ilo_udb/05-DEU.usfm

\id DEU
\ide UTF-8
\h Deuteronomio
\toc1 Deuteronomio
\toc2 Deuteronomio
\toc3 deu
\mt Deuteronomio

\s5
\c 1
\p
\v 1 Naisurat iti daytoy a libro dagiti amin nga imbaga ni Moises kadagiti amin nga Israelita, kalpasan a naipatakderda dagiti toldada iti daya ti Jordan – iti patad a let-ang iti igid ti Jordan - asideg iti lugar a maaw-awagan Suf, iti nagbaetan ti Paran iti maysa a paset ti igid ti Karayan Jordan ken dagiti ili ti Tofel, Laban, Haserot, ken Dizahab iti bangir nga igid ti karayan.
\v 2 Manipud Bantay Sinai agingga Kades Barnea, masansan a daliasaten dagiti tattao iti sangapulo ket maysa nga aldaw no idiay katurturodan a pagilian a maawagan iti Edom ti pagnaanda.

\s5
\v 3 40 a tawen kalpasan a pimmanaw dagiti Israelita manipud Egipto, imbaga ni Moises kadagiti Israelita dagiti amin nga imbilin ni Yahweh kenkuana.
\v 4 Daytoy ket kalpasan a pinarmekda ni Sihon nga ari dagiti Amorreo, a nagnaed idiay siudad ti Hesbon, ken ni Og nga ari iti rehion ti Basan, a nagnaed kadagiti ili ti Astarot ken Edrei.

\s5
\v 5 Imbaga ni Moises dagitoy a banbanag kadakuada bayat nga adda dagiti tattao idiay Moab, a dayaen ti Karayan Jordan. Impalawagna kadakuada dagiti bilbilin ti Dios. Daytoy ti imbagana kadakuada:
\v 6 "Kinuna ni Yahweh a Diostayo idi addatayo idiay Bantai Sinai, 'Nabayag unayen a tiempo a nagnaedkayo iti sakaanan daytoy a bantay.

\s5
\v 7 Isu nga ituloyyo ti agdaliasat ita. Mapankayo idiay katurturodan a pagilian a pagnanaedan dagiti Amorreo ken kadagiti asideg a lugar iti daytoy—iti patad nga adda iti igid ti Jordan, iti katurturodan a pagilian, iti lauden a sakaanan dagiti turturod, iti abagatan a let-ang ti Judea, iti igid ti baybay ti Mediterranean, iti entero a daga ti Canaan, kadagiti bantay ti Lebanon, ken iti amianan a daya ti dakkel a Karayan a Eufrates.
\v 8 Itedkonto dayta a daga kadakayo. Siak a ni Yahweh, inkarik kadagiti kapuonanyo a da Abraham, Isaac ken Jacob nga itedkonto daytoy kadakuada ken kadagiti kaputotanda. Mapankayo ngarud ita ket tagikuaenyo daytoy.'"

\s5
\v 9 Kinuna pay ni Moises kadagiti tattao, "Idi addatayo pay laeng idiay Bantay Sinai, kinunak kadagiti kapuonanyo, 'Nadagsen unay kaniak ti pagrebbengan a mangidalan kadakayo amin. Saanko a maaramid daytoy nga agmaymaysa.
\v 10 Datayo nga Israelita ket pinaadu ni Yahweh a Diostayo a kas kaadu dagiti bituen iti tangatang.
\v 11 Ket mangnamnamaak a ni Yahweh, ti Dios a dinaydayaw dagiti kapuonantayo, ket ad-adda a paadoennatayo iti maminribu a daras ti kaadutayo ita ken bendisionannatayo a kas iti inkarina nga aramiden.

\s5
\v 12 Ngem pudno a saanko a kabaelan a risuten dagiti amin a reklamo ken pagririrrianyo.
\v 13 Isu a mangpilikayo kadagiti lallaki a nasirib ken nasayaat ti nakemna ken mararaem kadagiti tribuyo. Ket dutokakto ida nga agbalin a mangidauloyo.'
\v 14 Simmungbat dagiti kapuonanyo, 'Nasayaat nga agpayso dayta insingasingmo nga aramidenmi.'

\s5
\v 15 Inawatko ngarud dagiti masirib ken mararaem a lallaki a pinili dagiti kapuonanyo manipud kadagiti tribuyo, ket dinutokak ida nga agbalin a mangidaulo kadakayo. Adda dagiti dinutokak a mangituray iti sangaribu a tattao, dagiti dadduma ket mangituray iti sangagasut a tattao, dagiti dadduma ket mangituray iti lima-pulo a tattao, ken dagiti dadduma ket mangituray iti sangapulo a tattao. Nangdutokak met kadagiti dadduma nga opisyales manipud kadagiti amin a tribuyo.
\v 16 Binilinko dagiti mangidadauloyo a kinunak, 'Denggenyo dagiti pagriririan a tumaud kadagiti tattaoyo. Usigenyo ti tunggal riri, mairaman dagiti pagririrrian dagiti agkakabagian ken pagaapaan dagiti tattaoyo ken dagiti tattao manipud kadagiti sabali a pagilian a makipagnanaed kadakayo.

\s5
\v 17 Masapul nga awan ti ipangpangrunayo. Masapul nga agpadpada ti panangtratoyo kadagiti nakurapay ken napateg a tattao. Saanyo a pagdanagan dagiti panunoten ti siasinoman, gapu ta ikeddengyonto dagiti banbanag a kas iti kayat ti Dios a panangikeddengyo. No adda riri a nakarigrigat unay a risuten ket saankayo a makaikeddeng, iyegyo kaniak ta Siakto ti mangikeddeng.'
\v 18 Iti dayta a tiempo, adu pay dagiti banbanag nga imbagak kadakayo.

\s5
\v 19 "Ket kas iti imbilin ni Yahweh a Diostayo kadatayo, pimmanawtayo iti Bantay Sinai ket dinaliasattayo dayta a nalawa a let-ang a nakapegpeggad unay, iti dalan nga agturong iti katurturodan a pagilian a pagnanaedan ti bunggoy dagiti Amorreo. Dimtengtayo idiay Kades Barnea.

\s5
\v 20 Kinunak kadagiti kapuonanyo, 'Addatayon ita iti katurturodan a pagilian a pagnanaedan ti bunggoy dagiti Amorreo. Paset daytoy ti disso nga it-ited kadatayo ni Yahweh a Diostayo a dinaydayaw dagiti kapuonantayo.
\v 21 Laglagipenyo nga it-ited ni Yahweh daytoy a daga kadatayo. Mapankayo ngarud ket tagikuaenyo daytoy a kas imbilinna. Saankayo a pulos nga agbuteng.'

\s5
\v 22 Ngem immay amin kaniak dagiti kapuonanyo ket kinunada, 'Sakbay a mapantayo, mangibaontayo pay nga umuna kadagiti lallaki a mangwanawan iti daga, tapno agsublida ket ibagada kadatayo ti kasasayaatan a dalan a mapan idiay ken no ania ti langa dagiti ili sadiay.'
\v 23 Napanunotko a nasayaat nga aramiden dayta, isu a nangpiliak iti sangapulo ket dua a lallaki, maysa a lalaki manipud iti tunggal tribu.
\v 24 Simmang-atda iti katurturodan a pagilian agingga iti tanap ti Escol, ket winanawananda amin dayta a disso.

\s5
\v 25 Nangpurosda kadagiti bungbunga a nasarakanda sadiay ket inyegda dagitoy kadatayo. Impadamagda a nasayaat unay ti daga nga it-ited ni Yahweh a Diostayo kadatayo."

\s5
\v 26 "Ngem nagkedked dagiti kapuonanyo a mapan mangtagikua iti dayta a daga. Nagsukirda iti imbilin kadakuada ni Yahweh a Diostayo, ket saanda a kayat a mapan iti dayta a daga.
\v 27 Nagtalinaed dagiti kapuonanyo kadagiti toldada ken nagtatanabutobda. Kinunada, 'Kaguranakami ni Yahweh. Isu nga impannakami ditoy manipud Egipto tapno iyawatnakami a dadaelen dagiti Amorreo.
\v 28 Saanmi a kayat a mapan sadiay. Inupaydakami unay dagiti imbaontayo a lallaki a napan sadiay. Imbagada kadakami a napigpigsa ken nataytayag ngem kadatayo dagiti tattao nga adda sadiay, ken napalawlawan kadagiti nangangato a pader dagiti ilida. Impadamagda pay a nakakitada sadiay kadagiti higante a kaputotan ni Anak.'

\s5
\v 29 Ket kinunak kadagiti kapuonanyo, 'Saankayo a pulos nga agbuteng kadagitoy a tattao!
\v 30 Umun-unanto ni Yahweh a Diostayo kadakayo, ket isunanto ti makiranget para kadakayo, kas iti nakitayo nga inaramidna para kadakayo idiay Egipto
\v 31 ken idiay let-ang. Nakitayo iti sitatalged a panangipanna kadakayo ditoy, kas iti panangubba ti maysa a lalaki iti anakna a lalaki.'

\s5
\v 32-33 Impalagipko kadakuada a kanayon isuna nga umun-una kadakuada iti panagdaldaliasatda idiay let-ang. Indalanna ida babaen iti kasla adigi nga apuy iti rabii ken kasla adigi nga ulep iti aldaw. Impakitana kadakuada dagiti lugar a pangipatakderanda kadagiti toldada. Ngem uray pay kasta ti imbagak, saan latta a nagtalek dagiti kapuonanyo kenni Yahweh a Diostayo.

\s5
\v 34 Nangngeg ni Yahweh dagiti imbagada, ket nakaunget isuna. Sipapasnek nga insapatana,
\v 35-36 'Ni Caleb nga anak ni Jephunneh ket sumrekto iti daga. Naan-anay isuna a nagtulnog kaniak. Isu nga itedkonto kenkuana ken kadagiti kaputotanna ti dadduma kadagiti daga a winanawananna. Isuna laeng manipud kadakayo amin a tattao ti sumrekto iti dayta a daga. Awan kadagitoy dakes a tattao ti makakitanto iti dayta a nasayaat a daga a siiinget nga inkarik nga ited kadagiti kapuonanyo.'

\s5
\v 37 Ngem gapu iti inaramid dagiti kapuonanyo, nakaunget met ni Yahweh kaniak. Kinunana kaniak, "Saankanto met a makastrek iti dayta a daga.
\v 38 Ni Josue nga anak ni Nun, nga isu ti katulongam, ti sumrekto iti daytoy. Pabilgem isuna, gapu ta babaen kenkuana, sakupento dagiti Israelita dayta a daga.'

\s5
\v 39 Ket kinuna ni Yahweh kadatayo amin, "Kinunayo a tiliwento dagiti kabusoryo dagiti annakyo. Gapu ta ubbingda unay, saanda pay nga ammo ti nasayaat ken ti dakes. Ngem isuda dagiti pangitedakto iti daga, ket sumrekdanto iti daga a mangtagikua iti daytoy.
\v 40 Ngem no maipapan kadakayo, tumallikodkayo ket agsublikayo idiay let-ang nga agturong iti Baybay dagiti Runo.'

\s5
\v 41 Ket simmungbat dagiti kapuonanyo, "Nagbasolkami; saankami a nagtulnog kenni Yahweh. Mapankami ngarud ket rautenmi dagiti tattao nga agnanaed iti dayta a daga, kas iti imbilin ni Yahweh a Diostayo nga aramidenmi.' Ket insuot ti tunggal lalaki kadakuada dagiti armasna, ket impagarupda a nalakada laeng a rauten ti katurturodan a pagilian.
\v 42 Ngem kinuna ni Yahweh kaniak, 'Ibagam kadakuada, "Saankayo a mapan idiay a mangraut kadagitoy a tattao, gapu ta saanakto a kumuyog kadakayo, ket no mapankayo, masiguradoyo a parmekendakayonto dagiti kabusoryo.'"

\s5
\v 43 Imbagak ngarud dayta kadagiti kapuonanyo, ngem saanda a dimngeg iti imbagak. Nagsukirda manen iti imbilin ni Yahweh kadakuada nga aramidenda. Sipapasindayag a napan dagiti soldadoda iti daydiay a katurturodan a pagilian.
\v 44 Ket rimuar dagiti Amorreo nga agnanaed iti dayta a rehiyon kadagiti ilida ket rinautda dagitoy a soldado. Kinamkamatda dagiti soldado dagiti kapuonanyo a kas iti panangkamat iti pangen ti ayukan iti maysa a tao, ket kinamkamatda dagiti tattaoda idiay abagatan manipud Edom ket pinarmekda ida idiay siudad ti Horma.

\s5
\v 45 Nagsubli ngarud dagiti kapuonanyo idiay Kades Barnea ket immawagda kenni Yahweh a tulonganna ida, ngem saan isuna a dimngeg kadakuada. Saanna ida nga impangag.
\v 46 Isu a nagtalinaedtayo idiay Kades Barnea iti atiddog a panawen."

\s5
\c 2
\p
\v 1 "Ket nagsublitayo ken napantayo idiay let-ang nga agturong idiay Baybay dagiti Runo a kas imbaga ni Yahweh nga aramidentayo, ket nagalla-allatayo idiay Edom iti adu a taw-tawen.
\v 2 Ket kinuna ni Yahweh kaniak,
\v 3 "Nabayag unayen a nagalla-allakayo iti aglawlaw daytoy a katurturodan a pagilian. Ita, agsublikayo ket agdaliasatkayo nga agpa-amianan.

\s5
\v 4 Ket ibagam kadagiti tattao a ngannganidan nga agdaliasat iti asideg ti daga a kukua dagiti kaputotan ni Esau, a kaputotan met laeng ni Isaac. Agnanaedda iti katurturodan a pagilian ti Edom. Agbutengdanto kadakayo,
\v 5 ngem saanyo ida a rauten, gapu ta saankonto nga ited kadakayo ti uray apagbassit laeng a paset ti dagada. Intedkon dayta a daga kadagiti kaputotan ni Esau.

\s5
\v 6 Inton agdaliasatkayo iti asideg ti dagada, igatanganyo ida iti taraon ken makan.'
\v 7 Saanyo a liplipatan a binendisionannakayo ni Yahweh a Diostayo kadagiti amin a banbanag nga inaramidyo. Ammona ti napasamak kadakayo bayat ti panagalla-allayo iti daytoy nalawa a let-ang. Ngem kinadkaduaannakayo bayat kadagitoy uppat a pulo a tawen, ket isu ti gapuna nga adda amin kadakayo a masapulyo.

\s5
\v 8 Intuloytayo ngarud ti nagdaliasat. Liniklikantayo ti magna iti katurturodan a pagilian a pagnanaedan dagiti kaputotan ni Esau. Linisiantayo ti dalan a mapan iti patad ti tanap ti Jordan, a pasang-at manipud Eziongeber ken Elat, ket nagdaliasattayo iti let-ang a dalan iti Moab.

\s5
\v 9 Kinuna ni Yahweh kaniak, "Saanyo a riribuken dagiti tattao ti Moab, ken saanyo ida a rauten, ta saankonto nga ited kadakayo ti uray ania kadagiti dagada. Saanyo a liplipatan a kaputotan ida ti kaanakan ni Abraham a ni Lot, ken intedko kadakuada ti siudad nga Ar.'"

\s5
\v 10 Nagnaed met idi sadiay ti dakkel a bunggoy dagiti higante a maawagan iti Emim. Kataytayagda dagiti higante a kaputotan ni Anakim.
\v 11 Isuda ken dagiti kaputotan ni Anakim ket maaw-awagan met iti, dagiti higante a Refa, ngem aw-awagan ida dagiti tattao ti Moab iti Emim.

\s5
\v 12 Nagnaed met idi iti lugar nga Edom ti bunggoy dagiti Horeo, ngem pinapanaw ida dagiti kaputotan ni Esau. Pinarmek ken pinatayda ida sada nagnaed iti dagada, a kas iti panangpapanaw dagiti Israelita kadagiti kabusorda manipud iti daga nga inted ni Yahweh kadakuada.)

\s5
\v 13 Kinuna pay ni Moises kadagiti Israelita, "Ket binallasiwtayo ti Zered Gorge a kas imbaga ni Yahweh nga aramidentayo.
\v 14 Tallopulo ket walo a tawenen ti napalabas manipud idi damo a pimmanawtayo idiay Kades Barnea agingga a binallasiwtayo ti Zered Gorge. Kadagitoy a tawtawen, natay amin a mannakigubat nga Israelita iti dayta a henerasion, a kas sipapasnek nga imbaga ni Yahweh a mapasamak.
\v 15 Natayda gapu ta binusor ida ni Yahweh agingga nga inibusna amin ida.

\s5
\v 16 Kalpasan a natay amin dagiti lallaki a lakay unayen a mabalin a makigubat,
\v 17 kinuna ni Yahweh kaniak,
\v 18 'Masapul nga agdaliasatkayo ita nga agturong idiay rehiyon ti Moab, iti asideg ti Ar a siudadda.
\v 19 Inton makaasidegkayo iti beddeng ti daga a pagnanaedan dagiti Ammonita, saanyo ida a riribuken wenno rauten. Kaputotan met ida ni Lot, isu a saanko nga ited kadakayo ti uray ania kadagiti daga nga intedko kadakuada.'"

\s5
\v 20 (Maaw-awagan met laeng dayta a rehiyon iti daga dagiti higante a Refaim, a nagnaed idi sadiay. Aw-awagan ida dagiti Ammonita a bunggoy ti Zamzummin.
\v 21 Dadakkel ken nabibilegda a bunggoy a kataytayag dagiti kaputotan ni Anakim. Ngem dinadael ida ni Yahweh, ken pinapanaw ida dagiti Ammonita ket innalada ti dagada ket nagnaedda sadiay.
\v 22 Isu met laeng ti inaramid ni Yahweh kadagiti kaputotan ni Esau nga agnanaed idiay katurturodan a pagilian ti Edom. Pinapanawna dagiti Horreo, nga isu ti gapuna a tinagikua dagiti Edomita ti dagada ket nagnaedda sadiay. Agnanaedda pay laeng sadiay agingga ita.

\s5
\v 23 Pinapanaw dagiti tattao manipud iti isla ti Creta dagiti bunggoy ti Avvim a nagnaed idi iti daga nga asideg iti Baybay Mediterranean, agingga idiay Gaza nga adda iti laud. Tinagikuada ti dagada manipud kadakuada ket nagnaedda sadiay.)

\s5
\v 24 '"Kalpasan a nalasattayo ti rehion ti Moab, kinuna ni Yahweh kadatayo, 'Ita, bumallasiwkayo iti Karayan Arnon. Tulongankayonto a mangparmek iti armada ni Sihon nga ari dagiti Amorreo, nga agnanaed idiay siudad ti Hesbon. Rautenyo ngarud ti armadada ket rugianyo a tagikuaen ti dagada.
\v 25 Ita, irugik ti agtignay tapno agbuteng kadakayo ti tunggal maysa iti sadinoman. Agpigerger ken agbutengto ti siasinoman a makangngeg iti maipanggep kadakayo.'

\s5
\v 26 Ket nangibaonak kadagiti mensahero a mapan kenni Sihon idiay Hesbon manipud idiay let-ang nga ayantayo. Imbagak kadakuada nga idanonda iti ari daytoy a mensahe:
\v 27 'Pangngaasim ta palubosannakami a magna iti dagam. Ikarimi nga agtalinaedkami iti dalan; saankaminto nga agpakannawan wenno agpakannigid.

\s5
\v 28 Bayadanminto ti aniaman a taraon wenno danum nga ipalubosmo a gatangenmi. Kayatmi laeng ti magna iti pagiliam
\v 29 agingga a ballasiwenmi ti Karayan Jordan a mapan iti daga nga it-ited ni Yahweh a Diosmi kadakami. Aramidem kadakami kas iti inaramid kadakami dagiti kaputotan ni Esau nga agnanaed idiay Edom ken kas iti inaramid dagiti bunggoy ti Moabita idi pinalubosandakami a magna kadagiti luglugarda.'

\s5
\v 30 Ngem saannatayo a pinalubosan a lumasat ni Ari Sihon iti pagilianna. Dayta ket gapu ta pinatangken ni Yahweh ti ulona. Ti nagbanaganna, inikkannatayo ni Yahweh iti kabaelan a mangparmek kadakuada ken mangtagikua iti dagana, nga isu pay laeng ti pagnanaedantayo ita.
\v 31 Kinuna ni Yahweh kaniak, 'Dumngegkayo! Nannganikon nga ipalubos a parmekenyo ti armada ni Sihon ken tagikuaenyo ti daga dagiti tattao. Rugianyo ngarud a gubaten ken tagikuaen daytoy!'

\s5
\v 32 Rimuar ngarud ni Sihon manipud iti siudad a kaduana dagiti amin nga armadana ket nakirangetda kadatayo idiay ili ti Jaas.
\v 33 Ngem inikkannatayo ti Dios iti kabaelan a mangparmek kadakuada, ket pinataytayo ni Sihon, dagiti annakna ken dagiti amin a soldadona.

\s5
\v 34 Sinakuptayo dagiti siudadda ket dinadaeltayo ida amin. Pinataytayo amin dagiti lallaki, babbai, ken dagiti ubbing; awan ti imbatitayo kadakuada a sibibiag.
\v 35 Innalatayo dagiti napateg a banbanag nga adda kadagiti siudad a sinakuptayo, ken kasta met dagiti bakada.

\s5
\v 36 Inikkannatayo ni Yahweh a Diostayo iti kabaelan a mangparmek kadagiti amin nga ilida manipud Aroer idiay abagatan, nga adda iti ungto ti katantanapan ti Karayan Arnon, agingga iti rehion ti Galaad idiay amianan. Napalawlawan iti pader dagiti dadduma kadagiti siudadda, ngem nabaelantayo latta a parmeken dagitoy.
\v 37 Ngem saantayo a napan iti asideg ti lugar a pagnanaedan dagiti Ammonita, wenno kadagiti igid ti Karayan Jabbok, wenno kadagiti ili iti katurturodan a pagilian, wenno iti aniaman a lugar nga imbaga ni Yahweh a Diostayo a saantayo a papanan."

\s5
\c 3
\p
\v 1 "Ket nagpa-amianantayo a nagturong iti rehion ti Basan. Nagna a nagpa-abagatan da Og nga ari iti dayta a disso, ken dagiti amin a soldadona tapno gubatendatayo idiay siudad ti Edrei.
\v 2 Kinuna ni Yahweh kaniak, 'Saanka nga agbuteng kenkuana, gapu ta ipaimak isuna ken dagiti amin nga armadana kadagiti armadam tapno parmekenyo ket tagikuaenyo ti amin a dagada. Aramidenyo kenkuana ti inaramidyo kenni Sihon, ti ari ti bunggoy ti Amorreo, a nagturay idiay Hesbon.'

\s5
\v 3 Inikkannatayo ngarud ni Yahweh iti kabaelan a mangparmek kenni Ari Og ken iti amin nga armadana. Pinapataytayo amin ida; saantayo a pinalubosan ti siasinoman kadakuada nga agbiag.
\v 4 Adda innem a pulo a siudad iti dayta a rehion ti Argob, iti pagarian ni Ari Og ti Basan. Ngem sinakuptayo amin dagitoy.

\s5
\v 5 Napalawlawan amin dagitoy a siudad kadagiti nangangato a pader ken addaan kadagiti ruangan ken balunet. Sinakuptayo met dagiti adu a barrio nga awan aladna a nangpalawlaw kadagitoy.
\v 6 Naan-anay a dinadaeltayo ti amin a banag, a kas iti inaramidtayo iti disso nga inturayan ni Ari Sihon. Pinapataytayo dagiti amin a lallaki, babbai, ken ubbing.
\v 7 Ngem inalatayo manipud kadagitoy a siudad dagiti amin nga ayup ken dadduma pay a napapateg a banbanag para kadatayo.

\s5
\v 8 Isu nga iti dayta a tiempo ket innalatayo manipud kadagitoy dua nga ari dagiti bunggoy ti Amorreo, dagiti amin a daga iti daya ti Karayan Jordan, manipud iti Karayan Arnon iti abagatan agingga iti Bantay Hermon iti amianan."
\v 9 (Aw-awagan dagiti tattao iti siudad ti Sidon dayta a bantay iti Sirion ken Senir met ti pangawag dagiti bunggoy dagiti Amorreo.)
\v 10 "Sinakuptayo dagiti amin nga ili ti kapatadan, ken dagiti amin a rehion ti Galaad, ken ti entero a Basan agingga iti daya, kadagiti siudad ti Edrei ken Saleca, a sakup met ti pagarian ni Og."

\s5
\v 11 (Ni Og ti maudi nga ari a kaputotan dagiti higante a Refaim. Naaramid iti landok ti pagiddaanna. Agarup iti uppat a metro ti kaatiddogna ken dua a metro ti kalawana. Adda daytoy iti siudad ti Rabba iti rehion ti Ammon.)

\s5
\v 12 Manipud iti daga a sinakuptayo iti dayta a tiempo, intedko kadagiti tribu ti Ruben ken Gad ti daga nga adda iti amianan ti siudad ti Aroer nga asideg iti Karayan Arnon, ken sumagmamano a katurturodan a pagilian ti Galaad, agraman dagiti asideg a siudad.
\v 13 Dagiti dadduma a paset ti Galaad ken ti entero a Basan, a rehion ti Argob a nagturayan ni Ari Og ket intedko iti kagudua ti tribu ti Manases." (Maaw-awagan iti, “daga dagati higante a Refaim” ti entero a rehion ti Basan.)

\s5
\v 14 Maysa a lalaki a managan Jair, a nagtaud iti tribu ti Manases, ti nangsakup iti entero a Basan agingga iti amianan a beddeng ti Gesur ken kadagiti masakupan ti Maacat. Impanaganna ti bukodna a nagan kadagiti barrio sadiay, ket maaw-awagan pay laeng dagitoy iti, “dagiti barrio ni Jair”.)

\s5
\v 15 Intedko ti amianan a paset ti rehion ti Galaad iti kaputotan ni Makir, a kaputotan ti tribu ti Manases.
\v 16 Intedko kadagiti tribu ti Ruben ken Gad ti abagatan a paset ti Galaad, agingga iti abagatan ti Karayan Arnon. Ti tengnga ti karayan ket isu ti abagatan a beddeng. Ti amianan a beddeng ket isu iti Karayan Jabbok, a paset ti beddeng ti rehion ti Ammon.

\s5
\v 17 Dumanon iti beddeng manipud iti patad ti daya a paset ti tanap ti Jordan, manipud iti Kinneret iti amianan (a maaw-awagan met laeng iti Baybay ti Galilea), agingga iti baybay ti Araba (a maaw-awagan metlaeng iti Natay a Baybay) iti abagatan, ken agingga kadagiti arisadsad ti Bantay Pisga iti daya.

\s5
\v 18 Iti dayta a tiempo, imbagak kadagiti tallo a tribuyo, "It-ited ni Yahweh a Diostayo kadakayo daytoy a daga a daya ti Karayan Jordan a tagikuaenyo. Isu nga ita, masapul nga alaen dagiti soldadayo dagiti armasda ket bumallasiwda iti Karayan Jordan, umun-unada ngem kadagiti tattao manipud kadagiti dadduma a tribu ti Israelita tapno tulonganda ida a mangparmek ken mangtagikua iti daga nga ited ti Dios kadakuada.

\s5
\v 19 Ngem dagiti assawa ken annakyo ken dagiti adu unay nga ayupyo ket masapul nga agtalinaed kadagiti ili nga intedko kadakayo.
\v 20 Masapul a tulongan dagiti lallaki iti tribuyo dagiti padayo nga Israelita agingga a pagnaeden ida ni Yahweh sadiay a sitatalna kalpasan a sakupenda ti amin a daga nga ited ni Yahweh a Diostayo kadakuada iti laud a paset ti Karayan Jordan, a kas iti inaramidna para kadakayo ditoy daya ti karayan. Kalpasan dayta, mabalinyo amin ti agsubli iti daytoy a daga nga intedko kadakayo.'

\s5
\v 21 Ket kinunak kenni Josue, 'Nakitam dagiti amin nga inaramid ni Yahweh a Diostayo kadagitoy dua nga ari, a ni Sihon ken ni Og. Kastanto met ti aramidenna kadagiti tattao nga adda ita iti daga a serrekenyo.
\v 22 Saankayo nga agbuteng kadagitoy a tattao, gapu ta ni Yahweh a Diostayo ti makiranget para kadakayo amin.'"

\s5
\v 23 "Iti dayta a tiempo, sipapasnek nga inkararagko, a kinunkunak
\v 24 'Yahweh nga Apomi, rinugiamon nga impakita kaniak a naindaklanka unay ken impakitam kaniak dagiti nabibileg a banbanag a maaramidmo. Pudno nga awan dios iti langit wenno iti daga a makaaramid kadagiti nabibileg a banbanag a naaramidmo.
\v 25 Isu a pangaasim ta palubosannak a bumallasiw iti Karayan Jordan ket kitaek ti nadam-eg a daga iti daya a banda, ti napintas a turod ti pagilian ken dagiti bantay idiay Lebanon.'

\s5
\v 26 Ngem nakaunget ni Yahweh kaniak gapu iti inaramid dagiti kapuonanyo, isu a saannak nga impangag. Ngem ketdi, kinunana, 'Usto daytan a panagsaom! Saanmo a saritaen manen kaniak ti maipanggep iti dayta!
\v 27 Sumang-atkanto iti tuktok ti Bantay Pisga ket kumitaka iti laud ken iti daya, iti amianan ken iti abagatan. Masapul a kitaem a naimbag daytoy, gapu ta saankanto a bummallasiw iti Karayan Jordan tapno makitam ti daga manipud sadiay.

\s5
\v 28 Ngem ibagam kenni Joshua ti masapul nga aramidenna; pabilgem tapno papigsaenna ti pakinakemna, gapu ta isunanto ti mangidaulo kadagiti tattao a bumallasiw iti karayan tapno matagikuada ti daga a makitamto manipud iti tuktok ti bantay.'
\v 29 Isu a nagtalinaedtayo iti tanap ti Karayan Jordan nga asideg iti ili ti Bet-peor."

\s5
\c 4
\p
\v 1 Ita, dakayo nga Israelita, agtulnogkayo kadagiti amin nga annuroten ken alagaden nga isurok kadakayo. No aramidenyo dayta, agtalinedkayo a sibibiag ket umunegkayo ken sakupenyo ti daga nga it-ited kadakayo ni Yahweh, ti Dios a dinaydayaw dagiti kapuonanyo.
\v 2 Saanyo a nayunan iti aniaman nga ibilinko kadakayo, ken saanyo a kissayan iti aniaman ngai ibagak kadakayo. Agtulnogkayo kadagiti amin a bilin ni Yahweh a Diostayo nga it-itedko kadakayo.

\s5
\v 3 Nakitayo ti inaramid ni Yahweh idiay Baal Peor. Dinadaelna dagiti amin a tattao a nagdaydayaw kenni dios a Baal sadiay,
\v 4 ngem aminkayo a sipupudno a nagtultuloy a nagdayaw kenni Yahweh a Diostayo ket sibibiag pay laeng ita nga aldaw.

\s5
\v 5 Tandaananyo nga insurok kadakayo dagiti amin nga annuroten ken alagaden, a kas iti imbaga ni Yahweh a Diostayo nga aramidek. Kayatna nga agtulnogkayo kadagitoy inton agnanaedkayo iti daga a dandaniyo a serreken ken sakupen.
\v 6 Sipupudno a pagtulnoganyo dagitoy, gapu ta no aramidenyo dayta, ipakitayonto kadagiti tattao kadagiti sabali a nasion a masiribkayo unay. Inton mangngegda ti maipapan kadagitoy amin a linteg, kunaendanto, 'Dagiti tattao iti daytoy a naindaklan a nasion ti Israel ket pudpudno a masirib unay!'

\s5
\v 7 Uray no naindaklan dagiti dadduma a nasion, awan kadakuada ti addaan iti dios nga asideg kadakuada a kas iti kaasideg ni Yahweh a Diostayo kadatayo!
\v 8 Ken awan ti sabali a nasion, uray no daytoy ket naindaklan a nasion, nga addaan kadagiti linteg nga awan idumdumana a kas kadagiti linteg nga ibagbagak kadakayo ita nga aldaw.

\s5
\v 9 Ngem agannadkayo a naimbag! Saanyo a liplipatan ti nakitayo nga inaramid ti Dios. Laglagipenyo dagitoy a banbanag bayat a sibibiagkayo. Ibagayo dagitoy kadagiti annakyo ken kadagiti appokoyo.
\v 10 Ibagayo kadakuada ti maipanggep iti aldaw a nagtakder dagiti kapuonanyo iti presensia ni Yahweh a Diostayo idiay Bantay Sinai, idi kinunana kaniak, 'Ummongem dagiti tattao, tapno mangngegda ti ibagak. Kayatko a masursuroda ti agraem ken agdayaw kaniak bayat a sibibiagda, ken kayatko a suroanda dagiti annakda nga aramidenda met dayta.'

