Tue Mar 12 2024 14:29:21 GMT-0400 (Atlantic Standard Time)

03/01.txt

@@ -0,0 +1 @@
+\c 3 \v 1 Panaya, icatsa Aarón njite Moise inakjoite-perri inacoapana nacó caaco caojli pia Dio Moise iinai Jiipana Sinai nacó. \v 2 Icapiatsa neepitanaca njaji Aarón yénipe. Nadab jliaji perriti, njite Abiú, Elezar njite Itamar.

03/03.txt

@@ -0,0 +1 @@
+\v 3 Icapiatsa neepitanaca njaji Aarón yénipe, njaji sacerdotenai naniwanaji nakeepitanatá-carro nadejí-carro sacerdotenai shó. \v 4 Mitsa Nadab njite Abiú oopi mayamina namjaita capoa incienso Dio ipeyajle corridalritsa matsia Lricapaca irso jalrapocolri Sinai ricó pia. Njite corri pia narsoca neenipe, caishopa icamicatsa Elezar njite Itamar njaji idejirri sacerdotenai sho njanirri Aarón iinai.

03/05.txt

@@ -0,0 +1 @@
+\v 5 Caaco JLIAJI IMINALRITI Moise irso cayoji: \v 6 ''Pidee njaji Leví poco sacerdote Aarón ikjaolre nakitsindatá carroni.

03/07.txt

@@ -0,0 +1 @@
+\v 7 Narsotsaotsa nanaitjaca njaji idenjikjeti Aarón inaitjaji mana nanacojle njaji naofacawenai padenirri iwacaaca-carroda ipeyajle. Narsotsaotsa nadejica iwacaaca-carroda lricó. \v 8 Narsotsaotsa nawapaca pjiomi njaji iwacaaca-carroda iitada, njite narsotsaotsa nakitsindataca njaji nakitsiñape Iraelnai nadeji cádanaco niwacaaca-carroda lricó.

03/09.txt

@@ -0,0 +1 @@
+\v 9 Picadaawatsa njaji levitanai Aarón irso njite narso njaji lrienipe. Ima Nocadacana nadejí-carro padatsa nakitsindatá-carro njaji Iraelnai aimadan. \v 10 Pikepitanataotsa Aarón njite njaji lrienipe nadejícarro sacerdotenai sho, njite coca cadaa corridalritsa inakjoitédalrica itsoomitalri jliaji iwacaaca-carrodawa mayamicaotsani.''

03/11.txt

@@ -0,0 +1 @@
+\v 11 Caaco JLIAJI IMINALRITI Moise irso, lriaco: \v 12 Icapa, '' Njoatsa iniwana njaji levitanai nanakjoite njaji aimadan Iraelnai. Nonaitja cayo wade Noniwanaca padapetsa nanakjoite njaji yénipe pjerritinaipe jiico-perri Irael lricó. Niii Noyárropeca njaji Levitanai. \v 13 Njite pjiomi njaji pjerritinaipe noyárrope cana. Jliadaa pia Noinoca neenipe pjerritinaipe njaji jiipai Egipto lrico, Njoenita pia Norsowao pjiomi neenipe pjerritinaipe njaji Iraelnai, nanakjoiyte njaji inaiki njite coshoca njaji maaficalri tsakja. Niini Noyarrope cana. Icatsa IMINALRITI-ca Njoa.''

03/14.txt

@@ -0,0 +1 @@
+\v 14 Caaco Dio Moise irso irso jalrapocolri Sinai ricó. Lriaco lrirso: \v 15 ''Piniwetaotsa njaji Leví inakjoité-perri panti icoam, coca piaca waferrimi. Piniwetaotsa njaji kirraitalri apapi perritoa jiico cayamina, njite njaji pekipenaipena.'' \v 16 Moise iniwetana cayotsaji Dio inaa capisho lrinaitjaca.

03/17.txt

@@ -0,0 +1 @@
+\v 17 Icatsa neepitanaca njaji Leví yénipe Gersón, Coat njite Merari. \v 18 Njite Gersón yénipe iipitana naapaneta yápiya icapiatsa njaji Libni njite Simei. \v 19 Njite Coat yénipe iipitana naapaneta yápiya icapiatsa njaji Amram, Izhar, Hebrón njite Uziel. \v 20 Njite Merari yénipe iipitana naapaneta yápiya icapiatsa njaji Mahli y Musi. Icatsa Levitanai ikitsiñapeca njaji, naniwetaji naapaneta nacó panti icoami.

03/21.txt

@@ -0,0 +1 @@
+\v 21 Naapaneta njaji libnitanai njite njaji simeitanai Gersón inakjoite-perricana. Icatsa njaji Gersonitanai inaikica. \v 22 Naniweta pjiomi atsianai isocape apapi toa nakjoite njite pjiomi pekipenai, siete mil quiniento atsianai padenirrina. \v 23 Njite njaji gersonitanai inaikica nanaitjaotsa naapanawa jérri shewa kema nacojle lrirso jliaji nawacaaca-carroda.

03/24.txt

@@ -0,0 +1 @@
+\v 24 Njite Elisaf, Lael irri, icatsaotsa njewidapoca njaji Gersonita poco inakjoiteperri iipaneta. \v 25 Njaji Gersón iipaneta icatsaotsa njaji iwapalricaotsa iwacaacacarrodawa, lriwai, jliaji yamacati idanatacada lripananona. \v 26 Nawapa tsakjaotsa njaji yamacati idaanatacape iwacaaca-carrodawa, altar njite njaji lripananoma nacope tsakja. Narso tsakjaotsa nawapaca njaji lriñadape njite pjiomi njaji lri-ricodaperri.

03/27.txt

@@ -0,0 +1 @@
+\v 27 Njaji inaiki Coat inakjoiteperri: aramita iipaneta poco, izharita iipaneta poco, hebronita iipaneta poco, njite uzielita iipaneta poco. Icatsa njaji coatitanai inakjoiteperri pococa. \v 28 Naniweta ocho mil seiciento atsianai isocape apapi toa nakjoite njite pjiomi pekipenai iwapacaope Dio iyarroajipe. \v 29 Njaji Coat poco iipaneta inakjoiteprri, nanaitjaotsa napanaitawa inarroema nacojle iwacaaca-carroda irso.

