ilo_udb/10-2SA.usfm

\id 2SA
\ide UTF-8
\h II Samuel
\toc1 II Samuel
\toc2 II Samuel
\toc3 2sa
\mt II Samuel

\s5
\c 1
\p
\v 1 Idi natayen ni Saul, nagsubli idiay ili ti Siklag ni David ken dagiti lallaki a kaduana, idi naparmekdan dagiti kaputotan ti Amalek. Nagtalinaeda sadiay Siklag iti las-ud ti dua nga aldaw.
\v 2 Iti maikatlo nga aldaw, adda maysa a lalaki a saanda a namnamaen a dimteng sadiay a kameng iti armada ni Saul. Pinisangpisangna dagiti pagan-anayna, ken inikkanna ti tapok ti ulona a mangipakita nga agladladingit isuna. Dimmatag isuna kenni David ket nagpakleb iti daga, iti sangoanan ni David a mangipakita iti panagraemna kenkuana.

\s5
\v 3 Dinamag ni David kenkuana, "Sadino ti naggapuam?" Simmungbat ti lalaki, "Naggapuak iti ayan ti armada dagiti Israelita."
\v 4 Dinamag ni David kenkuana, "Ania ti napasamak? Ibagam kaniak ti maipapan iti gubat!" Simmungbat ti lalaki, "Nagtataray dagiti soldadomi. Adu kadakuada ti napapatay. Ken natay ni Saul ken ti anakna a ni Jonatan."
\v 5 Kinuna ni David iti agtutubo, "Kasanom nga ammo a natay ni Saul ken ni Jonatan?"

\s5
\v 6 Simmungbat ti agtutubo, "Addaak idi iti Bantay Gilboa a paggugubatan. Nakitak ni Saul; agsadsadag isuna iti gayangna. Umasidegen kenkuana dagiti karwahe ken dagiti mangiturturong kadagitoy.
\v 7 Timmaliaw ni Saul ket nakitanak, ket inayabannak. Simmungbatak kenkuana ket kinunak, 'Ania ti kayatmo nga aramidek?'

\s5
\v 8 Simmungbat isuna, 'Siasinoka?' Simmungbatak, 'Maysaak a kaputotan ti Amalekita.'
\v 9 Ket kinunana kaniak, 'Umayka ditoy ket patayennak. Marigrigatanak unayen.'
\v 10 Isu nga immasidegak kenkuana ket pinatayko isuna, gapu ta nakitak a kasta unay ti pannakasugatna ket saanen a makapagbiag pay. Innalak ti korona iti ulona ken ti pulseras nga adda iti takkiagna, nga isu't inyegko kenka, apok."

\s5
\v 11 Ket pinisang ni David ken dagiti amin a lallaki a kakaduana dagiti badoda a mangipakita a maladladingitanda unay.
\v 12 Nagdung-awda para kenni Saul ken iti anakna a ni Jonatan, nagsangitda ken nagayunarda; intultuloyda dayta agingga iti rabii.
\v 13 Ngem sinaludsod ni David ti agtutubo a lalaki a nangibaga kenkuana ti maipapan iti gubat, "Taga-anoka?" Simmungbat isuna, "Ti amak ket maysa a kaputotan ti Amalek, ngem agnanaedkami idiay Israel."

\s5
\v 14 Dinamag ni David kenkuana, "Apay a saanka a nagbuteng a mabalin a madusaka no patayem ni Saul, a pinagbalin ni Yahweh nga ari?
\v 15-16 Sika a mismo ti nangibaga, 'Pinatayko ti tao a dinutokan ni Yahweh nga agbalin nga ari.' Isu a sika ti nangukom iti bagim; maikarika a matay!" Kalpasanna, pinaayaban ni David ti maysa kadagiti soldadona ket imbagana kenkuana, "Patayem isuna" Isu a pinatay ti soldado ti Amalekita.

\s5
\v 17 Kalpasanna, insurat ni David daytoy naliday a kanta maipapan kenni Saul ken Jonatan,
\v 18 ket imbilinna kadagiti lallaki a kaduana nga isuroda daytoy kadagiti tattao ti Juda. Ti kanta ket naawagan a "Ti Bai," ken naisurat daytoy iti Libro ti Jasar:
\v 19 "Dakayo nga Israelita, dagiti natan-ok a papanguloyo ket napapatay kadagiti banbantay! Nakaladladingit unay a natay dagitoy mamaingel a lallaki!
\v 20 Saanyo nga ibagbaga daytoy kadagiti kabusortayo idiay rehion ti Filistia. Saanyo nga ibagbaga kadagiti tattao nga agnanaed idiay siudad iti Gat. Saanyo nga iwaragawag daytoy kadagiti kalsada ti siudad ti Askelon, tano saan ket agrambak dagiti babbai iti siudadda. Saanyo nga ipalubos nga agrag-o dagidiay pagano a babbai.

\s5
\v 21 Awan koman ti tudo wenno linnaaw sadiay banbantay ti Gilboa ket awan koman ti trigo a dumakkel iti kataltalonan sadiay, gapu ta sadiay ti nakatnagan ti kalasag ni Saul a maingel nga ari. Ita awanen ti mangipunas iti lana ti olibo iti kalasag ni Saul.
\v 22 Dagiti pana ni Jonatan ket dagiti adipenna a kankanayon a mangduyduyok kadagiti kabusorna ken mangpapaayus kadagiti darada, ken ti kampilan ni Saul ket isu ti adipenna a kanayon a mangpapatay kadagiti kabusorna.

\s5
\v 23 Naipateg da Saul ken Jonatan; naay-ayo kadakuada ti adu a tattao. Nagkadkaduada bayat iti panagbiagda ken nagkaduada idi natayda. Iti gubat ket nasigsiglatda ngem kadagiti agila ken napigpigsada ngem kadagiti leon.
\v 24 Dakayo a babbai iti Israel, sangitanyo ni Saul. Impaayannakayo iti napipintas nga eskarlata a pagan-anay ken inikkannakayo iti balitok nga arkos nga isuotyo.

\s5
\v 25 Nakaladladingit unay a natay ni Jonatan a kabsatko maysa isuna a maingel a soldado, ket pinatay isuna dagiti kabusorna idiay bantay.
\v 26 Jonatan, patpatgek a gayyem, agledledaangak gapu kenka. Napategka unay kaniak. Nakaskasdaaw ti panagayatmo kaniak. Nalablabes pay ngem iti panagayat ti maysa a babai iti asawana ken kadagiti annakna.
\v 27 Nakaladladingit unay a natay dagitoy a mamaingel a lallaki, ken awanen dagiti igamda!

\s5
\c 2
\p
\v 1 Iti naminsan kalpasan dayta, sinaludsod ni David kenni Yahweh, "Rumbeng kadi a sumang-atak iti maysa kadagiti ili ti Juda?" Simmungbat ni Yahweh, "Wen, sumang-atka sadiay." Ket sinaludsod ni David, "Sadino nga ili ti papanak?" Simmungbat ni Yahweh, "Idiay Hebron."
\v 2 Simmang-at ngarud ni David sadiay, kaduana dagiti dua nga assawana, ni Ahinoam a taga-siudad ti Jezreel ken ni Abigail a balo ni Nabal a taga-siudad ti Carmel.
\v 3 Inkuyogna pay dagiti lallaki a kakaduana, agraman dagiti pamiliada. Rinugianda amin ti agnaed idiay siudad ti Hebron ken kadagiti lugar iti aglawlawna.

\s5
\v 4 Kalpasanna, dimteng idiay Hebron dagiti tattao ti Juda, ket maysa kadakuada ti nangibukbok iti lana ti olibo iti ulo ni David a mangipakita a dinutokanda isuna nga agbalin nga ari ti tribu ti Juda. Idi natakuatan ni David nga intanem dagiti tattao ti bangkay ni Saul iti siudad ti Jabes idiay rehion ti Galaad,
\v 5 nangibaon isuna kadagiti mensahero a mapan mangibaga kadagiti lallaki iti Jabes, "Idawdawatko a bendissionannakayo koma ni Yahweh ta intanemyo ni Saul. Gapu iti panangaramidyo iti daytoy, impakitayo a napudno kayo kenkuana.

\s5
\v 6 Ita, idawdawatko pay a napudno koma latta ti panagayat ni Yahweh kadakayo. Ket agaramidakto kadakayo kadagiti naimbag a banbanag gapu iti inaramidyo kenni Saul.
\v 7 Ita, nupay natayen ni Saul nga ariyo, papigsaenyo ti pakinakemyo ken tumured kayo, kas kadagiti tattao ti Juda a nangdutok kaniak nga agbalin nga arida."

\s5
\v 8 Nupay kasta, ni Abner a putot ni Ner, a pangulo ti armada ni Saul ket innalana ti putot ni Saul a ni Isboset sana imballasiw iti karayan Jordan ken nagturongda idiay siudad ti Mahanaim.
\v 9 Sadiay, insaad ni Abner ni Isboset nga isun ti ari a mangituray kadagiti rehion ti Galaad ken Jezreel, ken kadagiti tribu ti Aser, Efraim, ken Benjamin. Ti kaipapananna dayta ket isunan ti ari iti entero nga Israel.

\s5
\v 10 Uppat a pulo ti tawen ni Isboset idi rinugianna nga iturayan dagiti Israelita. Dua a tawen nga inturayanna ida. Ngem napudno kenni David ti tribu ti Juda.
\v 11 Inturayan ida ni David iti pito ket kagudua a tawen kabayatan ti panagnaedna idiay Hebron.

\s5
\v 12 Maysa nga aldaw, bimmallasiw iti Karayan Jordan da Abner ken dagiti opisial ni Isboset manipud iti Mahanaim nga agturong iti siudad ti Gabaon.
\v 13 Ni Joab, a ti inana ket ni Zeruyas, ken dagiti dadduma nga opisial ni David ket napan idiay Gabaon manipud idiay Hebron, ket nagsasarakda idiay pagurnungan ti danum sadiay. Nagtutugawda amin, maysa a bunggoy iti maysa a banggir ti pagurnungan ti danum, ken ti sabali a bunggoy iti bangirna.

\s5
\v 14 Kinuna ni Abner kenni Joab, "Ibagata kadagiti dadduma nga agtutubo a tattaota nga agrarangetda!" Simmungbat ni Joab. "Nasayaat unay!"
\v 15 Nakiranget ngarud dagiti sangapulo ket dua nga agtutubo manipud iti tribu ti Benjamin para kenni Isboset, maibusor kadagiti sangapulo ket dua a soldado ni David.

\s5
\v 16 Iniggaman ti tunggal maysa ti ulo ti karangetna, sana indinnuyok ti kampilanna iti bakrang dayta a tao. Ti nagbanaganna ket napasag ken natay dagiti amin a duapulo ket uppat kadakuada. Isu nga ita maaw-awaganen dayta a disso idiay Gabaon iti "Tay-ak dagiti Kampilan."
\v 17 Ket nangrugi metten nga agararanget dagiti dadduma. Nadara unay daytoy a gubat. Pinarmek dagiti soldado ni David da Abner ken dagiti lallaki iti Israel.

\s5
\v 18 Dagiti tallo a putot ni Zeruyas ket adda sadiay iti dayta nga aldaw: Da Joab, Abisai ken Asael. Makataray iti nakaparpardas unay ni Asael. Kabaelanna ti tumaray a kas iti kapartak ti atap nga ugsa.
\v 19 Rinugian ni Asael a kamaten ni Abner ken saan a nagsarsardeng.

\s5
\v 20 Timmaliaw ni Abner, ket kinunana, "Sika kadi dayta Asael?" Simmungbat ni Asael, "Wen!"
\v 21 Nagpukkaw ni Abner, "Sardengannakon a kamkamaten; kumamatka laengen iti sabali!" Ngem saan nagsardeng ni Asael a mangkamkamat kenni Abner.

\s5
\v 22 Isu a pinukkawan manen ni Abner isuna, "Sardengannakon a kamkamaten! Apay koma a patayenka? Kasanokto a sangoen ti kabsatmo a ni Joab ken kasanokto nga ipalawag kenkuana ti ipapataymo?"
\v 23 Ngem saan a nagsardeng ni Asael iti panangkamkamatna kenni Abner. Isu a kellaat a nagbaw-ing ni Abner ket induyokna ti murdong iti putan ti gayangna iti tian ni Asael. Gapu ta napigsa unay ti panangiduyokna iti daytoy, simmalpot ti murdog ti gayang ket rimmuar iti bukot ni Asael, ket napasag isuna iti daga, ket natay isuna. Amin dagiti dadduma a soldado a dimteng iti disso nga ayan ti nakapasaganna ket nagsardeng ken nagtakder sadiay, napabutnganda iti bagi ni Asael.

\s5
\v 24 Ngem intuloy da Joab ken Abisai ti nangkamat kenni Abner. Lumneken ti init idi dimtengda iti turod ti Amma, nga adda iti daya ti Gia, iti igid ti dalan nga agturong idiay let-ang nga asideg iti Gabaon.
\v 25 Naguummong iti aglawlaw ni Abner dagiti lallaki manipud iti tribu ti Benjamin a nakasagana a makigubat ken nakatakderda iti tapaw ti turod.

\s5
\v 26 Ket, pinukkawan ni Abner ni Joab, kinunana, "Itultuloytayo kadi ti agraranget iti agnanayon? Saanmo kadi a maamiris a no itultuloytayo ti agraranget ket dakdakesto ti pagbanaganna? Kaputotannatayo amin ni Jacob, isu nga isardengtayon ti agraranget! Kasano pay kabayag samonto ibaga kadagiti soldadom nga isardengdan ti mangkamkamat kadakami?"
\v 27 Simmungbat ni Joab, "Iti nagan ti Dios nga adda iti agnanayon, no saanmo nga imbaga dayta, itultuloy koman dagiti soldadok ti panagkamatda kadagiti tattaom agingga no bigat ti agsapa!"

\s5
\v 28 Pinuyotan ngarud ni Joab ti trumpeta a pagilasinan nga isardengdan ti agraranget. Isu a nagsardeng dagiti tattaona a mangkamkamat kadagiti soldado ti Israel.
\v 29 Iti dayta a rabii ket napan da Abner ken dagiti soldadona iti kapatagan idiay igid ti Karayan Jordan. Binallasiwda ti Karayan Jordan ket pigtawda a nagnagna iti sumaruno a bigat, kamaudiananna ket nakaawidda idiay Mahanaim.

\s5
\v 30 Naguummong da Joab ken dagiti soldadona kalpasan nga insardengda ti panangkamkamatda kenni Abner. Ket natakuatan ni Joab a malaksid kenni Asael, sangapulo ket siam laeng kadakuada ti napapatay iti gubat.
\v 31 Ngem 360 kadagiti tattao ni Abner, a naggapu amin iti tribu ti Benjamin ti napatay dagiti soldado ni David.
\v 32 Sumagmamano kadagiti soldado ni Joab ti nangala iti bangkay ni Asael ket intanemda idiay Betlehem a nakaitaneman ti amana. Kalpasanna, agpatpatnagda a nagna, ket aglawagen idi nakaawidda idiay Hebron.

\s5
\c 3
\p
\v 1 Kalpasan dayta, adda napaut a gubat a naparnuay iti nagbaetan dagidiay nangtartarigagay nga agbalin nga arida ti putot ni Saul ken kadagiti nangtartarigagay nga agbalin nga arida ni David. Ngem umad-adu nga umad-adu ti mangayat kenni David, bayat a bumasbassit a bumasbassit ti mangayat iti putot ni Saul.

\s5
\v 2 Nangipasngay dagiti assawa ni David iti innem a lallaki idiay Hebron. Ti inauna ket ni Amnon, a ti inana ket ni Ahinoam a nagtaud iti siudad ti Jezreel.
\v 3 Ti simmaruno ket ni Kileab, a ti inana ket ni Abigail a balo ni Nabal a nagtaud iti siudad ti Carmel. Ti simmaruno ket ni Absalom, a ti inana ket ni Maaca a putot ni Talmai nga ari ti rehion ti Gesur.

\s5
\v 4 Ti simmaruno ket ni Adonija, a ti inana ket ni Haggit. Ti simmaruno ket ni Sefatias, a ti inana ket ni Abital.
\v 5 Ti inaudi a putotna ket ni Itream a ti inana ket ni Egla a maysa pay kadagiti assawa ni David. Naipasngay amin dagitoy a lallaki a putot ni David idiay Hebron.

\s5
\v 6 Kabayatan ti saan a panagkikinnaawatan iti nagbaetan dagiti nangtarigagay iti anak ni Saul a mangituray kadakuada ken kadagiti nangtarigagay kenni David a mangituray kadakuada, bumilbileg ni Abner kadagidiay nangtarigagay iti anak ni Saul nga agbalin nga arida.
\v 7 Adda maysa kadagiti assawa ni Saul ti maysa a tagabu a managan Rispa nga anak ni Aia. Ngem maysa nga aldaw ket nakikaidda ni Abner kenkuana. Isu nga imbaga ni Isboset kenni Abner, "Apay a nakikaiddaka iti tagabu nga asawa ni amak?"

\s5
\v 8 Nakaunget unay ni Abner maipapan iti imbaga ni Isboset kenkuana. Kinunana kenni Isboset, "Ipagarupmo kadi a maysaak nga aso nga awan serserbina idiay Juda? Sipud pay idi punganay ket napudnoak iti amam a ni Saul, kadagiti kakabsatna a lallaki, ken kadagiti gagayyemna. Ken inispalka manipud iti panangparmek kenka dagiti armada ni David. Ita, apay a babbabalawennak maipapan iti inaramidko iti maysa a babai?

\s5
\v 9-10 Sipapasnek nga inkari ni Yahweh a saanna nga ipalubos nga ituloy ni Saul ken dagiti kaputotanna ti agturay. Inkarina a pagturayenna ni David iti amin a tribu ti Israel ken Juda, manipud iti siudad ti Dan iti amianan agingga iti siudad ti Beerseba iti abagatan. Isu a namnamaek a patayennak ti Dios no saanko nga itulok a mapasamak dayta!"
\v 11 Kasta unay ti buteng ni Isboset kenni Abner, isu a saanen a nakasungbat kenni Abner.

\s5
\v 12 Kalpasanna, nangibaon ni Abner kadagiti mensahero a napan kenni David idi adda isuna idiay Hebron tapno ibagada kenkuana, "Sika koma wenno siak ti rumbeng nga agturay iti entero a nasion, saan a ni Isboset. Nupay kasta, no makitulagka kaniak, tulonganka babaen iti panangallukoyko kadagiti amin nga Israelita a mangkiddaw kenka nga agbalin nga arida."
\v 13 Impatulod ni David daytoy a sungbat, "Nasayaat! Mayatak a makitulag kenka. Ngem sakbay a mapasamak dayta, adda maysa a banag a masapul nga aramidem. Inton umaynak kitaen, masapul nga itugotmo ti asawak a ni Mikal a putot a babai ni Saul."

\s5
\v 14 Nangibaon ngarud ni David kadagiti mensahero a mapan kenni Isboset a mangibaga kenkuana, "Pimmatayak iti sangagasut a lallaki manipud iti Filistia ken nangiwaak iti kudil dagiti mabagbagida nga intedko kenni Saul a bayad ni Mikal tapno maasawak.
\v 15 Isu nga isublimon isuna kaniak!" Nangibaon ngarud ni Isboset kadagiti lallaki a mangala kenni Mikal manipud iti asawana a ni Paltiel. Ngem idi innalada isuna, agsangsangit a simmursurot ti asawana kadakuada agingga iti siudad ti Bahurim.
\v 16 Ket timmalyaw ni Abner ket kinunana kenkuana, "Agawidkan!" Ket nagawid isuna.

\s5
\v 17 Napan ni Abner kadagiti pangulo dagiti Israelita ket nakisarita isuna kadakuada. Kinunana, "Nabayagen a tiempo a tinartarigagayanyo nga agbalin nga ariyo ni David.
\v 18 Isu nga ita, addan gundawayyo a mapasamak daytoy. Laglagipenyo nga inkari ni Yahweh daytoy, 'Babaen iti tulong ni David, nga agserserbi a naimbag kaniak, ispalek dagiti tattaok manipud iti turay dagiti amin a sabali a kabusorda'."

\s5
\v 19 Nakisarita met ni Abner kadagiti tattao iti tribu ti Benjamin. Kalpasanna, napan ni Abner idiay Hebron tapno ibagana kenni David ti nagnunumoan nga aramiden dagiti amin a tattao ti Israel ken dagiti tattao iti tribu ti Benjamin.
\v 20 Idi napan ni Abner a kaduana ti duapulo a soldadona a makisinnarak kenni David idiay Hebron, nagpadaya ni David para kadakuada amin.

\s5
\v 21 Kalpasanna, kinuna ni Abner kenni David, "Apo, mapanakon ket allukoyek dagiti amin a tattao ti Israel tapno awatendaka nga agbalin nga arida, a kas tinartarigagayam." Ket, pimmanaw ni Abner, a sitatalna.

\s5
\v 22 Iti saan a nabayag kalpasan dayta, nagsubli idiay Hebron da Joab ken sumagmamano kadagiti dadduma a soldado ni David kalpasan iti panagrautda iti maysa kadagiti bario ti kabusorda, awitda dagiti adu a banbanag a sinamsamda. Ngem awan ni Abner idiay Hebron, gapu ta pinapanawen ni David a sitatalged.
\v 23 Idi nakasangpet ni Joab ken dagiti soldado a kakaduana, adda nangibaga kenkuana a napan ni Abner idiay ket nakisarita iti ari, ket pinalubosan ti ari ni Abner a pumanaw a sitatalged.

\s5
\v 24 Isu a napan ni Joab iti ayan ti ari ket kinunana, "Apay nga inaramidmo dayta? Denggennak! Kabusormo ni Abner, ngem idi immay kenka, pinalubosam a pimmanaw!
\v 25 Saanmo kadi nga ammo nga immay isuna kenka tapno allilawennaka ken tapno maamoanna amin nga ar-aramidem ken amin a lugar a pappapanam?"
\v 26 Idi pinanawan ni Joab ni David, nangibaon isuna kadagiti mensahero a mangala kenni Abner. Nasarakanda ni Abner idiay bubon ti Sira ket insublida isuna idiay Hebron, ngem saan nga ammo ni David nga inaramidda daytoy.

\s5
\v 27 Isu nga idi nakasublin ni Abner idiay Hebron, sinabat isuna ni Joab idiay asideg ti ruangan ti siudad, inayaban ni Joab ni Abner a kasla kayatna ti makisarita kenkuana iti nalimed. Ket dinuyokna babaen iti imuko ti tian ni Abner ket natay ni Abner. Iti dayta a wagas, pinatayna ni Abner gapu ta pinatay ni Abner ni Asael a kabsat ni Joab.

\s5
\v 28 Iti saan a nabayag, idi nangngeg ni David ti napasamak, kinunana, "Ammo ni Yahweh nga awan basolko ken dagiti tattaok ditoy pagariak iti ipapatay ni Abner.
\v 29 Kanayon koma nga adda maysa iti pamiliana ti agtutot, wenno adda aglugpi, wenno adda dadduma a lalaki a mapilit nga agtrabaho iti tranaho dagiti babbai wenno adda matay iti gubat, wenno adda agkurang iti kanenna!"
\v 30 Kasta ti panangpatay dagiti agkabsat a Joab ken Abisai kenni Abner, gapu ta pinatayna ti kabsatda a ni Asael iti paggugubatan idiay Gabaon.

\s5
\v 31 Ket, kinuna ni David kenni Joab ken kadagiti amin a soldado ni Joab, "Pisangenyo dagiti pagan-anayyo ket iyarwatyo ti nakersang a lupot a mangipakita a nalidaykayo, ket agdung-awkayo para kenni Abner!" Ket iti tabon, nagna ni David iti likudan dagiti lallaki a mangaw-awit iti lungon.
\v 32 Intanemda ti bangkay ni Abner idiay Hebron. Ket idiay tanem, nagsangit iti nakapigpigsa ti ari, ken nagsangit met dagiti amin tattao.

