See in Reader
1668 lines
175 KiB
Plaintext
1668 lines
175 KiB
Plaintext
\id 1SA
|
||
\ide UTF-8
|
||
\h I Samuel
|
||
\toc1 I Samuel
|
||
\toc2 I Samuel
|
||
\toc3 1sa
|
||
\mt I Samuel
|
||
|
||
\s5
|
||
\c 1
|
||
\p
|
||
\v 1 Adda maysa a lalaki nga agnagan iti Elkana nga agnanaed iti siudad ti Rama iti katurturodan a pagilian, a pagnanaedan dagiti tattao a tribu ti Efraim. Ti amana ket ni Jehoram, ni Eliu ti apongna, ken ni Tohu ti apongna iti tumeng. Maibilang isuna iti puli ni Zup.
|
||
\v 2 Adda dua nga asawana: Da Ana ken Fenina. Ita adda sumagmamano nga annak ni Fenina, ngem awan ti anak ni Ana.
|
||
|
||
\s5
|
||
\v 3 Maminsan iti tinawen a sumang-at ni Elkana kaduana ti pamiliana iti siudad ti Silo manipud Rama. Mapan isuna sadiay tapno agdayaw kenni Yahweh, a Mannakabalin-amin, ken mangisagut kadagiti daton kenkuana. Dagiti dua nga annak ni Eli, a da Ofni ken Finees, ket tultulonganda ni Eli nga amada a mangaramid iti trabaho a kas padi ni Yahweh sadiay.
|
||
\v 4 Tunggal agidaton ni Elkana sadiay, itedna kenni Fenina ti dadduma a karne ken ti dadduma ket itedna kadagiti annakna a lallaki ken babbai.
|
||
|
||
\s5
|
||
\v 5 Ngem itedna ti ad-adu a karne kenni Ana gapu ta ay-ayatenna unay isuna, uray saan nga impalubos ni Yahweh nga aganak isuna.
|
||
\v 6 Ngem ti sabali pay nga asawana, a ni Fenina, ket lalaisenna ni Ana tapno ipariknana a nakakaasi isuna, ipalpalagipna kenkuana a saan isuna a pinalubosan ni Yahweh nga aganak.
|
||
|
||
\s5
|
||
\v 7 Tinawen a mapaspasamak daytoy. Tunggal sumang-atda iti templo ni Yahweh idiay Silo, kankanayon nga uyawen ni Fenina ni Ana iti kasta unay a makagapu iti panagsangit ken saan a pannangan ni Ana.
|
||
\v 8 Ket kunkuna ni Elkana kenkuana, "Ana, apay nga agsangsangitka? Apay a saanka a mangmangan? Nalidayka unay! Awan duadua a nasaysayaat ti kaaddaak kenka a kas asawam ngem ti maaddaanka iti uray sangapulo nga annak a lalaki!"
|
||
|
||
\s5
|
||
\v 9 Maysa a tawen, kalpasan ti pannangan ken panagiinomda idiay Silo, timmakder ni Ana tapno agkararag. Ni Eli a padi ket adda iti asideg, agtugtugaw iti tugaw nga adda iti pagserkan ti tabernakulo ni Yahweh.
|
||
\v 10 Mariribukan unay ni Ana, ket nagsangit isuna a sililiday unay bayat nga agkarkararag kenni Yahweh.
|
||
|
||
\s5
|
||
\v 11 Nagsapatana isuna a kunana, "O Yahweh, a Mannakabalin-amin, no kitaennak ket makitam no kasano ti kinakakaasik, ken panunotem ti maipapan kaniak ken palubosannak a makaipasngay iti maysa a lalaki, ngarud, isagutkonto isuna kenka iti unos ti panagbiagna. Ket tapno maipakita a nailasin isuna nga agserbi kenka, awanto ti siasinoman a mapalubosan a mangpukis iti buokna."
|
||
|
||
\s5
|
||
\v 12 Bayat nga ikarkararagna ti kasta kenni Yahweh, nakita ni Eli a padi nga agkutikuti ti bibig ni Ana bayat nga agkarkararag isuna.
|
||
\v 13 Ngem siuulimek laeng nga agkarkararag ni Ana; saan isuna a nangparnuay iti aniaman nga uni. Isu nga impagarup ni Eli a nabartek isuna.
|
||
\v 14 Kinunana kenkuana, "Kasano pay kapaut ti panagbarbartekmo? Isardengmon iti panagin-inommo!"
|
||
|
||
\s5
|
||
\v 15 Simmungbat ni Ana, "Apo, saanak a nabartek! Saanak nga immin-inom iti arak wenno aniaman a naingel a mainom. Maladingitanak unay ket ibagbagak kenni Yahweh ti marikriknak.
|
||
\v 16 Saanmo koma a panunoten nga awan serserbik a babai. Kastoy ti panagkarkararagko gapu ta mabainak ken mariribukanak unay."
|
||
|
||
\s5
|
||
\v 17 Simmungbat ni Eli. "Sapay koma ta nasayaat ti pagbanagam. Idawdawatko nga ipaay koma kenkaa ti Dios, a daydayawentayo nga Israelita ti dinawatmo kenkuana."
|
||
\v 18 Simmungbat ni Ana, "Sapay koma ta nasayaat ti panangipapanmo kaniak." Ket nagsubli isuna iti pamiliana kalpasan a nangan isuna, saanen a nagliday.
|
||
|
||
\s5
|
||
\v 19 Nasapa iti kabigatanna, bimmangon ni Elkana ken ti pamiliana ket nagdayawda manen kenni Yahweh, ket kalpasanna, nagawidda iti balayda idiay Rama. Kalpasanna, kinaidda ni Elkana ni Ana, ket sinungbatan ni Yahweh iti kararagna.
|
||
\v 20 Nagsikog isuna ket nagpasngay iti maysa a lalaki. Pinanagananna iti Samuel, a kas iti pannakaibalikas dagiti sasao iti pagsasao a Hebreo a kayatna a sawen “nangngeg ti Dios" gapu ta kinunana, "Nangngegnak ni Yahweh idi dimmawatak kenkuana iti anak a lalaki."
|
||
|
||
\s5
|
||
\v 21 Iti simmaruno a tawen, simmang-at ni Elkana idiay Silo kaduana ti pamiliana tapno aramidenna ti tinawen a panangidatonna, ken tapno itedna pay iti Dios ti naisangsangayan a sagut nga inkarina idi nga itedna kenkuana.
|
||
\v 22 Ngem saan a simmurot ni Ana kadakuada. Kinunana iti asawana, "Kalpasan a maipusotkonto ti maladaga, ipankonto isuna idiay Silo ket idatagko isuna kenni Yahweh, ket agtalinaedto isuna sadiay iti unos ti panagbiagna."
|
||
\v 23 Kinuna ni Elkana, "Aramidem no ania ti ammon a kasayaatan. Agbatika ditoy agingga a maipusotmo isuna. Tarigagayko nga ikkannaka koma ni Yahweh iti kabaelan a mangaramid iti inkarim." Isu a nagbati ni Ana iti pagtaenganda ket inaywananna ti anakna agingga a napusotna isuna.
|
||
|
||
\s5
|
||
\v 24 Kalpasan a napusot ni Ana ti anakna, uray ubing pay unay ni Samuel, intugotna isuna iti balay ni Yahweh, kasta met ti tallo ti kalakian a baka a tawenna, agarup dua pulo a litro nga arina, ken maysa a pagkargaan a naglaon iti arak.
|
||
\v 25 Kalpasan a naparti da Elkana ken Ana ti kalakian a baka, indatonda daytoy kenni Yahweh iti rabaw iti altar, impanda ti ubing kenni Eli.
|
||
|
||
\s5
|
||
\v 26 Ket kinuna ni Ana kenkuana, "Apo, malagipnak kadi pay? Siak ti babai a nagkararag bayat a nakatakderak iti abaymo, sumagmamano a tawen ti napalabas.
|
||
\v 27 Inkararagko a paraburannak koma ni Yahweh iti maysa nga ubing, ket daytoyen dayta nga ubing!
|
||
\v 28 Isu nga ita, idatagko isuna kenni Yahweh." Kukua ni Yahweh isuna agingga a sibibiag." Kalpasanna, dinaydayaw da Elkana ken ti pamiliana ni Yahweh sadiay.
|
||
|
||
\s5
|
||
\c 2
|
||
\p
|
||
\v 1 Ket nagkararag ni Ana, a kunana, "Agragrag-o ti kaunggak iti inaramidmo, O Yahweh. Napigsaak gapu ta maibilangak kenka. Katawaak dagiti kabusorko gapu ta inispalnak manipud iti pannakalalaisko kadakuada, O Yahweh.
|
||
|
||
\s5
|
||
\v 2 Awan ti uray maysa a nasantoan a kas kenka, O Yahweh. Awan ti dios a kas kenka. Awan ti uray maysa a kas kenka, a Diosmi, a makabael a mangsalaknib kadakami, a kasla inkabilnakami iti rabaw ti dakkel a bato a sadino ket natalgedkami manipud iti peggad.
|
||
|
||
\s5
|
||
\v 3 Dakayo a tattao a mangsupsupiat iti Dios, isardengyo ti panagpaspasindayagyo! Ni Yahweh ket Dios a makaammo iti amin a banbanag, ken kednganna dagiti aramid ti tunggal maysa. Saankayo ngarud nga agsao a sipapalangguad!
|
||
\v 4 O Yahweh, tinukkolmo dagiti bai dagiti mamaingel a soldado, ngem papigsaem dagiti naitibkul gapu ta nakapuyda.
|
||
|
||
\s5
|
||
\v 5 Adu dagiti tattao nga aglaplapusanan idi iti taraon, ita, kasapulan a makitegged iti sabali a tao tapno makaurnong iti kuarta a paggatang iti taraon, ngem adu dagiti tattao a kankanayon a mabisbisinan idi a saanen a mabisinan. Ti babai nga awanan iti annak idi, ita, adun ti annakna, ken ti babai nga adu ti annakna idi, naladingit unay ita gapu ta natayda aminen.
|
||
|
||
\s5
|
||
\v 6 O Yahweh, ketkettelem ti biag dagiti dadduma a tattao, ken pabpabiagem dagiti dadduma a tattao a dandanin matay. Ta dagiti dadduma a tattao, kasla mapandan iti lugar a pappapanan dagiti natay a tattao iti mabiit, ngem pinasalun-atmo manen ida.
|
||
\v 7 O Yahweh, pappapanglawem dagiti dadduma a tattao, ken pabaknangem dagiti dadduma a tattao, ipababam dagiti dadduma a tattao, ken intan-okmo dagiti dadduma a tattao.
|
||
|
||
\s5
|
||
\v 8 No maminsan ital-om dagiti nakurapay a tattao tapno saandan nga agtugaw iti katapokan, ket iyaonmo dagiti agkasapulan a tattao tapno saandan nga agtugtugaw kadagiti gabsuon ti dapo; pinagtugawmo ida iti abay dagiti prinsipe, pinagtugawmo ida iti pagtugtugawan dagiti mararaem unay a tattao. O Yahweh, sika ti nangipasdek kadagiti pundasion ti daga, ken insaadmo ti sibubukel a lubong kadagitoy a pundasion.
|
||
|
||
\s5
|
||
\v 9 Salsalaknibam dagiti napudno a tattaom, ngem pukawen ken pababaem dagiti nadangkes iti nasipnget a lugar a pappapanan dagiti natay. Saantayo a maparmek dagiti kabusortayo babaen iti bukodtayo a pigsa.
|
||
|
||
\s5
|
||
\v 10 O Yahweh, dadaelemto dagiti mangsupiat kenka. Pagguroudemto ti tangatang a mangipakita a suppiatem ida. O Yahweh, ukomemto dagiti tattao iti sadinoman, uray dagiti agnanaed kadagiti kasulsulinekan a lugar iti daga. Papigsaemto ti ari a dutokam, ken ikkam isuna iti naindaklan a pannakabalin kadagiti kabusorna.
|
||
|
||
\s5
|
||
\v 11 Ket ni Elkana ken ti pamiliana, nagsublida idiay Rama, ngem nabati ti ubing a ni Samuel, tapno tumulong kenni Eli a padi nga agserbi kenni Yahweh.
|
||
|
||
\s5
|
||
\v 12 Dagiti dua a putot ni Eli, a papadi met laeng ket nadangkes unay. Saanda a napudno kenni Yahweh.
|
||
\v 13 Ti kaugalian a bayat nga ilamlambong dagiti tattao iti dakkel a siliasi iti templo ti karne a datonda, mangibaon ti maysa a padi iti adipenna, umay nga adda iggemna a tallo ti ngipenna a dakkel a tinidor.
|
||
\v 14 Itudokna daytoy iti karne nga adda iti siliasi ket aniaman a maubon ti dakkel a tinidor, alaenna ket itedna iti padi a nangibaon kenkuana.
|
||
|
||
\s5
|
||
\v 15 Nupay kasta, sakbay a maikkat ti taba ti karne ken maipuor a kas daton kenni Yahweh, mapan ti adipen dagiti putot ni Eli iti ayan ti tao nga agidatdaton ket ibagana kenkuana, "Ikkannak itan iti sumagmamano a karne nga ipanko iti padi nga itunona! Kayatna ti saan a naluto a karne; saanna a kayat ti nailambong a karne."
|
||
\v 16 No kuna ti agidatdaton a tao iti adipen, "Ikkaten ken ipuor pay koma nga umuna dagiti papadi ti taba; kalpasanna, alaem ti kayatmo nga alaen," ket ti isungbat ti adipen, "Saan, itedmon kaniak; ta no saanmo nga ited kaniak, pilitik nga alaen daytoy!"
|
||
\v 17 Imbilang ni Yahweh a dagiti agtutubo nga annak ni Eli ket agar-aramid iti nadagsen unay a basol, gapu ta saanda a raraemen dagiti sagsagut a mait-ited kenni Yahweh.
|
||
|
||
\s5
|
||
\v 18 Maipanggep kenni Samuel, nga ubing pay unay, intultuloyna ti agtrabaho para kenni Yahweh, a nakakawes iti nasagradoan nga efod a naaramid iti lino, a kas iti pagkawkawes ti kangatoan a padi.
|
||
\v 19 Tinawen nga iyar-aramidan isuna ti inana iti baro a kagay ket ip-ipanna daytoy kenkuana no sumang-at isuna idiay Silo kaduana ti asawana tapno mangisagut iti daton.
|
||
|
||
\s5
|
||
\v 20 Ket dawaten ni Eli iti Dios a bendisionanna ni Elkana ken ti asawana, ket kunaenna kenni Elkana, "Sapay koma ta ikkan ni Yahweh ti asawam iti kabaelan a makaiyanak iti sabali pay nga annak, a kasukat ti ubing nga indatonna kenni Yahweh." Kalpasanna, agawid ni Elkana ken ti pamiliana iti pagtaenganda.
|
||
\v 21 Pudno a nasayaat unay ni Yahweh kenni Ana, ta innikkanna isuna iti kabaelan a makaiyanak iti tallo a lallaki ken dua a babbai. Dimmakkel ti anakda a ni Samuel kabayatan ti panagtrabtrabahona para kenni Yahweh iti templona.
|
||
|
||
\s5
|
||
\v 22 Ita, lakay unayen ni Eli. Masansan a mangmangngegna dagiti dakes a banbanag nga ar-aramiden dagiti putotna kadagiti Israelita. Mangmangngegna a no maminsan ket makikaiddada kadagiti babbai nga agtrabtrabaho iti pagserkan iti tolda a pakitungtungtongan ni Yahweh kadagiti tattaona.
|
||
\v 23 Kinunana kadakuada, "Nakaam-amak ti panangaramidyo iti kasta a banbanag! Adu a tattao ti kankanayon a mangibagbaga kaniak maipanggep iti dakes a banbanag nga ar-aramidenyo.
|
||
\v 24 Annakko, isardengyon daytoy! Nakaam-amak dagiti damag maipanggep kadakayo nga ibagbaga dagiti tattao ni Yahweh kadagiti dadduma!
|
||
|
||
\s5
|
||
\v 25 No agbasol ti maysa a tao iti sabali a tao, mabalin a bumallaet ti Dios kadakuada. Ngem no agbasol ti maysa a tao kenni Yahweh, siasino ti agsao para kenkuana?" Ngem saan a dimngeg dagiti annak ni Eli iti imbaga ti amada. Daytoy ket gapu ta inkeddengen ni Yahweh a kasapulan nga adda mangpapatay kadakuada.
|
||
\v 26 Dimmakel ti ubing a ni Samuel, ket dagiti banbanag nga inaramidna ket makaay-ayo kenni Yahweh ken kadagiti tattao.
|
||
|
||
\s5
|
||
\v 27 Maysa nga aldaw, napan ti maysa a profeta kenni Eli ket imbagana kenkuana, "Kastoy ti imbaga ni Yahweh kaniak: 'Idi dagiti kapuonam ket tagabu ti ari iti Egipto, nagparangak kenni Aaron.
|
||
\v 28 Manipud kadagiti amin a tribu dagiti Israelita, pinilik isuna ken dagiti lallaki a kaputotanna nga agbalin a papadi para kaniak. Dinutokak ida a mapan iti altarko, a mangpuor iti insenso, a mangikawes iti nasagradoan nga efod bayat nga agtrabtrabahoda para kaniak. Ket imbagak a mabalinda ti alaen ken kanenn ti dadduma a karne a pupuoran dagiti Israelita iti altar.
|
||
|
||
\s5
|
||
\v 29 Isu nga apay a saanmo a rinaem dagiti daton ken sagsagut nga imbilinko nga iyeg dagiti tattao kaniak? Ad-adda nga ipatpategmo dagiti annakmo ngem iti siak, babaen iti panangipalubosmo nga agpalukmegda babaen iti pannanganda kadagiti kasasayaatan a paset dagiti amin a daton nga iyeg dagiti Israelita kaniak!'
|
||
\v 30 Isu a kastoy ti pakaammo ni Yahweh, a Dios a daydayawentayo nga Israelita: 'Pudno nga insapatak nga awan duadua nga agtultuloy nga agserbi kaniak iti agnanayon ni Aaron ken dagiti kaputotanna. Ngem ita, kastoy ti pakaammok: Saanen a matuloy a kasta! Padayawak dagiti mangidayaw kaniak, ngem laksidek dagiti manglaksid kaniak.
|
||
|
||
\s5
|
||
\v 31 Dumngegka a naimbag! Addanto tiempo a panangkettelko iti biag dagiti napipigsa nga agtutubo a lallaki iti pamiliam. Dagiti lallaki iti pamiliam, saandanto nga agbiag iti napaut, saandanto a lumakay.
|
||
\v 32 Mariribukan ken umap-apalkanto a mangkita kadagiti bendision nga itedkonto kadagiti dadduma a tattao iti Israel. Ket ulitek, awanto kadagiti lallaki iti pamiliam ti agbiag iti napaut agingga a lumakay.
|
||
\v 33 Addanto maysa nga ibatik kadagiti kaputotam; saanko isuna a lapdan iti panagserserbina kaniak a kas padi. Ngem mabulsekto isuna iti panagsangsangitna; kankanayonto a naliday ken agladladingit isuna. Ngem amin dagiti dadduma a kaputotam, naranggasto ti ipapatayda.
|
||
|
||
\s5
|
||
\v 34 Ket dagiti dua a putotmo a lallaki, a da Ofni ken Finees, ket matayto iti agpada nga aldaw. Ket daytanto ti mangpaneknek kenka a pumudnonto amin nga imbagak kenka.
|
||
\v 35 Nangpiliak iti sabali a lalaki nga agbalin a padik. Isuna ti agserbinto kaniak a sipupudno: Aramidennanto amin a kayatko. Siguraduek nga agbalinto a padi dagiti kaputotanna ken kankanayonto nga agserbi kaniak babaen iti panangtulongda iti ari a piliekto.
|
||
|
||
\s5
|
||
\v 36 Mapanto amin dagiti nabatbati a sibibiag a kaputotam iti dayta a padi ken dumawatda kenkuana iti kuarta ken taraon, ket tunggal maysa kunaendanto, "Pangngaasim ta palubosannak a tumulong kadagiti sabali a padi, tapno makateggedak iti kuarta a paggatang iti taraon."~'~"
|
||
|
||
\s5
|
||
\c 3
|
||
\p
|
||
\v 1 Bayat nga ubing pay ni Samuel, agtrabtrabaho isuna iti balay ni Yahweh kabayatan ti panangidalan ni Eli kenkuana. Kadagita a tiempo manmano dagiti mensahe a maawat ti siasinoman manipud kenni Yahweh, ken manmano iti nakakita kadagiti sirmata nga ipakita ni Yahweh kadakuada.
|
||
\v 2 Kadagita a tiempo nakapsut unayen ti panagkita ni Eli; dandani isunan nga agbulsek. Maysa a rabii a matmaturog isuna iti siledna,
|
||
\v 3 ken matmaturog met ni Samuel iti balay ni Yahweh, a nakaidulinan ti lakasa ti tulag ti Dios. Bayat a nakasilaw pay laeng ti nasagradoan a pagsilawan,
|
||
\v 4 immawag ni Yahweh a kunana, “Samuel! Samuel!” Simmungbat ni Samuel, “Addaak ditoy!”
|
||
|
||
\s5
|
||
\v 5 Bimmangon ngarud isuna ken nagtaray iti ayan ni Eli. Kinunana kenkuana, “Immayak, gapu ta inawagannak!” Ngem simmungbat ni Eli, “Saan, saanka nga inawagan. Agsublika iti pagiddaam.” Napan ngarud nagidda manen ni Samuel.
|
||
\v 6 Ket immawag manen ni Yahweh, “Samuel!” Isu a bimmangon manen ni Samuel ket napan iti ayan ni Eli ket kinunana, “Immayak, gapu ta inawagannak!” Ngem kinuna ni Eli, “Saan, anakko, saanka nga inawagan. Agsublika iti pagiddaam.”
|
||
|
||
\s5
|
||
\v 7 Iti dayta a tiempo saan pay nga ammo ni Samuel no kasano ti pannakisao ni Yahweh kenkuana, gapu ta saan pay a nangiparang ni Yahweh iti aniaman a banag kenkuana.
|
||
\v 8 Kalpasan a nagidda manen ni Samuel, inawagan manen isuna ni Yahweh iti maikatlo a gundaway. Isu a bimmangon manen isuna ken napan iti ayan ni Eli ket kinunana, “Immayak, gapu ta inawagannak!” Ket naamiris ni Eli a ni Yahweh ti mangaw-awag iti ubing.
|
||
|
||
\s5
|
||
\v 9 Isu a kinunana kenni Samuel, "Agsublika iti pagiddaam. No adda umawag manen kenka, kunam, ‘Agsaoka kaniak, Yahweh, gapu ta dumdumngegak!’~" Napan ngarud nagidda manen ni Samuel.
|
||
|
||
\s5
|
||
\v 10 Ket immay ni Yahweh ket nagtakder ken immawag a kas iti inaramidna idi damo, “Samuel! Samuel!” Ket kinuna ni Samuel, “Agsaoka kaniak, gapu ta dumdumngegak!”
|
||
\v 11 Ket kinuna ni Yahweh kenni Samuel, “Dumngegka a nasayaat. Umadanin nga aramidek ditoy Israel ti banag a pagkintayegan ti amin a makangngeg iti maipanggep iti daytoy.
|
||
|
||
\s5
|
||
\v 12 Inton mapasamak dayta, dusaekto ni Eli ken ti pamiliana. Aramidekto kadakuada amin nga imbagak nga aramidek.
|
||
\v 13 Impakita dagiti annakna ti kinaawan panagraemda kaniak babaen kadagiti nakababain a banbanag nga inaramidda, ket saan isuda a linapdan ni Eli iti panangar-aramidda iti daytoy. Isu nga imbagak kenkuana a dusaek iti agnanayon ti pamiliana.
|
||
\v 14 Insapatak iti pamilia ni Eli, a kunak, ‘Saanmonto a pulos a kabaelan a liklikan dagiti supapak gapu iti basolmo, uray no ikkannak kadagiti daton wenno sagsagut.’~"
|
||
|
||
\s5
|
||
\v 15 Nagidda manen ni Samuel agingga iti bigat. Ket bimmangon ken linukatanna dagiti ridaw ti pasdek a kas iti masansan nga ar-aramidenna. Mabuteng isuna a mangibaga kenni Eli iti maipanggep iti sirmata nga inted ni Yahweh kenkuana.
|
||
\v 16 Ngem inawagan isuna ni Eli ket kinunana, “Samuel, anakko!” Simmungbat ni Samuel, “Addaak ditoy!”
|
||
|
||
\s5
|
||
\v 17 Sinaludsod ni Eli kenkuana, “Ania ti imbaga ni Yahweh kenka? Saanmo nga ilibak daytoy! Sapay koma ta dusaennaka ti Dios iti nakaro no saanmo nga ibaga kaniak amin nga imbagana kenka.”
|
||
\v 18 Imbaga ngarud amin ni Samuel kenkuana. Saan isuna a nagkedked a mangibaga kenkuana iti amin a banag. Ket kinuna ni Eli, “Isuna ni Yahweh. Situtulokak nga aramidenna no ania ti ammona a kasayaatan.”
|
||
|
||
\s5
|
||
\v 19 Bayat a dumakdakkel ni Samuel, tinulongan isuna ni Yahweh; imbanagna amin nga impadto ni Samuel.
|
||
\v 20 Isu nga amin dagiti tattao ti Israel, manipud iti akin-amianan a beddeng ti pagilian agingga iti abagatan a beddeng ket naamirisda a ni Samuel ket pudno a profeta ni Yahweh.
|
||
\v 21 Nagtultuloy a nagparang ni Yahweh kenni Samuel idiay Silo ken imapakaammona kenkuana dagiti mensahe.
|
||
|
||
\s5
|
||
\c 4
|
||
\p
|
||
\v 1 Imbaga ni Samuel kadagiti amin a tattao ti Israel dagiti mensahe nga inted ti Dios kenkuana. Iti dayta a tiempo, napan nakiranget ti armada ti Israel iti armada dagiti tattao iti Filistia. Nagkampo ti armada ti Israel idiay Ebenezer, ket nagkampo ti armada ti Filistia idiay Afek.
|
||
\v 2 Dinarup ti armada ti Filistia ti armada ti Israel, ket iti panagtultuloy ti gubat, inabak dagiti Filisteo dagiti Israelita ket agarup uppat a ribu kadagiti soldadoda ti napatayda.
|
||
|
||
\s5
|
||
\v 3 Idi nagsubli dagiti nabatbati a soldado ti Israel iti kampoda, kinuna dagiti panglakayen dagiti Israelita, “Apay nga impalubos ni Yahweh nga abakendatayo ita nga aldaw ti armada ti Filistia? Nasken nga iyegtayo ti lakasa ti tulag ti Dios ditoy manipud Silo, tapno kumuyog kadatayo ni Yahweh inton mapantayo makiranget manen, tapno saandatayo nga abaken manen dagiti kabusortayo!”
|
||
\v 4 Isu a nangibaon dagiti soldado iti sumagmamano a tattao idiay Silo, ket inyeg dagidiay a lallaki ti lakasa ti tulag ti Dios, ti lakasa ti tulag ni Yahweh, a nakatugaw iti trono iti nagbaetan dagiti parsua nga adda payakna nga adda ti rabaw ti lakasa. Kimmuyog kadakuada dagiti dua nga annak ni Eli, da Ofni ken Finees.
|
||
|
||
\s5
|
||
\v 5 Idi nakita dagiti Israelita dagiti lallaki a mangiy-iyeg iti lakasa ti tulag ti Dios iti kampoda, naragsakanda unay ket nagpukkawda iti nakapigpigsa. Nagpukkawda iti nakapigpigsa nga uray la naggungon ti daga!
|
||
\v 6 Sinaludsod dagiti Filisteo, “Ania ti pagpukpukawan dagiti tattao iti kampo dagiti Hebreo? Adda nangibaga kadakuada nga agpupukkawda gapu ta naiyeg kadakuada ti lakasa ti tulag ni Yahweh.
|
||
|
||
\s5
|
||
\v 7 Ket nagbutengda unay. Kinunada, "Immay ti Diosda iti kampoda a mangtulong kadakuada! Agpeggadtayo itan! Awan pay ti kastoy a napasamak kadatayo idi!
|
||
\v 8 Awan ti siasinoman a mangispal kadatayo ita! Daytoy ti Dios a nangdusa kadagiti tattao iti Egipto babaen kadagiti adu a didigra sakbay a pimmanaw dagiti Israelita idiay Egipto ken nagdaliasatda iti disierto.
|
||
\v 9 Dakayo a lallaki iti Filistia, tumuredkayo! Makirangetkayo a nasayaat! No saanyo nga aramiden dayta, maparmekdatayo, ket agbalintayo a tagabuda, a kas iti panagbalinda idi a tagabutayo!"
|
||
|
||
\s5
|
||
\v 10 Isu a dagiti lallaki iti Filistia, impakatda amin a kabaelanda a makiranget, ket inabakda dagiti Israelita. Tallopulo a ribu a soldado ti Israel ti napatayda, ket dagiti dadduma a soldado ti Israel ket naglibas ken nagtatarayda kadagiti toldada.
|
||
\v 11 Naagaw dagiti Filisteo ti lakasa ti tulag ti Dios, ket pinatayda dagiti dua a putot ni Eli, da Ofni ken Finees.
|
||
|
||
\s5
|
||
\v 12 Iti dayta met laeng nga aldaw, maysa a lalaki a nagtaud iti tribu ni Benjamin ti timmaray manipud iti lugar a pagrarangetan dagiti armada. Rinay-abna ti kawesna ken inikkanna iti daga ti ulona a mangipakita a naliday unay isuna. Malemen idi makasangpet isuna idiay Silo.
|
||
\v 13 Agur-uray idi ni Eli iti igid ti kalsada. Kayatna a mangngeg ti damag maipanggep iti gubat, ken magagaran met unay isuna a mangammo no adda dakes a napasamak iti lakasa ti tulag ti Dios. Idi simmangpet ti mensahero ken imbagana kadagiti tattao ti napasamak, nagsasangit iti nakapigpigsa ti tunggal maysa iti siudad.
|
||
|
||
\s5
|
||
\v 14 Sinaludsod ni Eli, "Apay nga agtatagarida?" Nagtaray ti mensahero kenni Eli ket imbagana kenkuana ti damag.
|
||
\v 15 Iti dayta a tiempo, siyam a pulo ket walo ti tawen ni Eli, ket bulseken isuna.
|
||
|
||
\s5
|
||
\v 16 Kinuna ti mensahero kenni Eli, "Kagapgapuk laeng idiay paggugubatan dagiti armada. Nasapaak a pimmanaw sadiay ita nga aldaw."
|
||
\v 17 Sinaludsod ni Eli, "Ania iti napasamak?" Simmungbat ti lalaki, "Inabak dagiti Filisteo ti armadatayo. Rinibu ti pinapatayda a soldadotayo, ket dagiti dadduma, nagtatarayda. Pinatay dagiti Filisteo dagiti dua nga anakmo, da Ofni ken Finees. Inagawda met ti lakasa ti tulag ti Dios."
|
||
|
||
\s5
|
||
\v 18 Lakay unayen ni Eli, ken nakaluklukmeg; ket idi nangngegna ti napasamak iti lakasa ti tulag ti Dios, naburang-it isuna iti pagtugtugawanna iti igid ti ruangan ti siudad. Narung-o ti tengngedna ket natay. Uppat a pulo a tawen ti panangidalanna kadagiti Israelita.
