Mon Mar 26 2018 17:09:08 GMT+0700 (SE Asia Standard Time)

01/01.txt

@@ -0,0 +1 @@
+\v 1 Nyianlah silsilah Yesus Karistus, anak Daut, anak Abraham. \v 2 Abraham maranakatn Ishak, Ishak maranakatn Yakup, Yakup maranakatn Yehuda ba adi'-baradi'k e. \v 3 Yehuda maranakatn Peres ba Zerah dari Tamar, Peres maranakatn Hezron, Hezron maranakatn Ram,

01/04.txt

@@ -0,0 +1 @@
+\v 4 Ram maranakatn Aminadap, Aminadap maranakatn Nahason, Nahason maranakatn Salmon, \v 5 Salmon maranakatn Boas dari Rahab, Boas maranakatn Obed dari Rut, Obed maranakatn Isai. \v 6 Isai maranakatn raja Daut. Daut maranakatn Salomo dari bini Uria,

01/07.txt

@@ -0,0 +1 @@
+\v 7 Salomo maranakatn Rehabeam, Rehabeam maranakatn Abia, Abia maranakatn Asa, \v 8 Asa maranakatn Yosafat, Yosafat maranakatn Yoram, Yoram maranakatn Uzia,

01/09.txt

@@ -0,0 +1 @@
+\v 9 Uzia maranakatn Yotam, Yotam maranakatn Ahas, Ahas maranakatn Hizkia, \v 10 Hizkia maranakatn Manasye, Manasye maranakatn Amon, Amon maranakatn Yosia, \v 11 Yosia maranakatn Yekhonya ba adi-baradi'k e pas sawaktu pambuangan ka Babel.

01/12.txt

@@ -0,0 +1 @@
+\v 12 Salapas pambuangan ka Babel, Yekhonya maranakatn Sealtiel, Sealtiel maranakatn Zerubabel, \v 13 Zerubabel maranakatn Abihut, Abihut maranakatn Elyakim, Elyakim maranakatn Azor, \v 14 Azor maranakatn Zadok, Zadok maranakatn Akhim, Akhim maranakatn Eliut,

01/15.txt

@@ -0,0 +1 @@
+\v 15Eliut maranakatn Eleazar, Eleazar maranakatn Matan, Matan maranakatn Yakup, \v 16Yakup maranakatn Yusup aki Maria, nang maranakatn Yesus nang disabut Karistus. \v 17Jadi saluruhe ada; ampat balas katurunan dari Abraham sampe Daut, ampat balas katurunan  dari Daut sampe pambuangan ka Babel, ba ampat balas katurunan dari pambuangan ka Babel sampe Karistus.

01/18.txt

@@ -0,0 +1 @@
+\v 18 Kalahiran Yesus Karistus saparati aya nyian: Pada waktu koa Maria, uwe'k-E, batunangan ba Yusup, rupae e ia babuntikng dari Roh Baraseh, sanape ia badua koa idup jaji aki bini. \v 19 Barang Yusup akie urakng nang tulus atie na ia bai ngarusak dama binie ka muha umum, ia bamaksut nyareatna'k ia sacara diam-diam

01/20.txt

@@ -0,0 +1 @@
+\v 20 Tapi sawaktu ia nimbang maksut koa, malaekat Jubata kateaatn ka ia kadaapm mimpi tarus bakata: "Yusup, anak Daut, amelah kao gai'k naap Maria untu' jaji bininyu, barang anak nang kadaapm buntiknge koa dari Roh Baraseh. \v 21 Ia ana akan maranakatn anak nang laki, kao ana akan mare Ia dama Yesus, barang Ia lah nang ana akan  nyalamatatn umat-Te dari dosa."

01/22.txt

@@ -0,0 +1 @@
+\v 22 Hal koa jaji biar ganaplah nang difirmankan Jubata di nabi: \v 23 "Sasidie, anak dara koa akan babuntikng ba maranakatn seko kamuda laki, ba kabatne akan mare Ia dama Imanuel"- nang baarti: Jubata nyaratai diri'k.

01/24.txt

@@ -0,0 +1 @@
+\v 24 Apas umpat dari tidure, Yusup babuat aya tolen nang dimarentahatn malaekat Jubata koa ka ia. Ia naap Maria jaji binie, \v 25 tapi ina basatubuh ba ia sampe ia maranakatn anake nang laki lalu Yusup mare dama  Yesus ka Ia.

02/01.txt

@@ -0,0 +1 @@
+\v 1 Apas Yesus dimaranakatn ka Betlehem ka tanah Yudea waktu jaman raja Herodes, ataknglah urakng-urakng majus dari Timur ka Yerusalem \v 2 lalu batanya-tanya: "Dimae gek Ia, raja urakng Yahudi nang baru dimaranakatn koa? Kami udah nee bintakng-Nge ka Timur kami atakng untu nyambaha Ia. \v 3 Sawaktu raja Herodes nangar parihal koa takajutlah ia ba samua urakng Yerusalem.

02/04.txt

@@ -0,0 +1 @@
+\v 4 Lalu dingomoanlah samua imam kapala ba ahli Taurat bangsa Yahudi, lalu ia minta katerangan dari kabatne, dimae Mesias mao diparanakatn. \v 5 Kabatne bakata ka ia: "Ka Betlehem ka tanah Yudea, barang yakoa lah nang ada tatulis daapm kitab nabi: \v 6 Hei kao Betlehem, tanah Yehuda, kao sakai-kai buke'lah nang terenek ka antara dangan nang mamarentah Yehuda, barang dari kaolah akan bangkit seko urakng pamimpin, nang akan ngiringan umat-Ku Israel."

02/07.txt

@@ -0,0 +1 @@
+\v 7 lalu sacara diam-diam Herodes nyarui'k urakng-urakng Majus koa. Ia nautu batanya ka kabatne, kamie bintakng koa kateeatn. \v 8 Tarus ia nyuruh kabatne ka Betlehem, jakatae: " Ampuslah ba salidiki' sacara nautu hal-hal manganai' Kamuda'k koa lalu bijaklah salapas kao namuan Ia, kabariklah ka aku biar aku pun atakng nyambah Ia."