\s5
\v 33 Kinanta ni David ti naliday a kanta a mangdung-aw kenni Abner: "Saan a rumbeng a natay ni Abner iti pannakaibabain! Awan ti nangreppet kadagiti imana, wenno nangikawar kadagiti sakana, a kas iti ar-aramidenda kadagiti kriminal.
\v 34 Saan, pinatay isuna dagiti nadangkes a tattao!"

\s5
\v 35 Ket, adu a tattao ti napan kenni David a mangibaga kenkuana a mangan isuna sakbay a lumnek ti init, ngem nagkedked ni David. Kinunana, "Patayennak koma ti Dios no manganak iti taraon sakbay a lumnek ti init."
\v 36 Nakita dagiti amin a tattao ti inaramid ni David ket naay-ayoda. Kinapudnona, naay-ayo dagiti tattao iti amin nga inaramid ti ari.

\s5
\v 37 Isu a naamiris dagiti amin a tattao a saan a nagayatan ti ari ti pannakapapatay ni Abner.
\v 38 Imbaga ti ari kadagiti opisialna, "Saanyo kadi a maamiris a natay ita nga aldaw ti maysa a mangidadaulo ken natan-ok a tao iti Israel?
\v 39 Uray no dinutokannak ni Yahweh nga agbalin nga ari, mariknak nga agkapsutak ita nga aldaw. Dagitoy dua a lallaki a putot ni Zeruyas, da Joab ken Abisai, ket naranggasda unay. Saanko ida a maiturayan. Isu a dusaen koma ida ni Yaweh iti nakaro a kas supapak iti daytoy a nadangkes nga inaramidda!"

\s5
\c 4
\p
\v 1 Idi nadamag ti putot ni Saul a ni Isboset a natayen ni Abner idiay Hebron, nakaro ti pannakaupayna, ken dagiti amin nga Israelita a kaduana.
\v 2 Adda dua nga opisial ni Isboset a mangidadaulo kadagiti bunggoy dagiti soldadona. Agkabsatda a ti naganda ket Baana ken Recab; putot ida ni Rimmon manipud iti ili ti Beerot iti Tribu ti Benjamin. Ita ti Beerot ket adda iti lugar a naituding para iti tribu ti Benjamin.
\v 3 Ngem pimmanaw dagiti sigud nga agnanaed idiay Beerot ket nagkamangda idiay ili ti Gittaim, a pagnanaedanda.

\s5
\v 4 Ni Jonatan a putot ni Saul ket adda lalaki a putotna a Mefiboset ti naganna. Lima ti tawen ni Mefiboset idi natay da Saul ken Jonatan iti gubat. Idi inyeg dagiti tattao ti damag manipud Jezreel, pinidot isuna ti mangay-aywan kenkuana, sana inlibas nga inyadayo, ngem naapartak ti panagtarayna isu a natinnagna ni Mefiboset, ket napilay ni Mefiboset.

\s5
\v 5 Maysa nga aldaw, pinanawan da Baana ken Recab ti balayda ket napanda iti balay ni Isboset. Nakadanonda iday iti agmatuon, idi matmaturog ni Isboset iti tengga ti aldaw.
\v 6 Agtataep iti trigo ti babai a mangbanbantay iti ridaw; ngem nagtuglep isuna ket nairidepna. Isu a siuulimek a nagarudok ni Recab ken ti kabsatna a ni Baana.
\v 7 Simrekda iti siled ni Isboset, a pagturturuganna. Pinatayda isuna babaen kadagiti kampilanda ket insinada ti ulona. Inawitda ti ulona ket nagpatpatnag a nagnada iti igid ti patad ti Jordan.

\s5
\v 8 Inpanda ti ulo ni Isboset kenni David nga adda idiay Hebron. Kinunada kenkuana, "Adtoy ti ulo ni Isboset, a putot ti kabusormo a ni Saul, a nanggandat a mangpatay kenka. Natan-ok nga ari, ita nga aldaw ket pinalubosannaka ni Yahweh nga agibaleska kenni Saul ken kadagiti kaputotanna!"
\v 9 Ngem insungbat ni David kadakuada, "Iti nagan ni Yahweh nga adda iti agnanayon---ken isuna ti nangispal kaniak kadagiti amin a pakariribukak, ibagak kadakayo daytoy:
\v 10 Idi adda menshero nga immay kaniak idiay Siklag ket imbagana kaniak a 'natayen ni Saul!' (ken impagarupna a ti damag nga idandanonna kaniak ket naimbag a damag), imbagak iti maysa kadagiti soldadok a patayenna isuna. Dayta ti impaayko kenkuana a gunggonana iti impadamagna!

\s5
\v 11 Gapu ta dakayo a dua a dakes a tattao ket pinatayyo ti tao nga awan inaramidna a biddut---ken pinatayyo isuna idi matmaturog iti papagna iti bukodna a balay, dakdakes ti aramidek kadakayo. Ibalesko kadakayo a dua ti panangpatayyo kenkuana, ket pukawenkayo iti daga!"
\v 12 Binilin ngarud ni David dagiti soldadona, ket pinatayda dagiti dua a lallaki, ken pinutedda dagiti ima ken saksakada, ket imbitinda dagiti bagi dagitoy iti poste iti asideg ti bubon idiay Hebron. Ngem innalada ti ulo ni Isboset ket siraraemda a nangintanem iti disso a nakaitaneman ni Abner idiay Hebbron.

\s5
\c 5
\p
\v 1 Ket napan kenni David dagiti amin a mangidadaulo iti tribo ti Israel idiay Hebron ket kinunada kenkuana, "Dumngegka, maymaysa ti kapuonantayo.
\v 2 Iti napalabas, idi ni Saul ti aritayo, sika ti nangidadaulo kadagiti suldadotayo iti gubat. Sika ti nangikarian ni Yahweh, 'Sikanto ti agbalin a pangulo dagiti tattaok. Sikanto ti agbalin nga arida.'"

\s5
\v 3 Isu a kabayatan a dumdumngeg ni Yahweh, impablaak dagiti amin a mangidadaulo iti tattao ti Israel idiay Hebron nga agbalin nga arida ni David. Nakitulag ngarud ni David kadakuada. Pinulotanda isuna iti lana ti olibo tapno maibilang isuna a kas ari dagiti Israelita.
\v 4 Agtawen ni David iti 30 idi nagbalin isuna nga arida. Nagturay isuna kadakuada iti las-ud iti 40 a tawen.
\v 5 Idiay Hebron inturayanna ti tribu ti Juda iti las-ud iti pito ket kagudua a tawen, ken idiay Jerusalem nagari isuna kadagiti amin a tattao ti Juda ken Israelita iti 33 a tawen.

\s5
\v 6 Maysa nga aldaw, napan ni Ari David ken ti armadana iti Jerusalem tapno makiranget a maibusor kadagiti bunggoy dagiti tattao ti Jebus nga agnanaed sadiay. Pagarupen dagiti tattao sadiay a saan a kabaelan ti armada ni David a tagikuaen ti siudad, isu a kinunada kenni David, "Saan a pulos a makadap-aw dagiti soldadom iti uneg ti siudadmi! Uray dagiti bulag ken pilay a tattao ket malappedandaka!"
\v 7 Ngem pudno a naagaw ti armada ni David ti sarikedked iti Bantay Sion; saan a nagbayag naam-ammo daytoy a siudad ni David.

\s5
\v 8 Iti dayta nga aldaw, kinuna ni David kadagiti soldadona, "Dagiti agtarigagay a mangpapanaw kadagiti Jebuseo ket masapul a magna iti dalan ti danum a sumrek iti siudad. Kalpasanna, mabalintayon a darupen dagiti tattao a kagurgurak--ket takwatentayo no kabaelandatayo a lappedan dagiti bulag ken pilay!" Dayta ti gapuna nga ibagbaga dagiti tattao, "Saan a makaserrek dagiti bulag ken pilay iti palasio ni David."
\v 9 Kalpasan a nasakop ni David ken dagiti soldadona ti siudad nga addaan iti natibker a pader a naipalawlaw iti daytoy, nagnaed isuna idiay, ket pinanagananda daytoy iti siudad ni David. Binangon ni David ken dagiti soldadona ti siudad iti aglawlaw ti sarikedked, mangrugi iti lugar a nagaburan iti daga iti daya a bakrang ti turod.
\v 10 Ad-adda pay a bumilbileg ni David gapu ta tultulongan isuna ni Yahweh, Apo a Mannakabalin amin.

\s5
\v 11 Maysa nga aldaw nangibaon ni Hiram, nga ari ti siudad ti Tiro, kadagiti pannakabagina kenni David tapno pagtungtonganda ti maipanggep iti panangaramidda iti katulagan iti nagbaetan dagiti pagilianda. Immanamong ni Hiram nga isabetna dagiti kayo a sedro tapno maaramid a tabla, ken immanamong pay isuna a mangibaon kadagiti karpintero ken kumakabite a mangibangon ti palasio ni David.
\v 12 Gapu ta inaramid ni Hiram dagitoy a banbanag, naamiris ni David a pudno nga insaad isuna ni Yahweh nga agbalin nga ari iti Israel. Naamirisna pay a gapu ta ipatpateg ni Yahweh dagiti Israelita ken pinilina ida a maibilang a kukuana, pinapigsana ti pannakabalin ni David a kas ari.

\s5
\v 13 Kalpasan nga immakar ni David iti Jerusalem manipud Hebron, nangala pay kadagiti tagabu a babbai nga asawaenna, ken pinakasaranna pay dagiti dadduma a babbai. Nagipasngay amin dagitoy a babbai kadagiti putot a lallaki ken babbai.
\v 14 Dagiti nagan dagiti putotna a naipasngay idiay Jerusalem ket Sammua, Sobab, Natan, Solomon,
\v 15 Ibhar, Elisua, Nefeg, Jafia,
\v 16 Elisama, Eliada ken ni Elifelet.

\s5
\v 17 Idi nangngeg dagiti Filisteo a nagbalin nga ari ni David iti Israel, simmang-at idiay Jerusalem ti armadada tapno padasenda a tiliwen ni David. Ngem nangngeg ni David nga um-umayda, isu a bimmaba isuna iti sabali pay a nasarikedkedan a disso.
\v 18 Dimteng ti armada ti Filistia iti Tanap ti Refaim iti laud nga abagatan ti Jerusalem ket nagwarawarada iti daytoy.

\s5
\v 19 Sinaludsod ni David kenni Yahweh, "Rumbeng kadi a rautek ken dagiti soldadok ti armada ti Filistia? Ikkannakami kadi ti kabaelan a mangparmek kadakuada?" Simmungbat ni Yahweh, "Wen, rautem ida gapu ta awan duadua nga ikkak iti kabaelan ti armadam a mangparmek kadakuada."
\v 20 Napan ngarud ni David ken dagiti soldadona iti ayan ti armada dagiti Filisteo, ket pinarmekda ida sadiay. Ket kinuna ni David, "Ni Yahweh ti nangwarawara kadagiti kabusorko a kasla layus. "Isu a naawagan dayta iti Baal Perazim.
\v 21 Nabati dagiti Filisteo dagiti didiosenda sadiay, ket innala da David ken dagiti soldadona dagitoy.

\s5
\v 22 Kalpasanna, nagsubli ti armada dagiti Filisteo iti Tanap ti Refaim ket nagwarasda manen amin iti entero a tanap.
\v 23 Nagsaludsod ngarud manen ni David kenni Yahweh no rumbeng a rautenna ida. Ngem simmungbat ni Yahweh, "Saanmo a rauten ida manipud ditoy. Ibagam kadagiti soldadom a manglikawda sadanto rauten dagitoy manipud iti bangir, iti asideg dagiti kaykayo a balsam.

\s5
\v 24 Inton mangegmo a kasla adda arimpadek ti armada babaen kadagiti murdong dagiti kaykayo, rautemon ida. Ket maammoanto a siak ti immun-una kadakayo tapno ikkak ti kabaelan ti armadam a mangparmek iti armadada."
\v 25 Inaramid ngarud ni David ti imbilin kenkuana ti Yahweh, ket pinarmek ti armadana ti armada ti Filistia ken kinamatkamatna dagitoy manipud siudad ti Gabaa agingga iti lauden ti siudad ti Gezer.

\s5
\c 6
\p
\v 1 Ket nangpili ni David iti 30,000 a lallaki ti Israel sana inummong ida.
\v 2 Indauloanna ida a napan iti lugar ti Juda a sigud a maaw-awagan ti Baala, ita ket maaw-awagan ti Kiriath Jearim. Napanda tapno iyawidda ti nasagradoan a Lakasa ti Tulag iti Jerusalem, ti Lakasa ti Tulag a naglaon ti nagan ni Yahweh, a mannakabalin amin, naisurat iti rabawna daytoy, nga adda iti ngatoen daytoy dagiti parsua nga adaan iti payyak. Adda ni Yahweh iti nagbaetan dagitoy nga estatua, uray no nagtalinaed isuna a saan a makitkita.

\s5
\v 3 Adda iti balay ni Abinadab ti nasagradoan a Lakasa ti Tulag, idiay tapaw ti turod. Napanda sadiay, ket inkargada ti Lakasa ti Tulag iti baro a karison. Dagiti dua a putot a lallaki ni Abinadab, da Ussa ken Ahio ti mangiturturong iti baka a mangguy-guyod iti karison.
\v 4 Magmagna ni Ussa iti sikigan ti karison, ken magmagna ni Ahio iti sangoananna daytoy.
\v 5 Agramrambak ni David ken dagiti lallaki nga Israelita iti imatang ti Dios, agkankantada iti amin a pigsada ken agtuktukarda iti lira a naaramid manipud kayo ken kadagiti arpa, ken dagiti panderita, ken kastanuelas ken piang piang.

\s5
\v 6 Ngem idi nakadanonda idiay lugar a nagirikan ni Nahon kadagiti bukbukel, naitibkol dagiti baka. Insarapa ngarud ni Ussa ti imana iti nasagradoan a Lakasa ti Tulag tapno saan a matuang daytoy.
\v 7 Nakaunget a dagus iti kasta unay ni Yahweh kenni Ussa, ket pinatayna a dagus isuna idiay abay ti nasagradoan a Lakasa ti Tulag, gapu ta nasagidna ti Lakasa ti Tulag. Imbilin ni Yahweh a dagiti laeng kaputotan ni Levi a tumultulong kadagiti papadi ti nasken a mangsagid ti nasagradoan a Lakasa ti Tulag.

\s5
\v 8 Ngem nakaunget ni David gapu ta dinusa ni Yahweh ni Ussa. Manipud iti dayta a tiempo, naawaganen dayta a lugar iti Peres Ussa.
\v 9 Ket nagbuteng ni David kenni Yahweh amangan no ania pay ti maaramidna kadakuada, isu a kinunana, "Kasanok nga iyawid ti nasagradoan a Lakasa ti Tulag iti Jerusalem?"

\s5
\v 10 Isu nga inkeddengna a saanna nga iyawid ti Lakasa ti Tulag idiay Jerusalem. Ngem ketdi, inyapanda daytoy iti sabali a lugar, iti balay ni Obed Edom a Geteo.
\v 11 Imbatida ti nasagradoan a Lakasa ti Tulag idiay balay ni Obed Edom iti las-ud iti tallo a bulan, ket kadagita a tiempo binendisionan ni Yahweh isuna ken ti pamiliana.

\s5
\v 12 Iti naminsan, imbaga dagiti tattao kenni David, "Binendisionan ni Yahweh ni Obed Edom ken dagiti pamiliana gapu ta tartaripatoenna ti nasagradoan a Lakasa ti Tulag!" Idi nangngeg dayta ni David, isuna ken dagiti dadduma a lallaki, napanda iti balay ni Obed Edom, ken siraragsakda unay nga innala ti nasagradoan a Lakasa ti Tulag manipud sadiay nga agturong iti Jerusalem.
\v 13 Idi nakaadayo iti innem nga addang dagiti lallaki a mangbagbagkat iti nasagradoan a Lakasa ti Tulag, nagsardengda, ket nangpapatay ni David sadiay iti bulog a baka ken ti napalukmmeg a kabaian a baka, ket indatonda dagitoy kenni Yahweh a kas sakripisio.

\s5
\v 14 Nakabarikes laeng ni David iti lino a lupot, ket agsalsala a sipipigsa tapno dayawenna ni Yahweh.
\v 15 Innala ni David ken dagiti Israelita a lallaki ti nasagradoan a Lakasa ti Tulag agingga iti Jerusalem, agpukpukkawda iti nakapigpigsa ken puypuyotanda dagiti trumpeta.

\s5
\v 16 Kabayatan a bagbagkatenda ti nasagradoan a Lakasa ti Tulag nga agpauneg iti siudad, timman-aw iti tawa ti balayna ni Mikal a putot a babai ni Saul. Nakitana ni Ari David nga aglaglagto ken agsalsala nga agdaydayaw kenni Yahweh. Ngem narurod daytoy kenkuana.
\v 17 Inyapanda ti Lakasa ti Tulag iti uneg ti tolda nga insagana ni David para iti daytoy. Kalpasanna, nangidaton ni David kenni Yahweh iti naan-anay a daton a mapuoran iti rabaw ti altar, ken sabali pay a datdaton a kari ti pannakigayyem kenni Yahweh.

\s5
\v 18 Idi nalpasen a nakaidaton ni David, dinawatna kenni Yahweh, a mannakabalin amin, a bendisionanna dagiti tattao.
\v 19 Nangibunong pay isuna kadagiti taraon kadagiti amin a tattao. Inikkanna iti tunggal lalaki ken babai iti sangabukel a tinapay, sumagmamano a karne, ken kankanen nga adda pasasna. Kalpasanna, nagawidda amin kadagti pagtaenganda.

\s5
\v 20 Idi nagawid ni David iti pagtaenganna tapno dawatenna kenni Yahweh a bendisionanna ti pamiliana, rimmuar ni Mikal nga asawana tapno sabatenna isuna. Kinuna ni Mikal kenkuana, "Pagarupem sa a sika nga ari ti Israel ket agtigtignay iti nadayaw a wagas ita nga aldaw, ngem kinapudnona, nagtignayka a kasla maysa a maag. Dandanika malabusan iti sangoanan dagiti babbai nga adipen dagiti opisialesmo!"

\s5
\v 21 Simmungbat ni David kenni Mikal, "Ar-aramidek dayta tapno padayawak ni Yahweh, a nangpili kaniak saan ketdi a ni amam ken dadduma a kamkameng ti pamiliana, nga agbalin nga ari dagiti Israelita, dagiti tattao a kukua ni Yahweh. Ket ituytuloyko ti agsala nga agdayaw kenni Yahweh!
\v 22 Uray no panpanunotem a nakababain ti inaramidko, ad-adda pay nga itultuloyko nga aramiden daytoy. Nalabit nga uy-uyawennak gapu iti inaramidko, ngem dayawendakto dagiti babbai nga ibagbagam!"
\v 23 Kas nagbanaganna, saan a naganak ti babai a putot ni Saul.

\s5
\c 7
\p
\v 1 Nagrugi a nagnaed ni Ari David iti palasiona. Ita, pinagsardengen ni Yahweh dagiti kabusor a bunggoy dagiti tattao iti panangrarautda iti Israel.
\v 2 Maysa nga aldaw, kinuna ni David kenni profeta Natan, "Saan nga umno nga addaak ditoy, agnanaed iti napintas a balay a naaramid manipud iti kayo ti sedro, ngem ti Lakasa ti Tulag nga naglaon iti Sangapulo a Bilbilin ti Dios ket adda iti uneg ti tolda!"

\s5
\v 3 Kinuna ngarud ni Natan iti ari, "Tultulongannaka ni Yahweh, isu nga aramidem ti ammom nga umno maipanggep iti nasagradoan a Lakasa ti Tulag."
\v 4 Ngem iti dayta a rabii, kinasarita ni Yahweh ni Natan:
\v 5 "Mapanmo ibaga iti adipenko a ni David, a daytoy ti ibagbagak kenkuana, siak ti Apo a mannakabalin amin: ibagbagak kenkuana: saan nga isuna ti mangibangon iti templo a pagnaedak.

\s5
\v 6 Saanak a nagnaed iti uray ania a pasdek manipud iti aldaw nga inruarko dagiti Israelita idiay Egipto inggana ita. Ngem ketdi, nagnanaedak iti nasagradoan a toldak, a kaduak dagiti tattao nga agakar-akar kadagiti agsasabali a lugar.
\v 7 Sadinoman ti napnapanak a kaduak dagiti Israelita bayat a nagdaldaliasatda, saanko a pulos nga imbagbaga kadagiti dinutokak a mangidadaulo kadakuada, 'Apay a saandak nga imbangonan iti templo a naaramid manipud iti kayo a sedro?’

\s5
\v 8 Ibagam ngarud iti adipenko a ni David a ni Yahweh, ti Apo a mannakabalin amin, ket ibagbagana nga innalak isuna manipud iti pagpaspasturan ken manipud iti panagay-aywan iti karnero, ket dinutokak isuna a mangituray kadagiti tattaok nga Israelita.
\v 9 Ipalagipmo kenkuana a kinadkaduaak isuna sadinoman iti napnapananna. Dinadaelko dagiti amin a kabusorna a nangraraut kenkuana. Pagbalinek isuna a nalatak unay, kas kalatak ti nagan dagiti kalalatakan a tattao a nagbiag iti rabaw ti daga.

\s5
\v 10-11 Iti sigud, idi tiempo a dinutokak dagiti mangidaulo kadagiti tattaok nga Israelita, adu dagiti naranggas a bunggoy dagiti tattao a nangparigat kadakuada. Ngem saanton a pulos a mapasamak daytoy. Nakapiliakon iti lugar a mabalin a pagnaedan dagiti tattaok a sitatalna ken awanton ti siasinoman a mangsinga kadakuada sadiay. Pagsardengek dagiti amin a kabusorda a mangraraut kadakuada. Ken parmekek dagiti amin a kabusorda. Ibagam kenni David nga ipakpakaammok kenkuana a siak, ni Yahweh, ket pagturayekto dagiti kapututotanna a sumaruno kenkuana.

\s5
\v 12 Inton matay isuna ken maitanem, dutokakto ti maysa kadagiti putotna a lallaki nga agbalin nga ari, ken pagbalinekto isuna mannakabalin unay nga ari.
\v 13 Isunanto ti mangurnos iti templo a maipatakder para kaniak. Pagtalinaedekto iti agnanayon ti panagturayna iti Israel.
\v 14 Agbalinakto a kasla ama kenkuana, ken kaslanto anakkon isuna. Tunggal makaaramid isuna iti basol, dusaekto isuna a kas panangdusa ti ama kadagiti putotna.

\s5
\v 15 Ngem saanakto a pulos nga agsardeng a sipupudno a mangay-ayat kenkuana a kas iti panagsardengko a nangayat kenni Saul, nga inikkatko a maysa nga ari sakbay a nagbalin nga ari ni David.
\v 16 Agturayto iti agnanayon dagiti kaputotan ni David iti pagarian ti Israel. Saanto nga agpatingga ti panagturayda."
\v 17 Indanon ngarud ni Natan kenni David dagiti amin nga imbaga ni Yahweh kenkuana.

\s5
\v 18 Idi nangngeg ni David ti mensahe ni Natan, immuneg isuna iti nasagradoan a tolda ket nagtugaw iti sangoanan ni Yahweh, sana inkararag daytoy: "Yahweh a Diosko, saanak a maikari kadagiti amin a banbanag nga inaramidmo para kaniak, ken uray ti pamiliak ket saan met laeng a maikari.
\v 19 Ket ita, O Yahweh a Diosko, kas mainayun pay kadagiti amin a banbanag, imbalikasmo ti maipanggep iti mapasamakto kadagiti kaputotak iti masakbayan iti adu a henerasion.
\v 20 O Yahweh a Dios, siak ni David, ania pay ti ibagak kenka gapu iti panangitag-aymo kaniak? Nupay ammom amin no ania ti kinataok, Yahweh a Diosko, nagtigtignayka a kasla siak ti kapapatgan a tao iti rabaw ti daga!

