See in Reader
1270 lines
133 KiB
Plaintext
1270 lines
133 KiB
Plaintext
\id JDG
|
|
\ide UTF-8
|
|
\h Uk-ukom
|
|
\toc1 Uk-ukom
|
|
\toc2 Uk-ukom
|
|
\toc3 jdg
|
|
\mt Uk-ukom
|
|
|
|
\s5
|
|
\c 1
|
|
\p
|
|
\v 1 Kalpasan a natay ni Josue, sinaludsod dagiti Israelita ni Yahweh, "Siasino kadagiti tribumi ti umuna a mangraut kadagiti Cananeo?"
|
|
\v 2 Insungbat ni Yahweh, "Dagiti lallaki iti tribu ti Juda ti masapul nga umuna a mangraut. Ikkak ti kabaelan ti tribu ti Juda a mangparmek kadagiti Cananeo."
|
|
\v 3 Napan dagiti lallaki ti Juda kadagiti padada nga Israelita, dagiti lallaki manipud iti tribu ni Simeon ket kinunada kadakuada, "Umaykayo ket tulungandakami a makiranget kadagiti Cananeo tapno maalatayo manipud kadakuada ti daga nga inted ni Yahweh kadakami. No aramidenyo dayta, kumuyogkaminto met kadakayo ket tulungandakayo a mangparmek kadagiti tattao iti daga nga inkari ni Yahweh nga ited kadakayo." Kimmuyog ngarud dagiti lallaki manipud iti tribu ti Simeon kadagiti lallaki manipud iti tribu ti Juda.
|
|
|
|
\s5
|
|
\v 4 Idi rimmaut dagiti lallaki manipud kadagidiay a dua a tribu, inikkan ida ni Yahweh iti kabaelan a mangparmek iti sangapulo a ribu a lallaki dagiti Cananeo ken Perezeo idiay siudad ti Besek.
|
|
\v 5 Bayat iti gubat, nasarakanda ni Adonibezek, a mangidadaulo ti siudad.
|
|
|
|
\s5
|
|
\v 6 Pinadas ni Adonibezek ti aglibas. Kinamat isuna dagiti Israelita ket tiniliwda isuna. Pinutedda dagiti tangan ti imanana ken dagiti dadakkel a ramay dagiti sakana.
|
|
\v 7 Kinuna ni Adonibezek, "Nakatiliw ti armadak iti pito-pulo nga ari. Pinutedmi dagiti tangan ti imada ken dagiti dadakkel a ramay ti sakada. Kalpasan dayta, pinilitmi dagidiay nga ari a mangan kadagiti naregreg a maregmeg manipud iti lamisaanmi. Ita, binalesnak ti Dios gapu iti inaramidko." Kalpasanna, impan dagiti lallaki ti Juda ni Adonibezek idiay Jerusalem ket natay isuna sadiay.
|
|
|
|
\s5
|
|
\v 8 Nakiranget ti armada ti Juda kadagiti lallaki ti Jerusalem ket nasakupda ti siudad. Babaen kadagiti kampilanda, pinapatayda dagiti tattao nga agnanaed sadiay ken pinuoranda dagiti babbalay ti siudad.
|
|
\v 9 Kalpasanna, simmalog dagiti lallaki ti Juda tapno gubatenda dagiti Cananeo nga agnanaed iti katurturodan a pagilian, iti abagatan a let-ang ti Judea, ken kadagiti sakaanan ti turod nga agpa-laud.
|
|
\v 10 Napan pay ginubat dagiti lallaki ti Juda dagiti Cananeo nga agnanaed iti siudad ti Hebron (nga agnagan idi iti Kiriat-Arba). Pinarmekda dagiti armada da ari Sesai, Ahiman, ken Talmai.
|
|
|
|
\s5
|
|
\v 11 Kalpasanna, pimmanawda iti dayta a disso ket napanda nakiranget kadagiti tattao nga agnanaed idiay siudad ti Debir, nga agnagan idi iti Kiriat Sefer.
|
|
\v 12 Sakbay a rinautda ti siudad, kinuna ni Caleb kadakuada, "No adda maysa kadakayo ti mangraut ket masakupna ti Kiriat Sefer, ipalubosko nga asawaenna ti putotko a babai."
|
|
\v 13 Nasakup ni Otniel nga anak ni Kenaz nga in-inaudi a kabsat ni Caleb ti siudad. Inted ngarud ni Caleb kenkuana ni Acsa a putotna a babai tapno agbalin nga asawana.
|
|
|
|
\s5
|
|
\v 14 Kalpasan a naki-asawa ni Acsa kenni Otniel, dinawatna kenkuana a kiddawenna iti amana nga ikkanna isuna iti talon. Ket nagsakay isuna iti asnona a nagsubli iti balay ti amana a ni Caleb. Idi bimmaba isuna iti asno, sinaludsod ni Caleb kenkuana, "Ania ti masapulmo?"
|
|
\v 15 Simmungbat isuna, "Kayatko ti dumawat kenka iti pabor. Inikkannak iti daga idiay abagatan a let-ang ti Judea, ngem nakamagmaga met sadiay. Isu a pangngaasim ta ikkannak pay iti daga nga addaan kadagiti ubbog ti danum." Inikkan ngarud ni Caleb isuna iti daga iti nangatngato a daga nga addaan iti ubbog, ken iti nababbaba a daga nga addaan iti ubbog.
|
|
|
|
\s5
|
|
\v 16 Dagiti Kineo a kaputotan ti katugangan ni Moises ket pimmanawda idiay Jerico a naawagan idi iti "Ti Siudad Dagiti Palma a Kaykayo." Napanda a kaduada ti sumagmamano kadagiti lallaki ti Juda tapno makipagnaedda kaduada idiay abagatan a let-ang ti Judea nga asideg iti siudad ti Arad.
|
|
\v 17 Pinarmek dagiti lallaki ti Juda ken dagiti padada nga Israelita manipud iti tribu ti Simeon dagiti Cananeo nga agnanaed idiay siudad ti Zefat. Dinadaelda a naan-anay ti siudad ket binaliwanda ti naganna daytoy iti Horma, a ti kayatna a sawen ket "naan-anay a pannakadadael."
|
|
|
|
\s5
|
|
\v 18 Sinakup pay dagiti lallaki ti Juda dagiti siudad ti Gaza, Askelon ken Ekron ken amin a daga nga asideg kadagidiay a siudad.
|
|
\v 19 Tinulungan ni Yahweh dagiti lallaki ti Juda a mangsakup iti katurturodan a pagilian, ngem saanda a mapilit a pumanaw dagiti tattao nga agnanaed kadagiti kapatadan, gapu ta nabilbileg dagiti armasda - addaanda kadagiti landok a karwahe.
|
|
|
|
\s5
|
|
\v 20 Naited kenni Caleb ti siudad ti Hebron gapu ta inkari ni Moises a mabalinna a tagikuaen dayta a siudad. Ket pinilit ni Caleb dagiti tallo a puli manipud iti kaputotan ni Anak a pumanaw iti dayta a disso.
|
|
\v 21 Ngem saan a mapilit ti tribu ti Benjamin dagiti Jebuseo a pumanaw iti Jerusalem. Isu a manipud iti dayta a tiempo, nagnaed dagiti Jebuseo idiay Jerusalem a kaduada ti tribu ti Benjamin.
|
|
|
|
\s5
|
|
\v 22 Napan ginubat dagiti lallaki iti tribu ti Efraim ken Manasses dagiti lallaki ti siudad ti Betel, ket tinulungan ida ni Yahweh.
|
|
\v 23 Nangibaonda kadagiti espiya tapno ammoenda amin a mabalinda a maammoan maipanggep iti Betel, a maaw-awagan idi iti Luz.
|
|
\v 24 Nakakita dagiti espia iti maysa a lalaki a rumrumuar iti siudad. Kinunada kenkuana, "No isurom kadakami ti dalan a sumrek iti siudad, kaassiandakanto ket saandaka a papatayen."
|
|
|
|
\s5
|
|
\v 25 Insuro ngarud ti lalaki kadakuada ti dalan a sumrek iti siudad. Sinerrek dagiti lallaki kadagiti tribu ti Efraim ken Manasses ti siudad ket pinapatayda dagiti amin a tattao babaen kadagiti kampilanda, ngem saanda a pinapatay ti lalaki a nangisuro kadakuada iti dalan a sumrek iti siudad, ken saanda a pinapatay ti pamiliana.
|
|
\v 26 Napan dayta a lalaki iti lugar a pagnanaedan dagiti kaputotan ni Het, ket nangibangon isuna iti maysa a siudad. Pinanagananna dayta a siudad iti Luz, ket isu pay laeng ti nagan dayta a siudad.
|
|
|
|
\s5
|
|
\v 27 Adda dagiti Cananeo nga agnanaed kadagiti siudad iti Bet-San, Taanac, Dor, Ibleam, ken Megiddo, ken kadagiti aglawlaw a bario. Saan a pinilit dagiti lallaki iti tribu ti Manasses a pumanawda kadagidiay nga ili gapu ta naregget dagiti Cananeo nga agtalinaed sadiay.
|
|
\v 28 Iti saan a nagbayag, ad-adda a bimmileg dagiti Israelita, ket pinilitda dagiti Cananeo nga agtrabaho para kadakuada a kas tagabuda, ngem saanda a pinilit dagiti amin a Cananeo a pumanaw iti dagada.
|
|
|
|
\s5
|
|
\v 29 Saan a pinilit dagiti lallaki iti tribu ti Efraim a papanawen dagiti Cananeo iti siudad ti Geser. Isu a nagtultuloy a nakipagnaed dagiti Cananeo iti tribu ti Efraim.
|
|
|
|
\s5
|
|
\v 30 Saan a pinilit dagiti lallaki iti tribu ti Zabulun a papanawen dagiti Cananeo nga agnanaed kadagiti siudad ti Kitron ken Nahalol. Nagtalinaedda sadiay ken nakipagnaedda iti tribu ti Zabulun, ngem pinilit ida dagiti tattao ti Zabulun nga agtrabaho para kadakuada a kas tagabuda.
|
|
|
|
\s5
|
|
\v 31 Saan a pinilit dagiti lallaki iti tribu ti Aser a papanawen dagiti Cananeo nga agnanaed kadagiti siudad ti Acco, Sidon, Alab, Aczib, Helba, Afic ken Rehob.
|
|
\v 32 Isu a nagnaed ti tribu ti Aser a kaduada dagiti Cananeo (dagiti adda pay laeng sadiay), ket saanda ida a pinapanaw.
|
|
|
|
\s5
|
|
\v 33 Saan a pinilit dagiti lallaki iti tribu ti Neftali a pinapanaw dagiti tattao nga agnanaed kadagiti siudad ti Bet-Semes ken Bet-Anat, isu a nagtultuloyda a nagnaed a kaduada dagiti Cananeo kadagidiay a siudad, ngem napilit dagiti Cananeo nga agtrabaho a kas tagabu ti Neftali.
|
|
|
|
\s5
|
|
\v 34 Pinilit dagiti Amorreo ti tribu ti Dan nga agnaed kadagiti turturod. Saanda ida a pinalubosan a bumaba ken agnaed iti kapatadan.
|
|
\v 35 Naregget dagiti Amorreo nga agtalinaed idiay Bantay Heres ken kadagiti siudad ti Aijalon ken Saalbim. Ngem idi ad-adda a bimmileg dagiti Israelita, pinilitda dagiti Amorreo nga agtrabaho a kas tagabuda.
|
|
\v 36 Ti daga a nagnaedan dagiti Amorreo ket naglayon manipud "Bessang ti Manggagama" nga agturong iti laud a labes ti Sela, a sumang-at iti katurturodan a pagilian.
|
|
|
|
\s5
|
|
\c 2
|
|
\p
|
|
\v 1 Napan ti anghel ni Yahweh manipud Gilgal iti lugar nga awaganto dagiti tattao ti Israel iti Bokim. Kinunana kadagiti Israelita, "Impanko ditoy dagiti kapuonanyo manipud Egipto. Indalanko ida iti daytoy a daga a sipapasnek nga inkarik nga ited kadagiti kapuonanyo. Kinunak kadakuada, 'Saankonto a pulos a dadaelen ti nakitulagak kadakayo.
|
|
\v 2 Ngem no dakayo, masapul a saankayo a pulos nga umanamong a makikappia kadagiti tattao nga agnanaed iti daytoy a daga. Masapul a rebbaenyo dagiti altar a pangidatdataganda kadagiti daton kadagiti didiosen.' Ngem saankayo a nagtulnog kaniak.
|
|
|
|
\s5
|
|
\v 3 Isu nga ita, ibagak kadakayo a saanko a papanawen dagiti kabusoryo kas umas-asidegkayo. Agbalindanto a kasla siit kadagiti sikiganyo. Ket palab-ogandakayonto babaen iti panangallukoyda kadakayo nga agdayaw kadagiti didiosenda."
|
|
\v 4 Kalpasan nga imbagana dayta kadagiti amin nga Israelita, nagdung-aw dagiti tattao iti nakapigpigsa.
|
|
\v 5 Inawaganda dayta a lugar iti Bokim, a ti kayatna a sawen ket "agsangsangit." Nangidatagda sadiay kadagiti daton kenni Yahweh.
|
|
|
|
\s5
|
|
\v 6 Kalpasan a pinapanaw ni Josue dagiti tattao ti Israel, napan ti tunggal bunggoy a mangtagikua iti daga nga agnanayon a naited kadagiti tattao.
|
|
\v 7 Nagtulnogda kenni Yahweh agingga a sibibiag ni Josue, ken agingga a sibibiag dagiti panglakayen a nakakita kadagiti naindaklan a banbanag nga inaramid ni Yahweh iti Israel.
|
|
\v 8 Kalpasanna, natay ni Josue nga adipen ni Yahweh. Sangagasut ket sangapulo ti tawenna idi natay isuna.
|
|
|
|
\s5
|
|
\v 9 Impunponda ti bagina iti daga a naawatna kenni Moises idiay Timnat-heres, iti lugar a nagnaedan dagiti kaputotan ti Efraim, iti amianan ti Bantay Gaas.
|
|
\v 10 Kalpasan a natay dagiti amin a tattao a kagiddan ni Josue a nagbibiag, immadu dagiti tattao a saan a nakaam-ammo kenni Yahweh ken saan a nakakita kadagiti naindaklan a banbanag nga inaramidna kadagiti Israelita.
|
|
|
|
\s5
|
|
\v 11-13 Nagaramidda kadagiti banbanag nga imbaga ni Yahweh a dakes unay. Nagdayawda kadagiti didiosen a mangibagbagi iti dios a ni Baal ken ti didiosen dagiti babbai a kayatna ti agsikog a ni Astarot. Nagdayawda kadagiti naduma-duma a dios a daydayawen dagiti bunggoy dagiti tattao nga adda iti aglawlawda. Insardengda ti nagdayaw kenni Yahweh, ti Dios a dinaydayaw dagiti kapuonanda ken ti nangiruar kadagiti kapuonanda manipud Egipto. Nakapungtot ni Yahweh gapu iti daytoy.
|
|
|
|
\s5
|
|
\v 14 Gapu ta nakaunget ni Yahweh, pinalubosanna dagiti tattao manipud kadagiti sabali a bunggoy a rautenda ida ken takawenda dagiti apit ken tarakenda. Saandan a pulos a mabaelan a labanan dagiti kabusorda, ken pinalubosan ni Yahweh a parmeken ida dagiti amin a kabusorda nga adda iti aglawlawda.
|
|
\v 15 Tunggal mapan makigubat dagiti Israelita kadagiti kabusorda, kanayon a nagtignay ni Yahweh a maibusor kadakuada ken pinalubosanna a parmeken ida dagiti kabusorda, kas iti imbagana nga aramidenna. Isu a nariribukan iti kasta unay dagiti Israelita.
|
|
|
|
\s5
|
|
\v 16 Kalpasanna, nangiyeg ni Yahweh kadakuada kadagiti mangidadaulo. Inispal dagitoy a mangidadaulo dagiti Israelita manipud kadagiti tattao a mangraraut kadakuada.
|
|
\v 17 Ngem saan latta a nagtulnog dagiti Israelita kadagiti mangidadauloda. Ngem ketdi, intedda dagiti bagbagida kadagiti didiosen, agtigtignayda a kasla kadagiti balangkantis a nangited kadagiti bagbagida kadagiti lallaki a saanda nga assawa, ket nagdaydayawda kadagidiay a didiosen. Saanda a kasla kadagiti kapuonanda. Nagtulnog dagiti kapuonanda kadagiti imbilin ni Yahweh, ngem dagitoy a baro a tattao ket dagus a nagsardeng nga agtignay a kas iti panagtignay dagiti kapuonanda.
|
|
|
|
\s5
|
|
\v 18 Tunggal mangiyeg ni Yahweh iti mangidadaulo kadakuada, tultulunganna dayta a mangidadaulo ken inikkanna isuna iti kabaelan a mangispal kadagiti tattao manipud kadagiti kabusorda. Inaramidna dayta agingga a sibibiag dayta a mangidadaulo. Naasian ni Yahweh kadakuada idi immasugda gapu ta maidaddadanesda ken maparparigatda.
|
|
\v 19 Ngem kalpasan a natay dayta a mangidadaulo, kanayon a mangrugi nga agtignay dagiti tattao iti nadakdakes ngem iti panagtignay dagiti kapuonanda. Nagdayawda kadagiti sabali a dios ken nagrukbabda kadagitoy ken inaramidda dagiti amin a banbanag nga impagarupda nga ipapaaramid kadakuada dagidiay a dios.
|
|
|
|
\s5
|
|
\v 20 Nakapungtot ngarud iti kasta unay ni Yahweh kadagiti Israelita. Kinunana, "Nagsukir dagitoy a tattao iti nakitulagak kadagiti kapuonanda. Saanda nga inaramid ti imbagak kadakuada nga aramidenda.
|
|
\v 21 Isu a saankon a pulos a papanawen dagiti bunggoy ti tattao nga imbati ni Josue iti daytoy a daga idi natay isuna.
|
|
\v 22 Usarek ida a mangsubok kadagiti Israelita tapno makita no aramidenda ti kayatko nga aramidenda, kas iti inaramid dagiti kapuonanda."
|
|
\v 23 Pinalubosan ni Yahweh dagitoy a bunggoy dagiti tattao nga agnaed iti dayta a daga iti atiddog a panawen kalpasan nga immay dagiti tattao ti Israel. Saanna ida a pinapanaw babaen iti panangpalubosna a parmeken ida ni Josue ken dagiti tattaona.
|
|
|
|
\s5
|
|
\c 3
|
|
\p
|
|
\v 1 Iti dayta a tiempo, adu pay laeng dagiti bunggoy dagiti tattao idiay Canaan. Imbati ni Yahweh ida idiay a mangsubok kadagiti Israelita. Ngem adu kadagiti Israelita idiay Canaan ti saan pay a nakigubat kadagiti aniaman a napalabas a gubgubat.
|
|
\v 2 Isu nga inaramid ni Yahweh daytoy a mangisuro kadagiti barbaro a henerasyon dagiti Israelita no kasano ti makigubat.
|
|
\v 3 Daytoy ti listaan dagiti bunggoy dagiti tattao nga imbati ni Yahweh sadiay a mangsubok kadagiti Israelita: dagiti Filisteo ken dagiti lima a mangidadauloda, dagiti tattao nga agnanaed iti lugar nga asideg iti siudad ti Sidon, dagiti kaputotan ti Canaan, ken dagiti Heveo a nagnanaed kadagiti banbantay ti Lebanon iti nagbaetan ti Bantay Baal Hermon ken Lebo Hamat ("ti bessang ti Hamat").
|
|
|
|
\s5
|
|
\v 4 Imbati ni Yahweh dagitoy a bunggoy dagiti tattao sadiay a mangsubok kadagiti Israelita, tapno makita no agtulnogda kadagiti bilinna nga imbagana kenni Moises nga itedna kadakuada.
|
|
\v 5 Nagnaed dagiti Israelita a kaduada dagiti bunggoy dagiti tattao dagiti Cananeo, dagiti Heveo, dagiti Amorreo, dagiti Perezeo, ken dagiti Jebuseo.
|
|
\v 6 Ngem innala dagiti Israelita dagiti annak a babai dagidiay a tattao tapno agbalin nga assawada, ken intedda dagiti annakda a babbai kadagidiay a lallaki tapno asawaenda ida. Ken nagdaydayawda kadagiti dios dagidiay a tattao.
|
|
|
|
\s5
|
|
\v 7 Nangaramid dagiti Israelita kadagiti banbanag nga imbaga ni Yahweh a dakes unay. Nalipatanda ti maipanggep kenni Yahweh a Diosda, ken nangrugida nga agdayaw kadagiti didiosen a mangibagbagi iti dios a ni Baal ken iti diosa a ni Asera.
|
|
\v 8 Nakapungtot ngarud iti kasta unay ni Yahweh iti Israel, ket inyawatna ida tapno agbiagda iti panangituray ni Ari Cusan Rasataim nga ari idi iti Aram Naharaim idiay Mesopotamia. Nagserbi dagiti tattao ti Israel kenni Cushan Rasataim iti las-ud iti walo a tawen.
|
|
|
|
\s5
|
|
\v 9 Ngem idi nagpakaasida kenni Yahweh a tulunganna ida, nangiyeg isuna iti maysa a mangidadaulo a mangispal kadakuada. Isuna ni Otniel (anak ni Kenaz nga adingen ni Caleb).
|
|
\v 10 Inikkan isuna ti Espiritu ni Yahweh iti bileg ken kinalaing, ket nagbalin isuna a mangidadauloda. Indauloanna ti armada a nakiranget iti armada ni Cusan Rasataim, ket pinarmek ida ni Otniel.
|
|
\v 11 Kalpasan dayta, naaddaan iti talna ti daga iti las-ud iti uppat a pulo a tawen agingga a natay ni Otniel.
|
|
|
|
\s5
|
|
\v 12 Kalpasan dayta, nagaramid manen dagiti Israelita kadagiti banbanag nga imbaga ni Yahweh a dakes unay. Kas nagbanaganna, pinalubosanna ti armada ni Ari Eglon, a nangituray iti daga ti Moab a parmekenda dagiti Israelita.
|
|
\v 13 Inallukoy ni Eglon dagiti mangidadaulo dagiti Ammonita ken Amalekita a makikaddua dagiti armadada iti armadana a mangraut iti Israel. Nasakupda ti Jerico a naawagan iti "Siudad Dagiti Palma A Kaykayo."
|
|
\v 14 Ket inturayan ni Ari Eglon dagiti Israelita iti las-ud ti sangapulo ket walo a tawen.
|
|
|
|
\s5
|
|
\v 15 Ngem nagpakaasi manen dagiti Israelita kenni Yahweh a tulunganna ida. Isu a nangiyeg manen isuna iti maysa a mangidadaulo a mangispal kadakuada. Isuna ni Ehud a putot a lalaki ni Gera, maysa a kattigid a lalaki manipud iti kaputotan ti Benjamin. Imbaon isuna dagiti Israelita kenni Ari Eglon a mangited iti kuarta a singsingirenna iti tunggal tawen tapno saanna ida a rauten.
|
|
|
|
\s5
|
|
\v 16 Addaan ni Ehud iti ababa a kampilan a dua ti tademna nga agarup kagudua a metro ti kaatiddogna.
|
|
\v 17 Inlemmengna daytoy iti uneg ti pagan-anayna babaen iti panangigalutna iti daytoy iti kannawan a luppona. Intedna ti kuarta kenni Ari Eglon a maysa a nakaluklukmeg a tao.
|
|
\v 18 Kalpasanna, rinugian ni Ehud ti agawid a kaduana dagiti lallaki a nangawit iti kuarta.
|
|
|
|
\s5
|
|
\v 19 Idi nakadanonda iti pagtiktikapan kadagiti bato iti asideg ti Gilgal, imbagana kadagiti dadduma a lallaki nga agtuloydan a mapan, ngem timmalikud isuna ket nagsubli iti ari ti Moab. Idi simmangpet isuna iti palasio, kinunana iti ari, "Natan-ok nga ari, adda iti palimed a mensahek para kenka." Isu a pinagulimek ti ari dagiti amin nga adipenna ken pinaruarna ida iti siled.
