ilo_udb/06-JOS.usfm

\id JOS
\ide UTF-8
\h Josue
\toc1 Josue
\toc2 Josue
\toc3 jos
\mt Josue

\s5
\c 1
\p
\v 1 Kalpasan a natay ti adipen ni Yahweh a ni Moises, kinuna daytoy ni Yahweh iti anak ni Nun a ni Josue a nagbalin a katulongan ni Moises,
\v 2 "Ammom a natayen ti adipenko a ni Moises. Agsaganaka ngarud ken amin dagitoy a tattao a mangballasiw iti Karayan Jordan. Serkenyo ti daga nga itedkonto kadagiti Israelita.
\v 3 Itedkonto kadakayo ti sadinoman a pagnaanyo iti daytoy a daga, a kas inkarik kenni Moises.

\s5
\v 4 Aglayon dayta a daga manipud iti let-ang iti abagatan nga agturong iti kabanbantayan ti Libano iti amianan a laud, agturong iti Karayan Eufrates, ken agturong iti Baybay Mediterano idiay laud. Iramanna daytoy ti amin a daga a pagnanaedan dagiti Hitteo.
\v 5 Awanto ti bunggoy a makaparmek kadakayo bayat nga agbibiagkayo. Tulongankayonto a kas ti panangtulongko kenni Moises. Ikarik a saankayo a baybay-an ken saankayo a pulos a panawan.

\s5
\v 6 Papigsaem ti pakinakemmo ken tumuredka gapu ta idalanmo dagitoy a tattao tapno matagikuada daytoy a daga, ti daga nga inkarik nga ited kadagiti kapuonanda.
\v 7 Papigsaem laeng ti pakinakemmo ken tumuredka unay. Siguradoem nga agtulnogka kadagiti amin a linteg nga insuro kenka ni Moises nga adipenko; tungpalem amin dagitoy. No aramidem ti kasta, agballigikanto iti sadinoman a papanam.

\s5
\v 8 Pagsisinnaritaanyo maipapan iti linteg nga insuro kadakayo ni Moises. Panunotem dagitoy a linteg iti aldaw ken iti rabii. Agtulnogka kadagiti linteg ket aramidem ti ibagbaga dagitoy nga aramidem, ken isuronaka dagitoy nga agbiag tapno bumaknang ken agballigika.
\v 9 Saanmo a lipipatan ti imbilinko kenka a papigsaem ti pakinakemmo ken tumuredka. Saanka nga agbuteng ken saanka a maupay. Siak ni Yahweh a Diosmo ket addaakto kenka iti sadinoman a papanam."

\s5
\v 10 Kalpasanna, imbilin ni Josue kadagiti mangidadaulo dagiti Israelita,
\v 11 "Mapankayo iti entero a kampo ket itedyo dagitoy a bilbilin kadagiti tattao: 'Isaganayo amin a taraon nga itugotyo. Kalpasan iti tallo nga aldaw, ballasiwenyonto ti Karayan Jordan nga adda iti sangoananyo, ket serken ken tagikuaenyo ti daga a dandanin nga ited ni Yahweh a Diosyo kadakayo.'"

\s5
\v 12 Ket kinasarita ni Josue dagiti pamilia dagiti kaputotan ni Reuben ken Gad, ken iti kagudua ti tribu ni Manases nga agnaedto iti dayaen ti Karayan Jordan.
\v 13 "Laglagipenyo ti imbilin kadakayo ni Moises nga adipen ni Yahweh nga itedna kadakayo. Kinuna ni Moises, 'Inkari ni Yahweh a Diosyo nga ikkanakayo iti lugar a mabalin a pagnaedanyo iti agnanayon — daytoyto ti lugar a pagnaedanyo.

\s5
\v 14 Mabalinto nga agbati dagiti assawayo, annakyo ken dagiti tarakenyo iti daytoy a daga iti dayaen ti Karayan Jordan, ngem masapul a bumallasiw dagiti suldado ken katribuyo a lallaki iti karayan ket umun-una kadagiti padayo nga Israelita tapno tulonganda ida.
\v 15 Masapul a tulunganyo ida iti gubat agingga a pagnaedenen ni Yahweh dagiti padayo nga Israelita iti daga sadiay, ti daga a sakupenda, ti daga nga ited ni Yahweh a Diosyo kadakuada. Ket agsublikayonto amin iti daga a pagnaedanyonto — ti sarsaritaek ket ti daga nga inted kadakayo iti adipen ni Yahweh a ni Moises iti dayaen ti Karayan Jordan."

\s5
\v 16 Simmungbat dagiti tattao kenni Josue, "Agtulnogkami iti amin nga imbilinmo kadakami ket mapankami iti sadinoman nga ibagam a papananmi.
\v 17 Agtulnogkami kenka a kas iti panagtulnogmi kenni Moises. Kararagmi nga addanto kenka ni Yahweh a kas iti kaaddana kenni Moises.
\v 18 Papatayenmi ti siasinoman nga agsukir ken agkedked nga agtulnog kadagiti bilinmo. Laglagipem laeng Josue a papigsaem ti pakinakemmo ken tumuredka!"

\s5
\c 2
\p
\v 1 Nangpili ngarud ni Josue iti dua a lallaki manipud iti kampoda idiay Acacia. Kinunana kadakuada, "Mapankayo ket ammoenyo amin a mabalinyo nga ammoen maipapan iti daydiay a daga nangnangruna iti Jerico." Pinanawanda ti kampo ket dimmanonda idiay Jerico, iti balay ti maysa a balangkantis nga agnagan iti Rahab. Nagtalinaedda sadiay.
\v 2 Adda ti nangibaga iti ari ti Jerico, "Ita a rabii adda ti immay a lallaki nga Israelita tapno siimenda ti dagatayo!"
\v 3 Nangibaon ngarud ti ari iti mensahero a mangibaga kenni Rahab, "Iruarmo dagiti lallaki nga immay kenka ken simrek iti balaymo gapu ta immayda ditoy tapno siimenda ti dagatayo!"

\s5
\v 4 Ngem inlemmeng ida iti babai iti uneg ti balayna. Kinunana ngarud kadagiti imbaon ti ari, "Wen, agpayso nga immay kaniak dagidiay a lallaki ngem saanko nga ammo ti naggapuanda.
\v 5 Sumipnget idi pumanawda sakbay nga irekep dagiti agbanbantay dagiti ruangan ti siudad. Saanko nga ammo ti papananda. No darasenyo, mabalin a matiliwyo ida."

\s5
\v 6 Ngem ti kinapudnona, pinaulina dagiti dua a lallaki iti tuktok ti balayna ket inlemmengna ida kadagiti narepreppet a lino a nakabilag sadiay.
\v 7 Rimuar iti siudad dagiti imbaon ti ari a mangsapul kadakuada iti dalan nga agturong kadagiti pagballasiwan iti Karayan Jordan. Inrekep dagiti agbanbantay dagiti ruangan ti siudad apaman a nakaruar dagiti imbaon ti ari.

\s5
\v 8 Sakbay nga agidda a maturog dagiti lallaki nga Israelita iti dayta a rabii, immuli ni Rahab idiay tuktok ti balay
\v 9 ket kinunana kadakuada, "Ammomi nga inted ni Yahweh daytoy a daga kadakayo. Maam-amak kadakayo dagiti amin a tattao ditoy— mabutbutengkami kadakayo ta saandakayo pulos a malappedan.

\s5
\v 10 Nangngeganmi no kasano a pinamagaan ni Yahweh ti danum ti Baybay dagiti Runo tapno makaballasiwkayo idi pimmanawkayo idiay Egipto. Nangngeganmi ti inaramidyo kadagiti dua nga ari dagiti Amorreo a nagnaed iti bangir ti Karayan Jordan a ni Sihon ken ni Og, ken no kasano a naan-anay a dinadaelyo ti tunggal maysa ken amin nga adda iti pagarianda.
\v 11 Nagbutengkami idi nangngeganmi ti maipanggep kadagidiay a banbanag. Pulos nga awanen ti turedmi a manggubat kadakayo, ta ni Yahweh ket Dios ken iturayanna amin nga adda idiay langit ken ditoy rabaw ti daga.

\s5
\v 12 Kayatko a siingetkayo ngarud nga agkari kaniak iti sangoanan ni Yahweh, tapno dusaennakayo koma no saanyo nga aramiden ti ibagayo. Ikariyo nga agtignaykayo a siaasi kaniak ken iti pamiliak. Ikkandak iti pangsiguradoan nga aramidenyo ti ikariyo,
\v 13 ken palubosanyo nga agbiag ti amak, inak ken dagiti kakabsatko ken dagiti amin a pamiliada, ken isalakanyo ti pamiliak inton dadaelen dagiti Israelita daytoy a siudad."

\s5
\v 14 Simmungbat dagiti dua a lallaki, "Itedmi ti biagmi no saanmi nga aramiden ti ibagami! No saanmo nga ibagbaga kadagiti dadduma ti pangpanggepenmi nga aramiden, agtignaykaminto ngarud a siaasi iti sibubukel a pamiliam inton ited ni Yahweh daytoy a daga kadakami."

\s5
\v 15 Ti maysa nga akin-ruar a pader ti balay a nagnaedan ni Rahab ket paset ti bakud ti siudad. Nangigalut isuna iti tali iti maysa a tawa nga adda iti dennaen ti pader ti siudad tapno makauli dagiti lallaki iti tawa ken makaulogda manipud iti daytoy.
\v 16 Ket kinunana kadakuada, "Inton panawanyo ti siudad, mapankayo kadagiti turturod tapno saandakayo a masarakan dagiti lallaki a mangsapsapul kadakayo. Aglemmengkayo kadagiti rukib nga adda kadagiti turturod iti las-ud ti tallo nga aldaw agingga nga agsubli dagiti mangsapsapul kadakayo. Ket makasublikayonto iti kampoyo."
\v 17 Nangted dagiti dua a lallaki kenni Rahab iti nalabaga a tali ket kinunada kenkuana, "Daytoy ti masapul nga aramidem, no saanmo nga aramiden daytoy, saanminton a masapul nga aramiden ti siiinget nga inkarimi."

\s5
\v 18 Masapul nga igalutmo daytoy nalabaga a tali iti tawa a pangipaulogam kadakami, ken masapul nga ummongem ti amam, inam, dagiti kakabsatmo ken dagiti amin nga adda iti bumalay ti amam.
\v 19 No adda siasinoman iti pamiliam a rumuar iti daytoy a balay a mapan iti dalan, agpeggadto ti biagna ket saanminto a basol no mapapatay isuna. Ngem no nadangran ti siasinoman kadakayo iti uneg ti daytoy a balay, basolminto daytoy.

\s5
\v 20 Kasta met, no ibagam kadagiti dadduma ti maipanggep iti pangpanggepenmi nga aramiden, saanminton a masapul nga aramiden ti inkarimi nga aramiden kenka ken iti pamiliam."
\v 21 Kinuna ni Rahab, "Umanamongak a mangaramid iti kunayo." Pinalubosanna ngarud ida ket pimmanawda. Ket inggalutna ti nalabaga a tali tapno agbitin daytoy iti tawa.

\s5
\v 22 Idi pinanawan dagiti lallaki ti siudad, napanda kadagiti turturod. Nagtalinaedda sadiay iti tallo nga aldaw bayat iti panangsapsapul kadakuada dagiti lallaki nga imbaon ti ari a mangsapul kadakuada. Sinapsapulda ida kadagiti amin a daldalan ngem saanda a nasarakan dagiti dua a lallaki.

\s5
\v 23 Ket nagsubli dagiti dua a lallaki nga agturong iti kampoda. Simmalogda a napan iti karayan, binallasiwda daytoy ket nagsublida tapno makapadamagda kenni Josue. Imbagada kenkuana amin a napasamak kadakuada.
\v 24 Kinunada kenni Josue, "Pudno nga inted ni Yahweh daytoy a daga kadatyo. Saandatayo a kabaelan a parmeken dagiti tattao sadiay gapu ta mabutbutengda unay."

\s5
\c 3
\p
\v 1 Iti sumaruno a bigat, nasapa a bimmangon ni Josue ken amin dagiti dadduma nga Israelita. Pinanawanda ti kampoda idiay Akasia ket simmalogda idiay Karayan Jordan. Nagkampoda sadiay sakbay a binallasiwda ti karayan.

\s5
\v 2 Kalpasan iti tallo nga aldaw, napan dagiti opisyal iti tengnga ti kampo.
\v 3 Imbilinda kadagiti tattao, "Apaman a makitayo nga aw-awiten dagiti padi a kaputotan ni Levi ti nasagradoan a lakasa ti Diosyo a ni Yahweh, maammoanyonto a tiempon a panawan daytoy a lugar ket surotenyo ti nasagradoan a lakasa.
\v 4 Masapul a 900 a metro ti kaadayoyo manipud iti daytoy. Saankayo a mapan nga as-asideg pay ngem iti daytoy. Saanyo nga ammo ti dalan a papanan gapu ta saanyo pay idi a nagnaan daytoy a dalan."

\s5
\v 5 Kalpasanna imbaga ni Josue kadagiti tattao, "Agaramidkayo kadagiti kasapulan a seremonia tapno maikarikayo kenni Yahweh ken padayawanyo isuna gapu ta agaramid isuna inton bigat kadagiti banbanag a nakakaskasdaaw para kadakayo."
\v 6 Kalpasanna kinuna ni Josue kadagiti padi, "Awitenyo ti lakasa ket mapankayo iti sangoanan dagiti tattao." Inawitda ngarud ti nasagradoan a lakasa ket napanda iti sangoanan dagiti tattao.

\s5
\v 7 Ket kinuna ni Yahweh kenni Josue, "Daytoy ti aldaw nga irugik nga ipakita kadagiti Israelita a naindaklanka a mangidadaulo. Raemendakanto ken maammoanda nga addaak kenka a kas iti kaaddak idi kenni Moises.
\v 8 Ibagam kadagiti padi a mangaw-awit iti lakasa, 'Inton makadanonkayo iti igid ti karayan Jordan, agtalinaedkayo a sitatakder idiay Jordan."'

\s5
\v 9 Ket kinuna ni Josue kadagiti Israelita, "Umaykayo ditoy ket denggenyo ti imbaga ni Yahweh a Diosyo.
\v 10 Daytoy ket no kasanoyo a maammoan nga adda kadakayo ti Dios a kabaelanna nga aramiden ti aniaman a banag. Makitayo mismo no kasano iti panangalana ti daga manipud kadagiti Cananeo, dagiti Heteo, dagiti Heveo, dagiti Perezeo, dagiti Gargezas, dagiti Amorreo, ken dagiti Jebuseo.
\v 11 Kitaenyo! Ti nasagradoan a lakasa a kukua ti Dios a mangiturturay iti entero a daga ket dandanin a maawit nga umuna kadakayo idiay Karayan Jordan.

\s5
\v 12 Mangpilikayo ngarud iti 12 a lallaki, maysa manipud iti tunggal tribu ti Israel.
\v 13 Inton masagid dagiti dapan dagiti padi a mangaw-awit iti lakasa ti danum ti Karayan Jordan, agsardengto nga agayus ti danum. Agsardeng nga agayus ti danum nga aggapu iti nasursurong a waig ket agtalinaed a kasla maysa a gabsoon. Saan daytoy nga agayus a bumaba iti karayan.

\s5
\v 14 Ngarud, idi binallasiw dagiti Israelita ti karayan, napan dagiti padi a mangaw-awit iti lakasa iti sangoananda.
\v 15 Ket apaman a nadanon dagiti padi ti igid ti Karayan Jordan ken imbaddekda dagiti sakada iti danum, (panagrurusing a panawen idi daytoy, idi layusen ti karayan dagiti adda iti igid daytoy),
\v 16 nagsardeng nga agayus ti danum ket naggabsoon daytoy iti adayo iti nasursurong a waig. Saan a nagayus ti danum iti Jordan manipud iti ili nga agnagan iti Adam nga asideg iti Sartan, agingga iti Baybay Araba (maaw-awagan met laeng iti Natay a Baybay), isu a naballasiw dagiti tattao ti karayan iti asideg ti Jerico.

\s5
\v 17 Nagtakder iti rabaw ti namaga a daga idiay tengnga ti Karayan Jordan dagiti padi a mangaw-awit iti nasagradoan a lakasa ni Yahweh; nagtalinaedda a nakatakder sadiay agingga a naballasiw dagiti Israelita ti karayan iti rabaw ti namaga a daga.

\s5
\c 4
\p
\v 1 Kalpasan a naballasiw dagiti Israelita ti Karayan Jordan, kinuna ni Yahweh kenni Josue,
\v 2 "Mangpilika iti 12 a lallaki, maysa manipud iti tunggal tribu, ket ibagam kadakuada a mangalada iti 12 a dadakkel a bato manipud iti tengnga ti Jordan a pagtaktakderan dagiti padi iti namaga a daga.
\v 3 Awitenyo dagidiay a batbato ket idissoyo iti lugar a pagtalinaedanyo ita a rabii."

\s5
\v 4 Nangpili ngarud ni Josue iti 12 a tattao, maysa manipud iti tunggal tribu. Sangsangkamaysa nga inayaban ida ni Josue
\v 5 ket kinunana kadakuada, "Mapankayo iti tengnga ti Karayan Jordan a pagtaktakderan dagiti padi a mangaw-awit iti nasagradoan a lakasa nga inted kadakayo ni Yahweh a Diosyo. Masapul a mangbaklay ti tunggal maysa kadakayo iti bato - 12 a bato a para kadagiti 12 a tribu dagiti Israelita.

\s5
\v 6 Agbalinto dagitoy a bato a monumento a makitayo. Iti masakbayan, saludsodendakayonto dagiti annakyo, 'Ania ti kayat a sawen dagitoy a bato?'
\v 7 Ibagayo kadakuada a naserraan ti Karayan Jordan idi aw-awiten dagiti padi ti nasagradoan a lakasa nga inted ni Yahweh kadakami. Idi naawit ti lakasa nga agturong iti Karayan Jordan, naserraan ti danum tapno makaballasiwkami iti Jordan iti rabaw ti namaga a daga. Ti lugar a pangibatiantayo kadagitoy a batbato ket ti lugar nga agnanayon a panglaglagipan dagiti tattao iti inaramid ni Yahweh."

\s5
\v 8 Inaramid ngarud dagiti Israelita ti imbilin ni Josue nga aramidenda. Napanda ket nangalada iti 12 a dadakkel a bato manipud iti tengnga ti Karayan Jordan, maysa a bato para iti tunggal tribu, a kas iti imbaga ni Yahweh kenni Josue, ket inawitda dagiti bato iti pagtaltalinaedanda ket indissoda dagitoy sadiay.
\v 9 Ket nangala pay ni Josue iti 12 a bato ket pinagtutuonna dagitoy idiay tengnga ti Karayan Jordan a pagtaktakderan dagiti padi a nangawit iti nasagradoan a lakasa ni Yahweh. Ket dayta a monumento ket adda pay laeng agingga ita.

\s5
\v 10 Nagtakder dagiti padi a nangawit iti lakasa iti tengnga ti Karayan Jordan agingga a makaballasiw dagiti tattao iti karayan, a kas iti imbilin ni Yahweh kenni Josue nga ibagana kadakuada nga aramidenda. Daytoy met ket kas iti imbilin ni Moises kenni Josue nga aramidenna. Dardaras a binallasiw dagiti tattao ti karayan.
\v 11 Apaman a nakaballasiw dagiti tattao, nagballasiw dagiti padi a nangawit iti lakasa ni Yahweh. Agbuybuya dagiti amin a tattao sadiay.

\s5
\v 12 Immun-una a nagballasiw dagiti suldado dagiti tribu ni Ruben, Gad ken kagudua dagiti suldado iti tribu ni Manases ngem kadagiti nabatbati nga Israelita. Nagnada iti urnos iti maysa nga armada a kas imbilin ni Moises kadakuada nga aramidenda.
\v 13 Agarup 40,000 a lallaki ti nagnagna iti imatang ni Yahweh. Nakaarmas ken sisasagana a makigubat dagitoy a lallaki ken agturongda iti kapatagan ti Jerico a pakigubatandanto.
\v 14 Iti dayta nga aldaw, nakita dagiti Israelita nga inaramid ni Yahweh ni Josue a naindaklan a mangidadaulo. Ket rinaemda ni Josue a kas iti panangraemda kenni Moises - iti amin nga aldaw ti panagbiagna.

\s5
\v 15 Kinuna ni Yahweh kenni Josue,
\v 16 "Ita, bilinem dagiti padi a mangaw-awit iti nasagradoan a lakasa ti pammaneknek a sumang-atda manipud iti namaga a daga ti Karayan Jordan.

\s5
\v 17 Binilin ngarud ni Josue dagiti padi a sumang-atda manipud iti karayan.
\v 18 Ket simmang-at dagiti padi a mangaw-awit iti nasagradoan a lakasa nga aglalaon kadagiti Sangapulo a Bilin. Apaman a nakasang-atda manipud iti karayan, nagayus manen ti danum iti Karayan Jordan, ket nagliplippias manen ti karayan kas iti kasisigud daytoy kalpasan iti uppat nga aldaw.

\s5
\v 19 Maika-sangapulo nga aldaw iti umuna a bulan dayta a tawen idi binallasiw dagiti tattao ti Karayan Jordan ket nagkampoda iti lugar a maaw-awagan iti Gilgal (nga adda iti dayaen ti siudad ti Jerico).
\v 20 Impatakder ni Josue dagiti 12 a bato idiay Gilgal.
\v 21 Kinunana kadagiti Israelita, "Iti masakbayan, saludsodendakayonto dagiti kaputotanyo, 'Apay nga adda dagitoy a bato ditoy?'

