni Zeraias, a putot a lalaki ni Uzzi, a putot a lalaki ni Bukki.
\v 5 Ni Bukki ket putot a lalaki ni Abisua, a putot a lalaki ni Finees, a putot a lalaki ni Eleazar, a putot a lalaki ni Aaron, ti umuna a kangatoan a padi.

\s5
\v 6 Ni Ezra ket maysa a tao a makaammo kadagiti linteg nga insurat ni Moises. Dagidiay dagiti linteg nga inted ni Yahweh a Dios ti Israel kadagiti Israelita. Pimmanaw isuna idiay Babilonia kalpasan nga imbaga ti ari kadagiti tattao nga itedda kenkuana ti aniaman a kiniddawna. Kinapudnona, tinulongan ni Yahweh ni Ezra kadagiti amin a banbanag.
\v 7 Kimmuyog kenni Ezra a napan idiay Jerusalem dagiti dadduma a padi, dadduma a kaputotan ni Levi, dadduma a kumakanta, dadduma a parabantay iti ruangan, ken dadduma a lallaki a nagtrabaho iti templo. Dayta ket, kabayatan ti maikapito a tawen a ni Artaxerxes ti ari ti Persia.

\s5
\v 8 Simmangpet ni Ezra ken dagiti bunggoy a kaduana idiay Jerusalem iti maikalima a bulan ti maikapito a tawen a ni Artaxerxes ti ari.
\v 9 Pimmanawda iti Babilonia iti umuna nga aldaw ti umuna a bulan, ti umuna nga aldaw ti tawen dagiti Judio. Gapu ta nagtignay a siaasi ti Dios kadakuada, dimtengda a sitatalged idiay Jerusalem iti umuna nga aldaw iti maikalima a bulan iti dayta a tawen.
\v 10 Iti unos ti panagbiag ni Ezra, impasnekna nga inad-adal dagiti linteg ni Yahweh ken no kasanona a tungpalen dagidiay a linteg. Insursurona pay dagidiay a linteg ken bilbilin kadagiti Israelita iti adu a tawen.

\s5
\v 11 Sakbay a pimmanaw ni Ezra idiay Babylonia a mapan idiay Jerusalem, nangted ni Ari Artaxerxes iti kopya kenkuana. Kastoy ti insurat ti ari:
\v 12 "Naggappu kaniak daytoy a surat, ni Artaxerxes, ti katatan-okan kadagiti ari. It-itedko daytoy kenni Ezra a padi, a nangadal a naimbag kadagiti amin a bilin ken annuroten nga inted ti Dios nga adda idiay langit kadagiti Israelita.
\v 13 Ezra, ibilbilinko a no agsublika idiay Jerusalem, mapalubosan ti siasinoman kadagiti Israelita iti pagariak a kayatna ti kumuyog kenka ket. Karaman dita dagiti papadi ken dagiti kaputotan ni Levi a mayat a sumurot nga agtrabaho iti templo.

\s5
\v 14 Siak, kaduak dagiti pito a mammagbagak, ibabaonka idiay Jerusalem, tapno maammoam no ania ti mapaspasamak idiay ken iti dadduma nga il-ili ti Juda. Itugotmo ti kopia dagiti linteg ti Dios; siguradoem nga ar-aramiden dagiti tattao dagiti amin a naisurat kadagidiay a linteg.
\v 15 Ibagbagami met kenka nga itugotmo dagiti pirak ken balitok a kayatko ken dagiti mammagbagak nga ited kenka, tapno maidatagmo daytoy a kas daton iti Dios ti Israel nga agnanaed idiay Jerusalem.
\v 16 Rumbeng met nga alaem ti pirak ken balitok nga ited kenka dagiti tattao iti entero a probinsia ti Babilonia, ken ti kuarta a pakaragsakan nga ited dagiti padi ken dagiti dadduma nga Israelita a kas sagut para iti pannakaibangon ti templo ti Diosda idiay Jerusalem.

