Compare commits
48 Commits
9a3cf1456b
...
6e747a4d3d
Author | SHA1 | Date |
---|---|---|
|
6e747a4d3d | |
|
2cff8a9307 | |
|
ce7dea1158 | |
|
92edad2325 | |
|
3f0a0bae0e | |
|
07e23dc153 | |
|
05dbc98294 | |
|
49cc079132 | |
|
9f294eae6e | |
|
0f3588678e | |
|
9e86a8cfa4 | |
|
be5dc8423d | |
|
8fc273cea1 | |
|
e8acfa50ac | |
|
371c826cc1 | |
|
71876f961c | |
|
92b1a0616d | |
|
a4a3ff4f78 | |
|
90ac67ca36 | |
|
5b4caa75c4 | |
|
5abd1b8e1f | |
|
f4aa26cffe | |
|
f3b58ba901 | |
|
029d252103 | |
|
cd9aabd613 | |
|
e5d34d0396 | |
|
e196a27d32 | |
|
a3213a78a7 | |
|
918e33887f | |
|
14c6ab98bc | |
|
e5721a3934 | |
|
296defbaba | |
|
c4970faf48 | |
|
71daf41a3a | |
|
e85de10032 | |
|
7d325f6cf8 | |
|
8ea2a730f1 | |
|
1c96490962 | |
|
3f28ab415e | |
|
56caede83d | |
|
5b4b17642d | |
|
0277fa24f2 | |
|
78127c38a2 | |
|
132bd73c3e | |
|
1939d821b7 | |
|
016b2c8b37 | |
|
e0821a48cb | |
|
a87f1db49c |
|
@ -0,0 +1 @@
|
|||
\c 33 \v 1 JLIAJI IMINALRITI iaco Moise irso: ''Warsa pjena piawa naapiya njai inaiki pjitaji Egipto jipaite lrikjoite. Yaawa lrinacojle jliaji jiipai nocaiterri pia yácoti ajádalri sho Abraham irso, Isaac irso njite Jacob, nocaite cádanaco narsó: ''Nocaite cádanaco Noacaotsani narsi njaji pinakjoité-perri.'' \v 2 Nomeenacaotsa Noajeleni ipeyajle, njite jlitacaotsa njepaite ioya njaji cananeonai, amorreonai, hititanai, ferezeonai, heveonai njite njaji jeboseonai. \v 3 Yaawatsa lrinacojle jliaji jiipai matsiadalri, matsiacawa pataoñaca vaaca, njite capanianacawa tsakja. Corriotsa Noácarroca iinai, ima tarraperrica jiwida lricoca shá. Noino daotsa shaa inipolricó.
|
|
@ -0,0 +1 @@
|
|||
\v 4 Njaji inaiki njemi cádanaco njaji yácoti inonaperri, inonaana njite corrin njeeta nanacoa patjepi. \v 5 Dio iaco pia Moise irso: ''Picaite narso njaji iraelitanai: ''Tarrá-perrica jiwidalrico-ca sha. Noá cadantja ínai caidatsaji, Noinontja shá. Niini panaya jita yoyawa ipatjepi nowaopia- carro coajicaotsa nonaitja yaapiya.'' \v 6 Niini njaji iraelitanai corrin njeeta nanaco patjepoi shoperri Jiipana Horeb nakjoite.
|
|
@ -0,0 +1 @@
|
|||
\v 7 Moise inaitja pada pana pantita pemajle lrioya jliaji naofacawa, teeco lrioya. Lricadaa lriipitanao, panti nawacaaca carrodao. Pjiomi njaji itatjcape Dio iinai coca catsa naawa lri-ricoda jliaji pantipoco, teecodalri naoya. \v 8 Moise yaa cádanacoa lri-ricoda jliaji pantiita, pjiomi njaji inaiki na neemawa pantita ipananoma lricojle, nacapa Moise irso a kjerreca jlienawa pantita lricó. \v 9 Moise sheewa cadanaco manawa lri-ricoda jliaji pantida, pada iyadaoca jalripadalri yorroco manawa pantida ipananoma iicao, njite caacoca Dio Moise iapiya.
|
|
@ -0,0 +1 @@
|
|||
\v 10 Njite njaji inaiki nacapa cádanaco mana jliaji iyadaoca pantida ipananoma iicao, njenico manawa naacarro matsiadalri lrirso nacoanaa. \v 11 Caaco cádanaco mana Dio Moise yaapiya nacapaaca manawa nakjoete waaca, cayoji caaco capisho pada lrikitsindaji yaapiya. Njite Moise idia manawa naofacawa lrico toa, Mitsa jliaji lrirsodalri Josué, Nun irri, pada yempetitoa, lriofa manawa lri-ricoda jliaji pantida.
|
|
@ -0,0 +1 @@
|
|||
\v 12 Moise iaco Dio irso: ''Pjimi norso, cayo pia picaiteca norso: ''Pidee njaji inaiki piinaiwa,'' Mitsa corrin picaite njoa cocacaotsa pimeenaca yaawa noinai. Njite picaite, ''Noajintsa pjia matsia, matsia Nocapaca pjia.'' \v 13 Matsia cadaa picapaca njoá, picañjata nocapa Piapowa notaitá-carro pja noajica Pjia njite matsia-carro minitsa picapaca norso. Njite piwaopia pinaikite aimadan-ca njaji.
|
|
@ -0,0 +1 @@
|
|||
\v 14 Njite Dio sheepani: ''Njoá tsaotsa yaawa piinai, njite Nocadaotsa piwafetá-carro.'' \v 15 Noise iaco Dio irso: ''Corri cadatsa Pjiatsa yaawa wainai, mjetatsa fa ajaiteji. \v 16 Ima corri cadaa pjiatsa wainai, ¿coajintja noají njite njaji pinaikite aimadan yaji watsa matsia catsa fa pipeyajle? Pino cadatsa wainai niniotsa wataita teecojleca fáa naoya njaji apaana inaiki jalredaoca lricoperri.''
|
|
@ -0,0 +1 @@
|
|||
\v 17 Wa-MInalri iaco Moise irso: ''Nonaitjeniotsa jliaji pitatjalri noinai, matsia capoa nocapaca pirso, njite Noají capoa matsia pjia.'' \v 18 Njite Moise iaco Lrirso: ''Pinaitja matsiacalri picañjata nocapa pimatsiaca melremelredalri.''
|
|
@ -0,0 +1 @@
|
|||
\v 19 JLIAJI IMINALRITI iaco: ''Nocadaotsa jliyapawa pipeyajle jliaji kjena shopa nocapaca shá, njite Nocaiteotsa jimi noipitana ''IMINALRITI'' pipeyajle. Kjenaa watsa Nocapaca lrirso jliaji Nomanda nocapaca kjenaa irso, corriotsa nonaitjá-carroca maatsi lrirso jliaji kjenaadalritsa Nocapaca irso. \v 20 Mitsa wa-Minalri iaco lrirso: ''Corriotsa picapá carroca noecoa, corritsa cafí carroca jliaji icapacada Njoa.''
|
|
@ -0,0 +1 @@
|
|||
\v 21 Lriaco pja JLIAJI IMINALRITI: ''Alriji apafe Nocodapi; piemaotsa lrinaco jliaji Jiipada macádalri. \v 22 Jliyapa cadana toatsa jliaji Nomatsiaca Melremelredalri, Nocadaotsa pjia jiipada ipatakja lricó njite Noitacaotsa piicao Nocaapi shó a kjerreca Njoyapawa. \v 23 Njite Njotaotsa nocaapi pioya, niniotsa picapa nodajite, mitsa corriotsa picapa Noecoa.''