03/30.txt

@@ -0,0 +1 @@
+\v 30 Njite Elizafán, Uziel irri, icatsaotsa njewidapoca njaji coatit poco inakjoiteperri iipaneta. \v 31 Nja watsa iwapa jliaji patowana, mesaita, camarrai jirricona, njaji altar, njaji njenitaji teecojle nadenjishopa niini, njaji yamacatimaca, njite pjiomi lriwaida nacó tsakja. \v 32 Eleazar, sacerdote Aarón irri, icatsaotsa njewidaapoca pjiomi njaji iwapacape Levitanai poco. Lrirsotsa lriwapaca lricapa njaji iwapacaperri jliaji patawajle njenitanda nadejishopa matsiaperri.

03/33.txt

@@ -0,0 +1 @@
+\v 33 Yamapocon njaji Merari iipaneta: njaji mahlitanai njite njaji musitanai. Icatsa njaji Merari pococa. \v 34 Naniweta sei mil dociento atsianai irsocape toa aapapi nakjoite njite njaji pekipenaipena. \v 35 Zuriel, Abihail irri, icatsaotsa njewidaapoca njaji Merari iipaneta poco. Nanaitjaotsa napana poco atsialriemajle iwacaaca-carroda irso.

03/36.txt

@@ -0,0 +1 @@
+\v 36 Njaji Merari poco inakjoiteperri narsotsaotsa nawapaca njaji nemetashopa nawacaaca-carrodawa, coanjai, lripje, lripje yemacarro poco, padenirri njaji lricaonaperri, njie tsakja njaji \v 37 lriwaipoco jliaji nawacaaca-carroda ipje, neema-carro poco, lriiñada njite napapi carrona lriiñada tsakja.

03/38.txt

@@ -0,0 +1 @@
+\v 38 Moise, Aarón njite neenipe nanaitjaotsa napanapocowa jérri imoto kema nacojle lrirso jliaji nawacaacacarrodawa, lricoemjete jliaji iwacaaca-carrodawa. Icatsaotsa njaji icapalriotsa nadejicatsa matsia pjiomi matsiá-carro njaji Iraelnai pjiomi. Coca cada itsoomita jliaji nawacaaca-carrodawa, corridalritsa inakjoité-dalrica mayamicaotsan. \v 39 Moise, Aarón yapiya naniweta pjiomi njaji atsianai Leví poco iipaneta inakjoiteperri irsocape aapapi toa kérri nakjoite njite pjiomi pekipenai, cayoji Dio inaa capisho. Vente mil atsianai padenirri.

03/40.txt

@@ -0,0 +1 @@
+\v 40 Lriaco jliaji Iminalriti Moise irso: ''Piniweta pjiomi atsianai pjerritinaipe Iraelnai yénipe, njaji irsocape aapapi toa nakjoite njite pekipenai pjiomi. Pidana neepitana pjiomi. \v 41 Pirsotsa pjienitaca Norsowao njaji Levitanai naoyawalreo njaji Iraelitanai yénipe pjerritinaipe. Caitsakja na-vacan njaji Levitanai, na-vacan pjerritinaipe oyawalre njaji Iraelitanai. Icatsa Iminalriti-ca Njoa."

03/42.txt

@@ -0,0 +1 @@
+\v 42 Moise iniweta pjiomi atsianai pjerritinaipe Iraelnai yénipe catsaji Dio inaa capisho lrinaitjaca. \v 43 Lriniweta pjiomi atsianai pjerritinaipe neepitana nacó, nanakjoite njaji irsocape toa aapapi kérri njite njaji pekipenai. Lriniweta ventido mil dociento setenta tre atsianai padenirri.

03/44.txt

@@ -0,0 +1 @@
+\v 44 Caaco tsenakja Dio Moise irso. Lriaco lrirso: \v 45 ''Pirsotsa pjienitaca Norsowao njaji Levitanai naoyawalreo njaji Iraelitanai yénipe pjerritinaipe. Caitsakja navacan njaji Levitanai, na-vacan pjerritinaipe oyawalre njaji Iraelitanai. Icatsa Iminalriti-ca Njoa.

03/46.txt

@@ -0,0 +1 @@
+\v 46 Nacoana njaji Iraelitanai yénipe pjerritinaipe narsotsa nacadaaca cincoenta cinco gramope palrata nacaoñaaca shopawa, icatsaotsa njaji pjitalrica naoya ima dociento setenta tre mil pjaaca namaimaca naoya njaji Levitanai. \v 47 Jimiñataotsa njaji palraata cayoji íwi capisho iwacaaca-carroda lrico. Ima pada siclo icoada pacoacatsa once gramo sho palraata. \v 48 Njite nacoada njaji nacaoñaca shopawa icadaotsana Aaron irso njite narso njaji lrienipe.'' \v 49 Ikena Moise iniwa pjiomi nja palraata nacaoñaca shopawa njaji Iraelnai yénipe pjerritinaipe ima aimadan pjaacana levitanai ioya. \v 50 Moise iniwa pjiomi nja palraata nacaoñaca shopawa njaji Iraelnai yénipe pjerritinaipe. Lriniwa mil treciento sesenta cinco palrataitape, njamiñatana cayoji náwi capisho nawacaaca-carroda lrico. \v 51 Moise iá njaji palraata nacaoñaacashopawa Arón irso lrienipe yapiya. Lrinaitja cayotsaji Dio iaco icaite capisho, Dio inaa capishotsani.

03/title.txt

@@ -1 +1 @@
-Capítulo 3
+Capítulo 3 - Njaji Moise njite Aaró shapodamperrimi

04/01.txt

@@ -0,0 +1 @@
+\c 4 \v 1 Caaco jliaji Iminalriti Moise irso njite Aarón irso tsakja. Lriaco narso: \v 2 ''Iniwetaotsa njaji atsianai Coat inakjoite-perri Levitanai inakjoite-perri, naapana icoam njite coandalrica naferrimi. \v 3 Iniwetaotsa pjiomi njaji atsianai irsocape trenta walria ipekirrica nakjoite atee njaji irsocape cincoenta cinco walria napekirrica nacojle. Njaji atsianai, narsotsaotsa naaca nadeji nainai iwacaaca-carroda lricojle. \v 4 Njaji Coat inakjoiteperri, narsotsaotsa nawapaca matsia pjiomi njaji Njoenitaji Norsowao matsiaperri iwacaaca-carroda lricoperri.

04/05.txt

@@ -0,0 +1 @@
+\v 5 Imatsietaaca cádanacoatsawa yacarro pjawa ipjeyajle; Aarón njite njaji lrienipe njeewaotsa njeewaotsa iwacaaca-carroda lrico njetá-carro jliaji yamacati máca idanatacada jliaji corricawatsa pacapa imatsicanaati njite lrishotsa jliaji yamacati máca naitaotsa jliaji patowana, Yácoti yárroda. \v 6 Itaotsa jliaji patowana maaficalri íya matsiaperri sho. Njite ipecoatsa lrinaco yamacati jipolre máca. Shetaotsa jlinacolrico njaji jaico iwakje shopani.

