ilo_udb/04-NUM.usfm

\id NUM
\ide UTF-8
\h Numero
\toc1 Numero
\toc2 Numero
\toc3 num
\mt Numero

\s5
\c 1
\p
\v 1 Iti maikadua a bulan ti tawen kalpasan a pinanawan dagiti Israelita ti Egipto, nagsao ni Yahweh kenni Moises kabayatan nga adda isuna idiay nasagradoan a tolda, idiay let-ang ti Sinai. Kinuna ni Yahweh kenkuana,
\v 2 "Bilangem no mano dagiti lallaki nga Israelita, manipud iti tunggal pamilia ti Israel, ken bilangem isuda segun iti naganda.
\v 3 Masapul a bilangenyo kenni Aaron dagiti lallaki nga agtawen iti duapulo nga agpangato, dagiti makapagserbi a kas soldado iti armada. Isuratyo ti bilang dagiti lallaki ken dagiti nagnagan dagiti pulida ken pampamiliada.

\s5
\v 4 Nangpiliak ti maysa a lalaki manipud iti tunggal tribu a tumulong kenka a mangaramid iti daytoy. Tunggal maysa ket masapul a mangidaulo iti pulina.
\v 5-6 Dagiti naganda ket: Elizur nga anak ni Sedeur manipud iti tribu ti Ruben; Selumiel nga anak ni Zurisadai manipud iti tribu ti Simeon;

\s5
\v 7-9 Naason nga anak ni Aminadab manipud iti tribu ti Juda; Netanel nga anak ni Zuar manipud iti tribu ti Issacar; Eliab nga anak ni Helon manipud iti tribu ti Zabulon;

\s5
\v 10-11 Elisama nga anak ni Ammihud manipud iti tribu ti anak a lalaki ni Jose a ni Efraim; Gamaliel nga anak ni Pedasur manipud iti tribu ti anak a lalaki ni Jose a ni Manases; Abidan nga anak ni Gideoni manipud iti tribu ti Benjamin;

\s5
\v 12-15 Ahiezer nga anak ni Amisadai manipud iti tribu ti Dan; Pagiel nga anak ni Okran manipud iti tribu ti Aser; Eliasaf nga anak ni Deuel manipud iti tribu ti Gad; Ahira nga anak ni Enan manipud iti tribu ti Neftali."

\s5
\v 16 Dagitoy dagiti lallaki a pinili ni Yahweh manipud kadagiti tattao. Isuda dagiti mangidaulo kadagiti tribuda. Isuda dagiti panguloen a lallaki kadagiti puli dagiti Israelita.

\s5
\v 17 Pinaayaban da Moises ken Aaron amin dagitoy a mangidadaulo,
\v 18 ken inummongda amin dagiti tattao iti dayta nga aldaw. Inlistada dagiti nagan amin dagiti lallaki nga agtawen iti duapulo nga agpangato, ken naisurat a naipakuyog kadagiti naganda dagiti nagan dagiti pulida ken ti bunggoy ti pamiliada
\v 19 a kas imbilin ni Moises. Insuratda dagiti nagan kabayatan nga adda dagiti Israelita idiay let-ang ti Sinai.

\s5
\v 20-21 Addaan iti 46,500 a lallaki manipud iti tribu ti Ruben (nga inauna nga anak ni Jacob) nga agtawen iti duapulo nga agpangato ken makabaela a makigubat. Nailistada segun kadagiti nagnaganda, pulida, ken ti bunggoy ti pamiliada.

\s5
\v 22-23 Addaan iti 59,300 a lallaki manipud iti tribu ti Simeon nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken ti bunggoy ti pamiliada.

\s5
\v 24-25 Addaan iti 46,650 a lallaki manipud iti tribu ti Gad nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 26-27 Addaan iti 74,600 a lallaki manipud iti tribu ti Juda nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 28-29 Addaan iti 54,400 a lallaki manipud iti tribu ti Issacar nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 30-31 Addaan iti 57,400 a lallaki manipud iti tribu ti Zabulon nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 32-33 Addaan iti 40,500 a lallaki manipud iti tribu ti Efraim nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 34-35 Addaan iti 32,200 a lallaki manipud iti tribu ti Manases nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 36-37 Addaan iti 35,400 a lallaki manipud iti tribu ti Benjamin nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 38-39 Addaan iti 62,700 a lallaki manipud iti tribu ti Dan nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 40-41 Addaan iti 41,500 a lallaki manipud iti tribu ti Aser nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 42-43 Addaan iti 53,400 a lallaki manipud iti tribu ti Neftali nga agtawen iti duapulo nga agpangato ken makabael a makigubat. Nailistada segun kadagiti nagnaganda, pulida, ken bunggoy ti pamiliada.

\s5
\v 44-45 Dayta ti bilang dagiti lallaki manipud iti tunggal tribu nga inlista da Aaron, Moises ken dagiti sangapulo ket dua a mangidadaulo kadagiti tribu ti Israel, agraman dagiti nagan dagiti pulida.
\v 46 Ti pakadagupanna ket 603,550 a lallaki.

\s5
\v 47 Ngem saan a nairaman iti daytoy a bilang dagiti nagan dagiti lallaki iti tribu ti Levi,
\v 48 gapu ta kinuna ni Yahweh kenni Moises,
\v 49 "No bilangem dagiti lallaki dagiti tribu ti Israel, saanmo a bilangen dagiti lallaki iti tribu ti Levi.

\s5
\v 50 Dutokam dagiti kaputotan a lallaki ni Levi a mangaywan iti nasagradoan a tolda ken ti lakasa a naglaon kadagiti tapi a nakaisuratan dagiti Sangapulo a Bilin. Masapul nga aywananda pay dagiti dadduma a banbanag nga adda iti uneg ti tolda. No agdaliasatkayo, isuda dagiti masapul a mangbagkat iti nasagradoan a tolda ken amin a banbanag nga adda iti uneg daytoy, ken rumbeng nga aywananda daytoy ken agipatakderda iti toldada iti aglawlaw iti daytoy.

\s5
\v 51 No tiempo nga umakarkayo iti sabali a disso, masapul a dagiti kaputotan ni Levi dagiti mangakas iti nasagradoan a tolda. Ken no tiempo nga agsardengkayo nga agdaliasat, isuda manen ti mangipatakder daytoy. Masapul a mapapatay ti sabali a tao nga umasideg iti nasagradoan a tolda tapno agtrabaho iti daytoy.
\v 52 Masapul nga ipatakder dagiti tattao iti tunggal tribu ti Israel dagiti toldada kadagiti bukodda a disso, ken masapul a mangipatakderda iti bandera a mangibagbagi iti tribuda.

\s5
\v 53 Ngem masapul nga ipatakder dagiti kaputotan a lallaki ni Levi dagiti toldada iti aglawlaw ti nasagradoan a tolda tapno masalakniban dagiti dadduma nga Israelita manipud iti panangdusa ni Yahweh gapu iti iyaasideg iti nasagradoan a tolda. Masapul a dagiti kaputotan ni Levi dagiti agtakder iti aglawlaw ti nasagradoan a tolda a mangsalaknib iti daytoy."
\v 54 Isu nga inaramid amin dagiti Israelita dagiti amin a banbanag a kas imbilin ni Yahweh kenni Moises.

\s5
\c 2
\p
\v 1 Kalpasanna, kinuna ni Yahweh kada Aaron ken Moises,
\v 2 "No ipatakder dagiti Israelita dagiti toldada, ipatakderda daytoy iti disso a manglawlaw iti nasagradoan a tolda, ngem saan nga asideg iti daytoy. Masapul nga ipatakder dagiti tattao iti tunggal tribu dagiti toldada iti nadumaduma a disso. Masapul nga ipatakder ti tunggal tribu iti dayta a disso ti bandera a mangibagbagi iti tribuda.

\s5
\v 3-4 Masapul nga ipatakder dagiti tattao iti tribu ti Juda dagiti toldada iti daya a paset iti nasagradoan a tolda, nga asideg iti bandera ti tribuda. Ni Naason nga anak ni Aminadab ti mangidaulonto iti 74,600 a lallaki iti tribu ti Juda.

\s5
\v 5-6 Ipatakderto dagiti tattao iti tribu ti Issacar dagiti toldada iti abay ti Juda. Ni Netanel nga anak ni Zuar ti mangidaulonto iti 54,400 a lallaki iti tribu ti Issacar.

\s5
\v 7-8 Ipatakderto dagiti tattao iti tribu ti Zabulon dagiti toldada iti abay ti Issacar. Ni Eliab nga anak ni Helon ti mangidaulonto iti 57,400 a lallaki iti tribu ti Zabulon.

\s5
\v 9 Isu nga addanto iti 186,400 a soldado iti daya a paset ti nasagradoan a tolda. No umakar dagiti Israelita iti baro a lugar, masapul a mapan iti sangoanan dagiti dadduma dagiti tallo a tribu.

\s5
\v 10-11 Masapul nga ipatakder dagiti tattao iti tribu ti Ruben dagiti toldada iti abagatan a paset iti nasagradoan a tolda, nga asideg iti bandera ti tribuda. Ni Elizur nga anak ni Sedeur ti mangidaulonto iti 46,500 a lallaki iti tribu ti Ruben.

\s5
\v 12-13 Ipatakderto dagiti tattao iti tribu ti Simeon dagiti toldada iti abay ti Ruben. Ni Selumiel nga anak ni Zurisadai ti mangidaulonto iti 59,300 a lallaki iti tribu ti Simeon.

\s5
\v 14-15 Ipatakderto dagiti tattao iti tribu ti Gad dagiti toldada iti abay ti Simeon. Ni Eliasaf nga anak ni Deuel ti mangidaulonto iti 45,650 a lallaki iti tribu ti Gad.

\s5
\v 16 Isu nga addanto iti 151,450 a soldado iti abagatan a paset ti nasagradoan a tolda. Sumurotto iti umuna a bunggoy dagitoy a tallo a tribu no agdaliasat dagiti Israelita.

\s5
\v 17 Iti likudan dayta a bunggoy, magnanto dagiti kaputotan ni Levi, a mangawit iti nasagradoan a tolda. Agmartsanto dagiti Israelita iti isu met laeng nga urnos a kas iti urnosda no agipatakderda kadagiti toldada. Awitento ti tunggal tribu ti bukodda a bandera.

\s5
\v 18-19 Masapul nga ipatakder ti tribu ti Efraim dagiti toldada iti daya a paset iti nasagradoan a tolda, nga asideg iti bandera ti tribuda. Ni Elisama nga anak ni Amiud ti mangidaulonto iti 40,500 a lallaki iti tribu ti Efraim.

\s5
\v 20-21 Ipatakderto dagiti tattao iti tribu ti Manases dagiti toldada iti abay ti Efraim. Ni Gamaliel nga anak ni Pedazur ti mangidaulonto iti 32,200 a lallaki iti tribu ti Manases.

\s5
\v 22-23 Ipatakderto dagiti tattao iti tribu ti Benjamin dagiti toldada iti abay ti Manases. Ni Abidan nga anak ni Gideoni ti mangidaulonto iti 35,400 a lallaki iti tribu ti Benjamin.

\s5
\v 24 Isu nga addanto iti 108,100 a soldado iti laud a paset ti nasagradoan a tolda. Sumurotto iti maikadua a bunggoy dagitoy a tallo a tribu, iti likudan dagiti kaputotan ni Levi.

\s5
\v 25-26 Masapul nga ipatakder iti tribu ti Dan dagiti toldada iti amianan a paset iti nasagradoan a tolda, nga asideg iti bandera ti tribuda. Ni Ahiezer nga anak ni Amisadai ti mangidaulonto iti 62,700 a lallaki iti tribu ti Dan.

\s5
\v 27-28 Ipatakderto dagiti tattao iti tribu ti Aser dagiti toldada iti abay ti Dan. Ni Pagiel nga anak ni Okran ti mangidaulonto iti 41,500 a lallaki iti tribu ti Aser.

\s5
\v 29-30 Ipatakderto dagiti tattao iti tribu ti Neftali dagiti toldada iti abay ti Aser. Ni Ahira nga anak ni Enan ti mangidaulonto iti 53,400 a lallaki iti tribu ti Neftali.

\s5
\v 31 Isu nga addanto iti 157,600 a soldado iti amianan a paset ti nasagradoan a tolda. Dagitoy a tallo a tribu ti maudinto. Masapul a bagkatenda dagiti bukodda a bandera no agdaliasat dagiti Israelita."

\s5
\v 32 Isu nga adda ti nailista a 603,550 nga Israelita a lallaki a makabael a makiranget mayannurot iti pamilia dagiti kapuonanda.
\v 33 Ngem kas imbilin ni Yahweh, saan a nairaman dagiti nagan dagiti kaputotan ni Levi.

\s5
\v 34 Inaramid dagiti Israelita amin a banag nga imbaga ni Yahweh kenni Moises. Impatakderda dagiti toldada iti asideg dagiti bandera ti tribuda, ket no agdaliasatda iti baro a lugar, magnada a kadua dagiti bukodda a puli ken bunggoy ti pamiliada.

\s5
\c 3
\p
\v 1 Dagitoy dagiti sumagmamano a banbanag a napasamak kada Moises ken ni Aaron idi nagsao ni Yahweh kenni Moises idiay Bantay Sinai.
\v 2 Adda uppat nga annak a lallaki ni Aaron. Isuda da Nadab ti kalakayan, Abiu, Eleazar ken Itamar.

\s5
\v 3 Dagitoy dagiti nagan dagiti annak a lallaki ni Aaron, a napulotan a papadi ken nailasin a kas papadi ken kinonsagrarna nga agserbi a kas papadi.
\v 4 Ngem, kabayatan nga agbuybuya ni Yahweh, natay ni Nadab ken Abiu idiay let-ang ti Sinai, gapu ta nangpuorda iti insenso iti wagas a maibusor iti imbilin ni Yahweh. Awan ti annakda a lallaki, isu a ni Eleazar ken ni Itamar dagiti kakaisuna nga annak a lallaki ni Aaron a nabati nga agbalin a papadi, a kadua ti amada a ni Aaron.

\s5
\v 5 Ket kinuna ni Yahweh kenni Moises,
\v 6 "Iyegmo dagiti lallaki iti tribu ni Levi ken idatagmo ida kenni Aaron, tapno matulonganda isuna.

\s5
\v 7 Agserbida kenni Aaron ken kadagiti amin a dadduma nga Israelita, kabayatan nga ar-aramidenda dagiti trabahoda iti uneg ti nasagradoan a tolda ken iti ruarna daytoy.
\v 8 Masapul nga agserbida kadagiti amin nga Israelita babaen iti panangaywanda kadagiti amin a banbanag nga adda iti uneg ti nasagradoan a tolda.

\s5
\v 9 Dutokam ida a tumulong kenni Aaron ken kadagiti dua nga annakna a lalaki. Pinilik ida manipud kadagiti amin nga Israelita a mangaramid iti dayta.
\v 10 Dutokam da Aaron ken dagiti dua nga annak a lalaki a mangaramid kadagiti trabaho nga ar-aramiden dagiti papadi. Ngem masapul a mapapatay ti siasinoman nga umasideg iti nasagradoan a tolda a mangaramid iti dayta a trabaho."

\s5
\v 11 Kinuna pay ni Yahweh kenni Moises,
\v 12 "Panunotem a manipud kadagiti amin nga Israelita, pinilik dagiti lallaki iti tribu ti Levi a mangsukat kadagiti amin nga inauna nga annak a lallaki dagiti Israelita. Kukuak dagiti lallaki a kaputotan ni Levi,
\v 13 gapu ta pudno a kukuak dagiti amin nga inauna nga annak a lallaki. Dayta ket gapu ta idi aldaw a pinapatayko dagiti amin nga inauna nga annak a lallaki dagiti tattao ti Egipto, insalakanko dagiti inauna nga annak a lallaki dagiti Israelita ken inlasinko ida a para kaniak. Inlasinko pay dagiti amin nga inauna nga annak a lallaki dagiti amin a tarakenyo nga ayup. Kukuak ida, Siak ni Yahweh."

\s5
\v 14 Nagsao manen ni Yahweh kenni Moises idiay let-ang ti Sinai. Kinunana,
\v 15 "Bilangem dagiti amin a lallaki a kamkameng ti tribu ti Levi. Isuratmo dagiti naganda, dagiti nagan ti pulida, ken dagiti bunggoy dagiti pamiliada. Bilangem dagiti amin a lallaki nga addan ti makabulanna.
\v 16 Binilang ngarud ida ni Moises, kas imbilin ni Yahweh.

\s5
\v 17 Adda ti tallo nga annak a lallaki ni Levi, a managan Gerson, Coat ken Merari.
\v 18 Adda ti dua nga annak a lallaki ni Gerson, isuda da Libni ken Simei. Dagiti puli a nagtaud kadakuada ket addaan iti agpada a nagnagan a kas kadagiti dua nga annak a lallaki.
\v 19 Adda ti uppat nga annak a lallaki ni Coat, isuda da Amram, Izhar, Hebron ken Uzziel. Dagiti puli a nagtaud kadakuada ket addaan ti isu met laeng a nagnagan a kas kadagiti uppat nga annak a lallaki.
\v 20 Addaan ni Merari ti dua nga annak a lallaki, isuda da Mali ken Musi. Dagiti puli a nagtaud kadakuada ket addaan ti isu met laeng a nagnagan a kas kadagiti dua nga annak a lalaki. Dagitoy dagiti puli a nagtaud kenni Levi.

\s5
\v 21 Dagiti dua a puli a nagtaud kenni Gerson ket dagiti puli a nagtaud kadagiti dua nga annakna a lallaki a ni Libni ken Simei.
\v 22 Kadagiti dua a puli, adda ti 7, 500 a lallaki nga addan ti makabulanna.
\v 23 Nabagaanda nga ipatakderda ti toldada iti laud ti nasagradoan a tolda.

\s5
\v 24 Ni Eliasaf nga anak a lalaki ni Lael ti mangidadaulo kadagitoy a dua a puli.
\v 25 Ti trabahoda ket ti mangaywan iti nasagradoan a tolda, agraman dagiti kurtinana ken dagiti abbongna ken ti kurtina nga adda iti pagserkanna,
\v 26 dagiti kurtina a nangbukel kadagiti pader iti aglawlaw ti paraangan nga adda iti aglawlaw ti tolda ken ti aglawlaw ti altar, dagiti kurtina nga adda iti pagserkan ti paraangan, ken dagiti tali a mangigalgalut iti tolda. Inaramidda pay dagiti amin a panangaywan kadagiti amin a banbanag nga adda iti ruar ti nasagradoan a tolda.

\s5
\v 27 Dagiti puli a nagtaud kenni Coat ket dagiti puli a nagtaud kadagiti uppat nga annakna a lallaki a da Amram, Izhar, Hebron ken Uzziel.
\v 28 Kadagitoy nga uppat a puli, adda ti 8600 a lallaki nga addan makabulanna. Ti trabaho dagiti lallaki iti daytoy a puli ket ti mangaywan kadagiti banbanag nga adda iti uneg ti nasagradoan a tolda.
\v 29 Impatakderda dagiti toldada iti abagatan ti nasagradoan a tolda.

\s5
\v 30 Ni Elizafan nga anak a lalaki ni Uzziel ti mangidadaulo kadagitoy nga uppat a puli.
\v 31 Ti trabaho dagiti lallaki kadagitoy a puli ket ti mangaywan iti nasagradoan a lakasa, ti lamisaan a pangikabkabilan ti padi iti nasagradoan a tinapay, ti kandelero, dagiti altar, amin a banbanag nga us-usaren ti padi iti nasagradoan a tolda ken ti kurtina nga adda ti uneg ti tolda. Ti trabahoda pay ket ti panangaywan kadagiti banbanag iti uneg ti tolda.
\v 32 Ti anak a lalaki ni Aaron a ni Eleazar ti mangidadaulo kadagiti amin a lallaki a kaputotan ni Levi. Isuna ti mangimatmaton kadagiti amin a trabaho a maar-aramid iti nasagradoan a tolda.

\s5
\v 33 Dagiti puli a nagtaud kenni Merari ket dagiti nagtaud kadagiti dua nga annakna a lallaki a da Mali ken Musi.
\v 34 Adda ti 6,200 a lallaki kadagitoy dua a puli nga addan ti makabulanda.
\v 35 Nabagaanda nga ipatakderda dagiti toldada iti amianan ti nasagradoan a tolda. Ti mangidadaulo kadagitoy a dua a puli ket ni Zuriel nga anak a lalaki ni Abihail.

\s5
\v 36 Ti trabaho dagiti lallaki kadagitoy a dua a puli ket ti mangaywan kadagiti patakder a mangtengtengngel iti tolda, dagiti balunet, dagiti adigi ken dagiti pagbatayan. Inaramidda pay dagiti amin a trabaho nga adda pakainaganna kadagitoy a banbanag.
\v 37 Trabahoda pay ti mangaywan kadagiti poste a mangtengtengngel kadagiti kurtina a nangbukel kadagiti pader ti paraangan ken amin a pagbatayan, pasok ti tolda ken dagiti tali a mangsilsilpo kadagiti kurtina.

\s5
\v 38 Nabagaan da Moises, Aaron ken dagiti annak a lallaki ni Aaron nga ipatakderda ti toldada iti lugar iti sangoanan ti nasagradoan a tolda, iti daya. Ti trabahoda ket ti mangimaton kadagiti trabaho a maar-aramid iti uneg ken iti aglawlaw ti nasagradoan a tolda, para iti pagimbagan dagiti Israelita. Dagiti laeng papadi ti mapalubosan a mangaramid iti dayta. Impablaak ni Yahweh a masapul a mapapatay ti siasinoman nga umasideg iti tolda a mangaramid kadagiti trabaho dagiti papadi.
\v 39 Idi binilang ni Moises ken Aaron dagiti amin a lallaki a maibilang kadagiti puli a nagtaud kenni Levi nga addan makabulanna, ti pakadagupanna ket 22,000.

\s5
\v 40 Ket kinuna ni Yahweh kenni Moises, "Ita, bilangem dagiti amin nga inauna nga annak a lallaki dagiti Israelita nga addan ti makabulanna, ken isuratmo dagiti naganda.
\v 41 Ken, ilasinmo para kaniak dagiti kaputotan ni Levi a kasukat dagiti inauna nga annak a lalaki dagiti dadduma nga Israelita. Ken ilasinmo para kaniak dagiti taraken dagiti kaputotan ni Levi nga agbalin a kasukat dagiti inauna nga annak dagiti taraken dagiti dadduma nga Israelita."

\s5
\v 42 Inaramid ngarud ni Moises dayta. Binilangna dagiti amin nga inauna nga annak a lallaki dagiti Israelita, kas imbilin ni Yahweh.
\v 43 Ti pakadagupan dagiti addan ti makabulanna ket 22, 273.

\s5
\v 44 Ket kinuna ni Yahweh kenni Moises,
\v 45 "Ilasinmo dagiti Levita a mangsukat kadagiti inauna nga annak a lallaki dagiti dadduma nga Israelita. Kukuak dagiti lallaki a kaputotan ni Levi, Siak ni Yahweh.

\s5
\v 46 Ad-adu dagiti inauna nga annak a lallaki dagiti Israelita iti 273 ngem dagiti kaputotan ni Levi.
\v 47-48 Tapno mabayadan dagitoy a 273 a lallaki, agsingirka iti lima a pidaso ti pirak para iti tunggal maysa kadakuada. Ti timbang ti tunggal pidaso dagitoy a pirak ket masapul a kapada ti timbang dagiti pirak a nakadulin idiay nasagradoan a tolda. Itedmo daytoy a pirak kenni Aaron ken kadagiti annakna a lallaki.

\s5
\p
\v 49 Inaramid ngarud ni Moises dayta. Siningirna dagiti pirak manipud kadagiti 273 a lallaki.
\v 50 Ti pakadagupanna ket 1,365 a pidaso ti pirak. Ti tunggal pidaso dagiti pirak ket kapada ti timbang dagiti pidaso ti pirak a nakadulin idiay nasagradoan a tolda.
\v 51 Inted ni Moises dagitoy a pidaso ti pirak kenni Aaron ken kadagiti annakna a lallaki, kas imbilin ni Yahweh.

\s5
\c 4
\p
\v 1 Ket kinuna ni Yahweh kenni Moises,
\v 2 "Isuratmo dagiti nagan dagiti lallaki a kameng dagiti puli a nagtaud kenni Coat.
\v 3 Isuratmo ti nagan dagiti lallaki nga agtawen iti tallo pulo agingga iti lima pulo. Dagitoy a lallaki ti agtrabaho iti nasagradoan a tolda.
\v 4 Ti trabaho dagitoy a kaputotan ti Coatita ket ti mangaywan kadagiti nasagradoan a banbanag a maus-usar no agdayaw dagiti tattao idiay nasagradoan a tolda.

\s5
\v 5 Inton dakayo nga Israelita ket umakar iti sabali a lugar, masapul a sumrek ni Aaron ken dagiti annakna a lallaki iti nasagradoan a tolda tapno ikkatenda ti kurtina a mangisinsina iti nasantoan unay a lugar manipud iti nasantoan a lugar iti nasagradoan a tolda. Masapul nga iyabbongda dayta a kurtina iti nasagradoan a lakasa.
\v 6 Kalpasanna, masapul nga abbonganda dayta iti pangabbong a naaramid manipud iti lalat ti foca. Kalpasanna, masapul a parabawanda dayta iti asul a lupot. Ket masapul nga iyusokda kadagiti abut iti lakasa dagiti assiw a pangawit iti daytoy.

\s5
\v 7 Kalpasanna, masapul a mangikabilda iti asul a lupot iti rabaw ti lamisaan a pangikabkabilan ti padi iti tinapay para iti Dios. Masapul nga iparabawda iti lupot dagiti mallukong para iti insenso, dagiti paryok, dagiti dadduma a pinggan, dagiti garapon para kadagiti maidaton nga arak ken ti nasagradoan a tinapay.
\v 8 Masapul nga aplaganda amin ti rabawna daytoy ti nalabaga a lupot. Kamaudiananna, masapul nga ikkanda ti rabawna iti pangabbong a naaramid kadagiti lalat ti foca. Kalpasanna, masapul nga iyusokda kadagiti abut iti suli ti lamisaan dagiti assiw a pangawit iti daytoy.

\s5
\v 9 Ket masapul nga abbonganda iti sabali nga asul a lupot dagiti kandelero, dagiti pagsilawan, dagiti pagipit ti pagsilawan, dagiti bandeha ken dagiti naisangsangayan a garapon ti lana ti olibo a mapuoran iti pagsilawan.
\v 10 Masapul nga abbonganda ti kandelero ken dagiti amin a banbanag iti pangabbong a naaramid kadagiti lalat ti foca. Masapul nga ikabilda amin dagitoy iti kuadro a pangawit.
\v 11 Ket masapul a mangiyaplagda iti sabali pay nga asul a lupot iti rabaw ti balitok nga altar a maus-usar iti panagpupuor iti insenso. Iti rabawna daytoy, masapul a mangiyaplagda iti pangabbong a naaramid kadagiti lalat iti foca. Ket masapul nga iyusokda kadigiti abut ti dayta nga altar dagiti assiw a pangbagbagkat iti daytoy.

\s5
\v 12 Masapul nga alaenda amin a dadduma a banbanag nga adda iti uneg ti nasagradoan a tolda ken balkutenda dagitoy iti asul a lupot, ken abbonganda dayta iti napintas a pangabbong a naaramid kadagiti lalat ti foca ken ikabilda amin dagita iti kuadro a pangawit.
\v 13 Ket masapul nga ikkatenda dagiti dapu manipud iti altar a nagpuoranda kadagiti daton. Ken masapul nga abbonganda ti altar iti lila a lupot.
\v 14 Ket masapul nga iparabawda iti dayta a lupot dagiti amin a banbanag a maus-usar iti altar—dagiti paryok para kadagiti beggang, dagiti tinidor ti karne, dagiti pala, dagiti mallukong a pagkarkargaan kadagiti dara a maiwarsi kadagiti tattao ken dagiti amin a dadduma a pagkargaan. Ket masapul nga iyaplagda iti rabaw dagitoy a banbanag ti pangabbong a naaramid kadagiti lalat ti foca. Ket masapul nga iyusokda kadagiti abot iti sikigan ti altar dagiti assiw a pangawit kadagitoy.

\s5
\v 15 Inton nalpasen nga abbongan da Aaron ken dagiti annakna a lallaki amin dagitoy a nasagradoan a banbanag, nakasaganan dagiti Israelita nga umakar iti sabali a lugar. Masapul nga umay dagiti kaputotan ti Coat ken bagkatenda dagiti amin a nasagradoan a banbanag tapno ipanda iti sumaruno a lugar a pangipatakderan dagiti Israelita kadagiti toldada. Ngem masapul a saan a sagiden dagiti kaputotan ni Coat dagiti nasagradoan a banbanag, gapu ta matayda a dagus no masagidda dagitoy. Isuda dagiti mangbagkat kadagitoy a banbanag, ngem masapul a saanda a sagiden dagitoy.
\v 16 Trabaho ni Eleazar nga anak a lalaki ni Aaron ti mangaywan kadagiti lana ti olibo para kadagiti pagsilawan, ti nabanglo nga insenso, ti arina nga inaldaw a mapuoran iti rabaw ti altar, ken ti lana ti olibo a pangpulot kadagiti padi. Ni Eleazar ti mangimaton kadagiti trabaho a masapul a maaramid iti nasagradoan a tolda ken dagiti lallaki a mangay-aywan kadagiti amin a banbanag nga adda iti daytoy."

\s5
\v 17 Kalpasanna, kinuna ni Yahweh kada Aaron ken Moises,
\v 18-20 "Inton umasideg dagiti kaputotan ti Coatita kadagiti nasagradoan a banbanag nga adda iti uneg iti nasagradoan a tolda tapno iyakarda dagitoy iti sabali a lugar, masapul nga umuneg a kaduada a kankanayon da Aaron ken dagiti annakna a lallaki ken ipakitada iti tunggal maysa kadakuada ti trabaho nga aramidenda ken dagiti banbanag nga awitenda. Ngem masapul a saan a sumrek dagiti kaputotan ti Coat iti nasagradoan a tolda iti aniaman a sabali a tiempo ken saanda a kitaen dagiti banbanag nga adda iti daytoy. No aramidenda dayta, pukawek dagiti amin a kaputotan ni Coat."

\s5
\v 21 Kinuna pay ni Yahweh kenni Moises,
\v 22 "Isuratmo dagiti nagnagan dagiti amin a lallaki a kameng dagiti puli a nagtaud kenni Gerson.
\v 23 Isuratmo dagiti nagnagan dagiti lallaki nga agtawen ti tallopulo agingga iti limapulo. Agtrabaho met laeng dagitoy a lallaki iti nasagradoan a tolda.

\s5
\v 24 Daytoy ti trabaho a masapul nga aramidenda ken dagiti banbanag a masapul a bagkatenda no umakarkayo iti sabali a lugar:
\v 25 Masapul a bagkatenda dagiti kurtina ti Nasagradoan a Tolda. Masapul a bagkatenda ti nasagradoan a tolda ken dagiti amin a banbanag a mangabbong iti daytoy, agraman dagiti napintas nga akinruar nga abbongna a naaramid kadagiti lalat ti foca, ken dagiti kurtina nga adda iti pagserkan iti nasagradoan a tolda.
\v 26 Masapul a bagkatenda met dagiti kurtina a nangbukel kadagiti pader a nangpalikmut iti paraangan a nakapalikmut iti nasagradoan a tolda ken ti altar, ti kurtina nga adda iti pagserkan ti paraangan ken dagiti tali a panggalut kadagiti kurtina. Masapul nga isuda pay iti mangbalkot ken mangbagkat kadagitoy a banbanag.

\s5
\v 27 Imatonan ni Aaron ken dagiti annakna a lallaki dagiti trabaho dagiti amin a kaputotan ni Gerson. Karaman iti dayta a trabaho dagiti panagbagkat kadagitoy a banbanag ken dagiti amin a trabaho a kasapulan para iti panangiyakar kadagitoy. Masapul nga ibagada kadagiti tunggal kaputotan ni Gerson dagiti banbanag a masapul nga awitenda.
\v 28 Dagitoy dagiti trabaho a masapul nga itedmo kadagiti lallaki a kameng dagiti puli a nagtaud kenni Gerson. Ni Itamar nga anak a lalaki ni Aaron ti mangimaton kadagiti trabahoda.

\s5
\v 29 Bilangenyo met dagiti lallaki a kameng dagiti puli a nagtaud kenni Merari.
\v 30 Isuratyo dagiti nagan dagiti lallaki nga agtawen iti tallopulo agingga limapulo. Agtrabaho met laeng dagitoy a lallaki iti nasagradoan a tolda.

\s5
\v 31 Ti trabahoda ket ti panangawit kadagiti patibker a mangtengtengngel iti nasagradoan a tolda, dagiti balunet, dagiti poste a nakaigalutan dagiti kurtina ken dagiti pagbatayan.
\v 32 Masapul nga awitenda pay dagiti poste para kadagiti kurtina a mangbukel kadagiti pader ti paraangan ken dagiti pagbatayan para kadagiti poste, dagiti pasok ti tolda, ken dagiti tali a panggalut kadagiti kurtina. Ibagam iti tunggal lalaki dagiti banbanag a masapul nga awitenna.

\s5
\v 33 Dagitoy dagiti trabaho a masapul nga aramiden dagiti kaputotan ni Merari iti nasagradoan a tolda. Ni Itamar nga anak a lalaki ni Aaron ti mangimaton kadakuada."

\s5
\v 34 Isu a binilang ni Aaron, Moises ken dagiti mangidadaulo kadagiti Israelita dagiti kaputotan ni Coat, insuratda pay ti nagnagan dagiti puli ken bunggoy ti pamiliada.
\v 35 Binilangda dagiti amin a lallaki nga agtawen ti tallopulo agingga iti limapulo a makabael nga agtrabaho iti nasagradoan a tolda.
\v 36 Ti pakadagupanna ket 2,750 a lallaki.

\s5
\v 37 Isuda dagiti kaputotan ni Coat a makabael nga agtrabaho iti nasagradoan a tolda. Binilang ida da Moises ken Aaron a kas imbilin ni Yahweh kenni Moises.

\s5
\v 38 Binilangda met dagiti kaputotan ni Gerson, insuratda met dagiti nagan dagiti puli ken dagiti bunggoy ti pamiliada.
\v 39 Binilangda dagiti amin a lallaki nga agtawen iti tallopulo agingga iti limapulo a makabael nga agtrabaho iti nasagradoan a tolda.
\v 40 Ti pakadagupanna ket 2,630 a lallaki.

\s5
\v 41 Isuda dagiti kaputotan ni Gerson a makabael nga agtrabaho iti nasagradoan a tolda. Binilang ida da Moises ken Aaron kas imbilin ni Yahweh.

\s5
\v 42 Binilangda pay dagiti kaputotan ni Merari, insuratda dagiti nagan dagiti puli ken dagiti bunggoy ti pamiliada.
\v 43 Binilangda amin a lallaki nga agtawen iti tallo pulo agingga iti lima pulo a makabael nga agtrabaho iti nasagradoan a tolda.
\v 44 Ti pakadagupanna ket 3,200 a lallaki.

