Mon May 06 2019 12:27:22 GMT+0700 (SE Asia Standard Time)

01/01.txt

@@ -0,0 +1 @@
+\v 1 Nyianlah pamulaan Injil parihal Yesus Karistus, Anak Jubata. \v 2 Saparati tatulis daapm kitap nabi Yesaya: "Tee'lah, Aku nyuruh-utusan-utusan noho'ik Kao, ia akan nyiapatn maraga untu'-Nyu; \v 3 ada suara urakng nang ngampak ka padang gurun: siapatnlah maraga untu' Tuhan, paocorlah maraga untu' Ia",

01/04.txt

@@ -0,0 +1 @@
+\v 4 ayakoalah Yohanes Pambaptis muok ka padang gurun ba ngampakatn: "Batobatlah ba bare'lah dirinyu dibaptis, Jubata akan ngampuni dosanyu." \v 5 Tarus ataknglah ka ia urakng-urakng dari saluruh daerah Yudea ba samua panduduk Yerusalem, ba sambi ngako'k dosae kabatnne dibaptis ka sungai Yordan. \v 6 Yohanes make jubah bulu unta ba ikat pinggang kuit, pamakanan ne buntak ba madu daapm abut.

01/07.txt

@@ -0,0 +1 @@
+\v 7 Nyianlah nang ia maritaatn: "Apas aku akan atakng Ia nang labih bakuasa dari pada aku; membungkuk ba muka' tali kasut-Te pun aku ina' layak. \v 8 Aku maptis kao ba ai'k tapi Ia akan maptis kao ba Roh Kudus.

01/09.txt

@@ -0,0 +1 @@
+\v 9 Sawaktu koa ataknglah Yesus dari Nasaret ka tanah Galilea, tarus Ia dimaptis ka sungai Yordan di Yohanes. \v 10 Sawaktu Ia muok dari ai'k, Ia nee'k angit rojek, ba Roh Kudus aya burukng dara turutn ka atas-Se. \v 11 Tarus kadangaratnlah suara dari saruga: "Kaolah Anak-Ku nang Kukasihi'k, ka Kaolah Aku senang."

01/12.txt

@@ -0,0 +1 @@
+\v 12 Apas koa Roh mimpin Ia ka padang gurun. \v 13 Ka padang gurun koa Ia diapm ampat puluh ari lamae, dicobai' di Ibalis, Ia ada dikoa kaantara binatang liar ba malaekat-malaekat ngalayani' Ia.

01/14.txt

@@ -0,0 +1 @@
+\v 14 Apas Yohanes dinangkap ataknglah Yesus ka Galilea maritaatn Injil Jubata, \v 15 Jakata-E: "Waktu e udah ganap; Karajaan Jubata udah samak. Batobatlah ba picaya'klah ka Injil!"

01/16.txt

@@ -0,0 +1 @@
+\v 16 Sawaktu Yesus gik bajaatn nutuatni'k danau Galilea, Ia nee'k Simon ba Andreas, adik Simon. Kabatnne agik nabaratn jala ka danau, barang kabatnne panjala ikatn. \v 17 Yesus bakata ka kabatnne: "Ijeklah, tunaan Aku  kao mao'k Ku jajiatna'k panjala manusia." \v 18 Tarus kabatnne langsung ningaatn jalae ba nunaan Ia.

01/19.txt

@@ -0,0 +1 @@
+\v 19 Apas Yesus narusatn pajaanan-Ne sadikit agik, Ia nee'k Yakobus, anak Jebedeus, ba Yohanes, adik e, agik ngamasatn jala ka daapm parahu. \v 20 Yesus bijak nyaru'ik kabatnne tarus kabatnne koa ningaatn apa'ke, Jebedeus ka daapm parahu ba urakng-urakng upahatnne

01/21.txt

@@ -0,0 +1 @@
+\v 21 Kabatnne sampe ka Kapernaum. Apas ari Sabat mulai'k, Yesus langsung taama'k ka daapm rumah sambayang ba ngajar. \v 22 Dangan heran nangar pangajaratn-Ne, barang Ia ngajar kabatnne aya urakng nang bakuasa, ina' aya tolen ahli-ahli Taurat

01/23.txt

@@ -0,0 +1 @@
+\v 23 Pas waktu koa ka daapm rumah sambayang koa ada seko' nang karasukan roh jahat. Urakng kao ngampak: \v 24 "Ahe urusan-Nyu ba kami, hei urakng Nasaret? Kao atakng mao' binasaatna'k kami? Aku nauan sae Kao: Nang Kudus dari Jubata." \v 25 Tapi Yesus ngarahakngi'k ia, jakata-E: "Diam, kaluarlah dari ia!" \v 26 Roh jahat koa nguncakng-nguncakng urakng koa, ba sambi ngampak ba suara nyarekng ia kaluar dari urakng koa.

01/27.txt

@@ -0,0 +1 @@
+\v 27 Urakng samua kaheranan, sampe ngomongan koa, jare: "Ahe nyian? Sote' ajaran barahu. Ia bakata bakuasa. Roh-roh jahat pun Ia marentah tarus roh-roh koa taat ka Ia." \v 28 Tarus gaceh tasiarlah kabar parihal Ia ka sagala panjuru ka saluruh Galilea.

01/29.txt

@@ -0,0 +1 @@
+\v 29 Apas kaluar dari rumah sambayang koa Yesus ba Yohanes ampus ka rumah Simon ba Andreas. \v 30 Datu'k nang bini Simon tagurikng barang rongko'k demam. Kabatnne langsung matakatn kaadaanne koa ka Yesus. \v 31 Ia ampus ka tampat nang bini koa, tarus nyingii'k kokotte Ia ngumpatatn ia, lalu ilanglah angat te. Apas koa nang bini koa ngalayani'k kabatnne.

01/32.txt

@@ -0,0 +1 @@
+\v 32 Dah mao'k maam, apas mataari taama', dingicaknglah ka Yesus samua urakng rongko'k ba nang karasukan setan. \v 33 Tarus bakarumunlah samua panduduk kota'k koa ka muha pintu. \v 34 Ia nyamuhan manyak urakng nang menderita bamacamp-macam panyakit ba ngoser manyak setan; Ia ina'k muihan setan-setan koa bakata, barang setan-setan koa nganal Ia

01/35.txt

@@ -0,0 +1 @@
+\v 35 Bakaapm sidi, sawaktu ari masih galap, Ia umpat lalu kaluar. Ia ampus ka tampat nang sunyi'k lalu badoa dikoa. \v 36 Tapi Simon ba na' ayukng-ayukng nge nyoso Ia; \v 37 sawaktu namuan Ia kabatnne bakata; "Samua urakng ngagui'k Kao."

