Thu Feb 29 2024 03:18:36 GMT-0400 (Atlantic Standard Time)

07/01.txt

@@ -0,0 +1 @@
+\c 7 \v 1 Wa-Minalri iaco Noé irso: Pjiewenawa lancha lrico njite njaji piipaneta tsakja, ima nocapaca mamatsicanaadalrica pjia Nopeyajle njaacoma ipecolrico njaji inaiki. \v 2 Nanakjoite njaji maaficalri matsiaperri piorrocoetaotsa piinaiwa sietena atsiana njite sietena iinarrona. Njite njaji maaficalri corriperritsa matsiaca, yaamanape tsaotsa piorrocoetaca, atsiana njite iinarrona. \v 3 Njaji wipjiarro iarrajicape eeno iekjoete naco, piorrocoetaotsa sieteapa atsiapa njite sieteapa inarroapa, manacó-carroatsa njaji nanakjoite-perri jalredaoca lrico.

07/04.txt

@@ -0,0 +1 @@
+\v 4 Ima siete jalredaoca naco nocaotsa iiyao jiwacawa jiipai nacojle. Iiyaotsani coarenta jalredaoca njite coarenta deepi tsakja. Nowayaketaotsa jiipai lricoperri pjiomi njaji caafiperri nonaitjaji.'' \v 5 Noé inaitja pjiomi njaji Dio inaalri lrinaitjaca.

07/06.txt

@@ -0,0 +1 @@
+\v 6 Noé irsopiakena seiciento oonia jlieta caojli pia jliaji jalredaoca. \v 7 Noé, njaji lrienipe, Noé iino, lrirrinonaipe njeewawa lancha lrico padenirri ima ooni sheteetaca-na.

07/08.txt

@@ -0,0 +1 @@
+\v 8 Njaji maaficalri matsiaperri njite njaji maaficalri corriperri matsiacana, njaji wipjiarro, pjiomi njaji yaacapewa nawawa sho jiipai nacojle, \v 9 njerracawa yaamadapewa Noé iinai njeewá-carro lancha lrico, Cayotsa Dio inaa capirso pia Noé inaitjaca. \v 10 Niini siete jalredaoca shaapodam, ooni sheeteta kena jliaji jiipai.

07/11.txt

@@ -0,0 +1 @@
+\v 11 Seiciento oonia nacó Noé shaawajli, yaamapi kerri naco pawalria iniitacarropi naco, diecisiete jalredaoca naco, jliadatsa jalredaoca-ca pjiomi njaji ooni macapeki jiipai ricope namjecoacawa, njite eeno imjecoacawa tsakjao. \v 12 Ikena iiyao iinita jiwacawa jiipai nacojle coarenta jalredaoca njite coarenta deepi.

07/13.txt

@@ -0,0 +1 @@
+\v 13 Njite jliadatsa jalredaoca Noé njite njaji lrienipe, Noé iino, njaji lrirrinonaipe njeewawa lancha lrico. \v 14 Njewawa pacoacatsa nainai njaji maaficalri awacada lricope nacoamitsa, cayo tsakja njaji vaaca teecojle-perri naoyawaaca, caitsakja njaji maaficalri yajicapewa nawawa sho jiipai nacojle, coshoca naoyawaaca, cai tsakja njaji wipjiarro coshoca naoyawaacana, pjiomi njaji wipjiarro teecojleperri naoyawaaca.

07/15.txt

@@ -0,0 +1 @@
+\v 15 Yamadape pjiomi njaji caafiperri caolri sho njerrawa Noé iinai lancaha lrico. \v 16 Njaji maaficalri jirralriwa apana atsiana njite apana iinarrona nacoanamtsa njaji maaficalri; Njerrawa cayotsa Dio inaa capirso. Ikena Dio iitaca jliaji pantinoma njeewa cayamiwa.

07/17.txt

@@ -0,0 +1 @@
+\v 17 Coarenta jalredaoca shaapodam jlietawa jliaji jiipai ooni sho, lrimotawa jliaji ooni njite lritamo tsakjawa jliaji lancha jiipai ioya. \v 18 Ooni iita pjiomi jiipai, njite lancha itamowa ooni yeecoa naco.

