Wed Feb 21 2024 16:22:49 GMT-0500 (Colombia Standard Time)

19/14.txt

@@ -0,0 +1 @@
+\v 14 Moise iorrocawa jiipana nakjoite naikjaolre njaji inaki aimadan. Jlienita pjiomina Dio irso njite nacotsoco natsayan matsia. \v 15 Moise iaco narso: ''Imatsietacaotsawa madalridaa jalredaoca ipia; corriotsa imaa carroca ininai iapiya.''

19/16.txt

@@ -0,0 +1 @@
+\v 16 Madalridaa jalredaoca nacoena, ikeena eenoca niini njite eeno iperronialre tsakja njite iyadaoca cadaocá-dalri iñampaca jliaji Jiipana, njite trompeta imaolrena kjemadalri njite jalripadalri tsakja. Pjiomi njaji inaiki aimadan natetjecawa nemaacawa lrico. \v 17 Moise idee njaji inaiki aimadan pemajle nemacawa ioya naacarro nacoadata Dio, njite naoca nemawa Jiipana ipocoda nacó. \v 18 Itacati rico lrimawa jliaji Jiipana Sinai padenirri ima Dio iorrococa niiniwa tiyé keetacadalri ricó. Iitacati jirra njitewa cayoji yocandati imacapishoa, njite canani kjaida jliaji Jiipana.

19/19.txt

@@ -0,0 +1 @@
+\v 19 Njite kjaidacayao cádanaco trompeta imaolrena, Caaco Moise, njite Dio shepani njemicawa pjiomi. \v 20 JLIAJI IMINALRITI iorrocowa lripolrico nacó jliaji Jiipana, njite Lrinaa Moise jirracawa lrikjaolre. Njite Moise iá lriderse. \v 21 JLIAJI IMINALRITI iaco Moise irso: ''Pidia picaite njaji inaiki aimadan wadee natsomitaca nacapá-carro Njoa, wadee mayamica aima nanakjoite. \v 22 Picadaa natsomita Njoa njaji sacerdotenai njenitaaca carroa Norso, pinaa namatsietaaca-cawa nacoadatácarro Njoa, niini corriotsa noincana.''

19/23.txt

@@ -0,0 +1 @@
+\v 23 Moise iaco Dio irso: ''Njaji inaiki aimadan corrin nataita natsoomitaca jliaji Jiipana, ima Pinaa piaca njoa nokjenanaatá-carro lriwaida nacó jliaji jiipana njoenitá carro Pirsona.'' \v 24 JLIAJI IMINALRITI iaco lrirso: ''Warsena piawa naikjaolre njaji inaiki aimadan, njite pideotsa piinaiwa jliaji pipjerri Aarón, njite macadatsa njeyapa jliaji pikjenanatanda njaji sacerdotenai nanó-carro Noderse. Mitsa njeyapa cadani Noinoatsana.'' \v 25 Cayotsa Moise iorroco naikjaolre njaji inaiki aimadan.

20/01.txt

@@ -0,0 +1 @@
+\c 20 \v 1 Njite Dio icaite cayoji: \v 2 ''Icatsa pi-Minalri Dio-ca njoa, jitalri pjia Egipto jipaite rikjoite, lrioya jliaji icadalri lrirsodalri-carro pjia. \v 3 Corriotsa pirsó carroca apana dionai teecojle Nóya.

20/04.txt

@@ -0,0 +1 @@
+\v 4 Corriotsa pinaitjá carroca idolonai njenapjiam njai eenolicojlé perri, o jiipai nacojlé perri o njenapiam cadaa njaji ooni ricóperri. \v 5 Corrin itaita icoajacawa naikjaolre yaacarrontja narso matsiadalri, ima Njoa, pi-Minalri Dio, Dio cakerriakjédalrica Njoa. Noajintja namatsiacanaa njaji naferrinaipemi niini nocadaaca njerrapitaca namaysicanaa ikjaote njaji neenipe madalricoma njite njaji coatro coma tsakja njaji corriperri pia ioma Njoa. \v 6 Mitsa matsia nocapaca narso njaji aimadan icoadatacaperri napeyo capoa Njoa njite nanaitja cayoji nonaa capisho nanaitjaca.

