ilo_udb/03-LEV.usfm

\id LEV
\ide UTF-8
\h Levitico
\toc1 Levitico
\toc2 Levitico
\toc3 lev
\mt Levitico

\s5
\c 1
\p
\v 1 Kabayatan nga agtaktakder ni Moises iti asideg ti pagserkan ti nasagradoan a tolda, immawag ni Yahweh kenkuana manipud iti uneg ti tolda. Kinunana kenni Moises
\v 2 nga ibagana daytoy kadagiti Israelita: "No mangiyeg ti siasinoman kadakayo iti daton kenni Yahweh, mangiyegkayo iti maysa kadagiti karnero, kalding wenno bakayo.

\s5
\v 3 No ti idatonyo ket maysa a bulog a baka a naan-anay a mapuoran iti rabaw ti altar, masapul nga awan ti aniaman a depektona daytoy. Masapul nga ipanyo daytoy iti pagserkan iti nasagradoan a tolda tapno awaten ni Yahweh daytoy.
\v 4 Masapul nga ipatayyo dagiti imayo iti ulo ti bulog a baka. No aramidenyo dayta, awatento ni Yahweh ti pannakatay ti daton iti biangyo tapno pakawanennakayo kadagiti basbasol a naaramidyo.

\s5
\v 5 Masapul a partienyo ti bumaro a baka iti sangoanan ni Yahweh. Ket ipan dagiti padi a putot ni Aaron ti dara ken ibuyatda kadagiti amin a sikigan ti altar iti asideg iti pagserkan ti nasagradoan a tolda.
\v 6 Masapul a lalatanyo ken rangrangkayenyo ti ayup iti pidapidaso. Masapul a bugguanyo ti lalaem ken dagiti saka ti bulog a baka.

\s5
\v 7 Kalpasanna, mangikabil dagiti putot a lallaki ni Aaron iti kayo iti rabaw ti altar ken pasgedanda daytoy.
\v 8 Kalpasanna, iyurnosda nga iparabaw dagiti pidaso agraman ti ulo ken dagiti taba iti sumsumged a kayo.
\v 9 Ket maysa kadagiti padi ti naan-anay a mangpuor iti daytoy iti rabaw ti altar. Ket makaay-ayonto kenni Yaweh ti nabanglo nga ayamuom.

\s5
\v 10 No mangidatonkayo iti karnero wenno kalding, masapul a kalakian daytoy nga awanan iti aniaman a depekto.
\v 11 Masapul a partienyo daytoy iti sangoanan ni Yahweh, iti amianan a sikigan ti altar ken ipaaruyotyo amin ti dara ti daton iti malukong. Ket iwarsinto dagiti putot a lalaki ni Aaron ti dara kadagiti amin a sikigan ti altar.

\s5
\v 12 Masapul a rangrangkayenyo ti ayup iti pidapidaso. Masapul a bugguanyo ti lalaem ken dagiti saka ti ayup. Ket iyurnos dagiti papadi dagiti pidaso agraman ti ulo ken dagiti taba iti sumsumged a kayo.
\v 13 Kalpasanna, alaen amin daytoy ti maysa kadagiti padi ken puoranna amin a naan-anay iti rabaw ti altar. Ken makaay-ayonto kenni Yahweh ti nabanglo nga ayamuom kabayatan a mapupuoran ti daton.

\s5
\v 14 No ti idatonyo kenni Yahweh ket billit, masapul a mangidatonkayo iti kalapati wenno sibong a pagaw.
\v 15 Ipan ti padi daytoy iti altar sana tiritiren ken pulsoten ti ulona. Kalpasanna, ipuorna ti ulo ti daton iti rabaw ti altar. Ipaaruyotna amin ti dara ti billit iti sikigan ti altar.

\s5
\v 16 Kalpasanna, ikkatenna ti kinarakaran ti billit ken dagiti nagyanna ken ibellengna iti daya a sikigan ti altar, a pangibelbellenganda met laeng kadagiti dapo.
\v 17 Ket iggamanna ti payak ti billit ken pisangenna ti billit ngem saanna a naan-anay a pisangen daytoy. Kalpasanna, ipuorna daytoy a naan-anay iti apuy iti rabaw ti altar. Ket makaay-ayonto kenni Yahweh ti nabanglo nga ayamuom.

\s5
\c 2
\p
\v 1 No mangiyegkayo iti daton nga arina kenni Yahweh, masapul a naaramid daytoy iti napino nga arina. Masapul a bukbukanyo daytoy iti lana ti olibo ken insenso,
\v 2 ken ipanyo daytoy iti maysa kadagiti padi. Mangrakem ti padi manipud kadagitoy sana puoran iti rabaw ti altar. Ipakpakita dayta a paset a pudno a kukua amin ni Yahweh ti daton. Ken makaay-ayonto kenni Yahweh ti nabanglo nga ayamuom.
\v 3 Ti paset iti dayta a daton nga arina a saan a napuoran ket kukua ni Aaron ken dagiti putotna a lallaki. Daytoy ket paset a nailasin para iti Dios manipud kadagiti daton nga itedyo kenni Yahweh babaen iti panangpuoryo kadagitoy.

\s5
\v 4 No mangiyegkayo iti daton a naaramid iti arina a nailuto iti pugon, masapul a maaramid daytoy iti napino nga arina. Mabalinyo ti mangiyeg kadagiti tinapay a naaramid iti arina a nalaokan iti lana ti olibo ngem awan ti lebadurana, wenno mabalinyo ti mangiyeg kadagiti tinapay nga addaan iti lana ti olibo a naipuligad kadagitoy, ngem naaramid met laeng nga awan iti lebadurana.
\v 5 No ti datonyo nga arina ket nailuto iti paryok, masapul a naaramid daytoy iti napino nga arina a nalaokan iti lana ti olibo ken awan ti lebadurana.

\s5
\v 6 Masapul a rumekenyo daytoy ken bukbukanyo iti lana ti olibo. Dayta ti datonyo a naaramid iti arina.
\v 7 No ti datonyo a naaramid iti arina ket nailuto iti paryok, masapul a naaramid daytoy iti napino nga arina a nalaokan iti lana ti olibo.

\s5
\v 8 Ipanyo kenni Yahweh ti datonyo nga arina. Itedyo daytoy iti padi ket ipanna iti altar.
\v 9 Mangala isuna iti paset manipud iti daytoy a mangipakita a kukua amin ni Yahweh ti daton nga arina. Puoranna dayta a paset iti rabaw ti altar, ken makaay-ayonto kenni Yahweh ti nabanglo nga ayamuom kabayatan a mapupuoran daytoy.
\v 10 Ti paset ti daton nga arina a saan a napuoran ket kukua ni Aaron ken dagiti putotna a lallaki. Nailasin daytoy para iti Dios manipud kadagiti daton a naited kenni Yahweh babaen iti panangipuor kadagitoy iti apuy.

\s5
\v 11 Amin a daton nga arina a naaramid iti bukel nga ipanyo kenni Yahweh ket masapul a naaramid nga awan ti lebadurana, gapu ta masapul a saankayo a mangikabil iti aniaman a lebadura wenno diro iti aniaman a daton para kenni Yahweh a puoran ti padi iti rabaw ti altar.
\v 12 Mabalinyo a mangiyeg kenni Yahweh ti daton manipud iti umuna a paset ti apityo, ngem saan a mapuoran dayta a daton iti altar a makaipaay iti nabanglo nga ayamuom a makaay-ayo kenni Yahweh.
\v 13 Ikkanyo iti asin dagiti amin a datonyo a naaramid iti arina. Ipakpakita dayta nga asin ti katulagan ti Diosyo kadakayo, isu a siguradoenyo a saanyo a liplipatan nga ikkan iti asin dagidiay a daton nga arina.

\s5
\v 14 No mangiyegkayo kenni Yahweh iti daton nga arina manipud iti umuna a paset ti apityo iti bukel, mangidatonkayo iti kaap-apit a bukel a nabayo ken naikirog.
\v 15 Ikkanyo daytoy iti lana ti olibo ken insenso, ken dayta ti datonyo a naaramid iti arina.
\v 16 Mangrakem ti padi manipud kadagitoy a mangipakita a pudno a kukua amin ni Yahweh ti daton. Puoranna dayta a paset iti rabaw ti altar, nga agbalin a daton a maited kenni Yahweh babaen iti panangipuor iti daytoy iti apuy.

\s5
\c 3
\p
\v 1 No mangidatonkayo kenni Yahweh iti ayup a mangikari ti panakigayyem kenkuana, mabalinyo ti mangiyeg iti kalakian a baka wenno kabaian manipud kadagiti arban dagiti bakayo, ngem masapul nga awan ti depektona ti idatagyo nga ayup kenni Yahweh.
\v 2 Masapul nga ipanyo ti ayup iti pagserkan ti nasagradoan a tolda. Masapul nga ipatayyo dagiti imayo iti ulona. Ket masapul a partienyo daytoy ken mangtayakayo ti darana iti malukong. Kalpasanna, maysa kadagiti putot a lalaki ni Aaron, maysa kadagiti padi, ti mangiwarsi ti dara kadagiti amin a sikigan ti altar.

\s5
\v 3 Manipud iti dayta a daton, masapul a mangiyegkayo kenni Yahweh iti daton a puoran ti padi A pakairamanan dagiti amin a taba a nangbalkot kadagiti paset ti lalaem ti ayup, wenno naisilpo kadagitoy--
\v 4 dagiti bekkel ken ti taba a naisilpo kadagitoy nga adda iti asideg iti lasag ti likod, ken ti taba a nangbalkot iti dalem.
\v 5 Ket maysa kadagiti padi ti mangpuor kadagidiay a banbanag iti rabaw ti altar, kasta met dagiti daduma pay a paset ti ayup a naan-anay a puoranna a kas daton kenni Yahweh. Ket makaay-ayonto kenni Yahweh ti nabanglo nga ayamuom.

\s5
\v 6 No dayta a daton a mangikari iti panakigayyem kenni Yahweh ket karnero wenno kalding, masapul a maysa met laeng nga ayup daytoy nga awan iti depektona.
\v 7 No mangidatonkayo ti urbon a karnero, masapul nga idatagyo daytoy kenni Yahweh iti pagserkan ti nasagradoan a tolda. Masapul nga ipatayyo ti imayo iti ulo ti karnero ket kalpasanna, partienyo daytoy. Masapul a mangtayakayo iti darana iti malukong.
\v 8 Ket maysa kadagiti padi ti mangiwarsi iti dayta a dara kadagiti amin a sikigan ti altar.

\s5
\v 9 Manipud iti dayta a daton masapul nga isinayo dagitoy a banbanag a mapuoran a maidaton kenni Yahweh. Ti tabana, ti nataba nga ipus a masapul a putdem iti asideg ti duri, ken dagiti amin a taba a nangbalkot iti lalaem ti karnero wenno naisilpo kadagitoy--
\v 10 dagiti bekkel ken ti taba a kimpet kadagitoy nga asideg iti lasag ti likod ken ti taba a nangbalkot ti dalem.
\v 11 Maysa kadagiti padi ti mangpuor kadagidiay a banbanag iti rabaw ti altar a kas daton kenni Yahweh. Kaslanto taraon dagitoy a mait-ited kenni Yahweh.

\s5
\v 12 No kalding ti datonyo, masapul nga ipanyo daytoy kenni Yahweh.
\v 13 Masapul nga ipatayyo ti imayo iti ulona. Ket masapul a partienyo daytoy iti pagserkan ti nasagradoan a tolda. Ket maysa kadagiti putot a lallaki ni Aaron ti mangiwarsi kadagiti dara kadagiti amin a sikigan ti altar.
\v 14 Manipud iti dayta a daton masapul nga isinayo dagitoy a banbanag nga agbalin a daton kenni Yahweh a mapuoran: Amin a taba a nangbalkot iti lalaem iti ayup wenno naisilpo kadagitoy,

\s5
\v 15 dagiti bekkel ken ti taba a kimpet kadagitoy iti asideg ti lasag ti likod, ken ti taba a nangbalkot ti dalem.
\v 16 Puoran ti padi dagita a banbanag iti rabaw ti altar nga agbalin a daton kenni Yahweh. Agbalindanto dagitoy a kasla taraon a naited kenni Yahweh. Ken ti nabanglo nga ayamuom ket makaayayonto kenni Yahweh. Amin a taba dagiti ayup a naidaton ket kukua ni Yahweh.
\v 17 Daytoy ket bilin a masapul a tungpalenyo ken dagiti kaputotanyo iti agnanayon, iti sadinoman a pagnaedanyo. Masapul a saanyo a kanen ti taba ken ti dara iti aniaman nga ayup."

\s5
\c 4
\p
\v 1 Ket imbaga ni Yahweh kenni Moises
\v 2 nga ibagana daytoy kadagiti Israelita, "Daytoy ti masapul nga aramiden ti siasinoman no nagbasol isuna a saanna nga inggagara, dayta ket, no nakaaramid isuna iti aniaman a banag a mangsalungasing kadagiti aniaman a bilbilin ni Yahweh.
\v 3 No agbasol ti kangatoan a padi ket dayta ti pakaigapuan nga agbasol dagiti amin a tattao, masapul a mangipan isuna kenni Yahweh iti maysa a bumaro a baka nga awan depektona. Dayta ti daton a gapu iti basol a naaramidna.

\s5
\v 4 Masapul nga ipanna ti bumaro a baka iti pagserkan ti nasagradoan a tolda. Masapul nga ipatayna dagiti imana iti ulo ti datonna. Ket masapul a partienna daytoy iti sangoanan ni Yahweh ken mangtaya iti dara babaen iti malukong.
\v 5 Ket masapul a mangipan ti padi iti dara iti nasagradoan a tolda.

\s5
\v 6 Masapul nga isawsawna ti maysa kadagiti ramayna iti dara ket iwarsina daytoy iti maminpito iti presensia ni Yahweh, iti sangoanan ti kurtina a mangisinsina ti nasantoan a lugar manipud iti kasasantoan a lugar.
\v 7 Ket masapul a mangikabil isuna iti dara kadagiti sinan-sara kadagiti suli ti altar a pakapupuoran ti nabanglo nga insenso iti nasagradoan a tolda iti presensia ni Yahweh. Ti nabatbati a paset ti dara ti bumaro a baka nga adda pay laeng iti malukong, ket masapul nga ibuyatna iti sakaanan ti altar, a pakapupuoran dagiti daton, iti pagserkan ti nasagradoan a tolda.

\s5
\v 8 Manipud iti dayta a daton, masapul nga ilasin ti kangatoan a padi dagitoy a banbanag manipud iti bumaro a baka a mapuoran: Ti taba a nangbalkot kadagiti lalaem ti bumaro a baka wenno nakasilpo kadagitoy--
\v 9 dagiti bekkel ken ti taba a nakasilpo kadagitoy nga asideg iti lasag iti likod, ken ti taba a nangbalkot iti dalem.
\v 10 Ket masapul a naan-anay a puoran ti kangatoan a padi dagidiay a banbanag iti rabaw ti altar. Dayta ket, kas iti pannakaikkat ti taba iti ayup a naidaton a mangikari iti pannakigayyem kenni Yahweh.

\s5
\v 11 Ngem amin dagiti dadduma a paset ti ayup--ti lalatna, ken dagiti amin a dadduma a karnena, ti ulona ken dagiti luppona, dagiti lalaem ken dagiti bagisna,
\v 12 masapul nga ipanna dagitoy iti ruar ti kampo ken ibellengna dagitoy iti lugar a maikari kenni Yahweh, iti pakaibelbellengan dagiti dapo, ket masapul a puoranna dagitoy kadagiti gabsuon dagiti dapu.

\s5
\v 13 No nagbasol amin dagiti Israelita a saanda nga inggagara, a nangaramidda iti maysa a banag a maikaniwas kadagiti bilbilin ni Yahweh, ket agbiddutda, uray no saanda a maamiris a nagbasolda.
\v 14 Inton maamirisda a nagbasolda, masapul nga agmaymaysada a mangiyeg iti bumaro a baka a kas daton para kadagiti basolda, iti sangoanan ti nasagradoan a tolda.
\v 15 Masapul nga ipatay dagiti panglakayen dagiti imada iti ulo ti bumaro a baka iti presensia ni Yahweh ket partienda daytoy ken mangtayada iti dara babaen iti malukong.

\s5
\v 16 Ket masapul a mangipan ti kangatoan a padi iti dara iti nasagradoan a tolda.
\v 17 Masapul nga isawsawna ti maysa kadagiti ramayna iti dara ket iwarsina daytoy iti maminpito a daras iti presensia ni Yahweh, iti sangoanan ti kurtina a mangisinsina iti nasantoan a lugar manipud iti kasasantoan a lugar.

\s5
\v 18 Ket masapul a mangikabil isuna iti dara kadagiti sinan-sara kadagiti suli ti altar nga adda iti presensia ni Yahweh iti nasagradoan a tolda. Ti nabatbati a paset ti dara ti bumaro a baka ket masapul nga ibukbokna iti sakaanan ti altar a pakapupuoran dagiti daton, iti pagserkan ti nasagradoan a tolda.
\v 19 Masapul nga ikatenna amin a taba ti ayup ket puoranna daytoy iti rabaw ti altar.

\s5
\v 20 Masapul nga aramidenna iti daytoy a bumaro a baka dagiti isu met laeng a banbanag nga inaramidna iti bumaro a baka a daton a para iti bukodna a basbasol, ket mapakawandanto.
\v 21 Ket masapul nga ipan ti padi dagiti dadduma a paset ti bumaro a baka iti ruar ti kampo ket puoranna dagitoy, a kas iti inaramidna idi nagbasol isuna. Dayta ti daton para iti basol a naaramid dagiti amin a tattao, ket mapakawandanto.

\s5
\v 22 No maysa kadagiti panguloen ti nagbasol a saanna nga inggagara, nangaramid iti maysa a banag a maikaniwas iti aniaman kadagiti bilbilin ni Yahweh a Diosna, agbiddutto isuna.
\v 23 Inton maamirisna a nagbasol isuna, masapul a mangala isuna iti maysa a kalakian a kalding nga awan depektona a kas datonna.

\s5
\v 24 Masapul nga ipatayna dagiti imana iti ulo ti kalding iti presensia ni Yahweh ket partienna daytoy iti lugar a pangparpartianda kadagiti ayup a naan-anay a mapuoran iti rabaw ti altar. Dayta ti daton para iti basolna.
\v 25 Ket masapul a mangtaya ti padi iti dara ti ayup iti malukong ket isawsawna ti maysa kadagiti ramayna iti daytoy ket mangikabil isuna iti dara kadagiti sinan-sara kadagiti suli ti altar. Ket masapul nga ibuyatna ti natda a dara iti sakaanan ti altar.

\s5
\v 26 Ket masapul a puoranna amin a taba iti rabaw ti altar, kas iti naaramid iti taba ti daton a mangikari iti pannakigayem kenni Yahweh. Kas nagbanagan ti panangaramid iti padi iti dayta, saanton a nakabasol ti panguloen ket mapakawanto isuna.

\s5
\v 27 No maysa kadagiti Israelita a saan a padi ti nagbasol a saanna nga inggagara, ken nangaramid iti maysa a banag a maikaniwas kadagiti bilbilin ni Yahweh a Diosna, agbiddut isuna.
\v 28 Inton maamirisna a nagbasol isuna, masapul a mangiyeg isuna ti maysa a kabaian a kalding nga awan depektona a kas datonna.

\s5
\v 29 Masapul nga ipatayna dagiti imana iti ulo ti kalding ket partienna daytoy iti lugar a pangparpartianda kadagiti ayup a maipuor a naan-anay iti rabaw ti altar, ken mangtayada iti dara babaen iti malukong.
\v 30 Ket masapul nga isawsaw ti padi ti maysa kadagiti ramayna iti daytoy, ken mangikabil isuna iti dara kadagiti sinan-sara kadagiti suli ti altar. Ket masapul nga ibuyatna ti natda a dara iti sakaanan ti altar.

\s5
\v 31 Ket masapul nga ikkatenna amin ti taba ti kalding, ket puoranna amin ti taba iti rabaw ti altar, a kas iti naaramid iti taba ti daton a mangtaginayon iti panakikadua kenni Yahweh. Ket makaay-ayunto kenni Yahweh ti nabanglo nga ayamuom. Kas nagbanagan iti panangaramid ti padi iti dayta, saanton a nakabasol dayta a tao, ken mapakawanto isuna.

\s5
\v 32 No mangiyeg dayta a tao iti maysa nga urbon a karnero a kas datonna para iti basol, masapul a mangiyeg isuna iti urbon a kabaian a karnero nga awan depektona.
\v 33 Masapul nga ipatayna dagiti imana iti ulo ti urbon a karnero ket partienna daytoy iti lugar a pangparpartianda kadagiti ayup a mapuoran a naan-anay iti rabaw ti altar, ken mangtaya isuna iti dara babaen iti malukong.

\s5
\v 34 Ket masapul nga isawsaw ti padi ti maysa kadagiti ramayna iti daytoy ket mangikabil isuna iti dara kadagiti sinan-sara kadagiti suli ti altar. Ket masapul nga ibuyatna ti natda a dara iti sakaanan ti altar.
\v 35 Ket masapul nga ikkatenna amin a taba ti urbon a karnero, ket puoranna amin a taba iti rabaw ti altar, a kas iti naaramid iti taba ti daton a mangikari iti pannakigayyem kenni Yahweh. Masapul a puoranna daytoy iti rabaw dagiti dadduma a daton kenni Yahweh a mapupuoran. Kas nagbanaganna, dawaten ti padi iti Dios a pakawanenna dayta a tao iti basolna, ket mapakawanto isuna.

\s5
\c 5
\p
\v 1 No bilinen ti ukom ti siasinoman kadakayo iti pangukoman tapno ibagayo ti maysa a banag a nakita wenno nangngeganyo nga imbaga ti maysa a tao, ngem no agkedkedkayo a mangibaga ti ammoyo a pudno, masapul nga ikaroyo ti dusayo para iti panagkedkedyo a mangibaga iti ammoyo.
\v 2 No saanyo nga inggagara a masagid ti maysa a banag nga ibilbilang ti Dios a narugit a kas iti natay a bagi ti atap nga ayup wenno iti natay a bagi iti dingwenyo, wenno iti natay a bagi dagiti agkarkarayam iti daga, masapul nga ikaroyo ti dusana.

\s5
\v 3 No makasagidkayo iti aniaman a banag a nakaigappuan ti siasinoman a nagbalin a saan a maikari iti Dios, uray no saanyo nga inggagara daytoy a sagiden, inton maamirisyo ti inaramidyo, masapul nga ikaruyo ti dusayo.
\v 4 No saankayo a nagpanpanunot a nagkari iti napasnek a mangaramid iti maysa a banag a naimbag man wenno dakes, inton maamirisyo a saanyo a kabaelan nga aramiden daytoy, masapul nga ikaroyo ti dusayo.

\s5
\v 5 No nagbiddutkayo iti panagaramidyo iti aniaman kadagitoy a basol, masapul nga ipakawanyo ti inaramidyo.
\v 6 Ket kas dusana, masapul a mangiyegkayo kenni Yahweh ti kabaian a kordero wenno kabaian a kalding a kas daton gapu iti naaramidyo a basol, ken idaton daytoy ti padi, ket saankayonton a nagbiddut iti basolyo.

\s5
\v 7 No napanglawkayo ken saanyo a kabaelan a mangiyeg iti kordero, masapul a mangiyegkayo kenni Yahweh iti dua a kalapati wenno dua a sibong a pagaw. Ti maysa ket agbalinto a daton gapu iti basolyo, ken ti maysa ket agbalinto a daton a mapuoran a naan-anay iti rabaw ti altar.
\v 8 Masapul nga iyegyo dagitoy iti padi. Idatonna nga umuna ti maysa kadagitoy nga agbalinto a daton gapu iti basolyo. Tiritirenna ti tengngedna a mangpapatay iti daytoy, ngem masapul a saanna a pulsuton a naan-anay ti ulona.
\v 9 Kalpasanna, masapul nga iwarsina ti dadduma a dara iti sikigan ti altar. Masapul a maipaaruyot amin ti natda a dara iti sakaanan ti altar. Dayta ket datonto a gapu iti basolyo.

\s5
\v 10 Ket aramidento ti padi ti imbilinko ket idatonna met ti maysa a billit a naan-anay a mapuoran iti rabaw ti altar. Ket saankayonton a nagbiddut iti basol a naaramidyo, ket pakawanennakayonto ni Yahweh.

\s5
\v 11 Nupay kasta, no napanglawkayo unay ket saanyo a kabaelan a mangiyeg iti dua a kalapati wenno dua a sibong a pagaw, masapul a mangiyegkayo ti dua a litro ti napino nga arina nga agbalin a daton gapu iti basolyo. Masapul a saanyo a laokan daytoy iti lana ti olibo wenno insenso, gapu ta daytoy ket daton a gapu iti basol.

\s5
\v 12 Masapul nga ipanyo daytoy iti padi. Mangalanto isuna iti sangarakem manipud iti daytoy a mangiladawan a pudno a kukua ni Yahweh ti sibubukel a daton, ket puoranna daytoy iti rabaw ti altar, iti rabaw dagiti dadduma a daton.
\v 13 Inton aramidenna dayta, ti padi ti mamagbalin a saankayonton a nagbiddut kadagiti aniaman a basol a naaramidyo, ket pakawanennakayonto ti Dios. Ti paset ti daton a saan a napuoran ket kukuanto ti padi, a kas met laeng iti naaramid kadagiti daton a naaramid iti arina."

\s5
\v 14 Kinuna pay ni Yahweh kenni Moises nga ibagana kadagiti tattao,
\v 15 "No agbasolkayo, a saanyo nga inggagara, babaen iti saanyo a panangited kaniak, ni Yahweh, kadagiti banbanag a rumbeng nga itedyo kenkuana, masapul nga ikaroyo ti dusayo babaen iti panangiyegyo kaniak iti kalakian a karnero nga awan iti pakapilawanna. Masapul nga ammoenyo no mano a pirak ti gatadna daytoy, babaen iti panangusaryo iti pagbasaran a pagrukodan idiay nasagradoan a tolda. Agbalinto daytoy a daton tapno saankayonton a nagbiddut.
\v 16 Ngem masapul pay nga isubliyo kenkuana no ania ti nailasin laeng a para kenkuana a saanyo a nabayadan. Masapul pay nga agnayonkayo ti apagkalima a paset iti gatadna. Masapul nga itedyo dayta iti padi. Idatonna ti kalakian a karnero a kas sakripisio gapu iti basol a naaramidyo ket pagbalinennakayo a saanen a nagbiddut, ket pakawanenkayonto.

\s5
\v 17 No agbasolkayo babaen ti panangaramidyo ti maysa a banag a maiparit kadagiti aniaman a bilbilinko, uray no saanyo nga ammo a nilabsingyo ti maysa kadagiti bilbilinko, nagbiddutkayo latta; masapul nga ikaroyo ti pannusayo kaniak.
\v 18 Inton maamirisyo ti naaramidyo, masapul a mangiyegkayo ti kalakian a karnero iti padi a kas daton tapno saankayonton a nagbiddut. Masapul a mangiyegkayo iti maysa a kalakian a karnero nga awan iti pakapilawanna. Idatagto ti padi ti kalakian a karnero nga agbalin a daton kaniak, ket kas pagbanaganna, saankayonton a nagbiddut iti nakabasolanyo, ket pakawanenkayonto.
\v 19 Daytoy ket daton a pakaigappuan a saankayonton a nagbiddut iti nagbasolanyo a maibusor kaniak."

