ilo_udb/02-EXO.usfm

\id EXO
\ide UTF-8
\h Exodo
\toc1 Exodo
\toc2 Exodo
\toc3 exo
\mt Exodo

\s5
\c 1
\p
\v 1 Dagitoy dagiti annak a lallaki ni Jacob (napanda amin idiay daga ti Egipto a kaduada ni Jacob nga amada, ken dagiti bukodda a sangkabbalayan). Ti nagan dagiti annakna ket da:
\v 2 Ruben, Simeon, Levi, Juda,
\v 3 Isacar, Zabulon, Benjamin,
\v 4 Dan, Neftali, Gad ken Aser.
\v 5 Pitopulo amin ti bilang dagiti tattao a kadua ni Jacob. Adda idin ni Jose nga anakna idiay Egipto.

\s5
\v 6 Kalpasan ti sumagmamano a tiempo, natay ni Jose, ken dagiti kakabsatna ken dagiti amin a kameng ti pamiliada a nagbiag iti dayta a henerasion.
\v 7 Ngem naganak ti adu dagiti kaputotan ni Jacob. Immadu ti kasta unay ti bilang dagiti kaputotanna. Kas nagbanaganna, nagaduda unay a addada iti entero nga Egipto.

\s5
\v 8 Nupay kasta, kalpasan ti adu a tawen, maysa a baro nga ari ti nangrugi nga agturay idiay Egipto. Saanna a pulos nga impateg dagiti nasayaat a banbanag nga inaramid ni Jose para kadagiti tattao iti Egipto iti napalpalabas a panawen.
\v 9 Kinunana kadagiti tattaona, "Kitaenyo ti napasamak! Immadu ken bimmileg unay dagiti Israelita ket agpeggadtayo kadakuada!
\v 10 Masapul a mangbiroktayo ti pamuspusan tapno lappedantayo ida! No saantayo nga aramiden dayta, ad-adda pay nga umaduda. Ket no darupendatayo dagiti kabusor, makikadduanto dagiti Israelita kadagiti kabusortayo ket makugubatdanto a maibusor kadatayo, ket aglibasdanto a pumanaw iti dagatayo."

\s5
\v 11 Isu a nangisaad ti ari ken dagiti mangidadaulona kadagiti amo a mangparigat kadagiti Israelita babaen iti panagtrabahoda iti nadagsen unay. Pinagpatakderda dagiti Israelita iti dua a siudad a pagipenpenan ti taraon para iti ari. Napanaganan dagidiay a siudad ti Pitom ken Rameses.
\v 12 Ngem iti ad-adda a panangparparigatda kadagiti Israelita, ad-adda nga immadu dagiti Israelita ket immaduda ti kasta unay a pinunnoda ti daga. Isu a nangrugi nga agbuteng dagiti Egipcio kadagiti Israelita.

\s5
\v 13 Pinagtrabahoda dagiti Israelita iti kasta unay.
\v 14 Gapu ta tagabu dagiti Israelita, naliday unay ti biagda. Masapul a mangipatakderda kadagiti adu a pasdek babaen iti semento ken kadagiti ladrilio. Masapul pay nga agtrabahoda kadagiti talon. Iti panangpaaramidda kadagiti Israelita kadagitoy amin a trabaho, naulpit unay ti panangtrato dagiti amo nga Egipcio kadakuada.

\s5
\v 15 Ita, adda dua a partera a Hebreo. Ti naganda ket Zifra ken Pua. Kinuna ti ari ti Egipto kadagidiay a dua a babbai,
\v 16 "No paanakenyo dagiti babbai a Hebreo, no ti maladaga ket lalaki, masapul a papatayenyo daytoy. Ngem no babai ti maladaga, bay-anyo nga agbiag."
\v 17 Ngem nagbuteng dagiti partera nga amangan no dusaen ida ti Dios no agtulnogda iti ari. Isu a saanda nga inaramid ti imbaga ti ari kadakuada nga aramidenda. Binay-anda nga agbiag dagiti lallaki a maladaga.

\s5
\v 18 Isu a pinaayaban ti ari dagiti dua a partera ket kinunana kadakuada, "Apay nga ar-aramidenyo daytoy? Apay a baybay-anyo nga agbiag dagiti lallaki a maladaga?"
\v 19 Kinuna ti maysa kadagiti partera iti ari, "Dagiti Hebreo a babbai ket saan a kas kadagiti Egipcio a babbai. Napigsa unay dagiti Hebreo a babbai. Naipasngaydan ti anakda sakbay a dumtengkami a tumulong kadakuada."

\s5
\v 20 Isu a nagtignay ti Dios a siaasi kadagiti partera, ket immadu ken pimmigsa iti kasta unay dagiti Hebreo.
\v 21 Gapu ta adda panagbuteng dagiti partera iti Dios, inikkan ti Dios ida iti bukodda nga annak.
\v 22 Ket binilin ti ari dagiti amin nga Egipcio, a kinunana, "Masapul nga ibellengyo iti Karayan Nilo ti tunggal Hebreo a lalaki a maiyanak! Nupay kasta, bay-anyo nga agbiag dagiti babbai maladaga."

\s5
\c 2
\p
\v 1 Ita, adda maysa a lalaki a kaputotan ni Levi nga anak ni Jacob. Nangasawa isuna ti maysa a babai a kaputotan met laeng ni Levi.
\v 2 Nagsikog isuna ket naganak iti maysa a maladaga a lalaki. Idi nakitana a nasalun-at nga ubing isuna, inlemmengna daytoy iti las-ud ti tallo a bulan gapu ta saanna a kayat nga aramiden ti imbilin ti ari.

\s5
\v 3 Idi saannan a kabaelan nga ilemmeng isuna, nangala isuna ti maysa a basket a naaramid kadagiti natayag a runo. Tinapkalanna dagiti abot ti basket iti alketran tapno tumpaw daytoy iti danum. Kalpasanna, inkargana ti ubing iti basket ket inkabilna ti basket iti danum. Adda daytoy iti igid ti Karayan Nilo iti tengnga dagiti natayag a runo.
\v 4 Agtaktakder ti inauna a kabsatna a babai iti asideg, a mangkitkita no ania ti mapasamak kenkuana.

\s5
\v 5 Iti saan nga agbayag, simmalog ti anak a babai ti ari iti karayan tapno agdigos. Nagpagna-pagna dagiti babbai nga adipenna iti igid ti karayan. Nakitana ti basket iti ayan dagiti natayag a runo iti karayan isu nga imbaonna ti maysa kadagiti adipenna a mangala iti daytoy.
\v 6 Idi impan ti adipen ti basket kenkuana, linukatanna daytoy, ket nasdaaw a nakakita iti maladaga nga agsangsangit. Nalidayan isuna para kenkuana, ket kinunana, "Nalabit a maysa a maladaga a Hebreo daytoy."

\s5
\v 7 Ket immasideg ti inauna a kabsat a babai ti ubing iti anak ti ari ket kinunana, "Kayatmo kadi a mangsapulak ti maysa a Hebreo a babai a mangpasuso iti maladaga para kenka?"
\v 8 Kinuna ti anak ti ari kenkuana, "Wen, mapanka ket mangsapulka." Napan ngarud ti balasitang ket nasarakanna ti ina ti maladaga.

\s5
\v 9 Kinuna ti anak ti ari iti ina ti ubing, "Pangngaasim ta alaem ken pasusoem daytoy nga ubing para kaniak. Bayadanka iti panangaramidmo iti dayta." Innala ngarud ti inana ti ubing ket pinasusona isuna.
\v 10 Kalpasan ti adu a tawen, impan ti inana ti ubing iti anak ti ari. Innalana ket imbilangna isuna a kasla bukodna nga anak. Pinanagananna daytoy ti Moises, a kaun-uni ti sao a Hebreo nga "itakdang" gapu ta kinunana, "Intakdangko isuna manipud iti danum."

\s5
\v 11 Maysa nga aldaw, idi maysan nga agtutubo ni Moises, rimmuar isuna iti palasio tapno makitana dagiti tattaona, dagiti Hebreo. Nakitana ti kasta unay a rigatda nga agtrabaho. Nakitana pay ti maysa nga Egipcio a mangkabkabil ti maysa a Hebreo.
\v 12 Kimmita isuna iti aglawlaw tapno makitana no adda agbuybuya. Idi awan ti makitana, pinatayna ti lalaki nga Egipcio ket inkalina ti bagina iti kadaratan.

\s5
\v 13 Iti simmaruno nga aldaw, nagsubli isuna iti isu met laeng a lugar. Nasdaaw isuna a nakakita iti dua a lallaki a Hebreo nga aglablaban. Kinunana iti lalaki a nangirugi iti laban, "Apay a kabkabilem ti padam a Hebreo?
\v 14 Simmungbat ti lalaki, "Siasino ti nangaramid kenka a mangidaulo ken mangukom kadakami? Patayennak kadi a kas iti panangpataymo iti dayta nga Egipcio idi kalman?" Ket nagbuteng ni Moises gapu ta impagarupna nga, "Agsipud ta ammo daytoy a lalaki ti inaramidko, maammoanto met dagiti sabali a tattao daytoy."

\s5
\v 15-16 Idi nangngeg ti ari a pinatay ni Moises ti maysa nga Egipcio, binilinna dagiti soldadona a patayenda ni Moises. Ngem linibasan ni Moises ti ari ket pinanawanna ti Egipto. Nagdaliasat isuna iti daya nga agturong iti rehion ti Midian ket nangrugi isuna nga agnaed sadiay. Ita, ti lalaki a padi dagiti tattao ti Midian, a ti naganna ket Jetro, ket addaan iti pito nga annak a babbai. Maysa nga aldaw kabayatan nga agtugtugaw ni Moises iti abay ti bubon, immay dagiti pito nga annak a babbai iti bubon a sumakdo ti danum, ken pinunnoda dagiti pagkargaan ti danum tapno mapainom dagiti karnero ti amada.
\v 17 Immay dagiti sumagmamano nga agpaspastor ket rinugianda a papanawen dagiti babbai. Ngem tinulongan ni Moises dagiti babbai ken nagsakdo ti danum para kadagiti karneroda.

\s5
\v 18 Idi nagsubli dagiti babbai iti amada a ni Jetro, maawagan met laeng iti Reuel, sinaludsodna kadakuada, "Kasano a napainomyo dagiti karnero ken nagawidkayo a dagus ita?
\v 19 Simmungbatda, "Maysa a lalaki nga Egipcio ti nanglapped kadagiti sabali nga agpaspastor manipud iti panangpapanawda kadakami. Insakduannakami pay ti danum manipud iti bubon ken pinainomna dagiti karnero."
\v 20 Kinunana kadagiti annakna, "Sadino ti ayanna? Apay nga imbatiyo isuna sadiay? Awisenyo isuna tapno makapangan isuna!"

\s5
\v 21 Inaramidda ngarud daytoy ket nakipangan ni Moises kadakuada. Inkeddeng ni Moises ti agnaed sadiay. Saan a nagbayag, inted ni Jetro ni Sefora nga anakna kenni Moises nga agbalin nga asawana.
\v 22 Iti saan a nagbayag, naganak iti maysa nga ubing a lalaki ket pinanaganan ni Moises ti Gersom, a kaun-uni ti sao a Hebreo a kayatna a sawen "gangannaet" gapu ta kinunana, "Maysaak a gangannaet nga agnanaed iti daytoy a daga."

\s5
\v 23 Kalpasan ti adu a tawen natay ti ari ti Egipto. Umas-asug pay laeng dagiti Israelita gapu iti narigat a trabaho a masapul nga aramidenda a kas tagabu. Immawagda iti mangtulong kadakuada ket nangngeg ti Dios ida.
\v 24 Idi nangngeg ti Dios ida nga umas-asug, napanunotna ti tulagna kenni Abraham, ni Isaac kenni Jacob.
\v 25 Nakita ti Dios no kasano a naparparigat dagiti Israelita, ket kayatna ida a tulongan.

\s5
\c 3
\p
\v 1 Maysa nga aldaw, impan ni Moises ti arban ti katuganganna a ni Jetro, a padi ti Midian, iti labes ti let-ang. Nakadanon isuna idiay Bantay Horeb, ti bantay ti Dios.
\v 2 Idi adda isuna iti bantay, nagparang ni Yahweh a kas anghel kenni Moises manipud iti sumsumged a kayo. Idi kitaen ni Moises ti kayo, saan a dinadael ti apuy daytoy.
\v 3 Kinunana iti nakemna, "Umasidegak tapno kitaek daytoy nakaskasdaaw a pasamak! Apay a saan a mapupuoran ti kayo?"

\s5
\v 4 Idi nakita ni Yahweh nga umas-asideg ni Moises iti kayo, pinukkawanna ni Moises, "Moises, Moises!" Kinuna ni Moises iti Dios, "Adtoyak."
\v 5 Kinuna ti Dios, "Saanka nga umasideg iti kayo! Gapu ta Siak ti Dios, kukuak ti daga a pagtaktakderam. Isu nga ikkatem ti sandalyasmo a mangipakita ti panagraemmo kaniak."
\v 6 Kinunana, "Siak ti Dios, ti dinaydayaw dagiti kapuonam a ni Abraham, ni Isaac kenni Jacob." Mabuteng ni Moises a patayen ti Dios isuna no kitaenna isuna, isu nga inlingedna ti rupana.

\s5
\v 7 Ket kinuna ni Yahweh, "Nakitak ti panangparparigat dagiti Egipcio kadagiti tattaok idiay Egipto. Nangngegko ti naladingit a panagpukpukkaw dagiti tattaok gapu iti ipapaaramid kadakuada dagiti mangimatmaton kadagiti tagabu. Ammok no kasano ti panagsagsagaba dagiti tattaok.
\v 8 Isu a bimmabaak manipud langit tapno ispalek ida manipud kadagiti Egipcio. Iturongkonto ida iti nadam-eg ken nalawa a daga, maysa a daga a mabalinda a pagmulaan iti adu a mula ken pagtaraknan ti adu nga ayup, iti pagnanaedan dagiti kaputotan dagiti Cananeo, Heteo, Amorreo, Periseo, Heveo ken Jebuseo.

\s5
\v 9 Pudno a nangngegko itan ti panagsangsangit dagiti tattaok nga Israelita. Nakitak ti naulpit a panangtrato dagiti Egipcio kadakuada.
\v 10 Isu a pagsublienka idiay Egipto, iti ari, gapu ta idauloamto dagiti tattaok, dagiti Israelita, a rumuar idiay Egipto."

\s5
\v 11 Ngem kinuna ni Moises iti Dios, "Saanak a napataeg unay a mapan iti ari tapno mairuar dagiti tattaom manipud Egipto."
\v 12 Kinuna ti Dios, "Addaakto kenka. Inton mairuarmo dagiti tattaok iti Egipto, agdayawkayonto amin kaniak iti daytoy a bantay. Dayta ti mangpaneknek kenka a siak ti nangibaon kenka kadakuada.

\s5
\v 13 Kinuna ni Moises iti Dios, "No mapanak kadagiti Israelita ket ibagak kadakuada, "Imbaonnak ti Dios a dinaydayaw dagiti kapuonanyo,' damagendanto kaniak, 'Ania ti naganna?' Ania ngarud ti ibagak kadakuada?"
\v 14 Simmungbat ti Dios kenni Moises, "SIAK TI SIAK." Ibagam kadagiti Israelita a ti agnagan iti 'SIAK' ti nangibaon kenka.
\v 15 Kinuna pay ti Dios kenni Moises, "Masapul nga ibagam kadagiti Israelita, 'Imbaonnak kadakayo ni Yahweh, ti Dios dagiti ammayo, ti Dios a dinaydayaw ni Abraham, ni Isaac kenni Jacob. Yahweh ti naganko iti agnanayon, ket daytoy ti rumbeng a pangawag kaniak dagiti amin a henerasion.'

\s5
\v 16 Mapanka idiay Egipto ket ummongem dagiti panglakayen. Ibagam kadakuada, 'Nagparang kaniak ni Yahweh, ti Dios a dinaydayaw ni Abraham, ni Isaac kenni Jacob ket kinunana: Nakitak ti inaramid dagiti Egipcio kadakayo.
\v 17 Ikarik nga ispalenkayonto manipud iti pannakaparparigatyo idiay Egipto ket ipankayo iti daga a pagnanaedan dagiti kaputotan dagiti Cananeo, Heteo, Amorreo, Periseo, Heveo ken Jebuseo. Nadam-eg daytoy a daga a mabalinyo a pagmulaan ti adu a mula ken pagtaraknan ti adu nga ayup.'
\v 18 Aramidento dagiti panglakayen ti ibagam. Ket mapanka ken dagiti panglakayen iti ari ti Egipto ket ibagam kenkuana, "Nagparang kadakami ni Yahweh, a daydayawenmi a Hebreo a kas Dios. Isu nga ita kiddawenmi a palubosannakami nga agdaliasat iti tallo nga aldaw a mapan iti maysa a lugar idiay let-ang tapno makaidatonkami kenni Yahweh, a Diosmi sadiay.'

\s5
\v 19 Ngem ammok a palubosannakayo laeng ti ari ti Egipto a mapan no makitana a nabilbilegak ngem isuna.
\v 20 Isu nga usarekto ti pannakabalinko babaen ti panagaramidko kadagiti milagro sadiay. Ket palubosannakayonto a pumanaw.
\v 21 No mapasamak daytoy, aramidek a padayawanto dagiti tattao ti Egipto dagiti tattao a Hebreo tapno inton panawanyo ti Egipto, iteddanto dagiti kasapulanyo nga agdaliasat.
\v 22 Kadagita a tiempo, dumawatto ti tunggal babai a Hebreo iti kukua ti babai nga Egipcio a kaarrubana. Itedto amin dagiti Egipcio dagiti adda kadakuada--pirak ken balitok nga alahas ken pagan-anay. Iyarruatyonto dagitoy kadagiti annakyo. Iti kastoy a wagas, alaenyonto amin a banbanag manipud kadagiti Egipcio."

\s5
\c 4
\p
\v 1 Kinuna ni Moises iti Dios, "Ania ti rumbeng nga aramidek no saanda a patien ti ibagak kadakuada? Ania ti rumbeng nga aramidek no ibagada a 'Saan a nagparang ni Yahweh kenka?"
\v 2 Kinuna ni Yahweh kenkuana, "Ania dayta ig-iggamam? Simmungbat ni Moises, "Maysa a baston."
\v 3 Kinuna ni Yahweh, "Ipuruakmo daytoy iti daga!" Isu nga, impuruak ni Moises ti baston iti daga ket nagbalin daytoy nga uleg, ket tinarayan ni Moises daytoy.

\s5
\v 4 Ngem kinuna ni Yahweh kenni Moises, "Pidutem ti uleg babaen iti ipusna" Isu a pinidut ni Moises ti uleg babaen iti ipusna, ket nagbalin manen daytoy a baston iti imana.
\v 5 Kinuna ni Yahweh, "Aramidem met laeng dayta iti sangoanan dagiti Israelita tapno patienda a Siak, ni Yahweh, ti Dios a nagrukbaban ni Abraham, a nagrukbaban ni Isaac, ken nagrukbaban ni Jacob, ket pudno a nagparang kenka"

\s5
\v 6 Kinuna ni Yahweh kenni Moises, "Iyunegmo ta imam iti pagan-anaymo." Inyuneg ni Moises ti imana iti pagan-anayna. Idi inruarna ti imana, addan iti sakitna daytoy a namagbalin iti kudilna a kas kapuraw ti niebe.
\v 7 Ket kinuna ni Yahweh, "Iyunegmo manen ta imam iti pagan-anaymo." Insubli ni Moises ti imana iti uneg ti pagan-anayna. Iti daytoy a tiempo, idi inruarna daytoy, naimbaganen ti sakit, ket kapadpadan iti maysa nga imana.

\s5
\v 8 Kinuna ni Yahweh, "Maaramidmo met dayta iti sangoanan dagiti Israelita. No saanda a patien ti ibagam kalpasan a makitada ti umuna a milagro, mamatidanto kenka no aramidem ti maikadua a milagro.
\v 9 Ngem no saanda a mamati kenka wenno saanda nga aramiden iti imbagam uray kalpasan nga ipakitam kadakuada dagitoy dua a milagro, mangalaka ti danum manipud iti Karayan Nilo ket ibukbokmo daytoy iti namaga a daga. Inton aramidem dayta, agbalinto a dara ti danum nga ibukbokmo iti namaga a daga.

\s5
\v 10 Kalpasanna, kinuna ni Moises kenni Yahweh, "O Apo, saanak a pulos a nalaing a makisao kadagiti tattao. Kastaak latta uray idi nangrugika a nakisarita kaniak. Nabannayatak nga agsao ken saanko a pulos nga ammo ti ibagak."
\v 11 Ket kinuna ni Yahweh kenkuana, "Siasino ti nangaramid iti ngiwat ti tao? Siasino ti makabael a makapagbalin iti tao nga agsao, makangngeg, makakita, wenno saan a makakita? Saan kadi a Siak, ni Yahweh?
\v 12 Isu nga ita mapanka, ket tulongankanto nga agsao, ken ibagakto kenka no ania ti ibagam."
\v 13 Ngem simmungbat ni Moises, "O Apo, dawatek kenka, pangngaasim ta mangibaonka laengen iti sabali a kasukatko!"

\s5
\v 14 Ket nakaunget ni Yahweh kenni Moises ket kinunana kenkuana, "Ni ngay Aaron, a kabsatmo, a Levita? Nalaing isuna nga agsao. Addan isuna ita iti dalanna a mapan ditoy ita ket maragsakanto unay isuna a makakita kenka.
\v 15 Mabalinmo ti makisarita kenkuana ket ibagam kenkuana ti ibagana. Ibagakto kadakayo iti rumbeng nga aramidenyo.
\v 16 Agsaonto isuna kadagiti Israelita para kenka. Isunanto iti pannakangiwatmo, ken panunotennanto a sika ket siak.
\v 17 Siguraduem nga itugotmo ti baston nga ig-igganam gapu ta mangipakitakanto kadagiti milagro babaen iti daytoy."

\s5
\v 18 Nagsubli ni Moises kenni katuganganna a ni Jetro, ket kinunana kenkuana, "Palubosannak nga agsubli kadagiti tattaok idiay Egipto tapno kitaek no sibibiagda pay." Kinuna ni Jetro kenni Moises. "Mapanka, ket ikkannaka koma ti Dios iti kapia."
\v 19 Kinuna ni Yahweh kenni Moises idiay Midian, "Agsublika idiay Egipto, ta natayen dagiti tattao a mangbirbiruk kenka."
\v 20 Isu nga intugot ni Moises ti asawana ken dagiti annakna a lallaki ket insakayna ida iti asno ket nagnada a nagsubli idiay Egipto, ken innalana ti baston a kas imbaga ti Dios nga aramidenna.

\s5
\v 21 Kinuna ni Yahweh kenni Moises, "No agsublika idiay Egipto, siguraduem nga aramidem dagiti amin a milagro nga intalekko kenka nga aramidem iti sangoanan ti ari. Ngem pagtallikudekto isuna kadakayo, ket saannanto a palubosan dagiti Israelita a pumanaw iti Egipto.
\v 22 Ket ibagam kenkuana, 'Daytoy ti ibagbaga ni Yahweh: "Kasla inauna nga annakko a lalaki ni Israel,
\v 23 ket ibagak kenka, "Palubosam a mapan ti anakko, tapno makapagdayaw isuna kaniak." Ngem saanmo a pinalubosan a mapan ti anakko ket gapu iti daytoy, patayekto ti inauna nga anakmo a lalaki!"'

\s5
\v 24 Maysa a rabii, kabayatan nga addada iti dalanda a mapan iti Egipto, nagparang ni Yahweh kenni Moises tapno patayenna isuna.
\v 25 Ket nangala ti asawa ni Moises a ni Sefora iti kampit ket kinugitna ti inauna nga anakda. Kalpasanna, insagidna ti kudil iti saka ni Moises ken kinunana, "Sika ti asawak babaen iti dara."
\v 26 Saanen a pinapatay ni Yahweh ni Moises. Kinuna ni Sefora, "Sika ti asawak babaen iti dara" gapu iti pannakakugit.

\s5
\v 27 Kinuna ni Yahweh kenni Aaron, "Mapanka idiay disierto a mangsabat kenni Moises." Isu a napan ni Aaron ket sinabatna ni Moises idiay bantay ti Dios ket inagkanna isuna iti pingpingna.
\v 28 Imbaga ni Moises kenni Aaron dagiti amin a banbanag nga imbaga ni Yahweh kenkuana ken dagiti amin a milagro nga insurona kenkuana nga aramidenna.

\s5
\v 29 Napan ngarud da Moises ken Aaron ket inummongda amin a panglakayen dagiti Israelita.
\v 30 Imbaga ni Aaron kadakuada amin a banbanag nga imbaga ni Yahweh kenni Moises, ket impakita ni Moises dagiti amin a milagro bayat a buybuyaen dagiti tattao.
\v 31 Namati dagiti Israelita kada Aaron ken ni Moises. Idi nangngegda a nakita ni Yahweh no kasano a naparparigat dagiti Israelita, ken a tulonganna ida, nagdumogda ket nagrukbabda kenkuana.

\s5
\c 5
\p
\v 1 Kalpasanna, napan da Moises ken Aaron iti ari. Kinunada kenkuana, "Ni Yahweh a Dios, a daydayawenmi nga Israelita, ibagbagana daytoy kenka: 'Palubosam a mapan dagiti tattaok iti disierto tapno agfiestada nga agdayaw kaniak!"
\v 2 Ngem kinuna ti ari, "Saan a napateg ni Yahweh. Saan a masapul a dumngegak iti ibagbagana, wenno palubosan a mapan dagiti Israelita. Saanko nga am-mmo daytoy a Yahweh! Maysa pay, Saanko a palubosan a mapan dagiti Israelita!"

\s5
\v 3 Simmungbat da Moises ken Aaron, "Ni Yahweh a Dios, ti daydayawenmi a Hebreo, ket imparangna ti bagina kadakami ken imbagana kadakami ti ibagami kenka. Isu a dawatenmi kenka a palubosannakami a mapan iti tallo nga aldaw idiay let-ang. Masapul nga agidatonkami para kenni Yahweh a Dios sadiay. No saanmi nga aramiden dayta, patayennakami babaen kadagiti sakit wenno babaen iti panangdarup dagiti kabusormi kadakami."
\v 4 Ngem kinuna ti Ari iti Egipto kadakuada, "Moises ken Aaron, apay a paspasardengenyo dagiti Israelita iti panagtrabtrabahoda? Ibagayo kadagiti tagabu nga agsublida nga agtrabaho!"
\v 5 Kinuna pay ti ari, "Dumngegkayo kaniak! Ad-adukayo, dakayo a tattao nga agnanaed ita iti daytoy a daga ngem kadakami nga Egipcio. Apay a paspasardengenyo ida nga agtrabaho?"

\s5
\v 6 Iti dayta met laeng nga aldaw, binilin ti ari dagiti amo dagiti tagabu nga Egipcio ken dagiti tumultulong nga Israelita a mangimatmaton kadagiti tagabu,
\v 7 "Saankayon a mangted iti garami kadagiti Israelita a pagaramidda ti ladrilio. Bay-anyo ida a mapan kadagiti taltalon nga agurnong iti garami.
\v 8 Nupay kasta, pilitenyo latta ida nga agaramid iti isu met laeng a bilang dagiti ladrilio nga naaramidda idi. Saanyo a pulos a kissayan ti bilangna. Saanda kayat ti agtrabaho. Dayta ti makagapu a dawdawatenda kaniak a palubosak ida a mapan idiay let-ang nga agdayaw iti diosda.
\v 9 Parigatenyo ti trabaho dagiti tattao tapno awan ti tiempoda a dumngeg kadagiti inuulbod manipud kadagiti mangidadaulo kadakuada!"

\s5
\v 10 Isu a napan dagiti amo dagiti tagabu ken dagiti tumultulong nga Israelita a mangimatmaton iti ayan dagiti Israelita ket kinunada kadakuada, "Kinuna ti ari a saannakayon a pulos nga ikkan iti garami.
\v 11 Isu a masapul a mapankayo ken mangalakayo ti garami iti sadinoman a pakasarakanyo iti daytoy. Ngem masapul nga itultuloyyo ti agtrabaho tapno makaaramidkayo iti isu met laeng a bilang dagiti ladrilio."

\s5
\v 12 Napan ngarud dagiti Israelita iti entero nga Egipto tapno agbiruk iti garami.
\v 13 Intultuloy dagiti amo dagiti tagabu nga ibagbaga kadakuada, "Aramidenyo amin dagiti trabaho a naited kadakayo iti tunggal aldaw. Agaramidkayo iti isu met laeng a bilang ti ladrilio kas iti naaramidyo idi inikkandakayo iti garami!"
\v 14 No saanda a makaaramid kadagiti ladrilio, kabilen dagiti amo a tagabu nga agtrabtrabaho iti Faraon dagiti tumultulong nga Israelita. Saludsudenda kadakuada, "Apay a saan a nakaaramid dagiti amin a tattao nga imatonanyo ti isu met laeng a bilang dagiti ladrilio ita nga aldaw kas iti inaramidda iti napalabas?"

\s5
\v 15 Kalpasanna, napan dagiti tumultulong nga Israelita a mangimatmaton iti ari ket nagpakaasida, "Madaydayaw nga ari, apay a kastoy iti panangtratom kadakami?
\v 16 Ita, saandakamin nga ik-ikkan iti garami a pagaramid kadagiti ladrilio, ngem kanayonda nga ibagbaga kadakami nga agaramid ti ad-adu a ladrilio. Ket kabkabilennakami. Ngem, gapu kadagiti amo dagiti tagabum a saankamin a makaaramid iti adu a ladrilio kas iti napalabas!"
\v 17 Ngem kinuna ti ari, "Nasadutkayo ken saanyo a kayat ti agtrabaho! Isu nga ibagbagayo, 'Palubosannakami a mapan idiay let-ang nga agdayaw kenni Yahweh.'
\v 18 Isu nga agsublikayo iti trabahoyo! Saandakayon nga ikkan iti aniaman a garami, ngem masapul nga agtultuloykayo nga agaramid iti isu met laeng a bilang ti ladrilio!"

\s5
\v 19 Ammo dagiti tumultulong nga Israelita a mangimatmaton a marigatanda gapu iti naibaga kadakuada, "Saanmi a kissayan ti bilang dagiti ladrilio a masapul nga aramidenyo iti tunggal aldaw."
\v 20 Kabayatan ti ipapanawda iti palasio ti ari, nasabatda da Aaron ken Moises, a mangur-uray kadakauda sadiay.
\v 21 Kinunada kenni Aaron ken Moises, "Makita koma ni Yahweh ti naaramidyo a dua! Dusaennakayo koma gapu ta dakayo ti makagapu a ginuranakami ti ari ken dagiti opisialesna! Inikkanyo ida ti rason a mangpapatay kadakami!"

\s5
\v 22 Pinanawan ida ni Moises ket nagkararag manen kenni Yahweh, kinunana, "O Yahweh, apay nga impalubosmo a mapasamak amin dagitoy a kinadakes kadagiti tattaom? Ken apay nga imbaonnak ditoy?
\v 23 Manipud pay idi napanak iti ari ken imbagak kenkuana iti imbagam kaniak nga ibagak, nakakaskas-ang iti panangtratona kadagiti tattaom, ket awan pay ti aniaman nga inaramidmo tapno matulongam ida!"

\s5
\c 6
\p
\v 1 Kalpasanna, kinuna ni Yahweh kenni Moises, "Ita, makitam ti aramidek iti ari ken kadagiti tattaona. Palubosannanto a mapan dagiti tattaok gapu kaniak. Kinapudnona, babaen iti pannakabalinko, pilitekto isuna a kamatenna ida manipud iti dagana!"

\s5
\v 2 Kinuna pay ti Dios kenni Moises,
\v 3 "Siak ni Yahweh. Siak ti nagparang kada Abraham, Isaac ken Jacob ken imbagak kadakuada a Siak ti Dios a Mannakabalin-amin, ngem saanko nga imbaga kadakuada a Yahweh ti naganko.
\v 4 Nakitulagak pay kadakuada, inkarik nga itedko kadakuada ti daga ti Canaan. Dayta ti daga a pagnanaedanda a kas ganggannaet.
\v 5 Maysa pay, nangngegko iti panagasug dagiti Israelita gapu iti nadagsen a trabaho nga ipapaaramid dagiti Egipcio kadakuada a kas tagabuda. Nalagipko ti maipanggep ti tulag nga inaramidko.

\s5
\v 6 Isu nga ibagam kadagiti Israelita nga imbagak daytoy: 'Siak ni Yahweh. Wayawayaankayonto manipud kadagiti nadagsen a trabaho nga impilit dagiti Egipcio kadakayo. Wayawayaankayonto manipud iti pannangtagabuda kadakayo. Babaen iti pannakabalinko ken babaen ti nakaro a panangdusak kadakuada, isalakankayonto.
\v 7 Pagbalinenkayonto a tattaok, ken Siakto ti Diosyo, ti pagrukbabanyo. Maammoanyonto a sipupudno a Siak ni Yahweh a Dios, ti nangwaya-waya kadakayo manipud kadagiti nadagsen a trabaho a kas tagabu dagiti Egipcio.

\s5
\v 8 Ipankayonto iti daga nga insapatak nga ited kada Abraham, Isaac ken Jacob. Agnaedkayonto iti daytoy iti agnanayon. Siak, ni Yahweh, ikarkarik daytoy.'"
\v 9 Imbaga ni Moises dayta kadagiti Israelita, ngem saanda a pinati ti imbagana. Kasta unay iti ladingitda gapu iti rigat ti trabaho nga ar-aramidenda a kas tagabu.

\s5
\v 10 Kalpasanna, kinuna ni Yahweh kenni Moises,
\v 11 "Mapanka ket ibagam manen iti ari ti Egipto a masapul a palubosanna dagiti Israelita a pumanaw iti dagana!"
\v 12 Ngem kinuna ni Moises kenni Yahweh, "Pangngaasim, dumngegka kaniak. Uray dagiti Israelita ket saan a dimngeg iti imbagak kadakuada. Saanak a nalaing nga agsao. Isu nga apay koma a dumngeg ti ari iti ibagak kenkuana?"
\v 13 Ngem nagsao ni Yahweh kada Aaron ken Moises, "Ibagayo kadagiti Israelita ken iti ari ti Egipto nga inayabankayo a dua a mangidaulo kadagiti Israelita a rumuar iti Egipto."

\s5
\v 14 Ita, dagitoy dagiti listaan dagiti kapuonan da Moises ken Aaron. Dagiti putot a lallaki ni Ruben, ti inauna a putot a lalaki ni Jacob, ket da: Hanoc, Pallu, Hesron ken Carmi. Isuda dagiti kapuonan dagiti puli nga addaan kadagiti isu met laeng a nagan.
\v 15 Dagiti putot a lallaki ni Simeon ket da: Jemuel, Jamin, Ohad, Jakin, Zohar, ken Saul. Naggapu iti daga ti Canaan ti ina ni Saul. Isuda met dagiti kapuonan ti puli nga addaan kadagiti isu met laeng a nagan.

\s5
\v 16 Dagitoy dagiti nagan dagiti putot a lallaki ni Levi, a naurnos segun iti pannakaiyanakda: da Gerson, Cohat, ken ni Merari. 137 ti tawen ni Levi idi natay isuna.
\v 17 Dagiti putot a lallaki ni Gerson ket da Libni ken Simei. Isuda dagiti kapuonan dagiti puli nga addaan kadagidiay a nagnagan.
\v 18 Dagiti putot a lallaki ni Cohat ket da Amram, Isar, Hebron, ken Uzziel. 133 ti tawen ni Cohat idi natay isuna.
\v 19 Dagiti putot a lallaki ni Merari ket da Mali ken ni Musi. Amin dagitoy ket dagiti kapuonan dagiti puli a nagtaud kenni Levi, a naurnos segun iti pannakaiyanakda.

\s5
\v 20 Inasawa ni Amram ti kabsat ti amana a babai, ni Jocabed. Isuna ti ina da Aaron ken Moises. 137 ti tawen ni Amram idi natay isuna.
\v 21 Dagiti putota lallaki ni Isar ket da Kora, Nefeg, ken ni Sikri.
\v 22 Dagiti putot a lallaki ni Uzziel ket da Misael, Elsafan, ken ni Sitri.

\s5
\v 23 Inasawa ni Aaron ni Eliseba. Isuna ti putot a babai ni Aminadab ken kabsat ni Naason. Naganak ni Eliseba iti uppat a lallaki, ni Nadab, Abihu, Eleasar, ken Itamar.
\v 24 Dagiti putot a lallaki ni Kora ket da Asir, Elkana, ken ni Abiasaf. Isuda dagiti kapuonan dagiti Korahita.
\v 25 Ti putot a lalaki ni Aaron a ni Eleasar ket inasawana ti maysa kadagiti putot a babbai ni Putiel, ken inyanakna ni Fineas. Dayta ti nagleppasan ti listaan dagiti pamilia ken puli a nagtaud kenni Levi.

\s5
\v 26 Da Aaron ken ni Moises ket ti nangibagaan ni Yahweh iti, "Idauloanyo dagiti amin a tribu dagiti Israelita a rummuar idiay Egipto."
\v 27 Isuda dagiti nakisao iti ari ti Egipto tapno mairuar dagiti Israelita idiay Egipto.

\s5
\v 28 Iti dayta nga aldaw a nagsao ni Yahweh kenni Moises idiay Egipto,
\v 29 kinunana, "Siak ni Yahweh. Masapul nga ibagam iti ari amin nga ibagak kenka."
\v 30 Ngem kinuna ni Moises kenni Yahweh, "Pangngaasim, dumngegka kaniak. Saanak a nalaing nga agsao. Isu nga apay koma a dumngeg ti ari iti ibagak kenkuana?"

\s5
\c 7
\p
\v 1 Kalpasanna, kinuna ni Yahweh kenni Moises, "Dumngegka kaniak. Pagbalinekto a bigbigennaka ti ari a kas maysa a dios, ken agbalinto a kasla propeta ni Aaron gapu ta agsao isuna para kenka.
\v 2 Masapul nga ibagam iti inauna a kabsatmo a ni Aaron dagiti amin a banbanag nga ibilinko kenka, ket ibagana amin daytoy iti ari. Masapul nga ibagana iti ari a palubosanna dagiti Israelita a pumanaw iti dagana.