\s5
\v 11 Ibagayo kadagiti annakyo nga immasideg dagiti kapuonanyo iti sakaanan ti bantay, bayat nga umap-apuy ti bantay a dimmanon ti apuyna agingga iti tangatang, ken nakumotan ti bantay kadagiti nasipnget nga ulep ken nangisit nga asok.
\v 12 Ket nagsao ni Yahweh kadagiti kapuonanyo manipud iti tengnga ti apuy. Nangngeg dagiti kapuonanyo isuna a nagsao, ngem saanda a nakita isuna. Ti timekna laeng ti nangngegda.

\s5
\v 13 Ket inwaragawagna kadakuada ti tulagna a kayatna met a pagtulnoganyo. Intedna kadakuada ti Sangapulo a Bilin. Insuratna dagitoy iti dua a tapi ti bato.
\v 14 Binilinnak ni Yahweh nga isurok dagiti amin nga annuroten ken alagaden kadakayo, tapno pagtulnoganyo dagitoy iti daga a serreken ken sakupenyo.

\s5
\v 15 Iti aldaw a nagsao ni Yahweh kadagiti kapuonanyo idiay Bantay Sinai, saanda a nakita isuna. Isu nga agannadkayo!
\v 16 Saankayo nga agbasol babaen iti panangaramidyo iti aniaman a nakitikitan a ladawan para kadagiti bagbagiyo! Saankayo nga agaramid iti aniaman a kalanglanga ti aniaman a tao, lalaki man wenno babai,
\v 17 wenno kalanglanga ti aniaman nga ayup wenno billit.
\v 18 wenno aniaman nga agkarkarayam wenno aniaman a lames iti adalem a baybay.

\s5
\v 19 Ken agannadkayo ta saankayo a tumangad idiay tangatang ket masulisogkayo nga agdayaw iti aniaman a makitayo sadiay--ti init, ti bulan wenno dagiti bituen. Inted ni Yahweh a Diostayo dagitoy a mangtulong kadagiti amin a tattao iti sadinoman, ngem masapul a saanyo a dayawen dagitoy.
\v 20 Inruar ni Yahweh dagiti kapuonanyo idiay Egipto, a nagsagsagabaanda a kasla addada iti gumilgil-ayab nga urno, tapno agbalinda a tattao a kukuana, a kas iti kasasaadyo ita nga aldaw.

\s5
\v 21 Ngem nakaunget ni Yahweh kaniak gapu iti inaramid dagiti kapuonanyo. Ken inkarina a saanak pulos a makastrek iti daga nga it-itedna kadakayo.
\v 22 Insapatana a matayakto iti daytoy a daga ken saanak pulos a makaballasiw iti Karayan Jordan. Ngem ballasiwenyo daytoy, ket sakupenyo dayta a daga.

\s5
\v 23 Siguradoenyo ta saanyo a liplipaten ti nakikatulagan ni Yahweh kadakayo, ken saankayo nga agaramid iti nakitikitan a ladawan a kalanglanga ti aniaman nga imparitna kadakayo.
\v 24 Masapul a saanyo nga aramiden dayta gapu ta dadaelen ni Yahweh a Diosyo ti siasinoman nga agdaydayaw kadagiti didiosen, a kasla kadagiti tattao nga agdaydayaw iti siasinoman wenno aniaman pay a banag. Kayatna nga isuna laeng ti dayawen ti tunggal maysa.

\s5
\v 25 Inton addakayo iti daga ti Canaan iti nabayag a tiempo ket addaankayo kadagiti annak ken appoko, saankayo nga agbasol babaen iti panagaramidyo iti nakitikitan a ladawan a mangibagbagi iti aniaman a banag, gapu ta ibagbaga ni Yahweh a dakes dayta, ket no aramidenyo dayta, paungetenyonto isuna ket dusaennakayonto.
\v 26 Ita nga aldaw, dawdawatek iti tunggal maysa nga adda idiay langit ken tunggal maysa nga adda iti rabaw ti daga a bantayanda ti ar-aramidenyo. No sukirenyo ti ibagbagak kadakayo, mataykayonto iti mabiit iti daga a ballasiwenyo ti Karayan Jordan tapno sakupenyo. Ababanto ti panagbiagyo sadiay; naan-anay a papanawento ni Yahweh ti adu kadakayo.

\s5
\v 27 Ket dagiti nabati kadakayo, pilitennakayonto ni Yahweh a mapan ken makipagnaed kadagiti tattao iti adu a sabali a nasion. Manmanonto laeng kadakayo ti makalasat sadiay.
\v 28 Inton addakayo kadagitoy a nasion, agdayawkayonto kadagiti dios a naaramid manipud iti kayo ken bato, didiosen nga inaramid dagiti tattao, didiosen a saan a makakita wenno makangngeg, saan a mangan wenno makaangot iti aniaman a banag.

\s5
\v 29 Ngem bayat nga addakayo sadiay, padasenyonto a biruken ni Yahweh a Diosyo, ket no birukenyo isuna iti amin a pusoyo, sungbatannakayonto.

\s5
\v 30 Iti masangoanan, inton maidadaneskayo sadiay ken mapasamak amin dagitoy dakes a banbanag kadakayo, agdayawkayonto laeng manen kenni Yahweh ken agtulnogkayo kenkuana.
\v 31 Ni Yahweh ket Dios a manangngaasi. No itultuloyyo ti agtulnog kenkuana, saannakayonto a baybay-an wenno dadaelen wenno lipaten ti napasnek a katulaganna kadagiti kapuonanyo.”

\s5
\v 32 "Ita, panunotenyo ti napalabas, maipanggep iti tiempo sakbay a naipasngaykayo, maipanggep iti amin a tiempo sipud pay iti panangparsua ti Dios kadagiti tattao ditoy rabaw ti daga. Mabalin a sukimatenyo ti sadinoman, idiay langit ken iti rabaw ti daga. Adda kadi ti banag a kasla iti daytoy a napasamak a kas iti katan-ok ti inaramid ni Yahweh para kadatayo nga Israelita?
\v 33 Adda kadi ti bunggoy a nagtalinaed a sibibiag kalpasan a nangngegda ti maysa a dios a nagsao kadakuada manipud iti tengnga ti apuy, a kas kadatayo?

\s5
\v 34 Sakbay pay, pudpudno a saan pulos a pinadas ti Dios a mangipan iti maysa a dakkel a bunggoy dagiti tattao manipud iti maysa a nasion iti sabali a lugar, a kasla iti inaramidna kadatayo idi inruarnatayo idiay Egipto. Nakitatayo ti panagaramatna ni Yahweh a Diostayo ti naindaklan a pannakabalinna nga agaramid kadagiti milagro, tapno ipakitana kadatayo ti kinasiasinona, ken nangibaon kadagiti didigra, ken nangaramid iti adu a banbanag a nangbutbuteng kadagiti tattao, ken no kasano nga inispalnatayo idi pinadasnatayo a rauten dagiti armada ti Egipto.

\s5
\v 35 Impakita ni Yahweh kadakayo amin dagitoy a banbanag, tapno maammoanyo nga isuna laeng ti pudpudno a Dios, nga awanen ti sabali pay a Dios.
\v 36 Pinalubosanna dagiti kapuonanyo a mangngegda isuna nga agsao manipud langit tapno madisiplinaanna isuda. Ditoy daga, impalubosna a makitada ti naindaklan nga apuyna idiay Bantay Sinai, ket nagsao isuna kadakuada manipud iti tengnga ti apuy.

\s5
\v 37 Gapu ta inay-ayatna dagiti kapuonantayo, pinilinakayo nga Israelita a kaputotanda, ken babaen iti naindaklan a pannakabalinna, inruarna dagiti kapuonanyo idiay Egipto.
\v 38 Bayat ti panagdaldaliasatda, pinagtalawna dagiti tattao kadagiti nasion a dakdakkel ken nabilbileg ngem isuda, tapno masakupda ti dagada ket itedna kadakayo, nga isu ti mapaspasamak ita.

\s5
\v 39 Isu nga ita nga aldaw, rumbeng a panunotenyo ti kinapudno a ni Yahweh ket Dios, nga agturturay isuna idiay langit ken kasta met iti rabaw ti daga, nga awanen ti sabali a dios.
\v 40 Tungpalenyo dagiti amin nga annuroten ken alagaden nga it-itedko kadakayo ita nga aldaw, tapno sumayaat dagiti banbanag para kadakayo ken para kadagiti kaputotanyo, ken tapno agbiagkayo iti atiddog a tiempo iti daga nga it-ited ni Yahweh a Diostayo kadakayo, tapno kukuayo daytoy iti agnanayon."

\s5
\v 41 Ket nangpili ni Moises iti tallo a siudad nga adda iti daya ti Karayan Jordan.
\v 42 No adda siasinoman a pimmapatay iti sabali a tao a saanna nga inggagara, maysa a tao a saanna a kabusor iti napalabas, mabalinna ti aglibas a mapan iti maysa kadagitoy a siudad. Natalgedto isuna iti maysa kadagitoy a siudad gapu ta salaknibanto isuna dagiti tattao sadiay.
\v 43 Para iti tribu ti Ruben, pinili ni Moises ti siudad ti Beser idiay let-ang; para iti tribu ti Gad, pinilina ti siudad ti Ramot idiay rehion ti Galaad. Para iti tribu ti Manases, pinili ni Moises ti siudad ti Golan idiay rehion ti Basan.

\s5
\v 44 Inted ni Moises dagiti linteg ti Dios kadagiti Israelita.
\v 45 Nairaman kadagitoy dagiti amin a pammaneknek, annuroten ken dagiti linteg nga insao ni Moises kadagiti Israelita kalpasan a rimmuarda idiay Egipto,
\v 46 idi addada idiay tanap iti daya ti Karayan Jordan. Addada iti kasumbangir ti ili ti Bet-peor, iti daga nga inturayan idi ni Sihon, ti ari dagiti bunggoy ti Amorreo, a nagnaed idiay Hesbon. Pinarmek ni Moises ken dagiti dadduma nga Israelita ti armadana idi rimmuarda idiay Egipto.

\s5
\v 47 Sinakupda ti daga ni Sihon ken ti daga a nagturayan ni Og nga ari idiay rehion ti Basan. Dagitoy ti dua nga ari a nangituray iti bunggoy ti Amorreo iti daya a paset ti Karayan Jordan.
\v 48 Naglayon ti dagada manipud iti siudad ti Aroer iti abagatan iti igid ti Karayan Arnon, agingga iti amianan ti Bantay Sirion, nga aw-awagan ti kaadduan a tattao iti Bantay Hermon.
\v 49 Karamanna met dagiti amin a paset iti patad iti daya, iti tanap ti Karayan Jordan, agingga iti baybay ti Araba (am-ammo a kas Natay a Baybay) ken ti daya agingga kadagiti arisadsad ti Bantay Pisga.

\s5
\c 5
\p
\v 1 Pinaayaban ni Moises dagiti amin a tattao ti Israel ket kinunana kadakuada, "Dakayo nga Israelita, denggenyo dagiti amin nga alagaden ken pangngeddeng nga it-itedko kadakayo ita nga aldaw. Adalenyo dagitoy ken siguradoenyo a tungpalenyo dagitoy.
\v 2 Idi addatayo idiay Bantay Sinai, nakitulag ni Yahweh a Diostayo kadatayo.
\v 3 Ngem saan laeng a para kadagiti kapuonantayo daytoy a katulagan. Inaramidna met daytoy para kadatayo a sibibiag ita.

\s5
\v 4 Nakisao ni Yahweh kadatayo iti rupanrupa idiay bantay, manipud iti tengnga ti apuy.
\v 5 Iti dayta nga aldaw, nagtakderak iti nagbaetan dagiti kapuonanyo ken ni Yahweh tapno ibagak kadakuada ti imbagana, gapu ta mabutengda iti apuy, ken saanda kayat iti sumang-at iti bantay. Kastoy ti kinuna ni Yahweh:
\v 6 'Siak ni Yahweh a Diosyo, ti dayawenyo. Siak ti nangiruar kadakayo idiay Egipto. Siak ti nangwayawaya kadakayo manipud iti pannakatagabuyo sadiay.

\s5
\v 7 Masapul a siak laeng ti dayawenyo; Masapul a dikay agdayaw iti sabali a dios.
\v 8 Masapul a dikay mangkitikit iti ladawan ti aniaman a mangibagbagi iti aniaman a sibibiag a parsua nga adda kadagiti tangatang, wenno iti daga, ken kadagiti danum iti daga.

\s5
\v 9 Masapul a dikay agrukbab iti aniaman a didiosen ken agdayaw iti daytoy, gapu ta siak ni Yahweh a Dios, ken saanko nga annamongan nga ar-aramidenyo dayta. Dusaekto ti siasinoman nga agar-aramid iti kasta, ken dagiti annakda, dagiti appokoda, ken dagiti appokoda iti tumeng.
\v 10 Ngem ayatek a sipupudno dagiti rinibribu a henerasion dagiti agayat kaniak ken agtulnog kadagiti bilinko.

\s5
\v 11 Diyo sawen ti naganko iti awan kaes-eskanna wenno para kadagiti dakes a panggep, gapu ta siak ni Yahweh a Dios, ti rumbeng a dayawenyo, ket awan duadua a dusaekto dagiti agaramid iti kasta.

\s5
\v 12 Saanyo a liplipatan a ti maikapito nga aldaw iti tunggal lawas ket para kadakayo tapno dayawendak iti naisangsangayan, kas siak, ni Yahweh a Diosyo, ket ibilbilinko kadakayo.
\v 13 Adda ti innem nga aldaw iti tunggal lawas para kadakayo tapno aramidenyo ti amin a trabahoyo,
\v 14 ngem ti maikapito nga aldaw ket aldaw a panaginana, aldaw a naidaton kaniak, ni Yahweh a Diosyo. Iti dayta nga aldaw ket masapul a dikay agtrabaho. Dakayo ken dagiti annakyo a lallaki ken babbai, ken dagiti lallaki ken babbai a tagabuyo ket masapul a saan nga agtrabaho. Masapul met a diyo piliten dagiti tarakenyo nga agtrabaho, ken masapul a diyo ibaga kadagiti ganggannaet nga agnanaed iti pagilianyo nga agtrabahoda. Masapul a palubosanyo nga aginana dagiti tagabuyo iti dayta nga aldaw a kasla iti ar-aramidenyo.

\s5
\v 15 Saanyo a liplipatan a nagbalinkayo a tagabu idiay Egipto, ket siak, ni Yahweh a Diosyo, inruarkayo manipud sadiay babaen iti naindaklan unay a pannakabalinko. Dayta ti makagapu nga ibilbilinko a masapul nga aginanakayo amin iti maikapito nga aldaw iti tunggal lawas.

\s5
\v 16 Raemenyo dagiti amma ken innayo, Siak ni Yahweh a Diosyo, ibilbilinko nga aramidenyo daytoy tapno umatiddog ti tiempo a panagbiagyo iti daga nga itedko kadakayo ken tapno sumayaat dagiti banbanag para kadakayo sadiay.

\s5
\v 17 Dikay mamapatay ti siasinoman.
\v 18 Dikay makikamalala.
\v 19 Dikay agtakaw iti aniaman.
\v 20 Dikay mangibaga iti innulbod maipanggep iti siasinoman no agsasaokayo iti pangukoman.

\s5
\v 21 Diyo tarigagayan ti asawa ti sabali, balay ti sabali, taltalon ti sabali, lalaki wenno babai a tagabu ti sabali, ayup ti sabali, asno ti sabali, wenno aniaman pay a kukua ti sabali.'

\s5
\v 22 Dagitoy dagiti bilin nga insao ni Yahweh kadagiti kapuonanyo. Idi naguumongda idiay sakaanan ti bantay, nagsao isuna iti napigsa unay a timek manipud iti tengnga ti apuy, ket adda nasipnget nga ulep a nakapalikmut iti bantay. Insaona laeng dagitoy a sangapulo a bilin, ket awanen. Kalpasanna, insuratna dagitoy iti dua a tapi ti bato ket intedna dagitoy kaniak.

\s5
\v 23 Kalpasan a nangngeg dagiti kapuonanyo ti timek ni Yahweh idi nagsao isuna kadakuada manipud iti kinasipnget, bayat nga adda ti dakkel nga apuy a gumilgil-ayab iti bantay, immay kaniak dagiti panguloen ken panglakayenda,
\v 24 ket kinuna ti maysa kadakuada, 'Denggendakami! Impakita ni Yahweh a Diosmi kadakami a naindaklan unay isuna ken nadayag idi nangngegmi ti panagsaona manipud iti apuy. Ita nga aldaw, naamirismi a mabalin para kadatayo a tattao ti agtultuloy nga agbiag uray no nagsao ti Dios kadatayo.

\s5
\v 25 Ngem mabutengkami a matay. Mabutengkami a puorannakami amin daytoy dakkel nga apuy, no itultuloymi a dengdenggen ti timek ni Yahweh.
\v 26 Datayo laeng dagiti tattao iti rabaw ti daga a nagtalinaed a sibibiag kalpasan a nangngegtayo ti mannakabalin amin a Dios a nagsao kadakuada manipud iti apuy!
\v 27 Isu a Moises, sumang-atka iti bantay ket denggem ti amin nga ibagbaga ni Yahweh a Diostayo. Kalpasanna, agsublika ket ibagam kadakami ti amin nga imbagana, ket dumngegkami iti imbagana ken agtulnogkami iti daytoy.'

\s5
\v 28 Nangngeg ni Yahweh nga imbaga dagiti panguloenyo dayta, isu nga idi nagsubliak idiay bantay, kinuna ni Yahweh kaniak, 'Nangngegko ti imbaga dagiti panguloenyo ket pudno ti imbagada.
\v 29 Tarigagayak unay a kanayon koma a kasta iti panagpampanunotda ken maaddaanda iti naindaklan a panagraem kaniak ken agtulnogda kadagiti amin a bilinko, tapno sumayaat dagiti banbanag para kadakuada ken para kadagiti kaputotanda iti agnanayon.
\v 30 Isu a sumalogka ket ibagam kadakuada nga agsublida kadagiti toldada.

\s5
\v 31 Ngem agsublikanto ditoy ket agtakderka iti asidegko, ket itedko kenka dagiti amin nga annuroten ken paglintegan a kayatko a pagtulnoganda. Ket mabalinmo nga isuro dagitoy kadagiti tattao, tapno agtulnogda kadagitoy inton addada iti daga nga it-itedko kadakuada.'

\s5
\v 32 Isu a nagsubliak kadagiti tattao ket imbagak kadakuada, 'Siguradoenyo nga aramidenyo amin nga imbilin ni Yahweh a Diostayo nga aramidentayo. Saanyo a sukiren ti aniaman kadagiti lintegna.
\v 33 Agbiagkayo a kas iti imbilin ni Yahweh a Diostayo nga aramidentayo, tapno makapagbiagkayo iti atiddog a tiempo, ken tapno sumayaat dagiti banbanag para kadakayo inton agnanaedkayo iti daga a sakupenyonto."'

\s5
\c 6
\p
\v 1 "Dagitoy dagiti bilin, annuroten, ken paglintegan nga imbilin ni Yahweh a Diostayo kaniak nga isurok kadakayo. Kayatna a tungpalenyo dagitoy iti daga a serreken ken sakupenyo.
\v 2 Kayatna a dayawenyo isuna, ken kayatna ken dagiti kaputotanyo a kanayonkayo nga agtulnog kadagitoy amin nga annuroten ken alagaden nga it-itedko kadakayo, tapno makapagbiagkayo iti napaut a tiempo.

\s5
\v 3 Isu a dakayo nga Israelita, denggenyo a nasayaat ken agtulnogkayo kadagitoy. No aramidenyo dayta, sumayaat dagiti banbanag kadakayo, ket agbalinkayo nga adu unay a nasion inton agnanaedkayo iti dayta a nadam-eg unay a daga. Dayta ti inkari ni Yahweh, ti Dios a dinaydayaw dagiti kapuonanyo a mapasamak.

\s5
\v 4 Dakayo nga Israelita, dumngegkayo! Ni laeng Yahweh ti Diostayo.
\v 5 Masapul nga ayatenyo isuna iti amin a kaungganyo ken iti amin a riknayo ken iti amin a wagas a mabaelanyo.

\s5
\v 6 Saanyo pulos a liplipatan dagitoy a bilin nga it-itedko kadakayo ita nga aldaw.
\v 7 Ulit-ulitenyo nga isuro dagitoy kadagiti annakyo. Saritaenyo dagitoy iti amin a tiempo. Inton addakayo kadagiti babbalayyo ken inton magmagnakayo iti ruar, saritaenyo met dagitoy inton agid-iddakayo ken inton bumangonkayo.

\s5
\v 8 Isuratyo dagitoy kadagiti babassit a nalukot a pagbasaan ket ikabilyo dagitoy kadagiti takkiagyo, ken isuratyo dagitoy kadagiti bedbed nga ikabilyo kadagiti mugingyo tapno tulongannakayo a manglagip kadagitoy.
\v 9 Isuratyo dagitoy kadagiti poste ti ridaw dagiti balayyo ken kadagiti ruangan ti siudadyo.

\s5
\v 10 Sipapasnek nga inkari ni Yahweh kadagiti kapuonanyo a da Abraham, Isaac, ken ni Jacob nga itedna kadakayo ti daga nga addaanen kadagiti dadakkel ken narang-ay a siudad a saanyo nga impatakder.
\v 11 Kinunana a napnoanto dagiti babbalay kadagitoy a siudad kadagiti adu a nasayaat a banbanag nga inkabil ti sabali sadiay; saanyo nga inkabil dagitoy sadiay. Addanto dagiti bubon a kinali ti sabali. Addanto dagiti kaubasan ken kaykayo nga olibo nga immula ti sabali. Isu nga inton ipannakayo ni Yahweh iti dayta a daga, ken addaankayonto kadagiti amin a kayatyo a kanen,
\v 12 siguradoenyo ta saanyo a malipatan ni Yahweh, a nangispal kadakayo iti pannakatagabuyo idiay Egipto ken nangted kadagitoy amin a banbanag kadakayo.

\s5
\v 13 Masapul a dayawenyo ni Yahweh a Diostayo, ken masapul nga isuna laeng ti dayawenyo. Inton agsapatakayo iti napasnek nga ibagayo ti kinapudno wenno aramidenyo ti maysa a banag, aramidenyo daytoy iti naganna.
\v 14 Masapul a dikay agdayaw kadagiti sabali a dios, dagiti dios a daydayawen dagiti bunggoy dagiti tattao nga agnanaed iti daytoy a daga.
\v 15 Saan nga awaten ni Yahweh a Diostayo, nga agtataeng kadakayo, dagiti tattao nga agdayaw iti siasinoman wenno aniaman pay. Isu a no agdayawkayo iti sabali a dios, makaungetto la unay ni Yahweh kadakayo, ket naan-anayto a dadaelennakayo.

\s5
\v 16 Dikay agaramid kadagiti dakes a banbanag tapno ammoenyo no dusaennakayo ni Yahweh wenno saan, a kasla iti inaramid dagiti kapuonanyo idiay Massa.
\v 17 Siguradoenyo a kanayonyo a pagtulnogan dagiti amin a linteg, dagiti nainget nga annuroten, ken dagiti alagaden nga intedna kadakayo.

\s5
\v 18 Aramidenyo ti ibagbaga ni Yahweh a nalinteg ken nasayaat. No aramidenyo dayta, sumayaat dagiti banbanag kadakayo. Maserrek ken masakupyonto ti nadam-eg a daga a sipapasnek nga inkari ni Yahweh nga itedna kadagiti kapuonantayo.
\v 19 Aramidenna dayta babaen iti panangpatalawna kadagiti kabusoryo iti dayta a daga, a kas iti inkarina nga aramiden.

\s5
\v 20 Iti masakbayan, saludsodento dagiti annakyo kadakayo, 'Apay nga imbilin ni Yahweh a Diostayo kadatayo nga agtulnogtayo kadagitoy amin nga annuroten ken paglintegan?'
\v 21 Ket ibagayonto kadakuada, 'Dagiti kapuonantayo ket tagabu idi ti ari idiay Egipto, ngem inruar ida ni Yahweh babaen iti naindaklan a pannakabalinna.
\v 22 Nakitada isuna a nagaramid kadagiti adu a kita dagiti milagro ken nakabutbuteng a banbanag kadagiti tattao ti Egipto ken iti ari ken dagiti opisialna.
\v 23 Inispalna dagiti kapuonantayo manipud Egipto ken impanna ida ditoy tapno itedna kadakuada daytoy a daga, a kas iti sipapasnek nga inkarina kadagiti kapuonantayo nga aramidenna.

\s5
\v 24 Ken binilinnatayo nga agtulnogtayo kadagitoy amin a linteg ken dayawentayo isuna, tapno sumayaat dagiti banbanag kadatayo, ken tapno salaknibanna ti nasiontayo ken parang-ayennatayo, a kas iti ar-aramidenna ita.
\v 25 Anamongannatayo ni Yahweh a Diostayo no siaannad a pagtulnogantayo dagiti amin a banag nga imbilinna nga aramidentayo.'"

\s5
\c 7
\p
\v 1 Ipannakayonto ni Yahweh a Diostayo iti daga a serreken ken sakupenyo iti mabiit. Kas sumungsungadkayo, pagtalawennanto iti dayta a daga dagiti pito a bunggoy dagiti tattao a nabilbileg ken ad-adu ngem dakayo. Dagitoy dagiti Heteo, Gergeseo, Amorreo, Cananeo, Periseo, Hiveo, ken Jebuseo a bunggoy dagiti tattao.

\s5
\v 2 Inton ipalubos ni Yahweh a Diostayo a parmekenyo ida, masapul a papatayenyo amin ida. Masapul a saankayo a makitulag kadakuada, ken masapul a saankayo a maasian kadakuada.
\v 3 Saankayo a nasken a makiasawa kadakuada. Masapul a saanyo a palubosanyo dagiti annakyo a babbai a makiasawa kadagiti annakda a lallaki, wenno palubosan dagiti annakyo a lallaki a makiasawa kadagiti annakda a babbai.

\s5
\v 4 No inaramidyo dayta, allukoyento dagita a tattao dagiti annakyo nga agsardeng nga agdaydayaw kenni Yahweh ket agdayawdanto iti sabali a dios. No mapasamak dayta, makaungetto unay ni Yahweh kadakayo ket dadaelennakayonto a dagus.
\v 5 Daytoy ti masapul nga aramidenyo kadagitoy a tattao: Rebbaenyo dagiti altarda, burakenyo dagiti adigida a nairanta iti diosda, putdenyo dagiti tekken nga us-usarenda nga agdayaw kenni Asera a didiosenda, ken puoranyo dagiti nasukog a didiosenda.

\s5
\v 6 Masapul nga aramidenyo dayta gapu ta maysakayo a bunggoy ti tattao a kukua laeng ni Yahweh a Diostayo. Pinilinakayo manipud kadagiti amin a bunggoy ti tattao iti lubong nga agbalin a naisangsangayan a tattaona.

\s5
\v 7 Pinilinakayo ni Yahweh saan a gapu ta ad-adukayo ngem dagiti sabali a bunggoy ti tattao; maysakayo kadagiti kababassitan a bunggoy dagiti tattao iti daga.
\v 8 Ngem ketdi, gapu ta inayatnakayo ni Yahweh ken gapu ta kayatna nga aramiden ti sipapasnek nga inkarina kadagiti kapuonanyo. Dayta ti makagapu nga inispalnakayo babaen iti naindaklan a pannakabalinna manipud iti pannakatagabuyo idiay Egipto ken manipud kenni Faraon, ti ari ti Egipto.

\s5
\v 9 Saanyo ngarud a lipaten a ni Yahweh ti Diostayo. Napudno isuna kadatayo; salsalimetmetanna ti tulagna iti sangaribu a henerasion dagiti tattao nga agayat kenkuana ken agtulnog kadagiti bilbilinna.
\v 10 Ngem no maipapan kadagiti manggurgura kenkuana, subadannanto ida; dusaen ken dadaelennanto a dagus ida.
\v 11 Masapul ngarud a siguradoenyo ti agtulnog kadagiti amin a bilbilin, annuroten ken paglintegan nga it-itedko ita kadakayo.

\s5
\v 12 No ipangagyo dagitoy a paglintegan ken kankanayonyo a pagtulnogan dagitoy, aramiden ni Yahweh a Diostayo ti inanamonganna nga aramiden para kadakayo, ken ayatennakayo a sipupudno, nga isu ti sipapasnek nga inkarina kadagiti kapuonanyo nga aramidenna.
\v 13 Ayaten ken bendisionannakayonto. Paadoenna dagiti annakyo. Bendisionanna dagiti talonyo, nga agbanag nga adunto ti bukel ken ubas a maaramid nga arak ken adu a lana ti olibo. Maaddaankayonto iti adu a baka ken karnero. Aramidennanto amin dagitoy a banbanag para kadakayo iti daga nga inkarina kadagiti kapuonanyo nga itedna kadakayo.

\s5
\v 14 Ad-adda a bendisonankayo ngem iti panangbendisionna kadagiti sabali a bunggoy ti tattao. Maaddaankayonto amin iti annak. Aganakto amin dagiti tarakenyo.
\v 15 Ket salaknibannakayonto ni Yahweh kadagiti amin a saksakit. Saannakayonto a pagsakiten kadagiti aniaman a nakaam-amak a saksakit a naammoan dagiti kapuonantayo idiay Egipto, ngem pagsakitennanto dagiti kabusoryo kadagitoy.

\s5
\v 16 Masapul a dadaelenyo amin dagiti bunggoy dagiti tattao nga impalubos ni Yahweh a Diostayo a parmekenyo. Saankayo a maasi kadakuada. Ket saankayo nga agdayaw kadagiti diosda, gapu ta no aramidenyo dayta, kaslakayonto matmatnag iti palab-og a saankayonto a pulos a makalapsut.

\s5
\v 17 Saanyo a panunoten nga, 'Ad-adu dagitoy a bunggoy ti tattao ngem dakami. Saanminto a pulos a kabaelan a papanawen ida.'
\v 18 Saankayo nga agbuteng kadakuada. Ngem ketdi, panunotenyo ti inaramid ni Yahweh a Diostayo iti ari ti Egipto ken kadagiti amin a tattao nga inturayanna.
\v 19 Saanyo a lipaten dagiti nakaam-amak a didigra a nakita dagiti kapuonanyo nga inyegna kadagiti tattao ti Egipto, ken dagiti nadumaduma a milagro nga inaramid ti Dios tapno mairuarna dagiti kapuonanyo manipud Egipto. Aramidento ni Yahweh a Diostayo dagiti isu met laeng a banbanag kadagiti bunggoy ti tattao a pagbutbutnganyo ita.

\s5
\v 20 Maysa pay, pagbutngennanto ida, ket dadaelennanto dagiti agtalinaed a sibibiag ken umadayo tapno ilemmengannaka.
\v 21 Saankayo nga agbuteng kadagitoy a tattao, ta addanto ni Yahweh a Diostayo kadakayo. Naindaklan isuna a Dios; isuna ti pagbutbutngan dagiti tattao.
\v 22 In-inut a papanawenna dagita a bunggoy ti tattao. Saan a rumbeng a padasenyo ida a papanawen iti mamimpinsan, gapu ta no inaramidyo dayta, umadu a dagus ti bilang dagiti atap nga ayup, ket saanyonto a mapapanaw ida.

\s5
\v 23 Ngem ketdi, ipalubosto ni Yahweh a saggaysa a maparmekyo dagiti bunggoy ti tattao a kabusoryo. Pagdanagennanto ida agingga a madadaelda.
\v 24 Ituloknanto a maparmekyo dagiti arida. Kalpasan a mapapatayyo ida, malipatanto dagiti naganda. Awanto ti bunggoy dagiti tattao a makapasardeng kadakayo; dadaelenyonto amin ida.

\s5
\v 25 Masapul a puoranyo dagiti nakitikitan a ladawan a mangibagbagi kadagiti diosda. Saanyo a tarigagayan nga alaen dagiti pirak wenno balitok a naiyarkos kadagitoy a didiosen, gapu ta no alaenyo dagitoy, kasla palab-og dagitoy a mangtiliw kadakayo. Kagurgura ni Yahweh ti tunggal paset dagitoy a didiosen.
\v 26 Masapul a saanyo nga iyuneg kadagiti babbalayyo dagitoy makarimrimon a didiosen, ta no aramidenyo dayta, ilunodnakayo ti Dios a kas iti panangilunodna kadakuada. Masapul a guraen ken laisenyo dagitoy a didiosen, gapu ta banbanag dagitoy nga inlunod ni Yahweh ken inkarina a dadaelenna dagitoy."