\s5
\v 22 Ibagayo kadakuada, "Ditoy a nagballasiw dagiti Israelita iti namaga a daga ti Karayan Jordan.
\v 23 Pinamagaan ni Yahweh a Diosyo ti karayan para kadakayo agingga a nakaballasiwkayo amin. Ni Yahweh, ti Dios a daydayawenyo ket inaramidna iti Jordan iti kas inaramidna iti Baybay dagiti Runo idi pinamagaanna daytoy agingga a naballasiwtayo daytoy, a kas iti inaramidna ditoy.
\v 24 Inaramid ni Yahweh dayta tapno maammoan dagiti amin a tattao ti daga a mannakabalin isuna, ken tapno agnanayon koma nga itedyo kenkuana ti maikari a pammadayaw."

\s5
\c 5
\p
\v 1 Nangngegan dagiti amin nga ari dagiti Ammorreo iti lauden ti Jerico ken dagiti amin nga ari dagiti Cananeo a nagnaed iti igid ti Baybay Mediterano a pinamagaan ni Yahweh ti danum ti Karayan Jordan agingga a nakaballasiw dagiti amin nga Israelita. Nagbutengda unay ta nakaro ti panagbutengda a makigubat kadagiti Israelita, agsipud ta nangngeganda amin ti maipanggep kadakuada.

\s5
\v 2 Iti dayta a tiempo, kinuna ni Yahweh kenni Josue, "Mangaramidka ita kadagiti natadem nga imuko ket kugitem dagiti amin a lallaki nga Israelita a saan pay a nakugit."
\v 3 Nangaramid ngarud ni Josue kadagiti natadem nga imuko a naaramid manipud iti bato ket kinugitna dagiti lallaki nga Israelita iti lugar a maaw-awagan ita iti Gibeat-haaralot.

\s5
\v 4 Daytoy ti makagapu no apay nga inaramidda dayta; nakugit amin idi dagiti lallaki a pimmanaw idiay Egipto, amin a lallakay unayen nga agbalin a suldado, ngem natayda amin idiay let-ang kalpasan a pinanawanda ti Egipto.
\v 5 Nakugitda idi idiay Egipto, ngem dagiti ubbing a lallaki a naipasngay bayat nga addada idiay let-ang kalpasan a pimmanawda idiay Egipto ket saan a nakugit.

\s5
\v 6 Nagnagna dagiti Israelita idiay let-ang iti las-ud iti 40 a tawen agingga a natay amin a tattao a pakairaman dagiti lallakay unayen tapno agbalin a suldado. Nagsukirda kenni Yahweh isu nga imbaga ni Yahweh a saandanto a makita ti daga nga inkarina kadakuada - daga a nakadamdam-eg unay - daga a nakadamdam-eg unay a kunada a kasla addaan daytoy iti gatas ken diro nga agay-ayus, a kas iti karayan nga agay-ayus iti danum.
\v 7 Isu dagitoy dagiti annak dagiti natay a binangon ni Yahweh a kasukatda. Kinugitna ida gapu ta saanda a nakugit idi nagnagnada idiay let-ang.

\s5
\v 8 Kalpasan a nakugit dagiti amin a lallaki nga Israelita, nagtalinaedda iti kampo ket naginanada agingga nga immimbagda.
\v 9 Ket kinuna ni Yahweh kenni Josue, "Ita nga aldaw, inikkatkon kadakayo ti pakababainanyo iti Egipto." Ngarud, ti nagan ti lugar ket Gilgal, uray ita.

\s5
\v 10 Iti rabii iti maika-14 nga aldaw iti dayta a bulan, bayat a nakakampo dagiti Israelita idiay Gilgal, iti patag iti asideg ti Jerico, rinambakanda sadiay ti padaya ti Ilalabas.
\v 11 Nanganda kadagiti tinapay nga awan lebadurana ken nangikirogda kadagiti bukbukel iti aldaw kalpasan iti Ilalabas.

\s5
\v 12 Iti sumaruno nga aldaw, insardeng ti Dios ti mangited iti manna a kanen dagiti tattao. Nangrugi iti dayta a tawen, nanganda iti taraon a naapit iti daga ti Canaan.

\s5
\v 13 Bayat a nakatakder ni Josue idiay asideg ti Jerico, kimmita isuna iti ngato ket nakitana ti lalaki iti sangoananna. Inukksot ti lalaki ti kampilanna ket ig-iggemna daytoy. Immasideg ni Josue kenkuana ket sinaludsodna, "Kaduadaka kadi wenno kabusordaka?"

\s5
\v 14 Simmungbat ti lalaki, "Awan kadagitoy. Siak ti mangidadaulo iti armada ni Yahweh, ket ita immayak." Nagpakleb ngarud ni Josue tapno ipakitana ti panagraemna kenkuana. Kinuna ni Josue kenkuana, "Apo, ania ti kayatmo nga ibilin kaniak nga adipenmo?"
\v 15 Simmungbat ti mangidadaulo iti armada ni Yahweh, "Ikkatem dagiti sandaliasmo, ta ti daga a pagtaktakderam ket nasantoan." Inikkat ngarud ni Josue dagiti sandaliasna.

\s5
\c 6
\p
\v 1 Ita, nairekep a nasayaat ti tunggal ruangan ti siudad ti Jerico, gapu ta mabuteng dagiti tattao iti armada ti Israel. Awan ti makastrek wenno makapanaw iti siudad.
\v 2 Kinuna ni Yahweh kenni Josue, "Kitaem ti ar-aramidek! It-itedko kenka ti Jerico. Kukuamton daytoy- ti siudad agraman ti ari ken dagiti amin a natutured a soldado daytoy.

\s5
\v 3 Agmartsakayo iti aglawlaw ti siudad, iti maysa a daras. Maysa a daras iti tunggal aldaw a lawlawen daytoy dagiti amin a natured a soldado iti las-ud iti innem nga aldaw.
\v 4 Ibagayo kadagiti pito a padi a kumuyogda kadakuada nga agmartsa iti aglawlaw. Mangitugot ti tunggal maysa kadakuada iti trumpeta. Iti maikapito nga aldaw, masapul a maminpito nga agmartsa ti armada iti aglawlaw ti siudad, ken masapul a pagunien dagiti padi iti napigsa dagiti trumpeta bayat nga agmarmartsada.

\s5
\v 5 Kalpasan a nagmartiada amin iti aglawlaw ti siudad iti pito a daras, masapul a pagunien iti napigsa ken napaut dagiti padi dagiti trumpetada a naaramid manipud iti sara ti kalakian a karnero. Inton mangngeg dagiti tattao ti Israel dayta, masapul nga agpukkawda iti nakapigpigsa, ket marbanto ti pader ti siudad. Ket masapul nga agtartarus a sumrek dagiti amin a soldado iti siudad."

\s5
\v 6 Pinaayaban ngarud ni Josue dagiti padi ket kinunana kadakuada, "Ibagayo iti uppat a padi nga awitenda ti nasagradoan a lakasa ni Yahweh, ken ibagayo kadagiti padi nga awitenda dagiti pito a trumpeta a naaramid manipud kadagiti sara ti kalakian a karnero ken paapanenyo ida iti sangoanan ti nasagradoan a lakasa ni Yahweh."
\v 7 Ket imbagana kadagiti tattao, "Mapankayo ket agmartsakayo iti aglawlaw ti siudad ket paunaenyo dagiti nakaigam a lallaki iti nasagradoan a lakasa ni Yahweh."

\s5
\v 8 Kas iti imbilin ni Josue iti armadana, nangrugi nga immun-una a nagrubbuat dagiti pito a padi a nakaawit ti tunggal maysa kadakuada iti trumpeta a kas imbilin ni Yahweh. Immuna a nagna ti tunggal maysa ket pinagunina iti napigsa ti trumpetana. Simmaruno kadakuada dagiti mangaw-awit iti nasagradoan a lakasa ni Yahweh.
\v 9 Nagmartsa dagiti nakaigam a soldado iti sangoanan dagiti padi a mangpagpaguni kadagiti trumpetada. Idi sinaruno dagiti nabatbati kadagiti soldado iti lakasa, bayat nga agmarmartsada amin, agtultuloy a pagpagunien dagiti padi dagiti trumpetada.

\s5
\v 10 Ngem naulimek dagiti nabatbati kadagiti tattao, gapu ta binilin ida ni Josue, a kunkunana, "Saankayo nga agriaw. Saankayo nga agpukkaw wenno agsao iti uray maysa agingga iti aldaw nga ibagak kadakayo nga agpukkawkayo. Iti dayta nga aldaw, masapul nga agpukkawkayo!"
\v 11 Inaramid ngarud dagiti lallaki a mangaw-awit iti nasagradoan a lakasa ni Yahweh ken dagiti dadduma ti imbaga ni Josue nga aramidenda. Maminsan iti maysa nga aldaw a nagmartsada iti aglawlaw ti siudad. Ket nagsublida amin iti kampo ken nagtalinaedda idiay iti rabii.

\s5
\v 12 Kabigatanna, nasapa a bimmangon ni Josue ken dagiti padi ket inawitda ti nasagradoan a lakasa ni Yahweh.
\v 13 Napan dagiti pito a padi a mangaw-awit kadagiti trumpeta a naaramid manipud kadagiti sara dagiti kalakian a karnero iti sangoanan dagiti lallaki a mangaw-awit iti nasagradoan a lakasa. Pinagunida iti napigsa dagiti trumpetada bayat nga agmarmartsada. Nagna dagiti soldado iti sangoananda ket simmaruno dagiti akinlikud a guardia ti armada iti nasagradoan a lakasa ni Yahweh. Pinagpaguni manen dagiti padi dagiti trumpetada.
\v 14 Isu nga iti maikadua nga aldaw, maminsan manen a nagmartsada iti aglawlaw ti siudad ket nagsublida iti kampo. Kastoy ti inaramidda iti las-ud iti innem nga aldaw.

\s5
\v 15 Iti maikapito nga aldaw, bimmangonda iti parbangon; nagmartsada amin iti aglawlaw ti siudad iti isu met laeng a wagas nga inaramidda iti napalabas, ngem iti daytoy a kanito, naminpitoda a nagmartsa iti aglawlaw ti siudad.
\v 16 Bayat iti panagmarmartsada iti maikapito a daras, idi dandanin pagunien dagiti padi iti napigsa ken napaut dagiti trumpetada, binilin ni Josue dagiti tattao, "Agpukkawkayo! Gapu ta it-ited kadakayo ni Yahweh daytoy a siudad!

\s5
\v 17 Impakdaar ni Yahweh a masapul a dadaelenyo ti siudad ken dagiti amin a banbanag nga adda iti daytoy tapno maipakita a kukuana daytoy. Ni laeng Rahab a balangkantis ti agbiag- ken dagiti amin nga adda iti balayna a kaduana- gapu ta inlemmengna dagiti espia nga imbaontayo.
\v 18 Ken gapu ta impakdaar ni Yahweh a masapul a madadael amin a banbanag, masapul a saankayo a mangala iti aniaman kadagiti banbanag iti siudad. No mangalakayo iti aniaman a banag, ikkanyo ni Yahweh ti gapu tapno dadaelenna ti kampo ti Israel ken mangiyegkayo iti riribuk iti daytoy.
\v 19 Ngem dagiti amin a pirak ken balitok ken banbanag a naaramid iti landok ken tanso a masarakanyo, masapul nga ilasinyo nga agpaay kenni Yahweh. Masapul nga ikabilyo dagidiay a banbanag iti pagiduldulinan iti gamengna."

\s5
\v 20 Inaramidda ngarud ti imbaga ni Josue nga aramidenda. Idi pinaguni dagiti padi iti napigsa ken napaut dagiti trumpetada, nagpukkaw dagiti tattao iti nakapigpigsa ket narba ti pader ti siudad! Ket napan dagiti tattao iti siudad, dagus a simrekda iti siudad manipud iti pagtaktakderanda idi narba ti pader, ket sinakupda ti siudad.
\v 21 Pinapatayda amin nga agbibiag iti siudad- lallaki ken babbai, ubbing ken nataengan a tattao, uray baka, karnero ken dagiti asno.

\s5
\v 22 Ket kinuna ni Josue iti dua a lallaki a nagsiim iti daga, "Mapankayo iti balay ti balangkantis. Irruaryo isuna, agraman dagiti amin a pamiliana, a kas sipapasnek nga ingkariyo kenkuana."

\s5
\v 23 Napan ngarud dagiti agtutubo a lallaki a nagsiim iti daga ket inruarda ni Rahab. Inruarda ti amana, inana, dagiti kakabsatna ken amin a kabagianna a kaduana. Impanda ida iti maysa a lugar iti ruar ti kampo ti Israel.
\v 24 Ket pinuoranda ti siudad, agraman dagiti amin a banbanag nga adda iti daytoy. Innalada ti pirak, balitok ken amin a pagkargaan a tanso ken landok, nga inkabilda iti pagiduldulinan iti gameng idiay balay ni Yahweh.

\s5
\v 25 Ngem pinalubosan ni Josue nga agbiag ni Rahab a balangkantis, ti sangkabalayan ti amana, ken dagiti amin a kaduana. Nagnaed dagiti kaputotanna idiay Israel agingga iti daytoy nga aldaw gapu ta inlemmengna dagiti espia nga imbaon ni Josue nga agsiim idiay Jerico, ken inkarida nga isalakanda ti biagna.

\s5
\v 26 Iti dayta a tiempo, siiinget unay nga impakdaar ni Josue daytoy: "Ilunodto koma ni Yahweh ti siasinoman a mangbangon manen iti daytoy a siudad a Jerico. No isaad dayta a tao ti pundasion daytoy, matayto koma ti inauna nga anakna a lalaki. Ken inton malpasna nga ipatakder ti pader ti siudad ken tarimaanen dagiti ruangan daytoy, matayto koma ti inaudi nga anakna a lalaki."
\v 27 Adda ni Yahweh kenni Josue, ken am-ammo ti tunggal maysa iti daga ti kinasiasino ni Josue.

\s5
\c 7
\p
\v 1 Imbilin ni Yahweh a nasken a madadael dagiti amin a banbanag a naalada idiay Jerico tapno ipakitana kukuana dagitoy. Ngem adda ti lalaki manipud iti tribu ti Juda nga agnagan iti Acan. Anak isuna ni Carmi, nga apoko ni Zabdi, nga apoko iti tumeng ni Zera. Sinukirna ti imbilin ni Yahweh ket nangala isuna iti sumagmamno kadagidiay a banbanag. Isu a nakapungtot unay ni Yahweh kadagiti Israelita.

\s5
\v 2 Ita, imbaga ni Josue iti sumagmamano a tattaona a manipud iti Jerico a mapanda iti siudad ti Ai, a dayaen ti Betel ken asideg ti Bet-aven. Kinunana kadakuada, "Mapankayo idiay Ai ket paliiwenyo ti lugar." Simmang-at ngarud dagiti lallaki ket pinaliiwda ti ili.
\v 3 Idi nagsublida kenni Josue, kinunada, "Bassit laeng dagiti tattao idiay Ai. Isu a mangibaonka laeng iti dua wenno talloribu a mangraut kadakuada. Saanen a kasapulan a paapanen dagiti amin a soldadotayo."

\s5
\v 4 Agarup tallo ribu ngarud a lallaki nga Israelita ti napan a mangraut iti Ai. Ngem saanda ida a naparmek. Ngem timmarayda ketdi tapno maispal ti biagda.
\v 5 Pinatay dagiti kabusor ti agarup 36 nga Israelita ken kinamatda dagiti dadduma manipud iti ruangan ti siudad agingga iti baba ti turod, ken agingga iti lugar a pagtaptapyasan dagiti tattao iti bato manipud iti turod. Idi nakita dagiti tattao ti Israel daytoy, nagbutengda unay ken napatakrutanda.

\s5
\v 6 Rinay-ab ni Josue dagiti pagan-anayna tapno ipakitana a naliday isuna. Nagpakleb isuna ken dagiti mangidadaulo iti Israel iti daga gapu ta nakaro ti liday ken ungetda. Nagpaklebda sadiay iti sangoanan ti nasagradoan a lakasa ni Yahweh agingga iti sumipnget.
\v 7 Kalpasanna, nagkararag ni Josue ket kinunana, "O Yahweh nga Apo, inyegnakami nga Israelita a sikakaradkad iti ballasiw ti Karayan Jordan. Apay ngarud a palpalubosam a dadaelendakami ita dagiti Amorreo? Sabali koma laengen ti pangngeddengmi; nagtalinaedkami la koman idiay ballasiw ti Karayan Jordan!

\s5
\v 8 O Apo, awanen ti maibagak kenka. Nagtaray ti Israel iti pannakaabakna. Timmalikudkami iti bain bayat nga itartarayanmi dagiti kabusormi. Saanko nga ammo ti ibagak.
\v 9 Madamagto dagiti Cananeo ken dagiti amin a tattao nga agnanaed iti daytoy a daga ti maipanggep iti daytoy. Ket lawlawen ken patayendakaminto amin! Ania ngarud ti aramidem tapno maikanawam ti dayawmo?"

\s5
\v 10 Ngem kinuna ni Yahweh kenni Josue, "Tumakderka! Isardengmo ti agpakpakleb iti daga!
\v 11 Nagbasol ti Israel. Sinukiryo dagiti bilbilin nga imbagak kadakayo a tungpalenyo. Nagulbodda, nagtakawda, ken innalada ti tinakawda ket intiponda dagitoy kadagiti sanikuada, tapno ilemmengda dagitoy.
\v 12 Dayta ti gapuna a saan a kabaelan a parmeken dagiti tattao ti Israel dagiti kabusorda. Dayta ti gapuna a nagtarayda, ken ita dakayo a mismo ket madadael. No saanyo nga aramiden a kas iti imbilinko kadakayo ken dadaelen dagiti banbanag nga innalayo manipud idiay Jerico, saankayonton pulos a tulongan!

\s5
\v 13 Ita, mapanka ket ibagam kadagiti amin a tattao a masapul nga ilasinda ti bagbagida inton bigat ken agsaganada nga agdayaw kenni Yahweh. "Indulinyo dagiti banbanag nga imbagak kadakayo a dadaelenyo, a nasken koma a naited kaniak, kinuna ni Yahweh a Dios ti Israel. "Saanyonto pulos a maparmek dagiti kabusoryo agingga nga ibellengyo dagiti banbanag nga innalayo manipud Jerico nga inlemmengyo kadagiti sanikuayo."

\s5
\v 14 Inton bigat ti agsapa, masapul nga idatagyo ti tunggal tribuyo iti sangoanak. Ket dumatagto iti sangoanak ti tunggal pamilia ti tribu a piliek. Dumatagto ti tunggal sangkabalayan ti pamilia a piliek. Saggaysanto a dumatag iti sangoanak ti sangkabalayan a piliek.
\v 15 Ket mapuoranto ti tao a nangala kadagiti banbanag a rumbeng koma a naited kaniak. Mapuoranto isuna ken dagiti amin a kukuana, gapu ta sinukirna ti kari ken katulagan ni Yahweh kadatayo, ken nakaaramid isuna iti nakababain a basol kadagiti tattao ti Israel."

\s5
\v 16 Nasapa iti kabigatanna, imbaga ni Josue kadagiti amin nga Israelita a mapan ti tunggal tribuda iti lugar a pagdaydayawan. Idi inaramidda dayta, impakita ni Yahweh a manipud iti tribu ti Juda ti lalaki a napili.
\v 17 Dimmatag ngarud dagiti puli ti Juda, ket impakita ni Yahweh a pinilina ti puli ni Zera. Ket dimmatag dagiti pamilia ti puli ni Zera, ket impakita ni Yahweh a mangpili isuna manipud iti pamilia ni Zabdi.
\v 18 Ket imbaga ni Josue kadagiti lallaki manipud iti dayta a pamilia a dumatagda. Ket impakita ni Yahweh a ni Acan ti nagbasol.

\s5
\v 19 Ket kinuna ni Josue kenni Acan, "Anakko, agpudnoka kenni Yahweh a Dios ti Israel. Ibagam kaniak ti inaramidmo, ken saanmon nga ilibak kaniak daytoy."
\v 20 Simmungbat ni Acan, "Pudno daytoy. Nagbasolak kenni Yahweh a Dios ti Israel. Daytoy ti inaramidko:
\v 21 Kadagiti banbanag idiay Jerico, nakakitaak iti napintas a kagay manipud iti Babilonia. Nakakitaak pay iti dua gasut a pidaso ti pirak ken sumagmamano a balitok nga agdagsen iti innem a gasut a gramo. Nagustoak unay dagitoy a banbanag, isu nga innalak dagitoy. Ingkalik dagitoy iti daga iti nagtakderan ti toldak. Masarakanyo dagitoy sadiay. Naikali ti pirak iti babaen amin dagitoy."

\s5
\v 22 Nangibaon ngarud ni Josue kadagiti lallaki a mangsapul kadagidiay a banbanag. Nagtarayda iti tolda ni Acan ket nasapulanda dagiti amin a banbanag a nakalemmeng sadiay.
\v 23 Inruar dagiti lallaki amin dagitoy iti tolda ket impanda dagitoy kenni Josue ken kadagiti Israelita. Ket indissoda dagitoy, a kasla daton kenni Yahweh.

\s5
\v 24 Ket insalog ni Josue ken dagiti nabatbati kadagiti tattao ni Acan iti tanap. Intugotda met ti pirak, kagay, barreta ti balitok, ti asawa ni Acan ken dagiti annakna a lalaki ken babai, dagiti bakana, dagiti asnona, dagiti karnero, ti toldana ken dagiti amin a kukuana.

\s5
\v 25 Kinuna ni Josue, "Saanko ammo no apay a riniribuknakami unay, ngem ita iyeg kenka ni Yahweh ti riribuk." Ket binato dagiti amin a tattao ni Acan isu a natay isuna, ken pinuoranda amin ida, ken binatoda amin ida.
\v 26 Ginabsuonanda kadagiti bato dagiti dapo dagiti bangkayda, ken adda pay laeng sadiay dagidiay a bato. Dayta ti gapuna a naawagan dayta a tanap iti Tanap ti Riribuk agingga ita nga aldaw.

