Mon Mar 04 2024 09:10:21 GMT-0400 (Atlantic Standard Time)

16/01.txt

@@ -0,0 +1 @@
+\c 16 \v 1 Njite Sarai, Abram iino, corrin keenipecano lrirso, mitsa rorsopiaca apama rorsodarro, Egipto tadoa, roipitana Agar. \v 2 Niini Sarai iaco Abram irso: ''Picapa coanca corrica wa-Minalri icadaa pjakena noenipeo. Panaya, warsaotsa piá pimaa roinai rsoaji norsodarro. Wadetsantja ronakjoiteca norsoatsa noenipe.'' Abram inaitja jliaji Sarai inaalri lrinaitjaca. \v 3 Narso cayami piena die walria naofacawa jiipai Canaán lrico Sarai, Abram iino, rocadaa lriinoano rsoaji rorsodarro Agar, Egipto tadoa. \v 4 Abram imaa Agar iapiya njite kjeyatsa keenipeno lrirso. Agar icapa cádanaco keenipecano Abram irso, maatsi rocapaca rominarro irso.

16/05.txt

@@ -0,0 +1,2 @@
+\v 5 Lrikjaotena Sarai iaco Abram irso: ''Maatsica
+rocapaca norso pikjaote. Nocadaa norsodarro piinoano njite rocapa cádanaco keenipecano pirso, maatsi-nakja rocapaca norso. Dio watsa icaite waacanoa lrikjaote, pjiá njite njoá.'' \v 6 Mitsa Abram iaco Sarai irso: ''Picapakje, pjiaca yajíi pirsodarro nacó, niini pinaitja roapiya coancatsa pioma pinatjaca.'' Niinina maatsi Sarai idejica rorso niiní Agar ipiticawa rooya.

16/07.txt

@@ -0,0 +1 @@
+\v 7 Njite jliaji wa-Minalri iageleni lrioketano tsomi lrioya jliaji ooni jalraamidalri jalrapocolri ricó, jliaji ooni jalraamidalri pjeyapalri paacadanacoa Shur lricojle. \v 8 Njite lriaco rorso: ''Agar, Sarai irsodarro, ¿Kjaite pino, njite kjrreotsa piawa?'' Niini roaco rsoepeacan: ''Nopitocawa rooya rsoaji nominarro Sarai.''

16/09.txt

@@ -0,0 +1 @@
+\v 9 Njite wa-Minalri iageleni iaco rorso: ''Pidiawa piminarro ikjaolre njite pjiepaotsano.'' \v 10 WaMinalri iageleni icaite pjaa rorso: ''Nomaimatacaotsa njaji pinakjoite-perri, corriotsa coca itaita iniweetaca coshoca namaimaca.''

16/11.txt

@@ -0,0 +1 @@
+\v 11 Wa-Minalri iageleni iaco tsakja rorso: ''Picapa kewedan kena pjia, atsia watsa pienipe, picadaotsa lriipitanao Imael, ima wa-Minalri jimica coanca pjirrapitaca. \v 12 Jliaji pienipe cayocaotsani apana maaficalri awacada lriconi sho. Nacoema caotsa pjiomi njaji atsianai njite pjiomi atsianai maatsiotsa nacapaca lrirso; teecoatsa lriofacawa naoya njaji lrikitsiñape.

16/13.txt

@@ -0,0 +1 @@
+\v 13 Njite rocadaa lriipitanao jliaji WAMINALRI caacolri pia roapiya: ''Pjiá Dio icapacada njoá,'' ima rocaiteca: ''Caafi catoa njoá Lricapa cayami njoá jliaji wa-Minalri.'' \v 14 Caishopa nacadaaca lriipitanao jliaji ooni jalramiajai, Beer Lajai Roi; pacapacani Cade njite Beret ioyawaaca.

16/15.txt

@@ -0,0 +1 @@
+\v 15 Jiicokena Abram yeenipe Agar irso njite Abram icadaa lriipitanao jliaji yempeti cayotsa Agar icaite capisho lrirso, Imael. \v 16 Abram irso piakena ochentasei oonia Agar jipa caojli pia Imael.