20/07.txt

@@ -0,0 +1 @@
+\v 7 Macaitetsa IMINALRI Dio ípitana nacó mikjapantsa, ima njorrapitetacaotsa jliaji icaitecada Noipitana nacó midalri ikjaotetsa.

20/08.txt

@@ -0,0 +1 @@
+\v 8 Mamawadaca tsaotsa lrioya jliaji jalredaoca pawafeta carroda lrico, shenitaotsani norsowalreo. \v 9 Sei jalredaoca pirso pidejícarro. \v 10 Mitsa siete jalredaoca nacó piwafetawa, pjienitanda Norsowaoni, Njoa, piMInalri Dio. Corriotsa pinaitjá carroca pada idejikjeti jliadaa jalredaoca-ca, corrin pjiaca, pirrí cantja, piitó, pirsodalri, pirsodarro, pivacan catntja, corrin jliaca jliaji inocada pada jiipai nkjoite yofacada iinai. \v 11 Ima sei jalredaoca nacó Njoa, IMINALRI, nonaitja pia njaji eenocoma, jiipai, macapawan njite pjiomi lriitada, njite nowafetacawa siete jalredaoca nacó. Niini Njoa, IMINALRI, nocaite matsiadalrica jliadaa pawafeta carrodao njite njoenitacan Norsowaoni.

20/12.txt

@@ -0,0 +1 @@
+\v 12 Pinaitja matsia pjinirri, pjidoa irso irso, yofá carroatsa aima jalredaoca jecoapi ricó, lrinaco jliaji jiipai nocadaalri irso Njoa, IMINALRI Dios. \v 13 Mainotsa inaiki. \v 14 Manaitjatsa maatsi idada irso.

20/15.txt

@@ -0,0 +1 @@
+\v 15 Mañaitotsa. \v 16 Macashatsa pikitsinda nacó. \v 17 Makemitsa pikitsinda irsonda lriipana lrico; makemitsa pikinda iino, corrin tskja lrirsodalri, corrin tsakja lrirsodarro, corrin tsakja lridejishopa buey, corrin tsakja lriborron, o coandalricatsa njaji lrirsonipe.''

20/18.txt

@@ -0,0 +1 @@
+\v 18 Pjiomi njaji inaiki nacapa jliaji caolri kjaidadalri njite eeno iperronialre, njemi tsakja trompeta imaolrena, nacapa tsakja itacati imotocawa lrioya jliaji jiipana. Niini nacapa cádanacon, nafiowa, natetjewa njite teecotsa neema lrioya. \v 19 Naaco Moise irso: ''Picaitenaotsa femi coajica, njite fepaotsa coanjica picaiteca warso; corrin wataita femica caacoca Dio, ima femi cadantjani icaamitsa mayamica fa.'' \v 20 Mitsa Moise iaco narso njaji inaiki: ''Mafietacatsawa, ima Dio inoca waikjaolre lriwí-carro faa, wafió-carro lriiwana yaamí-carro wanaitjaca maatsi.'' \v 21 Niini njaji inaiki neemawa teecotsa lrioya, mitsa Moise itsoomita jliaji cadaocadalri Dio iwapalri niini.

20/22.txt

@@ -0,0 +1 @@
+\v 22 Njite Dio icaite Moise irso: ''Cayoatsa picaite njaji iraelitanai: ''Shatsa icapa coajica caacoca Njoa irso eeno lrikjoite. \v 23 Manaitjatsa irsowao idolonai Nooya inaitjanda owirro shó, palrata shó tsakja.

20/24.txt

@@ -0,0 +1 @@
+\v 24 Inaitjaotsa Norso altar nashotsa njaji jalredaoca lricoperri, inocarroatsa Norso maaficalri nanaco ofrenda imjaitaji, ofrenda iofácarro matsia yapiyawaaca, oveja njite buey tsakja. Nonaitjaotsa matsia irso akjerrecawajle catsa ioma iwaadaca njoa inaitjá carro matsia Noipitana nacó. \v 25 Norrocoatsa ikjaolre njite nonaitjacaotsa irso matsia. Jiipada sho cadaa inaitja jliaji altar, mamatsietatsana idejishopa shó, ima imatsieta cadaana, corrinatsa matsiá carrocan. \v 26 Corriotsa inaitjá carroca jirracarrona lrinaco jliaji No-altarni; wadentja iñjataca idaki lrinaco.''