07/19.txt

@@ -0,0 +1 @@
+\v 19 Ooni itaoñawa pekirritsa jiipai naco niini pjiomi njaji jiipana yenomperri eeno yapjiteperri ooni iita pjiomina. \v 20 Ooni imotawa sei metro pja naicao njaji jiipana yenonperri.

07/21.txt

@@ -0,0 +1 @@
+\v 21 Pjiomi njaji caafiperri yajicapepiawa jiipai nacojle mayamicana: wipjiarro, vaaca, maaficalri awacada lricoperri, njaji maaficadalridape aimaperri yajicapewa, njite pjiomi njaji inaikinai. \v 22 Pjiomi njaji caafiperri yofacapepiawa jiipai rico, njaji jirsaacapepia icaolrewa njetaco lrico, mayamina.

07/23.txt

@@ -0,0 +1 @@
+\v 23 Niini pjiomi njaji caafiperri yajicapepiawa jiipai nacojle oopi nawayacawa, inaiki nakjoite njite njaji maaficalri macanipe, pjiomi njaji yajicapewa nawawasho tsakja, njaji yarrajicapewa tsakja. Padeenirri nawayacacawa. Icaamitsa Noé njite njaji lriinaiperri, icaamitsa njaji yomjerri. \v 24 Ciento cincoenta jalredaoca lrirrocawa jliaji ooni jiipai naco.

08/01.txt

@@ -0,0 +1 @@
+\c 8 \v 1 Dio icapa Noé irso njite njai maaficalri awacada lricope, nja vaaca lancha lricoperri Noé iinai. Niini Dio icadaa caolri ipjiaca jiipai naco, ikena ooni idiaca yorrocowa. \v 2 Naitacawa njaji ooni tjewacaperri jiipai lricope njite eeno iitacawa niini yami ketsa iiyacani. \v 3 Tacaatsa ooni imotacalre idiaca yorrocowa jiipai yooya, niini ciento cincoenta jalredaoca iwayacacawa, ooni imaimaca idiá yorrocowa.

08/04.txt

@@ -0,0 +1 @@
+\v 4 Meeta lriicao jliaji lancha lrinaco jliaji jiipana Ararat-dalri iipitana sietepi keerri naco, diecisiete jalredaoca naco lrinacopitsa keerri-ca. \v 5 Meeta cayao pjatoa jliaji ooni diepi keerri nacojle. Lriinita carrodaa lrico jliaji keerri, nainiita namotocao nápolrico njaji jiipana lrima.

08/06.txt

@@ -0,0 +1 @@
+\v 6 Niini papia nacojlena, coarenta jalredaoca shaapodam Noé imjeco cayami lancha iventanani. \v 7 Lrimotoeta pemajle lancha ioya apaapa waayolri. jliaji waayolri lriawa njite lridia piatowa atee kjerreca meeta matsia jliaji jiipai corrinatsa lridiawa.

08/08.txt

@@ -0,0 +1 @@
+\v 8 Njite lripieta lrimotoetaca apaapa tsotsobo lriajíicarromtja meeta kena jliaji jiipai, \v 9 mitsa jliaji tsotsobo corrin lrioketa lriema cawantja, niini lridiacawa tsenakja lancha nacojle ima corricatoa meetaca jliaji jiipai. Noé ipiajleta lricaapi jlikjaolre jlietá-carro tsenakja lancha lriconi.

08/10.txt

@@ -0,0 +1 @@
+\v 10 Lriwapa siete jalredaoca jiyapawa njite lrimotoeta tsenakja jliaji tsotsobo lancha ioya. \v 11 Lridia lriocawa lrikjaolre jliaji tsotsobo dainomajle. Njite lridee jlitaco naco papje olivo ipje walripjaitoa jlitaca. Ikena Noé yaajíi meetakena jliaji jiipai. \v 12 Lriwapa siete jalredaoca jiyapawa njite lrimotoeta tsenakja jliaji tsotsobo lancha ioya. Njite jliaji tsotsobo corrinatsa lridietsawa lriderse.

08/13.txt

@@ -0,0 +1 @@
+\v 13 Niini seiciento uno oonia lrico, pawalria iniita carripi lrico, lriniita cadaa jliaji kerri, meeta piema matsia jliaji ooni jiipai ioya. lrimeeco lancha itapje lricapá-carro pemajle, njite lricapa meeta kena jliaji jiipai. \v 14 Njite yaamapi kerri naco pawalria irso, ventisiete jalredaoca nacó lrinacotsa kerri, meetena matsia jliaji jiipai.