02/09.txt

@@ -0,0 +1 @@
+\v 9 Apas nangar kata-kata raja koa, barangkatlah kabatne. Tee'lah, bintakng nang kabatne nee ka Timur koa nohoi'k kabatne sampe namus lalu baranti ka atas tampat, dimae Anak koa barada. \v 10 Sawaktu kabatne nee bintakng koa, basukacitalah kabatne.

02/11.txt

@@ -0,0 +1 @@
+\v 11 Tarus taama'k lah kabatne ka daapm rumah koa, lalu nee Kamuda'k koa ba Maria uwe'k-E, tarus sujut nyambah Ia. Kabatne pun mukai tampat harta bandae, lalu mareatn parsembahan ka-Ia, yakoa amas, kamayan ba mur. \v 12 Barang di maringatatn kadaapm mimpi, biar ame muakng ka Herodes, tarus puaknglah kabatne koa ka nagarie malalui' maraga lain.

02/13.txt

@@ -0,0 +1 @@
+\v 13 Apas urakng-urakng Majus koa barangkat, kateatnlah malaekat Jubata ka Yusup daapm mimpi tarus bakata: " Umpatlah, taaplah Kamuda'k koa ba uwek-E, darilah ka Mesir ba diamplah ka naun sampe Aku bafirman ka kao, barang Herodes mao' ngaguik Kamudak koa untu' munuha' Ia." \v 14 Tarus Yusup pun umpatlah, ia naap Kamuda' koa ba uwek-E pada maam koa ugak, lalu manyingkir ka Mesir,\v 15  lalu diamp dinaun sampe Herodes mati. Parihal koa tajaji biar ganaplah nang di firmankan Jubata ka nabi: " Dari Mesir ku nyarui'k Anak-Ku.

02/16.txt

@@ -0,0 +1 @@
+\v 16 Sawaktu Herodes nauan, kade ia udah dingaloki di urakng-urakng Majus koa, ia bera sidi. Lalu ia nyuruh munuhi samua kamuda'k ka Betlehem ba sakitare, kamuda'k nang ba umur dua tahutn ka babah, sasuai ba waktu nang ia nauan dari urakng-urakng Majus koa.

02/17.txt

@@ -0,0 +1 @@
+\v 17 Sasuai koa ganaplah firman nang di nyampeatn di nabi Yeremia: \v 18 "Kadangaratnlah suara ka Rama, tangis ba ratapan nang sidi sedih; Rahel nangisi anak-anake ba ia bai di iburatn, barang kabatne ina ada agik."

02/19.txt

@@ -0,0 +1 @@
+\v 19 Apas Herodes mati, kateaatnlah malaekat Jubata ka Yusup daapm mimpi, jakatae: \v 20 "Umpatlah, taaplah Kamudak koa ba uwek-E lalu barangkatlah ka tanah Israel, barang dangan nang mao' munuha Kamuda'k koa udah mati. \v 21 Lalu Yusup pun umpatlah, ia naap Kamuda'k koa ba uwek-E tarus ampus ka tanah Israel

02/22.txt

@@ -0,0 +1 @@
+\v 22 Tapi apas ia nangar, kade' Arkelaus jaji raja ka Yudea nganti Herodes, apak e, ia gai'k ka naun. Barang dinasehati' ka daapm mimpi, ampuslah Yusup ka daerah Galilea. \v 23 Dah sampe ka naun ia pun badiapm ka sabuah kota' nang badama Nasaret. Hal koa jaji supaya ganaplah firman pakataatn Jubata nang di nyampeatn di nabi-nabi, kade Ia akan di sabut: Urakng Nasaret.

03/01.txt

@@ -0,0 +1 @@
+\v 1 Pas waktu koa muoklah Yohanes Pambaptis ka padakng gurun Yudea ia maritaatn: "\v 2 Batobatlah, barang karajaan Saruga udah samak"!\v 3  Sasidie ia koa lah nang dimaksut di nabi Yesaya sawaktu ia bakata: "Ada suara nang ngampak-ngampaki ka padakng gururn: Siapatnlah maraga untu' Jubata, ocoratnlah maraga untu' Ia."

03/04.txt

@@ -0,0 +1 @@
+\v 4 Yohanes make jubah bulu onta ba ikat pinggang kuit, ba makanane buntak ba madu daapm abut. \v 5 Tarus ataknglah panduduk Yerusalem, dari saluruh Yudea ba saluruh daerah sakitar sungai Yordan. \v 6 Lalu sambi ngakoik dosae, dangan koa dibaptis di Yohanes ka sungai Yordan.

03/07.txt

@@ -0,0 +1 @@
+\v 7 Tapi waktu ia nee manyak urakng Farisi ba Saduki atakng untu di baptis, bakatalah ia ka kabatne: Hoi kao katurunan uwar baludak. Sae gek nang ngataatn ka kao, kade kao bisa dariaatn diri'k nyu dari ukuman nang ana atakng? \v 8 Jadi hasilatn lah buah nang sasuai ba pertobatan. \v 9 Ba amelah kao kira, kade kao bisa bakata daapm atinyu: Abraham koa kan apak kami! Sasidie aku bakata ka kao: Jubata bisa nyajiaatn anak-anak untu Abraham dari batu-batu nyian!

03/10.txt

@@ -0,0 +1 @@
+\v 10 Kapak udah dinyiapatn ka akar puhutn, ba satiap puhutn nang ina mangasilatn buah nang baik, pasti ditabakng ba dibuakng ka daapm api. \v 11 Aku maptis kao ba aik untu' tanda pertobatan, tapi Ia nang atakng ana dari aku labih ba kuasa dari pada aku, aku ina pantas ngapasatn kasut-Te. Ia ana maptis kao ba Roh Baraseh ba api ugak. \v 12 Alat panampi'k udah ka kokot-Te. Ia mao'k marasehatn tampat pangirikatn-Ne ba ngomoan gandum-Me ka daapm angko,tapi dabu jerami koa ana Ia tunu ka daapm api nang ina tapadaman.