04/07.txt

@@ -0,0 +1 @@
+\v 7 Ipeeco tsakjaotsa yamacati jipolre máca lrinaco jliaji mesa lriofacawa jliaji peetje nacadanda Dio ipeyajle. Njite lrinaco jliaji yamacati jipolre máca icadaotsa njaji parrato, cucharaitape, poncherapipe njite nárroda tsonipetsa nárro shopa mana njaji ofrenda nadejῖ mana. Corritsa dekja shenitaca jliaji peetje mesa ioya. \v 8 Itaotsani yamacati írrai máco sho njite lrinacó, ipeeco tsenakja maaficalri íya matsiadalri. Shetaotsa jaico mesa jinacolrico iwakje shopani.

04/09.txt

@@ -0,0 +1 @@
+\v 9 Njepaotsa yamacati jipolre máca naita shopa jliaji camarrai jirricona njite njaji lampara, njepaaca carrona, parratoita macaapi, njite pjiomi njaji lampara iitada yarrodape. \v 10 Irsotsaotsa icadaaca njajilampara njite njaji lridakipe maaficalri íya matsiadalri ricó, njite icadaotsana ideecarroda jamiñadalri ricó. \v 11 Ítaotsa jliaji altar owirrona yamacati jipolre máca sho. Njite ipeco paotsa lrinaco maaficalri matsiadalri, njite shetaotsa jlinacolrico jaico iwakje carrona.

04/12.txt

@@ -0,0 +1 @@
+\v 12 Jipaotsa iñampa pjiomi njaji idejishopa Noopana lrico yamacati jipolre máca sho. Iñampa pjaani maaficalri íya matsiadalri sho njite iorrocoetaotsana idecarroda lrico jamiñaperri. \v 13 Jitaotsa pjiomi tiyepokoam altar ioya njite iñampaotsani yamacati amolre máca sho. \v 14 Njite iorrocoetaotsana idecarroda lrico jamiñaperri pjiomi njaji idejishopape altar nacó, njaji lridaana jalrajalradalri, ketsane, palaitape, poncherapipe, pjiomi njaji idejishopa altara nacó. Ítaotsani maaficalri íya matsiadalri sho jliaji altar njite shetaotsa jlinacolrico njaji jaico iwakje carronani.

04/15.txt

@@ -0,0 +1,2 @@
+\v 15 Njite Aarón lrienipe yapiya nataita cayamina
+namatsietaca, naita cayami pjiomi jliaji Dio iofacawa lrico njite pjiomi lrinaanipe, njite nadee carroenani naacarroa, ikenaotsa nánoca njaji Coat inakjoiteperri nadé-carroenani. Njite nanota cadaa njaji lriitada mamatsicanaperri, mayami caotsana. Icatsa nadejicalreca njaji Coat inakjoiteperri, nadeeca pjiomi njaji nawacaaca-carroda lrico inaanipe. \v 16 Eleazae, sacerdote Aarón irri, icatsaotsa jliaji icapalrica matsia catsa na-camarra iitada, incienso potiyaperri, njaji napania ínaca naoda ofrendawa, njite jliaji aceite naiñjetashopa inaiki nacó. Lriwapaotsa lricapa matsia pjiomi jliaji nawacaaca carroda, njite njaji lriitada lriwawalricope, Dio iofacawa lrico njite pjiomi lriitada tsakja.''

04/17.txt

@@ -0,0 +1 @@
+\v 17 Caaco Jliaji Iminalriti Moise irso njite Aarón irso tsakja. \v 18 Njite Lriaco narso: ''Macadatsa namatadacawa njaji Coat inakjoiteperri poco wadentja Nowayaketacana naoya njaji Levitanai. \v 19 Iwapaotsana, wadee mayamicana dajicalre ikjaote, natsomita cádanaco njaji nonanipe matsiaperri, \v 20 corrin nataita njeewacawa nofacawa lrico corrin tsooca, wade mayamicana. Niini Aarón lrienipe yapiya watsa njaji shewalriwa lri-ricoda, njenaotsa icadaa nadejicalrewa nacoana njaji coatitanai, idejikjeti naicaonada catsa.''

04/21.txt

@@ -0,0 +1 @@
+\v 21 Caaco tsenakja Jliaji Iminalriti Moise irso tsenakja. Lriaco lrirso: \v 22 Panaya pidana neepitana njaji Gerso inakjoiteperri, nanakjoite njaji naferrinaipemi, njite naapaneta. \v 23 Iniwetaotsa pjiomi njaji atsianai irsocape trenta walria ipekirrica nakjoite atee njaji irsocape cincoenta cinco walria napekirrica nacojle. Njaji atsianai, narsotsaotsa naaca nadeji nainai iwacaaca-carroda lricojle.

04/24.txt

@@ -0,0 +1 @@
+\v 24 Icatsaotsa nadejicalreca njai gersonitanai, nadeji calre nacasha cádanacoa. \v 25 Njaa watsa idee njaji yamacati máca nawacaaca-carroda lricope, lritapjé, lriwaipe,njaji waaficalri íya matsiaperri lriicaoperri, njite njaji yamacati mácape lripananoma nacoperri jliaji nawacaaca-carroda. \v 26 Njaji yamacati lriyacalrcoa iwai nacoperri, lripananoma nacoperri, tsoomidalritsa nawacaaca-carroda ioya,altar ioya tsakja, lriñadape njite pjiomi lricaonaperri. Coca cadaa nadejirri niini, njaa irsotsa inaitjaca.

04/27.txt

@@ -0,0 +1 @@
+\v 27 Aarón lrienipe yapiya watsa icaite njaji gersonitanai poco coajicaotsa nadejica nanaco njaji naderriotsa, pjiomi idejikjeti nacó. Pjia watsa icaite coca caotsa nadejirri. \v 28 Icatsaotsa njaji idejirrica nanakjoite njaji gersonitanai poco iipaneta nawacaaca-carroda nacó. Itamar, sacerdote Aarón irri watsa idejirri naapiya nadeji cádanaco.

04/29.txt

@@ -0,0 +1 @@
+\v 29 Piniwetaotsa njaji Merari inakjoiteperri naapaneta icoam, coca piaca naferrinaipe iipaneta, \v 30 Iniwetaotsa pjiomi njaji atsianai irsocape trenta walria ipekirrica nakjoite atee njaji irsocape cincoenta cinco walria napekirrica nacojle. Njaji atsianai, narsotsaotsa naaca nadeji nainai iwacaaca-carroda lricojle.