|
|
\v 20 Ket kabayatan a nakatugaw nga agmaymaysa ni Eglon iti akin-ngato a siled ti palasiona no napudot ti panawen, immasideg ni Ehud kenkuana ket kinunana, "Adda iti mensahek kenka manipud iti Dios." Idi timmakder ti ari manipud iti tugawna,
|
|
|
|
\s5
|
|
\v 21 inasut ni Ehud ti kampilan iti kannawan a luppona babaen iti kannigid nga imana ket induyokna daytoy iti tiyan ti ari.
|
|
\v 22 Impalnekna daytoy nga uray la immuneg ti putan ti kampilanna iti tiyan ti ari, ket simmalput ti tademna iti bukot ti ari. Saan nga inuksot ni Ehud ti kampilan. Imbatina daytoy sadiay, a nakalumlom ti putanna iti tiyan ti ari.
|
|
\v 23 Kalpasanna, pimmanaw ni Ehud iti siled. Rimmuar isuna iti bangsal. Inrekepna dagiti ridaw ti siled ket inkandadona dagitoy.
|
|
|
|
\s5
|
|
\v 24 Idi nakapanaw isuna, nagsubli dagiti adipenna, ngem nakitada a nakakandado dagiti ridaw ti siled. Kinunada, "Amangan no umib-ibleng ti ari iti akin-uneg a siled."
|
|
\v 25 Isu a nagurayda, ngem idi saan a linukatan ti ari dagiti ridaw ti siled, nagdanagda. Nangalada iti tulbek ket linukatanda dagiti ridaw. Ket nakitada ti arida a nakaidda iti suelo a natayen.
|
|
|
|
\s5
|
|
\v 26 Kabayatanna, naglibas ni Ehud. Limmabas isuna iti pagtiktikapan dagiti bato ket simmangpet isuna idiay Seira, iti katurturodan a pagilian a pagnanaedan dagiti kaputotan ti Efraim.
|
|
\v 27 Pinagunina sadiay ti trumpeta tapno ibagana iti tunggal maysa a kaduaan isuna dagiti tattao a makiranget kadagiti tattao ti Moab. Kimmuyog ngarud kenkuana dagiti Israelita manipud kadagiti turturod. Simmalogda nga agturong iti Karayan Jordan, nga idadauloan ida ni Ehud.
|
|
|
|
\s5
|
|
\v 28 Kinunana kadagiti lallaki, "Ipalubos ni Yahweh a maparmektayo dagiti kabusoryo, dagiti tattao ti Moab. Isu a sumurotkayo kaniak!" Simmurotda ngarud kenkuana a simmalog iti karayan, ket pinagkampoda ti sumagmamano kadagiti tattaoda iti lugar a makapagna dagiti tattao a mangballasiw iti karayan, tapno iti kasta ket mapapatayda ti siasinoman kadagiti tattao idiay Moab a mangpadas nga agballasiw tapno makalibas.
|
|
\v 29 Iti dayta a tiempo, pinatay dagiti Israelita ti agarup sangapulo ribu a tattao manipud Moab. Napigsa ken makabael amin dagidiay a lallaki ngem awan uray maysa kadakuada ti nakalibas.
|
|
\v 30 Iti dayta nga aldaw, naparmek dagiti Israelita dagiti tattao ti Moab. Ket naaddaan iti talna ti dagada iti las-ud ti walo-pulo a tawen.
|
|
|
|
\s5
|
|
\v 31 Kalpasan a natay ni Ehud, nagbalin ni Samgar a mangidadauloda. Inispalna dagiti Israelita manipud kadagiti Filisteo. Iti maymaysa laeng a gubat, pinatayna ti innem a gasut a Filisteo babaen iti kayo a pagabug kadagiti baka.
|
|
|
|
\s5
|
|
\c 4
|
|
\p
|
|
\v 1 Kalpasan a natay ni Ehud, saan a nagtulnog dagiti Israelita kenni Yahweh ket nagaramidda kadagiti dakes a banbanag, ket nakita ni Yahweh dagiti ar-aramidenda.
|
|
\v 2 Isu a pinalubosanna ti armada ni Jabin a maysa kadagiti ari iti rehion ti Canaan a nagturay idiay siudad ti Hazor a mangparmek kadagiti Israelita. Ti pangulo ti armadana ket ni Sisera, nga agnanaed idiay Haroset (a pagnanaedan dagiti adu a saan nga Israelita).
|
|
\v 3 Addaan ti armada ni Sisera iti siam a gasut a karuahe a naaramid iti landok. Pinarigatna dagiti Israelita iti las-ud iti duapulo a tawen. Ket nagpakaasida kenni Yahweh a tulonganna ida.
|
|
|
|
\s5
|
|
\v 4 Ita, ni Debora, maysa a babai a mangiwarwaragawag iti sao ni Yahweh (nga asawa ni Lapidot) ket isu idi ti mangidadaulo nga ukom idiay Israel iti dayta a tiempo.
|
|
\v 5 Agtugaw isuna iti sirok ti kayona a palma (aw-awaganda daytoy a "palma ni Debora") iti lugar a nagbaetan ti Rama ken Betel iti katurturodan a pagilian a pagnanaedan dagiti kaputotan ti Efraim, ket umay dagiti tattao kenkuana tapno dawatenda a risutenna dagiti pagriririanda. Ikeddengna no ania ti nalinteg ken patas.
|
|
|
|
\s5
|
|
\v 6 Maysa nga aldaw, nangibaon isuna iti mangayab kenni Barak a putot a lalaki ni Abinoam tapno mapan kenkuana. Nagtaud isuna idiay Kedes (iti lugar a nagnaedan dagiti kaputotan ti Neftali). Kinunana kenkuana, "Daytoy ti imbilin ni Yahweh a Dios a daydayawentayo nga aramidem. 'Mangikuyogka iti sangapulo a ribu a lallaki manipud iti tribu ti Neftali ken Zabulon ket ummongem amin dagiti tattaom idiay Bantay Tabor.
|
|
\v 7 Aramidento ni Yahweh a maallukoyko ni Sisera a pangulo ti armada ni Jabin nga umay a kaduana dagiti karuahena ken armadana idiay Karayan Kison, a sumagmamano laeng a milia ti kaadayona. Ikkakto ti kabaelan dagiti tattaom a mangparmek kadakuada sadiay.' "
|
|
|
|
\s5
|
|
\v 8 Insungbat ni Barak, "Mapanak laeng no kumuyogka kaniak. No saanka a kumuyog kaniak, saanak a mapan."
|
|
\v 9 Insungbatna, "Nasayaat unay, kumuyogak kenka. Ngem gapu ta dayta ti inkeddengmo nga aramiden, aramidento ni Yahweh a maysa a babai ti mangparmek kenni Sisera, ket agbanagto nga awan ti siasinoman a mangraem kenka iti panagaramid iti dayta."
|
|
|
|
\s5
|
|
\v 10 Kimmuyog ngarud ni Debora kenni Barak idiay Kedes. Nagpaayab isuna sadiay kadagiti lallaki manipud Zabulon ken Neftali. Sangapulo a ribu a lallaki ti immay kenkuana, ket nagkukuyogda a napan a kaduada ni Debora idiay Bantay Tabor.
|
|
|
|
\s5
|
|
\v 11 Iti dayta tiempo, immadayo ni Heber (ti Kineo) manipud kadagiti Kineo a kaduana ni Jael nga asawana ket impatakderna ti toldana iti asideg ti dakkel a kayo a lugo idiay Zaananim nga asideg ti Kedes. (Ni Heber ket kaputotan ti katugangan ni Moises a ni Hobab).
|
|
|
|
\s5
|
|
\v 12 Adda nangibaga kenni Sisera a simmang-at ni Barak a putot a lalaki ni Abinoam idiay Bantay Tabor a kaduana ti armadana.
|
|
\v 13 Inummong ni Sisera ti armadana nga addaan iti siam a gasut a karuahe, ket nagmartsada manipud Haroset (a pagnanaedan dagiti saan nga Israelita) agingga iti Karayan Kison.
|
|
|
|
\s5
|
|
\v 14 Ket kinuna ni Debora kenni Barak, "Agsaganaka! Daytoy ti aldaw a pagballigien ni Yahweh ti armadam a mangparmek iti armada ni Sisera. Umun -una ni Yahweh ngem dakayo!" Indauloan ngarud ni Barak dagiti tattaona a simmalog manipud iti Bantay Tabor.
|
|
|
|
\s5
|
|
\v 15 Idi dimmarupda, riniribuk ni Yahweh ni Sisera ken dagiti amin a karuahena ken ti armadana. Isu a limmagto a bimmaba ni Sisera manipud iti karuahena ket timmaray.
|
|
\v 16 Ngem kinamat ni Barak ken dagiti tattaona dagiti dadduma a karuahe ken dagiti kabusor a soldado agingga idiay Haroset (a pagnanaedan dagiti saan nga Israelita). Pinapatayda amin a lallaki iti armada ni Sisera. Awan iti uray maysa a tao a nakalasat.
|
|
|
|
\s5
|
|
\v 17 Ngem timmaray ni Sisera iti tolda ni Jael. Inaramidna dayta gapu ta ni Jabin iti siudad ti Hazor nga amo ni Sisera, ket nasayaat a gayyem ni Heber nga asawana.
|
|
\v 18 Rimmuar ni Jael a mangsabat kenni Sisera. Kinunana kenkuana, "Apo, umunegka ditoy toldak! Saanka nga agbuteng!" Immuneg ngarud isuna iti tolda ket nagidda ket inabbonganna isuna iti ules.
|
|
|
|
\s5
|
|
\v 19 Kinunana kenkuana, "Mawawak; mabalin kadi nga ikkannak iti danum?" Linukatanna ngarud ti lalat a nakargaan iti gatas ket inikkanna isuna iti inumenna. Kalpasanna, inabbonganna manen isuna ti ules.
|
|
\v 20 Kinunana kenkuana, "Agtakderka iti pagserkan ti tolda. No adda umay agdamag, 'Adda kadi tao ditoy?', Ibagam nga 'Awan'."
|
|
|
|
\s5
|
|
\v 21 Nabannog unay ni Sisera isu a nakaturog a dagus isuna. Kabayatan a matmaturog isuna, nagin-inayad nga immasideg ni Jael kenkuana a naka-iggem iti martilio ken pasok iti tolda. Impalnekna ti pasok iti banga banga ni Sisera ket simmalpot daytoy iti daga ket natay isuna.
|
|
\v 22 Idi immay ni Barak iti tolda ni Jael tapno birukenna ni Sisera, rimmuar ni Jael tapno sabtenna isuna. Kinunana, "Umunegka ket ipakitak kenka ti lalaki a sapsapulem!" Simmurot ngarud ni Barak iti uneg ti tolda ket sadiay, nakitana ni Sisera a nakadasay, natayen, a nakapalnek pay laeng ti pasok ti tolda iti ulona.
|
|
|
|
\s5
|
|
\v 23 Iti dayta nga aldaw, inaramid ti Dios a maparmek dagiti Israelita ti armada ni Jabin a maysa nga ari dagiti Cananeo.
|
|
\v 24 Ad-adda a pimmigsa dagiti Israelita ket dinadaelda ni Jabin ken ti armadana.
|
|
|
|
\s5
|
|
\c 5
|
|
\p
|
|
\v 1 Iti dayta nga aldaw, kinanta da Debora ken Barak (a putot a lalaki ni Abinoam) daytoy a kanta:
|
|
\v 2 Idi dagiti mangidadaulo dagiti Israelita ket pudno nga indauloanda ida, ken sinurot dagiti tattao ida, daytoyen ti tiempo a dayawen ni Yahweh!
|
|
|
|
\s5
|
|
\v 3 Dumngegkayo, dakayo nga ar-ari! Agdengngegkayo, dakayo a mangidadaulo! Agkantaak kenni Yahweh. Babaen daytoy a kanta, idaydayawko ni Yahweh a Dios ti Israel.
|
|
\v 4 O Yahweh, idi immayka manipud idiay Seir, idi nagnaka iti dayta a daga, a maawagan met laeng iti Edom, nagun-gon ti daga ken nagibuyat iti tudo dagiti tangatang.
|
|
|
|
\s5
|
|
\v 5 Nagun-gon dagiti bantay idi immayka, a kas iti pannakagun-gon ti Bantay Sinai idi nagparangka sadiay, gapu ta sika ni Yahweh a Dios ti Israel.
|
|
\v 6 Idi ni Samgar ti mangidadaulo kadakami ken idi inturayannakami ni Jael, mabutengkami a magna kadagiti kangrunaan a dalan; ngem ketdi, nagna dagiti agdaldaliasat kadagiti nalikaw ken saan unay a mapagpagnaan a dalan tapno maliklikanda ti pannakadangran.
|
|
|
|
\s5
|
|
\v 7 Awan ti agtaltalon iti daga ti Israel agingga a siak, a ni Deborah, ket nagbalin a mangidadauloda. Nagbalinak a kasla ina kadagiti Israelita.
|
|
\v 8 Idi tinallikudan dagiti Israelita ni Yahweh ken pinilida dagiti baro a dios, rinaut dagiti kabusor dagiti ruangan dagiti siudad, ket innalada dagiti kalasag ken gayang manipud kadagiti uppat a pulo a ribu a soldado nga Israelita. Awan iti uray maysa a nabati kadakuada nga addaan iti armas a landok.
|
|
|
|
\s5
|
|
\v 9 Agyamanak gapu kadagiti mangidadaulo ken soldado a situtulok a nakigubat. Idaydayawka, O Yahweh, gapu kadakuada!
|
|
\v 10 Dakayo a nababaknang a tattao nga agsaksakay kadagiti asno, nga agtugtugaw kadagiti napipintas a silyeta, ken dakayo a tattao a magmagna laeng iti dalan, panunotenyo ti amin a maipapan iti daytoy!
|
|
|
|
\s5
|
|
\v 11 Denggenyo dagiti timek dagiti kumakanta nga agu-ummong kadagiti disso a pagin-inuman dagiti ayup. Ibagbagada no kasano a nagtignay a sililinteg ni Yahweh idi impalubosna nga agballigi dagiti mannakigubat nga Israelita a mangparmek kadagiti kabusorda. Nagna a nagpababa dagiti tattao ni Yahweh kadagiti ruangan ti siudad.
|
|
|
|
\s5
|
|
\v 12 Immay dagiti tattao iti balayko ket impukkawda, 'Debora, agriingka! Agriingka ket rugiam ti agkanta! Impukkawda pay, 'Barak (putot a lalaki ni Abinoam) tumakderka, ket tiliwem dagiti kabusortayo!'
|
|
\v 13 Iti saan a nagbayag, simmalog dagiti dadduma nga Israelita manipud Bantay Tabor a kaduadakami a mangidadaulo kadakuada. Kimmuyog kaniak dagitoy a lallaki a kukua ni Yahweh tapno makiranget kadagiti nabileg a kabusorda.
|
|
|
|
\s5
|
|
\v 14 Naggapu dagiti dadduma iti tribu a nagtaud kenni Efraim. Naggapuda iti daga nga iti naminsan ket kukua dagiti kaputotan ni Amalek. Simmurot kadakuada dagiti lallaki a nagtaud iti tribu ti Benjamin. Simmalog met dagiti bunggoy a nagtaud kenni Makir ken simmalog a nakaawit kadagiti sarukod a mangipakita a napateg dagiti opisial manipud iti tribu a nagtaud kenni Zabulon.
|
|
|
|
\s5
|
|
\v 15 Timmipon kadakami kenni Barak dagiti mangidadaulo manipud iti tribu a nagtaud kenni Issacar. Sinurotda ni Barak ket nagdardaras a simmalog iti tanap. Ngem saan a makapangngeddeng dagiti lallaki a nagtaud iti tribu ti Ruben no ania ti rumbeng nga aramidenda.
|
|
|
|
\s5
|
|
\v 16 Apay a nagtalinaedkayo a lallaki iti paginudoanyo, a mangur-uray a mangngegan ti paswit dagiti agpaspastor tapno mapan dagiti arban ti karneroda kadagiti pagapunanda? Saan a makapangngeddeng dagiti lallaki iti tribu a nagtaud kenni Ruben no makitiponda kadakami a makiranget kadagiti kabusormi wenno saan.
|
|
|
|
\s5
|
|
\v 17 Kasta met, nagtalinaed iti pagtaenganda dagiti lallaki nga agnanaed idiay Galaad, a daya ti Karayan Jordan. Ken dagiti lallaki manipud iti tribu a nagtaud kenni Dan, apay a nagtalinaedda iti pagtaenganda? Nagtugaw ti tribu a nagtaud kenni Aser iti igid ti baybay. Nagtalinaedda kadagiti baresbesda.
|
|
\v 18 Ngem impusta dagiti lallaki manipud iti tribu a nagtaud kenni Zabulon dagiti biagda iti paggugubatan, ken nakasagana met dagiti lallaki manipud iti tribu a nagtaud kenni Neftali a mangaramid iti dayta.
|
|
|
|
\s5
|
|
\v 19 Nakiranget kadakami dagiti ari ti Canaan idiay Taanac, iti asideg dagiti ubbog idiay Tanap ti Megiddo. Ngem agsipud ta saandakami a naparmek, saanda a nangala iti aniaman a pirak wenno sabali a gamgameng manipud iti gubat.
|
|
\v 20 Kasla la nakiranget para kadakami dagiti bituen sadi langit ken kasla la nakiranget dagitoy a bituen kadagiti dalanda maibusor kenni Sisera.
|
|
|
|
\s5
|
|
\v 21 Inyanud ida ti Karayan Kison--dayta a karayan nga addan sadiay iti nabayagen a panawen. Ibagak iti bagik nga agbalin a natured ken agtultuloy a magna.
|
|
\v 22 Dumalagudog iti daga dagiti kuko iti kabalio ti armada ni Sisera. Agtultuloy nga agdaldalagudog dagidiay a napipigsa a kabalio.
|
|
|
|
\s5
|
|
\v 23 Kinuna ti anghel nga imbaon ni Yahweh, 'Ilunodko dagiti tattao iti ili ti Meroz gapu ta saanda nga immay a timmulong kenni Yahweh a mangparmek kadagiti nabileg a mannakigubat ti Canaan.'
|
|
|
|
\s5
|
|
\v 24 Ngem naay-ayo unay ti Dios kenni Jael, (nga asawa ni Heber a Kineo). Ad-adda a naay-ayo isuna kenkuana ngem kadagiti amin a sabali pay a babbai nga agnanaed kadagiti tolda.
|
|
\v 25 Dimmawat ni Sisera iti danum, ket inikkan isuna ni Jael iti gatas. Nangiyeg isuna iti nagbalay a gatas a naikarga iti mallukong a maikari para kadagiti ari.
|
|
|
|
\s5
|
|
\v 26 Kalpasanna, idi nakaturog ni Sisera, nangala ni Jael iti pasok ti tolda babaen iti kannigid nga imana, ken nangala iti martilio babaen iti kannawan nga imana. Pinang-orna iti napigsa ni Sisera babaen iti daytoy ket rinumekna ti ulona. Impalnekna ti pasok ti tolda iti ulona.
|
|
\v 27 Napasag isuna ket natay iti sakaananna.
|
|
|
|
\s5
|
|
\v 28 Timman-aw ti ina ni Sisera iti tawana. Ur-urayenna isuna nga agsubli. Kinunana, 'Apay a nagbayag isuna nga agawid a nakalugan iti karuahena? Apay a saanko a mangngeg ti uni dagiti pilid ti karuahena?'
|
|
|
|
\s5
|
|
\v 29 Simmungbat dagiti kasisiriban a prinsesana kenkuana, ket inay-ayona ti bagina babaen iti panangulit-ulitna kadagitoy a sasao:
|
|
\v 30 'Nalabit a bingbingayenda dagiti banbanag ken dagiti tattao a natiliwda kalpasan ti gubat. Mangalanto ti tunggal soldado iti maysa wenno dua a babbai nga aganak para kadakuada. Mangalanto ni Sisera iti napipintas a pagan-anay, ken napipintas a naburdaan a pagan-anay para kaniak.'
|
|
|
|
\s5
|
|
\v 31 Ngem saan a dayta ti napasamak! O Yahweh, sapay koma ta matay amin dagiti kabusormo a kas iti naaramid kenni Sisera! Ken tarigagayak a dagiti amin a mangay-ayat kenka ket agbalin a kas kapigsa ti init no agsingising daytoy!" Adda manen ti kapia iti daga iti uppat a pulo a tawen.
|
|
|
|
\s5
|
|
\c 6
|
|
\p
|
|
\v 1 Inaramid manen dagiti Israelita ti imbaga ni Yahweh a dakes unay. Isu a pinalubosan ni Yahweh dagiti tattao ti Midian a sakupen ken iturayanda ida iti pito a tawen.
|
|
\v 2 Siraranggas a trinato dagiti tattao ti Midian dagiti Israelita isu a napan dagiti Israelita kadagiti bantay. Nagaramidda sadiay kadagiti lugar a pagnaedanda kadagiti rukib ken luglugar tapno natalgedda.
|
|
|
|
\s5
|
|
\v 3 Iti tiempo a nagmula dagiti Israelita kadagiti taltalon, rauten ida dagiti tattao ti Midian ken Amalek ken dagiti tattao manipud iti daya.
|
|
\v 4 Agipatakderda kadagiti tolda iti lugarda kalpasanna ket dadaelenda dagiti mulada agingga iti abagatan ti Gaza. Saanda nga agibati iti aniaman a banag a kanen dagiti karnero wenno baka wenno asno dagiti Israelita.
|
|
|
|
\s5
|
|
\v 5 Immayda iti israel nga addaan kadagiti tolda ken taraken a kasla pangen dagiti dudon. Nakaad-aduda unay nga immay a nakasakay kadagiti kamelioda nga awan iti makabilang kadakuada. Nagtalinaedda ken dinadaelda dagiti mula dagiti Israelita.
|
|
\v 6 Innala pay dagiti tattao ti Midian dagiti amin a banbanag a kukua dagiti Israelita. Ngarud kamaudiananna, nagpakaasida kenni Yahweh a tulonganna ida.
|
|
|
|
\s5
|
|
\v 7 Idi nagpakaasi dagiti Israelita kenni Yahweh a tulonganna ida gapu iti inaramid dagiti tattao ti Midian kadakuada,
|
|
\v 8 nangibaon ni Yahweh kadakuada iti profeta, a nagkuna, "Daytoy ti ibagbaga ni Yahweh a Dios ti Israel, "Inruarko dagiti kapuonanyo manipud Egipto, manipud kadagiti lugar a nakatagabuanyo amin.
|
|
|
|
\s5
|
|
\v 9 Ngem inispalko ida manipud kadagiti mangidadaulo ti Egipto ken manipud kadagiti amin a nangparigat kadakayo. Pinapanawko dagiti kabusorda manipud iti daytoy a daga ket intedko kadakayo.
|
|
\v 10 Imbagak kadakayo ken kadagiti kapuonanyo, "Siak ni Yahweh a Diosyo. Addakayon ita iti daga dagiti Amorreo, ngem saan a rumbeng a dayawenyo dagiti dios a daydayawenda, iti daytoy a daga a pagnanaedanyo." Ngem saankayo a nagtulnog kaniak.'"
|
|
|
|
\s5
|
|
\v 11 Maysa nga aldaw, nagparang ti anghel ni Yahweh ket nagtugaw iti sirok ti maysa a dakkel a kayo ti lugo idiay ili ti Ofra. (Dayta a kayo ket kukua ni Joas, a nagtaud iti puli ni Abiezer). Agir-irik ni Gideon nga anak ni Joas iti trigo iti abot a pagpespespesanda iti ubas tapno agaramid iti arak. Ir-irikenna ti trigo sadiay tapno ilemmengna daytoy kadagiti tattao ti Midian.
|
|
\v 12 Napan ni Yahweh kenni Gideon ket kinunana kenkuana, "Sika a nabileg a mannakigubat, tultlulongannaka ni Yahweh!"
|
|
|
|
\s5
|
|
\v 13 Insungbat ni Gideon, "Apo, no tultulongannakami ni Yahweh, apay a napasamak amin dagitoy a dakes a banbanag kadakami? Nangngegmi amin dagiti milagro nga inaramid ni Yahweh kadagiti kapuonanmi. Nangngegmi nga imbaga dagiti tattao kadakami no kasano nga inispalna ida manipud iti pannakatagabuda idiay Egipto. Ngem ita, binaybay-annakamin ni Yahweh, ken iturturayandakami dagiti tattao manipud Midian."