\s5
\v 3 Ngem patangkenekto ti ulo ti ari. Gapu iti daytoy, uray no agaramidakto kadagiti adu a kita ti milagro ditoy Egipto,
\v 4 saanto a mamati ti ari iti ibagam. Ket, dusaekto iti nakaro unay dagiti tattao ti Egipto, ket idauloakto dagiti tribu dagiti tattaok nga Israelita a rumuar manipud iti Egipto.
\v 5 Ket, inton ipakitak ti nabileg a pannakabalinko kadagiti Egipcio ken iruarko dagiti Israelita manipud kadakuada, maammoandanto a siak ni Yahweh, ti mannakabalin amin a Dios."

\s5
\v 6 Inaramid da Moises ken Aaron amin nga imbaga ni Yahweh nga aramidenda.
\v 7 Iti dayta a tiempo, 80 ti tawen ni Moises, ken 83 ti tawen ni Aaron.

\s5
\v 8 Kinuna ni Yahweh kada Moises ken Aaron,
\v 9 "No ibaga ti ari kadakayo, 'Ipakitayo kaniak nga imbaonnakayo ti Dios babaen iti panagaramid iti milagro,' ket ibagam kenni Aaron, 'Ipuruakmo ta bastonmo iti sangoanan ti ari tapno agbalin nga uleg daytoy.'"
\v 10 Napan ngarud da Moises ken Aaron iti ari ket inaramidda ti imbaga ni Yahweh nga aramidenda. Impuruak ni Aaron ti bastonna iti sangoanan ti ari ken dagiti opisialesna, ket nagbalin daytoy nga uleg.

\s5
\v 11 Kalpasanna, inayaban ti ari dagiti manggagamud ken dagiti lallaki a nagaramid iti salamangka. Inaramidda iti isu met laeng a banag, babaen kadagiti salamangkada.
\v 12 Impuruakda amin dagiti bastonda, ket nagbalin nga uleg dagiti baston. Ngem ti baston ni Aaron, a nagbalin nga uleg, ket inalun-onna amin dagiti ulegda!
\v 13 Ngem nagtangken latta ti ulo ti ari, kas ti imbaga ni Yahweh nga aramidenna, ket saanna a patien ti imbaga da Moises ken Aaron.

\s5
\v 14 Kalpasanna, kinuna ni Yahweh kenni Moises, "Natangken unay ti ulo ti ari. Nagkedked isuna a mangpalubos kadagiti tattaok.
\v 15 Isu nga inton bigat ti agsapa, mapanka kenkuana inton sumalog isuna a mapan idiay Karayan Nilo nga agdigus. Urayem isuna idiay igid ti karayan. Inton tumakdang isuna iti danum, ipakitam kenkuana ti baston, a nagbalin nga uleg.

\s5
\v 16 Ibagam kenkuana, 'Ni Yahweh a Dios, ti daydayawenmi a Hebreo, imbaonnak tapno ibagak kenka a palubosam a mapan dagiti tattaok tapno dayawenda isuna idiay let-ang. Imbagami dayta kenka, ngem saanka a dimngeg kadakami.
\v 17 Isu nga ita imbaga ni Yahweh daytoy: "Daytoy ti wagas a maammoam a Siak ni Yahweh, ti mannakabalin amin a Dios. Abblatak ti danum nga adda iti Karayan Nilo babaen iti baston nga ig-iggamak. Inton aramidek dayta, agbalinto a dara ti danum.
\v 18 Ket, matayto dagiti lames iti Karayan Nilo, ken bumangsitto ti karayan. Saanto makainom dagiti Egipcio iti danum manipud iti karayan.""'

\s5
\v 19 Kinuna ni Yahweh kenni Moises, "Inton makisasaoka iti ari, ibagam kenni Aaron, 'Ilayatmo ta bastonmo a kasla igigganam daytoy iti amin a danum iti Egipto—kadagiti karayan, kadagiti pagayusan, kadagiti lugnak, ken kadagiti amin a waig ti danum, tapno agbalinda amin a dara.' No aramiden ni Aaron dayta, addanto iti dara iti entero nga Egipto, uray kadagiti burnay a kayo ken kadagiti burnay a bato."

\s5
\v 20 Inaramid ngarud da Aaron ken Moises ti imbaga ni Yahweh nga aramidenda. Kabayatan nga agbuybuya ti ari ken dagiti opisialesna, inngato ni Aaron ti bastonna ket kalpasanna inyablatna daytoy iti danum ti Karayan Nilo. Nagbalin a dara dagiti amin a danum iti karayan.
\v 21 Kalpasanna, natay dagiti amin a lames. Bimmangsit ti danum, gapu iti dayta saanen a makainum dagiti Egipcio manipud iti karayan. Nagbalin a nalabaga a kasla dara ti danum iti sadinoman iti Egipto.
\v 22 Ngem dagiti lallaki nga Egipcio a nagaramid iti salamangka ket inramidda ti isu met laeng a banag babaen kadagiti salamangkada. Isu a natangken latta ti ulo ti ari, ket saan isuna a dimngeg iti imbaga da Aaron ken Moises, kas kinuna ni Yahweh a mapasamak.

\s5
\v 23 Kalpasanna, timmalikod ti ari ket nagsubli iti palasiona, ket saannan a pinanpanunot a pulos ti maipanggep iti daytoy.
\v 24 Nagkali dagiti amin nga Egipcio iti daga iti asideg ti Karayan Nilo tapno mangalada iti danum a mainum gapu ta saanda a mainum ti danum manipud iti karayan.
\v 25 Ket naglabas ti maysa a lawas kalpasan a pinagbalin ni Yahweh a dara ti danum ti Karayan Nilo.

\s5
\c 8
\p
\v 1 Kalpasanna, kinuna ni Yahweh kenni Moises, "Agsublika iti ari ket ibagam kenkuana, 'Kinuna ni Yahweh a masapul a palubosam a mapan dagiti tattaok tapno makapagdayawda kaniak idiay let-ang.
\v 2 Ngem no saanmo a palubosan ida, dusaenkanto babaen iti panangibaonko kadagiti tukak a mangsaknap ti pagiliam.
\v 3 Saanto laeng a mapunno iti tukak ti Karayan Nilo, ngem tumakdangto pay dagiti tukak manipud iti karayan a mapan iti balaymo. Mapandanto iti silidmo ken iti pagiddaam. Addadanto kadagiti balay dagiti panguloem ken dagiti amin a tattaom. Mapanda pay uray kadagiti paglutoam ken pagmasaam iti tinapay.
\v 4 Lagtoennakanto dagiti tukak, dagiti opisialmo, ken dagiti amin a tattaom."'

\s5
\v 5 Kinuna pay ni Yahweh kenni Moises, "Ibagam daytoy kenni Aaron: 'Igganam ti bastonmo ket iyunnatmo daytoy a kasla iyun-unnatmo iti karayan, kadagiti pagayusan, ken kadagiti pagdigusan, ket paruarennanto dagiti tukak nga aggapu iti danum tapno saknapanna ti daga ti Egipto."'
\v 6 Kalpasan a naibaga ni Moises kenkuana dayta, inyunnat ni Aaron ti imana a kasla iyun-unnatna kadagiti amin a danum iti Egipto. Ket timmakdang dagiti tukak manipud kadagiti danum ket sinaknapanda ti Egipto.
\v 7 Ngem inaramid met dagiti lallaki a salamangkero ti isu met laeng a banag ket nangparuarda iti ad-adu a tukak manipud iti danum a napan iti daga.

\s5
\v 8 Kalpasanna, pinaayaban ti ari ni Moises ket kinunana, "Dawatem kenni Yahwen nga ikkatenna dagitoy a tukak manipud kaniak ken kadagiti tattaok. Kalpasan a mapasamak dayta, palubosakto dagiti tattaom a mapan agdayaw kenni Yahweh."
\v 9 Kinuna ni Moises iti ari, "Maragsakanak a mangikararag kenka, kadagiti opisialmo, ken kadagiti amin a tattaom. Dawatekto kenni Yahweh nga ikkatenna dagiti tukak manipud kadagiti balayyo. Dagiti laeng tukak nga adda ti Karayan Nilo ti mabati. Ibagam laeng kaniak no kaanoak nga agkararag."

\s5
\v 10 Simmungbat ti ari, "Inton bigat." Isu a kinuna ni Moises, "Aramidek ti ibagam, ket maammoamto a ni Yahweh a Dios, ti daydayawenmi, isu laeng ti pudno a dios, ket awan ti sabali a dios a kas kenkuana.
\v 11 Pumanawto dagiti tukak kenka, kadagiti opisialmo, ken kadagiti amin a tattaom. Dagiti laeng adda iti Karayan Nilo ti mabati."
\v 12 Ket pinanawan da Moises ken Aaron ti ari. Nagkararag ni Moises kenni Yahweh, dinawatna kenkuana nga ikkatenna dagiti amin a tukak nga inyegna iti daga ti ari.

\s5
\v 13 Inaramid ni Yahweh daytoy kas dinawat ni Moises kenkuana nga aramidenna. Kas nagbanaganna, natay dagiti amin a tukak kadagiti balbalay, kadagiti paraanganda ken kadagiti kataltalonanda.
\v 14 Inummong dagiti tattao dagiti amin a natay a tukak, ket bimmangsit ti kasta unay ti daga.
\v 15 Ngem idi makita ti ari a nalpasen ti parikut, timmangken manen ti ulona. Kas kinuna ni Yahweh a mapasamak, saan nga inaramid ti ari ti imbaga da Aaron ken Moises kenkuana.

\s5
\v 16 Kalpasanna, kinuna ni Yahweh kenni Moises, "Ibagam kenni Aaron nga ablatanna ti daga babaen iti bastonna. No aramidenna dayta, agbalin a timel dagiti amin a tapuk iti entero a daga iti Egipto."
\v 17 Nagtulnog da Moises ken Aaron kenni Yahweh. Inablatan ni Aaron ti daga babaen iti bastonna, ket nagbalin a timel ti amin a tapuk ti daga iti Egipto. Sinaknapan dagiti timel dagiti tattao ken dagiti amin nga ayupda.

\s5
\v 18 Pinadas dagiti lallaki a salamangkero a mangpataud kadagiti timel, ngem saanda a maaramid daytoy.
\v 19 Isu a nagtalinaed dagiti timel kadagiti tattao ken kadagiti ayupda. Kinuna dagiti salamangkero iti ari, "Ti Dios ti makin-aramid iti daytoy babaen iti pannakabalinna!" Ngem nagtultuloy ti kinatangken ti ulo ti ari, ket saanna nga ipangag ti imbaga da Aaron ken Moises, kas kinuna ni Yahweh.

\s5
\v 20 Kalpasanna, kinuna ni Yahweh kenni Moises, "Bumangonka a nasapa inton bigat. Sumalogka iti karayan ket urayem ti ari. Inton umay isuna nga agdigos, ibagam kenkuana, 'Daytoy ti imbaga ni Yahweh kenka: "Palubosam dagiti tattaok, tapno dayawendak idiay let-ang.
\v 21 Ballaaganka a no saanmo a palubosan dagiti tattaok, mangibaonakto ti pangen dagiti ngilaw kenka. Umaydanto kenka, kadagiti opisialmo, ken kadagiti dadduma a tattaom. Mapunnonto iti ngilaw dagiti amin a balayyo nga Egipcio. Saknapandanto pay ti daga a pagtaktakderam.

\s5
\v 22 Ngem inton mapasamak dayta, naidumdumanto ti panangtratok ti region ti Gosen, gapu ta agnanaed dagiti tattaok sadiay. Awanto ti pangen dagiti ngilaw sadiay. Iti dayta a wagas, maammoamto a Siak, ni Yahweh, ar-aramidek dagitoy a banbanag iti daytoy a daga.
\v 23 Ipakitak kenka no kasano ti panagtignayko kadagiti tattaok ken kadagiti tattaom. Mapasamak daytoy a milagro inton bigat!""'
\v 24 Nasapa iti sumaruno a bigat, imbaga ni Moises dayta iti ari, ngem saan a dimngeg ti ari. Isu nga inaramid ni Yahweh ti imbagana nga aramidenna. Nangibaon isuna iti dakkel a pangen dagiti ngilaw iti palasio ti ari ken kadagiti balbalay dagiti opisialna. Dinadael dagiti ngilaw ti entero a pagilian ti Egipto.

\s5
\v 25 Kalpasanna, pinaayaban ti ari da Aaron ken Moises ket kinunana, "Dakayo nga Israelita, mabalinyon ti mapan agdayaw iti diosyo, ngem masapul nga aramidenyo daytoy iti daytoy a daga."
\v 26 Ngem simmungbat ni Moises, "Saan a rumbeng nga aramidenmi dayta gapu ta agidatonkami ti kagura unay dagiti Egipcio. No mangidatagkami kadagiti daton a saan a kayat dagiti Egipcio, patayendakami babaen iti panangbatoda kadakami!
\v 27 Masapul nga agdaliasatkami iti tallo nga aldaw a mapan idiay let-ang. Mangidatagkami kadagiti daton kenni Yahweh sadiay, ti Dios a daydayawenmi, kas imbilinna kadakami."

\s5
\v 28 Isu a kinuna ti ari, "Palubosak dagiti tattaom a mapan agidaton kenni Yahweh, a diosyo, idiay let-ang. Ngem masapul a saankayo unay nga umadayo. Ita, ikararagandak!"
\v 29 Kinuna ni Moises, "Dumngegka kaniak! Kalpasan a panawanka, agkararagak kenni Yahweh, dawatek nga inton bigat ket papanawenna dagiti pangen dagiti ngilaw kenka, kadagiti opisialmo, ken kadagiti dadduma a tattaom. Ngem saanka manen nga agulbod kadakami babaen iti panagkedkedmo a mangpalubos kadagiti tattaomi a mapan agidaton kenni Yahweh!"

\s5
\v 30 Kalpasanna, pinanawan ni Moises ti ari ket nagkararag kenni Yahweh.
\v 31 Inaramid ni Yahweh ti dinawat ni Moises. Inikkatna dagiti pangen dagiti ngilaw manipud iti aglawlaw ti ari, kadagiti opisialna, ken kadagiti dadduma a tattaona. Awan ti nabati a ngilaw.
\v 32 Ngem natangken latta ti ulo ti ari iti daytoy a tiempo, ket saanna a pinalubosan a mapan dagiti Israelita.

\s5
\c 9
\p
\v 1 Kalpasanna, kinuna ni Yahweh kenni Moises, "Mapanka iti ari ket ibagam kenkuana, 'Daytoy ti imbaga ni Yahweh ti daydayawenmi a Hebreo: "Palubosam a mapan dagiti tattaok, tapno dayawendak.
\v 2 No saanmo latta a palubosan ida,
\v 3 ballaaganka a dusaenkanto babaen iti pannakabalinko babaen iti panangaibaonko iti nakaro a sakit kadagiti amin a tarakenyo tapno agsakit ken matayda—kadagiti kabaliom, kadagiti asnom, kadagiti kameliom, kadagiti bakam ken arban dagiti karnerom ken kalding.
\v 4 Ngem Siak, ni Yahweh, saankonto nga an-anoen dagiti taraken dagiti Israelita a kas kadagiti tarakenyo. Makitayonto nga awan ti matay a taraken dagiti Israelita."

\s5
\v 5 Ibagam kenni Faraon nga aramidek daytoy a banag iti daga inton bigat."'"
\v 6 Iti sumaruno nga aldaw, inaramid ni Yahweh ti kinunana nga aramidenna. Immay ti nakaro a sakit kadagiti amin a takaren dagiti Egipcio, ken natay amin a tarakenda. Ngem awan ti natay a taraken dagiti Israelita.
\v 7 Nangibaon ti ari iti lallaki a mangkita no ania ti napasamak, ket nasdaawda a nakakita nga awan ti uray maysa a natay nga ayup dagiti Israelita. Ngem kalpasan nga imbagada dayta iti ari, nagtangken latta ti ulona, ket saanna a pinalubosan a mapan dagiti Israelita.

\s5
\v 8 Kalpasanna, kinuna ni Yahweh kada Aaron ken Moises, “Mangrakemkayo iti sangkabassit a dapu manipud iti orno. Ipuruakto a pangato dagitoy ni Moises iti sangoanan ti ari.
\v 9 Agwarasto ti dapu iti entero a pagilian ti Egipto a kasla napino a tapok. Iti sadinoman iti daga, paglettegento ti dapu dagiti amin nga Egipcio ken dagiti ayupda."
\v 10 Nangalada ngarud iti dapu ket napanda nagtakder iti sangoanan ti ari. Impuruak a pangato ni Moises ti dapu. Nagwaras ti dapu, a nangpaletteg kadagiti Egipcio ken kadagiti ayupda. Nagbalin amin a gaddil dagiti letteg.

\s5
\v 11 Nagletteg met uray dagiti lallaki a salamangkero. Gapu iti daytoy, saanda a nabaelan a sinango ni Moises ta nagletteg met dagiti lallaki a salamangkero a kasla kadagiti dadduma nga Egipcio.
\v 12 Ngem pinatangken latta ni Yahweh ti ulo ti ari. Saan a dimngeg isuna iti imbaga da Moises ken Aaron, kas imbaga ni Yahweh kenni Moises a mapasamak.

\s5
\v 13 Kalpasanna, kinuna ni Yahweh kenni Moises, "Bumangonka iti nasapa inton bigat. Mapanka agtakder iti sangoanan ti ari ken ibagam kenkuana a kinuna daytoy ni Yahweh a Dios, ti daydayawen dagiti Hebreo, 'Palubosam a mapan dagiti tattaok tapno dayawendak idiay let-ang.
\v 14 No saanmo a palubosan ida, dusaenka iti daytoy a tiempo babaen kadagiti didigra, saan laeng a dagiti opisialmo ken dadduma a tattaom, ngem uray pay sika tapno maamoam nga awan ti dios a kas kaniak iti sadinoman iti lubong.

\s5
\v 15 Iti daytoy a gundaway inaramatko koman ti pannakabalinko a mangdidigra kenka ken kadagiti tattaom babaen iti nakaro a sakit a mabalin a mangpatay kadakayo amin.
\v 16 Ngem palubosankayo nga agbiag. Ti rason a pinalubosankayo nga agbiag ket tapno ipakitak kadakayo ti pannakabalinko tapno maammoanto dagiti amin a tattao iti entero a daga ti kinabilegko.
\v 17 Agpanpannakkelka latta ken agkedkedkedka a mangpalubos kadagiti tattaok.

\s5
\v 18 Isu a denggem daytoy: iti kastoy nga oras inton bigat pagtudoekto iti dadakkel nga uraro iti Egipto. Manipud idi damo a nagbalin a nasion ti Egipto, awan pay a pulos ti bagyo nga uraro a kas kadawel iti daytoy a mapasamak.
\v 19 Isu a masapul nga ibagam ti mensahe kadagiti amin tattao nga ilinongda dagiti tarakenda nga ayup ken amin a banag a kukuada nga adda iti kataltalonan. Agtupakto ti uraro kadagiti amin a tattao ken amin nga ayup nga adda iti kataltalonan ken dagiti saan a nailinong, ket mataydanto amin." Inaramid ngarud ni Moises ti imbaga ni Yahweh.

\s5
\v 20 Kasta unay ti buteng dagiti dadduma nga opisial ti ari a nakangngeg iti imbaga ni Yahweh. Isu nga inlinongda amin dagiti ayupda ken dagiti tagabuda.
\v 21 Ngem dagiti saan a dimngeg iti imbaga ni Yahweh ket binaybay-anda dagiti tagabuda ken dagiti ayupda iti kataltalonan.

\s5
\v 22 Kalpasanna, kinuna ni Yahweh kenni Moises, "Ingatom ta imam nga agturong iti tangatang, tapno agtudo ti uraro iti entero a daga ti Egipto—kadagiti tattao, kadagiti ayupda, ken kadagiti amin a mula iti kataltalonan."
\v 23 Ingngato ngarud ni Moises ti bastonna nga agturong iti tangatang. Ket pinagtudo ni Yahweh iti uraro ti entero a daga iti Egipto. Adda pay gurruod ken kimat.
\v 24 Kabayatan nga agtudtudo iti dadakkel nga uraro, naggurru-od ken nagkimat iti daga. Awan pay a pulos iti kasta a bagyo ti uraro manipud pay idi damo a nagbalin a pagilian ti Egipto.

\s5
\v 25 Tinupakan ti uraro dagiti amin nga adda iti kataltalonan iti entero nga Egipto—amin a tattao ken amin nga ayup. Dinadael ti uraro dagiti mula iti kataltalonan ken inikkatna dagiti bulbulong dagiti kaykayo.
\v 26 Iti laeng rehion ti Gosen, a pagnanaedan dagiti Israelita ti awan urarona.

\s5
\v 27 Kalpasanna, nangibaon ti ari iti mangayab kada Aaron ken Moises. Kinunana kadakuada, "Aklunek a nagbasolak iti daytoy a gundaway. Umno ti inaramid ni Yahweh, ken saan a nasayaat ti inaramidko ken dagiti tattaok.
\v 28 Agkararagkayo kenni Yahweh! Saanmin a maibturan a pulos daytoy a gurruod ken uraro! Palubosakon dagiti tattaom: saanen a masapul nga agtalinaedda pay iti Egipto."

\s5
\v 29 Simmungbat ni Moises, "Apaman a rumuarak iti daytoy a siudad, ingatokto dagiti imak ket agkararagak kenni Yahweh. Ket agsardengton ti gurruod, ket awanton ti agtinnag nga uraro. Mapasamakto daytoy tapno maammoam a ni Yahweh, saan a dagiti diosmo, iti mangtengtengngel iti isu amin a mapaspasamak ditoy daga.
\v 30 Ngem para kenka ken dagiti opisialmo, ammok a saanyo pay laeng a kabuteng ni Yahweh a Dios."

\s5
\v 31 Idi nagtinnag ti uraro, nadadael dagiti lino gapu ta nakadawadan, ken dagiti sebada gapu ta natangkenanen dagiti bukelna.
\v 32 Ngem awan ti nadadael a trigo, gapu ta babassit pay laeng dagiti binukelna.
\v 33 Pinanawan ngarud ni Moises ti ari ket rimuar iti siudad. Ingngatona dagiti imana nga agturong kenni Yahwen ket nagkararag. Ket nagsardeng ti gurruod ken ti bagyo ti uraro, ken nagsardeng met ti tudo iti daga ti Egipto.

\s5
\v 34 Ngem idi nakita ti ari a nagsardengen ti tudo, ti bagyo ti uraro, ken gurruod, nagbasol manen isuna. Natangken latta ti ulona agraman dagiti opisialna.
\v 35 Ngarud, kas impadto ni Yahweh babaen iti imbagana kenni Moises, saan a pinalubosan ti ari a pumanaw dagiti Israelita.

\s5
\c 10
\p
\v 1 Kalpasanna, kinuna ni Yahweh kenni Moises, "Mapanka manen iti ari. Pinatangkenko ti ulona ken ti ulo dagiti opisialna. Inaramidko daytoy tapno maaddaanak iti naimbag a rason a mangaramid amin kadagitoy a milagro kadakuada.
\v 2 Inaramidko pay daytoy tapno maibagamto kadagiti annakmo ken kadagiti appokom no kasanok a pinagtignay dagiti Egipcio a simamaag unay inton aramidek amin dagitoy a milagro. Ket maammoanyonto amin a Siak ni Yahweh a Dios."

\s5
\v 3 Napan ngarud da Aaron ken Moises iti ari ket kinunada kenkuana, "Ni Yahweh a Dios, ti daydayawenmi a Hebreo, imbagana daytoy, 'Kasano kabayag nga agkedkedka a sisusukir a mangaramid iti imbagak kenka? Palubosam a mapan dagiti tattaok tapno dayawendak idiay let-ang!
\v 4 No saanmo ida a palubosan, ballaaganka nga inton bigat, mangiyegakto kadagiti dudon iti pagiliam.

\s5
\v 5 Abbongandanto ti daga tapno saanyonto pay a makita daytoy. Kanendanto ti amin a banbanag a saan a dinadael ti uraro. Kanendanto iti amin a banbanag a nabati kadagiti kayo a dumakdakkel pay laeng.
\v 6 Punoendanto dagiti balaymo ken dagiti balay dagiti amin nga opisialmo ken dagiti amin nga Egipcio. Ad-adunto dagiti dudon ngem ti nakitam wenno nakita dagiti nagannakmo wenno dagiti apongmo manipud ti tiempo nga immay dagiti kapuonam iti daytoy a daga agingga ita!'" Kalpasanna, pinanawan da Moises ken Aaron ti ari.

\s5
\v 7 Kinuna dagiti opisiales ti ari kenkuana, "Kasano kabayag a mangiyeg daytoy a tao kadagiti dakes a banbanag kadatayo? Palubosamon a mapan dagiti Israelita tapno dayawenda ni Yahweh, a diosda. Saanmo pay kadi a maawatan a dinadael daytoy a tao ti Egipto?"
\v 8 Isu a pinagsublida ni Aaron ken ni Moises iti ari. Kinunana kadakuada, "Wen, mabalinyo ti mapan ken dayawen ni Yahweh, a diosyo. Ngem siasinonto dagiti mapan?"

\s5
\v 9 Simmungbat ni Moises, "Kasapulan a mapankami amin, tunggal maysa, agraman dagiti ubbing ken dagiti nataengan. Kasapulan nga itugotmi dagiti annakmi a lallaki, dagiti annakmi a babbai, ken dagiti arban dagiti karnero, kalding, ken dagiti pangen dagiti tarakenmi gapu ta masapul nga agrambakkami a mangdayaw kenni Yahweh."
\v 10 Isu a simmungbat ti ari, "Saanko a pulos a kayat a tulongannakayo ni Yahweh, ken siak a mismo ket saanko nga ipalubos nga itugotyo dagiti annakyo ken dagiti assawayo! Nalawag a pangpanggepenyo a saanen nga agsubli.
\v 11 Isu a saan, saankayo amin a palubosan a mapan. Mabalin a mapan dagiti lallaki nga Israelita ken agdayaw kenni Yahweh no dayta ti kayatyo." Kalpasanna pinapanaw ti ari da Moises ken Aaron iti palasiona.

\s5
\v 12 Kalpasanna, kinuna ni Yahweh kenni Moises, "Iyunnatmo ta imam a kasla iyun-unnatmo iti entero a daga a mangpasangbay kadagiti dudon. Umaydanto iti pagilian ti Egipto ken kanenda ti tunggal mula a nabati iti daga, tunggal mula a saan a dinadael ti uraro."
\v 13 Isu nga inlayat ni Moises ti sarukodna a kasla iyun-unnatna nga agturong iti entero a daga iti Egipto. Ket pinagpul-oy ni Yahweh ti napigsa nga angin manipud iti daya, ket nagpul-oy nga agturong iti entero a daga iti agmalmalem ken agpatpatnag. Iti simaruno a bigat, inyegna dagiti dudon.

\s5
\v 14 Nagpapangen dagiti dudon iti entero nga Egipto. Dakdakkel ti pangen dagiti dudon ngem kadagiti aniaman a nakita iti Egipto, ken awanto manen ti tumaud a kasta a pangen dagiti dudon iti daga.
\v 15 Inabbonganda ti rabaw ti daga ken pinalidemda ti daga. Kinnanda amin dagiti mula iti daga ken tunggal banag kadagiti kayo a saan a nadadael iti uraro. Awan a pulos ti nabati a nalangto a bulong iti aniaman a mula wenno iti aniaman a kayo iti sadinoman iti Egipto.

\s5
\v 16 Dagus nga inayaban ti ari da Aaron ken ni Moises ken kinunana, "Nagbasolak kenni Yahweh, a diosyo, ken kadakayo a dua.
\v 17 Isu nga ita, dawatek a pakawanendak iti daytoy a gundaway gapu ta nagbasolak. Pangaasiyo ta agkararagkayo kenni Yahweh, a diosyo, nga ikkatenna daytoy nakabutbuteng a didigra a mangpapatay kadakami amin."
\v 18 Pinanawan ngarud da Moises ken Aaron ti ari, ket nagkararag ni Moises kenni Yahweh.

\s5
\v 19 Kalpasanna, binaliwan ni Yahweh ti turong ti angin isu a nagpuyot a sipipigsa daytoy manipud iti laud, ket impuyotna amin dagiti dudon iti Baybay dagiti Runo. Awan ti uray maysa a dudon ti nabati iti sadinoman iti pagilian ti Egipto.
\v 20 Ngem pinatangken manen ni Yahweh ti ulo ti ari, ket saan a pinalubosan ti ari a mapan dagiti Israelita.

\s5
\v 21 Kinuna ni Yahweh kenni Moises, "Iyunnatmo ta imam nga agturong iti tangatang tapno sumipnget iti entero a daga ti Egipto, naan-anay a kinasipnget a kasapulan nga agarikap dagiti tattao tapno maammoanda ti pagnaanda."
\v 22 Isu nga inyunnat ni Moises ti imana nga agturong iti tangatang, ket simmipnget iti kasta unay iti entero nga Egipto iti las-ud ti tallo nga aldaw ken rabii.
\v 23 Saan a makita dagiti tattao ti tunggal maysa. Awan ti rimuar iti balayna kabayatan iti dayta a tiempo. Ngem adda lawag iti disso a pagnanaedan dagiti Israelita.

\s5
\v 24 Inayaban ti ari ni Moises ket kinunana, "Wen, mabalinyo ti mapan ken agdayaw kenni Yahweh. Mabalin a kumuyog kadakayo dagiti assawayo ken dagiti annakyo. Ngem masapul nga agtalinaed ditoy dagiti arban dagiti karnero ken kaldingyo, ken dagiti pangen dagiti tarakenyo nga ay-ayup."
\v 25 Ngem simmungbat ni Moises, "Saan, masapul nga ipalubosmo nga itugotmi dagiti karnero ken kaldingmi tapno adda idatonmi a kas daton a maipuor kenni Yahweh, a Diosmi.
\v 26 Masapul nga itugotmi met dagiti tarakenmi; awan ti ibatimi nga uray maysa nga ayup. Masapul nga alaenmi dagitoy nga agdayaw kenni Yahweh. Saanminto nga ammo no ania nga ayup ti idatonmi aginggana a makasangpetkami iti papananmi."

\s5
\v 27 Ngem pinagtultuloy ni Yahwen a natangken ti ulo ti ari. Saan a pinalubosan ti ari a mapan dagiti Israelita.
\v 28 Kinuna ti ari ken ni Moises ken Aaron, "Pumanawkayo ditoy! Siguradoenyo a saankayon a pulos nga umay agpakita manen kaniak! Ti aldaw a makitadak manen, papatayenkayonto!"
\v 29 Simmungbat ni Moises, "Kusto ka! Saannakton a pulos a makita manen!"

\s5
\c 11
\p
\v 1 Kalpasanna, kinuna ni Yahweh kenni Moises, "Mangiyegakto pay iti maysa a didigra iti ari ti Egipto ken kadagiti amin a tattaona. Kalpasan dayta, palubosannakayonton a pumanaw. Kinapudnona, kamatennakayonto a papanawen iti Egipto.
\v 2 Isu nga ita, agsaoka kadagiti amin nga Israelita. Ibagam kadakuada a dumawatda kadagiti amin nga Egipcio a kaarrubada, dagiti lallaki ken babbai, nga ikkanda ida ti pirak ken balitok nga alahasda."
\v 3 Nagtignay ni Yahweh kadagiti Egipcio tapno raemenda iti kasta unay dagiti Israelita. Kinapudnona, natan-ok unay ti panagkita dagiti opisiales ti ari ken dagiti amin a tattao kenni Moises.

\s5
\v 4 Ket napan ni Moises iti ari ket kinunana, "Daytoy ti kinuna ni Yahweh: 'Inton tengnga iti rabii, mapanakto iti entero nga Egipto,
\v 5 ket papatayekto amin nga inauna nga annak a lallaki. Manipud iti inauna nga anak a lalaki ti ari agingga iti inauna nga anak a lalaki iti tagabu a babai nga aggilgiling iti bukel ken dagiti amin nga inauna nga annak a lalaki iti tunggal maysa. Papatayekto pay dagiti inauna a lallaki kadagiti tarakenyo.

\s5
\v 6 Inton mapasamak dayta, agdung-awto ti nakapigpigsa dagiti tattao iti entero nga Egipto. Agdung-awdanto iti nakarkaro pay ngem ti panagdung-awda kadagiti napalabas ken kadagiti sumarsaruno a panawen.
\v 7 Ngem naulimekto kadagiti Israelita, nga awanto ti uray maysa nga aso nga agtaul! Ket pudno a maammoanyonto a Siak, a ni Yahweh, ket naidumduma ti panangtratok kadagiti Egipcio ngem kadagiti Israelita.'
\v 8 Ket amin dagitoy nga opisialesmo ket umaydanto ken agrukbab iti sangoanak ket ibagadanto, 'Pangaasiyo ta pumanawkayo iti Egipto, sika ken dagiti amin nga Israelita!' Kalpasan dayta, pumanawkaminto iti Egipto!" Idi naibaga ni Moises dayta, pinanawanna ti ari a kasta unay ti pungtotna.

\s5
\v 9 Kalpasanna, kinuna ni Yahweh kenni Moises, "Saanto a dumngeg ti ari iti ibagam. Isu nga agaramidakto pay iti adu a milagro iti daga ti Egipto."
\v 10 Inaramid amin da Aaron ken Moises dagitoy a milagro iti sangoanan ti ari, ngem pinatangken ni Yahweh ti ulo ti ari. Saan a pinalubosan ti ari dagiti Israelita a pumanaw iti dagana.

\s5
\c 12
\p
\v 1 Kinuna ni Yahweh kada Aaron ken Moises idiay Egipto,
\v 2 "Manipud ita, daytoy a bulan ket agbalin nga umuna a bulan ti tawen para kadakayo nga Israelita."

\s5
\v 3 Ibagayo kadagiti amin nga Israelita nga iti tunggal pamilya, masapul a mangala ti ama iti pamilya iti maysa a karnero wenno urbon a kalding para iti bumalayna.
\v 4 No bassit ti bilang dagiti tattao iti pamiliana a mangan iti sibubukel a naluto a karnero, ket mabalin a pagbingayan ti pamiliana ken ti kaarubana a pamilia ti maysa nga ayup. Ikeddengyo no manu a karnero ti kasapulanyo segun iti bilang dagiti tattao iti tunggal pamilya ken segun iti kabaelan a kanen ti tunggal tao.

\s5
\v 5 Dagiti karnero wenno kalding a pilienyo ket masapul a kalakian, maysa ti tawenna ken awan pakapilawanna.
\v 6 Masapul nga aywananyo a nasayaat dagitoy nga ayup agingga iti maika-sangapulo ket uppat nga aldaw iti bulan. Iti dayta nga aldaw, masapul a patayen dagiti amin nga Israelita dagiti karnero wenno kalding iti rabii.
\v 7 Kalpasanna, masapul a mangalada iti dara dagiti karnero wenno kalding ket ipunasda daytoy iti hamba ken kadagiti poste ti ridaw iti balay a pangananda iti karne.
\v 8 Masapul nga itunoda a dagus dagiti ayup ken kanenda ti karne iti dayta a rabii. Masapul nga ikaanda daytoy iti napait a bulbulong ken iti tinapay nga awan lebadurana.

\s5
\v 9 Masapul a saanyo a kanen ti aniaman a karne a saan a naluto ken masapul a saanyo nga ilambong ti karne. Masapul nga itunoyo daytoy a saanyo nga putden ti ulo wenno dagiti luppo wenno ikkaten dagiti nagunegna.
\v 10 Masapul a kanenyo amin dagiti karnena iti dayta a rabii; saankayo a mangibati iti kanenyo a karne iti kabigatanna. No adda ti nabati a karne iti sumaruno a bigat, masapul a puoranyo amin dagitoy.
\v 11 Inton kanenyo daytoy, masapul a nakawesankayo a nakasagana nga agdaliasat. Masapul a nakasandalyaskayo ken iggemyo ti sarrukodyo. Masapul a darasenyo daytoy a kanen. Agbalinto daytoy a fiesta a maawagan iti Ilalabas a panangdayaw kaniak, a ni Yahweh.

\s5
\v 12 Iti dayta a rabii, mapanakto iti entero a daga ti Egipto ket patayekto dagiti amin nga inauna nga anak a lalaki iti Egipto, dagiti tattao ken dagiti ayup. Babaen iti panangaramidko iti daytoy, dusaekto dagiti amin a dios idiay Egipto. Siak daytoy, ni Yahweh a Dios nga agsasao kadakayo!
\v 13 Ti dara nga ipunasyo kadagiti ridridaw ti pagilasinan a mangipakita kaniak kadagiti babbalay a pagnanaedanyo nga Israelita. Inton makitak ti dara, labsakto dagidiay a babbalay ket saankonto a dangran dagiti tattao nga agnanaed idiay inton umayko dusaen dagiti Egipcio.
\v 14 Iti tunggal tawen, masapul a rambakenyo daytoy a fiesta iti daytoy nga aldaw a kas pananglagipyo iti inaramidko, ni Yahweh, kadakayo. Kadagiti amin a henerasyon nga umay, masapul a rambakanyo daytoy a fiesta iti tunggal tawen. Masapul nga agtultuloy daytoy iti agnanayon.

\s5
\v 15 Iti pito nga aldaw, masapul a mangankayo iti tinapay nga awan lebaburana. Iti umuna nga aldaw iti dayta a lawas, masapul nga ibellengyo dagiti amin a lebadura nga adda kadagiti babbalayyo. Bayat kadagidiay a pito nga aldaw, no adda ti mangan iti tinapay nga adda lebadurana, masapul a papanawenyo dayta a tao manipud kadagiti tattaoyo.
\v 16 Iti umuna nga aldaw iti dayta a lawas, masapul nga adda iti nasantoan a panagsasarakyo. Masapul nga aramidenyo ti isu met laeng a banag iti maika-pito nga aldaw. Masapul a saan nga agtrabaho dagiti tattao kadagidiay a dua nga aldaw. Ti laeng mangisagana iti taraon a kanenyo ti mabalinda nga aramiden.

\s5
\v 17 Tunggal tawen, masapul nga itultuloyyo a rambakan daytoy a Fiesta ti Tinapay nga awan Lebadurana gapu ta daytoyto ti mangipalagip kadakayo nga daytoy ti aldaw nga impanawko dagiti tribuyo manipud iti daga ti Egipto. Isu nga iti tunggal tawen, kadagiti amin nga umay a henerasion, masapul a rambakanyo daytoy nga aldaw a kas fiesta. Masapul nga agtultuloy daytoy iti agnanayon.
\v 18 Iti umuna a bulan ti tawen, iti maika-sangapulo ket uppat nga aldaw iti dayta a bulan, ti laeng tinapay a mabalinyo a kanen ket ti tinapay nga awan lebadurana. Masapul nga agtultuloyyo nga aramiden dayta agingga iti maika-duapulo ket maysa nga aldaw iti dayta a bulan.