17/01.txt

@@ -0,0 +1 @@
+\c 17 \v 1 Abram irso piakena noventa nueve oonia lripekirrica nacó, wa-Minalri icatjinataacawa Abram irso njite lriaco lrirso: ''Icatsa Njoa Dio Itaitacaita pjiomidalri naco. Pinaitja matsia Nopeyajle, njite pjiepa tsakjaotsa Njoa. \v 2 Pinaitja cadaa cayó niiniotsa Nonaitja njaji nocaiterrina pirso wanaitja capisho yaacoti, pjia, Njoa. Nocadaotsa aima-carro njaji pinakjoite perri.''

17/03.txt

@@ -0,0 +1 @@
+\v 3 Abram jiwa yorsoawa jiipai nacojle tewacajle lriecoa jiipai naco njite caaco Dio lrirso cayoji: \v 4 Njaji Nonaitjalri, ima njoaca jliaji inaitjalri yaacoti piapiya. Njanirri caotsa pjia njaji inaiki aimadan. \v 5 Corrinatsaotsa Abram-ca pjia, mitsa Abraham nakjaotsa pjia, ima nocadaaca njanirrica pjia njaji inaiki aimadan. \v 6 Aima inaiki imotoatsa pinakjoite, Nocadaotsa nanaitjá-carro nayacalrewa njaji inaiki aimadan, talricanaatinai caotsa njaji pinakjoite-perri.

17/07.txt

@@ -0,0 +1 @@
+\v 7 Nocadaotsa jliaji yacoti norsolri piapiya njite naapoiya njaji pjiapodamperri, caimitsa naapiya njaji walricomanai warso carroatsa jliaji yaacoti wainaidalri caidalriwenatsa, pi-Diote-carro Njoa njite naDiote tsakja njaji pjiapodamperri. \v 8 Nocadaotsa pirso njite narso njaji pjiapodamperri, jliaji jiipai piofalritsa niini mana, pjiomi jliaji Canaán jipaite, iyadao carroni caidalriwetsa, njite pi-Diote caotsa Njoa.''

17/09.txt

@@ -0,0 +1 @@
+\v 9 Njite Dio iaco Abrham irso: ''Njite pjia, pirsotsa pinaitja cayoji Noaco icaite capisho, cayo tsakja njaji pinakjoite-perri, caiminitsa pjiomi njaji walricomanai. \v 10 Icatsa Noacoca Nonaitjalri piapiya njite njaji pjiapodamperri, njaji pirsolritsa pinaitjaca: nacoamitsa shaa atsianai irsotsa iyoaca iatsiaca íya. \v 11 Pjiomi atsianai narsotsa nayoaca natsiaca íya, njite icatsaotsa lritjinaaca jiaji yaacoti warsolri wainaiwaaca.

17/12.txt

@@ -0,0 +1 @@
+\v 12 Pjiomi njaji atsianai irsocapena ocho jalredaoca jiico cayamina irsotsa iyoakena lriatsiaca íya, cayomi tsaotsa pjiomi njaji pinakjoite perrimi. Cayo tskjaotsa njaji apanatsa inaiki pioya mitsa jiicoperri piipana lrico njite njaji irsoperri iwentaji palraata sho pada jiipai nakjoitedalri corripetsa pinakjoiteperrica. \v 13 JLiaji jiicolri piipana lrico, jliaji iwentaji palraata sho irsotsa iyoaca natsiaca íya. Niniotsa ideeca Noaco jinaana idaki nacó corridalriotsa coca itaita shaatjacani. \v 14 Coandalri catsa atsia corridalri iyoaca lriatsiaca íya lrirsotsa ipeecocani lrikitsiñape aimadan ioya. Ima lrinaitjaca maatsi lrirso jliaji noacoarromi.''

17/15.txt

@@ -0,0 +1 @@
+\v 15 Dio icaite tsenakja Abraham irso: ''Njite rsoaji piino Sarai, corrinatsaotsa Sarai-ca roipitanetsa. Sara watsa roipitana panaya. \v 16 Matsia watsa nonaitjaa rorso, nocadaotsa rorso pada roenipeo. Nonaitjaotsa matsia rorso, njite njadoa caotsano njaji inaiki aimadan. Talricanaatinai yacaalre irso watsa njaji imotolriotsa ronakjoite.''