03/13.txt

@@ -0,0 +1 @@
+\v 13 Lalu ataknglah Yesus umpat dari Galilea ka Yordan ka Yohanes untu' di baptis dihe.\v 14  Tapi Yohanes maian Ia, jare: " Akulah nang pararu dibaptis di-Nyu, ngahe Kao nang atakng ka aku? \v 15 Tarus Yesus nyahuti', Jakata-E ka Ia: "Biarlah hal koa jaji, barang yakoa lah sapatute diri'k ganapatn saluruh kamaoan Jubata." Yohanes pun nuruti-Ia.

03/16.txt

@@ -0,0 +1 @@
+\v 16 Apas di maptis, Yesus bijak ka uwar dari aik pas waktu koa ugak angit tabuka' ba Ia nee Roh Jubata aya burukng dara turutn ka atas-E, \v 17 tarus kadangaratnlah suara dari saruga nang ngataatn: " Nyianlah Anak-ku nang Ku ngasihi', ka Ia lah Aku berkenan."

04/01.txt

@@ -0,0 +1 @@
+\v 1 Tarus Yesus dingicakng di Roh ka padang gurun untu di cobai'k ibalis. \v 2 Apas Yesus bapuasa ampat puluh ari ba ampat puluh maam, ahire kaparaatn lah Yesus. \v 3 Lalu ataknglah si pancoba koa tarus bakata ka-Ia: "Kade Kao Anak Jubata, parentahaatnlah biar batu-batu nyian jaji roti." \v 4 Tapi Yesus nyahuti'k: "Ada tatulis: Manusia idup buke dari roti maan, tapi dari satiap firman nang kaluar dari moot Jubata."

04/05.txt

@@ -0,0 +1 @@
+\v 5 Tarus ibalis ngicakng Ia ka Kota Suci ba nampatatn Ia ka bumbungan Rumah Jubata,\v 6  lalu bakata ka-Ia: "Kade Kao Anak Jubata, jantuatnlah dirik-Nyu ka babah, barang ada tatulis :  Parihal Kao, Ia maok marentahatna'k malaekat-malaekat-E nyingkap Kao ka atas kokote, biar pahaNyu ame tarantuk ka batu."

04/07.txt

@@ -0,0 +1 @@
+\v 7 Yesus bakata ka ia: " Ada pula'k tatulis: Amelah kao nyobaik Tuhan, Jubatanyu!" \v 8 Lalu ibalis ngicakng Ia ugak ka atas bukit nang sidi tingi ba neeatn ka Ia samua karajaan dunia ba kamegahatne, \v 9 tarus bakata ka Ia: " Samua koa maok ku bareaatn ka Kao, kade'k Kao sujut nyambah ka aku."

04/10.txt

@@ -0,0 +1 @@
+\v 10 Tarus bakatalah Yesus ka ia: "Darilah, ibalis! Barang ada tatulis: Kao harus nyambah Tuhan, Jubatanyu, ba kahe ka Ia maanlah kao ba bakti!" \v 11 Lalu ibalis ningaatn Ia, tee lah malaekat-malaekat atakng melayani'k Yesus

04/12.txt

@@ -0,0 +1 @@
+\v 12 Tapi waktu Yesus nangar, kade Yohanes udah dinangkap, ngasisilah Ia ka Galilea. \v 13 Ia ningaatn Nasaret ba diapm ka Kapernaum, ka tapi dano, ka daerah Zubulon ba Naftali,

04/14.txt

@@ -0,0 +1 @@
+\v 14 Biar ganaplah firman nang di nyampeatn di nabi Yesaya: \v 15 "Tanah Zebulon ba tanah Naftali, jaatn ka laut, daerah sabarang sungai Yordan, Galilea, wilayah bangsa-bangsa lain,- \v 16 bangsa nang diapm daapm kagalapan, udah nee Tarakng nang ayak ba dangan nang diapm ka nagari nang di nonoik maut, udah tarabit Tarakng."

04/17.txt

@@ -0,0 +1 @@
+\v 17 Dari waktu dikoalah Yesus maritaatn: "Batobatlah, barang Karajaan Saruga udah samak!"

04/18.txt

@@ -0,0 +1 @@
+\v 18 Sawaktu Yesus bajaatn nutuatni'k danau Galilea, Ia nee dua urakng adik-baradik, yakoa Simon nang di nyaruk Petrus, ba Andreas, adi'e. Kabatne agik nabaratn jala ka danau, barang kabatne panjala ikatn. \v 19 Yesus bakata ka kabatne: "Ijeklah, tunaan Aku, kao maok Ku jajiatana'k panjala manusia." \v 20 Tarus kabatne pun bijak ningaatn jalae tarus nunaan Ia.

04/21.txt

@@ -0,0 +1 @@
+\v 21 Apas Yesus ampus dari koa, Ia nee ugak dua urakng adik baradik, yakoa Yakobus anak Zebedeus ba Yohanes adi'e , basama-sama apak kabatne koa, Zebedeus agik ngarapiatn jala ka daapm parahu. Yesus nyaruik kabatne. \v 22 Tarus kabatne bijak ningaatn parahu ba apak e, lalu nunaan Ia.

04/23.txt

@@ -0,0 +1 @@
+\v 23 Yesus pun bakuliling ka saluruh Galilea; Ia ngajar daapm rumah-rumah ibadat ba maritaatn Injil Karajaan Jubata ba ngilangan sagala panyakit ba kalamahan ka antara bangsa koa. \v 24 Lalu tasiarlah kabar parihal Ia ka saluruh Siria ba di ngicaknglah ka Ia samua urakng nang buruk kaadaane, nang mandarita babagai panyakit ba sinsara, nang karasukatn, nang gila babotn, nang lumpuh, lalu Yesus nyamuhan dangan samua koa.\v 25  Tarus urakng manyak rami-rami nunaan Ia. Dangan baatangan dari Galilea ba dari Dekapolis, dari Yerusalem ba dari Yudea ba dari sabarang Yordan.

05/01.txt

@@ -0,0 +1 @@
+\v 1 Sawaktu Yesus nee urakng manyak koa, naiklah Ia ka atas bukit apas koa Ia duduk, ataknglah murit-murit-Te ka Ia. \v 2 Tarus Yesus pun mulai bakata ba ngajar kabatne, jakata-E: \v 3 "Bahagialah urakng nang miskin ka adapatn Jubata, barang kabatne koa lah nang ampu' Karajaan Saruga. \v 4 Bahagialah urakng nang baduka cita, barang kabatne koa akan di iburatn.