\s5
\c 8
\p
\v 1 Ket kinuna ni Yahweh kenni Josue, "Saanka nga agbuteng wenno maupay. Ikuyogmo dagiti amin a soldado nga adda kenka ket mapankayo manen sadiay. Sumang-atkayo idiay Ai. Kitaenyo! It-itedko kadakayo ti balligi iti ari ti Ai, ket parmekenyonto dagiti tattaona, ken sakupenyo ti siudad, ken ti dagana.
\v 2 Aramidento ti armadam kadagiti tattao ti Ai ken iti arida iti kasla iti inaramidyo kadagiti tattao ti Jerico ken iti arida. Ngem iti daytoy a kanito, palubosankayo a mangala kadagiti amin a sanikuada ken idulinyo dagitoy nga agpaay kadakayo. Ngem ibagam pay nga umuna kadagiti sumagmamano a soldadom nga aglemmengda iti likudan ti siudad ket agsaganada a mangraut iti daytoy."

\s5
\v 3 Indauloan ngarud ni Josue dagiti amin nga armadana nga agturong idiay Ai. Nangpili isuna iti 30,000 a lallaki- dagiti kapipigsaan a tattaona, dagiti lallaki a mabigbigbig gapu iti kinaturedda iti gubat- ket imbaonna ida bayat ti rabii.
\v 4 Kinunana kadakuada, "Dumngegkayo! Masapul nga agsagana dagiti sumagmamno kadakayo iti kellaat a panangraut iti siudad- panangraut a mabuangay iti likudan ti siudad. Saankayo nga umadayo manipud iti siudad. Agsaganakayo amin a rumaut.

\s5
\v 5 Agmartsakaminto kadagiti lallaki a kakuyogko nga agturong iti siudad iti bigat. Rummuarto dagiti lallaki iti siudad tapno makiranget kadakami, a kas iti inaramidda idi damo. Ket agsanudkaminto ket rugianmi ida nga itarayan.
\v 6 Ipagarupdanto nga itartarayanmi ida a kasla iti inaramidmi idi damo. Isu a kamatendakaminto nga umadayo manipud iti siudad. Bayat nga itartarayanmi ida,
\v 7 dakayo nga aglemlemmeng ket masapul a rummuarkayo ken darsenyo ti sumrek iti siudad ket sakupenyo daytoy. Itedto kadakayo ni Yahweh a Diosyo ti siudad.

\s5
\v 8 Kalpasan a masakupyo ti siudad, puoranyo daytoy. Aramidenyo ti imbilin ni Yahweh nga aramidentayo. Dagitoy dagiti bilbilin nga it-itedko kadakayo."
\v 9 Nagsagana ngarud ni Josue a mangibaon kadagiti sumagmamano kadakuada tapno aglemmeng ken aguray iti nagbaetan ti Ai ken Betel, iti laud ti Ai. Ngem nakiturog ni Josue kadagiti kangrunaan a buyot dagiti soldado iti dayta a rabii.

\s5
\v 10 Nasapa iti kabigatanna, inummong ni Josue dagiti soldadona. Indauloanna dagiti soldado ken dagiti dadduma a mangidadaulo kadagiti Israelita; napanda amin tapno rautenda dagiti tattao ti Ai.
\v 11 Impatakderda amin dagiti toldada iti asideg ti Ai, iti amianan laeng ti siudad, iti lugar a mabalin a makita ida dagiti amin a tattao ti siudad. Adda tanap iti nagbaetanda ken iti siudad ti Ai.
\v 12 Nangala ni Josue iti agarup lima ribu a lallaki ken imbagana kadakuada a mapanda aglemmeng tapno mabalin a rumautda a saan a mapakpakadaan, iti laud laeng ti siudad, iti nagbaetan ti Ai ken Betel.

\s5
\v 13 Inaramid ngarud dayta dagiti lallaki. Adda iti amianan ti siudad ti ad-adu a bunggoy dagiti soldado, ket aglemlemmeng dagiti dadduma iti laud ti siudad. Iti dayta a rabii, simmalog ni Josue idiay tanap.
\v 14 Idi nakita ti ari ti Ai ti armada dagiti Israelita, nasapa a bimmangon isuna ken dagiti soldadona iti kabigatanna ket dagus a rimmuarda iti siudad a makigubat kadakuada. Napanda iti maysa a lugar iti daya ti siudad, a matantannawagan ti kapatadan, ngem saanda nga ammo a nakalemmeng dagiti sumagmamano a soldado dagiti Israelita a sisasagana a mangraut kadakuada iti likudan ti siudad.

\s5
\v 15 Intulok ni Josue ken dagiti soldado dagiti Israelita a kaduana a pagsanuden ida ti armada ti Ai. Ket nagtaray ti armada ti Israel nga agturong iti let -ang.
\v 16 Nabilin dagiti lallaki ti Ai a mangkamat kenni Josue ken dagiti tattaona. Isu a pinanawanda ti siudad ket kinamatda ni Josue ken ti armadana.
\v 17 Kinamat dagiti amin a lallaki ti Ai ken dagiti lallaki ti Betel ti armada dagiti Israelita. Saanda a nangibati iti uray maysa a lalaki idiay Ai a mangbantay iti daytoy. Ken pinanawanda a silulukat dagiti ruangan ti siudad.

\s5
\v 18 Ket kinuna ni Yahweh kenni Josue, "Ingatom ti gayangmo ket ipaturongmo daytoy iti Ai, gapu ta ikkak iti kabaelan dagiti soldadom a mangsakup iti daytoy!" Impaturong ngarud ni Josue ti gayangna iti Ai.
\v 19 Idi nakita dayta dagiti aglemlemmeng a lallaki nga Israelita, nagdardarasda a rimmuar manipud iti paglemlemmenganda ket nagtarayda a simrek iti siudad. Sinakupda daytoy ket dagus a pinuoranda.

\s5
\v 20 Idi timmaliaw dagiti lallaki ti Ai iti likudan, nakitada ti asuk nga agpangpangato manipud iti siudadda. Ngem saandan a makalibas, gapu ta simmardengen nga agtartaray dagiti buyot dagiti Israelita ket simmangodan iti armada a mangkamkamat kadakuada.
\v 21 Nakita ni Josue ken dagiti tattaona a nasakupen dagiti naglemmeng a lallaki ti siudad ken pupuoranda daytoy, ken nakitada ti asuk nga agpangpangato. Nagsublida ngarud ket pinapatayda dagiti lallaki ti Ai.

\s5
\v 22 Kabayatanna, rimmuar dagiti soldado a nangsakup iti siudad ket rinautda ida manipud iti likud. Isu a napalawlawan dagiti lallaki ti Ai iti dua a bunggoy dagiti soldado dagiti Israelita. Awan ti nakalibas kadagiti lallaki ti Ai. Nakiranget dagiti Israelita agingga a napatayda amin ida.
\v 23 Ngem tiniliwda ti ari ti Ai ket impanda isuna kenni Josue.

\s5
\v 24 Kabayatan nga aggugubatda, kinamat ti armada dagiti Israelita dagiti tattao ti Ai agingga kadagiti taltalon ken agingga iti let-ang ket pinatayda amin ida. Kalpasanna, napanda idiay Ai ket pinatayda ti tunggal maysa ken aniaman a banbanag a sibibiag pay laeng sadiay.
\v 25 Pinatayda ti 12,000 a lallaki ken babbai.
\v 26 Intultuloy ni Josue nga impaturong ti gayangna iti Ai agingga a napapatay dagiti amin a tattao idiay Ai.

\s5
\v 27 Innala dagiti soldado dagiti Israelita dagiti ayup nga agpaay kadakuada ken dagiti dadduma a banbanag a kukua dagiti tattao ti Ai, kas iti imbaga ni Yahweh kenni Josue a nasken nga aramidenda.
\v 28 Pinuoran ni Josue ken dagiti soldadona ti Ai ket pinagbalinda daytoy a gabsuon dagiti nadadael iti agnanayon. Daytoy ket langalang a lugar uray ita nga aldaw.

\s5
\v 29 Imbitin ni Josue ti ari ti Ai iti kayo ket imbatina sadiay a nakabitin ti bangkayna agingga iti rabii. Iti ilelennek ti init, imbaga ni Josue kadagiti tattaona nga ibabada ti bagi ti ari manipud iti kayo ket ibellengda iti ruangan ti siudad. Kalpasan nga inaramidda dayta, nangaramidda iti dakkel a gabsuon dagiti bato iti rabaw ti bagina. Adda pay laeng sadiay dayta a gabsuon dagiti bato agingga ita nga aldaw.

\s5
\v 30 Ket imbaga ni Josue kadagiti tattaona a mangbangonda iti altar idiay Bantay Ebal nga agpaay kenni Yahweh a Dios ti Israel.
\v 31 Binangonda daytoy a kasla iti insurat ni Moises, ti tao a nagserbi a nasayaat iti Dios, idi napalabas kadagiti linteg nga inted ti Dios kenkuana. Inaramidda daytoy manipud kadagiti bato a saan pay a natapyasan, dagiti bato a saanda nga inusaran iti landok nga alikamen. Ket nangidaton dagiti Israelita kadagiti daton nga agpaay kenni Yahweh a naan-anay a naipuor iti rabaw ti altar. Nangipaayda met iti daton a kas panagkari iti pannakikappia kenkuana.
\v 32 Iti imatang dagiti Israelita, insurat ni Josue kadagiti bato ti kopia dagiti linteg nga inted ni Yahweh kenni Moises.

\s5
\v 33 Dagiti mangidadaulo kadagiti Israelita, dagiti opisial, dagiti ukom, ken dadduma nga Israelita ket adda sadiay a nakatakder iti asideg. Adu a tattao a saan nga Israelita ti adda met sadiay. Nakatakder ti kagudua a bilang dagiti tattao iti maysa a paset ti tanap iti babaen ti Bantay Ebal, ken nakatakder ti dadduma a kagudua a bilang dagiti tattao iti bangir a paset iti tanap iti babaen ti Bantay Gerizim. Adda ti nasagradoan a lakasa idiay tanap iti nagbaetan dagiti dua a bunggoy. Ket binendisionanda dagiti Israelita a kas imbaga kadakuada ni Moises nga adipen ni Yahweh nga aramidenda, idi un-unana.

\s5
\v 34 Ket imbasa ni Josue kadagiti tattao dagiti amin nga insurat ni Moises idi napalabas. Pakairamanan iti dayta ti insuro ni Yahweh kadakuada ken dagiti wagas nga ingkarina a bendissionanna ida no agtulnogda kadagiti bilbilinna wenno ilunod ida no labsingenda dagitoy.
\v 35 Binasa a nasayaat ni Josue dagiti amin a bilbilin nga inted ni Moises; binasana ti tunggal sao iti sangoanan ti entero a gimong ti Israel. Adda met sadiay dagiti amin a babbai ken ubbing, ken kasta met dagiti ganggannaet a makipagnanaed kadagiti Israelita.

\s5
\c 9
\p
\v 1 Adda idi sumagmamano nga ari a nagturay kadagiti daga iti laud a paset ti Karayan Jordan. Isuda dagiti ari dagiti Heteo, Amorreo, Cananeo, Perezeo, Heveo, ken Jebuseo. Nagnaedda iti katurodan a pagilian, kadagiti nababbaba a turod iti laud, ken kadagiti kapatadan iti igid ti Baybay Mediterranean. Nadamagda ti maipanggep iti napasamak iti Ai.
\v 2 Inummongda ngarud amin dagiti armadada nga indauloan iti maysa a mangidadaulo a manggubat kenni Josue ken iti armada dagiti Israelita.

\s5
\v 3 Nu pay kasta, idi nadamag dagiti tattao nga agnanaed iti siudad ti Gabaon a pinarmek ti armada ni Josue dagiti tattao ti Jerico ken Ai,
\v 4 inkeddengda nga allilawen dagiti Israelita. Nangalada kadagiti sumagmamano a daan a sako ken sumagmamano a lalat a pagkargaan iti arak a natarimaan kalpasan a napisang dagitoy, ket insakayda dagitoy kadagiti likudan dagiti asnoda.
\v 5 Nagsuotda kadagiti daan a sandalias a natakupan ken nagkawesda kadagiti rutrot a pagan-anay. Ken nagbalonda iti namaga ken binuot a tinapay.

\s5
\v 6 Napanda iti lugar a nangipatakderan ni Josue ken dagiti dadduma nga Israelita kadagiti toldada iti asideg ti Gilgal. Kinunada kadakuada, "Nagdaliasatkami manipud iti adayo unay a daga. Pangngaasiyo, makitulagkayo iti pannakikappia kadakami."
\v 7 Kinuna dagiti mangidadaulo kadagiti Israelita kadagiti lallaki manipud iti Galaad (dagiti Heveoda), "Nalabit nga agnanaedkayo iti asideg. Kasano a makitulagkami kadakayo?"
\v 8 Simmungbatda kenni Josue ket impapilitda, "Dakami dagiti adipenmo!" Ngem insungbat ni Josue, "Siasinokayo? Sadino aya ti pudno a naggapuanyo?"

\s5
\v 9 Insungbat dagiti lallaki manipud iti Gabaon, "Kayatmi ti agbalin nga adipenmo. Napankami ditoy manipud iti adayo a daga, gapu iti kinatan-ok ni Yahweh a Diosmo. Nadamagmi dagiti amin a naindaklan a banbanag nga inaramidna idiay Egipto.
\v 10 Ken nadamagmi ti maipanggep iti inaramidna kadagiti dua nga ari dagiti Amorreo nga adda iti daya a paset ti Karayan Jordan- ni Sihon nga ari a nagturay idiay Hesbon, ken ni Og nga ari ti Basan a nagnaed idiay Astarot.

\s5
\v 11 Kinuna ngarud kadakami dagiti mangidadaulo kadakami ken dagiti dadduma kadagiti tattaomi, "Mangalakayo iti sumagmamano a taraon ket mapankayo makisarita kadagiti Israelita. Ibagayo kadakuada, "Kayatmi ti agbalin nga adipenyo. Isu a mangaramidkayo iti katulagan iti pannakikappia kadakami.'"
\v 12 “Kitaenyo ti tinapaymi. Kabarbaro ken napudot pay laeng idi inlutomi daytoy iti aldaw a pimmanawkami kadagiti pagtaenganmi tapno mapankami kadakayo ditoy. Ngem ita namagan ken binuoten dagitoy.
\v 13 Kitaenyo dagiti lalat a pagkargaanmi iti arak, kabarbaro dagitoy idi pinunnomi iti arak sakbay a pimmanawkami, ngem ita pigispigis ken daanen dagitoy. Dimmaanen dagiti pagan-anay ken sandaliasmi gapu iti nawatiwat a panagdaliasatmi nga umay ditoy."

\s5
\v 14 Inawat dagiti mangidadaulo kadagiti Israelita ti sumagmamano kadagiti daan a taraonda ken nanganda a kadua ida tapno makitulagda iti pannakikappia. Saanda a napanunot a dinamag ni Yahweh no ania ti rumbeng nga aramidenda.
\v 15 Iti kastoy a wagas, immanamong ni Josue a makikappia. Nakitulag dagiti Israelita kadagiti lallaki manipud idiay Gabaon, nga immanamongda a saanda a patayen dagitoy a ganggannaet. Napasnek a nagsapata dagiti amin a mangidadaulo kadagiti Israelita.

\s5
\v 16 Nu pay kasta, kalpasan ti tallo nga aldaw, naammoan dagiti Israelita a naggapu laeng dagiti lallaki manipud iti Gabaon ket pudno nga agnanaedda iti asideg.
\v 17 Napanda ngarud iti lugar a pagnanaedan dagiti lallaki manipud iti Gabaon. Kalpasan iti tallo laeng nga aldaw a panagdaliasatda, dimtengda kadagiti siudadda: Gabaon, Kefira, Beerot ken Kiriat Jearim.

\s5
\v 18 Ngem saan a rinaut dagiti Israelita dagidiay a siudad gapu ta napasnek a nagsapatada a makipagnaedda a sikakappia kadakuada, ken gapu ta nangngeg ni Yahweh ti ingkarida. Nagdayamudom dagiti amin a tattao ti Israel kadagiti mangidadaulo kadakuada gapu iti panangaramidda iti daytoy a katulagan.
\v 19 Ngem insungbat dagiti mangidadaulo, "Ingkarimi a sikakappia a makipagnaedtayo kadakuada ken nangngegnakami ni Yahweh a Dios ti Israel nga ingkarimi nga aramidenmi dayta. Isu nga ita, saantayo ida a mabalin a dangran.

\s5
\v 20 No patayentayo ida, makapungtotto ti Dios kadatayo ket dusaennatayo gapu ta saantayo a tinungpal ti karitayo kadakuada, maysa a kari a mangigawgawid kadatayo babaen iti napasnek a sapata. Ngem daytoy ti mabalintayo nga aramiden:
\v 21 Palubosantayo ida nga agbiag, ngem agbalindanto nga adipentayo; agbalsig ken agsakdodanto nga agpaay kadagiti amin a tattao." Daytoy ti napasamak, a kas pinanggep dagiti mangidadaulo.

\s5
\v 22 Pinaayaban ngarud ni Josue dagiti lallaki manipud iti Gabaon ket sinaludsodna ida, "Apay a nagulbodkayo kadakami? Asideg dagiti pagtaenganyo kadakami; agnanaedkayo iti asidegmi, ngem imbagayo kadakami a naggapukayo iti adayo a daga!
\v 23 Ita, agbiagkayonto iti lunod. Agbalinkayonto a tagabumi. Agnanayonkayonto a tagabumi, ket rumbeng nga agbalsig ken agsakdokayonto nga agpaay iti balay ti Diosmi."

\s5
\v 24 Insungbat dagiti lallaki manipud iti Gabaon, "Nagulbodkami kenka gapu ta nagbutengkami amangan no papatayendakami. Nadamagmi nga impakdaar ni Yahweh a Diosyo kenni Moises nga adipenna nga ikkanna iti kabaelan dagiti tattaoyo tapno papatayendakami amin idiay Canaan, ken itedna kadakayo dagiti dagami.
\v 25 Isu nga ita, nasken nga ikeddengmo no ania ti aramidem kadakami. Aramidem kadakami ti aniaman nga ipagarupmo a nasayaat ken maiparbeng."

\s5
\v 26 Insalakan ngarud ni Josue dagiti bibiag dagiti tattao ti Gabaon; saanna a pinalubosan ti armada ti Israel a mangdangran kadakuada.
\v 27 Pinagbalinna ketdi ida a tagabu dagiti Israelita. Agbalsig ken agsakdoda nga agpaay iti Israel. Mangipanda pay ti kayo ken danum a kasapulan para iti nasagradoan nga altar ni Yahweh. Ket ar-aramiden pay laeng dayta dagiti tattao ti Gabaon agingga iti daytoy agdama a tiempo.

\s5
\c 10
\p
\v 1 Nangngeg ni Adonizedek, nga ari iti siudad ti Jerusalem, a sinakup dagiti armada ni Josue ti Ai ken dinadaelda a naan-anay dagiti amin a banbanag nga adda iti ili. Nangngegna nga inaramidda kadagiti tattao ti Ai ken iti arida ti kas met laeng iti inaramidda kadagiti tattao ti Jerico ken ti arida. Nangngegna pay a nakikappia dagiti tattao iti siudad ti Gabaon kadagiti Israelita ken makipagnanaeddan ita kadakuada.
\v 2 Napalalo ti buteng dagiti tattao ti Jerusalem gapu ta ti Gabaon ket maysa a napateg a siudad, a kas kadagiti dadduma a napapateg unay a siudad nga addaanda kadagiti bukodda nga ar-ari. Ti Gabaon ket dakdakkel ngem iti Ai, ken natutured amin dagiti soldadona daytoy.

\s5
\v 3 Nangipatulod ngarud ni Ari Adonisedek iti pakaammo kenni Oham nga ari iti Hebron, kenni Piream nga ari iti Jarmut, kenni Jarmut nga ari ti Lakis, ken ni Debir nga ari iti Eglon.
\v 4 Kinunana iti mensahe, "Pangngaasiyo ta sumang-atkayo ken tulongandak a mangraut iti Gabaon, gapu ta nakikappia dagiti tattao iti Gabaon kenni Josue ken kadagiti Israelita."

\s5
\v 5 Isu a dagiti lima nga ar-ari a nangituray kadagiti amin a bunggoy a kaputotan ni Amor--dagiti ar-ari iti Jerusalem, Hebron, Harmut, Lakis, ken Debir--- ket immayda iti Gabaon a kadduada dagiti amin a soldadoda ken linikmutda ti siudad tapno gubatenda daytoy.

\s5
\v 6 Nangipatulod dagiti tattao ti Gabaon iti pakaammo kenni Josue bayat nga adda isuna iti kampo idiay Gilgal. Kinunada, "Adipendakami. Saandakami ngarud a baybay-an. Sumang-atka a dagus ditoy ayanmi ket isalakannakami! Tulongannakami, gapu ta nagtitipon dagiti ar-ari dagiti Amorreo ken dagiti armadada tapno rautendakami!"
\v 7 Nagmartsa ngarud a simmang-at ni Josue ken dagiti amin nga armadana manipud Gilgal, agraman dagiti soldado ken dagiti tattaona a kalalaingan a mannakigubat.

\s5
\v 8 Ket kinuna ni Yahweh kenni Josue, "Saanka nga agbuteng kadagidiay nga armada! Ikkakto iti kabaelan ti armadam a mangparmek kadakuada. Awan kadagiti soldadoda iti makaabakto kadakayo."

\s5
\v 9 Nagpatpatnag a nagnagna ti armada ni Josue ket nakasangpetda a nasapa unay iti bigat.
\v 10 Ket tinikaw ni Yahweh dagiti kabusorda idi makitada ti armada ti Israelita. Indauloan ni Josue ti armada ket pinapatayna ida--adu a bilang kadakuada ti napapatay idiay Gabaon, ken sinunsonda dagiti nabati kadakuada bayat a sumangsang-atda idiay dalan a mapan iti Bethoron. Pinapatayna met ida idiay dalan a mapan kadagiti siudad ti Azeka ken Makkeda.

