Wed Feb 21 2024 12:43:23 GMT-0500 (Colombia Standard Time)

14/01.txt

@@ -0,0 +1 @@
+\c 14 \v 1 Caaco wa-Minalri Moise irso: \v 2 ''Picaite narso njaji iraelitanai aimadan nadiá-carro njapodamrsewa naacarro nemá Pi Hahirot icoenjete, Migdol njite manoá ioyawaaca, Baal Zefón icoemjete. Icatsaotsa iáca inaitja ípanaitawa lricoemjete. \v 3 Niniotsa Faraón icaiteotsa iraelitanai nacó: ''Corriotsa nají kjerreca naawa njaji iraelitanai. Oopipa manalrena jalrapocolri ricó.

14/04.txt

@@ -0,0 +1 @@
+\v 4 Notarrataotsa Faraón icaolre ricó nini lripineta caotsa shá. Naotsa norso matsiadalri lrikjaote jliaji nonaitjalri Faraón irso njite njaji lri tsolrodaonai aimadan. Njaji egipcionai nainjiwatsa Njoaca JLIAJI IMINALRITI.'' Nanaitja napanaita njaji Iraelnai cayotsa Wa-Minalri icaite capisho narso. \v 5 Nacaite cádanaco Egipto itaricanaa irso oopica napitoa njaji iraelitanai, ikena Faraón njite njaji lrirsoperri teecojlenakja nawaopiakje nakjoete. Naaco narsowaaca: ''¿matsilri pjaaca fáa, icapa coajica wacadaaca naawa njaji iraelitanai, niini cokenatsaotsa idenji warso?''

14/06.txt

@@ -0,0 +1 @@
+\v 6 Ikena Faraón imatsieta jlieco carrona njite lridee lrinaiwa njaji tsolrodaonai aimadan lrinaiperri. \v 7 lridee tsakja seiciento njecocarrofiape lriniwanaji njite paana pja njeecocarrofiape tsakja Egipto lricope, njite njaji caconaperri iawa nanaco. \v 8 JLIAJI IMINALRITI itarrata Faraón icaolre ricó, Egipto italricanaa, niini jliaji talricanaati ipinietaca njaji iraelitanai. Mitsa njaji iraelitanai namoto njiteo Dio jiida shó. \v 9 Njaji egipcionai ipinieta njaji iraelitanai na caballon nacó, njecocarrofiape, tsolrodaonai jiecocape caballo nacó, pjiomi njaji lri tsolrodaonai aimadan. Naa naoketa njaji iraelitanai ioca capetoa iofawa Manoá icoemjete Pi Hahirot icodapi, Baal Zefón icodapi-dalri.

14/10.txt

@@ -0,0 +1 @@
+\v 10 Faraón itsomita cádanaco, njaji iraelitanai njerreta nacapa yenonrse, njite nacapa egipcionai ínoca njapodam; njite nafiocawa pekirritsa, niini njemataca kjaida Dio ikjaolre njaji iraelitanai. \v 11 Naaco Moise irso: ''¿Capja corri piaca pacapa nadawa cawa pja Egipto lrico niini pideeca fa mayamí-carro fa jalrapocolri ricó? ¿Coada maatsi pinaitjaca warso pjita capoa fa Egipto lrikjoite? \v 12 Wacaitjen piatja pjia Egipto lricotoa: ''Picadaa catsa fa wadejí-carro narso njaji egipcionai.'' Matsia pja pia wadejica egipcionai irso lrioya jliaji mayamica fa jalrapocolri ricó.''

14/13.txt

@@ -0,0 +1 @@
+\v 13 Moise iaco narso njaji inaiki, ''Corrin noma ifiocawa. manitsa yeemacawa njite icapá carroatsa coajicaotsa Dio iyomjetaca shá panaya. Njaji egipcionai icapalri panaya, corrina-tsaotsa ipietá carrocaotsa icapacana. \v 14 JLIAJI IMINALRITI, JLIA watsa inoacawa ikjaote, njite shá corritsaotsa cocá-carrocaotsa inaitjaca.''

14/15.txt

@@ -0,0 +1 @@
+\v 15 Njite JLIAJI IMINALRITI iaco Moise irso, ¿pjia, Moise, coada caidapetsaji piwanaca njoa? Picaite njaji Iraelnai ná-carro napeyajlewa. \v 16 Pjirreta jliaji pjipajico, njite piñjata Manoá nacojle pjienitácarron yamema, nataitá-carroatsa nayoetaca pemajle njaji inaiki jiipai metá-dalri ricótsa. \v 17 Njite pirsotsa pianjí Notarratacaotsa nacaolre ricó njaji egipcionai niiniotsa naacaotsa shaapodami. Naawatsa norso matsiadalri lrikjaote jliaji Nonaitja-lriotsa Faraón irso, njaji lri-tsolrodaonai aimadan , njeco carrofiape njite njaji atsianai yaacapewa caballo nacó. \v 18 Niiniotsa naají Njoaca JLIAJI IMINALRITI njaji egipcionai naacadanacoatsa matsiadalri Norso lrikjaote jliaji Nonaitjalri Faraón irso, narso njaji njeco carrofiape njite narso njaji atsianai yácape caballo nacó.

