Fri Mar 08 2024 14:17:35 GMT-0400 (Atlantic Standard Time)

38/01.txt

@@ -0,0 +1 @@
+\c 38 \v 1 Njite papia nacojlene Judá shenawa naoya njaji lrikitsiñape njite lria lriofawa Hira iinai, Adulám lricoda yofawa. \v 2 Judá icapa nirse apama inarro ape cananeo tairri iito lriipitana Súa. Judá jita ínoa lriito njite lrimá roapiya.

38/03.txt

@@ -0,0 +1 @@
+\v 3 Kewedan rsoaji ínarro njite kenipeno pada atsiada, nacadá lrípitanao Er. \v 4 Ropitea tsenakja kénipecano, pada atsiada, rocadaa lrípitanao Onán. \v 5 Ropieta tsenakja kénipecano, njite rocadá lripitanao Sela. Jíconi Quezib lricó.

38/06.txt

@@ -0,0 +1 @@
+\v 6 Judá ioketa lrirri pjerriti Er ínoa. Roipitana Tamar. \v 7 Jliaji Judá irri pjerriti, Er, pada inaitjacada mátsi Dio ipeyajle. Niini Dio catsa ínoni.

38/08.txt

@@ -0,0 +1 @@
+\v 8 Njite Judá iaco lrirri Onán irso: ''Pimá watsa pipjerri ínom iapiya. Pinaiytja jliaji pirsolritsa pinaitjaca ima pjerri piaca jliaji roinirrim, pinaitja pada yempeti pipjerri ípitana nacó.'' \v 9 Njite Onán yajíntsa corricaotsa lrienipe shoca jliaji lrienipe rorso. Niini lridakita cádanaco roapiya corrin lricadaa ronaco jliaji lrinaitjashopa roenipeo lripjerri irso. \v 10 Njite jliaji lrinaitjalri rorso, corritsa matsialrica Dio ipeyajle, niini Dio íno tsakjani.

38/11.txt

@@ -0,0 +1 @@
+\v 11 Njite Judá iaco rirrinomi Tamar irso: ''Madoiyoam catsaotsa piofacawa pjinirri ípana lrico, a kjerreca nirri Sela itaoñawa pikjaolre.'' Ima lrifiocawa: ''Wade catsa mayamican nacayosho njaji lriperrinaipe.'' Tamar yá yofawa rsonirri ínai lripana lricojle.

38/12.txt

@@ -0,0 +1 @@
+\v 12 Mitsa aima jalredaoc shapodamina, rsoaji Súa iito, Judá iino mayamino. Njite jliyapeta cayamina inonacalri, lriawa naikjaolre njaji iyoacape lri-ovejan íyo Timnat lrico, jlia njite lrikitsindaji Hira, jliaji adulamita tairri. \v 13 Njite nacaite Lrirrinomi Tamar irso: ''Piñjawerrimi yacawa naikjaolre njaji iyoacape lri-ovejan íyo Timnat lricojle.'' \v 14 Rsota rooyao jliaji tsaya madoiyoanaipe itsayan-waca, ropeco ronaco yamacati njite roñampacawa lrisho. Njite roa rofawa yacaalre Enaím ipananoma lrico, inipo icodapita yacadawa Timnat lricojle. Ima rocapaca Sela itaoña kenawa mitsa corrin naaca roinirriwani.

38/15.txt

@@ -0,0 +1,2 @@
+\v 15 Judá icapa cádanacono, lriwaopia apama
+cawilreadorrom-cano roita capoa roecoa. \v 16 Lriawa inipólrico roikjaolre njite lriaco rorso: ''Pinaitja matsiacalri pino noderse, picadaa nomá piinai.'' corrin lriaji lrirrinom canó,njite roaco lrirso. ''Cocaotsa piá norso nomá capji piinai?''

38/17.txt

@@ -0,0 +1 @@
+\v 17 Njite lriaco rorso: ''Noawatsa pirso apana cabra yenipe nanakjoite njaji nópirra.'' Njite rsoepacani: ''Picadaotsa norso pada poinaconda a kjerreca pimenaca norso jliaji cabra yenipe.'' \v 18 Lriaco rorso: ''¿Coandalri pioma nocadaaca pirso?'' Njite roaco: ''Pipatjepi pjinaanada lriñadafie, njite pipjeco pjipanda picaapi ricó.'' Njite lriá rorsona, icamitsa lrimáca roinai njite keenipeca lrirsono.

38/19.txt

@@ -0,0 +1 @@
+\v 19 Njite rsonico róa lrioya. Rsota rooyao jliaji yamacati roñampaca shopawa njite rsoeta tsenakja ronacoa jliaji tsaya madoiyoam carrodano. \v 20 Judá imeenaca jliaji cabra yenipe rorso, rodietá-carro lrirso njaji lrimacaji toa rorso lrinai jliaji lrikitsindaji adulamita, mitsa corrin lricapacano.

38/21.txt

@@ -0,0 +1 @@
+\v 21 Njite jliaji adulamita itatja jlimiwa njaji atsianai ninperri: ''¿Kjerreo rofawa rsoaji ínarro cawilredarrom idejicada panti macade lrico idejirri pia Enaim lrico inipo cají?'' Njite naaco lrirso. ''Corrin pacapa apama ínarro anjí caidarro idejica picaite capisho.'' \v 22 Njite lridiawa Judá iderse njite lriaco lrirso: ''Corrin noketano. Njite njaji atsianai nimperri nacaite corrica pacapa apama ínarro caidarro idejica niiní.'' \v 23 Njite Judá iaco: Wacadaa pedena rorso njaji rsopalri nooya wadentja ropaimanietaca fá. Ima nomenakjenina tja jliaji cabra yenipe, mitsa corrin picapacano.''

38/24.txt

@@ -0,0 +1 @@
+\v 24 Njite madalripi keerri shapodam nacaite Judá irso opicacawilre rsoaji lri-rinomi njite keenipecano lrikjaote jliaji ronaitjalri. Niini Judá iná nadecano lriderse namjaitá-carrono nirse. \v 25 Nadeeno njite nacadano pemajletsa, nini romeenaca yacoti roñjawerrim irso: ''Coca iyarro cada njaji, icatsa jliaji ikenipetalrica njoa. Icapatja matsia coca iyadaca jliaji itjinada lriñada fie, njite jliaji ipjecoti.'' \v 26 Judá icapa lriyapecana njite lriaco. ''Ajádalri matsiadarro pjaca noyano, ima corrica nocada roinirriwa jliaji nirri Sela.'' Corrinatsa lripieta lrimaca roapiya.

38/27.txt

@@ -0,0 +1 @@
+\v 27 Njite lrioca kena jlinana keenipe kenano, nacapa yamadaca njaji rowedanrri. \v 28 Niini kenipe cadanacoenano, pada imotoita lricaapi pemajle, niini rsoaji iwapacada kenipeno rsopa pakja tawalrekja irraikjai ropapí carro lrinaapa naco ima rocaiteca: ''Icatsa jliaji imotolrica iinitawa.''

38/29.txt

@@ -0,0 +1 @@
+\v 29 Mitsa lridia jlieta lricaapi, niini jliaji lriwerri shodalri imotoca lripjeya. Njite rsoaji iwapacada kenipeno, roaco: ''¡Coajio pinaitjaca pimotó carro piinita!'' Niini nacadaca lriipitanao Fares. \v 30 Njitena lrimotoa jliaji irsocada ipapi tawalrekja irraidalri lricápi nacó, nacada lripitanao Zara.