\s5
\v 11 Bayat iti panaglibasda iti sangoanan dagiti armada ti Israel, nangitennag ni Yahweh kadakuada kadagiti dadakkel a batbato manipud iti tangatang. Ad-adu ti natay kadakuada babaen iti uraro ngem dagiti natay babaen kadagiti kampilan ti armada ti Israel.

\s5
\v 12 Iti aldaw nga inikkan ni Yahweh iti kabaelan dagiti armada ti Israel a mangparmek kadagiti Amorreo, kinuna ni Josue kenni Yahweh bayat nga agbuybuya dagiti Israelita. "Init, agtalinaedka iti ngatoen ti Gabaon, ken sika, bulan, agsardengka iti ngatoen ti tanap ti Aijalon."

\s5
\v 13 Ket nagtalinaed ti init ken saan a naggaraw ti bulan, agingga a napapatay ti armada ti Israel dagiti kabusorda. Saan kadi a naisurat daytoy iti libro ni Jasher? "Nagsardeng ti init bayat nga adda iti tengnga ti tangatang, ket saan a limnek iti agarup maysa nga aldaw."
\v 14 Iti dayta nga aldaw, nangaramid ni Yahweh iti nakaskasdaaw. Awan a pulos iti kas iti dayta nga aldaw iti napalabas, ken awan a pulos iti kas dayta aldaw manipud idi inaramid ni Yahweh daytoy a banag gapu ta kiniddaw ti tao kenkuana nga aramidenna. Iti dayta nga aldaw, pudno a nakigubat ni Yahweh a para iti Israel.

\s5
\v 15 Nagsubli ni Josue ken amin nga Israelita a kadduana iti kampoda idiay Gilgal.
\v 16 Ita, timmaray dagiti lima nga ar-ari ken naglemmengda iti maysa a rukib idiay Makkeda.
\v 17 Ket adda nangibaga kenni Josue, "Nasarakanmi dagiti lima nga ar-ari, ket aglemlemmengda iti maysa a rukib idiay Makkedda!"

\s5
\v 18 Idi nangngeg ni Josue dayta, kinunana, "Mangitulidkayo kadagiti dadakkel a bato iti pagserkan ti rukib, ken mangisaadkayo sadiay iti soldado a mangbantay kadakuada.
\v 19 Ngem saankayo nga agtalinaed sadiay! Kamatenyo dagiti kabusoryo! Rautenyo ida manipud iti likudan! Saanyo ida a palubosan a makalibas kadagiti siudadda, gapu ta tulongannakayonto ni Yahweh, a Diosyo, nga agballigi kadakuada,"

\s5
\v 20 Inaramid ngarud ti armada ni Josue ti imbagana kadakuada nga aramidenda. Dandanida a napapatay dagiti amin a kabusor a soldado, ngem adda dagiti sumagmamano kadakuada a nakalasat ken nakadanon kadagiti siudadda.
\v 21 Kalpasanna, nagsubli ti armada kenni Josue, nga adda pay laeng iti kampoda idiay Makkeda. Awan uray maysa iti daga ti nakaitured a nangdillaw kadagiti Israelita.

\s5
\v 22 Ket kinuna ni Josue, "Luktanyo ti pagserkan ti rukib ken iyegyo kaniak dagiti lima nga ar-ari!
\v 23 Inruar ngarud dagiti soldado dagiti lima nga ar-ari manipud iti rukib--- dagiti ar-ari iti Jerusalem, Hebron, Jarmut, Lakis, ken Eglon.

\s5
\v 24 Idi naiyegda kenni Josue dagitoy lima nga ar-ari ken pinilitda ida a pinaidda iti daga, pinaayabanna amin dagiti soldado nga Israelita ket kinunana kadagiti papangulo ti armada, "Umaykayo ditoy ken ibaddekyo ti tengnged dagitoy nga ar-ari!" Inaramid ngarud dagiti papangulo dayta.
\v 25 Kalpasanna kinuna ni Josue kadakuada, "Saankayo nga agbuteng kadagiti siasinoman a kabusortayo! Saankayo pulos a maupay! Bumileg ken tumuredkayo. Daytoy ti aramidento ni Yahweh kadagiti amin a kabusor a gubatenyonto!"

\s5
\v 26 Ket pinatay ni Josue dagiti lima nga ar-ari babaen iti kampilanna ken imbitinna dagiti bagida kadagiti lima a kayo. Pinanawanna a nakabitin dagiti bagbagida iti kayo agingga a lumnek ti init.
\v 27 Iti ilelennek ti init, imbaga ni Josue kadakuada nga ibabada dagiti bangkay manipud iti kayo ket ibellengda dagitoy iti rukib a naglemmenganda. Inaramid ngarud dagiti soldado dayta, ket inkabilda manen dagiti dadakkel a bato iti pagserkan ti rukib. Ket adda dagiti tultulang dagiti ar-ari iti dayta a rukib uray agingga iti daytoy nga aldaw.

\s5
\v 28 Kasta iti panangraut ken panangsakup ti armada ni Josue iti Makkeda. Pinapatayda ti ari ken tunggal maysa nga adda iti siudad. Saanda a nagibati iti uray aniaman a parsua a sibibiag. Inaramidda iti ari ti Makkeda ti isu met laeng nga inaramidda iti ari ti Jerico.

\s5
\v 29 Kalpasanna, napan ni Josue ken amin nga Israelita iti abagatan a laud manipud Makkeda agingga idiay Libna ket rinautda daytoy.
\v 30 Impalubos ni Yahweh a maparmek dagiti Israelita dayta a siudad ken ti ari daytoy. Pinatay ni Josue amin nga agnanaed iti siudad; awan ti imbatina nga uray maysa a tao. Pinatay ni Josue ti ari ti Libna a kas iti panangpatayna iti ari ti Jerico.

\s5
\v 31 Kalpasanna, nagpaabagatan ni Josue ken ti armadana manipud Libna agingga iti Lakis. Linawlawna ti siudad ket ginubatda daytoy.
\v 32 Iti maikaddua nga aldaw iti gubat, inted ni Yahweh ti siudad kadagiti Israelita, ket naparmekda daytoy. Pinatayda amin nga agnanaed iti daytoy, agraman dagiti amin a tattao. Inaramidna iti Lakis ti isu met laeng a banag nga inaramidna idiay Libna.

\s5
\v 33 Immay ni Ari Oham manipud Gezer ken ti armadana tapno tulonganna dagiti soldado iti Lakis, ngem pinarmek iti armada ni Josue ni Oham ken ti armadana, ket saanda nga impalubos uray maysa kadakuada a mabati nga agbiag.

\s5
\v 34 Kalpasanna, nagpalaud ni Josue ken ti armadana manipud Lakis agingga iti siudad ti Eglon. Linawlawda ken dinarupda daytoy.
\v 35 Iti isu met laeng nga aldaw, sinakupda ti siudad ket pinapatayda amin nga adda iti daytoy, a kas iti inaramidda idiay Lakis.

\s5
\v 36 Kalpasanna, simmang-at ni Josue ken ti armadana manipud Eglon agingga iti katurturodan ti siudad iti Hebron. Ginubatda
\v 37 ket nasakupda daytoy. Pinatayda ti ari ken tunggal sibibiag a banag, kas iti inaramidda idiay Eglon. Awan iti imbatida uray maysa a tao a sibibiag.

\s5
\v 38 Kalpasanna, nagsubli ni Josue ken ti armadana ket napanda iti siudad ti Debir ket ginubatda daytoy.
\v 39 Sinakupda ti siudad ken ti ari daytoy, ken sinakupda met dagiti kabangibang a barbario. Ket pinatayda amin a sibibiag nga adda iti daytoy, awan ti imbatida uray maysa a tao a sibibiag. Inaramidda kadagitoy a tattao ti isu met laeng nga inaramidda iti Hebron ken Libna.

\s5
\v 40 Iti daytoy a wagas, sinakup ni Josue ken ti armadana ti entero nga abagatan a paset ti Canaan. Pinarmekda dagiti ar-ari a mangiturturay iti katurodan a pagilian, ti akin-abagatan a let-ang ti Judea, dagiti nababa a daga, ken sakaanan dagiti turturod. Pinatayda amin a banag nga agbibiag kadagita a luglugar a kas iti imbilin kadakuada ni Yahweh a Dios ti Israel.
\v 41 Pinatay dagiti soldado ni Josue dagiti tattao iti amin a siudad manipud Kades-Barrnea inggana iti Gaza, a pakairamanan dagiti amin a pagilian ti Gosem agingga iti Gabaon.

\s5
\v 42 Iti naminpinsan a pananggubat, sinakup ti armada ni Josue dagiti amin nga ar-ari ken tinagikuada dagiti amin a masakupanda, gapu ta makigubgubat para kadakuada ni Yahweh ti Dios iti Israel.
\v 43 Kalpasanna, nagsubli ni Josue ken ti armadana iti kampoda idiay Gilgal.

\s5
\c 11
\p
\v 1 Idi nangngeg ni Ari Jabin iti Hasor ti maipapan iti amin kadagitoy a banbanag a napasamak, nangipatulod isuna kadagiti pakaammo kenni Jobab nga ari ti Madon, iti ari ti Simron, ken iti ari ti Acsaf, a kidkiddawenna kadakuada nga ibaonda nga umay dagiti armadada ken tulonganda isuna a manggubat kadagiti Israelita.
\v 2 Nangipatulod pay isuna kadagiti pakaammo kadagiti ari idiay katurturodan nga amianan ken kadagiti ari idiay kapatadan iti igid ti Jordan, iti abagatan ti baybay Cineret, iti akin-baba a pagilian. Nangipatulod pay isuna iti pakaammo iti ari idiay kabanbantayan a pagilian ti Dor iti laud,
\v 3 kadagiti ari dagiti Cananeo iti daya ken iti laud, kadagiti Amorreo, kadagiti Heteo, kadagiti Perezeo ken kadagiti Jebuseo a nagnanaed iti katurturodan a pagilian, ken kadagiti Heveo iti abay ti Bantay Hermon idiay rehion ti Mizpa.

\s5
\v 4 Nagtitipon ngarud dagiti amin nga armada dagitoy nga ar-ari. Kas kaadu ti darat iti igid ti baybay dagiti lallaki a tattaoda. Immayda pay nga addaan iti adu a bilang dagiti kabalio ken karwahe.
\v 5 Nagsasabat amin dagidiay nga ar-ari iti naikeddeng a tiempo ket pinagkampoda dagiti armadada idiay waig ti Meron, tapno gubatenda ti Israel.

\s5
\v 6 Kalpasanna, kinuna ni Yahweh kenni Josue, "Saanka nga agbuteng kadakuada, gapu ta iti kastoy nga oras inton bigat ket itedko ida kadakayo. Parmekemto ida ken papatayemto ida amin. Kalpasanna, masapul a bulboloem amin dagiti kabalioda ken puoram dagiti amin a karwaheda."
\v 7 Napan ngarud ni Josue ken ti armadana iti waig ti Meron ket kellaat a rinautda dagiti kabusorda.

\s5
\v 8 Inikkan ni Yahweh dagiti Israelita iti kabaelan a mangparmek kadakuada. Kinamatda ida agingga iti siudad ti Sidon, agingga iti Misrepotmaim, ken agingga iti Mizpa iti daya. Rinautda ida agingga a napapatayda amin ida.
\v 9 Kalpasanna, inaramid ni Josue ti imbaga ni Yahweh kadakuada nga aramidenda: Binulbollona dagiti kabalio dagiti kabusor ken pinuoranna dagiti amin a karwaheda.

\s5
\v 10 Nagsubli ngarud ni Josue ken ti armadana idiay siudad ti Hasor, ken sinakupda daytoy, ken pinatayda ti ari daytoy. Ti Hazor idi ti kangrunaan a siudad kadagitoy amin a pagarian a nakigubat iti Israel.
\v 11 Pinapatayda amin nga agnanaed idiay Hasor, ken pinuoranda ti siudad agingga a dimmapo.

\s5
\v 12 Sinakup ti armada ni Josue dagidiay amin a siudad ken pinatayda dagiti amin nga arida dagitoy. Inaramidda dayta kas iti imbilin ni Moises nga aramidenda, ti tao a nasayaat a nagserbi kenni Yahweh.
\v 13 Pinuoran dagiti tattao ni Josue ti Hazor, ngem saanda a pinuoran ti aniaman kadagiti siudad a naibangon kadagiti turod ken dagiti napalikmutan iti pader.

\s5
\v 14 Innala dagiti Israelita dagiti ayup a nasarakanda iti away a maipaay kadagiti bagbagida ken amin pay a napapateg. Ngem pinatayda dagiti amin a tattao ken amin a nga agibibiag kadagiti siudad.
\v 15 Kas panangibilin ni Yahweh kenni Moises nga aramidenna, isu met laeng ti wagas ti panangibilin ni Moises kenni Josue no ania ti aramidenna. Ket inaramid ni Josue dagiti amin nga imbilin ni Yahweh kenni Moises nga aramidenna.

\s5
\v 16 Pinarmek ti armada ni Josue dagiti amin a tattao nga agnanaed iti dayta a daga. Inturayanda dagiti katurturodan a pagilian ken iti akin-abagatan a let-ang ti Judea, iti entero a Gosen, dagiti akin-laud a sakaanan dagiti turturod, ken iti kapatadan iti igid ti Jordan. Inturayanda dagiti amin a kabanbantayan iti Israel ken amin dagiti kapatadan nga asideg iti kabanbantayan.
\v 17 Inturayanda dagiti amin a daga manipud iti Bantay Halak idiay abagatan ti Edom agingga iti Baalgaal idiay tanap nga asideg iti rehion ti Lebano iti amianan, iti asideg iti Bantay Hermon. Tiniliwda dagiti amin nga ar-ari dagidiay a luglugar ket pinatayda ida.

\s5
\v 18 Ginubat dagiti tattao ni Josue dagidiay amin nga ar-ari iti napaut a panawen a pannakigubat.
\v 19 Adda laeng maysa a siudad ti nakikapia kadagiti Israelita; isuda dagiti Heveo a nagnaed idiay Gabaon. Sinakup dagiti Israelita dagiti amin a dadduma a siudad babaen iti gubat.
\v 20 Pinagbalin ni Yahweh a nasukir dagiti tattao iti amin kadagidiay a dadduuma a bunggoy, a nagbanag a nakigubatda iti armada dagiti Israelita, ket pinapatay ida amin dagiti Israelita. Nagpakpakaasida ngem saanda a naipangag, tapno iti kasta naan-anay a madadaelda. Daytoy ti imbilin ni Yahweh nga aramiden ni Moises.

\s5
\v 21 Ginubat pay iti armada ni Josue dagiti higante nga Anakim a nagnaed kadagiti turturod nga asideg iti Hebron, Debir, ken Anah. Ginubatda pay dagiti tattao a nagnaed iti katurturodan a pagilian iti Juda ken Israel, ket pinatayda amin dagitoy a tattao ken dinadaelda met dagiti siudadda.
\v 22 Kas nagbanaganna, awan iti kaputotan ni Anak a nagtalinaed a sibibiag iti Israel. Bassit laeng ti nabati idiay Gaza, Gat, ken Asdod.

\s5
\v 23 Inturayan iti armada ni Josue ti amin a daga, kas met laeng iti imbaga ni Yahweh kenni Moises nga aramidenna iti nabayagen a panawen. Inted ni Yahweh ti daga kadagiti Israelita, gapu ta inkarina nga itedna daytoy kadakuada. Kalpasanna, biningbingay ni Josue ti daga kadagiti tribu ti Israelita. Ket kalpasanna dayta, addan kappia iti daga.

\s5
\c 12
\p
\v 1 Inturayan dagiti Israelita ti daga nga adda iti daya ti Karayan Jordan, manipud iti bessang ti Karayan Arnon iti abagatan agingga iti Bantay Hermon iti amianan, agraman dagiti amin a daga iti dayaen a paset iti kapatadan iti igid ti Jordan.
\v 2 Ni Sihon idi ti ari dagiti Amorreo. Nagnaed isuna idiay Hesbon ken nagturay iti dayta a disso manipud Aroer iti igid ti nauneg nga akikid a tanap iti Karayan Arnon, iti amianan nga agturong iti Karayan Jabbok. Nangrugi ti dagana iti tengnga ti nauneg nga akikid a tanap, a beddeng iti nagbaetan ti dagana ken ti daga dagiti Ammonita. Nagturay pay ni Sihon iti kagudua iti rehion ti Galaad.

\s5
\v 3 Nagturay pay ni Sihon iti daga idiay dayaen a kapatadan iti igid ti Jordan, manipud iti baybay ti Cineret iti abagatan agingga iti Natay a Baybay. Nagturay pay isuna iti daga iti daya ti Natay a Baybay manipud Bet-Jesimot iti abagatan agingga iti Bantay Pisga.
\v 4 Ti sabali nga ari a pinarmek ti armada ti Israelita ket ni Og, ti ari iti rehion ti Basan. Isuna ti maudi kadagiti kaputotan dagiti higante a Rafaem. Nagnaed isuna kadagiti siudad ti Astarot ken Edrei.
\v 5 Nagturay isuna iti dayta a disso manipud iti Bantay Hermon ken Salca iti amianan, ken iti entero a Basan iti daya, ken agingga kadagiti beddeng dagiti Gesureo ken Maacateo iti laud. Nagturay ni Og iti kaguddua iti rehion ti Galaad, agingga iti beddeng iti daga nga inturayan ni Sihon, nga ari iti Hesbon.

\s5
\v 6 Pinarmekda Moises a nagserbi a sipupudno unay kenni Yahweh ken amin nga armada ti Israelita dagiti armada dagidiay nga ar-ari. Kalpasanna, inted ni Moises dayta a daga kadagiti tribu ti Ruben, Gad ken ti guddua ti tribu ti Manases.

\s5
\v 7 Pinarmek pay ni Josue ken ti armada ti Israelita dagiti ari a nagturay iti daga idiay laud a paset ti Karayan Jordan. Dayta a daga ket nagbaetan ti Baal Gad iti tanap nga asideg ti Lebano agingga iti Bantay Halak, nga agpasang-at iti Edom. Inted ni Josue ti daga kadagiti tribu iti Israel tapno tagikuaenda,
\v 8 kasta met iti katurturodan a pagilian, dagiti nababa a lugar, ti kapatadan iti igid ti Jordan, dagiti sikigan dagiti banbantay, idiay let-ang, ken idiay akin-abagatan a let-ang ti Judea, ti daga dagiti Heteo, Ammoreo, Cananeo, Perrezeo, Heveo, ken dagiti Jebuseo.

\s5
\v 9 Dagiti ari a pinarmek dagiti Israelita ket dagitoy sumaganad a siudad: Jerico, Ai (nga asideg iti Betel),
\v 10 Jerusalem, Hebron,
\v 11 Harmot, Lakis,
\v 12 Eglon, Gezer,

\s5
\v 13 Debir, Geder,
\v 14 Horma, Arad,
\v 15 Libna, Adullam,
\v 16 Makeda, Betel,

\s5
\v 17 Tappua, Heper,
\v 18 Afek, Lasaron,
\v 19 Madon, Hazor,
\v 20 Simron meron, Acsaf,

\s5
\v 21 Taanac, Megiddo,
\v 22 Kedes, Jokneam idiay lugar ti Carmel,
\v 23 Dor idiay lugar ti Nafat Dor, ti Goyim idiay rehion ti Gilgal,
\v 24 ken Tirza. Adda idi tallo pulo ket maysa ti dagup dagiti ar-ari a pinarmek ti armada dagiti Israelita.

\s5
\c 13
\p
\v 1 Idi lakay unayen ni Josue, kinuna ni Yahweh kenkuana, "lakaykan Josue, ngem adu pay latta dagiti daga a sakupen ti armadam.

\s5
\v 2 Daytoy ti listaan dagiti dagdaga a nabatbati; iti rehion dagiti Filisteo ken iti entero a Gesur,
\v 3 (manipud Sihor a masarakan iti daya ti Egipto, ken idiay Ekron iti amianan; dagiti lima a mangiturturay kadagiti siudad dagiti Filisteo, daGaza, Asdod Askelon, Gat, ken Ekron--a masakupan dagiti Avvim).

\s5
\v 4 Iti abagatan, masapul a sakupenyo latta dagiti rehion a pagnanaedan ti bunggoy dagiti tattao ti Canaan; ken iti Mehara a kukua dagiti Sidonio, iti Afec, inggana iti beddeng dagiti Amorreo;
\v 5 ti daga dagiti Gibleo, iti entero a Libano, nga agpadaya, manipud iti Baal-Gad nga adda iti baba ti Bantay Hermon inggana iti Lebo-Hamat.

\s5
\v 6 Dagiti matiliw pay ket dagiti amin a tattao nga agnanaed idiay katurturodan a pagilian manipud ti Libano agingga iti Misrefot-Mayim, agraman dagiti amin a tattao iti siudad ti Sidon. Pagtalawekto ida iti sangoanan ti armadam. Siguradoem nga itedmo dayta a lugar kadagiti Israelita inton bingayem ti daga kadakuada, kas intedko kenka dagiti bilin nga isu ti aramidem.
\v 7 Bingaybingayem amin dayta a daga a kas tawid kadagiti siyam a tribu ken ti kaguddua a tribu ti Manasses."

\s5
\v 8 Agraman iti kaguddua a tribu ti Manases, naawat dagiti Rubenita ken dagiti Gadita dagiti sanikuada iti dayaen ti Karayan Jordan, dagiti daga nga imbingay ni Moises kadakuada.
\v 9 Dumanon dagitoy a daga manipud ti Aroer, nga adda iti igid ti akikid a tanap ti Arnon (agraman ti siudad a masarakan iti tengnga ti akikid a tanap), agingga iti amin a nangato a patad ti Medeba, nga aglaylayon nga agpababa agingga iti siudad ti Dibon.