\s5
\v 19 Bayat kadagidiay a pito nga aldaw, masapul nga awan ti lebadura kadagiti babbalayyo. No adda ti mangan iti tinapay a nalebaduraan iti dayta a tiempo, Israelita man wenno gan-gannaet, dayta a tao ket saanen nga Israelita.
\v 20 Kadagiti babbalayyo, saankayo a mangmangan iti aniaman a nalebaduraan kadagidiay nga al-aldaw."

\s5
\v 21 Impaayab ngarud ni Moises dagiti amin a mangidadaulo kadagiti Israelita. Kinunana kadakuada, "Masapul a mangpili ti tunggal pamilia iti karnero ket patayenna daytoy, tapno kanenyo daytoy a mangrambak iti fiesta a maawaganto iti "Ilalabas."
\v 22 Tayaenyo ti dara ti karnero iti mallukong. Mangalakayo iti sangareppet a hisopo ket isawsawyo iti dara. Kalpasanna, ipunasyo daytoy iti ngatoen ti hamba ken kadagiti poste ti ridaw ti babbalayyo. Masapul nga agtalinaed dagiti tattao iti uneg ti balay aginggana iti sumaruno a bigat.

\s5
\v 23 Inton mapan ni Yahweh iti entero nga Egipto tapno patayenna dagiti inauna nga annak a lalaki iti tunggal pamilia ti Egipcio, makitananto ti dara kadagiti hamba ti babbalayyo ket labsannanto dagidiay a babbalay. Saannanto a palubusan dagiti anghel a mangpatay kadagiti tattao a sumrek kadagiti babbalayyo ken patayenda dagiti inauna nga annakyo a lalaki.

\s5
\v 24 Dakayo ken dagiti kaputotanyo ket masapul a rambakanyo nga agnanayon daytoy a seremonia.
\v 25 Inton sumangpetkayo iti daga nga inkari ni Yahweh nga ited kadakayo, masapul nga itultuloyyo a rambakan daytoy a seremonia iti tunggal tawen.

\s5
\v 26 Inton saludsudendakayo dagiti annakyo, ‘Ania ti kayat a sawen daytoy a seremonia?’
\v 27 masapul a kunayo kadakuada, ‘Daytoy a seremonia ket pananglagip iti panangidaton dagiti kapuonanyo kadagiti karnero iti rabii a limmabas ti anghel ni Yahweh kadagiti babbalay dagiti Israelita idi addada idiay Egipto. Pinatayna dagiti inauna nga annak a lalaki nga adda kadagiti amin a balay dagiti Egipcio, ngem saanna a pinatay dagiti inauna nga anak a lallaki nga adda kadagiti babbalaymi.’’ Kalpasan nga imbaga ni Moises daytoy kadakuada, nagdumog dagiti amin a tattao ket dinaydayawda ni Yahweh.
\v 28 Inaramid ngarud dagiti Israelita nga apagisu ti imbilin ni Yahweh kada Moises ken Aaron nga ibagada kadakuada nga aramidenda.

\s5
\v 29 Iti tengnga ti rabii, pinatay ni Yahweh dagiti amin nga inauna nga annak a lalaki dagiti Egpicio, iti entero nga Egipto. Nairaman ditoy ti inauna nga anak a lalaki ti ari, dagiti inauna nga annak a lalaki dagiti balud, ken dagiti inauna nga anak a lalaki dagiti dadduma pay. Pinatayna pay dagiti amin nga inauna a kalakian dagiti dingwen dagiti Egipcio.
\v 30 Iti dayta a rabii, nariing ti ari, dagiti amin nga opisialna, ken amin nga Egipcio ket natakwatanda ti napasamak. Nagdung-awda iti nakapigpigsa iti entero a Egipto gapu ta adda natay nga anak a lalaki iti tunggal balay.

\s5
\v 31 Iti dayta a rabii, inayaban ti ari da Moises ken Aaron ket kinunana, "Mapankayo, dakayo ken dagiti amin a dadduma nga Israelita ket pumanawkayo iti pagiliak itan! Mapankayo ket dayawenyo ni Yahweh, a kas kiniddawyo!
\v 32 Itugotyo dagiti arban ti karnero, kalding ken dagiti pangen iti baka ket pumanawkayo! Ken dawatenyo kenni Yahweh a bendisionannak met!"
\v 33 Kiniddaw dagiti Egipcio kadagiti Israelita a darasenda ti pumanaw iti pagilianda. Kinunada, "No saanyo nga aramiden dayta, mataykami amin!"

\s5
\v 34 Nagsagana ngarud dagiti Israelita tapno makapanawda a dagus. Innalada dagiti mallukong a nangkiwaranda iti masa nga aramidenda a tinapay ken dagiti masa nga awan lebadurana nga adda kadagiti mallukong, ket binalkotda dagiti mallukong kadagiti kagayda. Binaklayda dagiti mallukong ket pimmanawda.
\v 35 Ket inaramid dagiti Israelita ti imbaga ni Moises kadakuada. Napanda kadagiti kaarrubada nga Egipcio ket dimmawatda kadagiti pirak ken balitok nga alahas ken kawes.
\v 36 Pinagtignay ni Yahweh dagiti Egipcio a raemenda iti kasta unay dagiti Israelita, isunga intedda ti aniaman a dinawatda. Iti dayta a wagas, impanaw dagiti Israelita dagiti kinabaknang dagiti Egipcio.

\s5
\v 37 Nagnagna dagiti Israelita manipud iti siudad ti Rameses agingga iti ili ti Sucot. Adda ti agarup 600,000 a lallaki a napan, mainayon pay dagiti babbai ken ubbing.
\v 38 Adu pay a tattao a saan nga Israelita ti kimmuyog kadakuada. Adda pay dagiti dingwen, agraman dagiti arban ti karnero, kalding ken dagiti pangen iti baka.
\v 39 Iti dalanda, naglutoda iti tinapay manipud kadagiti masa nga intugotda idi nabagaanda a pumanaw manipud Egipto. Awan lebadurana ti masada gapu ta nabagaanda a pumanawda a dagus iti Egipto isu nga awan umdas a panawenda a mangisagana iti taraon nga itugotda wenno awan umdas a panawenda a mangilaok iti lebadura iti tinapay.
\v 40 Nagnaed dagiti Israelita idiay Egipto iti las-ud iti 430 a tawen.

\s5
\v 41 Iti aldaw a dagiti 430 a tawen ket naggibus, iti dayta nga aldaw, pimmanaw dagiti amin a tribu ni Yahweh manipud Egipto.
\v 42 Daytoy ti rabii a nagtalinaed a siririing dagiti Israelita bayat iti panangipanaw ni Yahweh kadakuada manipud Egipto. Isu a daytoy met laeng a rabii iti tunggal tawen ket rabii a maidaton kenni Yahweh, maysa a rabii a lagipen dagiti Israelita iti amin a henerasion ti panangaywan ni Yahweh kadagiti kapuonanda.

\s5
\v 43 Kalpasanna, kinuna ni Yahweh kada Moises ken Aaron, "Dagitoy dagiti bilinko maipanggep iti Ilalabas: saanyo a pakanen dagiti gan-gannaet iti taraon para iti Ilalabas.
\v 44 Ngem ti siasinoman a lalaki a tagabu a ginatangyo ket mabalinda ti mangan iti daytoy kalpasan a makugityo ida.

\s5
\v 45 Saanyo a palubusan dagiti tattao a makipagnanaed kadakayo a saan nga Israelita, wenno dagiti adipen a tatangdananyo wenno dagiti makidagdagus laeng iti apagbiit a mangan iti taraon para iti Ilalabas.
\v 46 Masapul a kanen ti tunggal pamilia ti Taraon para iti Ilalabas iti uneg ti bukodna a balay. Saankayo a mangiruar iti uray ania iti taraon manipud kadagiti babbalayyo. Saanyo a tuktukkulen dagiti tulang ti karnero.

\s5
\v 47 Masapul a rambakan dagiti amin nga Israelita daytoy a fiesta.
\v 48 No adda umay manipud iti sabali a pagilian a makipagnaed kadakayo ken kayatna a rambakan ti fiesta ti Ilalabas, masapul a kugitenyo dagiti amin a lallaki nga adda iti bumalayna. Kalpasanna, mabalinna ti mangan iti taraon para iti Ilalabas, ken masapul a tratoenyo dayta a tao a kas maysa a naipasngay nga Israelita. Ngem saanyo a palubusan dagiti lallaki a saan a nakugit a mangan iti taraon para iti Ilalabas.

\s5
\v 49 Maipakat dagitoy nga annuruten kadagiti tattao a naipasngay nga Israelita ken kadagiti gan-gannaet nga umay makipagnaed kadakayo."
\v 50 Nagtulnog dagiti amin nga Israelita kada Moises ken Aaron ket inaramidda ti imbilin ni Yahweh.
\v 51 Iti dayta nga aldaw, impanaw ni Yahweh dagiti amin a tribu dagiti Israelita manipud iti Egipto.

\s5
\c 13
\p
\v 1 Kinuna ni Yahweh kenni Moises,
\v 2 "Ilasinyo dagiti amin nga inauna nga annak a lalaki tapno agbalinda a kukuak. Kukuakto dagiti amin nga inauna nga annak a lalaki dagiti Israelita ken dagiti ayupda."

\s5
\v 3 Kinuna ni Moises kadagiti tattao, "Saanyo a liplipatan daytoy nga aldaw! Daytoy ti aldaw a pinanawanyo ti Egipto. Daytoy ti aldaw a nawayawayaankayo manipud iti panagbalinyo a tagabuda. Impanawnakayo ni Yahweh manipud Egipto babaen iti naindaklan a pannakabalinna. Saankayo a mangan iti tinapay nga adda lebadurana tunggal rambakanyo daytoy nga aldaw.
\v 4 Panawanyo ti Egipto iti daytoy nga aldaw nga isu ti umuna nga aldaw iti bulan ti Abib.
\v 5 Iti saan nga agbayag, inton iyegnakayo ni Yahweh iti daga a pagnanaedan ita dagiti kaputotan ti Canaan, Het, Amor, Hiv, ken Jebus, ti daga nga inkarina nga ited kadakayo, daga a nasayaat unay a pagtarakenan kadagiti dingwen ken pagmulaan, masapul a tinawen a rambakanyo daytoy a fiesta iti daytoy a bulan.

\s5
\v 6 Masapul nga awan lebadura ti tinapay a kanenyo iti pito nga aldaw. Iti maika-pito nga aldaw, masapul nga adda iti fiesta a pammadayaw kenni Yahweh.
\v 7 Saankayo a mangan iti tinapay nga adda lebadurana bayat iti pito nga aldaw. Masapul nga awan ti lebadura wenno tinapay nga adda lebadurana iti sadinoman iti dagayo.

\s5
\v 8 Iti aldaw a mangrugi ti fiesta, masapul nga ibagayo kadagiti annakyo, "Ar-aramidenmi daytoy tapno lagipenmi ti inaramid ni Yahweh kadagiti kapuonanmi idi pimmanawda idiay Egipto."
\v 9 Ipalagip daytoy a seremonia kadakayo ti panangipanaw ni Yahweh kadagiti kapuonanyo manipud Egipto babaen iti naindaklan a pannakabalinna. Ti seremonia ket kaslanto maysa a banag nga igalutyo iti muging ken imayo. Ipalagipto daytoy kadakayo nga ibagayo kadagiti dadduma ti imbilin ni Yahweh kadakayo.
\v 10 Masapul ngarud a rambakanyo daytoy a fiesta iti tunggal tawen iti tiempo nga intuding ni Yahweh.

\s5
\v 11 Ipannakayonto ni Yahweh iti daga a pagnanaedan dagiti kaputotan ti Canaan, a kas inkarina kadakayo ken kadagiti kapuonanyo nga aramidenna. Inton ited ni Yahweh dayta a daga kadakayo,
\v 12 masapul nga itedyo kenni Yahweh dagiti amin nga inauna nga anak a kalakian dagiti dingwenyo. Kukuanto amin ni Yahweh dagitoy.
\v 13 Mabalinyo a saan nga ited dagiti inauna a kalakian nga asno, ngem masapul a sukatanyo daytoy babaen iti panangpatayyo iti karnero. No saanyo a kayat a sukatan ti asno, masapul a patayenyo daytoy babaen iti panangtukkolyo iti tengngedna. Masapul a subbotenyo ti tunggal maysa kadagiti inauna nga annakyo a lalaki.

\s5
\v 14 Iti masakbayan, inton saludsudennakayo ti maysa kadagiti annakyo, 'Ania ti kayat a sawen daytoy?' masapul nga ibagayo kenkuana, 'Impanaw ni Yahweh dagiti kapuonanmi iti Egipto babaen iti naindaklan a pannakabalinna, ken winayawayaannakami iti panagbalinmi a tagabu idiay.
\v 15 Saan ida a pinalubosan ti ari ti Egipto a panawanda ti dagana, isu a pinapatay ni Yahweh dagiti amin nga inauna nga annak a lalaki idiay Egipto, dagiti inauna a lallaki ken inauna a kalakian dagiti dingwenda. Isu nga idatdatonmi ita kenni Yahweh dagiti inauna a kalakian dagiti dingwenmi, ngem subbotenmi dagiti inauna nga annakmi a lalaki.'
\v 16 Ipalagipto daytoy kadakayo ti panangipanaw ni Yahweh kadagiti kapuonantayo idiay Egipto babaen iti naindaklan a pannakabalinna, kaslanto maysa a banag daytoy nga igalutyo iti ima wenno mugingyo a mangipalagip kadakayo iti dayta."

\s5
\v 17 Idi pinalubusan ti ari ti Egipto dagiti Israelita a pumanaw, saan ida nga inturong ni Yahweh iti dalan nga agturong iti daga dagiti Filisteo. As-asideg dayta a daliasaten ngem kinuna ti Dios, "Saan a nasayaat no agbaliw ti panunot dagiti tattaok inton maamirisda a masapul a makigubatda kadagiti Filisteo tapno maalada ti dagada. Ket ikeddengdanto nga agsubli idiay Egipto."
\v 18 Ngem ketdi, inlikaw ida ni Yahweh iti let-ang nga agturong idiay Baybay dagiti Runo. Idi pimmanaw dagiti Israelita manipud Egipto, adda awitda nga ar-armas a panggubat kadagiti kabusorda.

\s5
\v 19 Impatugot ni Moises kadakuada dagiti tulang ni Jose gapu ta pinagkari ni Jose idi dagiti Israelita nga aramidenda dayta. Kinunana kadakuada, "Ispalento ti Dios dagiti kaputotanyo manipud Egipto. Inton mapasamak dayta, masapul nga itugotyo dagiti tulangko."
\v 20 Pimmanaw dagiti Israelita idiay Succot ket nagnagnada nga agturong idiay Etam, idiay igid ti let-ang, ket impatakderda dagiti toldada idiay.
\v 21 Idi nagnagnada iti aldaw, adda ni Yahweh iti sangoananda babaen iti kasla nakapatakder a puraw nga ulep a mangisuro kadakuada iti dalan. Iti rabii, adda ni Yahweh kadakuada iti sangoananda babaen iti kasla nakapatakder nga ulep a kasla apuy ti langana. Babaen iti pangaramidna iti daytoy, nabalinan dagiti Israelita ti agdaliasat iti aldaw ken rabii.
\v 22 Saan ida a pinanawan ti ulep. Kanayon daytoy nga adda iti sangoananda, a kas maysa a naraniag a puraw nga ulep iti aldaw ken kasla nakapatakder nga apuy iti rabii.

\s5
\c 14
\p
\v 1 Ket kinuna ni Yahweh kenni Moises,
\v 2 "Ibagam kadagiti Israelita nga agsublida ket ipatakderda dagiti toldada iti sangngoanan ti Pi Hahirot. Dayta nga ili ket adda iti nagbaetan ti Migdol ken ti baybay, nga asideg iti Baal Zefon. Ipatakderyo dagiti toldayo sadiay iti asideg ti baybay.
\v 3 Inton maamoan ti ari nga inaramidyo dayta, panunotenanto, 'Natikaw dagiti Israelita. Agalla-allada, ket sinerraan ti let-ang dagiti pagnaanda.'

\s5
\v 4 Ngem pagsukirekto manen ti ari, ken ikuyognanto dagiti armadana ket surotendakayonto. Ket dayawendakto dagiti tattaok iti panagballigik iti ari ken iti armadana, ket maamoanto dagiti Egipcio a siak ni Yahweh." Isu nga imbaga ni Moises dayta kadagiti Israelita, ket inaramidda ti imbagana nga aramidenda.
\v 5 Idi adda nangibaga iti ari a pimmanaw dagiti Israelita iti rabii, nagbaliw ti panunotna ken dagiti mangidadaulona ket kinunada, "Ania ti inaramidtayo? Saantayon a tagabu dagiti Israelita!"

\s5
\v 6 Isu nga impasagana ti ari ti karwahena ken ti armadana.
\v 7 Ket nangpili isuna iti innem a gasut kadagiti kasasayaatan a karwahena, ken iti tunggal karwahe, nangikabil isuna iti maysa a mangiturturong, maysa a suldado, ken maysa a mangidadaulo, ket pimmanawda.
\v 8 Pinatangken ni Yahweh ti ulo ti ari ti Egipto, isu a napan isuna ken dagiti armadana tapno kamatenda dagiti Israelita. Nagna a rimmuar dagiti Israelita a sitatalged.
\v 9 Simmaruno kadagiti Israelita ti armada dagiti Egipcio, dagiti amin a kabalyo ti ari ken dagiti karwahe ken kumakabalyo. Nakamakamda ida idi nagkampoda iti igid ti baybay nga asideg ti Pi Hahirot, iti sangoanan ti Baal Zefon.

\s5
\v 10 Idi nakaasideg ti armada ti ari, naklaat dagiti Israelita idi nakitada nga umayen dagiti Egipcio iti ayanda. Kasta unay ti butengda, isu nga immawagda kenni Yahweh a tulunganna ida.
\v 11 Ket kinunada kenni Moises, "Pudno a saanmo a pinanunot nga awan iti umanay a siled idiay Egipto para kadakami a pakaitanemanmi. Isu nga apay nga impannakami ditoy a matay iti daytoy a let-ang? Kitaem ti inaramidmo kadakami iti panangirruarmo kadakami idiay Egipto!
\v 12 Dayta ti imbagami kenka idi addakami idiay Egipto. Imbagami a, 'Panawandakamin, ket bay-andakami nga agtrabaho para kadagiti Egipcio.' Nasaysayaat koma para kadakami nga agbalin a tagabu dagiti Egipcio ngem ti matay ditoy let-ang!"

\s5
\v 13 Kinuna ni Moises kadagiti tattao, "Saankayo nga agbuteng! Agbalinkayo a natibker ket kitaenyo no kasanonakayo nga ispalen ni Yahweh. Isalakannakayo iti daytoy nga aldaw, ken ti pagbanaganna ket saanyonton a pulos a makita dagiti Egipcio a makitkitayo ita nga aldaw.
\v 14 Ni Yahweh ti makirangetto para kadakayo! Agkalmakayo laeng. Awanen ti nasken nga aramidenyo."

\s5
\v 15 Ket kinuna ni Yahweh kenni Moises, "Saanen a nasken nga umawagakka kaniak iti tulong iti kastoy a kasasaad. Ngem ketdi, ibagam kadagiti Israelita nga itultuloyda ti magna.
\v 16 Ingatom dayta sarukodmo ken iyunnatmo a kasla iyun-unnatmo daytoy iti baybay. Umadayunto ti danum tapno makaapan iti tengnga ti baybay dagiti Israelita, a magna iti namaga a daga iti nagbaetan dagiti pader ti danum iti tunggal sikigan.
\v 17 Pagbalinekto a natangken ti ulo dagiti Egipcio tapno padasenda a suruten dagiti Israelita. Ket gapu iti aramidekto iti ari, iti armadana, kadagiti karwahena, ken kadagiti kumakabalyona, dayawendakto dagiti tattaok.
\v 18 Inton magun-odko ti nadayag a balligi maibusor iti ari, kadagiti karwahena, ken kadagiti kumakabalyona, maammoanto dagiti dadduma nga Egipcio a siak ni Yahweh, ti Dios a makaaramid iti aniaman a banag."

\s5
\v 19 Ket ti anghel ti Dios nga adda iti sangoanan dagiti Israelita ket immakar a napan iti likudanda. Ti nangato ken nalawag nga ulep nga adda iti sangngoananda ket immakar met a napan iti likudanda
\v 20 inggana nga adda daytoy iti nagbaetan dagiti Egipcio ken Israelita. Ti ulep ti nangpasipnget iti ayan dagiti Egipcio, ngem nangted iti lawag para kadagiti Israelita. Kas nagbanaganna, agpatnag a saan a makaasideg ti bunggoy iti sabali a bunggoy.

\s5
\v 21 Iti dayta a rabii, inyunnat ni Moises ti imana a kasla iyun-unnatna daytoy iti baybay. Ket nangipatulod ni Yahweh iti napigsa nga angin manipud iti daya. Nagangin iti nagpantag nga isu ti namagsina iti danum, ken nangpamaga iti daga iti nagbaetan ti danum.
\v 22 Ket napan dagiti Israelita iti namaga a daga iti tengnga ti baybay. Ti danum ket kasla pader nga adda iti tunggal sikiganda, iti makannawan ken makannigid.

\s5
\v 23 Ket simmaruno ti armada dagiti Egipcio kadakuada iti tengnga ti baybay kasta met dagiti kabalyo ken dagiti karwaheda ken dagiti mangiturturong iti karwahe.
\v 24 Sakbay a pumarbangon, kimmita ni Yahweh iti baba manipud iti umap-apuy nga ulep, ket pinagkakaribusona ti armada dagiti Egipcio.
\v 25 Inlubona dagiti dalig dagiti karwaheda tapno marigatanda nga agtignay. Isu a kinuna dagiti Egipcio, "Makirangranget ni Yahweh para kadagiti Israelita maibusor kadatayo; pumanawtayon ditoy!"

\s5
\v 26 Ket kinuna ni Yahweh kenni Moises, "Iyunnatmo dayta imam a kasla iyun-unnatmo ti baybay. Ket agsublinto ti danum iti ayan dagiti Egipcio, kadagiti karwaheda, ken kadagiti kumakabalyoda."
\v 27 Inyunnat ngarud ni Moises ti imana, ket kas sumingsingising ti init, nagsubli ti danum iti sigud nga ayanna. Pinadas dagiti Egipcio ti aglibas, ngem impuruak isuda ni Yahweh a pasubli iti baybay.
\v 28 Nagsubli ti danum ket linapunosna dagiti karwahe, dagiti kumakabalyo, ken ti sibubukel nga armada ti Egipcio a nangsurot kadagiti Israelita idiay baybay. Natay amin dagiti Egipcio.

\s5
\v 29 Ngem nakaballasiwen dagiti Israelita iti baybay babaen iti pannagnada iti namaga a daga, a ti danum ket nagbalin a kasla dua a pader, maysa iti makannawan ken maysa iti makannigid.
\v 30 Dayta ti wagas iti panangisalakan ni Yahweh kadagiti Israelita manipud iti armada dagiti Egipcio iti dayta nga aldaw. Nakita dagiti Israelita a natayen dagiti Egipcio. Naipaigid iti baybay dagiti bagida.
\v 31 Nakita dagiti Israelita ti inaramid ni Yahweh kadagiti Egipcio babaen iti naindaklan a pannakabalinna. Nagtalekda kenni Yahweh, ken nagtalekda met kenni Moises.

\s5
\c 15
\p
\v 1 Kalpasanna, kinantaan ni Moises ken dagiti amin nga Israelita ni Yahweh. Kinantada, "Kantaak ni Yahweh gapu ta nagun-odna ti naindaklan a balligi; Impurruakna iti baybay dagiti kabalyo ken dagiti nakasakay kadagitoy!

\s5
\v 2 Ni Yahweh ti mangpappapigsa kaniak, ken isuna ti ikankantak. Isuna ti nangisalakan kaniak. Isuna ti Diosko, ken dayawek isuna. Isuna ti indaydayaw ti amak, ken ibagak kadagiti dadduma ti kinaindaklanna.
\v 3 Ni Yahweh ket mannakigubat; Yahweh ti naganna.

\s5
\v 4 Impurruakna dagiti karwahe ti ari ken ti armadana iti baybay; Limned amin dagiti kalaingan nga opisial ti ari iti baybay ti Runruno.
\v 5 Linapunos ida ti danum a kasla layus; limnedda iti uneg ti baybay a kasla bato.

\s5
\v 6 O Yahweh, ti pannakabalinmo ket saan a matukod; iti dayta a pannakabalin, O Yahweh, rinumekmo dagiti kabusor.
\v 7 Daydayawendaka iti kasta unay gapu ta pinarmekmo dagiti kabusormo. Gapu ta makaung-ungetka kadakuada, dinadaelmo ida a kas iti pananguram ti apuy iti garami.
\v 8 Pinuyotam ti baybay, ket nagpangato ti danum; timmakder ti danum a kasla dua a pader. Iti kaadaleman a paset ti baybay ket pimmuskol ti danum, a kasla timmangken daytoy.

\s5
\v 9 Kinuna dagiti kabusormi, 'Sarunnoen ken kamakamentayo ida. Asutentayo dagiti kampilantayo ket patayentayo ida. Kalpasan a maparmektayo ida, pagbibingayantayonto dagiti amin a maalatayo kadakuada.
\v 10 Ngem pinuyotam ida babaen iti angesmo, ket linipus ida ti baybay. Limnedda a kasla buli kadagiti dakkel a dalluyon.
\v 11 Yahweh, kadagiti diosda, awan ti kas kenka! Kasta unay ti kinadayagmo, naidumdumaka kadagiti amin nga inaramidmo. Awan ti kas kenka! Mabuteng ken dayawendaka ti tunggal maysa gapu kadagiti amin a milagro nga ar-aramidem!

\s5
\v 12 Idi inyunnatmo ti makannawan nga imam, inalun-on ti daga dagiti kabusormi!
\v 13 Saanka pulos nga agsarsardeng a mangay-ayat kadakami, dagiti tattao nga inispalmo; babaen iti pannakabalinmo ket idaldalannakami nga agturong iti daga a pagnanaedam.

\s5
\v 14 Mangngegto dagiti tattao iti dadduma a nasion ti inaramidmo, ket agkintayegdanto. Agbutengto dagiti tattao idiay Filistia.
\v 15 Maupayto dagiti panguloen idiay Edom. Agpigergerto dagiti mangidadaulo idiay Moab gapu iti nakaro a butengda. Matalimudawto amin dagidiay agnanaed idiay Canaan.

\s5
\v 16 Agbuteng ken agamakdanto gapu iti naindaklan a bilegmo. Ngem natalnadanto a kas kadagiti bato agingga a dakami a tattaom ket malabsanmi ida, dakami a tattao a winayawayaam manipud iti pannakatagabu idiay Egipto.

\s5
\v 17 Ipannakaminto iti naikari a daga ti Canaan. Pagnaedennakaminto iti turodmo, iti lugar a pinilim, Yahweh, nga agbalin a pagtaengam, iti nasantoan a lugar, Apomi, nga ipatakdermonto.
\v 18 O Yahweh, agturayka ti agnanayon!"

\s5
\v 19 Idi pinadas dagiti kabalyo ti ari ken dagiti karwahe ken kumakabalyo a lumasat iti baybay, pinagsubli ni Yahweh ti danum ket liniposna ida. Ngem nagna dagiti Israelita iti namaga a daga iti tengnga ti baybay.
\v 20 Ket innala ni Miriam, a manang ni Aaron ken maysa a propeta, ti pandaretana ket rimuar nga agsalsala a kaduana dagiti amin a babbai nga addaan ti pandareta.
\v 21 Kinanta ni Miriam daytoy kenni Yahweh: "Agkanta para kenni Yahweh gapu ta sidadayag isuna a nagballigi kadagiti kabusorna. Impurruakna iti baybay dagiti kabalyo ken dagiti nakasakay iti daytoy."

\s5
\v 22 Kalpasanna, indauloan ni Moises dagiti Israelita a pumanaw iti baybay dagiti Runo. Napanda iti let-ang ti Sur. Nagnada iti tallo nga aldaw, ngem awan masarakanda a danum.
\v 23 Isu a nagtultuloyda ket nakadanunda iti lugar a managan Mara. Adda danum sadiay, ngem saanda a mainum gapu ta napait daytoy. Dayta ti gapuna a pinanagananda ti lugar a Mara, a maysa a sao ti Hebreo a ti kayatna a sawen ket 'napait.'

\s5
\v 24 Nagreklamo dagiti tattao kenni Moises, kinunada, "Ania ti inumenmi?"
\v 25 Isu a nagkararag ni Moises kenni Yahweh. Ket nangipakita ni Yahweh kenkuana ti kayo. Isu nga innalana ti maysa kadagiti sanga ti kayo ket impurruakna daytoy iti danum, ket mabalinen nga inumen ti danum. Idiay Mara, inikkan ida ni Yahweh iti bilin a salimetmetanda iti panagbiagda. Pinadasna pay ida idiay tapno siguraduenna no agtulnogda kenkuana.
\v 26 Kinunana, "Siak ni Yahweh, a Diosyo. No agtulnogkayo kaniak no agsaoak kadakayo ket aramidenyo dagiti banbanag nga umno kaniak ken dumngeg kadagiti amin a banbanag nga ibagak kadakayo, salaknibankayonto manipud kadagiti amin a sakit a pinarnuayko kadagiti Egipcio. Saanyo a liplipatan a siak ni Yahweh, ti mangpapaimbag kadakayo."

\s5
\v 27 Kalpasan a pimmanawda idiay Mara, napanda iti lugar a managan Elim. Adda ti sangapulo ket dua nga ubbog ken pitupulo a kayo ti palma sadiay. Isu a nagkampoda sadiay.

\s5
\c 16
\p
\v 1 Pinanawanda ti Elim, ket nadanon dagiti amin nga Israelita ti let-ang a managan Sin nga adda iti nagbaetan ti Elim ken Bantay Sinai. Dayta ket idi maikasangapulo ket lima nga aldaw iti maika-dua a bulan kalpasan a pimmanawda idiay Egipto.
\v 2 Idiay let-ang, nagreklamo dagiti Israelita maibusor kada Aaron ken Moises.
\v 3 Kinunada kadakuada, "Pinataynakami latta koman ni Yahweh idiay Egipto! Idiay adda iti karne a kanenmi ken amin a tinapay a kayatmi. Ngem inpandakami iti daytoy a let-ang tapno mataykami amin iti bisin!"

\s5
\v 4 Kinuna ni Yahweh kenni Moises, "Denggem ti aramidek. Mangipatuludakto iti maysa a banag manipud iti tangatang a mangsukat iti tinapay para kadakayo. Inton aramidek dayta, masapul a rummuar dagiti tattao kadagiti toldada iti tunggal aldaw ket agurnongda iti umdas a kanenda iti dayta nga aldaw. Inton aramidek dayta, makitakto no agtulnogda kaniak wenno saan.
\v 5 Iti maika-innem nga aldaw kalpasan nga irugik nga aramiden dayta, mabalinda iti agurnong iti mamindua a kas kaadu ti inurnongda kadagiti napalabas nga al-aldaw ket saandanto nga agurnong iti uray ania iti maika-pito nga aldaw. Ket maisaganadanto daytoy a kanenda."

\s5
\v 6 Kinuna ngarud da Moises ken Aaron kadagiti amin nga Israelita, "Iti daytoy a rabii maammoanyo a ni Yahweh ken saan a dakami, ti nangiruar kadakayo manipud iti Egipto.
\v 7 Inton bigat iti agsapa, makitayunto ti kinaindaklan ni Yahweh gapu ta nangngegna ti panagreklamoyo a maibusor kenkuana. Isuna ti pudpudno a nagreklammoanyo gapu ta adipennakami laeng."
\v 8 Ket kinuna pay ni Moises, "Tunggal rabii, ikkannakayonto ti karne a kanenyo, ken tunggal bigat, ikkannakayonto iti maysa a banag a mangsukat iti tinapay gapu ta nangngegna ti panagreklamoyo. Ni Yahweh ti pudpudno a nagreklammoanyo, saan a dakami. Adipennakami laeng."

\s5
\v 9 Ket kinuna ni Moises kenni Aaron, "Ibagam kadagiti amin nga Israelita, ‘Umaykayo ket agtakderkayo ditoy imatang ni Yahweh gapu ta nangngegna iti panagrekreklammoyo,"'
\v 10 Imbaga ngarud ni Aaron kadakuada dayta. Bayat nga agsasao ni Aaron kadagiti amin nga Israelita, kimmitada iti let-ang ket nagsiddaawda a nakakita iti makasisirap a lawag ni Yahweh idiay ulep a nangiturturong kadakuada.
\v 11 Ket kinuna ni Yahweh kenni Moises,
\v 12 "Nangngegko iti panagrekreklamo dagiti Israelita. Isu nga ibagam kadakuada, 'Iti sumipnget, addanto ti karne a kanenyo, ket iti inton bigat ti agsapa, addanto iti maysa a banag a mangsukat iti tinapay. Maaddaankayonto kadagiti amin a kayatyo a kanen. Ket maammoanyonto a siak ni Yahweh, a Diosyo."'

\s5
\v 13 Iti dayta a rabii, nagparang dagiti pugo, ket kasta unay ti kinaaduda a kinallubanda ti kampo. Iti sumaruno nga aldaw, adda iti kasla bassit a tedted iti danum iti aglawlaw ti kampo.
\v 14 Idi namagaan ti danum, adda iti maysa a banag iti daga a napuskol a nagtutuon a kasla bassit a naingpis a niebe. Kasla yelo ti langana.
\v 15 Idi nakita dagiti Israelita daytoy, agsipud ta saanda pay a pulos a nakitkita daytoy idi ken saanda nga ammo no ania daytoy, kinunada iti tunggal maysa, "Ania daytoy?" Simmungbat ni Moises kadakuada, "Maysa a banag daytoy nga inted ni Yahweh kadakayo a kanenyo a kasukat ti tinapay.

\s5
\v 16 Daytoy ti imbilin ni Yahweh: 'Masapul nga agurnong ti tunggal maysa kadakayo iti kas kaadu ti kasapulanyo a kanen. Mangurnongkayo iti dua a litro para iti tunggal tao nga agnanaed kadagiti toldayo."
\v 17 Dayta ngarud ti inaramid dagiti Israelita. Nagurnong dagiti dadduma iti adu ken nangurnong dagiti dadduma iti bassit.
\v 18 Ngem idi sinukatda iti naurnongda, awan ti natedda kadagidiay nagurnong iti adu. Dagidiay nagurnong iti bassit ket immanay a kinnanda. Nagurnong ti tunggal maysa iti umdas laeng.

\s5
\v 19 Kinuna ni Moises kadakuada, "Saankayo nga agibatbati iti aniaman a kanenyo iti kabigatanna!"
\v 20 Saan nga inkaskaso dagiti dadduma ti imbaga ni Moises. Nangidulinda iti sumagmamano kadagitoy agingga iti sumaruno a bigat. Nupay kasta, inegges daytoy ken nabangles. Dayta ti nangpaunget kenni Moises.
\v 21 Binigat a nagurnongda iti kas ti kaadu iti kasapulanda. Iti saan nga agbayag, idi dimmarang ti init, narunaw dagiti nabati iti daga.

\s5
\v 22 Iti maikainem nga aldaw kalpasan a nangrugida nga agurnong kadagitoy, nakaurnong ti tunggal tao iti uppat a litro, a mamindua ti kaaduna kadagiti inurnongda kadagiti napalabas nga al-aldaw. Idi napan dagiti mangidadaulo kadagiti tattao kenni Moises ket imbagada kenkuana ti maipapan iti dayta,
\v 23 kinuna ni Moises kadakuada, "Daytoy ti imbaga ni Yahweh kadakayo: Inton bigat ti aldaw a panaginanayo. Aldaw daytoy a para kenni Yahweh. Isu nga ita nga aldaw, manglutokayo wenno mangipaburekkayo iti kasapulanyo iti daytoy nga aldaw ket para inton bigat. Aniaman a mabati iti daytoy a rabii, masapul nga ilasinyo ken idulinyo daytoy a kanenyo inton bigat."

\s5
\v 24 Inaramidda ngarud ti imbaga ni Moises kadakuada. Indulinda ti nabati agingga iti sumaruno nga aldaw. Saan a nabangles ken inigges dagitoy!
\v 25 Iti dayta nga aldaw, kinuna ni Moises, "Kanenyo ita nga aldaw ti indulinyo idi kalman gapu ta daytoy nga aldaw ket aldaw a panaginana a para kenni Yahweh. Ita nga aldaw, saankayo a makasarak iti aniaman a taraon idiay ruar.

\s5
\v 26 Tunggal lawas, masapul nga urnungenyo daytoy iti innem nga aldaw; ngem iti maikapito nga aldaw, nga isu ti aldaw a panaginana para kadakayo, awanto ti aniaman a masarakanyo."
\v 27 Iti maikapito nga aldaw, napan dagiti dadduma a tattao idiay ruar ti toldada tapno agurnong iti dayta a taraon, ngem awan nasarakanda.

\s5
\v 28 Kalpasanna, imbaga ni Yahweh kenni Moises nga ibagana daytoy kadagiti tattao: "Kasano kabayag ti panagkedkedyo a mangaramid kadagiti amin a banbanag nga ibagbagak kadakayo?
\v 29 Dumngegkayo! Inikkannakayo ni Yahweh iti aldaw a panaginana. Isu nga iti maikainnem nga aldaw iti tunggal lawas, ikkannakayo iti umdas kadagitoy a taraon para iti dua nga aldaw. Masapul nga agtalinaed iti tunggal maysa kadakayo iti toldana ket saan nga agtrabaho iti maikapito nga aldaw!"
\v 30 Naginana ngarud dagiti tattao iti maika-pito nga aldaw.

\s5
\v 31 Inawagan dagiti Israelita daytoy a makan ti 'mana,' a kaun-uni iti sao a Hebreo nga 'ania daytoy?' ti kayatna a sawen. Kalanglanga daytoy iti babassit a bukel a managan ti kulantro, ngem puraw daytoy ken kasla naingpis a tinapay a naaramid ti diro ti ramanna.
\v 32 Kinuna ni Moises, "Daytoy ti imbaga ni Yahweh kadakayo: 'Masapul a mangidulinkayo iti dua a litro ti daytoy para kadagiti amin a kaputotan iti masakbayan tapno makitada ti taraon a nangsukat iti tinapay nga intedko kadagiti kapuonananyo idi impanawko ida idiay Egipto."'