|
|
@ -0,0 +1 @@
|
|||
\c 34 \v 1 JLIAJI IMINALRITI iaco Moise irso: ''Pimatsieta yamaita jiipada nacayosho-perritsa njaji paana pia. Nodaná carroatsa nanaco njaji yácoti nodanaji pia nanaco njaaca paana pia, njaji pimakjalri. \v 2 Pimatsietaacawa piyompinaco pirrá carroatsa lrinaco jliaji Jiipana Sinai, piema carroatsa Nopeyajle Jiipana ipolricó.
|
|
@ -0,0 +1 @@
|
|||
\v 3 Madeetsa piinai pikitsindao. Macadatsa náno njaji inaiki jiipana icodapi. Corrin tsakjaotsa nataita nadeeca naapirra naiñjá-carro jiipana ikjoemjete.'' \v 4 Moise imatsieta yamaita jiipada nacayoshotsa njaji paana pia, njite lricafiawa piyompinaco toa jlirrá carroa Jiipana Sinai nacó, cayotsaji Dio inaa capisho lrinaitjaca. Moise idee njaji jiipada lricaapi ricó.
|
|
@ -0,0 +1 @@
|
|||
\v 5 Dio iorrocowa iyadaoca nacó njite lriemawa Moise icodapi njite lricaite lrirso lriipitana cayoji: \v 6 Jliyapawa lricoemjete, lriaco ''JLIAJI IMINALRITI, JLIAJI IMINALRITI jiyapawa lricoemjete njite jliemata cayoji: ''IMINALRITI, IMINALRITI, jliaji Dio kjenaitetsa icapaca njite merroadalritsa, merroadalritsa kjeya njite pakjandalri ipeyokjeti, corridalritsa itecojleta yaaco, \v 7 corrin Lrimaodaca lriacoam ioya naoya njaji walricomanai caidalriwetsa, jliyapeta naoya namatsicana. Mitsa corritsa Lrimaodacaca namatsicana ioya njaji camatsicanaaperri. Lricadaotsa njerrapoitaca njaji neenipe njanirri imatsicanaa ikjaote, njite neenipe yénipe nacó, njaji madalricoma njite njaji coatro coma tsakja.''
|
|
@ -0,0 +1 @@
|
|||
\v 8 Kjeya Moise iorrocoetaca jliwida jiipai nacojle lriá-carro lrirso matsiadalri. \v 9 Njite lriaco: ''Matsia cadaa picapaca norso, pjia No-Minalri, pinaitja matsiacalri pino wainai. Ajádalri tarraperrica jiwida njaji inaiki aimadan. Pjiyapeta waoya pjiomi wamatsicanaa, njite picoadata piyarropé-carro fa.''
|
|
@ -0,0 +1 @@
|
|||
\v 10 JLIAJI IMINALRITI iaco lrirso: ''Picapakje, icaminaotsa Nonaitjaca pada yácoti piapiya. Nonaitjaotsa matsiadalri macapa canadalri napeyajle njaji inaiki aimadan, corridalritsa nacapa njaji inaiki jalredaoca lricoperri.Pjiomi njaji inaiki inakjoite-perri icapaotssa jliaji Nonaitjalriotsa, ima cafainadalritsa jliaji Nonaitalri iapiya. \v 11 Pjiepaotsa jliaji Nonaalri pinaitjaca panaya. Kjeyenatsa Nopeecó-carro ipeya njaji amorreonai, cananeonai, hititanai, ferezeonai, heveonai, njite jeboseonai.
|
|
@ -0,0 +1 @@
|
|||
\v 12 Icapatsa ioyawa wadeotsa inaitjaca yaacoti naapiya njaji inaiki jiyapalriotsa niiniwa, wadeotsa nama kenakja inaitjaca imatsicanaawa naofa capoa iinai. \v 13 Mitsa, ipeecoatsa njaji altar narsolri, njite njaji jiipada caconaperri narso, ipeeco tsakjaotsa njaji Asera iemacarrona. \v 14 Corrin itaita iaca matsiadalri pada tairri dio irso, ima Njoá, IMINALRI, ''Cakerriakjé'' dalri iipitana, cakerriakje-dalrica Njoa.
|
|
@ -0,0 +1 @@
|
|||
\v 15 Niini icapatsa ioyawa wadeotsa inaitjaca yaacoti naapiya njaji inaiki jalredaoca lricoperri, ima cayocana nacayosho njaji cawilreperrim narso njaji nadiote aimadan njite nainoacawa mayami nadiote irso. Njitenantja nainaica shá iñjá carro-nainai lrinakjoite jliaji nainonda nadiote irso, \v 16 njite jita tsakjantja irrinowa naitonaipe njite cawilre tsakjantja njaji itonaipe nadiote irso, njite nama tsakja cawilreca njaji yénipe nadiote irso aimadan. \v 17 Manaitjatsa irsowawa idiotewa inaitjaji icodoetanda tsipalra shó.
|
|
@ -0,0 +1 @@
|
|||
\v 18 Corriotsa imaodacá carroca lrioya jliaji Icatimataaca-cawa lrioya jliaji iñjacawa Petje Meewi-perritsa. Cayotsas nonaa capisho pjia, siete jalredaoca watsa iñjaca peetje mewiperitsa jlinaana lricó, keerri Abib nacó, ima keerri Abib naco piaca imotowa Egipto lrikjoite.
|
|
@ -0,0 +1 @@
|
|||
\v 19 Pjiomi njaji jiicolriotsa iinaita Noyaapecana, coshoca njaji vaaca, buey njite oveja tsakja. \v 20 Njite jliaji borro yénipe initacana imotocawa irsotsa iwentacani apana cordero shó, mitsa corri cadaa icaoña lricoadawa, iesotsa ipokjontaca lrinorsiapji. Irsotsa icaoñaca nanaco njaji yénipe pjerritinaipe. Corrin coca itaita ínoca Noderse lricaapi yápiyatsa.
|
|
@ -0,0 +1 @@
|
|||
\v 21 Sei jalredaoca watsa ideji, Mitsa iwafetawatsa siete jalredaoca nacó. Imoyeta cádanaco jiipai o imiwa cádanaco ipania, irsotsa iwafetacawa. \v 22 Irsotssa iwadaca jliaji Icatiimatacawa inita cádanaco iniwaca ipania trigo, njite iwayaketa cádanacoatsa iniwaca ipania pawalria iwayaca cádanaco.
|
|
@ -0,0 +1 @@
|
|||
\v 23 Pjiomi njaji atsianai, narsotsa nánoca Nopeyajle, Njoa IMINALRI, na-Diote njaji Iraelnai, madalripia watsa pawalria nacó. \v 24 Nodewatsa njaji inaiki aimadan pacoa nacope pipeyajle njite Nomacaiteca jipaite jinaana. Corriotsa coca ioma sheewaca jipaite ricó ino cádanacoatsa Noikjaolre, Njoa IMINALRI Dio, Madalri pia watsa inaitjaca pawalria nacó.
|
|
@ -0,0 +1 @@
|
|||
\v 25 Corrin itaita iaca Norso neerrana naco njaji maaficalri inoji Norso mojloi fie, Corrin itaita icadaaca lritem jliaji ipeti iñjanda Iwacaaca carroa lrico Pascoa lricó tewaijle icaona. \v 26 Ideotsa Noopana lricojle nanakjoite njaji ipanai iinaca matsiaperri initaji iniwaca. Corrin itaita iyanaca cabra yenipe jlidoa inia nacotsa.''