17/17.txt

@@ -0,0 +1 @@
+\v 17 Njite Abraham, jliaji yorsoacadawa tjewacajle lrinoma jiipai naco, lricaa, njite lriaco lricaolre ricó: ''¿Lritaita toantja lrinaitjaca lrienipeo jliaji atsia pekirrinatsa irsocadena cien oonia? ¿Coajintja keenipeca Sara, rorso cadanena noventa oonia ropekirrica nacó?'' \v 18 Abraham iaco Dio irso: ''¡Ismael watsa jliaji yofalri Pipjeyajle.''

17/19.txt

@@ -0,0 +1 @@
+\v 19 Dio iaco lrirso: ''Corrina, Sara, rsoaji piino rsoawatsa yaa pirso pada pienipewa, njite pocadaotsa lriipitanawa Isaac. Nonaitja tsakjaotsa yaacoti lriapiya corridalriotsa iwayacawa nainai njaji jliapodamperri. \v 20 Njite Ismael nacó, njomintsa pirso lrinacó. Niini panaya Nonaitjaca matsia lrirso, keenipeotsani matsia, njite Nocadaotsa aima-carro tsakja njaji lrinakjoite-perri. Njanirri caotsa njaji doce njewidaapo njaji doce poco perri, niniotsa Nocadaa pacoa yacaalre macacoé dalri jinirricani. \v 21 Mitsa jliaji Noacoarron Isaac irsoatsa nocadan, jliaji yempeti Sara imotoetalriotsa pirso pawalria nacojle, cayo kena tsakjaotsa jalredaoca panaya sho.''

17/22.txt

@@ -0,0 +1 @@
+\v 22 Yami cádanacoena caacoca Dio Abraham iapiya, Dio iawa Abraham ioya. \v 23 Ikena Abraham jipa lrirri Ismael, pjiomi njaji jiicolri lriipana lrico, njaji lriwentaji lripalratan sho, pjiomi njaji Abraham iipana lricoperri lriyoá-carro natsiaca íya jliadaa jeecoapi, cayoji Dio inaa capisho lrinaitjaca.

17/24.txt

@@ -0,0 +1 @@
+\v 24 Abraham irso piakena noventa nueve oonia lripekirrica nacó nayoa caojli pia lrioya lriatsiaca íyam. \v 25 Lrirri Ismael irso pia trece oonia nayoa caojli pia lriatsiaca íyam. \v 26 Padaa nacotsa Abraham njite lrirri Ismael nayoá naoya natsiaca íyami. \v 27 Pjiomi njaji atsianai Abraham iipana lricoperri nayoa naoya natsiaca íyami lriinai, njaji jiicoperri lriipana lrico, njaji lriwentaji palaraato sho pada jiipai nakjoite-perri.

18/01.txt

@@ -0,0 +1 @@
+\c 18 \v 1 Roble lrima kemjeteo Mamre iyaape wa-Minalri iawa Abraham iderse, lriofá cádanaco lripananoma nacó jámolri ioya. \v 2 Lrioma cádanaco lricapa yenorserse, lricapa madalrida atsianai inoca lrikjaolre naipo shotsa. Niini lricapa cádanaco ikjoetetsa, jliecoa naikjaolre lricoadatá-carrona njite lricoajawa naikjaolre.

18/03.txt

@@ -0,0 +1 @@
+\v 3 Njite lriaco: ''No-Minalri, matsia cadaatsa picapaca norso, mjeyapatsa nooya njite atsantja pimaca jliaji pirsodalri. \v 4 Picadaa noacarro nooma ooni nocotsó-carro jiipa njite iwafeetá-carro jaico yapjite. \v 5 Picadaa nodeeca irso iirao oono ima meetacapa icaolre. Njite dekjena itaitena iaa pjaacawa, ima iocacawa pirsodalri ikjaolre.'' Niini njeepacan: ''Pinaitja cayoji picaite capisho.''