|
|
|
|
\s5
|
|
\v 14 Ket simmango ni Yahweh kenkuana ket kinunana, "Papigsaenka tapno maispalmo dagiti Israelita manipud kadagiti tattao ti Midian. Ibabaonka a mangaramid iti dayta!"
|
|
\v 15 Insungbat ni Gideon, "Ngem Apo, kasano a maispalko dagiti Israelita? Ti pulik ti kanunumoan kadagiti amin a tribu a nagtaud iti Manases, ken siak ti kanunumoan a tao iti sibubukel a pamiliak!"
|
|
|
|
\s5
|
|
\v 16 Kinuna ni Yahweh kenkuana, "Tulonganka. Ket parmekemto ti armada dagiti Midianita a kasla makirangrangetka laeng iti maysa a tao iti kalakana!"
|
|
\v 17 Insungbat ni Gideon, "No pudno a maay-ayoka kaniak, mangaramidka iti maysa a banag a mangpaneknek a pudno a sika ni Yahweh a makisarsarita kaniak.
|
|
\v 18 Ngem saanka a pumanaw agingga a mapanak ken mangisubliak iti sagut para kenka." Simmungbat ni Yahweh, "Nasayaat unay, agtalinaedak ditoy agingga nga agsublika."
|
|
|
|
\s5
|
|
\v 19 Nagdardaras a nagawid ni Gideon. Nagparti isuna iti urbon a kalding ket inlutona daytoy. Kalpasanna, nangala iti agarup duapulo ket dua a litro ti arina ket nagluto iti tinapay nga awan iti lebadurana. Ket inkabilna ti naluto a karne iti basket, ken inkabilna ti digo ti karne iti banga ket impanna kenni Yahweh nga agtugtugaw iti sirok ti kayo.
|
|
\v 20 Ket kinuna ti anghel ti Dios kenkuana, "Iparabawmo ti karne ken ti tinapay iti daytoy a bato. Kalpasanna, ibukbokmo ti digo iti rabaw daytoy." Inaramid ngarud ni Gideon dayta.
|
|
|
|
\s5
|
|
\v 21 Ket inggaw-at ken insagid ni Yahweh ti sarukod nga iggemna iti karne ken tinapay. Simgiab ti apuy manipud iti bato ket pinuoranna ti karne ken tinapay nga inyeg ni Gideon! Kalpasanna, nagpukawen ti anghel ni Yahweh.
|
|
|
|
\s5
|
|
\v 22 Idi naamiris ni Gideon nga anghel ni Yahweh daytoy, kinunana, "O Yahweh nga Apo, nakitak ti rupa ti anghel ni Yahweh!"
|
|
\v 23 Ngem inawagan ni Yahweh isuna ket kinunana, "Saanka nga agbuteng! Saanka a matay!"
|
|
\v 24 Ket nangbangon ni Gideon iti altar a pagdaydayawan kenni Yahweh sadiay. Pinanagananna daytoy iti 'Ni Yahweh ket Talna.' Adda pay laeng dayta nga altar idiay ili ti Ofra, idiay daga dagiti Abiezrita.
|
|
|
|
\s5
|
|
\v 25 Iti dayta a rabii, kinuna ni Yahweh kenni Gideon, "Alaem ti bulog a baka a kukua ti amam ken maysa pay a bulog a baka a pito ti tawenna, ket rebbaem ti altar nga impatakder ti amam a pagdayawan iti dioas a ni Baal. Putdem pay ti tekken a pagdaydayawda kenni Asera a didiosen nga adda iti abayna daytoy.
|
|
\v 26 Kalpasanna, mangipatakderka iti daytoy a turod iti altar a pagdayawam kaniak, ni Yahweh a Diosmo. Alaem ti kayo manipud iti tekken ti Asera a pinutedmo ket pagsungrodmo a mangluto iti karne dagitoy a bulog a baka a kas daton a maipuor amin para kaniak."
|
|
|
|
\s5
|
|
\v 27 Inaramid ngarud ni Gideon ken dagiti adipenna ti imbilin ni Yahweh. Ngem inaramidda daytoy iti rabii gapu ta mabuteng isuna iti aramiden kenkuana dagiti sabali a kameng ti pamiliana ken dagiti dadduma a tattao iti ili no maduktalanda nga inaramidna dayta.
|
|
|
|
\s5
|
|
\v 28 Nasapa iti kabigatanna, apaman a nakariing dagiti tattao, nakitada a narebba ti altar ni Baal ken awanen ti tekken ti Asera. Nakitada nga addan baro nga altar sadiay, ken nakaparabaw iti daytoy ti nabati iti bulog a baka nga indatonda.
|
|
\v 29 Nagsisinnaludsod dagiti tattao, "Siasino ti nangaramid iti daytoy?" Kalpasan a nagsukimatda, adda nangibaga kadakuada a ni Gideon a putot a lalaki ni Joas ti nangaramid iti daytoy.
|
|
|
|
\s5
|
|
\v 30 Kinuna dagiti tattao ti ili kenni Joas, "Iyegmo ti putotmo ditoy! Masapul a mapapatay isuna, gapu ta dinadaelna ti altar ni Baal a diostayo ken pinutedna ti tekken ti Asera a pagdaydayawantayo!"
|
|
|
|
\s5
|
|
\v 31 Ngem insungbat ni Joas kadagiti immay maibusor kenkuana, "Padpadasenyo kadi nga ikanawa ni Baal? Padpadasenyo kadi iti makisinnupiat iti napasamak kenkuana? Siasinoman a mangpadas a mangikanawa kenni Baal ket rumbeng a mapapatay inton agsapa nu bigat! No pudno a dios ni Baal, maikanawana koma ti bagina no adda mangrebba iti altarna!"
|
|
\v 32 Manipud iti dayta a tiempo, pinanaganan dagiti tattao ni Gideon iti Jerub Baal, a ti kayatna a sawen ket "Rumbeng nga ikanawa ni Baal ti bagina," gapu ta rinebbana ti altar ni Baal.
|
|
|
|
\s5
|
|
\v 33 Iti saan a nagbayag kalpasan dayta, naguummong dagiti armada dagiti tattao ti Midian ken ti Amalek ken dagiti tattao manipud iti daya. Binallasiwda ti Karayan Jordan tapno rauten dagiti Israelita. Impatakderda dagiti toldada idiay Tanap ti Jezreel.
|
|
|
|
\s5
|
|
\v 34 Ket inturayan ti Espiritu ni Yahweh ni Gideon. Pinagunina ti trumpeta a naaramid iti sara ti kalakian a karnero tapno ayabanna dagiti lallaki nga agsaganada a makiranget. Immay ngarud kenkuana dagiti lallaki manipud iti puli ti Abiezer.
|
|
\v 35 Nangibaon pay isuna kadagiti mensahero a mangibaga kadagiti soldado dagiti tribu a nagtaud iti Manases, Aser, Zabulon, ken Neftali nga umayda, ket immayda amin.
|
|
|
|
\s5
|
|
\v 36 Ket kinuna ni Gideon iti Dios, "No pudno nga ikkannak iti kabaelan a mangispal kadagiti Israelita a kas iti inkarim,
|
|
\v 37 patalgedam daytoy babaen iti panangaramidmo iti daytoy: Mangikabilak ita a rabii iti namaga a dutdot iti daga a pagir-irikak iti trigo. Inton agsapa, no nabasa ti dutdot babaen iti linnaaw ngem namaga ti daga, ket maammoakto a siak ti ikkam iti kabaelan a mangispal kadagiti tattao ti Israel kas inkarim."
|
|
|
|
\s5
|
|
\v 38 Ket dayta ti napasamak. Idi nakariing ni Gideon iti kabigatanna, pinidutna dagiti dutdot, ket nakapespes iti sangamallukong a danum!
|
|
|
|
\s5
|
|
\v 39 Kalpasanna, kinuna ni Gideon iti Dios, "Saanka a makaunget kaniak, ngem dawatek a mangaramidka koma iti maysa pay a banag. Ita a rabii, ikabilko manen dagiti dutdot. Iti daytoy a tiempo, agtalinaed koma a namaga dagiti dutdot kabayatan a nabasa iti linnaaw ti daga."
|
|
\v 40 Iti dayta ngarud a rabii, inaramid ti Dios ti dinawat ni Gideon kenkuana nga aramidenna. Kabigatanna, namaga dagiti dutdot ngem nabasa iti linnaaw ti daga.
|
|
|
|
\s5
|
|
\c 7
|
|
\p
|
|
\v 1 Kabigatanna, nasapa a bimmangon ni Jerubbaal (Gideon met laeng ti naganna) ken dagiti tattaona ket napanda agingga idiay ubbog ti Harod. Nagkampo ti armada ti Midian iti amiananda, iti tanap nga asideg iti turod ti More.
|
|
|
|
\s5
|
|
\v 2 Kinuna ni Yahweh kenni Gideon, "Adu unay dagiti soldado a kaduam. No palubosankayo amin a makigubat iti armada ti Midian, no maparmek ti armadam ida, agpalangguadanto kaniak a pinarmekda dagiti kabusorda babaen kadagiti bagbagida nga awan ti tulongko.
|
|
\v 3 Isu nga ibagam kadagiti lallaki, 'Siasinoman kadakayo ti takrut wenno mabuteng ket mabalinnakami a panawan ken pumanaw manipud Bantay Galaad.'" Isu a kalpasan nga imbaga ni Gideon dayta kadakuada, nagawid ti 22,000 kadakauda. 10,000 laeng a lallaki ti nabati sadiay.
|
|
|
|
\s5
|
|
\v 4 Ngem imbaga ni Yahweh kenni Gideon, "Nakaad-adu latta dagiti lallaki! Isalogmo ida iti ubbog, ket mangpiliakto manipud kadakuada sadiay, no siasino ti sumurot ken saan a sumurot kenka."
|
|
|
|
\s5
|
|
\v 5 Idi insalog ni Gideon dagiti lallaki idiay ubbog, imbaga ni Yahweh kenkuana, "Inton uminumda, pagtitipunem iti maysa a bunggoy dagiti mangab-ab iti danum babaen kadagiti dilada a kasla iti ar-aramiden dagiti aso. Pagtitipunem met iti sabali a bunggoy dagiti agparintumeng nga agab-ab nga uminum iti danum babaen kadagiti ngiwatda."
|
|
\v 6 Isu nga idi imminumda, tallo gasut laeng a lallaki dagiti nagab-ab iti danum babaen kadagiti dilada. Imminum dagiti dadduma babaen iti panagparintumeng ken panagab-abda iti danum.
|
|
|
|
\s5
|
|
\v 7 Ket imbaga ni Yahweh kenni Gideon, "Dagiti tallo gasut a lallaki a nagab-ab iti danum ti agbalin nga armadam! Tulongakto ida a mangparmek iti armada dagiti Midianita. Pagawidemon dagiti dadduma!"
|
|
\v 8 Isu nga inur-or dagiti tallo gasut a tattao ni Gideon ti taraon ken dagiti sara dagiti kalakian a karnero (maus-usar a kas trumpeta) manipud kadagiti dadduma a lallaki, kalpasanna ket pinagawidna ida. Agkamkampo dagiti lallaki ti Midian iti tanap iti babaen ni Gideon.
|
|
|
|
\s5
|
|
\v 9 Bayat iti dayta a rabii, kinuna ni Yahweh kenni Gideon, "Bumangonka ket sumalogka iti kampoda ket makangngegka iti maysa a banag a makaallukoy kenka nga ikkakto iti kabaelan dagiti tattaom tapno maparmek ida.
|
|
\v 10 Ngem no mabutengka a mapan nga agmaymaysa, ikuyogmo ni Pura nga adipenmo.
|
|
\v 11 Sumalogkayo ket denggenyo ti ibagbaga dagiti sumagmamano kadagiti soldado ti Midian. Ket mapabilegkanto unay, ken sisasaganakanto a mangraut iti kampoda." Inkuyog ngarud ni Gideon ni Pura, ket simmalogda iti igid ti kampo dagiti kabusor.
|
|
|
|
\s5
|
|
\v 12 Impatakder dagiti armada dagiti tattao ti Midian, Amalek ken dagiti naggapu iti daya dagiti toldada ket kasla da la pangen dagiti dudon. Kasla nakaad-adu unay dagiti kamelioda a bilangen, kasla dagiti darat iti igid ti baybay.
|
|
|
|
\s5
|
|
\v 13 Nagkaradap nga immasideg ni Gideon ket nangngegna ti maysa a lalaki a mangiyis-istoria iti maysa a tagtagainep iti gayyemna. Kinunana, "Nagtagtagainepak, ket iti tagtagainep, nakakitaak iti nagbukel a sebada a tinapay a nagtulidtulid a pababa iti kampotayo a Midianita. Dinungparna iti napigsa ti maysa a tolda isu a nagbalibaliktad ti tolda ket narba!"
|
|
\v 14 Kinuna ti gayyemna, "Maysa laeng ti mabalin a kayat a sawen ti tagtagainepmo. Kayatna a sawen daytoy nga ikkanto ti Dios iti kabaelan ni Gideon, ti lalaki ti Israel, a mangparmek kadagiti amin nga armada nga adda ditoy kadatayo a lallaki manipud iti Midian."
|
|
|
|
\s5
|
|
\v 15 Idi nangngeg ni Gideon ti lalaki a nangibaga maipanggep iti tagtagainepna ken iti kayat a sawen dayta a tagtagainep, nagyaman isuna iti Dios. Ket nagsublida kenni Pura iti kampo dagiti Israelita, ket impukkawna kadagiti lallaki, "Tumakderkayo! Gapu ta ik-ikkannakayo ti Dios iti kabaelan a mangparmek kadagiti lallaki manipud iti Midian!"
|
|
\v 16 Biningayna dagiti tattaona iti tallo a bunggoy. Inikkanna ti tunggal lalaki iti sara ti kalakian a karnero (a kas trumpeta) ken awan naggianna a banga. Inikkanna pay ti tunggal maysa kadakuada iti pagsilawan nga awitenda.
|
|
|
|
\s5
|
|
\v 17 Kalpasanna, kinunana kadakuada, "Siputandak. Inton makaasidegkami iti kampo dagiti kabusor, agwaraskayo a manglikmut iti kampo. Ket aramidenyo nga apag-isu ti aramidek.
|
|
\v 18 Apaman a pagunien dagiti tattaok dagiti iggemda a sara ti kalakian a karnero, dakayo a lallaki nga adda iti sabali a dua a bunggoy a manglawlawlaw iti kampo ket pagunienyo dagiti tangguyobyo ket ipukkawyo, 'Ar-aramidenmi daytoy para kenni Yahweh ken para kenni Gideon!'"
|
|
|
|
\s5
|
|
\v 19 Iti kanito sakbay iti tengnga ti rabii, iti “katengngaan ti panagguardia," idi kasubsublat laeng dagiti baro a bunggoy dagiti guardia dagiti puesto dagiti sigud a guardia, dimteng ni Gideon ken dagiti sangagasut a lallaki a kaduana iti igid ti kampo ti Midian. Dagus a pinagunina ken dagiti tattaona dagiti tangguyobda, ket binurakda dagiti banga nga aw-awitenda.
|
|
|
|
\s5
|
|
\v 20 Ket pinaguni dagiti amin a lallaki kadagiti tallo a bunggoy dagiti tangguyobda ken binurakda dagiti bangada. Ingngatoda dagiti pagsilawanda babaen kadagiti makannigid nga imada, ken ingngatoda dagiti tangguyobda babaen kadagiti makannawan nga imada ken pinagsisinnublatda a pinaguni dagitoy ken impukkawda, "Addaankami kadagiti kampilan a makiranget para kenni Yahweh ken ni Gideon!"
|
|
\v 21 Nagtakder ti tunggal tao ni Gideon iti puestona iti aglawlaw ti kampo ti kabusor. Kabayatan a kitkitaenda, agtataray dagiti amin a lallaki ti Midian ken agririawda iti buteng.
|
|
|
|
\s5
|
|
\v 22 Kabayatan nga agtultuloy a pagpagunien dagiti tallo gasut nga Israelita a lallaki dagiti tangguyobda, rinugian ni Yahweh a pinagraranget ti tunggal maysa kadagiti Midianita babaen kadagiti kampilanda. Pinatay ti sumagmamano kadakuada ti tunggal maysa. Nagtaray dagiti dadduma. Nagtaray dagiti dadduma iti abagatan agingga iti Bet-sitta. Nagtaray ti dadduma iti ili ti Serera, agingga iti beddeng ti Abel-Mehola iti asideg ti Tabat.
|
|
\v 23 Nangayab dagiti lallaki ti Israel iti ad-adu pay a lallaki a nagtaud kadagiti tribu ti Neftali, Aser ken Manasses ket kinamatda ti armada ti Midian.
|
|
|
|
\s5
|
|
\v 24 Nangibaon ni Gideon kadagiti mensahero iti entero a katurturodan a pagilian a nagnaedan dagiti kaputotan ti Efraim, kinunada, "Sumalogkayo ket rautenyo ti armada ti Midian. Sumalogkayo iti Karayan Jordan, kadagiti lugar a mabalin a pagballasiwan dagiti tattao, tapno saan a makaballasiw iti daytoy dagiti buyot ti kabusor! Mangikabilkayo kadagiti lallaki nga agbantay agingga iti abagatan ti Bet-bara.” Inaramid ngarud dagiti lallaki ti Efraim ti imbaga ni Gideon kadakuada nga aramidenda.
|
|
\v 25 Tiniliwda pay da Oreb ken Zeeb, ti dua a heneral ti armada ti Midian. Pinatayda ni Oreb iti dakkel a bato a maaw-awagan ita iti bato ni Oreb, ken pinatayda ni Zeeb iti pagpespespesanda kadagiti ubas a maaw-awagan ita iti pagpespespesan ni Zeeb. Kalpasanna, pinuted dagiti Israelita ti ulo da Oreb ken Zeeb ket impanda dagitoy kenni Gideon, nga adda iti ballasiw ti Karayan Jordan.
|
|
|
|
\s5
|
|
\c 8
|
|
\p
|
|
\v 1 Kalpasanna, kinuna dagiti soldado a nagtaud iti tribu ti Efraim kenni Gideon, "Apay a kastoy ti panangtratom kadakami? Idi napanka nakiranget iti armada ti Midian, apay a saannakami nga inayaban a tumulong kenka?" Napalalo ti pannakisinnuppiatda kenni Gideon.
|
|
|
|
\s5
|
|
\v 2 Ngem insungbat ni Gideon, "Bassit unay ti naaramidak no maiyasping iti naaramidanyo! Nasaysayaat nga adayo dagiti ubas a saanyo a pakaringgoran a purosen iti daga ti Efraim ngem iti amin nga apit dagiti kaputotan ni Abie-zer!
|
|
\v 3 Tinulongannakayo ti Dios a nangparmek kada Oreb ken Zeeb, dagiti heneral iti armada ti Midian. Napatpateg nga amang dayta ngem iti inaramidko!" Kalpasan nga imbaga ni Gideon dayta kadakuada, saandan a pulos a kinagura ti inaramidna.
|
|
|
|
\s5
|
|
\v 4 Kalpasanna, nagpadaya ni Gideon ken dagiti tallo gasut a tattaona. Dimtengda iti Karayan Jordan ket bimmallasiwda iti daytoy. Uray no napalalo ti bannogda, intultuloyda latta ti panangkamatda kadagiti kabusorda.
|
|
\v 5 Idi dimtengda idiay ili ti Succot, kinuna ni Gideon kadagiti mangidadaulo iti ili, "Pangngaasiyo ta ikkanyo dagiti tattaok iti tinapay tapno kanenda daytoy! Napalalo ti bannogda. Kamkamatenmi da Zeba ken Salmunna, dagiti ari ti Midian."
|
|
|
|
\s5
|
|
\v 6 Ngem insungbat dagiti mangidadaulo iti Succot, "Saanmo pay a natiliw da Zeba ken Salmunna. Isu nga apay nga ikkanmi dagiti soldadom iti taraon sakbay a matiliwmo ida?"
|
|
\v 7 Insungbat ni Gideon, "Gapu ta imbagayo dayta, kalpasan a tulongannakami ni Yahweh a mangparmek kada Zeba ken Salmunna, agsublikaminto. Ket mangaramidkaminto kadagiti pagsaplit manipud kadagiti sisiit ken natatadem a sisiit a kasla sima a masarakan iti let-ang, ket pirsapirsayenminto ti lasagyo babaen kadagitoy!"
|
|
|
|
\s5
|
|
\v 8 Simmang-at ni Gideon ken ti tallo gasut a tattaona idiay Penuel ket dimmawatda iti taraon sadiay iti isu met laeng a wagas. Ngem isu met laeng ti insungbat dagiti tattao kenkuana.
|
|
\v 9 Isu a kinunana kadagiti lallaki ti Penuel, "Kalpasan a maparmekko dagidiay nga ari ken awan nakaan-annoak, ket umayakto ket rebbaekto daytoy a torre!"
|
|
|
|
\s5
|
|
\v 10 Iti dayta a tiempo, adda da Zeba ken Salmunna idiay ili ti Carcor agraman dagiti 15,000 a soldado. Isuda amin dagiti nabati kadagiti armada a naggapu iti daya. Napapatayen ti 120,000 kadagiti tattaoda.
|
|
|
|
\s5
|
|
\v 11 Nagpadaya ni Gideon ken dagiti tattaona iti dalan a pagpagnaan dagiti bunggoy nga agdaldaliasat. Limmabasda kadagiti bario ti Noba ken Jogbea ket dimtengda iti kampo dagiti kabusor a saan a napakadaan.
|
|
\v 12 Naglibas da Zeba ken Salmunna, ngem kinamat ida dagiti tattao ni Gideon. Natiliwna dagiti dua nga ari ti Midian- da Zeba ken Salmunna, ket nariribukan ti amin nga armadada.
|
|
|
|
\s5
|
|
\v 13 Kalpasan dayta, inkuyog ni Gideon ken dagiti tattaona da Zeba ken Salmunna ket nagsublida a limmabas iti bessang ti Heres.
|
|
\v 14 Nasabatna sadiay ti maysa nga agtutubo a lalaki manipud Succot, ket nagdamag isuna kenkuana. Kiniddawna kenkuana nga ibagana dagiti amin a nagan dagiti mangidadaulo iti ili. Imbaga ti agtutubo a lalaki dagiti nagan dagiti pitopulo ket pito a lallaki.
|
|
|
|
\s5
|
|
\v 15 Ket nagsubli ni Gideon ken dagiti tattaona idiay Succot ket kinunana kadagiti mangidadaulo, "Adtoy da Zeba ken Salmunna. Idi addakami ditoy, pinagkakatawaandak ket kinunayo, 'Saanmo pay a naparmek da Zeba ken Salmunna! Kalpasan a matiliwmo ida, ikkanminto dagiti nabannog a tattaom iti taraon.'"
|
|
\v 16 Kalpasanna, innala dagiti tattao ni Gideon dagiti mangidadaulo iti ili ket sinaplitanda ida kadagiti pagsaplit a naaramid manipud kadagiti mulmula a siitan iti let-ang, tapno suroanna ida a rumbeng laeng a madusada gapu iti panagaramid iti banbanag a kasla iti dayta.
|
|
\v 17 Kalpasanna, napanda idiay Penuel ket rinebbada ti torre, ken pinatayda dagiti amin a lallaki iti ili.
|
|
|
|
\s5
|
|
\v 18 Ket kinuna ni Gideon kada Zeba ken Salmunna, "Ania ti langa dagiti lallaki a pinatayyo iti asideg ti Bantay Tabor?" Insungbatda, "Kaslada kenka; aglanglangada amin a kasla annak ti ari."
|
|
\v 19 Insungbat ni Gideon, "Kakabsatko ida! Iti nagan ti sibibiag a Dios, saankayo koma a patayen no saanyo ida a pinatay."
|
|
|
|
\s5
|
|
\v 20 Kalpasanna, timmalliaw isuna kenni Jeter nga inauna a putotna a lalaki. Kinunana kenkuana, "Patayem ida!" Ngem ubing pay laeng ni Jeter, ken mabuteng isuna, isu a saanna nga inasut ti kampilanna tapno patayenna ida.