39/01.txt

@@ -0,0 +1 @@
+\c 39 \v 1 Naocawa José iapiya Egipto lricojle. Njite Potifar, pada caconaite idejicada Faraón irso, nacapitama njaji iwapacape pada egipcio tairri iwentaca José naoya njaji imaelitanai, njaji iderri nirseni. \v 2 Diotsa José ínai njite lricadaa matsiacani pjiomi nacó. Lriofá piacawa lriminalri ípana lrico.

39/03.txt

@@ -0,0 +1 @@
+\v 3 Jliaji lriminalri lricapa Dio catsa lriinai njite matsiaca lrirso pjiomi nanaco njaji lridejirri. \v 4 Niini matsiaca lricapa José irso. Lrideji Potifar irso. Potifar icadaa José-carro yají lriipna lricope, njite pjiomi njaji lrirsompe jliá-carro yají nanaco.

39/05.txt

@@ -0,0 +1 @@
+\v 5 Niini lricada cayami nakjoitetsa jliá-caro yají lripana nacó njite nanacó pjiomi njaji lrirsompe, Dio icadaa matsiaca njaji lrirsolri jliaji egipcio tairri José ikjaote. Dio icadaa matsiaca pjiomi njaji Potifar ípana lricope njite njaji lrirsolri awacada lrico tsakja. \v 6 Potifar icadaa José-carro yají pjiomi nanaco njaji lrirsolri. Corrin lriwaopia coajica lriipana lrico, icaamitsa lriwaopia lrinacowacatsa cocacaotsa lrinjá. Matsiadalri njite matsiapalrica icapacana napeyondaca nacapaca.

39/07.txt

@@ -0,0 +1 @@
+\v 7 Njite apapia nacojle jalredaoca rsoaji lriminalri íno yopica rocapaca José irso. Roaco José irso: ''Pino pimá noinai.'' \v 8 Mitsa corrin José shepacawa roapiya, lriaco rorso: ''Jliaji nominalri corrin jlitaca lricaolre njoa capoa iwapa lriipana, njite lricadaa njoá-carro yají nanaco njaji lriipana lricope. \v 9 Corrin pada yají pja nonaco lri-ricoda jliaji panti. Cotsa coca jliaji lrifarrolri nooya, icamitsa pjia lriinó. Corrin notaita nonaitjaca jliaji imatsicanaati pekirridalri noDiote ikjoete.

39/10.txt

@@ -0,0 +1 @@
+\v 10 Caidalrimatsa jalredaoca icoam cayoca roaco mana José irso, lrimá-carro roinai. \v 11 Papia nacojlena, lriawa lriminalri ípana lricojle lrinaitjá-carro lridejicalre. Njite corrin pacapa pada inaiki niini jliada naco panti ricó. \v 12 Rsopa lritsayani nacó njite roaco lrirso: ''Pimáca noinai.'' Icaamitsa lrimacaca lritsayani nínitsa rocapi rico, njite lrimoto jliecoa rooya pemajle.

39/13.txt

@@ -0,0 +1 @@
+\v 13 Rocapa cádanaco jliecoca rooya pemajle njite lrimaca lritayanalre rocaapi ricotsa, njite lrimoto pemajle, \v 14 rowana njaji atsianai idejicape ropana lrico tsakja, roaco narso: ''Icapa coanca Potifar ideca waapana lricojle pada hebreo tairri lricaa carrotsa waicao. Lrino catja jlipaacawa noapiya mitsa njoematjaca lrikjaolre. \v 15 Jlimi cadanaco njoemataca lrikjaolre, atsa lrimacaca lritsayanalre nonaco njite lripitoa pemajle.''

39/16.txt

@@ -0,0 +1 @@
+\v 16 Atsa rocada José itsayanalre rocodapitsa a kjerreca lriminalri idia yocawa pinti ricojle. \v 17 Njite roaco lrirso cayoji: ''Jliaji hebreo tairri pidenda waapana lricojle, yomje jlipacawa noapiya. \v 18 Nini njoemata cádanaco lrikjaolre, atsa lrimaca lritsayanalre nonaco njite lripitoa pemajle.''

39/19.txt

@@ -0,0 +1 @@
+\v 19 Niini lriminalri jimi cádanaco lrino icaiteca lrirso: ''icatsa jliaji lrinaitjalrica norso jliaji pirsodalri,'' kerroani pekirritsa. \v 20 Ikena José iminalri jipa shetani presodapana lricojleni, njetacawa preso njaji Faraón irsoperri pikeetem. Icatsa presoca José niini.

39/21.txt

@@ -0,0 +1 @@
+\v 21 Mitsa wa-Minalri catsa José iinai, lrinaitja lrirso pada yaacoti José iinai lricaitecawa corricaotsa lrimacacani. Dio icadaa matsiá-carro lricapaca lrirso jliaji iwapaca jliaji presodapana. \v 22 Jliaji iwapacada njaji presonai, lricadaa José-carro yají nanaco njaji presonai. Jlia yají nanaco pjiomi njaji nanaitjalri niini. \v 23 Jliaji iwapacada njaji presonai corrin jlitaca lricaolre José capoa iwapa niini, Ima Dio catsa lriinai.

40/01.txt

@@ -0,0 +1 @@
+\c 40 \v 1 Njite njapodamjitena njaji, jliaji iwicada talricanaati irraoda njite jliaji inaitjacada pan lrirso nakerroataca jliaji naminalri, Egipto italricanaa. \v 2 Keerroa faraón nakjoete njaji yamadade lrinaikite caaconaperri, jliaji iwicada lrirraoda jiwidaapo njjite lriinai jliaji inaitjacape pan jiwidaapo. \v 3 Lricadaa presona lriipana lrico jliaji tsolrodaonai icapitamani, lri-ricodatsa jliaji napresotalritsa José.

40/04.txt

@@ -0,0 +1 @@
+\v 4 Jliaji tsolrodaonai icapitamani lricadaa José idejicaoda lrirso. Nacada presona aima jalredaoca. \v 5 Njaji yamadade atsianai njetaponca, jliaji iwicada talricanaati irraoda njite jliaji inaitjacada pan talricanaati Egipto lricoda irsoperri, nacoamitsa narsoca njetaponialre jliadaa minitsa deepica, njite nacoamitsa njaji njetaponialre narsoca coamishopaca.

40/06.txt

@@ -0,0 +1 @@
+\v 6 Njite José iawa naikjaolre piyompinaco njite lricapana iinonaca yamadapena. \v 7 Njite lritatjá lrimio njaji caconaperri Faraón irsoperri lricadaji iwapacana lriminalri iipana lrico, lriaco narso: ''¡Coada inonaana nacapacana?'' \v 8 Njite njeepani, naaco: ''Wacoana fa yamadade fetaponca oopica deepi njite corrin coca icaite femi coamishopacan,'' Njite José iaco narso: ''Padatsa Dio iají coamishopaca njaji jitaponti. Icaite jimi norso coanca jitanca.''

40/09.txt

@@ -0,0 +1 @@
+\v 9 Jliaji inaitjacape pan jiwidaapo icaite José irso jlitapon. Lriaco lrirso: ''Njotapon ricó nocapa apana ova inana nocoemjete. \v 10 Jliaji lrinana lrirsoca nadalrikjaa lriki shoperri. Nataoña cádanacoa njaji lriki narso tsakja nainaca njite njaji lriinaca papocoperri ípecana. \v 11 Njite njopaca nocaapi ricó jliaji Faraón irracarroda lrirraoda. Njite njopa njaji ova nopitsiocá-carro Faraón irracarroda lrico, njite noacani Faraón icaapi riconi.''