|
||
|
||
\s5
|
||
\v 19 Masikog ti asawa ti putot ni Eli a ni Finees, ken dandanin nga ipasngayna ti anakna. Idi nangngegna a naagaw ti lakasa ti tulag ti Dios ken natayen ti asawa ken katuganganna, kellaat a nagpasikal isuna ket nakaro unay ti ut-otna. Dagus nga impasngayna ti maysa a lalaki, ngem matmatay met isuna.
|
||
\v 20 Idi matmatayen isuna, pinadas dagiti babbai a mangtultulong kenkuana a pabilegen isuna babaen iti panangibagada kenkuana, "Nangipasngayka iti maysa a lalaki!" Ngem saanna nga inkaskaso ti imbagada.
|
||
|
||
\s5
|
||
\v 21 Pinanagananna ti ubing iti Icabod, a kayatna a sawen "awan dayag," gapu ta kinunana, "Pimmanaw iti Israel ti dayag ti Dios." Imbagana dayta gapu ta naagawda ti lakasa ti tulag ti Dios ken gapu ta natay ti asawa ken katuganganna a lalaki.
|
||
\v 22 Kinunana, "Pinanawanen ti dayag ti Dios ti Israel, gapu ta naagawda ti lakasa ti tulag ti Dios!" Ket kalpasanna, natay isuna.
|
||
|
||
\s5
|
||
\c 5
|
||
\p
|
||
\v 1 Kalpasan a naagaw dagiti bunggoy dagiti tattao iti Filistia ti lakasa ti tulag ti Dios iti ili ti Ebenezer, impanda daytoy idiay Asdod, maysa kadagiti kadakkelan a siudadda.
|
||
\v 2 Inserrekda daytoy iti templo ti diosda a ni Dagon ket inyabayda iti estatua ni Dagon.
|
||
\v 3 Ngem iti nasapa iti simmaruno a bigat, idi napan kinita daytoy dagiti tattao ti Asdod, nakitada a natumba a nakapakleb ti estatua iti sangoanan ti lakasa ti tulag ni Yahweh! Isu nga insublida manen ti estatua iti sigud nga ayanna.
|
||
|
||
\s5
|
||
\v 4 Ngem iti agsapa iti kabigatanna, nakitada a natumba manen daytoy iti sangoanan ti lakasa ti tulag. Ngem iti daytoy a kanito, naisina ti ulo ken dagiti ima ti estatua, ket nakawara iti pagserkan. Ti laeng bagina ti saan a naan-anu.
|
||
\v 5 Dayta ti makagapu no apay a manipud iti dayta a tiempo, dagiti papadi ni Dagon ken amin nga umuneg iti templona idiay Asdod ket saan a bumaddek iti pagserkan a nakaiwaraan dagiti ima ken ulo ni Dagon.
|
||
|
||
\s5
|
||
\v 6 Ket ni Yahweh pinagsagabana iti nakaro dagiti tattao iti Asdod babaen kadagiti letteg. Adu ti nagsakit ken natay, iti siudad ken kadagiti rehion iti aglawlawna.
|
||
\v 7 Naamiris dagiti tattao iti Asdod no apay a mapaspasamak daytoy, ket inyikkisda, "Ti dios dagiti Israelita ket dusdusaennatayo ken ti diostayo a ni Dagon. Isu a saantayo nga itulok nga agtalinaed ditoy ti lakasa ti tulag ti Dios dagiti Israelita!"
|
||
|
||
\s5
|
||
\v 8 Pinaayabanda dagiti lima nga ari iti bunggoy dagiti tattao a taga-Filistia ket sinaludsodda kadakuada, "Ania ti rumbeng nga aramidenmi iti lakasa ti tulag ti Dios dagiti Israelita?" Insungbat dagiti ari, "Ipanyo ti lakasa ti tulag iti siudad ti Gat." Isu nga inyakarda daytoy idiay Gat.
|
||
\v 9 Ngem kalpasan a naiyapanda daytoy idiay Gat, dinusa met ni Yahweh dagiti tattao iti dayta a siudad iti kasta unay, a nakaigapuan ti panagletteg dagiti adu a tattao, agraman dagiti agtutubo ken natataengan a tattao. Ket nagbuteng dagiti tattao iti kasta unay.
|
||
|
||
\s5
|
||
\v 10 Isu nga impanda ti lakasa ti tulag iti siudad ti Ekron. Ngem idi impan dagiti tattao ti lakasa ti tulag idiay Ekron, impukkaw dagiti tattao sadiay, "Apay nga iyegyo ti lakasa ti tulag ti Dios dagiti Israelita ditoy siudadmi? Gapu iti panangaramidyo iti dayta, patayendakami ken dagiti dadduma a tattaomi!"
|
||
|
||
\s5
|
||
\v 11 Isu a pinaayaban met dagiti tattao iti Ekron dagiti ari ti Filistia. Idi nakasangpetdan, kinuna dagiti tattao kadakuada, "Isubliyo daytoy a lakasa ti tulag ti dios dagiti Israelita iti sigud nga ayanna! No saanyo nga aramiden a dagus dayta, mataykaminto amin!" Nagbuteng dagiti tattao gapu ta ammoda a rugruggian ti Dios a dusaen ida iti nakaro.
|
||
\v 12 Natayen dagiti sumagmamano a tattao ti Ekron, ken agsagsagaba dagiti nabatbati a tattao gapu kadagiti letteg kadagiti kudilda. Isu nga immasugda amin kadagiti diosda tapno tulonganda ida.
|
||
|
||
\s5
|
||
\c 6
|
||
\p
|
||
\v 1 Pito a bulan a pinagtalinaed dagiti tattao iti Filistia ti lakasa ti tulag ti Dios iti lugarda.
|
||
\v 2 Kalpasanna, pinaayabanda dagiti papadi ken dagiti mammadlesda. Sinaludsodda kadakuada, "'Ania ti rumbeng nga aramidenmi iti lakasa ti tulag ni Yahweh? Ibagayo kadakami no kasano nga isublimi daytoy iti sigud a lugarna."
|
||
|
||
\s5
|
||
\v 3 Insungbat dagidiay a lallaki, "Pakuyoganyo daytoy iti daton a mangipakita kenni Yahweh a bigbigenyo a nagbasolkayo iti panangagawyo iti lakasa ti tulag, tapno sumardengen ti didigra. No aramidenyo dayta, ket kalpasanna, no umimbagkayo, maammoanyo nga isuna ti nangdidigra kadakayo. Ken maammoanyo no apay nga agsagsagabakayo agingga ita."
|
||
\v 4 Sinaludsod dagiti tattao iti Filistia, "Ania a kita ti daton ti rumbeng nga ipatulodmi?" Insungbat dagiti lallaki, "Mangaramidkayo iti lima a balitok a sinan-letteg a kas kadagiti letteg iti kudilyo, ken lima a balitok a sinan-marabutit. Mangaramidkayo iti saglilima iti daytoy gapu ta kasta met laeng ti bilang dagiti ariyo, ken gapu ta dinadaeldakayo dagiti didigra agraman dagiti lima nga ariyo.
|
||
|
||
\s5
|
||
\v 5 Mangaramidkayo kadagiti sinan-marabutit ken sinan-letteg a mangdaddadael iti dagayo. Aramidenyo dagitoy tapno mapadayawanyo ti Dios dagiti Israelita. No aramidenyo dayta, nalabit nga isardengen ni Yahweh ti panangdusana kadakayo, kadagiti diosyo, ken iti dagayo.
|
||
\v 6 Saankayo nga agbalin a nasukir a kas kenni Faraon ken dagiti taga-Egipto. Laglagipenyo a pinagsagaba ida ni Yahweh iti nalablabes ngem iti kabaelanda nga ibturan, agingga a pinalubosanda dagiti Israelita a pumanaw iti dagada.
|
||
|
||
\s5
|
||
\v 7 Isu a masapul a mangaramidkayo iti baro a kariton. Ket mangalakayo iti dua a baka a nabiit pay a naganak. Dagitoy a baka ket masapul a saan pay pulos a naipako iti kariton. Ipakoyo dagitoy a baka iti baro a kariton, ket iyadayoyo dagiti urbon kadagiti innada.
|
||
\v 8 Ikargayo ti lakasa ti tulag ni Yahweh iti kariton. Ikabilyo met iti kariton dagiti lima a balitok a sinan-letteg a kas kadagiti letteg iti kudilyo ken ti lima a balitok a sinan-marabutit. Ikabilyo dagitoy iti bassit a kahon ket iyabayyo ti lakasa ti tulag. Agpaay dagitoy a kas sagut a mangipakita nga ammoyo a maikarikayo a madusa gapu iti panangagawyo iti lakasa ti tulag. Ket itulodyo dagiti baka a mapan iti kalsada a guyudguyodda ti kariton.
|
||
\v 9 Siputanyo ti kariton bayat a guyguyoden daytoy dagiti baka. No iguyodda daytoy iti ili ti Betsemes idiay Israel, maammoantayo a ti Diosda ti nangiyeg kadatayo iti daytoy a didigra. Ngem no saanda nga iyapan sadiay, maammoantayo a saan a ti Dios dagiti Israelita ti nangdusa kadatayo. Maammoantayo a nairana laeng a napasamak daytoy."
|
||
|
||
\s5
|
||
\v 10 Inaramid ngarud dagiti tattao ti imbaga kadakuada dagiti papadi ken dagiti mammadles nga aramidenda. Nangaramidda iti kariton, ket nangipakoda iti dua a baka iti daytoy. Innalada dagiti urbon manipud kadagiti innada.
|
||
\v 11 Inkargada iti kariton ti lakasa ti tulag ni Yahweh ken ti kahon a naglaon kadagiti balitok a sinan-marabutit ken sinan-letteg.
|
||
\v 12 Ket rinuggian dagiti baka ti nagna, ket nagturongda idiay Betsemes a saanda pulos a simiasi. Nagtalinaedda iti dalan, ket saanda a nagsarsardeng nga agem-emmak. Saanda a nagpakannigid wenno nagpakannawan. Sinurot dagiti lima nga ari iti rehion ti Filistia dagiti baka agingga a nakadanonda iti beddeng ti Betsemes.
|
||
|
||
\s5
|
||
\v 13 Iti dayta a tiempo, agan-ani dagiti tattao a taga-Betsemes iti trigo idiay tanap iti ruar ti siudad. Idi nakasangpet dagiti baka iti kalsada, kimmita dagiti tattao ket nakitada ti lakasa ti tulag. Kasta unay ti ragsakda a nakakita iti daytoy.
|
||
|
||
\s5
|
||
\v 14-15 Ingguyod dagiti baka ti kariton iti talon ti maysa a tao a managan iti Josue, ket nagsardengda iti abay ti dakkel a bato. Imbaba dagiti sumagmamano a lallaki manipud iti tribu ti Levi ti lakasa ti tulag ken ti kahon a naglaon kadagiti balitok a sinan-marabutit ken sinan-letteg manipud iti kariton ket inkabilda amin dagitoy iti dakkel a bato. Ket binalsig dagiti tattao ti kariton ket nagaronda ket insungrodda dagiti kayo a naaramid a kariton. Pinartida dagiti baka ket impuorda dagiti bagi dagiti baka nga agpaay a kas daton a naan-anay a mapuoran para kenni Yahweh. Iti dayta nga aldaw, nangidaton dagiti tattao iti Betsemes kenni Yahweh iti adu a daton a naan-anay a mapuoran amin, ken dadduma pay a daton.
|
||
|
||
\s5
|
||
\v 16 Binuya dagiti lima nga ari a naggapu iti rehion ti Filistia amin daytoy, kalpasanna ket nagsublida idiay Ekron iti dayta met laeng nga aldaw.
|
||
|
||
\s5
|
||
\v 17 Dagiti lima a balitok a sinan-letteg nga impatulodda nga agpaay a kas daton para kenni Yahweh a mangipakita nga ammoda a rumbeng a madusada ket sagut manipud kadagiti lima nga ari a mangiturturay kadagiti siudad ti Asdod, Gaza, Askelon, Gat ken Ekron.
|
||
\v 18 Dagiti balitok a sinan-marabutit ket sagut manipud kadagiti tattao kadagidiay a lima a siudad ken dagiti adda iti aglawlawna nga ili. Ti dakkel a bato idiay Betsemes, a nangikabilan dagiti lallaki manipud iti tribu ti Levi iti lakasa ti tulag ket adda pay laeng idiay talon a kukua ni Josue. No makita daytoy dagiti tattao, malagipda ti napasamak sadiay.
|
||
|
||
\s5
|
||
\v 19 Ngem pitopulo a lallaki manipud idiay Betsemes ti kimmita iti uneg ti lakasa ti tulag ni Yahweh, ket gapu iti dayta, pinatay ida ni Yahweh. Ket nagladigit iti kasta unay dagiti tattao gapu ta dinusa ni Yahweh dagidiay a lallaki a kas iti dayta.
|
||
\v 20 Kinunada, "Siasino ti makabael a tumakder iti sangoanan ni Yahweh, ti nasantoan a Diostayo? Sadino ti mabalin a pangipanantayo iti daytoy a lakasa ti tulag?"
|
||
|
||
\s5
|
||
\v 21 Nangibaonda kadagiti mensahero kadagiti tattao iti siudad ti Kiriat Jearim tapno ibagada kadakuada, "Insubli kadatayo dagiti tattao a taga-Filistia ti lakasa ti tulag ni Yahweh! Umaykayo ditoy ket ipanyo iti siudadyo!"
|
||
|
||
\s5
|
||
\c 7
|
||
\p
|
||
\v 1 Idi nadamag dagiti lallaki iti Kiriat Jearim ti mensahe, napanda idiay Betsemes ket innalada ti lakasa ti tulag ni Yahweh. Impanda daytoy iti balay ni Abinadab, nga adda iti igid ti turod. Dinutokanda ti putot a lalaki ni Abinadab a ni Eleazar a mangaywan iti lakasa ti tulag.
|
||
\v 2 Nagtalinaed ti lakasa ti tulag idiay Kiriat Jearim iti nabayag a tiempo. Nagtalinaed sadiay iti duapulo a tawen. Kabayatan dayta a tiempo, nagladingit dagiti amin a tattao ti Israel gapu ta kasla binaybay-an ida ni Yahweh, ket kayatda nga agsubli kenkuana tapno agpatulongda manen.
|
||
|
||
\s5
|
||
\v 3 Ket kinuna ni Samuel kadagiti amin nga Israelita, "No pudno a kayatyo a dayawen manen ni Yahweh, masapul nga ikkatenyo dagiti estatua dagiti didiosen a ni Astarte ken dagiti didiosen dagiti Filisteo."
|
||
\v 4 Isu nga inikkat dagiti Israelita dagiti amin nga estatua dagiti didiosenda a ni Baal ken ni Astarte, ket rinugianda ti nagdayaw laeng kenni Yahweh.
|
||
|
||
\s5
|
||
\v 5 Ket kinuna ni Samuel kadakuada, "Masapul a makiummongkayo amin kaniak nga Israelita idiay Mizpa. Ket agkararagakto kenni Yahweh para kadakayo."
|
||
\v 6 Isu a naguummongda idiay Mizpa, sadiay, ni Samuel ti nagbalin a pangulo dagiti tattao iti Israel. Adda dakkel a seremoniada sadiay. Nagsakdoda iti danum iti bubon, ket imbuyatda ti danum iti daga bayat a buybuyaen ni Yahweh. Tapno ipakitada nga agbabbabawida iti panagdaydayawda kadagiti didiosen, saanda a nangan iti aniaman a taraon iti dayta nga aldaw, ket binigbigda a nagbasolda kenni Yahweh.
|
||
|
||
\s5
|
||
\v 7 Idi nangngeg dagiti ari iti rehion ti Filistia a naguummong dagiti Israelita idiay Mizpa, indauloanda dagiti armadada sadiay a mangraut kadagiti Israelita. Idi naammoan dagiti Israelita a mapmapan iti ayanda dagiti armada ti Filistia, nagbutengda iti kasta unay.
|
||
\v 8 Kinunada kenni Samuel, "Agkararagka kenni Yahweh nga ispalennatayo manipud kadagiti armada ti Filistia, ket saanka nga agsardeng nga agpakaasi kenkuana!"
|
||
|
||
\s5
|
||
\v 9 Isu a nangala ni Samuel iti urbon a karnero ket pinatayna daytoy ket indatonna kenni Yahweh nga agpaay a daton a naan-anay a mapuoran iti altar. Kalpasanna, nagkararag isuna ket impakaasina a tulongan ni Yahweh dagiti Israelita, ket tinulongan ida ni Yahweh.
|
||
|
||
\s5
|
||
\v 10 Bayat a pupuoran ni Samuel ti daton, immasideg dagiti armada ti Filistia tapno darupenda dagiti Israelita. Ngem pinaggurruod ni Yahweh iti nakapigpigsa unay. Kasta unay ti buteng dagiti armada ti Filistia, ket kalpasanna, natikawda. Isu a kinabaelan dagiti Israelita a parmeken ida.
|
||
\v 11 Rimmuar dagiti lallaki nga Israelita idiay Mizpa ket kinamatda dagiti soldado ti Filistia agingga iti ili ti Betcar, ket pinatayda ti adu a soldado a Filisteo kabayatan ti panaglibasda.
|
||
|
||
\s5
|
||
\v 12 Kalpasan a napasamak dayta, nangala ni Samuel iti dakkel a bato ket inkabilna iti nagbaetan ti ili ti Mizpa ken Sen. Pinanagananna ti bato iti "Ebenezer," a ti kaipapananna ket "ti bato ti tulong," gapu ta kinunana "Tinulongannatayo ni Yahweh agingga ita a tiempo."
|
||
|
||
\s5
|
||
\v 13 Isu a naabak dagiti Filisteo, ket nabayag a tiempo a saanda a sinerrek ti daga dagiti Israelita tapno rautenda manen ida. Bayat a sibibiag ni Samuel, sinaluadan ni Yahweh dagiti Israelita iti panangraut kadakuada dagiti armada ti Filistia.
|
||
\v 14 Napasubli ti armada ti Israel dagiti ili dagiti Israelita iti nagbaetan ti Ekron ken Gat nga inagaw idi dagiti armada ti Filistia. Napasubli met dagiti Israelita dagiti lugar iti aglawlaw dagidiay a siudad nga inagaw idi dagiti armada ti Filistia manipud kadagiti Israelita. Ket adda kappia iti nagbaetan dagiti Israelita ken dagiti bunggoy dagiti Amorreo.
|
||
|
||
\s5
|
||
\v 15 Intultuloy ni Samuel ti kinapangulona kadagiti Israelita agingga a natay isuna.
|
||
\v 16 Tinawen a mapan isuna iti siudad ti Betel, Gilgal ken Mizpa. Kadagidiay a siudad, dimngeg isuna kadagiti panagririnniri dagiti tattao ken nangngeddeng maipapan kadakuada.
|
||
\v 17 Kalpasan ti panangngeddengna kadagidiay a siudad, agsubli isuna iti balayna idiay Rama, ket risutenna met dagiti panagririnniri dagiti tattao sadiay, ket mangngegddeng met isuna maipapan kadakuada. Nangaramid isuna iti altar idiay Rama a pangidatonan kadagiti daton kenni Yahweh.
|
||
|
||
\s5
|
||
\c 8
|
||
\p
|
||
\v 1 Idi lakayen ni Samuel, dinutokanna dagiti dua nga annakna, ni Joel ken ni Abias, a mangidaulo kadagiti tattao iti Israel.
|
||
\v 2 Nangikeddengda kadagiti panagririnniri dagiti tattao iti ili ti Beerseba.
|
||
\v 3 Ngem saanda a kas iti amada. Kayatda laeng a makaala iti adu a kuarta. Immawatda kadagiti pasuksok, ket saan a nainkalintegan ti panangngeddengda maipapan kadagiti panagririnniri dagiti tattao.
|
||
|
||
\s5
|
||
\v 4 Kamaudiananna, naguummong dagiti panguloen dagiti Israelita iti ili ti Rama tapno pagsasaritaanda ti banag a kaduada ni Samuel.
|
||
\v 5 Kinunada kenkuana, "Dumngegka! Lakaykan, ket saan a kas kenka dagiti annakmo. Mangdutokka iti ari a mangituray kadakami, kas kadagiti ari dagiti dadduma a pagilian!"
|
||
|
||
\s5
|
||
\v 6 Saan a naragsakan ni Samuel kadakuada iti panangkiddawda iti dayta, isu nga inkararagna kenni Yahweh ti maipapan iti daytoy.
|
||
\v 7 Insungbat ni Yahweh, "Aramidem ti kinniddawda kenka nga aramidem. Ngem saanmo a panunoten a sika ti laklaksidenda. Siak ti arida, ken siak ti pudno a laklaksidenda.
|
||
|
||
\s5
|
||
\v 8 Sipud pay idi inruarko ida idiay Egipto, linaksiddak, ket nagdaydayawda kadagiti didiosen. Ket ita, laklaksidendaka met a kas iti pananglaksidda kaniak.
|
||
\v 9 Aramidem ti kidkiddawenda kenka nga aramidem. Ngem ballaagam ida maipanggep iti aramidento dagiti arida kadakuada!"
|
||
|
||
\s5
|
||
\v 10 Isu nga imbaga ni Samuel kadagiti tattao ti imbaga ni Yahweh.
|
||
\v 11 Kinunana, "No iturayannakayo ti maysa nga ari, kastoyto ti aramidenna kadakayo: pilitennanto ti kaaduan kadagiti annakyo a lallaki a makitipon iti armada. Aramidenna ti sumagmamano kadakuada nga agtaray sakbay kadagiti karwaheyo tapno mangwaknit kadagiti banbanag iti dalan.
|
||
\v 12 Dadduma kadakuada ket agbalinto a mangidaulo kadagiti soldadona, ngem agtrabahonto kenkuana dagiti dadduma a kas kadagiti tagabu. Pilitennanto dagiti sumagmamano kadakuada nga agarado kadagiti talonna ken anniendanto dagiti mulana. Pilitennanto dagiti dadduma nga agaramid iti igamna ken alikamen para kadagiti karwahena.
|
||
|
||
\s5
|
||
\v 13 Alaento ti ari ti sumagmamano kadagiti annakyo a babbai ket pilitenna ida nga agaramid kadagiti bangbanglo para kenkuana, agluto iti makan ken agmasa iti tinapay para kenkuana.
|
||
\v 14 Alaennanto dagiti kasasayaatan a talonyo, kaubasan ken kaoliboanyo, ket itedna kadagiti opisialna.
|
||
\v 15 Alaennanto ti apagkapullo dagiti apityo ken iwarasna kadagiti opisial ken adipen nga agtrabtrabaho iti palasiona.
|
||
|
||
\s5
|
||
\v 16 Alaenna kadakayo dagiti lallaki ken babbai nga adipenyo, dagiti kasasayaatan a baka ken asnoyo ket pilitenna ida a pagtrabahoen para kenkuana.
|
||
\v 17 Alaennanto ti apagkapullo dagiti karnero ken kaldingyo. Ket agbalinkayonto a tagabuna!
|
||
\v 18 Inton dumteng dayta a tiempo, agririkayonto iti kasta unay iti ari, ti ari a piniliyo a mismo, ngem saannakayonto nga ipangag ni Yahweh."
|
||
|
||
\s5
|
||
\v 19 Ngem saan a dimngeg dagiti tattao iti imbaga ni Samuel. Kinunada, "Awan bibiyangmi iti ibagbagam!
|
||
\v 20 Kayatmi a maaddaan iti ari! Kayatmi a maipada kadagiti sabali a nasion. Kayatmi ti maaddaan iti ari a mangituray kadakami ken mangidaulo kadagiti soldadomi inton mapanda makigubat."
|
||
|
||
\s5
|
||
\v 21 Idi imbaga ni Samuel kenni Yahweh ti imbaga dagiti tattao,
|
||
\v 22 insungbat ni Yahweh, "Aramidem ti ibagbagada kenka nga aramidem. Ikkam ida iti ari! Isu nga immanamong ni Samuel ket kalpasanna, pinagawidna dagiti tattao.
|
||
|
||
\s5
|
||
\c 9
|
||
\p
|
||
\v 1 Ita, adda maysa a baknang ken mararaem a lalaki nga agnagan iti Kis. Maibilang isuna iti tribu a nagtaud kenni Benjamin. Ni Kis ket anak ni Abiel ken apoko ni Zeror. Nagtaud isuna iti pamilia ni Becorat ken manipud iti puli ni Afia.
|
||
\v 2 Adda lalaki a putot ni Kis nga agnagan iti Saul. Isuna ti kataeran kadagiti lallaki nga Israelita, ken isuna ti katatayagan kadagiti lallaki nga Israelita.
|
||
|
||
\s5
|
||
\v 3 Maysa nga aldaw, napukaw dagiti sumagmamano a kabaian nga asno ni Kis. Isu a kinuna ni Kis kenni Saul, "Ikuyogmo ti maysa kadagiti adipenko ket mapanyo biruken dagiti asno!"
|
||
\v 4 Inaramid ngarud ni Saul dayta. Nangikuyog isuna iti maysa nga adipen ket sinursorda ti katurturodan a pagilian a pagnanaedan dagiti kaputotan ni Efraim ket kalpasanna, napanda kadagiti rehion ti Salisa ken Salim, ken napanda kadagiti amin a rehion a masakupan ti tribu ti Benjamin, ngem saanda a masarakan dagiti asno.
|
||
|
||
\s5
|
||
\v 5 Kamaudiananna, nakadanonda iti rehion ti Suf. Ket kinuna ni Saul iti adipen, "Agawidtan. No saanta nga aramiden dayta, saanen a dagiti asno ti pakadanagan ti amak ket data metten ti pakadanaganna."
|
||
\v 6 Ngem kinuna ti adipen, "Adda sabali a maisingasingko. Adda maysa a profeta ti Dios nga agnanaed iti daytoy nga ili. Raraemen unay isuna dagiti tattao, gapu ta amin nga ipadtona ket pumudno. Mapanta makisarita kenkuana. Nalabit a maibagana kadata no sadino ti pangbirokan ta kadagiti asno."
|
||
|
||
\s5
|
||
\v 7 Insungbat ni Saul iti adipen, "No mapanta makisarita kenkuana, masapul a mangtedta kenkuana iti sagut, ngem ania ti maitedta kenkuana? Awanen ti taraon kadagiti supotta. Adda pay kadi maitedta kenkuana?"
|
||
\v 8 Insungbat ti adipen, "Kitaem daytoy! Addaanak iti bassit a pidaso ti pirak. Mabalinko nga ited daytoy kenkuana, ket ibagananto kadata no sadino ti pangbirokan ta kadagiti asno."
|
||
|
||
\s5
|
||
\v 9-11 Kinuna ni Saul, "Nasayaat, mapanta makisarita kenkuana." Isu a napanda iti ili a pagnanaedan ti profeta. Bayat a sumangsang-atda iti turod nga agturong iti ili, nakasabatda kadagiti sumagmamano a babbalasang a rumrummuar iti ili a mapan sumakdo iti danum iti bubon. Maysa kadakuada ti nagsaludsod kadagiti babbai, "Adda kadi ita idiay ili ti mammadto?" Nakunada dayta gapu ta idi un-unana, no kayat dagiti tattao iti Israel a maammoan ti mensahe ti Dios, kunaenda, "Mapantayo iti ayan ti mammadto," ken dagiti tattao a maawagan ita a profeta ket maaw-awagan iti mammadto kadagidi a tiempo, wenno "dagiti makakita kadagiti sirmata manipud iti Dios."
|
||
|
||
\s5
|
||
\v 12 Insungbat dagiti babbai, "Wen, adda isuna idiay ili. Kinapudnona, nagsisinnarunokayo laeng. Kasangsangpetna ita nga aldaw idiay ili gapu ta mangidatag dagiti tattao idiay altar kadagiti daton, a paguummongan dagiti tattao a pangdayawanda iti Dios.
|
||
\v 13 No mapankayo a dagus, adda gunadawayyo a makisarita kenkuana sakbay a mapan isuna sadiay. Saan a ruggian dagiti naawis a tattao ti mangan agingga a makasangpet isuna sadiay ken bendisionanna ti daton."
|
||
|
||
\s5
|
||
\v 14 Simrek ngarud ni Saul ken ti adipen iti ili. Iti iseserrekda kadagiti ruangan, nakitada ni Samuel a sumungsungad nga agturong iti ayanda; agturong isuna iti pangidatagan dagiti tattao kadagiti daton.
|
||
|
||
\s5
|
||
\v 15 Iti napalabas nga aldaw, imbaga ni Yahweh kenni Samuel,
|
||
\v 16 "Inton bigat, iti kastoy met laeng nga oras, mangibaonakto kenka iti maysa a lalaki manipud iti daga a pagnanaedan dagiti kaputotan ti Benjamin. Bukbukam ti ulona iti lana ti olibo a mangiparangarang nga isunanto ti agbalin a pangulo dagiti tattaok nga Israelita. Nakitak nga agsagsagaba dagiti tattao gapu ta idaddadanes ida dagiti Filisteo, ken nangngegko dagiti tattaok iti panagkiddawda kaniak iti tulong. Ti tao a pulotam ti mangispalto kadagiti tattaok manipud iti panangituray dagiti Filisteo."
|
||
|
||
\s5
|
||
\v 17 Idi nakita ni Samuel ni Saul, kinuna ni Yahweh kenkuana, "Isu daytoy ti lalaki nga imbagak kenka idi kalman! Isunanto ti mangituray kadagiti tattaok!"
|
||
\v 18 Nakita ni Saul ni Samuel iti ruangan ti ili, ngem saanna nga ammo nga isuna ni Samuel. Napan isuna kenni Samuel ket sinaludsodna kenkuana, "Mabalinmo kadi nga ibaga kaniak no sadino ti ayan ti balay ti tao a makakitkita kadagiti sirmata manipud iti Dios?"
|
||
\v 19 Insungbat ni Samuel, "Siak daydiay. Umunakayo iti adipenmo iti lugar a pangidatonan dagiti tattao kadagiti daton. Makipangankayo a dua kaniak ita nga aldaw. Inton bigat, ibagakto kadakayo ti kayatyo a maammoan, kalpasanna, pagawidenkayonton.
|
||
|
||
\s5
|
||
\v 20 Saanmo met a pakadanagan dagiti asno a tallo nga aldawen a mapukpukaw. Addan nakasarak kadakuada."
|
||
\v 21 Insungbat ni Saul, "Nagtaudak iti tribu ti Benjamin, ti kababassitan kadagiti amin a tribu! Ken ti pamiliak ti kanumoan iti tribumi! Isu nga apay a kastoy ti pannakisaom kaniak, maipanggep kadagiti Israelita a mangtartarigagay kaniak ken ti pamiliak?"
|
||
|
||
\s5
|
||
\v 22 Ket inkuyog ni Samuel ni Saul ken ti adipen iti dakkel a panganan ken imbagana kadakuada nga agtugawda iti kangrunaan a tugaw a mangipakita nga ad-adda a raraemenna ida ngem kadagiti naawis a tallopulo a tattao.
|
||
|
||
\s5
|
||
\v 23 Ket kinuna ni Samuel iti kusinero, "Iyegmo kaniak ti nailasin a pidaso ti karne nga imbagak kenka nga ilasinmo."
|
||
\v 24 Isu nga inyeg ti kusinero ti luppo ken ti karne nga adda iti daytoy; indasarna daytoy iti sangoanan ni Saul, uray dagidiay a paset ket kanen laeng dagiti papadi. Kinuna ni Samuel kenni Saul, "Kanemon dayta. Imbagak iti kusinero nga ilasinna daytoy para kenka, tapno kanem iti daytoy ita, inton adda ditoy dagiti inawisko a tattao." Isu a nagsango a nangan da Saul ken Samuel.
|
||
|
||
\s5
|
||
\v 25 Kalpasan ti pannanganda, nagsublida iti ili. Kalpasanna, inkuyog ni Samuel ni Saul iti tuktok ti balayna, ket nakisarita isuna kenkuana sadiay.