|
|
@ -0,0 +1 @@
|
|||
\v 27 JLIAJI IMINALRITI iaco Moiose irso: ''Pidana njaji yácoti, ima Njoatsa icaite njaji yácaoti ajádalri shó Nocaiterri, njite Nonaitjaca pada yácoti piapiya njite Irael yapiya tsakja.'' \v 28 Moise iofaa Dio iinai nirse coarenta jalredaoca njite coarenta deepi; corrin tsoo lriñjaca corrin tsakja lrírra ooni. Lridana nanaco njaji jipadaita njaji yácoti nanaitjashopa yácoti, njaji die yácoti Panaitjaope.
|
|
@ -0,0 +1 @@
|
|||
\v 29 Moise idia cádanaco iorrocoa Jiipana Sinai nakjoite naapiya njaji yamaitade nerrocawa njaji yácoti nanaitjashopa yácoti lricaapi ricó, corrin lrianjí cacanalreca lriecoa nacó caaco cayami Dio yapiya. \v 30 Aarón njite njaji Iraelitanai nacapa cádanaco Moise, cacanalreca lriekjoa nacó, corrin naoma natsomitacani nafio capoa lriiwana. \v 31 Mitsa Moise iwana Aarón njite njaji iraelitanai jiwidaapo naacarro lrikjaolre. Njitew caacoca Moise napiya.
|
|
@ -0,0 +1 @@
|
|||
\v 32 Njitena pjiomi njaji Iraelnai aimadan naawa Moise iderse, njite lricaite njemi njaji yácoti nanaitjaope Dio icadaji Jiipana Sinai nacó. \v 33 Yaami cayami caacoca Moise naapiya, lrirroeta pamaca yamacati lriecoa nacó.
|
|
@ -0,0 +1 @@
|
|||
\v 34 Moise iaca icoam Dio ipeyajle caacó-carro Lriapiya, jlita mana lrioyao jliaji yamacati lriecoa nacoda akjerreca lrimoto njitewa. Lrimoto cádanaco lricaite narso njaji iraelitanai cocaca Dio inaa lricaiteca narso. \v 35 Iraelitanai icapa cádanaco melremelreca Moise iecoa nacó, lriita mana lriecoa yamacati shó tsenakja akjerreca lridia jliewawa caacócarro Dio yaapiya tsenakja.
|
|
@ -0,0 +1 @@
|
|||
Capítulo 34 (Walripe jipadaitape nadanacawa njaji yaacoti kjaidaperri)
|
|
@ -0,0 +1 @@
|
|||
\c 35 \v 1 Moise iwaketa pjiomi njaji Irael poco, lriaco narso: ''Icatsa njaji yácpti wa-Minalri inaalrica inaitjaca. \v 2 Irso sei jalredaoca idenjí-carro, mitsa siete jalredaoca nacó, sábado lricó, ikatsa jliaji shenitandaca iá-carro matsiadalri Dio irso, iwafetpa-carro. Cocacadaotsa idenjí lri-rcoda jalredaocaca irsotsa icadaaca mayamini. \v 3 Corriwatsa itaita iwacaca tiyé iipana lrico iyanácarro iipana lrico lri-ricoda jliaji jalredaoca iwafeeta carroda lricó.''
|
|
@ -0,0 +1 @@
|
|||
\v 4 Caaco Moise narso pjiomi njaji Iraelitanai poco, lriaco narso cayoji, icatsa njaji DIo inaalri wanaitjaca. \v 5 Pjiomi shá pomená-perri icaolre ricó, idee ofrenda wa-Minalri irso, owirro, palraata, bronce, \v 6 yamacatí jipolremape, amolre-perri, njite maaficalri íyo írraiperri, njite jérriwaikja matsiaperri; cabra itsicolre tsakja; \v 7 carnero íyam idatanda írraidalri, maaficalri íyam matsiaperri, jaico acacia, \v 8 kerosen lampara ítadao nacanashopa Dio iipana lrico, pomeníperri aceite icaonawa naaroshopa nañjetashopa, njite incienso pomeníperri, \v 9 jiipada ónice, njite paana pja jiipada cacoada perri nerroetaope sacerdotenai itsayan icóda nacópe.
|
|
@ -0,0 +1 @@
|
|||
\v 10 Pjiomi njaji atsianai cayecaperri nanoatsa nanaitjá-carro njaji Dio inaalri shá inanacó, \v 11 jliaji panti iwacaaca carrodawa lritapje yaapiya, lriwaiwa, njepaaca carronao, jaico nerrocawao, napjee, tipjí, topji yema-carronao; \v 12 jliaji patowa njite njaji jaico pawakje carronao, jliaji lripanaita iinocawa maaficalri imatsicana ikjaote nite jñiaji yamacati iitacada naofacawa lricó.
|
|
@ -0,0 +1 @@
|
|||
\v 13 Nadee jliaji mesa nasho njaji jaico pawakje shopani, pjiomi njaji lrinacó-perri, njite peetje icaitecada niinica Dio; \v 14 jliaji lampara jirricona njite njaji lricaonaperri, nadee tsakja lampara njite lriitadape, \v 15 nade incienso njite njaji nawakje shopani, aceite naiñjeta shopao njite incienso pomení-dalri; nawacaaca carrodao ipananomao irrocadawa yenonjiteo; \v 16 jliaji altar namjaita carrona maaficalri nite jliaji lridaana corrarra shodalri njite njaji jaico nawakje carronaoni, nja tsakja njaji nadejishopa niini, njite jliaji ooni yárrona macaapi njite lriofa carronao tsakja.
|
|
@ -0,0 +1 @@
|
|||
\v 17 Nadee tsakja njaji cortina naita shopa lriyacalrecoa jliaji nawacaaca carrodao, njaji jaico njite nema-carronao, njite cortina lripananomao, \v 18 nadee tsakja topji nawacaaca carrodao ipananoma icaona njite lricaona jliaji lriyacalreecoa ipananoma, njite neeñadao napapishopana. \v 19 Nadee tsakja tsaya nanaitjanda matsia nadejishopa Dio iipana lricó, njaji tsaaya matsiaperri sacerdote Aarón irso njite narso njaji lrienipe nadejí-carro sacerdotenai shó.''
|
|
@ -0,0 +1 @@
|
|||
\v 20 Njite pjiomi njaji iraelitanai naawa Moise ioya. \v 21 Pjiomi njaji pomenáperri icaikre ricó nadee-carro ofrenda Dio irso nanaitjá-carro jliaji nawacaaca carrodao, pjiomi njaji nadejishopao niini, njite nanaitjashopa njaji tsaaya matsiaperri. \v 22 Naapjiomiwa, atsianai njite inaitjepe tsakja, pjiomi njaji pomená-perri icaikre ricó. Nadee nanaapapi, shentadati, caapirroti, nanaapa pocoda nacope, pjiomi nanaitjaji owirro sho nadeecana. Pjiomi njaji inaiki nadeeca ofrenda Dio irso aima shó.
|
|
@ -0,0 +1,2 @@
|
|||
\v 23 Pjiomi njaji irsocape pia yamacati jipolremaki, amolremaki, írraimaki, jérriwai matsiaperri, cabra
|
||||
itsicolre, carnero íyam nairraitanda, njite maaficalri íyam matsiaperri, nadeena. \v 24 Pjiomi njaji iomacape iaca palraata, bronce, nadeena ofrendawa Dio irso, caitsakja njaji irsocape jaico acacia nadejishopa cocacatsa, nadee tsakjana.