01/38.txt

@@ -0,0 +1 @@
+\v 38 Ia nyahuti'k: "Ijeklah diri'k ampus ka tampat lain, ka kota'-kota' nang basamakatn, biar dinaun ugak Aku maritaatn Injil, barang untu' koalah Aku atakng." \v 39 Tarus ampuslah Ia ka saluruh Galilea ba maritaatn Injil daapm rumah-rumah sambayang kabatnne, ba ngoser setan-setan.

01/40.txt

@@ -0,0 +1 @@
+\v 40 Seko'k urakng nang balaeko atakng ka Yesus, sambi ba lutut ka adapatn-Ne ia mohon bantoan-Ne, jare: " Kade Kao mao'k kao bisa nyamuhatn aku." \v 41 Tarus tagaraklah ati-E kasihatn, tarus Ia nyooatn kokot-Te, nyangkam urakng koa tarus bakata: "Aku mao'k jajilah kao samuh." \v 42 Salapas koa ugak ilanglah panyakit laekoe urakng koa, tarus jaji baraseh.

01/43.txt

@@ -0,0 +1 @@
+\v 43 Bijak ia nyuruh urakng koa dari ba paringatan nang karas: \v 44 "Ingatlah, amelah kao mare'k nauan ahe-ahe parihal nyian ka sae pun, tapi ampuslah, teeatnlah diri'knyu ka imam ba persembahatnlah untu' pamaresahatnnyu persembahan, nang dimarentahatn di Musa, jak jaji bukti untu kabatnne."

01/45.txt

@@ -0,0 +1 @@
+\v 45 Tapi urakng koa ampus mare'k nauan paristiwa  koa ba nyabaratn ia kamae-mae, sampe Yesus ina'k bisa agik tarang-tarangan taama'k ka daapm kota'. Ia diapm ka luar ka tampat-tampat nang sunyi; tapi urakng tarus ugak atakng ka Ia dari sagala panjuru

02/01.txt

@@ -0,0 +1 @@
+\v 1 Tarus, udah lewat sangahe ari, waktu Yesus atakng agik ka Kapernaum, tasiarlah kabar, kade' Ia ada ka rumah. \v 2 Tarus ataknglah urakng-urakng bakarumun sampe ina' ada agik tampat, sampe ka muha pintu pun ina' ada agik. Samintara Ia maritaatn firman ka kabatnne,

02/03.txt

@@ -0,0 +1 @@
+\v 3 ada urakng-urakng atakng ngicakng ka Ia seko' urakng nang lumpuh, dimikut di ampat urakng. \v 4 Tapi kabatnne ina' bisa ngicakng ka Ia di urakng rami koa, tarus kabatnne muka' atap nang ka atas-Se; pas dah tabuka' kabatnne koa nurunan tilam tampat urakng lumpuh koa gurikng.

02/05.txt

@@ -0,0 +1 @@
+\v 5 Sawaktu Yesus nee'k iman kabatnne koa, bakatalah Ia ka urakng lumpuh koa: "Hei anak-Ku, dosanyu udah dingamponi'k!" \v 6 Tapi dikoa ada ugak duduk sangahe eko'k urakng ahli taurat, kabatnne bapikir daapm ati: \v 7 "Ngahe urakng nyian bakata yakoa? Ia maleceh Jubata. Sae nang bisa ngamponi'k dosa salain dari Jubata koa babaro?"

02/08.txt

@@ -0,0 +1 @@
+\v 8 Tapi Yesus langsung bijak naun daapm ati-E, kade'k kabatnne bapikir yakoa, tarus Ia bakata ka kabatnne; "Ngahe kao bapikir ayakoa ka daapm atinyu? \v 9 Mae gek nang labih mudah, ngataatn ka urakng lumpuh nyian: Dosanyu udah dingamponi, gek ngataatn: Umpatlah, angkatlah tilamnyu tarus bajaatn?

02/10.txt

@@ -0,0 +1 @@
+\v 10 Tapi biar kao nauan, kade' ka dunia nyian Anak Manusia bakuasa ngamponi'k dosa" - bakatalah Ia ka urakng lumpuh koa -: \v 11 "Kakao Ku bakata, umpatlah, angkatlah tampat tidurnyu ba puaknglah ka rumahnyu!". \v 12 Tarus urakng koa pun umpat, langsung ngangkat tampat tidurre lalu ampus ka luar ka adapatn urakng-urakng koa, sampe dangan samua takjup lalu muliaatn Jubata, ja dangan koa: "Nang aya iyan nape' suah diri'k nee'k

02/13.txt

@@ -0,0 +1 @@
+\v 13 Apas koa Yesus ampus agik ka pantai danau, tarus samua urakng manyak atakng ka-Ia, lalu Ia ngajar dangan koa. \v 14 Apas koa sawaktu Ia bajaatn lewat dikoa, Ia nee'k Lewi anak Alpius duduk ka rumah cukai lalu Ia bakata ka ia: "Tunaanlah Aku!" Tarus badirilah Lewi lalu nunaan Ia.

02/15.txt

@@ -0,0 +1 @@
+\v 15 Apas koa sawaktu Yesus makatn ka rumah urakng koa, manyak panaap cukai ba urakng badosa makatn basama ba Ia ba na' murit-murit-Te ugak, barang manyak urakng nang nunaan Ia. \v 16 Sawaktu ahli-ahli Taurat dari golongan Farisi nee'k, kade'k Ia dah makatn ba na' panaap cukai ba urakng badosa koa, bakatalah kabatnne koa ka murit-murit-Te: "Ngahe Ia makatn basama ba na' panaap cukai ba na' urakng badosa?"

02/17.txt

@@ -0,0 +1 @@
+\v 17 Yesus nangaratn ia lalu bakata ka kabatnne: "Buke' urakng sehat nang mararuatn tabib, tapi urakng sakit; Aku atakng buke' untu' nyaru'k urakng banar, tapi urakng badosa."