\s5
\v 21 Inaramidmo amin dagitoy a naindaklan a banbanag a mangisuro kaniak, ken naaramidmo dagitoy gapu ta kayatmo nga aramiden ken gapu ta inkeddengmo nga aramiden dagitoy.
\v 22 O Yahweh a Diosko, naindaklanka unay. Awan ti kas kenka. Siksika laeng ti Dios, a kas iti kankanayunmi a nangnangngeg.
\v 23 Ken awanen ti sabali pay a nasion iti lubong a kas iti Israel. Ti Israel laeng ti kakaisuna a nasion iti rabaw ti daga nga inispalmo dagiti tattaona, kas panangispalmo kadakuada manipud Egipto. Ket inbilangmo ida a kukuam. Ken gapu iti panangar-aramidmo kadagitoy amin a banbanag, nalatakkan ita iti entero a lubong. Idi simmangpet dagiti tattaom iti daytoy a daga, pinagtalawmo dagiti sabali a bunggoy dagiti tattao nga adda iti Canaan agraman dagiti didiosenda.

\s5
\v 24 Pinagbalinnakami nga Israelita a tattaom iti agnanayon, ken sika, Yahweh, ti nagbalin a Diosmi!
\v 25 Ket ita, Yahweh a Diosko, ikararagko a matungpal koma dagiti banbanag nga inkarim maipanggep kadagiti kaputotak ken matungpalda iti agnanayon, ken aramidem dagiti imbagbagam a banbanag nga aramidem.
\v 26 Inton mapasamak dayta, agbalinkanto a nalatak iti agnanayon, ket ipukkawto dagiti tattao, 'Yahweh, Apo a mannakabalin amin, ti Dios nga agturturay iti Israel.' Ket pagbalinem nga addanto latta kapututak nga agturay iti agnanayon.

\s5
\v 27 Yahweh, ti Dios a daydayawenmi nga Israelita, impakitamon kaniak a pagbalinem nga ari ti sumagmamano kadagiti kaputotak. Gapu iti dayta, natureddak a mangikararag kenka ti kasla iti daytoy.
\v 28 Isu nga ita, O Yahweh, gapu ta Dioska, agtalekkami kenka a tungpalemto ti karim. Inkarim kaniak dagitoy a nasayaat a banbanag.
\v 29 Isu nga ita dawatek a no makaay-ayu daytoy kenka, bendisionam dagiti kaputotak, tapno maitultuloyda koma ti agturay iti agnanayon. Yahweh a Dios, inkarim dagitoy a banbanag, isu nga ammok a no aramidem dagitoy a banbanag, agnanayonton a benbendisionam dagiti kaputotak."

\s5
\c 8
\p
\v 1 Kalpasan iti suagmamano a tiempo, rinaut ti armada ni David ti armada ti Filistia ket pinarmekda ida. Inturayanda ti Filistia siudad ti Gat ken dagiti nakapalaw-law a bario.

\s5
\v 2 Pinarmek pay ti armada ni David ti armada ti bunggoy dagiti Moabita. Pinilit ni David dagiti suldadoda a pinagidda iti daga nga agdedkketda. Pinatay dagiti tattaona ti dua manipud iti tunggal tallo kadakuada. Napilitan dagiti dadduma a Moabita a mangawat kenni David nga agturay kadakuada, ken napilitanda nga agbayad kenkuana iti tinawen a buis a dawdawatenna.

\s5
\v 3 Pinarmek met ti armada ni David ti armada ni Adadezer a putot a lalaki ni Rehob, a nagturay iti rehion ti Soba idiay Aram. Napasamak dayta idi pinadasna nga isubli ti panagturayna idiay makinngato a paset ti Karayan Eufrates.
\v 4 Tiniliw ti armada ni David ti 1,700 a soldado ni Adadezer a nakasakay iti karwahe, ken 20,000 a soldado a magmagna. Pinilayda pay dagiti amin a kabalio ngem nangibatida iti sangagasut, a pangpaguyodda kadagiti karwahe.

\s5
\v 5 Idi dimteng ti armada ti Aram manipud iti siudad ti Damasco a tumolong iti armada ni Ari Adadezer, pinatay dagiti soldado ni David ti 22,000 kadakuada.
\v 6 Ket nangipasdek ni David kadagiti kampo dagiti suldadona idiay lugarda, ket napilitan dagiti tattao ti Aram a mangawat kenni David nga agturay kadakuada, ken mangted iti gobyerno ni David ti tinawen a buisda a dawdawatenna. Ken pinagballigi ni Yahweh ti armada ni David iti sadinoman a napananda.

\s5
\v 7 Innala ti armada ni David dagiti balitok a kalasag nga awit dagiti opisiales ni Adadezer, ket inyapanda dagitoy idiay Jerusalem.
\v 8 Inyawidda met idiay Jerusalem dagiti adu a gambang a naalada idiay Beta ken Berotay, dagiti dua a siudad a sigud a nagturayan ni Adadezer.

\s5
\v 9 Idi nangngeg ni Toi, nga ari ti siudad iti Hamat idiay Aram, a pinarmek ti armada ni David ti entero nga armada ni Ari Adadezer,
\v 10 imbaonna ti putotna a lalaki a ni Joram tapno kablaawanna ni Ari David maipanggep iti panangparmek ti armadana iti armada ni Adadezer, a namin adu a daras a nakarangranget dagiti suldado ni Toi. Nangiyeg ni Joram kenni David iti adu a sagut a naaramid manipud balitok, pirak, ken gambang.

\s5
\v 11 Insagut ni Ari David amin dagitoy a banbanag kenni Yahweh. Insagutna pay dagiti pirak ken balitok nga innala ti armadanna manipud kadagiti nasion a sinakupda.
\v 12 Nangalada kadagiti banbanag manipud kadagiti bunggoy dagiti Edomita ken Moabita, Ammonita, Filisteo, Amalekita, ken kadagiti tattao a sigud nga inturayan ni Adadezer.

\s5
\v 13 Idi nagsubli ni David kalpasan ti panangparmekna iti armada ti Aram, ad-adda pay a limmatak isuna gapu ta pinatay ti armadana ti 18,000 a soldado manipud iti bunggoy dagiti Edomita idiay Tanap ti Asin nga asideg ti Natay a Baybay.
\v 14 Nangipasdek ni David kadagiti kampo dagiti bunggoy dagiti soldadonna iti entero a rehion ti Edom, ken pinilitna dagiti tattao idiay nga awatenda isuna nga agbalin nga arida. Pinagballigi ni Yahweh ti armada ni David kadagiti ranget sadinoman ti napnapananda.

\s5
\v 15 Nagturay ni David kadagiti amin nga Israelita, ken ar-aramidenna a kankanayon no ania iti maiparbeng kadakuada.
\v 16 Ni Joab ti pangulo iti armada. Ni Jehosafat a putot a lalaki ni Ahilud, ti tao a paraibaga kadagiti tattao dagiti amin a panggep ni David a nasken nga aramidenda.
\v 17 Ni Zadok a puto a lalaki ni Ahitub ken ni Ahimelek a puto a lalaki ni Abiatar dagiti papadi. Ni Seraiah ti sekretario;
\v 18 Ni Benaiah a puto a lalaki ni Jehoiada ti pangulo dagiti guardia ni David, ken dagiti puto a lallaki ni David dagiti tagabalakadna.

\s5
\c 9
\p
\v 1 Maysa nga aldaw, sinaludsod ni David ti sumagmamano kadagiti adipenna, "Adda pay kadi ti kaputotan ni Saul a mabalinko a pangaramidan iti kinasayaat?" Sinaludsodna daytoy gapu ta inayatna ni Jonatan.
\v 2 Imbagada kenkuana nga adda idiay Jerusalem ti maysa a tao nga agnagan iti Siba a sigud nga adipen ti pamilia ni Saul. Nangibaon ngarud ni David iti napan nangayab kenni Siba. Idi dumteng isuna, sinalusod ti ari kenkuana, "Sika kadi ni Siba?" Simmungbat isuna, "Wen, Natan-ok nga ari, Siak."

\s5
\v 3 Sinaludsod ti ari kenkuana, "Adda kadi iti pamilia ni Saul a mabalinko a pagaramidan iti kinasayaat, kas inkarik iti Dios nga aramidek?" Simmungbat ni Siba, "Wen, adda maysa a putot a lalaki ni Jonatan a sibibiag. Pilay dagiti sakana."
\v 4 Sinaludsod ti ari kenkuana, "Sadino ti ayanna?" Simmungbat ni Siba, "Agnanaed isuna iti balay ni Makir a putot a lalaki ni Ammiel, idiay siudad ti Lo Debar iti daya ti Karayan Jordan."

\s5
\v 5 Nangibaon ngarud ni David kadagiti mensahero a mangiyeg kenni Mefiboset iti Jerusalem.
\v 6 Idi nakadanon ni Mefiboset iti ayan ni David, nagparintumeng isuna a nakadekket ti rupana iti daga, a mangipakita iti panagraemna. Ket kinuna ni David, "Mefiboset!" Insungbatna, "Wen, natan-ok nga ari, kasanoka a pagserbian?"

\s5
\v 7 Kinuna ni David kenkuana, "Saanka nga agbuteng. Agbalinak a naanus kenka gapu ta gayyemko ni amam a ni Jonatan. Isublik kenka dagiti amin a daga a kukua ni apongmo a Saul. Ken kayatko a kanayonka a makadua amangan iti balayko."
\v 8 Nagdumog manen ni Mefiboset iti sangoanan ni David ket kinunana, "Natan-ok nga ari, awan pategko a kas natay nga aso. Saanak a maikari a pagaramidam iti nasayaat!"

\s5
\v 9 Pinaayaban ngarud ti ari ti sigud nga adipen ni Saul a ni Siba ket kinunana kenkuana, "Ni Saul ti sigud nga amom, ket ita itedkon kenni Mefiboset dagiti amin a kukua ni Saul ken ti pamiliana.
\v 10 Sika ken dagiti 15 a putotmo a lallaki ken dagiti 20 nga adipenmo ket nasken a talonenyo ti daga a para iti pamilia ni Mefiboset ken mulaanyo ken apitenyo dagitoy, tapno iti kasta adda taraon a kanenda. Ngem makilanglang a mangan ni Mefiboset kaniak iti balayko."

\s5
\v 11 Simmungbat ni Siba iti ari, "Natan-ok nga ari, aramidek dagiti amin nga imbilinmo kaniak nga aramidek." Isu nga kalpasan dayta, kanayonen a mangmangan ni Mefiboset iti lamisaan ti ari, a kasla maysa isuna kadagiti annak ti ari.
\v 12 Addaan ti agtutubo a putot a lalaki ni Mefiboset nga agnagan iti Mika. Nagbalin nga adipen ni Mefiboset ti amin a pamilia ni Siba.
\v 13 Nagrugi ngarud a nagtalinaed ni Mefiboset idiay Jerusalem, nga agpada a pilay dagiti sakana, ken kankanayon a mangmangan iti lamisaan ti ari.

\s5
\c 10
\p
\v 1 Saan a nagbayag, natay ni Naas nga ari dagiti Ammonita; ket ti anakna a ni Hanun ti nagbalin nga arida.
\v 2 Kinuna ni David iti bagina, "Nagsingpet ni Naas kaniak, isu nga agbalinak met a nasingpet iti anakna." Isu a nangibaon ni David iti sumagmamano nga opisialesna sadiay, a mangibaga kenni Hanun iti pannakipagladingit ni David iti ipapatay ti amana. Idi makadanun dagidiay a mensahero iti daga ti Ammon,
\v 3 kinuna dagiti pangulo nga Ammonita kenni Hanun, "Mamatika kadi nga imbaon ni Ari David dagitoy a lallaki tapno iyebkasda ti pannakipagladingitna iti ipapatay ti amam? Mamatikami nga imbaonna isuda a mangsiim iti siudad tapno makitada no kasanonatayo a parmeken dagiti armadana!"

\s5
\v 4 Pinati ni Hanun ti imbagada. Isu a nangibaon isuna kadagiti soldado a mangtiliw kadagiti opisiales ni David ken manginsulto kadakuada babaen iti panangahitda iti maysa a bangir dagiti barbasda, ken babaen iti panagputedda iti gayadan ti pagan-anayda nga uray la makita dagiti patongda, sada pinapanawda ida.
\v 5 Kasta unay ti pannakaibabain dagiti lallaki nga imbaon ni David, isu a saanda a kayaten ti agawid. Idi naduktalan ni David iti napasamak kadagiti opisialesna, nangibaon isuna iti maysa a tao a mangibaga kadakuada, "Agtalinaedkayo idiay Jerico agingga nga umatiddog manen dagiti barbasyo, ket agawidkayonton."

\s5
\v 6 Naamiris dagiti pangulo nga Ammonita a nakaro ti pananginsultoda kenni David. Isu a nangibaonda kadagiti lallaki a mangabang iti sumagmamano a soldado manipud kadagiti kabangibang a luglugar tapno tumulong a mangsalaknib kadakuada. Nangtangdanda iti 20,000 a soldado manipud iti rehion ti Berehob ken Soba iti amianan a daya ti Israel, 12,000 a soldado manipud iti rehion ti Tob, ken 1,000 a soldado manipud iti armada ti ari iti rehion ti Maaca.
\v 7 Idi nadamag ni David dayta, imbaonna ni Joab agraman dagiti amin nga armada ti Israel a makigubat kadakuada.
\v 8 Rimmuar dagiti soldado nga Ammonita iti ruangan ti siudad ket nagliniada a nakasagana iti gubat. Iti dayta met laeng a gundaway, dagiti ganganaet a soldado a tinangdanan ti arida ket naggrupo-grupo iti nalawa a tay-ak iti asideg.

\s5
\v 9 Nakita ni Joab nga adda dagiti kabusor a soldado iti sango ken likodan dagiti soldadona. Isu a nangpili isuna kadagiti kalalaingan a soldado nga Israelita, ket impuestona ida a makiranget maibusor kadagiti soldado idiay tay-ak.
\v 10 Imbagana iti kabsatna a ni Abisai nga idauloanna dagiti dadduma a soldado, dagidiay a makisangsango kadagiti soldado nga Ammonita iti sangoanan ti ruangan iti siudadda.

\s5
\v 11 Kinuna ni Joab, "No napigsa unay dagiti soldado ti Aram ket saanmi ida a kabaelan a parmeken, masapul nga umay dagiti tattaom tapno tumulong kadakami. Ngem no napigsa unay para kadakayo dagiti soldado nga Ammonita, umaykaminto ket tulunganmi dagiti tattaom.
\v 12 Masapul a tumeredkayo ken makigubattayo a sipipinget tapno salakniban dagiti tattaotayo ken ti siudad a kukua ti Diostayo. Ikararagko kenni Yahweh nga aramidenna no ania ti ibilbilangna a naimbag."

\s5
\v 13 Isu nga immuna a dimmarup ni Joab ken ti armadana iti armada ti Aram, ket intarayan ida dagiti Arameo.
\v 14 Idi nakita dagiti Ammonita nga agtataray dagiti Arameo, nangrugida metten nga agtaray tapno makaadayoda manipud kenni Abisai ken kadagiti tattaona; nagsanudda a nagkamang iti uneg iti siudad. Kalpasanna, pinanawan ni Joab ken ti armadana dayta a disso ket nagsublida idiay Jerusalem.

\s5
\v 15 Kalpasan a nakita dagiti pangulo iti armada ti Aram a naparmek idan iti armada ti Israel, inummongda dagiti buyotda.
\v 16 Pinaayaban ti arida a ni Adadezer dagiti soldado ti Aram nga agnanaed iti daya a paset ti Karayan Jordan. Naguummongda idiay siudad ti Helam. Ni Sobac ti panguloda.

\s5
\v 17 Idi nangngeg ni David ti maipapan iti dayta, inummongna amin a soldado ti Israel, ket binallasiwda ti Karayan Jordan sada napan idiay Helam. Nagpuesto sadiay ti armada ti Aram, ket nangrugi ti gubat.
\v 18 Ngem intarayan dagiti Arameo dagiti soldado ti Israel. Napapatay ni David ken ti armadana ti 700 a mangiturturong kadagiti karwahe a pakigubat ken 40,000 a dadduma pay a soldado. Nasugatanda pay ni Sobac a panguloda, ket natay isuna sadiay.
\v 19 Idi naamiris dagiti amin nga inturayan ni Adadezer a naparmek ida ti Israel, nakikappiada kadagiti Israelita ket immanamongda nga awaten ni David a kas arida. Isu a saanen a kayat a tulongan dagiti Arameo dagiti Ammonita, gapu ta mabutengda iti Israel.

\s5
\c 11
\p
\v 1 Iti dayta a rehion, kadawyan a mapan makiranget dagiti ari a kaduada dagiti armadada kadagiti kabusorda no tiempo ti panagrurusing dagiti mula. Ngem iti sumarsaruno a tawen, iti tiempo ti panagrurusing dagiti mula, saan nga inaramid ni David dayta. Ngem ketdi, nagtalinaed isuna iti Jerusalem, ket imbaonna ni Joab a mangidaulo iti armada. Isu a napan ni Joab a kadua dagiti dadduma nga opisiales ken dagiti nabatbati iti armada ti Israel. Binallasiwda ti Karayan Jordan ket pinarmekda ti armada ti bunggoy dagiti tattao a taga-Ammon. Pinalawlawanda ti Rabba a kangrunaan a siudadda.

\s5
\v 2 Iti maysa a mumalemen, kalpasan a nagriing ni David manipud iti iriridepna, nagpagnapagna isuna a nanglawlawlaw ti tuktok ti palasiona. Nakitana ti maysa a babai nga agdigdigos iti paraangan ti balayna. Nakapinpintas ti babai.
\v 3 Nangibaon ni David ti mensahero a mangammo no siasino ti babai. Nagsubli ti mensahero ket kinunana, “Isuna ni Batseba. Putot isuna ni Eliam ken ni Urias ti asawana manipud iti bunggoy dagiti Heteo.”

\s5
\v 4 Nangibaon pay ni David ti ad-adu pay a mensahero a mangala kenkuana. Inyegda ti babai kenni David, ket kinaiddana isuna. (Kalkalpas ni Batseba a nangannong iti binulan a seremonia ti pannakadalus gapu iti panagreglana.) Ket nagawiden ni Batseba.
\v 5 Naglabas ti ababa a panawen, naammoan ni Batseba a masikog isuna. Isu a nangibaon isuna iti mensahero a mangipadamag kenni David.

\s5
\v 6 Ket nangipatulod ni David iti mensahe kenni Joab. Kinunana, “Ibaonmo kaniak ni Urias manipud iti bunggoy dagiti Heteo.” Isu nga inaramid dayta ni Joab. Imbaonna ni Urias kenni David.
\v 7 Idi simmangpet ni Urias, sinaludsod ni David no nasayaat ti kasasaad ni Joab, dagiti dadduma a soldado ken no kasano ti mapaspasamak iti gubat.
\v 8 Ket ni David, namnamaenna nga agawid ken makikaidda ni Urias iti asawana, kinunana kenni Urias, “Agawidkan ken aginanaka ket saanmo pay laeng a panpanunoten ti maipapan iti gubat.” Isu a pimmanaw ni Urias, ket nangipatulod ni David babaen iti maysa a tao iti regalo a maipan iti balay ni Urias.

\s5
\v 9 Ngem saan a nagawid ni Urias. Ngem ketdi, naturog isuna idiay pagserrekan ti palasio a kaduana dagiti guardia ti palasio.
\v 10 Idi adda nangipadamag kenni David a saan a nagawid ni Urias iti balayna iti dayta a rabii, pinaayaban manen isuna ni David ket kinunana kenkuana, “Apay a saanka a nagawid tapno kaduaan ti asawam idi rabii, kalpasan iti nabayag a pannakaiyadayom kenkuana?”
\v 11 Simmungbat ni Urias, “Agkamkampo dagiti soldado ti Israel ken Juda iti nalawa a tay-ak apo ari, uray ni Joab a mangidadaulo kadakami ket matmaturog iti tolda, ken adda kadakuada ti Lakasa ti Tulag. Saanko a mabalin ti agawid, mangan ken uminom, ken makikaidda iti asawak. Sipapasnekak a mangibaga a saankonto pulos a maaramid dayta a banag!”

\s5
\v 12 Ket kinuna ni David kenni Urias, “Agtalinaedka tatta ditoy. Palubosankanto nga agsubli iti paggugubatan inton bigat.” Isu a nagtalinaed ni Urias iti Jerusalem iti dayta nga aldaw ken iti dayta a rabii.
\v 13 Iti sumaruno nga aldaw, inawis ni David isuna a makisango iti pannangan. Isu a nakisango iti pannangan ni Urias kenni David, ket pinainom isuna ni David iti adu nga arak tapno mabartek isuna gapu ta namnamaen ni David a kaiddaen ni Urias iti asawana no mabartek isuna. Ngem saan manen a nagawid ni Urias iti dayta a rabii. Ngem ketdi, naturog isuna iti kalapaw a kaduana dagiti adipen ti ari.

\s5
\v 14 Adda ti nangipadamag dayta kenni David, isu a nagsurat isuna kenni Joab iti sumaruno nga aldaw, ket impaw-itna daytoy kenni Urias nga itedna met kenni Joab.
\v 15 Kastoy ti linaon ti surat, “Ipuestom ni Urias iti akinsango a linia, a no sadino ket nakaro unay ti ranget. Samo bilinen dagiti soldado nga umatras manipud kenkuana tapno mapapatay isuna dagiti kabusortayo.”

\s5
\v 16 Isu a kalpasan a naala ni Joab ti surat, bayat ti pananglawlawlaw ti armadana iti siudad, imbaonna ni Urias iti lugar nga ammona a dagiti kapipigsaan ken dagiti kalalaingan a soldado dagiti kabusorda ket makirangranget.
\v 17 Rimmuar dagiti lallaki manipud iti siudad ket nakirangetda kadagiti soldado ni Joab. Napapatayda ti sumagmamano kadagiti opisiales ni David a pakairamanan ni Urias.

\s5
\v 18 Kalpasanna, nangibaon ni Joab iti mensahero kenni David a mangibaga kenkuana maipapan iti gubat.
\v 19 Kinunana iti mensahero, “Ibagam kenni David ti damag maipapan iti gubat. Kalpasan a maibagam dayta kenkuana,
\v 20 no makaunget ni David gapu ta adu unay ti opisial a natay, mabalin a damagennanto kenka, ‘Apay nga immasideg iti kasta unay dagiti soldadom iti siudad tapno makiranget? Saanmo kadi ammo a mabalindakayo a panaen manipud iti tuktok iti pader ti siudad?

\s5
\v 21 Saanmon kadi a malagip no kasano a napapatay ni Abimelek nga anak ni Gideon? Maysa a babai nga agnanaed idiay Tebes ti nangbato kenkuana iti dakkel a bato a paggilingan manipud iti tuktok ti torre, ket natay isuna. Isu nga apay nga immasideg iti kasta unay dagiti soldadotayo iti pader ti siudad?’ No saludsoden ti ari kenka daytoy, ibagam kenkuana, ‘Napapatay met ti opisialmo a ni Urias.’ “

\s5
\v 22 Isu a napan ti mensahero ket imbagana kenni David amin a banag nga imbaga ni Joab kenkuana nga ibagana.
\v 23 Kinuna ti mensahero kenni David, “Kasta unay ti tured dagiti kabusortayo, ket rimmuarda iti siudad a makiranget kadakami idiay tay-ak. Ab-abogendakami idi damo ngem napilitmi isuda nga agsubli iti ruangan ti siudad.

\s5
\v 24 Ket pinanadakami dagiti pumapanada nga adda iti tuktok ti pader ti siudad. Napapatayda ti sumagmamano kadagiti opisialmo. Napapatayda pay ti opisialmo a ni Urias.”
\v 25 Kinuna ni David iti mensahero, “Agsublika kenni Joab ket ibagam kenkuana, 'Saanka nga agdanag maipapan iti napasamak gapu ta awan ti makaammo no siasino ti matay iti gubat.’ Ibagam kenkuana a no sumaruno, masapul a nainget a darupen dagiti soldadom ti siudad ket sakupenyo daytoy. Pabiligem ni Joab iti kastoy a wagas.”