\s5
\v 45 Dagitoy dagiti kaputotan ni Merari a makabael nga agtrabaho iti nasagradoan a tolda. Binilang ida ni Moises ken Aaron kas imbilin ni Yahweh kenni Moises.

\s5
\v 46 Isu a binilang da Aaron, Moises ken dagiti mangidadaulo kadagiti Israelita dagiti amin a kaputotan ni Levi, insuratda pay dagiti nagan dagiti pulida ken dagiti bunggoy ti pamiliada.
\v 47 Binilangda dagiti amin a lallaki nga agtawen manipud iti tallopulo agingga iti limapulo. Isuda dagiti nakabael nagtrabaho iti nasagradoan a tolda ken nangawit iti tolda ken dagiti amin a banbanag a nakasilpo iti daytoy.
\v 48 Ti pakadagupanna ket 8,580 a lallaki.

\s5
\v 49 Nalpasda ti panagbilang kadagiti amin a lallaki iti kaputotan ni Levi a kas imbilin ni Yahweh kenni Moises. Ken imbagada iti tunggal lalaki ti trabahoenda ken ti masapul a bagkatenda no umakarda iti baro a lugar.

\s5
\c 5
\p
\v 1 Kinuna ni Yahweh kenni Moises,
\v 2 "Ibagam daytoy kadagiti Israelita: 'Masapul a papanawenyo manipud iti kampoyo a nakapatakderan dagiti toldayo ti siasinoman a lalaki wenno babai nga addaan iti ketong wenno siasinoman nga agnannana ti bagina, ken ti siasinoman a nagbalin a saan a maikari iti Dios gapu iti panangsagidna iti bangkay.
\v 3 Papanawenyo ida tapno saanda a masagid dagiti tattao iti kampo a pakipagnanaedak kadakayo ken pakaigapuan nga agbalinda a saan a maikari kaniak.'"
\v 4 Nagtulnog ngarud dagiti Israelita iti imbilin ni Yahweh kenni Moises.

\s5
\v 5 Kinuna pay ni Yahweh kenni Moises,
\v 6 "Ibagam daytoy kadagiti Israelita: 'No nakaaramid iti dakes ti maysa a tao iti sabali a tao, ibilangko a nakabasol kaniak dayta a tao.
\v 7 Masapul nga ipudno dayta a tao a nakabasol isuna, ken masapul nga agbayad isuna iti nakabasolanna a tao iti ibilbilang dagiti sabali a tattao a maitutop a supapak ti naaramidna ken masapul nga agbayad pay isuna ti nayonna a 20 por siento.

\s5
\v 8 No natay ti tao a nakaaramidan iti basol ken awan ti kabagianna a mabalin a pangibayadan ti kuarta, ket kukuak ti kuarta, ket masapul a mabayadan daytoy iti padi. Maysa pay, masapul a mangted ti tao a nagbasol iti maysa a kalakian a karnero a maidaton ti padi tapno mapakawan ti basol dayta a tao.
\v 9 Kukua ti padi amin a nasagradoan a datdaton nga idatdatag dagiti Israelita kaniak ken maiyeg iti padi.
\v 10 Mabalin nga idulin ti padi dagitoy a sagsagut."

\s5
\v 11 Kinuna pay ni Yahweh kenni Moises,
\v 12 "Ibagam daytoy kadagiti Israelita: 'Kas pangarigan a panpanunoten ti maysa a lalaki a saan laeng nga isuna ti kinaidda ti asawana.

\s5
\v 13 Kaspangarigan a panpanunotenna a nakikaidda ti asawana iti sabali a lalaki, ngem saanna nga ammo wenno ti siasinoman no pudno daytoy wenno saan, gapu ta awan ti nakakita kenkuana nga ar-aramidenna dayta.
\v 14 Ngem no agim-imon ti asawa ti babai ken no panpanunotenna a nakikamalala isuna ken kayatna a maammoan no agpayso dayta wenno saan,

\s5
\v 15 masapul nga ipanna ti asawana a babai iti padi. Masapul a mangitugot isuna iti 2 a litro nga arina a sebada a kas daton. Masapul a saan a bukbokan ti padi daytoy iti lana ti olibo wenno insenso gapu ta daton daytoy nga inyeg ti lalaki gapu ta agim-imon isuna. Daton daytoy tapno maduktalan no nagbasol ti babai wenno saan.

\s5
\v 16 Masapul nga ibaga ti padi iti babai a tumakder iti sangoanan ti altar nga ayan ti presensiak.
\v 17 Masapul a mangikabil isuna ti nasagradoan a danum iti maysa a banga, ket kalpasanna masapul nga ikanna iti rugit manipud iti datar ti nasagradoan a tolda iti danum.

\s5
\v 18 Masapul a warwarenna ti punggos ti buok ti babai. Ket masapul nga ikabil ti padi kadagiti ima ti babai ti arina nga idatdaton agim-imon nga asawana a lalaki tapno maammoanna no nakikamalala isuna wenno saan. Masapul nga iggaman ti padi ti malukong a naglaon iti napait a danum a pakalunodan ti babai no nagbasol isuna.
\v 19 Ibaga ti padi iti babai a masapul a sipapasnekna nga ipablaak nga ibagana ti kinapudno. Masapul nga ibaga ti padi kenkuana, "Adda kadi sabali a lalaki a nakikaidda kenka? Ti laeng kadi asawam a lalaki ti nakikaiddaam wenno saan? No saanka a nakikaidda iti sabali a lalaki, awan ti dakes a mapasamak kenka no inumem ti danum.

\s5
\v 20 Ngem no nakikaiddaka iti sabali a lalaki, ilunodnakanto ni Yahweh.
\v 21-22 Agkebbet ti aanakam ken bumsog ti buksitmo. Saankanton pulos a mabalin nga aganak, ken kas pagbanaganna, iludnod ken liklikandakanto iti amin. No nakikamalalaka, dayta ti mapasamak kenka no inumem daytoy a danum. Ket masapul nga isungbat ti babae, "No nagbasolak, saanak nga agriri no mapasamak dayta."

\s5
\v 23 Kalpasanna, masapul nga isurat ti padi dagitoy a lunod iti bassit a nalukot a pagbasaan ket bugoanna ti tinta iti napait a danum.

\s5
\v 24-25 Masapul nga alaen ti padi manipud kenkuana ti daton sebada nga arina nga ig-iggamanna; masapul nga itag-ayna daytoy tapno idatonna kaniak. Kalpasanna, masapul nga ikabilna daytoy iti altar
\v 26 ken puoranna ti pasetna daytoy a kas daton. Ket masapul nga inumen ti babai ti napait a danum.

\s5
\v 27 No nakikamalala ti babai imbes a sipupudno a nakikakaidda laeng iti asawana, pagsagabaento isuna ti danum iti kasta unay. Bumsogto ti buksitna ken agkebbetto ti aanakanna ket saanton a mabalin nga aganak isuna. Ken kalpasanna, ilunodto isuna dagiti kakabagianna.
\v 28 Ngem no saan a nagbasol isuna, saanto a madangran ti bagina ket kabaelannanto pay laeng iti aganak.

\s5
\v 29 Dayta ti ritual a masapul nga aramiden no nagbasol ti maysa a babai nga adda asawanan iti pannakimamalala,
\v 30 wenno no agim-imon ken no agpanpanunot ti maysa a lalaki nga adda sabali a kinaidda ti asawana. Masapul nga ibaga ti padi nga agtakder dayta a babai iti altar nga ayan ti presensiak ken agtulnog kadagitoy nga alagaden.

\s5
\v 31 Uray no saan nga inaramid ti babai ti pagpagarupen ti asawana, saanto a madusa ti lalaki iti panangaramidna iti dakes babaen iti panangiyegna iti asawana iti padi. Ngem no nagbasol ti asawana a babai, agbanag nga agsagabanto ti babai.'"

\s5
\c 6
\p
\v 1 Imbaga pay ni Yahweh daytoy kenni Moises:
\v 2 "Ibagam daytoy kadagiti Israelita: No adda kadakayo iti mangayat nga agkari a sipapasnek a mangidaton ti bagina nga agbalin a kukuak iti naisangsangayan a wagas, kalpasan nga agtulogkayo kadagitoy a pagannurotan, maawagankayonto a Nazir, a ti kayatna a sawen ket 'tao a naidaton.'
\v 3 Masapul a saankayo nga uminom iti aniaman nga arak wenno dadduma a naingel a mainom. Masapul a saankayo nga uminom iti tubbog ti ubas wenno mangan iti ubas wenno pasas.
\v 4 Masapul a saankayo a mangan iti aniaman nga agtataud iti puon ti ubas, uray pay kadagiti ukis wenno bukbukel dagiti ubas, kabayatan ti tiempo a dakayo ket Nazir.

\s5
\v 5 Maidatonto kaniak uray ti buokyo bayat ti tiempo a dakayo ket Nazir, isu a masapul a saanyo nga ipalubos a pukisan ti siasinoman ti buokyo. Agingga nga agleppas iti tiempo ti sipapasnek a kariyo a panangidatonyo iti bagiyo kaniak, masapul a paatiddogenyo ti buokyo.

\s5
\v 6 Ken masapul a saankayo nga umasideg iti bangkay kabayatan ti tiempo a maysakayo a Nazir.
\v 7 Uray no ti tao a natay ket ti amayo wenno inayo wenno ti kabsatyo a lalaki wenno babai, masapul a saanyo a pagbalinen a saan a maikari ti bagiyo kaniak babaen iti iyaasidegyo iti bangkay. Ipakpakita ti atiddog a buokyo a kukuakayo iti naisangsangayan a wagas, isu a masapul nga aramidenyo ti sipapasnek nga inkariyo ken saanyo a pukisan ti buokyo.
\v 8 Masapul nga itultuloyyo nga aramiden dagitoy iti amin a tiempo a naidatonkayo kaniak iti naisangsangayan a wagas.

\s5
\v 9 No kellaat a matay ti siasinoman nga adda iti abayyo, saanen ngarud a nasantoan ti buokyo a naidaton kaniak. Isu a masapul nga aguraykayo iti pito nga aldaw ken kalpasanna, kuskusanyo amin daytoy. Ken masapul nga agaramidkayo iti naisangsangayan a ritual tapno maikarikayo manen kaniak.

\s5
\v 10 Iti sumaruno nga aldaw, masapul a mangipankayo iti padi kadagiti dua a kalapati ken dua a sibong a pagaw iti pagserkan ti nasagradoan a tolda.
\v 11 Masapul a patayen ti padi dagiti billit ken idatonna dagitoy. Maysa kadagitoy ti daton a mangikkat ti supapak iti basolyo, ken ti sabali ti agbalinto a daton a mapuoran a naan-anay a mangay-ayo kaniak. Kalpasan a puoran dagitoy dagiti papadi iti rabaw ti altar, pakawanenkayonto iti iyaasidegyo iti bangkay, ken no umatiddog manen dagiti buokyo, maidatonto manen daytoy kaniak.

\s5
\v 12 Saan a maibilang ti kaadu ti tiempo a naisinakayo para kaniak iti naglabas, gapu ta nagbalinkayo a saan a maikari kaniak babaen iti iyaasidegyo iti bangkay bayat ti tiempo a maysakayo a Nazir. Isu a masapulyo manen ti agkari a sipapasnek tapno idatonyo ti bagiyo kaniak iti amin a tiempo a naibagayo iti napalabas a tiempo. Ken masapulyo met nga agidatonkayo iti maysa ti tawenna a karnero a mangikkat iti supapak ti basolyo.

\s5
\v 13 No nagleppasen ti tiempo nga inkariyo a panangidaton ti bagiyo kaniak, mapankayo iti pagserkan ti nasagradoan a tolda
\v 14 ken idatonyo kaniak ti tallo nga ayup nga awan mulitna. Mangidatonkayo ti maysa ti tawenna a kalakian a karnero a maipuor a naan-anay, maysa ti tawen a kabaian a karnero a mangikkat ti supapak ti basolyo, ken maysa a nataengan a kalakian a karnero tapno isubli ti langen-langenyo kaniak.
\v 15 No iyegyo dagitoy nga ay-ayup, masapul a mangiyegkayo pay iti sangkabassit nga arak a kas daton. Ken masapul a mangiyegkayo met iti sangabasket a tinapay nga inaramidyo babaen iti kasayaatan nga arina ken lana ti olibo. Ngem masapul a saankayo a mangikabkabil iti aniaman a lebadura iti tinapay. Ikkanyo pay ti sangabassit a lana ti olibo iti sangabassit a naingpis a tinapay ken iyegyo dagitoy iti padi.

\s5
\v 16 Ikabil ti padi ti urbon a karnero ken ti urbon a kalakian a karnero iti rabaw ti altar ken puoranna a naan-anay dagitoy, tapno maay-ayoak ket pakawanenkayo.
\v 17 Ket patayenna ti nataengan a kalakian a karnero a kas daton a mangisubli ti langen-langenyo kaniak, ken puoranna pay iti rabaw ti altar ti sangkabassit a tinapay, ti arina ken arak.

\s5
\v 18 Kalpasan dayta, masapul a tumakderkayo iti pagserkan ti nasagradoan a tolda ken kalboenyo ti uloyo. Ket masapul nga ikabilyo dayta a buok iti apuy nga adda iti sirok ti ayup a naidaton iti rabaw ti altar tapno maisubli ti pannakilangen-langenyo kaniak.

\s5
\v 19 Masapul a mailambong ti karne manipud iti abaga ti kalakian a karnero. Kalpasan a maluto daytoy, alaen daytoy ti padi karaman ti maysa kadagiti napuskol a tinapay ken maysa a naingpis a tinapay a naikkan iti lana ti olibo, ket ikabilna dagitoy kadagiti imayo.
\v 20 Kalpasanna, alaen manen ti padi dagitoy ken itag-ayna tapno idatonna kaniak. Kukuan ti padi dagitoy, ket mapalubosan isuna a mangan iti karne manipud iti abaga, kadagiti paragpag ken iti maysa kadagiti luppo ti kalakian a karnero gapu ta bingayna dayta a karne manipud iti daton. Kalpasanna dayta, saankayonton a Nazir, ken mapalubosankayonto manen nga uminom iti arak.

\s5
\v 21 Dagitoy dagiti annuroten maipapan kadagiti daton a sipapasnek nga inkari ti Nazir nga iyeg kaniak tapno ileppas ti tiempo iti pannakaidatonda kaniak. Masapul nga ipanda dagitoy a daton, ngem no kayatda met, mabalinda ti mangipan kadagiti mainayon a datdaton. Ken masapul nga aramidenda amin dagiti sipapasnek nga inkarida nga aramidenda idi indatonda dagiti bagida kaniak."

\s5
\v 22 Imbaga pay ni Yahweh kenni Moises,
\v 23 "Ibagam kenni Aaron ken kadagiti annakna a lallaki a no dawatenda kaniak a bendisionak dagiti tattao, masapul nga ibagada,
\v 24 'Tarigagayak a bendisionannakayo ni Yahweh ken salluadannakayo.

\s5
\v 25 ken isemannakayo ken agtignay a siaasi kadakayo.
\v 26 ken agbalin isuna a naimbag kadakayo ken parang-ayennakayo.'"
\v 27 Ket kinuna ni Yahweh, "No dawaten ni Aaron ken dagiti annakna a bendisionak dagiti Israelita, pudno a bendisionakto ida."

\s5
\c 7
\p
\v 1 Idi nalpas nga insagana ni Moises ti nasagradoan a tolda, binukbokanna daytoy iti lana ken inlasinna daytoy para ti pakaidayawan ni Yahweh. Indatonna pay dagiti banbanag nga adda iti uneg ti nasagradoan a tolda, ti altar a pagpuoran kadagiti daton, ken dagiti amin a banbanag a mausar iti altar.
\v 2 Ket dagiti mangidadaulo kadagiti 12 a tribu dagiti Israelita, dagiti isu met laeng a lallaki a timmulong kada Aaron ken Moises iti panagbilang kadagiti lallaki a mabalin a makigubat ket
\v 3 napan iti nasagradoan a tolda a nangiyeg kadagiti sagsagut kenni Yahweh. Nangiyegda iti innem a natibker a kariton ken 12 a baka, maysa a baka manipud iti tunggal mangidadaulo ken maysa a kariton ti kada dua a mangidadaulo.

\s5
\v 4 Ket kinuna ni Yahweh kenni Moises,
\v 5 "Awatem dagitoy a sagsagut, tapno mabalin nga usaren dagiti Levita dagitoy iti panangaw-awitda kadagiti gamgameng nga adda ditoy nasagradoan a tolda.

\s5
\v 6 Isu nga innala ni Moises dagiti kariton ken bakbaka ken intedna dagitoy kadagiti kaputotan ni Levi.
\v 7 Intedna ti dua a kariton ken uppat a kalakian a baka kadagiti kaputotan ni Gerson para ti trabahoda,
\v 8 ken intedna ti uppat a kariton ken walo a baka kadagiti kaputotan ni Merari a para iti trabahoda. Ni Itamar nga anak a lalaki ni Aaron ti mangimatmaton kadagiti amin a trabahoda.

\s5
\v 9 Ngem saan a nangted isuna iti uray ania a kariton wenno baka kadagiti kaputotan ni Coat, agsipud ta isuda ti nangaywan kadagiti nasagradoan a banbanag a masapul a baklayenda, saanda nga ilugan kadagiti kariton.

\s5
\v 10 Iti aldaw a naidaton ti altar, nangiyeg dagiti 12 a mangidadaulo kadagiti dadduma a sagsagut a maidaton ket impanda dagitoy iti sangoanan ti altar.
\v 11 Kinuna ni Yahweh kenni Moises, "Iti tunggal aldaw kadagiti sumaruno a 12 nga aldaw ket rumbeng a mangiyeg ti maysa a mangidadaulo kadagiti sagsagutna a maipaay iti pannakaidaton ti altar.

\s5
\v 12-13 Iti umuna nga aldaw, inyeg ni Naason nga anak a lalaki ni Aminadab, manipud iti tribu ni Juda dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan,
\v 14 maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 15-17 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a mapuoran iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 18-19 Iti maikadua nga aldaw, inyeg ni Netanel nga anak a lalaki ni Suar a mangidadaulo iti tribu ni Issacar dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo. Agpada dagitoy a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 20-23 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 24-26 Iti maikatlo nga aldaw, inyeg ni Eliab nga anak a lalaki ni Helon a mangidadaulo iti tribu ni Zabulon dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, agpada a napno dagitoy iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 27-29 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a mapuoran iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 30-32 Iti maikapat nga aldaw, inyeg ni Elizur nga anak a lalaki ni Sedeur a mangidadaulo iti tribu ni Ruben dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 33-35 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a mapuoran iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 36-38 Iti maikalima nga aldaw, inyeg ni Selumiel nga anak a lalaki ni Zurisadai a mangidadaulo iti tribu Simeon dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaent iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 39-41 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 42-44 Iti maikanem nga aldaw, inyeg ni Eliasaf nga anak a lalaki ni Deuel a mangidadaulo iti tribu ni Gad dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 45-47 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 48-50 Iti maikapito nga aldaw, inyeg ni Elisama nga anak a lalaki ni Amiud a mangidadaulo iti tribu ni Efraim dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 51-53 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 54-56 Iti maikawalo nga aldaw, inyeg ni Gamaliel nga anak a lalaki ni Pedasur a mangidadaulo iti tribu ni Manases dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 57-59 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 60-62 Iti maikasiam nga aldaw, inyeg ni Abidan nga anak a lalaki ni Gideoni a mangidadaulo iti tribu ni Benjamin dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 63-65 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 66-68 Iti maikasangapulo nga aldaw, inyeg ni Ahiezer nga anak a lalaki ni Amisadai a mangidadaulo iti tribu ni Dan dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 69-71 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 72-74 Iti maisanagpulo ket maysa nga aldaw, inyeg ni Pagiel nga anak a lalaki ni Okran a mangidadauloiti tribu ni Aser dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 75-77 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 78-80 Iti maikasangapulo ket dua nga aldaw, inyeg ni Ahira nga anak a lalaki ni Enan a mangidadaulo iti tribu ni Neftali dagiti sagutna: maysa a pirak a pinggan nga agdagsen iti nasurok a 1.5 a kilo ken maysa a pirak a malukong nga agdagsen iti 800 a gramo, nga agpada a napno iti napino nga arina a nalaokan iti lana ti olibo a maipaay a daton nga arina. Agpada ti pannakaitimbangda babaen iti naituyang a pagtimbangan, maysa a bassit a balitok a pinggan nga agdagsen iti 113 a gramo, napno daytoy iti insenso,

\s5
\v 81-83 maysa nga urbon a baka, maysa a kalakian a karnero, ken maysa ti tawenna nga urbon a kalakian a karnero, a daton a naan-anay a maipuor iti rabaw ti altar, maysa a kalding a maidaton tapno mangikkat kadagiti basbasol dagiti tattao, ken dua a bulog a baka, lima a kalakian a karnero, lima a kalakian a kalding, ken lima nga urbon a kalakian a karnero a saggaysa ti tawenda, nga agbalin a datdaton tapno maisubli ti pannakilangenlangen dagiti tattao kenni Yahweh.

\s5
\v 84-86 Idi naidaton ti altar kenni Yahweh, inyeg dagitoy a 12 a mangidadaulo dagitoy a sagsagut: 12 a pirak a pinggan ken 12 a pirak a mallukong nga agdagsen iti dagup ti agarup 28 a kilo, natimbang ti tunggal maysa kadakuada iti pagtimbangan a naidulin idiay nasagradoan a tolda, 12 a balitok a pinggan a napno iti insenso, nga agdagsen iti dagup ti agarup 1.4 a kilo, a naitimbang iti isu met laeng a pagtimbangan.

\s5
\v 87-88 12 nga urbon a baka, 12 a kalakian a karnero, ken 12 a maysa ti tawenna nga urbon a kalakian a karnero, a daton a naan-anay a maipuor agraman dagiti sagut nga arina, 12 a kalding a maidaton tapno mangikkat kadagiti basbasol dagiti tattao, ken 24 a bulog a baka, 60 a kalakian a karnero, 60 a kalakian a kalding, ken 60 nga urbon a kalakian a karnero a saggaysa ti tawenda, nga agbalin a daton tapno mapasubli iti pannakilangenlangen dagiti tattao kenni Yahweh.

\s5
\v 89 Tunggal sumrek ni Moises ti nasagradoan a tolda tapno makisao kenni Yahweh, mangngegna ti timek ni Yahweh nga agsasao iti nagbaetan ti dua a ladawan ti parsua a nagpayyak nga adda iti ngatoen ti kalub ti nasagradoan a lakasa.

\s5
\c 8
\p
\v 1 Kinuna ni Yahweh kenni Moises,
\v 2 "Ibagam kenni Aaron nga ikabilna dagiti pito a pagsilawan iti rabaw ti kandelero ken ikabilna dagitoy a masilawanda ti sangoanan ti kandelero."

\s5
\v 3 Isu nga imbaga ni Moises kenkuana ti imbaga ni Yahweh, ket inaramidna dayta.
\v 4 Naaramid ti kandelero iti balitok a napitpit manipud iti dakkel a bulto ti balitok, manipud iti puonna inggana kadagiti arkos iti tuktokna nga immarngi kadagiti sabsabong. Naaramid nga umno ti kandelero iti rumbeng a pannakaaramidna kas imbaga ni Yahweh kenni Moises.

\s5
\v 5 Kinuna pay ni Yahweh kenni Moises,
\v 6 "Masapul nga aramidem a maikari kaniak dagiti kaputotan ni Levi babaen iti panangisinam kadakuada kadagiti dadduma nga Israelita.

\s5
\v 7 Aramidem dayta babaen iti panangwarsim kadakuada iti danum a kas tanda iti pannakawaya-wayada kadagiti basbasolda. Ken masapul a kuskosanda dagiti amin a buok kadagiti bagbagida ken labaanda dagiti pagan-anayda.
\v 8 Ken masapul a mangalada iti maysa a kalakian a baka ken sumagmamano nga arina a nalaokan iti lana ti olibo. Mapuoranto dagitoy a banbanag a kas daton. Masapul met a mangalada iti sabali a kalakian a baka a maidaton a mangikkat kadagiti basbasolda.

\s5
\v 9 Kalpasanna, masapul a paayabam amin dagiti Israelita tapno umayda a sangsangkamaysa iti sangoanan iti nasagradoan a tolda, tapno palawlawanda dagiti kaputotan ni Levi.
\v 10 Ket, masapul nga ipatay dagiti Israelita dagiti imada kadagiti kaputotan ni Levi.
\v 11 Masapul ngarud nga idatag ida ni Aaron kaniak nga agbalin a sagut manipud kadagiti Israelita, a kasla intag-ayna ida kaniak, tapno makapagtrabahoda para kaniak iti uneg ti nasagradoan a tolda.

\s5
\v 12 Kalpasan dayta, masapul nga ipatay dagiti kaputotan ni Levi dagiti imada kadagiti ulo dagiti dua a kalakian a baka. Kalpasanna, mapapatayto ken mapuoran dagiti kalakian a baka iti rabaw ti altar. Ti maysa ket agbalinto a daton a mangikkat kadagiti basbasolda, ket mapuoranto a naan-anay iti maysa a mangay-ayo kaniak.
\v 13 Masapul nga agtakder dagiti kaputotan ni Levi iti altar iti sangoanan ni Aaron ken dagiti annakna a lallaki, ket masapul nga idatonmo ida kaniak, a kasla intag-aymo ida kaniak.

\s5
\v 14 Daytoy a ritual ti mangipakitanto a naisina dagiti kaputotan ni Levi kadagiti dadduma nga Israelita ken kukuak ida.
\v 15 Kalpasan iti pannakaikari dagiti kaputotan ni Levi kaniak, ken naidatag kaniak a kas naisangsangayan a daton a kaslada naitag-ay kaniak, mabalindan iti mangrugi nga agtrabaho iti uneg iti nasagradoan a tolda.

\s5
\v 16 Kukuakto ida. Agtrabahodanto para kaniak a kas kasukat dagiti inauna a lallaki kadagiti amin nga Israelita, a kukuak met laeng.
\v 17 Kukuak amin nga inauna a lallaki ti Israel, dagiti tattao ken dagiti ayup. Idi pinapatayko amin dagiti inauna a lallaki dagiti tattao idiay Egipto, insinak ida para kaniak. Ngem insalakanko dagiti inaunadagiti amin a lallaki kadagiti Israelita, dagiti tattao ken ay-ayup, gapu ta kukuak ida.

\s5
\v 18 Ngem ita, pinilik dagiti kaputotan ni Levi a mangsukat kadagiti inauna nga annak a lallaki dagiti dadduma nga Israelita.
\v 19 Dinutokak dagiti kaputotan ni Levi a tumulong kenni Aaron ken kadagiti annakna a lallaki iti uneg ti nasagradoan a tolda, kas panagidaton da Aaron ken dagiti annakna a lallaki kadagiti daton a mangikkat kadagiti basbasol dagiti Israelita, ken tapno malapdan ti iyaasideg dagiti Israelita iti tolda nga iti banagna ket didigra a mangpasakit ken mangpatay kadagiti adu kadakuada.

\s5
\v 20 Tinulungan da Aaron, Moises ken dagiti dadduma nga Israelita dagiti Levita a mangaramid kadagiti amin nga imbilin ni Yahweh.
\v 21 Winarsian dagiti kaputotan ni Levi dagiti bagbagida iti danum kas pakakitaan a nawaya-wayaandan kadagiti basbasolda, ken linabaanda dagiti pagan-anayda. Kalpasanna, impan ida ni Aaron iti altar tapno idatagna ida kenni Yahweh, a kasla intag-ayna ida kenkuana, ken nangidaton isuna kadagiti daton a mangikkat kadagiti basbasolda ken pagbalinenna ida a maikari kenni Yahweh.

\s5
\v 22 Kalpsan dayta, inrugin dagiti kaputotan ni Levi iti agtrabaho iti uneg ti nasagradoan a tolda a mangtulong kada Aaron ken dagiti annakna a lallaki. Inaramidda dayta kas imbilin ni Yahweh kenni Moises.

\s5
\v 23 Kinuna pay daytoy ni Yahweh kenni Moises:
\v 24 "Agtrabaho iti uneg ti nasagradoan a tolda dagiti kaputotan ni Levi nga agtawen iti duapulo ket lima inggana ti limapulo.

\s5
\v 25 Ngem no nagtawendan iti limapulo, masapul nga agretirodan.
\v 26 Mabalinda a tulongan dagiti kakaduada a kaputotan ni Levi a mangaramid kadagiti trabahoda iti uneg ti nasagradoan a tolda, ngem saanda a rumbeng nga aramiden ti trabaho a bukbukodda. Dayta ti masapul nga ibagam kadakuada maipapan iti trabaho nga aramidenda."

\s5
\c 9
\p
\v 1 Kalpasan iti makatawen nga ipapanaw dagiti Israelita idiay Egipto, iti umuna a bulan iti maikadua a tawen, kabayatan ti kaaddada idiay let-ang ti Sinai, kinuna ni Yahweh kenni Moises,
\v 2 "Ibagam kadagiti Israelita a masapul a rambakanda manen ti fiesta ti Ilalabas.
\v 3 Masapul nga aramidenda daytoy iti maikasangapulo ket uppat nga aldaw iti daytoy a bulan, masapa iti rabii, ken masapul a tungpalenda amin dagiti pagalagadan maipapan iti daytoy nga intedko kenka iti napalabas."

\s5
\v 4 Isu nga imbaga ni Moises kadagiti tattao ti imbaga ni Yahweh maipanggep iti panangrambakda ti Fiesta ti Ilalabas.
\v 5 Rinambakan daytoy dagiti tattao idiay let-ang ti Sinai, iti rabii ti maikasangapulo ket uppat nga aldaw iti bulan, a kas imbilin ni Yahweh kenni Moises.

\s5
\v 6 Ngem nakasagid iti bangkay dagiti sumagmamano kadagiti Israelita, ket kas pagbanaganna, saanda a maikari a mangrambak ti Fiesta ti Ilalabas. Isu a dinamagda ni Aaron ken ni Moises,
\v 7 "Pudno a nakasagidkami iti bangkay. Ngem apay a pawilandakami nga agrambak iti fiesta ti Ilalabas ken agidaton kenni Yahweh a kas kadagiti dadduma?"
\v 8 Simmungbat ni Moises, "Aguraykayo ditoy inggana a sumrekak ti ayan iti nasagradoan a tolda ket ammoek ti ibaga ni Yahweh maipapan iti daytoy."

\s5
\v 9 Isu a napan ni Moises iti tolda ket sinaludsodna ni Yahweh iti rumbeng nga ibagana kadagiti tattao, ket daytoy ti imbaga ni Yahweh:
\v 10 "Ibagam daytoy kadagiti Israelita: 'No adda man kadakayo wenno kadagiti kaputotanyo ti mangsagid iti bangkay ket agbanag a saan a maikari kaniak, wenno no adayokayo iti pagtaenganyo ta addakayo iti atiddog a panagdaldaliasat iti tiempo iti panagrambak ti Fiesta ti Ilalabas, mapalubosankayo latta a mangrambak iti daytoy.

\s5
\v 11 Ngem masapul a rambakanyo daytoy nga apag-isu kalpasan iti makabulan, masapa iti rabii iti maikasangapulo ket uppat nga aldaw dayta a bulan. Kanenyo ti karne ti karnero iti fiesta ti Ilalabas agraman iti tinapay a naluto nga awan iti lebadurana ken mangankayo iti napait a natnateng.
\v 12 Saankayo a mangibati iti aniaman kadagitoy inggana iti kabigatanna. Ken saankayo a mangtukkol iti aniaman kadagiti tulang ti karnero. Tungpalenyo amin dagiti pagalagadan maipapan iti panagrambak ti Fiesta ti Ilalabas.

\s5
\v 13 Ngem no siasinoman kadakayo iti saan a nakaaramid iti aniaman a saaanyo a pakaikarian a mangrambak ti fiesta ti Ilalabas, ken saankayo nga adayo iti pagtaenganyo ta saankayo nga agdaldaliasat iti adayo, ken saankayo nga agidaton kaniak iti umno a tiempo, saankayon pulos a maibilang kadagiti tattaok. Madusakayonto.
\v 14 Mabalin met nga agrambak iti fiesta ti Ilalabas dagiti ganggannaet a makipagnanaed kadakayo, no tungpalenda amin dagiti bilbilinko maipapan iti daytoy.'"

\s5
\v 15-16 Iti aldaw a naibangon ti nasagradoan a tolda, inabbungan daytoy ti ulep. Ngem manipud iti ilelennek ti init ingana iti isisingising ti init iti sumaruno nga aldaw, immarngi ti ulep iti dakkel nga apuy. Ket dayta ti napasamak iti inaldaw a kaadda dagiti Israelita idiay let-ang.
\v 17 Idi nagpangaton ti ulep ket nangrugin nga umakar iti baro a disso, sinurot daytoy dagiti Israelita. Idi simmardeng ti ulep, simmardeng sadiay dagiti Israelita ket imbangonda dagiti toldada.

\s5
\v 18 Umakar dagiti Israelita no ibaga ni Yahweh kadakuada no kaanoda nga umakar ken no kaanoda a sumardeng babaen iti panangiyakar wenno panangpasardengna ti ulep. No agtalinaed ti ulep iti ngatoen ti nasagradoan a tolda, agtalinaed dagiti Israelita dita a disso.
\v 19 No dadduma, agtalinaed iti nabayag ti ulep iti ngatoen ti nasagradoan a tolda, isu nga idi napasamak dayta, saan nga immakar dagiti Israelita.

\s5
\v 20 Adda dagiti tiempo a nagtalinaed ti ulep iti ngatoen iti nasagradoan a tolda iti sumagmamano nga aldaw. Simmardeng dagiti tattao ket imbangonda dagiti toldada kas imbilin ni Yahweh kadakuada, ken immakarda iti baro a disso idi binilin ida ni Yahweh a mangaramid iti dayta.
\v 21 Adda dagiti tiempo nga agtalinaed ti ulep iti maymaysa a disso iti maysa laeng nga aldaw. No mapasamak dayta, no nagpangaton ti ulep idiay tangatang iti sumaruno a bigat, ket umakar dagiti tattao. No umakaren ti ulep, iti aldaw man wenno iti rabii, umakar dagiti tattao.

\s5
\v 22 No agtalinaed ti ulep iti ngatoen ti nasagradoan a tolda iti dua nga aldaw, wenno makabulan, wenno makatawen, agtalinaed dagiti tattao iti ayanda kabayatan iti dayta a tiempo. Ngem no nagpangaton ti ulep iti tangatang, mangrugidan nga umakar.
\v 23 Idi imbilin ni Yahweh a sumardengdan ken ibangondan dagiti toldada, inaramidda dayta. Idi imbagana nga umakarda, immakarda. Inaramidda dagiti aniaman a rumbeng nga aramidenda nga imbaga ni Yahweh kenni Moises.