\s5
\c 6
\p
\v 1 Kinuna pay ni Yahweh kenni Moises,
\v 2 "No agbasolkayo kaniak babaen ti panangallilawyo iti maysa a tao - no agkedkedkayo a mangisubli iti impabulod ti maysa a tao kadakayo, wenno no agtakawkayo ti maysa a banag a kukuana,
\v 3 wenno no nakasarakkayo iti maysa a banag ket pagsapataanyo nga awan kadakayo daytoy, nagbiddutkayo.
\v 4 Masapul nga isubliyo iti akinkukua ti tinakawyo wenno ti impabulod ti maysa a tao kadakayo ken saanyo nga insubli, wenno ti nasarakanyo a napukaw ti maysa a tao, wenno aniaman a nagulbodanyo.

\s5
\v 5 Masapul a saanyo laeng nga isubli ti aniaman a banag a kasta iti akinkukua, ngem masapul nga agbayadkayo pay iti akinkukua iti apagkalima a nayun ti gatadna.
\v 6 Masapul a mangiyegkayo pay iti padi iti maysa a kalakian a karnero nga agbalin a daton para kaniak, tapno saankayonton a nakabasol. Ti kalakian a karnero nga iyegyo ket masapul nga awan ti pakapilawanna, maysa nga addaan iti umno a naikeddeng a gatad.
\v 7 Ket idaton ti padi dayta a kalakian a karnero nga agbalinto a daton a pakaigappuan a saankayonton a nagbiddut, ket pakawanenkayonto kadagiti saan a nasayaat a banbanag nga inaramidyo."

\s5
\v 8 Kinuna pay ni Yahweh kenni Moises,
\v 9 "Ibagam daytoy kenni Aaron ken kadagiti putotna a lallaki: Dagitoy dagiti pagannurotan maipapan kadagiti datdaton a naan-anayto a mapuoran iti rabaw ti altar: Masapul nga agtalinaed ti daton iti rabaw ti altar iti agpatpatnag, ken ti apuy iti rabaw ti altar ket masapul nga agtultuloy a sumsumged.

\s5
\v 10 Iti kabigatanna, masapul nga ikawes ti padi dagiti lino nga akin-uneg ken akinruar a pagan-anayna. Ket masapul nga akupen ti padi dagiti dapo ti daton manipud iti apuy ket ikabilna dagitoy iti abay ti altar.
\v 11 Ket masapul nga ussobenna dagidiay a pagan-anayna ket mangikawes isuna kadagiti sabali a pagan-anay, ket iruarna dagiti dapo manipud iti kampo, iti disso a maikari a para kaniak.

\s5
\v 12 Masapul nga agtultuloy a sumsumged ti apuy iti rabaw ti altar. Masapul a saan nga ipalubos ti padi a maiddep daytoy. Tunggal agsapa, masapul a sungrodan ti padi ti apuy. Ket masapul a mangiyurnos isuna kadagiti ad-adu pay a daton iti rabaw ti apuy, ket puoranna iti rabaw ti altar ti taba ti daton a maipuor a mangikari iti pannakigayyem kenni Yahweh.
\v 13 Masapul nga agtultuloy a sumsumged ti apuy iti rabaw ti altar. Masapul a saan nga ipalubos ti padi a maiddep daytoy.

\s5
\v 14 "Dagitoy dagiti pagannurotan maipapan kadagiti daton a naaramid manipud iti arina. Masapul nga ipan dagiti putot a lallaki ni Aaron dagitoy kenni Yahweh iti sangoanan ti altar.
\v 15 Masapul a mangala ti padi iti sangarakem iti napino nga arina a nalaokan iti lana ti olibo ken insenso ket puoranna dayta iti rabaw ti altar. Iparangarang dayta a sangarakem a ti sibubukel a daton ket pudno a kukuak. Ket ti nabanglo nga ayamuom, kabayatan a mapupuoran ti daton, ket makaay -ayonto kaniak.

\s5
\v 16 Mabalin a kanen ni Aaron ken dagiti putotna a lallaki ti nabati a paset ti daton a bukbukel. Ngem masapul a kanenda daytoy iti disso a nailasin a para iti Dios, iti paraangan ti nasagradoan a tolda.
\v 17 Masapul nga awan ti lebadura a nailaok iti daytoy. Kasla kadagiti datdaton a gapu iti basol ken dagiti daton a pakaigappuan dagiti tattao a saanen a nakabasol, dayta a daton ket naisangsangayan unay a naisagana para kaniak.
\v 18 Siasinoman a lalaki a kaputotan ni Aaron ket mapalubosan a mangan iti daytoy, gapu ta daytoy ti agnanayon a kadawyan a bingayda kadagiti daton a naited kaniak ken naipuor iti rabaw ti altar. Ti siasinoman a mangsagid kadakuada ket maibilangto a nailasin para iti pakaidayawan ni Yahweh."

\s5
\v 19 Kinuna pay ni Yahweh kenni Moises,
\v 20 "Ibagam kenni Aaron ken kadagiti putotna a lallaki a daytoy ti daton a masapul nga iyegda kaniak iti aldaw a madutokan ti siasinoman kadakuada: Masapul a mangiyeg dayta a tao iti dua a litro ti napino nga arina a kas maysa a daton a naaramid manipud iti arina a bukbukel. Masapul nga iyegna ti kagudua iti daytoy iti agsapa ken ti kaguduana iti rabii.

\s5
\v 21 Masapul nga ilaokna a nasayaat daytoy iti lana ti olibo ken ilutona iti narabaw a pariok. Ket masapul a pispisienna dagitoy iti babassit a pidaso a maipuor iti rabaw ti altar. Ket ti nabanglo nga ayamuom, kabayatan a mapupuoran daytoy, ket makaay-ayonto kaniak.
\v 22 Imbilinko a dagiti kaputotan ni Aaron a nadutokan nga agbalin a kangangatoan a padi kalpasan a matay ni Aaron ket masapul nga isuda ti mangisagana kadagitoy a banbanag. Masapul a naan-anayto a mapuoran dagitoy iti rabaw ti altar nga agbalin a daton kaniak.
\v 23 Tunggal daton nga ited ti padi a naaramid manipud iti arina ket masapul a naan-anay a mapuoran. Masapul nga awan ti mangan iti aniaman iti daytoy."

\s5
\v 24 Imbaga pay ni Yahweh kenni Moises nga
\v 25 ibagana kenni Aaron ken kadagiti putotna a lallaki, "Dagitoy dagiti pagannurotan maipapan kadagiti datdaton a pakaigappuan dagiti tattao nga agbalinto a makaay-ayo manen kaniak:
\v 26 Ti padi a mangidaton iti sakripisio ket masapul a kanenna daytoy iti disso iti paraangan a nailasin a para iti pannangan kadagiti datdaton iti pakaidayawak.

\s5
\v 27 Siasinoman a sabali a tao a mangsagid iti aniaman a karnena daytoy ket kukuakto. Ken no ti darana ket naiparsiak iti pagan-anayyo, masapul a labaanyo dagiti pagan-anay iti nasantoan a lugar.
\v 28 No nailuto ti karne iti nadamili a banga, masapul a maburak ti banga kalpasanna. Ngem no nailuto daytoy iti bronse a banga, masapul a marasrasan ti banga kalpasanna ken mabuggoan iti danum.

\s5
\v 29 Siasinoman a lalaki iti pamilia ti padi ket mabalin a mangan iti naluto a karne. Dayta a karne ket naisangsangayan unay.
\v 30 Ngem no ti dara dagidiay a datdaton ket naiserrek iti nasagradoan a tolda a mamagbalin a mapakawan dagiti tattao iti nagbasolanda, ti karne dagidiay nga ayup ket masapul a saan a kanen. Masapul a puoran a naan-anay ti padi dayta a karne.

\s5
\c 7
\p
\v 1 "Dagitoy dagiti pagannurotan maipapan kadagiti datdaton no agbiddut dagiti tattao iti saanda a panangited kenni Yahweh kadagiti banbanag a rumbeng a maited kenkuana. Nasagradoan unay dagitoy a datdaton.
\v 2 Masapul a partien ti padi ti tunggal ayup nga idaton dagiti tattao para iti daytoy a pakaipaayanna iti disso met laeng a pagparpartianda kadagiti ayup a naan-anay a puoranda. Masapul nga iwarsi ti padi ti dara ti ayup iti amin a sikigan ti altar.
\v 3 Dagiti amin a tabada, dagiti nataba nga ipus a naputed nga asideg iti duri, ken dagiti amin a taba a mangbalbalkot kadagiti lalaem dagiti ayup wenno ti naisilpo kadakuada, ket masapul a mapuoran iti rabaw ti altar.
\v 4 Mairaman ditoy dagiti bekkel ken dagiti tabada nga asideg iti akinbaba a lasag iti likod, ken ti taba a mangbalbalkot iti dalem. Masapul nga ikkaten ti padi amin dagitoy a natataba a paset.

\s5
\v 5 Masapul a puoran ti padi dagitoy a paset iti rabaw ti altar nga agbalin a datdaton kaniak, ni Yahweh. Daton dagitoy a para kadagiti tattao, tapno pakawanek ida no saanda nga inaramid ti kayatko nga aramidenda.
\v 6 Amin dagiti lallaki iti pamilia ti padi ket mapalubosan a mangan iti karne daytoy, ngem masapul a kanenda daytoy iti disso a nailasin a para kaniak, gapu ta naisangsangayan unay daytoy kaniak.

\s5
\v 7 Agpada ti pagannurotan para kadagiti daton a pakaigappuan nga agbalin a makaay-ayo manen dagiti tattao kaniak ken para kadagiti daton no nagbiddutda iti saanda a panangited kaniak kadagiti banbanag a sapsapulek kadakuada. Ti karne dagidiay a daton ket kukua ti padi a mangidaton kadagitoy.
\v 8 Inton partien ti padi ti maysa nga ayup a puoranna a naan-anay iti rabaw ti altar, mabalinna nga alaen ti lalat a maipaay kenkuana.

\s5
\v 9 Dagiti banag a maidaton a naaramid manipud iti arina a nailuto iti horno wenno iti pariok wenno iti pariok a saan a nasukong ket kukua ti padi a nangidaton kadagidiay a banbanag a para iti sabali a tao.
\v 10 Ken dagiti banag a maidaton a naaramid manipud iti arina, nalaokan man dagitoy iti lana ti olibo wenno saan, ket kukua met laeng dagiti kaputotan ni Aaron.

\s5
\v 11 Dagitoy dagiti pagannurotan maipapan kadagiti daton nga aramiden dagiti tattao tapno agkarida a makigayyem kenni Yahweh.
\v 12 No mangiyegkayo iti daton tapno agyamankayo kenni Yahweh, agraman ti pinartiyo nga ayup ket masapul a mangidatonkayo kadagiti tinapay a naaramid nga adda ti lana ti olibona a nailaok iti arina ngem awan ti lebadurana, ken naingpis a tinapay a naaramid nga awan ti lebadurana ngem napuligadan ti lana ti olibo, ken kadagiti tinapay a naaramid manipud iti napino nga arina nga adda ti lana ti olibona a nailaok a nasayaat iti arina.

\s5
\v 13 Kaddua dayta a daton a pagyaman kenni Yahweh, masapul a mangiyegkayo ti daton a tinapay a naaramid nga adda ti lebadurana.
\v 14 Masapul a mangiyegkayo ti tunggal kita iti daton a para kenni Yahweh, ngem kukuanto ida ti padi a mangiwarsi iti altar ti dara ti ayup a naparti a kas daton a mangikari iti pannakigayyem kenni Yahweh.

\s5
\v 15 Ti karne dayta a daton ket masapul a kanen iti aldaw ti pannakaidatonna. Masapul nga awan ti mabati iti daytoy a kanen iti sumaruno nga aldaw.
\v 16 Nupay kasta, no ti datonyo ket bunga ti maysa a sapata nga inaramidyo kenni Yahweh, wenno no maysa daytoy a daton a situtulokyo nga inaramid, mabalin a mangankayo ti karne iti aldaw a pannakaidatonna, ken amin a mabati ket mabalin a kanen iti sumaruno nga aldaw.

\s5
\v 17 Ngem aniaman a karne a mabati agingga iti maikatlo nga aldaw ket masapul a mapuoran a naan-anay.
\v 18 No ti aniaman a karne manipud iti daton a kari ti pannakigayyem kenni Yahweh ket makan iti maikatlo nga aldaw, saanto nga awaten ni Yahweh dayta a daton. Agbalinto nga awan mamaayna nga idaton daytoy gapu ta ibilangto ni Yahweh daytoy nga awan pategna. Siasinoman a mangan iti daytoy ket ikaronanto ti pannusa kenni Yahweh.

\s5
\v 19 Masapul a saan a kanen ti karne a maisagid iti aniaman a banag nga imbilang ti Dios a narugit. Masapul a mapuoran a naan-anay daytoy. Ngem maipanggep iti dadduma a karne, siasinoman a nangaramid kadagiti ritual tapno agbalin a makaay-ayo iti Dios ket mapalubosan a mangan iti daytoy.
\v 20 No ti siasinoman a saan a nangaramid kadagidiay a ritual ket mangan kadagiti karne iti daton a kari iti pannakigayyem kenni Yahweh, karne a kukua ni Yahweh, saanen isuna a mapalubosan a makilangenlangen kadagiti tattao ti Dios.

\s5
\v 21 No masagid ti siasinoman ti imbilang ti Dios a narugit ken saan a makaayayo kenkuana, nagtaud man daytoy iti tao wenno ayup, ket mangan ti aniaman a karne iti daton a kari ti pannakigayyem kenni Yahweh, karne a kukua ni Yahweh, saanen isuna a mapalubosan a makilangenlangen kadagiti tattao ti Dios."

\s5
\v 22 Kinuna pay ni Yahweh kenni Moises,
\v 23 "Ibagam daytoy kadagiti Israelita: 'Saanyo a kanen ti aniaman a taba dagiti baka wenno karnero wenno kalding.
\v 24 Ti taba ti maysa nga ayup a nasarakan a natay wenno pinapatay ti naatap nga ayup ket mabalin a mausar iti sabali a pakaipaayanna, ngem masapul a saanyo a kanen daytoy.

\s5
\v 25 Ti siasinoman a mangan ti taba ti ayup manipud iti naaramid a daton a para kenni Yahweh ket saanen a mapalubosan a makilangen-langen kadagiti tattao ti Dios.
\v 26 Ket sadinoman ti pagnanaedanyo, masapul a saankayo a mangan ti dara ti aniaman a billit wenno ayup.
\v 27 No adda man ti mangan ti dara, saanen isuna a mapalubosan a makilangenlangen kadagiti tattao ti Dios."

\s5
\v 28 Kinuna pay ni Yahweh kenni Moises,
\v 29 "Ibagam daytoy kadagiti Israelita: 'Ti siasinoman a mangiyeg iti daton a mangikari iti pannakigayyem kenni Yahweh, ket masapul a mangiyeg iti pasetna daytoy nga agbalin a daton a maited a para kenni Yahweh.
\v 30 Masapul nga isuna a mismo ti mangiyeg iti daton a maipuor. Masapul nga iyegna ti taba a kadua ti barukong ti ayup ket itag-ayna daytoy iti sangoanan ni Yahweh tapno idatagna daytoy a kas maysa a daton kenkuana.

\s5
\v 31 Masapul a puoran ti padi ti taba iti rabaw ti altar, ngem ti barukong ti ayup ket kukua ni Aaron ken dagiti amin a kaputotanna.
\v 32 Masapul nga itedyo iti padi ti makannawan a luppo ti ayup nga indatagyo a mangikari ti pannakigayyem kenni Yahweh.

\s5
\v 33 Ti putot a lalaki ni Aaron a mangidaton iti dara ken taba dayta a sakripisio ket isu ti mangala ti makannawan a luppo ti ayup a kas bingayna.
\v 34 Inwaragawagna nga intedna kenni Aaron ken kadagiti kaputotanna ti naitag-ay a barukong ken naidaton a makannawan a luppo ti ayup manipud kadagiti daton a kari ti pannakigayyem kenni Yahweh nga ited dagiti Israelita. Dagidiay a paset ket kankanayonto a kadawyan a bingayda manipud kadagiti Israelita.

\s5
\v 35 Dagitoy dagiti paset dagiti daton a naiyeg kenni Yahweh ken naipuor iti apuy a nailasin a para kenni Aaron ken kadagiti kaputotanna iti aldaw a sika, Moises, ket ilasinmo ida nga agserbi kenni Yahweh a kas papadi.
\v 36 Imbilin ni Yahweh dayta iti aldaw a nadutokan dagiti papadi, a masapul a kankanayon nga ited dagiti Israelita dagidiay a paset kadagiti papadi."'

\s5
\v 37 Dagitoy ngarud dagiti pagannurotan para kadagiti daton nga agbalinto naan-anay a mapuoran iti rabaw ti altar, dagiti daton a naaramid manipud iti arina, dagiti daton tapno maawat manen ti Dios dagiti tattao, dagiti daton a no nagbiddut dagiti tattao iti saanda a panangited kenni Yahweh kadagiti banbanag a rumbeng a maited kenkuana, dagiti daton a maited inton madutokan dagiti papadi, ken dagiti daton a mangikari iti panakigayyem kenni Yahweh.
\v 38 Pagannurotan dagitoy nga inted ni Yahweh kenni Moises idiay Bantay Sinai, iti aldaw a binilinna dagiti Israelita a mangrugida a mangiyeg kadagiti datdatonda kenkuana, iti let-ang iti aglawlaw ti Sinai.

\s5
\c 8
\p
\v 1 Kinuna pay ni Yahweh kenni Moises,
\v 2 "Iyegmo ni Aaron ken dagiti putotna, ken itugotmo dagiti naisangsangayan a kawesda, ti lana a maaramat a pangpulot kadakuada, ti kalakian a baka a maidaton tapno awaten ida ti Dios, dagiti dua a kalakian a karnero a maparti, ken ti basket a naglaon iti tinapay nga awan lebadurana.
\v 3 Kalpasanna, ummongem dagiti amin a tattao iti pagserkan ti nasagradoan a tolda."

\s5
\v 4 Inaramid ni Moises ti imbaga ni Yahweh nga aramidenna, ket naguummong dagiti amin a tattao sadiay.
\v 5 Ket kinuna ni Moises kadagiti tattao, "Daytoy ti imbilin ni Yahweh nga aramidentayo."

\s5
\v 6 Ket impasangona ni Aaron ken dagiti putotna a lallaki ket binuggoanna ida.
\v 7 Inkabilna ti naisangsangayan a tunika kenni Aaron, insiglotna ti barikes kenkuana, impasuotna ti naisangsangayan a kagay, ken impasuotna kenkuana ti nasagradoan nga efod. Pinairutanna ti naisangsangayan nga efod babaen iti napintas ti pannakaaabelna a barikes.

\s5
\v 8 Inkabilna ti nasagradoan a supot iti barukongna ken inkabilna ti dua a bato nga usarenna a manglasin no ania ti pagayatan ti Dios.
\v 9 Kalpasanna, inbalkotna iti ulo ni Aaron ti turban ken inggalotna iti sango ti balitok a korona, ti banag a nangipakita a naidaton isuna iti Dios, kas imbilin ni Yahweh kenni Moises.

\s5
\v 10 Kalpasanna, innala ni Moises ti lana iti olibo ket pinulotanna ti nasagradoan a tolda agraman iti amin nga adda iti daytoy, ket indatonna amin dagitoy kenni Yahweh.
\v 11 Winarsianna ti lana ti altar iti naminpito a daras. Pinulotanna ti altar ken amin a banag a mausar ditoy, ken ti dakkel a palanggana ken ti nagbatayanna, tapno idatonna dagitoy kenni Yahweh.

\s5
\v 12 Binukbukanna iti lana ti ulo ni Aaron ket pinulotanna isuna, tapno idatonnna isuna kenni Yahweh.
\v 13 Kalpasanna, impasangona dagiti putot a lallaki ni Aaron. Inkabilna ti tunika kadakuada, binarikesanna isuda, ken inbalkot ti turban kadagiti uloda, kas imbilin ni Yahweh kenni Moises.

\s5
\v 14 Kalpasanna, innalana ti kalakian a baka a maidaton a mamagbalin kadagiti tattao tapno awaten ida ti Dios. Ket impatay ni Aaron ken dagiti putotna a lallaki dagiti imada iti ulo ti kalakian a baka.
\v 15 Kalpasanna, pinarti ni Moises ti kalakian a baka, nangtaya ni Moises iti dara ti kalakian a baka iti malukong, ket babaen iti ramayna impulagidna ti dara iti sinan-sara iti suli ti altar tapno madalusan ti altar. Imbukbokna ti natda a dara iti baba ti altar. Babaen iti panangaramidna iti dayta, inaramidna daytoy a maikari a pagpuoran iti daton para iti basol.

\s5
\v 16 Innala ni Moises dagiti amin a taba a nangbalkot iti lalaem ti ayup, agraman ti dalem ken dagiti bekkel, ken pinuoranna dagitoy iti rabaw ti altar.
\v 17 Innalana ti dadduma a paset ti kalakian a baka, agraman ti lalat ken dagiti bagis, sana pinuoran dagitoy iti ruar ti kampo, kas imbilin ni Yahweh kenni Moises.

\s5
\v 18 Kalpasanna, inyegna ti kalakian a karnero a maidaton a mapuoran a naan-anay iti rabaw ti altar, ket impatay ni Aaron ken dagiti putotna a lallaki dagiti imada iti ulo ti kalakian a karnero.
\v 19 Kalpasanna, pinarti ni Moises ti kalakian a karnero ken inwarsina ti dara iti amin a sikigan iti altar.

\s5
\v 20-21 Rinangkarangkayna ti kalakian a karnero sana binuggoan ti lalaem ken ti akinlikod a saka. Kalpasanna, inkabilna ti ulo, ti taba, ken dagiti dadduma a paset ti kalakian a karnero iti rabaw ti altar. Kabayatan a mapupuoran daytoy, ti ayamuom ti asuk ket makaay-ayo kenni Yahweh. Daytoy ket napuoran a daton para kenni Yahweh, kas imbilin ni Yahweh kenni Moises.

\s5
\v 22 Kalpasanna, innalana ti maysa pay a kalakian a karnero, ti maipaay iti pannakakonsagrar dagiti papadi, ket impatay ni Aaron ken dagiti putotna a lallaki dagiti imada iti ulo ti kalakian a karnero.
\v 23-24 Pinarti ni Moises dayta a kalakian a karnero, nangtaya isuna iti dara iti malukong, ken inpulagidna ti dara iti piditpidit ti makannawan a lapayag, kadagiti tangan dagiti makannawan nga ima, ken iti dakkel a ramay ti kannawan a saka ni Aaron ken dagiti putotna a lallaki a mangipakita a ti dinengngegda ken ti inaramidda ken ti napananda ket rumbeng nga iturong ni Yahweh.

\s5
\v 25 Innalana amin a taba ti kalakian a karnero, ti nataba nga ipusna, ti taba a nangbalkot iti lalaem, agraman ti taba a nangbalkot iti dalem ken dagiti bekkel, ken ti makannawan a luppo ti kalakian a karnero.
\v 26-27 Ken manipud iti basket ti tinapay nga awan lebadurana, ti tinapay a naidatonen kenni Yahweh, nangala isuna iti maysa a tinapay nga awanan ti lana ti olibo, ken maysa a tinapay a naaramid babaen iti panangilaok iti arina iti lana ti olibo, ken maysa a naingpis a tinapay. Imparabawna dagitoy iti taba, ken inkabilna dagitoy kadagiti ima ni Aaron ken dagiti putotna a lallaki. Kalpasanna, intag-ayda dagitoy iti presensia ni Yahweh tapno ipakitada a para kenkuana dagitoy a daton.

\s5
\v 28 Kalpasanna, innala ni Moises dagitoy a banbanag manipud kadagiti imada, ken pinuoranna dagitoy iti rabaw ti altar. Dayta ti daton a napuoran a mangdutok kenni Aaron ken dagiti putotna nga agbalin a padi. Ket ti ayamuom kabayatan a mapupuoran daytoy ket makaay-ayo kenni Yahweh.
\v 29 Innala pay ni Moises ti barukong ti maikadua a kalakian a karnero ken intag-ayna daytoy iti sangoanan ni Yahweh tapno idatonna daytoy kenkuana, kas imbilin ni Yahweh. Ti barukong ti ayup ti bingay ni Moises iti kalakian a karnero a naidaton tapno maidaton dagiti papadi.

\s5
\v 30 Ken nangala ni Moises ti lana ti olibo a pangpulotna kenni Aaron ken kadagiti putotna a lallaki, ken ti dadduma iti dara nga adda iti rabaw ti altar ket inwarsina daytoy kenni Aaron ken kadagiti putotna a lallaki ken kadagiti kawesda. Babaen iti panangaramidna iti dayta, inlasinna ni Aaron tapno agbalin a padi, agraman dagiti putotna a lallaki ken dagiti kawesda.

\s5
\v 31 Kalpasanna, kinuna ni Moises kenni Aaron ken kadagiti putotna a lallaki, "Angerenyo ti karne ti maikadua a kalakian a karnero iti pagserkan ti nasagradoan a tolda, ken kanenyo dagitoy idiay agraman ti tinapay nga adda iti basket, kas imbagak nga aramidenyo.
\v 32 Puoranyo ti aniaman a karne ken tinapay a matda.
\v 33 Pito nga aldaw ti panawen a maipaay kadakayo tapno mailasinkayo kas padi, isu a saankayo a pumanaw iti pagserkan iti nasagradoan a tolda iti las-ud iti pito nga aldaw.

\s5
\v 34 Ti inaramidtayo ita nga aldaw ket imbilin ni Yahweh tapno mapakawankayo kadagiti basbasolyo.
\v 35 Masapul nga agtalinaedkayo iti pagserkan ti nasagradoan a tolda iti las-ud ti pito nga aldaw ken pito a rabii ken aramidenyo ti dawdawaten ni Yahweh, tapno saankayo a matay gapu iti saanyo a panagtulnog kenkuana. Ibagbagak dayta kadakayo gapu ta dayta ti imbilin ni Yahweh kaniak nga ibagak kadakayo."
\v 36 Isu nga inaramid ni Aaron ken dagiti putotna ti amin a banag nga imbaga ni Yahweh kenni Moises nga ibagana kadakuada.

\s5
\c 9
\p
\v 1 Kalpasan iti walo nga aldaw, inayaban ni Moises dagiti panglakayen ti Israel.
\v 2 Kalpasanna, kinunana kenni Aaron, "Mangalaka ti urbon a kalakian a baka tapno maidatonmo daytoy a para kadagiti basbasolmo, ken maysa a kalakian a karnero tapno puoram a sibubukel iti rabaw ti altar, agpadada nga awanan ti depekto, ket idatonmo dagitoy kenni Yahweh.

\s5
\v 3 Kalpasanna, ibagam kadagiti Israelita, 'Mangalakayo iti kalakian a kalding nga idatonyo a para kadagiti basbasolyo. Mangalakayo pay iti urbon a baka ken urbon a karnero nga awan ti depektona, tapno puoranyo a sibubukel iti rabaw ti altar.
\v 4 Mangalakayo pay iti kalakian a baka ken kalakian a karnero nga idatonyo, tapno mabalinyo ti agkari ti pannakigayyem kenni Yahweh, agraman ti daton nga arina a nalaokan iti lana ti olibo. Aramidenyo daytoy gapu ta agparang ita nga aldaw ni Yahweh kadakayo.'"
\v 5 Kalpasan nga inted ni Moises dagitoy a pagannurotan kadagiti Israelita, innala dagiti sumagmamano kadakuada dagitoy a banbanag ken napanda iti paraangan iti sangoanan ti nasagradoan a tolda. Kalpasanna, immasideg dagiti amin a tattao ken nagtakderda iti sangoanan ni Yahweh.