04/31.txt

@@ -0,0 +1 @@
+\v 31 Icatsaotsa nadejicalreca nawapaope nawacaaca-carroda lrico. Nawapacaotsa nawacaacacarroda ípje, jliecolrena, lri topjirre, neema-carro poco, \v 32 cosoca njaji lriyacalre coa iwai ípje, neema-carro poco, napapi carronape, lriiñadape, njite pjiomi lricaonaperri. Pidanaotsa narso pjiomi njaji naderriotsa.

04/33.txt

@@ -0,0 +1 @@
+\v 33 Icatsa nadejicalreca njaji Merari poco inakjoiteperri iipanata, jliaji naderriotsa nawacaaca-carroda nacó, coajica Itamar, sacerdote Aarón irri inaa nadejica.''

04/34.txt

@@ -0,0 +1 @@
+\v 34 Moise, Aarón njite njaji nawapaji yaapiyawanai naniweta njaji coatitanai inakjoiteperri nanakjoite njaji naferrinaipemi. \v 35 Naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico. \v 36 Naniwetana do mil seteciento cincoenta atsianai naapanetada lrico.

04/37.txt

@@ -0,0 +1 @@
+\v 37 Moise, Aarón yapiya naniweta pjiomi njaji atsianai coatitanai poco iipaneta lricoperri njaji idejicaope nawacaaca-carroda lrico. Nanaitja cayo, njeepa capoa jliaji Dio inaalri nanaitjaca Moise nakjoite.

04/38.txt

@@ -0,0 +1,2 @@
+\v 38 Naniweta njaji Gersón inakjoiteperri, njaji naapana lricoperri, njite njaji naferrinaipemi iipaneta
+nanakjoitepe. \v 39 Naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico. \v 40 Niini naniwetacana do mil seiciento trenta atsianai, naapanaeta nacope njite naferrinaipe iipaneta nakjoitepe.

04/41.txt

@@ -0,0 +1 @@
+\v 41 Moise, Aarón yapiya naniweta pjiomi njaji atsianai Gersón poco iipaneta lricoperri njaji idejicaope nawacaaca-carroda lrico. Nanaitja cayo, njeepa capoa jliaji Dio inaalri nanaitjaca Moise nakjoite.

04/42.txt

@@ -0,0 +1 @@
+\v 42 Naniweta njaji Merari inakjoiteperri, njaji naapana lricoperri, njite njaji naferrinaipemi iipaneta nanakjoitepe, \v 43 naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico. \v 44 Niini naniwetacana tre mil dociento atsianai, naapanaeta nacope njite naferrinaipe iipaneta nakjoitepe.

04/45.txt

@@ -0,0 +1 @@
+\v 45 Moise, Aarón yapiya naniweta pjiomi njaji atsianai Merari poco iipaneta lricoperri njaji idejicaope nawacaaca-carroda lrico. Nanaitja cayo, njeepa capoa jliaji Dio inaalri nanaitjaca Moise nakjoite.

04/46.txt

@@ -0,0 +1 @@
+\v 46 Moise, Aarón njite njaji nawapaji yaapiyawanai naniweta njaji Levitanai naapaneta lricope naferrinaipemi inakjoiteperri. \v 47 Naniweta njaji irsocape trenta walria ipekirrica nakjoite njite njaji irsocaperri cincoenta oonia ipekirrica. Naniweta pjiomi njaji idejicaope nawacaaca-carroda lrico, nadee carrona njite nawapa-carro tsakja pjiomi njaji lriitada. \v 48 Naniwetana ocho mil quiniento ochenta atsianai.

04/49.txt

@@ -0,0 +1 @@
+\v 49 Dio inaacalre ricó, Moise iniweta njaji atsianai padape, njite a kjerreca lricadaa nadejica nacoana. lriniweta tsakja cocacaotsa idenjikjeti jliaji nanjerri inaco. Nanaitja cayo, njeepa capoa jliaji Dio inaalri nanaitjaca Moise nakjoite.

04/title.txt

@@ -1 +1 @@
-Capítulo 4
+Capítulo 4 - Levitanai idej calre

05/01.txt

@@ -0,0 +1 @@
+\c 5 \v 1 Caaco jliaji Iminalriti Moise irso. Lriaco lrirso: \v 2 ''Imotoetaotsa iofacawa ioya pjiomi njaji irsocape irrenati nadada nacó, cayaoni-perri corri petsa yaawawa, njite njaji maatsiperrimi nanota capoa mayamperrimi. \v 3 Atsia cadaa o ínarro cadaa, irsotsa imotoeta cana ioya iofacawa lrikjoite. Corrin nataita namatsiketaca iofacawa lrico, ima Noofaca iinani niinio.'' \v 4 Njaji Iraelnai nanaitjatsa cayo. Namotoetana pjiomi njaji carrenaperri naofacawa ioya, Dio inaa capisho nanaitjaca Moise nakjoite. Njaji Iraelnai njeepa njaji Dio inaalri nanaitjaca.

05/05.txt

@@ -0,0 +1 @@
+\v 5 Caaco tsenakja Dio Moise irso, Lriaco lrirso: \v 6 ''Picaite narso njaji Iraelnai. Pada atsia o apama ínarro cadaa inaitja imatsicanao pada ikjoete, njite lrimacaca Njoa, jliaji inaiki lrirsotsa lricaoñaca jliaji lrimatsicana. \v 7 Niini lrirsotsa lricaiteca lrimatsicanaa lrinaitjalri. Lrirsotsa lricaoñaca pjiomi lrimatsicana ikjaote, njite lrirsotsa lricadaa pjaaca lrinacojle. Lrirsotsa jliacana lrirso jliaji lrinaitjalri irso maatsi mikjapantsa.

05/08.txt

@@ -0,0 +1 @@
+\v 8 Mitsa jliaji inaiki lrinaitjanda irso corri cadaa lrirso lrikitsiñape tsoomi lrioya itaitacape naaco irso njaji nacaoñashopani, lrirsotsa lriaca lrimatsicana icoada Norso sacerdote nakjoite, njite lrisotsa jliaca apana carnero lripiyo shopa lrimatsicana. \v 9 Nacoana njaji ofrenda nanda njaji Iraelnai, njaji nananipe njenitaji, nadeji sacerdote irso njaji Iraelnai, lriyapecana jliaji sacerdote. \v 10 Pjiomi njaji ofrenda nadenda njaji Iraelna, lriyapecana jliaji sacerdote; Njite coca cadaa iá sacerdote irso coca catsa, lrirsotsa lriaca lriyarro nakjoite.''