08/15.txt

@@ -0,0 +1 @@
+\v 15 Dio icaite Noé irso: \v 16 ''Pimotoenawa arca ioya, pjia, piino, pienipe njite njaji pirrinonaipe. \v 17 Pimotoita piinaiwa pjiomi njaji maaficalri tecojleperri naoyawaca, nja tsakja njaji wipjiarro, njaji maaficalri, pjiomi njaji yajicaperri nawawasho jiipai naco, aimacarroatsana, narso carroatsa neenipe namaimatá-carro tsenakjawa jiipai iitadao.''

08/18.txt

@@ -0,0 +1,2 @@
+\v 18 Niinina Noé imotowa lancha lrikjoite lrienipe iapiya, lriino njite njaji lrirrinonaipe. \v 19 Pjiomi njaji maaficalri caafiperri, pjiomi njaji yajicaperri
+nawawasho jiipai naco, wiipjiarro, pjiomi njaji yajicapewa jiipai naco, coanperrica naoyawaacana namotowa lancha ioya.

08/20.txt

@@ -0,0 +1 @@
+\v 20 Noé inaitja apana altar Dio irso. Njite jlipa padapena maaficalri matsiaperri njite njaji yarracape matsiaperritsa lrimjaitá- carrona Dio irso lrinaco jliaji altar. \v 21 Wa-Minalri yemjia lriitan jliaji lrimjaitalri matsiadalri-catsani, niini lriaco lricaolre ricó: ''Corri-natsaotsa nomatsikeetácarroca jliaji jiipai naikjaote njaji inaiki, maatsidalri ikjaore cadaana jliaji nawaopiakje nayempetica nakjoite tsa. Corrim tsakjaotsa coancaojli-ca nowayakeetá-carroca njaji caafiperri cayoji nonaitja capirso. \v 22 Niini cádanacoatsa jiipai, corriotsa yaamí carroca naapana cawa napania, naniwacawana, niniotsa japerri, nini tsakjaotsa jamódalri, niiniotsa camoy, oniyaa, nini tsakjaotsa jaalrewerrico njite deepi tsakja.''

09/01.txt

@@ -0,0 +1 @@
+\c 9 \v 1 Njitena Dio icadaa yaacoti matsiaperri Noé naco njite nanaco njaji lrienipe, Lriaco narso: ''Inaitjaotsa yeenipe aima carroatsa shaa, njite ipakjantá-carroatsa jliaji jiipai tsenakja. \v 2 Nafio watsa nacapaca shaa njaji maaficalri caafiperri jalredaoca lricoperri, cayo tsakja njaji wipiarro, pjiomi njaji yajicaperri nawawasho jiipai naco, pjiomi njaji copje ooni lricoperri. Shaa watsa yají nanaco.

09/03.txt

@@ -0,0 +1 @@
+\v 3 Pjiomi njaji cananí perri, njaji caafi perritsa, iñjaodati caotsa irsona. Cayoji nocadaa capirsoena yají-carro nanaco njaji jaico, cayo tsakja nocadaaca irso pjiomi njaji. \v 4 Mitsa corriotsa itaita iñjaca njaji maaficalri irsocapetoa nadada icafica, irranatica jliaji nadada icafica nadada lrico cádanacotoani.

09/05.txt

@@ -0,0 +1 @@
+\v 5 Mitsa lrinaco jliaji irrana, jliaji caafi-dalri inaco-dalri, Nomjeniotsa lricoadawa. Maaficalri cadaa iino pada inaiki, noinoatsa lricoadawa, pada atsia iino cadaa pada inaiki, Nomjeniotsa lricoadawa. \v 6 Coandalricadaa iino pada inaiki lrima capoa lripeecoca lriirrana pjiomi, pada atsia ima tsakjaotsa lripeecoca lriirrana mayami carroni, ima Dio inaitjaca jliaji atsia Lricayosho carroni. \v 7 Njite shaa, inaitja yenipeo aima-carro shaa, ipocotá-carroatsa njite ipakjantá-carro jliaji jiipai.''