\s5
\v 6 Kalpasanna, kinuna ni Moises, "Daytoy ti imbilin ni Yahweh nga aramidenyo, tapno agparang ti dayagna kadakayo."
\v 7 Kalpasanna, kinuna ni Moises kenni Aaron, "Umayka iti ayan ti altar ket idatonmo ti ayup nga idatonmo tapno mapakawankanto kadagiti naaramidmo a basbasol. Iyegmo pay ti ayup a puoram a sibubukel iti rabaw ti altar. Gapu kadagitoy a datdaton, pakawanennakanto ti Dios ken dagiti tattao gapu kadagiti basbasol a naaramidyo. Aramidenyo dagitoy a banbanag nga imbilin ni Yahweh nga aramidenyo."

\s5
\v 8 Isu nga immasideg ni Aaron iti ayan ti altar ket pinartina ti urbon a baka a kas daton para kadagiti basbasolna.
\v 9 Inyeg dagiti putotna a lallaki kenkuana ti malukong a naglaon ti dara. Insawsawna ti ramayna iti dara ket impulagidna daytoy kadagiti sinan-sara kadagiti suli ti altar. Imbukbokna ti natda a dara iti sakaanan ti altar.

\s5
\v 10 Pinuoranna ti taba, agraman ti nangbalkot kadagiti bekkel ken ti dalem, kas imbilin ni Yahweh kenkuana.
\v 11 Kalpasanna, rimmuar ni Aaron iti kampo ket pinuoranna sadiay dagiti dadduma a karne ken ti lalat.

\s5
\v 12 Kalpasanna, pinarti ni Aaron ti ayup a puoranna a sibubukel iti rabaw ti altar. Inyawat dagiti putotna a lallaki kenkuana ti malukong a naglaon ti dara ti ayup, ken inwarsina ti dara kadagiti amin a sikigan ti altar.
\v 13 Kalpasanna, inyawatda kenkuana ti ulo ken dagiti paset ti ayup a mapuoran, ket pinuoranna dagitoy iti rabaw ti altar.
\v 14 Binuggoanna dagiti lalaem ken dagiti luppo ti ayup, ken pinuoranna dagitoy iti rabaw ti altar, iti rabaw dagiti dadduma a paset ti ayup.

\s5
\v 15 Kalpasanna, innala ni Aaron dagiti ayup a maidaton para kadagiti Israelita. Innalana ti kalding ket pinartina daytoy a para kadagiti basbasol dagiti tattao, a kas iti inaramidna iti kalding a para ti bukodna a daton.
\v 16 Kalpasanna, innalana ti ayup a para iti daton tapno puoranna daytoy a sibubukel. Pinartina daytoy ken indatonna daytoy iti wagas nga imbilin ni Yahweh nga aramidenna.
\v 17 Innalana pay ti daton a naaramid iti arina. Nangala isuna ti sangarakem iti daytoy ket pinuoranna daytoy iti rabaw ti altar, kas ti inaramidna iti ayup nga indatonna a nasapsapa iti dayta a bigat.

\s5
\v 18 Kalpasanna, pinartina ti kalakian a baka ken kalakian a karnero a maidaton maipaay kadagiti Israelita tapno mangikari ti pannakigayyem kenni Yahweh. Inyawat dagiti annakna a lallaki kenkuana ti malukong a naglaon ti dara, ket inwarsina ti dara kadagiti sikigan ti altar.
\v 19 Ngem innalana ti taba ti kalakian a baka ken kalakian a karnero, agraman dagiti nataba nga ipusda a naputed iti asideg ti duri, ken amin a taba a nangkalub kadagiti dalem ken dagiti bekkel.

\s5
\v 20 Imparabawna dagitoy a paset iti barukong dagitoy nga ayup ken impanna iti rabaw ti altar tapno puoranna ida.
\v 21 Kalpasanna, ti panangaramidna ti imbilin ni Moises, intag-ay ni Aaron iti sangoanan ni Yahweh ti barukong ken ti makannawan a luppo dagitoy nga ayup a mangipakita a dagitoy nga ayup ket naan-anay a kukua ni Yahweh.

\s5
\v 22 Kalpasanna, intag-ay ni Aaron dagiti imana nga agturong kadagiti tattao ket dinawatna kenni Yahweh a bendissionanna ida. Kalpasan a nalpasna ti panangaramid amin kadagitoy a daton, bimmaba isuna manipud iti ayan ti altar.
\v 23 Kalpasanna, immuneg da Aaron ken Moises iti nasagradoan a tolda. Idi rimmuarda, dinawatda kenni Yahweh a bendissionanna dagiti tattao. Ket pagammoan, nagparang ti dayag ni Yahweh kadagiti amin a tattao.
\v 24 Timmaud ti apuy manipud kenni Yahweh ket napuoran a naan-anay ti daton, agraman ti taba nga adda iti rabaw ti altar. Idi nakita dagiti tattao daytoy a pasamak, nagpukkawda a sirarag-o ken nagpaklebda iti daga tapno agrukbabda kenni Yahweh.

\s5
\c 10
\p
\v 1 Dua kadagiti putot a lallaki ni Aaron, a ni Nadab ken Abihu, ket nangala kadagiti paryok a pagpupuoranda iti insenso. Inikkanda dagitoy iti beggang ken pinarabawanda dagitoy iti insenso, ngem saan a maikari kenni Yahweh daytoy nga apuy agsipud ta saan a daytoy ti imbilin ni Yahweh kadakuada a puoranda.
\v 2 Isu a kellaat a rimuar ti apuy manipud kenni Yahweh ket napuoranda iti sangoananna.

\s5
\v 3 Kalpasanna, kinuna ni Moises kenni Aaron, "Daytoy ti sarsaritaen ni Yahweh idi imbagana, 'Kadagidiay a papadi nga umasideg kaniak, ipakitakto kadakuada a masapul a dayawendak; Siak laeng ti masapul a dayawenda iti sangoanan dagiti tattao.' "Ngem awan a pulos ti imbaga ni Aaron.
\v 4 Ket inayaban ni Moises ni Misael ken ni Elisafan, nga putot a lallaki ni Uzziel nga uliteg ni Aaron, ket kinunana kadakuada, "Iruaryo iti kampo dagiti bangkay dagiti kabagianyo, iyadayoyo manipud iti sangoanan ti nasagradoan a tolda."

\s5
\v 5 Inawitda ngarud nga inruar iti kampo dagiti bangkay a nakakawes pay laeng iti tunika ken intabonda ida.
\v 6 Kalpasanna, kinuna ni Moises kenni Aaron ken kadagiti dua a putotna a lallaki a ni Eliazar ken Itamar, "Nalidaykayo gapu ta natay ni Nadab ken ni Abiu, ngem masapul nga agtignaykayo a kas iti gagangay nga ar-aramidenyo. Saanyo a baybay-an a saan a masagaysay dagiti bubuokyo, ken saanyo a pigisen dagiti kawesyo. No aramidenyo dayta, makaungetto ni Yahweh kadagiti amin a tattao. Ngem masapul a palubosanyo dagiti kakabagianyo ken dagiti amin a padayo nga Israelita a dumar-ay kadagiti seremonia iti panagladingit para kadagiti pinatay ni Yahweh babaen iti apuy.
\v 7 Ngem masapul a saankayo a pumanaw iti pagserkan iti nasagradoan a tolda tapno makitipon kadagidiay nga agladladingit, gapu ta no aramidenyo dayta, mataykayonto met. Saanyo a liplipatan nga inlasinnakayo ni Yahweh tapno agtrabahokayo ditoy maipaay kenkuana, ket saanna kayat a marugitankayo babaen iti panangsagidyo kadagiti bangkay." Isu a nagtulnogda kenni Moises; saanda a nakitipon kadagiti dadduma a tattao iti panagladingitda iti pannakatay dagiti kabagyanda.

\s5
\v 8 Kalpasanna, kinuna ni Yahweh kenni Aaron,
\v 9 "Sika ken dagiti dua a putotmo a lallaki a sibibiag pay ket masapul a saan nga uminom iti arak wenno iti sabali a napaingel a mainom sakbay nga umunegkayo iti nasagradoan a tolda. No aramidenyo dayta, mataykayonto. Dayta ket bilin a masapul a tungpalem ken dagiti kaputotam iti agnanayon.
\v 10 Masapul nga aramidenyo dayta tapno maammoanyo dagiti banbanag a nasantoan ken saan a nasantoan; masapul met a maammoanyo dagiti banbanag nga awatek ken saanko nga awaten.
\v 11 Ken masapul nga isuroyo kadagiti Israelita dagiti amin a linlinteg nga intedko kadakuada babaen iti panangibagak kenni Moises."

\s5
\v 12 Kinuna ni Moises kenni Aaron ken kadagiti dua a putotna a lallaki a sibibiag pay, ni Eleazar ken Itamar, "Alaenyo ti daton a naaramid iti arina a natda kalpasan a naidaton ti pasetna kenni Yahweh tapno mapuoran, ket kanenyo daytoy iti abay ti altar. Saan a rumbeng a kanen daytoy iti sadinoman gapu ta nasantoan unay daytoy.
\v 13 Kanenyo daytoy iti nasantoan a lugar. Daytoy ti bingay a para kenka ken para kadagiti putotmo a lallaki manipud kadagiti karne a pinuoranyo a kas daton. Binilinnak ni Yahweh nga ibagak daytoy kadakayo.

\s5
\v 14 Ngem sika ken dagiti putotmo a lallaki ken babbai ket mapalubosan a mangan iti barukong ken luppo ti ayup a naitag-ay iti sangoanan ni Yahweh. Kanenyo dagitoy iti sadinoman a nasantoan a lugar. Naited dagitoy kenka ken kadagiti kaputotam a kas bingayyo kadagiti daton idi nagkari dagiti Israelita iti pannakigayyem kenni Yahweh.
\v 15 Ti luppo ken ti barukong ti ayup a naitag-ay iti sangoanan ni Yahweh ket masapul a maiyeg agraman dagiti paset ti taba tapno mapuoran, tapno maitag-ay ken maidaton iti presensiana. Agnanayonto dagitoy a bingay a para kenka ken para kadagiti kaputotam, kas imbilin ni Yahweh."

\s5
\v 16 Idi sinaludsod ni Moises ti maipapan iti kalding nga indaton dagiti papadi gapu kadagiti basbasol dagiti tattao, naduktalanna a pinuoran amin daytoy dagiti padi. Isu a nakaunget isuna kenni Eleazar ken Itamar ket sinaludsodna ida,
\v 17 "Apay a saanyo a kinnan ti karne ti daton gapu iti basol idiay asideg ti nasagradoan a tolda? Naisangsangayan unay daytoy para kenni Yahweh; intedna daytoy kadakayo tapno mapakawanna dagiti basbasol dagiti tattao.
\v 18 Agsipud ta saan a naiyeg ti dara ti kalding iti uneg ti nasagradoan a tolda, kinnanyo koma ti karne ti kalding iti ruar ti nasagradoan a tolda, kas imbilinko."

\s5
\v 19 Simmungbat ni Aaron kenni Moises, "Ita nga aldaw inyeg dagiti tattao kenni Yahweh dagiti datonda a para kenkuana tapno pakawanenna dagiti basbasolda, ken uray ti daton a pinuoranmi a naan-anay tapno maay-ayo ni Yahweh. Ngem panunotem ti nakabutbuteng a napasamak kadagiti dua a putotko a lallaki! Naay-ayo ngata ni Yahweh no kinnanko ti dadduma iti daton a gapu ti basol dagiti tattao ita nga aldaw?
\v 20 Idi nangngeg ni Moises dayta, napnek isuna ken awanen a pulos ti imbagana.

\s5
\c 11
\p
\v 1 Kinuna ni Yahweh kada Aaron ken Moises,
\v 2 "Ibagayo kadagiti tattao a daytoy ti ibagak: 'Kadagiti amin nga ayup nga agnanaed iti daga, dagitoy dagiti maipalubos a kanenyo.

\s5
\v 3 Dagiti addaan iti kuko a naan-anay a napisi ken agngatngatingat- mabalinyo a kanen dagitoy nga ay-ayup.
\v 4 Adda dagiti sumagmamano nga ayup nga agngatngatingat ngem awanan iti napisi a kuko ken adda met dagiti dadduma nga ayup a napisi dagiti kukoda ngem saanda nga agngatngatingat. Masapul a saanyo a kanen dagitoy nga ay-ayup. Kaspangarigan, agngatngatingat dagiti kamelio gem awananda iti napisi a kuko, isu a saanyo a mabalin a kanen dagitoy.

\s5
\v 5 Agngatngatingat dagiti babassit nga ayup nga agnanaed kadagiti nabato a lugar ngem awananda iti napisi a kuko, isu a saanyo a mabalin a kanen dagitoy.
\v 6 Agngatngatingat dagiti kuneho ngem awananda iti napisi a kuko, isu a saanyo a mabalin a kanen dagitoy.
\v 7 Addaan ti baboy ti naan-anay a napisi a kuko ngem saanda nga agngatngatingat, isu a saanyo a mabalin a kanen dagitoy.
\v 8 Amin dagitoy nga ay-ayup ket maiparit para kadakayo, isu a masapul a saanyo a kanen dagiti karneda wenno uray sagiden dagiti natay a bagida.

\s5
\v 9 Kadagiti amin a parsua nga agnanaed kadagiti baybay ken karayan, mabalinyo a kanen dagiti aniaman nga addaan kadagiti pigar ken siksik.
\v 10 Ngem masapul a karugityo ken saanyo a kanen dagiti awanan iti pigar ken siksik. Karaman dita dagiti nagbabassit a parsua.

\s5
\v 11 Masapul a karugityo dagitoy, ken saanyo a kanen dagiti karneda, ken masapul a karugityo dagiti natay a bagida.
\v 12 Masapul a karugityo dagiti amin a banag nga agnanaed iti danum nga awanan iti pigar ken siksik.

\s5
\v 13 Adda dagiti sumagmamano a billit a masapul a karugityo ken saanyo a kanen. Mairaman ditoy dagiti agila, dagiti buitre,
\v 14 dagiti kullaaw, aniaman a kita ti pelikano,
\v 15 aniaman a kita ti uwak,
\v 16 dagiti saraan a puwek, dagiti agariwawa a puwek, dagiti agila ti taaw, ken aniaman a kita ti kali.

\s5
\v 17 Uray dagiti babassit a puwek, dagiti dadakkel a puwek, dagiti kalamon,
\v 18 dagiti puraw a puwek, dagiti puwek ti kamalig, dagiti dadduma pay a puwek,
\v 19 dagiti tikbaboy, aniaman a kita ti kannaway, dagiti abublia, ken dagiti paniki.

\s5
\v 20 Masapul a karugityo ken saanyo a kanen dagiti tumatayab nga insekto a magmagna met laeng iti daga.
\v 21 Ngem mabalinyo a kanen dagiti parsua nga addaan iti payyak a sagpaminsan a magmagna iti daga no addaanda iti nagsilpo a saka a paglaglagtoda iti daga.
\v 22 Mairaman ditoy dagiti dudon ken kuriat.
\v 23 Ngem masapul a karugit ken saanyo a kanen dagiti dadduma nga insekto nga addaan iti payyak nga addaan iti uppat a saka.

\s5
\v 24 Adda dagiti parsua a mamagbalin kadakayo a saan a maikari kaniak no sagidenyo dagiti natay a bagida. Siasinoman a mangsagid kadagiti natay a bagida ket masapul a saanna a sagiden dagiti sabali a tattao agingga iti dayta rabii.
\v 25 Siasinoman a mangpidut iti maysa kadagiti natay a bagida ket masapul a labaanna dagiti kawesna ken saanna a sagiden ti sabali a tattao agingga iti dayta a rabii.

\s5
\v 26 Dagiti ayup a masapul a saanyo a sagiden dagiti natay a bagida ket dagiti addaan iti napisi a kuko ngem saan a naan-anay ti pannakapisina wenno dagiti ayup a saanda nga agngatngatingat. Siasinoman a mangsagid kadagiti natay a bagi dagidiay nga ay-ayup ket agbalin a narugit.
\v 27 Manipud kadagiti amin nga ay-ayup a magmagna iti daga, masapul a saanyo a sagiden dagiti natay a bagi dagiti addaan iti pangkaramut nga isu ti us-usarenda a magna. Siasinoman a mangsagid iti maysa kadagiti natay a bagida ket masapul a saanna a sagiden dagiti sabali a tattao agingga iti dayta a rabii.
\v 28 Siasinoman a mangpidut iti maysa kadagiti natay a bagida ket masapul a labaanna dagiti pagan-anayna ken saanna a sagiden dagiti sabali a tattao agingga iti dayta a rabii, gapu ta iti panangsagid kadagiti natay a bagida ket pagbalinendakayo a saan a maikari kaniak.

\s5
\v 29 Kadagiti amin nga ayup a magmagna iti daga, dagitoy dagiti ayup a mamagbalin kadakayo a saan a maikari no sagidenyo ida: dagiti sangyo, utot, amin a kita ti banias,
\v 30 tuko, alibut ken dagiti sabali pay nga alutiit, alutiit ti darat, ken dagiti bannagaw.

\s5
\v 31 Pagbalinendakayo a saan a maikari kaniak dagiti parsua nga agkarkarayam iti daga. Siasinoman a mangsagid iti maysa kadagiti natay a bagida ket masapul a saanna a sagiden dagiti sabali a tattao agingga iti rabii.
\v 32 No ti maysa kadagitoy a parsua ket matay ken matinnag iti maysa a banag, ti banag a nakatinnaganna, aniaman ti pakaus-usaranna daytoy, ket agbalin a narugit, naaramidman daytoy iti kayo, lupot, iti lalat ti dadduma nga ayup wenno iti nakirsang a lupot. Masapul nga ikabilyo daytoy a banag iti danum. Ket masapul a saanyo nga usaren daytoy agingga iti rabii.
\v 33 No ti maysa kadagitoy a narugit a parsua ket matinnag iti banga, amin nga adda iti unegna ket agbalin a narugit, ket masapul a burakenyo dayta a banga.

\s5
\v 34 No bukbukanyo iti danum a nanggapu iti dayta a banga ti aniaman a makan, masapul a saanyon a kanen dayta a makan. Ken masapul a saankayo nga uminom iti danum a naggapu iti dayta a banga.
\v 35 Aniaman a pakatinnagan ti maysa kadagiti natay a bagi dagitoy a parsua ket agbalin a narugit, uray no matinnag ti parsua iti urnu wenno iti paglutlutuan a banga. Aniaman a banag a pakatinnaganna ket masapul a maburak. Saanen a maikari kaniak daytoy, ken masapul a saanyon nga usaren daytoy.

\s5
\v 36 No ti maysa kadagiti natay a bagida ket matinnag iti bubon wenno iti abut a pagur-urnungan iti danum, mabalin pay laeng nga inumen ti danum, ngem ti siasinoman a mangsagid iti maysa kadagitoy a natay a bagi ket agbalinen a saan a maikari kaniak.
\v 37 No ti maysa kadagiti natay a bagi ket matinnag kadagiti bukel a maimula, dagitoy a bukel ket mabalin pay laeng nga imula.
\v 38 Ngem no naikkan iti danum dagiti bukel ken matinnag ti natay a bangkay iti daytoy, masapul nga ibellengen ti bukel; masapul nga ibilangyon dagitoy a saan a maikari.

\s5
\v 39 No natay ti ayup a mabalinyo a kanen ti karnena, ti siasinoman a mangsagid iti natay a bagina ket masapul a saanna a sagiden ti sabali a tattao agingga iti dayta a rabii.
\v 40 Siasinoman a mangan iti karne manipud iti dayta a natay a bagida ket masapul a labaanna dagiti kawesna, ken masapul a saanna a sagiden ti siasinoman agingga iti dayta a rabii.

\s5
\v 41-42 Amin a parsua nga agkarkarayam iti daga, agraman dagiti agkutkuti babaen kadagiti buksitda ken dagiti agkarkaradap, ket narugit, ken masapul a saan kanen dagitoy.

\s5
\v 43 Saanyo a rugitan dagiti bagbagiyo babaen iti pannanganyo iti aniaman kadagitoy a parsua. Agannadkayo maipapan iti daytoy.
\v 44 Siak ni Yahweh a Diosyo, ken nasantoanak isu a masapul nga ilasinyo dagiti bagbagiyo para iti pakaidayawak ken masapul nga agbalinkayo a nasantoan. Masapul a liklikanyo ti mangan kadagiti banag a mamagbalin kadakayo a saan a maikari kaniak. Saanyo nga aramiden dagiti bagiyo a saan a maikari kaniak babaen iti pannanganyo kadagiti parsua nga agkarkarayam iti daga.
\v 45 Siak ni Yahweh, ti nangwayawaya kadakayo manipud iti pannakatagaboyo iti Egipto, tapno dayawendak. Ngarud, gapu ta nasantoanak, masapul nga agbalinkayo a nasantoan.

\s5
\v 46 Dagitoy dagiti pagannurotan maipapan kadagiti ay-ayup, billit, kadagiti amin a sibibiag a parsua nga agnanaed iti danum wenno agkarkarayam iti daga.
\v 47 Masapul a maamoanyo no ania dagiti banag nga ibagak a makaay-ayo kaniak ken dagiti banag a saan, ken adalenyo no ania dagiti banag a mabalinyo a kanen ken no ania dagiti saanyo a mabalin a kanen.' "

\s5
\c 12
\p
\v 1 Kinuna pay ni Yahweh kenni Moises,
\v 2 "Ibagam daytoy kadagiti Israelita. No mangipasngay ti babai iti maysa a lalaki, masapul a liklikanyo isuna iti pito nga aldaw, a kas iti panangliklikyo kenkuana kabayatan nga agregregla isuna iti binulan.
\v 3 Masapul a makugit ti maladaga a lalaki iti maikawalo nga aldaw kalpasan iti pannakaiyanakna.

\s5
\v 4 Ket masapul nga aguray ti babai iti tallopulo ket tallo nga aldaw tapno madalusan isuna manipud iti panagpadarana kabayatan iti panaganakna. Masapul a saanna a sagiden ti aniaman a banag a nasagradoan, a kukuak laeng, wenno saan isuna a mapan iti nasagradoan a tolda, agingga a malpas dayta a tiempo.
\v 5 No mangipasngay ti babai iti maysa a maladaga a babai, masapul a liklikan isuna iti dua a lawas, kas iti panangliklik kenkuana kabayatan nga agregregla isuna iti binulan. Ket masapul nga aguray isuna iti 66 nga aldaw tapno madalusan isuna manipud iti panagpadarana idi naiyanak ti maladaga.

\s5
\v 6 No nalpasen ti tiempo ti pannakadalusna, masapul a mangiyeg dayta a babai iti karnero a maysa ti tawenna iti padi iti pagserrekan iti nasagradoan a tolda. Puoran ti padi daytoy a sibubukel iti rabaw ti altar. Masapul pay a mangiyeg ti babai iti kalapati wenno sibong a pagaw nga idaton ti padi, tapno awaten manen isuna ni Yahweh.

\s5
\v 7 Idaton ti padi dagitoy nga ayup kenni Yahweh tapno maikari manen isuna kenkuana. Kalpasanna, madalusanto isuna manipud iti panagayus ti darana idi naiyanak ti maladaga. Dagitoy dagiti pagannurutan para kadagiti babbai a mangipasngay iti maladaga a lalaki wenno babai.
\v 8 No ti babai a mangipasngay iti ubing ket saanna a kabaelan ti mangiyeg iti karnero, masapul a mangiyeg isuna iti dua a kalapati wenno dua a sibong a pagaw. Ti maysa ket naan-anay a mapuoran iti rabaw ti altar ken ti maysa ket daton tapno awaten manen isuna ti Dios. Babaen iti panangaramid iti dayta, aramiden ti padi a mapakawan dagiti basbasol a naaramidna, ken saanen isuna a kasapulan a liklikan."

\s5
\c 13
\p
\v 1 Kinuna ni Yahweh kada Aaron ken Moises,
\v 2 "No ti maysa a tao ket adda ti lumlumteg ti kudilna, gaddil wenno nasileng a kabiteg a kasla makaakar, masapul nga adda ti mangipan kenkuana kenni Aaron wenno iti maysa kadagiti putotna a lallaki a padi met laeng.

\s5
\v 3 Masapul a kitaen ti padi dayta a paset ti kudil ti tao. No pimmuraw ti buok iti dayta a paset ken agparparang a naun-uneg ti sugat ngem ti kudil, ket sakit ti kudil daytoy a kaam-amak dagiti dadduma a tattao a maiyakarna kadakuada. No dayta ti makitkita ti padi, masapul nga iwaragawagna a daytoy nga agsakit a tao ket saan a mabalin a makilangen-langen kadagiti dadduma a tattao.
\v 4 No ti kabiteg ti kudil dayta a tao ket puraw ngem saan nga agparparang a ti sugat ket naun-uneg ngem ti rabaw ti kudil, masapul nga iyadayo isuna ti padi kadagiti tattao iti pito nga aldaw.

\s5
\v 5 Kalpasan ti pito nga aldaw, masapul a kitaen manen ti padi dayta a tao. No makita ti padi a saan a nagbaliw ti sugat ken saan a nagwaras, masapul nga iyadayona manen dayta a tao manipud kadagiti tattao iti pito pay nga aldaw.
\v 6 Kalpasan manen a naglabas dagita a pito nga aldaw, masapul a kitaen ti padi dayta a tao iti maminsan pay. No naimbagen ti sugat ken saan a nagwaras, ket iwaragawag ti padi a mabalin manen a makilangen-langen dayta a tao kadagiti dadduma a tattao. Ti kasasaad ti kudilna ket gagatel laeng; saan a makaakar daytoy. Kalpasan a malabaan dayta a tao dagiti kawesna, palubosan manen isuna ti padi a makilangen-langen kadagiti dadduma a tattao.

\s5
\v 7 Ngem no nagwaras ti sugat kalpasan nga ineksamen isuna ti padi, masapul nga agsubli manen dayta a tao iti padi.
\v 8 Kitaen isuna ti padi; no ad-adda a nagwaras ti sugat iti kudil, makaakar daytoy a sakit ti kudil, ket iwaragawag ti padi a dayta a tao ket saan a mabalin a makilangen-langen kadagiti dadduma a tattao.

\s5
\v 9 No ti siasinoman ket addaan iti makaakar a sakit ti kudil, masapul nga adda ti mangipan kenkuana iti padi.
\v 10 Masapul a kitaen ti padi isuna. No adda ti puraw a lumlumteg iti kudil a nagpapuraw kadagiti bubuok idiay, ken no ti lasag iti dayta a paset ket naut-ot,
\v 11 dayta ngarud ket sakit ti kudil a saanen a maikkat; iwaragawag ti padi a dayta a tao ket saan a mabalin a makilangen-langen kadagiti dadduma a tattao. Saan a kasapulan nga iyadayo ti padi dayta a tao kadagiti dadduma a tattao iti pito nga aldaw tapno kitaenna manen isuna, gapu ta ammonan a dayta a tao ket saan a mabalin a makilangen-langen kadagiti dadduma.

\s5
\v 12 No nagwaras ti sakit iti entero a bagi iti maysa a tao, ken kinita ti padi dayta a tao ket nakitana a kalkalluban ti sakit ti kudilna manipud iti ulo agingga iti sakana,
\v 13 ken pinagpuraw ti sakit ti amin a kudilna a mangipakita nga immimbagen ti sakit, iwaragawag ti padi a saanen a kasapulan nga umadayo dayta a tao manipud kadagiti dadduma a tattao.
\v 14 Ngem no dayta a tao ket adda ti saan pay a naimbag a sugatna, addaan isuna ti sakit a makaakar.