|
||
\v 26 Iti isisingising ti init iti kabigatanna, inayaban ni Samuel ni Saul, "Bumangonkan! Orasen tapno parubbuatanka iti panagawidmo." Isu a bimmangon ni Saul, ket kalpasanna, pimmanaw ni Samuel ken ni Saul iti balay.
|
||
|
||
\s5
|
||
\v 27 Idi nakadanonda iti pungto ti siudad, kinuna ni Samuel kenni Saul a paunaenna ti adipenna. Kalpasan a pimmanaw ti adipen, kinuna ni Samuel kenni Saul, "Agtalinaedka pay ditoy iti apagbiit, tapno maibagak kenka ti mensahe a naawatko manipud iti Dios.”
|
||
|
||
\s5
|
||
\c 10
|
||
\p
|
||
\v 1 Kalpasanna, nangala ni Samuel iti bassit a burnay ti lana nga olibo ket imbukbukna ti dadduma iti daytoy iti ulo ni Saul. Ket inagkanna ti pingping ni Saul, ket imbagana, "Ar-aramidek daytoy gapu ta pinilinaka ni Yahweh nga agbalin a pangulo kadagiti tattaona nga Israelita.
|
||
\v 2 Inton panawannak ita nga aldaw, ken inton makagtengka iti asideg ti tanem ni Rachel idiay Selsa, iti rehion ti tribu ti Benjamin, makasabatkanto iti dua a lallaki. Kunadanto kenka, 'Nasarakanen dagiti asno, ngem madandanagan ita kenka ti amam, ket salsaludsodenna kadagiti tattao no nakitadaka.'
|
||
|
||
\s5
|
||
\v 3 Inton makagtengka iti dakkel a kayo a lugo iti ili ti Tabor, makakitakanto iti tallo a lallaki a sumabat kenka. Paapandanto idiay Betel tapno agdayawda iti Dios. Ti maysa kadakuada ket nakaukodto iti tallo nga urbon a kalding, ti maysa kadakuada ket nakaawitto iti tallo a tinapay, ken ti maysa ket nakaawitto iti pagkargaan iti arak a naglaon met laeng iti arak.
|
||
\v 4 Kablaawandakanto, ken idiayadanto kenka ti dua kadagiti tinapay. Awatem dagitoy.
|
||
|
||
\s5
|
||
\v 5 Inton makagtengka iti turod a pagdaydayawan dagiti tattao iti Dios nga asideg iti ili ti Gabaa, nga ayan ti kampo a paggigianan dagiti soldado a Filisteo, makasabatkanto iti bunggoy dagiti profeta a sumalsalog manipud iti altar idiay tapaw ti turod. Addanto dagiti tattao iti sangoananda nga aguktukar kadagiti agduduma nga instrumento: Arpa, pandereta, plauta, ken lira. Ket amindanto ket ipukpukkawda dagiti mensahe manipud iti Dios.
|
||
\v 6 Iti dayta a kanito umayto kenka ti Espiritu ni Yahweh, ket agpukkawkanto met a kas iti panagpukpukkawda. Mabalbaliwankanto, tapno agbalinkanto a naidumduma a tao.
|
||
|
||
\s5
|
||
\v 7 Kalpasan a mapasamak dagitoy a banbanag, aramidem ti aniaman a mapanunotmo a nasayaat nga aramiden, gapu ta adda kenka ti Dios.
|
||
\v 8 Ket umun-unaka a sumalog idiay siudad ti Gilgal, ket urayennak iti pito nga aldaw. Ket danggayankanto sadiay a mangpuor kadagiti daton ken mangidaton kadagiti dadduma a datdaton a mamagbalin kenka a mangitultuloy a maaddaan iti pannakikadua iti Dios. Inton makasangpetak sadiay, ibagakto kenka dagiti dadduma a banbanag a rumbeng nga aramidem."
|
||
|
||
\s5
|
||
\v 9 Iti ipapanaw ni Saul sadiay, binaliwan ti Dios ti kaunggan a kinatao ni Saul. Ket napasamak dagiti banag nga impadto ni Samuel iti dayta nga aldaw.
|
||
\v 10 Idi nakasangpet ni Saul ken ti adipenna idiay Gabaa, nakitada dagiti sumagmamano a profeta nga agsasao kadagiti mensahe a nagtaud a mismo iti Dios. Idi umas-asideg dagiti profeta iti ayan ni Saul ken ti adipenna, sibibileg nga immay ti Espiritu ti Dios kenni Saul, ket nangrugi met isuna a nangipukkaw kadagiti mensahe a naggapu iti Dios.
|
||
|
||
\s5
|
||
\v 11 Idi nangngeg dagiti tattao a makaam-ammo idi kenni Saul nga ar-aramidenna ti ar-aramiden dagiti profeta, kinunada iti tunggal maysa, "Ania ti napasamak iti daytoy nga anak ni Kis? Pudno aya a maysa isuna itan kadagiti profeta?"
|
||
\v 12 Simmungbat ti maysa kadagiti lallaki nga agnanaed sadiay, "Saan a napateg no siasino dagiti nagannak dagitoy a dadduma a profeta. Ti napateg ket nakakaskasdaaw nga agsasao ni Saul kadagiti mensahe a nagtaud iti Dios." Ket isu't gapuna a no kasta nga agduadua unay dagiti tattao maipanggep kadagiti damag, malagipda ti napasamak kenni Saul ket kunada, "Pudno aya a maysan ni Saul kadagiti profeta?"
|
||
\v 13 Idi nalpasen panangibaga ni Saul kadagiti mensahe nga inted ti Dios kenkuana, napan isuna iti lugar a pagidatdatonan dagiti tattao.
|
||
|
||
\s5
|
||
\v 14 Saan a nagbayag, nakita ti uliteg ni Saul isuna sadiay, ket sinaludsodna kenkuana, "Napnapanam?" Simmungbat ni Saul, "Napanmi binirok dagiti asno. Idi saanmi ida a mabirukan, immaykami ditoy tapno damagenmi kenni Samuel no mabalinna nga ibaga kadakami iti ayanda."
|
||
\v 15 Simmungbat ti uliteg ni Saul, "Ania ti imbaga ni Samuel kadakayo?"
|
||
\v 16 Simmungbat ni Saul, "Impasiguradona kadakami nga addan ti nakabirok kadagiti asno." Ngem saanna nga imbaga iti ulitegna ti imbaga ni Samuel maipanggep iti panagbalinnanto nga ari ti Israel.
|
||
|
||
\s5
|
||
\v 17 Saan a nagbayag, pinaayaban ni Samuel dagiti tattao ti Israel tapno agummongda idiay Mizpa nga agdengngeg iti mensahe nga aggapu kenni Yahweh.
|
||
\v 18 Kalpasan a nakasangpetda, kinunana kadakuada, "Kastoy ti kuna ni Yahweh a Dios a daydaywentayo nga Israelita: 'Inruarkayo nga Israelita manipud iti Egipto. Inispalko dagiti kapuonanyo manipud iti pannakabalin dagiti mangiturturay iti Egipto ken manipud kadagiti amin nga ar-ari a nangidadanes kadakuada.
|
||
\v 19 Siak ti nangisalakan kadakayo manipud kadagiti amin a pakariribukan ken pakarigatanyo. Ngem impakitayo a saandak a kayat a dayawen. Ngem ketdi, nagkiddawkayo a mangpiliak iti maysa a tao a mangituray kadakayo a kas ari. Isu nga ita, masapul nga agummong dagiti mangidadaulo kadagiti tribu ken puliyo iti sangoanak.'~"
|
||
|
||
\s5
|
||
\v 20 Idi immasideg kenni Saul dagiti mangibagbagi, imparangarang ti Dios nga adda pinilina manipud iti tribu a nagtaud iti Benjamin.
|
||
\v 21 Ket imbaga ni Samuel nga agpasango dagiti mangibagbagi iti tribu ti Benjamin, ket impakaammo ti Dios a manipud iti dayta a tribu ket adda pinilina manipud iti pamilia ni Matri, ket kalpasanna, impakaammo ti Dios a pinilina ni Saul nga anak ni Kis manipud iti pamilia ni Matri. Ngem idi birokenda ni Saul, saanda a masarakan isuna.
|
||
|
||
\s5
|
||
\v 22 Isu a sinaludsodda kenni Yahweh, "Adda pay kadi sabali a napili malaksid kenkuana?" Simmungbat ni Yahweh, "Aglemlemmeng ti tao iti ayan dagiti alikamen ti armada."
|
||
\v 23 Isu a dinardarasda ti napan sadiay ket nasarakanda ni Saul, ket inyegda isuna iti sangoanan dagiti amin a tattao. Makitada nga pudno a nataytayag isuna ngem iti siasinoman.
|
||
|
||
\s5
|
||
\v 24 Ket kinuna ni Samuel kadagiti amin a tattao sadiay, "Daytoy ti ari a pinili ni Yahweh para kadakayo. Pudno, awan ti kas kenkuana iti entero nga Israel!" Impukkaw dagiti amin a tattao, "Agbiag koma iti napaut daytoy nga ari!"
|
||
|
||
\s5
|
||
\v 25 Ket imbaga ni Samuel kadagiti tattao dagiti banag nga inkapilitan nga ipaaramidto ti ari kadakuada, ken dagiti amin a banag a kasapulan nga aramiden ti ari. Insuratna amin dagitoy a banbanag iti maysa a nalukot a pagsuratan, ket kalpasanna, inkabilna daytoy iti altar ni Yahweh. Ket pinagawid ni Samuel dagiti amin a tattao.
|
||
|
||
\s5
|
||
\v 26 Idi nagsubli ni Saul iti balayna idiay ili ti Gabaa, adda maysa a bunggoy dagiti natutured a lallaki ti nangikeddeng nga agtultuloy a kadua-anda ni Saul. Inaramidda dayta gapu ta inallukoy ida ti Dios a mangaramid iti dayta.
|
||
\v 27 Ngem kinuna dagiti dadduma nga awan serserbina a lallaki, "Kasano a maisalakannatayo daytoy a tao manipud kadagiti kabusortayo?" Inumsida isuna ken nagkedkedda a mangted kenkuana iti uray ania a sagsagut a panangipakita koma a napudnoda kenkuana. Ngem awan ti uray ania a banag nga imbaga ni Saul a panangtubngar kadakuada.
|
||
|
||
\s5
|
||
\c 11
|
||
\p
|
||
\v 1 Kalpasan ti agarup maysa a bulan, indauloan ni Nahas nga ari ti Amon dagiti armadana iti ballasiw ti Karayan Jordan, ket pinalawlawanda ti siudad ti Jabes iti rehion ti Galaad. Ngem nangdutok dagiti amin a lallaki iti Galaad iti nangibaga kenni Nahas, "Makitulagka kadakami a saannakami a patayen, ket kalpasanna, ipalubosminto nga iturayannakami."
|
||
\v 2 Simmungbat ni Nahas, "Aramidek dayta no aramidenyo ti maysa a banag. Itulokyo a suatenmi dagiti amin a makannawan a mata dagiti tattaoyo. Babaen iti dayta, dagiti tattao kadagiti dadduma a pagilian ket umsiendakayonto amin nga Israelita."
|
||
|
||
\s5
|
||
\v 3 Simmungbat dagiti mangidadaulo iti Jabes, "Saannakami a rarauten iti las-ud ti pito nga aldaw. Kabayatan dayta a tiempo, mangibaonkaminto kadagiti mensahero iti entero nga Israel a mangibaga kadakuada iti kidkiddawem. Ket no awan ti tumulong kadakami, sumukokaminto ngarud kenka."
|
||
|
||
\s5
|
||
\v 4 Isu a nangibaon dagiti mangidadaulo iti Jabes kadagiti mensahero iti entero nga Israel. Idi nakagteng dagiti mensahero idiay Galaad, a siudad a pagnanaedan ni Saul, ket imbagada kadagiti tattao sadiay ti maipapan iti mapaspasamak, nagsangit dagiti amin a tattao sadiay.
|
||
\v 5 Iti dayta a tiempo, madama idi nga agar-arado ni Saul iti taltalon. Idi nagawid isuna, sinaludsodna, "Apay nga agsangsangit dagiti amin a tattao?" Isu nga imbagada kenkuana ti impadamag dagiti mensahero manipud iti Jabes.
|
||
|
||
\s5
|
||
\v 6 Ket sibibileg nga immay ti Espiritu ti Dios kenni Saul, ket nakaunget isuna iti kasta unay gapu iti kayat nga aramiden ni Nahas.
|
||
\v 7 Nangala isuna iti dua kadagiti bakana ket pinapatay ken tinadtatadtadna dagitoy. Ket nangibaon isuna kadagiti mensahero nga awit-awitda dagitoy a pidaso iti entero nga Israel tapno ibagada kadagiti tattao daytoy a mensahe: "Ibagbaga ni Saul a tinadtatadtadna daytoy a baka, ket kastanto met ti aramidenna kadagiti baka ti siasinoman nga agkedked a kumuyog kenkuana ken ni Samuel a makiranget iti armada a naggapu idiay Amon!" Ket pinagbuteng ni Yahweh dagiti amin a tattao ti Israel iti mabalin nga aramiden ni Saul kadakuada no saanda a mapan tulongan ni Saul. Isu a naguummong dagiti amin lallaki.
|
||
\v 8 Idi binilang ida ni Saul idiay Bezek, nakitana a 300,000 a lallaki nga Israelita ti adda sadiay, kasta met a 30,000 a lallaki manipud iti tribu ti Juda.
|
||
|
||
\s5
|
||
\v 9 Isu a nangibaon ni Saul kadagiti mensahero nga agsubli kadagiti tattao idiay Jabes a mangibaga kadakuada, "Ispalendakayonto sakbay ti tengnga ti aldaw inton bigat." Napan dagiti mensahero ket imbagada kadagiti tattao iti Jabes, a naragsakan la unay idi nangngegda ti damag.
|
||
\v 10 Ket imbaga dagiti lallaki ti Jabes kenni Nahas, "Sumukokaminto kenka inton bigat, ket kalpasanna, mabalinmo nga aramiden kadakami ti aniaman a kayatmo."
|
||
|
||
\s5
|
||
\v 11 Ngem iti simmaruno a bigat sakbay a nagsingising ti init, nakasangpet ni Saul ken dagiti armadana. Biningayna ida iti tallo a bunggoy. Nagdardarasda a napan iti kampo dagiti soldado manipud iti Amon, ket rinautda ida. Iti katengngaan ti aldaw, adu ti napapatayda kadakuada, ket naiwaras dagiti saan a napapatay. Agmaymaysa a timmaray dagiti nakataray kadakuada.
|
||
|
||
\s5
|
||
\v 12 Ket kinuna dagiti tattao ti Jabes kenni Samuel, "Ayan dagiti lallaki a nangibaga a saanda a kayat ni Saul nga agbalin nga aritayo? Iyegyo ida ditoy, ket papatayentayo ida!"
|
||
\v 13 Ngem simmungbat ni Saul, "Saan, awan ti siasinoman a papatayentayo ita nga aldaw, gapu ta daytoy ti aldaw nga insalakannatayo ni Yahweh, datayo nga Israelita. Daytoy ket aldaw a panagragsak, saan ket a panangpapatay iti siasinoman."
|
||
|
||
\s5
|
||
\v 14 Ket kinuna ni Samuel kadagiti tattao, "Mapantayo amin idiay Gilgal, ket iwaragawagtayo manen sadiay a ni Saul ti aritayo."
|
||
\v 15 Isu a napanda idiay Gilgal. Sadiay, ammoda nga agbuybuya ni Yahweh, ket inwaragawagda a ni Saul ti arida. Ket nagidatonda kadagiti daton a mamagbalin kadakuada nga agtultuloy a maaddaan iti pannakikaddua kenni Yahweh. Ket nagragsak unay ni Saul ken dagiti amin a dadduma nga Israelita.
|
||
|
||
\s5
|
||
\c 12
|
||
\p
|
||
\v 1 Kalpasanna, kastoy ti kinuna ni Samuel kadagiti amin nga Israelita: "Inaramidko amin nga imbagayo nga aramidek, ket inikkankayo iti ari a mangituray kadakayo.
|
||
\v 2 Dakkelen dagiti annakko a lallaki ket ita kaduayo ida, ngem dinutokak ni Saul imbes koma a maysa kadakuada, ket isuna itan ti panguloyo. Lakayakon, ken ubananakon. Siak ti panguloyo sipud pay ubingak.
|
||
|
||
\s5
|
||
\v 3 Ibagayo ita kaniak, bayat a dumdumngeg ni Yahweh, ken bayat a dumdumngeg ti ari a pinilina, siasino koma ti akin-baka wenno akin-asno iti tinakawko bayat kadagitoy a tawtawen? Siasino koma ti kinaurko? Siasino koma ti indadanesko iti kasta unay? Siasino koma ti immawatak iti pasuksok, tapno iyaleng-alengko dagiti dakes a banag nga inaramidna? No adda ti uray ania a naaramidko kadagitoy a banbanag, ibagayo kaniak, ket bayadak ti nautangko."
|
||
|
||
\s5
|
||
\v 4 Insungbatda, "Saan, awan a pulos ti siasinoman a kinakaurmo wenno indadanesmo wenno siasinoman nga immawatam iti pasuksok."
|
||
\v 5 Ket kinuna ni Samuel, "Ita nga aldaw, ni Yahweh ken ti ari a piniliyo ti saksi a saanak nga immawat iti pasuksok iti uray siasinoman." Simmungbatda, "Wen, maibaga ni Yahweh nga ammona a dayta ket pudno."
|
||
|
||
\s5
|
||
\v 6 Intuloy ni Samuel ti nagsao babaen iti panangibagana, "Ni Yahweh ti nangdutok kada Moises ken Aaron a mangidaulo kadagiti kapuonantayo. Isuna ti nangiruar kadakuada iti Egipto. Ket isuna ti mangpaneknekto a pudno ti ibagbagak.
|
||
\v 7 Ita, bayat a dumdumngeg ni Yahweh, agtakderkayo ditoy a siuulimek bayat a babbabbalawen ken ibagbagak kadakayo a ti panagkiddawyo iti ari ket biddut, imbes ketdi nga agtalekkayo kenni Yahweh a mangidalan kadakayo. Aramidek dayta babaen iti panangipalagipko kadakayo kadagiti amin a milagro nga inaramid ni Yahweh para kadakayo ken kadagiti kapuonanyo.
|
||
|
||
\s5
|
||
\v 8 Adu a tawen kalpasan ti ipapan ni Jacob a kapuonantayo idiay Egipto, nagpakaasi dagiti kaputotanna kenni Yahweh a tulonganna ida. Isu nga imbaon ni Yahweh ni Moises ken ni Aaron kadakuada, ket indauloanda dagiti kapuonantayo a rummuar iti Egipto, ket itikauddianna, nagnaedda iti daytoy a daga.
|
||
\v 9 Ngem nalipatan a dagus dagiti kapuonantayo ti maipanggep kenni Yahweh a Diosda. Isu nga intulokna a parmeken ida ni Sisera, a mangidadaulo iti armada manipud Hazor. Intulokna met a rauten ken parmeken dagiti Filisteo ken ti armada ti ari iti Moab dagiti kapuonantayo.
|
||
|
||
\s5
|
||
\v 10 Ket nagpakaasi manen dagiti kapuonantayo kenni Yahweh a tulonganna ida. Binigbigda, 'O Yahweh, nagbasolkami, ket tinallikudandaka. Nagdayawkami kadagiti didiosen a mangibagbagi iti didiosen a ni Baal ken ti Astarte a diosa. Ngem no ispalennakami manipud kadagiti kabusormi, sikanto laeng ti daydayawenmi.’
|
||
\v 11 Isu a nangibaon ni Yahweh kadagiti lallaki a kas kada Gideon, Barak, Jepta, ken siak a mangisalakan kadakayo. Ket kas nagbanaganna, saankayo a nagdanag iti panangraut kadakayo dagiti kabusoryo.
|
||
|
||
\s5
|
||
\v 12 Ngem ita, nagbutengkayo idi immay ni Ari Nahas iti Ammon a kaduana dagiti armadana a mangraut kadakayo. Isu nga immaykayo kaniak, ket kinunayo, 'Kayatmi ti maaddaan iti ari a mangituray kadakami,' uray no ariyon ni Yahweh!
|
||
\v 13 Isu nga ita, kitaenyo, adtoy ti ari a piniliyo. Nagkiddawkayo iti ari, ket nangdutok itan ni Yahweh iti ari para kadakayo.
|
||
|
||
\s5
|
||
\v 14 No dayawenyo ni Yahweh ken no agserbikayo kenkuana, ken no dumngegkayo iti ibagbagana ken agtulnogkayo iti ibilbilinna, ken no dakayo ken ti ari a mangiturturay kadakayo ket aramidenyo ti kayat ni Yahweh a Diosyo nga aramidenyo, nasayaatto ti pagbanaganyo amin.
|
||
\v 15 Ngem no saankayo a dumngeg iti ibagbaga ni Yahweh, no agsukirkayo iti ibilbilinna, dusaennakayonto ngarud, a kas iti panangdusana kadagiti kapuonantayo.
|
||
|
||
\s5
|
||
\v 16 Ita, agtakderkayo ditoy a siuulimek ket kitaenyo ti nakaskasdaaw a banag nga aramiden ni Yahweh.
|
||
\v 17 Ammoyo a saan nga agtudtudo iti kastoy a tiempo iti tawen, ti tiempo a panaga-apit iti trigo. Ngem idawatko kenni Yahweh a pagkimaten, paggurruoden ken pagtudoenna ita nga aldaw. Inton aramidenna dayta, maamirisyonto nga ibilbilang ni Yahweh a nakaaramidkayo iti nagdakes unay a banag babaen iti panagkiddawyo iti ari."
|
||
\v 18 Nagkararag ngarud ni Samuel kenni Yahweh, ket pinagkimat, pinaggurruod ken pinagtudo ni Yahweh. Isu a nagbuteng iti kasta unay dagiti amin a tattao kenni Yahweh ken ni Samuel.
|
||
|
||
\s5
|
||
\v 19 Immasugda kenni Samuel, "Ikararagandakami! Nanayonanmi dagiti napalabas a basolmi babaen iti panagkiddawmi iti ari! Agkararagka kenni Yahweh a Diosmo, tapno saankami a matay gapu iti panangaramidmi iti dayta!"
|
||
\v 20 Simmungbat ni Samuel, Saankayo nga agbuteng! Inaramidyo daytoy dakes a banag, ngem saanyo a tallikudan ti panangaramid kadagiti banag a kayat ni Yahweh nga aramidenyo. Ngem ketdi, agserbikayo a sipupuso kenni Yahweh.
|
||
\v 21 Saanyo a tallikudan ni Yahweh ken saankayo nga agdayaw kadagiti awan serserbina a didiosen. Saandakayo a matulongan wenno maisalakan dagitoy manipud kadagiti kabusoryo, gapu ta pudno nga awan serserbida.
|
||
|
||
\s5
|
||
\v 22 Inkeddeng ni Yahweh a pagbalinennatayo a tattaona. Isu a saannatayo a baybay-an a tattao a pinilina, gapu ta dadaelenna ti bukodna a dayaw maipanggep iti kinapudnona no aramidenna dayta.
|
||
\v 23 Ngem no maipapan kaniak, sipapasnek nga inkarik a saanakto nga agbasol kenni Yahweh iti panangisardengko a panagkararag para kadakayo. Ken itultuloyko nga isuro kadakayo dagiti naimbag ken umno a banbanag nga aramidenyo.
|
||
|
||
\s5
|
||
\v 24 Ngem masapul a raemenyo ni Yahweh ken agserbikayo kenkuana iti amin a pusoyo. Saanyo pulos a liplipatan dagiti amin a naindaklan a banbanag nga inaramidna kadakayo.
|
||
\v 25 No itultuloyyo ti panagaramid kadagiti dakes a banbanag, dadaelennakayonto kasta met ti ariyo!"
|
||
|
||
\s5
|
||
\c 13
|
||
\p
|
||
\v 1 Agtawen ni Saul iti tallopulo idi nangrugi isuna nga agturay. Nagturay isuna iti [uppat a pulo] a tawen.
|
||
\v 2 Kalpasan ti sumagmamano a tawen a panagbalinna nga ari, nangpili isuna iti 3,000 a lallaki manipud iti armada dagiti Israelita a kaduana a mapan makigubat kadagiti Filisteo. Ket pinagawidna dagiti dadduma a soldado. Kadagiti lallaki a pinili ni Saul, 2,000 ti nagtalinaed a kaduana idiay Mikmas ken iti turod nga asideg ti Betel, ken 1,000 ti nagtalinaed a kadua ni Jonathan nga anak ni Saul idiay Gabaa, iti lugar ti tribu ti Benjamin.
|
||
|
||
\s5
|
||
\v 3 Rinaut ni Jonatan ken dagiti kakaduana a lallaki dagiti soldado a Filisteo a nagkampo idiay Geba. Nangngeg dagiti dadduma a Filisteo ti maipanggep iti dayta. Isu a napanunot ni Saul a nalabit nga umay dagiti armada ti Filistia a makigubat manen kadagiti Israelita. Isu a nangibaon ni Saul kadagiti mensahero a mangpuyot kadagiti tangguyob iti entero nga Israel tapno mauummong dagiti tattao ken maipakaammo kadakuada, "Dakayo amin a Hebreo, kasapulan a mangngeganyo nga ita, makigubat dagiti Filisteo kadatayo!"
|
||
\v 4 Binagaan dagiti mensahero dagiti dadduma pay iti armada a makiummongda kenni Saul idiay Gilgal. Ket nangngeg dagiti amin a tattao ti Israel ti damag. Kunkuna dagiti tattao, "Rinaut ti armada ni Saul ti kampo dagiti Filisteo, gapu iti dayta, dagiti Filisteo ket kaguradatayo unayen nga Israelita."
|
||
|
||
\s5
|
||
\v 5 Naguummong dagiti Filisteo ket naikkanda kadagiti alikamen a panggubatda kadagiti Israelita. Addaan dagiti Filisteo iti 30,000 a karwahe ken 6,000 a mangiturong kadagiti karwahe. Dagiti soldadoda ket kas kadagiti darat iti igid ti baybay ti kaaduna. Simmang-atda ket nagkampoda idiay Mikmas, iti daya ti Bet-aben, a maaw-awagan iti Betel.
|
||
|
||
\s5
|
||
\v 6 Adu dagiti Filisteo a rimmaut kadagiti Israelita, ket nadlaw dagiti soldado nga Israelita nga agpeggadda la unay. Isu nga adu kadagiti soldado nga Israelita ti naglemmeng kadagiti rukib ken abut iti daga, wenno kadagiti dadakkel a bato, wenno kadagiti abut, wenno kadagiti bubon.
|
||
\v 7 Dagiti dadduma kadakuada ket bimmallasiw iti Karayan Jordan ken napan iti paset ti rehion ti tribu ti Gad ken iti rehion ti Galaad. Ngem nagtalined ni Saul idiay Gilgal. Agpigpigerger dagiti amin a soldado a kaduana gapu ta kasta unay ti butengda.
|
||
|
||
\s5
|
||
\v 8 Naguray ni Saul iti pito nga aldaw, nga isu ti bilang ti aldaw nga imbaga kenkuana ni Samuel a panagurayna kenkuana. Ngem saan a dimteng ni Samuel idiay Gilgal iti dayta a tiempo, isu nga adu kadagiti soldado ni Saul iti nangrugi a nagtataray a nangpanaw kenkuana.
|
||
\v 9 Isu a kinuna ni Saul kadagiti soldado, "Mangiyegkayo kaniak iti maysa nga ayup a naan-anay a mapuoran iti rabaw ti altar ken maysa a maidaton a mamagbalin kadatayo nga agtultuloy a maaddaan iti pannakikadua iti Dios." Isu nga inaramid dagiti lallaki dayta.
|
||
\v 10 Ket apaman a nalpas iti panangpuorna kadagitoy a daton, simmangpet ni Samuel. Napan kinablaawan ni Saul isuna.
|
||
|
||
\s5
|
||
\v 11 Nakita ni Samuel ti inaramid ni Saul, ket kinunana kenni Saul, "Apay nga inaramidmo daytoy?" Simmungbat ni Saul, "Nakitak a pagpapanawan ken intarayandak dagiti tattaok, ken saanka a dimteng ditoy iti tiempo a kinunam nga umayka, ket naguummong ti armada ti Filistia idiay Mikmas.
|
||
\v 12 Isu nga impagarupko, 'Umay rumaut ti armada dagiti Filisteo kadakami ditoy Gilgal, ket saanko pay a kiniddaw kenni Yahweh a bendisionanatayo.' Isu a napanunotko a kasapulan a maidaton dagiti daton a mapuoran tapno ipaay ti Dios ti bendisionna."
|
||
|
||
\s5
|
||
\v 13 Simmungbat ni Samuel, "Kinamaag unay ti inaramidmo! Saanka a nagtulnog iti imbilin ni Yahweh a Diosmo maipapan kadagiti daton. No nagtulnogka koma kenkuana, nalabit nga impalubos ti Dios nga agturayka ken dagiti kaputotam iti Israel iti napaut a tiempo.
|
||
\v 14 Ngem ita, gapu iti inaramidmo, mataykanto, ket kalpasan a matayka, awan kadagiti kaputotam ti agtuloyto nga agturay. Agbirbirok ni Yahweh iti tao nga agbalin nga ari nga agtulnog iti pagayatanna, tapno dutokanna isuna nga agbalin a mangidaulo kadagiti tattaona. Aramidento ni Yahweh daytoy gapu ta saanka a nagtulnog iti imbilinna."
|
||
|
||
\s5
|
||
\v 15 Kalpasanna, pimmanaw ni Samuel idiay Gilgal ket simmang-at idiay Gabaa. Nagtalinaed ni Saul idiay Gilgal a kaduana dagiti soldadona. Adda laengen agarup 600 a nabati kadakuada a saan a timmaray.
|
||
\v 16 Napan ni Saul ken ni Jonatan nga anakna ken dagiti soldado a kakaduada iti siudad ti Geba iti lugar iti tribu ti Benjamin ket nagkampoda sadiay. Nagkampo ti armada ti Filistia idiay Mikmas.
|
||
|
||
\s5
|
||
\v 17 Iti saan a nagbayag, tallo a bunggoy dagiti soldado a Filisteo ti pimmanaw a dagus iti lugar a pagtaltalinaedan ti armadada, ket napanda rimmaut kadagiti ili dagiti Israelita. Maysa a bunggoy ti nagpaamianan a nagturong iti siudad ti Opra iti rehion ti Sual.
|
||
\v 18 Maysa a bunggoy ti nagpalaud a nagturong iti siudad ti Bet-horon. Ti maikatlo a bunggoy ket nagturong iti beddeng dagiti Israelita a ngatoen ti Tanap ti Seboim nga asideg iti let-ang.
|
||
|
||
\s5
|
||
\v 19 Iti dayta a tiempo, awan idi ti pumapanday a tao idiay Israel. Saan nga ipalubos dagiti tattao ti Filistia a maaddaan dagiti Israelita kadagiti lallaki a makaaramid iti kasta, gapu ta mabutengda nga amangan no mangaramidda kadagiti kampilan a landok ken gayang nga usaren dagiti Hebreo.
|
||
\v 20 Isu a no tunggal kasapulan nga agpaasa dagiti Israelita kadagiti tadem dagiti aradoda, wenno dagiti gabyonda, wenno dagiti wasayda, wenno dagiti kumpayda, kapilitan nga ipanda dagitoy iti maysa a Filisteo a mabalin a mangasa kadagitoy a banag.