05/11.txt

@@ -0,0 +1 @@
+\v 11 Caaco tsenakja Dio Moise irso, Lriaco lrirso: \v 12 ''Picaite narso njaji Iraelnai cayoji: njite cawilre cadaa rsoaji ínarro roinirri ioya, ronaitjaca maatsi rodaki sho pada iapiya roinirri ioya.

05/13.txt

@@ -0,0 +1 @@
+\v 13 Njite ape atsia idakita roapiya. Cayo cádanaco, icaamitsa maatsica rsoaji ínarro corri cadanatsa roinirri icapano o lriajicantja lrinaco jliaji ronaitjalri, njite corri cadatsa coca icapano ronaitja cádanaco maatsi, njite corrin coca yaji romatsicana nacó, \v 14 njite pada ikaolreti ikerriakjeti nacó icadaa lriaji jliaji roinirri maatsica rsoajilriino. Mitsa jliaji ikaolreti ikerriakjeti nacó papiape corrin lricaite ajádalri sho lrirso jliaji atsia lriino nacó lricaite cádanaco lrirso maatsica rsoaji lriino.

05/15.txt

@@ -0,0 +1 @@
+\v 15 Cayo cádanaco, jliaji roinirri lrirsotsa lrideeca lriino sacerdote ikjaolre, njite lrirsotsa lrideeca tsakja apjeco nairranda ofrenda sho rorsodalriope. Lrirsotsa lridee tsakja yamada kilo harina cebadape. Corritsa lriarro carroca aceite nanaco, corrin tsakja incienso ima pada ofrenda napia iinaca nakjoite ikerriakjeti naco, paniati iinaca nakjoite cadaa jliaji ofrenda lricaite shopa niinica imatsicanaati.

05/16.txt

@@ -0,0 +1 @@
+\v 16 Jliaji sacerdote lrirsotsa lrideecano tsoomi lricadá-carro roemawa Dio ipeyajle. \v 17 Ikena sacerdote irsotsa jipaca ooni njenitanda matsiadalriwa lriarroda lrico njite lritaipe nawacaaca-carroda lricoda. Lripecoatsa jliaji lritalripe ooni ricó.

05/18.txt

@@ -0,0 +1 @@
+\v 18 Sacerdote icadaotsa rsoaji ínarro Dio ipeyajle njite lriwataca caotsa rotsicolre irroa rsoaji ínarro rsowida nacope. Njite lricadaotsa rocaapi rico njaji ofrenda napania iinaca, njaji paniati ínaca ikerriakjeti nacoda. Jliaji sacerdote jlipaotsa lricaapi ricó jliaji ooni jiipitiajai imalri cantja maatsicano. \v 19 Jliaji sacerdote inaotsa rocaiteca yaacoti ajadalri sho, lricaiteotsa rorso cayoji: ''Corri cadatsa ape atsia idakita piapiya, corrin pinaitja maatrsi pínirri irso njite corrin maatsica pjia, niini corriotsa lridee carroca pinacojle maatsidalri jliaji ooni jipitiajai.

05/20.txt

@@ -0,0 +1 @@
+\v 20 Mitsa rsoaji ínarro, ronaitja cadaa maatsi roini ioya, njite maatsi cano, ape atsia idakita cada roapiya, \v 21 niini pedaotsa jliaji sacerdote inaotsa rocaiteca yacoti ajadalri sho ideecaoda ronacojle mátsirri, njite lricaite pjaotsa coajica. JLIAJI IMINALRITI ideotsa pinacojle mátsirri njite njaji inaiki aimadan nacapaotsa coandalrica jliaji imatsicanaati. O corricaotsa Dio icadaa kenipeca pjia njite pienipjiarroda ishacaotsawa. \v 22 Jliaji ooni ideecada mátsiperri shewaotsa piñjajiarroda lrico njite lrimaotsa pienipjiarroda ishacaotsawa niini corriotsa keenipé carroca pjia.'' Njite rsoepaotsa rsoaji ínarro: ''Ajã, picadaa noirrani, njite ajãdalri camatsicanaaca njoa.''

05/23.txt

@@ -0,0 +1 @@
+\v 23 Njite sacerdote idanaotsa paperra macapjai ricó pjiomi njaji imatsicanaati, njite lricotsoatsa njaji imatsicanaati lridanaji paperra naco ooni jipitiajai ricó.

05/24.txt

@@ -0,0 +1 @@
+\v 24 Sacerdote icadaotsa roirra jliaji ooni jipitiajai ideecada mátsiperri. Niiniotsa jiipitica pjiomi rodada lrisho. \v 25 Njite sacerdote jitaotsa rocaapi rikjoite njaji ofrenda paniati ínaca nacope ikerriakjeti nacoda. Njite jlirretaotsa Dio ipeyejle jliaji ofrenda paniati ínaca njite lrideotsano altar nacojle. \v 26 Sacerdote jipaotsa lricaapi pema lrico njaji paniati iinaca inacope ofrendape pjiomi capisho, njite lrimjaitaotsana altar nacó. Njite lricadaotsa roirrao jliaji ooni jipitiajai.

05/27.txt

@@ -0,0 +1,2 @@
+\v 27 Lria cádanaco roirrao jliaji ooni, njite maatsi
+cadatsano ronaitja capoa romatsicana roinirri ikjoete, niiniotsa jliyapaotsa rowawa lrico jliaji ooni ideecada mátsidalri ronacojle njite jiipiti caotsano. Camalrena caotsa roenipjiarroda niini corriotsa rotaita keenipecano. Maatsidarro caotsa rsoaji ínarro royacalremnanai ipecolrico. \v 28 Mitsa corri cadaa camatsicanaaca rsoaji ínarro, niniotsa corritsa maatsi carrocano. Rotaitaotsa rorsoca roenipe.

05/29.txt

@@ -0,0 +1 @@
+\v 29 Icatsa yacoti kjaidaperrica ikerriakjeti nacope. Icatsa yácoti kjaidaperrica nanaco njaji inaitjepe imacacape nainirri njite maatsicano lrikjaote. \v 30 Icatsa yacoti kjaidaperrica lritso jliaji atsia cakeriakjedalri lriino ikjaote. Lrirsotsa lrideeca lriino Dio ipeyajle, njite jliaji sacerdote irsotsa inaitjaca pjiomi cayoji lricaite capisho njaji yacoti kjaidaperri nanaco njaji caiperri.