14/19.txt

@@ -0,0 +1 @@
+\v 19 Jliaji Dio iageleni, njite jliaji tiyé jalripadalri yálriwa napeyajle njaji Iraelnai icarsawa njiteo lriá carroenakjawa njapotjete. \v 20 Lriawa naoyawaaca njaji Iraelnai njite njaji egipcionai. Iyadaoca cadaoca-dalrica narso njaji egipcionai, mitsa camarraicani deepi riccó narso njaji iraelitanai, niini corrin natsomitaacawa deepi ricó.

14/21.txt

@@ -0,0 +1 @@
+\v 21 Moise ipiajleta lricaapi Manoá ikjaolre. JLIAJI IMINALRITI icada ooni imjecoacawa caolri kjaidadalri shó iinocada jeerri imotolri njiteo depjite. Cayotsa Dio imjecoca jliaji ooni. \v 22 Njaji Iraelnai naawa ooni ipamoyoaca lrico jiipai metá-dalri naco. Panti iwai-shoca narso jliaji ooni atsiajliemajle njite inarroema naco tsakja.

14/23.txt

@@ -0,0 +1 @@
+\v 23 Njaji egipcionai naawa njapodam. Napinetana Manopa ipamoyoaca lrico tsakja, pjiomi njaji Faraón icaballon, njeco carrofiape, njite njaji atsianai iacape caballo nacó. \v 24 Njite jaalreca ikjaolre nacojlena, Dio icapa naikjaolre njaji tsolrodao aimadan egipcionai tiyé jalripá-dalri nakjoite njite iyadaoca nakjoite, niini Lrimanalrietaca nawapiakje njaji egipcionai. \v 25 Njeco carrofiape jiipa irocawa jotojotópalri ricó njite jirrapitinaca narso njaji shecocape nanaco ná-carro kjeyawa. Niini naaco njaji egipcionai, ''warsa wapito naoya njaji Iraelitanai, ima JLIAJI IMINALRITI inoacacawa naikjaote wakjoete.''

14/26.txt

@@ -0,0 +1 @@
+\v 26 JLIAJI IMINALRITI iaco Moise irso, ''pipiajleta picaapi mnoá naccojle lriitá-carro njaji egipcionai, neeco carrofiape njite njaji atsianai iácapewa caballo nacó.'' \v 27 Ikena Moise ipiajletaca lricaapi Manoá nacojle, niini jliaji ooni jlidiá lritacacawa tsenakja jaalre cádanacoenawa. Napitotjawa njaji egipcionai Manoá ipamoyoaca lrikjoite, njite JLIAJI IMINALRITI lricadaa naacarroa lripamoyoaca lrico. \v 28 Lridiá lritaacawa jliaji ooni njite lriitaca njaji Faraón sheco carrofiape, njaji atsianai yacapewa caballo nacó, njite pjiomi njaji tsolrodaonai aimadan iacapewa njapodam njaji njeco carrofiape Manoá lricojle. Corrin yomje pada.

14/29.txt

@@ -0,0 +1 @@
+\v 29 Njite cadana njaji iraelitanai naawametadalri ricotsa Manoá ipamoyoaca lricó. Njite panti iwai shoca narso jliaji ooni nayekema nacojle njite inarroema nacojle tsakja. \v 30 Cayotsa Dio iyomjetaca njaji Iraelnai jliadaa jecoapi naoya njaji egiocionai, njite njaji Iraelnai nacapa nadadami njaji egipcionai Manoá inomapi nacojle. \v 31 Njite njaji Iraelnai, nacapa cádanaco Dio jída nakjoete njaji egipcionai, ikema naaca matsiadalri Dio irso, njite nacadaa nacaolre Lrinaco JLIAJI IMINALRITI njite lrirsodalri Moise nacó.

15/01.txt

@@ -0,0 +1 @@
+\c 15 \v 1 Njite Moise icantaca naapiya njaji Iraelnai aimadan wa-Minalri irso, cayo naaco nacantaca: ''No-cantaca no-Minalri irso, ima Jliametacana matsiadalri shó; Lripeeco ooni macapawan ricojle nja caballo njite njaji shecojicape nanacó.

15/02.txt

@@ -0,0 +1 @@
+\v 2 No-cantaca lrinaco jliaji no-Minalri yaacada norso jidaati, njite jliatsa jliaji iyomjetacadaca njoa. Noaca Lrirso matsiadalri ima icatsa noDioteca, njorreta Lripitana jliaji njonirri iDiote. \v 3 Oowi kjaidadalrica jliaji no-Minalri, icatsa Lriipitanaca, IMINALRITI.

15/04.txt

@@ -0,0 +1 @@
+\v 4 Lripeeco manoá lricojle Faraón shecoji carrofiape njite njaji lri-tsolrodaonai aimadan. Njaji tsolrodaonai caconaperri Faraón iniwanaji, oopi naticomawa Manoá Irraidalri ricó. \v 5 Ooni itacana; njite nawirriñawa ooni itjewacaca lricó jiipada capishona.