40/12.txt

@@ -0,0 +1 @@
+\v 12 José icaite narso: ''Caishopaca jliaji pjitaponrro. Njaji madalrikja lriki madalridaa jalredaoca-can. \v 13 13Madalridaa jalredaoca nacoatsa Faraón imotoetaotsa pjia presodapana ioya, njite lricadaa tsenakjaotsa pidejicalrelrem ricotsa. Picadaa tsenakjaotsa Faraón icaapi ricó lriirraoda, cayotsaji pjia capisho piatsa iwapa lriirraoda.

40/14.txt

@@ -0,0 +1 @@
+\v 14 Mitsa piwaada tsaotsa nonaco matsia cádanacoenaotsa pjia, kjena tsaotsa picapaca norso. Cácoatsa pjia nonaco Faraón irso pimotoetá-carro njoa presodapana ioya. \v 15 Ima nadeeca maatsicalri rico njoa hebreonai jipaite rikjoite. Njite corritsa cocaca nomatsicana narso anji nacadaa carrontja njoa presodapana lricó.

40/16.txt

@@ -0,0 +1 @@
+\v 16 Njite jliaji inaitjacape pan jiwidaapo, jlimi cádanaco matsiaca lricaiteca lrikitsinda jiataponialre lrirso, lriaco José irso: ''Njoa tsakja irso pada njotaponiajle, njite, nocapaca nadalrida tseeto keetadaperri pan sho njowida nacó. \v 17 Lrinaco jliaji tseeto naicaodalri ninica aima pan naoyawaacaperri matsiaperri merricana Faraón irso, mitsa njaji wipjiarro yarrajicape naijacana tseto lrikjoite njowida nacope.''

40/18.txt

@@ -0,0 +1 @@
+\v 18 Njite José shepani, lriaco lrirso: ''Caishopaca jliaji pjitaponri. Njaji madalrida tseeto madalrida jalredaocaca. \v 19 Madalrida jalredaoca nacoatsa Faraón imotoetaotsa pjia presodapana ioya lripapí-carro pirroa apana jaico nakjoite. Njiite njaji waayolri naijacaotsa pidadam.

40/20.txt

@@ -0,0 +1 @@
+\v 20 Njite madalrida jalredaoca sahapodam, Faraón iwaada jicocarromni. Lriwacaacawa lrinjá-carro naapiya njaji lrirsoperri. Lrimotoita njaji Iwapacape lrirraoda jiwidaapo, njite jliaji inaitjacape pan jiwidaapo tsakja nanó-carro nainai njaji paana lrirsoperri. \v 21 Jliaji iwapacada lrirraoda jiwidaapo, lricadaa tsenakja lridejí-carro lrirso lridejicalre ricó tsenakja njite lriaca tsenakja jliwa Faraón iirrao lricaapi ricó. \v 22 Mitsa lripapi lrirroa jaico njakjoite jliaji inaitjacape pan jiwidaapo, cayotsaji José icaite caoisho pia narso njetapon nacó. \v 23 Mitsa jliaji iwapacada Faraón irraope corrinatsa lriwaadaca José nacó, icaamitsa lrimaodaca-ca lrioya.

41/01.txt

@@ -0,0 +1 @@
+\c 41 \v 1 Njite yamawalria shaapodami Faraón irso jitapon. Lricapa lriemacawa Ooni Nilo icodapi. \v 2 Lricapa sietena vaaca jinicocawa Nilo lrikjoite, matsianepe, képepe njite naiñjaca malritsi ooni icajepi naco. \v 3 Njite njapodamtsa, pána sietena vaaca jinicoa Nilo lrikjoite, mátsinepe, mépenetsa. Njite naaca nemawa ooni icanjepi naco nacodapitsa njaji pána vaaca.

41/04.txt

@@ -0,0 +1,2 @@
+\v 4 Njite njaji vaaca mátsinepetsa, mepeperrimi
+naijaca njaji vaaca matsianipe, képeperri. Icatsa Faraóin icafiacawa níni. \v 5 Lripieta lrimaaca njite lrirso tsenakja pada jlitapon yamapia shopena. Panayenakja, lricapa sietekja trigo imotocawa apana nakjoitetsa, capeda perri, matsiaperri. \v 6 Njite njapodamtsa siete trigo inana imotoa jiipai rikjoite, orraiperrimitsa, ewaperri ipje caolri jamodalri ipjiaji inocada jeerri imolri njiteo.

41/07.txt

@@ -0,0 +1 @@
+\v 7 Njaji trigokja orraiperri iñja njaji sietekja trigokja matsiaperri, cainacá-perri. Faraón icafia tsenakja, njite lricapa jlitapon catsa jliaji lricapalri. \v 8 Njite piyompinacojlena jlita lricaolre pekirritsa. Njite lriménaca yacoti nanó-carro pjiomi njaji atsianai malrirrinai njite njaji cajikje-perri Egipto lricope. Faraón icaite njemi njaji jlitapon narso, mitsa corrin pacapa pada itaitacada pia icaite coamishopaca jliaji Faraón jitaponialre.

41/09.txt

@@ -0,0 +1 @@
+\v 9 Ikena jliaji iwicape coajica Faraón irraope iapiyawanai iaco Faraón irso: ''Panaya nóma nocaiteca pirso pada nomatsicana corridalritsa nocaite pjimio. \v 10 Kerroa pia jliaji Faraón naapiya njaji idejicaperri lriso, njite lripeeco njoa naapana lricojle njaji capitamanai iwapacape njaji presonai, njoa njite jliaji inaitjacape pan iapiyawanai tsakja. \v 11 Warso pia fetapon lriapiya jliada minitsa deepica. Njaji fetaponrri narso piaca coamishopaca nacoanaa.

41/12.txt

@@ -0,0 +1,2 @@
+\v 12 Niini pia wainai pada yempeti toa hebreo tairri,
+pada idejicada lrirso jliaji iwapacada njaji presonai. Wacaite jlimi fetapon, njite lricaite femi coamishopaca njhaji fetaponrri wacoana. \v 13 Njite cayotsa lrimotoca warso lricaite capisho warso. Faraón idieta njoa nodejicalre ricó, mitsa jliaji pada opi lripapi lrirroa lriwedalrico nakjoite.''

41/14.txt

@@ -0,0 +1 @@
+\v 14 Faraón meenaca ná naoma José. Kjeyacalrim namotoitani presodapana ioya. Jlirrita lritsinoma, jlietacawa matsia ikena lriacawa Faraón iderse. \v 15 Njite Faraón icaite José irso: ''Norsoca pada njotaponialre, mitsa corrin coca icaite norso coanshopaca. Mitsa njomica pinaco, pacaite cada pjimi pjetaponialre njite picaite parso coanshopaca.'' \v 16 José iaco shepaca jliaji Faraón: ''Cotsa njoaca yají, Dio dekjaotsa icaite Faraón irso matsia.''

41/17.txt

@@ -0,0 +1 @@
+\v 17 Ikena Faraón icaiteca José irso jlitapon: Njotapon ricó nocapa noemacawa Nilo inopami ricó. \v 18 Njite nocapa sietena vaaca jinicocawa Nilo lrikjoite, matsianepe, képepe njite naiñjaca malritsi ooni icajepi naco.

41/19.txt

@@ -0,0 +1 @@
+\v 19 Njite njapodamtsa, pána sietena vaaca jinicoa Nilo lrikjoite. mátsinepe, mépenetsa. Corri toa coancaojli catoa nocapa pjiomi Egipto vaaca caiperri mátsinenetsa nacayosho. \v 20 Njaji vaaca mátsinepetsa mepeperriim naiñjeca njaji pána sietena vaaca matsianipe, kepeperri ínitalri jinicocawa. \v 21 Naiñja cayaminaná, corrin pacapa iñjacape sho kena, ima caicarrom mátsinepe catsana. Icatsa nocafiacawa nini.