09/08.txt

@@ -0,0 +1 @@
+\v 8 Njite Dio icaite Noé irso njite narso njaji lrienipe cayoji: \v 9 ''Jimi matsia Norso. Nonaotjacaotsa pada yaacoti piinai njite nainai njaji pjiapodamperrina, \v 10 njite nainai njaji maaficalri piinaiperri, wipjiarro iinai, nainai nja vaaca, pjiomi nainai njaji maaficalri jalredaoca lricoperri, pjiomi njaji imotolriwa lancha lrikjoite, pjiomi njaji caafi perri jalredaoca lrico.

09/11.txt

@@ -0,0 +1 @@
+\v 11 Nonaitja cayami irso njaji yaacoti, nonaitja yaacoti iinai cayoji, corrinatsaotsa coancaojlica nopieta nowayaketaca njaji caafiperri jalredaoca lricoperri ooni iwapoa sho.'' \v 12 Dio yaaco cayoji: ''Icatsa jlinaanaca jliaji yaacoti nonaitjalri ikjaote iapiya, njite naapiya njaji maaficalri inaiperri, naají-carro njaji walricomanai: \v 13 Nocadaaca nojewiate iyadaoca naco, icatsa jlinaanaca jliaji yaacoti nonaitjalri jalredaoca lricoperri iapiya.

09/14.txt

@@ -0,0 +1 @@
+\v 14 Niini Nocadaa cádanacoatsa iyadaoca jipai iicao njite pacapaotsa jliaji jewia iyadaoca nacó, \v 15 niniotsa Nowadaotsa noacoami nonaitjalri iinai njite pjiomi njaji caafiperri. Corrinatsaotsa ooni imotá-carroca lriwayaketá-carro njaji jalredaoca lricoperri.

09/16.txt

@@ -0,0 +1 @@
+\v 16 Jewia irroatsa iyadaoca naco, niniotsa Nocapani, njiteotsa Nowaadaotsa jliaji yaacoti pikeetem-dalri Nonaitjalri naapiya pjiomi njaji caafiperri jalredaoca lricoperri.'' \v 17 Njite Dio iaco Noé irso: ''Icatsa jlinaanaca jliaji yaacoti Nonaitjalri naapiya pjiomi njaji caafiperri jalredaoca lricoperri.''

09/18.txt

@@ -0,0 +1 @@
+\v 18 Njaji Noé yeenipe imotolriwa lancha lrikjoite: Sem, Cam njite Jafet. Cam yeenipeca Canaán. \v 19 Icatsa njaji madalridade Noé yenipe, njite nanakjoitetsa napakjanta njaji inaiki jalredaoca lrico.

09/20.txt

@@ -0,0 +1 @@
+\v 20 Noé inita yapanaca, nini lrinaitjaca paapjio ovapji. \v 21 Noé irra jaico tjedaa yaana niini lridewanaca. Njite jliwa lriorsoawa matsayantsa lriipanapoco lrico.

09/22.txt

@@ -0,0 +1 @@
+\v 22 Niini Cam, Canaán jinirri, lricapa matsayanca jlinirri niini lricaiteca narso njaji lripjenai pemajle perri yemawa. \v 23 Niini Sem lriwerri Jafet yaapiya njepa pamaca pajleti njite nacadaa nanapa pocoda nacó, naawa njanirri ikjaolre nadajite sho yamadape naitá-carro njanirri idaki matsayan-dalri, njite corrin nacapa njanirri ikjaolre, teecojletsa nacapa lrioya. Corrim nacapa matsayanca njanirri.

09/24.txt

@@ -0,0 +1 @@
+\v 24 Caafi cádanacoena Noé lridewanakje ioya, lriaji jliaji lrirri werriti inaitjalri. \v 25 Niini lriaco: ''Maatsí-dalrica jliaji Canaán. Lrikitsiñape irsoperi, irsoperri caotsana.''

09/26.txt

@@ -0,0 +1 @@
+\v 26 Lricaite tsakja: ''Njite noa matsiadalri wa-Minalri irso, Sem iDiote irso, njite lrirsodalricaotsa jliaji Canaán. \v 27 Dio icadaotsa macaité-carro pja jlipaite jliaji Jafet naofá-carro matsiatsawa Sem iinai. Njite lrirsodalricaotsa jliaji Canaán."

09/28.txt

@@ -0,0 +1 @@
+\v 28 Jlieta cayamiwa jliaji ialredaoca ooni sho, Noé yofawa treciento cincoenta oonia jalredaoca lrico. \v 29 Noveciento cincoenta oonia padenirri Noé yofacawa jalredaoca lrico, njite mayamini.