05/05.txt

@@ -0,0 +1 @@
+\v 5 Bahagialah urakng nang lamut, barang kabatne koa nang akan jaji ampu' bumi. \v 6 Bahagialah urakng nang kaparatn ba aus parihal kabanaran, barang kabatne koa mao di puasatn. \v 7 Bahagialah urakng nang murah ati e, barang kabatne koa akan namu kamurahan. \v 8 Bahagialah urakng nang suci atie, barang kabatne nang akan nee Jubata.

05/09.txt

@@ -0,0 +1 @@
+\v 9 Bahagialah urakng nang ngicakng damai, barang kabatne koa akan di sabut anak-anak Jubata. \v 10 Bahagialah urakng nang di nganiaya oleh sabab kabanaran, barang kabatne koalah nang ampu' Karajaan Saruga.

05/11.txt

@@ -0,0 +1 @@
+\v 11 Bahagialah kao, kade karena Aku kao di nyaci ba di nganiaya ba ka kao di nuduhatn sagala nang jahat. \v 12 Basukacitalah ba karepoatnlah, barang upahnyu ayak ka saruga, barang yakoa ugaklah udah di nganiaya nabi-nabi nang sanape kao."

05/13.txt

@@ -0,0 +1 @@
+\v 13 "Kao adalah gare'k dunia. Kade gare' koa jaji tawar, ba ahelah agik ia di padaatn? Ina ada agik gunae salain di buakng ba di urakng tinyak. \v 14 Kao adalah tarakng dunia. Kota' nang barada ka atas bukit ina mungkin tataporatn.

05/15.txt

@@ -0,0 +1 @@
+\v 15 Agik pun urakng ina ngidupatn lampu lalu dinarohatn ka babah gantang, tapi ka atas tampat lampu tarus bisa narakngi samua urakng ka daapm rumah koa. \v 16 Yakoa ugaklah haruse tarakngnyu bacahaya ka depan urakng, biar dangan bisa nee pabuatatn nyu nang baik lalu muliatn Apaknyu nang ka saruga."

05/17.txt

@@ -0,0 +1 @@
+\v 17 "Amelah kao nyangka, kade Aku atakng untu ngilangan ukum Taurat atau gek kitap na nabi. Aku atakng buke untu ngilangan, tapi mengganapi ia. \v 18 Barang Aku bakata ka kao: Sasidie salama nape ilang angit ba bumi nyian, sege'k iota gek sege'k titik pun ina akan di ilangan dari ukum Taurat, sanape samua koa jaji.

05/19.txt

@@ -0,0 +1 @@
+\v 19 Barang koa sae nang niadaatn sete pun parentah  ukum Taurat sakaipun nang paling enek, ba ngajaratn aya koa ka nang lain, ia akan nuduki' tampat nang paling babah ka daapm Karajaan Saruga; tapi sae nang ngalakukan ba ngajaratn sagala parentah-parentah ukum Taurat, ia akan nuduki' tampat nang tingi ka daapm Karajaan Saruga. \v 20 Sasidie Aku bakata ka kao: Kade idup kaagamaan nyu ina labih banar dari pada idup kaagamaan ahli-ahli Taurat ba urakng-urakng Farisi, sasidie kao ina akan taama'k ka daapm Karajaan Saruga.

05/21.txt

@@ -0,0 +1 @@
+\v 21 Kao udah nangar nang di firmankan ka enek moyang diri'k: Ame munuh; sae nang munuh harus diukum. \v 22 Tapi Aku bakata ka kao: Satiap urakng nang bera ka kamaruk'e harus di ukum; sae nang bakata ka kamaruk'e: Kafir! harus di adapatn ka Mahkamah Agama ba sae nang bakata: jahil! harus di sarahatn ka daapm neraka nang banyala-nyala.

05/23.txt

@@ -0,0 +1 @@
+\v 23 Barang koa, kade kao nyarahatn persembahan nyu ka atas mezbah, lalu kao taringat sasuatu nang ada daapm ati kamaruknyu ka kao, \v 24 tingaatnlah persembahannyu ka adapatn mezbah koa tarus ampuslah badamai dohok ba kamaruknyu, lalu muaknglah agik untu nyarahatn persembahanyu koa.

05/25.txt

@@ -0,0 +1 @@
+\v 25 Bijaki'lah babaikatn ba munsuh nyu salama kao ba ia ka tangah maraga, biar munsuhnyu koa ame nyarahatn kao ka hakim, tarus hakim koa nyarahatn kao ka pambantu'e lalu kao di tabakatn ka pinjara. \v 26 Aku bakata ka kao: Sasidie kao ina akan kaluar dari naun, sanape kao mayar utakng nyu sampe lunas.

05/27.txt

@@ -0,0 +1 @@
+\v 27 Kao udah nangar firman: Ame bajinah. \v 28 Tapi Aku bakata ka kao: Satiap urakng nang nee nang bini tarus tanitiatn nang bini koa, ia udah bajinah ba ia ka daapm atie.

05/29.txt

@@ -0,0 +1 @@
+\v 29Kade matanyu nang kanan nyasatatn kao, congkellah ba buaknglah koa, barang labih gagas bagi nyu kade sete'k dari anggota tubuhnyu binasa, dari pada tubuhnyu nang utuh ditabakatn ka daapm neraka. \v 30 Ba kade kokotnyu nang kanan nyasatatn kao, tataklah ba buaknglah koa, barang labih gagas baginyu kade sete dari anggota tubuhnyu binasa dari pada tubuhnyu nang utuh taama'k ka neraka.

05/31.txt

@@ -0,0 +1 @@
+\v 31 Udah di firmankan ugak: Sae nang nyareatn binie harus mare surat care ka ia. \v 32 Tapi Aku bakata ka kao: Satiap urakng nang nyareatn binie kacuali bajinah, ia nyajiatn binie bajinah; ba sae nang panganten ba nang bini nang di nyareatn, ia babuat jinah.