\s5
\v 33 Ket kinunana kenni Aaron, "Mangalaka iti burnay, ket kargaam daytoy iti dua a litro ti mana. Kalpasanna, ikabilmo daytoy iti lugar a makitkita ni Yahweh. Masapul a kasta ti pannakaidulinna para iti amin a kapututan iti masakbayan."
\v 34 Bayat iti panangbilin ni Yahweh kenni Moises, inkabil ni Aaron ti burnay iti sango ti Lakasa a naggianan iti tapi a bato a nakasuratan iti Sangapulo a Bilin.
\v 35 Inaldaw a nangnangan ti mana dagiti Israelita iti las-ud iti uppat a pulo a tawen agingga a nakadanunda iti beddeng ti daga ti Canaan.
\v 36 Ita, ti dua a litro ket apagkapulo ti maysa nga efa.

\s5
\c 17
\p
\v 1 Kas panagtulnog iti imbilin ni Yahweh, pimmanaw dagiti amin nga Israelita idiay let-ang ti Sin. Nagakar-akarda kadagiti agsasabali a lugar. Nagkampoda iti maysa a lugar a maawagan a Refidim, ngem awan danum sadiay nga inumen dagiti tattao.
\v 2 Isu a nagreklamo manen dagiti tattao kenni Moises a kunkunada, "Ikkannakami iti danum nga inumenmi!" Insungbat ni Moises kadakuada, "Apay nga agsaokayo iti maibusor kaniak? Ken apay a kayatyo a suoten no adda pannakabalin ni Yahweh a mangipaay iti kasapulanyo?"
\v 3 Ngem mawaw unay dagiti tattao, ket intultuloyda ti panagreklamoda kenni Moises. Kinunkunada, "Apay ngamin nga impanawnakami idiay Egipto? Inyegnakami kadi ditoy tapno patayennnakami ken dagiti annakmi ken dagiti dingwenmi babaen iti pannakawaw?"

\s5
\v 4 Nagkararag ngarud ni Moises kenni Yahweh. Kinunana, "Ania ti pamay-ak kadagitoy a tattao? Nakasaganadan a mangpatay kaniak babaen iti panangbatoda kaniak!"
\v 5 Kinuna ni Yahweh kenni Moises, "Mangikuyogka kadagiti sumagmamano a panglakayen dagiti Israelita ken ibagam kadagiti nabatbati a tattao a surutendakayo idiay Bantay Sinai. Itugotmo ti sarukod a pinangbautmo iti Karayan Nilo.
\v 6 Dumngegka kaniak! Agtakderakto iti sangoananyo, iti rabaw ti dakkel a bato nga adda iti sakaanan ti Bantay Horeb. Bautemto ti bato babaen iti sarukodmo. Inton aramidem dayta, rummuarto ti danum nga inumen dagiti tattao manipud iti bato." Idi nakadanun dagiti tattao iti bantay, inaramid ni Moises ti imbaga ti Dios, kabayatan nga agbuybuya dagiti panglakayen, rimmuar ti danum manipud iti bato.
\v 7 Inikkan ni Moises dayta a lugar iti dua a nagan iti pagsasao a Hebreo--Massa, a ti kayatna a sawen ket 'panangsuot,' ken Meriba a ti kayatna a sawen ket 'panagreklamo.' Pinanagananna iti Massa gapu ta sinuot dagiti Israelita ni Yahweh a kinunkunada, "Pudno kadi nga adda ni Yahweh kadatayo ken kabaelannatayo kadi a tulongan wenno saan?" ken pinanaganan ni Moises iti Meriba gapu ta kankanayonda nga agrekreklamo kenkuana.

\s5
\v 8 Kalpasanna, immay dagiti Amalekita ket nakirangetda kadagiti Israelita idiay Refidim.
\v 9 Kinuna ni Moises kenni Josue, "Mangpilika kadagiti lallaki a mapan makiranget kadagiti Amalekita inton bigat. Agtakderakto iti tapaw ti turod, iggamak ti sarukod nga imbaga ti Dios nga awitek."
\v 10 Nagtulnog ngarud ni Josue kenni Moises. Nangikuyog isuna iti sumagmamano a lallaki a makiranget kadagiti Amalekita. Kabayatan a makirangrangetda, napan da Aaron, Hur, ken Moises iti tapaw ti turod tapno makitada ti entero a paggugubatan.

\s5
\v 11 Tunggal ingato ni Moises dagiti imana, mangrugi a mangabak dagiti Israelita; tunggal ibabana dagiti imana, mangrugi a mangabak dagiti Amalekita.
\v 12 Ngem naktangan dagiti ima ni Moises. Isu a nagipatulid da Aaron ken Hur iti dakkel a bato tapno pagtugawanna. Kabayatan a nakatugaw isuna iti dayta, nagsinnumbangir nga ingngato dagiti dua dagiti imana. Iti dayta a wagas, napagtalinaedda a nakangato ti imana agingga a limnek ti init.
\v 13 Iti daytoy a wagas, pinarmek ni Josue ken dagiti lallaki a kaduana dagiti Amalekita iti gubat.

\s5
\v 14 Kalpasanna, kinuna ni Yahweh kenni Moises, "Isuratmo ti maipanggep iti daytoy a gubat ket ibasam kenni Josue. Isuratmo pay a parmekekto a naan-anay dagiti Amalekita."
\v 15 Kalpasanna, nangbangon ni Moises iti bato nga altar sadiay ket pinanagananna iti "Ni Yahweh ti banderak."
\v 16 Kinunana, "Ingato ti bandera ni Yahweh gapu ta makiranget isuna kadagiti Amalekita iti agnanayon!"

\s5
\c 18
\p
\v 1 Nangngeg ni Jetro a padi dagiti Midianita ken katugangan ni Moises ti amin nga inaramid ti Dios kadagiti Israelita. Nangngegna no kasano ti panangiruar ni Yahweh kadakuada manipud Egipto.
\v 2 Pinagawid ni Moises ti asawana a ni Sipora ken dagiti dua nga annakna a lallaki idi agsubsubli isuna idiay Egipto. Ngem ita, immay ni Jetro kenkuana,
\v 3 ken inkuyogna ni Sipora ken dagiti dua nga annakna. Ti nagan ti maysa nga anakna ket Gersom, a kaun-uni iti sao a Hebreo a "ganggannaet" ti kayatna sawen, gapu ta kinuna ni Moises, "Nagbalinak a ganggannaet nga agnanaed iti sabali a daga."
\v 4 Ti nagan ti maysa pay nga anakna ket Eliezer, a kaun-uni ti sao a Hebreo a "Tultulongannak ti Dios" ti kayatna a sawen, gapu ta kinuna ni Moises, "Ti Dios nga indaydayaw ti amak ket tinulongannak ken insalakannak manipud iti dandani panangpatay kaniak ti ari ti Egipto."

\s5
\v 5 Kabayatan nga agkamkampo da Moises ken dagiti Israelita idiay let-ang nga asideg ti Sinai, ti nasantoan a bantay ti Dios, immay ni Jetro iti ayanna a kaduana ti asawa ken dagiti dua a putot ni Moises.
\v 6 Nangipatulod ni Jetro iti mensahe para kenni Moises, "Siak ni Jethro, a katugangam ket umayka kitaen. Ikuyogko ti asawam ken dagiti dua a putotmo a lallaki!"

\s5
\v 7 Isu a rimmuar ni Moises iti kampo tapno sabatenna ti katuganganna. Nagdumog isuna iti sangoanan ti katuganganna ken inagkanna daytoy iti pingping. Sinaludsodda iti tunggal maysa, "Nasayaat kadi ti nagbalin a kasasaadmo?" Kalpasanna, simrekda iti tolda ni Moises.
\v 8 Imbaga ni Moises kenni Jetro ti amin nga inaramid ni Yahweh iti ari ken kadagiti tattao idiay Egipto tapno matulonganna dagiti Israelita. Imbagana pay kenkuana ti maipanggep kadagiti parikut a napadtengda kabayatan iti panagdaliasatda, ken no kasano ida a tinulongan ni Yahweh.

\s5
\v 9 Naragsakan ni Jetro idi nangngegna dagiti amin nga inaramid ni Yahweh kadagiti Israelita.
\v 10 Kinunana, "Madaydayaw ni Yahweh, a nangispal kadakayo manipud iti ari dagiti Egipcio ken iti armadana ken manipud iti ima dagiti Egipcio!
\v 11 Ammokon ita a nabilbileg ni Yahweh ngem dagiti amin a didiosen gapu ta inispalnakayo manipud iti pannakabalin dagiti natangsit nga Egipcio idi pinagsagsagabadakayo."

\s5
\v 12 Ket nangala ni Jetro iti ayup a maisakripisio babaen iti panangpuor iti daytoy iti rabaw ti altar a kas daton, ken nangidatag pay isuna iti sabali a daton para ti Dios. Napan met ni Aaron ken dagiti panglakayen kenkuana tapno makipanganda kenni Jetro tapno mapadayawan ti Dios.

\s5
\v 13 Kabigatanna, nagtugaw ni Moises iti disso a pangur-urnosanna kadagiti saan a pagkikinnaawatan dagiti tattao. Iyum-uman dagiti tattao kenni Moises dagiti saanda a pagkikinnaawatan manipud iti bigat agingga iti rabii.
\v 14 Idi nakita ni Jetro ti ar-aramiden ni Moises para kadagiti tattao, kinunana, "Apay nga ar-aramidem amin dagitoy para kadagiti tattao? Apay nga ar-aramidem daytoy a siksika, ken apay nga agtaktakder dagiti amin a tattao iti aglawlawmo manipud iti bigat agingga iti rabii, a mangkidkiddaw a mangngeddengka para kadakuada?"

\s5
\v 15 Simmungbat ni Moises, "Ar-aramidek daytoy gapu ta um-umay latta kaniak dagiti tattao tapno ammoenda no ania ti tarigagay ti Dios.
\v 16 No adda saanda a pagkikinnaawatan, umayda kaniak ket kiddawenda nga ikeddengko no siasino kadakuada ti umno. Ibagbagak pay kadakuada dagiti amin a linteg ken sursuro ti Dios."

\s5
\v 17 Kinuna ni Jetro kenkuana, "Ti ar-aramidem ket saan a nasayaat para kenka ken para kadagiti tattao.
\v 18 Parigatenyo la unay dagiti bagbagiyo! Nadagsen unay daytoy a trabaho para kenka. Saanmo a mabaelan daytoy a siksika.
\v 19 Ita, denggem ti ibagak kenka nga aramidem. No aramidem ti isingasingko, tulongannakanto ti Dios. Nasken nga itultuloymo ti makisarita iti Dios ken ibagam kenkuana ti maipanggep kadagiti saan a pagkikinnaawatan dagiti tattao.
\v 20 Nasken met a suroam ida kadagiti imbilin ken insuro ti Dios kenka. Nasken met nga ipalawagmo kadakuada no kasano ti rumbeng a panagbiagda ken dagiti banag a rumbeng nga aramidenda.

\s5
\v 21 Maysa pay, nasken a mangpilika iti sumagmamano a lallaki a mangtulong kenka. Piliem dagiti lallaki nga addaan iti panagraem iti Dios ken saanto nga umawat iti pasuksok. Dutokam ti dadduma kadakuada a mangngeddeng para kadagiti bunggoy nga addaan iti sagsasangapulo a tattao, dadduma a para iti bunggoy ti saglilimapulo, dadduma a para iti bunggoy dagiti sagsasangagasut, ken dadduma a para iti bunggoy dagiti sagsasangaribo.
\v 22 Palubosam ida a mangrisut kadagiti saan a pagkikinnaawatan dagiti tattao. Mabalin nga iyumanda kenka dagiti naririgat a banbanag, ngem mabalinda a mangngeddeng nga is-isuda no maipapan kadagiti saan a narigat a banbanag. Babaen iti dayta ket lumag-an ti trabahom kabayatan ti panangtultulongda kenka.
\v 23 No aramidem dayta, ken no umanamong ti Dios, mabaelamto nga ibturan ti pannakabannog ti panunotmo ken makaawidto dagiti tattao kadagiti babbalayda a sitatalna ta narisut a dagus dagiti saanda a pagkikinnaawatan."

\s5
\v 24 Dimngeg ni Moises iti katuganganna ket inaramidna amin nga imbaga ni Jetro kenkuana.
\v 25 Nangpili ngarud ni Moises kadagiti makabael a lallaki manipud kadagiti Israelita ket pinagbalinna ida a mangidaulo kadagiti tattao, mangituray kadagiti sagsasangaribo, mangituray kadagiti sagsasangagasut, mangituray kadagiti saglilimapulo, ken mangituray kadagiti sagsasangapulo.
\v 26 Pinili ida ni Moises a mangngeddeng maipanggep kadagiti saan a pagkikinnaawatan dagiti tattao. Inyegda kenni Moises dagiti naririgat a parikut, ngem isuda ti nangngeddeng para kadagiti saan a naririgat a parikut.
\v 27 Kalpasanna, nagpakadan ni Moises iti katuganganna, ket nagawiden ni Jetro.

\s5
\c 19
\p
\v 1 Iti maikatlo a bulan kalpasan ti ipapanawda idiay Egipto, nakadanunda iti let-ang ti Sinai.
\v 2 Kalpasan a pimmanawda idiay Refidim, nakadanunda idiay let-ang ti Sinai, ken impatakderda dagiti toldada iti sakaanan ti bantay.

\s5
\v 3 Simmang-at ni Moises iti bantay tapno makisarita iti Dios. Inawagan ni Yahweh isuna manipud iti tapaw ti bantay ken kinunana, "Daytoy ti kayatko nga ibagam kadagiti Israelita, dagiti kaputotan ni Jacob,
\v 4 'Nakitayo ti inaramidko kadagiti Egipcio. Nakitayo ti inaramidko para kadakayo ken ti panangiyegko kadakayo ditoy ayanko a kasla intayabnakayo ditoy ti agila.
\v 5 Isu nga ita, no aramidenyo ti ibagak kadakayo ken agtulnogkayo kadagiti amin a bilinko, agbalinkayo a tattaok. Agbalinkayo a naisangsangayan a sanikuak manipud kadagiti amin a tattao, ta kukuak ti entero a daga.
\v 6 Dakayonto dagiti tattao nga iturayak, ken agbalinkayonto a pagarian a pagdayawan kaniak ti amin a kasla papadi, ken agbalinkayonto a nasion a para laeng kaniak.' Dayta ti nasken nga ibagam kadagiti Israelita."

\s5
\v 7 Simmalog ngarud ni Moises iti bantay ket inayabanna dagiti panglakayen dagiti tattao. Imbagana kadakuada ti amin nga imbaga ti Dios kenkuana nga ibagana kadakuada.
\v 8 Kinuna dagiti amin a tattao, "Aramidenmi amin nga imbaga ni Yahweh nga aramidenmi." Ket simmang-at ni Moises iti bantay ket impadamagna kenni Yahweh ti imbaga dagiti tattao.
\v 9 Ket kinuna ni Yahweh kenni Moises, "Dumngegka a naimbag. Agparangakto kenka manipud iti uneg ti napuskol nga ulep. Inton makisarsaritaak kenka, mangngegto dagiti tattao daytoy, ket kanayondanto a patien a sika ti panguloda." Ket imbaga ni Moises kenni Yahweh ti kinuna dagiti tattao.

\s5
\v 10 Ket kinuna ni Yahweh kenni Moises, "Inka manen iti ayan dagiti tattao. Ibagam nga agsaganada para iti iyuumayko. Nasken a pasin-awenda dagiti bagbagida ita ken inton bigat, ken labaanda pay dagiti kawesda.
\v 11 Nasken nga aramidenda dayta tapno nakasaganadanto iti maikatlo nga aldaw. Iti dayta nga aldaw, bumabaakto iti Bantay Sinai, iti disso a mabalindak a makita dagiti tattao.

\s5
\v 12 Nasken a mangaramidka iti beddeng iti aglawlaaw ti sakaanan ti bantay, ket ibagam kadakuada, 'Siguradoenyo a saanyo nga ulien ti bantay wenno asitgan man laeng daytoy. Siasinoman a mangsagid iti sakaanan ti bantay ket rumbeng a mapapatay.'
\v 13 Diyo itulok nga adda mangsagid iti siasinoman a tao wenno aniaman nga ayup a mangsagid iti bantay. Masapul a papatayenyo ti siasinoman a tao wenno aniaman nga ayup a mangsagid iti bantay babaen iti panangbarsakyo iti batbato wenno panangpanayo iti daytoy. Ngem inton adda mangngegyo a napaut ken napigsa nga uni ti trumpeta, mabalin nga umasideg dagiti tattao iti sakaanan ti bantay."

\s5
\v 14 Simmalog ngarud manen ni Moises iti bantay ket imbagana kadagiti tattao a pasin-awenda dagiti bagbagida ken agsaganada para iti iyuumay ni Yahweh. Inaramidda ti imbaga ni Moises, ken linabaanda pay dagiti kawkawesda.
\v 15 Ket kinuna ni Moises kadagiti tattao, "Agsaganakayo iti maikatlo nga aldaw, ken dakayo a lallaki ket masapul a saankayo pay laeng a makikakaidda kadagiti assawayo a babbai agingga a malpas daytoy."

\s5
\v 16 Iti maikatlo nga aldaw, iti bigatna, adda gurruod ken kimat ken nangisit nga ulep iti bantay. Adda trumpeta a naguni iti nakapigpigsa ket nagpigerger dagiti tattao iti kampo gapu ta kasta unay ti butengda.
\v 17 Kalpasanna, inturong ni Moises dagiti tattao iti ruar ti kampo tapno sabtenda ti Dios. Nagtakderda iti aglawlaw ti sakaanan ti bantay.
\v 18 Ket bimmaba ni Yahweh iti Bantay Sinai isu a ti entero a bantay ket nabungon iti asuk ken napalikawkawan iti apuy. Nagpangato ti asuk a kas iti asuk iti simburyo ti pugon, ket naggun-gon iti kasta unay ti entero a bantay.

\s5
\v 19 Kabayatan a pumigpigsa ti uni ti trumpeta, nakisao ni Moises kenni Yahweh, ket sinungbatan isuna ni Yahweh babaen iti napigsa a timek a kas iti uni ti gurruod.
\v 20 Ket bimmaba manen ni Yahweh iti tapaw ti Bantay Sinai, ket inayabanna ni Moises a sumang-at iti tapaw ti bantay. Isu a simmang-at ni Moises.
\v 21 Kinuna ni Yahweh kenni Moises, "Sumalogka manen ket ballaagam dagiti tattao a saanda a lumablabes iti beddeng tapno kitaendak. No aramidenda dayta, adu kadakuada ti matay.
\v 22 Kasta met a nasken a pasin-awen dagiti papadi nga umasideg kaniak dagiti bagbagida, gapu ta umayak kadakuada. No saanda nga aramidenda dayta, dusaek ida."

\s5
\v 23 Ket kinuna ni Moises kenni Yahweh, "Saan nga ulien dagiti tattao ti bantay gapu ta binilinmo ida a kunam, 'Mangikabilka iti beddeng iti aglawlaw ti bantay, a mangilasin iti daytoy.'"
\v 24 Kinuna ni Yahweh kenni Moises, "Sumalogka iti bantay ket ikuyogmo ni Aaron ditoy. Ngem saanmo a palubosan a lumabes iti beddeng dagiti papadi wenno dagiti dadduma a tattao nga umay kaniak. No lumabesda iti daytoy, dusaek ida."
\v 25 Simmalog ngarud manen ni Moises iti ayan dagiti tattao ket imbagana kadagiti tattao ti imbaga ni Yahweh.

\s5
\c 20
\p
\v 1 Kalpasanna, imbaga ti Dios dagitoy a sasao kadagiti Israelita.
\v 2 "Siak ni Yahweh a Diosyo, ti daydayawenyo. Siak ti nangiruar kadakayo manipud iti daga ti Egipto. Siak ti nangwayawaya kadakayo manipud iti pannakatagabuyo sadiay.
\v 3 Masapul a siak laeng ti dayawenyo; masapul a saankayo nga agdayaw iti aniaman a sabali a dios.

\s5
\v 4 Masapul a saankayo a mangkitikit iti ladawan a dayawenyo a mangibagi iti uray ania a banag nga adda idiay tangatang wenno adda iti daga wenno adda iti uneg ti danum nga adda iti babaen ti daga.
\v 5 Masapul a saankayo nga agrukbab iti aniaman a didiosen ken agdayaw iti daytoy gapu ta siak ni Yahweh a Diosyo, ket saankayo a palubosan nga agdayaw kadagiti sabali a didiosen. Dusaek dagiti agbasol ken gumurgura kaniak. Saan laeng nga isuda ti dusaek, ngem dusaek pay dagiti kaputotanda agingga iti maikatlo ken maikauppat a henerasion.
\v 6 Nupay kasta, saanakto pulos nga agsardeng a mangay-ayat kadagiti rinibu a henerasion dagiti mangay-ayat kaniak ken agtultulnog kadagiti bilinko.

\s5
\v 7 Diyo usaren ti naganko nga awan panagannad gapu ta siak ni Yahweh a Diosyo, ti masapul a dayawenyo, ken awan dua-dua a dusaekto dagiti mangusar iti naganko para kadagiti saan a nasayaat a panggep.

\s5
\v 8 Diyo liplipatan a ti maikapito nga aldaw ti tunggal lawas ket kukuak, isu nga ipaayyo dagidiay nga aldaw a para laeng kaniak.
\v 9 Addaankayo iti innem nga aldaw iti tunggal lawas a mangaramid kadagiti amin a trabahoyo,
\v 10 ngem ti maikapito nga aldaw ket aldaw a panaginana, nailasin nga aldaw para kaniak, ni Yahweh a Diosyo, ti nasken a dayawenyo. Iti dayta nga aldaw ket masapul a saankayo nga agtrabaho iti uray ania. Dakayo ken dagiti annakyo a lallaki ken annakyo a babbai ken dagiti tagabuyo a lallaki ken babbai ket masapul a saan nga agtrabaho. Masapul pay a saanyo a piliten nga agtrabaho dagiti dingwenyo, ken dagiti gangganaet nga agnanaed iti pagilianyo.
\v 11 Siak, ni Yahweh, pinarsuak ti tangatang, ti daga, ti baybay, ken amin nga adda kadagitoy iti las-ud ti innem nga aldaw. Ket insardengko ti panangparsuak iti amin a banag ken naginanaak iti maikapito nga aldaw. Dayta ti makagapu a siak, ni Yahweh, binendisionak ti aldaw a panaginana ken inlasinko daytoy tapno agbalin a nasagradoan nga aldaw.

\s5
\v 12 Dayawenyo ti ama ken inayo tapno agbiagkayo iti nabayag a tiempo iti daga a siak a ni Yahweh a Diosyo, itedkonto kadakayo.
\v 13 Saankayo a mangpapatay iti siasinoman.
\v 14 Saankayo a makikamalala iti siasinoman.

\s5
\v 15 Saankayo nga agtakaw iti uray ania.
\v 16 Saankayo nga agpabasul iti siasinoman iti panagaramid iti krimen.
\v 17 Saanyo nga aguman ti balay ti sabali a tao, asawa a babai ti sabali, tagabu a lalaki wenno babai ti sabali, dagiti dingwen ti sabali, dagiti asno ti sabali, wenno uray ania a kukua ti sabali a tao."

\s5
\v 18 Idi nangngeg dagiti tattao ti gurruod ken nakitada ti kimat, ken idi nangngegda ti uni ti trumpeta ken nakitada ti asuk idiay bantay, nagbuteng ken nagpigergerda. Nagtakderda iti adayo
\v 19 ket kinunada kenni Moises, "No agsaoka kadakami, dumngegkami. Ngem saanmon nga ipalubos nga agsao pay ti Dios kadakami. Mabutengkamin a no makisarita pay isuna kadakami ket mataykami."
\v 20 Simmungbat ni Moises kadagiti tattao, "Saankayo nga agbuteng! Immay ti Dios tapno kitaenna no kasanokayo nga agtignay. Kayatna a raemenyo isuna ken saankayo nga agbasol."
\v 21 Kalpasanna, kabayatan nga agbuybuya dagiti tattao manipud iti adayo, immasideg ni Moises iti nangisit nga ulep nga ayan ti Dios.

\s5
\v 22 Kinuna ni Yahweh kenni Moises, "Ibagam daytoy kadagiti Israelita, 'Nangngeganyo no kasano a siak, ni Yahweh, ket nakisao kadakayo manipud langit.
\v 23 Imbagak kadakayo a masapul a saankayo nga agaramid iti aniaman a didiosen manipud iti pirak wenno balitok a dayawenyo malaksid kaniak.

\s5
\v 24 Iyaramidandak iti altar manipud iti daga. Idatonyo sadiay dagiti datonyo a sibubukel a mapuoran, dagiti daton a kari ti pannakigayyemyo kaniak, ken kasta met dagiti karnero ken bakayo. Idayawdak iti sadinoman a lugar a piliek a pangdayawanyo kaniak; no aramidenyo dayta, umayak kadakayo ket bendisionankayo.
\v 25 No iyaramidandak iti altar manipud kadagiti bato, saanyo nga aramiden daytoy manipud iti bato a ginudduayo tapno makita laeng a napintas daytoy, gapu ta saan a maitutop a pagdayawan ti altar nga aramidenyo no nnangusarkayo kadagiti ramienta a panggudua kadagiti bato.
\v 26 Saankayo nga agaramid iti altar nga adda agdan iti sangoananna ta no aramidenyo dayta, mabalin a makita ti Dios ti lamolamo a bagiyo inton umulikayo iti agdan."

\s5
\c 21
\p
\v 1 "Dagitoy dagiti dadduma a bilin a maited kadagiti Israelita.

\s5
\v 2 No gumatangkayo iti tagabu a Hebreo, masapul nga agserbi laeng isuna kadakayo iti innem a tawen. Iti maikapito a tawen, masapul a waya-wayaanyo isuna manipud pannakatagabuna kadakayo, ken saan nga agbayad isuna kadakayo iti uray ania para iti pannakawayawayana.
\v 3 No saan isuna a naasawaan sakbay a nagbalin a tagabuyo, ket no nangasawa isuna kabayatan a tagabuyo isuna, saanna a kadua ti asawana a mawayawayaan. Ngem no naasawaan isunan sakbay a nagbalin a tagabuyo, masapul a waya-wayaanyo isuna ken ti asawana.
\v 4 No inikkan ti among ti tagabu iti asawana, ken nangipasngay daytoy kadagiti annak a lallaki wenno babbai kabayatan a tagabu ti asawana, ti lalaki laeng ti mawayawayaan. Agtultuloy a tagabu ti amona ti asawana ken annakna.

\s5
\v 5 Ngem no panawenen a mawayawayaan ti tagabu, no ibaga ti tagabu nga, 'Ay-ayatek ti amongko, ti asawak, ken dagiti annakko, ken saanko kayat ti mawayawayaan,'
\v 6 masapul ngarud nga ipan isuna ti amongna iti lugar a pagdaydayawanda iti Dios. Masapul a pagtakderenna sadiay ti tagabu iti ruangan wenno iti poste ti ridaw. Ket mangusarto ti amo iti kulukul tapno tebbenganna ti pidit-pidit ti lapayag ti tagabu ken mangikabil iti maysa a banag ditoy a mangipakita a kukuana dayta a tagabu iti tungpal biagna.

\s5
\v 7 No ilako ti maysa a lalaki ti bukodna nga anak a babai tapno agbalin a tagabu, saan isuna a masapul a mawayawayaan kalpasan ti innem a tawen a kas iti tagabu a lalaki.
\v 8 No ti tao a gimmatang kenkuana ket kayatna ti babai nga agbalin a kakabkabbalayna, ngem no addanto ti kanito a saan isuna a naay-ayo iti babai, masapul nga ilakona daytoy iti ama ti babai. Saan a mabalin nga ilakona ti babai iti ganggannaet gapu ta dayta ket panangwaswas ti nagtulaganda iti ama ti babai.

\s5
\v 9 No ti gimmatang kenkuana ket kayatna nga agbalin ti babai nga asawa ti anakna, masapul ngarud a tratoenna isuna a kas bukodna nga anak a babai.
\v 10 No mangala ti amo iti sabali a tagabu a babai tapno agbalin nga asawana, masapul nga ituloyna nga ited iti umuna a tagabu a babai a kakabkabbalay ti isu met laeng a taraon ken badbado a sigud nga it-itedna, ken masapul a makikaidda latta isuna iti babai a kas iti sigud.
\v 11 No saanna nga aramiden dagitoy a tallo a banbanag para iti babai, masapul a waya-wayaanna isuna manipud pannakatagabuna, ket saan a kasapulan nga agbayad iti babai iti uray ania para iti pannakawayawayana.

\s5
\v 12 No adda mangdangran iti padana a tao tapno patayenna isuna ket natay ti tao, masapul ngarud a mapapatay met dayta a tao.
\v 13 Ngem no saan a pinanggep ti tao a nangdangran a patayen dayta a tao, mabalin a mapan ti tao a nangdangran kenkuana iti maysa a lugar piliek para kenkuana, ket natalgedto isuna sadiay.
\v 14 Ngem no kaunget ti maysa a tao ti maysa pay a tao ket patayenna isuna, uray no agkamang ti mamapatay iti altar, masapul a patayenyo iti mamapatay.

\s5
\v 15 Masapul a mapapatay ti siasinoman a mangdangran iti ama wenno inana.
\v 16 Masapul a mapapatay ti siasinoman a mangala iti sabali a tao, ilakona man dayta a tao wenno tagikuaenna nga agbalin a tagabuna.
\v 17 Masapul a mapapatay ti siasinoman a mangilunod wenno manglais iti ama wenno inana.

\s5
\v 18 No bilang adda dua nga agapa, ket madangran ti maysa ti sabali babaen iti bato wenno gemgemna. No bilang saan a natay ti tao a dinangranna ngem nadunoran ket kasapulan nga agtalinaed iti pagiddaan iti apagbiit,
\v 19 ngem iti saan a nabayag ket kabaelannan a rummuar babaen iti panagusarna iti sarukod. Masapul ngarud a saanda a dusaen ti tao a nangdangran kenkuana, ngem masapul a pabayadanda kenkuana ti kuarta a saan a maurnong ti nadangranna kabayatan nga agpapaimbag daytoy kasta met ti bayad para iti pannakapaimbagna.

\s5
\v 20 No dangran ti maysa a tao ti tagabuna a lalaki wenno babai babaen iti pang-or, ket no matay ti tagabu, masapul ngarud a madusa ti nangdangran kenkuana.
\v 21 Ngem no agbiag ti tagabu iti maysa wenno dua nga aldaw kalpasan a nadangran isuna, kalpasanna ket matay, masapul a saanyo a dusaen ti nangdangran kenkuana. Umanayen a dusana ti saanen a panagtrabaho kenkuana ti tagabu.

\s5
\v 22 No adda agap-apa a dua a tao ket nadangranda ti maysa a masikug nga isu’t pakaigapuan a maregreg ti sikugna ngem saan a nadangran ti babai iti gapu iti aniaman a wagas, masapul nga agmulta ti nakadangran kenkuana. Masapul a bayadanna ti aniaman a dawaten ti asawa ti babai kalpasan nga anamongan ti ukom ti multa.
\v 23 Ngem no nadangran ti babai iti sabali a wagas, masapul a pagsagabaen met ti nakadangran kenkuana iti isu met laeng a wagas a pinagpasagabana iti babai. No matay ti babai, masapul a mapapatay ti nangdangran.
\v 24 No nadangran ti mata ti babai, wenno natuppolan ti ngipenna, wenno nadangran ti ima wenno sakana,
\v 25 wenno no nasinit isuna wenno napalitem, masapul met a madangran ti nangdangran iti babai iti isu met laeng a wagas.

\s5
\v 26 No kabilen ti akintagabu ti mata ti tagabuna a lalaki wenno tagabuna a babai ket nabulsek, masapul a waya-wayaanna dayta a tagabu gapu iti inaramidna iti mata ti tagabu.
\v 27 No adda mangtuppol iti ngipen ti tagabuna, masapul a waya-wayaanna ti tagabu gapu iti inaramidna iti ngipen ti tagabuna.

\s5
\v 28 No sangdoen ti maysa a toro ti maysa a lalaki wenno babai a ti nagbanaganna ket natay dayta a tao, masapul a patayenyo ti toro babaen iti panangbatoyo iti daytoy, ngem saanyo a kankanen daytoy. Awan ti basol ti akinkukua iti toro.
\v 29 Ngem no iti naglabas ket namin-adun nga adda dinangran ti toro ken naballaagan ti akinkukua, ngem saanna nga impupok ti toro, ket nangpatay daytoy iti lalaki wenno babai babaen iti panangsangdona, masapul ngarud a patayenyo ti toro babaen iti panangbatoyo iti daytoy, ken masapul a patayenyo met ti akinkukua.
\v 30 Nupay kasta, no kabaelan ti akintoro ti agbayad iti multa tapno maispalna ti biagna, masapul a bayadanna ti sibubukel a gatad nga imbaga dagiti ukom a masapul a bayadanna.

\s5
\v 31 No ti toro ti maysa a tao ket mangdarup ken mangsangdo iti anak a lalaki wenno anak a babai ti sabali a tao, masapul a tratoenyo ti akintoro sigun iti isu met laeng a pagannurutan.
\v 32 No adda toro a mangdarup wenno nangsangdo iti maysa a tagabu a lalaki wenno babai, masapul nga agbayad ti akinkukua iti toro iti tallo a piraso ti pirak iti akintagabu, ken masapul a patayenyo ti toro babaen iti panangbatoyo iti daytoy.

\s5
\v 33 No bilang adda nauneg nga abot a kukua ti maysa a tao ken saanna a kinaluban, ket adda natnag a toro wenno asno a kukua ti maysa a tao ket natay.
\v 34 Masapul ngarud a bayadan ti akinkukua iti abot ti natay nga ayup. Masapul nga itedna ti kuarta iti akinkukua ti ayup, ngem mabalinna nga alaen ti natay nga ayup ken mabalinna nga aramiden ti aniaman a kayatna nga aramiden iti daytoy.

\s5
\v 35 No ti toro ti maysa a tao ket nadangranna ti toro ti sabali a tao ket natay, masapul nga ilako ti dua nga akintoro ti sibibiag a toro, ket masapul a pagbingayanda ti kuarta a bayad ti toro. Masapul a pagbingayanda pay ti karne ti ayup a natay.
\v 36 Nu pay kasta, no ammo dagiti tattao a mamin-adun a nangsangdo ti toro iti sabali nga ayup idi, ken saan latta nga impupok ti akinkukua daytoy, masapul ngarud nga ikkan ti akintoro ti bukodna a toro iti akinkukua iti natay a toro, ngem mabalinna nga alaen ti natay nga ayup ken aramidenna ti aniaman a kayatna nga aramiden iti daytoy.”

\s5
\c 22
\p
\v 1 "No takawen ti maysa a tao ti baka wenno karnero ket patayenna wenno ilakona daytoy, masapul nga agbayad isuna iti lima a baka para iti maysa a baka a tinakawna, ken masapul nga agbayad isuna iti uppat a karnero para iti maysa a karnero a tinakawna.
\v 2 No matiliwan ti maysa a mannanakaw a mangserserrek iti balay ti maysa a tao iti rabii, no ti nakatiliw kenkuana ket napatayna ti mannanakaw, saan isuna a mapabasol iti panangpatayna kenkuana.
\v 3 Ngem no napasamak dayta iti aldaw, ti tao a nangpatay iti mannanakaw ket mapabasol iti panangpatay kenkuana. Masapul a bayadan ti mannanakaw ti tinakawna. No awan ayupna a pagbayadna iti tinakawna, masapul a mailako isuna tapno agbalin a tagabu ti maysa a tao, ken ti kuarta a napaglakoan kenkuana ket masapul a mausar a pagbayad iti tinakawna.
\v 4 No adda pay laeng iti mannanakaw ti ayup idi natiliw isuna, daytoy man ket baka wenno asno wenno karnero, ken sibibiag pay laeng daytoy, masapul a bayadan ti mannanakaw ti tinakawna nga ayup ken mangted iti maysa pay a kas met laeng iti ayup a tinakawna.

\s5
\v 5 No palubosan ti maysa a tao dagiti ayupna a mangan iti ruot iti taltalonna wenno iti kaubasanna, ket no nakabulos dagiti ayupna ken nangan kadagiti mula iti taltalon ti sabali, masapul nga agbayad ti akinkukua ti ayup iti akinkukua iti dayta a taltalon babaen iti panangitedna kenkuana iti kasasayaatan manipud iti bukodna a taltalon wenno kaubasan.

\s5
\v 6 No mangparnuay ti puor ti maysa a tao ket nagramaram daytoy kadagiti ruot ken nangrugi a manguram iti talon ti maysa a tao, ken no mapuoran ti dumakdakkel a trigo wenno nagapasen ken naipenpen a trigo, masapul ngarud a bayadan ti nangparnuay ti puor dagiti napukaw.

\s5
\v 7 No bilang adda agipadulin iti kuarta wenno napateg a banag iti balay ti maysa a tao iti apagbiit. Ket no bilang natakaw daytoy manipud iti balay dayta a tao. No natiliw ti mannanakaw, masapul a bayadan ti mannanakaw iti mamindua ti kaadu ti tinakawna.
\v 8 Ngem no saan a natiliw ti mannanakaw, masapul a sumango kadagiti ukom ti akinbalay a nakatakawan dayta a banag tapno maikeddeng dagiti ukom no ti akinkukua iti balay ti nangala iti napateg a banag a kukua ti nagipadulin.
\v 9 No agrikiar ti dua a tao maipanggep no siasino kadakuada ti akinkukua iti baka wenno asno wenno karnero, wenno badbadu, wenno uray ania a banag a napukaw, masapul a sumangoda kadagiti ukom. Ti tao nga ibaga dagiti ukom nga agul-ulbod ket masapul nga agbayad iti pudno nga akinkukua iti doble ti kinaadu dagiti baka wenno asno wenno karnero wenno badbadu.

\s5
\v 10 No bilang adda mangipaaywan iti asnona wenno baka wenno karnero iti sabali wenno dadduma pay nga ayup iti mabiit, ket matay wenno madangran wenno matakaw ti ayup nga awan ti mangbanbantay.
\v 11 Masapul ngarud nga agsapata ti mangay-aywan ti ayup a saanna a tinakaw ti ayup, nga ammona a dumdumngeg ti Dios. No saanna a tinakaw daytoy, masapul nga awaten ti akinkukua ti ayup nga agibagbaga iti kinapudno dayta a tao, ken saanto a nasken nga agbayad iti aniaman ti mangay-aywan iti tao nga akinkukua.
\v 12 Ngem no natakaw ti ayup kabayatan iti panangay-aywanna koma iti daytoy, masapul nga agbayad ti tao a nagkari a mangaywan iti daytoy iti akinkukua ti ayup.
\v 13 No ibagana a pinatay dagiti atap nga ayup ti ayup a naipaaywan kenkuana, masapul ngarud nga isublina ti bangkay ti ayup a natay ket iparangna daytoy iti akinkukua ti ayup. No aramidenna dayta, saan a nasken nga agbayad isuna iti aniaman para iti ayup.