02/18.txt

@@ -0,0 +1 @@
+\v 18 Sawaktu murit-murit Yohanes ba urakng-urakng Farisi gik bapuasa, ataknglah urakng-urakng lalu bakata ka Yesus: "Ngahe murit-murit Yohanes ba murit-murit urakng Farisi bapuasa, tapi murit-murit-Nyu ina'k?" \v 19 Ja Yesus nyahuti'k kabatnne koa: "Bisa gek ayukng-ayukng panganten nang laki bapuasa sedang panganten koa ada ba kabatnne? Salama panganten koa ada ba kabatnne, kabatnne ina'k bisa bapuasa

02/20.txt

@@ -0,0 +1 @@
+\v 20 Tapi waktue ana atakng panganten koa ditaap dari kabatnne, ka waktu koalah kabatnne bapuasa. \v 21 Ina' seko'k pun urakng nambalatn saimar kaikng nang nape susut ka baju nang lama, barang kade' yakoa kaikng panambal koa bisa ngarojekkatn, nang barahu ngarojek nang lama, lalu makin ayak'lah rojekke.

02/22.txt

@@ -0,0 +1 @@
+\v 22 Yakoa ugak ina' seko'k urakng pun nang nginsi'ik anggur nang barahu ka daapm kantong kuit nang lama, barang kade'k ayakoa anggur koa ana bisa ngarojek kantong koa, sampe jajie anggur koa ba kantongnge dua-dua e tabuakng. Tapi anggur nang barahu haruslah di tarohatn ka kantong nang barahu ugak."

02/23.txt

@@ -0,0 +1 @@
+\v 23 Ka sete' ari waktu ari Sabat, Yesus bajaatn ka uma gandum, samintara bajaatn murit-murit-Te mebet egek gandum. \v 24 Tarus ja urakng-urakng Farisi bakata ka Ia: "Tee'klah! Ngahe kabatnne koa minjawat hal nang ina'k dimuihan ka ari Sabat?"

02/25.txt

@@ -0,0 +1 @@
+\v 25 Ja Yesus nee'k kabatnne koa: "Nape'k suah me kao maca ahe nang dingalakukan di Daut, sawaktu ia ba nang nunaan ia kakurangan ba kaparatn, \v 26 aya mae ia taama'k ka daapm Rumah Jubata waktu Abiatar jaji Imam Aya'k tarus makatn roti sajian koa-nang ina'k muih dimakatn salain imam-imam- ba mare'k ia ugak ka pangikut-pangikutte?"

02/27.txt

@@ -0,0 +1 @@
+\v 27 Tarus ja Yesus ka kabatnne: "Ari Sabat dingadaatn untu' manusia, ba buke manusia untu' ari Sabat, \v 28 jaji Anak Manusia koa ugak Tuhan atas ari Sabat."

03/01.txt

@@ -0,0 +1 @@
+\v 1 Apas koa Yesus taama'k agik karumah sambayang. Di koa ada seko'k nang mati sabalah kokotte. \v 2 Kabatnne ne'ek'-neeatn Yesus kade'k-kade'k Ia nyamuhan urakng koa pas ari Sabat, biar bisa nyalahatn Ia.

03/03.txt

@@ -0,0 +1 @@
+\v 3 Ja Yesus ka urakng nang mati sabalah kokotte koa: "Je'k, badirilah ka tangah!" \v 4 Apas koa jakata-E ka dangan koa: "Mae ge'k nang dimuihan kade' ari Sabat, babuat baik gek babuat jahat, nyalamatatn nyawa urakng ge'k munuh urakng?" Tapi dangan koa diam maan.

03/05.txt

@@ -0,0 +1 @@
+\v 5 Ia sedih barang degel ati kabatnne koa sambi bera Ia neeatn sakuliling-Nge ka kabatnne koa lalu bakata ka urakng koa: "Joo'atnlah kokotnyu!" Lalu ia nyooatn kokotte, tarus samuhlah kokotte koa. \v 6 Tarus kauarlah urakng-urakng Farisi lalu langsung basakongkol ba urakng Herodian untu' munuh Ia.

03/07.txt

@@ -0,0 +1 @@
+\v 7 Apas Yesus ba murit-murit-Te nyingkir ka danau, manyak urakng Galilea nunaan-Ia. Dari Yudea ugak, \v 8 dari Yerusalem, dari Idumea, dari sabarang Yordan, ba dari daerah Tirus ba Sidon atakng manyak urakng ka Ia, apas dangan koa nangar ahe nang udah Ia minjawat.

03/09.txt

@@ -0,0 +1 @@
+\v 9 Ia nyuruh murit-murit-Te nyiapatn sabuah parahu untu' Ia barang di urakng rami koa, biar ame sampe dangan mesetatn Ia. \v 10 Barang Ia manyak nomoan urakng, sampe samua urakng nang menderita panyakit bapeset-peset ka Ia mao'k nyangkama'k Ia.

03/11.txt

@@ -0,0 +1 @@
+\v 11 Sawaktu roh-roh jahat kade' maan nee'k Ia, roh-roh koa tasungkur ka adapatn-Ne ngampak: "Kaolah Anak Jubata." \v 12 Tapi Ia ngalarang karas ame mare'k naun sae Ia.

03/13.txt

@@ -0,0 +1 @@
+\v 16 \v 20 rus Yesus taama'k ka sabuah rumah. Lalu ataknglah urakng manyak bakarumun ugak, sampe makatn pun kabatnne koa ina'k bisa. \v 21 Waktu kaum kaluarga-E nangar parihal koa, tarus atakng mao'k naap'ak Ia, barang jakata kaluarga-E Ia ina'k waras agi'k. \v 22 Ba ahli-ahli Taurat nang atakng dari Yerusalem bakata: "Ia karasukan Beelzebul," ba: "ba penghulu setan Ia ngoser setan."

03/17.txt

@@ -0,0 +1 @@
+\v 17 Yakobus anak Jebedeus, ba Yohanes adik Yakobus, nang kaduae Ia mare'k dama Boanerges, nang ratie anak-anak guruh,\v 18  apas koa Andreas, Filipus, Bartolomeus, Matius, Tomas, Yakobus anak Alpius, Tadeus, Simon urakng Jelot, \v 19 ba Yudas Iskariot, nang ngianati'k Ia.