\s5
\v 17 Babaen iti daytoy a kuarta, rumbeng a gatangenyo dagiti baka, dagiti kalakian a karnero, dagiti urbon a karnero, dagiti trigo, ken dagiti arak, a dagiti padi ti mangipuorto iti altar iti ruar ti templo ti Diosyo idiay Jerusalem.
\v 18 No adda agbati a pirak wenno balitok kalpasan a nagatangyo amin dagidiay a banbanag, sika ken dagiti kakaduam ket mapalubosan a mangusar iti daytoy tapno gatangen ti aniaman a kayatyo, ngem gatangenyo laeng dagiti banag nga ammoyo a kayat ti Diosyo a gatangenyo.

\s5
\v 19 Intedmi kadakayo dagiti sumagmamano a napapateg a banbanag a mausar iti templo ti Diosyo. Itugotyo met dagitoy idiay Jerusalem.
\v 20 No kasapulanyo ti dadduma a banag para iti templo, mapalubosankayo a mangala iti kuarta para kadagidiay a banbanag manipud iti pakaiduldulinan ti gameng ditoy.

\s5
\v 21 Ket siak, a ni Ari Artaxerxes, ibilbilinko daytoy kadagiti amin a tesorero iti probinsia iti laud ti Karayan ti Eufrates: Itedyo kenni Ezra, ti padi a nangadal a nasayaat kadagiti linteg ti Dios nga adda idiay langit, itedyo a dagus kenkuana amin a kiddawenna.
\v 22 Itedyo kenkuana agingga iti 3.5 a metro a tonelada a pirak, limagasut a salup ti arina, 2.2 a litro ti arak, a karukrukod ti lana ti olibo, ken amin nga asin a masapulda.
\v 23 Siguradoenyo nga itedyo kenkuana ti aniaman a dawaten ti Diosda para iti templona, gapu ta saanmi a kayat nga agunget isuna kaniak ken kadagiti kaputotak nga agbalinto nga ari.

\s5
\v 24 Ibilbilinmi met a saan a kasapulan nga agbayad iti buis dagiti padi, dagiti kaputotan ni Levi nga agtrabtrabaho iti templo, dagiti kumakanta, dagiti agbanbantay iti templo, wenno dagiti dadduma a lallaki nga agtrabtrabaho iti templo.

\s5
\v 25 Sika Ezra, pinagbalinnaka ti Diosmo a nasirib unay. Babaen iti dayta a sirib, mangdutokka kadagiti lallaki iti probinsia idiay laud ti Karayan ti Eufrates a mangikeddeng kadagiti kaso agraman dagiti tattao, ken lallaki a mangikeddeng kadagiti kaso maipapan iti gobierno. Masapul a mangdutokka kadagiti lallaki a makaammo kadagiti linteg ti Diosyo. Aminkayo ket masapul nga isuroyo dagiti linteg kadagiti dadduma a saan a makaammo kadagitoy.
\v 26 Masapul a madusa iti nakaro ti amin a mangsalungasing kadagiti linteg iti Dios wenno iti linteg ti gobiernok. Addanto mapapatay kadakuada, addanto maibalud, addanto mapatalaw iti pagilian wenno maalanto kadakuada dagiti sanikuada.

\s5
\v 27 Kinuna ni Ezra, "Madaydayaw ni Yahweh, ti Dios nga indaydayaw dagiti kapuonantayo! Tinignayna ti ari tapno idayawna ti templona idiay Jerusalem.
\v 28 Gapu ta naimbag ken napudno ti Dios kaniak, naimbag met kaniak ti ari ken amin a mammagbagana ken amin a nabileg nga opisialna. Gapu ta tinulongannak ti Dios, napabilegak ken naallukoyko dagiti dadduma a panguloen dagiti Israelita a sumurot kaniak idiay Jerusalem."

\s5
\c 8
\p
\v 1 Daytoy ti listaan ti nagnagan dagiti mangidadaulo kadagiti puli a kimmuyog kaniak manipud Babilonia agingga Jerusalem idi ni Artaxerxes ti ari ti Persia:
\v 2 ni Gersom iti puli a nagtaud iti apoko ni Aaron a ni Finees. Ni Daniel iti puli a nagtaud iti putot a lalaki ni Aaron a ni Itamar. Ni Hattus a kaputotan ni Sekanias iti puli a nagtaud kenni Ari David.
\v 3 Ni Zacarias ken ti sangasut ket limapulo a lallaki iti puli a nagtaud kenni Paros.