\s5
\v 26 Idi naammoan ti asawa ni Urias a ni Batseba a natayen ti asawana, nagladingit isuna para kenkuana.
\v 27 Idi nagleppasen ti tiempo a panagladingit ti babai, nangibaon ni David kadagiti mensahero tapno iyegda ti babai iti palasio. Iti daytoy a wagas, nagbalin ni Batseba nga asawa ni David. Saan a nagbayag, nangipasngay isuna iti anak a lalaki. Ngem kasta unay iti saan a pannakaay-ayo ni Yahweh iti inaramid ni David.

\s5
\c 12
\p
\v 1 Imbaga ni Yahweh kenni profeta Natan no ania ti inaramid ni David, ket imbaonna ni Natan tapno ibagana daytoy nga istoria kenni David, "Iti naminsan, adda iti dua a lalaki iti maysa a siudad. Nabaknang ti maysa ken napanglaw ti maysa.
\v 2 Addaan ti nabaknang iti adu a taraken a baka ken karnero.
\v 3 Ngem ti napanglaw ket addaan iti maymaysa laeng a bassit a kabaian a karnero a ginatangna. Tinarakenna ti urbon a karnero ket dimmakel daytoy a kadua dagiti annakna. Ik-ikkanna ti urbon a karnero iti sangkabassit manipud iti bukodna a taraon ket papainumenna daytoy manipud iti kopana. Palpalubosanna a maki-abay kenkuana a maturog ti urbon a karnero. Kasla putotna a babai ti urbon a karnero.

\s5
\v 4 Maysa nga aldaw, dimteng ti maysa a sangaili ti nabaknang. Saan a kayat ti nabaknang ti mangala iti maysa kadagiti bukodna nga ayup tapno maparti a maisagana a makan para iti sangailina. Ngem ketdi, nangibaon isuna kadagiti tattaona a mangala iti urbon a karnero ti napanglaw; sana pinaparti daytoy iti maysa a taona ket impaisagana a makan para iti sangailina.”
\v 5 Idi nangngeg ni David dayta, kasta unay ti ungetna. Kinunana kenni Natan, “Isapatak a dayta a tao a nangaramid iti dayta ket masapul a mapapatay!
\v 6 Masapul a bayadanna pay iti uppat nga urbon a karnero ti napanglaw gapu iti daytoy nga inaramidna, ken gapu iti saanna a panangngaasi iti napanglaw.”

\s5
\v 7 Kinuna ni Natan kenni David, "Sika ti lalaki nga innak sarsaritaen! Ken daytoy ti ibagbaga kenka ni Yahweh a Dios a daydayawentayo nga Israelita: 'Insalakanka manipud kenni Saul ket inaramidka nga ari ti Israel.
\v 8 Intedko kenka ti palasiona; inpalubosko nga iggamam ken kaabayem dagiti assawana. Pinagbalinka nga ari iti Israel ken Juda. No imbagam koma kaniak a saanka pay a napnek kadagiti intedko kenka, mabalin nga inikkanka pay koma iti ad-adu!

\s5
\v 9 Ngem apay a linaksidmo dagiti imbilinko, idi imbagak a saan a makikamalala dagiti tattaok? Inaramidmo ti ibibilangko a nakadakdakes! Plinanom a mapapatay ni Urias iti gubat kadagiti Ammonita, ken innalam ti asawana nga agbalin nga asawam!
\v 10 Linaksidnak gapu ta innalam ti asawa ni Urias nga agbalin nga asawam. Isu a kanayonto a matay iti gubat ti sumagmamano kadagiti kaputotam.

\s5
\v 11 Isapatak kenka a pataudekto ti maysa a tao manipud iti bukodmo a pamilia a mangiyeg iti didigra kenka. Alaekto dagiti assawam ket itedko iti dayta a tao. Kaiddaennanto ida iti tengnga ti aldaw a maim-imatangan dagiti amin a tattao ket maammoamto amin dagitoy a banbanag.
\v 12 Inaramidmo daytoy a basol iti nalimed ngem aramidekto daytoy a makita ken maammoan iti tunggal maysa iti Israel.’ “
\v 13 Simmungbat ni David, "Nakabasolak kenni Yahweh.” Kinuna ni Natan kenni David, “Pinakawanen ni Yahweh ti basolmo. Saanka a matay gapu iti daytoy a basol.

\s5
\v 14 Ngem impakitam ti saanmo a panagraem kenni Yahweh babaen iti panangaramidmo iti daytoy. Isu a matayto ti anakmo.”
\v 15 Ket nagawid ni Natan. Kalpasanna, pinagsakit ni Yahweh iti nakaro ti ubing, ti ubing nga impasngay ti asawa ni Urias.

\s5
\v 16 Isu a nagkararag ni David iti Dios a saan koma a matay ti ubing. Nagayunar isuna, simrek iti uneg ti siledna ket nagpatpatnag a nagidda iti suelo.
\v 17 Iti sumaruno nga aldaw, timmakder dagiti kapapatgan nga adipenna iti aglawlawna ket pinadasda a piliten isuna a tumakder. Ngem saan isuna a tummakder, ket saan isuna a makilanglang a mangan kadakuada.
\v 18 Kalpasan iti makalawas, natay ti ubing. Nagbuteng dagiti adipen ni David a mangibaga dayta kenkuana. Kinunada iti tunggal maysa, “Idi sibibiag pay ti ubing, kinatungtongtayo ni Ari David ngem saannatayo a sinungbatan. Ita, no ibagatayo kenkuana a natayen ti ubing, amangan no mangaramid isuna iti banag a mangdangran iti bagina!”

\s5
\v 19 Ngem idi nakita ni David nga agiinnarasaas dagiti adipenna, naamirisna nga amangan no natayen ti ubing. Isu a sinaludsodna kadakuada, “Natay kadin ti ubing?” Simmungbatda, “Wen apo, natayen isuna.”
\v 20 Timmakder ni David. Nagdigos, sinapsapoanna ti bagina iti nabanglo a lana ken nagsukat kadagiti pagan-anayna. Napan isuna iti Nasagradoan a Tolda ni Yahweh ket nagdayaw kenkuana. Kalpasanna ket nagawid isuna. Kiniddawna kadagiti adipenna a mangiyegda iti makan. Nangtedda kenkuana iti makan ket kinnanna daytoy.

\s5
\v 21 Ket kinunana dagiti adipenna kenkuana, “Saanmi apo a maawatan no apay a kastoy ti inaramidmo! Idi sibibiag pay ti ubing, nagsangitka para kenkuana ket nagkedkedka a mangan iti aniaman. Ngem ita a natayen ti ubing, saankan nga agsangsangit. Timmakderka ket nanganka!”
\v 22 Simmungbat ni David, “Idi sibibiag pay ti ubing, nagayunar ken nagsangitak. Kinunak iti bagik, ‘Bareng no agtignay ni Yahweh a siaasi kaniak ket saanna nga ipalubos a matay ti ubing,’
\v 23 Ngem ita, natayen ti ubing. Isu nga awanen ti rason nga agayunarak pay. Saankon a maisubli isuna. Dumtengto ti aldaw, mapanakto iti ayanna, ngem saanen isuna nga agsubli kaniak.”

\s5
\v 24 Kalpasanna, liniwliwa ni David ti asawana a ni Batseba ket kinaiddana isuna. Nagsikog manen isuna ket nangipasngay iti lalaki. Pinanaganan ni David dayta nga ubing iti Solomon. Inay-ayat ni Yahweh daytoy nga ubing.
\v 25 Impaibagana kenni profeta Natan a panaganan ni David ti ubing a Jedidia gapu ta inay-ayat ni Yahweh ti ubing.

\s5
\v 26 Kabayatanna, rinaut dagiti soldado ni Joab ti Rabba a kangrunaan a siudad ti bunggoy dagiti tattao nga Ammon. Sinakupda ti sarikedked ti ari a mangay-aywan iti paggapuan ti danum.
\v 27 Nangibaon ni Joab kadagiti mensahero kenni David a mangibaga kenkuana daytoy, “Rarauten dagiti soldadok ti Rabba ket nasakupmin ti pagapgappuan ti danum ti siudad.
\v 28 Ita, ummongem dagiti soldadom ket umayyo lawlawlawen ti siudad tapno sakupenyo daytoy. No saanyo nga aramiden dayta, sakupen dagiti soldadok ti siudad ket maipanaganto daytoy kaniak: ti Siudad ni Joab.”

\s5
\v 29 Isu nga inummong ni David dagiti soldadona. Napanda idiay Rabba, rinaut ken sinakupda daytoy.
\v 30 Kalpasanna, innala ni David ti korona manipud iti ulo ti didiosen a ni Molec ket inkoronana daytoy iti ulona. Nadagsen unay daytoy; agarup 34 a kilo ti dagsenna daytoy, ken addaan daytoy iti agkakangina a bato. Innala pay dagiti soldadona dagiti dadduma pay a napapateg a banbanag manipud iti siudad.

\s5
\v 31 Kalpasanna, inruarda dagiti tattao iti siudad ket pinilitda ida nga agtrabaho para kadakuada, nagusarda kadagiti ragadi, gabyon, ken kadagiti wasay. Pinilit pay ida dagiti soldado ni David nga agaramid iti ladrilio. Inaramid amin dagitoy dagiti soldado ni David iti amin a siudad dagiti Ammonita. Kamaudiananna, nagsubli ni David ken ti amin nga armadana iti Jerusalem.

\s5
\c 13
\p
\v 1 Ti anak a lalaki ni David a ni Absalom ket addaan iti napintas a kabsat a babai nga agnagan iti Tamar.
\v 2 Ti maysa kadagiti anak a lalaki ni David a ni Amnon ket nakayawan kenni Tamar a kabsatna iti ama. Kasta unay ti tarigagay ni Amnon a makikaidda kenni Tamar, ket uray la agsakit. Ngem marigatan ni Amnon a mangtagikua kenkuana gapu ta maysa a birhen ni Tamar, isu nga iyadayoda dagiti lallaki kenkuana.

\s5
\v 3 Ngem addaan ni Amnon iti gayyem nga agnagan iti Jonadab a kaanakan ni David, nga anak ti kabsat ni David a ni Samma. Nasikap a lalaki ni Jonadab.
\v 4 Maysa nga aldaw, kinuna ni Jonadab kenni Amnon, “Anaknaka ti ari ngem inaldaw a makitkitak a kasta unay ti pakariribukam. Ania ti problemam?” Simmungbat ni Amnon, “Agayatak kenni Tamar a kabsat a babai ti kabsatko iti ama a ni Absalom.”

\s5
\v 5 Kinuna ni Jonadab kenkuana, “Agiddaka iti iddam ket agpammarangka nga agsakit. No umay ti amam a mangsarungkar kenka, kiddawen kenkuana a paumayenna ti kabsatmo iti ama a ni Tamar ket mangted kenka iti taraon a kanem. Kiddawem kenkuana nga ilutoannaka iti makanmo kabayatan a buybuyaem isuna. Ket subbuannakanto.”
\v 6 Isu a nagidda ket nagpammarang nga agsakit ni Amnon. Idi immay ti ari tapno mangsarungkar kenkuana, kinuna ni Amnon iti ari, “Agsakitak. Pangngaasim ta palubosam ni Tamar nga umay ket mangaramid iti kankanen para kaniak kabayatan a buybuyaek isuna, sanakto pakanen kadagitoy.”

\s5
\v 7 Isu a nangipatulod ni David iti mensahe kenni Tamar idiay palasio a mangibagbaga, “Agsakit ni Amnon; kayatna a mapanka iti balayna ket mangisagana iti taraon para kenkuana”
\v 8 Isu a napan ni Tamar iti balay ni Amnon a pagid-iddaanna. Nangala ni Tamar iti sangagamay nga arina ket minasana daytoy, ken inaramidna daytoy a kankanen kabayatan a buybuyaen isuna ni Amnon. Sana niluto dagitoy.
\v 9 Inadaw ni Tamar manipud iti paryok ket inkabilna dagitoy iti pinggan iti sango ni Amnon, ngem nagkedked isuna a mangan kadagitoy. Ket kinuna ni Amnon kadagiti adipenna iti uneg ti siled, “Aminkayo ditoy, panawandak!” Isu a pimmanawda amin.

\s5
\v 10 Kalpasanna, kinuna ni Amnon kenni Tamar, “Iyegmo ditoy pagiddaak ti makan ket idasarmo kaniak.” Isu nga innala ni Tamar iti uneg ti siled ti kankanen nga inaramidna.
\v 11 Ngem idi inyasideg ni Tamar dagitoy tapno kanenna, rinabsut ni Amnon isuna ket kinuna kenkuana, “Makikaiddaka kaniak!”
\v 12 Simmungbat ni Tamar, “Saan, saannak a piliten a mangaramid iti daytoy a nakababain a banag! Saantayo a pulos nga ar-aramiden daytoy a banbanag iti Israel! Nakababain dayta!

\s5
\v 13 Saanko a mabaelan nga ibturan ti pannakaibabain babaen iti panangaramid iti dayta. Ken no maipapan kenka, ukomenakanto ti tunggal maysa iti Israel gapu iti panangaramidmo iti kastoy a nakababain a banag. Isu a pangngaasim, makitungtongka iti ari. Mamatiak a palubosannak a maikasar kenka.”
\v 14 Ngem saan nga impangag ni Amnon isuna. Napigpigsa isuna ngem ti babai isu a napilitna isuna a makikaidda kenkuana.

\s5
\v 15 Kinagura ngarud ni Amnon isuna iti kasta unay. Napalalo ti gurana kenkuana ngem iti panangtarigagayna idi kenkuana. Kinuna ni Amnon kenkuana, “Tumakderka ket pumanawka ditoy!”
\v 16 Ngem kinunana kenkuana, “Saan! Dakkel a biddutmo a papanawennak. Nakarkaro daytoy ngem ti kalkalpas nga inaramidmo kaniak!” Ngem saan manen nga impangag ni Amnon isuna.
\v 17 Inayabanna ti adipen a mangay-aywan kenkuana ket kinunana, “Iruarmo daytoy a babai, iyadayom isuna kaniak, ket ikandadom ti ridaw tapno saan isuna a makastrek manen ditoy!”

\s5
\v 18 Isu nga inruar isuna ti adipen ket inkadadona ti ridaw. Ita, nakakawes ni Tamar iti naarkusan nga atiddog a kagay a kadawyan nga isusuot dagiti saan pay a naikasar nga annak a babai iti ari iti dayta a tiempo.
\v 19 Ngem rinay-ab ni Tamar dayta nga atiddog a kagay a suot-suotna ket nangikabil iti dapdapo iti ulona a mangipakita a kasta unay ti ladingitna. Impatayna ti dua nga imana iti ulona a mangipakita nga agladladingit isuna, ket pimmanaw nga agsangsangit.

\s5
\v 20 Nakita isuna iti kabsatna a ni Absalom ket kinuna kenkuana, “Pinilitnaka kadi ti kabsatmo iti ama a ni Amnon a makikaidda kenkuana? Pangngaasim, kabsatko ta saanmo nga ibagbaga daytoy iti siasinoman, ken saanka a maup-upay.” Isu a nagnaed ni Tamar iti balay ni Absalom, ket kasta unay ti ladingit ken liddaangna.
\v 21 Idi nangngeg ni Ari David amin daytoy, kasta unay ti ungetna.
\v 22 Kinagura ni Absalom ni Amnon gapu ta pinilitna ti kabsatna a babai a nakikaidda kenkuana, isu a saan isuna a nakitungtong kenni Amnon maipapan iti aniaman a banag.

\s5
\v 23 Nupay kasta, kalpasan ti dua a tawen, nangtangdan ni Absalom iti lallaki a mangpukis kadagiti karnerona idiay Baal Hazor nga asideg iti daga ti tribu ti Efraim. Agrambakdanto no malpasda a pukisan ti karnero, isu nga inawis amin ni Absalom dagiti annak a lallaki ti ari tapno makipagrambakda kenkuana.
\v 24 Napan ni Absalom iti ari ket kinunana kenkuana, “Apo, agpukpukis dagiti trabahadorko iti karnerok. Pangngaasim apo ta umayka ken dagiti opisialmo a makipagrambak kadakami!”

\s5
\v 25 Ngem simmungbat ti ari, “Saan anakko, saan a nasayaat para kadatayo no mapantayo amin gapu ta adutayo unay; ket magastosanka.” Intultuloy ni Absalom ti nangguyugoy iti ari ngem saan latta a kayat ti ari ti mapan. Ngem ketdi, kinunana a tarigagayanna a bendisionan ti Dios ida bayat ti panagrambakda.
\v 26 Ket kinuna ni Absalom, “No saanka nga umay, pangngaasim ta palubosam ni Amnon a kabsatko iti ama a sumurot kadakami.” Ngem simmungbat ti ari, “Apay a kayatmo a sumurot isuna kadakayo?”

\s5
\v 27 Ngem impapilit latta ni Absalom isu a kamaudiananna, pinalubosan ti ari ni Amnon a sumurot kadagiti amin nga annak a lallaki ni David kenni Absalom.
\v 28 Isu a napanda amin. Iti pagrarambakanda, binilin ni Absalom dagiti adipenna, “Paliiwenyo ni Amnon no nabartek bassiten. Ket no sinyasankayo, patayenyo isuna. Saankayo nga agbuteng. Aramidenyo laeng daytoy gapu ta imbagak kadakayo nga aramidenyo. Isu nga agbalinkayo a natured a mangaramid iti daytoy!”
\v 29 Inaramid ngarud dagiti adipen ni Absalom no ania dagiti imbilinna kadakuada. Pinapatayda ni Amnon. Nakita amin dagiti dadduma nga annak ni David no ania ti napasamak ket nagtatarayda a nagsasasakay kadagiti muloda.

\s5
\v 30 Kabayatan nga addada iti dalanda nga agawid, adda ti nagdardaras a napan ken nangipadamag kenni David, “Pinapatay ni Absalom amin dagiti annakmo a lallaki. Awan kadakuada iti nagbiag!”
\v 31 Timmakder ti ari, rinay-abna ti kawesna gapu iti kasta unay a ladingitna, ken imbaltogna ti bagina iti daga. Rinay-ab met dagiti amin nga adipen nga adda sadiay dagiti kawesda.

\s5
\v 32 Ngem ni Jonadab a putot a lalaki ni Samma, a kabsat a lalaki ni David ket nagkuna, “Natan-ok nga ari, ipasiguradok kadakayo a saanda a pinapatay dagiti amin nga annakmo a lallaki. Siguradoak a ni Amnon laeng ti natay, gapu ta inkeddengen ni Absalom nga aramiden daytoy manipud pay iti aldaw a rinames ni Amnon ni Tamar.
\v 33 Isu a saanyo a patien ti damag a natay aminen dagiti annakyo a lallaki, natan-ok nga Ari. Siguradoak a ni Amnon laeng ti natay."

\s5
\v 34 Kabayatanna, naglibas ni Absalom. Apag-isu met a nakita ti soldado nga agbanbantay iti pader iti siudad ti adu a tattao a sumalsalog iti turod iti igid ti dalan nga agturong iti laud. Nagtaray isuna ket imbagana iti ari no ania ti nakitana.
\v 35 Kinuna ni Jonadab iti ari, “Kumitakayo sadiay! Pudno ti imbagak kadakayo. Sibibiag dagiti dadduma nga annakmo a lallaki ket simmangpetdan!”
\v 36 Ket apaman a naibagana dayta, simrek dagiti annak a lalaki ni David. Nagsasangitda aminen, ken uray ni David ken dagiti amin nga opisialna ket nagsangit met a kasta unay.

\s5
\v 37-38 Ngem naglibas ni Absalom. Napan isuna nakigian iti ari ti rehion iti Gesur. Talmai ti naganna a putot a lalaki ni Ammihud. Nagtalinaed sadiay ni Absalom iti las-ud iti tallo a tawen. Nabayag a tiempo a dinung-awan ni David ti anakna a ni Amnon,
\v 39 ngem kalpasan dayta, kailiwna unay a makita ni Absalom gapu ta nailiwliwagnan ti maipapan iti pannakatay ni Amnon.

\s5
\c 14
\p
\v 1 Naamiris ni Joab a mail-iliw ti ari a makakita kenni Absalom.
\v 2 Isu a nangibaon ni Joab iti maysa a tao idiay siudad ti Tekoa tapno mangiyeg kenkuana iti maysa a masirib a babai. Idi simmangpet ti babai, kinuna ni Joab kenkuana, "Agpammarangka nga agladladingit gapu ta adda iti natay. Agpaneska a mangipakita nga agladladingitka. Saanka nga agiyapros iti pangpalammuyot iti bagim. Agtignayka a kaska la maysa a babai nga agladladingit iti naunday a panawen.
\v 3 Ket mapanka iti ari, ken ibagam kenkuana ti ibagak kenka nga ibagam." Imbaga ngarud ni Joab iti babai ti ibagana iti ari.

\s5
\v 4 Napan ngarud ti babai a naggapu idiay Tekoa iti ayan ti ari. Nagpakleb isuna iti sangoananna a mangipakita iti panagdayawna iti ari, sana kinuna, "Nata-ok nga Ari, tulungannak!"
\v 5 Simmungbat ti ari, Ania ti parikotmo?" Simmungbat ti babai, "Pangngaasim, apo, maysaak a balo. Natay ti asawak iti nabiit pay a tiempo.
\v 6 Addaanak iti dua nga annak a lallaki. Ngem maysa nga aldaw, nagapada idiay talon. Awan ti nanganawa kadakuada, ket pinang-or ti maysa iti maysa ket napapatayna isuna.

\s5
\v 7 Ita, babalawendak dagiti amin a kakabagiak. Ipilpilitda nga ipalubosko a papatayenda ti sibibiag pay nga anakko a lalaki, tapno makaibalesda ti panangpapatayna iti kabsatna. No aramidenda dayta, awanton ti anakko a mangtawid kadagiti sanikuak. Awanton ti anakko, ket awanen ti putot a lalaki ti asawak a mangituloy iti nagan ti pamiliami.”

\s5
\v 8 Kinuna ngarud ti ari iti babai, "Agawidkan. Siakto ti makaammo iti daytoy a banag para kenka."
\v 9 Simmungbat iti ari iti babai manipud Tekoa, "Natan-ok nga Ari, no adda mangbabalaw kenka iti panangtulongmo kaniak, awatek ken ti pamiliak ti pammabasol. Awanto ti basolmo ken ti pamiliam."

\s5
\v 10 Kinuna ti ari iti babai, "No adda man mangpangta kenka, iyegmo dayta a tao kaniak, ket siguradoek a saannakanton a riribuken pay dayta a tao."
\v 11 Kinuna ngarud ti babai, "Natan-ok nga ari, pangngaasim ta ikararagmo a saan koma a palubosan ni Yahweh a Diosmo ti kabagiak, ti agtarigagay nga agibales iti anakko a lalaki gapu iti panangpapatayna iti kabsatna a lalaki." Simmungbat ni David, “Iti nagan ni Yahweh nga adda iti agnanayon, saanto met pulos a madangran ti anakmo a lalaki."

\s5
\v 12 Ket kinuna ti babai, "Natan-ok nga Ari, pangngaasim ta palubosannak pay a mangibaga iti maysa a banag." Simmungbat ti ari, "Agsaoka!"
\v 13 Kinuna ti babai, "Apay nga inaramidmo daytoy a kinadakes kadagiti tattao ti Dios? Saanmo nga impalubos nga agawid ti anakmo a lalaki a ni Absalom. Babaen iti panagibagbagam ti kaibagbagam, pudno nga impakdaarmo a saan nga umno ti inaramidmo.
\v 14 Mataytayo amin. Maiyarigtayo iti danum a saanen a mapidot kalpasan a maipakbo daytoy iti daga. Kalpasan a mataytayo, saantayon nga agbiag manen. Uray met ti Dios, saanna a pagbiagen manen dagiti natay. Ngem mangaramid ti Dios kadagiti wagas para kadagiti napatalaw tapno mabalinda ti agsubli kadagiti pagtaenganda.