|
||
\v 21 Kasapulan nga agbayadda iti agarup walo a gramo iti pirak para iti pannakaasa dagiti tadem ti aradoda ken dagiti gabyonda. Kasapulan nga agbayadda iti agarup uppat a gramo ti pirak para iti pannakaasa dagiti wasay wenno dagiti kumpayda, wenno iti pannakalinteg dagiti kawit a maus-usar a pangiturong kadagiti baka.
|
||
|
||
\s5
|
||
\v 22 Isu a gapu ta saan a makaaramid dagiti Israelita kadagiti kampilan ken gayang manipud iti landok, iti tiempo a makigubgubat dagiti Israelita iti armada ti Filistia. Ni Saul ken Jonatan laeng iti lallaki nga Israelita iti addaan kadagiti kampilan. Awanen ti sapabali pay nga addaan iti kampilan. Panpana ken bai ken dadduma a kita laeng dagiti igam ti adda kadakuada.
|
||
\v 23 Sakbay a nagrugi ti gubat, sumagmamano a lallaki a Filisteo ti napan iti bantay nga agturong iti Mikmas tapno bantayanda daytoy.
|
||
|
||
\s5
|
||
\c 14
|
||
\p
|
||
\v 1 Maysa nga aldaw, kinuna ni Jonatan iti agtutubo a lalaki a para-awit kadagiti igamna, "Sumurotka kaniak; bumallasiwta a mapan iti nagkampoan dagiti soldado ti Filistia." Napanda ngarud, ngem saan nga imbaga ni Jonatan iti amana no ania ti aramidenda.
|
||
|
||
\s5
|
||
\v 2 Iti dayta nga aldaw, agtugtugaw ni Saul ken dagiti innem a gasut a soldado a kaduana iti aglawlaw ti kayo a granada iti lugar a pagir-irikan dagiti tattao, iti asideg ti Gabaa.
|
||
\v 3 Adda met sadiay ni Ahija a padi, a maysa kadagiti nakakawes iti nasagradoan nga efod. Ni Ahija nga anak ni Ahitob, a kabsat ni Icabod. Ni Icabod ken Ahitob ket annak ni Finees nga anak ni Eli, a padi ni Yahweh idiay Silo. Ita awan ti makaammo a pimmanaw ni Jonatan iti kampo dagiti Israelita.
|
||
|
||
\s5
|
||
\v 4 Pinanggep ni Jonatan nga isuna ken ti agtutubo a lalaki ket magna iti nailet a pagnaan tapno makapanda iti ayan dagiti armada ti Filistia. Ti rangkis iti maysa a bangir a pagnaan ket naawagan iti Boses, ken naawagan met ti sabali a rangkis iti Sene.
|
||
\v 5 Ti maysa a rangkis ket nakasango iti amianan nga agturong ti Mikmas, ken ti rangkis iti sabali a bangir ket nakasango iti abagatan nga agturong iti ili ti Geba.
|
||
|
||
\s5
|
||
\v 6 Kinuna ni Jonatan iti agtutubo a lalaki a nangawit kadagiti igamna, "Sumurotka kaniak. Mapanta idiay nagkampoan dagiti pagano. Nalabit a tulongannatanto ni Yahweh. Saan a napateg no duduata laeng a lalaki wenno adu a tattao; awan ti makalapped kenni Yahweh iti pannangtedna iti kabaelan kadata a mangparmek kadakuada."
|
||
\v 7 Kinuna ti agtutubo a lalaki a mangaw-awit kadagiti igam ni Jonatan, "Aramidem ti ammom a kasasayaatan a banag nga aramidenta. Tulongankan."
|
||
|
||
\s5
|
||
\v 8 Ket kinuna ni Jonatan, "Nasayaat, sumurotka kaniak. Bumallasiwta iti tanap nga ayan dagiti armada ti Filistia, ket agpakitata kadakuada.
|
||
\v 9 No kunada kadata, 'Agtalinaedkayo dita a dua agingga makababakami dita ayanyo,' agtalinaedta sadiay ket saanta a sumang-at iti ayanda.
|
||
\v 10 Ngem no kunada kadata, 'Sumang-atkayo ditoy,' dayta ti mangipakitanto kadata nga inikkannata ni Yahweh iti kabaelan a mangparmek kadakuada. Ket sumang-attanto ken makirangetta kadakuada."
|
||
|
||
\s5
|
||
\v 11 Idi naballasiw dagiti dua ti tanap, nakita dagiti soldado ti Filistia a paumayda. Kinunada, "Kitaenyo! Agkarkaradap a rumuar dagiti Hebreo kadagiti abut a paglemlemmenganda!"
|
||
\v 12 Ket kinuna dagiti soldado ti Filistia a kaasitgan kenni Jonatan ken ti agtutubo a lalaki a nangawit kadagiti igamna, "Sumang-atkayo ditoy, ket surroandakayo no kasano ti makiranget!" Kinuna ni Jonatan iti agtutubo a lalaki a kaduana, "Sumurotka iti likudak ken kumalay-atka, gapu ta tulongannata ni Yahweh a mangparmek kadakuada!"
|
||
|
||
\s5
|
||
\v 13 Kimmalay-at ngarud ni Jonatan, gapu ta nasang-at unay daytoy. Kimmalay-at ti agtututbo a lalaki a sursurotenna isuna. Apaman a nakasagpat ni Jonatan, dinarup ken pinatayna dagiti adu a soldado ti Filistia, ket adu pay ti pinatay ti kaduana nga agtutubo bayat a sumursurot iti likudan ni Jonatan.
|
||
\v 14 Iti dayta nga umuna a gubat, pimmatayda a dua iti agarup duapulo a soldado ti Filistia iti maysa a disso nga agarup kagudua nga ektaria ti kalawana.
|
||
|
||
\s5
|
||
\v 15 Ket amin dagiti dadduma a soldado ti Filistia, dagiti adda iti kampo ken dagiti mangraraut kadagiti ili dagiti Israelita, dagidiay nga as-asideg iti away ket nagkakaribusoda. Ket pinagginginned ti Dios ti daga, ket nagbutengda amin iti kasta unay.
|
||
|
||
\s5
|
||
\v 16 Dagiti para-wanawan ni Saul ket addada idiay ili ti Gabaa idiay rehion ti tribu ti Benjamin. Nakitada a tila nagtartarayanda dagiti soldado ti armada ti Filistia.
|
||
\v 17 Naamiris ni Saul a mabalin a rinaut ti sumagmamano a soldanona ti armada ti Filistia. Isu a kinunana kadagiti soldado a kaduana, "Kitaenyo no adda kadagiti soldadotayo ti awan ditoy." Kinitada ngarud, ket naammoanda a pimmanaw ni Jonatan ken ti lalaki a para-awit kadagiti igamna.
|
||
|
||
\s5
|
||
\v 18 Isu a kinuna ni Saul kenni Ahija a padi, "Iyegmo ditoy ti nasagradoan nga efod ket ammoem no ania ti masapul nga aramidentayo."Iti dayta nga aldaw nakakawes ni Ahija iti nasagradoan nga efod, a kimmuyog kadagiti Israelita.
|
||
\v 19 Ngem bayat a kasarsarita ni Saul ti padi, nakitana a kumarkaro ti panagkakaribuso dagiti soldado ti Filistia. Isu a kinuna ni Saul kenni Ahija, "Ibabam ta imam manipud iti nasagradoan nga efod. Awanen ti panawentayo para iti daytoy."
|
||
|
||
\s5
|
||
\v 20 Inummong ngarud ni Saul dagiti soldadona ket nagturongda iti paggugubatan. Naammoanda a matiktikaw unay dagiti soldado ti Filistia nga agdidinnuyokda iti tunggal maysa babaen kadagiti kampilanda.
|
||
\v 21 Sakbay dayta, sumagmamano kadagiti Hebreo a lallaki ti nangpanaw iti armadada ket napanda timmipon kadagiti armada ti Filistia. Ngem ita, immalsa dagitoy a lallaki ket timmiponda kenni Saul ken ni Jonatan ken kadagiti dadduma a soldado nga Israelita.
|
||
|
||
\s5
|
||
\v 22 Timmaray idi dagiti dadduma soldado nga Israelita ket naglemmengda kadagiti banbantay a nagnanaedan ti tribu ni Efraim. Ngem idi nangngegda a nagtataray dagiti soldado ti Filistia, simmalogda ket nakitiponda kadagiti dadduma a soldado nga Israelita ket kinamatda dagiti soldado ti Filistia.
|
||
\v 23 Inispal ngarud ni Yahweh dagiti Israelita iti dayta nga aldaw. Intultuloy a kinamat dagiti soldado nga Israelita dagiti kabusorda agingga iti labes ti ili ti Bet-aben.
|
||
|
||
\s5
|
||
\v 24 Sakbay a napan dagiti soldado ni Saul iti gubat, impaganetget nga imbaga ni Saul kadakuada, "Saanko a kayat a mangan ti siasinoman kadakayo iti uray ania a taraon sakbay iti daytoy a rabii, sakbay a maparmektayo dagiti amin a kabusortayo. No adda siasinoman a mangan iti uray ania a banag gapu ta mabisinda unay, ilunodto ni Yahweh.
|
||
\v 25 Napan ti armada dagiti Israelita iti kabakiran, ket nakakitada kadagiti diro iti daga, ngem saanda a nangan iti diro.
|
||
\v 26 Mabutengda a mangan iti uray ania, gapu ta insapatada a saanda a mangan iti uray ania a taraon.
|
||
|
||
\s5
|
||
\v 27 Ngem saan a nangngeg ni Jonatan a pinagsapata ti amana dagiti tattao. Nasapa a pimmanaw ni Jonatan iti kampo iti bigat ket idi nakitana ti diro, indeppelna ti murdong ti sarukodna iti daytoy ket nangan iti diro. Kalpasan a nangan isuna iti diro, nariknana a pimmigsa isuna.
|
||
\v 28 Ngem nakita isuna ti maysa kadagiti soldado nga Israelita ket kinunana kenkuana, "Impaganetget nga imbaga ti amam kadakami nga ilunod ni Yahweh ti siasinoman a mangan iti aniaman a taraon ita nga aldaw. Isu a nabannog ken nakapsutkami unayen gapu iti bisin gapu ta nagtulnogkami kenkuana."
|
||
|
||
\s5
|
||
\v 29 Nagpukkaw ni Jonathan," Nangaramid iti riribuk ti amak para kadatayo amin! Kitaenyo no kasano a pimmigsaak kalpasan a nanganak iti bassit a diro!
|
||
\v 30 No pinalubosannatayo amin a mangan iti taraon nga innalatayo kadagiti kabusortayo bayat a kamkamatentayo ida, ad-adu koma pay kadagiti soldadoda ti napapataytayo!"
|
||
|
||
\s5
|
||
\v 31 Kinamat ken pinatay dagiti Israelita dagiti soldado ti Filistia iti dayta a nagmalem, manipud iti laud ti ili ti Mikmas agingga iti Aijalon, Ngem ad-adda a kimmapsutda gapu iti bisin.
|
||
\v 32 Nangalada kadagiti adu a karnero ken baka a pinanawan dagiti soldado ti Filistia. Ita, gapu ta napalalo ti bisinda, pinartida ti dadduma kadagidiay nga ayup ket kinnanda ti karne a saanda a pinagdara nga immuna dagiti ayup.
|
||
|
||
\s5
|
||
\v 33 Maysa kadagiti soldado ni Saul ti nangibaga kenni Saul, "Kitaem! Agbasbasol dagiti lallaki kenni Yahweh babaen iti pannangan iti karne a daradara pay laeng!" Simmungbat ni Saul kadagiti lallaki nga asideg kenkuana, "Nagsukirda kenni Yahweh! Mangitulidkayo iti dakkel a bato ditoy!"
|
||
\v 34 Kalpasan nga inaramidda dayta, kinunana kadagiti lallaki, "Mapanyo ibaga kadagiti amin a soldado a tunggal maysa kadakuada ket masapul a mangiyeg kaniak iti baka wenno karnero, ket patayenna daytoy ditoy iti daytoy a bato, ket pagdaraenna daytoy sakbay a kanenna ti karnena. Saan a rumbeng nga agbasolda kenni Yahweh gapu iti pannanganda iti karne manipud iti sumagmamano nga ayup a saan a napadara." Isu nga iti dayta a rabii, nangiyeg dagiti amin a soldado kadagiti ayup ket pinartida dagitoy sadiay. Ket nangipatakder ni Saul iti altar tapno agdayaw kenni Yahweh.
|
||
|
||
\s5
|
||
\v 35 Dayta ti umuna a gundaway a nangaramid isuna iti altar para kenni Yahweh.
|
||
|
||
\s5
|
||
\v 36 Ket kinuna ni Saul kadagiti soldado nga Israelita, "Kamatentayo dagiti soldado ti Filistia ita a rabii. Mabalintayo a rauten ida iti agpatpatnag. Saantayo a palubosan ti siasinoman kadakuada a makalibas a sibibiag." Simmungbat dagiti soldado nga Israelita, "Aramidenmi ti aniaman a panpanunotem a kasayaatan a banag nga aramidenmi." Ngem kinuna ti padi, "Rumbeng a damagentayo no ania ti pagayatan ni Yahweh nga aramidentayo."
|
||
\v 37 Isu a dinamag ni Saul iti Dios, "Rumbeng kadi a kamatenmi dagiti soldado ti Filistia? Ikkannakami kadi iti kabaelan a mangparmek kadakuada?" Ngem saan a sinungbatan ti Dios ni Saul iti dayta nga aldaw.
|
||
|
||
\s5
|
||
\v 38 Isu a pinaayaban ni Saul dagiti amin a mangidadaulo iti armadana. Kinunana kadakuada, "Masiguradok a saannak a sinungbatan ti Dios gapu ta adda nagbasol. Masapul a maammoantayo ti nakabasolanna.
|
||
\v 39 Inispalnatayo ni Yahweh manipud iti armada ti Filistia. Iti nagan ti sibibiag a Dios, siasinoman a nagbasol ket masapul a mapapatay. Uray no ti anakko a ni Jonatan ti nagbasol, masapul a mapapatay isuna." Ammo dagiti soldadona no siasino ti nagbasol, ngem awan a pulos kadakuada ti nangibaga kenni Saul.
|
||
|
||
\s5
|
||
\v 40 Ket kinuna ni Saul kadagiti amin a soldado nga Israelita, "Agtakderkayo iti maysa a bangir. Agtakderkami kenni Jonatan iti bangir." Simmungbat dagiti soldadona, "Aramidem ti panpanunotem a kasayaatan."
|
||
\v 41 Ket nagkararag ni Saul kenni Yahweh, a Dios dagiti Israelita, "Ibagam kaniak no siasino ti nagbasol ken no siasino ti saan a nagbasol." Ket nagbunot ti padi, ket naitudo a mabalin a ni Jonatan wenno ni Saul ti nagbasol, ket saan a dagiti dadduma a lallaki ti nagbasol.
|
||
\v 42 Ket kinuna ni Saul iti padi, "Ipuruakmo manen dagiti bato tapno ipakitana no siasino kadakami a dua ti nagbasol." Inaramidna ngarud, ket impakita dagiti bato a ni Jonatan ti nagbasol.
|
||
|
||
\s5
|
||
\v 43 Ket kinuna ni Saul kenni Jonatan, "Ibagam kaniak no ania ti biddut nga inaramidmo." Simmungbat ni Jonatan, "Nanganak iti bassit a diro. Bassit laeng daytoy nga adda iti murdong ti sarukodko. Maiparbeng kadi a mapapatayak gapu iti panangaramidko iti dayta?
|
||
\v 44 Simmungbat ni Saul, "Wen, masapul a mapapatayka! Sapay koma ta dusaen ken patayennak ti Dios no saanka a mapapatay gapu iti panangaramidmo iti dayta!"
|
||
|
||
\s5
|
||
\v 45 Ngem kinuna dagiti soldado nga Israelita kenni Saul, "Dakkel a balligi ti inaramid ni Jonatan para kadatayo amin nga Israelita. Maiparbeng kadi a mapapatay isuna iti pannanganna iti bassit a diro? Saan! Iti nagan ti sibibiag a Dios, saanmi nga itulok a dangram isuna iti uray ania a wagas, gapu ta iti daytoy nga aldaw, tinulongan ti Dios ni Jonathan a mangpatay kadagiti adu a soldado iti armada ti Filistia!" Isu a babaen iti panangibagada iti dayta, inispal dagiti soldado nga Israelita ni Jonatan, ket saan isuna a napapatay.
|
||
\v 46 Ket binilin ni Saul nga isardeng dagiti soldadona a kamaten dagiti armada ti Filistia, isu a nagsubli dagiti soldado ti Filistia kadagiti pagtaenganda.
|
||
|
||
\s5
|
||
\v 47 Idi nagturayen ni Saul, nakiranget isuna kadagiti kabusor iti amin a lugar. Nakiranget isuna kadagiti bunggoy dagiti Ammonita, dagiti Edomita, kadagiti ari ti Soba, ken kadagiti Filisteo. Sadinoman a pakirangetan ti armada ti Israel, maparmekda dagiti kabusorda.
|
||
\v 48 Situtured a nakiranget ti armada ni Saul ket pinarmekda dagiti nagtatayag unay a kaputotan ni Amalek. Insalakan ti armadana dagiti Israelita manipud kadagiti nangsakop kadakuada ken nangsamsam kadagiti amin a kukuada.
|
||
|
||
\s5
|
||
\v 49 Dagiti annak a lallaki ni Saul ket ni Jonatan, Isboset ken Malkisua. Adda met dua nga annakna a babbai, ni Merab ken ti inaudi a kabsatna a ni Mical.
|
||
\v 50 Ni Ahinoam nga anak ni Ahimaas ti asawa ni Saul. Ti mangidadaulo iti armada ni Saul ket ni Abner nga anak ti uliteg ni Saul a ni Ner.
|
||
\v 51 Ni Kis nga ama ni Saul ken ni Ner nga ama ni Abner ket agpada nga annak ni Abiel.
|
||
|
||
\s5
|
||
\v 52 Iti unos ti panagbiag ni Saul, ginubat ti armadana ti armada ti Filistia. Ket tunggal makakita ni Saul iti maysa nga agtutubo a natured ken napigsa, pilitenna daytoy a kumadua iti armadana.
|
||
|
||
\s5
|
||
\c 15
|
||
\p
|
||
\v 1 Maysa nga aldaw, kinuna ni Samuel kenni Saul, "Imbaonnak ni Yahweh a mangdutok kenka nga agbalin nga ari kadagiti Israelita. Isu a dumngegka ita iti daytoy a mensahe manipud kenni Yahweh:
|
||
\v 2 Ni Yahweh a Mannakabalin-amin, ti nangipakaammo iti daytoy: 'Dusaekto dagiti kaputotan ti Amalek gapu iti panangrautda kadagiti Israelita kalpasan a pimmanaw dagiti Israelita iti Egipto.
|
||
\v 3 Isu nga ita mapanka a kaduam ti armadam ket rautenyo ti bunggoy dagiti tattao ti Amalek. Naan-anay a dadaelenyo ida--dadaelenyo ida ken dagiti amin a banag a kukuada--dagiti lallaki ken babbai, dagiti ubbing ken maladagada, dagiti baka ken karneroda ken dagiti kamelio ken dagiti asnoda. Saankayo a mangibati iti uray maysa kadakuada!'~"
|
||
|
||
\s5
|
||
\v 4 Pinaayaban ngarud ni Saul ti Armada, ket naggu-ummongda idiay ili ti Telem. Adda agarup 200,000 a soldado. Ti 10,000 kadakuada ket naggapu iti Juda, ken dagiti dadduma ket naggapu kadagiti dadduma a tribu ti Israel.
|
||
\v 5 Napan ngarud ni Saul kaduana ti armadana iti ili a pagnanaedan ti dadduma a bunggoy dagiti tattao ti Amalek. Nagsagana ti armada a mangdarup kadakuada iti wagas a saanda a mapakpakadaan babaen iti panaglemmengda iti tanap.
|
||
|
||
\s5
|
||
\v 6 Ket impatulod ni Saul daytoy a mensahe kadagiti bunggoy dagiti tattao a Kineo nga agnanaed iti dayta a disso: "Nagtignaykayo a siaayat kadagiti amin a kapuonanmi nga Israelita idi pimmanawda iti Egipto. Ngem papatayenmi amin a bunggoy dagiti tattao ti Amalek, gapu ta sinuppiatda dagiti kapuonanmi. Isu nga umadayokayo iti pagnanaedan dagiti tattao ti Amalek. No saankayo nga umadayo, mapapataykayo, inton mapapatayda." Isu nga idi nangngeg dayta ti bunggoy dagiti tattao ti Kineo, dagus a pimmanawda iti dayta a disso.
|
||
\v 7 Ket pinapatay ti armada ni Saul ti bunggoy dagiti tattao ti Amalek, manipud iti daya ti ili ti Havila agingga iti laud ti ili ti Sur. Ti Sur ket adda iti beddeng ti nagbaetan ti Israel ken Egipto.
|
||
|
||
\s5
|
||
\v 8 Natiliw ti armada ni Saul ni Agag, nga ari ti bunggoy dagiti tattao ti Amalek, ngem pinatayda amin a tattao.
|
||
\v 9 Saan laeng a ni Agag ti imbatida, ngem innalada pay dagiti kasasayaatan a karnero ken dagiti kalding ken baka. Innalada amin a nasayaat. Dinadaelda laeng dagiti ayup nga imbilangda nga awan pategna.
|
||
|
||
\s5
|
||
\v 10 Ket kinuna ni Yahweh kenni Samuel,
|
||
\v 11 "Maladingitanak ta dinutokak nga agbalin nga ariyo ni Saul, gapu ta nagsukir isuna kaniak ken saanna a tinungpal ti imbilinko nga aramidenna." Mariribukan unay ni Samuel idi nangngegna dayta, ket nagpatnag isuna nga immasug kenni Yahweh.
|
||
|
||
\s5
|
||
\v 12 Iti kabigatanna, bimmangon ni Samuel ket napan nakisarita kenni Saul. Ngem adda ti nangibaga kenni Samuel, "Napan ni Saul idiay siudad ti Carmel, a nangipatakderanna iti monumento a mangpadayaw iti bagina. Ita, pimmanaw isuna sadiay ket simmalog idiay Gilgal."
|
||
\v 13 Idi simmangpet ni Samuel idiay Gilgal ken napan kenni Saul, kinuna ni Saul, "Bendisionannaka koma ni Yahweh! Tinungpalko ti imbaga ni Yahweh kaniak nga aramidek."
|
||
|
||
\s5
|
||
\v 14 Ngem simmungbat ni Samuel, "No pudno dayta, apay ngarud a makangkangngegak iti baka nga agug-uga ken makangkangngegak iti karnero nga agem-emmak?"
|
||
\v 15 Simmungbat ni Saul, "Innala dagitoy dagiti soldado manipud iti bunggoy dagiti tattao ti Amalek. Innalada dagiti kasasayaatan a karnero ken baka, tapno maidatag dagitoy a kas daton kenni Yahweh a Diosmo. Ngem naan-anay a dinadaelmi amin dagiti dadduma."
|
||
\v 16 Kinuna ni Samuel kenni Saul, "Sumardengka! Bay-annak a mangibaga kenka iti imbaga ni Yahweh kaniak idi rabii." Simmungbat ni Saul, "Ibagam kaniak no ania ti imbagana."
|
||
|
||
\s5
|
||
\v 17 Kinuna ni Samuel, "Iti napalabas, saanmo a pinanunot a napategka. Ngem ita, nagbalinka a mangidadaulo kadagiti tribu ti Israel. Dinutokannaka ni Yahweh nga agbalin nga arida.
|
||
\v 18 Ket inbaonnaka ni Yahweh a mangaramid iti maysa a banag a para kenkuana. Kinunana kenka, 'Mapanka ket papanawem amin dagidiay a managbasol a tattao, ti bunggoy dagiti tattao ti Amalek. Rautem ken patayem ida amin.'
|
||
\v 19 Apay ngarud a saanmo a tinungpal ni Yahweh? Apay nga innalam ti nasamsam imbes a dadaelem dagitoy? Inaramidmo ti kuna ni Yahweh a dakes, ket ammona daytoy!"
|
||
|
||
\s5
|
||
\v 20 Simmungbat ni Saul kenni Samuel, "Inaramidko ti imbaga ni Yahweh kaniak nga aramidek! Inyawidko ni Ari Agag, ngem pinataymi amin!
|
||
\v 21 Inyawid laeng dagiti tattaok ti kasasayaatan a karnero ken baka ken dagiti dadduma a banag, tapno maidatonda kenni Yahweh a Diosmo idiay Gilgal."
|
||
|
||
\s5
|
||
\v 22 Ngem simmungbat ni Samuel, "Iti panagkunam, ania ti ad-adda a makaay-ayo kenni Yahweh, dagiti ayup a naan-anay a mapuoran iti rabaw ti altar ken dagiti dadduma a daton, wenno tattao nga agtulnog kenkuana? Nasaysayaat ti agtulnog kenni Yahweh ngem ti mangidatag kadagiti daton kenkuana. Nasaysayaat nga ipangag dagiti ibagbagana ngem ti mangpuor iti taba dagiti kalakian a karnero, nga ibagbaga ti Dios a masapul a maidaton kenkuana.
|
||
\v 23 Ti saan a panagtulnog iti Dios ket kas iti panagsalamangka ti kinadakesna, ti kinatangken ti ulo ket kas iti panagdayaw kadagiti didiosen ti kinadakesna. Ngarud, gapu ta nagsukirka iti imbaga ni Yahweh kenka nga aramiden, impakaammona a saanen a sika ti ari."
|
||
|
||
\s5
|
||
\v 24 Ket kinuna ni Saul kenni Samuel, "Wen, nagbasolak. Nagsukirak iti imbagam kaniak nga aramiden, nga imbilin ni Yahweh. Inaramidko dayta gapu ta mabutengak iti ibaga dagiti tattaok no saanko nga aramiden ti kayatda. Isu nga inaramidko no ania ti kayatda.
|
||
\v 25 Ngem ita, pangngaasim ta pakawanennak iti panagbasolko. Ket kunmuyogka kaniak nga agsubli iti ayan dagiti tattao tapno makapagdaydayawak kenni Yahweh."
|
||
|
||
\s5
|
||
\v 26 Ngem simmungbat ni Samuel, "Saan, saanak a kumuyog kenka agsubli. Saanmo a tinungpal ti imbilin kenka ni Yahweh nga aramidem. Isu nga linaksidnaka, ken imbagana a saanen a sika ti ari ti Israel. Isu a saanko metten a kayat ti makisarita pay kenka."
|
||
\v 27 Iti itatallikud ni Samuel a pumanaw, pinadas ni Saul a gawidan isuna babaen iti pananggammatna iti gayadan ti kagay ni Samuel, ket napigis daytoy.
|
||
|
||
\s5
|
||
\v 28 Kinuna ni Samuel kenkuana, "Ita nga aldaw, inikkatnakan ni Yahweh a kas ari iti pagarian ti Israel. Mangdutokto isuna iti maysa a tao nga agbalin nga ari, maysa a tao a nasaysayaat ngem sika.
|
||
\v 29 Ken agsipud ta saan nga agulbod ti nadayag a Dios dagiti Israelita, saannanto a baliwan ti pangngeddengna. No dadduma ket agbaliw ti pangngeddeng dagiti tattao, ngem ti Dios saanna nga aramiden dayta, gapu ta saan isuna a tao."
|
||
|
||
\s5
|
||
\v 30 Ket nagpakpakaasi manen ni Saul. Kinunana, "Ammok a nagbasolak. Ngem pangngaasim ta padayawannak iti sangoanan dagiti mangidadaulo kadagiti Israelita ken iti sangoanan ti amin a dadduma nga Israelita babaen iti panagsublim kadakuada a kakuyognak tapno iti kasta makapagdayawak kenni Yahweh a Diosmo."
|
||
\v 31 Immanamong ngarud ni Samuel a mangaramid iti dayta, ket nagkuyogda a nagsubli iti ayan dagiti tattao, ket dinaydayaw ni Saul ni Yahweh sadiay.
|
||
|
||
\s5
|
||
\v 32 Ket kinuna ni Samuel, "Iyegyo kaniak ni Ari Agag." Impanda ngarud ni Agag kenkuana. Naipan ni Agag iti sangoananna, ket nakakawar isuna. Kinunana iti bagina, "Sigurado a saandakon a patayen!"
|
||
\v 33 Ngem kinuna ni Samuel kenkuana, "Pinataymo dagiti annak dagiti adu a babbai babaen iti kampilanmo, isu nga ita maawanan iti anak ti inam." Ket rinangrangkay ni Samuel ni Agag babaen iti kampilanna, idiay Gilgal, a nagdayawan dagiti Israelita kenni Yahweh.
|
||
|
||
\s5
|
||
\v 34 Ket pimmanaw ni Samuel sadiay ken nagsubli iti pagtaenganna idiay Rama, ket napan ni Saul iti pagtaenganna idiay Gabaa.
|
||
\v 35 Saanen a pulos a nakita pay ni Samuel ni Saul, ngem naliday unay isuna maipanggep iti naaramid ni Saul. Ket naladingit unay ni Yahweh a dinutokanna ni Saul nga agbalin nga ari ti Israel.
|
||
|
||
\s5
|
||
\c 16
|
||
\p
|
||
\v 1 Kamaudiananna, kinuna ni Yahweh kenni Samuel, "Ingkeddengko a saankon nga itulok a ni Saul ti agtultuloy nga agbalin nga ari. Isu a rumbeng a saankan nga agliday maipanggep iti inaramidna. Mangikabilka iti lana ti olibo iti bassit a pagkargaan, ket mapanka idiay Betlehem tapno pulotam ti maysa a tao babaen iti lana, ken dutokam isuna nga agbalin nga ari. Ibaonka iti ayan ti maysa a tao nga agnagan iti Jesse, gapu ta pinilik ti maysa kadagiti annakna a lallaki nga agbalin nga ari ti Israel."
|
||
|
||
\s5
|
||
\v 2 Ngem kinuna ni Samuel, "Mabutengak a mapan. No madamag ni Saul a dinutokak ti maysa a tao nga agbalin nga ari, papatayennak." Simmungbat ni Yahweh, "Mangitugotka iti kabaian a baka a saan pay a naganak, ket ibagam kadagiti tattao nga immayka tapno patayen ken idatag daytoy a kas daton kaniak.
|
||
\v 3 Awisem ni Jesse nga umay iti panagidaton. Inton umay isuna, ipakitakto kenka ti masapul nga aramidem. Ket ipakitakto kenka no siasino kadagiti annakna a lallaki ti pinilik nga agbalin nga ari. Ket masapul a pulotam isuna iti lana ti olibo tapno agbalin nga ari."
|
||
|
||
\s5
|
||
\v 4 Inaramid ni Samuel ti imbaga ni Yahweh nga aramidenna. Napan isuna idiay Betlehem. Idi immay kenkuana dagiti mangidadaulo iti ili, nagpigergerda, gapu ta madanaganda nga immay ni Samuel a mangbabalaw kadakuada maipanggep iti maysa a banag. Maysa kadakuada ti nagsaludsod kenkuana, "Immayka kadi tapno agsarita a sikakapia kadakami?"
|
||
\v 5 Simmungbat ni Samuel, "Wen. Immayak a sikakapia, tapno mangidaton kenni Yahweh. Aramidenyo ti banag a mamagbalin kadakayo a nadalus iti imatang ni Yahweh, ket kalpasanna, sumurotkayo kaniak idiay pagidatdataganda iti daton." Ket inaramid ni Samuel ti banag a mamagbalin kenni Jesse a nadalus iti sangoanan ti Dios, kasta met kadagiti annakna a lallaki, ket kalpasanna inawisna ida iti pagidatonan.