\s5
\v 4 Ni Elieoenai a putot a lalaki ni Zerahias ken ti duagasut a lallaki iti puli a nagtaud kenni Pahat Moab.
\v 5 Ni Jahaziel ken ti tallogasut a lallaki iti puli a nagtaud kenni Sekanias.
\v 6 Ni Ebed a putot a lalaki ni Jonatan ken ti limapulo a lallaki iti puli a nagtaud kenni Adin.
\v 7 Ni Jesaias a putot a lalaki ni Atalias ken ti pitopulo a lallaki iti puli a nagtaud kenni Elam.

\s5
\v 8 Ni Zebadias a putot a lalaki ni Micael ken ti walopulo a lallaki iti puli a nagtaud kenni Sefatias.
\v 9 Ni Obadias a putot a lalaki ni Jehiel ken dagiti duagasut ken sangapulo ket walo a lallaki iti puli a nagtaud kenni Joab.
\v 10 Ni Josifias ken ti sangagasut ket innem a pulo a lallaki iti puli a nagtaud kenni Selomit.
\v 11 Ni Zacarias a putot a lalaki ni Bebai ken ti duapulo ket walo a lallaki iti puli a nagtaud iti sabali a lalaki a managan iti Bebai.

\s5
\v 12 Ni Johanan a putot a lalaki ni Jakkatan ken ti sangagasut ket sangapulo a lallaki iti puli a nagtaud kenni Azgad.
\v 13 Kasta met da Elifelet, Jeuel ken Semaias ken dagiti innem a pulo a lallaki iti puli a nagtaud kenni Adonikam, dagiti naudi a nagsubli ditoy.
\v 14 Ni Utai ken Zakkur ken ti pitopulo a lallaki iti puli a nagtaud kenni Bigvai.

\s5
\v 15 Kinuna ni Ezra, "Inummongko amin dagiti Judio iti karayan nga aggapgapu iti Babilonia nga agturong idiay Ahava. Nagkampokami sadiay ket nagtalinaed iti tallo nga aldaw. Kabayatan dayta a tiempo, binasak ti listaan dagiti nagan ket naduktalak nga adda dagiti papadi a kimmuyog kadakami, ngem awan dagiti dadduma a kaputotan ni Levi a mangtulong kadakuada iti templo.
\v 16 Isu a pinaayabak da Eliezer, Ariel, Semaias, Elnatan, Jarib, Natan, Sacarias ken Mesullam a mangidadaulo amin kadagiti tattao. Pinaayabak met ni Joiarib ken sabali pay nga Elnatan, a mannursuro.

\s5
\v 17 Imbaonko ida amin kenni Iddo a pangulo dagiti kaputotan ni Levi, nga agnanaed idiay Casifia, tapno kiddawek nga isuna ken dagiti kakabagianna ken dagiti dadduma a lallaki a nagtrabaho iti templo idiay Jerusalem a mangibaonda kadagiti dadduma a lallaki a sumurot kadakami nga agtrabaho iti baro a templo ti Dios.

\s5
\v 18 Gapu ta kinaasiannatayo ti Dios, imbaonda kadatayo ti maysa a tao nga agnagan ti Serebias ken sangapulo ket walo kadagiti putotna a lallaki ken dadduma a kakabagianna. Nasirib unay a tao ni Serebias a kaputotan ni Mali, nga apoko ni Levi.
\v 19 Imbaonda pay kadatayo ni Hasabias, agraman ni Jesaias a kaputotan ni Merari a putot a lalaki ni Levi, ken duapulo kadagiti kabagianda.
\v 20 Nangibaonda pay iti duagasut ket duapulo a lallaki nga agtrabaho iti templo. Dagiti kapuonan dagidiay a tattao ket dinutokan idi ni Ari David a tumulong kadagiti kaputotan ni Levi. Inlistak ti nagnagan dagidiay a lallaki.