05/33.txt

@@ -0,0 +1 @@
+\v 33 Kao udah nangar ugak nang di firmankan ka na enek moyang diri'k: Ame basumpah palsu, tapi gangapmlah sumpahnyu ka adapatn Jubata. \v 34 Tapi Aku bakata ka kao: Amelah sakai-sakai basumpah, baik demi angit, barang angit koa tahta Jubata, \v 35 gek demi bumi, barang bumi koa pantinyakatn paha-E, atau gek demi Yerusalem, barang Yerusalem koa kota Raja Ayak;

05/36.txt

@@ -0,0 +1 @@
+\v 36 amelah ugak kao basumpah demi kapalanyu, barang kao ina bakuasa mutihatn gek ngitaman saamar buuk pun. \v 37 Kade auk, kataatn auk, kade ina', kataatn ina'. Ahe nang labih dari pada koa barasal dari si jahat.

05/38.txt

@@ -0,0 +1 @@
+\v 38 Kao udah nangar firman: Mata ganti mata ba gigi ganti gigi. \v 39 Tapi Aku bakata ka kao: Amelah kao malawan urakng nang babuat jahat ka kao, tapi sae pun nang nampar koo'k kanan nyu, bare'klah ugak ka ia koo'k keba' nyu.

05/40.txt

@@ -0,0 +1 @@
+\v 40 Ba ka urakng nang mao'k ngaduatn kao barang maoan bajunyu, sarahatnlah ugak salubong nyu. \v 41 Ba sae pun nang maksa kao bajaatn sa mil, bajaatnlah ba ia ugak sajauh dua mil. \v 42 Bare'klah ka urakng nang ba  pinta ka kao ba ame lah nolak urakng nang mao' minyapm ka kao.

05/43.txt

@@ -0,0 +1 @@
+\v 43 Kao udah nangar firman: Kasihi' lah sabaya nyu manusia ba tegetatnlah munsuhnyu. \v 44 Tapi Aku bakata ka kao: Kasihi' lah munsuhnyu ba badoalah untu dangan nang malasah kao. \v 45 Barang aya koalah kao nyajiatan anak-anak Apaknyu nang kasaruga, nang narabitatn mataari untu urakng nang jahat ba urakng nang baik ba nurunan ujatn untu urakng nang banar ba urakng nang ina banar.

05/46.txt

@@ -0,0 +1 @@
+\v 46 Kade kao ngasihi urakng nang ngasihi kao, ahe gek upahnyu? Buke' me pamungut cukai tolen yakoa ugak? \v 47 Ba kade kao kahe mare' salam ka kamaruk-kamaruk nyu maan, ahe gek labihe dari pada pabuatatn urakng lain? Buke me urakng nang ina nganal Jubata pun babuat ya koa ugak? \v 48 Barang koa saharuse lah kao sampurana , sama aya Apak nyu nang ka saruga koa sampurana.

06/01.txt

@@ -0,0 +1 @@
+\v 1 "INGATLAH, ame kao ngarajaan kawajipan agamanyu ka adapatn urakng supaya di tee dangan, barang kade aya koa, kao ina namu upah dari Apaknyu nang ka saruga. \v 2 Jadi kade kao mare sadakah, amelah kao matakatn hal koa, saparati nang di minjawat urakng munafik ka tampat-tampat sambayang ba ka maraga-maraga, biar urakng koa dipuji. Aku bakata ka kao: Sasidie urakng koa udah namu upahe.

06/03.txt

@@ -0,0 +1 @@
+\v 3 Tapi kade kao mare sadakah, amelah di tauatn kokot keba' nyu ahe nang dingarajaan di kokot kanan nyu. \v 4 Haruse lah sadakahnyu koa dibareatn ina di tee di dangan kade aya koa Apaknyu nee nang ina kateatn didangan koa akan malas ia ka kao

06/05.txt

@@ -0,0 +1 @@
+\v 5 "Ba kade kao badoa, amelah badoa aya urakng munapik. Dangan koa suka ngucapatn doa e badiri ka daapm rumah-rumah sambayang ba ka tikungan-tikungan maraga aya'k, biar di tee urakng. Aku bakata ka kao: Sasidie kabatne koa udah namu upahe. \v 6 Tapi kade kao badoa, taama'k lah ka daapm biik nyu, tutuplah pintu ba badoalah ka Apaknyu nang ada ka tampat nang ina kateeatn. Apaknyu nang nee nang ina kateeatn akan maas iya ka kao. \v 7 Agik pun daapm doanyu koa amelah kao batele-tele aya tolen kabiasaan urakng nang ina nganali' Jubata. Dangan koa nyangka kade manyak kata-kata doa e mao di kabulatna'k.

06/08.txt

@@ -0,0 +1 @@
+\v 8 Jadi amelah kao aya dangan, barang Apaknyu nauan ahe nang kao pararuatn, sanape kao minta ka-Ia. \v 9 Barang koa badoalah aya iyan: Apak kami nang ada ka saruga, dikudusatnlah dama-Nyu, \v 10 ataknglah karajaa-Nyu, jajilah kamaoan-Nyu ka bumi aya saparati ka saruga.

06/11.txt

@@ -0,0 +1 @@
+\v 11 Bare'klah kami ka ari nyian makanan kami nang sacukupe \v 12 ba amponi'klah kasalahatn kami, aya kami ugak udah ngamponi'k urakng nang basalah ka kami; \v 13 ba amelah ngicakng kami ka daapm pancobaan, tapi apasatnlah kami dari hal nang jahat. [Barang Kao-lah nang ampu' Karajaan ba kuasa ba kamuliaatn sampe salama-lamae.Amin.]

06/14.txt

@@ -0,0 +1 @@
+\v 14 Barang kade kao ngamponi kasalahatn urakng, Apaknyu nang ka saruga pun ngamponi kao ugak. \v 15 Tapi kade kao ina ngamponi urakng, Apaknyu ugak ina akan ngamponi kasalahatn nyu."

06/16.txt

@@ -0,0 +1 @@
+\v 16 "Ba kade kao bapuasa, amelah muram muha nyu aya tolen urakng munapik. Kabatne ngarubah aik muha e, biar urakng nee kade kabatne bapuasa. Aku bakata ka kao: Sasidie kabatne koa udah namu upahe. \v 17 Tapi kade kao bapuasa, binyakilah kapalanyu ba sasah lah muha nyu, \v 18 biar ame di tee di urakng kade kao gik bapuasa, tapi kahe Apak nyu nang ka tampat nang ina ka teeatn. Apaknyu nang nee nang ina ka teeatn maas ka kao."