15/06.txt

@@ -0,0 +1 @@
+\v 6 Pjia noMinalri matsiadalri, jliaji Picaapi atsialriemadalri kjaidadalricani niini pinaitja matsia lrishó, no-Minalri, opi Pimatsiketa njaji picoema. \v 7 Jidaati mataita canadalri shó pjiameta njaji jinicolriwa Pikjoete. Picadaa Pírroa jiwaca nanaco niini lrimjaitacana tidoapapje shó. \v 8 Pipjiá cádanaco caolri pjitaco shó piwaketaca pjiomi njaji ooni, njite manitsa nerrocawa njaji oniñokja; njite corrinatsa ooni imotocawa ooni macapawan lrikjoite.

15/09.txt

@@ -0,0 +1 @@
+\v 9 Lriaco jliaji wacoema: ''Nopinetaotsana, noawatsa njopana njite nowatsa warsowaaca njaji njotaji naoya; nonaitjaotsa narso cayoji nooma capisho nonaitjaca, njotaotsa nomatsetani njite nowayaketa caotsana nocaapi shó. \v 10 Mitsa Pipjiacana Picaolrini shó njite icaamitsa ooni iitacana, nawirriñawa mocafe shó tjewacacawa ricó. \v 11 Corrin pacapa pada, wa-Minalri Picayoshó-dalri napecolrico njaji apana dionai, kjaidadalri, mamatsicanaa dalritsa nanda irso matsiadalri Pimatsiaca ima, inaitjacada manaitja canadalri.

15/12.txt

@@ -0,0 +1 @@
+\v 12 Pipiajleta naikjaolre picaapi piyekema dalri, njite icaamitsa jiipai iñjacana. \v 13 Matsia capoa Pjia pidee matsiatsa njaji pinaikite aimadan Piyomjetaji. Pjiida kjaidadalri sho Pideena piipana matsiadalri ricó, Piofacawa lricojle.

15/14.txt

@@ -0,0 +1,2 @@
+\v 14 Njaji apana inaiki njemiotsa pinaco, njite
+natetjecaotsa, njite njaji filisteonai nafiocaotsawa pekirritsa. \v 15 Nafiocaotsawa njaji Edom lricoperri iapiyawalri; natetjecaotsa njaji tsolrodaonai Moab lricope; njite napocotacaotsawa njaji inaiki Canaán lricope iofawa.

15/16.txt

@@ -0,0 +1 @@
+\v 16 Nafiocaotsa pekirritsa njaji inaiki nacapa capoa Pjiida, paafe tsaotsa naofacawa jiipada shó a kjerrecaotsa njeyapawa pjiomi njaji Pinaikite aimadan, No-Minalri, njaji inaiki piyomjetaji.

15/17.txt

@@ -0,0 +1 @@
+\v 17 Pidecana Picadá-carro naofawa jiipana nacó Poicadanda narso, Pinaitjacawa lrico Piipana, No-Minalri, piofacarrodao, Pinaitjandatsa No-Minalri picaapi shó. \v 18 Caidalriwenatsa pitalricanaataca.

15/19.txt

@@ -0,0 +1,2 @@
+\v 19 Ima njaji Faraón icaballon perre oopi njewawa ooni lricojlena nacarretan yaapiya njite njaji inaiki
+idejicape piana. Waminalri icadaa ooni iitacana. Mitsa njaji iraelitanai naawa metacawa lricotsa jiipai macapawan ipamoyoaca lricó. \v 20 Rsoaji inoparrotacada Miriam, aarón iwedoa, rsopa nakjematanda tambor shoperri njite pjiomi njaji inaitjepe njepa tsakja tambor roinai, njite narrapaca roinai. \v 21 Miriam icanta naapiya: Icanta wa-Minalri irso, Ima Jliametacana matsia. Lripeeco nja caballo njite njaji shecojicape nanaco manoá lricojle.''

15/22.txt

@@ -0,0 +1 @@
+\v 22 Njite Moise ideecana napeyajlewa Manoá irraidalri nakjoite. Naawa jalrapocolri Shur ikjaolre. Naawa madalridaa jecoapi jalrapocolri ricojle njite corrin naoketaca ooni. \v 23 Njite naocawa Mara lricojle, mitsa corrin nataita nairraca ooni níni ima jipitíajai-cani. Niini nacadaaca lriipitanao niini, Mara.

15/24.txt

@@ -0,0 +1 @@
+\v 24 Niini kerroacana Moise irso njaji inaiki, naaco lrirso: ''¿Cocaotsa wairra?'' \v 25 Moise iatatja Dio iinai, njite Dio icañjata lricapa apana jaico. Moise ipeeco jlaij jaico ooni ricojle ikena potiyaca jlaiji ooni nataitá carroena nairraca. Icatsa niinica Dio icadaa kena narso njaji yaacoti kjaidaperri , icatsakja Dio iwicawa piana niinina. \v 26 Dio icaite narso: ''Jimi cadaotsa matsia jliaji iMinalri Dio icaiterri irso, njite inaitja cayoji lricaite capisho Lripeyajle, iwapa jimi matsia iicao coajica nacaiteca njaji yacoti Nocadaalri irso inaitjá-carro cayoji nacaite capoisho njaji yaacoti kjaidaperri, corriotsa nocadaa carroca inaco njaji maatsiperri nocadaalri nanaco njaji Egipto lricope, ima Njoa iMinalri nomatsietaotsa shá naoya.''

15/27.txt

@@ -0,0 +1 @@
+\v 27 Njite njaji inaiki aimadan naocawa Elim nacojle, niinicawa doce onipaokja njite setenta manakjepi. Icatsa naacatoa naofawa niinio tsoomi ooni icodapi.