|
|
@ -0,0 +1 @@
|
|||
\v 25 Pjiomi njaji inaitjepe yajicape íñaca nadee tsakja njaji nañanimaca yamacati jipolreperri, amolreperri, írraiperri, naña tsakja jérriwaimaca. \v 26 Pjiomi njaji inaitjepe yajicape íñaca, néña cabra itsicolre.
|
|
@ -0,0 +1 @@
|
|||
\v 27 Njaji njewidaapo naa jiipada ónice paana pja jiipada matsiaperri nerroetaope sacerdotenai itsayan icoda nacó; \v 28 nadee pomeniajaipe, njite kerosen lamapara iitadao, aceite najetashopa tsakja, njite incienso pomeniperri tsakja. \v 29 Njaji iraelitanai nadee ofrenda Dio irso nacaolre rikjoite, pjiomi njaji atsianai njite njaji inaitjepe inaitjepe pomenáperri nacaolre ricó, nadee pjiomi njaji nadejishopa jliaji Dio inaalri nadejica Moise nakjoite.
|
|
@ -0,0 +1 @@
|
|||
\v 30 Moise iaco narso njaji iraelitanai: ''Dio iniwana Bezalel, Uri irri, Jur idakerri, Judá poco inakjoite dalri, \v 31 Njite Dio ipakjantacani Lricaolrini shó, Lriajikje shó, iyecati shó, njite pomená carroni, \v 32 lridejí-carro coandalricatsa idejikjeti, cayecadalri idejica owirri shó, palraata shó, bronce shó; \v 33 Nayoá-carro njite nacadaa jiipada njite yajicañpe idejica jaico shó matsiá, yajicape inaitjaca coandalricatsa icapacanaa nadejicalre nacó.
|
|
@ -0,0 +1 @@
|
|||
\v 34 Dio icadaa Bezalel irso njite Aholiab irso, Ahisamac irri, Dan inakjoité-perri nají-carro nacanantaca. \v 35 Lricadaa tsakjana carrapiná carrona, nadaná-carro nadejicalre ricó, nacapa canaa nacó, nanomapikja tsakja yamacatio jipolreperri, amolreperri, rraiperri njite jérriwai shó tsakja, njite yajicape íñaca tsakja. Cayeca-perri pjiomi nacó, yajicape inaitjaca nacapacana pjiomi njaji nanaitjalri.
|
|
@ -0,0 +1 @@
|
|||
Capítulo 35 (Moise icaite narso njaji inaiki aimadan coajicaotsa naofacawa)
|
|
@ -0,0 +1 @@
|
|||
\c 36 \v 1 Ikena Bezalel, Aholiab njite pjiomi njaji inaiki cayeca-perri Dio icadaji irso nayekawa nají-carro coajica nadejica pjiomi cocacatsa nadejirri niini Dio iipana lrico. Naa nirsewa ndejí-carro jliaji idejikjeti cayoji Dio inaa capisho nadejica.
|
|
@ -0,0 +1 @@
|
|||
\v 2 Moise iwana lrikjaolrewa Bezalel, Aholiab njite pjiomi njaji inaiki cayecaperri Dio icadaji irso iyecati, njaji pomenaperri icaolre ricó naacarro nanaitja jliaji idejikjeti. \v 3 Njepa Moise ioya pjiomi njaji ofrenda itraelitanai yaaji nanaitjashopa jliaji Dio iipana. Njaji inaiki nadee minitoa Moise irso na-ofrendani piyompinaco icoami nacaolre rikjoite-dalri. \v 4 Njite nano pjiomi njaji inaiki cayecaperri ideji jliaji Dio iipana, nano nadejirri njiteo.
|
|
@ -0,0 +1 @@
|
|||
\v 5 Njaji cayeca-perri iaco Moise irso: ''Njaji inaiki, aima calretsa nadeeca njaji wadejishopa wa-Minalri inaalri wanaitjaca.'' \v 6 Njite Moise inaa nayamita njai inaiki wadee nadee pjaaca ofrenda nanaitja shopa Dio iipana. Njite njaji inaiki yami nadeeca ofrenda nadejishopa. \v 7 Lricoa narsoca nwayaketa shopa nadejica jliaji nadejirri.
|
|
@ -0,0 +1 @@
|
|||
\v 8 Njite pjiomi njaji cayeca-perri nanakjoite nadeji jliaji nawacaaca carrodawa die yamacatimaca sho nanaitjaji jérriwai sho, tawalrekja neñaji jipolreperri, amolreperri, njite irraiperri sho njite nanaitja tsakja nanaco querobinai jinapjiami. Icatsa Bezalel idejicalreca, pada cayecá-dalri idejica. \v 9 Njaji yamacati-maca narso doce metro njite pamoyoa pja paita naco njawalripaca njite yamaita metro namacaiteca, Caimitsa pjiomi njaji yamacati-maca. \v 10 Bezalel iyata matsia nanacowaaca njaji cinco maca yamacati-maca, njite cayo tsakja lrinaitjaca njaji paana cinco maca tsakja.
|
|
@ -0,0 +1 @@
|
|||
\v 11 Lripapi matsia neeñada shó jipolreperri shó njewidana nacojle njaji papoco yamacati-maca, cayo tsakja lrinaitjaca njaji papoco-perri tsakja. \v 12 Cincoenta wajle lripapica njaji yamacati initacape irrocawa, njite cincoenta wanle tsakja lripapica nawayacacawa njaji papoco yamacati-maca. Niini njaji lripapi shopana matsiacana nakjoete waaca. \v 13 Njite lrinaitja tsakja cincoenta jinacolricoti owirro shó lripapí-carro nanaco lriyatá-carro njaji yamacati-maca, niini pada sho catsa pacapa pjiomi jliaji nawacaaca carrodawa.
|
|
@ -0,0 +1 @@
|
|||
\v 14 Bezalel inaitja nawacaaca carrodawa cabra íyo shó; lrinaitja once-maca namaimaca. \v 15 Trece metro njite pamoyoa pja lrinacojle paita nacó njawalripaca njite yamaita metro namacaiteca. Caiminitsa pjiomi njaji oncemaca. \v 16 Lriyata cinco maca papoco nacó njite sei maca papoco nacó. \v 17 Cincoenta wajle lripapica njewidana nacó njaji papoco, njite cincoenta wajle nacó tsakja nawayacacawa njaji papoco tsakja.
|
|
@ -0,0 +1 @@
|
|||
\v 18 Bezalel inaitja cincoenta jinacolricoti narso bronce shó lriyata shopana pada carrotsa pjiomina. \v 19 Lrinaitja tsakja yamacatimaca carnero iyam shó naijetanda iiraidalri shó njite maaficalri iya matsiaperri shó naita shopa j,iaji nawacaaca carodawa.
|
|
@ -0,0 +1 @@
|
|||
\v 20 Bezalel inaitja tsakja jaico acacia sho njaji nemetashopa jliaji nawacaaca carrodawa. \v 21 Nacoana njaji jaico narso pia coatro metro njite pamoyoa pja paita nacojle njawalripaca njite sesenta sei centimetro namacaiteca. \v 22 Nacoana njaji nerrocarronape narsoca njenacolrico nayata shopana. Cayominitsa lrinaitjaca pjiomi njaji jaico nawacaaca carrona icaona. \v 23 Cayo lrinaitjaca pjiomi nawacaaca carrodawa icaona: Ventena lripje atsialriemacawa.