|
|
\v 21 Ket kinuna da Zeba ken Salmunna kenni Gideon, "Saanmo a kiddawen iti ubing nga aramidenna ti trabaho a rumbeng nga aramiden ti maysa a lalaki!" Isu a pinatay ni Gideon ida. Ket innalana dagiti balitok a sinan-bulan nga ar-arkos manipud kadagiti tengnged dagiti kamelioda.
|
|
|
|
\s5
|
|
\v 22 Kalpasanna, napan kenni Gideon ti maysa a bunggoy dagiti Israelita a lallaki ket kinunada kenkuana, "Sika ti mangituray kadakami! Kayatmi a sika ken ti putotmo a lalaki ken dagiti apokom a lallaki ti mangituray kadakami, gapu ta inispalnakami manipud iti armada ti Midian."
|
|
\v 23 Ngem insungbat ni Gideon, "Saan, saan a siak ti mangituray kadakayo, ken saan a ti putotko ti mangituray kadakayo. Ni Yahweh ti mangituray kadakayo."
|
|
|
|
\s5
|
|
\v 24 Ket kinunana, "Adda laeng maysa a kiddawek. Kiddawek nga ited kaniak ti tunggal maysa kadakayo ti maysa nga aritos manipud kadagiti banbanag a sinamsamyo kalpasan ti gubat." [Agar-aritos idi dagiti amin a lallaki a nagtaud kenni Ismael.]
|
|
\v 25 Insungbatda, "Siraragsakkami a mangited kadagiti aritos kenka!" Nangiyaplagda ngarud iti lupot iti daga, ket impurruak ti tunggal lalaki iti daytoy dagiti balitok nga aritos nga innalana manipud kadagiti pinatayna iti gubat.
|
|
|
|
\s5
|
|
\v 26 Agarup dua pulo a kilo ti kadagsen dagiti amin nga aritos. Saan a karaman ditoy dagiti dadduma a banbanag nga intedda kenni Gideon- dagiti dadduma nga ar-arkos wenno bitinbitin wenno pagan-anay nga insuot dagiti arida wenno dagiti balitok a kawar nga adda kadagiti tengnged dagiti kamelioda.
|
|
|
|
\s5
|
|
\v 27 Nangaramid ni Gideon iti nasagradoan a pagan-anay para kadagiti tattao a dinaydayawda imbes a ti Dios laeng ti dayawenda. Nagbasol ni Gideon ken dagiti amin a pamiliana babaen iti panagdaydayawda iti daytoy.
|
|
\v 28 Kasta ti panangparmek dagiti Israelita kadagiti tattao iti Midian. Saanen a bimmileg dagiti tattao ti Midian tapno rautenda manen ti Israel. Isu a kabayatan a sibibiag ni Gideon, adda talna iti daga iti las-ud ti uppat a pulo a tawen.
|
|
|
|
\s5
|
|
\v 29 Nagsubli ni Gideon iti pagtaenganna tapno agnaed sadiay.
|
|
\v 30 Addaan isuna iti adu nga assawa, ket nangipasngayda kenkuana iti pitopulo a lallaki.
|
|
\v 31 Adda pay maysa a tagabu nga asawana idiay siudad ti Sikem, a nangipasngay kenkuana iti maysa a lalaki a pinanagananna iti Abimelec.
|
|
|
|
\s5
|
|
\v 32 Natay ni Gideon nga anak ni Joas idi lakay unayen isuna. Intabonda ti bagina iti tanem a nakaitabonan ti amana a ni Joas, idiay Ofra, iti daga dagiti puli ni Abie-zer.
|
|
\v 33 Ngem apaman a natayen ni Gideon, pinanawan dagiti Israelita ti Dios ket nagdaydayawda kadagiti ladawan ti dios a Baal, a kasla iti panangpanaw dagiti mannakikamalala kadagiti assawada ket mapanda iti sabali a lalaki. Inaramidda ni Baal-berit a dios a daydayawenda.
|
|
|
|
\s5
|
|
\v 34 Nalipatanda ti maipanggep kenni Yahweh a nangispal kadakuada manipud kadagiti amin a kabusorda a nanglawlaw kadakuada.
|
|
\v 35 Ket uray no nangaramid ni Gideon iti adu a nasayaat a banbanag para kadagiti Israelita, saanda a trinato a nasayaat ti pamilia ni Gideon.
|
|
|
|
\s5
|
|
\c 9
|
|
\p
|
|
\v 1 Napan ni Abimelec nga anak ni Gideon idiay siudad ti Sikem tapno makisarita kadagiti kakabsat a lallaki ti inana. Maaw-awagan met laeng ni Gideon iti Jerubbaal. Kinunana kadakuada ken kadagiti amin a kabagian ti inana,
|
|
\v 2 "Saludsodenyo kadagiti amin a mangidadaulo iti Sikem: 'Ipagarupyo kadi a nasayaat nga iturayandakayo dagiti amin a pitopulo nga annak a lallaki ni Gideon? Wenno nasaysayaat a maysa laeng a lalaki ti mangituray kadakayo, ni Abimelec?' Ken saanyo a liplipatan a kamengak iti pamiliayo!"
|
|
|
|
\s5
|
|
\v 3 Nakisarita ngarud dagiti kakabsat a lallaki ti ina ni Abimelec kadagiti amin a mangidadaulo iti Sikem maipanggep iti imbaga ni Abimelec. Kinunada iti tunggal maysa, "Rumbeng a palubosantayo nga iturayannatayo ni Abimelec, gapu ta kabagiantayo isuna."
|
|
\v 4 Isu a nangala dagiti mangidadaulo iti Sikem iti nganngani maysa kilo a pirak manipud iti templo ti diosda a ni Baal-berit ket intedda daytoy kenni Abimelec. Dayta a pirak ti pinangtangdanna kadagiti sumagmamano nga awan serbina ken mannakiapa tapno tumulong kenkuana, ket kimmuyogda kenni Abimelec iti sadinoman a papananna.
|
|
|
|
\s5
|
|
\v 5 Napanda idiay Ofra iti ili ti amana ket pinatayda dagiti innem a pulo ket siam kadagiti pitopulo a kakabsatna, dagiti putot a lallaki ni Gideon nga amana. Pinatayda amin dagidiay a lallaki iti rabaw ti maysa a dakkel a bato. Ngem inlemmengan ni Jotam nga inaudi nga anak ni Gideon ni Abimelec ken dagiti tattaona, ket naglibas isuna.
|
|
\v 6 Kalpasanna, naguummong dagiti amin a mangidadaulo kadagiti ili ti Sikem ken Betmillo iti sirok ti dakkel a nasagradoan a kayo idiay Sikem. Dinutokanda sadiay ni Abimelec nga agbalin a mangidadauloda.
|
|
|
|
\s5
|
|
\v 7 Idi nadamag ni Jotam ti maipanggep iti dayta, simmang-at isuna idiay Bantay Gerizim. Nagtakder isuna iti tapaw ti bantay ket impukkawna kadagiti tattao iti baba, "Dakayo a mangidadaulo iti Sikem, dumngegkayo kaniak, tapno dumngeg ti Dios kadakayo!
|
|
\v 8 Maysa nga aldaw, inkeddeng dagiti kayo a mangdutok iti maysa nga ari a mangituray kadakuada amin. Isu a kinunada iti kayo nga olibo, 'Agbalinka nga arimi!'
|
|
|
|
\s5
|
|
\v 9 Ngem kinuna ti kayo nga olibo, 'Saan! Saanakto nga agbalin nga ariyo! Ragragsaken dagiti tattao ken dagiti dios ti lana manipud iti bungak. Saanko nga isardeng ti mangparnuay kadagiti olibo nga ar-aramidenmi a lana, tapno iturayankayo a dadduma a kayo!'
|
|
\v 10 Kalpasanna, kinuna dagiti kayo iti kayo nga igos, 'Umayka ket agbalinka nga arimi!'
|
|
\v 11 Ngem insungbat ti kayo nga igos, 'Saan! Saanko kayat nga isardeng ti mangparnuay iti nasam-it a bungak, ket tapno iturayankayo a dadduma a kayo!'
|
|
|
|
\s5
|
|
\v 12 Ket kinuna dagiti kayo iti ubas, 'Umayka ket agbalinka nga arimi!'
|
|
\v 13 Ngem insungbat ti ubas, "Saan! Saanakto nga agbalin nga ariyo! Parparagsaken unay ti baro nga arak a naaramid manipud kadagiti ubasko dagiti tattao ken dagiti dios nga uminum iti daytoy. Saanko a kayat nga isardeng ti mangparnuay kadagiti ubasko ket tapno iturayankayo a dadduma a kayo!'
|
|
\v 14 Ket kinuna dagiti amin a kayo iti nasiit a mula, 'Umayka ket agbalinka nga arimi!'
|
|
|
|
\s5
|
|
\v 15 Kinuna ti nasiit a mula kadagiti kayo, 'No pudno a kayatdak a dutokan nga agbalin nga ariyo, umaykayo aglinong kadagiti babassit a sangak. Ngem no saanyo a kayat nga aramiden dayta, rummuar koma ti apuy kaniak ket puoranna dagiti amin a kayo a sedro idiay pagilian ti Libano!'"
|
|
\v 16 Kalpasan nga imbaga ni Jotam kadakuada daytoy a pangngarig, kinunana, "Salusodenkayo ngarud ita, nalinteg ken napudnokayo kadi met laeng idi dinutokanyo ni Abimelec nga agari kadakayo? Ginunggonaanyo kadi ni Gideon (a maaw-awagan met laeng iti Jerubbaal) iti rumbeng a panangpadayaw kenkuana gapu kadagiti amin a nasayaat a banbanag nga inaramidna para kadakayo? Saan!
|
|
|
|
\s5
|
|
\v 17 Laglagipenyo a nakigubat ti amak para kadakayo, ken siaannugot isuna a matay para kadakayo no dayta ti kasapulan, tapno isalakannakayo manipud iti pannakabalin ti bunggoy dagiti tattao ti Midian.
|
|
\v 18 Ngem ita nagsukirkayo iti pamilia ti amak, ket pinapatayyo dagiti pitopulo nga annakna a lallaki iti rabaw ti maysa a dakkel a bato. Ken dinutokanyo ni Abimelec- nga anak ti tagabu a babai ti amak, saan nga anak ti asawana- tapno agbalin nga ari a mangituray kadakayo a tattao ti Sikem. Inaramidyo laeng dayta gapu ta maysa isuna kadagiti kabagianyo!
|
|
|
|
\s5
|
|
\v 19 Ita ngarud, no ipagarupyo a pudpudno a nagtignaykayo iti maiparbeng ken sipupudno kenni Gideon ken iti pamiliana, namnamaek a maparagsaknakayo koma ken maparagsakyo met isuna.
|
|
\v 20 Ngem no dakes ti inaramidyo, sapay la koma ta dadaelen dagiti mangidadaulo iti Sikem ken Betmillo ni Abimelec!"
|
|
\v 21 Kalpasan ti panangibaga ni Jotam iti dayta, linibasanna ida ket nagtaray a napan iti ili ti Beer. Nagtalinaed isuna sadiay gapu ta mabuteng isuna nga amangan no patayen isuna ni Abimelec a kabsatna.
|
|
|
|
\s5
|
|
\v 22 Indauloan ni Abimelec dagiti tattao ti Israel iti las-ud iti tallo a tawen.
|
|
\v 23 Kalpasanna, nangibaon ti Dios iti dakes nga espiritu a mangparnuay iti riribuk iti nagbaetan ni Abimelec ken dagiti mangidadaulo iti Sikem, a nagbanag a nagrebelde dagiti mangidadaulo iti Sikem kenni Abimelec.
|
|
\v 24 Tinulongan dagiti mangidadaulo iti Sikem ni Abimelec a nangpatay kadagiti pitopulo a kakabsatna a putot a lallaki ni Gideon. Isu nga ita, nangibaon ti Dios iti dakes nga espiritu a mangdusa kadakuada amin gapu iti inaramidda.
|
|
|
|
\s5
|
|
\v 25 Nagsaneb dagiti mangidadaulo iti Sikem kadagiti tapaw dagiti turod. Sinaneb dagidiay a lallaki ti tunggal maysa a lumabas. Ngem adda nangibaga kenni Abimelec iti maipanggep iti daytoy, isu a saan isuna nga immasideg kadakuada.
|
|
|
|
\s5
|
|
\v 26 Napan idiay Sikem ti maysa a lalaki a managan Gaal nga anak ni Ebed, agraman dagiti kakabsatna. Nagtalek kenkuana dagiti mangidadaulo iti Sikem.
|
|
\v 27 Napanda kadagiti kaubasanda tapno agburasda kadagiti ubas. Pinespesda dagiti ubas tapno mangparnuay iti tubbog, ket kalpasanna, nagaramidda iti arak. Ket nagrambakda iti balay ti diosda, ket nanganda iti adu ken imminumda iti adu nga arak. Kalpasanna, inlunodda ni Abimelec.
|
|
|
|
\s5
|
|
\v 28 Kinuna ni Gaal a putot a lalaki ni Ebed, "Apay a rumbeng a palubosantayo nga iturayannatayo ni Abimelec? Saan kadi nga isuna ti anak ni Jerubbaal? Saan kadi a ni Zebul ti opisialna? Rumbeng nga agserbitayo kadagiti tattao ni Hamor, nga ama ni Sikem! Apay koma nga agserbitayo kenni Abimelec?
|
|
\v 29 No dutokandak a mangidaulo kadakayo, papanawek ni Abimelec. Ibagak kenkuana, 'Isaganam ti armadam! Umayka ket makirangetka kadakami!'"
|
|
|
|
\s5
|
|
\v 30 Adda nangibaga kenni Zebul iti kinuna ni Gaal, ket nakaunget isuna iti kasta unay.
|
|
\v 31 Nangibaon isuna kadagiti mensahero a mapan kenni Abimelec. Imbagada kenkuana, "Adda ditoy Sikem ni Gaal ken dagiti kakabsatna, ket rirriribukenda dagiti tattao tapno agrebeldeda kenka.
|
|
|
|
\s5
|
|
\v 32 Bumangonka ken dagiti tattaom bayat iti rabii ket mapankayo aglemmeng kadagiti talon iti ruar ti siudad.
|
|
\v 33 Apaman a makasingising ti init iti agsapa, bumangonka ket rautem ti siudad. Inton rummuar ni Gaal ken dagiti tattaona a makigubat kenka, aramidem kadakuada ti aniaman a kayatmo."
|
|
|
|
\s5
|
|
\v 34 Bimmangon ngarud ni Abimelec ken dagiti lallaki a kaduana bayat iti rabii. Nabingayda iti uppat a bunggoy ket naglemmengda kadagiti talon iti asideg ti Sikem.
|
|
\v 35 Kabigatanna, rimmuar ni Gaal ket nagtakder iti pagserkan iti ruangan ti siudad. Kabayatan nga agtaktakder isuna sadiay, rimmuar ni Abimelec ken dagiti soldadona manipud iti paglemlemmenganda ket inrugida a nagna nga agturong iti siudad.
|
|
|
|
\s5
|
|
\v 36 Idi nakita ni Gaal dagiti soldado, kinunana kenni Zebul, "Kitaem! Adda tattao a sumalsalog manipud kadagiti turod!" Ngem kinuna ni Zebul, "Makitkitam laeng dagiti anniniwan dagiti kayo kadagiti turod. Saan a tattao dagitoy; aglanglangada laeng a kasla tattao."
|
|
\v 37 Ngem kimmita manen ni Gaal, ket kinunana, "Kitaem! Adda tattao a sumalsalog manipud iti bessang! Adda iti maysa a bunggoy kadakuada a sumalsalog iti dalan iti ayan ti kayo a lugo a bigbigbigen dagiti tattao a pakitungtungtonganda kadagiti espiritu dagiti natay!"
|
|
|
|
\s5
|
|
\v 38 Kinuna ni Zebul kenni Gaal, "Ania ita ti pagsayaatan ti panagpangpangasmo? Sika a nagkuna, 'Siasino ni Abimelec a rumbeng nga agserbitayo kenkuana?' Saan kadi a dagitoy dagiti lallaki a ginuram? Rummuarka ita ket makirangetka kadakuada."
|
|
\v 39 Indauloan ngarud ni Gaal dagiti lallaki ti Sikem iti ruar ti siudad tapno makirangetda iti armada ni Abimelec.
|
|
\v 40 Kinamat ida ni Abimelec ken dagiti tattaona, ket napatayda ti adu kadagiti tattao ni Gaal sakbay a makasublida a sitatalged iti uneg ti ruangan ti siudad.
|
|
|
|
\s5
|
|
\v 41 Nagtalinaed ngarud ni Abimelec idiay Aruma, nga agarup lima a milya ti kaadayuna manipud iti Sikem, ket pinagtalaw dagiti tattao ni Zebul ni Gaal ken dagiti kakabsatna idiay Sikem.
|
|
\v 42 Iti sumaruno nga aldaw, nagsagana dagiti tattao ti Sikem a pumanaw iti siudad ta mapanda agtrabaho kadagiti talonda. Idi adda nangibaga kenni Abimelec iti maipapan iti dayta,
|
|
\v 43 biningayna dagiti tattaona iti tallo a bunggoy, ket imbagana kadakuada nga aglemmengda kadagiti talon. Inaramidda ngarud dayta. Ket idi nakitada dagiti tattao a rumrummuar iti siudad, limmagtoda ket rinautda ida.
|
|
|
|
\s5
|
|
\v 44 Nagtaray a napan ni Abimelec ken dagiti lallaki a kaduana iti ruangan ti siudad. Nagtaray dagiti dua pay a bunggoy a napan kadagiti tattao kadagiti talon ket rinautda ida.
|
|
\v 45 Agmalmalem a nakiranget ni Abimelec ken dagiti tattaona. Sinakupda ti siudad ket pinatayda dagiti amin a tattao. Rinebbada amin a pasdek, ket pinuruakanda iti asin ti rabaw dagiti nadadael tapno malappedan ti panagtubo manen ti aniaman a banag sadiay.
|
|
|
|
\s5
|
|
\v 46 Idi nadamag dagiti mangidadaulo nga agnanaed iti torre iti ruar ti Sikem ti napasamak, nagtarayda ket naglemmengda iti uneg ti sarikedked, a templo ti met laeng ti diosda a ni El-berit.
|
|
\v 47 Ngem adda nangibaga kenni Abimelec a naguummong sadiay dagiti amin a mangidadaulo.
|
|
|
|
\s5
|
|
\v 48 Isu a simmang-at isuna ken dagiti amin a lallaki a kaduana idiay Bantay Zalmon, nga asideg ti Sikem. Nangpukan ni Abimelec iti sumagmamano a sanga babaen iti wasay, ket imbaklayna dagitoy. Ket kinunana kadagiti amin a lallaki a kaduana, "Darasenyo, aramidenyo ti inaramidko!"
|
|
\v 49 Nangpukan ngarud dagiti amin a tattaona kadagiti sanga ket insalogda dagitoy iti bantay, sursurotenda ni Abimelec. Napanda iti sarikedked ket inggabsuonda dagiti sanga kadagiti paderna daytoy. Kalpasanna, sineggedanda, ket inuram ti apuy ti sarikedked ket pinatayna dagiti amin a tattao nga adda iti uneg. Isu a natay amin a tattao nga adda iti uneg ti sarikedked- agarup sangaribu a lallaki ken babbai.
|
|
|
|
\s5
|
|
\v 50 Kalpasanna, napan ni Abimelec ken dagiti tattaona iti siudad ti Tebes. Pinalawlawan ken sinakupda daytoy.
|
|
\v 51 Ngem adda iti natibker a torre iti uneg ti siudad. Isu a nagkamang idiay torre dagiti amin a lallaki, babbai ken mangidadaulo iti siudad. Idi addada aminen iti uneg, binalunetanda ti ruangan. Kalpasanna, immulida iti atep ti torre.
|
|
|
|
\s5
|
|
\v 52 Dimteng ni Abimelec ken dagiti tattaona iti torre ket immasideg isuna iti ruangan tapno puoranna daytoy.
|
|
\v 53 Ngem idi nakaasideg ni Abimelec iti ruangan, intupak ti maysa a babai nga adda iti atep ti akin-ngato a paset ti dakkel a gilingan a bato iti ulo ni Abimelec, a nangbittak iti banga-bangana.
|
|
\v 54 Inayaban a dagus ni Abimelec ti agtutubo a lalaki a para-iggem iti armasna, ket kinunana, "Asutem ti kampilanmo ket patayennak babaen iti daytoy! Saanko a kayat nga ibaga dagiti tattao, 'Pinatay ti maysa a babai ni Abimelec.'~" Induyok ngarud ti agtutubo a lalaki ti kampilanna kenni Abimelec, ket natay ni Abimelec.
|
|
|
|
\s5
|
|
\v 55 Idi nakita dagiti soldado nga Israelita a natayen ni Abimelec, nagsublida amin kadagiti pagtaenganda.
|
|
\v 56 Iti kasta a wagas a dinusa ti Dios ni Abimelec gapu kadagiti amin a dakes a banbanag nga inaramidna iti amana babaen iti panangpatay kadagiti amin a pitopulo a kakabsatna.
|
|
\v 57 Dinusa pay ti Dios dagiti lallaki ti Sikem gapu kadagiti dakes a banbanag nga inaramidda. Ket idi napasamak dagitoy a banbanag, pimmayso ti lunod ni Jotam nga anak ni Jerubbaal.
|
|
|
|
\s5
|
|
\c 10
|
|
\p
|
|
\v 1 Ti ari a simmukat kenni Abimelec ket ni Tola a putot a lalaki ni Pua ken apoko ni Dodo. Isuna ti nangidaulo tapno maispal dagiti tattao ti Israel manipud kadagiti kabusorda. Nagtaud isuna iti tribu ti Issacar, ngem nagnaed isuna iti siudad ti Samir iti katurturodan a pagilian ti tribu ti Efraim.
|
|
\v 2 Nagturay isuna a kas ukom iti entero nga Israel iti uneg ti duapulo ket tallo a tawen. Kalpasanna, natay ket naitanem isuna idiay Samir.
|
|
|
|
\s5
|
|
\v 3 Kalpasan a natay ni Tola, nagturay a kas ukom iti entero nga Israel ni Jair (a taga Galaad) iti uneg ti duapulo ket dua a tawen.
|
|
\v 4 Addaan isuna iti tallopulo a putot a lallaki, ket addaan ti tunggal maysa kadakuada iti asno a pagsakayan. Addaanda iti tallopulo a siudad idiay Galaad nga isu pay laeng ti naganna uray ita nga aldaw, ti Havot-Jair(wenno dagiti siudad ti Jair).
|
|
\v 5 Kalpasanna, natay ni Jair ket naitanem iti siudad ti Kamon.
|
|
|
|
\s5
|
|
\v 6 Ad-adda pay a nagaramid dagiti Israelita iti dakes a nakita ni Yahweh nga ar-aramidenda. Nagdaydayawda kadagiti didiosen ti Baal ken didiosen dagiti babbai a kayatna ti agsikog a maawagan iti Astarot. Nagdaydayawda kadagiti dios dagiti bunggoy ti tattao ti Aram, Sidon, Moab, ken Ammon, ken kadagiti dios dagiti Filisteo. Nalipatanda ni Yahweh ken insardengda ti agdaydayaw kenkuana.
|
|
\v 7 Isu a kasta unay ti pungtot ni Yahweh kadakuada, ket impalubosna a parmeken dagiti Filisteo ken Ammonita ti Israel.
|
|
|
|
\s5
|
|
\v 8 Pinarmek ken pinarigatda dagiti Israelita iti dayta a tawen, pinarmek ken pinarigatda iti las-ud ti sangapulo ket walo a tawen dagiti amin a tattao ti Israel a nagnaed iti daya a paset ti Karayan Jordan. Dayta ti daga dagiti Amorreo, nga adda iti Galaad.
|
|
\v 9 Kalpasanna, binallasiw dagiti Ammonita ti Karayan Jordan tapno makiranget kadagiti tattao ti tribu ti Juda, Benjamin, ken Efraim. Gapu kadakuada nagbiag dagiti Israelita nga addaan iti nakaro a panagbuteng ken panagamak.