\s5
\c 10
\p
\v 1 Imbaga pay ni Yahweh kenni Moises,
\v 2 "Ibagam iti maysa a tao a mangaramid iti dua a trumpeta babaen iti panangpitpitna iti tunggal maysa manipud iti bulto iti pirak. Puyotam dagiti trumpeta a pangayab kadagiti tattao nga umay a sangsangkamaysa ken kasta met a mangted iti pagilasinan a masapul nga iyakarda dagiti toldada iti baro a disso.

\s5
\v 3 No napuyotan dagiti dua a trumpeta, kayatna a sawen nga aguummong iti tunggal maysa iti pagserkan iti nasagradoan a tolda.
\v 4 No maymaysa laeng ti trumpeta a napuyotan, kayatna a sawen a dagiti laeng sangapulo ket dua a mangidadaulo kadagiti tribu iti aguummong.
\v 5 No napuyotan a nakapigpigsa dagiti trumpeta, masapul a mangrugi nga umakar dagiti tribu nga adda iti dayaen ti nasagradoan a tolda.

\s5
\v 6 No napuyotan a napigpigsa dagiti trumpeta iti kapamindua, masapul a mangrugi nga umakar dagiti tribu nga adda iti abagatan. Dagiti napipigsa a pannakapuyot ti trumpeta ket mangipasimudaag a rumbeng nga irugidan ti umakar.
\v 7 No kayatmo laeng nga ummongen dagiti tattao, papuyotam dagiti trumpeta, ngem saanmo a papuyotan dagitoy iti napigsa.
\v 8 Dagiti papadi a naggapu iti kaputotan ni Aaron iti rumbeng a mangpuyot kadagiti trumpeta. Dayta ti alagaden a saanto a pulos nga agbaliw.

\s5
\v 9 No makigubatkayo kadagiti kabusoryo a rumaut kadakayo iti bukodyo a daga, ibagam kadagiti papadi a puyotanda iti nakapigpigsa dagiti trumpeta. Siak ni Yahweh a Diosyo, ket manggegko dayta, ken ispalenkayonto kadagiti kabusoryo.

\s5
\v 10 Ibagam pay a puyotan dagiti papadi dagiti trumpeta no naragsak dagiti tattao, ken kadagiti fiesta iti tunggal tawen, ken kadagiti tiempo a rambakanda iti baro a bulan iti binulan. Ibagam kadakuada a puyotanda dagiti trumpeta no mangyeg dagiti tattao kadagiti daton a naan-anay a maipuor, ken no mangyegda kadagiti daton a mangpasubli iti pannakilangenlangenda kaniak. No aramidenda dayta, makatulong daytoy kadakayo a manglagip kaniak. Masapul nga aramidenyo dayta, gapu ta Siak ni Yahweh a Diosyo."

\s5
\v 11 Iti maikadua a tawen kalpasan ti ipapanaw dagiti Israelita ti Egipto, iti maikaduapulo nga aldaw iti maikadua a bulan, nagpangato ti ulep manipud iti ngatoen ti nasagradoan a tolda.
\v 12 Isu a immakar dagiti Israelita manipud iti let-ang ti Sinai, ken intuloyda iti nagdaliasat a nagpaamianan inggana a simmardeng ti ulep iti let-ang ti Paran.
\v 13 Dayta ti immuna a panagakarda, kas panagtungtungpalda kadagiti alagaden nga inted ni Yahweh kenni Moises nga ibagana kadakuada.

\s5
\v 14 Ti immuna a bunggoy a pimmanaw a mangaw-awit iti banderada, ket iti bunggoy manipud iti tribu ti Juda. Ni Naason nga anak a lalaki ni Aminadab ti nangidaulo kadakuada.
\v 15 Sinaruno ida ti bunggoy a naggapu ti tribu ti Issacar. Ni Netanel nga anak a lalaki ni Suar ti nangidaulo kadakuada.
\v 16 Simmaruno a pimmanaw ti bunggoy a naggapu iti tribu ti Zabulon. Ni Eliab nga anak a lalaki ni Helon ti nangidaulo kadakuada.

\s5
\v 17 Kalpasanna, inakasda ti nasagradoan a tolda, ket inawit daytoy dagiti kaputotan ni Gerson ken Merari, ket simmarunoda a pimmanaw.
\v 18 Simmaruno a pimmanaw ti bunggoy a naggapu ti tribu ti Ruben, aw-awitenda ti banderada. Ni Elizur nga anak ni Sedeur ti nangidaulo kadakuada.
\v 19 Simmaruno ti bunggoy a naggapu ti tribu ti Simeon. Ni Selumiel nga anak a lalaki ni Zurisadai ti nangidaulo kadakuada.
\v 20 Simmaruno ti bunggoy a naggapu ti tribu ti Gad. Ni Elisaf nga anak a lalaki ni Deuel ti nangidaulo kadauada.

\s5
\v 21 Simmaruno ti bunggoy a naggapu iti kaputotan ni Coat. Inawitda dagiti nasagradoan a banbanag manipud iti nasagradoan a tolda. Naibangon ti nasagradoan a tolda iti baro a disso sakbay a dimtengda sadiay.
\v 22 Simmaruno ti bunggoy a naggapu ti tribu ti Efraim, aw-awitenda ti banderada. Ni Elisama nga anak a lalaki ni Amiud ti nangidaulo kadakuada
\v 23 Simmaruno a pimmanaw ti bunggoy ti tribu ti Manases. Ni Gamaliel nga anak a lalaki ni Pedasur ti nangidaulo kadakuada.
\v 24 Simmaruno ti bunggoy manipud ti tribu ti Benjamin. Ni Abidan nga anak a lalaki ni Gideoni ti nangidaulo kadakuada.

\s5
\v 25 Ti naudi a pimmanaw ket dagiti bunggoy a naggapu iti tribu ti Dan, aw-awitenda ti banderada. Ni Ahiezer nga anak a lalaki ni Amisadai ti nangidaulo kadakuada.
\v 26 Simmaruno ti bunggoy a naggapu iti tribu ti Aser. Ni Pagiel nga anak a lalaki ni Okran ti nangidaulo kadakuada.
\v 27 Naudi a pimmanaw ti bunggoy a naggapu iti tribu ti Naftali. Ni Ahira nga anak a lalaki ni Enan ti nangidaulo kadakuada.
\v 28 Dayta ti panagsasaruno dagiti bunggoy dagiti tribu dagiti Israelita iti panagdaliasatda.

\s5
\v 29 Maysa nga aldaw, kinuna ni Moises kenni bayawna a Hobab nga anak ni Reuel a naggapu iti bunggoy dagiti Midianita, "Mapankami iti lugar nga inkari ti Dios nga itedna kadakami. Sumurotka kadakami, ket aywanandaka, gapu ta inkari ni Yahweh nga agaramid kadagiti nasayaat a banbanag kadakami nga Israelita."
\v 30 Ngem simmungbat ni Hobab, "Saan, saanak a sumurot kadakayo. Kayatko ti agsubli iti bukodko a daga ken iti bukodko a pamilia.

\s5
\v 31 Ngem kinuna ni Moises, "Pangaasim ta saannakami a panawan. Ammom dagiti lugar a pangibangonanmi kadagiti toldami iti daytoy a let-ang, ken mabalinnakami nga idalan.
\v 32 Sumurotka kadakami. Ibingaymi kenka dagiti amin a nasasayaat a banbanag nga ipapaay ni Yahweh kadakami."

\s5
\v 33 Isu nga immanamong ni Hobab a sumurot kadakuada. Pinanawan dagiti Israelita ti Bantay Sinai, nga inawaganda iti Bantay ni Yahweh, ket nagnada iti tallo nga aldaw. Immuna iti tallo nga aldaw kadagiti dadduma a tattao dagiti lallaki nga agaw-awit iti nasagradoan a lakasa, ket nagbirbirukda iti lugar a pagkampoanda.
\v 34 Inaldaw nga addan iti ngatoenda ti ulep nga imbaon ni Yahweh.

\s5
\v 35 Kada agsapa no irugi dagiti lallaki nga agaw-awit iti nasagradoan a lakasa ti magna, kinuna ni Moises, "Tumakderka, O Yahweh! Wara-waraem dagiti kabusormo! Paadaywem dagiti gumurgura kenka!"
\v 36 Ket tunggal sumardeng dagiti lallaki a mangibaba ti nasagradoan a lakasa, kinuna ni Moises, "Yahweh, umasidegka kadakami nga immadu a rinibribu nga Israelita!

\s5
\c 11
\p
\v 1 Maysa nga aldaw nagreklamo dagiti tattao kenni Yahweh maipanggep kadagiti rigrigatda. Idi nangngeg ni Yahweh dagiti ibagbagada, nakaunget isuna. Isu a nangiyeg isuna iti apuy a nangpuor kadagiti dadduma a tattao iti pungto ti kampoda.
\v 2 Kalpasanna, immasug dagiti tattao kenni Moises, ket nagkararag isuna kenni Yahweh. Ket nagsardeng a manguram ti apuy.
\v 3 Isu a pinanagananda dayta a lugar iti Tabera a ti kayatna a sawen ket 'mangur-uram,' gapu ta ti apuy ni Yahweh ket naguram kadakuada sadiay.

\s5
\v 4 Kalpasanna, adda dagiti manangriribuk manipud kadagiti sabali a bunggoy dagiti tattao a makipagdaldaliasat kadagiti Israelita ti nangrugi nga agbiruk iti nasaysayaat a taraon. Ket idi nagrugida nga agreklamo, nagrugi met nga agreklamo dagiti Israelita.
\v 5 Kinunada, "Adda koma karne a kanenmi!
\v 6 Malagipmi dagiti lames a kinnanmi bayat ti kaaddami idiay Egipto, lames a naited kadakami nga awan bayadna. Ken addaankami pay kadagiti amin a pipino, dagiti sandia, sibuyas, lasona, ken bawang a kayatmi. Ngem ita awan ti makan a tartarigagayanmi, gapu ta ti adda laeng a kanenmi ket daytoy a mana!"

\s5
\v 7 Ti mana ket kasla puraw a babassit a bukbukel.
\v 8 Binigat a rummuar dagiti tattao ket mangurnongda kadagitoy manipud iti rabaw ti daga. Kalpasanna nangaramidda iti arina babaen iti pananggilingda wenno panangbayoda kadagitoy babaen iti batbato. kalpasanna, danumanda ket ipaburekda dagitoy iti banga, wenno pitpitenda sada iluto dagitoy. Ti raman dagiti naluto ket kasla tinapay a nailuto iti lana ti olibo.

\s5
\v 9 Rinabii nga agtinnag dagiti mana iti daga nga ayan dagiti toldada, ket kasla linnaaw dagitoy manipud iti tangatang.
\v 10 Nangngeg ni Moises nga agrekreklamo dagiti amin nga Israelita kabayatan ti panagtaktakderda kadagiti pagserkan dagiti toldada. Nakaunget ni Yahweh iti kasta unay, ket nariribukan met ti kasta unay ni Moises.

\s5
\v 11 Napan isuna iti nasagradoan a tolda ket sinaludsodna kenni Yahweh, "Apay nga inyegmo kaniak nga adipenmo daytoy a riribuk? Kaasiannak! Ania kadi ti basolko, ta dinutokannak a mangaywan kadagitoy amin a tattao?
\v 12 Saan a siak ti amada. Apay nga imbagam kaniak nga aywanak ida a kasla maysa a babai a mangub-ubba iti anakna ken mangpaspasuso iti daytoy? Kasanok ida nga iturong iti daga nga inkarim nga itedmo kadagiti kapuonanmi?

\s5
\v 13 Pangalaak iti karne nga ipakanko kadagitoy amin a tattao? Kanayonda nga agrekreklamo kaniak a kunkunada, 'Ikannakami iti karne a kanenmi!'
\v 14 Saanko a kabaelan nga awiten nga agmaymaysa dagiti amin a parikut dagitoy a tattao! Kasla da nadagsen nga awit kaniak, ken saankon a kabaelan a baklayen pay daytoy nadagsen unay a karga.
\v 15 No panggepmo ti mangaramid iti kastoy kaniak, patayennak itan. No pudno a kailalaannak, kaasianak ket patayennakon tapno malpas ti panagtutuokko iti panangaywanko kadakuada!"

\s5
\v 16 Ket kinuna ni Yahweh kenni Moises, "Mangayabka iti pitopulo a lallaki nga ammom a pangulo dagiti Israelita. Ibagam kadakuada a makipagtakderda kenka iti sangoanan ti nasagradoan a tolda.
\v 17 Bumabaakto ket makisaritaak kenka sadiay. Ket alaek ti dadduma a pannakabalin ti Espirituk nga adda kenka, ket ikabilko met dayta a pannakabalin kadakuada. Tulongandaka a mangaywan kadagiti dadduma a banbanag a kasapulan dagiti tattao, tapno saanmon a kasapulan nga aramiden daytoy nga agmaymaysa.

\s5
\v 18 Maysa pay, ibagam kadagiti tattao, "Pagbalinenyo a makaay-ayo kaniak dagiti bagbagiyo, ket inton bigat, maadaankayonto iti karne a kanenyo. Nagrekreklamokayo, ket nangngeg ni Yahweh idi ibagbagayo a "Kayatmi ti mangan iti karne. Addaan iti nasaysayaat a taraonmi idiay Egipto!" Ita, ikkannakayo ni Yahweh iti karne ket kanenyo daytoy.
\v 19 Mangankayo iti karne saan laeng nga iti maysa wenno dua nga aldaw, wenno iti lima wenno sangapulo wenno duapulo laeng nga aldaw.
\v 20 Inaldaw a mangankayo iti karne iti uneg ti maysa a bulan, ket maumakayonto, ket pagsaruaenakayonto daytoy. Mapasamak daytoy gapu ta linaksidyo ni Yahweh nga adda ditoy a kaduayo, ken nagreklamokayo iti presensiana, nga ibagbagayo nga, "Adda koma nasaysayaat a taraontayo no saantayo a pinanawan ti Egipto.'"'

\s5
\v 21 Ngem simmungbat ni Moises kenni Yahweh, "Adda 600 000 a lallaki ken adda babbai ken ub-ubbing a kaduak, isu nga apay nga ibagam nga 'Ikkak ida iti adu a karne iti inaldaw, iti las-ud iti makabulan!'?
\v 22 Uray no partienmi dagiti amin a karnero ken baka, saanto nga umanay dagita a mangipaay iti karne para kadakuada amin! Uray no tiliwenmi amin a lames iti baybay ken itedmi kadakuada, saan nga umanay dagitoy!"
\v 23 Ngem kinuna ni Yahweh kenni Moises, "Pagarupmo kadi nga awan pannakabalinko? Makitam ita no kabaelak nga aramiden dagiti ibagbagak nga aramidek."

\s5
\v 24 Isu a rimmuar ni Moises iti nasagradoan a tolda ket imbagana kadagiti tattao ti imbaga ni Yahweh. Kalpasanna, innummongna dagiti pitopulo a mangidadaulo ket imbagana kadakuada nga agtakderda iti aglawlaw ti nasagradoan a tolda.
\v 25 Ket bimmaba ni Yahweh iti ulep nga adda iti ngatoen ti tolda ket kinasaona ni Moises. Innalana ti dadduma a pannakabalin ti Espiritu nga intedna kenni Moises ket intedna daytoy kadagiti pitupulo a mangidadaulo. Babaen iti pannakabalin ti Espiritu nga adda kadakuada, nagipadtoda, ngem inaramidda laeng dayta iti naminsan.

\s5
\v 26 Dua kadagiti mangidadaulo a dinutokan ni Moises, da Eldad ken Medad, ti awan idiay idi naguummong dagiti kakaduada. Saanda a pinanawan dagiti toldada tapno mapan agtakder iti aglawlaw ti nasagradoan a tolda. Ngem napan met kadakuada ti Espiritu ni Yahweh, ket nangrugida a nagipadto.
\v 27 Isu a nagtaray ti maysa a bumarito ket kinunana kenni Moises, "Agipadpadto ni Eldad ken Medad iti ayan dagiti kampoda!"

\s5
\v 28 Ni Josue a timmultulong kenni Moises sipud pay ubing isuna, kinunana, "apo, ibagam kadakuada nga isardengda ti panangaramidna iti dayta!"
\v 29 Ngem simmungbat ni Moises, "Madanaganka kadi nga amangan no dadaelenda ti dayawko? Makapagpadto koma dagiti amin a tattao ni Yahweh. Ited koma ni Yahweh ti pannakabalin ti Espirituna kadakuada amin!”
\v 30 Kalpasanna, nagsubli ni Moises ken dagiti amin a mangidadaulo kadagiti kampoda.

\s5
\v 31 Kalpasanna, nangiyeg ni Yahweh iti napigsa nga angin manipud iti baybay. Inturong ti angin dagiti pugo iti aglawlaw ti kampo, ket intinnagna dagiti pugo iti daga. Nagabsuonda iti aglawlaw iti agarup dua a metro a kangato!
\v 32 Isu a rimmuar dagiti tattao ket inurnongda dagiti pugo iti agmalmalem, agpatpatnag ken iti simmaruno nga aldaw. Kasla la nakaurnong ti tunggal maysa iti dandani dua a metro a kubiko! Inbilagda dagiti pugo iti daga iti aglawlaw ti kampo, tapno mamagaan dagiti pugo.

\s5
\v 33 Kalpasanna, inlutoda dagitoy ket rinugiandan a kanen dagitoy. Ngem kabayatan a kankanenda pay laeng ti karne, impakita ni Yahweh a kaungetna unay isuda. Nangiyeg isuna kadakuada ti nakaro a didigra, ket adu a tattao ti natay.
\v 34 Dagiti tattao a natay ken naipunpon ket dagiti nangibaga a kayatda ti mangan iti karne kas iti kinnanda idi addada pay laeng idiay Egipto. Isu a pinanagannanda dayta a lugar iti Kibrot Hattava, a ti kayatna a sawen ket 'tantanem dagiti naggartem!
\v 35 Manipud sadiay, nagtultuloy a nagnagna dagiti Israelita manipud daya inggana a nakasangpetda idiay Hazerot, a nagsardenganda ken nagnaedanda iti nabayag a tiempo.

\s5
\c 12
\p
\v 1-2 Ibagbaga dagiti inauna a kakabsat ni Moises a ni Miriam ken Aaron ti kastoy: "Ni Moises laeng kadi ti pangibagbagaan ni Yahweh kadagiti mensahe a maibagbaga kadatayo? Saan kadi a mangibagbaga met ni Yahweh iti mensahe kadata?" Imbagada kadagiti tattao nga ibagbagada dayta gapu ta nangasawa ni Moises iti babai a kaputotan ti bunggoy dagiti tattao ti Cus, ngem ti agpaypayso, ibagbagada dayta gapu ta agim-imonda. Ngem nangngeg ni Yahweh ti imbagbagada.
\v 3 Ti kinapudnona ket napakumbaba unay ni Moises. Ad-adda a napakumbaba isuna ngem iti siasinoman iti daga ken saan a dinutokan ni Moises ti bagina nga agbalin a panguloda.

\s5
\v 4 Isu a dagus a kinasao ni Yahweh da Moises, Aaron ken Miriam. Kinunana, "Masapul a mapankayo a tallo ken agtakderkayo iti nasagradoan a tolda." Inaramidda ngarud dayta.
\v 5 Ket bimmaba ni Yahweh iti pagserkan ti tolda babaen iti ulep nga aglanglanga a dakkel a puraw nga adigi. Kinunana kada Aaron ken Miriam nga agpasango dagitoy, isu a nagpasango dagitoy.

\s5
\v 6 Ket kinunana kadakuada, "Dumngegkayo kaniak! No adda kadakayo ti maysa a propeta, kadawyan nga agparangak kenkuana babaen iti panangipalubosko a makakita isuna kadagiti sirmata, ken makisaritaak kenkuana babaen iti tagtagainep.
\v 7 Ngem saan a kasta ti wagas ti pannakisaritak iti adipenko a ni Moises. Agtalekak nga idauloanna a naimbag dagiti tattaok.
\v 8 Isu a makisarsaritaak kenkuana iti rupan-rupa. Makisarsaritaak kenkuana iti nalawag, saan nga agus-usar a kadagiti pangngarig. Nakitana payen ti langak. Isu a rumbeng nga agbutengkayo a manguyaw iti adipenko a ni Moises!"

\s5
\v 9 Kasta unay ti unget ni Yahweh kada Miriam ken Aaron, ket pimmanaw isuna.
\v 10 Idi nagpangaton ti ulep manipud iti nasagradoan a tolda, kinita ni Aaron ni Miriam ket nakitana a pimmuraw ti kudil ni Miriam a kas iti niebe, gapu ta adda ketongna.

\s5
\v 11 Kinuna ni Aaron kenni Moises, "Apok, pangngaasim ta saannakami a dusaen gapu iti daytoy minamaag a basol nga inaramidmi.
\v 12 Saanmo nga ipalubos nga agbalin ni Miriam a kasla maladaga a natayen idi naipasngay, a nagrupsan ti kagudua a bagina!

\s5
\v 13 Isu nga immasug ni Moises kenni Yahweh, a kunana, "O Dios, agpakpakaasiak kenka a paimbagem ni Miriam!"
\v 14 Ngem simmungbat ni Yahweh, "No inungtan isuna ti amana iti panangaramidna iti saan a nasayaat babaen iti panangtupra ti amana iti rupana, maibabain isuna iti pito nga aldaw. Rumbeng a maibabain isuna gapu iti inaramidna. Isu nga ibaonyo isuna iti ruar ti kampo iti pito nga aldaw. Ket awanton ketongna, ket mabalinnanton ti agsubli iti kampo."
\v 15 Isu nga impanda isuna iti ruar ti kampo iti pito nga aldaw. Saan nga immakar dagiti tattao iti sabali a lugar agingga a nagsubli isuna.

\s5
\v 16 Ngem kalpasan a nagsubli isuna, pimmanawda iti Hazerot ket nagturongda iti amianan idiay let-ang ti Paran ket impatakderda dagiti toldada sadiay.

\s5
\c 13
\p
\v 1 Kinuna ni Yahweh Kenni Moises,
\v 2 "Mangibaonka iti dadduma a lallaki idiay Canaan a mangsukimat iti daydiay a lugar. Dayta ti daga nga itedkonto kadakayo nga Israelita. Mangibaonka kadagiti lallaki a panguloen kadagiti tribuda.”

\s5
\v 3 Inaramid ngarud ni Moises ti imbilin ni Yahweh kenkuana. Nangibaon isuna kadagiti sangapulo ket dua a lallaki nga Israelita a papanguloen kadagiti tribuda. Imbaonna ida manipud iti kampoda idiay Paran idiay disierto.
\v 4 Dagitoy dagiti nagan dagiti lallaki ken dagiti nakaibilanganda a tribu: manipud iti tribu ni Ruben; ni Sammua nga anak ni Zakkur,

\s5
\v 5 manipud iti tribu ni Simeon; ni Safat nga anak ni Hori,
\v 6 manipud iti tribu ni Juda; ni Caleb nga anak ni Jefone,
\v 7 manipud iti tribu ni Isaccar; ni Igal nga anak ni Jose,
\v 8 manipud iti tribu ni Efraim; ni Oseas nga anak ni Nun,

\s5
\v 9 manipud iti tribu ni Benjamin; ni Palti nga anak ni Rapu,
\v 10 manipud iti tribu ni Zabulon; ni Gaddiel nga anak ni Sodi,
\v 11 manipud iti tribu ni Manases; ni Gaddi nga anak ni Susi,
\v 12 manipud iti tribu ni Dan; ni Ammiel nga anak ni Gemalli,

\s5
\v 13 manipud iti tribu ni Aser; ni Setur nga anak ni Micael,
\v 14 manipud iti tribu ni Neftali; ni Nabi nga anak a lalaki ni Vopsi,
\v 15 ken manipud iti tribu ni Gad; ni Geuel nga anak ni Maki.
\v 16 Dagitoy dagiti nagan dagiti lallaki nga imbaon ni Moises a mangsukimat iti Canaan. Sakbay a pimmanawda, pinanaganan ni Moises ni Oseas iti Josue a ti kayatna a sawen ket ni Yahweh ti mangisalakan.’

\s5
\v 17 Sakbay nga imbaon ida ni Moises a mangsukimat iti Canaan, kinunana kadakuada, "Magnakayo iti abagatan ti let-ang ti Judea, ket kalpasanna, agpaamianankayo iti katurturodan a pagilian.
\v 18 Kitaenyo ti langa ti daga. Kitaenyo no napigsa wenno nakapsut dagiti tattao nga agnanaed sadiay. Kitaenyo no adu wenno bassit dagiti tattao sadiay.
\v 19 Duktalenyo no ania a kita ti daga ti pagnanaedanda. Nasayaat kadi daytoy wenno saan? Ammoenyo ti maipanggep kadagiti ili a pagnanaedanda. Adda kadi pader iti aglawlawda wenno awan?
\v 20 Ammoenyo ti maipanggep iti daga sadiay. Nadam-eg kadi daytoy wenno saan? Ammoenyo no adda kaykayo sadiay. Padasenyo nga agala kadagiti sumagmamano a bunga a nagtubo iti dayta a daga. "Imbagana dayta gapu ta mangrugin ti tiempo a panagapit kadagiti ubas.

\s5
\v 21 Napan ngarud dagitoy a lallaki idiay Canaan. Nagnada iti entero a daga, manipud iti let-ang ti Sin iti abagatan agingga iti siudad ti Rebob nga asideg idiay Lebo Hamat idiay amianan.
\v 22 Iti abagatan a let-ang ti Judea, napanda idiay Hebron, a pagnanaedan da Ahiman, Sesai ken Talmai, dagiti higante a nagtaud kenni Anakim. Ti Hebron ket siudad a nabangon iti pito a tawen sakbay a nabangon ti siudad ti Zoan idiay Egipto.

\s5
\v 23 Iti maysa a tanap, nangputedda iti maysa a raay dagiti ubas manipud iti maysa a kaubasan. Gapu ta dakkel unay daytoy, kasapulanda ti dua a lallaki a mangbagkat iti daytoy babaen iti assiw. Nangpurosda pay kadagiti sumagmamano a granada ken sumagmamano nga igos tapno iyawidda iti kampoda.
\v 24 Inawaganda dayta a lugar iti Escol a ti kayatna a sawen, ket ‘raay' gapu ta nangputedda iti dakkel a raay dagiti ubas sadiay.

\s5
\v 25 Kalpasan a sinukimatda ti daga iti uppat a pulo nga aldaw, nagsublida iti kampoda.
\v 26 Napanda kada Aaron ken Moises ken kadagiti dadduma nga Israelita iti let-ang idiay Paran. Impadamagda kadagiti amin dagiti nakitada. Impakitada pay kadakuada dagiti prutas nga insangpetda.

\s5
\v 27 Ngem daytoy ti impadamagda kenni Moises: "Nakasangpetkami iti daga a nangibaonam kadakami a sukimatenmi. Pudno a napintas daytoy a daga. Nadam-eg unay daytoy a daga. Adtoy ti sumagmamano a prutas.
\v 28 Ngem napigsa unay dagiti tattao nga agnanaed idiay. Nalawa dagiti siudadda ken napalikmutan kadagiti pader. Nakitami idiay dagiti dadduma a higante a kaputotan ni Anak.
\v 29 Agnanaed dagiti kaputotan ni Amalek idiay abagatan a paset ti daga, ken agnanaed dagiti kaputotan ni Het, Jebus, ken ni Amor idiay amianan a katurturodan a pagilian. Agnanaed dagiti kaputotan ti Canaan iti igid ti Baybay Mediterranean ken iti igid ti Karayan Jordan.”

\s5
\v 30 Idi imbagada dayta, nagbuteng dagiti tattao ket nangrugida a nagsangit iti napigsa unay. Ngem pinagulimek ni Caleb dagiti tattao a nakatakder iti asideg ni Moises. Ket kinunana, "Mapantayo koma idiay ket tagikuaentayo ti daga, gapu ta pudno unay a kabaelantayo a parmeken daytoy!"
\v 31 Ngem kinuna dagiti tattao a kaduana a napan, "Saan, saantayo a kabaelan a darupen ken abaken dagitoy a tattao! Napigpigsada ngem datayo!"

\s5
\v 32 Isu a dakes a damag ti imbaga dagitoy a tattao kadagiti Israelita maipanggep iti daga a sinukimatda. Kinunada, "Nalawa unay ti daga a sinukimatmi. Saantayo a maparmek daytoy. Ken nagtatayag amin dagiti tattao a nakitami.
\v 33 Nakakitakami pay iti higante idiay. Kaputotan ida ni Anak. Higante dagiti kapuonanda. Idi nakitami dagitoy a tattao, nariknami a babassitkami a kas kadagiti dudon, ken pinanunotda met a kaslakami dudon!"

\s5
\c 14
\p
\v 1 Iti dayta a rabii, nagsangit iti nakapigpigsa dagiti amin nga Israelita.
\v 2 Kabigatanna, nagreklamoda amin maibusor kada Aaron ken Moises. Kinuna dagiti amin a tattao, "Nataykami la koman idiay Egipto, wenno iti daytoy a let-ang!
\v 3 Apay nga ip-ipannatayo ni Yahweh iti daytoy a daga, a pakatayantayonto babaen kadagiti kampilan? Ket alaendanto dagiti assawa ken dagiti annaktayo tapno agbalin a tagabuda. Imbes a mapantayo idiay Canaan, nasaysayaat nga agsublitayo idiay Egipto!"

\s5
\v 4 Ket kinuna dagiti dadduma kadakuada iti tunggal maysa, "Masapul a mangpilitayo iti pangulo a mangisubli kadatayo idiay Egipto!"
\v 5 Ket nagdumog tapno agkararag da Moises ken Aaron iti sangoanan dagiti Israelita a naguummong sadiay.

\s5
\v 6 Ni Josue ken ni Caleb, dua kadagiti lallaki a nangsukimat iti daga ket rinay-abda dagiti kawesda gapu ta kasta unay ti ladingitda.
\v 7 Kinunada kadagiti Israelita, "Nasayaat unay ti daga a sinukimatmi.
\v 8 No maay-ayo ni Yahweh kadatayo, idauloannatayo a mapan iti dayta a nadam-eg unay a daga, ket itednanto dayta kadatayo.

\s5
\v 9 Isu a saanyo a busoren ni Yahweh! Ken saankayo nga agbuteng kadagiti tattao iti dayta a daga! Parmekentayo ida! Awan ti uray maysa a mangsalaknib kadakuada, ngem makiaddanto kadatayo ni Yahweh ken tulongannatayonto. Isu a saankayo nga agbuteng kadakuada!"
\v 10 Ket nagtutulag amin dagiti Israelita maipanggep iti panangpapatayda kenni Caleb ken ni Josue babaen iti panangbatoda kadakuada. Ngem, kellaat a nagparang kadakuada ti dayag ni Yahweh idiay nasagradoan a tolda.

\s5
\v 11 Ket kinuna ni Yahweh kenni Moises, "Kasano pay kabayag ti pananglaksid kaniak dagitoy a tattao? Nabannogakon kadakuada iti saanda a panamati iti kabaelak nga aramiden, iti laksid dagiti amin a milagro nga inaramidko kadakuada.
\v 12 Isu a mangiyegak kadakuada iti didigra ket pukawek ida. Ngem pagbalinek dagiti kaputotam a dakkel a nasion. Agbalinda a nasion a dakdakkel ken napigpigsa ngem dagitoy a tattao."

\s5
\v 13 Ngem simmungbat ni Moises kenni Yahweh, "Pangngaasim ta saanmo nga aramiden dayta, gapu ta mangngegto dagiti Egipcio ti maipanggep iti daytoy! Inruarmo dagitoy nga Israelita iti Egipto babaen iti naindaklan a pannakabalinmo,
\v 14 ken ibaganto dayta dagiti Egipcio kadagiti kaputotan ni Canaan nga agnanaed iti daytoy a daga. O Yahweh, nangegandan ti maipanggep kenka. Ammoda a makikadkaduakan kadagitoy a tattao ken nakitadakan iti rupan-rupa. Nangngegda a kasla dakkel nga adigi ti ulepmo nga agtaltalinaed iti ngatoenda, ken babaen iti dayta nga ulep, idaldalanmo ida kabayatan iti aldaw, ken agbalin a kasla apuy dayta nga ulep iti rabii tapno manglawag kadakuada.

\s5
\v 15 No maminpinsan a papatayem amin dagitoy a tattao, ibaga dagiti bunggoy ti tattao a nakangngeg iti maipanggep iti pannakabalinmo a,
\v 16 "Saan a kabaelan ni Yahweh nga ipan ida iti daga nga inkarina nga ited kadakuada, isu a pinatayna ida iti let-ang.'

\s5
\v 17 Isu nga ita Yahweh, ipakitam a mannakabalinka unay. Kinunam,
\v 18 'Saanak a nalaka nga agunget. Ngem ketdi, ay-ayatek unay dagiti tattao, ken pakpakawanek dagiti tattao iti panagbasbasolda ken panagsalsalungasingda kadagiti lintegko. Ngem kankanayon a dusaek dagiti tattao nga agar-aramid iti biddut. No agbasol dagiti naggannak, dusaek ida, ngem dusaek met dagiti annakda ken dagiti appokoda ken dagiti appokoda ti tumeng ken dagiti appoko dagiti appokoda.’
\v 19 Isu a, gapu ta ay-ayatem dagiti tattaom babaen iti naindaklan unay a kinapudnom iti tulagmo, pakawanem dagitoy a tattao kadagiti basbasol a naaramidda, kas iti agtultuloy a panangpakawanmo kadakuada sipud pay idi pimmanawda idiay Egipto."

\s5
\v 20 Ket simmungbat ni Yahweh, "Pinakawankon ida, kas iti kiniddawmo kaniak.
\v 21 Ngem, kas agbibiagak ken kas makita dagiti tattao iti entero a lubong ti dayagko, sipapasneko nga isapata
\v 22 nga amin a tattao a nakakita ti dayagko ken dagiti amin a milagro nga inaramidko idiay Egipto ken idiay let-ang, ngem sinukirdak, ken namin-adu a pinadasda no maituloyda ti agaramid iti dakes a saanko ida a dusaen.

\s5
\v 23 Gapu iti dayta, awan ti uray maysa kadakuada ti makakita iti dayta a daga nga inkarik kadagiti kapuonanda nga itedko kadakuada. Awan ti uray maysa a nanglaksid kaniak ti makakita iti daga.
\v 24 Ngem ni Caleb, a nagserbi kaniak iti nasayaat, ket naidumduma kadakuada. Naan-anay nga agtultulnog kaniak. Isu nga ipanko isuna iti dayta a daga a nakitanan, ken tawidento dagiti kaputotanna ti dadduma kadagitoy.
\v 25 Agsipud ta napipigsa dagiti kaputotan ni Amalek ken dagiti kaputotan ni Canaan nga agnanaed iti tanap ti Canaan, inton pumanawkayo ditoy no bigat, imbes nga agdaliasatkayo nga agturong idiay Canaan, agsublikayo nga agturong iti kalsada a lumasat idiay let-ang nga agturong iti baybay dagiti Runo."