\s5
\v 10 Dagitoy a dagdaga ket iramanna pay dagiti siudad ni Sihon nga ari dagiti Amoreo, ti ari a nagturay idiay Hesbon, ken naglayon dagitoy agingga iti beddeng dagiti Ammonita;
\v 11 Ti Galaad, ken ti rehion dagiti Gesureo ken Maacateo, agraman dagiti amin a bantay Hermon, ken amin a rehion ti Basan nga aglaylayon agingga iti siudad ti Salca;
\v 12 amin a pagarian ni Og nga adda iti rehion ti Basan, isuna a nagturay kadagiti siudad ti Astarot ken Edrei (dagitoy dagiti nabatbati kadagiti Refaem); dagitoy a tattao ti rinaut ken pinagtalaw ni Moises babaen iti kampilan.

\s5
\v 13 Ngem saan a pinilit a pinapanaw dagiti Israelita manipud iti Canaan dagiti tattao ti Gesur ken ti Maacateo. Nakipagnaed ketdi dagitoy a tattao kadagiti Israelita uray ita agdama a tiempo.

\s5
\v 14 Awan ti naawat dagiti Levita a bingayda iti daga, isuda laeng ti tribu nga awan naawatna a daga. Awan ti inted ni Moises kadakuada a sanikua. Imbaga kadakuada ni Yahweh a Dios ti Israel a dagiti daton a maited kenkuana a mismo ket isunto ti sanikuada.

\s5
\v 15 Nangted ni Moises iti daga iti tunggal puli iti tribu ti Ruben.
\v 16 Isu a naglayon ti masakupanda manipud Aroer, iti igid ti tanap ti Karayan Arnon, ken ti siudad nga adda iti tengnga ti tanap, ken mairaman ti rehion iti nangato a patad nga asideg iti Medeba.

\s5
\v 17 A pakairamanan pay daytoy ti Hesbon ken dagiti amin a siudad nga adda iti nangato a patad agraman ti Dibon, ken Bamot-Baal, ken Beth Baal-Meon;
\v 18 Jaas, Kedemot, Mefaat,
\v 19 Kiriataim, Sibma, ken Saratasar, a nakasaad iti maysa a turod nga adda iti tanap,

\s5
\v 20 Ti Bet-peor, dagiti bakras ti Bantay Pisga, Bet-Jesimot,
\v 21 dagiti amin a siudad nga adda iti nangato a kapatadan, ken amin a pagarian ni Sihon, nga ari dagiti Amorreo, a nagturay idiay Hesbon, dagiti pinarmek ni Moises agraman kadagiti pangulo dagiti Midian, nga isuda Hevi, Recem, Zur, Hur, ken Reba, dagiti prinsipe ni Sihon a nagturay sadiay.

\s5
\v 22 Pinatay dagiti tattao ti Israel ni Balaam nga anak a lalaki ni Beor babaen iti kampilan, ti tao a nagar-aramid iti pammadles. Pinatay pay dagiti tattao ti Israel dagiti adu a dadduma pay babaen iti kampilan iti dayta met laeng a tiempo.
\v 23 Ti beddeng dagiti tattao iti tribu ti Ruben ket ti Karayan Jordan. Daytoy ti naited a tawid kadagiti tattao ti Ruben ken naibingay kadagiti amin a pulida. Nagnaedda sadiay kadagiti siudad ken barioda.

\s5
\v 24 Nangted met ni Moises iti daga a para iti tribu ti Gad, kadagiti tattao ti Gad, ken imbingayna iti tunggal pamiliada ti daga a kasapulan a pagnaedanda.
\v 25 Nagnaedda iti asideg ti Jazer, iti amin a siudad ti Galaad, ken iti kaguddua ti daga a nagnanaedan dagiti Ammonita, agingga iti Aroer a siudad iti daya ti Rabba.
\v 26 Naglaylayon ti dagada manipud Hesbon agingga iti Ramat-Mizpa ken Betonim, agingga iti Mahanaim ken agingga iti rehion ti Debir.

\s5
\v 27 Adda pay dagada idiay tanap ti; Bet-Haram, Bet-Nimra, Succot, ken Safon, ti nabatbati iti pagarian ni Sihon, nga ari idi iti Hesbon; ti beddeng ti pagarianna ket iti Karayan Jordan ken naglayon agingga iti nababa a pagpatinggaan ti baybay ti Cineret, nga agpadaya iti ballasiw ti Karayan Jordan.
\v 28 Daytoy ti tawid dagiti tattao ni Gad a naited kadakuada segun kadagiti kasapulan dagiti pulida, agraman dagiti siudad ken bario a nagnaedanda.

\s5
\v 29 Nangted ni Moises ti tawid a daga a para iti kaguddua ti tribu ti Manases tapno pagnaedanda. Naibingay daytoy iti kaguddua ti tribu ti Manases segun kadagiti kasapulan dagiti pulida.
\v 30 Ti masakupanda idi ket manipud iti Mahanaim, agraman iti isu-amin a rehion ti Basan, amin a pagarian ni Og nga ari ti Basan ken amin nga ili ti Jair, nga adda idiay Basan. Adda innem a pulo a siudad iti rehion.
\v 31 Nairaman pay iti dagada ti kaguddua iti rehion ti Galaad, kasta met dagiti siudad ti Astarot ken Edrei (madakdakamat daytoy no dadduma a kas dagiti siudad ni Og idiay Basan). Naibingay dagitoy kadagiti tattao ni Makir nga anak ni Manases, ket mairaman iti dayta ti kaguddua dagiti kaputotan ni Makir, naibingay kadagiti pulida segun iti kasapulanda.

\s5
\v 32 Dagitoy dagiti daga nga inwaras ni Moises kadagiti tattao ti Israel iti kapatadan ti Moab, idi addada idiay ballasiw ti Jordan a dayaen laeng ti Jerico.
\v 33 Ngem awan iti tawid nga inted ni Moises iti tribu ni Levi. Inkari kadakuada ni Yahweh a Dios ti Israel, nga isunanto ti agbalin a tawidda.

\s5
\c 14
\p
\v 1 Inkeddeng ni Eleazar, a mangidadaulo kadagiti amin a papadi, ni Josue, ken dagiti mangidadaulo kadagiti sangapulo ket dua a tribu no ania a daga ti maited iti tunggal tribu ti Israel idiay Canaan.

\s5
\v 2 Naaramid ti pannakabingay babaen iti binnunot iti tunggal maysa kadagiti siam ket kagudua a tribu. Daytoy ti imbilin ni Yahweh kenni Moises a maaramid, tapno mabingay ti daga iti tunggal tribu ken kadagiti pulida.
\v 3-4 Ita, inted ni Moises ti daga a kas agnanayon a sanikua dagiti dua ket kagudua a tribu sakbay a naballasiw ti Israel ti Karayan Jordan. Ngem awan iti tawid nga intedna kadagiti Levita; naiduma ti pannakatratoda gapu kadagiti trabahoda a kas papadi. Awan ti paset iti daga a naited kadagiti Levita. Nupay kasta, naikkanda kadagiti siudad a pagnaedanda, agraman iti pagpaarabanda kadagiti tarakenda tapno mataraonanda dagiti pamiliada. Nabingay dagiti tattao ni Jose iti dua a tribu, ti Manases ken Efraim.
\v 5 Inaramid dagiti tattao ti Israel iti kas imbilin ni Yahweh kenni Moises: Intedda dagiti paset ti daga a kas agnanayon a sanikua.

\s5
\v 6 Sumagmamano a lallaki manipud iti tribu ti Juda ti napan kenni Josue bayat nga adda isuna ken dagiti Israelita idiay Gilgal. Maysa kadagitoy a lallaki ni Caleb nga anak ni Jefone. Kinunana kenni Josue, masiguradok a malagipmo ti imbaga ni Yahweh kenni propeta a Moises maipapan kadata idi addatayo idiay Kades Barnea.
\v 7 Uppat a pulo ti tawenko iti dayta a tiempo. Imbaonnata a dua ni Moises ken dagiti sumagmamano a lallaki manipud Kades Barnea tapno sukimaten daytoy a daga. Idi nagsublitayo, imbagak kenni Moises ti pudno a damag maipapan iti nakitatayo.

\s5
\v 8 Nangiyeg dagiti dadduma a lallaki a kimmuyog kadatayo iti damag a nangpabuteng kadagiti tattao. Ngem naan-anay a simmurotak kenni Yahweh ken nagtulnogak kadagiti amin a banbanag nga imbilinna kadatayo a maaramid.
\v 9 Inkari ni Moises kaniak, 'Natibker daytoy a kari a ti daga a nagnagnaam ket agbalinto a kukuam a kas agnanayon a sanikuam, nga agnanayon a kukuam ken dagiti kaputotam. It-itedko kenka daytoy gapu ta nagtulnogka kenni Yahweh, a Diosko, iti amin a banbanag nga inaramidmo.'

\s5
\v 10 Ita inaramid ni Yahweh para kaniak iti kas inkarina nga aramidenna. Uppat a pulo ket lima a tawenen iti naglabas sipud pay imbaga ni Moises dayta kaniak bayat ti tiempo nga addatayo pay laeng idiay let-ang. Ket kas iti inkari ni Yahweh, pinagtalinaednak a sibibiag ken nasayaat bayat amin dayta a tiempo. Kitaennak! Walopulo ket liman ti tawenko.
\v 11 Napigsaak ita a kas iti kapigsak idi aldaw nga imbaonnak ni Moises a mangsukimat iti daytoy a daga. Ti pigsak ita ket kas iti kapigsak idi kabanbanuagak. Mabalinko ti makigubat wenno agdaliasat iti adayo ket adda pay laeng pigsak nga agawid.

\s5
\v 12 Isu a pangaasim ta itedmo kaniak ti katurturodan a pagilian nga inkari ni Yahweh nga ited kaniak iti daydi nga aldaw, nabayagen a panawen iti napalabas. Iti dayta a tiempo, nangngegmo nga imbagak nga agnanaed dagiti Anakim sadiay. Nangngegmo nga imbagak a dadakkel dagiti siudadda ken adda pader iti aglawlawda a mangsalaknib kadakuada. Ngem ita, nalabit a tulongannakto ni Yahweh a mangpapanaw kadakuada babaen ti armadami, kas inkari ni Yahweh."

\s5
\v 13 Kiniddaw ngarud ni Josue iti Dios a bendisionanna ni Caleb ket intedna kenni Caleb ti siudad ti Hebron.
\v 14 Iti daytoy a wagas, ti Hebron ket nagbalin nga agnanayon a sanikua ken pagtaengan ni Caleb nga anak ni Jefone a Cenezeo. Agingga kadagitoy nga aldaw, agnanaed sadiay dagiti kaputotanna gapu ta inaramid ni Caleb dagiti amin a banbanag nga imbaga kenkuana ni Yahweh, a Dios ti Israel.
\v 15 Ita, ti sigud a nagan ti Hebron ket Kiriat Arba (Ni Arba ti kabibilegan a tao kadagiti Anakim). Ket naadda ti kappia iti daga; saandan a naggugubat.

\s5
\c 15
\p
\v 1 Ti daga a naibingay iti tribu ti Juda ket nabingay kadagiti pulina. Dimmanon ti dagada iti abagatan agingga iti let-ang ti Sin iti beddeng ti Edom.
\v 2 Ti akin-abagatan a beddeng ti daga a naibingay iti tribu ti Juda ket nangrugi iti pagpatinggaan ti Asin a Baybay (naawagan met a Natay a Baybay), manipud iti sabangan a nakasango iti abagatan.

\s5
\v 3 Ket nagpaabagatan daytoy ken agpasang-at iti turod ti Akrabbim ken naglayon iti Zin, ken simmang-at pay daytoy iti abagatan ti Kades Barnea, iti abay ti Hezron, agingga iti Addar, ket naglikko iti aglawlaw ti Karka.
\v 4 Manipud sadiay, naglayon daytoy iti labes ti Azmon, ken manipud sadiay, naglayon daytoy iti abay ti waig ti Egipto; manipud sadiay, naglikko nga agpalaud iti Baybay Mediterranean. Daytanto ti akin-abagatan a beddengyo.

\s5
\v 5 Ti Natay a Baybay ti akindaya a beddeng iti daga ti tribu ti Juda. Dimmanon daytoy iti amianan iti pagpatinggaan ti Karayan Jordan, nga agpatingga daytoy iti Natay a Baybay.
\v 6 Naglayon ti akin-amianan a beddeng manipud iti dayta a disso, ken dimmanon iti amianan iti Bet Hogla. Manipud sadiay, nagtultuloy iti amianan ti Bet Araba agingga iti Bato ti Bohan (ti bato nga inkabil ni Bohan, anak ni Reuben).

\s5
\v 7 Manipud iti dayta a disso, nagpalaud ti beddeng ket naglayon iti Tanap ti Acor agingga idiay Debir. Manipud sadiay, nagpa-amianan manen nga agturong idiay Gilgal. Ti Gilgal ket amianan ti dalan a lumasat iti turod ti Adummim, iti abagatan a paset ti akikid a tanap. Manipud Gilgal, dimmanon ti beddeng iti laud iti ubbog idiay En Semes, ken manipud sadiay agingga iti En Rogel.
\v 8 Manipud iti dayta a disso, ti beddeng iti abagatan ti siudad dagiti Jebuseo (dayta ket Jerusalem). Aglayon ti beddeng iti tuktok ti turod iti akinlaud a paset ti Tanap ti Hinnom, iti akin-amianan a pagpatinggaan ti Tanap ti Refaim.

\s5
\v 9 Manipud sadiay, ket dimmanon ti beddeng iti akin-amianan a laud iti tuktok dagiti turod nga agturong iti ubbog ti Neftoa, ket manipud sadiay agingga kadagiti siudad nga asideg iti Bantay Efron. Dimmanon manipud sadiay ti beddeng nga agpalaud iti Baala (a napanaganan ita iti Kiriat Jearim).
\v 10 Ket nagtuloy a dumanon ti beddeng iti laud, iti labes ti Baala, agingga iti Bantay Seir. Ket nagpaabagatan iti laud iti amianan a sikigan ti Bantay Jearim (a naawagan met a Kesalon), ken nagpababa iti Bet Semes. Manipud sadiay, limmabas daytoy iti Timnah.

\s5
\v 11 Nagtuloy ti beddeng iti akin-amianan a laud iti amianan a turod ti Ekron. Manipud sadiay, dimmanon daytoy iti laud iti Sikkeron ken lumabas iti Bantay Baala, agingga iti Jabneel, ken kalpasanna, agpa-amianan a laud iti Baybay Maditerranean.
\v 12 Ti Baybay Maditerranean ti akinlaud a beddeng iti daga a naibingay iti tribu ti Juda. Nagnaed iti uneg dagitoy a beddeng dagiti amin a puli ti Juda.

\s5
\v 13 Binilin ni Yahweh ni Josue nga itedna kenni Caleb ti paset iti daga iti tribu ti Juda. Intedna ngarud kenni Caleb ti siudad ti Kiriat Arba, a naawagan ita a Hebron. (Ni Arba ti ama ni Anak.)
\v 14 Pinilit ni Caleb a pinapanaw iti Hebron dagiti tallo a puli dagiti bunggoy dagiti tattao nga Anak. Dagitoy dagiti puli ti Sesai, Ahiman, ken Talmai.
\v 15 Kalpasanna, pimmanaw ni Caleb sadiay ket napan nakiranget kadagiti tattao nga agnanaed idiay Debir (a sigud a napanaganan iti Kiriat Sefer).

\s5
\v 16 Kinuna ni Caleb, "No adda maysa a tao a mangra-ut kadagiti tattao idiay Kiriat Sefer ken mangsakup iti siudadda, itedko ti anakko a ni Acsa nga asawaenna."
\v 17 Ni Otniel nga anak ni Kenaz a kabsat ni Caleb, ti nangparmek iti siudad. Inted ngarud ni Caleb ti anakna a ni Acsa nga asawaenna.

\s5
\v 18 Idi nakiasawa ti anak ni Caleb kenni Othniel, imbagana kenkuana a dawatenna iti amana nga ikkanda isuna iti talon. Ket napan nakisarita ni Acsa kenni Caleb nga amana. Idi bimmaba isuna iti asnona, dinamag ni Caleb kenkuana, "Adda kadi kayatmo?"

\s5
\v 19 Simmungbat ni Acsa, "Wen, ikkannak iti sagut. Intedmo kaniak ti daga iti akin-abagatan a let-ang ti Judea, ngem awan iti danum sadiay. Isu a pangaasim ta ikkannak iti daga nga addaan kadagiti ubbog." Inted ngarud ni Caleb kenkuana dagiti akinngato ken akinbaba nga ubbog iti asideg ti Hebron.

\s5
\v 20 Daytoy iti listaan dagiti ili iti daga nga inkari ti Dios nga ited iti tribu ti Juda. Tunggal puli ket naibingayan iti daga.

\s5
\v 21 Naibingay iti tribu ti Juda dagitoy amin a siudad idiay akin-abagatan a let-ang iti Judea, iti asideg ti beddeng iti rehion ti Edom: Kabzeel, Eder, Jagur,
\v 22 Kina, Dimona, Adada,
\v 23 Kedes, Hazor, Itnan,
\v 24 Zif, Telem, ken Bealot.

\s5
\v 25 Kasta met idiay Hazor Hadatta, Keriot Hezron (naawagan met a Hazor),
\v 26 Amam, Sema, Moloda,
\v 27 Hazar Gadda, Hesmon, Bet Pelet,
\v 28 Hazar Sual, Berseeba, ken Biziotia.

\s5
\v 29 Kasta met idiay Baala, Lyim, Ezem,
\v 30 Eltolad, Kesil, Horma,
\v 31 Ziklag, Madmanna, Sansanna,
\v 32 Lebaot, Silim, Ain, ken Rimmon. Duapulo ket siam a siudad, agraman dagiti bario iti aglawlawda.

\s5
\v 33 Naibingay iti tribu ti Juda dagitoy a siudad iti akin-amianan a paset iti akin-laud a sakaanan dagiti turod: Estaol, Zorah, Asna,
\v 34 Zanoa, En Gannim, Tappua, Enam,
\v 35 Jarmut, Adullam, Soco, Azekah,
\v 36 Shaaraim, Aditaim, ken Gedera (naawagan met a Gederotaim). Sangapulo ket uppat a siudad, agraman dagiti bario iti aglawlawda.

\s5
\v 37 Naibingay met iti tribu ti Juda dagiti siudad idiay akin-abagatan a paset iti akin-amianan a sakaanan iti turod: Ti Senan, Hadasa, Migdalgad,
\v 38 Dilean, Mizpa, Jocteel,
\v 39 Lakis, Bozkat, ken Eglon.

\s5
\v 40 Kasta met idiay Cabon, Lamas, Kitlis,
\v 41 Gederot, Betdagon, Naama, ken Makeda. Sangapulo ket innem a siudad, agraman dagiti bario iti aglawlawda.

\s5
\v 42 Naibingay met iti tribu ti Juda dagiti siudad iti akintengnga a paset iti akinlaud a sakaanan dagiti turod: Ti Libna, Eter, Asan,
\v 43 Jifta, Asena, Nesib,
\v 44 Keila, Aksib, ken Maresa. Siam a siudad, agraman dagiti bario iti aglawlawda.

\s5
\v 45 Adda met ti siudad ti Ekron, agraman dagiti aglawlaw a siudad ken bariona.
\v 46 Manipud Ekron agingga iti Baybay Mediterrenean, nairaman met iti masakupan ti Juda dagiti amin a daga iti asideg ti siudad ti Asdod, agraman dagiti bariona.
\v 47 Ti Asdod ken dagiti aglawlaw nga ili ken bariona; ti siudad ti Gaza ken dagiti aglawlaw nga ili ken bariona nga agpababa iti waig ti Egipto ken iti Baybay Mediterranean. Sinurot ti beddeng ti igid ti baybay.

\s5
\v 48 Naibingay met iti tribu ti Juda dagiti ili iti akin-abagatan a laud a paset ti katurturodan a pagilian: Ti Samir, Jattir, Soco,
\v 49 Danna, Kiryat Sana (naawagan met iti Debir),
\v 50 Anab, Estemoa, Anim,
\v 51 Gosen, Holon, ken Gilo. Sangapulo ket maysa a siudad, agraman dagiti bario iti aglawlawda.

\s5
\v 52 Naibingay met iti tribu ti Juda dagiti ili iti akin-abagatan nga akintengnga a paset ti katurturodan a pagilian: Ti Arab, Duma, Esan,
\v 53 Janim, Bet Tappua, Afeka,
\v 54 Humta, Kiryat Arba (naawagan ita a Hebron), ken Zior. Siam a siudad, agraman dagiti bario iti aglawlawna.

\s5
\v 55 Naibingay met iti tribu ti Juda dagiti ili iti akin-abagatan a daya a paset ti katurturodan a pagilian: Maon, Carmel, Zif, Jutta,
\v 56 Jezreel, Jocdeam, Zanoa,
\v 57 Canin, Gibea, ken Timnat. Sangapulo a siudad, agraman dagiti bario iti aglawlawda.

\s5
\v 58 Naibingay met iti tribu ti Juda dagiti ili idiay akintengnga a paset iti katurturodan a pagilian: Halhul, Betsur, Gedor,
\v 59 Moara, Bet Anot, ken Eltecon. Innem a siudad, agraman dagiti bario iti aglawlawda.

\s5
\v 60 Naibingay met iti tribu ti Juda dagiti dua nga ili iti akin-amianan a paset ti katuturodan a pagilian, ti Rabba ken Kiryat Baal (a napanganan met iti Kiryat Jearim).
\v 61 Naited met iti tribu ti Juda dagitoy nga ili idiay disierto nga asideg ti Natay a Baybay: Bet Araba, Middin, Secaca,
\v 62 Nibsan, ti siudad ti Asin, ken Engedi. Innem a siudad, agraman dagiti bario iti aglawlawda.

\s5
\v 63 Saan a napapanaw ti armada iti tribu ti Juda dagiti Jebuseo, isu a nagtalinaedda idiay Jerusalem. Isu nga agingga ita, makipagnanaedda pay laeng kadagiti tribu ti Juda.