41/22.txt

@@ -0,0 +1 @@
+\v 22 Njotapon ricó nocapa, sietekja trigo imotocawa apana nakjoitetsa, capeda perri, matsiaperri. \v 23 Njite njapodamtsa siete trigo inana imotoa jiipai rikjoite, orraiperrimitsa, ewaperri ipje caolri jamodalri ipjiaji inocada jeerri imolri njiteo. \v 24 Njaji trigokja orraiperri iñja njaji sietekja trigokja matsiaperri, cainacáperri. Njite noicaite njemi njaji jlitapon narso njaji malrirrinai, mitsa corrin pacapa pada itaitacada icaite coamishopaca jliaji njotaponrri.''

41/25.txt

@@ -0,0 +1 @@
+\v 25 José iaco Faraón irso: ''Yamada njaji pjitaponrri mitsa pada catsa jliaji nanacoapana. Jliaji Dio ínitalrinaotsa inaitjaca, Lricatjinatani Faraón irso. \v 26 Njaji sietena vaaca matsianipe siete walria cana, njite njaji siete kja trigo matsiakjaipe siete walria tsakja. Padatsa jliaji naomalri nacaiteca.

41/27.txt

@@ -0,0 +1 @@
+\v 27 Njaji sietena vaaca mépepem mátsinepetsa jinicolri njapodam siete walria-ca, njite njaji siete trigokja mtsikjaipetsa, caolri jamodalri inicada jeerri imotolri njite imjaitaji siete walria-ca maawitacai. \v 28 Icatsa njaji nocaterrica Faraón irso. Jliaji Dio initalrinaotsa inaitjaca, Lricadaa Faraón yajícarro. \v 29 Siete walria watsa nínicawa aima injaodati pjiomi Egipto jipaite ricó.

41/30.txt

@@ -0,0 +1 @@
+\v 30 Njite jliapodam, siete walria watsa ninicawa mawitacai pekirri-dalri, njite corrin-natsaotsa coca iwaopia lrinaco jliaji aima caojli pia injaodati Egipto lrico, ima mawitacai imatsiketacaotsa jliaji jiipai padenirri. \v 31 Corriotsa nawada carroketsa aima caojli pia injaodati njepaite ricó lrikjaote jliaji maawitacai inolri watsa jliapodami, ima pekirrídalri caotsa jliaji maawitacai inolri. \v 32 Yamapia cadaa Faraón jitaponca jliaminitsa cayokena Dio inaitjaca, njite kjeyenatsa Dio inita kenaotsa inaitjaca.

41/33.txt

@@ -0,0 +1 @@
+\v 33 Panaya Faraón irsotsa iomaca pada atsia cajikjedalri, yajicada iwaopiaca matsia lricadaa carroni iwapacaoda pjiomi Egipto lrico. \v 34 Cayoatsa Faraón inaitja caotsa: lricadaotsa iwapacape icapa pjiomi Egipto jipaite nacó. Picadaotsa njenitaca cinco walrepe njaji nakiníkerre, njite nainaca nakjoite jliaji pawajlepa icatsa njaji iwaketalrica imatsietá-carro. Cayoatsa nanaitjaca siete walria nacó aima cadanacoatsa injaodati.

41/35.txt

@@ -0,0 +1 @@
+\v 35 Pinaotsa nawaketaca njaji injaodati panaya aima cadanacoatsa injaodati njite namatsietaotsa naofawa Faraón cawaotsa yají nanaco, nataitá carroatsa naaca narson njaji inaiki yacaalre ricó. Narso tsaotsa nawapacana matsia. \v 36 Njáotsa njaji injaodati namatsietaotsa naiñja carroatsa maawitacai cádanacoenaotsa pjiomi Egipto jipaite ricó siete walria. Icaamitsaotsa cayó corriotsa nají carroca kjaida jliaji maawitacai njepaite ricó.

41/37.txt

@@ -0,0 +1 @@
+\v 37 Njaji yaacoti José icaiterri, matsia Faraón jimica njite pjiomi njaji lrirsoperri. \v 38 Faraón iaco narso njaji lrirsoperri: ''¿Capja wataita waoketaca pada pja lrioya jliaji, irsocada inaco Dio iajikje?''

41/39.txt

@@ -0,0 +1 @@
+\v 39 Niini Faraón iaco José irso: ''Dio icañjata capoa pirso coajishopaca njaji, njite corrin pacapa pada yajicada iwaopiaca matsia, cajikjédalri caidalriji picayosho. \v 40 Pjia watsa jají lrinaco jliaji talricanaati dapana pjiomi njite njaji nonaikite nanaitja caotsa cayoji picaite capishoatsa. Icaamitsaotsa corrica piají lrinaco jliaji notalricanaaca nacó.'' \v 41 Faraón iaco pja José irso: ''Nocadaaca pjia natalricanawa njaji Egipto lricope pjiomi.''

41/42.txt

@@ -0,0 +1 @@
+\v 42 Faraón jita lricápirro lritalricanaa itjinada lricadácarroni José icápi nacó. Jlieta lrinacoa tsaya matsiaperri njite lricadá pakja cadena owirrokja irroa lriwedalrico. \v 43 Lricadá jlirra lriofawa lrinaco jliaji jlieco carrofía lriyarrofiá catsa inacojleda. Njite njaji atsianai nawana lrikjaolre: ''Itoda iorsipada lrikjoete.'' Faraón icadaa talricanaatí-carro lrinacojleda pjiomi Egipto lrico.

41/44.txt

@@ -0,0 +1 @@
+\v 44 Faraón iaco José: ''Njoa Faraón, nocaite pjia, corrin pacapa pada pioya, njite pjiomi njaji inaiki Egipto lricoperri corriotsa coca itaita inaitjaca cocacan corri cada nacaite pjia.'' \v 45 Faraón icadá Jose ipitanawa ''Zafnat Panea.'' Lricadá lrinoa Asenat, Potifera iito, sacerdote On lricoda. Jose yají icapaji pjiomi Egipto jipaite ricó.

41/46.txt

@@ -0,0 +1 @@
+\v 46 José irso piakena trenta walria lripekirrica nacó lria caojli pia lriemawa Faraón ipeyajle, Egipto italricanaa. José imoto Faraón ioya lriá-carro lricapaji pjiomi Egipto jipaite ricó. \v 47 Siete walria nacó aima narsoca naijaope.

41/48.txt

@@ -0,0 +1 @@
+\v 48 Lriwaketa pjiomi njaji injaodati siete walria nacope aima cádanco injaodati Egipto jipaite ricó, njite lricadaa njaji injaodati nerricoda njaji yacaalre Egipto lricope njaji njetaji njepaite rikjoite tsa. \v 49 José iwaketa aima injaodati, jiipai shoperri corrinatsa lritaita lriniwetaca coshoca namaimaca, lrimaimaca ikjaote corrinatsa pataita paniweetaca.

41/50.txt

@@ -0,0 +1 @@
+\v 50 Yamada pia njaji José yeenipe yamawalria toa ipjeya mawitacai yocacawa nanacojle, lriino Asenat irso, Potifera iito, Sacerdote On lrico. \v 51 José icadaa lrirri ipjerriti ípitanao Manasé, ima lricaiteca: ''Ima Dio iñetaca noya pjiomi njaji jirrapitinaperri njite pjiomi njaji njonirri nokitsiñape.'' \v 52 Njite lricadaa lripitanao jliaji iwerriti Efraín, ima lricaiteca cayoji: ''Dio icadaa matsiaca njoa lri-ricoda jliaji jiipai njorrapitalri piatoa niinio.''