\s5
\v 26 Ket kinuna ni Yahweh kenni Aaron ken ni Moises,
\v 27 "Kasano pay kabayag nga agrekreklamo kaniak dagiti nadadangkes a tattao iti daytoy a nasion? Nangngegko amin a reklamoda maibusor kaniak.

\s5
\v 28 Isu nga ita, ibagam daytoy kadakuada, ‘Agingga nga agbibiagak, aramidek a naan-anay dagiti imbagayo a mapasamak.
\v 29 Papatayenkayo amin iti daytoy a let-ang! Gapu ta nagreklamokayo maibusor kaniak, awan kadakayo nga agtawen iti nasurok a duapulo ken dagiti nabilang idi binilangdakayo ni Moises
\v 30 ti sumrek iti daga a sipapasnek nga inkarik nga ited kadakayo. Da laeng Caleb ken Josue ti makastrekto iti dayta a daga.

\s5
\v 31 Kinunayo a maalanto kadakayo dagiti annakyo nga agbalin a tagabu, ngem ipanko ida iti daga, ket ragragsakendanto ti agnaed iti daga a linaksidyo.
\v 32 Ngem no maipapan kadakayo a natataengan, mataykayonto iti daytoy a let-ang.
\v 33 Ken kas kadagiti agpaspastor nga agalla-alla iti disierto kabayatan nga ay-aywananda dagiti karneroda, agalla-allanto dagiti annakyo iti aglawlaw daytoy a disierto iti uppat a pulo a tawen. Gapu ta dakayo a natataengan ket saan a nagbalin a napudno kaniak, agsagabanto dagiti annakyo agingga a mataykayo amin iti disierto.

\s5
\v 34 Sagabaenyo ti basolyo iti uppat a pulo a tawen. Dayta ket maysa a tawen para iti tunggal 40 nga aldaw a sinukimat dagiti Sangapulo ket dua a lallaki ti daga iti Canaan. Ket agbalinnakto a kasla kabusor kadakayo.
\v 35 Awan duadua a mapasamak daytoy gapu ta, siak, ni Yahweh, ti nangibaga iti daytoy! Aramidek dagitoy a banbanag iti tunggal maysa iti daytoy a bunggoy a nagpanggep maibusor kaniak. Mataydanto amin iti daytoy a let-ang!' "

\s5
\v 36-37 Ket dinarup ni Yahweh dagiti sangapulo a lallaki a nangupay kadagiti tattao, tapno matayda. Dagitoy dagiti lallaki a nangsukimat iti Canaan ken kalpasanna ket, imbagada kadagiti tattao a saanda a kabaelan a matagikua ti daga. Dagitoy a lallaki ti makagapu a nagsao dagiti tattao maibusor kenni Moises.
\v 38 Kadagiti sangapulo ket dua a lallaki a nangsukimat iti Canaan, ni laeng Josue ken ni Caleb ti nagtalinaed a sibibiag.

\s5
\v 39 Idi impadamag ni Moises kadagiti Israelita dagiti imbaga ni Yahweh, adu kadakuada ti nagladingit unay.
\v 40 Isu a nasapa a bimmangon dagiti tattao iti sumaruno a bigat ken nangrugida a napan idiay katurturodan a pagilian iti Canaan. Kinunada, "Ammomi a nagbasolkami, ngem ita nakasaganakamin a sumrek iti daga nga inkari ni Yahweh nga itedna kadakami."

\s5
\v 41 Ngem kinuna ni Moises, "Binilinnakayo ni Yahweh nga agsublikayo iti disierto, isu nga apay a suksukirenyon isuna? Saan nga agballigi ti panagsukiryo.
\v 42 Saanyo a padpadasen ti sumrek iti daga ita! No padasenyo, parmekennakayo dagiti kabusoryo, gapu ta saan a makikadua kadakayo ni Yahweh.
\v 43 Inton irugiyo a darupen dagiti kaputotan ni Amalek ken Canaan, papatayendakayonto! Baybay-annakayonto ni Yahweh, gapu ta binaybay-anyo isuna."

\s5
\v 44 Ngem uray no saan a pinanawan ni Moises ti kampo, ken ti nasagradoan a lakasa a naglaon kadagiti Sangapulo a Bilbilin ket saan a naikkat manipud iti kampo, nangrugi a simmang-at dagiti tattao iti katurturodan a pagilian ti Canaan.
\v 45 Ket bimmaba dagiti kaputotan ni Amalek ken Canaan nga agnanaed kadagitoy a turturod ken dinarupda ida; kinamatda ida agingga idiay abagatan ti Horma.

\s5
\c 15
\p
\v 1 Kalpasanna, kinuna ni Yahweh kenni Moses,
\v 2 "Ibagam daytoy kadagiti Israelita, 'Inton makadanonkayo iti daga nga it-itedko kadakayo,
\v 3 masapul a mangidatonkayo kaniak kadagiti naisangsangayan a daton a makaay-ayonto kaniak inton pupuoran ti padi dagitoy iti rabaw ti altar. Ti dadduma kadagitoy ket mabalin a datdaton a naan-anay a maipuorto iti rabaw ti altar. Ti dadduma kadagitoy ket mabalin nga ipakpakitana a nagkarikayo a napudno kaniak. Ti dadduma kadagitoy ket mabalin a datdaton nga ingkeddengyo nga aramiden. Ti dadduma kadagitoy ket mabalin a datdaton iti maysa kadagiti piesta a rambakanyo iti tinawen. Mabalin a maala dagitoy a dato kadagiti tarakenyo a baka wenno kadagiti arban ti karneroyo ken kadagiti kalding.

\s5
\v 4 No mangtedkayo kadagitoy a daton, masapul a mangiyegkayo met kaniak iti daton nga arina a dua a kilo iti kasayaatan nga arina a nalaokan iti sangalitro a lana ti olibo.
\v 5 No mangidatonkayo iti urbon a karnero a naan-anayto a maipuor, masapul a mangibukbokkayo met iti sangalitro nga arak iti rabaw ti altar.

\s5
\v 6 No mangidatagkayo iti kalakian a karnero a kas daton, masapul a mangiyegkayo met iti daton a dua kilo iti napino nga arina a nalaokan iti 1.25 litro a lana ti olibo.
\v 7 Ken mangibukbokkayo met iti 1.2 litro nga arak iti rabaw ti altar. Bayat a mapupuoranda, makaay-ayonto unay ti ayamuomna kaniak.

\s5
\v 8 No dadduma, mangidatonkayo iti kalakian nga urbon ti baka a naan-anayto a maipuor iti rabaw ti altar. No dadduma, mangidatagkayo iti daton a mangipasimudaag a nagkarikayo a sipapasnek kaniak. No dadduma, mangidatagkayo iti daton tapno maisubli ti pannakilangenlangenyo kaniak.
\v 9 No mangidatagkayo kadagitoy a daton, mangidatagkayo met iti sagut nga arina, nga agarup tallo a kilo ti napino nga arina a nalaokan iti dua litro a lana ti olibo.
\v 10 Mangibukbokayo met iti rabaw ti altar iti dua a litro nga arak a maidaton. Bayat a mapupuoran dagitoy a naisangsangayan a daton, manipud iti daytoy, makaay-ayonto unay ti ayamuomna kaniak.

\s5
\v 11 Tunggal adda mangidatag iti kalakian a baka wenno kalakian a karnero wenno kalakian nga urbon a karnero wenno urbon a kalding a maidaton, masapul a maaramid daytoy iti kasta a wagas.
\v 12 Masapul nga agtulnogkayo kadagitoy nga alagaden para iti tunggal ayup nga iyegyo kaniak a daton.
\v 13 Dakayo amin a tattao a naipasngay nga Israelita ket masapul nga agtulnog kadagiti pagannurotan no mangidatagkayo iti daton a makay-ayonto kaniak inton mapuoran dagitoy iti rabaw ti altar.

\s5
\v 14 No adda ganggannaet a mangsarungkar wenno makipagnaed kadakayo, no kayatda met iti mangiyeg ti daton a makaay-ayonto kaniak inton maipuor daytoy iti rabaw ti altar, masapul nga agtulnogda kadagitoy isu met laeng a pagannurotan.
\v 15 Ibilangko nga agpada dagiti naipasngay nga Israelita ken dagiti ganggannaet, ket masapul ngarud nga agtulnogda amin iti isu met laeng nga alagaden. Masapul met nga agtulnog dagiti amin a kaputotanyo kadagitoy nga alagadek.
\v 16 Dakayo nga Israelita ken dagiti ganggannaet a makipagnanaed kadakayo ket masapul nga agtulnogkayo amin iti isu met laeng nga alagaden.

\s5
\v 17 Kinuna pay ni Yahweh kenni Moises,
\v 18 "Ibagam dagitoy nga alagaden kadagiti Israelita, 'Inton makadanonkayo iti daga a pangipanak kadakayo,
\v 19 ken mangankayo kadagiti mula nga agtubtubo sadiay, masapul a mangilasinkayo iti sumagmamano kadagitoy nga agbalin a nasagradoan a daton ket idatagyo dagitoy kaniak.

\s5
\v 20 Mangilasinkayo kada tawen ti sumagmamano kadagiti umuna a bukel nga inurnongyo kalpasan nga inirikyo daytoy. Mangilutokayo ti tinapay manipud iti umuna nga arina a ginilingyo ket idatagyo daytoy iti sangoanak a kas nasagradoan a daton.
\v 21 Tinawen a, sika ken dagiti kaputotam ket masapul nga ituloyyo iti agaramid ken mangidatag kaniak ti napuskol a tinapay a nailuto manipud iti arina iti umuna a paset ti trigo nga apitenyo.

\s5
\v 22 Addanto dagiti tiempo a dakayo nga Israelita ket saan nga agtulnog kadagiti amin nga alagaden nga intedko kenni Moses nga ibagana kadakayo, ngem saan a gapu ta inggagarayo dagitoy a sukiren.
\v 23 Addanto dagiti tiempo a sumagmamano kadagiti kaputotanyo iti saan nga agtulnog kadagitoy nga alagaden nga intedko kenni Moses nga ibagana kadakayo.
\v 24 No sika wenno agbasolda gapu iti pannakalipatyo nga agtulnog kadagitoy nga alagaden ken awan kadagiti Israelita iti makaamiris nga ar-aramidenda dayta, masapul a maiyeg iti padi ti maysa nga urbon a kalakian a baka a kas daton para kadagiti amin a tattao. Makaay-ayonto dayta kaniak inton mapuoran iti rabaw iti altar. Masapul a mangiyegda pay kaniak iti sagut nga arina ken sagut nga arak, ken kalakian a kalding, a maidaton a mangikkat iti nagbasolanda.

\s5
\v 25 Babaen iti panangidatag kadagitoy a daton, mangaramid ti padi ti pakapakawanan ti basol dagiti amin nga Israelita. Kalpasanna, mapakawankayonto kas pagbanagan ti panangyegda ti datonda kaniak a maipuor iti rabaw ti altar, gapu ta saanyo a napupuotan nga agbasbasolkayo.
\v 26 Dakayo nga Israelita ken dagiti ganggannaet a makipagnanaed kadakayo ket mapakawanto amin.

\s5
\v 27 No makabasol iti maysa a tao a saanna a napupuotan nga agbasbasol isuna, masapul a mangiyeg kaniak dayta a tao iti kabaian a kalding a maidaton a mangikkat iti nagbasolan dayta a tao.
\v 28 Idatonto ti padi daytoy nga agbalin a daton a mangikkat ti basol ket mapakawanto dayta a tao.
\v 29 Dakayo nga Israelita ken dagiti amin a ganggannaet a makipagnanaed kadakayo ket masapul nga agtulnog iti isu met laeng nga alagaden.

\s5
\v 30 Ngem dagiti mangigagara a mangsalungasing kadagiti bilinko, kadagiti Israelita ken dagiti ganggannaet a makipagnanaed kadakayo, ket nagbasolda kaniak iti panangaramidda dayta. Isu a masapul a mapapanawda iti kampoyo.
\v 31 Inumsida dagiti bilinko ken inggagarada a sinalungasing dagitoy, isu a masapul a madusada gapu iti basolda babaen iti pulos a saan a pannakapalubos kadakuada a makipagnaed manen kadakayo.' "

\s5
\v 32 Iti maysa nga aldaw, bayat iti kaadda dagiti Israelita idiay let-ang, nakakita ti sumagmamano kadakuada ti maysa a lalaki nga agur-urnong iti sungrod iti Aldaw ti Panaginana.
\v 33 Dagiti nakakita kenkuana nga agar-aramid iti dayta ket impanda isuna kada Aaron ken Moises ken kadagiti amin nga Israelita.
\v 34 Binantayanda isuna a naimbag, gapu ta saanda nga ammo iti aramidenda a mangdusa kenkuana.

\s5
\v 35 Ket kinuna ni Yahweh kenni Moises, "Masapul a mapapatay dayta a lalaki. Masapul a papatayenyo isuna babaen iti panangbatoyo kenkuana iti ruar ti kampo.
\v 36 Isu nga inruarda ti lalaki iti kampo ket pinatayda isuna babaen iti panangbatbatoda kenkuana, a kas imbilin ni Yahweh kenni Moises a rumbeng nga aramidenda.

\s5
\v 37 Kinuna pay ni Yahweh kenni Moises,
\v 38 "Ibagam daytoy kadagiti Israelita: 'Sikayo ken dagiti kaputotam ket masapul a mangtiritir kadagiti sinulid a maaramid a baruyboy, isilpoyo dagitoy iti asul a tali iti gayadan iti kawesyo.
\v 39 No kitaenyo dagitoy a baruyboy, malagipyonto amin dagiti bilin nga intedko kadakayo ket tungpalenyonto ida, imbes nga aramidenyo iti tarigagayyo nga agbanag iti saanyo a pannakaikari kaniak.

\s5
\v 40 No makitkitayo dagitoy a baruyboy ket malagipyo a masapul nga agtulnogkayo kadagiti amin a bilinko ken masapul nga agbalinkayo a nasantoan a tattaok.
\v 41 Saanyo a liplipatan a Siak ni Yahweh a Diosyo. Siak iti nangiruar kadakayo iti Egipto tapno maibilangkayo kaniak. Siak ni Yahweh a Diosyo.'"

\s5
\c 16
\p
\v 1 Maysa nga aldaw, nakitulag ni Kora nga anak ni Izar ken kaputotan ni Levi nga anak ni Coat, kada Datan ken Abiram nga annak ni Eliab ken On nga anak ni Pelet. Naggapuda amin iti tribu ni Ruben.
\v 2 Dinurugan dagitoy nga uppat a lallaki dagiti 250 a dadduma a tattao a mangidadaulo kadagiti Israelita a makikaduada kadakuada iti panagsukir ken Moses.
\v 3 Nagmaymaysada a nangbabalaw kada Aaron ken Moises. Kinunada kadakuada, "Ar-aramatenyo a dua iti nangatngato a turay ngem iti rumbeng panagturay! Pinilinatayo amin ni Yahweh nga Israelita ken adda isuna kadatayo amin. Apay ngarud nga agtignaykayo a kas dakayo iti napatpateg ngem kadakami a tattao a kukua ni Yahweh?"

\s5
\v 4 Idi nangngeg ni Moises ti ibagbagada, nagpakleb isuna iti daga.
\v 5 Ket kinunana kenni Kora ken kadagiti kakaduana, "Inton bigat ti agsapa, ipakitanto ni Yahweh kadatayo iti pinilina nga agbalin a padina a nasantoan ken maikari nga umasideg kenkuana. Ti laeng palubosanto ni Yahweh ket dagiti laeng pilienna nga umay iti presensiana.

\s5
\v 6 Isu nga inton bigat, sika Kora ken dagiti kakaduam ket masapul a mangisagana kadagiti pagpuoran ti insenso.
\v 7 Kalpasanna, masapul a sindian ken puoranyo ti insenso iti presensia ni Yahweh. Ket makitatayonto no siasino kadatayo ti pinili ni Yahweh nga agbalin a nasantoan nga adipenna. Dakayo a lallaki a kaputotan ni Levi ti aglablabes nga agturturay ngem iti rumbeng a panagturay!"

\s5
\v 8 Ket nagsao manen ni Moises kenni Kora. Kinunana, "Denggendak, dakayo a kaputotan ni Levi!
\v 9 Pinilinakayo amin ti Diostayo nga Israelita a makaasideg kenkuana tapno makapagserbikayo kenkuana iti nasagradoan a toldana ken agserbi kadagiti tattao. Awan kadi ti pategna dayta?
\v 10 Inyasidegnakayo kenkuana, Kora ken dagiti padam a kaputotan ni Levi. Ita, kalikagumanyo kadi met iti agbalin a padi?
\v 11 Pudno a ni Yahweh iti pagsuksukiranyo, sika ken dagiti padam a kaputotan ni Levi. Saan a ni Aaron iti pudno nga irekreklamoyo."

\s5
\v 12 Ket pinaayaban ni Moises da Datan ken Abiram ngem nagkedkedda nga umay. Nangipatulodda iti mensahe a mangibagbaga, "Saankami nga umay kenka!
\v 13 Inruarnakami iti Egipto, a nadam-eg unay a daga, tapno papatayenkami ditoy disierto. Saan a nasayaat dayta. Ngem ita kayatmo pay nga iturayannakami, napalalo dayta.
\v 14 Saannakami nga inikkan iti baro a daga a pagnaedanmi, daga nga addaan kadagiti nasayaat a taltalon ken kaubasan. Al-allilawem laeng dagitoy a tattao. Isu a saankami nga umay kenka."

\s5
\v 15 Ket nakapungtot unay ni Moises. Kinunana kenni Yahweh, "Saanmo nga awaten dagiti sagut a bukel nga inyegda. Awan iti innalak kadakuada, uray maysa nga asno ken awan iti inaramidko a saan a nasayaat kadakuada, isu nga awan ti gapuna nga agreklamoda kaniak."
\v 16 Ket kinuna ni Moises kenni Kora, "Masapul nga umaykayo amin agraman dagiti kakaduam inton bigat ken agtakderkayo iti sangoanan ni Yahweh. Addanto met ditoy ni Aaron.
\v 17 Sika ken dagiti amin a 250 a lallaki a kakaduam ket masapul a mangala ti tunggal maysa iti pagpuoran ti insenso, kargaanyo ti insenso a maipuor a daton kenni Yahweh. Kasta met laeng ti aramiden ni Aaron."

\s5
\v 18 Nangala ngarud ti tunggal maysa kadagiti a lallaki ti pagpuoran ti insenso. Kinargaanda daytoy iti insenso ken beggang ket nagtakderda amin iti pagserkan ti nasagradoan a tolda a kaduada da Aaron ken Moises.
\v 19 Ket pinaayaban ni Kora dagiti amin a tattao nga immanamong kenkuana ken dagiti bimmusor kenni Moises ket naguummongda met ti pagserkan iti tolda. Ket nagparang ti dayag ni Yahweh kadakuada amin.

\s5
\v 20 ket kinuna ni Yahweh kada Aaron ken Moises,
\v 21 "Adaywanyo amin dagitoy a tattao tapno madadaelko ida iti apagdarikmat!"
\v 22 Ngem nagpakleb da Aaron ken Moises iti daga. Nagpakaasida kenni Yahweh, ibagbagada, "O Dios, sika ti mangbibiag amin kadagitoy a tattao. Maysa laeng ti nagbasol kadagitoy a lallaki. Nasken kadi ngarud a makaungetka kadagiti amin a tattao?"

\s5
\v 23 Kinuna ni Yahweh kenni Moises,
\v 24 "Wen, ngem ibagam kadagiti tattao nga adaywanda dagiti tolda da Kora, Datan ken Abiram."

\s5
\v 25 Isu a timmakder ni Moises ket napan kadagiti tolda da Datan ken Abiram. Simmurot kenkuana dagiti mangidadaulo dagiti Israelita.
\v 26 Imbagana kadagiti tattao, "Adaywanyo dagiti tolda dagitoy a nadangkes a lallaki ken saanyo a sagiden iti aniaman a banag a kukuada! No sagidenyo, mataykayo gapu kadagiti basolda!"
\v 27 Isu nga immadayo dagiti amin a tattao manipud iti tolda da Kora, Datan ken Abiram. Rimmuar da Datan ken Abiram iti toldada a kaduada dagiti assawada, annak ken dagiti maladaga ket nagtakderda iti pagserkan dagiti toldada.

\s5
\v 28 Ket kinuna ni Moises, "Saan a siak iti nangikeddeng a mangaramid kadagitoy a banbanag nga inaramidko. Pinilinak ni Yahweh ken imbaonnak a mangaramid kadagitoy. Paneknekanna ita dayta kadakayo.
\v 29 No matay dagitoy a lallaki iti gagangay nga ipapatay, nalawagto ngarud a saannak a pinili ni Yahweh.
\v 30 Ngem no agaramid ni Yahweh iti saan pay a napaspasamak idi, no pagungapenna ti daga iti batogda ken alun-unenna dagitoy a lallaki, dagiti pamiliada ken dagiti amin a sanikuada ket matnagda iti ringngat ken magaburanda a sibibiag. Maamoanyonto ngarud nga inumsi dagitoy a lallaki ni Yahweh."

\s5
\v 31 Apaman a naisao ni Moises daytoy, nagungap ti daga iti batog dagitoy a lallaki.
\v 32 Inalun-onna dagiti lallaki ken dagiti pamiliada ken kasta met dagiti agtaktakder sadiay a kadua ni Kora ken amin dagiti sanikuada.

\s5
\v 33 Natnagda a sibibiag iti ringngat ti daga, kasta met dagiti amin a sanikuada. Nagpukawda ket nagkaem manen ti daga.
\v 34 Naggi-ikkisda idi natnagda, ket nangngeg dagiti amin a tattao nga agtaktakder iti asideg dagiti ikkisda. Nagbuteng dagiti tattao ken nagpukkawda nga agtataray, ibagbagada, "Saanmi a kayat nga alun-onennakami met ti daga!"
\v 35 Ket bimmaba ti apuy ni Yahweh manipud iti tangatang ket pinuoranna iti 250 a lallaki a mangpupuor iti insenso!

\s5
\v 36 Kalpasanna, kinuna ni Yahweh kenni Moises,
\v 37 "Ibagam kenni Eleazar nga anak ni Aaron nga alaenna dagiti pagpuoran ti insenso ket iyadayona iti apuy ket iwarasna dagiti beggang. Nasantoan dagiti pagpuoran ti insenso nga ig-iggaman dagiti lallaki gapu ta nagpuoranda kaniak dagitoy ti insenso.
\v 38 Natayen ita dagitoy a lallaki gapu iti basolda. Masapul ngarud nga alaen ni Eleazar dagiti pagpuoran ti insenso ket pitpitenna ti landok agingga nga umingpis. Masapul nga agaramid isuna iti pagkalub ti altar manipud iti dayta a landok. Nausar dagitoy a pagpuoran ti insenso kaniak, isu a nasantoan dagitoy. Iti napasamak kadagitoy a pagpuoran ti insenso ket ballaag ita kadagiti Israelita.”

\s5
\v 39-40 Inurnong ngarud ni Eleazar a padi dagiti 250 a pagpuoran ti insenso nga inaramat dagiti lallaki a natay iti apuy. Pinitpitna dagiti pagpuoran ti insenso iti nakaing-ingpis tapno maaramid a pangkalub iti altar, a kas imbaga ni Yahweh kenni Moises a rumbeng a maaramid. Naballaagan dagiti Israelita a dagiti laeng kaputotan ni Aaron iti mapalubosan nga agpuor ti insenso a kas daton kenni Yahweh. No adda sabali a mangaramid iti dayta, mapasamakto met kenkuana iti napasamak kenni Kora ken kadagiti kakaduana.

\s5
\v 41 Ngem iti kabigatanna, nangrugi nga agreklamo dagiti Israelita kada Aaron ken Moises ket ibagbagada, "Pinapatayyo ti adu a tattao a kukua ni Yahweh!"
\v 42 Idi naguummong dagiti amin a tattao a bumusor iti inaramid da Aaron ken Moises, kimmitada iti nasagradoan a tolda ket naimatanganda a sinallukoban ti nasagradoan nga ulep daytoy ket nagparang ti dayag ni Yahweh.
\v 43 Napan da Aaron ken Moises ket nagtakderda iti sangoanan ti nasagradoan a tolda.

\s5
\v 44 Kalpasanna, kinuna ni Yahweh kenni Moises,
\v 45 "Adaywanyo dagitoy a tattao tapno pukawek ida iti apagdarikmat a saankayo a maan-ano a dua! Ngem nagpakleb da Aaron ken Moises iti daga ket nagkararagda.
\v 46 Kinuna ni Moses kenni Aaron, "Darasem ti mangala ti maysa pay a pagpuoran ti insenso ket kargaam daytoy iti beggang manipud iti altar. Kargaam ti insenso ti pagpuoran ket ipanmo kadagiti tattao tapno aramidem iti pakapakawanan dagiti basol dagiti tattao. Makaunget unay ni Yahweh kadakuada ket ammok a nangrugin iti nakaro a didigra kadakuada."

\s5
\v 47 Inaramid ngarud ni Aaron ti imbaga ni Moises kenkuana. Impanna ti mapupuoran nga insenso kadagiti tattao. Nangrugin a nagwaras ti didigra kadagiti tattao, ngem intultuloy ni Aaron iti agpuor ti insenso para iti pakapakawanan dagiti basol dagiti tattao.
\v 48 Nagtakder isuna iti nagbaetan dagiti tattao a natay ken dagiti sibibiag. Kalpasanna, simmardeng ti didigra.

\s5
\v 49 Ngem 14,700 ti natayen iti dayta a didigra a mainayon pay dagiti tattao a natay a kadua ni Kora.
\v 50 Ket idi awanen ti didigra, nagsubli da Aaron ken Moises iti pagserkan ti nasagradoan a tolda.

\s5
\c 17
\p
\v 1 Kalpasanna, kinuna ni Yahweh kenni Moises,
\v 2 "Ibagam kadagiti Israelita a mangiyegda kenka iti sangapulo ket dua a sarukod. Nasken a mangiyegda iti sasaggaysa iti tunggal mangidadaulo ti sangapulo ket dua a tribu. Nasken nga ikitikitmo ti tunggal nagan ti mangidadaulo iti sarukodna.

\s5
\v 3 Masapul nga adda iti sasaggaysa a sarukod ti mangidadaulo iti tunggal tribu, isu a masapul nga ikitikitmo ti nagan ni Aaron iti sarukod para iti tribu ni Levi.
\v 4 Ikabilmo dagitoy a sarukod iti uneg ti nasagradoan a tolda, iti sangoanan ti lakasa ti tulag nga ayan ti tapi ti bato a nakaisuratan dagiti Sangapulo a bilin.
\v 5 Dayta ti lugar a kanayonko a pakitungtongan kenka. Agsaringitto ti sarukod ti tao a napilik nga agbalin a padi. No makita dagiti tattao dayta, agsardengdanto iti kanayon a panagrekreklamoda maipapan kenka gapu ta maamirisda nga isuna iti napilik.

\s5
\v 6 Imbaga ngarud ni Moises kadagiti tattao ti kinuna ni Yahweh. Ket tunggal maysa kadagiti sangapulo ket dua a mangidadulo dagiti Israelita, karaman ni Aaron ket nangiyeg iti sarukodna kenni Moises.
\v 7 Inkabil ni Moises dagiti sarukod iti uneg ti nasagradoan a tolda iti sangoanan ti lakasa ti tulag.

\s5
\v 8 Iti sumaruno nga agsapa, idi napan isuna iti uneg ti tolda, nakitana a nagsaringit ti sarukod ni Aaron a nangibagi iti tribu ni Levi. Nagbulong daytoy, nagsabong ken nagbunga pay iti naluom nga almendras!
\v 9 Inruar ni Moises dagiti amin a sarukod iti tolda ken impakitana dagitoy kadagiti tattao. Innala ti tunggal mangidadaulo dagiti sangapulo ket dua tribu ti sarukodda.

\s5
\v 10 Ket kinuna ni Yahweh kenni Moises, "Ikabilmo ti sarukod ni Aaron iti sangoanan ti lakasa ti tulag ket maidulin sadiay. Ballaagto dayta kadagiti tattao a kayatna ti agsukir kaniak. Ket awanton ti tao a matay gapu iti panagrekreklamoda kaniak.”
\v 11 Inaramid ngarud ni Moises ti imbilin ni Yahweh.

\s5
\v 12 Ket kinuna dagiti Israelita kenni Moises, "Mataytayon! Awan duadua a mataytayo amin!
\v 13 Matay ti amin nga umasideg iti nasagradoan a tolda ni Yahweh. Mataytayo kadi met amin?"

\s5
\c 18
\p
\v 1 Kinuna ni Yahweh kenni Moises, "Sika ken dagiti annakmo ken dagiti dadduma pay a kameng ti pamilia ni amam ti madusanto no adda dakes a mapasamak kadagiti banbanag nga adda iti uneg ti nasagradoan a tolda. Ken sika ken dagiti annakmo ti madusanto no adda saan a nasayaat nga aramiden ti siasinoman a padi.
\v 2 Bagaam dagiti kameng ti tribum, ti tribu ni Levi, a nasken a tulongandaka ken dagiti annakmo iti panagtrabahoyo iti nasagradoan a tolda.

\s5
\v 3 Ngem kabayatan iti panangtrabahoda iti dayta, nasken a saanda nga umas-asideg kadagiti sagrado a banag nga adda iti uneg ti tolda wenno asideg iti altar. No aramidenda dayta, matayda, ken mataykayo met!
\v 4 Mabalin a tulongandaka iti panangaywanmo iti nasagradoan a tolda, ngem awan ti siasinoman a mapalubosan nga umasideg iti disso a pagtrabtrabahoam.
\v 5 Sika ti mangisayangkat kadagiti nasagradoan a trabaho iti uneg ti nasagradoan a tolda ken iti altar. No agtulnogkayo kadagitoy nga alagaden, saanakto manen a makapungtot iti kasta unay kadagiti Israelita.

\s5
\v 6 Siak a mismo ti nangpili kadagiti kaputotan ni Levi manipud kadagiti dadduma nga Israelita tapno agbalinda a naisangsangayan a katulongam. Kasla da la sagut nga intedko kenka nga agtrabaho iti nasagradoan a tolda.
\v 7 Ngem sika ken dagiti annakmo a papadi ti rumbeng a mangaramid kadagiti banbanag nga imbilinko maipapan iti altar ken iti mapasamak iti uneg ti Nasantoan Unay a Lugar. It-itedko kadakayo daytoy a trabaho a panagserbi kas papadi. Isu a rumbeng a mapapatay ti siasinoman a mangpadas a mangaramid iti dayta a trabaho."

\s5
\v 8 Kinuna pay ni Yahweh kenni Aaron, "Siak a mismo ti nangdutok kenka a mangaywan kadagiti nasagradoan a daton nga idatdatag dagiti Israelita kaniak. Intedko kenka ken kadagiti annakmo dagitoy a nasagradoan a daton. Agnanayonto a makaalaka ken dagiti annakmo a lallaki iti bingayyo manipud kadagitoy a daton.
\v 9 Kukuam dagiti paset dagiti daton a saan a naan-anay a naipuor iti altar. Dagiti paset dagiti nasagradoan a daton, karaman ti daton nga arina, dagiti daton a pangsupapak iti basol ken ti pangikkat iti basol, ket mailasin ken maitedto kenka ken kadagiti annakmo.

\s5
\v 10 Nasken a kanem dagitoy a daton iti maysa a nasagradoan a disso, iti asideg ti nasagradoan a tolda. Sika ken dagiti amin a lallaki iti pulim ti mabalin a mangan iti daytoy, ngem masapul nga ibilangmo a nasagradoan kaniak dagitoy a daton.
\v 11 Itag-ay dagiti papadi dagiti nasagradoan a daton kabayatan iti panagtaktakderda iti sangoanan ti altar. Amin dagiti daton nga indatag dagiti Israelita kaniak ket kukuam ken dagiti annakmo. Dagitoyto ti pannakabingaymo. Amin dagiti kameng iti pamiliam a nangaramid iti pakaay-ayoak ket mapalubosan a mangan kadagitoy a daton.

\s5
\v 12 It-itedko pay kenka ti umuna a taraon nga apiten dagiti tattao iti tinawen ket iyegmo dagitoy kaniak—dagiti kasasayaatan a lana ti olibo ken baro nga arak ken bukel.
\v 13 Kukuam amin dagiti umuna nga apit dagiti tattao ken ip-ipanda kaniak. Siasinoman iti pamiliam a nangaramid iti pakaay-ayoak ket mapalubosan a mangan iti dayta a taraon.

\s5
\v 14 Kukuamto amin a banag nga adda iti Israel a naisagut kaniak.
\v 15 Kukuamto dagiti inauna nga annak a lallaki, tattao man wenno ay-ayup, a naidaton kaniak. Ngem nasken a subboten dagiti tattao dagiti inauna nga annakda a lallaki ken dagiti inauna nga annak dagiti ayup a saan a mabalin a mausar iti panangidaton.
\v 16 Nasken a masubbotda inton adda makabulandan. Ti gatad a masapul a bayadanda para iti tunggal annakda wenno tunggal annak dagiti ayup ket lima a pidaso ti pirak. Nasken a timbangenda ti pirak babaen kadagiti pagtimbangan nga adda iti uneg ti nasagradoan a tolda.

\s5
\v 17 Ngem saanda a mapalubosan a mangsubbot kadagiti inauna nga urbon ti baka wenno karnero wenno kalding. Nasantoan dagitoy ken nailasinda para kaniak. Partiem dagitoy ken iwarsim dagiti darada iti rabaw ti altar. Samonto puoran a naan-anay iti rabaw ti altar dagiti taba dagitoy nga ay-ayup nga agbalin a daton kaniak. Ti ayamuomda kabayatan ti pannakaipuorda ket agbalin a makaay-ayonto unay kaniak.
\v 18 Kukuamto ti karne dagitoy a daton, kas koma iti barukong ken kannawan a luppo dagiti ayup a naidatag kaniak a mangpasubli iti pannakilangen-langenda kaniak, kas itag-ay ida ti padi iti sangoanan ti altar.

\s5
\v 19 Aniaman nga idatag kaniak dagiti Israelita kas nasantoan a sagut, it-itedkon kenka. Maipaay a kanem ken dagiti annakmo dagitoy. Dagitoyto ti kankanayon a pannakabingaymo. Daytoy ti katulagan iti nagbabaetanta, maysa a katulagan nga agpaut iti agnanayon. Daytoy met ti katulagak kadagiti kaputotam."
\v 20 Kinuna pay ni Yahweh kenni Aaron, "Dakayo a papadi ket saanto nga umawat iti daga wenno sanikua a kas iti maawat dagiti dadduma nga Israelita. Siak ti awatenyo.

\s5
\v 21 No mangiyeg dagiti Israelita kaniak ti apagkapullo dagiti amin nga apit ken kaiyan-anak nga ayupda, itedko dagita kadakayo a kaputotan ni Levi. Daytanto ti agbalin a tangdanmo iti trabaho nga ar-aramidem iti nasagradoan a tolda.
\v 22 Masapul a saan nga umasideg dagiti dadduma nga Israelita iti dayta a tolda. Ta no umasidegda iti dayta, ibilangko a ti panangaramidda iti dayta ket maysa a basol, ket matayda gapu iti dayta a nagbasolanda.