|
|
@ -0,0 +1 @@
|
|||
\v 24 Bezalel inaitja palraatape sho coarenta poco neema carronape njaji ventena lripjee. Yamapocope apana icaona yemacarronawa. \v 25 Lrinaitja tsakja ventena lripje pema icaona lrirso jliaji nawacaaca carrodawa inarroema kema lrirso jliaji nawacaaca carrodawa, \v 26 njite lrinaitja tsakja palraatape shó njaji coarenta poco neema carrodao njaji lripje, yamapoco apana icaona.
|
|
@ -0,0 +1 @@
|
|||
\v 27 Njite lriwapji icaona jliaji nawacaaca carrodawa, jeerri shewa kema nacojle, Bezalel inaitja sei lripjewa. \v 28 Lrinaitja yaamana lritojiwi icaona lrirso jliaji nawacaaca carrodawa.
|
|
@ -0,0 +1 @@
|
|||
\v 29 Njaji lripje lritojiwi nacope yaamanape lricadaacana, teecope naoyawaaca napocoda naco mitsa, matsia dekja nerrocawa njewidana nacó. \v 30 Ocho namaimaca njaji lripje, njite diesisei njaipoco, yamapoco apada lripje icaona.
|
|
@ -0,0 +1 @@
|
|||
\v 31 Njite Bezalel inaitja jaico acacia shó lricoajaiwa, cincona pema icaona lrirso jliaji nawacaaca carrodawa, \v 32 cinco tsakja coajai pema icaona, cinco tsakja lriwapji icaonacawa, jeerri shewa kema nacojle. \v 33 Lrinaitja lricoajaiwa pamoyoadalri icaonada jiyapacada pjaawa lriparrema nacojle yamemape. \v 34 Lriñjeta nanaco nja coajai owirro shó. Lrinaitja njenacolrico owirro shó, yerrocawa njaji coajai jalripape njite lriñjetana owirro shó tsakjana.
|
|
@ -0,0 +1 @@
|
|||
\v 35 Bezalel inaitja njaji yamacatimaca jipolremacape, amolremaca, írraimaca njite jérriwaimaca tsakja, lrinaitja tsakja querobinai jinapjia nanacó, pada yajicadaca idejicana. \v 36 Lrinaitja coatrona napjewa njaji yamacatimaca jaico acacia shó, njite lriñjeta owirro shó. Lrinaitja coatro narropocowa palraatape shó njite coatro mawapeti nanacope njaji topjí.
|
|
@ -0,0 +1 @@
|
|||
\v 37 Lrinaitja tsakja pamaca lriitashopa lripananomao jliaji nawacaaca carrodawa, lrinaitja jipolremaca, amolremaca, írraimaca, njite jérriwai shó, pada yajicada idejicana jliaji inaitjalri. \v 38 Lrinaitja tsakja cincona lripje irsocape mawapeti, njite lriñjeta nanaco pjiomi owirro shó. Njite lrinaitja njaji cinco jliipoco bronce shó.
|
|
@ -0,0 +1 @@
|
|||
Capítulo 36 (Iraelitanai nadeeca ofrenda nanaitjá-carro Dio iipanao)
|
|
@ -0,0 +1 @@
|
|||
\c 37 \v 1 Bezalel inaitja patowa jaico acacia sho. Paita metro njite die centimetro pja lrinacojle jliwalripaca, sesenta sei centimetro lrimacaiteca njite sesenta sei centimetro lriyenonca. \v 2 Liñjeta lridajite nacó njite lriwawalrico owirro matsiadalri sho. Lrinaitja tsakja lrinomapikjawa owirro sho. \v 3 Lrinaitja tsakja coatro jlinacolricowa owirro sho njite lricadaa padape lritojiwi nacó, yamapoco pema njite yamapoco tsakja ema.
|
|
@ -0,0 +1 @@
|
|||
\v 4 Lríirra yaamana jaico acaciapo njite lriiñjeta nanaco owirro shó. \v 5 Jieta njaji jaicoapo patowa sheni naco pema, njite pema tsakja nataitá-carro nadeecani. \v 6 Lrinaitja lripanaitawa nainocawa maficalri namatsicanaa ikjaote owirro matsiadalri shó. Paita metro njite die centimetro pja lrinacojle jliwalripaca, sesenta sei centimetro lrimacaiteca.
|
|
@ -0,0 +1 @@
|
|||
\v 7 Bezalel inaitja tsakja yaamana querobinai owirro sho lriñanda martillo shó lripanaita yamaitape icaona jliaji nainocawa maaficalri namatsicana ikjaote. \v 8 Apana querobin lripanaita icaona pema nainocawa maaficalri namatsicana ikjaote, njite apana pema nacó. Irrocapetsa lrinacotsa jliaji lripanaita nainocawa maaficalri namatsicana ikjaote. \v 9 Njaji querobinai njerreta yenonrse nanapje, naitá-carro jliaji nainocawa maaficalri namatsicana ikjaote. Njaji querobinai neemacawa nakjoetewaaca njite nacapaca lrinacojle jliaji nainocawa maaficalri namatsicana ikjaote.
|
|
@ -0,0 +1 @@
|
|||
\v 10 Bezalel inaitja tsakja paita mesa jaico acacia shó. Noventa centimetro watsa jliwalripaca , njite coarenta cinco centimetro lrimacaiteca njite sesenta sei centimetro lriyenonca. \v 11 Lriñjetani owirro sho njite lrinaitja lrimomakjawa owirro sho tsakja lriecoeta nacó. \v 12 Lriinaitja tskja lrinomapianawa jliaji mesa ocho centimetro imacaiteca, irsocada owirrokja lrinomapikja nacó. \v 13 Lrinaitja coatro jlinacolrico poco owirro shó, njite lri-roetana mesa itonjiwi nacó, naacawa njaji lricawaapa.
|
|
@ -0,0 +1 @@
|
|||
\v 14 Njerroatsa njaji jlinacolrico lrinomapi nacó pataitacawa pjeetaca jaico pataita-carro padeecani. \v 15 Lrírra jaico acaciana, njite lriñjeta nanaco owirro shó nataita shopa nadeeca jliaji mesa. \v 16 Lrinaitja owirro shó njaji mesa nacope, njaji parrotoitape, nacamorriashopa, poncherapipe, taza macaapipe naarró caro njaji ofrenda.
|
|
@ -0,0 +1 @@
|
|||
\v 17 Lrinaitja tsakja lampara jirricona owirro matsiaperri shó lriñanda martillo shó. Njite lrinaitja lriema carronawa, lricawapa, lriiwi shoperri, copadape shoperri njite njaji lriwawalricoperri owirro sho. Pjiomi nerroacacawa pada shotsa. \v 18 Jliaji lampara jirricona lrirsoca lrirsoca sei lrinaapa; madalrida pema, madalrida tsakja pema. \v 19 Nacoana njaji lrinaapa narsoca madalrida jaico almendro iiwi shoperri, cawawalricoperri njite njaji lriwidape lriwawa lricoperri. Cayominitsa pjiomi njaji sei lrinaapa jliaji lampara jirricona.
|
|
@ -0,0 +1 @@
|
|||
\v 20 Jliaji lampara jirricona lrirso coatro jaico almendro iiwi shoperri, cawawalricoperri njite njaji lriwidape lriwawalriperri. \v 21 Lricadaa pia nerrocarronawa njaji lampara inaapa yamema, nayataac-cawa jlirricona nacó. Caiminitsa lrinaitjaca pjiomi nayataacacawa njaji lrinapa pjiomi niini pacapacana apana capishotsa pjiomi. \v 22 Njaji lriiwi shoperri njite njaji lampara inaapa apanacatsa pjiomina, lrinaitjanda owirro matsiadalri sho lripatsicanda martillo sho.