\s5
\v 21 Idiay igid ti Karayan Ahava inwaragawagko ti oras para kadakami amin nga agayunar ken agkararag. Imbagak kadakuada a masapul nga agpakumbabakami iti sangoanan ti Diosmi. Inkararagmi a salaknibannakami ti Dios kabayatan ti panagdaliasatmi, ken aywananna pay dagiti annakmi ken dagiti sanikuami.
\v 22 Imbagami idi iti ari nga aywanan ti Diosmi dagiti amin a sipupudno nga agtalek kenkuana, ngem dayta ti nangpapungtot kenkuana kadagiti saan a nagtulnog kenkuana. Isu a nagbainak a nangkiddaw iti ari a mangibaon kadagiti soldado ken tattao a nakakabalio a mangsalaknib kadakami manipud kadagiti kabusormi kabayatan ti panagdaliasatmi iti dalan.
\v 23 Isu a nagayunarkami ket kiniddawmi iti Dios a salaknibannakami, ket nagkararagkami kenkuana.

\s5
\v 24 Nangpiliak iti sangapulo ket dua a mangidadaulo kadagiti papadi, da Serabias ken Hasabias, ken dadduma pay a sangapulo.
\v 25 Dinutokak ida a mangimaton iti panangibunag idiay Jerusalem kadagiti sagsagut a pirak ken balitok ken dadduma pay a napateg a banbanag nga insagut ti ari ken dagiti mammagbagana ken dadduma pay nga opisial, ken dagiti Israelita nga agnanaed idiay Babilonia a nakipagpaset para iti templo ti Diostayo.

\s5
\v 26 Idi intedko dagitoy a nadumaduma a banbanag kadagidiay a padi, tinimbangko ti tunggal banag. Daytoy ti dagupna: agarup duapulo ket dua a metro a tonelada ti pirak, sangagasut a banbanag a naaramid manipud iti pirak nga agarup 3.4 a metro a tonelada, agarup 3.4 a metro a tonelada ti balitok,
\v 27 duapulo a mallukong a balitok nga agarup 8.5 a kilo, ken dua a banag a naaramid iti napasileng a bronse a kas kapateg ti naaramid iti balitok.

\s5
\v 28 Imbagak kadagidiay a papadi, 'Naisangsangayan ti pannakailasinyo para kenni Yahweh, ti Dios a dinayaw dagiti kapuonantayo ken kasta met a naisangsangayan kenkuana dagitoy a napapateg a banbanag. Dagiti tattao a mismo ti nangted kadagitoy a banbanag a kas naimpusoan a sagut kenni Yahweh.
\v 29 Isu a bantayanyo a nasayaat dagitoy, ket inton makadanontayo idiay Jerusalem, timbangenyonto dagitoy iti sangoanan dagiti padi, dagiti kaputotan ni Levi a tumulongto kadagiti padi, ken dagiti dadduma a mangidadaulo kadagiti Israelita sadiay. Kalpasanna, ikabildanto dagidiay kadagiti siled a pagiduldulinan idiay baro a templo.'
\v 30 Innala ngarud kaniak dagiti padi ken dagiti kaputotan ni Levi dagiti amin a sagsagut a pirak ken balitok ken dadduma pay a napapateg a banag tapno ipanda dagitoy iti templo idiay Jerusalem.

\s5
\v 31 Iti maikasangapulo ket dua nga aldaw ti umuna a bulan, pimmanawkami idiay Karayan Ahava ket nangrugikami a nagdaliasat nga agturong idiay Jerusalem. Inaywanannakami ti Diosmi, ken kabayatan iti panagdaliasatmi, linappedanna dagiti kabusormi ken dagiti bandido a mangdarup kadakami.
\v 32 Idi nakadanonkami idiay Jerusalem, naginanakami iti tallo nga aldaw.

\s5
\v 33 Ket iti maikauppat nga aldaw, napankami iti templo. Sadiay a natimbang dagiti pirak, balitok ken dagiti dadduma nga alikamen ken naited iti padi a ni Meremot a putot a lalaki ni Urias. Kaduana da Eleasar a putot a lalaki ni Finees, ken dagiti dua a kaputotan ni Levi, ni Josabad a putot a lalaki ni Jesua, ken ni Noadias a putot a lalaki ni Binnui.
\v 34 Binilangda dagiti amin nga alikamen, ket insuratda no mano ti kadagsen dagitoy ken sinuratanda iti panangiladawan ti tunggal alikamen.