41/53.txt

@@ -0,0 +1 @@
+\v 53 Njite lriwayacakena jlinana njaji siete walria aima cawa injaodati Egipto jipaitena lrico. \v 54 Ikena siete walria maawitacai ínitacawa, cayotsaji José icaite capisho. Ima maawitacai pjiomi Egipto lrico, mitsa nawaketa piakena aima iñjaodati pjiomi Egipto lrico.

41/55.txt

@@ -0,0 +1 @@
+\v 55 Njite nainita cádanacoena njerrapitaca mawitacai njaji Egipto lricope, ikena natatjaca Faraón ínai injaodati caiwi ricotsa. Mitsa Faraón iaco narso: ''Warsa iawa José ikjaolre njite inaitjaotsa pjiomi coajicaotsa lrinaa inaitjaca.'' \v 56 Niini pia maawitacai pjiomi jalredaoca lrico. José iná namjecoca pjiomi njaji nawaketacawa lrico pia iñjaodati lriwendé-carro narso njaji egipcionai. Matsinaa piaca jliaji mawitacai Egipto lrico. \v 57 Pjiomi njaji inaiki jalredaoca lricoperri nawa Egipto lricojle nawentá-carro iñjaodati José ínai, ima matsinaa poiaca jliaji maawitacai pjiomi jalredaoca lrico.

42/01.txt

@@ -0,0 +1 @@
+\c 42 \v 1 Jacob jími niinica injaodati Egipto lrico, niini lriaco narso njaji lrienipe: ''¡Coada iofawa imaodacatsa! \v 2 Njomi nacaiteca niinica injaodati Egipto. Warsa ya iwenta waijao nirse wadee mayamica fa anji maawitacai sho.'' \v 3 Ikena nácawa Egipto lricojle nawentá-carro injaodati njaji die perri José ipjerrinaipe. \v 4 Mitsa jliaji jlaji Benjamín, José iwerri, corrin Jacob icadaa iawa nainai njaji lripjerrinaipe, ima wade shocatsa lriají coajicani nainai.

42/05.txt

@@ -0,0 +1,2 @@
+\v 5 Njaji Irael yenipenaipe iocawa tsakja nainai njaji
+iacapewa iwenta, ima maawitacai tsakjana Canaán jipaite ricó. \v 6 José cadana jliaji iajicda nanaco njaji inaiki Egipto lrico. Icatsa jliaji iwendecadaca narso njaji inaiki inocaperri pada jipai nakjoite-perri. Naocawa njaji José ipjerrinaipe njite njewa naorsoawa, tjewacajle necoa jiipai nacojle.

42/07.txt

@@ -0,0 +1 @@
+\v 7 José icapa njaji lripjerrinaipe njite lriajintsa njácana, mitsa corrin lricadá najíni njite cáco narsoni kjaidasho, lriaconarso: ''''Kjaite inoji?'' Njite naaco lrirso, ''Canaán lrikjoite wano wawentácarro injaodati.'' \v 8 José yají icapaca njaji lripjerrinaipe mitsa corrin nanjini.

42/09.txt

@@ -0,0 +1 @@
+\v 9 Njite José iwaada lritaponialre lrirsolri pia nanacó njite lriaco narso: ''¡Inoca icapa ipjeya! Yomaca yají coancawaca corrin wawapa fepaite.'' \v 10 Njite naaco lrirso: ''Corrina waminalri, fá pirsoperri wanocatsa wawenta wainjao. \v 11 Padatsa jliaji fanirri. Cotsa cocaca wamatsicana. Cotsa wanoca wacapa waicao jipaie, fá pirsoperri.''

42/12.txt

@@ -0,0 +1 @@
+\v 12 Mitsa lriaco tsenakja narso: ''Corrina, inocao icapa coancawaca corrin wawapa fepaite.'' \v 13 Njite naacp njepacani: ''Fá pirsoperri, doce wamaimaca, pada atsia yenipeca fá iofacada Canaán jipaite ricó. Jliaji wawerri piketemdalri lriofacawa fanirri ínai, njigte pada wanakjoite opi mayamini.''

42/14.txt

@@ -0,0 +1 @@
+\v 14 Njite José iaco narso: ''Icatsa jliaji nocaiterrica irso, inocapeca icapa ícao fepaite shaa. \v 15 Nini cayoatsa wawica sha. \v 16 Faraón icafica nacoatsa, corriotsa idiá carrocawa ajaiteji, aja-dekjaotsa idé cadaa ajerreji jliaji iwerri piketemdalrim. Fetacaotsa preso shaa a kjerrecaotsa waoca wanjí corrica icashataca fá'' \v 17 Lricadaa presona madalridaa jecoapi.

42/18.txt

@@ -0,0 +1 @@
+\v 18 Njite José iaco narso madalridaa jecoapi shapodam: ''Ifiocadaca Dio iiwana njoa, niini inaitjaotsa lriaji nonalriotsa inaitjaca. \v 19 Mashaperricada atsianaica shá, imacaotsa pada inakjoite presodapana lrico, mitsa shaa pána warsa iketadata itsacon wadee maawitacaica shá iipana lrico. \v 20 Ideotsa norso iwerri piketemdalri niniotsa noanjí ajadalrica jliaji icaiterri norso njite corriotsa mayami-carroca shá.'' Njite nanaitja cayoji lricaite capisho narsó.

42/21.txt

@@ -0,0 +1 @@
+\v 21 Njite naaco narsowaca: ''ajádalri fáca irso matsicalri lrinaco jliaji wawerri, wacapá cadana coanca jlirrapitaca lricaite cádanaco caiwi ricotsa wade ferrapitecani njite corrin femica lrirso. Niini panaya ferrapitaca famao jliaji jlirrapitalri pia.'' \v 22 Njite Rubén shepana: ''Nocaitjen piatja shá, manaitja imatsicanao lrinaco jliaji wawerri, njite corrin jimica norso. Icapena coanca wacaoñaca wama cápji mayamican.''

42/23.txt

@@ -0,0 +1 @@
+\v 23 Mitsa corrin nají José yajícatsa coanjica nacaiteca, ima ninicatsa pada jimicada lriicao. \v 24 José jiena naoya lriá-carro lriiya. Lridia tsenakja naikjaolre caacó-carro naapiya, jlipa naoya Simeón njite lripapini nacapatsa. \v 25 Njite Josá inaa njaji lrirsoperri napakjantá-carro lripjenai itjaconi injaodati shó, lriná tsakja nadietaca napalratani natsacon lricó, lrinaa tsakja naaca naijao tecojletsa naijaope inipolrico. Njite nanaitja cayo.

42/26.txt

@@ -0,0 +1 @@
+\v 26 Njaji pjerrinaipe naketadata naborroni injaodati shó njite naawa njiteo. \v 27 Pada nanakjoite imjeco lritsaconi liá-carro lriborron injao naocalri toa nematoa ninio, njite lricapa lri-ricoda ninicatsa njaji palrata lriwentashopam injaodati. Lricapani lritsacon iwawalrico. \v 28 Lriaco narso njaji lripjerrinaipe: ''Icapa jliaji nadietaca nopalratani notsacon ricó.'' Njite nafiocawa pekirritsa, nacaboco nacapa narsowaaca, naaco: ''¿Cocao jliaji Dio inaitjalri waapoiya?''