\s5
\v 15 Ita, Natan-ok nga Ari, immayak kenka gapu ta binutbutengdak dagiti dadduma. Isu a kinunak iti bagik, 'Mapanak ken makisaritaak iti ari, ket nalabit nga aramidenna ti kiddawek nga aramidenna.
\v 16 Nalabit a dumngeg isuna kaniak, ken ispalennak manipud iti tao a mangpadpadas a mangpapatay iti anakko a lalaki. No mapapatay ti anakko a lalaki, daytoy ti mangpukaw kadakami manipud iti daga nga inted ti Dios kadakami.'
\v 17 Ket pinanunotko, 'Ti ibaga ti ari ti mangliwliwa kaniak, gapu ta ti ari ket kasla anghel ti Dios. Ammona no ania ti nasayaat ken no ania ti dakes.' Ikararagko a makikaadda koma kenka ni Yahweh a Diostayo."

\s5
\v 18 Ket kinuna ti ari iti babai, "Agsaludsodak ita kenka. Sungbatam daytoy; ibagam kaniak ti pudno." Simmungbat ti babai, Natan-ok nga Ari, agsaludsodka."
\v 19 Kinuna ti ari, "Ni Joab kadi ti nagibaga kenka a mangaramid iti daytoy? Simmungbat ti babai, "Wen Natan-ok nga Ari, awan dua-dua nga agingga a sibibiagka, awan ti maibagak a mangilibak kenka no ania iti pudno. Wen, pudno, a ni Joab ti nangibaon kaniak nga umay ditoy, ken ti nangibaga no ania ti ibagak.
\v 20 Inaramidna daytoy tapno pagpanunotennaka iti sabali pay maipapan iti daytoy a banag. Natan-ok nga Ari, nasiribka a kas kadagiti anghel ti Dios, ken kasla ammom amin a mapaspasamak iti rabaw ti daga, isu nga ammom no apay nga imbaonnak ni Joab ditoy."

\s5
\v 21 Pinaayaban ngarud ti ari ni Joab ket kinunana kenkuana, "Dumngegka! inkeddengko nga aramidek ti kayatmo. Isu nga inka alaen dayta a bumaro a ni Absalom ken iyawidmo isuna ditoy Jerusalem."
\v 22 Nagbakleb ni Joab iti daga, ken nagrukob iti sangoanan ti ari, ken dinawatna iti Dios a bendisionanna ti ari. Kalpasanna kinuna ni Joab, "Natan-ok nga Ari, ita nga aldaw, ammok a naay-ayoka kaniak, gapu ta immanamongka a mangaramid iti kiniddawko."

\s5
\v 23 Timmakder ngarud ni Joab ket napan idiay Geshur, innalana ni Absalom ken inyawidna isuna iti Jerusalem.
\v 24 Ngem imbaga ti ari a saanna nga ipalubos a mapan kenkuana ni Absalom. Kinunana, "Saanko a kayat nga umay isuna a mangkita kaniak." Isu a nagnaed ni Absalom iti bukodna a balay, ket saan isuna a napan nakisarita iti ari.

\s5
\v 25 Ita, nagtaer unay ni Absalom. Awan ti pakapilawan iti bagina, manipud iti dapan agingga iti tuktok ti ulona. Iti entero nga Israel, awan ti ad-adda nga idaydayaw dagiti tattao ngem ni Absalom.
\v 26 Napuskol unay ti buokna, ken pukisanna laeng daytoy iti maminsan iti makatawen, no nadagsenen unay daytoy kenkuana. No usaren ti naituyang a pagtimbangan, timbangenna ti buok a pinutedna, ket kankanayon nga agtimbang daytoy iti agarup 2.5 a kilo.
\v 27 Addaan ni Absalom iti tallo a putot a lallaki ken maysa a babai nga agnagan ti Tamar. Napintas unay isuna a babai.

\s5
\v 28 Kalpasan a nagsubli ni Absalom idiay Jerusalem, nagnaed isuna sadiay iti dua a tawen, ken kabayatan dayta a panawen saan isuna a napalubusan a mangkita iti ari.
\v 29 Isu a nangibaon isuna iti mensahero kenni Joab tapno kiddawenna a mapan isuna a makisarita kenkuana, ngem nagkedked a mapan ni Joab. Isu a nangibaon ni Absalom iti mensahero kenkuana iti maikadua a daras, ngem saan latta a napan ni Joab.

\s5
\v 30 Kinuna ngarud ni Absalom kadagiti adipenna, "Ammoyo a ti talon ni Joab ket adda iti abay ti talonko, adda mulana a sebada sadiay. Inkayo ket pasgedanyo tapno mapuoran ti sebada." Napan ngarud dagiti adipen ni Absalom sadiay ken nagpasged, ket napuoran iti amin a sebada.
\v 31 Ammo ni Joab no siasino ti nangaramid iti daytoy, isu a napan isuna iti balay ni Absalom ket kinunana kenkuana, "Apay a pinuoran dagiti adipenmo ti sebada iti talonko?"

\s5
\v 32 Simmungbat ni Absalom, "Gapu ta saanka nga imay kaniak idi papaayabanka kadagiti mensahero. Kayatko a kiddawen a mapanka iti ari ta ibagam kenkuana a, 'Kayat a maammoan ni Absalom no ania ti nagsiyaatanna a pimmanaw iti Gesur ket immay ditoy. Panpanunotenna a nasaysayaat koma no nagtalinaed isuna sadiay. Kayatna a palubusam isuna a makisao kenka. Ken no ipagarupmo a nagbiddut isuna, mabalinmo nga ibilin a mapapatay isuna.' "
\v 33 Napan ngarud ni Joab iti ari ket imbagana ti naibaga ni Absalom. Ket pinaayaban ti ari ni Absalom, ket napan isuna iti ari ket nagparintumeng iti sangoananna a nakadekket ti rupana iti daga. Kalpasanna, inagkan ti ari ni Absalom a mangipakita a naragsakan isuna a nakakita kenkuana.

\s5
\c 15
\p
\v 1 Iti saan a nabayag a tiempo, nakagun-od ni Absalom iti karwahe ken kabkabalio a manguyod iti daytoy. Nanangdan isuna iti 50 a lallaki nga agtaray iti sangoananna a mangdayaw kenkuana bayat ti panaglikmotna iti Jerusalem a nakalugan iti karwahe.
\v 2 Kanayonna pay, kankanayon isuna a bumangon a nasapa kada bigat sa agtakder iti abay ti ruangan ti siudad. No adda iti mapan sadiay nga addaan iti kariri a kayatna a ti ari ti mangngeddeng, ayaban isuna ni Absalom ket saludsodenna, "Ania a siudad iti naggapuam?" Ibaga ti tao ti siudad ken tribu a naggapuanna.

\s5
\v 3 Ket ibaga ni Absalom kenkuana, "Denggem, siguradoak a husto ti ibagbagam. Ngem awan ti dinutokan ti ari a dumngeg kadagiti tattao a kas kenka."
\v 4 Inayon pay ni Absalom, "Tarigagayak a maysaak koma nga ukom iti daytoy a daga. No maysaak la nga ukom, mabalin koma nga umay kaniak ti siasinoman nga addaan iti kariri, ket mangikeddengak nga awanan ti panangidumdumak.

\s5
\v 5 Ken no adda umasideg kenni Absalom a siraraem nga agrukob iti sangoananna, iyunnat ni Absalom ti imana, arakupenna ken agkanna daytoy.
\v 6 Inaramid ni Absalom daytoy idiay Israel iti amin a napan iti ari nga addaan iti kariri tapno paokom. Iti dayta a wagas, naallukoy ni Absalom amin dagiti Israelita nga ad-adda a maay-ayo kenkuana ngem iti pannakaay-ayoda iti amana a ni David.

\s5
\v 7 Napalabas ti uppat a tawen, napan ni Absalom iti ari ket kinunana, "Pangngaasim ta bulosannak a mapan idiay siudad ti Hebron, tapno maaramidko ti inkarik kenni Yahweh nga aramidek.
\v 8 Idi agnanaedak idiay Gesur, idiay Aram, inkarik kenni Yahweh a no isublinak iti Jerusalem, agdayawak kenkuana idiay Hebron."

\s5
\v 9 Simmungbat ngarud ti ari, Palubusanka a mapan a sitatalged." Isu a napan ni Absalom idiay Hebron.
\v 10 Ngem kabayatan nga adda isuna sadiay, sililimed isuna a nangibaon kadagiti mensahero kadagiti amin a tribu ti Israel a mangibaga kadakuada, "No mangngegda ti uni dagiti mapuyotan a trumpeta, agpukkawda, 'Nagbalin nga ari ni Absalom idiay Hebron!'"

\s5
\v 11 Intugot ni Absalom a kaduana iti 200 a lallaki manipud Jerusalem, ngem saanda nga ammo no ania ti pangpanggepen ni Absalom nga aramiden.
\v 12 Kabayatan nga agidatdaton ni Absalom idiay Hebron, nangibaon isuna iti mensahero kenni Ahitofel manipud iti ili ti Gilo, a mangkidkiddaw a mapan isuna kenni Absalom. Maysa ni Ahitofel kadagiti mammagbaga ti ari. Isu nga immad-adu ti bilang dagiti tattao a kimmadua kenni Absalom ken nakasagana nga agrebelde kenni David.

\s5
\v 13 Saan a mabayag, dimteng ti maysa a mensahero kenni David ket kinunana kenkuana, "Amin dagiti tattao ti Israel ket makikadkadua kenni Absalom nga agrebelde kenka!"
\v 14 Isu nga imbaga ni David kadagiti amin nga opisialesna, "Masapul a pumanawtayon a dagus no kayattayo ti aglibas kenni Absalom! Masapul a partakantayo, sakbay a sumangpet isuna ken dagiti tattaona. Ta no saantayo nga aramiden dayta, papatayendatayo ken ti tunggal maysa iti siudad!”
\v 15 Kinuna dagiti opisial iti ari, "Nasayaat unay, Natan-ok nga Ari, nakasaganakami a mangaramid iti aniaman a tarigagayam."

\s5
\v 16 Nangibati ngarud ti ari iti sangapulo kadagiti tagabu nga assawana tapno mangaywan iti palasio, ngem simmurot kenkuana dagiti amin a tattao iti palasiona.
\v 17 Idi pumanpanawda amin iti siudad, nagsardengda iti ayan ti maudi a balay.
\v 18 Nagtakder ti ari ken dagiti opisialna sadiay kabayatan a napan iti sangona dagiti guardiana. 600 a gasut a soldado manipud iti siudad ti Gat ti nakipagna met iti sangoananna.

\s5
\v 19 Ket kinuna ni David kenni Ittai, ti mangidadaulo kadagiti soldado manipud Gat, "Apay a sumursurotka kadakami? "Agsublika ket makipagnaedka kenni Absalom a baro nga ari. Saanka nga Israelita; agnanaedka iti adayo manipud iti bukodmo a daga.
\v 20 Nagnaedka laeng ditoy iti apagbiit a tiempo. Ket saanminto pay nga ammo no sadino ti papananmi. Isu nga awan kalintegak a mangpilit kenka a makipag-alla-allaka kadakami. Ket ikuyogmo dagiti buyotmo. Ket namnamaek a sipupudnonaka nga ayaten ni Yahweh ken agbalin a naasi kenka.

\s5
\v 21 Ngem simmungbat ni Ittai, "Natan-ok nga Ari, agingga a sibibiagka, sadinoman a papanam, sumurotak. Agtalinaedak kenka uray no papatayendak wenno pagbiagendak."
\v 22 Simmungbat ni David kenni Ittai, "Nasayaat unay, makipagnaka kadakami!" Isu a simmurot kenni David ni Ittai, ti buyotna ken dagiti pamiliada.
\v 23 Nagsangit dagiti amin a tattao nga adda iti dalan idi nakitada ida a lumablabas. Binallasiw ti ari ken amin dagiti dadduma ti Tanap ti Cedron ket simmang-atda iti turod nga agturong iti let-ang.

\s5
\v 24 Makipagpagna met kadakuada ni Sadok ken Abiatar a papadi. Nakikuyog met kadakuada dagiti kaputotan ni Levi a timmulong kadagiti papadi, awit-awitda ti nasagradoan a Lakasa a naglaon iti Sangapulo a Bilin. Ngem indissoda daytoy iti daga agingga a dagiti dadduma pay ket nakapanaw iti siudad.
\v 25 Ngem kinuna ti ari kenni Sadok, "Dakayo a dua, masapul nga isubliyo ti nasagradoan a Lakasa idiay siudad. No maay-ayo kaniak ni Yahweh, dumtengto ti aldaw nga ipalubosna nga agsubliak tapno makitak daytoy ken iti lugar a nakaidulinanna.
\v 26 Ngem no ibagana a saan isuna a naay-ayo kaniak, sipapalubosak nga aramidenna kaniak ti aniaman nga ipagarupna a nasayaat."

\s5
\v 27 Kinunana pay kenni Sadok, "Denggem ti isingasingko! Agsublika iti siudad a sitatalna, ket itugotmo ti putotmo a lalaki a ni Ahimaas ken ni Jonatan a putot ni Abiatar.
\v 28 Agurayak idiay let-ang iti lugar no sadino ket mabalin a makaballasiw iti karayan dagiti tattao, agingga nga adda mensahe nga ipaibagam kaniak."
\v 29 Inawit ngarud ni Sadok ken Abiatar ti nasagradoan a lakasa a nagsubli idiay Jerusalem, ket nagtalinaedda sadiay.

\s5
\v 30 Simmang-at ni David ken dagiti kakaduana iti Bantay dagiti Olibo. Agsangsangit ni David bayat iti pannagnana. Nagnagna isuna a sakasaka ken inabbungotanna ti ulona a mangipakita a naladingit isuna. Agsansangit met kabayatan a magmagna dagiti kakaduana ken naabbungotan met dagiti uloda.
\v 31 Adda maysa a tao a nangibaga kenni David a nakikadua met ni Ahitofel kadagidiay nga agrebelde kenni David. Isu a nagkararag ni David, "Yahweh, ipalubosmo nga aniaman nga isingasing ni Ahitofel kenni Absalom ket ibilangna a kinamaag!"

\s5
\v 32 Idi nakadanonda iti tapaw ti turod, iti lugar a sigud a nakairuaman a pagdaydayawan dagiti tattao iti Dios, sinabat ni Cusai manipud iti bunggoy dagiti tattao iti Arkita ni David. Rinay-abna ti kagayna ken inikkanna iti rugit ti ulona a mangipakita a naliday unay isuna.
\v 33 Kinuna ni David kenkuana, "No sumurotka kaniak, saanka a makatulong kaniak.
\v 34 Ngem no agsublika iti siudad, mabalinnak a matulongan babaen iti panagibagam kenni Absalom, 'Natan-ok nga Ari, agserbiak a sipupudno kenka kas ti panagserbik iti amam.' No aramidem dayta ken agtalinaedka iti sibay ni Absalom, mabaelam a supringen ti aniaman nga ibalakad ni Ahitofel kenni Absalom.

\s5
\v 35 Addan sadiay ni Sadok ken Abiatar a papadi. Aniaman a mangngegyo nga ibaga dagiti tattao idiay palasio ti ari, ibagayo daytoy kenni Sadok ken Abiatar.
\v 36 Laglagipenyo nga adda met sadiay ni Ahimaas a putot a lalaki ni Sadok ken ni Jonatan a putot a lalaki ni Abiatar. Mabalinyo nga ibaga kadakuada iti aniaman a maduktalanyo, ket ibaonyo ida a mangipadamag daytoy kaniak.
\v 37 Isu a nagsubli iti siudad ni Cusai a gayyem ni David, isu met ti iseserrek ni Absalom iti Jerusalem.

\s5
\c 16
\p
\v 1 Idi nakaadayo bassit ni David ken dagiti dadduma iti tapaw ti turod, sinabat isuna ni Siba nga adipen ni Mefiboset. Adda intugotna a dua nga asno a nakaawit iti 200 a tinapay, 100 a karaay ti ubas, 100 a karaay iti kapurpuros a bunga ti igos, ken maysa a supot a lalat a napno iti arak.
\v 2 Kinuna ti ari kenni Siba, "Ania ti pakaipaayan dagitoy?" Simmungbat ni Siba, "Dagiti asno ket pagluganan iti pamiliam, dagiti tinapay ken prutas ket agserbi a kanen dagiti soldadom, ken inumenda ti arak inton mabannogda unay idiay let-ang."

\s5
\v 3 Kinuna ti ari, "Ayanna ni Mefiboset nga apoko ti sigud nga apom a ni Saul?" Simmungbat ni Siba, "Nagtalinaed isuna idiay Jerusalem, gapu ta panpanunotenna a palubusanen isuna dagiti tattao a mangituray iti pagarian nga inturayan daydi apongna a ni Saul."
\v 4 Kinuna ti ari kenni Siba, "Nasayaat unay, kukuam itan amin a banag a kukua ni Mefiboset." Simmungbat ni Siba, "Natan-ok nga Ari, sipapakumbabaak nga agserbi kenka, ket kankanayonka koma a maay-ayo kaniak."

\s5
\v 5 Idi nakadanon ni Ari David ken dagiti kakaduana iti siudad Bahurim, sinabat isuna ti maysa a lalaki nga agnagan iti Simei. Ti ama ni Simei ket ni Gera, ken maysa a kameng iti isu met laeng a puli a nagtaudan iti pamilia ni Saul. Ilunlunod ni Simei ni David bayat ti isusungadna.
\v 6 Ket binatubatona ni David ken dagiti opisialna, uray no napalikmutan ni David kadagiti opisialna ken kadagiti guardiana.

\s5
\v 7 Inlunod ni Simei ni David ket kinunana kenkuana, "Pumanawka ditoy, sika a mamapatay, sika nga awan serserbina a tao!
\v 8 Balbalsennakayo amin ni Yahweh gapu iti panangpapatayyo kadagiti adu a tattao iti pamilia ni Saul. Ket it-tedna itan ti pagarian ni Saul iti anakmo a ni Absalom. Sika a mammapatay, agbaybayadkan gapu kadagiti adu a tattao a pinapataymo!"

\s5
\v 9 Kinuna ngarud ni Abisai iti ari, "Natan-ok nga Ari, awan serserbi daytoy a tao a kas iti natay nga aso! Apay a mapalpalubosan isuna a mangilunod kenka? Palubosannak a mapan sadiay a mangputed iti ulona!"
\v 10 Ngem simmungbat ti ari, “Dakayo a dua a putot ni Zeruyas, awan bibiangko kadakayo. No ilunlunodnak gapu ta imbaga ni Yahweh nga aramidenna dayta, awan ngarud ti makapagsaludsod kenkuana iti, "Apay nga ilunlunodmo ti ari?' "

\s5
\v 11 Ket kinuna ni David kenni Abisai ken kadagiti amin nga opisialna, "Ammoyo a padpadasennak a papatayen ti bukodko nga anak. Isu a saan a nakakaskasdaaw a padpadasennak met a papatayen daytoy a lalaki a nagtaud iti tribu ni Benjamin. Baybay-anyo latta isuna, ken ipalubosyo nga ilunodnak. Imbaga ni Yahweh kenkuana nga aramidenna dayta.
\v 12 Nalabit a makitanto ni Yaweh amin dagitoy a riribuk nga adda kaniak, ket addanto aldaw a supapakannak ni Yahweh babaen iti panangbendisionna kaniak a kasukat ti panangilunlunod kaniak daytoy a lalaki ita nga aldaw.

\s5
\v 13 Kalpasanna, nagna ni David ken dagiti kakaduana iti dalan, ken intultuloy ni Simei ti nagna iti asideg ni David iti igid ti turod. Kabayatan iti pannagna ni Simei, inlunodna ni David ken binarbarsakna iti batbato ken rugit ni David.
\v 14 Idi nagsardeng a nagdaldalliasat ni David ken dagiti kakaduana iti dayta a rabii, nabannogda unay. Isu a naginanada.

\s5
\v 15 Kabayatan a mapaspasamak dayta, simmangpet ni Absalom ken dagiti amin nga Israelita a kaduana idiay Jerusalem. Simmangpet met sadiay ni Ahitofel.
\v 16 Idi napan ni Cusai a gayyem ni David kenni Absalom, kinunana kenni Absalom, "Idawdawatko nga umatiddog pay koma ti biag ti ari! Agbiagka pay koma iti adu a taw-tawen!"

\s5
\v 17 Kinuna ni Absalom kenni Cusai, "Nagbalinka a napudno iti gayyemmo a ni David iti nabayag a panawen. Apay ngarud a saanka a simmurot kenkuana imbes nga umayka kaniak?"
\v 18 Simmungbat ni Cusai, "Rumbeng nga agserbiak iti pinili ni Yahweh ken dagitoy a tattao ken dagiti amin a tattao ti Israel tapno agbalin nga arida. Isu a makinaedak kenka.

\s5
\v 19 Anaknaka ti apok a ni Ari David. No saanak nga agserbi kenka, siasino ngarud ti rumbeng a pagserbiak? Agserbiak kenka kas iti panagserbik iti amam."

\s5
\v 20 Ket kinuna ni Absalom kenni Ahitofel, "Ania iti ibalakadmo a rumbeng nga aramidenmi?" Simmungbat ni Ahitofel,
\v 21 “Nangibati ni amam kadagiti assawana a tagabu iti palasio a mangaywan iti daytoy. Kaiddaem ida. Inton mangngeg ti tunggal maysa iti Israel nga inaramidmo dayta, maamirisda a kinabusormo iti amam. Ket ad-addanto a tumured dagiti kakaduam.”

\s5
\v 22 Isu a nangipatakderda iti tolda para kenni Absalom iti tuktok ti palasio. Simrek ngarud ni Absalom iti tolda ket kinaiddana dagiti adipen nga assawa ni amana, a saggaysa, ket makitkita ida iti amin a sumrek iti tolda.
\v 23 Kadagidi nga al-aldaw, inawat dagiti tattao iti inbalakad ni Ahitofel a kasla ibagbagana dagiti sasao ti Dios. Kas met iti kankanayon a panangawat ni David iti imbaga ni Ahitofel, isu metten ti inaramid ni Absalom.

\s5
\c 17
\p
\v 1 Ket kinuna ni Ahitofel kenni Absalom, "Palubosannak a pumili iti 12,000 a lallaki, ket ikuyogko ida inton rabii a mangkamat kenni David.
\v 2 Darupenminto isuna kabayatan a nabannog ken nakapsut isuna, ken butbutngenmi isuna iti kasta unay. Agtatarayto dagiti amin a kaduana. Ti laeng mangpapatay iti ari ti masapul nga aramidenmi.
\v 3 Kalpasanna, isubliminto amin dagiti soldadona kenka, ket sumurotdanto a siraragsak. Maysa laeng a tao ti masapul a patayem-- ni David, ket malpasto aminen a parikut."
\v 4 Napanunot ni Absalom ken dagiti amin a mangidadaulo kadagiti Israelita a kaduana a nasayaat nga aramiden ti imbaga ni Ahitofel.

\s5
\v 5 Ngem kinuna ni Absalom, "Ayabanyo met ni Cusai ket denggentayo met ti isingasingna."
\v 6 Isu nga idi simmangpet ni Cusai, imbaga ni Absalom ti insingasing ni Ahitofel. Ket sinaludsodna kenni Cusai, "Iti panagkunam, ania ti rumbeng nga aramidenmi? No iti panagkunam ket rumbeng nga aramidenmi dagiti balakad ni Ahitofel, ibagam kadakami ti rumbeng nga aramidenmi."
\v 7 Simmungbat ni Cusai, “Iti daytoy a kanito, saan a nasayaat a balakad ti insingasing ni Ahitofel.