03/20.txt

@@ -0,0 +1 @@
+\v 20 Tarus Yesus taama'k ka sabuah rumah. Lalu ataknglah urakng manyak bakarumun ugak, sampe makatn pun kabatnne koa ina'k bisa. \v 21 Waktu kaum kaluarga-E nangar parihal koa, tarus atakng mao'k naap'ak Ia, barang jakata kaluarga-E Ia ina'k waras agi'k. \v 22 Ba ahli-ahli Taurat nang atakng dari Yerusalem bakata: "Ia karasukan Beelzebul," ba: "ba penghulu setan Ia ngoser setan."

03/23.txt

@@ -0,0 +1 @@
+\v 23 Yesus nyaru'k kabatnne, lalu bakata ka kabantnne koa daapm paumpamaan: "Ayamae Ibalis bisa ngoser Ibalis? \v 24 Kade'k sote' kerajaan tapacah-pacah, kerajaan koa ina' bisa batahan, \v 25 ba kade' sabuah rumah tanga'k tapacah-pacah, rumah tanga'k koa ina'k bisa batahan.

03/26.txt

@@ -0,0 +1 @@
+\v 26 Yakoalah uga'k kade'k Ibalis ngaronta'k ngalawan diri'k e babaro ba kade' ia tabagi-bagi, ia ina' bisa batahan, tapi pastilah ia ancur. \v 27 Tapi ina'k seko'k urakng pun bisa namai'k rumah urakng nang kuat untu' ngarampas harta benda e kade'k ina'k diikatatn dihe doho'k urakng nang kuat koa. Apas koa baru'klah bisa ia ngarampok rumah koa.

03/28.txt

@@ -0,0 +1 @@
+\v 28 Aku bakata ka kao: "Sasidie samua dosa ba hujat anak-anak manusia akan diamponi'k, auk, samua hujat nang kabatnne koa ngucapatn. \v 29 Tapi kade'k seko'k urakng menghujat Roh Kudus, ia ina'k namu amponan salama-lamae, melainkan basalah barang babuat dosa kekal." \v 30 Ia bakata yakoa barang kabatnne ngataatn kade'k Ia karasukan roh jahat.

03/31.txt

@@ -0,0 +1 @@
+\v 31 Tarus ataknglah uwe'k ba saudara-saudara Yesus. Samintara kabatnne badiri kauar, kabatnne nyuruh urakng nyarui'k Ia. \v 32 Ada urakng manyak duduk ngulilingi'k Ia, kabatnne bakata ka Ia: "Tee'k, uwe'k ba saudara-saudara-Nyu ada ka uar, barusaha batamu'ak ba Kao."

03/33.txt

@@ -0,0 +1 @@
+\v 33 Ja Yesus nyahuti'k kabatnne koa: "Sae uwe'k-Ku ba sae saudara-saudara Ku?" \v 34 Ia nee'k ka urakng-urakng nang duduk ka sakuliling-Nge koa lalu bakata: "Nyia uwe'k Ku, ba nyia saudara-saudara-Ku! \v 35 Saepun nang ngalakukan kehendak Jubata, ialah saudara-ku nang laki ialah saudara-Ku nang bini, ialah uwe'k-Ku

04/01.txt

@@ -0,0 +1 @@
+\v 1 Ka lain ari Yesus mulai agi'k ngajar ka sisi danau. Lalu atakng urakng nang manyak sidi jumbalah he ngarumutni'k Ia, sampe Ia naik ka sabuah parahu nang agik balabuh lalu duduk di koa, sedangkan samua urakng manyak koa ka darat, ka sisi danau koa. \v 2 Ba Ia ngajaratn manyak hal daapm paumpamaan ka kabatnne. Daapm ajaran-Ne koa Ia bakata ka kabatnne:

04/03.txt

@@ -0,0 +1 @@
+\v 3 "Dangaratnlah! Ada seko' urakng pamanih kauar untu' naburatn banih. \v 4 Sawaktu ia naburatn banih ada sabagian banih koa jantu'k ka sisi maraga, tarus ataknglah burukng lalu matoki'k ia sampe abis. \v 5 Sabagian jantu'k ka tanah nang babatu-batu nang ina' manyak tanahhe, lalu banih koa pun tumuh, barang tanahhe mepes.

04/06.txt

@@ -0,0 +1 @@
+\v 6 Tapi apas mataari tarabit, layu'lah ia ba jaji karikng barang ina' ba akar. \v 7 Sabagian agi'k jantu'k ka tompoatn duri, lalu makin aya'k lah tompoatn duri koa ninihi'k tanaman koa sampe mati, ina jaji babuah.

04/08.txt

@@ -0,0 +1 @@
+\v 8 Ba sabagian jantu'k ka tanah nang baik, ia tumuh subur babuah, hasille ada nang tau puluh kai lipat, ada nang nang anam puluh kai lipat, ada nang saratus kai lipat." \v 9 Tarus jakata Yesus: "Sae nang ada ba tarenyekng untu' nangar, haruslah ia nangar!"

04/10.txt

@@ -0,0 +1 @@
+\v 10 Sawaktu Ia babaro, pangikut-pangikut-Te badua balas murit koa nanyaan parihal paumpamaan koa. \v 11 Ja Yesus: "Ka kao udah dimareatn kuasa, tapi ka urakng-urakng luar sagala sesuatu disampeatn daapm paumpamaan, \v 12 biar: "Sakaipun nee'k, kabatnne ina'k nanggap, sakaipun nangar, kabatnne ina'k ngarati, biar kabatnne ame babalik ba di ampuni'k.

04/13.txt

@@ -0,0 +1 @@
+\v 13 Tarus Ia bakata ka kabatnne: "Ina'k me kao ngarati paumpamaan nyian? Kade' yakoa yamae kao bisa ngarati paumpamaan nang lain? \v 14 Pamanih koa nang naburatn firman. \v 15 Urakng-urakng nang ka pinggir maraga, tampat firman koa dinaburatn, ialah kabatnne nang nangar firman, lalu ataknglah Ibalis tarus naap firman nang baru' di naburatn ka kabatnne koa.