42/29.txt

@@ -0,0 +1 @@
+\v 29 Naocawa njanirri Jacob iderse Canaán jipaite ricojle, njite naaco lrirso: \v 30 Jliaji atsia, lriminalri jliaji jiipai nindalri, caaco kjaida warso, njite lrikerria wanaco yacapeca icapa icao jliaji jiipai. \v 31 Njite waaco lrirso atsianai ajadalri-perrica fa corrica, cotsantja yaacapeca inocapeca icapa pjipaite. \v 32 Doce wamaimaca fanirri yenipe. Mayami pada wanakjoite, njite jliaji wawerri piketemdalri atsanica fanirri iinai Canaán jipaite ricó.

42/33.txt

@@ -0,0 +1 @@
+\v 33 Jliaji atsia, lriminalri jliaji jiipai iaco warso: ''Inaitja cada cayoji nocaite capishoatsa irso, niniotsa noanjí atsianai mamatsicana-perrica shá. Imaca noinai pada inakjoite, njite shá pana idena injaopé iipana lricojle wadee mayamica shá mawitacai shó, idienawa shapodamrsewa. \v 34 Ideotsa norso jliaji iwerri piketemdalri. Inaitja cadaa cayoji nocaite capisho, noaji watsa corrica inocapeca icapa icaowa jliaji jiipai. Njitenaotsa nowataca lrimotoa jliaji ikitsinda, njite dekjenaotsa itaita iwentaca nopaite ricó.

42/35.txt

@@ -0,0 +1 @@
+\v 35 Niini njeta cadanaco natsacon ítada, nacapa ninicatsa napalratani lriarroda fie natsacon lricó. Nacapa cádanaco njite njanirri icapa tsakja napalratan narroda fie natsacon lricó, nafiowa pekirritsa. \v 36 Jliaji njanirri Jacob iaco narso: ''Opi sheneta njoa naoya njaji noenipe. Opi mayami José nooya. Corrin tsakja pacapa Simeón. Njite oanaya ioma ideeca Benjamín nooya. Cotsa matsialrica njaji inaitjalrica norso.

42/37.txt

@@ -0,0 +1 @@
+\v 37 Caaco Rubén jlini iapiya,lriaco lrirso cayoji: ''Pinoatsa njaji noenipe yamada corricadaotsa nodieta pirso jliaji pirri Benjamín tsenakja. Picada njoaca yají lrinaco picapá carratsa nodieta catsaotsa pirso tseenakjan.'' \v 38 Jacob shepani, lriaco lrirso: ''Cotsa ideecarroca noenipe. Opi mayami jliaji lripjerri, niini icamitsa iofalrica noinai. Matsi cadantja jliyapacawa yacayawa inipolrico ialri nirse, njite icamitsantja mayamica, njoa pekirri, jalredalrinatsa itsicolre.''

43/01.txt

@@ -0,0 +1 @@
+\c 43 \v 1 Pekirrídalri piaca jliaji mawitacai jalredaoca lrico. \v 2 Njite nawaca nainjaca pjiomi jliaji injaodati nadenda pia Egipto lrikjoite, niini njanirri iaco narso: Warsa yaa tsenakja iwenta wainjao.

43/03.txt

@@ -0,0 +1 @@
+\v 3 Judá iaco lrirso: ''Jliaji iwapacada jliaji jiipai iaco warso: corriotsa icapá carroca noecoa corricadaa idee norso iwerri. \v 4 Picadaa cada lria wainai jliaji wawerrida, weniotsa wawenta wainjao. \v 5 Mitsa corricadaa picadaa lria wainai jliaji wawerrida cotsa waacarroca, ima jliaji atsia iaco warso: iwapacada jliaji jiipai iaco warso: corriotsa icapá carroca noecoa corricadaa idee norso iwerri.''

43/06.txt

@@ -0,0 +1 @@
+\v 6 Njite Irael iaco narso: ''¿Coada calretsa inaitja norso maatsi icaite cádanaco lrirso jliaji atsia irsocatoa pada iwerrida? \v 7 Njite naaco lriso: ''Jliaji atsia lritatja jlimio wanaco njiyte wapaneta nacó tsakja. Lriaco warso: ''¿Capja caaficatoa jinirri? ¿Capja irsocatoa pada iwerri?'' Njite feepani coanca lritatjaca fá. Njite corrin wají lriomaca wainai wawerri.

43/08.txt

@@ -0,0 +1 @@
+\v 8 Judá iaco njajirri Irael irso: ''Njoawatsa idee jliaji nowerrida. Njite ikena wacao jliaji wadee mayamica fá, pjia njite njaji weenipe. \v 9 Njoawatsa lrioyawajleo. Njoa watsa inai pioma lricoadawa. Corricadaotsa nodietani pikjaolre njite poicapantjani, niniotsa picadaa njoaca irso maatsicalri lrinaco caidalriwetsa. \v 10 Corricadantja waica fá, yamapienantja wadiajicawa.''

43/11.txt

@@ -0,0 +1 @@
+\v 11 Njite njanirri Irael iaco narso: ''Cayo cadaa icaite capisho, warsa peda inaitja cayoji: Idee njaji matsiaperritsa warsonipe fepaite ricó itsacon lricó. Idee lrirso jliaji atsia padapena inaniti macoada shotsa. Idee lrirso tapee, mapaa, pomeniajaipe, mirra, cataña inaca njite warse tsakja. \v 12 Aimaotsa ideeca palrata, jliaji njetanda itsacon lrico, idieta tsenakja narson. Wadetsa namatada piacatsa.

43/13.txt

@@ -0,0 +1 @@
+\v 13 Idena jliaji iwerrida. Warsenaiawa lrikjaolre jliaji atsia tsenakja. \v 14 Dio kjaidadalri ikitsindataotsa shá kjená carroatsa lricapaca irso jliaji atsia, lridieta carroatsa irso jliaji ikitsinda njite jliaji iwerri Benjamín. Cayo cada peda shenitaca njoa naoya njaji noenipe, cayo pedacaotsa.'' \v 15 Njaji Jacob yenipe nadee aima inaaniti macoada shotsa lrirso jliaji atsia, nadee yamapiape icacoa palraata njite nawerrida Benjamín. Naawa Egipto lricojle njite naocakenawa nemawa José ipeyajle.

43/16.txt

@@ -0,0 +1 @@
+\v 16 José icapa cádanaco Nainaica Benjamín, lriaco lrirso jliaji iwapacada lriipana lrico: ''Pidee nopana lricojle njaji atsianai, ino apana maaficalri, njite iyanaotsa, ima njaji atsianai naijacaotsa noinai mayacan cadanaco jerri.'' \v 17 Jliaji iwapacada lripana lrico inaitja cayoji José inaa capishoni. lridee njaji atsianai José iipana lricojlna.

43/18.txt

@@ -0,0 +1 @@
+\v 18 Nafiowa njaji atsianai nadee capoana José iipana lricojle. Njite nawada nadeca nirsenanaikjaote njaji palraata njetaji natsacon lrico nano caojli pia nainita, nakerriaca lriona namatsicanawa lripresotá carrona njitenanta lricadana lrirsoperri acrrona, njite jlipaca lrirsowao njaji naborron. \v 19 Natsomita jliaji iwapacada José iipana njite caaco lrirsona pantinpoma lrikjoitetsa, naaco lriso: \v 20 ''Pjia waminalri, wanopia wainita wawentá-carro injaodati.