05/31.txt

@@ -0,0 +1,2 @@
+\v 31 Corriotsa maatsi carroca jliaji atsia lridee capoa 
+sacerdote ikjaolre rsoaji lriino. Njite rorsotsa rsorapitaca romatsica ipamna coandalricatsa imatsicanaati rorsolri.''

05/title.txt

@@ -1 +1 @@
-Capítulo 5
+Capítulo 5 - Napeecopjiomi njaji corriperritsa matsiacana naofacawa ioya

06/01.txt

@@ -0,0 +1 @@
+\c 6 \v 1 Caaco Jliaji IMINALRITI Moise irso. Lriaco cayoji: \v 2 ''Caaco pjia narso njaji inaiki aimadan Iraelnai. Picaite narso cayoji: ''niini cádanaco pada átsia o apama ínarro inaitjacada yácoti Dio irso jlienitaacá-carro Lrirso minitsa, \v 3 Lrirsotsa lriwapaacacawa matsia wadee nairraca jaicotjeda yaana o yalrakji cadaa. Corrin nataita nairraca jaicotjeda yaana jiipitídalri capoajai o yalrakji. Corrin nataita naiñjaca o nairraca jaicotjeda walripe toa o namerritají. \v 4 Caimini catsaotsana pjiomi njaji jalredaoca njenitaaca cádanacowa Norso, corrin nataita naiñjaca tsoo njaji injaodati nanaitjaji jaicotjeda shó, corrin neeshi-ca, corrin tsakja néya.

06/05.txt

@@ -0,0 +1 @@
+\v 5 Pjiomi njaji jalredaoca nacaitecawa njenitaaca-cawa Dio irso, corriotsa nataita nayoaca natsicolre njewida ioya a kjerreca yaamina lrioya jliaji njenitaaca-cawa Dio irso iocawa. Narsotsa njenitaacawa Dio irso. Narsotsa nacadaaca natsicolre itaoñacawa njewida nacope.

06/06.txt

@@ -0,0 +1 @@
+\v 6 Pjiomi njaji jalredaoca nacaitecawa njenitaaca-cawa Dio irso, corrin nataita natsomitaca mayamdalrim icodapi. \v 7 Mayami cadaa jlinirri, jlidoa, lrikitsini o lrikitsidoa corrin nataita natsomitacan wadee matsicana lrikjaote. Cayotsa narsotsa nanaitjaca ima njenitaaca-cawa Dio irso, njite pjiomi yanjicani jalripa capoa njaji lritsicolre. \v 8 Caidalritsa jlienitaaca-cádanacowa mamatsicanaadalri-cani, nawapaaca capoawa Dio irso.

06/09.txt

@@ -0,0 +1 @@
+\v 9 Mayami cadaa pada nacodapi kjeyanatsa njite lrima maatsica njaji natsicolre jalripaperri, narsotsaotsa njerritaca natsicolre jliadaa jliaji jalredaoca nadia cádanacoa namatsietaacawa siete jalredaoca nacó, icatsa njerritaca natsicolre njewida nakjoite.

06/10.txt

@@ -0,0 +1 @@
+\v 10 Ocho jalredaoca nacojle, narsotsaotsa nadeeca yamaapa potocadape o yamapa tsootsobo yenipe sacerdote irso nawacaaca carroda ipananoma lricojle. \v 11 Jliaji sacerdote lriinoatsa apaapa nanakjoite ofrensa shó namatsicana ikjaote njite apaapa nanakjoite lrimjaitaotsani ofrenda shó. Icatsa njaji icaoñalrica namatsicanaa natsomita capoa pada mayamdalrimi idada. Lrirsotsa jlienitaca lriwida Dio irso tsenakja jliadaa jalredaoca.

06/12.txt

@@ -0,0 +1,2 @@
+\v 12 Narsotsa njenitaacawa Dio irso tsenakja 
+caidalritsa nacaitiaca cádanacowa njenitaacawa Lrirso. Corriotsa naniweta carroca njaji jalredaoca nainiita-carrom pia njenitaaca-cawa Dio irso namatsica capoana mayamdalrim idada ima. Narsotsa nadeeca apana cordero pawalria perrimi ipekirrica ofrenda shó namatsicanaa ikjaote.

06/13.txt

@@ -0,0 +1 @@
+\v 13 Icatsa jliaji yácoti kjaidadalri narsowalrepe njaji shenitaacacapewa Dio irso njenaana yoca-cádanacowa nacadaaca-cawa Dio irso. Lrirsotsa lriacawa nawacaaca-carroda ipananoma lricojle. \v 14 Lrirsotsa lrideeca lri-ofrendani Dio ipeyajle. Lrirsotsa lrimjaitaca ofrendawa apana cordero pawalriadalri ipekirrica marsocadalritsa imatsica lridada nacó. Apana tsakja oveja pawalria-darro ipekirrica, corridarrotsa irso imatsica rodada nacó namatsica ikjaote. Apana tsakja carnero marsocadalritsa imatsica lridada nacó ofrenda imaodaca kjeti nacó. \v 15 Narso tsakja nadeeca apana tseeto peetje marsocapetsa mojloipe, nanaitjanda keñape matsiadalripe shó, nakewitanda aceite sho matsia, peetje macaitepe marsocapetsa mpjloi nakewitanda matsia aceite shó, njite ipania iinaca tsakja ofrenda shó, njite irranda tsakja ofrenda shó.

06/16.txt

@@ -0,0 +1 @@
+\v 16 Jliaji sacerdote lrirsotsa lrideecana Dio ipeyajle. Lricadaotsa Lrirso njaji ofrenda imatsicanaati ikjaoperri njite njaji ofrenda lrimjaitaope matsia. \v 17 Njite nainai njaji peetje meewi ptsa tseeto lricope lrirsotsa lricadaaca jliaji carnero nainoada, ofrenda imaodacakjeti Dio irso. Jliaji sacerdote lrirsotsa tsakja lrideeca lricadaaca njaji ofrenda paniati ínaca inakjoiteperri njite njaji ofrenda nairraope inakjoitepe tsakja.

06/18.txt

@@ -0,0 +1 @@
+\v 18 Jliaji icaitecada shenitaacacawa Dio irso lrirsotsa jlirritaca jliwida ioya lritsicolre nawacaaca-carroda ipananoma lrico lricaite shopa jlienitaaca-cawa Dios irso. Jlipaotsa njaji lritsicolrepemi lricadaa-carrona lriapjite jliaji maaficalri lriinonda imaodacakjeti ikjaote yapjite namácarrowa tiyé ricó.