\s5
\c 16
\p
\v 1 Ti daga a naibingay kadagiti dua a tribu ti Efraim ken Manases--dagiti tribu a nagtaud kenni Jose--nangrugi iti Karayan Jordan, iti daya ti Jerico.
\v 2 Dimmanon daytoy iti laud manipud Jerico agingga idiay Betel, ken idiay Luz, ken limmabas iti Atarot, a masakupan a pagnanaedan dagiti Arkita.

\s5
\v 3 Manipud sadiay, dimmanon daytoy iti akinlaud a beddeng iti daga a pagnanaedan dagiti Jaflateo, ket agpalaud iti Akimbaba a paset ti Bet Horon. Manipud sadiay, nagtuloy daytoy a nagpalaud iti Gezer agingga iti Baybay Mediterranean.
\v 4 Daytoy ti masakupan a naawat dagiti tattao ni Jose, ti Manases ken Efraim a kas agnanayon a sanikuada.

\s5
\v 5 Nangrugi ti beddeng ti daga a naibingay kadagiti puli ti tribu ti Efraim idiay Atarot Adar idiay daya. Dimmanon daytoy idiay Akinngato a Bet Horon
\v 6 ken naglayon iti Baybay Mediterranean. Naglikko daytoy a nagpadaya manipud Micmetat iti amianan nga agturong iti Taanat Silo, ket nagturong iti daya ti Janoa.
\v 7 Manipud Micmetat iti amianan, dimmanon daytoy iti daya agingga Taanat ken manipud sadiay agingga iti Janoa. Manipud sadiay, nagtuloy daytoy iti abagatan ti Atarot ken naglayon iti Naara. Manipud sadiay, nakadanon daytoy iti siudad ti Jericho, nga agpatingga iti Karayan Jordan.

\s5
\v 8 Dimmanon ti akin-amianan a beddeng manipud Tappua iti laud agingga iti waig ti Kana, ken nagpatingga iti Baybay Mediterranean. Daytoy ti daga a naited kadagiti amin a puli ti tribu ti Efraim.
\v 9 Dagiti dadduma kadagiti siudad ken barioda a nailasin para kadagiti tattao ti Efraim ket karaman iti masakupan dagiti tattao ti Manases.

\s5
\v 10 Saan a napilit dagiti tribu ti Efraim dagiti Cananeo a pumanaw iti Gezer. Agnanaed pay latta dagiti Cananeo sadiay. Nupay kasta, pinilit ida dagiti tattao ti Efraim nga agbalin a tagabuda.

\s5
\c 17
\p
\v 1 Daytoy ti listaan ti daga a naited iti tribu ti Manases. Ni Makir ti inauna nga anak ni Manases, ken ni Galaad ti apokona. Naibingay kadagiti kaputotanda ti daga idiay rehion ti Galaad ken Basan, kas panagraem kenni Makir, a nagbalin a maingel a soldado.
\v 2 Adda met daga a naited kadagiti dadduma a pamilia iti tribu ti Manases: Dagiti tribu ti Abi Ezer, Helek, Asriel, Sekem, Hefer, ken Semida. Dagitoy ti nagnagan dagiti lallaki a kaputotan ti Manases (isuna a mismo ket anak ni Jose). Naaramid ti pannakabingay ti daga para iti tunggal puli.

\s5
\v 3 Ita, awan iti anak a lalaki ni Zelofehad nga anak ni Hefer, a kaputotan ni Galaad, nga anak ni Makir ken apoko ni Manases). Babbai laeng dagiti annakna: Da Mala, Noa, Hogla, Milca, ken Tirza.
\v 4 Napan dagitoy a babbai kenni Eleazar (a mangidadaulo kadagiti amin a papadi), kenni Josue ken kadagiti dadduma a mangidadaulo nga Israelita. Kinunada, "Kayatmi nga ikkandakami iti daga, gapu ta imbaga ni Yahweh kenni Moises a rumbeng nga ikkandakami iti daga a kas iti intedyo kadagiti lallaki iti tribumi." Inaramid ngarud ni Eleazar ti imbilin ni Yahweh: Inikkanna ida iti daga, a kas iti inaramidna kadagiti ulitegda.

\s5
\v 5 Addaan ngarud iti sangapulo a disso ti daga ti tribu ti Manases iti laud ti Karayan Jordan ken dua a disso iti akindaya a paset ti Karayan Jordan idiay Galaad.
\v 6 Kas kadagiti lallaki, naibingayan met iti daga dagitoy a babbai iti tribu ti Manases idiay akinlaud a sikigan ti karayan. Naibingay ti dadduma a paset ti Galaad kadagiti dadduma a tattao ti Manases.

\s5
\v 7 Ti daga a naibingay iti tribu ti Manases ket iti nagbaetan ti daga a pagnanaedan ti tribu ti Aser ken Micmetat, iti asideg ti Sekem. Dimmanon ti beddeng iti abagatan agingga iti ubbog ti Tappua.
\v 8 Kukua iti tribu ti Manases ti daga iti asideg ti siudad ti Tappua. Ngem adda ti Tappua iti beddeng iti tribu ti Efraim ken kinapudnona, kukua dagiti Eframita.

\s5
\v 9 Dimmanon ti beddeng nga agpababa iti abagatan ti waig ti Kana, ken dagiti amin a siudad iti abagatan dayta a waig ket kukua ti Manases. Ti beddeng ti Manases ket iti akin-amianan a sikigan ti waig ti Kana; dimmanon daytoy iti Baybay Mediterranean.
\v 10 Kukua ti Efraim ti daga iti agpaabagatan ken kukua ti tribu ti Manases ti daga iti agpaamianan; ti Baybay Mediterranean ti beddeng iti Manases. Adda ti tribu ti Aser iti akin-amianan a sikigan iti beddeng, kabayatan nga adda iti daya ti tribu ti Issacar.

\s5
\v 11 Ngem adda dagiti siudad iti uneg dagiti masakupanda a naibingay kadagiti tribu ti Issacar ken Aser, nga adda iti aglawlaw dagiti barioda, a ti kinapudnona ket naibingay kadagiti tattao manipud iti tribu ti Manases. Dagitoy a siudad ket ti Bet San, Ibleam, Dor, Endor, Taanac, ken Megiddo (ken ti maikatlo a siudad iti listaan ket ti Nafet).
\v 12 Saan a mapapanaw dagiti lallaki iti tribu ti Manases dagiti tattao nga agnanaed kadagitoy a siudad, isu a nagtuloy a nagnaed dagiti Cananeo iti dagada.

\s5
\v 13 Idi pimmigsa dagiti tattao ti Israel pinilitda dagiti Cananeo nga agtrabaho para kadakuada a kas tagabu ngem saanda a naala ti dagada manipud kadakuada.

\s5
\v 14 Kinuna dagiti kaputotan ni Jose(dayta ket dagiti tribu ti Manases ken Efraim) kenni Josue, "Inikkannakami laeng iti maysa a paset ti daga, ngem adukami kadagiti tribumi. Binendisionannakami ni Yahweh iti tunggal wagas, apay ngarud a bassit a paset ti daga ti intedmo a pagnaedanmi?"
\v 15 Simmungbat ni Josue kadakuada, "Agsipud ta adukayo, sumang-atkayo ket pukanenyo dagiti kaykayo idiay kabakiran tapno adda pagmulaanyo ken agnaedkayo a mismo iti daga dagiti Perezeo ken dagiti Refaim. Daytoy ti masapul nga aramidenyo, agsipud ta bassit unay a pagnaedanyo ti katurturodan a pagilian."

\s5
\v 16 Simmungbat dagiti tattao iti tribu ti Efraim ken Manases, "Saan nga umdas ti katurturodan a pagilian para kadakami. Ngem saankami a makapagwaras iti patad gapu kadagiti Cananeo nga agnanaed iti daytoy. Addaan kadagiti karuahe a landok ti pilidna dagiti Cananeo idiay Bet San ken dagiti bario iti aglawlawna."
\v 17 Simmungbat ni Josue iti sangkabalayan ni Jose, dayta ket ti Efraim ken ti Manases; kinunana, "Pudno nga adu ken nabileg unay dagiti tattaom. Isu a mangtedak iti maysa pay a bingay ti daga para kadakayo:
\v 18 kukuayonto pay ti katurturodan a pagilian. Pukanenyo dagiti kayo tapno matagikuayo daytoy, ken maaramidyo a lugar a pagnaedanyo. Papanawenyo dagiti Cananeo, uray no napigsada ken adda karuaheda a landok ti pilidna."

\s5
\c 18
\p
\v 1 Nagsasarak ti entero a taripnong dagiti tattao ti Israel idiay Silo. Impatakderda sadiay ti tolda a pagdaydayawanda kenni Yahweh. Awanen ti aggugubat iti daga.
\v 2 Nupay kasta, adda dagiti pito a tribu ti Israel a saan pay a naibingayan iti daga.

\s5
\v 3 Kinuna ni Josue kadagiti tattao ti Israel, "Apay nga agur-uraykayo iti kasta kabayag a tiempo? Kasano kabayag ti panangitantanyo a mapan iti daga nga inkari nga ited kadakayo ni Yahweh, ti Dios a daydayawen dagiti kapuonanyo.
\v 4 Mangpilikayo iti tallo a lallaki iti tunggal maysa kadagiti pito a tribuyo. Ibaonkonto ida a mapan mangkita kadagiti paset ti daga a saanyo pay a napagnaedan. Inton malpasda, mangipadamagdanto kadakayo no ania ti langa iti daga. Mangaramiddanto pay iti mapa a mangipakita kadakayo no ayan dagiti siudad ken dagiti napateg a lugar ken no anianto a tribu ti agnaed iti disso.

\s5
\v 5 Bingayendanto ti nabatbati a daga iti pito a paset. Agnaedto ti tribu ti Juda idiay abagatan a paset, ket agnaedto dagiti tribu ti Efraim ken Manases idiay amianan.
\v 6 Ngem iti mapa nga aramidenda, nasken nga isurat dagiti lallaki a nagtaud kadagiti pito a tribu ti nabatbati a paset ti daga a kayatda a maawat, ket iyegda kaniak ti mapa. Ket bayat a siiimatang ni Yahweh, mangbunotakto no ania a daga ti rumbeng a maited iti tunggal tribu.

\s5
\v 7 Ngem saanto a maibingayan iti uray ania a daga ti tribu ni Levi, gapu ta ti gunggonada ket agbalin a papadi ni Yahweh. Naiteden kadagiti tribu ti Gad, Ruben, ken iti kagudua a tribu ti Manases ti dagada idiay daya a paset ti Karayan Jordan, kas iti inkeddengen ni Moises, ti lalaki a nagserbi iti Dios, isu a saandan a makaala iti tawidenda a daga.

\s5
\v 8 Idi nakasaganan a pumanaw dagiti napili a lallaki, imbaga ni Josue kadakuada, "Mapanyo sursoren ti daga. Kalpasanna, mangisuratkayo iti padamag no ania iti nakitayo, ken isubliyo daytoy kaniak. Ket bayat a siiimatang ni Yahweh, mangbunotak idiay Silo, tapno maammoan ti disso nga awaten ti tunggal tribu."
\v 9 Isu a pimmanaw dagiti lallaki ket sinursorda ti disso. Kalpasanna, insuratda iti nalukot a pagsuratan ti tunggal maysa kadagiti pito a paset a nangbingayanda iti daga, agraman dagiti siudadda. Kalpasanna, nagsublida kenni Josue, nga adda pay laeng idiay Silo.

\s5
\v 10 Kalpasan a nabasa ni Josue ti padamagda, bayat a siiimatang ni Yahweh, nagbunot isuna tapno maamoan no ania a paset ti daga ti maited iti tunggal maysa kadagiti pito a tribu dagiti Israelita.

\s5
\v 11 Ti umuna a tribu a naibingayan iti daga ket ti tribu ti Benjamin. Tunggal puli iti dayta a tribu ket naibingayan iti daga nga adda iti nagbaetan ti disso a naited iti tribu ti Juda ken ti disso a naited iti tribu ti Efraim ken Manases.
\v 12 Nangrugi ti akin-amianan a beddeng idiay Karayan Jordan ken nagpalaud iti asideg ti akin-amianan a paset ti Jerico, nga agturong iti katurturodan a pagilian. Manipud sadiay, nagpa laud ti beddeng iti let-ang nga asideg iti Bet Aven.

\s5
\v 13 Manipud sadiay, nagpa-abagatan daytoy idiay Luz (a maawagan ita iti Betel). Manipud sadiay, nagpababa daytoy iti Atarot-Addar, nga adda iti katurturodan nga abagatan ti Akimbaba a Bet-horon.
\v 14 Iti abagatan a katurturodan ti Bet-horon, nagkurba ti beddeng ken nagpa-abagatan a nagturong iti Kiriat Baal (a maaw-awagan met iti Kiriat Jearim). Dayta ti ili a pagnanaedan dagiti tattao iti tribu ti Juda. Dayta ti akin-laud a beddeng.

\s5
\v 15 Nangrugi ti akin abagatan a beddeng ti dagada iti asideg ti Kiriat Jearim ken nagpa-laud kadagiti ubbog iti Neftoa.
\v 16 Manipud sadiay, nagpababa daytoy iti sakaanan iti turod, nga asideg iti tanap ti Ben-Hinnom, iti akin-amianan a paset iti tanap ti Refaim. Nagpababa ti beddeng iti asideg iti tanap ti Hinnom, iti abagatan ti siudad a nagnaedan dagiti Jebuseo, agingga iti En Rogel.

\s5
\v 17 Manipud sadiay, nagpa-laud ti beddeng agingga iti Ensemes ken naglayon iti Gelilot iti asideg ti turod ti Adummim. Kalpasanna, dimmanon daytoy iti dakkel a bato ni Bohan nga anak a lalaki ni Ruben.
\v 18 Manipud sadiay, dimmanon ti beddeng idiayi amianan a paset ti Bet Araba ken simmalog iti patad nga asideg iti Jordan.

\s5
\v 19 Manipud sadiay, nagpa-daya daytoy agingga iti akin-amianan a paset ti Bet Hogla ken nagpatingga iti amianan a pungto ti Natay a Baybay, a pagay-ayusan ti Karayan Jordan nga agturong iti Natay a Baybay. Dayta ti nagbeddengan iti abagatan a paset.
\v 20 Ti Karayan Jordan ti akin-daya a beddeng iti daga a naibingay iti tribu ti Benjamin. Dagitoy dagiti nagbeddengan iti daga a naibingay kadakuada, nasayaat ti pannakailadawanna ti tunggal beddeng.

\s5
\v 21 Dagiti siudad iti daga a naibingay iti tribu ti Benjamin ket ti Jerico, Bet-Hogla, Emek Keziz,
\v 22 Bet Araba, Sumaraim, Betel,
\v 23 Avim, Para, Ofra,
\v 24 Kefar-Hammoni, Ofni ken Geba. Sangapulo ket uppat a siudad amin, saan a naibilang dagiti barioda.

\s5
\v 25 Maibilang pay iti tribu ti Benjamin dagiti siudad ti Gabaon, Rama, Beerot,
\v 26 Mizpa, Kefira, Moza,
\v 27 Rekem, Irpeel, Tarala,
\v 28 Sela, Haclef, Jebus (ti siudad a nagnaedan dagiti Jebuseo, a maawagan ita iti Jerusalem), Gibea ken Kiriat. Sangapulo ket uppat amin dagiti siudad, saan a maibilang dagiti barioda. Naibingay amin dayta a disso kadagiti puli iti tribu ti Benjamin.

\s5
\c 19
\p
\v 1 Ti maikadua a tribu a naibingayan iti daga ket ti tribu ti Simeon. Tunggal puli iti dayta a tribu ket naibingayan iti daga nga adda iti tengnga iti masakupan ti Juda.

\s5
\v 2 Karaman iti daga ti Simeon dagiti sumaganad a siudad: Beerseba, Seba, Molada,
\v 3 Hazarsual, Bala, Ezem,
\v 4 Eltolad, Betul ken Horma.

\s5
\v 5 Karaman pay iti daga ti Simeon dagiti siudad a Siklag, Bet Marcabot. Hazarsusa,
\v 6 Bet Lebaot ken Saruhen. Sangapulo ket tallo dagiti siudad, agraman dagiti bario iti aglawlawda.
\v 7 Karaman pay iti daga a naibingay iti Simeon dagiti uppat a siudad nga Ain, Rimmon, Eter ken Asan, ken dagiti barrio iti aglawlawda.

\s5
\v 8 Naibingay pay kadakuada dagiti sumagmamano a bario iti maysa a disso a dumanon iti abagatan agingga iti Baalat Beer (a maawagan met iti Rama iti abagatan a let-ang). Dayta ti daga a naibingay kadagiti puli iti tribu ti Simeon.
\v 9 Naibingayan ti tribu ti Juda iti nalaw-lawa a daga ngem iti kasapulanda, isu a naited iti tribu ti Simeon ti dadduma a paset ti dagada.

\s5
\v 10 Ti maikatlo a tribu a naibingayan iti daga ket ti tribu ti Zabulon. Tunggal puli iti dayta a tribu ket naibingayan iti daga. Nangrugi ti akin-abagatan a beddeng idiay Sarid.
\v 11 Agpa laud daytoy a nagturong iti Marala ken agingga iti Dabe-set, ken dimmanon agingga iti waig iti sangoanan iti siudad ti Jokneam.

\s5
\v 12 Manipud Sarid, nagkurba iti daya ti beddeng ken nagturong iti disso nga asideg iti Kislot Tabor ken kalpasanna nagturong iti Daberat, agingga iti Jafia.
\v 13 Manipud sadiay nagpa daya daytoy agingga iti Gat Hefer ken Et Kazin, ken nagpa-amianan agingga iti Rimmon. Manipud sadiay, nagkurba ti beddeng a nagturong iti Nea.

\s5
\v 14 Manipud iti Nea, nagpa-abagatan ti beddeng agingga iti Hannaton ken manipud sadiay agingga iti Tanap ti Jefteel.
\v 15 Karaman iti sakup ti Zabulon dagiti siudad a Catat, Naalal, Simron, Ideala, ken Betlehem. Sangapulo ket dua amin dagiti siudad, agraman dagiti bario iti asidegda.
\v 16 Dayta ti daga a naibingay kadagiti puli iti tribu ti Zabulon, agraman dagiti siudad ken dagiti bario iti aglawlawda.

\s5
\v 17 Ti maika uppat a tribu a naibingayan iti daga ket ti tribu ti Issacar. Tunggal puli iti dayta a tribu ket naibingayan iti daga.
\v 18 Karaman iti dagada dagiti siudad a Jezreel, Jesulot, Sunem,
\v 19 Hafaraim, Sion, ken Anaarat.

\s5
\v 20 Karaman pay iti daga ti Issacar dagiti siudad a Rabbit, Kislon, Ebes,
\v 21 Remet, Enganin, Emhadda, ken Bet-passes.
\v 22 Ti beddeng iti disso a naibingay iti tribu ti Issacar ket asideg kadagiti siudad a Tabor, Sahasuma ken Betsemes, ken nagpatingga iti daya idiay Karayan Jordan. Sangapulo ket innem amin dagiti siudad, agraman dagiti bario iti aglawlawda.

\s5
\v 23 Dagiti siudad ken dagiti nakapalawlaw a bario ket adda iti daga a naibingay kadagiti puli iti tribu ti Issacar

\s5
\v 24 Ti maika-lima a tribu a naibingayan iti daga ket ti tribu ti Aser. Tunggal maysa kadagiti puli iti dayta a tribu ket naibingayan iti daga.
\v 25 Karaman iti dagada dagiti siudad a Helkat, Hali, Beten, Acsaf,
\v 26 Alamelec, Amad ken Misal. Mangrugi ti akin-laud a beddeng idiay Bantay Carmel ken Sihorlibnat.

\s5
\v 27 Manipud sadiay, nagpa-abagatan daytoy agingga iti siudad ti Betdagon, ken kalpasanna, nagturong iti disso a naibingay iti tribu ti Zabulon, ken dimmanon iti Tanap ti Jefteel. Manipud sadiay, nagpadaya ti beddeng ken kalpasanna iti amianan agingga iti Bet-emec, Naiel ken Cabul.
\v 28 Manipud sadiay nagpa-laud daytoy kadagiti siudad nga Abdon, Rehob, Hammon ken Kana ken nagtuloy iti Sidon, a nalawa unay a siudad.

\s5
\v 29 Manipud Sidon, nagpa-abagatan ti beddeng nga agturong iti Rama ken iti kalawaan unay a siudad ti Tiro nga addaan kadagiti natibker a pader iti aglawlaw daytoy. Manipud sadiay, nagpa-laud ti beddeng agingga iti Hosa ken nagpatingga iti Baybay Mediterranean, iti rehion ti Aksib,
\v 30 Umma, Afec ken Rehob. Duapulo ket dua amin dagiti siudad, agraman dagiti barrio iti aglawlawda.

\s5
\v 31 siudad ken dagiti barioda ket adda iti daga a naibingay kadagiti puli iti tribu ti Aser.

\s5
\v 32 Ti maika-innem a tribu a naibingayan iti daga ket ti tribu ti Neftali. Tunggal maysa kadagiti puli iti dayta a tribu ket naibingayan iti daga.
\v 33 Nangrugi ti beddeng iti daga ti Neftali idiay laud nga ayan ti dakkel unay a kayo ti lugo iti Zaananim, nga asideg iti siudad ti Helef. Nagpa-daya daytoy a limmabas iti Adaminekeb ken Jebneel, kalpasanna nagturong iti Lakkum, ken nagpatingga idiay Karayan Jordan.
\v 34 Limmabas ti akin laud a beddeng iti Asnot Tabor agingga iti Hucuca. Dimmanon daytoy kadagiti beddeng iti tribu ti Zabulon idiay abagatan, agingga iti beddeng ti tribu ti Aser idiay laud, ken agingga iti karayan Jordan iti daya.