|
|
|
|
\s5
|
|
\v 10 Isu nga immawag dagiti Israelita kenni Yahweh, a kinunada, "Nagbasolkami kenka. Tinallikudandaka, ket nagdaydayawkami kadagiti dios ni Baal."
|
|
\v 11 Sinungbatan ni Yahweh ida, a kinunana, "Inispalkayo manipud kadagiti bunggoy dagiti tattao ti Egipcio, Amorreo, Ammonita, Filisteo
|
|
\v 12 ken kasta met kadagiti Sidonio, Amalekita ken Maonita. Inaramidko daytoy gapu ta dinangran ken inbaluddakayo. Immawagkayo kaniak, ket winayawayaankayo.
|
|
|
|
\s5
|
|
\v 13 Ngem ita tinallikudandak ket nagdaydayawkayo kadagiti sabali a dios. Ngarud, saankayo nga ulit-uliten nga ispalen.
|
|
\v 14 Piniliyo a dayawen dagidiay a dios. Isu nga agpatulongkayo kadakuada. Isuda koma ti mangispal kadakayo no adda pakarigatanyo!"
|
|
|
|
\s5
|
|
\v 15 Ngem kinuna dagiti tattao ti Israel kenni Yahweh, "Nagbasolkami. Dusaennakami iti aniaman a wagas a kayatmo. Ngem pangngaasim ta ispalennakami ita nga aldaw!"
|
|
\v 16 Kalpasanna, imbelleng dagiti Israelita dagiti ganggannaet a didiosen nga impatpategda, ket nagdaydayawda kenni Yahweh. Nakitana a nakaro ti panagsagsagabada, ket saanna a naanusan ti panagrigat ti Israel nga isuda a mismo ti makagapu.
|
|
|
|
\s5
|
|
\v 17 Naguummong dagiti bunggoy ti tattao ti Ammon tapno makiranget kadagiti Israelita, ket impatakderda dagiti toldada idiay Galaad. Naguummong dagiti soldado nga Israelita ket impatakderda dagiti toldada idiay Mizpa.
|
|
\v 18 Kinuna dagiti mangidadaulo kadagiti tattao ti Galaad iti tunggal maysa, "Siasino ti mangidaulo iti panangdaruptayo iti armada dagiti Ammonita? Ti tao a mangidaulo kadatayo ti agbalin a pangulo kadatayo amin nga agnanaed idiay Galaad."
|
|
|
|
\s5
|
|
\c 11
|
|
\p
|
|
\v 1 Adda maysa a lalaki manipud iti rehion ti Galaad nga agnagan iti Jefte. Pinaneknekanna a maysa isuna a nalaing a mannakigubat. Ngem maysa a balangkantis ti inana. Ni Galaad ti amana.
|
|
\v 2 Nangipasngay ti asawa ni Galaad iti sumagmamano a lallaki. Idi dimmakkeldan, pinilitda ni Jefte a pumanaw iti pagtaenganda, a kunada kenkuana, "Anaknaka ti sabali a babai, saannaka nga anak ti inami. Isu a no matay ti amami, saanka a makaawat iti aniaman a sanikuana."
|
|
\v 3 Pinanawan ngarud ni Jefte dagiti kakabsatna, ket nagnaed isuna iti daga ti Tob. Kabayatan ti kaaddana sadiay, timmipon kenni Jefte dagiti sumagmamano a lallaki nga awanan iti linteg ket kimmuyogda kenkuana.
|
|
|
|
\s5
|
|
\v 4 Saan a nagbayag, rinaut dagiti soldado ti Ammon dagiti soldado ti Israel.
|
|
\v 5 Ket binirok dagiti mangidadaulo iti Galaad ni Jefte tapno maisublida isuna, ken maiyadayo iti daga ti Tob.
|
|
\v 6 Kinunada kenkuana, "Sumurotka kadakami ket idauloam ti armadami, ken tulongandakami a makiranget iti armada ti Ammon!"
|
|
|
|
\s5
|
|
\v 7 Ngem insungbat ni Jefte, "Ginuradak! Pinilitdak a pumanaw iti balay ti amak! Isu nga apay nga umaykayo kaniak ita ken agkiddaw iti tulongko, ita ta adda ti pakarigatanyo?"
|
|
\v 8 Kinuna dagiti panglakayen iti Galaad kenni Jefte, "Isu't gapuna nga immaykami kenka ita. Umayka ket kaduaandakami a makiranget ken idauloam dagiti soldadomi maibusor kadagiti soldado ti Ammon, ket sikanto ti mangidaulo iti amin nga agnanaed idiay Galaad."
|
|
|
|
\s5
|
|
\v 9 Insungbat ni Jefte kadakuada, "No sumurotak kadakayo nga agsubli idiay Galaad tapno makiranget iti armada ti Ammon, ken no tulongannatayo ni Yahweh a mangparmek kadakuada, siakto ngarud ti mangidaulo kadakayo."
|
|
\v 10 Insungbatda, "Ni Yahweh ti saksi iti amin nga ibagbagami kenka. Isu a dusaennakami no saanmi nga aramiden ti inkarimi kenka."
|
|
\v 11 Kimmuyog ngarud ni Jefte kadakuada a nagsubli iti Galaad, ket dinutokan isuna dagiti tattao nga agbalin a panguloda ken mangidaulo iti armadada. Ket inkari ni Jefte kenni Yahweh idiay Mizpa nga agserbi isuna a nasayaat kenkuana.
|
|
|
|
\s5
|
|
\v 12 Nangibaon ni Jefte kadagiti mensahero a mapan iti ari dagiti bunggoy dagiti tattao ti Ammon. Sinaludsodda iti ari, "Ania ti naaramidmi a nangpungtotam a makagapu nga umay makiranget ti armadam kadagiti tattao iti dagami?"
|
|
\v 13 Insungbat ti ari, "Innalayo ti dagami idi simmangbaykayo ditoy manipud Egipto. Innalayo amin a dagami iti daya ti Karayan Jordan, manipud iti Karayan Arnon iti abagatan agingga iti Karayan Jabbok iti amianan. Isu a no isubliyo kadakami ita daytoy, addanto kapia iti nagbabaetantayo."
|
|
|
|
\s5
|
|
\v 14 Isu nga imbaon manen ni Jefte dagiti mensahero a mapan iti ari.
|
|
\v 15 Kinunada kenkuana, "Kastoy ti ibagbaga ni Jefte: 'Saan nga innala ti Israel ti daga dagiti Moabita ken dagiti Ammonita.
|
|
\v 16 Idi rimmuar dagiti Israelita manipud Egipto, nagnada iti disierto agingga iti baybay dagiti Runo, ket kalpasanna, binallasiwda daytoy ket nagdaliasatda agingga iti siudad ti Kades iti beddeng ti rehion ti Edom.
|
|
|
|
\s5
|
|
\v 17 Nangibaonda kadagiti mensahero a mapan iti ari dagiti Edomita tapno ibaga kenkuana, "Pangngaasim ta palubosandakami a lumasat iti dagam." Ngem nagkedked ti ari dagiti Edomita. Saan a nagbayag, impatulodda ti isu met laeng a mensahe iti ari dagiti Moabita, ngem nagkedked met laeng isuna a mangipalubos a lumabasda iti dagana. Isu a nagtalinaed dagiti Israelita idiay Kades iti nabayag a tiempo.
|
|
\v 18 Kalpasanna, napan dagiti Israelita iti disierto ket nagnada iti ruar dagiti beddeng ti Edom ken Moab. Nagnada iti daya ti Moab, daya iti Karayan Arnon nga akindaya a beddeng ti Moab. Saanda a bimmallasiw iti masakupan ti Moab, ta ti Arnon ti beddeng ti Moab.
|
|
|
|
\s5
|
|
\v 19 Kalpasanna, nangipatulod ti Israel iti mensahe kenni Sihon nga ari dagiti Amorreo a mangiturturay iti Hesbon. Kiniddawda kenkuana, "Pangngaasim ta palubosandakami nga Israelita a lumasat iti dagayo tapno makastrekkami iti daga a kukuami."
|
|
\v 20 Ngem saan a nagtalek ni Sihon kadagiti Israelita a lumasatda a sikakapia iti dagana. Isu nga inummongna amin dagiti soldadona ket impatakderda dagiti toldada idiay bario ti Jahaz, ket nakiranget isuna sadiay iti Israel.
|
|
|
|
\s5
|
|
\v 21 Ngem tinulongan ni Yahweh a Dios ti Israel ti armada dagiti Israelita ket pinarmekda ni Sihon ken ti armadana. Kalpasanna, tinagikuada amin a daga a nagnaedan dagiti Amorreo.
|
|
\v 22 Tinagikua dagiti Israelita dagiti amin a daga a kukua dagiti Amorreo, manipud iti Karayan Arnon iti abagatan agingga iti Karayan Jabbok iti amianan, ken manipud iti disierto iti daya agingga iti Karayan Jordan iti laud.
|
|
|
|
\s5
|
|
\v 23 Ni Yahweh a Dios ti Israel ti nangpilit kadagiti Amorreo a pumanaw kadagiti lugar a nagnaedanda, bayat a sumungsungad dagiti Israelita. Pagarupem ngarud ita a matagikuam ti dagada?
|
|
\v 24 Adda ti karbengam no patiem a ni Kemos ti nangted kenka iti daga a pagnaedam. Ket agnaedkami iti daga nga inted kadakami ni Yahweh a Diosmi!
|
|
\v 25 Nalalaingka kadi ngem ni Balak a putot ni Sefor, ti ari dagiti Moab? Saanna pulos a pinadas a makiranget iti Israel!
|
|
|
|
\s5
|
|
\v 26 Iti tallogasut a tawen, nagnaed dagiti Israelita kadagiti siudad ti Hesbon ken Aroer, kadagiti nakapalawlaw nga ili, ken kadagiti amin a siudad iti abay ti Karayan Arnon. Apay a saanyo a sinubli dagiti siudad bayat dagidiay a tawtawen dakayo nga Ammonita?
|
|
\v 27 Awan ti dakes nga inaramidmi kadakayo ngem dakes ti ar-aramidenyo kaniak gapu iti panangdarupyo kaniak ken iti armadak. Agtalekak nga ikeddengto ni Yahweh nga ukom no dagiti tattao ti Israel wenno dagiti tattao ti Ammon ti agar-aramid iti umno.'"
|
|
\v 28 Ngem saan nga inkankano ti ari ti Ammon ti linaon ti mensahe a naggapu kenni Jefte.
|
|
|
|
\s5
|
|
\v 29 Ket indalan ti espiritu ni Yahweh ni Jefte. Napan ni Jefte iti Galaad ken iti disso a nagnaedan dagiti tribu ti Manasses, tapno agayab iti lallaki para iti armadana. Kamauddianna, inummongna ida amin iti siudad ti Mizpa idiay Galaad tapno makiranget kadagiti Ammonita.
|
|
\v 30 Sipapasnek a nagkari ni Jefte kenni Yahweh sadiay, a kunana "No tulongannak ken ti armadak a mangparmek kadagiti Ammonita,
|
|
\v 31 inton agsubliak manipud iti gubat, idatonkonto kenka ti siasinoman a rummuar iti balayko a mangkablaaw kaniak. Kukuamto dayta."
|
|
|
|
\s5
|
|
\v 32 Ket napan ni Jefte ken dagiti tattaona manipud iti Mizpa tapno rautenda dagiti Ammonita, ket inikkan ni Yahweh iti kabaelan ti armadana a mangparmek kadakuada.
|
|
\v 33 Pinapatay ida ni Jefte ken dagiti tattaona, manipud iti siudad ti Aroer agingga iti amin a disso iti aglawlaw ti siudad ti Minnit. Duapulo a siudad ti dinadaelda, agingga iti siudad ti Abel Kerarim. Isu a naan -anay a naparmek dagiti Israelita dagiti Ammonita.
|
|
|
|
\s5
|
|
\v 34 Idi nagawid ni Jefte iti pataenganna idiay Mizpa, immuna a rimmuar iti balay ti putotna a babai a sumabat kenkuana. Sirarag-o isuna nga agtuktokar iti pandereta ken agsalsala. Isuna ti kakaisuna a putotna ken awanen ti sabali pay a putotna a lallaki wenno babbai.
|
|
\v 35 Idi nakita ni Jefte ti anakna, rinay-abna dagiti pagan-anayna a mangipakita a nalaus ti ladingitna maipapan iti aramidenna. Kinunana kenkuana," Anakko, matmatmatanka ita, rinumeknak iti nalaus a leddaang, gapu ta sipapasnekak a nagkari kenni Yahweh nga idatonko ti umuna a rummuar iti balayko, ket masapul nga aramidek ti inkarik."
|
|
|
|
\s5
|
|
\v 36 Kinuna ti putotna, "Amak, sipapasnekka a nagkari kenni Yahweh. Masapul ngarud nga aramidem kaniak ti inkarim, gapu ta imbagam nga aramidem dayta no tulongannaka ni Yahweh a mangparmek kadagiti kabusortayo nga Ammonita."
|
|
\v 37 Ket kinunana pay, "Ngem palubosannak a mangaramid iti maysa a banag. Umuna, palubosannak a mapan iti katurturodan ken agpagna-pagna sadiay iti dua a bulan. Agsipud ta saanakon a makaasawa ken maaddaan iti annak, palubosannak ken dagiti gagayyemko a mapan ken sangsangkamaysakami nga agsangit."
|
|
|
|
\s5
|
|
\v 38 Insungbat ni Jefte, "Ala wen, mapanka." Pimmanaw ngarud isuna iti dua a bulan. Nagtalinaed isuna ken dagiti gagayyemna iti katurturodan ket nagsangitda para kenkuana gapu ta saan a pulos isuna a makaasawa.
|
|
\v 39 Kalpasan ti dua a bulan, nagsubli isuna kenni Jefte nga amana, ket inaramidna kenkuana ti sipapasnek nga inkarina. Saan ngarud a pulos a nakaasawa ti anakna. Gapu iti dayta, adda ita ti kaugalian dagiti Israelita.
|
|
\v 40 Tinawen a sumang-at dagiti Israelita a babbai iti katurturodan para iti uppat nga aldaw a pananglagip ken panagsangit maipanggep iti napasamak iti anak ni Jefte.
|
|
|
|
\s5
|
|
\c 12
|
|
\p
|
|
\v 1 Inummong dagiti lallaki iti tribu ti Efraim dagiti soldadoda, ket binallasiwda ti Karayan Jordan ken napanda iti ili ti Safon tapno kasaoda ni Jefte. Kinunada kenkuana, "Apay a saanmo a kiniddaw a tulonganmi ti armadam a makiranget kadagiti Ammonita. Isu a puoranmi ti balaymo bayat nga addaka iti unegna daytoy."
|
|
\v 2 Insungbat ni Jefte, "Pinarparigatdakami dagiti Ammonita. Ket kiniddawko kadakayo nga umaydakami ispalen manipud kadakuada, nagkedkedkayo. Idi immawagak kadakayo, saankayo nga immay a mangispal kadakami.
|
|
|
|
\s5
|
|
\v 3 Idi nakitak a saankayo nga umay a mangtulong kadakami, impustak ti bukodko a biag babaen iti panangidaulok kadagiti tattaomi a makiranget kadagiti tattao ti Ammon. Ket tinulongannakami ni Yahweh a mangparmek kadakuada. Isu nga apay nga umaykayo makiranget kaniak ita nga aldaw?"
|
|
\v 4 Ket, pinaayaban ni Jefte dagiti amin a soldado ti Galaad tapno makiranget kadagiti soldado ti Efraim. Rinautda ida gapu ta kinuna dagiti lallaki iti tribu ti Efraim, "Dakayo a lallaki manipud iti Galaad, napagtalawkayo laeng ditoy daga ti Efraim ken Manases.
|
|
|
|
\s5
|
|
\v 5 Sinakop dagiti taga-Galaad dagiti narabaw a disso iti Karayan Jordan a mabalin a pagballasiwan dagiti tattao iti karayan a mapan iti masakupan ti Efraim. No maysa a tao manipud iti tribu ti Efraim ti umay iti pagballasiwan tapno padasenna ti aglibas nga ibagana, "Palubosandak a bumallasiw iti karayan." Ket saludsoden dagiti lallaki iti Galaad kenkuana, "Nagtaudka kadi iti tribu ti Efraim?" No kunana a, "Saan"
|
|
\v 6 ibagada kenkuana, "Ibalikasmo ti sao a Shibbolet."' Saan a maibalikas nga usto dagiti lallaki iti Efraim dayta a sao. Isu a no ibalikas ti maysa a tao manipud iti tribu ti Efraim ti "Sibboleth,"maammoanda nga agul-ulbod ken pudno a nagtaud isuna iti tribu ti Efraim ket papatayenda isuna idiay pagballasiwan. Isu a nakapatay dagiti lallaki iti Galaad ti uppat a pulo ket dua a ribu a tattao manipud iti tribu ti Efraim iti dayta a tiempo.
|
|
|
|
\s5
|
|
\v 7 Nagserbi a kas ukom ken mangidadaulo iti entero nga Israel ni Jefte, a taga Galaad iti innem a tawen. Kalpasanna, natay ket naitanem isuna iti maysa kadagiti ili iti Galaad.
|
|
|
|
\s5
|
|
\v 8 Kalpasan a natay ni Jefte, maysa a lalaki nga agnagan iti Ibsan, manipud iti Betlehem ti nagbalin a mangidadaulo ken ukom iti entero nga Israel.
|
|
\v 9 Addaan isuna iti tallopulo a putot a lallaki ket impaasawana dagiti tallopulo a putotna a babbai. Nangala isuna iti tallopulo a babbai manipud kadagiti pamilia a saanna a kapuli. Isuna ti mangidadaulo ken ukom iti entero nga Israel iti pito a tawen.
|
|
|
|
\s5
|
|
\v 10 Idi natay, naitanem isuna idiay Betlehem.
|
|
\v 11 Kalpasan a natay ni Ibsan, nagbalin a mangidadaulo iti Israel ti lalaki nga agnagan iti Elon, manipud iti tribu ti Zabulon. Isuna ti nangidaulo kadakuada iti sangapulo a tawen.
|
|
\v 12 Kalpasanna, natay isuna ket naitanem iti siudad ti Aijalon iti disso a pagnanaedan ti tribu ti Zabulon.
|
|
|
|
\s5
|
|
\v 13 Kalpasan a natay ni Elon, nagbalin a mangidadaulo ken ukom iti entero nga Israel ti maysa a lalaki nga agnagan iti Abdon a putot a lalaki ni Hillel, manipud iti siudad ti Piraton.
|
|
\v 14 Addaan isuna iti uppat a pulo a putot a lallaki ken tallopulo nga appoko. Adda pitopulo nga asnoda. Nagbalin a mangidadaulo ken ukom ni Abdon iti entero nga Israel iti walo a tawen.
|
|
\v 15 Idi natay ni Abdon, naitanem isuna idiay Piraton, iti daga ti Efraim, iti katurturodan a pagilian dagiti Amalekita.
|
|
|
|
\s5
|
|
\c 13
|
|
\p
|
|
\v 1 Nagaramid manen iti dakes dagiti Israelita, ket nakita ni Yahweh ti inaramidda. Isu a tinulongan ni Yahweh dagiti Filisteo a mangparmek kadakuada. Inturayanda dagiti Israelita iti uppat a pulo a tawen.
|
|
\v 2 Adda maysa a lalaki nga agnagan iti Manoa manipud iti pamilia ti Dan nga agnanaed iti ili ti Zora. Lupes ti asawana, isu a saan a naganak.
|
|
|
|
\s5
|
|
\v 3 Maysa nga aldaw, nagparang ti anghel ni Yahweh iti asawa ni Manoa ket kinunana kenkuana, "Uray no saanka pay a nakaipasngay iti ubing agingga ita, agsikogkanto iti mabiit ket ipasngaymonto ti maysa a lalaki.
|
|
\v 4 Manipud ita agingga a maipasngay isuna, masapul a saanka nga uminom iti aniaman nga arak wenno dadduma a naingel a mainom, ken saanka a mangan iti aniaman a makan nga ibagbaga iti linteg a rumbeng a saantayo a kanen.
|
|
\v 5 Annadam ta bagim, gapu ta agsikogkanto. Kalpasan a maipasngaymo ti anakmo, masapul nga awan a pulos ti mangpukis iti buokna. Maidatonto isuna iti Dios sakbay pay ti pannakaiyanakna agingga iti aldaw a pannakatayna. Isunanto ti mangispal kadagiti Israelita manipud kadagiti Filisteo.
|
|
|
|
\s5
|
|
\v 6 Timmaray ti babai ket imbagana iti asawana, "Adda immay kaniak a lalaki nga imbaon ti Dios. Kasta unay ti butengko kenkuana, gapu ta kasla maysa nga anghel isuna manipud iti Dios. Saanko a sinaludsod ti naggapuanna, ken saanna nga imbaga kaniak ti naganna.
|
|
\v 7 Ngem imbagana kaniak, 'Masikogkan, ket agipasngayka iti maysa a lalaki. Ket manipud ita, masapul a saanka nga uminom iti arak wenno aniaman a naingel a mainom, ken masapul a saanka a mangan iti aniaman a taraon nga ibagbaga ti linteg a saanmo a kanen; saan a maikari iti Dios a kanem daytoy. Maidatonto ti anakmo iti Dios sakbay pay ti pannakaiyanakna ken agingga iti aldaw ti pannakatayna.'"
|
|
|
|
\s5
|
|
\v 8 Kalpasanna, nagkararag ni Manoa kenni Yahweh, a kunana, "O Apo, agpakaasiak kenka, palubosam kadi nga umay manen dayta a tao nga imbaonmo kadakami ket isurona ti rumbeng a panangpadakkelminto iti ubing a maiyanak kadakami."
|
|
\v 9 Pinatgan ti Dios ti kiniddaw ni Manoa, ket immay manen ti anghelna iti babai. Adda isuna iti talon iti daytoy a gundaway. Ngem saanna manen a kadua ti asawana a ni Manoa.
|
|
|
|
\s5
|
|
\v 10 Isu a nagtaray isuna a dagus ket kinunana iti asawana, "Nagsubli manen ti lalaki a nagparang kaniak idi napalabas nga aldaw!"
|
|
\v 11 Nagtaray a nagsubli ni Manoa a kaduana ti asawana ket nagsaludsod iti anghel, "Sika kadi ti lalaki a nakisao iti asawak idi napalabas nga aldaw"? Insungbatna, "Wen siak."
|
|
|
|
\s5
|
|
\v 12 Sinaludsod ni Manoa kenkuana, "Kaano a mapasamak ti inkarim ken panangipasngay ti asawak iti maysa a lalaki, anianto dagiti annuroten para iti ubing, ken anianto ti aramidenna a trabaho inton dumakkel isuna?"
|
|
\v 13 Insungbat ti anghel ni Yahweh, "Masapul nga agtulnog ti asawam iti amin a bilin nga intedko kenkuana.
|
|
\v 14 Sakbay a maiyanak ti maladaga, masapul a saan isuna a mangan kadagiti ubas, uminom iti arak wenno aniaman a naingel a mainom, wenno mangan iti aniaman nga ibagbaga ti linteg a rumbeng a saantayo a kanen."
|
|
|
|
\s5
|
|
\v 15 Kalpasanna, kinuna ni Manoa, "Pangngaasim ta agtalinaedka pay ditoy agingga a makaparti ken makalutokami iti urbon a kalding a maipaay kenka."
|
|
\v 16 Insungbat ti anghel ni Yahweh, "Agtalinaedak ditoy, ngem saanak a mangan iti aniaman. Nupay kasta, mabalinyo ti mangparti iti maysa nga ayup ket idatonyo daytoy a kas daton a maipuor amin kenni Yahweh." Ngem saan pay a naamiris ni Manoa a daytoy ket anghel ni Yahweh.
|
|
|
|
\s5
|
|
\v 17 Ket sinaludsod ni Manoa kenkuana, "Ania ti naganmo? Kayatdaka a padayawan inton mapasamak ti inkarim."
|
|
\v 18 Insungbat ti anghel ni Yahweh, "Apay a saludsodem ti naganko? Nakakaskasdaaw unay daytoy."