|
|
@ -0,0 +1 @@
|
|||
\v 23 Bezalel inaitja jliaji lampara jirricona, njaji siete lrinaapa, njaji nerrocawa njite lriparratoitalre owirro matsiaperri sho. \v 24 Trentatre kilo owirro matsiaperri sho lrinaitja pjiomi jliaji lampara jirricona njite pjiomi njaji lrinacoperri iawa.
|
|
@ -0,0 +1 @@
|
|||
\v 25 Bezalel inaitjaotsa apana altar jaico acacia shó irsocada coatro lriecoa pacoaca-perri, do mdetro njite paita pja pacaapi lrinacojle namacaiteca pacoaca, njite paita metro njite trenta centimetro pja lrinacojle lriyenonca. Njite njaji lritsowa irrocape lrinacotsa. \v 26 Lriñjeta jliaji altar namjaita-carrona incienso owirro matsiadalri shó, lriwawa lricó, lriecoa njite lritsowa. Lrinaitja pja lrinomapiwa owirro sho.
|
|
@ -0,0 +1 @@
|
|||
\v 27 Lrinaitja jlinacolricoa owirro sho njite lrirroetana lrinomapi yapjite nacó. Icatsa njeetaca njaji jaico lrinaco lrico nadeecarro jliaji altar. \v 28 Lrimatsieta matsia njaji jaico acacia njite lriñjeta nanaco owirro sho. \v 29 Lrinaitja tsakja aceite naiñjeta shopa nanaco njaji inaiki njenitanda lricaona. Lrinaitja tsakja incienso jliwacadalritsa pomenídalri, ima yajicadaca inaitjaca pomeniperri.
|
|
@ -0,0 +1 @@
|
|||
Capítulo 37 (Patowa nanaitjashopa yácoti yarrodao)
|
|
@ -0,0 +1 @@
|
|||
\c 38 \v 1 Bezalel inaitja apana altar namjaita carrona ofrenda jaico acacia shó. irsocada coatro lriecoa pacoaca-dalri irsocada coatro metro njite paita pja pacaapi lrinacojle namacaiteca pacoaca, njite paita metro njite trenta centimetro pja lrinacojle lriyenonca. \v 2 Lrinaitja buey itsowa shoperri natojiwi nacó, irrocape taimi lrinaco apana capishotsa pjiomi, njite lriñjeta lrinaco bronce shó. \v 3 Lrinaitja pjiomi njaji nadejishopa niini bronce shó, nacada carrodao palripokjoa njite njéta shopa tsakja, poncherapipe, keetsane nacapocoita shopa ipeti njite njeta shopa tiyemjen.
|
|
@ -0,0 +1 @@
|
|||
\v 4 Lrinaitja tsakja corrarra shodalri bronce shó. Njite lricada jliaji corrarra shodalri altar inomapi yapjite, lripamoyoaca nakjoite lripocoda ikjaolre. \v 5 Lrinaitja coatro poco jlinacolricoa bronce shó njite picadaa papocope lritojiwi nacó. njeta carronawa jaico.
|
|
@ -0,0 +1 @@
|
|||
\v 6 Bezalel Imatsieta jliecolrenawa jliaji altar jaico acacia shó njite lriñjeta nanaco bronce shó. \v 7 Jlieta njaji jaico altar jinaco-lrico yamema nataita shopa nadeecani. Lrinaitja jliaji altar cawawa lricolri nasho njaji jaico capatsí-perri.
|
|
@ -0,0 +1 @@
|
|||
\v 8 Bezalel inaitja tsakja paapji oniapji bronce shó njite lriofa carronawa bronce sho tsakja. Lrinaitja jliaji oniapji nacanaalre sho njaji inaitjepe idejicape lripananoma jliaji nawacaaca carrodawa.
|
|
@ -0,0 +1 @@
|
|||
\v 9 Lrinaitja tsakja yacalrecoa jliaji iwacaaca carrodawa. Njaji yamacatimaca matsia-perri jérriwai maca, irsocape coarenta coatro metro jiwalripaca. \v 10 Njaji yamacatimaca narso vente napjewa, njite vente poco nemacarronawa nanaitjanada bronce shó. Njaji jaico narso namawacawana njite njaji njenacolrico nanaitjaji palraata shó.
|
|
@ -0,0 +1 @@
|
|||
\v 11 Cayo tsakja inarroema nacojle, ninipia tsakja yamacatimáca coarenta cinco metro jliwalripaca, vente lripje, njite vente tsakja neema carropoco broncepe, narso tsakja namawa-cawana njite njenacolrico nanaitjaji palraatape shó. \v 12 Njaji yamacatimacaite jeerri shewa kemajle narsoca ventido metro njawalripaca, die topji njite die neema carropoco. Njaji namawa-cawana njite njenacolrico nanaitjaji palraatape shó pjiomina.
|
|
@ -0,0 +1 @@
|
|||
\v 13 Jliaji yacalrecoa lrirso tsakja ventido metro njite pamoyoa pja paita nacojle jérri imotokema nacojle. \v 14 Ventido metro njite pamoyoa pja paita nacojle njaji yamacati-máca jérri imoto kemajle nacojle pjewacawa lrirso jliaji yacalrecoa, madalrina lripje njite madalripoco neema carropoco. \v 15 Cayo tsakja pema pje cawa lrirso, lrirso njaji yamacati-máca sei metro perri njite sesenta centimetro pja lrinacojle, njite madalrina lripje njite madalripoco neema carrona. \v 16 Pjiomi njaji yamacati-máca lriwaipe nanaitjaji jérriwaikja matsiaperri shó.
|
|
@ -0,0 +1 @@
|
|||
\v 17 Njaji namawata carrona njite njenacojlrico nanaitjana palraatape shó, njite njaji lripje njite njaji neema carropoco nanaitjana bronce shó. Pjiomi njaji yacalreecoa ipje naiñjeta nanaco palraatape shó pjiomi. \v 18 Jliaji pjewa cawa lrirsoca ocho metro njite ochenta centimetro pja lrinacojle jliwalripaca. Nanaitjana jliaji yamacati-máca jipolredalri shó, amolreperri shó, írraiperri shó njite jérriwai nañaji shó, ocho metro njite ochenta centimetro pja lrinacojle jliwalripaca, njite yamaita metro njite paita pacaapi jliyenonca, cayotsa nacayosho njaji yamacati-máca yacalrecoa shoperri. \v 19 Lrirsopia coatro nemacarropoco nanaitjanda bronce shó, njaji njenacolrico njite njaji mawapeti nanaitjana palraatape shó. \v 20 Nanaitja pjiomi njaji yacalreecoa ipje njita nawacaaca carrodawa bronce shó.
|
|
@ -0,0 +1 @@
|
|||
\v 21 Moise inaacalre nacó njite coaji piaca Itamar, sacerdote Aarón irri idejica naapiya, njaji levitanai naniveta matsia pjiomi njaji nadejishopa jliaji Nawacaaca carrodawa, lriofacawa jliaji yácati yárroda. \v 22 Bezalel, urim irri, Hur irri, Judá inakjoitedalri, lrinaitja pjiomi njaji Dio inaalri Moise idejica. \v 23 Aholiab, Ahisamac irri, Dan poco inakjoite dalri icatsa jiaji idejirri Bezalel iinai. Icatsa jliaji idanacada nanaco njaji nadejicalre, cayekjaite, yajicada idejica nanaco njaji yamacati jipolreperri, amolreperri, írraiperri njite jérriwai nañaji shó.