\s5
\v 14 No buloden ti maysa a tao ti maysa nga ayup, ket no madangran wenno matay dayta nga ayup nga awan idiay ti akinkukua, ti nangbulod ket nasken nga agbayad iti akinkukua para iti ayup.
\v 15 Ngem no napasamak dayta idi adda sadiay ti akinkukua ti ayup, saanen a nasken nga agbayad iti uray ania ti nangbulod. No inabangan laeng daytoy ti nangbulod, ti kuarta a pinagbayadna a kas abang daytoy ket umanayen a bayad iti ipapatay wenno pannakadangran ti ayup."

\s5
\v 16 "No piliten ti maysa a lalaki ti maysa a babai a makikaidda kenkuana, maysa a babai a birhen ken saan pay a naitulag a maiyasawa, masapul nga agbayad iti lalaki iti gatad ti maysa a nobia para iti babai ken ikasarna daytoy.
\v 17 Ngem no saan a palubosan ti amana ti anakna nga ikasar ti lalaki, masapul nga agbayad ti lalaki iti ama ti babai a kapada ti gatad ti nobia a baybayadan dagiti lallaki para kadagiti birhen.

\s5
\v 18 Masapul a papatayenyo dagiti siasinoman a babai a manggamgamud.
\v 19 Masapul a papatayenyo ti siasinoman a tao a makikaidda iti ayup a kas iti lalaki a makikakaidda iti babai.

\s5
\v 20 Masapul a ni Yahweh laeng ti pangidatonanyo kadagiti sakripisio. Masapul a papatayenyo ti siasinoman nga agidaton iti sabali a dios.
\v 21 Masapul a saanyo nga idadanes ti ganggannaet nga umay makipagnaed kadakayo. Saanyo a liplipatan a nagbalinkayo met idi a ganggannaet idiay Egipto.

\s5
\v 22 Masapul a saanyo nga idadanes dagiti siasinoman a balo wenno dagiti siasinoman nga ulila.
\v 23 No idadanesyo ida ket dawatenda a tulongak ida, tulongakto ida,
\v 24 ket kaungetkayunto; ipaluboskonto a mapapataykayo iti gubat. Agbalinto a balo dagiti assawayo, ken awananton ti ama dagiti annakyo.

\s5
\v 25 No agpabulodkayo iti kuarta kadagiti siasinoman a tattaok a napanglaw, saankayo nga agtignay a kas maysa nga agpapautang ken obligaenyo a bayadanna ti porsiento ti kuarta.
\v 26 No itedna kadakayo ti kagayna a pammatalged a bayadannanto ti kuarta, masapul nga isubliyo kenkuana ti kagay sakbay a lumnek ti init
\v 27 gapu ta kasapulanna daytoy tapno saan isuna a malammin iti rabii. Dayta laeng ti adda a pang-ules dagiti napanglaw a tattao no maturogda iti rabii. No saankayo nga agtignay a siaasi kenkuana babaen iti panangisubliyo iti kagayna, inton umasug isuna kaniak ket dawatenna ti tulongko, tulongakto isuna gapu ta naasiak a kanayon.

\s5
\v 28 Saanyo a laisen ti Dios, ken saankayo nga umawag iti Dios a mangaramid kadagiti makadangran a banbanag iti siasinoman a mangiturturay kadagiti tattaoyo.

\s5
\v 29 Diyo ipaidam kaniak dagiti kasasayaatan a paset ti trigo nga ap-apitenyo, wenno ti lana ti olibo wenno ti arak a mapataudyo. Itedyo kaniak dagiti inauna nga annakyo a lallaki.
\v 30 Kasta met a kukuak ti inauna nga anak a lalaki ti baka ken karneroyo. Kalpasan a maipasngay dagidiay nga ayup, palubosanyo ida nga agtalinaed kadagiti inada iti pito nga aldaw. Iti maikawalo nga aldaw, itedyo ida kaniak.
\v 31 Dakayo ket tattao a nailasin para kaniak. Guraek ti karne ti aniaman nga ayup a pinatay dagiti naatap nga ayup. Ngarud, saanyo a kanen ti kasta a karne. Ngem ketdi, ibellengyo daytoy iti disso a mabalin daytoy a kanen dagiti aso."

\s5
\c 23
\p
\v 1 "Saankayo nga agul-ulbod maipanggep kadagiti sabali a tattao. Saanyo a tulongan ti maysa a tao a nakabasol babaen iti panagulbodyo maipanggep iti napasamak.
\v 2 Saankayo a makitipon iti bunggoy dagiti tattao nga agpangpanggep nga agaramid iti dakes. Saankayo nga agulbod iti wagas a kayatda nga aramidenyo no dayta ket makatubeng iti sililinteg a panangikeddeng ti ukom para iti maysa a kaso.
\v 3 No adda iti nakurapay a tao iti pangukoman, saankayo nga agsaksi maipaay kenkuana gapu laeng ta nakurapay isuna ken maasiankayo kenkuana.

\s5
\v 4 No makitayo a ti baka wenno asno ti maysa a tao ket agalla-ala a maiyaw-aw-awan, tiliwenyo daytoy nga isubli iti akinkukua uray no kabusoryo ti makinkukua.
\v 5 No makitayo a nakusbo ti asno ti maysa a tao gapu iti nadagsen nga awitna, tulonganyo ti makinkukua iti asno a mangipatakder manen iti asno uray no dayta a tao ket maysa a tao a manggurgura kadakayo. Saankayo lattan a pumanaw a saanyo a natulongan isuna.

\s5
\v 6 Ikeddengyo a nainkalintegan dagiti kaso dagiti nakurapay a tattao nga adda iti pangukoman a kas iti panangukomyo iti kaso dagiti dadduma a tattao.
\v 7 Saankayo nga agpabasol iti saan a pudno. Saanyo nga ikeddeng a mapapatay dagiti awan basolna ken dagiti nalinteg a tattao gapu ta dusaek dagiti a tattao nga agar-aramid kadagiti kasta a dakes a banbanag.
\v 8 Saankayo nga umawat iti kuarta a pasuksok, gapu ta dagiti opisial nga umawat kadagiti pasuksok ket saan a makaikeddeng no ania iti rumbeng a maaramid, ken saanda nga ipalubos a matrato iti umno dagiti awan basolna a tattao.
\v 9 Saanyo nga idadanes dagiti ganggannaet nga agnanaed kadakayo. Ammoyo no ania ti masansan a karirikna dagiti ganggannaet gapu ta saandakayo a trinato iti nasayaat dagiti Egipcio idi ganggannaetkayo sadiay.

\s5
\v 10 Iti las-ud ti innem a tawen, agmulakayo kadagiti dagayo ken burasenyo dagiti maapit.
\v 11 Ngem iti maikapito a tawen, masapul a saankayo nga agmula iti aniaman a banag. No adda agtubo nga uray saankayo a nagmula, palubosanyo nga apiten ken kanen dagiti nakurapay a tattao dagiti mula. No adda pay mabati a bungana, ipalubosyo dagitoy a kanen dagiti atap nga ayup. Kastoy met laeng ti aramidenyo kadagiti kaubasanyo ken kadagiti kayoyo nga olibo.

\s5
\v 12 Mabalinyo ti agtrabaho iti innem nga aldaw iti tunggal lawas, ngem iti maikapito nga aldaw ket masapul nga aginanakayo ken saankayo nga agtrabaho. Kasta met iti maikapito nga aldaw ket masapul a palubosanyo nga aginana dagiti dingwenyo a pangtrabaho, dagiti tagabuyo, ken dagiti agnanaed a ganggannaet kadakayo ken tapno nakasaganadanto manen nga agtrabaho.
\v 13 Siguradoenyo nga agtulnogkayo iti amin nga imbilinko nga aramidenyo. Saankayo nga agkararag iti sabali a dios. Saanyo a dakdakamaten dagiti naganda.

\s5
\v 14 Tunggal tawen masapul nga agdaliasatkayo kadigiti tallo a fiesta a mangdayaw kaniak.
\v 15 Ti umuna ket ti Fiesta ti Tinapay nga Awan Lebadurana. Rambakanyo daytoy iti bulan ti Abib, nga isu ti bulan a pinanawanyo ti Egipto. Rambakanyo daytoy iti wagas nga imbilinko kadakayo; kanenyo ti tinapay iti pito nga aldaw. Agitugotkayo a kanayon iti daton no umaykayo agdayaw kaniak; saankayo nga um-umay nga ima-ima.

\s5
\v 16 Ti maikadua a fiesta ket ti Fiesta ti Panagapit. Kabayatan iti dayta a fiesta masapul nga isagutyo kaniak dagiti umuna a paset dagiti mulayo a nagtubo manipud kadagiti immulayo a bukbukel. Ti maikatlo a Fiesta ket ti Fiesta ti Nalpas a Panagapit. Dayta ket kalpasan ti panagapityo kadagiti trigo, kadagiti ubasyo, ken kadagiti prutasyo.
\v 17 Tunggal tawen, kadagitoy a tiempo, masapul nga agmaymaysa dagiti amin a lallaki nga agdayaw kaniak, ni Yahweh a Diosyo.

\s5
\v 18 No mangidatonkayo iti maysa nga ayup ket idatagyo daytoy kaniak, masapul a saankayo nga agidaton iti tinapay a naluto nga adda lebadurana. No mangidatonkayo, puoranyo ti taba manipud kadagiti ayup iti isu met laeng nga aldaw tapno awan ti taba a mabati iti sumaruno a bigat.
\v 19 No apitenyo dagiti mulayo iti tunggal tawen, alaenyo ti kasayaatan iti damo nga apityo, mapankayo iti lugar a pagday-dayawanyo kaniak ket itedyo dagitoy kaniak, ni Yahweh a Dios. No mangpartikayo iti bumaro nga ayup, saanyo nga iluto daytoy babaen iti panangilambongyo iti daytoy iti gatas ti inana."

\s5
\v 20 "Mangibaonakto ti anghel nga umun-una kadakayo a mangsalaknib kadakayo iti panagdaliasatyo ken mangisangpet kadakayo a sikakaradkad iti lugar nga insaganak para kadakayo.
\v 21 Denggenyo a nalaing ti ibagana ken agtulnogkayo kenkuana. Saankayo a agsukir kenkuana gapu ta adda kenkuana ti turayko ket dusaennakayo no agsukirkayo kenkuana.
\v 22 Ngem no dumngegkayoa a nalaing iti ibagbagana ken no aramidenyo amin nga ibagak kadakayo nga aramidenyo, makirangetakto maibusor kadagiti amin a kabusoryo.

\s5
\v 23 Umun-unanto kadakayo ti anghelko ken iyapannakayo iti pagnanaedan dagiti bunggoy iti Amoreo, Heteo, Perezeo, Cananeo, Heveo ken Jebuseo, ken naan-anayto a papanawek ida.
\v 24 Saankayo nga agrukbab kadagiti diosda wenno agdayaw kadagitoy. Saanyo nga aramiden dagiti pagarupenda a kayat dagiti diosda nga aramidenda. Dadaelenyo dagiti didiosenda ken burak-burakenyo dagiti nasagradoan a batoda.
\v 25 Masapul a dayawendak, siak ni Yahweh a Diosyo. No aramidenyo dayta, bendisionakto ti taraon ken danumyo, ken salaknibankayo manipud iti panagsakit.

\s5
\v 26 Awanto iti maalisan a babai iti dagayo, ken awanto ti babai a saan nga agsikog. Pagbiagenkayonto iti napaut a tiempo.
\v 27 Pagbutengekto ti kasta unay kaniak dagiti bumusbusor kadakayo. Patayekto amin dagiti tattao a maasetganyo. Ket pagsanodekto isuda ket itarayandakayo.
\v 28 Butbutengekto dagiti kabusoryo. Paksiatekto dagiti bunggoy dagiti Heveo, Cananeo, ken Heteo manipud iti dagayo.
\v 29 Saankonto ida a paksiaten iti uneg ti kurang a makatawen. No inaramidko dayta, agbalinton a napanawan ti dagayo, ket umadunto iti kasta unay dagiti atap nga ayup a dumarup kadakayo.

\s5
\v 30 In-inutekto a papanawen dagidiay a bunggoy dagiti tattao, basi-bassit tunggal tiempo, agingga nga umado ti bilang dagiti tattaom ket kabaelanyon ti agnaed iti sadinoman iti daga.
\v 31 Palawaekto ti beddeng ti dagayo manipud iti Nalabaga a baybay nga adda ti abagatan a daya agingga iti baybay a Mediterranean nga adda iti ammianan a laud, ken manipud idiay let-ang ti Sinai nga adda iti abagatan a laud agingga iti karayan Eufrates nga adda iti aniaman a daya ti pagilian. Ikkankayo iti kabaelan a mangpapanaw kadagiti tattao nga agnanaed sadiay tapno mapapanawyo ida kabayatan a lumawlawa ti masakupanyo iti pagilian.
\v 32 Masapul a saankayo a makitulag kadagidiay a tattao wenno kadagiti diosda.
\v 33 Saanyo a palubosan dagidiay a tattao nga agnaed iti dagayo tapno saan nga isuda iti makagapu nga agbasolkayo kaniak. No dayawenyo dagiti diosda, saankayonto a makalibas iti panagdayawyo kadagitoy ken iti panagbasolyo a maibusor kaniak a kas iti maysa a napalab-ugan a saanen a makaruk-at."

\s5
\c 24
\p
\v 1 Kalpasanna kinuna ni Yahweh kenni Moises. "Sumang-atka iti ayanko iti tapaw daytoy a bantay, sika, ni Aaron ken dagiti annakna a ni Nadab ken Abiu. Mangikuyogka pay iti pitopulo a panglakayen dagiti Israelita. Kabayatan nga adayokayo pay laeng iti tapaw ti bantay, mabalinyo ti agdayaw kaniak sadiay.
\v 2 Moises, sika laeng ti palubosak nga umasideg kaniak. Masapul a saan nga umasideg dagiti dadduma, ken masapul a saan a sumang-at iti bantay dagiti nabati a tattao."

\s5
\v 3 Napan ni Moises ket imbagana kadagiti tattao ti amin nga imbaga ni Yahweh ken ti amin nga imbilinna. Simmungbat amin dagiti tattao, a kinunada, "Aramidenmi ti amin nga imbilin ni Yahweh nga aramidenmi."
\v 4 Kalpasanna, insurat ni Moises ti amin nga imbilin ni Yahweh. Iti agsapa, nangipatakder ni Moises iti altar a bato. Nangiyurnos pay isuna iti sangapulo ket dua a batbato, maysa para iti tunggal tribu dagiti Israelita.

\s5
\v 5 Nangpili pay isuna kadagiti agtutubo a lalaki. Nangpuorda kadagiti daton para kenni Yahweh ken nangidatagda pay iti sumagmamano a baka a kas daton a mangikari iti pannakigayyem kenkuana.
\v 6 Innala ni Moises ti kagudua ti dara dagiti ayup a naparti sana inkabil kadagiti mallukong. Insabuagna iti altar ti kagudua ti dara.

\s5
\v 7 Kalpasanna, innalana ti nalukot a pagbasaan a nangisuratanna iti amin nga imbilin ni Yahweh iti katulagan nga inaramidna, ket inbasana daytoy iti napigsa kabayatan nga agdengdengngeg dagiti tattao. Ket kinuna dagiti amin a tattao, "Aramidenmi amin nga imbilin ni Yahweh kadakami nga aramidenmi. Tungpalenmi amin."
\v 8 Kalpasanna, innala ni Moises ti dara nga adda kadagiti palanggana ket insabuagna daytoy kadagiti tattao. Kinunana, "Daytoy ti dara a mangpatalged iti katulagan nga inaramid ni Yahweh kadakayo idi intedna amin dagitoy a bilbilin kadakayo."

\s5
\v 9 Kalpasanna, simmang-at iti bantay ni Moises a kadduana da Aaron, Nadab, Abiu ken dagiti pitopulo a panglakayen nga Israelita,
\v 10 ket nakitada ti Dios, ti day-dayawen dagiti Israelita. Iti babaen dagiti sakana ket adda ti kasla pagbaddekan a naaramid iti asul a bato a maawagan iti safiro. Naglawag dagitoy a kas iti tangatang no saan a naulep.
\v 11 Saan a dinangran ti Dios dagidiay a panglakayen dagiti Israelita iti pannakakitada kenkuana. Nakitada ti Dios, ket nangan ken imminomda a sangsangkamaysa!

\s5
\v 12 Ket kinuna ni Yahweh kenni Moises, "Sumang-atka iti ayanko iti tapaw daytoy a bantay. Iti kaaddam ditoy, ikkankanto iti dua a tapi ti bato a nangisuratak kadagiti amin a linteg nga intedko kenka nga isurom kadagiti tattao."
\v 13 Simmang-at ngarud ni Moises a kaduana ti adipenna a ni Josue iti bantay nga ayan ti Dios.

\s5
\v 14 Ita, kinuna ni Moises kadagiti panglakayen, "Agtalinaedkayo ditoy a kadduayo dagiti dadduma a tattao agingga nga agsublikami! Saanyo a liplipatan a kadduayo da Aaron ken Hur, isu a no adda riri ti siasinoman kabayatan nga awanak, mabalinna ti mapan kadagitoy a dua a lallaki."
\v 15 Kalpasanna, simmang-aten ni Moises iti bantay, ket linengdan ti ulep ti bantay.

\s5
\v 16 Bimmaba ti dayag ni Yahweh iti tapaw ti bantay ken linengedanna daytoy iti las-ud ti innem nga aldaw. Iti maika-pito nga aldaw, inayaban ni Yahweh ni Moises manipud iti tengnga ti ulep.
\v 17 Idi kimmita dagiti Israelita iti tapaw ti bantay, ti dayag ni Yahweh ket kasla dakkel nga apuy a mangur-uram sadiay.
\v 18 Napan ni Moises iti ulep nga adda iti tapaw ti bantay ket nagtalinaed idiay iti uppat a pulo nga aldaw ken rabii.

\s5
\c 25
\p
\v 1 Kinuna ni Yahweh kenni Moises,
\v 2 "Ibagam kadagiti Israelita a masapul nga mangitedda iti daton kaniak. Awatenyo manipud kadagiti tattao ti amin a daton a kayatda nga ited kaniak.

\s5
\v 3 Dagitoy dagiti banbanag a mabalinda nga idaton: balitok, pirak ken bronse,
\v 4 asul, maris ube ken napalabbaga a buok ti ayup, kasayaatan a lino, buok ti kalding a pangaramid iti lupot,
\v 5 naibilag a lalat ti kalakian a karnero, lalat ti dugong, natangken a kayo ti akasia,
\v 6 lana ti olibo a mapuoran kadagiti pagsilawan, ken dagiti mailaok iti lana ti olibo a pammulot kadagiti padi, ken dagiti mailaok iti nabanglo nga insenso,
\v 7 dagiti bato nga onyx, ken dagiti dadduma a nangingina a bato a maikabit iti nasagradoan nga efod ti padi ken maikabil iti pagkargaan a maikabit iti efod.

\s5
\v 8 Ibagam kadagiti tattao nga agaramidda iti dakkel a nasagradoan a tolda para kaniak tapno makapagnaedak iti daytoy iti nagbabaetanda.
\v 9 Masapul nga aramidenda ti nasagradoan a tolda ken dagiti amin a banbanag a maaramat iti unegna daytoy a maiyannurot iti plano nga ipakitak kenka.

\s5
\v 10 Ibagam kadagiti tattao nga agaramidda iti nasagradoan a lakasa manipud iti kayo ti akasia. Masapul a maysa a metro ti kaatiddogna, 0.7 a metro ti kalapadna, ken 0.7 a metro ti kangatona.
\v 11 Kalupkopanyo ti lakasa iti puro a balitok iti uneg ken iti ruarna ken paikingam iti balitok ti aglikmot ti rabawna daytoy.

\s5
\v 12 Masapul a mangaramidda iti uppat a balitok a pangiyusokan ket ikabilda dagitoy kadagiti saka ti lakasa. Mangikabilkayo iti dua a pangiyusokan iti agsinnumbangir a sikigan ti lakasa.
\v 13 Masapul nga agaramidda iti dua nga assiw manipud iti kayo ti akasia, ken masapul a kalupkopanda dagitoy iti balitok.
\v 14 Masapul nga iyusokda dagiti assiw kadagiti pangiyusokan nga adda iti sikigan ti lakasa tapno mabalin a maawit ti lakasa babaen kadagiti assiw.

\s5
\v 15 Masapul nga agtalinaed a naiyusok dagiti assiw iti pangiyusokan; masapul a saanda nga uk-uksoten dagiti assiw iti pangiyusokan.
\v 16 Ikargam iti uneg iti lakasa ti tulag dagiti dua a tapi a bato nga itedkonto kenka a nangisuratak kadagiti bilbilinko.
\v 17 Ibagam kadakuada a mangaramidda iti kalub ti lakasa ti tulag manipud iti puro a balitok; daytoyto a disso ti pangabbongak kadagiti basbasol dagiti tattao. Masapul a maysa met a metro ti kaatiddogna daytoy ken 0.7 a metro ti kalapadna.
\v 18 Ibagam kadakuada a mangpandayda iti dakkel a balitok nga agbalin a kaladladawan ti dua a parsua nga addaan ti payyak para kadagiti agsinnumbangir a pungto ti kalub.

\s5
\v 19 Maikabil ti maysa kadagitoy iti tunggal pungto ti lakasa ti tulag, ngem masapul a maitipon ti nakaaramidanda a balitok iti balitok nakaaramidan ti kalub.
\v 20 Ibagam kadakuada nga ikabilda dagiti nagpayyak a parsua nga agsinsinnagid dagiti payyakda ken nakaukrad a maabbongan ti kalub.
\v 21 Ikargam iti uneg ti lakasa dagiti tapi ti bato nga itedkonto kenka. Kalpasanna ikabilmo ti kalub iti rabaw lakasa.

\s5
\v 22 Mangitudingakto kadagiti tiempo a makisaritaak kenka sadiay. Manipud iti ngatoen ti kalub ti lakasa ti tulag, iti nagbaetan dagiti nagpayyak a parsua, ibagakto kenka dagiti amin a bilinko a masapul nga idanonmo kadagiti Israelita.

\s5
\v 23 Ibagam kadakuada nga agaramidda iti lamisaan manipud iti kayo ti akasia. Masapul a 0.9 a metro ti kaatiddogna, 0.5 a metro ti kalapadna, ken 0.7 a metro ti kangatona.
\v 24 Ibagam kadakuada a kalupkopanda daytoy iti puro a balitok ken paikinganda daytoy iti balitok.

\s5
\v 25 Ibagam kadakuada a palikmutanda daytoy iti paigid, walo a centimetro ti kalapadna, ken paikinganda iti balitok ti paigidna.
\v 26 Ibagam kadakuada nga agaramidda iti uppat a pangiyusokan manipud iti balitok ken ikapetda dagitoy iti uppat a suli ti lamisaan, ti pangiyusikan ket masapul nga asideg kadagiti tunggal saka ti lamisaan.
\v 27 Masapul a maikapet dagiti pangiyusokan iti asideg ti paigid iti ayan dagiti saka ti lamisaan tapno maawit ti lamisaan babaen kadagiti assiw.

\s5
\v 28 Mangaramidkayo iti dua nga assiw manipud iti kayo ti akasia ken kalupkopanyo dagitoy iti balitok. Masapul a maiyusok dagiti assiw a pangbagkat iti lamisaan iti pangiyusokan.
\v 29 Ibagam met kadakuada nga agramidda kadagiti pinggan, kutsara, burnay ken kadagiti mallukong nga usaren dagiti papadi no mangibukbokda kadagiti arak a maidaton kaniak. Masapul a maaramid amin dagitoy iti puro a balitok.
\v 30 Iti rabaw ti lamisaan nga adda iti sango ti lakasa ti tulag, masapul a kanayon nga adda ti nakaparabaw a tinapay a maiparang iti sangoanak nga indatag kaniak dagiti papadi.

\s5
\v 31 Ibagam kadakuada nga agaramidda iti kandelero manipud iti puro a balitok. Masapul a mangpitpitda iti dakkel a balitok nga aramidenda a puon ken ungkayna. Dagiti sanga ti kandelero, dagiti kopa a pagianan ti lana, dagiti sinanbusel ti sabong ken dagiti sinanbulong a sabong nga arkus dagiti sanga ti pagsilawan, ken ti puonna, ken ti ungkayna ket masapul a pinitpit manipud iti dakkel a balitok.
\v 32 Masapul nga adda innem a sanga ti kandelero, sagtatallo iti tunggal sikigan ti puonna daytoy.

\s5
\v 33 Ti tunggal sanga ket masapul nga addaan iti tallo a balitok nga arkus a kasla sabong ti almendra. Dagitoy nga arkus ket masapul met nga addaan kadagiti sinansabong a di pay nagukrad ken kadagiti binulong ti sabong.
\v 34 Iti puon ti kandelero ket masapul nga addaan iti uppat a balitok nga arkus a kasla met laeng sabong ti almendra, addaan ti tunggal maysa iti sinansabong a di pay nagukrad ken dagiti binulong ti sabong.

\s5
\v 35 Iti agsumbangirna, masapul nga adda ti sinan busel ti sabong iti sirok ti tunggal sanga.
\v 36 Amin dagitoy a busel ti sabong ken dagiti sanga, ken dagiti ungkay, ket mapanday iti maymaysa a dakkel a masa iti a puro a balitok.

\s5
\v 37 Ibagam pay kadakuada nga agaramidda iti pito a babassit a kopa a pangikargaan iti lana. Ti maysa ket masapul a maikabil iti murdong ti puon ken dagiti dadduma ket masapul a maikabil iti murdong dagiti sanga. Ikabilmo dagitoy a kopa tapno inton masindian dagiti pagsilawan, agturong ti lawagna iti sangoanan ti kandelero.
\v 38 Ibagam kadakuada nga agaramidda kadagiti ipit manipud iti puro a balitok, a pangikkat kadagiti arsang ken bandeha a pagikkan kadagiti arsang.
\v 39 Ibagam kadakuada a 34 a kilo a puro a balitok ti aramatenda nga agaramid iti kandelero, kadagiti ipit ken kadagiti pagarsangan.
\v 40 Siguradoem nga aramidenda dagitoy a banbanag a maiyannurot kadagiti bilbilin nga it-itedko kenka iti daytoy a bantay."

\s5
\c 26
\p
\v 1 "Ibagam kadagiti tattao nga aramidenda ti nasagradoan a tolda manipud iti sangapulo nga atiddog ken akikid a nafino a lino. Masapul a mangalada iti asul, maris ube, ken nalabaga a sinulid, ken masapul a burdaan dagiti nalaing a dumidisenio ti atiddog ken akikid a lupot iti disenio a mangiparang iti nagpayyak a parsua nga adda iti rabaw ti lakasa.
\v 2 Ti tunggal atiddog ken akikid a lupot ket masapul a 12.5 a metro iti kaatiddogna ken 1.8 a metro iti kalawana.
\v 3 Ibagam kadakuada a pagsasaependa ti lima nga atiddog ken akikid a lupot tapno maaramid a maysa a beddeng, ken pagsasaependa ti sabali pay a lima nga atiddog ken akikid a lupot tapno maaramid a maysa pay a beddeng.

\s5
\v 4 Iti tunggal beddeng, masapul a mangaramidda iti pagiyusokan a lupot nga asul, ken ikabilda dagitoy iti akinruar a pingir ti atiddog ken akikid a lupot, iti pagpatinggaan ti tunggal beddeng.
\v 5 Masapul a mangikabilda iti limapulo a pagiyusokan iti pingir ti umuna a beddeng, ken limapulo a pagiyusokan iti pagpatinggaan iti maikaddua a beddeng tapno dagiti pagiyusokan ket agbinbinnatogda.
\v 6 Ibagam kadakuada a mangaramidda iti limapulo a kaw-it a balitok tapno mapagsilpo ti dua a beddeng. Kas pagbanaganna, agbalinto a kasla maymaysa ti uneg ti nasagradoan a tolda.

\s5
\v 7 Ibagam pay kadakuada a mangaramidda iti abbong para iti nasagradoan a tolda manipud iti sangapulo ket maysa a lupot a naaramid manipud iti buok iti kalding.
\v 8 Masapul a ti tunggal pidaso ti lupot ket 13.5 a metro ti kaatiddogna ken 1.8 a metro ti kaakabana.
\v 9 Ibagam kadakuada a mangdaitda iti lima kadagitoy a pidaso iti lupot tapno maaramid a maysa a beddeng, ken daitenda pay ti innem a sabali pay a pidaso ti lupot tapno makaaramidda iti maysa pay a beddeng. Masapul nga ikulpida ti maikanem a pidaso ti lupot inggana iti kagudua tapno agdawadaw iti sangoanan ti nasagradoan a tolda.

\s5
\v 10 Ibagam kadakuada a mangaramidda iti sangagasut a pagiyusokan nga asul a lupot ket ikabilda ti limapulo kadagitoy iti akinruar a pingir iti maysa a beddeng ken ikabilda dagiti limapulo iti akinruar a pingir ti maysa pay a beddeng.
\v 11 Ibagam kadakuada a mangaramidda iti limapulo a kaw-it a bronse ket ikabilda dagitoy iti pangiyusokan a lupot tapno mapagsilpo dagiti dua a beddeng. Kas pagbanaganna, ti abbong para iti nasagradoan a tolda ket kasla maysa laeng a pidaso.

\s5
\v 12 Bay-am ti limmabes a paset ti abbong, ti paset nga agdawdawadaw iti labes ti lupot a lino, nga agbitbitin iti likudan ti nasagradoan a tolda.
\v 13 Ti limmabes a kagudua a metro ti tunggal abbong, ti paset nga agdawdawadaw iti labes ti lupot a lino kadagiti tunggal sikigan, ket masapul nga agbitin kadagiti dua a sikigan ti nasagradoan a tolda tapno salaknibanna dagiti sikigan.
\v 14 Ibagam kadakuada a mangaramidda iti dua pay nga abbong para iti nasagradoan a tolda. Ti maysa ket maaramid manipud iti lalat ti kalakian a karnero a namarisan iti nalabaga, ken ti akinngato nga abbong ket masapul a maaramid manipud iti kasayaatan a lalat.

\s5
\v 15 Ibagam kadakuada a mangaramidda iti uppat a pulo ket walo a tabla a naporma a pagikapetan ti kurtina manipud iti kayo ti akasia, tabla a maisaad tapno maibitin kadagitoy dagiti abbong ti nasagradoan a tolda.
\v 16 Tunggal tabla a pagikapetan ti kurtina ket masapul a 4.5 a metro iti kaatiddogna ken 0.7 a metro iti kalawana.
\v 17 Masapul a mangaramidda iti dua nga dawadaw iti baba ti tunggal tabla a pagikapetan. Daytoyto ti pangikabilanda kadagiti pagbatayan dagiti pagipakapetan ti kurtina a tabla iti babaenda. Masapul nga aramidenda dagitoy a dawadaw iti baba iti tunggal tabla a pagikapetan.
\v 18 Mangaramidda iti duapulo a tabla a pagipakapetan para iti abagatan a paset iti nasagradoan a tolda.

\s5
\v 19 Ibagam kadakuada a mangaramidda iti uppat a pulo a pagbatayan a pirak a maikabil iti babaen dagitoy. Dua a pagbatayan ti maikabil iti sirok ti tunggal tabla a naporma a pagipakapetan ti kurtina. Dagiti nakadawadaw iti baba ti tunggal tabla a pagipakapetan ket masapul a maaramid a maitutop kadagiti pagbatayan.
\v 20 Kasta met, ibagam kadakuada a mangaramidda iti duapulo a tabla a pagipakapetan para iti amianan a paset ti nasagradoan a tolda.
\v 21 Masapul a mangaramidda pay iti uppat a pulo a pagbatayan a pirak para kadagitoy, dua a pagbatayan ti maikabil iti sirok ti tunggal tabla a pagipakapetan.

\s5
\v 22 Para iti likod ti nasagradoan a tolda, iti laud a paset, ibagam kadakuada a mangaramidda kadagiti innem a tabla a naporma a pagipakapetan.
\v 23 Ibagam kadakuada a mangaramidda pay iti dua a tabla a pagipakapetan, maysa iti tunggal suli iti likudan ti nasagradoan a tolda, tapno ad-adda pay a mapatibker daytoy.
\v 24 Dagiti dua a tabla a pagikapetan iti suli ket masapul nga agsinada iti baba ngem agtiponda iti ngato. Iti ngato dagiti dua a tabla a pagipakapetan iti suli ket masapul nga adda iti balitok a singsing a mangtengel iti balunet.
\v 25 Iti dayta a wagas, para iti likudan ti nasagradoan a tolda addanto iti walo a tabla a pagipakapetan, ken addanto iti sangapulo ket innem a pagbatayanda, dua iti sirok ti tunggal tabala a pagipakapetan.

\s5
\v 26 Ibagam kadakuada a mangaramidda iti sangapulo ket lima a balunet manipud iti kayo iti akasia. Lima kadagitoy ket para iti tabla a pagipakapetan iti amianan a paset ti nasagradoana tolda,
\v 27 ti lima kadagitoy ket para iti abagatan a paset, ken lima para iti tabla a naporma pagikapetan iti kurtina iti likudan ti nasagradoan a tolda, ti laud a paset.
\v 28 Ibagam kadakuada nga ikabilda dagiti balunet iti amianan, abagatan, ken iti laud a paset ti nasagradoan a tolda iti tengnga dagiti tabla a pagipakapetan. Dagiti dua nga atiddog ket masapul nga aglayon ti maysa a murdong ti nasagradoan a tolda inggana iti bangir iti bangir a murdongna, ken ti balunet iti laud a paset ket masapul nga aglayon iti maysa a paset iti nasagradoan a tolda agingga iti bangir a pasetna.

\s5
\v 29 Ibagam kadakuada a kalupkupanda iti balitok dagiti tabla a pagipakapetan, ken mangaramidda kadagiti singsing a balitok a mangikaper kadagiti balunet kadagiti tabla a pagipakapetan. Dagiti balunet ket masapul a makalupkupan met laeng iti balitok.
\v 30 Ipatakdermo ti nasagradoan a tolda iti wagas nga impakitak kenka iti daytoy a bantay".

\s5
\v 31 "Ibagam kadakuada a mangaramidda iti kurtina manipud iti napino a lino. Masapul a burdaan daytoy ti nalaing a dumidisenyo iti asul, maris ube, ken nalabaga a sinulid tapno mangaramid iti disenio a mangiparang iti adda payakna a parsua iti ngatoen ti lakasa.
\v 32 Ibagam kadakuada nga ibitinda ti kurtina manipud iti uppat nga adigi a naaramid iti kayo ti akasia ken nakalupkupan iti balitok. Isaadda ti tunggal adigi iti pagbatayan a pirak.
\v 33 Masapul nga ibitinda ti akinngato a murdong iti kurtina babaen kadagiti pagsab-itan a naigalut iti atep ti nasagradoan a tolda. Iti likudan ti kurtina, ti silid a maawagan iti nasantoan unay a disso, masapul nga ikabilda ti lakasa a naglaon iti dua a tapi ti bato a nangisuratak kadagiti bilbilinko. Dayta a kurtina ti mangisina iti nasantoan a disso manipud iti kasasantoan a disso.

\s5
\v 34 Masapul nga ikabilda ti akkob iti ngato ti lakasa nga adda iti nasantoan unay a disso.
\v 35 Iti silid nga adda iti ruar ti kasasantoan a disso, masapul nga ikabilda ti lamisaan a para iti nasagradoan a tinapay iti amianan a paset, ken ikabilda ti kandelero iti abagatan a paset.

\s5
\v 36 Ibagam kadakuada a mangaramidda iti kurtina a mangabbong iti pagserkan ti nasagradoan a tolda. Masapul nga aramidenda daytoy manipud iti napino a lino, ken masapul burdaan daytoy ti nalaing nga umaabel iti asul, maris ube, ken nalabaga a sinulid.
\v 37 Masapul a mangaramidda iti lima nga adigi manipud iti kayo nga akasia a mangtengngel iti daytoy a kurtina. Masapul a kalupkopanda dagitoy iti balitok ken mangikabilda iti kaw-it a balitok kadagitoy. Masapul a mangaramidda pay ti pagbatayan a bronse para kadagitoy a poste.

\s5
\c 27
\p
\v 1 "Ibagam kadakuada a mangaramidda iti altar manipud iti kayo nga acasia. Masapul a daytoy ket kuadrado, 2.2 a metro iti kaatiddogna iti tunggal sikigan, ken aramidenyo daytoy a 1.3 a metro iti kangatona.
\v 2 Masapul a mangaramidda iti nakadawadaw a kasla sara iti ngato iti tunggal sulina. Dagiti nakadawadaw ket masapul a naikitikit iti isu met laeng a kayo a kas iti altar. Ibagam kadakuada a kalupkopanda iti bronse ti sibubukel nga altar.

\s5
\v 3 Masapul a mangaramidda iti banga a pagikkan kadagiti dapo manipud kadagiti naidaton nga ayup. Masapul a mangaramidda pay iti pala a pangikkat kadagiti dapo, palanggana, ken salungkay a pagiballiked iti karne a malutluto, ken timba a pagkargaan iti beggang. Masapul a maaramid amin dagitoy a banbang manipud iti bronse.
\v 4 Ibagam pay kadakuada a mangaramidda iti barandillas a nalaga a bronse a mangsarapa iti kayo ken kadagiti beggang. Masapul a mangikabilda iti tunggal suli iti altar iti singsing a bronse a pangawitanda iti altar.

\s5
\v 5 Masapul nga ikabilda ti barandilias iti sirok ti ngarab nga adda iti lawlaw ti altar. Masapul nga maikabil daytoy iti uneg ti altar, a maipababa iti kaguddua.
\v 6 Para iti panangawit iti altar, masapul a mangaramidda iti assiw a kayo ti acasia ken kalupkupanda daytoy iti bronse.

\s5
\v 7 Masapul a maiyusok dagiti assiw kadagiti singsing iti tunggal sikigan ti altar. Dagiti assiw ket para iti panangawit iti altar.
\v 8 Ti altar ket kaslanto kahon, a naaramid manipud kadagiti tabla a kayo iti acasia. Masapul nga aramidenda daytoy, segun kadagitoy nga annuruten nga it-itedko kenka iti daytoy a bantay.