|
||
|
||
\s5
|
||
\v 6 Idi simmangpetda sadiay, kinita ni Samuel ni Eliab nga inauna a putot a lalaki ni Jesse, ket kinunana iti nakemna, "Awan dua-dua a daytoy ti dinutokan ni Yahweh nga agbalin nga ari!"
|
||
\v 7 Ngem kinuna ni Yahweh kenni Samuel, "Saanmo a panunoten nga isuna ti pinilik gapu iti kinataer ken kinatayagna, gapu ta saan nga isuna ti pinilik. Saanko a kitkitaen ti tao kas iti ar-aramiden ti tao. Dakayo a tattao kitkitaenyo ti tao babaen iti langada, ngem kitkitaek ti tao babaen iti adda iti kaungganda."
|
||
|
||
\s5
|
||
\v 8 Ket imbaga ni Jesse kenni Abinadab a maikadua nga anakna a lalaki nga agpasango ken magna isuna iti sangoanan ni Samuel. Ngem kalpasan nga inaramidna dayta, kinuna ni Samuel, "Uray daytoy ket saan nga isu ti pinili ni Yahweh."
|
||
\v 9 Ket imbaga ni Jesse kenni Samma a maikatlo nga anakna a lalaki nga agpasango. Nagpasango isuna, ngem kinuna ni Samuel, "Uray daytoy ket saan nga isu ti pinili ni Yahweh."
|
||
\v 10 Kasta met laeng ti imbaga ni Jesse kadagiti dadduma nga uppat nga annakna a lallaki a magnada iti sangoanan ni Samuel. Ngem kinuna ni Samuel kenni Jesse, "Awan ti pinili ni Yahweh kadagitoy nga annakmo a lallaki."
|
||
|
||
\s5
|
||
\v 11 Ket sinaludsod ni Samuel ni Jesse, "Adda pay kadi sabali nga anakmo a lalaki?" Simmungbat ni Jesse, "Awan ditoy ti inaudi nga anakko a lalaki; adda isuna iti away a mangay-aywan kadagiti karnero." Kinuna ni Samuel, "Mangibaonka iti mangiyeg kenkuana ditoy! Saantayo a mangan agingga a saan a makasangpet isuna ditoy.
|
||
\v 12 Nangibaon ngarud ni Jesse iti mangayab kenni David sadiay. Ket idi nakasangpet ni David, nakita ni Samuel a nataer, nasalun-at ken naraniag dagiti matana. Ket kinuna ni Yahweh, "Daytoy ti pinilik; pulotam isuna nga agbalin nga ari."
|
||
|
||
\s5
|
||
\v 13 Isu a bayat a nakatakder ni David iti sangoanan dagiti inauna a kakabsatna a lallaki, innala ni Samuel ti pagkargaan iti lana nga intugotna ket nangibukbok isuna iti daytoy iti ulo ni David tapno mailasin isuna nga agserbi iti Dios. Kalpasan a nanganda amin, pimmanaw sadiay ni Samuel ket nagsubli idiay Rama. Ngem sibibileg nga immay ti Espiritu ni Yahweh kenni David, ket nagtalinaed kenni David iti unos ti panagbiagna.
|
||
|
||
\s5
|
||
\v 14 Ngem pimmanaw ti Espiritu ni Yahweh kenni Saul. Imbes nga agtalinaed ti Espirituna kenni Saul, nangbilin ni Yahweh iti dakes nga ispiritu a mangbutbuteng kenkuana a kankanayon.
|
||
\v 15 Kinuna ti maysa nga adipenna kenkuana, "Nalawag a butbutngennaka ti dakes nga espiritu nga imbaon ti Dios.
|
||
\v 16 Isu nga isingasingmi a palubosannakami nga adipenmo a mangsapul iti tao a nalaing nga agtukar iti arpa. Pagtukarenna ti arpa tunggal riribukennaka ti dakes nga espiritu. Ket kumalmakanto ken sumayaatkanto manen."
|
||
|
||
\s5
|
||
\v 17 Simmungbat ni Saul, "Ala wen, isapulandak iti tao a nalaing nga agtukar iti arpa, ket iyegyo isuna kaniak."
|
||
\v 18 Maysa kadagiti adipenna ti nagkuna kenkuana, "Adda maysa a lalaki nga agnagan iti Jesse, iti siudad ti Betlehem, ti addaan iti anak a lalaki a nalaing unay nga agtukar iti arpa. Kasta met a natured isuna a lalaki, ken mabalin nga agsoldado. Nataer isuna ken kankanayon a sisisirib nga agsao. Ken kankanayon a salsalakniban isuna ni Yahweh.
|
||
\v 19 Nangibaon ngarud ni Saul iti sumagmamano a mensahero kenni Jesse. Imbagana kadakuada nga ibagada kenni Jesse, "Ibaonmo kaniak ti anakmo a ni David, a mangay-aywan kadagiti karnero."
|
||
|
||
\s5
|
||
\v 20 Isu a kalpasan a napanda imbaga dayta kenni Jesse, immanamong isuna ket nangala iti urbon a kalding, maysa a pagkargaan a lalat a naglaon iti arak, maysa nga asno a nangipasakayanna iti tinapay ket intedna kenni David tapno itugotna dagitoy a kas sagut kenni Saul.
|
||
\v 21 Ket napan ni David kenni Saul ket nangrugi a nagtrabaho para kenkuana. Magustoan unay ni Saul ni David, ket nagbalin isuna a para-awit kadagiti igam ni Saul no mapan makigubat ni Saul.
|
||
|
||
\s5
|
||
\v 22 Ket nangibaon ni Saul iti mensahero a mapan kenni Jesse a mangibaga kenkuana, "Maay-ayoak kenni David. Pangngaasim ta ipalubosmo nga agtalinaed isuna ditoy ket agtrabaho para kaniak."
|
||
\v 23 Immanamong ni Jesse, ket kalpasan dayta, tunggal riribuken ti dakes nga espiritu nga intulok ti Dios a mangriribuk kenni Saul, tukaren ni David ti arpa. Ket agkalma ni Saul, ket panawan isuna ti dakes nga espiritu.
|
||
|
||
\s5
|
||
\c 17
|
||
\p
|
||
\v 1 Inummong dagiti Filisteo ti armadada a makiranget iti armada ti Israel. Nagu-ummongda iti asideg ti Soco, iti disso a pagnanaedan dagiti kaputotan ti Juda. Imbangonda dagiti toldada idiay Efes-dammim, a nagbaetan ti Soco ken Azeka.
|
||
|
||
\s5
|
||
\v 2 Inummong ni Saul ti armada dagiti Israelita iti asideg ti tanap ti Ela, ket nagkampoda sadiay. Ket napanda amin kadagiti puwestoda a nakasagana a makiranget kadagiti Filisteo.
|
||
\v 3 Nagsinnango ngarud ti armada ti Filistia ken ti Israel. Addada iti dua a turod, adda tanap iti nagbaetanda.
|
||
|
||
\s5
|
||
\v 4 Ket ni Goliat a naggapu iti siudad ti Gat, rimmuar manipud iti kampo dagiti Filisteo. Nasiglat isuna a mannakigubat, agarup tallo a metro ti katayagna.
|
||
\v 5 Nakasuot isuna iti helmet a naaramid iti bronse tapno masalakniban ti ulona, ken nakasuot isuna iti kalasag a naaramid iti babassit a landok tapno masalakniban ti bagina. Agarup limapulo ket lima a kilo ti kadagsen ti landok a kalasagna.
|
||
|
||
\s5
|
||
\v 6 Nakasuot kadagiti luppona dagiti pangsalaknib a bronse. Addaan isuna iti bassit a gayang a bronse a nakakabil iti likudanna.
|
||
\v 7 Addaan pay isuna iti dakkel a gayang. Addaan daytoy iti tali tapno nasaysayaat ti panangipurruakna iti daytoy. Agarup pito a kilo ti kadagsen ti landok a tadem daytoy. Adda iti sangoanan ni Goliat ti soldado a mangaw-awit iti dakkel a kalasagna.
|
||
|
||
\s5
|
||
\v 8 Nagtakder ni Goliat sadiay ket impukkawna iti armada ti Israel, "Apay a nagliliniakayo pay laeng a makigubat? Siak ti kasisiglatan a soldado a Filisteo, ken ti ammok tagabunakayo laeng ni Saul. Mangpilikayo iti maysa a lalaki a makiranget para kadakayo amin, ket ibaonyo isuna a sumalog ditoy ayanko!
|
||
\v 9 No makiranget kaniak ket mapataynak, agbalinto ngarud nga adipenyo amin dagiti padak a Filisteo. Ngem no maabakko isuna ken mapatayko, agbalinkayonto ngarud amin a tagabumi, dakayo nga Israelita.
|
||
|
||
\s5
|
||
\v 10 Awan kadakayo a lallaki nga Israelita ti makaparmek kaniak! Mangibaonkayo iti lalaki a makiranget kaniak!"
|
||
\v 11 Idi nangngeg daytoy ni Saul ken dagiti amin nga Israelita, kasta unay ti butengda.
|
||
|
||
\s5
|
||
\v 12 Ita, ti anak ni Jesse a ni David a nagtaud iti puli ti Efrata. Agnanaed isuna idiay Betlehem, iti rehion ti tribu ti Juda. Addaan iti walo nga annak a lalaki ni Jesse. Idi ari ni Saul, lakay unayen ni Jesse.
|
||
\v 13 Dagiti inauna a lallaki nga anak ni Jesse, a da Eliab, Abinadab ken Samma, ket simmurotda kenni Saul a makiranget kadagiti Filisteo.
|
||
|
||
\s5
|
||
\v 14 Ni David ti inaudi nga anak ni Jesse. Bayat nga adda kenni Saul dagiti tallo nga inauna a kakabsatna,
|
||
\v 15 nagsubli-subli ni David. No maminsan mapan isuna iti kampo ni Saul, ken no maminsan agtalinaed isuna idiay Betlehem tapno aywananna dagiti karnero ti amana.
|
||
\v 16 Iti uppat a pulo nga aldaw, rummuar umuneg ni Goliat manipud iti kampo dagiti Filisteo ket agtakder sadiay a manglalais iti armada ti Israel. Kanayonna nga ibaga kadagiti Israelita a mangpilida iti maysa a tao a makiranget kenkuana. Mamindua iti maysa nga aldaw a kastoy ti ar-aramidenna, iti bigat ken iti rabii.
|
||
|
||
\s5
|
||
\v 17 Maysa nga aldaw, kinuna ni Jesse kenni David, "Adtoy ti maysa a sako a nakirog a trigo ken sangapulo a pidaso a tinapay. Ipanmo a dagus daytoy kadagiti inauna a kakabsatmo.
|
||
\v 18 Ken adtoy ti sangapulo a dadakkel a keso. Ipanmo dagitoy iti mangidadaulo kadakuada. Ket kitaem ti mapaspasamak kadagiti inauna a kakabsatmo. Ket no natalgedda, mangiyawidka iti maysa a banag a pakakitaan a nasayaatda.
|
||
|
||
\s5
|
||
\v 19 Kadua ni Saul dagiti kakabsatmo ken dagiti daddumma pay nga Israelita a soldado, nagkampoda iti tanap ti Ela, agsagsaganada a makiranget kadagiti Filisteo."
|
||
\v 20 Isu a nangdutok ni David iti sabali a mangaywan kadagiti karnero. Iti kabigatanna, nasapa nga innalana ti taraon ket napan iti kampo dagiti Israelita, a kas imbaga ni Jesse nga aramidenna. Madama nga aglilinia dagiti Israelita a soldado ken rumrummuarda a mapan iti paggugubatan idi makadano isuna sadiay. Bayat a mapmapanda, ipukpukawda ti kas iti ipuk-pukkawda no kasta nga adda gubat.
|
||
\v 21 Nagtakder ti armada ti Filistia ken ti armada ti Israel iti igid ti turod, agsinnangoda iti tunggal maysa, nakasaganadan a makigubat.
|
||
|
||
\s5
|
||
\v 22 Inted ni David ti taraon iti tao a para-aywan kadagiti gargaret. Imbagana a bantayanna ti inyegna a taraon, kalpasanna, napan isuna ket kinablaawanna dagiti inauna a kakabsatna.
|
||
\v 23 Kabayatan ti pannakisarsaritana kadakuada, nakitana ni Goliat a nagpasango manipud kadagiti soldado a Filisteo, agpukpukkaw kadagiti Israelita, karkaritenna ida a mangibaonda iti tao a makiranget kenkuana. Nangngeg ni David ti ibagbaga ni Goliat.
|
||
\v 24 Idi nakita dagiti amin a soldado nga Israelita ni Goliat, nagbutengda ket nagtatarayda.
|
||
|
||
\s5
|
||
\v 25 Kinunada iti tunggal maysa, "Kitaenyo isuna a sumangsang-at nga um-umay kadatayo! Ket dumngegkayo kenkuana bayat a pabpabainannatayo nga Israelita! Kinuna ti ari a mangted isuna iti dakkel a gunggona iti siasinoman a makapatay iti daytoy a tao. Kinunana pay nga ipaasawana ti anakna a babai iti lalaki a makaparmek iti dayta a Filisteo, ken saanen nga agbayad iti buis ti pamilia dayta a lalaki."
|
||
|
||
\s5
|
||
\v 26 Kinasarita ni David dagiti dadduma a lallaki nga agtaktakder iti asidegna. Kinunana, "Daytoy a Filisteo--daytoy a saan a nakugit a tao—saan a rumbeng a lalaisenna ti Dios a mannakabalin-amin. Anianto ti maited iti tao a makapatay iti daytoy a Filisteo ken makapasardeng kenkuana a mangpabpabain kadatayo nga Israelita?"
|
||
\v 27 Imbaga dagiti lalaki kenkuana ti imbaga dagiti dadduma a lalaki, ti maipanggep iti aramiden ti ari iti siasinoman a makapatay kenni Goliat.
|
||
|
||
\s5
|
||
\v 28 Ngem idi nangngeg ni Eliab nga inauna a kabsat ni David ti pannakisarsaritana kadagiti lallaki, nakaunget isuna. Kinunana kenni David, "Apay a simmalogka ditoy? Adda kadi mangay-aywan kadagiti karnero a pinanawam idiay let-ang? Ammok a mangrirriribukka laeng nga ubing! Kayatmo laeng ti agbuya iti gubat!"
|
||
\v 29 Simmungbat ni David, "Adda kadi biddut a naaramidko? Agsalsaludsodak laeng met!"
|
||
\v 30 Ket napan isuna iti sabali pay a lalaki ket sinaludsodna kenkuana dayta met laeng a saludsod, ngem isu met laeng ti insungbat ti lalaki. Tunggal adda pagdamaganna, isu met laeng ti isungbatda kenkuana.
|
||
|
||
\s5
|
||
\v 31 Kamaudiananna, adda nakaibaga kenni Ari Saul maipanggep iti damdamagen ni David, ket nangibaon ni Saul iti maysa a tao a mangiyeg kenni David kenkuana.
|
||
\v 32 Imbaga ni David kenni Ari Saul, "Awan koma ti agdanag gapu iti dayta a Filisteo. Mapanak makiranget kenkuana!"
|
||
\v 33 Kinuna ni Saul kenni David, "Maysaka laeng a bumarito, ket nasiglat unay isuna a soldado iti unos ti panagbiagna. Isu a saanmo a kabaelan ti makiranget kenkuana!"
|
||
|
||
\s5
|
||
\v 34 Simmungbat ni David, "Adun a tawen a siak ti mangay-aywan kadagti karnero ti amak. Tunggal adda leon wenno oso a mangitaray iti karnero,
|
||
\v 35 kamatek daytoy ken darupek ket ispalek ti karnero manipud iti ngiwat ti ayup. Ket gammatak ti tengnged ti ayup ken bekkelek ket patayek daytoy.
|
||
|
||
\s5
|
||
\v 36 Agpada a pinatayko dagiti leon ken oso. Ket isu met laeng ti aramidek iti daytoy a pagano a Filisteo, gapu ta kinaritna ti armada ti mannakabalin-amin a Dios!
|
||
|
||
\s5
|
||
\v 37 Insalakannak ni Yahweh manipud kadagiti kuko dagiti leon ken kadagiti oso, ket isalakannakto met manipud iti daytoy a Filisteo!" Ket kinuna ni Saul kenni David, "Ala, mapanka makiranget kenkuana, ket sapay koma ta tulongannaka ni Yahweh!"
|
||
\v 38 Ket inted ni Saul kenni David dagiti pagan-anayna a kanayonna nga isussuot kadagiti gubat, ken intedna kenkuana ti helmet a bronse ken kabal a naaramid kadagiti babassit a landok.
|
||
|
||
\s5
|
||
\v 39 Insuot ni David dagitoy a banbanag. Ket imbarikesna ket pinadasna ti magna. Ngem saan isuna a makapagna, gapu ta saan a naruam a mangisuot kadagitoy a banbanag. Isu a kinuna ni David kenni Saul, "Saanko a kabaelan ti makiranget a nakasuot kadagitoy, gapu ta saanak a naruam a mangisuot kadagitoy!" Isu nga inikkatna dagitoy.
|
||
\v 40 Ket innalana ti sarukodna; ket nangpili iti lima a nalammuyot a bato iti waig. Inkabilna dagitoy iti pagkargaanna. Ket innalana ti pallatibongna ket napan iti ayan ni Goliat.
|
||
|
||
\s5
|
||
\v 41 Nagna ni Goliat nga agturong kenni David, kaduana a magmagna iti sangoananna ti soldado a mangaw-awit iti kalasagna. Idi nakaasidegen kenni David,
|
||
\v 42 kinitana a naimbag ni David. Nakitana ti nataer a rupa ni David ken ti nasalun-at a bagina, ngem maysa laeng isuna a bumarito. Isu nga inuyawna ni David.
|
||
\v 43 Kinunana kenni David, "Immayka kadi babaen iti sarukod gapu ta pagarupem nga asoak laeng?" Ket inawaganna dagiti diosna tapno madangran ni David.
|
||
|
||
\s5
|
||
\v 44 Kinunana kenni David, "Umasidegka kaniak, ket patayenka ket itedko ti bangkaymo kadagiti bilbillit ken narungsot nga ayup tapno kanenda!"
|
||
\v 45 Simmungbat ni David, "Immayka kaniak babaen iti kampilan, gayang ken pika. Ngem immayak kenka iti nagan ni Yahweh, a mannakabalin-amin. Isuna ti Dios a daydayawen ti armada ti Israel, ken isuna ti Dios a linaismo.
|
||
|
||
\s5
|
||
\v 46 Ita nga aldaw, ikkannak ni Yahweh iti kabaelan a mangparmek kenka. Patayenka ket pugotanka. Ket dakami nga Israelita, patayenmi dagiti adu a Filisteo a soldado ket itedmi dagiti bagida kadagiti bilbillit ken kadagiti narungsot nga ayup tapno kanenda. Ket mangngegto ti tunggal maysa ti lubong ti maipanggep iti daytoy, ken maammoanda a dakami nga Israelita ket iday-dayawmi ti mannakabalin-amin a Dios.
|
||
\v 47 Ket maamoanto ti tunggal maysa nga adda ditoy nga ispalen ni Yahweh dagiti tattao nga awanan kampilan wenno gayang. Kanayon nga agbalballigi ni Yahweh kadagiti gubatna, ket ikkannakami iti kabaelan a mangparmek kadakayo amin a Filisteo."
|
||
|
||
\s5
|
||
\v 48 Bayat nga umas-asideg ni Goliat a mangdarup kenni David, nagtaray a dagus ni David nga agturong kenkuana.
|
||
\v 49 Inkautna ti imana iti pagkargaanna ket nangiruar iti maysa a bato. Inkabilna iti pallatibongna ket impallatibongna daytoy kenni Goliat. Napuntaan iti bato ti muging ni Goliat ket nabittak ti banga-bangana, ket natumba a napakleb iti daga.
|
||
|
||
\s5
|
||
\v 50-51 Ket nagtaray ni David ket nagtakder iti uloanan ni Goliat. Inuksotna ti kampilan ni Goliat manipud iti kalubanna ket pinatayna isuna babaen iti daytoy, kalpasanna ket pinugotanna. Iti kasta a wagas a naparmek ni David ti Filisteo nga awan ti bukodna a kampilan. Nangaramat laeng isuna iti pallatibong ken bato! Idi nakita dagiti dadduma a Filisteo a natayen ti nasiglat a mannakigubatda, nagtatarayda.
|
||
|
||
\s5
|
||
\v 52 Nagpukkaw dagiti Israelita a nangkamat kadakuada. Kinamatda ida agingga iti dalan nga agturong iti siudad ti Gat ken kadagiti ruangan ti siudad ti Ekron. Pinapatayda ida bayat a kamkamatenda ida, a nagbanag iti pannakaiwarawara dagiti bangkay dagiti Filisteo iti dalan manipud iti Saaraim agingga iti Gat ken Ekron.
|
||
\v 53 Idi nagsubli dagiti Israelita manipud iti panangkamkamatda kadagiti Filisteo, sinamsamda amin nga adda iti kampo dagiti Filisteo.
|
||
\v 54 Kalpasanna, impan ni David ti ulo ni Goliat iti Jerusalem, ngem indulinna dagiti armas ni Goliat iti toldana.
|
||
|
||
\s5
|
||
\v 55 Nakita idi ni Saul ni David nga agturong iti ayan ni Goliat, kinunana kenni Abner a pangulo ti armadana, "Abner, siasino ti makin-anak iti dayta nga agtutubo a lalaki?" Simmungbat ni Abner, "Isapatak iti naganmo, saanko nga ammo."
|
||
\v 56 Ket kinuna ti ari, "Ammoem no siasino ti makin-anak kenkuana!"
|
||
|
||
\s5
|
||
\v 57 Iti saan a nagbayag, bayat nga agsubsublin ni David manipud iti panangpatayna kenni Goliat, impan ni Abner isuna kenni Saul. Awit-awit ni David ti ulo ni Goliat.
|
||
\v 58 Dinamag ni Saul kenkuana, "Agtutubo a lalaki, siasino ti makin-anak kenka?" Insungbat ni David, "Siak ti anak ti adipenmo a ni Jesse, nga agnanaed idiay Betlehem, apo ari."
|
||
|
||
\s5
|
||
\c 18
|
||
\p
|
||
\v 1 Kalpasan ti pannakisarsarita ni David kenni Saul, naam-amona ni Jonatan nga anak ni Saul. Dagus a kinayat ni Jonatan ni David; kinapudnona, mangrugin nga ipategna isuna.
|
||
\v 2 Manipud iti dayta nga aldaw, pinagtalinaed ni Saul ni David iti ayanna tapno agserbi kenkuana; saannan a pinalubosan nga agsubli isuna iti pagtaenganda.
|
||
|
||
\s5
|
||
\v 3 Gapu ta ipatpategna unay ni David, nangaramid ni Jonatan iti napasnek a katulagan kenni David. Nagkinnarida a kankanayon nga aggayyemda.
|
||
\v 4 Inussob ni Jonatan ti akin-ruar a kagayna ket intedna daytoy kenni David. Intedna pay kenni David ti kabalna, ti kampilanna, ti bai ken dagiti panana, ken ti barikesna.
|
||
|
||
\s5
|
||
\v 5 Napan ni David iti sadinoman a nangibaonan ni Saul kenkuana. Ket aniaman nga ibaga ni Saul nga aramidenna, ar-aramiden ni David daytoy a sibaballigi. Kas nagbanaganna, dinutokan ni Saul ni David a kas pangulo ti armada. Dagiti amin nga opisial ken dadduma a lallaki ti armada ket immanamongda iti dayta.
|
||
|
||
\s5
|
||
\v 6 Ngem idi paawiden dagiti lallaki iti armada kadagiti babbalayda kalpasan ti panangpatay ni David kenni Goliat, simmabat dagiti babbai nga Israelita manipud kadagiti adu a siudad ken il-ili. Kinablaawanda ni Ari Saul bayat a sirarag-o nga agkakanta ken agsasalada, tuktukarenda dagiti pandereta ken lira.
|
||
\v 7 Iti panagsalsalada, kinantada daytoy a kanta: "Pinatay ni Saul dagiti rinibribu a kabusor a soldado, ngem pinatay ni David dagiti sangapulo a ribu kadakuada."
|
||
|
||
\s5
|
||
\v 8 Idi nangngeg ni Saul a kankantaenda dayta, saanna a nakayatan daytoy. Nakaunget isuna iti kasta unay. Kinunana iti bagina, "Ibagbagada a sangapulo a ribu a lallaki ti pinatay ni David, ngem sangaribu laeng ti pinatayko. Iti mabiit kayatdanton a pagbalinen isuna nga arida!"
|
||
\v 9 Manipud iti dayta a tiempo, pinalpaliiw ni Saul ni David gapu ta ipagpagarupna a padasen ni David ti agbalin nga ari.
|
||
|
||
\s5
|
||
\v 10 Iti simmaruno nga aldaw, maysa a dakes nga espiritu a binilin ti Dios ti dagus a nangituray kenni Saul. Nangrugi a nagtignay a kasla mauyong, iti uneg ti balayna. Tuktukaren ni David ti lira para kenkuana, kas iti ar-aramidenna iti inaldaw. Igge-iggem ni Saul ti gayang,
|
||
\v 11 ket ingayangna daytoy kenni David, panpanunotenna, "Ilansak ni David iti pader babaen iti gayang!" Inaramidna dayta iti namindua a daras, ngem nakalagto ni David iti dayta iti namindua a daras.
|
||
\v 12 Gapu ta daytoy pakakitaan a pinanawanen ni Yahweh ni Saul ngem tultulonganna ni David, nagbuteng ni Saul kenni David.
|
||
|
||
\s5
|
||
\v 13 Isu a pinapanawna ni David iti ayanna ket dinutokanna ni David a kas pangulo ti sangaribu a soldado, namnamaenna a mapapatay ni David iti gubat. Ngem idi indauloan ni David dagiti soldadona kadagiti gubatda,
|
||
\v 14 kankanayon ti panagballigina, gapu ta tultulongan isuna ni Yahweh.
|
||
|
||
\s5
|
||
\v 15 Idi nangngeg ni Saul a ni David ken dagiti soldadona ket nagballigi, ad-adda a nagbuteng isuna kenni David.
|
||
\v 16 Ngem impateg dagiti amin a tattao ti Israel ken ti Juda ni David, gapu ta indauloanna dagiti soldado kadagiti gubat a sibaballigi.
|
||
|
||
\s5
|
||
\v 17 Maysa nga aldaw, kinuna ni Saul kenni David, "Nakasaganaak a mangipaasawa kenka iti inauna nga anakko a ni Marab. Aramidek dayta no pagserbiannak a situtured babaen iti pannakirangetmo para kenni Yahweh a maibusor kadagiti Filisteo." Imbagana dayta gapu ta pinanunotna, "Saanto a siak ti mangpukaw kenni David. Bay-ak a dagiti Filisteo ti mangaramid iti dayta."
|
||
\v 18 Ngem kinuna ni David kenni Saul, "Saanak a napateg unay a tao, ken saan a napateg unay ti pamiliak. Kasta met a saan a napateg unay ti pulik iti puli ti Israel. Isu a saanak a maikari nga agbalin a manugangmo."
|
||
|
||
\s5
|
||
\v 19 Isu nga idi nadanonen ti kanito a maipaasawa ni Marab kenni David, impaasawa ketdi ni Saul isuna iti lalaki a managan Adriel, a taga-Mehola.
|
||
|
||
\s5
|
||
\v 20 Nupay kasta, ni Mical a maysa pay a babai nga anak ni Saul, ay-ayatenna ni David. Idi imbagada kenni Saul ti maipanggep iti dayta, naragsakan isuna.
|
||
\v 21 Pinanunotna, "Ipaasawak ni Mical kenkuana, tapno mapalab-oganna isuna, ket mapapatayto isuna dagiti Filisteo." Kinunana ngarud kenni David, "Mabalinmo nga asawaen ni Mical," ket iti panangibagana iti dayta, impasimudaagna iti maikaddua a daras a ni David ket agbalinto a manugangna.
|
||
|
||
\s5
|
||
\v 22 Imbaga ni Saul kadagiti adipenna, "Katungtungenyo ni David iti nalimed, ket ibagayo kenkuana, ‘Dumngegka, naay-ayo ti ari kenka, ken amin kami nga adipenna ket inayatdaka. Isu nga ita panpanunotenmi a rumbeng nga asawaem ni Mical ket agbalinka a manugang ti ari.'~"
|
||
|
||
\s5
|
||
\v 23 Imbagada ngarud dayta kenni David. Ngem kinuna ni David, "Dakkel a pakaidayawan ti agbalin a manugang ti ari. Ngem saanko a pinanunot a rumbeng nga aramidek dayta, gapu ta nakurapayak laeng ken nababaak laeng a tao."
|
||
\v 24 Imbaga ti adipen ni Saul kenkuana ti kinuna ni David.
|
||
|
||
\s5
|
||
\v 25 Simmungbat ni Saul, "Mapankayo ket ibagayo kenni David, ‘Tapno palubosannaka ti ari a mangasawa kenni Mical, kayatna mangpatayka iti sangagasut a Filisteo ket ikkatem ti kudil iti murdong ti mabagbagida ket iyegmo dagitoy kenkuana a mangipaneknek a pinataymo ida. Iti kasta a wagas makabales isuna kadagiti kabusorna.'~" Ngem ti kinapudnona kayat laeng ni Saul a mapatay dagiti Filisteo ni David kabayatan ti panangpadasna a mangpapatay kadakuada.
|
||
\v 26 Idi imbaga dagiti adipen dayta kenni David, naragsakan unay isuna nga agbalin a manugang ti ari babaen iti panangaramidna iti dayta. Imbagan ti ari no mano nga aldaw ti pawayway ni David a mangaramid iti dayta.
|
||
|
||
\s5
|
||
\v 27 Ngem sakbay a nagleppas dayta a tiempo, napan ni David ken dagiti tattaona ket pinatayda saan laeng a sangagasut, ngem dua gasut a Filisteo! Inyegna kenni Saul dagiti kudil ti murdong ti mabagbagida, ket binilangda dagitoy bayat a kitkitaen ni Saul, tapno mapaneknekanna a natungpalna ti imbilin ti ari a kasapulan tapno agbalin isuna a manugang ni Saul. Isu a kapilitan a pinalubosan ni Saul ni David a mangasawa iti anakna a ni Mical.
|
||
\v 28 Ngem idi naamiris ni Saul a tultulongan ni Yahweh ni David, ken ti babai nga anakna ket inayatna ni David,
|
||
\v 29 ad-adda a nagbuteng isuna kenni David. Isu nga iti unos ti panagbiag ni Saul, kabusor isuna ni David.
|
||
|
||
\s5
|
||
\v 30 Inulit-ulit dagiti Filisteo ti umay makiranget kadagiti Israelita, ngem tunggal tiempo nga agrarangetda, ad-adda ti panagballigi ni David ken dagiti soldadona ngem kadagiti dadduma a panguloen ti armada ni Saul. Ket gapu iti dayta, nagbalin a nalatak unay ni David.
|
||
|
||
\s5
|
||
\c 19
|
||
\p
|
||
\v 1 Ket inallukoy ni Saul dagiti amin nga adipenna ken ti anakna a ni Jonatan a papatayenda ni David. Ngem ipatpateg la unay ni Jonatan ni David.
|
||
\v 2 Isu a binallaganna ni David, "Agbirbirok iti wagas ti amak a ni Saul tapno patayennaka. Isu nga agannadka. Inton bigat mapanka idiay away ket mangbirokka iti lugar a paglemmengam.