06/19.txt

@@ -0,0 +1 @@
+\v 19 " Amelah kao ngomoan harta ka bumi; ka bumi arekng ba tagar ngarusak ia ba pancuri mungkar ba mancuri ia. \v 20 Tapi komoan lah bagi nyu harta ka saruga; ka saruga arekng ba tagar ina ngarusakatn iya ba pancuri ina mungkar ba mancuri iya. \v 21 Barang di mae harta nyu barada, ka di koalah ugak ati nyu barada.

06/22.txt

@@ -0,0 +1 @@
+\v 22 Mata koa panarakng tubuh. Kade matanyu baik, taraknglah saluruh tubuhnyu; kade matanyu jahat, galaplah saluruh tubuhnyu. \v 23 Jadi kade tarakng nang ada ka kao galap, galap lah sidi kegelapan koa. \v 24 Seko' urakng pun ina bisa malayani ka dua urakng toke. Barang ana negetatn nang seko' ba ngasihi nang lain, gek ia akan setia ka nang seko' ba ina maduliatn nang lain. Kao ina bisa malayani ka Jubata ba ka Mamon."

06/25.txt

@@ -0,0 +1 @@
+\v 25 " Barang koa Aku bakata ka kao: Amelah kuater ka idupnyu, ahe nang mao' kao makatn gek nyocok, ba amelah kuater pula ka tubuhnyu, ka ahe nang mao' kao pake. Buke me idup koa labih penting dari pada makanan ba tubuh koa labih penting dari pakean? \v 26 Tee lah burukng-burukng ka angit, nang ina naburatn banih ba ina bahanyi ba ina ngomoan bakal ka daapm angko, tapi di mare makatn di Apaknyu nang ka saruga. Buke me kao jauh ngalabihi' burukng-burukng koa?

06/27.txt

@@ -0,0 +1 @@
+\v 27 Sae gek ka antara kao nang di kakuateratne bisa nambahatn sahasta maan ka jaatn idupe? \v 28 Ba ngahe kao kuater ka pakean? Paratiatnlah bunga bakung ka uma, nang tumbuh ina bakaraja ba ina memintal, \v 29 tapi Aku bakata ka kao; Salomo daapm sagala kamegahatne pun ina ba pakean sa gagas sete pun dari bunga koa.

06/30.txt

@@ -0,0 +1 @@
+\v 30 Jadi kade yakoa Jubata ngariasi'k rumput ka uma, nang ari nyian ada ampagi di buakng ka daapm api, ina me Ia akan labih ngariasi'k kao agik, hei urakng nang kurang picaya? \v 31 Barang koa amelah kao kuater tarus bakata: Ahe gek nang ana kami makatn? Ahe gek nang ana kami nyocok? Ahe gek ana nang kami pake a?

06/32.txt

@@ -0,0 +1 @@
+\v 32 Samua koa di ngagui' di bangsa-bangsa nang ina nganal Jubata. Tapi Apaknyu nang ka saruga nauan, kade kao maararuatn samua koa. \v 33 Tapi gago'k lah doho Karajaan Saruga ba kabanaratne, samua koa ana akan di tambahatn ka kao. \v 34 Barang koa amelah kao kuater ka ari ampagi, barang ari ampagi ada kasusahatne babaro. Kasusahatn saari cukuplah untu saari."

07/01.txt

@@ -0,0 +1 @@
+\v 1 "AME kao ngakimi, biar kao ina di akimi. \v 2 Barang ba pangakiman nang kao make untu ngakimi, kao pun akan di akimi ba ukuran nang kao make untu ngukur, pun akan di ukuratn ka kao.

07/03.txt

@@ -0,0 +1 @@
+\v 3 Ngahe gek kao nee saimar kaimpanan ka mata kamaruk nyu, padahal balok ka daapm matanyu ina kao tauatn? \v 4 Aya mae gek kao bisa bakata ka kamaruk nyu: Biaratn aku muokatn kaimpanan koa dari matanyu, padahal ada balok ka daapm matanyu. \v 5 Hai urakng munapik, buokatn lah dohok balok dari matanyu, kao pun bisa nee tarakng untu muokatn kaimpanan ka mata kamaruknyu."

07/06.txt

@@ -0,0 +1 @@
+\v 6 "Amelah kao mareaatn barang nang kudus ka asuk ba ame kao nabakatn mutiaranyu ka babotn, biar ame di tinyak-tinyak di paha e, lalu babalik nyarang kao."

07/07.txt

@@ -0,0 +1 @@
+\v 7 "Mintalah, ana di bareatn ka kao; gagoklah, kao pun ana namuan; tarodok lah ana pintu di bukaatn untu kao. \v 8 Barang satiap urakng nang minta di bare' ba satiap urakng nang bagagok, namu, ba satiap urakng nang narodok pintu, pintu pun dibukaatn untu ia. \v 9 Ada gek urakng dari kao nang mare batu ka anake, kade ia minta roti, \v 10 gek mare uwar, kade ia minta ikatn?

07/11.txt

@@ -0,0 +1 @@
+\v 11 Jadi kade kao nang jahat nauan mare pamareatn nang baik ka anak-anaknyu, ahe agik Apaknyu nang ka saruga! Ia akan mareatn nang baik ka dangan nang minta ka Ia." \v 12 "Sagala sasuatu nang kao maon biar urakng pabuat ka kao, pabuatlah yakoa ugak ka dangan. Koalah insi' saluruh ukum Taurat ba kitab nabi-nabi.

07/13.txt

@@ -0,0 +1 @@
+\v 13 Taamaklah ngalalui'k pintu nang sasak koa, barang ayak'lah pintu ba luaslah jaatn nang nuju ka kabinasaatn, ba manyak urakng nang taama'k ngalalui'k ia; \v 14 barang sasaklah pintu ba sampetlah jaatn nang notok ka kaidupaatn, ba sadikit urakng nang namuan ia."