\s5
\v 15 No makita ti padi dayta, masapul nga iwaragawagna a dayta a tao ket addaan iti makaakar a sakit ti kudil ken saan a mabalin a makilangen-langen kadagiti dadduma a tattao.
\v 16 Ngem no nagbaliw ken pimmuraw ti lasag dayta a tao, masapul a mapan manen isuna iti padi.
\v 17 Masapul a kitaen manen isuna ti padi, ken no pimmuraw ti sugat, iwaragawag ti padi a daytoy a tao ket mabalin manen ita a makilangen-langen kadagiti dadduma a tattao.

\s5
\v 18 No ti maysa a tao ket adda littegna ken immimbagen ita,
\v 19 ngem iti paset a sigud nga ayan ti litteg ket adda ti nagtubo a lumlumteg a puraw wenno nasileng a kabiteg, masapul a mapan isuna iti padi.
\v 20 Masapul a kitaen daytoy ti padi. No kasla naun-uneg daytoy ngem ti rabaw ti kudil, ken no pimmuraw ti buok iti dayta a kabiteg, makaakar a sakit ti kudil daytoy a nagtubo iti sigud nga ayan ti litteg. Ket masapul nga iwaragawag ti padi a dayta a tao ket saan a mabalin a makilangen-langen kadagiti dadduma a tattao.

\s5
\v 21 Ngem no kinita ti padi daytoy, ket no awan ti nasarakanna a puraw a buok iti dayta a kabiteg, ken no naduktalanna nga adda laeng daytoy iti rabaw ti kudil ken saanen a nasileng unay, ket masapul nga iyadayo isuna ti padi manipud kadagiti dadduma a tattao iti pito nga aldaw.
\v 22 Ngem no agwarwaras daytoy, makaakar daytoy, ket masapul nga iwaragawag ti padi a dayta a tao ket saan a mabalin a makilangen-langen kadagiti dadduma a tattao.
\v 23 Ngem no saan a nagbaliw dayta a kabiteg, ken saan a nagwaras, piglat laeng daytoy manipud iti litteg, ket iwaragawag ti padi a dayta a tao ket mabalin manen a makilangen-langen kadagiti dadduma a tattao.

\s5
\v 24 No ti maysa a tao ket adda ti nasinit iti kudilna, ken adda naranyag wenno puraw a kabiteg nga agparparang, ken ti lasag iti dayta a paset ket naut-ot,
\v 25 masapul a kitaen ti padi dayta a kabiteg. No pimmuraw ti buok iti dayta a paset ken kasla naun-uneg ngem ti rabaw ti kudil, makaakar daytoy a sakit ti kudil a nagtubo iti ayan ti nasinit, ket masapul nga iwaragawag ti padi a dayta a tao ket saan a mabalin a makilangen-langen kadagiti dadduma a tattao.

\s5
\v 26 Ngem no kinita ti padi daytoy ket nakitana nga awan ti pimmuraw a buok iti dayta a kabiteg ken adda laeng daytoy iti rabaw ti kudil ken dayta a kabiteg ket maim-imbaganen, masapul nga iyadayo ti padi dayta a tao manipud kadagiti dadduma a tattao iti pito nga aldaw.
\v 27 Kalpasan ti pito aldaw, kitaen manen isuna ti padi. No agwarwaras ti sugat, makaakar a sakit ti kudil daytoy ket iwaragawag ti padi a dayta a tao ket saan a mabalin a makilangen-langen kadagiti dadduma a tattao.
\v 28 Nupay kasta, no dayta a kabiteg ket saan a nagbaliw ken saan a nagwaras ngem maim-imbaganen, piglat laeng daytoy manipud iti nasinit; masapul nga iwaragawag ti padi a dayta a tao ket mabalin a makilangen-langen kadagiti dadduma a tattao.

\s5
\v 29 No adda ti sugat ti maysa a lalaki wenno babai iti ulo wenno ti timidna,
\v 30 masapul a kitaen ti padi dayta a tao. No agparparang a naun-uneg ti sugat ngem ti rabaw ti kudil, ken no immingpis ken dimmuyaw ti buok iti dayta a paset, makaakar ngarud a sakit ti kudil daytoy a pakaigapuan ti gagatel. Iti dayta a kasasaad, masapul nga iwaragawag ti padi a dayta a tao ket saan a mabalin a makilangen-langen kadagiti dadduma a tattao.

\s5
\v 31 Ngem no kinita ti padi dayta a kita ti sugat, no kasla adda laeng daytoy iti rabaw ti kudil ken awan ti nasayaat a buokna daytoy, iyadayo ti padi dayta a tao manipud kadagiti dadduma a tattao iti pito nga aldaw.

\s5
\v 32 Iti maikapito nga aldaw, masapul a kitaen manen ti padi ti sugat. No saan a nagwaras daytoy ken no awan ti duyaw a buok iti dayta a paset ken no agparparang daytoy a kasla adda laeng iti rabaw ti kudil,
\v 33 masapul a kuskusan dayta a tao ti buok nga adda iti asideg ti sugat ngem saan a dagiti buok nga adda iti sugat. Ket iyadayo ti padi dayta a tao manipud kadagiti dadduma a tattao iti pito pay nga aldaw.

\s5
\v 34 Iti maikapito nga aldaw, masapul a kitaen manen ti padi ti kabiteg. No saan a nagwaras daytoy ken no agparparang nga adda laeng daytoy iti rabaw ti kudil, iwaragawag ti padi a dayta a tao ket mabalin manen a makilangen-langen kadagiti dadduma a tattao. Masapul a labaan dayta a tao dagiti kawesna, ket kalpasanna, mabalinnan ti makilangen-langen kadagiti dadduma a tattao.

\s5
\v 35 Ngem no iti saan a nagbayag ket nagwaras ti sugat,
\v 36 masapul a kitaen manen isuna ti padi. No ti gagatel ket nagwaras, saanen a kasapulan a mangsapul ti padi iti duyaw a buok gapu ta nalawag a dayta a tao ket addaan iti makaakar a sakit ti kudil.
\v 37 Nupay kasta, no iti pagarup ti padi ket saan a nagbaliw ti kabiteg, ken no adda agtubtubo a nasayaat a buok iti dayta a paset, nalawag nga immimbagen ti gagatel, ket iwaragawag ti padi a dayta a tao ket mabalin manen a makilangen-langen kadagiti dadduma a tattao.

\s5
\v 38 No ti maysa a lalaki wenno babai ket addaan iti puraw a kabiteg ti kudilna,
\v 39 masapul a kitaen ti padi dagitoy. Ngem no ti kabiteg ket nalitem a puraw, gagatel laeng daytoy, ket iwaragawag ti padi a dayta a tao ket mabalin a makilangen-langen kadagiti dadduma a tattao.

\s5
\v 40 No ti buok iti maysa a tao ket naregreg amin ken nagbalin isuna a kalbo, saanna a kasapulan nga umadayo kadagiti dadduma a tattao.
\v 41 Kasta met laeng no napukaw amin a buok iti sangoanan ti anitna ken nagbalin a kalbo ti ngatoen ti mugingna.

\s5
\v 42 Ngem no adda nasileng a sugat iti kalbo nga ulona wenno mugingna, ket addaan ngarud isuna ti sakit a makaakar.
\v 43 Masapul a kitaen isuna ti padi. No ti lumlumteg a sugat ket nasileng a kabiteg a kasla adda iti masakit a kudil ti maysa a tao nga addaan iti makaakar a sakit ti kudil,
\v 44 iwaragawag ti padi a dayta a tao ket addaan iti makaakar a sakit ti kudil ken saan isuna a mabalin a makilangen-langen kadagiti dadduma a tattao.

\s5
\v 45 Ti siasinoman nga addaan iti makaakar a sakit ket masapul nga agisuot iti napigis a kawes ken masapul a saanna a sagaysayen ti buokna. No adda isuna iti asideg dagiti sabali a tattao, masapul a kallubanna ti akinbaba a paset ti rupana ken ipukkawna, 'Saankayo nga umasideg kaniak! Addaanak iti makaakar a sakit ti kudil!'
\v 46 Saan a mapalubosan isuna a makilangen-langen kadagiti dadduma a tattao kabayatan nga adda ti sakitna. Masapul nga agbiag isuna nga agmaymaysa iti ruar ti kampo."

\s5
\v 47-48 "No maminsan dagiti kawes ti maysa a tao ket agbuot. Mabalin a daytoy a kawes ket nalaga a dutdut ti ayup wenno naaramid iti lino, wenno lalat wenno sabali a banag daytoy nga addaan iti lalat.
\v 49 No ti narugitan a paset ket kasla maris bulong wenno lumabaga, adda ti agwarwaras a buot, ket masapul nga ipakita ti akinkua daytoy iti padi.

\s5
\v 50 Masapul a kitaen ti padi daytoy ken isinana daytoy nga agmaymaysa iti pito nga aldaw.
\v 51 Iti maikapito nga aldaw, masapul a kitaenna manen daytoy. No nagwaras ti buot, nalawag a daytoy ket buot a mangdadael iti aniaman nga ayanna, ket ti kawes wenno banag ket masapul a saanen nga usaren.
\v 52 Masapul a puoran a naan-anay ti akinkukua dayta a banag nga addaan iti buot, aniaman dayta a banag.

\s5
\v 53 Ngem no kinita ti padi daytoy, no saan a nagwaras ti buot,
\v 54 masapul nga ibagana iti akinkukua a labaanna daytoy. Kalpasanna, masapul nga isinana daytoy iti pito pay nga aldaw.
\v 55 Kalpasan iti pito nga aldaw, masapul a kitaen manen ti padi daytoy. No saan a nagbaliw ti maris ti buot, uray no saan a nagwaras daytoy, masapul a saanen a mausar dayta a banag. Saan a napateg no ti buot ket adda ti uneg iti dayta a banag wenno iti ruar. Masapul a mapuoran daytoy.

\s5
\v 56 Ngem no kinita ti padi daytoy kalpasan a nalabaan, no nagpukaw ti buot, masapul a pisangenna ti paset nga addaan idi iti buot
\v 57 No nagbuot manen dayta a banag, nalawag nga agwarwaras daytoy ket masapul a puoran ti akinkukua ti sibubukel a banag.
\v 58 Ngem no naikkat ti buot kalpasan a nalabaan, masapul a labaan manen ti akinkukua daytoy, ket mabalinnanto manen nga usaren daytoy.

\s5
\v 59 Dagitoy dagiti pagannurutan maipapan iti buot nga adda kadagiti banag a naramid iti dutdut ti ayup wenno lino wenno lalat, para iti panangikeddeng ti akinkukua no itultuloyna nga aramaten dagitoy a banbanag wenno saanen."

\s5
\c 14
\p
\v 1 Kinuna pay ni Yahweh kenni Moises,
\v 2 "Dagitoy dagiti pagannurotan para iti siasinoman a naagasan manipud iti makaakar a sakit ti kudil.

\s5
\v 3 Masapul nga ibaga dagiti dadduma a tattao iti padi ti maipanggep iti dayta a tao. Rummuarto ti padi iti kampo ket kitaenna isuna. No immimbagen ti sakit ti kudil,
\v 4 ibaganto ti padi a masapul nga adda mangiyeg iti dua a sibibiag a billit a makaay-ayo kenni Yahweh, a kadua ti sumagmamano a kayo a sedro, sumagmamano a nalabaga a sinulid, ken sumagmamano a hisopo.
\v 5 Ket ibilinto ti padi a maysa kadagiti billit ti mapapatay kabayatan a matengtengngel iti ngatoen ti banga a naglaon ti danum manipud iti ubbog, dayta ket, nalinis a danum.

\s5
\v 6 Ket isawsawto ti padi ti maysa pay a billit, a kadua ti kayo a sedro, ti nalabaga a sinulid ken ti hisopo, iti dayta a danum, nga addaanen iti dara manipud iti billit a napapatay.
\v 7 Ket masapul a warsianna iti danum ken dara ti tao a naagasan. Masapul nga iwarsina daytoy iti tao iti maminpito. Ket ipablaaknanto a dayta a tao ket mapalubosan a makikadua manen kadagiti dadduma a tao. Ket wayawayaanto ti padi ti maysa a billit ket palubosanna daytoy a tumayab.

\s5
\v 8 Ket ti naagasan a tao ket masapul a labaanna dagiti kawesna, kuskosenna amin a buokna, ken agdigos. Kalpasan a maaramidna dagidiay a banbanag, mapalubosan isuna nga agsubli idiay kampo, ngem masapul nga agtalinaed isuna iti ruar ti toldana iti pito nga aldaw.
\v 9 Iti maikapito nga aldaw, masapul a kuskosanna manen amin a buokna, agraman ti barbasna ken dagiti kidayna. Ken masapul a labaanna manen dagiti kawesna ken agdigus. Kalpasan a maaramidna dagidiay a banbanag, mapalubosanto manen isuna a makikaddua kadagiti dadduma a tattao.

\s5
\v 10 Iti sumaruno nga aldaw, masapul a mangyeg dayta a tao ti dua a kalakian a karnero ken maysa a kabaian a karnero; ti kabaian a karnero ket masapul nga agtawen ti maysa, ken masapul nga awan iti depektona dagiti ayup. Masapul a mangyeg pay isuna iti agarup a 6.5 a litro iti napino nga arina a daton, a nailaok iti lana ti olibo, nga agbalin a maysa a daton, ken agarup kakatlo a litro iti lana ti olibo.
\v 11 Ti padi a nangipablaak a ti sakit iti kudil ti tao ket naimbagen ket masapul nga ipanna dayta a tao ken dagiti datonna kenni Yahweh idiay pagserrekan ti nasagradoan a tolda.

\s5
\v 12 Ket masapul nga alaen ti padi ti maysa kadagiti kalakian a karnero ket itag-ayna daytoy ti nangato, a kadua ti lana ti olibo, a mangipakita nga it-itedna daytoy kenni Yahweh kas daton a pangsupapak kadagiti basol-gapu ta saan a kabaelan ti masakit a tao nga ited kenni Yahweh dagiti banbanag a kasapulan nga itedna kenkuana.
\v 13 Ket masapul a partien ti padi ti karnero idiay naisangsangayan a disso a pangpatpatayan met dagiti padi kadagiti dadduma a daton. Kas iti daton a mangted iti kabaelan kadagiti tattao a mapakawan, ibilbilang ti Dios a naisangsangayan unay daytoy a daton a pangsupapak iti basol, isu a ti karne manipud iti daytoy ket kukua dagiti padi.

\s5
\v 14 Masapul a mangala ti padi iti dara dayta nga ayup ket ikabilna daytoy iti makannawan a pidit-pidit ti tao, iti makannawan a tanganna, ken iti makannawan a tangan ti sakana.
\v 15 Ket masapul a mangala ti padi iti dadduma a lana ti olibo ket ibukbokna daytoy iti dakulap iti makannigid nga imana.
\v 16 Ket masapul nga isawsawna ti tammudo iti makannawan nga imana iti dayta a lana ken iwarsina daytoy iti pito a daras iti sangoanan ni Yahweh.

\s5
\v 17 Ti sumaruno, masapul a mangikabil ti padi ti lana nga adda iti imana iti makannawan a pidit-pidit ti tao, iti makannawan a tanganna, ken iti makannawan a tangan ti sakana. Masapul nga ikabilna ti lana iti tallo a disso, iti apag-iso a nangikabilanna iti dara.
\v 18 Masapul nga ikabil ti padi ti nabati a lana iti imana iti ulo ti tao; daytoy ti mangipakita a pinakawanen ni Yahweh dagiti basol dayta a tao.

\s5
\v 19 Ket masapul a partien ti padi ti kabaian a karnero nga impan dayta a tao; daytoyto ti daton para kadagiti basol ti tao, tapno pakawanen isuna ni Yahweh. Kalpasan dayta, partiento ti padi ti maikadua a kalakian a karnero ken puoranna daytoy a sibubukel iti rabaw ti altar.
\v 20 Puorannanto pay iti rabaw ti altar ti daton a naaramid manipud iti arina, a kadua ti sibubukel a daton a mapuoran. Ket mabalinton a maawat ti tao iti kampo; mapalubusanto isuna a makikadua kadagiti dadduma a tattao.

\s5
\v 21 Ngem no ti tao a naimbagan ket nakurapay ken saanna a kabaelan iti gumatang tapno ipanna amin dagidiay nga ayup, masapul nga ipanna iti padi iti maysa a kalakian a karnero tapno itag-ay ti padi ken idatonna kenni Yahweh. Agbalinto daytoy a dato gapu ta saan a kabaelan ti masakit a tao nga ited kenni Yahweh dagiti banbanag a kasapulanna nga ited kenkuana. Masapul a mangipan pay isuna iti agarup dua a litro ti daton nga arina a nailaok iti agarup kakatlo a litro ti lana ti olibo; agbalinto daytoy a maysa a daton a naaramid manipud iti arina. Masapul a mangipan pay isuna iti agarup kakatlo a litro ti lana ti olibo.
\v 22 Masapul a mangipan pay isuna iti dua a kalapati wenno dua a sibong a pagaw, maysa para kenni Yahweh tapno pakawanenna dagiti basolna, ken maysa para iti padi tapno mapuoran a sibubukel iti rabaw ti altar.
\v 23 Iti dayta met laeng nga aldaw, ti maikawalo nga aldaw, masapul nga ipan dayta a tao dagidiay a banbanag iti padi idiay pagserkan ti nasagradoan a tolda, tapno maidaton dagitoy kenni Yahweh.

\s5
\v 24 Alaento ti padi ti karnero para iti maysa a daton a maitag-ay kenni Yahweh, dagiti banbanag a kasapulanna nga ited kenkuana, a kadua ti lana ti olibo, ket itag-ayna dagitoy a mangidatag kenni Yahweh.
\v 25 Ket partiento ti padi dayta a karnero ken mangtaya isuna iti dara iti maysa a malukong. Mangalanto isuna iti dara ket ikabilna iti makannawan a pidit-pidit ti tao, iti makannawan a tangan ti imana, ken iti makannawan a tangan ti sakana.

\s5
\v 26 Kalpasanna, masapul a mangala ti padi iti lana ti olibo ket ibubokna daytoy iti dakulap ti makannigid nga imana.
\v 27 Ket masapul nga isawsawna ti makannawan a tammudona iti dayta a lana ken iwarsina daytoy iti maminpito iti sangoanan ni Yahweh.

\s5
\v 28 Masapul nga ikabilna ti dadduma a lana nga adda iti dakulapna idiay isu met laeng a disso a nangikabilanna iti dara.
\v 29 Masapul nga ikabilna ti nabati a lana nga adda iti imana iti ulo ti tao a naimbagan. Daytoy ti mangipakita a pinakawanen ni Yahweh dagiti basol dayta a tao.

\s5
\v 30 Ket masapul nga idaton ti padi dagiti kalapati wenno dagiti pagaw, aniaman ti inyeg dayta a tao.
\v 31 Ti maysa ket para iti daton a gapu ti basol ken ti maysa ket naan-anay a mapuoran iti rabaw ti altar, a kadua ti daton a naaramid manipud iti arina. Babaen iti panangaramidna iti dayta, maabbonganto ti padi dagiti basol dayta a tao.
\v 32 Dagitoy dagiti alagaden para iti siasinoman nga addaan iti makaakar a sakit ti kudil ken nakurapay ken saanna a kabaelan iti gumatang iti gagangay a daton, tapno mabalin manen isuna a makikadua manen kadagiti tattao."

\s5
\v 33 Kinuna pay ni Yahweh kada Aaron ken Moises,
\v 34 "Ngannganikon ited kadakayo ti daga ti Canaan nga agbalin a kukua dagiti tattaoyo iti agnanayon. Inton sumrekkayo iti dayta a daga, addanto ti tiempo a pagparangek ti buot iti uneg ti maysa kadagiti balayyo.
\v 35 No mapasamak dayta, ti makinkukua iti dayta a balay ket masapul a mapan iti padi ket ibagana kenkuana, 'Adda iti maysa a banag a kasla aglanglanga a buot idiay balayko.'

\s5
\v 36 Ket ibaganto ti padi kenkuana, 'Iruarmo amin a banbanag iti balay sakbay nga umunegak iti daytoy a mangkita iti buot. No saanmo nga aramiden dayta, ipablaakkonto nga amin a banag iti uneg ti balay ket narugit.
\v 37 Kalpasan nga iruar ti akinkukua ti amin a banag iti balayna, sumrekto ti padi ket sukimatenna ti balay. No agparnuay ti buot iti berde wenno lumabaga a ratik kadagiti diding a kasla naun-uneg ngem kadagiti rabaw dagiti diding,
\v 38 rummuarto ti padi iti balay ket iserrana daytoy iti pito nga aldaw.

\s5
\v 39 Iti maikapito nga aldaw, masapul a mapan isuna idiay balay ket sukimatenna manen daytoy. No nagwaras ti buot kadagiti diding,
\v 40 ibaganto ti padi iti maysa a tao nga likkabenna amin a bato kadagiti diding nga addaan ti buot ken ibillengna idiay pagbasuraan iti ruar ti ili.

\s5
\v 41 Ket masapul a karusen ti makinkukua amin dagiti diding iti uneg ti balay, ken amin a banag a makarus ket masapul a maibelleng idiay pagbasuraan iti ruar ti ili.
\v 42 Ket masapul a mangala ti akinkukua kadagiti baro a bato tapno sukatanna dagiti addaan iti buot, ken mangala iti baro a pitak ken pangpalitada a pangabbong kadagiti bato iti diding iti balay.

\s5
\v 43 No agparang manen ti buot iti balay kalpasan a naaramid dayta,
\v 44 masapul a mapan ti padi ket kitaenna manen ti balay. No nagwaras ti buot iti uneg iti balay, ket nalawagto a maysa a kita iti buot daytoy a makadadael kadagiti balay, ket awan ti uray maysa a mapalubusan nga agnaed iti daytoy.

\s5
\v 45 Masapul a naan-anayto a marebba daytoy--dagiti bato, ti kayo ken ti palitada--ket amin dagidiay a banbanag ket masapul a maipuruak idiay pagbasuraan iti ruar ti ili.
\v 46 Siasinoman a sumrek iti dayta a balay kabayatan a nakarikep ket saanto a mapalubosan a makikadua kadagiti dadduma a tao agingga a lumnek ti init iti dayta nga aldaw.
\v 47 Siasinoman a maturog iti dayta a balay wenno mangan iti dayta a balay kabayatan iti dayta a tiempo ket masapul nga labaanna dagiti kawesna.

\s5
\v 48 Ngem inton umay ti padi a mangsukimat iti balay kalpasan a napalitadaan daytoy, no saan a nagwaras ti buot, ipablaaknanto a mabalin nga aggian dagiti tattao iti daytoy, gapu ta awanen ti buot.

\s5
\v 49 Ngem sakbay a mapalubosan dagiti tattao nga agnaed iti daytoy, masapul a mangala ti padi ti dua a billit, sumagmamano a kayo a sedro, sumagmamano a nalabaga a sinulid, ken sumagmamano a hisopo.
\v 50 Masapul a patayenna ti maysa kadagiti billit kabayatan a tengngelna daytoy iti ngatoen ti banga a naglaon iti danum a naala manipud iti ubbog.
\v 51 Ket masapul nga alaenna ti kayo a sedro, ti hisopo, ti nalabaga a sinulid, ket isawsawna dagitoy iti dara ti natay a billit, ken mangiwarsi isuna iti dara ken danum iti balay iti maminpito.

\s5
\v 52 Babaen iti panangaramid kadagidiay a banbanag, pagbalinenna manen a maikari ti balay a pagianan ti makinbalay.
\v 53 Ket masapul a wayawaya-anna ti maysa pay a billit ken palubosanna daytoy a tumayab. Babaen iti panangaramidna iti dayta, lippasennanto ti seremonia a mamagbalin a maikari a paggianan manen dagiti tattao ti balay.

\s5
\v 54 Dagidiay dagiti alagaden para iti makaakar a sakit, para iti gagatel,
\v 55 para iti buot iti pagan-anay wenno iti maysa a balay,
\v 56 ken para iti letteg, ratik wenno gaddil;
\v 57 dagitoy nga alagaden ti pakaammoan no mapalubosanto dagiti tattao a mangsagid kadagidiay a banbanag wenno saan."

\s5
\c 15
\p
\v 1 Kinuna pay ni Yahweh kada Moises ken Aaron,
\v 2 "Ibagayo daytoy kadagiti Israelita: Inton adda saan a gagangay, a narugit a likido a rummuar iti nalimed a paset ti maysa a lalaki, masapul nga awan ti mangsagid iti dayta a lalaki.
\v 3 Napasardeng man wenno agtultuloy ti panagtedted ti likido, masapul nga awan ti mangsagid kenkuana.

\s5
\v 4 Masapul nga awan iti mangsagid iti aniaman a pagidaan a nagiddaan iti kasta a lalaki, wenno aniaman a banag a pagtugawanna.
\v 5 Siasinoman ti mangsagid ti pagiddaan dayta a tao ket masapul a labaanna dagiti pagan-anayna ken agdigos, ken saanna nga ipalubos nga adda mangsagid kenkuana agingga iti dayta a rabii.

\s5
\v 6 Siasinoman nga agtugaw iti maysa a banag a nagtugawan dayta a lalaki ket masapul a labaanna dagiti pagan-anayna ken agdigos, ken saanna nga ipalubos nga adda mangsagid kenkuana agingga iti dayta a rabii.
\v 7 Siasinoman a mangsagid iti kasta a tao ket masapul a labaanna dagiti pagan-anayna ken agdigos ken saanna nga ipalubos nga adda mangsagid kenkuana agingga iti rabii.

\s5
\v 8 No matupraan iti kasta a tao iti sabali a tao, masapul nga awan ti ipalubos dayta a tao a mangsagid kenkuana. Masapul a labaanna dagiti pagan-anayna, ken masapul nga awan ipalubosna a mangsagid kenkuana agingga iti rabii.
\v 9 Amin a banag a pagtugawan dayta a lalaki nga addaan iti panagruar iti likido kabayatan a nakasakay isuna iti kabalyo wenno asno ket masapul a saan a masagid.

\s5
\v 10 Siasinoman a mangsagid iti tugaw wenno tugaw a lalat a pangap-ap iti kabalyo a pagtugtugawanna ket masapul nga awan iti ipalubosna a mangsagid kenkuana agingga iti dayta a rabii. Ken siasinoman a mangpidut kadagidiay a banbanag ket masapul a labaanna dagiti pagan-anayna ken agdigos isuna, ken masapul nga awan ti mangsagid kenkuana agingga iti dayta a rabii.
\v 11 No tarigagayan ti tao nga addaan iti panagruar iti likido a sagiden ti maysa a tao, masapul a buguanna nga umuna dagiti imana iti danum; no masagidna ti siasinoman a saanna nga inaramid dayta nga ummun-una, ti sinagidna ket masapul a labaanna dagiti pagan-anayna ken agdigus, ken awan ipalubosna a mangsagid kenkuana agingga iti dayta a rabii.
\v 12 No nasagid ti kasta a lalaki ti maysa a banga, masapul a buraken dayta ti maysa a tao. Aniaman a banag a naaramid manipud iti kayo a masagidna---masapul a bugguan daytoy iti maysa a tao iti danum.