|
||
\v 3 Kiddawekto iti amak a rummuarkami a mapan sadiay. Kabayatan ti kaaddami sadiay, makisaritaakto kenkuana iti maipanggep kenka. Ket ibagakto kenka ti amin nga ibagana kaniak." Inaramid ngarud ni David ti imbaga ni Jonatan nga aramidenna.
|
||
|
||
\s5
|
||
\v 4 Iti simmaruno nga agsapa, nakisarita ni Jonatan iti amana, adu a nasasayaat a banbanag ti imbagana maipanggep kenni David. Kinunana, "Rumbeng a saanka a pulos nga agaramid iti aniaman a banag a pakadangran ti adipenmo a ni David! Awan a pulos ti inaramidna a pakadangram! Amin a banag nga inaramidna ket nakatulong la unay kenka.
|
||
\v 5 Nagpeggad isuna idi nakiranget isuna kenni Goliat a nabileg a soldado ti armada ti Filistia. Babaen iti naited a kabaelan ni David a mangpatay kenkuana, nagballigi ni Yahweh para kadagiti amin a tattao ti Israel. Naragsakanka iti kasta unay idi nakitam dayta. Apay a kayatmo nga agaramid iti banag ita a pakadangran ni David? Awan ti makagapu tapno patayem isuna, gapu ta saan isuna a nagaramid iti biddut!"
|
||
|
||
\s5
|
||
\v 6 Dimngeg ni Saul iti kinuna ni Jonatan. Ket kinuna ni Saul, "Isaptak iti nagan ni Yahweh a sibibiag, saankonto a patayen ni David."
|
||
\v 7 Kalpasanna, pinaayaban ni Jonatan ni David ket imbagana kekuana ti imbagana ken ti imbaga ni Saul. Ket impan ni Jonatan ni David kenni Saul, ket nagserbi ni David kenni Saul a kas iti inaramidna iti kallabes.
|
||
|
||
\s5
|
||
\v 8 Maysa nga aldaw, adda manen iti gubat, ket indauloan ni David dagiti soldadona a makiranget iti armada ti Filistia. Kinaranget ti armada ni David ida ket pinarigatda ida, a nagbanag iti panagtataray dagiti soldado ti Filistia.
|
||
\v 9 Ngem maysa nga aldaw, bayat nga agtugtugaw ni Saul iti balayna, adda dakes nga espiritu a binilin ni Yahweh ti kellaat nga immay kenni Saul. Tuktukaren ni David ti arpana para kenni Saul.
|
||
|
||
\s5
|
||
\v 10 Ginayang ni Saul ni David tapno mailansa isuna iti pader. Nakalisi ni David, ket saan isuna a natamaan iti gayang. Naitugkel ti gayangna iti pader, ngem nagtaray a rimmuar ni David iti kasipngetan ket naglibas.
|
||
\v 11 Ket nangibaon ni Saul kadagiti mensahero iti pagtaengan ni David. Imbagana kadakuada a bantayanda ti balay ken patayenda ni David kabayatan ti ipapanawna iti balayda iti kabigatanna. Ngem ni Mical nga asawa ni David, nakitana ida ket binallaaganna isuna, kinunana, "Tapno maisalakan ti biagmo nasken a pumanawka inton rabii, gapu ta no saanmo nga aramiden dayta, mapapataykanto inton bigat!"
|
||
|
||
\s5
|
||
\v 12 Isu a tinulonganna ni David a magna iti maysa a tawa, ket nagtaray isuna ket naglibas.
|
||
\v 13 Ket innala ni Mical ti didiosen nga adda iti balay ket inkabilna daytoy iti pagiddaan. Inabbunganna daytoy kadagiti pagan-anay ni David, ken pinadalungdunganna iti buok ti kalding ti didiosen.
|
||
|
||
\s5
|
||
\v 14 Idi immay iti balay dagiti mensahero iti simmaruno nga aldaw, imbagana kadakuada nga agsakit ni David ket saan a makabangon iti pagiddaan.
|
||
\v 15 Idi imbagada dayta kenni Saul, imbagana kadakuada nga agsublida iti pagtaengan ni David. Kinunana kadakuada, "Iyegyo isuna kaniak a nakaidda iti pagiddaanna, tapno mapapatayko isuna!"
|
||
|
||
\s5
|
||
\v 16 Ngem idi nakastrek dagidiay a lallaki iti pagtaengan ni David, nakitada a didiosen laeng ti adda iti pagiddaan, nga addaan iti buok ti kalding iti ulona.
|
||
\v 17 Idi imbagada dayta kenni Saul, pinaayaban ni Saul ni Mical, ket kinunana kenkuana, "Apay nga inallilawnak a kas iti dayta? Pinalubosam a makalibas ti kabusorko!" Simmungbat ni Mical kenni Saul, "Imbaga ni David kaniak a no saanko a tulongan isuna a makalibas, papatayennak!"
|
||
|
||
\s5
|
||
\v 18 Kalpasan a nakalibas ni David manipud kenni Saul, napan isuna kenni Samuel, nga adda iti balayna idiay Rama. Imbagana kenni Samuel ti amin a banag nga inaramid ni Saul a panangpanggepna a mangpatay kenkuana. Napan ngarud da David ken Samuel idiay Najot, nga adda laeng iti asideg, ket nagtalinaedda sadiay.
|
||
\v 19 Adda ti nangibaga kenni Saul nga adda ni David idiay Najot,
|
||
\v 20 isu a nangibaon ni Saul kadagiti mensahero tapno tiliwenda isuna. Idi nakadanon dagidiay a mensahero idiay Rama, naam-ammo dagiti sumagmamano a lallaki a mangipukpukkaw kadagiti mensahe manipud kenni Yahweh, ket adda ni Samuel sadiay a kas panguloda. Idi naam-ammo ida dagiti mensahero ni Saul, immay ti Espiritu ti Dios kadagiti tattao ni Saul, ket nagipadpadtoda met.
|
||
|
||
\s5
|
||
\v 21 Idi nangngeg ni Saul ti maipanggep iti dayta, nangibaon pay isuna iti mensahero, ngem nangrugida met laeng a nagpukkaw kadagiti mensahe a nagtaud kenni Yahweh.
|
||
\v 22 Kamaudiananna, napan met ni Saul idiay Rama. Idi nakadanon isuna iti bubon iti lugar a maaw-awagan iti Secu, dinamagna kadagiti tattao sadiay, "Ayan da Samuel ken David?" Simmungbat dagiti tattao, "Addada idiay Najot iti asideg ti siudad ti Rama."
|
||
|
||
\s5
|
||
\v 23 Bayat a magmagna ni Saul nga agturong idiay Najot, immay met ti Espiritu ti Dios kenkuana. Bayat a magmagna isuna, impukkawna dagiti mensahe a nagtaud kenni Yahweh agingga a nakadanon idiay Najot.
|
||
\v 24 Sadiay, inussobna dagiti makinruar a pagan-anayna, ket nagsao isuna kadagiti mensahe a nagtaud iti Dios iti sangoanan ni Samuel. Nakaidda isuna iti daga a nangar-aramid iti dayta, nagmalem ken nagpatnag. Dayta ti makagapu a no kasta makita dagiti tattao nga adda mangar-aramid iti saan a namnamaen a banag, kunaenda, "Profeta kadi met ni Saul?"
|
||
|
||
\s5
|
||
\c 20
|
||
\p
|
||
\v 1 Naglibas ni David manipud Najot. Napan kenni Jonatan ket nagdamag kenkuana, "Ania ti naaramidko a saan a makaay-ayo iti amam? Ania ti naaramidko a biddut? Apay a kayatnak a papatayen?"
|
||
\v 2 Simmungbat ni Jonatan, "Saan a pudno a kayatnaka a papatayen ti amak! Kanayon nga ibagbagana kaniak ti aniaman a banag a pangpanggepenna sakbay nga aramidenna. Ibagbagana kaniak ti maipanggep kadagiti napapateg a banbanag ken dagiti banbanag a saan a napapateg a planplannoenna nga aramiden. Apay koma a saanna nga ibaga kaniak no pangpanggepennaka a patayen? Isu a saan a pudno ti ibagbagam."
|
||
|
||
\s5
|
||
\v 3 Ket sipapasnek nga imbaga ni David daytoy kenni Jonatan: "Ammo la unay ti amam a nasingedta nga aggayyem, isu a kunkunana iti bagina, 'Saanko nga ibagbaga kenni Jonatan ti aramidek. No ibagak kenni Jonatan, mariribukanto isuna, ket ibagana kenni David.' Ngem iti nagan ti sibibiag a Dios ken agingga a sibibiagka, maysa laengen a biddut nga addangko ket matayak."
|
||
|
||
\s5
|
||
\v 4 Kinuna ni Jonatan kenni David, "Aramidek ti aniaman nga ibagam kaniak nga aramidek."
|
||
\v 5 Simmungbat ni David, "Inton bigat ket rambakantayo ti fiesta iti baro a bulan. Kanayon a kasangok a mangan ti ari iti dayta a fiesta. Ngem inton bigat, aglemmengak idiay tay-ak, ket agtalinaedak sadiay iti maysa a rabii. Agtalinaedak sadiay agingga iti maikatlo a rabii.
|
||
|
||
\s5
|
||
\v 6 No agdamag ti amam no apay nga awanak iti fiesta, ibagam kenkuana, 'Kiniddaw ni David kaniak a palubosak isuna nga agawid iti pagtaenganna idiay Betlehem, a pangidatagan ti pamiliana iti daton nga idatdatagda iti tinawen.'
|
||
\v 7 No ibaga ti amam, 'Ala, wen,' ammokon a natalgedak. Ngem no makaunget unay isuna, ammomon a disidido isuna a mangdangran kaniak.
|
||
|
||
\s5
|
||
\v 8 Agbalinka koma a naimbag kaniak. Nangngegnaka ni Yahweh idi napasnek a nakitulagka kaniak, a sika ken siak ket kankanayonto a nasinged nga aggayyem. Ngem no maikariak a madusa, nasaysayaat a papatayennak ngem ti itulokmo a dusaennak ti amam."
|
||
\v 9 Simmungbat ni Jonatan, "Saankonto a pulos nga aramiden dayta! No matakuatak a disidido ti amak a mangdangran kenka, awan duadua nga ibagak kenka."
|
||
|
||
\s5
|
||
\v 10 Dinamag ni David kenkuana, "Kasanokto a maammoan no sungbatannaka a sigugubsang ti amam?"
|
||
\v 11 Simmungbat ni Jonatan, "Umayka, sumurotka kaniak. Mapanta idiay away." Isu a nagkuyogda a napan idiay away.
|
||
|
||
\s5
|
||
\v 12 Sadiay, kinuna ni Jonatan kenni David, "Ikarik daytoy bayat a dumdumngeg ni Yahweh, ti Dios a daydayawentayo nga Israelita: Iti kastoy nga oras inton maikatlo nga aldaw, takuatek no ania ti panpanunoten ti amak maipapan kenka. No agsasao isuna iti nasayaat maipanggep kenka, awan duadua a mangipatulodak iti mensahe kenka tapno maibagak dayta kenka.
|
||
\v 13 Ngem no pangpanggepennaka a dangran, sapay koma ta dusaennak ni Yahweh iti nakaro no saanko nga ipakpakauna nga ibaga kenka ken saanka a tulongan nga umadayo, tapno makaadayoka a sitatalged. Sapay koma ta ni Yahweh ti kumuyog kenka ken tumulong kenka kas iti panangtulongna iti amak.
|
||
|
||
\s5
|
||
\v 14 Ngem bayat a sibibiagak pay laeng, pangngaasim ta agtignayka a siaasi kaniak gapu iti sapata a nagkinnarianta iti imatang ni Yahweh; saannak a papatayen inton agbalinka nga ari.
|
||
\v 15 Ngem no matayak, saanmonto a pulos nga isardeng ti panagtignaymo a siaasi iti pamiliak gapu iti sapatata a dua, uray kalpasan ti panangparmek ni Yahweh kadagiti amin a kabusormo iti entero a daga."
|
||
\v 16 Isu a napasnek a nakitulag ni Jonatan ken ni David ken kadagiti kaputotanna. Ket kinunana, "Sapay koma ta parmeken ni Yahweh amin a kabusormo."
|
||
|
||
\s5
|
||
\v 17 Ket kiniddaw ni Jonatan kenni David nga ulitenna ti napasnek a karina nga agbalin isuna a nasinged a gayyemna, gapu ta ay-ayaten ni Jonatan ni David kas iti panagayatna iti bagina.
|
||
\v 18 Ket kinuna ni Jonatan, "Inton bigat rambakantayo ti fiesta iti baro a bulan. Inton awanka a nakatugaw iti masansan a pagtugtugawam no kasta a mangantayo, birokennakanto ti amak.
|
||
\v 19 Iti karabian ti maikatlo nga aldaw, mapanka iti disso a naglemmengam idi. Agurayka iti ayan ti nabunton a batbato.
|
||
|
||
\s5
|
||
\v 20 Rummuarak ket mangipanaakto iti tallo a pana a kasla ikagkagumaak a tamaan ti panpanaek. Maitamanto dagiti pana iti daga nga asideg iti nabunton a batbato.
|
||
\v 21 Ket ibaonkonto ti maysa a bumarito a mangala kadagiti pana ket iyegna dagitoy kaniak. No mangngegmo nga ibagak kenkuana, 'Addada iti asidegko,' ngarud iti nagan ti sibibiag a Dios, ammomton nga awan ti dakes a mapasamak, ken saanka a mapapatay.
|
||
|
||
\s5
|
||
\v 22 Ngem no ibagak kenka, 'Adda iti adayo bassit dagiti pana,' ammomon a masapul a pumanawka a dagus, gapu ta kayat ni Yahweh nga umadayoka.
|
||
\v 23 Sapay koma ta ni Yahweh ti mangtarabay ken mangtulong kadata tapno saantanto a pulos a malipatan ti inkarita iti tunggal maysa.
|
||
|
||
\s5
|
||
\v 24 Napan ngarud ni David ket naglemmeng iti away. Idi nangrugin ti fiesta iti baro a bulan, nagtugaw ti ari tapno mangan.
|
||
\v 25 Nagtugaw isuna iti masansan a pagtugtugawanna nga asideg iti diding. Nagtugaw ni Jonatan iti batugna, ket nagtugaw met ni Abner a pangulo dagiti soldado iti abay ni Saul. Ngem awan ti nakatugaw iti masansan a pagtugawan ni David.
|
||
|
||
\s5
|
||
\v 26 Iti dayta nga aldaw, awan ti imbaga ni Saul maipanggep kenni David gapu ta panpanunotenna, "Sigurado nga adda napasamak a namagbalin kenni David nga agbalin a saan a nadalus nga agdayaw iti Dios."
|
||
\v 27 Ngem iti simmaruno nga aldaw, idi awan pay ni David a nakatugaw iti masansan a pagtugawanna, nagdamag ni Saul kenni Jonatan, "Apay a saan a nakisangsango kadatayo a nangan dayta nga anak ni Jesse manipud idi kalman ken ita nga aldaw?"
|
||
|
||
\s5
|
||
\v 28 Simmungbat ni Jonatan, "Kiniddaw ni David kaniak a palubosak isuna a mapan idiay Betlehem.
|
||
\v 29 Kinunana, 'Pangngaasim ta palubosannak a mapan, gapu ta ti pamiliak ket mangidatag iti maysa daton. Inyunay-unay ti inauna a kabsatko nga addaak koma sadiay. Pangngaasim koma ta palubosannak a mapan tapno makaduak dagiti inauna a kakabsatko a lallaki.' Pinalubosak ni David a mapan, ket dayta ti makagapu nga awan isuna a makisangsango kenka a mangan.
|
||
|
||
\s5
|
||
\v 30 Nakaro ti pungtot ni Saul! Kinunana kenni Jonatan, "Ammok a napudnoka iti dayta nga anak ni Jesse. Ngem sika met laeng ti mangibabain iti bagim ken iti inam.
|
||
\v 31 Agingga a sibibiag ti anak ni Jesse, saankanto a pulos nga agbalin nga ari, ken saanmonto a pulos a maiturayan daytoy a pagarian! Isu nga ita, paayabam ni David, ket iyegmo isuna kaniak. Nasken a mapapatay isuna!"
|
||
|
||
\s5
|
||
\v 32 Sinaludsod ni Jonatan iti amana, "Apay a nasken a mapapatay ni David? Ania ti naaramidna a biddut?"
|
||
\v 33 Ket ginayang ni Saul ni Jonatan tapno patayenna isuna, ngem saan isuna a napuntaan iti gayang. Isu nga ammon ni Jonatan a pudno a kayat ti amana a patayen ni David.
|
||
\v 34 Kasta unay ti pungtot ni Jonatan, ket pimmanaw isuna iti siled. Iti dayta a maikadua nga aldaw ti fiesta, saan a nangan iti uray ania. Narurod isuna maipapan iti inaramid ti amana, ket madanagan isuna maipapan kenni David.
|
||
|
||
\s5
|
||
\v 35 Iti simmaruno a bigat, napan ni Jonatan iti away tapno mangted iti mensahe kenni David, kas iti napagnumoanda nga aramidenna. Nangikuyog isuna iti maysa nga agtutubo a lalaki.
|
||
\v 36 Kinuna ni Jonatan iti lalaki, "Mapanmo biroken dagiti pana nga ipanak." Nagtaray ngarud ti agtutubo, ket nangipana ni Jonatan iti labesna.
|
||
\v 37 Nagtaray ti lalaki iti disso a nakaipanaan ti pana, ngem impukkaw ni Jonatan, "Adda ti pana iti saan unay nga adayo!"
|
||
|
||
\s5
|
||
\v 38 Ket impukkawna iti lalaki, "Mapanka a dagus; saanka nga aguray! Saanka nga agsardeng!" Pinidut ti lalaki ti pana ket insublina daytoy kenni Jonatan.
|
||
\v 39 Ngem saan a naawatan ti lalaki ti kayat a sawen ti imbaga ni Jonatan; ni laeng Jonatan ken ni David ti makaammo.
|
||
\v 40 Ket inted ni Jonatan iti lalaki ti bai ken dagiti panana ket kinunana kenkuana, "Agsublika iti ili."
|
||
|
||
\s5
|
||
\v 41 Idi pimmanaw ti lalaki, rimmuar ni David iti abagatan a paset a likudan ti nabunton a batbato a naglemmenganna. Napan kenni Jonatan ket nagpakleb iti sangoananna iti namitlo a daras. Ket naginnagek da Jonatan ken David iti pingping, ken nagsinnangitda a dua. Ngem ad-adda ti panagsangit ni David ngem ni Jonatan.
|
||
\v 42 Kinuna ni Jonatan kenni David, "Sapay koma ta agbalin a nasayaat ti amin a banag iti ipapanawmo. Nangngeg ni Yahweh ti sipapasnek nga inkarita nga agtultuloy nga aramidenta iti tunggal maysa, ken ti imbagata a masapul nga aramiden dagiti kaputotanta iti tunggal maysa." Kalpasanna, pimmanaw ni David, ket nagsubli ni Jonatan iti ili.
|
||
|
||
\s5
|
||
\c 21
|
||
\p
|
||
\v 1 Naglibas a pimmanaw`ni David manipud sadiay ket napan idiay Nob tapno sarakenna ni Ahimelec a padi. Agtigtigerger ni Ahimelec idi nakitana ni David gapu ta madanagan isuna nga adda dakes a napasamak. Kinunana kenni David, "Apay nga agmamaysaka? Apay nga awan lallaki a kimmuyog kenka?"
|
||
\v 2 Inallilaw ni David ni Ahimelec babaen iti panangisungbatna, "Imbaonnak ti ari. Ngem saanna a kayat a maammoan ti siasinoman ti maipanggep iti nangibaonanna kaniak. Imbagak kadagiti tattaok ti pangsarakanda kaniak.
|
||
|
||
\s5
|
||
\v 3 Ita, kayatko a maammoan, adda kadi ti uray ania a taraonmo ditoy a mabalin a kanek. Mabalin kadi nga ikkannak iti lima a pidaso ti tinapay, wenno uray ania a taraon nga adda dita?"
|
||
\v 4 Simmungbat ti padi kenni David, "Awan ti uray ania a tinapay ditoy, ngem adda ti tinapay a naidaton kenni Yahweh. Mabalin a kanen dagiti tattaom daytoy no saanda a nakikaidda kadagiti babbai iti kallabes."
|
||
|
||
\s5
|
||
\v 5 Simmungbat ni David, "Adun nga aldaw a saanda nga immas-asideg kadagiti babbai. Saanko nga ipalubos a tulawan dagiti tattaok dagiti bagbagida babaen iti pannakikaiddada kadagiti babbai bayat nga agsagsaganada a makigubat. Masapul a mapagtalinaedda a nadalus dagiti bagbagida iti imatang ti Dios tunggal addada iti gagangay a panagdaliasat, ket ita nga aldaw, awan duadua a napagtalinaedda a nadalus dagiti bagbagida iti imatang ti Dios gapu ta ita, adda ar-aramidenmi a naisangsangayan unay a banag."
|
||
\v 6 Ita, ti laeng tinapay nga adda iti padi, ket ti tinapay a naikabil iti sangoanan ti Dios, ti tinapay a naikabil iti disso a mangipakita iti kaadda ni Yahweh iti tabernakulo. Inikkan ngarud ti padi ni David iti sumagmamano iti dayta a tinapay. Iti dayta nga aldaw, innala ti padi dagiti pidaso ti tinapay manipud iti lamisaan ket sinukatanna iti kabarbaro a tinapay.
|
||
|
||
\s5
|
||
\v 7 Nairana idi nga adda sadiay ni Doeg a nagtaud iti bunggoy ti tattao ti Edom tapno aramidenna ti seremonia a mamagbalin kenkuana a nadalus iti imatang ni Yahweh, ket nakitana ti inaramid ni Ahimelec. Maysa isuna kadagiti opisial ni Saul ken ti pangulo dagiti pumapastor iti karnero ni Saul.
|
||
|
||
\s5
|
||
\v 8 Dinamag ni David kenni Ahimelec, "Adda kadi gayang wenno kampilanmo a mabalinko nga usaren? Dinutokannakami ti ari a mangaramid iti daytoy a trabaho ket imbagana a pumanawkami a dagus, isu nga awan ti naitugotko nga igam."
|
||
\v 9 Simmungbat ni Ahimelec, "Ti laeng adda kaniak ket ti kampilan a kukua ni Goliat a higante a nagtaud iti bunggoy ti tattao a Filisteo a pinapataymo idiay Tanap ti Ela. Naibalkot daytoy iti maysa a lupot, ket nailinged iti efod idiay tabernakulo. No kayatmo, alaem daytoy, gapu ta awanen ti sabali pay nga armasko ditoy." Simmungbat ni David, "Pudno, awanen ti sabali pay a kampilan a kas iti kapintas dayta a kampilan! Itedmo kaniak."
|
||
|
||
\s5
|
||
\v 10 Inted ngarud ni Ahimelec daytoy kenkuana, ket pimmanaw ni David sadiay. Napan isuna ken dagiti tattaona iti siudad ti Gat iti rehion ti Filistia tapno makipagnaed kenni Ari Akis.
|
||
\v 11 Ngem saan nga inanamungan dagiti opisial ni Ari Akis ti iyu-umay ni David. Kinunada kenni Ari Akis, "Daytoy a David ket nabileg a kas iti ari iti dagana. Pinadayawan isuna dagiti kabusortayo, dagiti tattao nga Israelita babaen iti panangisalsala ken panngikankantada, 'Pinapatay ni Saul ti rinibribu kadagiti kabusorna, ngem pinapatay ni David ti sangapulo a ribu kadakuada.'~"
|
||
|
||
\s5
|
||
\v 12 Nangngeg ni David ti ibagbaga dagidiay a lallaki, ket nagbuteng isuna iti mabalin nga aramiden ni Ari Akis kenkuana.
|
||
\v 13 Isu a nagpammarang isuna nga agbagtit. Inrugina a sinuratsuratan dagiti ruangan ti siudad, ken baybay-anna nga agayus iti barbasna ti katayna.
|
||
|
||
\s5
|
||
\v 14 Ket kinuna ni Ari Akis kadagiti tattaona, "Kitaenyo daytoy a tao! Kasla agbagtit isuna! Apay nga inyegyo isuna kaniak?
|
||
\v 15 Inyegyo kadi isuna gapu ta awanen ti agbagtit ditoy balayko?"
|
||
|
||
\s5
|
||
\c 22
|
||
\p
|
||
\v 1 Pimmanaw ni David ken dagiti tattaona iti Gat ket napanda iti daya tapno aglemmeng iti maysa a rukib iti maysa a turod nga asideg iti ili ti Adullam. Iti saan a nagbayag ket immay nakipaggian kenkuana sadiay dagiti inauna a kakabsatna a lallaki ken amin a dadduma a kakabagianna.
|
||
\v 2 Ket immay sadiay dagiti dadduma a lallaki. Ti dadduma ket lallaki a marirriribukan, ti dadduma ket dagiti nakautang iti kuarta, ken ti dadduma ket lallaki a saan a naragsak iti panagbiagda. Nagtultuloy ti iyuumayda agingga nga adda uppat a gasut a lallaki sadiay, ket ni David ti panguloda.
|
||
|
||
\s5
|
||
\v 3 Iti saan a nagbayag, pimmanawda sadiay ket nagpadaya iti siudad ti Mizpa iti daga ti Moab. Sadiay, kiniddaw ni David iti ari ti Moab, "Pangngaasim ta ipalubosmo a makipagnaed kenka ti amak ken ti inak agingga a maammoak no ania ti kayat ti Dios nga aramiden para kaniak.
|
||
\v 4 Pinalubosan ti ari isuna, isu a nakipagnaed dagiti nagannak ni David iti ari ti Moab kabayatan ti tiempo nga aglemlemmeng ni David ken dagiti lallaki a kaduana iti dayta a disso.
|
||
\v 5 Maysa nga aldaw, imbaga ni Gad a profeta kenni David, "Panawanyo ti paglemlemmenganyo ditoy ket agsublikayo idiay Juda." Isu a napan ni David ken dagiti tattaona iti Kabakiran ti Heret idiay Juda.
|
||
|
||
\s5
|
||
\v 6 Iti naminsan, adda nakaibaga kenni Saul a dimteng ni David ken dagiti tattaona idiay Juda. Iti dayta nga aldaw, agtugtugaw ni Saul iti sirok ti tamarisko a kayo iti maysa a turod nga asideg iti ili ti Gabaa. Ig-iggamanna ti gayangna ken napalikmutan isuna kadagiti opisial ti armadana.
|
||
|
||
\s5
|
||
\v 7 Impukkawna kadakuada, "Dakayo a lallaki iti tribu ti Benjamin, dumngegkayo kaniak! Ipagarupyo kadi nga ikkannakayonto amin ti anak ni Jesse iti taltalon ken kaubasan no agbalin isuna nga ariyo? Dutokannakayonto kadi amin nga agbalin a heneral ken kapitan ti armadana?
|
||
\v 8 Dayta kadi ti makagapu a nagkaykaysakayo maibusor kaniak, kas iti ar-aramidenna tatta! Awan ti uray maysa kadakayo a nangipakaammo kaniak a ti anakko ket nagsapata iti pannakigayyem kenkuana! Awan ti uray maysa kadakayo ti nangngaasi kaniak wenno ti nangibaga kaniak a pabpabilgen ti anakko ti anak ni Jesse a bumusor kaniak, tapno ilemmengannak!"
|
||
|
||
\s5
|
||
\v 9 Ni Doeg a nagtaud iti bunggoy ti tattao ti Edom, ket agtaktakder sadiay a kaduana dagiti opisial ni Saul. Kinunana kenni Saul, "Idi addaak idiay Nob, nakitak dayta nga anak ni Jesse a makisarsarita kenni Ahimelec a padi.
|
||
\v 10 Dinamag ni Ahimelec kenni Yahweh no ania ti rumbeng nga aramiden ni David. Ket inikkan ni Ahimelec ni David iti sumagmamano a taraon ken intedna ti kampilan ni Goliat, ti higante a Filisteo."
|
||
|
||
\s5
|
||
\v 11 Isu a pinaayaban ni Saul ni Ahimelec ken amin a kakabagian ni Ahimelec a papadi idiay Nob. Isu nga immayda amin iti ayan ti ari.
|
||
\v 12 Kinuna ni Saul kenni Ahimelec, "Sika nga anak ni Ahitub, dumngegka kaniak!" Simmungbat ni Ahimelec, "Wen apo!"
|
||
\v 13 Kinuna ni Saul, "Apay a pinagkaykaysaandak a pukawen, sika ken ti anak ni Jesse? Inikkam isuna iti sumagmamano a tinapay ken maysa a kampilan. Dinawatmo iti Dios nga ibagana kenni David ti rumbeng nga aramidenna. Bimmusor ni David kaniak, ket ita aglemlemmengen isuna ken agur-uray a mangdarup kaniak."
|
||
|
||
\s5
|
||
\v 14 Simmungbat ni Ahimelec, "Saanko a maawatan no apay nga ibagbagam dayta, gapu ta ni David a manugangmo a pangulo dagiti guardiam ket napudno unay kenka. Awanen ti napudpudno kenka ngem kenni David! Tunggal maysa kadagiti sangkabalayam ket raraemenda unay isuna.
|
||
\v 15 Maysa pay, saan laeng a daytoy ti umuna a gundaway a dinawatko iti Dios nga ibagana ti kayatna nga aramiden ni David. Ket saan a nainkalintegan a pabasolennak wenno siasinoman kadagiti kakabagiak nga ikagkagumaandaka a patayen, gapu ta awan ti ammok maipanggep iti siasinoman a mayat a mangaramid iti dayta."
|
||
|
||
\s5
|
||
\v 16 Impukkaw ngarud ti ari, "Ahimelec, sika ken amin dagiti kakabagiam ket mapapatay ita met laeng!"
|
||
\v 17 Ket binilinna dagiti guardiana, "Patayenyo dagitoy a papadi ni Yahweh, gapu ta kakadua ida ni David ken nakipagkaykaysada kenni David maibusor kaniak! Ammoda a kayatnak nga itarayan ni David, ngem saanda nga imbaga kaniak!" Ngem nagkedked dagiti guardia ni Saul a mangpatay kadagiti papadi ni Yahweh.
|
||
|
||
\s5
|
||
\v 18 Ket kinuna ti ari kenni Doeg, "Patayem ida!" Ket ni Doeg a nagtaud iti bunggoy ti tattao ti Edom, nagpasango ket pinatayna amin ida babaen iti kampilanna. Iti dayta ng aldaw, nakapatay isuna iti walopulo ket lima a makaisuot iti efod gapu ta papadi amin ida ti Dios.
|
||
\v 19 Napan pay ket pinapatayna ti adu a tattao idiay Nob, ti siudad a pagnanaedan dagiti papadi. Pinatayna dagiti lallaki, babbai, ub-ubbing, dagiti maladaga, bakbaka, dagiti asno ken dagiti karnero sadiay.
|
||
|
||
\s5
|
||
\v 20 Ngem nakalibas ni Abiatar nga anak ni Ahimelec. Timmaray isuna ket timmipon kenni David ken dagiti lallaki a kakaduana.
|
||
\v 21 Imbagana kenni David nga imbilin ni Saul kenni Doeg a patayenna ti amin a papadi ni Yahweh.
|
||
|
||
\s5
|
||
\v 22 Ket kinuna ni David kenkuana, "Dayta a tao a nagtaud iti bunggoy ti tattao ti Edom, a ni Doeg ket adda idi aldaw nga addaak sadiay. Ammok a sigurado nga ibagana kenni Saul ti napasamak. Isu a basolko ti pannakatay ti amam ken dagiti pamiliana. Agtalinaedka kaniak ken saanka nga agbuteng.