\s5
\v 9 Masapul nga adda iti paraangan iti aglawlaw ti nasagradoan a tolda. Tapno maaramid ti paraangan, ibagam kadakuada a mangaramidda kadagiti kurtina manipud iti napino a lino. Iti abagatan a paset, ti kurtina ket masapul nga uppat a pulo ket uppat a metro ti kaatiddogna.
\v 10 Tapno matengngel ti kurtina, ibagam kadakuada a mangaramidda iti duapulo a bronse a poste, ken maysa a pagbatayan a bronse para iti tunggal poste. Tapno maikabil dagiti kurtina kadagiti poste, masapul a mangaramidda kadagiti kaw-it a pirak, ken pangubon a landok a nakalupkupan iti pirak, tapno maikabil dagiti kurtina kadagiti kaw-it.

\s5
\v 11 Masapul a mangaramidda iti isu met laeng a kita dagiti kurtina para iti amianan a paset.
\v 12 Iti laud a paset ti paraangan masapul a mangaramidda iti kurtina a duapulo ket dua a metro iti kaatiddogna. Tenglento ti sangapulo a poste nga adda pagbatayanna dagiti kurtina.
\v 13 Iti daya a paset, nga ayan ti pagserkan, masapul a ti paraangan ket duapulo ket dua a metro met iti kaakabana.

\s5
\v 14-15 Ibagam kadakuada a mangaramidda iti kurtina a pito a metro iti kaakabana nga addaan iti tallo a poste ken tallo a pagbatayan para iti tunggal sikigan iti pagserkan ti paraangan.
\v 16 Masapul a mangaramidda iti kurtina a siyam a metro iti kaatiddogna para iti pagserkan. Masapul a burdaan daytoy ti nalaing a bumuburda iti asul, maris ube, ken nalabaga a sinulid. Masapul a tenglen daytoy iti uppat a poste nga adda pagbatayanna.

\s5
\v 17 Dagiti amin a poste iti aglawlaw ti paraangan ket masapul a nakalupkopan iti pirak. Dagiti pagsab-itan ket masapul a naaramid iti pirak, ken dagiti pagbatayanda ket masapul a naaramid iti bronse.
\v 18 Ti sibubukel a paraangan, manipud iti pagserkan iti daya agingga iti laud, masapul nga uppat a pulo ket innem a metro iti kaatiddogna ken duapulo ket tallo a metro ti kalawana, ken dagiti kurtina a nakapalikmot iti daytoy ket masapul a 2.3 a metro iti kangatona. Masapul a naaramid manipud iti napino a lino dagiti amin a kurtina, ken amin a pagbatayan dagiti poste ket masapul a naaramid iti bronse.
\v 19 Dagiti amin a banbanag a saan a naaramid iti balitok a mausar iti uneg ti nasagradoan a tolda ken iti paraangan, ken dagiti amin a pasok ti tolda a mangtengngel iti nasagradoan a tolda ken kadagiti kurtina ket masapul a maaramid iti bronse.

\s5
\v 20 Bilinem a mangipan dagiti Israelita iti kasayaatan a kita ti lana ti olibo a mapasgedan iti pagsilawan. Masapul nga iyegda kenka daytoy a lana tapno kanayon a sumsumged ti pagsilawan.
\v 21 Masapul nga ikabilda ti kandelero iti ruar ti kurtina nga adda iti sango ti nasagradoan a lakasa a nakaikabilan dagiti tapi ti bato a nangisuratak kadagiti bilbilinko. Masapul a ni Aaron ken dagiti annakna a lallaki ti mangaywan nga inaldaw ti pagsilawan manipud rabii inggana iti bigat. Masapul nga agtulnog dagiti Israelita iti daytoy nga allagaden iti amin a kaputotanda iti masakbayan."

\s5
\c 28
\p
\v 1 Ayabam ti in-inauna a kabsatmo a ni Aaron ken dagiti annakna a lallaki--da Nadab, Abiu, ni Eleasar, ken Itamar. Ilasinmo ida manipud kadagiti dadduma nga Israelita tapno makapagserbida kaniak a kas papadi.
\v 2 Ibagam kadagiti tattao a mangaramidda kadagiti napintas a pagan-anay a para kenni Aaron, pagan-anay a maitutop para iti tao nga addaan iti kastoy a nadayaw ken nasagradoan a trabaho.
\v 3 Kasaritam dagiti amin a nalalaing a trabahador, dagidiay a nangtedak iti naisangsangayan a kabaelan. Ibagam kadakuada a mangaramidda kadagiti pagan-anay a para kenni Aaron nga usarenna inton mailasin isuna nga agbalin a padi nga agserbi kaniak.

\s5
\v 4 Dagiti pagan-anay a masapul nga aramidenda ket nasagradoan a pagkabilan a maiparabaw iti barukong ni Aaron, nasagradoan nga efod, maysa a kagay, naburdaan a tunika, maysa a turbante, ken maysa a barikes. Dagitoy dagiti pagan-anay a masapul nga usaren ti inauna a kabsatmo a ni Aaron ken dagiti annakna a lallaki kabayatan nga agserserbida kaniak babaen iti panangaramidda iti trabaho dagiti papadi.
\v 5 Masapul a mangusar dagiti nalalaing a trabahador iti napino a lino ken asul, maris ube, ken nalabaga a sinulid a mangaramid kadagitoy a pagan-anay.

\s5
\v 6 Masapul nga aramiden dagiti nalalaing a trabahador ti nasagradoan nga efod manipud iti napino a lino, ken masapul a lalaingenda a burdaan dagitoy iti asul, maris ube, ken nalabaga a sinulid ken iti napino a sinulid a balitok.
\v 7 Masapul nga adda dua a pagsingdan iti abagana a mangikamang iti sango a paset iti likudan a paset.
\v 8 Ti barikes a siaannad a nalaga, a masapul a maaramid manipud iti isu met laeng nga aruaten a kas iti nasagradoan nga efod, ket masapul a maidait iti efod.
\v 9 Masapul a mangala iti dua a bato nga onyx ti nalaing a trabahador ket ikitikitna kadagitoy ti nagnagan dagiti sangapulo ket dua nga annak a lallaki ni Jacob.

\s5
\v 10 Masapul nga ikitikitna ti nagnagan dagiti annak ni Jacob segun iti urnos iti pannakaiyanakda. Masapul nga ikitikitna ti innem a nagan iti maysa a bato ken dagiti dadduma nga innem a nagan iti maysa pay a bato.
\v 11 Masapul nga ikitikit ti tumatabas iti napapateg a bato dagiti nagnagan kadagiti dua a bato. Kalpasanna, masapul nga ikapetna dagiti bato iti pagsaadan a balitok.
\v 12 Kalpasanna, masapul nga ikapetna dagiti bato iti terante iti abaga ti nasagradoan nga efod a mangibagi iti sangapulo ket dua a tribu ti Israel. Iti kasta a wagas, awitento ni Aaron dagiti nagnagan ti tribu kadagiti abagana tapno iti kasta SIAK, a ni Yahweh, ket saankonto pulos a malipatan dagiti tattaok.

\s5
\v 13 Masapul a maaramid iti balitok dagiti pakaisaadan dagiti bato.
\v 14 Ibagam kadakuada a mangaramidda iti dua a kawar a balitok a nasallapid a kasla kadagiti tali ken ikapetda dagiti kawar kadagiti pagsaadan."

\s5
\v 15 Ibagam iti nalaing a trabahador a mangaramid iti nasagradoan a pangikabilan nga isuot ni Aaron a maiparabaw iti barukongna. Usarennanto daytoy tapno ammoenna no ania ti kayatko nga aramiden dagiti tattao. Masapul nga aramidenda daytoy manipud iti aruaten a kas iti inaramatda iti nasantoan nga efod, ken masapul a burdaanda daytoy babaen iti balitok, asul, maris ube, ken nalabaga a napino a lino.
\v 16 Masapul a kuadrado daytoy, ken masapul a makupin iti mamindua daytoy tapno agbalin a 23 a centimetro ti kaatiddogna ken 23 a centimetro ti kalawana.

\s5
\v 17 Masapul a mangikapet ti nalaing a trabahador iti uppat nga intar iti napapateg a bato iti pangikabilan. Iti umuna nga intar, masapul a mangikabil isuna iti maysa a nalabaga a rubi, maysa a duyaw a topasio, ken maysa a nalabaga a garnate.
\v 18 Iti maikaddua nga intar, masapul a mangikabil isuna iti maysa a berde nga esmeralda, maysa nga asul a sapira, ken maysa a diamante.
\v 19 Iti maikatlo nga intar masapul a mangikabil isuna iti maysa a nalabaga a jacinto, maysa a puraw nga agate, ken maysa a maris ube nga amatista.
\v 20 Iti maikapat nga intar, masapul a mangikabil isuna iti maysa a duyaw a berilio, maysa nga onyx, ken maysa a berde a jaspe. Amin dagitoy a batbato ket masapul a maimontar kadagiti balitok a pakaisaadanda.

\s5
\v 21 Masapul a ti tumatabas iti napapateg a bato ket ikitikitna kadagitoy a sangapulo ket dua a bato dagiti nagan dagiti annak a lallaki ni Jacob. Dagitoy a nagnagan ti mangibagi kadagiti sangapulo ket dua a tribu ti Israel.
\v 22 Dagiti dua a kawar a naaramid iti puro a balitok ken nasallapid a kasla tali ket maaramat tapno maikapet ti nasagradoan a pangikabilan iti nasagradoan nga efod.
\v 23 Masapul a mangaramid ti nalaing a trabahador iti dua a singsing a balitok ken ikapetna dagitoy iti akin ngato a suli ti nasagradoan a pangikabilan.
\v 24 Masapul a mangaramid isuna iti dua a tali a balitok ken igalutna ti maysa a murdong ti tali iti maysa kadagiti singsing.

\s5
\v 25 Masapul nga ikapetna ti bangir a murdong ti tunggal tali kadagiti dua a pagsaadan a nakaikapetan dagiti bato. Iti dayta a wagas, ti nasagradoan a pangikabilan ket maikapet kadagiti terante ti nasagradoan nga efod.
\v 26 Ket masapul a mangaramid pay isuna iti dua a singsing a balitok ken ikapetna dagitoy iti akin baba a suli ti nasagradoan a pangikabilan iti akin uneg nga igid nga adda iti abay ti nasagradoan nga efod.

\s5
\v 27 Masapul a mangaramid pay isuna iti dua a singsing a balitok ken ikapetna dagitoy iti akinbaba a paset iti sango dagiti terante iti asideg iti nakaisilpoan ti nasagradoan nga efod iti ngatoen ti barikes.
\v 28 Masapul nga igalut ti nalaing a trabahador dagiti singsing iti nasagradoan a pangikabilan babaen iti asul a tali kadagiti singsing ti nasagradoan nga efod tapno ti nasagradoan a pangikabilan ket adda iti ngatoen ti barikes ken tapno saan a maisina daytoy manipud iti nasagradoan nga efod.

\s5
\v 29 Iti dayta a wagas, addanto kenni Aaron ti nagan dagiti sangapulo ket dua a tribu ti Israel iti nasagradoan a pangikabilan nga adda iti asideg ti barukongna para iti panangaramidna iti pangeddeng no sumrek isuna iti nasantoan a disso.
\v 30 Ikabilyo iti nasagradoan a pangikabilan dagiti dua a banag- a managan Urim ken Tummim--nga usaren ti padi a mangammo kadagiti sungbatko kadagiti saludsudenna kaniak. Iti dayta a wagas, asidegdanto iti barukongna no umuneg isuna iti nasantoan a disso a makisao kaniak. Usarenna dagitoy a mangammo no ania dagiti pagayatak para kadagiti tattao iti Israel."

\s5
\v 31 "Ibagam kadagiti trabahador a mangabelda laeng iti maris ube a lupit para iti kagay a mausar a maipauneg iti nasagradoan nga efod ti padi.
\v 32 Masapul nga addaan daytoy iti abot a pangiyusokan ti padi iti ulona. Masapul a daetenda ti igid ti abot tapno saan a mapigis daytoy.

\s5
\v 33 Iti gayadan ti kagay, masapul a mangikapetda iti arkus a kasla iti bunga ti granada. Masapul a maabel dagitoy manipud iti asul, maris ube, ken nalabaga a sinulid.
\v 34 Iti tunggal nagbaetan dagitoy nga arkus, masapul a mangikapetda iti bassit a kampanilia a balitok.
\v 35 No sumrek ni Aaron iti nasantoan a disso idiay nasagradoan a tolda tapno aramidenna ti trabahona a kas padi ken no panawanna ti nasagradoan a tolda ket aguni ti kampanilia kabayatan a magmagna isuna. Kas banagna, saan isuna a matay gapu iti saanna a panangtungpal iti bilbilinko.

\s5
\v 36 Ibagam kadakuada a mangaramidda iti bassit a puro a balitok a pangarkos, ken ibagam iti nalaing a trabahador nga ikitikitna dagiti sasao iti rabawna a, "NAIDATON KENNI YAHWEH.'
\v 37 Masapul nga ikapetna daytoy nga arkos iti sangoanan ti turbante babaen iti asul a tali.
\v 38 Masapul a kanayon nga adda iti muging ni Aaron ti turbante. Masapul nga awaten ni Aaron ti nagbiddutan dagiti Israelita gapu iti aniaman a nagbiddutanda iti saanda a panangidaton kadagiti nasantoan a sagsagut kenni Yahweh a kas imbilinna. Inton aramiden daytoy ni Aaron, mabalin nga awatento ni Yahweh dagiti sagsagutda.

\s5
\v 39 Ibagam kadakuada a mangabelda iti atiddog ti imana a pagan-anay a tunika manipud iti napino a lino. Kasta met a masapul a mangaramidda iti turbante ken barekes manipud iti napino a lino, ken masapul a burdaanda daytoy.

\s5
\v 40 Ibagam kadakuada a mangaramidda kadagiti napintas nga atiddog ti imana a tunika, barikes, galut iti siket, ken kadagiti kallugong para kadagiti annak ni Aaron. Mangaramidda kadagitoy nga aruaten a maitutop kadagiti tattao nga addaan iti kastoy a nadayaw a trabaho.
\v 41 Ikabilmo dagitoy a pagan-anay kenni Aaron a kabsatmo ken kadagiti annakna a lallaki. Kalpasanna, ilasinmo ida para iti daytoy a trabaho babaen iti panangpulotmo kadakuada iti lana ti olibo tapno mabalinda iti makapagserbi kaniak a kas papadi.

\s5
\v 42 Ibagam pay kadakuada a mangaramidda iti ababa a pagan-anay a lino a pang-uneg para kadakuada. Ti ababa a pagan-anay a pang-uneg ket masapul a dumanon manipud iti siketda agingga iti luppoda tapno iti kasta awan iti uray maysa a makakita kadagiti nailemmeng a pasetda.
\v 43 Masapul a kanayon nga usaren ni Aaron ken dagiti annakna a lallaki dagitoy nga ababa a pagan-anay a pang-uneg no sumrekda iti nasagradoan a tolda wenno no umasidegda iti altar tapno mangidatonda idiay nasantoan a disso. No saanda nga agtulnog iti daytoy a seremonia, papatayek ida. Masapul a tungpalen ni Aaron ken dagiti kaputotanna a lallaki daytoy nga allagaden iti agnanayon."

\s5
\c 29
\p
\v 1 "Aramidem dagitoy a sumaganad a banbanag tapno makonsagraran ni Aaron ken dagiti annakna a lallaki nga agserbi kaniak a kas papadi. Mangpilika iti maysa a bumaro a baka ken dua a kalakian a karnero nga awan depektona.
\v 2 Manglutoka iti tallo a kita ti tinapay nga awan lebadurana manipud iti kasayaatan nga arina. Manglutoka iti sumagmamano napuskol a tinapay a saan a maikkan iti lana ti olibo, manglutoka iti sumagmamano a tinapay a namasa iti lana ti olibo, ken kadagiti naiimpis nga ostia a mapulagidan iti lana ti olibo kalpasan a maluto.

\s5
\v 3 Ikargam dagitoy iti basket ken isagutmo kaniak inton idatonmo ti bumaro a baka ken ti dua a kalakian a karnero.
\v 4 Itugotmo ni Aaron ken dagiti annakna a lallaki iti pagserkan iti nasagradoan a tolda, ken buggoam ida iti danum.

\s5
\v 5 Kalpasanna, ikawesmo kenni Aaron dagiti naisangsangayan a pagan-anay-- ti atiddog ti imana a tunika, ti kagay a mausar iti uneg iti sagrado nga efod, ti sagrado nga efod, ti sagrado a pektoral, ken ti barikes.
\v 6 Isuotmo ti turban iti ulona, ken igalutmo iti turban ti arkos a nakaikitikitan kadagiti sasao a "Naidaton kenni Yahweh.
\v 7 Kalpasanna, alaem ti lana ken ibukbokmo ti dadduma iti ulona tapno maidatonmo isuna.

\s5
\v 8 Kalpasanna, iyegmo dagiti annakna a lallaki ken ikawesmo kadakuada dagiti atiddog ti imana a tunika.
\v 9 Ikabilmo dagiti barikes kadagiti siketda ken dagiti kallugong kadagiti uloda. Dayta ti seremonia inton idatonmo ida a kas papadi. Masapul nga agserbi kaniak ni Aaron ken dagiti lallaki a kaputotanna kas padi iti agnanayon.

\s5
\v 10 Kalpasanna, iyegmo ti bumaro a baka iti pagserkan ti nasagradoan a tolda. Ibagam kenni Aaron ken kadagiti annakna a lallaki nga ipatayda dagiti imada iti ulo ti bumaro a baka.
\v 11 Ket bayat nga ar-armidenda dayta, patayem ti bumaro a baka babaen iti panangngurungormo iti daytoy ken tayaem ti dara iti maysa a mallukong.

\s5
\v 12 Mangalaka iti bassit a dara babaen ti panangisawsawmo kadagiti ramaymo ken ipulagidmo daytoy kadagiti paset a nagdawadaw iti altar. Ibuyatmo ti natda a dara iti sakaanan ti altar.
\v 13 Alaem amin a taba a nangbalkot kadagiti lalaem ti bumaro a baka, ti taba a nangbalkot iti dalem ken ti dua a bekkel ken ti tabana, ket puoram amin dagitoy iti altar kas daton kaniak.
\v 14 Ngem ti karne ti bumaro a baka ken ti lalatna ken dagiti bagisna ket kasapulan a mapuoran iti ruar ti kampo. Datonto dayta gapu iti basbasolyo.

\s5
\v 15 Kalpasanna, mangpilika iti maysa kadagiti kalakian a karnero, ket ibagam kenni Aaron ken kadagiti annakna a lallaki nga ipatayda dagiti imada iti ulona daytoy.
\v 16 Kalpasanna, patayem ti kalakian a karnero babaen ti panangngurungormo iti daytoy. Tayaem ti darana ken ibuyatmo kadagiti amin a sikigan ti altar.
\v 17 Kalpasanna, rangrangkayem daytoy iti pidapidaso. Dalusam dagiti lalaemna ken dagiti sakana, ket ikabilmo dagitoy agraman ti ulo.
\v 18 Kalpasanna, puoram a naan-anay dagitoy iti rabaw ti altar agraman ti dadduma a paset ti kalakian a karnero. Dayta ti daton a maipuor amin a para kaniak, ni Yahweh, ken makaay-ayonto kaniak ti ayamuomna.

\s5
\v 19 Alaem ti maysa pay a kalakian a karnero a napili para kadagitoy a seremonia, ken ibagam kenni Aaron ken kadagiti annakna a lallaki nga ipatayda dagiti imada iti ulona daytoy.
\v 20 Kalpasanna, patayem ti kalakian a karnero babaen ti panangngurungormo iti daytoy, ken tayaem ti darana iti mallukong. Iyaprusmo ti bassit a dara kadagiti makannawan a piditpidit ti lapayag ni Aaron ken kadagiti annakna a lallaki, ken iti makannawan a tangan dagiti ima ken sakada. Ibuyatmo ti natda a dara iti uppat a sikigan ti altar.

\s5
\v 21 Punasam ti dadduma a dara nga adda iti altar, laokam daytoy iti bassit a lana a pangkonsagrar, ket iwarsim daytoy kenni Aaron ken kadagiti annakna a lallaki kasta met kadagiti pagan-anayda. Babaen iti panagaramidmo iti daytoy, maidatonmo ida ken dagiti pagan-anayda kaniak.

\s5
\v 22 Laplapem pay ti taba ti kalakian a karnero, ti taba ti ipus, ken ti taba a nangbalkot kadagiti lalaemna, ti nangbalkot iti dalem, ti dua a bekkel ken ti tabana, ken putdem ti makannawan a luppona. (Daytoy a karnero ket para iti pannakaisagana ni Aaron ken dagiti annakna a lallaki a mailasin kaniak kas papadi.)
\v 23 Manipud iti basket, mangalaka met iti saggaysa a kita iti tinapay a naluto nga awan iti lebadurana--maysa iti naaramid nga awan iti lanana, maysa nga adda lanana, ken maysa a naimpis nga ostia.

\s5
\v 24 Ipaiggemmo dagitoy kenni Aaron ken kadagiti annakna a lallaki. Ket ibagam kadakuada nga ingatoda tapno maidaton dagitoy kaniak.
\v 25 Kalpasanna, alaem dagitoy manipud kadagiti imada ket puoram dagitoy iti altar, a nakaparabaw kadagiti banbanag a naikabil sadiay. Daton met laeng daytoy kaniak, ken makaay-ayonto kaniak ti ayamuomna.

\s5
\v 26 Kalpasanna, alaem ti barukong ti maikadua a kalakian a karnero a napapatay, ken itag-aymo daytoy kaniak. Ngem daytoy a paset ti ayup ket mabalinmonto a kanen.
\v 27 Ilasinmo ti barukong ti kalakian a baka nga intag-aymo a para kaniak. Kasta met nga ilasinmo para kaniak ti luppo ti kalakian a karnero nga indatagmo kaniak--dagitoy dua a pidaso ket naggapu iti kalakian a karnero a naparti inton ilasinmo ni Aaron ken dagiti annakna a lallaki kaniak a kas papadi.
\v 28 Iti masakbayan, tunggal mangidatag dagiti Israelita kaniak, ni Yahweh, kadagiti daton a mangurnos iti panagkakadua iti tunggal maysa, ti barukong ken ti luppo dagiti ayup nga idatagda kaniak ket maipaayto kenni Aaron ken kadagiti lallaki a kaputotanna tapno kanenda.

\s5
\v 29 No matayto ni Aaron, dagiti naisangsangayan a pagan-anay nga insuotna ket maipaayto kadagiti annakna a lallaki. Masapul nga ikawesda dagidiay a pagan-anay inton mailasinda nga agbalin a papadi.
\v 30 Dagiti annak a lallaki ni Aaron nga agbalin a papadi ken sumrek iti nasagradoan a tolda ken mangisayangkat iti seremonia iti nasantoan a disso ket masapul nga agtalinaed iti nasagradoan a tolda, a nakakawes kadagiti naisangsangayan a pagan-anay iti uneg ti pito nga aldaw.

\s5
\v 31 Alaem ti karne ti maysa pay a karnero a naidaton, a mangilasin kenni Aaron ken kadagiti annakna a lallaki, ken angrem daytoy iti paraangan.
\v 32 Kalpasan a maluto daytoy, masapul a kanen daytoy ni Aaron ken dagiti annakna a lallaki, agraman ti tinapay a nabati iti basket idiay pagserkan iti nasagradoan a tolda.
\v 33 Masapul a kanenda ti karne ti kalakian a karnero a naidaton a mangabbong kadagiti basolyo inton maidatonda a mangaramid iti daytoy a trabaho. Isuda laeng dagiti mapalubosan a mangan iti daytoy a karne. Dagiti saan a padi ket saan a mapalubosan a mangan gapu ta naisagana daytoy a para kadagiti padi.
\v 34 Aniaman a karne wenno tinapay a saan a maibus iti dayta a rabii, awan ti uray maysa a mapalubosan a mangan kadagitoy iti kabigatanna. Masapul a mapuoran a naan-anay gapu ta sagrado daytoy.

\s5
\v 35 Dagitoy dagiti seremonia a masapul a surotem iti las-ud ti pito nga aldaw inton idatonmo ni Aaron ken dagiti annakna para iti daytoy a trabaho. Masapul nga aramidem amin a banag nga imbilinko kenka.
\v 36 TunggaI aldaw iti kadagidiay a pito nga aldaw, masapul a mangidatonka met iti bumaro a baka kas daton kaniak tapno pakawanek dagiti basbasol. Masapul nga agidatonka pay iti sabali a daton para iti pannakadalus ti altar iti imatangko. Masapul pay a pulotam ti altar iti lana ti olibo tapno mailasin daytoy.
\v 37 Isayangkatmo nga inaldaw dagitoy a seremonia iiti uneg ti pito nga aldaw tapno mailasin ti altar ken madalusan. Iti kasta, naan-anayton a nasantoan ti altar, ket aniaman a mangsagid iti daytoy ket masapul a maibilang a nasantoan.

\s5
\v 38 Masapul a mangidatonka pay kadagiti karnero ken puoram dagitoy iti altar. Tunggal aldaw kadagidiay a pito nga aldaw ket masapul a mangidatonka iti dua a karnero.
\v 39 Maysa a karnero ti masapul a maidaton iti bigat, ken maysa iti rabii.

\s5
\v 40 Kadua ti umuna a karnero, mangidatonka pay ti dua a litro nga arina a nagiling iti napino a nalaokan iti maysa litro a kasayaatan a kita ti lana ti olibo, ken maysa a litro nga arak kas daton.

\s5
\v 41 Iti rabii, inton idatonmo ti maysa pay a karnero, idatonmo ti isu met laeng a takal ti arina, lana ti olibo, ken arak kas inaramidmo iti bigat. Daton daytoy a maipuor para kaniak, ni Yahweh, ken ti ayamuomna ket makaay-ayonto kaniak.
\v 42 Masapul nga ituloymo ken dagiti kaputotam ti mangidaton kadagitoy kaniak, ni Yahweh, agingga kadagiti sumarsaruno a henerasion. Masapul nga idatonmo dagitoy iti pagserkan ti nasagradoan a tolda. Ditanto ti pangsarakak ken pakisaritaak kadakayo.

\s5
\v 43 Ditanto ti pangsarakak kadagiti Israelita, ken ti naraniag a silaw iti presensiak ti mangpasanto iti dayta a lugar.
\v 44 Idatonkonto ti nasagradoan a tolda ken ti altar. Ikonsagrarko met ni Aaron ken dagiti annakna a lallaki tapno agserbida kaniak kas papadi.

\s5
\v 45 Agnaedakto kadagiti Israelita, ken siakto ti Diosda.
\v 46 Maammoandanto a siak ni Yahweh a Dios, ti nangiruar kadakuada iti Egipto tapno makipagnaedak kadakuada. Siak ni Yahweh, ti Dios a pagrukrukbabanda."

\s5
\c 30
\p
\v 1 "Ibagam kadagiti batido a trabahador nga agaramidda iti altar a pagpuoran ti insenso manipud iti kayo ti akasia.
\v 2 Masapul a kuadrado daytoy, sagkagudua a metro iti tunggal sikiganna. Masapul nga agarup 0.9 a metro ti kangatona. Ibagam kadakuada a mangaramidda iti agdawadaw a kasla sara iti ngato ti agsumbangir a sulina. Dagitoy a nagdawadaw ket masapul a naikitikit manipud iti isu met laeng a tabla ti kayo a nakaaramidan ti altar.

\s5
\v 3 Masapul a kalupkopanda iti puro a balitok ti rabawna ken ti uppat a sikiganna, agraman dagiti nagdawadaw. Paikingam iti aglawlaw ti rabaw ti altar iti balitok.
\v 4 Masapul a mangaramidda iti dua a singsing a balitok a pangawitan iti altar. Masapul nga ikapetda dagitoy iti baba ti iking ti altar, maysa iti tungngal sikiganna. Dagitoy a singsing ket para kadagiti assiw a pang-awit iti altar.

\s5
\v 5 Ibagam kadakuada a mangaramidda iti dua nga assiw manipud iti kayo ti akasia ken kalupkopanda dagitoy iti balitok.
\v 6 Masapul nga ikabilda daytoy nga altar ti insenso iti ruar ti kurtina a nakabitin iti sangngoanan ti sagrado a Lakasa ken ti kalubna. Daytanto ti lugar a pakisaritaak kenka.

\s5
\v 7 Masapul a mangipuor ni Aaron iti nabanglo nga insenso iti rabaw ti altar. Masapul a puoranna ti dadduma iti binigat inton taripatoenna dagiti pagsilawan,
\v 8 ken masapul a puoranna ti dadduma iti rabii inton sindianna dagiti pagsilawan. Masapul nga iti panangipuor ti insenso ket agnanayon aginga kadagiti amin a sumarsaruno a kaputotan.
\v 9 Dagiti padi ket saan a mabalin a mangipuor iti rabaw ti altar iti uray ania nga insenso a saanko nga imbaga kenka a maipuor, wenno mangipuor iti uray ania nga ayup, wenno aniaman a kita ti arina a maidaton kaniak, wenno mangibukbok iti aniaman nga arak iti rabawna daytoy kas daton.

\s5
\v 10 Masapul a mangisayangkat iti seremonia ni Aaron maminsan iti kada tawen tapno madalusan daytoy nga altar. Aramidenna daytoy babaen iti panangipulagidna kadagiti uppat a nagdawadaw a kasla sara iti dara ti ayup a naidaton a mangabbong kadagiti basol dagiti tattao. Masapul nga aramiden ni Aaron daytoy a seremonia ken dagiti kaputotanna agingga kadagiti amin a sumaruno a henerasion. Daytoy nga altar ket masapul a maidaton kaniak, ni Yahweh."

\s5
\v 11 Kinuna ni Yahweh kenni Moises,
\v 12 "Inton alaen dagiti mangidadaulo kadakayo ti sensus dagiti Israelita, tunggal tao a mabilang ket masapul nga agbayad kaniak iti gatad a mangsubbot iti biagna. Aramidenda daytoy tapno awanto ti didigra a mapasamak kadakuada bayat a mabilbilang dagiti tattao.
\v 13 Tunggal tao a mabilang ket masapul nga agbayad kaniak iti agarup innem a gramo iti pirak. Masapul nga usarenda ti naituyang a pagtimbangan iti tabernakulo inton ikiloda ti pirak. Daytoy a pirak ket maidaton kenni Yahweh.
\v 14 Masapul a bayadan dagiti amin a lallaki nga agtawen iti duapulo daytoy a gatad kaniak kalpasan a mabilang dagiti tattao.

\s5
\v 15 Saan a masapul nga agbayad dagiti nabaknang a tattao iti nasursurok pay ngem iti daytoy a gatad, ken saan a masapul nga agbayad dagiti nakurapay a tattao iti nababbaba ngem iti daytoy a gatad inton bayadanda daytoy a kuarta a mangsubbot kadagiti biagda.
\v 16 Masapul nga alaen dagiti mangidadaulo kadakayo daytoy a kuarta kadagiti Israelita ken iyawatda daytoy iti mangtartaripato iti nasagradoan a tolda. Daytoy a kuarta ket bayad para kadagiti biagda tapno saan a malipatan dagiti Israelita daytoy."

\s5
\v 17 Kinuna ni Yahweh kenni Moises,
\v 18 "Ibagam kadagiti batido a trabahador a mangaramidda iti bronse a palanggana a pagbuggoan ken pagbatayanna a bronse. Masapul nga ikabilda daytoy iti nagtengngaan ti nasagradoan a tolda ken ti altar ken masapul a nakargaan daytoy iti danum.

\s5
\v 19 Masapul a buggoan ni Aaron ken dagiti annakna a lallaki dagiti ima ken sakada iti daytoy a danum
\v 20 sakbay nga umunegda iti nasagradoan a tolda ken sakbay nga umasidegda iti altar a mangpuor kadagiti daton kas sakripisio. No agbuggoda, nagtulnogda kadagiti bilinko ket saandanto a matay.
\v 21 Masapul a buggoanda dagiti ima ken sakada tapno saanda a matay. Masapul a tungpaIenda daytoy a seremonia kasta met dagiti lallaki a nagtaud kadakuada agingga kadagiti amin a kaputotan."

\s5
\v 22 Kinuna ni Yahwen kenni Moises,
\v 23 "Ibagam kadagiti tattao a mangalada kadagiti sumagmamano a kasayaatan a rekado--innem a kilo a tubbog ti mirra, tallo a kilo a nabanglo a sinamon, tallo a kilo a nasam-it a kanela,
\v 24 ken innem a kilo a kasia. Siguradoem nga usarenda ti naituyang a pagtimbangan inton ikiloda dagitoy.
\v 25 Ibagam iti batido nga agar-aramid iti bangbanglo nga ilaokna dagitoy iti uppat a litro a lana ti olibo tapno makaaramid iti nasagradoan a lana a pangkonsagrar.

\s5
\v 26 Aramatem daytoy a lana a pangkonsagrar iti nasagradoan a tolda, iti sagrado a Lakasa,
\v 27 iti lamisaan ken iti amin nga alikamen a mausar iti daytoy, ti kandelero ken amin dagiti alikamen a mausar tapno maaywanan daytoy, ti altar a pagpuoran ti insenso,
\v 28 ken ti altar a para kadagiti daton a sakripisio a maipuor, uray kadagiti sakaananna ken amin dagiti alikamen a mausar iti daytoy.

\s5
\v 29 Idatonmo dagitoy kaniak babaen iti panangkonsagrarmo kadagitoy tapno maisaganada para kaniak. Siasinoman wenno aniaman a mangsagid iti altar a saan a rumbeng ket saan a mabalin a sagiden iti tunggal tao.
\v 30 Pulotam ni Aaron ken dagiti annakna a lallaki. Babaen iti panangramidmo iti dayta, maidatonmo ida nga agserbi kaniak kas papadi.
\v 31 Ibagam kadagiti Israelita, 'Daytoy a lana ket agbalin a naisangsangayan a lanak a rumbeng nga usaren dagiti amin a sumarsaruno a kaputotan.

\s5
\v 32 Saanyo nga ibukbok daytoy iti bagi dagiti tattao a saan a padi, ken masapul a saankayo nga agaramid iti kapadpadana daytoy a lana babaen iti pananglaokyo kadagiti isu met laeng a banbanag a naaramat iti panangamid iti daytoy a lana. Daytoy a lana ket naisagana a para kaniak, ket masapul nga ibilangyo daytoy a kasta.'
\v 33 Saanen a maibilang a taok ti siasinoman nga agaramid iti kapadpadana daytoy a pangsapsapo para iti dadduma a pakausaran, wenno ti siasinoman a mangiyaprus iti uray ania a pangsapsapo iti maysa a tao a saan a padi."

\s5
\v 34 Kinuna pay ni Yahweh kenni Moises, "Ibagam kadagiti tattao a mangalada kadagiti agpapada a kaadu iti sumagmamano a nabanglo a rekado: ti estakte-- a manipud iti tutot dagiti napigket a mulmula, ti onitsa--a manipud iti maysa a ti kabibe, ti galbanum--a maysa pay a kita iti napigket a tutot, ken ti puro nga insenso--a maysa manen a kita iti napigket a tutot.
\v 35 Ibagam iti maysa a batido nga agar-aramid iti bangbanglo a paglalaokenna amin dagitoy tapno makaaramid iti bangbanglo. Nayunam iti bassit nga asin tapno agbalin a puro daytoy ken naisangsangayan a para kaniak.
\v 36 Rumukem ti dadduma iti daytoy agingga nga agbalin a pulbos. Kalpasanna, ipanmo ti dadduma iti nasagradoan a tolda ken iwarasmo iti sangoanan iti sagrado a Lakasa. Masapul nga ibilangyo amin daytoy nga insenso a naisagana para kaniak.

\s5
\v 37 Saan a mabalin a mangkanaw dagiti tattao iti isu met laeng a rekrekado tapno makaaramid iti insenso para kadagiti bagbagida. Daytoy nga insenso ket masapul a maidaton kaniak, ni Yahweh.
\v 38 Saankon nga ibilang a taok ti sianoman nga agaramid iti insenso a kapadpadana daytoy nga aramatenda a bangbanglo."

\s5
\c 31
\p
\v 1 Kinuna ni Yahweh kenni Moises,
\v 2 "Pinilik ni Bezalel nga anak a lalaki ni Uri nga apoko ni Hur, manipud iti tribu ti Juda.

\s5
\v 3 Pinunnok isuna iti espirituk, ken innikak isuna iti naisangsangayan a kabaelan nga agaramid kadagiti banbanag; inikkak isuna iti kabaelan a mangammo no kasano nga aramiden ti batido a panagtrabaho.
\v 4 Kabaelanna ti mangikitikit kadagiti napipintas a disenio iti balitok, pirak, ken bronse.
\v 5 Kabaelanna ti mangtabas kadagiti alahas ken ipabugas dagitoy iti balitok. Kabaelanna ti mangkitikit kadagiti banbanag manipud iti kayo ken agaramid iti dadduma pay a batido a trabaho.

\s5
\v 6 Dinutokak met ni Oholiab nga anak a lalaki ni Ahisamac, manipud iti tribu ti Dan, tapno kaduana nga agtrabaho. Inikkak iti naidumduma nga abilidad ti dadduma pay a lalaki tapno maaramidda dagiti amin a banbanag nga imbilinko kenka.
\v 7 Karaman kadagitoy a banbanag: ti nasagradoan a tolda, ti sagrado a Lakasa ken ti kalubna, amin a banag nga addanto iti uneg ti nasagradoan a tolda,
\v 8 ti lamisaan ken amin dagiti banag a mausar iti daytoy, ti puro a balitok a kandelero ken amin dagiti banag a mausar tapno maaywanan daytoy, ti altar a pagpuoran iti insenso,
\v 9 ti altar a para kadagiti daton a sacrificio a mapuoran ken amin dagiti banag a mausar iti daytoy, ti pagbuggoan a palanggana ken ti batayna,

\s5
\v 10 amin a napipintas, naisangsangayan a pagan-anay a para kenni Aaron ken kadagiti annakna a lallaki nga isuotda inton agtrabahoda a kas papadi;
\v 11 ti lana a pangkonsagrar, ken ti nabanglo nga insenso a para iti nasantoan a disso. Dagiti dumidesenio a tattao ket masapul nga aramidenda amin dagitoy nga alikamen kas iti imbagak."

