tbc-x-megiar_gal_text_reg/03/10.txt

\v 10 Ari teq on mataw ginad emay, God ago maror Moses bilamta naqmo teq i tigilumsihdaq haqayta, mataw na oseq teq timeqniy has daqay. Na ezaqgo God ago marib gamuk araq mataw ginad nazaq usaqta na ginad kazaq bilam, Om mataw God ago maror Moses mar tonta nahaqenib osad ago gunun bunmo a hi muz bugayta na, God in on mataw na bunmo kusluw negid in oseq timeqniy has daqayta ham. \v 11 Teq God ago gamuk kazaq bilammo, On mataw God ago aqez anan helmo haqan in ginan titonta hamta naqmo in God inaq dimunmo tuqos daqayta ham. God ago gamuk nazaq bilaqan i ginad emauq, Mat araq God ago maror Moses bilamta na muzinim ahol eman God ameb titnonta iyta na haiq diq haqauqta. \v 12 God ago maror Moses bilamta ago adan na in i ginad helmo haqauqta na ago haiqta. Haiqgam. Na in i giholtuw bul ago nagahta. God ago gamuk tibilam, On mataw God ago maror Moses bilamta na muzinad ago gunun akabiyan em bugid teq maror na giqemid in God inaq dimunmo tuqos daqay ham.