20/title.txt

@@ -0,0 +1 @@
+Capítulo 20 (Njaji die yaacoti kjaidaperri)

21/01.txt

@@ -0,0 +1 @@
+\c 21 \v 1 Icatsa njaji yácoti kjaidaperri picadalriotsa narso:

21/02.txt

@@ -0,0 +1 @@
+\v 2 Iwenta cadaa pada hebreo-tairri irsodalri carroni, sei walria watsa lridejica irso, njite siete walria nacó icaamitsaotsa yaamica irsodalricani, lritaita lriaca lriminalri ioya, njite corritsa coca lricaoñaca niini. \v 3 Mainoite cadatsani, lrimotoatsa jliwacatsa; mitsa cainoite cadaani, lriinoi imoto tsakjaotsa lriinai. \v 4 Njite lriminalri cadaa jliaji yaa lrinoa, njite keenipeno lrirso atsia o iinarro, rsoaji lriino njite njaji lrienipe lriminalri iyapecana, niini lrirsotsa lrimotocawa jliwacatsa.

21/05.txt

@@ -0,0 +1 @@
+\v 5 Mitsa jliaji lrirsodalri icaite cadaa: ''Nopeyoentsa nominalri, noino njite njaji noenipe; corritsa noá carroca ajajiteji,'' \v 6 niniotsa jliaji lriminalri lrirsotsa lrideecani Dio ikjaolren, njite lricadaa jlieni pantinomakja nacojle lritoda carro jolromi jlieni. Niniotsa corrinatsa yamí carroca lridejica lrirso.

21/07.txt

@@ -0,0 +1 @@
+\v 7 Ape ivende cadaa lriito narso-darro carrono, corriotsa romotó carroca lrioya jliaji rominalri nacayosho njaji atsianai. \v 8 Njite corri cadaa matsiano lrirso jliaji iwentalrino lriinowa, lritaita lricadaacano nawentá carrono lrioya, mitsa corrin lritaita lrivendeeca narso njaji apaanatsa inaiki, ima corricatsa matsiaca lrinaitjacano cayoji lrinaitja capishono.

21/09.txt

@@ -0,0 +1 @@
+\v 9 Lricadaa cadano lrirri jitá carrono lriinowa, lrirsotsa jlipacano cayoji lriito capoishono. \v 10 Njite jlita cadaa apama lrinowa, corrin lritaita lrimenataca rooya roijaope, rotsayani, lrirsotsa lrimaaca tsakja roinai. \v 11 Mitsa corri cadaa lrinaitja njaji madalrida yácoti, icamitsaotsa matsiaca rsoaji ínarro, rotaita roaca lrioya njite corrin rocaoña roá-carro njiteo.

21/12.txt

@@ -0,0 +1 @@
+\v 12 Coca cadaa iñaa kjaida ápe njite mayamini lrikjaote, jliaji iinocadani lrirso tsakja mayamicani. \v 13 Mitsa lriino cadaani corri cadanatsa lriomacalreca, niniotsa nomatsietaotsa lripia pafe lriacawa lridawaacawa. \v 14 Pada iinocadaa lricodapidalri ima lrinaitjaca cayoji lriwaopia capisho lrinaco, irsotsa jipacani, iinó carroni, corritsa coadaca lria cadawa lriemawa Dio ialtar icodapi.

21/15.txt

@@ -0,0 +1 @@
+\v 15 Coandalri cadaa iñaa jlinirri o jlidoa cadaa lrirsotsa mayamican. \v 16 Coca cadaa jipa jidati ricó pada inaiki lridawá carroni njite lrivendeeni, o naoketa cadaa jliaji inaiki lriipana lricó, jliaji inaiki inaitjacada cayó lrirsotsa mayamicani. \v 17 Coca cadaa imotoita yácoti matsidalri lrinirri ikjoete o jlidoa ikjoete, lrirsotsa mayamicani.