10/01.txt

@@ -0,0 +1 @@
+\c 10 \v 1 Icapiatsa njaji Noé yeenipe inakjoité-perrim, njaji Sem, Cam njite Jafet. Narso pia neenipe jlieta cayami pia jliaji jalredaoca.

10/02.txt

@@ -0,0 +1 @@
+\v 2 Icapiatsa njaji Jafet yeenipe, Magog, Madai, Javán, Tubal, Mesec njite Tiras. \v 3 Njaji Gomer yeenipe, Askemaz, Rifat njite Togarmá. \v 4 Njaji Javán yeenipe, Elisa, Tarsis, Quitim njite Dodanim. \v 5 Nanakjoite njaji inaiki, njeena naoyawaaca ooni yaalrapi nakjoite njepaite nacojle, nacoamitsa narsoca naaco teecojlepe naoyawaaca, coanca naapaneta njite naofacawa lrico aimasho.

10/06.txt

@@ -0,0 +1 @@
+\v 6 Njaji Cam yeenipe, Cus, Mizraim, Fut njite Canaán. \v 7 Njaji Cus yeenipe, Seba, Havila, Sabta, Raama njite Sabteca. Njaji Raama yeenipe, Seba njite Dedán.

10/08.txt

@@ -0,0 +1 @@
+\v 8 Cus yeenipeca Nimrod, icapiatsa jliaji iinitacada kjaideteca jalredaoca lrico. \v 9 Yajicada pia iwinitaca Dio ipeyajle. Niini lricaiteca jliaji yaacoti: ''Corrim pacapa pada iwinitacada kjaidete Dio ipeyajle, cayoji Nimrod sho.'' \v 10 Njaji yacaalre caconaperri lritalricanaca lrico pia icatsa Babel, Erec, Acab njite Calme, jiipai Sinar lrico.

10/11.txt

@@ -0,0 +1 @@
+\v 11 Sinar lrikjoite lriawa Asiria lricojle njite lrinaitja njaji yacaalre Nínive, Rehobot, Ir, Cala, \v 12 njite Rsén, jliaji yacaalre Nínive ioyawaaca Cala iapiya. Pacoa yacaalre macacoedalri. \v 13 Mizraim, icapiatsa njanirrica njaji ludimitanai, anamitanai, lehabitanai, naftuhimitanai, \v 14 patrusimitanai, casluhimitanai (namotolri njiteo njaji filisteonai) njite caftorimitanai.

10/15.txt

@@ -0,0 +1 @@
+\v 15 Canaán yeenipeca Sidón, lrirri pjerriti, lrinacojledatsa Het, \v 16 njite njaji jebuseonai, amorreonai, gereseonai, \v 17 heveonai, araceonai, sineonai, \v 18 arvadeonai, zemareonai, njite njaji hamateonai. Njite naapaneta njaji cananeonai napocotawa naoyawaaca.

10/19.txt

@@ -0,0 +1 @@
+\v 19 Icapiatsa njepaite jinaa yocacawa njaji cananeonai, Sidón nakjoite njite Gerar ikjaolre, teeco Gaza lricojle, Sodoma, Gomorra Adma njite Zeboim ikjaolre, teeco lriocawa Lasa lricojle. \v 20 Icatsa Cam yeenipenaica njaji, naapaneta, teecojlepe naaco naoyawaaca njepaite rico, nayacalre ricó tsakja.

10/21.txt

@@ -0,0 +1 @@
+\v 21 Sem irso tsakja lrienipe, Jafet ipjerri. Icapia tsakja naferrimca njaji inaiki Heber lricoperri. \v 22 Njaji Sem yeenipe, Elam, Asur, Arfaxad, Lud njite Aram. \v 23 Njaji Aram yeenipe, Uz, Hul, Geter njite Mas.

10/24.txt

@@ -0,0 +1 @@
+\v 24 Arfaxad yeenipeca Sela nite Sela yenipeca Heber. \v 25 Heber irsopia yamada lrienipe. Pelag jliaji aape, ima jliwajli pia njaji inaiki njeenaca naoyawacana. Njite lriwerri Joctán.