\s5
\v 8 Ammom a maingel a soldado ti amam ken dagiti lallaki a kaduana, ket makaung-ungetda unayen, kas iti maysa nga ina nga oso a natakaw dagiti urbonna manipud kenkuana. Maysa pay, ammo ti amam no ania ti aramidenna iti gubat gapu ta nakirangrangeten isuna kadagiti adu a gubgubat. Saan isuna a makipagtalinaed kadagiti buyotna iti rabii.
\v 9 Ita a kanito nalabit nga aglemlemmeng isuna iti maysa kadagiti abut, wenno iti sabali a lugar. No rugian dagiti soldadona a darupen dagiti soldadom, ket no mapatayda dagiti dadduma kadakuada, ibaganto ti siasinoman a makangngeg iti maipapan iti dayta nga, 'Adu kadagiti soldado a kadua ni Absalom ti napapatay!"
\v 10 Ket dagiti dadduma kadagiti soldadom, uray no kasda la katured dagiti leon, agbutengdanto iti kasta unay. Saanmo a liplipatan nga ammo ti tunggal maysa iti Israel a maysa a maingel a soldado ti amam, ken kasta met a natured unay dagiti soldado a kaduana.

\s5
\v 11 Isu nga ti maisingasingko ket ayabam dagiti amin a soldado nga Israelita, manipud iti Dan iti amianan agingga iti Besrseba iti abagatan. Kasladanto kaado dagiti darat iti igid ti baybay. Agurayka agingga nga umayda, ket sika mismo ti mangidaulo kadakami iti gubat.
\v 12 Sapulentayo ti amam, sadinoman ti ayanna, ket darupentayo isuna manipud iti amin a suli, kas iti panangkalub ti linnaaw iti daga. Ket saan a makalasat isuna wenno siasinoman kadagiti soldadona.

\s5
\v 13 No agkamang isuna kadagiti siudad, mangitugotto kadagiti tali dagiti amin a soldadomi ket iparangguyod dayta a siudad agingga iti baba iti tanap. Kas pagbanaganna, awan uray maysa a bato ti mabati iti tapaw ti turod nga ayan dayta a siudad!"
\v 14 Kinuna ni Absalom ken dagiti amin a lallaki a kaduana, "Nasaysayaat ti isingsingasing ni Cusai ngem ti insingasing ni Ahitofel." Ti rason a napasamak dayta ket inkeddeng ni Yahweh a no awatenda ti nasayaat a balakad ni Ahitofel kadakuada, mabalin a mabaelanda a maparmek ni David. Ngem kas pagbanagan iti panangaramidda iti insingasing ni Cusai, mangiyeg ni Yahweh iti didigra kenni Absalom.

\s5
\v 15 Imbaga ngarud ni Cusai iti dua a padi a da Sadok ken Abiatar, ti insingasingna ken ti insingasing ni Ahitofel kenni Absalom ken kadagiti mangidadaulo ti Israelita.
\v 16 Ket kinunana kadakuada, "Mangipatulodkayo a dagus iti mensahe kenni David. Ibagayo kenkuana a saan isuna nga agtaltalinaed iti lugar a pagballasiwan dagiti tattao iti karayan, nga adda iti asideg iti let-ang. Ngem ketdi, masapul a dagdagus a ballasiwenna ken dagiti soldadona ti Karayan Jordan, tapno saanda a mapapatay.

\s5
\v 17 Dagiti dua a lallaki nga annak ti padi, da Jonatan ken Ahimaas ket agur-uray iti ayan ti ubbog iti Rogel, nga adda iti ruar ti Jerusalem. Saanda pinadas ti simrek iti siudad, agsipud ta no adda makakita kadakuada, ipulongna kenni Absalom. Kabayatan nga addada iti Rogel, maysa a babai nga adipen dagiti dua a padi ti masansan a mapan kadakuada ken mangibaga kadakuada iti mapaspasamak, ken kalpasanna, mapanda ibaga daytoy kenni Ari David.
\v 18 Ngem nakita ida iti maysa nga agtutubo a lalaki, ket napanna imbaga daytoy kenni Absalom. Naduktalanda ti inaramid ti agtutubo a lalaki, isu a nagdardarasda a pimmanaw ket napanda nagnaed iti balay ti maysa a lalaki iti sudad a Bahurim. Addaan dayta a tao iti bubon iti paraanganna, isu a bimmaba a naglemmeng iti bubon dagiti dua a lallaki.

\s5
\v 19 Nangala iti maysa a lupot ti asawa ti lalaki ket inyabbongna iti ngarab ti bubon, sana winarasan kadagiti bukel iti rabawna tapno awan uray maysa ti agatap nga adda ti bubon sadiay.
\v 20 Natakuatan dagiti soldado ni Absalom ti nagturongan dagiti dua a lallaki. Isu a napanda iti balay, ket sinaludsodda iti babai, "Sadino ti ayan da Jonatan ken ni Ahimaas?" Simmungbat ti babai, "Bimmallasiwda iti Karayan Jordan." Isu a bimmallasiw dagiti soldado ket binirokda ida. Ngem idi saanda a nasarakan ida, nagsublida idiay Jerusalem.

\s5
\v 21 Apaman a nakapanawda, rimmuar ti dua a lallaki manipud iti bubon ket napanda imbaga kenni Ari David iti napasamak ken ti ingsingasing ni Ahitofel. Kalpasanna kinunada kenkuana, "Partakanyo ti mangballasiw iti Karayan Jordan!"
\v 22 Nagdardaras ngarud a nagballasiw ni David ken dagiti soldadona, ket nakaballasiwda aminen sakbay a naglawag iti agsapa.

\s5
\v 23 Idi naammoan ni Ahitofel a saan nga aramiden ni Absalom iti imbalakadna, sinillianna ti asnona ken nagawid iti bukodna a siudad. Intedna iti pamiliana ti pagannurotan maipapan kadagiti sanikuana, ket kalpasanna, imbitinna ti bagina gapu ta ammona a maabak ni Absalom ket maibilangto isuna a mangliliput ket papatayendanto met laeng. Naitabon ti bagina iti tanem a nakaitabonan dagiti kapuonanna.

\s5
\v 24 Nakadanon ni David ken dagiti soldadona idiay Mahanaim. Iti dayta met laeng nga oras, nakaballasiw met ni Absalom ken dagiti amin a soldadona iti Karayan Jordan.
\v 25 Ita, dinutokan ni Absalom ti kasinsinna a ni Amasa a mangidaulo kadagiti armadana imbes a ni Joab. Ni Amasa a putot ni Jeter a maysa nga Israelita. Ni Abigail ti ina ni Amasa. Ni Abigail ti putot ni Naas ken ti kabsat ni Zeruyas nga ina ni Joab.
\v 26 Nagkampo ni Absalom ken dagiti soldadona nga Israelita idiay rehion ti Galaad.

\s5
\v 27 Idi nakadanon ni David ken dagiti soldadona idiay Mahanaim, napan kadakuada da Sobi a putot ni Naas, a nagtaud iti siudad dagiti Ammonita a siudad a Raba, ken Makir a putot a lalaki ni Amiel manipud iti siudad a Lodebar, ken Barzillai manipud iti siudad a Rogelim idiay Galaad.
\v 28 Nangiyegda kadagiti ikamen, malukong, banga, sebada, arina a trigo, namaga a bukel, bukel, ken patani.
\v 29 Nangiyegda iti diro ken keso, karnero, ken sumagmamano a krema tapno kanen ni David ken dagiti soldadona. Ammoda a mabisin, nabannog ken mawaw ni David ken dagiti soldadona gapu iti pannagnada iti let-ang.

\s5
\c 18
\p
\v 1 Inurnos ni David dagiti soldadona para iti gubat. Binunggo-bunggoyna ida, ket nangdutok iti mangidaulo iti kada sangagasut a soldado ken mangidaulo iti kada sangaribu a soldado.
\v 2 Imbaonna ida iti tallo a bunggoy. Indauloan ni Joab ti maysa a bunggoy, indauloan ni Abisai a kabsat ni Joab ti maikadua a bunggoy, ken indauloan ni Ittai a taga-Gat ti maikatlo a bunggoy. Kinuna ni David kadakuada, "Kumuyogak kadakayo iti gubatan."

\s5
\v 3 Ngem kinuna dagiti soldadona, "Saan, saandaka a palubosan a kumuyog kadakami. No pilitendakami amin a tumaray, awanto iti bibiangda kadakami. Wenno no mapapatayda ti kagudua kadakami, saandakami met laeng a pakaseknan. Para kadakuada, napatpateg ti panangtiliwda kenka ngem iti panangtiliwda iti sangapulo a ribu kadakami. Isu a nasaysayaat nga agtalinaedka ditoy siudad ket agipatulodka ti tulong kadakami."
\v 4 Simmungbat ti ari kadakuada, "Nasayaat unay no kasta, aramidek ti aniaman a kasasayaatan para kadakayo." Isu a nagtakder isuna iti ruangan ti siudad ket kinitana dagiti soldadona kabayatan ti panagmartiada a rummuar, a nabungo-bunggoy.

\s5
\v 5 Kabayatan ti ipapanawda, binilin ni David da Joab, Abisai ken Ittai, "Ipagpagapoyo kaniak, saanyo a dangdangran ti anakko a ni Absalom!" Ket nangngeg dagiti amin a buyotan ti maipanggep iti daytoy, nga imbilin ni David daytoy kadagiti tallo a pangulo.

\s5
\v 6 Isu a napan dagiti armada tapno makigubatda kadagiti soldado nga Israelita a kakadua ni Absalom. Nakigubatda idiay kabakiran a pagnanaedan dagiti tattao a naggapu iti tribu ni Efraim.
\v 7 Pinarmek dagiti soldado ni David dagiti soldado ni Absalom. Pinapatayda ti duapulo a ribu kadakuada.
\v 8 Nagsaknap ti gubat iti dayta a disso, ket ad-adu ti natay a tattao gapu kadagiti napeggad a banbanag iti kabakiran ngem iti bilang dagiti tattao a napapatay iti gubatan.

\s5
\v 9 Kabayatan ti gubat, dimteng ni Absalom a di napakpakadaan iti asideg dagiti sumagmamano a soldado ni David. Nakasakay ni Absalom iti mulona, ket idi simmiruk ti mulo iti nasamek a sangsanga ti dakkel a kayo ti lugo, naisalat ti ulo ni Absalom kadagiti sanga. Naglaylayon a nagtaray ti mulo, ngem nabati nga agbitbitin iti angin ni Absalom.
\v 10 Nakita ti maysa kadagiti soldado ni David ti napasamak, ket napanna imbaga kenni Joab, "Nakitak nga agbitbitin ni Absalom iti kayo ti lugo!"
\v 11 Kinuna ni Joab iti lalaki, "Ania?" Kunam a nakitam isuna nga agbitbitin sadiay, ket apay ta saanmo a pinapatay isuna a dagus? No pinapataymo isuna, ikkanka koma iti sangapulo a pidaso iti pirak ken maysa a barikes ti soldado!"

\s5
\v 12 Simmungbat ti lalaki kenni Joab, "Uray pay ikkannak ti sangaribu a pidaso ti pirak, saanakto pulos nga agaramid iti aniaman a mangdangran iti anak ti ari. Nangngeganmi amin ti panangbilin ti ari kenka ken ni Abisai ken ni Ittai: 'Ipagpagapuyo kaniak, saanyo a dangran ti anakko a ni Absalom!'
\v 13 No saanko a tinungpal ti ari ket pinapatayko ni Absalom, maammoanto met laeng ti ari ti maipanggep iti daytoy, gapu ta maaammoan ti ari ti amin, ket uray pay dakayo, saandakto met laeng nga ikalintegan!"

\s5
\v 14 Kinuna ni Joab, "Saanko a sayangen ti tiempok a makitungtong kenka!" Ket nangala ngarud isuna iti tallo a gayang, napan iti ayan ni Absalom, ket induyokna dagitoy iti barukong ni Absalom a sibibiag pay laeng, nga agbitbitin iti kayo ti lugo.
\v 15 Ket linawlaw dagiti sangapulo a lallaki a nangawit kadagiti igam ni Joab ni Absalom ket pinapatayda isuna.

\s5
\v 16 Ket pinuyotan ni Joab ti trumpetana tapno ipasimudaagna a saandan a makigubat pay, ket nagsubli dagiti soldadona iti panangkamkamatda kadagiti tattao ni Absalom.
\v 17 Innalada ti bangkay ni Absalom ket impisukda daytoy iti dakkel nga abut iti kabakiran, ket ginaburanda daytoy iti dakkel a penpen ti batbato. Ket timmaray amin dagiti nabati a soldado nga Israelita a kakadua ni Absalom kadagiti bukodda a pagtaengan.

\s5
\v 18 Awan ti putot a lallaki ni Absalom a mangitandudo ti apiliedona gapu ta natay dagiti putotnaa lallaki bayat iti kinaubingda. Isu a kabayatan a sibibiag pay ni Absalom, nangipatakder isuna iti baton-lagip para iti bagbagina idiay Tanap dagiti Ar-ari iti asideg ti Jerusalem, tapno malaglagip isuna dagiti tattao. Insuratna ti naganna iti monumento, ket aw-awagan pay laeng daytoy dagiti tattao iti Baton-lagip ni Absalom.

\s5
\v 19 Kalpasan a napapatay ni Absalom, kinuna ni Ahimaas a putot ni Zadok kenni Joab, "Palubosannak nga agtaray a mapan iti ari tapno ibagak kenkuana ti naimbag a damag nga inispal isuna ni Yahweh manipud ti bileg dagiti kabusorna!"
\v 20 Ngem kinuna ni Joab kenkuana, "Saan, saanka a palubosan a mangipan iti damag iti ari ita nga aldaw. Palubosankanto a mangipan iti sumagmamano a damag iti sabali nga aldaw, ngem saan nga ita. No mangipanka ti damag ita nga aldaw, saan a naimbag a damag para iti ari, gapu ta natay ti anakna."

\s5
\v 21 Ket kinuna ni Joab iti adipen ni David a taga-Etiopia, "Mapanka iti ari ket ibagam ti nakitam." Isu a nagkurno kas panagraem ti lalaki kenni Joab, ket nangrugi a nagtaray.
\v 22 Ket kinuna manen ni Ahimaas kenni Joab, "Uray agtartarayen dayta a lalaki a naggapu idiay Etiopia, palubosannak nga agtaray a sumaruno kenkuana." Simmungbat ni Joab, "Anakko, apay a kayatmo nga aramiden dayta? Awan ti aniaman a maawatmo a gunguna para iti padamagmo!"
\v 23 Ngem simmungbat ni Ahimaas, "Awan aniamanna dayta, kayatko ti mapan." Isu a kinuna ni Joab, "Nasayaat unay no kasta, ngarud, mapanka." Isu a nagtaray ni Ahimaas iti sabali a dalan iti Tanap ti Jordan ket nakadanun iti ayan ni David, sakbay a nakasangpet ti lalaki a taga-Etiopia.

\s5
\v 24 Agtugtugaw idi ni David iti nagbaetan ti akin-uneg ken akinruar a ruangan ti siudad. Immuli ti agwanwanawan iti tuktok ti pader ti siudad ket nagtakder iti atep ti ngatoen dagiti ruangan. Timman-aw ket nakitana ti maysa a lalaki nga agtartaray nga agmaymaysa.
\v 25 Nagpukkaw ti agwanwanawan ket impadamagna daytoy iti ari. Kinuna ti ari, "No agmaymaysa isuna, ipasimudaagna nga umay agipadamag." Intuloy ti agtartaray a lalaki ti immasideg.

\s5
\v 26 Ket nakakita manen ti agwanwanawan iti sabali pay a lalaki nga agtartaray. Isu nga impukkawna iti agbanbantay iti ruangan, "Kitaem! Adda pay iti sabali a lalaki nga agtartaray!" Ket kinuna ti ari, "Uray isuna met ket mangyeg ti sumagmamano a naimbag a damag."
\v 27 Kinuna ti agwanwanawan, "Ti ammok ket ni Ahimaas ti immuna a lalaki, gapu ta kasla agtartaray a ni Ahimaas." Kinuna ti ari, "Naimbag a tao ni Ahimaas, ket siguradoak nga um-umay nga addaan iti naimbag a damag."

\s5
\v 28 Idi nadanonen ni Ahimaas ti ari, immawag isuna, "Mangnamnamaak a naimbag ti amin kenka!" Ket nagpakleb isuna iti daga iti sangoanan ti ari ket kinunana, "Natan-ok nga ari, madaydayaw ni Yahweh a Diostayo, a nangispal kenka manipud kadagiti tattao a nagrebelde kenka!"
\v 29 Kinuna ti ari, "Natalged kadi ti agtutubo a ni Absalom?" Saan a kinayat a sinungbatan ni Ahimaas dayta a saludsod, isu nga insungbatna, "Idi imbaonnak ni Joab, nakitak nga adda iti kasta unay a pannakaburibor, ngem saanko nga ammo no ania ti gapuna."
\v 30 Ket kinuna ti ari, "Aglisika dita." Isu nga immaddang ni Ahimaas ket nagtakder sadiay.

\s5
\v 31 Dimteng a di napakpaadaan ti lalaki a taga-Etiopia, ket kinunana, "Natan-ok nga ari, addaanak ti naimbag a damag para kenka! Pinagballigi ni Yahweh dagiti soldadom a nangparmek kadagiti nagrebelde kenka!
\v 32 Kinuna ti ari kekuana, "Natalged kadi ti agtutubo a ni Absalom?" Insungbat ti lalaki a taga-Etiopia, "Apo, tarigagayak a mapasamak met koma kadagiti amin a kabusormo ken kadagidiay nagrebelde kenka ti napasamak kenkuana!"
\v 33 Naamiris ti ari ti kayatna a sawen a natayen ni Absalom, isu a kasta unay ti panagladingitna, ket immuli isuna iti siled iti ngatoen ti ruangan ket nagsangit. Kabayatan iti iyuulina, insangsangitna latta, "O, anakko nga Absalom! Anakko! O, anakko nga Absalom, tarigagayak a siak la koman ti natay a saan a sika!"

\s5
\c 19
\p
\v 1 Adda ti nangibaga kenni Joab nga agsangsangit ken agladaladingit ni David gapu ta natay ni Absalom.
\v 2 Nangngeg dagiti amin a soldado ni David nga agladladingit isuna gapu ta natayen ni Absalom. Isu a naglidayda ta naparmekda dagiti tattao ni Absalom.

\s5
\v 3 Nagsubli iti siudad dagiti soldado a siuulimek ken mababain, a kasla naparmekda iti gubatan imbes a nangabakda.
\v 4 Inabbongan ti ari ti rupana babaen kadagiti imana ket nagsangsangit iti napigsa, "O, anakko nga Absalom! O, Absalom, anakko! Anakko!"

\s5
\v 5 Simrek ni Joab iti siled nga ayan ti ari, ket kinunana iti ari, "Imbabainmo ita nga aldaw dagiti soldadom! Imbabainmo dagiti tattao a nangisalakan iti biagmo, dagiti biag dagiti annakmo a lallaki ken babbai ken dagiti assawam ken dagiti assawam nga adipen!
\v 6 Kas mo la ay-ayaten dagidiay gumurgura kenka ket gurguraem dagiti agay-ayat kenka. Naamiris iti amin itan a saan a napateg kenka dagiti pangulom ken dagiti opisyalesmo. No sibibiag pay koma ni Absalom ket nataykami aminen ita nga aldaw, sigurado a naragsakka.

\s5
\v 7 Isu a mapanka ita agyaman kadagiti soldadom gapu ti inaramidda. Gapu ta sipapasnekak a mangibaga a no saanmo nga aramiden dayta, awanen ti mabati kadakuada pay a kaduam inggana inton agsapa. Dakdakesto dayta para kenka ngem kadagiti amin a didigra a napadasam sipud pay idi ubingka."
\v 8 Isu a timmakder ti ari ket napan ket nagtugaw iti ruangan ti siudad. Ket naibaga kadagiti amin a tattao, "Agtugtugaw ti ari iti ruangan ti siudad!" Isu a napanda amin ket inaribungbonganda isuna. Kabayatanna, nakaawid aminen dagiti tattao ni Absalom.

\s5
\v 9 Ket nangrugin a nagaapa dagiti amin a tattao kadagiti tribu ti Israel. Kinunada iti tunggal maysa, "Inispalnatayo ni Ari David manipud kadagiti tattao ti Filistea ken manipud kadagiti dadduma pay a kabusortayo. Ngem ita intarayanna ni Absalom ket pinanawanna ti Israel!
\v 10 Dinutokantayo ni Absalom nga agbalin nga aritayo, ngem natay isuna iti paggugubatan a maibusor kadagiti soldado ni David. Ngarud, apay nga awan ti mangpadas a mangpasubli kenni Ari David?"

\s5
\v 11 Naammoan ni Ari David ti ibagabaga dagiti tattao. Isu nga imbaonna dagiti dua a papadi, da Zadok ken Abiatar, tapno ibagada kadagiti panguloen ti Juda, "Kinuna ti ari a nangngegna a kayat dagiti amin nga Israelita nga agbalin manen isuna nga arida. Ket kinunana, 'Apay a dakayo ti maudi a mangisubli kaniak iti palasiok?
\v 12 Kakabagiankayo. Maymaysa dagiti kapuonantayo. Isu nga apay a dakayo dagiti maud-udi a mangisubli kaniak?'"

\s5
\v 13 Ken ibagayo kenni Amasa, "Maysaka kadagiti kakabagiak. Mangnamnamaak a papatayennak ti Dios no saanka a dutokan manipud ita, a pangulo ti armadak imbes a ni Joab."
\v 14 Babaen iti pannakaipatulod dayta a mensahe kadakuada, inallukoy ni David dagiti amin a tattao iti Juda a rumbeng a napudnoda kenkuana. Isu a nangipatulodda ti mensahe iti ari, kunada, "Kayatmi nga agsublika ken dagiti amin nga opisialesmo ditoy."
\v 15 Isu nga inrugi ti ari ken dagiti opisialesna ti nagsubli a nagturong sadiay Jerusalem. Idi nadanundan ti Karayan Jordan, dimteng dagiti tattao ti Juda idiay Gilgal tapno sabtenda ti ari, ken tapno kadduaanda isuna nga agballasiw iti karayan.

\s5
\v 16 Nagdardaras met a simmalog idiay karayan ni Simei, ti lalaki manipud iti tribu ti Benjamin, a kaduana dagiti tattao ti Juda tapno sabatenda ni Ari David.
\v 17 Adda iti sangaribu a tattao manipud ti tribu ti Benjamin a kaduana a dimteng. Nagdardaras met a simmalog idiay Karayan Jordan ni Ziba nga adipen idi ni Saul, a kaduana ti duapulo kadagiti adipenna. Napanda amin iti ayan ti ari.
\v 18 Nakasaganada amin a mangiballasiw iti ari ken dagiti amin a pamiliana iti karayan, iti lugar a mabalinda a pagballasiwan. Kayatda nga aramiden ti aniaman a kayat ti ari. Idi apaman nga agballasiw koman ti ari iti karayan, dimteng ni Simei ket nagpakleb iti sangoanan ti ari.

\s5
\v 19 Kinunana iti ari, "Pangaasim ta pakawanennak, Natan-ok nga Ari. Pangaasim ta saanmo koman a panpanunoten ti maipapan ti dakes nga inaramidko iti aldaw a pinanawam ti Jerusalem. Saanmon a panunoten pay daytoy.
\v 20 Ammok a nagbasolak. Kitaem, immayak ita nga aldaw, ti immuna manipud kadagiti tribu ti amianan nga immay ita nga aldaw tapno kablaawandaka, Natan-ok nga Ari."

\s5
\v 21 Ngem kinuna ni Abisai a putot ni Zeruyas kenni David, "Inlunodna ti dinutokan ni Yahweh nga agbalin nga ari! Isu a saan kadi a rumbeng a mapapatay isuna iti panangaramidna iti dayta?"
\v 22 Ngem kinuna ni David, "Dakayo a putot ni Zeruyas, ania ti aramidek kadakayo? Kasla nagbalinkayo a kabusorko ita nga aldaw. Ammok nga ariak pay laeng ti Israel, isu nga ibagak a sigurado nga awan ti rumbeng a mapapatay ita nga aldaw."
\v 23 Ket kinuna ti ari kenni Simei, "Sipapasnekak nga agkari a saanka a papatayen."