\s5
\c 8
\p
\v 1 Masapul nga agtulnogkayo a sipupudno kadagiti amin a bilbilin nga it-itedko kadakayo ita. No aramidenyo dayta, agbiagkayo iti atiddog a tiempo, umadunto unay ti bilangyo, ket sakupento dagiti tattaoyo iti daga a sipapasnek nga inkari ni Yahweh kadagiti kapuonanyo nga itedna kadakayo.
\v 2 Ken saanyo a lipaten iti panangidalan ni Yahweh a Diostayo kadatayo idi agdaldaliasattayo iti let-ang bayat dagitoy napalabas nga uppat a pulo a tawen. Pinaaduna dagiti parikutyo, gapu ta kayatna nga ipaamiris kadakayo a kasapulan nga agtalekkayo kenkuana ken saan a kadagiti bagbagiyo. Ken kayatnakayo a suboken, tapno ammoenna dagiti panggepyo nga aramiden, no agtulnogkayo met laeng kadagiti bilbilinna wenno saan.

\s5
\v 3 Isu a pinagrigatnakayo. Impalubosna a mabisinankayo. Ket inikkannakayo iti mana, a taraon manipud langit, taraon a saanyo idi a pulos a kinnan ken dagiti kapuonanyo. Inaramidna dayta tapno isurona kadakayo a kasapulan dagiti tattao ti taraon para kadagiti bagbagida, ngem kasapulanda met ti taraon para kadagiti espirituda, nga aggapu iti panangipangag kadagiti amin a banbanag nga ibagbaga ni Yahweh.

\s5
\v 4 Bayat dagiti uppat a pulo a tawen, saan a narunot dagiti kawestayo, ken saan a limteg dagiti sakatayo iti panpannagnatayo idiay let-ang.
\v 5 Saanyo a lipaten a palintegen ken dusaennatayo ni Yahweh a Diostayo, kasla iti panangpalinteg dagiti nagannak kadagiti annakda.
\v 6 Isu nga agtulnogkayo kadagiti bilbilin ni Yahweh a Diostayo, ket agbiagkayo a kas iti kayatna nga aramidenyo, ken agdayawkayo kenkuana.

\s5
\v 7 Dandaninakayon nga ipan iti nadam-eg a daga, nga addaan kadagiti waig nga agayus manipud kadagiti turod ken kadagiti agburburayok nga ubbog kadagiti tanap.
\v 8 Daga daytoy a pagtuboan dagiti trigo ken sebada, daga nga addaan kadagiti kayo nga igos ken granada, ken daga nga addaan kadagiti kayo nga olibo ken diro.

\s5
\v 9 Daga nga adunto ti taraon para kadakayo, nga awanto ti aniaman a banag a pagkuranganyo, daga nga addaan iti landok kadagiti batona, ken makakalika iti gambang kadagiti turodna.
\v 10 Mangankayo agingga a mabsogkayo, ket pagyamananyo ni Yahweh a Diostayo gapu iti nadam-eg a daga nga intedna kadakayo.

\s5
\v 11 Ngem inton mapasamak dayta, siguradoenyo a saanyo a malipatan ni Yahweh a Diostayo babaen ti panagsukiryo kadagiti bilbilin, annuroten ken linteg nga it-itedko kadakayo ita.
\v 12 Mabsogkayonto iti inaldaw, ken mangipatakderkayonto kadagiti napintas a babbalay ket agnaedkayo kadagitoy. Ngem amangan no malipatanyo dagiti bilbilin ni Yahweh.

\s5
\v 13 Pudno, inton umadu unay ti bilang dagiti baka ken karneroyo, ken inton nakaurnongkayo iti dakkel a gatad ti pirak ken balitok, ken adunto unayen dagiti dadduma pay a sanikuayo,
\v 14 siguradoenyo ta saankayo nga agbalin a napalangguad ket malipatanyo ni Yahweh a Diostayo, a nangispal kadagiti kapuonanyo manipud iti pannakatagabuda idiay Egipto ket inruarna ida sadiay.

\s5
\v 15 Saanyo a lipaten nga indalanna ida bayat nga agdaldaliasatda iti nalawa ken nakabutbuteng a let-ang, nga adda dagiti nagita nga uleg ken manggagama sadiay. Ken saanyo a lipaten nga iti daga a namaga unay ken awan ti danumna, pinagayusna ti danum para kadakuada manipud iti natangken a bato.
\v 16 Saanyo a lipaten nga iti dayta a let-ang, inikkanna dagiti kapuonanyo iti mana a kanenda, taraon a saanda pay a pulos a nakan. Pinaaddana dayta, gapu ta kayatna nga ipaamiris kadakuada a kasapulan nga agtalekda kenkuana saan a kadagiti bagbagida. Ken kayatna a suboken ida, tapno maammoanna ti panggepda nga aramiden, tapno inton agpatingga ti panagrigrigatda, agaramidto isuna kadagiti nasayaat a banbanag para kadakuada.
\v 17 Siguradoenyo a saanyo a panunoten, 'Napaaddak amin dagitoy a banbanag babaen iti bukodko pannakabalin ken abilidad.'

\s5
\v 18 Saanyo a lipaten a ni Yahweh a Diosyo ti nangpabaknang kadakayo. Inaramidna daytoy gapu ta sipupudno nga ar-aramidenna ti sipapasnek nga inkarina kadagiti kapuonantayo.
\v 19 Sipapasnek a ballaagankayo, a no lipatenyo ni Yahweh a Diostayo ket mapankayo kadagiti sabali a Dios, ket rugianyo ti agrukbab ken agdayawkayo kadakuada, awan duadua a dadaelennakayonto.
\v 20 No saankayo nga agtulnog kenni Yahweh a Diostayo, awan duadua a dadaelennakayo a kasla iti panangdadaelna kadagiti bunggoy dagiti tattao a gubatenyo.

\s5
\c 9
\p
\v 1 Dakayo a tattao ti Israel, dumngegkayo kaniak! Ballasiwenyonton ti Karayan Jordan. Iti daga a sumrekanyo, adda dagiti dadakkel a siudad a napalikmutan kadagiti nangangato unay a pader a kasla dumanon agingga iti tangatang. Adda dagiti bunggoy ti tattao iti dayta a daga nga ad-adu ken nabilbileg ngem dakayo.
\v 2 Natayag ken napigsa unay dagitoy a tattao. Sumagmamano kadakuada ket higante a kaputotan ni Anak. Ammoyo ti maipapan kadakuada, ken nangngegyo nga ibagbaga dagiti tattao nga awan ti siasinoman a makaparmek kadagiti kaputotan ni Anak.

\s5
\v 3 Kayatko a maammoanyo nga umun-una ni Yahweh a Diostayo ngem dakayo. Maiyarigto isuna iti sumsumged nga apuy. Bayat a sumungsungadkayo, parmeken ken dadaelennanto ida. Gapu iti dayta, mapapanawyonto a dagus ti sumagmamano kadakuada ken mapapatayyo dagiti dadduma, nga inkari ni Yahweh nga aramidenyo.

\s5
\v 4 Kalpasan a mapapanaw ida ni Yahweh a Diostayo para kadakayo, saanyo nga ibaga kadagiti bagbagiyo, 'Impalubos ni Yahweh a masakupmi daytoy a daga gapu ta nalintegkami.' Ti kinapudnona ket gapu ta nadangkes dagiti tattao iti dayta a daga a pinagtalaw ida ni Yahweh kas sumungsungadkayo.

\s5
\v 5 Ibagak manen a saan a gapu ta nalintegkayo iti bagbagiyo wenno gapu ta ar-aramidenyo dagiti banbanag a nalinteg a sumrekkayo ken masakupyo dayta a daga. Dayta ket gapu ta nadangkes dagitoy a bunggoy ti tattao a pinapanaw ida ni Yahweh a Diostayo kas sumungsungadkayo, ken gapu ta panggepna nga aramiden ti sipapasnek nga inkarina kadagiti kapuonanyo a ni Abraham, Isaac kenni Jacob.

\s5
\v 6 Kayatko a maammoanyo a saan a gapu ta nalintegkayo nga it-ited kadakayo ni Yahweh a Diostayo daytoy nadam-eg a daga. Ibagak dayta gapu ta saankayo a nalinteg; natangken unay ti uloyo a tattao."

\s5
\v 7 Saanyo a pulos a lipaten ti inaramid dagiti kapuonanyo idiay let-ang a nangpaunget kenni Yahweh a Diostayo. Manipud iti aldaw a pinanawantayo ti Egipto agingga iti aldaw a simmangpettayo ditoy, nagtultuloykayo met a nagsukir kenkuana.
\v 8 Uray idiay Bantay Sinai, pinaunget dagiti kapuonanyo ni Yahweh. Gapu ta nakaunget unay isuna, nakasagana isuna a mangpukaw amin kadakuada.

\s5
\v 9 Idi simmang-atak iti bantay tapno awatek kenkuana dagiti tapi ti bato a nangisuratanna kadagiti Sangapulo a Bilin, nagtalinaedak sadiay iti uppat a pulo nga aldaw ken uppat a pulo a rabii, ket bayat iti dayta a tiempo, saanak a nangan wenno imminom iti aniaman.
\v 10 Inted ni Yahweh kaniak dagiti dua a tapi ti bato a nangisuratanna kadagiti bilbilin babaen kadagiti ramayna. Dagitoy dagiti sasao nga imbagana kadagiti kapuonanyo manipud iti apuy iti dayta a bantay, idi naguummongda iti sakaanan ti bantay.

\s5
\v 11 Iti pagleppasan ti uppat a pulo nga aldaw ken uppat a pulo a rabii, inted kaniak ni Yahweh dagitoy dua a tapi ti bato a nangisuratanna kadagiti bilbilin.
\v 12 Ngem kinunana kaniak, 'Bumabaka a dagus iti bantay, gapu ta dagiti tattao nga idaldalanmo, dagiti tattao nga inruarmo iti Egipto, ket nakaaramidda iti nakaro a basol! Inaramidda a dagus ti imbilinko a saanda nga aramiden. Nagaramidda para kadagiti bagbagida iti nakitikitan a ladawan ti baka a dayawenda.'

\s5
\v 13 Ket kinuna ni Yahweh kaniak, 'Nabayagen a buybuyaek dagitoy a tattao, ket nakitak a natangken unay ti uloda.
\v 14 Isu a saannak a padasen a pasardengen. Dadaelek amin ida, nga agbanag nga awanto ti makalagip iti naganda iti uray sadinoman. Ket pagbalinenka a kapuonan ti maysa a nasion nga ad-adu ken nabilbileg ngem isuda.'

\s5
\v 15 Isu a nagsubliak ket bimmabaak iti bantay, awit-awitko dagiti dua a tapi ti bato a nakaisuratan dagiti Sangapulo a Bilin. Sumsumged ti apuy iti entero a bantay.
\v 16 Kimmitaak, ket nakigtotak a nakakita a nakaaramid dagiti kapuonanyo iti dakkel a basol kenni Yahweh. Rinugianda a dagus nga aramiden ti imbilin ni Yahweh a Diostayo a saanda nga aramiden. Kiniddawda kenni Aaron nga agaramid iti metal a ladawan ti baka (mabalin a naaramid daytoy manipud iti balitok, pirak wenno gambang) a dayawenda.

\s5
\v 17 Isu a bayat nga agbuybuyada, in-ngatok dagiti dua a tapi ti bato ket impuruakko dagitoy iti daga ket naburak.
\v 18 Ket nagpaklebak iti daga iti imatang ni Yahweh a kas iti inaramidko idi, ken saanak a nangan wenno imminom iti uppat a pulo nga aldaw ken uppat a pulo a rabii. Inaramidko dayta gapu ta nagbasol dagiti kapuonanyo kenni Yahweh ken pinaungetda unay isuna.

\s5
\v 19 Mabutengak a gapu ta nakaunget unay ni Yahweh kadakuada, papatayenna amin ida. Ngem nagkararagak manen a saanna koma nga aramiden dayta, ket dinengngegnak ken sinungbatanna ti kararagko.
\v 20 Nakaunget met unay ni Yahweh kenni Aaron gapu iti panagaramidna iti balitok a baka ken nakasaganan a mangpatay kenkuana. Ngem ingkararagak met laeng ni Aaron iti dayta met laeng nga oras, ket sinungbatan ni Yahweh ti kararagko.

\s5
\v 21 Nagbasol dagiti kapuonanyo babaen iti panagkiddawda kenni Aaron nga agaramid iti maysa nga imahen a baka a naaramid iti metal (mabalin a naaramid daytoy manipud iti balitok, pirak wenno gambang). Isu nga innalak dayta nga imahen ket rinunawko iti apuy ken rinumekko iti napino. Ket imbellengko dagiti napino a pidasona iti waig a nagayus nga agpababa iti bantay.

\s5
\v 22 Pinaunget met unay dagiti kapuonanyo ni Yahweh babaen iti inaramidda kadagiti lugar a pinanagananda iti Tabera, Massa, ken Kibrot Hattaava.
\v 23 Ken idi addatayo idiay Kades Barnea, kinuna ni Yahweh kadagiti kapuonanyo, 'Sumang-atkayo ket sakupenyo ti daga nga it-itedko kadakayo!' Ngem sinukirda isuna. Saanda a nagtalek kenkuana, ken saanda a nagtulnog iti imbagana kadakuada nga aramidenda.
\v 24 Sinukir dagiti kapuonanyo ni Yahweh manipud pay iti immuna nga aldaw a naam-ammok ida, idiay Egipto, ket kapadpadayo la unay dagiti kapuonanyo.

\s5
\v 25 Isu a kas kinunak, nagpaklebak iti daga iti uppat a pulo nga aldaw ken uppat a pulo a rabii, gapu ta kinuna ni Yahweh a dadaelenna dagiti kapuonanyo.
\v 26 Ket nagkararagak kenni Yahweh, a kunkunak, 'O Yahweh nga Apo, kukuam dagitoy a tattao; saanmo ida a dadaelen. Tattaoda nga inispalmo ken inruarmo manipud Egipto babaen iti naindaklan unay a pannakabalinmo.

\s5
\v 27 Saanmo a lipaten ti inkarim kenni Abraham, ni Isaac kenni Jacob. Saanmo nga ikankano ti kinatangken ti ulo ken kinadangkes dagitoy a tattao, ken ti basol a naaramidda.
\v 28 No aramidem dayta, ken no dadaelem ida, mangngegto dagiti tattao ti Egipto ti maipapan iti daytoy ket ibagada a saanmo ida a naipan iti daga nga inkarim nga ited kadakuada. Ibagadanto nga impanmo ida idiay let-ang tapno papatayem laeng ida sadiay gapu ta kaguram ida.
\v 29 Saanmo a lipaten a tattaom ida. Pinilim ida a kukuam. Inruarmo ida manipud Egipto babaen ti naindaklan unay a pannakabalinmo."'

\s5
\c 10
\p
\v 1 Ket kinuna ni Yahweh kaniak, 'Mangtikapka iti dua a tapi ti bato a kasla kadagiti immuna. Ken agaramidka iti lakasa a naaramid iti kayo a pangikargaam kadagitoy. Kalpasanna, iyegmo kaniak dagiti tapi ti bato iti daytoy a bantay.
\v 2 Isuratkonto kadagitoy a tapi dagiti isu met laeng a sasao nga insuratko kadagiti immuna a tapi, dagiti tapi a binurakmo. Ket ikargam dagitoy iti lakasa.'

\s5
\v 3 Isu a nagaramidak iti lakasa. Nagaramatak iti kayo nga acacia tapno aramidek daytoy. Ket nangtikapak iti dua a tapi ti bato a kasla iti immuna, ket simmang-atak iti bantay nga awitko dagiti tapi.
\v 4 Sadiay insurat ni Yahweh kadagiti tapi dagiti isu met laeng a sangapulo a bilbilin nga insuratna kadagiti immuna a tapi. Dagitoy dagiti bilbilin nga insaona kadagiti kapuonanyo manipud iti tengnga ti apuy idiay bantay, idi naguummongda iti sakaanan ti bantay. Ket inted kaniak ni Yahweh dagiti tapi,

\s5
\v 5 ket nagsubliak ken simmalogak iti bantay. Ket kas iti imbilinna, inkargak dagitoy iti lakasa nga inaramidko. Ket adda pay laeng dagitoy iti lakasa."

\s5
\v 6 (Kalpasanna, manipud kadagiti bubon a kukua dagiti tattao ti Jaakan, nagdaliasat dagiti Israelita a napan idiay Mosera. Natay ken naipunpon sadiay ni Aaron, ket ni Eleasar nga anakna ti nangsukat kenkuana ken nagbalin a kangatoan a padi.
\v 7 Manipud sadiay, nagdaliasat dagiti Israelita a napan idiay Gudguda, ket manipud sadiay napanda idiay Jotbat, maysa a lugar nga addaan iti adu a waig.

\s5
\v 8 Iti dayta a tiempo, pinili ni Yahweh ti tribu ni Levi a mangawit iti lakasa a naglaon kadagiti tapi a nakaisuratan dagiti Sangapulo a Bilin, ken tapno agtakder iti presensia ni Yahweh idiay nasagradoan a tolda, nga agidaton, ken agkararag kenni Yahweh a bendisionanna dagiti tattao. Ar-aramidenda pay laeng dagitoy a banbanag iti agdama a tiempo.
\v 9 Dayta ti gapuna a saan a nakaawat iti aniaman a daga ti tribu ni Levi a kasla iti naaramid kadagiti dadduma a tribu. Ti naawatda ket ti pammadayaw iti panagbalin a papadi ni Yahweh, nga isu ti imbagana a rumbeng nga aramidenda.)

\s5
\v 10 Intuloy ni Moises ti agsasao: "Nagtalinaedak idiay bantay iti uppat a pulo nga aldaw ken uppat a pulo a rabii, a kasla ti inaramidko idi immuna. Nagkararagak kenni Yahweh, ket sinungbatanna manen dagiti kararagko ken imbagana a saannan dadaelen dagiti kapuonanyo.
\v 11 Ket kinuna ni Yahweh kaniak, 'Ituloyyo ti agdaliasat, a mapan iti sangoanan dagiti tattao, tapno sakupenyo ti daga nga inkarik a sipapasnek kadagiti kapuonanyo nga itedko kadakayo."'

\s5
\v 12 Ita, dakayo nga Israelita, ibagak kadakayo ti ibagbaga ni Yahweh a Diostayo nga aramidenyo. dawdawatenna kadakayo a masapul a dayawenyo isuna, nga agbiagkayo a kas iti kayatna a panagbiagyo, nga ayatenyo isuna, ken agserbikayo kenkuana iti amin a tarigagay ken riknayo,
\v 13 ken tapno agtulnogkayo kadagiti amin a bilbilinna nga it-itedko kadakayo ita nga aldaw, tapno matulongannakayo dagitoy.

\s5
\v 14 Saanyo a lipaten a kukua ni Yahweh a Diostayo uray ti tangatang ken dagiti amin a banbanag nga adda iti daytoy. Kukuana pay ti daga ken dagiti amin a banbanag nga adda iti daytoy.
\v 15 Ngem uray kukuana amin dagitoy a banbanag, ay-ayaten met ni Yahweh dagiti kapuonanyo; pinilinatayo manipud kadagiti amin a bunggoy ti tattao iti daga, dagiti kaputotanda, ket tattaonatayo pay laeng.

\s5
\v 16 Isu a masapul a baliwanyo ti kaungganyo ken isardengyo ti kinatangken ti uloyo.
\v 17 Dakdakkel ni Yahweh a Diostayo ngem dagiti amin a dios, ken natantan-ok ngem dagiti amin a mangiturturay. Mannakabalin unay isuna ngem dagiti dadduma, ken saan nga umawat kadagiti pasuksok.

\s5
\v 18 Sigsiguradoenna a patas ti pannakatrato dagiti ulila ken balo. Ay-ayatenna uray dagiti ganggannaet a makipagnanaed kadatayo nga Israelita, ken ik-kanna ida iti taraon ken pagan-anay.
\v 19 Isu a masapul nga ayatenyo met dagitoy a gan-gannaet, gapu ta iti naminsan, nagbalinkayo met a gan-gannaet idi agnanaedkayo idiay Egipto.

\s5
\v 20 Siduradoenyo a raemenyo ni Yahweh a Diostayo ken isuna laeng ti dayawenyo. Agbalinkayo a napudno kenkuana ken ibagayo a rumbeng a dusaennakayo no saanyo nga aramiden ti inkariyo kenkuana.
\v 21 Isuna ti masapul a dayawenyo. Isuna ti Diostayo, ket nakitatayo dagiti naindaklan ken nakaskasdaaw a banbanag nga inaramidna para kadatayo.

\s5
\v 22 Idi napan dagiti kapuonantayo a ni Jacob ken ti pamiliana idiay Egipto, pitopuloda laeng. Ngem ita, pinaadunatayo ni Yahweh a Diostayo a kas dagiti bituen iti tangatang."

\s5
\c 11
\p
\v 1 Gapu kadagiti amin nga inaramid ni Yahweh a Diosyo kadakayo, nasken nga ayaten ken itultuloyyo ti agtulnog kadagiti amin a pagannurotan, paglintegan, ken bilbilinna.

\s5
\v 2 Dakayo ken dagiti kapuonanyo, saan a dagiti annakyo, ti dinisiplinana babaen iti panangparparigatna kadakayo. Isu a manipud ita, itultuloyyo a panunoten ti kinadakkel ken kinamannakabalinna.
\v 3 Panunotenyo dagiti naduma-duma a milagro nga inaramidna idiay Egipto, dagiti banbanag a nangipakita iti kinamannakabalinna. Panunotenyo ti inaramidna iti ari ti Egipto ken iti amin a daga nga inturayanna.

\s5
\v 4 Panunotenyo ti inaramidna kadagiti armada ti Egipto, kadagiti kabalio ken karwaheda. Panunotenyo no kasano a pinaglayusna ti danum ti baybay dagiti Runo ket nalmes dagiti armadada a mangkamkamat kadigiti kapuonanyo. Panunotenyo no kasano a nagsagabada manipud idi agingga ita.
\v 5 Panunotenyo ti inaramid ni Yahweh kadagiti kapuonanyo idiay disierto sakbay a nakadanonkayo iti daytoy a lugar.

\s5
\v 6 Panunotenyo ti inaramidna kada Datan ken Abiram, ti dua nga annak a lallaki ni Eliab manipud iti tribu ti Ruben. Bayat a buybuyaen dagiti kapuonanyo, nagungap ti daga, ket natnagda iti abut ken nagpukawda, agraman dagiti pamilia ken toldada, dagiti adipen ken ayupda.
\v 7 Dakayo ken dagiti kapuonanyo ket nakitayo amin dagitoy a milagro nga inaramid ni Yahweh.

\s5
\v 8 Isu nga agtulnogkayo kadagiti bilbilin nga it-itedko kadakayo ita nga aldaw, tapno pumigsakayo ket maballasiwyo ti karayan ket pagnaedanyo ti daga a dandaniyon maserrek,
\v 9 ken tapno makapagnaedkayo iti atiddug a tiempo iti dayta a daga, maysa a daga a sipapasnek nga inkari ni Yahweh nga ited kadagiti kapuonanyo ken kadagiti kaputotanda, maysa a daga a nadam-eg-unay.

\s5
\v 10 Ti daga a dandaniyon maserrek ken pagnaedan ket saan a kasla iti daga ti Egipto, a nagnaedan dagiti kapuonanyo. Idiay Egipto, kalpasan a nagmulada kadagiti bukbukel, kasapulan nga agtrabahoda iti nadagsen tapno sibuganda dagiti dumadakkel a mulmula.
\v 11 Ngem ti daga nga umadanin a serrekenyo ket daga a katurturodan ken katantanapan nga addaan iti aglaplapusanan a tudo.
\v 12 Ay-aywanan ni Yahweh dayta a daga. Banbantayanna daytoy iti inaldaw, manipud iti pangrugian agingga iti paggibusan ti tunggal tawen.

\s5
\v 13 Ita nga aldaw, ibilbilinko kadakayo nga ayatenyo ni Yahweh a Diosyo agserbikayo kenkuana iti amin a kaungganyo. No aramidenyo dayta,
\v 14 mangibaonto isuna iti tudo iti dagayo iti umno a tiempo iti tunggal tawen. Gapu iti dayta, maaddaankayonto iti trigo ken ubas a maaramid nga arak ken olibo a maaramid a lana.
\v 15 Ken pagtuboenna dagiti ruot kadagiti taltalonyo tapno adda kanen dagiti tarakenyo, maaddaankayonto iti amin a taraon a kayatyo.

\s5
\v 16 Ngem ballaagankayo, saankayo a tumallikod kenni Yahweh a Diostayo ken irugiyo nga agrukbab kadagiti sabali a dios,
\v 17 gapu ta no aramidenyo dayta, makaungetto iti kasta unay ni Yahweh kadakayo. Lappedannanto ti panagtinnag ti tudo. Gapu iti dayta, saan a dumakkel dagiti mulmula, ket mataykayonto iti bisin idiay nasayaat a daga nga ited ni Yahweh kadakayo.

\s5
\v 18 Laglagipenyo ngarud a kanayon ti maipapan iti imbilin ni Yahweh kadakayo. Isuratyo dagitoy a sasao kadagiti babassit a nalukot a pagsuratan ken igalutyo daytoy kadagiti tagkiagyo, ket isuratyo dagitoy iti rabaw dagiti bedbed nga inggalutyo kadagiti mugingyo tapno mangtulong kadakayo a manglagip kadagitoy.
\v 19 Ulit-ulitenyo nga isuro dagitoy kadagiti annakyo. Pagtutungtonganyo dagitoy iti amin a tiempo: no addakayo kadagiti babbalayyo ken no magmagnakayo iti ruar; ibagayo ti maipapan kadagitoy no agid-iddakayo ken no agar-aramidkayo kadagiti banbanag.

\s5
\v 20 Isuratyo dagitoy kadagiti poste ti ridawyo ken kadagiti ruangan ti siudadyo.
\v 21 Aramidenyo dayta tapno dakayo ken dagiti annakyo ket agbiag iti atiddug a tiempo iti daga nga inkari ni Yahweh nga ited kadagiti kapuonantayo. Kukuayo dayta a daga ken dagiti kaputotanyo agingga nga adda tangatang iti ngatoen ti daga.

\s5
\v 22 Ituloyyo a sipupudno ti agtulnog iti ibilbilinko kadakayo—nga ayaten ni Yahweh a Diostayo, ken agbiagkayo a kas iti kayatna nga aramidenyo, ken agbalinkayo a napudno kenkuana.
\v 23 No aramidenyo dayta, papanawento ni Yahweh dagiti amin a bunggoy ti tattao iti dayta a daga apaman a sumungadkayo, dagiti bunggoy ti tattao nga ad-adu ken ad-adda a mannakabalin ngem dakayo.

\s5
\v 24 Kukuayonto amin ti daga a mapagnaanyo. Dumanon ti masakupanyo manipud iti disierto idiay abagatan agingga idiay kabanbantayan ti Libano idiay amianan, ken manipud iti Karayan Euprates idiay daya agingga iti Baybay Mediterranean idiay laud.
\v 25 Aramidento ni Yahweh a Diostayo nga agbuteng unay kadakayo dagiti amin a tattao iti dayta a daga, nga isu ti inkarina, nga agbanag nga awanto ti bunggoy dagiti tattao a makapasardeng kadakayo.

\s5
\v 26 Dumngegkayo a nasayaat; Ibagbagak kadakayo ita nga aldaw no bendisionannakayo ni Yahweh wenno ilunodnakayo.
\v 27 No agtulnogkayo kadagiti bilbilin ni Yahweh a Diostayo nga it-itedko kadakayo ita nga aldaw, bendisionannakayo.
\v 28 Ngem no saankayo nga agtulnog kadagitoy, ken no tumallikodkayo kenkuana tapno agdayaw kadagiti sabali a dios a saanyo pay a pulos a naam-ammo idi, ilunodnakayo.

\s5
\v 29 Ket inton ipannakayo ni Yahweh iti daga a serreken ken pagnaedanyo, masapul a tumakder ti sumagmamano kadakayo iti tuktok ti bantay Gerisim ket iwaragawagna ti panangbendission ni Yahweh kadakayo, ken masapul a tumakder dagiti dadduma kadakayo iti tuktok ti bantay Ebal ken iwaragawagna ti panangilunod ni Yahweh kadakayo.
\v 30 (Dagiti dua a bantay ket adda iti laud ti Karayan Jordan, laud iti patad nga asideg iti Jordan, iti daga a pagnanaedan dagiti Cananeo. Agnanaedda iti asideg ti nasagradoan a kaykayo nga asideg iti Gilgal)

\s5
\v 31 "Ballasiwenyonton ti Karayan Jordan tapno pagnaedan ti daga nga it-ited ni Yahweh a Diostayo kadakayo. Inton sumrekkayo iti dayta a daga ket agnaedkayon sadiay,
\v 32 siguradoenyo nga agtulnogkayo kadagiti amin a pagannurotan ken paglintegan nga it-itedko kadakayo ita nga aldaw."

\s5
\c 12
\p
\v 1 Ibagak kadakayo ita dagiti pagannurotan ken paglintegan a masapul a pagtulnoganyo a sipupudno iti daga nga it-ited kadakayo ni Yahweh, ti Dios a pagdaydayawan dagiti kapuonantayo, tapno pagnaedan. Masapul a pagtulnoganyo dagitoy a paglintegan iti amin a tiempo a sibibiagkayo.
\v 2 Inton papanawenyo dagiti bunggoy ti tattao nga akinkukua iti daga nga alaenyo, masapul a dadaelenyo amin dagiti lugar a pagdaydayawanda kadagiti diosda, dagiti lugar iti rabaw dagiti banbantay ken turturod ken iti abay dagiti dakkel a kaykayo.

\s5
\v 3 Masapul a rebbaenyo dagiti altarda ken rumekenyo dagiti nasantoan nga adigida. Puoranyo dagiti imahen ni Asera a didiosenda ken balsigenyo dagiti nakitikitan ladawanda, tapno awanton ti agdayaw manen kadakuada kadagitoy a lugar.
\v 4 Saankayo nga agdayaw kenni Yahweh a kasla iti panagdaydayaw dagiti Cananeo kadagiti diosda.

\s5
\v 5 Ngem ketdi, masapul a mapankayo iti lugar a piliento ni Yahweh. Addanto daytoy iti disso a pagnaedanto ti maysa kadagiti tribuyo. Dayta a lugar ti masapul a sumrekkanyonto iti presensia ni Yahweh ken agdayaw kenkuana.
\v 6 Dayta ti lugar a pangipananyo kadagiti datonyo nga ipuorto amin ti pada iti altar, ken dagiti dadduma pay a datonyo nga idatag dagiti bagbagiyo kaniak, dagiti apagkapulloyo, dagiti dadduma pay a daton nga inkariyo nga ited kaniak, ti inauna nga annak dagiti baka ken karneroyo, wenno dadduma pay a kita ti daton.

\s5
\v 7 Sadiay, iti presensia ni Yahweh a Diostayo, mangankayto a sangapamiliaan kadagiti naimbag a banbanag a nagbannoganyo a pina-taud, ket agragsakkayonto, gapu ta binendisionannakayo iti kasta unay.

\s5
\v 8 Inton addakayon iti dayta a daga, masapul a saanyo nga aramiden dagiti sumagmamano a banbanag nga ar-aramidentayo. Agingga ita, dinaydayawyo amin ni Yahweh iti wagas a kayatyo,
\v 9 gapu ta saankayo pay a nakasangpet iti daga nga ipalubosna a tagikuaenyo iti agnanayon, a mabalinyo a pagnaedan a sikakapia.

\s5
\v 10 Ngem no makaballasiwkayon iti Karayan Jordan, mangrugikayonton nga agnaed iti daga nga it-ited ni Yahweh a Diostayo kadakayo. Salaknibannakayonto kadagiti amin a kabusoryo a manglikmut kadakayo, ket agbiagkayonto a sikakapia.
\v 11 Mangpilinto ni Yahweh iti lugar a kayatna a pagdayawanyo kenkuana. Dayta ti lugar a masapul a pangipananyo kadagiti amin a daton nga imbilinko kadakayo nga ipanyo: dagiti daton nga ipuorto dagiti papadi iti rabaw ti altar, dagiti dadduma a datonyo, dagiti daton nga inkeddengyo nga idatag, dagiti apagkapulloyo, ken amin dagiti naisangsangayan a daton a sipapasnekyo nga ikari nga ited kenni Yahweh.

\s5
\v 12 Agrag-okayo sadiay, iti presensia ni Yahweh, kaduayo dagiti annakyo, dagiti adipenyo a lallaki ken babbai, ken dagiti kaputotan ni Levi nga agnanaed kadagiti iliyo. Saanyo a lipatan a dagiti kaputotan ni Levi ket saan a maaddaan iti bukodda a daga, a kas kadakayo.

\s5
\v 13 Siguradoenyo a saankayo nga agidaton iti mapuoran nga ayup iti sadinoman a kayatyo.
\v 14 Masapul nga idatonyo laeng dagitoy iti lugar a piliento ni Yahweh para kadakayo, iti disso a kukua ti maysa kadagiti tribuyo. Dayta laeng ti lugar a kayatna a pangidatonanyo kadagiti sakripisio nga ipuorto dagiti papadi iti rabaw ti altar, ken pangaramidan kadagiti dadduma a banbanag nga ibilbilinko kadakayo no agdayawkayo kenkuana.