06/19.txt

@@ -0,0 +1 @@
+\v 19 Jliaji sacerdote lrirsotsa jlitaca carnero itéda pomacadalrina, njite pawana peetje macaite njite paita tsoitetsa meewiperritsa tseeto lricope. Njite lricadana lricaapi ricó jliaji shenitaaca-cadawa Dio irso jlirrita cayamina lritsicolre jliwida ioya lricaite shopa jlienitaaca-cawa Dio irsowawa. \v 20 Sacerdote iñocotacaotsa njaji ofrenda Dio ipeyajle. Pada injaodati matsiadalri sacerdote irso, lricodaita jliaji lriñocotanda njite lricotsipa icatsa njaji sacerdote irsowalrepe. Njitedalri dekjena jliaji shenitaaca cadawa Dio irso lritaitena lrirraca jaicotjeda yaana.

06/21.txt

@@ -0,0 +1 @@
+\v 21 Icatsa jliaji yácoti kjaidadalri narsowalrepe njaji shenitaaca-capewa Dio irso, njite icatsa njaji ofrenda narsolritsa nadeeca, njite njaji narsolri pjaaca nacadaaca nacadaaca. narsotsa nanaitjaca cayoji nacaite capisho Dio irso, cayotsaji nacaite capisho njaji yácoti cayo cádanaco icaona.''

06/22.txt

@@ -0,0 +1 @@
+\v 22 Caaci tsenakja Dio Moise irso. Lriaco: \v 23 ''Caaco pjia narso njaji Aarón yénipe cayoji: ''Irsotsa icadaaca yácoti matsiaperri nanaco njaji Iraelnai cayoji, cayoatsa icaiteca: \v 24 ''Dio watsa icadaa lrimatsiaca inaco njite lriwapaca shaa.

06/25.txt

@@ -0,0 +1 @@
+\v 25 Dio icadawatsa kerráca lricamarra inaco, njite matsia watsa lricapaca irso. \v 26 Catimawatsa Dio icapaca irso njite lricadaawatsa imaodacá-carro iofawa maatsirri ioya.'' \v 27 Cayoatsa nacaiteca Noipita narso njaji Iraelnai aimadan. Niniotsa Nocadaotsa narso matsiadalri.''

06/title.txt

@@ -1 +1 @@
-Capítulo 6
+Capítulo 6 - Nanacoapana njaji shenitaaca-capewa Dio irso

07/01.txt

@@ -0,0 +1 @@
+\c 7 \v 1 Jliadaa piena Moise iwayaketaca ideji jliaji pantiita nawacaaca carrodawa, lriarro lrinaco aceite sho njite jlienitani Dio irsowawani, njite pjiomi njaji lriitada. Cayo tsakja lrinaitjaca jliaji altar njite njaji nadenjishopa niiní. Lriarro aceite sho lrinaco njite jlienitani Dio irsowawani. \v 2 Jliadaa jecoapi, njaji Iraelnai yápiyawanai, njanirrinaipemi iipaneta jiwidapo, naino maaficalri. Icatsa njaji atsianai iderrica njaji nakitsiñape poco. Icatsa njaji yanjirrica coshoapaca namaimaca ima njaaca iniwetana. \v 3 Nadee Dio ipeyajle na-ofrendani. Nacoanaa njaji Iraelnai iapiyawanai nadee yamafiape njecocarrofia, njite nacoanaa tsakja nadeeca apana buey. Nadee pjiomi njaji nadeeji nawacaaca carroda ipananoma lricojle.

07/04.txt

@@ -0,0 +1 @@
+\v 4 Njitedalri caaco JLIAJI IMINALRITI Moise irso: \v 5 ''Picoadata napjeya njaji ofrenda nadenji idenjishopa iwacaaca carroda lrico. Iawatsa njaji ofrenda narso njaji Levitanai, iáwatsa nacoana narso coajica nadejica.''

07/06.txt

@@ -0,0 +1 @@
+\v 6 Moise icoadata naoya njaji njeco carroafiape, navacan, njite lria narso njaji Levitanai. \v 7 Lriá yamafia njeco carroafiape njite coatrona vaaca narso njaji Gersón inakjoite-perri, ima canacaica narso nadenjí-carro. \v 8 Lria coatro njeeco carroafiape njite ochona vaaca narszo njaji Merari inakjoite-perri, njaji Itamar, sacerdote Aarón irri iwapaji ima canacaica narso nadenjí-carro.

07/09.txt

@@ -0,0 +1 @@
+\v 9 Mitsa corrin lria nanakjoite narso njaji Coat inakjoite-perri, ima jliaji idenjikjeti nayadape, icatsa njaji jiwajicapeca njaji Dio iyarroaji nateda naco.

07/10.txt

@@ -0,0 +1 @@
+\v 10 Njaji Iraelnai iapiyawanai nacadaa nayarroaji inacope Dio irso jliadaa pia jalredaoca Moise iarroca aceite altar nacó. Njite naino nápirra Dio irso Altar ipeyajle. \v 11 JLIAJI IMINALRITI iaco Moise irso: ''nacoanaa njaji Iraelnai iapiyawanai nainoatsa maaficalri nanacowatsa njeenita cádanaco jliaji altar.''

07/12.txt

@@ -0,0 +1 @@
+\v 12 Nainita cadaa, Naasón, Aminadab irri, Judá poco inakjoité-dalri, lriino lrípirra lrinacowaaca. \v 13 Lri cadaa paapi ponchera nanaitjanda pada kilo njite pamoyoa pja pada nakjoite palraatape jlimiñaca, paapi tsakja taza macaapi nanaitjanda seteciento setenta gramo sho palratape, cayotsaji nawi capisho njemkiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 14 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/15.txt

@@ -0,0 +1 @@
+\v 15 Lria ofrenda sho apana toro pamoyoani toa ipekirrica, apana carnero njite apana oveja pawalria-darro ipekirroca. \v 16 Lria apana cabra yenipe ofrenda lrimatsicana ioyadalri. \v 17 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaodacakjeti nacó. Icatsa njaji Naasón, Aminadab irri iinojica maaficalri Dio irso.

07/18.txt

@@ -0,0 +1 @@
+\v 18 Njite yamadaa jalredaoca nacó, Natanaél, Zuar irri, naapiyawalre njaji Isacar poco, lridee tsakja lriino njaji maaficlri lriyape. \v 19 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope.

