diff --git a/16/05.txt b/16/05.txt
new file mode 100644
index 0000000..47a89e3
--- /dev/null
+++ b/16/05.txt
@@ -0,0 +1 @@
+5 Avy eo gne mpitandraharaha nangaiky gne tsikiraikiraiky tam’gne mpitrosa ame tompony, ary da nagnontany gne voalohany izy hoe: «otrino gnanagnane tompoko aminao agny?» 6 Nizaka izy hoe: «menaky oliva zato litatry». Nizaka taminazy izy hoe: «reso gne taratasinao, mipetraha malaky ary manorata dimapolo». 7 Ary avy eo gne mpitanta nizaka tame raiky hafa hoe: «otrino gne trosanao?» nizaka izy hoe: «vary zato kapoky». Nizaka taminazy izy hoe: «reso gne taratasinao ary sorato hoe valopolo». 8 Avy eo gne tompo da vignitry gne mpitanta tsy marigny satria nisy hafetse naniny tame gn’asany. Fa fetsy lotry nohon’enazy gne zanak’izao tontolo izao tame fifagnaraha amindreo samby olo nohone zanake fahazava. 9 Mizaka aminareo Ià, mitadiava nama am’gnalalane vola tsy marigny, raha lany izy, da mety ho resindreo ame fipetraha mandrakizay enareo. 10 Izay azo itokisa ame kidy indrindra da azo itokisa ame zakabe koa, ary izay tsy marigny ame kidy indrindra da tsy marigny ame zakabe koa. 11 Laha tsy azo itokisa ame fampesam-bola tsy marigny enareo, ia gne hatoky enareo am’gn’haria marigny? 12 Raha tsy azo itokisa ame fampesa gne volan’olo hafa enareo, ia gne hagnome vola ho anareo manoka? 13 Tsy misy mpanompo afaky manompo tompo roy, fa na izy tsy tia gne raiky da ho tia gne raiky, na koa izy hanolotry gnainy ho ane raiky da hagnano tsinotsino gn’hafa. Tsy afaky manompo gn’Andriamanitry sy gn’haria enareo». 14 Ary gne Fariseo, izay malazane tia vola, laha mahare enzà raha zà aby, da magnaratsy Enazy indreo. 15 Nizaka tamindeo Izy hoe: «enareo da magnamarin-tegna ampahabemaso, fa gn’Andriamanitry da mahafatatry gnaponareo. Fa izay hasandratry eo am’gn’olo da ho ratsy eo agnatrehan’Andriamanitry. 16 Gne lalàgna sy gne mpaminany da nisy mandra-pevisan’i Jaona. Efa hatramin’izà fotoa zà, gn’efa nitory gne filazan-tsaran’Andriamanitry, ary gne tsikiraikiraiky da niezaky nagnitsy gne diany ho amzà. 17 Ambola mora gne hahafoa gne lagnitry sy gne tany nohone soratry kidy indrindra ao ame lalàgna ho lasa tsy manan-kery. 18 Gne misaraky ame vadiny ka mapiakatry viavy hafa da mijangajanga, ary gne magnakatry viavy efa nisara-bady da mijangajanga. 19 Ary nisy mpanakaria raiky nisiky volomparasy sy lamba manify ary tia-karia be. 20 Nisy mpangataky raiky atao hoe Lazarosy nipetraky teo ame vavahadiny, feno ratry, 21 ary nagniry mba ihina izay latsaky avy eo ambony latabatrin’izà lelah mpanakaria zà. Fa ndre amboa da milelatry gne ratriny. 22 ary igny fa maty izà mpangataky zà ka nindesinign’anjely ho eo agnilan’i Abrahama. Maty evakoa gne mpanakaria ka nalevy, 23 ary tao ame fahavereza, raha nampijaly, da nagnety ambony izy ary nahatsijo an’i Abrahama sy Lazarosy tagnilany. 24 da nitoreo mafy izy ary nizaka hoe: «Abrahama Ray, mamindra ndà fo aminah ary alefaso i Lazarosy, mba handatsahany gne lohane rambitagnany agnaty rano ary hapanaranara gne lelako, fa ato agnatine fangirifiria mafy agnatinigne afobe ià». 25 Fa i Abrahama nizaka hoe: «anaky, tsarovy fa tame gnandro-piainanao da nahazo raha tsara anao, ary gnan’i Lazarosy kosa raha ratsy. Fa amizao fotoa zao izy aty da vatambitamby, ary enao ao ame fangirifiria. 26 Akotrin’izà aby da nisy teva zakabe napetraky, mba tsy ho afaky hitsakian’izay ta hitsaky avy ety mandeha aminareo egny, ary tsy misy afaky hitsaky avy lataminareo tegny handea ety». 27 izà lelah mpanakaria zà da nizaka hoe: «mengavy enao ià Abrahama Ray, mba hagnirahanao enazy ho andragnon’iabako – 28 fa mana rahalah dimy ià – mba ahafahany mampitandry endreo, nohone tahatrigne hevisandreo amty toera fijalia ty koa». 29 Fa i Abrahama da nizaka hoe: «mana an’i Mosesy sy gne mpaminany indreo; aoka indreo hiteno endreo». 30 Ary namaly gne lelah mpanakaria hoe: «diso, Abrahama Ray, fa raha misy avy ame maty mandeha amindreo, da hibebaky indreo». 31 Fa i Abrahama koa da nizaka taminazy hoe: «raha tsy miteno en’i Mosesy sy gne mpaminany indreo, da tsy ho resy lahatry mihitsy na misy olo mitsanga ame maty aza»».
\ No newline at end of file