\s5
\v 24 Kalpasanna simmalog idiay karayan ni Mefiboset, nga apoko ni Saul tapno kablaawanna ti ari. Saanna a binuggoan dagiti sakana wenno pinukisan ti barbasna wenno linabaan dagiti kawesna manipud iti tiempo a pinanawan ti ari ti Jerusalem inggana iti aldaw a panagsublina.
\v 25 Idi nakasangpet isuna manipud idiay Jerusalem a mangkablaaw iti ari, kinuna ti ari kenkuana, "Mefiboset, apay a saanka a simmurot kaniak?"

\s5
\v 26 Insungbatna, "Natan-ok nga ari, ammom a pilayak. Idi nangegko a pumanawkan idiay Jerusalem, kinunak iti adipenko a ni Ziba, 'Ikkam ti silya ti asnok tapno masakayak daytoy ket makasurotak iti ari.' Ngem inallilawnak ket pimmanaw nga awanak.
\v 27 Nagulbod isuna kenka ti maipapan kaniak. Ngem masiribka a kas iti anghel iti Dios, Natan-ok nga ari. Isu nga aramidem ti ammom a nasayaat para kenka.
\v 28 Ninamnama dagiti amin a pamilia ti amak a mapapataykami. Ngem saannak a pinapapatay. Pinalubosannak a nakipangan kenka iti lamisaanmo! Isu nga awanen ti karbengak nga agdawat iti aniaman pay manipud kenka."

\s5
\v 29 Simmungbat ti ari, "Saanen a masapul nga ibagam pay. Ingkeddengkon a pagbingayanyo a nasayaat kenni Ziba ti daga a kukua idi ni apongm a Saul."
\v 30 Simmungbat ni Mefiboset iti ari, "Natan-ok nga Ari, mapnekakon a nakasublika a sitatalged. Isu a palubosam nga alaenna amin ti daga."

\s5
\v 31 Simmalog met idiay Karayan Jordan ni Barzillai, ti lalaki a naggapo iti rehiyon ti Galaad, manipud iti ilina a Rogelim tapno kadduaenna ti ari iti ballasiw ti karayan.
\v 32 Lakay unayen ni Barzillai, walo pulo ti tawenna. Nabaknang unay isuna a tao, ket isuna ti nangnangted ti taraon ti ari ken dagiti soldadona kabayatan ti kaaddada idiay Mahanaim.
\v 33 Kinuna ti ari kenni Barzillai, "Sumurotka kaniak idiay Jerusalem, ket aywananka."

\s5
\v 34 Ngem simmungbat ni Barsilai, "Sigurado a saanakon nga agbiag ti ad-adu pay a tawen. Isu nga apay a sumurotak pay kenka idiay Jerusalem?
\v 35 Walo pulon ti tawenko. Saankon nga ammo no ania ti naragsak ken saan. Saankon a mananam pay ti kankanek ken ti in-inumek. Saankon a mangngeg dagiti timek dagiti lallaki ken babbai iti panagkankantada. Isu nga apay nga agbalinak pay a sabali manen a padagsen kenka?
\v 36 Makipagballasiwak kenka iti Karayan Jordan ket kumuyogak iti adayo bassit, ket daytanto amin ti gunguna a masapulko iti panangtulongko kenka.

\s5
\v 37 Ket palubosannak nga agawid iti pagtaengak, gapu ta idiay ti kayatko a pakatayan, iti asideg ti tanem dagiti nagannakko. Ngem adtoy ti putotko a ni Kimham. Ipalubosmo a kumuyog kenka ket pagserbiannaka, Natan-ok nga Ari, ket aramidem kenkuana ti naimbag nga ammom para kenkuana!"

\s5
\v 38 Simmungbat ti ari, "Nasayaat unay no kasta, kumuyog isuna kaniak nga agballasiw iti karayan, ket aramidek kenkuana ti aniaman a nasayaat para kenka. Ken aramidek para kenka ti aniaman a kayatmo nga aramidek."
\v 39 Ket binallasiw ni Ari David ken dagiti amin a dadduma pay ti Karayan Jordan. Inagkanna ni Barsillai ken dinawatna ti Dios a bendisionanna isuna. Kalpasanna, nagawid ni Barsillai iti pagtaenganna.

\s5
\v 40 Kalpasan a naballasiwda ti karayan, simmurot ni Kimham iti ari, ken dagiti amin nga armada ti Juda ken kagudua ti armada dagiti dadduma a tribu dagiti Israelita a nangkuyog ti ari idiay Gilgal.
\v 41 Kalpasanna, napan iti ayat ti ari dagiti amin a soldado manipud kadagiti dadduma a tribu dagiti Israelita ket kinunada, "Apay nga inyadayodaka manipud kadakami dagiti kabagiantayo, dagiti tattao manipud iti Juda, ken kayatda nga isuda laeng ti mangkuyog kenka ken iti pamiliam iti ballasiw ti karayan, a kaduam dagiti amin a tattaom?" Apay ta saanmo a kiniddaw kadakami a mangaramid iti dayta?"

\s5
\v 42 Simmungbat dagiti soldado iti Juda, "Inaramidmi daytoy gapu ta ti ari ket taga-Juda. Apay a makaungetkayo gapu iti daytoy? Saan pulos a nagbayad ti ari para iti taraonmi, ken pulos a saannakami nga inikkan ti aniaman a sagsagut."
\v 43 Simmungbat dagiti tattao kadagiti sabali a tribu ti Israel, "Adda ti sangapulo a tribu ti Israel, ket maymaysa laeng iti Juda. Isu a maminsangapulo ti kaadu ti karbenganmi a mangibaga a ni David ti arimi ngem kadakayo a mangibaga iti dayta. Isu nga apay a dillawendakami? Dakami ti pudno nga immuna a nagtutungtong ti maipapan iti pannakaisubli ni David iti Jerusalem tapno agbalin manen nga arimi.'" Ngem nagsao dagiti tattao ti Juda a nagubgubsang pay ngem iti panagsao dagiti tattao manipud kadagiti sabali a tribu ti Israel.

\s5
\c 20
\p
\v 1 Adda met ti maysa a lalaki idiay Gilgal a managan ti Siba. Isuna ti lalaki a masansan nga agparnuay iti ririrbuk. Naggapu isuna iti tribu ti Benjamin a putot ni Bikri. Pinuyotanna ti trumpeta ket impukkawna, "Awan ti maaramidantayo kenni David, dayta a putot ni Jesse! Isu a, datayo a tattao ti Israel, agawidtayon kadagiti pagtaengantayo!"
\v 2 Isu a pinanawan amin dagiti tattao manipud kadagiti tribu ti Israelita ni David ket simmurotda kenni Siba, ngem nagtalinaed iti ayan ni David dagiti tattao ti Juda. Kayatda isuna nga agbalin nga arida, ket simmurotda kenkuana manipud iti asideg ti Karayan Jordan a simmang-at idiay Jerusalem.

\s5
\v 3 Idi dimteng ni David iti palasio idiay Jerusalem, innalana dagiti sangapulo a tagabu nga assawana nga imbatina a nangtaripato iti palasio ket impanna ida iti sabali a balay. Nangikabil iti guardia iti dayta a balay, ket impaayna kadakuada dagiti kasapulanda, ngem saanen a nakikaidda pay isuna kadakuada. Nagtalinaedda ngarud a naiserraan iti balayda agingga a natayda. Nagbalinda a kasla balo.

\s5
\v 4 Maysa nga aldaw kinuna ti ari kenni Amasa, "Ayabam dagiti soldado ti Juda nga umayda ditoy iti uneg ti tallo nga aldaw, ket masapul nga addaka met ditoy."
\v 5 Isu a napan inayaban ida ni Amasa, ngem saan a nagsubli isuna iti tiempo nga imbaga ni David kenkuana.

\s5
\v 6 Isu a kinuna ni David kenni Abisai, "Ita, dangrannatayon ni Siba iti nalablabes pay ngem iti inaramid ni Absalom. Isu nga alaem dagiti soldadok ket kamatenyo isuna. No saanyo nga aramiden dayta, mabalin a sakupenna agraman dagiti soldadona dagiti natalged a siudad ket malibasannatayo."
\v 7 Isu a pinanawan ni Abisai, Joab, dagiti bantay ti ari ken dagiti dadduma a soldado ti Jerusalem tapno kamatenda ni Siba.

\s5
\v 8 Idi nakadanonda iti ayan ti dakkel a bato idiay rehion ti Gabaon, sinabat ida ni Amasa. Nakaarruat ni Joab iti armas a pakigubat ken adda ti naigalot a kampilan iti barikesna. Idi naasetgan ni Joab ni Amasa, binaybay-anna a matnag ti kampilan iti daga.

\s5
\v 9 Kinuna ni Joab kenni Amasa, "Naimbag kadi ti amin kenka, gayyemko?" Ket iniggaman ni Joab ti barbas ni Amasa iti kannawan nga imana, tapno agkanna isuna.
\v 10 Ngem saan a nakita ni Amasa nga adda ti sabali nga ig-iggaman ni Joab nga imuko iti maysa nga imana. Induyok ni Joab daytoy iti buksit ni Amasa, ket natnag iti daga dagiti nagunegna. Natay a dagus ni Amasa. Saanen nga inulit a dinuyok ni Joab isuna. Ket intuloy a kinamat ni Joab ken iti kabsatna a ni Abisai ni Siba.

\s5
\v 11 Nagtakder ti maysa kadagiti soldado ni Joab iti abay ti bangkay ni Amasa ket impukkawna, "Siasinoman a mayat nga agbalin a pangulotayo ni Joab ken siasino a mayat nga agbalin nga aritayo ni David ket sumurot kenni Joab!
\v 12 Naidasay ti bangkay ni Amasa iti dalan. Nalapunos daytoy iti dara. Nakita ti soldado ni David a nagpukkaw nga adu kadagiti dadduma a soldado ni Joab ti sumardeng a mangkita iti daytoy, isu nga ingguyodna ti bangkay ni Amasa nga impanaw iti dalan, impanna iti tay-ak ket inabbonganna iti lupot ti bangkay.
\v 13 Kalpasan a naipanaw ti bangkay manipud iti dalan, simmurot amin dagiti soldado kenni Joab tapno kamatenda ni Siba.

\s5
\v 14 Linabsan ni SIba dagiti amin a tribu ti Israel, ket dimteng iti siudad ti Abel Bet Maaca iti amianan a paset ti Israel. Naguummong amin sadiay dagiti kamkameng ti puli ti amana a ni Bikri ket simmurotda kenni Siba idiay siudad.
\v 15 Naduktalan dagiti soldado a kakadua ni Joab a naggapu sadiay ni Siba, isu a napanda sadiay ket pinalawlawanda ti siudad. Nangipasdekda iti bunton ti daga iti likudan ti pader ti siudad. Binagbagda pay ti likudan ti pader tapno marba daytoy.
\v 16 Kalpasanna, nagtakder ti maysa a masirib a babai nga adda iti dayta nga ili iti rabaw ti pader ket impukkawna, "Dumngegkayo kaniak! Ibagayo kenni Joab nga umay ditoy, gapu ta kayatko a katungtong isuna!"

\s5
\v 17 Isu a kalpasan nga imbagada kenni Joab, napan isuna sadiay, ket kinuna ti babai, "Sika kadi ni Joab?" Insungbatna, "Wen, siak." Kinuna ti babai kenkuana, "Dumngeka iti ibagak." Insungbatna, "Dumdumngegak."
\v 18 Kinuna ti babai, "Iti nabayagen a panawen, kanayon nga ibaga dagiti tattao, 'Mapanka iti ili ti Abel a mangala iti naimbag a pammagbaga maipapan iti parikutmo.' Ket dayta ti inar-aramid dagiti tattao.
\v 19 Natalna ken napudnokami nga Israelita. Napateg ken mararaem dagiti tattaomi ditoy. Apay ngarud a padpadasenyo a dadaelen ti siudad a kukua ni Yahweh?"

\s5
\v 20 Insungbat ni Joab, "Pudno a pulos a saanko a kayat a rebbaen wenno dadaelen ti siudadyo!
\v 21 Saan a dayta ti kayatmi nga aramiden. Ngem ni Siba a putot a lalaki ni Bikri, maysa a tao manipud iti turod a disso iti tribu ti Efraim, ket agrebrebelde kenni Ari David. Ipaimayo kadakami daytoy a tao, ket pumanawkami manipud iti daytoy nga ili." Simmungbat ti babai kenni Joab, "Nasayaat no kasta; putdenmi ti ulona ket ipurwakmi kadakayo ti ulona iti ngatoen ti pader."
\v 22 Kalpasanna, napan daytoy a babai kadagiti panglakayen iti ili ket imbagana kadakuada ti imbagana kenni Joab. Isu a pinutedda ti ulo ni Siba sada impurwak iti bangir ti pader kenni Joab. Ket pinuyotan ni Joab ti trumpetana tapno ipasimudaagna a nalpasen ti gubat, ket pinanawan amin dagiti soldadona ti ili ket nagsublida kadagiti pagtaenganda. Nagsubli ni Joab iti Jerusalem ket imbagana iti ari ti napasamak.

\s5
\v 23 Ni Joab ti pangulo iti entero nga armada dagiti Israelita. Ni Jehoyada a putot ni Banayas ti pangulo dagiti guardia ni David.
\v 24 Ni Adoram ti mangkita kadagiti tattao a kapilitan nga agtrabaho para iti ari. Ni Ahilut a putot ni Jehosafat iti mangibaga kadagiti tattao dagiti amin nga inkeddeng ni David.
\v 25 Ni Siva ti opisial a sekretario. Da Zadok ken Abiatar dagiti papadi,
\v 26 ken ni Ira a naggapu iti ili ti Jair ket maysa pay kadagiti papadi ni David.

\s5
\c 21
\p
\v 1 Adda iti napasamak a panagbisin idiay Israel iti tallo a tawen iti tiempo a nagturay ni David. Nagkararag ni David kenni Yahweh maipanggep iti daytoy. Ket kinuna ni Yahweh, "Tapno malpas ti panagbisin, masapul a madusa ti pamilia ni Saul gapu ta adu a tattao ti pinapatay ni Saul manipud iti siudad ti Gabaon."

\s5
\v 2 Dagiti tatttao ti Gabaon ket saanda a naiyanak nga Israelita. Bassitda a bunggoy dagiti Amorita, a sipapasnek nga insapata dagiti Israelita a salaknibanda idi rinaotda ti daga ti Canaan. Ngem ingkagumaan ni Saul a papatayen amin ida gapu ta kasta unay ti gagarna a dagiti laeng tattao ti Juda ken Israel ti agnaed iti dayta a daga. Isu a pinaayaban ti ari dagiti pangulo iti Gabaon
\v 3 ket kinunana kadakuada, "Ania ti rumbeng nga aramidek para kadakayo? Kasanok a masupapakan iti naimbag ti dakes nga inaramid ni Saul kadagiti tattaoyo, tapno bendisionandakami a kukua ni Yahweh ken nabendisionan kadagiti adu unay a banbanag manipud kenkuana?"

\s5
\v 4 Insungbatda, "Saanmo a marisut ti ririmi kenni Saul ken iti pamiliana babaen iti panangtedmo kadakami iti pirak wenno balitok. Ken awan met ti karbenganmi a pumatay ti siasinoman nga Israelita." Isu a dinamag ni David, "Ket ania ngarud ti maibagayo nga aramidek para kadakayo?"

\s5
\v 5 Insungbatda, "Kinayat ni Saul a pukawennakami. Kayatna idi nga ikisapnakami amin, tapno awan kadakami ti siasinoman nga agnaed iti sadinoman iti Israel. Ipaimam kadakami ti pito kadagiti kaputotan ni Saul.
\v 6 Bitayenmi ida idiay Gabaon a pagdaydayawan kenni Yahweh, ti siudadmi, ti siudad a nagnaedan ni Saul a pinili ni Yahweh nga agbalin nga ari." Insungbat ti ari, "Naimbag unay no kasta, ipaimak ida kadakayo."

\s5
\v 7 Saan nga impaima kadakuada ti ari ti apoko ni Saul a ni Mefiboset, gapu iti sipapasnek a nagkinnarianda kenni Jonatan nga ama ni Mefiboset.
\v 8 Ngem ketdi, innalana dagiti dua nga annak a lallaki ni Rispa ken Saul, a managan Armoni ken Mefiboset-- ni Rispa ket anak a babai ni Aia ken adipen nga asawa idi ni Saul; innala met ni David dagiti lima nga annak a lallaki ni Merab, nga anak a babai ni Saul. Ti asawa ni Merab ket ni Adriel a putot a lalaki ni Barzillai, a nagtaud iti siudad ti Mehola.
\v 9 Impaima ni David dagitoy a lallaki kadagiti tattao ti Gabaon. Innalda dagdiay a pito a lallaki idiay Gabaon ket binitayda ida iti turod a pagdaydayawanda kenni Yahweh. Natayda kabayatan ti tiempo ti tawen a mangrugin dagiti tattao nga agapit ti sebada.

\s5
\v 10 Ket nangala ni Rispa iti nakersang a lupot a naaramid manipud iti buok ti kalding, ket inyaplagna iti rabaw ti dakkel a bato a nakaipaiddaan dagiti bangkay. Nagtalinaed isuna sadiay manipud iti tiempo nga irugin dagiti tattao ti agapit iti sebada agingga a mangrugin nga agtudo. Saanna a pinalubosan ti aniaman a billit nga umasideg kadagiti bangkay kabayatan ti aldaw, ken saanna a pinalubosan ti aniaman nga ay-ayup nga umasideg kabayatan ti rabii.
\v 11 Adda ti nangibaga kenni David iti inaramid ni Rispa.

\s5
\v 12 Isu a napan isuna idiay Jabes iti rehion ti Galaad a kaduana dagiti sumagmamano kadagiti adipenna ket innalada dagiti tultulang ni Saul ken ti anakna a ni Jonatan. Tinakaw dagiti tattao ti Jabes dagiti tultulangda manipud idiay plasa ti siudad ti Bet-san, a nangbitayan kadakuada dagiti tattao iti Filistia iti aldaw a pinatayda ni Saul ken Jonatan idiay Bantay Gilboa.
\v 13 Innala ni David ken dagiti tattaona dagiti tultulang da Saul ken Jonatan, ken innalada met dagiti tultulang dagiti pito a lallaki manipud Gabaon a naibitay.

\s5
\v 14 Napan dagiti adipen ni David idiay nakaitaneman ti ama ni Saul a ni Kis, iti siudad ti Sela iti daga ti tribu ti Benjamin. Sadiay met ti nangitanemanda kadagiti tultulang ni Saul kenni Jonatan. Iti kastoy a wagas, inaramidda amin dagiti imbilin ti ari nga aramidenda. Kalpasan dayta, gapu ta nakita ni Yahweh a nadusan ti pamilia ni Saul a bayad iti panangpapatay ni Saul kadagiti adu a tattao ti Gabaon, sinungbatanna dagiti kararag dagiti Israelita para iti dagada, ket linippasnan ti panagbisin.

\s5
\v 15 Rinugian manen dagiti armada ti Filistia ti nakiranget kadagiti armada ti Israel. Ket napan rinanget da David ken dagiti soldadona ida. Kabayatan ti gubat, nabannog ni David.
\v 16 Ipagarup ti maysa kadagiti Filisteo a mapapatayna ni David. Ti naganna ket Isbibenob. Kaputotan isuna ti bunggoy dagiti higante. Nakaiggem isuna ti bronse a gayang nga agdagsen iti agarup tallo ket kagudua a kilo ken addaan met isuna ti baro a kampilan.
\v 17 Ngem dimteng ni Abisai a timmulong kenni David, ket dinarupna ti higante ket pinatayna isuna. Kalpasanna, pinilit dagiti soldado ni David nga agkari isuna a saanen a sumurot pay kadauada a makigubat. Kinunada kenkuana, "No matayka, ket awan ti siasinoman kadagiti kaputotam ti agbalin nga ari, dayta ket kasla pannakaiddep ti maudi a silaw ti Israel."

\s5
\v 18 Iti sumagmamano a tiempo kalpasan dayta, adda ti pannakigubat ti armada ti Filistia iti asideg ti tanap ti Gob. Kabayatan ti gubat, pinatay ni Sebecai a nagtaud iti puli ti Husa ni Saf a maysa kadagiti kaputotan dagiti higante ti Rafa.
\v 19 Saan a nagbayag, adda manen ti pannakigubat ti Filistea idiay Gob. Kabayatan dayta a gubat, pinatay ni Elhanan a putot ni Jair manipud idiay Betlehem ti kabsat ni Goliat manipud idiay Gat, a kasta unay ti kapuskol ti putan ti gayangna, kas iti poste ti pagabelan.

\s5
\v 20 Saan a nagbayag, adda manen ti sabali a gubat iti asideg ti Gat. Adda ti kasta unay ti kadakkelna a tao sadiay a kaykayatna iti makiranget kadagiti gubgubat. Addaan isuna iti innem a ramay iti tunggal imana ken innem a ramay met iti tunggal sakana. Nagtaud isuna manipud kadagiti higante ti Rafa.
\v 21 Ngem idi linaisna dagiti tattao ti armada dagiti Israelita, pinatay isuna ni Jonatan a putot ni Samma, a manong ni David.
\v 22 Dagidiay nga uppat a lallaki ket sumagmamano kadagiti kaputotan dagiti higante a Rafa a nagnaed idiay Gat, a pinatay ni David ken dagiti soldadona.

\s5
\c 22
\p
\v 1 Kalpasan iti panangispal ni Yahweh kenni David manipud kenni Saul ken kadagiti dadduma pay a kabusorna, nangipaay ni David iti kanta para kenni Yahweh.
\v 2 Daytoy ti kinantana: "Yahweh, kaiyarigam ti dakkel a bato iti ngato a mabalinko a paglemmengan. Kaiyarigam ti maysa a sarikedked, ket is-ispalennak.

\s5
\v 3 Yahweh, salsalknibannak. Kaiyarigam ti maysa a kalasag, ket sika ti mannakabalin a mangisalsalakan kaniak. Kaiyarigam ti maysa a lugar a mabalin a pagkamangak. Isalsalakannak manipud kadagiti agar-aramid iti kinaranggas kaniak.
\v 4 Umaw-awagak kenka Yahweh. Maikarika a padayawan, ken is-ispalennak manipud kadagiti kabusorko.

\s5
\v 5 Dandaniak natay. Kasla adda dakkel a dalluyon a nangdungpar kaniak, ket dandaninak a dinadael a kas iti panangdadael iti layus.
\v 6 Ti ammok ket matayakon. Kasla pinulipulannak ni patay iti tali; ken kasla addaak iti palab-og nga isu ti pakatayak.

\s5
\v 7 Ngem iti tiempo a mariribukanak iti kasta unay, immawagak kenka, Yahweh. Immawagak kenka, Diosko. Nangngegnak manipud iti templom. Dimngegka idi nagpatulongak kenka.

\s5
\v 8 Ket kasla naggingined ken nagungon ti daga. Kasla nagunggon dagiti pundasion a mangtengtengngel iti tangatang, gapu ta nakapungtotka.
\v 9 Kasla adda asuk a rimmuar manipud kadagiti abut ti agongmo, kastamet a kasla adda dumardarang a beggang ken apuy a makapuor iti uray ania a banag ti rimmuar iti ngiwatmo.

\s5
\v 10 Linuktam dagiti tangatang ket bimmabaka. Adda napuskol a nangisit nga ulep iti babaen dagiti sakam.
\v 11 Nakasakayka iti adda payyakna a parsua iti panagdaliasatmo iti tangatang. Inikkannaka ti angin iti kabaelan a makapagdaliasat a sipapartak, a kas iti billit.
\v 12 Binungonnaka ti sipnget, a kas iti ules, linikmotnaka ti napuskol nga ulep a napunno iti danum.

\s5
\v 13 Manipud iti kimat iti sangngoanam ket simged ti apuy a nagtaud iti dumardarang a beggang.
\v 14 Kalpasanna, Yahweh, nagsaoka a kasla gurruod manipud iti tangatang. Timekmo ti nangngeg, Apo Dios, sika a nain-indaklan ngem kadagiti dadduma a dios.
\v 15 Idi nangiyegka kadagiti kanabsiit ti kimat, kasla imbiatmo dagiti panam ken winarawaram dagiti kabusormo.