07/20.txt

@@ -0,0 +1 @@
+\v 20 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó. \v 21 Lria ofrenda sho apana vaken, apana carnero njite apana oveja pawalria-darro ipekirroca. \v 22 Lria apana cabra yenipe ofrenda lrimatsicana ioyadalri. \v 23 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeri nacó. Icatsa njaji Nagtanaél, Zuar irri iinojica maaficalri Dio irso.

07/24.txt

@@ -0,0 +1 @@
+\v 24 Madalridaa jalredaoca ancó, Eliab, Hlón irri, naapiyawalre njaji Zabolón poco, lriino maaficalri lriyape Diom irso. \v 25 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 26 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/27.txt

@@ -0,0 +1 @@
+\v 27 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 28 Lria tsakja apana cabra yenipe tsoni toa lrimatsicana ikjaote. \v 29 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Eliab, Helón irri iinojica maaficalri Dio irso.

07/30.txt

@@ -0,0 +1 @@
+\v 30 Coatro jalredaoca nacó, Elisur, Sedeur irri, Robén poco jiwidaapo, lricadaa tsakja njaji maaficalri lrinoji. \v 31 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 32 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/33.txt

@@ -0,0 +1 @@
+\v 33 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 34 Lria tsakja apana cabra yenipe tsoni toa lrimatsicana ikjaote. \v 35 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisur, Sedeur irri iinojica maaficalri Dio irso.

07/36.txt

@@ -0,0 +1 @@
+\v 36 Cinco jalredaoca nacó, Selumiel, Zurisadai irri, naapiyawalre njaji Smeo poco, lricadaa tsakja njaji maaficalri lrinoji.lricadaa tsakja njaji maaficalri lrinoji. \v 37 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 38 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/39.txt

@@ -0,0 +1 @@
+\v 39 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 40 Lria tsakja apana cabra yenipe tsoni toa lrimatsicana ikjaote. \v 41 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisur, Sedeur irri iinojica maaficalri Dio irso.

07/42.txt

@@ -0,0 +1 @@
+\v 42 Sei jalredaoca nacó, Elisaf, Deuel irri, naapiyawajle njaji Gad poco, lridee tsakja lriipirra lrinoape Dio irso. \v 43 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 44 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/45.txt

@@ -0,0 +1 @@
+\v 45 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 46 Lria tsakja apana cabra yenipe tsoni toa lrimatsicana ikjaote. \v 47 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisaf, Deuel irri iinojica maaficalri Dio irso.

07/48.txt

@@ -0,0 +1,2 @@
+\v 48 Siete jalredaoca nacó, Elisama, Amiud irri, naapiyawajle njaji Efraín poco, lridee tsakja
+lriipirra lrinoape Dio irso. \v 49 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 50 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/51.txt

@@ -0,0 +1 @@
+\v 51 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 52 Lria tsakja apana cabra yenipe tsoni toa lrimatsicana ikjaote. \v 53 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Elisama, Amiud irri iinojica maaficalri Dio irso.

07/54.txt

@@ -0,0 +1,2 @@
+\v 54 Ocho jalredaoca nacó, Gamaliel, Pedasur irri, naapiyawajle njaji Manase poco, lridee tsakja lriipirra lrinoape Dio irso. \v 55 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca
+inacope. \v 56 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/57.txt

@@ -0,0 +1 @@
+\v 57 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 58 Lria tsakja apana cabra yenipe tsoni toa lrimatsicana ikjaote. \v 59 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Gamaliel, Pedesur irri iinojica maaficalri Dio irso.

07/60.txt

@@ -0,0 +1 @@
+\v 60 Nueve jalredaoca nacó, Abidan, Gedeoni irri, naapiyawajle njaji Bejami poco, lridee tsakja lriipirra lrinoape Dio irso. \v 61 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 62 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/63.txt

@@ -0,0 +1 @@
+\v 63 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 64 Lria tsakja apana cabra yenipe tsoni toa lrimatsicana ikjaote. \v 65 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Abidán, Gedeoni irri iinojica maaficalri Dio irso.

07/66.txt

@@ -0,0 +1 @@
+\v 66 Die jalredaoca nacó, Ahiezer, Amisadai irri, naapiyawajle njaji Dan poco, lridee tsakja lriipirra lrinoape Dio irso. \v 67 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 68 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/69.txt

@@ -0,0 +1 @@
+\v 69 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 70 Lria tsakja apana cabra yenipe tsoni toa lrimatsicana ikjaote. \v 71 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Ahiezer, Amisadai irri iinojica maaficalri Dio irso.

07/72.txt

@@ -0,0 +1 @@
+\v 72 Once jalredaoca nacó, Pagiel, Ocrán irri, naapiyawajle njaji Aser poco, lridee tsakja lriipirra lrinoape Dio irso. \v 73 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 74 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/75.txt

@@ -0,0 +1 @@
+\v 75 Lria ofrenda sho apana toro walrine toa, apana carnero, njite apana cordero pawalriadarrotoa ipekirroca. \v 76 Lria tsakja apana cabra yenipe tsoni toa lrimatsicana ikjaote. \v 77 Lria yaamana toro, cincona carnero, cinco cabra yénipe njite cincona cordero pawalria-perri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Pagiel, Ocrán irri iinojica maaficalri Dio irso.

07/78.txt

@@ -0,0 +1 @@
+\v 78 Doce jalredaoca nacó, Ahira, Enán irri, naapiyawajle njaji Neftalí poco, lridee tsakja lriipirra lrinoape Dio irso. \v 79 Lri cadaa paapi ponchera nanaitjanda pada kilo njite coarenta ocho gramo pja lrinacojle palraata sho, paapi tsakja taza macaapi nanaitjanda seteciento noventa ocho gramo sho palrata, cayotsaji nawi capisho njemiñaca nawacaaca carroda lrico. Njite napakjanta yamaapipe harima matsiaperri sho nakewitanda aceite shó, ofrendacani napania iinaca inacope. \v 80 Lriá tsakja paapi ponchera macaapi nanaitjanda ciento catorce gramo sho owirro, pakjamidalri incienso shó.

07/81.txt

@@ -0,0 +1 @@
+\v 81 Lria ofrenda sho apana toro walrine toa, apana carnero, njite apana cordero pawalria-darrotoa ipekirroca. \v 82 Lria tsakja apana cabra yenipe tsoni toa lrimatsicana ikjaote. \v 83 Lria yaamana toro, cincona carnero, cinco cabra yénipe njite cincona cordero pawalriaperri ipekirrica, lriinoji ofrenda imaoda, lriinoji ofrenda imaodacakjeti nacó. Icatsa njaji Ahira, Enán irri iinojica maaficalri Dio irso.