15/title.txt

@@ -0,0 +1 @@
+Capítulo 15 (Moise icantandam)

16/01.txt

@@ -0,0 +1 @@
+\c 16 \v 1 Njaji inaiki aimadan naawa Elim nakjoite njite naoca pjiomi njaji Iraelnai jalrapocolri ricó Sin lricodalri, jliaji Elim njite Sinai ioyawaaca-dalri, yamanja semana nacó, yaamapi kerri shapodam namoto cayamiwa Egipto lrikjoite. \v 2 Njite pjiomi njaji Iraelnai caacopedana Moise ikjoete njite Aarón ikjoete tsakja jalrapocolri ricó, \v 3 naaco narrso: ''Matsiatsantja a-catsa Dio íno fa Egipto lricotsa waofa cádanaco wayanan icodapi waiñja cádanaco peetje akjerreca kepinaape fa matsia. Mitsa shá ideeca fa jalrapocolri ricojle inó-carro fa maawitacai sho pjiomi faa.''

16/04.txt

@@ -0,0 +1 @@
+\v 4 Njite Dio icaite Moise irso: ''Nocadaotsa peetje jiwacawa eenolrokjoite íyao shó irso. Njaji inaiki aimadan naniwaotsa naiñjawa lricoatsa naiñjaoda padaa jecoapi jalredaoca icoam nowí-carro nocapa njeepa catsa Noaco o corrin. \v 5 Sei jalredaoca nacó dekjaotsa narsotsa naniwaca yamadaa icoa lrioya jliaji naniwalri jalredaoca icoam, njite nayanacaotsa njaji nadeerri.''

16/06.txt

@@ -0,0 +1 @@
+\v 6 Njité-dalri Moise njite Aarón icaite njaji inaiki aimadan iraelitanai: ''Dainoma watsa yají wa-Minalrica jliaji jitalri shá Egipto lrikjoite. \v 7 Piyompinaco watsa icapa Dio imatsiaca, Jlimintsa irso caacope cádanaco shá Lrikjoete. Cotsa cocaca fá caacoperri shá warso.'' \v 8 Moise icaite pjaa narso: ''Yají watsa lrinaco jliaji wa-Minalri Lriá cádanacoatsa irso ipeti dainomajle njite peetje piyompinaco njite mapji tsaotsa iñjaca, ima Jlimintsa coajica caacopedaca shá Lrikjoete. Cotsa coca noa Aarón iapiya. Cotsa wakjoeteca jliaji icaitepeji, wa-Minalri ikjoete dekja.'

16/09.txt

@@ -0,0 +1 @@
+\v 9 Moise iaco Aarón irso: ''Picaite narso njaji iraelitanai iofacapewa papocope: ''Itsomita jliaji wa-Minalri, ima Jlimjica coajica icaitepejican.'' \v 10 Njite cáco cádanacotoa aarón narso njaji papocoperri iraelitanai, nacapa cádanaco jalrapocolri ikjaolre njite, nacapaca Dio imatsiaca melremelredalri iyadaoca nacó. \v 11 Njite caacoca Dio Moise irso, Lriaco: \v 12 ''Njominina coajica nacaiteca njaji Iraelnai. Caaco pjia narso cayoji: ''Jliada dainoma-ca jliaji iñjaaotsa ipeti, njite piyompinaco iñjawatsa peetje atee kepinapeca shá. Niniotsa yajíwatsa icacatsa IMINALI Dio-ca Njoa.''

16/13.txt

@@ -0,0 +1 @@
+\v 13 Niini dainomajlena corrowao imaimaca iorroco naikjaolre njite pakjamina nemaacawa lrico. Piyompinacotoa itamana jiwao nemacawa iwaida nacó. \v 14 Yami cádanacoena jliaji itamana, ikena njepaacacawa matsia njaji itamana jiwalri jiipai iecoa nacó. \v 15 Nacapa cádanacona njaji Iraelnai, naaco narsowaaca: ''+Cocao njaji?''Corri piatsa nanjí cocacana. Moise iaco narso: ''Icatsa peetjeca njarra wa-Minalri icadaji irso iñjá-carro.

16/16.txt

@@ -0,0 +1 @@
+\v 16 Icatsa Dio icateca nanaco cayoji: ''Irsotsa iniwaca itsowawa icoanamitsa, lricoatsa itaitacawa iñjaca pjiomi. Yamaitapeotsa jipaca icoana coshoapacatsa imaimaca iipana lrico. \v 17 Njite njaji Iraelnai aimadan nanaitja cayó. padapena jipa aima pja padape jipa tsopatsa. \v 18 Njite nawi cádanacoena njaji injaodati njepalri, coshoca njaji jipacape aima pja njite njaji jipalri tsopjatsa, njite lricoatsa naiñjaca matsia pjiomi njaji naapana lricope. Ima naniwaca lricoatsa narsowao.

16/19.txt

@@ -0,0 +1 @@
+\v 19 Moise iaco pja narso: ''Corriotsa pada itaita icadaca lrinakjoite tjewaijle icaona.'' \v 20 Mitsa, corrin njemica Moise irso. Padapena nacadatoa nanakjoite tjewaijle icaona, mitsa keshenca naoyana icaamitsa matsicana. Niini kerroaca Moise narso. \v 21 Naniwa naiñjao piyompinaco icoami. Nacoamitsa njaji inaiki naniwaca lricoatsa naiñjaca padaa jecoapi. Jamo cádanacoena jeerri naicao icamitsa nacodocawa.