|
||
\v 23 Ti tao a mayat a mangpatay kenka ket kayatnak met a patayen, ngem natalgedka no makipagnaedka kaniak.
|
||
|
||
\s5
|
||
\c 23
|
||
\p
|
||
\v 1 Maysa nga aldaw, adda nakaibaga kenni David, "Masapul a maammoam a ra-rauten dagiti soldado a Filisteo ti siudad ti Keila ket taktakawenda amin nga irik manipud kadagiti pagir-irikan dagiti tattao."
|
||
\v 2 Dinamag ni David kenni Yahweh, "Rumbeng kadi a makirangetak ken dagiti tattaok kadagiti bunggoy ti tattao ti Filistia?" Insungbat ni Yahweh, "Wen, mapankayo. Rautenyo ida, ket ispalenyo dagiti tattao iti Keila."
|
||
|
||
\s5
|
||
\v 3 Ngem kinuna dagiti tattao ni David kenkuana, "Mabutbutengtayo nga amangan no rautennatayo ni Saul ditoy Juda. Ad-adda pay a mabutengtayo no mapantayo idiay Keila nga ayan ti armada ti Filistia.
|
||
\v 4 Isu a nagdamag manen ni David kenni Yahweh no rumbeng a mapanda idiay Keila. Simmungbat ni Yahweh, "Wen, sumalogkayo idiay Keila. Tulongankayo a mangparmek kadagiti Filisteo."
|
||
|
||
\s5
|
||
\v 5 Napan ngarud ni David ken dagiti tattaona idiay Keila. Nakirangetda kadagiti Filisteo ket natiliwda dagiti adu nga arbanda. Adu kadagiti lallaki a Filisteo ti pinapatay da David ken dagiti tattaona ket inispalda dagiti tattao iti Keila.
|
||
\v 6 Ni Abiatar nga anak ni Ahimelec, a nakalibas idi a kimmuyog kenni David idiay Keila, ket nangitugot isuna iti efod a mausar tapno maammoan no ania ti kayat ti Dios nga aramidenna.
|
||
|
||
\s5
|
||
\v 7 Iti saan a nagbayag, natakuatan ni Saul nga adda ni David idiay Keila. Isu a kinunana, "Nagsayaaten! Ik-ikkanak ti Dios iti gundaway a mangtiliw kenni David! Insagmakna ti bagina iti ipapanna iti dayta nga ili, gapu ta addaan daytoy iti nangato a pader iti aglawlawna nga addaan kadagiti ruangan."
|
||
\v 8 Isu a pinaayaban ni Saul dagiti soldadona, ket nagsaganada a sumalog idiay Keila a makiranget kenni David ken kadagiti tattaona.
|
||
\v 9 Ngem naammoan ni David a pagsagsaganaen ni Saul ti armadana a rumaut kenkuana. Isu a kinunana kenni Abiatar a padi, "Iyegmo ditoy ti efod."
|
||
|
||
\s5
|
||
\v 10 Isu nga idi inyeg ni Abiatar daytoy, nagkararag ni David, "O Yahweh, Diosmi nga Israelita, nangngegko a pangpanggepen ni Saul ti umay ditoy a kaduana ti armadana ket dadaelenna ti Keila gapu ta addaak ditoy.
|
||
\v 11 Sumalog kadi ni Saul ditoy Keila kas iti impadamag dagiti tattao kaniak? Ipatiliwdakto kadi dagiti mangidadaulo iti Keila kenni Saul, Yahweh, Diosmi nga Israelita, pangngaasim ta ibagam kaniak!" Simmungbat ni Yahweh, "Wen, sumalog ni Saul."
|
||
|
||
\s5
|
||
\v 12 Ket kinuna ni David, "Siak ken dagiti tattaok ket ipatiliwto kadi dagiti mangidadaulo iti Keila kadagiti soldado ni Saul no agtalinaedkami ditoy?" Babaen kadagiti batbato nga adda iti efod, simmungbat ni Yahweh, "Wen, ipatiliwdakanto."
|
||
|
||
\s5
|
||
\v 13 Pimmanaw ngarud ni David ken dagiti innem a gasut a tattaona idiay Keila. Nagakar-akarda manipud iti maysa a lugar agingga iti sabali pay a lugar, iti sadinoman nga ipagarupda a saan ida a mabirokan ni Saul. Ket idi naammoan ni Saul a nakapanawen ni David idiay Keila, saanen isuna a napan sadiay.
|
||
\v 14 Nagtalinaed ni David ken dagiti tattaona kadagiti disso a paglemmengan iti let-ang ken kadagiti turturod iti let-ang ti Zif. Inaldaw a mangibaon ni Saul iti tattaona a mangbirok kenni David, ngem saan nga intulok ni Yahweh a matiliwda ni David.
|
||
|
||
\s5
|
||
\v 15 Kabayatan ti kaadda ni David ken dagiti tattaona iti maysa a lugar a maawagan iti Horesh iti let-ang ti Zif, naammoanna a paumay ni Saul sadiay a mangpatay kenkuana.
|
||
\v 16 Ngem ni Jonatan nga anak ni Saul, napan iti ayan ni David idiay Horesh, ket pinabilegna isuna nga agtalek latta iti Dios.
|
||
|
||
\s5
|
||
\v 17 Kinuna ni Jonatan kenkuana, "Saanka nga agbuteng, gapu ta saannaka a kabaelan a dangran ti amak. Dumtengto ti aldaw, sikanto ti agbalin nga ari iti Israel, ket siakto ti maikadua a kapapatgan a tao iti Israel. Ammo met ni Saul nga amak dayta."
|
||
\v 18 Ket inulit dagiti dua ti napasnek a karida a nangngeg ni Yahweh a karida iti kallabes a napudnodanto koma a kanayon iti tunggal maysa. Ket nagawid ni Jonatan, ngem nagtalinaed ni David idiay Horesh.
|
||
|
||
\s5
|
||
\v 19 Adda tattao a naggapu idiay Zif a napan kenni Saul idi adda isuna idiay Gabaa, ket kinunada kenkuana, "Aglemlemmeng ni David ken dagiti tattaona iti dagami! Aglemlemmengda iti lugar idiay Horesh iti turod ti Hakilah, iti abagatan ti lugar a maawagan iti Jesimon.
|
||
\v 20 Isu a sumalogka sadiay, apo ari, aniaman nga oras a kayatmo. Pagrebbenganmi a tiliwen isuna ken ipaima isuna kenka."
|
||
|
||
\s5
|
||
\v 21 Simmungbat ni Saul, "Bendisionannakayo koma ni Yahweh iti panangibagayo iti dayta kaniak.
|
||
\v 22 Agsublikayo ket ammoenyo pay ti maipanggep kenkuana. Ammoenyo no sadino ti mismo a pagtaltalinaedanna, ken ammoenyo no siasino ti nakakita kenkuana sadiay. Imbaga dagiti tattao kaniak a nasikap isuna, isu a masapul a nasikaptayo met tapno matiliw isuna.
|
||
\v 23 Ammoenyo amin a disso a paglemlemmenganna ken dagiti tattaona. Kalpasanna, agsublikayo kaniak ket ibagayo amin a natakuatanyo. Ket itugotkonto ti armadak ket kumuyogkaminto kadakayo a mapan sadiay. No adda ni David iti siasinoman kadagiti puli ti Juda, sawarentayo ti ayanna ket birokentayo isuna!"
|
||
|
||
\s5
|
||
\v 24 Nagsubli ngarud dagidiay a tattao idiay Zif sakbay a napan ni Saul sadiay. Kadagita a gundaway, adda ni David ken dagiti tattaona iti maysa a disierto idiay Maon, iti abagatan ti Jesimon.
|
||
\v 25 Binirok ni Saul ken dagiti soldadona ni David, ngem nangngeg ni David ti maipapan iti dayta. Isu a nagpaabagatan pay isuna ken dagiti tattaona ket nagturongda iti maysa a kabatoan a turod idiay let-ang ti Maon. Idi nangngeg ni Saul ti maipanggep iti dayta, sinurot ni Saul ken dagiti tattaona ni David ken dagiti tattaona idiay let-ang ti Maon.
|
||
|
||
\s5
|
||
\v 26 Magmagna ni Saul ken dagiti tattaona iti bangir ti turod, ket adda met da David iti bangir dayta a turod. Nagdardaras da David ken dagiti tattaona nga immadayo manipud kadagiti soldado ni Saul, gapu ta asidegen ni Saul ken dagiti tattaona.
|
||
\v 27 Ngem iti daydi a kanito, adda mensahero nga immasideg kenni Saul ket kinunana kenkuana, "Umaykayo a dagus! Rarauten ti armada ti Filistia dagiti tattao iti dagatayo!"
|
||
|
||
\s5
|
||
\v 28 Isu nga insardeng ni Saul ti panangkamkamatna kenni David, ket napan nakiranget isuna ken dagiti soldadona iti armada ti Filistia. Dayta ti makagapu nga inawagan dagiti tattao dayta a lugar iti Bato a Naglibasan.
|
||
\v 29 Pimmanaw met da David ken dagiti tattaona iti dayta a lugar ket napanda kadagiti luglugar a natalged a paglemmengan idiay Engedi.
|
||
|
||
\s5
|
||
\c 24
|
||
\p
|
||
\v 1 Idi nakaawiden ni Saul ken dagiti soldadona kalpasan ti pannakigubatda iti armada ti Filistia, adda nangipadamag kenni Saul a napan ni David ken dagiti tattaona iti let-ang nga asideg iti Engedi.
|
||
\v 2 Idi nadamag ni Saul dayta, nangpili isuna iti tallo ribu a lallaki manipud iti nadumaduma a lugar ti Israel, ket napanda binirok ni David ken dagiti tattaona idiay Kabatoan dagiti Atap a Kalding.
|
||
|
||
\s5
|
||
\v 3 Iti maysa a disso nga asideg kadagiti pagaponan ti karnero, pimmanaw ni Saul iti kalsada, ket simrek iti kueba tapno umibleng. Saanna nga ammo nga aglemlemmeng ni David ken dagiti tattaona iti naun-uneg a paset dayta met laeng a kueba!
|
||
\v 4 Nakita dagiti tattao ni David ni Saul ket inyarasaasda kenni David, "Daytoyen ti aldaw nga imbaga ni Yahweh idi kinunana, 'Ikkankanto iti kabaelan a mangparmek iti kabusormo.' Mabalinmo nga aramiden kenkuana ti aniaman a kayatmo!" Isu a nagarudok ni David a nagturong iti pagserkan ti kueba ket nangragas isuna iti gayadan ti kagay ni Saul babaen iti imukona.
|
||
|
||
\s5
|
||
\v 5 Ket kalpasanna, nagsubli isuna kadagiti tattaona. Ngem nakonsensia ni David iti panangragasna iti gayadan ti kagay ni Saul.
|
||
\v 6 Kinunana kadagiti tattaona, "Saanko koma nga inaramid dayta iti ari! Sapay koma ta saan nga ipalubos ni Yahweh a darupek ti maysa a dinutokan ti Dios, gapu ta ni Yahweh ti nangpili kenkuana nga agbalin nga ari."
|
||
\v 7 Iti panangibagana iti dayta, nalapdan ni David dagiti tattaona ket saanna nga impalubos a patayenda ni Saul.
|
||
|
||
\s5
|
||
\v 8 Idi nakapanawen ni Saul iti kueba ken magmagnan iti kalsada, rimmuar ni David iti kueba ket pinukkawanna ni Saul, "Ari Saul!" timmalliaw ni Saul ken kimmita, ket nagkurno ni David.
|
||
\v 9 Kalpasanna, kinunana kenni Saul, "Apay a patpatiem dagiti tattao no kasta nga ibagbagada 'Kayatnaka a dangran ni David'?
|
||
|
||
\s5
|
||
\v 10 Ita nga aldaw, mapaneknekam a mismo a saan a pudno ti ibagbagada. Inturongnaka ni Yahweh iti lugar a siak ken dagiti tattaok ket mabalindaka a patayen, idi addaka pay iti daytoy a kueba. Adda tattaok a nangibaga kaniak a rumbeng nga aramidek koma dayta, ngem saanko ida a pinalubosan a mangaramid iti dayta. Kinunak kadakuada, 'Saankonto a dangran ti apok, gapu ta isuna ti ari a dinutokan ni Yahweh.'
|
||
\v 11 Madaydayaw nga ari, kitaem daytoy ragas ti kagaymo nga adda iti imak! Rinagasko daytoy manipud iti kagaymo, ngem saanka a pinatay. Isu nga ita, maamirismo koma a saanko a pangpanggepen a pagaramidanka iti dakes. Awan ti biddut nga inaramidko kenka, ngem birbirukennak tapno patayennak.
|
||
|
||
\s5
|
||
\v 12 Sapay koma ta dusaennaka ni Yahweh gapu kadagiti biddut nga inramidmo kaniak. Ngem saankanto pulos a dangran.
|
||
\v 13 Adda pagsasao a kunana, 'Dagiti dakes a banbanag ket aramid dagiti dakes a tattao.' Ngem saanak a dakes a tao, isu a saankanto a pagaramidan iti dakes.
|
||
|
||
\s5
|
||
\v 14 Sika ti ari ti Israel. Isu nga apay nga an-anupennak? Ania koma daytoy a kamkamatem? Awan kaes-eskak, arigko laeng ti natay nga aso wenno timel.
|
||
\v 15 Sapay koma ta ikeddeng ni Yahweh no siasino ti husto iti daytoy a banag, sika wenno siak? Ket no siak ti paboranna, namnamaek nga ikanawanak ken ispalennak manipud iti bilegmo."
|
||
|
||
\s5
|
||
\v 16 Idi naibagan ni David dayta kenni Saul, impukaw ni Saul kenkuana ket nagsaludsod, "Anakko a David, timekmo kadi ti mangmangngegko?" Ket nagsangit isuna iti napigsa.
|
||
|
||
\s5
|
||
\v 17 Kinunana, "Nasaysayaatka ngem siak. Nagaramidka iti naimbag unay kaniak idinto ta ginandatko a pagaramidanka iti dakes.
|
||
\v 18 Idi inturongnak ni Yahweh iti dayta a kueba a nalaka koma a nangpatayam kaniak, saanmo nga inaramid dayta.
|
||
|
||
\s5
|
||
\v 19 Awan ti tao a mangwayawaya iti kabusorna kalpasan a masarakanna isuna. Ngem inaramidmo daytoy. Sapay koma ta gunggonaannaka ni Yahweh iti kinaimbagmo kaniak ita nga aldaw.
|
||
\v 20 Ammok nga iti maysa nga aldaw awan duadua nga agbalinkanto nga ari, ken agballiginto ti pagariam iti panangituraymo kadagiti Israelita.
|
||
|
||
\s5
|
||
\v 21 Ita, bayat a dumdumngeg ni Yahweh, isapatam kaniak a saanmonto a papatayen ti pamiliak ken pukawen amin a kaputotak."
|
||
\v 22 Insapata ni David a saanna a dangran ti pamilia ni Saul. Kalpasanna, nagawid ni Saul, ket simmang-at a nagsubli ni David ken dagiti tattaona iti lugar a paglemlemmenganda.
|
||
|
||
\s5
|
||
\c 25
|
||
\p
|
||
\v 1 Iti saan a nagbayag kalpasan dayta, natay ni Samuel, ket naguummong amin nga Israelita ket nagladingitda iti ipapatayna. Intabonda ti bangkayna iti ruar ti balayna idiay Rama. Kalpasanna, napan ni David ken dagiti tattaona idiay let-ang ti Paran.
|
||
|
||
\s5
|
||
\v 2 Iti ili ti Maon, adda maysa a tao nga akin-kukua iti daga idiay Carmel, a maysa a lugar a kabangibang ti aon. Nakabakbaknang isuna; addaan isuna iti tallo ribu a karnero ken rinibu a kalding.
|
||
\v 3 Nabal ti naganna; maysa isuna a kaputotan ni Caleb. Ti asawana a ni Abligail ket nasirib ken napintas a babai, ngem naranggas ni Nabal ken saan a nasayaat ti panangtratona kadagiti tattao.
|
||
|
||
\s5
|
||
\v 4 Iti maysa nga aldaw, bayat nga adda ni David ken dagiti tattaona iti desierto, adda nangibaga kenkuana a pukpukisan ni Nabal dagiti karnerona.
|
||
\v 5 Isu a binilin ni David ti sangapulo kadagiti tattaona, "Mapankayo kenni Nabal idiay Carmel ket kablaawanyo isuna para kaniak.
|
||
\v 6 Ket ibagayo daytoy a mensahek kenkuana: 'Idawdawatko a nasayaat koma ti pagbanagam ken ti pamiliam ken amin a sanikuam.
|
||
|
||
\s5
|
||
\v 7 Nadamagko ti ibagbaga dagiti tattao a pukpukisam dagiti karnerom. Iti nabiit pay, idi kaduami dagiti para-pastormo, saanmi a dinangran ida. Kadagiti gundaway a kaduami idiay Carmel dagiti para-pastormo, saankami a nagtakaw iti karnero kadakuada.
|
||
\v 8 Mabalinmo a damagen kadagiti adipenmo no pudno daytoy, ket ibagada kenka a pudno daytoy. Um-umaykami ditoy no kasta nga agramrambakka, isu a kiddawek kenka a maasika koma kadakami ken ikkam dagitoy a lallaki iti aniaman a sobra a makan nga adda kenka, nga agpaay kaniak, a ni David, ken kadagiti tattaok tapno adda kanenmi."'
|
||
|
||
\s5
|
||
\v 9 Idi dimteng dagiti tattao ni David iti ayan ni Nabal, imbagada ti mensahe ni David kenkuana, ket inurayda ti sungbatna. Ngem sigugubsang a nagsao ni Nabal kadakuada.
|
||
\v 10 Kinunana kadakuada, "Siasino koma dayta a tao nga anak ni Jesse, ania ti panangipagarupna iti bagina? Kadagitoy a panawen, adu dagiti tagabu nga itartarayanda ti amoda, ket para kaniak maysa met isuna kadakuada.
|
||
\v 11 Ik-ikkak iti tinapay ken danum dagiti lallaki nga agpukpukis iti karnerok, ken ik-ikkak ida iti karne manipud kadagiti ayup a pinartik. Apay koma nga itedko ti dadduma kadagitoy iti bunggoy a sumupsupiat iti linteg?"
|
||
|
||
\s5
|
||
\v 12 Kalpasanna, nagsulbli dagiti tattao ni David ket imbagada kenkuana ti imbaga ni Nabal.
|
||
\v 13 Idi nangngeg ni David daytoy, imbagana kadagiti tattaona, "Mapantayo patayen ni Nabal; ibarikesyo dagiti kampilanyo!" Imbarikesna ngarud ti kampilanna, ket agarup uppat a gasut a tattaona ti nangibarikes kadagiti kampilanda ket kimmuyogda kenkuana. Adda dua gasut kadagiti tattaona ti nagbati iti ayan dagiti gargaretda.
|
||
|
||
\s5
|
||
\v 14 Naammoan ti maysa kadagiti adipen ni Nabal ti pangpanggepen nga aramiden ni David ken dagiti tattaona, isu a napan isuna kenni Abigail nga asawa ni Nabal ket kinunana kenkuana, "Nangibaon ni David iti sumagmamano a mensaherona a naggapu iti disierto nga agkiddaw iti amomi a ni Nabal, ngem binugkawan laeng ida ni Nabal.
|
||
\v 15 Iti kaadaami iti away nga asideg nga asideg kadakuada, nakaim-imbag dagidiay a tattao ni David kadakami. Saandakami a dinangran. Awan a pulos ti tinakawda kadakami.
|
||
|
||
\s5
|
||
\v 16 Sinalaknibandakami iti aldaw ken rabii. Kasla da pader a naipalawlaw kadakami a mangsalsalaknib kadakami bayat nga ay-aywananmi dagiti karnerotayo.
|
||
\v 17 Isu nga ita, masapul a panunotem ti maipapan iti daytoy ket ikeddengmo ti mabalinmo nga aramiden. No saanka nga agtignay, nakaam-amak ti mapasamakto iti amok agramam ti amin a pamiliana. Nadangkes unay a tao ni Nabal, isu a saanna a denggen ti siasinoman a mangibaga kenkuana iti rumbeng nga aramidenna."
|
||
|
||
\s5
|
||
\v 18 Apaman a nangngeg ni Abigail dayta, inapurana ti nangala iti dua gasut a tinapay, ken nangala met isuna iti dua a pagkargaan a lalat a napno iti arak, ti karne manipud iti lima a naparti a karnero, dua a lata iti inuruban a trigo, sangagasut a raay iti ubas, ken dua a gasut a rakem iti napamaga nga igos. Insakayna amin dagitoy kadagiti asno.
|
||
\v 19 Ket kinunana kadagiti adipenna, "Umunakayo ta sumarunoak kadakayo." Ngem saanna nga impakaammo iti asawana ti aramidenna.
|
||
|
||
\s5
|
||
\v 20 Simmakay ni Abigail iti asnona ken simmalog iti katurturodan nga ayan ni David ken dagiti tattaona. Pagammoan, nasabat isuna ni David ken dagiti tattaona.
|
||
|
||
\s5
|
||
\v 21 Madama nga ibagbaga ni David daytoy kadagiti tattaona, "Awan serbi ti panangsalsalaknibtayo iti dayta a tao ken iti amin a sanikuana ditoy let-ang. Awan tinakawtayo nga uray ania kadagiti kukuana, ngem dakes ti insubadna iti laksid ti kinaimbagtayo kenkuana.
|
||
\v 22 Dusaen ken patayennak koma ti Dios no agtalinaed a sibibiag ni Nabal wenno uray maysa a lalaki a pamiliana agingga inton bigat!"
|
||
|
||
\s5
|
||
\v 23 Idi nakita ni Abigail ni David, bimmaba a dagus isuna iti asnona ket nagrukob iti sangngoananna.
|
||
\v 24 Ket nagparintumeng isuna iti sakaannan ni David ket kinunana kenkuana, "Apo, maikariak a madusa gapu iti inaramid ti asawak. Pangngaasim ta denggem ti ibagak kenka.
|
||
|
||
\s5
|
||
\v 25 Pangngaasim ta saanmo nga ikankano ti imbaga ti awan serserbina a tao a ni Nabal. 'Maag' ti kayat a sawen ti naganna ket awan duadua a maysa isuna a maag a tao. Ngem siak, a sipapalubos nga agbalin nga adipenmo, saanko a nakita dagiti imbaonmo kenkuana a mensahero.
|
||
\v 26 Linapdannaka ni Yahweh a bumales ken pumatay iti siasinoman. Iti nagan ti sibibiag a Dios ken iti naganmo, mailunod koma dagiti kabusormo a kas kenni Nabal.
|
||
|
||
\s5
|
||
\v 27 Nangiyegak iti sagut nga agpaay kenka ken kadagiti tattaom.
|
||
\v 28 Pangngaasim ta pakawanennak no nagbiddutak kenka. Awan duadua a gunggonaannakanto ni Yahweh babaen iti panangipalubosna iti adu kadagiti kaputotam nga agbalin nga ari ti Israel, gapu ta makirangrangetka kadagiti gubat a kayat ni Yahweh a pakirangetam. Ken ammok nga iti las-ud ti panagbiagmo ket saanka a nagbiddut.
|
||
|
||
\s5
|
||
\v 29 Uray kamkamatendaka dagidiay nga aggan-gandat a mangpatay kenka, natalgedka gapu ta salsalaknibannaka ni Yahweh a Diosmo. Masalaknibankanto a kas iti maysa a bedbed a napintas ti pannakareppetna. Ngem dagiti kabusormo ket agpukawdanto a kasla kadagiti bato a naipallatibong.
|
||
|
||
\s5
|
||
\v 30 Inkari ni Yahweh nga agramid kadagiti nasasayat a banbanag para kenka, ket tungpalenna ti inkarina. Ket pagbalinennakanto a pangulo dagiti Israelita.
|
||
\v 31 Inton mapasamak dayta, saanmo a patayen ti siasinoman nga adda iti pagtaenganna. Ket saanmonto a panunoten a maikarika a madusa gapu iti panangdusam ken panangpataymo kadagiti inosente a tattao. Ket inton pagbalinennaka ni Yahweh nga ari, pangngaasim ta saannakto koma a lipliptan a kaasian."
|
||
|
||
\s5
|
||
\v 32 Simmungbat ni David kenni Abigail, "Idaydayawko ni Yahweh, ti Dios a daydayawentayo nga Israelita, gapu ta imbaonnaka a makisarita kaniak.
|
||
\v 33 Sapay koma ta tulongannaka ti Dios gapu ta inlisinak iti panangpapatay kadagiti tattao iti daytoy nga aldaw, ken iti panangbaesko iti dakes a tao.
|
||
|
||
\s5
|
||
\v 34 Iti nagan ni Yahweh a Dios a daydayawentayo nga Israelita, linapdannak a mangdangran kenka. No saanka nga immay a dagus a nakisarita kaniak, saan koma a nabigatan a sibibiag ni Nabal uray siasino kadagiti tattaona a lallaki."
|
||
\v 35 Kalpasanna, inawat ni David dagiti sagut nga inyeg ni Abigail kenkuana. Kinunana kenkuana, "Sapay koma ta nasayaat ti pagbanagam. Nangngegko dagiti imbagam, ket tungpalek ti kiniddawmo."
|
||
|
||
\s5
|
||
\v 36 Idi nagsubli ni Abigail kenni Nabal, adda isuna iti balayna a madama ti panagparambakna a kas ar-armiden dagiti ari. Nabartek isuna ken kasta unay ti ragsakna. Isu nga awan pulos ti imbaga ni Abigail kenkuana iti dayta a rabii maipangngep iti pannakisinnarakna kenni David.
|
||
|
||
\s5
|
||
\v 37 Kabigatanna, idi nausawanen isuna, imbaga ni Abigail kenni Nabal amin a napasamak idi nakitungtong isuna kenni David. Dagus a naatake isuna ket saanen a makagaraw.
|
||
\v 38 Napalabas ti sangapulo nga aldaw, dinusa manen isuna ni Yahweh ket natay.
|
||
|
||
\s5
|
||
\v 39 Idi nadamag ni David a natayen ni Nabal, kinunana, "Idaydayawko ni Yahweh! Pinabainannak ni Nabal ngem impakita ni Yahweh a nalintegak. Inlisinak manipud iti panagaramid iti dakes. Ket dinusana ni Nabal gapu iti biddut a naaramidna." Kalpasanna, nangibaon ni David kadagiti mensahero kenni Abigail, tapno kiddawenda kenkuana nga agbalin isuna nga asawa ni David.
|
||
\v 40 Napan dagiti adipenna idiay Carmel ket kinunada kenni Abigail, "Inbaonnakami ni David tapno alaendaka nga agbalin nga asawana."
|
||
|
||
\s5
|
||
\v 41 Nagrukob ni Abigail. Ket imbagana kadagiti mensahero nga ibagada daytoy kenni David, "Naragsakak nga agbalin nga asawam. Agbalinakto nga adipenmo. Siaannugotak a mangbuggo iti saka dagiti adipenmo."
|
||
\v 42 Simmakay a dagus ni Abigail iti asnona ket kimmuyog kadagiti mensahero ni David. Lima kadagiti adipenna a babbai ti kimmuyog kenkuana. Idi nakasangpet ni Abigail iti ayan ni David, nagbalin isuna nga asawana.
|
||
|
||
\s5
|
||
\v 43 Siguden nga asawa ni David ni Ahinoam, ti babai a naggapu idiay Jezreel nga asideg idiay Carmel. Isu a ni Ahinoam ken ni Abigail ket agpada a nagbalin nga asawa itan ni David.
|
||
\v 44 Asawa pay ni David ni Mical nga anak ni ari Saul, ngem ipaasawa isuna ni ari Saul kenni Lais nga anak ni Paltiel nga agnanaed iti ili ti Galim.
|
||
|
||
\s5
|
||
\c 26
|
||
\p
|
||
\v 1 Iti maysa nga aldaw, sumagmamano a tattao iti ili ti Sif ti napan kenni Saul kabayatan ti kaaddana idiay Gabaa, ket kinunada kenkuana, "Aglemlemmeng ni David iti maysa a kueba idiay katurturodan ti Hakila, a dayaen ti ili ti Jesimon."
|
||
\v 2 Isu a pinili ni Saul dagiti tallo ribu a kalaingan a soldado nga Israelita ket kimmuyog isuna a napan idiay let-ang ti Sif a mangbirok kenni David.
|
||
|
||
\s5
|
||
\v 3 Nagkampo ni Saul ken dagiti tattaona iti asideg ti kalsada iti katurturodan ti Hakila, a dayaen ti ili ti Jesimon, ngem nagtalinaed ni David ken dagiti tattaona idiay let-ang. Idi nadamag ni David a birbiroken isuna ni Saul,
|
||
\v 4 nangibaon isuna kadagiti espiya a mangammo no pudno a dimtengen ni Saul idiay Hakila.
|
||
|
||
\s5
|
||
\v 5 Ket iti dayta a rabii napan ni David iti lugar a nagkampoan ni Saul. Iti saan unay nga adayo, nakitana ti nagturogan ni Saul ken ti mangidadaulo iti armadana a ni Abner. Nakaturog ni Saul kasta met dagiti armadana nga adda iti aglikmut ti kampona.
|
||
|
||
\s5
|
||
\v 6 Nagsubli ni David iti ayan dagiti tattaona ket kinasaritana ni Ahimelec a naggapu iti bunggoy ti Heteo, ken ti kabsat ni Joab a ni Abisai nga anak ni ni Zeruias nga inauna a kabsat a babai ni David. Sinaludsodna kadakuada, "Siasino ti kumuyog kaniak a sumalog iti nagkampoan ni Saul? Simmungbat ni Abisai, "Kumuyogak kenka."
|
||
\v 7 Isu nga iti dayta a rabii nagarudok ni David ken ni Abisai a nagturong iti nagkampoan ni Saul. Nakitada a nakaturog ni Saul. Naitugkel ti gayangna iti uloananna. Nakaturog ni Saul iti tengnga ti kampo. Nakaturog ni Abner ken dagiti dadduma a soldado iti aglikmut ni Saul.
|
||
\v 8 Inyarasaas ni Abisai kenni David, "Ita nga aldaw, inted ni Yahweh ti gundaway kadata a mangpatay iti kabusormo! Palubosannak a mangduyok kenni Saul agingga nga agsalpot iti daga ti gayangko. Mammaminsan laeng ti panangduyokko kenkuana. Saanen a masapul a piduaek pay ti panangduyokko kenkuana."
|
||
|
||
\s5
|
||
\v 9 Ngem inyarasaas ni David kenni Abisai, "Saan, dimo patayen ni Saul. Dinutokan isuna ni Yahweh nga agbalin nga ari, awan duadua a dusaen ni Yahweh ti siasinoman a mangpatay kenkuana. Iti nagan ti sibibiag a Dios, isuna a mismo ti mangdusa kenni Saul.
|
||
\v 10 Nalabit a ni Yahweh ti mangpatayto kenkuana inton tiempon ni Saul ti matay, wenno nalabait a matayto ni Saul iti gubat.
|
||
|
||
\s5
|
||
\v 11 Ngem sapay koma ta lapdadnak ni Yahweh a mangdangran iti ari a dinutokanna. Alaenta ti gayang ken ti pagkargaan iti danum ni Saul nga adda iti uloananna. Kalpasanna pumanawtan ditoy!"
|
||
\v 12 Innala ngarud ni David ti gayang ken ti pagkargaan iti danum, ket pimmanawda kenni Abisai. Awan ti uray maysa a nakakita kadakuada wenno nakadlaw iti inaramidda, ken awan ti uray maysa a nakariing gapu ta pinaturog ida ni Yahweh iti nasimbeng.