04/16.txt

@@ -0,0 +1 @@
+\v 16 Yakoa ugak nang dinaburatn ka tanah nang ba batu-batu, ialah urakng-urakng nang nangar firman koa ba langsung narima' ia ba ati nang senang, \v 17 tapi kabatnne koa ina' ba akar ba tahan sabantar kahe. Kade'k pas waktu atakng penindasan gek penganiayaan barang oleh firman koa, kabatnne koa langsung murtad.

04/18.txt

@@ -0,0 +1 @@
+\v 18 Ba nang lain koa nang di naburatn ka tompoatn duri, koa nang nangaratn firman koa, \v 19 lalu kakuatiran dunia nyian ba tipu daya kakayaan ba kainginan-kainginan ka hal nang lain taama'klah ninihi'k firman koa sampe ina'k babuah. \v 20 Ba ahir e nang dinaburatn ka tanah nang baik, ialah urakng nang nangar ba nang nyambut firman koa tarus babuah, ada nang tau puluh kai lipat, ada nang anam puluh kai lipat, ba ada nang saratus kai lipat."

04/21.txt

@@ -0,0 +1 @@
+\v 21 tarus Yesus bakata ka kabatnne: "Urakng ngicakng lampu buke' supaya ditarohi'k ka babah tampat tidur, tapi biar ditarohi'k ka atas lampu badiri. \v 22 Barang ina' ada sesuatu nang tataporatn nang ina'k akan di batakatn, ba ina'k ada sesuatu nang rahasia nang in'k akan tasingkap. \v 23 Saepun nang ada ba tarenyekng untu' nangar, haruslah ia nangar!"

04/24.txt

@@ -0,0 +1 @@
+\v 24 lalu Ia bakata agik: "Ingatlah ahe nang kao dangar! Ukuran nang kao make untu' ngukur akan di ukuratn ka kao, ba salabihe akan ditambahatn agik. \v 25 Barang sae nang mempunyai'k, ka ia ana akan dibarei'k, tapi sae nang ina'k punya'k, ahe pun ugak nang ada ka ia akan ditaap dari ia."

04/26.txt

@@ -0,0 +1 @@
+\v 26 lalu ja Yesus: "Aya iyanlah hal kerajaan Jubata koa: saumpama urakng nang naburatn banih ka tanah, \v 27 lalu ka maam ari e ia tidur ka siakng ari e ia umpat, tarus banih koa ngauaratb comok e,lalu comok koa makin tingi, ayamae jaji e urakng koa ina'k nauan. \v 28 Tanah babaroe ngauasatn buah, mula-mula tangke e, lalu ege'k e, apas koa ege'k-ege'k nang barinsi'k ka daapmme. \v 29 Kade' buah he koa udah cukup masak, urakng koa langsung mebet ia, barang musim bahanyi udah atakng

04/30.txt

@@ -0,0 +1 @@
+\v 30 Jakata-E agik: "ba ahe harusse diri'k bandingkan Kerajaan Tuhan koa, gek ba paumpamaan mae gek diri'k mao'k ngambaratn ia? \v 31 Hal Kerajaan koa saumpama ege'k sesawi nang dinaburatn ka tanah. Memang ege'k e koa nang paling ene'k dari pada samua jenis banih nang ada ka dunia. \v 32 Tapi kade'k ia ditaburatn, ia tumuh ba jaji labih aya'k dari pada samua sayuran nang lain ba ngauasatn cabang-cabang nang aya'k, sampe burukng-burukng ka angit pun basarakng ka daapm me.

04/33.txt

@@ -0,0 +1 @@
+\v 33 Daapm manyak paumpamaan nang aya koa, Ia maritaatn firman ka urakng sasuai ba pengertian urakng-urakng, \v 34 ba tanpa paumpamaan Ia ina'k bakata-kata ka urakng, tapi ka murit-murit-Te Ia nguraikan sagala e sacara rinci.

04/35.txt

@@ -0,0 +1 @@
+\v 35 Ka pada ari koa ugak, sawaktu abut udah patakng, Yesus bakata ka kabatnne: "Ijeklah diri'k batolak ka sabarang." \v 36 Kabatnne ningaatn urakng manyak koa, tarus ngicakng Yesus ka daapm parahu, Yesus duduk lalu parahu-parahu nang lain nunaan Ia. \v 37 Tarus ataknglah angin topan nang aya'k sidi, ba ombak nyambur taama'k ka daapm parahu, sampe parahu koa mulai'k bainsi'k di ai'k.

04/38.txt

@@ -0,0 +1 @@
+\v 38 Waktu koa Yesus gi'k tidur ka buritan ka sabuah tilam. Tarus murit-murit-Te ngumpatatn Ia lalu bakata ka-Ia : "Guru, Kao ina'k paduli se diri'k binasa?" \v 39 Ia pun umpat, merai'k angin koa pun ugak bakata ka danau koa: "Diam! Tananglah!" Tarus angin koa diam ba danau koa tanang sidi.

04/40.txt

@@ -0,0 +1 @@
+\v 40 Lalu Ia bakata ka kabatnne: "Ngahe kao gai'k sidi? Ngahe kao ina'k picaya'k?" \v 41 Kabatnne jaji gai'k sidi lalu bakata seko'k ba nang lain: "Sae kira'k e urakng nyian, sampe angin ba danau pun taat ka-Ia?"

05/01.txt

@@ -0,0 +1 @@
+\v 1 Lalu sampelah kabatnne ka sabarang danau, ka daerah urakng Gerasa. \v 2 Baru'k aja' Yesus turutn dari parahu, ataknglah seko' urakng nang karasukan roh jahat dari pakuburan namui'k Ia.

05/03.txt

@@ -0,0 +1 @@
+\v 3 Urakng koa diapm di koa, ina'k ada seko'k urakng pun agi'k nang sanggup ngikat ia, sakaipun di rante, \v 4 barang udah pancah ia dingikat ba dingarante, tapi rante e ia mutusatn ba pangikatte ia ngancuratn, sampe ina' ada seko'k urakngpun nang cukup kuat untu' naap ia.

05/05.txt

@@ -0,0 +1 @@
+\v 5 Siakng maam ia bakaliaran ka kuburan ba ka bukit-bukit sambi ngampak ba nokoi'k diri'k e ba batu. \v 6 Sawaktu ia nee'k Yesus dari jauh, batalama'klah ia ngampusi'k Yesus tarus nyambah Ia.