16/22.txt

@@ -0,0 +1 @@
+\v 22 Vierne lrico, njaji inaiki naniwa yamapiape lrioya jliaji naniwalri mana, cotroitape padape inaiki irso, njite njaji njewidapoco naa nacaite Moise irso jliaji nanaikite inaitjalri. \v 23 Moise iaco narso: ''Cayo lricaiteca jliaji wa-Minalri: ''Sábado tjewa, wawafetacawa pjiomi, waacawa matsiadalri wa-Minalri irso. Imerritaotsa njaji irsolritsa imerritaca, njite iyanaotsa njaji irsolritsa iyanaca. Pjiomi njaji netemi, tecojletsaotsa icadaacana tjewaijle ipia.''

16/24.txt

@@ -0,0 +1 @@
+\v 24 Njite nacadaa tecojletsa njaji tewaijle ipaope, cayotsa Moise icaite capisho narso. Corrin maatsicana, corrin tsakja keshenca naoyana. \v 25 Moise iaco narso: ''Iñjenaotsa jliaji iñjaope panaya, ima fenitandaca jliaji jalredaoca wawafetá-carro njite wá-carro matsiadalri wa-Minalri irso. Yaa cadantja ioma petje panaya, corritsa ioketá-carroca panaya.

16/26.txt

@@ -0,0 +1 @@
+\v 26 Sei jalredaoca idiajicawa iniwa iñjaope, mitsa siete jalredaoca nacó icatsa wawafeta carroda can. Njite jliadaa jecoapi corriuotsa pacapá carroca peetje iniwaoda.'' \v 27 Padapena natja naoma peetje nawafeta carroda lrico, mitsa corrin coca naoketa.

16/28.txt

@@ -0,0 +1 @@
+\v 28 Njite Dio icaite Moise irso: ''¿Coancaojli pjenaotsa pa njeepa noaco njite nanaitja cayoji noaco kjaidaperri icaite capisho? \v 29 Wa-Minalri iicadaa padaa jalredaoca iwafetá-carro. Niini vierne nakjoite lricadaa iniwá-carro peetje yanadaa icoa. Caishopa corrin coca itaita imotocawa iofacawa lrikjoite sábado lricó.'' \v 30 Niini njaji inaiki nawafetawa sábado lrico.

16/31.txt

@@ -0,0 +1 @@
+\v 31 Njaji Iraelnai nacadaa lriipitanao jliaji peetje, ''maná.'' Jaalredalricani cayoji mjeti papeetanda matsia njite lrijoica cayoji mjetita panaitjanda mapa idon fie. \v 32 Moise icaite pjaa narso: ''Cayo wa-Minalri inaa wanaitjaca: ''Imatsietaotsa paita peetje macaite maná-pe nacapá carroatsa njaji inaiki aimadan walricomanai, nacapá carroatsa njaji inakjoité-perri jliaji peetje Nokeñjawalri pia isho shá jalrapocolri ricó, Njota cayami Egipto jipaite lrikjoite.''

16/33.txt

@@ -0,0 +1 @@
+\v 33 Moise iaco Aarón irso: ''Ioma pada lriarrodao jliaji peetje macaite njite shetaotsa lri-ricodan. Pimatsietaotsani matsia Dio ipeyajle nacapá carroatsa njaji walricomanai fapodamperrim.'' \v 34 Njite lrinaitja cayotsaji Dio icaite capisho Moise irso, Aarón imatsietani lricodapitsa jliaji nacadaacawa njaji yaacoti kjaidaperri nanaitjashopa yaacoti nainaiwaaca, patowa lrico. \v 35 Iraelitanai iñja maná coarenta walria nacó akjerreca naocawa pada jiipai nacojle caminalri-perrina, naiñja maná akjerreca naocawa jiipai Canaán jinaa iocacawa. \v 36 Coatro kilo icoa jliaji peetje maná-pe namatsietalri pia.

16/title.txt

@@ -0,0 +1 @@
+Capítulo 16 (Peetje Maná)

17/01.txt

@@ -0,0 +1 @@
+\c 17 \v 1 Pjiomi njaji iraelita poco naawa jalrapocolri Sin nakjoite, nanaitja cayoji Dio inaa capisho nanaitjaca. Naoca naofaa Refidim lricó, mitsa niini corrin pacapa ooni nairro njaji inaiki. \v 2 Niini njaji inaiki nacaite Moise-ca irso maatsicalri, naaco lrirso: ''Pioma wairrao ooni.'' Moise iaco narso: '' ¿Coada kerroa shá noinai? ¿Coada iometa jliaji wa-Minalri?'' \v 3 Njaji inaiki naoma nairrao ooni matsiná, niini cacocana Moise ikjoete, naaco lrirso: ''¿Coada pjita fá Egipto lrikjoite piinó-carro, weenipe njite wápirra meeta capoa wacaolre?''