\s5
\v 15 Nupay kasta, palubosannakayo ti Dios a mangparti ken mangan iti karne dagiti ayupyo iti lugar a pagnanaedanyo. Agingga a kaykayatyo, mabalinyo a kanen ti karne dagiti ayup a pangbendisionan ni Yahweh a Diostayo babaen iti panangitedna dagitoy kadakayo. Mabalin a mangan iti dayta a karne dagiti nadalus ken saan a nadalus nga adda iti dayta a tiempo, a kasla kadakayo a mabalin a mangan iti karne iti maysa nga ugsa wenno gasela.
\v 16 Ngem masapul a saanyo a kanen ti dara iti aniaman nga ayup; masapul nga ipaaruyotyo ti dara iti daga sakbay nga ilutoyo ti karne.

\s5
\v 17 Kadagiti lugar a pagnaedanyo, masapul a saanyo a kanen dagiti banbanag nga idatdatonyo kenni Yahweh: masapul a saanyo a kanen ti apagkapullo iti bukel wenno arakyo, wenno iti lanayo nga olibo, wenno ti inauna nga anak iti baka ken karneroyo, wenno dagiti daton nga inkeddengyo nga idatag kenni Yahweh, wenno dagiti dadduma pay a daton.

\s5
\v 18 Ngem ketdi, masapul a dakayo ken dagiti annakyo ken dagiti adipenyo a lallaki ken babbai ken dagiti kaputotan ni Levi nga agnanaed kadagiti iliyo ti mangan kadagiti banbanag iti presensia ni Yahweh iti lugar a pilienna. Ken rumbeng nga agragsakkayo kadagiti amin a banbanag nga inaramidyo.
\v 19 Siguradoenyo nga aywananyo dagiti kaputotan ni Levi bayat nga agnanaedkayo iti dagayo.

\s5
\v 20 No ikkannakayo ni Yahweh a Diostayo iti nalaw-lawa a daga ngem iti adda kadakayo idi—ken inkarina nga aramidenna daytoy, ken inton ibagayo, 'kayatko ti mangan iti karne,' mapalubosankayo a mangan iti karne agingga a kaykayatyo.

\s5
\v 21 No adayo unay iti pagnanaedanyo ti lugar a pilien ni Yahweh a Diostayo a pangdayawanyo kenkuana, mapalubosankayo a mangparti iti sumagmamano kadagiti baka wenno karnero nga inted ni Yahweh kadakayo, ket mabalinyo a kanen ti karne iti ili a pagnanaedanyo, a kas ti imbagak kadakayo nga aramidenyo.
\v 22 Mabalin a mangan iti dayta a karne uray dagiti nadalus wenno narugit iti dayta a tiempo, kasla kadakayo a mabalin a mangan iti karne ti ugsa wenno gasela.

\s5
\v 23 Ngem siguradoenyo a saanyo a kanen ti dara ti aniaman nga ayup, gapu ta ti dara ti mangitultuloy iti biag dagiti sibibiag a parsua. Masapul a saanyo a kanen ti biag a kakuyog ti karne.
\v 24 Saanyo a kanen ti dara; ngem ketdi, bay-anyo nga agaruyot iti daga.
\v 25 No agtulnogkayo iti daytoy a bilin ken aramiden ti ibagbaga ni Yahweh nga umno kadakayo nga aramidenyo, sumayaatto dagiti banbanag para kadakayo ken kadagiti kaputotanyo.

\s5
\v 26 Ngem dagiti daton nga imbaga ni Yahweh nga ilasinyo para kenkuana, ken dagiti dadduma a daton nga inkeddengyo nga itedyo, masapul nga ipanyo iti lugar a pilienna.
\v 27 Sadiay, puoran iti padi dagiti daton iti rabaw ti altar ni Yahweh. Papatayennanto dagiti ayup, ipaaruyotna ti dara, ken ibellengna ti sumagmamano kadagitoy kadagiti sikigan ti altar. Ket mabalinyon a kanen ti sumagmamano iti dayta a karne.

\s5
\v 28 Agtulnogkayo a sipupudno kadagiti amin a banbanag nga imbilinko kadakayo. No aramidenyo dayta, agnanayonto a sumayaat dagiti banbanag para kadakayo ken kadagiti kaputotanyo, gapu ta ar-aramidenyo ti ibagbaga ni Yahweh a Diostayo nga umno para kadakayo nga aramiden ken ti makaay-ayo kenkuana.

\s5
\v 29 Inton sumrekkayo iti daga a tagikuaenyo, no sumungsungadkayo, dadaelento ni Yahweh a Diostayo dagiti bunggoy ti tattao nga agnanaed sadiay.
\v 30 Kalpasan nga aramidenna dayta, siguradoenyo a saanyo a dayawen dagiti dios a dinaydayawda, gapu ta no aramidenyo dayta, agbalinto a kasla maysa a palab-og a mangtiliw kadakayo. Saankayo nga agdamag iti siasinoman maipapan kadagitoy a dios, a kunkunayo, 'Ibagam kaniak no kasano ti panagdaydayawda kadagiti diosda, tapno agdaydayawak met kenni Yahweh iti kasta a wagas.'

\s5
\v 31 Saanyo a padasen ti agdayaw kenni Yahweh a Diostayo a kasla iti panagdaydayawda kadagiti diosda, gapu ta no agdaydayawda kadagitoy, agaramidda kadagiti makarimon a banbanag, banbanag a kagurgura ni Yahweh. Ti nakaal-alinggaget nga ar-aramidenda ket ti panangidatonda kadagiti bukodda nga annak ken puoranda dagitoy kadagiti altarda.
\v 32 Siguradoenyo nga aramidenyo amin nga imbilinko kadakayo nga aramidenyo. Saanyo a nayunan iti aniaman kadagitoy a bilbilin, ken saanyo a kissayan ti aniaman kadagitoy.

\s5
\c 13
\p
\v 1 Mabalin nga addanto kadakayo dagiti tattao nga agibaga a profetada. Mabalin nga ibagada a kabaelanda nga ipalawag ti kaipapanan dagiti tagtagainep wenno mangipakita kadagiti naduma-duma a kita ti milagro.
\v 2 Ibagada dagitoy a banbanag tapno awisendakayo nga agdayaw kadagiti dios a saanyo pay a naam-ammo idi. Ngem uray no mapasamak dagiti ipadpadtoda,
\v 3 saanyo nga ipangag ti ibagada. Subokennakayonto ni Yahweh a Diostayo tapno ammoen no ay-ayatenyo isuna iti amin a kaungganyo.

\s5
\v 4 Masapul nga agbiagkayo a kas iti kayat ni Yahweh a Diostayo kadakayo, masapul nga agdayawkayo kenkuana, aramidenyo ti ibagbagana nga aramidenyo, ken agtalekkayo kenkuana.
\v 5 Ngem masapul a papatayenyo ti siasinoman a mangibagbaga iti kinapalso nga isuna ket maysa a profeta, wenno maysa a tao a mangibagbaga iti kinapalso a kabaelanna ti mangipalawag kadagiti tagtagainep, wenno mangibagbaga nga agsukirkayo kenni Yahweh a Diostayo, a nangispal kadagiti kapuonanyo iti pannakatagabu idiay Egipto. Kayatdakayo laeng a pagsardengen nga agbiag dagiti kasta a tattao iti imbilin ni Yahweh nga aramidenyo. Papatayenyo ida tapno mapukaw daytoy a kinadakes kadakayo.

\s5
\v 6 Saan a napateg uray no kabsatyo a lalaki wenno anakyo babai, wenno asawayo a babai wenno sumagmamano a nasinged a gayyemyo ti sililimed a mangdurog kadakayo ken mangibagbaga 'Agdayawtayo iti sabali a dios, ti dios nga uray dakayo wenno dagiti kapuonanyo ket saan pay a nakaam-ammo.'
\v 7 Mabalin nga allukoyendakayo ti sumagmamano kadakuada nga agdayaw kadagiti dios a daydayawen dagiti bunggoy ti tattao nga agnanaed iti asidegyo, wenno dagiti dios a daydayawen dagiti bunggoy nga agnanaed iti adayo.

\s5
\v 8 Saanyo nga aramiden ti isingasingda. Saankayo a dumngeg kadakuada. Saanyo a kaasian ida, ken saanyo nga ilimed ti inaramidda.
\v 9 Papatayenyo ida! Dakayo ti umuna a mangbato kadakuada tapno matayda; ket masapul a mangibarsak met ti tunggal maysa kadakuada iti batbato.

\s5
\v 10 Papatayenyo ti kasta a tattao babaen iti pananguboryo kadakuada, gapu ta padpadasendakayo a pasardengen nga agdaydayaw kenni Yahweh a Diostayo, a nangispal kadagiti kapuonanyo iti pannakatagabu idiay Egipto.
\v 11 No mapapatayda, mangngegto dagiti amin nga Israelita ti napasamak, ken agbutengdanto, ken awanton kadakuada ti mangaramid manen iti kasta kadakes a banbanag.

\s5
\v 12 Inton agnanaedkayon iti maysa kadagiti ili ti daga nga it-ited ni Yahweh a Diosyo kadakayo, mabalin a mangngegyo
\v 13 a sumagmamano kadagiti awan serserbina a tattao kadakayo ket al-allilawenda dagiti tattao iti ilida, a kunkunada, 'Mapantayo ket agdaydayaw iti sabali a dios.
\v 14 Sukimatenyo a naimbag ti kinapudno maipanggep iti daytoy. Kaspangarigan a matakuatanyo a pudno a napasamak dagita kasta a nakababain a banag.

\s5
\v 15 Ket papatayenyo amin dagiti tattao iti dayta nga ili. Ken papatayenyo pay amin dagiti tarakenda. Dadaelenyo a naan-anay ti ili.
\v 16 Urnongenyo amin dagiti sanikua a kukua dagiti tattao nga agnanaed sadiay ken igabsu-onyo daytoy iti plasa ti siudad. Ket puoranyo ti ili ken amin nga adda ditoy, a kasla maysa a daton kenni Yahweh a naan-anay a napuoran iti altar. Masapul nga agtalinaed sadiay ti pannakadadael iti agnanayon; masapul a saanton a pulos a maipatakder ti ili.

\s5
\v 17 Masapul a saankayo a mangala iti aniaman kadagiti banbanag nga imbaga ni Yahweh a masapul a madadael, gapu ta no aramidenyo ti ibagak, isardeng ni Yahweh ti panagung-ungetna kadakayo, ket maasianto isuna kadakayo. Ket paadoenna dagiti annakyo, nga isu ti inkarina nga aramiden kadagiti kapuonantayo.
\v 18 Aramidento amin ni Yahweh a Diostayo dagitoy a banbanag no aramidenyo ti ibagbagana kadakayo, ken no pagtulnoganyo amin a bilbilinna nga it-itedko kadakayo ita nga aldaw ken aramidenyo ti ibagbaga ni Yahweh nga umno nga aramidenyo.

\s5
\c 14
\p
\v 1 Datayo dagiti tattao a kukua ni Yahweh a Diostayo. Isu a no matay dagiti tattao, saanyo nga ipakita nga agledleddaangkayo babaen iti panaglaslas kadagiti bagbagiyo wenno panangkiskis iti buok kadagiti mugingyo a kasla ar-aramiden dagiti dadduma a bunggoy ti tattao.
\v 2 Ni Yahweh laeng ti akinkukua kadatayo. Pinilinatayo ni Yahweh kadagiti amin a bunggoy ti tattao iti rabaw ti daga tapno agbalin a naisangsangayan a tattaona.

\s5
\v 3 Saanyo a kanen ti aniaman a kagurgura ni Yahweh.
\v 4 Dagiti karne ti ayup a naipalubos kanenyo ket dagiti baka, karnero, kalding,
\v 5 amin a kita ti ugsa, gasela, atap a kalding ken karnero iti banbantay.

\s5
\v 6 Dagitoy dagiti ayup a nagpisi ti kukoda ken agngatingat pay.
\v 7 Ngem adda dagiti sabali nga ayup nga agngatingat a saanyo a masapul a kanen. Dagiti kamelyo, kuneho, ken dagiti atap a kuneho. Agngatingatda, ngem saan a nagpisi dagiti kukoda. Isu a saanda a maikari a kanenyo.

\s5
\v 8 Saanyo a kanen dagiti baboy. Saanda a maikari a kanenyo; nagpisi dagiti kukoda, ngem saanda nga agngatingat. Saanyo a kanen ti karne dagitoy nga ayup; saanyo a sagiden uray dagiti bangkayda.

\s5
\v 9 Mapalubosankayo nga agsida iti aniaman a lames nga addaan iti siksik ken pigarna.
\v 10 Ngem masapul a saanyo a kanen ti aniaman a banag nga agbibiag iti danum nga awan pigar ken siksikna, gapu ta saanda a maikari kadakayo.

\s5
\v 11 Mapalubosankayo a mangan iti lasag ti aniaman a billit a maikari kenni Yahweh.
\v 12 Ngem masapul a saanyo a kanen dagiti agila, buitre, agila ti taaw,
\v 13 dagiti kakok, amin a kakitana,

\s5
\v 14 dagiti amin a kita ti uwak ken rabena,
\v 15 ti abestrus, ken ti kullaaw, ti garseta, amin a kita ti wak,
\v 16 amin a kita ti puek,
\v 17 pelikano, buitre a mangan kadagiti natay nga ayup, gabiota,

\s5
\v 18 ken ti tikbaboy, aniaman a kita ti kannaway, ti abubilla, ken ti panniki.
\v 19 Dagiti amin nga insekto a nagpayak ken agkaradap ket saan a maikari kenni Yahweh; saanyo a kanen dagitoy.
\v 20 Ngem maikari a makan dagiti dadduma nga insekto nga adda payyakna.

\s5
\v 21 Saanyo a kanen ti aniaman nga ayup a natay lattan. Mabalinyo a palubosan dagiti ganggannaet nga agnanaed kadakayo a mangan kadagitoy a banbanag, wenno mabalinmo nga ilako dagitoy kadagiti dadduma a ganggannaet. Ngem maibilangkayo a kukua ni Yahweh a Diostayo; dagiti maibilang a kukuana ket saan a mapalubosan nga agsida iti lasag dagiti ayup a saan a naipaaruyot ti darana. Masapul a saanmo nga iluto ti urbon a karnero wenno kalding iti gatas ti inana.

\s5
\v 22 Masapul a mangisinakayo kadagiti apagkapullo iti amin a mula a maapit kadagiti talonyo maminsan iti tunggal tawen.
\v 23 Alaenyo dagitoy iti lugar a pilien ni Yahweh a Diosyo a pagdayawanyo kenkuana. Masapul a kanenyo sadiay ti apagkapullo iti trigoyo, arakyo, lana ti oliboyo, ken ti karne iti inauna nga anak a lalaki ti baka ken karneroyo. Aramidenyo daytoy tapno kankanayon a masursuroyo ti agdayaw kenni Yahweh, ti nangbendision kadakayo babaen iti panangit-itedna kadakayo kadagitoy a banbanag.

\s5
\v 24 No adayo unay ti balayyo ti lugar a pinili ni Yahweh a pagdayawanyo kenkuana, nga agbanag a saanyo a kabaelan nga ipan sadiay dagiti apagkapullo dagiti mulayo a nangbendisionan ni Yahweh kadakayo, aramidenyo daytoy:
\v 25 Ilakoyo ti apagkapullo dagiti mulayo, siaanad a bungonenyo ti kuarta iti lupot, ken itugotyo iti lugar a pagdayawanyo a pinili ni Yahweh.

\s5
\v 26 Sadiay, babaen iti dayta a kuarta, mabalinyo a gatangen ti aniaman a kayatyo—karne iti baka wenno karnero wenno arak wenno dagiti naingel a mainom. Ken sadiay, iti presensia ni Yahweh, dakayo ken dagiti pamiliayo ket rumbeng a mangan ken uminom kadagitoy a banbanag ken agragsakkayonto.
\v 27 Ngem siguradoenyo a saanyo a liwayan a tulongan dagiti kaputotan ni Levi nga agnanaed kadagiti iliyo, gapu ta awanto ti kukuada nga aniaman a daga.

\s5
\v 28 Ti pagleppasan ti tunggal tallo a tawen, iyegyo ti apagkapullo dagiti amin a maapityo iti dayta a tawen ken idulinyo daytoy kadagiti iliyo.
\v 29 Agpaayto dayta a taraon kadagiti kaputotan ni Levi, gapu ta awanto ti bukodda a daga, ken para kadagiti ganggannaet a makipagnanaed kadakayo, kadagiti ulila, ken kadagiti balo nga agnanaed iti iliyo. Mapalubosanda nga umay iti nakaidulinan ti taraon ket alaenda ti kasapulanda. Aramidenyo dayta tapno bendisionannakayo ni Yahweh a Diostayo iti amin nga aramidenyo.

\s5
\c 15
\p
\v 1 Iti pagnagleppas ti tunggal pito a tawen, masapul a lipatenyon amin a pautang.
\v 2 Aramidenyo iti kastoy: Tunggal maysa kadakayo a nagpautang iti kuarta kadagiti padayo nga Israelita ket masapul a lipatenyon dayta a pautang. Saanyo a piliten a pabayadan kenkuana dagitoy. Masapul nga aramidenyo dayta gapu ta impablaak ni Yahweh a masapul a lipatenen dagiti pautang tunggal dumteng iti pito a tawen.
\v 3 Bayat iti dayta a tawen, mabalinyo a singiren kadagiti nautangda dagiti gangannaet a makipagnanaed kadakayo, ngem saan a masapul nga aramidenyo dayta iti padayo nga Israelita.

\s5
\v 4-5 Bendisionannakayonto ni Yahweh a Diostayo iti daga nga it-itedna kadakayo. No agtulnogkayo kenni Yahweh a Diostayo ken agtulnogkayo kadagiti amin a bilbilin nga it-itedko kadakayo ita nga aldaw, awanto iti napanglaw a tattao kadakayo.
\v 6 Bendisionannakayonto ni Yahweh a Diostayo a kas iti inkarina nga aramiden, ken makapautangkayonto iti kuarta kadagiti tattao dagiti dadduma a bunggoy iti tatttao, ngem saanyonto a kasapulan nga umutang iti uray siasino kadakuada. Matengngelyonto ti kuarta dagiti adu a bunggoy ti tattao ngem saandanto a matengngel dagiti kuartayo.

\s5
\v 7 Kadagiti il-ili nga it-ited kadakayo ni Yahweh a Diostayo, no adda aniaman nga Israelita a napanglaw, saankayo nga agim-imut ken saankayo nga agkedked a tumulong kadakuada.
\v 8 Ngem ketdi, naparaburkayo koma a mangted ket pabulodanyo ida iti kuarta a kasapulanda.

\s5
\v 9 Siguradoenyo a saanyo a kunaen iti bagiyo, 'Asidegen ti tawen a pananglipat kadagiti ut-utang, isu a saankon a kayat ita iti agpabulod iti kuarta iti siasinoman, gapu ta saannanton a bayadan no madanon dayta a tawen.' Dakes unay nga uray panunotenyo dayta. No agtignaykayo ti saan a nainggayyeman a wagas iti padayo nga Israelita nga agkasapulan ket awan intedyo kenkuana, umawagto isuna kenni Yahweh a maibusor kadakayo, ket kunaento ni Yahweh a nagbasolkayo iti saanyo a panangtulong iti dayta a tao.
\v 10 Mangtedkayo kadagiti napanglaw a tattao, ket mangtedkayo a naparabur. No aramidenyo iti dayta, bendisionannakayonto ni Yahweh kadagiti amin nga aramidenyo.

\s5
\v 11 Kankanayon nga addanto napanglaw a tattao iti dagayo, bilinenkayo ngarud a mangtedkayo a sipaparabur kadagiti napanglaw a tattao, kadagiti padayo nga Israelita.

\s5
\v 12 No ilako ti siasinoman a padayo nga Israelita a lalaki wenno babai dagiti bagbagida iti maysa kadakayo tapno agbalin a tagabuyo, masapul a wayawayaanyo ida kalpasan nga agtrabahoda kadakayo iti innem a tawen. Inton madanon iti maikapito a tawen, masapul a wayawayaanyo ida.
\v 13 No wayawayaanyo ida, saanyo a palubosan a mapanda nga ima-ima.
\v 14 Ngem ketdi, ikkanyo ida a sipaparabur manipud kadagiti banbanag a nangbendisionan ni Yahweh kadakayo— dagiti karnero, dagiti bukel, ken dagiti arak.

\s5
\v 15 Diyo liplipatan a naminsan nga adipen idi dagiti kapuonanyo idiay Egipto ket winayawayaan ida ni Yahweh a Diostayo. Dayta iti makagapu a bilbilinenkayo ita nga aramidenyo daytoy.
\v 16 Ngem mabalin a kunaen ti maysa kadagiti tagabuyo, 'Saanko a kayat a panawankayo.' Mabalin nga ay-ayatennakayo ken ti pamiliayo gapu ta nasayaat iti panangtratoyo kenkuana.
\v 17 No ibagana dayta, ipanyo isuna iti ridaw ti balayyo ket bayat a nakatakder iti pagnaan, abutanyo ti maysa a piditpiditna iti kulokol. Daytanto iti pakakitaan nga adipenyo isuna iti amin a panagbiagna. Kasta met laeng iti aramidenyo iti siasinoman a babai a tagabu a saannakayo a kayat a panawan.

\s5
\v 18 Saankayo nga agtanabutob no dumteng iti tiempo a wayawayaanyo ti tagabuyo. Panunotenyo a nagserbida kadayo iti innem a tawen, ket ti kaguddua a tangdan laeng iti maysa a tao ti naitedyo kadakuada. No wayawayaanyo ida, bendisionannakayonto ni Yahweh a Diostayo iti amin nga aramidenyo.

\s5
\v 19 Ilasinyo ti maipaay a pammadayaw kenni Yahweh a Diostayo dagiti inauna a kalakian nga ayup manipud kadagiti baka ken karneroyo. Saanyo ida a piliten nga agtrabaho a maipaay kadakayo, ken saanyo a pukisan ti dutdot dagiti inauna nga ayup.
\v 20 Dakayo ken iti pamiliayo masapul a partienyo dagitoy ket kanenyo dagiti karneda iti presensia ni Yahweh iti lugar a pilienna a maipaay kadakayo nga agdaydayaw kenkuana.
\v 21 Ngem no adda iti aniaman a depektona dagiti ayup, no pilay dagitoy, bulsek, wenno addaan dagitoy iti aniaman a nakaro a depekto, masapul a saanyonto nga idaton dagitoy kenni Yahweh a Diostayo.

\s5
\v 22 Mabalinyo a partien ken kanen ti karne dagitoy nga ayup kadagiti iliyo. Dagiti nakaaramid kadagiti banbanag nga isu ti makagapu a saan a maikari iti Dios ken dagiti saan a nakaaramid kadagiti kasta a banbanag ket mapalubosan a mangan iti dayta a karne, kasla iti siasinoman a mapalubosan a mangan iti karne ti maysa a gasela wenno ugsa.
\v 23 Ngem masapul a saankayo a mangan iti aniaman a dara; masapul nga ipaaruyotyo amin a dara iti daga no partienyo dagitoy nga ayup.

\s5
\c 16
\p
\v 1 Dayawenyo ni Yahweh a Diostayo iti tunggal tawen babaen iti panangramrambakyo iti Fiesta ti Ilalabas iti masapa a panagrurusing dagiti uggot iti bulan ti Abib. Rabii idi daytoy iti dayta a bulan nga inispal ni Yahweh dagiti kapuonanyo manipud Egipto.
\v 2 Tapno marambakanyo dayta a fiesta, mapankayo iti disso a piliento ni Yahweh a pagdaydayawanyo kenkuana, ken mangidatonkayo idiay iti maysa nga urbon nga ayup manipud kadagiti bakayo wenno kadagiti karneroyo nga agbalin a daton iti Ilalabas.

\s5
\v 3 Inton kanenyo ti taraon ti Ilalabas, masapul nga awan iti lebadurana ti kanenyo a tinapay. Masapul a kanenyo daytoy a kita ti tinapay a maawagan iti Tinapay iti Panagsagaba iti las-ud iti pito nga aldaw. Daytoy ket tapno tulongannakayo a manglagip amin bayat ti tiempo a sibibiagkayo nga idi pinanawan dagiti kapuonanyo ti Egipto, a nagsagsagabada gapu ta adipenda idi, pimmanawda a nagdardaras unay. Awan ti tiempoda a mangikabil iti lebadura ken manguray a bumlad iti namasa.
\v 4 Bayat dayta a fiesta, nga agbayag iti las-ud iti pito nga aldaw, masapul nga awan iti aniaman a lebadurayo iti aniaman a balay iti dagayo. Maysa pay, masapul a kanenyo bayat iti dayta a rabii ti karne ti ayup nga idatonyo iti rabii iti umuna nga aldaw iti Fiesta iti Ilalabas; saanyo nga ipalubosyo nga adda matidda iti daytoy agingga iti sumaruno nga aldaw.

\s5
\v 5-6 Tapno padayawan ni Yahweh a Diostayo, masapul nga idatonyo laeng ti sakripisio ti Ilalabas iti lugar a pilienna a pagdaydayawanyo kenkuana; saanyo nga idaton dayta a sakripisio iti aniaman a sabali nga ili iti daga nga it-ted ni Yahweh kadakayo. Idatonyo dayta a sakripisio inton lumlumnek ti init, iti isu met laeng nga aldaw a nangrugi a pumanaw dagiti kapuonanyo manipud Egipto.

\s5
\v 7 Ilambongyo ti karne ket kanenyo daytoy iti lugar a pagdaydayawan a pilien ni Yahweh a Diostayo. Iti sumaruno nga agsapa, mabalinyo iti agsubli kadagiti toldayo.
\v 8 Masapul nga awan ti lebadurana ti tinapay a kanenyo iti tunggal aldaw iti las-ud iti innem nga aldaw. Iti maikapito nga aldaw, masapul nga aguummongkayo amin tapno agdaydayaw kenni Yahweh a Diostayo. Aldawto daytoy iti panaginana, masapul a saankayo nga agtrabaho iti dayta nga aldaw.

\s5
\v 9 Iti tunggal tawen, mangbilangkayo iti pito a lawas manipud iti aldaw a panangrugiyo a mangapit kadagiti bukbukelyo.
\v 10 Ket, tapno idaydayawyo ni Yahweh a Diostayo, rambakanyo ti Fiesta ti Pentecostes. Aramidenyo dayta babaen iti panangiyegyo kenkuana iti bukel a daton. Binendisionannakayo ni Yahweh babaen iti panangpadakkelna kadagitoy iti kataltalonanyo bayat iti dayta a tawen. No adu ti naapity, o mangiyegkayo iti adu a daton. No bassit ti naapityo, mangiyegkayo iti bassit a daton.

\s5
\v 11 Naragsak koma ti tunggal agassawa iti presensia ni Yahweh. Dagiti annakda, dagiti adipenda, dagiti kaputotan ni Levi nga adda iti dayta nga ili, ken dagiti ganggannaet, dagiti ulila, ken dagiti balo a makipagnanaed kadakayo, masapul a naragsakda met. Iyegyo dagitoy a datdaton iti lugar a pagdaydayawan a piliento ni Yahweh.
\v 12 Inton rambakanyo dagitoy a Fiesta babaen iti panagtulnogyo kadagitoy a bilbilin, laglagipenyo a natagabu dagiti kapuonanyo idiay Egipto.

\s5
\v 13 Iti tunggal tawen, kalpasan a mairikyo dagiti amin bukbukel ken mapespesyo dagiti tubbog dagiti amin nga ubasyo, masapul a rambakanyo ti Fiesta dagiti Abong-abong iti las-ud iti pito nga aldaw.
\v 14 Tunggal agassawa agraman dagiti annakda, dagiti adipenda, dagiti kaputotan ni Levi nga adda iti dayta nga ili, ken dagiti ganggannaet, dagiti ulila, ken dagiti balo a makipagnanaed kadakayo, rumbeng a narag-oda iti presensia ni Yahweh.

\s5
\v 15 Dayawenyo ni Yahweh a Diostayo babaen iti panangrambakyo iti daytoy a Fiesta iti las-ud iti pito nga aldaw iti lugar a pilienna a pangrukbabanyo kenkuana. Masapul a naragsakkayo amin, gapu ta benendisionan ni Yahweh dagiti ap-apityo ken dagiti amin a dadduma a trabaho a naaramidyo.

\s5
\v 16 Ngarud, iti tunggal tawen, aminkayo a lallaki nga Israelita ket masapul nga aguummongkayo agraman dagiti pamiliayo tapno agdaydayaw kenni Yahweh a Diostayo iti lugar a piliennanto, tapno rambakanyo dagiti tallo a fiesta: Ti Fiesta iti Tinapay nga awan ti Lebadurana, ti Fiesta ti Pentecostes, ken ti Fiesta ti Abong-abong. Awan koma iti umay iti sangaonan ni Yahweh nga awan iti datonna. Masapul a mangiyeg ti tunggal maysa kadakayo a lallaki iti daton a maipaay kenni Yahweh kadagitoy a fiesta
\v 17 iti maitutop kadagiti bendision nga inted ni Yahweh kenkuana bayat iti dayta a tawen.

\s5
\v 18 Mangdutokkayo kadagiti ukom ken dadduma nga opisial kadagiti amin a tribuyo, kadagiti amin nga il-ili iti daga nga it-ited kadakayo ni Yahweh a Diostayo. Masapul nga ukomenda dagiti tattao nga awan iti panangidumduma.
\v 19 Masapul a saanda a mangukom iti saan a nainkalintegan. Masapul a saanda nga ay-ayunan ti maysa a tao ngem iti sabali. Masapul a saan nga umawat iti pasuksok dagiti ukom, uray no masirib ken napudno isuna, narigatton unay kenkuana ti mangukom iti patas; aramidennanto ti kayat nga ipaaramid ti tao a nangted iti pasuksok kenkuana ken ipablaakna a masapul a madusa ti tao nga awan basolna.
\v 20 Masapul a naan-anay a patas ken nalintegkayo, tapno agbiagkayo iti atiddog unay a mangsakup iti daga nga it-ited kadakayo ni Yahweh a Diostayo.

\s5
\v 21 Inton agaramidkayo iti altar tapno idaydayawyo ni Yahweh a Diostayo, saankayo a mangikabil iti abay daytoy iti uray ania a poste a kayo a mangibagbagi kenni Asherra a didiosen.
\v 22 Ken saankayo a mangipatakder iti aniaman nga adigi a bato tapno pagdaydayawan kadagiti aniaman a didiosen, gapu ta kagurgura ni Yahweh dagitoy.

\s5
\c 17
\p
\v 1 Saankayo nga agidaton kenni Yahweh a Diostayo kadagiti baka, wenno karnero wenno kadagiti kalding nga adda iti aniaman a depektona, agsipud ta karimon ni Yahweh ti kasta a kita ti sagut.

\s5
\v 2 Inton agnanaedkayo iti sadinoman nga ili iti daga nga it-ited kadakayo ni Yahweh a Diostayo, no bilang ta agbasol ti sumagmamano a lalaki wenno babai babaen iti saanna a panagtulnog iti nakitulagan ni Yahweh kadakayo.
\v 3 No bilang ta nagrukbab ken nagruknoy dayta a tao kadagiti dadduma a dios, wenno iti init, wenno iti bulan, wenno dagiti bituen.
\v 4 No ibagbaga ti maysa a tao kadakayo nga ar-aramiden dayta ti sumagmamano a tao, masapul a sukimatenyo daytoy a nasayaat tapno makita no napasamak idiay Israel daytoy a nakarimrimon a banag.

\s5
\v 5 No napasamak daytoy, masapul ngarud nga iruaryo iti ili ti lalaki wenno babai a nangaramid iti daytoy. Ket masapul a papatayenyo dayta a tao babaen iti panangbato kenkuana.
\v 6 Ngem mapalubosankayo laeng a mangpatay iti kasta a tao no adda uray dua a saksi a mangpaneknek a nakitada nga ar-aramidenda dayta. Masapul a saanda a mapapatay no adda maysa laeng a saksi.
\v 7 Masapul a batoen dagiti saksi ti tao a nakabasol. Ket kalpasanna, batoen dagiti dadduma a tattao agingga a matay ti tao. Babaen iti panangaramidyo iti dayta, maikkatyo daytoy dakes nga aramid manipud kadakayo.