07/15.txt

@@ -0,0 +1 @@
+\v 15 "Waspadalah ka nabi-nabi palsu nang atakng ka kao nyamar aya domba, tapi sabanare kabatne koa sarigala nang buas. \v 16 Dari buahe lah kao nauan. Bisa gek urakng mebet buah anggur dari rompoatn duri gek buah ara' dari rumput baduri? \v 17 Yakoa lah satiap puhutn nang baik ngasilatn buah nang baik, sedangkan puhutn nang ina baik ngasilatn buah nang ina baik.

07/18.txt

@@ -0,0 +1 @@
+\v 18 Ina mungkin puhutn nang baik koa ngasilatn buah nang ina baik, gek puhutn nang ina baik,ngasilatn buah nang baik. \v 19 Ba satiap puhutn nang ina ngasilatn buah nag baik, pasti ditabakng ba dibuakng kadaapm api. \v 20 Jadi dari buahe lah kao akan nee kabatne.

07/21.txt

@@ -0,0 +1 @@
+\v 21 Buke satiap urakng nang nyaru'k-Aku: Jubata, Jubata! akan taama'k ka daapm Karajaan Saruga, tapi ia nang melakukan kamaoan Apak-Ku nang ka saruga. \v 22 Ka ari dudi ana manyak urakng basaruk ka Aku: Jubata, Jubata, buke me kami ba nubuat demi dama-Nyu ba ngadaatn mujijat demi damaNyu ugak? \v 23 Pada waktu koalah Aku bakata sasidie ka dangan koa: Aku ina suah nganal kao! Darilah kita' samua paminjawat kajahatan!"

07/24.txt

@@ -0,0 +1 @@
+\v 24 "Satiap urakng nang nangar pakataatn-Ku nyian ba melakukan iya, ia koa sama ba urakng nang bijaksana, nang madiriatn rumahe ka atas batu. \v 25 Lalu turutnlah ujatn ba ataknglah banjer, lalu angin ngipong rumah koa, tapi rumah koa ina rorok barang di madiriatn ka atas batu.

07/26.txt

@@ -0,0 +1 @@
+\v 26 Tapi satiap urakng nang nangar pakataatn-Ku nyian ba ina melakukan iya, ia sama ba urakng nang bodo, nang madiriatn rumahe ka atas pasir. \v 27 Tarus turutnlah ujatn ba ataknglah banjer, lalu angin ngepong rumah koa, tarus roroklah rumah koa ba parahlah karusakatne."

07/28.txt

@@ -0,0 +1 @@
+\v 28 Apas Yesus marantiaatn pakataatn nyian, batakajupatnlah urakng manyak koa nangar pangajaratn-Ne, \v 29 barang ia ngajar dangan koa bakuasa, ina aya tolen ahli-ahli Taurat kabatne koa.

08/01.txt

@@ -0,0 +1 @@
+\v 1 Apas Yesus turutn dari bukit, urakng manyak batusak-tusak nunaan Ia. \v 2 Tarus ataknglah urakng nang sakit laeko ka Ia, tarus sujut nyambah Ia lalu bakata: "Tuan, kade Tuan maok, Tuan bisa nomoan aku." \v 3 Lalu Yesus nyooatn kokot-Te, nyape urakng koa tarus bakata: "Aku maok, jajilah kao tomo." Samaris koa ugak tomolah urakng koa dari panyakite.

08/04.txt

@@ -0,0 +1 @@
+\v 4 Tarus Yesus bakata ka ia: "Ingatlah, ame kao mare nauan hal nyian ka sae pun, tapi ampuslah, teeatnlah diri'k nyu ka imam ba sarahatnlah persembahan nang di marentahatn di Musa, untu bukti ka kabatne.

08/05.txt

@@ -0,0 +1 @@
+\v 5 Sawaktu Yesus taama' ka Kapernaum, ataknglah seko urakng perwira namui'k Ia ba minta ka Ia: \v 6 "Tuan, ambaku ta gurikng ka rumah barang sakit lumpuh ia sidi manderita." \v 7 Yesus bakata ka ia: "Aku akan atakng nyamuhatn na'k ia."

08/08.txt

@@ -0,0 +1 @@
+\v 8 Tapi sahut perwira koa ka Ia: "Tuan, aku ina pantas narima Tuan ka daapm rumahku, kataatn maan sapatah kata, maka amba ku koa akan samuh. \v 9 Barang aku nyian urakng bawahan, ba ka babah aku ada ugak prajurit. Kade aku bakata ka seko urakng parajurit koa; Ampus!, ia pun ampus, ba ka parajurit nang lain: Atakng!, maka ia pun atakng, gek ka amba ku: Karajaanlah nyian!, ia pun ngarajaan iya." \v 10 Apas Yesus nangar hal koa, heranlah Ia lalu bakata ka dangan nang nunaan Ia: "Aku bakata ka kita'k sasidie iman nang saayak nyian ina suah Aku tamuik ka seko'k urakng pun ka antara urakng Israel.

08/11.txt

@@ -0,0 +1 @@
+\v 11 Aku bakata ka kao: Manyak urakng ana atakng dari Timor ba Barat ba duduk makatn barage-rage ba Abraham, Isak, ba Yakub ka daapm Karajaan Saruga,\v 12  sedangkan anak-anak Karajaan koa ana di tabakatn ka daapm kagalapan nang paling galap, dikoalah  ana ditamui'k kuciak ba gigi bagarotak." \v 13 Tarus Yesus bakata ka perwira koa; "Puaknglah ba jajilah ka kao aya saparati nang kao picayak." Lalu kapada koa ugak tomolah amba e koa.

08/14.txt

@@ -0,0 +1 @@
+\v 14 Pas sampe ka rumah Petrus, Yesus pun nee datuk Petrus nang bini tagurikng barang sakit demam. \v 15 Tarus Ia nyingiik kokot nang bini koa, lalu ilang lah demame koa. Ia pun umpat lah tarus nyiapatn pamakanan untu Yesus.

08/16.txt

@@ -0,0 +1 @@
+\v 16 Sawaktu dah maok maam dingicaknglah ka Yesus manyak urakng nang karasukan setan ba sapatah kata Yesus ngajang roh-roh koa ba nomoan urakng-urakng  nang menderita sakit. \v 17 Parihal koa jaji biar ganaplah firman nang dinyampeatn di nabi Yesaya: "Ia lah nang mikut kalamahan diri'k ba nanggong panyakit diri'k."