|
|
|
|
\s5
|
|
\v 19 Kalpasanna, nangparti ni Manoa iti urbon a kalding ket pinuoranna daytoy iti rabaw ti dakkel a bato, agraman ti bukbukel a maidaton, a kas daton kenni Yahweh. Ket nangaramid ni Yahweh iti nakakaskasdaaw a banag a naimatangan ni Manoa ken ti asawana.
|
|
\v 20 Idi nagpangato ti apuy iti tangatang manipud iti altar, kimmuyog a nagpangato ti anghel ni Yahweh iti apuy manipud iti altar. Nakita ni Manoa ken ti asawana dayta ket nagpaklebda iti daga.
|
|
|
|
\s5
|
|
\v 21 Nupay saanen a nagparang kenni Manoa ken iti asawana ti anghel ni Yahweh, naamiris ni Manoa ti kinasiasino daytoy a tao.
|
|
\v 22 Isu a kinuna ni Manoa, "Ita, sigurado a mataytan, gapu ta nakitatan ti Dios!"
|
|
|
|
\s5
|
|
\v 23 Ngem kinuna ti asawana, "Saan met siguro. No panggepnata a papatayen ni Yahweh, saanna koma nga inawat ti daton a naipuor ken ti bukbukel a naidaton. Ken saan koma a nagparang isuna ken imbaga kadata ti nakakaskasdaaw a banag a mapasamakto kadata, ken saanna koma nga inaramid daytoy a milagro."
|
|
|
|
\s5
|
|
\v 24 Idi naipasngay ti anakda, pinanagananda isuna iti Samson. Binendisionan ni Yahweh isuna bayat iti panagdakkelna.
|
|
\v 25 Bayat ti kaaddana idiay Mahanedan, nga adda iti nagbaetan dagiti ili ti Zora ken Estaol, rinugian ti Espiritu ni Yahweh nga iturayan isuna.
|
|
|
|
\s5
|
|
\c 14
|
|
\p
|
|
\v 1 Simmalog ni Samson iti ili ti Timna, ket nakitana sadiay ti maysa a balasang a taga Filistia.
|
|
\v 2 Idi nagawid isuna, imbagana kadagiti nagannakna, "Nakitak ti maysa kadagiti annak a babbai dagiti Filisteo idiay Timna, ket kayatko nga alaenyo isuna para kaniak tapno maasawak isuna."
|
|
|
|
\s5
|
|
\v 3 Nakaro ti saan nga iyaanamong dagiti nagannakna. Kinunada, "Awan kadi iti babai manipud iti tributayo, wenno manipud kadagiti dadduma a tribu dagiti Israelita a mabalinmo nga asawaen? Apay a kayatmo ti maysa nga asawa a nagtaud kadagiti Filisteo a saan a nakugit ken saan nga agdaydayaw kenni Yahweh?" Ngem kinuna ni Samson iti amana, "Alaem isuna para kaniak! Isuna ti kayatko!"
|
|
\v 4 Saan a naamiris dagiti nagannakna a ni Yahweh ti mangar-aramid iti daytoy. Mangar-aramid isuna iti maysa a wagas tapno makiriri ni Samson kadagiti Filisteo, ta iturturayanda ti entero nga Israel iti dayta a tiempo.
|
|
|
|
\s5
|
|
\v 5 Kalpasanna, simmalog ni Samson a napan idiay Timna a kaduana dagiti nagannakna. Maysa nga urbon a leon ti dimmarup ken nangngernger kenkuana iti asideg dagiti kaubasan nga asideg iti ili.
|
|
\v 6 Ket immay kenni Samson ti Espiritu ni Yahweh, ket rinangrangkayna ti leon babaen kadagiti imana. Nalakana nga inaramid daytoy a kasla maysa laeng nga urbon a kalding daytoy. Ngem saanna nga imbaga kadagiti nagannakna ti maipapan iti daytoy.
|
|
|
|
\s5
|
|
\v 7 Idi nakasangpetda idiay Timna, kinasarita ni Samson ti balasang, ket nagustoanna unay isuna. Ket nakitinnulag ti amana para iti kasar.
|
|
\v 8 Iti saan a nagbayag, idi nagsubli ni Samson iti Timna para iti kasar, sabali ti nagnaanna tapno kitaenna ti bangkay ti leon. Naduktalanna a kalpasan a kinnan amin dagiti dadduma a parsua ti lasag, maysa a pangen dagiti ayukan ti nagbalay iti tultulang ket nakaaramidda iti diro.
|
|
\v 9 Inakuyna ngarud ti dadduma a diro kadagiti imana ket kinnanna daytoy bayat iti pannagnana. Intedna pay ti dadduma kadagitoy kadagiti nagannakna, ngem saanna nga imbaga kadakuada a naalana ti diro manipud iti tultulang ti leon.
|
|
|
|
\s5
|
|
\v 10 Bayat a makitultulag ti amana para iti kasar, nagparambak ni Samson para kadagiti agtutubo a lallaki iti dayta a disso. Dayta ti kaugalian nga aramiden dagiti lallaki no dandanidan mangasawa.
|
|
\v 11 Apaman a nakita dagiti kabagian ti babai ni Samson, inyegda kenkuana ti tallopulo a gagayyemda a mangkadua kenkuana.
|
|
|
|
\s5
|
|
\v 12 Kinuna ni Samson kadakuada, "Adda burburtiak kadakayo. No ibagayo kaniak ti usto a kaipapanan ti burburtiak kabayatan iti daytoy pito nga aldaw iti panagrambak, ikkakto ti tunggal maysa kadakayo iti lino a kagay ken maysa pay a paris ti pagan-anay.
|
|
\v 13 Ngem no saanyo a maibaga kaniak ti usto a kaipapananna, masapul a saggagaysakayo a mangted kaniak iti lino a kagay ken maysa pay a paris ti pagan-anay." Insungbatda, "Ala wen. Ibagam kadakami ti burburtiam."
|
|
|
|
\s5
|
|
\v 14 Kinunana ngarud, "Manipud iti mangmangan, nasarakak ti maysa a banag a makan; manipud iti napigsa, nasarakak ti maysa a banag a nasam-it." Ngem saanda a naibaga kenkuana ti kaipapanan ti burburtia iti uneg ti tallo nga aldaw.
|
|
|
|
\s5
|
|
\v 15 Iti maika uppat nga aldaw, kinunada iti asawa ni Samson, "Usarem ti kinasikapmo ket pilitem ti asawam nga ibagana kenka ti kaipapanan ti burburtia. No saanmo nga aramiden dayta, puoranmi ti balay ti amam, karamanka ken ti pamiliam! Inawisdakami kadi laeng ditoy tapno papanglawendakami babaen iti panangpilit kadakami a gumatang iti adu a pagan-anay para iti asawam?"
|
|
|
|
\s5
|
|
\v 16 Napan ngarud ti asawa ni Samson kenkuana nga agsangsangit. Kinunana kenkuana, "Saannak a pudno nga ay-ayaten. Kagurguranak! Nangibagaka iti burburtia kadagiti gagayyemko, ngem saanmo nga imbaga kaniak ti sungbat daytoy!" Insungbatna, "Saankonto pay nga imbaga kadagiti bukodko a nagannak dagiti sungbat, apay koma nga ibagak kenka?"
|
|
\v 17 Intultuloyna ti agsangsangit iti tunggal kanito a kaduana isuna, iti amin a nabatbati nga aldaw iti panagrambak. Kamauddiananna, iti maikapito nga aldaw, gapu ta intultuloyna ti panangrirriribuk kenkuana, imbagana kenkuana ti sungbat ti burburtia. Kalpasanna imbagana daytoy kadagiti agtutubo a lallaki.
|
|
|
|
\s5
|
|
\v 18 Sakbay ngarud a limnek ti init, iti maikapito nga aldaw, immay dagiti agtutubo a lallaki kenni Samson ket kinunada kenkuana, "Awan iti nasamsam-it ngem iti diro; Awan iti napigpigsa ngem iti maysa a leon." Insungbat ni Samson, "Usaren dagiti tattao dagiti bukodda nga ayup a mangarado iti taltalonda. Kasla urbon a baka ti nobiak nga inusaryo, ngem saanyo a kukua isuna! No saanyo a pinilit isuna nga agdamag kaniak, saanyo koma a naammoan ti sungbat!"
|
|
|
|
\s5
|
|
\v 19 Ket immay a sibibileg ti Espiritu ni Yahweh kenni Samson. Simmalog isuna iti pagsangladan iti siudad ti Askelon ket nangpatay iti tallopulo a lallaki. Innalana dagiti pagan-anayda ken nagsubli idiay Timna; ket intedna dagitoy kadagiti lallaki iti pagrambakan. Ngem kasta unay ti pungtotna iti napasamak, isu a nagawid isuna tapno makipagnaed kadagiti nagannakna.
|
|
\v 20 Isu nga impaasawa ti katuganganna ti asawana iti lalaki a nagbalin a nasinged a gayyem ni Samson idi nakiasawa isuna.
|
|
|
|
\s5
|
|
\c 15
|
|
\p
|
|
\v 1 Bayat iti tiempo nga agan-anida iti trigo, nangala ni Samson iti maysa nga urbon a kalding tapno iyegna idiay Timna a kas maysa a sagut para iti asawana. Kayatna a kaiddaen ti asawana, ngem saan isuna a palubusan ti ama iti asawana a sumrek iti siledna.
|
|
\v 2 Kinunana kenni Samson, "Impagarupko a pudno a kinaguram isuna. Isu nga intedko isuna iti kasingedan a gayyemmo iti kasaran, ket nakiasawa isuna kenkuana. Ngem kitaem, napinpintas ti inaudi a kabsatna ngem isuna. Alaem isuna a kasukatna."
|
|
|
|
\s5
|
|
\v 3 Insungbat ni Samson, "Saan! Ket ita adda karbengak nga agibales kadakayo a Filisteo!"
|
|
\v 4 Kalpasanna, napan isuna kadagiti away ket nangtiliw iti tallo-gasut nga atap nga aso ket pinagreneppetna dagiti ipusda iti sagdudua. Nangigalut isuna kadagiti pagsilawan iti tunggal pares dagiti ipus.
|
|
|
|
\s5
|
|
\v 5 Ket pinasgedanna dagiti pagsilawan ket imbulosna dagiti atap nga aso kadagiti kataltalonan dagiti Filisteo. Pinuoran ti apuy manipud kadagiti pagsilawan dagiti amin a trigo iti daga, agraman dagiti nagapas ken nareppet a nakapenpen. Napuoran pay dagiti kaubasan ken kaoliboanda.
|
|
\v 6 Nagsaludsod dagiti Filisteo, "Siasino ti nangaramid iti daytoy," Adda nangibaga kadakuada, "Ni Samson iti nangaramid iti daytoy. Nangasawa isuna iti babai manipud idiay Timna, ngem inted ti katuganganna a lalaki ti babai iti nasinged a gayyem ni Samson iti kasaran ket nakiasawa isuna iti gayyemna." Napan ngarud dagiti Filisteo idiay Timna ket innalada ti babai ken ti amana, ket pinuoranda ida agingga a natayda.
|
|
|
|
\s5
|
|
\v 7 Natakkuatan ni Samson ti maipapan iti dayta ket kinunana kadakuada, "Gapu ta inaramidyo daytoy, agibalesakto kadakayo ket naragsakakto!"
|
|
\v 8 Sipupungtot ngarud a rinautna dagiti Filisteo ket adu iti pinatayna kadakuada. Kalpasanna, napan naglemmeng isuna iti maysa a rukib iti dakkel a bato iti lugar a maawagan iti Etam.
|
|
|
|
\s5
|
|
\v 9 Saan nga ammo dagiti Filisteo ti ayanna, isu a napanda iti lugar a pagnanaedan dagiti kaputotan ti Juda ket nagsaganada a makigubat idiay ili ti Lehi.
|
|
\v 10 Sinaludsod dagiti lallaki nga adda sadiay dagiti Filisteo, "Apay a kayatdakami a rauten?" Insungbat dagiti Filisteo, "Immaykami tapno tiliwenmi ni Samson. Immaykami tapno agibales kenkuana gapu iti inaramidna kadakami."
|
|
|
|
\s5
|
|
\v 11 Adda sadiay iti makaammo no sadino ti paglemlemmengan ni Samson. Simmalog ngarud dagiti tallo ribu a lallaki manipud Juda tapno alaenda ni Samson iti rukib ti bato a paglemlemmenganna. Kinunada kenni Samson, "Saanmo kadi a maamiris nga iturturayandatayo dagiti tattao ti Filistia? Saanmo kadi a maamiris no ania ti aramidenda kadatayo?" Insungbat ni Samson, "Ti laeng inaramidko ket imbalesko kadakuada ti inaramidda kaniak."
|
|
|
|
\s5
|
|
\v 12 Ngem kinuna kenkuana dagiti lallaki manipud Juda, "Immaykami tapno reppetendaka ken iyawatdaka kadagiti Filisteo." Kinuna ni Samson, "Ala wen, ngem ikariyo kaniak a saandak a patayen!"
|
|
\v 13 Insungbatda, "Reppetendaka laeng ket iyawatdaka kadagiti Filisteo. Saandaka a patayen." Reneppetda ngarud isuna babaen iti dua a baro a tali ket impanawda isuna manipud iti rukib.
|
|
|
|
\s5
|
|
\v 14 Idi nakasangpetda idiay Lehi, sinabat isuna dagiti Filisteo nga agpukpukkaw a sibaballigi. Ngem immay a sibibileg ti Espiritu ni Yahweh kenni Samson. Naglakana a pinugsat dagiti tali kadagiti imana a kasla dagitoy ket ungkay iti napuoran a lino ket natnag dagitoy manipud kadagiti punguapunguanna.
|
|
|
|
\s5
|
|
\v 15 Kalpasanna, nakakita isuna iti maysa a tulang ti panga ti asno a nakadisso iti daga. Sadiwa pay, isu a natangken daytoy. Pinidutna daytoy ket isu iti pinangpatayna iti agarup sangaribu a lallaki a Filisteo.
|
|
\v 16 Ket nagkanta ni Samson; "Babaen iti tulang ti panga ti asno ket inaramidko ida a kasla gabsuon dagiti natay nga asno. Babaen ti tulang ti panga ti asno pinatayko ti sangaribu a lallaki."
|
|
|
|
\s5
|
|
\v 17 Idi nalpas isunan, imbellengna ti tulang ti panga ti asno, ngem iti saan a nagbayag, naawagan dayta a lugar iti Ramat-Lehi (wenno Turod ti Tulang ti Panga).
|
|
\v 18 Kalpasanna, kasta unay iti pannakawaw ni Samson, isu nga immawag isuna kenni Yahweh, "Pinapigsanak tapno mangabak iti dakkel a balligi. Ita ngarud matayak kadi iti nakaru a pannakawaw, nga agbanag nga umaydakto tiliwen dagiti pagano ken saan a nakugit a Filisteo?"
|
|
|
|
\s5
|
|
\v 19 Ket pinagpussuak ti Dios ti maysa a lubnak nga adda iti daga idiay Lehi iti danum. Imminum ni Samson manipud iti daytoy ket iti apagbiit, nariknana a pimmigsa manen isuna. Pinanagananna dayta a lugar iti En Hakkore (wenno "Ti ubbog ti maysa nga immawag"). Masarakan pay laeng dayta nga ubbog idiay Lehi, uray iti daytoy nga al-aldaw.
|
|
\v 20 Ni Samson ti mangidadaulo ken ukom iti entero nga Israel iti las-ud ti duapulo a tawen, ngem bayat iti dayta a tiempo, dagiti Filisteo ti mangiturturay iti entero a daga.
|
|
|
|
\s5
|
|
\c 16
|
|
\p
|
|
\v 1 Napan ni Samson idiay siudad ti Gaza. Nakakita isuna idiay iti maysa a balangkantis, ket pinalabasna ti rabii a kadduana daytoy.
|
|
\v 2 Naibaga kadagiti taga-Gaza, "Immay ditoy ni Samson" Linakubda ti lugar nga ayan ni Samson, ket nalimed a nagurayda iti agpatnag. Addada iti abay ti ruangan ti siudad, tapno masiguradoda a saan isuna a makalibas. Kinunada, "Urayentayo agingga nga aglawag ket patayentayo isuna."
|
|
|
|
\s5
|
|
\v 3 Ngem saan a nagtalinaed ni Samson idiay iti nagpatnag. Iti tengnga ti rabii, bimmangon isuna. Napan isuna iti ruangan ti siudad, iniggamanna dagiti dua a poste ket pinarutna dagitoy iti daga, agraman dagiti balunetna a nakakapet pay laeng. Imbaklayna daytoy nga insang-at iti turod iti sango ti ili ti Hebron.
|
|
|
|
\s5
|
|
\v 4 Iti saan a nagbayag, nakarikna ni Samson iti ayat iti maysa a babai nga agnagan iti Delila. Agnanaed ni Delila idiay Tanap iti Sorek (iti disso ti Filistia).
|
|
\v 5 Napan kenni Delila dagiti mangidadaulo kadagiti Filisteo ket kinunada, "Allilawem ni Samson tapno maammoan no ania iti mangpappapigsa kenkuana iti kasta unay. Ken ammoem no kasanomi isuna a parukmaen ken reppeten a saanen a makaruk-at. No aramidem dayta, mangtedto kenka ti tunggal maysa kadakami iti 1,100 a pidaso ti pirak.
|
|
|
|
\s5
|
|
\v 6 Napan ngarud ni Delila kenni Samson ket kinunana, "Pangaasim ta ibagam kaniak no ania iti mangpappapigsa kenka ken ibagam kaniak no kasanodaka a maparukma ken mareppet?
|
|
\v 7 Kinuna ni Samson, "No adda mangreppet kaniak iti pito a baro a lapnit, a saan pay a nagango, agbalinakto a nakapuy a kas kadagiti dadduma a tao."
|
|
|
|
\s5
|
|
\v 8 Kalpasan ngarud a naibaga dayta ni Delila kadagiti mangidadaulo kadagiti Filisteo, nangiyegda iti pito a sadiwa a lapnit kenni Delila.
|
|
\v 9 Ket inlemmengna dagiti mangidadaulo iti maysa kadagiti siled ti balayna. Rineppetna ni Samson babaen kadagiti lapnit ket kalpasanna impukkawna, "Samson! Immay ditoy dagiti Filisteo a mangtiliw kenka!" Ngem naglaka a pinugsat ni Samson dagiti lapnit a kasla dagitoy ket sinulid a nasiraman iti apoy. Saan ngarud a natakuatan dagiti Filisteo ti mangpappapigsa kenni Samson iti kasta unay.
|
|
|
|
\s5
|
|
\v 10 Ket kinuna ni Delila kenni Samson, "Inallilawnak ken inulbodannak! Ita ibagam kaniak ti kinapudno, kasano a mareppetnaka ti maysa a tao a saanka a makaruk-at."
|
|
\v 11 Insungbat ni Samson, "No adda mangreppet kaniak babaen kadagiti baro a tali a saan pay a pulos nausar, kumapsutakto a kas iti dadduma a tao."
|
|
\v 12 Isu nga imbaga manen ni Delila kadagiti mangidadaulo kadagiti Filisteo, ket immayda ken naglemmengda iti siled kas iti inaramidda iti napalabas. Ket manen, kabayatan a matmaturog ni Samson, nagpukkaw isuna, "Samson! Immay dagiti Filisteo tapno tiliwendaka!" Ngem nalaka a pinugsat ni Samson dagiti tali kadagiti imana kasla dagitoy ket sinulid.
|
|
|
|
\s5
|
|
\v 13 Kalpasanna kinuna ni Delila, "Inallilawnak ken inulbodannak manen! Pangaasim ta ibagam no kasano a mareppetnaka iti maysa a tao tapno saanka a makaruk-at." Insungbat ni Samson, "No iyabelmo dagiti pito a nasallapid a buokko iti sinulid nga ab-abelem iti pagabelan ken kalpasanna ikapetmo dagiti sinulid babaen iti lansa tapno mapairutan dagitoy, ket agbalinakto a nakapsut a kas kadagiti dadduma a tattao." Isunga maminsan manen, ineggaman ni Delila dagiti pito a nasallapid a buok ni Samson, ket inyabelna dagitoy kadagiti sinulid iti pagabelan,
|
|
\v 14 ket inlansana dagitoy. Kalpasanna impukkawna, "Samson! Immay dagiti Filisteo tapno tiliwendaka!" Ngem nakariing ni Samson ket ingguyodna ti buokna a naisurot ti lansa ti pagabelan ken ti lupot iti pagabelan.
|
|
|
|
\s5
|
|
\v 15 Ket kinuna ni Delila kenkuana, "Kasano a maibagam nga ay-ayatennak no saanmo nga ibaga kaniak ti kinapudno maipapan iti bagim? Inulbodannak iti namitlo a daras, ket saanmo latta nga imbaga kaniak no ania ti mangpappapigsa kenka iti kasta unay!"
|
|
\v 16 Inaldaw-aldaw nga al-allilawenna ni Samson tapno ibagana kenkuana ti palimedna. Impagarupna a matay isuna manipud iti panangsidir ni Delila.
|
|
|
|
\s5
|
|
\v 17 Kamaudiananna imbaga ni Samson kenkuana ti kinapudno. Kinunana, "Nailasinak a para iti Dios manipud pay idi naiyanakak. Ket gapu iti dayta saan a pulos a napukisan ti buokko. No mapukisan ti buokko ket mapukaw ti pigsak, ket agbalinak a nakapuy a kas kadagiti dadduma a lallaki."
|
|
|
|
\s5
|
|
\v 18 Naamiris ni Delila nga iti daytoy a tiempo ket imbaga ni Samson kenkuana ti kinapudno. Isu nga inummongna dagiti mangidadaulo kadagiti Filisteo, a kunana, "Agsublikayo iti maminsan pay, gapu ta imbagan ni Samson kaniak ti palimed maipapan iti pigsana." Nagsubli ngarud dagiti mangidadaulo kadagiti Filisteo ket intedda kenni Delila ti kuarta nga inkarida nga ited kenkuana.
|
|
\v 19 Pinaturogna manen ni Samson a nagpungan iti saklotna. Ket nangayab isuna iti maysa kadagiti Filisteo a mangpukis iti buok ni Samson. Idi inaramidna dayta, kimmapsut ni Samson ket awanen a pulos ti pigsana.
|
|
|
|
\s5
|
|
\v 20 Ket kalpasan a nareppetna isuna, nagpukkaw isuna, "Samson! Umay dagiti Filisteo tapno tiliwendaka!" Nagriing isuna ket pinanunotna, "Aramidek ti kas iti inaramidko iti napalabas. Iwagsakko dagitoy a tali ket makaruk-atakto!" Ngem saanna a naamiris a pinanawanen isuna ni Yahweh.
|
|
\v 21 Tiniliw ngarud isuna dagiti lallaki a Filisteo ket kinautda dagiti matana. Ket impanda isuna idiay Gaza. Imbaludda isuna idiay ken ginalutanda isuna babaen kadagiti kawar a bronse. Pinagpatayyekda isuna iti dakkel a gilingan a bato tapno inaldaw a manggiling iti trigo.
|
|
\v 22 Ngem nangrugi manen nga umatiddog ti buokna kalpasan a napukisan daytoy.
|
|
|
|
\s5
|
|
\v 23 Napalabas iti sumagmamano a bulan, nagrambak dagiti mangidadaulo kadagiti Filisteo iti dakkel a fiesta. Kabayatan iti fiesta ket nagidatonda iti diosda a ni Dagon. Dinaydayawda isuna, a kunkunada, "Inikkannatayo iti kabaelan ti diostayo a mangparmek iti nabileg a kabusortayo a ni Samson!"
|
|
\v 24 Idi nakita dagiti dadduma a tattao ni Samson, dinaydayawda met ti diosda a ni Dagon, a kunkunada, "Inyawat ti diostayo kadagiti imatayo ti nabileg a kabusortayo. Tinulungannatayo ti diostayo a mangtiliw iti tao a nangdadael iti pagiliantayo iti kasta unay!"