\s5
\v 8 No maminsan narigat unay para ti maysa nga ukom ti mangikeddeng iti pudno a napasamak. Mabalin a padpadasenna a mangeddeng, no dinangran wenno pinatay ti maysa a tao ti sabali a tao, inaramid dayta a tao a saanna nga ingagara wenno ingagarana. Wenno mabalin a padpadasenna a mangikeddeng no adda iti mangipan ti maysa a tao iti pangukoman a saan a nainkalintegan. No narigat unay nga ammoen ti pudno a napasamak iti sadinoman nga ili, ken no saan a makaikeddeng ti ukom iti daytoy, rumbeng a mapankayo iti lugar a pinili ni Yahweh a Diostayo a pagdaydayawan kenkuana.
\v 9 Iparangyo sadiay ti kaso kadagiti kaputotan ni Levi a papadi, ken iti ukom nga agserserbi iti dayta a tiempo, ket ikeddengda ti rumbeng nga aramiden.

\s5
\v 10 Kalpasan a makaikeddengda, masapul nga aramidenyo ti imbagada kadakayo nga aramidenyo.
\v 11 Awatenyo dagiti inkeddengda, ket aramidenyo dagiti imbagada kadakayo a rumbeng nga aramidenyo. Saanyo a padasen a baliwan iti aniaman a wagas nga inkeddengda.

\s5
\v 12 Masapul a papatayenyo ti siasinoman a sipapalangguad a mangsukir iti ukom wenno iti padi nga agtaktakder sadiay iti sangoanan ni Yahweh ken mangikedkeddeng iti rumbeng a maaramid. Babaen iti panangaramidyo iti dayta, maikkatyonto ti dakes nga aramid kadakayo.
\v 13 Ket kalpasan a mapapatay dayta a tao, mangngeganto dagiti amin a tattao iti maipapan daytoy, ket agbutengdanto, ket awanton ti agtignay iti kasta a wagas kadakuada.

\s5
\v 14 Ammok a kalpasan a masakupyo ti daga nga it-ited kadakayo ni Yahweh a Diosyo, ken agnaedkayon sadiay, kunaenyonto, 'Masapul nga adda iti ari a mangituray kadatayo, a kasla kadagiti ari nga adda kadagiti sabali a nasion nga adda iti aglawlawtayo.
\v 15 Ipalubosto ni Yahweh a Diostayo a maaddaankayo iti ari, ngem siguradoenyo a mangdutokkayo iti maysa a tao a pinilina. Masapul nga Israelita dayta a tao; masapul a saankayo a mangdutok iti maysa a tao a ganggannaet nga agbalin nga ariyo.

\s5
\v 16 Kalpasan nga agbalin isuna nga ari, rumbeng a saanna a tarigagayan ti dakkel a bilang dagiti kabalio para kenkuana. Rumbeng a saan a mangibaon kadagiti tattao a mapan gumatang iti kabalio idiay Egipto a maipaay kenkuana, gapu ta kinuna ni Yahweh kadakayo, 'Saankayo pulos nga agsubli idiay Egipto para iti aniaman a banbanag!'
\v 17 Ken masapul a saan isuna a maaddaan iti adu nga asawa, gapu ta no inaramidna dayta, iyadayoda isuna iti panagdaydayawna kenni Yahweh laeng. Ken masapul a saan isuna nga agurnong iti adu a pirak ken balitok.

\s5
\v 18 Inton agbalinen isuna nga ariyo, masapul a mangdutok isuna iti maysa a tao a mangkopia kadagitoy a linteg. Masapul a kopiaenna dagitoy manipud iti nalukot a pagbasaan nga indulin dagiti papadi a nagtaud kenni Levi.
\v 19 Masapul nga idulinna daytoy a baro a nalukot a pagbasaan iti asidegna ken basaenna daytoy iti tunggal aldaw iti panagbiagna, tapno masursurona ti maaddaan iti panagraem kenni Yahweh ken tapno sipupudno a pagtulnoganna dagiti amin nga alagaden ken annuroten a naisurat kadagitoy a linlinteg.

\s5
\v 20 No aramidenna dayta, saannanto a panunoten a napatpateg isuna ngem kadagiti padana nga Israelita, ken naan-anayto a tungpalenna dagiti bilbilin ni Yahweh. Agbanag nga agturayto isuna ken dagiti kaputotanna a kas ar-ari iti Israel iti las-ud iti adu a taw-tawen."

\s5
\c 18
\p
\v 1 Saanto nga umawat iti aniaman a daga iti Israel dagiti papadi, nga agtaud iti amin a tribu ni Levi. Ngem ketdi, umawatdanto iti sumagmamano kadagiti taraon nga idaton dagiti dadduma a tattao tapno maipuor iti altar a maidaton kenni Yahweh ken sumagmamano kadagiti dadduma a daton a maisagut kenni Yahweh.
\v 2 Saandanto a maibingayan iti aniaman a daga a kaslanto kadagiti dadduma a tribu. Ti awatendanto ket ti dayaw iti panagbalinda a kas papadi ni Yahweh, nga isu ti imbagana a masapul nga adda kadakuada.

\s5
\v 3 Inton mangiyeg dagiti tattao iti maysa a baka wenno maysa a karnero a maidaton, masapul nga itedda kadagiti papadi ti abaga, dagiti pingping, ken ti tian dagitoy nga ayup.
\v 4 Masapul nga itedyo met kadakuada dagiti umuna a paset ti trigo nga apitenyo, ken ti umuna a paset ti arak nga aramidenyo, ken umuna a paset ti lana ti olibo nga aramidenyo, ken ti umuna a paset ti nalamuyot a dutdot manipud iti karnero a pinukisanyo.
\v 5 Masapul nga aramidenyo daytoy gapu ta pinili ni Yahweh a Diostayo ti tribu ni Levi manipud kadagiti amin a tribuyo, tapno isuda ti agbalin manipud dayta a tribu iti kankanayon a papadi nga agserbi kenkuana.

\s5
\v 6 No adda siasinoman a tao manipud iti tribu ni Levi a nagnanaed iti maysa kadagiti il-ili ti Israel a manipud sadiay kayatna ti mapan iti lugar a pagdaydayawan a pinili ni Yahweh, ket mangrugi nga agnaed sadiay,
\v 7 mapalubosan isuna nga agserbi kenni Yahweh sadiay a kas maysa a padi, a kasla kadagiti dadduma a tattao a nagtaud iti tribu ni Levi nga agserserbi sadiay.
\v 8 Masapul a maikkan isuna iti isu met laeng a gatad iti taraon a kas iti aw-awaten dagiti dadduma a papadi. Mapalubosan isuna a mangidulin iti kuarta nga awaten dagiti kakabagianna iti panangilakoda kadagiti sumagmamano a sanikuada ken maipatulod kenkuana.

\s5
\v 9 Inton serrekenyo ti daga nga it-ited kadakayo ni Yahweh a Diostayo, masapul a saanyo a tultuladen dagiti makarimon a banbanag nga ar-aramiden ita dagiti bunggoy dagiti tattao nga adda sadiay.
\v 10 Masapul a saankayo a mangidaton iti siasinoman kadagiti annakyo babaen iti panangipuoryo kadakuada iti rabaw dagiti altaryo. Saanyo a padasen ti mangusar iti naidumduma a pannakabalin a mangammo ti mapasamakto iti masakbayan. Saanyo a padasen ti mangusar iti salamangka a mangammo ti mapasamakto iti masakbayan. Saanyo nga ipatarus dagiti sirmata tapno ammoenyo ti mapasamakto. Saanyo nga aramiden ti panaggamod. Saanyo nga ilabeg dagiti tattao.
\v 11 Saanyo a padasen ti makisao kadagiti espiritu ti natay a tattao. Saankayo nga agsalamangka.

\s5
\v 12 Kagurgura ni Yahweh dagiti tattao nga agaramid kadagitoy a makarimon a banbanag. Ket kas sumungadkayo iti dayta a daga, papanawenna dagiti bunggoy dagiti tattao gapu ta ar-aramidenda dagitoy a makarimon a banbanag.
\v 13 Ngem masapul a kankanayon a napudnokayo kenni Yahweh ken liklikanyo ti agaramid iti aniaman kadagitoy a makarimon a banbanag.
\v 14 Dagiti bunggoy dagiti tattao a dandaniyon pagtalawen manipud iti daga a tagikuaenyonto ket makium-umanda kadagiti mammuyon ken agar-aramid dagitoy iti panagpadto. Ngem no maipapan kadakayo, saan nga ipalubos ni Yahweh a Diostayo nga aramidenyo dagita.

\s5
\v 15 Addanto aldaw a mangibaon isuna iti propeta nga agtaud kadakayo a kas kaniak. Ibagananto kadakayo ti mapasamak iti masakbayan, ket masapul nga agtulnogkayo kenkuana.
\v 16 Iti aldaw a naummong dagiti kapuonanyo idiay sakaanan ti Bantay Sinai, nagpakaasida kaniak a kunkunada, 'Saanmi a kayat nga agsao manen ni Yahweh kadakami, ken saanmi a kayat a makita ti dakkel nga apuy a sumsumged idiay bantay!' Imbaga dagiti kapuonanyo dayta gapu ta mabutengda nga amangan no matayda no agsao manen ni Yahweh kadakuada.

\s5
\v 17 Ket kinuna ni Yahweh kaniak, 'Pudno ti imbagada.
\v 18 Mangibaonakto ngarud iti maysa a propeta manipud kadakuada a kasla kenka. Ibagakto kenkuana dagiti sawenna, ken kalpasanna ibagananto kadagiti tattao amin a banbanag nga ibagak kenkuana a sawenna.
\v 19 Agsaonto isuna para kaniak. Ket dusaekto ti siasinoman a saan a dumngeg iti ibagbagana.

\s5
\v 20 Ngem no siasinoman a tao iti mangibaga a maysa a propeta isuna ken situturedna nga isao iti mensahe a siuulbod nga ibagbagana a naggapu kaniak ngem saanko nga imbaga kenkuana nga isaona, wenno siasinoman a mangisao iti mensahe nga ibagana nga impaduyakyak dagiti sabali a dios kenkuana, masapul a mapapatay isuna iti panangaramidna iti dayta.
\v 21 Ngem nalabit a kunaenyo iti bagiyo, 'Kasano a maammoanmi a saan a naggapu kenni Yahweh ti mensahe nga ibagbaga ti maysa a tao kadakami?

\s5
\v 22 Ti sungbat ket no isasao ti maysa a tao iti mensahe maipapan iti mapasamakto iti masakbayan, ti mensahe nga ibagbagana ket impakaammo ni Yahweh, no saan a mapasamak ti ibagbagana, maammoanyonto a saan a naggapu kenni Yahweh ti mensahe. Sibibiddut a binigbig dayta a tao nga impakaammo kenkuana ni Yahweh daytoy. Saan ngarud a masapul nga agbutengkayo iti aniaman nga ibagana.

\s5
\c 19
\p
\v 1 Kalpasan a dadaelen ni Yahweh a Diostayo dagiti bunggoy dagiti tattao iti daga nga it-itedna kadakayo, ken kalpasan a mapagtalawyo ida kadagiti siudadda ket rugianyo ti agnaed kadagiti babbalayda,
\v 2-3 masapul a bingayenyo iti tallo a paset ti daga nga it-itedna kadakayo. Ket mangpilikayo iti siudad iti tunggal paset. Masapul a mangaramidkayo kadagiti nasayaat a dalan tapno nalaklaka a makadanon dagiti tattao kadagitoy a siudad. Mabalin nga agkamang iti maysa kadagitoy a siudad ti maysa a tao a nakapatay iti sabali a tao tapno natalgedto isuna.

\s5
\v 4 Daytoy ti paglintegan maipanggep iti maysa a tao a nakapatay iti sabali a tao. No saan nga igagara ti maysa a tao iti makapatay iti sabali a tao a saanna a kabusor, mabalinna ti agkamang iti maysa kadagitoy a siudad ket natalgedto isuna.
\v 5 Kas pangarigan, no mapan ti dua a lallaki iti kabakiran tapno agpukan kadagiti kayo, no nauksot ti ulo ti wasay manipud iti putanna bayat nga agpukpukan ti maysa kadakuada iti kayo ket timmama ti ulo iti wasay iti maysa a lalaki ket natay, mapalubosan ti lalaki a mangus-usar iti wasay nga agkamang iti maysa kadagitoy a siudad ket natalgedto isuna sadiay, gapu ta salaknibanto isuna dagiti tattao iti dayta a siudad.

\s5
\v 6 Gapu ta saanna nga inggagara ti nakapatay iti maysa a tao, ken gapu ta saanna a kabusor dayta a tao, mabalinna ti agkamang iti maysa kadagitoy a siudad. No adda laeng iti maysa a siudad, mabalin nga adayo unay daytoy iti dayta a siudad. Ket no agibales ti kabagian ti tao a napapatay, ket nakaro ti ungetna, mabalinna a matiliw dayta a tao sakbay a makasangpet iti dayta a siudad.
\v 7 Ngarud, itedko kadakayo daytoy a bilin, a mangpilikayo iti tallo a siudad para iti daytoy a panggep.

\s5
\v 8-9 No aramidenyo amin nga ibilbilinko kadakayo ita nga aldaw, ken no ayatenyo ni Yahweh a Diostayo, ken no idalanyo dagiti biagyo a kas iti kayatna nga aramidenyo, ikkannakayonto ni Yahweh a Diostayo iti ad-adu pay a daga ngem iti matagikuayonto inton sakupenyo nga umuna daytoy, nga isu ti inkarina nga aramidenna. Itednanto amin a daga nga inkarina kadagiti kapuonanyo nga itedna kadakayo. Inton itedna kadakayo dayta a daga, masapul a mangpilikayo iti tallo pay a siudad a mabalin a pagkamangan dagiti tattao.
\v 10 Aramidenyo daytoy tapno saan a matay dagiti tattao a saan a nakabasol, ket saankayonto a makabasol iti panangipalubosyo a mapapatayda, iti daga nga it-ited ni Yahweh kadakayo.

\s5
\v 11 Ngem kas pangarigan ta kagurgura ti maysa a tao ti kabusorna ket aglemlemmeng ken ur-urayenna dayta a tao a magna iti dalan. Ket inton lumabas isuna, dagdagusna a darupen ken patayen isuna. No agkamang ti dimmarup iti maysa kadagitoy a siudad tapno masalakniban sadiay,
\v 12 dagiti panglakayen iti siudad a nagnaedan ti napapatay a tao ket masapul a saanda a salakniban ti dimmarup. Masapul a mangibaonda ti mapan mangala iti dimmarup a tao iti siudad a nagkamanganna tapno makaibales, tapno mabalinna a papatayen dayta a tao.
\v 13 Masapul a saanyo a kaasian dagiti pumatay iti sabali a tao! Ngem ketdi, masapul a papatayenyo ida, tapno saanto a madusa dagiti tattao iti daga ti Israel gapu iti panagpapatay iti awan basolna a tattao, ken tapno sumayaatto amin a banbanag para kadakayo.

\s5
\v 14 Inton agnanaedkayo iti daga nga it-ited ni Yahweh a Diostayo kadakayo, saanyo nga iyakar dagiti mohon dagiti beddeng ti sanikua ti kaarrubayo a naikabil iti nabayagen a panawen.

\s5
\v 15 No naakusaran ti maysa a tao iti panagaramid iti krimen, kuna ti maysa a tao, 'Nakitak nga ar-aramidenna daytoy' ket saan nga umdas daytoy tapno mapaneknekan a nakabasol isuna. Masapul nga adda iti uray dua a tattao nga agkuna, 'Nakitami nga ar-aramidenna daytoy.' No adda laeng iti maysa a saksi, masapul a saan a mamati ti ukom a pudno ti ibagbagana.
\v 16 Wenno kas pangarigan ta pinadas ti maysa a tao a pagaramidan iti dakes ti sabali a tao babaen iti siuulbod a panangakusar kenkuana.

\s5
\v 17 Masapul ngarud a mapanda a dua iti lugar a pagdaydayawan dagiti tattao, tapno makisarita kadagiti papadi ken uk-ukom nga agserserbi iti dayta a tiempo.
\v 18 Masapul nga usigen a naimbag dagiti ukom iti kaso. No naammoan dagiti ukom a siuulbod nga inakusaran ti maysa kadakuada ti sabali,
\v 19 masapul a madusa dayta a tao iti isu met laeng a wagas a maidusa koma iti maysa no inkeddeng dagiti ukom a nakabasol isuna. Babaen iti panangdusa iti kasta a tattao, maikkatyonto daytoy a dakes nga aramid kadakayo.

\s5
\v 20 Ket inton madusa dayta a tao, mangngegto iti amin ti napasamak, ket agbutengdanto, ket awanto iti makaitured nga agtignay iti kasta a wagas ni kaanoman.
\v 21 Masapul a saanyo a kaasian ti tao a nadusa iti kasla iti dayta. Ti paglintegan ket masapul a mapapatay ti tao a pimmatay iti maysa a tao; masapul a suaten ti maysa kadagiti mata ti tao no sinuatna ti mata ti maysa a tao, masapul a mapusi ti maysa a ngipen ti tao a nangpusi iti ngipen ti sabali a tao; masapul a maputed met ti maysa nga ima ti tao a nangputed iti maysa nga ima ti sabali a tao; masapul a maputed ti maysa a saka ti tao a nangputed iti maysa a saka ti sabali a tao.

\s5
\c 20
\p
\v 1 Inton mapan makiranget dagiti soldadoyo kadagiti kabusoryo, ket makitayo nga addaanda kadagiti adu a kabalio ken lugan a pakigubat ken ad-adu dagiti soldadoda ngem kadakayo, saankayo nga agbuteng kadakuada, gapu ta kadduanakayonto ni Yahweh a Diosyo, a nangirruar a sitatalged kadakayo manipud Egipto.

\s5
\v 2 Inton nakasaganakayon a makigubat, masapul nga agtakder ti kangatoan a padi iti sangoanan dagiti buybuyot.
\v 3 Masapul a kunaenna kadakuada, 'Dakayo nga Israelita, Denggendak! Ita nga aldaw, mapankayo makiranget kadagiti kabusoryo. Saankayo a maupay wenno agbuteng,
\v 4 gapu ta kumuyogto ni Yahweh a Diostayo kadakayo. Makirangetto isuna kadagiti kabusoryo para kadakayo, ken ipalubosnanto a maparmekyo ida.’

\s5
\v 5 Ket masapul a kunaen dagiti opisial ti armada kadagiti buybuyot, 'No adda kadakayo ti kaipatpatakderna ti baro a balayna ket saanna pay a naidaton daytoy iti Dios, nasken nga agawid isuna ket idatonna ti balay. No saanna nga aramiden dayta, no matay isuna iti paggugubatan, sabalinto ti mangidaton iti balay ken agnaed iti daytoy.

\s5
\v 6 No adda kadakayo ti nagmula iti kaubasan ket saanna pay a naapit ti uray ania kadagiti ubas manipud iti daytoy, nasken nga agawid isuna. No agtalinaed isuna ditoy ket matay iti paggugubatan, sabalinto ti mangapit kadagiti ubas ket ragsakenna ti arak a naaramid kadagitoy.
\v 7 No adda kadakayo ti naitulag a makiasawa iti maysa a babai ngem saanna pay a naasawa isuna, nasken nga agawid isuna. No agtalinaed isuna ditoy ket matay iti paggugubatan, sabalinto ti mangasawa iti babai.'

\s5
\v 8 Ket masapul a kunaen pay dagiti opisial, 'No adda kadakayo kadakayo ti mabuteng ken maup-upay, nasken nga agawid isuna, tapno saanna met a patakruten dagiti padana a soldado.'
\v 9 Inton malpas nga agsasao dagiti opisial kadagiti buybuyot, masapul a mangdutokda kadagiti mangidaulo kadakuada.

\s5
\v 10 Inton mapanyo darupen ti maysa a siudad nga adayo, ibagayo nga umuna kadagiti tattao sadiay a no sumukoda, saanyo ida a darupen.
\v 11 No lukatanda dagiti ruangan ti siudadda ket sumukoda, agbalindanto amin a tagabuyo nga agtrabaho para kadakayo.

\s5
\v 12 Ngem no agkedkedda a sikakappia a sumuko ket ikeddengda ketdi a makiranget kadakayo, masapul a lawlawen dagiti buybuyotyo ti siudad ket rebbaenyo dagiti paderda.
\v 13 Ket inton ipalubos ni Yahweh a Diostayo a masakupyo ti siudad, masapul a papatayenyo amin a lallaki iti siudad.

\s5
\v 14 Ngem mapalubosankayo a mangala kadagiti babbai a para kadakayo, dagiti ubbing, dagiti taraken, ken amin a banbanag a kayatyo nga alaen manipud iti siudad. Mapalubosankayonto a ragsakenyo dagiti amin a banbanag a kukua dagiti kabusoryo, dagiti banbanag nga inted ni Yahweh a Diostayo kadakayo.
\v 15 Nasken nga aramidenyo dayta iti amin a siudad nga adayo manipud iti daga a pagnaedanyonto.

\s5
\v 16 Ngem kadagiti siudad nga adda iti daga nga it-ited ni Yahweh a Diostayo kadakayo iti agnanayon, masapul a papatayenyo dagiti amin a tattao ken ay-ayup.
\v 17 Masapul a naan-anay a pukawenyo amin ida. Pukawenyo dagiti bunggoy dagiti tattao, a Heteo, Amorreo, Cananeo, Perezeo, Heveo, ken Jebuseo; dayta ti imbilin ni Yahweh a Diostayo kadakayo nga aramidenyo.
\v 18 No saanyo nga aramiden dayta, suroandakayonto nga agbasol kenni Yahweh a Diostayo ket aramidenyo dagiti makarimon a banbanag nga ar-aramidenda no agdaydayawda kadagiti diosda.

\s5
\v 19 No lawlawenyo ti maysa a siudad iti nabayag a tiempo, a padpadasenyo a sakupen daytoy, saanyo a pukanen dagiti agbunga a kaykayo iti ruar ti siudad. Mapalubosankayo a mangan iti bunga dagiti kaykayo, ngem saanyo a dadaelen dagiti kaykayo, gapu ta saan a dagitoy dagiti kabusoryo.
\v 20 Mapalubosankayo a mangpukan kadagiti sabali a kaykayo ket usarenyo dagiti kaykayo nga agaramid kadagiti agdan ken tore tapno makaballasiwkayo kadagiti pader ket masakupyo ti siudad."

\s5
\c 21
\p
\v 1 “Kas pangarigan ta adda ti napapatay iti talon iti daga nga it-ited ni Yahweh a Diostayo kadakayo, ket saanyo nga ammo ti pimmatay iti dayta a tao,
\v 2 no mapasamak dayta, masapul a mapan dagiti panglakayen ken ukomyo iti nakasarakan iti bangkay dayta a tao ket rukodenda ti kaadayo manipud sadiay agingga iti tunggal kabangibang nga il-ili.

\s5
\v 3 Ket dagiti panglakayen iti kaasitgan nga ili ket masapul a mangpili iti urbon a baka a saan pay a pulos a naaramat nga agtrabaho.
\v 4 Masapul nga ipanda daytoy iti lugar nga asideg iti waig a saan pay a pulos a naarado ken namulaan ti daga daytoy. Masapul a tukkolenda sadiay ti tengnged daytoy.

\s5
\v 5 Masapul a mapan met dagiti papadi sadiay, gapu ta pinili ida ni Yahweh a Diostayo manipud iti tribu ni Levi nga agserbi kenkuana ken mangibagi kenkuana no mangbendissionda kadagiti tattao. Ken pinilina pay ida tapno mangurnos kadagiti riri no adda ti nadangran.

\s5
\v 6 Masapul a buggoan dagiti panglakayen iti kaasitgan nga ili dagiti imada iti rabaw ti urbon a baka a natukkol ti tengngedna idiay tanap,
\v 7 ket masapul a kunaenda, 'Saanmi a pinapatay daytoy a tao, ken saanmi a nakita no siasino ti nangaramid iti daytoy.

\s5
\v 8 O Yahweh, pakawanennakami nga Israelita nga inispalmo manipud Egipto. Saannakami nga ibilang a nagbasol. Ngem ketdi, pakawanennakami.'
\v 9 Babaen iti panagar-aramid iti dayta, ar-aramidenyonto ti ibilbilang ni Yahweh a nalinteg, ket saankayonton a maibilang a nagbasol iti pammapatay iti dayta a tao.

\s5
\v 10 Inton mapan makiranget dagiti soldadoyo kadagiti kabusoryo, ken ikkannakayo ni Yahweh a Diostayo iti kabaelan a mangparmek kadakuada, ket agbalinda a baludyo,
\v 11 mabalin a makakita ti maysa kadakayo iti napintas a babai a kayatna kadakuada, ket kayatna nga asawaen isuna.
\v 12 Masapul nga iyawidna isuna iti balayna, ket sadiay masapul a kuskosan ti babai dagiti amin a buok ti ulona ken agikuko isuna tapno mangipakita a saanen isuna a maibilang iti bunggoy dagiti tattaona ni kaanoman, ngem ketdi, agbalin isuna nga Israelita.

\s5
\v 13 Masapul nga ussobenna dagiti pagan-anay a suotna idi natiliw isuna, ket isuotna dagiti pagan-anay ti Israelita. Masapul nga agtalinaed isuna iti dayta a balay ti lalaki ken agladingit iti maysa a bulan gapu iti panangpanawna kadagiti nagannakna. Kalpasan dayta, mapalubosanto isuna a mangasawa kenkuana.
\v 14 Kalpasanna, no saanen isuna a maay-ayo kenkuana, mapalubosanto isuna a palubosanna ti babai a mangpanaw kenkuana. Ngem gapu ta naibabain isuna ken napilit a makikaidda iti lalaki, saanto a mapalubosan isuna nga ibilang ti babai a kasla maysa a tagabu ken ilakona isuna iti siasinoman.

\s5
\v 15 Kas pangarigan ta addaan dua nga asawa ti maysa a lalaki, ngem kaykayatna ti maysa kadakuada ken kagurgurana ti maysa. Ket kas pangarigan ta agpadada nga aganak iti lallaki, ket anak ti saanna a kaykayat a babai ti inauna nga anak.
\v 16 Iti aldaw nga ikeddeng dayta a lalaki no ania kadagiti sanikuana ti gun-odento ti tunggal anakna kalpasan a matay isuna, masapul a saanna nga ipangpangruna ti anak ti ay-ayatenna nga asawa babaen iti pannangted kenkuana iti dakdakkel a bingay a rumbeng a maited iti inauna nga anak.
\v 17 Masapul nga itedna ti dua nga apagkatlo dagiti sanikuana iti inauna nga anak, ti anak ti saanna a kaykayat nga asawa. Inauna dayta nga anakna, ket masapul a maitedto kenkuana ti kadadakkelan a bingay.

\s5
\v 18 Kas pangarigan ta adda ti maysa a lalaki a natangken unay ti ulona ken kankanayon nga agsuksukir kadagiti nagannakna, ket saanna nga ipangpangag dagiti ibagbagada kenkuana. Ken uray no dusaenda isuna ket saanna latta nga ipangpangag dagiti ibagbagada kenkuana.
\v 19 No mapasamak dayta, masapul nga ipan isuna dagiti nagannakna iti ruangan ti siudad a pagnanaedanda ket patakderenda isuna iti sangoanan dagiti panglakayen iti siudad.

\s5
\v 20 Ket masapul a kunaen dagiti nagannakna kadagiti panglakayen iti dayta a siudad, 'Natangken ti ulona daytoy nga anakmi ket kanayonnakami a suksukiren. Saanna nga ipangpangag dagiti ibagbagami kenkuana. Narawet ken mammartek isuna.'
\v 21 Kalpasanna, masapul a papatayen isuna dagiti panglakayen iti dayta a siudad babaen iti panangbatoda kenkuana. Babaen iti panagaramid iti dayta, maikkatyonto daytoy a dakes nga aramid kadakayo. Ket mangngegto ti tunggal maysa iti Israel ti maipanggep iti napasamak ket agbutengdanto a mangaramid iti inaramidna.

\s5
\v 22 No adda iti napapatay gapu iti panagaramidna iti krimen a pakaikarianna a matay, ket imbitinyo ti bangkayna iti maysa a poste,
\v 23 masapul a saanyo a pagtalinaeden ti bangkayna sadiay iti agpatpatnag. Masapul nga itabonyo daytoy iti aldaw a natay isuna, gapu ta no pagtalinaedenyo ti bangkay iti poste, ilunodto ti Dios ti daga. Masapul nga itabonyo ti bangkay iti dayta nga aldaw, tapno saanyo a matulawan ti daga nga it-ited ni Yahweh a Diostayo kadakayo.

\s5
\c 22
\p
\v 1 No makitayo a nakabulos ti baka wenno karnero ti maysa nga Israelita, saankayo nga agtignay a kasla saanyo a nakita daytoy. Isubliyo daytoy iti akinkukua.
\v 2 Ngem no saan nga agnanaed iti asidegyo ti akinkukua, wenno saanyo nga am-ammo no siasino isuna, iyawidyo ti ayup iti balayyo. Agtalinaed daytoy iti balayyo agingga nga umay ti akinkukua a mangsarak iti daytoy. Masapul ngarud nga isubliyo ti ayup kenkuana.

\s5
\v 3 Masapul a kasta met laeng ti aramidenyo no makakitakayo iti maysa nga asno, maysa a pidaso ti pagan-anay, wenno aniaman a banag a napukaw ti maysa a tao. Saankayo nga agkedked a mangaramid iti nasken nga aramidenyo. Saankayo nga agpammarang nga awan ammoyo maipanggep iti dayta a banag.
\v 4 Ken no makitayo ti asno wenno baka ti padayo nga Israelita a nakusbo iti dalan, saankayo nga agtignay a kasla saanyo a nakita daytoy. Tulonganyo ti akinkukua a mangbangon iti ayup tapno makatakder manen daytoy.

\s5
\v 5 Masapul a saan nga agkawes dagiti babbai kadagiti pagan-anay dagiti lallaki, ken masapul a saan nga agkawes dagiti lallaki kadagiti pagan-anay dagiti babbai. Kagurgura ni Yahweh a Diostayo dagiti tattao nga agar-aramid iti kasla iti dayta a banbanag.

\s5
\v 6 No makasarakkayo iti maysa nga umok ti billit iti kayo wenno iti daga, ken salsallukoban ti ina a billit dagiti itlog daytoy wenno dagiti piek a billit idiay umok, saanyo nga alaen ti ina a billit ket patayenyo daytoy.
\v 7 Mapalubosankayo a mangala kadagiti piek a billit, ngem masapul a palubosanyo nga agtayab ti ina a billit. Aramidenyo daytoy tapno nasayaatto dagiti banbanag kadakayo ket agbiagkayonto iti atiddog a tiempo.

\s5
\v 8 No mangipatakderkayo iti baro a balay, masapul a mangikabilkayo iti barandillas iti aglawlaw ti atep. Iti kastoy a wagas, saankayonto a makabasol iti ipapatay ti maysa a tao no matnag manipud iti daytoy ket matay.

\s5
\v 9 Saankayo nga agmula iti uray ania a mula iti disso a pagtubtuboan dagiti ubasyo. No aramidenyo, alaento dagiti papadi iti santuario ni Yahweh ti bukel ken ti apit iti dayta a kaubasan.
\v 10 Saanyo a pagkuyogen nga isingkaw ti baka ken ti asno a pagarado kadagiti taltalonyo.
\v 11 Saanyo a pagrutapen nga ikawes ti pagan-anay a naaramid babaen iti pananglaga iti buok ti ayup ken lino.

\s5
\v 12 Lagaenyo a sangsangkamaysa dagiti sinulid tapno makaaramidkayo kadagiti baruyboy ket idaityo dagitoy iti uppat nga akinbaba a suli ti kagayyo.

\s5
\v 13 Kas pangarigan ta inasawa ti maysa a lalaki ti maysa a balasang ket nakikaidda kenkuana ket kalpasanna, ikeddengna a saannan a kayat isuna,
\v 14 ken kas pangarigan ta agibagbaga isuna kadagiti saan a pudno a banbanag maipanggep kenkuana ken ibagbagana a saanen a birhen ti balasang idi inasawana isuna.

\s5
\v 15 No mapasamak dayta, masapul nga alaen dagiti nagannak ti balasang ti ap-ap nga adda iti pagiddaan idi nagasawa ti lalaki ken ti anakda a babai, nga addaan pay laeng daytoy kadagiti mansa ti dara, ket ipakitada daytoy kadagiti panglakayen iti siudad idiay ruangan ti siudad.

\s5
\v 16 Masapul ngarud nga ibaga ti ama ti balasang kadagiti panglakayen, 'Intedko ti anakko a babai iti daytoy a lalaki tapno asawaenna. Ngem ita ibagana a saannan a kayat isuna.
\v 17 Ken siuulbod a kinunana a saanen a birhen isuna idi inasawana. Ngem kitaenyo! Adda ditoy ti pammaneknek a birhen ti anakko! Kitaenyo dagiti mansa ti dara iti ap-ap a nagiddaanda iti rabii a nagasawada!' Ket ipakitananto ti ap-ap kadagiti panglakayen.