10/26.txt

@@ -0,0 +1 @@
+\v 26 Njite Joctán yeenipeca Almodad, Selef, Hazar Mavet, Jera, \v 27 Adoram, Uzal, Dicla, \v 28 Obal, Abimael, Seba, \v 29 Ofir, Havila njite Jobab. Icapiatsa pjiomi njaji Joctán yeenipe.

10/30.txt

@@ -0,0 +1 @@
+\v 30 Njepaite initawa Mesa nakjoite Sefar nacojle, jliaji awacada jeerri imotokema nakjoite. \v 31 Icapiatsa Sem yenipenaica, naapaneta naco, narso naaco nacoanam, coanca njepaite naco njite nayacalre naofacawa papocoa.

10/32.txt

@@ -0,0 +1 @@
+\v 32 Icapiatsa njaji Noé yeenipe iipaneta inakjoitéperri, coanca naferrinaipe naco, nayacalre naco tsakja. Naoshete piena njenawa njaji inaiki aimadan njite napocotawa pjiomi jalredaoca lrico jlieta cayamiwa.

11/01.txt

@@ -0,0 +1 @@
+\c 11 \v 1 Jliawajli pia, pjiomi njaji inaiki jalredaoca lricoperri narsoca padatsa naaco, jliaminitsa yaacotica. \v 2 Naacayawa jeerri imotokema nacojle, naoketa pacoa jiipai pacoacaita cawa Sinar lrico njite icatsa naofacawa niini.

11/03.txt

@@ -0,0 +1 @@
+\v 3 Naaco narsowaaca: ''Warsa wanaitja torrope-dape njite wamjaitaotsana matsia.'' Narso pia torropedape namjaitampe jiipada ioya, njite maini caalri tsitamperri ioya. \v 4 Naaco: ''Warsa wanaitja wayacalrewa njite aapana panti shoni yenondalri lripolrico yocaotsawa eenolricojle, wacadaa carroatsa caconaperrica weepitana warsowaotsa. Corri cadaotsa wanaitjani icaaminaotsa wapocotacawa pjiomi jalredaoca lrico.

11/05.txt

@@ -0,0 +1 @@
+\v 5 Niini Dio iorroco icapa jliaji yacaalre nanaitjalri njite jliaji panti shoni yenondalri njaji Adán idakenai. \v 6 Niini wa-Minalri icaite cayoji: Papocotsa njaji inaiki aimadan njite padatsa jliaji naaco, njite opina nainita nadejica. Mikjapantsa jliaji naomalri nanaitjaca, corriotsa nataitá-carroca. \v 7 Warsa waorroco naikjaolre wamanalrietá-carro naoya naaco, niniotsa corriotsa najíi carroca njemica narsowaaca.''

11/08.txt

@@ -0,0 +1 @@
+\v 8 Niini Dio icadaa napocotacawa njaji inaiki pjiomi jalredaoca lrico njite yamicana nadejica jliaji yacaalre. \v 9 Njite nacadaa lriipitanawa Babel, ima Dio imanalrietaca naaco niini njite Dio icadaa napocotacawa njitetsa pjiomi jalredaoca lricojle.

11/10.txt

@@ -0,0 +1 @@
+\v 10 Icatsa njaji Sem inakjoite perrica. Sem irso piakena cien oonia lrirsopia lrienipe Arfaxad, yamawalria jlieta cayamiwa jliaji jalredaoca. \v 11 Lrirso cayami lrienipe Arfaxad, Sem yofawa quiniento oonia jalredaoca lrico. Njite lrirso pja pia lrienipe atsianai njite inaitjepe tsakja.

11/12.txt

@@ -0,0 +1 @@
+\v 12 Arfaxad irsopiakena trenta cinco oonia, lrirso lrienipe Sala. \v 13 Lrirso cayami lrienipe Sala, Arfaxad yofawa coatrociento tre oonia jalredaoca lrico. Njite lrirso pja pia lrienipe atsianai njite inaitjepe tsakja.

11/14.txt

@@ -0,0 +1 @@
+\v 14 Sala irso piakena trenta oonia, lrirso lrienipe Heber. \v 15 Sala irso cayami lrienipe Heber, lriofawa coatrociento tre oonia jalredaoca lrico. Njite lrirso pja pia lrienipe atsianai njite inaitjepe tsakja.