|
||
|
||
\s5
|
||
\v 13 Linasat ni David ken ni Abisai ti tanap ket immulida iti tapaw ti turod, nga adayo manipud iti nagkampoan ni Saul.
|
||
\v 14 Ket pinukkawan ni David ni Abner, "Abner, mangmangegnak kadi?" Simmungbat ni Abner "Siasinoka a mangririing a mangpukpukkaw iti ari?"
|
||
|
||
\s5
|
||
\v 15 Simmungbat ni David, "Ammok a sika ti kamaingelan a lalaki iti Israel! Apay ngarud a saanmo a nabantayan ti apom nga ari? Adda immuneg iti kampoyo a mangpatay koma iti apom nga ari.
|
||
\v 16 Saanmo a naaramid a naimbag ti trabahom a mangbantay kenni Saul. Isu nga iti nagan ti sibibiag a Dios, rumbeng a matayka agraman dagiti tattaom! Saanmo a binantayan ti apom a dinutokan ni Yahweh nga agbalin nga ari. Ayanna ti gayang ti ari ken ti pagkargaan iti danum nga adda iti uloananna?"
|
||
|
||
\s5
|
||
\v 17 Nakariing ni Saul ket nailasinna a timek dayta ni David. Pinukkawanna isuna a kunana, "Anakko a David, timekmo kadi dayta? Simmungbat ni David, "Wen apo, timekko daytoy."
|
||
\v 18 Ket innayon pay ni David, "Apo, apay a kamkamatennak? Awan ti naaramidko a biddut!
|
||
|
||
\s5
|
||
\v 19 Apo, denggennak! No ni Yahweh ti makagapu a makaungetka kaniak, kayatko nga awatenna ti daton manipud kaniak. Ngem no dagiti tattao ti akin-aramid a makaungetka kaniak, ilunod koma ida ni Yahweh. Pinilitdak a pumanaw iti daga nga inted kaniak ni Yahweh. Imbagada kaniak, 'Mapanka iti sabali a lugar ken agdayawka kadagiti didiosen!'
|
||
\v 20 Ita, saannak a pilitin a matay nga adayo iti daga ken iti imatang ni Yahweh. Sika, apo ari, birbirokennak, ngem arigko laeng ti maysa a timel wenno atap a billit nga an-anupen ti maysa a tao iti katurturodan."
|
||
|
||
\s5
|
||
\v 21 Ket kinuna ni Saul, "Anakko a David, nagbasolak iti pananggandatko a mangpatay kenka. Isu nga agawidkan. Ita nga aldaw, imbilangmo a napateg unay ti biagko, isu a saannak a pinatay. Isu a saankon a gandaten ti mangdangran kenka. Nakaaramidak iti dakkel a biddut ken nagtignayak a simamaag."
|
||
|
||
\s5
|
||
\v 22 Simmungbat ni David, "Ibatik ti gayangmo ditoy. Mangibaonka iti maysa kadagiti tattaom nga umay mangala ditoy.
|
||
\v 23 Gunggonaannatayo ni Yahweh kadagiti amin a nalinteg nga inaramidtayo ken iti kinapudnotayo kenkuana. Uray no inted kaniak ni Yahweh ti gundaway a nalakaka koma a patayen, saanko nga inaramid, gapu ta sika ti dinutokan ni Yahweh nga agbalin nga ari.
|
||
|
||
\s5
|
||
\v 24 Kas iti panangibilangko a napateg ti biagmo ken panangispalko kenka ita nga aldaw, ibilang koma ni Yahweh ti biagko a napateg ken ispalennak iti amin a pakariribukak.
|
||
\v 25 Ket kinuna ni Saul kenni David, "Anakko a David, ikararagko a bendisionannaka koma ni Yahweh. Maaramidmo koma dagiti naindaklan a banbanag a sibaballigi." Kalpasanna, nagsubli ni David kadagiti tattaona, ket nagawid met ni Saul.
|
||
|
||
\s5
|
||
\c 27
|
||
\p
|
||
\v 1 Ngem napanunot ni David, "Addanto aldaw a tiliwennak ni Saul no agtalinaedak ditoy. Isu a ti kasayaatan nga aramidek ket aglibas ken mapanak idiay rehion ti Filistia. No aramidek dayta, agsardengton ni Saul a mangbirbirok kaniak ditoy Israel, ket natalgedakto."
|
||
|
||
\s5
|
||
\v 2 Isu a ni David ken ti innem a gasut a tattaona ket pimmanawda iti Israel ket napanda iti ayan ti anak ni Maoc a ni Akis nga ari iti siudad ti Gat idiay rehion ti Filistia.
|
||
\v 3 Nagnaed ni David ken dagiti tattaona agraman dagiti pamiliada idiay Gat, ti siudad a pagnanaedan ni Ari Akis. Kadua met ni David ti dua nga assawana--ni Ahinoam a taga-Jezreel, ken ti balo ni Nabal a ni Abigail a taga- Carmel.
|
||
\v 4 Idi nadamag ni Saul a naglibas ni David ket agnanaeden idiay Gat, insardengnan ti panangbirbirokna kenni David.
|
||
|
||
\s5
|
||
\v 5 Maysa nga aldaw, kinuna ni David kenni Akis, "No maay-ayoka kadakami, ikkannakami iti maysa a disso kadagiti babassit a bario a mabalin a pagnaedanmi. Saanen a masapul nga agnaedkami iti siudad ti ari."
|
||
\v 6 Nagustoan ni Akis ti insingasing ni David. Isu nga iti dayta nga aldaw, inted ni Akis kenni David ti ili ti Siklag. Dayta ti makagapu a manipud iti dayta a tiempo ti Siklag ket kukuan dagiti ari ti Juda.
|
||
\v 7 Nagnaed ni David ken dagiti tattaona idiay rehion ti Filistia iti sangapulo ket innem a bulan.
|
||
|
||
\s5
|
||
\v 8 Iti dayta a tiempo, rinaut ni David ken dagiti tattaona dagiti tattao nga agnanaed iti lugar a Gesur, Girsi, ken Amalec. Nabayagen nga agnanaed sadiay dagidiay a tattao. Dumanon dayta a lugar iti abagatan ti Shur agingga iti beddeng ti Egipto.
|
||
\v 9 Tunggal rauten ida dagiti tattao ni David, papatayenda amin a lallaki ken babbai, ken alaenda amin a karnero dagiti tattao ken amin a baka, asno ken dagiti kamelio, agraman dagiti pagan-anayda. Ket iyawidda amin dagidiay kadagiti pagtaenganda, kalpasanna mapan kasarita ni David ni Akis.
|
||
|
||
\s5
|
||
\v 10 Tunggal saludsoden ni Akis kenni David, "Sadino ti rimmautanyo ita nga aldaw?" No dadduma ket ibaga ni David a naggapuda iti abagatan a paset ti Juda, ken no dadduma ket ibagana a naggapuda iti abagatan a pagnanaedan dagiti tribu ti Jerameel, wenno nakirangetda kadagiti Kineo nga agnanaed iti abagatan.
|
||
|
||
\s5
|
||
\v 11 Saan nga agawid dagiti tattao ni David idiay Gat agingga nga adda pay sibibiag nga uray maysa a lalaki wenno babai. Pinanunot ni David, "No saantayo ida a papatayen amin, dagiti sumagmamano a mabiag ket mapandanto ipulong kenni Akis ti kinapudno maipapan iti inaramidtayo." Masansan nga aramiden dayta ni David ken dagiti tattaona iti panagnaedda idiay rehion ti Filistia.
|
||
\v 12 Isu a pinati ni Akis ti imbaga ni David kenkuana; impagarupna, "Gapu iti inaramid ni David, dagiti tattaona, dagiti Israelita, ket guraenda isuna iti kasta unay. Agtalinaedto ngarud isuna ditoy ket pagserbiannak iti agnanayon."
|
||
|
||
\s5
|
||
\c 28
|
||
\p
|
||
\v 1 Saan a nagbayag, inummong dagiti tattao a taga-Filistia dagiti armadada tapno rautenda manen dagiti Israelita. Imbaga ni Ari Akis kenni David, "Namnamaek a sika ken dagiti tattaom ket tumipon kadagiti tattaok a mangraut kadagiti Israelita."
|
||
\v 2 Simmungbat ni David, "Sumurotkami kenka ket makitamto ti kabaelanmi nga aramiden!" Kinuna ni Akis, "Nasayaat unay, dutokanka nga agbalin a permanente a mangsalaknib kaniak."
|
||
|
||
\s5
|
||
\v 3 Idi sibibiag pay ni Samuel, adda dagiti banbanag nga inaramid ni Saul a nakaay-ayo kenni Yahweh. Maysa kadagiti naimbag a banbanag nga inaramid ni Saul ket ti panangpapanawna iti Israel kadagiti amin a tattao a mammadles wenno dagiti makisasao kadagiti espiritu dagiti natay. Ngem natay ni Samuel ket nagladingit dagiti amin nga Israelita para kenkuana. Ket intabonda isuna idiay Rama nga ilina.
|
||
\v 4 Naummong ti armada ti Filistia ket nagkampoda iti siudad ti Sunem, iti abagatan ti Israel. Inummong ni Saul ti armada ti Israel ket nagkampoda idiay Gilboa iti dayaen a paset dayta met laeng a tanap.
|
||
|
||
\s5
|
||
\v 5 Idi nakita ni Saul ti armada dagiti Filisteo, nagbuteng unay ket nagkibbayo ti barukongna.
|
||
\v 6 Nagkararag kenni Yahweh, ngem saan isuna a sinungbatan ni Yahweh. Saan nga imbaga ni Yahweh kenni Saul ti rumbeng nga aramidenna babaen iti tagtagainep, wenno babaen iti panangipurwak ti padi kadagiti namarkaan a batbato nga adda iti pektoralna, wenno babaen iti panangibagana iti mensahe maipapan kenni Saul iti siasinoman a profeta.
|
||
\v 7 Ket kinuna ni Saul kadagiti adipenna, "Ibirokandak iti maysa a babai a makisasao kadagiti espiritu ti natay a tao tapno iti kasta agsaludsodak kenkuana no anianto ti mapasamak." Simmungbat dagiti adipenna, "Adda maysa a babai iti ili ti Endor a mangar-aramid iti kasta."
|
||
|
||
\s5
|
||
\v 8 Inussob ngarud ni Saul ti kawesna a mangipakita nga isuna ti ari ket nagkawes iti gagangay a pagan-anay tapno manglimlimo. Ket kabayatan ti rabii, napan isuna a kaduana ti dua kadagiti tattaona tapno makisarita iti dayta a babai. Kinuna ni Saul kenkuana, "Kayatko a makisaritaka iti espiritu ti maysa a natayen. Pagparangem ti tao nga ibagak ti naganna kenka."
|
||
\v 9 Ngem insungbat ti babai, "Sigurado nga ammom ti inaramid ni Saul. Pinapanawna manipud iti daytoy a daga dagiti tattao a makisarsarita kadagiti espiritu dagiti natay ken dagiti mammadles. Ammok a palpalab-ogannak, tapno mapapatayak gapu iti panagaramidko iti maysa a banag a maiparit."
|
||
\v 10 Simmungbat ni Saul, sipapasnek a kiniddawna kenni Yahweh a denggenna ti ibagbagana, "Iti nagan ti sibibiag a Dios, saanka a madusa iti panangaramidmo iti daytoy."
|
||
|
||
\s5
|
||
\v 11 Ket kinuna ti babai, "Siasino ti kayatmo nga pagparangek?" Simmungbat ni Saul, "Pagparangem ni Samuel."
|
||
\v 12 Inaramid ngarud ti babai dayta. Ngem idi nakitana ni Samuel, nagriaw isuna. Kinunana, "Inallilawnak! Sika ni Saul! Ipapataynak gapu iti panagaramidko iti daytoy!"
|
||
|
||
\s5
|
||
\v 13 Kinuna ni Saul kenkuana, "Saanka nga agbuteng. Ania ti makitam?" Kinuna ti babai, "Makitak ti maysa a dios a rumrummuar manipud iti daga."
|
||
\v 14 Kinuna ni Saul, "Ania ti langana?" Simmungbat ti babai, "Agparparang ti maysa a lakay a nakakagay iti atiddog." Ket ammo ni Saul nga isu dayta ni Samuel. Isu a nagrukob isuna iti daga.
|
||
|
||
\s5
|
||
\v 15 Kinuna ni Samuel kenni Saul, "Apay a sininganak babaen iti panangayabmo kaniak?" Kinuna ni Saul, "Madanagannak unay. Umay darupen ti armada ti Filistia dagiti armadak ket binaybay-annakon ti Dios. Saannan a sungbatan dagiti saludsodko. Saanen isuna a mangted kadagiti tagtagainep a mangibaga kaniak iti aramidek wenno mangted iti mensahe kadagiti profeta a mangibaga kaniak iti aramidek. Dayta ti gapuna nga immayak kenka. Isu nga ibagam kaniak ti rumbeng nga aramidek!"
|
||
|
||
\s5
|
||
\v 16 Kinuna ni Samuel, "Binaybay-annaka ni Yahweh ket nagbalinen isuna a kabusormo. Apay ngarud a saludsodem kaniak no ania ti rumbeng nga aramidem?
|
||
\v 17 Inaramid ni Yahweh ti imbagana kaniak idi nga aramidenna kenka. Inikkatna kenka ti pagarian, ket itedna daytoy iti sabali nga Israelita nga isu ni David.
|
||
|
||
\s5
|
||
\v 18 Saanka a nagtulnog kenni Yahweh. Makaunget unay ni Yahweh kadagiti Amalekita. Saanmo a pinapatay amin dagiti ayupda, gapu iti dayta, saanmo nga impakita a makaunget unay ni Yahweh kadakuada. Dayta ti makagapu a saannaka a sungsungbatan ita.
|
||
\v 19 Ikkan ni Yahweh ti kabaelan ti armada dagiti Filisteo a mangparmek kenka ken kadagiti amin a dadduma a soldado nga Israelita. Ket inton bigat, sika ken dagiti annakmo ket maitiponto kaniak iti lugar nga ayan dagiti espiritu dagiti natay. Ipaabakto ni Yahweh ti amin nga armada ti Israel iti armada dagiti Filisteo" Kalpasan nga imbaga ni Samuel dayta, nagpukaw isuna.
|
||
|
||
\s5
|
||
\v 20 Dagus a natuang ni Saul iti daga. Nagbuteng unay gapu iti imbaga ni Samuel ket napukaw ti amin a pigsana. Agkakapsut pay isuna gapu ta nagmalmalem ken nagpatpatnag nga awan ti kinnanna.
|
||
\v 21 Nakita ti babai a madandanagan unay ni Saul. Kinunana kenkuana, "Dumngegka kaniak! Inaramidko ti kiniddawmo kaniak nga aramidek. Mabalin a mapapatayak koma iti panangaramidko iti dayta.
|
||
|
||
\s5
|
||
\v 22 Isu nga ita, pangngaasim ta ipangagmo ti ibagak. Bay-annak ta idasaranka iti taraon a kanem tapno agsubli ti pigsam ket makasublika kadagiti soldadom."
|
||
\v 23 Ngem nagkedked ni Saul. Kinunana, "Saan, saanak a mangan." Ket dagiti adipen ni Saul, pinilitda met isuna a mangan, ket impangagna met laeng ida. Timmakder ket nagtugaw iti pagiddaan.
|
||
|
||
\s5
|
||
\v 24 Addaan ti babai iti napalukmeg a baka iti asideg ti balayna. Dagus a pinartina ket inlutona daytoy. Nangala iti arina ket inggamayna iti lana ti olibo ket linutona daytoy nga awan ti laokna a lebadurana.
|
||
\v 25 Indasarna ti taraon iti sangoanan ni Saul ken dagiti adipenna ket nanganda. Ket iti dayta met laeng a rabii, nagrubbuatda a pimmanaw.
|
||
|
||
\s5
|
||
\c 29
|
||
\p
|
||
\v 1 Naguummong ti armada dagiti Filisteo iti tanap ti Afec. Nagkampo dagiti Israelita iti siudad ti Jezreel, iti dayta met laeng a tanap.
|
||
\v 2 Grinupo-grupo dagiti mangidadaulo ti Filistia dagiti tattaoda; adda dagiti bunggoy nga addaan iti sangagasut a soldado ken adda dagiti bunggoy nga addaan iti sangaribu a soldado. Nagmartsa ni David ken dagiti tattaona iti malikudan a paset, agraman ni Ari Akis.
|
||
|
||
\s5
|
||
\v 3 Ngem nagsaludsod dagiti opisial dagiti Filisteo, "Ania ti ar-aramiden ditoy dagitoy a Hebreo ta makipagmarmartsa kadatayo a makigubat?" Simmungbat ni Akis, "Ni David ti panguloda. Nagtrabaho idi isuna kenni Ari Saul ti Israel, ngem ita agnanaeden iti asidegko iti nasuroken a maysa a tawen. Sipud pay idi pinanawanna ni Saul, saanko a nakita a nagbiddut isuna."
|
||
|
||
\s5
|
||
\v 4 Ngem nakaunget dagiti opisial ti armada dagiti Filisteo kenni Akis iti panangipalubosna kadagiti soldado ni David a sumurot kadakuada. Kinunada kenkuana, "Pagsubliem ni David ken dagiti tattaona iti siudad nga intedmo kenkuana! Saanmi kayat a kumuyog isuna kadatayo a mapan iti paggugubatan. No kumuyog kadatayo, maaddaankami iti kabusor no manarimaan ti ranget! Mabalin a may-ayonna ni Saul babaen iti panangpapatayna kadagiti soldadotayo!
|
||
|
||
\s5
|
||
\v 5 Nalipatam kadin a ni David ti isalsalaan ken kankantaen dagiti Israelita a kunkunada, 'Pinapatay ni Saul ti rinibu kadagiti kabusortayo, ngem pinapatay ni David ti sangapulo a ribu kadakuada!'?"
|
||
|
||
\s5
|
||
\v 6 Inayaban ngarud ni Akis ni David ket kinunana kenkuana, "Iti nagan ti sibibiag a Dios, ammok a napudnoka kaniak. Kayatko la unay a makirangetka a kadua dagiti soldadok. Sipud idi immayka kaniak, awan pay nasarakak a biddutmo. Ngem saandaka a pagtalkan dagiti dadduma nga ari.
|
||
\v 7 Isu nga agawidkayo amin ken mangnamnamak nga agaramidkayo iti maysa a banag a saan a mamagpungtot kadagiti dadduma nga ari ti Filistia."
|
||
|
||
\s5
|
||
\v 8 Simmungbat ni David, "Ania ti biddut a naaramidko? Sipud pay idi aldaw nga immayak kenka agingga ita, adda kadi dakes a naaramidko? Natan-ok nga ari, apay a saannak a palubosan a makiranget kadagiti kabusormo?"
|
||
\v 9 Simmungbat ni Akis, "Ammok a mapagtalkanka a kas iti panagtalekko iti maysa nga anghel a naggapu iti Dios. Ngem kinuna dagiti opisial dagiti soldadok, 'Saanmi nga ipalubos a kumuyog kadakami ni David ken dagiti tattaona a mapan iti paggugubatan.'
|
||
|
||
\s5
|
||
\v 10 Isu nga inton bigat iti agsapa sika ken dagiti tattaom ket masapul a pumanaw. Agrubbuatkayo ket apaman a lumawag, pumanawkayon."
|
||
\v 11 Nagrubbuat ngarud ni David ken dagiti tattaona ket nagsublida iti lugar a pagnanaedan dagiti Filisteo. Ngem napan ti armada dagiti Filisteo iti siudad ti Jezreel.
|
||
|
||
\s5
|
||
\c 30
|
||
\p
|
||
\v 1 Napalabas ti tallo nga aldaw, idi nakadanon ni David ken dagiti tattaona idiay Siklag, natakuatanda a rinaut dagiti bunggoy ti Amalekita ti Siklag ken dadduma nga ili iti abagatan a let-ang ti Juda. Dinadaelda ti Siklag ken pinuoranda dagiti amin a pasdek.
|
||
\v 2 Tiniliw ken intalawda dagiti babbai, dagiti ubbing ken amin nga adda idiay. Ngem awan pinapatayda.
|
||
|
||
\s5
|
||
\v 3 Idi nakadanon ni David ken dagiti tattaona idiay Siklag, nakitada a napuoranen ti ili ket natiliw ken naitalaw dagiti assawada ken annakda.
|
||
\v 4 Nagsangit iti napigsa ni David ken dagiti tattaona, agingga a kimmapsutda a saandan a makasangit.
|
||
|
||
\s5
|
||
\v 5 Nairaman met a naitalaw dagiti dua nga asawa ni David a ni Ahinoam ken ni Abigail.
|
||
\v 6 Pangpanggepen dagiti tattao ni David a papatayen isuna babaen iti panangbatoda kenkuana gapu ta makaungetda unay iti pannakaitalaw dagiti annakda. Mariribukan unay ni David, ngem inikkan isuna ni Yahweh iti pigsa.
|
||
|
||
\s5
|
||
\v 7 Ket saan nga ammo ni David ti aramidenna, isu a kinunana kenni Abiatar a padi, "Iyegmo kaniak ti efod." Inyeg ngarud ni Abiatar dagitoy.
|
||
\v 8 Nagsaludsod ni David kenni Yahweh, "Rumbeng kadi a kamakamenmi dagiti lallaki a nangitalaw kadagiti pamiliami? Makamakammi kadi ida?" Simmungbat ni Yahweh babaen kadagiti bato nga adda iti efod: "Wen, kamatenyo ida. Makamakamyo ida ket maispalyo dagiti pamiliayo."
|
||
|
||
\s5
|
||
\v 9 Isu a pimmanaw ni David ken dagiti innem a gasut a tattaona ket nakagtengda iti waig ti Besor. Sumagmamano kadagiti tattaona ti nagbati sadiay karaman a naibati dagiti dadduma a gargaretda.
|
||
\v 10 Intuloy ni David ken dagiti uppat a gasut a tattaona a kinamat dagiti tattao a nangtiliw kadagiti pamiliada. Nagbati sadiay dagiti dua a gasut a tattao iti waig gapu ta nabannogda unayen ket saandan a kabaelan ti bumallasiw iti waig.
|
||
|
||
\s5
|
||
\v 11 Iti panpannagna da David ken dagiti tattaona, nakitada ti maysa a lalaki iti tay-ak a naggapu idiay Egipto; isu nga impanda kenni David. Inikkanda ti lalaki iti danum nga inumenna ken taraon a kanenna.
|
||
\v 12 Inikkanda met isuna iti maysa nga iwa a tinapay ken dua a raay a pasas. Awan ti uray ania a kinnan wenno ininum ti lalaki iti las-ud ti tallo nga aldaw ken rabii, ngem kalpasan a nangan ken imminum, nabang-aran isuna.
|
||
|
||
\s5
|
||
\v 13 Sinaludsod ni David isuna, "Siasino ti apom? Ken sadino ti naggapuam?" Simmungbat isuna, "Taga-Egiptoak. Tagabunak ti maysa a tao manipud iti bunggoy dagiti Amalekita. Pinanawannak ti apok ditoy, tallo nga aldawen ti napalabas, gapu ta nagsakitak ket saanak a nakasurot kadakuada.
|
||
\v 14 Rinautmi dagiti Kereteo iti abagatan a let-ang ti Juda, dagiti dadduma nga ili ti Juda ken ti daga a sakup ti kapuonan ni Caleb iti abagatan a let-ang ti Juda. Pinuoranmi pay ti Siklag."
|
||
|
||
\s5
|
||
\v 15 Nagsaludsod ni David kenkuana, "Mabalin kadi a kuyogennakami iti daytoy a bunggoy dagiti mapan ruma-raut?" Simmungbat isuna, "Wen, aramidek dayta no kiddawem iti Dios a dumngeg bayat nga ikarkarim a saannak a papatayen wenno isubli iti apok. No ikarim dayta, ipankayo kadakuada."
|
||
|
||
\s5
|
||
\v 16 Immanamong ni David nga aramidenna dayta, isu a kinuyog ti tao a taga-Egipto ni David ken dagiti tattaona iti ayan dagiti Amalekita. Agi-idda dagitoy a lallaki iti daga, mangmangan, agiinom ken agramrambakda gapu ta adu ti nasamsamda manipud iti rehion ti Filistia ken Juda.
|
||
\v 17 Nakiranget ni David ken dagiti tattaona kadakuada manipud iti ililinnek ti init iti dayta nga aldaw agingga iti rabii iti simmaruno nga aldaw. Uppat a gasut kadakuada ti nakalibas a nagsakay kadagiti kamelio ngem awan ti nakalibas kadagiti dadduma.
|
||
|
||
\s5
|
||
\v 18 Naispal ni David dagiti dua nga assawana ket napasublina ken dagiti tattaona dagiti amin nga innala ti bunggoy dagiti Amalekita.
|
||
\v 19 Awan ti napukaw. Napasublida idiay Siklag dagiti amin a tattaoda --agtutubo, nataengan, dagiti assawada ken dagiti annakda. Napasublida met amin dagiti dadduma a banbanag nga innala dagiti Amalekita manipud iti Siklag.
|
||
\v 20 Innalada dagiti karnero ken dagiti baka a natiliw, ket inabog dagiti tattaona dagitoy nga ayup a mapan iti sangoanan dagiti dadduma a bakbaka; kinunada, "Dagitoy dagiti ayup a natiliwmi iti gubat; kukua dagitoy ni David!"
|
||
|
||
\s5
|
||
\v 21 Nagsubli ni David ken dagiti tattaona iti ayan dagiti dua gasut a lallaki nga agur-uray, dagiti lallaki a saan a simmurot kenni David gapu ta nabannogda unayen. Nagtalinaedda iti waig ti Besor. Idi nakitada a sumungsungaden ni David ken dagiti tattaona, simmabatda a nangkablaaw kadakuada. Ket kinablaawan met ida ni David.
|
||
\v 22 Ngem adda dagiti dadduma a tattao a kimmuyog kenni David, dagiti dakes a tattao ken manangriribuk la ti ammoda ti nagkuna, "Saan a kimmuyog dagitoy a dua gasut a lallaki kadatayo. Rumbeng ngarud a saantayo nga ikkan ida iti aniaman a banag a napasublitayo. Aminda ket rumbeng laeng a ti asawa ken annakda ti alaenda ken iyawidda kadagiti babbalayda."
|
||
|
||
\s5
|
||
\v 23 Simmungbat ni David, "Saan, padak nga Israelita, saan a naikalintegan dayta. Sinalaknibannatayo ni Yahweh ken inikkannatayo iti kabaelan a mangparmek kadagiti kabusor a nangraut iti ilitayo.
|
||
\v 24 Siasino ti mangipangag kadakayo no ibagayo ti kasta a banag? Dagiti lallaki a nagtalinaed iti ayan dagiti gargarettayo ket maipada ti maalada kadagiti lallaki a simmurot a nakigubat. Agpada ti maawatda a bingay."
|
||
\v 25 Inaramid ni David dayta a paglintegan kadagiti Israelita, ket agingga kadagitoy nga aldaw, paglintegan pay laeng dayta iti Israel.
|
||
|
||
\s5
|
||
\v 26 Idi nakasangpet iti Siklag ni David ken dagiti dadduma, nangipatulod ni David kadagiti banag a nasamsamda manipud kadagiti Amalekita kadagiti gagayyemna a pangulo iti Juda. Kinunana kadakuada, "Daytoy ti sagutko kadakayo. Dagitoy dagiti naalami manipud kadagiti kabusor ni Yahweh."
|
||
\v 27 Dagitoy dagiti listaan dagiti siudad ken ili dagiti pangulo a pinatulodan ni David kadagiti sagut: Betel, Rama iti abagatan a paset ti Juda, Jattir,
|
||
\v 28 Aroer, Sifmot, Estemoa.
|
||
|
||
\s5
|
||
\v 29 Kasta met ti Racal, ti siudad nga ayan ti kapuonan ni Jerameel ken ti siudad a pagnanaedan dagiti Kineo,
|
||
\v 30 Horma, Borasan, Atac,
|
||
\v 31 Hebron ken kadagiti amin a dadduma a lugar a pappapanan ni David ken dagiti tattaona.
|
||
|
||
\s5
|
||
\c 31
|
||
\p
|
||
\v 1 Saan a nagbayag, nakiranget manen dagiti Filisteo kadagiti Israelita. Nagtataray dagiti Israelita manipud kadakuada ket adu kadagiti Israelita ti napapatay iti Bantay Gilboa.
|
||
\v 2 Natiliw dagiti Filisteo ni Saul ken dagiti tallo nga annakna, da Jonatan, Abinadab ken Malkisua.
|
||
\v 3 Nakaro unay ti ranget iti aglaw-law ni Saul. Idi napuntaan ni Saul iti pana dagiti Filisteo a pumapana, nakaro ti pannakasugatda kenkuana babaen kadagiti panada.
|
||
|
||
\s5
|
||
\v 4 Kinuna ni Saul iti lalaki a mangaw-awit iti igamna, "Asutem ti kampilanmo ket iduyokmo kaniak tapno saan nga iduyok dagitoy a pagano a Filisteo dagiti kampilanda kaniak ken pagang-angawandak bayat a matmatayak." Ngem nagbuteng ti lalaki a mangaw-awit iti igam ni Saul ket nagkedked a mangaramid iti dayta. Isu nga innala ni Saul ti kampilanna ket rinugmaanna daytoy. Naiduyok ti kampilan iti bagina ket natay.
|
||
\v 5 Ket idi nakita ti lalaki a mangaw-awit iti igamna a natayen ni Saul, rinugmaanna met ti kampilanna ket natay.
|
||
\v 6 Isu a natay ni Saul, dagiti tallo nga annakna ken ti tao a mangaw-awit iti igam ni Saul, natayda amin iti dayta nga aldaw.
|
||
|
||
\s5
|
||
\v 7 Idi nadamag dagiti Israelita iti amianan a paset ti tanap ti Jezreel ken iti daya a paset ti Karayan Jordan a nagtataray ti armada dagiti Israelita ken natayen ni Saul ken dagiti annakna, pinanawanda ti ilida ket nagtatarayda. Kalpasanna, immay dagiti Filisteo ket sinakupda dagiti siudadda.
|
||
\v 8 Iti simmaruno nga aldaw, idi immay dagiti Filisteo a mangikkat a mangala kadagiti igam dagiti natay a soldado dagiti Israelita, nasarakanda idiay Bantay Gilboa ti bangkay ni Saul ken dagiti annakna.
|
||
|
||
\s5
|
||
\v 9 Pinugotanda ni Saul ken innalada dagiti igamna. Ket nangibaonda kadagiti mensahero iti entero a daga a mangiwaragawag iti damag iti templo a pagiduldulinanda kadagiti didiosenda ken kadagiti dadduma a tattao, a pinarmek ti armadada dagiti Israelita.
|
||
\v 10 Inkabilda dagiti igam ni Saul idiay templo ni Astarte a didiosenda. Imbitinda pay ti bangkay ni Saul ken dagiti annakna iti pader a nanglikmut iti siudad ti Bet-san.
|
||
|
||
\s5
|
||
\v 11 Idi nadamag dagiti tattao nga agnanaed idiay Jabes iti rehion ti Galaad ti inaramid dagiti Filisteo iti bangkay ni Saul,
|
||
\v 12 nagpatnag a nagnagna dagiti katuturedan a soldado a napan idiay Bet-san. Imbabada ti bangkay ni Saul ken dagiti annakna manipud iti pader ti siudad ket inyawidda idiay Jabes ket pinuoranda dagiti bangkay sadiay.
|
||
\v 13 Innalada dagiti tulang ket inkalida iti sirok ti dakkel a kayo a tamarisko. Kalpasanna, nagayunarda iti pito nga aldaw.
|