|
|
|
|
\s5
|
|
\v 25 Iti dayta a tiempo a mabarbarteken dagiti tattao. Impukkawda, "Iruaryo ni Samson idiay pagbaludan! Iyegyo isuna ditoy tapno liwliwaennatayo!" Inruarda ngarud ni Samson manipud iti pagbaludan ket pinagtakderda iti tengnga ti templo. Pinagtakderda isuna iti nagbaetan ti dua nga adigi a mangtengtengngel iti bubong.
|
|
\v 26 Kinuna ni Samson iti adipen a mangkibkibin kenkuana, "Ikabilmo dagiti imak kadagiti dua nga adigi. Kayatko iti agsanggir kadagitoy."
|
|
|
|
\s5
|
|
\v 27 Iti dayta a tiempo, napno ti templo kadagiti lallaki ken babbai. Adda met idiay dagiti amin a mangidadaulo kadagiti Filisteo. Ket adda agarup tallo ribu a tattao nga adda iti bubong a mangbuybuya kenni Samson ken pagaangawanda isuna.
|
|
|
|
\s5
|
|
\v 28 Nagkararag ni Samson kenni Yahweh ket kinunana,"O Apo Yahweh, lagipennak koma manen! Pangaasim ta papigsaennak manen uray iti maminsan laeng iti daytoy a kanito, tapno makaibalesak kadagiti Filisteo para iti panangkautda kadagiti matak!"
|
|
\v 29 Ket tiniritir ni Samson dagiti dua a makintengnga nga adigi a nakaisaadan ti pasdek. Nagsanggir isuna kadagitoy, maysa nga adigi iti kannawan nga imana ken ti maysa pay nga adigi ti kannigid nga imana.
|
|
|
|
\s5
|
|
\v 30 Ket impukkawna iti Dios, "Bay-annak a matay a kadduak dagiti Filisteo!" Induronna dagiti adigi iti amin a pigsana. Narba dagiti adigi ket naigabur ti templo kadagiti mangidadaulo kadagiti Filisteo ken kadagiti amin a dadduma a Filisteo ket natayda amin. Isu nga ad-adu a tattao iti napapatay ni Samson idi natay isuna ngem kadagiti napapatayna bayat iti panagbiagna.
|
|
\v 31 Iti saan a nagbayag simmalog dagiti kakabsatna ken kakabagianna manipud Zora a napan iti Gaza tapno alaenda ti bagina. Inyawidda daytoy ket impunponda iti nagbaetan ti Zora ken Eztaol, iti lugar a nakaipunponan ti ama ni Samson a ni Manoa. Ita, indauloan ni Samson ti Israel iti duapulo a tawen.
|
|
|
|
\s5
|
|
\c 17
|
|
\p
|
|
\v 1 Adda ti maysa a lalaki nga agnagan iti Mica nga agnanaed idiay katurturodan a pagilian a pagnanaedan iti tribu ti Efraim.
|
|
\v 2 Maysa nga aldaw kinunana iti inana, “Nangngegko nga ilunlunodmo ti siasinoman a nangtakaw iti sangaribu ken sangagasut a pidaso ti pirak manipud iti balaymo. Siak ti nangala iti pirak, ken adda pay laeng kaniak daytoy.” Insungbat ti inana, “Anakko, ikararagko a bendisionannaka ni Yahweh gapu iti panangaklonmo nga innalam daytoy.”
|
|
|
|
\s5
|
|
\v 3 Insubli amin ni Mica dagiti pirak iti inana. Ket kinuna ti inana iti bagina, “Itedko kenni Yahweh dagiti dadduma kadagitoy a pirak. Agpaaramidakto iti kinitikitan a ladawan ken sinukog a ladawan manipud iti daytoy a pirak.”
|
|
\v 4 Kalpasan nga intedna ti pirak iti inana, nangala ti inana iti dua gasut a pidaso ti pirak ken intedna dagitoy iti agpanpanday. Babaen iti pirak, nagaramid dayta a tao iti ladawan a nakitikitan ken nasukog a landok a ladawan ket intedna dagitoy kenni Mica. Inkabil ni Mica dagitoy iti balayna.
|
|
|
|
\s5
|
|
\v 5 Addaan isuna iti naisangsangayan a pagdaydayawan iti balayna. Nangaramid isuna iti nasagradoan nga efod ken sumagmamano a didiosen iti bumalay ket inted ni Mica iti maysa kadagiti putotna a lallaki ti trabaho nga agbalin a maysa a padi para kadagiti amin a didiosenna.
|
|
\v 6 Iti dayta a tiempo, awan ti ari iti Israel, ken inaramid ti tunggal maysa ipagarupda nga umno iti panagkitada.
|
|
|
|
\s5
|
|
\v 7 Adda ti maysa nga agtutubo nga agnanaed idiay Betlehem iti lugar a pagnanaedan iti tribu ti Juda. Kayatna ti agtrabaho a kas maysa a padi gapu ta kameng isuna iti tribu ni Levi.
|
|
\v 8 Isu a pimmanaw isuna idiay Bethlehem tapno agsapul iti sabali a lugar a pagnaedan ken pagtrabahoanna. Dimteng isuna iti balay ni Mica iti katurturodan a pagilian a pagnanaedan ti tribu ti Efraim.
|
|
\v 9 Sinaludsud isuna ni Mica, “Sadino ti naggapuam?” Insungbatna, "Naggapuak idiay Bethlehem. Nagtaudak iti tribu ni Levi, ken agsapsapulak iti lugar a pagnaedan ken pagtrabahoak a kas maysa a padi.”
|
|
|
|
\s5
|
|
\v 10 Kinuna ni Mica kenkuana, “Makipagnaedka kaniak, ken mabalinnak a balakadan ken agbalinka a padik. Tunggal tawen, ikkanka iti sangapulo a pidaso ti pirak ken sumagmamano a baro a pagan-anay. Ken ipaayankan iti taraon.”
|
|
\v 11 Immanamong ngarud ti agtutubo a makipagnaed kenni Mica. Nagbalin isuna a kasla maysa kadagiti putot a lallaki ni Mica.
|
|
|
|
\s5
|
|
\v 12 Dinutokan ni Mica isuna nga agbalin a maysa a padi, ket nagnaed isuna iti balay ni Mica.
|
|
\v 13 Ket kinuna ni Mica, “Ita, ammok nga agaramidto ni Yahweh kadagiti nasayaat a banbanag kaniak, gapu ta adda taok manipud iti tribu ni levi nga agbalin a padik.”
|
|
|
|
\s5
|
|
\c 18
|
|
\p
|
|
\v 1 Iti dayta a tiempo, awan ti ari dagiti Israelita. Agsapsapul ti tribu ni Dan iti nasayaat a lugar a pagnaedanda. Naawaten dagiti dadduma a tribu ti Israelita ti daga a naited kadakuada, ngem saan pay a naaramid iti tribu ni Dan dayta.
|
|
\v 2 Isu a nangpilida iti lima a soldado manipud kadagiti pulida, lallaki nga agnanaed iti siudad ti Zora ken Estaol, a mangwanawan iti daga ken mangsukimat iti daytoy ket padasenda iti mangsapul iti daga a mabalinda a pagnaedan. Dimtengda iti balay ni Mica idiay katurturodan a pagilian a pagnanaedan ti tribu ti Efraim. ket nagnaedda idiay iti dayta a rabii.
|
|
|
|
\s5
|
|
\v 3 Idi addada iti balayna, idi nangngegda nga agsasao ti agtutubo a nagbalin a padi ni Mica, nalasinda manipud iti ayugna. Isu a napanda kenkuana ken sinaludsudda isuna, "Siasino iti nangiyeg kenka ditoy? Ania iti ar-aramidem ditoy? Apay nga immayka ditoy?"
|
|
\v 4 Imbagana kadakuada dagiti banbanag nga inaramid kenkuana ni Mica. Ket kinunana, "Tinangdanannak ni Mica, ken nagbalinak a padina."
|
|
|
|
\s5
|
|
\v 5 Kinunada ngarud kenkuana, "Pangaasim ta damagem iti Dios no agballigikami iti padpadasenmi nga aramiden iti daytoy a panagdalliasat."
|
|
\v 6 Simmungbat ti agtutubo, "Mapankayo nga addaan iti pannakaammo a kadduayo ni Yahweh iti panagdalliasatyo."
|
|
|
|
\s5
|
|
\v 7 Iti sumaruno nga aldaw, pimmanaw dagiti lima a lallaki. Idi nakadanunda iti siudad iti Lais, nakitada a dagiti tattao nga agnanaed sadiay ket agbibiag a natalged, a kas kadagiti tattao iti siudad ti Sidon. Pagarupen dagiti tattao sadiay a natalgedda, gapu ta awan iti uray maysa iti asideg a mangriribuk kadakuada, adayuda manipud Sidon, ken saanda unay a makipulpulapol kadagiti siasinoman a tagaruar.
|
|
\v 8 Idi nagsubli dagiti lima a lallaki idiay Zora ken idiay Estaol, sinaludsud ida dagiti kakabagianda "Ania iti naduktalanyo?"
|
|
|
|
\s5
|
|
\v 9 Insungbatda, "Adda nasarakanmi a daga, ket nasayaat unay daytoy. Masapul a mapantayo ket rautentayo dagiti tattao nga agnanaed sadiay. Apay nga agtalinaedkayo ditoy nga awan ar-aramidenyo? Saankayon nga aguray iti nabayag! Masapul a mapantayo a dagus ket tagikuaentayo dayta a daga!
|
|
\v 10 Inton mapankayo idiay, makitayonto nga adu idiay iti daga, ket adda amin a banbanag a kasapulantayo. Saan a namnamaen dagiti tattao idiay ti siasinoman a mangraut kadakuada. Awan duadua nga ited kadatayo ni Yahweh dayta a daga."
|
|
|
|
\s5
|
|
\v 11 Pimmanaw ngarud iti Zora ken Eztaol dagiti innem a gasut a lallaki manipud iti tribu ni Dan, awit-aawitda dagiti armasda.
|
|
\v 12 Iti dalanda, impatakderda dagiti toldada iti asideg ti siudad ti Kiriat Jearim idiay lugar a pagnanaedan ti tribu ni Juda. Dayta ti makagapu a ti lugar iti laud ti Kiriat Jearim ket napannagan iti Mananeh Dan (wenno ti "Kampo ni Dan"), ket dayta pay laeng ti naganna.
|
|
|
|
\s5
|
|
\v 13 Manipud idiay, napanda iti katurturudan a pagilian a pagnanaedan ti tribu ti Efraim. Ket simmangpetda iti balay ni Mica.
|
|
\v 14 Kinuna dagiti lima a lallaki a nangsukimat iti daga nga asideg iti Lais kadagiti padada nga Israelita, "Ammoyo kadi nga iti maysa kadagitoy a balbalay ket adda iti nasagradoan nga efod, sumagmamano a didiosen iti bumalay, kinitikitan a ladawan, ken napanday a landok a ladawan? Ammomi nga ammoyon ti rumbeng nga aramidenyo."
|
|
|
|
\s5
|
|
\v 15 Napanda ngarud iti balay a pagnanaedan ti tao a nagtaud iti tribu ni Levi, ti balay a pagnanaedan ni Mica, ket kinablaawanda ti agtutubo a nagtaud iti tribu ni Levi a padi ni Mica.
|
|
\v 16 Nagtakder dagiti innem a gasut a lallaki iti tribu ni Dan iti ruar ti ruangan ti balay, awit-awitda dagiti armasda.
|
|
|
|
\s5
|
|
\v 17 Napan dagiti lima a lallaki a nangsukimat iti daga iti balay ni MIca, ket innalada ti kinitikitan a ladawan, ti nasagradoan nga efod, dagiti didiosen ti bumalay, ken ti napanday a landok a ladawan. Bayat nga ar-aramidenda dayta, nakatakder iti ruar ti ruangan dagiti innem a gasut a lallaki a makisarsarita iti padi.
|
|
\v 18 Idi nakita ti padi nga iruruarda ti kinitikitan a ladawan, ti nasagradoan nga efod, dagiti didiosen iti balay, ken ti napanday a landok a ladawan, ket kinununa kadakuada, "Ania ti ar-aramidenyo?"
|
|
|
|
\s5
|
|
\v 19 Insungbatda, "Agulimekka! Saanka nga agsao iti aniaman! Umayka kadakami ket agbalinka a kas maysa nga ama ken maysa a padi kadakami. Nasaysayaat kadi para kenka ti agnaed ditoy ken agbalin a maysa a padi kadagiti tattao iti balay iti maysa a tao, wenno agbalin a padi para iti maysa a puli, ken maysa a padi para iti sibubukel a tribu dagiti Israelita?"
|
|
\v 20 Nakayatan ti padi ti isingsingasingda. Innalana ngarud ti nasagradoan nga efod, ken dagiti didiosen iti balay, ken ti ladawan a kinitikitan, ket nagsagana isuna a sumurot kadagiti tattao.
|
|
|
|
\s5
|
|
\v 21 Pinauna amin dagiti lallaki nga agdalliasat dagiti assawada ken dagiti babassit nga ubbing, dagiti ayupda, ken dagiti amin a banbanag a kukuada.
|
|
\v 22 Kalpasan a nakaadayuda bassit manipud iti balay ni Mica, nakita ni Mica ti mapaspasamak. Dagus a pinaayabanna dagiti lallaki nga agnanaed iti asidegna, ket nagtarayda a napan nangkamat kadagiti lallaki manipud iti tribu ni Dan.
|
|
\v 23 Pinukkawanda ida. Timalliaw dagiti lallaki iti tribu ni Dan ket kinunada kenni Mica, "Ania ti problema? Apay nga inurnongmo dagitoy a lallaki a mangkamat kadakami?"
|
|
|
|
\s5
|
|
\v 24 Imbugkaw ni Mica, "Innalayo dagiti didiosen a pirak a naaramid para kaniak! Innalayo pay ti padik! Awan iti nabati kaniak! Isunga apay a saludsudendak, 'Ania ti problema?'"
|
|
\v 25 Simmungbat dagiti lallaki manipud iti tribu ti Dan, "Nasaysayaat a saanka nga agsao iti aniaman maipapan iti daytoy a banag. Amangan no makaunget dagiti dadduma kadagiti tattaomi ket rautendaka, ket papatayendaka ken ti pamiliam!"
|
|
\v 26 Ket intultuloy dagiti lallaki iti tribu ni Dan iti nagna. Naamiris ni Mica a dakkel ti bunggoyda, isu nga awan serserbina no makiranget isuna kadakuada. Isu a nagsubli ngarud isuna a nagawid.
|
|
|
|
\s5
|
|
\v 27 Inawit dagiti lallaki iti tribu ni Dan dagiti banbanag a naaramid para kenni Mica, ken innalada pay ti padina, ket intultuloyda iti nagdaliasat agingga idiay Lais. Rinautda dagiti tattao a sitatalna nga agnanaed idiay, ken pinapatayda ida babaen kadagiti kampilanda. Kalpasanna, pinuoranda amin a banbanag nga adda iti siudad.
|
|
\v 28 Awan iti bunggoy ti tattao a mangispal kadagiti tattao ti Lais. Adayu ti Lais manipud iti Sidon, isu a saan a matulungan dagiti tattao nga agnanaed idiay dagiti tattao iti Lais. Ken dagiti tattao iti Lais ket awan iti sabali a kakaduada. Ti Lais ket adda iti tanap nga asideg iti ili ti Bet Rehob. Binangon manen dagiti tribu ni Dan ti siudad ken nangrugida nga agnaed sadiay.
|
|
\v 29 Inikkanda iti barbaro a nagan ti siudad, inawaganda daytoy iti Dan, kas panangpadayawda ti kapuonanda a ti naganna ket Dan. Maysa isuna kadagiti annak ni Israel. Sigud a maawagan ti siudad a Lais.
|
|
|
|
\s5
|
|
\v 30 Insaad dagiti tattao ti tribu ni Dan ti kinitikitan a ladawan a naaramid para kenni Mica iti siudad. Ni Jonatan a putot ni Gerson, ken apoko ni Moises, ket nadutokan nga agbalin a padida. Nagtultuloy dagiti kaputotanna a nagbalin a padi agingga a natiliw ken naipanaw dagiti Israelita.
|
|
\v 31 Kalpasan a naisaad dagiti tattao iti tribu ti Dan ti kinitikitan a ladawan a naaramid para kenni Mica, ket nagtalinaed daytoy idiay agingga nga adda ti balay ti Dios idiay Siloh.
|
|
|
|
\s5
|
|
\c 19
|
|
\p
|
|
\v 1 Iti dayta a tiempo ket awan ti ari dagiti Israelita. Adda iti maysa a tao manipud iti tribu ni Levi nga agnanaed iti kasulsulinekan a lugar idiay katurturodan a pagilian a pagnanaedan ti tribu ti Efraim. Nangala idi isuna iti adipen a babai a makikabbalay kenkuana. Nagtaud ti babai idiay Betlehem, iti lugar a pagnanaedan ti tribu ti Juda.
|
|
\v 2 Ngem rinugian ti babai ti nakikaidda kadagiti sabali pay a lallaki. Kalpasanna, pinanawan isuna ti babai ket nagsubli iti balay ti amana idiay Betlehem. Nagtalinaed ti babai sadiay iti uppat a bulan.
|
|
|
|
\s5
|
|
\v 3 Kalpasanna, innala ti asawana a lalaki ti adipenna ken ti dua nga asno ket napanda idiay Betlehem. Napan isuna tapno kiddawenna iti babai nga agsubli a makipagnaed manen kenkuana. Idi nakasangpet isuna iti balay ti ama ti babai, inawis isuna ti babai a sumrek. Naragsakan ti ama ti babai a nakakita kenkuana.
|
|
\v 4 Kiniddaw ti ama ti babai kenkuana nga agtalinaed isuna. Nagtalinaed ngarud isuna idiay iti tallo nga aldaw. Kabayatan dayta a tiempo nangan ken imminum ken naturog isuna idiay.
|
|
|
|
\s5
|
|
\v 5 Iti maikapat nga aldaw, nasapada amin a bimmangon iti bigat. Agsagsagana ti lalaki a nagtaud iti tribu ni Levi nga agawid, ngem kinuna ti ama ti babai kenkuana, "Mangankayo pay sakbay a mapankayo."
|
|
\v 6 Nagtugaw ngarud dagiti dua a lallaki tapno mangan ken uminomda. Kalpasanna kinuna ti ama ti babai kenkuana, "Pangaasim agtalinaedkayo pay iti maysa a rabii. Aginana ken agragsakkayo."
|
|
|
|
\s5
|
|
\v 7 Kayat ti lalaki a manipud iti tribu ti Levi ti pumanaw, ngem kiniddaw ti ama ti babai kenkuana nga umian iti maysa pay a rabii. Isu a nagtalinaed manen isuna iti dayta a rabii.
|
|
\v 8 Iti maikalima nga aldaw nasapa a bimangon ti lalaki ken nagsagana a pumanaw. Ngem kinuna manen kenkuana ti ama ti babai, "Mangankayo pay. Aguraykayo pay agingga a mumalem ket kalpasanna pumanawkayon." Agkaddua ngarud a nangan dagiti dua a lallaki.
|
|
|
|
\s5
|
|
\v 9 Iti malem, idi agrubbuaten nga agawid ti lalaki a manipud iti tribu ti Levi ken ti adipen nga asawana ken ti adipenna, kinuna ti ama ti babai, "Sumipngeten madamdama. Dandanin rumabii. Agtalinaedkayo pay ita a rabii ken agragsakkayo. Inton agsapa bumangonkayo iti nasapa ket agawidkayon."
|
|
|
|
\s5
|
|
\v 10 Ngem saanen a kayat ti lalaki a manipud iti tribu ni Levi iti agtalinaed pay iti maysa a rabii. Inkabilna dagiti awit kadagiti dua nga asnona, ket rinugiannan ti mapan a kadduana ti adipen nga asawana ken ti adipenna nga agturong iti siudad ti Jebus, a maawaganen ita ti Jerusalem.
|
|
\v 11 Idi dandani sumipngeten, nakadanunda iti asideg ti Jebus. Kinuna ti adipen iti apona, "Masapul nga agsardengtayo iti daytoy a siudad a pagnanaedan ti bunggoy dagiti Jebuseo, ket agtalinaedtayo ditoy ita a rabii."
|
|
|
|
\s5
|
|
\v 12 Ngem kinuna ti apona, "Saan, saan a nasayaat kadatayo nga agtalinaed ditoy a pagnanaedan dagiti tattao a gangannaet. Awan ti Israelita ditoy. Agtuloytayo a mapan iti siudad ti Gabaa."
|
|
\v 13 Kinunana iti adipenna, "Mapantayon. Saan nga adayo ditoy ti Gabaa. Mabalintayo ti mapan idiay wenno makaapantayo pay idiay Rama. Mabalintayo iti agtalinaed ita a rabii iti maysa kadagidiay a siudad."
|
|
|
|
\s5
|
|
\v 14 Intultuloyda ngarud iti nagnagna. Lumlumneken ti init idi nakadanunda iti Gabaa, ti pagnanaedan ti tribu ti Benjamin.
|
|
\v 15 Nagsardengda tapno agtalinaedda idiay iti dayta a rabii. Napanda nagtugaw iti plasa dayta a siudad. Ngem awan kadagiti tao a limmabas ti nangawis kadakuada nga agnaed iti balayda iti dayta a rabii.
|
|
|
|
\s5
|
|
\v 16 Ngem maysa a lakay ti immay. Naggapu isuna iti nagtrabahoanna a taltalon. Nagtaud isuna iti katurturudan a pagilian iti tribu ti Efraim, ngem agnanaeden isuna iti dayta a tiempo iti Gabaa.
|
|
\v 17 Nalasinna nga agdaldaliasat laeng ti lalaki manipud iti tribu ni Levi ket awan iti pagdagusanda iti dayta a siudad. Isu a sinaludsodna ti lalaki, "Naggapuam? Ken papanam?"
|
|
|
|
\s5
|
|
\v 18 Insungbatna, "Agdaldalliasatkami manipud Betlehem nga agturong iti pagtaenganmi idiay katurturodan a pagilian a pagnanaedan iti tribu ti Efraim. Manipud sadiay ket napanak idiay Betlehem, ngem ita mapankami idiay Silo nga ayan ti balay ni Yahweh. Awan iti tao ditoy a nangawis kadakami nga umian ita a rabii iti balayda.
|
|
\v 19 Adda iti garami ken taraon para kadagiti asnomi, ken tinapay ken arak para kaniak ken iti agtutubo a babai ken iti adipenko. Awanen iti aniaman a kasapulanmi."
|
|
|
|
\s5
|
|
\v 20 Kinuna ti lakay, "Tarigagayak a nasayaat dagiti banbanag para kadakayo, ngem kayatko nga ipaay ti kasapulanyo. Saankayo nga agnaed ita a rabii ditoy plasa."
|
|
\v 21 Ket inkuyog ida ti lakay iti balayna. Inikkanna ti taraon dagiti asno. Inikkanna iti danum ti lalaki, ti babai, ken ti adipen a pagbuggoda kadagiti saksakada. Ken inikkan ida ti lakay iti taraon ken inumenda.
|
|
|
|
\s5
|
|
\v 22 Kabayatan nga agragragsakda, pinalawlawan dagiti lallaki a nadangkes manipud iti dayta a siudad ti balay ket rinugianda a banugbugen ti ridaw. Impukkawda iti lakay, "Iruarmo kadakami ti lalaki nga immay iti balaymo. Kayatmi ti makikaidda kenkuana."
|
|
\v 23 Rimmuar ti lakay ket kinunana kadakuada, "Kakabsatko, saanko nga aramiden dayta. Dakes unay dayta a banag. Sangaili daytoy a lalaki iti balayko. Saanyo koma nga aramiden ti kasta a nakabutbuteng a banag!
|
|
|
|
\s5
|
|
\v 24 Kitaenyo, adtoy ti anakko a birhen ken ti kakabkabbalayna. Iruarko ida kadakayo ita. Mabalinyo nga aramiden kadakuada ti aniaman a kayatyo, ngem saanyo nga aramiden iti daytoy a lalaki ti kasta a nakabutbuteng a banag!"
|
|
\v 25 Ngem saan nga impangag dagiti lallaki ti imbagana. Isu nga innala ti lalaki ti kakabkabbalayna ket imbaonna isuna kadakuada iti ruar ti balay. Pinilitda isuna a makikaidda kadakuada ket nagpatnag a rinamesda isuna. Ket iti parbangon pinalubusanda isuna.