\s5
\v 35 Adu dagiti siudad a napalawlawan kadagiti natibker a pader iti daga a masakupanda. Dagitoy a siudad ket Siddim, Ser, Hammat, Rakkat, Cineret,
\v 36 Adama, Rama, Hasor,
\v 37 Kedes ken Enzaor.

\s5
\v 38 Karaman pay kadagiti siudad ti Neftali nga addaan iti natibker a pader ti Iron, Migdalel, Horem, Betanat, and Betsemes. Sangapulo ket siam amin dagiti siudad, agraman dagiti barrio iti aglawlawda.
\v 39 Dagiti siudad ken dagiti nakapalawlaw a barrio ket adda iti daga a naibingay kadagiti puli iti tribu ti Neftali.

\s5
\v 40 Ti maikapito a tribu a naibingayan iti daga ket ti tribu ti Dan. Tunggal maysa kadagiti puli iti dayta a tribu ket naibingayan iti daga.
\v 41 Karaman iti dagada dagiti siudad a Sora, Estaol, Ir-semes,
\v 42 Saalabin, Aijalon ken It-la.

\s5
\v 43 Karaman pay iti daga ti Dan dagiti siudad nga Elon, Timna, Ekron,
\v 44 Elteke, Gibeton, Baalat,
\v 45 Jehud, Bene-berak, Gatrimon,
\v 46 Mejarkon, Rakkon, ken ti disso nga asideg iti Joppa.

\s5
\v 47 Ngem saan a makaanay iti tribu ti Dan ti daga a naibingay kadakuada. Isu a napanda iti amianan a daya ket nakirangetda kadagiti tattao iti siudad ti Lesem. Pinarmek ken pinapatayda amin dagiti tattao. Kalpasanna nagnaedda iti Lesem, ket sinukatanda ti nagan ti siudad iti Dan, ti lalaki a nagtaudan iti tribuda.
\v 48 Dagiti amin a siudad ken nakapalawlaw a bario ket adda iti daga a naibingay kadagiti puli iti tribu ti Dan.

\s5
\v 49 Kalpasan a biningay dagiti mangidadaulo kadagiti Israelita ti daga kadagiti tribu, nangibingay da met iti sumagmamano a daga kenni Josue.
\v 50 Imbingayda kenkuana ti siudad a Timnat Sera. Imbaga ni Yahweh a maited kenkuana ti aniaman a siudad a kayatna, ket dayta ti siudad a napilina. Adda daytoy iti katurturodan a pagilian a naibingay kadagiti tribu ti Efraim. Binangon manen ni Josue ti siudad ket nagnaed sadiay.

\s5
\v 51 dagiti disso a naibingay kadagiti nadumaduma a tribu ti Israel. Ni Eleazar (a mangidadaulo iti amin a papadi), Josue, ken dagiti mangidadaulo iti tunggal tribu ti nangbingay iti daga kabayatan ti kaaddada amin idiay Silo, babaen iti panangipallangatok iti paggiginnasatan tapno maikeddeng ti disso a maawat ti tunggal tribu. Inaramidda dayta bayat a siiimatang ni Yahweh iti pagserkan ti nasagradoan a tolda. Nalpas ti panangbingaybingayda ti daga babaen iti kasta a wagas.

\s5
\c 20
\p
\v 1 Ket kinuna ni Yahweh kenni Josue,
\v 2 "Ibagam kadagiti Israelita a nasken a mangpilida iti sumagmamano a siudad a mabalin a pagkamangan dagiti tattao tapno agbalinda a natalged, kas imbagak kenni Moises a rumbeng nga aramidenyo.
\v 3 No saan nga inggagara ti maysa a tao ti makapatay iti pada na a tao, nga awan iti panggepna a mangpatay iti dayta a tao, ket mabalinna ti agkamang iti maysa kadagitoy a siudad ket agbalin a natalged.

\s5
\v 4 Inton makasangpet dayta a tao iti ruangan ti maysa kadagiti siudad, masapul nga agsardeng isuna sadiay ket ibagana kadagiti mangidadaulo iti siudad ti napasamak. No mamatida kenkuana, masapul a palubosanda isuna a makastrek iti siudad, ken masapul nga ikkanda isuna iti lugar a pakipagnaedanna kadakuada.

\s5
\v 5 No dumteng ti sumagmamano a kabagian ti natay a tao iti dayta a siudad tapno agibales, masapul a saan nga ipalubos dagiti mangidadaulo iti dayta a siudad nga alaen iti kabagian ti tao a napapatay ti nakapatay, gapu ta saan a naigagara ti napasamak. Saanna a ginura dayta a tao; saanna a pinanggep ti mangpatay kenkuana.
\v 6 Masapul nga agtalinaed iti dayta a siudad ti tao a nakapatay iti maysa a tao agingga nga usigen isuna dagiti ukom iti dayta a siudad. Palubosanda isuna nga agtalinaed iti dayta a siudad no laeng ikkeddeng dagiti ukom a ti kimmamang a tao iti siudadda ket saanna a pinanggep a patayen ti dadduma a tao, ken masapul nga agtalinaed isuna sadiay agingga a matay ti kangatoan a padi nga agserserbi iti tiempo a nakabasol isuna. Ket sitatalged a makaawid ti tao iti bukodna a pagtaengan."

\s5
\v 7 Pinili ngarud dagiti Israelita dagitoy a siudad tapno mabalin a pagkamangan dagiti tattao tapno agbalinda a natalged: ti Kedes idiay rehion ti Galilea, idiay katurturodan a pagilian a nagnaedan ti tribu ti Neftali; Sikem idiay katurturodan a pagilian a nagnaedan ti tribu ti Efraim; ken Kiriatarba (a maawagan ita iti Hebron) idiay katurturodan a pagilian a nagnaedan ti tribu ti Juda;
\v 8 Beser, idiay daya a paset ti Karayan Jordan nga asideg iti Jerico, idiay let-ang, a nagnaedan ti tribu ti Ruben; ti Ramot idiay rehion ti Galaad, idiay daga a nagnaedan ti tribu ti Gad; ken Golan iti rehion ti Basan, a nagnaedan ti tribu ti Manases.

\s5
\v 9 Siasinoman nga Israelita wenno ganggannaet a nakipagnaed kadakuada, siasinoman a nakapatay iti maysa a tao a saanna nga inggagara ket mapalubosan nga agkamang iti maysa kadagidiay a siudad. Natalgedto isuna sadiay manipud kadagiti kabagian ti tao a natay a mapan ken mangpapatay kenkuna sadiay tapno makaibales. Mabalinna ti agtalinaed iti dayta a siudad agingga a mausig isuna tapno maikeddeng no agibagbaga isuna iti pudno idi imbagana a saanna a pinanggep a patayen dayta a tao.

\s5
\c 21
\p
\v 1 Napan dagiti mangidadaulo kadagiti puli dagiti Levita idiay Silo tapno makisaritada kenni Eleazar a padi, kenni Josue nga anak ni Nun, ken kadagiti panguloen dagiti puli dagiti tattao ti Israel.
\v 2 Kinunada kadakuada, "Imbilin ni Yahweh kenni Moises a rumbeng nga ikkandakami kadagiti siudad a mabalinmi a pagnaedan ken pangipastoran kadagiti ayupmi."

\s5
\v 3 Nagtulnog ngarud dagiti mangidadaulo kadagiti Israelita iti daytoy a bilin ni Yahweh. Intedda iti tribu ti Levi dagiti siudad ken pagipastoran manipud kadagiti bukodda a daga a naibingay kadakuada.

\s5
\v 4 Nangipallangatok nga umuna iti paggiginnasatan dagiti mangidadaulo kadagiti Israelita tapno ibingayan iti siudad dagiti kaputotan ti Coat. Dagitoy dagiti puli a kaputotan ni Aaron. Naibingayanda iti sangapulo ket tallo a siudad manipud kadagiti disso a kukua ti tribu ti Juda, Simeon, ken Benjamin.
\v 5 Kadagiti dadduma a puli a nagtaud iti Coat, nangibingay dagiti mangidadaulo kadagiti Israelita iti sangapulo a siudad a nagtaud iti disso a kukua ti tribu ti Efraim ken Dan, kasta met ti paset iti tribu ti Manases nga agnanaed iti akin laud a paset ti Karayan Jordan.

\s5
\v 6 Kadagiti tattao iti puli ti Gerson, nangibingay dagiti mangidadulo kadagiti Israelita iti sangapulo ket tallo a siudad manipud iti disso a kukua dagiti tribu ti Issacar, Aser, ken Neftali, kasta met ti kagudua a tribu ti Manases iti rehion ti Basan.
\v 7 Kadagiti tattao a nagtaud iti puli ti Merari, nangibingay dagiti mangidadulo iti Israelita iti sangapulo ket dua a siudad a nagtaud iti disso a kukua dagiti tribu ti Ruben, Gad, ken Zabulon.

\s5
\v 8 Iti kastoy a wagas nga inted dagiti mangidadaulo kadagiti Israelita dagiti siudad ken pagipastoran ti tribu ti Levi, kas imbilin ni Yahweh kenni Moises a rumbeng nga aramidenda.
\v 9 Dagitoy dagiti nagnagan dagiti siudad ken pagipastoran iti aglawlaw nga imbingay dagiti mangidadaulo kadagiti Israelita iti tribu ni Levi iti disso a nagnaedan dagiti tribu ti Juda ken Simeon.
\v 10 Inbingay nga umuna dagiti mangidadaulo kadagiti Israelita dagiti siudad kadagiti puli a nagtaud iti Coat, dagiti puli iti kaputotan ni Aaron, dagiti nagserbi a kas papadi iti tribu ni Levi. Nangipallangatok nga umuna iti paggiginnasatan dagiti mangidadaulo kadagiti Israelita a maipaay kadagiti puli a nagtaud iti Coat.

\s5
\v 11 Imbingay kadakuada dagiti mangidadaulo kadagiti Israelita ti Kiriatarba (a maawagan ita iti Hebron), iti katurturodan a pagilian iti Juda (ni Arba ti ama ni Anak). Intedda pay dagiti pagipastoran iti aglawlaw ti siudad.
\v 12 Nupay kasta, naibingayen dagiti mangidadaulo kadagiti Israelita dagiti mamulaanen a taltalon ken dagiti bario iti aglawlaw ti Kiriatarba kenni Caleb nga anak ni Jefone.

\s5
\v 13 Iti kastoy a wagas nga inbingay dagiti mangidadaulo kadagiti Israelita ti Hebron a dagiti kaputotan ni Aaron, a padi. Ti Hebron ket maysa kadagiti siudad a mabalin a pagkamangan dagiti tattao no nakapatayda iti tao saanda nga inggagara. Intedda pay kadagiti kaputotan ni Aaron dagiti siudad iti Libna,
\v 14 Jattir, Estemoa,
\v 15 Holon, Debir,
\v 16 Ain, Jutta ken Betsemes-siam a siudad agraman dagiti amin a pagipastoranda. Masarakan dagitoy a siudad iti disso a kukua dagiti tribu ti Juda ken Simeon.

\s5
\v 17 Nangted pay dagiti mangidadaulo kadagiti Israelita iti sumagmamano a siudad kadagiti kaputotan ni Aaron manipud iti disso a kukua iti tribu ti Benjamin: Gabaon, Geba,
\v 18 Anatot ken Almon-uppat a siudad agraman dagiti amin a pagipastoranda.
\v 19 Sangapulo ket tallo amin dagiti siudad agraman dagiti nakapalawlaw a pagipastoran iti daytoy ti imbingay dagiti mangidadaulo kadagiti Israelita kadagiti papadi, a kaputotan ni Aaron.

\s5
\v 20 Naawat dagiti dadduma a puli a nagtaud iti Coat ti uppat a siudad iti disso a kukua ti tribu ti Efraim.
\v 21 Dagidiay a siudad ket ti Sikem (maysa kadagiti siudad a mabalin a pagkamangan dagiti tattao no saanda nga inggagara ti nakapatay iti maysa a tao), ti Gezer,
\v 22 ti Kibsaim ken Bethoron-uppat a siudad agraman dagiti amin a pagipastoranda.

\s5
\v 23 Naawat pay dagitoy a puli a nagtaud iti Coat ti uppat a siudad agraman dagiti pagipastoran iti aglawlaw daytoy manipud iti disso a kukua iti tribu ti Dan. Dagitoy a siudad ket ti Elteke, Gibbeton,
\v 24 Aijalon ken Gatrimmon-uppat a siudad agraman dagiti amin a pagipastoranda.

\s5
\v 25 Naawat pay dagiti puli a nagtaud iti Coat ti dua a siudad manipud iti disso a kukua iti tribu ti Manases. Dagitoy a siudad ket Taanac ken Gatrimmon-dua a siudad agraman dagiti amin a pagipastoranda.
\v 26 Sangapulo a siudad amin, agraman dagiti pagipastoran iti aglawlawda, ti naawat dagitoy a puli a nagtaud iti Coat.

\s5
\v 27 Nangipallangatok pay iti paggiginnasatan dagiti mangidadaulo kadagiti Israelita tapno maibingay dagiti siudad ken dagiti nakapalawlaw a pagipastoran kadagiti puli a nagtaud iti Gerson. Nagtaud met dagitoy a puli iti kaputotan ni Levi. Isu a naawatda ti dua a siudad manipud iti disso a naawat ti tribu ti Manases-dayta ket kagudua ti tribu a nagtalinaed idiay daya a paset ti Karayan Jordan. Dagidiay a siudad ket Golan iti rehion ti Basan, ti maysa kadagiti siudad a mabalin a pagkamangan dagiti tattao, ken ti Borsa-dagiti dua a siudad agraman dagiti pagipastoranda.

\s5
\v 28 Naawat pay dagitoy a puli dagiti siudad manipud iti disso a kukua iti tribu ti Issacar. Dagidiay a siudad ket ti Kision, Daberat,
\v 29 Jaramut ken Engannim-uppat a siudad agraman dagiti pagipastoranda.
\v 30 Naawat dagitoy a puli ti sumagmamano a siudad manipud iti disso a kukua ti tribu ti Aser. Dagitoy dagiti siudad a Miseal, Abdon,
\v 31 Helkat, Rehob-uppat a siudad agraman dagiti pagipastoranda.

\s5
\v 32 Naawat dagitoy a puli dagiti siudad manipud iti disso a kukua iti tribu ti Neftali. Dagitoy a siudad ket Kedes idiay rehion ti Galilea (maysa kadagiti siudad a mabalin a pagkamangan dagiti tattao no nakapatayda iti tao a saan nga inggagara), Hammotdor ken Kartan-tallo a siudad agraman dagiti pagipastoranda.
\v 33 Sangapulo ket tallo a siudad ngarud amin ti naawat dagiti taga Gerson, agraman dagiti pagipastoran iti aglawlawda.

\s5
\v 34 Inbingay pay dagiti mangidadaulo kadagiti Israelita dagiti siudad iti dadduma kadagiti Levita, dayta ket dagiti tattao a maibilang kadagiti puli a nagtaud iti Merari. Naawat dagitoy a puli dagiti sumagmamano a siudad iti disso a kukua iti tribu ti Zabulon. Dagitoy ket dagiti siudad a Jokneam, Karta,
\v 35 Dimna ken Nahalal-uppat a siudad agraman dagiti pagipastoranda.

\s5
\v 36 Naawat pay dagiti puli a nagtaud iti Merari dagiti siudad iti disso a kukua ti tribu ti Ruben. Dagitoy ket dagiti siudad a Beser, Jahas,
\v 37 Kedemot ken Mefaat-uppat a siudad agraman dagiti pagipastoranda.
\v 38 Nakaawat pay dagiti puli a nagtaud iti Merari kadagiti siudad iti disso a kukua ti tribu ti Gad. Dagitoy ket dagiti siudad a Ramot, a maysa kadagiti siudad idiay Galaad a mabalin a pagkamangan dagiti tattao no nakapatayda iti tao a saanda nga inggagara, ken ti Mahanaim.

\s5
\v 39 Adda pay dagiti siudad ti Hesbon ken Jazer-uppat a siudad amin, agraman dagiti pagipastoranda.
\v 40 Kadagiti amin a puli a nagtaud iti Merari ket nakaawat iti sangapulo ket dua a siudad gapu ta nangipallangatok iti paggiginnasatan dagiti mangidadaulo kadagiti Israelita para kadakuada.

\s5
\v 41 Isu nga uppat a pulo ket walo amin dagiti siudad a naawat dagiti Levita manipud kadagiti disso a kukua dagiti dadduma a tribu ti Israel, kasta met a karaman dagiti pagipastoran a kukua dagidiay a siudad.
\v 42 Tunggal maysa kadagitoy a siudad ket adda pagipastoran iti aglawlawna.

\s5
\v 43 Iti kastoy a wagas a biningay ni Yahweh kadagiti tattao ti Israel ti amin a daga nga inkarina nga ited kadagiti kapuonanda. Dagiti Israelita ti nangituray kadagitoy a disso ket nagnaedda kadagitoy.
\v 44 Kas inkarina kadagiti kapuonanda, impalubos ni Yahweh a maaddaanda iti kappia kadagiti kabusor iti aglawlawda. Awan kadagiti kabusorda ti nakaparmek kadakuada. Tinulongan ni Yahweh ti Israel a nangparmek kadagiti amin a kabusorda.
\v 45 Tinungpal ni Yahweh ti inkarina kadagiti Israelita. Pimmudno amin a kari.

\s5
\c 22
\p
\v 1 Ket pinaayaban ni Josue dagiti mangidadaulo kadagiti tribu ti Rubineta, Gadita, ken iti kagudua a tribu ti Manases.
\v 2 Kinunana kadakuada, "Inaramidyo amin nga imbilin ni Moises nga adipen ni Yahweh nga aramidenyo. Inaramidyo met ti imbilinko nga aramidenyo.
\v 3 Iti atiddog a tiempo, tinulonganyo dagiti dadduma a tribu a mangparmek kadagiti kabusorda. Nagtulnogkayo kadagiti amin a banbang nga insuro ken imbilin ni Yahweh a Diosyo nga aramidenyo.

\s5
\v 4 Inkarina a mangyeg iti kappia kadagiti padayo nga Israelita ket inaramidna ti inkarina. Mabalinyo ngarud ita ti agsubli kadagiti pagtaenganyo, iti daga nga inted ni Moises kadakayo, iti daya a paset ti Karayan Jordan.
\v 5 Imbilin met ni Moises kadakayo nga ayatenyo ni Yahweh a Diosyo ken agbiagkayo a kas iti kayatna a panagbiagyo, agtulnogkayo kadagiti bilinna, nga agsublikayo kenkuana ket tallikudanyo dagiti dadduma kas dayawen ken agserbikayo kenkuana babaen kadagiti amin a banag a panpanunoten ken ar-aramidenyo."
\v 6 Ket binendisionan ida ni Josue ken pinagawidna ida, isu a nagsublida kadagiti toldada.

\s5
\v 7 Inted ni Moises ti rehion ti Basan, iti daya ti Karayan Jordan iti kagudua a tribu ti Manases ken inted ni Josue ti daga iti laud a paset ti Karayan Jordan iti sabali a kagudua dayta a tribu. Idi pinagawid ida ni Josue kadagiti toldada, dinawatna iti Dios a bendisionanna ida.
\v 8 Kinunana kadakuada, "Agsublikayo kadagiti toldayo nga addaan iti adu a kuarta, ayup, pirak, balitok, gambang, tanso, ken napipintas a pagan-anay. Ngem rumbeng nga ibingayanyo dagiti kakabsatyo a lallaki ken babbai iti sinamsamyo kadagiti kabusoryo."

\s5
\v 9 Pinanawan ngarud dagiti tattao ti Ruben, Gad, ken ti kagudua a tribu ti Manases dagiti dadduma a tattao ti Israel idiay Silo iti rehion ti Canaan. Nagsublida kadagiti pagtaenganda idiay rehion ti Galaad a kukuada gapu ta inted ni Moises daytoy kadakuada babaen iti bilin ni Yahweh.

\s5
\v 10 Simmangpetda iti akinlaud a paset ti Karayan Jordan iti daga ti Canaan. Nangipatakder sadiay dagiti tattao ti Ruben, Gad ken ti kagudua a tribu ti Manases iti dakkel ken nadaeg nga altar.
\v 11 Nangngeg dagiti dadduma a tattao ti Israel ti maipanggep iti daytoy nga altar; maseknanda iti impatakder dagiti tattao ti Ruben, Gad, ken ti kagudua a tribu ti Manases. Altar daytoy iti pagserkan iti daga ti Canaan. Naipatakder daytoy iti siudad ti Gelilot, asideg ti Jordan, iti paset ti daga ti Israel.

\s5
\v 12 Nangngeg dagiti tattao ti Israel daytoy, ket sangsangkamaysa nga immay ti entero a taripnong dagiti tattao idiay Silo. Inkeddengda a mapanda makigubat kadakuada gapu iti daytoy nga altar.

\s5
\v 13 Ngem imbaon nga umuna dagiti Israelita ni Finees nga anak ni Eleazar ken ti mangidadaulo kadagiti amin a papadi tapno makisaritada kadagiti tattao ti Ruben, Gad, ken Manases.
\v 14 Nangibaonda met iti maysa a mangidadaulo manipud iti tunggal maysa kadagiti sangapulo a tribu ti Israel iti laud ti Karayan Jordan. Tunggal maysa kadagiti mangidadaulo ket napateg a mangidadaulo iti bukodna a puli.

\s5
\v 15 Napan dagidiay a mangidadaulo idiay rehion ti Galaad tapno makisaritada kadagiti tattao ti Ruben, Gad, ken iti kagudua a tribu ti Manases. Kinunada,
\v 16 "Salsaludsoden dagiti amin nga Israelita, 'Ania daytoy nga inaramidyo? Sinukiryo dagiti bilin ti Dios. Tinallikudanyo ni Yahweh babaen iti panangipatakderyo iti bukodyo nga altar iti daytoy a lugar. Nagrebeldekayo kenni Yahweh.