\s5
\v 18 Masapul ngarud nga alaen dagiti panglakayen iti dayta a siudad dayta a lalaki ket saplitanda isuna.
\v 19 Masapul a pagbayadenda ti lalaki iti sangagasut a pidaso ti pirak ket itedda ti kuarta iti ama ti balasang, gapu ta imbabain ti lalaki ti maysa a balasang nga Israelita. Maysa pay, masapul nga itultuloy dayta a babai ti makipagnaed kenkuana; asawana isuna. Saan a mapalubosan nga isinana ti babai bayat iti panagbiagna.

\s5
\v 20 Ngem no pudno ti kinuna ti lalaki, ket awan ti mangpaneknek a birhen isuna idi inasawana,
\v 21 masapul nga ipanda dayta a babai iti ruangan ti balay ti amana. Ket masapul a papatayen isuna dagiti lallaki iti dayta a siudad babaen iti panangbato kenkuana. Masapul nga aramidenda dayta gapu ta nakaaramid isuna iti nakakababain unay a banag iti Israel, babaen iti pannakikaiddana iti maysa a lalaki bayat nga agnanaed pay laeng isuna iti balay ti amana. Babaen iti panangpapatay kenkuana iti kasla iti dayta, maikkatyonto daytoy a dakes nga aramid kadakayo.

\s5
\v 22 No naduktalan ti maysa a lalaki bayat a makikakaidda isuna iti asawa ti sabali a lalaki, masapul nga agpadada a mapapatay. Babaen iti panangaramidyo iti dayta, maikkatyonto daytoy a dakes nga aramid manipud iti Israel.

\s5
\v 23 Kas pangarigan ta nakakita ti maysa a lalaki iti maysa a balasang a naikari a makiasawa iti sabali a lalaki iti dadduma nga ili, ket naduktalan isuna a makikakaidda kenkuana.
\v 24 Masapul nga agpada nga ipanyo ida iti ruangan iti dayta nga ili, a sadiay ti pangikeddengan dagiti mangidadaulo iti ili kadagiti napateg a banbanag. Masapul nga agpada a papatayenyo ida sadiay babaen iti panangbato kadakuada. Masapul a papatayenyo ti balasang gapu ta saan isuna a nagpaarayat uray no adda isuna iti ili. Ken masapul a mapapatay ti lalaki gapu ta nakikaidda isuna iti maysa a tao a naikarin a makiasawa. Babaen iti panangaramidyo iti dayta, maikkatyonto daytoy a dakes nga aramid kadakayo.

\s5
\v 25 Ngem kas pangarigan ta masabat ti maysa a lalaki iti nawaya nga away ti balasang a naitulag a makiasawa, ket pilitenna isuna a makikaidda kenkuana. No mapasamak dayta, dayta laeng a lalaki ti masapul a mapapatay.
\v 26 Masapul a saanyo a dusaen ti balasang, gapu ta awan ti aniaman nga inaramidna tapno maikari a mapapatay. Daytoy a kaso ket kasla iti panangdarup ti maysa a lalaki iti sabali a lalaki idiay away ket papatayenna isuna,
\v 27 gapu ta nakita isuna ti lalaki a nangpilit kenkuana a makikaidda kenkuana idi adda isuna idiay nawaya nga away, ken uray no nagpaarayat isuna, awan ti uray maysa sadiay a mabalin a mangispal kenkuana.

\s5
\v 28 No piliten ti maysa a lalaki ti maysa a balasang a saan pay a naitulag a makiasawa a makikaidda kenkuana, ket no adda iti makakita kenkuana bayat nga ar-aramidenna dayta,
\v 29 masapul nga agbayad dayta a lalaki iti 50 a pidaso ti pirak iti ama ti balasang, ken masapul nga asawaenna isuna, gapu ta imbabainna isuna babaen iti panangpilitna a makikaidda kenkuana. Saan isuna a mapalubosan a mangisina kenkuana bayat iti panagbiagna.

\s5
\v 30 Masapul a saan nga alaen ti maysa a lalaki dagiti kukua ti amana babaen iti pannakikaidda iti siasinoman kadagiti assawa ti amana.

\s5
\c 23
\p
\v 1 Saan a mairaman a kas maysa kadagiti tattao ni Yahweh ti siasinoman a lalaki a nadadael ti mabagbagina.
\v 2 Awan iti bastardo a tao wenno kaputotan ti maysa a bastardo a tao, agingga iti maikasangapulo a henerasion, a mairaman a kas maysa kadagiti tattao ni Yahweh.

\s5
\v 3 Awan kadagiti bunggoy ti tattao ti Ammon wenno Moab iti mairaman a kas maysa kadagiti tattao ni Yahweh, agingga iti maikasangapulo a henerasion.
\v 4 Ti maysa a rason iti daytoy ket nagkedked dagiti mangidadauloda a mangted iti taraon ken danum kadagiti kapuonanyo idi agdaldaliasatda manipud Egipto agingga iti Canaan. Maysa pay a rason ket binayadanda ni Balaam nga anak ni Beor manipud iti ili ti Peor idiay Mesopotamia, a mangilunod kadakayo nga Israelita.

\s5
\v 5 Ngem saan nga impangag ni Yahweh a Diostayo ni Balaam; ngem ketdi, inusarna ni Balaam a mangbendision kadagiti kapuonanyo, gapu ta ay-ayaten ida ni Yahweh.
\v 6 Agingga a maysa a nasion ti Israel, nasken a saankayo nga agaramid iti aniaman tapno sumayaat amin a banag kadagiti dua a bunggoy ti tattao a mangparang-ay kadakuada.

\s5
\v 7 Ngem saanyo a laisen ti siasinoman iti bunggoy ti tattao ti Edom, gapu ta kaputotan ida iti kapuonyo a ni Jacob, a kas kadakayo. Ken saanyo a laisen dagiti tattao iti Egipto, gapu ta trinatoda a nasayaat dagiti kapuonanyo idi umuna a nagnaedda idiay Egipto.
\v 8 Mairaman a tattao ni Yahweh dagiti appoko dagiti tattao iti Edom ken Egipto a makipagnanaed ita kadakayo.

\s5
\v 9 No agnanaed dagiti soldadoyo iti kampo iti tiempo iti gubat, nasken a liklikanda ti agaramid kadagiti banbanag nga agbalin a gapuna a saanda a maikari iti Dios.
\v 10 No agbalin a saan a maikari iti Dios iti siasinoman a soldado gapu iti rumruar a semilia iti bagina bayat iti rabii, ti sumaruno nga agsapa, nasken a rumuar iti kampo ket agtalinaed sadiay bayat iti dayta nga aldaw.
\v 11 Ngem iti karabianna dayta nga aldaw, masapul a digusenna ti bagida, ken iti ilelennek ti init, mabalinnan ti agsubli iti uneg ti kampo.

\s5
\v 12 Nasken nga adda iti kasilias dagiti soldadom iti ruar ti kampo a papananyo no agiblengkayo.
\v 13 No mapankayo makiranget kadagiti kabusoryo, mangawitkayo iti kayo agraman dagiti igamyo, tapno no kasapulan nga agiblengkayo, makakalikayo iti abut babaen iti kayo, kalpasanna gabburanyo ti abut no malpaskayo nga agibleng.
\v 14 Nasken a pagtalinaedenyo a maikari iti kampo kenni Yahweh a Diostayo, gapu ta adda isuna iti kampoyo tapno salaknibannakayo ken tapno ikkannakayo iti kabaelan a mangparmek kadagiti kabusoryo. Saankayo nga agaramid iti aniaman a banag a pakaibabainan a pangpanawan ni Yahweh kadakayo.

\s5
\v 15 No umay kadakayo dagiti tagabu a naglibas kadagiti amoda ket agkiddawda a salaknibanyo ida, saanyo a pagsublien ida kadagiti amoda.
\v 16 Palubosanyo nga agtalinaedda kadakayo, iti aniaman nga ili a pilienda, ken saanyo ida a tratoen iti saan a nasayaat.

\s5
\v 17 Saanyo a palubosan ti siasinoman nga Israelita a babai wenno lalaki nga agbalin a balangkantis iti templo.
\v 18 Kasta met, a saanyo a palubosan iti siasinoman a tattao a nagsapul iti kuarta iti panagbalangkantis a mangipan iti kuarta iti uneg ti templo ni Yahweh a Diostayo, uray no nagkarida a sipapasnek a bayadanda dayta a kuarta kenkuana. Kagurgura ni Yahweh dagiti balangkantis.

\s5
\v 19 No agpabulodkayo iti kuarta wenno taraon wenno aniaman pay a banag iti padayo nga Israelita, saanyo a paanakan dagitoy.
\v 20 Mapalubosankayo a mangpaanak iti kuarta no agipabulodkayo kadagiti ganggannaet nga agnanaed iti dagayo, ngem saan a kadagiti Israelita no pabulodanyo ida ti kuarta. Aramidenyo daytoy tapno bendisionannakayo ni Yahweh a Diostayo iti amin a banag nga aramidenyo iti daga a dandaniyo a serken ken sakupen.

\s5
\v 21 No nagkarikayo a sipapasnek a mangtedkayo iti maysa a banag kenni Yahweh a Diosyo wenno agaramidkayo iti maysa a banag para kenkuana, saanyo nga itantan iti panangaramid iti daytoy. Namnamaen ni Yahweh nga aramidenyo iti inkariyo, ket no saanyo nga aramiden daytoy, agbasbasolkayo.
\v 22 Ngem no saankayo a sipapasnek nga agkari nga agaramid ti maysa a banag, saan a pakabasolan dayta.
\v 23 Ngem no sipapaluboskayo nga agkari nga agaramid iti maysa a banag, nasken nga aramidenyo daytoy.

\s5
\v 24 No magnakayo iti kaubasan iti maysa a tao, mapalubosankayo nga agpuros ken mangan iti adu nga ubas a kayatyo, ngem saankayo a mabalin a mangikabil iti pagkargaanyo ket ipanawyo dagitoy.
\v 25 No magnakayo iti katrigoan iti maysa a tao, mapalubosankayo nga agkittel iti sumagmamano a trigo ket kanenyo, ngem saanyo a mabalin a gapasen iti kumpay ti aniaman a trigo ket ipanawyo.

\s5
\c 24
\p
\v 1 Kas pangarigan no mangasawa ti lalaki iti babai, ket saan nga agbayag ikeddengna a saannan a kayat ti babai gapu ta adda ti makarurod a banag, ket papanawenna ti babai iti balayna. Ken kas pangarigan no agsurat isuna iti papel nga ibagbagana nga isinsinanan ti babai, ket itedna ti papel iti babai ket papanawenna isuna iti balayna.
\v 2 Ket kas pangarigan ta pumanaw isuna. Mapalubosan ti babai a mangasawa iti sabali a lalaki.

\s5
\v 3 Kas pangarigan no ikeddeng met dayta a lalaki a saana a kayat ti babai, ket agsurat met iti papel nga ibagbagana nga isinsinanan ti babai, ket papanawenna ti babai iti balayna. Wenno, kas pangarigan ta matay ti maikadua nga asawana.
\v 4 No mapasamak man dagitoy a banbanag, nasken a saan nga asawaen manen ti babai ti immuna nga asawana. Nasken nga ibilangna a nagbalin isuna a saan a maikari kenni Yahweh. Ibilang ni Yahweh a makarimon daytoy no asawaenna manen ti babai. Nasken a saankayo nga agbasol iti panangar-aramidyo iti dayta iti daga nga it-ited ni Yahweh a Diostayo kadakayo.

\s5
\v 5 No kaas-asawa ti maysa a lalaki, saan a masapul nga agbalin isuna a soldado iti armada, wenno saan a masapul nga agaramid iti dadduma a trabaho para iti gobierno. Nasken a saan a mairaman isuna iti kasta a trabaho iti maysa a tawen kalpasan a nangasawa. Rumbeng nga agtalinaed laeng isuna iti pagtaenganna ken paragsakenna ti asawana iti dayta a tawen.

\s5
\v 6 Siasinoman nga agpautang iti kuarta iti maysa a tao ket mapalubosan nga agdawat iti dayta a tao tapno ikkanna isuna iti aniaman a banag a pangnamnamaan a bayadannanto ti kuarta a binulodna, ngem saanna a mabalin nga alaen ti bato a paggilingna gapu ta al-alaem dayta iti sabali a tao, ti bato a paggilingan a kasapulan ti pamiliana a a pangaramid iti tapung a pangmasa iti tinapay tapno agtalinaed nga agbiag.

\s5
\v 7 No nagilibas ti maysa a tao iti padana nga Israelita tapno pagbalinenna a tagabu dayta a tao wenno ilakona tapno agbalin a tagabu ti sabali a tao, nasken a papatayenyo ti tao a mangaramid iti dayta. Babaen iti panangaramidyo iti dayta, maikkatyonto ti kastoy a kinadakes kadakayo.

\s5
\v 8 No agsagsagabakayo iti kukutel, siguradoenyo nga aramidenyo ti tunggal banag nga ibaga kadakayo dagiti papadi manipud iti tribu ni Levi. Pagtulnoganyo a naimbag dagiti bilin nga intedko kadakuada.
\v 9 Saanyo a liplipatan ti inaramid ni Yahweh a Diostayo kenni Miriam, idi nagkukutel isuna, bayat iti iruruar dagiti kapuonanyo idiay Egipto.

\s5
\v 10 No agpautangkayo iti aniaman a banag iti maysa a tao, saankayo a mapan iti balayna tapno alaen ti kagay nga ibagbagana nga itedna kadakayo a pangnamnamaan nga isublinanto ti binulodna.
\v 11 Agtaderkayo iti ruar ti balayna, ket ti lalaki a pinautanganyo iti maysa a banag ti mangipanto iti kagayna kadakayo.

\s5
\v 12 Ngem no nakurapay isuna, saanyo a pagpatpatnagen dayta a kagay.
\v 13 Inton lumlumnek ti init, isubliyo ti kagay kenkuana, tapno isuotna bayat iti pannaturogna. No aramidenyo dayta, dawatennanto iti Dios a bendisionannakayo, ket maay-ayonto kadakayo ni Yahweh a Diostayo.

\s5
\v 14 Saanyo a parigaten ti siasinoman a nakurapay ken agkasapulan nga adipen a tinangdananyo, uray no Israelitada wenno ganggannaet nga agnanaed iti iliyo.
\v 15 Iti inaldaw, sakbay ti ilelennek ti init, nasken a bayadam iti kuarta a nateggedanda. Nakurapayda ket kasapulanda nga alaen iti bayadda. No saanyo ida a bayadan iti dayta met laeng a kanito, umasogdanto kenni Yahweh a maibusor kadakayo, ket dusaennakayonto gapu iti basol a kasla iti dayta.

\s5
\v 16 Nasken a saan a mapapatay dagiti nagannak gapu kadagiti krimen a naaramid dagiti annakda, ken nasken a saan a mapapatay dagiti annak gapu kadagiti krimen a naaramid dagiti nagannakda. Nasken a mapapatay laeng dagiti tattao gapu iti krimen a mismo nga inaramidda.

\s5
\v 17 Nasken nga aramidenyo kadagiti ganggannaet a makipagnanaed kadakayo ken para kadagiti ulila dagiti banbanag nga ibagbaga dagiti linteg a nasken a maaramid para kadakuada. Ken no agpautangkayo iti maysa a banag iti balo a babai, saanyo nga alaen ti kagayna a kas pangnamnamaan nga isublinanto ti inutangna.
\v 18 Saanyo a liplipatan a naaddaankayo kadagiti nakaro a pakariribukan idi nagbalinkayo a tagabu idiay Egipto ket inispalnakayo ni Yahweh a Diostayo sadiay. Isu a bilbilinenkayo a tulonganyo dagiti dadduma nga addaan kadagiti pakariribukan.

\s5
\v 19 No apitenyo dagiti mulayo, no nalipatanyo ti maysa a rineppet idiay taltalon, saanyo a sublianen nga alaen daytoy. Ibatiyo sadiay para kadagiti ganggannaet, ul-ulila, ken kadagiti balo a babai. No aramidenyo dayta, bendisionannakayonto ni Yahweh iti aniaman a banag nga aramidenyo.
\v 20 Ket no inapityon iti namimpinsan dagiti amin nga oliboyo manipud kadagiti kayo, saanyon a sublian a burasen dagiti nabati kadagiti kayo.

\s5
\v 21 Kas met laeng a no burasenyo dagiti ubas iti kaubasanyo, saanyon a sublian iti maikadua a daras tapno padasenyo ti agbirok pay. Ibatiyo dagitoy para kadagiti ganggannaet, ul-ulila, ken kadagiti balo a babai kadakayo.
\v 22 Saanyo a liplipatan a siaasi ni Yahweh kadakayo idi nagbalinkayo a tagabo idiay Egipto. Isu a bilbilinenkayo nga agbalin a naasi kadagiti agkasapulan."

\s5
\c 25
\p
\v 1 No adda ti saan a pagkinaawatan dagiti dua nga Israelita ket mapanda iti pangukoman, ikeddengto ti ukom nga awan basol ti maysa ken nagbasol ti maysa.
\v 2 No ibaga ti ukom a nasken a madusa ti nakabasol a tao, bilinenna isuna nga agpakleb iti daga ket masaplitan. Ti bilang a maisaplit kenkuana ket segun ti kita ti naaramidna a basol.

\s5
\v 3 Mapalubosan a masaplit isuna iti uppat a pulo a daras, ngem saan a sumurok iti dayta. No masaplitan isuna iti ad-adu ngem uppat a pulo a daras, maibabainto isuna iti kaaduan.

\s5
\v 4 No magmagna ti bakayo iti dawa tapno isina daytoy iti taep, saanyo a lapdan a mangan daytoy iti sumagmamano a dawa.

\s5
\v 5 No agnanaed ti agkabsat iti isu met laeng a sanikua, ket natay ti maysa kadakuada nga awan ti anakna a lalaki, saan a mabalin a makiasawa ti nabalo ti lalaki iti maysa a tao a saan a kameng iti pamiliana. Nasken nga asawaen isuna ti kabsat ti natay a lalaki ken makikaidda kenkuana. Rebbengna nga aramiden dayta.
\v 6 No agipasngayto ti babai iti anak a lalaki, maibilangto dayta nga anak ti lalaki a natay, tapno saan a mapukaw ti nagan ti natay a lalaki iti Israel.

\s5
\v 7 Ngem no saan a kayat ti kabsat ti natay a lalaki nga asawaen dayta a babai, nasken nga agtakder ti babai iti ruangan ti siudad. Nasken nga ibagana kadagiti mangidadaulo ti siudad, ' Nagkedked ti kabsat ti asawak nga asawaennak tapno makaipasngayak iti anak a lalaki a manglapped iti pannakapukaw ti nagan ti natay a lalaki iti Israel.'
\v 8 Ket nasken a paayaban dagiti panglakayen dayta a lalaki ket kasaritada isuna. No agkedked latta a mangasawa iti dayta a balo a babai.

\s5
\v 9 Iti dayta a pasamak, nasken nga umasideg ti babai iti dayta a lalaki bayat nga agbuybuya dagiti panglakayen, ket ikkatenna ti maysa kadagiti sandaliasna tapno mangpaneknek a saan isuna nga umawat iti aniaman a sanikua ti babai, tupraanna ti rupana, ket ibagana kenkuana, 'Daytoy ti mapasamak iti lalaki nga agkedked a mangaramid iti kasapulan nga aramiden tapno palubosanna a maaddaan iti anak ti natay a kabsatna tapno saan a mapukaw ti pulitayo.'
\v 10 Kalpasan a mapasamak dayta, maam-ammonto ti pamilia dayta a lalaki a kas 'ti pamilia ti lalaki a naikkat ti sandaliasna.'

\s5
\v 11 No agap-apa dagiti dua a lallaki, ket umasideg ti asawa ti maysa a lalaki tapno tulonganna ti asawana babaen iti panangiguyodna iti mabagbagi ti sabali a lalaki,
\v 12 saankayo a maasian kenkuana; putdenyo ti imana.

\s5
\v 13-14 No gumatgatang wenno aglaklakokayo kadagiti banbanag, saanyo a padasen a sauren dagiti tattao babaen kadagiti dua a kita ti timbangan, ti maysa nga us-usarenyo no gumatangkayo iti maysa a banag ken ti maysa nga us-usarenyo no agilakokayo iti maysa a banag, wenno kadagiti dua a kita ti pangsukat a basket, ti maysa nga us-usarenyo no gumatangkayo iti maysa a banag ken ti maysa nga us-usarenyo no agilakokayo iti maysa a banag.

\s5
\v 15 Kankanayon nga agusarkayo kadagiti agpag-isu a timbangan ken sukatan a basket, tapno ipalubosto ni Yahweh a Diostayo nga agbiagkayo iti nabayag a tiempo iti daga nga it-itedna kadakayo.
\v 16 Kagurgura ni Yahweh dagiti amin nga agtigtignay a saan a napudno, ken dusaennanto ida.

\s5
\v 17 Itultuloyyo a lagipen ti inaramid iti bunggoy dagiti Amalekita kadagiti kapuonanyo idi rumrumuarda iti Egipto,
\v 18 Rinautda dagiti kapuonanyo bayat nga agdaldaliasatda, idi nakapuy ken nabannogda. Saan a pulos a mabuteng dagitoy a tattao iti Dios, isu a rinautda dagiti kapuonanyo iti likudan ket pinatayda amin dagiti saanen a makapagna a kas iti kapartak dagiti dadduma.
\v 19 Inton ited ngarud ni Yahweh a Diostayo iti daga nga inkarina nga ited kadakayo, ken inton painanaennakayo a makirangranget kadagiti amin a kabusoryo iti aglawlawyo, papatayenyo dagiti amin a bunggoy ti Amalekita, nga agbanag nga awanto ti uray maysa a makalagip kadakuada ni kaanoman. Saanyo a liplipatan nga aramiden daytoy!

\s5
\c 26
\p
\v 1 Kalpasan a sakupenyo ti daga nga it-ited ni Yahweh a Diostayo kadakayo, ket agtaengkayon sadiay,
\v 2 nasken a mangala ti tunggal maysa kadakayo iti sumagmamano kadagiti umuna nga ani a maapityo, ikargayo daytoy iti basket, ket ipanyo daytoy iti lugar a pilien ni Yahweh para kadakayo tapno agdayawkayo sadiay.

\s5
\v 3 Mapankayo iti kangatoan a padi nga agserserbi iti dayta a tiempo ket kunayo kenkuana, 'Babaen iti panangitedko kenka daytoy umuna a paset ti apitko ita nga aldaw, ipadpaduyakyako kenni Yahweh a Diostayo a binurasko daytoy iti daga a sipapasnek nga inkarina kadagiti kapuonantayo nga itedna kadatayo.'
\v 4 Ket nasken nga alaen ti padi ti nakabasket a taraon manipud iti imayo ket ikabilna daytoy iti rabaw ti altar a pangidatdatonan kadagiti daton a para kenni Yahweh a Diostayo.

\s5
\v 5 Ket nasken nga ibagayo daytoy iti imatang ni Yahweh: 'Ti kapuonanmi a ni Jacob ket naggapu iti Aram ken nabileg a nasion. Innalana ti pamiliana iti Egipto. Bassitda a bunggoy idi napanda sadiay, ngem nagnaedda sadiay ket dimmakkel iti kasta unay dagiti kaputotanda ken nabileg a nasion.

\s5
\v 6 Ket nagtignay a sigugubsang unay dagiti Egipcio kadakuada, ken pinilitda ida nga agbalin a tagabuda ken tapno agtrabaho iti nadadagsen.
\v 7 Ket immasug dagiti kapuonanmi kenka, O Yahweh a Diosmi, ket nangngegmo ida. Nakitam nga agsagsagabada, ken pinilitda ida nga agtrabaho iti nadadagsen, ken naidadanesda.

\s5
\v 8 Ket babaen iti pannakabalinmo ken babaen iti panangipakitam kadagiti adu a kita ti milagro, ken kadagiti sabali a banbanag a nakabutbuteng, inruarmo ida iti Egipto.
\v 9 Impannakami iti daytoy a daga ken intedmo daytoy kadakami, ti daga a nakadamdam-eg unay.

\s5
\v 10 Ita ngarud, O Yahweh, ipanko kenka ti umuna a paset ti apitko manipud iti daga a naawatko.' Ket nasken nga idissoyo ti labbayo iti imatang ni Yahweh ket dayawenyo isuna sadiay.
\v 11 Ken nasken nga agrambakkayo a sangsangkamaysa babaen iti pannanganyo iti taraon tapno agyaman kenni Yahweh a Diostayo gapu kadagiti amin a nasayaat a banbanag nga intedna kadakayo ken iti pamiliayo. Ken nasken nga awisenyo dagiti kaputotan ni Levi ken dagiti ganggannaet nga agnanaed kadakayo tapno makipagrag-o ken makipanganda met kadakayo.

\s5
\v 12 Tunggal maikatlo a tawen, nasken nga ipanyo ti apagkapullo dagiti apityo kadagiti kaputotan ni Levi ken kadagiti ganggannaet nga agnanaed kadakayo ken kadagiti ulila ken kadagiti balo a babai, tapno addaan iti nabuslon a taraon iti tunggal ili.
\v 13 Ket nasken nga ibagayo kenni Yahweh, 'Impanmi kenka, manipud iti pagtaenganmi, dagiti amin nga apagkapullo ti apitmi iti daytoy a tawen, ti apagkapullo nga insinami a para kenka. Itedmi daytoy kadagiti kaputotan ni Levi, kadagiti ganggannaet, kadagiti ulila, ken kadagiti balo a babai, a kas iti imbilinmo nga aramidenmi. Awan ti linabsingko iti aniaman kadagiti bilbilinmo maipanggep iti bingay ti apagkapullo, ken awan ti nalipatak iti aniaman kadagiti bilbilinmo maipanggep iti daytoy.

\s5
\v 14 Iwaragawagko a saanak a nangan iti aniaman a taraon manipud iti bingay ti apagkapullo bayat iti panagladladingitko gapu iti maysa a tao a natay. Ken saannak a nangala iti aniaman iti daytoy iti pagtaengak iti kanito a saanak a makaay-ayo kenka; saanak a nangidaton iti aniaman iti daytoy kadagiti espiritu dagiti natay a tattao. O Yahweh, nagtulnogak kenka ken inaramidko ti amin a banag nga imbilinmo kadakami maipapan iti bingay ti apagkapullo.
\v 15 Isu a tumannawagka kadi manipud iti nasantoan a lugarmo iti langit, ken bendisionannakami, dakami nga Israelita a tatttaom. Bendisionam met daytoy nadam-eg unay a daga nga intedmo kadakami, nga isu ti inkarim kadagiti kapuonanmi nga aramidem.'

\s5
\v 16 Ita nga aldaw, bilbilinennakayo ni Yahweh a Diostayo nga agtulnogkayo kadagitoy amin a paglintegan ken bilbilin. Pagtulnoganyo ngarud dagitoy a sipupudno, iti amin a kaungganyo.
\v 17 Ita nga aldaw inwaragawagyo nga isuna ti Diosyo, ken idalanyo ti biagyo a kas iti kayatna nga aramidenyo, ken agtulnogkayo kadagiti amin a bilbilinna ken kadagiti pagannurotan ken paglintegan, ken aramidenyo dagiti amin nga ibagana nga aramidenyo.

\s5
\v 18 Ken ita nga aldaw, inwaragawag ni Yahweh a dakayo dagiti tattaona, ta isu ti inkarina a pagbalinanyo, ken bilbilinennakayo nga agtulnogkayo kadagiti amin a bilbilinna.
\v 19 No aramidenyo dayta, pagbalinennakayo a natantan-ok ngem dagiti dadduma a nasion nga impasdekna, ken ikkannakayonto ti kabaelan a mangidayaw ken mangitan-ok kenkuana. Naisangsangayankayo a tattao kenni Yahweh, insinana ken nasantoan kenkuana, a kas inkarina."

\s5
\c 27
\p
\v 1 Ni Moises, agraman dagiti dadduma a mangidadaulo nga Israelita, kinunada daytoy kadagiti tattao, "Agtulnogkayo kadagiti amin a bilbilin nga it-itedko kadakayo ita nga aldaw.
\v 2 Ballasiwenyonto iti mabiit ti Karayan Jordan ket sumrekkayo iti daga nga inkari nga ited kadakayo ni Yahweh a Diosyo. Mangibagonkayo sadiay kadagiti sumagmamano a dadakkel a bato, ket palitadaanyo dagitoy.
\v 3 Isuratyo kadagitoy a batbato amin dagitoy a linlinteg ken sursuro, inton sumrekkayo iti dayta a nakadamdam-eg unay a daga nga inkari nga ited kadakayo ni Yahweh, ti Dios a dinaydayaw dagiti kapuonantayo.

\s5
\v 4 Inton maballasiwyo ti Karayan Jordan, mangibangonkayo iti sumagmamano a dadakkel a bato idiay Bantay Ebal, a kas imbagak kadakayo, ket palitadaanyo dagitoy.
\v 5 Ket mangibangonkayo sadiay iti maysa nga altar a bato a pangidatonanyo kadagiti daton kenni Yahweh, ngem saanyo a trabahoen dagitoy a bato babaen kadagiti alikamen a landok.

\s5
\v 6 Ti aramidenyo nga altar a pangpuoran kadagiti daton a para kenni Yahweh a Diostayo ket masapul a naaramid kadagiti saan a natikapan a bato.
\v 7 Ket masapul a mangidatagkayo sadiay kadagiti daton a mangisubli ti pannakilangenlangen kenni Yahweh, ket masapul a kanenyo dagiti bingayyo kadagitoy a daton ken agrag-okayo iti sangoanan ni Yahweh.
\v 8 Ken, inton isuratyo dagitoy a linteg kadagitoy a batbato, masapul nga isuratyo dagitoy iti nalawag unay."

\s5
\v 9 Ket ni Moises agraman dagiti papadi, kinunada kadagiti amin nga Israelita, "Dakayo nga Israelita, agulimek ken dumngegkayo iti ibagbagak. Ita nga aldaw, nagbalinkayo a tattao a kukua ni Yahweh a Diostayo.
\v 10 Isu a masapul nga aramidenyo ti ibagbagana kadakayo, ken agtulnogkayo kadagiti amin a paglintegan ken kadagiti annuroten nga it-itedko kadakayo ita nga aldaw."

\s5
\v 11 Iti dayta met laeng nga aldaw kinuna ni Moises kadagiti Israelita,
\v 12 "Kalpasan a makaballasiwkayo iti Karayan Jordan, masapul nga agtakder idiay Bantay Gerizim dagiti tribu ni Simeon, Levi, Juda, Issacar, Jose ken Benjamin ket kiddawenda kenni Yahweh a bendisionanna dagiti tattao.

\s5
\v 13 Ken masapul nga agtakder idiay Bantay Ebal dagiti tribu ni Ruben, Gad, Aser, Zabulon, Dan ken Naftali ken dumngegda kadagiti banbanag nga aramidento ni Yahweh inton ilunodna dagiti tattao.
\v 14 Masapul a pigsaan nga ipukkaw dagiti kaputotan ni Levi dagitoy a sasao:

\s5
\v 15 Ilunodto ni Yahweh ti siasinoman a mangkitikit iti ladawan manipud iti kayo wenno bato wenno mangsukog iti ladawan manipud iti landok, ket sililimed nga ibangonna ken dayawenna daytoy. Ibilbilang ni Yahweh a makarimon dagitoy a banbanag.' Ket masapul a sumungbat dagiti amin a tattao iti, 'Amen.'

\s5
\v 16 'Ilunodto ni Yahweh iti siasinoman a saan nga agraem iti ama wenno inana.' Ket masapul a sumungbat dagiti amin a tattao iti, 'Amen.'
\v 17 'Ilunodto ni Yahweh ti siasinoman a mangikkat iti muhon kadagiti nagbeddengan ti sanikua ti maysa a tao.' Ket masapul a sumungbat dagiti amin a tatttao iti, 'Amen.'

\s5
\v 18 'Ilunodto ni Yahweh ti siasinoman a mangidalan iti maysa a bulsek a tao a mapan iti saan nga umno a pagturongan.' Ket masapul a sumungbat dagiti amin a tattao iti, 'Amen,'
\v 19 'Ilunodto ni Yahweh ti siasinoman a mangikkat iti kalintegan a maipaay kadagiti ganggannaet wenno ulila wenno balo a babai.' Ket masapul a sumungbat dagiti amin a tattao iti, 'Amen.'

\s5
\v 20 'Ilunodto ni Yahweh iti siasinoman a saan a mangraem iti amana babaen iti pannakikaiddana iti sisinoman kadagiti asawa ti amana.' Ket masapul a sumungbat dagiti amin a tattao iti, 'Amen.'
\v 21 'Ilunodto ni Yahweh ti siasinoman a makikaidda iti uray ania nga ayup.' Ket masapul a sumungbat dagiti amin a tattao iti, 'Amen.'

\s5
\v 22 'Ilunodto ni Yahweh ti siasinoman a makikaidda iti kabsatna a babai wenno iti kabsatna a babai iti ama wenno inana.' Ket masapul a sumungbat dagiti amin a tattao iti, 'Amen.'
\v 23 'Ilunodto ni Yahweh ti siasinoman a makikaidda iti katuganganna a babai.' Ket masapul a sumungbat dagiti amin a tattao iti, 'Amen.'