\s5
\v 12 Kinuna ni Yahweh kenni Moises,
\v 13 "Ibagam kadagiti Israeilta, 'Tungpalenyo dagiti imbilinko maipanggep iti Aldaw a Panaginana. Dagitoy nga aldaw ket mangipalagip kaniak, kadakayo ken kadagiti kaputotanyo, agingga kadagiti amin a sumarsaruno a henerasion, a Siak, ni Yahweh, ti nangilasin kadakayo nga agbalin a tattaok.
\v 14 Masapul a tungpalenyo dagiti pagannurotak maipanggep iti Aldaw a Panaginana ta masapul nga ibilangyo dagitoy kas naisangsangayan kaniak. Dagiti saan nga agraem kadagitoy nga aldaw ket masapul a mapapatay; ipakita daytoy a saankon nga ibilang ida a kameng dagiti tattaok.
\v 15 Mabalinyo ti agtrabaho iti innem nga aldaw ti makalawas, ngem ti maikapito nga aldaw ti makalawas ket aldaw a panaginana a maipaay kaniak, ni Yahweh. Siasinoman nga agtrabaho iti Aldaw a Panaginana ket mapapatay.

\s5
\v 16 Masapul a raemenyo dakayo nga Israelita ti Aldaw a Panaginana, dakayo ken dagiti amin a kaputotanyo agingga kadagiti amin a sumarsaruno a henerasion. Dawatek a kankanayon daytoy kadakayo.
\v 17 Ti Aldaw a Panaginana ket mangipalagip kaniak ken kadayo nga Israelita iti katulagantayo gapu ta Siak, ni Yahweh, a nangparsua ti langit ken daga iti innem nga aldaw, ken iti maikapito nga aldaw insardengko ti nagtrabaho ket naginanaak."'

\s5
\v 18 Idi nalpas a nakisarita ni Yahweh kenni Moises iti tuktok ti Bantay Sinai, intedna kenkuana ti dua a tapi a bato nga isu iti nangikitikitanna kadagiti bilinna babaen kadagiti ramayna.

\s5
\c 32
\p
\v 1 Nagtalinaed ni Moises iti tuktok ti bantay iti atiddog a tiempo. Idi nadlaw dagiti tattao a saan pay laeng a nakasubli isuna, napanda kenni Aaron ket kinunada kenkuana, "Iyaramidannakami kadagiti didiosen a mangidaulo kadakami iti panagdaliasatmi. Saanmi nga ammo ti napasamak iti dayta a tao a Moises, a nangiyeg kadakami ditoy manipud iti Egipto."
\v 2 Kinuna ni Aaron kadakuada, "Ala wen, aramidek dayta. Ibagayo kadagiti assawayo a babbai ken annakyo nga ikkatenda amin dagiti aritosda a balitok ket iyegyo dagitoy kaniak."

\s5
\v 3 Isu nga inikkat dagiti tattao dagiti amin nga aritosda a balitok ket impanda kenni Aaron.
\v 4 Rinunawna ti balitok iti apuy. Imbukbokna ti balitok iti paghormaan ket nangaramid iti istatua a kalanglanga ti bumaro a baka. Nakita dagiti tattao daytoy ket kinunada, "Daytoy ti dios dagiti Israelita! Daytoy ti nangispal kadatayo manipud iti daga ti Egipto!"

\s5
\v 5 Idi nakita ni Aaron ti panagtignay dagiti tattao maipanggep iti daytoy, nangaramid isuna iti altar iti sangoanan ti istatua a baka. Kalpasanna, inwaragawagna, "Inton bigat maaddaantayo iti piesta a panagdayaw kenni Yahweh!"
\v 6 Isu a nasapa a bimmangon dagiti tattao iti kabigatanna ket inyegda iti ayan ti altar dagiti ayup a mapapapatay ken mapuoran a kas daton. Nangiyegda pay kadagiti daton tapno maisubli ti nasayaat a panagkakaduada. Ket nagtugawda tapno mangan ken uminom iti arak. Iti saan a nagbayag, timmakderda ket nagraragsakda.

\s5
\v 7 Kalpasanna, kinuna ni Yahweh kenni Moises, "Sumalogka manipud iti bantay gapu ta dagiti tattaom, dagiti tattao nga inyegmo ditoy manipud iti Egipto, ket dimmakesda.
\v 8 Nagpanawandan ti dalan nga insurok kadakuada ket saandan nga agtultulnog kaniak! Nangaramidda iti istatua iti bumaro a baka manipud iti nairunaw a balitok. Nagrukbabda iti daytoy ken nangisagutda kadagiti daton. Kinunkunada, 'Daytoy ti dios dagiti Israelita! Daytoy ti nangiruar kadatayo manipud iti Egipto!'

\s5
\v 9 Ammok a nasukir unay dagitoy a tattao.
\v 10 Nakaro ti pungtotko kadakuada, isu a pukawek ida. Saannak a lapdan! Ket pagbalinenka ken dagiti kaputotam a dakkel a nasion."
\v 11 Ngem nagpakaasi ni Moises kenni Yahweh a Diosna ket kinunana, "Yahweh, saan a rumbeng a kapungtotmo dagiti tattaom! Dagitoy dagiti tattao nga insalakanmo manipud iti Egipto babaen iti naindaklan unay a pannakabalin!

\s5
\v 12 Saanka koma nga agaramid iti aniaman a banag a panggapuan dagiti tattao ti Egipto a mangibaga nga, 'Indauloan ida ti diosda a rummuar iti pagiliantayo, ngem inaramidna laeng dayta gapu ta kayatna a papatayen ida iti kabanbantayan ket pukawenna ida a maminpinsan! Saanmo nga aramiden kadagiti tattaom daytoy a nakabutbuteng a banag a kaibagbagam laeng nga aramidem! Isardengmo ti nakaro a pungtotmo! Baliwam ti pangngeddengmo!
\v 13 Lagipem ti maipanggep kadagiti adipenmo a ni Abraham, Isaac ken Jacob. Sipapasnek a nagkarika kadakuada, kinunkunam, 'Paaduekto dagiti kaputotanyo a kas kaadu dagiti bituen iti tangatang.' Kinunam kadakuada, 'Itedkonto kadagiti kaputotanyo amin a daga nga ikarkarik nga itedko kadakuada. Daytoyto ti agnanayon a dagada.'"
\v 14 Isu a binaliwan ni Yahweh ti pangngeddengna. Saanna nga inaramid kadagiti tattaona ti nakabutbuteng a banag nga imbagana nga aramidennanto.

\s5
\v 15 Ket pimmanaw ni Moises manipud iti ayan ti Dios ket simmalog manipud iti bantay. Awit-awitna dagiti dua a tapi a bato a nangikitikitan ni Yahweh kadagiti bilinna. Sinuratanna ti nagsinnumbangir dagiti tapi a bato.
\v 16 Ti Dios a mismo ti nangaramid kadagiti tapi a bato ken inkitikitna a mismo kadagitoy dagiti bilbilinna.

\s5
\v 17 Nangngeg ni Josue ti napigsa unay a panagpupukkaw dagiti tattao. Isu nga idi nakaasidegen ni Moises iti kampo, sinabat ni Josue isuna ket kinunana, "Adda ti ariwawa nga agtaud iti kampo a kasla ariwawa ti agraranget!"
\v 18 Ngem kinuna ni Moises, "Saan, saan nga ariwawa dayta ti kasla nagballigi a tattao; saan met nga ariwawa ti kasla naparmekda iti maysa a ranget! Ariwawa daytoy a kasla da la agkakanta!"

\s5
\v 19 Apaman a nakaasidegen ni Moises iti kampo ken nakitana ti istatua a baka ken dagiti tattao nga agsasala, nakapungtot isuna iti kasta unay. Imbarsakna dagiti tapi a bato iti sakaanan ti bantay ket naburakda.
\v 20 Kalpasanna, innalana ti istatua ti kalakian a baka nga inaramidda ket rinunawna daytoy iti apuy. Ket idi limmammiisen daytoy, binurbuburborna daytoy iti napino. Kalpasanna, inlaokna daytoy iti danum. Ket pinilitna dagiti Israelita nga inumenda daytoy.

\s5
\v 21 Kalpasanna, kinuna ni Moises kenni Aaron, "Pinagaramidandaka kadi dagitoy a tattao iti banag a nangiduron kenka tapno makabasolda iti kastoy a wagas?"
\v 22 Simmungbat ni Aaron, "Pangngaasim, saanka koma nga agunget kaniak, apok. Ammom a kabaelan dagitoy a tattao ti agaramid kadagiti kinadakes a banag.
\v 23 Kinunada kaniak, 'Iyaramidannakami iti didiosen a mangidaulo kadakami iti panagdaliasatmi! Ta maipanggep iti dayta a tao a Moises, ti nangiyeg kadakami ditoy manipud iti daga ti Egipto, saanmi nga ammon ti napasamak kenkuana.'
\v 24 Isu a kinunak kadakuada, 'Tunggal maysa a nakaaritos iti balitok, ket masapul nga ikkatenna dagitoy.' Isu nga inikkatda dagitoy ket inteddda kaniak. Impuruakko dagitoy iti apuy ket nagbanag daytoy nga istatua ti bumaro a baka!"

\s5
\v 25 Nakita ni Moises a pinalubosan ni Aaron dagiti tattao nga aglablabes ken mangaramid kadagiti banag tapno panunoten dagiti kabusorda a dagiti Israelita ket maag.
\v 26 Isu a nagtakder isuna iti pagserkan ti kampo ket impukkawna, "Tunggal maysa a napudno kenni Yahweh nasken nga umasideg kaniak!" Isu nga amin a tattao manipud iti tribu ti Levi ket naguummong iti aglawlawna.
\v 27 Ket kinunana kadakuada, "Ni Yahweh, ti Dios dagiti Israelita, ibilbilinna a tunggal maysa kadakayo ket nasken nga ikabilyo dagiti kampilanyo iti sikiganyo, ket sumrekkayo iti kampo manipud iti daytoy a ruangan agingga iti maysa pay a ruangan. Tunggal maysa kadakayo ket masapul a papatayenna dagiti dadduma a lallaki, kabsatyo man isuda, gayyemyo wenno kaarrubayo."

\s5
\v 28 Inaramid dagiti lallaki iti tribu ti Levi ti imbaga ni Moises nga aramidenda, ket nakapatayda iti tallo ribu a lallaki iti dayta nga aldaw.
\v 29 Kinuna ni Moises kadagiti lallaki iti tribu ti Levi, "Ita nga aldaw, nagbalinkayo a naisangsangayan nga adipen ni Yahweh babaen iti panangpapatayyo uray kadagiti kakabsatyo a lallaki. Kas nagbanaganna, binendisionannakayo ni Yahweh.

\s5
\v 30 Iti simmaruno nga aldaw, kinuna ni Moises kadagiti tattao, "Nakabasolkayo iti kasta unay. Ngem sumang-atak manen ita iti bantay tapno makisaritaak kenni Yahweh. Mabalin a maallukoyko isuna a mangpakawan kadakayo iti panagbasolyo a kas iti daytoy."
\v 31 Isu a simmang-at ni Moises iti bantay ket kinunana kenni Yahweh, "Ladingitek nga aklunen a nagbasol dagitoy a tattao iti kasta unay idi nangaramidda iti balitok a didiosen a nagrukbabanda.
\v 32 Ngem ita, kidkiddawek kenka a pakawanem ida gapu iti basolda. No saanmo ida a pakawanen, ngarud ikkatem ti naganko manipud iti libro a nangisuratam kadagiti nagan dagiti tattaom."

\s5
\v 33 Ngem kinuna ni Yahweh kenni Moises, "Dagidiay laeng nakabasol kaniak ti ikkatek ti naganna iti dayta a libro.
\v 34 Ita sumalogka met laeng ket idauloam dagiti Israelita nga agturong iti lugar nga imbagakon kenka. Laglagipem nga umun-unanto ti anghelko kenka. Ngem, iti tiempo nga inkeddengko, dusaekto ida gapu iti basolda."
\v 35 Iti saan a nagbayag, pinagsakit ni Yahweh dagiti tattao gapu iti panangibagada kenni Aaron a mangaramid iti istatua iti bumaro a baka.

\s5
\c 33
\p
\v 1 Kalpasanna, kinuna ni Yahweh kenni Moises, "Panawanyo daytoy a lugar ket kumuyogka kadagiti tattao nga indauloam manipud iti Egipto. Mapankayo iti daga nga inkarik nga itedko kadagiti kaputotan ni Abraham, Isaac ken Jacob.
\v 2 Ibaonkonto ti anghelko nga umuna kadakayo, ket ikkatekto iti dayta a daga dagiti tattao a Cananeo, Amoreo, Heteo, Perezeo, Heveo ken Jebuseo.
\v 3 Mapankayo iti daga a nasayaat unay a pagtaraknan iti dingwen ken pagtuboan dagiti mula. Ngem saanak a kumuyog kadakayo gapu ta no aramidek dayta, amangan no pukawenkayo kabayatan ti panagdaliasatyo gapu ta nasukirkayo unay a tattao."

\s5
\v 4 Idi nangngeg dagiti tattao dagitoy a sao, naglidayda ket awanen ti siasinoman a nangisuot iti nagarbo nga aruaten.
\v 5 Kinuna ni Yahweh kenni Moises, "Ibagam kadagiti Israelita, 'Nasukirkayo unay. No makikuyogak kadakayo uray iti apagbiit laeng a kanito, papatayenkayo. Ita ikkatenyo dagiti napintas a pagan-anayyo a mangipakita nga agbabawikayo kadagiti basolyo. Ket ikeddengkonto no kasano ti panangdusak kadakayo.'"
\v 6 Kalpasan a pinanawan dagiti Israelita ti Bantay Sinai, saandan a nangisuot kadagiti pagaayatda a pagan-anay.

\s5
\v 7 Iti panagdaldaliasat dagiti Israelita, tunggal agsardengda ken agipatakderda kadagiti toldada, ipatakder ni Moises ti sagrado a tolda iti ruar ti kampo, adayo manipud iti kampo. Inawaganna daytoy iti "tolda a pakiumanan." Tunggal tao a kayatna a mangikeddeng ni Yahweh iti maysa a banag para kadakuada ket rumuar iti kampo a mapan iti tolda a pakiumanan.
\v 8 Tunggal rumuar ni Moises a mapan iti tolda a pakiumanan, agtakder amin dagiti tattao iti pagserkan ti bukodda a tolda ket buyaenda isuna agingga a makastrek iti tolda a pakiumanan.
\v 9 Tunggal sumrek ni Moises iti tolda a pakiumanan, bumaba ti natayag nga ulep ket agtalinaed iti pagserkan ti tolda ket kalpasanna, makisaritan ni Yahweh kenni Moises.

\s5
\v 10 Inton makita dagiti tattao ti natayag nga ulep nga adda iti pagserkan ti tolda a pakiumanan, agrukbabda amin kenni Yahweh iti ayan ti pagserkan ti toldada.
\v 11 Rupan-rupa a makisarita ni Yahweh kenni Moises a kas iti pannakisarita ti maysa a tao iti gayyemna. Kalpasanna, agsublin ni Moises iti kampo. Ngem ti agtutubo a katulonganna a ni Josue nga anak ni Nun ket agtalinaed iti tolda a pakiumanan.

\s5
\v 12 Kinuna ni Moises kenni Yahweh, "Pudno a kinunam kaniak, 'Idauloam dagiti tattao iti daga nga ipakitakto kenka,' ngem saanmo pay nga imbaga kaniak no asino ti ibaonmo a kaduak! Nupay kasta, kinunam nga am-ammonak unay ken naay-ayoka kaniak.
\v 13 Isu nga ita, no pudno a naay-ayoka kaniak, kiddawek kenka, pangngaasim ta ibagam kaniak dagiti banag nga aramidem tapno maam-ammoka pay a nasayaat ken agtultuloy a maay-ayoka. Pangngaasim ta laglagipem a dagiti Israelita ket tattao a pinilim a kukuam."

\s5
\v 14 Simmungbat ni Yahweh, "Kumuyogakto kenka, ket ikkankanto iti inana."
\v 15 Insungbat ni Moises, "No saanka a kumuyog kaniak, saannakami a papanawen iti daytoy a lugar.
\v 16 Ti laeng wagas tapno maammoanto dagiti dadduma a tattao a naay-ayoka kaniak ken kadagiti tattaom ket no kumuyogka kadakami! No kumuyogka kadakami, maipakitanto a naidumakami kadagiti dadduma a tattao iti rabaw ti daga."

\s5
\v 17 Simmungbat ni Yahweh kenni Moises, "Aramidek ti kiniddawmo gapu ta am-ammoka unay ken naay-ayoak kenka."
\v 18 Kalpasanna, kinuna ni Moises, "Pangngaasim, ipalubosmo a makitaka iti amin a pannakabalinmo."

\s5
\v 19 Simmungbat ni Yahweh, "Ipaluboskonto a makitam no kasano ti kinaindaklan ken kinamannakabalinko, ken silalawag nga ibagakto kenka a ti naganko ket Yahweh. Naimbagakto ken manangngaasiak kadagiti amin a pinilik.
\v 20 Ngem saankonto nga ipalubos a makitam ti rupak gapu ta siasinoman a makakita iti rupak ket matay.

\s5
\v 21 Ngem kitaem! Adtoy ti lugar nga asideg kaniak a sadino ket mabalinmo ti agtakder iti dakkel a bato.
\v 22 Inton lumabasak kenka iti amin a pannakabalinko, ikabilkanto iti dakkel nga abut ti bato ken akkobak ti rupam babaen iti imak agingga a makalabasak.
\v 23 Kalpasanna, ikkatek ti imak ket makitamto ti likudak ngem saanmo a makita ti rupak."

\s5
\c 34
\p
\v 1 Kinuna ni Yahweh kenni Moises, "Mangtabaska iti dua a tapi ti bato a kapadpada ti immuna a tapi a bato a binurakmo. Ket isuratkonto kadagitoy dagiti sasao nga adda kadagiti immuna a tapi a bato.
\v 2 Agsaganaka inton bigat ket sumang-atka manen a makisarita kaniak idiay tuktok ti Bantay Sinai.

\s5
\v 3 Saanmo nga ipalubos nga adda sumurot kenka a sumang-at. Saanko a kayat nga adda ti siasinoman iti sadinoman a paset ti bantay. Saanmo nga ipalubos ti uray ania a karnero wenno bakbaka nga agarab iti sakaanan ti bantay."
\v 4 Isu a nangtabas ni Moises iti dua a tapi a bato a kapadpada ti immuna. Nasapa isuna a bimmangon iti kabigatanna ket pinidutna dagiti tapi a bato sana inawit a simmang-at agingga iti tuktok ti Bantay Sinai, a kas imbaga ni Yahweh kenkuana.

\s5
\v 5 Kalpasanna, bimmaba ni Yahweh iti natayag nga ulep ket nakipagtakder kenni Moises sadiay. Ket imbalikasna ti bukodna a nagan a Yahweh iti sangoanan ni Moises.
\v 6 Limmabas ni Yahweh iti sangoananna ket kinunana, "Siak ni Yahweh a Dios. Kanayon a naasiak ken naimbagak kadagiti tattao ken saanak a dagdagus nga agpungtot. Pudno nga ay-ayatek dagiti tattao ken tungpalek dagiti inkarik kadakuada.
\v 7 Ay-ayatek dagiti tattao iti rinibribu a kaputotan. Pakawanek dagiti tattao kadagiti amin a kita ti basbasol. Ngem dusaekto dagidiay a nakabasol. Saan laeng nga isuda ti dusaekto, ngem dusaekto pay uray dagiti kaputotanda, inggana iti maikatlo ken maikapat a henerasion.

\s5
\v 8 Nagdumog ni Moises iti daga ket nagrukbab kenni Yahweh.
\v 9 Kinunana, "Apok, no naay-ayoka ita kaniak, dawatek a kumuyogka kadakami. Nasukir unay dagitoy a tattao, ngem pakawanennakami kadagiti amin a basbasolmi, ken awatennakami a kas dagiti tattaom iti agnanayon."

\s5
\v 10 Simmungbat ni Yahweh, "Makitulagakon kadagiti tattaom, dagiti Israelita. Mangaramidak kadagiti milagro iti imatangda. Makakitada kadagiti milagro nga awan pay ti siasinoman a nakaaramid iti siasinoman a bunggoy ti tattao iti rabaw ti daga. Tunggal maysa kadagiti tattaom ket maimatanganda dagiti nakaskasdaaw a banbanag, a siak, ni Yahweh ket aramidekto. Mangaramidak kadagiti banbanag para kadakayo amin a mamagbalin kadakayo nga agbuteng kaniak.
\v 11 Aramidem ti ibagak nga aramidem ita nga aldaw. Papanawekon iti daga dagiti bunggoy ti tattao nga Amoreo, Cananeo, Heteo, Perezeo, Heveo ken dagiti Jebuseo.

\s5
\v 12 Ngem agannadkayo a saankayo a makitulag iti siasinoman a tattao nga agnanaed iti daga a papananyo tapno makipagbiag a sitatalna, gapu ta no aramidenyo dayta, irugiyonton nga aramiden dagiti dakes a banag nga ar-aramidenda. Kaslanto daytoy iti pannakatinnag iti palab-og.
\v 13 Masapul a ribbaenyo dagiti altarda, dadaelenyo dagiti didiosenda ken putdenyo dagiti poste nga us-usarenda nga agdaydayaw kenni Asera.
\v 14 Masapul a siak laeng ti pagrukbabanyo, ken saankayo nga agrukbab iti sabali a dios, gapu ta siak, ni Yahweh, salimetmetak a kanayon ti dayawko ket saanko nga ipalubos nga agrukbabkayo iti sabali a dios.

\s5
\v 15 Saankayo a makitulag kadagiti aniaman a bunggoy nga agnanaed iti dayta a daga tapno agbiagkayo a sitatalna. Inton agrukbabda kadagiti diosda ken mangisagutda kadagiti datonda ken awisendakayo a makitipon kadakuada, saankayo a makitipon kadakuada. No makitiponkayo kadakuada, kanenyonto ti taraon nga indatonda kadagiti diosda, ket saankayonton a napudno kaniak. Kasla kayonto kadagiti babbai a makikamkamalala a saan a napudno kadagiti assawada.
\v 16 No mangalakayo iti sumagmamano kadagiti babbai kadakuada tapno agbalin nga asawa dagiti annakyo a lallaki, agrukbab dagitoy a babbai iti diosda ket allukoyenda met dagiti annakyo nga agrukbab kadagiti diosda.
\v 17 Saankayo a mangibukbok iti nairunaw a landok iti paghormaan nga agbalin nga istatua a pagrukbabanyo.

\s5
\v 18 Tunggal tawen, bayat ti bulan iti Abib, rambakanyo ti Fiesta iti Tinapay nga awan Lebadurana. Bayat ti dayta a fiesta, saankayo a mangan iti tinapay nga adda ti lebadurana iti pito nga aldaw, a kas imbilinko kadakayo, gapu ta iti dayta a bulan a pinanawanyo ti Egipto.

\s5
\v 19 Dagiti umuna nga annakyo a lallaki, ken ti umuna nga anak a lalaki dagiti baka ken karneroyo ken dagiti kaldingyo ket kukuak.
\v 20 Ti umuna nga anak a lalaki dagiti asnoyo ket kukuak met laeng. Ngem mabalinyo a subboten dagitoy babaen iti panangidatonyo kaniak iti kordero a kas kasukatda. No saanyo nga aramiden dayta, masapul a papatayenyo dagitoy nga ayup babaen iti panangrung-oyo kadagiti tengngedda. Masapul subbotenyo met laeng dagiti umuna nga annakyo a lallaki. Masapul a mangiyegkayo kaniak iti daton tunggal umaykayo agrukbab kaniak.

\s5
\v 21 Tunggal lawas, mabalinyo ti agtrabaho iti innem nga aldaw, ngem iti maikapito nga aldaw, masapul nga aginanakayo. Uray iti tiempo nga ar-aradoenyo ti daga ken ap-apitenyo dagiti mulayo, masapul nga aginanakayo iti maikapito nga aldaw.
\v 22 Tinawen a rambakanyo ti Fiesta ti Panagapit inton rugianyo nga apiten ti umuna a bunga iti trigo, ken kasta met a rambakanyo ti Fiesta ti Panaglippas iti Panagapit inton malpasyon nga apiten ti trigo ken bunga.

\s5
\v 23 Amin dagiti lallaki ket masapul a mamitlo a daras iti tunggal tawen nga umay agrukbab kaniak, ni Yahweh ti Dios dagiti Israelita.
\v 24 Papanawekto dagiti bunggoy ti tattao iti daga, ket palawaekto ti masakupanyo. Awanto ti siasinoman a mangsakop iti pagilianyo inton umaykayo nga agrukbab kenni Yahweh a Diosyo iti mamitlo iti tunggal tawen, bayat dagiti fiestayo.

\s5
\v 25 Inton mangidatonkayo iti ayup kaniak, saankayo a mangisagut iti tinapay nga adda lebadurana. Bayat iti fiesta iti Ilalabas, inton mangidatonkayo kadagiti kordero, saankayo a mangidulin iti aniaman a karne agingga iti sumaruno a bigat.
\v 26 Masapul nga iyegyo iti tolda a pakiumanan ti umuna a paset ti tinawen a naapityo a trigo. Inton mangpartikayo iti urbon nga ayup, saanyo a lutoen daytoy babaen iti panangpaburekyo iti gatas ti inana."

\s5
\v 27 Kinuna ni Yahweh kenni Moises, "Isuratmo dagiti sasao nga imbagak kenka. Babaen iti panangitedko kenka kadagitoy a bilbilin, nakitulagakon kenka ken kadagiti Israelita."
\v 28 Kadua ni Moises ni Yahweh iti tuktok ti bantay iti uppat a pulo nga aldaw ken rabii. Bayat iti dayta a tiempo, saan isuna a nangan ken immininum iti aniaman a banag. Inkitikitna kadagiti tapi a bato dagiti sangapulo a bilin a naibilang iti tulag ni Yahweh.

\s5
\v 29 Idi simmalog ni Moises manipud iti bantay nga awitna ti dua a tapi a bato a nakaisuratan dagiti sangapulo a bilin, saanna nga ammo nga agranraniag ti rupana.
\v 30 Idi nakita ni Aaron ken dagiti Israelita ni Moises, nasdaawda ta agranraniag ti rupana, ket nagbutengda nga umasideg kenkuana.
\v 31 Ngem inayaban ida ni Moises, ket immasideg kenkuana ni Aaron ken dagiti dadduma a mangidadaulo nga Israelita, ket nakisarita isuna kadakuada.

\s5
\v 32 Kalpasanna, immasideg dagiti amin nga Israelita, ket imbagana kadakuada dagiti amin a bilin nga inted ni Yahweh kenkuana idiay Bantay Sinai.
\v 33 Idi nalpas a nakisarita ni Moises kadagiti tattao, inabbonganna ti rupana iti lupot.

\s5
\v 34 Tunggal sumrek ni Moises iti tolda a pakiumanan tapno makisarita kenni Yahweh, ikkatenna ti lupot. Ket inton rumuar isuna, kankanayon nga ibagana kadagiti Israelita dagiti amin nga imbilin ni Yahweh kenkuana nga ibagana kadakuada.
\v 35 Makitkita dagiti Israelita nga agranraniag pay laeng ti rupa ni Moises. Ket ikabilna manen ti lupot iti rupana agingga iti sumaruno a pannakisaritana kenni Yahweh.

\s5
\c 35
\p
\v 1 Inummong ni Moises dagiti amin nga Israelita ket kinunana kadakuada, "Daytoy ti imbilin ni Yahweh nga aramidenyo.
\v 2 Iti kada lawas, mabalinyo ti agtrabaho iti innem nga aldaw, ngem iti maikapito nga aldaw, masapul nga aginanakayo. Nasagradoan nga aldaw daytoy, a naidaton kenni Yahweh. Masapul a mapapatay ti siasinoman nga agtrabaho iti maikapito nga aldaw.
\v 3 Saankayo a mangpasged iti apuy iti balbalayyo iti aldaw a panaginana."

\s5
\v 4 Kinuna pay ni Moises kadagiti amin nga Israelita, "Daytoy ti imbilin ni Yahweh.
\v 5 Mangidatonkayo kenni Yahweh. Tunggal maysa a mayat ket rumbeng a mangiyeg iti daton kenni Yahweh. Dagiti daton ket mabalin a balitok, pirak wenno bronse,
\v 6 napino a puraw a lino, asul, maris-ube wenno nalabaga a burburan a lupot, lupot a naaramid manipud iti dutdot ti kalding,
\v 7 napalabbaga a lalat ti kalakian a karnero, lalat ti dugong, kayo iti akasia,
\v 8 lana para kadagiti pagsilawan, dagiti rekado a maikabil iti lana ti olibo a pangkonsagrar ken maikabil iti nabanglo nga insenso,
\v 9 dagiti bato nga onyx wenno dadduma pay a napateg a batbato tapno maikabil iti nasagradoan nga efod ti padi ken tapno maikabil iti nasagradoan a pangikabilan iti barukongna.

\s5
\v 10 Dagiti amin a nalaing a trabahador kadakayo ket rumbeng nga umay ken agaramid kadagiti amin a banag nga imbilin ni Yahweh-
\v 11 ti nasagradoan a tolda ken ti abbongna, dagiti pang-irotna, dagiti pangikapetanna a kayo, dagiti balunetna, dagiti postena, ken dagiti pagbatayanna:
\v 12 ti nasagradoan a lakasa nga adda assiw ken akkobna; ti kurtina a mangisina iti nasantoan a disso manipud iti nasantoan unay a disso;

\s5
\v 13 ti lamisaan nga addaan kadagiti assiw a pangawit iti daytoy ken amin dagiti banag a mausarto iti lamisaan; ti tinapay a maidasar iti sangoanan ti Dios;
\v 14 ti kandelero para kadagiti pagsilawan ken amin dagiti banag a mausarto a pangaywan kadagitoy; ti lana para kadagiti pagsilawan;
\v 15 ti altar para kadagiti mapuoran nga insenso ken dagiti assiw a pangawit iti altar; ti lana a pangkonsagrar ken ti nabanglo nga insenso; ti kurtina para iti pagserkan iti nasagradoan a tolda;
\v 16 ti altar para kadagiti daton a mapuoran ken ti barandiliasna a bronse; dagiti assiw a pangawit iti altar ken amin dagiti banag a mausar ditoy; ti pagbuggoan a palanggana ken ti pagbatayanna;

\s5
\v 17 dagiti kurtina a maipalawlaw iti paraangan, dagiti poste ken dagiti batay dagiti poste a mangtengngel kadagiti kurtina; ti kurtina para iti pagserkan nga agturong iti paraangan;
\v 18 dagiti pasok ken dagiti tali para iti nasagradoan a tolda;
\v 19 ken dagiti napintas a pagan-anay nga isuot ni Aaron ken dagiti annakna no aramidenda ti trabahoda iti nasantoan a disso."

\s5
\v 20 Kalpasanna, nagsubli dagiti amin nga Israelita kadagiti toldada.
\v 21 Tunggal maysa a nagtarigagay a mangiyeg iti daton kenni Yahweh ket inaramidna. Nangiyegda kadagiti sumagmamano a banbanag a mausar iti panagaramid iti nasagradoan a tolda, amin dagiti dadduma pay a banbanag a mausar iti seremonia, ken amin a banag a kasapulan iti pannakaaramid dagiti nasagradoan a pagan-anay para kadagiti papadi.
\v 22 Amin a babbai ken lallaki nga agtarigagay a mangiyeg iti balitok nga al-alahas, dagiti aritos, dagiti singsing, dagiti kuentas, ken dagiti adu a kita ti banbanag a naaramid iti balitok, ket indatonda dagitoy kenni Yahweh.

\s5
\v 23 Adu a tattao nga addaan iti asul, maris-ube, wenno nalabbaga a burburan a lupot wenno napino a puraw a lino wenno lupot a naaramid manipud iti dutdot ti kalding, wenno napalabbaga a lalat ti kalakian a karnero, wenno lalat manipud iti kudil ti dugong, ket nangiyeg ti sumagmamano kadagitoy a banbanag.
\v 24 Dagiti amin nga addaan iti pirak wenno bronse ket nangiyegda kadagitoy a kas daton kenni Yahweh. Nangiyeg dagiti amin nga addaan iti kayo ti akasia a mabalin nga usaren iti aniaman a trabaho para kadagiti tattao nga agrukbab kenni Yahweh.

\s5
\v 25 Dagiti amin a babbai a nalaing nga agaramid iti lupot ket nangiyegda kadagiti inaramidda a napino a sinulid a lino ken asul, maris-ube, wenno nalabbaga a sinulid a de lana.
\v 26 Dagiti amin a babbai a mangayat nga agaramid iti sinulid manipud iti dutdot ti kalding.

\s5
\v 27 Dagiti amin a mangidadaulo ket nangiyeg kadagiti onyx a batbato ken napipintas a batbato tapno maikabil iti nasagradoan nga efod ni Aaron ken iti nasagradoan pangikabilan iti barukongna.
\v 28 Nangiyegda pay iti rekado a maikabil iti nabanglo nga insenso, ken nangiyegda iti lana nga olibo para kadagiti pagsilawan ken para iti lana a pangkonsagrar, ken ti maikabil iti nabanglo nga insenso.
\v 29 Amin dagiti babbai ken lallaki nga Israelita a mayat a mangiyeg kadagitoy a banbanag a kas sagutda kenni Yahweh para iti trabaho nga imbilinna kenni Moises a maaramid.

\s5
\v 30 Kinuna ni Moises kadagiti Israelita, "Dumngegkayo a nasayaat. Pinili ni Yahweh ni Bezalel nga anak a lalaki ni Uri ken apoko ni Hur a nagtaud iti tribu ti Juda.
\v 31 Pinagnaed ni Yahweh ti espirituna kenni Bezalel, inikkanna iti kabaelan ken pannakaammo, ken inikkanna iti kabaelan a mangammo no kasano nga agaramid iti batido unay a panagaaramid.
\v 32 Kabaelanna ti agkitikit kadagiti napipintas a disenio iti balitok, pirak, ken bronse.
\v 33 Kabaelanna ti mangtabas kadagiti alahas ken mangimontar kadagitoy iti balitok ken kabaelanna ti mangkitikit kadagiti banag manipud iti kayo ken mangaramid pay kadagiti dadduma a trabaho iti nalalaing.

\s5
\v 34 Inted pay ni Yahweh kenkuana ken ni Oholiab nga anak a lalaki ni Ahisamak, a nagtaud iti tribu ti Dan, ti kabaelan a mangisuro kadagiti paglainganda kadagiti dadduma.
\v 35 Intedna kadakuada ti kabaelan nga agaramid iti amin a kita ti trabaho dagiti dumidisenio-dagidiay agar-aramid iti nadisenyoan a banbanag, dagidiay agar-aramid iti napino a puraw a lino, dagidiay agburda kadagiti disenio nga agus-usar ti asul, maris-ube, wenno nalabbaga a de lana a sinulid, ken dagidiay agar-aramid iti lino a lupot. Kabaelanda ti agplano iti adu a kita iti nadisenyoan a trabaho.

\s5
\c 36
\p
\v 1 Da Bezalel ken Oholiab, ken amin dagiti dadduma pay a lallaki nga inikkan ni Yahweh iti abilidad ken kabaelan a mangawat no kasano nga aramiden dagiti amin a trabaho iti pannakaaramid ti nasagradoan a tolda, ket masapul aramidenda amin a banag kas imbilin ni Yahweh."

\s5
\v 2 Isu nga inayaban ni Moises da Bezalel ken Oholiab ken dagiti amin a sabali pay a nalaing a lallaki nga inikkan ni Yahweh iti naisangsangayan nga abilidad ken dagiti amin a mayat nga agaramid iti dadduma a trabaho.
\v 3 Inted ni Moises kadakuada dagiti amin a banag nga inyeg dagiti tattao a kas daton kenni Yahweh para iti pannakaaramid ti nasagradoan a tolda. Ngem binigat nga itultuloy dagiti tattao ti mangip-ipan iti adu pay a banbanag.
\v 4 Kas nagbanaganna, immasideg kenni Moises dagiti lallaki nga agar-aramid iti nadumaduma a banbanag tapno maaramid ti nasagradoan a tolda

\s5
\v 5 ket kinunada, "Mangiyum-umay dagiti tattao iti ad-adu ngem iti kasapulanmi nga agtrabaho kadagiti imbilin ni Yahweh kadatayo!"
\v 6 Isu a nangted ni Moises kadakuada iti mensahe nga inwaragawag dagiti dadduma iti entero a kampo, a kunana "Awanen ti mangiyeg pay iti aniaman a sagut iti pannakaaramid ti nasagradoan a tolda!" Idi nangngeg dagiti tattao dayta, saandan a nangiyeg iti aniamanan banag.
\v 7 Ti naiyegdan ket umanayen a pangaramid iti amin a trabaho. Kinapudnona, nasurok pay daytoy ngem iti kasapulan!

\s5
\v 8 Amin dagiti nalalaing a lallaki a trabahador ti nangaramid iti nasagradoan a tolda. Inaramidda daytoy manipud iti sangapulo nga akikid ken atiddog a napino a lino, ken sinaysayaatda a binurdaan daytoy iti asul, maris ube, ken nalabbaga a lino a sinulid a mangaramid kadagiti ladawan a kasla dagiti nagpayyak a parsua. Ni Bezalel ti nangdisenyo amin daytoy.
\v 9 Tunggal akikid ken atiddog a lupot ket 12.8 a metro ti kaatiddogna ken 1.8 a metro ti kalawana.
\v 10 Pinagmaymaysa a dinait da Bezalel ken dagiti tattaona dagiti lima nga akikid ken atiddog a lupot tapno agbalin a maysa a beddeng, ken dinaitda ti dadduma pay a lima nga akikid ken atiddog a lupot tapno maaramid ti sabali pay a beddeng.

\s5
\v 11 Para iti tunggal beddeng, nangaramid ni Bezalel ken dagiti tattaona kadagiti pangiyusokan nga asul a lupot ken inkabilna ida iti akinruar nga igid iti atiddog ken akikid a lupot, iti murdong ti tunggal beddeng.
\v 12 Inikkanda iti limapulo a pangiyusokan iti igid ti umuna a beddeng, ken limapulo a pangiyusokan iti igid ti maikadua a beddeng.
\v 13 Nangaramidda iti limapulo a balitok a mangtenggel tapno agsaep ti agpada a beddeng. Iti kasta a wagas, ti uneg iti nasagradoan a tolda ket kasla maymaysa a pidaso.