18/06.txt

@@ -0,0 +1,2 @@
+\v 6 Ikena Abraham sheco kjeyawa panti
+naapanaita lricojle Sara iderse, lriacororso: ''Pidee kjeya coarenta kilo harina matsiadalrina, njite pimatsietani pinaitjá-carro pan.'' \v 7 Njite Abraham shecoa naikjaolre njaji pirraiti corrarra lricope, jlipa apana vaaca émine toa, matsiane, njite lriani lrirsodalri irson lriyaná carroni kjeya. \v 8 Jlipa tsakja vaaca iinia potocoajai njite walriajai, njite jliaji vaaca nayananda, nadee carroena narso naijá-carro. Abraham yemawa nacodapi jaico yapjite naija cadaanatoa.

18/09.txt

@@ -0,0 +1 @@
+\v 9 Njite naaco lrirso: ''Akjerreo rsoaji piino Sara?'' Njite lriaco: ''Atsanorra wapanaita lrico.'' \v 10 Njite lriaco Abraham irso: ''Pawalri nacojleotsa nono pikjaolre, niini pjimi piicao matsia. Rsoaji piino Sara rorsoatsa pada roenipe.'' Mitsa Sara jimitsa jliaji lricaiterri ima roemacawa pantinoma idana ima lridajitjete.

18/11.txt

@@ -0,0 +1 @@
+\v 11 Pekipenaina njaji yamadade, Abraham njite Sara, corripienatsa canopaca Sara ima jliyapa piakena rooya keenipecawa njaji inaitjepe. \v 12 Niini Sara icaaca ronacowaacatsa, roaco rorsowaaca: ''Nowayacaaca cayaaminawa njite pekirrina tsakja jliaji noinirri ¿Keenipeotsa njoa?

18/13.txt

@@ -0,0 +1 @@
+\v 13 Njite wa-Minalri iaco Abraham irso: ''¿Coada rocaa rso Sara, njite roaco: ¿Ajádalri norsocaotsa pada noenipe pekirro cayamina njoa?'' \v 14 Corrin pacapa pada corridalritsantja lrinaita Lrinaitjaca jliaji pi-Minalri. Nono tsenakjaotsa pawalria nacojle, cayotsa Nocadaa capisho njonaana pirso. Pawalria nacojle, cayokenaotsaji, Sara irsoatsa pada roenipe.'' \v 15 Njite Sara idawa roicao rocaite corrica rocaa. Mitsa rofiocawa niini rodawaca roicawa. Mitsa wa-Minalri iaco rorso: ''Ajádalri picaaca.''

18/16.txt

@@ -0,0 +1 @@
+\v 16 Njite njenico njaji atsianai naacarroenawa njite njerreta nacapa Sodoma ikjaolre. Abraham yaawa nainai lricaité-carro lricadaa carroena naawa. \v 17 Mitsa wa-Minalri iaco cayoji: Corrin notaita nodawaca Abraham ioya jliaji nonaitjalriotsa icaamina jliaji, \v 18 ima matsiadalrica Abraham, njite jliaca njanirrica njaji pacoa inaiki aimadan, kjaidaperri, njite matsiacaotsa njaji apaana inaikinai lrikjaote. \v 19 Noniwanani, lricanantá-carro njaji lrienipe, lriipaneta coancarro naofacawa jliapodami, wadee namaca-ca jliaji wa-Minalri inaalri nanaitjaca, nanaitjá-carro matsia, wa-Minalri itaitá carroatsa inaitjaca Abraham irso cayoji Lricaite capisho lriso.''

18/20.txt

@@ -0,0 +1 @@
+\v 20 Njite wa-Minalri iaco: ''Aima calretsa njaji nacaiterri Sodoma njite Gomorra ikjoete, njite matsinaa-perrica njaji namatsicanaa, \v 21 Noaca nirse nocapá-carro jliaji nacaiterri Norso nakjoete, ajádalri cadaa nanaitjaca. Corricadaa njitenaotsa noajíi.''