\s5
\v 35 Dakami a nagsubli manipud Babilonia, nangidatagkami kadagiti sagsagut iti altar para iti Dios. Nangidatagkami iti sangapulo ket dua a baka para kadakami amin nga Israelita. Nangidatagkami pay iti siam a pulo ket innem a karnero ken pitopulo ket pito nga urbon a karnero. Nangidatagkami pay iti sangapulo ket dua a kalding a mangabbong kadagiti nagbasolan dagiti amin a tattao. Naan-anay a napuoran amin dagitoy iti rabaw ti altar.
\v 36 Dagiti dadduma a kaduami a nagsubli manipud Babilonia ket impanda ti surat nga inted ti ari kadakami kadagiti gobernador ken kadagiti dadduma nga opisial ti probinsia iti laud ti Karayan ti Eufrates. Kalpasan a binasada ti surat, inaramidda amin a kabaelanda para kadakami nga Israelita ken para iti templo ti Dios."

\s5
\c 9
\p
\v 1 Kalpasan ti sumagmamano a tiempo, immasideg kaniak dagiti mangidadaulo a Judio ket kinunada, 'Adu nga Israelita ken uray dagiti dadduma a papadi ken dadduma a lallaki a kaputotan ni Levi nga agtrabtrabaho iti templo, ti saan a nangliklik kadagiti aramid a kas iti ar-aramiden dagiti dadduma a tattao nga agnanaed iti daytoy a daga. Ar-aramidenda met laeng dagiti makarimon a banbanag nga ar-aramiden dagiti Canaanita, Heteo, Perezeo, Jebuseo, ken Ammonitas, ken bunggoy dagiti tattao nga Amoreos, ken babaen kadagiti tattao manipud Moab ken Egipto,
\v 2 Kangrunaanna, nakiasawa dagiti dadduma nga lsraelita a lallaki kadagiti babbai a saan nga Israelita, ken pinalubosanda dagiti putotda a lallaki a mangaramid ti isu met laeng a banag. Isu a narugitantayo, datayo a nasagradoan a tattao ti Dios. Ket dagiti dadduma a mangidadaulo ken opisialtayo ti imun-una a nangsalungasing iti Dios iti kastoy a wagas!'

\s5
\v 3 Idi nangegko dayta, nagladingitak unay, isu a pinigisko dagiti kawesko ken pinarutko ti sumagmamano a buok iti ulok ken dagiti barbasko. Ket nagtugawak, mabainak kadagiti tattaok agsipud ta ammo dagiti Israelita a binallaagannakami ti Dios a dusaennakami no salungasingenmi ti imbagana kadakami maipanggep iti pannakiasawa kadagiti babbai a saan nga Israelita.
\v 4 Isu nga adu kadakuada ti nagkintayeg idi nangngegda a dadduma kadagiti nagsubli manipud Babilonia ket nagbasol a kas iti dayta. Immayda ket nakipagtugawda kaniak agingga iti kanito a maidatonen ti pangrabii a daton a trigo.

\s5
\v 5 Idi dimtengen ti oras a maidaton dagidiay a datdaton, agtugtugawak latta sadiay a nakasuot kadagiti a napigis a pagan-anay ket agladladingitak. Timmakderak ket dagus a nagpaklebak iti daga. Inngatok dagiti imak kenni Yahweh a Diosko,
\v 6 ket daytoy ti inkararagko: 'Yahweh a Diosko, mabainak unay a mangitangad iti rupak iti sangoanam. Nadagsen unay dagiti nagbasolanmi nga Israelita; daytoy ket kasla nangatngatodan ngem dagiti ulomi. Maipanggep met kadagiti nagbiddutanmi, daytoy ket kasla dimmanonen agingga kadagiti langit.

\s5
\v 7 Manipud kadagiti tiempo a nagbibiag dagiti kapuonanmi agingga ita, nagbiddutkami unay. Dayta ti makagapu a dakami ken dagiti arimi ken dagiti padimi ket inabak dagiti soldado dagiti sabali a daga. Pinapatayda dagiti dadduma a tattaomi, tiniliwda dagiti dadduma, tinakawanda dagiti dadduma, ket imbabainanda amin ida, a kas iti kasasaadmi ita.