21/18.txt

@@ -0,0 +1 @@
+\v 18 Nainoaca cadawa njaji atsianai njite ape iinocada lricoema jiipada shó o lricaapi shó, mitsa corrin mayami jliaji lriinonda, mitsa corrin lritaita lriemacawa; \v 19 njite lridia matsiani tamjia, njite lriemajiwa lripjeco nacó, jliaji atsia iinocadamni lrirsotsa lricaoñaca lrirso njaji jalredoaca corri capoa lritaita lridejica, njite lricaoña tsakja lrirso matsiá carroni a kjerreca matsiani. Niniotsa corriotsa caikjaolrenaacani lrikjaote.

21/20.txt

@@ -0,0 +1 @@
+\v 20 Pada atsia iinocada lrirsodalri lripjeco shó njite mayamini lrikjaote, jliaji atsia, irsotsa jirrapiteetacani. \v 21 Mitsa caafi cadaa jliaji lrirsodalri padaa o yamadaa, corrinatsa jirrapiteetá carroca jliaji lriminalri ima lriwentandacani lrirsowao.

21/22.txt

@@ -0,0 +1 @@
+\v 22 Nainoaca cadawa njaji atsianai njite nañaa aapama ínarro kewedan-darro njite ropeeco roenipe lrikjaote, mitsa corrin coaji cantjano, jliaji atsia caikjaolrenaadalri lrirsotsa lricaoñacano coajica cadaa lricaiteca lrinaco jliaji roinirri, niini lrirsotsa lricaoñaca coshoca nacaiteca njaji icaitecape naacona njaji inaiki. \v 23 Mitsa matsinaa cadaano, niniotsa pjiaca yají coajica, lrirsotsa lricadaaca lricafica pada icafica ikjaote, \v 24 lritjí, pada itjí ikjaote; lrietsa, pada yétsa ikjaote; lricaapi, pada icaapi ikjaote; jliipa, pada jiipa ikjaote, \v 25 pada imjaita cadaa pada, narso tsakja namjaitacani, lriyá cada pada, narso tsakja nayoá cani, lriino cadani amolreni, narso tsakja nainocani aamolreni.

21/26.txt

@@ -0,0 +1 @@
+\v 26 Pada iino cada witsami lrirsodalri o lrirsodarro itjí, icaamitsa lrirsotsa lricadaaca lriáca lrioya ima lrimatsicaca lritjí. \v 27 Jlita cada lrirsodalri o lrirsodarro yétsa, icaamitsa lrirsotsa lricadaaca lriáca lrioya ima lrimatsicaca lrietsa lrioya.

21/28.txt

@@ -0,0 +1 @@
+\v 28 Apana buey itoda cadaa lritsowa shó ape atsia o apama ínarro, irsotsa iinoca jliaji buey jiipada shó, corrin itaita injaca lriipe; njite corrin coca lrikjaolrena jliaji lriminalrim. \v 29 Mitsa caidalri cada piatsa lritodaca njaji inaiki lritsowa shó oopi ricotsa, njite nacaite lriminalri irso, njite corrin lricorrarratani, njite lriino cadaa pada atsia o ínarro cadaa, inoatsa jliaji maaficalri jiipada shó, njite jliaji lriminalri lrirso tsakja mayamicani. \v 30 Mitsa jliaji buey iminalrim, lritaita cadaa lricaoñaacacawa wadee nainocani, lrirsotsa lricaoñaca coshoca natatjaca lriinai njaji icaitecape naacona.

21/31.txt

@@ -0,0 +1 @@
+\v 31 Jliaji buey, lritoda cadaa pada yénipe o lriito, jliaji buey iminalri lrirsotsa lricaoñaca cayoji lricaite capisho jliaji yácoti kjaidadalri lrinacoapana. \v 32 Jliaji buey, lritoda cadaa pada narsodalri o narsodarro, jliaji buey iminalri lrirsotsa lricaoñaca trentaita sho moneda palraata, njite lrirsotsa lriinoca jliaji maaficalri jiipada shó.