08/18.txt

@@ -0,0 +1 @@
+\v 18 Sawaktu Yesus nee urakng manyak ngulilingik Ia, Ia nyuruh batolak ka sabarang. \v 19 Tarus ataknglah seko'k ahli Taurat lalu bakata ka Ia: "Guru, aku maok nunaan Kao, kamae pun Kao ampus." \v 20 Yesus bakata ka ia: "Sarigala ada ba ubakng burukng ada ba sarakng, tapi Anak Manusia ina ba tampat untu nguringanak kapala-E."

08/21.txt

@@ -0,0 +1 @@
+\v 21 Ada nang lain, yakoa seko'k dari murit-Te, bakata ka Ia : "Jubata, porongan aku dohok maok ampus nyubura'k apak ku." \v 22 Tapi Yesus bakata ka ia: "Tunaanlah Aku ba biarlah kabatne urakng-urakng mati nguburatn urakng-urakng mati koa."

08/23.txt

@@ -0,0 +1 @@
+\v 23 Tarus Yesus naik ka daapm parahu ba murit-murit-Te pu nunaan Ia. \v 24 Samaris koa ugak mamuranilah angin ribut ka dano koa, lalu parahu koa di nimbus galombang, tapi Yesus tidur. \v 25 Lalu ataknglah murit-murit-Te ngumpatatn Ia, jakata e: "Jubata, tolonglah, dirik binasa."

08/26.txt

@@ -0,0 +1 @@
+\v 26 Ia bakata ka kabatne; "Ngahe gek kao gai', kao nang kurang picaya'?" Tarus umpatlah Yesus ngampaki angin ba dano koa, lalu dano koa jaji taduh sidi. \v 27 Heranlah urakng-urakng koa jare: Urakng ahe gek Ia nyian, angin ba dano ba ngampu' ka Ia?"

08/28.txt

@@ -0,0 +1 @@
+\v 28 Sasampe e ka sabarang, yakoa ka daerah urakng Gadara, ataknglah dari kuburan dua urakng nang karasukan setan namui'k Yesus. Kabatne koa babahaya sidi, sampe ina seko'k pun urakng nang barani ngalalui'k maraga koa. \v 29 Ba kabatne koa pun ngampak, jare: "Ahe urusan-Nyu ba kami, hoi Anak Jubata? Ada gek Kao ka kadian untu nyeksa kami sanape waktue?"

08/30.txt

@@ -0,0 +1 @@
+\v 30 Ina jauh dari kabatne koa sajumbalah ayak babotn agik ngagok makatn. \v 31 Tarus setan-setan koa minta ka Ia, jakatae: "Kade Kao ngoser kami, suruhlah kami pindah ka daapm karayungan babotn koa." \v 32 Yesus bakata ka kabatne: "Ampuslah! lalu bamuokatnik lah kabatne koa tarus taama'k ka daapm babotn-babotn koa. Lalu tarajutnlah samua karayungan babotn koa ka sisi jurang ka daapm dano lalu mati ka daapm ai'k.

08/33.txt

@@ -0,0 +1 @@
+\v 33 Tarus darilah panyaga-panyaga babotn koa sa sampe e ka kota', curitalah kabatne koa sagala e, ugak parihal urakng nang karasukan setan koa. \v 34 Lalu kauwarlah samua urakng kota' namui'k Yesus, kabatne pun nusak biar Ia ningaatn daerah kabatne koa.

09/01.txt

@@ -0,0 +1 @@
+\v 1 Apas koa naiklah Yesus ka daapm parahu lalu nyabarang. Tarus sampelah Ia ka kota'k-E babaro. \v 2 Lalu dingicakng uraknglah ka Ia urakng lumpuh  nang tagurikng ka tampat tidure. Sawaktu Yesus nee iman kabatne, bakatalah Ia ka urakng lumpuh koa: "Picayalah, oi anak-Ku, dosanyu udah di ngamponi.

09/03.txt

@@ -0,0 +1 @@
+\v 3 Tarus bakatalah sangahe urakng ahli Taurat daapm atie: "Ia maleceh Jubata". \v 4 Tapi Yesus nauan pikiran kabatne, lalu bakata: Ngahe kao mikiratn hal-hal nang jahat ka daapm atinyu? \v 5 Mae gek labih mudah, ngataatn: Dosa nyu udah di ngamponi, gek ngataatn: Umpatlah, bajaatnlah? \v 6 Tapi biar kao nauan, kade ka dunia nyian Anak Manusia bakuasa ngamponi dosa"- lalu bakatalah Ia ka urakng lumpuh koa-: "Umpatlah, angkatlah tampat tidur nyu ba puaknglah ka rumahnyu!"

09/07.txt

@@ -0,0 +1 @@
+\v 7 Ba urakng koa pun umpat tarus puakng.\v 8  Tarus urakng manyak nang nee hal koa gai' lalu muliatn Jubata nang udah mare kuasa saayak koa ka manusia. \v 9 Apas Yesus ampus dari koa, Ia nee seko urakng nang badama Matius duduk ka rumah cukai, lalu Ia bakata ka ia; "Tunaanlah Aku." Tarus badirilah Matius lalu nunaan Ia.

09/10.txt

@@ -0,0 +1 @@
+\v 10 Tarus sawaktu Yesus makatn ka rumah Matius, ataknglah manyak pamungut cukai ba urakng badosa lalu makatn barage ba Ia ba murit-murit-Te ugak. \v 11 Sawaktu urakng Farisi nee parihal koa, bakatalah kabatne ka murit-murit Yesus: "Ngahe gurunyu makatn barage-rage ba pamungut cukai ba urakng badosa?"

09/12.txt

@@ -0,0 +1 @@
+\v 12 Yesus nangaratn lalu bakata: "Buke' urakng sehat nang mararuatn tabib, tapi urakng sakit. \v 13 Jadi ampuslah ba palajari'klah arti firman nyian: Nang Ku maoan ialah belas kasihatn ba buke persembahan, barang koa Aku atakng buke untu nyaru'k urakng banar, tapi urakng badosa."