43/21.txt

@@ -0,0 +1 @@
+\v 21 Niini waoca cádanaco wemacawa lrico , njite wamjeco wacapa watsacon niini wacapaca nincatsa pjiomi njaji palraata watsacon iwawa lrico wacoanatsa. Niini wanoca wadietá carrona irso njaji palaraata. \v 22 Wadee pja palraata wawentá-carro tsenakja waijaope. Corrin wanjí cocaca sheta nja palraata watsacon lrico.'' \v 23 Niini lriaco narso jliaji iwapacada José iipana: ''Imaodacatsawa, mafietacatsao. Jliatsa pa jliaji iDiote, jliamitsa jliaji jinirrinaipemi iDiote tsakja shetani itsacon lrico, ima njoatsa icoadata pia ioya jliaji icaoñashopa injaope.'' Njite jliaji iwapacada José iipana lridee naikjaolre Simeón.

43/24.txt

@@ -0,0 +1 @@
+\v 24 Jliaji iwapacada José iipana lrideena Sosé iipana lricojlena. Lria narso ooni nacotsoshopa njaipa, lria tsakja naborron injao. \v 25 Njite matsieta njaji nedaji José irsowalrepe mayacanca jeerri ipjeya toa, ima njemica naiñjacaotsa lriinai pacoacatsa.

43/26.txt

@@ -0,0 +1 @@
+\v 26 José ioca cádanacoa lriipana lricojle, nadee panti ricojle njaji nadeji lrirso njite nacoajawa lripeyajle jiipai nacojle. \v 27 Lritatja jlimiona coanca nanaco, njite lriaco: ''Capja matsiatsa jinirri, jliaji atsia pekirrinatsa icaiterri pia inaco? ¿Capja caafi toani?''

43/28.txt

@@ -0,0 +1 @@
+\v 28 Njite naaco njepacani: ''Jliaji pirsodalri fanirri, matsialritsa. Cáfirritsa.'' Njite njewa naorsoawa jiipai nacojle lripeyajle. \v 29 Jlirreta cádanaco lricapa narso, lricapa Benjamín, lriwerri catsa, jlidoa yenipe, njite lriaco narso: ''¿Icatsa iwerrica jliaji icaiterri norso yacona?'' njite lriaco Benjamín irso: ''Piinaicatsa Dio imatsiaca yempeti.''

43/30.txt

@@ -0,0 +1 @@
+\v 30 Njite José ikjeyapita iawa naoya lrimaacawa lricojle, ima inonaacalri jipacani pekirritsa lricapa cádanaco lriwerri. Lrioma pafe lriá-carro lriiya niini lriacawa lriofa carroji mana lricapa, icatsa lriiyaca niini. \v 31 Lriiya cayami, lricotso lriecoa matsia lrimotó-carro naikjaolre. Jlirsa lricaolre matsia njite lrinaa nayacaca naijawa naiñjá carroena.

43/32.txt

@@ -0,0 +1 @@
+\v 32 Njaji idenjicape lrirso nayaca lrinjajo tecojle jliwacatsa, njite tecojle tsakja naiñjaca njaji lrikitsiñape. Naiñja tsakja lrinai njaji egipcionai, mitsa teecojletsa, ima njaji egipcionai corrin nataita naiñjaca nainai njaji hebreonai ima capaimanaca narso naiñja cadaa nainai. \v 33 Naofa naiñja lripeyajle. Napjerri iofa ínita njite njaji lriwenaipe jliapodam, jliaji iwerriti narso iofa piketemrse. Njaji atsianai corrin nají coanca nacapa cádanaco jliaji lrinaitjalri naapiya. \v 34 José imenaca lrinjaope nakjoite narso njaji lrikitsiñape, mitsa lriá aima pja lriwerri Benjamín irso. Nairraketsa njite catiima nacaolre lrikjoete.

44/01.txt

@@ -0,0 +1 @@
+\c 44 \v 1 José inaaca jliaji iwapacada lriipana lripakjantá-carro natsacon injaodati sho, coshocatsa nataita nadeeca. Lrinaa tsakja jlietaca napalraatan nacoanatsa natsacon lrico. \v 2 Lrinaa jlietaca lrirracarroapa nanaitjanda palaatapesho Benjamín itsacon lrico njite lripalratani lriwenta shopam injaodati. Jliaji iwapacada José iipana lrinaitja cayoji lrinaa capishoni.

44/03.txt

@@ -0,0 +1 @@
+\v 3 Tjewaijle piyompinaco, jliaji atsia lrimeenaca nadiawa njaji atsianai naapiya njaji naborron cadecalreperri. \v 4 Naacadanacoena yacaalre ioya, njite corri pjacatoa teeco naacawa, José icaite lrirso jliaji iwapacada lriipana, lriaco lrirso: ''Warsa pia njapodam njaji atsianai, pioca cádanacoatsa naikjaolre picaiteotsa narso cayoji: ''¿Coada inaitja maatsi warso matsia cadana wacoadataca shá? \v 5 Yajintsa icacatsa nominalri irracarroapaca njite lrinoparrotashopaca lripjeyao, corritsa matsialrica jliaji inaitjalri.''

44/06.txt

@@ -0,0 +1 @@
+\v 6 Ikena jliaji iwapacada José iipana yaa njapodam njite lriá jlipana, njite lricaite narso cayoji José inácapiosho lricaitecana. \v 7 Niini náco lrirso: ''Coadadao cayo lricaiteca jliaji wamoinalri? Teeco jliyapa naoya njaji lrirsoperri cayo carrontja nanaitjacani.

44/08.txt

@@ -0,0 +1 @@
+\v 8 Icapa coajica wadieta Canaán lrikjoite njaji palraata waoketaji watsacon lrico . Njite, ¿coaji tsakjantja wataita wañaitoca waminalri ioya lripalratani o lriwirrotecadaa? \v 9 Coandalri cada nanakjoite njaji lrirsoperri waoketaji ioya njaji palrata, lrirsotsa mayamican, njite lrirsoperricaotsa fá.'' \v 10 Niini lriaco jliaji José irsodalri: ''Cayo pedaotsa icaite capisho. Coca ioya cadaotsa noketa jliaji pairracarroapa norsodalri caotsani, njite nja paana corriotsa cocaca namatsicanaa.''

44/11.txt

@@ -0,0 +1 @@
+\v 11 Ikena nacoanatsa njaji atsianai nakjeyapita nacadaa natsacon jiipai nacojle njite namjeco nacoanatsa natsacon. \v 12 Jliaji José irsodalri inita iomacani napjerri itsacon lrico, njite piketem nawerri itsacon lrico, njite icatsa lrioketaca jliaji pairracarroapa lri tsacon lrico, Benjamín itsacon lñrico. \v 13 Njite njaji atsianai natsafá ntsayan. Njerreta tsenakja naborron ideecalre nadiacarro tsenakja yacaalre lricojle.

44/14.txt

@@ -0,0 +1 @@
+\v 14 Judá njite njaji lriwenaipe naawa José iipana lricojle. Njite corri pia toa Jiosé iaca njite, niiní naorsoacawa jiipai nacojle lripjeyajle. \v 15 José iaco narso: ''¿Coada inaitja cayoji inaitja capisho? ¿Capja corrica yají njaji atsianai caiperriji nocayosho nataita nanoparrotaca?''

44/16.txt

@@ -0,0 +1 @@
+\v 16 Njite Judá iaco lrirso: ''¿Cotsa warsoenica yacoti wacaiteoda pirso, pjia waminalri? ¿Coajintja caacoca fa? ¿Cotsa coan wacaiteca matsia wanacowaaca?''Dio icadaa icapa namatsiacanaa njaji pirsoperri. Picapakje, Pirsoperrica fá, pjia waminalri; njite cayo tsakja jliaji wawerrida ioketalri ioya jliaji pirracarroapa.'' \v 17 Njite José iaco lrirso: ''Teeco jliyapaca nooya nonaitjacawa cayoji picaite capisho, mitsa, jliaji atsia noketalri ioya jliaji noirracarroapa, jlia dekjaotsa njopa norsodalri carroatsani, mitsa njaji paana, nataita nadiacawa namaodacatsawa njanirri iderse.''