21/33.txt

@@ -0,0 +1 @@
+\v 33 Ape atsia jica cadaa paapji oniapji njite corrin lriita matsia lrinomafe, njite apana buey o apana borro jiwa lri-ricoda, \v 34 jliaji jicacada oniapji lrirsotsa lricaoñaca lricoadao jliaji maaficalri. Lrirsotsa lriaca palraata lrirso jliaji maaficalri iminalri, njite jliaji maaficalri mayamdalrim lriyadacani jliaji icaoña cadani.

21/35.txt

@@ -0,0 +1 @@
+\v 35 Pada ibueyni iinocada ape ibueyni, njaji yamadade narsotsa navendeca jliaji apana iinocadani, njite naaca narsowaaca lricoada, narso tsakja naaca narsowaaca jliaji buey mayandalrim. \v 36 Mitsa caidalri cada piatsa lritodaca njaji inaiki lritsowa shó oopi ricotsa, njite nacaite lriminalri irso, njite corrin lricorrarratani, jliaji lriminalri lrirsotsa lriaca apana buey lricoadawa, njite jliaji maaficalri mayamni lriaca lrirso jliaji caikjaolrenaalri.

21/title.txt

@@ -0,0 +1 @@
+Capítulo 21 (Yácoti kjaidaperri nanaco njaji narsoperri)

22/01.txt

@@ -0,0 +1 @@
+\c 22 \v 1 Ape iñaito cadaa apana buey o apana oveja, njite lriinoni o lriwendeni, niniotsa lrirsotsa lridietaca cincona buey apana icoada njite coatrona oveja apana oveja ocoadao. \v 2 Naoketa cadaa pada keñaitedalri lrimatsiketaca jliewá-carro, njite nañaacani o nainoni lrikjaote jliaji lrinaitjalri, corriotsa camatsicanaa carroca jliaji iinocadani. \v 3 Mitsa jaalrecadaa lriicao, niini dekja narsotsa njerrapiteetaca jliaji iinocada jliaji keñaitedalri. Njite jliaji keñaitedalri lrirsotsa lricaoñaca jliaji lriñaitolri, njite corricadaa lrirso lricaoñashopa, narsotsa nawendeecani coshoca nacoada njaji lriñaitolri. \v 4 A cada jliaji maaficalri caafitsa lriipana lrico, buey cadaa, borro cadaa, oveja cadaa, lrirsotsa lricaoñaca yamapiape lricoadawa.

22/05.txt

@@ -0,0 +1 @@
+\v 5 Ape idee cadaa njaji lrivacan naiñjá-carro paapji malritsiapji ricó o lrikinkerre ricó, mitsa corrin lriwapaca njaji lrivacan njite naiñjaca ape ivacaapjirre lricotsa, jliaji vaaca iminalri lrirsotsa lrimatsietaca lricoadawa nasho njaji matsiaperripja lrirsolri lrivacaapjirre ricó o lrinikerre ricó.

22/06.txt

@@ -0,0 +1,2 @@
+\v 6 Pada iwaca cadaa tiyé njite jliaji tiyé lriawa njite lrimjaita paniati iinaca, paniata ipananaa, paniapji 
+walriapjipe o lrimjaita pjiomina, jliaji imjaitacada lrirsotsa lricaoñaca jliaji lrinaitjalri.

22/07.txt

@@ -0,0 +1 @@
+\v 7 Ape icadaa cadaa lripalraatani o lriyarroaji lricodapidalri iwapá-carro lrirsonjite nañaito lrioya lriipana lrikjoite, njite naoketa cadaa jliaji inaitocadan, jliaji keñaitedalri lrirsotsa lricaoñaca yamapiape lricoadawa jliaji lriñaitolri. \v 8 Corri cadaa naoketa jliaji keñaitedalri, jliaji panti iminalri irsotsa iacawa naikjaolre njaji icaite caperri naacona nacapá-carro jliacatsa iñaito lricodapí dalri iyárro. \v 9 Coadalri catsa imatsicanaati ikjaote, buey cadaa, borro cadaa, ovejacadaa, tsaaya cadaa o coandalri catsa iñaawa njite pada icaite lriljaote: ''Noyadaca jliaji.'' Yamadape narsotsa naacawa naikjaolre njaji icaitecape naacona. Coca cadaa naokjeta imatsicanaa njaji icaitecape naacona, lrirsotsa lricaoñaca yamapiape lricodapidalri irso.