05/07.txt

@@ -0,0 +1 @@
+\v 7 lalu ba suara nang karas ia ngampak; "Ahe urusan-Nyu ba aku, hei Yesus, Anak Jubata Nang Mahatingi? Demi Jubata, ame siksa aku!" \v 8 Barang sanape'k e Yesus bakata ka ia: "Hoi kao roh jahat! Kauarlah dari urakng nyian!"

05/09.txt

@@ -0,0 +1 @@
+\v 9 Apas koa Ia batanya'k ka urakng koa: "Sae damanyu?" ia nyahuti'k: "Damaku Legion, barang kami manyak." \v 10 Ia minta'k sidi-sidi supaya Yesus ame ngoser roh-roh koa kaluar dari daerah koa.

05/11.txt

@@ -0,0 +1 @@
+\v 11 Ada dikoa ka sisi bukit manyak sidi babotn gik ngago'k makatn, \v 12 tarus roh-roh koa minta'k ka Ia, "Suruhlah kami pindah ka babotn-babotn koa, biaratnlah kami namai'k ia!" \v 13 Yesus ngabulatn pamintaan kabatnne kao. Tarus kaluarlah roh-roh jahat koa ba nama'ik babotn-babotn koa. Komoan babotn nang kira-kira dua ribu jumbalahhe koa tarajutn dari sisi jurang ka daapm danau tarus mati lamas ka daapme.

05/14.txt

@@ -0,0 +1 @@
+\v 14 Tarus darilah panyaga-panyaga babotn koa ba nyuritaatn parihal koa ka kota'k ba ka kampokng-kampokng sakitare. Tarus kaluarlah urakng untu' nee'k ahe nang udah jaji. \v 15 Kabatnne atakng ka Yesus ba nee'k urakng nang karasukan koa duduk, udah bapakean ba udah waras, urakng nang tadi e karasukan Legion koa. Jaji gai'k lah dangan koa.

05/16.txt

@@ -0,0 +1 @@
+\v 16 Urakng-urakng nang udah nee'k babaro parihal koa bacurita ka dangan ahe nang udah jadi ka urakng nang karasukan setan koa, ba babotn-babotn koa. \v 17 Lalu dangan maksa Yesus biar ningaatn daerah he koa.

05/18.txt

@@ -0,0 +1 @@
+\v 18 Sawaktu Yesus naik agik ka daapm parahu, urakng nang tadi karasukan setan koa minta'k biar dingijinan nunaan Ia. \v 19 Yesus ina' muihan, tapi Ia bakata ka urakng koa: "Puaknglah ka rumahnyu, ka urakng-urakng sakampokng, bare' nauanlah ka dangan sagala ahe nang udah dingalakukan di Tuhan ka kao ba ayamae Ia udah ngasihi'k kao!" \v 20 Urakng koa pun ampuslah ba mulai'k maritaatn ka daerah Dekapolis sagala ahe nang udah diminjawat di Yesus ka atas diri'k e tarus dangan koa samua jaji heran.

05/21.txt

@@ -0,0 +1 @@
+\v 21 Apas Yesus nyabarang agik ba parahu, urakng manyak baduyun-duyun atakng tarus ngarumutni'k Ia.  Sedang Ia barada ka sisi danau, \v 22 ataknglah seko'k kapala rumah sambayang nang badama Yairus. Sawaktu ia nee'k Yesus tasungkurlah ia ka adapatn paha-E \v 23 ba memohon sidi ka-Ia: "Anakku nang bini agi'k sakit amper mati, ataknglah kirae ba tarohatnlah kokot-Nyu ka atas ia, biar ia bisa salamat ba tatap idup" \v 24 lalu ampuslah Yesus ba urakng koa. Urakng manyak baduyun-duyun nunaan Ia ba peset-peset ka samak-Ke.

05/25.txt

@@ -0,0 +1 @@
+\v 25 Ada dikoa seko'k nang bini nang udah dua balas tahutn lamae sakit pendarahan. \v 26 Ia udah baulang-ulang dingobati'k di bamacam tabib, sampe udah ia ngabisatn samua nang ada ka ia, tapi sama sakai ina ada gunae malah sabalik'ke kaadaanne makin buruk. \v 27 Ia udah nangar barita-barita parihal Yesus, tarus ka tangah-tangah urakng manyak koa ia nyamaki'k Yesus dari balakang ba nyangkam jubah-He.

05/28.txt

@@ -0,0 +1 @@
+\v 28 Barang jare: "Asal ku jangkam maan jubah-He, aku pasti tomo." \v 29 Pas koa uga'k barantilah pendarahanne ba ia marasa, kade'k badanne udah tomo dari panyakitte.

05/30.txt

@@ -0,0 +1 @@
+\v 30 Sawaktu koa ugak Yesus nauan, kade' ada tenaga nang kaluar dari diri'k-E, tarus Ia malek ka tangah urakng manyak lalu batanya'k: "Sae nang nyangkam jubah-Ku?" \v 31 Murit-murit-Te nyahuti'k: Kita' nee'k babaro ayamae urakng-urakng nyian bapeset-peset kasamak-Nyu, lalu Kita' batanya'k: Sae nang nyangkam Aku?" \v 32 Lalu Ia nee'k sakuliling-Nge mao'k nee'k sae nang dah udah ngalakukan hal koa.

05/33.txt

@@ -0,0 +1 @@
+\v 33 Nang bini koa, nang jaji gai'k ba gangatar sawaktu nahui'k ahe nang udah jaji ka diri'k e, muok ba tasungkur ka adapatn Yesus ba ati nang tulus mare'k nauan sagalae ka Yesus. \v 34 Tarus jakata-E ka nang bini koa: "O anak Ku, imannyu udah nyalamatatn kao. Puaknglah salamat ba tomolah dari panyakit nyu!"

05/35.txt

@@ -0,0 +1 @@
+\v 35 Sawaktu Yesus masih bakata ataknglah urakng dari kaluarga kapala rumah sambayang koa tarus bakata: "Anaknyu udah mati, ahe gunae agik kao nyusah-nyusahatn Guru?"