|
|
@ -0,0 +1 @@
|
|||
\v 24 Pada tonelada njaji owirro naanji njaji inaiki ofrenda sho nanaitja shopa jliaji Dio iipanawa, cayotsa náwi capisho njamiñaca njaji naaji nawacaaca carrodawa icaona. \v 25 Njaji inaiki aimadan nacadaa madalrida tonelada njite pamoyoa pja pada nacojle, cayotsa náwi capisho njamiñaca njaji naaji nawacaaca carrodawa icaona. \v 26 Naniweta pjiomi njaji atsianai irsocape vente walria nakjoite, niini naniwetaca tre mil quiniento cincoenta padenirri, nacoana njaji atsianai naaca cinco gramo njite pamoyoa pja padana cojle padenirri, cayotsa náwi capisho njamiñaca njaji naaji nawacaaca carrodawa icaona.
|
|
@ -0,0 +1 @@
|
|||
\v 27 Madalrida tonelada njite treciento kilo pja lrinacojle palraatape nacodoeta jliipoco icaona jliaji Dio iipana njite njaipoco tsakja njaji yamacati-máca ípje jiipoco. Cien namaimaca njaji jliipoco, trenta tre kilo nacadaa papoco icaona. \v 28 Njite lriitepem sho, Bezalel inaitja njaji mawapeti topji nacope njite njaji njenacolrico njite lriita tsakja pjiomi njewidana njaji topji. \v 29 Njaji bronce nacadampe ofrenda shó yamada tonelada njite treciento coarenta kilo pja lrinacojle padenirri.
|
|
@ -0,0 +1 @@
|
|||
\v 30 Nasho njaji bronce nanaitja nawacaaca carrodawa jiipoco, altar bronce-dalri, lri-corrarrani, pjiomi njaji nadejishopa lrinacó jliaji altar. \v 31 Nanaitja tsakja lriyacalrecoa jiipoco pjiomi, pjewacawa jiipoco, pjiomi lripje icaona jliaji nawacaaca carrodawa, pjiomi njaji lriwaida nacope jliaji panti iyacalrecoa.
|
|
@ -0,0 +1 @@
|
|||
Capítulo 38 (Altar namjaita carrona maaficalri)
|
|
@ -0,0 +1 @@
|
|||
\c 39 \v 1 Nanaitja jliaji Aarón itsayaniwa tawalrekja jipolrekjape sho, amolrekjai, írraikjai shó neñjaji matsia lridejishopa lri-rico wajle jliaji njenitanda Dio irso. Nananaitja njaji tsaya Aarón irso lridejishopa lri-rico wajle jliaji njenitanda Dio irso, cayotsa waMinalri Inaa capisho Moise inaitjaca.
|
|
@ -0,0 +1 @@
|
|||
\v 2 Bezalel inaitja jliaji nacodamaki owirromaca, jipolredalri, amolreperri, iraidalri shó njite jérriwai nawanikja matsia. \v 3 Nañá capatsita njaji owirro njite nayoana pakjaape napapishopa nasho njaji tawalrekja jipolreperri, amolreperii, írraiperri njite jérriwai matsiakjaipe, pada cayekjeté-dalri idejicalre.
|
|
@ -0,0 +1 @@
|
|||
\v 4 Nanaitja nateda nacoda yaawa lrirso jliaji nacodamaca yameemape. \v 5 Jliaji lrirrocawa cayotsa nanaitjani nacodamaca icayoshotsa, atsa lriyataacawa lrinacotsa jliaji nacodamaca. Nanaitja jérriwaikja shó, owirro, jipolrekjaipe shó, amolreperri njite írraiperri, cayotsaji Moise inaa capisho Moise inaitjaca.
|
|
@ -0,0 +1,2 @@
|
|||
\v 6 Namatsieta matsia njaji jiipada ónice, njite nerrocawa nacó owirro shó, nadana njeepe rico
|
||||
neepitana njaji Irael yénipe doce-perri. \v 7 Bezalel irroeta njaji jiipada lritedacawa jliaji tsaya nacodamaca Dio iwaada carrotsa nanakjoite njaji Iraelnai; cayotsaji Moise inaa capisho Moise inaitjaca.
|
|
@ -0,0 +1 @@
|
|||
\v 8 Jliaji cayecadalri idejica inaitja jliaji nacoda nacóda. Lrinaitja owirro sho, tawalrekja jipolredalri shó, amolredalri, irraidalri njite jérriwaikja matsiadalri sho. \v 9 9Pacoadadalri jiwalripaca lrimacaiteca yaapiya; ventido jliwalripaca njigte cayo tsakja lrimacaiteca, yamemadalri.
|
|
@ -0,0 +1 @@
|
|||
\v 10 Nerroeta lrinaco coatrokja jiipada matsiaperri. Pakja nacó pirroetaotsa pada jiipada robí, pada topacio, njite pada esmeralda. \v 11 Yamakja nacó pirroetaotsa pada jiipada torqueza, pada zafíro, njite pada diamante. \v 12 Madalrikja nacó pirroetaotsa pada jiipada jacinto, pada ágata, njite pada amatista. \v 13 Njite coatrokja nacó pirroetaotsa pada jiipada berilo. pada ónice, njite pada jaspe. Picadaotsa nerroa narropoco lrico owirrodalri.
|
|
@ -0,0 +1 @@
|
|||
\v 14 Nerroeta njaji jiipada coajica naawa neepitana njaji Irael yénipe, coajica neepitana yaawa, nadana neepe naco njaji jiipada icaapirroti nacoda capishó. Icatsa neepitanaca njaji doce poco Iraelnai. \v 15 Nanaiotja cadenakjape lriiñadawa jliaji nacoda nacóda owirro shó. \v 16 Nanaitja yamapoco jlinacolricoa owirro shó, njite yamada nerrocawa owirro sho tsakja njite nerroetana natojiwi naco jliaji nacoda nacóda.
|
|
@ -0,0 +1 @@
|
|||
\v 17 Nerroeta yamakja cadena owirrokjape jlinacolrico lritojiwi nacoda jliaji nacodaita nacóda. \v 18 Nerroeta nanacowaaca njaji neeñada natojiwi nacope shó nerrocawa nacojle. Nerroeta njaji nateda nacope jliaji tsaya nacodamaca nacó.
|
|
@ -0,0 +1 @@
|
|||
\v 19 Nanaitja yamapoco jinacolricoti owirro shó, njite nerroetana lritojiwi nacó jliaji nacodaita nacoda, tsoomi lrinomapi ioya pacapa kema nacojle. \v 20 Nanaitja yamapoco pja jinacolricoti owirro shó njite nerroetana tjewakjete lrirso jliaji nateda nacope pacapa kema nacó jliaji nacodamaca, tsoomi lriyataaca cawa nacojle, lriiwalre iicao nañanada matsia.
|
|
@ -0,0 +1 @@
|
|||
\v 21 Nerroeta jlinacolrico nakjoite jliaji nacodamaca nacoda lriñada jipolrekjai shó, lriiwalre iicao, Nanaitja cayo wadee jliwacawa lrirrocawa ioya. Cayotsa nanaitja Dio inaa capisho Moise irso lrinaitjá-carro.