22/10.txt

@@ -0,0 +1 @@
+\v 10 Ape atsia icada cadaa lricodapidalri irso apana borro, apana buy, apana oveja o coajidalricatsa maaficalri lriwapá-carrotoa lrirsoni, njite jliaji maaficalri lriá mayamini o pokjoncani o nañaitocani njite corrin coca icapan, \v 11 yamadape narsotsa nanaitjaca yácoti ajádalri shó Dio ipeyajle, nacaitecawa corricatsa coca nanakjoite iñaito jliaji nacodapidalri iyárro nacó. Jliaji naminalri corriotsa lriomá-carro nacoadawa lriinai, njite jliaji nañaitolri ioya corriotsa lridietá carroca nacoadawa. \v 12 Mitsa nañaito cadaa lrikjaolrena, lrirsotsa lricaoñaca lricoadao lrirso. \v 13 Njite caiñjacana cadaa lrikjaolrena jliaji maaficalri, njite lrirso pada icapacada lriinai. Corriotsa lricaoña carroca lrikjaote jliaji cañjacanaalri.

22/14.txt

@@ -0,0 +1,2 @@
+\v 14 Ape jita cadatoa lricodapidalri iinai ípirra njite
+pokjoncani lrikjaolrena njite mayamini corri cadanatsa lriminalri icapan, jliaji caikjaolrenalri lrirsotsa lridietaca lricoadawa. \v 15 Mitsa lriminalri jliaji maaficalri icapacadaatsa, corriotsa lricaoñá-carroca lricoadao; lridee cadaa piani lridejicalre icoadawa, icaamitsa lricaoñaca lridejicalre nacó.

22/16.txt

@@ -0,0 +1 @@
+\v 16 Ape atsia ipeyoaca cadaa apama ínarro corri-darro toa jiyapawa ape iapiya, njite lridakita roapiya, lrirsotsa jlitaca lrinoano njite lrirsotsa lricaoñaca rocoadawa cayji nacaite capisho. \v 17 Mitsa corri cadaa rsonirri ioma lriacano lrirso jliaji iomacadano, lriaji atsia lrirsotsa lricaoñaca palraata sho coshoca lricoada jliaji rodaki corridalri piatoa yají atsia.

22/18.txt

@@ -0,0 +1 @@
+\v 18 Corriotsa icadaacarroca caafi rsoaji malrirri. \v 19 Coca cadaa idakita maaficalri iapiya, lrirsotsa mayamican.

22/20.txt

@@ -0,0 +1 @@
+\v 20 Coca cadaa iino maaficalri padatairritsa dio lrioya jliaji wa-Minalri, narsotsa mainocani. \v 21 Corriotsa itaita imatsiketaca jliaji pada jiipai nacoda, corrin tsakja itaita jirrapitetaca, ima cayo pia tsakja shá njepaite ricojle njaji Egipto lricope.

22/title.txt

@@ -0,0 +1 @@
+Capítulo 22 (Yácoti kjaidá-perri caikjaolrenaa cadaa pjaa)

manifest.json

@@ -250,6 +250,46 @@
 		"19-03",
 		"19-07",
 		"19-10",
-		"19-12"
+		"19-12",
+		"19-14",
+		"19-16",
+		"19-19",
+		"19-23",
+		"20-title",
+		"20-01",
+		"20-04",
+		"20-07",
+		"20-08",
+		"20-12",
+		"20-15",
+		"20-18",
+		"20-22",
+		"20-24",
+		"21-title",
+		"21-01",
+		"21-02",
+		"21-05",
+		"21-07",
+		"21-09",
+		"21-12",
+		"21-15",
+		"21-18",
+		"21-20",
+		"21-22",
+		"21-26",
+		"21-28",
+		"21-31",
+		"21-33",
+		"21-35",
+		"22-title",
+		"22-01",
+		"22-05",
+		"22-06",
+		"22-07",
+		"22-10",
+		"22-14",
+		"22-16",
+		"22-18",
+		"22-20"
 	]
 }