\s5
\v 8 Ngem ita, Yahweh a Dios, naasika unay kadakami. Pinalubosam a makalasat dagiti dadduma kadakami. Pinapigsam dagiti espiritumi ken pinalubosannakami a makalibas manipud iti pannakatagabu idiay Babilonia ken makasublikami a sitatalged tapno agnaed iti daytoy a nasagradoan a lugar.
\v 9 Tagabukami, ngem saannakami a binaybay-an. Ngem ketdi, gapu ta napudnoka a kanayon iti tulagmo kadakami, tinignaymo ti ari ti Persia tapno agbalin a naasi unay kadakami. Pinalubosannakami nga agtultuloy nga agbiag ken tapno bangonenmi manen ti templom a nadadael a naan-anay. Pinalubosannakami a mangrugi nga agbiag a sitatalged ditoy Jerusalem ken iti dadduma nga ili ti Juda.

\s5
\v 10 Diosmi, ania pay ti makunami ita? Iti laksid ti amin nga inaramidmo kadakami, sinalungasingmi dagiti bilinmo.
\v 11 Bilbilin dagitoy nga intedmo kadagiti adipenmo, kadagiti profeta, tapno ibagada kadakami. Imbagada kadakami a ti daga a pagnaedanmi ket narugit gapu kadagiti makarimon a banbanag nga inaramid dagiti tattao a nagnaed sadiay. Kinunada a napunno ti entero a daga kadagiti tattao nga agar-aramid kadagiti dakes a banbanag.
\v 12 Kinunada a rumbeng a saanmi a palubosan dagiti annakmi a babbai nga asawaen dagiti annakda a lallaki! Rumbeng a saanmi a palubosan dagiti annakmi a lallaki a mangasawa kadagiti annakda a babbai! Rumbeng a saanmi pay a padasen ti makikapia kadagidiay a tattao! Kinunada a no tinungpalmi dagitoy a bilbilin, bumilegto ti nasionmi, ken ragsakenminto dagiti nasayaat nga apit iti daga, ken ti daga ket kukuanto dagiti kaputotanmi iti agnanayon.

\s5
\v 13 Ngem dinusanakami gapu ta nagbiddutkami unay gapu iti panangaramidmi kadagiti dakes a banbanag. Nupay kasta, saannakami a dinusa a kas iti maikari koma a panangdusa kadakami. Ibagbagak daytoy gapu ta sika, a Diosmi, ket pinalubosam a makalasat ti dadduma kadakami.
\v 14 Nupay kasta, dadduma kadakami ket salsalungasingenda manen dagiti bilinmo, ken as-asawaenmi dagiti babbai a mangar-aramid kadagiti banbanag a makarimon. No ituloymi nga aramiden daytoy, sigurado a dadaelennakami, a ti pagbanaganna ket awanto ti agtalinaed a sibibiag kadakami.

\s5
\v 15 Yahweh a Dios ti Israel, kanayon nga umno ti ar-aramidem! Nagbiddutkami. Sumagmamanokami laeng kadagiti tattao a nakalibas manipud Babilonia, ngem agkarkararagkami kenka, urayno saankami a maikari iti presensiam.""'

\s5
\c 10
\p
\v 1 Kabayatan nga agparparintumeng, agkarkararag ken agsangsangit ni Ezra iti sangoanan ti templo, ipudpudnona dagiti nagbasolan dagiti Israelita. Immaribungbong kenkuana ti adu a tattao, lallaki, babbai ken ub-ubbing, a kasta unay met ti panagsangitda.
\v 2 Ket kinuna kenkuana ni Secanias a putot a lalaki ni Jehiel iti puli ni Elam, "Nagsukirkami iti Dios. Dagiti dadduma kadakami ket nakiasawa kadagiti babbai a saan nga Israelita. Ngem mangnamnamakami latta a maasian ni Yahweh kadakami nga Israelita.