05/36.txt

@@ -0,0 +1 @@
+\v 36 Tapi Yesus ina'k maduliatn pakataatn dangan koa, Ia bakata ka kapala rumah sambayang koa: "Ame gai'k, picaya maan!" \v 37 Tarus Yesus ina'k muihan seko urakng pun nang nunaan, kacuali Petrus, Yakobus, ba Yohanes, adi'k Yakobus. \v 38 Kabatnne sampe ka rumah kapala rumah sambayang koa, dinaun Ia nee'k urakng-urakng bacurak, nangis, ngaruo ba suara nang nyarekng.

05/39.txt

@@ -0,0 +1 @@
+\v 39 Apas koa Ia taama'k tarus Ia bakata ka urakng-urakng koa: "Ngahe kita'k bacurak ba nangis? Kamuda'k nyian ina'k mati, tapi tidur!" \v 40 Tapi dangan koa ngaakatn Ia. Tarus Ia ngoser samua urakng koa, lalu Ia maba apa'k ba uwe'k kamuda'k koa ba kabatnne nang basama-sama ba-Ia taama'k ka bii'k kamuda'k koa.

05/41.txt

@@ -0,0 +1 @@
+\v 41 Lalu Ia nyingii'k kokot kamuda'k koa, jakata-E: "Talita kum," nang ba arti: "Hei anak-Ku, Aku bakata ka kao, umpatlah!" \v 42 Sakoa ugak kamuda'k koa bangkit badiri ba bajaatn, barang umurre udah dua balas tahutn. Samua urakng nang ada sidi heran, \v 43 Ia bapasatn sidi-sidi ka kabatnne biar ame seko'k urakng pun nang nahui'k parihal koa, lalu Ia nyuruh dangan mare'k kamuda'k koa makatn.

06/01.txt

@@ -0,0 +1 @@
+\v 1 Apas koa Yesus barangkat dari koa tarus sampe ka tampat asal-E, sedang mirit-murit-Te nunaan Ia. \v 2 Sawaktu ari Sabat Ia mulai'k ngajar ka rumah sambayang lalu jemaat nang rami kaheranan sawaktu nangar Ia tarus dangan koa bakata: "Dari mae Ia namu samua koa? Pangatahuan ahe pula'k nang  dimareatn ka Ia? ba mujisat-mujisat nang yakoa, ayamae bisa Ia minjawat ba kokot-Te? \v 3 Buke'k me nya Ia nyian tukang kayu, anak Maria, adi'k baradi'k Yakobus, Yoses, Yudas ba Simon? Ba buke'k me adi'k baradi'k-E nang bini ada ba diri'k dian? Tarus dangan koa kecewa ba nolak Ia.

06/04.txt

@@ -0,0 +1 @@
+\v 4 Tarus Yesus bakata ka dangan koa: "Seko'k nabi dihormati'k dimae-mae kacuali katampat asal e babaro, ka antara kaum kaluargae, ba ka rumahhe." \v 5 Ia ina'k dapat ngadaatn sote'k mujisat pun dikoa, kacuali nyamuhan sangahe eko'k urakng sakit ba narohatn kokot-Te ka atas kabatnne. \v 6 Ia marasa heran ka atas ina'k picayaatn dangan koa. Tarus Yesus bajaatn bakuliling dari desa ka desa sambi ngajar.

06/07.txt

@@ -0,0 +1 @@
+\v 7 Ia nyaru'k ka dua balas murit koa ba ngutus kabatnne badua-dua. Ia mare'k kuasa atas roh-roh jahat, \v 8 ba Ia bapasatn ka kabatnne supaya ame ngicakng ahe-ahe daapm pajaanan kabatnne, kacuali tungkat, roti pun ame, bahata pun ame, duit ka daapm ikat pinggang pun ame, \v 9 muih make alas paha, tapi ame make dua baju.

06/10.txt

@@ -0,0 +1 @@
+\v 10 Tarus jakata-E ka kabatnne: "Kade'k ka sote'k tampat kao udah dinarima'k daapm sote'k rumah, diapmlah dikoa sampe kao barangkat dari tampat koa. \v 11 Ba kade'k ada sete'k tampat nang bai'k narima'k kao ba kade'k dangan koa bai'k nangaratn kao, kaluarlah dari koa ba kibasatnlah dabu nang ka pahanyu untu' jaji paringatan ba dangan koa.

06/12.txt

@@ -0,0 +1 @@
+\v 12 Tarus ampuslah kabatnne maritaatn kade'k urakng harus batobat, \v 13 ba kabatnne manyak ngoser setan, ba noesi'k manya'k urakng sakit ba binyak ba nyamuhan kabatnne.

06/14.txt

@@ -0,0 +1 @@
+\v 14 Raja Herodes uga'k nangar parihal Yesus, barang dama-E udah takanal ba urakng ngataatn: "Yohanes Pamaptis udah bangkit dari antara urakng mati ba koalah jajie kuasa-kuasa koa bakaraja ka daapm Ia" Nang lain ngataatn: "Ia koa Elia!" \v 15 Nang lain ngataatn: "Ia koa nabi sama aya tolen nabi-nabi nang doho'k dee."

06/16.txt

@@ -0,0 +1 @@
+\v 16 Waktu Herodes nangar parihal koa, ia bakata: "Buke'k, ia koa Yohanes nang udah ku natak kapalae, ba nang udah bangkit agi'k." \v 17 Barang memang Herodeslah nang nyuruh urakng nangkap Yohanes ba ngarante ia ka pinjara parihal peristiwa Herodias, bini Filipus saudara e, barang Herodes udah naap ia jaji bini e.

06/18.txt

@@ -0,0 +1 @@
+\v 18 Barang Yohanes suah nagor Herodes: "Ina'k sah kao naap bini saudaranyu!" \v 19 Barang koalah Herodias dandam ka Yohanes ba bamaksut untu' munuh ia, tapi ina'k bisa, \v 20 barang Herodes tangu ka Yohanes barang ia nauan, kade'k Yohanes koa urakng nang banar ba suci, jaji ia ngalindungi'k ia. Tapi kade' ia nangaratn Yohanes, ati e sau taombang-ambing, tapi ia marasa senang ugak nangaratn ia.