\s5
\v 16 Ket nagparang ti lansad ti taaw. Mabalinen a makita dagiti pundasion ti lubong idi nagpukkawka, a napanmo ginubat dagiti kabusormi ken sipupungtotka kadakuada.

\s5
\v 17 Yahweh, ginaw-atnak manipud langit ken intag-aynak. Ginuyodnak nga impangato manipud iti adalem a danum.
\v 18 Inispalnak manipud kadagiti napipigsa a kabusorko, manipud kadagiti nanggura kaniak. Saanko ida a maparmek gapu ta napigsada unay.

\s5
\v 19 Dinarupdak idi madama a marirriribukannak, ngem Yahweh, sinalaknibannak.
\v 20 Impannak iti maysa a lugar a natalgedak. Inispalnak gapu ta naay-ayoka kaniak.
\v 21 Yahweh, ginungunaannak gapu ta ar-aramidek ti rumbeng. Nagaramidka kadagiti nasayaat a banbanag para kaniak gapu ta awan nagbasolak.

\s5
\v 22 Yahweh, tinungpalko dagiti linlintegmo. Saanak a timmallikod kenka, Diosko.
\v 23 Amin dagiti bilinmo ket adda ditoy panunotko, ken saanak a timmallikod manipud iti panagtulnogko kadagiti amin a bilinmo.

\s5
\v 24 Ammom nga awan inaramidko a kinadakes. Inyadayok ti bagik manipud iti panangaramid kadagiti banbanag a makagapu tapno dusaennak.
\v 25 Isu a ginungunaannak gapu iti panangaramidko iti rumbeng, gapu ta ammom nga awan nagbasolak iti panagaramid kadagiti dakes a banbanag.

\s5
\v 26 Yahweh, napudnoka kadagiti kankanayon nga agtaltalek kenka, ken kanayonmo nga ar-aramiden ti nasayaat kadagiti kanayon a naimbag ti kagagaladna.
\v 27 Sipupudnoka kadagiti nadalus ti kaungganna, ngem naungetka kadagiti dakes ti aramidna.

\s5
\v 28 Is-ispalem dagiti napakumbaba, ngem kitkitaem dagiti napalangguad ket pabainam ida.
\v 29 Yahweh, maiyarigka iti pagsilawan nga aglawag no addaak iti kasipngetan.

\s5
\v 30 Babaen iti pigsam mabalinko a sarangten ti linia dagiti soldado a mangbalballangan iti dalanko; mabalinko nga ulien dagiti pader a nakapalawlaw iti siudadda.
\v 31 Diosko a daydayawek, amin a banbanag nga ar-aramidem ket awan pagkuranganna. Ar-aramidem a kanayon no ania ti inkarim nga aramiden. Maiyarigka iti kalasag kadagiti amin a mangkiddaw kenka a salaknibam ida.

\s5
\v 32 Yahweh, siksika laeng ti Dios. Sika laeng ti maiyarig iti dakkel a bato nga adda iti tapaw a pakasalaknibanmi.
\v 33 Apo Dios, sika a daydayawek ket nabileg a pagkamangak. Idaldalanmo ti siasinoman a nasin-aw iti dalan a rumbeng a papananna.

\s5
\v 34 No magnaak kadagiti banbantay, sika ti mangipapaay iti kabaelak tapno makapagnaak a sitatalged a kas iti panagtartaray iti ugsa, a saan a maitibtibkol.
\v 35 Insuronak no kasano ti makiranget iti gubat tapno maibiatko a nasayaat dagiti sikkubeng ti natibker a bai.

\s5
\v 36 Kasla inikkannak iti kalasagko, ket babaen iti daytoy, insalakannak, ken sinungbatam dagiti kararagko ken pinagbalinnak a nalatak.
\v 37 Saanmo nga impalubos a matiliwdak dagiti kabusorko, ken saanak a napasag kabayatan iti gubat.

\s5
\v 38 Kinamatko dagiti kabusorko ket pinarmekko ida. Saanak a nagsardeng a nakirinnanget kadakuada agingga a natayda amin.
\v 39 Pinasagko ida. Dinuyokko ida babaen iti kampilak, ket natuangda iti sakaanak ket saandan a nakabangon pay.

\s5
\v 40 Inikkannak iti pigsa a makigubat ket pinasagko dagiti mangdardarup kaniak; imbaddebaddekko ida.
\v 41 Pinagsanudmo dagiti kabusorko ket intarayandak. Dinadaelko dagiti gimmura kaniak.

\s5
\v 42 Nangsapulda iti mangispal kadakuada ngem awan iti nangispal kadakuada. Immawagda kenka nga agpatpatulong, Yahweh, ngem saanmo ida a sinungbatan.
\v 43 Tinumekko ida, ket nagbalinda a kasla napino a tapok. Binaddekak ida, ket nagbalinda a kasla pitak kadagiti kalsada.

\s5
\v 44 Inispalnak manipud kadagiti nangpadas a mangsalungasing kaniak, ket dinutukannak a mangituray kadagiti adu a nasion. Dagiti tattao a saanko nga am-ammo idi ket addada itan iti babaen iti turayko.
\v 45 Dagiti gangannaet ket sipapakumbaba a nagtamed iti sangoanak. Apaman a nangngeganda ti maipapan kaniak, nagtulnogda kaniak.
\v 46 Nabutnganda, ket immasidegda kaniak, nga agtigtigerger, manipud kadagiti lugar a paglemlemmenganda.

\s5
\v 47 Yahweh, sibibiagka! Idaydayawka! Kaiyarigam iti dakkel a bato iti tapaw no sadino ket natalgedak! Sika ti mangis-ispal kaniak. Rumbeng nga itan-oknaka ti tunggal maysa.
\v 48 Inikkannak iti kabaelan a mangparmek kadagiti kabusorko, ket pinaiturayam kaniak dagiti tattao iti sabali a nasion.
\v 49 Insalakannak manipud kadagiti kabusorko, ket ad-adda pay a pinaidayawanak ngem isuda. Inispalnak manipud kadagiti tattao a kanayon nga agtigtignay a siraranggas.

\s5
\v 50 Gapu amin kadagitoy, idaydayawka manipud kadagiti adu a bunggoy iti tattao, ken agkantaak a mangidaydayaw kenka.
\v 51 Ik-ikkannak iti kabaelan, kas dinutokam nga agbalin nga ari, a mangparmek kadagiti kabusorko. Ay-ayatennak a sipupudno, siak a ni David, ken ayatemto dagiti kaputotak iti agnanayon."

\s5
\c 23
\p
\v 1 Ni David a putot ni Jesse, ket maysa a lalaki a pinagbalin ti Dios a naindaklan. Ti Dios a pinagrukbaban ni Jacob ti namagbalin kenkuana nga ari iti Israel. Nangisurat ni David kadagiti napipintas a kanta para kadagiti tattao iti Israel. Daytoy ti maudi a kanta nga insuratna:
\v 2 "Imbaga kaniak ti Espiritu ni Yahweh no ania ti ibagak. Naggapu kenkuana ti mensahe nga ibagak.

\s5
\v 3 Nagsao ti Dios a pagrukrukbabanmi nga Israelita. Kinuna kaniak iti mangsalsalaknib kadakami a tattao ti Israel, 'Dagiti ari a nagturay kadagiti tattao nga awan idumdumana ket addaan iti nakaskasdaaw a panagraem kaniak, a Dios.
\v 4 Maiyarigda iti init a sumingsingising iti parbangon ken mangparusing kadagiti ruot kalpasan iti tudo.'

\s5
\v 5 Ken pudno, kastanto ti panangbendision ti Dios iti pamiliak gapu ta nakitulag isuna kaniak nga agpaot iti agnanayon, maysa a tulag a nangisapataanna nga awanto iti mabaliwan uray maysa a paset daytoy. Pudno a parang-ayennakto, ken kanayonnakto a tulungan, ket dayta ti amin a tarigagayko.

\s5
\v 6 Ngem pukawenna amin dagiti tattao a saan a agdayaw kenkuana, kas iti panangibelleng dagiti tattao kadagiti siit a mangdangran kadagiti tattao no padasenda a piduten dagitoy.
\v 7 Ti siasinoman a mangayat a mangikkat kadagitoy a siit ket saanna nga iggaman dagitoy, ngem mangaramat ketdi iti landok a pala wenno gayang tapno kalienna dagitoy ket kalpasanna puoranna dagitoy a mamimpinsan."

\s5
\v 8 Dagitoy dagiti nagnagan dagiti kasisiglatan a soldado ni David. Ti umuna ket ni Jesbaal, a nagtaud iti puli ni Hacmon. Isuna ti pangulo dagiti kasisiglatan a soldado. Adda naminsan a nakiranget isuna kadagiti walo gasut a kabusor ket pinatayna ida amin babaen iti gayangna.

\s5
\v 9 Ti maikadua kadagiti kasisiglatan a mannakigubat ket ni Eleazar a putotni Dodo, a nagtaud iti puli ni Aho. Maysa nga aldaw, kaduana ni David idi rautenda dagiti soldado ti Filistia a naguummong sadiay tapno makigubat. Nagsanud dagiti dadduma a soldado nga Israelita,
\v 10 ngem nagtakder sadiay ni Eleazar ket rinangetna dagiti soldado ti Filistia agingga a nabannog dagiti takiagna, ket uray la simkil ti imana ket saannan a maibbatan ti kampilanna. Naindaklan ti panagballigi ni Yahweh iti dayta nga aldaw. Ket kalpasanna, nagsubli dagiti daduma a soldado nga Israelita iti ayan ni Eleazar, ket inikkatda dagiti kabal manipud kadagiti lallaki a pinatayna.

\s5
\v 11 Ti maikatlo kadagiti kasisiglatan a mannakigubat ket ni Samma a putot ni Age a nagtaud iti puli ni Harar. Iti naminsan, naguummong dagiti soldado a Filisteo iti siudad ti Lehi, iti ayan ti talon a namulaan iti bukbukel a kayatda a takawen. Intarayan dagiti dadduma a soldado nga Israelita dagiti bunggoy dagiti Filisteo,
\v 12 ngem nagtakder ni Samma iti talon ket saanna nga impalubos a takawen dagiti soldado a Filisteo dagiti bukel, ket pinatayna ida. Naindaklan ti panagballigi ni Yahweh iti dayta nga aldaw.

\s5
\v 13 Iti naminsan, idi umadanin a maapit dagiti mula, tallo kadagiti tallopulo a lallaki ti simmalog idiay Rukib ti Adullam, a pagigianan ni David. Impatakder ti bunggoy dagiti lallaki a manipud iti armada ti Filisteo dagiti kampoda iti Tanap ti Refaim nga asideg idiay Jerusalem.
\v 14 Adda idi ni David ken dagiti soldadona iti rukib gapu ta natalged sadiay, ken dagiti dadduma a bunggoy dagiti soldado a Filisteo ket saksakupenda ti Betlehem.

\s5
\v 15 Maysa nga aldaw, mawaw unay ni David ket kayatna ti uminom iti danum, ket kinunana, "Sapay koma ta adda mangyeg kaniak iti danum a nagapu idiay bubon nga adda iti asideg ti ruangan idiay Betlehem!"
\v 16 Isu a sinarakusok dagiti tallo a kasisiglatan a soldadona ti kampo dagiti soldado a Filisteo ket simmakdoda iti danum manipud iti bubon, ket inyegda kenni David. Ngem saanna nga ininum daytoy. Ngem ketdi, imbukbokna daytoy iti daga kas daton kenni Yahweh.
\v 17 Kinunana, "Yahweh, saan a rumbeng nga inumek daytoy a danum! Ta kasko la in-inumen ti dara dagitoy a lallaki a sipapalubos a matay para kaniak!" Isu a saanna nga ininum daytoy. Dayta ti maysa kadagiti banbanag nga inaramid dagiti tallo a nasisiglat a mannakigubat.

\s5
\v 18 Ni Abisai nga adingen ni Joab ti pangulo dagiti kasisiglatan a soldado ni David. Iti naminsan, nakiranget isuna kadagiti tallo gasut a lallaki ket pinatayna ida babaen iti gayangna. Kas nagbanaganna, nagbalin met isuna a nalatak.
\v 19 Isuna ti kalalatakan kadagiti kasisiglatan a soldado, ket nagbalin isuna a panguloda, uray saan isuna a maysa kadagiti tallo a kasisiglatan a mannakigubat.

\s5
\v 20 Ti putot ni Jehoyada a ni Benaias, a naggapu iti siudad ti Kabzeel, ket nakaaramid met kadagiti naindaklan nga aramid. Pinatayna ti dua kadagiti kalalaingan a mannakigubat manipud iti bunggoy dagiti tattao ti Moab. Bimmaba pay isuna iti maysa nga abot iti aldaw nga agtudtudo iti niebe ket pinatayna ti maysa a leon sadiay.
\v 21 Pinatayna pay ti maysa a dakkel a soldado a nakagayang manipud idiay Egipto. Pang-or laeng ti adda kenni Benaias, ngem dinarupna ti higante babaen iti daytoy. Ket inagawna ti gayang iti ima ti lalaki ket pinatayna isuna babaen iti bukodna a gayang.

\s5
\v 22 Dagidiay dagiti sumagmamano a banag nga inaramid ni Benaias. Kas nagbanaganna, nagbalin isuna a nalatak, kas kadagiti tallo a kasisiglatan a mannakigubat.
\v 23 Ad-adda a naidayaw isuna ngem dagiti dadduma a kasisiglatan a soldado, ngem saan a kas iti kinalatak dagiti tallo a kasisiglatan. Dinutokan isuna ni David nga agbalin a pangulo dagiti guardiana.

\s5
\v 24 Dagitoy dagiti nagan dagiti nasisiglat a mannakigubat: Ni Asael nga adingen ni Joab, ni Elhanan a putot ni Dodo a taga-Betlehem,
\v 25 ni Samma ken Elika a nagtaud iti puli ni Harod,
\v 26 ni Helez a taga-siudad iti Pelet, ni Ira a putot ni Ikkes a taga-siudad iti Tekoa,
\v 27 ni Abiezer a taga-siudad iti Anatot, ni Mebunnai a ti sabali pay a naganna ket Sibbecai a nagtaud iti puli ni Husa,
\v 28 ni Zalmon a ti sabali pay a naganna ket Ilai a nagtaud iti puli ni Aho, ni Maharai a taga-siudad iti Netofa,

\s5
\v 29 ni a putot ni Baana a taga-Netofa met laeng, ni Ittai a putot ni Ribai a taga-siudad iti Gabaa ti daga a kukua iti tribu ti Benjamin,
\v 30 ni Benaias a taga-siudad iti Piraton, ni Hiddai a manipud kadagiti tanap iti asideg ti tanap ti Gaas,
\v 31 ni Abialbon a nagtaud iti puli ti Araba, ni Asmabet a taga-siudad iti Bahurim,
\v 32 ni Elisaba a taga-siudad iti Saalbon, dagiti putot ni Jasen, ni Jonatan;

\s5
\v 33 ni Samma a taga-siudad iti Harar, ni Ahiam a putot ni Sarar a taga-Harar,
\v 34 ni Eleifelet a putot ni Ahasbai a taga-siudad iti Maaca, ni Eliam nga anak ni Ahitofel a taga-siudad iti Gilo,
\v 35 ni Hezro a taga-siudad iti Carmel, ni Paarai a taga-siudad iti Arba,
\v 36 ni Igal a putot ni Natan a taga-siudad iti Soba, ni Bani a nagtaud iti tribu ti Gad;

\s5
\v 37 ni Zelek a nagtaud iti bunggoy dagiti tattao iti Ammon, ni Naharai a para-awit iti igam ni Joab a taga-siudad iti Beerot,
\v 38 ni Ira ken ni Gareb a taga-siudad iti Jattir,
\v 39 ni Urias nga asawa ni Batseba, a nagtaud iti bunggoy dagiti tattao iti Het. Tallopulo ket pito amin ti pakadagupan dagiti nalalatak a soldado.

\s5
\c 24
\p
\v 1 Nakapungtot manen ni Yahweh kadagiti Israelita, isu a imbagana kenni David a mangipaay isuna iti didigra kadakuada. Kinunana kenni David, "Mangibaonka iti sumagmamano a lallaki a mangbilang kadagiti tattao ti Israel ken Juda."
\v 2 Imbaga ngaarud ti ari kenni Joab, a pangulo ti armadana, "Mapanka iti entero a tribu ti Israel a kaduam dagiti opisialesmo, manipud Dan iti amianan agingga iti Beerseba iti abagatan, ket bilangem dagiti tattao tapno maammoak no mano ti mabalin nga agsoldado iti armada."

\s5
\v 3 Ngem insungbat ni Joab iti ari, "Natan-ok nga Ari, paaduen koma ni Yahweh a Diostayo iti mamingasut a daras ti kaadu dagiti tattao nga adda ita idiay Israel, ket tarigagayak a makitam koma dayta a mapasamak sakbay a matayka. Ngem apay a kayatmo nga aramidenmi daytoy?"
\v 4 Ngem binilin ti ari ni Joab ken dagiti opisialesna nga aramiden daytoy. Isu a pinanawanda ti ari ket rimmuarda tapno bilangenda dagiti tattao iti Israel.

\s5
\v 5 Binallasiwda ti Karayan Jordan ket impatakderda ti toldada iti abagatan ti Aroer, iti tengnga ti tanap, iti daga a naited iti tribu ti Gad. Manipud sadiay, nagpaamiananda a napan idiay Jazer. Ket nagpaamiananda agingga idiay Gilead ken idiay Kades, iti daga a nagnaedan dagiti bunggoy ti tattao ti Het.
\v 6 Kalpasanna, napanda idiay Dan iti amianan ti Israel, sada nagpalaud idiay Sidon nga asideg iti Baybay Mediterranean.
\v 7 Kalpasanna ket nagpaabagatanda idiay Tiro, ti siudad nga addaan iti nangangato a pader iti aglawlawna, ken kadagiti amin a siudad a pagnanaedan dagiti Hiveo ken Cananeo. Ket nagpadayada idiay Beerseba, ti akin abagatan a let-ang iti Juda.

\s5
\v 8 Kalpasan iti siam a bulan ken duapulo nga aldaw, idi nalpasdan a sinursor ti entero a daga ken binilang dagiti tattao, nagsublida idiay Jerusalem.
\v 9 Impadamagda iti ari ti bilang dagiti tattao a nabilangda. Adda 800,000 a lallaki iti Israel ken 500,000 a lallaki iti Juda a mabalin nga agsoldado iti armada.

\s5
\v 10 Ngem kalpasan a binilang dagiti tattao ni David dagiti tattao, nagbabawi ni David iti panangibagana nga aramidenda daytoy. Maysa a rabii, imbagana kenni Yahweh, "Nakaaramidak iti nakadakdakkel a basol. Pangaasim ta pakawanennak, gapu ta minamaag unay ti inaramidko."

\s5
\v 11 Idi bimmangon ni David iti kabigatanna, nangted ni Yahweh iti mensahe kenni Gad a profeta. Kinunana kenkuana,
\v 12 "Mapanka ket ibagam daytoy kenni David, 'Palubosanka nga agpili iti maysa kadagitoy tallo a banag a pangdusak kadakayo. Aramidek no aniaman ti piliem kadagitoy.'"

\s5
\v 13 Isu a napan ni Gad kenni David ket imbagana ti kinuna ni Yahweh. Kinunana kenni David, "Mabalinmo a pilien no kayatmo a tallo a tawen nga adda panagbisin iti dagam, wenno tallo a bulan nga itartarayan ti armadam dagiti kabusormo, wenno tallo nga aldaw nga adda didigra iti dagam. Masapul a panunotem ti maipapan iti daytoy ken mangpilika iti maysa no ania ti kayatmo, ket ibagam kaniak, ket agsubliak kenni Yahweh tapno ibagak kenkuana no ania ti sungbatmo."
\v 14 Kinuna ni David kenni Gad, "Amin dagidiay ket nakabutbuteng a banag a pagpiliak! Ngem palubosam a dusaennak ni Yahweh, gapu ta manangaasi unay isuna. Saanmo nga ipalubos a dagiti tattao ti mangdusa kaniak, gapu ta saandanto a mangngaasi."

\s5
\v 15 Isu a nangiyeg ni Yahweh iti didigra kadagiti Israelita. Nangrugi iti dayta nga agsapa ken saan a nagsardeng agingga iti tiempo nga intudingna. Iti entero a daga, manipud Dan agingga Beerseba, ket adda natay a pitopulo a ribo nga Israelita gapu iti didigra.
\v 16 Idi inyunnat ti anghel ni Yahweh ti imana iti Jerusalem tapno dadaelenna dagiti tattao babaen iti daytoy a didigra, nagladingit ni Yahweh gapu iti panangdusana kadagiti ad-adu pay a tattao. Kinunana iti anghel a mangpatpatay kadakuada babaen iti didigra, "Isardengmo ti ar-aramidem! Kusto daytan!" Idi imbagana dayta, agtaktakder ti anghel iti daga a pagirikan ni Arauna a nagtaud iti bunggoy dagiti Jebuseo.

\s5
\v 17 Idi nakita ni David ti anghel a mangmangted iti pakaigappuan dagiti tattao nga agsakit ken matay, kinunana kenni Yahweh, "Pudno a siak ti nakaaramid iti basol. Nakaaramidak iti nadangkes unay a banag, ngem dagitoy a tattao ket awan basolda a kas iti karnero. Pudno a saanda a nakaaramid iti aniaman a banag a saan a nasayaat. Isu a siak ken ti pamiliak ti rumbeng a dusaem, saan ket a dagitoy a tattao!"

\s5
\v 18 Iti dayta nga aldaw, napan ni Gad iti ayan ni David ket kinunana kenkuana, "Sumang-atka iti disso a pagir-irikan ni Arauna, ket mangipatakderka iti altar a pangidaydayawam kenni Yahweh sadiay."
\v 19 Isu nga inaramid ni David ti imbaga ni Gad nga aramidenna, nga imbilin ni Yahweh, ket simang-at isuna sadiay.
\v 20 Idi timman-aw ni Arauna ket nakitana ti ari ken dagiti opisialesna nga umas-asidegda kenkuana, nagpakleb isuna a nakasagid ti rupana iti daga iti sangoanan ti ari.

\s5
\v 21 Kinuna ni Arauna, "Natan-ok nga Ari, apay nga immayka kaniak?" Insungbat ni David, "Immayak tapno gatangek daytoy a daga a pagir-irikam, tapno mangipatakderak iti altar ni Yahweh, ken mangidatagak kadagiti daton iti rabaw daytoy, tapno isardengnan ti didigra."
\v 22 Insungbat ni Arauna kenni David, "Natan-ok nga Ari, idatonmo kenni Yahweh ti aniaman a kayatmo. Adtoy, alaem dagiti bakak tapno mausar a kas daton a naan-anay a mapuoran iti altar. Ken adtoy, alaem dagiti sangolda ken dagiti pagirik, ket aramatem a pagsungrod.
\v 23 Siak ni Arauna, it-itedko amin dagitoy kenka nga arik." Ket kinunana, "Sapay koma ta awaten ni Yahweh a Diostayo ti datonmo."

\s5
\v 24 Ngem kinuna ti ari kenni Arauna, "Saan, saanko nga awaten dagitoy a banag kas sagut. Bayadak dagitoy kenka. Saanak a mangidaton kenni Yahweh iti saanko a ginatang ken idatonko dagitoy kenni Yahweh nga agbalin a daton a naan-anay a mapuoran iti rabaw ti altar." Isu a nagbayad isuna kenni Arauna iti limapulo a pidaso ti pirak para kadagiti baka ken iti daga.
\v 25 Ket nangipatakder ni David iti altar para kenni Yahweh, ket indatonna dagiti baka kas daton a naan-anay a mapuoran iti altar, ken nangidaton pay kadagiti daton a pakikappia kenni Yahweh. Kalpasanna, sinungbatan ni Yahweh dagiti kararag ni David, ket pinagsardengna ti didigra iti Israel.