\s5
\v 13 No naimbagan ti kasta a tao manipud iti panagruar iti likido kenkuana, masapul nga aguray isuna iti pito nga aldaw. Ket masapul a labaanna dagiti pagan-anayna ken agdigos isuna iti danum manipud iti ubbog wenno karayan. Ket mabalinton isuna a makikadua kadagiti dadduma.
\v 14 Iti maikawalo nga aldaw, masapul a mangala isuna iti dua a kalapati wenno dua a sibong a pagaw ket mapan iti sangoanan ni Yahweh idiay pagserrekan iti nasagradoan a tolda, ket itedna dagitoy iti padi.
\v 15 Idatonto ti padi dagitoy. Ti maysa a billit ket daton para iti basol ti lalaki, ket naan-anayto a puoran ti padi iti maysa pay iti rabaw ti altar. Ket nadalusto manen ti lalaki ken makaay-ayo kenni Yahweh.

\s5
\v 16 No saan a naigagara nga adda nagayos a kissit manipud iti nalimed a paset ti bagi ti lalaki, masapul a digosenna ti entero a bagina, ket awan ti mabalin a mangsagid kenkuana agingga iti dayta a rabii.
\v 17 Aniaman a lupot wenno lalat nga addaan iti kissit ket masapul a malabaan, ken awan ti mabalin a mangsagid iti daytoy agingga iti dayta a rabii.
\v 18 No nakikaidda ti maysa a lalaki iti maysa a babai ket naikkanna daytoy iti kissit, masapul nga agdigosda a dua, ken awan iti mabalin a mangsagid kadakuada agingga iti dayta a rabii.

\s5
\v 19 No madama nga agregregla ti maysa a babai, awan ti mabalin a mangsagid kenkuana iti pito nga aldaw. No masagid isuna iti siasinoman kabayatan dayta a tiempo, awan ti mabalin a mangsagid iti tao a nangsagid kenkuana agingga iti dayta a rabii.
\v 20 Awan ti mabalin a mangsagid iti aniaman a banag a pagid-iddaanna wenno pagtugtugawanna kabayatan dayta a tiempo.

\s5
\v 21 Siasinoman a mangsagid iti pagiddaanna ket masapul a labaanna dagiti pagan-anayna ken agdigo, ken awan ti mabalin a mangsagid iti dayta a tao agingga iti dayta a rabii.
\v 22-23 Siasinoman a mangsagid iti maysa a banag a pagtugtugawan ti babai, pagiddaan wenno aniaman a banag, ket masapul a labaanna dagiti pagan-anayna, ken awan ti mabalin a mangsagid iti dayta a tao agingga iti dayta a rabii.

\s5
\v 24 No makikaidda ti maysa a lalaki ti maysa a babai kabayatan dayta a tiempo ket nasagidna ti dara iti panagreglana, awan ti mabalin a mangsagid iti dayta a lalaki iti pito nga aldaw, ken awan ti mabalin a mangsagid iti pagiddaan a nagiddaanna.

\s5
\v 25 No adda panagbulos iti dara ti maysa a babai iti adu nga aldaw, maysa a panagbulos a saan a gagangay a kas iti panagreglana, wenno no agtultuloy ti panagbulos iti darana kalpasan a nagpatingga ti panagreglana, awan ti mabalin a mangsagid kenkuana agingga nga agsardeng daytoy.
\v 26 Ken awan ti mabalin a mangsagid iti pagid-iddaanna wenno aniaman a banag a pagtugtugawanna kabayatan nga agtultuloy dayta a panagbulos ti darana, a kas iti gagangay a panagreglana.
\v 27 Siasinoman a mangsagid kadagidiay a banbanag ket masapul nga awan siasinoman a sagidenna. Masapul a labaanna dagiti pagan-anayna ken agdigos, ket saanna a mabalin a sagiden ti siasinoman agingga iti dayta a rabii.

\s5
\v 28 No naagasan ti babai manipud iti panagbulosna iti dara, masapul nga aguray isuna iti pito nga aldaw sakbay a mangsagid isuna iti siasinoman.
\v 29 Iti maikawalo nga aldaw, masapul a mangipan isuna iti dua a kalapati wenno dua a pagaw iti padi idiay pagserrekan iti nasagradoan a tolda.
\v 30 Masapul nga idaton ti padi iti maysa kadakuada a kas maysa a daton para kadagiti basol ti babai, ken masapul a puoranna a naan-anay ti maysa pay iti altar. Ket nadalusto manen ti babai ken makaay-ayo kenni Yahweh.

\s5
\v 31 Masapul nga aramidenyo dagitoy a banbanag tapno dagiti tattao, iti tiempo a saanda a makaay-ayo kaniak ket saanda a tulawan ti toldak a pagnanaedak iti nagtetengngaanda. Ta no tulawanda daytoy, mataydanto.

\s5
\v 32 Dagitoy dagiti alagaden para ti lalaki nga addaan iti likido nga agruar manipud kadagiti nalimed a paset ti bagina wenno iti tao a masapul a saan a masagid gapu ta adda nagayos a kissitna kabayatan a makikakaidda iti maysa a babai,
\v 33 ken para iti siasinoman a babai kabayatan ti panagreglana, ken para iti siasinoman a lalaki a makikaidda iti babai kabayatan ti panagreglana.'"

\s5
\c 16
\p
\v 1 Kalpasan ti ipapatay dagiti dua a putot ni Aaron gapu ta nangpuorda iti insenso kenni Yahweh iti wagas a maikaniwas iti imbilinna, nagsao ni Yahweh kenni Moises.
\v 2 Kinunana kenkuana, "Ibagam kenni Aaron a kabsatmo a saan a sumrek iti kasasantoan a disso, nga adda iti uneg ti kakaunegan a kurtina, nga ayan iti nasagradoan a lakasa ken ti kalubna, ken iti ayanko babaen ti ulep nga adda iti rabaw daytoy. No sumrek ni Aaron iti dayta a siled iti saan nga umno a tiempo, matayto isuna!

\s5
\v 3 Inton sumrek ni Aaron iti kasasantoan a disso iti nasagradoan a tolda, masapul a mangala isuna iti bulog a baka a mapapatay nga agbalinto a maysa a daton a gapu kadagiti basol, ken maysa a kalakian a karnero a mapapatayto nga agbalin a daton a sibubukel a puoran ti padi iti rabaw ti altar.
\v 4 Ket masapul nga agdigus ni Aaron ken isuotna ti lino a makin-uneg a pagan-anayna ken ti lino a tunika. Masapul nga igalotna ti lino a barikes iti siketna ken ibalkotna ti turban iti ulona. Dagitoy dagiti nasagradoan a pagan-anayna.
\v 5 Masapul a mangyeg kenkuana dagiti Israelita iti dua a kalakian a kalding a mapapatayto a kas maysa a daton a gapu iti basol, ken maysa a kalakian a karnero a mapapatayto ken sibubukel a mapuoran iti rabaw ti altar.

\s5
\v 6 Masapul nga idaton kaniak ni Aaron ti bulog a baka nga agbalin a daton tapno pakawanekto dagiti basbasolna ken dagiti basol ti pamiliana.
\v 7 Ket masapul nga iyegna kaniak dagiti dua a kalakian a kalding iti pagserrekan iti nasagradoan a tolda.

\s5
\v 8 Masapul nga agbunot isuna tapno maammoanna no ania a kalding ti maidatonto kaniak ken no anianto a kalding ti wayawayaanna.
\v 9 Masapul nga iyeg ni Aaron kaniak ti kalding a napili a maidaton. Agbalin daytoy a kas daton para kadagiti basbasol dagiti tattao.
\v 10 Masapul met nga iyeg kaniak ni Aaron ti maysa pay a kalding. Ngem saan daytoy a mapapatay. Sibibiag a mawayawayaan daytoy. Inton palobusan ni Aaron daytoy idiay let-ang, pakawanekto dagiti basbasol dagiti tattao.

\s5
\v 11 Ket masapul nga iyeg kaniak ni Aaron ti bumaro a bulog a baka, nga agpaay a daton para iti bagina ken para iti pamiliana. Masapul a partienna dayta a bulog a baka tapno agbalin a daton para kadagiti basolda, ken masapul nga ipaaruyotna ti dara daytoy iti maysa a palanggana.

\s5
\v 12 Ket masapul a mangala isuna iti sumagmamano a beggang manipud iti bronse nga altar ket ikabilna dagitoy iti insensario. Ket masapul a punoenna dagiti imana iti bangbanglo, napino nga insenso. Ken masapul nga ipanna ti insenso ken ti insenserio idiay likudan ti kurtina idiay uneg ti kasasantoan a disso, iti nasagradoan a tolda.
\v 13 Sadiay ket masapul nga ikabilna ti insenso kadagiti beggang, ket ti asuk ti mapupuoran nga insenso ket agpangatonto iti ngatoen ti kalub ti nasagradoan a lakasa. No agtulnog isuna kadagitoy a pagannurotan, saanto isuna a matay kas kenni Kora, a nangidaton iti insenso iti wagas a saan nga umno.

\s5
\v 14 Kalpasanna, masapul nga isawsaw ni Aaron ti ramayna iti palanggana ken iwarsina ti dara iti rabaw ti kalub ti nasagradoan a lakasa, ken iwarsina met ti dadduma a dara iti maminpito iti sangoanan ti lakasa.

\s5
\v 15 Kalpasanna, masapul a rummuar ni Aaron iti nasagradoan a tolda ket partienna ti kalding, tapno agbalin daytoy a maysa a daton para kadagiti basol dagiti tattao. Ket masapul nga ipanna ti dara ti daton iti uneg ti kasasantoan a disso iti likudan ti kurtina. Sadiay ket masapul a mangiwarsi isuna ti dara iti kalub ti nasagradoan a lakasa ken iti sangoanan ti lakasa, kas ti inaramidna iti dara ti bulog a baka.
\v 16 Babaen iti panangaramidna iti dayta, pasin-awennanto ti kasasantoan a disso. Ken masapul a mangiwarsi isuna ti ad-adu a dara iti nasagradoan a tolda, gapu ta adda-ak iti ayan ti tolda, iti nagtetengngaan ti kampo dagiti Israelita, a nagbalin a saan a makaay-ayo kaniak gapu kadagiti basolda.

\s5
\v 17 Inton sumrek ni Aaron iti kasasantoan a disso iti nasagradoan a tolda tapno pasin-awenna daytoy, awan ti siasinoman a mapalubosan nga umuneg iti sabali a paset iti nasagradoan a tolda. Kalpasan laeng a maaramid ni Aaron ti seremonia tapno mapakawanko isuna ken ti pamiliana, ken dagiti amin nga Israelita, a mapalubosan ti siasinoman a padi a sumrek iti nasagradoan a tolda.
\v 18 Kalpasanna, masapul a rummuar ni Aaron iti tolda tapno dalusanna ti altarko. Masapul nga aramidenna daytoy babaen iti panangipulagidna iti dara ti bulog a baka ken ti dara iti kalding iti tungal sinan-sara nga adda kadagiti suli ti altar.
\v 19 Ket masapul nga isawsaw ni Aaron ti ramayna iti dara nga adda iti palanggana ken iwarsina ti dara iti rabaw ti altar iti maminpito a daras. Babaen iti panangaramid iti dayta, isinananto ti altar manipud kadagiti aramid dagiti Israelita a saan a makaay-ayo kaniak. Ti altar ket mailasinto a para kaniak.

\s5
\v 20 Inton nalpasen ti panangpasin-aw ni Aaron iti kasasantoan a disso iti uneg iti nasagradoan a tolda ken ti entero a nasagradoan a tolda ken ti altar, masapul nga iyegna ti kalding a napili a mawayawayaan.
\v 21 Masapul nga ikabilna dagiti dua nga imana iti ulo ti kalding ket ipudnona amin dagiti basol dagiti Israelita. Babaen iti panangaramidna iti dayta, iyakarna ti biddut dagiti basolda iti ulo ti kalding. Ket masapul nga itedna ti kalding iti napili a lalaki, ket ibulosto dayta a lalaki ti kalding diay let-ang.
\v 22 Buyaekto ti kalding kas aw-awitenna nga ipan idiay let-ang dagiti basbasol a naaramid dagiti tattao.

\s5
\v 23 Inton panawan ni Aaron ti kasasantoan a disso ket mapan iti sabali a paset ti nasagradoan a tolda, masapul nga ussobenna ti lino a pagan-anay nga inkawesna; masapul nga ibatina sadiay dagidiay a naisangsangayan a pagan-anay.
\v 24 Ket masapul nga agdigus isuna iti maysa a nasagradoan a disso, ket ikawesna dagiti gagangay a pagan-anayna, ket idatonna dagiti ayup a sibubukel a puoranna iti rabaw ti altar, para kadagiti bukodna a basbasol ken para kadagiti basol dagiti Israelita. Ket pakawanento ni Yahweh dagiti basbasolda.

\s5
\v 25 Masapul met a puoranna iti rabaw ti altar dagiti amin a taba dagiti dua nga ayup a naidaton.
\v 26 Kalpasan a ti lalaki a nangiturong iti kalding idiay let-ang ket inaramidna dayta ken imbulosna daytoy, ket masapul nga agsubli isuna, labaanna dagiti pagan-anayna ken agdigos isuna. Ket mabalin manen isuna a sumrek iti kampo.

\s5
\v 27 Dagiti natay a bagi ti bulog a baka ken ti kalding a naparti a kas daton para kadagiti basol dagiti tattao, tapno mangaramid iti seremonia iti pannakapakawan para kadakuada, ket masapul a mairuar iti kampo ken mapuoran. Dagiti lalat dagitoy nga ayup, dagiti lalaemda, ken dagiti bagisda ket masapul a mapuoran.
\v 28 Ti tao a mangpuor kadagidiay a banbanag ket masapul a labaanna dagiti pagan-anayna ken agdigos sakbay nga agsubli idiay kampo.

\s5
\v 29 Iti maikasangapulo nga aldaw iti maikapito a bulan, iti aldaw nga intudingko, masapul nga agayunarkayo amin ken saankayo nga agtrabaho. Daytoy ket alagaden a masapul a kankanayon a tungpalenyo---aminkayo a naiyanak nga Israelita ken amin a ganggannaet a makipagnanaed kadakayo.
\v 30 Iti dayta nga aldaw, mangaramid ni Aaron ti seremonia tapno mabalin a pakawanenkayo amin, ket wayawayaankayonton amin manipud kadagiti amin a basbasolyo.
\v 31 Agbalinto dayta nga aldaw tapno aginanakayo ken saankayo nga agtrabaho, kas iti Aldaw a Panaginana, ket masapul nga agayunarkayo amin iti dayta nga aldaw. Agnanayon dayta a bilin a masapul a tungpalenyo amin.

\s5
\v 32 Ti padi a napulotan iti lana ti olibo ken nailasin manipud kadagiti dadduma tapno agserbi kenni Yahweh, ket agidaton iti sakripisyo, mangikawes iti lino a pagan-anay a nailasin para iti pakaidayawan ti Dios,
\v 33 ken agidaton kadagiti daton. Aramidenna daytoy tapno pasin-awenna ti kasasantoan a disso, ti entero a nasagradoan a tolda, ti altar, dagiti padi, ken dagiti amin nga Israelita, kas iti inaramid ni Aaron.

\s5
\v 34 Agnanayonto daytoy a bilin a masapul a tungpalenyo a tinawen, tapno mabalin a pakawanenkayo nga Israelita kadagiti basbasol a naaramidyo." Nagtulnog ni Moises kadagiti amin a bilin nga inted ni Yahweh kenkuana.

\s5
\c 17
\p
\v 1 Kinuna pay ni Yahweh kenni Moises,
\v 2 "Agsaoka kenni Aaron ken kadagiti putotna a lallaki ken kadagiti amin nga Israelita. Ibagam nga it-itedko kadakuada dagiti sumaganad a bilbilin:
\v 3 No mangidatonkayo iti baka, karnero, wenno kalding, masapul nga ipanyo daytoy iti padi iti pagserkan a paset ti nasagradoan a tolda, tapno maidatagyo daytoy kaniak sadiay.
\v 4 No partienyo daytoy iti sadinoman a kas daton, iti uneg man wenno ruar ti kampo, makabasolkayo iti panangiparukpokyo iti darana iti saan a maikari a lugar. No aramidenyo dayta, saankayon a mapalubosan a makikadua kadagiti tattao ni Yahweh.

\s5
\v 5 Ibagbaga ni Yahweh kadakayo nga aramidenyo daytoy tapno saankayon nga agidaton idiay away; no diket, masapul nga idatonyo dagitoy kenkuana iti umno a wagas: babaen iti panangipanyo kadagitoy iti padi iti pagserkan a paset ti nasagradoan a tolda a kas datdaton iti panangikari iti pannakigayyem kenkuana.
\v 6 Kalpasan a pinapatay ti padi ti ayup, masapul a mangiwarsi isuna iti dara daytoy iti altar nga adda iti pagserkan ti nasagradoan a tolda ken puoranna ti taba daytoy tapno mangipaay iti ayamuom a makaay-ayo kenni Yahweh.

\s5
\v 7 Dakayo a tattao ket masapul a saankayon a mangted kadagiti daton kadagiti ladawan a kalang-langa dagiti kalding. Dakayo a tattao ket masapul nga agtungpal iti daytoy a bilin iti amin a tiempo."

\s5
\v 8 Imbaga pay ni Yahweh daytoy kenni Moises: "Ibagam kenni Aaron ken kadagiti putotna a lallaki nga ibagada kadagiti tattao a no adda ti Israelita wenno ganggannaet a makipagnanaed kadakuada ti mangiyeg iti daton tapno sibubukel a puoran ti padi iti altar, wenno no mangiyeg iti aniaman a daton,
\v 9 ngem no saanna nga ipan daytoy iti pagserkan a paset ti nasagradoan a tolda tapno maidaton kaniak, saanen a mapalubosan dayta a tao a makikadua kadagiti tattaok.

\s5
\v 10 Laksidek ti siasinoman nga Israelita wenno siasinoman a ganggannaet a makipagnanaed kadakayo a mangan iti dara ti aniaman nga ayup, ken saanen isuna a mapalubosan a makilangenlangen kadagiti tattaok.
\v 11 Dayta ket gapu ta ti biag ti tunggal ayup ket adda iti darana. Impakdaarko a ti dara ti maidaton iti rabaw ti altar, tapno pakawanek dagiti tattao gapu kadagiti basbasolda.

\s5
\v 12 Dayta ti gapuna nga ibagak nga awan kadakayo nga Israelita, wenno siasinoman a ganggannaet a makipagnanaed kadakayo, ti mabalin a mangan iti aniaman a dara.
\v 13 No siasinoman kadakayo nga Israelita wenno siasinoman a ganggannaet a makipagnanaed kadakayo ti mapan mang-anup ken mangpapatay iti ayup wenno billit nga ipalubosko a kanenyo, masapul nga iparukpokna ti dara dayta nga ayup iti daga ken gaburanna iti tapok.

\s5
\v 14 Daytoy ket gapu ta ti biag ti tunggal parsua ket adda iti darana. Dayta ti makagapu nga imbagak kadakayo nga Israelita a siasinoman a mangan iti dara manipud kadagiti ayup ket masapul a saanen a mapalubosan a makilangenlangen kadagiti tattaok.

\s5
\v 15 No ti siasinoman kadakayo nga Israelita wenno siasinoman a ganggannaet a makipagnanaed kadakayo ket mangan iti aniaman a karne manipud iti ayup a natay wenno pinatay dagiti atap nga ayup, masapul a labaanyo dagiti pagan-anayyo ken agdigos. Ket masapul a saanyo a sagiden ti siasinoman agingga iti dayta a rabii.
\v 16 No saanyo a tungpalen daytoy a pagannurutan, awan duadua a dusaenkayo.' "

\s5
\c 18
\p
\v 1 Kinuna pay ni Yahweh kenni Moises,
\v 2 "Agsaoka kadagiti Israelita ket ibagam kadakuada a Siak, ni Yahweh, ibagbagak daytoy, 'Siak ni Yahweh, ti Diosyo.
\v 3 Kalpasan a nakitak no kasano ti panagtignay dagiti Egipcio, a nakipagnaedanyo met laeng idi, masapul a saanyo nga aramiden ti inaramidda. Ken masapul a saankayo nga agbiag a kas iti panagbiag dagiti tattao iti Canaan, iti makindaga iti pangipanak kadakayo. Masapul a liklikanyo dagiti kaugalianda.

\s5
\v 4 Masapul a tungpalenyo dagiti amin a lintegko; masapul nga aramidenyo amin a banag nga ibilbilinko kadakayo, ni Yahweh a Diosyo.
\v 5 No tungpalenyo dagiti amin nga alagadek ken lintegko, agbiagkayo iti atiddog a tiempo. Siak, ni Yahweh, ikarkarik daytoy kadakayo. Dagitoy dagiti sumagmamano kadagiti lintegko.

\s5
\v 6 Diyo kaiddaen ti siasinoman kadagiti asideg a kabagianyo. Siak, ni Yahweh, ibilbilinko dayta.
\v 7 Dimo ibabain ti amam babaen iti pannakikaiddam iti inam. Dimo ibabain ti inam iti kastoy a wagas.
\v 8 Dimo kaiddaen ti siasinoman kadagiti assawa ti amam, gapu ta dayta ti pakaibabainan ti amam.

\s5
\v 9 Dimo a kaiddaen ti kabsatmo a babai, wenno kabsatmo a babai iti ama wenno ina. Saan a napateg no naiyanak man ken dimmakkel isuna iti balayyo wenno iti sabali a lugar.
\v 10 Dimo kaiddaen ti apokom a babai, gapu ta pakaibabainam dayta.
\v 11 Dimo kaiddaen ti kabsatmo a babai iti ama, a ti amana ket isu met laeng ti amam; kabsatmo isuna.

\s5
\v 12 Dimo kaiddaen ti kabsat a babai ti amam, gapu ta asideg isuna a kabagian ti amam.
\v 13 Dimo kaiddaen ti kabsat a babai ti inam, gapu ta asideg isuna a kabagian ti inam.
\v 14 Dimo ibabain ti ulitegmo babaen iti pannakikaiddam iti asawana, gapu ta ikitmo isuna.

\s5
\v 15 Dimo kaiddaen ti manugangmo a babai, gapu ta asawa isuna ti anakmo a lalaki.
\v 16 Dimo kaiddaen ti ipagmo, gapu ta dayta ti pakaibabainan iti kabsatmo a lalaki.

\s5
\v 17 Dimo kaiddaen ti anak a babai wenno apoko a babai ti siasinoman a babai a kinaiddam iti napalabas gapu ta agkabagianda. Ti pannakikaidda iti siasinoman kadakuada ket maysa a kinadakes nga aramid.
\v 18 Kabayatan a sibibiag pay laeng ti asawam, dimo asawaen ti kabsatna a babai ken makikaidda kenkuana.

\s5
\v 19 Dimo kaiddaen ti siasinoman a babai kabayatan ti panagreglana.
\v 20 Dimo tulawan ti bagim babaen iti pannakikaiddam iti asawa a babai ti sabali.

\s5
\v 21 Dimo ited ti siasinoman kadagiti annakmo a mapuoran a kas daton kenni didiosen a Moloc, gapu ta dayta ti mangdadael iti dayawko, ni Yahweh, ti Diosyo.

\s5
\v 22 Rumbeng nga awan ti lalaki a makikaidda iti padana a lalaki. Dayta ket makaparurod.
\v 23 Awan ti uray maysa, lalaki man wenno babai, ti rumbeng a mangtulaw iti bagina babaen iti pannakikaiddana iti ayup. Dayta ket kinaderrep nga aramid.

\s5
\v 24 Diyo tulawan dagiti bagbagiyo iti aniaman kadagitoy a wagas, gapu ta ti panangaramid kadagitoy a banbanag ti namagbalin a saan a maikari kaniak dagiti tattao kadagiti nasion, dagiti bunggoy dagiti tattao a papanawek inton sumrekkayo iti daga nga itedko kadakayo.
\v 25 Tinulawanda pay ti daga, isu a dinusak ida gapu kadagiti basbasolda, ket daytoy ket kasla insarua ti daga dagiti tattao a nagnaed sadiay.

\s5
\v 26 Ngem masapul a tungpalenyo dagiti amin a lintegko ken alagadek. Dakayo a tattao a naiyanak ditoy ken dagiti ganggannaet a makipagnaed kadakayo.
\v 27 Maipapan kadagitoy amin a makarimon a banbanag, inaramid dagitoy dagiti tattao a nagnaed iti daytoy a daga sakbay nga immaykayo, ket tinulawanda ti daga.
\v 28 Isu a no tulawanyo met ti daga, papanawenkayo a kas iti panangpapanawko kadagiti tattao kadagita a nasion nga adda ditoy sakbay nga immaykayo.

\s5
\v 29 Diyo palubosan a makilangenlangen kadakayo a tattaok dagiti tattao nga agaramid iti aniaman kadagitoy a makarimon a banbanag.
\v 30 Tungpalenyo amin nga ibilinko nga aramidenyo, ken diyo tulawan dagiti bagiyo babaen iti panangsurotyo iti aniaman kadagiti makarurod nga aramid dagiti tattao nga adda ditoy sakbay nga immaykayo. Siak, ni Yahweh a Diosyo, a mangibilbilin kadagitoy a banbanag.' "

\s5
\c 19
\p
\v 1 Kinuna pay ni Yahweh kenni Moises,
\v 2 "Agsaoka kadagiti amin nga Israelita ket ibagam daytoy kadakuada: 'Agbalinkayo a nasantoan gapu ta ni Yahweh a Diosyo ket nasantoan, ken kayatna nga agbalinkayo a kas kenkuana.
\v 3 Masapul a raemen ti tunggal maysa kadakayo ti ama ken inayo. Ken masapul a ngilinenyo dagiti Aldaw a Panaginana. Ni Yahweh, ti Diosyo, ti mangibilbilin kadakayo nga aramidenyo dagitoy a banbanag.
\v 4 Dikay agrukbab kadagiti didiosen nga awan ti serserbina wenno agaramid kadagiti landok nga estatua a didiosen para kadakayo. Ni Yahweh ti Diosyo; isuna ti mangibagbaga iti daytoy kadakayo. Isuna laeng ti rumbeng a pagrukbabanyo.

\s5
\v 5 Kinuna pay ni Yahweh daytoy: 'Inton mangiyegkayo iti daton a mangikari iti pannakigayyem kaniak, idatonyo daytoy iti wagas a maawatko.
\v 6 Rumbeng a kanenyo ti karne iti aldaw nga idatonyo daytoy, ngem mabalinyo a kanen iti dadduma kadagitoy iti sumaruno nga aldaw. Nupay kasta, masapul a puoranyo ti aniaman a matda agingga iti maikatlo nga aldaw.
\v 7 Ta aniaman a kanenyo iti daytoy iti maikatlo nga aldaw ket kasta unay a saan a makaay-ayo kaniak, ket saanko nga awaten dayta a daton.
\v 8 Dusaek ti siasinoman a mangan iti daytoy kalpasan ti maikadua nga aldaw, gapu ta saanna a rinaem ti imbagak a nasantoan. Ken masapul a saanen a mapalubosan dayta a tao a makilangenlangen kadagiti tattaok.

\s5
\v 9 Inton apitenyo dagiti bukelyo, ibatiyo dagiti bukel nga adda kadagiti igid ti talon ken kadagiti suli. Diyo piduten dagiti binettek a naregreg iti daga.
\v 10 Ken inton apitenyo dagiti ubasyo, dikayo agsubli tapno agapit iti ad-adu pay ken diyo piduten dagiti ubas a naregreg iti daga. Ibatiyo dagidiay para kadagiti napanglaw a tattao ken para kadagiti ganggannaet a makipagnanaed kadakayo. Siak, ni Yahweh a Diosyo, ibilbilinko dagitoy a banbanag kadakayo.

\s5
\v 11 Dikay agtakaw iti aniaman a banag. Dikay agulbod. Diyo allilawen ti tunggal maysa.
\v 12 Didak awagan a mangdusa kadakayo no mangibagakayo iti maysa a banag nga ammoyo a saan a pudno. Ibabaindak no aramidenyo daytoy. Diyo liplipatan a Siak ni Yahweh, ti Diosyo.