\s5
\v 24 'Ilunodto ni Yahweh ti siasinoman a sililimed a mangpatay iti maysa a tao.' Ket masapul a sumungbat dagiti amin a tattao iti. 'Amen.'
\v 25 'Ilunodto ni Yahweh ti siasinoman a natangdanan a mangpatay iti maysa a tao nga awan basolna.' Ket masapul a sumungbat dagiti amin a tattao iti. "Amen.'

\s5
\v 26 'Ilunodto ni Yahweh ti siasinoman nga agkedked a mangiwaragawag a nasayaat dagitoy a linteg babaen iti saan a panagtulnog kadagitoy.' Ket masapul a sumungbat dagiti amin a tattao iti, 'Amen."'

\s5
\c 28
\p
\v 1 No aramidenyo dagiti imbaga ni Yahweh a Diostayo nga aramidenyo ken sipupudno nga agtulnogkayo kadagiti amin a banag nga ibilbilinko ita nga aldaw nga aramidenyo, pagbalinennakayonto a nabilbileg ngem ti siasinoman a nasion ditoy daga.
\v 2 No agtulnogkayo kenni Yahweh, daytoy ti aramidennanto a mangbendision kadakayo.

\s5
\v 3 Bendisionannanto amin a banag nga aramidenyo inton addakayo iti siudad ken bendisionannanto amin a banag nga aramidenyo inton agtrabtrabahokayo kadagiti taltalon.
\v 4 Bendisionannakayonto babaen iti panangitedna kadakayo iti adu nga annak ken babaen iti panangited kadakayo kadagiti nawadwad nga apit, ken adu a bakbaka ken karnero.

\s5
\v 5 Bendisionannakayonto babaen iti panangitedna kadakayo iti adu a bukel a maaramid a tinapay.
\v 6 Bendisionannakayonto iti sadinoman—inton rumuarkayo kadagiti babbalayyo ken inton umunegkayo kadagiti pagtaenganyo.

\s5
\v 7 Ikkannakayonto ti kabaelan ni Yahweh a mangparmek kadagiti armada dagiti kabusoryo; darupendakayonto manipud iti maysa a dalan, ngem itarayandakayonto kadagiti pito a dalan.
\v 8 Bendisionannakayonto ni Yahweh babaen iti panangpunnona kadagiti kamaligyo kadagiti bukel, ken bendisionannanto amin a trabaho nga aramidenyo; bendisionannakayonto iti daga nga it-itedna kadakayo.

\s5
\v 9 No tungpalenyo amin dagiti bilbilin nga inted kadakayo ni Yahweh a Diostayo ken no agbiagkayo babaen iti panangsurotyo kadagiti bilbilinna, kukuanakayonto, ti nasantoan a tattaona, a kas iti inkarina.
\v 10 Ket maamiristo amin a bunggoy dagiti tattao ditoy daga a kukuanakayo ni Yahweh, ket agbutengdanto kadakayo.

\s5
\v 11 Ket parang-ayennakayonto unay ni Yahweh. Ikkannakayonto iti adu nga annak, adu nga ayup, ken nawadwad nga apit iti daga a sipapasnekna nga inkari kadagiti kapuonantayo nga itednanto kadakayo.
\v 12 Iti tiempo a kasapulan ti tudo, ibaonto ni Yahweh daytoy manipud iti pangiduldulinanna iti daytoy iti tangatang, ken bendisionannanto amin a trabahoyo, nga agbanag a kabaelanyonto ti agpautang ti kuarta kadagiti adu a sabali a nasion, ngem saan a kasapulan nga umutangkayo iti kuarta kadakuada.

\s5
\v 13 No sipupudnokayo nga agtulnog kadagiti amin a bilbilin ni Yahweh a Diostayo nga it-itedko kadakayo ita nga aldaw, pagbalinento ni Yahweh ti nasionyo a kangangatoan kadagiti sabali a nasion, saan a nababbaba kadakuada; narang-aykayonto a kankanayon ken saan a pulos nga agkasapulan.
\v 14 Aramidento ni Yahweh amin dagitoy a banbanag kadakayo no saankayo a tumallikod manipud panagtulnog iti ibilbilinko kadakayo ita nga alddaw, ken no saankayo a pulos nga agdayaw wenno agserbi kadagiti sabali a dios.

\s5
\v 15 Ngem no saanyo nga aramiden ti ibagbaga kadakayo ni Yahweh a Diostayo nga aramidenyo, ken no saanyo a sipupudno a tungpalen dagiti amin a paglintegan ken pagannurotanna nga it-itedko kadakayo ita nga aldaw, kastoyto ti aramidenna a panangilunod kadakayo:

\s5
\v 16 Ilunodnakayonto inton addakayo kadagiti siudad ken ilunodnakayonto inton agtrabtrabahokayo kadagiti taltalon.
\v 17 Ilunodnakayonto babaen iti saanna a panangited iti nawadwad a bukel a maaramid a tinapay.

\s5
\v 18 Ilunodnakayonto babaen iti panangitedna laeng ti sumagmamano nga annak, babaen iti panangitedna kadagiti bassit nga apit, ken babaen iti saanna a panangited iti adu a baka ken karnero.
\v 19 Ilunodnakayonto iti sadinoman—inton rumuar ken umunegkayo kadagiti babbalayyo.

\s5
\v 20 No agaramidkayo kadagiti dakes a banag ken ilaksidyo ni Yahweh, ilunodnakayonto babaen iti panangtikawna kadakayo, ken pannakaupay iti amin nga aramidenyo, aginggana a dagus ken naan-anay a dadaelendakayo dagiti kabusoryo.
\v 21 Mangiyegto ni Yahweh kadagiti nakaam-amak a sakit kadakayo, aginggana nga awan ti uray maysa kadakayo ti agtalinaed a sibibiag iti daga a dandaniyon serreken ken sakupen.

\s5
\v 22 Parigatennakayonto ni Yahweh babaen kadagiti sakit a mangpakebbet kadagiti bagiyo, babaen iti gurigor, a lumteg dagiti bagbagiyo. Nakapudpudotto unay, ken saanto nga agtudo. Addanto ti makalanet nga angin, ket paglungtotennanto dagiti apityo. Kabilennakayonto amin dagitoy a banbanag aginggana a mataykayo.

\s5
\v 23 Awanto ti tudo nga agtinnag manipud iti tangatang, nga agbanag a tumangken ti daga a kasla iti landok.
\v 24 Imbes a mangted ti tudo, mangiyegto ni Yahweh iti napigsa nga angin a mangpalayupoy iti darat ken tapok iti dagayo, aginggana a madadael ti dagayo.

\s5
\v 25 Ikkanto ni Yahweh ti kabaelan dagiti kabusoryo a mangparmek kadakayo; darupento dagiti soldadoyo ida manipud iti maysa a dalan, ngem agtaraydanto manipud kadakuada kadagiti pito a dalan, ket inton makita dagiti tattao ti sabali a nasion ti mapaspasamak kadakayo, kunadanto a nakaam-amak dayta.
\v 26 Mataykayonto, ket umayto kanen dagiti billit ken dagiti atap nga ayup dagiti bangkayyo, ket awanto ti uray maysa a tao a mangbugaw kadakuada.

\s5
\v 27 Paglettegento ni Yahweh ti kudilyo, a kas iti panangpalettegna kadagiti tattao ti Egipto adu a tawenen ti napalabas. Paggaddelennakayonto, pagkuraden, ken aggagatelto dagiti kudilyo, ngem awanto ti makaagas kadagitoy a sakit.
\v 28 Pagmauyongento ni Yahweh ti sumagmamano kadakayo; pagbulsekennanto ti sumagmano kadakayo, ken tikawennanto ti sumagmamano kadagiti panunotyo.
\v 29 Gapu ta saanyo a kabaelan a makita ti papananyo, iti tengnga ti aldaw ket agar-arikapkayonto iti aglawlaw babaen kadagiti imayo, a kasla iti ar-aramiden dagiti tattao iti kasipngetan. Saankayonto a rumang-ay kadagiti amin nga aramidenyo. Agtultuloykayonto a maparparigat ken mataktakawan, ken awanto ti uray maysa a tao a tumulong kadakayo.

\s5
\v 30 Makitulagto dagiti sumagmamano a lallaki a mangasawa iti agtutubo a babai, ngem pilitinto ti sabali a tao a makikaidda kenkuana. Mangipatakderkayonto kadagiti balay, ngem saankayonto pulos nga agnaed kadagitoy. Agmulakayonto iti ubas, ngem saanyonto a kanen ti bungana; kanento ti sabali a tao dagitoy.
\v 31 Partiento dagiti kabusoryo dagiti bakayo bayat a buybuyaenyo ida, ket awanto ti maalayo nga aniaman iti karne a kanenyo. Guyodendanto dagiti asnoyo bayat a buybuyaenyo nga ar-aramidenda daytoy, ket saandanto nga isubli dagitoy kadakayo. Alaendanto ti karneroyo; ket awanto ti uray maysa a tao a mangtulong kadakayo a mangispal kadagitoy.

\s5
\v 32 Bayat nga agbuybuyakayo, maitedto dagiti annakyo a lallaki ken annakyo a babbai kadagiti ganggannaet tapno agbalin a tagaboda. Inaldaw nga ur-urayenyonto ti panagsubli dagiti annakyo, ngem aguraykayo iti awan serserbina.

\s5
\v 33 Alaento amin dagiti tattao manipud iti ganggannaet a nasion dagiti apit a nagbannoganyo, ken tratoendakayonto a kankanayon a sigugubsang ken siuuyong.
\v 34 Agbanagto nga aminto dagitoy a nakaam-amak a banbanag a makitkitayo ket mangpamauyongto kadakayo.
\v 35 Punoento ni Yahweh dagiti luppoyo iti naut-ot a letteg a saanto a maagasan, ket maaddaankayonto kadagiti letteg manipud iti dapanyo aginggana iti tuktok ti uloyo.

\s5
\v 36 Ipalubosto ni Yahweh a maipan ti ariyo ken dagiti dadduma kadakayo iti sabali a pagilian, iti lugar a saanyo a pulos a nagnaedan dakayo ken dagiti kapuonanyo, ket agdayaw ken agserbikayonto sadiay kadagiti dios a naaramid iti kayo wenno bato.
\v 37 Inton makita dagiti bunggoy ti tattao kadagiti asideg a pagilian ti napasamak kadakayo, maklaatdanto; uyawendakayonto ken pagkakatawaandakayo iti sadinoman a disso a pangipanan ni Yahweh kadakayo.

\s5
\v 38 Agmulakayonto ti adu a bukel kadagiti taltalonyo, ngem agapitkayonto laeng ti bassit, gapu ta kanen dagiti dudon dagiti mula.
\v 39 Agmulakayonto ti ubas ken taripatoenyo dagitoy, ngem saankayonto nga agburas iti aniaman a bungana a maaramid nga arak, gapu ta kanento dagiti igges dagiti lanut.

\s5
\v 40 Agtubonto dagiti kayo ti olibo iti sadinoman iti dagayo, ngem saankayonto a makaala iti lana ti olibo nga iyaprus iti kudilyo gapu ta maregregto dagiti bungana iti daga sakbay nga agluomda.
\v 41 Maaddaankayonto kadagiti annak a lallaki ken annak a babbai, ngem saandanto nga agtalinaed kadakayo, gapu ta matiliwdanto ken maiyadayoda.

\s5
\v 42 Kanento dagiti pangen ti dudon dagiti mulayo ken dagiti bulong dagiti amin a kayoyo.
\v 43 Dagiti agnanaed a ganggannaet iti dagayo ket ad-addanto pay a bumilbileg, ken kumapuykayonto a kumapuy.
\v 44 Addaandanto ti kuarta a maipautang kadakayo, ngem awanto ti aniaman a kuarta a maipautangyo kadakuada. Nangatngatodanto ngem kadakayo, ket nababbabakayonto kadakuada.

\s5
\v 45 Mapasamakto amin dagitoy a didigra kadakayo ken agtultuloy a mapasamak kadakayo aginggana a madadaelkayo, no saanyo nga aramiden ti imbaga ni Yahweh a Diosyo nga aramidenyo, ken saankayo nga agtulnog kadagiti amin a pagannurotan ken dagiti alagaden nga intedna kadakayo.
\v 46 Sipapasnekto dagitoy a didigra a mangballaag kadakayo ken kadagiti kaputotanyo iti agnanayon a mapasamak kadagiti bunggoy dagiti saan nga agtultulnog kenni Yahweh.

\s5
\v 47 Gapu ta benindisionannakayo iti nawadwad ni Yahweh iti adu a wagas, rumbeng koma nga agserbikayo a sirarag-o unay kenkuana, ngem saanyo nga inaramid dayta.
\v 48 Agtrabahokayonto ngarud a maipaay kadagiti kabusor nga ibaonto ni Yahweh a mangdarup kadakayo. Mabisinan ken mawawkayonto; awanankayonto kadagiti pagan-anay a maikawesyo; ken agkurangkayonto iti amin a banag a kasapulanyo. Ken aramidennakayonto ni Yahweh a tagabo ken agtrabahokayonto ti nadagsen aginggana a madadaelnakayo.

\s5
\v 49 Mangyegto ni Yahweh ti armada a maibusor kadakayo manipud iti adayo unay, soldado nga agsasao iti pagsasao a saanyo a maawatan. Sippayutendakayonto a dagus a kasla maysa nga agila.
\v 50 Aglanglangadanto a narungsot. Saanda nga agtignay a siaasi iti siasinoman, uray kadagiti ubbing wenno nataengan.
\v 51 Papatayen ken kanendanto dagiti ayupyo, ken kanendanto dagiti mulayo, ket agbisinkayonto. Awanto ti ibatida kadakayo a bukel wenno arak wenno lana ti olibo wenno baka wenno karnero; ket mataykayonto amin iti bisin.

\s5
\v 52 Palawlawanto dagiti kabusoryo dagiti iliyo iti entero a daga a dandani ited kadakayo ni Yahweh a Diosyo, ket rebbaendanto dagiti nangato ken natibker a pader iti aglawlaw dagiti iliyo, padpader a nagtalkanyo a mangsalaknib kadakayo.
\v 53 Inton palpalawlawan dagiti kabusoryo dagiti iliyo, mabisinankayonto ti kasta unay, nga agbanag a kanenyonto ti lasag dagiti bukodyo nga annak a lallaki ken annak a babbai nga inted kadakayo ni Yahweh a Diosyo.

\s5
\v 54-55 inton napalawlawanen dagiti kabusoryo dagiti iliyo, uray ti kaalumanayan ken kaarsagidan a lalaki kadakayo ket agtarigagayto iti kasta unay iti taraon, nga agbanag a patayennanto ti bukodda nga annak ket kanenda ti lasagda, gapu ta awanto ti aniaman a banag a kanenda. Saandanto pay a mangibingay ti aniaman iti daytoy kadagiti kabsatda a lallaki wenno kadagiti ay-ayatenda unay nga asawa wenno iti siasinoman kadagiti dadduma nga annakda a sibibiag.

\s5
\v 56-57 Uray ti kaalumanayan ken manangngaasi unay a babbai kadakayo, a nakabakbaknang la unay nga agbanag a saanda pay a mapilit a magna iti sadinoman, ket aramidendanto ti kasta met laeng a banag. Inton napalawlawanen dagiti kabusoryo dagiti iliyo, mabisinanto unay dagitoy a babbai, nga agbanag a kalpasan iti panangipasngayda iti ubing, sililimeddanto a patayen ti maladaga ken kanen iti lasagna ken kanendanto ti kadkadua. Ket saandanto a mangibingay ti aniaman iti daytoy kadagiti assawada nga ay-ayatenda unay wenno iti siasinoman kadagiti dadduma nga annakda.

\s5
\v 58 No saankayo nga agtulnog a sipupudno kadagiti amin a linteg nga isursuratko, ken no awan unay iti panagraemyo kenni Yahweh a naglorian a Diostayo,
\v 59 dusaennakayonto babaen iti panangiyegna kadakayo ken kadagiti kaputotanyo kadagiti nakaro a pannakaparigat ken kadagiti didigra nga agpaut iti adu a tawtawen.

\s5
\v 60 Iyegnanto kadakayo dagiti didigra nga imbaonna kadagiti Egipcio, ket saankayonto a pulos a maagasan.
\v 61 Iyegnanto pay kadakayo dagiti adu a sagsagubanit ken saksakit a saanko a dinakamat kadagitoy a linteg, aginggana a mataykayonto amin.
\v 62 Nagbalinkayo a kas kaadu dagiti bituen idiay tangatang, ngem bassit laeng kadakayo ti agtalinaedto a sibibiag, no saankayo nga agtulnog kenni Yahweh a Diosyo.

\s5
\v 63 Maragsakan unay ni Yahweh nga agaramid kadagiti nasayaat a banbanag para kadakayo ken iti panangpaaduna kadakayo, ngem ita maragsakan isuna a mangdadael kadakayo ken mangpapanaw kadakayo. Kadagiti saan a matay kadakayo manipud kadagiti didigra ket marabsutdanto manipud iti daga a serrekenyonto a tagikuaen.
\v 64 Iwarasnakayonto ni Yahweh kadagiti adu a bunggoy ti tattao, iti amin a rabaw ti daga, ken kadagita a lugar, agdayawkayonto kadagiti sabali a dios a naaramid iti kayo wenno bato, dios a saanyo a pulos nga am-ammo ken dagiti kapuonanyo.

\s5
\v 65 Awanto ti talnayo kadagitoy a disso, makariknakayonto ti kinaawan ti namnama ken maupaykayo.
\v 66 Mabutbutengkayonto a kankanayon a papatayendakayo dagiti kabusoryo. Managbutbutengkayonto unay, iti amin nga aldaw ken ti amin a rabii.

\s5
\v 67 Gapu ta kasta unay ti butengyo ken gapu ta kasta unay ti pannakariribukyo gapu kadagiti nakaam-amak a banbanag a makitkitayo, kunaenyonto iti tunggal agsapa 'Tarigagayko a rabii koman' ken kunaenyonto ti tunggal rabii 'Tarigagayko nga agsapa koman!'
\v 68 Isublinto ni Yahweh ti sumagmamano kadakayo idiay Egipto babaen iti bangka, uray pay inkarina a saankayonto a pulos a mapilit a mapan manen sadiay. Padasenyonto nga ilako ti bagiyo idiay Egipto tapno agbalin a tagabu dagiti kabusoryo tapno maaddaankayonto iti taraon a kanen, ngem awanto a pulos ti gumatang kadakayo."

\s5
\c 29
\p
\v 1 Dagitoy dagiti nainayon a bilbilin ni Yahweh a kasapulan a pagtulnogan dagiti Israelita. Idi addada idiay rehion ti Moab iti daya a paset iti Karayan Jordan, binilin ida ni Moises a salimetmetanda dagitoy a pagannurotan. Nagbalin a paset iti tulag dagitoy a pagannurotan nga inaramid ni Yahweh kadakuada idiay bantay Sinai.

\s5
\v 2 Pinaayaban ni Moises dagiti amin nga Israelita ket kinunana kadakuada. "Nakitayo a mismo ti inaramid ni Yahweh iti ari ti Egipto ken kadagiti opisialna ken ti entero a pagilianna.
\v 3 Nakitayo amin dagiti didigra nga inyeg ni Yahweh kadakuada, ken dagiti amin a nadumaduma a milagro nga inaramidna.
\v 4 Ngem agpapan ita nga aldaw, saan nga impakaawat ni Yahweh kadakayo ti kaipapanan dagiti amin a nakitayo ken nangngeganyo.

\s5
\v 5 Indalannakayo ni Yahweh iti 40 a tawen bayat a nagdaliasatkayo iti disierto. Bayat dayta a tiempo, saan a dimmaan dagiti kawes ken sandaliasyo.
\v 6 Awanankayo iti tinapay a kanen wenno arak wenno dadduma a napaingel a mainum, ngem inaywanannakayo ni Yahweh, tapno maammoanyo nga isuna ti Diosyo.

\s5
\v 7 Ket idi dimtengtayo iti daytoy a disso, rimmuar ni Sihon, ti ari a nagturay idiay siudad ti Hesbon, ken ni Og, ti ari a nagturay iti rehion ti Basan a kaduada dagiti armadada tapno mangdarup kadatayo, ngem naparmektayo ida.
\v 8 Innalatayo ti dagada ken biningaytayo daytoy kadagiti tribu ni Ruben ken Gad, ken ti kaguddua ti tribu ni Manases.
\v 9 Isu a pagtulnoganyo a sipupudno amin daytoy a tulag, tapno rumang-aykayonto iti amin a banag nga aramidenyo.

\s5
\v 10 Agtaktakdertayo amin ita iti presensia ni Yahweh a Diostayo— Siak, dagiti mangidadaulo, dagiti amin a tribuyo, dagiti panglakayenyo, dagiti opisialesyo, amin a lallaki nga Israelita,
\v 11 dagiti assawayo, dagiti ubbingyo, ken dagiti gangganaet a makipagnanaed kadatayo ken agpukpukan ti kayo ken agsaksakdo ti danum para kadatayo.

\s5
\v 12 Addakayo amin ditoy ita tapno umanamong a mangawat iti daytoy a tulag kenni Yahweh, ken tapno ireppetyo iti bagbagiyo iti daytoy.
\v 13 Ar-aramidenna daytoy a tulag kadakayo tapno patalgedanna a tattaonakayo, ken isuna ti Diosyo. Daytoy ti inkarina nga aramiden kadakayo, ken ti sipapasnek nga inkarina nga aramiden kadagiti kapuonanyo a da Abraham, Isaac ken ni Jacob.

\s5
\v 14 Saan laeng a para kadakayo daytoy a tulag.
\v 15 Ar-aramiden ti Dios daytoy a tulag kadatayo nga adda ditoy ita ken kasta met dagiti kaputotantayo a saan pay a naiyanak.
\v 16 Lagipenyo dagiti banbanag a sinagaba dagiti kapuonantayo idiay Egipto, ken ti panagdaliasatda iti daga a kukua dagiti sabali a nasion kalpasan a rimmuarda manipud iti Egipto.

\s5
\v 17 Nakitada kadagitoy a pagilian dagitoy makarimon a didiosen a naaramid iti kayo ken bato ken naarkosan ti pirak ken balitok.
\v 18 Isu a siguradoenyo nga awan ti lalaki wenno babai wenno pamilia wenno tribu nga adda ditoy ita a tumallikod manipud kenni Yahweh a Diostayo, tapno agdaydayaw iti aniaman a dios dagitoy a bunggoy dagiti tattao. No aramidenyo dayta, mangiyegkayonto ti didigra kadagiti bagbagiyo.
\v 19 Siguradoenyo nga awan ditoy ita ti dumngeg kadagiti sasao daytoy a tulag ti agkuna ti bagina, 'Sumayaat amin a banag kaniak, uray no natangken ti ulok a mangaramid ti kayatko.' No aramidenyo dayta, agbanag a dadaelennakayonto amin ni Yahweh, nasayaat ken dakes a tattao.

\s5
\v 20 Saanto a pakawanen ni Yahweh ti siasinoman a natangken ti ulona a kas iti dayta. Ngem ketdi, makapungtotto unay isuna iti dayta a tao, ken mapasamakto iti dayta a tao dagiti amin a lunod nga imbagak kadakayo, agingga a dadaelen ni Yahweh dayta a tao ken ti pamiliana iti agnanayon.
\v 21 Manipud kadagiti amin a tribu ti Israel, piliento ni Yahweh dayta a tao nga agsagaba kadagiti amin a didigra nga insuratko iti tulag—amin a dakes a banbanag a mapasamakto iti siasinoman nga ilunod ni Yahweh gapu iti saanna a panagtungpal kadagiti linlinteg nga insuratko iti daytoy nalukot a pagbasaan.

\s5
\v 22 Kadagiti masakbayan a tawtawen, makitanto dagiti kaputotanyo ken dagiti tattao manipud kadagiti dadduma a pagilian dagiti didigra ken dagiti saksakit nga iyeg ni Yahweh a mapasamak kadakayo.
\v 23 Makitadanto a madadael amin a dagayo babaen iti mapupuoran nga asupre ken asin. Awanto ti aniaman a naimula. Awanto ti uray ruot nga adda sadiay. Maipadanto ti dagayo kadagiti siudad ti Sodoma ken Gomorra, ken dagiti siudad ti Adma ken Seboim, a dinadael ni Yahweh idi kasta unay ti ungetna kadagitoy a tattao.
\v 24 Ket agsaludsodto dagiti tattao manipud kadagiti dadduma a nasion, "Apay nga inaramid ni Yahweh daytoy iti daytoy a daga? Apay ta kasta unay ti ungetna kadagiti tattao a nagnaed sadiay?

\s5
\v 25 Ket sumungbatto dagiti dadduma a tattao, "Daytoy ket gapu ta nagkedkedda nga agtulnog ti tulag nga inaramidda kenni Yahweh, ti Dios a dinaydayaw dagiti kapuonanda, idi inruarna ida manipud ti Egipto.
\v 26 Ngem ketdi, nagdaydayawda kadagiti sabali a didiosen a saanda a pulos a dinaydayaw idi, didiosen a saan nga imbaga ni Yahweh a dayawenda.

\s5
\v 27 Isu a nakaunget unay ni Yahweh kadagiti tattao daytoy a daga, ket pinalubosanna a mapasamak kadakuada amin a didigra nga imballaag dagiti mangidadaulo kadakuada.
\v 28 Nakaunget unay ni Yahweh kadakuada ken inruarna ida manipud ti dagada, ken impanna ida iti sabali a daga, ket addada latta sadiay.'

\s5
\v 29 Adda dagiti banbanag nga inlimed ni Yahweh a Diostayo, ngem impakaammona ti lintegna kadatayo, ken namnamaennatayo ken dagiti kaputotantayo nga agtulnog iti daytoy ti agnanayon.

\s5
\c 30
\p
\v 1 Imbagak ita kadakayo ti maipanggep kadagiti wagas a panangbendision ni Yahweh a Diostayo kadakayo no agtulnogkayo kenkuana ken dagiti wagas a panangilunodna kadakayo no aglabsingkayo kenkuana. Ngem no pilienyo ti saan nga agtulnog kadagiti linlintegna, dumtengto ti aldaw nga agnaedkayo kadagiti pagilian a pangiwarasanna kadakayo, ket malagipyonto ti imbagak kadakayo.
\v 2 Ket, no dakayo ken dagiti annakyo ket mangrugi nga agdaydayaw kenni Yahweh a Diostayo ken sipupudno nga agtulnog iti amin nga imbilinko kadakayo ita nga aldaw nga aramidenyo,
\v 3 siaasinto manen nga agtignay isuna kadakayo. Isublinakayonto manipud kadagiti nasion a nangiwarasanna kadakayo, ken parang-ayennakayonto manen.

\s5
\v 4 Uray no naiwaraskayon kadagiti adayo unay a luglugar ti daga, ummongennakayonto ni Yahweh a Diostayo manipud sadiay ken isublinakayonto iti dagayo.
\v 5 Ipalubosna a matagikuayo manen ti daga a nagnaedan dagiti kapuonanyo. Ken ad-adda a parang-ayen ken paaddoennakayonto ngem kadakayo ita.

\s5
\v 6 Baliwanto ni Yahweh dagiti kaungganyo, nga agbanag nga ayatenyo isuna iti isu-amin a tarigagay ken iti isu-amin a riknayo. Ket kalpasanna, agtultuloykayonto nga agnaed iti dayta a daga.
\v 7 Iyegto ni Yahweh a Diostayo dagiti amin a didigra nga imbagak kadakayo kadagiti kabusoryo ken kadagiti nangidaddadanes kadakayo.
\v 8 Kas inaramidyo idi, aramidenyonto ti kayat ni Yahweh nga aramidenyo, ken agtulnogkayonto kadagiti amin a bilbilin nga intedko kadakayo ita nga aldaw.

\s5
\v 9 Parang-ayennakayonto ni Yahweh iti kasta unay iti amin nga aramidenyo. Maaddaankayonto kadagiti adu nga annak ken adu nga ay-ayup, ken makapataudkayonto ti aglaplapusanan a mulmula. Maragsakanto manen isuna a mangparang-ay kadakayo, a kas ti karagsakna a nangparang-ay kadagiti kapuonanyo.
\v 10 Ngem aramidennanto laeng dagitoy a banbanag no aramidenyo ti imbagana nga aramidenyo, ken no laeng agtulnogkayo kadagiti amin a paglintegan ken pagannurotan nga insuratko maipanggep iti daytoy a libro, ken no laeng agsublikayo kenni Yahweh iti isu-amin a tarigagay ken iti isu-amin a riknayo.

\s5
\v 11 Saan unay a narigat a pagtulnoganyo dagiti bilbilin nga it-itedko kadakayo ita nga aldaw, ken saan a narigat nga ammoen dagitoy.
\v 12 Saanda a nailemmeng idiay langit. Saan a kasapulan a kunaenyo, 'Siasino ti makaapan idiay langit para kadatayo tapno iyegda dagitoy kadatayo tapno maadaltayo dagitoy?'

\s5
\v 13 Ken awanda ti sabali a bangir ti baybay. Saan a kasapulan a kunaenyo, 'Siasino ti bumallasiw ti baybay para kadatayo ken mangisubli kadagitoy kadatayo, tapno maadaltayo dagitoy?'
\v 14 Saan, adda ditoy kadakayo dagiti bilbilinna. Ammoyo dagitoy, ken mabalin nga ibagayo a masansan dagitoy. Tapno nalakayo a tungpalen dagitoy.

\s5
\v 15 Isu a dumngegkayo! Palpalubosankayo ita nga aldaw a pumili iti panagar-aramid iti dakes ken naimbag, ti mangpabbiag kadakayo iti atiddug a tiempo ken ania ti mangpapatay kadakayo bayat nga ubingkayo pay.
\v 16 Ibagak manen, no agtulnogkayo kadagiti bilbilin ni Yahweh a Diostayo nga it-itedko kadakayo ita nga aldaw, ken no ayatenyo isuna ken no agbiagkayo a kas ti kayatna nga aramidenyo, ken no agtulnogkayo kadagiti amin a paglintegan ken pagannurotanna, rumang-ay ken umadukayonto unay, ket bendisionannakayo ni Yahweh a Diostayo iti daga a serreken ken tagikuaenyo.

\s5
\v 17 Ngem no tumallikodkayo kenni Yahweh ken agkedkedkayo a mangipangag ti ibagbagana, ken no itulokyo a maiturong dagiti bagbagiyo nga agdaydayaw kadagiti sabali a dios,
\v 18 Balballaagankayo ita nga aldaw a mataykayonto iti mabiit. Saanto nga agbiag iti atiddug unay dagiti tattaoyo iti daga a ballasiwenyo ti Karayan Jordan a serreken ken tagikuaen.

\s5
\v 19 Kidkiddawek iti tunggal maysa idiay langit ken iti daga a mangpaneknek kadakayo, nga ita nga aldaw, palpalubosankayo a pumili no kayatyo ti agbiag iti atiddug a tiempo wenno matay ti mabiit, wenno kayatyo a bendisionannakayo ni Yahweh wenno ilunodnakayo. Pilienyo ngarud ti agbiag.
\v 20 Ikeddengyo nga ayatenyo ni Yahweh a Diostayo ken agtulnogkayo kenkuana. No aramidenyo dayta, dakayo ken dagiti kaputotanyo ket agbiagto iti atiddug a tiempo iti daga a sipapasnek nga inkari ni Yahweh nga ited kadagiti kapuonanyo, a ni Abraham, Isaac ken ni Jacob.

\s5
\c 31
\p
\v 1 Idi nalpasen nga ibagbaga dayta ni Moises kadagiti Israelita,
\v 2 "Agtawenakon ti 120." Saankon a kabaelan a pulos ti mapan iti sadinoman a kasapulan a papananyo, isu a saanen a siak ti mangidadauloyo. Maysa pay, imbaga ni Yahweh kaniak a saanakto a bumallasiw ti Karayan Jordan.
\v 3 Ngem umun-una ni Yahweh a Diostayo kadakayo. Ikkannakayonto iti kabaelan a mangdadael kadagiti nasion nga agnanaed sadiay, tapno matagikuayo ti dagada. Ni Josue ti agbalinto a panguloyo, nga isu ti imbagan ni Yahweh kaniak.

\s5
\v 4 Aramidento ni Yahweh kadagitoy a nasion ti inaramidna kenni Sihon ken ni Og, dagiti dua nga ar-ari dagiti bunggoy dagiti Amorreo idi dinadaelna dagiti armadada ken dagiti bunggoy dagiti tattaoda.
\v 5 Ikkanakayonto ni Yahweh ti kabaelan a mangparmek kadagitoy a bunggoy dagiti tattao, ngem masapul a papatayenyo amin dagitoy a tattao, nga isu ti imbilinko nga aramidenyo.
\v 6 Tumuredkayo ken agtalekkayo. Saankayo nga agbuteng kadagitoy a tattao. Saanyo a liplipatan a ni Yahweh a Diostayo ti kumuyogto kadakayo. Kankanayonnakayonto a tulongan ken saannakayonto a pulos a baybay-an."