17/04.txt

@@ -0,0 +1 @@
+\v 4 Njite Moise iwana Dio ikjaolre: ''¿Coaji nonaitjaca naapiya njaji inaiki aimadan. Njite wadeepena nainoca njoa jiipada shó?'' \v 5 JLIAJI IMINALRITI iaco Moise irso: ''Warsa piawa napjeya njaji inaki aimadan, njite pidee padapena pekipenai Irael lricoperri piinaiwa. Pideewatsa jliaji pipjeeco piñashopa pia ooni. \v 6 Áwatsa noa Nowapa pjia pipeyajle lrinaco jliaji jiipada Horeb lricoda, piñá watsa jliaji jiipada niiniotsa ooni imotocawa lrioya irrá carroatsa.'' Cayotsa Moise inaitjaca nacaptsa njaji pekipenai Iraelita. \v 7 Lricadaa lripitanao niini Masah (iwikjeti) njite Meribá (icaitepekjeti) nacaitepeji capoa njaji iraelitanai njite naometa capoa wa-Minalri nacaite cádanaco cayoji: ''¿Capja wainaica wa-Minalri o corrin?''

17/08.txt

@@ -0,0 +1 @@
+\v 8 Njite papoco tsolrodaonai amalecita íno nakjoete njaji Iraelnai Refaín lrico nainó carrona. \v 9 Njite Moise iaco Josué irso: ''Piniwana apepena atsianai njite piá pinoacawa Amalec ikjoete. Tjewaotsa noa noemawa jiipana ípolrico nacó njite njopaotsa nocaapi ricó jliaji Dio ijaicoapote.'' \v 10 Josué inoacawa Amalec ikjoete cayotsaji Moise inaa capishoni, Moise jirra cadana wa jiipana nacojle Aarón yapiya njite Hur tsakja nainai.

17/11.txt

@@ -0,0 +1 @@
+\v 11 Moise jirreta cadaa nja lrinaapa, Irael shameta nacoema; njite lriorrocoeta cada nja lrinaapa lriwafetá-carrotoa, Amalec yametana. \v 12 Maapji cádanaco Moise inaapalrico, Aarón njite Hur njepada pada jiipada nacadaacarro Moise iofá carrodao. Njite Aarón, Hur yaapiya njerreta Moise inaapa lricó, pada jirreta peema njite pada jirreta tsakja pema. Icatsa cayoji yenonrse catsa mananitsa njaji Moise inaapa akjerreca deepi naicao. \v 13 Cayotsa Josué shametaca njaji Amalecnai matseeta sho.

17/14.txt

@@ -0,0 +1 @@
+\v 14 JLIAJI IMINALRITI iaco Moise irso: ''Pidanaotsa njaji paperra lrico njite pilee watsa Josué jimí-carro, ima corrinatsaotsa cocá carroca yají Amalec nacó eeno yapjite.'' \v 15 Njite Moise jirreta apana yenondalrida jiipada njite lricadaa lriipitanao ''Notjinaadaca JLIAJI IMINALRITI,.' \v 16 Lriaco cayoji: ''Ima jliaji wa-Minalri jirretaca Lrinaapa pema lriofa carroda nackjoite, Lrinaitja caotsa oowi Amalec ikjoete caidalriwetsa.''

17/title.txt

@@ -0,0 +1 @@
+Capítulo 17 (Ooni imotoa jiipada lrikjoite)

18/01.txt

@@ -0,0 +1 @@
+\c 18 \v 1 Jetro, sacerdote madian lricó, Moise iñjawerri, jlimica pjiomi coajica Dio inaitjaca Moise ikjaote njite lrikitsiñape Iraelnai aimadan ikjaote tsakja. Jlimica wa-Minalri jitaca njaji Iraelnai Egipto lrikjoite. \v 2 Jetro, Moise iñjawerri, jlipa lridee rsoaji Sefora, Moise iino, ima Moise imeenaca piacano rsonirri iipana lricojle, \v 3 lridee tsakja njaji yamada lrienipe; Gersón lriipitana jliaji pada, ima Moise icaite piaca: ''Ima tekjoite-dalrica njoa njepaite ricó njaji apanatsa inaiki.'' \v 4 Eliezer lriipitana jliaji pada, ima Moise icaite piaca: ''Noferrinaipemi iDioteca jliaji ikitsindatalri njoa. Lriyomjetaca njoa Faraón imatsetani ioya.''

18/05.txt

@@ -0,0 +1 @@
+\v 5 Jetro, Moise iñjawerri, iocawa Moise iderse naapiya njaji lrienipe njite lriito, Moise iino naofacawa lricotoa jalrapocolri ricó Dio iawacada nacojle. \v 6 Lriaco Moise irso: ''Njoa, piñawerri Jetro, nonoca piderse naapiya njaji pienipe njite piino.''

18/07.txt

@@ -0,0 +1 @@
+\v 7 Moise imoto icoadata lriñjawerri, lricoajawa lrikjaolre, njite lritsootsoca lricacoda nacó. Natatjacawa narsowaaca coajicana njite njewawa pantita lricojle. \v 8 Moise icaite lriñjawerri irso coajica Dio inaitjaca Faraón irso njite egipcionai irso matsiá-carro njaji Iraelnai, njite pjiomi njaji jirrapitinaaperri njeyapalri inacó nano cayawa inipolrico, njite coajica wa-Minalri iyomjetana.