\s5
\v 14 Nangaramid ni Bezalel ken dagiti tattaona iti abbong para iti nasagradoan a tolda manipud iti sangapulo ket maysa a pidaso a lupot a naaramid manipud kadagiti dutdot ti kalding.
\v 15 Tunggal lupot ket 18.3 a metro ti kaatiddogna ken 1.8 a metro ti kaalawana.
\v 16 Pinagmaymaysada a dinait ti lima a pidaso dagitoy a lupot tapno agbalin a maymaysa a beddeng, ken dinaitda dagiti innem a dadduma pay a lupot tapno maaramid ti sabali pay a beddeng.
\v 17 Nangaramidda iti sangagasut a pangiyusokan babaen iti asul a lupot. Inkapetda dagiti limapulo kadagitoy iti akinruar nga igid iti maysa a beddeng ken inkapetda iti limapulo iti akinruar nga igid ti sabali pay a beddeng.

\s5
\v 18 Nangaramid ni Bezalel ken dagiti tattaona kadagiti limapulo a pangisab-itan a bronse sada insaep dagiti dua a beddeng kadagitoy. Iti dayta a wagas naaramid a maymaysa ti abbong.
\v 19 Nangaramidda iti dua pay nga abbong para iti nasagradoan a tolda. Inaramidda ti maysa manipud iti napalabbaga a lalat ti kalakian a karnero, ken inaramidda ti akinngato nga abbong manipud iti lalat ti kalding.

\s5
\v 20 Nangaramid ni Bezalel ken dagiti tattaona iti uppat a pulo ket walo a pangikapetan manipud iti kayo nga akasia a mangtengngel kadagiti abbong para iti nasagradoan a tolda.
\v 21 Tunggal pangikapetan ket 4.6 a metro ti kaatiddogna ken 0.7 a metro ti kalawana.
\v 22 Nangaramidda iti dua a nagdawadaw iti sakaanan ti tunggal pangikapetan. Dagitoy ket tapno natalged ti pannakaikabil ti pangikapetan iti pagbatayan nga adda iti sirokda. Tunggal pangikapetan ket addaan kadagitoy a nakadawadaw.
\v 23 Nangaramid dagiti nalaing a trabahador iti duapulo a pangikapetan para iti abagatan a paset ti nasagradoan a tolda.

\s5
\v 24 Nangaramid ni Bezalel ken dagiti tattaona iti uppat a pulo a bronse a batay a maipasirok kadagitoy. Dua a batay ti mapan iti sirok ti tunggal pangikapetan. Dagiti nagdawadaw iti tunggal pangikapetan ket apag-isu kadagitoy a batay.
\v 25 Kasta met a nangaramidda iti duapulo a pangikapetan para iti amianan a paset ti nasagradoan a tolda.
\v 26 Nangaramidda pay iti uppat a pulo a batay a pirak para kadagitoy, agraman dagiti dua a batay iti sirok ti tunggal pangikapetan.

\s5
\v 27 Para iti likodan ti nasagradoan a tolda, iti laud a paset, nangaramid ni Bezalel ken dagiti tattaona iti innem a pangikapetan.
\v 28 Nangaramidda pay iti dua a nayon a pangikapetan, maysa para iti tunggal suli iti likodan ti nasagradoan a tolda, tapno mangipaay iti kanayonna a mangtengngel.

\s5
\v 29 Dagiti pangikapetan iti dua a suli ket nagsinada iti akinbaba ngem nagsinnabatda iti ngatona. Iti tunggal ngato dagiti dua a suli a pangikapetan, nangikabil da Bezalel ken dagiti tattaona iti singsing a balitok a mangtengngel iti balunet.
\v 30 Iti dayta a wagas, addaan iti walo a pangikapetan para iti likodan ti nasagradoan a tolda, ken addaan iti sangapulo ket innem a batay, dua a batay iti sirok ti tunggal pangikapetan.

\s5
\v 31 Nangaramid ni Bezalel ken dagiti tattaona iti sangapulo ket lima a balunet manipud iti kayo nga akasia. Ti lima kadagitoy ket para iti pangikapetan iti amianan a paset ti nasagradoan a tolda,
\v 32 lima para iti abagatan a paset ken lima para iti pangikapetan nga adda iti likodan a paset ti nasagradoan a tolda, ti akinlaud a paset.
\v 33 Nangaramid dagiti trabahador kadagiti balunet iti amianan, abagatan, ken laud a paset ti nasagradoan a tolda ken inkapetda dagitoy iti tengga dagiti pangikapetan. Dagiti dua nga atiddog a balunet ket dumanon manipud iti pungto ti nasagradoan a tolda agingga iti sabali, ken ti akinlaud a balunet ket dumanon manipud iti maysa a paset ti nasagradoan a tolda agingga iti sabali.
\v 34 Kinalupkopan dagiti trabahador iti balitok dagiti pangikapetan ken nangikapetda kadagiti balitok a singsing kadagiti poste. Kalpasanna inyusokda dagiti balunet kadagiti singsing. Kinalupkopanda met laeng dagiti balunet iti balitok.

\s5
\v 35 Nangaramid da Bezalel ken dagiti tattaona iti kurtina manipud iti napino a puraw a lino. Binurdaan daytoy dagiti nalaing nga agdisenio iti asul, maris ube, nalabbaga a sinulid iti de lana, nangaramidda kadagiti disenio a mangibagi kadagiti adda payyakna a parsua.
\v 36 Insab-itda ti kurtina iti uppat a poste a naaramid manipud iti kayo ti akasia a nakalupkopan iti balitok. Inkabilda ti tunggal poste iti pirak a pagbatayan.

\s5
\v 37 Nangaramid ni Bezalel ken dagiti tattaona iti kurtina a mangabbong iti pagserkan ti nasagradoan a tolda. Inaramidda daytoy manipud iti napino a lino, ken binurdaan daytoy dagiti umaabel iti asul, maris-ube, ken nalabaga a de lana a sinulid.
\v 38 Nangaramidda pay iti lima a poste manipud iti kayo ti akasia a matengngel iti daytoy a kurtina, ken kinabilanda iti balitok a pangisab-itan. Kinalupkopanda iti balitok dagiti poste ken dagiti pagubon ken nangaramidda iti pirak a pagbatayan ti tunggal poste.

\s5
\c 37
\p
\v 1 Kalpasanna, inaramid ni Bezalel ken dagiti tattaona ti Lakasa ti Tulag manipud iti kayo ti akasia, 1.1 a metro ti kaatiddogna, 0.7 a metro ti kalawana, ken 0.7 a metro ti kangatona.
\v 2 Kinalupkopanda iti puro a balitok ti uneg ken ruar ti Lakasa ti Tulag, ken inyaramidanda iti iking a balitok ti aglawlaw ti rabaw daytoy.
\v 3 Nangaramidda iti uppat a singsing a balitok ken inkapetda dagitoy iti uppat a saka ti Lakasa ti Tulag. Inikkanda iti dua a singsing iti tunggal sikigan daytoy.

\s5
\v 4 Nangaramidda iti dua nga assiw manipud iti kayo ti akasia ken kinalupkopanda dagitoy iti balitok.
\v 5 Inyusokda dagiti assiw kadagiti singsing nga adda iti tunggal sikigan ti Lakasa ti Tulag, tapno mabalin nga awiten dagiti Levita daytoy babaen kadagiti assiw.
\v 6 Nangaramidda iti kalub ti Lakasa. 1.1 a metro ti kaatiddogna ken 0.1 a metro ti kalawana.

\s5
\v 7 Nangaramid ni Bezalel ken dagiti tattaona iti dua a parsua nga adda payyakna manipud iti pinitpit a balitok, tapno maikabil dagitoy iti dua a pungto ti kalub ti Lakasa.
\v 8 Inkabilda ti maysa kadagiti parsua iti tunggal pungto ti Lakasa, ken intiponda ti balitok dagiti parsua iti balitok ti kalub iti kasta ket sangsangkamaysada iti kalub.
\v 9 Inkabilda ti napayyakan a parsua a nagsinnagid dagiti payyakda ken nagukrad a lininonganna ti rabaw ti kalub. Nagsinnango dagiti nagpayyak a parsua, a kumitkita iti tengnga ti kalub.

\s5
\v 10 Nangaramid ni Bezalel ken dagiti tattaona iti lamisaan manipud iti kayo ti akasia. 0.9 a metro ti kaatiddogna, 0.5 a metro ti kalawana, ken 0.7 a metro ti kangatona.
\v 11 Kinalupkopanna daytoy iti puro a balitok, ken pinalawlawanna daytoy iti iking a balitok.
\v 12 Nangaramidda kadagiti paigid iti aglawlawna nga agarup 8 a sentimetro ti kalawana. Kalpasanna ket pinaikinganda iti balitok ti aglawlaw ti paigid.
\v 13 Nangaramidda iti uppat a singsing a balitok sada inkapet dagitoy iti uppat a suli ti lamisaan, ti maysa a singsing ket asideg iti tunggal saka ti lamisaan.

\s5
\v 14 Inkapet ni Bezalel ken dagiti tattaona dagiti singsing iti lamisaan nga asideg iti paigid.
\v 15 Nangaramidda iti dua nga assiw manipud iti kayo ti akasia ken kinalupkopanda dagitoy iti balitok. Ket inyusokda dagiti assiw kadagiti singsing tapno maawit ti lamisaan.
\v 16 Inaramidda pay manipud iti puro a balitok dagiti amin a banag para iti lamisaan-dagiti pinggan, dagiti kopa, dagiti babassit a burnay ken dagiti mallukong a pangibukbokan dagiti padi iti arak a maidaton kenni Yahweh.

\s5
\v 17 Inaramid ni Bezalel ken dagiti tattaona ti kandelero manipud iti puro a balitok. Naaramid ti pagbatayanna ken ti puonna babaen iti maysa a dakkel a pinitpit a balitok. Dagiti kopa a pagikkan ti lana, dagiti kasla apagukrad a sabong ken dagiti binulong ti sabong a naiyarkus iti sanga ti pagsilawan, ti pagbatayan, ken ti puonna ket napitpit manipud iti dakkel a masa iti balitok.
\v 18 Addaan iti innem a sanga ti kandelero, sagga tallo iti tunggal sikigan ti puonna.
\v 19 Tunggal maysa kadagiti innem a sanga ket addaan iti tallo a banag a kasla sabong iti almendras. Dagitoy a banag ket addaan pay iti kasla apagukrad a sabong ken dagiti binulong ti sabong.

\s5
\v 20 Iti puon ti kandelero ket adda uppat a balitok a kopana a kalanglanga iti sabong nga almendra, tunggal maysa ket addaan iti kasla apagukrad a sabong ken dagiti binulong ti sabong.
\v 21 Iti tunggal sikigan, manipud iti tunggal sirok iti atiddog a sanga, adda maysa a kasla apagukrad a sabong.
\v 22 Amin dagitoy a kasla apagukrad a sabong ken sang-sanga, a pakairamanan ti puon, ket manipud iti pinitpit a maysa a dakkel a masa ti puro a balitok.

\s5
\v 23 Nangaramid pay ni Bezalel ken dagiti tattaona iti pito a babassit a kopa a pagikkan iti lana. Inaramidda manipud iti puro a balitok dagiti pangarsang a pangikkat kadagiti napuoran a pabilo ket dagiti pangarsangan a pangikabilan kadagiti napuoran a pabilo.
\v 24 Nangusarda iti 34 kilos a puro a balitok tapno maaramid ti kandelero ken dagiti amin a banbanag nga usarento dagiti padi a mangaywan iti daytoy.

\s5
\v 25 Inaramid da Bezalel ken dagiti tattaona ti altar a pagpuoran iti insenso manipud iti kayo ti akasia. Kuadrado daytoy, 0.5 a metro ti rukod ti tunggal sikiganna ken 0.9 a metro ti kangatona. Nangaramidda iti nagdawadaw a kasla sara iti tunggal nagsulian. Dagiti nagdawadaw ket naikitikit manipud iti isu met lang a kayo a kas iti altar.
\v 26 Kinalupkopanda ti murdongna ken ti uppat a sikiganna agraman dagiti nagdawadaw iti puro a balitok. Nangikabilda iti balitok nga iking iti aglawlaw ti altar nga asideg iti rabawna.

\s5
\v 27 Nangaramid ni Bezalel ken dagiti tattaona iti dua a singsing a balitok a pangawit iti altar. Ket inkapetda dagitoy iti altar iti baba ti iking, maysa iti tunggal sikigan ti altar. Dagiti assiw a pangawit ti altar ket apag-anay kadagiti singsing.
\v 28 Inaramidda ti dua nga assiw manipud iti kayo ti akasia ken kinalupkopanda dagitoy iti balitok.
\v 29 Inaramidda pay ti nasagradoan a lana a pangkonsagrar ken ti puro a nabanglo nga insenso. Pinaglalaok ti nalaing nga agar-aramid iti bangbanglo ti insenso.

\s5
\c 38
\p
\v 1 Inaramid ni Bezalel ken dagiti tattaona ti altar para kadagiti daton a mapuoran manipud iti kayo ti akasia. Kuadrado daytoy, 2.3 a metro ti tunggal igid ken 1.4 a metro ti kangatona.
\v 2 Nangidawadawda iti kasla sara iti tunggal rabaw kadagiti sulina. Dagiti nakadawadaw ket kinitikitan manipud iti isu met laeng a kayo a naaramid nga altar. Kinalupkopanda ti bronse ti sibubukel nga altar.
\v 3 Inaramidda dagiti palanggana a pagikkan iti dapu manipud kadagiti daton nga ayup. Inaramidda pay dagiti pala a pangiruar kadagiti dapu. Inaramidda dagiti palanggana ken dagiti salukay a pangiballikid iti karne bayat a malutluto ken nangaramidda kadagiti timba a pangawit kadagiti beggang. Inaramidda amin dagitoy a banbanag manipud iti bronse.

\s5
\v 4 Nangaramidda pay iti barandillas a bronse tapno matengngel iti kayo ken dagiti sumsumged a beggang. Inkabilda ti barandilias iti sirok ti igid a naipalikmot iti altar. Kastoy ti inaramidda tapno adda daytoy iti uneg ti altar, a dumanon iti kagudua nga agpababa.
\v 5 Nangaramidda kadagiti singsing a bronse a pangiyusokan kadagiti assiw a pangawit iti altar ken inkapetda kadagiti tunggal suli ti altar.

\s5
\v 6 Inaramidda dagiti assiw manipud iti kayo ti akasia ken kinalupkopanda dagitoy iti bronse.
\v 7 Inkabilda dagiti assiw a pangawit iti altar a naiyusok kadagiti singsing iti tunggal sikigan ti altar. Ti altar ket kasla nakalukat a kahon, a naaramid manipud kadagiti tabla a kayo ti akasia

\s5
\v 8 Inaramid ni Bezalel ken dagiti tattaona ti pagbuggoan a palanggana ken ti batayna manipud iti bronse. Ti bronse ket nagtaud kadagiti sarming a kukua dagiti babbai a nagtrabaho iti pagserkan ti sagrado a tolda.

\s5
\v 9 Iti aglawlaw ti sagrado a tolda, nangaramid ni Bezalel ken dagiti katulonganna iti paraangan. Tapno mabukel ti paraangan, nangaramidda kadagiti kurtina babaen iti napino a puraw a lino. Iti akin-abagatan, ti kurtina ket 45.7 a metro ti kaatiddogna.
\v 10 Tapno matengngel ti kurtina, nangaramidda kadagiti duapulo a poste a bronse ken kadagiti duapulo a batayna a bronse, maysa para iti sirok ti tunggal poste. Tapno maikabil dagiti kurtina kadagiti poste, nangaramidda kadagiti kaw-it a pirak ken nangaramidda kadagiti landok a pagubon a nakalupkopan iti pirak.

\s5
\v 11 Nangaramidda iti isu met laeng a kita dagiti kurtina, dagiti poste, dagiti batay ken dagiti kaw-it para iti akin-amianan ti paraangan.
\v 12 Iti akin-laud ti paraangan, nangaramidda iti kurtina a 22.9 a metro ti kaatiddogna. Nangaramidda pay iti sangapulo a poste a mangtengngel kadagiti kurtina ken sangapulo a batayda, nga addaan kadagiti kaw-it a pirak ken kadagiti landok a pagubon a nakalupkopan iti pirak.

\s5
\v 13 Iti akin-daya, nga ayan ti pagserkan, ti paraangan ket 22.9 a metro ti kalawana.
\v 14 Iti maysa a paset ti pagserkan, nangaramid ni Bezalel ken dagiti tattaona iti kurtina nga agarup pito a metro ti kalawana nga addaan iti tallo a postena ken iti tallo a batay.
\v 15 Idiay bangir a paset ti pagserkan, nangaramidda iti kurtina nga agarup pito a metro ti kalawana nga addaan iti tallo a postena ken iti tallo a batay.
\v 16 Inaramidda amin dagiti kurtina iti aglawlaw ti paraangan manipud iti napino a lino.

\s5
\v 17 Amin dagiti poste iti aglawlaw ti paraangan ket naaramid iti bronse, ngem kinalupkopanda iti pirak dagiti tuktokna. Pinagkikinnamangda dagiti poste babaen kadagiti landok a pagubon a kinalupkopanda iti pirak. Inaramidda pay dagiti pangisab-itan ken kaw-it manipud iti pirak.
\v 18 Para iti pagserkan ti paraangan, nangaramidda iti maysa a kurtina manipud iti napino a puraw a lino, ken binurdaan ti batido nga umaabel daytoy iti asul, maris ube ken nalabbaga a de lana a sinulid. Ti kurtina ket agarup siam a metro ti kaatiddogna ken 2.3 a metro ti kangatona, a kasla kadagiti dadduma a kurtina iti aglawlaw ti paraangan.
\v 19 Amin dagiti kurtina ket naaramid iti napino a lino. Uppat a poste ti nangtengngel kadagitoy ken iti sirok ti tunggal poste ket batay a naaramid iti bronse. Amin dagiti poste iti aglawlaw ti paraangan ket napagkikinnamang babaen kadagiti landok a pagubon a nakalupkopan iti pirak. Dagiti pangisab-itan ket naaramid babaen iti pirak, ken dagiti tuktok dagiti poste ket nakalupkopan iti pirak.
\v 20 Amin dagiti pasok a mangtengel iti sagrado a tolda ken dagiti kurtina iti aglawlaw ti paraangan ket naaramid manipud iti bronse.

\s5
\v 21 Daytoy ti listaan ti kaadu dagiti landok a naaramat iti sagrado a tolda. Imbaga ni Moises kadagiti sumagmamano a tattao manipud iti tribu ti Levi a bilangenda amin dagiti alikamen a nausar ken isuratda dagiti kaaduda. Ni Itamar nga anak a lalaki ni Aaron a padi, ti nangwanawan kadagitoy a tattao.
\v 22 Ni Bezalel nga anak a lalaki ni Uri nga apoko ni Hur ti nangaramid kadagiti amin a banbanag nga imbilin ni Yahweh kenni Moises a maaramid.
\v 23 Ti katulongan ni Bezalel ket ni Oholiab nga anak a lalaki ni Ahisamak manipud iti tribu ti Dan. Ni Oholiab ket nalaing a kumikitikit a nangaramid kadagiti nadesenioan a banbanag. Nangaramat isuna kadigiti asul, maris ube ken nalabaga a de lana a sinulid, ken lino a nangburda kadagiti disenio.

\s5
\v 24 Amin dagiti balitok a nausar iti panangaramid iti sagrado a tolda ket agarup 995 a kilo ti kadagsenna. Inusarda naituyang a pagtimbangan idi tinimbangda ti balitok.
\v 25 Amin a pirak nga inted dagiti tattao idi nagsensus dagiti mangidadaulo ket agarup 3,400 a kilo ti kadagsenna. Inusarda met laeng ti naituyang a pagtimbangan idi tinimbangda ti pirak.
\v 26 Nabilang amin a lallaki nga agtawen iti duapulo, ket nagbayad iti tunggal maysa kadakuada iti naituding a gatad. Agdagup dayta iti 603,550 a lallaki.

\s5
\v 27 Inusarda ti 34 a kilo ti pirak para iti panangaramidda iti tunggal maysa kadagiti sangagasut a batay nga ikabilda iti sirok dagiti poste tapno mangtengngel kadagiti kurtina iti sagrado a tolda.
\v 28 Ni Bezalel ken dagiti katulonganna ket nangusar iti 22 a kilo a pirak manipud kadagiti saan a nausar para kadagiti batay tapno maaramid dagiti pagubon ken kaw-it para kadagiti poste ken tapno makalupkopan dagiti tuktok dagiti poste.
\v 29 Ti bronse nga inted dagiti tattao ket agdagsen iti agarup 2,400 a kilo.

\s5
\v 30 Babaen iti bronse, inaramid ni Bezalel ken dagiti katulonganna dagiti batay tapno mangtengngel kadagiti poste idiay pagserkan ti sagrado a tolda. Inaramidda pay ti altar para kadagiti daton a mapuoran nga addaan iti barandillasna ken dagiti alikamen a mausar iti daytoy,
\v 31 dagiti batay para kadagiti poste a nangtengngel kadagiti kurtina iti aglawlaw ti paraangan, dagiti batay para iti pagserkan ti paraangan, ken dagiti pasok para iti sagrado a tolda ken para kadagiti kurtina iti aglawlaw ti paraangan.

\s5
\c 39
\p
\v 1 Ni Bezalel, Oholiab, ken dagiti dadduma pay a batido a trabahador ti nangaramid kadagiti napipintas a pagan-anay nga ikawes ni Aaron bayat nga ar-aramidenna ti trabaho a kas padi iti nasantoan a disso. Inaramidda dagitoy manipud iti asul, maris ube ken nalabbaga a de lana a lupot, a kas imbilin ni Yahweh kenni Moises.

\s5
\v 2 Inaramidda ti sagrado nga efod manipud iti napino a puraw a lino ken manipud iti asul, maris ube ken nalabaga a de lana a lupot.
\v 3 Pinitpitda ti dadduma a naingpis a pidaso ti balitok ken rinagragasda iti naingpis a paatiddog nga inburdada iti asul, maris ube, ken nalabbaga a lupot.

\s5
\v 4 Ti sagrado nga efod ket addaan iti dua a terante a mangikamang iti sangoanan a paset agingga iti likudan a paset iti agsinnumbangir a sikiganna.
\v 5 Ti maysa a napintas ti pannakaabelna a barikes, a naaramid iti isu met laeng nga alikamen a kas iti sagrado nga efod, ket naidait iti sagrado nga efod. Naaramid daytoy nga apag-isu a kas imbilin ni Yahweh kenni Moises.

\s5
\v 6 Nangtabas ni Bezalel ken dagiti tattaona iti dua nga onyx a bato ket impabugasda iti bassit a kuadro, inkitikit ti batido a tumatabas kadagiti napateg a bato dagiti nagan ti sangapulo ket dua nga annak a lalaki ni Jacob.
\v 7 Inkapetda dagiti bato iti terante ti sagrado nga efod a kas mangipakita kadagiti sangapulo ket dua a tribu ti Israel, naaramid nga apag-isu daytoy a kas imbilin ni Yahweh kenni Moises.

\s5
\v 8 Inaramidda ti sagrado a pektoral a kapada met laeng dagiti alikamen a kas iti sagrado nga efod ken nabordaan iti isu met laeng a wagas.
\v 9 Kuadrado daytoy, ken maikulpi iti mamindua ti alikamenna tapno agbalin a 23 a sentimetro ti tunggal igidna.

\s5
\v 10 Nangikapetda iti uppat nga intar iti napapateg a bato iti pektoral. Iti umuna nga intar ket nangikabilda iti maysa a nalabbaga a rubi, maysa a duyaw a topasio, ken maysa a nalabbaga a granate.
\v 11 Iti maikadua nga intar ket nangikabilda iti maysa a berde nga esmeralda, maysa nga asul a safiro ken maysa a puraw a diamante.
\v 12 Iti maikatallo nga intar ket nangikabilda iti maysa a nalabbaga a jacinto, maysa a puraw nga agata ken maysa a maris ube nga amatista.
\v 13 Iti maikapat nga intar ket nangikabilda iti maysa duyaw a berilio, maysa a nalabbaga a karnelia, ken maysa a berde a jaspe. Pinalawlawanda iti naingpis a balitok ti tunggal maysa kadagiti bato.

\s5
\v 14 Tunggal maysa iti sangapulo ket dua a bato ket naikitikit ti nagan ti maysa kadagiti annak a lallaki ni Jacob a mangibagi iti maysa kadagiti sangapulo ket dua a tribu ti Israel.
\v 15 Nangaramida iti dua a kawar manipud iti puro a balitok ken sinallapidda a kas kadagiti tali, tapno maikapet iti sagrado a pektoral iti sagrado nga efod.
\v 16 Nangaramidda iti dua a balitok a singsing ket ingkapetda dagitoy kadagiti akinngato a suli ti sagrado a pektoral.

\s5
\v 17 Inkapetda ti maysa a murdong iti tunggal balitok a kawar iti singsing a pangiyusukan.
\v 18 Inkapetda ti sabali pay a murdong ti kawar iti maysa kadagiti dua a nakaimontaran dagiti bato ken kalpasanna, naikapet ti sagrado a pektoral iti terante ti sagrado nga efod.

\s5
\v 19 Kalpasanna, nangaramidda iti dua a singsing a balitok ket inkapetda dagitoy iti akinbaba a suli ti sagrado a pektoral, iti akin-uneg a gayadan nga asideg iti sagrado nga efod.
\v 20 Nangaramidda pay iti dua a singsing a balitok ket inkapetda dagitoy iti akinbaba a paset iti sangoanan ti terante, nga asideg iti terante a nagsilpoan ti sagrado nga efod, a ngatoen iti napintas ti pannakaabelna a barikes.

\s5
\v 21 Inggalotda dagiti singsing iti sagrado a pektoral iti singsing ti sagrado nga efod babaen iti asul a tali, tapno ti sagrado a pektoral ket adda iti ngatoen ti barikes ken saan a lumukay manipud iti sagrado nga efod. Inaramidda dagitoy a banbanag a kas imbilin ni Yahweh kenni Moises a maaramid.

\s5
\v 22 Inaramidda ti kagay a maikawes nga akin-uneg iti sagrado nga efod ti padi; nangusarda laeng iti asul a lupot.
\v 23 Addaan daytoy iti pangiyusokan iti ulo ti padi. Dinaitda ti aglawlaw ti pangiyusokan tapno saan a mapigis daytoy.
\v 24 Iti gayadan ti kagay ket nangikapetda kadagiti arkos a kalanglanga ti bunga ti granada. Dagiti arkos ket naabel nga asul, maris ube ken nalabbaga a de lana a sinulid.

\s5
\v 25 Iti nagbaetan dagitoy nga arkos, nangikapetda iti kampanilia a naaramid manipud iti puro a balitok
\v 26 tapno usaren daytoy ni Aaron kabayatan nga aramidenna ti trabahona a kas padi. Inaramidda amin dagitoy a banbanag nga apag-isu a kas imbilin ni Yahweh kenni Moises.

\s5
\v 27 Nangabelda iti atiddog ti imana a tunika maipud iti nafino a lino para kenni Aaron ken dagiti annakna a lallaki.
\v 28 Nangaramidda pay iti turban a napino a lino nga usaren ni Aaron iti aglawlaw iti ulona. Inaramidda pay dagiti kallugong ken karsonsilio para kadagiti annak a lallaki ni Aaron manipud iti napino a lino.
\v 29 Inaramidda ti nabordaan a barikes para kenni Aaron manipud iti napino a lino ken manipud iti asul, maris ube ken nalabbaga a de lana a lupot, ken binurdaanda daytoy a nangusarda iti asul, maris ube ken nalabbaga a de lana a sinulid, apag-isu a kas imbilin ni Yahweh kenni Moises.

\s5
\v 30 Inaramidda pay ti babassit nga arkos a puro a balitok ken kinitikitan daytoy ti batido nga agtrabaho a tao kadagiti sao a "Naidaton kenni Yahweh."
\v 31 Inkapetda daytoy iti sangoanan ti turban babaen iti asul a tali, a kas imbilin ni Yahweh kenni Moises.

\s5
\v 32 Kamaudianna, nalpasda amin a trabaho iti panangaramid ti sagrado a tolda ket inyegda amin a banbanag kenni Moises. Inaramidda amin dagitoy nga apag-isu kas imbilin ni Yahweh kadakuada nga aramidenda.
\v 33 Inyegda kenkuana ti sagrado a tolda ken amin dagiti banag a nausar iti daytoy --dagiti kaw-it, dagiti bastidor, dagiti balunet, dagiti poste ken dagiti batayna;
\v 34 dagiti abbong ti sagrado a tolda a naaramid kadagiti namarisan a lalat ti kalakian a karnero ken lalat ti kalding; dagiti kurtina;
\v 35 ti sagrado a lakasa a naglaon kadagiti tapi a bato a nakaisuratan dagiti bilin ken ti kalub para iti lakasa;

\s5
\v 36 ti lamisaan nga addaan kadagiti amin a banbanag a mausar iti daytoy ken ti tinapay a maiparang iti sangoanan ti Dios;
\v 37 ti kandelero a naaramid iti puro a balitok nga addaan iti pagsilawanna ken dagiti banag nga usaren tapno maaywanan daytoy ken ti lana para kadagiti pagsilawan,
\v 38 ti balitok nga altar a pagpuoran iti insenso, ti pangpulot a lana, ti nabanglo nga insenso, ken ti kurtina para iti pagserkan ti sagrado a tolda,
\v 39 ti bronse nga altar para iti daton a mapuoran nga addaan bronse a barandiliasna, dagiti assiw a pangawit iti daytoy, ken amin dagiti sabali a banbanag a nausar iti daytoy, kasta met ti palanggana a pagbuggoan ken ti nakaiparabawanna.

\s5
\v 40 Inyegda pay dagiti kurtina a maipalawlaw iti paraangan, dagiti poste ken dagiti batay a mangtengngel kadagitoy, ti kurtina para iti pagserkan ti paraangan ken dagiti talina, dagiti pasok ti tolda, ken dagiti amin a dadduma a banbanag a mausarto iti sagrado a tolda;
\v 41 dagiti napintas a sagrado a pagan-anay ni Aaron ken dagiti annakna a lallaki nga ikawesda inton aramidenda ti trabahoda idiay nasantoan a disso, ken dagiti kawes para kadagiti annakna a lallaki nga isuotda inton aramidenda ti trabahoda a kas papadi.

\s5
\v 42 Inaramid dagiti tattao iti Israel amin daytoy a trabaho nga apag-isu iti imbilin ni Yahweh kenni Moises.
\v 43 Ket nakita ni Moises dagiti amin a trabaho nga inaramidda. Pudno, inaramidda amin a banag nga apag-isu iti imbilin ni Yahweh a rumbeng a maaramid. Kalpasanna, binendissionan ni Moises dagiti nagtrabaho a tattao.

\s5
\c 40
\p
\v 1 Kalpasanna, kinuna ni Yahweh kenni Moises,
\v 2 "Inton sumaruno a tawen, iti umuna nga aldaw ti umuna a bulan, ibagam kadagiti tattao a bangonenda ti sagrado a tolda.

\s5
\v 3 Ikabilmo iti unegna ti Lakasa ti Tulag a naglaon kadagiti tapi a bato a nakaikitikitan iti sangapulo a bilin, ken ibitinmo ti kurtinana iti sangoanan daytoy.
\v 4 Iyunegmo ti lamisaan iti sagrado a tolda, ket ikabilmo iti rabawna dagiti amin a banag a naaramid para iti daytoy. Kalpasanna, iyunegmo ti kandelero ken isimpam dagiti pagsilawan iti daytoy.

\s5
\v 5 Ikabilmo ti balitok nga altar a pagpuoran iti insenso iti sangoanan ti Lakasa ti Tulag ken isimpam ti kurtina iti pagserkan ti sagrado a tolda.
\v 6 Ikabilmo ti altar a para kadagiti daton a maipuor iti sangoanan ti sagrado a tolda.
\v 7 Ikabilmo ti palanggana a pagbuggoan iti nagbaetan ti sagrado a tolda ken ti altar, ken kargaam daytoy iti danum.

\s5
\v 8 Ibitinmo dagiti kurtina iti aglawlaw ti paraangan ken ibitinmo pay ti kurtina nga inaramid dagiti trabahadormo para iti pagserkan.
\v 9 Kalpasanna, alaem ti lana a pangpulot ket ibukbukmo daytoy iti sagrado a tolda ken kadagiti amin a banbanag nga adda iti daytoy, tapno mailasin amin dagitoy para kaniak. Ket agbalinto daytoy a naisangsangayan unay, a naisagana laeng para kaniak.
\v 10 Bukbokam met iti bassit a lana ti altar a pangpuoran dagiti papadi kadagiti daton nga isagutdanto kaniak. Bukbokam pay iti bassit a lana dagiti amin a banbanag nga usarendanto iti altar ken ilasinmo dagitoy para kaniak. Ket agbalinto dagitoy a naisangsangayan, a naisagana laeng para kaniak.
\v 11 Bukbokam met iti bassit a lana ti palanggana a pagbuggoan ken ti batayna, tapno mailasin dagitoy para kaniak.

\s5
\v 12 Kalpasanna, ipanmo ni Aaron ken dagiti annakna a lallaki iti pagserkan ti sagrado a tolda ket buggoam ida iti danum.
\v 13 Ket ilasinmo ni Aaron para kaniak babaen iti panangikawesmo kenkuana kadagiti naisangsangayan a pagan-anay ken babaen iti panangpulotmo iti lana kenkuana. Aramidem daytoy tapno makapagserbi isuna kaniak a kas padi.

\s5
\v 14 Ipanmo met dagiti annak a lallaki ni Aaron ken ikawesmo kadakuada dagiti naisangsangayan a tunika;
\v 15 ket, pulotam ida iti lana a kas iti inaramidmo iti amada. Aramidem daytoy tapno agrukbabda met kaniak a kas papadi. Babaen iti panangpulot iti lana kadakuada, mapagbalinmonto ida ken dagiti kaputotanda a papadi iti amin a sumaruno a henerasionda."
\v 16 Inaramid ni Moises ken dagiti nagtrabaho a tattao a kaduana amin dagitoy a banbanag nga apag-isu kas imbilin ni Yahweh kenkuana.

\s5
\v 17 Iti umuna nga aldaw ti umuna a bulan ti sumaruno a tawen, ti tawen kalpasan ti iruruar dagiti tattao iti Egipto, imbangon dagiti tattao ti sagrado a tolda.
\v 18 Inaramidda ti imbaga ni Moises nga aramidenda; impatakderda ti sagragdo a tolda ken dagiti batayna; impadatakderda dagiti bastidor; inkapetda dagiti balunet, ken ingkabilda dagiti poste ti kurtina.
\v 19 Kalpasanna, inyukradda dagiti abbong ti sagrado a tolda, nga apag-isu iti imbilin ni Yahweh kenni Moises.
\v 20 Kalpasanna, innala ni Moises ti dua a tapi ti bato a nakaisuratan dagiti bilin ket inkabilna daytoy iti Lakasa ti Tulag. Impaiyusokna kadagiti tattao dagiti assiw kadagiti singsing a naikapet iti Lakasa ti Tulag ken ikabilda ti akkob iti rabaw iti daytoy.

\s5
\v 21 Kalpasanna, inyuneg ni Moises ti Lakasa ti Tulag iti nasantoan a disso iti uneg ti sagrado a tolda ket imbitinna ti kurtina. Kalpasan nga inaramidna dayta, ket saanen a makita dagiti tattao nga adda iti ruar ti Lakasa ti Tulag. Inaramidna amin daytoy nga apag-isu a kas imbilin ni Yaweh kenkuana.
\v 22 Impasimpa ni Moises kadagiti trabahador ti lamisaan iti uneg ti sagrado a tolda, iti akin-amianan, iti ruar ti kurtina.
\v 23 Inkabilda ti tinapay iti rabaw ti lamisaan tapno maiparang iti sangoanan ni Yahweh, nga apag-isu kas imbilin ni Yahweh kenni Moises nga aramidenna.

\s5
\v 24 Insimpa dagiti trabahador ni Moises ti kandelero iti uneg ti sagrado a tolda, iti akin-abagatan, iti bangir ti lamisaan.
\v 25 Kalpasanna, insimpada dagiti pagsilawan iti kandelero iti sangoanan ni Yahweh, nga apag-isu iti imbilin ni Yahweh.

\s5
\v 26 Insimpa dagiti trabahador ni Moises ti balitok nga altar a pagpuoran iti inseso iti uneg ti sagrado a tolda, iti sangoanan ti kurtina a mamagsina iti nasantoan a disso manipud iti kasasantoan a disso,
\v 27 ket pinuoranda ti sumagmamano a nabanglo nga insenso iti rabaw ti altar, nga apag-isu iti imbilin ni Yahweh kenni Moises.

\s5
\v 28 Imbitin dagiti trabahador ni Moises ti kurtina iti pagserkan ti sagrado a tolda.
\v 29 Iti pagserkan nga agturong iti sagrado a tolda, inkabilda ti altar a para iti daton a sakripisio a puoranto dagiti papadi. Ket pinuoranda ditoy ti karne ken ti arina nga indatonda, nga apag-isu kas iti imbilin ni Yahweh kenni Moises.
\v 30 Insimpada ti palanggana a pagbuggoan iti nagbaetan ti sagrado a tolda ken ti bronse nga altar, ken kinargaanda daytoy ti danum.

\s5
\v 31-32 Tunggal sumrek ni Moises, Aaron wenno dagiti annak a lallaki ni Aaron iti sagrado a tolda wenno sumagpat iti altar, buggoanda dagiti ima ken sakada, kas imbilin ni Yahweh kadakuada babaen kenni Moises.
\v 33 Imbitin dagiti trabahador ni Moises dagiti kurtina a naipalawlaw iti paraangan ken ti altar, ken imbitinda ti kurtina iti pagserkan ti paraangan. Iti daytoy a wagas ket impalippas ni Moises kadagiti tattao amin dayta a trabaho.

\s5
\v 34 Kalpasanna, kinaluban ti natayag nga ulep ti sagrado a tolda, ket napno iti pannakabalin ni Yahweh ken naraniag a lawag ti sagrado a tolda.
\v 35 Gapu ta naraniag unay ti lawag, saan a makastrek ni Moises iti sagrado a tolda.

\s5
\v 36 Manipud iti dayta nga aldaw, tunggal kayaten dagiti Israelita ti umakar iti maysa pay a lugar, mapanda laeng no agpangato ti ulep manipud iti sagrado a tolda.
\v 37 No saan a ngumato ti ulep, agtalinaedda iti ayanda ken urayenda a ngumato ken umakar ti ulep.
\v 38 Iti sadinoman a pagdaliasatanda, adda ti ulep iti ngatoen ti sagrado a tolda iti aldaw a mangipakita iti kaadda ni Yahweh, ken ti naraniag nga apuy ti adda iti ngatoen daytoy iti rabii. Makita daytoy amin dagiti Israelita iti aniaman nga oras, bayat ti panagdaliasatda nga agturong iti daga nga inkari ti Dios nga itedna kadakuada.