06/21.txt

@@ -0,0 +1 @@
+\v 21 Ahire sampe uga'k kasempatan nang baik untu' Herodias, sawaktu Herodes ka ari ulang tahun ne minjawat perjamuan untu' urakng-urakng aya'k, perwira-perwira e ba urakng-urakng terkemuka ka Galilea. \v 22 Waktu koa anak nang bini Herodias muok tarus nari, ia minjawat ati Herodes senang ba tamu-tamu e. Raja bakata ka nang dara koa: "Minta dari aku ahe maan nang kao mao'an, aku akan mareatn ka kao!",

06/23.txt

@@ -0,0 +1 @@
+\v 23 tarus ba sumpah ka ia: "Ahe maan nang kao minta' akan ku bareatn ka kao sakaipun satangah dari kerajaanku!" \v 24 Kamuda'k koa ampus batanya'k ka uwe'k e: "Ahe nang harus ku minta'k?" Ja uwek'e: "Kapala Yohanes Pamaptis!" \v 25 Tarus bijak-bijaklah ia ampus ka raja ba minta'k: "Aku mao'k, supaya angkitn ugak kao bareatn ka aku kapala Yohanes Pamaptis ka sabuah talam!"

06/26.txt

@@ -0,0 +1 @@
+\v 26 Lalu sedihlah sidi ati raja, tapi barang di sumpahhe ba barang tamu e ia bai'k nolak ia. \v 27 Raja langsung bijak nyuruh seko'k pangawale marintahatn untu' naap kapala Yohanes ka pinjara.\v 28  Ia ngicakng kapala koa ka sabuah talam ba mareatn ia ka nangdara koa lalu nangdara koa mareatn ka uwe'k e.\v 29  Sawaktu murit-murit Yohanes nangar parihal koa kabatnne atakng ba naap bangke e, tarus nguringan ia ka k daapm kuburan.

06/30.txt

@@ -0,0 +1 @@
+\v 30 Apas rasul-rasul koa muakng bakomo'k ba Yesus ba mare'k nauan samua nang kabatnne ngarajaan ba ngajaratn. \v 31 Lalu Ia bakata ka kabatnne: "Ije'klah ka tampat nang sunyi'k, biar diri'k maan, ba istirahatlah sabantar!" Barang memang manyak sidi urakng nang atakng ba nang dari, sampe makatn pun kabatnne ina'k sampat. \v 32 Tarus barangkatlah kabatnne untu' ngasingkan diri'k ba parahu ka tampat nang sunyi'k.

06/33.txt

@@ -0,0 +1 @@
+\v 33 Tapi sawaktu kabatnne barangkat, manyak urakng nee'k kabatnne ba nauan tujuan ne. Naap maraga darat bijaklah baatangan urakng dari samua kota'k ka tampat koa sampe noho'ik kabatnne. \v 34 Sawaktu Yesus mandarat, Ia nee'k urakng daapm jumbalah nang manyak, tarus tagaraklah ati-E kasihatn ka dangan koa, barang kabatnne koa aya tolen domba nang ina'k ba gembala. Tarus mulai'lah Ia ngajaratn manyak hal ka kabatnne.

06/35.txt

@@ -0,0 +1 @@
+\v 35 Sawaktu ari udah mulai' maam, ataknglah murit-murit-Te ka Ia tarus bakata: "Tampat nyian sunyi'k ba ari udah mulai' maam. \v 36 Suruhlah kabatnne dari, biar kabatnne bisa mali pamakanan ka desa-desa ba ka kampokng-kampokng sakitar nyia."

06/37.txt

@@ -0,0 +1 @@
+\v 37 Tapi sahut-Te: "Kao harus mare'k kabatnne koa makatn!" ja kabatnne ka Ia: "Jadi harus me kami mali roti nang saraga dua ratus dinar untu' mare kabatnne makatn?" \v 38 Tapi Ia bakata ka kabatnne: "Sangahe manyak roti nang ada ka kao? Cobalah pariksa!" Apas udah mariksa ia kabatnne bakata: "Lima roti ba dua ikatn."

06/39.txt

@@ -0,0 +1 @@
+\v 39 Tarus Ia nyuruh urakng-urakng koa, biar samua duduk bakalompok-kalompok ka atas rumput ijo. \v 40 Tarus duduklah kabatnne koa bakalompok-kalompok ada nang saratus, ada nang lima puluh urakng. \v 41 Ba apas Ia naap lima roti ba dua ikatn koa, Ia ningkadah ka angit ba ngucapatn barakat, tarus macah-macahatn roti koa ba mareatn ka murit-murit-Te, biar dibagi-bagiatn ka urakng-urakng koa; yakoa ugak kadua ikatn koa Ia magi-magiatn ka dangan samua.

06/42.txt

@@ -0,0 +1 @@
+\v 42 Dangan koa samua makatn sampe kanyang. \v 43 Apas urakng ngomoan potongan-potongan roti dua balas baku bainsi'k, salain dari pada sisa'-sisa' ikatn. \v 44 Nang makatn roti koa ada lima ribu urakng.

06/45.txt

@@ -0,0 +1 @@
+\v 45 Apas koa Yesus langsung marintahatn murit-murit-Te naik ka parahu lalu barangkat labih doho'k ka sabarang, ka Betsaida, samintara koa Ia nyuruh urakng rami koa puakng. \v 46 Apas Ia bapisah ba kabatnne, Ia ampus ka bukit untu' badoa. \v 47 Sawaktu ari udah maam parahu koa udah ada katangah danau, sedang Yesus babaro ka darat.

06/48.txt

@@ -0,0 +1 @@
+\v 48 Sawaktu Ia nee'k sidi payahhe kabatnne koa ngayuh dayung barang diangin sakal, lalu kira-kira jam tiga maam Ia atakng ka kabatnne bajaatn ka atas ai'k ba Ia mao'k ngalewati'k kabatnne koa. \v 49 Sawaktu kabatnne nee'k Ia bajaatn ka atas ai'k, kabatnne ngira kade Ia koa antu, tarus kabatnne koa bangampakatn, \v 50 barang kabatnne koa samua nee'k Ia ba kabatnne koa samua pun takajut. Tapi bijak Ia bakata ka kabatnne: "Tananglah! Aku nyian, ame gai'k!"

06/51.txt

@@ -0,0 +1 @@
+\v 51 Tarus Ia naik ka parahu namui'k kabatnne, lalu angin pun tanang. Kabatnne sidi tacangang ba kabingungan, \v 52 barang apas paristiwa roti koa, kabatnne nape' ngarati, ba ati kabatnne koa tatap degel.