\s5
\v 23 Dagiti laeng kaputotan ni Levi ti mapalubosan nga agtrabaho iti nasagradoan a tolda, ken madusadanto no adda dakes a mapasamak iti daytoy. Dayta ti linteg a saanto pulos a mabaliwan. Dakayo a Levita, dikayonto makaawit ti aniaman a daga kadagiti dadduma nga Israelita,
\v 24 gapu ta itedkonto kadakayo ti apagkapullo dagiti amin a mula ken ayup nga idatag dagiti Israelita a kas datonda kaniak. Dayta ti makagapu no apay nga imbagak a saankayonto a makaawat iti aniaman a daga kas iti maawatto dagiti dadduma nga Israelita."

\s5
\v 25 Kinuna ni Yahweh kenni Moises,
\v 26 "Ibagam daytoy kadagiti kaputotan ni Levi, 'No makaawatkayo ti apagkapullo dagiti mula ken ayup kadagiti Israelita, rumbeng nga idatagyo kaniak ti amin nga apagkapullo dagita tapno agbalin a nasagradoan a daton.
\v 27 Kas iti panangidatag dagiti dadduma nga Israelita iti apagkapullo dagiti bukel ken arak nga apitda,

\s5
\v 28 rumbeng nga idatagyo kaniak ti apagkapullo dagiti amin a naawatyo kadakuada. Daytanto ti nasagradoan a datonyo kaniak. Masapul nga idatagyo dagitoy kenni Aaron.
\v 29 Pilienyo dagiti kasasayaatan a paset dagiti banbanag a naited kadakayo tapno idatagyo dagitoy kaniak.'

\s5
\v 30 Ibagam pay daytoy kadagiti kaputotan ni Levi, 'Tunggal idatagyo dagiti kasasayaatan a bukel ken arak a kas datonyo kaniak, ibilangkonto dagitoy a sagut a kasla da la nagtaud iti bukodyo a bukel ken arak.
\v 31 Dakayo a kaputotan ni Levi ken dagiti pamiliayo ti mapalubosan a mangan iti nabatbati kadagita a taraon, ken mabalinyo a kanen dayta iti sadinoman a kayatyo, gapu ta dayta ti tangdanyo iti trabaho nga ar-aramidenyo iti nasagradoan a tolda.
\v 32 No itedyo kadagiti papadi dagiti kasasayaatan a paset dagiti naawatyo, saankayonto a dusaen iti panangawatyo iti apagkapullo dagiti sagut nga idatdatag kaniak dagiti tattao. Ngem nasken nga ibilangyo a nasagradoan dagitoy a sagsagut. Mapapataykayo no makabasolkayo babaen iti pannanganyo kadagitoy iti wagas a maikaniwas kadagitoy a paglintegan nga intedko kadakayo.' "

\s5
\c 19
\p
\v 1 Kinuna ni Yahweh kada Aaron ken Moises,
\v 2 "Ikkankayo manen ita ti maysa pay a pagannurotan. Ibagayo kadagiti Israelita a mangyegda kenka iti lumabbaga a baka nga awan depektona. Maysa nga ayup a saan pay a pulos a nausar a pagarado.

\s5
\v 3 Itedyonto daytoy kenni Eleazar a padi. Masapul nga ipanna daytoy iti ruar ti kampo sana partien ken tayaenna ti dara daytoy iti maysa a palanggana.
\v 4 Masapul nga isawsawna ti maysa a ramayna iti dara sana iwarsi iti maminpito ti dadduma kadagiti dara iti daga iti asideg ti nasagradoan a tolda.
\v 5 Kalpasanna, bayat nga agbuybuya ni Eleazar, nasken a maipuor a naan-anay ti baka—ti lalat daytoy, ti lasag, ti karne, ti nabatbati a dara, ken uray ti takki ti baka.
\v 6 Ket masapul a mangala ni Eleazar iti kayo a sedro, maysa nga ungkay ti mula a hisopo, ken nalabbaga a lupot, sana ipuruak dagitoy iti apuy a pakaipupuoran ti baka.

\s5
\v 7 Kalpasanna, masapul nga agdigos ken labaan ti padi ti kawesna. Kalpasan ti panangaramidna iti dayta, mabalinton isuna nga agsubli iti kampo. Ngem saanto isuna a maikari a mangaramid iti aniaman a nasagradoan a trabaho agingga iti dayta a rabii.
\v 8 Nasken met nga agdigos ken labaan ti tao a nangipuor iti baka dagiti kawesna, ken saanto met isuna a maikari kaniak agingga iti dayta a rabii.

\s5
\v 9 Ket ti tao a saan a maibilang a maikari kaniak ket masapul nga urnongenna dagiti dapo ti baka ken ikabilna dagitoy iti maysa a sagrado a disso iti ruar ti kampo. Nasken a maidulin sadiay dagiti dapo tapno adda aramaten dagiti Israelita tunggal ilaokda daytoy iti danum para iti panangaramidda iti pakaikkatan ti supapak ti basol.
\v 10 Masapul met a labaan ti tao a mangur-urnong kadagiti dapo ti baka dagiti kawesna, ken agbalinto met isuna a saan a maikari a mangaramid kadagiti nasagradoan a trabaho agingga iti dayta a rabii. Dayta ket pagannurotan a saanto a pulos a mabaliwan. Masapul a tungpalenyo nga Israelita daytoy kasta met dagiti ganggannaet a makipagnanaed kadakayo.

\s5
\v 11 Maibilang a saan a maikari kaniak amin dagiti nakasagid iti bangkay iti las-ud ti pito nga aldaw.
\v 12 Tapno maibilangda a maikari manen kaniak, nasken a paiwarsianda dagiti bagbagida iti dayta a danum a pangikkat iti supapak ti basolda. Aramidenda dayta iti maikatlo nga aldaw ken iti maikapito nga aldaw kalpasan ti panangsagidda iti bangkay. No saanda nga aramiden dayta kadagita nga al-aldaw, agtultuloy a maibilangda a saan a maikari kaniak.
\v 13 Amin dagiti mangsagid iti bangkay, ken saanna nga aramiden ti umno a wagas tapno agbalin manen a maikari kaniak, ket rugrugitanda ti nasagradoan a tolda ni Yahweh. Saandanton a mapalubosan a makipagnaed kadagiti Israelita. Saan a naiwarsi kadakuada ti danum a pangikkat iti supapak ti basol, isu nga agtultuloyda a saan a maikari kaniak.

\s5
\v 14 Adda pay maysa a wagas a masapul a maaramid tunggal adda matay iti uneg ti maysa a tolda. Amin dagiti tattao nga adda iti uneg dayta a tolda idi natay dayta a tao wenno siasinoman a sumrek iti dayta a tolda ket maibilang a saan a maikari kaniak iti las-ud ti pito nga aldaw.
\v 15 Aniaman a karamba nga adda iti uneg dayta a tolda a saan a nakaluban ket saan a mapalubosan a mausar.
\v 16 No ti tao nga adda iti taltalon ket makasagid iti bangkay ti maysa a tao a napapatay, wenno natay iti kadawyan a pannakatay, wenno no adda makasagid iti tulang ti tao wenno makasagid iti tanem, dayta a tao a makasagid ket maibilang a saan a maikari kaniak iti las-ud ti pito nga aldaw.

\s5
\v 17 Tapno maibilang manen a maikari kaniak dayta a tao, masapul a maurnong ken maikabil iti maysa a burnay dagiti dapo ti baka a naipuor. Ket masapul a mabukbokan iti nadalus a danum dagiti dapo.
\v 18 Ket ti tao a maibilang a saan a maikari kaniak ket masapul a mangala iti kayo a hisopo sana isawsaw daytoy iti danum. Kalpasanna, masapul a mangiwarsinto dayta a tao iti danum idiay tolda a nakatayan ti tao, kadagiti banbanag nga adda iti tolda ken kadagiti tattao nga adda iti uneg ti tolda. Masapul met a warsianna iti dayta a danum ti siasinoman a nakasagid iti tulang ti tao wenno ti siasinoman a tao a nakasagid iti maysa a tao a natayen, wenno nakasagid iti maysa a tanem.
\v 19 Iti maikatlo ken maikapito nga aldaw kalpasan dayta, ti tao a maibilang a maikari kaniak ket masapul a warsianna iti dayta a danum ti tao a naibilang a saan a maikari kaniak. Iti maikapito nga aldaw, dagiti tattao a mangar-aramid iti ritual a pakaikarianda kaniak ket masapul nga agdigos ken labaanda dagiti kawesda. No aramidenda dayta, iti dayta a rabii, maikaridanto manen kaniak.

\s5
\v 20 No saan manen a maikari kaniak dagiti nagbalin a saan a maikari babaen iti panangaramidda iti daytoy, saandanton pulos a mapalubosan a makipagnaed kadagiti Israelita, gapu ta rinugitanda ti nasagradoan a toldak. Saanda a pinaiwarsian ti bagida iti danum a mangikkat iti basolda, isu nga agtalinaedda a saan a maikari kaniak.
\v 21 Dayta ket linteg a saanto pulos a mabaliwan para kadagiti Israelita. Dagiti nangpaiwarsi iti danum kadagiti bagbagida ket masapul a labaanda dagiti kawesda. Ken siasinoman a mangsagid iti dayta a danum a pangikkat iti supapak ti basol ket agtalinaed a saan a maikari iti Dios agingga iti dayta a rabii.
\v 22 Aniaman a banag ken siasinoman a nasagid ti tao a naibilang a saan a maikari kaniak ket agtalinaed a saan a maikari kaniak agingga iti dayta a rabii."

\s5
\c 20
\p
\v 1 Iti umuna a bulan iti simmaruno a tawen, nagdaliasat dagiti Israelita nga agturong iti let-ang ti Sin ken nagkampoda idiay asideg ti Kades. Kabayatan ti kaaddada sadiay, natay ni Miriam a kabsat ni Moises ket intabonda sadiay.

\s5
\v 2 Awan danum a mainum sadiay dagiti tattao, isu a napanda iti ayan da Aaron ken Moises.
\v 3 Nagreklamoda ket kinunada, "Nasaysayaat la koman a nataykami iti sango ti nasagradoan a tolda ni Yahweh idi natay dagiti padami nga Israelita!

\s5
\v 4 Inyegnakami kadi a tattao ni Yahweh iti daytoy a let-ang tapno matay a kadua dagiti tarakenmi?
\v 5 Apay nga inruarnakami manipud Egipto tapno matay iti daytoy a nakapangpanglaw a lugar? Awan trigo, awan igos, awan ubas, ken awan granada ditoy. Ken awan danum nga inumenmi!"

\s5
\v 6 Pinanawan ngarud da Aaron ken Moises dagiti tattao ket napanda iti pagserkan ti tolda ket nagpaklebda iti daga. Ket nagparang kadakuada ni Yahweh babaen iti makapurar a dayagna.

\s5
\v 7 ket kinunana kenni Moises,
\v 8 "Alaenyo a dua kenni Aaron ti sarukodna ket ummongenyo dagiti tattao. Kabayatan nga agbuybuya dagiti tattao, bilinem dayta a dakkel a bato nga adda sadiay a mangiparuar iti danum. Danum a para kadagiti tattao ti agayusto manipud iti daytoy. Aminda ken amin dagiti tarakenda ket maaddaan iti umanay a danum nga inumenda."
\v 9 Inaramid ngarud ni Moises ti imbilin ni Yahweh nga aramidenna. Innalana ti sarukod ni Aaron manipud iti disso a nakaidulinanna iti uneg ti nasagradoan a tolda.

\s5
\v 10 Kalpasanna, inayaban da Moises ken Aaron dagiti amin a tattao tapno agummongda iti ayan ti dakkel a bato. Ket impukkaw ni Moises kadakuada, "Dakayo amin a sukir a tattao, dumngegkayo! Nasken kadi pay nga ipaayandakayo iti danum manipud iti daytoy a bato?"
\v 11 Ket imbes a katungtongen ni Moises ti bato, inngatona ketdi ti imana sana impang-or a namindua ti sarukod iti bato. Ket pimsuak ti danum. Imminum ngarud dagiti amin a tattao ken kasta met dagiti tarakenda.

\s5
\v 12 Ngem kinuna ni Yahweh kada Moises ken Aaron, "Saankayo a nagtalek ken nagraem kaniak iti imatang dagiti Israelita, ket saanyo ngarud ida a maidauloan a mapan iti daga nga intedkon kadakuada!"
\v 13 Saan a nagbayag, naawagan a Meriba daytoy a daga, a ti kayatna a sawen ket "panagreklamo," gapu ta nagreklamo sadiay dagiti Israelita maibusor kenni Yahweh, ken impakitana kadakuada sadiay ti kinadayag ken kinasantona babaen iti panangipaayna iti danum kadakuada.

\s5
\v 14 Kabayatan nga adda dagiti tattao idiay Kades, nangibaon ni Moises kadagiti mensahero a mapan iti ari ti Edom a mangibaga kenkuana iti daytoy, "Dagiti kabagiam, dagiti Israelita, ket mangipatpatulod kenka iti daytoy a mensahe. Ammom dagiti adu a rigat a napaspasamak kadakami.
\v 15 Ammom a napan dagiti kapuonanmi idiay Egipto. Ammom a nagnaedda sadiay iti adu a tawen. Nagsagabada gapu ta ti turay ti Egipto ket pinagbalinda ida a tagabu ken pinagtrabahoda ida iti kasta unay.
\v 16 Ngem idi immawagda kenni Yahweh, impangagna ida ket nangibaon isuna iti anghel a nangiruar kadakuada iti Egipto. Ita, nagkampokami ditoy Kades, maysa nga ili iti beddeng ti dagam.

\s5
\v 17 Pangaasim ta palubosannakami nga agdaliasat iti pagiliam. Annadanmi a saan a magna kadagiti talonmo ken kadagiti kaubasam. Saankami met nga uminom iti danum kadagiti bubonmo. Iti panagdaliasatmi, agtalinaedkami iti kangrunaan a kalsada ti ari, ti kangrunaan a kalsada a naggapu iti abagatan nga agturong iti amianan ken saanmi a sinaan dayta a kalsada agingga a malasatmi ti beddeng idiay amianan a paset ti pagiliam."

\s5
\v 18 Ngem nagkedked ti ari ti Edom. Insungbatna, "Saankayo a sumsumrek iti pagiliak! No padasenyo ti sumrek iti pagiliak, ibaonko ti armadak a mangraut kadakayo!"
\v 19 Insungbat dagiti mensahero nga Israelita, "No lumasatkami iti pagiliam, agtalinaedkami iti kangrunaan a kalsada. No uminomkami wenno dagiti tarakenmi iti danum nga adda iti pagiliam, bayadanmi daytoy. Kayatmi laeng a lumasat iti pagiliam. Awanen sabali pay a kayatmi."

\s5
\v 20 Ngem insungbat ti ari, "Saan! Saankayo a sumsumrek iti pagilianmi! Saandakayo a palubosan a lumasat iti dagami!" Ket nangibaon kadagiti kapipigsaan a soldado iti armadana a manglapped kadagiti Israelita iti iseserrekda iti pagilianna.
\v 21 Ngarud, gapu ta nagkedked ti ari ti Edom a mangpalubos a lumasat dagiti Israelita iti pagilianna, nagsubli dagiti Israelita ket nagdaliasatda iti sabali a dalan.

\s5
\v 22 Pimmanaw ngarud dagiti Israelita idiay Kades. Napanda iti Bantay Hor
\v 23 nga adda iti beddeng ti Edom. Bayat nga addada sadiay, kinuna ni Yahweh kada Aaron ken Moises,
\v 24 "Panawenen a matay ni Aaron. Saan isuna a sumrek iti daga nga it-itedko kadakayo nga Israelita, gapu ta sinalungasingdak a dua idi imbagak kadakayo a kasaritayo ti bato tapno agipaayus iti danum idiay Meriba.

\s5
\v 25 Ita Moises, ikuyogmo da Aaron ken Eleazar nga anakna ket sumang-atkayo idiay Bantay Hor.
\v 26 Sadiay, masapul nga ussobemto dagiti kawes ni Aaron nga ar-aramatenna tunggal aramidenna dagiti trabaho ti maysa a padi, ket ipasuotmo kenni Eleazar nga anakna. Matayto sadiay ni Aaron."

\s5
\v 27 Inaramid ngarud ni Moises ti imbilin ni Yahweh. Simmang-atda a tallo iti Bantay Hor kabayatan a kumitkita dagiti Israelita.
\v 28 Iti tuktok ti bantay, inussob ni Moises ti kawes nga ar-aramaten ni Aaron tunggal aramidenna ti trabaho ti maysa a padi, sana impakawes daytoy kenni Eleazar. Natay ngarud ni Aaron idiay tuktok ti bantay. Kalpasanna, simmalog da Moises ken Eleazar.
\v 29 Idi naamiris dagiti Israelita a natayen ni Aaron, dinung-awanda ni Aaron iti las-ud ti tallopulo nga aldaw.

\s5
\c 21
\p
\v 1 Nagnaed ti ari iti siudad ti Arad iti lugar a nagnaedan dagiti Cananeo, idiay abagatan a paset iti let-ang ti Judea. Nadamag ti ari a sumangsangbay dagiti Israelita iti kalsada nga agturong iti ili ti Atarim. Isu a dinarup dagiti armadana dagiti Israelita ket tiniliwda ti sumagmamano kadakuada.
\v 2 Ket sipapasnek nga imbaga dagiti Israelita daytoy, "Yahweh, no tulongannakami a mangparmek kadagitoy a tattao, dadaelenmi a naan-anay dagiti amin nga ilida."
\v 3 Dinengngeg ni Yahweh ti kiniddawda, ket inikkanna ida iti kabaelan a mangparmek iti armada dagiti Cananeo. Pinatay dagiti soldado nga Israelita dagiti amin a tattao ken dinadaelda dagiti il-ilida. Nangrugi iti dayta a tiempo, napanaganan dayta a lugar iti Horma a ti kayatna a sawen ket "pannakadadael."

\s5
\v 4 Kalpasanna, pimmanaw dagiti Israelita iti Bantay Hor ket intultuloyda ti nagdaliasat iti kalsada a nagturong iti baybay dagiti Runo, tapno likawenda ti lugar ti Edom. Ngem saan a nakaanus dagiti tattao bayat iti kaaddada iti dalan,
\v 5 ket rinugianda ti agreklamo iti Dios kasta met ken ni Moises. Kinunada, "Apay nga impanawnakami idiay Egipto tapno matay iti daytoy a disierto? Awan ti makan ditoy, ken awan ti mainom. Ken saanmi a magustoan daytoy makauma a manna!"

\s5
\v 6 Isu a nangibaon ni Yahweh kadagiti nagita nga uleg kadauada. Adu kadagiti tattao ti nakagat dagiti uleg ket natayda.
\v 7 Ket napan dagiti tattao kenni Moises ket nagsangsangitda, a kunada, "Ammomi itan a nagbasolkami kenka ken ni Yahweh. Agkararagka kenni Yahweh, idawatmo kenkuana nga ikkatenna dagiti uleg!" Inkararagan ngarud ni Moises dagiti tattao.

\s5
\v 8 Ket kinuna ni Yahweh kenkuana, "Mangaramidka ti kalanglanga iti nagita nga uleg, ket ikapetmo daytoy iti murdong ti poste. No kumita dagiti nakagat ti uleg iti dayta a kalanglangana, umimbagda."
\v 9 Nagaramid ngarud ni Moises iti sinan uleg babaen iti bronse ket inkapetna daytoy iti murdong ti poste. Ket, idi kimmita dagiti nakagat ti uleg iti bronse a sinan uleg, immimbagda!

\s5
\v 10 Kalpasanna, nagdaliasat dagiti Israelita a nagturong iti Obot ket nagkampoda sadiay.
\v 11 Pimmnawda manen sadiay, ket nagturongda iti rebba ti Abarim, idiay let-ang iti akin-daya a beddeng ti Moab.

\s5
\v 12 Manipud sadiay, nagdaliasatda a nagturong iti tanap nga ayan ti karayan Zered, ken nagkampoda sadiay.
\v 13 Ket nagdaliasatda manen a nagturong iti amianan a paset ti Karayan Arnon. Dayta a lugar ket adda iti let-ang nga asideg iti daga a pagnanaedan dagiti Amorreo. Ti Karayan Arnon ti beddeng ti nagbaetan ti Moab ken ti pagnanaedan dagiti Amorreo.

\s5
\v 14 Dayta ti gapuna a naisurat daytoy iti libro, iti Libro dagiti Pannakigubat ni Yahweh, "Waheb idiay Sufa, ken dagiti salugan sadiay, ken ti Karayan Arnon
\v 15 ken dagiti salugan sadiay a dumanon agingga iti ili ti Ar iti beddeng ti Moab."

\s5
\v 16 Manipud sadiay, nagdaliasat dagiti Israelita a nagturong idiay Beer. Adda iti bubon sadiay, ti lugar a nangibagaan idi ni Yahweh kenni Moises, "Ummongem dagiti tattao, ket ikkak ida iti danum."

\s5
\v 17 Kinanta sadiay dagiti Israelita daytoy: "O bubon, ikkannakami iti danum! Ikantami ti maipapan iti daytoy a bubon!
\v 18 Ikantami ti maipapan iti daytoy a bubon a kinali dagiti mangidadaulo kadakami; kinalida ti pitak babaen kadagiti naarian a setroda ken dagiti bastonda." Pimmanaw manen dagiti Israelita iti dayta a let-ang ket napanda idiay Matana,

\s5
\v 19 Nahaliel ken iti ili ti Bamot.
\v 20 Ket napanda iti tanap ti Moab nga ayan ti Bantay Pisga iti ngatoen ti let-ang.

\s5
\v 21 Kalpasanna, nangibaon dagiti Israelita kadagiti mensahero a mapan kenni Sihon nga ari iti bunggoy dagiti Amorreo. Daytoy ti mensahe nga imbagada kenkuana,
\v 22 "Palubosannakami nga agdaliasat iti pagiliam. Surotenmi ti kangrunaan a dalan ti ari, ti kangrunaan a kalsada nga agturong iti amianan manipud iti abagatan, inggana a malabsanmi ti dagam. Saankami a magna iti aniaman a talon wenno kaubasan, wenno uminom iti danum kadagiti bubonmo."
\v 23 Ngem nagkedked ni Ari Sihon. Saanna ida a pinalubosan nga agdaliasat iti dagana. Imbaonna ketdi ti sibubukel nga armadana a mangdarup kadagiti Israelita idiay disierto. Dinarupda dagiti Israelita idiay ili ti Jaaz.

\s5
\v 24 Ngem pinarmek ida dagiti Israelita ket tinagikuada ti dagada, manipud iti Karayan Arnon iti abagatan nga agturong iti Karayan Jabbok iti amianan. Nagsardeng dagiti Israelita iti beddeng ti lugar a pagnanaedan dagiti Amonita gapu ta sititibker a salsalakniban ti armada dagiti Amorreo ti beddengda.
\v 25 Tinagikua ngarud dagiti Israelita dagiti amin a siudad ken il-ili a nagnanaedan dagiti Amorreo, ket sumagmamano kadagiti Israelita ti nangrugi a nakipagnaed kadakuada. Tinagikuada ti siudad ti Hesbon ken dagiti kabangibang nga il-ili.
\v 26 Ti Hesbon ti sentro ti pagilian. Daytoy ti siudad a nagturayan ni Ari Sihon. Pinarmek idi dagiti armada ni Ari Sihon dagiti armada ti ari iti Moab, ket nangrugi a nagnaed dagiti tattaona iti amin a daga iti Moab agingga iti Karayan Arnon iti abagatan.

\s5
\v 27 Gapu iti dayta, insurat ti maysa kadagiti mannaniw iti nabayagen a tiempo, "Umaykayo ditoy Hesbon, ti siudad nga inturayan ni Ari Sihon. Kayatmi a maibangon manen ti siudad.
\v 28 Adda apuy a rimmuar manipud iti Hesbon. Inuramna ti siudad ti Ar idiay Moab. Dinadael amin nga adda kadagiti katurturodan iti igid ti Karayan Arnon.

\s5
\v 29 Dakayo a Moabita, nakabutbuteng dagiti nagbanaganyo! Nadadaelkayon, dakayo a tattao nga agdaydayaw iti diosyo a ni Kemos! Nagbalin ita a libas a balud dagiti tattao a nagdayaw kenni Kemos, ken tiniliw dagiti armada ni Sihon dagiti babbai a nagdayaw kenkuana, ti ari iti bunggoy dagiti Amorreo.
\v 30 Ngem naparmekmi dagitoy a kaputotan ti Amorreo, naparmekmi amin manipud iti Hesbon iti amianan agingga iti siudad ti Dibon iti abagatan. Pinukawmi amin ida agingga kadagiti siudad ti Norfa ken Medeba."

\s5
\v 31 Rinugian ngarud dagiti Israelita ti agnaed iti daga a nagnaedan dagiti Amorreo.
\v 32 Kalpasan ti panangibaon ni Moises kadagiti tattao nga agpaliiw iti asideg iti siudad ti Jazer, rinugian dagiti Israelita iti agnaed iti amin nga ili iti dayta a rehion ken pinatalawda dagiti Amorreo nga agnanaed sadiay.

\s5
\v 33 Ket nagpaamiananda a nagturong iti rehion ti Basan, ngem dinarup ida ni Og nga Ari ti Basan ken dagiti amin soldadona iti siudad ti Edrei.
\v 34 Kinuna ni Yahweh kenni Moises, "Saanka nga agbuteng kenni Og, gapu ta ikkak iti kabaelan dagiti tattaom a mangparmek kenkuana ken dagiti soldadona, ken tagikuaenyonto ti amin a dagana. Aramidemto kenkuana ti inaramidmo kenni Sihon, ti ari iti bunggoy ti Amorreo a nagturay iti Hesbon."
\v 35 Ket kasta ti napasamak. Pinarmek dagiti Israelita ti armada ni Og, ket pinatayda ni Ari Og kasta met dagiti lallaki nga annakna ken amin a tattaona. Awan ti nakalasat uray maysa! Kalpasanna, rinugian dagiti Israelita a pagnaedan ti dagada.

\s5
\c 22
\p
\v 1 Kalpasanna, nagdaliasat dagiti Israelita iti laud agingga iti patad ti Moab nga adda iti tanap ti Karayan Jordan, iti ballasiw ti karayan manipud Jerico.

\s5
\v 2 Ngem ni Ari Balak nga anak a lalaki ni Sefor, a nagturay iti Moab, naduktalanna ti inaramid dagiti Israelita kadagiti Amorreo.
\v 3 Idi nakitana nga adu unay dagiti Israelita, nagbuteng isuna ken dagiti tattaona.
\v 4 Isu a napan ti ari ti Moab kadagiti pangulo dagiti Midianita ket kinunana kadakuada. "Daytoy dakkel a bunggoy dagiti Israelita ket pukawennanto amin nga adda iti aglawlawda, a kas iti panagarab ti baka iti ruruot!" Ni Balak ti ari idi ti Moab.

\s5
\v 5 Nangibaon isuna kadagiti mensahero iti ayan ti maysa a profeta a managan Balaam nga agnanaed iti bukodna a lugar idiay Petor nga asideg iti Karayan Eufrates. Impaibagana daytoy a mensahe tapno kiddawenna ti iyumay ni Balaam kenkuana tapno tulonganna isuna, "Dakkel a bunggoy ti tattao ti simmangpet ditoy manipud Egipto. Kasla kalkalubandanda ti entero a daga! Ket rinugiandan ti agnaed iti asidegmi.
\v 6 Mabutengkami kadakuada gapu ta napigsada unay. Isu a pangngaasim ta umayka ket ilunodmo ida para kaniak. Iti kasta, maparamek ida dagiti armadak ken patalawen manipud iti daga a pagnanaedanda ita. Ammok a nasayaatto ti pagbanagan dagiti tattao a bendisionam, ken adu a didigra ti mapasamak kadagiti tattao nga ilunodmo."

\s5
\v 7 Dagiti mensahero ni Balak a pangulo dagiti Moabita ken Midianita, ket tugotda ti kuarta nga ibayadda kenni Balaam tapno mapanna ilunod dagiti Israelita. Napanda iti ayan ni Balaam ket imbagada kenkuana ti kinuna ni Balak.
\v 8 Kinuna ni Balaam, "Ummiankayo ditoy ita a rabii. Inton bigat, ibagak ti aniaman nga ibaga kaniak ni Yahweh a rumbeng nga ibagak kadakayo." Immian ngarud sadiay dagiti pangulo a naggapu iti Moab iti dayta a rabii.

\s5
\v 9 Iti dayta a rabii, nagparang ti Dios kenni Balaam ket nagsaludsod kenkuana, "Siasino dagitoy a lallaki a nakidagus kenka?"
\v 10 Simmungbat ni Balaam, "Imbaon kaniak ni Balak nga ari ti Moab dagitoy a lallaki tapno ibagada kaniak daytoy a mensahe,
\v 11 'Dakkel a bunggoy ti tattao ti immay manipud iti Egipto, ket nagwarasda iti daytoy a lugar. Pangngaasim ta umayka a dagus tapno ilunodmo ida. Iti kasta, maparmekko ida ken pagtalawen manipud iti daytoy a lugar.'"

\s5
\v 12 Simmungbat ti Dios kenni Balaam, "Saanka a kumuyog kadakuada! Binendisionakon dagitoy a tattao, isu a saan a rumbeng nga ilunodmo ida!"
\v 13 Kabigatanna, bimmangon ni Balaam ket imbagana kadagiti tattao ni Balak, "Agawidkayon. Ngem mapankayo a dakdakayo, gapu ta saannak a palubosan ni Yahweh a kumuyog kadakayo."
\v 14 Nagsubli ngarud dagiti lallaki a taga-Moab kenni Ari Balak ket impadamagda kenkuana, "Nagkedked ni Balaam a kumuyog kadakami."

\s5
\v 15 Ngem nangibaon ni Balak kadagiti sabali a bunggoy ti papangulo iti ayan ni Balaam. Ad-aduda ken ad-adda a mabigbigbigda ngem kadagiti immun-una a bunggoy ti lallaki.
\v 16 Napanda iti ayan ni Balaam ket imbagada daytoy kenkuana, "Kastoy ti imbaga ni Ari Balak, 'Pangngaasim ta saanmo nga ipalubos nga adda manglapped kenka iti iyaaymo ditoy.
\v 17 Bayadanka iti adu a kuarta no umayka ket aramidek ti aniaman a dawatem. Umayka ket ilunodmo dagitoy nga Israelita para kaniak!'"

\s5
\v 18 Ngem simmungbat ni Balaam kadakuada, "Uray no ikkannak ni Balak iti palasio a napno iti pirak ken balitok, saanak nga agaramid iti aniaman a banag a pangsukirak kenni Yahweh a Diosko.
\v 19 Ngem ummiankayo ditoy iti maysa pay a rabii, kas iti inaramid dagiti immuna a mensahero, ket ammoek no adda pay ti ibaga ni Yahweh kaniak."
\v 20 Iti dayta a rabii, nagparang manen ti Dios kenni Balaam ket kinunana kenkuana, "Immay dagitoy a lallaki tapno kiddawenda a kumuyogka kadakuada iti panagsublida, isu a mabalinmo ti sumurot kadakuada ngem ti laeng ibagak kenka ti aramidem!"

\s5
\v 21 Isu a kabigatanna, inkabil ni Balaam ti silyeta iti rabaw ti asnona ket pimmanaw isuna a kaduana dagiti dua nga adipenna ket simmurotda kadagiti lallaki a taga-Moab.
\v 22 Uray no pinalubosan ti Dios ni Balaam a mapan, makaunget latta ti Dios. Isu nga imbaonna ti maysa kadagiti anghelna iti ayan ni Balaam. Nagtakder daytoy nga anghel iti kalsada tapno lapdanna ti pagdalanan ni Balaam. Bayat a sisasakay ni Balaam ken dagiti dua nga adipenna iti asnoda,
\v 23 nakita ti asno ni Balaam ti anghel. Agtaktakder ti anghel iti kalsada nga adda iggemna a kampilan, ngem saan isuna a makita ni Balaam. Manipud iti kalsada, naglikko ti asno ni Balaam a nagturong iti kataltalonan. Isu nga inablatan ni Balaam ti asno ket pinilitna a pagsublien daytoy iti kalsada.

\s5
\v 24 Nagtakder manen ti anghel iti maysa a disso a nailet unay, iti nagbaetan ti dua a kaubasan a nabakudan ti agsinnumbangir nga igidna.
\v 25 Idi nakita ti asno ti anghel nga agtaktakder sadiay, limmetlet daytoy iti bakud tapno malabsanna ti anghel. Kas nagbanaganna, naipit ti saka ni Balaam iti bakud. Isu nga inablatan manen ni Balaam ti asno.

\s5
\v 26 Immun-una manen ti anghel iti dalan ket nagtakder iti maysa a paset ti kalsada a nakarkaro ti iletna, iti banagna ket saanen a pulos a makalasat ti asno.
\v 27 Iti daytoy a kanito, idi nakita ti asno ti anghel, naggidda daytoy iti daga a nakatugaw pay laeng ni Balaam iti rabawna. Ad-adda a nagpungtot ni Balaam, ket binaotna manen ti asno iti bastonna.

\s5
\v 28 Ket pinagsao ni Yahweh ti asno! Kinuna ti asno kenni Balaam, "Ania ti madi nga inaramidko kenka ta inablatannak iti namitlo?"
\v 29 Impukkaw ni Balaam, "Ab-ablatanka gapu ta pagparparangennak a maag! No adda la kampilanko, nalabit a napataykan!"
\v 30 Ngem simmungbat ti asno, "Siak ti asnom, ti kanayonmo a pagsaksakayan! Naaramidko kadi ti kastoy iti napalpalabas?" Kinuna ni Balaam, "Saan."

\s5
\v 31 Ket imparang ni Yahweh ti anghel kenni Balaam nga agtaktakder iti kalsada a nakaiggem ti kampilan. Nailasin ni Balaam a maysa daytoy nga anghel ket nagpakleb isuna iti daga iti sangoanan ti anghel.
\v 32 Sinaludsod ti anghel kenkuana, "Apay nga inablatam ti asnom ti namitlo? Immayak tapno serraak ti dalanmo gapu ta saan a rumbeng ti pangpanggepem nga aramiden.
\v 33 Namitlo a nakitanak ti asnom ket linisiannak. No saanna nga inaramid dayta, sigurado a napatayka koman, ngem pinalubosak koma nga agbiag ti asno."

\s5
\v 34 Ket kinuna ni Balaam iti anghel, "Nagbasolak. Ngem saanko nga impagarup nga agtaktakderka sadiay, a mangserserra iti dalanko. No saanmo ngarud a kayat nga agtuloyak a mapan, agawidakon."
\v 35 Ngem insungbat ti anghel, "Palubosanka a kumuyog kadagitoy a lallaki, ngem nasken nga ibagam laeng ti ibagak kenka!" Simmurot ngarud ni Balaam kadagiti pangulo nga imbaon ni Balak.