18/22.txt

@@ -0,0 +1 @@
+\v 22 Ikena naacawa njaji madalridade Abraham ioya, njite naawa Sodoma ikjaolre, Mitsa corrin Abraham shenacawa lrioya jliaji waMinalri. \v 23 Abraham itsoomita pjaani, niini lriaco lrirso: ''¿Piino tsakjaotsa njaji matsiaperri nainaitsa njaji maatsí-perri?

18/24.txt

@@ -0,0 +1 @@
+\v 24 Niini cadantja cincoenta inaiki matsiaperri yacaalre. ¿Piinoatsa njaji inaiki, o corri catntja piinocana naikjaote njaji cincoenta inaiki matsiá-perri niiní-perri? \v 25 Cotsa matsialrica Pinaitja cada cayo, piino cantja njaji matsiaperritsa nainai njaji maatsiperri, matsiaperri icaoñaca cantja namatsianaa njaji maatsiperri, ¡Corritsa matsiatsa Pinaitjaca cayo! Jliaji Icaitecada naacona njaji jalredaoca lricoperri corriotsa lrinaitjá-carroca cayo.'' \v 26 Wa-Minalri iaco lrirso: ''Niini cadaa cincoenta inaiki matsiaperri Sodoma lrico, corriotsa Noinó-carroca naikjaote njaji matsiaperri.''

18/27.txt

@@ -0,0 +1 @@
+\v 27 Njite Abraham iaco tsenakja: ''¡Picapa pjaa, caacoca njoa no-Minalri iinai, njoa midalritsa, jiipai italre, palripokjoa! \v 28 ¿Coajintja corricadaa pacapa cincoenta matsiaperri niini? Piinoatsa njaji inaiki yacaalre lricoperri naikjaote njaji cincodee canacairri?'' Njite wa-Minalri iaco: ''Corriotsa noinó-carrona ima niinica coarenta cinco inaiki matsiaperri.''

18/29.txt

@@ -0,0 +1 @@
+\v 29 Caaco tsenakja Abraham wa-Minalri irso: ''¿Njite niini cada coarentatsa?'' Wa-Minalri iaco lrirso: ''Cirrin noinocana naikjaote njaji coarenytadee.'' \v 30 Njite lriaco: ''Pinaitja matsiacalri, merroa tsaotsa Pjia norso, ima caacoca tsenakja njoa pirso. Ima wadetsa trenta catsa njaji matsiaperri niini.'' Njite Jliepacani. ''Corrin noinocani naikjaote njaji trentadee matsiaperri ninperri.'' \v 31 Caaco tsenakja Abraham wa-Minalri irso, lriaco: ''¡Picapapja caacoca njoa no-Minalri irso!'' Wadeetsanta ninicatsa ventedee tsa.'' Njite Lriaco lrirso: ''Corrin noinocana naikjaote njaji ventedee niiperri.

18/32.txt

@@ -0,0 +1 @@
+\v 32 Piketemina lrico lrirso: ''Pinaitja matsiacalri No-Minalri, merroa tsaotsa Pjia noinai, caacoca njoa Pirso pikeetem. Wadetsa die catsa njaji matsiaperri niini-rri.'' \v 33 Lritaita catsa caacoca jliaji wa-Minalri Abraham iapiya, lriawa lrioya njite Abraham idiawa lriipana lricojle.

manifest.json

@@ -210,8 +210,38 @@
 		"15-14",
 		"15-17",
 		"16-title",
+		"16-01",
+		"16-05",
+		"16-07",
+		"16-09",
+		"16-11",
+		"16-13",
+		"16-15",
 		"17-title",
+		"17-01",
+		"17-03",
+		"17-07",
+		"17-09",
+		"17-12",
+		"17-15",
+		"17-17",
+		"17-19",
+		"17-22",
+		"17-24",
 		"18-title",
+		"18-01",
+		"18-03",
+		"18-06",
+		"18-09",
+		"18-11",
+		"18-13",
+		"18-16",
+		"18-20",
+		"18-22",
+		"18-24",
+		"18-27",
+		"18-29",
+		"18-32",
 		"19-title",
 		"20-title",
 		"21-title",