|
|
\v 26 Nagsubli isuna iti balay ti lakay, ket napasag iti dalan iti ridaw ket nagidda isuna sadiay agingga a limmawag.
|
|
|
|
\s5
|
|
\v 27 Iti sumaruno a bigat, bimmangon ti apona ket rimmuar ti balay tapno ituloyna ti panagdaliasatna. Nakitana ti asawana nga adipen a nakaidda iti sango iti ridaw ti balay, nakasagid pay dagiti imana iti paladpad ti ruangan.
|
|
\v 28 Kinunana kenkuana, "Bumangonka! Mapantayon!" Ngem saan a simmungbat isuna. Insakayna ti babai iti asno, ket nagdaliasatda ken ti adipennna nga agawid iti pagtaenganda.
|
|
|
|
\s5
|
|
\v 29 Idi nakadanunen isuna iti pagtaenganna, nangala isuna iti maysa a kutsilio ket pinutedputedna ti bagi ti adipen a babai iti sangapulo ket dua a pidaso. Ket impatulodna ti maysa a pidaso iti tunggal disso ti Israel, a napakuyugan iti mensahe a mangibagbaga no ania iti napasamak.
|
|
\v 30 Kinuna ti tunggal maysa a nakakita iti pidaso ti bagi ken ti mensahe, "Awan pay ti kas iti daytoy a napasamak iti napalabas. Saantayo a nakangngeg iti kasta a nakabutbuteng a banag sipud idi pinanawan dagiti kapuonantayo ti Egipto. Masapul a panunotentayo a nalaing ti maipapan iti daytoy. Rumbeng nga adda mangeddeng no ania ti masapul nga aramidentayo."
|
|
|
|
\s5
|
|
\c 20
|
|
\p
|
|
\v 1 Rimmuar dagiti amin a soldado ti Israel a kasla maymaysa a tao, manipud iti siudad ti Dan iti amianan agingga iti Beerseba iti abagatan, ken manipud iti rehion ti Galaad agingga iti daya ti Karayan Jordan, nangngegda amin ti napasamak. Isu a naguummongda iti sangoanan ni Yahweh idiay Mizpa.
|
|
\v 2 Nagtakder dagiti mangidadaulo iti sangapulo ket maysa a tribu ti Israel iti sangoanan dagiti tattao a naguummong sadiay. Adda ti 400,000 a lallaki a magmagna, mannakigubat a lallaki nga adda sadiay.
|
|
|
|
\s5
|
|
\v 3 Nangngeg dagiti tattao iti tribu ti Benjamin a napan dagiti dadduma nga Israelita idiay Mizpa, ngem awan kadagiti lallaki manipud iti tribuda ti napan iti panagguummong sadiay. Sinaludsod dagiti tattao ti Israel ti maipanggep iti dakes a banag a napasamak.
|
|
\v 4 Isu nga insungbat ti Levita nga asawa ti napapatay a babai, "Dimtengak ken ti adipen nga asawak idiay Gabaa, kayatmi ti agtalinaed sadiay iti dayta a rabii.
|
|
|
|
\s5
|
|
\v 5 Iti dayta a rabii, immay dagiti lallaki ti Gabaa tapno darupendak. Pinalawlawanda ti balay nga ayanko ket kayatdak a kaiddaen ket kalpasanna papatayendak. Rinamesda ti kakabkabbalayko ken pinilitda isuna a makikaidda kadakuada iti agpatnag, ket natay isuna.
|
|
\v 6 Inyawidko ti bagina ket pinutedputedko. Ket nangipatulodak iti maysa a pidaso iti tunggal paset ti Israel, gapu ta kayatko a maammoanyo amin ti maipanggep iti daytoy a kinadangkes ken nakababain a banag a naaramid ditoy Israel.
|
|
\v 7 Isu nga ita, agsaokayo amin nga Israelita ket ibagayo kaniak ti rumbeng a maaramid!"
|
|
|
|
\s5
|
|
\v 8 Timmakder dagiti amin a tattao ket sangsangkamaysa a kinunada, "Awan kadatayo ti agawid! Awan ti uray maysa kadatayo ti agsubli iti balayna!
|
|
\v 9 Daytoy ti masapul nga aramidentayo kadagiti tattao ti Gabaa. Umuna, agbibinnunottayo tapno ammoentayo no ania a bunggoy ti mangraut kadakuada."
|
|
|
|
\s5
|
|
\v 10 Mangpilitayo iti apagkapullo iti bilangtayo a mangimaton iti daytoy a nakaam-amak a banag nga inaramidda ditoy Israel."
|
|
\v 11 Ket immanamong dagiti amin nga Israelita a rumbeng a madusa dagiti tattao ti Gabaa.
|
|
|
|
\s5
|
|
\v 12 Kalpasanna, nangibaon dagiti lallaki nga Israelita kadagiti mensahero a mapan iti amin a tribu ti Benjamin. Kinunada, "Ammoyo kadi a nakaaramid dagiti sumagmamano kadagiti tattaoyo iti dakes unay a banag?
|
|
\v 13 Iyegyo kadakami dagidiay a nadangkes a lallaki, tapno mapapataymi ida. Babaen iti panangaramidyo iti dayta, maikattayo daytoy a dakes a banag a napasamak iti Israel." Ngem saan nga impangag dagiti tattao iti tribu ti Benjamin dagiti padada nga Israelita.
|
|
\v 14 Pimmanaw dagiti lallaki iti tribu ti Benjamin kadagiti siudadda ket naguummongda idiay Gabaa a makiranget kadagiti dadduma nga Israelita.
|
|
|
|
\s5
|
|
\v 15 Iti dayta met laeng nga aldaw, nakaawis dagiti lallaki ti Benjamin iti 26,000 a mannakigubat a lallaki. Nangpilida pay iti pito gasut a lallaki manipud Gabaa.
|
|
\v 16 Kadagidiay a soldado ket adda pito gasut a lallaki a pasig a kattigid, ken kabaelan ti tunggal maysa kadakuada ti agpallatibong a saan nga agmintis ti puntaanna a bassit unay a banag ken naingpis a kasla iti buok.
|
|
|
|
\s5
|
|
\v 17 Dagiti soldado ti Israel, saan a karaman dagiti soldado manipud iti Benjamin, ket 400,000 a lallaki ti bilangda. Nasanay amin dagitoy a makigubat babaen iti kampilan, lallaki nga adda kapadasanna a makigubat.
|
|
\v 18 Simmang-at dagidiay a dadduma nga Israelita idiay Betel ket dimmawatda iti pammagbaga iti Dios, "Ania a tribu ti rumbeng nga umuna a mangraut kadagiti lallaki iti tribu ti Benjamin?" Insungbat ni Yahweh, "Dagiti lallaki manipud iti tribu ti Juda ti rumbeng nga umuna a rumaut."
|
|
|
|
\s5
|
|
\v 19 Iti kabigatanna, napan nangipatakder dagiti lallaki nga Israelita kadagiti toldada iti asideg ti Gabaa.
|
|
\v 20 Kalpasanna, napanda nakiranget kadagiti lallaki iti tribu ti Benjamin, ket nagpuestoda a makigubat a nakasango iti Gabaa.
|
|
\v 21 Rimmuar dagiti lallaki iti tribu ti Benjamin idiay Gabaa ket nakirangetda kadakuada, ket napapatayda ti 22,000 a soldado ti Israel iti dayta nga aldaw.
|
|
|
|
\s5
|
|
\v 22 Ngem pinapigsa dagiti soldado ti Israel dagiti bagbagida. Nagpuestoda iti isu met laeng a lugar a nagpuestoanda iti umuna nga aldaw.
|
|
\v 23 Ket simmang-at dagiti tattao ti Israel ket immawagda kenni Yahweh iti tulong, ken nagkararagda agingga iti rabii. Ket dimmawatda iti balakad ken pammagbaga kenni Yahweh no ania ti rumbeng nga aramidenda: "Rumbeng kadi nga umasidegkami manen tapno makigubat kadagiti kakabsatmi a tattao ti Benjamin?" Ket kinuna ni Yahweh, "Rautenyo ida!"
|
|
|
|
\s5
|
|
\v 24 Iti kabigatanna, nagpuestoda manen a makigubat a kas iti inaramidda iti napalabas nga aldaw.
|
|
\v 25 Rimmuar dagiti lallaki iti tribu ti Benjamin idiay Gabaa ket rinautda dagiti Israelita, ket napapatayda ti 18,000 pay a tattaoda.
|
|
|
|
\s5
|
|
\v 26 Iti malem, napan dagiti amin a tattao ti Israel a saan a napapatay idiay Betel. Nagtugawda sadiay ket immasugda kenni Yahweh, ken nagayunarda agingga iti rabii. Nangyegda iti sumagmamano a daton a pinuoranda a naan-anay iti rabaw ti altar, ken nangyegda pay iti sumagmamano a daton a pakikappia kenni Yahweh.
|
|
|
|
\s5
|
|
\v 27 Nagsaludsod dagiti tattao ti Israel kenni Yahweh,--ta adda sadiay ti lakasa ti tulag ti Dios kadagidiay nga aldaw,
|
|
\v 28 ken agserserbi ni Finees a putot a lalaki ni Eleazar nga apoko ni Aaron iti sangoanan ti lakasa kadagidiay nga aldaw--"Rumbeng kadi a rummuarkami a mapan makigubat iti maminsan pay kadagiti tattao ti Benjamin a kakabsatmi wenno rumbeng kadi nga isardengmin?" Kinuna ni Yahweh, "Rumautkayo! Ta inton bigat tulongankayo a mangparmek kadakuada."
|
|
|
|
\s5
|
|
\v 29 Naglemmeng a nakasagana a mangdangran dagiti lallaki nga Israelita kadagiti away iti aglawlaw ti Gabaa.
|
|
\v 30 Napan dagiti dadduma nga Israelita ket nagpuestoda a makigubat a kas iti inaramidda kadagiti napalabas nga al-aldaw.
|
|
|
|
\s5
|
|
\v 31 Idi rimmuar iti siudad dagiti lallaki ti Benjamin tapno makiranget kadakuada, nagsanud dagiti lallaki nga Israelita manipud iti siudad, ket kinamat ida dagiti lallaki iti tribu ti Benjamin. Napapatay dagiti lallaki iti tribu ti Benjamin ti adu nga Israelita, a kasla iti inaramidda iti napalabas. Pinatayda ti agarup tallopulo nga Israelita a natay kadagiti away ken kadagiti kalsada--agturong idiay Betel ti maysa kadagiti kalsada ken mapan idiay Gabaa ti maysa.
|
|
|
|
\s5
|
|
\v 32 Kinuna dagiti lallaki iti tribu ti Benjamin, "Maparparmektayo ida a kas iti inaramidtayo iti napalabas!" Ngem inaramid dagiti Israelita ti pinanggepda. Nagsanud ti kadakkelan a bunggoy dagiti lallaki nga Israelita iti adayo bassit manipud iti siudad, tapno sikapanda dagiti lallaki ti Gabaa ken tapno agpakamatda kadakuada kadagiti kalsada iti ruar ti siudad.
|
|
\v 33 Pinanawan ti kadakkelan a bunggoy dagiti lallaki nga Israelita dagiti puestoda ket nagsanudda, ket kalpasanna nagpuestoda manen a makigubat iti lugar a managan iti Baal Tamar. Ket rimmuar kadagiti nagpuestoanda idiay Maare Gabaa dagiti soldado ti Israel nga aglemlemmeng kadagiti nalimed a luglugar.
|
|
|
|
\s5
|
|
\v 34 Ket rimmuar dagiti 10,000 nga Israelita manipud kadagiti lugar a paglemlemmenganda, iti laud ti Gabaa, ket rinautda ti siudad. Lallaki dagitoy a nagapu kadagiti amin a paset ti Israel. Adda ti nakaro unay a gubat. Ngem saan nga ammo dagiti lallaki iti tribu ti Benjamin a dandanin ti nakaro a pannakaparmekda.
|
|
\v 35 Inikkan ni Yahweh dagiti lallaki nga Israelita iti kabaelan a mangparmek kadagiti lallaki iti tribu ti Benjamin. Pinatayda ti 25,100 kadakuada, aminda ket mannakigubat a lallaki.
|
|
|
|
\s5
|
|
\v 36 Ket nakita dagiti soldado ti Benjamin a naparmekdan. Intarayan dagiti lallaki ti Israel ti Benjamin, gapu ta mangnamnamada a rummuar dagiti lallaki a pinagpuestoda kadagiti nalimed a lugar iti ruar ti Gabaa ken pangabakenda ida iti gubat.
|
|
\v 37 Ket nagdardaras a timmakder dagiti lallaki nga aglemlemmeng ket inalistoanda a napan idiay Gabaa, ket pinatayda ti tunggal maysa nga agnanaed iti siudad babaen kadagiti kampilanda.
|
|
\v 38 Ita, ti nagtulagan a pagilasinan iti nagbaetan dagiti soldado ti Israel ken dagiti lallaki nga aglemlemmeng iti nalimed ket addanto ti napuskol nga asuk nga agpangato manipud iti siudad.
|
|
|
|
\s5
|
|
\v 39 Iti dayta a tiempo, nagsanud dagiti Israelita iti panangrautda, isu a kinuna dagiti lallaki iti tribu ti Benjamin, "Mangab-abaktayo iti gubat a kas iti inaramidtayo iti napalabas!"
|
|
|
|
\s5
|
|
\v 40 Ngem nangrugi nga agpangato manipud iti siudad ti asuk manipud kadagiti mapupuoran a pasdek. Timmalliaw dagiti lallaki iti tribu ti Benjamin ket nakitada a mapupuoran ti entero a siudad.
|
|
\v 41 Ket nakita met ti kadakkelan a bunggoy dagiti lallaki nga Israelita ti asuk, ket ammoda nga iparparangarang ti asuk a rumbeng nga agsublida ket rugianda ti rumaut. Kasta unay ti buteng dagiti lallaki iti tribu ti Benjamin gapu ta ammoda a dandanin ti nakaro a pannakaparmekda.
|
|
|
|
\s5
|
|
\v 42 Isu a pinadas dagiti lallaki ti Benjamin ti agtaray nga agturong iti let-ang tapno aglibasda kadagiti lallaki nga Israelita, ngem saanda a nakalibas gapu ta dagiti lallaki nga Israelita a nangpuor kadagiti dua a siudad ket rimmuar kadagidiay a siudad ket pinatayda ti adu kadakuada.
|
|
|
|
\s5
|
|
\v 43 Pinalawlawanda ti sumagmamano kadagiti lallaki iti tribu ti Benjamin ken kinamatda dagiti dadduma agingga iti disso a dayaen ti Gabaa.
|
|
\v 44 Pinatayda ti 18,000 a napipigsa a soldado iti tribu ti Benjamin.
|
|
|
|
\s5
|
|
\v 45 Ket naamiris dagiti dadduma a lallaki iti tribu ti Benjamin a naparmekdan. Nagtarayda nga agturong iti bato ti Rimmon, ngem pinatay dagiti lallaki nga Israelita ti lima ribu pay a lallaki iti tribu ti Benjamin a natuang kadagiti kalsada. Kinamatda ti nabati kadakuada idiay Gidom, ket pinatayda pay ti dua a ribu.
|
|
\v 46 Iti dagupna amin ket 25,000 a lallaki iti tribu ti Benjamin ti napapatay, aminda ket nalalaing a makigubat a lallaki.
|
|
|
|
\s5
|
|
\v 47 Ngem timmaray idiay dakkel a bato ti Rimmon idiay let-ang ti innem a gasut a lallaki iti tribu ti Benjamin. Nagtalinaedda sadiay iti uppat a bulan.
|
|
\v 48 Ket nagsubli dagiti lallaki nga Israelita iti daga a kukua ti tribu ti Benjamin, ket pinatayda dagiti tattao iti tunggal siudad. Pinatayda pay dagiti amin nga ayup, ken dinadaelda amin a banag a masarakanda sadiay. Ken pinuoranda dagiti amin a siudad a madanunanda.
|
|
|
|
\s5
|
|
\c 21
|
|
\p
|
|
\v 1 Idi naguummong dagiti lallaki nga Israelita idiay Mizpa sakbay a nangrugi ti gubat, sipapasnek nga inkarida, "Awan kadatayo ti mangipalubos iti uray maysa kadagiti putottayo a babbai a makiasawa iti siasinoman a lalaki a nagtaud iti tribu ti Benjamin!"
|
|
\v 2 Ngem ita, napan dagiti Israelita idiay Betel ket nagmalmalem a nagsangsangitda a sipipigsa kenni Yahweh agingga a limnek ti init.
|
|
\v 3 Nagtultuloy nga imbagbagada, "O Yahweh a Diosmi nga Israelita, awanen ti maysa kadagiti tribumi nga Israelita! Apay a napasamak daytoy kadakami?"
|
|
|
|
\s5
|
|
\v 4 Iti nasapa iti sumaruno nga aldaw, nangbangon dagiti tattao iti altar. Kalpasanna, pinuoranda a naan-anay dagiti sumagmamano a daton iti rabaw ti altar, ken nangidatonda pay kadagiti dadduma a sakrifisio a mangisubli iti pannakilangenda iti Dios.
|
|
\v 5 Kalpasanna, gapu ta sipapasnek nga inkarida a mapapatay ti siasinoman a saan a nakisinnarak kadakuada idiay Mizpa tapno tumulong a makiranget kadagiti lallaki iti tribu ti Benjamin, sinaludsodda kadagiti bagbagida, "Adda kadi siasinoman kadagiti tribu ti Israel ti saan a napan idiay Mizpa tapno makisinnarak kadatayo iti imatang ni Yahweh?"
|
|
|
|
\s5
|
|
\v 6 Naasian dagiti Israelita kadagiti padada nga Israelita iti tribu ti Benjamin. Kinunada, "Ita nga aldaw, naisina ti maysa kadagiti tributayo manipud iti Israel.
|
|
\v 7 Ania ti mabalin nga aramidentayo tapno masiguradotayo a makaasawa dagiti lallaki iti tribu ti Benjamin a saan a napapatay?" Nangngegnatayo ni Yahweh a sipapasnek a nagkari a saantayo a palubosan dagiti annaktayo a makiasawa iti siasinoman a lalaki iti tribu ti Benjamin.
|
|
|
|
\s5
|
|
\v 8 Ket maysa kadakuada ti nagsaludsod, "Ania kadagiti tribu ti Israel ti saan a nangibaon iti siasinoman a lalaki nga umay ditoy Mizpa?"
|
|
\v 9 Nabigbigda nga idi nabilang dagiti soldado, awan ti uray maysa nga immay manipud iti siudad ti Jabes Galaad.
|
|
\v 10 Isu nga inkeddeng dagiti amin nga Israelita a mangibaonda iti 12,000 a nalalaing a soldado a mapan idiay Jabes Galaad tapno papatayenda dagiti tattao sadiay, uray dagiti babbai ken dagiti ubbing.
|
|
|
|
\s5
|
|
\v 11 Imbagada daytoy kadagidiay a lallaki: "Daytoy ti masapul nga aramidenyo: Masapul a papatayenyo dagiti amin a lallaki idiay Jabes Galaad. Masapul pay a papatayenyo dagiti amin a babbai nga adda asawana. Ngem saanyo a papatayen dagiti babbai nga awan asawana."
|
|
\v 12 Napan ngarud dagidiay a soldado idiay Jabes Galaad ket pinatayda dagiti amin a lallaki, babbai nga adda asawana, ken dagiti ubbing. Ngem nakasarakda sadiay iti 400 a birhen a babbalasang. Isu nga impanda ida iti kampoda idiay Silo idiay Canaan, iti ballasiw ti karayan manipud iti rehion ti Galaad a kukua ti tribu ti Benjamin.
|
|
|
|
\s5
|
|
\v 13 Kalpasanna, dagiti amin nga Israelita a naguummong ket nangipatulodda iti mensahe kadagiti 600 a lallaki nga adda idiay bato ti Rimmon. Kinunada a kayatda iti makikappia kadakuada.
|
|
\v 14 Nagsubli ngarud dagiti lallaki manipud iti bato ti Rimmon. Inted dagiti Israelita kadakuada dagiti babbalasang manipud idiay Jabes Galaad. Ngem adda laeng ti 400 a babbai. Awan ti umdas a babbai para kadagidiay a 600 a lallaki.
|
|
\v 15 Maas-asi latta dagiti Israelita kadagiti lallaki iti tribu ti Benjamin, gapu ta pinabusor ni Yahweh kadakuada dagiti dadduma a tribu.
|
|
|
|
\s5
|
|
\v 16 Kinuna dagiti mangidadaulo kadagiti Israelita, "Pinataytayo dagiti amin a babbai nga adda asawana iti tribu ti Benjamin. Sadino ti pangalaantayo kadagiti babbai nga asawaen dagiti lallaki a sibibiag pay laeng?
|
|
\v 17 Masapul a maaddaan dagitoy a lallaki kadagiti assawa a mangipasngay kadagiti annak, tapno agtultuloy ti pamiliada iti Benjamin. No saan a mapasamak dayta, amin a tattao iti maysa kadagiti tribu ti Israel ket matay, ket madadaelto dayta a tribu.
|
|
|
|
\s5
|
|
\v 18 Ngem saantayo a mabalin a palubosan dagiti annaktayo a makiasawa kadagitoy a lallaki, gapu ta sipapasnek nga inkaritayo nga ilunod ni Yahweh ti siasinoman a mangted iti maysa kadagiti annakna tapno agbalin nga asawa ti siasinoman a lalaki iti tribu ti Benjamin."
|
|
\v 19 Ket maysa kadakuada ti nagsingasing. Kinunana, "Tinawen nga adda iti fiesta tapno padayawan ni Yahweh idiay Silo, nga adda iti amianan ti Betel ken dayaen ti kalsada a dumanon idiay Sikem manipud Betel, ken abagatan ti siudad ti Lebona."
|
|
|
|
\s5
|
|
\v 20 Isu a kinuna dagiti mangidadaulo kadagiti Israelita kadagiti lallaki iti tribu ti Benjamin, "Mapankayo idiay Silo ket aglemmengkayo kadagiti kaubasan inton tiempo dayta a fiesta.
|
|
\v 21 Siputanyo dagiti babbalasang a rummuar iti siudad tapno agsala. Inton rummuarda, agtaraykayo a rummuar kadagiti kaubasan. Tunggal maysa kadakayo ket mabalinna ti mangtiliw iti maysa kadagiti babbalasang ti Silo. Kalpasanna, mabalinyo amin ti agsubli kadagiti pagtaenganyo a kaduayo dagidiay a babbai.
|
|
|
|
\s5
|
|
\v 22 No umay kadakami dagiti amma ken kakabsatda a lallaki ket agririda maipanggep iti inaramidyo, kunaminto kadakuada, 'Maasikayo kadagiti lallaki iti tribu ti Benjamin. Idi nakigubatkami kadakuada, saankami a nangibati iti siasinoman a babai a sibibiag tapno agbalin nga assawada, ken saanyo nga inted dagidiay a babbalasang kadagiti lallaki iti tribu ti Benjamin. Tinakawda ida. Isu a saankayo a makabasol, uray no kinunayo a saankayo a mangted iti siasinoman kadagiti annakyo tapno makiasawa iti maysa kadakuada.'~"
|
|
|
|
\s5
|
|
\v 23 Isu a dayta ti inaramid dagiti lallaki iti tribu ti Benjamin. Napanda idiay Silo iti tiempo ti fiesta. Ket idi agsasala dagiti babbalasang, nangtiliw ti tunggal lalaki iti maysa kadakuada ket impanaw ken inasawana. Ket nagsublida iti daga nga inted ti Dios kadakuada a kaduada dagiti assawada. Binangonda manen dagiti napuoran a siudadda, ket nagnaedda sadiay.
|
|
\v 24 Napan dagiti dadduma nga Israelita kadagiti pagtaenganda kadagiti disso a pagnanaedan dagiti tribu ken pulida, dagiti disso nga inted ti Dios kadakuada.
|
|
|
|
\s5
|
|
\v 25 Iti dayta a tiempo, awan ti ari dagiti Israelita. Inaramid ti tunggal maysa ti ipagarupda a nasayaat iti panagkitada.
|