\s5
\v 36 Idi madamag ni Ari Balak a paumayen ni Balaam, sinabatna isuna idiay Moab nga asideg iti karayan Arnon nga adda iti beddeng iti bukodna a daga.
\v 37 Idi dimteng isuna iti ayan ni Balaam, kinunana kenkuana, "Nangipatulodak iti mensahe kenka a nasken nga umayka a dagus! Apay a saanka nga immay? Impagarupmo kadi a saanko a kabaelan a bayadan iti nawadwad a kuarta ti yaaymo?"

\s5
\v 38 Simmungbat ni Balaam, "Addaakon ditoy, ngem saanko a mabalin nga ibaga ti banag a kayatko. Ibagak laeng dagiti sasao nga ibagbaga ti Dios kaniak."
\v 39 Ket simmurot ni Balaam kenni Balak idiay Kiriat Husot.
\v 40 Sadiay, nangpatay ni Balak iti sumagmamano a baka ken karnero a kas daton, ket nangisagut isuna kadagiti paset ti karne kenni Balaam ken kadagiti pangulo a kakaduana.

\s5
\v 41 Naturogda sadiay, ket kabigatanna, inkuyog ni Balak ni Balaam a simmang-at iti bantay ket nagturongda iti ili ti Baal Bamot. Sadiay, matannawaganda dagiti Israelita nga adda iti baba.

\s5
\c 23
\p
\v 1 Kinuna ni Balaam kenni Ari Balak, "Mangibangonka ditoy iti pito nga altar para kaniak. Ken mangpatayka iti pito a bumaro a baka ken pito a kalakian a karnero a maidaton."
\v 2 Inaramid ngarud ni Balak dayta. Ket kalpasanna, pinuoranda a dua ti tunggal bumaro a baka ken karnero iti rabaw ti tunggal altar a kas daton.
\v 3 Ket kinuna ni Balaam kenni Balak, "Agtakderka ditoy abay dagiti datonmo a naipuor ta mapanko saludsoden kenni Yahweh no adda pay ibagana kaniak. Ket ibagakto kenka dagiti ibagana kaniak." Simmang-at ngarud ni Balaam nga agmaymaysa iti tuktok ti maysa a turod,

\s5
\v 4 ket nagparang ti Dios kenkuana sadiay. Kinuna ni Balaam kenkuana, "Nangbangonkami iti pito nga altar, ken nangpatayak iti maysa a bumaro a baka ken maysa a kalakian a karnero ken pinuorak dagitoy iti rabaw ti tunggal altar a kas daton kenka."
\v 5 Kalpasanna, nangted ni Yahweh iti mensahe kenni Balaam nga idanonna kenni Ari Balak. Ket kinunana, "Agsublikan ket ibagam kenkuana ti imbagak kenka."
\v 6 Idi nagsubli ni Balaam kenni Balak, agtaktakder ni Balak a kaduana dagiti pangulo a naggapu iti Moab, iti abay dagiti daton a pinuoranna iti rabaw ti altar.

\s5
\v 7 Daytoy ti mensahe nga imbaga ni Balaam kadakuada, "Pinaayabannak ni Balak nga umay ditoy manipud Aram; inyegnak ditoy ti ari ti Moab manipud kadagiti katurturodan iti akin-daya a paset ti Aram. Kinunana, 'Umayka ket ilunodmo dagiti kaputotan ni Jacob para kaniak! Umayka ket mangibagaka iti pagdaksan dagitoy nga Israelita!'
\v 8 Ngem kasanok nga ilunod dagiti tattao a saan nga inlunod ti Dios? Kasanok a busoren dagitoy a tattao a saan a binusor ni Yahweh?

\s5
\v 9 Nakitak ida manipud kadagiti tuktok ti kabatbatoan, nakitak ida manipud kadagiti katurturodan. Nakitak a maysada a bunggoy ti tattao nga agbibiag nga is-isuda. Inlasinda ti bagbagida kadagiti dadduma a nasion.

\s5
\v 10 Siasino ti makabilang kadagiti kaputotan ni Jacob, a kas kaadu ti tapok! Siasino ti makabilang uray ti kakapat a bilang dagiti Israelita? Idawdawatko a matayakto a kas ti ipapatay dagiti nalinteg a tattao. Pumusayakto koma a natalna a kas ti ipupusayda."

\s5
\v 11 Ket kinuna ni Balak, "Ania daytoy nga inaramidmo kaniak? Inyegka ditoy tapno ilunodmo dagiti kabusorko, ngem binendisionam ketdin ida!"
\v 12 Ngem simmungbat ni Balaam, "Ti mabalinko nga ibaga ket ti laeng ibagbaga ni Yahweh kaniak. Awanen ti sabali."

\s5
\v 13 Ket imbaga ni Ari Balak kenni Balaam, "Sumurotka kaniak iti sabali pay a lugar. Sadiay, ti laeng makitam ket ti paset a pagnanaedan dagiti Israelita, ket mabalinmonto nga ilunod dagitoy a tattao para kaniak."
\v 14 Isu nga inkuyog ngarud ni Balak ni Balaam iti kataltalunan nga adda iti tuktok ti Bantay Pisga. Nangibangon manen isuna sadiay iti pito nga altar ket nangidaton isuna iti maysa a baka ken maysa a karnero iti rabaw ti tunggal altar.
\v 15 Ket kinuna ni Balaam iti ari, "Agtakderka ditoy abay dagiti datonmo a naipuor, bayat ti ipapanko pannakisarita kenni Yahweh."

\s5
\v 16 Kasta ngarud ti inaramid ni Balaam ket nagparang manen ni Yahweh kenni Balaam ket imbagana kenkuana ti sabali pay a mensahe. Ket kinunana, "Agsublika kenni Balak ket ibagam kenkuana dayta a mensahe."
\v 17 Nagsubli ngarud ni Balaam iti ayan ti pagtaktakderan ti ari ken dagiti pangulo ti Moab, iti abay iti altar a nangipuoran ni Balak kadagiti daton. Sinaludsod ni Balak isuna, "Ania ti imbaga ni Yahweh?"
\v 18 Ket imbaga ni Balaam kenkuana daytoy a mensahe, "Balak, dumngegka a naimbag, denggem ti ibagak kenka, sika nga anak ni Sefor!

\s5
\v 19 Saan a tao ti Dios. Dagiti tattao ket agulbodda, ngem ti Dios ket saan a pulos nga agulbod. Saanna a pulos a baliwan ti pangngeddengna, kas ar-aramiden dagiti tattao. Aramidenna ti aniaman nga imbagana. Tungpalenna ti aniaman nga inkarina.
\v 20 Binilinnak ti Dios a kiddawek kenkuana a bendisionanna dagiti Israelita. Isu a binendisionanna ida, ket saankon a mabaliwan dayta.

\s5
\v 21 Adda kadakuada ni Yahweh a Diosda; ipukpukkaw dagiti tattao nga isuna ti pudno nga arida. Isu a saanto a madangran dagiti kaputotan ni Jacob, saanda a maibturan ti riribuk no awan ti Dios.
\v 22 Inruar ida ti Dios idiay Egipto manipud iti pannakatagabu ken inturongna ida iti let-ang nga addaan iti pigsa a kas iti maysa nga atap a baka.

\s5
\v 23 No ilunod dagiti tattao dagiti kaputotan ni Jacob, saandanto a madangran, no gamudan ida dagiti tattao, awanto ti pannakabalin daytoy. Isu nga ita, ibaga dagiti tattao ti maipapan kadagiti kaputotan ni Jacob, 'Nangaramid ti Dios kadagiti nakakaskasdaaw a banbanag kadagiti Israelita!'

\s5
\v 24 Napigsada unay, a kas kadagiti kabaian a leon a nakasagana a damarup kadagiti sabali nga ayup. Agtaktakderda a sititibker a kas kadagiti leon. Saan nga agtalna dagiti leon agingga a saanda a mapatay ken makan dagiti kinemmegda ken agingga a saanda a masepsep ti dara dagiti ayup a rinangkarangkayda."

\s5
\v 25 Ket kinuna ni Balak kenni Balaam, "No saanmo ida nga ilunod, ket nalawag a saanko ida a kayat a bendisionam!"
\v 26 Ngem insungbat ni Balaam, "Imbagakon kenka a ti laeng rumbeng nga aramidek ket ti ibagbaga ni Yahweh kaniak!"
\v 27 Ket kinuna ni Ari Balak kenni Balaam, "Sumurotka kaniak; ipanka iti sabali pay a lugar. Nalabit a maay-ayonton ti Dios ket itulokna nga ilunodmo dagiti Israelita manipud iti dayta a lugar."

\s5
\v 28 Inkuyog ngarud ni Balak ni Balaam ket simmang-atda iti tuktok ti Bantay Peor a mabalin a matantannawagan ken makitkitada dagiti Israelita idiay desierto.
\v 29 Kinuna manen ni Balaam kenni Balak, "Ibangonannak iti pito nga altar ken mangpatayka iti pito a bumaro a baka ken pito a kalakian a karnero a maidaton."
\v 30 Inaramid ngarud ni Balak ti imbaga kenkuana ni Balaam. Nangipuor isuna iti maysa a bumaro a baka ken maysa a kalakian a karnero iti tunggal rabaw iti altar a kas daton.

\s5
\c 24
\p
\v 1 Itan ta naamirisen ni Balaam a kayat ni Yahweh a bendisionan dagiti Iraelita a saan nga ilunod ida. Isu a saannan nga inusar ti mahikana a kasla iti ar-aramiden ti maysa a manggagamod a mangammo ti kayat ni Yahweh, kas iti masansan nga inar-aramidna. Nagbaw-ing ketdi a nagturong iti disierto.

\s5
\v 2 Nakitana dagiti nagkampo nga Israelita sadiay, a naguummong iti maysa a bunggoy ti tunggal tribuda. Ket immay kenkuana ti Espiritu ti Dios,
\v 3 ket daytoy ti mensahe a padto nga intedna kenni Balak: "Siak, ni Balaam nga anak ni Beor, it-itedko daytoy a padto. Daytoy a padto nga ibagak ket kas kalawag ti ibagbaga ti maysa a tao a makakitkita iti mapasamak iti masangoanan.

\s5
\v 4 Mangngegko daytoy a mensahe manipud iti Dios. Makitkitak ti maysa a parmata manipud iti maysa a mannakabalin amin. Nakamulagatak bayat a nakapaklebak iti sangoananna.
\v 5 Dakayo a kaputotan ni Jacob, nakapinpintas unay dagiti toldayo! Nakaay-ayat ti lugar a pagnanaedanyo!

\s5
\v 6 Naiwaras dagiti toldayo iti sangoanak a kas babassit a kaykayo a palma nga adda kadagiti tanap, kasla minuyongan iti igid ti karayan. Kasla da la natibker a kaykayo nga aloe nga inmula ni Yaweh, kasla natibker a kayo a sedro a nagtubo kadagiti igid ti karayan.

\s5
\v 7 Kanayonto a mapno dagiti baldeyo iti danum. Kanayonto a madanuman a nalaing dagiti bukel nga inmulam tapno dumakkel dagitoy. Agbalinto a napigpigsa ti ari dagiti Israelita ngem ni Ari Agag. Mapadayawanto ti pagarian nga iturturayanna.

\s5
\v 8 Inruar ida ti Dios manipud Egipto, indauloanna ida babaen iti naindaklan a pannakabalinna a kas iti atap a bulog a baka. Naan-anay a daddadaelen ti Dios dagiti amin a nasion a mangbusor kenkuana. Tuktukkolenna dagiti tultulang dagiti tattao, ken panaenna ida.

\s5
\v 9 Dagiti Israelita ket kasla leon nga agkulmog a dumarup, kasla kabaian a leon nga agin-inana. Awan ti makaitured a mangriing kadakuada! Bendisionan ti Dios ti amin a mangbendision kadakayo nga Israelita, ken ilunodna ti amin a mangilunod kadakayo."

\s5
\v 10 Ket kasta unay ti unget ni Ari Balak kenni Balaam. Impakitana babaen kadagiti imana a makaunget unay isuna, ket nagpukkaw isuna, a kunana, "Pinaayabanka ditoy tapno ilunodmo dagiti kabusorko! Ngem, binendisionam ketdi ida iti namitlo!
\v 11 Isu nga ita, pumanawka ditoy! Agawidkan! Imbagak a bayadanka iti adu a kuarta no ilunodmo ida ngem linappedannaka ni Yahweh nga umawat iti uray ania a bayad!"

\s5
\v 12 Kinuna ni Balaam kenni Balak, "Saanmo kadi a malagip ti imbagak kadagiti mensahero nga imbaonmo kaniak? Kinunak,
\v 13 'Uray no ikkannak ni Balak iti palasio a napno iti pirak ken balitok, saanko a sukiren ni Yahweh. Saanak a makaaramid iti dakes wenno naimbag a banag a saanna nga anamungan. Ken imbagak kenka a ti mabalinko a maibaga ket ti laeng ibagbaga ni Yahweh kaniak.
\v 14 Isu a wen, agsubliak kadagiti tattaok, ngem palubosannak nga umuna a mangibaga kenka iti mabalin a mapasamak kadakayo a tattao ti Moab iti masakbayan."

\s5
\v 15 Kalpasanna, kinuna ni Balaam kenni Balak: "Siak ni Balaam nga anak ni Beor, agipadtoak manen. Daytoy a padto nga ibagbagak manen ket kas iti maysa a tao a nalawag a makakitkita iti mapasamak iti masakbayan.
\v 16 Mangmanngegko ti mensahe manipud iti Dios; ammok dagiti banbanag nga imparangarang kaniak ti Dios, ti Dios nga agnanaed idiay langit. Adda makitak a maysa a parmata manipud iti Mannakabalin-amin. Nakamulagatak bayat a nakapaklebak iti sangoananna.

\s5
\v 17 Dagiti banbanag a makitkitak iti parmata ket saan a mapasamak ita. Makitkitak dagiti banbanag nga aramiden ti Dios iti masakbayan. Addanto maysa a tao a kaputotan ni Jacob nga agparang a kasla iti maysa a bituen; maysanto nga ari a nakaiggem iti setro ket agtaudto kadagiti Israelita. Rumekennanto dagiti uloyo a tattao ti Moab; pukawennanto dagiti kaputonan ni Set.

\s5
\v 18 Sakupento dagiti Israelita ti Edom, ken parmekennanto dagiti kabusorda nga agnanaed iti asideg ti Bantay Seir. Naballiginto dagiti Israelita.
\v 19 Addanto agturay nga agtaud iti kaputotan ni Jacob. Pukawennanto dagiti tattao nga agnanaed pay laeng iti siudad nga immuna a nakasarakan ni Balaam kenni Balak."

\s5
\v 20 Ket kimmita ni Balaam iti pagnanaedan ti bunggoy dagiti Amalekita ket impadtona daytoy, "Ti bunggoy dagiti Amalekita ti kabilgan a nasion, ngem mapukawdanto."

\s5
\v 21 Kalpasanna, kimmita isuna iti pagnanaedan ti bunggoy dagiti Kineo ket impadtona daytoy. "Ipagarupyo a natalged ti lugar a pagnanaedanyo a kas iti umok a naaramid kadagiti rangrangkis,
\v 22 ngem mapukawkayonto inton parmekendakayo ti armada ti Asria."

\s5
\v 23 Lineppas ni Balaam ti padtona iti panangibagana ti "Siasino pay ti makalasat inton aramiden ti Dios amin dagitoy a banbanag?
\v 24 Umayto dagiti barko nga aggapu iti Isla ti Chipre, ket abakento dagiti lallaki iti daytoy a barko dagiti armada ti Asiria ken Eber. Ngem pukawendanto met ti Dios dagitoy a lallaki."
\v 25 Kalpasanna, nagsubli da Balaam ken Balak kadagiti pagtaenganda.

\s5
\c 25
\p
\v 1 Bayat a nagkampo dagiti Israelita iti lugar a naawagan iti Kakaykayoan ti Acasia, adda dagiti lallaki a nakikaidda kadagiti babbai a Moabita nga agnanaed iti dayta a lugar, dayta ti gapuna a nagbalinda a saanen a maikari iti Dios.
\v 2 Ket inawis dagitoy a babbai dagiti lallaki a dumar-ay no agidatdatonda kadagiti sakripisio kadagiti diosda. Pinatgan dagiti lallaki nga Israelita. Dimmar-ayda kadagiti piesta a kaduada dagiti babbai ken nagrukbabda kadagiti dios dagiti Moabita.
\v 3 Babaen iti panagaramid iti dayta, nakitipon dagiti Israelita kadagiti babbai iti panagrukbabda iti diosda a ni Baal nga ipagarup dagiti Moabita nga agnanaed idiay Bantay Peor. Dayta ti nagpungtotan ni Yahweh kadagiti tattaona, ket nagipaay isuna iti nakaro a didigra iti kaadduan dagiti Israelita.

\s5
\v 4 Kinuna ni Yahweh daytoy kenni Moises: "Ummongem amin dagiti papangulo dagiti tattao nga agar-aramid iti daytoy ken patayem amin ida kabayatan iti panangbuybuyak. Aramidem dayta iti aldaw. Kalpasan a maaramidmo dayta, saankonton a kaunget dagiti Israelita."
\v 5 Isu a kinuna ni Moises kadagiti dadduma a papangulo dagiti Israelita, "Masapul a papatayen ti tunggal maysa kadakayo, dagiti dadduma a tattaoyo a nakitipon iti panagdaydayaw kenni Baal."

\s5
\v 6 Ngem kalpasanna, bayat nga agsangsangit dagiti adu a tattao iti pagserkan ti sagrado a tolda, maysa kadagiti Israelita ti nangisangpet iti toldana ti babai manipud iti bunggoy dagiti tattao a Midianita ket nakikaidda daytoy kenkuana. Nangngeg ni Moises ken amin dagiti tattao daytoy.
\v 7 Idi nangngeg daytoy ni Finees, nga apuko ni Aaron, nangrabsot isuna iti gayang.

\s5
\v 8 Ket nagdardaras isuna a napan iti tolda ti lalaki. Induyokna ti gayang iti bagi ti lalaki ket simmalpot iti tian ti babai ket natayda a dua. Idi inaramidna dayta, nagsardeng ti didigra a nangdadael kadagiti Israelita.
\v 9 Ngem agarup 24,000 a tattao ti natayen gapu iti dayta a didigra.

\s5
\v 10 Ket kinuna ni Yahweh kenni Moises,
\v 11 "Napasardengnak ni Finees iti panagpungtotko kadagiti Israelita, babaen iti gagarna a kas iti gagarko a mangpasardeng iti panagbasol. Nakasaganaakon a mangpukaw kadagiti amin nga Israelita gapu ta kasta unay ti pungtotko, ngem nalapdannak ni Finees iti panangaramidko iti dayta.

\s5
\v 12 Ita, ibagam a makitulagakon kenkuana iti naisangsangayan a kapia.
\v 13 Iti daytoy a katulagan, ikarkarik nga itedko kenkuana ken kadagiti kaputonanna ti karbengan nga agbalin a papadi. Ar-aramidek daytoy gapu ta impakitana a magagaran unay a mangidaydayaw kaniak, a Diosna, babaen iti panangpasardengna iti aramid ti panagbasol. Pinennekna ti nasantoan a kinalintegko maibusor iti kinamanagbasol iti Israel babaen iti panangpakawanko kadakuada kadagiti basbasolda.

\s5
\v 14 Zimri ti nagan ti tao a napapatay a kadua ti babai a naggapu iti bunggoy dagiti tattao ti Moab. Anak isuna ni Salu a pangulo ti maysa a pamilia ti tribu ni Simeon.
\v 15 Cozbi ti nagan ti Babai. Anak isuna ni Zur a pangulo ti maysa a puli dagiti tattao ti Midia.

\s5
\v 16 Ket kinuna ni Yahweh kenni Moises,
\v 17 "Ikuyogmo dagiti tattaom ket rautenyo dagiti tattao ti Midia ken patayenyo ida.
\v 18 Nagbalinda a kabusoryo, gapu ta inallilawdakayo nga Israelita ken ginargarida ti adu kadakayo nga agrukbab kenni Baal, ken gapu ta maysa kadagiti tattaom ti nakikaidda kenni Cozbi, nga anak ti maysa a pangulo dagiti tattao ti Midia. Napapatay isuna iti tiempo a nangrugi ti didigra gapu kadagiti tattao a nagbasol idiay Bantay Peor."

\s5
\c 26
\p
\v 1 Kalpasan ti didigra, kinuna ni Yahweh kada Eleazar ken Moises,
\v 2 "Bilangenyo manen dagiti amin nga Israelita. Isuratyo dagiti nagan dagiti amin a lallaki a saan a bumaba iti tawenda iti 20 a makabael a makiranget iti gubgubat, kasta met nga isuratyo ti nagan dagiti pamiliada."

\s5
\v 3 Isu a bayat nga adda dagiti Israelita iti patad ti Moab, iti igid ti Jordan iti ballasiw manipud Jerico, imbaga da Eleazar ken Moises daytoy kadagiti pangulo ti Israelita,
\v 4 "Isuratyo dagiti nagan dagiti amin nga Israelita a lallaki a saan a bumaba ti tawenda iti 20, kas imbilin ni Yahweh kadakami." Isu nga inaramidda dayta, ket daytoy ti listaan dagiti amin a sibibiag a kaputotan ni Jacob a rimmuar idiay Egipto.

\s5
\v 5-7 Dagitoy dagiti kaputotan ni Ruben, ti inauna a lalaki nga anak ni Jacob: nagtaud dagiti Hanocita iti anakna a ni Hanoc, nagtaud dagiti Palalluita iti anakna a ni Pallu, nagtaud dagiti Hezronita iti anakna a ni Hezron, nagtaud dagiti Carminita iti anakna a ni Carmi. 43,730 a lallaki manipud iti tribu ni Ruben ti nabilang dagiti pangulo ti Israelita.

\s5
\v 8 Anak ni Pallu ni Elliab
\v 9 ken appokona da Nemuel Datan ken Abiram. Ni Datan kenni Abiram ket dagiti pangulo a nakitipon kenni Kora tapno agtutulagda maibusor kada Aaron ken Moises ken nagrebeldeda kenni Yahweh.

\s5
\v 10 Ngem nagungap ti daga ket inalun-onna ida agraman ni Kora. Nangipaay pay ni Yahweh iti apuy a nanguram iti 250 a tattao a simmurot kadagitoy a tallo a lallaki. Dayta ket ballaag kadagiti amin nga Israelita a rumbeng a raemen ken agtulnogda kadagiti pangulo a dinutokan ni Yahweh.
\v 11 Ngem saan a natay dagiti kaputotan ni Kora iti dayta nga aldaw.

\s5
\v 12-14 Dagitoy dagiti kaputotan ni Simeon: nagtaud dagiti Nemuelita iti anakna a ni Nemuel, nagtaud dagiti Jaminita iti anakna a ni Jamin, nagtaud dagiti Jakinita iti anakna a ni Jakin, nagtaud dagiti Zeranita iti anakna a ni Zera, nagtaud dagiti Saulita iti anakna a ni Saul. Ti nabilang dagiti pangulo ti Israelita ket 22,200 a lallaki manipud iti tribu ni Simeon.

\s5
\v 15-18 Dagitoy dagiti kaputotan ni Gad: nagtaud dagiti Zefonita manipud iti anakna a lalaki a ni Zefon, nagtaud dagiti Aggita manipud iti anakna a lalaki a ni Aggi, nagtaud dagiti Sunita manipud iti anakna a lalaki a ni Suni, nagtaud dagiti Oznita manipud iti anakna a lalaki a ni Ozni, nagtaud dagiti Erita manipud iti anakna a lalaki a ni Eri, nagtaud dagiti Arodita manipud iti anakna a lalaki a ni Arod, nagtaud dagiti Arelita manipud iti anakna a lalaki a ni Areli. Ti nabilang dagiti pangulo ti Israelita ket 40,500 a lallaki maninud iti tribu ni Gad.

\s5
\v 19-22 Ti annak ni Juda a da Er ken Onan ket natayda nga awan anakda idiay Canaan. Dagitoy dagiti kaputotan ni Juda: nagtaud dagiti Selanita manipud iti anakna a lalaki a ni Sela, nagtaud dagiti Perezita manipud iti anakna a lalaki a ni Perez, nagtaud dagiti Zerenita manipud iti anakna a lalaki a ni Zera. Ni Perez ti ama da Hezron ken Hamul. Nagtaud dagiti Hezronita kenni Hezron, nagtaud dagiti Hamulita kenni Hamul. Ti nabilang dagiti pangulo ti Israelita ket 76,500 a lallaki manipud iti tribu ni Juda.

\s5
\v 23-25 Dagitoy dagiti kaputotan ni Issacar: nagtaud dagiti Tolaita manipud iti anakna a lalaki a ni Tola, nagtaud dagiti Puanita manipud iti anakna a lalaki a ni Puva, nagtaud dagiti Jasubita manipud iti anakna a lalaki a ni Jasub, nagtaud dagiti Simronita manipud iti anakna a lalaki a ni Simron, ti nabilang dagiti pangulo ti Israelita ket 64,300 a lallaki manipud iti tribu ni Issacar.

\s5
\v 26-27 Dagitoy dagiti kaputotan ni Zebulun: nagtaud dagiti Seredita manipud iti anakna a lalaki a ni Sered, nagtaud dagiti Elonita manipud iti anakna a lalaki a ni Elon, nagtaud dagiti Jaleelita manipud iti anakna a lalaki a ni Jaleel, ti nabilang dagiti pangulo ti Israelita ket 60,500 a lallaki manipud iti tribu ni Zebulun.

\s5
\v 28-29 Dagiti annak a lalaki ni Jose ket da Manases ken ni Efraim. Dagitoy dagiti kaputotan ni Manases: nagtaud dagiti Makirita manipud iti anakna a lalaki a ni Makir. Ni Makir ti ama ni Galaad. Nagtaud dagiti Galaadita kenni Galaad.

\s5
\v 30-32 Dagitoy dagiti kaputotan ni Galaad: nagtaud dagiti Lezerita manipud iti anakna a lalaki a ni Lezer, nagtaud dagiti Helekita manipud iti anakna a lalaki a ni Helek, nagtaud dagiti Asrelita manipud iti anakna a lalaki a ni Asriel, nagtaud dagiti Sekemita manipud iti anakna a lalaki a ni Sekem, nagtaud dagiti Heferita manipud iti anakna a lalaki a ni Hefer.

\s5
\v 33-34 Ni Selofehad nga anak ni Hefer ket awan ti lalaki nga anakna ngem adda lima nga annakna a babbai---da Maala, Noa, Hogla, Milca ken Tirza. Ti nabilang dagiti pangulo ti Israelita ket 52,700 a lallaki manipud iti tribu ni Manases, a maysa kadagiti annak a lalaki ni Jose.

\s5
\v 35-37 Dagitoy dagiti kaputotan ni Efraim: nagtaud dagiti Sutelaita manipud iti anakna a lalaki a ni Sutela, nagtaud dagiti Bekerita manipud ti anakna a lalaki a ni Beker, nagtaud dagiti Tahanita manipud iti anakna a lalaki a ni Tahan. Dagitoy dagiti kaputotan ni Sutela: nagtaud dagiti Eranita manipud iti anakna a lalaki a ni Eran. Ti nabilang dagiti pangulo ti Israelita ket 32,500 a lallaki manipud iti tribu ni Efraim a maysa pay nga anak a lalaki ni Jose.

\s5
\v 38-41 Dagitoy dagiti kaputotan ni Benhamin: nagtaud dagiti Belaita manipud iti anakna a lalaki a ni Bela, nagtaud dagiti Asbelita manipud iti anakna a lalaki a ni Asbel, nagtaud dagiti Ahiramita manipud iti anakna a lalaki a ni Ahiram, nagtaud dagiti Sufufamita manipud iti anakna a lalaki a ni Sufufam, nagtaud dagiti Hufamita manipud iti anakna a lalaki a ni Hufam, ni Bella ti ama da Ard kenni Naaman. Nagtaud dagiti Ardita iti anakna a lalaki a ni Ard, nagtaud dagiti Naamanita manipud iti anakna a lalaki a ni Naaman. Ti nabilang dagiti pangulo ti Israelita ket 45,600 a lallaki manipud iti tribu ni Benhamin.

\s5
\v 42-43 Dagitoy dagiti kaputotan ni Dan: nagtaud dagiti Suhamita manipud iti anakna a lalaki a ni Suham. Ti nabilang dagiti pangulo ti Israelita ket 64,400 a lallaki manipud iti tribu ni Dan.

\s5
\v 44-47 Dagitoy dagiti Kaputotan ni Aser: nagtaud dagiti Imnita manipud iti anakna a lalaki a ni Imna, nagtaud dagiti Isvita manipud iti anakna a lalaki a ni Izvi, nagtaud dagiti Beriarita maniud iti anakna a lalaki a ni Beria, adda dua nga anak ni Beria, da Heber kenni Malkiel. dagiti Heberita ket nagtaud iti lalaki nga anakna a ni Heber, nagtaud dagiti Malkielita manipud iti anakna a lalaki a ni Malkiel. Adda met maysa a babai nga anak ni Aser, a managan Sera. Ti nabilang dagiti pangulo ti Israelita ket 53,400 a lallaki manipud iti tribu ni Aser.

\s5
\v 48-50 Dagitoy dagiti kaputotan ni Naftali: nagtaud dagiti Jazeelita manipud iti anakna a lalaki a ni Jazeel, nagtaud dagiti Gunita manipud iti anakna a lalaki a ni Guni, nagtaud dagiti Jezerita manipud iti anakna a lalaki a ni Jezer, nagtaud dagiti Sillemita manipud iti anakna a lalaki a ni Sillem. Ti nabilang dagiti pangulo ti Israelita ket 45,400 a lallaki manipud iti tribu ni Naftali.

\s5
\v 51 Ti dagup amin ti nabilang dagiti pangulo ket 601,730 a lallaki nga Israelita.

\s5
\v 52 Ket kinuna ni Yahweh kenni Moises,
\v 53 "Bingayem ti daga ti Canaan kadagiti tribu. Ibunongmo ti daga segun iti bilang dagiti tattao iti tunggal tribu nga adda kadagiti listaam.

\s5
\v 54-56 Mangngeddengkayo babaen iti panagbibinnunotda tapno maammoanyo no siasino a bunggoy ti mangala ken no ania a paset ti alaenna, ngem itedyo dagiti kadadakkelan a paset kadagiti bunggoy a kaaduan ti tattaona."

\s5
\v 57 Binilang met dagiti pangulo dagiti lallaki a kaputotan ni Levi. Isuda dagiti puli a nagtaud kenni Gerson, Coat, ken Merari.
\v 58 Karaman kadagitoy dagiti tattao manipud kadagiti puli ni Levni, Hebron, Mali, Musi ken Kora. Aminda ket dagiti kaputotan ni Levi. Ni Coat ti kapuonan ni Amram,
\v 59 a ti asawana ket ni Jocabed. Ni Jocabed ket kaputotan met ni Levi, ngem naiyanak isuna idiay Egipto. Da Jecobed ken Amram ket addaanda iti dua nga annak a lallaki, da Aaron ken Moises, kenni Miriam nga inauna a babai a kabsatda.

\s5
\v 60 Dagiti lallaki nga annak ni Aaron ket da Nadab, Abiu, Eleazar ken Itamar.
\v 61 Ngem natay ni Nadab ken Abiu idi nangpuorda ti insenso a daton kenni Yahweh iti wagas a saan a maiyannurot iti imbilin ni Yahweh.
\v 62 Ti nabilang dagiti pangulo ket 23,300 a lallaki a nagtaud kadagiti kaputotan ni Levi nga addan makabulanda. Ngem saan a nabilang dagitoy a lallaki idi binilangda dagiti dadduma nga Israelita, gapu ta saanda a naikkan ti daga iti dayta a tiempo.

\s5
\v 63 Dagitoy dagiti lallaki nga imbaga da Moises ken Eliazar a rumbeng a mabilang. Binilangda dagiti Israelita idiay patad ti Moab, iti dayaen a paset ti Karayan Jordan iti ballasiw manipud Jerico.
\v 64 Awan kadagitoy a lallaki a binilangda ti adda kadagiti listaan nga inaramid da Aaron ken Moises idi adda dagiti Israelita idiay let-ang ti Sinai,

\s5
\v 65 gapu ta imbaga ni Yahweh maipanggep kadakuada, "Matayda amin iti daytoy a let-ang," ket dayta ti napasamak. Dagiti laeng nabatbati a sibibiag ket ti anak ni Jefune a ni Caleb ken ti anak ni Nun a ni Josue.

\s5
\c 27
\p
\v 1 Maysa nga aldaw, napan kenni Moises dagiti lima a babbai nga annak ni Zelofehad. Isuda da Mala, Noa, Hogla, Milca, ken Tirza.

\s5
\v 2 Napanda iti pagserkan ti nasagradoan a tolda ket nagtakderda iti sangoanan da Eliazar, Moises, kadagiti panguloen kadagiti tribu ken kadagiti dadduma pay nga Israelita.
\v 3 Kinunada, "Natay ni amami bayat ti kaaddatayo idiay let-ang, ken saan isuna a naaddaan kadagiti annak a lallaki. Ngem saan isuna a karaman kadagiti kakadua ni Kora, a nagrebelde kenni Yahweh. Natay isuna gapu ta managbasol isuna a kas iti dadduma.

\s5
\v 4 Apay a nasken a mapukaw ti nagan ti pulina a ti banagna ket awan maawatmi a daga gapu laeng ta awan anak a lalaki ni amami? Isu nga ikkannakami iti daga a kas iti maala dagiti kabagianmi!"
\v 5 Inkamang ngarud ni Moises kenni Yahweh ti rumbeng nga aramidenna maipanggep iti daytoy a kasasaadda.

\s5
\v 6 Ket simmungbat ni Yahweh,
\v 7 "Husto ti dawdawaten dagiti annak a babbai ni Zelofehad. Rumbeng nga ikkam isuda iti daga, kas iti it-itedmo kadagiti kakabagian ni amada. Itedmo iti tunggal maysa kadakuada ti dadduma kadagiti daga a maited koma kadagiti kakabsatda a lallaki no addaman.
\v 8 Ibagam pay daytoy kadagiti Israelita: No matay ti maysa a tao nga awan annakna a lallaki, itedmo kadagiti annakna a babbai dagiti banbanag a tawiden koma dagiti annakna a lallaki.

\s5
\v 9 No ti lalaki ket awan anakna a lallaki wenno babbai, itedmo kadagiti kabsatna a lallaki ti tawiden koma dagiti annakna a babbai.
\v 10 No ti lalaki ket awan kakabsatna a lallaki, itedmo kadagiti lallaki a kakabsat ni amana dagiti banbanag a tawiden koma dagiti annakna wenno kakabsatna.
\v 11 No awan lallaki a kakabsat ti amana, itedmo iti kaasitgan a kabagianna dagiti banbanag a tawiden koma dagiti sabali.' Dayta ti agbalin a paglintegan dagiti Israelita, gapu ta it-itedko daytoy kenka Moises a kas maysa a bilin nga ibagam kadakuada."