\s5
\v 3 Aramidenmi ti ibagam ken ti imbaga dagiti dadduma nga addaan iti nalaus a panagraem iti imbilin ti Diostayo, ibagam tapno aramidenmi. Aramidenmi ti imbaga ti Dios kadakami babaen kadagiti lintegna. Makitulagkami iti Diostayo, ibagami nga isinami dagiti assawami a saan nga Israelita, ken papanawenmi ida agraman dagiti annakda.
\v 4 Pagrebbengam nga ibaga kadakami ti aramidenmi. Isu a tumakderka, ken papigsaem ti nakemmo, ket aramidem ti maiparbeng. Tumulong kami kenka."

\s5
\v 5 Timmakder ngarud ni Ezra ket kiniddawna nga agsapata dagiti mangidadaulo kadagiti padi, dagiti kaputotan ni Levi, ken amin dagiti dadduma nga Israelita nga aramidenda ti imbaga ni Sekanias a rumbeng nga aramidenda. Isu a nagsapatada amin nga aramidenda dayta.
\v 6 Kalpasanna, pimmanaw ni Ezra iti sangoanan ti templo ket napan iti siled a pagnanaedan ni Jehohanan. Nagtalinaed isuna sadiay iti dayta a rabii, ngem saan a nangan wenno imminum iti uray ania. Naliday latta isuna gapu ta saan a tinungpal dagiti dadduma nga Israelita a nagsubli manipud Babilonia dagiti linteg ti Dios.

\s5
\v 7 Kalpasanna, nangipatulod iti mensahe dagiti mangidadaulo kadagiti amin a tattao idiay Jerusalem ken kadagiti dadduma nga ili idiay Juda, a mangibagbaga nga amin a nagsubli manipud Babilonia ket masapul a mapan a dagus idiay Jerusalem.
\v 8 Imbaga pay dagiti mangidadaulo a no adda kadakuada ti saan a makasangpet iti uneg ti tallo nga aldaw, ibilinda a dagiti amin a sanikua dagidiay a tattao ket maala manipud kadakuada, ken masapul a saandan a maibilang kadagiti Israelita; maibilangdanto a kas ganggannaet.

\s5
\v 9 Isu nga iti uneg ti tallo nga aldaw, naummong idiay Jerusalem dagiti amin a tattao iti tribu ni Juda ken Benjamin. Addada sadiay, agtugtugaw iti paraangan iti sangoanan ti templo. Agtigtigergerda gapu ta agtudtudo iti napigsa ken gapu ta agdandanagda a madusa gapu iti inaramidda.
\v 10 Ket timmakder ni Ezra ket kinunana kadakuada, "Ti dadduma kadakayo a lallaki ket nagbasol a maibusor iti Dios. Inasawayo dagiti babbai a saan nga Israelita. Gapu iti dayta nga inaramidyo, kinarkaroyo ti basoltayo nga Israelita, ngem iti sigud a kasasaadtayo.

\s5
\v 11 Isu nga ita, masapul a dayawenyo ni Yahweh, ti Dios a dinaydayaw dagiti kapuonanyo, ken masapul nga aramidenyo dagiti kayatna. Ilasinyo dagiti bagbagiyo manipud kadagiti tattao iti sabali a nasion ken manipud kadagiti babbai manipud kadagidiay a nasion a nakiassawaanyo."

\s5
\v 12 Simmungbat ti sibubukel a bunggoy, nga ipukpukkawda, "Wen, pudno ti imbagam! Aramidenmi ti imbagam.
\v 13 Ngem adukami a bunggoy, ken agtudtudo iti napigsa. Kasta met nga, adu kadakami ti nakabasol iti kastoy. Maysa a banag daytoy a saanmi a maaramid iti maysa wenno dua nga aldaw, ken saankami a makatakder ditoy katuduan.

\s5
\v 14 Isu a palubosam dagiti mangidadaulo kadakami a mangikeddeng no ania ti rumbeng nga aramidenmi. Ibagam kadagiti amin a nangasawa kadagiti babbai a saan nga Israelita nga umay iti tiempo nga ikeddengmo. Rumbeng a kaduada nga umay dagiti panglakayen ken dagiti ukom manipud iti tunggal siudad. No aramidentayo dayta, agsardengto nga agunget ti Diostayo kadatayo gapu iti inaramidtayo." Saan nga immanamung iti daytoy da
\v 15 Jonatan a putot a lalaki ni Asahel, ken Jaseyas a putot a lalaki ni Tikva, immanamung kadakuada ni Mesullam ken ni Sabbetai a kaputotan ni Levi.