18/09.txt

@@ -0,0 +1 @@
+\v 9 Catiima Jetro jimica nanaco njaji matsiaperri wa-Minalri inaitjalri Iraenai ikjaote, coajica Lriyomjetacana naoya njaji egipcionai. \v 10 Jetro icaite: ''Waaca matsiadlri WAMINALRI irso, ima Lriyomjetaca shá egipcionai ioya njite Faraón ioya tsakja, njite Lriwataca njaji aimadan egipcionai ioya. \v 11 Panaya dekja noají kjaidadalri pjaaca jliaji IMINALRITI naoya njaji idolonai, njite Dio iyomjeta njaji Lrinaikite Iraelnai naoya njaji egipcionai jirrapiteta kjeti ioya.''

18/12.txt

@@ -0,0 +1 @@
+\v 12 Jetro, Moise iñjawerri, idee ofrenda lrimjaitanda njite lriino maaficalri Dio irso. Aarón njite pjiomi njaji pekipenai caconaperri Irael lricope náno naiñja Dio ipeyajle Moise iñjawerri iapiya.

18/13.txt

@@ -0,0 +1 @@
+\v 13 Njite tjewaijle, Moise iofá jími narso njaji inaiki aimadan njite lricaité-carro naacona. Njaji inaiki aimadan neemawa Moise iwaida nacó, piyompinaco nakjoite atee deepi nacojle. \v 14 Njite Moise iñjawerri icapa cádanaco jliaji Moise inaitjalri naikjaote njaji inaiki aimadan, lriaco lrirso: ''¿Cocao jliaji pinaitjalri naapiya njaji inaiki aimadan? ¿Coada pideji pjiwacatsa njite njaji inaiki aimadan natsomita pjia piyompinaco nakjoite atee deepi nacojle?''

18/15.txt

@@ -0,0 +1,2 @@
+\v 15 Moise iaco lriñjawerri irso: ''Njaji inaiki
+aimadan náno noderse natatjá-carro njemio naicaowa coaji carro Dio ikitsindatana. \v 16 Nainoaca cádanacoa nakjoete waaca, náno noderse. Njite nocaiteca coajica nanacó, njite nocanantana njaji Dio inaalri wanaitjaca njite njaji Lriaco kjaidáperri.

18/17.txt

@@ -0,0 +1 @@
+\v 17 Njite Moise iñjawerri iaco lrirso: ''Cotsa matsialrica pirso cayoji pinaitja capishó. \v 18 Kjeyaotsa maapjica pjia njite njaji inaiki aimadan piinaiperri. Aima calretsa jliaji idejikjeti pinaitjalri. Cotsa pitaitá carroca pjiwacatsa lrikjoete jliaji idenjikjeti. \v 19 Pjimiotsa norso nocaiteca pjia, njite Dio watsa ikitsindataca pjia, ima pjiaca jliaji naoyawalre njaji inaiki aimadan Dio ipeyajle, pjienaotsa icaite namatsicanaa njaji inaiki Dio irso. \v 20 Icaamitsaotsa picanantacana lrinaco jliaji Dio inaalri wanaitjaca njite njaji Lriaco kjaidá-perri. Pirsotsa picanantacana coajica nanaitjaca matsia njite jliaji idenjikjeti narsolritsa nanaitjaca.

18/21.txt

@@ -0,0 +1 @@
+\v 21 Njite piniwanaotsa njaji atsianai nanakjoite njaji inaiki aimadan canjikjé-perri, inaitjacape matsia Dio irso, ajádalri-perri, corri perri icapa matsia apjetsida irsotsa naoya nja paana. Picadaotsana njewidapó carrona nanaco njaji mil perri inaiki, apepena cien nacó, cincoenta nacó njite die nacó tsakja. \v 22 Njaotsa icaite namatsicanaa nanacó njaji inaiki aimadan nanaitjalri jalredaoca icoam, mitsa njaji matsinaa perri pjá pjiá watsa icaite nanacó. Njaji imatsicanaati corri perri matsinarri, njatsa icaiteca coajica nanacó. Niniotsa corrin watsa jirrapitina-calre pirso, ima nakitsindataca pjia njaji inaiki pidejicalre ricó. \v 23 Pinaitja cadaa cayo, njite Dio inaa pinaitjacani, pitaitaotsa lrokjoete jliaji idenjikjeti, njite catiimawatsa nadiacawa njaji inaiki naapana lricojlé.

18/24.txt

@@ -0,0 +1 @@
+\v 24 4Moise jimi lriñjawerri irso njite lrinaitja cayoji lricaite capisho lrirso. \v 25 Moise iniwana atsianai canjikjé-perri nanakjoite njaji Iraelnai njite lricanaadana njewidaapoa njaji mil perri inaiki, cien nacó, cincoenta nacó njite die inaiki nacó tsakja. \v 26 Nacaite namatsicanaa nacó njaji inaiki, njaji tsodalripetsa. Njaji imatsicanaati pekirri-dalri pja nadeeni Moise ikjaolre, mitsa njatsa icaite namatsicanaa naco tsodalripetsa nanaco njaji inaiki aimadan. \v 27 Jliapodamina Moise icadaa lriñjawerri idiawa, niini Jetro idiacawa jlipaite lricojle.