\s5
\v 13 Diyo sauren wenno takawan ti siasinoman. No nagnumoanyo a bayadanyo dagiti trabahadoryo iti panagleppas iti aldaw, aramidenyo ti inkariyo. Diyo idulin dagidiay a tangdan agingga iti sumaruno nga aldaw.
\v 14 Diyo ilunod dagiti tuleng a tattao ken dikayo mangikabil kadagiti banbanag iti pagnaan dagiti bulsek a tattao a pakaitibkolanda. Siak, ni Yahweh, ibilbilinko daytoy.

\s5
\v 15 Ukomem a kankanayon dagiti tattao iti patas. Dikay agaramid kadagiti naisangsangayan a pabor para kadagiti napanglaw a tattao wenno kadagiti nabaknang a tattao.
\v 16 Dikay agiwaras kadagiti saan a pudno a damag maipanggep kadagiti dadduma a tattao. Dikay agtalinaed a naulemek iti pangukoman no ti pammaneknekyo ket mabalinna a maispal ti tao nga awan basolna iti pannakapapatay. Siak, ni Yahweh, ibilbilinko daytoy.

\s5
\v 17 Diyo guraen ti siasinoman. Ngem ketdi, tubngarenyo a sipupudno dagiti dadduma a maikari a matubngar tapno dikay met makabasol.
\v 18 Diyo padasen a balsen ti maysa a tao wenno guraen ti maysa a tao iti nabayag a tiempo. Ngem ketdi, ayatenyo dagiti dadduma a tattao a kasla iti panagayatyo iti bagiyo. Siak, ni Yahweh a Diosyo, ibilbilinko daytoy.

\s5
\v 19 Tungpalenyo dagiti lintegko. Diyo palubosan nga agmanada ti dua nga agduma a kita ti ayup. Dikay agimula iti dua nga agduma a kita ti bukel iti isu met laeng a talon. Dikay agisuot iti pagan-anay a naaramid manipud iti dua nga agduma a kita ti materiales.

\s5
\v 20 No ti maysa a lalaki ket makikaidda iti tagabu a babai a naikari a maiyasawa iti sabali a lalaki, ngem no saan pay isuna a ginatang dayta a lalaki ket tagabu pay laeng, dagitoy a dua a tao ket masapul a madusa. Ngem gapu ta isuna ket tagabu pay laeng, isuna ken ti lalaki a nakikaidda kenkuana ket masapul a saan a mapapatay.
\v 21 Nupay kasta, masapul a mangiyeg dayta a lalaki iti kalakian a karnero a maparti iti pagserkan a paset ti nasagradoan a tolda a maidaton tapno saanen isuna a maibilang a nakabasol iti nagbasolanna.
\v 22 Idatonto ti padi dayta a kalakian a karnero kaniak. Ket pakawanekto dayta a lalaki gapu iti basol a naaramidna.

\s5
\v 23 Inton umunegkayo iti daga nga inkarik nga itedko kadakayo, ken inton agimulakayo kadagiti nadumaduma a kita dagiti kayo nga agbunga iti prutas, diyo kanen ti aniaman kadagiti bungada iti las-ud ti tallo a tawen.
\v 24 Iti maikapat a tawen, masapul nga ilasinyo amin a bungada a maipaay kaniak; masapul nga ilasinyo daytoy a kas nasantoan, maysa a daton a mangted iti pammadayaw kaniak.
\v 25 Ngem iti maikalima a tawen ket mapalubosankayon a mangan iti bungada. No aramidenyo dayta, agbunga iti ad-adu pay dagiti kayoyo. Siak, ni Yahweh a Diosyo, ikarkarik dayta.

\s5
\v 26 Dikay mangan iti aniaman a karne nga adda pay laeng ti darana. Dikay makiuman kadagiti espiritu tapno ammoenyo ti mapasamak iti masangoanan, ken dikay agaramid iti panaganito.
\v 27 Diyo kuskusan ti buok kadagiti sikigan dagiti uloyo a kas iti ar-aramiden dagiti pagano a tattao.
\v 28 Diyo sugaten dagiti bagiyo no agdung-awkayo gapu kadagiti natay a tattao ken diyo markaaan dagiti bagiyo. Siak, ni Yahweh a Diosyo, ibilbilinko daytoy.

\s5
\v 29 Diyo ibabain dagiti annakyo a babbai babaen iti panangpilityo kadakuada nga agbalin a balangkantis. No pagbalinenyo ida a balangkantis, iti saan a mabayag ket mapunnonto ti daga kadagiti balangkantis ken kadagiti amin a dadduma a kita dagiti kinadangkes nga ugali dagiti tattao.
\v 30 Ngilinenyo dagiti Aldaw a Panaginana ken raemenyo ti nasagradoan a toldak, gapu ta Siak ni Yahweh.

\s5
\v 31 Dikay dumawat iti pammagbaga manipud kadagiti tattao a makiuman kadagiti espiritu dagiti natay a tattao a mangted kadakuada iti pammagbaga. No aramidenyo dayta, saankayon nga awaten. Siak ni Yahweh a Diosyo.

\s5
\v 32 Tumadakderkayo no umuneg dagiti nataengan a tattao iti silid ken ipakitayo a raraemenyo ida. Masapul a dayawendak met, ti Diosyo; dayta ti kinasiasinok.

\s5
\v 33 No makipagnaed dagiti ganggannaet kadakayo iti dagayo, saanyo nga idadanes ida.
\v 34 Masapul a tratoenyo ida a kasla iti panangtratoyo kadagiti padayo nga umili. Ayatenyo ida a kas iti panagayatyo kadagiti bagiyo ken diyo liplipatan nga iti namingsan idi dakayo ti ganggannaet iti daga ti Egipto ket indadanes dakayo launay dagiti tattao ti Egipto. Siak, ni Yahweh a Diosyo, ibilbilinko nga aramidenyo daytoy.

\s5
\v 35 No mangrukodkayo kadagiti banbanag tapno makitayo no kasano ti kaatiddogda wenno kasano ti kadagsenda wenno kasano ti kaaduda,
\v 36 mangusarkayo kadagiti husto a pagrukod ken kadagiti eskala ken kadagiti pagtimbangan ken kadagiti labba a pagsukat ken dadduma pay a pagkargaan a pagsukat. Siak ni Yahweh, ti Diosyo, a nangiruar kadakayo idiay Egipto.
\v 37 Agtulnogkayo a siaannad kadagiti amin a lintegko ken alagadek. Siak, ni Yahweh, ibilbilinko dagitoy a banbanag kadakayo.' "

\s5
\c 20
\p
\v 1 Kinuna pay ni Yahweh kenni Moses:
\v 2 "Ibagam kadagiti Israelita, 'Siasinoman nga Israelita wenno gangannaet nga agnanaed idiay Israel a mangidaton iti uray siasino kadagiti annakna a kas daton iti didiosen a ni Moloc ket masapul a matay. Masapul a papatayen isuna dagiti tattao iti ili babaen ti panangbatoda kenkuana.

\s5
\v 3 Laksidekto dagiti kasta a tattao ket saandan a mabalin a makikadua kadagiti tattaok.
\v 4 No baybay-an dagiti tattao iti dayta nga ili dayta a lallaki no papatayenna ti siasinoman kadagiti annakna tapno idatonna kenni Moloc, ken no saanda a papatayen dayta a tao,
\v 5 siak a mismo ti mangdusa iti dayta a tao ken ti pulina. Ibilinko a saanen isuna a mabalin a makikadua kadagiti tattaok. Ket kasta met laeng a banag ti aramidek kadagiti dadduma a saan a napudno kaniak ken iti siasinoman nga agdayaw kenni Moloc.

\s5
\v 6 Laksidekto dagiti mapan kadagiti makium-uman kadagiti espiritu dagiti natay a tattao, wenno dagiti mapan kadagiti mammalad nga agdamdamag kadagiti espiritu a bagbagaanda ida. Laksidekto dagiti kakasta a tattao; saandanton a maibilang kadagiti tattaok.
\v 7 Ilasinyo dagiti bagbagiyo para iti pakaidaydayawak, tapno maibilangkayo kaniak, gapu ta siak ni Yahweh a Diosyo.

\s5
\v 8 Tungpalenyo a siaannad dagiti amin nga imbilinko kadakayo. Siak ni Yahweh, ti nangilasin kadakayo manipud kadagiti dadduma a tattao tapno mapadayawanak.
\v 9 No ilunod ti siasinoman ti ama wenno ti inana, masapul a papatayenyo isuna. Sungbatannanto ti bukodna a pannakatay.

\s5
\v 10 No ti maysa a lalaki ket makikamalala iti asawa ti sabali a lalaki, ket masapul a papatayenyo isuda a dua, ti lalaki ken ti babai.
\v 11 No ti maysa a lalaki ket makikaidda iti maysa kadagiti assawa ti amana, imbabainna ti amana. Isu a masapul ngarud a papatayenyo dayta a lalaki ken babai; sungbatandanto ti bukodda a pannakatay..
\v 12 No ti maysa a lalaki ket makikaidda iti manugangna a babai, masapul a papatayenyo ida a dua. Insukatda ti kinaimbag para iti kinadakes; agpadada a maikari a matay.

\s5
\v 13 No nagkaidda ti dua a lallaki, nakaaramidda iti maysa a banag a makarimon. Masapul a papatayenyo isuda a dua; sungbatandanto ti pannakatayda.
\v 14 No ti maysa a lalaki ket asawaenna ti maysa a babai ken ti ina ti babai, nadangkes dayta a banag. Masapul a puoranyo ida a tallo agingga a matayda, tapno awan kadakayo ti agtultuloy nga agaramid iti kasta a kinadakes.

\s5
\v 15 No ti maysa a lalaki ket makikaidda iti maysa nga ayup, masapul a papatayenyo isuna ken ti ayup.
\v 16 Kasta met a no ti maysa a babai ket makikaidda iti ayup, masapul a papatayenyo isuna ken dayta nga ayup. Sungbatandanto dagiti bukodda a pannakatayda.

\s5
\v 17 No ti maysa a lalaki ket makikaidda iti kabsatna a babai, ti anak a babai ti inana wenno ti amana-- no nagkaiddada, nakababain dayta. Saandanton a maibilang kadagiti tattaok. Gapu ta nakikaidda isuna iti kabsatna a babai, nagbasol isuna.
\v 18 No makikaidda ti maysa a lalaki iti maysa a babai kabayatan iti panagreglana, imparangarangda a dua ti agay-ayus a darana, isu a saanen a mabalin a makikadua ti siasinoman kadakuada kadagiti tattaok.

\s5
\v 19 Masapul nga awan ti lalaki a makikaidda iti kabsatna a babai iti ama wenno ti inana, gapu ta ibabainna ti maysa nga asideg a kabagianna. Masapul a dusaenyo ti kasta a lalaki, kasta met ti babai.
\v 20 No kaiddaen ti maysa a lalaki ti ikitna, imbabainna ti ulitegna. Dusaekto ida babaen iti pannakatayda nga awanan iti annak.
\v 21 No asawaen ti maysa a lalaki ti asawa iti kabsatna a lalaki kabayatan a sibibiag pay laeng ti kabsatna a lalaki, dayta ket nakababain. Imbabainna ti kabsatna a lalaki ket agpadada a matay nga awanan iti anak.

\s5
\v 22 Agtulnogkayo a siaannad kadagiti amin nga alagadek ken kadagiti lintegko, tapno saan a masapul a panawanyo ti lugar a pangipanak kadakayo.
\v 23 Saanyo a tultuladen dagiti kaugalian dagiti tattao iti daga a pangpapanawak kadakuada, kas umasidegkayo iti daytoy. Kagurak isuda gapu ta inaramidda amin dagidiay a banbanag.

\s5
\v 24 Ngem imbagak kadakayo, "Alaenyonto ti dagada manipud kadakuada. Itedko daytoy kadakayo tapno agbalin a kukuayo, maysa a daga a nakadamdam-eg. Siak ni Yahweh a Diosyo, a nangilasin kadakayo manipud kadagiti tattao dagiti dadduma a nasion."
\v 25 Isu a masapul nga ammoyo no ania dagiti billit ken ayup a saan a makaay-ayo kaniak ken dagiti makaay-ayo kaniak. Saanyo a rugitan dagiti bagbagiyo babaen iti pannanganyo kadagiti billit wenno kadagiti ayup, wenno aniaman nga agkarkarayam iti daga, dagiti banbanag nga imbagak a saan a makaay-ayo para kadakayo.

\s5
\v 26 Masapul nga agbiagkayo a kas tattao a nailasin para iti pakidaydayawak, gapu ta siak, ni Yahweh, nailasinak met ket ar-aramidek amin a banag para iti pakaidaydayawak. Innalakayo manipud kadagiti dadduma a nasion, gapu ta kukuakayo.

\s5
\v 27 Masapul a papatayenyo ti siasinoman a lalaki wenno babai kadakayo a makium-uman kadagiti espiritu dagiti natay a tattao wenno kadagiti sabali pay nga espiritu. Patayenyo ida babaen iti panangbatoyo kadakuada; sungbatandanto iti bukodda pannakatay.' "

\s5
\c 21
\p
\v 1 Kinuna pay ni Yahweh kenni Moses, "Makisaritaka kadagiti papadi nga annak a lalaki ni Aaron, ken ibagam kadakuada,
\v 2 'Dakayo a papadi, masapul a saanyo nga aramiden ti bagiyo a saan a maikari a mangaramid iti trabahok babaen iti panangsagidyo iti aniaman a bangkay. Mapalubosankayo laeng a mangsagid iti bangkay ti asideg a kabagianyo, kas koma iti inayo, amayo, anakyo a lalaki, anakyo a babai wenno ti kabsatyo a lalaki.
\v 3 Mabalinyo met a sagiden ti bangkay ti kabsatyo a babai no awan ti asawana ken nagnanaed iti pagtaenganyo, gapu ta awan ti asawana a mangitabon kenkuana.

\s5
\v 4 Dakayo a papadi, masapul a saanyo nga aramiden ti bagiyo a saan a maikari a mangaramid iti trabahok babaen iti panangsagidyo kadagiti bangkay dagti dadduma a kabagianyo.
\v 5 Dakayo a papadi ket masapul a saanyo a kuskusan ti uloyo wenno ti igid dagiti barbasyo; masapul a saanyo a sugaten ti bagiyo a mangipakita nga agladladingitkayo para iti maysa a natayen.
\v 6 Masapul nga agtinaykayo kadagiti wagas a siak, a Diosyo, ket maibilang a maitutop kadakayo, papadik, masapul a saandak nga ibabain. Dakayo dagiti mangidatag kaniak kadagiti daton a napuoran. Dagidiay a daton ket kasla taraon para kaniak, a Diosyo. Isu a masapul nga agtinaykayo kadagiti wagas a maitutop kadakayo, gapu ta raraemendak.

\s5
\v 7 Dakayo a papadi ket masapul a saankayo a mangasawa kadagiti babbai a sigud a balangkantis wenno kadagiti nakisina kadagiti asawada, gapu ta dakayo a papadi ket nailasin para iti Dios.
\v 8 Masapul a laglagipenyo nga inlasinkayo tapno dayawendak. Daytoy ket kaslakayo agidatdaton iti taraon kaniak a Diosyo. Ibilangyo ti bagiyo a kas kukuak, gapu ta siak, ni Yahweh, ti nangaramid kadakayo nga agbalin a papadi, ken awan ti aniaman a pakainaigak iti aniaman a kinadakes --- nasantoanak.
\v 9 No ti anak a babai ti padi ket nagbalin a balangkantis, imbabaina ti amana, ket masapul a puoranyo isuna.

\s5
\v 10 Ti kangatoan a padi ket isu ti nadutokan kadagiti kakabagianna para iti dayta a trabaho babaen iti pannakapulot ti ulona iti lana ti olivo. Isuna pay ti nadutokan a mangisuot kadagiti kawes a naaramid ken nailasin para iti pakaidaydayawan ni Yahweh. Masapul a saanna nga itulok a saan a masagsagaysay ti buokna, ken masapul a saanna a pigisen ti pagan-anayna no agladladingit isuna para iti maysa a tao.
\v 11 Masapul a saan isuna a sumrek iti sadinoman a lugar nga adda iti bangkayna. Masapul a saanna nga aramiden dayta ken pagbalinenna ti bagina a saan a maikari iti trabahona, uray no ti amana wenno ti inana ti natay.
\v 12 Masapul a saanna a panawan ti nasagradoan a tolda tapno makitipon kadagiti agladladingit, gapu ta pagbalinenna ti bagina a saan a maikari iti trabahona ken kasta met a mangrugit iti nasagradoan a tolda. Masapul a saanna a panawan ti nasagaradoan a tolda iti dayta a tiempo, gapu ta nadutokan isuna nga agserbi iti Diosna babaen iti pannakapulotna iti lana ti olibo. Siak, ni Yahweh, ti mangibilbilin iti daytoy.

\s5
\v 13 Masapul a dagiti babbai a birhen ti asawaenyo a papadi.
\v 14-15 Dakayo a papadi ket masapul saan a mangasawa kadagiti balo wenno balangkantis wenno babbai a nakisina kadagiti asawana, gapu ta no aramidenyo dayta, ket no maaddaankayonto kadagiti annak a lallaki, saandanto a maikari nga agbalin a padi kadagiti tattaoyo. Masapul a mangasawakayo laeng kadagiti birhen manipud kadagiti tattaoyo. Siak ni Yahweh, ti mangilaslasin kadagiti papadi para iti pakaidayawak ken para kadagiti agdayaw kaniak."'

\s5
\v 16 Kinuna pay ni Yahweh kenni Moises,
\v 17 "Ibagam daytoy kenni Aaron: 'Iti amin a masakbayan a tiempo, awan kadagiti kaputotam nga adda iti aniaman a depekto ti bagina ti mapalubosan nga umasideg iti altar a mangidaton kadagiti daton kaniak a kasla isu ti taraonko.'"

\s5
\v 18 Awan ti bulsek wenno pilay wenno nadadael ti porma ti bagina wenno nadadael ti porma ti rupana,
\v 19 awan ti pilay ti sakana wenno imana,
\v 20 awan ti tao a kubbo wenno pandek, awan ti tao nga adda depekto ti matana, awan ti tao nga adda sakit ti kudilna wenno nadadael ti nalimed a paset ti bagina.
\v 21 Awan ti kaputotan ti umuna a kangatoan a padi a ni Aaron, nga addaan ti depektona ti mapalubosan nga umay iti altar nga agidaton kaniak, a Diosna, kadagiti mapuoran a daton.

\s5
\v 22 Dagiti papadi nga adda depektona ket mapalubosan a mangan kadagiti nadumaduma a kita iti nasantoan a taraon a naidaton kaniak.
\v 23 Ngem gapu kadagiti depektoda, masapul a saanda nga umasideg iti kurtina iti nasagradoan a tolda wenno iti asideg ti altar, gapu ta no inaramidda dayta, rugitanda ti nasagradoan a toldak. Siak ni Yahweh, ti mangilaslasin kadagidiay a lugar para kaniak ken para iti pakaidayawak.' "
\v 24 Imbaga ngarud ni Moises daytoy kenni Aaron ken kadagiti annakna ken kadagiti amin nga Israelita.

\s5
\c 22
\p
\v 1 Imbaga pay ni Yahweh kenni Moses,
\v 2 "Ipalawagmo kenni Aaron ken kadagiti annakna a lalaki ti maipanggep no kaano a saanda a sagiden wenno kanen ti aniaman a taraon nga indaton kaniak dagiti tattao babaen ti panangitedda iti daytoy a kas daton. Masapul a saandak nga ibabain wenno ti naganko. Siak ni Yahweh.
\v 3 Ibagam kadakuada nga iti amin a masakbayan a tiempo, no isuda wenno siasinoman kadagiti kaputotanda ket agbalin a saan a maikari a mangaramid iti trabaho ti padi a masapul nga aramidenna iti aniaman a rason, masapul a saanda nga umasideg iti aniaman nga indaton dagiti Israelita kaniak a kas sagut. Siasinoman a mangsalungasing iti daytoy nga annuroten ket saanton a maibilang kadagiti tattaok. Siak ni Yahweh.

\s5
\v 4 No siasinoman iti kaputotan ni Aaron iti addaan iti makaakar sakit ti kudil a wenno rumrumuar kadagiti nailemmeng a paset ti bagina, maiparit isuna a mangan kadagiti nasagradoan a daton agingga a maagasan isuna. Saan met isuna a maikari iti trabahona no nakasagid isuna iti aniaman a naisagid iti maysa a bangkay, wenno no nakasagid isuna iti siasinoman nga agparparuar iti kissit,
\v 5 wenno no nakasagid isuna iti aniaman nga agkarkarayan iti daga, wenno no nakasagid isuna iti siasinoman a tao a mamagbalin kenkuana a saan a maikari a mangaramid iti trabahona.
\v 6 Siasinoman a padi a mangsagid iti aniaman a narugit ket agbalinto a narugit agingga iti rabii. Masapul a saan isuna a mangan iti aniaman kadagiti nasantoan a banbanag, malaksid no bugguanna nga umuna ti bagina iti danum.

\s5
\v 7 Kalpasan a lumnek ti init, mabalinnan ti mangan kadagiti nasagradoan a daton, gapu ta taraonna dagitoy a mabalin a kanen.
\v 8 Ngem masapul a saan isuna a mangan iti aniaman a natay iti gagangay a wagas wenno pinatay dagiti narungsot nga ayup, gapu ta no inaramidna dayta, saanto isuna a maikari nga agtrabaho para kaniak. Siak ni Yahweh, ibilbilinko dagitoy a banbanag.
\v 9 Masapul a tungpalen dagiti papadi dagiti bilbilinko; masapul a saanda nga uyawen dagitoy, ta no saan amangan no makabasolda ket matayda. Siak ni Yahweh, ti nangilasin kadakuada para iti pakaidayawak.

\s5
\v 10 Awan ti siasinoman a saan a kameng ti pamilya dagiti papadi ti mapalubosan a mangan manipud iti nasagradoan a daton. Awan kadagiti mangsarungkar iti padi, wenno ti tinangdanan ti padi, awan kadakuada ti mapalubosan a mangan iti daytoy.
\v 11 Ngem no gumatang ti padi iti tagabo, wenno no ti tagabo ket naiyanak iti balayna, dayta a tagabo ket mapalubosan a mangan iti kasta a taraon.

\s5
\v 12 No makiasawa ti anak a babai dagiti papadi iti saan a padi, saanen isuna a mapalubosan a mangan iti nasagradoan taraon a naited kenni Yahweh a kas sagut wenno datdaton.
\v 13 Ngem kas pangarigan a ti anak a babai ti padi nga awan ti anakna ket mabalo wenno nakisina iti asawana, ken kas pangarigan nagsubli isuna iti balay ti amana tapno agnaed sadiay a kas idi ubing isuna. Iti dayta a pasamak, mabalinna a kanen ti isu met laeng a taraon a kankanen ti amana. Ngem awan ti sabali a tao a mapalubosan a mangan iti aniaman kadagitoy.

\s5
\v 14 No ti siasinoman a saan a napalubosan a mangan iti nasagradoan a daton ket kinnanna a saanna nga ammo a nasagradoan a daytoy, masapul a bayadanna ti padi para iti taraon ken agnayon iti apagkalima iti daytoy.
\v 15 Inton mangiyeg dagiti papadi kadagiti daton kaniak, dagiti sagut a nasagradoan nga iyeg dagiti Israelita kadakuada, masapul a saanda a tratoen dagidiay a daton a kas saan a naisangsangayan para kaniak;
\v 16 masapul a saan palubosan dagiti tattao ti siasinoman a saan a padi a mangan kadagidiay a daton. No aramidenda dayta, makabasolda. Siak ni Yahweh, ti nangilasin kadagiti Israelita manipud kadagiti sabali a tattao ken nangaramid kadakuada a nasantoan para iti pakaidaydayawak."

\s5
\v 17 Kinuna pay ni Yahweh kenni Moises,
\v 18 "Makisaritaka kenni Aaron ken kadagiti annakna a lallaki ken kadagiti amin nga Israelita ket ibagam nga ibagbagak daytoy kadakuada, 'No mangiyeg kaniak ti siasinoman kadakayo nga Israelita wenno ganggannaet nga agnanaed iti Israel iti ayup tapno naan-anay a mapuoran iti rabaw ti altar, kas nagbanagan man iti panagkariyo kaniak wenno agbalin a daton a situtulok a naited,
\v 19 masapul a mangiyegkayo manipud kadagiti baka wenno karnero wenno kadagiti kaldingyo iti maysa nga ayup nga awan ti depektona, tapno maawatko daytoy.

\s5
\v 20 Saankayo a mangiyeg kadagiti aniaman nga ayup nga addaan iti depekto, gapu ta saanko nga awaten dagitoy para kadakayo.
\v 21 Kasta met, no adda ti mangiyeg iti daton manipud iti baka wenno karnero wenno kaldingna a kas daton a mangikari iti pannakigayyem kaniak, a mangtungpal man iti inkarina kaniak wenno agbalin a situtulok a daton---tapno awatek daytoy, masapul nga awan ti depekto dagitoy wenno mulitna.

\s5
\v 22 Saankayo a mangidaton kaniak kadagiti ayup a bulsek wenno nasugat wenno baldado, wenno ayup nga adda ritingna wenno adda gudgudna.
\v 23 Mabalinyo nga idatag kaniak nga agbalin a situtulok a daton ti maysa a baka wenno karnero nga adda sugatna wenno saan a nasayaat ti panagdakkelna, ngem saan a mabalin nga awaten dagitoy tapno mangtungpal iti kari kaniak.

\s5
\v 24 Masapul a saankayo nga agidaton kaniak kadagiti ayup a nadunor ti mabagbagina, napis-it, wenno narangrangkay, wenno adda sugatna. Masapul a saanyo a dangran ti mabagbagi dagiti aniaman nga ayup nga adda iti dagayo,
\v 25 ket masapul a saanyo nga awaten dagiti kakasta nga ayup nga ilako dagiti ganggannaet kadadayo. Masapul a saanyo nga idaton kaniak dagitoy a kas taraonko. Saanko nga awaten dagiti kakasta nga ayup, gapu ta nadadael ti pormada wenno addaanda iti depekto.' "

\s5
\v 26 Kinuna pay ni Yahweh kenni Mioses,
\v 27 "No ti maysa a baka wenno karnero wenno kalding ket maiyanak, masapul nga agtalinaed daytoy iti inana iti pito nga aldaw. Kalpasan dayta, mabalinen nga awaten daytoy a kas sagut kaniak a maipuor.

\s5
\v 28 Saanyo a partien ti baka wenno kalding ken ti urbonda iti isu met laeng nga aldaw.
\v 29 No mangidatonkayo iti ayup tapno agyamankayo kaniak gapu iti inaramidko, idatonyo daytoy iti wagas nga awatek daytoy.
\v 30 Ti karne ket masapul a kanen it dayta nga aldaw. Saankayo a mangitedda iti daytoy agingga iti sumaruno a bigat. Siak ni Yahweh, ti mangibilbilin iti daytoy.

\s5
\v 31 Tungpalenyo dagiti amin a bilbilinko. Siak ni Yahweh, ti mangibilbilin kadagitoy.
\v 32 Saandak nga ibabain babaen iti panagsukiryo kadagitoy. Dakayo nga Israelita masapul a bigbigenyo a Siak a ni Yahweh ket nasantoan, ken siak ti mamagbalin kadakayo a nasantoan.
\v 33 Ken siak ti nangiruar kadakayo idiay Egipto tapno siak a ni Yahweh, ket agbalin a Diosyo."