\s5
\v 12 Maysa nga aldaw, kinuna ni Yahweh kenni Moises, "Sumang-atka iti tuktok dagiti bantay iti Abarim nga adda iti daya ti Karayan Jordan. Ket tannawagam ti daga nga it-itedko kadagiti Israelita.
\v 13 Kalpasan a makitam daytoy, matayka a kas kenni manongmo nga Aaron.
\v 14 Ti rason a matayka ken saanka makastrek iti dayta a daga ket gapu ta agpadpadakayo a nangsalungasing kadagiti bilbilinko idiay let-ang ti Sin. Idi nagrebelde kaniak dagiti Israelita idiay Meriba, nga asideg iti Kades. Imbagak kenka a kasaritam ti bato tapno agpusuak ti danum manipud iti daytoy. Ngem gapu ta binaotmo ti bato imbes a kasaritam koma daytoy, saanmo nga impakita kadagiti tattao ti nasantoan a pannakabalinko."

\s5
\v 15 Ket kinuna ni Moises daytoy kenni Yahweh,
\v 16 O Yahweh, sika ti Dios a mangidaldalan kadagiti espiritu dagiti amin a tattao. Isu a pangngaasim ta mangdutokka iti baro a mangidaulo kadagiti Israelita.
\v 17 Mangdutokka iti makabael a mangidaulo kadagiti tattao inton mapanda makigubat, tapno saanda a kas kadagiti agalla-ala a karnero nga awan pastorna."

\s5
\v 18 Simmungbat ni Yahweh, "Ayabam ni Josue nga anak ni Num, a pagtaltalinaedan ti Espirituk. Ipataymo dagiti imam a mangdutok kenkuana.
\v 19 Pagtakderem isuna iti sangoanan ni Eliazar a padi, bayat nga agbuy-buya dagiti amin a tattao, ken dutokam isuna nga agbalin a baro a panguloen dagiti Israelita.

\s5
\v 20 Ikkam isuna iti turay nga adda ita kenka, tapno maammoan dagiti amin nga Israelita a nasken nga agtungpalda kenkuana.
\v 21 Inton kasapulandak amin a mangidalan kadakayo, agtakderto ni Josue iti sangoanan ni Eleazar. Ket babaen iti panagbibinnunot, maammoan ni Eleazar ti nasken nga aramidenda. Iti panangibilin ni Josue, agtungpal dagiti amin nga Israelita."

\s5
\v 22 Inaramid ngarud ni Moises ti imbilin ni Yahweh kenkuana. Indatagna ni Josue iti sangoanan ni Eliazar ken iti amin nga Israelita.
\v 23 Impatay ni Moises dagiti imana kenni Josue ken dinutokanna daytoy a mangaramid kadagiti imbaga ni Yahweh kenni Moises nga aramidenna.

\s5
\c 28
\p
\v 1 Kinuna ni Yahweh daytoy kenni Moises,
\v 2 "Ibagam daytoy kadagiti Israelita, 'Iyegyo kaniak dagiti daton a maipuor iti rabaw ti altar. Inton mapuorandan, makaay-ayonto unay iti angotna kaniak. Ken ibagam pay kadakuada a masapul nga iyegda dagitoy iti umno a tiempo.

\s5
\v 3 Ibagam kadakuada a ti masapul nga iyegda kaniak iti tunggal aldaw ket dua a kalakian nga urbon ti karnero nga agtawen iti maysa. Masapul nga awan ti mulitna dagitoy. Masapul a naan-anay a maipuor dagitoy iti altar.
\v 4 Rumbeng a mangiyegda iti maysa iti agsapa ken maysa iti rumabii.
\v 5 Masapul met a mangiyegda iti sagut a dua a litro ti napino nga arina, a nagamay iti sangalitro a lana ti olibo.

\s5
\v 6 Dayta ti daton a masapul nga iyegda iti inaldaw. Rinugiandan ti nangiyeg kadagitoy a daton idi addakayo pay idiay Bantay Sinai. Inton napuoranen dagiti daton iti rabaw ti altar, makaay-ayonto unay iti angotna kaniak.
\v 7 Tunggal puoranda ti tunggal urbon a karnero, masapul a mangibukbokda met iti maysa a litro nga arak iti rabaw ti nasantoan nga altar iti nasagradoan a disso.
\v 8 Iti rabii, tunggal idatonda ti maikadua a karnero, masapul a mangiyegda met kadagiti isu met laeng a sagut nga arina ken arak a kas iti pinuoranda iti bigat. Inton napuoranen dagitoy, makaay-ayonto unay ti angotna kaniak.

\s5
\v 9 Iti tunggal Aldaw a Panaginana, masapul a mangiyegkayo iti dua a kalakian a karnero nga awan iti mulitna. Mangiyegkayo met iti sagut a dua a kilo a napino nga arina a nalaokan iti lana ti olibo ken sagut nga arak nga uppat ket kagudua a litro.
\v 10 Dagitoy dagiti daton a maipuor iti rabaw ti altar iti tunggal Aldaw a Panaginana. Dagitoy dagiti mainayon kadagiti daton a dua nga urbon ti karnero ken arak a masapul nga iyegyo iti inaldaw.

\s5
\v 11 Iti umuna nga aldaw iti tunggal bulan, masapul a mangiyegkayo kaniak kadagiti daton a dua nga urbon a baka, maysa a kalakian a karnero, ken pito a kalakian nga urbon a karnero nga agtawen iti maysa. Masapul nga amin dagitoy ket awan ti mulitna. Masapul a naan-anay a maipuor amin dagitoy iti rabaw ti altar.
\v 12 Pakuyoganyo met ti tunggal baka kadagiti sagut nga innem a litro ti napino nga arina a nalaokan iti lana ti olibo. Iti tunggal kalakian a karnero mangidatagkayo iti dua a kilo a nasayaat nga arina a naigamay iti lana ti olibo.
\v 13 Mangiyegkayo met iti sagut a maysa a kilo a napino nga arina a nalaokan iti lana ti olibo a maipakuyog iti tunggal karnero. Inton napuoranen amin dagitoy iti rabaw ti altar, makaay-ayonto unay iti angotna kaniak.

\s5
\v 14 Iti tunggal baka, pakuyoganyo met iti dua a litro nga arak. Iti tunggal kalakian a karnero, mangiyegkayo met iti arak a 1.2 a litro. Iti tunggal urbon ti karnero, pakuyoganyo iti maysa a litro nga arak. Masapul a maiyeg dagitoy a daton iti umuna nga aldaw iti binulan ken naan-anay a maipuor iti rabaw ti altar.
\v 15 Mainayon kadagitoy a daton a puoranyo, masapul a mangiyegkayo kaniak iti maysa a kalding a kas daton a pakaikkatan dagiti basbasolyo.

\s5
\v 16 Masapul a rambakanyo ti fiesta ti Ilalabas a mangdayaw kaniak iti tunggal tawen iti maika-sangapulo ket uppat nga aldaw iti umuna a bulanyo.
\v 17 Mangrugi ti Fiesta ti Tinapay nga Awan Lebadurana iti sumaruno nga aldaw. Ta kadagiti sumarsaruno a pito nga aldaw, masapul nga awan ti lebadurana ti tinapay a kanenyo.
\v 18 Iti umuna nga aldaw dayta a fiesta, masapul nga agguummongkayo nga agdayaw kaniak, ken masapul a saankayo nga agtrabaho iti uray ania.

\s5
\v 19 Iti dayta nga aldaw, masapul a mangiyegkayo kaniak iti daton a naan-anay a maipuor iti rabaw ti altar a dua a bumbumaro a baka, maysa a kalakian a karnero, ken pito a kalakian nga urbon a karnero nga agtawen iti maysa. Masapul nga awan mulitna amin dagitoy.
\v 20 Iti tunggal maysa kadagitoy a baka, pakuyoganyo iti daton a bukel nga innem a litro iti napino nga arina a nagamay iti lana ti olibo. Iti kalakian a karnero, pakuyoganyo iti daton a bukel nga uppat a litro iti napino nga arina a nagamay iti lana ti olibo.
\v 21 Iti tunggal maysa kadagiti pito a karnero, pakuyoganyo iti daton a dua a litro iti napino nga arina a nagamay iti lana ti olibo.
\v 22 Pakuyogan pay iti maysa a kalding a daton a pakapakawanan iti basolyo.

\s5
\v 23 Iyegyo dagitoy a daton a mainayon kadagiti idatdatonyo a binigat.
\v 24 Makaay-ayonto unay kaniak ti angot ti bukel a naipuor iti rabaw ti altar iti inaldaw iti las-ud ti pito nga aldaw. Iyegyo ti bukel a mainayon kadagiti ayup ken arak a puoranyo iti rabaw ti altar.
\v 25 Iti maikapito nga aldaw ti dayta a fiesta, masapul nga agguummongkayo manen nga agdayaw kaniak, ken masapul a saankayo nga agtrabaho ti uray ania.

\s5
\v 26 Iti aldaw iti fiesta ti Panagapit, inton iyegyo kaniak dagiti umuna a bukel a naapityo, masapul nga agguummongkayo nga agdayaw kaniak. Saankayo nga agtrabaho iti dayta nga aldaw.
\v 27 Iyegyo kaniak ti dua a bumbumaro a baka, maysa a kalakian a karnero, ken pito a kalakian nga urbon a karnero nga agtawen ti maysa. Inton naan-anay a napuorandan iti rabaw ti altar, makaay-ayonto kaniak ti angotna.
\v 28 Mangiyegkayo met iti daton a nagiling nga arina a napino a nagamay iti lana ti olibo. Iti tunggal baka, pakuyoganyo iti 5.7 a litro nga arina, ken iti tunggal kalakian a karnero ket 3.8 a litro nga arina.

\s5
\v 29 ken iti tunggal karnero, mangidatagkayo iti 1.9 a litro nga arina.
\v 30 Mangidatonkayo met iti maysa a kalakian a kalding para iti pakapakawanan dagiti basbasolyo.
\v 31 Iyegyo dagitoy a daton ken ti arak a kas mainayon kadagiti ayup ken arina a puoranyo iti rabaw ti altar iti inaldaw. Ken laglagipenyo a masapul nga awan mulitna dagiti ay-ayup nga idatonyo'."

\s5
\c 29
\p
\v 1 "Tunggal tawen, agguummongkayo nga agdayaw kaniak iti umuna nga aldaw iti maika-pito a bulanyo, ken saankayo nga agtrabaho iti uray ania iti dayta nga aldaw. Iti dayta nga aldaw, masapul a puyotan dagiti papadi dagiti trumpetada.

\s5
\v 2 Inton naan-anayen a naipuor dagiti daton iti rabaw ti altar iti dayta nga aldaw, makaay-ayonto unay kaniak ti angotna. Dagiti ayup a masapul nga iyegyo ket maysa a bumbumaro a baka, maysa a kalakian a karnero, ken pito a kalakian nga urbon a karnero nga agtawen iti maysa. Masapul nga awan mulitna dagitoy.

\s5
\v 3 Pakuyoganyo dagitoy nga ayup iti daton a bukel a nagiling iti napino nga arina a nagamay iti lana ti olibo. Pakuyoganyo ti baka iti 5.7 a litro. Pakuyoganyo ti maysa a kalakian a karnero iti 3.8 a litro,
\v 4 ken pakuyoganyo iti dua a litro nga arina ti tunggal maysa kadagiti pito a karnero.
\v 5 Mangidatagkayo met iti maysa a kalakian a kalding a pakapakawanan dagiti basbasolyo.

\s5
\v 6 Mainayonto amin dagitoy nga ayup kadagiti naan-anay a maipuor iti rabaw ti altar iti binigat ken iti umuna nga aldaw iti binulan. Dagiti daton nga arina ken arak ket masapul a naaramid nga apag-isu a kas iti imbilinko nga aramidenyo. Inton napuoranen dagitoy a datdaton, makaay-ayonto unay ti angotna kaniak.

\s5
\v 7 "Tunggal tawen, iti maika-sangapulo nga aldaw iti maika-pito a bulanyo, masapul nga agguummongkayo nga agdayaw kaniak. Saankayo a mangan iti uray ania a taraon wenno agtrabaho iti dayta nga aldaw.
\v 8 Inton ipuoryo dagiti datonyo iti rabaw ti altar iti dayta nga aldaw, makaay-ayonto unay ti angota kaniak. Dagiti ayup a masapul nga iyegyo ket maysa a bumbumaro a baka, maysa a kalakian a karnero, ken pito a kalakian nga urbon a karnero nga agtawen iti maysa. Masapul nga awan mulitna dagitoy.

\s5
\v 9 Pakuyoganyo ti baka iti daton nga arina a 5.7 a litro a nagiling ti pino a nagamay iti lana ti olibo. Pakuyoganyo ti tunggal maysa a kalakian a karnero iti 3.8 a litro.
\v 10 Pakuyoganyo iti dua a litro ti tunggal maysa kadagiti karnero.
\v 11 Pakuyoganyo pay iti maysa a kalakian a kalding a pakaikkatan dagiti basbasolyo, ken dagiti ayup, arina ken arak a puoranyo iti rabaw ti altar iti inaldaw a pakapakawanan dagiti basbasolyo. Mainayon dagitoy a daton kadagiti ayup, arina ken arak a naan-anay a maipuor iti rabaw ti altar iti inaldaw.

\s5
\v 12 Iti maika-15 nga aldaw iti maika-pito a bulanyo, masapul nga aguummongkayo amin nga agdayaw kaniak. Masapul a saankayo nga agtrabaho iti dayta nga aldaw. Masapul itultuloyyo ti agrambak iti las-ud iti pito nga aldaw.
\v 13 Inton napuoranen dagiti daton iti rabaw ti altar, makaay-ayonto unay ti angotna kaniak. Dagiti ayup a masapul nga iyegyo kaniak ket 13 a bumbumaro a baka, dua a kalakian a karnero, ken 14 a kalakian nga urbon a karnero nga agtawen iti maysa. Masapul nga awan mulitna dagitoy nga ayup.

\s5
\v 14 Pakuyoganyo iti daton nga arina a 5.7 a litro ti nagiling iti pino a nagamay iti lana ti olibo ti tunggal maysa kadagiti 13 a baka. Pakuyoganyo iti 3.8 a litro iti tunggal maysa kadagit kalakian a karnero.
\v 15 Pakuyoganyo iti dua a litro ti tunggal maysa kadagiti 14 a karnero.
\v 16 Pakuyoganyo pay iti maysa a kalakian a kalding a maidaton a pakaikkatan dagiti basbasolyo, a mainayon kadagiti daton nga ay-ayup, arina ken arak a naan-anay a maipuor iti rabaw ti altar iti inaldaw.

\s5
\v 17 Iti maikadua nga aldaw iti fiesta, masapul a mangiyegkayo iti 12 a bumbumaro a baka iti rabaw ti altar, dua a kalakian a karnero, ken 14 a kalakian nga urbon a karnero nga agtawen iti maysa. Masapul nga awan mulitna dagitoy nga ay-ayup.
\v 18 Ipakuyogyo met kadagiti ayup dagiti daton nga arina ken arak a kasapulan.
\v 19 Mangidatagkayo met iti maysa a kalakian a kalding; idatonyo daytoy a pakaikkatan dagiti basbasolyo. Mainayon dagitoy nga ayup kadagiti daton nga ay-ayup, arina ken arak a naan-anay a maipuor iti rabaw ti altar iti inaldaw.

\s5
\v 20 Iti maikatlo nga aldaw iti fiesta, masapul a mangiyegkayo iti 11 a bumbumaro a baka iti rabaw ti altar, dua a kalakian a karnero, ken 14 a kalakian nga urbon a karnero nga agtawen iti maysa. Masapul nga awan mulitna dagitoy nga ay-ayup. Masapul a maipuorda amin iti rabaw iti altar ket makaay-ayonto ti angot dagitoy kanaik
\v 21 Ipakuyogyo met kadagiti ayup dagiti daton nga arina ken arak a kasapulan.
\v 22 Mangidatagkayo met iti maysa a kalakian a kalding a maidaton a pakaikkatan dagiti basbasolyo. Mainayon dagitoy nga ayup kadagiti daton nga ay-ayup, arina ken arak a naan-anay a maipuor iti rabaw ti altar iti inaldaw.

\s5
\v 23 Iti maika-uppat nga aldaw iti fiesta, masapul a mangiyegkayo iti 10 a bumbumaro a baka iti rabaw ti altar, dua a kalakian a karnero, ken 14 a kalakian nga urbon a karnero nga agtawen iti maysa. Masapul nga awan mulitna dagitoy nga ay-ayup. Masapul a maipuorda amin iti rabaw iti altar ket makaay-ayonto ti angotna kanaik
\v 24 Ipakuyogyo met kadagiti ayup dagiti daton nga arina ken arak a kasapulan.
\v 25 Mangidatagkayo met iti maysa a kalakian a kalding nga idatonyo a pakaikkatan dagiti basbasolyo. Mainayon dagitoy nga ay-ayup kadagiti daton nga ayup, arina ken arak a naan-anay a maipuor iti rabaw ti altar iti inaldaw.

\s5
\v 26 Iti maika-lima nga aldaw iti fiesta, masapul a mangiyegkayo iti siam a bumbumaro a baka iti rabaw ti altar, dua a kalakian a karnero, ken 14 a kalakian nga urbon a karnero nga agtawen iti maysa. Masapul nga awan mulitna dagitoy nga ay-ayup. Masapul a maipuorda amin iti rabaw iti altar ket makaay-ayonto ti angotna kanaik
\v 27 Ipakuyogyo met kadagiti ayup dagiti sagut nga arina ken arak a kasapulan.
\v 28 Mangidatagkayo met iti maysa a kalakian a kalding; idatonyo daytoy a pakaikkatan dagiti basbasolyo. Mainayon dagitoy nga ay-ayup kadagiti daton nga ayup, arina ken arak a naan-anay a maipuor iti rabaw ti altar iti inaldaw.

\s5
\v 29 Iti maika-innem nga aldaw iti fiesta, masapul a mangiyegkayo iti walo a bumbumaro a baka iti rabaw ti altar, dua a kalakian a karnero, ken 14 a kalakian nga urbon a karnero nga agtawen iti maysa. Masapul nga awan mulitna dagitoy nga ay-ayup. Masapul a maipuorda amin iti rabaw iti altar ket makaay-ayonto ti angotna kanaik
\v 30 Ipakuyogyo met kadagiti ayup dagiti daton nga arina ken arak a kasapulan.
\v 31 Mangidatagkayo met iti maysa a kalakian a kalding; idatonyo daytoy a pakaikkatan dagiti basbasolyo. Mainayon dagitoy nga ay-ayup kadagiti daton nga ayup, arina ken arak a naan-anay a maipuor iti rabaw ti altar iti inaldaw.

\s5
\v 32 Iti maika-pito nga aldaw iti fiesta, masapul a mangiyegkayo iti pito a bumbumaro a baka iti rabaw ti altar, dua a kalakian a karnero, ken 14 a kalakian nga urbon a karnero nga agtawen iti maysa. Masapul nga awan mulitna dagitoy nga ay-ayup. Masapul a maipuorda amin iti rabaw iti altar ket makaay-ayonto ti angotna kanaik
\v 33 Ipakuyogyo met kadagiti ayup dagiti daton nga arina ken arak a kasapulan.
\v 34 Mangidatagkayo met iti maysa a kalakian a kalding; idatonyo daytoy a pakaikkatan dagiti basbasolyo. Mainayon dagitoy nga ay-ayup kadagiti daton nga ayup, arina ken arak a naan-anay a maipuor iti rabaw ti altar iti inaldaw.

\s5
\v 35 Kalpasan ti walo nga aldaw iti dayta a fiesta, masapul nga aguummongkayo manen nga agdayaw kaniak; masapul a saankayo nga agtrabaho iti dayta nga aldaw.
\v 36 Iti dayta nga aldaw, masapul a mangiyegkayo iti maysa a baka iti rabaw ti altar, maysa a nataengan a kalakian a karnero, ken pito a kalakian nga urbon a karnero nga agtawen iti maysa. Masapul nga awan mulitna dagitoy nga ay-ayup. Masapul a maipuor amin dagitoy iti rabaw ti altar, ket maay-ayoak kadagiti angotda.

\s5
\v 37 Pakuyoganyo met dagiti baka ken dagiti kalakian a karnero ken tunggal karnero kadagiti daton nga arina ken arak a kasapulan.
\v 38 Mangidatagkayo pay iti maysa a kalakian a kalding a maidaton a pakaikkatan dagiti basbasolyo. Mainayon dagitoy a daton kadagiti ayup, arina ken arak a naan-anay a maipuor iti rabaw ti altar iti inaldaw.

\s5
\v 39 Iti fiestayo, dagitoy dagiti daton a masapul nga iyegyo kaniak: Dagiti daton a naan-anay a maipuor iti rabaw ti altar, ti daton a trigo, dagiti daton nga arak, ken ti daton a mangisubli iti langenlangenyo kaniak. Mainayon dagitoy iti daton nga itedyo kaniak gapu ta nagkarikayo nga agaramid iti maysa a banag, ken ti dadduma a naisangsangayan a daton a kayatyo nga ited kaniak."
\v 40 Ket imbaga ni Moises kadagiti Israelita dagiti amin banag nga imbilin ni Yahweh kenkuana.

\s5
\c 30
\p
\v 1 Nagsao ni Moises kadagiti panguloen dagiti tribu ti Israel. Imbagana kadakuada dagitoy a bilin nga inted ni Yahweh kenkuana:
\v 2 "No sipapasnek nga agkari ti maysa a tao kenni Yahweh nga aramidenna ti maysa a banag, masapul nga aramidenna ti inkarina.

\s5
\v 3 No sipapasnek nga agkari kenni Yahweh ti maysa a babai a makipagnanaed pay laeng kadagiti nagannakna nga agaramid isuna iti maysa a banag,
\v 4 ken no mangngeg ti amana ti inkarina, ket no awan ti imbagbaga ti amana kenkuana, masapul nga aramidenna ti inkarina.

\s5
\v 5 Ket no mangngeg ti amana dagiti amin nga inkarina nga aramidenna, ngem awan ti imbaga ti amana kenkuana, masapul ngarud nga aramidenna dagiti amin nga inkarina.

\s5
\v 6 No waswasen ti amana dagiti inkarina iti aldaw a mangngeganna dagiti amin nga insapata ken dagiti napasnek nga inkarina, ket agtalinaed dagitoy. Pakawanen isuna ni Yahweh gapu ta linapdan isuna ti amana.
\v 7 No mangasawa isuna bayat a sikakari paylaeng isuna, wenno agkari isuna a saanna nga inam-amiris, agtalinaed dagitoy.

\s5
\v 8 Ngem no lapdan isuna ti asawana iti aldaw a mangngeganna ti maipapan iti daytoy, ket waswasenna ti insapatana, ti imbagana a saanna nga inam-amris. Wayawayaan isuna ni Yahweh.

\s5
\v 9 No agkari ti maysa a babai a balo wenno ti babai a nakisina iti asawana, masapul nga aramidenna ti inkarina.
\v 10 No agkari ti babai nga adda asawana ket nga aramidenna ti maysa a banag,
\v 11 ket no mangngeg ti asawana ti maipapan iti daytoy ken immannugot, masapul nga aramidenna ti inkarina.

\s5
\v 12 Ngem no mangngeg ti lalaki ti maipapan iti daytoy ket saanna nga itulok nga aramiden ti asawana dayta, saanen a kasapulan pay nga aramiden ti babai ti inkarina, ket pakawanen ni Yahweh ti babai iti saanna a panangaramid iti daytoy.

\s5
\v 13 Mabalin nga itulok ti asawa ti babai nga aramidenna ti inkarina, wenno mabalin a saanna nga itulok nga aramidenna ti inkarina.
\v 14 No saan nga agsasao ti lalaki iti sumagmamano nga aldaw, kalpasan a mangngeganna ti maipapan iti daytoy, masapul nga aramiden ti babai ti inkarina.

\s5
\v 15 Ngem no aguray ti lalaki iti nabayag a tiempo kalpasan a nagkari ti babai nga aramidenna ti maysa a banag ket ibagana iti babai a saanna a palubosan ti babai nga aramiden daytoy, no saanna nga aramiden ti inkarina, saanto isuna a madusa. Ti asawa ti babai ti dusaento ni Yahweh."
\v 16 Dagitoy dagiti pagannurotan nga inted ni Yahweh kenni Moises para kadagiti agassawa, ken para kadagiti balasang a makipagnanaed pay laeng kadagiti nagannakda.

\s5
\c 31
\p
\v 1 Nagsao ni Yahweh kenni Moises ket kinunana,
\v 2 "Ibagam kadagiti Israelita a masapul a balsenda dagiti Medianita gapu iti inaramidda kadakayo. Kalpasan a mapasamak dayta, mataykanto."

\s5
\v 3 Isu a kinuna ni Moises kadagiti tattao, "Mangalakayo kadagiti sumagmamano a lallaki a nakasagana a makigubat. Ikkan ida ni Yahweh iti kabaelan a mangbales kadagiti Medianita gapu iti inaramidda kadatayo.
\v 4 Mangpilikayo iti 1000 a lallaki a makiranget manipud iti tunggal tribu."
\v 5 Isu a 12,000 a lallaki ti nagsagana a makigubat, 1000 iti tunggal tribu.

\s5
\v 6 Idi imbaon ida ni Moises iti paggugubatan, simmurot kadakuada ni Finees nga anak a lalaki ni Eleazar a padi. Nangitugot isuna kadagiti sumagmamano kadagiti banbanag manipud iti nasagradoan a tolda ken dagiti tangguyob a mapuyotan a mangted iti pagilasinan nga agrugi ti gubat.
\v 7 Ginubat dagiti lallaki nga Israeilta dagiti soldado ti Median, kas imbaga ni Yahweh kenni Moises nga ibagana kadakuada nga aramidenda, ket pinatayda ti tunggal lalaki manipud iti bunggoy dagiti Medianita.
\v 8 Karaman kadagiti napatayda dagiti lima nga ari dagiti Medianita—da Evi, Rekem, Zur, Hur, ken ni Reba. Napatayda met ni Balaam nga anak ni Beor babaen iti kampilan.

\s5
\v 9 Tiniliwda amin dagiti babbai ken dagiti annak dagiti Medianita ket innalada dagiti bakada, dagiti arban dagiti karnero ken kaldingda, ken amin dagiti dadduma pay a sanikuada.
\v 10 Ket pinuoranda amin dagiti balay kadagiti ili ken bario a pagnanaedan dagiti Medianita,

\s5
\v 11 ngem inyawidda dagiti amin a babbai ken dagiti ubbing, ay-ayup ken dagiti sanikuada.
\v 12 Impanda amin dagitoy kada Eleazar, Moises ken kadagiti dadduma nga Israelita nga adda iti kampoda kadagiti kapatadan ti Moab, nga asideg iti karayan Jordan, iti ballasiw ti Jerico.

\s5
\v 13 Rimmuar da Eleazar ken dagiti panguloen dagiti tattao, ken ni Moises a mangkablaaw kadakuada.
\v 14 Ngem nakaunget ni Moises kadagiti sumagmamano a lallaki a nagsubli manipud iti paggugubatan. Nakaunget isuna kadagiti opisial dagiti armada ken kadagiti lallaki a mangidadaulo kadagiti rinibu a lallaki ken kadagiti mangidadaulo kadagiti ginasut a lallaki.
\v 15 Sinaludsodna ida, "Apay nga impalubosyo nga agbiag dagiti babbai?

\s5
\v 16 Isuda dagiti nangaramid kadagiti insingasing ni Balaam ken nangallukoy kadagiti tattaotayo nga agdayaw kenni Baal imbes a kenni Yahweh. Kas nagbanaganna, nangiyeg ni Yahweh iti didigra a pangsaplitna kadagiti tattaona bayat nga addada idiay Peor.
\v 17 Isu nga ita, masapul a patayenyo amin dagiti ubbing a lallaki dagiti Medianita, ken patayenyo met amin dagiti babbai a nakikaidda iti siasinoman a lalaki.

\s5
\v 18 Ibatiyo laeng dagiti birhen a babbai. Mabalinyo ida nga alaen nga agbalin nga asawayo wenno tagabuyo.
\v 19 Aminkayo a nangpatay iti siasinoman wenno nangsagid iti bangkay ti siasinoman a natay iti paggugubatan ket masapul nga agtalinaed iti ruar ti kampo iti las-ud ti pito nga aldaw. Iti maikatlo nga aldaw ken iti maikapito nga aldaw, masapul nga aramidenyo ti seremonia a mamagbalin kadakayo a maawat manen iti Dios.
\v 20 Masapul a labaanyo met dagiti kawesyo ken aniaman nga intugotyo iti paggugubatan a naaramid iti lalat wenno buok ti kalding wenno kayo."

\s5
\v 21 Ket kinuna ni Eleazar kadagiti soldaldo a nagsubli manipud iti paggugubatan, "Daytoy ti imbilin ni Yahweh kenni Moises.
\v 22 Masapul nga ipuoryo dagiti aniaman a balitok wenno pirak wenno bronse wenno landok wenno lata wenno buli a banbanag nga innalayo manipud iti paggugubatan.
\v 23 Ipuoryo amin a saan a maipuor, ket mabalinyonto nga usaren dagitoy. Ngem warsianyo met dagitoy a banbanag iti danum a mamagbalin kadagiti banbanag ken tattao a maawat manen iti Dios. Dagiti banbanag a maipuor no ipuoryo dagitoy, warsianyo iti dayta a danum.
\v 24 Iti maikapito nga aldaw, labaanyo dagiti kawesyo, ket maawatkayonto manen iti sangoanan ti Dios. Kalpasan iti panangaramidyo iti dayta, mabalinyon ti agsubli iti kampo."

\s5
\v 25 Kinuna pay ni Yahweh kenni Moises,
\v 26 "Ibagam kenni Eleazar ken kadagiti panguloen dagiti bunggoy dagiti pamilia a masapul nga ilistada dagiti amin a sanikua, dagiti babbai, ay-ayup a nasamsam iti paggugubatan.
\v 27 Ket masapul a bingayenda dagitoy a banbanag kadagiti lallaki a nakigubat ken kadagiti dadduma a tattao.

\s5
\v 28 Manipud kadagiti lallaki a nakigubat, mangalakayo iti maysa iti tunggal 500 a tattao ken iti tunggal 500 a baka, asno ken karnero, nga agpaay a kas buis para kaniak.
\v 29 Ipanyo dagitoy a banbanag kenni Eleazar nga agpaay a bingayko a kas maidatag ti daton kaniak.

\s5
\v 30 Ken manipud kadagiti dadduma a banbanag, mangalakayo iti maysa iti tunggal 50. Mairaman dagiti tattao, baka, asno, karnero, kalding, ken dadduma pay nga ay-ayup. Itedyo dagitoy a banbanag kadagiti kaputotan ni Levi a mangay-aywan iti nasagradoan a toldak."
\v 31 Inaramid ngarud ni Eleazar ken ni Moises ti imbilin ni Yahweh.

\s5
\v 32-35 Adda ti 675,000 a karnero, 72,000 a baka, 61,000 nga asno, ken 32,000 a birhen a babbai a tiniliwda kadagiti Medianita.

\s5
\v 36 Nangala iti 337,000 a karnero dagiti soldado a nakigubat manipud iti paggugubatan,
\v 37 ket intedda kenni Yahweh ti 675 kadagitoy.
\v 38 Nangalada iti 36,000 a baka ket intedda ti 72 kadagitoy kenni Yahweh.

\s5
\v 39 Nangalada iti 30,500 nga asno, ket intedda ti 61 kadagitoy kenni Yahweh.
\v 40 Nangalada iti 16,000 a birhen ket intedda ti 32 kadakuada kenni Yahweh.
\v 41 Inted ni Moises kenni Eleazar amin dagiti ayup a naidatag kenni Yahweh, kas imbilin ni Yahweh.

\s5
\v 42-46 Inlasin ni Moises dagiti naawat dagiti nakigubat manipud kadagiti naawat dagiti dadduma a tattao. Nakaawat dagiti tattao iti 337,500 a karnero, 36,000 a baka, 30,500 nga asno ken 16,000 a birhen.

\s5
\v 47 Manipud iti naawat dagiti tattao, nangala ni Moises iti maysa iti tunggal 50 ket intedna dagitoy kenni Yahweh. Mairaman dita dagiti ay-ayup ken tattao. A kas imbilin ni Yahweh, inted amin ida ni Moises kadagiti kaputotan ni Levi a mangay-aywan iti nasagradoan a tolda.

\s5
\v 48 Ket napan kenni Moises dagiti opisial ti armada ken dagiti nangidaulo kadagiti rinibu a lallaki ken dagiti nangidaulo kadagiti ginasut a lallaki.
\v 49 Kinunada, "Nabilangmin nga adipenmo dagiti soldado nga indaulloanmi, ket natakuatanmi nga awan ti mapukpukaw kadakuada.

\s5
\v 50 Isu a kas pagyamanmi kenni Yahweh iti dayta, nangiyegkami kenkuana kadagiti sagot a balitok a banbanag a nasarakanmi kalpasan ti gubat, balitok a putipot ti takiag, pulseras, singsing, aritos, ken kuentas. Namnamaenmi nga abbungan dagitoy dagiti basolmi."
\v 51 Isu nga inawat ni Eleazar ken ni Moises dagiti balitok a banbanag nga inyegda.

\s5
\v 52 Ti pakadagupan dagiti banbanag nga indatagda ket agdagsen iti 191 a kilo.
\v 53 Innala ti tunggal soldado dagitoy a banbanag para iti bukodna.
\v 54 Inawat ni Moises ken ni Eleazar dagitoy a balitok a banbanag manipud kadagitoy a mangidadaulo ket inkabilda dagitoy iti nasagradoan a tolda tapno mangpalagip kadagiti Israelita iti maipapan iti panangtulong ni Yahweh kadakuada a nangparmek kadagiti Medianita.

\s5
\c 32
\p
\v 1 Addaan kadagiti adu a taraken dagiti tattao kadagiti tribu ni Ruben ken ni Gad. Nakitada nga addaan kadagiti nasasayaat a ruot a pagaraban dagiti ayup ti daga nga asideg iti siudad ti Jazer ken ti rehion ti Galaad iti daya ti Karayan Jordan.
\v 2 Isu a napan dagiti mangidadauloda kenni Eleazar, kadagiti mangidadaulo kadagiti tattao ken ni Moises. Kinunada,
\v 3 "Adu ti tarakenmi.

\s5
\v 4 Inikkannakami nga Israelita ni Yahweh iti kabaelan a mangtagikua kadagiti sumagmamano a daga a nasayaat unay a pagaraban dagiti ayup—ti daga nga asideg kadagiti ili ti Atarot, Dibon, Jazer, Nimrah, Hesbon, Eleale, Sibma, Nebo ken Beon.
\v 5 No makaay-ayo daytoy kenka, kayatmi nga agbalin a kukuami daytoy a daga, imbes a ti daga nga adda iti ballasiw ti Karayan Jordan."