|
|
@ -0,0 +1 @@
|
|||
\v 22 Bezalel inaitja jliaji tsaya nacodamaca amolremaca sho pjiomi. Pada kayecádalri idejica. \v 23 Nanaitja lrinomao rinjeta cawa njewida. Lrirsopia lrinomakja matojledadalri nañajikja taimi wadee tserrencani. \v 24 Njite jlipoco inomapi nacó nanaitja matojledaperri jipolreperri shó, amolreperri, tawalre irraiperri njite jérriwaikja sho.
|
|
@ -0,0 +1 @@
|
|||
\v 25 Nanaitja kjemadarrope owirro shó njite nacadana napecolrico njaji matojledaperri lrinomapi nacó jlipoco naco jliaji tsaayana. \v 26 Nacadaa pada kjemádarro owirrodalri njite lripjeyatsa pada matojledadalri, caimitsa pinaitjaca pjiomi lrinomapi naco jliaji Aarón tsaayanalre. Cayotsa Dio inaa capisho Moise.
|
|
@ -0,0 +1 @@
|
|||
\v 27 Nanaitja gtsakja ipajleti jérriwai sho Aarón irso njite njaji lrienipe. \v 28 Neña tsakja pamaca jérriwi sho nañampa shopa njewida. Nanaitja tsakja narso napjitedao jérriwai shó, \v 29 Nanaitja tsakja naawalre nacoda jérriwai sho jipolreperri, amolreperi njie irraiperri. Lrinaitatja jliaji yajicada idejicani. Cayotsa Dio inaa capisho Moise inaitja ca.
|
|
@ -0,0 +1 @@
|
|||
\v 30 Nanaitja jliaji njewida nacoda naaconaoda matsiadalri owirro matsiaperri shó, nadana lrinaco, lriipe ricó cayoji, ''Mamatsicanaatsa Dio irso.'' \v 31 Napapi lripamoyoaca naco jliaji yamacati njewida nacoda pakja jipolrekjai shó. Cayotsa Dio inaa capisho Moise inaitja ca.
|
|
@ -0,0 +1 @@
|
|||
\v 32 Cayotsa nataita nanaitjaca jliaji nawacaaca carrodao njaji iraelitanai. Njaji iraelitanai nanaitja pjiomi jliaji idejikjeti. \v 33 Nanaitjatsa pjiomi njaji Dio inaalri Moise irso. Nadee jliaji nawacaaca carrodao Moise irso, njite pjiomi njaji nadejishopa niini, nerro-carrodao, nanomakjaa, napje, njeepoco; \v 34 lritapje carnero iyam irraioperri, lriwai vaaca iyam, njite lriwaiwa jliaji patowa yácoti kjaidaperri yarroda, \v 35 njite lriipana jliaji patoiwa nainocawa maaficalri namatsicana ikjaote.
|
|
@ -0,0 +1 @@
|
|||
\v 36 Nadee jliaji mesa, pjiomi njaji nadejishopa, njite jliaji peetje nacadanda Dio ipeyajle, \v 37 lampara jirricoda, lampara nanacowaacaperri njite pjiomi njaji lrinacoperri, lriitada tsakja; \v 38 altar owirrodalri, aceite naiñjetashopa nanaco, incienso pomenídalri, njite jliaji irrocadawa pantinoma nacó lrirso jliaji nawacaaca crroda lricó; \v 39 altar nanaitjanda bronce shó, njaji lridaanape, njaji nadeshopa lrinacó njite ooni yaarodana macani njite lriofá carrona.
|
|
@ -0,0 +1 @@
|
|||
\v 40 Nadee tsakja lriwaiwa lripananomao irocapetsawa jliaji yacalreecoa, nerro carronawa njite neema carronao, nadee tsakja lripananoma irrocadawa, napapishopani njite naparrá carrona inacó; njite pjiomi njaji nadeshopa nawacaaca carrodao lricó. \v 41 Nadee njaji neñaji matsia nadejishopa Dio iyarrowajle ricó, njite njaji Aarón iyapewa njite lrienipe, nadejishopa sacerdote shó.
|
|
@ -0,0 +1,2 @@
|
|||
\v 42 Cayotsa nadeji piaca pjiomi njaji idejikjeti njaji Iraelitanai cayotsaji Dio inaa capisho Moise
|
||||
inaitjaca. \v 43 Moise icapa masia pjiomi njaji idejikjeti nanaitjalri, njite nanaitja caná matsia cayotsaji Lrinaa capisho nanaitjaca, cayotsa nanaitjaca. Njité-dalri DIo icadaa iacoti matsiaerri nanacó.
|
|
@ -0,0 +1 @@
|
|||
Capítulo 39 (Natsayan njaji sacerdotenai)
|
|
@ -435,6 +435,102 @@
|
|||
"32-28",
|
||||
"32-30",
|
||||
"32-33",
|
||||
"33-title"
|
||||
"33-title",
|
||||
"33-01",
|
||||
"33-04",
|
||||
"33-07",
|
||||
"33-10",
|
||||
"33-12",
|
||||
"33-14",
|
||||
"33-17",
|
||||
"33-19",
|
||||
"33-21",
|
||||
"34-title",
|
||||
"34-01",
|
||||
"34-03",
|
||||
"34-05",
|
||||
"34-08",
|
||||
"34-10",
|
||||
"34-12",
|
||||
"34-15",
|
||||
"34-18",
|
||||
"34-19",
|
||||
"34-21",
|
||||
"34-23",
|
||||
"34-25",
|
||||
"34-27",
|
||||
"34-29",
|
||||
"34-32",
|
||||
"34-34",
|
||||
"35-title",
|
||||
"35-01",
|
||||
"35-04",
|
||||
"35-10",
|
||||
"35-13",
|
||||
"35-17",
|
||||
"35-20",
|
||||
"35-23",
|
||||
"35-25",
|
||||
"35-27",
|
||||
"35-30",
|
||||
"35-34",
|
||||
"36-title",
|
||||
"36-01",
|
||||
"36-02",
|
||||
"36-05",
|
||||
"36-08",
|
||||
"36-11",
|
||||
"36-14",
|
||||
"36-18",
|
||||
"36-20",
|
||||
"36-24",
|
||||
"36-27",
|
||||
"36-29",
|
||||
"36-31",
|
||||
"36-35",
|
||||
"36-37",
|
||||
"37-title",
|
||||
"37-01",
|
||||
"37-04",
|
||||
"37-07",
|
||||
"37-10",
|
||||
"37-14",
|
||||
"37-17",
|
||||
"37-20",
|
||||
"37-23",
|
||||
"37-25",
|
||||
"37-27",
|
||||
"38-title",
|
||||
"38-01",
|
||||
"38-04",
|
||||
"38-06",
|
||||
"38-08",
|
||||
"38-09",
|
||||
"38-11",
|
||||
"38-13",
|
||||
"38-17",
|
||||
"38-21",
|
||||
"38-24",
|
||||
"38-27",
|
||||
"38-30",
|
||||
"39-title",
|
||||
"39-01",
|
||||
"39-02",
|
||||
"39-04",
|
||||
"39-06",
|
||||
"39-08",
|
||||
"39-10",
|
||||
"39-14",
|
||||
"39-17",
|
||||
"39-19",
|
||||
"39-21",
|
||||
"39-22",
|
||||
"39-25",
|
||||
"39-27",
|
||||
"39-30",
|
||||
"39-32",
|
||||
"39-36",
|
||||
"39-40",
|
||||
"39-42"
|
||||
]
|
||||
}
|
Loading…
Reference in New Issue