18/title.txt

@@ -0,0 +1 @@
+Capítulo 18 (Jetro, yaa icapa Moise iderse)

19/01.txt

@@ -0,0 +1 @@
+\c 19 \v 1 Madalripi kerri shapodam namoto cayami Egipto jipaite lrikjoite njaji Iraelnai, naocawa jalrapocolri Sinaí lricoda. \v 2 Naawa Refidin lrikjoite naocá carroa jalrapocolri Sinaí lricojle, njite naoca naofatoa lricodapi jliaji jiipana.

19/03.txt

@@ -0,0 +1 @@
+\v 3 Moise jirrawa lrinaco jliaji jiipana, njite caacoca Dio lrirso lrinakjoite jliaji jiipana. lriaco lrirso: ''Picaiteotsa narso njaji Jacob ípaneta, njaji Iraelnai aimadan: \v 4 Icapjenina coajica Nonaitjaca narso njaji Egipto lricope, njite cadaana nodeeca shá pérri inapje nacó Nodee-carro shá Noikjaolrewa. \v 5 Njite panaya, jími cadaa noaco, shepa jliaji nocaterri irso njite inaitja inaitja cayoji noaco icaite capisho yaapiya, niniotsa noyarrope imatsiaca caotsa shá nanakjoite njaji paana inaiki imaimaca jalredaoca lricoperri, ima Noyaarropeca pjiomi njaji jalredaoca lricoperri. \v 6 Papoco sacerdotenai kjaidá perrica sha njite pacoa inaiki shenitaacacapewa Norso. Icatsaotsa njaji yaacoti pirsolriotsa picaiteca narso njaji nonaikite Iraelnai.''

19/07.txt

@@ -0,0 +1 @@
+\v 7 Njite Moise iwakeeta njaji pekipenai caconaperri narso njaji inaiki aimadan. Lricaite jlimi narso pjiomi njaji yácoti Dio inaalri lricaiteca narso. \v 8 Njite pjiomi njaji inaiki njeepani pacoaca, naaco. ''Wanaitjaotsa pjiomi njaji wa-Minalri inaalri wanaitjaca.'' Njite Moise iawa Dio ikjaolre lricaité-carro Jlimi coajica naaco njaji inaiki aimadan. \v 9 JLIAJI IMINALRITI iaco Moise irso: ''Nonoatsa pikjaolre iyadaoca lricó njemí carroatsa njaji inaiki aimadan caaco cádanacoatsa Njoa piapiya, njeepá carro tsakjaotsa pjia caidalriwetsa.'' Njite Moise icaite Dio irso coajica naaco njaji inaiki aimadan.

19/10.txt

@@ -0,0 +1 @@
+\v 10 JLIAJI IMINALRITI iaco Moise irso: ''Pidiá picaite njaji inaiki aimadan. Panaya njite tjewena, pienitaotsana Norsona, njite pinaotsa nacotsoca natayani. \v 11 Matsia carroenaotsana madalridaa nacó jalredaoca, ima madalridaa nacó Njoá, IMINALRI, noorroco caotsa lrinaco jliaji Jiipana Sinai.

19/12.txt

@@ -0,0 +1 @@
+\v 12 Pikjenanataotsa lriwaida nacó jliaji jiipana naocacawa njaji inaiki. Picaiteotsa narso: ''Icapaotsa itsoomitaca jliaji Jiipana o inotaca jliaji jliipoco. Ima coca cadalotsa inotani lrirsotsa mayamicani. \v 13 Corriotsa inótá carroca jliaji inaiki. Irsotsa iinocani jiipada sho o iyawitacani. Maaficalri cada o inaiki cadaa lrirsotsa mayamicani. Njemi cádanacoatsa trompoeta imaolrena kjaida njite jalripa, icatsaotsa narsotsa natsomitaca jiipana ipocoda nacó.''

19/title.txt

@@ -0,0 +1 @@
+Capítulo 19 (Iraelitanai iocawa Sinaí lrico)

manifest.json

@@ -188,6 +188,68 @@
 		"13-14",
 		"13-17",
 		"13-19",
-		"14-title"
+		"14-title",
+		"14-01",
+		"14-04",
+		"14-06",
+		"14-10",
+		"14-13",
+		"14-15",
+		"14-19",
+		"14-21",
+		"14-23",
+		"14-26",
+		"14-29",
+		"15-title",
+		"15-01",
+		"15-02",
+		"15-04",
+		"15-06",
+		"15-09",
+		"15-12",
+		"15-14",
+		"15-16",
+		"15-17",
+		"15-19",
+		"15-22",
+		"15-24",
+		"15-27",
+		"16-title",
+		"16-01",
+		"16-04",
+		"16-06",
+		"16-09",
+		"16-13",
+		"16-16",
+		"16-19",
+		"16-22",
+		"16-24",
+		"16-26",
+		"16-28",
+		"16-31",
+		"16-33",
+		"17-title",
+		"17-01",
+		"17-04",
+		"17-08",
+		"17-11",
+		"17-14",
+		"18-title",
+		"18-01",
+		"18-05",
+		"18-07",
+		"18-09",
+		"18-12",
+		"18-13",
+		"18-15",
+		"18-17",
+		"18-21",
+		"18-24",
+		"19-title",
+		"19-01",
+		"19-03",
+		"19-07",
+		"19-10",
+		"19-12"
 	]
 }