\s5
\v 16 Ngem kinuna dagiti amin a nagsubli manipud Babilonia nga aramidenda daytoy. Isu a pinili ni Ezra dagiti mangidadaulo iti tunggal puli, ket insuratna dagiti naganda. Iti umuna nga aldaw ti maikasangapulo a bulan, immay dagitoy a lallaki tapno sukimaten ti banag.
\v 17 Iti umuna nga aldaw ti umuna a bulan iti simmaruno a tawen, nalpasda ti panangsukimat no siasino dagiti lallaki a nakiasawa kadagiti babbai a saan nga Israelita.

\s5
\v 18 Daytoy ti listaan ti nagnagan dagiti padi a nakiasawa kadagiti saan nga Israelita a babbai, ken dagiti puli a nakaibilanganda. Iti puli ni Josue ken dagiti lallaki a kakabsatna a dagiti putot ni Josadac: isuda Maasias, Eliezer, Jarib, ken Gedalias.
\v 19 Nagsapatada nga isinada dagiti assawada, ken nangidaton ti tunggal maysa kadakuada iti kalakian a karnero a kas daton a mangabbong kadagiti basolda.

\s5
\v 20 Iti puli ni Immer, isuda Hanani ken Zebadias.
\v 21 Iti puli ni Harim, isuda Maasias. Elias, Semamaias, Jehiel, ken Uzzias.
\v 22 Iti puli ni Pasur, isuda Elioenai, Maasias, Ismael, Netanel, Johabad, ken Elasa.

\s5
\v 23 Dagiti kaputotan ni Levi a nangasawa kadagiti saan nga Israelita a babbai, isuda Josabad, Simei, Kelaias, (a Kelita ti maysa a naganna), Petahias, Juda, ken Eliezer.
\v 24 Adda ni Eliasib a tumutokar. Kadagiti guardia iti templo, isuda Sallum, Telem ken Uri.
\v 25 Daytoy ti listaan ti nagnagan dagiti dadduma nga Israelita a nangasawa kadagiti ganggannaet: Iti puli ni Paros, isuda Ramias, Izzias, Malkija, Mijamin, Eleazar, Malkija ken Benaias.

\s5
\v 26 Iti puli ni Elam, isuda Mattanias, Zacarias, Jehiel, Abdi, Jeremot ken Elias.
\v 27 Iti puli ni Zattu, isuda Elioenai, Eliasib, Mattanias, Jeremot, Zabad ken Aziza.
\v 28 Iti puli ni Bebai, isuda Jehohanan, Hananias, Zabbai ken Atlai.
\v 29 Iti puli ni Bani isuda Mesullam, Malluk, Adaias, Jasub, Seal ken Jeremot.

\s5
\v 30 Iti puli ni Pahat Moab, isuda da Adna, Kelal, Benaias, Maasias, Mattanias, Bezalel, Binnui ken Manases.
\v 31 Iti puli ni Harim, isuda Eliezer, Issijas, Malkija, Semaias, Simeon,
\v 32 Benjamin, Malluk ken Semarias.

\s5
\v 33 Iti puli ni Hasum, isuda Mattenai, Mattatta, Zabad, Elifelet, Jeremai, Manases ken Simei.
\v 34 Iti puli ni Bani, isuda Maadai, Amram, Uel,
\v 35 Benaias, Bedeias, Keluhi,
\v 36 Vanias, Meremot, Eliasib,

\s5
\v 37 Mattanias, Mattenai ken Jaasu,
\v 38 Bani, Binnui, ken Simei,
\v 39 Selamias, Natan, Adaias,
\v 40 Maknadebai, Sasai, Sarai,

\s5
\v 41 Azarel, Selemias, Semarias,
\v 42 Sallum, Amarias, ken Jose.
\v 43 Iti puli ni Nebo, isuda Jeiel, Mattittias, Zabad, Zebina, Iddo, Joel ken Benaias.
\v 44 Tunggal maysa kadagidiay a lallaki ket nangasawa iti babai a saan nga Israelita ken dadduma kadakuada ket naaddan iti annak kadagidiay a babbai.