\s5
\v 17 Nalipatanyo kadi no kasano a dinusanatayo ni Yahweh idiay Peor, idi tinallikudantayo isuna ket nagdayawtayo kadagiti sabali a dios? Nangibaon ni Yahweh iti makapatay a sakit kadagiti tattao ti Israel ket adu ti natay gapu iti daytoy.
\v 18 Tallikudanyo met kadi ti panangsurotyo kenni Yahweh babaen iti panangipatakderyo iti daytoy nga altar? Agsipud ta nagrebeldekayo kenkuana a kasla iti kastoy, makaungetto ni Yahweh kadagiti amin a tattao ti Israel.'

\s5
\v 19 "No panpanunotenyo nga ibilbilang ni Yahweh a ti dagayo ditoy ket saan a maikari a pagdaydayawan kenkuana, agsublikayo iti dagatayo nga ayan ti nasagradoan a tolda ni Yahweh. Mabalin nga ibingayan dakayo iti dagami. Ngem saankayo nga agrebelde kenni Yahweh wenno kadakami babaen iti panangipatakderyo iti sabali pay nga altar para kenni Yahweh a Diostayo.
\v 20 Awan duadua a malagipyo ti napasamak idi nagkedked ni Acan nga anak ni Zera nga agtulnog iti bilin ni Yahweh a dadaelenna dagiti amin a banag idiay Jerico? Sinukir dayta a tao ti bilin ti Dios ngem adu dagiti dadduma nga Israelita ti nadusa gapu iti inaramidna."

\s5
\v 21 Simmungbat dagiti mangidadaulo kadagiti tribu ti Ruben, Gad, ken iti kagudua a tribu ti Manases,
\v 22 "Ammo ni Yahweh a mannakabalin amin a Dios no apay nga inaramidmi dayta ket kayatmi a maammoanyo met. No saankami a nagbalin a napudno iti karimi nga agserbikami kenni Yahweh, saankayo a maasi kadakami ngem papatayendakami.
\v 23 No impatakdermi daytoy nga altar tapno matallikudanmi ti panagtulnogmi kenni Yahweh, wenno no impatakdermi daytoy nga altar tapno pagidatonan kadagiti daton, kadagiti daton a bukbukel, wenno kadagiti daton a mangikari iti pannakigayyem kenkuana, a maisalungasing iti linteg, dusaennakami koma ni Yahweh ken uray papatayennakami.

\s5
\v 24 Saan, impatakdermi daytoy nga altar gapu ta mabutengkami amangan no maysanto nga aldaw iti masangoanan ket kunaento ken saludsoden dagiti annakyo kadagiti annakmi, 'Ania ti bibiangyo kenni Yahweh a Dios ti Israel?"

\s5
\v 25 Mabutengkami a kunaendanto kadagiti annakmi, "Inaramid ni Yahweh a beddeng ti Karayan Jordan iti nagbaetantayo dakayo a tattao ti Ruben ken Gad. Awan ti bibiangyo kenni Yahweh.' Ken amangan no paritanto dagiti annakyo dagiti annakmi nga agdaydayaw kenni Yahweh.

\s5
\v 26 Isu a kinunami, 'Mangipatakdertayo ita iti altar ngem saan a pagidatonan kadagiti sakrifisio wenno aniaman a daton.
\v 27 Ngem ketdi, kayatmi nga agbalin daytoy a monumento a mangpaneknek kadakayo, kadagiti bagimi, ken kadagiti amin a kaputotantayo a sumaruno kadatayo a sipupudno nga agdaydayawkami kenni Yahweh. Pudno a daydayawenmi isuna babaen kadagiti sakrifisiomi a mapuoran ken kadagiti datonmi, ken kadagiti datonmi a mangikari iti pannakigayyem kenkuana. Impatakdermi daytoy nga altar tapno iti masakbayan, saanto koma pulos a kunaen dagiti kaputotanyo kadagiti kaputotanmi, "Saannakayo a pulos nga inikkan ni Yahweh iti aniaman a paset iti daytoy a daga; saankayo a naibilang ditoy."

\s5
\v 28 Iti masakbayan, no kunaento dagiti annakyo dayta, mabalinto a kunaen dagiti kaputotanmi, 'Kitaenyo ti altar nga inaramid dagiti kapuonanmi! Apag-isu daytoy a kasla iti altar ni Yahweh idiay Silo, ngem saankami a mangpupuor kadagiti daton iti rabaw daytoy. Monumento daytoy a kayatna a sawen a datayo amin ket agmaymaysa nga agdayaw kenni Yahweh!'
\v 29 Sipupudno a saanmi a kayat nga agrebelde kenni Yahweh wenno agsardeng nga agar-aramid kadagiti tarigagayna. Saan pulos a nairanta daytoy nga altar a mausar para kadagiti daton, para kadagiti daton a mapuoran nga arina wenno para iti pagidatonan kadagiti dadduma a daton. Ammotayo nga adda laeng ti maymaysa a pudno nga altar para kenni Yahweh a Diostayo ket adda daytoy iti sangoanan ti nasagradoan a tolda."

\s5
\v 30 Idi nangngeg ni Finees a padi ken dagiti sangapulo a mangidadaulo kadagiti tattao ti Israel ti imbaga dagiti tattao ti Ruben, Gad, ken Manases, naragsakanda.
\v 31 Isu a kinuna ni Finees kadakuada, "Ita, ammomin nga adda ni Yahweh kadatayo amin nga Israelita ken saankayo nga agrebrebelde kenkuana idi impatakderyo dayta nga altar. Gapu ta saan a sinalungasing ti inaramidyo dagiti linteg ni Yahweh, masiguradomi a saannatayo a dusaen.

\s5
\v 32 Pinanawan ngarud ni Finees ken dagiti mangidadaulo kadagiti Israelita dagiti tattao kadagiti tribu ti Ruben ken Gad idiay rehion ti Galaad ket nagsublida idiay Canaan. Imbagada sadiay kadagiti dadduma nga Israelita ti napasamak.
\v 33 Naragsakanda ket nagyamanda iti Dios. Saandan a sinarita pay ti maipanggep iti pannakigubat ken panangdadaelda kadagiti amin a banag iti daga dagiti tattao kadagiti tribu ti Ruben ken Gad.

\s5
\v 34 Pinanaganan dagiti tattao kadagiti tribu ti Ruben ken Gad ti baro nga altarda iti "Pakalaglagipan," ket kinunada, "Pakalaglagipan daytoy kadatayo amin a ni Yahweh ket Dios."

\s5
\c 23
\p
\v 1 Kalpasan iti atiddog a panawen, impalubos ni Yahweh nga agbiag iti kappia dagiti Israelita, nga awananen iti panagbuteng iti siasinoman a kabusor, limmakay unayen ni Josue.
\v 2 Inayaban ni Josue dagiti amin a panglakayen ken mangidadaulo iti Israel, kasta met dagiti ukom ken opisialda, tapno umayda agdengngeg kenkuana. Idi nakasangpetda, rinugianna ti nagsao kadakuada: "Lakayak unayen.
\v 3 Nakitatayo amin nga inaramid ni Yahweh a Diostayo kadagiti amin a nasion iti daytoy a daga. Ni Yahweh a Diostayo ti nakigubgubat para kadatayo.

\s5
\v 4 Intedko kadakayo dagiti natda a nasion. Agbalinto met nga agnanayon a sanikuayo dagiti dagada para kadagiti tribu ti Israel, a kas kadagiti daga dagiti bunggoy dagiti tattao a dinadael dagiti tattaotayo idi idadauloak ida--amin dagidiay a nasion a dinadael dagiti Israelita manipud iti Jordan agingga iti Baybay Mediterranean idi siak ti mangidadaulo.
\v 5 Pilitento a papanawen ni Yahweh a Diosyo dagidiay a tattao manipud kadagiti dagada. Sakupennanto ti dagada manipud kadakuada, tapno makapagnaedkayo kadagidiay a daga. Daytoy ti inkarina nga aramidenna para kadakayo.

\s5
\v 6 Ipangagyo a nasayaat tapno mapagtulnoganyo dagiti amin a linteg a naisurat kadagiti linteg nga insurat ni Moises. Saanyo a sukiren wenno baliwan ti aniaman kadagitoy.
\v 7 No agtulnogkayo iti linteg ni Moises, saanyo nga itipon dagiti tattaotayo kadagidiay a bunggoy dagiti tattao. Uray dagiti nagan dagiti diosda ket saanyo a dakamaten ken usaren dagiti nagan dagiti diosda inton agkari wenno agsapatakayo. Saankayo nga agdayaw kadagidiay a dios wenno agrukbab kadakuada.
\v 8 Umasidegkayo kenni Yahweh a kas iti ar-aramidenyo, ken saankayo nga umadayo kenkuana.

\s5
\v 9 Pinilit a pinapanaw ni Yahweh ti adu a dadakkel ken nabibileg a nasion kas sumungsungadkayo. Awan ti nakabael a nangpasardeng kadakayo.
\v 10 Kabaelan a pagtarayen ti maysa a soldado kadakayo ti sangaribu a lallaki a mannakigubat iti armada ti kabusoryo, gapu ta ni Yahweh a Diosyo ti makigubgubat para kadakayo. Dayta ti inkarina nga aramidenna.
\v 11 Aramidenyo ngarud ti kabaelanyo a mangayat kenni Yahweh a Diosyo.

\s5
\v 12 Nupay kasta, no umadayokayo iti panangaramid kadagiti tartarigagayan ni Yahweh; no umasidegkayo iti siasinoman kadagidiay a bunggoy dagiti tattao a nakalasat kadagiti pannakigubat kadagiti tattaotayo, wenno no asawaenyo ida ken agbalinkayo a gagayyemda ket agbalinda a gagayyemyo,
\v 13 ket masiguradoyonto ngarud a saannakayo a tulongan ni Yahweh a Diostayo a mangpilit a mangpapanaw kadakuada iti dagayo. Agbalindanto a kasla kadagiti palab-og a mangtiliw kadakayo. Agbalindanto a kasla kadagiti saplit a mangsaplit kadagiti bukotyo, ken kasla kadagiti siit a mangsulek kadagiti matayo. Kumapuyto a kumapuy ti bunggoy dagiti tattaoyo agingga a mataykayo iti daytoy a daga, iti daytoy nasayaat unay a daga nga inted ni Yahweh a Diostayo kadatayo.

\s5
\v 14 Dandaniakon a matay, a kasla iti maar-aramid iti tunggal maysa. Ammoyo iti kaungganyo, nga inaramid ni Yahweh ti tunggal banag nga inkarina nga aramidenna para kadakayo.
\v 15 Intedna kadakayo dagiti amin a nasayaat a banag nga inkarina. Iti isu met laeng a wagas, mapasamakto met kadakayo dagiti saan a nasayaat a banbanag nga inkarina no aramidenyo ti dakes. No kasta ti mapasamak, papatayennakayonto ken alaenna ti dagayo.

\s5
\v 16 No saankayo nga agtulnog iti katulagan iti nagbaetanyo kenni Yahweh, ken no panawanyo isuna ket mapankayo agdayaw kadagiti sabali a dios ken agrukbab kadakuada, makaungetto unay ni Yahweh kadakayo, a kas iti apuy a mangrugi manipud iti rissik. Dagdagusto a papatayennakayo ken alaenna daytoy nasayaat a dagayo, ti isu met laeng a daga nga intedna ita kadakayo."

\s5
\c 24
\p
\v 1 Inummong ni Josue dagiti panglakayen, mangidadaulo, ukom, ken opisial iti nasion ti Israel ket dimmatagda iti imatang ti Dios.
\v 2 Kinuna ni Josue kadakuada amin, "Daytoy ti ibagbaga ni Yahweh a Dios a daydayawentayo nga Israelita: 'Idi un-unana a panawen, nagnaed dagiti kapuonanyo agraman ni Tera nga ama da Abraham ken Nahor nga inaudi a kabsatna idiay ballasiw ti Karayan Eufrates a nagdaydayawanda kadagiti sabali a dios.

\s5
\v 3 Ngem innalak ni Abraham a kapuonanyo ket impanko isuna iti daga ti Canaan. Inikkak isuna iti adu a kaputotan babaen kenni Isaac nga anakna.
\v 4 Intedko kenni Isaac da Jacob ken Esau a bukodna nga annak. Intedko kenni Esau ti katurturodan a pagilian ti Edom a kas kukuana, ngem pinasalogko ni Jacob ken dagiti annakna idiay Egipto a nagnaedanda iti adu a tawen.

\s5
\v 5 Imbaonko da Moises ken Aaron a kabsatna idiay Egipto ket pinagsagabak dagiti Egipcio kadagiti adu a nakaam-amak a didigra. Kalpasan dayta, inruarko dagiti tattaoyo idiay Egipto.
\v 6 Idi inruarko dagiti kapuonanyo idiay Egipto, dimtengda iti baybay. Kinamat ida dagiti armada ti Egipto a nakasakay kadagiti lugan a pakigubat ken nakakabalio agingga iti Baybay dagiti Runo."

\s5
\v 7 Intuloy ni Josue ti nagsao: "Idi nagpakaasikayo kenni Yahweh iti tulong, pinagsipngetna ti nagbaetan ti nasion ti Israel ken ti armada ti Egipto, ken linemmesna ti armada ti Egipto a kabusoryo babaen iti danum ti baybay. Daytoy ti ibagbaga ni Yahweh: 'Nakitayo ti inaramidko idiay Egipto. Nagnaedkayo idiay let-ang iti adu a tawen.

\s5
\v 8 Kalpasanna, impankayo iti daga dagiti Amorreo a nagnaed iti daya ti Karayan Jordan (ti ballasiw ti Karayan Jordan manipud kadatayo ditoy ita nga aldaw). Nakigubatda kadakayo ngem pinagballigikayo ket dinadaelyo ida; sinakupyo ti dagada. Ngem siak ti pudpudno a nangdadael kadakuada, ket impakitak kadakayo amin nga inaramidko kadakayo.

\s5
\v 9 Ket insagana ni Balak nga anak ni Sefor nga ari ti Moab ti armadana ket rinautda ti Israel. Nangibaon isuna iti mapan kenni Balaam nga anak ni Beor ket imbagana kenkuana a dawatenna kenni Yahweh nga ilunodna dagiti tattaoyo.
\v 10 Ngem saanak a dimngeg kenni Balaam. Ngem ketdi, pinabindesionankayo kenkuana, ket insalakankayo iti lunodna.

\s5
\v 11 Kalpasanna, binallasiwyo amin ti Karayan Jordan ket dimtengkayo idiay Jerico. Ginubatdakayo dagiti mangidadaulo iti Jerico, a kas iti inaramid dagiti armada dagiti Amorreo, dagiti Perezeo, dagiti Cananeo, dagiti Heteo, dagiti Gergeseo, dagiti Heveo, ken dagiti Jebuseo. Ad-adda a pinabilegkayo amin ngem kadakuada, ket pinarmekyo amin ida.
\v 12 Siak ti nangbutbuteng kadakuada. Nagtignayda a kasla kamkamaten ida dagiti alimbubuyog. Ket pinagtalawyo dagiti dua nga ari dagiti Amorreo kabayatan a sumungsungad ti armadayo a mangpappapanaw kadakuada. Ngem saan a gapu daytoy kadagiti kampilanyo wenno kadagiti bai ken panayo, ngem gapu ta Siak, ni Yahweh ti makigubgubat iti biangyo.

\s5
\v 13 Isu nga inikkankayo iti daga a saanyo a dinalusan wenno inarado, ken inikkankayo kadagiti siudad a saanyo nga impasdek. Ita, agnanaedkayo kadagitoy a siudad, ken mangmangankayo kadagiti ubas manipud kadagiti kaubasan a saanyo nga immula ken kadagiti olibo manipud kadagiti kayo a saanyo nga immula.'

\s5
\v 14 Intuloy ni Josue ti agsao: "Ita, agbuteng ken agraemkayo kenni Yahweh. Dayawenyo isuna a sipupudno, ken agbalinkayo a napudno inton agkarikayo kenkuana. Ibellengyo dagiti didiosen a dinaydayaw dagiti kapuonanyo idi nagnaedda iti adayo a paset ti Karayan Eufrates, ken idi nagnaedda idiay Egipto. Ni laeng Yahweh ti dayawenyo.
\v 15 No saanyo a kayat a dayawen ni Yahweh, ekeddengyo ngarud ita nga aldaw no ania a dios ti dayawenyo. Ngarud, masapul nga ekeddengyo no ti dios dagiti kapuonanyo ti dayawenyo, dagiti dios a dinaydayawda idi nagnaedda iti ballasiw ti Karayan Eufrates, wenno dagiti dios dagiti Amorreo ti dayawenyo, dagiti dios a dinaydayaw dagidiay a tattao iti daytoy a daga a pagnanaedanyo ita. Ngem no maipapan kaniak ken ti pamiliak, agdayawkami kenni Yahweh."

\s5
\v 16 Simmungbat dagiti Israelita, "Kankanayonto nga agdayawkami kenni Yahweh! Ikarimi a saankami pulos nga agdayaw wenno agrukbab kadagiti sabali a dios!
\v 17 Ni Yahweh ti nangiruar kadagiti kapuonantayo idiay Egipto. Inispalnatayo manipud iti dayta a daga a nakatagabuanda idi. Nakitatayo isuna a nangaramid kadagiti adu a milagro, ken sinalaknibannatayo kabayatan iti panagdaliasattayo. Sinalaknibannatayo iti sadinoman a napanantayo; pinagtalinaednatayo a natalged manipud kadagiti armada dagiti adu nga ari. Nagbalintayo a nabileg a nasion, ket sinerrektayo daytoy a daga.
\v 18 Pinagtalaw ni Yahweh dagiti amin a tattao iti sangoanantayo. Pinarmekna dagiti Amorreo nga agnanaed iti daga. Isu nga agdayaw ken agrukbabkami kenni Yahweh, ta isuna ti Diostayo."

\s5
\v 19 Ngem simmungbat ni Josue kadagiti tattao, "Saankayo a mabalin nga agserbi kenni Yahweh! Nasantoan isuna a Dios, ket saannakayo a palubosan nga agdayaw kadagiti sabali a dios. Saannakayo a pakawanen gapu iti panangsukiryo kadagiti lintegna wenno inton agbasolkayo,
\v 20 no panawanyo ni Yahweh ket agdayawkayo kadagiti sabali a dios. No lipatenyo isuna, tallikudan ken dangrannakayonto a kas iti inaramidna kadagiti kabusoryo, ken puorannakayo a kas iti apuy! Aramidennanto amin dagitoy, kalpasan iti kinaimbagna kadakayo--no tallikudan ken panawanyo isuna."

\s5
\v 21 Ngem simmungbat dagiti tattao kenni Josue, "Saan, agdayawkami kenni Yahweh."
\v 22 Ket kinuna ni Josue, "Dakayo a mismo ti mangsaksaksi kadagiti imbagayo. Piniliyo ni Yahweh ken ikarkariyo nga agdayawkayo kenkuana laeng." Insungbatda, "Wen, dayta ti ikarimi nga aramidenmi."
\v 23 Ket kinuna ni Josue, "Masapul nga ibellengyo dagiti amin a didiosen nga adda kadakayo, ken masapul nga agsublikayo kenni Yahweh iti amin a pigsayo ket dayawenyo isuna a kas Diosyo, awanen ti sabali pay."

\s5
\v 24 Simmungbat dagiti tattao, "Agdayawkami kenni Yahweh a Diostayo ken agtulnogkami kenkuana laeng."
\v 25 Iti dayta met laeng nga aldaw, nangaramid ni Josue iti katulagan kadagiti tattao. Idiay Sikem, insuratna para kadakuada dagiti amin a pammaneknek ken linteg nga imbilin ni Yahweh kadakuada a pagtulnoganda.
\v 26 Insuratna dagiti amin a sasao nga adda iti libro ti linteg ti Dios. Nangala isuna iti dakkel a bato ket insaadna idiay Sikem, iti sirok ti dakkel a kayo a logo a dimmakkel iti abay ti lugar a nagdaydayawanda kenni Yahweh.

\s5
\v 27 Kinuna ni Josue kadagiti amin a tattao, "Kitaenyo! Daytoy a bato ti mangpaneknek a maibusor kadatayo. Daytoy ti lugar a nagkariantayo nga agserbitayo kenni Yahweh. Daytoy a bato ket agbalin a lugar a pakalaglagipantayo iti karitayo kenni Yahweh, ken lugar a mangpalpalagip kadatayo iti mapasamak kadatayo no saantayo a salimetmetan ti karitayo iti Dios."
\v 28 Kalpasanna, pinaawid ni Josue dagiti tattao, ket napanda kadagiti lugar a naited kadakuada.

\s5
\v 29 Kalpasan a napasamak dagitoy a banbanag, natay ni Josue nga anak ni Nun, nga adipen ni Yahweh. Agtawen isuna iti 110 idi natay.
\v 30 Intabonda ti bangkayna iti bukodna a sanikua idiay Timnatsera. Adda daytoy iti amianan a katurturodan a pagilian ti Efraim, iti amianan ti Bantay Gaas.

\s5
\v 31 Nagdaydayaw dagiti tattao ti Israel kenni Yahweh kabayatan a sibibiag dagiti panglakayen a kadua ni Josue a nagserbi; nakitada amin nga inaramid ni Yahweh iti Israel.

\s5
\v 32 Naitabon idiay Sikem, iti paset ti daga a ginatang ni Jacob idi un-unana a panawen iti gatad a sangagasut a bagi ti pirak, dagiti tulang ni Jose nga innala dagiti tattao ti Israel idiay Egipto. Ginatangna daytoy kenni Hamor nga ama ni Sikem. Nagbalin nga agnanayon a sanikua dagiti kaputotan ni Jose dayta a paset ti daga.
\v 33 Natay met ni Eleazar nga anak ni Aaron. Intabonda ti bangkayna idiay Gibea, ti siudad a kukua ni Finees nga anakna, iti katurturodan a pagilian ti Efraim.