44/18.txt

@@ -0,0 +1 @@
+\v 18 Njite Judá itsomita José lricaité-carro lrirso cayoji: ''Nominalri, picadaa pirsodalri iaite pirso pjinacolricotsa padatsa yaacoti, manaitjatsa maatsi pirsodalri irso pirroa lrico ima cayodalrica pjia Faraón shotsa.'' \v 19 Pjia waminalri, pitatja pia pjimiwa nainai njaji pirsoperri cayoji: ''¿Capja kjanirriperri catoa shá, o irsotoa pada pjatoa iwerrida?

44/20.txt

@@ -0,0 +1 @@
+\v 20 Njite wacaite pirso, pjia waminalri, warsocatoa fanirri pekirrinatsa, njite padatoa wawerrida, lrienipe pekirri cayaminatsani. Yamada pia njaji lrienipe apama perritsa jidoa, niini opica mayami jliaji ipjerriti, niini icaamitsa jliaji iwerriti piketemdalri iofálrica lriinai njite jlinirri ipeyondacani. \v 21 Njite picaite narso njaji pirsoperri nadé-carro picapá-carroni. \v 22 Mitsa wacaite pirso, pjia waminalri. Jliaji yempeti corrin lritaita lrimacaca jlinirri ima lrinaitja cadaa cayó, icaamitsa mayamica jliaji jlinirri.

44/23.txt

@@ -0,0 +1 @@
+\v 23 Njite picaite narso njaji pirsoperri, corricadaa wadee jliaji wawerrida cirrinatsa wataita wanoca wacapá-carro pjia. \v 24 Niini wadiá cadanaco waocawa lrikjaolre jliaji pirsodalri njonirri, wacaite jlimi njaji picaiterri warso wawerrida nacó. \v 25 Niini papia nacojle, fanirri inaa tsenakja fá wanocarro wawenta waijaope ajerreji. \v 26 Niini waaco lrirso corricaotsa waacarroca corricadaa wawerrida yaa wainai, mitsa lria cadaa wainai weniotsa nirse, ima corrin wataita waaca nirse corricadaa jlia wainai jliaji wawerrida wataitá-carro wacapaca lriecoa jliaji atsia nindalri.

44/27.txt

@@ -0,0 +1 @@
+\v 27 Niini lriaco warso jliaji pirsodalri fanirri: ''Yajintsa yamada catsa roenipe rsoaji noino apama. \v 28 Njite opica mayami noya jliaji ipjerriti, njite noaco norsowaaca coajicapa maaficalri kerroani iwititaca lridadam, njite corrinatsa nopieta nocapacan.' \v 29 Njite panaya, ideecada noya jliaji, njite coaji cadantjani ioya yacayawa inipolrico, icamitsaotsa mayamica njoa inonacalri shó, njoa jalredalinatsa itsicolre.''

44/30.txt

@@ -0,0 +1 @@
+\v 30 Njite panaya, waoca cádanacoatsa lrikjaolre jliaji pirsodalri fanirri, njite lricapaotsa corrica lridia wainai jliaji yempeti, ima cafica jliaji fanirri lrikjaote, \v 31 niini corricadaa lricapani wainai, icaamitsaotsa mayamicani. Mayamiotsa ininacalri jliaji jalre-dalrinatsa itsicojle wamá. \v 32 Ima njoa pirsodalri, nocaiteca lrirso noinai carroatsa lrioma lricoada coajicadaa jliaji yempeti, ima noaco lrirso njoacaotsa irso jliaji maatsicalri caidalritsa mayami cadaa pjia, njonirri.

44/33.txt

@@ -0,0 +1 @@
+\v 33 Niini panaya, notatjaca piinai caiwi ricotsa, pjia nominalri picadá-carro njoa carroatsa pirsodalri lrioyawalreo jliaji nowerrida, picadena lridia carroa jliaji yempeti nainai njaji pana lripjenai. \v 34 Ima, ¿Coajintja nodiacawa njonirri iderse corricada lridia noinai jliaji yempeti? Corrin noma nocapaca coajicaotsa jlirrapitaca pekirritsa jliaji njonirri.''

45/01.txt

@@ -0,0 +1 @@
+\c 45 \v 1 Njite corrinatsa José itaitaca inonaacalri ikjoete niini lrimeenaca namotó carrotoa lrioya njaji lrirsoperri jlidati ricó. Niini corrin pacapa pada lrirsodalri lricaitjiaca cádanacoa jliacatsa José narso njaji lriperrinaipe. \v 2 José iya kjaida, niini njaji egipcionai njemica njite Faraón iipana lricope njemi tsakja. \v 3 José icaite narso njaji lriperinaipe: ''Icatsa José-ca njoa. ¿Capja caafi catoa papai?'' Corrin nataita njeepacani kjeya njaji lriperrinaipe ima nafiocawa neema cádanaco lripeyajle.

45/04.txt

@@ -0,0 +1 @@
+\v 4 Njite lriaco narso: ''Itsomita njoa, inaitja matsiacalri.'' Niini natsomitacani. Njite lriaco José iaco narso: ''Icatsa iwerri José-ca njoa, jliaji iwendentam narso njai Egipto lricope. \v 5 Panaya, corrin nooma capaimanica shaa okerroaca shaa jiwacawaacatsa iwende capoa njoa, ima Dio catsa imeenaca njoa ajerreji ipeyajle noyomjetá-carro shaa. \v 6 Ima yamawalria kena maawitacaica jalredaoca lrico njite canacaitoa cinco walria toa, corriotsa coca yaapana, corrin tsakjaotsa coca iniwa ipania.

45/07.txt

@@ -0,0 +1 @@
+\v 7 Dio imeenaca njoa yapisheté-carro njoa nokitsindatá-carro, yomje-carrotsa padapena wadentja mayamica pjiomi shaa. \v 8 Niini, corritsa shaaca imeenaca njoa ajerreji, Dio dekja, Lricadaa njoá-carro icadaa Faraón iwaopiakjeo, yajicada lrinaco jliaji talricanaati dapana njite iwapacada tsakja lriinai njaji lrinaikite pjiomi Egipto lrico.

45/09.txt

@@ -0,0 +1 @@
+\v 9 Warsa idia kjeyawa papai iderse nite icaiteotsa lrirso cayoji: ''Cayo José imemoriani pirso: ''Dio icadaa njoá-carro yají pjiomi Egipto lricó. Nooma pinoca noderse kjeeya wadee wiaca pjia. \v 10 Awatsa piofawaji Gosén jipaite ricó, pjia, njaji pienipe, njite njaji pidakenai, pjiomi piipirra, njite pjiomi njaji pirsolri. \v 11 Njoa watsa icadaa injaope niini, ima canacaitoa cinco walria maawitacai cawa, wdentja mayamica shaa maawitacai sho; pjia, piipaneta njite pjiomi njaji pirsolri.

45/12.txt

@@ -0,0 +1 @@
+\v 12 Pjiomi shaa njite noweerri Benjamin tsakja icapa, njoaca jliaji caacolri irso. \v 13 Icaiteotsa papai irso pjiomi coanca matiaca njoa Egipto lrico njie pjiomi njaji icapalri. Kjeyaotsa ideeca fanirri ajerreji.''