\s5
\c 23
\p
\v 1 Kinuna ni Yahweh kenni Moises,
\v 2 "Ibagam kadagiti Israelita ti maipanggep kadagiti fiesta para kenni Yahweh, dagiti aldaw a masapul nga aguummongkayo iti nasantoan a panagtitipon ken naikeddeng kadatayo dagitoy a tiempo iti tunggal tawen, a kas fiesta nga agdayawkayo kaniak.

\s5
\v 3 Mabalin nga agtrabahokayo iti innem nga aldaw iti tunggal lawas, ngem iti maikapito nga aldaw, masapul a saankayo nga agtrabaho iti uray ania. Masapul nga aginanakayo. Nasagradoan daytoy nga aldaw a masapul nga aguummongkayo tapno agdayaw kaniak. Sadinoman ti pagnaedanyo, masapul nga aginanakayo iti dayta nga aldaw.

\s5
\v 4 Adda dagiti fiesta nga ikeddengko kadakayo. Agbalinto dagitoy a nasagradoan nga al-aldaw a masapul nga aguummongkayo tapno agdayaw kaniak.
\v 5 Ti umuna a fiesta ket ti Fiesta ti Ilalabas. Mangrugi dayta a fiesta iti ililinnek ti init iti naituding nga aldaw iti tunggal tiempo ti panagtutubo ket agpatingga iti sumaruno nga aldaw.
\v 6 Mangruginto iti sumaruno nga aldaw ti Fiesta ti Tinapay nga awan lebadurana. Agtultuloy dayta a fiesta iti las-ud ti pito nga aldaw. Kabayatan iti dayta a tiempo, ti tinapay a kanenyo ket masapul a naaramid nga awan lebadurana.

\s5
\v 7 Iti umuna nga aldaw iti dayta a fiesta, masapul nga isardengyo amin ti gagangay a trabahoyo ken aguummongakayo tapno agdayaw kaniak.
\v 8 Iti tunggal aldaw iti pito nga aldaw, masapul a mangidatagkayo kaniak kadagiti ayup a kas daton tapno naan-anay a mapuoran iti rabaw ti altar. Iti maikapito nga aldaw, masapul nga isardengyo manen amin ti gagangay a trabahoyo ken aguummongkayo tapno agdayaw kaniak."

\s5
\v 9 Imbaga pay ni Yahweh kenni Moises
\v 10 nga ibagana kadagiti Israelita ti maipanggep kadagiti dadduma a fiesta. Kinunana, "Kalpasan a makasangpetkayo iti daga nga itedko kadakayo, ken inton apitenyo dagiti mulayo iti umuna a tiempo idiay, iyegyo iti padi dagiti umuna a bukel a maapityo.
\v 11 Iti aldaw kalpasan iti sumaruno nga Aldaw a Panaginana, itag-ayto daytoy ti padi nga idaton kaniak, tapno mabalinko nga awaten daytoy a kas sagutyo.

\s5
\v 12 Iti dayta met laeng nga aldaw, masapul nga agidatonkayo kaniak iti maysa a kalakian nga urbon a karnero nga agtawen iti maysa nga awan depektona. Masapul a puoranyo daytoy iti rabaw ti altar.
\v 13 Masapul a mangpuorkayo pay iti daton nga arina. Masapul nga aglaon dayta a daton iti 4.5 a litro iti nasayaat nga arina, nagiling a bukel, a nalaokan iti lana ti olibo. Ti ayamuom dagidiay a mapupuoran a banbanag ket makaay-ayonto unay kaniak. Kakuyogna dayta, masapul nga agidatonkayo pay iti maysa a litro ti arak, nga agbalinto a daton a likido.
\v 14 Saankayo a mangan iti aniaman a tinapay wenno aniaman nga inuruban wenno saan nga inuruban a bukel iti dayta nga aldaw agingga a maiyegyo dagidiay a daton kaniak a Diosyo. Dakayo ken amin a kaputotanyo ket masapul nga agtulnog a kanayon kadagitoy a bilbilin, sadinoman ti pagnaedanyo.

\s5
\v 15 Pito a lawas kalpasan nga idaton ti padi kaniak dayta nga arina,
\v 16 iti sumaruno nga aldaw kalpasan nga idatonna dayta, masapul a mangiyeg ti tunggal pamilia kaniak iti daton manipud iti baro nga apit a bukel.

\s5
\v 17 Manipud kadagiti pagtaenganyo, mangiyegkayo iti dua a tinapay iti padi. Itag-aynanto dagitoy tapno ipaay a kas daton para kaniak. Masapul a maluto dagitoy a tinapay manipud iti 4.5 a litro iti nasayaat nga arina a nalaokan iti lebadura. Agbalinto dayta a tinapay a daton para kaniak manipud iti umuna a trigo a maapityo iti tunggal tawen.
\v 18 Kakuyog daytoy a tinapay, masapul a mangidatagkayo kaniak iti pito nga urbon a karnero nga agtawen iti maysa nga awan iti depektoda, maysa a bumaro a baka, ken dua a kalakian a karnero. Masapul a naan-anay a mapuoran amin dagitoy iti rabaw ti altar. Amin dagitoy a daton, kakuyog ti daton nga arina ken ti daton nga arak, ket mapuoranto, ken ti ayamuom dagitoy a banbanag a mapupuoran ket makaay-ayonto unay kaniak.

\s5
\v 19 Ket masapul a mangpapataykayo pay iti maysa a kalakian a kalding a kas daton gapu kadagiti basolyo ken dua a kalakian nga urbon a karnero nga agtawen iti maysa nga agbalin a daton tapno mangikarikayo iti pannakigayem kaniak.
\v 20 Itag-ayto ti padi dagitoy a daton tapno ipaayna kaniak. Idatonnanto pay ti tinapay a naluto manipud iti umuna a trigo a maapityo. Naisangsangayan dagidiay a daton kaniak; ngem para iti padi dagitoy.
\v 21 Iti dayta nga aldaw, masapul nga isardengyo ti gagangay a trabahoyo ken aguummongkayo tapno agdayaw kaniak. Dakayo ken amin a kaputotanyo ket masapul nga agtulnog a kanayon kadagitoy a bilbilin, sadinoman ti pagnaedanyo.

\s5
\v 22 Inton apitenyo ti trigo kadagiti taltalonyo, saanyo nga apiten dagiti adda iti igid dagiti taltalon, ken saanyo a piduten ti dawa a natnag dagiti agan-ani. Ibatiyo dagitoy para kadagiti marigrigat ken para kadagiti ganggannaet a makipagnanaed kadakayo. Saanyo a liplipatan a Siak ni Yahweh a Diosyo, ti mangibilbilin kadagitoy a banbanag!"

\s5
\v 23 Imbaga pay ni Yahweh kenni Moises
\v 24 nga itedna dagitoy a pagannurotan kadagiti Israelita: "Tunggal tawen iti maikapito a bulan, iti umuna nga aldaw iti dayta a bulan, masapul a rambakanyo amin dayta nga aldaw, aldaw a naan-anay nga aginanakayo. Masapul a saankayo nga agtrabaho iti dayta nga aldaw. Inton puyotan dagiti papadi iti napigsa dagiti trumpetada, masapul nga aguummongkayo a kas nasantoan a gimong, tapno agdayaw kaniak.
\v 25 Aminkayo ket masapul a saanyo nga aramiden ti gagangay a trabahoyo iti dayta nga aldaw. Ngem ketdi, masapul nga agidatagkayo kaniak kadagiti daton a mapuoran iti rabaw ti altar."

\s5
\v 26 Kinuna pay ni Yahweh kenni Moises,
\v 27 "Masapul a rambakanyo ti aldaw a kiniddawyo a pakawanek dagiti basbasol nga inaramidyo. Dayta nga aldaw ket siam nga aldaw kalpasan iti fiesta inton puyotan dagiti padi dagiti trumpeta. Iti dayta nga aldaw, masapul a saankayo a mangan. Masapul nga aguummongkayo tapno agdayaw kaniak ken mangidatagkayo kaniak kadagiti daton a mapuoran iti rabaw ti altar.

\s5
\v 28 Masapul a saankayo nga agtrabaho iti dayta nga aldaw, gapu ta dayta ti Aldaw ti Pannakapakawan ti basol, inton agidaton dagiti padi iti daton para kaniak a mangpakawan kadagiti basbasolyo.
\v 29 Masapul a papanawenyo manipud kadagiti tattao ti siasinoman a saan nga agayunar iti dayta nga aldaw.

\s5
\v 30 Ikkatekto ti siasinoman nga agtrabaho iti dayta nga aldaw.
\v 31 Masapul a saankayo pulos nga agtrabaho! Dakayo ken amin a kaputotanyo ket masapul nga agtulnog a kanayon kadagitoy a bilbilin, sadinoman ti pagnaedanyo.
\v 32 Agbalinto dayta nga aldaw nga aldaw ti naan-anay a panaginana para kadakayo, ken masapul nga agayunarkayo iti dayta nga aldaw a mangipakita nga agbabbabawikayo gapu ta nagbasolkayo. Dayta nga aldaw iti panaginana ken panagayunar ket mangruginto iti rabii sakbay iti aldaw a dinawatyo kaniak a pakawanek dagiti basbasolyo, ken aglepasto daytoy iti rabbii iti sumaruno nga aldaw."

\s5
\v 33 Kinuna pay ni Yahweh kenni Moises,
\v 34 "Ibagam kadagiti Israelita a masapul pay a rambakanda iti tunggal tawen ti Fiesta dagiti Abong-abong. Mangruginto dayta a fiesta lima nga aldaw kalpasan ti Aldaw ti Pannakapakawan ti basol. Agpaut daytoy a fiesta iti pito nga aldaw.

\s5
\v 35 Iti umuna nga aldaw iti dayta a fiesta, masapul nga aguummong dagiti tattao tapno agdayaw kaniak, ken masapul a saanda nga agtrabaho.
\v 36 Iti tunggal aldaw iti pito nga aldaw iti daytoy a fiesta, masapul a mangidatagda kaniak kadagiti daton nga ayup a mapuoranto iti rabaw ti altar. Iti maikawalo nga aldaw, masapul nga aguummongda manen a kas nasantoan a gimong tapno agdayaw kaniak ken mangidatag kaniak iti sabali nga ayup a mapuoran iti rabaw ti altar. Agbalinto met dayta a nasagradoan a panaguummong, ken masapul a saanda nga agtrabaho iti dayta met laeng nga aldaw.

\s5
\v 37 Iti kadagupanna, dagitoy dagiti fiesta nga intudingko. Rambakanyo dagitoy a fiesta babaen iti panaguummongyo tapno idatag kaniak dagiti amin a nadumaduma a daton a mapuoranto iti rabaw ti altar- dagiti ayup a naan-anayto a mapuoran, ken dagiti daton nga arina, dagiti daton a mangikari iti pannakigayyem kaniak, ken dagiti daton nga arak. Masapul a maiyeg ti tunggal daton iti aldaw nga impakaammok.
\v 38 Masapul a rambakanyo dagitoy a fiesta a mainayon iti panagdayaw kaniak iti Aldaw a Panaginana. Ken masapul nga itedyo kaniak amin dagidiay a daton a mainayon kadagiti daton nga ikeddeng dagiti tattao nga ited, ken mainayon kadagiti daton nga aramiden dagiti tattao a kakuyog dagiti napasnek a kari nga inaramidda.

\s5
\v 39 Sublianak dagiti pagannurotak maipanggep iti Fiesta dagiti Abong-abong, masapul a rambakanyo dagitoy a fiesta kalpasan a naapityo dagiti amin a mulmulayo. Iti umuna nga aldaw ken iti maudi nga aldaw iti dayta a fiesta, masapul a naan-anay nga aginanakayo.

\s5
\v 40 Ngem iti umuna nga aldaw, mapalubosankayo nga agpuros kadagiti kasasayaatan a bunga manipud kadagiti kaykayo. Mangalakayonto pay kadagiti palatang manipud kadagiti kaykayo a palma, kadagiti nabulong a sanga manipud kadagiti dadduma a kaykayo, ken dagiti wilow a kayo iti asideg ti waig, ket mangaramidkayo kadagiti abong-abong a pagnaedanyo iti dayta a lawas. Ket agrag-okayo iti sangoanak iti las-ud dagidiay a pito nga aldaw.
\v 41 Masapul a rambakanyo daytoy a fiesta iti las-ud iti pito nga aldaw iti tunggal tawen. Dakayo ken amin a kaputotanyo ket masapul nga agtulnog a kanayon kadagitoy a bilbilin, sadinoman ti pagnaedanyo. Masapul a rambakanyo daytoy a fiesta iti maikapito a bulan.

\s5
\v 42 Kabayatan iti pito nga aldaw iti dayta a fiesta, dakayo amin nga Israelita ket masapul nga agnaedkayo kadagiti abong-abong iti amin a biagyo.
\v 43 Kanayonto a mangipalagip daytoy a fiesta kadagiti kaputotanyo a nagnaed dagiti kapuonanda kadagiti abong-abong iti adu a tawtawen kalpasan nga inispalko ida manipud Egipto. Saanyo a liplipatan a Siak ni Yahweh a Diosyo, ti mangibilbilin iti daytoy."
\v 44 Isu nga inted ni Moises kadagiti Israelita amin dagitoy a pagannurotan maipapan kadagiti fiesta a kayat ni Yahweh a rambakanda iti tunggal tawen.

\s5
\c 24
\p
\v 1 Kinuna pay ni Yahweh kenni Moises,
\v 2 "Bilinem dagiti Israelita a kanayonda a mangiyeg kenka iti nadalus a lana a naaramid manipud kadagiti napespes nga olibo a mangsegged kadagiti pagsilawan iti uneg ti nasagradoan a tolda, tapno kanayon a nakagangat dagidiay a pagsilawan iti amin a tiempo.

\s5
\v 3 Iti ruar ti kurtina ti kasasantoan a lugar, masapul a kanayon a bantayan ni Aaron dagiti pagsilawan iti imatangko, tapno nakagangat amin dagitoy bayat iti rabii. Masapul a matungpal dayta nga alagaden iti agnanayon.
\v 4 Masapul a kanayon a bantayan dagiti papadi a nakagangat dagiti pagsilawan iti imatangko.

\s5
\v 5 Maysa pay, tunggal lawas, masapul a mangalakayo iti napino nga arina ket aglutokayo kadagiti dakkel a tinapay, agaramatkayo iti agarup 4.5 a litro ti arina para iti tunggal tinapay.
\v 6 Ikabilyo dagiti tinapay iti dua nga intar, nga addaan iti innem a tinapay iti tunggal intar, iti rabaw ti lamisaan a nabalkot iti puro a balitok, iti presensiak.

\s5
\v 7 Iti tunggal urnos, mangikabilkayo kadagiti puro nga insenso kadagiti balitok a kopa a mapuoran a kas daton para kaniak imbes a ti tinapay.
\v 8 Masapul a mangikabil dagiti papadi iti rabaw ti lamisaan kadagiti kabarbaro a tinapay iti tunggal Aldaw a Panaginana, a mangipakita iti katulagan nga awan ti patinggana, nga inaramidko kadakayo nga Israelita.
\v 9 Inton maikkat dagiti tinapay manipud iti lamisaan, kukuanto dagitoy ni Aaron ken dagiti annakna a lallaki. Masapul a kanenda dagitoy iti lugar a nairanta para iti daytoy a panggep, gapu ta paset dagitoy dagiti daton- dagiti daton a kukuak laeng- a naited kaniak babaen iti panangpuor."

\s5
\v 10-11 Adda ti maysa a lalaki a ti nagan ti inana ket Selomit. Israelita isuna, a ti nagan ti amana ket Dibri a manipud iti tribu ti Dan. Ti ama ti anakna a lalaki ket taga-Egipto. Maysa nga aldaw, nagapa ti lalaki ken ti sabali nga Israelita a lalaki iti uneg ti kampo. Ket kabayatan nga agap-apada, inlunod dayta a lalaki ni Yahweh.
\v 12 Isu a tiniliw dagiti Israelita isuna ken binantayanda agingga a maammoanda ti ipaltiing ni Yahweh kadakuada maipanggaep iti rumbeng nga aramidenda iti dayta a lalaki.

\s5
\v 13 Ket kinuna ni Yahweh kenni Moises,
\v 14 "Galutanyo ken iruaryo iti kampo ti lalaki a nangilunod kaniak. Amin a nakangngeg iti imbagana ket masapul nga ipatayda dagiti imada iti ulona tapno maipakita a nagbiddut isuna, ket kalpasanna, masapul a papatayen dagiti amin a tattao isuna babaen iti panangbatoda kenkuana.

\s5
\v 15 Ibagam kadagiti Israelita, 'No ilunodnak ti siasinoman, masapul nga ibturanna dagiti supapakna.
\v 16 Isu a siasinoman a mangilunod kaniak ket masapul a mapapatay. Masapul a batoen dagiti amin a tattao isuna. Awan aniamanna no ganggannaet man isuna wenno naiyanak nga Israelita. Siasinoman a mangilunod kaniak ket masapul a mapapatay.

\s5
\v 17 Maysa pay, no patayen ti siasinoman ti sabali a tao, masapul a papatayen isuna dagiti tattao.
\v 18 Ket ti siasinoman a mangpapatay iti ayup iti sabali a tao ket masapul nga ikkanna dayta a tao iti sibibiag nga ayup a pangsukatna iti pinatayna.

\s5
\v 19 Ket no dangran ti maysa a tao ti sabali a tao, mapalubosan ti tao a nadangran a mangbales iti tao a nangdangran kenkuana iti isu met laeng a wagas.
\v 20 No tukkolen ti maysa a tao ti maysa kadagiti tulang ti sabali a tao, mapalubosan dayta a tao a mangtukkol iti maysa kadagiti tulang ti tao a nangdangran kenkuana. No bulseken ti maysa a tao ti maysa a mata iti sabali a tao, mapalubosan dayta a tao a mangbulsek iti mata ti tao a nangdangran kenkuana. No pinusi ti maysa a tao ti ngipen ti sabali a tao, mapalubosan dayta a tao a mangpusi iti maysa a ngipenna. No ania ti maaramid iti dimmangran ket masapul kapadpada iti inaramidna iti sabali a tao.
\v 21 Siasinoman a mangpapatay iti ayup iti sabali a tao ket masapul nga ikkanna dayta a tao iti sibibiag nga ayup a pangsukatna iti pinatayna, ngem masapul a papatayen dagiti tattao ti siasinoman a mangpapatay iti sabali a tao.

\s5
\v 22 Dakayo nga Israelita ken dagiti ganggannaet a makipagnanaed ket masapul nga agpada nga adda kadakayo dayta a linteg. Siak ni Yahweh a Diosyo, ti nangibilin iti daytoy."
\v 23 Imbaga ngarud ni Moises kadagiti Israelita ti masapul nga aramidenda iti lalaki a nangilunod kenni Yahweh, isu nga impanda ti lalaki iti ruar ti kampo ken pinatayda isuna babaen iti panangbatoda kenkuana. Inaramidda ti imbilin ni Yahweh kenni Moises nga ibagana kadakuada nga aramidenda.

\s5
\c 25
\p
\v 1 Kinuna ni Yahweh kenni Moises idiay Bantay Sinai,
\v 2 "Ibagam kadagiti Israelita nga it-ited ni Yahweh dagitoy a bilbilin kadakuada: Inton sumrekkayo iti daga nga itedna kadakayo, dayawenyo isuna iti tunggal maikapito a tawen babaen iti saanyo a panagmula kadagiti aniaman a mula. Masapul a paginanaenyo ti daga.

\s5
\v 3 Kabayatan iti innem a tawen, mulaanyo dagiti taltalonyo, arbasanyo dagiti kaubasanyo, ken apitenyo dagiti mulmulayo.
\v 4 Ngem iti maikapito a tawen ket masapul a paginanaenyo dagiti taltalonyo, tapno dayawenyo ni Yahweh. Saankayo nga agmula kadagiti bukbukel kadagiti taltalonyo wenno arbasan dagiti kaubasanyo iti maikapito a tawen.

\s5
\v 5 Iti maikapito a tawen, saankayo a mangibaon kadagiti trabahador a mangapit iti aniaman a nagtubo a bukel kadagiti taltalonyo; masapul a saankayo a mangibaon kadagiti trabahador a mangapit kadagiti aniaman a bunga ti ubas a manipud kadagiti sanga a saanyo a pinutdan. Masapul a paginanaenyo ti daga iti dayta a tawen.
\v 6 Ngem mapalubosankayo a mangan kadagiti aniaman a mulmula a nagtubo lattan iti dayta a tawen. Dakayo ken dagiti lallaki ken babbai nga adipenyo, ken dagiti trabahador a tangtangdananyo, ken siasinoman a ganggannaet a makipagnanaed kadakayo- mabalinyo amin a kanen dagidiay a banbanag.
\v 7 Ken mapalubosan dagiti dingwenyo ken dagiti atap nga ayup iti dagayo a mangan kadagitoy iti dayta met laeng a tawen.

\s5
\v 8-9 Kalpasan iti tunggal 49 a tawen, masapul nga aramidenyo daytoy. Iti maikasangapulo nga aldaw iti maikapito a bulan iti sumaruno a tawen, puyotanyo dagiti trumpeta iti entero a pagilian, tapno ipablaak ti Aldaw ti Pannakapakawan ti basol.

\s5
\v 10 Ilasinyo dayta a tawen tapno agdayaw kenni Yahweh. Masapul nga iwaragawagyo iti sadinoman, kadagiti amin a tattao, a daytoy a tawen ket tiempo ti panagisubli ti daga kadagiti pamilia nga umuna nga akinkukua iti daytoy idi impannakayo ni Yahweh iti dagayo. Tiempo pay daytoy para iti pannakawayawaya iti siasinoman kadagiti tagabu a tattao ni Yahweh.

\s5
\v 11 Daytoy a tawen, ti maikalimapulo a tawen, ket tawen a masapul nga agrag-okayo ken agtulnog kadagiti naisangsangayan a pagannurotan ni Yahweh. Saankayo nga agmula iti aniaman iti dayta a tawen, ken saanyo nga apiten iti kadawyan a wagas dagiti mulmula wenno dagiti ubas a nagtubo lattan.
\v 12 Tawen daytoy a para kadakayo tapno agrag-o. Ibilangyo daytoy a kas naisangsangayan, ken kanenyo laeng dagiti nagtubo lattan.

\s5
\v 13 Iti dayta a tawen ti panagrambak, masapul nga agsubli ti tunggal maysa iti bukodda a sanikua.
\v 14 No mangilakokayo iti daga iti padayo nga Israelita wenno no gumatangkayo iti daga manipud iti maysa kadakuada, masapul a tratoenyo dayta a tao nga awan panangidumdumayo.

\s5
\v 15 No gumatangkayo iti daga, maibasar ti gatad nga ibayadyo iti bilang dagiti tawen a nabati agingga iti sumaruno a tawen ti panagrambak. No adda mangilako iti dagana kadakayo, pagbayadennakayonto iti gatad a maibasar iti bilang dagiti tawen a nabati agingga iti sumaruno a tawen ti panagrambak.
\v 16 No adu pay dagiti tawen sakbay iti sumaruno a tawen ti panagrambak, nanginnginanto ti gatadna; no bassit laengen dagiti tawen agingga iti sumaruno a tawen ti panagrambak, nalaklakanto ti gatadna. Mabalinyo nga ibaga a ti pudno nga ilaklakona kadakayo ket ti bilang dagiti mulmula a mabalinyo a maapit sakbay iti sumaruno a tawen ti panagrambak.
\v 17 Saankayo nga agsisinnaur. Dayawenyo ketdi ni Yahweh. Ni Yahweh a pagdaydayawantayo nga Israelita, a mangibilbilin kadatayo a mangaramid kadagitoy a banbanag.

\s5
\v 18 Agtulnogkayo a siaannad kadagiti amin a lintegko. No aramidenyo dayta, agtultuloykayo nga agbiag a sitatalged iti pagilianyo.
\v 19 Dumakkel a nasayaat dagiti mulmula iti daga, ket maaddaankayonto iti nawadwad a makan.

\s5
\v 20 Ngem nalabit a saludsodenyo, "No saankami nga agmula wenno agapit kadagiti mulmulami iti maikapito a tawen, anianto ti kanenmi?"
\v 21 Sungbatannakayo ni Yahweh a bendisionannakayo iti kasta unay iti maikainnem a tawen, nga addaan iti pagbanagan nga iti dayta a tawen ket adda iti umdas a mulmula a mangted iti taraon kadakayo iti las-ud ti tallo a tawen.
\v 22 Ket kalpasan nga agmulakayo iti bukel iti maikawalo a tawen ken agur-uray a dumakkel dagiti mulmula, mangankayonto iti taraon a nagtubo iti maikanem a tawen; agtultuloy a kanenyo daytoy agingga nga apitenyo dagiti mulmulayo iti maikasiam a tawen.

\s5
\v 23 Masapul a saanyo nga ilako ti aniaman a dagayo nga agnanayon a tagikuaen iti maysa a tao, gapu ta saanyo a kukua ti daga. Siak ti akinkukua iti daytoy, ket makipagnanaedkayo laeng ditoy iti saan nga agnanayon ken taltalonenyo daytoy para kaniak.
\v 24 Iti entero a pagilian a tagikuaenyo, masapul a laglagipenyo a no adda mangilako iti dagana kadakayo, mapalubosan isuna a manggatang met laeng iti daytoy manipud kadakayo iti aniaman a tiempo.
\v 25 Isu a no pumanglaw ti maysa kadagiti padayo nga Israelita ket ilakona ti sumagmamano a sanikuana kadakayo, mapalubosan ti kaasitgan a kabagianna nga umay ken gatangenna met laeng dayta a daga para kenkuana.

\s5
\v 26 Nupay kasta, no awan ti manggatang iti daga ti maysa a tao para kenkuana, ngem no rumang-ay manen isuna ket nakaurnong iti umdas a kuarta a manggatang met laeng iti dayta a daga,
\v 27 masapul a bilangenna dagiti tawen a mabati agingga iti sumaruno a tawen ti panagrambak. Ket masapul a bayadanna ti tao a gimmatang iti daga iti kuarta a maurnong koma ti sabali a tao babaen iti panagmulana iti dayta a daga iti las-ud dagitoy a tawen.
\v 28 Ngem no awan ti umdas a kuarta ti sigud nga akinkukua a manggatang met laeng iti daga nga inlakona, agtultuloy a kukua ti tao a gimmatang iti daytoy agingga iti sumaruno a tawen ti panagrambak. Iti dayta a tawen, kukuananto manen daytoy, ket mabalinna manen a talonen daytoy.

\s5
\v 29 No ilako ti maysa a tao ti balay nga adda iti siudad a napaderan iti aglawlawna, bayat iti sumaruno a tawen, mapalubosanto isuna a manggatang met laeng iti daytoy manipud iti tao a gimmatang iti daytoy.
\v 30 No saanna a gatangen daytoy kabayatan dayta a tawen, agnanayonto daytoy a kukua ti tao a gimmatang iti daytoy, ken dagiti kaputotan dayta a tao. Saanna a masapul nga isubli daytoy iti sigud nga akinkukua iti tawen ti panagrambak.

\s5
\v 31 Ngem dagiti babbalay nga adda kadagiti barbario nga awanan iti pader ket maibilang a kasla adda dagitoy idiay taltalon. Isu a no adda mangilako iti maysa kadagidiay a babbalay, mapalubosan isuna a manggatang met laeng iti daytoy iti aniaman a tiempo. Ken uray no saanna a gatangen daytoy, tagikuaennanto manen daytoy iti tawen ti panagrambak.
\v 32 Nupay kasta, naidumduma ti kasasaad dagiti kaputotan ni Levi. No ilakoda dagiti babbalayda nga adda iti siudadda, mapalubosanda a manggatang met laeng kadagitoy iti aniaman a tiempo.