\s5
\v 6 Simmungbat ni Moises kadagiti mangidadaulo kadagiti tribu ni Gad ken ni Ruben, "Saan a nasayaat kadagiti padayo nga Israelita a mapan makigubat ket agtalinaedkayo ditoy!
\v 7 No aramidenyo dayta, upayenyo dagiti dadduma nga Israelita, ket agbanag a saanda a bumallasiw iti Karayan Jordan iti daga nga it-ited ni Yahweh kadakuada.

\s5
\v 8 Inaramid dagiti kapuonantayo ti isu met laeng a banag. Imbaonko ida manipud Kades Barnea a mangkita ti langa ti daga ti Canaan.
\v 9 Napanda idiay tanap ti Escol, ngem idi nakitada dagiti dadakkel a tattao iti daga, nagsublida ket inupayda dagiti Israelita a kunada, 'Saan a rumbeng a padasentayo a sumrek iti daga nga imbaga ni Yahweh nga it-itedna kadatayo.'

\s5
\v 10 Isu a nakaunget unay ni Yahweh kadakuda, ket sipapasnekna nga inwaragawag daytoy,
\v 11-12 'Kadagiti amin a tattao a rimmuar iti Egipto, dagiti laeng agtawen iti 20 a makakita iti daga nga inkarik kada Abraham, Isaac ken ni Jacob ket ti anak ni Jefone a ni Caleb ken ti anak ni Nun a ni Josue, gapu ta naan-anay a nagtalekda kaniak. Awan uray pay kadagiti dadduma a tattao a rimmuar iti Egipto ti makakita iti daga, gapu ta saanda a naan-anay a namati iti pannakabalinko.'

\s5
\v 13 Isu a nakaunget ni Yahweh kadagiti Israelita, ket kas nagbanaganna, pinagalla-allanatayo iti daytoy a disierto iti 40 a tawen. Kamaudiananna, saggaysa a natay dagiti amin a tattao a nagbasol kenni Yahweh babaen iti panagkedkedda nga agtalek kenkuana.
\v 14 Ket agtigtignaykayo a kas iti inaramid dagiti kapuonanyo! Ad-adda a pagpungtotenyo ni Yahweh, dakayo a managbasol nga Israelita ngem iti panagpungtotna kadagiti kapuonantayo!
\v 15 No isardengyo nga agtaltalek kenkuana, pagtalinaedennakayo ken ti amin a padayo nga Israelita iti nabaybayag iti disierto, ket pukawennakayonto amin!"

\s5
\v 16 Ket kinunana dagiti mangidadaulo kadagiti tribu da Gad ken Ruben kenni Moises, "Mangaramidkami nga umuna kadagiti pagaponan dagiti ayupmi ken mangaramidkami kadagiti siudad ditoy para kadagiti pamiliami.
\v 17 Ket agnaed dagiti pamiliami kadagiti natalged a siudad nga addaan kadagiti pader a nakapalikmut kadagitoy, ket natalgeddanto kadagiti tattao nga agnanaed iti daytoy a daga. Kalpasanna, agsaganakami a makigubat. Tulonganmi dagiti dadduma nga Israelita a mangala iti daga iti ballasiw a paset ti karayan.

\s5
\v 18 Saankami nga agsubli kadagiti pagtaenganmi agingga a makaawat ti tunggal Israelita iti sumagmamano a daga.
\v 19 Saankami a mangala iti aniaman a daga iti laud a paset ti Karayan Jordan, gapu ta adda ditoy daya a paset ti dagami."

\s5
\v 20 Isu a kinuna ni Moises kadakuada, "Ibagak kadakayo ti rumbeng nga aramidenyo. Masapul nga agsaganakayo a makigubat para kenni Yahweh.
\v 21 Masapul a ballasiwenyo ti Karayan Jordan nga awit-awityo dagiti igamyo.
\v 22 Kalpasan a tulongannatayo ni Yahweh nga alaen dayta a daga kadagiti tattao nga agnanaed sadiay, mapalubosankayon nga agsubli kadagiti pagtaenganyo. Naaramidyon ti inkariyo kenni Yahweh ken kadagiti Israelita nga aramidenyo, ket mabalinyo nga alaen daytoy a daga nga agbalin a kukuayo, nga inted ni Yahweh kadakayo.

\s5
\v 23 Ngem no saanyo nga aramiden dagitoy a banbanag, agbasolkayo kenni Yahweh, ket dusaennakayonto iti dayta a basol.
\v 24 Ita, mabalinyon nga agaramid kadagiti siudad para kadagiti pamiliayo ken pagapunan dagiti ayupyo, ngem kalpasan a maaramidyo dayta, masapul nga aramidenyo ti inkariyo."
\v 25 Simmungbat dagiti mangidadaulo kadagiti tribu da Gad ken Ruben, "Aramidenmi ti dinawatmo kadakami nga aramidenmi, gapu ta sika ti mangidadaulomi.

\s5
\v 26 Agtalinaed kadagiti siudad a paset ti Galaad dagiti assawami, annakmi, bakami, karnero ken dagiti kaldingmi,
\v 27 ngem agsaganakami a mapan makigubat. Alaenmi dagiti igammi ket bummalasiwkami iti Karayan Jordan ket makirangetkami para kenni Yahweh, kas ti imbagam a mangidadaulomi."

\s5
\v 28 Isu a binilin ni Moises da Eleazar, Josue, ken dagiti mangidadaulo kadagiti tribu ti Israel maipanggep kadakuada.
\v 29 Kinuna ni Moises kadakuada, "No agsagana a makigubat dagiti lallaki manipud kadagiti tribu da Gad ken Ruben ken makiballasiwda kadakayo idiay Karayan Jordan, tapno aramidenda ti tartarigagayan ni Yahweh ken tulongandakayo nga alaen dayta a daga, itedyo kadakuada ti lugar ti Galaad nga agbalin a kukuada.
\v 30 Ngem no saanda nga alaen dagiti igamda ken saanda a makikuyog kadakayo a nakasagana a makigubat, saanda a maawat daytoy a daga. Masapul nga umawatda kadagiti sumagmamano a daga idiay Canaan, kas iti aramiden ti dadduma kadakayo."

\s5
\v 31 Simmungbat dagiti mangidadaulo kadagiti tribu da Gad ken Ruben, "Aramidenmi ti imbagam ken ti imbaga ni Yahweh.
\v 32 Ballasiwenmi ti karayan a mapan iti daga ti Canaan, ket aramidenmi ti tartarigagayan ni Yahweh ken agsaganakami a makigubat. Ngem ti dagami ket ditoyto daya a paset ti Karayan Jordan."

\s5
\v 33 Isu nga immannugot ni Moises nga ited dayta a daga kadagiti tribu da Gad ken Ruben ken iti guddua a tribu ti anak ni Jose a ni Manases. Dayta a daga ket ti daga a sigud a nagturayan ni Sihon nga ari dagiti Amorreo ken ti daga a nagturayan ni Og nga ari ti rehion ti Basan, agraman dagiti siudad daytoy a lugar ken ti daga iti aglawlawna.

\s5
\v 34 Binangon manen dagiti tattao iti tribu da Gad ken Ruben dagiti siudad ti Dibon, Atarot, Aroer,
\v 35 Atrot Sofan, Jazer Jogbeha,
\v 36 Bet Nimra ken Bet Haran. Dagitoy dagiti siudad nga addaan kadagiti natalged a pader a nakapalikmut kadagitoy. Ket nangaramidda met kadagiti pagaponan dagiti karneroda.

\s5
\v 37 Binangon manen dagiti tattao iti kaputotan ni Ruben dagiti siudad ti Hesbon, Eleale, Kiriataim,
\v 38 Nebo, Baal Meon ken Sibma. Idi binangonda ti Nebo ken Baal Meon, pinanagananda iti baro a nagan dagitoy a siudad.
\v 39 Napan dagiti kaputotan ti anak ni Manases a ni Makir idiay rehion ti Galaad ket innalada daytoy kadagiti Amorreo.

\s5
\v 40 Isu nga inted ni Moises ti Galaad iti pamilia ni Makir, ket rinuggianda a nagnaed sadiay.
\v 41 Napan ni Jair a kaputotan met laeng ni Manases ket sinakupna dagiti babassit nga ili iti dayta a rehion, ket pinanagananna dagitoy iti dagiti Ili ni Jair.
\v 42 Napan ti lalaki nga agnagan iti Noba ket sinakupna ti siudad ti Kenat ken dagiti asideg nga ili, ket inusarna ti bukodna a nagan nga agbalin a baro a nagan dayta a disso.

\s5
\c 33
\p
\v 1 Adtoy ti listaan dagiti lugar a napnapanan dagiti Israelita a kas indalan ida ni Aaron ken ni Moises kalpasan a pimmanawda ti Egipto.
\v 2 Imbilin ni Yahweh nga isurat ni Moises dagiti nagan dagiti lugar a napnapananda.

\s5
\v 3 Iti maika-15 nga aldaw iti umuna a bulan ti tawen, iti aldaw kalpasan a rinambakanda ti Ilalabas, pimmanawda iti siudad ti Rameses idiay Egipto, ket situturedda a nagna bayat nga um-umay iti likudanda dagiti armada ti Egipto.
\v 4 Idi pumanawda, itabtabon pay laeng dagiti tattao ti Egipto dagiti bangkay dagiti inauna nga annakda a lallaki. Babaen iti panangpatay kadakuada, impakita ni Yahweh a palso a dios dagiti dios a daydayawen dagiti tattao ti Egipto.

\s5
\v 5 Kalpasan a pimmanawda idiay Rameses, napanda nga immuna idiay Succot ket nagkampoda sadiay.
\v 6 Kalpasanna, pimmanawda idiay Succot ket napanda idiay Etam, iti pungto ti disierto, ket nagkampoda sadiay.
\v 7 Kalpasanna, pimmanawda idiay Etam ket nagsublida idiay Pi-hahirot, iti daya iti Baalsefon ket nagkampoda iti asideg ti Migdol.

\s5
\v 8 Kalpasanna, pimmanawda iti Pi-hahirot ket nagnada a bimmallasiw iti baybay dagiti Runo ket nagtultuloyda ti tallo nga aldaw iti disierto ti Etam, ket nagkampoda idiay Mara.
\v 9 Kalpasanna, pimmanawda idiay Mara ket napanda idiay Elim. Adda sadiay iti sangapulo ket dua nga ubbog ken pitopulo a kaykayo ti palma. Nagkampoda sadiay.
\v 10 Kalpasanna, pimmanawda idiay Elim ket napanda iti paset nga asideg iti baybay dagiti Runo ket nakampoda sadiay.

\s5
\v 11 Kalpasanna, pimmanawda iti bayday dagiti Runo ket napanda iti asideg iti let-ang ti Sin ket nagkampoda sadiay.
\v 12 Kalpasanna, pimmanawda iti let-ang ti Sin ket napanda idiay Dofia, ket nagkampoda sadiay.
\v 13 Kalpasanna, pimmanawda iti Dofia ket napanda idiay Alus ket nagkampoda sadiay.
\v 14 Kalpasanna, pimmanawda iti Alus ket napanda idiay Refidim ket nagkampoda sadiay, no sadino ket awan ti masarakanda a danum nga inumenda.

\s5
\v 15 Kalpasanna, pimmanawda iti Refidim ket napanda iti let-ang ti Sinai ket nagkampoda sadiay.
\v 16 Kalpasanna, pimmanawda iti let-ang ti Sinai ket napanda iti Kibrot-hataava, ket nagkampoda sadiay.
\v 17 Kalpasanna, pimmanawda iti Kibrot-hataava ket napanda iti Haserot ket nagkampoda sadiay.
\v 18 Kalpasanna, pimmanawda iti Haserot ket napanda iti Ritma ket nagkampoda sadiay.

\s5
\v 19 Kalpasanna, pimmanawda iti Ritma ket napanda iti Rimmon-peres ket nagkampoda sadiay.
\v 20 Kalpasanna, pimmanawda iti Rimonperes ket napanda iti Libna, ket nagkampoda sadiay.
\v 21 Kalpasanna, pimmanawda iti Libna ket napanda iti Rissa ket nagkampoda sadiay.
\v 22 Kalpasanna, pimmanawda iti Rissa ket napanda iti Ceelata ket nagkampoda sadiay.

\s5
\v 23 Kalpasanna, pimmanawda iti Ceelata ket napanda iti bantay Sefer ket nagkampoda sadiay.
\v 24 Kalpasanna, pimmanawda iti bantay Sefer ket napanda iti Harada, ket nagkampoda sadiay.
\v 25 Kalpasanna, pimmanawda iti Harada ket napanda iti Makhelot ket nagkampoda sadiay.
\v 26 Kalpasanna, pimmanawda iti Makhelot ket napanda iti Tahat ket nagkampoda sadiay.

\s5
\v 27 Kalpasanna, pimmanawda iti Tahat ket napanda iti Tera ket nagkampoda sadiay.
\v 28 Kalpasanna, pimmanawda iti Tera ket napanda iti Mitka, ket nagkampoda sadiay.
\v 29 Kalpasanna, pimmanawda iti Mitka ket napanda iti Hasmona ket nagkampoda sadiay.
\v 30 Kalpasanna, pimmanawda iti Hasmona ket napanda iti Moserot ket nagkampoda sadiay.

\s5
\v 31 Kalpasanna, pimmanawda iti Moserot ket napanda iti Bene-jaakan ket nagkampoda sadiay.
\v 32 Kalpasanna, pimmanawda ti Bene-jaakan ket napanda iti Hor Haggigad, ket nagkampoda sadiay.
\v 33 Kalpasanna, pimmanawda iti Hor Hagidgad ket napanda iti Jotbata ket nagkampoda sadiay.
\v 34 Kalpasanna, pimmanawda iti Jotbata ket napanda iti Abrona ket nagkampoda sadiay.

\s5
\v 35 Kalpasanna, pimmanawda iti Abrona ket napanda iti Esion-geber ket nagkampoda sadiay.
\v 36 Kalpasanna, pimmanawda iti Esion-geber ket napanda iti let-ang ti Sin, ket nagkampoda sadiay Kades.
\v 37 Kalpasanna, pimmanawda iti Kades ket napanda iti bantay Hor, idiay beddeng ti Edom, ket nagkampoda sadiay.

\s5
\v 38 Nagtulnog ni Aaron a padi kenni Yahweh ket simmang-at iti bantay. Natay isuna sadiay iti umuna nga aldaw iti maika-5 a bulanda, 40 a tawen kalpasan a pimmanaw dagiti Israelita iti Egipto.
\v 39 123 ti tawen ni Aaron idi natay isuna.

\s5
\v 40 Dayta ket idi nangngeg ti ari ti siudad ti Arad nga um-umay dagiti Israelita. Ti Arad ket adda iti akin-abatagan a let-ang iti daga ti Canaan a pagnanaedan dagiti bunggoy dagiti tattao ti Canaan.

\s5
\v 41 Kalpasanna, pimmanaw dagiti Israelita idiay bantay Hor ket napanda iti Salmona ket nagkampoda sadiay.
\v 42 Kalpasanna, pimmanawda iti Salmona ket napanda iti Punon, ket nagkampoda sadiay.
\v 43 Kalpasanna, pimmanawda iti Punon ket napanda iti Obot ket nagkampoda sadiay.

\s5
\v 44 Kalpasanna, pimmanawda idiay Obot ket napanda idiay Ige-abarim nga adda iti nagbeddengan iti rehion ti Moab, ket nagkampoda sadiay.
\v 45 Kalpasanna, pimmanawda iti Ige-abarim ket napanda iti Dibon-gad, ket nagkampoda sadiay.
\v 46 Kalpasanna, pimmanawda iti Dibon-gad ket nagkampoda idiay Almon-diblataim.

\s5
\v 47 Kalpasanna, pimmanawda ti Almon-diblataim ket napanda kadagiti bantay ti Abarim, nga asideg iti Nebo ket nagkampoda sadiay.
\v 48 Kalpasanna, pimmanawda kadagiti bantay ti Abarim ket napanda kadagiti patad ti Moab, nga asideg iti Karayan Jordan, a ballasiw ti Jerico.
\v 49 Nagkampoda kadagiti patad ti Moab. Imbangonda dagiti toldada iti sumagmamano a kilometro manipud Bet-jesimot agingga iti Abel-sitim.

\s5
\v 50 Kabayatan iti kaaddami kadagiti patad ti Moab nga asideg ti Karayan Jordan a ballasiw ti Jerico, nagsao ni Yahweh kenni Moises. Kinunana,
\v 51 "Ibagam daytoy kadagiti Israelita, 'Inton bummallasiwkayo iti Karayan Jordan ket serrekenyo ti rehion ti Canaan,
\v 52 masapul a pilitenyo a papanawen dagiti tattao nga agnanaed sadiay. Dadaelenyo dagiti amin a nakitikitan ken dagiti sinukog a ladawan a naaramid iti landok. Rebbaenyo dagiti amin a lugar a pagdadayawanda kadagiti didiosenda.

\s5
\v 53 Alaenyo ti dagada manipud kadakuada ket rugianyo ti agnaed sadiay, gapu ta intedko kadakayo ti dagada a tagikuaenyo.
\v 54 Bingayenyo ti daga babaen iti panaggiginnasat tapno maikeddengyo ti paset iti tunggal bunggoy. Itedyo ti dakdakkel a paset kadagiti bunggoy nga addaan ad-adu a tattaona, ket itedyo ti basbasit a paset kadagiti bunggoy nga addaan basbassit a tattaona. Awatento ti tunggal tribu ti kukuana a daga.

\s5
\v 55 No saanyo a piliten a papanawen dagiti tattao nga agnanaed sadiay, riribukendakayonto iti kasta unay. Agbalindanto a kasla natirad a sima kadagiti matayo, ken kasla sisiit kadagiti bakrangyo. Ken mangiyegdanto ti riribuk kadakayo, iti dayta a daga a pagnaedanyonto.
\v 56 Ket dusaenkayonto, a kas pinanggepko a panangdusa kadakuada.' "

\s5
\c 34
\p
\v 1 Kinuna ni Yahweh kenni Moises,
\v 2 "Ibagam daytoy kadagiti Israelita, 'Dandanikayon a sumrek iti daga ti Canaan, ket agbalinton a kukuayo daytoy. Dagiti sumaganad ket dagiti beddengto ti daga.
\v 3 Iti abagatan, maawatyonto ti paset iti let-ang ti Zin, nga asideg iti beddeng ti rehion ti Edom. Iti daya a paset, mangruginto ti beddeng idiay abagatan a pagpatinggaan iti Natay a Baybay.

\s5
\v 4 Aglaylayonto bassit daytoy iti abagatan iti bantay Akrabim, ken aglaylayon iti laud a lumabas iti Disierto ti Zin ken ti abagatan ti Kades Barnea. Manipud sadiay, aglaylayonto daytoy iti Hasar Adar ken manipud sadiay, agturong iti Asmon.
\v 5 Manipud iti Asmon, aglaylayonto iti laud nga agturong iti namaga a lansad ti karayan nga adda iti beddeng ti Egipto ket agpatingga idiay Baybay a Mediteranian.

\s5
\v 6 Ti Baybay a Mediteranian ti beddengto iti laud.

\s5
\v 7 Mangrugi ti beddeng iti amianan manipud iti Baybay a Mediteranian ken aglaylayon iti laud nga agturong iti Bantay Hor.
\v 8 Manipud sadiay, aglaylayonto daytoy nga agturong iti Lebo-hamat ken kalpasanna ket agturong iti Sebad.
\v 9 Manipud sadiay, aglaylayonto ti beddeng nga agturong iti Sifon, ket agpatingganto idiay Hasar-enan.

\s5
\v 10 Mangruginto ti beddeng iti daya idiay Hasar-enan ken aglaylayon nga agpaabagatan nga agturong iti Sefam.
\v 11 Manipud sadiay, aglaylayonto iti daya ti Ain agingga iti Ribla ken kalpasanna, kadagiti turturod a daya ti Dan-aw ti Galilea.
\v 12 Kalpasanna, aglaylayon ti beddeng iti abagatan ti Karayan Jordan ken agpatingga idiay Natay a Baybay. Dagitoy dagiti beddeng iti aglawlaw ti pagilianyo.' "

\s5
\v 13 Imbaga ngarud ni Moises amin dayta kadagiti Israelita. Ket kinunana kadakuada, "Daytanto ti daga nga awatenyo. Masapul a paggiginasatanyo nga ikeddeng no ania a paset ti maited iti tunggal maysa kadagiti siam ken iti guddua a tribu, gapu ta imbilin ni Yahweh a masapul a mabingay daytoy kadakuada.
\v 14 Naawatdan dagiti tribu ni Ruben, Gad, ken ti kaguddua a tribu ni Manases ti daga a pagnaedandanto.
\v 15 Immawatda iti daga iti daya a paset ti Karayan Jordan, iti ballasiw ti Jerico."

\s5
\v 16 Ket kinunana ni Yahweh kenni Moises,
\v 17 "Dagitoy dagiti lallaki a mangbingayto ti daga. Umuna, da Eliasar ken Josue,
\v 18 ngem tulonganto ida dagiti dadduma a mangidadaulo manipud kadagiti tunggal 12 a tribu a mangbingay iti daga.

\s5
\v 19 Dutokam ni Caleb nga anak a lalaki ni Jefone manipud iti tribu ni Juda.
\v 20 Dutokam ni Semuel nga anak a lalaki ni Amihud manipud iti tribu ni Simon.

\s5
\v 21 Dutokam ni Elidad nga anak a lalaki ni Kislon manipud iti tribu ni Benhamin.
\v 22 Dutokam ni Buki nga anak a lalaki ni Jogli manipud iti tribu ni Dan.
\v 23 Dutokam ni Haniel nga anak a lalaki ni Efod manipud iti tribu ni Manases.

\s5
\v 24 Dutokam ni Kemuel nga anak a lalaki ni Siftan manipud iti tribu ni Efraim.
\v 25 Dutokam ni Elizafan nga anak a lalaki ni Parnak manipud iti tribu ni Sebulun.
\v 26 Dutokam ni Paltiel nga anak a lalaki ni Azan manipud ti tribu ni Issacar.

\s5
\v 27 Dutokam ni Ahihud nga anak a lalaki ni Selomi manipud iti tribu ni Aser.
\v 28 Dutokam ni Pedahel nga anak a lalaki ni Amihud manipud iti tribu ni Naftali."
\v 29 Imbilin ni Yahweh nga amin dagitoy lalaki ket isuda ti mangbingay ti rehion ti Canaan kadagiti Israelita.

\s5
\c 35
\p
\v 1 Imbaga ni Yahweh daytoy kenni Moises bayat nga adda dagiti Israelita iti patad ti Moab nga asideg iti Karayan Jordan, a ballasiw ti Jerico,
\v 2 "Ibagam kadagiti Israelita a manipud iti daga nga awatendanto, masapul a mangtedda kadagiti sumagmamano a siudad kadagiti kaputotan ni Levi a mabalinda a pagnaedan. Masapul a mangtedda pay kadakuada kadagiti sumagmamano a daga iti aglawlaw dagitoy a siudad.

\s5
\v 3 Maipaayto dagitoy a siudad a pagnaedan dagiti kaputotan ni Levi, ken ti aglawlaw dagiti siudad ket daga a maipaayto kadagiti bakbakada ken arban dagiti karnero ken kalkalding ken dagiti dadduma nga ay-ayup.
\v 4 Ti daga nga itedyo kadakuda a para kadagiti ay-ayupda ket masapul nga aglaylayon nga umadayo iti 457 a metro manipud kadagiti pader dagiti siudad.

\s5
\v 5 Mangrukodkayo pay iti 920 a metro iti tunggal pagturongan manipud kadagiti pader ti tunggal siudad. Dayta a mainayon a daga ket daga a maipaayto kadagiti ay-ayupda iti ruar dagiti pader dagiti siudad.

\s5
\v 6 Innem kadagiti siudad nga itedyo kadagiti kaputotan ni Levi ket siudad a pagkamanganto dagiti tattao tapno natalgedda. No makapatay ti maysa a tao iti sabali a tao a saanna nga inggagara, mabalin nga agkamang ti tao a nakapatay iti maysa kadagitoy a siudad tapno natalged isuna.
\v 7 Masapul a mangtedkayo pay iti 42 a dadduma a siudad kadagiti kaputotan ni Levi ken ti daga iti aglawlaw dagitoy a siudad nga agpaay kadagiti ay-ayupda.

\s5
\v 8 Dagiti tribu nga Israelita nga addaan iti kaadduan a tattao ket masapul a mangted kadakuada iti ad-adu a siudad ngem iti ited dagiti tribu nga addaan iti basbassit a tattao. Tunggal tribu ket masapul a mangted iti sumagmamano kadagiti siudadna kadagiti kaputotan ni Levi, ngem dagiti tribu nga addaan iti ad-adu a daga ket mangted ti ad-adu a siudad, ket ti tribu nga addaan iti basbassit a siudad ket mangted ti basbassit a siudad.’’

\s5
\v 9 Kinuna pay ni Yahweh kenni Moises,
\v 10 "Ibagam daytoy kadagiti Israelita, 'Inton bumallasiwkayo iti Karayan Jordan ket sumrekkayo iti rehion ti Canaan,
\v 11 masapul a mangpilikayo kadagiti sumagmamano a siudad a mabalin a pagkamangan dagiti tattao tapno natalgedda. No makapatay ti maysa a tao iti sabali a tao, ti tao a pimmatay iti dayta a tao ket mabalin nga agkamang iti maysa kadagitoy a siudad ket agbalin isuna a natalged.

\s5
\v 12 Mabalin a panunoten ti maysa kadagiti kabagian ti tao a napapatay a masapul nga ibalesna ti pannakatay ti kabagianna babaen iti panangpapatayna iti pimmatay. Ngem iti dayta a siudad, natalgedto ti mammapatay gapu ta patayen dagiti tattao iti dayta a siudad dagitoy a kakabagian no padasenda nga agibales sadiay. Ti tao a nakapatay iti maysa a tao a saanna nga inggagara ket masapul a maipan iti pangukoman tapno maukom.
\v 13 Masapul a mangilasinkayo iti innem a siudad a maaramid a siudad a pagkamangan iti siasinoman a makapatay iti sabali a tao ket agbalin a natalged.

\s5
\v 14 Masapul nga adda tallo kadagitoy a siudad iti daya a paset ti Karayan Jordan ken tallo iti laud a paset, idiay rehion ti Canaan.
\v 15 Dagitoy nga innem a siudad ket agpaay a pagkamanganto dagiti Israelita tapno natalgedda, ken pagkamanganto met dagiti ganggannaet ken sabali a tattao a makipagnanaed kadakayo tapno natalgeddanto. Siasinoman kadagitoy a tattao a makapatay ti sabali a tao a saanda nga inggagara ket mabalin nga agkamang iti maysa kadagitoy a siudad tapno natalgeddanto sadiay.

\s5
\v 16-18 Ngem masapul nga ibilangyo a ti siasinoman a pummatay iti sabali a tao babaen iti maysa nga igam a landok wenno iti maysa a dakkel a bato wenno iti maysa a pidaso a kayo ket mammapatay, ken ti pimmatay iti sabali a tao ket masapul a mapapatay.

\s5
\v 19 Ti kabagian ti napapatay a tao ket masapul nga isuna ti mangpatay iti mammapatay apaman a masarakanna isuna.
\v 20 No iduron ti maysa a tao ti sabali a tao iti maysa a teppang wenno mangipurwak iti maysa a banag iti sabali a tao
\v 21 wenno kabilenna dayta a tao babaen iti imana ket isu ti nakatayan dayta a tao, no inaramidna dayta gapu ta kinagurana dayta a tao, ibilangyo ngarud a mammapatay isuna, ken masapul a mapapatay. Ti kabaggian ti napapatay a tao ket masapul nga isuna ti mangpatay iti mammapatay apaman a masarakanna isuna.

\s5
\v 22 Ngem mabalin a saan nga inggagara ti maysa a tao nga induron ti maysa a tao wenno mabalin a saanna nga inggagara a napurwakan ti sabali a tao iti maysa a banag ket natamaan isuna, ngem saan a gapu a kagurana dayta a tao.
\v 23 Wenno mabalin a matinnaganna ti dakkel a bato iti maysa a tao a saanna a makita. No ti nangaramid iti dayta ket saanna a pinanggep a dangran ti siasinoman ken saanna a kagura ti tao a napatay,

\s5
\v 24 masapul ngarud a mangngeddeng dagiti tattao no adda ti karbengan ti kabagian ti natay a tao a mangibales, wenno no pudno a saan nga inggagara ti nakapatay iti sabali a tao nga inaramid daytoy.
\v 25 No ikeddengda a pinanggep ti mammapatay a patayen ti sabali a tao, masapul a saanda nga ipalubos nga agtalinaed isuna iti siudadda. Ngem no ikeddengda a naaramid daytoy a saan a naigagara, masapul a salaknibanda ti nakapatay manipud iti panangpapatay kenkuana iti kabaggian ti natay a tao. Masapul nga ibaonda ti nakapatay iti maysa kadagiti siudad tapno natalgedto isuna, ken ipalubosda nga agtalinaed isuna sadiay agingga a matay ti kangatoan a padi. Kalpasan dayta, mabalinton nga agawid ti nakapatay iti pagtaenganna, gapu ta awanen ti karbengan ti kabagian ti natay a tao nga agibales.

\s5
\v 26 Ngem bayat a sibibiag pay laeng ti kangatoan a padi, ti tao nga adda iti natalged a siudad ket masapul a saanna a panawan dayta a siudad.
\v 27 No rumuar isuna iti siudad, ket no masarakan isuna ti kabagian ti natay a tao, maipalubos ti kabagian dayta a tao a mangpatay iti dayta a tao, ket saanto nga ibilang dagiti tattao a nakabasol dayta a kabagian iti panangpapatay.
\v 28 Masapul nga agtalinaed iti dayta a siudad ti nakapatay tapno natalged isuna sadiay agingga a matay ti kangatoan a padi. Natalgedto isuna manipud iti panagibales kalpasan dayta, gapu ta ti pannakatay ti kangatoan a padi ket maibilangto nga agbalin a daton a mangsubbot a maipaay iti dayta a panangpapatay. Kalpasan dayta, mabalinton nga agawid ti nakapatay iti pagtaenganna.

\s5
\v 29 Masapul a tungpalenyo a kankanayon dagitoy a nainkalintegan a pagannurotan, sadinoman a pagnaedanyo.
\v 30 No naakusaran ti maysa a tao ti panangpapatay iti sabali a tao, mabalin laeng a mapapatay ti naakusaran no adda tattao a nakakita kenkuana nga inaramidna daytoy. Masapul nga adda iti ad-adu a saksi ngem iti maysa. Awan ti maipalubos a mapapatay no adda laeng ti maymaysa a saksi.

\s5
\v 31 No adda maysa a mammapatay a rumbeng a mapapatay, saanyo nga ispalen ti biagna babaen iti panangawat iti bayad a panangsubbot. Masapul a mapapatay isuna.
\v 32 No adda maysa a tao nga agkamang iti siudad tapno natalgedto isuna, saanyo nga ipalubos a mangted kadakayo iti kuarta tapno palubosanyo isuna a makasubli iti pagtaenganna sakbay a matay ti kangatoan a padi.

\s5
\v 33 Masapul a papatayenyo dagiti tattao a pudno a pimmatay ti sabali a tao. No saanyo nga aramiden dayta, ar-aramidenyo a saan a makaay-ayo kaniak dagiti tattao nga agnanaed iti daga. Masapul a mapapatay ti siasinoman a nangigagara a pimmatay ti awan basolna a tao.
\v 34 Siak ni Yahweh, ken agnanaedak kadakayo nga Israelita, isu a saanyo a dadaelen ti daga babaen iti panangipalubosyo kadagiti tattao a pumatay iti dadduma a tao a saan a madusa.' "

\s5
\c 36
\p
\v 1 Napan dagiti mangidadaulo kadagiti pamilia iti puli ni Galaad a kameng iti tribu ni Manases kenni Moises ken dagiti dadduma pay a mangidadaulo iti pamilia dagiti Israelita.
\v 2 Kinunada kenni Moises, "Mangidadaulomi, binilinnakayo ni Yahweh a bingay-bingayo ti daga kadagiti tribu ti Israelita babaen iti panagbubunotyo tapno makapangngeddengkayo no sadino a paset ti maala ti tunggal bunggoy. Binilinnakayo pay ni Yahweh nga itedyo ti daga a kukua ni Selofehad a padami nga Israelita kadagiti annakna a babbai.

\s5
\v 3 Ngem no makiasawa dagiti annakna kadagiti lallaki kadagiti dadduma a tribu ti Israelita, saanton a kukua ti tribumi dayta a daga. Alaenton ti sabali a tribu daytoy. Isu a saanminton a kukua ti dadduma kadagiti dagami.
\v 4 Inton dumteng ti Tawen a Panagrambak, inton dagiti daga a nailako ket maisublinton kadagiti pudpudno a makinkukua, ti daga a kukua ni Selofehad ket kukuanton dagiti tribu a nakiasawaan dagiti annakna. Ngarud, dadduma kadagiti dagami, ti daga a tinawidmi kadagiti ammami ket maalanto kadakami ken saanminton a pulos a matagikua manen daytoy."

\s5
\v 5 Imbaga ni Yahweh kenni Moises ti isungbatna kadakuada, isu nga imbaga ni Moises daytoy kadakuada, "Husto dagitoy a lallaki a nagtaud iti tribu ni Manases.
\v 6 Kastoy ti ibagbaga ni Yahweh kadagiti annak a babbai ni Selofehad, 'Tunggal maysa kadakayo ket mabalin a makiasawa iti siasinoman a lalaki a kayatyo, ngem nasken a makaisawakayo laeng kadagiti lallaki iti mismo a tribuyo.'

\s5
\v 7 Iti kasta a wagas, saan a maipasa ti daga a kukua dagiti Israelita iti sabali a tribu. Mapagtalinaed ti amin nga Israelita iti tribu ti daga a kukua dagiti kapuonanda.

\s5
\v 8 Mabalin a makiasawa ti siasinoman a babai nga agtawid iti daga ti amana, ngem masapul a ti asawaenna ket nagtaud iti mismo a tribuna. Iti kasta, mapagtainaed ti amin nga Israelita ti daga a kukua dagiti kapuonanda.
\v 9 Masapul a saan a maipasa ti daga manipud iti maysa a tribu a maipasa iti sabali a tribu. Masapul a mapagtalinaed dagiti Israelita ti daga a tinawidda kadagiti kapuonanda."

\s5
\v 10 Tinungpal dagiti babbai nga annak ni Selofehad ti imbaga ni Yahweh kenni Moises.
\v 11 Dagiti lima nga agkakabsat a babbai nga annak ni Selofehad a da Maala, Tirza, Hogla, Milca ken ni Noah ket nakiasawada kadagiti kakasinsinda, a kakabagian ti amada.
\v 12 Dagiti lallaki a nakiasawaanda ket nagtaud iti tribu ni Manases, isu a ti daga ket nagtultuloy a kukua ti pamilia ken tribu ti amada.

\s5
\v 13 Dagitoy dagiti bilbilin ken linlinteg nga inted ni Yahweh kenni Moises nga ibagana kadagiti Israelita, bayat ti kaaddada iti kapatadan ti Moab nga asideg iti Karayan Jordan a batug ti Jerico.