diff --git a/18/18.txt b/18/18.txt
new file mode 100644
index 0000000..389efd1
--- /dev/null
+++ b/18/18.txt
@@ -0,0 +1 @@
+18 Ary nisy mpanapaky raiky nagnontany Enazy hoe: “mpampianatry tsara ô, ino gne tsy maintsy hamboariko mba handovagno gne fiaigna mandrakizay?” 19 I Jesosy nizaka taminazy hoe: “ino gnagnanoanao enah hoe tsara? Tsy misy olo tsara afa tsy gn’Andriamanitry raiky evao. 20 Fantatrinao gne didy_ ka mijangajanga, ka mamono olo, ka mangalatry, ka mijoro vavolombelo mavandy, magnaza iabanao am’iendrinao”. 21 Nizaka gne mpanapaky hoe: “izà raha zà aby da efa nekeko nanomboky tame naha tanora anah”. 22 Laha nahare enzà i Jesosy, da nizaka taminazy hoe: “raha raiky gne tsy ampy aminao. Tsy maintsy mivarotry gne raha anagnanao anao ary mizaraha anzà ame sahira, hanan-karia agny andagnitry enao_ ary avia magnaraha anah”. 23 Fa laha nahare enzà raha zà gne mpanapaky da nanjary nalahelo be, fa nanan-karia be izy. 24 Ary i Jesosy da nahita anazy nalahelo be ( fagnamaria: gne manam-paheza da tsy mitovy hevitry am’gnapidira gne hoe ( Izy ) da lasa nalahelo mafy. Apitoviso gne And 23) ary nizaka hoe: “akoignaia gne fahasarotane fidirane mpanakaria ame fanjakan’Andriamanitry! 25 Fa moramora kokoa ho ane rameva gne hiditry ame vodim-panjaitry nohone hidirane gn’olo mpanakaria raiky ao ame fanjakan’Andriamanitry”. 26 Gne nahare enzà aby da nizaka hoe: “ia gn’afaky vonjè?” 27 I Jesosy namaly hoe: “gne raha tsy hain’olombelo da hain’Andriamanitry”. 28 I Petera nizaka hoe: “eka, nelanay aby gne fanagnanay ary nagnaraky Enao”. 29 Ary i Jesosy nizaka tamindreo hoe: “rohoniko marigny aminareo, fa tsy misy olo izay nahafoy tragno, na vady, na rahalahy, na ray aman-dreny, na anaky, nohone fanjakan’Andriamanitry, 30 izay tsy ahazo misimisy amzao fotoa zao, ary am’gn’andro ho avy, da gne fiaigna mandrakizay”. 31 Laha avy nandagno gne roy amby folo lahy taminazy teo izy, da hoy izy tamindreo se: “eh, da miroso mandeha e Jerosalema itsika, ka gne raha aby izay voasoratre mpaminany mikasiky gne zanak’Olo da ho tanteraky. 32 Fa home gne jentilisa izy, ka hieza, sy halà baraka ary handrorah. 33 Afaran’gnifiha anazy, da ho vonoy izy ary am’gnandro fahatelo da hitanga koa izy”. 34 Tsy nahatakatry n’ino n’ino tamin’izà raha zà indreo ary nafiny tamindreo izà zaka zà, ary tsy azondreo gne raha vazaka. 35 Ary raha nagneky an’i Jeriko i Jesosy, da nisy lelah jamba raiky nidoboky tame sisin-dàla sady nagnataky, 36 ary laha nahare gne vahôky nandalo, da nagnontany gne raha nitragna izy. 37 Nizaka taminazy indreo hoe nandalo teo i Jesosy avy tagny Nazareta. 38 Da nangaiky mafy gne lelah jamba, nagnano hoe: “Jesosy, zanak’i Davida, mamindrà fo aminah”. 39 Fa gne nandeha taloha da nizaka mafy gne lelah jamba, ka niroho taminazy mba hisy. Fa izy voamaiky nangaiky mafy hoe: “ô zanak’i Davida, mamindrà fo aminah”. 40 I Jesosy nijano sady nibeko mba hinday enzà lelah zà eo aminazy. Ary rehefa tekeky enazy izà lelah jamba zà, da nagnontany enazy I Jesosy: 41 “ino gne tianao haniko aminao?” nizaka izy hoe: “Tompo, ta-ahita ià”. 42 I Jesosy nizaka taminazy hoe: “mahita. Gne finoanao gne nahatsara anao”. 43 Teo noho eo da nahita izy ary nagnaraky enazy, nagnome voninahatry gn’Andriamanitry. Gn’olo aby, laha nahita anzà, da nagnome fidera gn’Andriamanitry.
\ No newline at end of file