11/16.txt

@@ -0,0 +1 @@
+\v 16 Heber irso piakena trenta coatro oonia, lrirso lrienipe Peleg. \v 17 Heber irso cayami lrienipe Peleg lriofawa coatrociento trenta oonia jalredaoca lrico. Njite lrirso pja pia lrienipe atsianai njite inaitjepe tsakja.

11/18.txt

@@ -0,0 +1 @@
+\v 18 Peleg irso piakena trenta oonia, lrirso lrienipe Reu. \v 19 Peleg irso cayami lrienipe reu, lriofawa dociento noeve oonia jalredaoca lrico. Njite lrirso pja pia lrienipe atsianai njite inaitjepe tsakja.

11/20.txt

@@ -0,0 +1 @@
+\v 20 Reu irso piakena trentado oonia, lrirso pia lrienipe Serug. \v 21 Reu irso cayami lrienipe Serug, lriofawa dociento siete oonia jalredaoca lrico. Njite lrirso pja pia lrienipe atsianai njite inaitjepe tsakja.

11/22.txt

@@ -0,0 +1 @@
+\v 22 Serug irso piakena trenta oonia, lrirsopia lrienipe Nacor. \v 23 Serug irso cayami lrienipe Naco, lriofawa dociento oonia jalredaoca lrico. Njite lrirso pja pia lrienipe atsianai njite inaitjepe tsakja.

11/24.txt

@@ -0,0 +1 @@
+\v 24 Nacor irso piakena ventenoeve oonia, lrirso pia lrienipe Taré. \v 25 Nacor irso cayami lrienipe Taré, lriofawa ciento diecinoeve oonia jalredaoca lrico. Njite lrirso pja pia lrienipe atsianai njite inaitjepe tsakja. \v 26 Taré irso piakena setenta oonia, lriso lrienipe Abram, Nacor njite Haram.

11/27.txt

@@ -0,0 +1 @@
+\v 27 Njaji Taré inakjoite perrim. taré yeenipeca Abram, Nacor njite Harán; njite Harán yeenipeca Lot. \v 28 Mayami Harán jlinirri Taré irsotsa, jlipaite ricó jiico-carromtsani, Ur lrico Caldeonai lricoda.

11/29.txt

@@ -0,0 +1 @@
+\v 29 Abram njite Nacor njeta naninaiwa. Abram iino iipitana Sarai, njite Nacor iino ipitana Milca, apama Harán iito. Harán pia Milca njite Isaca jinirri. \v 30 Rsoaji Sarai, corri-darro piatsa itaita keenipecano.

11/31.txt

@@ -0,0 +1 @@
+\v 31 Taré jipa idee lrirri Abram, lridakerri Lot, Harán irrim, njite lrirrino Sarai, Abram iino naacarro Ur lrikjoite Caldeonai jipaite, naocá-carroa Canaán jipaite lricojle. Mitsa Harán jipaite nacojletsa naocawa, icatsa naofacawa niini. \v 32 Taré yofawa jalredaoca lrico dociento cinco oonia, lria mayamini.

manifest.json

@@ -110,10 +110,70 @@
 		"06-18",
 		"06-20",
 		"07-title",
+		"07-01",
+		"07-04",
+		"07-06",
+		"07-08",
+		"07-11",
+		"07-13",
+		"07-15",
+		"07-17",
+		"07-19",
+		"07-21",
+		"07-23",
 		"08-title",
+		"08-01",
+		"08-04",
+		"08-06",
+		"08-08",
+		"08-10",
+		"08-13",
+		"08-15",
+		"08-18",
+		"08-20",
 		"09-title",
+		"09-01",
+		"09-03",
+		"09-05",
+		"09-08",
+		"09-11",
+		"09-14",
+		"09-16",
+		"09-18",
+		"09-20",
+		"09-22",
+		"09-24",
+		"09-26",
+		"09-28",
 		"10-title",
+		"10-01",
+		"10-02",
+		"10-06",
+		"10-08",
+		"10-11",
+		"10-15",
+		"10-19",
+		"10-21",
+		"10-24",
+		"10-26",
+		"10-30",
+		"10-32",
 		"11-title",
+		"11-01",
+		"11-03",
+		"11-05",
+		"11-08",
+		"11-10",
+		"11-12",
+		"11-14",
+		"11-16",
+		"11-18",
+		"11-20",
+		"11-22",
+		"11-24",
+		"11-27",
+		"11-29",
+		"11-31",
 		"12-title",
 		"13-title",
 		"14-title",