\s5
\v 33 Ngem uray no saanda a magatang met laeng dagidiay a babbalay, kukuadanto manen daytoy iti tawen ti panagrambak, gapu ta adda kadagiti siudadda dagidiay a babbalay, iti daga nga inted dagiti dadduma nga Israelita kadakuada.
\v 34 Ngem ti daga a pagpaspastoran iti asideg dagiti il-ilida ket masapul a saan a mailako. Masapul a kukua daytoy ti sigud nga akinkukua iti agnanayon.

\s5
\v 35 No pimmanglaw ti maysa kadagiti padayo nga Israelita ken saanna a kabaelan a gatangen dagiti kasapulanna, masapul a tulongan isuna dagiti dadduma kadakayo a kas iti panangtulongyo iti ganggannaet a saan nga agnanayon a makipagnanaed kadakayo.
\v 36 No pautanganyo isuna iti kuarta, saanyo a paanakan daytoy. Ngem ketdi, ipakitayo babaen iti aramidyo a daydayawenyo ti Diosyo; masapul a tulonganyo dayta a tao, tapno makapagtultuloy isuna makipagnaed kadakayo.
\v 37 No pautanganyo isuna iti kuarta, saanyo a paanakan; ket no lakoanyo isuna iti taraon, singerenyo laeng isuna iti imbayadyo iti daytoy. Saanyo a padasen nga agganansia manipud iti daytoy.
\v 38 Saanyo a liplipatan a ni Yahweh a Diosyo ti mangmangted kadakayo kadagitoy a bilbilin; kalpasan iti amin, daytoy ket, ni Yahweh ti nangirruar kadakayo manipud iti Egipto tapno agbalin a Diosyo ken mangted kadakayo iti daga ti Canaan.

\s5
\v 39 No pumanglaw ti maysa kadagiti padayo nga Israelita, ket ilakona ti bagina kadakayo, saanyo a piliten isuna nga agtrabaho a kasla maysa a tagabu.
\v 40 Tratoenyo isuna a kas iti panangtratoyo kadagiti trabahador a tangtangdananyo wenno kasla iti maysa tao a saan nga agnanayon a makipagnanaed kadakayo. Masapul nga agtrabaho laeng isuna kadakayo agingga iti tawen ti panagrambak.
\v 41 Kabayatan dayta a tawen, masapul a wayawayaanyo isuna, ket mabalinna ti agsubli iti pamiliana ken iti sanikua dagiti kapuonanna.

\s5
\v 42 Daytoy ket kasla tagabunatayo amin nga Israelita ni Yahweh, a winayawayaanna manipud iti pannakatagabu idiay Egipto. Isu nga awan koma kadakayo iti aggiginnatang ken mangtagabu iti tunggal maysa.
\v 43 Ken saanyo met a tratoen a siuulpit dagiti Israelita a ginatangyo. Ngem ketdi, dayawenyo ni Yahweh a Diostayo.
\v 44 No kayatyo ti maaddaan kadagiti tagabu, mapalubosankayo a manggatang kadakuada manipud kadagiti bunggoy dagiti tattao nga adda iti asideg.

\s5
\v 45 Mapalubosankayo pay a gumatang kadagiti ganggannaet a makipagnanaed kadakayo, ken kadagiti kameng ti pulida a naiyanak iti pagilianyo. Mabalinyo ida a tagikuaen.
\v 46 Agbalinda a tagabuyo iti las-ud dagiti nabatbati pay a tawen iti panagbiagyo, ket kalpasan a mataykayo, mapalubosan dagiti annakyo a mangtagikua kadakuada. Ngem masapul a saankayo nga agtignay a siuulpit kadagiti padayo nga Israelita.

\s5
\v 47 Kas pangarigan a bumaknang ti maysa a ganggannaet a makipagnanaed kadakayo, ket pumanglaw ti maysa kadagiti padayo nga Israelita ken ilakona ti bagina iti dayta a ganggannaet wenno iti kameng ti pulina,
\v 48 mapalubosan ti maysa a tao a mangbayad para kenkuana tapno mawayawayaan isuna. Mapalubosan ti maysa kadagiti kabagianna a mangbayad para kenkuana tapno mawayawayaan isuna.

\s5
\v 49 Ti ulitegna wenno kasinsinna wenno dadduma a kabagianna manipud iti pulina ti mabalin a mangbayad para kenkuana tapno mawayawayaan isuna. Wenno, no rumang-ay isuna ket nakaurnong iti umdas a kuarta, mapalubosan isuna nga agbayad para iti pannakawayawayana.
\v 50 Ti tao a mangayat a mangbayad iti pannakawayawayana ket masapul a bilangenna dagiti tawen agingga iti sumaruno a tawen ti panagrambak. Ti gatad nga ibayadna iti tao a gimmatang kenkuana ket maibasar iti bayad a maited iti matangtangdanan a trabahador para kadagiti nabati pay a tawen.

\s5
\v 51 No adu pay a tawen ti nabati agingga iti tawen ti panagrambak, masapul a bayadanna ti pannakawayawayana iti dakdakkel a gatad ti kuarta.
\v 52 No bassit laengen dagiti tawen a nabati agingga iti tawen ti panagrambak, masapul nga agbayad isuna iti basbassit a gatad tapno mawayawayaan isuna.

\s5
\v 53 Kabayatan dagiti tawen nga agtrabtrabaho isuna para iti tao a gimmatang kenkuana, masapul a tratoen isuna ti tao a gimmatang kenkuana a kasla iti panangtratona iti matangtangdanan a trabahador, ket masapul a siguradoenyo amin a saan isuna a tratoen ti akinkukua kenkuana a siuulpit.
\v 54 Ket uray no ti padayo nga Israelita a nangilako iti bagina iti baknang a tao ket saanna a kabaelan nga agbayad para iti pannakawayawayana babaen iti aniaman kadagitoy a wagas, masapul a mawayawayaan isuna ken dagiti annakna iti tawen ti panagrambak,
\v 55 gapu ta kasla dakayo nga Israelita ket tagabuk, a winayawayaak manipud iti pannakatagabuyo idiay Egipto, Siak ni Yahweh a Diosyo.' "

\s5
\c 26
\p
\v 1 Imbaga pay daytoy ni Yahweh kenni Moises idiay Bantay Sinai, "Saankayo nga agaramid kadagiti didiosen wenno mangipatakder kadagiti nakitikitan a banag wenno nasagradoan a batbato a pagrukbabanyo a kaslada la Dios. Ken saankayo a mangikabil iti sanikuayo iti maysa a bato a kinitikitanyo tapno mabalinyo ti agrukbab iti daytoy. Masapul a siak laeng iti pagrukbabanyo, ni Yahweh a Diosyo.
\v 2 Raemenyo dagiti Aldaw a Panaginana ken padayawanyo ti nasagradoan a toldak, gapu ta Siak, ni Yahweh, ket agnanaedak sadiay.

\s5
\v 3 No tungpalenyo a nasayaat dagiti amin a bilbilinko,
\v 4 pagtudoekto kadagiti umno a tiempo tapno agtubonto dagiti mulmula iti dagayo ket agbunganto iti adu dagiti kaykayoyo.

\s5
\v 5 Agtultuloykayonto nga agap-apit ken agir-irik iti bukel inggana iti tiempo iti panagapityo iti ubas ket agtultuloykayonto nga agapit iti ubas inggana a tiempon iti panangrugi iti panagmula iti sumaruno a tawen. Maaddaankayto kadagiti amin a taraon a kayatyo a kanen, ken agbiagkayto a sitatalged iti dagayo.
\v 6 No tungpalenyo dagiti amin a lintegko, addanto ti kappia iti pagilianyo ken iti pannaturogyo. Awanto ti pagbutnganyo. Ikkatekto dagiti narurungsot nga ayup iti pagilianyo, ket awanton iti gubgubat iti daytoy.

\s5
\v 7 Kamatenyonto dagiti kabusoryo ket papatayenyo ida babaen kadagiti kampilanyo.
\v 8 Kamatento ti lima kadakayo ti sangagasut kadakuada, ken kamatento ti sangagasut kadakayo ti sangapulo a ribu kadakuada ken papatayenyonto ida.

\s5
\v 9 No tungpalenyo dagiti amin a lintegko, bendisionankayo ken paaduek dagiti annakyo. Ket aramidek ti imbagak nga aramidek iti katulagak kadakayo.
\v 10 Kabayatan a kankanenyo pay laeng ti taraon manipud iti apit iti napalabas a tawen, masapul nga ibellengyonto dagiti sumagmamano kadagitoy tapno adda iti lugar a pakaipenpenan ti baro nga apit.

\s5
\v 11 Makipagnaedak kadakayo iti nasagradoan a toldak, ket saankayto pulos nga ilaksid.
\v 12 Makipagnaedak kadakayo ket agtalinaedak a Diosyo, ket agtalinaedkayo a tattaok.
\v 13 Siak ni Yahweh a Diosyo, ti nangirruar kadakayo idiay Egipto tapno saankayo nga agbalin a tagabu dagiti tattao iti Egipto. Idi addakayo sadiay, kaslakayo la dagiti ay-ayup nga agiguyguyod kadagiti arado para kadagiti tattao ti Egipto, ngem dinadaelko dagiti sangol nga ingkabilda kadagiti tengngedyo; pinagbalinkayo a mabalinanyo iti magna nga awan iti kabainyo.

\s5
\v 14 Ngem no kaspangarigan ta saandak nga ipangag; kaspangarigan ta agkedkedkayo nga agtungpal iti imbagak kadakayo nga aramidenyo.
\v 15 Kaspangarigan ta ilaksidyo dagiti pagalagadak ken dagiti lintegko, ken agsukirkayo kaniak, ngem ketdi, ilaksidyo ti katulagak kadakayo.

\s5
\v 16 Iti dayta a pasamak, dagitoy dagiti banbanag nga aramidek kadakayo. Kellaatto a mangiyegak kadagiti didigra a mangdadael kadakayo. Maaddaankayto kadagiti sakit a saan a maagasan, ken kadagiti gurigor a mangpabulsek kadakayo ken in-not a mangpapatay kadakayo. Awanto ti serserbina iti panangmulayo kadagiti taltalonyo, gapu ta kanento dagiti kabusoryo dagiti mula a dumakkel.
\v 17 Laksidenkayo, tapno parmekennakayo dagiti kabusoryo. Ket iturayandakayo, ket mabutengkayto iti kasta unay ket agtaraykayto uray no saan dakayo a kamkamaten.

\s5
\v 18 Ngem kalpasan a mapasamak dagitoy kadakayo, no agkedkedkayo latta nga agtungpal kaniak, ituloykonto ti panangdusak kadakayo para kadagiti basbasol a naaramidyo.
\v 19 Dusaenkayto iti kasta unay tapno saanton a natangken dagiti uloyo wenno natangsit. Saankonto a pulos apagtudoen iti dagayo. Daytoy ket kaslanto naaramid iti landok ti tangatang, ken ti daga ket kas katangkento ti tanso.
\v 20 Agtrabahokayto iti kasta unay iti panagmulayo kadagiti bukel ngem awan iti kaes-eskanna, gapu ta dagiti mula ket saanda a dumakkel iti natangken a daga kadagiti talonyo, ken saan a dumakkel dagiti bunga kadagiti kayoyo.

\s5
\v 21 No itultuloyyo ti agsukir kaniak ken agkedked nga agtungpal kaniak, ipaluboskonto a makapadaskayo kadagiti dididgra iti mamin-adu a daras, kas pannakaikariyo a mangsagrap gapu kadagiti basbasolyo.
\v 22 Mangibaonakto kadagiti atap nga ayup a mangdarup kadakayo, ket papatayendanto dagiti babassit nga annakyo ken dadaelenda dagiti dingwenyo. Bassitto laeng kadakayo ti mabati a sibibiag, a ti pagbanaganna ket bassitto laengen dagiti tattao nga agdaliasat kadagiti kalsada iti pagilianyo.

\s5
\v 23 No mapadasanyo dagidiay a banbanag nga aramidek a pangdusa kadakayo, no saandak latta nga ipangag, ken no ituloyyo ti agtignay a maibusor kaniak,
\v 24 agtignayakto met a maibusor kadakayo, ket ulit-ulitenkayo a dusaen gapu kadagiti basbasolyo.

\s5
\v 25 Mangibaonakto kadagiti armada a mangdusa kadakayo iti saanyo a panangaramid kadagiti banbanag nga imbilinko nga aramidenyo iti katulagan nga inaramidko kadakayo. No padasenyo ti aglibas manipud kadagiti kabusoryo babaen iti panaglemmengyo iti likudan dagiti pader dagiti siudadyo, mangyegakto kadagiti didigra kadakayo, ket ipaluboskonto a tiliwendakayo dagiti kabusoryo.
\v 26 Inton isardengko iti panangtedko kadakayo iti taraon, addanto laeng iti nagbassit unay nga arina a maaramid a tinapay. Kas pagbanaganna, sangapulonto a babbai ti mangluto kadagiti amin a tinapayda iti maymaysa laeng a pugon. Inton naluton ti tinapay, bingay-bingayento iti tunggal babai daytoy kadagiti kameng iti pamilyana, ngem addanto laeng iti nakabasbassit para iti tunggal maysa, ket inton nakanda aminen daytoy, mabisindanto pay laeng.

\s5
\v 27 Kalpasan a mapasamak amin dagitoy a banbanag, no saandak latta a tungpalen, no agtignaykayo latta a maibusor kaniak,
\v 28 makaungetakto kadakayo iti kasta unay, ket agtinayakto a maibusor kadakayo; dusaenkayto iti paulit-ulit gapu kadagiti basbasolyo.

\s5
\v 29 Mabisinankayto iti kasta unay nga uray la papatayenyo dagiti annakyo a lallaki ken babbai ket kanenyo dagiti lasagda.
\v 30 Siguradoekto a dadaelen dagiti sabali a tattao dagiti altar a pagrukrukbabanyo kadagiti didiosen. Rebbaekto dagiti altar a pangpupuoranyo iti insenso nga agrukbab kadagiti didiosenyo, ken ipenpenkonto dagiti bangkayyo iti rabaw dagiti awan biagna a ladawan dagiti didiosenyo. Ket guraenkayto.

\s5
\v 31 Pagbalinekto dagiti siudadyo a gabsuon dagiti nadadael, ken rebbaekto dagiti pasdek nga impatakderyo para kadagiti didiosenyo. Ket saanakto pulos a maay-ayo iti ayamuom dagiti datonyo a mapuoran iti rabaw ti altar.
\v 32 Dadaelekto a naan-anay ti pagilianyo, a ti banagna ket uray pay dagiti kabusoryo a nangsakop iti daytoy ket maklaatda no makitada a napasamak daytoy.
\v 33 Ipaluboskonto a papatayendakayo dagiti kabusoryo babaen kadagiti kampilanda, ket ipaluboskonto a iwarawarada dagiti dadduma kadakayo kadagiti dadduma a bunggoy dagiti tattao. Siguraduekto a dadaelenda ti pagilianyo ken pirdienda dagiti siudadyo.

\s5
\v 34 Kalpasan a mapasamak dayta, inggana nga agnanaedkayo kadagiti pagilian dagiti kabusoryo, ipaluboskonto nga aginana ti dagayo, a rumbeng koma inaramidyo iti kada pito a tawen.
\v 35 Kabayatan ti amin a tiempo nga awan iti siasinoman iti dagayo, makainananto daytoy. Daytoy ket saanto a kasla kadakayo, a saan pulos a nangipalubos nga aginana daytoy kabayatan iti kaaddayo sadiay.
\v 36 Para kadakayo a tattao nga agtalinaedto a sibibiag kadagiti pagilian a pangipanan dagiti kabusoryo kadakayo, pagbalinenkayonto a mabutbuteng iti kasta unay, isunga inton mangngegyo dagiti maiyang-angin a bulong, tumaraykayto nga umadayo.

\s5
\v 37 Tumaraykayto a kasla adda mangkamkamat kadakayo a maysa a tao a nakakampilan, ket matuangkayto, uray no awan iti um-umay iti likudanyo. Agdidinnungparkayonto gapu iti panagtarayyo. Saankayonto a makatakder ken saanyonto a kabaeln ti makiranget kadagiti kabusoryo.
\v 38 Adunto kadakayo ti matay kadagiti pagilian dagiti kabusoryo.
\v 39 Ket dagiti agtalinaed kadakayo a sibibiag ket in-inotto a matay ken malungtot sadiay gapu kadagiti basbasolyo ken kadagiti basbasol dagiti kapuonanyo.

\s5
\v 40-41 Ngem masapul nga ipudno dagiti kaputotanyo dagiti basbasolda ken dagiti basbasol a naaramid dagiti kapuonanda. Saan a nagbalin a napudno kaniak dagiti kapuonanda ken binusordak, isu a pinilitko ida a mapan kadagiti pagilian dagiti kabusorda. Ngem no ipakumbaba dagiti kaputotanyo dagiti bagbagida ket isardengda iti kasta unay a kinatangken dagiti ul-uloda ket awatenda iti pannakadusada kadagiti basbasolda,
\v 42 lagipekto ti katulagan nga inaramidko kadagiti kapuonanyo a da Abraham, Isaac ken Jacob ken ti ingkarik kadakuada maipanggep ti daga ti Canaan.

\s5
\v 43 Ngem sakbay a mapasamak dayta, mapilitanto dagiti tattaok a mangpanaw iti dagada, a ti pagbanaganna ket makainana ti daga kabayatan nga awan ti siasinoman nga adda ditoy, ken kabayatan a dusdusaek dagiti tattao iti panangilaksidda kadagiti lintegko ken pananggurada kadagiti pagalagadak.

\s5
\v 44 Ngem saankonto latta a laksiden wenno guraen ida ken dadaelen ida a naan-anay. Saankonto a babawien ti katulagan nga inaramidko kadakuada. Siakto latta ni Yahweh, ti Dios a masapul a pagrukbabanda.
\v 45 Laglagipekto ti katulagan nga inaramidko kadagiti kapuonanyo idi inruarko ida diay Egipto, maysa a banag a nangngeg dagiti tattao kadagiti amin a pagilian. Inaramidko daytoy tapno Siak, ni Yahweh, ket agbalin a Diosyo.

\s5
\v 46 Dagitoy dagiti bilbilin, dagiti pagalagadan, ken dagiti linlinteg nga inaramid ni Yahweh idiay Bantay Sinai kadagiti Israelita babaen iti panangtedna dagitoy kenni Moises tapno ibagana kadakuada.

\s5
\c 27
\p
\v 1 Kinuna pay ni Yahweh kenni Moises,
\v 2 "Ibagam kadagiti Israelita dagitoy a banbanag para kaniak: 'No ti maysa a tao ket sipapasnek nga agkari a mangilasin ti sabali a tao nga agbalin a kukua laeng ni Yahweh, sipapalubosto ni Yahweh a mangwayawaya iti dayta a tao iti panangramidna iti dayta, no bayadan ti akinrebbeng a tao ti padi iti kuarta. Masapul a patta-pattaen ti padi ti gatad ti kuarta segun iti pidaso ti pirak nga us-usarenda iti nasagradoan a tolda ni Yahweh.

\s5
\v 3 Dagitoy dagiti gatad nga ingkeddeng ni Yahweh para iti daytoy a kita ti aramid: limapulo a pidaso ti pirak para kadagiti lallaki nga agtawen ti duapulo inggana innem a pulo;
\v 4 tallopulo a pidaso ti pirak para kadagiti nataengan a babbai nga agtawen ti duapulo inggana innem a pulo;

\s5
\v 5 duapulo a pidaso ti pirak para kadagiti agtutubo a lallaki nga agtawen ti lima inggana duapulo; sangapulo a pidaso ti pirak para kadagiti agtutubo a babbai nga agtawen ti lima inggana ti duapulo;
\v 6 lima a pidaso ti pirak para kadagiti maladaga a lallaki a nabulanan inggana ti lima ti tawenda; tallo a pidaso ti pirak para kadagiti maladaga a babbai a nabulanan inggana ti lima ti tawenda;

\s5
\v 7 sangapulo ket lima a pirak para kadagiti lallaki nga agtawen ti nasursurok pay ngem innem a pulo; sangapulo a pidaso ti pirak para kadagiti babbai nga agtawen iti nasursurok pay ngem innem a pulo.
\v 8 No ti napasnek a nagkari ket nakurapay unay, ket saanna a kabaelan ti agbayad tapno mawayawayaan ti tao nga intedna kenni Yahweh, masapul nga iparangna dayta a tao iti padi. Ikeddeng ti padi ti gatad iti pannakawayawayana iti gatad a kabaelan a bayadan dayta a tao.

\s5
\v 9 No ti maysa a tao ket sipapasnek nga agkari a mangted kenni Yahweh ti ayup a makaay-ayo kenkuana, agbalinto dayta nga ayup a naisangsangayan unay kenni Yahweh; kukuana laeng daytoy.
\v 10 Ti tao a nagkari a mangted iti daytoy ket masapul a saan a mangted iti sabali nga ayup ngem ti laeng ayup nga inkarina. Masapul a saanna a sukatan iti naalas ti napintas wenno ti nasaysayaat pay ngem ti naidaton. No aramidenna dayta, agpadanto a maidaton kenni Yahweh dagiti ayup.

\s5
\v 11 No ti ayup a tarigagayanna nga ited kenni Yahweh ket saan a makaay-ayo a kas daton, masapul nga ipanna ti ayup iti padi.
\v 12 Ket ikeddengto ti padi no ania ti gatadna daytoy, segun iti kita ti ayup. Aniaman a gatad ti ikeddeng ti padi ket isunto ti gatadna, ket daytanto ti gatad ti ayup.
\v 13 No kalpasan nga inted ti tao ti ayup ket ikeddengna a a gatangen manen daytoy, masapul a bayadanna dayta a gatad iti padi ken manayunan pay ti apagkalima ti sigud a gatadna.

\s5
\v 14 Kas met laeng no ti maysa a tao ket idatonna ti balayna, ken tapno ilasinna daytoy para iti pakaidayawan ni Yahweh, ikeddeng ti padi no mano ti gatadna daytoy, a naibasar iti kasasaad ti balay. Aniaman ti ibaga ti padi a gatad daytoy, daytanto ti agbalin a gatadna.
\v 15 No ti maysa a tao ket ilasinna ti balayna para iti pakaidayawan ni Yahweh, ngem kalpasanna ket kayatna a gatangen manen daytoy, masapul a bayadanna dayta a gatad a nanayunan iti apagkalima iti sigud a gatadna, ket kukuana manen ti balay.

\s5
\v 16 No ilasin ti maysa a tao para iti pakaidayawan ni Yahweh ti sumagmamano kadagiti kukuana ken ti pamiliana, ti gatadna ket maikeddeng babaen iti kaadu ti bukel a masapul nga ibunubon iti dayta a dagup ti daga. Daytoy ket sangapulo a pidaso ti pirak iti kada 220 a litro ti bukel.

\s5
\v 17 No ti maysa a tao ket mangilasin ti daga para iti pakaidayawan ni Yahweh kabayatan iti panagrambak ti Tawen ti Panagisubli, ti gatadna ket ti naan-anay a gatadna.
\v 18 Ngem no mangilasin isuna ti talonna para kenni Yahweh kalpasan ti panagrambak ti Tawen ti Panagisubli, bilangen ti padi dagiti bilang dagiti tawen inggana ti sumaruno a panagrambak ti Tawen ti Panagisubli, ket no bassiten ti nabatbati a tawen, ti gatadna ket agbalin a nababbaba ngem iti naan-anay a gatadna.

\s5
\v 19 No ti tao a nangilasin ti talonna para kenni Yahweh ket kayatna a sublien a gatangen daytoy, masapul a bayadanna iti padi ti gatad nga imbaga ti padi, ken ti nayunna nga apagkalima ti sigud a gatadna, ket agbalin manen a kukua dayta a tao ti talon.
\v 20 No pay kasta, no saanna a sublien a gatangen daytoy, wenno no nalakon daytoy iti sabali, saanton pulos isuna a mapalubosan a manggatang manen iti daytoy.
\v 21 Iti tawen ti panagrambak, agtalinaedto daytoy a nakalasin a kas nasantoan a sagut para kenni Yahweh, ket maitedto daytoy iti padi.

\s5
\v 22 No ti maysa a tao ket mangilasin iti daga a ginatangna para iti pakaidayawanna ni Yahweh, daga a saan a paset ti daga a kukua ti pamiliana,
\v 23 masapul a bilangen ti padi dagiti tawen inggana ti sumaruno a tawen iti panagrambak, tapno maammoan no mano ti gatadna daytoy, ket masapul a bayadan ti tao dayta a gatad iti padi iti dayta nga aldaw, ket kalpasanna, kukuana manen dayta a daga, ket agbalin ti bayadna a kas nasantoan a sagut para kenni Yahweh.

\s5
\v 24 Nu pay kasta, iti tawen ti panagrambak, ti daga ket maisubli manen a kas kukua ti tao a nanggatanganna iti daytoy, ti pamilia ti tao ket kanayun kukuada dayta a daga.
\v 25 Amin a pirak a naibayad ket masapul a makwenta segun kadagiti pidaso iti pirak idiay nasagradoan a tolda.

\s5
\v 26 Awan ti siasinoman a mapalubosan a mangidaton iti inauna nga anak ti aniaman a baka wenno karnero para iti aniaman a panggep, gapu ta ti inauna nga anak ket siguden a kukua ni Yahweh.
\v 27 No adda ti mangted kenkuana iti ayup a saan a makaay-ayo kenkuana, mabalin a gatangen met laeng dayta a tao daytoy babaen iti panangbayadna iti gatadna ken ti apagkalima ti sigud a gatadna. No saanna a gatangen manen daytoy, masapul a mailako daytoy iti umno a gatadna.

\s5
\v 28 Nu pay kasta, awan ti tagabo wenno ayup wenno daga ti pamilia a kukua ti maysa a tao ti mabalin nga ilako wenno sublien a gatangen kalpasan a naidaton daytoy kenni Yahweh. Agbalin daytoy a nasantoan kenni Yahweh.
\v 29 Awan ti tao a nakaaramid ti aniaman a banag nga ibilang ni Yahweh a dakes unay ti mawayawayaan. Awan duadua a masapul a papatayen dagiti tattao ti kasta a tao.

\s5
\v 30 Ti apagkapullo dagiti amin nga apit wenno bunga a mapataud iti daga ti siasinoman ket nasagradoan ken kukua ni Yahweh.
\v 31 No kayat ti siasinoman a gatangen met laeng dayta nga apagkapullo, masapul a bayadanna ti padi no ania ti gatadna daytoy ken ti mainayun a apagkalima ti sigud a gatadna.

\s5
\v 32 Maysa iti kada sangapulo a taraken nga ayup ket kukua ni Yahweh. No bilangen ti agpaspastor dagitoy tapno ikeddengna no ania kadagitoy ti itedna kaniak, masapul a markaanna ti kada sangapulo ti maysa a kas kukua ni Yahweh.
\v 33 No aramidenna dayta, masapul a saanna a pilien dagiti napipintas wenno ibatina dagiti naaalas, wenno sukatanna dagiti naaalas kadagiti napipintas. No pagsinnukatenna dagiti ayup iti tunggal maysa, dagiti agpada nga ayup ket kukua ni Yahweh, ket saanto a mapalubosan ti agpaspastor a manggatang manen kadagitoy."

\s5
\v 34 Dagidiay dagiti bilbilin nga inted ni Yahweh kenni Moises idiay Bantay Sinai nga ibagana kadagiti tattao.