\s5
\v 7 Ket inayaban ni Moises ni Josue iti abayna ket kinunana kenkuana, "Tumuredka ken agtalekka. Sikanto ti mangidaulo kadagitoy a tattao a mapan iti daga nga inkari ni Yahweh nga itedna kadagiti kapuonantayo, ken ikkamto ida iti kabaelan a mangtagikua iti daytoy.
\v 8 Umun-unanto ni Yahweh kenka. Addanto isuna kenka. Kankanayonnakanto a tulongan. Saannakanto a pulos a baybay-an. Isu a saanka nga agbuteng ken maupay."

\s5
\v 9 Insurat amin ni Moises dagitoy a linlinteg ken intedna ti nalukot a pagbasaan kadagiti papadi, a nangaw-awit iti lakasa ti tulag. Intedna met ti nalukot a pagbasaan kadagiti amin a panglakayen dagiti Israelita.
\v 10 Imbaga ni Moises kadakuada, "Ti paggibusan iti tunggal pito a tawen, iti tiempo a mawaswas amin nga ut-utang, ibasam daytoy kadagiti tattao bayat ti Piesta dagiti Abong-abong.
\v 11 Ibasam daytoy kadagiti amin nga Israelita inton aguummongda iti disso a pilien ni Yahweh para kadakuada tapno agdaydayawda kenkuana.

\s5
\v 12 Ummongem amin a sangsangkamaysa—dagiti lallaki, babbai, ubbing, uray dagiti gangganaet nga agnanaed kadagiti iliyo—tapno mangngegda ken maadalda dagitoy a linlinteg ket maaddaanda iti nalaos a panagraem kenni Yahweh a Diostayo, ken tapno sipupudno nga agtulnog iti amin a banag a naisurat kadagitoy a linlinteg.
\v 13 No aramidenda dayta, dagiti kaputotanyo, a saan pay a pulos a nakaammo kadagitoy a linlinteg, mangngeganda dagitoy ket maadalda met ti maaddaan ti nalaos a panagraem kenni Yahweh a Diostayo, bayat dagiti amin a tawtawen nga agnanaedda iti daga a ballasiwenyo ti Karayan Jordan tapno tagikuaen."

\s5
\v 14 Ket kinuna ni Yahweh kenni Moises, "Dumngegka a naimbag. Mataykanto iti mabiit. Paayabam ni Josue, ket mapanka iti nasagradoan a tolda a kaduam isuna, tapno dutokak isuna nga agbalin a baro a mangidaulo." Isu a napan ni Josue ken ni Moises iti nasagradoan a tolda.
\v 15 Sadiay, nagparang ni Yahweh kadakuada ti adigi iti ulep, ket adda dayta nga ulep iti ngato ti pagserkan ti tolda.

\s5
\v 16 Kinuna ni Yahweh kenni Moises, "Mataykanton iti mabiit. Ket agbalinto a saan a napudno kaniak dagitoy a tattao. Agsardengdanto nga agtultulnog iti tulag nga inaramidko kadakuada. Ruggiandanto nga agdaydayaw kadagiti sabali a dios a dinaydayaw dagiti tattao iti daga a serkendanto.

\s5
\v 17 Inton mapasamak dayta, makaungetakto iti kasta unay kadakuada. Baybay-akto ida ken agkedkedakto a tumulong kadakuada ni kaanoman. Adu a dakes a banbanag ti mapasamakto kadakuada, ket madadaeldanto. Ket ibagadanto kadagiti bagbagida, 'Mapaspasamak dagitoy a banbanag kadatayo, gapu ta awanen kadatayo ti Diostayo.'
\v 18 Ken gapu kadagiti amin a dakes a banbanag nga inaramidda, ken nangnangruna a gapu ti panagrugida a nagdaydayaw kadagiti sabali a dios, agkedkedak a tumulong kadakuada.

\s5
\v 19 Isu nga ikkanka Moises iti maysa a kanta. Isuratmo daytoy iti nalukot a pagbasaan ken isurom kadagiti Israelita ken ipaiyulom kadakuada daytoy. Kaslanto saksi daytoy a mangpabasol kadakuada.
\v 20 Dandanin nga ipanko ida iti nadam-eg a daga, ti daga a sipapasnek nga ingkarik nga itedko kadagiti kapuonanda. Maddaandanto sadiay ti nawadwad a kanen, a ti pagbanaganna ket kankanayonto a napnapno dagiti tianda ken lumukmegdanto. Ngem, tumalliawdanto latta kadagiti sabali a dios ken mangrugida nga agdaydayaw kadagitoy, ket laisen ken burakenda ti tulag nga inaramidko kadakuada.

\s5
\v 21 Ken adu a nakabutbuteng a didigra ti mapasamakto kadakuada. Kalpasan a mapasamak dayta, malagipto dagiti kaputotanda daytoy a kanta, ken agbalinto daytoy a kasla saksi a kunkunana, 'Ita, ammoyon no apay a dinusa ni Yahweh dagiti kapuonanyo.' Ipankonton ida iti mabiit iti daga a sipapasnek nga inkarik nga itedkonto kadakuada; ngem uray ita, sakbay nga aramidek dayta, ammok ti panpanunotenda nga aramidendanto inton agnanaedda sadiay."

\s5
\v 22 Isu nga iti dayta met laeng nga aldaw a panangited ni Yahweh kenni Moises dayta a kanta, insuro met ni Moises daytoy kadagiti Israelita.
\v 23 Ket dinutokan ni Yahweh ni Josue a kas maysa a mangidaulo ket kinunana kenkuana, "Tumuredka ken agtalekka, gapu ta idauloam dagiti Israelita a mapan iti daga a sipapasnek nga inkarik nga itedkonto kadakuada. Ket addaakto kenka."

\s5
\v 24 Nalpasen nga insursurat ni Moises amin a linteg iti nalukot a pagbasaan.
\v 25 Ken imbagana kadagiti kaputotan ni Levi, a mangaw-awit iti Nasagradoan a Lakasa ti Tulag a naglaon kadagiti Sangapulo a Bilbilin,
\v 26 "Alaenyo daytoy a nalukot a pagbasaan a nakaisuratan dagitoy a linlinteg, ket ikabilyo daytoy iti abay ti Nasagradoan a Lakasa ti Tulag nga aglaon ti tulag nga inaramid ni Yahweh a Diosyo kadakayo, tapno agtalinaed daytoy sadiay a mangpaneknek maipanggep ti aramiden ni Yahweh kadagiti tattao no saanda nga agtulnog kenkuana.

\s5
\v 27 Ibagbagak daytoy gapu ta ammok a natangken unay ti ulo dagitoy a tattao. Nagsukirda maibusor kenni Yahweh bayat ti amin a tiempo nga addaak kadakuada, ken ad-addanto pay nga agsukirda kalpasan a matayak!
\v 28 Isu nga ummongem amin a panglakayen dagiti tribu ken opisialesyo, tapno maisurok kadakuada dagiti sasao daytoy a kanta, ken tapno makadawatak kadagiti adda iti langit ken iti daga tapno agbalin a saksi a mangpaneknek maibusor kadagitoy a tattao.
\v 29 Ibagak daytoy, gapu ta ammok a kalpasan a matayak, agbalinto a nadangkes unay dagiti tattao. Tumallikoddanto manipud ti panagar-aramidda kadagiti amin nga imbilinko kadakuada nga aramidenda. Ken iti masakbayan, gapu kadagiti dakes a banbanag nga aramidendanto, paungetendanto ni Yahweh. Ken ipapadasnanto kadakuada dagiti didigra."

\s5
\v 30 Kalpasanna, bayat a dumdumngeg dagiti Israelita, kinanta ni Moises daytoy sibubukel a kanta kadakuada:

\s5
\c 32
\p
\v 1 Dumngegkayo kaniak, dakayo amin nga adda kadagiti langit, ken dakayo amin nga adda iti daga, dumngegkayo iti ibagak.
\v 2 Tarigagayak a matulongannakayo koma ti kantak a kasla ti panangtulong ti tudo kadakayo, wenno kas iti linnaaw iti daga iti agsapa, wenno kasla arimukamok kadagiti naganus a mulmula, kasla arbis kadagiti ruruot.

\s5
\v 3 Idaydayawko ni Yahweh. Ken dakayo amin a tattao ket rumbeng nga agdayawkayo iti kinatan-ok ti Diostayo.
\v 4 Maiyarig isuna iti maysa a bato iti ngato a mangsalaknib kadatayo; awan pakapilawanna amin a banbanag nga ar-aramidenna ken naan-anay a nalinteg. Kankanayon nga ar-aramidenna ti ibagbagana nga aramidenna; saan a pulos nga agar-aramid isuna iti aniaman a banag a biddut.

\s5
\v 5 Ngem dakayo nga Israelita, nakaro ti saanyo a kinapudno kenkuana; gapu kadagiti basbasolyo, saankayon a pulos a maikari nga agbalin nga annakna. Napalalo unay ti kinadangkes ken kinamanangallilawyo.
\v 6 Dakayo a maag ken awan kaririknana a tattao, kastoy kadi ti wagas a panangsupapakyo kenni Yahweh kadagiti amin nga inaramidna kadakayo? Isuna ti amayo; pinarsuanakayo; pinagbalinnakayo a nasion.

\s5
\v 7 Panunotenyo ti napasamak iti nabayag a tiempo; ibilangyo ti napasamak kadagiti kapuonanyo. Saludsodenyo kadagiti nagannakyo, ket ipakaammoda kadakayo; saludsodenyo kadagiti nataengan a tattao, ket ibagadanto kadakayo.
\v 8 Idi ti Dios a nain-indaklan ngem kadagiti aniaman a dios, biningayna idi dagiti tattao iti kada bunggoy, insaadna kadagiti tunggal nasion ti dagada. Inkeddengna ti rumbeng a pagnaedan ti tunggal bunggoy ti tattao ket inikkanna ti pagpatinggaan ti bukodda a dios ti tunggal bunggoy dagiti tattao.

\s5
\v 9 Ngem inkeddeng ni Yahweh nga agbalintayo a tattaona; pinilinatayo, dagiti kaputotan ni Jacob, nga agbalin a kukuana.
\v 10 Nakitana dagiti kapuonantayo idi addada iti desierto, agalla-alla iti daga nga awan matataona. Sinalakniban ken inaywananna ida, a kas iti panangaywan iti maysa a tao iti bukodna a mata.

\s5
\v 11 Sinalakniban ni Yahweh dagiti tattaona a kasla panangpapigsa ti agila kadagiti sibongna a tumayab ken agpayakpak kadagitoy, iyukradna dagiti payakna ken sippayutenna ida no matinnagda.
\v 12 Ni laeng Yahweh ti nangidalan kadakuada; awan ti gangannaet a dios a timmulong kadakuada.

\s5
\v 13 Kapalsan a naserrekda ti daga nga inkari ni Yahweh nga itedna kadakuada, pinagturay ida ni Yahweh kadagiti katurturodan a pagilian; kinnanda dagiti mula a nagtubo kadagiti kataltalonan. Nakasarakda iti diro kadagiti batbato, ken nagtubo dagiti kayoda nga olibo uray iti nabato a daga.

\s5
\v 14 Inikkan ida dagiti baka iti adu a mantikilia; inikkan ida dagiti kalding iti adu a gatas, addaanda kadagiti nataraonan a husto a karnero ken baka, addaanda iti nasasayaat a trigo, ken nangaramidda iti naimas nga arak manipud kadagiti ubasda.

\s5
\v 15 Bimmaknang ken rimmang-ay dagiti Israelita, ngem nagsukirda iti Dios; pinanawanda isuna, ti nangparsua kadakuada, ti mannakabalin unay a mangisalsalakan kadakuada.
\v 16 Pinanawanna ida gapu ta rinuggianda ti nagdaydayaw kadagiti sabali a dios. Gapu iti panagdaydayawda kadagiti makarimon a didiosen, nakaunget isuna.

\s5
\v 17 Nangisagutda kadagiti daton kadagiti dios a pudpudno a demonio, dagiti dios a saan a pulos a naam-ammo dagiti kapuonanda; nangisagutda kadagiti daton kadagiti dios a kaanoda laeng a naam-ammo, dagiti dios a saan a pulos a rinaem dagiti kapuonanyo.
\v 18 Linipatda ti pudno a Dios, ti mangsalsalaknib kadakuada, ti nangparsua kadakuada ken nangbiag kadakuada.

\s5
\v 19 Idi nakita ni Yahweh a pinanawanda isuna, nakaunget isuna, isu a linaksidna dagiti Israelita nga imbilangna a kasla annakna a lallaki ken babbai.
\v 20 Kinunana, ‘Nadangkesda unay a tattao, saanda a napudno; isu a saankon ida a pulos a tulongan, ket buyaek ken kitaek iti mapasamak kadakuada.

\s5
\v 21 Gapu ta agdaydayawda ita kadagiti didiosen, a saan a pudpudno a dios, pinagimondak a kasla panagimon ti asawa a lalaki gapu ta kayatko a siak laeng ti dayawenda. Ita ngarud, tapno mapaungetko ida, mangibaonak ita iti maysa nga armada dagiti nasion nga awan pategna ken maag a tattao a mangraut kadakuada.

\s5
\v 22 Makaungetakto unay, ket dadaelekto ida a kasla apuy a manguram kadakuada inggana iti lugar nga ayan dagiti natay a tattao; dadaelento dayta nga apuy ti daga ken dagiti amin a nagtubo iti daytoy, ken puoranna uray dagiti adda iti sakaanan dagiti bantay.

\s5
\v 23 Mangigabsuonakto kadakuada kadagiti adu a didigra; mariknadanto a kasla ibibiatko dagiti amin a baik kadakuada.
\v 24 Mataydanto gapu iti bisin ken gapu iti nakaro a gurigor ken a saksakit; mangibaonakto kadagiti nauuyong nga ayup a mangdarup kadakuada, ken nagigita nga ul-uleg a mangtuklaw kadakuada.

\s5
\v 25 Iti ruar dagiti babbalayda, papatayen ida dagiti kabusorda babaen kadagiti kampilan, ket kadagiti pagtaenganda, butbutngen ida dagiti kabusorda. Papatayento dagiti kabusorda dagiti agtutubo a lallaki ken babbai, ket papatayendanto dagiti maladaga ken nataengan a tattao nga ubanan.
\v 26 Kayatko laeng nga iwaras ida kadagiti adayo a pagilian tapno awanton a pulos ti siasinoman a makalagip kadakuada.

\s5
\v 27 Ngem no inaramidko dayta, sibibiddut nga ipasindayaw dagiti kabusorda nga isuda iti nangpapanaw kadagiti tattaok; kunaendanto, “Dakami ti nangparmek kadakuada; saan a ni Yahweh ti nangaramid kadagitoy a banbanag.”’

\s5
\v 28 Dakayo nga Israelita ket maysa a nasion dagiti tattao nga awanan iti aniaman a rikna. Awan kadakayo iti masirib.
\v 29 No masiribkayo, maawatanyo no apay a madusakayo; maamirisyo koma ti mapasamak kadakayo.

\s5
\v 30 Maamirisyo koma nu apay nga abaken ti maysa laeng a soldado dagiti kabusoryo dagiti sangaribo a soldadoyo, ken no apay a kamaten dagiti dua a kabusoryo dagiti sangapulo a ribo a soldado dagiti Israelita. Maamirisyo a mapasamak laeng daytoy no ti Dios, a kankanayon a mangikankanawa kadakayo, ket ipaimanakayo kadagiti kabusoryo, a pinanawannakayo ni Yahweh.
\v 31 Ammo dagiti kabusoryo a saan a nabileg dagiti diosda a kasla kenni Yahweh, a Diostayo, isu a dagiti diosda ket saandatayo a maparmek nga Israelita.

\s5
\v 32 Dagiti kabusoryo ket kasla puon dagiti ubas a naimula iti asideg ti panakadadael dagiti siudad ti Sodoma ken Gomora; napait ken makasabidong dagiti ubas a nagtaud kadagitoy a puon.

\s5
\v 33 Dagiti arak a nagtaud kadagitoy nga ubas ket kasla ti gita dagiti uleg.
\v 34 Kuna ni Yahweh, ‘Ammok ti pinanggepko nga aramiden kadagiti Israelita ken kadagiti kabusorda, ket inkandadok dagitoy a panggep a kas panangikandado iti maysa a tao kadagiti napapateg a sanikuana.

\s5
\v 35 Siak a mismo ti agibales ket pagbayadek dagiti kabusor iti inaramidda kadagiti tattaok, iti umno a tiempo a madusada; makapadasdanto kadagiti didigra, ket dusaekto ida a dagus.’

\s5
\v 36 Ngem kunaento ni Yahweh a dakayo a pudno a tattaona ket awan basolyo, ket agtignay isuna a siaasi kadakayo nga agserserbi kenkuana, inton makitana nga awan gawgawayyo, ket sumagmamanokayo laengen, tagabu wenno nawaya a tattao, a sibibiag pay.

\s5
\v 37 Ket saludsoden ni Yahweh kadakayo. ‘Sadino ti ayan dagiti dios nga impagarupyo a mangsalaknib kadakayo?
\v 38 Intedyo kadagitoy a dios dagiti kasasayaatan a paset dagiti ayup nga indatonyo, ken nangibukbokkayo iti arak nga inumenda. Isu a rumbeng a bumangonda ket tulongandakayo; isuda ti rumbeng a mangsalaknib kadakayo!

\s5
\v 39 Ngem ita naamirisyo a Siak, Siak laeng ti Dios; awanen ti sabali a dios a pudpudno a dios. Siak ti mabalin a mangpatay ken mangbiag kadagiti tattao; mabalinko a sugaten ken agasan dagiti tattao, ket awan ti siasinoman a makalapped kaniak a mangaramid kadagitoy a banbanag.
\v 40 Ingatok ti imak iti langit ket sipapasnek nga inwaragawagko nga awan duadua a kas agbibiagak iti agnanayon, agtignayak.

\s5
\v 41 Inton patademek ti kampilanko ket agsaganaak a mangdusa kadagiti tattao, agibalesakto kadagiti kabusorko, ket pagbayadekto dagiti manggura kaniak.

\s5
\v 42 Papatayekto amin dagiti kabusorko babaen iti kampilan; kaslanto addaanak kadagiti bai a nabalkot iti darada. Papatayekto amin dagiti matiliwko ket putdekto dagiti uloda.’

\s5
\v 43 Dakayo a tattao ti amin a nasion, rumbeng a dayawenyo dagiti tattao ni Yahweh, gapu ta balsen ni Yahweh dagiti tattao a mangpapatay kadagiti agserserbi kenkuana, ket dalusanna ti daga dagiti tattaona a narugitan gapu kadagiti basbasolda.”

\s5
\v 44 Kinanta da Josue ken Moises dayta a kanta bayat a dumdumngeg dagiti Israelita.
\v 45 Ket nalpas a kinantada kadakuada daytoy a kanta.

\s5
\v 46 Kinuna ni Moises, “Saanyo pulos a lipaten dagiti amin a bilbilin nga it-itedko kadakayo ita nga aldaw. Isuroyo dagitoy a linlinteg kadagiti annakyo, tapno sipupudno a pagtulnoganda amin dagitoy. Napateg unay dagitoy a bilbilin.
\v 47 No pagtulnoganyo dagitoy, agbiagkayonto iti napaut a tiempo iti daga a dandaniyon ballasiwen ti Karayan Jordan a tagikua-en.”

\s5
\v 48 Iti dayta met laeng nga aldaw, kinuna ni Yahweh kenni Moises,
\v 49 “Mapanka iti masakupan iti bantay Abarim ditoy rehion ti Moab, ballasiw ti Jerico. Sumang-atka iti Bantay Nebo ket kumitaka iti laud tapno makitam ti Canaan, ti daga a dandanin nga itedko kadagiti Israelita.

\s5
\v 50 Matayka iti dayta a bantay, a kasla iti inauna a kabsatmo a ni Aaron a natay idiay Bantay Hor.
\v 51 Mataykanto gapu ta agpadakayo a nagsukir kaniak iti presensia dagiti Israelita, idi addakayo amin kadagiti ubbog ti Meriba iti asideg ti Kadesh idiay let-ang ti Sin. Saandak a pinadayawan ken rinaem iti presensia dagiti Israelita iti wagas a maiparbeng kaniak gapu ta siak ti Dios.
\v 52 Inton addakan iti bantay nga imbagak a papanam, matannawagamto ti daga a dandanikon ited kadagiti Israelita, ngem saanka a sumrek iti daytoy.”

\s5
\c 33
\p
\v 1 Sakbay a natay ni Moises a profeta ti Dios, dinawatna iti Dios a bendissionanna dagiti Israelita.
\v 2 Daytoy ti imbagana: “Immay ni Yahweh ket nagsao kadatayo idiay Bantay Sinai; immay isuna a kas iti panagsingising ti init iti rehion ti Edom ken kas ti panagraniag ti lawagna kadatayo idi addatayo iti desierto nga asideg iti Bantay Paran kalpasan a pinanawantayo ti Bantay Sinai. Immay isuna a kaduana dagiti sangapulo a ribo nga anghel, ket adda gumilgil-ayab nga apuy iti makannawanna.

\s5
\v 3 Sipupudno nga ay-ayaten ni Yahweh dagiti tattaona ken salsalaknibanna amin dagiti kukuana. Isu nga agrukobda iti sangoananna, ket dumngegda kadagiti bilbilinna.
\v 4 Inikkak ida kadagiti linteg a tungpalenda, linlinteg nga agnanayon nga adda para kadagiti kaputotan ni Jacob.

\s5
\v 5 Nagbalin ngarud ni Yahweh nga ari dagiti Israelita idi naguurnong dagiti amin a tribu ken dagiti mangidadaulo kadakuada.
\v 6 Ibagak daytoy maipanggep iti tribu ni Ruben: tarigagayak a saanto a pulos a mapukaw ti triboda, ngem saandanto met a pulos nga umadu.

\s5
\v 7 Ibagak daytoy maipanggep iti tribu ni Juda: Yahweh, dumngegka kadakuada no agpatulongda kenka; ket kalpasan a suminada kadagiti sabali a tribu, itiponmo manen ida kadagiti sabali a tribu. Makirangetka para kadakuada, ket tulongam ida a makiranget kadagiti kabusorda.

\s5
\v 8 Ibagak daytoy maipanggep iti tribu ni Levi: O Yahweh, itedmo kadagiti napudno kenka dagiti sagrado a batbato a mausarda a mangammo iti kayatmo a maaramid; Pinadasmo ida iti ubbog idiay desierto, ti ubbog a pinanagananda iti Massa ken napanaganan met iti Meriba tapno maamoam no agtalinaedda a napudno kenka.

\s5
\v 9 Inaramid ti tribu ni Levi ti imbagam nga aramidenda ket tinungpalda ti katulagam kadagiti Israelita; napatpateg kadakuada dagitoy a linlinteg ngem dagiti kakabsatda, nagannakda ken annakda.

\s5
\v 10 Isuronto ti tribu ni Levi kadagiti Israelita dagiti pagannurotan ken linlintegmo, ket isudanto ti mangpuor iti insenso ken naan-anay a mangpuor kadagiti sagut nga iyeg dagiti tattao iti altar.

\s5
\v 11 O Yahweh, bendisionam ti aramidda ken awatem dagiti amin nga aramidenda. Rumekem amin dagiti kabusorda; saanmo nga ikkan iti kabaelan a makiranget manen kadakuada dagiti kabusorda.

\s5
\v 12 Ibagak daytoy maipanggep iti tribu ni Benjamin: Isuda ti tribu nga ay-ayaten ni Yahweh; pagtaltalinaedenna ida a natalged. Salsalaknibanna ida a kankanayon, ket agnanaed isuna kadagiti turodda.

\s5
\v 13 Ibagak daytoy maipanggep iti tribu ni Jose: tarigagayak a bendisionan ni Yahweh ti dagada babaen iti panangitedna kadakuada iti tudo manipud iti tangatang ken danum manipud iti uneg iti daga,

\s5
\v 14 babaen iti panangitedna kadakuada iti nasayaat a bunga a linuom ti init ken kadagiti nasayaat a mula kadagiti umno a bulan.
\v 15 Tarigagayak a mangpataud iti nasasayaat a bunga dagiti kayo kadagiti nagkakauna a banbantayda.

\s5
\v 16 Tarigagayak a mapno ti dagada iti adu a nasasayaat a mulmula a binendisionan ni Yahweh, ti nagparang kaniak iti umap-apuy a bassit ken naraboy a kayo. Tarigagayak a bendisionananto ni Yahweh dagiti tribu ni Jose iti amin dagitoy a wagas, gapu ta isuna ti nangidadaulo kadagiti inauna a kakabsatna a lalaki idi addada idiay Egipto.

\s5
\v 17 Napigsanto dagiti kaputotan ni Jose a kas kapigsa ti kalakian a baka; sugatendanto dagiti kabusorda babaen kadagiti igamda a kasla panangsugat ti atap a baka kadagiti sabali nga ayup babaen kadagiti sarana. Idurondanto dagiti sabali a bunggoy dagiti tattao, aminda, kadagiti kaaadaywan a lugar iti daga. Kastanto ti aramiden dagiti kaputotan dagiti dua nga annak ni Jose, dagiti sangapulo a ribu ti tribu ni Efraim ken dagiti rinibu ti tribu ni Manases.

\s5
\v 18 Ibagak daytoy maipanggep iti tribu ni Zabulun ken Issacar: tarigagayak a naballigi koma ti panagdalliasat dagiti tattao ni Zabulun kadagiti baybay, ken rumang-ayto dagiti tattao ni Issacar bayat nga agtalinaedda iti pagtaengan ken mangaywan kadagiti ayup ken kadagiti mulmulada.
\v 19 Awisendanto dagiti tattao manipud kadagiti sabali a tribu ti Israel iti bantay a pagdaydayawanda kenni Yahweh, ket mangisagutda iti umno a daton kenkuana. Bumaknangdanto kadagiti tagilako nga al-alaenda kadagiti baybay ken manipud iti panangusarda iti darat iti igid ti baybay tapno agaramidda kadagiti banbanag.

\s5
\v 20 Ibagak daytoy maipanggep iti tribu ni Gad: Madaydayaw ni Yahweh, ti nangpalawa ti masakupanda. Darupen dagiti tattao ti tribuda dagiti kabusorda a sirurungsot a kasla leon a kumkumleb nga agur-uray a mangrangrangkay iti ima wenno ti ulo dagiti dadduma nga ayup.

\s5
\v 21 Pinilida ti kasasayaatan a paset ti daga para kadagiti bagbagida, ti nalawa a bingay ti daga, ti bingay a rumbeng a maited iti mangidadaulo ket naited kadakuada. Idi nagu-urnong a sangsangkamaysa dagiti mangidadaulo kadagiti tribu ti Israel, inkeddengda a rumbeng a maaddaan ti tribu ni Gad iti dakkel a bingay iti daga. Nagtulnog ti tribu ni Gad kadagiti bilbilin ni Yahweh ken dagiti banbanag nga inkeddengna a rumbeng nga aramidenda.

\s5
\v 22 Ibagak daytoy maipanggep iti tribu ni Dan: Dagiti tattao ti tribu ni Dan ket kasla iti ubing a leon; lumagtoda a rumuar manipud kadagiti rukibda iti rehion ti Basan a mangdarup kadagiti kabusorda.

\s5
\v 23 Ibagak daytoy maipanggep iti tribu ni Neftali: Binendisionan ni Yahweh dagiti tattao iti tribu ni Neftali, a naimbag unay kadakuada; dimmanon ti dagada iti adayo nga abagatan manipud iti Dan-aw ti Galilea.

\s5
\v 24 Ibagak daytoy maipanggep iti tribu ni Aser: Ad-adda a bendisionan ni Yahweh dagiti kaputotan ni Aser ngem kadagiti dadduma a tribu. Isudanto ti kangrunaan a paboran ni Yahweh.
\v 25 Tarigagayak a mapnonto ti dagada kadagiti kayo nga olibo a mangted iti adu nga olibo a maaramid a lana ti olibo. Masalaknibanto dagiti ilida kadagiti nangato a pader nga adda ruanganna nga addaan iti bronze ken landok; tarigagayak iti amin a tiempo nga agbiagda, ket saanto a madangran ti siasinoman.

\s5
\v 26 Dakayo a tattao ti Israel, awanen ti dios a kasla iti Diosyo, a sidadayag nga agdaldaliasat kadagiti tangatang a mangtulong kadakayo.

\s5
\v 27 Ti Dios, a sibibiag iti agnanayon, ti mangipaay iti kamangyo; kasla inkabilna dagiti awan patinggana a takyagna iti sirokyo a mangsaranay kadakayo. Abogenna dagiti kabusoryo bayat nga immunakayo; imbagana kadakayo a dadaelenyo amin ida.

\s5
\v 28 Sitatalged ngarud nga agnaedkayo a tattao ti Israel, dakayo a kaputotan ni Jacob ket saandakayonto a masinga dagiti sabali; iti daga a pagnaedanyonto, addanto ti nawadwad a trigo ken arak ken agtinnag ti nawadwad a tudo manipud iti tangatang.

\s5
\v 29 Dakayo a tattao ti Israel, anian a naggasatkayo. Awanen iti nasion a kas iti nasionyo, nga inispal ni Yahweh manipud iti pannakatagabu idiay Egipto. Agbalinto isuna a kasla kalasag a mangsalaknib kadakayo ken kasla kampilan a mangted iti kabaelanyo a mangparmek kadagiti kabusoryo. Umayto dagiti kabusoryo nga agpakpakaasi kadakayo a kassianyo ida, ngem baddekanyonto dagiti bukotda."

\s5
\c 34
\p
\v 1 Ket simmang-at ni Moises idiay Bantay Nebo manipud kadagiti tanap iti rehion ti Moab, agingga iti kangatoan a paset idiay Bantay Pisga, nga adda iti ballasiw ti Karayan Jordan manipud Jerico. Impakita ni Yahweh kenkuana idiay ti amin a daga a sakupento dagiti Israelita. Impakitana kenkuana ti rehion ti Galaad inggana iti amianan a siudad ti Dan,
\v 2 amin dagiti daga a sakupento ti tribu ni Neftali; amin dagiti daga a sinakup dagiti tribu ni Efraim ken ni Manases; amin dagiti daga a sinakupen ti tribu ni Juda inggana iti Baybay Mediterranean;
\v 3 ti desierto a disso iti akin abagatan a paset ti Juda; ken ti Tay-ak ti Jordan a naglaylayon manipud Jericho iti amianan agingga iti siudad ti Zoar iti abagatan.

\s5
\v 4 Ket kinunana ni Yahweh kenkuana, “Nakitamon daytoy a daga a sipapasnek nga inkarik kada Abraham, Isaac, ken Jacob, a kunkunak 'itedkonto daytoy kadagiti kaputotam.’ Impalubosko a makitan daytoy manipud iti adayo, ngem saankanto a mapan sadiay.”
\v 5 Isu a ni Moises, a kankanayon a sipupudno a nagserbi kenni Yahweh, ket natay idiay daga iti Moab, nga isu ti imbaga ni Yahweh a mapasamak.
\v 6 Impunpon ni Yahweh ti bangkay ni Moises iti tay-ak iti daga ti Moab, iti ballasiw manipud ti Beth Peor, ngem inggana kadagitoy nga aldaw awan ti makaaamo no sadino ti nakaipunponanna.

\s5
\v 7 Agtawen ti 120 ni Moises idi natay isuna, ngem napigsa pay latta isuna, ken makakita pay isuna a nasayaat.
\v 8 Ket nagladingit dagiti Israelita para kenkuana iti las-ud iti tallo pulo nga aldaw idiay tanap ti Moab.

\s5
\v 9 Pinasirib unay ti Dios ni Josue, gapu ta impatay ni Moises dagiti imana kenni Josue a mangdutok kenkuana nga agbalin a baro a mangidaulo kadakuada. Nagtulnog dagiti Israelita kenni Josue, ken nagtulnogda kadagiti amin a bilin nga inted ni Yahweh kenni Moises nga ibagana kadagiti Israelita.

\s5
\v 10 Sipud idi nagbiag ni Moises, awan a pulos ti profeta iti Israel a kas kenkuana, ta nakitungtong kenkuana ni Yahweh iti rupan-rupa.
\v 11 Awan ti sabali a profeta a nangaramid kadagiti amin a kita ti mannakabalin a milagro nga impaaramid ni Yahweh kenkuana a maibusor kenni Paraon, ari ti Egipto, maibusor kadagiti amin nga adipenna, ken maibusor kadagiti amin a tattao ti Egipto.
\v 12 Awanen ti sabali a profeta iti makaaramid kadagiti amin a naindaklan ken nakabutbuteng nga aramid nga inaramid ni Moises bayat a buybuyaen dagiti Israelita.